𑌶𑌿𑌷𑍍𑌯 𑌉𑌵𑌾𑌚
𑌅𑌖𑌣𑍍𑌡𑍇 𑌸𑌚𑍍𑌚𑌿𑌦𑌾𑌨𑌨𑍍𑌦𑍇 𑌨𑌿𑌰𑍍𑌵𑌿𑌕𑌲𑍍𑌪𑍈𑌕𑌰𑍂𑌪𑌿𑌣𑌿 ।
𑌸𑍍𑌥𑌿𑌤𑍇𑌽𑌦𑍍𑌵𑌿𑌤𑍀𑌯𑌭𑌾𑌵𑍇𑌽𑌪𑌿 𑌕𑌥𑌂 𑌪𑍂𑌜𑌾 𑌵𑌿𑌧𑍀𑌯𑌤𑍇 ॥ 1 ॥
𑌪𑍂𑌰𑍍𑌣𑌸𑍍𑌯𑌾𑌵𑌾𑌹𑌨𑌂 𑌕𑍁𑌤𑍍𑌰 𑌸𑌰𑍍𑌵𑌾𑌧𑌾𑌰𑌸𑍍𑌯 𑌚𑌾𑌸𑌨𑌮𑍍 ।
𑌸𑍍𑌵𑌚𑍍𑌛𑌸𑍍𑌯 𑌪𑌾𑌦𑍍𑌯𑌮𑌰𑍍𑌘𑍍𑌯𑌂 𑌚 𑌶𑍁𑌦𑍍𑌧𑌸𑍍𑌯𑌾𑌚𑌮𑌨𑌂 𑌕𑍁𑌤𑌃 ॥ 2 ॥
𑌨𑌿𑌰𑍍𑌮𑌲𑌸𑍍𑌯 𑌕𑍁𑌤𑌃 𑌸𑍍𑌨𑌾𑌨𑌂 𑌵𑌾𑌸𑍋 𑌵𑌿𑌶𑍍𑌵𑍋𑌦𑌰𑌸𑍍𑌯 𑌚 ।
𑌅𑌗𑍋𑌤𑍍𑌰𑌸𑍍𑌯 𑌤𑍍𑌵𑌵𑌰𑍍𑌣𑌸𑍍𑌯 𑌕𑍁𑌤𑌸𑍍𑌤𑌸𑍍𑌯𑍋𑌪𑌵𑍀𑌤𑌕𑌮𑍍 ॥ 3 ॥
𑌨𑌿𑌰𑍍𑌲𑍇𑌪𑌸𑍍𑌯 𑌕𑍁𑌤𑍋 𑌗𑌨𑍍𑌧𑌃 𑌪𑍁𑌷𑍍𑌪𑌂 𑌨𑌿𑌰𑍍𑌵𑌾𑌸𑌨𑌸𑍍𑌯 𑌚 ।
𑌨𑌿𑌰𑍍𑌵𑌿𑌶𑍇𑌷𑌸𑍍𑌯 𑌕𑌾 𑌭𑍂𑌷𑌾 𑌕𑍋𑌽𑌲𑌙𑍍𑌕𑌾𑌰𑍋 𑌨𑌿𑌰𑌾𑌕𑍃𑌤𑍇𑌃 ॥ 4 ॥
𑌨𑌿𑌰𑌞𑍍𑌜𑌨𑌸𑍍𑌯 𑌕𑌿𑌂 𑌧𑍂𑌪𑍈𑌰𑍍𑌦𑍀𑌪𑍈𑌰𑍍𑌵𑌾 𑌸𑌰𑍍𑌵𑌸𑌾𑌕𑍍𑌷𑌿𑌣𑌃 ।
𑌨𑌿𑌜𑌾𑌨𑌨𑍍𑌦𑍈𑌕𑌤𑍃𑌪𑍍𑌤𑌸𑍍𑌯 𑌨𑍈𑌵𑍇𑌦𑍍𑌯𑌂 𑌕𑌿𑌂 𑌭𑌵𑍇𑌦𑌿𑌹 ॥ 5 ॥
𑌵𑌿𑌶𑍍𑌵𑌾𑌨𑌨𑍍𑌦𑌯𑌿𑌤𑍁𑌸𑍍𑌤𑌸𑍍𑌯 𑌕𑌿𑌂 𑌤𑌾𑌮𑍍𑌬𑍂𑌲𑌂 𑌪𑍍𑌰𑌕𑌲𑍍𑌪𑌤𑍇 ।
𑌸𑍍𑌵𑌯𑌮𑍍𑌪𑍍𑌰𑌕𑌾𑌶𑌚𑌿𑌦𑍍𑌰𑍂𑌪𑍋 𑌯𑍋𑌽𑌸𑌾𑌵𑌰𑍍𑌕𑌾𑌦𑌿𑌭𑌾𑌸𑌕𑌃 ॥ 6 ॥
𑌗𑍀𑌯𑌤𑍇 𑌶𑍍𑌰𑍁𑌤𑌿𑌭𑌿𑌸𑍍𑌤𑌸𑍍𑌯 𑌨𑍀𑌰𑌾𑌜𑌨𑌵𑌿𑌧𑌿𑌃 𑌕𑍁𑌤𑌃 ।
𑌪𑍍𑌰𑌦𑌕𑍍𑌷𑌿𑌣𑌮𑌨𑌨𑍍𑌤𑌸𑍍𑌯 𑌪𑍍𑌰𑌣𑌾𑌮𑍋𑌽𑌦𑍍𑌵𑌯𑌵𑌸𑍍𑌤𑍁𑌨𑌃 ॥ 7 ॥
𑌵𑍇𑌦𑌵𑌾𑌚𑌾𑌮𑌵𑍇𑌦𑍍𑌯𑌸𑍍𑌯 𑌕𑌿𑌂 𑌵𑌾 𑌸𑍍𑌤𑍋𑌤𑍍𑌰𑌂 𑌵𑌿𑌧𑍀𑌯𑌤𑍇 ।
𑌅𑌨𑍍𑌤𑌰𑍍𑌬𑌹𑌿𑌃 𑌸𑌂𑌸𑍍𑌥𑌿𑌤𑌸𑍍𑌯 𑌉𑌦𑍍𑌵𑌾𑌸𑌨𑌵𑌿𑌧𑌿𑌃 𑌕𑍁𑌤𑌃 ॥ 8 ॥
𑌶𑍍𑌰𑍀 𑌗𑍁𑌰𑍁𑌰𑍁𑌵𑌾𑌚
𑌆𑌰𑌾𑌧𑌯𑌾𑌮𑌿 𑌮𑌣𑌿𑌸𑌨𑍍𑌨𑌿𑌭𑌮𑌾𑌤𑍍𑌮𑌲𑌿𑌙𑍍𑌗𑌮𑍍
𑌮𑌾𑌯𑌾𑌪𑍁𑌰𑍀𑌹𑍃𑌦𑌯𑌪𑌙𑍍𑌕𑌜𑌸𑌨𑍍𑌨𑌿𑌵𑌿𑌷𑍍𑌟𑌮𑍍 ।
𑌶𑍍𑌰𑌦𑍍𑌧𑌾𑌨𑌦𑍀𑌵𑌿𑌮𑌲𑌚𑌿𑌤𑍍𑌤𑌜𑌲𑌾𑌭𑌿𑌷𑍇𑌕𑍈-
𑌰𑍍𑌨𑌿𑌤𑍍𑌯𑌂 𑌸𑌮𑌾𑌧𑌿𑌕𑍁𑌸𑍁𑌮𑍈𑌰𑍍𑌨𑌪𑍁𑌨𑌰𑍍𑌭𑌵𑌾𑌯 ॥ 9 ॥
𑌅𑌯𑌮𑍇𑌕𑍋𑌽𑌵𑌶𑌿𑌷𑍍𑌟𑍋𑌽𑌸𑍍𑌮𑍀𑌤𑍍𑌯𑍇𑌵𑌮𑌾𑌵𑌾𑌹𑌯𑍇𑌚𑍍𑌛𑌿𑌵𑌮𑍍 ।
𑌆𑌸𑌨𑌂 𑌕𑌲𑍍𑌪𑌯𑍇𑌤𑍍𑌪𑌶𑍍𑌚𑌾𑌤𑍍𑌸𑍍𑌵𑌪𑍍𑌰𑌤𑌿𑌷𑍍𑌠𑌾𑌤𑍍𑌮𑌚𑌿𑌨𑍍𑌤𑌨𑌮𑍍 ॥ 10 ॥
𑌪𑍁𑌣𑍍𑌯𑌪𑌾𑌪𑌰𑌜𑌃𑌸𑌙𑍍𑌗𑍋 𑌮𑌮 𑌨𑌾𑌸𑍍𑌤𑍀𑌤𑌿 𑌵𑍇𑌦𑌨𑌮𑍍 ।
𑌪𑌾𑌦𑍍𑌯𑌂 𑌸𑌮𑌰𑍍𑌪𑌯𑍇𑌦𑍍𑌵𑌿𑌦𑍍𑌵𑌨𑍍𑌸𑌰𑍍𑌵𑌕𑌲𑍍𑌮𑌷𑌨𑌾𑌶𑌨𑌮𑍍 ॥ 11 ॥
𑌅𑌨𑌾𑌦𑌿𑌕𑌲𑍍𑌪𑌵𑌿𑌧𑍃𑌤𑌮𑍂𑌲𑌾𑌜𑍍𑌞𑌾𑌨𑌜𑌲𑌾𑌞𑍍𑌜𑌲𑌿𑌮𑍍 ।
𑌵𑌿𑌸𑍃𑌜𑍇𑌦𑌾𑌤𑍍𑌮𑌲𑌿𑌙𑍍𑌗𑌸𑍍𑌯 𑌤𑌦𑍇𑌵𑌾𑌰𑍍𑌘𑍍𑌯𑌸𑌮𑌰𑍍𑌪𑌣𑌮𑍍 ॥ 12 ॥
𑌬𑍍𑌰𑌹𑍍𑌮𑌾𑌨𑌨𑍍𑌦𑌾𑌬𑍍𑌧𑌿𑌕𑌲𑍍𑌲𑍋𑌲𑌕𑌣𑌕𑍋𑌟𑍍𑌯𑌂𑌶𑌲𑍇𑌶𑌕𑌮𑍍 ।
𑌪𑌿𑌬𑌨𑍍𑌤𑍀𑌨𑍍𑌦𑍍𑌰𑌾𑌦𑌯 𑌇𑌤𑌿 𑌧𑍍𑌯𑌾𑌨𑌮𑌾𑌚𑌮𑌨𑌂 𑌮𑌤𑌮𑍍 ॥ 13 ॥
𑌬𑍍𑌰𑌹𑍍𑌮𑌾𑌨𑌨𑍍𑌦𑌜𑌲𑍇𑌨𑍈𑌵 𑌲𑍋𑌕𑌾𑌃 𑌸𑌰𑍍𑌵𑍇 𑌪𑌰𑌿𑌪𑍍𑌲𑍁𑌤𑌾𑌃 ।
𑌅𑌚𑍍𑌛𑍇𑌦𑍍𑌯𑍋𑌽𑌯𑌮𑌿𑌤𑌿 𑌧𑍍𑌯𑌾𑌨𑌮𑌭𑌿𑌷𑍇𑌚𑌨𑌮𑌾𑌤𑍍𑌮𑌨𑌃 ॥ 14 ॥
𑌨𑌿𑌰𑌾𑌵𑌰𑌣𑌚𑍈𑌤𑌨𑍍𑌯𑌂 𑌪𑍍𑌰𑌕𑌾𑌶𑍋𑌽𑌸𑍍𑌮𑍀𑌤𑌿 𑌚𑌿𑌨𑍍𑌤𑌨𑌮𑍍 ।
𑌆𑌤𑍍𑌮𑌲𑌿𑌙𑍍𑌗𑌸𑍍𑌯 𑌸𑌦𑍍𑌵𑌸𑍍𑌤𑍍𑌰𑌮𑌿𑌤𑍍𑌯𑍇𑌵𑌂 𑌚𑌿𑌨𑍍𑌤𑌯𑍇𑌨𑍍𑌮𑍁𑌨𑌿𑌃 ॥ 15 ॥
𑌤𑍍𑌰𑌿𑌗𑍁𑌣𑌾𑌤𑍍𑌮𑌾𑌶𑍇𑌷𑌲𑍋𑌕𑌮𑌾𑌲𑌿𑌕𑌾𑌸𑍂𑌤𑍍𑌰𑌮𑌸𑍍𑌮𑍍𑌯𑌹𑌮𑍍 ।
𑌇𑌤𑌿 𑌨𑌿𑌶𑍍𑌚𑌯𑌮𑍇𑌵𑌾𑌤𑍍𑌰 𑌹𑍍𑌯𑍁𑌪𑌵𑍀𑌤𑌂 𑌪𑌰𑌂 𑌮𑌤𑌮𑍍 ॥ 16 ॥
𑌅𑌨𑍇𑌕𑌵𑌾𑌸𑌨𑌾𑌮𑌿𑌶𑍍𑌰𑌪𑍍𑌰𑌪𑌞𑍍𑌚𑍋𑌽𑌯𑌂 𑌧𑍃𑌤𑍋 𑌮𑌯𑌾 ।
𑌨𑌾𑌨𑍍𑌯𑍇𑌨𑍇𑌤𑍍𑌯𑌨𑍁𑌸𑌨𑍍𑌧𑌾𑌨𑌮𑌾𑌤𑍍𑌮𑌨𑌶𑍍𑌚𑌨𑍍𑌦𑌨𑌂 𑌭𑌵𑍇𑌤𑍍 ॥ 17 ॥
𑌰𑌜𑌃𑌸𑌤𑍍𑌤𑍍𑌵𑌤𑌮𑍋𑌵𑍃𑌤𑍍𑌤𑌿𑌤𑍍𑌯𑌾𑌗𑌰𑍂𑌪𑍈𑌸𑍍𑌤𑌿𑌲𑌾𑌕𑍍𑌷𑌤𑍈𑌃 ।
𑌆𑌤𑍍𑌮𑌲𑌿𑌙𑍍𑌗𑌂 𑌯𑌜𑍇𑌨𑍍𑌨𑌿𑌤𑍍𑌯𑌂 𑌜𑍀𑌵𑌨𑍍𑌮𑍁𑌕𑍍𑌤𑌿𑌪𑍍𑌰𑌸𑌿𑌦𑍍𑌧𑌯𑍇 ॥ 18 ॥
𑌈𑌶𑍍𑌵𑌰𑍋 𑌗𑍁𑌰𑍁𑌰𑌾𑌤𑍍𑌮𑍇𑌤𑌿 𑌭𑍇𑌦𑌤𑍍𑌰𑌯𑌵𑌿𑌵𑌰𑍍𑌜𑌿𑌤𑍈𑌃 ।
𑌬𑌿𑌲𑍍𑌵𑌪𑌤𑍍𑌰𑍈𑌰𑌦𑍍𑌵𑌿𑌤𑍀𑌯𑍈𑌰𑌾𑌤𑍍𑌮𑌲𑌿𑌙𑍍𑌗𑌂 𑌯𑌜𑍇𑌚𑍍𑌛𑌿𑌵𑌮𑍍 ॥ 19 ॥
𑌸𑌮𑌸𑍍𑌤𑌵𑌾𑌸𑌨𑌾𑌤𑍍𑌯𑌾𑌗𑌂 𑌧𑍂𑌪𑌂 𑌤𑌸𑍍𑌯 𑌵𑌿𑌚𑌿𑌨𑍍𑌤𑌯𑍇𑌤𑍍 ।
𑌜𑍍𑌯𑍋𑌤𑌿𑌰𑍍𑌮𑌯𑌾𑌤𑍍𑌮𑌵𑌿𑌜𑍍𑌞𑌾𑌨𑌂 𑌦𑍀𑌪𑌂 𑌸𑌨𑍍𑌦𑌰𑍍𑌶𑌯𑍇𑌦𑍍𑌬𑍁𑌧𑌃 ॥ 20 ॥
𑌨𑍈𑌵𑍇𑌦𑍍𑌯𑌮𑌾𑌤𑍍𑌮𑌲𑌿𑌙𑍍𑌗𑌸𑍍𑌯 𑌬𑍍𑌰𑌹𑍍𑌮𑌾𑌣𑍍𑌡𑌾𑌖𑍍𑌯𑌂 𑌮𑌹𑍋𑌦𑌨𑌮𑍍 ।
𑌪𑌿𑌬𑌾𑌨𑌨𑍍𑌦𑌰𑌸𑌂 𑌸𑍍𑌵𑌾𑌦𑍁 𑌮𑍃𑌤𑍍𑌯𑍁𑌰𑌸𑍍𑌯𑍋𑌪𑌸𑍇𑌚𑌨𑌮𑍍 ॥ 21 ॥
𑌅𑌜𑍍𑌞𑌾𑌨𑍋𑌚𑍍𑌛𑌿𑌷𑍍𑌟𑌕𑌰𑌸𑍍𑌯 𑌕𑍍𑌷𑌾𑌲𑌨𑌂 𑌜𑍍𑌞𑌾𑌨𑌵𑌾𑌰𑌿𑌣𑌾 ।
𑌵𑌿𑌶𑍁𑌦𑍍𑌧𑌸𑍍𑌯𑌾𑌤𑍍𑌮𑌲𑌿𑌙𑍍𑌗𑌸𑍍𑌯 𑌹𑌸𑍍𑌤𑌪𑍍𑌰𑌕𑍍𑌷𑌾𑌲𑌨𑌂 𑌸𑍍𑌮𑌰𑍇𑌤𑍍 ॥ 22 ॥
𑌰𑌾𑌗𑌾𑌦𑌿𑌗𑍁𑌣𑌶𑍂𑌨𑍍𑌯𑌸𑍍𑌯 𑌶𑌿𑌵𑌸𑍍𑌯 𑌪𑌰𑌮𑌾𑌤𑍍𑌮𑌨𑌃 ।
𑌸𑌰𑌾𑌗𑌵𑌿𑌷𑌯𑌾𑌭𑍍𑌯𑌾𑌸𑌤𑍍𑌯𑌾𑌗𑌸𑍍𑌤𑌾𑌮𑍍𑌬𑍂𑌲𑌚𑌰𑍍𑌵𑌣𑌮𑍍 ॥ 23 ॥
𑌅𑌜𑍍𑌞𑌾𑌨𑌧𑍍𑌵𑌾𑌨𑍍𑌤𑌵𑌿𑌧𑍍𑌵𑌂𑌸𑌪𑍍𑌰𑌚𑌣𑍍𑌡𑌮𑌤𑌿𑌭𑌾𑌸𑍍𑌕𑌰𑌮𑍍 ।
𑌆𑌤𑍍𑌮𑌨𑍋 𑌬𑍍𑌰𑌹𑍍𑌮𑌤𑌾𑌜𑍍𑌞𑌾𑌨𑌂 𑌨𑍀𑌰𑌾𑌜𑌨𑌮𑌿𑌹𑌾𑌤𑍍𑌮𑌨𑌃 ॥ 24 ॥
𑌵𑌿𑌵𑌿𑌧𑌬𑍍𑌰𑌹𑍍𑌮𑌸𑌨𑍍𑌦𑍃𑌷𑍍𑌟𑌿𑌰𑍍𑌮𑌾𑌲𑌿𑌕𑌾𑌭𑌿𑌰𑌲𑌙𑍍𑌕𑍃𑌤𑌮𑍍 ।
𑌪𑍂𑌰𑍍𑌣𑌾𑌨𑌨𑍍𑌦𑌾𑌤𑍍𑌮𑌤𑌾𑌦𑍃𑌷𑍍𑌟𑌿𑌂 𑌪𑍁𑌷𑍍𑌪𑌾𑌞𑍍𑌜𑌲𑌿𑌮𑌨𑍁𑌸𑍍𑌮𑌰𑍇𑌤𑍍 ॥ 25 ॥
𑌪𑌰𑌿𑌭𑍍𑌰𑌮𑌨𑍍𑌤𑌿 𑌬𑍍𑌰𑌹𑍍𑌮𑌾𑌣𑍍𑌡𑌸𑌹𑌸𑍍𑌰𑌾𑌣𑌿 𑌮𑌯𑍀𑌶𑍍𑌵𑌰𑍇 ।
𑌕𑍂𑌟𑌸𑍍𑌥𑌾𑌚𑌲𑌰𑍂𑌪𑍋𑌽𑌹𑌮𑌿𑌤𑌿 𑌧𑍍𑌯𑌾𑌨𑌂 𑌪𑍍𑌰𑌦𑌕𑍍𑌷𑌿𑌣𑌮𑍍 ॥ 26 ॥
𑌵𑌿𑌶𑍍𑌵𑌵𑌨𑍍𑌦𑍍𑌯𑍋𑌽𑌹𑌮𑍇𑌵𑌾𑌸𑍍𑌮𑌿 𑌨𑌾𑌸𑍍𑌤𑌿 𑌵𑌨𑍍𑌦𑍍𑌯𑍋 𑌮𑌦𑌨𑍍𑌯𑌤𑌃 ।
𑌇𑌤𑍍𑌯𑌾𑌲𑍋𑌚𑌨𑌮𑍇𑌵𑌾𑌤𑍍𑌰 𑌸𑍍𑌵𑌾𑌤𑍍𑌮𑌲𑌿𑌙𑍍𑌗𑌸𑍍𑌯 𑌵𑌨𑍍𑌦𑌨𑌮𑍍 ॥ 27 ॥
𑌆𑌤𑍍𑌮𑌨𑌃 𑌸𑌤𑍍𑌕𑍍𑌰𑌿𑌯𑌾 𑌪𑍍𑌰𑍋𑌕𑍍𑌤𑌾 𑌕𑌰𑍍𑌤𑌵𑍍𑌯𑌾𑌭𑌾𑌵𑌭𑌾𑌵𑌨𑌾 ।
𑌨𑌾𑌮𑌰𑍂𑌪𑌵𑍍𑌯𑌤𑍀𑌤𑌾𑌤𑍍𑌮𑌚𑌿𑌨𑍍𑌤𑌨𑌂 𑌨𑌾𑌮𑌕𑍀𑌰𑍍𑌤𑌨𑌮𑍍 ॥ 28 ॥
𑌶𑍍𑌰𑌵𑌣𑌂 𑌤𑌸𑍍𑌯 𑌦𑍇𑌵𑌸𑍍𑌯 𑌶𑍍𑌰𑍋𑌤𑌵𑍍𑌯𑌾𑌭𑌾𑌵𑌚𑌿𑌨𑍍𑌤𑌨𑌮𑍍 ।
𑌮𑌨𑌨𑌂 𑌤𑍍𑌵𑌾𑌤𑍍𑌮𑌲𑌿𑌙𑍍𑌗𑌸𑍍𑌯 𑌮𑌨𑍍𑌤𑌵𑍍𑌯𑌾𑌭𑌾𑌵𑌚𑌿𑌨𑍍𑌤𑌨𑌮𑍍 ॥ 29 ॥
𑌧𑍍𑌯𑌾𑌤𑌵𑍍𑌯𑌾𑌭𑌾𑌵𑌵𑌿𑌜𑍍𑌞𑌾𑌨𑌂 𑌨𑌿𑌦𑌿𑌧𑍍𑌯𑌾𑌸𑌨𑌮𑌾𑌤𑍍𑌮𑌨𑌃 ।
𑌸𑌮𑌸𑍍𑌤𑌭𑍍𑌰𑌾𑌨𑍍𑌤𑌿𑌵𑌿𑌕𑍍𑌷𑍇𑌪𑌰𑌾𑌹𑌿𑌤𑍍𑌯𑍇𑌨𑌾𑌤𑍍𑌮𑌨𑌿𑌷𑍍𑌠𑌤𑌾 ॥ 30 ॥
𑌸𑌮𑌾𑌧𑌿𑌰𑌾𑌤𑍍𑌮𑌨𑍋 𑌨𑌾𑌮 𑌨𑌾𑌨𑍍𑌯𑌚𑍍𑌚𑌿𑌤𑍍𑌤𑌸𑍍𑌯 𑌵𑌿𑌭𑍍𑌰𑌮𑌃 ।
𑌤𑌤𑍍𑌰𑍈𑌵 𑌬𑌹𑍍𑌮𑌣𑌿 𑌸𑌦𑌾 𑌚𑌿𑌤𑍍𑌤𑌵𑌿𑌶𑍍𑌰𑌾𑌨𑍍𑌤𑌿𑌰𑌿𑌷𑍍𑌯𑌤𑍇 ॥ 31 ॥
𑌏𑌵𑌂 𑌵𑍇𑌦𑌾𑌨𑍍𑌤𑌕𑌲𑍍𑌪𑍋𑌕𑍍𑌤𑌸𑍍𑌵𑌾𑌤𑍍𑌮𑌲𑌿𑌙𑍍𑌗𑌪𑍍𑌰𑌪𑍂𑌜𑌨𑌮𑍍 ।
𑌕𑍁𑌰𑍍𑌵𑌨𑍍𑌨𑌾 𑌮𑌰𑌣𑌂 𑌵𑌾𑌪𑌿 𑌕𑍍𑌷𑌣𑌂 𑌵𑌾 𑌸𑍁𑌸𑌮𑌾𑌹𑌿𑌤𑌃 ॥ 32 ॥
𑌸𑌰𑍍𑌵𑌦𑍁𑌰𑍍𑌵𑌾𑌸𑌨𑌾𑌜𑌾𑌲𑌂 𑌪𑌦𑌪𑌾𑌂𑌸𑍁𑌮𑌿𑌵 𑌤𑍍𑌯𑌜𑍇𑌤𑍍 ।
𑌵𑌿𑌧𑍂𑌯𑌾𑌜𑍍𑌞𑌾𑌨𑌦𑍁𑌃𑌖𑍗𑌘𑌂 𑌮𑍋𑌕𑍍𑌷𑌾𑌨𑌨𑍍𑌦𑌂 𑌸𑌮𑌶𑍍𑌨𑍁𑌤𑍇 ॥ 33 ॥
Roman (IAST) Transliteration
śiṣya uvāca
akhaṇḍe saccidānande nirvikalpaikarūpiṇi |
sthite'dvitīyabhāve'pi kathaṃ pūjā vidhīyate || 1 ||
pūrṇasyāvāhanaṃ kutra sarvādhārasya cāsanam |
svacchasya pādyamarghyaṃ ca śuddhasyācamanaṃ kutaḥ || 2 ||
nirmalasya kutaḥ snānaṃ vāso viśvodarasya ca |
agotrasya tvavarṇasya kutastasyopavītakam || 3 ||
nirlepasya kuto gandhaḥ puṣpaṃ nirvāsanasya ca |
nirviśeṣasya kā bhūṣā ko'laṅkāro nirākṛteḥ || 4 ||
nirañjanasya kiṃ dhūpairdīpairvā sarvasākṣiṇaḥ |
nijānandaikatṛptasya naivedyaṃ kiṃ bhavediha || 5 ||
viśvānandayitustasya kiṃ tāmbūlaṃ prakalpate |
svayamprakāśacidrūpo yo'sāvarkādibhāsakaḥ || 6 ||
gīyate śrutibhistasya nīrājanavidhiḥ kutaḥ |
pradakṣiṇamanantasya praṇāmo'dvayavastunaḥ || 7 ||
vedavācāmavedyasya kiṃ vā stotraṃ vidhīyate |
antarbahiḥ saṃsthitasya udvāsanavidhiḥ kutaḥ || 8 ||
śrī gururuvāca
ārādhayāmi maṇisannibhamātmaliṅgam
māyāpurīhṛdayapaṅkajasanniviṣṭam |
śraddhānadīvimalacittajalābhiṣekai-
rnityaṃ samādhikusumairnapunarbhavāya || 9 ||
ayameko'vaśiṣṭo'smītyevamāvāhayecchivam |
āsanaṃ kalpayetpaścātsvapratiṣṭhātmacintanam || 10 ||
puṇyapāparajaḥsaṅgo mama nāstīti vedanam |
pādyaṃ samarpayedvidvansarvakalmaṣanāśanam || 11 ||
anādikalpavidhṛtamūlājñānajalāñjalim |
visṛjedātmaliṅgasya tadevārghyasamarpaṇam || 12 ||
brahmānandābdhikallolakaṇakoṭyaṃśaleśakam |
pibantīndrādaya iti dhyānamācamanaṃ matam || 13 ||
brahmānandajalenaiva lokāḥ sarve pariplutāḥ |
acchedyo'yamiti dhyānamabhiṣecanamātmanaḥ || 14 ||
nirāvaraṇacaitanyaṃ prakāśo'smīti cintanam |
ātmaliṅgasya sadvastramityevaṃ cintayenmuniḥ || 15 ||
triguṇātmāśeṣalokamālikāsūtramasmyaham |
iti niścayamevātra hyupavītaṃ paraṃ matam || 16 ||
anekavāsanāmiśraprapañco'yaṃ dhṛto mayā |
nānyenetyanusandhānamātmanaścandanaṃ bhavet || 17 ||
rajaḥsattvatamovṛttityāgarūpaistilākṣataiḥ |
ātmaliṅgaṃ yajennityaṃ jīvanmuktiprasiddhaye || 18 ||
īśvaro gururātmeti bhedatrayavivarjitaiḥ |
bilvapatrairadvitīyairātmaliṅgaṃ yajecchivam || 19 ||
samastavāsanātyāgaṃ dhūpaṃ tasya vicintayet |
jyotirmayātmavijñānaṃ dīpaṃ sandarśayedbudhaḥ || 20 ||
naivedyamātmaliṅgasya brahmāṇḍākhyaṃ mahodanam |
pibānandarasaṃ svādu mṛtyurasyopasecanam || 21 ||
ajñānocchiṣṭakarasya kṣālanaṃ jñānavāriṇā |
viśuddhasyātmaliṅgasya hastaprakṣālanaṃ smaret || 22 ||
rāgādiguṇaśūnyasya śivasya paramātmanaḥ |
sarāgaviṣayābhyāsatyāgastāmbūlacarvaṇam || 23 ||
ajñānadhvāntavidhvaṃsapracaṇḍamatibhāskaram |
ātmano brahmatājñānaṃ nīrājanamihātmanaḥ || 24 ||
vividhabrahmasandṛṣṭirmālikābhiralaṅkṛtam |
pūrṇānandātmatādṛṣṭiṃ puṣpāñjalimanusmaret || 25 ||
paribhramanti brahmāṇḍasahasrāṇi mayīśvare |
kūṭasthācalarūpo'hamiti dhyānaṃ pradakṣiṇam || 26 ||
viśvavandyo'hamevāsmi nāsti vandyo madanyataḥ |
ityālocanamevātra svātmaliṅgasya vandanam || 27 ||
ātmanaḥ satkriyā proktā kartavyābhāvabhāvanā |
nāmarūpavyatītātmacintanaṃ nāmakīrtanam || 28 ||
śravaṇaṃ tasya devasya śrotavyābhāvacintanam |
mananaṃ tvātmaliṅgasya mantavyābhāvacintanam || 29 ||
dhyātavyābhāvavijñānaṃ nididhyāsanamātmanaḥ |
samastabhrāntivikṣeparāhityenātmaniṣṭhatā || 30 ||
samādhirātmano nāma nānyaccittasya vibhramaḥ |
tatraiva bahmaṇi sadā cittaviśrāntiriṣyate || 31 ||
evaṃ vedāntakalpoktasvātmaliṅgaprapūjanam |
kurvannā maraṇaṃ vāpi kṣaṇaṃ vā susamāhitaḥ || 32 ||
sarvadurvāsanājālaṃ padapāṃsumiva tyajet |
vidhūyājñānaduḥkhaughaṃ mokṣānandaṃ samaśnute || 33 ||
Sanskrit — Devanagari (original)
शिष्य उवाच
अखण्डे सच्चिदानन्दे निर्विकल्पैकरूपिणि ।
स्थितेऽद्वितीयभावेऽपि कथं पूजा विधीयते ॥ 1 ॥
पूर्णस्यावाहनं कुत्र सर्वाधारस्य चासनम् ।
स्वच्छस्य पाद्यमर्घ्यं च शुद्धस्याचमनं कुतः ॥ 2 ॥
निर्मलस्य कुतः स्नानं वासो विश्वोदरस्य च ।
अगोत्रस्य त्ववर्णस्य कुतस्तस्योपवीतकम् ॥ 3 ॥
निर्लेपस्य कुतो गन्धः पुष्पं निर्वासनस्य च ।
निर्विशेषस्य का भूषा कोऽलङ्कारो निराकृतेः ॥ 4 ॥
निरञ्जनस्य किं धूपैर्दीपैर्वा सर्वसाक्षिणः ।
निजानन्दैकतृप्तस्य नैवेद्यं किं भवेदिह ॥ 5 ॥
विश्वानन्दयितुस्तस्य किं ताम्बूलं प्रकल्पते ।
स्वयम्प्रकाशचिद्रूपो योऽसावर्कादिभासकः ॥ 6 ॥
गीयते श्रुतिभिस्तस्य नीराजनविधिः कुतः ।
प्रदक्षिणमनन्तस्य प्रणामोऽद्वयवस्तुनः ॥ 7 ॥
वेदवाचामवेद्यस्य किं वा स्तोत्रं विधीयते ।
अन्तर्बहिः संस्थितस्य उद्वासनविधिः कुतः ॥ 8 ॥
श्री गुरुरुवाच
आराधयामि मणिसन्निभमात्मलिङ्गम्
मायापुरीहृदयपङ्कजसन्निविष्टम् ।
श्रद्धानदीविमलचित्तजलाभिषेकै-
र्नित्यं समाधिकुसुमैर्नपुनर्भवाय ॥ 9 ॥
अयमेकोऽवशिष्टोऽस्मीत्येवमावाहयेच्छिवम् ।
आसनं कल्पयेत्पश्चात्स्वप्रतिष्ठात्मचिन्तनम् ॥ 10 ॥
पुण्यपापरजःसङ्गो मम नास्तीति वेदनम् ।
पाद्यं समर्पयेद्विद्वन्सर्वकल्मषनाशनम् ॥ 11 ॥
अनादिकल्पविधृतमूलाज्ञानजलाञ्जलिम् ।
विसृजेदात्मलिङ्गस्य तदेवार्घ्यसमर्पणम् ॥ 12 ॥
ब्रह्मानन्दाब्धिकल्लोलकणकोट्यंशलेशकम् ।
पिबन्तीन्द्रादय इति ध्यानमाचमनं मतम् ॥ 13 ॥
ब्रह्मानन्दजलेनैव लोकाः सर्वे परिप्लुताः ।
अच्छेद्योऽयमिति ध्यानमभिषेचनमात्मनः ॥ 14 ॥
निरावरणचैतन्यं प्रकाशोऽस्मीति चिन्तनम् ।
आत्मलिङ्गस्य सद्वस्त्रमित्येवं चिन्तयेन्मुनिः ॥ 15 ॥
त्रिगुणात्माशेषलोकमालिकासूत्रमस्म्यहम् ।
इति निश्चयमेवात्र ह्युपवीतं परं मतम् ॥ 16 ॥
अनेकवासनामिश्रप्रपञ्चोऽयं धृतो मया ।
नान्येनेत्यनुसन्धानमात्मनश्चन्दनं भवेत् ॥ 17 ॥
रजःसत्त्वतमोवृत्तित्यागरूपैस्तिलाक्षतैः ।
आत्मलिङ्गं यजेन्नित्यं जीवन्मुक्तिप्रसिद्धये ॥ 18 ॥
ईश्वरो गुरुरात्मेति भेदत्रयविवर्जितैः ।
बिल्वपत्रैरद्वितीयैरात्मलिङ्गं यजेच्छिवम् ॥ 19 ॥
समस्तवासनात्यागं धूपं तस्य विचिन्तयेत् ।
ज्योतिर्मयात्मविज्ञानं दीपं सन्दर्शयेद्बुधः ॥ 20 ॥
नैवेद्यमात्मलिङ्गस्य ब्रह्माण्डाख्यं महोदनम् ।
पिबानन्दरसं स्वादु मृत्युरस्योपसेचनम् ॥ 21 ॥
अज्ञानोच्छिष्टकरस्य क्षालनं ज्ञानवारिणा ।
विशुद्धस्यात्मलिङ्गस्य हस्तप्रक्षालनं स्मरेत् ॥ 22 ॥
रागादिगुणशून्यस्य शिवस्य परमात्मनः ।
सरागविषयाभ्यासत्यागस्ताम्बूलचर्वणम् ॥ 23 ॥
अज्ञानध्वान्तविध्वंसप्रचण्डमतिभास्करम् ।
आत्मनो ब्रह्मताज्ञानं नीराजनमिहात्मनः ॥ 24 ॥
विविधब्रह्मसन्दृष्टिर्मालिकाभिरलङ्कृतम् ।
पूर्णानन्दात्मतादृष्टिं पुष्पाञ्जलिमनुस्मरेत् ॥ 25 ॥
परिभ्रमन्ति ब्रह्माण्डसहस्राणि मयीश्वरे ।
कूटस्थाचलरूपोऽहमिति ध्यानं प्रदक्षिणम् ॥ 26 ॥
विश्ववन्द्योऽहमेवास्मि नास्ति वन्द्यो मदन्यतः ।
इत्यालोचनमेवात्र स्वात्मलिङ्गस्य वन्दनम् ॥ 27 ॥
आत्मनः सत्क्रिया प्रोक्ता कर्तव्याभावभावना ।
नामरूपव्यतीतात्मचिन्तनं नामकीर्तनम् ॥ 28 ॥
श्रवणं तस्य देवस्य श्रोतव्याभावचिन्तनम् ।
मननं त्वात्मलिङ्गस्य मन्तव्याभावचिन्तनम् ॥ 29 ॥
ध्यातव्याभावविज्ञानं निदिध्यासनमात्मनः ।
समस्तभ्रान्तिविक्षेपराहित्येनात्मनिष्ठता ॥ 30 ॥
समाधिरात्मनो नाम नान्यच्चित्तस्य विभ्रमः ।
तत्रैव बह्मणि सदा चित्तविश्रान्तिरिष्यते ॥ 31 ॥
एवं वेदान्तकल्पोक्तस्वात्मलिङ्गप्रपूजनम् ।
कुर्वन्ना मरणं वापि क्षणं वा सुसमाहितः ॥ 32 ॥
सर्वदुर्वासनाजालं पदपांसुमिव त्यजेत् ।
विधूयाज्ञानदुःखौघं मोक्षानन्दं समश्नुते ॥ 33 ॥
śiṣya uvāca
akhaṇḍe saccidānande nirvikalpaikarūpiṇi |
sthite'dvitīyabhāve'pi kathaṃ pūjā vidhīyate || 1 ||
pūrṇasyāvāhanaṃ kutra sarvādhārasya cāsanam |
svacchasya pādyamarghyaṃ ca śuddhasyācamanaṃ kutaḥ || 2 ||
nirmalasya kutaḥ snānaṃ vāso viśvodarasya ca |
agotrasya tvavarṇasya kutastasyopavītakam || 3 ||
nirlepasya kuto gandhaḥ puṣpaṃ nirvāsanasya ca |
nirviśeṣasya kā bhūṣā ko'laṅkāro nirākṛteḥ || 4 ||
nirañjanasya kiṃ dhūpairdīpairvā sarvasākṣiṇaḥ |
nijānandaikatṛptasya naivedyaṃ kiṃ bhavediha || 5 ||
viśvānandayitustasya kiṃ tāmbūlaṃ prakalpate |
svayamprakāśacidrūpo yo'sāvarkādibhāsakaḥ || 6 ||
gīyate śrutibhistasya nīrājanavidhiḥ kutaḥ |
pradakṣiṇamanantasya praṇāmo'dvayavastunaḥ || 7 ||
vedavācāmavedyasya kiṃ vā stotraṃ vidhīyate |
antarbahiḥ saṃsthitasya udvāsanavidhiḥ kutaḥ || 8 ||
śrī gururuvāca
ārādhayāmi maṇisannibhamātmaliṅgam
māyāpurīhṛdayapaṅkajasanniviṣṭam |
śraddhānadīvimalacittajalābhiṣekai-
rnityaṃ samādhikusumairnapunarbhavāya || 9 ||
ayameko'vaśiṣṭo'smītyevamāvāhayecchivam |
āsanaṃ kalpayetpaścātsvapratiṣṭhātmacintanam || 10 ||
puṇyapāparajaḥsaṅgo mama nāstīti vedanam |
pādyaṃ samarpayedvidvansarvakalmaṣanāśanam || 11 ||
anādikalpavidhṛtamūlājñānajalāñjalim |
visṛjedātmaliṅgasya tadevārghyasamarpaṇam || 12 ||
brahmānandābdhikallolakaṇakoṭyaṃśaleśakam |
pibantīndrādaya iti dhyānamācamanaṃ matam || 13 ||
brahmānandajalenaiva lokāḥ sarve pariplutāḥ |
acchedyo'yamiti dhyānamabhiṣecanamātmanaḥ || 14 ||
nirāvaraṇacaitanyaṃ prakāśo'smīti cintanam |
ātmaliṅgasya sadvastramityevaṃ cintayenmuniḥ || 15 ||
triguṇātmāśeṣalokamālikāsūtramasmyaham |
iti niścayamevātra hyupavītaṃ paraṃ matam || 16 ||
anekavāsanāmiśraprapañco'yaṃ dhṛto mayā |
nānyenetyanusandhānamātmanaścandanaṃ bhavet || 17 ||
rajaḥsattvatamovṛttityāgarūpaistilākṣataiḥ |
ātmaliṅgaṃ yajennityaṃ jīvanmuktiprasiddhaye || 18 ||
īśvaro gururātmeti bhedatrayavivarjitaiḥ |
bilvapatrairadvitīyairātmaliṅgaṃ yajecchivam || 19 ||
samastavāsanātyāgaṃ dhūpaṃ tasya vicintayet |
jyotirmayātmavijñānaṃ dīpaṃ sandarśayedbudhaḥ || 20 ||
naivedyamātmaliṅgasya brahmāṇḍākhyaṃ mahodanam |
pibānandarasaṃ svādu mṛtyurasyopasecanam || 21 ||
ajñānocchiṣṭakarasya kṣālanaṃ jñānavāriṇā |
viśuddhasyātmaliṅgasya hastaprakṣālanaṃ smaret || 22 ||
rāgādiguṇaśūnyasya śivasya paramātmanaḥ |
sarāgaviṣayābhyāsatyāgastāmbūlacarvaṇam || 23 ||
ajñānadhvāntavidhvaṃsapracaṇḍamatibhāskaram |
ātmano brahmatājñānaṃ nīrājanamihātmanaḥ || 24 ||
vividhabrahmasandṛṣṭirmālikābhiralaṅkṛtam |
pūrṇānandātmatādṛṣṭiṃ puṣpāñjalimanusmaret || 25 ||
paribhramanti brahmāṇḍasahasrāṇi mayīśvare |
kūṭasthācalarūpo'hamiti dhyānaṃ pradakṣiṇam || 26 ||
viśvavandyo'hamevāsmi nāsti vandyo madanyataḥ |
ityālocanamevātra svātmaliṅgasya vandanam || 27 ||
ātmanaḥ satkriyā proktā kartavyābhāvabhāvanā |
nāmarūpavyatītātmacintanaṃ nāmakīrtanam || 28 ||
śravaṇaṃ tasya devasya śrotavyābhāvacintanam |
mananaṃ tvātmaliṅgasya mantavyābhāvacintanam || 29 ||
dhyātavyābhāvavijñānaṃ nididhyāsanamātmanaḥ |
samastabhrāntivikṣeparāhityenātmaniṣṭhatā || 30 ||
samādhirātmano nāma nānyaccittasya vibhramaḥ |
tatraiva bahmaṇi sadā cittaviśrāntiriṣyate || 31 ||
evaṃ vedāntakalpoktasvātmaliṅgaprapūjanam |
kurvannā maraṇaṃ vāpi kṣaṇaṃ vā susamāhitaḥ || 32 ||
sarvadurvāsanājālaṃ padapāṃsumiva tyajet |
vidhūyājñānaduḥkhaughaṃ mokṣānandaṃ samaśnute || 33 ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.