Shri Raghuvira Gadyam (shri Mahavira Vaibhavam) — Grantha Script

Meaning —

𑌶𑍍𑌰𑍀𑌮𑌾𑌨𑍍𑌵𑍇𑌙𑍍𑌕𑌟𑌨𑌾𑌥𑌾𑌰𑍍𑌯 𑌕𑌵𑌿𑌤𑌾𑌰𑍍𑌕𑌿𑌕 𑌕𑍇𑌸𑌰𑌿 ।

śrīmānveṅkaṭanāthārya kavitārkika kesari |

𑌵𑍇𑌦𑌾𑌨𑍍𑌤𑌾𑌚𑌾𑌰𑍍𑌯𑌵𑌰𑍍𑌯𑍋𑌮𑍇 𑌸𑌨𑍍𑌨𑌿𑌧𑌤𑍍𑌤𑌾𑌂 𑌸𑌦𑌾𑌹𑍃𑌦𑌿 ॥

vedāntācāryavaryome sannidhattāṃ sadāhṛdi ||

𑌜𑌯𑌤𑍍𑌯𑌾𑌶𑍍𑌰𑌿𑌤 𑌸𑌨𑍍𑌤𑍍𑌰𑌾𑌸 𑌧𑍍𑌵𑌾𑌨𑍍𑌤 𑌵𑌿𑌧𑍍𑌵𑌂𑌸𑌨𑍋𑌦𑌯𑌃 ।

jayatyāśrita santrāsa dhvānta vidhvaṃsanodayaḥ |

𑌪𑍍𑌰𑌭𑌾𑌵𑌾𑌨𑍍 𑌸𑍀𑌤𑌯𑌾 𑌦𑍇𑌵𑍍𑌯𑌾 𑌪𑌰𑌮𑌵𑍍𑌯𑍋𑌮 𑌭𑌾𑌸𑍍𑌕𑌰𑌃 ॥

prabhāvān sītayā devyā paramavyoma bhāskaraḥ ||

𑌜𑌯 𑌜𑌯 𑌮𑌹𑌾𑌵𑍀𑌰 𑌮𑌹𑌾𑌧𑍀𑌰 𑌧𑍗𑌰𑍇𑌯,

jaya jaya mahāvīra mahādhīra dhaureya,

𑌦𑍇𑌵𑌾𑌸𑍁𑌰 𑌸𑌮𑌰 𑌸𑌮𑌯 𑌸𑌮𑍁𑌦𑌿𑌤 𑌨𑌿𑌖𑌿𑌲 𑌨𑌿𑌰𑍍𑌜𑌰 𑌨𑌿𑌰𑍍𑌧𑌾𑌰𑌿𑌤 𑌨𑌿𑌰𑌵𑌧𑌿𑌕 𑌮𑌾𑌹𑌾𑌤𑍍𑌮𑍍𑌯,

devāsura samara samaya samudita nikhila nirjara nirdhārita niravadhika māhātmya,

𑌦𑌶𑌵𑌦𑌨 𑌦𑌮𑌿𑌤 𑌦𑍈𑌵𑌤 𑌪𑌰𑌿𑌷𑌦𑌭𑍍𑌯𑌰𑍍𑌥𑌿𑌤 𑌦𑌾𑌶𑌰𑌥𑌿 𑌭𑌾𑌵,

daśavadana damita daivata pariṣadabhyarthita dāśarathi bhāva,

𑌦𑌿𑌨𑌕𑌰 𑌕𑍁𑌲 𑌕𑌮𑌲 𑌦𑌿𑌵𑌾𑌕𑌰,

dinakara kula kamala divākara,

𑌦𑌿𑌵𑌿𑌷𑌦𑌧𑌿𑌪𑌤𑌿 𑌰𑌣 𑌸𑌹𑌚𑌰𑌣 𑌚𑌤𑍁𑌰 𑌦𑌶𑌰𑌥 𑌚𑌰𑌮 𑌋𑌣𑌵𑌿𑌮𑍋𑌀𑌚𑌨,

diviṣadadhipati raṇa sahacaraṇa catura daśaratha carama ṛṇavimòcana,

𑌕𑍋𑌸𑌲 𑌸𑍁𑌤𑌾 𑌕𑍁𑌮𑌾𑌰 𑌭𑌾𑌵 𑌕𑌞𑍍𑌚𑍁𑌕𑌿𑌤 𑌕𑌾𑌰𑌣𑌾𑌕𑌾𑌰,

kosala sutā kumāra bhāva kañcukita kāraṇākāra,

𑌕𑍗𑌮𑌾𑌰 𑌕𑍇𑌲𑌿 𑌗𑍋𑌪𑌾𑌯𑌿𑌤 𑌕𑍗𑌶𑌿𑌕𑌾𑌧𑍍𑌵𑌰,

kaumāra keli gopāyita kauśikādhvara,

𑌰𑌣𑌾𑌧𑍍𑌵𑌰 𑌧𑍁𑌰𑍍𑌯 𑌭𑌵𑍍𑌯 𑌦𑌿𑌵𑍍𑌯𑌾𑌸𑍍𑌤𑍍𑌰 𑌬𑍃𑌨𑍍𑌦 𑌵𑌨𑍍𑌦𑌿𑌤,

raṇādhvara dhurya bhavya divyāstra bṛnda vandita,

𑌪𑍍𑌰𑌣𑌤 𑌜𑌨 𑌵𑌿𑌮𑌤 𑌵𑌿𑌮𑌥𑌨 𑌦𑍁𑌰𑍍𑌲𑌲𑌿𑌤 𑌦𑍋𑌰𑍍𑌲𑌲𑌿𑌤,

praṇata jana vimata vimathana durlalita dorlalita,

𑌤𑌨𑍁𑌤𑌰 𑌵𑌿𑌶𑌿𑌖 𑌵𑌿𑌤𑌾𑌡𑌨 𑌵𑌿𑌘𑌟𑌿𑌤 𑌵𑌿𑌶𑌰𑌾𑌰𑍁 𑌶𑌰𑌾𑌰𑍁 𑌤𑌾𑌟𑌕𑌾 𑌤𑌾𑌟𑌕𑍇𑌯,

tanutara viśikha vitāḍana vighaṭita viśarāru śarāru tāṭakā tāṭakeya,

𑌜𑌡𑌕𑌿𑌰𑌣 𑌶𑌕𑌲𑌧𑌰 𑌜𑌟𑌿𑌲 𑌨𑌟𑌪𑌤𑌿 𑌮𑌕𑍁𑌟 𑌤𑌟 𑌨𑌟𑌨𑌪𑌟𑍁 𑌵𑌿𑌬𑍁𑌧𑌸𑌰𑌿𑌦𑌤𑌿𑌬𑌹𑍁𑌲 𑌮𑌧𑍁𑌗𑌲𑌨 𑌲𑌲𑌿𑌤𑌪𑌦

jaḍakiraṇa śakaladhara jaṭila naṭapati makuṭa taṭa naṭanapaṭu vibudhasaridatibahula madhugalana lalitapada

𑌨𑌲𑌿𑌨𑌰𑌜 𑌉𑌪𑌮𑍃𑌦𑌿𑌤 𑌨𑌿𑌜𑌵𑍃𑌜𑌿𑌨 𑌜𑌹𑌦𑍁𑌪𑌲 𑌤𑌨𑍁𑌰𑍁𑌚𑌿𑌰 𑌪𑌰𑌮 𑌮𑍁𑌨𑌿𑌵𑌰 𑌯𑍁𑌵𑌤𑌿 𑌨𑍁𑌤,

nalinaraja upamṛdita nijavṛjina jahadupala tanurucira parama munivara yuvati nuta,

𑌕𑍁𑌶𑌿𑌕 𑌸𑍁𑌤 𑌕𑌥𑌿𑌤 𑌵𑌿𑌦𑌿𑌤 𑌨𑌵 𑌵𑌿𑌵𑌿𑌧 𑌕𑌥,

kuśika suta kathita vidita nava vividha katha,

𑌮𑍈𑌥𑌿𑌲 𑌨𑌗𑌰 𑌸𑍁𑌲𑍋𑌚𑌨𑌾 𑌲𑍋𑌚𑌨 𑌚𑌕𑍋𑌰 𑌚𑌨𑍍𑌦𑍍𑌰,

maithila nagara sulocanā locana cakora candra,

𑌖𑌣𑍍𑌡𑌪𑌰𑌶𑍁 𑌕𑍋𑌦𑌣𑍍𑌡 𑌪𑍍𑌰𑌕𑌾𑌣𑍍𑌡 𑌖𑌣𑍍𑌡𑌨 𑌶𑍗𑌣𑍍𑌡 𑌭𑍁𑌜𑌦𑌣𑍍𑌡,

khaṇḍaparaśu kodaṇḍa prakāṇḍa khaṇḍana śauṇḍa bhujadaṇḍa,

𑌚𑌣𑍍𑌡𑌕𑌰 𑌕𑌿𑌰𑌣 𑌮𑌣𑍍𑌡𑌲 𑌬𑍋𑌧𑌿𑌤 𑌪𑍁𑌣𑍍𑌡𑌰𑍀𑌕 𑌵𑌨 𑌰𑍁𑌚𑌿 𑌲𑍁𑌣𑍍𑌟𑌾𑌕 𑌲𑍋𑌚𑌨,

caṇḍakara kiraṇa maṇḍala bodhita puṇḍarīka vana ruci luṇṭāka locana,

𑌮𑍋𑌚𑌿𑌤 𑌜𑌨𑌕 𑌹𑍃𑌦𑌯 𑌶𑌙𑍍𑌕𑌾𑌤𑌙𑍍𑌕,

mocita janaka hṛdaya śaṅkātaṅka,

𑌪𑌰𑌿𑌹𑍃𑌤 𑌨𑌿𑌖𑌿𑌲 𑌨𑌰𑌪𑌤𑌿 𑌵𑌰𑌣 𑌜𑌨𑌕 𑌦𑍁𑌹𑌿𑌤𑍃 𑌕𑍁𑌚𑌤𑌟 𑌵𑌿𑌹𑌰𑌣 𑌸𑌮𑍁𑌚𑌿𑌤 𑌕𑌰𑌤𑌲,

parihṛta nikhila narapati varaṇa janaka duhitṛ kucataṭa viharaṇa samucita karatala,

𑌶𑌤𑌕𑍋𑌟𑌿 𑌶𑌤𑌗𑍁𑌣 𑌕𑌠𑌿𑌨 𑌪𑌰𑌶𑍁𑌧𑌰 𑌮𑍁𑌨𑌿𑌵𑌰 𑌕𑌰𑌧𑍃𑌤 𑌦𑍁𑌰𑌵𑌨𑌮𑌤𑌮 𑌨𑌿𑌜 𑌧𑌨𑍁𑌰𑌾𑌕𑌰𑍍𑌷𑌣 𑌪𑍍𑌰𑌕𑌾𑌶𑌿𑌤 𑌪𑌾𑌰𑌮𑍇𑌷𑍍𑌠𑍍𑌯,

śatakoṭi śataguṇa kaṭhina paraśudhara munivara karadhṛta duravanamatama nija dhanurākarṣaṇa prakāśita pārameṣṭhya,

𑌕𑍍𑌰𑌤𑍁𑌹𑌰 𑌶𑌿𑌖𑌰𑌿 𑌕𑌨𑍍𑌤𑍁𑌕 𑌵𑌿𑌹𑍃𑌤𑍍𑌯𑍁𑌨𑍍𑌮𑍁𑌖 𑌜𑌗𑌦𑌰𑍁𑌨𑍍𑌤𑍁𑌦 𑌜𑌿𑌤𑌹𑌰𑌿 𑌦𑌨𑍍𑌤𑌿 𑌦𑌨𑍍𑌤 𑌦𑌨𑍍𑌤𑍁𑌰 𑌦𑌶𑌵𑌦𑌨 𑌦𑌮𑌨 𑌕𑍁𑌶𑌲 𑌦𑌶𑌶𑌤𑌭𑍁𑌜 𑌮𑍁𑌖 𑌨𑍃𑌪𑌤𑌿𑌕𑍁𑌲 𑌰𑍁𑌧𑌿𑌰 𑌝𑌰 𑌭𑌰𑌿𑌤 𑌪𑍃𑌥𑍁𑌤𑌰 𑌤𑌟𑌾𑌕 𑌤𑌰𑍍𑌪𑌿𑌤 𑌪𑌿𑌤𑍃𑌕 𑌭𑍃𑌗𑍁𑌪𑌤𑌿 𑌸𑍁𑌗𑌤𑌿 𑌵𑌿𑌹𑌤𑌿𑌕𑌰 𑌨𑌤 𑌪𑌰𑍁𑌡𑌿𑌷𑍁 𑌪𑌰𑌿𑌘,

kratuhara śikhari kantuka vihṛtyunmukha jagadaruntuda jitahari danti danta dantura daśavadana damana kuśala daśaśatabhuja mukha nṛpatikula rudhira jhara bharita pṛthutara taṭāka tarpita pitṛka bhṛgupati sugati vihatikara nata paruḍiṣu parigha,

𑌅𑌨𑍃𑌤 𑌭𑌯 𑌮𑍁𑌷𑌿𑌤 𑌹𑍃𑌦𑌯 𑌪𑌿𑌤𑍃 𑌵𑌚𑌨 𑌪𑌾𑌲𑌨 𑌪𑍍𑌰𑌤𑌿𑌜𑍍𑌞𑌾𑌵𑌜𑍍𑌞𑌾𑌤 𑌯𑍗𑌵𑌰𑌾𑌜𑍍𑌯,

anṛta bhaya muṣita hṛdaya pitṛ vacana pālana pratijñāvajñāta yauvarājya,

𑌨𑌿𑌷𑌾𑌦 𑌰𑌾𑌜 𑌸𑍗𑌹𑍃𑌦 𑌸𑍂𑌚𑌿𑌤 𑌸𑍗𑌶𑍀𑌲𑍍𑌯 𑌸𑌾𑌗𑌰,

niṣāda rāja sauhṛda sūcita sauśīlya sāgara,

𑌭𑌰𑌦𑍍𑌵𑌾𑌜 𑌶𑌾𑌸𑌨 𑌪𑌰𑌿𑌗𑍃𑌹𑍀𑌤 𑌵𑌿𑌚𑌿𑌤𑍍𑌰 𑌚𑌿𑌤𑍍𑌰𑌕𑍂𑌟 𑌗𑌿𑌰𑌿 𑌕𑌟𑌕 𑌤𑌟 𑌰𑌮𑍍𑌯𑌾𑌵𑌸𑌥,

bharadvāja śāsana parigṛhīta vicitra citrakūṭa giri kaṭaka taṭa ramyāvasatha,

𑌅𑌨𑌨𑍍𑌯𑌶𑌾𑌸𑌨𑍀𑌯,

ananyaśāsanīya,

𑌪𑍍𑌰𑌣𑌤 𑌭𑌰𑌤 𑌮𑌕𑍁𑌟𑌤𑌟 𑌸𑍁𑌘𑌟𑌿𑌤 𑌪𑌾𑌦𑍁𑌕𑌾𑌗𑍍𑌰𑍍𑌯𑌾𑌭𑌿𑌷𑍇𑌕, 𑌨𑌿𑌰𑍍𑌵𑌰𑍍𑌤𑌿𑌤 𑌸𑌰𑍍𑌵𑌲𑍋𑌕 𑌯𑍋𑌗 𑌕𑍍𑌷𑍇𑌮,

praṇata bharata makuṭataṭa sughaṭita pādukāgryābhiṣeka, nirvartita sarvaloka yoga kṣema,

𑌪𑌿𑌶𑌿𑌤 𑌰𑍁𑌚𑌿 𑌵𑌿𑌹𑌿𑌤 𑌦𑍁𑌰𑌿𑌤 𑌵𑌲𑌮𑌥𑌨 𑌤𑌨𑌯 𑌬𑌲𑌿𑌭𑍁𑌗𑌨𑍁𑌗𑌤𑌿 𑌸𑌰𑌭𑌸 𑌶𑌯𑌨 𑌤𑍃𑌣 𑌶𑌕𑌲 𑌪𑌰𑌿𑌪𑌤𑌨 𑌭𑌯 𑌚𑌕𑌿𑌤 𑌸𑌕𑌲 𑌸𑍁𑌰 𑌮𑍁𑌨𑌿𑌵𑌰 𑌬𑌹𑍁𑌮𑌤 𑌮𑌹𑌾𑌸𑍍𑌤𑍍𑌰 𑌸𑌾𑌮𑌰𑍍𑌥𑍍𑌯,

piśita ruci vihita durita valamathana tanaya balibhuganugati sarabhasa śayana tṛṇa śakala paripatana bhaya cakita sakala sura munivara bahumata mahāstra sāmarthya,

𑌦𑍍𑌰𑍁𑌹𑌿𑌣 𑌹𑌰 𑌵𑌲𑌮𑌥𑌨 𑌦𑍁𑌰𑌾𑌲𑌕𑍍𑌷 𑌶𑌰𑌲𑌕𑍍𑌷,

druhiṇa hara valamathana durālakṣa śaralakṣa,

𑌦𑌣𑍍𑌡𑌕𑌾 𑌤𑌪𑍋𑌵𑌨 𑌜𑌙𑍍𑌗𑌮 𑌪𑌾𑌰𑌿𑌜𑌾𑌤,

daṇḍakā tapovana jaṅgama pārijāta,

𑌵𑌿𑌰𑌾𑌧 𑌹𑌰𑌿𑌣 𑌶𑌾𑌰𑍍𑌦𑍂𑌲,

virādha hariṇa śārdūla,

𑌵𑌿𑌲𑍁𑌲𑌿𑌤 𑌬𑌹𑍁𑌫𑌲 𑌮𑌖 𑌕𑌲𑌮 𑌰𑌜𑌨𑌿𑌚𑌰 𑌮𑍃𑌗 𑌮𑍃𑌗𑌯𑌾𑌰𑌮𑍍𑌭 𑌸𑌮𑍍𑌭𑍃𑌤 𑌚𑍀𑌰𑌭𑍃𑌦𑌨𑍁𑌰𑍋𑌧,

vilulita bahuphala makha kalama rajanicara mṛga mṛgayārambha sambhṛta cīrabhṛdanurodha,

𑌤𑍍𑌰𑌿𑌶𑌿𑌰𑌃 𑌶𑌿𑌰𑌸𑍍𑌤𑍍𑌰𑌿𑌤𑌯 𑌤𑌿𑌮𑌿𑌰 𑌨𑌿𑌰𑌾𑌸 𑌵𑌾𑌸𑌰𑌕𑌰,

triśiraḥ śirastritaya timira nirāsa vāsarakara,

𑌦𑍂𑌷𑌣 𑌜𑌲𑌨𑌿𑌧𑌿 𑌶𑍋𑌷𑌣 𑌤𑍋𑌷𑌿𑌤 𑌋𑌷𑌿𑌗𑌣 𑌘𑍋𑌷𑌿𑌤 𑌵𑌿𑌜𑌯 𑌘𑍋𑌷𑌣,

dūṣaṇa jalanidhi śoṣaṇa toṣita ṛṣigaṇa ghoṣita vijaya ghoṣaṇa,

𑌖𑌰𑌤𑌰 𑌖𑌰 𑌤𑌰𑍁 𑌖𑌣𑍍𑌡𑌨 𑌚𑌣𑍍𑌡 𑌪𑌵𑌨,

kharatara khara taru khaṇḍana caṇḍa pavana,

𑌦𑍍𑌵𑌿𑌸𑌪𑍍𑌤 𑌰𑌕𑍍𑌷𑌃 𑌸𑌹𑌸𑍍𑌰 𑌨𑌲𑌵𑌨 𑌵𑌿𑌲𑍋𑌲𑌨 𑌮𑌹𑌾𑌕𑌲𑌭,

dvisapta rakṣaḥ sahasra nalavana vilolana mahākalabha,

𑌅𑌸𑌹𑌾𑌯 𑌶𑍂𑌰,

asahāya śūra,

𑌅𑌨𑌪𑌾𑌯 𑌸𑌾𑌹𑌸,

anapāya sāhasa,

𑌮𑌹𑌿𑌤 𑌮𑌹𑌾𑌮𑍃𑌥 𑌦𑌰𑍍𑌶𑌨 𑌮𑍁𑌦𑌿𑌤 𑌮𑍈𑌥𑌿𑌲𑍀 𑌦𑍃𑌢𑌤𑌰 𑌪𑌰𑌿𑌰𑌮𑍍𑌭𑌣 𑌵𑌿𑌭𑌵 𑌵𑌿𑌰𑍋𑌪𑌿𑌤 𑌵𑌿𑌕𑌟 𑌵𑍀𑌰𑌵𑍍𑌰𑌣,

mahita mahāmṛtha darśana mudita maithilī dṛḍhatara parirambhaṇa vibhava viropita vikaṭa vīravraṇa,

𑌮𑌾𑌰𑍀𑌚 𑌮𑌾𑌯𑌾 𑌮𑍃𑌗 𑌚𑌰𑍍𑌮 𑌪𑌰𑌿𑌕𑌰𑍍𑌮𑌿𑌤 𑌨𑌿𑌰𑍍𑌭𑌰 𑌦𑌰𑍍𑌭𑌾𑌸𑍍𑌤𑌰𑌣,

mārīca māyā mṛga carma parikarmita nirbhara darbhāstaraṇa,

𑌵𑌿𑌕𑍍𑌰𑌮 𑌯𑌶𑍋 𑌲𑌾𑌭 𑌵𑌿𑌕𑍍𑌰𑍀𑌤 𑌜𑍀𑌵𑌿𑌤 𑌗𑍃𑌧𑍍𑌰𑌰𑌾𑌜 𑌦𑍇𑌹 𑌦𑌿𑌧𑌕𑍍𑌷𑌾 𑌲𑌕𑍍𑌷𑌿𑌤 𑌭𑌕𑍍𑌤𑌜𑌨 𑌦𑌾𑌕𑍍𑌷𑌿𑌣𑍍𑌯,

vikrama yaśo lābha vikrīta jīvita gṛdhrarāja deha didhakṣā lakṣita bhaktajana dākṣiṇya,

𑌕𑌲𑍍𑌪𑌿𑌤 𑌵𑌿𑌬𑍁𑌧𑌭𑌾𑌵 𑌕𑌬𑌨𑍍𑌧𑌾𑌭𑌿𑌨𑌨𑍍𑌦𑌿𑌤,

kalpita vibudhabhāva kabandhābhinandita,

𑌅𑌵𑌨𑍍𑌧𑍍𑌯 𑌮𑌹𑌿𑌮 𑌮𑍁𑌨𑌿𑌜𑌨 𑌭𑌜𑌨 𑌮𑍁𑌷𑌿𑌤 𑌹𑍃𑌦𑌯 𑌕𑌲𑍁𑌷 𑌶𑌬𑌰𑍀 𑌮𑍋𑌕𑍍𑌷 𑌸𑌾𑌕𑍍𑌷𑌿𑌭𑍂𑌤,

avandhya mahima munijana bhajana muṣita hṛdaya kaluṣa śabarī mokṣa sākṣibhūta,

𑌪𑍍𑌰𑌭𑌞𑍍𑌜𑌨𑌤𑌨𑌯 𑌭𑌾𑌵𑍁𑌕 𑌭𑌾𑌷𑌿𑌤 𑌰𑌞𑍍𑌜𑌿𑌤 𑌹𑍃𑌦𑌯,

prabhañjanatanaya bhāvuka bhāṣita rañjita hṛdaya,

𑌤𑌰𑌣𑌿𑌸𑍁𑌤 𑌶𑌰𑌣𑌾𑌗𑌤𑌿 𑌪𑌰𑌤𑌨𑍍𑌤𑍍𑌰𑍀𑌕𑍃𑌤 𑌸𑍍𑌵𑌾𑌤𑌨𑍍𑌤𑍍𑌰𑍍𑌯,

taraṇisuta śaraṇāgati paratantrīkṛta svātantrya,

𑌦𑍃𑌢𑌘𑌟𑌿𑌤 𑌕𑍈𑌲𑌾𑌸 𑌕𑍋𑌟𑌿 𑌵𑌿𑌕𑌟 𑌦𑍁𑌨𑍍𑌦𑍁𑌭𑌿 𑌕𑌙𑍍𑌕𑌾𑌲 𑌕𑍂𑌟 𑌦𑍂𑌰 𑌵𑌿𑌕𑍍𑌷𑍇𑌪 𑌦𑌕𑍍𑌷 𑌦𑌕𑍍𑌷𑌿𑌣𑍇𑌤𑌰 𑌪𑌾𑌦𑌾𑌙𑍍𑌗𑍁𑌷𑍍𑌠 𑌦𑌰𑌚𑌲𑌨 𑌵𑌿𑌶𑍍𑌵𑌸𑍍𑌤 𑌸𑍁𑌹𑍃𑌦𑌾𑌶𑌯,

dṛḍhaghaṭita kailāsa koṭi vikaṭa dundubhi kaṅkāla kūṭa dūra vikṣepa dakṣa dakṣiṇetara pādāṅguṣṭha daracalana viśvasta suhṛdāśaya,

𑌅𑌤𑌿𑌪𑍃𑌥𑍁𑌲 𑌬𑌹𑍁 𑌵𑌿𑌟𑌪𑌿 𑌗𑌿𑌰𑌿 𑌧𑌰𑌣𑌿 𑌵𑌿𑌵𑌰 𑌯𑍁𑌗𑌪𑌦𑍁𑌦𑌯 𑌵𑌿𑌵𑍃𑌤 𑌚𑌿𑌤𑍍𑌰𑌪𑍁𑌙𑍍𑌖 𑌵𑍈𑌚𑌿𑌤𑍍𑌰𑍍𑌯,

atipṛthula bahu viṭapi giri dharaṇi vivara yugapadudaya vivṛta citrapuṅkha vaicitrya,

𑌵𑌿𑌪𑍁𑌲 𑌭𑍁𑌜 𑌶𑍈𑌲𑌮𑍂𑌲 𑌨𑌿𑌬𑌿𑌡 𑌨𑌿𑌪𑍀𑌡𑌿𑌤 𑌰𑌾𑌵𑌣 𑌰𑌣𑌰𑌣𑌕 𑌜𑌨𑌕 𑌚𑌤𑍁𑌰𑍁𑌦𑌧𑌿 𑌵𑌿𑌹𑌰𑌣 𑌚𑌤𑍁𑌰 𑌕𑌪𑌿𑌕𑍁𑌲𑌪𑌤𑌿 𑌹𑍃𑌦𑌯 𑌵𑌿𑌶𑌾𑌲 𑌶𑌿𑌲𑌾𑌤𑌲 𑌦𑌾𑌰𑌣 𑌦𑌾𑌰𑍁𑌣 𑌶𑌿𑌲𑍀𑌮𑍁𑌖,

vipula bhuja śailamūla nibiḍa nipīḍita rāvaṇa raṇaraṇaka janaka caturudadhi viharaṇa catura kapikulapati hṛdaya viśāla śilātala dāraṇa dāruṇa śilīmukha,

𑌅𑌪𑌾𑌰 𑌪𑌾𑌰𑌾𑌵𑌾𑌰 𑌪𑌰𑌿𑌖𑌾 𑌪𑌰𑌿𑌵𑍃𑌤 𑌪𑌰𑌪𑍁𑌰 𑌪𑌰𑌿𑌸𑍃𑌤 𑌦𑌵 𑌦𑌹𑌨 𑌜𑌵𑌨 𑌪𑌵𑌨𑌭𑌵 𑌕𑌪𑌿𑌵𑌰 𑌪𑌰𑌿𑌷𑍍𑌵𑌙𑍍𑌗 𑌭𑌾𑌵𑌿𑌤 𑌸𑌰𑍍𑌵𑌸𑍍𑌵 𑌦𑌾𑌨,

apāra pārāvāra parikhā parivṛta parapura parisṛta dava dahana javana pavanabhava kapivara pariṣvaṅga bhāvita sarvasva dāna,

𑌅𑌹𑌿𑌤 𑌸𑌹𑍋𑌦𑌰 𑌰𑌕𑍍𑌷𑌃 𑌪𑌰𑌿𑌗𑍍𑌰𑌹 𑌵𑌿𑌸𑌂𑌵𑌾𑌦𑌿 𑌵𑌿𑌵𑌿𑌧 𑌸𑌚𑌿𑌵 𑌵𑌿𑌪𑍍𑌰𑌲𑌮𑍍𑌭 (𑌵𑌿𑌸𑍍𑌰𑌮𑍍𑌭𑌣) 𑌸𑌮𑌯 𑌸𑌂𑌰𑌮𑍍𑌭 𑌸𑌮𑍁𑌜𑍍𑌜𑍃𑌮𑍍𑌭𑌿𑌤 𑌸𑌰𑍍𑌵𑍇𑌶𑍍𑌵𑌰 𑌭𑌾𑌵,

ahita sahodara rakṣaḥ parigraha visaṃvādi vividha saciva vipralambha (visrambhaṇa) samaya saṃrambha samujjṛmbhita sarveśvara bhāva,

𑌸𑌕𑍃𑌤𑍍𑌪𑍍𑌰𑌪𑌨𑍍𑌨 𑌜𑌨 𑌸𑌂𑌰𑌕𑍍𑌷𑌣 𑌦𑍀𑌕𑍍𑌷𑌿𑌤 𑌵𑍀𑌰, 𑌸𑌤𑍍𑌯𑌵𑍍𑌰𑌤,

sakṛtprapanna jana saṃrakṣaṇa dīkṣita vīra, satyavrata,

𑌪𑍍𑌰𑌤𑌿𑌶𑌯𑌨 𑌭𑍂𑌮𑌿𑌕𑌾 𑌭𑍂𑌷𑌿𑌤 𑌪𑌯𑍋𑌧𑌿 𑌪𑍁𑌲𑌿𑌨,

pratiśayana bhūmikā bhūṣita payodhi pulina,

𑌪𑍍𑌰𑌲𑌯 𑌶𑌿𑌖𑌿 𑌪𑌰𑍁𑌷 𑌵𑌿𑌶𑌿𑌖 𑌶𑌿𑌖𑌾 𑌶𑍋𑌷𑌿𑌤𑌾𑌕𑍂𑌪𑌾𑌰 𑌵𑌾𑌰𑌿𑌪𑍂𑌰,

pralaya śikhi paruṣa viśikha śikhā śoṣitākūpāra vāripūra,

𑌪𑍍𑌰𑌬𑌲 𑌰𑌿𑌪𑍁 𑌕𑌲𑌹 𑌕𑍁𑌤𑍁𑌕 𑌚𑌟𑍁𑌲 𑌕𑌪𑌿𑌕𑍁𑌲 𑌕𑌰𑌤𑌲 𑌤𑍂𑌲𑌿𑌤 𑌹𑍃𑌤 𑌗𑌿𑌰𑌿 𑌨𑌿𑌕𑌰 𑌸𑌾𑌧𑌿𑌤 𑌸𑍇𑌤𑍁𑌪𑌥 𑌸𑍀𑌮𑌾 𑌸𑍀𑌮𑌨𑍍𑌤𑌿𑌤 𑌸𑌮𑍁𑌦𑍍𑌰,

prabala ripu kalaha kutuka caṭula kapikula karatala tūlita hṛta giri nikara sādhita setupatha sīmā sīmantita samudra,

𑌦𑍍𑌰𑍁𑌤𑌗𑌤𑌿 𑌤𑌰𑍁𑌮𑍃𑌗 𑌵𑌰𑍂𑌥𑌿𑌨𑍀 𑌨𑌿𑌰𑍁𑌦𑍍𑌧 𑌲𑌙𑍍𑌕𑌾𑌵𑌰𑍋𑌧 𑌵𑍇𑌪𑌥𑍁 𑌲𑌾𑌸𑍍𑌯 𑌲𑍀𑌲𑍋𑌪𑌦𑍇𑌶 𑌦𑍇𑌶𑌿𑌕 𑌧𑌨𑍁𑌰𑍍𑌜𑍍𑌯𑌾𑌘𑍋𑌷,

drutagati tarumṛga varūthinī niruddha laṅkāvarodha vepathu lāsya līlopadeśa deśika dhanurjyāghoṣa,

𑌗𑌗𑌨 𑌚𑌰 𑌕𑌨𑌕 𑌗𑌿𑌰𑌿 𑌗𑌰𑌿𑌮 𑌧𑌰 𑌨𑌿𑌗𑌮𑌮𑌯 𑌨𑌿𑌜 𑌗𑌰𑍁𑌡 𑌗𑌰𑍁𑌦𑌨𑌿𑌲 𑌲𑌵 𑌗𑌲𑌿𑌤 𑌵𑌿𑌷 𑌵𑌦𑌨 𑌶𑌰 𑌕𑌦𑌨,

gagana cara kanaka giri garima dhara nigamamaya nija garuḍa garudanila lava galita viṣa vadana śara kadana,

𑌅𑌕𑍃𑌤𑌚𑌰 𑌵𑌨𑌚𑌰 𑌰𑌣𑌕𑌰𑌣 𑌵𑍈𑌲𑌕𑍍𑌷𑍍𑌯 𑌕𑍂𑌣𑌿𑌤𑌾𑌕𑍍𑌷 𑌬𑌹𑍁𑌵𑌿𑌧 𑌰𑌕𑍍𑌷𑍋 𑌬𑌲𑌾𑌧𑍍𑌯𑌕𑍍𑌷 𑌵𑌕𑍍𑌷𑌃 𑌕𑌵𑌾𑌟 𑌪𑌾𑌟𑌨 𑌪𑌟𑌿𑌮 𑌸𑌾𑌟𑍋𑌪 𑌕𑍋𑌪𑌾𑌵𑌲𑍇𑌪,

akṛtacara vanacara raṇakaraṇa vailakṣya kūṇitākṣa bahuvidha rakṣo balādhyakṣa vakṣaḥ kavāṭa pāṭana paṭima sāṭopa kopāvalepa,

𑌕𑌟𑍁𑌰𑌟𑌦𑌟𑌨𑌿 𑌟𑌙𑍍𑌕𑍃𑌤𑌿 𑌚𑌟𑍁𑌲 𑌕𑌠𑍋𑌰 𑌕𑌾𑌰𑍍𑌮𑍁𑌖 𑌵𑌿𑌨𑌿𑌰𑍍𑌗𑌤 𑌵𑌿𑌶𑌙𑍍𑌕𑌟 𑌵𑌿𑌶𑌿𑌖 𑌵𑌿𑌤𑌾𑌡𑌨 𑌵𑌿𑌘𑌟𑌿𑌤 𑌮𑌕𑍁𑌟 𑌵𑌿𑌹𑍍𑌵𑌲 𑌵𑌿𑌶𑍍𑌰𑌵𑌸𑍍𑌤𑌨𑌯 𑌵𑌿𑌶𑍍𑌰𑌮 𑌸𑌮𑌯 𑌵𑌿𑌶𑍍𑌰𑌾𑌣𑌨 𑌵𑌿𑌖𑍍𑌯𑌾𑌤 𑌵𑌿𑌕𑍍𑌰𑌮,

kaṭuraṭadaṭani ṭaṅkṛti caṭula kaṭhora kārmukha vinirgata viśaṅkaṭa viśikha vitāḍana vighaṭita makuṭa vihvala viśravastanaya viśrama samaya viśrāṇana vikhyāta vikrama,

𑌕𑍁𑌮𑍍𑌭𑌕𑌰𑍍𑌣 𑌕𑍁𑌲𑌗𑌿𑌰𑌿 𑌵𑌿𑌦𑌲𑌨 𑌦𑌮𑍍𑌭𑍋𑌲𑌿 𑌭𑍂𑌤 𑌨𑌿𑌶𑍍𑌶𑌙𑍍𑌕 𑌕𑌙𑍍𑌕𑌪𑌤𑍍𑌰,

kumbhakarṇa kulagiri vidalana dambholi bhūta niśśaṅka kaṅkapatra,

𑌅𑌭𑌿𑌚𑌰𑌣 𑌹𑍁𑌤𑌵𑌹 𑌪𑌰𑌿𑌚𑌰𑌣 𑌵𑌿𑌘𑌟𑌨 𑌸𑌰𑌭𑌸 𑌪𑌰𑌿𑌪𑌤𑌦𑌪𑌰𑌿𑌮𑌿𑌤 𑌕𑌪𑌿𑌬𑌲 𑌜𑌲𑌧𑌿 𑌲𑌹𑌰𑌿 𑌕𑌲𑌕𑌲𑌰𑌵 𑌕𑍁𑌪𑌿𑌤 𑌮𑌘𑌵𑌜𑌿 𑌦𑌭𑌿𑌹𑌨𑌨𑌕𑍃𑌦𑌨𑍁𑌜 𑌸𑌾𑌕𑍍𑌷𑌿𑌕 𑌰𑌾𑌕𑍍𑌷𑌸 𑌦𑍍𑌵𑌨𑍍𑌦𑍍𑌵𑌯𑍁𑌦𑍍𑌧,

abhicaraṇa hutavaha paricaraṇa vighaṭana sarabhasa paripatadaparimita kapibala jaladhi lahari kalakalarava kupita maghavaji dabhihananakṛdanuja sākṣika rākṣasa dvandvayuddha,

𑌅𑌪𑍍𑌰𑌤𑌿𑌦𑍍𑌵𑌨𑍍𑌦𑍍𑌵 𑌪𑍗𑌰𑍁𑌷,

apratidvandva pauruṣa,

𑌤𑍍𑌰𑍍𑌯𑌮𑍍𑌬𑌕 𑌸𑌮𑌧𑌿𑌕 𑌘𑍋𑌰𑌾𑌸𑍍𑌤𑍍𑌰𑌾𑌡𑌮𑍍𑌬𑌰,

tryambaka samadhika ghorāstrāḍambara,

𑌸𑌾𑌰𑌥𑌿 𑌹𑍃𑌤 𑌰𑌥 𑌸𑌤𑍍𑌰𑌪 𑌶𑌾𑌤𑍍𑌰𑌵 𑌸𑌤𑍍𑌯𑌾𑌪𑌿𑌤 𑌪𑍍𑌰𑌤𑌾𑌪,

sārathi hṛta ratha satrapa śātrava satyāpita pratāpa,

𑌶𑌿𑌤 𑌶𑌰 𑌕𑍃𑌤 𑌲𑌵𑌣 𑌦𑌶𑌮𑍁𑌖 𑌮𑍁𑌖 𑌦𑌶𑌕 𑌨𑌿𑌪𑌤𑌨 𑌪𑍁𑌨𑌰𑍁𑌦𑌯 𑌦𑌰 𑌗𑌲𑌿𑌤 𑌜𑌨𑌿𑌤 𑌦𑌰 𑌤𑌰𑌲 𑌹𑌰𑌿𑌹𑌯 𑌨𑌯𑌨 𑌨𑌲𑌿𑌨𑌵𑌨 𑌰𑍁𑌚𑌿 𑌖𑌚𑌿𑌤 𑌖𑌤𑌲 𑌨𑌿𑌪𑌤𑌿𑌤 𑌸𑍁𑌰𑌤𑌰𑍁 𑌕𑍁𑌸𑍁𑌮 𑌵𑌿𑌤𑌤𑌿 𑌸𑍁𑌰𑌭𑌿𑌤 𑌰𑌥 𑌪𑌥,

śita śara kṛta lavaṇa daśamukha mukha daśaka nipatana punarudaya dara galita janita dara tarala harihaya nayana nalinavana ruci khacita khatala nipatita surataru kusuma vitati surabhita ratha patha,

𑌅𑌖𑌿𑌲 𑌜𑌗𑌦𑌧𑌿𑌕 𑌭𑍁𑌜 𑌬𑌲 𑌦𑌶 𑌲𑌪𑌨 𑌦𑌶𑌕 𑌲𑌵𑌨 𑌜𑌨𑌿𑌤 𑌕𑌦𑌨 𑌪𑌰𑌵𑌶 𑌰𑌜𑌨𑌿𑌚𑌰 𑌯𑍁𑌵𑌤𑌿 𑌵𑌿𑌲𑌪𑌨 𑌵𑌚𑌨 𑌸𑌮𑌵𑌿𑌷𑌯 𑌨𑌿𑌗𑌮 𑌶𑌿𑌖𑌰 𑌨𑌿𑌕𑌰 𑌮𑍁𑌖𑌰 𑌮𑍁𑌖 𑌮𑍁𑌨𑌿 𑌵𑌰 𑌪𑌰𑌿𑌪𑌣𑌿𑌤,

akhila jagadadhika bhuja bala daśa lapana daśaka lavana janita kadana paravaśa rajanicara yuvati vilapana vacana samaviṣaya nigama śikhara nikara mukhara mukha muni vara paripaṇita,

𑌅𑌭𑌿𑌗𑌤 𑌶𑌤𑌮𑌖 𑌹𑍁𑌤𑌵𑌹 𑌪𑌿𑌤𑍃𑌪𑌤𑌿 𑌨𑌿𑌰𑍃𑌤𑌿 𑌵𑌰𑍁𑌣 𑌪𑌵𑌨 𑌧𑌨𑌦 𑌗𑌿𑌰𑌿𑌶 𑌮𑍁𑌖 𑌸𑍁𑌰𑌪𑌤𑌿 𑌨𑍁𑌤 𑌮𑍁𑌦𑌿𑌤,

abhigata śatamakha hutavaha pitṛpati nirṛti varuṇa pavana dhanada giriśa mukha surapati nuta mudita,

𑌅𑌮𑌿𑌤 𑌮𑌤𑌿 𑌵𑌿𑌧𑌿 𑌵𑌿𑌦𑌿𑌤 𑌕𑌥𑌿𑌤 𑌨𑌿𑌜 𑌵𑌿𑌭𑌵 𑌜𑌲𑌧𑌿 𑌪𑍃𑌷𑌤 𑌲𑌵,

amita mati vidhi vidita kathita nija vibhava jaladhi pṛṣata lava,

𑌵𑌿𑌗𑌤 𑌭𑌯 𑌵𑌿𑌬𑍁𑌧 𑌪𑌰𑌿𑌬𑍃𑌢 𑌵𑌿𑌬𑍋𑌧𑌿𑌤 𑌵𑍀𑌰𑌶𑌯𑌨 𑌶𑌾𑌯𑌿𑌤 𑌵𑌾𑌨𑌰 𑌪𑍃𑌤𑌨𑍗𑌘,

vigata bhaya vibudha paribṛḍha vibodhita vīraśayana śāyita vānara pṛtanaugha,

𑌸𑍍𑌵 𑌸𑌮𑌯 𑌵𑌿𑌘𑌟𑌿𑌤 𑌸𑍁𑌘𑌟𑌿𑌤 𑌸𑌹𑍃𑌦𑌯 𑌸𑌹𑌧𑌰𑍍𑌮𑌚𑌾𑌰𑌿𑌣𑍀𑌕,

sva samaya vighaṭita sughaṭita sahṛdaya sahadharmacāriṇīka,

𑌵𑌿𑌭𑍀𑌷𑌣 𑌵𑌶𑌂𑌵𑌦𑍀𑌕𑍃𑌤 𑌲𑌙𑍍𑌕𑍈𑌶𑍍𑌵𑌰𑍍𑌯,

vibhīṣaṇa vaśaṃvadīkṛta laṅkaiśvarya,

𑌨𑌿𑌷𑍍𑌪𑌨𑍍𑌨 𑌕𑍃𑌤𑍍𑌯,

niṣpanna kṛtya,

𑌖 𑌪𑍁𑌷𑍍𑌪𑌿𑌤 𑌰𑌿𑌪𑍁 𑌪𑌕𑍍𑌷,

kha puṣpita ripu pakṣa,

𑌪𑍁𑌷𑍍𑌪𑌕 𑌰𑌭𑌸 𑌗𑌤𑌿 𑌗𑍋𑌷𑍍𑌪𑌦𑍀𑌕𑍃𑌤 𑌗𑌗𑌨𑌾𑌰𑍍𑌣𑌵,

puṣpaka rabhasa gati goṣpadīkṛta gaganārṇava,

𑌪𑍍𑌰𑌤𑌿𑌜𑍍𑌞𑌾𑌰𑍍𑌣𑌵 𑌤𑌰𑌣 𑌕𑍃𑌤 𑌕𑍍𑌷𑌣 𑌭𑌰𑌤 𑌮𑌨𑍋𑌰𑌥 𑌸𑌂𑌹𑌿𑌤 𑌸𑌿𑌂𑌹𑌾𑌸𑌨𑌾𑌧𑌿𑌰𑍂𑌢,

pratijñārṇava taraṇa kṛta kṣaṇa bharata manoratha saṃhita siṃhāsanādhirūḍha,

𑌸𑍍𑌵𑌾𑌮𑌿𑌨𑍍, 𑌰𑌾𑌘𑌵 𑌸𑌿𑌂𑌹,

svāmin, rāghava siṃha,

𑌹𑌾𑌟𑌕 𑌗𑌿𑌰𑌿 𑌕𑌟𑌕 𑌸𑌦𑍃𑌶 𑌪𑌾𑌦 𑌪𑍀𑌠 𑌨𑌿𑌕𑌟 𑌤𑌟 𑌪𑌰𑌿𑌲𑍁𑌠𑌿𑌤 𑌨𑌿𑌖𑌿𑌲 𑌨𑍃𑌪𑌤𑌿 𑌕𑌿𑌰𑍀𑌟 𑌕𑍋𑌟𑌿 𑌵𑌿𑌵𑌿𑌧 𑌮𑌣𑌿 𑌗𑌣 𑌕𑌿𑌰𑌣 𑌨𑌿𑌕𑌰 𑌨𑍀𑌰𑌾𑌜𑌿𑌤 𑌚𑌰𑌣 𑌰𑌾𑌜𑍀𑌵,

hāṭaka giri kaṭaka sadṛśa pāda pīṭha nikaṭa taṭa pariluṭhita nikhila nṛpati kirīṭa koṭi vividha maṇi gaṇa kiraṇa nikara nīrājita caraṇa rājīva,

𑌦𑌿𑌵𑍍𑌯 𑌭𑍗𑌮𑌾𑌯𑍋𑌧𑍍𑌯𑌾𑌧𑌿𑌦𑍈𑌵𑌤,

divya bhaumāyodhyādhidaivata,

𑌪𑌿𑌤𑍃 𑌵𑌧 𑌕𑍁𑌪𑌿𑌤 𑌪𑌰𑌶𑍁 𑌧𑌰 𑌮𑍁𑌨𑌿 𑌵𑌿𑌹𑌿𑌤 𑌨𑍃𑌪 𑌹𑌨𑌨 𑌕𑌦𑌨 𑌪𑍂𑌰𑍍𑌵 𑌕𑌾𑌲 𑌪𑍍𑌰𑌭𑌵 𑌶𑌤 𑌗𑍁𑌣 𑌪𑍍𑌰𑌤𑌿𑌷𑍍𑌠𑌾𑌪𑌿𑌤 𑌧𑌾𑌰𑍍𑌮𑌿𑌕 𑌰𑌾𑌜 𑌵𑌂𑌶,

pitṛ vadha kupita paraśu dhara muni vihita nṛpa hanana kadana pūrva kāla prabhava śata guṇa pratiṣṭhāpita dhārmika rāja vaṃśa,

𑌶𑍁𑌭 𑌚𑌰𑌿𑌤 𑌰𑌤 𑌭𑌰𑌤 𑌖𑌰𑍍𑌵𑌿𑌤 𑌗𑌰𑍍𑌵 𑌗𑌨𑍍𑌧𑌰𑍍𑌵 𑌯𑍂𑌥 𑌗𑍀𑌤 𑌵𑌿𑌜𑌯 𑌗𑌾𑌥𑌾 𑌶𑌤,

śubha carita rata bharata kharvita garva gandharva yūtha gīta vijaya gāthā śata,

𑌶𑌾𑌸𑌿𑌤 𑌮𑌧𑍁𑌸𑍁𑌤 𑌶𑌤𑍍𑌰𑍁𑌘𑍍𑌨 𑌸𑍇𑌵𑌿𑌤,

śāsita madhusuta śatrughna sevita,

𑌕𑍁𑌶 𑌲𑌵 𑌪𑌰𑌿𑌗𑍃𑌹𑍀𑌤 𑌕𑍁𑌲 𑌗𑌾𑌥𑌾 𑌵𑌿𑌶𑍇𑌷,

kuśa lava parigṛhīta kula gāthā viśeṣa,

𑌵𑌿𑌧𑌿𑌵𑌶 𑌪𑌰𑌿𑌣𑌮𑌦𑌮𑌰 𑌭𑌣𑌿𑌤𑌿 𑌕𑌵𑌿𑌵𑌰 𑌰𑌚𑌿𑌤 𑌨𑌿𑌜 𑌚𑌰𑌿𑌤 𑌨𑌿𑌬𑌨𑍍𑌧𑌨 𑌨𑌿𑌶𑌮𑌨 𑌨𑌿𑌰𑍍𑌵𑍃𑌤,

vidhivaśa pariṇamadamara bhaṇiti kavivara racita nija carita nibandhana niśamana nirvṛta,

𑌸𑌰𑍍𑌵 𑌜𑌨 𑌸𑌮𑍍𑌮𑌾𑌨𑌿𑌤,

sarva jana sammānita,

𑌪𑍁𑌨𑌰𑍁𑌪𑌸𑍍𑌥𑌾𑌪𑌿𑌤 𑌵𑌿𑌮𑌾𑌨 𑌵𑌰 𑌵𑌿𑌶𑍍𑌰𑌾𑌣𑌨 𑌪𑍍𑌰𑍀𑌣𑌿𑌤 𑌵𑍈𑌶𑍍𑌰𑌵𑌣 𑌵𑌿𑌶𑍍𑌰𑌾𑌵𑌿𑌤 𑌯𑌶𑌃 𑌪𑍍𑌰𑌪𑌞𑍍𑌚,

punarupasthāpita vimāna vara viśrāṇana prīṇita vaiśravaṇa viśrāvita yaśaḥ prapañca,

𑌪𑌞𑍍𑌚𑌤𑌾𑌪𑌨𑍍𑌨 𑌮𑍁𑌨𑌿𑌕𑍁𑌮𑌾𑌰 𑌸𑌞𑍍𑌜𑍀𑌵𑌨𑌾𑌮𑍃𑌤,

pañcatāpanna munikumāra sañjīvanāmṛta,

𑌤𑍍𑌰𑍇𑌤𑌾𑌯𑍁𑌗 𑌪𑍍𑌰𑌵𑌰𑍍𑌤𑌿𑌤 𑌕𑌾𑌰𑍍𑌤𑌯𑍁𑌗 𑌵𑍃𑌤𑍍𑌤𑌾𑌨𑍍𑌤,

tretāyuga pravartita kārtayuga vṛttānta,

𑌅𑌵𑌿𑌕𑌲 𑌬𑌹𑍁𑌸𑍁𑌵𑌰𑍍𑌣 𑌹𑌯𑌮𑌖 𑌸𑌹𑌸𑍍𑌰 𑌨𑌿𑌰𑍍𑌵𑌹𑌣 𑌨𑌿𑌰𑍍𑌵𑌰𑍍𑌤𑌿𑌤 𑌨𑌿𑌜 𑌵𑌰𑍍𑌣𑌾𑌶𑍍𑌰𑌮 𑌧𑌰𑍍𑌮,

avikala bahusuvarṇa hayamakha sahasra nirvahaṇa nirvartita nija varṇāśrama dharma,

𑌸𑌰𑍍𑌵 𑌕𑌰𑍍𑌮 𑌸𑌮𑌾𑌰𑌾𑌧𑍍𑌯,

sarva karma samārādhya,

𑌸𑌨𑌾𑌤𑌨 𑌧𑌰𑍍𑌮,

sanātana dharma,

𑌸𑌾𑌕𑍇𑌤 𑌜𑌨𑌪𑌦 𑌜𑌨𑌿 𑌧𑌨𑌿𑌕 𑌜𑌙𑍍𑌗𑌮 𑌤𑌦𑌿𑌤𑌰 𑌜𑌨𑍍𑌤𑍁 𑌜𑌾𑌤 𑌦𑌿𑌵𑍍𑌯 𑌗𑌤𑌿 𑌦𑌾𑌨 𑌦𑌰𑍍𑌶𑌿𑌤 𑌨𑌿𑌤𑍍𑌯 𑌨𑌿𑌸𑍍𑌸𑍀𑌮 𑌵𑍈𑌭𑌵,

sāketa janapada jani dhanika jaṅgama taditara jantu jāta divya gati dāna darśita nitya nissīma vaibhava,

𑌭𑌵 𑌤𑌪𑌨 𑌤𑌾𑌪𑌿𑌤 𑌭𑌕𑍍𑌤𑌜𑌨 𑌭𑌦𑍍𑌰𑌾𑌰𑌾𑌮,

bhava tapana tāpita bhaktajana bhadrārāma,

𑌶𑍍𑌰𑍀 𑌰𑌾𑌮𑌭𑌦𑍍𑌰, 𑌨𑌮𑌸𑍍𑌤𑍇 𑌪𑍁𑌨𑌸𑍍𑌤𑍇 𑌨𑌮𑌃 ॥

śrī rāmabhadra, namaste punaste namaḥ ||

𑌚𑌤𑍁𑌰𑍍𑌮𑍁𑌖𑍇𑌶𑍍𑌵𑌰𑌮𑍁𑌖𑍈𑌃 𑌪𑍁𑌤𑍍𑌰𑌪𑍗𑌤𑍍𑌰𑌾𑌦𑌿𑌶𑌾𑌲𑌿𑌨𑍇 ।

caturmukheśvaramukhaiḥ putrapautrādiśāline |

𑌨𑌮𑌃 𑌸𑍀𑌤𑌾𑌸𑌮𑍇𑌤𑌾𑌯 𑌰𑌾𑌮𑌾𑌯 𑌗𑍃𑌹𑌮𑍇𑌧𑌿𑌨𑍇 ॥

namaḥ sītāsametāya rāmāya gṛhamedhine ||

𑌕𑌵𑌿𑌕𑌥𑌕𑌸𑌿𑌂𑌹𑌕𑌥𑌿𑌤𑌂

kavikathakasiṃhakathitaṃ

𑌕𑌠𑍋𑌰𑌸𑍁𑌕𑍁𑌮𑌾𑌰𑌗𑍁𑌮𑍍𑌭𑌗𑌮𑍍𑌭𑍀𑌰𑌮𑍍 ।

kaṭhorasukumāragumbhagambhīram |

𑌭𑌵𑌭𑌯𑌭𑍇𑌷𑌜𑌮𑍇𑌤𑌤𑍍

bhavabhayabheṣajametat

𑌪𑌠𑌤 𑌮𑌹𑌾𑌵𑍀𑌰𑌵𑍈𑌭𑌵𑌂 𑌸𑍁𑌧𑌿𑌯𑌃 ॥

paṭhata mahāvīravaibhavaṃ sudhiyaḥ ||

𑌇𑌤𑌿 𑌶𑍍𑌰𑍀𑌮𑌹𑌾𑌵𑍀𑌰𑌵𑍈𑌭𑌵𑌮𑍍 ॥

Sanskrit — Devanagari (original)

श्रीमान्वेङ्कटनाथार्य कवितार्किक केसरि ।

वेदान्ताचार्यवर्योमे सन्निधत्तां सदाहृदि ॥

जयत्याश्रित सन्त्रास ध्वान्त विध्वंसनोदयः ।

प्रभावान् सीतया देव्या परमव्योम भास्करः ॥

जय जय महावीर महाधीर धौरेय,

देवासुर समर समय समुदित निखिल निर्जर निर्धारित निरवधिक माहात्म्य,

दशवदन दमित दैवत परिषदभ्यर्थित दाशरथि भाव,

दिनकर कुल कमल दिवाकर,

दिविषदधिपति रण सहचरण चतुर दशरथ चरम ऋणविमॊचन,

कोसल सुता कुमार भाव कञ्चुकित कारणाकार,

कौमार केलि गोपायित कौशिकाध्वर,

रणाध्वर धुर्य भव्य दिव्यास्त्र बृन्द वन्दित,

प्रणत जन विमत विमथन दुर्ललित दोर्ललित,

तनुतर विशिख विताडन विघटित विशरारु शरारु ताटका ताटकेय,

जडकिरण शकलधर जटिल नटपति मकुट तट नटनपटु विबुधसरिदतिबहुल मधुगलन ललितपद

नलिनरज उपमृदित निजवृजिन जहदुपल तनुरुचिर परम मुनिवर युवति नुत,

कुशिक सुत कथित विदित नव विविध कथ,

मैथिल नगर सुलोचना लोचन चकोर चन्द्र,

खण्डपरशु कोदण्ड प्रकाण्ड खण्डन शौण्ड भुजदण्ड,

चण्डकर किरण मण्डल बोधित पुण्डरीक वन रुचि लुण्टाक लोचन,

मोचित जनक हृदय शङ्कातङ्क,

परिहृत निखिल नरपति वरण जनक दुहितृ कुचतट विहरण समुचित करतल,

शतकोटि शतगुण कठिन परशुधर मुनिवर करधृत दुरवनमतम निज धनुराकर्षण प्रकाशित पारमेष्ठ्य,

क्रतुहर शिखरि कन्तुक विहृत्युन्मुख जगदरुन्तुद जितहरि दन्ति दन्त दन्तुर दशवदन दमन कुशल दशशतभुज मुख नृपतिकुल रुधिर झर भरित पृथुतर तटाक तर्पित पितृक भृगुपति सुगति विहतिकर नत परुडिषु परिघ,

अनृत भय मुषित हृदय पितृ वचन पालन प्रतिज्ञावज्ञात यौवराज्य,

निषाद राज सौहृद सूचित सौशील्य सागर,

भरद्वाज शासन परिगृहीत विचित्र चित्रकूट गिरि कटक तट रम्यावसथ,

अनन्यशासनीय,

प्रणत भरत मकुटतट सुघटित पादुकाग्र्याभिषेक, निर्वर्तित सर्वलोक योग क्षेम,

पिशित रुचि विहित दुरित वलमथन तनय बलिभुगनुगति सरभस शयन तृण शकल परिपतन भय चकित सकल सुर मुनिवर बहुमत महास्त्र सामर्थ्य,

द्रुहिण हर वलमथन दुरालक्ष शरलक्ष,

दण्डका तपोवन जङ्गम पारिजात,

विराध हरिण शार्दूल,

विलुलित बहुफल मख कलम रजनिचर मृग मृगयारम्भ सम्भृत चीरभृदनुरोध,

त्रिशिरः शिरस्त्रितय तिमिर निरास वासरकर,

दूषण जलनिधि शोषण तोषित ऋषिगण घोषित विजय घोषण,

खरतर खर तरु खण्डन चण्ड पवन,

द्विसप्त रक्षः सहस्र नलवन विलोलन महाकलभ,

असहाय शूर,

अनपाय साहस,

महित महामृथ दर्शन मुदित मैथिली दृढतर परिरम्भण विभव विरोपित विकट वीरव्रण,

मारीच माया मृग चर्म परिकर्मित निर्भर दर्भास्तरण,

विक्रम यशो लाभ विक्रीत जीवित गृध्रराज देह दिधक्षा लक्षित भक्तजन दाक्षिण्य,

कल्पित विबुधभाव कबन्धाभिनन्दित,

अवन्ध्य महिम मुनिजन भजन मुषित हृदय कलुष शबरी मोक्ष साक्षिभूत,

प्रभञ्जनतनय भावुक भाषित रञ्जित हृदय,

तरणिसुत शरणागति परतन्त्रीकृत स्वातन्त्र्य,

दृढघटित कैलास कोटि विकट दुन्दुभि कङ्काल कूट दूर विक्षेप दक्ष दक्षिणेतर पादाङ्गुष्ठ दरचलन विश्वस्त सुहृदाशय,

अतिपृथुल बहु विटपि गिरि धरणि विवर युगपदुदय विवृत चित्रपुङ्ख वैचित्र्य,

विपुल भुज शैलमूल निबिड निपीडित रावण रणरणक जनक चतुरुदधि विहरण चतुर कपिकुलपति हृदय विशाल शिलातल दारण दारुण शिलीमुख,

अपार पारावार परिखा परिवृत परपुर परिसृत दव दहन जवन पवनभव कपिवर परिष्वङ्ग भावित सर्वस्व दान,

अहित सहोदर रक्षः परिग्रह विसंवादि विविध सचिव विप्रलम्भ (विस्रम्भण) समय संरम्भ समुज्जृम्भित सर्वेश्वर भाव,

सकृत्प्रपन्न जन संरक्षण दीक्षित वीर, सत्यव्रत,

प्रतिशयन भूमिका भूषित पयोधि पुलिन,

प्रलय शिखि परुष विशिख शिखा शोषिताकूपार वारिपूर,

प्रबल रिपु कलह कुतुक चटुल कपिकुल करतल तूलित हृत गिरि निकर साधित सेतुपथ सीमा सीमन्तित समुद्र,

द्रुतगति तरुमृग वरूथिनी निरुद्ध लङ्कावरोध वेपथु लास्य लीलोपदेश देशिक धनुर्ज्याघोष,

गगन चर कनक गिरि गरिम धर निगममय निज गरुड गरुदनिल लव गलित विष वदन शर कदन,

अकृतचर वनचर रणकरण वैलक्ष्य कूणिताक्ष बहुविध रक्षो बलाध्यक्ष वक्षः कवाट पाटन पटिम साटोप कोपावलेप,

कटुरटदटनि टङ्कृति चटुल कठोर कार्मुख विनिर्गत विशङ्कट विशिख विताडन विघटित मकुट विह्वल विश्रवस्तनय विश्रम समय विश्राणन विख्यात विक्रम,

कुम्भकर्ण कुलगिरि विदलन दम्भोलि भूत निश्शङ्क कङ्कपत्र,

अभिचरण हुतवह परिचरण विघटन सरभस परिपतदपरिमित कपिबल जलधि लहरि कलकलरव कुपित मघवजि दभिहननकृदनुज साक्षिक राक्षस द्वन्द्वयुद्ध,

अप्रतिद्वन्द्व पौरुष,

त्र्यम्बक समधिक घोरास्त्राडम्बर,

सारथि हृत रथ सत्रप शात्रव सत्यापित प्रताप,

शित शर कृत लवण दशमुख मुख दशक निपतन पुनरुदय दर गलित जनित दर तरल हरिहय नयन नलिनवन रुचि खचित खतल निपतित सुरतरु कुसुम वितति सुरभित रथ पथ,

अखिल जगदधिक भुज बल दश लपन दशक लवन जनित कदन परवश रजनिचर युवति विलपन वचन समविषय निगम शिखर निकर मुखर मुख मुनि वर परिपणित,

अभिगत शतमख हुतवह पितृपति निरृति वरुण पवन धनद गिरिश मुख सुरपति नुत मुदित,

अमित मति विधि विदित कथित निज विभव जलधि पृषत लव,

विगत भय विबुध परिबृढ विबोधित वीरशयन शायित वानर पृतनौघ,

स्व समय विघटित सुघटित सहृदय सहधर्मचारिणीक,

विभीषण वशंवदीकृत लङ्कैश्वर्य,

निष्पन्न कृत्य,

ख पुष्पित रिपु पक्ष,

पुष्पक रभस गति गोष्पदीकृत गगनार्णव,

प्रतिज्ञार्णव तरण कृत क्षण भरत मनोरथ संहित सिंहासनाधिरूढ,

स्वामिन्, राघव सिंह,

हाटक गिरि कटक सदृश पाद पीठ निकट तट परिलुठित निखिल नृपति किरीट कोटि विविध मणि गण किरण निकर नीराजित चरण राजीव,

दिव्य भौमायोध्याधिदैवत,

पितृ वध कुपित परशु धर मुनि विहित नृप हनन कदन पूर्व काल प्रभव शत गुण प्रतिष्ठापित धार्मिक राज वंश,

शुभ चरित रत भरत खर्वित गर्व गन्धर्व यूथ गीत विजय गाथा शत,

शासित मधुसुत शत्रुघ्न सेवित,

कुश लव परिगृहीत कुल गाथा विशेष,

विधिवश परिणमदमर भणिति कविवर रचित निज चरित निबन्धन निशमन निर्वृत,

सर्व जन सम्मानित,

पुनरुपस्थापित विमान वर विश्राणन प्रीणित वैश्रवण विश्रावित यशः प्रपञ्च,

पञ्चतापन्न मुनिकुमार सञ्जीवनामृत,

त्रेतायुग प्रवर्तित कार्तयुग वृत्तान्त,

अविकल बहुसुवर्ण हयमख सहस्र निर्वहण निर्वर्तित निज वर्णाश्रम धर्म,

सर्व कर्म समाराध्य,

सनातन धर्म,

साकेत जनपद जनि धनिक जङ्गम तदितर जन्तु जात दिव्य गति दान दर्शित नित्य निस्सीम वैभव,

भव तपन तापित भक्तजन भद्राराम,

श्री रामभद्र, नमस्ते पुनस्ते नमः ॥

चतुर्मुखेश्वरमुखैः पुत्रपौत्रादिशालिने ।

नमः सीतासमेताय रामाय गृहमेधिने ॥

कविकथकसिंहकथितं

कठोरसुकुमारगुम्भगम्भीरम् ।

भवभयभेषजमेतत्

पठत महावीरवैभवं सुधियः ॥

इति श्रीमहावीरवैभवम् ॥

🕉️ This is the original Sanskrit rendered in Grantha script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

𑌶𑍍𑌰𑍀 𑌰𑌘𑍁𑌵𑍀𑌰 𑌗𑌦𑍍𑌯𑌮𑍍 (𑌶𑍍𑌰𑍀 𑌮𑌹𑌾𑌵𑍀𑌰 𑌵𑍈𑌭𑌵𑌮𑍍)