𑌅𑌥 𑌨𑌵𑌮𑍋𑌽𑌧𑍍𑌯𑌾𑌯𑌃 ।
𑌬𑍍𑌰𑌾𑌹𑍍𑌮𑌣𑌃 𑌉𑌵𑌾𑌚 ।
𑌪𑌰𑌿𑌗𑍍𑌰𑌹𑌃 𑌹𑌿 𑌦𑍁𑌃𑌖𑌾𑌯 𑌯𑌤𑍍 𑌯𑌤𑍍 𑌪𑍍𑌰𑌿𑌯𑌤𑌮𑌂 𑌨𑍃𑌣𑌾𑌮𑍍 ।
𑌅𑌨𑌨𑍍𑌤𑌂 𑌸𑍁𑌖𑌂 𑌆𑌪𑍍𑌨𑍋𑌤𑌿 𑌤𑌤𑍍 𑌵𑌿𑌦𑍍𑌵𑌾𑌨𑍍 𑌯𑌃 𑌤𑍁 𑌅𑌕𑌿𑌞𑍍𑌚𑌨𑌃 ॥ 1॥
𑌸𑌾𑌮𑌿𑌷𑌂 𑌕𑍁𑌰𑌰𑌂 𑌜𑌘𑍍𑌨𑍁𑌃 𑌬𑌲𑌿𑌨𑌃 𑌯𑍇 𑌨𑌿𑌰𑌾𑌮𑌿𑌷𑌾𑌃 ।
𑌤𑌤𑍍 𑌆𑌮𑌿𑌷𑌂 𑌪𑌰𑌿𑌤𑍍𑌯𑌜𑍍𑌯 𑌸𑌃 𑌸𑍁𑌖𑌂 𑌸𑌮𑌵𑌿𑌨𑍍𑌦𑌤 ॥ 2॥
𑌨 𑌮𑍇 𑌮𑌾𑌨𑌾𑌵𑌮𑌾𑌨𑍗 𑌸𑍍𑌤𑌃 𑌨 𑌚𑌿𑌨𑍍𑌤𑌾 𑌗𑍇𑌹𑌪𑍁𑌤𑍍𑌰𑌿𑌣𑌾𑌮𑍍 ।
𑌆𑌤𑍍𑌮𑌕𑍍𑌰𑍀𑌡𑌃 𑌆𑌤𑍍𑌮𑌰𑌤𑌿𑌃 𑌵𑌿𑌚𑌰𑌾𑌮𑌿 𑌇𑌹 𑌬𑌾𑌲𑌵𑌤𑍍 ॥ 3॥
𑌦𑍍𑌵𑍗 𑌏𑌵 𑌚𑌿𑌨𑍍𑌤𑌯𑌾 𑌮𑍁𑌕𑍍𑌤𑍗 𑌪𑌰𑌮 𑌆𑌨𑌨𑍍𑌦𑌃 𑌆𑌪𑍍𑌲𑍁𑌤𑍗 ।
𑌯𑌃 𑌵𑌿𑌮𑍁𑌗𑍍𑌧𑌃 𑌜𑌡𑌃 𑌬𑌾𑌲𑌃 𑌯𑌃 𑌗𑍁𑌣𑍇𑌭𑍍𑌯𑌃 𑌪𑌰𑌂 𑌗𑌤𑌃 ॥ 4॥
𑌕𑍍𑌵𑌚𑌿𑌤𑍍 𑌕𑍁𑌮𑌾𑌰𑍀 𑌤𑍁 𑌆𑌤𑍍𑌮𑌾𑌨𑌂 𑌵𑍃𑌣𑌾𑌨𑌾𑌨𑍍 𑌗𑍃𑌹𑌂 𑌆𑌗𑌤𑌾𑌨𑍍 ।
𑌸𑍍𑌵𑌯𑌂 𑌤𑌾𑌨𑍍 𑌅𑌰𑍍𑌹𑌯𑌾𑌮𑌾𑌸 𑌕𑍍𑌵𑌾𑌪𑌿 𑌯𑌾𑌤𑍇𑌷𑍁 𑌬𑌨𑍍𑌧𑍁𑌷𑍁 ॥ 5॥
𑌤𑍇𑌷𑌂 𑌅𑌭𑍍𑌯𑌵𑌹𑌾𑌰𑌾𑌰𑍍𑌥𑌂 𑌶𑌾𑌲𑍀𑌨𑍍 𑌰𑌹𑌸𑌿 𑌪𑌾𑌰𑍍𑌥𑌿𑌵 ।
𑌅𑌵𑌘𑍍𑌨𑌨𑍍𑌤𑍍𑌯𑌾𑌃 𑌪𑍍𑌰𑌕𑍋𑌷𑍍𑌠𑌸𑍍𑌥𑌾𑌃 𑌚𑌕𑍍𑌰𑍁𑌃 𑌶𑌙𑍍𑌖𑌾𑌃 𑌸𑍍𑌵𑌨𑌂 𑌮𑌹𑌤𑍍 ॥
6॥
𑌸𑌾 𑌤𑌤𑍍 𑌜𑍁𑌗𑍁𑌪𑍍𑌸𑌿𑌤𑌂 𑌮𑌤𑍍𑌵𑌾 𑌮𑌹𑌤𑍀 𑌵𑍍𑌰𑍀𑌡𑌿𑌤𑌾 𑌤𑌤𑌃 ।
𑌬𑌭𑌞𑍍𑌜 𑌏𑌕𑍈𑌕𑌶𑌃 𑌶𑌙𑍍𑌖𑌾𑌨𑍍 𑌦𑍍𑌵𑍗 𑌦𑍍𑌵𑍗 𑌪𑌾𑌣𑍍𑌯𑍋𑌃 𑌅𑌶𑍇𑌷𑌯𑌤𑍍 ॥
7॥
𑌉𑌭𑌯𑍋𑌃 𑌅𑌪𑌿 𑌅𑌭𑍂𑌤𑍍 𑌘𑍋𑌷𑌃 𑌹𑌿 𑌅𑌵𑌘𑍍𑌨𑌨𑍍𑌤𑍍𑌯𑌾𑌃 𑌸𑍍𑌮 𑌶𑌙𑍍𑌖𑌯𑍋𑌃 ।
𑌤𑌤𑍍𑌰 𑌅𑌪𑌿 𑌏𑌕𑌂 𑌨𑌿𑌰𑌭𑌿𑌦𑌤𑍍 𑌏𑌕𑌸𑍍𑌮𑌾𑌨𑍍 𑌨 𑌅𑌭𑌵𑌤𑍍 𑌧𑍍𑌵𑌨𑌿𑌃 ॥ 8॥
𑌅𑌨𑍍𑌵𑌶𑌿𑌕𑍍𑌷𑌂 𑌇𑌮𑌂 𑌤𑌸𑍍𑌯𑌾𑌃 𑌉𑌪𑌦𑍇𑌶𑌂 𑌅𑌰𑌿𑌨𑍍𑌦𑌮 ।
𑌲𑍋𑌕𑌾𑌨𑍍 𑌅𑌨𑍁𑌚𑌰𑌨𑍍 𑌏𑌤𑌾𑌨𑍍 𑌲𑍋𑌕𑌤𑌤𑍍𑌤𑍍𑌵𑌵𑌿𑌵𑌿𑌤𑍍𑌸𑌯𑌾 ॥ 9॥
𑌵𑌾𑌸𑍇 𑌬𑌹𑍂𑌨𑌾𑌂 𑌕𑌲𑌹𑌃 𑌭𑌵𑍇𑌤𑍍 𑌵𑌾𑌰𑍍𑌤𑌾 𑌦𑍍𑌵𑌯𑍋𑌃 𑌅𑌪𑌿 ।
𑌏𑌕𑌃 𑌏𑌵 𑌚𑌰𑍇𑌤𑍍 𑌤𑌸𑍍𑌮𑌾𑌤𑍍 𑌕𑍁𑌮𑌾𑌰𑍍𑌯𑌾𑌃 𑌇𑌵 𑌕𑌙𑍍𑌕𑌣𑌃 ॥ 10॥
𑌮𑌨𑌃 𑌏𑌕𑌤𑍍𑌰 𑌸𑌂𑌯𑍁𑌜𑍍𑌯𑌾𑌤𑍍 𑌜𑌿𑌤𑌶𑍍𑌵𑌾𑌸𑌃 𑌜𑌿𑌤 𑌆𑌸𑌨𑌃 ।
𑌵𑍈𑌰𑌾𑌗𑍍𑌯𑌾𑌭𑍍𑌯𑌾𑌸𑌯𑍋𑌗𑍇𑌨 𑌧𑍍𑌰𑌿𑌯𑌮𑌾𑌣𑌂 𑌅𑌤𑌨𑍍𑌦𑍍𑌰𑌿𑌤𑌃 ॥ 11॥
𑌯𑌸𑍍𑌮𑌿𑌨𑍍 𑌮𑌨𑌃 𑌲𑌬𑍍𑌧𑌪𑌦𑌂 𑌯𑌤𑍍 𑌏𑌤𑌤𑍍
𑌶𑌨𑍈𑌃 𑌶𑌨𑍈𑌃 𑌮𑍁𑌞𑍍𑌚𑌤𑌿 𑌕𑌰𑍍𑌮𑌰𑍇𑌣𑍂𑌨𑍍 ।
𑌸𑌤𑍍𑌤𑍍𑌵𑍇𑌨 𑌵𑍃𑌦𑍍𑌧𑍇𑌨 𑌰𑌜𑌃 𑌤𑌮𑌃 𑌚
𑌵𑌿𑌧𑍂𑌯 𑌨𑌿𑌰𑍍𑌵𑌾𑌣𑌂 𑌉𑌪𑍈𑌤𑌿 𑌅𑌨𑌿𑌨𑍍𑌧𑌨𑌮𑍍 ॥ 12॥
𑌤𑌤𑍍 𑌏𑌵𑌂 𑌆𑌤𑍍𑌮𑌨𑌿 𑌅𑌵𑌰𑍁𑌦𑍍𑌧𑌚𑌿𑌤𑍍𑌤𑌃
𑌨 𑌵𑍇𑌦 𑌕𑌿𑌞𑍍𑌚𑌿𑌤𑍍 𑌬𑌹𑌿𑌃 𑌅𑌨𑍍𑌤𑌰𑌂 𑌵𑌾 ।
𑌯𑌥𑌾 𑌇𑌷𑍁𑌕𑌾𑌰𑌃 𑌨𑍃𑌪𑌤𑌿𑌂 𑌵𑍍𑌰𑌜𑌨𑍍𑌤𑌮𑍍
𑌇𑌷𑍗 𑌗𑌤𑌾𑌤𑍍𑌮𑌾 𑌨 𑌦𑌦𑌰𑍍𑌶 𑌪𑌾𑌰𑍍𑌶𑍍𑌵𑍇 ॥ 13॥
𑌏𑌕𑌚𑌾𑌰𑍍𑌯𑌨𑌿𑌕𑍇𑌤𑌃 𑌸𑍍𑌯𑌾𑌤𑍍 𑌅𑌪𑍍𑌰𑌮𑌤𑍍𑌤𑌃 𑌗𑍁𑌹𑌾𑌶𑌯𑌃 ।
𑌅𑌲𑌕𑍍𑌷𑍍𑌯𑌮𑌾𑌣𑌃 𑌆𑌚𑌾𑌰𑍈𑌃 𑌮𑍁𑌨𑌿𑌃 𑌏𑌕𑌃 𑌅𑌲𑍍𑌪𑌭𑌾𑌷𑌣𑌃 ॥ 14॥
𑌗𑍃𑌹𑌾𑌰𑌮𑍍𑌭𑌃 𑌅𑌤𑌿𑌦𑍁𑌃𑌖𑌾𑌯 𑌵𑌿𑌫𑌲𑌃 𑌚 𑌅𑌧𑍍𑌰𑍁𑌵𑌾𑌤𑍍𑌮𑌨𑌃 ।
𑌸𑌰𑍍𑌪𑌃 𑌪𑌰𑌕𑍃𑌤𑌂 𑌵𑍇𑌶𑍍𑌮 𑌪𑍍𑌰𑌵𑌿𑌶𑍍𑌯 𑌸𑍁𑌖𑌂 𑌏𑌧𑌤𑍇 ॥ 15॥
𑌏𑌕𑍋 𑌨𑌾𑌰𑌾𑌯𑌣𑍋 𑌦𑍇𑌵𑌃 𑌪𑍂𑌰𑍍𑌵𑌸𑍃𑌷𑍍𑌟𑌂 𑌸𑍍𑌵𑌮𑌾𑌯𑌯𑌾 ।
𑌸𑌂𑌹𑍃𑌤𑍍𑌯 𑌕𑌾𑌲𑌕𑌲𑌯𑌾 𑌕𑌲𑍍𑌪𑌾𑌨𑍍𑌤 𑌇𑌦𑌮𑍀𑌶𑍍𑌵𑌰𑌃 ॥ 16॥
𑌏𑌕 𑌏𑌵𑌾𑌦𑍍𑌵𑌿𑌤𑍀𑌯𑍋𑌽𑌭𑍂𑌦𑌾𑌤𑍍𑌮𑌾𑌧𑌾𑌰𑍋𑌽𑌖𑌿𑌲𑌾𑌶𑍍𑌰𑌯𑌃 ।
𑌕𑌾𑌲𑍇𑌨𑌾𑌤𑍍𑌮𑌾𑌨𑍁𑌭𑌾𑌵𑍇𑌨 𑌸𑌾𑌮𑍍𑌯𑌂 𑌨𑍀𑌤𑌾𑌸𑍁 𑌶𑌕𑍍𑌤𑌿𑌷𑍁 ।
𑌸𑌤𑍍𑌤𑍍𑌵𑌾𑌦𑌿𑌷𑍍𑌵𑌾𑌦𑌿𑌪𑍁𑌏𑌰𑍁𑌷𑌃 𑌪𑍍𑌰𑌧𑌾𑌨𑌪𑍁𑌰𑍁𑌷𑍇𑌶𑍍𑌵𑌰𑌃 ॥ 17॥
𑌪𑌰𑌾𑌵𑌰𑌾𑌣𑌾𑌂 𑌪𑌰𑌮 𑌆𑌸𑍍𑌤𑍇 𑌕𑍈𑌵𑌲𑍍𑌯𑌸𑌞𑍍𑌜𑍍𑌞𑌿𑌤𑌃 ।
𑌕𑍇𑌵𑌲𑌾𑌨𑍁𑌭𑌵𑌾𑌨𑌨𑍍𑌦𑌸𑌨𑍍𑌦𑍋𑌹𑍋 𑌨𑌿𑌰𑍁𑌪𑌾𑌧𑌿𑌕𑌃 ॥ 18॥
𑌕𑍇𑌵𑌲𑌾𑌤𑍍𑌮𑌾𑌨𑍁𑌭𑌾𑌵𑍇𑌨 𑌸𑍍𑌵𑌮𑌾𑌯𑌾𑌂 𑌤𑍍𑌰𑌿𑌗𑍁𑌣𑌾𑌤𑍍𑌮𑌿𑌕𑌾𑌮𑍍 ।
𑌸𑌙𑍍𑌕𑍍𑌷𑍋𑌭𑌯𑌨𑍍𑌸𑍃𑌜𑌤𑍍𑌯𑌾𑌦𑍗 𑌤𑌯𑌾 𑌸𑍂𑌤𑍍𑌰𑌮𑌰𑌿𑌨𑍍𑌦𑌮 ॥ 19॥
𑌤𑌾𑌮𑌾𑌹𑍁𑌸𑍍𑌤𑍍𑌰𑌿𑌗𑍁𑌣𑌵𑍍𑌯𑌕𑍍𑌤𑌿𑌂 𑌸𑍃𑌜𑌨𑍍𑌤𑍀𑌂 𑌵𑌿𑌶𑍍𑌵𑌤𑍋𑌮𑍁𑌖𑌮𑍍 ।
𑌯𑌸𑍍𑌮𑌿𑌨𑍍𑌪𑍍𑌰𑍋𑌤𑌮𑌿𑌦𑌂 𑌵𑌿𑌶𑍍𑌵𑌂 𑌯𑍇𑌨 𑌸𑌂𑌸𑌰𑌤𑍇 𑌪𑍁𑌮𑌾𑌨𑍍 ॥ 20॥
𑌯𑌥𑌾 𑌊𑌰𑍍𑌣𑌨𑌾𑌭𑌿𑌃 𑌹𑍃𑌦𑌯𑌾𑌤𑍍 𑌊𑌰𑍍𑌣𑌾𑌂 𑌸𑌨𑍍𑌤𑌤𑍍𑌯 𑌵𑌕𑍍𑌤𑍍𑌰𑌤𑌃 ।
𑌤𑌯𑌾 𑌵𑌿𑌹𑍃𑌤𑍍𑌯 𑌭𑍂𑌯𑌸𑍍𑌤𑌾𑌂 𑌗𑍍𑌰𑌸𑌤𑌿 𑌏𑌵𑌂 𑌮𑌹𑍇𑌶𑍍𑌵𑌰𑌃 ॥ 21॥
𑌯𑌤𑍍𑌰 𑌯𑌤𑍍𑌰 𑌮𑌨𑌃 𑌦𑍇𑌹𑍀 𑌧𑌾𑌰𑌯𑍇𑌤𑍍 𑌸𑌕𑌲𑌂 𑌧𑌿𑌯𑌾 ।
𑌸𑍍𑌨𑍇𑌹𑌾𑌤𑍍 𑌦𑍍𑌵𑍇𑌷𑌾𑌤𑍍 𑌭𑌯𑌾𑌤𑍍 𑌵𑌾 𑌅𑌪𑌿 𑌯𑌾𑌤𑌿 𑌤𑌤𑍍 𑌤𑌤𑍍 𑌸𑌰𑍂𑌪𑌤𑌾𑌮𑍍 ॥ 22॥
𑌕𑍀𑌟𑌃 𑌪𑍇𑌶𑌸𑍍𑌕𑍃𑌤𑌂 𑌧𑍍𑌯𑌾𑌯𑌨𑍍 𑌕𑍁𑌡𑍍𑌯𑌾𑌂 𑌤𑍇𑌨 𑌪𑍍𑌰𑌵𑍇𑌶𑌿𑌤𑌃 ।
𑌯𑌾𑌤𑌿 𑌤𑌤𑍍 𑌸𑍍𑌸𑌤𑍍𑌮𑌤𑌾𑌂 𑌰𑌾𑌜𑌨𑍍 𑌪𑍂𑌰𑍍𑌵𑌰𑍂𑌪𑌂 𑌅𑌸𑌨𑍍𑌤𑍍𑌯𑌜𑌨𑍍 ॥ 23॥
𑌏𑌵𑌂 𑌗𑍁𑌰𑍁𑌭𑍍𑌯𑌃 𑌏𑌤𑍇𑌭𑍍𑌯𑌃 𑌏𑌷 𑌮𑍇 𑌶𑌿𑌕𑍍𑌷𑌿𑌤𑌾 𑌮𑌤𑌿𑌃 ।
𑌸𑍍𑌵𑌾𑌤𑍍𑌮𑌾 𑌉𑌪𑌶𑌿𑌕𑍍𑌷𑌿𑌤𑌾𑌂 𑌬𑍁𑌦𑍍𑌧𑌿𑌂 𑌶𑍍𑌰𑍁𑌣𑍁 𑌮𑍇 𑌵𑌦𑌤𑌃 𑌪𑍍𑌰𑌭𑍋 ॥ 24॥
𑌦𑍇𑌹𑌃 𑌗𑍁𑌰𑍁𑌃 𑌮𑌮 𑌵𑌿𑌰𑌕𑍍𑌤𑌿𑌵𑌿𑌵𑍇𑌕𑌹𑍇𑌤𑍁𑌃
𑌬𑌿𑌭𑍍𑌰𑌤𑍍 𑌸𑍍𑌮 𑌸𑌤𑍍𑌤𑍍𑌵𑌨𑌿𑌧𑌨𑌂 𑌸𑌤𑌤 𑌅𑌰𑍍𑌤𑍍𑌯𑍁𑌤𑍍 𑌅𑌰𑍍𑌕𑌮𑍍 ।
𑌤𑌤𑍍𑌤𑍍𑌵𑌾𑌨𑌿 𑌅𑌨𑍇𑌨 𑌵𑌿𑌮𑍃𑌶𑌾𑌮𑌿 𑌯𑌥𑌾 𑌤𑌥𑌾 𑌅𑌪𑌿
𑌪𑌾𑌰𑌕𑍍𑌯𑌂 𑌇𑌤𑌿 𑌅𑌵𑌸𑌿𑌤𑌃 𑌵𑌿𑌚𑌰𑌾𑌮𑌿 𑌅𑌸𑌙𑍍𑌗𑌃 ॥ 25॥
𑌜𑌾𑌯𑌾𑌤𑍍𑌮𑌜𑌾𑌰𑍍𑌥𑌪𑌶𑍁𑌭𑍃𑌤𑍍𑌯𑌗𑍃𑌹𑌾𑌪𑍍𑌤𑌵𑌰𑍍𑌗𑌾𑌨𑍍
𑌪𑍁𑌷𑍍𑌣𑌾𑌤𑌿 𑌯𑌤𑍍 𑌪𑍍𑌰𑌿𑌯𑌚𑌿𑌕𑍀𑌰𑍍𑌷𑌯𑌾 𑌵𑌿𑌤𑌨𑍍𑌵𑌨𑍍 ॥
𑌸𑍍𑌵𑌾𑌨𑍍𑌤𑍇 𑌸𑌕𑍃𑌚𑍍𑌛𑍍𑌰𑌂 𑌅𑌵𑌰𑍁𑌦𑍍𑌧𑌧𑌨𑌃 𑌸𑌃 𑌦𑍇𑌹𑌃
𑌸𑍃𑌷𑍍𑌟𑍍𑌵𑌾 𑌅𑌸𑍍𑌯 𑌬𑍀𑌜𑌂 𑌅𑌵𑌸𑍀𑌦𑌤𑌿 𑌵𑍃𑌕𑍍𑌷𑌧𑌰𑍍𑌮𑌾 ॥ 26॥
𑌜𑌿𑌹𑍍𑌵𑌾 𑌏𑌕𑌤𑌃 𑌅𑌮𑍁𑌂 𑌅𑌵𑌕𑌰𑍍𑌷𑌤𑌿 𑌕𑌰𑍍𑌹𑌿 𑌤𑌰𑍍𑌷𑌾
𑌶𑌿𑌶𑍍𑌨𑌃 𑌅𑌨𑍍𑌯𑌤𑌃 𑌤𑍍𑌵𑌕𑍍 𑌉𑌦𑌰𑌂 𑌶𑍍𑌰𑌵𑌣𑌂 𑌕𑍁𑌤𑌶𑍍𑌚𑌿𑌤𑍍 ।
𑌗𑍍𑌰𑌾𑌣𑌃 𑌅𑌨𑍍𑌯𑌤𑌃 𑌚𑌪𑌲𑌦𑍃𑌕𑍍 𑌕𑍍𑌵 𑌚 𑌕𑌰𑍍𑌮𑌶𑌕𑍍𑌤𑌿𑌃
𑌬𑌹𑍍𑌵𑍍𑌯𑌃 𑌸𑌪𑌤𑍍𑌨𑍍𑌯𑌃 𑌇𑌵 𑌗𑍇𑌹𑌪𑌤𑌿𑌂 𑌲𑍁𑌨𑌨𑍍𑌤𑌿 ॥ 27॥
𑌸𑍃𑌷𑍍𑌟𑍍𑌵𑌾 𑌪𑍁𑌰𑌾𑌣𑌿 𑌵𑌿𑌵𑌿𑌧𑌾𑌨𑌿 𑌅𑌜𑌯𑌾 𑌆𑌤𑍍𑌮𑌶𑌕𑍍𑌤𑍍𑌯𑌾
𑌵𑍃𑌕𑍍𑌷𑌾𑌨𑍍 𑌸𑌰𑍀𑌸𑍃𑌪𑌪𑌶𑍂𑌨𑍍𑌖𑌗𑌦𑌂𑌶𑌮𑌤𑍍𑌸𑍍𑌯𑌾𑌨𑍍 ।
𑌤𑍈𑌃 𑌤𑍈𑌃 𑌅𑌤𑍁𑌷𑍍𑌟𑌹𑍃𑌦𑌯𑌃 𑌪𑍁𑌰𑍁𑌷𑌂 𑌵𑌿𑌧𑌾𑌯
𑌬𑍍𑌰𑌹𑍍𑌮𑌾𑌵𑌲𑍋𑌕𑌧𑌿𑌷𑌣𑌂 𑌮𑍁𑌦𑌮𑌾𑌪 𑌦𑍇𑌵𑌃 ॥ 28॥
𑌲𑌬𑍍𑌧𑍍𑌵𑌾 𑌸𑍁𑌦𑍁𑌰𑍍𑌲𑌭𑌂 𑌇𑌦𑌂 𑌬𑌹𑍁𑌸𑌮𑍍𑌭𑌵𑌾𑌨𑍍𑌤𑍇
𑌮𑌾𑌨𑍁𑌷𑍍𑌯𑌮𑌰𑍍𑌥𑌦𑌮𑌨𑌿𑌤𑍍𑌯𑌮𑌪𑍀𑌹 𑌧𑍀𑌰𑌃 ।
𑌤𑍂𑌰𑍍𑌣𑌂 𑌯𑌤𑍇𑌤 𑌨 𑌪𑌤𑍇𑌤𑍍 𑌅𑌨𑍁𑌮𑍃𑌤𑍍𑌯𑍁𑌃 𑌯𑌾𑌵𑌤𑍍
𑌨𑌿𑌃𑌶𑍍𑌰𑍇𑌯𑌸𑌾𑌯 𑌵𑌿𑌷𑌯𑌃 𑌖𑌲𑍁 𑌸𑌰𑍍𑌵𑌤𑌃 𑌸𑍍𑌯𑌾𑌤𑍍 ॥ 29॥
𑌏𑌵𑌂 𑌸𑌞𑍍𑌜𑌾𑌤𑌵𑍈𑌰𑌾𑌗𑍍𑌯𑌃 𑌵𑌿𑌜𑍍𑌞𑌾𑌨𑌲𑍋𑌕 𑌆𑌤𑍍𑌮𑌨𑌿 ।
𑌵𑌿𑌚𑌰𑌾𑌮𑌿 𑌮𑌹𑍀𑌂 𑌏𑌤𑌾𑌂 𑌮𑍁𑌕𑍍𑌤𑌸𑌙𑍍𑌗𑌃 𑌅𑌨𑌹𑌙𑍍𑌕𑍃𑌤𑌿𑌃 ॥ 30॥
𑌨 𑌹𑌿 𑌏𑌕𑌸𑍍𑌮𑌾𑌤𑍍 𑌗𑍁𑌰𑍋𑌃 𑌜𑍍𑌞𑌾𑌨𑌂 𑌸𑍁𑌸𑍍𑌥𑌿𑌰𑌂 𑌸𑍍𑌯𑌾𑌤𑍍 𑌸𑍁𑌪𑍁𑌷𑍍𑌕𑌲𑌮𑍍 ।
𑌬𑍍𑌰𑌹𑍍𑌮 𑌏𑌤𑌤𑍍 𑌅𑌦𑍍𑌵𑌿𑌤𑍀𑌯𑌂 𑌵𑍈 𑌗𑍀𑌯𑌤𑍇 𑌬𑌹𑍁𑌧𑌾 𑌋𑌷𑌿𑌭𑌿𑌃 ॥ 31॥
𑌶𑍍𑌰𑍀𑌭𑌗𑌵𑌾𑌨𑍁𑌵𑌾𑌚 ।
𑌇𑌤𑍍𑌯𑍁𑌕𑍍𑌤𑍍𑌵𑌾 𑌸 𑌯𑌦𑍁𑌂 𑌵𑌿𑌪𑍍𑌰𑌸𑍍𑌤𑌮𑌾𑌮𑌨𑍍𑌤𑍍𑌰𑌯 𑌗𑌭𑍀𑌰𑌧𑍀𑌃 ।
𑌵𑌨𑍍𑌦𑌿𑌤𑍋।𑌆𑌭𑍍𑌯𑌰𑍍𑌥𑌿𑌤𑍋 𑌰𑌾𑌜𑍍𑌞𑌾 𑌯𑌯𑍗 𑌪𑍍𑌰𑍀𑌤𑍋 𑌯𑌥𑌾𑌗𑌤𑌮𑍍 ॥ 32॥
𑌅𑌵𑌧𑍂𑌤𑌵𑌚𑌃 𑌶𑍍𑌰𑍁𑌤𑍍𑌵𑌾 𑌪𑍂𑌰𑍍𑌵𑍇𑌷𑌾𑌂 𑌨𑌃 𑌸 𑌪𑍂𑌰𑍍𑌵𑌜𑌃 ।
𑌸𑌰𑍍𑌵𑌸𑌙𑍍𑌗𑌵𑌿𑌨𑌿𑌰𑍍𑌮𑍁𑌕𑍍𑌤𑌃 𑌸𑌮𑌚𑌿𑌤𑍍𑌤𑍋 𑌬𑌭𑍂𑌵 𑌹 ॥ 33॥
(𑌇𑌤𑌿 𑌅𑌵𑌧𑍂𑌤𑌗𑍀𑌤𑌮𑍍 ।)
𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌨𑍍𑌧𑍇 𑌭𑌗𑌵𑌦𑍁𑌦𑍍𑌧𑌵𑌸𑌂𑌵𑌾𑌦𑍇
𑌨𑌵𑌮𑍋𑌽𑌧𑍍𑌯𑌾𑌯𑌃 ॥
Roman (IAST) Transliteration
atha navamo'dhyāyaḥ |
brāhmaṇaḥ uvāca |
parigrahaḥ hi duḥkhāya yat yat priyatamaṃ nṛṇām |
anantaṃ sukhaṃ āpnoti tat vidvān yaḥ tu akiñcanaḥ || 1||
sāmiṣaṃ kuraraṃ jaghnuḥ balinaḥ ye nirāmiṣāḥ |
tat āmiṣaṃ parityajya saḥ sukhaṃ samavindata || 2||
na me mānāvamānau staḥ na cintā gehaputriṇām |
ātmakrīḍaḥ ātmaratiḥ vicarāmi iha bālavat || 3||
dvau eva cintayā muktau parama ānandaḥ āplutau |
yaḥ vimugdhaḥ jaḍaḥ bālaḥ yaḥ guṇebhyaḥ paraṃ gataḥ || 4||
kvacit kumārī tu ātmānaṃ vṛṇānān gṛhaṃ āgatān |
svayaṃ tān arhayāmāsa kvāpi yāteṣu bandhuṣu || 5||
teṣaṃ abhyavahārārthaṃ śālīn rahasi pārthiva |
avaghnantyāḥ prakoṣṭhasthāḥ cakruḥ śaṅkhāḥ svanaṃ mahat ||
6||
sā tat jugupsitaṃ matvā mahatī vrīḍitā tataḥ |
babhañja ekaikaśaḥ śaṅkhān dvau dvau pāṇyoḥ aśeṣayat ||
7||
ubhayoḥ api abhūt ghoṣaḥ hi avaghnantyāḥ sma śaṅkhayoḥ |
tatra api ekaṃ nirabhidat ekasmān na abhavat dhvaniḥ || 8||
anvaśikṣaṃ imaṃ tasyāḥ upadeśaṃ arindama |
lokān anucaran etān lokatattvavivitsayā || 9||
vāse bahūnāṃ kalahaḥ bhavet vārtā dvayoḥ api |
ekaḥ eva caret tasmāt kumāryāḥ iva kaṅkaṇaḥ || 10||
manaḥ ekatra saṃyujyāt jitaśvāsaḥ jita āsanaḥ |
vairāgyābhyāsayogena dhriyamāṇaṃ atandritaḥ || 11||
yasmin manaḥ labdhapadaṃ yat etat
śanaiḥ śanaiḥ muñcati karmareṇūn |
sattvena vṛddhena rajaḥ tamaḥ ca
vidhūya nirvāṇaṃ upaiti anindhanam || 12||
tat evaṃ ātmani avaruddhacittaḥ
na veda kiñcit bahiḥ antaraṃ vā |
yathā iṣukāraḥ nṛpatiṃ vrajantam
iṣau gatātmā na dadarśa pārśve || 13||
ekacāryaniketaḥ syāt apramattaḥ guhāśayaḥ |
alakṣyamāṇaḥ ācāraiḥ muniḥ ekaḥ alpabhāṣaṇaḥ || 14||
gṛhārambhaḥ atiduḥkhāya viphalaḥ ca adhruvātmanaḥ |
sarpaḥ parakṛtaṃ veśma praviśya sukhaṃ edhate || 15||
eko nārāyaṇo devaḥ pūrvasṛṣṭaṃ svamāyayā |
saṃhṛtya kālakalayā kalpānta idamīśvaraḥ || 16||
eka evādvitīyo'bhūdātmādhāro'khilāśrayaḥ |
kālenātmānubhāvena sāmyaṃ nītāsu śaktiṣu |
sattvādiṣvādipueruṣaḥ pradhānapuruṣeśvaraḥ || 17||
parāvarāṇāṃ parama āste kaivalyasañjñitaḥ |
kevalānubhavānandasandoho nirupādhikaḥ || 18||
kevalātmānubhāvena svamāyāṃ triguṇātmikām |
saṅkṣobhayansṛjatyādau tayā sūtramarindama || 19||
tāmāhustriguṇavyaktiṃ sṛjantīṃ viśvatomukham |
yasminprotamidaṃ viśvaṃ yena saṃsarate pumān || 20||
yathā ūrṇanābhiḥ hṛdayāt ūrṇāṃ santatya vaktrataḥ |
tayā vihṛtya bhūyastāṃ grasati evaṃ maheśvaraḥ || 21||
yatra yatra manaḥ dehī dhārayet sakalaṃ dhiyā |
snehāt dveṣāt bhayāt vā api yāti tat tat sarūpatām || 22||
kīṭaḥ peśaskṛtaṃ dhyāyan kuḍyāṃ tena praveśitaḥ |
yāti tat ssatmatāṃ rājan pūrvarūpaṃ asantyajan || 23||
evaṃ gurubhyaḥ etebhyaḥ eṣa me śikṣitā matiḥ |
svātmā upaśikṣitāṃ buddhiṃ śruṇu me vadataḥ prabho || 24||
dehaḥ guruḥ mama viraktivivekahetuḥ
bibhrat sma sattvanidhanaṃ satata artyut arkam |
tattvāni anena vimṛśāmi yathā tathā api
pārakyaṃ iti avasitaḥ vicarāmi asaṅgaḥ || 25||
jāyātmajārthapaśubhṛtyagṛhāptavargān
puṣṇāti yat priyacikīrṣayā vitanvan ||
svānte sakṛcchraṃ avaruddhadhanaḥ saḥ dehaḥ
sṛṣṭvā asya bījaṃ avasīdati vṛkṣadharmā || 26||
jihvā ekataḥ amuṃ avakarṣati karhi tarṣā
śiśnaḥ anyataḥ tvak udaraṃ śravaṇaṃ kutaścit |
grāṇaḥ anyataḥ capaladṛk kva ca karmaśaktiḥ
bahvyaḥ sapatnyaḥ iva gehapatiṃ lunanti || 27||
sṛṣṭvā purāṇi vividhāni ajayā ātmaśaktyā
vṛkṣān sarīsṛpapaśūnkhagadaṃśamatsyān |
taiḥ taiḥ atuṣṭahṛdayaḥ puruṣaṃ vidhāya
brahmāvalokadhiṣaṇaṃ mudamāpa devaḥ || 28||
labdhvā sudurlabhaṃ idaṃ bahusambhavānte
mānuṣyamarthadamanityamapīha dhīraḥ |
tūrṇaṃ yateta na patet anumṛtyuḥ yāvat
niḥśreyasāya viṣayaḥ khalu sarvataḥ syāt || 29||
evaṃ sañjātavairāgyaḥ vijñānaloka ātmani |
vicarāmi mahīṃ etāṃ muktasaṅgaḥ anahaṅkṛtiḥ || 30||
na hi ekasmāt guroḥ jñānaṃ susthiraṃ syāt supuṣkalam |
brahma etat advitīyaṃ vai gīyate bahudhā ṛṣibhiḥ || 31||
śrībhagavānuvāca |
ityuktvā sa yaduṃ viprastamāmantraya gabhīradhīḥ |
vandito|ābhyarthito rājñā yayau prīto yathāgatam || 32||
avadhūtavacaḥ śrutvā pūrveṣāṃ naḥ sa pūrvajaḥ |
sarvasaṅgavinirmuktaḥ samacitto babhūva ha || 33||
(iti avadhūtagītam |)
iti śrīmadbhāgavate mahāpurāṇe pāramahaṃsyāṃ
saṃhitāyāmekādaśaskandhe bhagavaduddhavasaṃvāde
navamo'dhyāyaḥ ||
Sanskrit — Devanagari (original)
अथ नवमोऽध्यायः ।
ब्राह्मणः उवाच ।
परिग्रहः हि दुःखाय यत् यत् प्रियतमं नृणाम् ।
अनन्तं सुखं आप्नोति तत् विद्वान् यः तु अकिञ्चनः ॥ 1॥
सामिषं कुररं जघ्नुः बलिनः ये निरामिषाः ।
तत् आमिषं परित्यज्य सः सुखं समविन्दत ॥ 2॥
न मे मानावमानौ स्तः न चिन्ता गेहपुत्रिणाम् ।
आत्मक्रीडः आत्मरतिः विचरामि इह बालवत् ॥ 3॥
द्वौ एव चिन्तया मुक्तौ परम आनन्दः आप्लुतौ ।
यः विमुग्धः जडः बालः यः गुणेभ्यः परं गतः ॥ 4॥
क्वचित् कुमारी तु आत्मानं वृणानान् गृहं आगतान् ।
स्वयं तान् अर्हयामास क्वापि यातेषु बन्धुषु ॥ 5॥
तेषं अभ्यवहारार्थं शालीन् रहसि पार्थिव ।
अवघ्नन्त्याः प्रकोष्ठस्थाः चक्रुः शङ्खाः स्वनं महत् ॥
6॥
सा तत् जुगुप्सितं मत्वा महती व्रीडिता ततः ।
बभञ्ज एकैकशः शङ्खान् द्वौ द्वौ पाण्योः अशेषयत् ॥
7॥
उभयोः अपि अभूत् घोषः हि अवघ्नन्त्याः स्म शङ्खयोः ।
तत्र अपि एकं निरभिदत् एकस्मान् न अभवत् ध्वनिः ॥ 8॥
अन्वशिक्षं इमं तस्याः उपदेशं अरिन्दम ।
लोकान् अनुचरन् एतान् लोकतत्त्वविवित्सया ॥ 9॥
वासे बहूनां कलहः भवेत् वार्ता द्वयोः अपि ।
एकः एव चरेत् तस्मात् कुमार्याः इव कङ्कणः ॥ 10॥
मनः एकत्र संयुज्यात् जितश्वासः जित आसनः ।
वैराग्याभ्यासयोगेन ध्रियमाणं अतन्द्रितः ॥ 11॥
यस्मिन् मनः लब्धपदं यत् एतत्
शनैः शनैः मुञ्चति कर्मरेणून् ।
सत्त्वेन वृद्धेन रजः तमः च
विधूय निर्वाणं उपैति अनिन्धनम् ॥ 12॥
तत् एवं आत्मनि अवरुद्धचित्तः
न वेद किञ्चित् बहिः अन्तरं वा ।
यथा इषुकारः नृपतिं व्रजन्तम्
इषौ गतात्मा न ददर्श पार्श्वे ॥ 13॥
एकचार्यनिकेतः स्यात् अप्रमत्तः गुहाशयः ।
अलक्ष्यमाणः आचारैः मुनिः एकः अल्पभाषणः ॥ 14॥
गृहारम्भः अतिदुःखाय विफलः च अध्रुवात्मनः ।
सर्पः परकृतं वेश्म प्रविश्य सुखं एधते ॥ 15॥
एको नारायणो देवः पूर्वसृष्टं स्वमायया ।
संहृत्य कालकलया कल्पान्त इदमीश्वरः ॥ 16॥
एक एवाद्वितीयोऽभूदात्माधारोऽखिलाश्रयः ।
कालेनात्मानुभावेन साम्यं नीतासु शक्तिषु ।
सत्त्वादिष्वादिपुएरुषः प्रधानपुरुषेश्वरः ॥ 17॥
परावराणां परम आस्ते कैवल्यसञ्ज्ञितः ।
केवलानुभवानन्दसन्दोहो निरुपाधिकः ॥ 18॥
केवलात्मानुभावेन स्वमायां त्रिगुणात्मिकाम् ।
सङ्क्षोभयन्सृजत्यादौ तया सूत्रमरिन्दम ॥ 19॥
तामाहुस्त्रिगुणव्यक्तिं सृजन्तीं विश्वतोमुखम् ।
यस्मिन्प्रोतमिदं विश्वं येन संसरते पुमान् ॥ 20॥
यथा ऊर्णनाभिः हृदयात् ऊर्णां सन्तत्य वक्त्रतः ।
तया विहृत्य भूयस्तां ग्रसति एवं महेश्वरः ॥ 21॥
यत्र यत्र मनः देही धारयेत् सकलं धिया ।
स्नेहात् द्वेषात् भयात् वा अपि याति तत् तत् सरूपताम् ॥ 22॥
कीटः पेशस्कृतं ध्यायन् कुड्यां तेन प्रवेशितः ।
याति तत् स्सत्मतां राजन् पूर्वरूपं असन्त्यजन् ॥ 23॥
एवं गुरुभ्यः एतेभ्यः एष मे शिक्षिता मतिः ।
स्वात्मा उपशिक्षितां बुद्धिं श्रुणु मे वदतः प्रभो ॥ 24॥
देहः गुरुः मम विरक्तिविवेकहेतुः
बिभ्रत् स्म सत्त्वनिधनं सतत अर्त्युत् अर्कम् ।
तत्त्वानि अनेन विमृशामि यथा तथा अपि
पारक्यं इति अवसितः विचरामि असङ्गः ॥ 25॥
जायात्मजार्थपशुभृत्यगृहाप्तवर्गान्
पुष्णाति यत् प्रियचिकीर्षया वितन्वन् ॥
स्वान्ते सकृच्छ्रं अवरुद्धधनः सः देहः
सृष्ट्वा अस्य बीजं अवसीदति वृक्षधर्मा ॥ 26॥
जिह्वा एकतः अमुं अवकर्षति कर्हि तर्षा
शिश्नः अन्यतः त्वक् उदरं श्रवणं कुतश्चित् ।
ग्राणः अन्यतः चपलदृक् क्व च कर्मशक्तिः
बह्व्यः सपत्न्यः इव गेहपतिं लुनन्ति ॥ 27॥
सृष्ट्वा पुराणि विविधानि अजया आत्मशक्त्या
वृक्षान् सरीसृपपशून्खगदंशमत्स्यान् ।
तैः तैः अतुष्टहृदयः पुरुषं विधाय
ब्रह्मावलोकधिषणं मुदमाप देवः ॥ 28॥
लब्ध्वा सुदुर्लभं इदं बहुसम्भवान्ते
मानुष्यमर्थदमनित्यमपीह धीरः ।
तूर्णं यतेत न पतेत् अनुमृत्युः यावत्
निःश्रेयसाय विषयः खलु सर्वतः स्यात् ॥ 29॥
एवं सञ्जातवैराग्यः विज्ञानलोक आत्मनि ।
विचरामि महीं एतां मुक्तसङ्गः अनहङ्कृतिः ॥ 30॥
न हि एकस्मात् गुरोः ज्ञानं सुस्थिरं स्यात् सुपुष्कलम् ।
ब्रह्म एतत् अद्वितीयं वै गीयते बहुधा ऋषिभिः ॥ 31॥
श्रीभगवानुवाच ।
इत्युक्त्वा स यदुं विप्रस्तमामन्त्रय गभीरधीः ।
वन्दितो।आभ्यर्थितो राज्ञा ययौ प्रीतो यथागतम् ॥ 32॥
अवधूतवचः श्रुत्वा पूर्वेषां नः स पूर्वजः ।
सर्वसङ्गविनिर्मुक्तः समचित्तो बभूव ह ॥ 33॥
(इति अवधूतगीतम् ।)
इति श्रीमद्भागवते महापुराणे पारमहंस्यां
संहितायामेकादशस्कन्धे भगवदुद्धवसंवादे
नवमोऽध्यायः ॥
atha navamo'dhyāyaḥ |
brāhmaṇaḥ uvāca |
parigrahaḥ hi duḥkhāya yat yat priyatamaṃ nṛṇām |
anantaṃ sukhaṃ āpnoti tat vidvān yaḥ tu akiñcanaḥ || 1||
sāmiṣaṃ kuraraṃ jaghnuḥ balinaḥ ye nirāmiṣāḥ |
tat āmiṣaṃ parityajya saḥ sukhaṃ samavindata || 2||
na me mānāvamānau staḥ na cintā gehaputriṇām |
ātmakrīḍaḥ ātmaratiḥ vicarāmi iha bālavat || 3||
dvau eva cintayā muktau parama ānandaḥ āplutau |
yaḥ vimugdhaḥ jaḍaḥ bālaḥ yaḥ guṇebhyaḥ paraṃ gataḥ || 4||
kvacit kumārī tu ātmānaṃ vṛṇānān gṛhaṃ āgatān |
svayaṃ tān arhayāmāsa kvāpi yāteṣu bandhuṣu || 5||
teṣaṃ abhyavahārārthaṃ śālīn rahasi pārthiva |
avaghnantyāḥ prakoṣṭhasthāḥ cakruḥ śaṅkhāḥ svanaṃ mahat ||
6||
sā tat jugupsitaṃ matvā mahatī vrīḍitā tataḥ |
babhañja ekaikaśaḥ śaṅkhān dvau dvau pāṇyoḥ aśeṣayat ||
7||
ubhayoḥ api abhūt ghoṣaḥ hi avaghnantyāḥ sma śaṅkhayoḥ |
tatra api ekaṃ nirabhidat ekasmān na abhavat dhvaniḥ || 8||
anvaśikṣaṃ imaṃ tasyāḥ upadeśaṃ arindama |
lokān anucaran etān lokatattvavivitsayā || 9||
vāse bahūnāṃ kalahaḥ bhavet vārtā dvayoḥ api |
ekaḥ eva caret tasmāt kumāryāḥ iva kaṅkaṇaḥ || 10||
manaḥ ekatra saṃyujyāt jitaśvāsaḥ jita āsanaḥ |
vairāgyābhyāsayogena dhriyamāṇaṃ atandritaḥ || 11||
yasmin manaḥ labdhapadaṃ yat etat
śanaiḥ śanaiḥ muñcati karmareṇūn |
sattvena vṛddhena rajaḥ tamaḥ ca
vidhūya nirvāṇaṃ upaiti anindhanam || 12||
tat evaṃ ātmani avaruddhacittaḥ
na veda kiñcit bahiḥ antaraṃ vā |
yathā iṣukāraḥ nṛpatiṃ vrajantam
iṣau gatātmā na dadarśa pārśve || 13||
ekacāryaniketaḥ syāt apramattaḥ guhāśayaḥ |
alakṣyamāṇaḥ ācāraiḥ muniḥ ekaḥ alpabhāṣaṇaḥ || 14||
gṛhārambhaḥ atiduḥkhāya viphalaḥ ca adhruvātmanaḥ |
sarpaḥ parakṛtaṃ veśma praviśya sukhaṃ edhate || 15||
eko nārāyaṇo devaḥ pūrvasṛṣṭaṃ svamāyayā |
saṃhṛtya kālakalayā kalpānta idamīśvaraḥ || 16||
eka evādvitīyo'bhūdātmādhāro'khilāśrayaḥ |
kālenātmānubhāvena sāmyaṃ nītāsu śaktiṣu |
sattvādiṣvādipueruṣaḥ pradhānapuruṣeśvaraḥ || 17||
parāvarāṇāṃ parama āste kaivalyasañjñitaḥ |
kevalānubhavānandasandoho nirupādhikaḥ || 18||
kevalātmānubhāvena svamāyāṃ triguṇātmikām |
saṅkṣobhayansṛjatyādau tayā sūtramarindama || 19||
tāmāhustriguṇavyaktiṃ sṛjantīṃ viśvatomukham |
yasminprotamidaṃ viśvaṃ yena saṃsarate pumān || 20||
yathā ūrṇanābhiḥ hṛdayāt ūrṇāṃ santatya vaktrataḥ |
tayā vihṛtya bhūyastāṃ grasati evaṃ maheśvaraḥ || 21||
yatra yatra manaḥ dehī dhārayet sakalaṃ dhiyā |
snehāt dveṣāt bhayāt vā api yāti tat tat sarūpatām || 22||
kīṭaḥ peśaskṛtaṃ dhyāyan kuḍyāṃ tena praveśitaḥ |
yāti tat ssatmatāṃ rājan pūrvarūpaṃ asantyajan || 23||
evaṃ gurubhyaḥ etebhyaḥ eṣa me śikṣitā matiḥ |
svātmā upaśikṣitāṃ buddhiṃ śruṇu me vadataḥ prabho || 24||
dehaḥ guruḥ mama viraktivivekahetuḥ
bibhrat sma sattvanidhanaṃ satata artyut arkam |
tattvāni anena vimṛśāmi yathā tathā api
pārakyaṃ iti avasitaḥ vicarāmi asaṅgaḥ || 25||
jāyātmajārthapaśubhṛtyagṛhāptavargān
puṣṇāti yat priyacikīrṣayā vitanvan ||
svānte sakṛcchraṃ avaruddhadhanaḥ saḥ dehaḥ
sṛṣṭvā asya bījaṃ avasīdati vṛkṣadharmā || 26||
jihvā ekataḥ amuṃ avakarṣati karhi tarṣā
śiśnaḥ anyataḥ tvak udaraṃ śravaṇaṃ kutaścit |
grāṇaḥ anyataḥ capaladṛk kva ca karmaśaktiḥ
bahvyaḥ sapatnyaḥ iva gehapatiṃ lunanti || 27||
sṛṣṭvā purāṇi vividhāni ajayā ātmaśaktyā
vṛkṣān sarīsṛpapaśūnkhagadaṃśamatsyān |
taiḥ taiḥ atuṣṭahṛdayaḥ puruṣaṃ vidhāya
brahmāvalokadhiṣaṇaṃ mudamāpa devaḥ || 28||
labdhvā sudurlabhaṃ idaṃ bahusambhavānte
mānuṣyamarthadamanityamapīha dhīraḥ |
tūrṇaṃ yateta na patet anumṛtyuḥ yāvat
niḥśreyasāya viṣayaḥ khalu sarvataḥ syāt || 29||
evaṃ sañjātavairāgyaḥ vijñānaloka ātmani |
vicarāmi mahīṃ etāṃ muktasaṅgaḥ anahaṅkṛtiḥ || 30||
na hi ekasmāt guroḥ jñānaṃ susthiraṃ syāt supuṣkalam |
brahma etat advitīyaṃ vai gīyate bahudhā ṛṣibhiḥ || 31||
śrībhagavānuvāca |
ityuktvā sa yaduṃ viprastamāmantraya gabhīradhīḥ |
vandito|ābhyarthito rājñā yayau prīto yathāgatam || 32||
avadhūtavacaḥ śrutvā pūrveṣāṃ naḥ sa pūrvajaḥ |
sarvasaṅgavinirmuktaḥ samacitto babhūva ha || 33||
(iti avadhūtagītam |)
iti śrīmadbhāgavate mahāpurāṇe pāramahaṃsyāṃ
saṃhitāyāmekādaśaskandhe bhagavaduddhavasaṃvāde
navamo'dhyāyaḥ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.