Shri Raghuvira Gadyam (shri Mahavira Vaibhavam) — Sinhala Script

Meaning —

ශ්රීමාන්වේඞ්කටනාථාර්ය කවිතාර්කික කේසරි .

śrīmānveṅkaṭanāthārya kavitārkika kesari |

වේදාන්තාචාර්යවර්යෝමේ සන්නිධත්තාං සදාහෘදි ..

vedāntācāryavaryome sannidhattāṃ sadāhṛdi ||

ජයත්යාශ්රිත සන්ත්රාස ධ්වාන්ත විධ්වංසනෝදයඃ .

jayatyāśrita santrāsa dhvānta vidhvaṃsanodayaḥ |

ප්රභාවාන් සීතයා දේව්යා පරමව්යෝම භාස්කරඃ ..

prabhāvān sītayā devyā paramavyoma bhāskaraḥ ||

ජය ජය මහාවීර මහාධීර ධෞරේය,

jaya jaya mahāvīra mahādhīra dhaureya,

දේවාසුර සමර සමය සමුදිත නිඛිල නිර්ජර නිර්ධාරිත නිරවධික මාහාත්ම්ය,

devāsura samara samaya samudita nikhila nirjara nirdhārita niravadhika māhātmya,

දශවදන දමිත දෛවත පරිෂදභ්යර්ථිත දාශරථි භාව,

daśavadana damita daivata pariṣadabhyarthita dāśarathi bhāva,

දිනකර කුල කමල දිවාකර,

dinakara kula kamala divākara,

දිවිෂදධිපති රණ සහචරණ චතුර දශරථ චරම ඍණවිමොචන,

diviṣadadhipati raṇa sahacaraṇa catura daśaratha carama ṛṇavimòcana,

කෝසල සුතා කුමාර භාව කඤ්චුකිත කාරණාකාර,

kosala sutā kumāra bhāva kañcukita kāraṇākāra,

කෞමාර කේලි ගෝපායිත කෞශිකාධ්වර,

kaumāra keli gopāyita kauśikādhvara,

රණාධ්වර ධුර්ය භව්ය දිව්යාස්ත්ර බෘන්ද වන්දිත,

raṇādhvara dhurya bhavya divyāstra bṛnda vandita,

ප්රණත ජන විමත විමථන දුර්ලලිත දෝර්ලලිත,

praṇata jana vimata vimathana durlalita dorlalita,

තනුතර විශිඛ විතාඩන විඝටිත විශරාරු ශරාරු තාටකා තාටකේය,

tanutara viśikha vitāḍana vighaṭita viśarāru śarāru tāṭakā tāṭakeya,

ජඩකිරණ ශකලධර ජටිල නටපති මකුට තට නටනපටු විබුධසරිදතිබහුල මධුගලන ලලිතපද

jaḍakiraṇa śakaladhara jaṭila naṭapati makuṭa taṭa naṭanapaṭu vibudhasaridatibahula madhugalana lalitapada

නලිනරජ උපමෘදිත නිජවෘජින ජහදුපල තනුරුචිර පරම මුනිවර යුවති නුත,

nalinaraja upamṛdita nijavṛjina jahadupala tanurucira parama munivara yuvati nuta,

කුශික සුත කථිත විදිත නව විවිධ කථ,

kuśika suta kathita vidita nava vividha katha,

මෛථිල නගර සුලෝචනා ලෝචන චකෝර චන්ද්ර,

maithila nagara sulocanā locana cakora candra,

ඛණ්ඩපරශු කෝදණ්ඩ ප්රකාණ්ඩ ඛණ්ඩන ශෞණ්ඩ භුජදණ්ඩ,

khaṇḍaparaśu kodaṇḍa prakāṇḍa khaṇḍana śauṇḍa bhujadaṇḍa,

චණ්ඩකර කිරණ මණ්ඩල බෝධිත පුණ්ඩරීක වන රුචි ලුණ්ටාක ලෝචන,

caṇḍakara kiraṇa maṇḍala bodhita puṇḍarīka vana ruci luṇṭāka locana,

මෝචිත ජනක හෘදය ශඞ්කාතඞ්ක,

mocita janaka hṛdaya śaṅkātaṅka,

පරිහෘත නිඛිල නරපති වරණ ජනක දුහිතෘ කුචතට විහරණ සමුචිත කරතල,

parihṛta nikhila narapati varaṇa janaka duhitṛ kucataṭa viharaṇa samucita karatala,

ශතකෝටි ශතගුණ කඨින පරශුධර මුනිවර කරධෘත දුරවනමතම නිජ ධනුරාකර්ෂණ ප්රකාශිත පාරමේෂ්ඨ්ය,

śatakoṭi śataguṇa kaṭhina paraśudhara munivara karadhṛta duravanamatama nija dhanurākarṣaṇa prakāśita pārameṣṭhya,

ක්රතුහර ශිඛරි කන්තුක විහෘත්යුන්මුඛ ජගදරුන්තුද ජිතහරි දන්ති දන්ත දන්තුර දශවදන දමන කුශල දශශතභුජ මුඛ නෘපතිකුල රුධිර ඣර භරිත පෘථුතර තටාක තර්පිත පිතෘක භෘගුපති සුගති විහතිකර නත පරුඩිෂු පරිඝ,

kratuhara śikhari kantuka vihṛtyunmukha jagadaruntuda jitahari danti danta dantura daśavadana damana kuśala daśaśatabhuja mukha nṛpatikula rudhira jhara bharita pṛthutara taṭāka tarpita pitṛka bhṛgupati sugati vihatikara nata paruḍiṣu parigha,

අනෘත භය මුෂිත හෘදය පිතෘ වචන පාලන ප්රතිජ්ඤාවජ්ඤාත යෞවරාජ්ය,

anṛta bhaya muṣita hṛdaya pitṛ vacana pālana pratijñāvajñāta yauvarājya,

නිෂාද රාජ සෞහෘද සූචිත සෞශීල්ය සාගර,

niṣāda rāja sauhṛda sūcita sauśīlya sāgara,

භරද්වාජ ශාසන පරිගෘහීත විචිත්ර චිත්රකූට ගිරි කටක තට රම්යාවසථ,

bharadvāja śāsana parigṛhīta vicitra citrakūṭa giri kaṭaka taṭa ramyāvasatha,

අනන්යශාසනීය,

ananyaśāsanīya,

ප්රණත භරත මකුටතට සුඝටිත පාදුකාග්ර්යාභිෂේක, නිර්වර්තිත සර්වලෝක යෝග ක්ෂේම,

praṇata bharata makuṭataṭa sughaṭita pādukāgryābhiṣeka, nirvartita sarvaloka yoga kṣema,

පිශිත රුචි විහිත දුරිත වලමථන තනය බලිභුගනුගති සරභස ශයන තෘණ ශකල පරිපතන භය චකිත සකල සුර මුනිවර බහුමත මහාස්ත්ර සාමර්ථ්ය,

piśita ruci vihita durita valamathana tanaya balibhuganugati sarabhasa śayana tṛṇa śakala paripatana bhaya cakita sakala sura munivara bahumata mahāstra sāmarthya,

ද්රුහිණ හර වලමථන දුරාලක්ෂ ශරලක්ෂ,

druhiṇa hara valamathana durālakṣa śaralakṣa,

දණ්ඩකා තපෝවන ජඞ්ගම පාරිජාත,

daṇḍakā tapovana jaṅgama pārijāta,

විරාධ හරිණ ශාර්දූල,

virādha hariṇa śārdūla,

විලුලිත බහුඵල මඛ කලම රජනිචර මෘග මෘගයාරම්භ සම්භෘත චීරභෘදනුරෝධ,

vilulita bahuphala makha kalama rajanicara mṛga mṛgayārambha sambhṛta cīrabhṛdanurodha,

ත්රිශිරඃ ශිරස්ත්රිතය තිමිර නිරාස වාසරකර,

triśiraḥ śirastritaya timira nirāsa vāsarakara,

දූෂණ ජලනිධි ශෝෂණ තෝෂිත ඍෂිගණ ඝෝෂිත විජය ඝෝෂණ,

dūṣaṇa jalanidhi śoṣaṇa toṣita ṛṣigaṇa ghoṣita vijaya ghoṣaṇa,

ඛරතර ඛර තරු ඛණ්ඩන චණ්ඩ පවන,

kharatara khara taru khaṇḍana caṇḍa pavana,

ද්විසප්ත රක්ෂඃ සහස්ර නලවන විලෝලන මහාකලභ,

dvisapta rakṣaḥ sahasra nalavana vilolana mahākalabha,

අසහාය ශූර,

asahāya śūra,

අනපාය සාහස,

anapāya sāhasa,

මහිත මහාමෘථ දර්ශන මුදිත මෛථිලී දෘඪතර පරිරම්භණ විභව විරෝපිත විකට වීරව්රණ,

mahita mahāmṛtha darśana mudita maithilī dṛḍhatara parirambhaṇa vibhava viropita vikaṭa vīravraṇa,

මාරීච මායා මෘග චර්ම පරිකර්මිත නිර්භර දර්භාස්තරණ,

mārīca māyā mṛga carma parikarmita nirbhara darbhāstaraṇa,

වික්රම යශෝ ලාභ වික්රීත ජීවිත ගෘධ්රරාජ දේහ දිධක්ෂා ලක්ෂිත භක්තජන දාක්ෂිණ්ය,

vikrama yaśo lābha vikrīta jīvita gṛdhrarāja deha didhakṣā lakṣita bhaktajana dākṣiṇya,

කල්පිත විබුධභාව කබන්ධාභිනන්දිත,

kalpita vibudhabhāva kabandhābhinandita,

අවන්ධ්ය මහිම මුනිජන භජන මුෂිත හෘදය කලුෂ ශබරී මෝක්ෂ සාක්ෂිභූත,

avandhya mahima munijana bhajana muṣita hṛdaya kaluṣa śabarī mokṣa sākṣibhūta,

ප්රභඤ්ජනතනය භාවුක භාෂිත රඤ්ජිත හෘදය,

prabhañjanatanaya bhāvuka bhāṣita rañjita hṛdaya,

තරණිසුත ශරණාගති පරතන්ත්රීකෘත ස්වාතන්ත්ර්ය,

taraṇisuta śaraṇāgati paratantrīkṛta svātantrya,

දෘඪඝටිත කෛලාස කෝටි විකට දුන්දුභි කඞ්කාල කූට දූර වික්ෂේප දක්ෂ දක්ෂිණේතර පාදාඞ්ගුෂ්ඨ දරචලන විශ්වස්ත සුහෘදාශය,

dṛḍhaghaṭita kailāsa koṭi vikaṭa dundubhi kaṅkāla kūṭa dūra vikṣepa dakṣa dakṣiṇetara pādāṅguṣṭha daracalana viśvasta suhṛdāśaya,

අතිපෘථුල බහු විටපි ගිරි ධරණි විවර යුගපදුදය විවෘත චිත්රපුඞ්ඛ වෛචිත්ර්ය,

atipṛthula bahu viṭapi giri dharaṇi vivara yugapadudaya vivṛta citrapuṅkha vaicitrya,

විපුල භුජ ශෛලමූල නිබිඩ නිපීඩිත රාවණ රණරණක ජනක චතුරුදධි විහරණ චතුර කපිකුලපති හෘදය විශාල ශිලාතල දාරණ දාරුණ ශිලීමුඛ,

vipula bhuja śailamūla nibiḍa nipīḍita rāvaṇa raṇaraṇaka janaka caturudadhi viharaṇa catura kapikulapati hṛdaya viśāla śilātala dāraṇa dāruṇa śilīmukha,

අපාර පාරාවාර පරිඛා පරිවෘත පරපුර පරිසෘත දව දහන ජවන පවනභව කපිවර පරිෂ්වඞ්ග භාවිත සර්වස්ව දාන,

apāra pārāvāra parikhā parivṛta parapura parisṛta dava dahana javana pavanabhava kapivara pariṣvaṅga bhāvita sarvasva dāna,

අහිත සහෝදර රක්ෂඃ පරිග්රහ විසංවාදි විවිධ සචිව විප්රලම්භ (විස්රම්භණ) සමය සංරම්භ සමුජ්ජෘම්භිත සර්වේශ්වර භාව,

ahita sahodara rakṣaḥ parigraha visaṃvādi vividha saciva vipralambha (visrambhaṇa) samaya saṃrambha samujjṛmbhita sarveśvara bhāva,

සකෘත්ප්රපන්න ජන සංරක්ෂණ දීක්ෂිත වීර, සත්යව්රත,

sakṛtprapanna jana saṃrakṣaṇa dīkṣita vīra, satyavrata,

ප්රතිශයන භූමිකා භූෂිත පයෝධි පුලින,

pratiśayana bhūmikā bhūṣita payodhi pulina,

ප්රලය ශිඛි පරුෂ විශිඛ ශිඛා ශෝෂිතාකූපාර වාරිපූර,

pralaya śikhi paruṣa viśikha śikhā śoṣitākūpāra vāripūra,

ප්රබල රිපු කලහ කුතුක චටුල කපිකුල කරතල තූලිත හෘත ගිරි නිකර සාධිත සේතුපථ සීමා සීමන්තිත සමුද්ර,

prabala ripu kalaha kutuka caṭula kapikula karatala tūlita hṛta giri nikara sādhita setupatha sīmā sīmantita samudra,

ද්රුතගති තරුමෘග වරූථිනී නිරුද්ධ ලඞ්කාවරෝධ වේපථු ලාස්ය ලීලෝපදේශ දේශික ධනුර්ජ්යාඝෝෂ,

drutagati tarumṛga varūthinī niruddha laṅkāvarodha vepathu lāsya līlopadeśa deśika dhanurjyāghoṣa,

ගගන චර කනක ගිරි ගරිම ධර නිගමමය නිජ ගරුඩ ගරුදනිල ලව ගලිත විෂ වදන ශර කදන,

gagana cara kanaka giri garima dhara nigamamaya nija garuḍa garudanila lava galita viṣa vadana śara kadana,

අකෘතචර වනචර රණකරණ වෛලක්ෂ්ය කූණිතාක්ෂ බහුවිධ රක්ෂෝ බලාධ්යක්ෂ වක්ෂඃ කවාට පාටන පටිම සාටෝප කෝපාවලේප,

akṛtacara vanacara raṇakaraṇa vailakṣya kūṇitākṣa bahuvidha rakṣo balādhyakṣa vakṣaḥ kavāṭa pāṭana paṭima sāṭopa kopāvalepa,

කටුරටදටනි ටඞ්කෘති චටුල කඨෝර කාර්මුඛ විනිර්ගත විශඞ්කට විශිඛ විතාඩන විඝටිත මකුට විහ්වල විශ්රවස්තනය විශ්රම සමය විශ්රාණන විඛ්යාත වික්රම,

kaṭuraṭadaṭani ṭaṅkṛti caṭula kaṭhora kārmukha vinirgata viśaṅkaṭa viśikha vitāḍana vighaṭita makuṭa vihvala viśravastanaya viśrama samaya viśrāṇana vikhyāta vikrama,

කුම්භකර්ණ කුලගිරි විදලන දම්භෝලි භූත නිශ්ශඞ්ක කඞ්කපත්ර,

kumbhakarṇa kulagiri vidalana dambholi bhūta niśśaṅka kaṅkapatra,

අභිචරණ හුතවහ පරිචරණ විඝටන සරභස පරිපතදපරිමිත කපිබල ජලධි ලහරි කලකලරව කුපිත මඝවජි දභිහනනකෘදනුජ සාක්ෂික රාක්ෂස ද්වන්ද්වයුද්ධ,

abhicaraṇa hutavaha paricaraṇa vighaṭana sarabhasa paripatadaparimita kapibala jaladhi lahari kalakalarava kupita maghavaji dabhihananakṛdanuja sākṣika rākṣasa dvandvayuddha,

අප්රතිද්වන්ද්ව පෞරුෂ,

apratidvandva pauruṣa,

ත්ර්යම්බක සමධික ඝෝරාස්ත්රාඩම්බර,

tryambaka samadhika ghorāstrāḍambara,

සාරථි හෘත රථ සත්රප ශාත්රව සත්යාපිත ප්රතාප,

sārathi hṛta ratha satrapa śātrava satyāpita pratāpa,

ශිත ශර කෘත ලවණ දශමුඛ මුඛ දශක නිපතන පුනරුදය දර ගලිත ජනිත දර තරල හරිහය නයන නලිනවන රුචි ඛචිත ඛතල නිපතිත සුරතරු කුසුම විතති සුරභිත රථ පථ,

śita śara kṛta lavaṇa daśamukha mukha daśaka nipatana punarudaya dara galita janita dara tarala harihaya nayana nalinavana ruci khacita khatala nipatita surataru kusuma vitati surabhita ratha patha,

අඛිල ජගදධික භුජ බල දශ ලපන දශක ලවන ජනිත කදන පරවශ රජනිචර යුවති විලපන වචන සමවිෂය නිගම ශිඛර නිකර මුඛර මුඛ මුනි වර පරිපණිත,

akhila jagadadhika bhuja bala daśa lapana daśaka lavana janita kadana paravaśa rajanicara yuvati vilapana vacana samaviṣaya nigama śikhara nikara mukhara mukha muni vara paripaṇita,

අභිගත ශතමඛ හුතවහ පිතෘපති නිරෘති වරුණ පවන ධනද ගිරිශ මුඛ සුරපති නුත මුදිත,

abhigata śatamakha hutavaha pitṛpati nirṛti varuṇa pavana dhanada giriśa mukha surapati nuta mudita,

අමිත මති විධි විදිත කථිත නිජ විභව ජලධි පෘෂත ලව,

amita mati vidhi vidita kathita nija vibhava jaladhi pṛṣata lava,

විගත භය විබුධ පරිබෘඪ විබෝධිත වීරශයන ශායිත වානර පෘතනෞඝ,

vigata bhaya vibudha paribṛḍha vibodhita vīraśayana śāyita vānara pṛtanaugha,

ස්ව සමය විඝටිත සුඝටිත සහෘදය සහධර්මචාරිණීක,

sva samaya vighaṭita sughaṭita sahṛdaya sahadharmacāriṇīka,

විභීෂණ වශංවදීකෘත ලඞ්කෛශ්වර්ය,

vibhīṣaṇa vaśaṃvadīkṛta laṅkaiśvarya,

නිෂ්පන්න කෘත්ය,

niṣpanna kṛtya,

ඛ පුෂ්පිත රිපු පක්ෂ,

kha puṣpita ripu pakṣa,

පුෂ්පක රභස ගති ගෝෂ්පදීකෘත ගගනාර්ණව,

puṣpaka rabhasa gati goṣpadīkṛta gaganārṇava,

ප්රතිජ්ඤාර්ණව තරණ කෘත ක්ෂණ භරත මනෝරථ සංහිත සිංහාසනාධිරූඪ,

pratijñārṇava taraṇa kṛta kṣaṇa bharata manoratha saṃhita siṃhāsanādhirūḍha,

ස්වාමින්, රාඝව සිංහ,

svāmin, rāghava siṃha,

හාටක ගිරි කටක සදෘශ පාද පීඨ නිකට තට පරිලුඨිත නිඛිල නෘපති කිරීට කෝටි විවිධ මණි ගණ කිරණ නිකර නීරාජිත චරණ රාජීව,

hāṭaka giri kaṭaka sadṛśa pāda pīṭha nikaṭa taṭa pariluṭhita nikhila nṛpati kirīṭa koṭi vividha maṇi gaṇa kiraṇa nikara nīrājita caraṇa rājīva,

දිව්ය භෞමායෝධ්යාධිදෛවත,

divya bhaumāyodhyādhidaivata,

පිතෘ වධ කුපිත පරශු ධර මුනි විහිත නෘප හනන කදන පූර්ව කාල ප්රභව ශත ගුණ ප්රතිෂ්ඨාපිත ධාර්මික රාජ වංශ,

pitṛ vadha kupita paraśu dhara muni vihita nṛpa hanana kadana pūrva kāla prabhava śata guṇa pratiṣṭhāpita dhārmika rāja vaṃśa,

ශුභ චරිත රත භරත ඛර්විත ගර්ව ගන්ධර්ව යූථ ගීත විජය ගාථා ශත,

śubha carita rata bharata kharvita garva gandharva yūtha gīta vijaya gāthā śata,

ශාසිත මධුසුත ශත්රුඝ්න සේවිත,

śāsita madhusuta śatrughna sevita,

කුශ ලව පරිගෘහීත කුල ගාථා විශේෂ,

kuśa lava parigṛhīta kula gāthā viśeṣa,

විධිවශ පරිණමදමර භණිති කවිවර රචිත නිජ චරිත නිබන්ධන නිශමන නිර්වෘත,

vidhivaśa pariṇamadamara bhaṇiti kavivara racita nija carita nibandhana niśamana nirvṛta,

සර්ව ජන සම්මානිත,

sarva jana sammānita,

පුනරුපස්ථාපිත විමාන වර විශ්රාණන ප්රීණිත වෛශ්රවණ විශ්රාවිත යශඃ ප්රපඤ්ච,

punarupasthāpita vimāna vara viśrāṇana prīṇita vaiśravaṇa viśrāvita yaśaḥ prapañca,

පඤ්චතාපන්න මුනිකුමාර සඤ්ජීවනාමෘත,

pañcatāpanna munikumāra sañjīvanāmṛta,

ත්රේතායුග ප්රවර්තිත කාර්තයුග වෘත්තාන්ත,

tretāyuga pravartita kārtayuga vṛttānta,

අවිකල බහුසුවර්ණ හයමඛ සහස්ර නිර්වහණ නිර්වර්තිත නිජ වර්ණාශ්රම ධර්ම,

avikala bahusuvarṇa hayamakha sahasra nirvahaṇa nirvartita nija varṇāśrama dharma,

සර්ව කර්ම සමාරාධ්ය,

sarva karma samārādhya,

සනාතන ධර්ම,

sanātana dharma,

සාකේත ජනපද ජනි ධනික ජඞ්ගම තදිතර ජන්තු ජාත දිව්ය ගති දාන දර්ශිත නිත්ය නිස්සීම වෛභව,

sāketa janapada jani dhanika jaṅgama taditara jantu jāta divya gati dāna darśita nitya nissīma vaibhava,

භව තපන තාපිත භක්තජන භද්රාරාම,

bhava tapana tāpita bhaktajana bhadrārāma,

ශ්රී රාමභද්ර, නමස්තේ පුනස්තේ නමඃ ..

śrī rāmabhadra, namaste punaste namaḥ ||

චතුර්මුඛේශ්වරමුඛෛඃ පුත්රපෞත්රාදිශාලිනේ .

caturmukheśvaramukhaiḥ putrapautrādiśāline |

නමඃ සීතාසමේතාය රාමාය ගෘහමේධිනේ ..

namaḥ sītāsametāya rāmāya gṛhamedhine ||

කවිකථකසිංහකථිතං

kavikathakasiṃhakathitaṃ

කඨෝරසුකුමාරගුම්භගම්භීරම් .

kaṭhorasukumāragumbhagambhīram |

භවභයභේෂජමේතත්

bhavabhayabheṣajametat

පඨත මහාවීරවෛභවං සුධියඃ ..

paṭhata mahāvīravaibhavaṃ sudhiyaḥ ||

ඉති ශ්රීමහාවීරවෛභවම් ..

Sanskrit — Devanagari (original)

श्रीमान्वेङ्कटनाथार्य कवितार्किक केसरि ।

वेदान्ताचार्यवर्योमे सन्निधत्तां सदाहृदि ॥

जयत्याश्रित सन्त्रास ध्वान्त विध्वंसनोदयः ।

प्रभावान् सीतया देव्या परमव्योम भास्करः ॥

जय जय महावीर महाधीर धौरेय,

देवासुर समर समय समुदित निखिल निर्जर निर्धारित निरवधिक माहात्म्य,

दशवदन दमित दैवत परिषदभ्यर्थित दाशरथि भाव,

दिनकर कुल कमल दिवाकर,

दिविषदधिपति रण सहचरण चतुर दशरथ चरम ऋणविमॊचन,

कोसल सुता कुमार भाव कञ्चुकित कारणाकार,

कौमार केलि गोपायित कौशिकाध्वर,

रणाध्वर धुर्य भव्य दिव्यास्त्र बृन्द वन्दित,

प्रणत जन विमत विमथन दुर्ललित दोर्ललित,

तनुतर विशिख विताडन विघटित विशरारु शरारु ताटका ताटकेय,

जडकिरण शकलधर जटिल नटपति मकुट तट नटनपटु विबुधसरिदतिबहुल मधुगलन ललितपद

नलिनरज उपमृदित निजवृजिन जहदुपल तनुरुचिर परम मुनिवर युवति नुत,

कुशिक सुत कथित विदित नव विविध कथ,

मैथिल नगर सुलोचना लोचन चकोर चन्द्र,

खण्डपरशु कोदण्ड प्रकाण्ड खण्डन शौण्ड भुजदण्ड,

चण्डकर किरण मण्डल बोधित पुण्डरीक वन रुचि लुण्टाक लोचन,

मोचित जनक हृदय शङ्कातङ्क,

परिहृत निखिल नरपति वरण जनक दुहितृ कुचतट विहरण समुचित करतल,

शतकोटि शतगुण कठिन परशुधर मुनिवर करधृत दुरवनमतम निज धनुराकर्षण प्रकाशित पारमेष्ठ्य,

क्रतुहर शिखरि कन्तुक विहृत्युन्मुख जगदरुन्तुद जितहरि दन्ति दन्त दन्तुर दशवदन दमन कुशल दशशतभुज मुख नृपतिकुल रुधिर झर भरित पृथुतर तटाक तर्पित पितृक भृगुपति सुगति विहतिकर नत परुडिषु परिघ,

अनृत भय मुषित हृदय पितृ वचन पालन प्रतिज्ञावज्ञात यौवराज्य,

निषाद राज सौहृद सूचित सौशील्य सागर,

भरद्वाज शासन परिगृहीत विचित्र चित्रकूट गिरि कटक तट रम्यावसथ,

अनन्यशासनीय,

प्रणत भरत मकुटतट सुघटित पादुकाग्र्याभिषेक, निर्वर्तित सर्वलोक योग क्षेम,

पिशित रुचि विहित दुरित वलमथन तनय बलिभुगनुगति सरभस शयन तृण शकल परिपतन भय चकित सकल सुर मुनिवर बहुमत महास्त्र सामर्थ्य,

द्रुहिण हर वलमथन दुरालक्ष शरलक्ष,

दण्डका तपोवन जङ्गम पारिजात,

विराध हरिण शार्दूल,

विलुलित बहुफल मख कलम रजनिचर मृग मृगयारम्भ सम्भृत चीरभृदनुरोध,

त्रिशिरः शिरस्त्रितय तिमिर निरास वासरकर,

दूषण जलनिधि शोषण तोषित ऋषिगण घोषित विजय घोषण,

खरतर खर तरु खण्डन चण्ड पवन,

द्विसप्त रक्षः सहस्र नलवन विलोलन महाकलभ,

असहाय शूर,

अनपाय साहस,

महित महामृथ दर्शन मुदित मैथिली दृढतर परिरम्भण विभव विरोपित विकट वीरव्रण,

मारीच माया मृग चर्म परिकर्मित निर्भर दर्भास्तरण,

विक्रम यशो लाभ विक्रीत जीवित गृध्रराज देह दिधक्षा लक्षित भक्तजन दाक्षिण्य,

कल्पित विबुधभाव कबन्धाभिनन्दित,

अवन्ध्य महिम मुनिजन भजन मुषित हृदय कलुष शबरी मोक्ष साक्षिभूत,

प्रभञ्जनतनय भावुक भाषित रञ्जित हृदय,

तरणिसुत शरणागति परतन्त्रीकृत स्वातन्त्र्य,

दृढघटित कैलास कोटि विकट दुन्दुभि कङ्काल कूट दूर विक्षेप दक्ष दक्षिणेतर पादाङ्गुष्ठ दरचलन विश्वस्त सुहृदाशय,

अतिपृथुल बहु विटपि गिरि धरणि विवर युगपदुदय विवृत चित्रपुङ्ख वैचित्र्य,

विपुल भुज शैलमूल निबिड निपीडित रावण रणरणक जनक चतुरुदधि विहरण चतुर कपिकुलपति हृदय विशाल शिलातल दारण दारुण शिलीमुख,

अपार पारावार परिखा परिवृत परपुर परिसृत दव दहन जवन पवनभव कपिवर परिष्वङ्ग भावित सर्वस्व दान,

अहित सहोदर रक्षः परिग्रह विसंवादि विविध सचिव विप्रलम्भ (विस्रम्भण) समय संरम्भ समुज्जृम्भित सर्वेश्वर भाव,

सकृत्प्रपन्न जन संरक्षण दीक्षित वीर, सत्यव्रत,

प्रतिशयन भूमिका भूषित पयोधि पुलिन,

प्रलय शिखि परुष विशिख शिखा शोषिताकूपार वारिपूर,

प्रबल रिपु कलह कुतुक चटुल कपिकुल करतल तूलित हृत गिरि निकर साधित सेतुपथ सीमा सीमन्तित समुद्र,

द्रुतगति तरुमृग वरूथिनी निरुद्ध लङ्कावरोध वेपथु लास्य लीलोपदेश देशिक धनुर्ज्याघोष,

गगन चर कनक गिरि गरिम धर निगममय निज गरुड गरुदनिल लव गलित विष वदन शर कदन,

अकृतचर वनचर रणकरण वैलक्ष्य कूणिताक्ष बहुविध रक्षो बलाध्यक्ष वक्षः कवाट पाटन पटिम साटोप कोपावलेप,

कटुरटदटनि टङ्कृति चटुल कठोर कार्मुख विनिर्गत विशङ्कट विशिख विताडन विघटित मकुट विह्वल विश्रवस्तनय विश्रम समय विश्राणन विख्यात विक्रम,

कुम्भकर्ण कुलगिरि विदलन दम्भोलि भूत निश्शङ्क कङ्कपत्र,

अभिचरण हुतवह परिचरण विघटन सरभस परिपतदपरिमित कपिबल जलधि लहरि कलकलरव कुपित मघवजि दभिहननकृदनुज साक्षिक राक्षस द्वन्द्वयुद्ध,

अप्रतिद्वन्द्व पौरुष,

त्र्यम्बक समधिक घोरास्त्राडम्बर,

सारथि हृत रथ सत्रप शात्रव सत्यापित प्रताप,

शित शर कृत लवण दशमुख मुख दशक निपतन पुनरुदय दर गलित जनित दर तरल हरिहय नयन नलिनवन रुचि खचित खतल निपतित सुरतरु कुसुम वितति सुरभित रथ पथ,

अखिल जगदधिक भुज बल दश लपन दशक लवन जनित कदन परवश रजनिचर युवति विलपन वचन समविषय निगम शिखर निकर मुखर मुख मुनि वर परिपणित,

अभिगत शतमख हुतवह पितृपति निरृति वरुण पवन धनद गिरिश मुख सुरपति नुत मुदित,

अमित मति विधि विदित कथित निज विभव जलधि पृषत लव,

विगत भय विबुध परिबृढ विबोधित वीरशयन शायित वानर पृतनौघ,

स्व समय विघटित सुघटित सहृदय सहधर्मचारिणीक,

विभीषण वशंवदीकृत लङ्कैश्वर्य,

निष्पन्न कृत्य,

ख पुष्पित रिपु पक्ष,

पुष्पक रभस गति गोष्पदीकृत गगनार्णव,

प्रतिज्ञार्णव तरण कृत क्षण भरत मनोरथ संहित सिंहासनाधिरूढ,

स्वामिन्, राघव सिंह,

हाटक गिरि कटक सदृश पाद पीठ निकट तट परिलुठित निखिल नृपति किरीट कोटि विविध मणि गण किरण निकर नीराजित चरण राजीव,

दिव्य भौमायोध्याधिदैवत,

पितृ वध कुपित परशु धर मुनि विहित नृप हनन कदन पूर्व काल प्रभव शत गुण प्रतिष्ठापित धार्मिक राज वंश,

शुभ चरित रत भरत खर्वित गर्व गन्धर्व यूथ गीत विजय गाथा शत,

शासित मधुसुत शत्रुघ्न सेवित,

कुश लव परिगृहीत कुल गाथा विशेष,

विधिवश परिणमदमर भणिति कविवर रचित निज चरित निबन्धन निशमन निर्वृत,

सर्व जन सम्मानित,

पुनरुपस्थापित विमान वर विश्राणन प्रीणित वैश्रवण विश्रावित यशः प्रपञ्च,

पञ्चतापन्न मुनिकुमार सञ्जीवनामृत,

त्रेतायुग प्रवर्तित कार्तयुग वृत्तान्त,

अविकल बहुसुवर्ण हयमख सहस्र निर्वहण निर्वर्तित निज वर्णाश्रम धर्म,

सर्व कर्म समाराध्य,

सनातन धर्म,

साकेत जनपद जनि धनिक जङ्गम तदितर जन्तु जात दिव्य गति दान दर्शित नित्य निस्सीम वैभव,

भव तपन तापित भक्तजन भद्राराम,

श्री रामभद्र, नमस्ते पुनस्ते नमः ॥

चतुर्मुखेश्वरमुखैः पुत्रपौत्रादिशालिने ।

नमः सीतासमेताय रामाय गृहमेधिने ॥

कविकथकसिंहकथितं

कठोरसुकुमारगुम्भगम्भीरम् ।

भवभयभेषजमेतत्

पठत महावीरवैभवं सुधियः ॥

इति श्रीमहावीरवैभवम् ॥

🕉️ This is the original Sanskrit rendered in Sinhala script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

ශ්රී රඝුවීර ගද්යම් (ශ්රී මහාවීර වෛභවම්)