ශිෂ්ය උවාච
අඛණ්ඩේ සච්චිදානන්දේ නිර්විකල්පෛකරූපිණි .
ස්ථිතේ(අ)ද්විතීයභාවේ(අ)පි කථං පූජා විධීයතේ .. 1 ..
පූර්ණස්යාවාහනං කුත්ර සර්වාධාරස්ය චාසනම් .
ස්වච්ඡස්ය පාද්යමර්ඝ්යං ච ශුද්ධස්යාචමනං කුතඃ .. 2 ..
නිර්මලස්ය කුතඃ ස්නානං වාසෝ විශ්වෝදරස්ය ච .
අගෝත්රස්ය ත්වවර්ණස්ය කුතස්තස්යෝපවීතකම් .. 3 ..
නිර්ලේපස්ය කුතෝ ගන්ධඃ පුෂ්පං නිර්වාසනස්ය ච .
නිර්විශේෂස්ය කා භූෂා කෝ(අ)ලඞ්කාරෝ නිරාකෘතේඃ .. 4 ..
නිරඤ්ජනස්ය කිං ධූපෛර්දීපෛර්වා සර්වසාක්ෂිණඃ .
නිජානන්දෛකතෘප්තස්ය නෛවේද්යං කිං භවේදිහ .. 5 ..
විශ්වානන්දයිතුස්තස්ය කිං තාම්බූලං ප්රකල්පතේ .
ස්වයම්ප්රකාශචිද්රූපෝ යෝ(අ)සාවර්කාදිභාසකඃ .. 6 ..
ගීයතේ ශ්රුතිභිස්තස්ය නීරාජනවිධිඃ කුතඃ .
ප්රදක්ෂිණමනන්තස්ය ප්රණාමෝ(අ)ද්වයවස්තුනඃ .. 7 ..
වේදවාචාමවේද්යස්ය කිං වා ස්තෝත්රං විධීයතේ .
අන්තර්බහිඃ සංස්ථිතස්ය උද්වාසනවිධිඃ කුතඃ .. 8 ..
ශ්රී ගුරුරුවාච
ආරාධයාමි මණිසන්නිභමාත්මලිඞ්ගම්
මායාපුරීහෘදයපඞ්කජසන්නිවිෂ්ටම් .
ශ්රද්ධානදීවිමලචිත්තජලාභිෂේකෛ-
ර්නිත්යං සමාධිකුසුමෛර්නපුනර්භවාය .. 9 ..
අයමේකෝ(අ)වශිෂ්ටෝ(අ)ස්මීත්යේවමාවාහයේච්ඡිවම් .
ආසනං කල්පයේත්පශ්චාත්ස්වප්රතිෂ්ඨාත්මචින්තනම් .. 10 ..
පුණ්යපාපරජඃසඞ්ගෝ මම නාස්තීති වේදනම් .
පාද්යං සමර්පයේද්විද්වන්සර්වකල්මෂනාශනම් .. 11 ..
අනාදිකල්පවිධෘතමූලාජ්ඤානජලාඤ්ජලිම් .
විසෘජේදාත්මලිඞ්ගස්ය තදේවාර්ඝ්යසමර්පණම් .. 12 ..
බ්රහ්මානන්දාබ්ධිකල්ලෝලකණකෝට්යංශලේශකම් .
පිබන්තීන්ද්රාදය ඉති ධ්යානමාචමනං මතම් .. 13 ..
බ්රහ්මානන්දජලේනෛව ලෝකාඃ සර්වේ පරිප්ලුතාඃ .
අච්ඡේද්යෝ(අ)යමිති ධ්යානමභිෂේචනමාත්මනඃ .. 14 ..
නිරාවරණචෛතන්යං ප්රකාශෝ(අ)ස්මීති චින්තනම් .
ආත්මලිඞ්ගස්ය සද්වස්ත්රමිත්යේවං චින්තයේන්මුනිඃ .. 15 ..
ත්රිගුණාත්මාශේෂලෝකමාලිකාසූත්රමස්ම්යහම් .
ඉති නිශ්චයමේවාත්ර හ්යුපවීතං පරං මතම් .. 16 ..
අනේකවාසනාමිශ්රප්රපඤ්චෝ(අ)යං ධෘතෝ මයා .
නාන්යේනේත්යනුසන්ධානමාත්මනශ්චන්දනං භවේත් .. 17 ..
රජඃසත්ත්වතමෝවෘත්තිත්යාගරූපෛස්තිලාක්ෂතෛඃ .
ආත්මලිඞ්ගං යජේන්නිත්යං ජීවන්මුක්තිප්රසිද්ධයේ .. 18 ..
ඊශ්වරෝ ගුරුරාත්මේති භේදත්රයවිවර්ජිතෛඃ .
බිල්වපත්රෛරද්විතීයෛරාත්මලිඞ්ගං යජේච්ඡිවම් .. 19 ..
සමස්තවාසනාත්යාගං ධූපං තස්ය විචින්තයේත් .
ජ්යෝතිර්මයාත්මවිජ්ඤානං දීපං සන්දර්ශයේද්බුධඃ .. 20 ..
නෛවේද්යමාත්මලිඞ්ගස්ය බ්රහ්මාණ්ඩාඛ්යං මහෝදනම් .
පිබානන්දරසං ස්වාදු මෘත්යුරස්යෝපසේචනම් .. 21 ..
අජ්ඤානෝච්ඡිෂ්ටකරස්ය ක්ෂාලනං ජ්ඤානවාරිණා .
විශුද්ධස්යාත්මලිඞ්ගස්ය හස්තප්රක්ෂාලනං ස්මරේත් .. 22 ..
රාගාදිගුණශූන්යස්ය ශිවස්ය පරමාත්මනඃ .
සරාගවිෂයාභ්යාසත්යාගස්තාම්බූලචර්වණම් .. 23 ..
අජ්ඤානධ්වාන්තවිධ්වංසප්රචණ්ඩමතිභාස්කරම් .
ආත්මනෝ බ්රහ්මතාජ්ඤානං නීරාජනමිහාත්මනඃ .. 24 ..
විවිධබ්රහ්මසන්දෘෂ්ටිර්මාලිකාභිරලඞ්කෘතම් .
පූර්ණානන්දාත්මතාදෘෂ්ටිං පුෂ්පාඤ්ජලිමනුස්මරේත් .. 25 ..
පරිභ්රමන්ති බ්රහ්මාණ්ඩසහස්රාණි මයීශ්වරේ .
කූටස්ථාචලරූපෝ(අ)හමිති ධ්යානං ප්රදක්ෂිණම් .. 26 ..
විශ්වවන්ද්යෝ(අ)හමේවාස්මි නාස්ති වන්ද්යෝ මදන්යතඃ .
ඉත්යාලෝචනමේවාත්ර ස්වාත්මලිඞ්ගස්ය වන්දනම් .. 27 ..
ආත්මනඃ සත්ක්රියා ප්රෝක්තා කර්තව්යාභාවභාවනා .
නාමරූපව්යතීතාත්මචින්තනං නාමකීර්තනම් .. 28 ..
ශ්රවණං තස්ය දේවස්ය ශ්රෝතව්යාභාවචින්තනම් .
මනනං ත්වාත්මලිඞ්ගස්ය මන්තව්යාභාවචින්තනම් .. 29 ..
ධ්යාතව්යාභාවවිජ්ඤානං නිදිධ්යාසනමාත්මනඃ .
සමස්තභ්රාන්තිවික්ෂේපරාහිත්යේනාත්මනිෂ්ඨතා .. 30 ..
සමාධිරාත්මනෝ නාම නාන්යච්චිත්තස්ය විභ්රමඃ .
තත්රෛව බහ්මණි සදා චිත්තවිශ්රාන්තිරිෂ්යතේ .. 31 ..
ඒවං වේදාන්තකල්පෝක්තස්වාත්මලිඞ්ගප්රපූජනම් .
කුර්වන්නා මරණං වාපි ක්ෂණං වා සුසමාහිතඃ .. 32 ..
සර්වදුර්වාසනාජාලං පදපාංසුමිව ත්යජේත් .
විධූයාජ්ඤානදුඃඛෞඝං මෝක්ෂානන්දං සමශ්නුතේ .. 33 ..
Roman (IAST) Transliteration
śiṣya uvāca
akhaṇḍe saccidānande nirvikalpaikarūpiṇi |
sthite'dvitīyabhāve'pi kathaṃ pūjā vidhīyate || 1 ||
pūrṇasyāvāhanaṃ kutra sarvādhārasya cāsanam |
svacchasya pādyamarghyaṃ ca śuddhasyācamanaṃ kutaḥ || 2 ||
nirmalasya kutaḥ snānaṃ vāso viśvodarasya ca |
agotrasya tvavarṇasya kutastasyopavītakam || 3 ||
nirlepasya kuto gandhaḥ puṣpaṃ nirvāsanasya ca |
nirviśeṣasya kā bhūṣā ko'laṅkāro nirākṛteḥ || 4 ||
nirañjanasya kiṃ dhūpairdīpairvā sarvasākṣiṇaḥ |
nijānandaikatṛptasya naivedyaṃ kiṃ bhavediha || 5 ||
viśvānandayitustasya kiṃ tāmbūlaṃ prakalpate |
svayamprakāśacidrūpo yo'sāvarkādibhāsakaḥ || 6 ||
gīyate śrutibhistasya nīrājanavidhiḥ kutaḥ |
pradakṣiṇamanantasya praṇāmo'dvayavastunaḥ || 7 ||
vedavācāmavedyasya kiṃ vā stotraṃ vidhīyate |
antarbahiḥ saṃsthitasya udvāsanavidhiḥ kutaḥ || 8 ||
śrī gururuvāca
ārādhayāmi maṇisannibhamātmaliṅgam
māyāpurīhṛdayapaṅkajasanniviṣṭam |
śraddhānadīvimalacittajalābhiṣekai-
rnityaṃ samādhikusumairnapunarbhavāya || 9 ||
ayameko'vaśiṣṭo'smītyevamāvāhayecchivam |
āsanaṃ kalpayetpaścātsvapratiṣṭhātmacintanam || 10 ||
puṇyapāparajaḥsaṅgo mama nāstīti vedanam |
pādyaṃ samarpayedvidvansarvakalmaṣanāśanam || 11 ||
anādikalpavidhṛtamūlājñānajalāñjalim |
visṛjedātmaliṅgasya tadevārghyasamarpaṇam || 12 ||
brahmānandābdhikallolakaṇakoṭyaṃśaleśakam |
pibantīndrādaya iti dhyānamācamanaṃ matam || 13 ||
brahmānandajalenaiva lokāḥ sarve pariplutāḥ |
acchedyo'yamiti dhyānamabhiṣecanamātmanaḥ || 14 ||
nirāvaraṇacaitanyaṃ prakāśo'smīti cintanam |
ātmaliṅgasya sadvastramityevaṃ cintayenmuniḥ || 15 ||
triguṇātmāśeṣalokamālikāsūtramasmyaham |
iti niścayamevātra hyupavītaṃ paraṃ matam || 16 ||
anekavāsanāmiśraprapañco'yaṃ dhṛto mayā |
nānyenetyanusandhānamātmanaścandanaṃ bhavet || 17 ||
rajaḥsattvatamovṛttityāgarūpaistilākṣataiḥ |
ātmaliṅgaṃ yajennityaṃ jīvanmuktiprasiddhaye || 18 ||
īśvaro gururātmeti bhedatrayavivarjitaiḥ |
bilvapatrairadvitīyairātmaliṅgaṃ yajecchivam || 19 ||
samastavāsanātyāgaṃ dhūpaṃ tasya vicintayet |
jyotirmayātmavijñānaṃ dīpaṃ sandarśayedbudhaḥ || 20 ||
naivedyamātmaliṅgasya brahmāṇḍākhyaṃ mahodanam |
pibānandarasaṃ svādu mṛtyurasyopasecanam || 21 ||
ajñānocchiṣṭakarasya kṣālanaṃ jñānavāriṇā |
viśuddhasyātmaliṅgasya hastaprakṣālanaṃ smaret || 22 ||
rāgādiguṇaśūnyasya śivasya paramātmanaḥ |
sarāgaviṣayābhyāsatyāgastāmbūlacarvaṇam || 23 ||
ajñānadhvāntavidhvaṃsapracaṇḍamatibhāskaram |
ātmano brahmatājñānaṃ nīrājanamihātmanaḥ || 24 ||
vividhabrahmasandṛṣṭirmālikābhiralaṅkṛtam |
pūrṇānandātmatādṛṣṭiṃ puṣpāñjalimanusmaret || 25 ||
paribhramanti brahmāṇḍasahasrāṇi mayīśvare |
kūṭasthācalarūpo'hamiti dhyānaṃ pradakṣiṇam || 26 ||
viśvavandyo'hamevāsmi nāsti vandyo madanyataḥ |
ityālocanamevātra svātmaliṅgasya vandanam || 27 ||
ātmanaḥ satkriyā proktā kartavyābhāvabhāvanā |
nāmarūpavyatītātmacintanaṃ nāmakīrtanam || 28 ||
śravaṇaṃ tasya devasya śrotavyābhāvacintanam |
mananaṃ tvātmaliṅgasya mantavyābhāvacintanam || 29 ||
dhyātavyābhāvavijñānaṃ nididhyāsanamātmanaḥ |
samastabhrāntivikṣeparāhityenātmaniṣṭhatā || 30 ||
samādhirātmano nāma nānyaccittasya vibhramaḥ |
tatraiva bahmaṇi sadā cittaviśrāntiriṣyate || 31 ||
evaṃ vedāntakalpoktasvātmaliṅgaprapūjanam |
kurvannā maraṇaṃ vāpi kṣaṇaṃ vā susamāhitaḥ || 32 ||
sarvadurvāsanājālaṃ padapāṃsumiva tyajet |
vidhūyājñānaduḥkhaughaṃ mokṣānandaṃ samaśnute || 33 ||
Sanskrit — Devanagari (original)
शिष्य उवाच
अखण्डे सच्चिदानन्दे निर्विकल्पैकरूपिणि ।
स्थितेऽद्वितीयभावेऽपि कथं पूजा विधीयते ॥ 1 ॥
पूर्णस्यावाहनं कुत्र सर्वाधारस्य चासनम् ।
स्वच्छस्य पाद्यमर्घ्यं च शुद्धस्याचमनं कुतः ॥ 2 ॥
निर्मलस्य कुतः स्नानं वासो विश्वोदरस्य च ।
अगोत्रस्य त्ववर्णस्य कुतस्तस्योपवीतकम् ॥ 3 ॥
निर्लेपस्य कुतो गन्धः पुष्पं निर्वासनस्य च ।
निर्विशेषस्य का भूषा कोऽलङ्कारो निराकृतेः ॥ 4 ॥
निरञ्जनस्य किं धूपैर्दीपैर्वा सर्वसाक्षिणः ।
निजानन्दैकतृप्तस्य नैवेद्यं किं भवेदिह ॥ 5 ॥
विश्वानन्दयितुस्तस्य किं ताम्बूलं प्रकल्पते ।
स्वयम्प्रकाशचिद्रूपो योऽसावर्कादिभासकः ॥ 6 ॥
गीयते श्रुतिभिस्तस्य नीराजनविधिः कुतः ।
प्रदक्षिणमनन्तस्य प्रणामोऽद्वयवस्तुनः ॥ 7 ॥
वेदवाचामवेद्यस्य किं वा स्तोत्रं विधीयते ।
अन्तर्बहिः संस्थितस्य उद्वासनविधिः कुतः ॥ 8 ॥
श्री गुरुरुवाच
आराधयामि मणिसन्निभमात्मलिङ्गम्
मायापुरीहृदयपङ्कजसन्निविष्टम् ।
श्रद्धानदीविमलचित्तजलाभिषेकै-
र्नित्यं समाधिकुसुमैर्नपुनर्भवाय ॥ 9 ॥
अयमेकोऽवशिष्टोऽस्मीत्येवमावाहयेच्छिवम् ।
आसनं कल्पयेत्पश्चात्स्वप्रतिष्ठात्मचिन्तनम् ॥ 10 ॥
पुण्यपापरजःसङ्गो मम नास्तीति वेदनम् ।
पाद्यं समर्पयेद्विद्वन्सर्वकल्मषनाशनम् ॥ 11 ॥
अनादिकल्पविधृतमूलाज्ञानजलाञ्जलिम् ।
विसृजेदात्मलिङ्गस्य तदेवार्घ्यसमर्पणम् ॥ 12 ॥
ब्रह्मानन्दाब्धिकल्लोलकणकोट्यंशलेशकम् ।
पिबन्तीन्द्रादय इति ध्यानमाचमनं मतम् ॥ 13 ॥
ब्रह्मानन्दजलेनैव लोकाः सर्वे परिप्लुताः ।
अच्छेद्योऽयमिति ध्यानमभिषेचनमात्मनः ॥ 14 ॥
निरावरणचैतन्यं प्रकाशोऽस्मीति चिन्तनम् ।
आत्मलिङ्गस्य सद्वस्त्रमित्येवं चिन्तयेन्मुनिः ॥ 15 ॥
त्रिगुणात्माशेषलोकमालिकासूत्रमस्म्यहम् ।
इति निश्चयमेवात्र ह्युपवीतं परं मतम् ॥ 16 ॥
अनेकवासनामिश्रप्रपञ्चोऽयं धृतो मया ।
नान्येनेत्यनुसन्धानमात्मनश्चन्दनं भवेत् ॥ 17 ॥
रजःसत्त्वतमोवृत्तित्यागरूपैस्तिलाक्षतैः ।
आत्मलिङ्गं यजेन्नित्यं जीवन्मुक्तिप्रसिद्धये ॥ 18 ॥
ईश्वरो गुरुरात्मेति भेदत्रयविवर्जितैः ।
बिल्वपत्रैरद्वितीयैरात्मलिङ्गं यजेच्छिवम् ॥ 19 ॥
समस्तवासनात्यागं धूपं तस्य विचिन्तयेत् ।
ज्योतिर्मयात्मविज्ञानं दीपं सन्दर्शयेद्बुधः ॥ 20 ॥
नैवेद्यमात्मलिङ्गस्य ब्रह्माण्डाख्यं महोदनम् ।
पिबानन्दरसं स्वादु मृत्युरस्योपसेचनम् ॥ 21 ॥
अज्ञानोच्छिष्टकरस्य क्षालनं ज्ञानवारिणा ।
विशुद्धस्यात्मलिङ्गस्य हस्तप्रक्षालनं स्मरेत् ॥ 22 ॥
रागादिगुणशून्यस्य शिवस्य परमात्मनः ।
सरागविषयाभ्यासत्यागस्ताम्बूलचर्वणम् ॥ 23 ॥
अज्ञानध्वान्तविध्वंसप्रचण्डमतिभास्करम् ।
आत्मनो ब्रह्मताज्ञानं नीराजनमिहात्मनः ॥ 24 ॥
विविधब्रह्मसन्दृष्टिर्मालिकाभिरलङ्कृतम् ।
पूर्णानन्दात्मतादृष्टिं पुष्पाञ्जलिमनुस्मरेत् ॥ 25 ॥
परिभ्रमन्ति ब्रह्माण्डसहस्राणि मयीश्वरे ।
कूटस्थाचलरूपोऽहमिति ध्यानं प्रदक्षिणम् ॥ 26 ॥
विश्ववन्द्योऽहमेवास्मि नास्ति वन्द्यो मदन्यतः ।
इत्यालोचनमेवात्र स्वात्मलिङ्गस्य वन्दनम् ॥ 27 ॥
आत्मनः सत्क्रिया प्रोक्ता कर्तव्याभावभावना ।
नामरूपव्यतीतात्मचिन्तनं नामकीर्तनम् ॥ 28 ॥
श्रवणं तस्य देवस्य श्रोतव्याभावचिन्तनम् ।
मननं त्वात्मलिङ्गस्य मन्तव्याभावचिन्तनम् ॥ 29 ॥
ध्यातव्याभावविज्ञानं निदिध्यासनमात्मनः ।
समस्तभ्रान्तिविक्षेपराहित्येनात्मनिष्ठता ॥ 30 ॥
समाधिरात्मनो नाम नान्यच्चित्तस्य विभ्रमः ।
तत्रैव बह्मणि सदा चित्तविश्रान्तिरिष्यते ॥ 31 ॥
एवं वेदान्तकल्पोक्तस्वात्मलिङ्गप्रपूजनम् ।
कुर्वन्ना मरणं वापि क्षणं वा सुसमाहितः ॥ 32 ॥
सर्वदुर्वासनाजालं पदपांसुमिव त्यजेत् ।
विधूयाज्ञानदुःखौघं मोक्षानन्दं समश्नुते ॥ 33 ॥
śiṣya uvāca
akhaṇḍe saccidānande nirvikalpaikarūpiṇi |
sthite'dvitīyabhāve'pi kathaṃ pūjā vidhīyate || 1 ||
pūrṇasyāvāhanaṃ kutra sarvādhārasya cāsanam |
svacchasya pādyamarghyaṃ ca śuddhasyācamanaṃ kutaḥ || 2 ||
nirmalasya kutaḥ snānaṃ vāso viśvodarasya ca |
agotrasya tvavarṇasya kutastasyopavītakam || 3 ||
nirlepasya kuto gandhaḥ puṣpaṃ nirvāsanasya ca |
nirviśeṣasya kā bhūṣā ko'laṅkāro nirākṛteḥ || 4 ||
nirañjanasya kiṃ dhūpairdīpairvā sarvasākṣiṇaḥ |
nijānandaikatṛptasya naivedyaṃ kiṃ bhavediha || 5 ||
viśvānandayitustasya kiṃ tāmbūlaṃ prakalpate |
svayamprakāśacidrūpo yo'sāvarkādibhāsakaḥ || 6 ||
gīyate śrutibhistasya nīrājanavidhiḥ kutaḥ |
pradakṣiṇamanantasya praṇāmo'dvayavastunaḥ || 7 ||
vedavācāmavedyasya kiṃ vā stotraṃ vidhīyate |
antarbahiḥ saṃsthitasya udvāsanavidhiḥ kutaḥ || 8 ||
śrī gururuvāca
ārādhayāmi maṇisannibhamātmaliṅgam
māyāpurīhṛdayapaṅkajasanniviṣṭam |
śraddhānadīvimalacittajalābhiṣekai-
rnityaṃ samādhikusumairnapunarbhavāya || 9 ||
ayameko'vaśiṣṭo'smītyevamāvāhayecchivam |
āsanaṃ kalpayetpaścātsvapratiṣṭhātmacintanam || 10 ||
puṇyapāparajaḥsaṅgo mama nāstīti vedanam |
pādyaṃ samarpayedvidvansarvakalmaṣanāśanam || 11 ||
anādikalpavidhṛtamūlājñānajalāñjalim |
visṛjedātmaliṅgasya tadevārghyasamarpaṇam || 12 ||
brahmānandābdhikallolakaṇakoṭyaṃśaleśakam |
pibantīndrādaya iti dhyānamācamanaṃ matam || 13 ||
brahmānandajalenaiva lokāḥ sarve pariplutāḥ |
acchedyo'yamiti dhyānamabhiṣecanamātmanaḥ || 14 ||
nirāvaraṇacaitanyaṃ prakāśo'smīti cintanam |
ātmaliṅgasya sadvastramityevaṃ cintayenmuniḥ || 15 ||
triguṇātmāśeṣalokamālikāsūtramasmyaham |
iti niścayamevātra hyupavītaṃ paraṃ matam || 16 ||
anekavāsanāmiśraprapañco'yaṃ dhṛto mayā |
nānyenetyanusandhānamātmanaścandanaṃ bhavet || 17 ||
rajaḥsattvatamovṛttityāgarūpaistilākṣataiḥ |
ātmaliṅgaṃ yajennityaṃ jīvanmuktiprasiddhaye || 18 ||
īśvaro gururātmeti bhedatrayavivarjitaiḥ |
bilvapatrairadvitīyairātmaliṅgaṃ yajecchivam || 19 ||
samastavāsanātyāgaṃ dhūpaṃ tasya vicintayet |
jyotirmayātmavijñānaṃ dīpaṃ sandarśayedbudhaḥ || 20 ||
naivedyamātmaliṅgasya brahmāṇḍākhyaṃ mahodanam |
pibānandarasaṃ svādu mṛtyurasyopasecanam || 21 ||
ajñānocchiṣṭakarasya kṣālanaṃ jñānavāriṇā |
viśuddhasyātmaliṅgasya hastaprakṣālanaṃ smaret || 22 ||
rāgādiguṇaśūnyasya śivasya paramātmanaḥ |
sarāgaviṣayābhyāsatyāgastāmbūlacarvaṇam || 23 ||
ajñānadhvāntavidhvaṃsapracaṇḍamatibhāskaram |
ātmano brahmatājñānaṃ nīrājanamihātmanaḥ || 24 ||
vividhabrahmasandṛṣṭirmālikābhiralaṅkṛtam |
pūrṇānandātmatādṛṣṭiṃ puṣpāñjalimanusmaret || 25 ||
paribhramanti brahmāṇḍasahasrāṇi mayīśvare |
kūṭasthācalarūpo'hamiti dhyānaṃ pradakṣiṇam || 26 ||
viśvavandyo'hamevāsmi nāsti vandyo madanyataḥ |
ityālocanamevātra svātmaliṅgasya vandanam || 27 ||
ātmanaḥ satkriyā proktā kartavyābhāvabhāvanā |
nāmarūpavyatītātmacintanaṃ nāmakīrtanam || 28 ||
śravaṇaṃ tasya devasya śrotavyābhāvacintanam |
mananaṃ tvātmaliṅgasya mantavyābhāvacintanam || 29 ||
dhyātavyābhāvavijñānaṃ nididhyāsanamātmanaḥ |
samastabhrāntivikṣeparāhityenātmaniṣṭhatā || 30 ||
samādhirātmano nāma nānyaccittasya vibhramaḥ |
tatraiva bahmaṇi sadā cittaviśrāntiriṣyate || 31 ||
evaṃ vedāntakalpoktasvātmaliṅgaprapūjanam |
kurvannā maraṇaṃ vāpi kṣaṇaṃ vā susamāhitaḥ || 32 ||
sarvadurvāsanājālaṃ padapāṃsumiva tyajet |
vidhūyājñānaduḥkhaughaṃ mokṣānandaṃ samaśnute || 33 ||
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.