Shri Raghuvira Gadyam (shri Mahavira Vaibhavam) — Malayalam Script

Meaning —

ശ്രീമാന്വേങ്കടനാഥാര്യ കവിതാര്കിക കേസരി ।

śrīmānveṅkaṭanāthārya kavitārkika kesari |

വേദാന്താചാര്യവര്യോമേ സന്നിധത്താം സദാഹൃദി ॥

vedāntācāryavaryome sannidhattāṃ sadāhṛdi ||

ജയത്യാശ്രിത സന്ത്രാസ ധ്വാന്ത വിധ്വംസനോദയഃ ।

jayatyāśrita santrāsa dhvānta vidhvaṃsanodayaḥ |

പ്രഭാവാന് സീതയാ ദേവ്യാ പരമവ്യോമ ഭാസ്കരഃ ॥

prabhāvān sītayā devyā paramavyoma bhāskaraḥ ||

ജയ ജയ മഹാവീര മഹാധീര ധൌരേയ,

jaya jaya mahāvīra mahādhīra dhaureya,

ദേവാസുര സമര സമയ സമുദിത നിഖില നിര്ജര നിര്ധാരിത നിരവധിക മാഹാത്മ്യ,

devāsura samara samaya samudita nikhila nirjara nirdhārita niravadhika māhātmya,

ദശവദന ദമിത ദൈവത പരിഷദഭ്യര്ഥിത ദാശരഥി ഭാവ,

daśavadana damita daivata pariṣadabhyarthita dāśarathi bhāva,

ദിനകര കുല കമല ദിവാകര,

dinakara kula kamala divākara,

ദിവിഷദധിപതി രണ സഹചരണ ചതുര ദശരഥ ചരമ ഋണവിമൊചന,

diviṣadadhipati raṇa sahacaraṇa catura daśaratha carama ṛṇavimòcana,

കോസല സുതാ കുമാര ഭാവ കഞ്ചുകിത കാരണാകാര,

kosala sutā kumāra bhāva kañcukita kāraṇākāra,

കൌമാര കേലി ഗോപായിത കൌശികാധ്വര,

kaumāra keli gopāyita kauśikādhvara,

രണാധ്വര ധുര്യ ഭവ്യ ദിവ്യാസ്ത്ര ബൃന്ദ വന്ദിത,

raṇādhvara dhurya bhavya divyāstra bṛnda vandita,

പ്രണത ജന വിമത വിമഥന ദുര്ലലിത ദോര്ലലിത,

praṇata jana vimata vimathana durlalita dorlalita,

തനുതര വിശിഖ വിതാഡന വിഘടിത വിശരാരു ശരാരു താടകാ താടകേയ,

tanutara viśikha vitāḍana vighaṭita viśarāru śarāru tāṭakā tāṭakeya,

ജഡകിരണ ശകലധര ജടില നടപതി മകുട തട നടനപടു വിബുധസരിദതിബഹുല മധുഗലന ലലിതപദ

jaḍakiraṇa śakaladhara jaṭila naṭapati makuṭa taṭa naṭanapaṭu vibudhasaridatibahula madhugalana lalitapada

നലിനരജ ഉപമൃദിത നിജവൃജിന ജഹദുപല തനുരുചിര പരമ മുനിവര യുവതി നുത,

nalinaraja upamṛdita nijavṛjina jahadupala tanurucira parama munivara yuvati nuta,

കുശിക സുത കഥിത വിദിത നവ വിവിധ കഥ,

kuśika suta kathita vidita nava vividha katha,

മൈഥില നഗര സുലോചനാ ലോചന ചകോര ചന്ദ്ര,

maithila nagara sulocanā locana cakora candra,

ഖണ്ഡപരശു കോദണ്ഡ പ്രകാണ്ഡ ഖണ്ഡന ശൌണ്ഡ ഭുജദണ്ഡ,

khaṇḍaparaśu kodaṇḍa prakāṇḍa khaṇḍana śauṇḍa bhujadaṇḍa,

ചണ്ഡകര കിരണ മണ്ഡല ബോധിത പുണ്ഡരീക വന രുചി ലുണ്ടാക ലോചന,

caṇḍakara kiraṇa maṇḍala bodhita puṇḍarīka vana ruci luṇṭāka locana,

മോചിത ജനക ഹൃദയ ശങ്കാതങ്ക,

mocita janaka hṛdaya śaṅkātaṅka,

പരിഹൃത നിഖില നരപതി വരണ ജനക ദുഹിതൃ കുചതട വിഹരണ സമുചിത കരതല,

parihṛta nikhila narapati varaṇa janaka duhitṛ kucataṭa viharaṇa samucita karatala,

ശതകോടി ശതഗുണ കഠിന പരശുധര മുനിവര കരധൃത ദുരവനമതമ നിജ ധനുരാകര്ഷണ പ്രകാശിത പാരമേഷ്ഠ്യ,

śatakoṭi śataguṇa kaṭhina paraśudhara munivara karadhṛta duravanamatama nija dhanurākarṣaṇa prakāśita pārameṣṭhya,

ക്രതുഹര ശിഖരി കന്തുക വിഹൃത്യുന്മുഖ ജഗദരുന്തുദ ജിതഹരി ദന്തി ദന്ത ദന്തുര ദശവദന ദമന കുശല ദശശതഭുജ മുഖ നൃപതികുല രുധിര ഝര ഭരിത പൃഥുതര തടാക തര്പിത പിതൃക ഭൃഗുപതി സുഗതി വിഹതികര നത പരുഡിഷു പരിഘ,

kratuhara śikhari kantuka vihṛtyunmukha jagadaruntuda jitahari danti danta dantura daśavadana damana kuśala daśaśatabhuja mukha nṛpatikula rudhira jhara bharita pṛthutara taṭāka tarpita pitṛka bhṛgupati sugati vihatikara nata paruḍiṣu parigha,

അനൃത ഭയ മുഷിത ഹൃദയ പിതൃ വചന പാലന പ്രതിജ്ഞാവജ്ഞാത യൌവരാജ്യ,

anṛta bhaya muṣita hṛdaya pitṛ vacana pālana pratijñāvajñāta yauvarājya,

നിഷാദ രാജ സൌഹൃദ സൂചിത സൌശീല്യ സാഗര,

niṣāda rāja sauhṛda sūcita sauśīlya sāgara,

ഭരദ്വാജ ശാസന പരിഗൃഹീത വിചിത്ര ചിത്രകൂട ഗിരി കടക തട രമ്യാവസഥ,

bharadvāja śāsana parigṛhīta vicitra citrakūṭa giri kaṭaka taṭa ramyāvasatha,

അനന്യശാസനീയ,

ananyaśāsanīya,

പ്രണത ഭരത മകുടതട സുഘടിത പാദുകാഗ്ര്യാഭിഷേക, നിര്വര്തിത സര്വലോക യോഗ ക്ഷേമ,

praṇata bharata makuṭataṭa sughaṭita pādukāgryābhiṣeka, nirvartita sarvaloka yoga kṣema,

പിശിത രുചി വിഹിത ദുരിത വലമഥന തനയ ബലിഭുഗനുഗതി സരഭസ ശയന തൃണ ശകല പരിപതന ഭയ ചകിത സകല സുര മുനിവര ബഹുമത മഹാസ്ത്ര സാമര്ഥ്യ,

piśita ruci vihita durita valamathana tanaya balibhuganugati sarabhasa śayana tṛṇa śakala paripatana bhaya cakita sakala sura munivara bahumata mahāstra sāmarthya,

ദ്രുഹിണ ഹര വലമഥന ദുരാലക്ഷ ശരലക്ഷ,

druhiṇa hara valamathana durālakṣa śaralakṣa,

ദണ്ഡകാ തപോവന ജങ്ഗമ പാരിജാത,

daṇḍakā tapovana jaṅgama pārijāta,

വിരാധ ഹരിണ ശാര്ദൂല,

virādha hariṇa śārdūla,

വിലുലിത ബഹുഫല മഖ കലമ രജനിചര മൃഗ മൃഗയാരമ്ഭ സമ്ഭൃത ചീരഭൃദനുരോധ,

vilulita bahuphala makha kalama rajanicara mṛga mṛgayārambha sambhṛta cīrabhṛdanurodha,

ത്രിശിരഃ ശിരസ്ത്രിതയ തിമിര നിരാസ വാസരകര,

triśiraḥ śirastritaya timira nirāsa vāsarakara,

ദൂഷണ ജലനിധി ശോഷണ തോഷിത ഋഷിഗണ ഘോഷിത വിജയ ഘോഷണ,

dūṣaṇa jalanidhi śoṣaṇa toṣita ṛṣigaṇa ghoṣita vijaya ghoṣaṇa,

ഖരതര ഖര തരു ഖണ്ഡന ചണ്ഡ പവന,

kharatara khara taru khaṇḍana caṇḍa pavana,

ദ്വിസപ്ത രക്ഷഃ സഹസ്ര നലവന വിലോലന മഹാകലഭ,

dvisapta rakṣaḥ sahasra nalavana vilolana mahākalabha,

അസഹായ ശൂര,

asahāya śūra,

അനപായ സാഹസ,

anapāya sāhasa,

മഹിത മഹാമൃഥ ദര്ശന മുദിത മൈഥിലീ ദൃഢതര പരിരമ്ഭണ വിഭവ വിരോപിത വികട വീരവ്രണ,

mahita mahāmṛtha darśana mudita maithilī dṛḍhatara parirambhaṇa vibhava viropita vikaṭa vīravraṇa,

മാരീച മായാ മൃഗ ചര്മ പരികര്മിത നിര്ഭര ദര്ഭാസ്തരണ,

mārīca māyā mṛga carma parikarmita nirbhara darbhāstaraṇa,

വിക്രമ യശോ ലാഭ വിക്രീത ജീവിത ഗൃധ്രരാജ ദേഹ ദിധക്ഷാ ലക്ഷിത ഭക്തജന ദാക്ഷിണ്യ,

vikrama yaśo lābha vikrīta jīvita gṛdhrarāja deha didhakṣā lakṣita bhaktajana dākṣiṇya,

കല്പിത വിബുധഭാവ കബന്ധാഭിനന്ദിത,

kalpita vibudhabhāva kabandhābhinandita,

അവന്ധ്യ മഹിമ മുനിജന ഭജന മുഷിത ഹൃദയ കലുഷ ശബരീ മോക്ഷ സാക്ഷിഭൂത,

avandhya mahima munijana bhajana muṣita hṛdaya kaluṣa śabarī mokṣa sākṣibhūta,

പ്രഭഞ്ജനതനയ ഭാവുക ഭാഷിത രഞ്ജിത ഹൃദയ,

prabhañjanatanaya bhāvuka bhāṣita rañjita hṛdaya,

തരണിസുത ശരണാഗതി പരതന്ത്രീകൃത സ്വാതന്ത്ര്യ,

taraṇisuta śaraṇāgati paratantrīkṛta svātantrya,

ദൃഢഘടിത കൈലാസ കോടി വികട ദുന്ദുഭി കങ്കാല കൂട ദൂര വിക്ഷേപ ദക്ഷ ദക്ഷിണേതര പാദാങ്ഗുഷ്ഠ ദരചലന വിശ്വസ്ത സുഹൃദാശയ,

dṛḍhaghaṭita kailāsa koṭi vikaṭa dundubhi kaṅkāla kūṭa dūra vikṣepa dakṣa dakṣiṇetara pādāṅguṣṭha daracalana viśvasta suhṛdāśaya,

അതിപൃഥുല ബഹു വിടപി ഗിരി ധരണി വിവര യുഗപദുദയ വിവൃത ചിത്രപുങ്ഖ വൈചിത്ര്യ,

atipṛthula bahu viṭapi giri dharaṇi vivara yugapadudaya vivṛta citrapuṅkha vaicitrya,

വിപുല ഭുജ ശൈലമൂല നിബിഡ നിപീഡിത രാവണ രണരണക ജനക ചതുരുദധി വിഹരണ ചതുര കപികുലപതി ഹൃദയ വിശാല ശിലാതല ദാരണ ദാരുണ ശിലീമുഖ,

vipula bhuja śailamūla nibiḍa nipīḍita rāvaṇa raṇaraṇaka janaka caturudadhi viharaṇa catura kapikulapati hṛdaya viśāla śilātala dāraṇa dāruṇa śilīmukha,

അപാര പാരാവാര പരിഖാ പരിവൃത പരപുര പരിസൃത ദവ ദഹന ജവന പവനഭവ കപിവര പരിഷ്വങ്ഗ ഭാവിത സര്വസ്വ ദാന,

apāra pārāvāra parikhā parivṛta parapura parisṛta dava dahana javana pavanabhava kapivara pariṣvaṅga bhāvita sarvasva dāna,

അഹിത സഹോദര രക്ഷഃ പരിഗ്രഹ വിസംവാദി വിവിധ സചിവ വിപ്രലമ്ഭ (വിസ്രമ്ഭണ) സമയ സംരമ്ഭ സമുജ്ജൃമ്ഭിത സര്വേശ്വര ഭാവ,

ahita sahodara rakṣaḥ parigraha visaṃvādi vividha saciva vipralambha (visrambhaṇa) samaya saṃrambha samujjṛmbhita sarveśvara bhāva,

സകൃത്പ്രപന്ന ജന സംരക്ഷണ ദീക്ഷിത വീര, സത്യവ്രത,

sakṛtprapanna jana saṃrakṣaṇa dīkṣita vīra, satyavrata,

പ്രതിശയന ഭൂമികാ ഭൂഷിത പയോധി പുലിന,

pratiśayana bhūmikā bhūṣita payodhi pulina,

പ്രലയ ശിഖി പരുഷ വിശിഖ ശിഖാ ശോഷിതാകൂപാര വാരിപൂര,

pralaya śikhi paruṣa viśikha śikhā śoṣitākūpāra vāripūra,

പ്രബല രിപു കലഹ കുതുക ചടുല കപികുല കരതല തൂലിത ഹൃത ഗിരി നികര സാധിത സേതുപഥ സീമാ സീമന്തിത സമുദ്ര,

prabala ripu kalaha kutuka caṭula kapikula karatala tūlita hṛta giri nikara sādhita setupatha sīmā sīmantita samudra,

ദ്രുതഗതി തരുമൃഗ വരൂഥിനീ നിരുദ്ധ ലങ്കാവരോധ വേപഥു ലാസ്യ ലീലോപദേശ ദേശിക ധനുര്ജ്യാഘോഷ,

drutagati tarumṛga varūthinī niruddha laṅkāvarodha vepathu lāsya līlopadeśa deśika dhanurjyāghoṣa,

ഗഗന ചര കനക ഗിരി ഗരിമ ധര നിഗമമയ നിജ ഗരുഡ ഗരുദനില ലവ ഗലിത വിഷ വദന ശര കദന,

gagana cara kanaka giri garima dhara nigamamaya nija garuḍa garudanila lava galita viṣa vadana śara kadana,

അകൃതചര വനചര രണകരണ വൈലക്ഷ്യ കൂണിതാക്ഷ ബഹുവിധ രക്ഷോ ബലാധ്യക്ഷ വക്ഷഃ കവാട പാടന പടിമ സാടോപ കോപാവലേപ,

akṛtacara vanacara raṇakaraṇa vailakṣya kūṇitākṣa bahuvidha rakṣo balādhyakṣa vakṣaḥ kavāṭa pāṭana paṭima sāṭopa kopāvalepa,

കടുരടദടനി ടങ്കൃതി ചടുല കഠോര കാര്മുഖ വിനിര്ഗത വിശങ്കട വിശിഖ വിതാഡന വിഘടിത മകുട വിഹ്വല വിശ്രവസ്തനയ വിശ്രമ സമയ വിശ്രാണന വിഖ്യാത വിക്രമ,

kaṭuraṭadaṭani ṭaṅkṛti caṭula kaṭhora kārmukha vinirgata viśaṅkaṭa viśikha vitāḍana vighaṭita makuṭa vihvala viśravastanaya viśrama samaya viśrāṇana vikhyāta vikrama,

കുമ്ഭകര്ണ കുലഗിരി വിദലന ദമ്ഭോലി ഭൂത നിശ്ശങ്ക കങ്കപത്ര,

kumbhakarṇa kulagiri vidalana dambholi bhūta niśśaṅka kaṅkapatra,

അഭിചരണ ഹുതവഹ പരിചരണ വിഘടന സരഭസ പരിപതദപരിമിത കപിബല ജലധി ലഹരി കലകലരവ കുപിത മഘവജി ദഭിഹനനകൃദനുജ സാക്ഷിക രാക്ഷസ ദ്വന്ദ്വയുദ്ധ,

abhicaraṇa hutavaha paricaraṇa vighaṭana sarabhasa paripatadaparimita kapibala jaladhi lahari kalakalarava kupita maghavaji dabhihananakṛdanuja sākṣika rākṣasa dvandvayuddha,

അപ്രതിദ്വന്ദ്വ പൌരുഷ,

apratidvandva pauruṣa,

ത്ര്യമ്ബക സമധിക ഘോരാസ്ത്രാഡമ്ബര,

tryambaka samadhika ghorāstrāḍambara,

സാരഥി ഹൃത രഥ സത്രപ ശാത്രവ സത്യാപിത പ്രതാപ,

sārathi hṛta ratha satrapa śātrava satyāpita pratāpa,

ശിത ശര കൃത ലവണ ദശമുഖ മുഖ ദശക നിപതന പുനരുദയ ദര ഗലിത ജനിത ദര തരല ഹരിഹയ നയന നലിനവന രുചി ഖചിത ഖതല നിപതിത സുരതരു കുസുമ വിതതി സുരഭിത രഥ പഥ,

śita śara kṛta lavaṇa daśamukha mukha daśaka nipatana punarudaya dara galita janita dara tarala harihaya nayana nalinavana ruci khacita khatala nipatita surataru kusuma vitati surabhita ratha patha,

അഖില ജഗദധിക ഭുജ ബല ദശ ലപന ദശക ലവന ജനിത കദന പരവശ രജനിചര യുവതി വിലപന വചന സമവിഷയ നിഗമ ശിഖര നികര മുഖര മുഖ മുനി വര പരിപണിത,

akhila jagadadhika bhuja bala daśa lapana daśaka lavana janita kadana paravaśa rajanicara yuvati vilapana vacana samaviṣaya nigama śikhara nikara mukhara mukha muni vara paripaṇita,

അഭിഗത ശതമഖ ഹുതവഹ പിതൃപതി നിരൃതി വരുണ പവന ധനദ ഗിരിശ മുഖ സുരപതി നുത മുദിത,

abhigata śatamakha hutavaha pitṛpati nirṛti varuṇa pavana dhanada giriśa mukha surapati nuta mudita,

അമിത മതി വിധി വിദിത കഥിത നിജ വിഭവ ജലധി പൃഷത ലവ,

amita mati vidhi vidita kathita nija vibhava jaladhi pṛṣata lava,

വിഗത ഭയ വിബുധ പരിബൃഢ വിബോധിത വീരശയന ശായിത വാനര പൃതനൌഘ,

vigata bhaya vibudha paribṛḍha vibodhita vīraśayana śāyita vānara pṛtanaugha,

സ്വ സമയ വിഘടിത സുഘടിത സഹൃദയ സഹധര്മചാരിണീക,

sva samaya vighaṭita sughaṭita sahṛdaya sahadharmacāriṇīka,

വിഭീഷണ വശംവദീകൃത ലങ്കൈശ്വര്യ,

vibhīṣaṇa vaśaṃvadīkṛta laṅkaiśvarya,

നിഷ്പന്ന കൃത്യ,

niṣpanna kṛtya,

ഖ പുഷ്പിത രിപു പക്ഷ,

kha puṣpita ripu pakṣa,

പുഷ്പക രഭസ ഗതി ഗോഷ്പദീകൃത ഗഗനാര്ണവ,

puṣpaka rabhasa gati goṣpadīkṛta gaganārṇava,

പ്രതിജ്ഞാര്ണവ തരണ കൃത ക്ഷണ ഭരത മനോരഥ സംഹിത സിംഹാസനാധിരൂഢ,

pratijñārṇava taraṇa kṛta kṣaṇa bharata manoratha saṃhita siṃhāsanādhirūḍha,

സ്വാമിന്, രാഘവ സിംഹ,

svāmin, rāghava siṃha,

ഹാടക ഗിരി കടക സദൃശ പാദ പീഠ നികട തട പരിലുഠിത നിഖില നൃപതി കിരീട കോടി വിവിധ മണി ഗണ കിരണ നികര നീരാജിത ചരണ രാജീവ,

hāṭaka giri kaṭaka sadṛśa pāda pīṭha nikaṭa taṭa pariluṭhita nikhila nṛpati kirīṭa koṭi vividha maṇi gaṇa kiraṇa nikara nīrājita caraṇa rājīva,

ദിവ്യ ഭൌമായോധ്യാധിദൈവത,

divya bhaumāyodhyādhidaivata,

പിതൃ വധ കുപിത പരശു ധര മുനി വിഹിത നൃപ ഹനന കദന പൂര്വ കാല പ്രഭവ ശത ഗുണ പ്രതിഷ്ഠാപിത ധാര്മിക രാജ വംശ,

pitṛ vadha kupita paraśu dhara muni vihita nṛpa hanana kadana pūrva kāla prabhava śata guṇa pratiṣṭhāpita dhārmika rāja vaṃśa,

ശുഭ ചരിത രത ഭരത ഖര്വിത ഗര്വ ഗന്ധര്വ യൂഥ ഗീത വിജയ ഗാഥാ ശത,

śubha carita rata bharata kharvita garva gandharva yūtha gīta vijaya gāthā śata,

ശാസിത മധുസുത ശത്രുഘ്ന സേവിത,

śāsita madhusuta śatrughna sevita,

കുശ ലവ പരിഗൃഹീത കുല ഗാഥാ വിശേഷ,

kuśa lava parigṛhīta kula gāthā viśeṣa,

വിധിവശ പരിണമദമര ഭണിതി കവിവര രചിത നിജ ചരിത നിബന്ധന നിശമന നിര്വൃത,

vidhivaśa pariṇamadamara bhaṇiti kavivara racita nija carita nibandhana niśamana nirvṛta,

സര്വ ജന സമ്മാനിത,

sarva jana sammānita,

പുനരുപസ്ഥാപിത വിമാന വര വിശ്രാണന പ്രീണിത വൈശ്രവണ വിശ്രാവിത യശഃ പ്രപഞ്ച,

punarupasthāpita vimāna vara viśrāṇana prīṇita vaiśravaṇa viśrāvita yaśaḥ prapañca,

പഞ്ചതാപന്ന മുനികുമാര സഞ്ജീവനാമൃത,

pañcatāpanna munikumāra sañjīvanāmṛta,

ത്രേതായുഗ പ്രവര്തിത കാര്തയുഗ വൃത്താന്ത,

tretāyuga pravartita kārtayuga vṛttānta,

അവികല ബഹുസുവര്ണ ഹയമഖ സഹസ്ര നിര്വഹണ നിര്വര്തിത നിജ വര്ണാശ്രമ ധര്മ,

avikala bahusuvarṇa hayamakha sahasra nirvahaṇa nirvartita nija varṇāśrama dharma,

സര്വ കര്മ സമാരാധ്യ,

sarva karma samārādhya,

സനാതന ധര്മ,

sanātana dharma,

സാകേത ജനപദ ജനി ധനിക ജങ്ഗമ തദിതര ജന്തു ജാത ദിവ്യ ഗതി ദാന ദര്ശിത നിത്യ നിസ്സീമ വൈഭവ,

sāketa janapada jani dhanika jaṅgama taditara jantu jāta divya gati dāna darśita nitya nissīma vaibhava,

ഭവ തപന താപിത ഭക്തജന ഭദ്രാരാമ,

bhava tapana tāpita bhaktajana bhadrārāma,

ശ്രീ രാമഭദ്ര, നമസ്തേ പുനസ്തേ നമഃ ॥

śrī rāmabhadra, namaste punaste namaḥ ||

ചതുര്മുഖേശ്വരമുഖൈഃ പുത്രപൌത്രാദിശാലിനേ ।

caturmukheśvaramukhaiḥ putrapautrādiśāline |

നമഃ സീതാസമേതായ രാമായ ഗൃഹമേധിനേ ॥

namaḥ sītāsametāya rāmāya gṛhamedhine ||

കവികഥകസിംഹകഥിതം

kavikathakasiṃhakathitaṃ

കഠോരസുകുമാരഗുമ്ഭഗമ്ഭീരമ് ।

kaṭhorasukumāragumbhagambhīram |

ഭവഭയഭേഷജമേതത്

bhavabhayabheṣajametat

പഠത മഹാവീരവൈഭവം സുധിയഃ ॥

paṭhata mahāvīravaibhavaṃ sudhiyaḥ ||

ഇതി ശ്രീമഹാവീരവൈഭവമ് ॥

Sanskrit — Devanagari (original)

श्रीमान्वेङ्कटनाथार्य कवितार्किक केसरि ।

वेदान्ताचार्यवर्योमे सन्निधत्तां सदाहृदि ॥

जयत्याश्रित सन्त्रास ध्वान्त विध्वंसनोदयः ।

प्रभावान् सीतया देव्या परमव्योम भास्करः ॥

जय जय महावीर महाधीर धौरेय,

देवासुर समर समय समुदित निखिल निर्जर निर्धारित निरवधिक माहात्म्य,

दशवदन दमित दैवत परिषदभ्यर्थित दाशरथि भाव,

दिनकर कुल कमल दिवाकर,

दिविषदधिपति रण सहचरण चतुर दशरथ चरम ऋणविमॊचन,

कोसल सुता कुमार भाव कञ्चुकित कारणाकार,

कौमार केलि गोपायित कौशिकाध्वर,

रणाध्वर धुर्य भव्य दिव्यास्त्र बृन्द वन्दित,

प्रणत जन विमत विमथन दुर्ललित दोर्ललित,

तनुतर विशिख विताडन विघटित विशरारु शरारु ताटका ताटकेय,

जडकिरण शकलधर जटिल नटपति मकुट तट नटनपटु विबुधसरिदतिबहुल मधुगलन ललितपद

नलिनरज उपमृदित निजवृजिन जहदुपल तनुरुचिर परम मुनिवर युवति नुत,

कुशिक सुत कथित विदित नव विविध कथ,

मैथिल नगर सुलोचना लोचन चकोर चन्द्र,

खण्डपरशु कोदण्ड प्रकाण्ड खण्डन शौण्ड भुजदण्ड,

चण्डकर किरण मण्डल बोधित पुण्डरीक वन रुचि लुण्टाक लोचन,

मोचित जनक हृदय शङ्कातङ्क,

परिहृत निखिल नरपति वरण जनक दुहितृ कुचतट विहरण समुचित करतल,

शतकोटि शतगुण कठिन परशुधर मुनिवर करधृत दुरवनमतम निज धनुराकर्षण प्रकाशित पारमेष्ठ्य,

क्रतुहर शिखरि कन्तुक विहृत्युन्मुख जगदरुन्तुद जितहरि दन्ति दन्त दन्तुर दशवदन दमन कुशल दशशतभुज मुख नृपतिकुल रुधिर झर भरित पृथुतर तटाक तर्पित पितृक भृगुपति सुगति विहतिकर नत परुडिषु परिघ,

अनृत भय मुषित हृदय पितृ वचन पालन प्रतिज्ञावज्ञात यौवराज्य,

निषाद राज सौहृद सूचित सौशील्य सागर,

भरद्वाज शासन परिगृहीत विचित्र चित्रकूट गिरि कटक तट रम्यावसथ,

अनन्यशासनीय,

प्रणत भरत मकुटतट सुघटित पादुकाग्र्याभिषेक, निर्वर्तित सर्वलोक योग क्षेम,

पिशित रुचि विहित दुरित वलमथन तनय बलिभुगनुगति सरभस शयन तृण शकल परिपतन भय चकित सकल सुर मुनिवर बहुमत महास्त्र सामर्थ्य,

द्रुहिण हर वलमथन दुरालक्ष शरलक्ष,

दण्डका तपोवन जङ्गम पारिजात,

विराध हरिण शार्दूल,

विलुलित बहुफल मख कलम रजनिचर मृग मृगयारम्भ सम्भृत चीरभृदनुरोध,

त्रिशिरः शिरस्त्रितय तिमिर निरास वासरकर,

दूषण जलनिधि शोषण तोषित ऋषिगण घोषित विजय घोषण,

खरतर खर तरु खण्डन चण्ड पवन,

द्विसप्त रक्षः सहस्र नलवन विलोलन महाकलभ,

असहाय शूर,

अनपाय साहस,

महित महामृथ दर्शन मुदित मैथिली दृढतर परिरम्भण विभव विरोपित विकट वीरव्रण,

मारीच माया मृग चर्म परिकर्मित निर्भर दर्भास्तरण,

विक्रम यशो लाभ विक्रीत जीवित गृध्रराज देह दिधक्षा लक्षित भक्तजन दाक्षिण्य,

कल्पित विबुधभाव कबन्धाभिनन्दित,

अवन्ध्य महिम मुनिजन भजन मुषित हृदय कलुष शबरी मोक्ष साक्षिभूत,

प्रभञ्जनतनय भावुक भाषित रञ्जित हृदय,

तरणिसुत शरणागति परतन्त्रीकृत स्वातन्त्र्य,

दृढघटित कैलास कोटि विकट दुन्दुभि कङ्काल कूट दूर विक्षेप दक्ष दक्षिणेतर पादाङ्गुष्ठ दरचलन विश्वस्त सुहृदाशय,

अतिपृथुल बहु विटपि गिरि धरणि विवर युगपदुदय विवृत चित्रपुङ्ख वैचित्र्य,

विपुल भुज शैलमूल निबिड निपीडित रावण रणरणक जनक चतुरुदधि विहरण चतुर कपिकुलपति हृदय विशाल शिलातल दारण दारुण शिलीमुख,

अपार पारावार परिखा परिवृत परपुर परिसृत दव दहन जवन पवनभव कपिवर परिष्वङ्ग भावित सर्वस्व दान,

अहित सहोदर रक्षः परिग्रह विसंवादि विविध सचिव विप्रलम्भ (विस्रम्भण) समय संरम्भ समुज्जृम्भित सर्वेश्वर भाव,

सकृत्प्रपन्न जन संरक्षण दीक्षित वीर, सत्यव्रत,

प्रतिशयन भूमिका भूषित पयोधि पुलिन,

प्रलय शिखि परुष विशिख शिखा शोषिताकूपार वारिपूर,

प्रबल रिपु कलह कुतुक चटुल कपिकुल करतल तूलित हृत गिरि निकर साधित सेतुपथ सीमा सीमन्तित समुद्र,

द्रुतगति तरुमृग वरूथिनी निरुद्ध लङ्कावरोध वेपथु लास्य लीलोपदेश देशिक धनुर्ज्याघोष,

गगन चर कनक गिरि गरिम धर निगममय निज गरुड गरुदनिल लव गलित विष वदन शर कदन,

अकृतचर वनचर रणकरण वैलक्ष्य कूणिताक्ष बहुविध रक्षो बलाध्यक्ष वक्षः कवाट पाटन पटिम साटोप कोपावलेप,

कटुरटदटनि टङ्कृति चटुल कठोर कार्मुख विनिर्गत विशङ्कट विशिख विताडन विघटित मकुट विह्वल विश्रवस्तनय विश्रम समय विश्राणन विख्यात विक्रम,

कुम्भकर्ण कुलगिरि विदलन दम्भोलि भूत निश्शङ्क कङ्कपत्र,

अभिचरण हुतवह परिचरण विघटन सरभस परिपतदपरिमित कपिबल जलधि लहरि कलकलरव कुपित मघवजि दभिहननकृदनुज साक्षिक राक्षस द्वन्द्वयुद्ध,

अप्रतिद्वन्द्व पौरुष,

त्र्यम्बक समधिक घोरास्त्राडम्बर,

सारथि हृत रथ सत्रप शात्रव सत्यापित प्रताप,

शित शर कृत लवण दशमुख मुख दशक निपतन पुनरुदय दर गलित जनित दर तरल हरिहय नयन नलिनवन रुचि खचित खतल निपतित सुरतरु कुसुम वितति सुरभित रथ पथ,

अखिल जगदधिक भुज बल दश लपन दशक लवन जनित कदन परवश रजनिचर युवति विलपन वचन समविषय निगम शिखर निकर मुखर मुख मुनि वर परिपणित,

अभिगत शतमख हुतवह पितृपति निरृति वरुण पवन धनद गिरिश मुख सुरपति नुत मुदित,

अमित मति विधि विदित कथित निज विभव जलधि पृषत लव,

विगत भय विबुध परिबृढ विबोधित वीरशयन शायित वानर पृतनौघ,

स्व समय विघटित सुघटित सहृदय सहधर्मचारिणीक,

विभीषण वशंवदीकृत लङ्कैश्वर्य,

निष्पन्न कृत्य,

ख पुष्पित रिपु पक्ष,

पुष्पक रभस गति गोष्पदीकृत गगनार्णव,

प्रतिज्ञार्णव तरण कृत क्षण भरत मनोरथ संहित सिंहासनाधिरूढ,

स्वामिन्, राघव सिंह,

हाटक गिरि कटक सदृश पाद पीठ निकट तट परिलुठित निखिल नृपति किरीट कोटि विविध मणि गण किरण निकर नीराजित चरण राजीव,

दिव्य भौमायोध्याधिदैवत,

पितृ वध कुपित परशु धर मुनि विहित नृप हनन कदन पूर्व काल प्रभव शत गुण प्रतिष्ठापित धार्मिक राज वंश,

शुभ चरित रत भरत खर्वित गर्व गन्धर्व यूथ गीत विजय गाथा शत,

शासित मधुसुत शत्रुघ्न सेवित,

कुश लव परिगृहीत कुल गाथा विशेष,

विधिवश परिणमदमर भणिति कविवर रचित निज चरित निबन्धन निशमन निर्वृत,

सर्व जन सम्मानित,

पुनरुपस्थापित विमान वर विश्राणन प्रीणित वैश्रवण विश्रावित यशः प्रपञ्च,

पञ्चतापन्न मुनिकुमार सञ्जीवनामृत,

त्रेतायुग प्रवर्तित कार्तयुग वृत्तान्त,

अविकल बहुसुवर्ण हयमख सहस्र निर्वहण निर्वर्तित निज वर्णाश्रम धर्म,

सर्व कर्म समाराध्य,

सनातन धर्म,

साकेत जनपद जनि धनिक जङ्गम तदितर जन्तु जात दिव्य गति दान दर्शित नित्य निस्सीम वैभव,

भव तपन तापित भक्तजन भद्राराम,

श्री रामभद्र, नमस्ते पुनस्ते नमः ॥

चतुर्मुखेश्वरमुखैः पुत्रपौत्रादिशालिने ।

नमः सीतासमेताय रामाय गृहमेधिने ॥

कविकथकसिंहकथितं

कठोरसुकुमारगुम्भगम्भीरम् ।

भवभयभेषजमेतत्

पठत महावीरवैभवं सुधियः ॥

इति श्रीमहावीरवैभवम् ॥

🕉️ This is the original Sanskrit rendered in Malayalam script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

ശ്രീ രഘുവീര ഗദ്യമ് (ശ്രീ മഹാവീര വൈഭവമ്)