2.4 - Deva Manushyah Pitarah - Krishna Yajurveda Taittiriya Samhita Pathah — Grantha Script

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌨𑍍𑌦𑍍𑌵𑌿𑌤𑍀𑌯𑌕𑌾𑌣𑍍𑌡𑍇 𑌚𑌤𑍁𑌰𑍍𑌥𑌃 𑌪𑍍𑌰𑌶𑍍𑌨𑌃 - 𑌇𑌷𑍍𑌟𑌿𑌵𑌿𑌧𑌾𑌨𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,

𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌦𑍇॒𑌵𑌾 𑌮॑𑌨𑍁॒𑌷𑍍𑌯𑌾𑌃᳚ 𑌪𑌿॒𑌤𑌰॒𑌸𑍍𑌤𑍇᳚-𑌽𑌨𑍍𑌯𑌤॑ 𑌆𑌸॒𑌨𑍍𑌨𑌸𑍁॑𑌰𑌾॒ 𑌰𑌕𑍍𑌷𑌾𑌗𑍍𑌂॑𑌸𑌿 𑌪𑌿𑌶𑌾॒𑌚𑌾𑌸𑍍𑌤𑍇᳚ 𑌽𑌨𑍍𑌯𑌤॒𑌸𑍍𑌤𑍇𑌷𑌾᳚-𑌨𑍍𑌦𑍇॒𑌵𑌾𑌨𑌾॑𑌮𑍁॒𑌤 𑌯𑌦𑌲𑍍𑌪𑌂॒-𑌲𑍋𑌁𑌹𑌿॑𑌤॒𑌮𑌕𑍁॑𑌰𑍍𑌵॒-𑌨𑍍𑌤-𑌦𑍍𑌰𑌕𑍍𑌷𑌾𑌗𑍍𑌂॑𑌸𑌿॒ 𑌰𑌾𑌤𑍍𑌰𑍀॑𑌭𑌿𑌰𑌸𑍁𑌭𑍍𑌨॒-𑌨𑍍𑌤𑌾𑌨𑍍-𑌥𑍍𑌸𑍁॒𑌬𑍍𑌧𑌾-𑌨𑍍𑌮𑍃॒𑌤𑌾𑌨॒𑌭𑌿 𑌵𑍍𑌯𑍗᳚𑌚𑍍𑌛॒-𑌤𑍍𑌤𑍇 𑌦𑍇॒𑌵𑌾 𑌅॑𑌵𑌿𑌦𑍁॒𑌰𑍍𑌯𑍋 𑌵𑍈 𑌨𑍋॒-𑌽𑌯-𑌮𑍍𑌮𑍍𑌰𑌿॒𑌯𑌤𑍇॒ 𑌰𑌕𑍍𑌷𑌾𑌗𑍍𑌂॑𑌸𑌿॒ 𑌵𑌾 𑌇॒𑌮-𑌙𑍍𑌘𑍍𑌨॒𑌨𑍍𑌤𑍀𑌤𑌿॒ 𑌤𑍇 𑌰𑌕𑍍𑌷𑌾॒𑌗𑍍॒𑌸𑍍𑌯𑍁𑌪𑌾॑𑌮𑌨𑍍𑌤𑍍𑌰𑌯𑌨𑍍𑌤॒ 𑌤𑌾𑌨𑍍𑌯॑𑌬𑍍𑌰𑍁𑌵॒𑌨𑍍. 𑌵𑌰𑌂॑-𑌵𑍃𑌁𑌣𑌾𑌮𑌹𑍈॒ 𑌯- [𑌯𑌤𑍍, 𑌅𑌸𑍁॑𑌰𑌾॒𑌨𑍍 𑌜𑌯𑌾॑𑌮॒] 1

-𑌦𑌸𑍁॑𑌰𑌾॒𑌨𑍍 𑌜𑌯𑌾॑𑌮॒ 𑌤𑌨𑍍𑌨𑌃॑ 𑌸॒𑌹𑌾𑌸॒𑌦𑌿𑌤𑌿॒ 𑌤𑌤𑍋॒ 𑌵𑍈 𑌦𑍇॒𑌵𑌾 𑌅𑌸𑍁॑𑌰𑌾𑌨𑌜𑌯॒-𑌨𑍍𑌤𑍇-𑌽𑌸𑍁॑𑌰𑌾𑌨𑍍 𑌜𑌿॒𑌤𑍍𑌵𑌾𑌰𑌕𑍍𑌷𑌾॒𑌗𑍍॒𑌸𑍍𑌯𑌪𑌾॑𑌨𑍁𑌦𑌨𑍍𑌤॒ 𑌤𑌾𑌨𑌿॒ 𑌰𑌕𑍍𑌷𑌾॒𑌗𑍍॒𑌸𑍍𑌯𑌨𑍃॑𑌤𑌮 𑌕॒𑌰𑍍𑌤𑍇𑌤𑌿॑ 𑌸𑌮॒𑌨𑍍𑌤-𑌨𑍍𑌦𑍇॒𑌵𑌾-𑌨𑍍𑌪𑌰𑍍𑌯॑𑌵𑌿𑌶॒-𑌨𑍍𑌤𑍇 𑌦𑍇॒𑌵𑌾 𑌅॒𑌗𑍍𑌨𑌾𑌵॑𑌨𑌾𑌥𑌨𑍍𑌤॒ 𑌤𑍇᳚-𑌽𑌗𑍍𑌨𑌯𑍇॒ 𑌪𑍍𑌰𑌵॑𑌤𑍇 𑌪𑍁𑌰𑍋॒𑌡𑌾𑌶॑𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰॑𑌵𑌪𑌨𑍍𑌨॒𑌗𑍍𑌨𑌯𑍇॑ 𑌵𑌿𑌬𑌾॒𑌧𑌵॑𑌤𑍇॒-𑌽𑌗𑍍𑌨𑌯𑍇॒ 𑌪𑍍𑌰𑌤𑍀॑𑌕𑌵𑌤𑍇॒ 𑌯𑌦॒𑌗𑍍𑌨𑌯𑍇॒ 𑌪𑍍𑌰𑌵॑𑌤𑍇 𑌨𑌿॒𑌰𑌵॑𑌪॒𑌨𑍍॒. 𑌯𑌾𑌨𑍍𑌯𑍇॒𑌵 𑌪𑍁॒𑌰𑌸𑍍𑌤𑌾॒-𑌦𑍍𑌰𑌕𑍍𑌷𑌾॒𑌗𑍍॒- [𑌪𑍁॒𑌰𑌸𑍍𑌤𑌾॒-𑌦𑍍𑌰𑌕𑍍𑌷𑌾॒𑌗𑍍𑌂॑𑌸𑌿, 𑌆॒𑌸॒𑌨𑍍𑌤𑌾𑌨𑌿॒ 𑌤𑍇𑌨॒] 2

-𑌸𑍍𑌯𑌾𑌸॒𑌨𑍍𑌤𑌾𑌨𑌿॒ 𑌤𑍇𑌨॒ 𑌪𑍍𑌰𑌾𑌣𑍁॑𑌦𑌨𑍍𑌤॒ 𑌯𑌦॒𑌗𑍍𑌨𑌯𑍇॑ 𑌵𑌿𑌬𑌾॒𑌧𑌵॑𑌤𑍇॒ 𑌯𑌾𑌨𑍍𑌯𑍇॒𑌵𑌾𑌭𑌿𑌤𑍋॒ 𑌰𑌕𑍍𑌷𑌾॒𑌗𑍍॒𑌸𑍍𑌯𑌾𑌸॒-𑌨𑍍𑌤𑌾𑌨𑌿॒ 𑌤𑍇𑌨॒ 𑌵𑍍𑌯॑𑌬𑌾𑌧𑌨𑍍𑌤॒ 𑌯𑌦॒𑌗𑍍𑌨𑌯𑍇॒ 𑌪𑍍𑌰𑌤𑍀॑𑌕𑌵𑌤𑍇॒ 𑌯𑌾𑌨𑍍𑌯𑍇॒𑌵 𑌪॒𑌶𑍍𑌚𑌾-𑌦𑍍𑌰𑌕𑍍𑌷𑌾॒𑌗𑍍॒𑌸𑍍𑌯𑌾𑌸॒-𑌨𑍍𑌤𑌾𑌨𑌿॒ 𑌤𑍇𑌨𑌾𑌪𑌾॑𑌨𑍁𑌦𑌨𑍍𑌤॒ 𑌤𑌤𑍋॑ 𑌦𑍇॒𑌵𑌾 𑌅𑌭॑𑌵॒-𑌨𑍍𑌪𑌰𑌾𑌸𑍁॑𑌰𑌾॒ 𑌯𑍋 𑌭𑍍𑌰𑌾𑌤𑍃॑𑌵𑍍𑌯𑌵𑌾॒𑌨𑍍-𑌥𑍍𑌸𑍍𑌯𑌾-𑌥𑍍𑌸 𑌸𑍍𑌪𑌰𑍍𑌧॑𑌮𑌾𑌨 𑌏॒𑌤𑌯𑍇𑌷𑍍𑌟𑍍𑌯𑌾॑ 𑌯𑌜𑍇𑌤𑌾॒𑌗𑍍𑌨𑌯𑍇॒ 𑌪𑍍𑌰𑌵॑𑌤𑍇 𑌪𑍁𑌰𑍋॒𑌡𑌾𑌶॑𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇𑌦॒𑌗𑍍𑌨𑌯𑍇॑ 𑌵𑌿𑌬𑌾॒𑌧𑌵॑𑌤𑍇॒- [𑌵𑌿𑌬𑌾॒𑌧𑌵॑𑌤𑍇॒, 𑌅॒𑌗𑍍𑌨𑌯𑍇॒ 𑌪𑍍𑌰𑌤𑍀॑𑌕𑌵𑌤𑍇॒] 3

-𑌽𑌗𑍍𑌨𑌯𑍇॒ 𑌪𑍍𑌰𑌤𑍀॑𑌕𑌵𑌤𑍇॒ 𑌯𑌦॒𑌗𑍍𑌨𑌯𑍇॒ 𑌪𑍍𑌰𑌵॑𑌤𑍇 𑌨𑌿॒𑌰𑍍𑌵𑌪॑𑌤𑌿॒ 𑌯 𑌏॒𑌵𑌾𑌸𑍍𑌮𑌾॒𑌚𑍍𑌛𑍍𑌰𑍇𑌯𑌾॒𑌨𑍍-𑌭𑍍𑌰𑌾𑌤𑍃॑𑌵𑍍𑌯॒𑌸𑍍𑌤-𑌨𑍍𑌤𑍇𑌨॒ 𑌪𑍍𑌰𑌣𑍁॑𑌦𑌤𑍇॒ 𑌯𑌦॒𑌗𑍍𑌨𑌯𑍇॑ 𑌵𑌿𑌬𑌾॒𑌧𑌵॑𑌤𑍇॒ 𑌯 𑌏॒𑌵𑍈𑌨𑍇॑𑌨 𑌸॒𑌦𑍃𑌨𑍍𑌤-𑌨𑍍𑌤𑍇𑌨॒ 𑌵𑌿 𑌬𑌾॑𑌧𑌤𑍇॒ 𑌯𑌦॒𑌗𑍍𑌨𑌯𑍇॒ 𑌪𑍍𑌰𑌤𑍀॑𑌕𑌵𑌤𑍇॒ 𑌯 𑌏॒𑌵𑌾𑌸𑍍𑌮𑌾॒-𑌤𑍍𑌪𑌾𑌪𑍀॑𑌯𑌾॒-𑌨𑍍𑌤-𑌨𑍍𑌤𑍇𑌨𑌾𑌪॑ 𑌨𑍁𑌦𑌤𑍇॒ 𑌪𑍍𑌰 𑌶𑍍𑌰𑍇𑌯𑌾𑌗𑍍𑌂॑𑌸॒-𑌮𑍍𑌭𑍍𑌰𑌾𑌤𑍃॑𑌵𑍍𑌯-𑌨𑍍𑌨𑍁𑌦॒𑌤𑍇𑌤𑌿॑ 𑌸॒𑌦𑍃𑌶॑-𑌙𑍍𑌕𑍍𑌰𑌾𑌮𑌤𑌿॒ 𑌨𑍈𑌨॒-𑌮𑍍𑌪𑌾𑌪𑍀॑𑌯𑌾𑌨𑌾𑌪𑍍𑌨𑍋𑌤𑌿॒ 𑌯 𑌏॒𑌵𑌂 𑌁𑌵𑌿॒𑌦𑍍𑌵𑌾𑌨𑍇॒𑌤𑌯𑍇𑌷𑍍𑌟𑍍𑌯𑌾॒ 𑌯𑌜॑𑌤𑍇 ॥ 4 ॥

(𑌵𑍃॒𑌣𑌾॒𑌮॒𑌹𑍈॒ 𑌯𑌤𑍍 - 𑌪𑍁॒𑌰𑌸𑍍𑌤𑌾॒-𑌦𑍍𑌰𑌕𑍍𑌷𑌾𑌗𑍍𑌂॑𑌸𑌿- 𑌵𑌪𑍇𑌦॒𑌗𑍍𑌨𑌯𑍇॑ 𑌵𑌿𑌬𑌾॒𑌧𑌵॑𑌤 - 𑌏॒𑌵𑌂 - 𑌚॒𑌤𑍍𑌵𑌾𑌰𑌿॑ 𑌚) (𑌅. 1)

𑌦𑍇॒𑌵𑌾॒𑌸𑍁॒𑌰𑌾-𑌸𑍍𑌸𑌂𑌯𑌁॑𑌤𑍍𑌤𑌾 𑌆𑌸॒-𑌨𑍍𑌤𑍇 𑌦𑍇॒𑌵𑌾 𑌅॑𑌬𑍍𑌰𑍁𑌵॒𑌨𑍍॒. 𑌯𑍋 𑌨𑍋॑ 𑌵𑍀॒𑌰𑍍𑌯𑌾॑𑌵𑌤𑍍𑌤𑌮॒𑌸𑍍𑌤𑌮𑌨𑍁॑ 𑌸॒𑌮𑌾𑌰॑𑌭𑌾𑌮𑌹𑌾॒ 𑌇𑌤𑌿॒ 𑌤 𑌇𑌨𑍍𑌦𑍍𑌰॑𑌮𑌬𑍍𑌰𑍁𑌵॒-𑌨𑍍𑌤𑍍𑌵𑌂-𑌵𑍈𑌁 𑌨𑍋॑ 𑌵𑍀॒𑌰𑍍𑌯𑌾॑𑌵𑌤𑍍𑌤𑌮𑍋-𑌽𑌸𑌿॒ 𑌤𑍍𑌵𑌾𑌮𑌨𑍁॑ 𑌸॒𑌮𑌾𑌰॑𑌭𑌾𑌮𑌹𑌾॒ 𑌇𑌤𑌿॒ 𑌸𑍋᳚-𑌽𑌬𑍍𑌰𑌵𑍀-𑌤𑍍𑌤𑌿॒𑌸𑍍𑌰𑍋 𑌮॑ 𑌇॒𑌮𑌾𑌸𑍍𑌤॒𑌨𑍁𑌵𑍋॑ 𑌵𑍀॒𑌰𑍍𑌯𑌾॑𑌵𑌤𑍀॒𑌸𑍍𑌤𑌾𑌃 𑌪𑍍𑌰𑍀॑𑌣𑍀॒𑌤𑌾𑌥𑌾-𑌸𑍁॑𑌰𑌾𑌨॒𑌭𑌿 𑌭॑𑌵𑌿𑌷𑍍𑌯॒𑌥𑍇𑌤𑌿॒ 𑌤𑌾 𑌵𑍈 𑌬𑍍𑌰𑍂॒𑌹𑍀𑌤𑍍𑌯॑𑌬𑍍𑌰𑍁𑌵𑌨𑍍𑌨𑌿॒𑌯𑌮𑌗𑍍𑌂॑ 𑌹𑍋॒𑌮𑍁𑌗𑌿॒𑌯𑌂-𑌵𑌿𑌁॑𑌮𑍃॒𑌧𑍇𑌯-𑌮𑌿॑𑌨𑍍𑌦𑍍𑌰𑌿॒𑌯𑌾𑌵॒𑌤𑍀- [-𑌮𑌿॑𑌨𑍍𑌦𑍍𑌰𑌿॒𑌯𑌾𑌵॒𑌤𑍀, 𑌇𑌤𑍍𑌯॑𑌬𑍍𑌰𑌵𑍀॒𑌤𑍍𑌤] 5

-𑌤𑍍𑌯॑𑌬𑍍𑌰𑌵𑍀॒𑌤𑍍𑌤 𑌇𑌨𑍍𑌦𑍍𑌰𑌾॑𑌯𑌾𑌗𑍍𑌂 𑌹𑍋॒𑌮𑍁𑌚𑍇॑ 𑌪𑍁𑌰𑍋॒𑌡𑌾𑌶॒𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰॑𑌵𑌪॒𑌨𑍍𑌨𑌿𑌨𑍍𑌦𑍍𑌰𑌾॑𑌯 𑌵𑍈𑌮𑍃॒𑌧𑌾𑌯𑍇-𑌨𑍍𑌦𑍍𑌰𑌾॑𑌯𑍇𑌨𑍍𑌦𑍍𑌰𑌿॒𑌯𑌾𑌵॑𑌤𑍇॒ 𑌯𑌦𑌿𑌨𑍍𑌦𑍍𑌰𑌾॑𑌯𑌾𑌗𑍍𑌂 𑌹𑍋॒𑌮𑍁𑌚𑍇॑ 𑌨𑌿॒𑌰𑌵॑𑌪॒𑌨𑍍𑌨𑌗𑍍𑌂𑌹॑𑌸 𑌏॒𑌵 𑌤𑍇𑌨𑌾॑𑌮𑍁𑌚𑍍𑌯𑌨𑍍𑌤॒ 𑌯𑌦𑌿𑌨𑍍𑌦𑍍𑌰𑌾॑𑌯 𑌵𑍈 𑌮𑍃॒𑌧𑌾𑌯॒ 𑌮𑍃𑌧॑ 𑌏॒𑌵 𑌤𑍇𑌨𑌾𑌪𑌾᳚𑌘𑍍𑌨𑌤॒𑌯𑌦𑌿𑌨𑍍𑌦𑍍𑌰𑌾॑𑌯𑍇𑌨𑍍𑌦𑍍𑌰𑌿॒𑌯𑌾𑌵॑𑌤 𑌇𑌨𑍍𑌦𑍍𑌰𑌿॒𑌯𑌮𑍇॒𑌵 𑌤𑍇𑌨𑌾॒-𑌽𑌽𑌤𑍍𑌮𑌨𑍍𑌨॑𑌦𑌧𑌤॒ 𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍𑌂𑌶𑌤𑍍𑌕𑌪𑌾𑌲-𑌮𑍍𑌪𑍁𑌰𑍋॒𑌡𑌾𑌶॒-𑌨𑍍𑌨𑌿𑌰॑𑌵𑌪॒-𑌨𑍍𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍𑌂𑌶॒𑌦𑍍𑌵𑍈 𑌦𑍇॒𑌵𑌤𑌾॒𑌸𑍍𑌤𑌾 𑌇𑌨𑍍𑌦𑍍𑌰॑ 𑌆॒𑌤𑍍𑌮𑌨𑍍𑌨𑌨𑍁॑ 𑌸॒𑌮𑌾𑌰॑𑌭𑌂𑌯𑌁𑌤॒ 𑌭𑍂𑌤𑍍𑌯𑍈॒ [𑌭𑍂𑌤𑍍𑌯𑍈᳚, 𑌤𑌾𑌂-𑌵𑌾𑌁𑌵] 6

𑌤𑌾𑌂-𑌵𑌾𑌁𑌵 𑌦𑍇॒𑌵𑌾 𑌵𑌿𑌜𑌿॑𑌤𑌿-𑌮𑍁𑌤𑍍𑌤॒𑌮𑌾-𑌮𑌸𑍁॑𑌰𑍈॒-𑌰𑍍𑌵𑍍𑌯॑𑌜𑌯𑌨𑍍𑌤॒𑌯𑍋 𑌭𑍍𑌰𑌾𑌤𑍃॑𑌵𑍍𑌯𑌵𑌾॒𑌨𑍍𑌥𑍍- 𑌸𑍍𑌯𑌾-𑌥𑍍𑌸 𑌸𑍍𑌪𑌰𑍍𑌧॑𑌮𑌾𑌨 𑌏॒𑌤𑌯𑍇𑌷𑍍𑌟𑍍𑌯𑌾॑ 𑌯𑌜𑍇॒𑌤𑍇𑌨𑍍𑌦𑍍𑌰𑌾॑𑌯𑌾𑌗𑍍𑌂 𑌹𑍋॒𑌮𑍁𑌚𑍇॑ 𑌪𑍁𑌰𑍋॒𑌡𑌾𑌶॒𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒𑌦𑌿𑌨𑍍𑌦𑍍𑌰𑌾॑𑌯 𑌵𑍈𑌮𑍃॒𑌧𑌾𑌯𑍇𑌨𑍍𑌦𑍍𑌰𑌾॑𑌯𑍇𑌨𑍍𑌦𑍍𑌰𑌿॒𑌯𑌾𑌵॒𑌤𑍇-𑌽𑌗𑍍𑌂 𑌹॑𑌸𑌾॒ 𑌵𑌾 𑌏॒𑌷 𑌗𑍃॑𑌹𑍀॒𑌤𑍋 𑌯𑌸𑍍𑌮𑌾॒𑌚𑍍𑌛𑍍𑌰𑍇𑌯𑌾॒-𑌨𑍍𑌭𑍍𑌰𑌾𑌤𑍃॑𑌵𑍍𑌯𑍋॒𑌯𑌦𑌿𑌨𑍍𑌦𑍍𑌰𑌾॑𑌯𑌾𑌗𑍍𑌂 𑌹𑍋॒𑌮𑍁𑌚𑍇॑ 𑌨𑌿॒𑌰𑍍𑌵𑌪॒𑌤𑍍𑌯𑌗𑍍𑌂𑌹॑𑌸 𑌏॒𑌵 𑌤𑍇𑌨॑ 𑌮𑍁𑌚𑍍𑌯𑌤𑍇𑌮𑍃॒𑌧𑌾 𑌵𑌾 𑌏॒𑌷𑍋॑-𑌽𑌭𑌿𑌷॑𑌣𑍍𑌣𑍋॒ 𑌯𑌸𑍍𑌮𑌾᳚-𑌥𑍍𑌸𑌮𑌾॒𑌨𑍇𑌷𑍍𑌵॒𑌨𑍍𑌯-𑌶𑍍𑌶𑍍𑌰𑍇𑌯𑌾॑𑌨𑍁॒𑌤𑌾- [𑌶𑍍𑌰𑍇𑌯𑌾॑𑌨𑍁॒𑌤, 𑌅-𑌽𑌭𑍍𑌰𑌾॑𑌤𑍃𑌵𑍍𑌯𑍋॒] 7

-𑌽𑌭𑍍𑌰𑌾॑𑌤𑍃𑌵𑍍𑌯𑍋॒ 𑌯𑌦𑌿𑌨𑍍𑌦𑍍𑌰𑌾॑𑌯 𑌵𑍈𑌮𑍃॒𑌧𑌾𑌯॒ 𑌮𑍃𑌧॑ 𑌏॒𑌵 𑌤𑍇𑌨𑌾𑌪॑ 𑌹𑌤𑍇॒𑌯𑌦𑌿𑌨𑍍𑌦𑍍𑌰𑌾॑𑌯𑍇𑌨𑍍𑌦𑍍𑌰𑌿॒𑌯𑌾𑌵॑𑌤 𑌇𑌨𑍍𑌦𑍍𑌰𑌿॒𑌯𑌮𑍇॒𑌵 𑌤𑍇𑌨𑌾॒𑌤𑍍𑌮-𑌨𑍍𑌧॑𑌤𑍍𑌤𑍇॒ 𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍𑌂𑌶𑌤𑍍𑌕𑌪𑌾𑌲-𑌮𑍍𑌪𑍁𑌰𑍋॒𑌡𑌾𑌶॒-𑌨𑍍𑌨𑌿𑌰𑍍𑌵॑𑌪𑌤𑌿॒ 𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍𑌂𑌶॒𑌦𑍍𑌵𑍈 𑌦𑍇॒𑌵𑌤𑌾॒𑌸𑍍𑌤𑌾 𑌏॒𑌵 𑌯𑌜॑𑌮𑌾𑌨 𑌆॒𑌤𑍍𑌮𑌨𑍍𑌨𑌨𑍁॑ 𑌸॒𑌮𑌾𑌰॑𑌭𑌂𑌯𑌁𑌤𑍇॒ 𑌭𑍂𑌤𑍍𑌯𑍈॒ 𑌸𑌾 𑌵𑌾 𑌏॒𑌷𑌾 𑌵𑌿𑌜𑌿॑𑌤𑌿॒𑌰𑍍𑌨𑌾𑌮𑍇𑌷𑍍𑌟𑌿॒𑌰𑍍𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨𑍇॒𑌤𑌯𑍇𑌷𑍍𑌟𑍍𑌯𑌾॒ 𑌯𑌜॑𑌤 𑌉𑌤𑍍𑌤॒𑌮𑌾𑌮𑍇॒𑌵 𑌵𑌿𑌜𑌿॑𑌤𑌿॒-𑌮𑍍𑌭𑍍𑌰𑌾𑌤𑍃॑𑌵𑍍𑌯𑍇𑌣॒ 𑌵𑌿 𑌜॑𑌯𑌤𑍇 ॥ 8 ॥

(𑌇॒𑌨𑍍𑌦𑍍𑌰𑌿॒𑌯𑌾𑌵॑𑌤𑍀॒ - 𑌭𑍂𑌤𑍍𑌯𑌾॑ - 𑌉॒𑌤𑍈 - 𑌕𑌾॒𑌨𑍍𑌨 𑌪॑𑌞𑍍𑌚𑌾॒𑌶𑌚𑍍𑌚॑) (𑌅. 2)

𑌦𑍇॒𑌵𑌾॒𑌸𑍁॒𑌰𑌾-𑌸𑍍𑌸𑌂𑌯𑌁॑𑌤𑍍𑌤𑌾 𑌆𑌸॒-𑌨𑍍𑌤𑍇𑌷𑌾᳚-𑌙𑍍𑌗𑌾𑌯॒𑌤𑍍𑌰𑍍𑌯𑍋𑌜𑍋॒ 𑌬𑌲॑𑌮𑌿𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑-𑌮𑍍𑌪𑍍𑌰॒𑌜𑌾-𑌮𑍍𑌪॒𑌶𑍂𑌨𑍍-𑌥𑍍𑌸॒𑌗𑍃𑌂𑌹𑍍𑌯𑌾॒ 𑌽𑌽𑌦𑌾𑌯𑌾॑-𑌪॒𑌕𑍍𑌰𑌮𑍍𑌯𑌾॑𑌤𑌿𑌷𑍍𑌠॒-𑌤𑍍𑌤𑍇॑-𑌽𑌮𑌨𑍍𑌯𑌨𑍍𑌤 𑌯𑌤॒𑌰𑌾𑌨𑍍. 𑌵𑌾 𑌇॒𑌯𑌮𑍁॑𑌪𑌾𑌵॒𑌰𑍍𑌥𑍍𑌸𑍍𑌯𑌤𑌿॒ 𑌤 𑌇॒𑌦-𑌮𑍍𑌭॑𑌵𑌿𑌷𑍍𑌯॒𑌨𑍍𑌤𑍀𑌤𑌿॒ 𑌤𑌾𑌂-𑌵𑍍𑌯𑌁॑𑌹𑍍𑌵𑌯𑌨𑍍𑌤॒ 𑌵𑌿𑌶𑍍𑌵॑𑌕𑌰𑍍𑌮॒𑌨𑍍𑌨𑌿𑌤𑌿॑ 𑌦𑍇॒𑌵𑌾 𑌦𑌾𑌭𑍀𑌤𑍍𑌯𑌸𑍁॑𑌰𑌾॒-𑌸𑍍𑌸𑌾 𑌨𑌾𑌨𑍍𑌯॑𑌤॒𑌰𑌾𑌗𑍍𑌶𑍍𑌚॒-𑌨𑍋𑌪𑌾𑌵॑𑌰𑍍𑌤𑌤॒ 𑌤𑍇 𑌦𑍇॒𑌵𑌾 𑌏॒𑌤-𑌦𑍍𑌯𑌜𑍁॑𑌰𑌪𑌶𑍍𑌯॒𑌨𑍍𑌨𑍋𑌜𑍋॑-𑌽𑌸𑌿॒ 𑌸𑌹𑍋॑-𑌽𑌸𑌿॒ 𑌬𑌲॑𑌮𑌸𑌿॒ [𑌬𑌲॑𑌮𑌸𑌿, 𑌭𑍍𑌰𑌾𑌜𑍋॑-𑌽𑌸𑌿] 9

𑌭𑍍𑌰𑌾𑌜𑍋॑-𑌽𑌸𑌿 𑌦𑍇॒𑌵𑌾𑌨𑌾॒-𑌨𑍍𑌧𑌾𑌮॒ 𑌨𑌾𑌮𑌾॑-𑌽𑌸𑌿॒ 𑌵𑌿𑌶𑍍𑌵॑𑌮𑌸𑌿 𑌵𑌿॒𑌶𑍍𑌵𑌾𑌯𑍁॒-𑌸𑍍𑌸𑌰𑍍𑌵॑𑌮𑌸𑌿 𑌸॒𑌰𑍍𑌵𑌾𑌯𑍁॑𑌰𑌭𑌿॒𑌭𑍂𑌰𑌿𑌤𑌿॒ 𑌵𑌾𑌵 𑌦𑍇॒𑌵𑌾 𑌅𑌸𑍁॑𑌰𑌾𑌣𑌾॒𑌮𑍋𑌜𑍋॒ 𑌬𑌲॑𑌮𑌿𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑-𑌮𑍍𑌪𑍍𑌰॒𑌜𑌾-𑌮𑍍𑌪॒𑌶𑍂𑌨॑𑌵𑍃𑌞𑍍𑌜𑌤॒ 𑌯-𑌦𑍍𑌗𑌾॑𑌯॒𑌤𑍍𑌰𑍍𑌯॑𑌪॒𑌕𑍍𑌰𑌮𑍍𑌯𑌾𑌤𑌿॑𑌷𑍍𑌠॒-𑌤𑍍𑌤𑌸𑍍𑌮𑌾॑𑌦𑍇॒𑌤𑌾-𑌙𑍍𑌗𑌾॑𑌯॒𑌤𑍍𑌰𑍀𑌤𑍀𑌷𑍍𑌟𑌿॑𑌮𑌾𑌹𑍁-𑌸𑍍𑌸𑌂𑌵𑌁𑌥𑍍𑌸॒𑌰𑍋 𑌵𑍈 𑌗𑌾॑𑌯॒𑌤𑍍𑌰𑍀 𑌸𑌂॑𑌵𑌁𑌥𑍍𑌸॒𑌰𑍋 𑌵𑍈 𑌤𑌦॑𑌪॒𑌕𑍍𑌰𑌮𑍍𑌯𑌾॑𑌤𑌿𑌷𑍍𑌠॒-𑌦𑍍𑌯𑌦𑍇॒𑌤𑌯𑌾॑ 𑌦𑍇॒𑌵𑌾 𑌅𑌸𑍁॑𑌰𑌾𑌣𑌾॒𑌮𑍋𑌜𑍋॒ 𑌬𑌲॑𑌮𑌿𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑- [𑌬𑌲॑𑌮𑌿𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯᳚𑌮𑍍, 𑌪𑍍𑌰॒𑌜𑌾-𑌮𑍍𑌪॒𑌶𑍂-] 10

-𑌮𑍍𑌪𑍍𑌰॒𑌜𑌾-𑌮𑍍𑌪॒𑌶𑍂-𑌨𑌵𑍃॑𑌞𑍍𑌜𑌤॒ 𑌤𑌸𑍍𑌮𑌾॑𑌦𑍇॒𑌤𑌾𑌗𑍍𑌂 𑌸𑌂॑𑌵𑌁॒𑌰𑍍𑌗 𑌇𑌤𑍀𑌷𑍍𑌟𑌿॑𑌮𑌾𑌹𑍁॒𑌰𑍍𑌯𑍋 𑌭𑍍𑌰𑌾𑌤𑍃॑𑌵𑍍𑌯𑌵𑌾॒𑌨𑍍𑌥𑍍𑌸𑍍𑌯𑌾-𑌥𑍍𑌸𑌸𑍍𑌪𑌰𑍍𑌧॑𑌮𑌾𑌨 𑌏॒𑌤𑌯𑍇𑌷𑍍𑌟𑍍𑌯𑌾॑ 𑌯𑌜𑍇𑌤𑌾॒𑌗𑍍𑌨𑌯𑍇॑ 𑌸𑌂𑌵𑌁॒𑌰𑍍𑌗𑌾𑌯॑ 𑌪𑍁𑌰𑍋॒𑌡𑌾𑌶॑𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒𑌤𑍍𑌤𑌗𑍍𑌂𑌶𑍃॒𑌤𑌮𑌾𑌸॑𑌨𑍍𑌨𑌮𑍇॒𑌤𑍇𑌨॒ 𑌯𑌜𑍁॑𑌷𑌾॒-𑌽𑌭𑌿 𑌮𑍃॑𑌶𑍇॒𑌦𑍋𑌜॑ 𑌏॒𑌵 𑌬𑌲॑𑌮𑌿𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑-𑌮𑍍𑌪𑍍𑌰॒𑌜𑌾-𑌮𑍍𑌪॒𑌶𑍂-𑌨𑍍𑌭𑍍𑌰𑌾𑌤𑍃॑𑌵𑍍𑌯𑌸𑍍𑌯 𑌵𑍃𑌙𑍍𑌕𑍍𑌤𑍇॒ 𑌭𑌵॑𑌤𑍍𑌯𑌾॒𑌤𑍍𑌮𑌨𑌾॒ 𑌪𑌰𑌾᳚𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑍋 𑌭𑌵𑌤𑌿 ॥ 11

(𑌬𑌲॑𑌮𑌸𑍍𑌯𑍇॒ - 𑌤𑌯𑌾॑ 𑌦𑍇॒𑌵𑌾 𑌅𑌸𑍁॑𑌰𑌾𑌣𑌾॒𑌮𑍋𑌜𑍋॒ 𑌬𑌲॑𑌮𑌿𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯𑌂॑ - 𑌪𑌞𑍍𑌚॑𑌚𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 3)

𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅॑𑌸𑍃𑌜𑌤॒ 𑌤𑌾 𑌅॑𑌸𑍍𑌮𑌾-𑌥𑍍𑌸𑍃॒𑌷𑍍𑌟𑌾𑌃 𑌪𑌰𑌾॑𑌚𑍀𑌰𑌾𑌯॒-𑌨𑍍𑌤𑌾 𑌯𑌤𑍍𑌰𑌾𑌵॑𑌸॒-𑌨𑍍𑌤𑌤𑍋॑ 𑌗॒𑌰𑍍𑌮𑍁𑌦𑍁𑌦॑𑌤𑌿𑌷𑍍𑌠॒-𑌤𑍍𑌤𑌾 𑌬𑍃𑌹॒𑌸𑍍𑌪𑌤𑌿॑𑌶𑍍𑌚𑌾॒𑌨𑍍𑌵𑌵𑍈॑𑌤𑌾॒𑌗𑍍𑌂॒ 𑌸𑍋᳚-𑌽𑌬𑍍𑌰𑌵𑍀॒-𑌦𑍍𑌬𑍃𑌹॒𑌸𑍍𑌪𑌤𑌿॑𑌰॒𑌨𑌯𑌾᳚ 𑌤𑍍𑌵𑌾॒ 𑌪𑍍𑌰𑌤𑌿॑𑌷𑍍𑌠𑌾॒𑌨𑍍𑌯𑌥॑ 𑌤𑍍𑌵𑌾 𑌪𑍍𑌰॒𑌜𑌾 𑌉॒𑌪𑌾𑌵॑𑌰𑍍𑌥𑍍𑌸𑍍𑌯॒𑌨𑍍𑌤𑍀𑌤𑌿॒ 𑌤-𑌮𑍍𑌪𑍍𑌰𑌾𑌤𑌿॑𑌷𑍍𑌠॒-𑌤𑍍𑌤𑌤𑍋॒ 𑌵𑍈 𑌪𑍍𑌰॒𑌜𑌾𑌪॑𑌤𑌿-𑌮𑍍𑌪𑍍𑌰॒𑌜𑌾 𑌉॒𑌪𑌾𑌵॑𑌰𑍍𑌤𑌨𑍍𑌤॒ 𑌯𑌃 𑌪𑍍𑌰॒𑌜𑌾𑌕𑌾॑𑌮॒-𑌸𑍍𑌸𑍍𑌯𑌾-𑌤𑍍𑌤𑌸𑍍𑌮𑌾॑ 𑌏॒𑌤-𑌮𑍍𑌪𑍍𑌰𑌾॑𑌜𑌾𑌪॒𑌤𑍍𑌯-𑌙𑍍𑌗𑌾᳚𑌰𑍍𑌮𑍁॒𑌤-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇-𑌤𑍍𑌪𑍍𑌰॒𑌜𑌾𑌪॑𑌤𑌿- [-𑌨𑌿𑌰𑍍𑌵॑𑌪𑍇-𑌤𑍍𑌪𑍍𑌰॒𑌜𑌾𑌪॑𑌤𑌿𑌮𑍍, 𑌏॒𑌵 𑌸𑍍𑌵𑍇𑌨॑] 12

-𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑍈᳚ 𑌪𑍍𑌰॒𑌜𑌾-𑌮𑍍𑌪𑍍𑌰𑌜॑𑌨𑌯𑌤𑌿𑌪𑍍𑌰॒𑌜𑌾𑌪॑𑌤𑌿𑌃 𑌪॒𑌶𑍂𑌨॑𑌸𑍃𑌜𑌤॒ 𑌤𑍇᳚-𑌽𑌸𑍍𑌮𑌾-𑌥𑍍𑌸𑍃॒𑌷𑍍𑌟𑌾𑌃 𑌪𑌰𑌾᳚𑌞𑍍𑌚 𑌆𑌯॒-𑌨𑍍𑌤𑍇 𑌯𑌤𑍍𑌰𑌾𑌵॑𑌸॒-𑌨𑍍𑌤𑌤𑍋॑ 𑌗॒𑌰𑍍𑌮𑍁𑌦𑍁𑌦॑𑌤𑌿𑌷𑍍𑌠॒-𑌤𑍍𑌤𑌾-𑌨𑍍𑌪𑍂॒𑌷𑌾 𑌚𑌾॒𑌨𑍍𑌵𑌵𑍈॑𑌤𑌾॒𑌗𑍍𑌂॒ 𑌸𑍋᳚-𑌽𑌬𑍍𑌰𑌵𑍀-𑌤𑍍𑌪𑍂॒𑌷𑌾-𑌽𑌨𑌯𑌾॑ 𑌮𑌾॒ 𑌪𑍍𑌰𑌤𑌿॒𑌷𑍍𑌠𑌾𑌥॑ 𑌤𑍍𑌵𑌾 𑌪॒𑌶𑌵॑ 𑌉॒𑌪𑌾𑌵॑𑌰𑍍𑌥𑍍𑌸𑍍𑌯॒𑌨𑍍𑌤𑍀𑌤𑌿॒ 𑌮𑌾-𑌮𑍍𑌪𑍍𑌰𑌤𑌿॒𑌷𑍍𑌠𑍇𑌤𑌿॒ 𑌸𑍋𑌮𑍋᳚-𑌽𑌬𑍍𑌰𑌵𑍀॒-𑌨𑍍𑌮𑌮॒ 𑌵𑌾 [-𑌮𑌮॒ 𑌵𑍈, 𑌅॒𑌕𑍃॒𑌷𑍍𑌟॒𑌪॒𑌚𑍍𑌯𑌮𑌿𑌤𑍍𑌯𑍁॒𑌭𑍗] 13

𑌅॑𑌕𑍃𑌷𑍍𑌟𑌪॒𑌚𑍍𑌯𑌮𑌿𑌤𑍍𑌯𑍁॒𑌭𑍗 𑌵𑌾॒-𑌮𑍍𑌪𑍍𑌰𑌤𑌿॑𑌷𑍍𑌠𑌾॒𑌨𑍀𑌤𑍍𑌯॑𑌬𑍍𑌰𑌵𑍀॒-𑌤𑍍𑌤𑍗 𑌪𑍍𑌰𑌾𑌤𑌿॑𑌷𑍍𑌠॒-𑌤𑍍𑌤𑌤𑍋॒ 𑌵𑍈 𑌪𑍍𑌰॒𑌜𑌾𑌪॑𑌤𑌿-𑌮𑍍𑌪॒𑌶𑌵॑ 𑌉॒𑌪𑌾𑌵॑𑌰𑍍𑌤𑌨𑍍𑌤॒ 𑌯𑌃 𑌪॒𑌶𑍁𑌕𑌾॑𑌮॒-𑌸𑍍𑌸𑍍𑌯𑌾-𑌤𑍍𑌤𑌸𑍍𑌮𑌾॑ 𑌏॒𑌤𑌗𑍍𑌂 𑌸𑍋॑𑌮𑌾𑌪𑍗॒𑌷𑍍𑌣-𑌙𑍍𑌗𑌾᳚𑌰𑍍𑌮𑍁॒𑌤-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇-𑌥𑍍𑌸𑍋𑌮𑌾𑌪𑍂॒𑌷𑌣𑌾॑𑌵𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾𑌵𑍇॒𑌵𑌾𑌸𑍍𑌮𑍈॑ 𑌪॒𑌶𑍂-𑌨𑍍𑌪𑍍𑌰𑌜॑𑌨𑌯𑌤॒-𑌸𑍍𑌸𑍋𑌮𑍋॒ 𑌵𑍈 𑌰𑍇॑𑌤𑍋॒𑌧𑌾𑌃 𑌪𑍂॒𑌷𑌾 𑌪॑𑌶𑍂॒𑌨𑌾-𑌮𑍍𑌪𑍍𑌰॑𑌜𑌨𑌯𑌿॒𑌤𑌾 𑌸𑍋𑌮॑ 𑌏॒𑌵𑌾𑌸𑍍𑌮𑍈॒ 𑌰𑍇𑌤𑍋॒ 𑌦𑌧𑌾॑𑌤𑌿 𑌪𑍂॒𑌷𑌾 𑌪॒𑌶𑍂-𑌨𑍍𑌪𑍍𑌰𑌜॑𑌨𑌯𑌤𑌿 ॥ 14 ॥

(𑌵॒𑌪𑍇॒-𑌤𑍍𑌪𑍍𑌰॒𑌜𑌾𑌪॑𑌤𑌿𑌂॒ - 𑌁𑌵𑍈 - 𑌦𑌧𑌾॑𑌤𑌿 𑌪𑍂॒𑌷𑌾 - 𑌤𑍍𑌰𑍀𑌣𑌿॑ 𑌚) (𑌅. 4)

𑌅𑌗𑍍𑌨𑍇॒ 𑌗𑍋𑌭𑌿॑𑌰𑍍𑌨॒ 𑌆 𑌗॒𑌹𑍀𑌨𑍍𑌦𑍋॑ 𑌪𑍁॒𑌷𑍍𑌟𑍍𑌯𑌾 𑌜𑍁॑𑌷𑌸𑍍𑌵 𑌨𑌃 । 𑌇𑌨𑍍𑌦𑍍𑌰𑍋॑ 𑌧॒𑌰𑍍𑌤𑌾 𑌗𑍃॒𑌹𑍇𑌷𑍁॑ 𑌨𑌃 ॥ 𑌸॒𑌵𑌿॒𑌤𑌾 𑌯-𑌸𑍍𑌸॑𑌹॒𑌸𑍍𑌰𑌿𑌯॒-𑌸𑍍𑌸 𑌨𑍋॑ 𑌗𑍃॒𑌹𑍇𑌷𑍁॑ 𑌰𑌾𑌰𑌣𑌤𑍍 । 𑌆 𑌪𑍂॒𑌷𑌾 𑌏॒𑌤𑍍𑌵𑌾 𑌵𑌸𑍁॑ ॥ 𑌧𑌾॒𑌤𑌾 𑌦॑𑌦𑌾𑌤𑍁 𑌨𑍋 𑌰॒𑌯𑌿𑌮𑍀𑌶𑌾॑𑌨𑍋॒ 𑌜𑌗॑𑌤॒𑌸𑍍𑌪𑌤𑌿𑌃॑ । 𑌸 𑌨𑌃॑ 𑌪𑍂॒𑌰𑍍𑌣𑍇𑌨॑ 𑌵𑌾𑌵𑌨𑌤𑍍 ॥ 𑌤𑍍𑌵𑌷𑍍𑌟𑌾॒ 𑌯𑍋 𑌵𑍃॑𑌷॒𑌭𑍋 𑌵𑍃𑌷𑌾॒ 𑌸 𑌨𑍋॑ 𑌗𑍃॒𑌹𑍇𑌷𑍁॑ 𑌰𑌾𑌰𑌣𑌤𑍍 । 𑌸॒𑌹𑌸𑍍𑌰𑍇॑𑌣𑌾॒𑌯𑍁𑌤𑍇॑𑌨 𑌚 ॥ 𑌯𑍇𑌨॑ 𑌦𑍇॒𑌵𑌾 𑌅॒𑌮𑍃𑌤॑- [𑌅॒𑌮𑍃𑌤᳚𑌮𑍍, 𑌦𑍀॒𑌰𑍍𑌘𑌗𑍍𑌗𑍍 𑌶𑍍𑌰𑌵𑍋॑ 𑌦𑌿॒𑌵𑍍𑌯𑍈𑌰॑𑌯𑌨𑍍𑌤 ।] 15

-𑌨𑍍𑌦𑍀॒𑌰𑍍𑌘𑌗𑍍𑌗𑍍 𑌶𑍍𑌰𑌵𑍋॑ 𑌦𑌿॒𑌵𑍍𑌯𑍈𑌰॑𑌯𑌨𑍍𑌤 । 𑌰𑌾𑌯॑𑌸𑍍𑌪𑍋𑌷॒ 𑌤𑍍𑌵𑌮॒𑌸𑍍𑌮𑌭𑍍𑌯॒-𑌙𑍍𑌗𑌵𑌾᳚𑌙𑍍𑌕𑍁॒𑌲𑍍𑌮𑌿-𑌞𑍍𑌜𑍀॒𑌵𑌸॒ 𑌆 𑌯𑍁॑𑌵𑌸𑍍𑌵 ॥ 𑌅॒𑌗𑍍𑌨𑌿 𑌰𑍍𑌗𑍃॒𑌹𑌪॑𑌤𑌿॒-𑌸𑍍𑌸𑍋𑌮𑍋॑ 𑌵𑌿𑌶𑍍𑌵॒𑌵𑌨𑌿𑌃॑ 𑌸𑌵𑌿॒𑌤𑌾 𑌸𑍁॑𑌮𑍇॒𑌧𑌾-𑌸𑍍𑌸𑍍𑌵𑌾𑌹𑌾᳚ ॥ 𑌅𑌗𑍍𑌨𑍇॑ 𑌗𑍃𑌹𑌪𑌤𑍇॒ 𑌯𑌸𑍍𑌤𑍇॒ 𑌘𑍃𑌤𑍍𑌯𑍋॑ 𑌭𑌾॒𑌗𑌸𑍍𑌤𑍇𑌨॒ 𑌸𑌹॒ 𑌓𑌜॑ 𑌆॒𑌕𑍍𑌰𑌮॑𑌮𑌾𑌣𑌾𑌯 𑌧𑍇𑌹𑌿॒ 𑌶𑍍𑌰𑍈𑌷𑍍𑌠𑍍𑌯𑌾᳚𑌤𑍍𑌪॒𑌥𑍋 𑌮𑌾 𑌯𑍋॑𑌷-𑌮𑍍𑌮𑍂॒𑌰𑍍𑌧𑌾 𑌭𑍂॑𑌯𑌾𑌸॒𑌗𑍍𑌗𑍍॒ 𑌸𑍍𑌵𑌾𑌹𑌾᳚ ॥ 16 ॥

(𑌅॒𑌮𑍃𑌤॑ - 𑌮॒𑌷𑍍𑌟𑌾𑌤𑍍𑌰𑌿𑌗𑍍𑌂॑𑌶𑌚𑍍𑌚) (𑌅. 5)

𑌚𑌿॒𑌤𑍍𑌰𑌯𑌾॑ 𑌯𑌜𑍇𑌤 𑌪॒𑌶𑍁𑌕𑌾॑𑌮 𑌇॒𑌯𑌂-𑌵𑍈𑌁 𑌚𑌿॒𑌤𑍍𑌰𑌾 𑌯𑌦𑍍𑌵𑌾 𑌅॒𑌸𑍍𑌯𑌾𑌂-𑌵𑌿𑌁𑌶𑍍𑌵॑-𑌮𑍍𑌭𑍂॒𑌤𑌮𑌧𑌿॑ 𑌪𑍍𑌰॒𑌜𑌾𑌯॑𑌤𑍇॒ 𑌤𑍇 𑌨𑍇॒𑌯𑌞𑍍𑌚𑌿॒𑌤𑍍𑌰𑌾 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌗𑍍 𑌶𑍍𑌚𑌿॒𑌤𑍍𑌰𑌯𑌾॑ 𑌪॒𑌶𑍁𑌕𑌾॑𑌮𑍋॒ 𑌯𑌜॑𑌤𑍇॒ 𑌪𑍍𑌰 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑ 𑌰𑍍𑌮𑌿𑌥𑍁॒𑌨𑍈 𑌰𑍍𑌜𑌾॑𑌯𑌤𑍇॒ 𑌪𑍍𑌰𑍈𑌵𑌾𑌗𑍍𑌨𑍇॒𑌯𑍇𑌨॑ 𑌵𑌾𑌪𑌯𑌤𑌿॒ 𑌰𑍇𑌤𑌃॑ 𑌸𑍗॒𑌮𑍍𑌯𑍇𑌨॑ 𑌦𑌧𑌾𑌤𑌿॒ 𑌰𑍇𑌤॑ 𑌏॒𑌵 𑌹𑌿॒𑌤-𑌨𑍍𑌤𑍍𑌵𑌷𑍍𑌟𑌾॑ 𑌰𑍂॒𑌪𑌾𑌣𑌿॒ 𑌵𑌿 𑌕॑𑌰𑍋𑌤𑌿𑌸𑌾𑌰𑌸𑍍𑌵॒𑌤𑍗 𑌭॑𑌵𑌤 𑌏॒𑌤𑌦𑍍𑌵𑍈 𑌦𑍈𑌵𑍍𑌯॑-𑌮𑍍𑌮𑌿𑌥𑍁॒𑌨-𑌨𑍍𑌦𑍈𑌵𑍍𑌯॑𑌮𑍇॒𑌵𑌾𑌸𑍍𑌮𑍈॑ [-𑌦𑍈𑌵𑍍𑌯॑𑌮𑍇॒𑌵𑌾𑌸𑍍𑌮𑍈᳚, 𑌮𑌿॒𑌥𑍁॒𑌨-𑌮𑍍𑌮॑𑌦𑍍𑌧𑍍𑌯॒𑌤𑍋] 17

𑌮𑌿𑌥𑍁॒𑌨-𑌮𑍍𑌮॑𑌦𑍍𑌧𑍍𑌯॒𑌤𑍋 𑌦॑𑌧𑌾𑌤𑌿॒ 𑌪𑍁𑌷𑍍𑌟𑍍𑌯𑍈᳚ 𑌪𑍍𑌰॒𑌜𑌨॑𑌨𑌾𑌯 𑌸𑌿𑌨𑍀𑌵𑌾॒𑌲𑍍𑌯𑍈 𑌚॒𑌰𑍁𑌰𑍍𑌭॑𑌵𑌤𑌿॒ 𑌵𑌾𑌗𑍍𑌵𑍈 𑌸𑌿॑𑌨𑍀𑌵𑌾॒𑌲𑍀 𑌪𑍁𑌷𑍍𑌟𑌿𑌃॒ 𑌖𑌲𑍁॒ 𑌵𑍈 𑌵𑌾𑌕𑍍𑌪𑍁𑌷𑍍𑌟𑌿॑𑌮𑍇॒𑌵 𑌵𑌾𑌚॒𑌮𑍁𑌪𑍈᳚𑌤𑍍𑌯𑍈॒𑌨𑍍𑌦𑍍𑌰 𑌉॑𑌤𑍍𑌤॒𑌮𑍋 𑌭॑𑌵𑌤𑌿॒ 𑌤𑍇𑌨𑍈॒𑌵 𑌤𑌨𑍍𑌮𑌿॑𑌥𑍁॒𑌨𑌗𑍍𑌂 𑌸॒𑌪𑍍𑌤𑍈𑌤𑌾𑌨𑌿॑ 𑌹॒𑌵𑍀𑌗𑍍𑌂𑌷𑌿॑ 𑌭𑌵𑌨𑍍𑌤𑌿 𑌸॒𑌪𑍍𑌤 𑌗𑍍𑌰𑌾॒𑌮𑍍𑌯𑌾𑌃 𑌪॒𑌶𑌵𑌃॑ 𑌸॒𑌪𑍍𑌤𑌾𑌰॒𑌣𑍍𑌯𑌾-𑌸𑍍𑌸॒𑌪𑍍𑌤 𑌛𑌨𑍍𑌦𑌾𑌗𑍍॑𑌸𑍍𑌯𑍁॒-𑌭𑌯॒𑌸𑍍𑌯𑌾-𑌵॑𑌰𑍁𑌦𑍍𑌧𑍍𑌯𑌾॒ 𑌅𑌥𑍈॒𑌤𑌾 𑌆𑌹𑍁॑𑌤𑍀 𑌰𑍍𑌜𑍁𑌹𑍋𑌤𑍍𑌯𑍇॒𑌤𑍇 𑌵𑍈 𑌦𑍇॒𑌵𑌾𑌃 𑌪𑍁𑌷𑍍𑌟𑌿॑𑌪𑌤𑌯॒𑌸𑍍𑌤 𑌏॒𑌵𑌾 𑌸𑍍𑌮𑌿॒-𑌨𑍍𑌪𑍁𑌷𑍍𑌟𑌿॑-𑌨𑍍𑌦𑌧𑌤𑌿॒ 𑌪𑍁𑌷𑍍𑌯॑𑌤𑌿 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॒𑌰𑌥𑍋॒ 𑌯𑌦𑍇॒𑌤𑌾 𑌆𑌹𑍁॑𑌤𑍀 𑌰𑍍𑌜𑍁॒𑌹𑍋𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 ॥ 18 ॥

(𑌅॒𑌸𑍍𑌮𑍈॒ - 𑌤 𑌏॒𑌵 - 𑌦𑍍𑌵𑌾𑌦॑𑌶 𑌚) (𑌅. 6)

𑌮𑌾॒𑌰𑍁॒𑌤𑌮॑𑌸𑌿 𑌮॒𑌰𑍁𑌤𑌾॒𑌮𑍋𑌜𑍋॒-𑌽𑌪𑌾-𑌨𑍍𑌧𑌾𑌰𑌾᳚-𑌮𑍍𑌭𑌿𑌨𑍍𑌧𑌿 𑌰॒𑌮𑌯॑𑌤 𑌮𑌰𑍁𑌤-𑌶𑍍𑌶𑍍𑌯𑍇॒𑌨𑌮𑌾॒𑌯𑌿𑌨॒-𑌮𑍍𑌮𑌨𑍋॑𑌜𑌵 𑌸𑌂॒-𑌵𑍃𑌁𑌷॑𑌣𑌗𑍍𑌂 𑌸𑍁𑌵𑍃॒𑌕𑍍𑌤𑌿𑌮𑍍 ॥ 𑌯𑍇𑌨॒ 𑌶𑌰𑍍𑌧॑ 𑌉॒𑌗𑍍𑌰𑌮𑌵॑-𑌸𑍃𑌷𑍍𑌟॒𑌮𑍇𑌤𑌿॒ 𑌤𑌦॑𑌶𑍍𑌵𑌿𑌨𑌾॒ 𑌪𑌰𑌿॑ 𑌧𑌤𑍍𑌤𑌗𑍍𑌗𑍍 𑌸𑍍𑌵॒𑌸𑍍𑌤𑌿 । 𑌪𑍁॒𑌰𑍋॒𑌵𑌾॒𑌤𑍋 𑌵𑌰𑍍𑌷॑𑌞𑍍𑌜𑌿॒𑌨𑍍𑌵𑌰𑌾॒𑌵𑍃-𑌥𑍍𑌸𑍍𑌵𑌾𑌹𑌾॑ 𑌵𑌾॒𑌤𑌾𑌵𑌦𑍍- 𑌵𑌰𑍍𑌷॑𑌨𑍍𑌨𑍁॒𑌗𑍍𑌰𑌰𑌾॒𑌵𑍃-𑌥𑍍𑌸𑍍𑌵𑌾𑌹𑌾᳚ 𑌸𑍍𑌤॒𑌨𑌯॒𑌨𑍍 𑌵𑌰𑍍𑌷॑-𑌨𑍍𑌭𑍀॒𑌮𑌰𑌾॒𑌵𑌥𑍍𑌸𑍍𑌵𑌾𑌹𑌾॑ 𑌽𑌨𑌶॒𑌨𑍍𑌯॑𑌵॒𑌸𑍍𑌫𑍂𑌰𑍍𑌜॑𑌨𑍍-𑌦𑌿॒𑌦𑍍𑌯𑍁-𑌦𑍍𑌵𑌰𑍍𑌷॑𑌨𑍍-𑌤𑍍𑌵𑍇॒𑌷𑌰𑌾॒𑌵𑍃-𑌥𑍍𑌸𑍍𑌵𑌾𑌹𑌾॑ 𑌽𑌤𑌿𑌰𑌾॒𑌤𑍍𑌰𑌂॒-𑌵𑌁𑌰𑍍𑌷॑-𑌨𑍍𑌪𑍂॒𑌰𑍍𑌤𑌿𑌰𑌾॒𑌵𑍃- [-𑌪𑍂॒𑌰𑍍𑌤𑌿𑌰𑌾॒𑌵𑍃𑌤𑍍, 𑌸𑍍𑌵𑌾𑌹𑌾॑ 𑌬॒𑌹𑍁] 19

-𑌥𑍍𑌸𑍍𑌵𑌾𑌹𑌾॑ 𑌬॒𑌹𑍁 𑌹𑌾॒𑌯𑌮॑𑌵𑍃𑌷𑌾॒𑌦𑌿𑌤𑌿॑ 𑌶𑍍𑌰𑍁॒𑌤𑌰𑌾॒𑌵𑍃-𑌥𑍍𑌸𑍍𑌵𑌾𑌹𑌾॒ 𑌽𑌽𑌤𑌪॑𑌤𑌿॒ 𑌵𑌰𑍍𑌷॑𑌨𑍍-𑌵𑌿॒𑌰𑌾𑌡𑌾॒𑌵𑍃-𑌥𑍍𑌸𑍍𑌵𑌾𑌹𑌾॑ 𑌽𑌵॒𑌸𑍍𑌫𑍂𑌰𑍍𑌜॑𑌨𑍍-𑌦𑌿॒𑌦𑍍𑌯𑍁-𑌦𑍍𑌵𑌰𑍍𑌷॑-𑌨𑍍𑌭𑍂॒𑌤𑌰𑌾॒𑌵𑍃-𑌥𑍍𑌸𑍍𑌵𑌾𑌹𑌾॒𑌮𑌾𑌨𑍍𑌦𑌾॒ 𑌵𑌾𑌶𑌾॒-𑌶𑍍𑌶𑍁𑌨𑍍𑌧𑍍𑌯𑍂॒𑌰𑌜𑌿॑𑌰𑌾𑌃 । 𑌜𑍍𑌯𑍋𑌤𑌿॑𑌷𑍍𑌮𑌤𑍀॒-𑌸𑍍𑌤𑌮॑𑌸𑍍𑌵𑌰𑍀॒-𑌰𑍁𑌨𑍍𑌦॑𑌤𑍀॒-𑌸𑍍𑌸𑍁𑌫𑍇॑𑌨𑌾𑌃 । 𑌮𑌿𑌤𑍍𑌰॑𑌭𑍃𑌤𑌃॒, 𑌕𑍍𑌷𑌤𑍍𑌰॑𑌭𑍃𑌤॒-𑌸𑍍𑌸𑍁𑌰𑌾᳚𑌷𑍍𑌟𑍍𑌰𑌾 𑌇॒𑌹 𑌮𑌾॑-𑌽𑌵𑌤 ॥𑌵𑍃𑌷𑍍𑌣𑍋॒ 𑌅𑌶𑍍𑌵॑𑌸𑍍𑌯 𑌸॒𑌨𑍍𑌦𑌾𑌨॑𑌮𑌸𑌿॒ 𑌵𑍃𑌷𑍍𑌟𑍍𑌯𑍈॒ 𑌤𑍍𑌵𑍋𑌪॑ 𑌨𑌹𑍍𑌯𑌾𑌮𑌿 ॥ 20 ॥

(𑌪𑍂॒𑌰𑍍𑌤𑌿𑌰𑌾॒𑌵𑍃-𑌦𑍍- 𑌦𑍍𑌵𑌿𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 7)

𑌦𑍇𑌵𑌾॑ 𑌵𑌸𑌵𑍍𑌯𑌾॒ 𑌅𑌗𑍍𑌨𑍇॑ 𑌸𑍋𑌮 𑌸𑍂𑌰𑍍𑌯 ॥ 𑌦𑍇𑌵𑌾᳚-𑌶𑍍𑌶𑌰𑍍𑌮𑌣𑍍𑌯𑌾॒ 𑌮𑌿𑌤𑍍𑌰𑌾॑𑌵𑌰𑍁𑌣𑌾-𑌽𑌰𑍍𑌯𑌮𑌨𑍍𑌨𑍍 ॥ 𑌦𑍇𑌵𑌾᳚-𑌸𑍍𑌸𑌪𑍀𑌤॒𑌯𑍋 𑌽𑌪𑌾᳚-𑌨𑍍𑌨𑌪𑌾𑌦𑌾𑌶𑍁𑌹𑍇𑌮𑌨𑍍𑌨𑍍 । 𑌉॒𑌦𑍍𑌨𑍋 𑌦॑𑌤𑍍𑌤𑍋𑌦॒𑌧𑌿-𑌮𑍍𑌭𑌿॑𑌨𑍍𑌤𑍍𑌤 𑌦𑌿॒𑌵𑌃 𑌪॒𑌰𑍍𑌜𑌨𑍍𑌯𑌾॑𑌦॒𑌨𑍍𑌤𑌰𑌿॑𑌕𑍍𑌷𑌾𑌤𑍍-𑌪𑍃𑌥𑌿॒𑌵𑍍𑌯𑌾𑌸𑍍𑌤𑌤𑍋॑ 𑌨𑍋॒ 𑌵𑍃𑌷𑍍𑌟𑍍𑌯𑌾॑-𑌽𑌵𑌤 ॥ 𑌦𑌿𑌵𑌾॑ 𑌚𑌿॒𑌤𑍍𑌤𑌮𑌃॑ 𑌕𑍃𑌣𑍍𑌵𑌨𑍍𑌤𑌿 𑌪॒𑌰𑍍𑌜𑌨𑍍𑌯𑍇॑𑌨𑍋-𑌦𑌵𑌾॒𑌹𑍇𑌨॑ । 𑌪𑍃॒𑌥𑌿॒𑌵𑍀𑌂-𑌯𑌁-𑌦𑍍𑌵𑍍𑌯𑍁॒𑌨𑍍𑌦𑌨𑍍𑌤𑌿॑ ॥ 𑌆𑌯-𑌨𑍍𑌨𑌰𑌃॑ 𑌸𑍁॒𑌦𑌾𑌨॑𑌵𑍋 𑌦𑌦𑌾॒𑌶𑍁𑌷𑍇॑ 𑌦𑌿॒𑌵𑌃 𑌕𑍋𑌶॒𑌮𑌚𑍁॑𑌚𑍍𑌯𑌵𑍁𑌃 । 𑌵𑌿 𑌪॒𑌰𑍍𑌜𑌨𑍍𑌯𑌾᳚-𑌸𑍍𑌸𑍃𑌜𑌨𑍍𑌤𑌿॒ 𑌰𑍋𑌦॑𑌸𑍀॒ 𑌅𑌨𑍁॒ 𑌧𑌨𑍍𑌵॑𑌨𑌾 𑌯𑌨𑍍𑌤𑌿 [ ] 21

𑌵𑍃॒𑌷𑍍𑌟𑌯𑌃॑ ॥ 𑌉𑌦𑍀॑𑌰𑌯𑌥𑌾 𑌮𑌰𑍁𑌤-𑌸𑍍𑌸𑌮𑍁𑌦𑍍𑌰॒𑌤𑍋 𑌯𑍂॒𑌯𑌂-𑌵𑍃𑌁॒𑌷𑍍𑌟𑌿𑌂-𑌵𑌁॑𑌰𑍍𑌷𑌯𑌥𑌾 𑌪𑍁𑌰𑍀𑌷𑌿𑌣𑌃 । 𑌨 𑌵𑍋॑ 𑌦𑌸𑍍𑌰𑌾॒ 𑌉𑌪॑ 𑌦𑌸𑍍𑌯𑌨𑍍𑌤𑌿 𑌧𑍇॒𑌨𑌵॒-𑌶𑍍𑌶𑍁𑌭𑌂॑-𑌯𑌾𑌁॒𑌤𑌾𑌮𑌨𑍁॒ 𑌰𑌥𑌾॑ 𑌅𑌵𑍃𑌥𑍍𑌸𑌤 ॥ 𑌸𑍃॒𑌜𑌾 𑌵𑍃॒𑌷𑍍𑌟𑌿-𑌨𑍍𑌦𑌿॒𑌵 𑌆-𑌽𑌦𑍍𑌭𑌿-𑌸𑍍𑌸॑𑌮𑍁॒𑌦𑍍𑌰-𑌮𑍍𑌪𑍃॑𑌣 ॥ 𑌅॒𑌬𑍍𑌜𑌾 𑌅॑𑌸𑌿 𑌪𑍍𑌰𑌥𑌮॒𑌜𑌾 𑌬𑌲॑𑌮𑌸𑌿 𑌸𑌮𑍁॒𑌦𑍍𑌰𑌿𑌯᳚𑌮𑍍 ॥ 𑌉𑌨𑍍𑌨॑𑌮𑍍𑌭𑌯 𑌪𑍃𑌥𑌿॒𑌵𑍀-𑌮𑍍𑌭𑌿॒𑌨𑍍𑌧𑍀𑌦-𑌨𑍍𑌦𑌿॒𑌵𑍍𑌯-𑌨𑍍𑌨𑌭𑌃॑ । 𑌉॒𑌦𑍍𑌨𑍋 𑌦𑌿॒𑌵𑍍𑌯𑌸𑍍𑌯॑ 𑌨𑍋 𑌦𑍇॒𑌹𑍀𑌶𑌾॑𑌨𑍋॒ 𑌵𑌿𑌸𑍃॑𑌜𑌾॒ 𑌦𑍃𑌤𑌿᳚𑌮𑍍 ॥ 𑌯𑍇 𑌦𑍇॒𑌵𑌾 𑌦𑌿॒𑌵𑌿𑌭𑌾॑𑌗𑌾॒ 𑌯𑍇᳚-𑌽𑌨𑍍𑌤𑌰𑌿॑𑌕𑍍𑌷 𑌭𑌾𑌗𑌾॒ 𑌯𑍇 𑌪𑍃॑𑌥𑌿॒𑌵𑌿 𑌭𑌾॑𑌗𑌾𑌃 । 𑌤 𑌇॒𑌮𑌂-𑌯𑌁॒𑌜𑍍𑌞𑌮॑𑌵𑌨𑍍𑌤𑍁॒ 𑌤 𑌇॒𑌦-𑌙𑍍𑌕𑍍𑌷𑍇𑌤𑍍𑌰॒𑌮𑌾 𑌵𑌿॑𑌶𑌨𑍍𑌤𑍁॒ 𑌤 𑌇॒𑌦-𑌙𑍍𑌕𑍍𑌷𑍇𑌤𑍍𑌰॒𑌮𑌨𑍁॒ 𑌵𑌿 𑌵𑌿॑𑌶𑌨𑍍𑌤𑍁 ॥ 22 ॥

(𑌯॒𑌨𑍍𑌤𑌿॒ - 𑌦𑍇॒𑌵𑌾 - 𑌵𑌿𑌗𑍍𑌂॑𑌶॒𑌤𑌿𑌶𑍍𑌚॑) (𑌅. 8)

𑌮𑌾॒𑌰𑍁॒𑌤𑌮॑𑌸𑌿 𑌮॒𑌰𑍁𑌤𑌾॒𑌮𑍋𑌜॒ 𑌇𑌤𑌿॑ 𑌕𑍃॒𑌷𑍍𑌣𑌂-𑌵𑌾𑌁𑌸𑌃॑ 𑌕𑍃॒𑌷𑍍𑌣𑌤𑍂॑𑌷॒-𑌮𑍍𑌪𑌰𑌿॑ 𑌧𑌤𑍍𑌤 𑌏॒𑌤𑌦𑍍𑌵𑍈 𑌵𑍃𑌷𑍍𑌟𑍍𑌯𑍈॑ 𑌰𑍂॒𑌪𑌗𑍍𑌂 𑌸𑌰𑍂॑𑌪 𑌏॒𑌵 𑌭𑍂॒𑌤𑍍𑌵𑌾 𑌪॒𑌰𑍍𑌜𑌨𑍍𑌯𑌂॑-𑌵𑌁𑌰𑍍𑌷𑌯𑌤𑌿𑌰॒𑌮𑌯॑𑌤 𑌮𑌰𑍁𑌤-𑌶𑍍𑌶𑍍𑌯𑍇॒𑌨𑌮𑌾॒𑌯𑌿𑌨॒𑌮𑌿𑌤𑌿॑ 𑌪𑌶𑍍𑌚𑌾𑌦𑍍𑌵𑌾॒𑌤-𑌮𑍍𑌪𑍍𑌰𑌤𑌿॑ 𑌮𑍀𑌵𑌤𑌿 𑌪𑍁𑌰𑍋𑌵𑌾॒𑌤𑌮𑍇॒𑌵 𑌜॑𑌨𑌯𑌤𑌿 𑌵॒𑌰𑍍॒𑌷𑌸𑍍𑌯𑌾 𑌵॑𑌰𑍁𑌦𑍍𑌧𑍍𑌯𑍈 𑌵𑌾𑌤𑌨𑌾॒𑌮𑌾𑌨𑌿॑ 𑌜𑍁𑌹𑍋𑌤𑌿 𑌵𑌾॒𑌯𑍁𑌰𑍍𑌵𑍈 𑌵𑍃𑌷𑍍𑌟𑍍𑌯𑌾॑ 𑌈𑌶𑍇 𑌵𑌾॒𑌯𑍁𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑍈॑ 𑌪॒𑌰𑍍𑌜𑌨𑍍𑌯𑌂॑-𑌵𑌁𑌰𑍍𑌷𑌯𑌤𑍍𑌯॒𑌷𑍍𑌟𑍗 [𑌵𑌰𑍍𑌷𑌯𑌤𑍍𑌯॒𑌷𑍍𑌟𑍗, 𑌜𑍁॒𑌹𑍋॒𑌤𑌿॒ 𑌚𑌤॑𑌸𑍍𑌰𑍋॒ 𑌵𑍈] 23

𑌜𑍁॑𑌹𑍋𑌤𑌿॒ 𑌚𑌤॑𑌸𑍍𑌰𑍋॒ 𑌵𑍈 𑌦𑌿𑌶॒𑌶𑍍𑌚𑌤॑𑌸𑍍𑌰𑍋-𑌽𑌵𑌾𑌨𑍍𑌤𑌰𑌦𑌿॒𑌶𑌾 𑌦𑌿॒𑌗𑍍𑌭𑍍𑌯 𑌏॒𑌵 𑌵𑍃𑌷𑍍𑌟𑌿॒𑌗𑍍𑌂॒ 𑌸-𑌮𑍍𑌪𑍍𑌰 𑌚𑍍𑌯𑌾॑𑌵𑌯𑌤𑌿 𑌕𑍃𑌷𑍍𑌣𑌾𑌜𑌿॒𑌨𑍇 𑌸𑌂𑌯𑍗𑌁॑𑌤𑌿 𑌹॒𑌵𑌿𑌰𑍇॒𑌵𑌾𑌕॑𑌰𑌨𑍍𑌤𑌰𑍍𑌵𑍇॒𑌦𑌿 𑌸𑌂𑌯𑍗𑌁॒𑌤𑍍𑌯 𑌵॑𑌰𑍁𑌦𑍍𑌧𑍍𑌯𑍈॒ 𑌯𑌤𑍀॑𑌨𑌾𑌮॒𑌦𑍍𑌯𑌮𑌾॑𑌨𑌾𑌨𑌾𑌗𑍍𑌂 𑌶𑍀॒𑌰𑍍॒𑌷𑌾𑌣𑌿॒ 𑌪𑌰𑌾॑-𑌽𑌪𑌤॒𑌨𑍍𑌤𑍇 𑌖॒𑌰𑍍𑌜𑍂𑌰𑌾॑ 𑌅𑌭𑌵॒𑌨𑍍-𑌤𑍇𑌷𑌾॒𑌗𑍍𑌂॒ 𑌰𑌸॑ 𑌊॒𑌰𑍍𑌧𑍍𑌵𑍋॑-𑌽𑌪𑌤॒𑌤𑍍-𑌤𑌾𑌨𑌿॑ 𑌕॒𑌰𑍀𑌰𑌾᳚𑌣𑍍𑌯-𑌭𑌵𑌨𑍍-𑌥𑍍𑌸𑍗॒𑌮𑍍𑌯𑌾𑌨𑌿॒ 𑌵𑍈 𑌕॒𑌰𑍀𑌰𑌾॑𑌣𑌿 𑌸𑍗॒𑌮𑍍𑌯𑌾 𑌖𑌲𑍁॒ 𑌵𑌾 𑌆𑌹𑍁॑𑌤𑌿 𑌰𑍍𑌦𑌿॒𑌵𑍋 𑌵𑍃𑌷𑍍𑌟𑌿॑-𑌞𑍍𑌚𑍍𑌯𑌾𑌵𑌯𑌤𑌿॒ 𑌯𑌤𑍍𑌕॒𑌰𑍀𑌰𑌾॑𑌣𑌿॒ 𑌭𑌵॑𑌨𑍍𑌤𑌿 [ ] 24

𑌸𑍗॒𑌮𑍍𑌯𑌯𑍈॒𑌵𑌾-𑌽𑌽𑌹𑍁॑𑌤𑍍𑌯𑌾 𑌦𑌿॒𑌵𑍋 𑌵𑍃𑌷𑍍𑌟𑌿॒𑌮𑌵॑ 𑌰𑍁𑌨𑍍𑌧𑍇॒ 𑌮𑌧𑍁॑𑌷𑌾॒ 𑌸𑌂-𑌯𑍗𑌁᳚𑌤𑍍𑌯॒𑌪𑌾𑌂-𑌵𑌾𑌁 𑌏॒𑌷 𑌓𑌷॑𑌧𑍀𑌨𑌾॒𑌗𑍍𑌂॒ 𑌰𑌸𑍋॒ 𑌯𑌨𑍍𑌮𑌦𑍍𑌧𑍍𑌵॒𑌦𑍍𑌭𑍍𑌯 𑌏॒𑌵𑍗𑌷॑𑌧𑍀𑌭𑍍𑌯𑍋 𑌵𑌰𑍍𑌷॒𑌤𑍍𑌯𑌥𑍋॑ 𑌅॒𑌦𑍍𑌭𑍍𑌯 𑌏॒𑌵𑍗𑌷॑𑌧𑍀𑌭𑍍𑌯𑍋॒ 𑌵𑍃𑌷𑍍𑌟𑌿॒𑌨𑌿-𑌨𑍍𑌨॑𑌯𑌤𑌿॒ 𑌮𑌾𑌨𑍍𑌦𑌾॒ 𑌵𑌾𑌶𑌾॒ 𑌇𑌤𑌿॒ 𑌸𑌂𑌯𑍗𑌁॑𑌤𑌿 𑌨𑌾𑌮॒𑌧𑍇𑌯𑍈॑𑌰𑍇॒𑌵𑍈𑌨𑌾॒ 𑌅𑌚𑍍𑌛𑍈॒𑌤𑍍𑌯𑌥𑍋॒ 𑌯𑌥𑌾᳚ 𑌬𑍍𑌰𑍂॒𑌯𑌾𑌦𑌸𑌾॒ 𑌵𑍇𑌹𑍀𑌤𑍍𑌯𑍇॒𑌵𑌮𑍇॒𑌵𑍈𑌨𑌾॑ 𑌨𑌾𑌮॒𑌧𑍇𑌯𑍈॒𑌰𑌾 - [𑌨𑌾𑌮॒𑌧𑍇𑌯𑍈॒𑌰𑌾, 𑌚𑍍𑌯𑌾॒𑌵॒𑌯॒𑌤𑌿॒ 𑌵𑍃𑌷𑍍𑌣𑍋॒] 25

𑌚𑍍𑌯𑌾॑𑌵𑌯𑌤𑌿॒ 𑌵𑍃𑌷𑍍𑌣𑍋॒ 𑌅𑌶𑍍𑌵॑𑌸𑍍𑌯 𑌸॒𑌨𑍍𑌦𑌾𑌨॑𑌮𑌸𑌿॒ 𑌵𑍃𑌷𑍍𑌟𑍍𑌯𑍈॒ 𑌤𑍍𑌵𑍋𑌪॑ 𑌨𑌹𑍍𑌯𑌾॒𑌮𑍀𑌤𑍍𑌯𑌾॑𑌹॒ 𑌵𑍃𑌷𑌾॒ 𑌵𑌾 𑌅𑌶𑍍𑌵𑍋॒ 𑌵𑍃𑌷𑌾॑ 𑌪॒𑌰𑍍𑌜𑌨𑍍𑌯𑌃॑ 𑌕𑍃॒𑌷𑍍𑌣 𑌇॑𑌵॒ 𑌖𑌲𑍁॒ 𑌵𑍈 𑌭𑍂॒𑌤𑍍𑌵𑌾 𑌵॑𑌰𑍍𑌷𑌤𑌿 𑌰𑍂॒𑌪𑍇𑌣𑍈॒𑌵𑍈𑌨॒𑌗𑍍𑌂॒ 𑌸𑌮॑𑌰𑍍𑌧𑌯𑌤𑌿 𑌵॒𑌰𑍍॒𑌷𑌸𑍍𑌯𑌾 𑌵॑𑌰𑍁𑌦𑍍𑌧𑍍𑌯𑍈 ॥ 26 ॥

(𑌅॒𑌷𑍍𑌟𑍗 - 𑌭𑌵॑𑌨𑍍𑌤𑌿 - 𑌨𑌾𑌮॒𑌧𑍇𑌯𑍈॒𑌰𑍈 - 𑌕𑌾॒𑌨𑍍𑌨 𑌤𑍍𑌰𑌿॒𑌗𑍍𑌂॒𑌶𑌚𑍍𑌚॑) (𑌅. 9)

𑌦𑍇𑌵𑌾॑ 𑌵𑌸𑌵𑍍𑌯𑌾॒ 𑌦𑍇𑌵𑌾᳚-𑌶𑍍𑌶𑌰𑍍𑌮𑌣𑍍𑌯𑌾॒ 𑌦𑍇𑌵𑌾᳚-𑌸𑍍𑌸𑌪𑍀𑌤𑌯॒ 𑌇𑌤𑍍𑌯𑌾 𑌬॑𑌦𑍍𑌧𑍍𑌨𑌾𑌤𑌿 𑌦𑍇॒𑌵𑌤𑌾॑𑌭𑌿𑌰𑍇॒𑌵𑌾𑌨𑍍𑌵॒𑌹𑌂-𑌵𑍃𑌁𑌷𑍍𑌟𑌿॑𑌮𑌿𑌚𑍍𑌛𑌤𑌿॒ 𑌯𑌦𑌿॒ 𑌵𑌰𑍍𑌷𑍇॒𑌤𑍍-𑌤𑌾𑌵॑𑌤𑍍𑌯𑍇॒𑌵 𑌹𑍋॑𑌤॒𑌵𑍍𑌯𑌂॑-𑌯𑌁𑌦𑌿॒ 𑌨 𑌵𑌰𑍍𑌷𑍇॒𑌚𑍍𑌛𑍍𑌵𑍋 𑌭𑍂॒𑌤𑍇 𑌹॒𑌵𑌿𑌰𑍍𑌨𑌿𑌰𑍍𑌵॑𑌪𑍇𑌦𑌹𑍋𑌰𑌾॒𑌤𑍍𑌰𑍇 𑌵𑍈 𑌮𑌿॒𑌤𑍍𑌰𑌾𑌵𑌰𑍁॑𑌣𑌾𑌵𑌹𑍋𑌰𑌾॒𑌤𑍍𑌰𑌾𑌭𑍍𑌯𑌾॒-𑌙𑍍𑌖𑌲𑍁॒ 𑌵𑍈 𑌪॒𑌰𑍍𑌜𑌨𑍍𑌯𑍋॑ 𑌵𑌰𑍍𑌷𑌤𑌿॒ 𑌨𑌕𑍍𑌤𑌂॑-𑌵𑌾𑌁॒ 𑌹𑌿 𑌦𑌿𑌵𑌾॑ 𑌵𑌾॒ 𑌵𑌰𑍍𑌷॑𑌤𑌿 𑌮𑌿॒𑌤𑍍𑌰𑌾𑌵𑌰𑍁॑𑌣𑌾𑌵𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾𑌵𑍇॒𑌵𑌾𑌸𑍍𑌮𑌾॑ [𑌤𑌾𑌵𑍇॒𑌵𑌾𑌸𑍍𑌮𑍈᳚, 𑌅॒𑌹𑍋॒𑌰𑌾॒𑌤𑍍𑌰𑌾𑌭𑍍𑌯𑌾𑌂᳚-] 27

𑌅𑌹𑍋𑌰𑌾॒𑌤𑍍𑌰𑌾𑌭𑍍𑌯𑌾᳚-𑌮𑍍𑌪॒𑌰𑍍𑌜𑌨𑍍𑌯𑌂॑ 𑌁𑌵𑌰𑍍𑌷𑌯𑌤𑍋॒-𑌽𑌗𑍍𑌨𑌯𑍇॑ 𑌧𑌾𑌮॒𑌚𑍍𑌛𑌦𑍇॑ 𑌪𑍁𑌰𑍋॒𑌡𑌾𑌶॑𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇𑌨𑍍𑌮𑌾𑌰𑍁॒𑌤𑌗𑍍𑌂 𑌸॒𑌪𑍍𑌤𑌕॑𑌪𑌾𑌲𑌗𑍍𑌂 𑌸𑍗॒𑌰𑍍𑌯𑌮𑍇𑌕॑𑌕𑌪𑌾𑌲𑌮॒𑌗𑍍𑌨𑌿𑌰𑍍𑌵𑌾 𑌇॒𑌤𑍋 𑌵𑍃𑌷𑍍𑌟𑌿॒𑌮𑍁𑌦𑍀॑𑌰𑌯𑌤𑌿 𑌮॒𑌰𑍁𑌤𑌃॑ 𑌸𑍃॒𑌷𑍍𑌟𑌾-𑌨𑍍𑌨॑𑌯𑌨𑍍𑌤𑌿 𑌯॒𑌦𑌾 𑌖𑌲𑍁॒ 𑌵𑌾 𑌅॒𑌸𑌾𑌵𑌾॑𑌦𑌿॒𑌤𑍍𑌯𑍋 𑌨𑍍𑌯𑌂॑-𑌰॒𑌶𑍍𑌮𑌿𑌭𑌿𑌃॑ 𑌪𑌰𑍍𑌯𑌾॒𑌵𑌰𑍍𑌤॒𑌤𑍇-𑌽𑌥॑𑌵𑌰𑍍𑌷𑌤𑌿𑌧𑌾𑌮॒𑌚𑍍𑌛𑌦𑌿॑𑌵॒ 𑌖𑌲𑍁॒ 𑌵𑍈 𑌭𑍂॒𑌤𑍍𑌵𑌾 𑌵॑𑌰𑍍𑌷𑌤𑍍𑌯𑍇॒𑌤𑌾 𑌵𑍈 𑌦𑍇॒𑌵𑌤𑌾॒ 𑌵𑍃𑌷𑍍𑌟𑍍𑌯𑌾॑ 𑌈𑌶𑌤𑍇॒ 𑌤𑌾 𑌏॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾 [𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾𑌃, 𑌏॒𑌵𑌾𑌸𑍍𑌮𑍈॑] 28

𑌏॒𑌵𑌾𑌸𑍍𑌮𑍈॑ 𑌪॒𑌰𑍍𑌜𑌨𑍍𑌯𑌂॑-𑌵𑌁𑌰𑍍𑌷𑌯𑌨𑍍𑌤𑍍𑌯𑍁॒𑌤𑌾 𑌵॑𑌰𑍍𑌷𑌿𑌷𑍍𑌯॒𑌨𑍍 𑌵𑌰𑍍𑌷॑𑌤𑍍𑌯𑍇॒𑌵 𑌸𑍃॒𑌜𑌾 𑌵𑍃॒𑌷𑍍𑌟𑌿-𑌨𑍍𑌦𑌿॒𑌵 𑌆-𑌽𑌦𑍍𑌭𑌿-𑌸𑍍𑌸॑𑌮𑍁॒𑌦𑍍𑌰-𑌮𑍍𑌪𑍃॒𑌣𑍇𑌤𑍍𑌯𑌾॑𑌹𑍇॒𑌮𑌾𑌶𑍍𑌚𑍈॒𑌵𑌾-𑌮𑍂𑌶𑍍𑌚𑌾॒𑌪-𑌸𑍍𑌸𑌮॑𑌰𑍍𑌧𑌯॒𑌤𑍍𑌯𑌥𑍋॑ 𑌆॒𑌭𑌿𑌰𑍇॒𑌵𑌾-𑌮𑍂𑌰𑌚𑍍𑌛𑍈᳚𑌤𑍍𑌯॒𑌬𑍍𑌜𑌾 𑌅॑𑌸𑌿 𑌪𑍍𑌰𑌥𑌮॒𑌜𑌾 𑌬𑌲॑𑌮𑌸𑌿 𑌸𑌮𑍁॒𑌦𑍍𑌰𑌿𑌯॒𑌮𑌿𑌤𑍍𑌯𑌾॑𑌹 𑌯𑌥𑌾𑌯॒𑌜𑍁𑌰𑍇॒𑌵𑍈𑌤-𑌦𑍁𑌨𑍍𑌨॑-𑌮𑍍𑌭𑌯 𑌪𑍃𑌥𑌿॒𑌵𑍀𑌮𑌿𑌤𑌿॑ 𑌵𑌰𑍍𑌷𑌾॒𑌹𑍍𑌵𑌾-𑌞𑍍𑌜𑍁॑𑌹𑍋𑌤𑍍𑌯𑍇॒𑌷𑌾 𑌵𑌾 𑌓𑌷॑𑌧𑍀𑌨𑌾𑌂-𑌵𑍃𑌁𑌷𑍍𑌟𑌿॒𑌵𑌨𑌿॒𑌸𑍍𑌤𑌯𑍈॒𑌵 𑌵𑍃𑌷𑍍𑌟𑌿॒𑌮𑌾 𑌚𑍍𑌯𑌾॑𑌵𑌯𑌤𑌿॒ 𑌯𑍇 𑌦𑍇॒𑌵𑌾 𑌦𑌿॒𑌵𑌿𑌭𑌾॑𑌗𑌾॒ 𑌇𑌤𑌿॑ 𑌕𑍃𑌷𑍍𑌣𑌾𑌜𑌿॒𑌨𑌮𑌵॑ 𑌧𑍂𑌨𑍋𑌤𑍀॒𑌮 𑌏॒𑌵𑌾𑌸𑍍𑌮𑍈॑ 𑌲𑍋॒𑌕𑌾𑌃 𑌪𑍍𑌰𑍀॒𑌤𑌾 𑌅॒𑌭𑍀𑌷𑍍𑌟𑌾॑ 𑌭𑌵𑌨𑍍𑌤𑌿 ॥ 29 ॥

(𑌅॒𑌸𑍍𑌮𑍈॒ - 𑌧𑌾॒𑌵॒𑌤𑌿॒ 𑌤𑌾 - 𑌵𑌾 - 𑌏𑌕॑𑌵𑌿𑌗𑍍𑌂𑌶𑌤𑌿𑌶𑍍𑌚 ) (𑌅. 10)

𑌸𑌰𑍍𑌵𑌾॑𑌣𑌿॒ 𑌛𑌨𑍍𑌦𑌾𑌗𑍍॑𑌸𑍍𑌯𑍇॒𑌤𑌸𑍍𑌯𑌾॒-𑌮𑌿𑌷𑍍𑌟𑍍𑌯𑌾॑-𑌮॒𑌨𑍂𑌚𑍍𑌯𑌾॒𑌨𑍀𑌤𑍍𑌯𑌾॑𑌹𑍁-𑌸𑍍𑌤𑍍𑌰𑌿॒𑌷𑍍𑌟𑍁𑌭𑍋॒ 𑌵𑌾 𑌏॒𑌤𑌦𑍍𑌵𑍀॒𑌰𑍍𑌯𑌂॑-𑌯𑌁-𑌤𑍍𑌕॒𑌕𑍁𑌦𑍁॒𑌷𑍍𑌣𑌿𑌹𑌾॒ 𑌜𑌗॑𑌤𑍍𑌯𑍈॒ 𑌯𑌦𑍁॑𑌷𑍍𑌣𑌿𑌹-𑌕॒𑌕𑍁𑌭𑌾॑𑌵॒𑌨𑍍𑌵𑌾𑌹॒ 𑌤𑍇𑌨𑍈॒𑌵 𑌸𑌰𑍍𑌵𑌾॑𑌣𑌿॒ 𑌛𑌨𑍍𑌦𑌾॒𑌗𑍍॒𑌸𑍍𑌯𑌵॑ 𑌰𑍁𑌨𑍍𑌧𑍇 𑌗𑌾𑌯॒𑌤𑍍𑌰𑍀 𑌵𑌾 𑌏॒𑌷𑌾 𑌯𑌦𑍁॒𑌷𑍍𑌣𑌿𑌹𑌾॒ 𑌯𑌾𑌨𑌿॑ 𑌚॒𑌤𑍍𑌵𑌾𑌰𑍍𑌯𑌦𑍍𑌧𑍍𑌯॒𑌕𑍍𑌷𑌰𑌾॑𑌣𑌿॒ 𑌚𑌤𑍁॑𑌷𑍍𑌪𑌾𑌦 𑌏॒𑌵 𑌤𑍇 𑌪॒𑌶𑌵𑍋॒𑌯𑌥𑌾॑ 𑌪𑍁𑌰𑍋॒𑌡𑌾𑌶𑍇॑ 𑌪𑍁𑌰𑍋॒𑌡𑌾𑌶𑍋-𑌽𑌦𑍍𑌧𑍍𑌯𑍇॒𑌵𑌮𑍇॒𑌵 𑌤-𑌦𑍍𑌯𑌦𑍍-𑌋॒𑌚𑍍𑌯𑌦𑍍𑌧𑍍𑌯॒𑌕𑍍𑌷𑌰𑌾॑𑌣𑌿॒ 𑌯𑌜𑍍𑌜𑌗॑𑌤𑍍𑌯𑌾 [𑌯𑌜𑍍𑌜𑌗॑𑌤𑍍𑌯𑌾, 𑌪॒𑌰𑌿॒𑌦॒𑌦𑍍𑌧𑍍𑌯𑌾𑌦𑌨𑍍𑌤𑌂॑-] 30

𑌪𑌰𑌿𑌦॒𑌦𑍍𑌧𑍍𑌯𑌾𑌦𑌨𑍍𑌤𑌂॑-𑌯𑌁॒𑌜𑍍𑌞-𑌙𑍍𑌗॑𑌮𑌯𑍇-𑌤𑍍𑌤𑍍𑌰𑌿॒𑌷𑍍𑌟𑍁𑌭𑌾॒ 𑌪𑌰𑌿॑ 𑌦𑌧𑌾𑌤𑍀𑌨𑍍𑌦𑍍𑌰𑌿॒𑌯𑌂-𑌵𑍈𑌁 𑌵𑍀॒𑌰𑍍𑌯॑-𑌨𑍍𑌤𑍍𑌰𑌿॒𑌷𑍍𑌟𑍁𑌗𑌿॑𑌨𑍍𑌦𑍍𑌰𑌿॒𑌯 𑌏॒𑌵 𑌵𑍀॒𑌰𑍍𑌯𑍇॑ 𑌯॒𑌜𑍍𑌞-𑌮𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿॒ 𑌨𑌾𑌨𑍍𑌤॑-𑌙𑍍𑌗𑌮𑌯॒𑌤𑍍𑌯𑌗𑍍𑌨𑍇॒ 𑌤𑍍𑌰𑍀 𑌤𑍇॒ 𑌵𑌾𑌜𑌿॑𑌨𑌾॒ 𑌤𑍍𑌰𑍀 𑌷॒𑌧𑌸𑍍𑌥𑍇𑌤𑌿॒ 𑌤𑍍𑌰𑌿𑌵॑𑌤𑍍𑌯𑌾॒ 𑌪𑌰𑌿॑ 𑌦𑌧𑌾𑌤𑌿 𑌸𑌰𑍂𑌪॒𑌤𑍍𑌵𑌾𑌯॒ 𑌸𑌰𑍍𑌵𑍋॒ 𑌵𑌾 𑌏॒𑌷 𑌯॒𑌜𑍍𑌞𑍋 𑌯-𑌤𑍍𑌤𑍍𑌰𑍈॑𑌧𑌾𑌤॒𑌵𑍀𑌯॒-𑌙𑍍𑌕𑌾𑌮𑌾॑𑌯-𑌕𑌾𑌮𑌾𑌯॒ 𑌪𑍍𑌰𑌯𑍁॑𑌜𑍍𑌯𑌤𑍇॒ 𑌸𑌰𑍍𑌵𑍇᳚𑌭𑍍𑌯𑍋॒ 𑌹𑌿 𑌕𑌾𑌮𑍇᳚𑌭𑍍𑌯𑍋 𑌯॒𑌜𑍍𑌞𑌃 𑌪𑍍𑌰॑𑌯𑍁॒𑌜𑍍𑌯𑌤𑍇᳚ 𑌤𑍍𑌰𑍈𑌧𑌾𑌤॒𑌵𑍀𑌯𑍇॑𑌨 𑌯𑌜𑍇𑌤𑌾𑌭𑌿॒𑌚𑌰॒𑌨𑍍-𑌥𑍍𑌸𑌰𑍍𑌵𑍋॒ 𑌵𑌾 [𑌸𑌰𑍍𑌵𑍋॒ 𑌵𑍈, 𑌏॒𑌷] 31

𑌏॒𑌷 𑌯॒𑌜𑍍𑌞𑍋 𑌯-𑌤𑍍𑌤𑍍𑌰𑍈॑𑌧𑌾𑌤॒𑌵𑍀𑌯॒𑌗𑍍𑌂॒ 𑌸𑌰𑍍𑌵𑍇॑𑌣𑍈॒𑌵𑍈𑌨𑌂॑-𑌯𑌁॒𑌜𑍍𑌞𑍇𑌨𑌾॒𑌭𑌿 𑌚॑𑌰𑌤𑌿 𑌸𑍍𑌤𑍃𑌣𑍁॒𑌤 𑌏॒𑌵𑍈𑌨॑𑌮𑍇॒𑌤𑌯𑍈॒𑌵 𑌯॑𑌜𑍇𑌤𑌾𑌭𑌿𑌚॒𑌰𑍍𑌯𑌮𑌾॑𑌣॒-𑌸𑍍𑌸𑌰𑍍𑌵𑍋॒ 𑌵𑌾 𑌏॒𑌷 𑌯॒𑌜𑍍𑌞𑍋 𑌯-𑌤𑍍𑌤𑍍𑌰𑍈॑𑌧𑌾𑌤॒𑌵𑍀𑌯॒𑌗𑍍𑌂॒ 𑌸𑌰𑍍𑌵𑍇॑𑌣𑍈॒𑌵 𑌯॒𑌜𑍍𑌞𑍇𑌨॑ 𑌯𑌜𑌤𑍇॒ 𑌨𑍈𑌨॑𑌮𑌭𑌿॒𑌚𑌰᳚𑌨𑍍-𑌥𑍍𑌸𑍍𑌤𑍃𑌣𑍁𑌤 𑌏॒𑌤𑌯𑍈॒𑌵 𑌯॑𑌜𑍇𑌤 𑌸॒𑌹𑌸𑍍𑌰𑍇॑𑌣 𑌯॒𑌕𑍍𑌷𑍍𑌯𑌮𑌾॑𑌣𑌃॒ 𑌪𑍍𑌰𑌜𑌾॑𑌤𑌮𑍇॒𑌵𑍈𑌨॑-𑌦𑍍𑌦𑌦𑌾𑌤𑍍𑌯𑍇॒𑌤𑌯𑍈॒𑌵 𑌯॑𑌜𑍇𑌤 𑌸॒𑌹𑌸𑍍𑌰𑍇॑𑌣𑍇𑌜𑌾॒𑌨𑍋-𑌽𑌨𑍍𑌤𑌂॒-𑌵𑌾𑌁 𑌏॒𑌷 𑌪॑𑌶𑍂॒𑌨𑌾-𑌙𑍍𑌗॑𑌚𑍍𑌛𑌤𑌿॒ [-𑌗॑𑌚𑍍𑌛𑌤𑌿, 𑌯-𑌸𑍍𑌸॒𑌹𑌸𑍍𑌰𑍇॑𑌣॒] 32

𑌯-𑌸𑍍𑌸॒𑌹𑌸𑍍𑌰𑍇॑𑌣॒ 𑌯𑌜॑𑌤𑍇 𑌪𑍍𑌰॒𑌜𑌾𑌪॑𑌤𑌿𑌃॒ 𑌖𑌲𑍁॒ 𑌵𑍈 𑌪॒𑌶𑍂𑌨॑𑌸𑍃𑌜𑌤॒ 𑌤𑌾𑌗𑍍𑌸𑍍𑌤𑍍𑌰𑍈॑𑌧𑌾𑌤॒ 𑌵𑍀𑌯𑍇॑-𑌨𑍈॒𑌵𑌾𑌸𑍃॑𑌜𑌤॒ 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌗𑍍 𑌸𑍍𑌤𑍍𑌰𑍈॑𑌧𑌾𑌤॒𑌵𑍀𑌯𑍇॑𑌨𑌪॒𑌶𑍁𑌕𑌾॑𑌮𑍋॒ 𑌯𑌜॑𑌤𑍇॒ 𑌯𑌸𑍍𑌮𑌾॑𑌦𑍇॒𑌵 𑌯𑍋𑌨𑍇𑌃᳚ 𑌪𑍍𑌰॒𑌜𑌾𑌪॑𑌤𑌿𑌃 𑌪॒𑌶𑍂𑌨𑌸𑍃॑𑌜𑌤॒ 𑌤𑌸𑍍𑌮𑌾॑𑌦𑍇॒𑌵𑍈𑌨𑌾᳚𑌨𑍍-𑌥𑍍𑌸𑍃𑌜𑌤॒ 𑌉𑌪𑍈॑𑌨॒𑌮𑍁𑌤𑍍𑌤॑𑌰𑌗𑍍𑌂 𑌸॒𑌹𑌸𑍍𑌰॑-𑌨𑍍𑌨𑌮𑌤𑌿 𑌦𑍇॒𑌵𑌤𑌾᳚𑌭𑍍𑌯𑍋॒ 𑌵𑌾 𑌏॒𑌷 𑌆 𑌵𑍃॑𑌶𑍍𑌚𑍍𑌯𑌤𑍇॒ 𑌯𑍋 𑌯॒𑌕𑍍𑌷𑍍𑌯 𑌇𑌤𑍍𑌯𑍁॒𑌕𑍍𑌤𑍍𑌵𑌾 𑌨 𑌯𑌜॑𑌤𑍇 𑌤𑍍𑌰𑍈𑌧𑌾𑌤॒𑌵𑍀𑌯𑍇॑𑌨 𑌯𑌜𑍇𑌤॒ 𑌸𑌰𑍍𑌵𑍋॒ 𑌵𑌾 𑌏॒𑌷 𑌯॒𑌜𑍍𑌞𑍋 [𑌯॒𑌜𑍍𑌞𑌃, 𑌯-𑌤𑍍𑌤𑍍𑌰𑍈॑𑌧𑌾𑌤॒𑌵𑍀𑌯॒𑌗𑍍𑌂॒] 33

𑌯-𑌤𑍍𑌤𑍍𑌰𑍈॑𑌧𑌾𑌤॒𑌵𑍀𑌯॒𑌗𑍍𑌂॒ 𑌸𑌰𑍍𑌵𑍇॑𑌣𑍈॒𑌵 𑌯॒𑌜𑍍𑌞𑍇𑌨॑ 𑌯𑌜𑌤𑍇॒ 𑌨 𑌦𑍇॒𑌵𑌤𑌾᳚𑌭𑍍𑌯॒ 𑌆 𑌵𑍃॑𑌶𑍍𑌚𑍍𑌯𑌤𑍇॒ 𑌦𑍍𑌵𑌾𑌦॑𑌶𑌕𑌪𑌾𑌲𑌃 𑌪𑍁𑌰𑍋॒𑌡𑌾𑌶𑍋॑ 𑌭𑌵𑌤𑌿॒ 𑌤𑍇 𑌤𑍍𑌰𑌯॒𑌶𑍍𑌚𑌤𑍁॑𑌷𑍍𑌕𑌪𑌾𑌲𑌾-𑌸𑍍𑌤𑍍𑌰𑌿𑌷𑍍𑌷𑌮𑍃𑌦𑍍𑌧॒𑌤𑍍𑌵𑌾𑌯॒ 𑌤𑍍𑌰𑌯𑌃॑ 𑌪𑍁𑌰𑍋॒𑌡𑌾𑌶𑌾॑ 𑌭𑌵𑌨𑍍𑌤𑌿॒ 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾 𑌏॒𑌷𑌾𑌂-𑌲𑍋𑌁॒𑌕𑌾𑌨𑌾॒𑌮𑌾𑌪𑍍𑌤𑍍𑌯𑌾॒ 𑌉𑌤𑍍𑌤॑𑌰-𑌉𑌤𑍍𑌤𑌰𑍋॒ 𑌜𑍍𑌯𑌾𑌯𑌾᳚-𑌨𑍍𑌭𑌵𑌤𑍍𑌯𑍇॒𑌵𑌮𑌿॑𑌵॒ 𑌹𑍀𑌮𑍇 𑌲𑍋॒𑌕𑌾 𑌯॑𑌵॒𑌮𑌯𑍋॒ 𑌮𑌦𑍍𑌧𑍍𑌯॑ 𑌏॒𑌤𑌦𑍍𑌵𑌾 𑌅॒𑌨𑍍𑌤𑌰𑌿॑𑌕𑍍𑌷𑌸𑍍𑌯 𑌰𑍂॒𑌪𑌗𑍍𑌂 𑌸𑌮𑍃॑𑌦𑍍𑌧𑍍𑌯𑍈॒ 𑌸𑌰𑍍𑌵𑍇॑𑌷𑌾𑌮𑌭𑌿𑌗॒𑌮𑌯॒𑌨𑍍𑌨𑌵॑ 𑌦𑍍𑌯॒𑌤𑍍𑌯𑌛॑𑌬𑌣𑍍𑌟𑍍𑌕𑌾𑌰॒𑌗𑍍𑌂॒ 𑌹𑌿𑌰॑𑌣𑍍𑌯-𑌨𑍍𑌦𑌦𑌾𑌤𑌿॒ 𑌤𑍇𑌜॑ 𑌏॒𑌵𑌾- [𑌏॒𑌵, 𑌅𑌵॑ 𑌰𑍁𑌨𑍍𑌧𑍇] 34

-𑌽𑌵॑ 𑌰𑍁𑌨𑍍𑌧𑍇 𑌤𑌾॒𑌰𑍍𑌪𑍍𑌯-𑌨𑍍𑌦॑𑌦𑌾𑌤𑌿 𑌪॒𑌶𑍂𑌨𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌧𑍇॒𑌨𑍁-𑌨𑍍𑌦॑𑌦𑌾𑌤𑍍𑌯𑌾॒𑌶𑌿𑌷॑ 𑌏॒𑌵𑌾𑌵॑ 𑌰𑍁𑌨𑍍𑌧𑍇॒ 𑌸𑌾𑌮𑍍𑌨𑍋॒ 𑌵𑌾 𑌏॒𑌷 𑌵𑌰𑍍𑌣𑍋॒ 𑌯𑌦𑍍𑌧𑌿𑌰॑𑌣𑍍𑌯𑌂॒-𑌯𑌁𑌜𑍁॑𑌷𑌾-𑌨𑍍𑌤𑌾॒𑌰𑍍𑌪𑍍𑌯𑌮𑍁॑𑌕𑍍𑌥𑌾𑌮॒𑌦𑌾𑌨𑌾᳚-𑌨𑍍𑌧𑍇॒𑌨𑍁𑌰𑍇॒𑌤𑌾𑌨𑍇॒𑌵 𑌸𑌰𑍍𑌵𑌾॒𑌨𑍍॒. 𑌵𑌰𑍍𑌣𑌾॒𑌨𑌵॑ 𑌰𑍁𑌨𑍍𑌧𑍇 ॥ 35 ॥

(𑌜𑌗॑𑌤𑍍𑌯𑌾 - 𑌽𑌭𑌿॒𑌚𑌰॒𑌨𑍍-𑌥𑍍𑌸𑌰𑍍𑌵𑍋॒ 𑌵𑍈 - 𑌗॑𑌚𑍍𑌛𑌤𑌿 - 𑌯॒𑌜𑍍𑌞 - 𑌸𑍍𑌤𑍇𑌜॑ 𑌏॒𑌵 - 𑌤𑍍𑌰𑌿॒𑌗𑍍𑌂॒𑌶𑌚𑍍𑌚॑) (𑌅. 11)

𑌤𑍍𑌵𑌷𑍍𑌟𑌾॑ 𑌹॒𑌤𑌪𑍁॑𑌤𑍍𑌰𑍋॒ 𑌵𑍀𑌨𑍍𑌦𑍍𑌰॒𑌗𑍍𑌂॒ 𑌸𑍋𑌮॒𑌮𑌾-𑌽𑌹॑𑌰॒-𑌤𑍍𑌤𑌸𑍍𑌮𑌿॒𑌨𑍍𑌨𑌿𑌨𑍍𑌦𑍍𑌰॑ 𑌉𑌪𑌹॒𑌵𑌮𑍈᳚𑌚𑍍𑌛𑌤॒ 𑌤-𑌨𑍍𑌨𑍋𑌪𑌾᳚𑌹𑍍𑌵𑌯𑌤 𑌪𑍁॒𑌤𑍍𑌰-𑌮𑍍𑌮𑍇॑-𑌽𑌵𑌧𑍀॒𑌰𑌿𑌤𑌿॒ 𑌸 𑌯॑𑌜𑍍𑌞𑌵𑍇𑌶॒𑌸-𑌙𑍍𑌕𑍃॒𑌤𑍍𑌵𑌾 𑌪𑍍𑌰𑌾॒𑌸𑌹𑌾॒ 𑌸𑍋𑌮॑𑌮𑌪𑌿𑌬॒-𑌤𑍍𑌤𑌸𑍍𑌯॒ 𑌯𑌦॒𑌤𑍍𑌯𑌶𑌿॑𑌷𑍍𑌯𑌤॒ 𑌤-𑌤𑍍𑌤𑍍𑌵𑌷𑍍𑌟𑌾॑-𑌽𑌽𑌹𑌵॒𑌨𑍀𑌯॒𑌮𑍁𑌪॒ 𑌪𑍍𑌰𑌾𑌵॑𑌰𑍍𑌤𑌯॒-𑌥𑍍𑌸𑍍𑌵𑌾𑌹𑍇𑌨𑍍𑌦𑍍𑌰॑𑌶𑌤𑍍𑌰𑍁𑌰𑍍𑌵𑌰𑍍𑌧॒𑌸𑍍𑌵𑍇𑌤𑌿॒ 𑌸 𑌯𑌾𑌵॑𑌦𑍂॒𑌰𑍍𑌧𑍍𑌵𑌃 𑌪॑𑌰𑌾॒𑌵𑌿𑌦𑍍𑌧𑍍𑌯॑𑌤𑌿॒ 𑌤𑌾𑌵॑𑌤𑌿 𑌸𑍍𑌵॒𑌯𑌮𑍇॒𑌵 𑌵𑍍𑌯॑𑌰𑌮𑌤॒ 𑌯𑌦𑌿॑ 𑌵𑌾॒ 𑌤𑌾𑌵॑-𑌤𑍍𑌪𑍍𑌰𑌵॒𑌣- [𑌤𑌾𑌵॑-𑌤𑍍𑌪𑍍𑌰𑌵॒𑌣𑌮𑍍, 𑌆𑌸𑍀॒𑌦𑍍𑌯𑌦𑌿॑] 36

-𑌮𑌾𑌸𑍀॒𑌦𑍍𑌯𑌦𑌿॑ 𑌵𑌾॒ 𑌤𑌾𑌵॒𑌦𑌦𑍍𑌧𑍍𑌯॒𑌗𑍍𑌨𑍇𑌰𑌾𑌸𑍀॒-𑌥𑍍𑌸 𑌸॒𑌮𑍍𑌭𑌵॑𑌨𑍍𑌨॒𑌗𑍍𑌨𑍀𑌷𑍋𑌮𑌾॑𑌵॒𑌭𑌿 𑌸𑌮॑𑌭𑌵॒-𑌥𑍍𑌸 𑌇॑𑌷𑍁𑌮𑌾॒𑌤𑍍𑌰𑌮𑌿॑𑌷𑍁𑌮𑌾𑌤𑍍𑌰𑌂॒-𑌵𑌿𑌁𑌷𑍍𑌵॑𑌙𑍍𑌙𑌵𑌰𑍍𑌧𑌤॒ 𑌸 𑌇॒𑌮𑌾𑌂-𑌲𑍋𑌁॒𑌕𑌾𑌨॑𑌵𑍃𑌣𑍋॒𑌦𑍍𑌯-𑌦𑌿॒𑌮𑌾𑌂-𑌲𑍋𑌁॒𑌕𑌾𑌨𑌵𑍃॑𑌣𑍋॒-𑌤𑍍𑌤-𑌦𑍍𑌵𑍃॒𑌤𑍍𑌰𑌸𑍍𑌯॑ 𑌵𑍃𑌤𑍍𑌰॒𑌤𑍍𑌵-𑌨𑍍𑌤𑌸𑍍𑌮𑌾॒𑌦𑌿𑌨𑍍𑌦𑍍𑌰𑍋॑-𑌽𑌬𑌿𑌭𑍇॒𑌦𑌪𑌿॒ 𑌤𑍍𑌵𑌷𑍍𑌟𑌾॒ 𑌤𑌸𑍍𑌮𑍈॒ 𑌤𑍍𑌵𑌷𑍍𑌟𑌾॒ 𑌵𑌜𑍍𑌰॑𑌮𑌸𑌿𑌞𑍍𑌚॒-𑌤𑍍𑌤𑌪𑍋॒ 𑌵𑍈 𑌸 𑌵𑌜𑍍𑌰॑ 𑌆𑌸𑍀॒-𑌤𑍍𑌤𑌮𑍁𑌦𑍍𑌯॑𑌨𑍍𑌤𑍁॒-𑌨𑍍𑌨𑌾𑌶॑𑌕𑍍𑌨𑍋॒𑌦𑌥॒ 𑌵𑍈 𑌤𑌰𑍍𑌹𑌿॒ 𑌵𑌿𑌷𑍍𑌣𑍁॑- [𑌵𑌿𑌷𑍍𑌣𑍁𑌃॑, 𑌅॒𑌨𑍍𑌯𑌾] 37

-𑌰॒𑌨𑍍𑌯𑌾 𑌦𑍇॒𑌵𑌤𑌾॑ 𑌽𑌽𑌸𑍀॒-𑌥𑍍𑌸𑍋᳚-𑌽𑌬𑍍𑌰𑌵𑍀॒-𑌦𑍍𑌵𑌿𑌷𑍍𑌣॒𑌵𑍇𑌹𑍀॒𑌦𑌮𑌾 𑌹॑𑌰𑌿𑌷𑍍𑌯𑌾𑌵𑍋॒ 𑌯𑍇𑌨𑌾॒𑌯𑌮𑌿॒𑌦𑌮𑌿𑌤𑌿॒𑌸 𑌵𑌿𑌷𑍍𑌣𑍁॑𑌸𑍍𑌤𑍍𑌰𑍇॒𑌧𑌾-𑌽𑌽𑌤𑍍𑌮𑌾𑌨𑌂॒-𑌵𑌿𑌁𑌨𑍍𑌯॑𑌧𑌤𑍍𑌤 𑌪𑍃𑌥𑌿॒𑌵𑍍𑌯𑌾-𑌨𑍍𑌤𑍃𑌤𑍀॑𑌯𑌮॒𑌨𑍍𑌤𑌰𑌿॑𑌕𑍍𑌷𑍇॒ 𑌤𑍃𑌤𑍀॑𑌯-𑌨𑍍𑌦𑌿॒𑌵𑌿 𑌤𑍃𑌤𑍀॑𑌯-𑌮𑌭𑌿𑌪𑌰𑍍𑌯𑌾𑌵॒𑌰𑍍𑌤𑌾-𑌦𑍍𑌧𑍍𑌯𑌬𑌿॑𑌭𑍇॒𑌦𑍍𑌯𑌤𑍍-𑌪𑍃॑𑌥𑌿॒𑌵𑍍𑌯𑌾-𑌨𑍍𑌤𑍃𑌤𑍀॑𑌯॒𑌮𑌾𑌸𑍀॒-𑌤𑍍𑌤𑍇𑌨𑍇𑌨𑍍𑌦𑍍𑌰𑍋॒ 𑌵𑌜𑍍𑌰॒𑌮𑍁𑌦॑𑌯𑌚𑍍𑌛॒-𑌦𑍍𑌵𑌿𑌷𑍍𑌣𑍍𑌵॑𑌨𑍁𑌸𑍍𑌥𑌿𑌤॒-𑌸𑍍𑌸𑍋᳚-𑌽𑌬𑍍𑌰𑌵𑍀॒𑌨𑍍𑌮𑌾 𑌮𑍇॒ 𑌪𑍍𑌰 𑌹𑌾॒𑌰𑌸𑍍𑌤𑌿॒ 𑌵𑌾 𑌇॒𑌦- [𑌵𑌾 𑌇॒𑌦𑌮𑍍, 𑌮𑌯𑌿॑ 𑌵𑍀॒𑌰𑍍𑌯॑-𑌨𑍍𑌤-𑌤𑍍𑌤𑍇॒] 38

-𑌮𑍍𑌮𑌯𑌿॑ 𑌵𑍀॒𑌰𑍍𑌯॑-𑌨𑍍𑌤-𑌤𑍍𑌤𑍇॒ 𑌪𑍍𑌰𑌦𑌾᳚𑌸𑍍𑌯𑌾॒𑌮𑍀𑌤𑌿॒ 𑌤𑌦॑𑌸𑍍𑌮𑍈॒ 𑌪𑍍𑌰𑌾𑌯॑𑌚𑍍𑌛॒-𑌤𑍍𑌤-𑌤𑍍𑌪𑍍𑌰𑌤𑍍𑌯॑𑌗𑍃𑌹𑍍𑌣𑌾॒𑌦𑌧𑌾॒ 𑌮𑍇𑌤𑌿॒ 𑌤-𑌦𑍍𑌵𑌿𑌷𑍍𑌣॒𑌵𑍇-𑌽𑌤𑌿॒ 𑌪𑍍𑌰𑌾𑌯॑𑌚𑍍𑌛॒-𑌤𑍍𑌤-𑌦𑍍𑌵𑌿𑌷𑍍𑌣𑍁𑌃॒ 𑌪𑍍𑌰𑌤𑍍𑌯॑𑌗𑍃𑌹𑍍𑌣𑌾-𑌦॒𑌸𑍍𑌮𑌾𑌸𑍍𑌵𑌿𑌨𑍍𑌦𑍍𑌰॑ 𑌇𑌨𑍍𑌦𑍍𑌰𑌿॒𑌯-𑌨𑍍𑌦॑𑌧𑌾॒𑌤𑍍𑌵𑌿𑌤𑌿॒ 𑌯𑌦॒𑌨𑍍𑌤𑌰𑌿॑𑌕𑍍𑌷𑍇॒ 𑌤𑍃𑌤𑍀॑𑌯॒𑌮𑌾𑌸𑍀॒-𑌤𑍍𑌤𑍇𑌨𑍇𑌨𑍍𑌦𑍍𑌰𑍋॒ 𑌵𑌜𑍍𑌰॒𑌮𑍁𑌦॑𑌯𑌚𑍍𑌛॒-𑌦𑍍𑌵𑌿𑌷𑍍𑌣𑍍𑌵॑𑌨𑍁𑌸𑍍𑌥𑌿𑌤॒-𑌸𑍍𑌸𑍋᳚-𑌽𑌬𑍍𑌰𑌵𑍀॒𑌨𑍍𑌮𑌾 𑌮𑍇॒ 𑌪𑍍𑌰𑌹𑌾॒𑌰𑌸𑍍𑌤𑌿॒ 𑌵𑌾 𑌇॒𑌦- [𑌵𑌾 𑌇॒𑌦𑌮𑍍, 𑌮𑌯𑌿॑ 𑌵𑍀॒𑌰𑍍𑌯॑-𑌨𑍍𑌤-𑌤𑍍𑌤𑍇॒] 39

-𑌮𑍍𑌮𑌯𑌿॑ 𑌵𑍀॒𑌰𑍍𑌯॑-𑌨𑍍𑌤-𑌤𑍍𑌤𑍇॒ 𑌪𑍍𑌰 𑌦𑌾᳚𑌸𑍍𑌯𑌾॒𑌮𑍀𑌤𑌿॒ 𑌤𑌦॑𑌸𑍍𑌮𑍈॒ 𑌪𑍍𑌰𑌾𑌯॑𑌚𑍍𑌛॒-𑌤𑍍𑌤-𑌤𑍍𑌪𑍍𑌰𑌤𑍍𑌯॑𑌗𑍃𑌹𑍍𑌣𑌾॒-𑌦𑍍𑌦𑍍𑌵𑌿𑌰𑍍𑌮𑌾॑-𑌽𑌧𑌾॒ 𑌇𑌤𑌿॒ 𑌤-𑌦𑍍𑌵𑌿𑌷𑍍𑌣॒𑌵𑍇-𑌽𑌤𑌿॒ 𑌪𑍍𑌰𑌾𑌯॑𑌚𑍍𑌛॒-𑌤𑍍𑌤-𑌦𑍍𑌵𑌿𑌷𑍍𑌣𑍁𑌃॒ 𑌪𑍍𑌰𑌤𑍍𑌯॑𑌗𑍃𑌹𑍍𑌣𑌾𑌦॒𑌸𑍍𑌮𑌾𑌸𑍍𑌵𑌿𑌨𑍍𑌦𑍍𑌰॑ 𑌇𑌨𑍍𑌦𑍍𑌰𑌿॒𑌯-𑌨𑍍𑌦॑𑌧𑌾॒𑌤𑍍𑌵𑌿𑌤𑌿॒ 𑌯𑌦𑍍𑌦𑌿॒𑌵𑌿 𑌤𑍃𑌤𑍀॑𑌯॒𑌮𑌾𑌸𑍀॒-𑌤𑍍𑌤𑍇𑌨𑍇𑌨𑍍𑌦𑍍𑌰𑍋॒ 𑌵𑌜𑍍𑌰॒𑌮𑍁𑌦॑𑌯𑌚𑍍𑌛॒-𑌦𑍍𑌵𑌿𑌷𑍍𑌣𑍍𑌵॑𑌨𑍁𑌸𑍍𑌥𑌿𑌤॒-𑌸𑍍𑌸𑍋᳚-𑌽𑌬𑍍𑌰𑌵𑍀॒𑌨𑍍𑌮𑌾 𑌮𑍇॒ 𑌪𑍍𑌰𑌹𑌾॒𑌰𑍍𑌯𑍇𑌨𑌾॒𑌹- [𑌪𑍍𑌰𑌹𑌾॒𑌰𑍍𑌯𑍇𑌨𑌾॒𑌹𑌮𑍍, 𑌇॒𑌦𑌮𑌸𑍍𑌮𑌿॒ 𑌤-𑌤𑍍𑌤𑍇॒] 40

-𑌮𑌿॒𑌦𑌮𑌸𑍍𑌮𑌿॒ 𑌤-𑌤𑍍𑌤𑍇॒ 𑌪𑍍𑌰𑌦𑌾᳚𑌸𑍍𑌯𑌾॒𑌮𑍀𑌤𑌿॒ 𑌤𑍍𑌵𑍀(3) 𑌇𑌤𑍍𑌯॑𑌬𑍍𑌰𑌵𑍀-𑌥𑍍𑌸॒𑌨𑍍𑌧𑌾-𑌨𑍍𑌤𑍁 𑌸𑌨𑍍𑌦॑𑌧𑌾𑌵𑌹𑍈॒ 𑌤𑍍𑌵𑌾𑌮𑍇॒𑌵 𑌪𑍍𑌰𑌵𑌿॑𑌶𑌾॒𑌨𑍀𑌤𑌿॒ 𑌯𑌨𑍍𑌮𑌾-𑌮𑍍𑌪𑍍𑌰॑𑌵𑌿॒𑌶𑍇𑌃 𑌕𑌿-𑌮𑍍𑌮𑌾॑ 𑌭𑍁𑌞𑍍𑌜𑍍𑌯𑌾॒ 𑌇𑌤𑍍𑌯॑𑌬𑍍𑌰𑌵𑍀॒-𑌤𑍍𑌤𑍍𑌵𑌾𑌮𑍇॒𑌵𑍇𑌨𑍍𑌧𑍀॑𑌯॒ 𑌤𑌵॒ 𑌭𑍋𑌗𑌾॑𑌯॒ 𑌤𑍍𑌵𑌾-𑌮𑍍𑌪𑍍𑌰𑌵𑌿॑𑌶𑍇𑌯॒𑌮𑌿𑌤𑍍𑌯॑𑌬𑍍𑌰𑌵𑍀॒-𑌤𑍍𑌤𑌂-𑌵𑍃𑌁॒𑌤𑍍𑌰𑌃 𑌪𑍍𑌰𑌾𑌵𑌿॑𑌶𑌦𑍁॒𑌦𑌰𑌂॒-𑌵𑍈𑌁 𑌵𑍃॒𑌤𑍍𑌰𑌃, 𑌕𑍍𑌷𑍁-𑌤𑍍𑌖𑌲𑍁॒ 𑌵𑍈 𑌮॑𑌨𑍁॒𑌷𑍍𑌯॑𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑍋॒ 𑌯 [𑌭𑍍𑌰𑌾𑌤𑍃॑𑌵𑍍𑌯𑍋॒ 𑌯𑌃, 𑌏॒𑌵𑌂-𑌵𑍇𑌁𑌦॒ 𑌹𑌨𑍍𑌤𑌿॒] 41

𑌏॒𑌵𑌂-𑌵𑍇𑌁𑌦॒ 𑌹𑌨𑍍𑌤𑌿॒ 𑌕𑍍𑌷𑍁𑌧॒-𑌮𑍍𑌭𑍍𑌰𑌾𑌤𑍃॑𑌵𑍍𑌯॒-𑌨𑍍𑌤𑌦॑𑌸𑍍𑌮𑍈॒ 𑌪𑍍𑌰𑌾𑌯॑𑌚𑍍𑌛॒𑌤𑍍𑌤-𑌤𑍍𑌪𑍍𑌰𑌤𑍍𑌯॑𑌗𑍃𑌹𑍍𑌣𑌾॒𑌤𑍍- 𑌤𑍍𑌰𑌿𑌰𑍍𑌮𑌾॑-𑌽𑌧𑌾॒ 𑌇𑌤𑌿॒ 𑌤-𑌦𑍍𑌵𑌿𑌷𑍍𑌣॒𑌵𑍇-𑌽𑌤𑌿॒ 𑌪𑍍𑌰𑌾𑌯॑𑌚𑍍𑌛॒-𑌤𑍍𑌤-𑌦𑍍𑌵𑌿𑌷𑍍𑌣𑍁𑌃॒ 𑌪𑍍𑌰𑌤𑍍𑌯॑𑌗𑍃𑌹𑍍𑌣𑌾𑌦॒𑌸𑍍𑌮𑌾𑌸𑍍𑌵𑌿𑌨𑍍𑌦𑍍𑌰॑ 𑌇𑌨𑍍𑌦𑍍𑌰𑌿॒𑌯-𑌨𑍍𑌦॑𑌧𑌾॒𑌤𑍍𑌵𑌿𑌤𑌿॒ 𑌯𑌤𑍍𑌤𑍍𑌰𑌿𑌃 𑌪𑍍𑌰𑌾𑌯॑𑌚𑍍𑌛॒-𑌤𑍍𑌤𑍍𑌰𑌿𑌃 𑌪𑍍𑌰॒𑌤𑍍𑌯𑌗𑍃॑𑌹𑍍𑌣𑌾॒-𑌤𑍍𑌤-𑌤𑍍𑌤𑍍𑌰𑌿॒𑌧𑌾𑌤𑍋᳚𑌸𑍍𑌤𑍍𑌰𑌿𑌧𑌾𑌤𑍁॒𑌤𑍍𑌵𑌂-𑌯𑌁-𑌦𑍍𑌵𑌿𑌷𑍍𑌣𑍁॑𑌰॒𑌨𑍍𑌵𑌤𑌿॑𑌷𑍍𑌠𑌤॒ 𑌵𑌿𑌷𑍍𑌣॒𑌵𑍇-𑌽𑌤𑌿॒ 𑌪𑍍𑌰𑌾𑌯॑𑌚𑍍𑌛॒-𑌤𑍍𑌤𑌸𑍍𑌮𑌾॑𑌦𑍈𑌨𑍍𑌦𑍍𑌰𑌾𑌵𑍈𑌷𑍍𑌣॒𑌵𑌗𑍍𑌂 𑌹॒𑌵𑌿𑌰𑍍𑌭॑𑌵𑌤𑌿॒ 𑌯𑌦𑍍𑌵𑌾 𑌇॒𑌦-𑌙𑍍𑌕𑌿𑌞𑍍𑌚॒ 𑌤𑌦॑𑌸𑍍𑌮𑍈॒ 𑌤-𑌤𑍍𑌪𑍍𑌰𑌾𑌯॑𑌚𑍍𑌛॒-𑌦𑍃𑌚॒-𑌸𑍍𑌸𑌾𑌮𑌾॑𑌨𑌿॒ 𑌯𑌜𑍂𑌗𑍍𑌂॑𑌷𑌿 𑌸॒𑌹𑌸𑍍𑌰𑌂॒-𑌵𑌾𑌁 𑌅॑𑌸𑍍𑌮𑍈॒ 𑌤-𑌤𑍍𑌪𑍍𑌰𑌾𑌯॑𑌚𑍍𑌛॒-𑌤𑍍𑌤𑌸𑍍𑌮𑌾᳚-𑌥𑍍𑌸॒𑌹𑌸𑍍𑌰॑𑌦𑌕𑍍𑌷𑌿𑌣𑌮𑍍 ॥ 42 ॥

(𑌪𑍍𑌰॒𑌵॒𑌣𑌂 - 𑌁𑌵𑌿𑌷𑍍𑌣𑍁॒- 𑌰𑍍𑌵𑌾 𑌇॒𑌦- 𑌮𑌿॒𑌦 - 𑌮॒𑌹𑌂 - 𑌁𑌯𑍋 - 𑌭॑𑌵॒ - 𑌤𑍍𑌯𑍇𑌕॑ 𑌵𑌿𑌗𑍍𑌂𑌶𑌤𑌿𑌶𑍍𑌚) (𑌅. 12)

𑌦𑍇॒𑌵𑌾 𑌵𑍈 𑌰𑌾॑𑌜॒𑌨𑍍𑌯𑌾᳚-𑌜𑍍𑌜𑌾𑌯॑𑌮𑌾𑌨𑌾-𑌦𑌬𑌿𑌭𑌯𑍁॒-𑌸𑍍𑌤𑌮॒𑌨𑍍𑌤𑌰𑍇॒𑌵 𑌸𑌨𑍍𑌤॒-𑌨𑍍𑌦𑌾𑌮𑍍𑌨𑌾 𑌽𑌪𑍗᳚𑌮𑍍𑌭॒𑌨𑍍-𑌥𑍍𑌸 𑌵𑌾 𑌏॒𑌷𑍋-𑌽𑌪𑍋᳚𑌬𑍍𑌧𑍋 𑌜𑌾𑌯𑌤𑍇॒ 𑌯-𑌦𑍍𑌰𑌾॑𑌜॒𑌨𑍍𑌯𑍋॑ 𑌯𑌦𑍍𑌵𑌾 𑌏॒𑌷𑍋-𑌽𑌨॑𑌪𑍋𑌬𑍍𑌧𑍋॒ 𑌜𑌾𑌯𑍇॑𑌤 𑌵𑍃॒𑌤𑍍𑌰𑌾-𑌨𑍍𑌘𑍍𑌨𑌗𑍍𑌗𑍍 𑌶𑍍𑌚॑𑌰𑍇॒𑌦𑍍𑌯-𑌙𑍍𑌕𑌾॒𑌮𑌯𑍇॑𑌤 𑌰𑌾𑌜॒𑌨𑍍𑌯॑𑌮𑌨॑𑌪𑍋𑌬𑍍𑌧𑍋 𑌜𑌾𑌯𑍇𑌤 𑌵𑍃॒𑌤𑍍𑌰𑌾-𑌨𑍍𑌘𑍍𑌨𑌗𑍍𑌗𑍍 𑌶𑍍𑌚॑𑌰𑍇॒𑌦𑌿𑌤𑌿॒ 𑌤𑌸𑍍𑌮𑌾॑ 𑌏॒𑌤𑌮𑍈᳚𑌨𑍍𑌦𑍍𑌰𑌾 𑌬𑌾𑌰𑍍𑌹𑌸𑍍𑌪॒𑌤𑍍𑌯-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇𑌦𑍈॒𑌨𑍍𑌦𑍍𑌰𑍋 𑌵𑍈 𑌰𑌾॑𑌜॒𑌨𑍍𑌯𑍋᳚ 𑌬𑍍𑌰𑌹𑍍𑌮॒ 𑌬𑍃𑌹॒𑌸𑍍𑌪𑌤𑌿॒ 𑌰𑍍𑌬𑍍𑌰𑌹𑍍𑌮॑𑌣𑍈॒𑌵𑍈𑌨॒-𑌨𑍍𑌦𑌾𑌮𑍍𑌨𑍋॒-𑌽𑌪𑍋𑌮𑍍𑌭॑𑌨𑌾-𑌨𑍍𑌮𑍁𑌞𑍍𑌚𑌤𑌿 𑌹𑌿𑌰॒𑌣𑍍𑌮𑌯॒-𑌨𑍍𑌦𑌾𑌮॒ 𑌦𑌕𑍍𑌷𑌿॑𑌣𑌾 𑌸𑌾॒𑌕𑍍𑌷𑌾𑌦𑍇॒𑌵𑍈𑌨॒-𑌨𑍍𑌦𑌾𑌮𑍍𑌨𑍋॒-𑌽𑌪𑍋𑌮𑍍𑌭॑𑌨𑌾-𑌨𑍍𑌮𑍁𑌞𑍍𑌚𑌤𑌿 ॥ 43 ॥

(𑌏॒𑌨𑌂॒ - 𑌦𑍍𑌵𑌾𑌦॑𑌶 𑌚) (𑌅. 13)

𑌨𑌵𑍋॑𑌨𑌵𑍋 𑌭𑌵𑌤𑌿॒ 𑌜𑌾𑌯॑𑌮𑌾॒𑌨𑍋-𑌽𑌹𑍍𑌨𑌾᳚-𑌙𑍍𑌕𑍇॒𑌤𑍁𑌰𑍁॒𑌷𑌸𑌾॑ 𑌮𑍇॒𑌤𑍍𑌯𑌗𑍍𑌰𑍇᳚ । 𑌭𑌾॒𑌗-𑌨𑍍𑌦𑍇॒𑌵𑍇𑌭𑍍𑌯𑍋॒ 𑌵𑌿𑌦॑𑌧𑌾𑌤𑍍𑌯𑌾॒𑌯-𑌨𑍍𑌪𑍍𑌰𑌚॒𑌨𑍍𑌦𑍍𑌰𑌮𑌾᳚𑌸𑍍𑌤𑌿𑌰𑌤𑌿 𑌦𑍀॒𑌰𑍍𑌘𑌮𑌾𑌯𑍁𑌃॑ ॥ 𑌯𑌮𑌾॑𑌦𑌿॒𑌤𑍍𑌯𑌾 𑌅॒𑌗𑍍𑌂॒𑌶𑍁𑌮𑌾᳚𑌪𑍍𑌯𑌾॒𑌯𑌯॑𑌨𑍍𑌤𑌿॒ 𑌯𑌮𑌕𑍍𑌷𑌿॑𑌤॒-𑌮𑌕𑍍𑌷𑌿॑𑌤𑌯𑌃॒ 𑌪𑌿𑌬॑𑌨𑍍𑌤𑌿 । 𑌤𑍇𑌨॑ 𑌨𑍋॒ 𑌰𑌾𑌜𑌾॒ 𑌵𑌰𑍁॑𑌣𑍋॒ 𑌬𑍃𑌹॒𑌸𑍍𑌪𑌤𑌿॒𑌰𑌾 𑌪𑍍𑌯𑌾॑𑌯𑌯𑌨𑍍𑌤𑍁॒ 𑌭𑍁𑌵॑𑌨𑌸𑍍𑌯 𑌗𑍋॒𑌪𑌾𑌃 ॥𑌪𑍍𑌰𑌾𑌚𑍍𑌯𑌾᳚-𑌨𑍍𑌦𑌿॒𑌶𑌿 𑌤𑍍𑌵𑌮𑌿॑𑌨𑍍𑌦𑍍𑌰𑌾𑌸𑌿॒ 𑌰𑌾𑌜𑍋॒𑌤𑍋𑌦𑍀᳚𑌚𑍍𑌯𑌾𑌂-𑌵𑍃𑌁𑌤𑍍𑌰𑌹𑌨𑍍 𑌵𑍃𑌤𑍍𑌰॒𑌹𑌾-𑌽𑌸𑌿॑ । 𑌯𑌤𑍍𑌰॒ 𑌯𑌨𑍍𑌤𑌿॑ 𑌸𑍍𑌰𑍋॒𑌤𑍍𑌯𑌾𑌸𑍍𑌤- [𑌯𑌨𑍍𑌤𑌿॑ 𑌸𑍍𑌰𑍋॒𑌤𑍍𑌯𑌾𑌸𑍍𑌤𑌤𑍍, 𑌜𑌿॒𑌤-𑌨𑍍𑌤𑍇॑] 44

-𑌜𑍍𑌜𑌿॒𑌤-𑌨𑍍𑌤𑍇॑ 𑌦𑌕𑍍𑌷𑌿𑌣॒𑌤𑍋 𑌵𑍃॑𑌷॒𑌭 𑌏॑𑌧𑌿॒ 𑌹𑌵𑍍𑌯𑌃॑ ॥ 𑌇𑌨𑍍𑌦𑍍𑌰𑍋॑ 𑌜𑌯𑌾𑌤𑌿॒ 𑌨 𑌪𑌰𑌾॑ 𑌜𑌯𑌾𑌤𑌾 𑌅𑌧𑌿𑌰𑌾॒𑌜𑍋 𑌰𑌾𑌜॑𑌸𑍁 𑌰𑌾𑌜𑌯𑌾𑌤𑌿 । 𑌵𑌿𑌶𑍍𑌵𑌾॒ 𑌹𑌿 𑌭𑍂॒𑌯𑌾𑌃 𑌪𑍃𑌤॑𑌨𑌾 𑌅𑌭𑌿॒𑌷𑍍𑌟𑍀𑌰𑍁॑𑌪॒𑌸𑌦𑍍𑌯𑍋॑ 𑌨𑌮॒𑌸𑍍𑌯𑍋॑ 𑌯𑌥𑌾-𑌽𑌸॑𑌤𑍍 ॥ 𑌅॒𑌸𑍍𑌯𑍇𑌦𑍇॒𑌵 𑌪𑍍𑌰𑌰𑌿॑𑌰𑌿𑌚𑍇 𑌮𑌹𑌿॒𑌤𑍍𑌵-𑌨𑍍𑌦𑌿॒𑌵𑌃 𑌪𑍃॑𑌥𑌿॒𑌵𑍍𑌯𑌾𑌃 𑌪𑌰𑍍𑌯॒𑌨𑍍𑌤𑌰𑌿॑𑌕𑍍𑌷𑌾𑌤𑍍 । 𑌸𑍍𑌵॒𑌰𑌾𑌡𑌿𑌨𑍍𑌦𑍍𑌰𑍋॒ 𑌦𑌮॒ 𑌆 𑌵𑌿॒𑌶𑍍𑌵𑌗𑍂᳚𑌰𑍍𑌤-𑌸𑍍𑌸𑍍𑌵॒𑌰𑌿𑌰𑌮॑𑌤𑍍𑌰𑍋 𑌵𑌵𑌕𑍍𑌷𑍇॒ 𑌰𑌣𑌾॑𑌯 ॥ 𑌅॒𑌭𑌿 𑌤𑍍𑌵𑌾॑ 𑌶𑍂𑌰 𑌨𑍋𑌨𑍁॒𑌮𑍋-𑌽𑌦𑍁॑𑌗𑍍𑌧𑌾 𑌇𑌵 𑌧𑍇॒𑌨𑌵𑌃॑ । 𑌈𑌶𑌾॑𑌨- [𑌈𑌶𑌾॑𑌨𑌮𑍍, 𑌅॒𑌸𑍍𑌯] 45

-𑌮॒𑌸𑍍𑌯 𑌜𑌗॑𑌤-𑌸𑍍𑌸𑍁𑌵॒𑌰𑍍𑌦𑍃𑌶॒𑌮𑍀𑌶𑌾॑𑌨𑌮𑌿𑌨𑍍𑌦𑍍𑌰 𑌤॒𑌸𑍍𑌥𑍁𑌷𑌃॑ ॥ 𑌤𑍍𑌵𑌾𑌮𑌿𑌦𑍍𑌧𑌿 𑌹𑌵𑌾॑𑌮𑌹𑍇 𑌸𑌾॒𑌤𑌾 𑌵𑌾𑌜॑𑌸𑍍𑌯 𑌕𑌾॒𑌰𑌵𑌃॑ । 𑌤𑍍𑌵𑌾𑌂-𑌵𑍃𑌁॒𑌤𑍍𑌰𑍇𑌷𑍍𑌵𑌿॑𑌨𑍍𑌦𑍍𑌰॒ 𑌸𑌤𑍍𑌪॑𑌤𑌿॒-𑌨𑍍𑌨𑌰॒𑌸𑍍𑌤𑍍𑌵𑌾-𑌙𑍍𑌕𑌾𑌷𑍍𑌠𑌾॒𑌸𑍍𑌵𑌰𑍍𑌵॑𑌤𑌃 ॥ 𑌯𑌦𑍍𑌦𑍍𑌯𑌾𑌵॑𑌇𑌨𑍍𑌦𑍍𑌰𑌤𑍇𑌶॒𑌤𑌗𑍍𑌂 𑌶॒𑌤-𑌮𑍍𑌭𑍂𑌮𑍀॑𑌰𑍁॒𑌤 𑌸𑍍𑌯𑍁𑌃 । 𑌨 𑌤𑍍𑌵𑌾॑ 𑌵𑌜𑍍𑌰𑌿𑌨𑍍-𑌥𑍍𑌸॒𑌹𑌸𑍍𑌰॒𑌗𑍍𑌂॒ 𑌸𑍂𑌰𑍍𑌯𑌾॒ 𑌅𑌨𑍁॒ 𑌨 𑌜𑌾॒𑌤𑌮॑𑌷𑍍𑌟॒ 𑌰𑍋𑌦॑𑌸𑍀 ॥ 𑌪𑌿𑌬𑌾॒ 𑌸𑍋𑌮॑𑌮𑌿𑌨𑍍𑌦𑍍𑌰॒ 𑌮𑌨𑍍𑌦॑𑌤𑍁 𑌤𑍍𑌵𑌾॒ 𑌯𑌨𑍍𑌤𑍇॑ 𑌸𑍁॒𑌷𑌾𑌵॑ 𑌹𑌰𑍍𑌯॒𑌶𑍍𑌵𑌾𑌦𑍍𑌰𑌿𑌃॑ । 46

𑌸𑍋॒𑌤𑍁𑌰𑍍𑌬𑌾॒𑌹𑍁𑌭𑍍𑌯𑌾॒𑌗𑍍𑌂॒ 𑌸𑍁𑌯॑𑌤𑍋॒ 𑌨𑌾𑌰𑍍𑌵𑌾᳚ ॥ 𑌰𑍇॒𑌵𑌤𑍀᳚𑌰𑍍𑌨-𑌸𑍍𑌸𑌧॒𑌮𑌾𑌦॒ 𑌇𑌨𑍍𑌦𑍍𑌰𑍇॑ 𑌸𑌨𑍍𑌤𑍁 𑌤𑍁॒𑌵𑌿𑌵𑌾॑𑌜𑌾𑌃 । 𑌕𑍍𑌷𑍁॒𑌮𑌨𑍍𑌤𑍋॒ 𑌯𑌾𑌭𑌿॒𑌰𑍍𑌮𑌦𑍇॑𑌮 ॥ 𑌉𑌦॑𑌗𑍍𑌨𑍇॒ 𑌶𑍁𑌚॑𑌯॒𑌸𑍍𑌤𑌵॒ , 𑌵𑌿 𑌜𑍍𑌯𑍋𑌤𑌿॒𑌷𑍋,𑌦𑍁॒ 𑌤𑍍𑌯-𑌞𑍍𑌜𑌾॒𑌤𑌵𑍇॑𑌦𑌸𑌗𑍍𑌂𑌸॒𑌪𑍍𑌤 𑌤𑍍𑌵𑌾॑ 𑌹॒𑌰𑌿𑌤𑍋॒ 𑌰𑌥𑍇॒ 𑌵𑌹॑𑌨𑍍𑌤𑌿 𑌦𑍇𑌵 𑌸𑍂𑌰𑍍𑌯 । 𑌶𑍋॒𑌚𑌿𑌷𑍍𑌕𑍇॑𑌶𑌂-𑌵𑌿𑌁𑌚𑌕𑍍𑌷𑌣 ॥ 𑌚𑌿॒𑌤𑍍𑌰-𑌨𑍍𑌦𑍇॒𑌵𑌾𑌨𑌾॒𑌮𑍁𑌦॑𑌗𑌾॒𑌦𑌨𑍀॑𑌕॒-𑌞𑍍𑌚𑌕𑍍𑌷𑍁॑𑌰𑍍𑌮𑌿॒𑌤𑍍𑌰𑌸𑍍𑌯॒ 𑌵𑌰𑍁॑𑌣𑌸𑍍𑌯𑌾॒-𑌽𑌗𑍍𑌨𑍇𑌃 । 𑌆-𑌽𑌪𑍍𑌰𑌾॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌅॒𑌨𑍍𑌤𑌰𑌿॑𑌕𑍍𑌷॒𑌗𑍍𑌂॒ 𑌸𑍂𑌰𑍍𑌯॑ 𑌆॒𑌤𑍍𑌮𑌾 𑌜𑌗॑𑌤𑌸𑍍𑌤॒𑌸𑍍𑌥𑍁𑌷॑- [𑌜𑌗॑𑌤𑌸𑍍𑌤॒𑌸𑍍𑌥𑍁𑌷𑌃॑, 𑌚 ।] 47

-𑌶𑍍𑌚 ॥ 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌋॑𑌤𑌾॒𑌵𑍃𑌧॑ 𑌋॒𑌤𑍁𑌭𑌿॑𑌰𑍍-𑌹𑌵𑌨॒𑌶𑍍𑌰𑍁𑌤𑌃॑ । 𑌜𑍁॒𑌷𑌨𑍍𑌤𑌾𑌂॒-𑌯𑍁𑌁𑌜𑍍𑌯॒-𑌮𑍍𑌪𑌯𑌃॑ ॥ 𑌵𑌿𑌶𑍍𑌵𑍇॑ 𑌦𑍇𑌵𑌾-𑌶𑍍𑌶𑍃𑌣𑍁॒𑌤𑍇𑌮𑌗𑍍𑌂 𑌹𑌵॑-𑌮𑍍𑌮𑍇॒ 𑌯𑍇 𑌅॒𑌨𑍍𑌤𑌰𑌿॑𑌕𑍍𑌷𑍇॒ 𑌯 𑌉𑌪॒ 𑌦𑍍𑌯𑌵𑌿॒𑌷𑍍𑌠 । 𑌯𑍇 𑌅॑𑌗𑍍𑌨𑌿𑌜𑌿॒𑌹𑍍𑌵𑌾 𑌉॒𑌤 𑌵𑌾॒ 𑌯𑌜॑𑌤𑍍𑌰𑌾 𑌆॒𑌸𑌦𑍍𑌯𑌾॒𑌸𑍍𑌮𑌿-𑌨𑍍𑌬॒𑌰𑍍॒𑌹𑌿𑌷𑌿॑ 𑌮𑌾𑌦𑌯𑌦𑍍𑌧𑍍𑌵𑌮𑍍 ॥ 48 ॥

(𑌤 - 𑌦𑍀𑌶𑌾॑𑌨॒ - 𑌮𑌦𑍍𑌰𑌿॑ - 𑌸𑍍𑌤॒𑌸𑍍𑌥𑍁𑌷॑ - 𑌸𑍍𑌤𑍍𑌰𑌿॒𑌗𑍍𑌂॒𑌶𑌚𑍍𑌚॑) (𑌅. 14)

(𑌦𑍇॒𑌵𑌾 𑌮॑𑌨𑍁॒𑌷𑍍𑌯𑌾॑ - 𑌦𑍇𑌵𑌸𑍁॒𑌰𑌾 𑌅॑𑌬𑍍𑌰𑍁𑌵𑌨𑍍 - 𑌦𑍇𑌵𑌾𑌸𑍁॒𑌰𑌾𑌸𑍍𑌤𑍇𑌷𑌾᳚-𑌙𑍍𑌗𑌾𑌯॒𑌤𑍍𑌰𑍀 - 𑌪𑍍𑌰॒𑌜𑌾𑌪॑𑌤𑌿॒𑌸𑍍𑌤𑌾 𑌯𑌤𑍍𑌰𑌾-𑌽 - 𑌗𑍍𑌨𑍇॒ 𑌗𑍋𑌭𑌿𑌃॑ - 𑌚𑌿॒𑌤𑍍𑌰𑌯𑌾॑ - 𑌮𑌾𑌰𑍁॒𑌤𑌂 - 𑌦𑍇𑌵𑌾॑ 𑌵𑌸𑌵𑍍𑌯𑌾॒ 𑌅𑌗𑍍𑌨𑍇॑ - 𑌮𑌾𑌰𑍁॒𑌤𑌮𑌿𑌤𑌿॒ - 𑌦𑍇𑌵𑌾॑ 𑌵𑌸𑌵𑍍𑌯𑌾॒ 𑌦𑍇𑌵𑌾᳚-𑌶𑍍𑌶𑌰𑍍𑌮𑌣𑍍𑌯𑌾𑌃॒ - 𑌸𑌰𑍍𑌵𑌾॑𑌣𑌿॒ - 𑌤𑍍𑌵𑌷𑍍𑌟𑌾॑ 𑌹॒𑌤𑌪𑍁॑𑌤𑍍𑌰𑍋 - 𑌦𑍇॒𑌵𑌾 𑌵𑍈 𑌰𑌾॑𑌜॒𑌨𑍍𑌯𑌾᳚𑌨𑍍 - 𑌨𑌵𑍋॑𑌨𑌵॒ - 𑌶𑍍𑌚𑌤𑍁॑𑌰𑍍𑌦𑌶 )

(𑌦𑍇॒𑌵𑌾 𑌮॑𑌨𑍁॒𑌷𑍍𑌯𑌾𑌃᳚ - 𑌪𑍍𑌰॒𑌜𑌾-𑌮𑍍𑌪॒𑌶𑍁𑌨𑍍 - 𑌦𑍇𑌵𑌾॑ 𑌵𑌸𑌵𑍍𑌯𑌾𑌃 - 𑌪𑌰𑌿𑌦॒𑌧𑍍𑌯𑌦𑌿॒𑌦- 𑌮𑌸𑍍𑌮𑍍𑌯॒ - 𑌷𑍍𑌟𑌾 𑌚॑𑌤𑍍𑌵𑌾𑌰𑌿𑌗𑍍𑌂𑌶𑌤𑍍 )

(𑌦𑍇॒𑌵𑌾 𑌮॑𑌨𑍁॒𑌷𑍍𑌯𑌾॑, 𑌮𑌾𑌦𑌯𑌧𑍍𑌵𑌂)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌨𑍍𑌦𑍍𑌵𑌿𑌤𑍀𑌯𑌕𑌾𑌣𑍍𑌡𑍇 𑌚𑌤𑍁𑌰𑍍𑌥𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥

Roman (IAST) Transliteration

kṛṣṇa yajurvedīya taittirīya saṃhitāyā-ndvitīyakāṇḍe caturthaḥ praśnaḥ - iṣṭividhānaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

de॒vā ma̭nu॒ṣyāḥ᳚ pi॒tara॒ste᳚-'nyata̭ āsa॒nnasṷrā॒ rakṣāgṃ̭si piśā॒cāste᳚ 'nyata॒steṣā᳚-nde॒vānā̭mu॒ta yadalpaṃ॒-lo~hi̭ta॒makṷrva॒-nta-drakṣāgṃ̭si॒ rātrī̭bhirasubhna॒-ntān-thsu॒bdhā-nmṛ॒tāna॒bhi vyau᳚ccha॒-tte de॒vā a̭vidu॒ryo vai no॒-'ya-mmri॒yate॒ rakṣāgṃ̭si॒ vā i॒ma-ṅghna॒ntīti॒ te rakṣā॒g॒syupā̭mantrayanta॒ tānya̭bruva॒n. varaṃ̭-vṛ~ṇāmahai॒ ya- [yat, asṷrā॒n jayā̭ma॒] 1

-dasṷrā॒n jayā̭ma॒ tannaḥ̭ sa॒hāsa॒diti॒ tato॒ vai de॒vā asṷrānajaya॒-nte-'sṷrān ji॒tvārakṣā॒g॒syapā̭nudanta॒ tāni॒ rakṣā॒g॒syanṛ̭tama ka॒rteti̭ sama॒nta-nde॒vā-nparya̭viśa॒-nte de॒vā a॒gnāva̭nāthanta॒ te᳚-'gnaye॒ prava̭te puro॒ḍāśa̭ma॒ṣṭāka̭pāla॒-nnira̭vapanna॒gnayḙ vibā॒dhava̭te॒-'gnaye॒ pratī̭kavate॒ yada॒gnaye॒ prava̭te ni॒rava̭pa॒n॒. yānye॒va pu॒rastā॒-drakṣā॒g॒- [pu॒rastā॒-drakṣā॒gṃ̭si, ā॒sa॒ntāni॒ tena॒] 2

-syāsa॒ntāni॒ tena॒ prāṇṷdanta॒ yada॒gnayḙ vibā॒dhava̭te॒ yānye॒vābhito॒ rakṣā॒g॒syāsa॒-ntāni॒ tena॒ vya̭bādhanta॒ yada॒gnaye॒ pratī̭kavate॒ yānye॒va pa॒ścā-drakṣā॒g॒syāsa॒-ntāni॒ tenāpā̭nudanta॒ tato̭ de॒vā abha̭va॒-nparāsṷrā॒ yo bhrātṛ̭vyavā॒n-thsyā-thsa spardha̭māna e॒tayeṣṭyā̭ yajetā॒gnaye॒ prava̭te puro॒ḍāśa̭ma॒ṣṭāka̭pāla॒-nnirva̭peda॒gnayḙ vibā॒dhava̭te॒- [vibā॒dhava̭te॒, a॒gnaye॒ pratī̭kavate॒] 3

-'gnaye॒ pratī̭kavate॒ yada॒gnaye॒ prava̭te ni॒rvapa̭ti॒ ya e॒vāsmā॒cchreyā॒n-bhrātṛ̭vya॒sta-ntena॒ praṇṷdate॒ yada॒gnayḙ vibā॒dhava̭te॒ ya e॒vainḙna sa॒dṛnta-ntena॒ vi bā̭dhate॒ yada॒gnaye॒ pratī̭kavate॒ ya e॒vāsmā॒-tpāpī̭yā॒-nta-ntenāpa̭ nudate॒ pra śreyāgṃ̭sa॒-mbhrātṛ̭vya-nnuda॒teti̭ sa॒dṛśa̭-ṅkrāmati॒ naina॒-mpāpī̭yānāpnoti॒ ya e॒vaṃ ~vi॒dvāne॒tayeṣṭyā॒ yaja̭te || 4 ||

(vṛ॒ṇā॒ma॒hai॒ yat - pu॒rastā॒-drakṣāgṃ̭si- vapeda॒gnayḙ vibā॒dhava̭ta - e॒vaṃ - ca॒tvāri̭ ca) (a. 1)

de॒vā॒su॒rā-ssaṃya~̭ttā āsa॒-nte de॒vā a̭bruva॒n॒. yo no̭ vī॒ryā̭vattama॒stamanṷ sa॒māra̭bhāmahā॒ iti॒ ta indra̭mabruva॒-ntvaṃ-vai~ no̭ vī॒ryā̭vattamo-'si॒ tvāmanṷ sa॒māra̭bhāmahā॒ iti॒ so᳚-'bravī-tti॒sro ma̭ i॒māsta॒nuvo̭ vī॒ryā̭vatī॒stāḥ prī̭ṇī॒tāthā-sṷrāna॒bhi bha̭viṣya॒theti॒ tā vai brū॒hītya̭bruvanni॒yamagṃ̭ ho॒mugi॒yaṃ-vi~̭mṛ॒dheya-mi̭ndri॒yāva॒tī- [-mi̭ndri॒yāva॒tī, itya̭bravī॒tta] 5

-tya̭bravī॒tta indrā̭yāgṃ ho॒mucḙ puro॒ḍāśa॒mekā̭daśakapāla॒-nnira̭vapa॒nnindrā̭ya vaimṛ॒dhāye-ndrā̭yendri॒yāva̭te॒ yadindrā̭yāgṃ ho॒mucḙ ni॒rava̭pa॒nnagṃha̭sa e॒va tenā̭mucyanta॒ yadindrā̭ya vai mṛ॒dhāya॒ mṛdha̭ e॒va tenāpā᳚ghnata॒yadindrā̭yendri॒yāva̭ta indri॒yame॒va tenā॒-''tmanna̭dadhata॒ traya̭strigṃśatkapāla-mpuro॒ḍāśa॒-nnira̭vapa॒-ntraya̭strigṃśa॒dvai de॒vatā॒stā indra̭ ā॒tmannanṷ sa॒māra̭bhaṃya~ta॒ bhūtyai॒ [bhūtyai᳚, tāṃ-vā~va] 6

tāṃ-vā~va de॒vā viji̭ti-mutta॒mā-masṷrai॒-rvya̭jayanta॒yo bhrātṛ̭vyavā॒nth- syā-thsa spardha̭māna e॒tayeṣṭyā̭ yaje॒tendrā̭yāgṃ ho॒mucḙ puro॒ḍāśa॒mekā̭daśakapāla॒-nnirva̭pe॒dindrā̭ya vaimṛ॒dhāyendrā̭yendri॒yāva॒te-'gṃ ha̭sā॒ vā e॒ṣa gṛ̭hī॒to yasmā॒cchreyā॒-nbhrātṛ̭vyo॒yadindrā̭yāgṃ ho॒mucḙ ni॒rvapa॒tyagṃha̭sa e॒va tena̭ mucyatemṛ॒dhā vā e॒ṣo̭-'bhiṣa̭ṇṇo॒ yasmā᳚-thsamā॒neṣva॒nya-śśreyā̭nu॒tā- [śreyā̭nu॒ta, a-'bhrā̭tṛvyo॒] 7

-'bhrā̭tṛvyo॒ yadindrā̭ya vaimṛ॒dhāya॒ mṛdha̭ e॒va tenāpa̭ hate॒yadindrā̭yendri॒yāva̭ta indri॒yame॒va tenā॒tma-ndha̭tte॒ traya̭strigṃśatkapāla-mpuro॒ḍāśa॒-nnirva̭pati॒ traya̭strigṃśa॒dvai de॒vatā॒stā e॒va yaja̭māna ā॒tmannanṷ sa॒māra̭bhaṃya~te॒ bhūtyai॒ sā vā e॒ṣā viji̭ti॒rnāmeṣṭi॒rya e॒vaṃ-vi~॒dvāne॒tayeṣṭyā॒ yaja̭ta utta॒māme॒va viji̭ti॒-mbhrātṛ̭vyeṇa॒ vi ja̭yate || 8 ||

(i॒ndri॒yāva̭tī॒ - bhūtyā̭ - u॒tai - kā॒nna pa̭ñcā॒śacca̭) (a. 2)

de॒vā॒su॒rā-ssaṃya~̭ttā āsa॒-nteṣā᳚-ṅgāya॒tryojo॒ bala̭mindri॒yaṃ-vī~॒rya̭-mpra॒jā-mpa॒śūn-thsa॒gṛṃhyā॒ ''dāyā̭-pa॒kramyā̭tiṣṭha॒-ttḙ-'manyanta yata॒rān. vā i॒yamṷpāva॒rthsyati॒ ta i॒da-mbha̭viṣya॒ntīti॒ tāṃ-vya~̭hvayanta॒ viśva̭karma॒nniti̭ de॒vā dābhītyasṷrā॒-ssā nānya̭ta॒rāgśca॒-nopāva̭rtata॒ te de॒vā e॒ta-dyajṷrapaśya॒nnojo̭-'si॒ saho̭-'si॒ bala̭masi॒ [bala̭masi, bhrājo̭-'si] 9

bhrājo̭-'si de॒vānā॒-ndhāma॒ nāmā̭-'si॒ viśva̭masi vi॒śvāyu॒-ssarva̭masi sa॒rvāyṷrabhi॒bhūriti॒ vāva de॒vā asṷrāṇā॒mojo॒ bala̭mindri॒yaṃ-vī~॒rya̭-mpra॒jā-mpa॒śūna̭vṛñjata॒ ya-dgā̭ya॒trya̭pa॒kramyāti̭ṣṭha॒-ttasmā̭de॒tā-ṅgā̭ya॒trītīṣṭi̭māhu-ssaṃva~thsa॒ro vai gā̭ya॒trī saṃ̭va~thsa॒ro vai tada̭pa॒kramyā̭tiṣṭha॒-dyade॒tayā̭ de॒vā asṷrāṇā॒mojo॒ bala̭mindri॒yaṃ-vī~॒rya̭- [bala̭mindri॒yaṃ-vī~॒rya᳚m, pra॒jā-mpa॒śū-] 10

-mpra॒jā-mpa॒śū-navṛ̭ñjata॒ tasmā̭de॒tāgṃ saṃ̭va~॒rga itīṣṭi̭māhu॒ryo bhrātṛ̭vyavā॒nthsyā-thsaspardha̭māna e॒tayeṣṭyā̭ yajetā॒gnayḙ saṃva~॒rgāya̭ puro॒ḍāśa̭ma॒ṣṭāka̭pāla॒-nnirva̭pe॒ttagṃśṛ॒tamāsa̭nname॒tena॒ yajṷṣā॒-'bhi mṛ̭śe॒doja̭ e॒va bala̭mindri॒yaṃ-vī~॒rya̭-mpra॒jā-mpa॒śū-nbhrātṛ̭vyasya vṛṅkte॒ bhava̭tyā॒tmanā॒ parā᳚sya॒ bhrātṛ̭vyo bhavati || 11

(bala̭masye॒ - tayā̭ de॒vā asṷrāṇā॒mojo॒ bala̭mindri॒yaṃ-vī~॒ryaṃ̭ - pañca̭catvārigṃśacca) (a. 3)

pra॒jāpa̭tiḥ pra॒jā a̭sṛjata॒ tā a̭smā-thsṛ॒ṣṭāḥ parā̭cīrāya॒-ntā yatrāva̭sa॒-ntato̭ ga॒rmududa̭tiṣṭha॒-ttā bṛha॒spati̭ścā॒nvavai̭tā॒gṃ॒ so᳚-'bravī॒-dbṛha॒spati̭ra॒nayā᳚ tvā॒ prati̭ṣṭhā॒nyatha̭ tvā pra॒jā u॒pāva̭rthsya॒ntīti॒ ta-mprāti̭ṣṭha॒-ttato॒ vai pra॒jāpa̭ti-mpra॒jā u॒pāva̭rtanta॒ yaḥ pra॒jākā̭ma॒-ssyā-ttasmā̭ e॒ta-mprā̭jāpa॒tya-ṅgā᳚rmu॒ta-ñca॒ru-nnirva̭pe-tpra॒jāpa̭ti- [-nirva̭pe-tpra॒jāpa̭tim, e॒va svena̭] 12

-me॒va svena̭ bhāga॒dheye॒nopa̭ dhāvati॒ sa e॒vāsmai᳚ pra॒jā-mpraja̭nayatipra॒jāpa̭tiḥ pa॒śūna̭sṛjata॒ te᳚-'smā-thsṛ॒ṣṭāḥ parā᳚ñca āya॒-nte yatrāva̭sa॒-ntato̭ ga॒rmududa̭tiṣṭha॒-ttā-npū॒ṣā cā॒nvavai̭tā॒gṃ॒ so᳚-'bravī-tpū॒ṣā-'nayā̭ mā॒ prati॒ṣṭhātha̭ tvā pa॒śava̭ u॒pāva̭rthsya॒ntīti॒ mā-mprati॒ṣṭheti॒ somo᳚-'bravī॒-nmama॒ vā [-mama॒ vai, a॒kṛ॒ṣṭa॒pa॒cyamityu॒bhau] 13

a̭kṛṣṭapa॒cyamityu॒bhau vā॒-mprati̭ṣṭhā॒nītya̭bravī॒-ttau prāti̭ṣṭha॒-ttato॒ vai pra॒jāpa̭ti-mpa॒śava̭ u॒pāva̭rtanta॒ yaḥ pa॒śukā̭ma॒-ssyā-ttasmā̭ e॒tagṃ so̭māpau॒ṣṇa-ṅgā᳚rmu॒ta-ñca॒ru-nnirva̭pe-thsomāpū॒ṣaṇā̭ve॒va svena̭ bhāga॒dheye॒nopa̭ dhāvati॒ tāve॒vāsmai̭ pa॒śū-npraja̭nayata॒-ssomo॒ vai rḙto॒dhāḥ pū॒ṣā pa̭śū॒nā-mpra̭janayi॒tā soma̭ e॒vāsmai॒ reto॒ dadhā̭ti pū॒ṣā pa॒śū-npraja̭nayati || 14 ||

(va॒pe॒-tpra॒jāpa̭tiṃ॒ - ~vai - dadhā̭ti pū॒ṣā - trīṇi̭ ca) (a. 4)

agne॒ gobhi̭rna॒ ā ga॒hīndo̭ pu॒ṣṭyā jṷṣasva naḥ | indro̭ dha॒rtā gṛ॒heṣṷ naḥ || sa॒vi॒tā ya-ssa̭ha॒sriya॒-ssa no̭ gṛ॒heṣṷ rāraṇat | ā pū॒ṣā e॒tvā vasṷ || dhā॒tā da̭dātu no ra॒yimīśā̭no॒ jaga̭ta॒spatiḥ̭ | sa naḥ̭ pū॒rṇena̭ vāvanat || tvaṣṭā॒ yo vṛ̭ṣa॒bho vṛṣā॒ sa no̭ gṛ॒heṣṷ rāraṇat | sa॒hasrḙṇā॒yutḙna ca || yena̭ de॒vā a॒mṛta̭- [a॒mṛta᳚m, dī॒rghagg śravo̭ di॒vyaira̭yanta |] 15

-ndī॒rghagg śravo̭ di॒vyaira̭yanta | rāya̭spoṣa॒ tvama॒smabhya॒-ṅgavā᳚ṅku॒lmi-ñjī॒vasa॒ ā yṷvasva || a॒gni rgṛ॒hapa̭ti॒-ssomo̭ viśva॒vaniḥ̭ savi॒tā sṷme॒dhā-ssvāhā᳚ || agnḙ gṛhapate॒ yaste॒ ghṛtyo̭ bhā॒gastena॒ saha॒ oja̭ ā॒krama̭māṇāya dhehi॒ śraiṣṭhyā᳚tpa॒tho mā yo̭ṣa-mmū॒rdhā bhṷ̄yāsa॒gg॒ svāhā᳚ || 16 ||

(a॒mṛta̭ - ma॒ṣṭātrigṃ̭śacca) (a. 5)

ci॒trayā̭ yajeta pa॒śukā̭ma i॒yaṃ-vai~ ci॒trā yadvā a॒syāṃ-vi~śva̭-mbhū॒tamadhi̭ pra॒jāya̭te॒ te ne॒yañci॒trā ya e॒vaṃ-vi~॒dvāg ści॒trayā̭ pa॒śukā̭mo॒ yaja̭te॒ pra pra॒jayā̭ pa॒śubhi̭ rmithu॒nai rjā̭yate॒ praivāgne॒yena̭ vāpayati॒ retaḥ̭ sau॒myena̭ dadhāti॒ reta̭ e॒va hi॒ta-ntvaṣṭā̭ rū॒pāṇi॒ vi ka̭rotisārasva॒tau bha̭vata e॒tadvai daivya̭-mmithu॒na-ndaivya̭me॒vāsmai̭ [-daivya̭me॒vāsmai᳚, mi॒thu॒na-mma̭ddhya॒to] 17

mithu॒na-mma̭ddhya॒to da̭dhāti॒ puṣṭyai᳚ pra॒jana̭nāya sinīvā॒lyai ca॒rurbha̭vati॒ vāgvai si̭nīvā॒lī puṣṭiḥ॒ khalu॒ vai vākpuṣṭi̭me॒va vāca॒mupai᳚tyai॒ndra ṷtta॒mo bha̭vati॒ tenai॒va tanmi̭thu॒nagṃ sa॒ptaitāni̭ ha॒vīgṃṣi̭ bhavanti sa॒pta grā॒myāḥ pa॒śavaḥ̭ sa॒ptāra॒ṇyā-ssa॒pta chandāg̭syu॒-bhaya॒syā-va̭ruddhyā॒ athai॒tā āhṷtī rjuhotye॒te vai de॒vāḥ puṣṭi̭pataya॒sta e॒vā smi॒-npuṣṭi̭-ndadhati॒ puṣya̭ti pra॒jayā̭ pa॒śubhi॒ratho॒ yade॒tā āhṷtī rju॒hoti॒ prati̭ṣṭhityai || 18 ||

(a॒smai॒ - ta e॒va - dvāda̭śa ca) (a. 6)

mā॒ru॒tama̭si ma॒rutā॒mojo॒-'pā-ndhārā᳚-mbhindhi ra॒maya̭ta maruta-śśye॒namā॒yina॒-mmano̭java saṃ॒-vṛ~ṣa̭ṇagṃ suvṛ॒ktim || yena॒ śardha̭ u॒gramava̭-sṛṣṭa॒meti॒ tada̭śvinā॒ pari̭ dhattagg sva॒sti | pu॒ro॒vā॒to varṣa̭ñji॒nvarā॒vṛ-thsvāhā̭ vā॒tāvad- varṣa̭nnu॒grarā॒vṛ-thsvāhā᳚ sta॒naya॒n varṣa̭-nbhī॒marā॒vathsvāhā̭ 'naśa॒nya̭va॒sphūrja̭n-di॒dyu-dvarṣa̭n-tve॒ṣarā॒vṛ-thsvāhā̭ 'tirā॒traṃ॒-va~rṣa̭-npū॒rtirā॒vṛ- [-pū॒rtirā॒vṛt, svāhā̭ ba॒hu] 19

-thsvāhā̭ ba॒hu hā॒yama̭vṛṣā॒diti̭ śru॒tarā॒vṛ-thsvāhā॒ ''tapa̭ti॒ varṣa̭n-vi॒rāḍā॒vṛ-thsvāhā̭ 'va॒sphūrja̭n-di॒dyu-dvarṣa̭-nbhū॒tarā॒vṛ-thsvāhā॒māndā॒ vāśā॒-śśundhyū॒raji̭rāḥ | jyoti̭ṣmatī॒-stama̭svarī॒-runda̭tī॒-ssuphḙnāḥ | mitra̭bhṛtaḥ॒, kṣatra̭bhṛta॒-ssurā᳚ṣṭrā i॒ha mā̭-'vata ||vṛṣṇo॒ aśva̭sya sa॒ndāna̭masi॒ vṛṣṭyai॒ tvopa̭ nahyāmi || 20 ||

(pū॒rtirā॒vṛ-d- dvica̭tvārigṃśacca) (a. 7)

devā̭ vasavyā॒ agnḙ soma sūrya || devā᳚-śśarmaṇyā॒ mitrā̭varuṇā-'ryamann || devā᳚-ssapīta॒yo 'pā᳚-nnapādāśuhemann | u॒dno da̭ttoda॒dhi-mbhi̭ntta di॒vaḥ pa॒rjanyā̭da॒ntari̭kṣāt-pṛthi॒vyāstato̭ no॒ vṛṣṭyā̭-'vata || divā̭ ci॒ttamaḥ̭ kṛṇvanti pa॒rjanyḙno-davā॒hena̭ | pṛ॒thi॒vīṃ-ya~-dvyu॒ndanti̭ || āya-nnaraḥ̭ su॒dāna̭vo dadā॒śuṣḙ di॒vaḥ kośa॒macṷcyavuḥ | vi pa॒rjanyā᳚-ssṛjanti॒ roda̭sī॒ anu॒ dhanva̭nā yanti [ ] 21

vṛ॒ṣṭayaḥ̭ || udī̭rayathā maruta-ssamudra॒to yū॒yaṃ-vṛ~॒ṣṭiṃ-va~̭rṣayathā purīṣiṇaḥ | na vo̭ dasrā॒ upa̭ dasyanti dhe॒nava॒-śśubhaṃ̭-yā~॒tāmanu॒ rathā̭ avṛthsata || sṛ॒jā vṛ॒ṣṭi-ndi॒va ā-'dbhi-ssa̭mu॒dra-mpṛ̭ṇa || a॒bjā a̭si prathama॒jā bala̭masi samu॒driya᳚m || unna̭mbhaya pṛthi॒vī-mbhi॒ndhīda-ndi॒vya-nnabhaḥ̭ | u॒dno di॒vyasya̭ no de॒hīśā̭no॒ visṛ̭jā॒ dṛti᳚m || ye de॒vā di॒vibhā̭gā॒ ye᳚-'ntari̭kṣa bhāgā॒ ye pṛ̭thi॒vi bhā̭gāḥ | ta i॒maṃ-ya~॒jñama̭vantu॒ ta i॒da-ṅkṣetra॒mā vi̭śantu॒ ta i॒da-ṅkṣetra॒manu॒ vi vi̭śantu || 22 ||

(ya॒nti॒ - de॒vā - vigṃ̭śa॒tiśca̭) (a. 8)

mā॒ru॒tama̭si ma॒rutā॒moja॒ iti̭ kṛ॒ṣṇaṃ-vā~saḥ̭ kṛ॒ṣṇatṷ̄ṣa॒-mpari̭ dhatta e॒tadvai vṛṣṭyai̭ rū॒pagṃ sarṷ̄pa e॒va bhū॒tvā pa॒rjanyaṃ̭-va~rṣayatira॒maya̭ta maruta-śśye॒namā॒yina॒miti̭ paścādvā॒ta-mprati̭ mīvati purovā॒tame॒va ja̭nayati va॒r॒ṣasyā va̭ruddhyai vātanā॒māni̭ juhoti vā॒yurvai vṛṣṭyā̭ īśe vā॒yume॒va svena̭ bhāga॒dheye॒nopa̭ dhāvati॒ sa e॒vāsmai̭ pa॒rjanyaṃ̭-va~rṣayatya॒ṣṭau [varṣayatya॒ṣṭau, ju॒ho॒ti॒ cata̭sro॒ vai] 23

jṷhoti॒ cata̭sro॒ vai diśa॒ścata̭sro-'vāntaradi॒śā di॒gbhya e॒va vṛṣṭi॒gṃ॒ sa-mpra cyā̭vayati kṛṣṇāji॒ne saṃyau~̭ti ha॒vire॒vāka̭rantarve॒di saṃyau~॒tya va̭ruddhyai॒ yatī̭nāma॒dyamā̭nānāgṃ śī॒r॒ṣāṇi॒ parā̭-'pata॒nte kha॒rjūrā̭ abhava॒n-teṣā॒gṃ॒ rasa̭ ū॒rdhvo̭-'pata॒t-tāni̭ ka॒rīrā᳚ṇya-bhavan-thsau॒myāni॒ vai ka॒rīrā̭ṇi sau॒myā khalu॒ vā āhṷti rdi॒vo vṛṣṭi̭-ñcyāvayati॒ yatka॒rīrā̭ṇi॒ bhava̭nti [ ] 24

sau॒myayai॒vā-''hṷtyā di॒vo vṛṣṭi॒mava̭ rundhe॒ madhṷṣā॒ saṃ-yau~᳚tya॒pāṃ-vā~ e॒ṣa oṣa̭dhīnā॒gṃ॒ raso॒ yanmaddhva॒dbhya e॒vauṣa̭dhībhyo varṣa॒tyatho̭ a॒dbhya e॒vauṣa̭dhībhyo॒ vṛṣṭi॒ni-nna̭yati॒ māndā॒ vāśā॒ iti॒ saṃyau~̭ti nāma॒dheyai̭re॒vainā॒ acchai॒tyatho॒ yathā᳚ brū॒yādasā॒ vehītye॒vame॒vainā̭ nāma॒dheyai॒rā - [nāma॒dheyai॒rā, cyā॒va॒ya॒ti॒ vṛṣṇo॒] 25

cyā̭vayati॒ vṛṣṇo॒ aśva̭sya sa॒ndāna̭masi॒ vṛṣṭyai॒ tvopa̭ nahyā॒mītyā̭ha॒ vṛṣā॒ vā aśvo॒ vṛṣā̭ pa॒rjanyaḥ̭ kṛ॒ṣṇa i̭va॒ khalu॒ vai bhū॒tvā va̭rṣati rū॒peṇai॒vaina॒gṃ॒ sama̭rdhayati va॒r॒ṣasyā va̭ruddhyai || 26 ||

(a॒ṣṭau - bhava̭nti - nāma॒dheyai॒rai - kā॒nna tri॒gṃ॒śacca̭) (a. 9)

devā̭ vasavyā॒ devā᳚-śśarmaṇyā॒ devā᳚-ssapītaya॒ ityā ba̭ddhnāti de॒vatā̭bhire॒vānva॒haṃ-vṛ~ṣṭi̭micchati॒ yadi॒ varṣe॒t-tāva̭tye॒va ho̭ta॒vyaṃ̭-ya~di॒ na varṣe॒cchvo bhū॒te ha॒virnirva̭pedahorā॒tre vai mi॒trāvarṷṇāvahorā॒trābhyā॒-ṅkhalu॒ vai pa॒rjanyo̭ varṣati॒ naktaṃ̭-vā~॒ hi divā̭ vā॒ varṣa̭ti mi॒trāvarṷṇāve॒va svena̭ bhāga॒dheye॒nopa̭ dhāvati॒ tāve॒vāsmā̭ [tāve॒vāsmai᳚, a॒ho॒rā॒trābhyāṃ᳚-] 27

ahorā॒trābhyā᳚-mpa॒rjanyaṃ̭ ~varṣayato॒-'gnayḙ dhāma॒cchadḙ puro॒ḍāśa̭ma॒ṣṭāka̭pāla॒-nnirva̭penmāru॒tagṃ sa॒ptaka̭pālagṃ sau॒ryameka̭kapālama॒gnirvā i॒to vṛṣṭi॒mudī̭rayati ma॒rutaḥ̭ sṛ॒ṣṭā-nna̭yanti ya॒dā khalu॒ vā a॒sāvā̭di॒tyo nyaṃ̭-ra॒śmibhiḥ̭ paryā॒varta॒te-'tha̭varṣatidhāma॒cchadi̭va॒ khalu॒ vai bhū॒tvā va̭rṣatye॒tā vai de॒vatā॒ vṛṣṭyā̭ īśate॒ tā e॒va svena̭ bhāga॒dheye॒nopa̭ dhāvati॒ tā [bhāga॒dheye॒nopa̭ dhāvati॒ tāḥ, e॒vāsmai̭] 28

e॒vāsmai̭ pa॒rjanyaṃ̭-va~rṣayantyu॒tā va̭rṣiṣya॒n varṣa̭tye॒va sṛ॒jā vṛ॒ṣṭi-ndi॒va ā-'dbhi-ssa̭mu॒dra-mpṛ॒ṇetyā̭he॒māścai॒vā-mūścā॒pa-ssama̭rdhaya॒tyatho̭ ā॒bhire॒vā-mūracchai᳚tya॒bjā a̭si prathama॒jā bala̭masi samu॒driya॒mityā̭ha yathāya॒jure॒vaita-dunna̭-mbhaya pṛthi॒vīmiti̭ varṣā॒hvā-ñjṷhotye॒ṣā vā oṣa̭dhīnāṃ-vṛ~ṣṭi॒vani॒stayai॒va vṛṣṭi॒mā cyā̭vayati॒ ye de॒vā di॒vibhā̭gā॒ iti̭ kṛṣṇāji॒namava̭ dhūnotī॒ma e॒vāsmai̭ lo॒kāḥ prī॒tā a॒bhīṣṭā̭ bhavanti || 29 ||

(a॒smai॒ - dhā॒va॒ti॒ tā - vā - eka̭vigṃśatiśca ) (a. 10)

sarvā̭ṇi॒ chandāg̭sye॒tasyā॒-miṣṭyā̭-ma॒nūcyā॒nītyā̭hu-stri॒ṣṭubho॒ vā e॒tadvī॒ryaṃ̭-ya~-tka॒kudu॒ṣṇihā॒ jaga̭tyai॒ yadṷṣṇiha-ka॒kubhā̭va॒nvāha॒ tenai॒va sarvā̭ṇi॒ chandā॒g॒syava̭ rundhe gāya॒trī vā e॒ṣā yadu॒ṣṇihā॒ yāni̭ ca॒tvāryaddhya॒kṣarā̭ṇi॒ catṷṣpāda e॒va te pa॒śavo॒yathā̭ puro॒ḍāśḙ puro॒ḍāśo-'ddhye॒vame॒va ta-dyad-ṛ॒cyaddhya॒kṣarā̭ṇi॒ yajjaga̭tyā [yajjaga̭tyā, pa॒ri॒da॒ddhyādantaṃ̭-] 30

parida॒ddhyādantaṃ̭-ya~॒jña-ṅga̭maye-ttri॒ṣṭubhā॒ pari̭ dadhātīndri॒yaṃ-vai~ vī॒rya̭-ntri॒ṣṭugi̭ndri॒ya e॒va vī॒ryḙ ya॒jña-mprati̭ṣṭhāpayati॒ nānta̭-ṅgamaya॒tyagne॒ trī te॒ vāji̭nā॒ trī ṣa॒dhastheti॒ triva̭tyā॒ pari̭ dadhāti sarūpa॒tvāya॒ sarvo॒ vā e॒ṣa ya॒jño ya-ttrai̭dhāta॒vīya॒-ṅkāmā̭ya-kāmāya॒ prayṷjyate॒ sarve᳚bhyo॒ hi kāme᳚bhyo ya॒jñaḥ pra̭yu॒jyate᳚ traidhāta॒vīyḙna yajetābhi॒cara॒n-thsarvo॒ vā [sarvo॒ vai, e॒ṣa] 31

e॒ṣa ya॒jño ya-ttrai̭dhāta॒vīya॒gṃ॒ sarvḙṇai॒vainaṃ̭-ya~॒jñenā॒bhi ca̭rati stṛṇu॒ta e॒vaina̭me॒tayai॒va ya̭jetābhica॒ryamā̭ṇa॒-ssarvo॒ vā e॒ṣa ya॒jño ya-ttrai̭dhāta॒vīya॒gṃ॒ sarvḙṇai॒va ya॒jñena̭ yajate॒ naina̭mabhi॒cara᳚n-thstṛṇuta e॒tayai॒va ya̭jeta sa॒hasrḙṇa ya॒kṣyamā̭ṇaḥ॒ prajā̭tame॒vaina̭-ddadātye॒tayai॒va ya̭jeta sa॒hasrḙṇejā॒no-'ntaṃ॒-vā~ e॒ṣa pa̭śū॒nā-ṅga̭cchati॒ [-ga̭cchati, ya-ssa॒hasrḙṇa॒] 32

ya-ssa॒hasrḙṇa॒ yaja̭te pra॒jāpa̭tiḥ॒ khalu॒ vai pa॒śūna̭sṛjata॒ tāgstrai̭dhāta॒ vīyḙ-nai॒vāsṛ̭jata॒ ya e॒vaṃ-vi~॒dvāg strai̭dhāta॒vīyḙnapa॒śukā̭mo॒ yaja̭te॒ yasmā̭de॒va yoneḥ᳚ pra॒jāpa̭tiḥ pa॒śūnasṛ̭jata॒ tasmā̭de॒vainā᳚n-thsṛjata॒ upai̭na॒mutta̭ragṃ sa॒hasra̭-nnamati de॒vatā᳚bhyo॒ vā e॒ṣa ā vṛ̭ścyate॒ yo ya॒kṣya ityu॒ktvā na yaja̭te traidhāta॒vīyḙna yajeta॒ sarvo॒ vā e॒ṣa ya॒jño [ya॒jñaḥ, ya-ttrai̭dhāta॒vīya॒gṃ॒] 33

ya-ttrai̭dhāta॒vīya॒gṃ॒ sarvḙṇai॒va ya॒jñena̭ yajate॒ na de॒vatā᳚bhya॒ ā vṛ̭ścyate॒ dvāda̭śakapālaḥ puro॒ḍāśo̭ bhavati॒ te traya॒ścatṷṣkapālā-striṣṣamṛddha॒tvāya॒ trayaḥ̭ puro॒ḍāśā̭ bhavanti॒ traya̭ i॒me lo॒kā e॒ṣāṃ-lo~॒kānā॒māptyā॒ utta̭ra-uttaro॒ jyāyā᳚-nbhavatye॒vami̭va॒ hīme lo॒kā ya̭va॒mayo॒ maddhya̭ e॒tadvā a॒ntari̭kṣasya rū॒pagṃ samṛ̭ddhyai॒ sarvḙṣāmabhiga॒maya॒nnava̭ dya॒tyacha̭baṇṭkāra॒gṃ॒ hira̭ṇya-ndadāti॒ teja̭ e॒vā- [e॒va, ava̭ rundhe] 34

-'va̭ rundhe tā॒rpya-nda̭dāti pa॒śūne॒vāva̭ rundhe dhe॒nu-nda̭dātyā॒śiṣa̭ e॒vāva̭ rundhe॒ sāmno॒ vā e॒ṣa varṇo॒ yaddhira̭ṇyaṃ॒-ya~jṷṣā-ntā॒rpyamṷkthāma॒dānā᳚-ndhe॒nure॒tāne॒va sarvā॒n॒. varṇā॒nava̭ rundhe || 35 ||

(jaga̭tyā - 'bhi॒cara॒n-thsarvo॒ vai - ga̭cchati - ya॒jña - steja̭ e॒va - tri॒gṃ॒śacca̭) (a. 11)

tvaṣṭā̭ ha॒tapṷtro॒ vīndra॒gṃ॒ soma॒mā-'ha̭ra॒-ttasmi॒nnindra̭ upaha॒vamai᳚cchata॒ ta-nnopā᳚hvayata pu॒tra-mmḙ-'vadhī॒riti॒ sa ya̭jñaveśa॒sa-ṅkṛ॒tvā prā॒sahā॒ soma̭mapiba॒-ttasya॒ yada॒tyaśi̭ṣyata॒ ta-ttvaṣṭā̭-''hava॒nīya॒mupa॒ prāva̭rtaya॒-thsvāhendra̭śatrurvardha॒sveti॒ sa yāva̭dū॒rdhvaḥ pa̭rā॒viddhya̭ti॒ tāva̭ti sva॒yame॒va vya̭ramata॒ yadi̭ vā॒ tāva̭-tprava॒ṇa- [tāva̭-tprava॒ṇam, āsī॒dyadi̭] 36

-māsī॒dyadi̭ vā॒ tāva॒daddhya॒gnerāsī॒-thsa sa॒mbhava̭nna॒gnīṣomā̭va॒bhi sama̭bhava॒-thsa i̭ṣumā॒trami̭ṣumātraṃ॒-vi~ṣva̭ṅṅavardhata॒ sa i॒māṃ-lo~॒kāna̭vṛṇo॒dya-di॒māṃ-lo~॒kānavṛ̭ṇo॒-tta-dvṛ॒trasya̭ vṛtra॒tva-ntasmā॒dindro̭-'bibhe॒dapi॒ tvaṣṭā॒ tasmai॒ tvaṣṭā॒ vajra̭masiñca॒-ttapo॒ vai sa vajra̭ āsī॒-ttamudya̭ntu॒-nnāśa̭kno॒datha॒ vai tarhi॒ viṣṇṷ- [viṣṇuḥ̭, a॒nyā] 37

-ra॒nyā de॒vatā̭ ''sī॒-thso᳚-'bravī॒-dviṣṇa॒vehī॒damā ha̭riṣyāvo॒ yenā॒yami॒damiti॒sa viṣṇṷstre॒dhā-''tmānaṃ॒-vi~nya̭dhatta pṛthi॒vyā-ntṛtī̭yama॒ntari̭kṣe॒ tṛtī̭ya-ndi॒vi tṛtī̭ya-mabhiparyāva॒rtā-ddhyabi̭bhe॒dyat-pṛ̭thi॒vyā-ntṛtī̭ya॒māsī॒-ttenendro॒ vajra॒muda̭yaccha॒-dviṣṇva̭nusthita॒-sso᳚-'bravī॒nmā me॒ pra hā॒rasti॒ vā i॒da- [vā i॒dam, mayi̭ vī॒rya̭-nta-tte॒] 38

-mmayi̭ vī॒rya̭-nta-tte॒ pradā᳚syā॒mīti॒ tada̭smai॒ prāya̭ccha॒-tta-tpratya̭gṛhṇā॒dadhā॒ meti॒ ta-dviṣṇa॒ve-'ti॒ prāya̭ccha॒-tta-dviṣṇuḥ॒ pratya̭gṛhṇā-da॒smāsvindra̭ indri॒ya-nda̭dhā॒tviti॒ yada॒ntari̭kṣe॒ tṛtī̭ya॒māsī॒-ttenendro॒ vajra॒muda̭yaccha॒-dviṣṇva̭nusthita॒-sso᳚-'bravī॒nmā me॒ prahā॒rasti॒ vā i॒da- [vā i॒dam, mayi̭ vī॒rya̭-nta-tte॒] 39

-mmayi̭ vī॒rya̭-nta-tte॒ pra dā᳚syā॒mīti॒ tada̭smai॒ prāya̭ccha॒-tta-tpratya̭gṛhṇā॒-ddvirmā̭-'dhā॒ iti॒ ta-dviṣṇa॒ve-'ti॒ prāya̭ccha॒-tta-dviṣṇuḥ॒ pratya̭gṛhṇāda॒smāsvindra̭ indri॒ya-nda̭dhā॒tviti॒ yaddi॒vi tṛtī̭ya॒māsī॒-ttenendro॒ vajra॒muda̭yaccha॒-dviṣṇva̭nusthita॒-sso᳚-'bravī॒nmā me॒ prahā॒ryenā॒ha- [prahā॒ryenā॒ham, i॒damasmi॒ ta-tte॒] 40

-mi॒damasmi॒ ta-tte॒ pradā᳚syā॒mīti॒ tvī(3) itya̭bravī-thsa॒ndhā-ntu sanda̭dhāvahai॒ tvāme॒va pravi̭śā॒nīti॒ yanmā-mpra̭vi॒śeḥ ki-mmā̭ bhuñjyā॒ itya̭bravī॒-ttvāme॒vendhī̭ya॒ tava॒ bhogā̭ya॒ tvā-mpravi̭śeya॒mitya̭bravī॒-ttaṃ-vṛ~॒traḥ prāvi̭śadu॒daraṃ॒-vai~ vṛ॒traḥ, kṣu-tkhalu॒ vai ma̭nu॒ṣya̭sya॒ bhrātṛ̭vyo॒ ya [bhrātṛ̭vyo॒ yaḥ, e॒vaṃ-ve~da॒ hanti॒] 41

e॒vaṃ-ve~da॒ hanti॒ kṣudha॒-mbhrātṛ̭vya॒-ntada̭smai॒ prāya̭ccha॒tta-tpratya̭gṛhṇā॒t- trirmā̭-'dhā॒ iti॒ ta-dviṣṇa॒ve-'ti॒ prāya̭ccha॒-tta-dviṣṇuḥ॒ pratya̭gṛhṇāda॒smāsvindra̭ indri॒ya-nda̭dhā॒tviti॒ yattriḥ prāya̭ccha॒-ttriḥ pra॒tyagṛ̭hṇā॒-tta-ttri॒dhāto᳚stridhātu॒tvaṃ-ya~-dviṣṇṷra॒nvati̭ṣṭhata॒ viṣṇa॒ve-'ti॒ prāya̭ccha॒-ttasmā̭daindrāvaiṣṇa॒vagṃ ha॒virbha̭vati॒ yadvā i॒da-ṅkiñca॒ tada̭smai॒ ta-tprāya̭ccha॒-dṛca॒-ssāmā̭ni॒ yajūgṃ̭ṣi sa॒hasraṃ॒-vā~ a̭smai॒ ta-tprāya̭ccha॒-ttasmā᳚-thsa॒hasra̭dakṣiṇam || 42 ||

(pra॒va॒ṇaṃ - ~viṣṇu॒- rvā i॒da- mi॒da - ma॒haṃ - ~yo - bha̭va॒ - tyeka̭ vigṃśatiśca) (a. 12)

de॒vā vai rā̭ja॒nyā᳚-jjāya̭mānā-dabibhayu॒-stama॒ntare॒va santa॒-ndāmnā 'pau᳚mbha॒n-thsa vā e॒ṣo-'po᳚bdho jāyate॒ ya-drā̭ja॒nyo̭ yadvā e॒ṣo-'na̭pobdho॒ jāyḙta vṛ॒trā-nghnagg śca̭re॒dya-ṅkā॒mayḙta rāja॒nya̭mana̭pobdho jāyeta vṛ॒trā-nghnagg śca̭re॒diti॒ tasmā̭ e॒tamai᳚ndrā bārhaspa॒tya-ñca॒ru-nnirva̭pedai॒ndro vai rā̭ja॒nyo᳚ brahma॒ bṛha॒spati॒ rbrahma̭ṇai॒vaina॒-ndāmno॒-'pombha̭nā-nmuñcati hira॒ṇmaya॒-ndāma॒ dakṣi̭ṇā sā॒kṣāde॒vaina॒-ndāmno॒-'pombha̭nā-nmuñcati || 43 ||

(e॒naṃ॒ - dvāda̭śa ca) (a. 13)

navo̭navo bhavati॒ jāya̭mā॒no-'hnā᳚-ṅke॒turu॒ṣasā̭ me॒tyagre᳚ | bhā॒ga-nde॒vebhyo॒ vida̭dhātyā॒ya-npraca॒ndramā᳚stirati dī॒rghamāyuḥ̭ || yamā̭di॒tyā a॒gṃ॒śumā᳚pyā॒yaya̭nti॒ yamakṣi̭ta॒-makṣi̭tayaḥ॒ piba̭nti | tena̭ no॒ rājā॒ varṷṇo॒ bṛha॒spati॒rā pyā̭yayantu॒ bhuva̭nasya go॒pāḥ ||prācyā᳚-ndi॒śi tvami̭ndrāsi॒ rājo॒todī᳚cyāṃ-vṛ~trahan vṛtra॒hā-'si̭ | yatra॒ yanti̭ sro॒tyāsta- [yanti̭ sro॒tyāstat, ji॒ta-ntḙ] 44

-jji॒ta-ntḙ dakṣiṇa॒to vṛ̭ṣa॒bha ḙdhi॒ havyaḥ̭ || indro̭ jayāti॒ na parā̭ jayātā adhirā॒jo rāja̭su rājayāti | viśvā॒ hi bhū॒yāḥ pṛta̭nā abhi॒ṣṭīrṷpa॒sadyo̭ nama॒syo̭ yathā-'sa̭t || a॒syede॒va prari̭rice mahi॒tva-ndi॒vaḥ pṛ̭thi॒vyāḥ parya॒ntari̭kṣāt | sva॒rāḍindro॒ dama॒ ā vi॒śvagū᳚rta-ssva॒rirama̭tro vavakṣe॒ raṇā̭ya || a॒bhi tvā̭ śūra nonu॒mo-'dṷgdhā iva dhe॒navaḥ̭ | īśā̭na- [īśā̭nam, a॒sya] 45

-ma॒sya jaga̭ta-ssuva॒rdṛśa॒mīśā̭namindra ta॒sthuṣaḥ̭ || tvāmiddhi havā̭mahe sā॒tā vāja̭sya kā॒ravaḥ̭ | tvāṃ-vṛ~॒treṣvi̭ndra॒ satpa̭ti॒-nnara॒stvā-ṅkāṣṭhā॒svarva̭taḥ || yaddyāva̭indrateśa॒tagṃ śa॒ta-mbhūmī̭ru॒ta syuḥ | na tvā̭ vajrin-thsa॒hasra॒gṃ॒ sūryā॒ anu॒ na jā॒tama̭ṣṭa॒ roda̭sī || pibā॒ soma̭mindra॒ manda̭tu tvā॒ yantḙ su॒ṣāva̭ harya॒śvādriḥ̭ | 46

so॒turbā॒hubhyā॒gṃ॒ suya̭to॒ nārvā᳚ || re॒vatī᳚rna-ssadha॒māda॒ indrḙ santu tu॒vivā̭jāḥ | kṣu॒manto॒ yābhi॒rmadḙma || uda̭gne॒ śuca̭ya॒stava॒ , vi jyoti॒ṣo,du॒ tya-ñjā॒tavḙdasagṃsa॒pta tvā̭ ha॒rito॒ rathe॒ vaha̭nti deva sūrya | śo॒ciṣkḙśaṃ-vi~cakṣaṇa || ci॒tra-nde॒vānā॒muda̭gā॒danī̭ka॒-ñcakṣṷrmi॒trasya॒ varṷṇasyā॒-'gneḥ | ā-'prā॒ dyāvā̭pṛthi॒vī a॒ntari̭kṣa॒gṃ॒ sūrya̭ ā॒tmā jaga̭tasta॒sthuṣa̭- [jaga̭tasta॒sthuṣaḥ̭, ca |] 47

-śca || viśvḙ de॒vā ṛ̭tā॒vṛdha̭ ṛ॒tubhi̭r-havana॒śrutaḥ̭ | ju॒ṣantāṃ॒-yu~jya॒-mpayaḥ̭ || viśvḙ devā-śśṛṇu॒temagṃ hava̭-mme॒ ye a॒ntari̭kṣe॒ ya upa॒ dyavi॒ṣṭha | ye a̭gniji॒hvā u॒ta vā॒ yaja̭trā ā॒sadyā॒smi-nba॒r॒hiṣi̭ mādayaddhvam || 48 ||

(ta - dīśā̭na॒ - madri̭ - sta॒sthuṣa̭ - stri॒gṃ॒śacca̭) (a. 14)

(de॒vā ma̭nu॒ṣyā̭ - devasu॒rā a̭bruvan - devāsu॒rāsteṣā᳚-ṅgāya॒trī - pra॒jāpa̭ti॒stā yatrā-' - gne॒ gobhiḥ̭ - ci॒trayā̭ - māru॒taṃ - devā̭ vasavyā॒ agnḙ - māru॒tamiti॒ - devā̭ vasavyā॒ devā᳚-śśarmaṇyāḥ॒ - sarvā̭ṇi॒ - tvaṣṭā̭ ha॒tapṷtro - de॒vā vai rā̭ja॒nyā᳚n - navo̭nava॒ - ścatṷrdaśa )

(de॒vā ma̭nu॒ṣyāḥ᳚ - pra॒jā-mpa॒śun - devā̭ vasavyāḥ - parida॒dhyadi॒da- masmya॒ - ṣṭā ca̭tvārigṃśat )

(de॒vā ma̭nu॒ṣyā̭, mādayadhvaṃ)

|| hariḥ̭ om ||

|| kṛṣṇa yajurvedīya taittirīya saṃhitāyā-ndvitīyakāṇḍe caturthaḥ praśna-ssamāptaḥ ||

Sanskrit — Devanagari (original)

कृष्ण यजुर्वेदीय तैत्तिरीय संहिताया-न्द्वितीयकाण्डे चतुर्थः प्रश्नः - इष्टिविधानं

ओ-न्नमः परमात्मने, श्री महागणपतये नमः,

श्री गुरुभ्यो नमः । ह॒रिः॒ ओम् ॥

दे॒वा म॑नु॒ष्याः᳚ पि॒तर॒स्ते᳚-ऽन्यत॑ आस॒न्नसु॑रा॒ रक्षाग्ं॑सि पिशा॒चास्ते᳚ ऽन्यत॒स्तेषा᳚-न्दे॒वाना॑मु॒त यदल्पं॒-लोँहि॑त॒मकु॑र्व॒-न्त-द्रक्षाग्ं॑सि॒ रात्री॑भिरसुभ्न॒-न्तान्-थ्सु॒ब्धा-न्मृ॒तान॒भि व्यौ᳚च्छ॒-त्ते दे॒वा अ॑विदु॒र्यो वै नो॒-ऽय-म्म्रि॒यते॒ रक्षाग्ं॑सि॒ वा इ॒म-ङ्घ्न॒न्तीति॒ ते रक्षा॒ग्॒स्युपा॑मन्त्रयन्त॒ तान्य॑ब्रुव॒न्. वरं॑-वृँणामहै॒ य- [यत्, असु॑रा॒न् जया॑म॒] 1

-दसु॑रा॒न् जया॑म॒ तन्नः॑ स॒हास॒दिति॒ ततो॒ वै दे॒वा असु॑रानजय॒-न्ते-ऽसु॑रान् जि॒त्वारक्षा॒ग्॒स्यपा॑नुदन्त॒ तानि॒ रक्षा॒ग्॒स्यनृ॑तम क॒र्तेति॑ सम॒न्त-न्दे॒वा-न्पर्य॑विश॒-न्ते दे॒वा अ॒ग्नाव॑नाथन्त॒ ते᳚-ऽग्नये॒ प्रव॑ते पुरो॒डाश॑म॒ष्टाक॑पाल॒-न्निर॑वपन्न॒ग्नये॑ विबा॒धव॑ते॒-ऽग्नये॒ प्रती॑कवते॒ यद॒ग्नये॒ प्रव॑ते नि॒रव॑प॒न्॒. यान्ये॒व पु॒रस्ता॒-द्रक्षा॒ग्॒- [पु॒रस्ता॒-द्रक्षा॒ग्ं॑सि, आ॒स॒न्तानि॒ तेन॒] 2

-स्यास॒न्तानि॒ तेन॒ प्राणु॑दन्त॒ यद॒ग्नये॑ विबा॒धव॑ते॒ यान्ये॒वाभितो॒ रक्षा॒ग्॒स्यास॒-न्तानि॒ तेन॒ व्य॑बाधन्त॒ यद॒ग्नये॒ प्रती॑कवते॒ यान्ये॒व प॒श्चा-द्रक्षा॒ग्॒स्यास॒-न्तानि॒ तेनापा॑नुदन्त॒ ततो॑ दे॒वा अभ॑व॒-न्परासु॑रा॒ यो भ्रातृ॑व्यवा॒न्-थ्स्या-थ्स स्पर्ध॑मान ए॒तयेष्ट्या॑ यजेता॒ग्नये॒ प्रव॑ते पुरो॒डाश॑म॒ष्टाक॑पाल॒-न्निर्व॑पेद॒ग्नये॑ विबा॒धव॑ते॒- [विबा॒धव॑ते॒, अ॒ग्नये॒ प्रती॑कवते॒] 3

-ऽग्नये॒ प्रती॑कवते॒ यद॒ग्नये॒ प्रव॑ते नि॒र्वप॑ति॒ य ए॒वास्मा॒च्छ्रेया॒न्-भ्रातृ॑व्य॒स्त-न्तेन॒ प्रणु॑दते॒ यद॒ग्नये॑ विबा॒धव॑ते॒ य ए॒वैने॑न स॒दृन्त-न्तेन॒ वि बा॑धते॒ यद॒ग्नये॒ प्रती॑कवते॒ य ए॒वास्मा॒-त्पापी॑या॒-न्त-न्तेनाप॑ नुदते॒ प्र श्रेयाग्ं॑स॒-म्भ्रातृ॑व्य-न्नुद॒तेति॑ स॒दृश॑-ङ्क्रामति॒ नैन॒-म्पापी॑यानाप्नोति॒ य ए॒वं ँवि॒द्वाने॒तयेष्ट्या॒ यज॑ते ॥ 4 ॥

(वृ॒णा॒म॒है॒ यत् - पु॒रस्ता॒-द्रक्षाग्ं॑सि- वपेद॒ग्नये॑ विबा॒धव॑त - ए॒वं - च॒त्वारि॑ च) (अ. 1)

दे॒वा॒सु॒रा-स्संयँ॑त्ता आस॒-न्ते दे॒वा अ॑ब्रुव॒न्॒. यो नो॑ वी॒र्या॑वत्तम॒स्तमनु॑ स॒मार॑भामहा॒ इति॒ त इन्द्र॑मब्रुव॒-न्त्वं-वैँ नो॑ वी॒र्या॑वत्तमो-ऽसि॒ त्वामनु॑ स॒मार॑भामहा॒ इति॒ सो᳚-ऽब्रवी-त्ति॒स्रो म॑ इ॒मास्त॒नुवो॑ वी॒र्या॑वती॒स्ताः प्री॑णी॒ताथा-सु॑रान॒भि भ॑विष्य॒थेति॒ ता वै ब्रू॒हीत्य॑ब्रुवन्नि॒यमग्ं॑ हो॒मुगि॒यं-विँ॑मृ॒धेय-मि॑न्द्रि॒याव॒ती- [-मि॑न्द्रि॒याव॒ती, इत्य॑ब्रवी॒त्त] 5

-त्य॑ब्रवी॒त्त इन्द्रा॑याग्ं हो॒मुचे॑ पुरो॒डाश॒मेका॑दशकपाल॒-न्निर॑वप॒न्निन्द्रा॑य वैमृ॒धाये-न्द्रा॑येन्द्रि॒याव॑ते॒ यदिन्द्रा॑याग्ं हो॒मुचे॑ नि॒रव॑प॒न्नग्ंह॑स ए॒व तेना॑मुच्यन्त॒ यदिन्द्रा॑य वै मृ॒धाय॒ मृध॑ ए॒व तेनापा᳚घ्नत॒यदिन्द्रा॑येन्द्रि॒याव॑त इन्द्रि॒यमे॒व तेना॒-ऽऽत्मन्न॑दधत॒ त्रय॑स्त्रिग्ंशत्कपाल-म्पुरो॒डाश॒-न्निर॑वप॒-न्त्रय॑स्त्रिग्ंश॒द्वै दे॒वता॒स्ता इन्द्र॑ आ॒त्मन्ननु॑ स॒मार॑भंयँत॒ भूत्यै॒ [भूत्यै᳚, तां-वाँव] 6

तां-वाँव दे॒वा विजि॑ति-मुत्त॒मा-मसु॑रै॒-र्व्य॑जयन्त॒यो भ्रातृ॑व्यवा॒न्थ्- स्या-थ्स स्पर्ध॑मान ए॒तयेष्ट्या॑ यजे॒तेन्द्रा॑याग्ं हो॒मुचे॑ पुरो॒डाश॒मेका॑दशकपाल॒-न्निर्व॑पे॒दिन्द्रा॑य वैमृ॒धायेन्द्रा॑येन्द्रि॒याव॒ते-ऽग्ं ह॑सा॒ वा ए॒ष गृ॑ही॒तो यस्मा॒च्छ्रेया॒-न्भ्रातृ॑व्यो॒यदिन्द्रा॑याग्ं हो॒मुचे॑ नि॒र्वप॒त्यग्ंह॑स ए॒व तेन॑ मुच्यतेमृ॒धा वा ए॒षो॑-ऽभिष॑ण्णो॒ यस्मा᳚-थ्समा॒नेष्व॒न्य-श्श्रेया॑नु॒ता- [श्रेया॑नु॒त, अ-ऽभ्रा॑तृव्यो॒] 7

-ऽभ्रा॑तृव्यो॒ यदिन्द्रा॑य वैमृ॒धाय॒ मृध॑ ए॒व तेनाप॑ हते॒यदिन्द्रा॑येन्द्रि॒याव॑त इन्द्रि॒यमे॒व तेना॒त्म-न्ध॑त्ते॒ त्रय॑स्त्रिग्ंशत्कपाल-म्पुरो॒डाश॒-न्निर्व॑पति॒ त्रय॑स्त्रिग्ंश॒द्वै दे॒वता॒स्ता ए॒व यज॑मान आ॒त्मन्ननु॑ स॒मार॑भंयँते॒ भूत्यै॒ सा वा ए॒षा विजि॑ति॒र्नामेष्टि॒र्य ए॒वं-विँ॒द्वाने॒तयेष्ट्या॒ यज॑त उत्त॒मामे॒व विजि॑ति॒-म्भ्रातृ॑व्येण॒ वि ज॑यते ॥ 8 ॥

(इ॒न्द्रि॒याव॑ती॒ - भूत्या॑ - उ॒तै - का॒न्न प॑ञ्चा॒शच्च॑) (अ. 2)

दे॒वा॒सु॒रा-स्संयँ॑त्ता आस॒-न्तेषा᳚-ङ्गाय॒त्र्योजो॒ बल॑मिन्द्रि॒यं-वीँ॒र्य॑-म्प्र॒जा-म्प॒शून्-थ्स॒गृंह्या॒ ऽऽदाया॑-प॒क्रम्या॑तिष्ठ॒-त्ते॑-ऽमन्यन्त यत॒रान्. वा इ॒यमु॑पाव॒र्थ्स्यति॒ त इ॒द-म्भ॑विष्य॒न्तीति॒ तां-व्यँ॑ह्वयन्त॒ विश्व॑कर्म॒न्निति॑ दे॒वा दाभीत्यसु॑रा॒-स्सा नान्य॑त॒राग्श्च॒-नोपाव॑र्तत॒ ते दे॒वा ए॒त-द्यजु॑रपश्य॒न्नोजो॑-ऽसि॒ सहो॑-ऽसि॒ बल॑मसि॒ [बल॑मसि, भ्राजो॑-ऽसि] 9

भ्राजो॑-ऽसि दे॒वाना॒-न्धाम॒ नामा॑-ऽसि॒ विश्व॑मसि वि॒श्वायु॒-स्सर्व॑मसि स॒र्वायु॑रभि॒भूरिति॒ वाव दे॒वा असु॑राणा॒मोजो॒ बल॑मिन्द्रि॒यं-वीँ॒र्य॑-म्प्र॒जा-म्प॒शून॑वृञ्जत॒ य-द्गा॑य॒त्र्य॑प॒क्रम्याति॑ष्ठ॒-त्तस्मा॑दे॒ता-ङ्गा॑य॒त्रीतीष्टि॑माहु-स्संवँथ्स॒रो वै गा॑य॒त्री सं॑वँथ्स॒रो वै तद॑प॒क्रम्या॑तिष्ठ॒-द्यदे॒तया॑ दे॒वा असु॑राणा॒मोजो॒ बल॑मिन्द्रि॒यं-वीँ॒र्य॑- [बल॑मिन्द्रि॒यं-वीँ॒र्य᳚म्, प्र॒जा-म्प॒शू-] 10

-म्प्र॒जा-म्प॒शू-नवृ॑ञ्जत॒ तस्मा॑दे॒ताग्ं सं॑वँ॒र्ग इतीष्टि॑माहु॒र्यो भ्रातृ॑व्यवा॒न्थ्स्या-थ्सस्पर्ध॑मान ए॒तयेष्ट्या॑ यजेता॒ग्नये॑ संवँ॒र्गाय॑ पुरो॒डाश॑म॒ष्टाक॑पाल॒-न्निर्व॑पे॒त्तग्ंशृ॒तमास॑न्नमे॒तेन॒ यजु॑षा॒-ऽभि मृ॑शे॒दोज॑ ए॒व बल॑मिन्द्रि॒यं-वीँ॒र्य॑-म्प्र॒जा-म्प॒शू-न्भ्रातृ॑व्यस्य वृङ्क्ते॒ भव॑त्या॒त्मना॒ परा᳚स्य॒ भ्रातृ॑व्यो भवति ॥ 11

(बल॑मस्ये॒ - तया॑ दे॒वा असु॑राणा॒मोजो॒ बल॑मिन्द्रि॒यं-वीँ॒र्यं॑ - पञ्च॑चत्वारिग्ंशच्च) (अ. 3)

प्र॒जाप॑तिः प्र॒जा अ॑सृजत॒ ता अ॑स्मा-थ्सृ॒ष्टाः परा॑चीराय॒-न्ता यत्राव॑स॒-न्ततो॑ ग॒र्मुदुद॑तिष्ठ॒-त्ता बृह॒स्पति॑श्चा॒न्ववै॑ता॒ग्ं॒ सो᳚-ऽब्रवी॒-द्बृह॒स्पति॑र॒नया᳚ त्वा॒ प्रति॑ष्ठा॒न्यथ॑ त्वा प्र॒जा उ॒पाव॑र्थ्स्य॒न्तीति॒ त-म्प्राति॑ष्ठ॒-त्ततो॒ वै प्र॒जाप॑ति-म्प्र॒जा उ॒पाव॑र्तन्त॒ यः प्र॒जाका॑म॒-स्स्या-त्तस्मा॑ ए॒त-म्प्रा॑जाप॒त्य-ङ्गा᳚र्मु॒त-ञ्च॒रु-न्निर्व॑पे-त्प्र॒जाप॑ति- [-निर्व॑पे-त्प्र॒जाप॑तिम्, ए॒व स्वेन॑] 12

-मे॒व स्वेन॑ भाग॒धेये॒नोप॑ धावति॒ स ए॒वास्मै᳚ प्र॒जा-म्प्रज॑नयतिप्र॒जाप॑तिः प॒शून॑सृजत॒ ते᳚-ऽस्मा-थ्सृ॒ष्टाः परा᳚ञ्च आय॒-न्ते यत्राव॑स॒-न्ततो॑ ग॒र्मुदुद॑तिष्ठ॒-त्ता-न्पू॒षा चा॒न्ववै॑ता॒ग्ं॒ सो᳚-ऽब्रवी-त्पू॒षा-ऽनया॑ मा॒ प्रति॒ष्ठाथ॑ त्वा प॒शव॑ उ॒पाव॑र्थ्स्य॒न्तीति॒ मा-म्प्रति॒ष्ठेति॒ सोमो᳚-ऽब्रवी॒-न्मम॒ वा [-मम॒ वै, अ॒कृ॒ष्ट॒प॒च्यमित्यु॒भौ] 13

अ॑कृष्टप॒च्यमित्यु॒भौ वा॒-म्प्रति॑ष्ठा॒नीत्य॑ब्रवी॒-त्तौ प्राति॑ष्ठ॒-त्ततो॒ वै प्र॒जाप॑ति-म्प॒शव॑ उ॒पाव॑र्तन्त॒ यः प॒शुका॑म॒-स्स्या-त्तस्मा॑ ए॒तग्ं सो॑मापौ॒ष्ण-ङ्गा᳚र्मु॒त-ञ्च॒रु-न्निर्व॑पे-थ्सोमापू॒षणा॑वे॒व स्वेन॑ भाग॒धेये॒नोप॑ धावति॒ तावे॒वास्मै॑ प॒शू-न्प्रज॑नयत॒-स्सोमो॒ वै रे॑तो॒धाः पू॒षा प॑शू॒ना-म्प्र॑जनयि॒ता सोम॑ ए॒वास्मै॒ रेतो॒ दधा॑ति पू॒षा प॒शू-न्प्रज॑नयति ॥ 14 ॥

(व॒पे॒-त्प्र॒जाप॑तिं॒ - ँवै - दधा॑ति पू॒षा - त्रीणि॑ च) (अ. 4)

अग्ने॒ गोभि॑र्न॒ आ ग॒हीन्दो॑ पु॒ष्ट्या जु॑षस्व नः । इन्द्रो॑ ध॒र्ता गृ॒हेषु॑ नः ॥ स॒वि॒ता य-स्स॑ह॒स्रिय॒-स्स नो॑ गृ॒हेषु॑ रारणत् । आ पू॒षा ए॒त्वा वसु॑ ॥ धा॒ता द॑दातु नो र॒यिमीशा॑नो॒ जग॑त॒स्पतिः॑ । स नः॑ पू॒र्णेन॑ वावनत् ॥ त्वष्टा॒ यो वृ॑ष॒भो वृषा॒ स नो॑ गृ॒हेषु॑ रारणत् । स॒हस्रे॑णा॒युते॑न च ॥ येन॑ दे॒वा अ॒मृत॑- [अ॒मृत᳚म्, दी॒र्घग्ग् श्रवो॑ दि॒व्यैर॑यन्त ।] 15

-न्दी॒र्घग्ग् श्रवो॑ दि॒व्यैर॑यन्त । राय॑स्पोष॒ त्वम॒स्मभ्य॒-ङ्गवा᳚ङ्कु॒ल्मि-ञ्जी॒वस॒ आ यु॑वस्व ॥ अ॒ग्नि र्गृ॒हप॑ति॒-स्सोमो॑ विश्व॒वनिः॑ सवि॒ता सु॑मे॒धा-स्स्वाहा᳚ ॥ अग्ने॑ गृहपते॒ यस्ते॒ घृत्यो॑ भा॒गस्तेन॒ सह॒ ओज॑ आ॒क्रम॑माणाय धेहि॒ श्रैष्ठ्या᳚त्प॒थो मा यो॑ष-म्मू॒र्धा भू॑यास॒ग्ग्॒ स्वाहा᳚ ॥ 16 ॥

(अ॒मृत॑ - म॒ष्टात्रिग्ं॑शच्च) (अ. 5)

चि॒त्रया॑ यजेत प॒शुका॑म इ॒यं-वैँ चि॒त्रा यद्वा अ॒स्यां-विँश्व॑-म्भू॒तमधि॑ प्र॒जाय॑ते॒ ते ने॒यञ्चि॒त्रा य ए॒वं-विँ॒द्वाग् श्चि॒त्रया॑ प॒शुका॑मो॒ यज॑ते॒ प्र प्र॒जया॑ प॒शुभि॑ र्मिथु॒नै र्जा॑यते॒ प्रैवाग्ने॒येन॑ वापयति॒ रेतः॑ सौ॒म्येन॑ दधाति॒ रेत॑ ए॒व हि॒त-न्त्वष्टा॑ रू॒पाणि॒ वि क॑रोतिसारस्व॒तौ भ॑वत ए॒तद्वै दैव्य॑-म्मिथु॒न-न्दैव्य॑मे॒वास्मै॑ [-दैव्य॑मे॒वास्मै᳚, मि॒थु॒न-म्म॑द्ध्य॒तो] 17

मिथु॒न-म्म॑द्ध्य॒तो द॑धाति॒ पुष्ट्यै᳚ प्र॒जन॑नाय सिनीवा॒ल्यै च॒रुर्भ॑वति॒ वाग्वै सि॑नीवा॒ली पुष्टिः॒ खलु॒ वै वाक्पुष्टि॑मे॒व वाच॒मुपै᳚त्यै॒न्द्र उ॑त्त॒मो भ॑वति॒ तेनै॒व तन्मि॑थु॒नग्ं स॒प्तैतानि॑ ह॒वीग्ंषि॑ भवन्ति स॒प्त ग्रा॒म्याः प॒शवः॑ स॒प्तार॒ण्या-स्स॒प्त छन्दाग्॑स्यु॒-भय॒स्या-व॑रुद्ध्या॒ अथै॒ता आहु॑ती र्जुहोत्ये॒ते वै दे॒वाः पुष्टि॑पतय॒स्त ए॒वा स्मि॒-न्पुष्टि॑-न्दधति॒ पुष्य॑ति प्र॒जया॑ प॒शुभि॒रथो॒ यदे॒ता आहु॑ती र्जु॒होति॒ प्रति॑ष्ठित्यै ॥ 18 ॥

(अ॒स्मै॒ - त ए॒व - द्वाद॑श च) (अ. 6)

मा॒रु॒तम॑सि म॒रुता॒मोजो॒-ऽपा-न्धारा᳚-म्भिन्धि र॒मय॑त मरुत-श्श्ये॒नमा॒यिन॒-म्मनो॑जव सं॒-वृँष॑णग्ं सुवृ॒क्तिम् ॥ येन॒ शर्ध॑ उ॒ग्रमव॑-सृष्ट॒मेति॒ तद॑श्विना॒ परि॑ धत्तग्ग् स्व॒स्ति । पु॒रो॒वा॒तो वर्ष॑ञ्जि॒न्वरा॒वृ-थ्स्वाहा॑ वा॒तावद्- वर्ष॑न्नु॒ग्ररा॒वृ-थ्स्वाहा᳚ स्त॒नय॒न् वर्ष॑-न्भी॒मरा॒वथ्स्वाहा॑ ऽनश॒न्य॑व॒स्फूर्ज॑न्-दि॒द्यु-द्वर्ष॑न्-त्वे॒षरा॒वृ-थ्स्वाहा॑ ऽतिरा॒त्रं॒-वँर्ष॑-न्पू॒र्तिरा॒वृ- [-पू॒र्तिरा॒वृत्, स्वाहा॑ ब॒हु] 19

-थ्स्वाहा॑ ब॒हु हा॒यम॑वृषा॒दिति॑ श्रु॒तरा॒वृ-थ्स्वाहा॒ ऽऽतप॑ति॒ वर्ष॑न्-वि॒राडा॒वृ-थ्स्वाहा॑ ऽव॒स्फूर्ज॑न्-दि॒द्यु-द्वर्ष॑-न्भू॒तरा॒वृ-थ्स्वाहा॒मान्दा॒ वाशा॒-श्शुन्ध्यू॒रजि॑राः । ज्योति॑ष्मती॒-स्तम॑स्वरी॒-रुन्द॑ती॒-स्सुफे॑नाः । मित्र॑भृतः॒, क्षत्र॑भृत॒-स्सुरा᳚ष्ट्रा इ॒ह मा॑-ऽवत ॥वृष्णो॒ अश्व॑स्य स॒न्दान॑मसि॒ वृष्ट्यै॒ त्वोप॑ नह्यामि ॥ 20 ॥

(पू॒र्तिरा॒वृ-द्- द्विच॑त्वारिग्ंशच्च) (अ. 7)

देवा॑ वसव्या॒ अग्ने॑ सोम सूर्य ॥ देवा᳚-श्शर्मण्या॒ मित्रा॑वरुणा-ऽर्यमन्न् ॥ देवा᳚-स्सपीत॒यो ऽपा᳚-न्नपादाशुहेमन्न् । उ॒द्नो द॑त्तोद॒धि-म्भि॑न्त्त दि॒वः प॒र्जन्या॑द॒न्तरि॑क्षात्-पृथि॒व्यास्ततो॑ नो॒ वृष्ट्या॑-ऽवत ॥ दिवा॑ चि॒त्तमः॑ कृण्वन्ति प॒र्जन्ये॑नो-दवा॒हेन॑ । पृ॒थि॒वीं-यँ-द्व्यु॒न्दन्ति॑ ॥ आय-न्नरः॑ सु॒दान॑वो ददा॒शुषे॑ दि॒वः कोश॒मचु॑च्यवुः । वि प॒र्जन्या᳚-स्सृजन्ति॒ रोद॑सी॒ अनु॒ धन्व॑ना यन्ति [ ] 21

वृ॒ष्टयः॑ ॥ उदी॑रयथा मरुत-स्समुद्र॒तो यू॒यं-वृँ॒ष्टिं-वँ॑र्षयथा पुरीषिणः । न वो॑ दस्रा॒ उप॑ दस्यन्ति धे॒नव॒-श्शुभं॑-याँ॒तामनु॒ रथा॑ अवृथ्सत ॥ सृ॒जा वृ॒ष्टि-न्दि॒व आ-ऽद्भि-स्स॑मु॒द्र-म्पृ॑ण ॥ अ॒ब्जा अ॑सि प्रथम॒जा बल॑मसि समु॒द्रिय᳚म् ॥ उन्न॑म्भय पृथि॒वी-म्भि॒न्धीद-न्दि॒व्य-न्नभः॑ । उ॒द्नो दि॒व्यस्य॑ नो दे॒हीशा॑नो॒ विसृ॑जा॒ दृति᳚म् ॥ ये दे॒वा दि॒विभा॑गा॒ ये᳚-ऽन्तरि॑क्ष भागा॒ ये पृ॑थि॒वि भा॑गाः । त इ॒मं-यँ॒ज्ञम॑वन्तु॒ त इ॒द-ङ्क्षेत्र॒मा वि॑शन्तु॒ त इ॒द-ङ्क्षेत्र॒मनु॒ वि वि॑शन्तु ॥ 22 ॥

(य॒न्ति॒ - दे॒वा - विग्ं॑श॒तिश्च॑) (अ. 8)

मा॒रु॒तम॑सि म॒रुता॒मोज॒ इति॑ कृ॒ष्णं-वाँसः॑ कृ॒ष्णतू॑ष॒-म्परि॑ धत्त ए॒तद्वै वृष्ट्यै॑ रू॒पग्ं सरू॑प ए॒व भू॒त्वा प॒र्जन्यं॑-वँर्षयतिर॒मय॑त मरुत-श्श्ये॒नमा॒यिन॒मिति॑ पश्चाद्वा॒त-म्प्रति॑ मीवति पुरोवा॒तमे॒व ज॑नयति व॒र्॒षस्या व॑रुद्ध्यै वातना॒मानि॑ जुहोति वा॒युर्वै वृष्ट्या॑ ईशे वा॒युमे॒व स्वेन॑ भाग॒धेये॒नोप॑ धावति॒ स ए॒वास्मै॑ प॒र्जन्यं॑-वँर्षयत्य॒ष्टौ [वर्षयत्य॒ष्टौ, जु॒हो॒ति॒ चत॑स्रो॒ वै] 23

जु॑होति॒ चत॑स्रो॒ वै दिश॒श्चत॑स्रो-ऽवान्तरदि॒शा दि॒ग्भ्य ए॒व वृष्टि॒ग्ं॒ स-म्प्र च्या॑वयति कृष्णाजि॒ने संयौँ॑ति ह॒विरे॒वाक॑रन्तर्वे॒दि संयौँ॒त्य व॑रुद्ध्यै॒ यती॑नाम॒द्यमा॑नानाग्ं शी॒र्॒षाणि॒ परा॑-ऽपत॒न्ते ख॒र्जूरा॑ अभव॒न्-तेषा॒ग्ं॒ रस॑ ऊ॒र्ध्वो॑-ऽपत॒त्-तानि॑ क॒रीरा᳚ण्य-भवन्-थ्सौ॒म्यानि॒ वै क॒रीरा॑णि सौ॒म्या खलु॒ वा आहु॑ति र्दि॒वो वृष्टि॑-ञ्च्यावयति॒ यत्क॒रीरा॑णि॒ भव॑न्ति [ ] 24

सौ॒म्ययै॒वा-ऽऽहु॑त्या दि॒वो वृष्टि॒मव॑ रुन्धे॒ मधु॑षा॒ सं-यौँ᳚त्य॒पां-वाँ ए॒ष ओष॑धीना॒ग्ं॒ रसो॒ यन्मद्ध्व॒द्भ्य ए॒वौष॑धीभ्यो वर्ष॒त्यथो॑ अ॒द्भ्य ए॒वौष॑धीभ्यो॒ वृष्टि॒नि-न्न॑यति॒ मान्दा॒ वाशा॒ इति॒ संयौँ॑ति नाम॒धेयै॑रे॒वैना॒ अच्छै॒त्यथो॒ यथा᳚ ब्रू॒यादसा॒ वेहीत्ये॒वमे॒वैना॑ नाम॒धेयै॒रा - [नाम॒धेयै॒रा, च्या॒व॒य॒ति॒ वृष्णो॒] 25

च्या॑वयति॒ वृष्णो॒ अश्व॑स्य स॒न्दान॑मसि॒ वृष्ट्यै॒ त्वोप॑ नह्या॒मीत्या॑ह॒ वृषा॒ वा अश्वो॒ वृषा॑ प॒र्जन्यः॑ कृ॒ष्ण इ॑व॒ खलु॒ वै भू॒त्वा व॑र्षति रू॒पेणै॒वैन॒ग्ं॒ सम॑र्धयति व॒र्॒षस्या व॑रुद्ध्यै ॥ 26 ॥

(अ॒ष्टौ - भव॑न्ति - नाम॒धेयै॒रै - का॒न्न त्रि॒ग्ं॒शच्च॑) (अ. 9)

देवा॑ वसव्या॒ देवा᳚-श्शर्मण्या॒ देवा᳚-स्सपीतय॒ इत्या ब॑द्ध्नाति दे॒वता॑भिरे॒वान्व॒हं-वृँष्टि॑मिच्छति॒ यदि॒ वर्षे॒त्-ताव॑त्ये॒व हो॑त॒व्यं॑-यँदि॒ न वर्षे॒च्छ्वो भू॒ते ह॒विर्निर्व॑पेदहोरा॒त्रे वै मि॒त्रावरु॑णावहोरा॒त्राभ्या॒-ङ्खलु॒ वै प॒र्जन्यो॑ वर्षति॒ नक्तं॑-वाँ॒ हि दिवा॑ वा॒ वर्ष॑ति मि॒त्रावरु॑णावे॒व स्वेन॑ भाग॒धेये॒नोप॑ धावति॒ तावे॒वास्मा॑ [तावे॒वास्मै᳚, अ॒हो॒रा॒त्राभ्यां᳚-] 27

अहोरा॒त्राभ्या᳚-म्प॒र्जन्यं॑ ँवर्षयतो॒-ऽग्नये॑ धाम॒च्छदे॑ पुरो॒डाश॑म॒ष्टाक॑पाल॒-न्निर्व॑पेन्मारु॒तग्ं स॒प्तक॑पालग्ं सौ॒र्यमेक॑कपालम॒ग्निर्वा इ॒तो वृष्टि॒मुदी॑रयति म॒रुतः॑ सृ॒ष्टा-न्न॑यन्ति य॒दा खलु॒ वा अ॒सावा॑दि॒त्यो न्यं॑-र॒श्मिभिः॑ पर्या॒वर्त॒ते-ऽथ॑वर्षतिधाम॒च्छदि॑व॒ खलु॒ वै भू॒त्वा व॑र्षत्ये॒ता वै दे॒वता॒ वृष्ट्या॑ ईशते॒ ता ए॒व स्वेन॑ भाग॒धेये॒नोप॑ धावति॒ ता [भाग॒धेये॒नोप॑ धावति॒ ताः, ए॒वास्मै॑] 28

ए॒वास्मै॑ प॒र्जन्यं॑-वँर्षयन्त्यु॒ता व॑र्षिष्य॒न् वर्ष॑त्ये॒व सृ॒जा वृ॒ष्टि-न्दि॒व आ-ऽद्भि-स्स॑मु॒द्र-म्पृ॒णेत्या॑हे॒माश्चै॒वा-मूश्चा॒प-स्सम॑र्धय॒त्यथो॑ आ॒भिरे॒वा-मूरच्छै᳚त्य॒ब्जा अ॑सि प्रथम॒जा बल॑मसि समु॒द्रिय॒मित्या॑ह यथाय॒जुरे॒वैत-दुन्न॑-म्भय पृथि॒वीमिति॑ वर्षा॒ह्वा-ञ्जु॑होत्ये॒षा वा ओष॑धीनां-वृँष्टि॒वनि॒स्तयै॒व वृष्टि॒मा च्या॑वयति॒ ये दे॒वा दि॒विभा॑गा॒ इति॑ कृष्णाजि॒नमव॑ धूनोती॒म ए॒वास्मै॑ लो॒काः प्री॒ता अ॒भीष्टा॑ भवन्ति ॥ 29 ॥

(अ॒स्मै॒ - धा॒व॒ति॒ ता - वा - एक॑विग्ंशतिश्च ) (अ. 10)

सर्वा॑णि॒ छन्दाग्॑स्ये॒तस्या॒-मिष्ट्या॑-म॒नूच्या॒नीत्या॑हु-स्त्रि॒ष्टुभो॒ वा ए॒तद्वी॒र्यं॑-यँ-त्क॒कुदु॒ष्णिहा॒ जग॑त्यै॒ यदु॑ष्णिह-क॒कुभा॑व॒न्वाह॒ तेनै॒व सर्वा॑णि॒ छन्दा॒ग्॒स्यव॑ रुन्धे गाय॒त्री वा ए॒षा यदु॒ष्णिहा॒ यानि॑ च॒त्वार्यद्ध्य॒क्षरा॑णि॒ चतु॑ष्पाद ए॒व ते प॒शवो॒यथा॑ पुरो॒डाशे॑ पुरो॒डाशो-ऽद्ध्ये॒वमे॒व त-द्यद्-ऋ॒च्यद्ध्य॒क्षरा॑णि॒ यज्जग॑त्या [यज्जग॑त्या, प॒रि॒द॒द्ध्यादन्तं॑-] 30

परिद॒द्ध्यादन्तं॑-यँ॒ज्ञ-ङ्ग॑मये-त्त्रि॒ष्टुभा॒ परि॑ दधातीन्द्रि॒यं-वैँ वी॒र्य॑-न्त्रि॒ष्टुगि॑न्द्रि॒य ए॒व वी॒र्ये॑ य॒ज्ञ-म्प्रति॑ष्ठापयति॒ नान्त॑-ङ्गमय॒त्यग्ने॒ त्री ते॒ वाजि॑ना॒ त्री ष॒धस्थेति॒ त्रिव॑त्या॒ परि॑ दधाति सरूप॒त्वाय॒ सर्वो॒ वा ए॒ष य॒ज्ञो य-त्त्रै॑धात॒वीय॒-ङ्कामा॑य-कामाय॒ प्रयु॑ज्यते॒ सर्वे᳚भ्यो॒ हि कामे᳚भ्यो य॒ज्ञः प्र॑यु॒ज्यते᳚ त्रैधात॒वीये॑न यजेताभि॒चर॒न्-थ्सर्वो॒ वा [सर्वो॒ वै, ए॒ष] 31

ए॒ष य॒ज्ञो य-त्त्रै॑धात॒वीय॒ग्ं॒ सर्वे॑णै॒वैनं॑-यँ॒ज्ञेना॒भि च॑रति स्तृणु॒त ए॒वैन॑मे॒तयै॒व य॑जेताभिच॒र्यमा॑ण॒-स्सर्वो॒ वा ए॒ष य॒ज्ञो य-त्त्रै॑धात॒वीय॒ग्ं॒ सर्वे॑णै॒व य॒ज्ञेन॑ यजते॒ नैन॑मभि॒चर᳚न्-थ्स्तृणुत ए॒तयै॒व य॑जेत स॒हस्रे॑ण य॒क्ष्यमा॑णः॒ प्रजा॑तमे॒वैन॑-द्ददात्ये॒तयै॒व य॑जेत स॒हस्रे॑णेजा॒नो-ऽन्तं॒-वाँ ए॒ष प॑शू॒ना-ङ्ग॑च्छति॒ [-ग॑च्छति, य-स्स॒हस्रे॑ण॒] 32

य-स्स॒हस्रे॑ण॒ यज॑ते प्र॒जाप॑तिः॒ खलु॒ वै प॒शून॑सृजत॒ ताग्स्त्रै॑धात॒ वीये॑-नै॒वासृ॑जत॒ य ए॒वं-विँ॒द्वाग् स्त्रै॑धात॒वीये॑नप॒शुका॑मो॒ यज॑ते॒ यस्मा॑दे॒व योनेः᳚ प्र॒जाप॑तिः प॒शूनसृ॑जत॒ तस्मा॑दे॒वैना᳚न्-थ्सृजत॒ उपै॑न॒मुत्त॑रग्ं स॒हस्र॑-न्नमति दे॒वता᳚भ्यो॒ वा ए॒ष आ वृ॑श्च्यते॒ यो य॒क्ष्य इत्यु॒क्त्वा न यज॑ते त्रैधात॒वीये॑न यजेत॒ सर्वो॒ वा ए॒ष य॒ज्ञो [य॒ज्ञः, य-त्त्रै॑धात॒वीय॒ग्ं॒] 33

य-त्त्रै॑धात॒वीय॒ग्ं॒ सर्वे॑णै॒व य॒ज्ञेन॑ यजते॒ न दे॒वता᳚भ्य॒ आ वृ॑श्च्यते॒ द्वाद॑शकपालः पुरो॒डाशो॑ भवति॒ ते त्रय॒श्चतु॑ष्कपाला-स्त्रिष्षमृद्ध॒त्वाय॒ त्रयः॑ पुरो॒डाशा॑ भवन्ति॒ त्रय॑ इ॒मे लो॒का ए॒षां-लोँ॒काना॒माप्त्या॒ उत्त॑र-उत्तरो॒ ज्याया᳚-न्भवत्ये॒वमि॑व॒ हीमे लो॒का य॑व॒मयो॒ मद्ध्य॑ ए॒तद्वा अ॒न्तरि॑क्षस्य रू॒पग्ं समृ॑द्ध्यै॒ सर्वे॑षामभिग॒मय॒न्नव॑ द्य॒त्यछ॑बण्ट्कार॒ग्ं॒ हिर॑ण्य-न्ददाति॒ तेज॑ ए॒वा- [ए॒व, अव॑ रुन्धे] 34

-ऽव॑ रुन्धे ता॒र्प्य-न्द॑दाति प॒शूने॒वाव॑ रुन्धे धे॒नु-न्द॑दात्या॒शिष॑ ए॒वाव॑ रुन्धे॒ साम्नो॒ वा ए॒ष वर्णो॒ यद्धिर॑ण्यं॒-यँजु॑षा-न्ता॒र्प्यमु॑क्थाम॒दाना᳚-न्धे॒नुरे॒ताने॒व सर्वा॒न्॒. वर्णा॒नव॑ रुन्धे ॥ 35 ॥

(जग॑त्या - ऽभि॒चर॒न्-थ्सर्वो॒ वै - ग॑च्छति - य॒ज्ञ - स्तेज॑ ए॒व - त्रि॒ग्ं॒शच्च॑) (अ. 11)

त्वष्टा॑ ह॒तपु॑त्रो॒ वीन्द्र॒ग्ं॒ सोम॒मा-ऽह॑र॒-त्तस्मि॒न्निन्द्र॑ उपह॒वमै᳚च्छत॒ त-न्नोपा᳚ह्वयत पु॒त्र-म्मे॑-ऽवधी॒रिति॒ स य॑ज्ञवेश॒स-ङ्कृ॒त्वा प्रा॒सहा॒ सोम॑मपिब॒-त्तस्य॒ यद॒त्यशि॑ष्यत॒ त-त्त्वष्टा॑-ऽऽहव॒नीय॒मुप॒ प्राव॑र्तय॒-थ्स्वाहेन्द्र॑शत्रुर्वर्ध॒स्वेति॒ स याव॑दू॒र्ध्वः प॑रा॒विद्ध्य॑ति॒ ताव॑ति स्व॒यमे॒व व्य॑रमत॒ यदि॑ वा॒ ताव॑-त्प्रव॒ण- [ताव॑-त्प्रव॒णम्, आसी॒द्यदि॑] 36

-मासी॒द्यदि॑ वा॒ ताव॒दद्ध्य॒ग्नेरासी॒-थ्स स॒म्भव॑न्न॒ग्नीषोमा॑व॒भि सम॑भव॒-थ्स इ॑षुमा॒त्रमि॑षुमात्रं॒-विँष्व॑ङ्ङवर्धत॒ स इ॒मां-लोँ॒कान॑वृणो॒द्य-दि॒मां-लोँ॒कानवृ॑णो॒-त्त-द्वृ॒त्रस्य॑ वृत्र॒त्व-न्तस्मा॒दिन्द्रो॑-ऽबिभे॒दपि॒ त्वष्टा॒ तस्मै॒ त्वष्टा॒ वज्र॑मसिञ्च॒-त्तपो॒ वै स वज्र॑ आसी॒-त्तमुद्य॑न्तु॒-न्नाश॑क्नो॒दथ॒ वै तर्हि॒ विष्णु॑- [विष्णुः॑, अ॒न्या] 37

-र॒न्या दे॒वता॑ ऽऽसी॒-थ्सो᳚-ऽब्रवी॒-द्विष्ण॒वेही॒दमा ह॑रिष्यावो॒ येना॒यमि॒दमिति॒स विष्णु॑स्त्रे॒धा-ऽऽत्मानं॒-विँन्य॑धत्त पृथि॒व्या-न्तृती॑यम॒न्तरि॑क्षे॒ तृती॑य-न्दि॒वि तृती॑य-मभिपर्याव॒र्ता-द्ध्यबि॑भे॒द्यत्-पृ॑थि॒व्या-न्तृती॑य॒मासी॒-त्तेनेन्द्रो॒ वज्र॒मुद॑यच्छ॒-द्विष्ण्व॑नुस्थित॒-स्सो᳚-ऽब्रवी॒न्मा मे॒ प्र हा॒रस्ति॒ वा इ॒द- [वा इ॒दम्, मयि॑ वी॒र्य॑-न्त-त्ते॒] 38

-म्मयि॑ वी॒र्य॑-न्त-त्ते॒ प्रदा᳚स्या॒मीति॒ तद॑स्मै॒ प्राय॑च्छ॒-त्त-त्प्रत्य॑गृह्णा॒दधा॒ मेति॒ त-द्विष्ण॒वे-ऽति॒ प्राय॑च्छ॒-त्त-द्विष्णुः॒ प्रत्य॑गृह्णा-द॒स्मास्विन्द्र॑ इन्द्रि॒य-न्द॑धा॒त्विति॒ यद॒न्तरि॑क्षे॒ तृती॑य॒मासी॒-त्तेनेन्द्रो॒ वज्र॒मुद॑यच्छ॒-द्विष्ण्व॑नुस्थित॒-स्सो᳚-ऽब्रवी॒न्मा मे॒ प्रहा॒रस्ति॒ वा इ॒द- [वा इ॒दम्, मयि॑ वी॒र्य॑-न्त-त्ते॒] 39

-म्मयि॑ वी॒र्य॑-न्त-त्ते॒ प्र दा᳚स्या॒मीति॒ तद॑स्मै॒ प्राय॑च्छ॒-त्त-त्प्रत्य॑गृह्णा॒-द्द्विर्मा॑-ऽधा॒ इति॒ त-द्विष्ण॒वे-ऽति॒ प्राय॑च्छ॒-त्त-द्विष्णुः॒ प्रत्य॑गृह्णाद॒स्मास्विन्द्र॑ इन्द्रि॒य-न्द॑धा॒त्विति॒ यद्दि॒वि तृती॑य॒मासी॒-त्तेनेन्द्रो॒ वज्र॒मुद॑यच्छ॒-द्विष्ण्व॑नुस्थित॒-स्सो᳚-ऽब्रवी॒न्मा मे॒ प्रहा॒र्येना॒ह- [प्रहा॒र्येना॒हम्, इ॒दमस्मि॒ त-त्ते॒] 40

-मि॒दमस्मि॒ त-त्ते॒ प्रदा᳚स्या॒मीति॒ त्वी(3) इत्य॑ब्रवी-थ्स॒न्धा-न्तु सन्द॑धावहै॒ त्वामे॒व प्रवि॑शा॒नीति॒ यन्मा-म्प्र॑वि॒शेः कि-म्मा॑ भुञ्ज्या॒ इत्य॑ब्रवी॒-त्त्वामे॒वेन्धी॑य॒ तव॒ भोगा॑य॒ त्वा-म्प्रवि॑शेय॒मित्य॑ब्रवी॒-त्तं-वृँ॒त्रः प्रावि॑शदु॒दरं॒-वैँ वृ॒त्रः, क्षु-त्खलु॒ वै म॑नु॒ष्य॑स्य॒ भ्रातृ॑व्यो॒ य [भ्रातृ॑व्यो॒ यः, ए॒वं-वेँद॒ हन्ति॒] 41

ए॒वं-वेँद॒ हन्ति॒ क्षुध॒-म्भ्रातृ॑व्य॒-न्तद॑स्मै॒ प्राय॑च्छ॒त्त-त्प्रत्य॑गृह्णा॒त्- त्रिर्मा॑-ऽधा॒ इति॒ त-द्विष्ण॒वे-ऽति॒ प्राय॑च्छ॒-त्त-द्विष्णुः॒ प्रत्य॑गृह्णाद॒स्मास्विन्द्र॑ इन्द्रि॒य-न्द॑धा॒त्विति॒ यत्त्रिः प्राय॑च्छ॒-त्त्रिः प्र॒त्यगृ॑ह्णा॒-त्त-त्त्रि॒धातो᳚स्त्रिधातु॒त्वं-यँ-द्विष्णु॑र॒न्वति॑ष्ठत॒ विष्ण॒वे-ऽति॒ प्राय॑च्छ॒-त्तस्मा॑दैन्द्रावैष्ण॒वग्ं ह॒विर्भ॑वति॒ यद्वा इ॒द-ङ्किञ्च॒ तद॑स्मै॒ त-त्प्राय॑च्छ॒-दृच॒-स्सामा॑नि॒ यजूग्ं॑षि स॒हस्रं॒-वाँ अ॑स्मै॒ त-त्प्राय॑च्छ॒-त्तस्मा᳚-थ्स॒हस्र॑दक्षिणम् ॥ 42 ॥

(प्र॒व॒णं - ँविष्णु॒- र्वा इ॒द- मि॒द - म॒हं - ँयो - भ॑व॒ - त्येक॑ विग्ंशतिश्च) (अ. 12)

दे॒वा वै रा॑ज॒न्या᳚-ज्जाय॑माना-दबिभयु॒-स्तम॒न्तरे॒व सन्त॒-न्दाम्ना ऽपौ᳚म्भ॒न्-थ्स वा ए॒षो-ऽपो᳚ब्धो जायते॒ य-द्रा॑ज॒न्यो॑ यद्वा ए॒षो-ऽन॑पोब्धो॒ जाये॑त वृ॒त्रा-न्घ्नग्ग् श्च॑रे॒द्य-ङ्का॒मये॑त राज॒न्य॑मन॑पोब्धो जायेत वृ॒त्रा-न्घ्नग्ग् श्च॑रे॒दिति॒ तस्मा॑ ए॒तमै᳚न्द्रा बार्हस्प॒त्य-ञ्च॒रु-न्निर्व॑पेदै॒न्द्रो वै रा॑ज॒न्यो᳚ ब्रह्म॒ बृह॒स्पति॒ र्ब्रह्म॑णै॒वैन॒-न्दाम्नो॒-ऽपोम्भ॑ना-न्मुञ्चति हिर॒ण्मय॒-न्दाम॒ दक्षि॑णा सा॒क्षादे॒वैन॒-न्दाम्नो॒-ऽपोम्भ॑ना-न्मुञ्चति ॥ 43 ॥

(ए॒नं॒ - द्वाद॑श च) (अ. 13)

नवो॑नवो भवति॒ जाय॑मा॒नो-ऽह्ना᳚-ङ्के॒तुरु॒षसा॑ मे॒त्यग्रे᳚ । भा॒ग-न्दे॒वेभ्यो॒ विद॑धात्या॒य-न्प्रच॒न्द्रमा᳚स्तिरति दी॒र्घमायुः॑ ॥ यमा॑दि॒त्या अ॒ग्ं॒शुमा᳚प्या॒यय॑न्ति॒ यमक्षि॑त॒-मक्षि॑तयः॒ पिब॑न्ति । तेन॑ नो॒ राजा॒ वरु॑णो॒ बृह॒स्पति॒रा प्या॑ययन्तु॒ भुव॑नस्य गो॒पाः ॥प्राच्या᳚-न्दि॒शि त्वमि॑न्द्रासि॒ राजो॒तोदी᳚च्यां-वृँत्रहन् वृत्र॒हा-ऽसि॑ । यत्र॒ यन्ति॑ स्रो॒त्यास्त- [यन्ति॑ स्रो॒त्यास्तत्, जि॒त-न्ते॑] 44

-ज्जि॒त-न्ते॑ दक्षिण॒तो वृ॑ष॒भ ए॑धि॒ हव्यः॑ ॥ इन्द्रो॑ जयाति॒ न परा॑ जयाता अधिरा॒जो राज॑सु राजयाति । विश्वा॒ हि भू॒याः पृत॑ना अभि॒ष्टीरु॑प॒सद्यो॑ नम॒स्यो॑ यथा-ऽस॑त् ॥ अ॒स्येदे॒व प्ररि॑रिचे महि॒त्व-न्दि॒वः पृ॑थि॒व्याः पर्य॒न्तरि॑क्षात् । स्व॒राडिन्द्रो॒ दम॒ आ वि॒श्वगू᳚र्त-स्स्व॒रिरम॑त्रो ववक्षे॒ रणा॑य ॥ अ॒भि त्वा॑ शूर नोनु॒मो-ऽदु॑ग्धा इव धे॒नवः॑ । ईशा॑न- [ईशा॑नम्, अ॒स्य] 45

-म॒स्य जग॑त-स्सुव॒र्दृश॒मीशा॑नमिन्द्र त॒स्थुषः॑ ॥ त्वामिद्धि हवा॑महे सा॒ता वाज॑स्य का॒रवः॑ । त्वां-वृँ॒त्रेष्वि॑न्द्र॒ सत्प॑ति॒-न्नर॒स्त्वा-ङ्काष्ठा॒स्वर्व॑तः ॥ यद्द्याव॑इन्द्रतेश॒तग्ं श॒त-म्भूमी॑रु॒त स्युः । न त्वा॑ वज्रिन्-थ्स॒हस्र॒ग्ं॒ सूर्या॒ अनु॒ न जा॒तम॑ष्ट॒ रोद॑सी ॥ पिबा॒ सोम॑मिन्द्र॒ मन्द॑तु त्वा॒ यन्ते॑ सु॒षाव॑ हर्य॒श्वाद्रिः॑ । 46

सो॒तुर्बा॒हुभ्या॒ग्ं॒ सुय॑तो॒ नार्वा᳚ ॥ रे॒वती᳚र्न-स्सध॒माद॒ इन्द्रे॑ सन्तु तु॒विवा॑जाः । क्षु॒मन्तो॒ याभि॒र्मदे॑म ॥ उद॑ग्ने॒ शुच॑य॒स्तव॒ , वि ज्योति॒षो,दु॒ त्य-ञ्जा॒तवे॑दसग्ंस॒प्त त्वा॑ ह॒रितो॒ रथे॒ वह॑न्ति देव सूर्य । शो॒चिष्के॑शं-विँचक्षण ॥ चि॒त्र-न्दे॒वाना॒मुद॑गा॒दनी॑क॒-ञ्चक्षु॑र्मि॒त्रस्य॒ वरु॑णस्या॒-ऽग्नेः । आ-ऽप्रा॒ द्यावा॑पृथि॒वी अ॒न्तरि॑क्ष॒ग्ं॒ सूर्य॑ आ॒त्मा जग॑तस्त॒स्थुष॑- [जग॑तस्त॒स्थुषः॑, च ।] 47

-श्च ॥ विश्वे॑ दे॒वा ऋ॑ता॒वृध॑ ऋ॒तुभि॑र्-हवन॒श्रुतः॑ । जु॒षन्तां॒-युँज्य॒-म्पयः॑ ॥ विश्वे॑ देवा-श्शृणु॒तेमग्ं हव॑-म्मे॒ ये अ॒न्तरि॑क्षे॒ य उप॒ द्यवि॒ष्ठ । ये अ॑ग्निजि॒ह्वा उ॒त वा॒ यज॑त्रा आ॒सद्या॒स्मि-न्ब॒र्॒हिषि॑ मादयद्ध्वम् ॥ 48 ॥

(त - दीशा॑न॒ - मद्रि॑ - स्त॒स्थुष॑ - स्त्रि॒ग्ं॒शच्च॑) (अ. 14)

(दे॒वा म॑नु॒ष्या॑ - देवसु॒रा अ॑ब्रुवन् - देवासु॒रास्तेषा᳚-ङ्गाय॒त्री - प्र॒जाप॑ति॒स्ता यत्रा-ऽ - ग्ने॒ गोभिः॑ - चि॒त्रया॑ - मारु॒तं - देवा॑ वसव्या॒ अग्ने॑ - मारु॒तमिति॒ - देवा॑ वसव्या॒ देवा᳚-श्शर्मण्याः॒ - सर्वा॑णि॒ - त्वष्टा॑ ह॒तपु॑त्रो - दे॒वा वै रा॑ज॒न्या᳚न् - नवो॑नव॒ - श्चतु॑र्दश )

(दे॒वा म॑नु॒ष्याः᳚ - प्र॒जा-म्प॒शुन् - देवा॑ वसव्याः - परिद॒ध्यदि॒द- मस्म्य॒ - ष्टा च॑त्वारिग्ंशत् )

(दे॒वा म॑नु॒ष्या॑, मादयध्वं)

॥ हरिः॑ ओम् ॥

॥ कृष्ण यजुर्वेदीय तैत्तिरीय संहिताया-न्द्वितीयकाण्डे चतुर्थः प्रश्न-स्समाप्तः ॥