ଶିଷ୍ଯ ଉଵାଚ
ଅଖଣ୍ଡେ ସଚ୍ଚିଦାନନ୍ଦେ ନିର୍ଵିକଲ୍ପୈକରୂପିଣି ।
ସ୍ଥିତେଽଦ୍ଵିତୀଯଭାଵେଽପି କଥଂ ପୂଜା ଵିଧୀଯତେ ॥ 1 ॥
ପୂର୍ଣସ୍ଯାଵାହନଂ କୁତ୍ର ସର୍ଵାଧାରସ୍ଯ ଚାସନମ୍ ।
ସ୍ଵଚ୍ଛସ୍ଯ ପାଦ୍ଯମର୍ଘ୍ଯଂ ଚ ଶୁଦ୍ଧସ୍ଯାଚମନଂ କୁତଃ ॥ 2 ॥
ନିର୍ମଲସ୍ଯ କୁତଃ ସ୍ନାନଂ ଵାସୋ ଵିଶ୍ଵୋଦରସ୍ଯ ଚ ।
ଅଗୋତ୍ରସ୍ଯ ତ୍ଵଵର୍ଣସ୍ଯ କୁତସ୍ତସ୍ଯୋପଵୀତକମ୍ ॥ 3 ॥
ନିର୍ଲେପସ୍ଯ କୁତୋ ଗନ୍ଧଃ ପୁଷ୍ପଂ ନିର୍ଵାସନସ୍ଯ ଚ ।
ନିର୍ଵିଶେଷସ୍ଯ କା ଭୂଷା କୋଽଲଙ୍କାରୋ ନିରାକୃତେଃ ॥ 4 ॥
ନିରଞ୍ଜନସ୍ଯ କିଂ ଧୂପୈର୍ଦୀପୈର୍ଵା ସର୍ଵସାକ୍ଷିଣଃ ।
ନିଜାନନ୍ଦୈକତୃପ୍ତସ୍ଯ ନୈଵେଦ୍ଯଂ କିଂ ଭଵେଦିହ ॥ 5 ॥
ଵିଶ୍ଵାନନ୍ଦଯିତୁସ୍ତସ୍ଯ କିଂ ତାମ୍ବୂଲଂ ପ୍ରକଲ୍ପତେ ।
ସ୍ଵଯମ୍ପ୍ରକାଶଚିଦ୍ରୂପୋ ଯୋଽସାଵର୍କାଦିଭାସକଃ ॥ 6 ॥
ଗୀଯତେ ଶ୍ରୁତିଭିସ୍ତସ୍ଯ ନୀରାଜନଵିଧିଃ କୁତଃ ।
ପ୍ରଦକ୍ଷିଣମନନ୍ତସ୍ଯ ପ୍ରଣାମୋଽଦ୍ଵଯଵସ୍ତୁନଃ ॥ 7 ॥
ଵେଦଵାଚାମଵେଦ୍ଯସ୍ଯ କିଂ ଵା ସ୍ତୋତ୍ରଂ ଵିଧୀଯତେ ।
ଅନ୍ତର୍ବହିଃ ସଂସ୍ଥିତସ୍ଯ ଉଦ୍ଵାସନଵିଧିଃ କୁତଃ ॥ 8 ॥
ଶ୍ରୀ ଗୁରୁରୁଵାଚ
ଆରାଧଯାମି ମଣିସନ୍ନିଭମାତ୍ମଲିଙ୍ଗମ୍
ମାଯାପୁରୀହୃଦଯପଙ୍କଜସନ୍ନିଵିଷ୍ଟମ୍ ।
ଶ୍ରଦ୍ଧାନଦୀଵିମଲଚିତ୍ତଜଲାଭିଷେକୈ-
ର୍ନିତ୍ଯଂ ସମାଧିକୁସୁମୈର୍ନପୁନର୍ଭଵାଯ ॥ 9 ॥
ଅଯମେକୋଽଵଶିଷ୍ଟୋଽସ୍ମୀତ୍ଯେଵମାଵାହଯେଚ୍ଛିଵମ୍ ।
ଆସନଂ କଲ୍ପଯେତ୍ପଶ୍ଚାତ୍ସ୍ଵପ୍ରତିଷ୍ଠାତ୍ମଚିନ୍ତନମ୍ ॥ 10 ॥
ପୁଣ୍ଯପାପରଜଃସଙ୍ଗୋ ମମ ନାସ୍ତୀତି ଵେଦନମ୍ ।
ପାଦ୍ଯଂ ସମର୍ପଯେଦ୍ଵିଦ୍ଵନ୍ସର୍ଵକଲ୍ମଷନାଶନମ୍ ॥ 11 ॥
ଅନାଦିକଲ୍ପଵିଧୃତମୂଲାଜ୍ଞାନଜଲାଞ୍ଜଲିମ୍ ।
ଵିସୃଜେଦାତ୍ମଲିଙ୍ଗସ୍ଯ ତଦେଵାର୍ଘ୍ଯସମର୍ପଣମ୍ ॥ 12 ॥
ବ୍ରହ୍ମାନନ୍ଦାବ୍ଧିକଲ୍ଲୋଲକଣକୋଟ୍ଯଂଶଲେଶକମ୍ ।
ପିବନ୍ତୀନ୍ଦ୍ରାଦଯ ଇତି ଧ୍ଯାନମାଚମନଂ ମତମ୍ ॥ 13 ॥
ବ୍ରହ୍ମାନନ୍ଦଜଲେନୈଵ ଲୋକାଃ ସର୍ଵେ ପରିପ୍ଲୁତାଃ ।
ଅଚ୍ଛେଦ୍ଯୋଽଯମିତି ଧ୍ଯାନମଭିଷେଚନମାତ୍ମନଃ ॥ 14 ॥
ନିରାଵରଣଚୈତନ୍ଯଂ ପ୍ରକାଶୋଽସ୍ମୀତି ଚିନ୍ତନମ୍ ।
ଆତ୍ମଲିଙ୍ଗସ୍ଯ ସଦ୍ଵସ୍ତ୍ରମିତ୍ଯେଵଂ ଚିନ୍ତଯେନ୍ମୁନିଃ ॥ 15 ॥
ତ୍ରିଗୁଣାତ୍ମାଶେଷଲୋକମାଲିକାସୂତ୍ରମସ୍ମ୍ଯହମ୍ ।
ଇତି ନିଶ୍ଚଯମେଵାତ୍ର ହ୍ଯୁପଵୀତଂ ପରଂ ମତମ୍ ॥ 16 ॥
ଅନେକଵାସନାମିଶ୍ରପ୍ରପଞ୍ଚୋଽଯଂ ଧୃତୋ ମଯା ।
ନାନ୍ଯେନେତ୍ଯନୁସନ୍ଧାନମାତ୍ମନଶ୍ଚନ୍ଦନଂ ଭଵେତ୍ ॥ 17 ॥
ରଜଃସତ୍ତ୍ଵତମୋଵୃତ୍ତିତ୍ଯାଗରୂପୈସ୍ତିଲାକ୍ଷତୈଃ ।
ଆତ୍ମଲିଙ୍ଗଂ ଯଜେନ୍ନିତ୍ଯଂ ଜୀଵନ୍ମୁକ୍ତିପ୍ରସିଦ୍ଧଯେ ॥ 18 ॥
ଈଶ୍ଵରୋ ଗୁରୁରାତ୍ମେତି ଭେଦତ୍ରଯଵିଵର୍ଜିତୈଃ ।
ବିଲ୍ଵପତ୍ରୈରଦ୍ଵିତୀଯୈରାତ୍ମଲିଙ୍ଗଂ ଯଜେଚ୍ଛିଵମ୍ ॥ 19 ॥
ସମସ୍ତଵାସନାତ୍ଯାଗଂ ଧୂପଂ ତସ୍ଯ ଵିଚିନ୍ତଯେତ୍ ।
ଜ୍ଯୋତିର୍ମଯାତ୍ମଵିଜ୍ଞାନଂ ଦୀପଂ ସନ୍ଦର୍ଶଯେଦ୍ବୁଧଃ ॥ 20 ॥
ନୈଵେଦ୍ଯମାତ୍ମଲିଙ୍ଗସ୍ଯ ବ୍ରହ୍ମାଣ୍ଡାଖ୍ଯଂ ମହୋଦନମ୍ ।
ପିବାନନ୍ଦରସଂ ସ୍ଵାଦୁ ମୃତ୍ଯୁରସ୍ଯୋପସେଚନମ୍ ॥ 21 ॥
ଅଜ୍ଞାନୋଚ୍ଛିଷ୍ଟକରସ୍ଯ କ୍ଷାଲନଂ ଜ୍ଞାନଵାରିଣା ।
ଵିଶୁଦ୍ଧସ୍ଯାତ୍ମଲିଙ୍ଗସ୍ଯ ହସ୍ତପ୍ରକ୍ଷାଲନଂ ସ୍ମରେତ୍ ॥ 22 ॥
ରାଗାଦିଗୁଣଶୂନ୍ଯସ୍ଯ ଶିଵସ୍ଯ ପରମାତ୍ମନଃ ।
ସରାଗଵିଷଯାଭ୍ଯାସତ୍ଯାଗସ୍ତାମ୍ବୂଲଚର୍ଵଣମ୍ ॥ 23 ॥
ଅଜ୍ଞାନଧ୍ଵାନ୍ତଵିଧ୍ଵଂସପ୍ରଚଣ୍ଡମତିଭାସ୍କରମ୍ ।
ଆତ୍ମନୋ ବ୍ରହ୍ମତାଜ୍ଞାନଂ ନୀରାଜନମିହାତ୍ମନଃ ॥ 24 ॥
ଵିଵିଧବ୍ରହ୍ମସନ୍ଦୃଷ୍ଟିର୍ମାଲିକାଭିରଲଙ୍କୃତମ୍ ।
ପୂର୍ଣାନନ୍ଦାତ୍ମତାଦୃଷ୍ଟିଂ ପୁଷ୍ପାଞ୍ଜଲିମନୁସ୍ମରେତ୍ ॥ 25 ॥
ପରିଭ୍ରମନ୍ତି ବ୍ରହ୍ମାଣ୍ଡସହସ୍ରାଣି ମଯୀଶ୍ଵରେ ।
କୂଟସ୍ଥାଚଲରୂପୋଽହମିତି ଧ୍ଯାନଂ ପ୍ରଦକ୍ଷିଣମ୍ ॥ 26 ॥
ଵିଶ୍ଵଵନ୍ଦ୍ଯୋଽହମେଵାସ୍ମି ନାସ୍ତି ଵନ୍ଦ୍ଯୋ ମଦନ୍ଯତଃ ।
ଇତ୍ଯାଲୋଚନମେଵାତ୍ର ସ୍ଵାତ୍ମଲିଙ୍ଗସ୍ଯ ଵନ୍ଦନମ୍ ॥ 27 ॥
ଆତ୍ମନଃ ସତ୍କ୍ରିଯା ପ୍ରୋକ୍ତା କର୍ତଵ୍ଯାଭାଵଭାଵନା ।
ନାମରୂପଵ୍ଯତୀତାତ୍ମଚିନ୍ତନଂ ନାମକୀର୍ତନମ୍ ॥ 28 ॥
ଶ୍ରଵଣଂ ତସ୍ଯ ଦେଵସ୍ଯ ଶ୍ରୋତଵ୍ଯାଭାଵଚିନ୍ତନମ୍ ।
ମନନଂ ତ୍ଵାତ୍ମଲିଙ୍ଗସ୍ଯ ମନ୍ତଵ୍ଯାଭାଵଚିନ୍ତନମ୍ ॥ 29 ॥
ଧ୍ଯାତଵ୍ଯାଭାଵଵିଜ୍ଞାନଂ ନିଦିଧ୍ଯାସନମାତ୍ମନଃ ।
ସମସ୍ତଭ୍ରାନ୍ତିଵିକ୍ଷେପରାହିତ୍ଯେନାତ୍ମନିଷ୍ଠତା ॥ 30 ॥
ସମାଧିରାତ୍ମନୋ ନାମ ନାନ୍ଯଚ୍ଚିତ୍ତସ୍ଯ ଵିଭ୍ରମଃ ।
ତତ୍ରୈଵ ବହ୍ମଣି ସଦା ଚିତ୍ତଵିଶ୍ରାନ୍ତିରିଷ୍ଯତେ ॥ 31 ॥
ଏଵଂ ଵେଦାନ୍ତକଲ୍ପୋକ୍ତସ୍ଵାତ୍ମଲିଙ୍ଗପ୍ରପୂଜନମ୍ ।
କୁର୍ଵନ୍ନା ମରଣଂ ଵାପି କ୍ଷଣଂ ଵା ସୁସମାହିତଃ ॥ 32 ॥
ସର୍ଵଦୁର୍ଵାସନାଜାଲଂ ପଦପାଂସୁମିଵ ତ୍ଯଜେତ୍ ।
ଵିଧୂଯାଜ୍ଞାନଦୁଃଖୌଘଂ ମୋକ୍ଷାନନ୍ଦଂ ସମଶ୍ନୁତେ ॥ 33 ॥
Roman (IAST) Transliteration
śiṣya uvāca
akhaṇḍe saccidānande nirvikalpaikarūpiṇi |
sthite'dvitīyabhāve'pi kathaṃ pūjā vidhīyate || 1 ||
pūrṇasyāvāhanaṃ kutra sarvādhārasya cāsanam |
svacchasya pādyamarghyaṃ ca śuddhasyācamanaṃ kutaḥ || 2 ||
nirmalasya kutaḥ snānaṃ vāso viśvodarasya ca |
agotrasya tvavarṇasya kutastasyopavītakam || 3 ||
nirlepasya kuto gandhaḥ puṣpaṃ nirvāsanasya ca |
nirviśeṣasya kā bhūṣā ko'laṅkāro nirākṛteḥ || 4 ||
nirañjanasya kiṃ dhūpairdīpairvā sarvasākṣiṇaḥ |
nijānandaikatṛptasya naivedyaṃ kiṃ bhavediha || 5 ||
viśvānandayitustasya kiṃ tāmbūlaṃ prakalpate |
svayamprakāśacidrūpo yo'sāvarkādibhāsakaḥ || 6 ||
gīyate śrutibhistasya nīrājanavidhiḥ kutaḥ |
pradakṣiṇamanantasya praṇāmo'dvayavastunaḥ || 7 ||
vedavācāmavedyasya kiṃ vā stotraṃ vidhīyate |
antarbahiḥ saṃsthitasya udvāsanavidhiḥ kutaḥ || 8 ||
śrī gururuvāca
ārādhayāmi maṇisannibhamātmaliṅgam
māyāpurīhṛdayapaṅkajasanniviṣṭam |
śraddhānadīvimalacittajalābhiṣekai-
rnityaṃ samādhikusumairnapunarbhavāya || 9 ||
ayameko'vaśiṣṭo'smītyevamāvāhayecchivam |
āsanaṃ kalpayetpaścātsvapratiṣṭhātmacintanam || 10 ||
puṇyapāparajaḥsaṅgo mama nāstīti vedanam |
pādyaṃ samarpayedvidvansarvakalmaṣanāśanam || 11 ||
anādikalpavidhṛtamūlājñānajalāñjalim |
visṛjedātmaliṅgasya tadevārghyasamarpaṇam || 12 ||
brahmānandābdhikallolakaṇakoṭyaṃśaleśakam |
pibantīndrādaya iti dhyānamācamanaṃ matam || 13 ||
brahmānandajalenaiva lokāḥ sarve pariplutāḥ |
acchedyo'yamiti dhyānamabhiṣecanamātmanaḥ || 14 ||
nirāvaraṇacaitanyaṃ prakāśo'smīti cintanam |
ātmaliṅgasya sadvastramityevaṃ cintayenmuniḥ || 15 ||
triguṇātmāśeṣalokamālikāsūtramasmyaham |
iti niścayamevātra hyupavītaṃ paraṃ matam || 16 ||
anekavāsanāmiśraprapañco'yaṃ dhṛto mayā |
nānyenetyanusandhānamātmanaścandanaṃ bhavet || 17 ||
rajaḥsattvatamovṛttityāgarūpaistilākṣataiḥ |
ātmaliṅgaṃ yajennityaṃ jīvanmuktiprasiddhaye || 18 ||
īśvaro gururātmeti bhedatrayavivarjitaiḥ |
bilvapatrairadvitīyairātmaliṅgaṃ yajecchivam || 19 ||
samastavāsanātyāgaṃ dhūpaṃ tasya vicintayet |
jyotirmayātmavijñānaṃ dīpaṃ sandarśayedbudhaḥ || 20 ||
naivedyamātmaliṅgasya brahmāṇḍākhyaṃ mahodanam |
pibānandarasaṃ svādu mṛtyurasyopasecanam || 21 ||
ajñānocchiṣṭakarasya kṣālanaṃ jñānavāriṇā |
viśuddhasyātmaliṅgasya hastaprakṣālanaṃ smaret || 22 ||
rāgādiguṇaśūnyasya śivasya paramātmanaḥ |
sarāgaviṣayābhyāsatyāgastāmbūlacarvaṇam || 23 ||
ajñānadhvāntavidhvaṃsapracaṇḍamatibhāskaram |
ātmano brahmatājñānaṃ nīrājanamihātmanaḥ || 24 ||
vividhabrahmasandṛṣṭirmālikābhiralaṅkṛtam |
pūrṇānandātmatādṛṣṭiṃ puṣpāñjalimanusmaret || 25 ||
paribhramanti brahmāṇḍasahasrāṇi mayīśvare |
kūṭasthācalarūpo'hamiti dhyānaṃ pradakṣiṇam || 26 ||
viśvavandyo'hamevāsmi nāsti vandyo madanyataḥ |
ityālocanamevātra svātmaliṅgasya vandanam || 27 ||
ātmanaḥ satkriyā proktā kartavyābhāvabhāvanā |
nāmarūpavyatītātmacintanaṃ nāmakīrtanam || 28 ||
śravaṇaṃ tasya devasya śrotavyābhāvacintanam |
mananaṃ tvātmaliṅgasya mantavyābhāvacintanam || 29 ||
dhyātavyābhāvavijñānaṃ nididhyāsanamātmanaḥ |
samastabhrāntivikṣeparāhityenātmaniṣṭhatā || 30 ||
samādhirātmano nāma nānyaccittasya vibhramaḥ |
tatraiva bahmaṇi sadā cittaviśrāntiriṣyate || 31 ||
evaṃ vedāntakalpoktasvātmaliṅgaprapūjanam |
kurvannā maraṇaṃ vāpi kṣaṇaṃ vā susamāhitaḥ || 32 ||
sarvadurvāsanājālaṃ padapāṃsumiva tyajet |
vidhūyājñānaduḥkhaughaṃ mokṣānandaṃ samaśnute || 33 ||
Sanskrit — Devanagari (original)
शिष्य उवाच
अखण्डे सच्चिदानन्दे निर्विकल्पैकरूपिणि ।
स्थितेऽद्वितीयभावेऽपि कथं पूजा विधीयते ॥ 1 ॥
पूर्णस्यावाहनं कुत्र सर्वाधारस्य चासनम् ।
स्वच्छस्य पाद्यमर्घ्यं च शुद्धस्याचमनं कुतः ॥ 2 ॥
निर्मलस्य कुतः स्नानं वासो विश्वोदरस्य च ।
अगोत्रस्य त्ववर्णस्य कुतस्तस्योपवीतकम् ॥ 3 ॥
निर्लेपस्य कुतो गन्धः पुष्पं निर्वासनस्य च ।
निर्विशेषस्य का भूषा कोऽलङ्कारो निराकृतेः ॥ 4 ॥
निरञ्जनस्य किं धूपैर्दीपैर्वा सर्वसाक्षिणः ।
निजानन्दैकतृप्तस्य नैवेद्यं किं भवेदिह ॥ 5 ॥
विश्वानन्दयितुस्तस्य किं ताम्बूलं प्रकल्पते ।
स्वयम्प्रकाशचिद्रूपो योऽसावर्कादिभासकः ॥ 6 ॥
गीयते श्रुतिभिस्तस्य नीराजनविधिः कुतः ।
प्रदक्षिणमनन्तस्य प्रणामोऽद्वयवस्तुनः ॥ 7 ॥
वेदवाचामवेद्यस्य किं वा स्तोत्रं विधीयते ।
अन्तर्बहिः संस्थितस्य उद्वासनविधिः कुतः ॥ 8 ॥
श्री गुरुरुवाच
आराधयामि मणिसन्निभमात्मलिङ्गम्
मायापुरीहृदयपङ्कजसन्निविष्टम् ।
श्रद्धानदीविमलचित्तजलाभिषेकै-
र्नित्यं समाधिकुसुमैर्नपुनर्भवाय ॥ 9 ॥
अयमेकोऽवशिष्टोऽस्मीत्येवमावाहयेच्छिवम् ।
आसनं कल्पयेत्पश्चात्स्वप्रतिष्ठात्मचिन्तनम् ॥ 10 ॥
पुण्यपापरजःसङ्गो मम नास्तीति वेदनम् ।
पाद्यं समर्पयेद्विद्वन्सर्वकल्मषनाशनम् ॥ 11 ॥
अनादिकल्पविधृतमूलाज्ञानजलाञ्जलिम् ।
विसृजेदात्मलिङ्गस्य तदेवार्घ्यसमर्पणम् ॥ 12 ॥
ब्रह्मानन्दाब्धिकल्लोलकणकोट्यंशलेशकम् ।
पिबन्तीन्द्रादय इति ध्यानमाचमनं मतम् ॥ 13 ॥
ब्रह्मानन्दजलेनैव लोकाः सर्वे परिप्लुताः ।
अच्छेद्योऽयमिति ध्यानमभिषेचनमात्मनः ॥ 14 ॥
निरावरणचैतन्यं प्रकाशोऽस्मीति चिन्तनम् ।
आत्मलिङ्गस्य सद्वस्त्रमित्येवं चिन्तयेन्मुनिः ॥ 15 ॥
त्रिगुणात्माशेषलोकमालिकासूत्रमस्म्यहम् ।
इति निश्चयमेवात्र ह्युपवीतं परं मतम् ॥ 16 ॥
अनेकवासनामिश्रप्रपञ्चोऽयं धृतो मया ।
नान्येनेत्यनुसन्धानमात्मनश्चन्दनं भवेत् ॥ 17 ॥
रजःसत्त्वतमोवृत्तित्यागरूपैस्तिलाक्षतैः ।
आत्मलिङ्गं यजेन्नित्यं जीवन्मुक्तिप्रसिद्धये ॥ 18 ॥
ईश्वरो गुरुरात्मेति भेदत्रयविवर्जितैः ।
बिल्वपत्रैरद्वितीयैरात्मलिङ्गं यजेच्छिवम् ॥ 19 ॥
समस्तवासनात्यागं धूपं तस्य विचिन्तयेत् ।
ज्योतिर्मयात्मविज्ञानं दीपं सन्दर्शयेद्बुधः ॥ 20 ॥
नैवेद्यमात्मलिङ्गस्य ब्रह्माण्डाख्यं महोदनम् ।
पिबानन्दरसं स्वादु मृत्युरस्योपसेचनम् ॥ 21 ॥
अज्ञानोच्छिष्टकरस्य क्षालनं ज्ञानवारिणा ।
विशुद्धस्यात्मलिङ्गस्य हस्तप्रक्षालनं स्मरेत् ॥ 22 ॥
रागादिगुणशून्यस्य शिवस्य परमात्मनः ।
सरागविषयाभ्यासत्यागस्ताम्बूलचर्वणम् ॥ 23 ॥
अज्ञानध्वान्तविध्वंसप्रचण्डमतिभास्करम् ।
आत्मनो ब्रह्मताज्ञानं नीराजनमिहात्मनः ॥ 24 ॥
विविधब्रह्मसन्दृष्टिर्मालिकाभिरलङ्कृतम् ।
पूर्णानन्दात्मतादृष्टिं पुष्पाञ्जलिमनुस्मरेत् ॥ 25 ॥
परिभ्रमन्ति ब्रह्माण्डसहस्राणि मयीश्वरे ।
कूटस्थाचलरूपोऽहमिति ध्यानं प्रदक्षिणम् ॥ 26 ॥
विश्ववन्द्योऽहमेवास्मि नास्ति वन्द्यो मदन्यतः ।
इत्यालोचनमेवात्र स्वात्मलिङ्गस्य वन्दनम् ॥ 27 ॥
आत्मनः सत्क्रिया प्रोक्ता कर्तव्याभावभावना ।
नामरूपव्यतीतात्मचिन्तनं नामकीर्तनम् ॥ 28 ॥
श्रवणं तस्य देवस्य श्रोतव्याभावचिन्तनम् ।
मननं त्वात्मलिङ्गस्य मन्तव्याभावचिन्तनम् ॥ 29 ॥
ध्यातव्याभावविज्ञानं निदिध्यासनमात्मनः ।
समस्तभ्रान्तिविक्षेपराहित्येनात्मनिष्ठता ॥ 30 ॥
समाधिरात्मनो नाम नान्यच्चित्तस्य विभ्रमः ।
तत्रैव बह्मणि सदा चित्तविश्रान्तिरिष्यते ॥ 31 ॥
एवं वेदान्तकल्पोक्तस्वात्मलिङ्गप्रपूजनम् ।
कुर्वन्ना मरणं वापि क्षणं वा सुसमाहितः ॥ 32 ॥
सर्वदुर्वासनाजालं पदपांसुमिव त्यजेत् ।
विधूयाज्ञानदुःखौघं मोक्षानन्दं समश्नुते ॥ 33 ॥
śiṣya uvāca
akhaṇḍe saccidānande nirvikalpaikarūpiṇi |
sthite'dvitīyabhāve'pi kathaṃ pūjā vidhīyate || 1 ||
pūrṇasyāvāhanaṃ kutra sarvādhārasya cāsanam |
svacchasya pādyamarghyaṃ ca śuddhasyācamanaṃ kutaḥ || 2 ||
nirmalasya kutaḥ snānaṃ vāso viśvodarasya ca |
agotrasya tvavarṇasya kutastasyopavītakam || 3 ||
nirlepasya kuto gandhaḥ puṣpaṃ nirvāsanasya ca |
nirviśeṣasya kā bhūṣā ko'laṅkāro nirākṛteḥ || 4 ||
nirañjanasya kiṃ dhūpairdīpairvā sarvasākṣiṇaḥ |
nijānandaikatṛptasya naivedyaṃ kiṃ bhavediha || 5 ||
viśvānandayitustasya kiṃ tāmbūlaṃ prakalpate |
svayamprakāśacidrūpo yo'sāvarkādibhāsakaḥ || 6 ||
gīyate śrutibhistasya nīrājanavidhiḥ kutaḥ |
pradakṣiṇamanantasya praṇāmo'dvayavastunaḥ || 7 ||
vedavācāmavedyasya kiṃ vā stotraṃ vidhīyate |
antarbahiḥ saṃsthitasya udvāsanavidhiḥ kutaḥ || 8 ||
śrī gururuvāca
ārādhayāmi maṇisannibhamātmaliṅgam
māyāpurīhṛdayapaṅkajasanniviṣṭam |
śraddhānadīvimalacittajalābhiṣekai-
rnityaṃ samādhikusumairnapunarbhavāya || 9 ||
ayameko'vaśiṣṭo'smītyevamāvāhayecchivam |
āsanaṃ kalpayetpaścātsvapratiṣṭhātmacintanam || 10 ||
puṇyapāparajaḥsaṅgo mama nāstīti vedanam |
pādyaṃ samarpayedvidvansarvakalmaṣanāśanam || 11 ||
anādikalpavidhṛtamūlājñānajalāñjalim |
visṛjedātmaliṅgasya tadevārghyasamarpaṇam || 12 ||
brahmānandābdhikallolakaṇakoṭyaṃśaleśakam |
pibantīndrādaya iti dhyānamācamanaṃ matam || 13 ||
brahmānandajalenaiva lokāḥ sarve pariplutāḥ |
acchedyo'yamiti dhyānamabhiṣecanamātmanaḥ || 14 ||
nirāvaraṇacaitanyaṃ prakāśo'smīti cintanam |
ātmaliṅgasya sadvastramityevaṃ cintayenmuniḥ || 15 ||
triguṇātmāśeṣalokamālikāsūtramasmyaham |
iti niścayamevātra hyupavītaṃ paraṃ matam || 16 ||
anekavāsanāmiśraprapañco'yaṃ dhṛto mayā |
nānyenetyanusandhānamātmanaścandanaṃ bhavet || 17 ||
rajaḥsattvatamovṛttityāgarūpaistilākṣataiḥ |
ātmaliṅgaṃ yajennityaṃ jīvanmuktiprasiddhaye || 18 ||
īśvaro gururātmeti bhedatrayavivarjitaiḥ |
bilvapatrairadvitīyairātmaliṅgaṃ yajecchivam || 19 ||
samastavāsanātyāgaṃ dhūpaṃ tasya vicintayet |
jyotirmayātmavijñānaṃ dīpaṃ sandarśayedbudhaḥ || 20 ||
naivedyamātmaliṅgasya brahmāṇḍākhyaṃ mahodanam |
pibānandarasaṃ svādu mṛtyurasyopasecanam || 21 ||
ajñānocchiṣṭakarasya kṣālanaṃ jñānavāriṇā |
viśuddhasyātmaliṅgasya hastaprakṣālanaṃ smaret || 22 ||
rāgādiguṇaśūnyasya śivasya paramātmanaḥ |
sarāgaviṣayābhyāsatyāgastāmbūlacarvaṇam || 23 ||
ajñānadhvāntavidhvaṃsapracaṇḍamatibhāskaram |
ātmano brahmatājñānaṃ nīrājanamihātmanaḥ || 24 ||
vividhabrahmasandṛṣṭirmālikābhiralaṅkṛtam |
pūrṇānandātmatādṛṣṭiṃ puṣpāñjalimanusmaret || 25 ||
paribhramanti brahmāṇḍasahasrāṇi mayīśvare |
kūṭasthācalarūpo'hamiti dhyānaṃ pradakṣiṇam || 26 ||
viśvavandyo'hamevāsmi nāsti vandyo madanyataḥ |
ityālocanamevātra svātmaliṅgasya vandanam || 27 ||
ātmanaḥ satkriyā proktā kartavyābhāvabhāvanā |
nāmarūpavyatītātmacintanaṃ nāmakīrtanam || 28 ||
śravaṇaṃ tasya devasya śrotavyābhāvacintanam |
mananaṃ tvātmaliṅgasya mantavyābhāvacintanam || 29 ||
dhyātavyābhāvavijñānaṃ nididhyāsanamātmanaḥ |
samastabhrāntivikṣeparāhityenātmaniṣṭhatā || 30 ||
samādhirātmano nāma nānyaccittasya vibhramaḥ |
tatraiva bahmaṇi sadā cittaviśrāntiriṣyate || 31 ||
evaṃ vedāntakalpoktasvātmaliṅgaprapūjanam |
kurvannā maraṇaṃ vāpi kṣaṇaṃ vā susamāhitaḥ || 32 ||
sarvadurvāsanājālaṃ padapāṃsumiva tyajet |
vidhūyājñānaduḥkhaughaṃ mokṣānandaṃ samaśnute || 33 ||
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.