Shri Venkateshvara Mangalashtakam — Tamil Script

ஶ்ரீக்ஷோண்யௌ ரமணீயுகம் ஸுரமணீபுத்ரோऽபி வாணீபதிஃ

பௌத்ரஶ்சந்த்ரஶிரோமணிஃ பணிபதிஃ ஶய்யா ஸுராஃ ஸேவகாஃ ।

தார்க்ஷ்யோ யஸ்ய ரதோ மஹஶ்ச பவநம் ப்ரஹ்மாண்டமாத்யஃ புமாந்

ஶ்ரீமத்வேங்கடபூதரேந்த்ரரமணஃ குர்யாத்தரிர்மங்கலம் ॥ 1 ॥

யத்தேஜோ ரவிகோடிகோடிகிரணாந் திக்க்ரு'த்ய ஜேஜீயதே

யஸ்ய ஶ்ரீவதநாம்புஜஸ்ய ஸுஷமா ராகேந்துகோடீரபி ।

ஸௌந்தர்யம் ச மநோபவாநபி பஹூந் காந்திஶ்ச காதம்பிநீம்

ஶ்ரீமத்வேங்கடபூதரேந்த்ரரமணஃ குர்யாத்தரிர்மங்கலம் ॥ 2 ॥

நாநாரத்ந கிரீடகுண்டலமுகைர்பூஷாகணைர்பூஷிதஃ

ஶ்ரீமத்கௌஸ்துபரத்ந பவ்யஹ்ரு'தயஃ ஶ்ரீவத்ஸஸல்லாஞ்சநஃ ।

வித்யுத்வர்ணஸுவர்ணவஸ்த்ரருசிரோ யஃ ஶங்கசக்ராதிபிஃ

ஶ்ரீமத்வேங்கடபூதரேந்த்ரரமணஃ குர்யாத்தரிர்மங்கலம் ॥ 3 ॥

யத்பாலே ம்ரு'கநாபிசாருதிலகோ நேத்ரேऽப்ஜபத்ராயதே

கஸ்தூரீகநஸாரகேஸரமிலச்ச்ரீகந்தஸாரோ த்ரவைஃ ।

கந்தைர்லிப்ததநுஃ ஸுகந்தஸுமநோமாலாதரோ யஃ ப்ரபுஃ

ஶ்ரீமத்வேங்கடபூதரேந்த்ரரமணஃ குர்யாத்தரிர்மங்கலம் ॥ 4 ॥

ஏதத்திவ்யபதம் மமாஸ்தி புவி தத்ஸம்பஶ்யதேத்யாதரா-

-த்பக்தேப்யஃ ஸ்வகரேண தர்ஶயதி யத்த்ரு'ஷ்ட்யாऽதிஸௌக்யம் கதஃ ।

ஏதத்பக்திமதோ மஹாநபி பவாம்போதிர்நதீதி ஸ்ப்ரு'ஶந்

ஶ்ரீமத்வேங்கடபூதரேந்த்ரரமணஃ குர்யாத்தரிர்மங்கலம் ॥ 5 ॥

யஃ ஸ்வாமீ ஸரஸஸ்தடே விஹரதோ ஶ்ரீஸ்வாமிநாம்நஃ ஸதா

ஸௌவர்ணாலயமந்திரோ விதிமுகைர்பர்ஹிர்முகைஃ ஸேவிதஃ ।

யஃ ஶத்ரூந் ஹநயந் நிஜாநவதி ச ஶ்ரீபூவராஹாத்மகஃ

ஶ்ரீமத்வேங்கடபூதரேந்த்ரரமணஃ குர்யாத்தரிர்மங்கலம் ॥ 6 ॥

யோ ப்ரஹ்மாதிஸுராந் முநீம்ஶ்ச மநுஜாந் ப்ரஹ்மோத்ஸவாயாகதாந்

த்ரு'ஷ்ட்வா ஹ்ரு'ஷ்டமநா பபூவ பஹுஶஸ்தைரர்சிதஃ ஸம்ஸ்துதஃ ।

தேப்யோ யஃ ப்ரததாத்வராந் பஹுவிதாந் லக்ஷ்மீநிவாஸோ விபுஃ

ஶ்ரீமத்வேங்கடபூதரேந்த்ரரமணஃ குர்யாத்தரிர்மங்கலம் ॥ 7 ॥

யோ தேவோ புவி வர்ததே கலியுகே வைகுண்டலோகஸ்திதோ

பக்தாநாம் பரிபாலநாய ஸததம் காருண்யவாராம் நிதிஃ ।

ஶ்ரீஶேஷாக்யமஹீந்த்ரமஸ்தகமணிர்பக்தைகசிந்தாமணிஃ

ஶ்ரீமத்வேங்கடபூதரேந்த்ரரமணஃ குர்யாத்தரிர்மங்கலம் ॥ 8 ॥

ஶேஷாத்ரிப்ரபுமங்கலாஷ்டகமிதம் துஷ்டேந யஸ்யேஶிதுஃ

ப்ரீத்யர்தம் ரசிதம் ரமேஶசரணத்வந்த்வைகநிஷ்டாவதா ।

வைவாஹ்யாதிஶுபக்ரியாஸு படிதம் யைஃ ஸாது தேஷாமபி

ஶ்ரீமத்வேங்கடபூதரேந்த்ரரமணஃ குர்யாத்தரிர்மங்கலம் ॥ 9 ॥

இதி ஶ்ரீ வேங்கடேஶ மங்கலாஷ்டகம் ।

Roman (IAST) Transliteration

śrīkṣoṇyau ramaṇīyugaṃ suramaṇīputro'pi vāṇīpatiḥ

pautraścandraśiromaṇiḥ phaṇipatiḥ śayyā surāḥ sevakāḥ |

tārkṣyo yasya ratho mahaśca bhavanaṃ brahmāṇḍamādyaḥ pumān

śrīmadveṅkaṭabhūdharendraramaṇaḥ kuryāddharirmaṅgalam || 1 ||

yattejo ravikoṭikoṭikiraṇān dhikkṛtya jejīyate

yasya śrīvadanāmbujasya suṣamā rākendukoṭīrapi |

saundaryaṃ ca manobhavānapi bahūn kāntiśca kādambinīṃ

śrīmadveṅkaṭabhūdharendraramaṇaḥ kuryāddharirmaṅgalam || 2 ||

nānāratna kirīṭakuṇḍalamukhairbhūṣāgaṇairbhūṣitaḥ

śrīmatkaustubharatna bhavyahṛdayaḥ śrīvatsasallāñchanaḥ |

vidyudvarṇasuvarṇavastraruciro yaḥ śaṅkhacakrādibhiḥ

śrīmadveṅkaṭabhūdharendraramaṇaḥ kuryāddharirmaṅgalam || 3 ||

yatphāle mṛganābhicārutilako netre'bjapatrāyate

kastūrīghanasārakesaramilacchrīgandhasāro dravaiḥ |

gandhairliptatanuḥ sugandhasumanomālādharo yaḥ prabhuḥ

śrīmadveṅkaṭabhūdharendraramaṇaḥ kuryāddharirmaṅgalam || 4 ||

etaddivyapadaṃ mamāsti bhuvi tatsampaśyatetyādarā-

-dbhaktebhyaḥ svakareṇa darśayati yaddṛṣṭyā'tisaukhyaṃ gataḥ |

etadbhaktimato mahānapi bhavāmbhodhirnadīti spṛśan

śrīmadveṅkaṭabhūdharendraramaṇaḥ kuryāddharirmaṅgalam || 5 ||

yaḥ svāmī sarasastaṭe viharato śrīsvāmināmnaḥ sadā

sauvarṇālayamandiro vidhimukhairbarhirmukhaiḥ sevitaḥ |

yaḥ śatrūn hanayan nijānavati ca śrībhūvarāhātmakaḥ

śrīmadveṅkaṭabhūdharendraramaṇaḥ kuryāddharirmaṅgalam || 6 ||

yo brahmādisurān munīṃśca manujān brahmotsavāyāgatān

dṛṣṭvā hṛṣṭamanā babhūva bahuśastairarcitaḥ saṃstutaḥ |

tebhyo yaḥ pradadādvarān bahuvidhān lakṣmīnivāso vibhuḥ

śrīmadveṅkaṭabhūdharendraramaṇaḥ kuryāddharirmaṅgalam || 7 ||

yo devo bhuvi vartate kaliyuge vaikuṇṭhalokasthito

bhaktānāṃ paripālanāya satataṃ kāruṇyavārāṃ nidhiḥ |

śrīśeṣākhyamahīndhramastakamaṇirbhaktaikacintāmaṇiḥ

śrīmadveṅkaṭabhūdharendraramaṇaḥ kuryāddharirmaṅgalam || 8 ||

śeṣādriprabhumaṅgalāṣṭakamidaṃ tuṣṭena yasyeśituḥ

prītyarthaṃ racitaṃ rameśacaraṇadvandvaikaniṣṭhāvatā |

vaivāhyādiśubhakriyāsu paṭhitaṃ yaiḥ sādhu teṣāmapi

śrīmadveṅkaṭabhūdharendraramaṇaḥ kuryāddharirmaṅgalam || 9 ||

iti śrī veṅkaṭeśa maṅgalāṣṭakam |

Sanskrit — Devanagari (original)

श्रीक्षोण्यौ रमणीयुगं सुरमणीपुत्रोऽपि वाणीपतिः

पौत्रश्चन्द्रशिरोमणिः फणिपतिः शय्या सुराः सेवकाः ।

तार्क्ष्यो यस्य रथो महश्च भवनं ब्रह्माण्डमाद्यः पुमान्

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 1 ॥

यत्तेजो रविकोटिकोटिकिरणान् धिक्कृत्य जेजीयते

यस्य श्रीवदनाम्बुजस्य सुषमा राकेन्दुकोटीरपि ।

सौन्दर्यं च मनोभवानपि बहून् कान्तिश्च कादम्बिनीं

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 2 ॥

नानारत्न किरीटकुण्डलमुखैर्भूषागणैर्भूषितः

श्रीमत्कौस्तुभरत्न भव्यहृदयः श्रीवत्ससल्लाञ्छनः ।

विद्युद्वर्णसुवर्णवस्त्ररुचिरो यः शङ्खचक्रादिभिः

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 3 ॥

यत्फाले मृगनाभिचारुतिलको नेत्रेऽब्जपत्रायते

कस्तूरीघनसारकेसरमिलच्छ्रीगन्धसारो द्रवैः ।

गन्धैर्लिप्ततनुः सुगन्धसुमनोमालाधरो यः प्रभुः

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 4 ॥

एतद्दिव्यपदं ममास्ति भुवि तत्सम्पश्यतेत्यादरा-

-द्भक्तेभ्यः स्वकरेण दर्शयति यद्दृष्ट्याऽतिसौख्यं गतः ।

एतद्भक्तिमतो महानपि भवाम्भोधिर्नदीति स्पृशन्

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 5 ॥

यः स्वामी सरसस्तटे विहरतो श्रीस्वामिनाम्नः सदा

सौवर्णालयमन्दिरो विधिमुखैर्बर्हिर्मुखैः सेवितः ।

यः शत्रून् हनयन् निजानवति च श्रीभूवराहात्मकः

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 6 ॥

यो ब्रह्मादिसुरान् मुनींश्च मनुजान् ब्रह्मोत्सवायागतान्

दृष्ट्वा हृष्टमना बभूव बहुशस्तैरर्चितः संस्तुतः ।

तेभ्यो यः प्रददाद्वरान् बहुविधान् लक्ष्मीनिवासो विभुः

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 7 ॥

यो देवो भुवि वर्तते कलियुगे वैकुण्ठलोकस्थितो

भक्तानां परिपालनाय सततं कारुण्यवारां निधिः ।

श्रीशेषाख्यमहीन्ध्रमस्तकमणिर्भक्तैकचिन्तामणिः

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 8 ॥

शेषाद्रिप्रभुमङ्गलाष्टकमिदं तुष्टेन यस्येशितुः

प्रीत्यर्थं रचितं रमेशचरणद्वन्द्वैकनिष्ठावता ।

वैवाह्यादिशुभक्रियासु पठितं यैः साधु तेषामपि

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 9 ॥

इति श्री वेङ्कटेश मङ्गलाष्टकम् ।