ஶிஷ்ய உவாச
அகண்டே ஸச்சிதாநந்தே நிர்விகல்பைகரூபிணி ।
ஸ்திதேऽத்விதீயபாவேऽபி கதம் பூஜா விதீயதே ॥ 1 ॥
பூர்ணஸ்யாவாஹநம் குத்ர ஸர்வாதாரஸ்ய சாஸநம் ।
ஸ்வச்சஸ்ய பாத்யமர்க்யம் ச ஶுத்தஸ்யாசமநம் குதஃ ॥ 2 ॥
நிர்மலஸ்ய குதஃ ஸ்நாநம் வாஸோ விஶ்வோதரஸ்ய ச ।
அகோத்ரஸ்ய த்வவர்ணஸ்ய குதஸ்தஸ்யோபவீதகம் ॥ 3 ॥
நிர்லேபஸ்ய குதோ கந்தஃ புஷ்பம் நிர்வாஸநஸ்ய ச ।
நிர்விஶேஷஸ்ய கா பூஷா கோऽலங்காரோ நிராக்ரு'தேஃ ॥ 4 ॥
நிரஞ்ஜநஸ்ய கிம் தூபைர்தீபைர்வா ஸர்வஸாக்ஷிணஃ ।
நிஜாநந்தைகத்ரு'ப்தஸ்ய நைவேத்யம் கிம் பவேதிஹ ॥ 5 ॥
விஶ்வாநந்தயிதுஸ்தஸ்ய கிம் தாம்பூலம் ப்ரகல்பதே ।
ஸ்வயம்ப்ரகாஶசித்ரூபோ யோऽஸாவர்காதிபாஸகஃ ॥ 6 ॥
கீயதே ஶ்ருதிபிஸ்தஸ்ய நீராஜநவிதிஃ குதஃ ।
ப்ரதக்ஷிணமநந்தஸ்ய ப்ரணாமோऽத்வயவஸ்துநஃ ॥ 7 ॥
வேதவாசாமவேத்யஸ்ய கிம் வா ஸ்தோத்ரம் விதீயதே ।
அந்தர்பஹிஃ ஸம்ஸ்திதஸ்ய உத்வாஸநவிதிஃ குதஃ ॥ 8 ॥
ஶ்ரீ குருருவாச
ஆராதயாமி மணிஸந்நிபமாத்மலிங்கம்
மாயாபுரீஹ்ரு'தயபங்கஜஸந்நிவிஷ்டம் ।
ஶ்ரத்தாநதீவிமலசித்தஜலாபிஷேகை-
ர்நித்யம் ஸமாதிகுஸுமைர்நபுநர்பவாய ॥ 9 ॥
அயமேகோऽவஶிஷ்டோऽஸ்மீத்யேவமாவாஹயேச்சிவம் ।
ஆஸநம் கல்பயேத்பஶ்சாத்ஸ்வப்ரதிஷ்டாத்மசிந்தநம் ॥ 10 ॥
புண்யபாபரஜஃஸங்கோ மம நாஸ்தீதி வேதநம் ।
பாத்யம் ஸமர்பயேத்வித்வந்ஸர்வகல்மஷநாஶநம் ॥ 11 ॥
அநாதிகல்பவித்ரு'தமூலாஜ்ஞாநஜலாஞ்ஜலிம் ।
விஸ்ரு'ஜேதாத்மலிங்கஸ்ய ததேவார்க்யஸமர்பணம் ॥ 12 ॥
ப்ரஹ்மாநந்தாப்திகல்லோலகணகோட்யம்ஶலேஶகம் ।
பிபந்தீந்த்ராதய இதி த்யாநமாசமநம் மதம் ॥ 13 ॥
ப்ரஹ்மாநந்தஜலேநைவ லோகாஃ ஸர்வே பரிப்லுதாஃ ।
அச்சேத்யோऽயமிதி த்யாநமபிஷேசநமாத்மநஃ ॥ 14 ॥
நிராவரணசைதந்யம் ப்ரகாஶோऽஸ்மீதி சிந்தநம் ।
ஆத்மலிங்கஸ்ய ஸத்வஸ்த்ரமித்யேவம் சிந்தயேந்முநிஃ ॥ 15 ॥
த்ரிகுணாத்மாஶேஷலோகமாலிகாஸூத்ரமஸ்ம்யஹம் ।
இதி நிஶ்சயமேவாத்ர ஹ்யுபவீதம் பரம் மதம் ॥ 16 ॥
அநேகவாஸநாமிஶ்ரப்ரபஞ்சோऽயம் த்ரு'தோ மயா ।
நாந்யேநேத்யநுஸந்தாநமாத்மநஶ்சந்தநம் பவேத் ॥ 17 ॥
ரஜஃஸத்த்வதமோவ்ரு'த்தித்யாகரூபைஸ்திலாக்ஷதைஃ ।
ஆத்மலிங்கம் யஜேந்நித்யம் ஜீவந்முக்திப்ரஸித்தயே ॥ 18 ॥
ஈஶ்வரோ குருராத்மேதி பேதத்ரயவிவர்ஜிதைஃ ।
பில்வபத்ரைரத்விதீயைராத்மலிங்கம் யஜேச்சிவம் ॥ 19 ॥
ஸமஸ்தவாஸநாத்யாகம் தூபம் தஸ்ய விசிந்தயேத் ।
ஜ்யோதிர்மயாத்மவிஜ்ஞாநம் தீபம் ஸந்தர்ஶயேத்புதஃ ॥ 20 ॥
நைவேத்யமாத்மலிங்கஸ்ய ப்ரஹ்மாண்டாக்யம் மஹோதநம் ।
பிபாநந்தரஸம் ஸ்வாது ம்ரு'த்யுரஸ்யோபஸேசநம் ॥ 21 ॥
அஜ்ஞாநோச்சிஷ்டகரஸ்ய க்ஷாலநம் ஜ்ஞாநவாரிணா ।
விஶுத்தஸ்யாத்மலிங்கஸ்ய ஹஸ்தப்ரக்ஷாலநம் ஸ்மரேத் ॥ 22 ॥
ராகாதிகுணஶூந்யஸ்ய ஶிவஸ்ய பரமாத்மநஃ ।
ஸராகவிஷயாப்யாஸத்யாகஸ்தாம்பூலசர்வணம் ॥ 23 ॥
அஜ்ஞாநத்வாந்தவித்வம்ஸப்ரசண்டமதிபாஸ்கரம் ।
ஆத்மநோ ப்ரஹ்மதாஜ்ஞாநம் நீராஜநமிஹாத்மநஃ ॥ 24 ॥
விவிதப்ரஹ்மஸந்த்ரு'ஷ்டிர்மாலிகாபிரலங்க்ரு'தம் ।
பூர்ணாநந்தாத்மதாத்ரு'ஷ்டிம் புஷ்பாஞ்ஜலிமநுஸ்மரேத் ॥ 25 ॥
பரிப்ரமந்தி ப்ரஹ்மாண்டஸஹஸ்ராணி மயீஶ்வரே ।
கூடஸ்தாசலரூபோऽஹமிதி த்யாநம் ப்ரதக்ஷிணம் ॥ 26 ॥
விஶ்வவந்த்யோऽஹமேவாஸ்மி நாஸ்தி வந்த்யோ மதந்யதஃ ।
இத்யாலோசநமேவாத்ர ஸ்வாத்மலிங்கஸ்ய வந்தநம் ॥ 27 ॥
ஆத்மநஃ ஸத்க்ரியா ப்ரோக்தா கர்தவ்யாபாவபாவநா ।
நாமரூபவ்யதீதாத்மசிந்தநம் நாமகீர்தநம் ॥ 28 ॥
ஶ்ரவணம் தஸ்ய தேவஸ்ய ஶ்ரோதவ்யாபாவசிந்தநம் ।
மநநம் த்வாத்மலிங்கஸ்ய மந்தவ்யாபாவசிந்தநம் ॥ 29 ॥
த்யாதவ்யாபாவவிஜ்ஞாநம் நிதித்யாஸநமாத்மநஃ ।
ஸமஸ்தப்ராந்திவிக்ஷேபராஹித்யேநாத்மநிஷ்டதா ॥ 30 ॥
ஸமாதிராத்மநோ நாம நாந்யச்சித்தஸ்ய விப்ரமஃ ।
தத்ரைவ பஹ்மணி ஸதா சித்தவிஶ்ராந்திரிஷ்யதே ॥ 31 ॥
ஏவம் வேதாந்தகல்போக்தஸ்வாத்மலிங்கப்ரபூஜநம் ।
குர்வந்நா மரணம் வாபி க்ஷணம் வா ஸுஸமாஹிதஃ ॥ 32 ॥
ஸர்வதுர்வாஸநாஜாலம் பதபாம்ஸுமிவ த்யஜேத் ।
விதூயாஜ்ஞாநதுஃகௌகம் மோக்ஷாநந்தம் ஸமஶ்நுதே ॥ 33 ॥
Roman (IAST) Transliteration
śiṣya uvāca
akhaṇḍe saccidānande nirvikalpaikarūpiṇi |
sthite'dvitīyabhāve'pi kathaṃ pūjā vidhīyate || 1 ||
pūrṇasyāvāhanaṃ kutra sarvādhārasya cāsanam |
svacchasya pādyamarghyaṃ ca śuddhasyācamanaṃ kutaḥ || 2 ||
nirmalasya kutaḥ snānaṃ vāso viśvodarasya ca |
agotrasya tvavarṇasya kutastasyopavītakam || 3 ||
nirlepasya kuto gandhaḥ puṣpaṃ nirvāsanasya ca |
nirviśeṣasya kā bhūṣā ko'laṅkāro nirākṛteḥ || 4 ||
nirañjanasya kiṃ dhūpairdīpairvā sarvasākṣiṇaḥ |
nijānandaikatṛptasya naivedyaṃ kiṃ bhavediha || 5 ||
viśvānandayitustasya kiṃ tāmbūlaṃ prakalpate |
svayamprakāśacidrūpo yo'sāvarkādibhāsakaḥ || 6 ||
gīyate śrutibhistasya nīrājanavidhiḥ kutaḥ |
pradakṣiṇamanantasya praṇāmo'dvayavastunaḥ || 7 ||
vedavācāmavedyasya kiṃ vā stotraṃ vidhīyate |
antarbahiḥ saṃsthitasya udvāsanavidhiḥ kutaḥ || 8 ||
śrī gururuvāca
ārādhayāmi maṇisannibhamātmaliṅgam
māyāpurīhṛdayapaṅkajasanniviṣṭam |
śraddhānadīvimalacittajalābhiṣekai-
rnityaṃ samādhikusumairnapunarbhavāya || 9 ||
ayameko'vaśiṣṭo'smītyevamāvāhayecchivam |
āsanaṃ kalpayetpaścātsvapratiṣṭhātmacintanam || 10 ||
puṇyapāparajaḥsaṅgo mama nāstīti vedanam |
pādyaṃ samarpayedvidvansarvakalmaṣanāśanam || 11 ||
anādikalpavidhṛtamūlājñānajalāñjalim |
visṛjedātmaliṅgasya tadevārghyasamarpaṇam || 12 ||
brahmānandābdhikallolakaṇakoṭyaṃśaleśakam |
pibantīndrādaya iti dhyānamācamanaṃ matam || 13 ||
brahmānandajalenaiva lokāḥ sarve pariplutāḥ |
acchedyo'yamiti dhyānamabhiṣecanamātmanaḥ || 14 ||
nirāvaraṇacaitanyaṃ prakāśo'smīti cintanam |
ātmaliṅgasya sadvastramityevaṃ cintayenmuniḥ || 15 ||
triguṇātmāśeṣalokamālikāsūtramasmyaham |
iti niścayamevātra hyupavītaṃ paraṃ matam || 16 ||
anekavāsanāmiśraprapañco'yaṃ dhṛto mayā |
nānyenetyanusandhānamātmanaścandanaṃ bhavet || 17 ||
rajaḥsattvatamovṛttityāgarūpaistilākṣataiḥ |
ātmaliṅgaṃ yajennityaṃ jīvanmuktiprasiddhaye || 18 ||
īśvaro gururātmeti bhedatrayavivarjitaiḥ |
bilvapatrairadvitīyairātmaliṅgaṃ yajecchivam || 19 ||
samastavāsanātyāgaṃ dhūpaṃ tasya vicintayet |
jyotirmayātmavijñānaṃ dīpaṃ sandarśayedbudhaḥ || 20 ||
naivedyamātmaliṅgasya brahmāṇḍākhyaṃ mahodanam |
pibānandarasaṃ svādu mṛtyurasyopasecanam || 21 ||
ajñānocchiṣṭakarasya kṣālanaṃ jñānavāriṇā |
viśuddhasyātmaliṅgasya hastaprakṣālanaṃ smaret || 22 ||
rāgādiguṇaśūnyasya śivasya paramātmanaḥ |
sarāgaviṣayābhyāsatyāgastāmbūlacarvaṇam || 23 ||
ajñānadhvāntavidhvaṃsapracaṇḍamatibhāskaram |
ātmano brahmatājñānaṃ nīrājanamihātmanaḥ || 24 ||
vividhabrahmasandṛṣṭirmālikābhiralaṅkṛtam |
pūrṇānandātmatādṛṣṭiṃ puṣpāñjalimanusmaret || 25 ||
paribhramanti brahmāṇḍasahasrāṇi mayīśvare |
kūṭasthācalarūpo'hamiti dhyānaṃ pradakṣiṇam || 26 ||
viśvavandyo'hamevāsmi nāsti vandyo madanyataḥ |
ityālocanamevātra svātmaliṅgasya vandanam || 27 ||
ātmanaḥ satkriyā proktā kartavyābhāvabhāvanā |
nāmarūpavyatītātmacintanaṃ nāmakīrtanam || 28 ||
śravaṇaṃ tasya devasya śrotavyābhāvacintanam |
mananaṃ tvātmaliṅgasya mantavyābhāvacintanam || 29 ||
dhyātavyābhāvavijñānaṃ nididhyāsanamātmanaḥ |
samastabhrāntivikṣeparāhityenātmaniṣṭhatā || 30 ||
samādhirātmano nāma nānyaccittasya vibhramaḥ |
tatraiva bahmaṇi sadā cittaviśrāntiriṣyate || 31 ||
evaṃ vedāntakalpoktasvātmaliṅgaprapūjanam |
kurvannā maraṇaṃ vāpi kṣaṇaṃ vā susamāhitaḥ || 32 ||
sarvadurvāsanājālaṃ padapāṃsumiva tyajet |
vidhūyājñānaduḥkhaughaṃ mokṣānandaṃ samaśnute || 33 ||
Sanskrit — Devanagari (original)
शिष्य उवाच
अखण्डे सच्चिदानन्दे निर्विकल्पैकरूपिणि ।
स्थितेऽद्वितीयभावेऽपि कथं पूजा विधीयते ॥ 1 ॥
पूर्णस्यावाहनं कुत्र सर्वाधारस्य चासनम् ।
स्वच्छस्य पाद्यमर्घ्यं च शुद्धस्याचमनं कुतः ॥ 2 ॥
निर्मलस्य कुतः स्नानं वासो विश्वोदरस्य च ।
अगोत्रस्य त्ववर्णस्य कुतस्तस्योपवीतकम् ॥ 3 ॥
निर्लेपस्य कुतो गन्धः पुष्पं निर्वासनस्य च ।
निर्विशेषस्य का भूषा कोऽलङ्कारो निराकृतेः ॥ 4 ॥
निरञ्जनस्य किं धूपैर्दीपैर्वा सर्वसाक्षिणः ।
निजानन्दैकतृप्तस्य नैवेद्यं किं भवेदिह ॥ 5 ॥
विश्वानन्दयितुस्तस्य किं ताम्बूलं प्रकल्पते ।
स्वयम्प्रकाशचिद्रूपो योऽसावर्कादिभासकः ॥ 6 ॥
गीयते श्रुतिभिस्तस्य नीराजनविधिः कुतः ।
प्रदक्षिणमनन्तस्य प्रणामोऽद्वयवस्तुनः ॥ 7 ॥
वेदवाचामवेद्यस्य किं वा स्तोत्रं विधीयते ।
अन्तर्बहिः संस्थितस्य उद्वासनविधिः कुतः ॥ 8 ॥
श्री गुरुरुवाच
आराधयामि मणिसन्निभमात्मलिङ्गम्
मायापुरीहृदयपङ्कजसन्निविष्टम् ।
श्रद्धानदीविमलचित्तजलाभिषेकै-
र्नित्यं समाधिकुसुमैर्नपुनर्भवाय ॥ 9 ॥
अयमेकोऽवशिष्टोऽस्मीत्येवमावाहयेच्छिवम् ।
आसनं कल्पयेत्पश्चात्स्वप्रतिष्ठात्मचिन्तनम् ॥ 10 ॥
पुण्यपापरजःसङ्गो मम नास्तीति वेदनम् ।
पाद्यं समर्पयेद्विद्वन्सर्वकल्मषनाशनम् ॥ 11 ॥
अनादिकल्पविधृतमूलाज्ञानजलाञ्जलिम् ।
विसृजेदात्मलिङ्गस्य तदेवार्घ्यसमर्पणम् ॥ 12 ॥
ब्रह्मानन्दाब्धिकल्लोलकणकोट्यंशलेशकम् ।
पिबन्तीन्द्रादय इति ध्यानमाचमनं मतम् ॥ 13 ॥
ब्रह्मानन्दजलेनैव लोकाः सर्वे परिप्लुताः ।
अच्छेद्योऽयमिति ध्यानमभिषेचनमात्मनः ॥ 14 ॥
निरावरणचैतन्यं प्रकाशोऽस्मीति चिन्तनम् ।
आत्मलिङ्गस्य सद्वस्त्रमित्येवं चिन्तयेन्मुनिः ॥ 15 ॥
त्रिगुणात्माशेषलोकमालिकासूत्रमस्म्यहम् ।
इति निश्चयमेवात्र ह्युपवीतं परं मतम् ॥ 16 ॥
अनेकवासनामिश्रप्रपञ्चोऽयं धृतो मया ।
नान्येनेत्यनुसन्धानमात्मनश्चन्दनं भवेत् ॥ 17 ॥
रजःसत्त्वतमोवृत्तित्यागरूपैस्तिलाक्षतैः ।
आत्मलिङ्गं यजेन्नित्यं जीवन्मुक्तिप्रसिद्धये ॥ 18 ॥
ईश्वरो गुरुरात्मेति भेदत्रयविवर्जितैः ।
बिल्वपत्रैरद्वितीयैरात्मलिङ्गं यजेच्छिवम् ॥ 19 ॥
समस्तवासनात्यागं धूपं तस्य विचिन्तयेत् ।
ज्योतिर्मयात्मविज्ञानं दीपं सन्दर्शयेद्बुधः ॥ 20 ॥
नैवेद्यमात्मलिङ्गस्य ब्रह्माण्डाख्यं महोदनम् ।
पिबानन्दरसं स्वादु मृत्युरस्योपसेचनम् ॥ 21 ॥
अज्ञानोच्छिष्टकरस्य क्षालनं ज्ञानवारिणा ।
विशुद्धस्यात्मलिङ्गस्य हस्तप्रक्षालनं स्मरेत् ॥ 22 ॥
रागादिगुणशून्यस्य शिवस्य परमात्मनः ।
सरागविषयाभ्यासत्यागस्ताम्बूलचर्वणम् ॥ 23 ॥
अज्ञानध्वान्तविध्वंसप्रचण्डमतिभास्करम् ।
आत्मनो ब्रह्मताज्ञानं नीराजनमिहात्मनः ॥ 24 ॥
विविधब्रह्मसन्दृष्टिर्मालिकाभिरलङ्कृतम् ।
पूर्णानन्दात्मतादृष्टिं पुष्पाञ्जलिमनुस्मरेत् ॥ 25 ॥
परिभ्रमन्ति ब्रह्माण्डसहस्राणि मयीश्वरे ।
कूटस्थाचलरूपोऽहमिति ध्यानं प्रदक्षिणम् ॥ 26 ॥
विश्ववन्द्योऽहमेवास्मि नास्ति वन्द्यो मदन्यतः ।
इत्यालोचनमेवात्र स्वात्मलिङ्गस्य वन्दनम् ॥ 27 ॥
आत्मनः सत्क्रिया प्रोक्ता कर्तव्याभावभावना ।
नामरूपव्यतीतात्मचिन्तनं नामकीर्तनम् ॥ 28 ॥
श्रवणं तस्य देवस्य श्रोतव्याभावचिन्तनम् ।
मननं त्वात्मलिङ्गस्य मन्तव्याभावचिन्तनम् ॥ 29 ॥
ध्यातव्याभावविज्ञानं निदिध्यासनमात्मनः ।
समस्तभ्रान्तिविक्षेपराहित्येनात्मनिष्ठता ॥ 30 ॥
समाधिरात्मनो नाम नान्यच्चित्तस्य विभ्रमः ।
तत्रैव बह्मणि सदा चित्तविश्रान्तिरिष्यते ॥ 31 ॥
एवं वेदान्तकल्पोक्तस्वात्मलिङ्गप्रपूजनम् ।
कुर्वन्ना मरणं वापि क्षणं वा सुसमाहितः ॥ 32 ॥
सर्वदुर्वासनाजालं पदपांसुमिव त्यजेत् ।
विधूयाज्ञानदुःखौघं मोक्षानन्दं समश्नुते ॥ 33 ॥
śiṣya uvāca
akhaṇḍe saccidānande nirvikalpaikarūpiṇi |
sthite'dvitīyabhāve'pi kathaṃ pūjā vidhīyate || 1 ||
pūrṇasyāvāhanaṃ kutra sarvādhārasya cāsanam |
svacchasya pādyamarghyaṃ ca śuddhasyācamanaṃ kutaḥ || 2 ||
nirmalasya kutaḥ snānaṃ vāso viśvodarasya ca |
agotrasya tvavarṇasya kutastasyopavītakam || 3 ||
nirlepasya kuto gandhaḥ puṣpaṃ nirvāsanasya ca |
nirviśeṣasya kā bhūṣā ko'laṅkāro nirākṛteḥ || 4 ||
nirañjanasya kiṃ dhūpairdīpairvā sarvasākṣiṇaḥ |
nijānandaikatṛptasya naivedyaṃ kiṃ bhavediha || 5 ||
viśvānandayitustasya kiṃ tāmbūlaṃ prakalpate |
svayamprakāśacidrūpo yo'sāvarkādibhāsakaḥ || 6 ||
gīyate śrutibhistasya nīrājanavidhiḥ kutaḥ |
pradakṣiṇamanantasya praṇāmo'dvayavastunaḥ || 7 ||
vedavācāmavedyasya kiṃ vā stotraṃ vidhīyate |
antarbahiḥ saṃsthitasya udvāsanavidhiḥ kutaḥ || 8 ||
śrī gururuvāca
ārādhayāmi maṇisannibhamātmaliṅgam
māyāpurīhṛdayapaṅkajasanniviṣṭam |
śraddhānadīvimalacittajalābhiṣekai-
rnityaṃ samādhikusumairnapunarbhavāya || 9 ||
ayameko'vaśiṣṭo'smītyevamāvāhayecchivam |
āsanaṃ kalpayetpaścātsvapratiṣṭhātmacintanam || 10 ||
puṇyapāparajaḥsaṅgo mama nāstīti vedanam |
pādyaṃ samarpayedvidvansarvakalmaṣanāśanam || 11 ||
anādikalpavidhṛtamūlājñānajalāñjalim |
visṛjedātmaliṅgasya tadevārghyasamarpaṇam || 12 ||
brahmānandābdhikallolakaṇakoṭyaṃśaleśakam |
pibantīndrādaya iti dhyānamācamanaṃ matam || 13 ||
brahmānandajalenaiva lokāḥ sarve pariplutāḥ |
acchedyo'yamiti dhyānamabhiṣecanamātmanaḥ || 14 ||
nirāvaraṇacaitanyaṃ prakāśo'smīti cintanam |
ātmaliṅgasya sadvastramityevaṃ cintayenmuniḥ || 15 ||
triguṇātmāśeṣalokamālikāsūtramasmyaham |
iti niścayamevātra hyupavītaṃ paraṃ matam || 16 ||
anekavāsanāmiśraprapañco'yaṃ dhṛto mayā |
nānyenetyanusandhānamātmanaścandanaṃ bhavet || 17 ||
rajaḥsattvatamovṛttityāgarūpaistilākṣataiḥ |
ātmaliṅgaṃ yajennityaṃ jīvanmuktiprasiddhaye || 18 ||
īśvaro gururātmeti bhedatrayavivarjitaiḥ |
bilvapatrairadvitīyairātmaliṅgaṃ yajecchivam || 19 ||
samastavāsanātyāgaṃ dhūpaṃ tasya vicintayet |
jyotirmayātmavijñānaṃ dīpaṃ sandarśayedbudhaḥ || 20 ||
naivedyamātmaliṅgasya brahmāṇḍākhyaṃ mahodanam |
pibānandarasaṃ svādu mṛtyurasyopasecanam || 21 ||
ajñānocchiṣṭakarasya kṣālanaṃ jñānavāriṇā |
viśuddhasyātmaliṅgasya hastaprakṣālanaṃ smaret || 22 ||
rāgādiguṇaśūnyasya śivasya paramātmanaḥ |
sarāgaviṣayābhyāsatyāgastāmbūlacarvaṇam || 23 ||
ajñānadhvāntavidhvaṃsapracaṇḍamatibhāskaram |
ātmano brahmatājñānaṃ nīrājanamihātmanaḥ || 24 ||
vividhabrahmasandṛṣṭirmālikābhiralaṅkṛtam |
pūrṇānandātmatādṛṣṭiṃ puṣpāñjalimanusmaret || 25 ||
paribhramanti brahmāṇḍasahasrāṇi mayīśvare |
kūṭasthācalarūpo'hamiti dhyānaṃ pradakṣiṇam || 26 ||
viśvavandyo'hamevāsmi nāsti vandyo madanyataḥ |
ityālocanamevātra svātmaliṅgasya vandanam || 27 ||
ātmanaḥ satkriyā proktā kartavyābhāvabhāvanā |
nāmarūpavyatītātmacintanaṃ nāmakīrtanam || 28 ||
śravaṇaṃ tasya devasya śrotavyābhāvacintanam |
mananaṃ tvātmaliṅgasya mantavyābhāvacintanam || 29 ||
dhyātavyābhāvavijñānaṃ nididhyāsanamātmanaḥ |
samastabhrāntivikṣeparāhityenātmaniṣṭhatā || 30 ||
samādhirātmano nāma nānyaccittasya vibhramaḥ |
tatraiva bahmaṇi sadā cittaviśrāntiriṣyate || 31 ||
evaṃ vedāntakalpoktasvātmaliṅgaprapūjanam |
kurvannā maraṇaṃ vāpi kṣaṇaṃ vā susamāhitaḥ || 32 ||
sarvadurvāsanājālaṃ padapāṃsumiva tyajet |
vidhūyājñānaduḥkhaughaṃ mokṣānandaṃ samaśnute || 33 ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.