ஆநந்தமந்தரபுரந்தரமுக்தமால்யம்
மௌலௌ ஹடேந நிஹிதம் மஹிஷாஸுரஸ்ய ।
பாதாம்புஜம் பவது மே விஜயாய மஞ்ஜு-
-மஞ்ஜீரஶிஞ்ஜிதமநோஹரமம்பிகாயாஃ ॥ 1 ॥
தேவி த்ர்யம்பகபத்நி பார்வதி ஸதி த்ரைலோக்யமாதஃ ஶிவே
ஶர்வாணி த்ரிபுரே ம்ரு'டாநி வரதே ருத்ராணி காத்யாயநி ।
பீமே பைரவி சண்டி ஶர்வரிகலே காலக்ஷயே ஶூலிநி
த்வத்பாதப்ரணதாநநந்யமநஸஃ பர்யாகுலாந்பாஹி நஃ ॥ 2 ॥
தேவி த்வாம் ஸக்ரு'தேவ யஃ ப்ரணமதி க்ஷோணீப்ரு'தஸ்தம் நம-
-ந்த்யாஜந்மஸ்புரதங்க்ரிபீடவிலுடத்கோடீரகோடிச்சடாஃ ।
யஸ்த்வாமர்சதி ஸோऽர்ச்யதே ஸுரகணைர்யஃ ஸ்தௌதி ஸ ஸ்தூயதே
யஸ்த்வாம் த்யாயதி தம் ஸ்மரார்திவிதுரா த்யாயந்தி வாமப்ருவஃ ॥ 3 ॥
உந்மத்தா இவ ஸக்ரஹா இவ விஷவ்யாஸக்தமூர்சா இவ
ப்ராப்தப்ரௌடமதா இவார்திவிரஹக்ரஸ்தா இவார்தா இவ ।
யே த்யாயந்தி ஹி ஶைலராஜதநயாம் தந்யாஸ்த ஏவாக்ரதஃ
த்யக்தோபாதிவிவ்ரு'த்தராகமநஸோ த்யாயந்தி தாந்ஸுப்ருவஃ ॥ 4 ॥
த்யாயந்தி யே க்ஷணமபி த்ரிபுரே ஹ்ரு'தி த்வாம்
லாவண்யயௌவநதநைரபி விப்ரயுக்தாஃ ।
தே விஸ்புரந்தி லலிதாயதலோசநாநாம்
சித்தைகபித்திலிகிதப்ரதிமாஃ புமாம்ஸஃ ॥ 5 ॥
ஏதம் கிம் நு த்ரு'ஶா பிபாம்யுத விஶாம்யஸ்யாங்கமங்கைர்நிஜைஃ
கிம் வாऽமும் நிகராம்யநேந ஸஹஸா கிம் வைகதாமாஶ்ரயே ।
யஸ்யேத்தம் விவஶோ விகல்பலலிதாகூதேந யோஷிஜ்ஜநஃ
கிம் தத்யந்ந கரோதி தேவி ஹ்ரு'தயே யஸ்ய த்வமாவர்தஸே ॥ 6 ॥
விஶ்வவ்யாபிநி யத்வதீஶ்வர இதி ஸ்தாணாவநந்யாஶ்ரயஃ
ஶப்தஃ ஶக்திரிதி த்ரிலோகஜநநி த்வய்யேவ தத்யஸ்திதிஃ ।
இத்தம் ஸத்யபி ஶக்நுவந்தி யதிமாஃ க்ஷுத்ரா ருஜோ பாதிதும்
த்வத்பக்தாநபி ந க்ஷிணோஷி ச ருஷா தத்தேவி சித்ரம் மஹத் ॥ 7 ॥
இந்தோர்மத்யகதாம் ம்ரு'காங்கஸத்ரு'ஶச்சாயாம் மநோஹாரிணீம்
பாண்டூத்புல்லஸரோருஹாஸநகதா ஸ்நிக்தப்ரதீபச்சவிம் ।
வர்ஷந்தீமம்ரு'தம் பவாநி பவதீம் த்யாயந்தி யே தேஹிநஃ
தே நிர்முக்தருஜோ பவந்தி ரிபவஃ ப்ரோஜ்சந்தி தாந்தூரதஃ ॥ 8 ॥
பூர்ணேந்தோஃ ஶகலைரிவாதிபஹலைஃ பீயூஷபூரைரிவ
க்ஷீராப்தேர்லஹரீபரைரிவ ஸுதாபங்கஸ்ய பிண்டைரிவ ।
ப்ராலேயைரிவ நிர்மிதம் தவ வபுர்த்யாயந்தி யே ஶ்ரத்தயா
சித்தாந்தர்நிஹிதார்திதாபவிபதஸ்தே ஸம்பதம் பிப்ரதி ॥ 9 ॥
யே ஸம்ஸ்மரந்தி தரலாம் ஸஹஸோல்லஸந்தீம்
த்வாம் க்ரந்திபஞ்சகபிதம் தருணார்கஶோணாம் ।
ராகார்ணவே பஹலராகிணி மஜ்ஜயந்தீம்
க்ரு'த்ஸ்நம் ஜகத்தததி சேதஸி தாந்ம்ரு'காக்ஷ்யஃ ॥ 10 ॥
லாக்ஷாரஸஸ்நபிதபங்கஜதந்துதந்வீம்
அந்தஃ ஸ்மரத்யநுதிநம் பவதீம் பவாநி ।
யஸ்தம் ஸ்மரப்ரதிமமப்ரதிமஸ்வரூபாஃ
நேத்ரோத்பலைர்ம்ரு'கத்ரு'ஶோ ப்ரு'ஶமர்சயந்தி ॥ 11 ॥
ஸ்துமஸ்த்வாம் வாசமவ்யக்தாம் ஹிமகுந்தேந்துரோசிஷம் ।
கதம்பமாலாம் பிப்ராணாமாபாததலலம்பிநீம் ॥ 12 ॥
மூர்த்நீந்தோஃ ஸிதபங்கஜாஸநகதாம் ப்ராலேயபாண்டுத்விஷம்
வர்ஷந்தீமம்ரு'தம் ஸரோருஹபுவோ வக்த்ரேऽபி ரந்த்ரேऽபி ச ।
அச்சிந்நா ச மநோஹரா ச லலிதா சாதிப்ரஸந்நாபி ச
த்வாமேவம் ஸ்மரதஃ ஸ்மராரிதயிதே வாக்ஸர்வதோ வல்கதி ॥ 13 ॥
ததாதீஷ்டாந்போகாந் க்ஷபயதி ரிபூந்ஹந்தி விபதோ
தஹத்யாதீந்வ்யாதீந் ஶமயதி ஸுகாநி ப்ரதநுதே ।
ஹடாதந்தர்துஃகம் தலயதி பிநஷ்டீஷ்டவிரஹம்
ஸக்ரு'த்த்யாதா தேவீ கிமிவ நிரவத்யம் ந குருதே ॥ 14 ॥
யஸ்த்வாம் த்யாயதி வேத்தி விந்ததி ஜபத்யாலோகதே சிந்தய-
-த்யந்வேதி ப்ரதிபத்யதே கலயதி ஸ்தௌத்யாஶ்ரயத்யர்சதி ।
யஶ்ச த்ர்யம்பகவல்லபே தவ குணாநாகர்ணயத்யாதராத்
தஸ்ய ஶ்ரீர்ந க்ரு'ஹாதபைதி விஜயஸ்தஸ்யாக்ரதோ தாவதி ॥ 15 ॥
கிம் கிம் துஃகம் தநுஜதலிநி க்ஷீயதே ந ஸ்ம்ரு'தாயாம்
கா கா கீர்திஃ குலகமலிநி க்யாப்யதே ந ஸ்துதாயாம் ।
கா கா ஸித்திஃ ஸுரவரநுதே ப்ராப்யதே நார்சிதாயாம்
கம் கம் யோகம் த்வயி ந சிநுதே சித்தமாலம்பிதாயாம் ॥ 16 ॥
யே தேவி துர்தரக்ரு'தாந்தமுகாந்தரஸ்தாஃ
யே காலி காலகநபாஶநிதாந்தபத்தாஃ ।
யே சண்டி சண்டகுருகல்மஷஸிந்துமக்நாஃ
தாந்பாஸி மோசயஸி தாரயஸி ஸ்ம்ரு'தைவ ॥ 17 ॥
லக்ஷ்மீவஶீகரணசூர்ணஸஹோதராணி
த்வத்பாதபங்கஜரஜாம்ஸி சிரம் ஜயந்தி ।
யாநி ப்ரணாமமிலிதாநி ந்ரு'ணாம் லலாடே
லும்பந்தி தைவலிகிதாநி துரக்ஷராணி ॥ 18 ॥
ரே மூடாஃ கிமயம் வ்ரு'தைவ தபஸா காயஃ பரிக்லிஶ்யதே
யஜ்ஞைர்வா பஹுதக்ஷிணைஃ கிமிதரே ரிக்தீக்ரியந்தே க்ரு'ஹாஃ ।
பக்திஶ்சேதவிநாஶிநீ பகவதீபாதத்வயீ ஸேவ்யதாம்
உந்நித்ராம்புருஹாதபத்ரஸுபகா லக்ஷ்மீஃ புரோ தாவதி ॥ 19 ॥
யாசே ந கஞ்சந ந கஞ்சந வஞ்சயாமி
ஸேவே ந கஞ்சந நிரஸ்தஸமஸ்ததைந்யஃ ।
ஶ்லக்ஷ்ணம் வஸே மதுரமத்மி பஜே வரஸ்த்ரீஃ
தேவீ ஹ்ரு'தி ஸ்புரதி மே குலகாமதேநுஃ ॥ 20 ॥
நமாமி யாமிநீநாதலேகாலங்க்ரு'தகுந்தலாம் ।
பவாநீம் பவஸந்தாபநிர்வாபணஸுதாநதீம் ॥ 21 ॥
இதி ஶ்ரீகாலிதாஸ விரசித பஞ்சஸ்தவ்யாம் த்ரு'தீயஃ கடஸ்தவஃ ।
Roman (IAST) Transliteration
ānandamantharapurandaramuktamālyaṃ
maulau haṭhena nihitaṃ mahiṣāsurasya |
pādāmbujaṃ bhavatu me vijayāya mañju-
-mañjīraśiñjitamanoharamambikāyāḥ || 1 ||
devi tryambakapatni pārvati sati trailokyamātaḥ śive
śarvāṇi tripure mṛḍāni varade rudrāṇi kātyāyani |
bhīme bhairavi caṇḍi śarvarikale kālakṣaye śūlini
tvatpādapraṇatānananyamanasaḥ paryākulānpāhi naḥ || 2 ||
devi tvāṃ sakṛdeva yaḥ praṇamati kṣoṇībhṛtastaṃ nama-
-ntyājanmasphuradaṅghripīṭhaviluṭhatkoṭīrakoṭicchaṭāḥ |
yastvāmarcati so'rcyate suragaṇairyaḥ stauti sa stūyate
yastvāṃ dhyāyati taṃ smarārtividhurā dhyāyanti vāmabhruvaḥ || 3 ||
unmattā iva sagrahā iva viṣavyāsaktamūrchā iva
prāptaprauḍhamadā ivārtivirahagrastā ivārtā iva |
ye dhyāyanti hi śailarājatanayāṃ dhanyāsta evāgrataḥ
tyaktopādhivivṛddharāgamanaso dhyāyanti tānsubhruvaḥ || 4 ||
dhyāyanti ye kṣaṇamapi tripure hṛdi tvāṃ
lāvaṇyayauvanadhanairapi viprayuktāḥ |
te visphuranti lalitāyatalocanānāṃ
cittaikabhittilikhitapratimāḥ pumāṃsaḥ || 5 ||
etaṃ kiṃ nu dṛśā pibāmyuta viśāmyasyāṅgamaṅgairnijaiḥ
kiṃ vā'muṃ nigarāmyanena sahasā kiṃ vaikatāmāśraye |
yasyetthaṃ vivaśo vikalpalalitākūtena yoṣijjanaḥ
kiṃ tadyanna karoti devi hṛdaye yasya tvamāvartase || 6 ||
viśvavyāpini yadvadīśvara iti sthāṇāvananyāśrayaḥ
śabdaḥ śaktiriti trilokajanani tvayyeva tathyasthitiḥ |
itthaṃ satyapi śaknuvanti yadimāḥ kṣudrā rujo bādhituṃ
tvadbhaktānapi na kṣiṇoṣi ca ruṣā taddevi citraṃ mahat || 7 ||
indormadhyagatāṃ mṛgāṅkasadṛśacchāyāṃ manohāriṇīṃ
pāṇḍūtphullasaroruhāsanagatā snigdhapradīpacchavim |
varṣantīmamṛtaṃ bhavāni bhavatīṃ dhyāyanti ye dehinaḥ
te nirmuktarujo bhavanti ripavaḥ projjhanti tāndūrataḥ || 8 ||
pūrṇendoḥ śakalairivātibahalaiḥ pīyūṣapūrairiva
kṣīrābdherlaharībharairiva sudhāpaṅkasya piṇḍairiva |
prāleyairiva nirmitaṃ tava vapurdhyāyanti ye śraddhayā
cittāntarnihitārtitāpavipadaste sampadaṃ bibhrati || 9 ||
ye saṃsmaranti taralāṃ sahasollasantīṃ
tvāṃ granthipañcakabhidaṃ taruṇārkaśoṇām |
rāgārṇave bahalarāgiṇi majjayantīṃ
kṛtsnaṃ jagaddadhati cetasi tānmṛgākṣyaḥ || 10 ||
lākṣārasasnapitapaṅkajatantutanvīṃ
antaḥ smaratyanudinaṃ bhavatīṃ bhavāni |
yastaṃ smarapratimamapratimasvarūpāḥ
netrotpalairmṛgadṛśo bhṛśamarcayanti || 11 ||
stumastvāṃ vācamavyaktāṃ himakundendurociṣam |
kadambamālāṃ bibhrāṇāmāpādatalalambinīm || 12 ||
mūrdhnīndoḥ sitapaṅkajāsanagatāṃ prāleyapāṇḍutviṣaṃ
varṣantīmamṛtaṃ saroruhabhuvo vaktre'pi randhre'pi ca |
acchinnā ca manoharā ca lalitā cātiprasannāpi ca
tvāmevaṃ smarataḥ smarāridayite vāksarvato valgati || 13 ||
dadātīṣṭānbhogān kṣapayati ripūnhanti vipado
dahatyādhīnvyādhīn śamayati sukhāni pratanute |
haṭhādantarduḥkhaṃ dalayati pinaṣṭīṣṭavirahaṃ
sakṛddhyātā devī kimiva niravadyaṃ na kurute || 14 ||
yastvāṃ dhyāyati vetti vindati japatyālokate cintaya-
-tyanveti pratipadyate kalayati stautyāśrayatyarcati |
yaśca tryambakavallabhe tava guṇānākarṇayatyādarāt
tasya śrīrna gṛhādapaiti vijayastasyāgrato dhāvati || 15 ||
kiṃ kiṃ duḥkhaṃ danujadalini kṣīyate na smṛtāyāṃ
kā kā kīrtiḥ kulakamalini khyāpyate na stutāyām |
kā kā siddhiḥ suravaranute prāpyate nārcitāyāṃ
kaṃ kaṃ yogaṃ tvayi na cinute cittamālambitāyām || 16 ||
ye devi durdharakṛtāntamukhāntarasthāḥ
ye kāli kālaghanapāśanitāntabaddhāḥ |
ye caṇḍi caṇḍagurukalmaṣasindhumagnāḥ
tānpāsi mocayasi tārayasi smṛtaiva || 17 ||
lakṣmīvaśīkaraṇacūrṇasahodarāṇi
tvatpādapaṅkajarajāṃsi ciraṃ jayanti |
yāni praṇāmamilitāni nṛṇāṃ lalāṭe
lumpanti daivalikhitāni durakṣarāṇi || 18 ||
re mūḍhāḥ kimayaṃ vṛthaiva tapasā kāyaḥ parikliśyate
yajñairvā bahudakṣiṇaiḥ kimitare riktīkriyante gṛhāḥ |
bhaktiścedavināśinī bhagavatīpādadvayī sevyatāṃ
unnidrāmburuhātapatrasubhagā lakṣmīḥ puro dhāvati || 19 ||
yāce na kañcana na kañcana vañcayāmi
seve na kañcana nirastasamastadainyaḥ |
ślakṣṇaṃ vase madhuramadmi bhaje varastrīḥ
devī hṛdi sphurati me kulakāmadhenuḥ || 20 ||
namāmi yāminīnāthalekhālaṅkṛtakuntalām |
bhavānīṃ bhavasantāpanirvāpaṇasudhānadīm || 21 ||
iti śrīkālidāsa viracita pañcastavyāṃ tṛtīyaḥ ghaṭastavaḥ |
Sanskrit — Devanagari (original)
आनन्दमन्थरपुरन्दरमुक्तमाल्यं
मौलौ हठेन निहितं महिषासुरस्य ।
पादाम्बुजं भवतु मे विजयाय मञ्जु-
-मञ्जीरशिञ्जितमनोहरमम्बिकायाः ॥ 1 ॥
देवि त्र्यम्बकपत्नि पार्वति सति त्रैलोक्यमातः शिवे
शर्वाणि त्रिपुरे मृडानि वरदे रुद्राणि कात्यायनि ।
भीमे भैरवि चण्डि शर्वरिकले कालक्षये शूलिनि
त्वत्पादप्रणताननन्यमनसः पर्याकुलान्पाहि नः ॥ 2 ॥
देवि त्वां सकृदेव यः प्रणमति क्षोणीभृतस्तं नम-
-न्त्याजन्मस्फुरदङ्घ्रिपीठविलुठत्कोटीरकोटिच्छटाः ।
यस्त्वामर्चति सोऽर्च्यते सुरगणैर्यः स्तौति स स्तूयते
यस्त्वां ध्यायति तं स्मरार्तिविधुरा ध्यायन्ति वामभ्रुवः ॥ 3 ॥
उन्मत्ता इव सग्रहा इव विषव्यासक्तमूर्छा इव
प्राप्तप्रौढमदा इवार्तिविरहग्रस्ता इवार्ता इव ।
ये ध्यायन्ति हि शैलराजतनयां धन्यास्त एवाग्रतः
त्यक्तोपाधिविवृद्धरागमनसो ध्यायन्ति तान्सुभ्रुवः ॥ 4 ॥
ध्यायन्ति ये क्षणमपि त्रिपुरे हृदि त्वां
लावण्ययौवनधनैरपि विप्रयुक्ताः ।
ते विस्फुरन्ति ललितायतलोचनानां
चित्तैकभित्तिलिखितप्रतिमाः पुमांसः ॥ 5 ॥
एतं किं नु दृशा पिबाम्युत विशाम्यस्याङ्गमङ्गैर्निजैः
किं वाऽमुं निगराम्यनेन सहसा किं वैकतामाश्रये ।
यस्येत्थं विवशो विकल्पललिताकूतेन योषिज्जनः
किं तद्यन्न करोति देवि हृदये यस्य त्वमावर्तसे ॥ 6 ॥
विश्वव्यापिनि यद्वदीश्वर इति स्थाणावनन्याश्रयः
शब्दः शक्तिरिति त्रिलोकजननि त्वय्येव तथ्यस्थितिः ।
इत्थं सत्यपि शक्नुवन्ति यदिमाः क्षुद्रा रुजो बाधितुं
त्वद्भक्तानपि न क्षिणोषि च रुषा तद्देवि चित्रं महत् ॥ 7 ॥
इन्दोर्मध्यगतां मृगाङ्कसदृशच्छायां मनोहारिणीं
पाण्डूत्फुल्लसरोरुहासनगता स्निग्धप्रदीपच्छविम् ।
वर्षन्तीममृतं भवानि भवतीं ध्यायन्ति ये देहिनः
ते निर्मुक्तरुजो भवन्ति रिपवः प्रोज्झन्ति तान्दूरतः ॥ 8 ॥
पूर्णेन्दोः शकलैरिवातिबहलैः पीयूषपूरैरिव
क्षीराब्धेर्लहरीभरैरिव सुधापङ्कस्य पिण्डैरिव ।
प्रालेयैरिव निर्मितं तव वपुर्ध्यायन्ति ये श्रद्धया
चित्तान्तर्निहितार्तितापविपदस्ते सम्पदं बिभ्रति ॥ 9 ॥
ये संस्मरन्ति तरलां सहसोल्लसन्तीं
त्वां ग्रन्थिपञ्चकभिदं तरुणार्कशोणाम् ।
रागार्णवे बहलरागिणि मज्जयन्तीं
कृत्स्नं जगद्दधति चेतसि तान्मृगाक्ष्यः ॥ 10 ॥
लाक्षारसस्नपितपङ्कजतन्तुतन्वीं
अन्तः स्मरत्यनुदिनं भवतीं भवानि ।
यस्तं स्मरप्रतिममप्रतिमस्वरूपाः
नेत्रोत्पलैर्मृगदृशो भृशमर्चयन्ति ॥ 11 ॥
स्तुमस्त्वां वाचमव्यक्तां हिमकुन्देन्दुरोचिषम् ।
कदम्बमालां बिभ्राणामापादतललम्बिनीम् ॥ 12 ॥
मूर्ध्नीन्दोः सितपङ्कजासनगतां प्रालेयपाण्डुत्विषं
वर्षन्तीममृतं सरोरुहभुवो वक्त्रेऽपि रन्ध्रेऽपि च ।
अच्छिन्ना च मनोहरा च ललिता चातिप्रसन्नापि च
त्वामेवं स्मरतः स्मरारिदयिते वाक्सर्वतो वल्गति ॥ 13 ॥
ददातीष्टान्भोगान् क्षपयति रिपून्हन्ति विपदो
दहत्याधीन्व्याधीन् शमयति सुखानि प्रतनुते ।
हठादन्तर्दुःखं दलयति पिनष्टीष्टविरहं
सकृद्ध्याता देवी किमिव निरवद्यं न कुरुते ॥ 14 ॥
यस्त्वां ध्यायति वेत्ति विन्दति जपत्यालोकते चिन्तय-
-त्यन्वेति प्रतिपद्यते कलयति स्तौत्याश्रयत्यर्चति ।
यश्च त्र्यम्बकवल्लभे तव गुणानाकर्णयत्यादरात्
तस्य श्रीर्न गृहादपैति विजयस्तस्याग्रतो धावति ॥ 15 ॥
किं किं दुःखं दनुजदलिनि क्षीयते न स्मृतायां
का का कीर्तिः कुलकमलिनि ख्याप्यते न स्तुतायाम् ।
का का सिद्धिः सुरवरनुते प्राप्यते नार्चितायां
कं कं योगं त्वयि न चिनुते चित्तमालम्बितायाम् ॥ 16 ॥
ये देवि दुर्धरकृतान्तमुखान्तरस्थाः
ये कालि कालघनपाशनितान्तबद्धाः ।
ये चण्डि चण्डगुरुकल्मषसिन्धुमग्नाः
तान्पासि मोचयसि तारयसि स्मृतैव ॥ 17 ॥
लक्ष्मीवशीकरणचूर्णसहोदराणि
त्वत्पादपङ्कजरजांसि चिरं जयन्ति ।
यानि प्रणाममिलितानि नृणां ललाटे
लुम्पन्ति दैवलिखितानि दुरक्षराणि ॥ 18 ॥
रे मूढाः किमयं वृथैव तपसा कायः परिक्लिश्यते
यज्ञैर्वा बहुदक्षिणैः किमितरे रिक्तीक्रियन्ते गृहाः ।
भक्तिश्चेदविनाशिनी भगवतीपादद्वयी सेव्यतां
उन्निद्राम्बुरुहातपत्रसुभगा लक्ष्मीः पुरो धावति ॥ 19 ॥
याचे न कञ्चन न कञ्चन वञ्चयामि
सेवे न कञ्चन निरस्तसमस्तदैन्यः ।
श्लक्ष्णं वसे मधुरमद्मि भजे वरस्त्रीः
देवी हृदि स्फुरति मे कुलकामधेनुः ॥ 20 ॥
नमामि यामिनीनाथलेखालङ्कृतकुन्तलाम् ।
भवानीं भवसन्तापनिर्वापणसुधानदीम् ॥ 21 ॥
इति श्रीकालिदास विरचित पञ्चस्तव्यां तृतीयः घटस्तवः ।
ānandamantharapurandaramuktamālyaṃ
maulau haṭhena nihitaṃ mahiṣāsurasya |
pādāmbujaṃ bhavatu me vijayāya mañju-
-mañjīraśiñjitamanoharamambikāyāḥ || 1 ||
devi tryambakapatni pārvati sati trailokyamātaḥ śive
śarvāṇi tripure mṛḍāni varade rudrāṇi kātyāyani |
bhīme bhairavi caṇḍi śarvarikale kālakṣaye śūlini
tvatpādapraṇatānananyamanasaḥ paryākulānpāhi naḥ || 2 ||
devi tvāṃ sakṛdeva yaḥ praṇamati kṣoṇībhṛtastaṃ nama-
-ntyājanmasphuradaṅghripīṭhaviluṭhatkoṭīrakoṭicchaṭāḥ |
yastvāmarcati so'rcyate suragaṇairyaḥ stauti sa stūyate
yastvāṃ dhyāyati taṃ smarārtividhurā dhyāyanti vāmabhruvaḥ || 3 ||
unmattā iva sagrahā iva viṣavyāsaktamūrchā iva
prāptaprauḍhamadā ivārtivirahagrastā ivārtā iva |
ye dhyāyanti hi śailarājatanayāṃ dhanyāsta evāgrataḥ
tyaktopādhivivṛddharāgamanaso dhyāyanti tānsubhruvaḥ || 4 ||
dhyāyanti ye kṣaṇamapi tripure hṛdi tvāṃ
lāvaṇyayauvanadhanairapi viprayuktāḥ |
te visphuranti lalitāyatalocanānāṃ
cittaikabhittilikhitapratimāḥ pumāṃsaḥ || 5 ||
etaṃ kiṃ nu dṛśā pibāmyuta viśāmyasyāṅgamaṅgairnijaiḥ
kiṃ vā'muṃ nigarāmyanena sahasā kiṃ vaikatāmāśraye |
yasyetthaṃ vivaśo vikalpalalitākūtena yoṣijjanaḥ
kiṃ tadyanna karoti devi hṛdaye yasya tvamāvartase || 6 ||
viśvavyāpini yadvadīśvara iti sthāṇāvananyāśrayaḥ
śabdaḥ śaktiriti trilokajanani tvayyeva tathyasthitiḥ |
itthaṃ satyapi śaknuvanti yadimāḥ kṣudrā rujo bādhituṃ
tvadbhaktānapi na kṣiṇoṣi ca ruṣā taddevi citraṃ mahat || 7 ||
indormadhyagatāṃ mṛgāṅkasadṛśacchāyāṃ manohāriṇīṃ
pāṇḍūtphullasaroruhāsanagatā snigdhapradīpacchavim |
varṣantīmamṛtaṃ bhavāni bhavatīṃ dhyāyanti ye dehinaḥ
te nirmuktarujo bhavanti ripavaḥ projjhanti tāndūrataḥ || 8 ||
pūrṇendoḥ śakalairivātibahalaiḥ pīyūṣapūrairiva
kṣīrābdherlaharībharairiva sudhāpaṅkasya piṇḍairiva |
prāleyairiva nirmitaṃ tava vapurdhyāyanti ye śraddhayā
cittāntarnihitārtitāpavipadaste sampadaṃ bibhrati || 9 ||
ye saṃsmaranti taralāṃ sahasollasantīṃ
tvāṃ granthipañcakabhidaṃ taruṇārkaśoṇām |
rāgārṇave bahalarāgiṇi majjayantīṃ
kṛtsnaṃ jagaddadhati cetasi tānmṛgākṣyaḥ || 10 ||
lākṣārasasnapitapaṅkajatantutanvīṃ
antaḥ smaratyanudinaṃ bhavatīṃ bhavāni |
yastaṃ smarapratimamapratimasvarūpāḥ
netrotpalairmṛgadṛśo bhṛśamarcayanti || 11 ||
stumastvāṃ vācamavyaktāṃ himakundendurociṣam |
kadambamālāṃ bibhrāṇāmāpādatalalambinīm || 12 ||
mūrdhnīndoḥ sitapaṅkajāsanagatāṃ prāleyapāṇḍutviṣaṃ
varṣantīmamṛtaṃ saroruhabhuvo vaktre'pi randhre'pi ca |
acchinnā ca manoharā ca lalitā cātiprasannāpi ca
tvāmevaṃ smarataḥ smarāridayite vāksarvato valgati || 13 ||
dadātīṣṭānbhogān kṣapayati ripūnhanti vipado
dahatyādhīnvyādhīn śamayati sukhāni pratanute |
haṭhādantarduḥkhaṃ dalayati pinaṣṭīṣṭavirahaṃ
sakṛddhyātā devī kimiva niravadyaṃ na kurute || 14 ||
yastvāṃ dhyāyati vetti vindati japatyālokate cintaya-
-tyanveti pratipadyate kalayati stautyāśrayatyarcati |
yaśca tryambakavallabhe tava guṇānākarṇayatyādarāt
tasya śrīrna gṛhādapaiti vijayastasyāgrato dhāvati || 15 ||
kiṃ kiṃ duḥkhaṃ danujadalini kṣīyate na smṛtāyāṃ
kā kā kīrtiḥ kulakamalini khyāpyate na stutāyām |
kā kā siddhiḥ suravaranute prāpyate nārcitāyāṃ
kaṃ kaṃ yogaṃ tvayi na cinute cittamālambitāyām || 16 ||
ye devi durdharakṛtāntamukhāntarasthāḥ
ye kāli kālaghanapāśanitāntabaddhāḥ |
ye caṇḍi caṇḍagurukalmaṣasindhumagnāḥ
tānpāsi mocayasi tārayasi smṛtaiva || 17 ||
lakṣmīvaśīkaraṇacūrṇasahodarāṇi
tvatpādapaṅkajarajāṃsi ciraṃ jayanti |
yāni praṇāmamilitāni nṛṇāṃ lalāṭe
lumpanti daivalikhitāni durakṣarāṇi || 18 ||
re mūḍhāḥ kimayaṃ vṛthaiva tapasā kāyaḥ parikliśyate
yajñairvā bahudakṣiṇaiḥ kimitare riktīkriyante gṛhāḥ |
bhaktiścedavināśinī bhagavatīpādadvayī sevyatāṃ
unnidrāmburuhātapatrasubhagā lakṣmīḥ puro dhāvati || 19 ||
yāce na kañcana na kañcana vañcayāmi
seve na kañcana nirastasamastadainyaḥ |
ślakṣṇaṃ vase madhuramadmi bhaje varastrīḥ
devī hṛdi sphurati me kulakāmadhenuḥ || 20 ||
namāmi yāminīnāthalekhālaṅkṛtakuntalām |
bhavānīṃ bhavasantāpanirvāpaṇasudhānadīm || 21 ||
iti śrīkālidāsa viracita pañcastavyāṃ tṛtīyaḥ ghaṭastavaḥ |
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.