Shri Venkateshvara Mangalashtakam — Sinhala Script

ශ්රීක්ෂෝණ්යෞ රමණීයුගං සුරමණීපුත්රෝ(අ)පි වාණීපතිඃ

පෞත්රශ්චන්ද්රශිරෝමණිඃ ඵණිපතිඃ ශය්යා සුරාඃ සේවකාඃ .

තාර්ක්ෂ්යෝ යස්ය රථෝ මහශ්ච භවනං බ්රහ්මාණ්ඩමාද්යඃ පුමාන්

ශ්රීමද්වේඞ්කටභූධරේන්ද්රරමණඃ කුර්යාද්ධරිර්මඞ්ගලම් .. 1 ..

යත්තේජෝ රවිකෝටිකෝටිකිරණාන් ධික්කෘත්ය ජේජීයතේ

යස්ය ශ්රීවදනාම්බුජස්ය සුෂමා රාකේන්දුකෝටීරපි .

සෞන්දර්යං ච මනෝභවානපි බහූන් කාන්තිශ්ච කාදම්බිනීං

ශ්රීමද්වේඞ්කටභූධරේන්ද්රරමණඃ කුර්යාද්ධරිර්මඞ්ගලම් .. 2 ..

නානාරත්න කිරීටකුණ්ඩලමුඛෛර්භූෂාගණෛර්භූෂිතඃ

ශ්රීමත්කෞස්තුභරත්න භව්යහෘදයඃ ශ්රීවත්සසල්ලාඤ්ඡනඃ .

විද්යුද්වර්ණසුවර්ණවස්ත්රරුචිරෝ යඃ ශඞ්ඛචක්රාදිභිඃ

ශ්රීමද්වේඞ්කටභූධරේන්ද්රරමණඃ කුර්යාද්ධරිර්මඞ්ගලම් .. 3 ..

යත්ඵාලේ මෘගනාභිචාරුතිලකෝ නේත්රේ(අ)බ්ජපත්රායතේ

කස්තූරීඝනසාරකේසරමිලච්ඡ්රීගන්ධසාරෝ ද්රවෛඃ .

ගන්ධෛර්ලිප්තතනුඃ සුගන්ධසුමනෝමාලාධරෝ යඃ ප්රභුඃ

ශ්රීමද්වේඞ්කටභූධරේන්ද්රරමණඃ කුර්යාද්ධරිර්මඞ්ගලම් .. 4 ..

ඒතද්දිව්යපදං මමාස්ති භුවි තත්සම්පශ්යතේත්යාදරා-

-ද්භක්තේභ්යඃ ස්වකරේණ දර්ශයති යද්දෘෂ්ට්යා(අ)තිසෞඛ්යං ගතඃ .

ඒතද්භක්තිමතෝ මහානපි භවාම්භෝධිර්නදීති ස්පෘශන්

ශ්රීමද්වේඞ්කටභූධරේන්ද්රරමණඃ කුර්යාද්ධරිර්මඞ්ගලම් .. 5 ..

යඃ ස්වාමී සරසස්තටේ විහරතෝ ශ්රීස්වාමිනාම්නඃ සදා

සෞවර්ණාලයමන්දිරෝ විධිමුඛෛර්බර්හිර්මුඛෛඃ සේවිතඃ .

යඃ ශත්රූන් හනයන් නිජානවති ච ශ්රීභූවරාහාත්මකඃ

ශ්රීමද්වේඞ්කටභූධරේන්ද්රරමණඃ කුර්යාද්ධරිර්මඞ්ගලම් .. 6 ..

යෝ බ්රහ්මාදිසුරාන් මුනීංශ්ච මනුජාන් බ්රහ්මෝත්සවායාගතාන්

දෘෂ්ට්වා හෘෂ්ටමනා බභූව බහුශස්තෛරර්චිතඃ සංස්තුතඃ .

තේභ්යෝ යඃ ප්රදදාද්වරාන් බහුවිධාන් ලක්ෂ්මීනිවාසෝ විභුඃ

ශ්රීමද්වේඞ්කටභූධරේන්ද්රරමණඃ කුර්යාද්ධරිර්මඞ්ගලම් .. 7 ..

යෝ දේවෝ භුවි වර්තතේ කලියුගේ වෛකුණ්ඨලෝකස්ථිතෝ

භක්තානාං පරිපාලනාය සතතං කාරුණ්යවාරාං නිධිඃ .

ශ්රීශේෂාඛ්යමහීන්ධ්රමස්තකමණිර්භක්තෛකචින්තාමණිඃ

ශ්රීමද්වේඞ්කටභූධරේන්ද්රරමණඃ කුර්යාද්ධරිර්මඞ්ගලම් .. 8 ..

ශේෂාද්රිප්රභුමඞ්ගලාෂ්ටකමිදං තුෂ්ටේන යස්යේශිතුඃ

ප්රීත්යර්ථං රචිතං රමේශචරණද්වන්ද්වෛකනිෂ්ඨාවතා .

වෛවාහ්යාදිශුභක්රියාසු පඨිතං යෛඃ සාධු තේෂාමපි

ශ්රීමද්වේඞ්කටභූධරේන්ද්රරමණඃ කුර්යාද්ධරිර්මඞ්ගලම් .. 9 ..

ඉති ශ්රී වේඞ්කටේශ මඞ්ගලාෂ්ටකම් .

Roman (IAST) Transliteration

śrīkṣoṇyau ramaṇīyugaṃ suramaṇīputro'pi vāṇīpatiḥ

pautraścandraśiromaṇiḥ phaṇipatiḥ śayyā surāḥ sevakāḥ |

tārkṣyo yasya ratho mahaśca bhavanaṃ brahmāṇḍamādyaḥ pumān

śrīmadveṅkaṭabhūdharendraramaṇaḥ kuryāddharirmaṅgalam || 1 ||

yattejo ravikoṭikoṭikiraṇān dhikkṛtya jejīyate

yasya śrīvadanāmbujasya suṣamā rākendukoṭīrapi |

saundaryaṃ ca manobhavānapi bahūn kāntiśca kādambinīṃ

śrīmadveṅkaṭabhūdharendraramaṇaḥ kuryāddharirmaṅgalam || 2 ||

nānāratna kirīṭakuṇḍalamukhairbhūṣāgaṇairbhūṣitaḥ

śrīmatkaustubharatna bhavyahṛdayaḥ śrīvatsasallāñchanaḥ |

vidyudvarṇasuvarṇavastraruciro yaḥ śaṅkhacakrādibhiḥ

śrīmadveṅkaṭabhūdharendraramaṇaḥ kuryāddharirmaṅgalam || 3 ||

yatphāle mṛganābhicārutilako netre'bjapatrāyate

kastūrīghanasārakesaramilacchrīgandhasāro dravaiḥ |

gandhairliptatanuḥ sugandhasumanomālādharo yaḥ prabhuḥ

śrīmadveṅkaṭabhūdharendraramaṇaḥ kuryāddharirmaṅgalam || 4 ||

etaddivyapadaṃ mamāsti bhuvi tatsampaśyatetyādarā-

-dbhaktebhyaḥ svakareṇa darśayati yaddṛṣṭyā'tisaukhyaṃ gataḥ |

etadbhaktimato mahānapi bhavāmbhodhirnadīti spṛśan

śrīmadveṅkaṭabhūdharendraramaṇaḥ kuryāddharirmaṅgalam || 5 ||

yaḥ svāmī sarasastaṭe viharato śrīsvāmināmnaḥ sadā

sauvarṇālayamandiro vidhimukhairbarhirmukhaiḥ sevitaḥ |

yaḥ śatrūn hanayan nijānavati ca śrībhūvarāhātmakaḥ

śrīmadveṅkaṭabhūdharendraramaṇaḥ kuryāddharirmaṅgalam || 6 ||

yo brahmādisurān munīṃśca manujān brahmotsavāyāgatān

dṛṣṭvā hṛṣṭamanā babhūva bahuśastairarcitaḥ saṃstutaḥ |

tebhyo yaḥ pradadādvarān bahuvidhān lakṣmīnivāso vibhuḥ

śrīmadveṅkaṭabhūdharendraramaṇaḥ kuryāddharirmaṅgalam || 7 ||

yo devo bhuvi vartate kaliyuge vaikuṇṭhalokasthito

bhaktānāṃ paripālanāya satataṃ kāruṇyavārāṃ nidhiḥ |

śrīśeṣākhyamahīndhramastakamaṇirbhaktaikacintāmaṇiḥ

śrīmadveṅkaṭabhūdharendraramaṇaḥ kuryāddharirmaṅgalam || 8 ||

śeṣādriprabhumaṅgalāṣṭakamidaṃ tuṣṭena yasyeśituḥ

prītyarthaṃ racitaṃ rameśacaraṇadvandvaikaniṣṭhāvatā |

vaivāhyādiśubhakriyāsu paṭhitaṃ yaiḥ sādhu teṣāmapi

śrīmadveṅkaṭabhūdharendraramaṇaḥ kuryāddharirmaṅgalam || 9 ||

iti śrī veṅkaṭeśa maṅgalāṣṭakam |

Sanskrit — Devanagari (original)

श्रीक्षोण्यौ रमणीयुगं सुरमणीपुत्रोऽपि वाणीपतिः

पौत्रश्चन्द्रशिरोमणिः फणिपतिः शय्या सुराः सेवकाः ।

तार्क्ष्यो यस्य रथो महश्च भवनं ब्रह्माण्डमाद्यः पुमान्

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 1 ॥

यत्तेजो रविकोटिकोटिकिरणान् धिक्कृत्य जेजीयते

यस्य श्रीवदनाम्बुजस्य सुषमा राकेन्दुकोटीरपि ।

सौन्दर्यं च मनोभवानपि बहून् कान्तिश्च कादम्बिनीं

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 2 ॥

नानारत्न किरीटकुण्डलमुखैर्भूषागणैर्भूषितः

श्रीमत्कौस्तुभरत्न भव्यहृदयः श्रीवत्ससल्लाञ्छनः ।

विद्युद्वर्णसुवर्णवस्त्ररुचिरो यः शङ्खचक्रादिभिः

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 3 ॥

यत्फाले मृगनाभिचारुतिलको नेत्रेऽब्जपत्रायते

कस्तूरीघनसारकेसरमिलच्छ्रीगन्धसारो द्रवैः ।

गन्धैर्लिप्ततनुः सुगन्धसुमनोमालाधरो यः प्रभुः

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 4 ॥

एतद्दिव्यपदं ममास्ति भुवि तत्सम्पश्यतेत्यादरा-

-द्भक्तेभ्यः स्वकरेण दर्शयति यद्दृष्ट्याऽतिसौख्यं गतः ।

एतद्भक्तिमतो महानपि भवाम्भोधिर्नदीति स्पृशन्

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 5 ॥

यः स्वामी सरसस्तटे विहरतो श्रीस्वामिनाम्नः सदा

सौवर्णालयमन्दिरो विधिमुखैर्बर्हिर्मुखैः सेवितः ।

यः शत्रून् हनयन् निजानवति च श्रीभूवराहात्मकः

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 6 ॥

यो ब्रह्मादिसुरान् मुनींश्च मनुजान् ब्रह्मोत्सवायागतान्

दृष्ट्वा हृष्टमना बभूव बहुशस्तैरर्चितः संस्तुतः ।

तेभ्यो यः प्रददाद्वरान् बहुविधान् लक्ष्मीनिवासो विभुः

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 7 ॥

यो देवो भुवि वर्तते कलियुगे वैकुण्ठलोकस्थितो

भक्तानां परिपालनाय सततं कारुण्यवारां निधिः ।

श्रीशेषाख्यमहीन्ध्रमस्तकमणिर्भक्तैकचिन्तामणिः

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 8 ॥

शेषाद्रिप्रभुमङ्गलाष्टकमिदं तुष्टेन यस्येशितुः

प्रीत्यर्थं रचितं रमेशचरणद्वन्द्वैकनिष्ठावता ।

वैवाह्यादिशुभक्रियासु पठितं यैः साधु तेषामपि

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 9 ॥

इति श्री वेङ्कटेश मङ्गलाष्टकम् ।