Shri Venkateshvara Mangalashtakam — Grantha Script

𑌶𑍍𑌰𑍀𑌕𑍍𑌷𑍋𑌣𑍍𑌯𑍗 𑌰𑌮𑌣𑍀𑌯𑍁𑌗𑌂 𑌸𑍁𑌰𑌮𑌣𑍀𑌪𑍁𑌤𑍍𑌰𑍋𑌽𑌪𑌿 𑌵𑌾𑌣𑍀𑌪𑌤𑌿𑌃

𑌪𑍗𑌤𑍍𑌰𑌶𑍍𑌚𑌨𑍍𑌦𑍍𑌰𑌶𑌿𑌰𑍋𑌮𑌣𑌿𑌃 𑌫𑌣𑌿𑌪𑌤𑌿𑌃 𑌶𑌯𑍍𑌯𑌾 𑌸𑍁𑌰𑌾𑌃 𑌸𑍇𑌵𑌕𑌾𑌃 ।

𑌤𑌾𑌰𑍍𑌕𑍍𑌷𑍍𑌯𑍋 𑌯𑌸𑍍𑌯 𑌰𑌥𑍋 𑌮𑌹𑌶𑍍𑌚 𑌭𑌵𑌨𑌂 𑌬𑍍𑌰𑌹𑍍𑌮𑌾𑌣𑍍𑌡𑌮𑌾𑌦𑍍𑌯𑌃 𑌪𑍁𑌮𑌾𑌨𑍍

𑌶𑍍𑌰𑍀𑌮𑌦𑍍𑌵𑍇𑌙𑍍𑌕𑌟𑌭𑍂𑌧𑌰𑍇𑌨𑍍𑌦𑍍𑌰𑌰𑌮𑌣𑌃 𑌕𑍁𑌰𑍍𑌯𑌾𑌦𑍍𑌧𑌰𑌿𑌰𑍍𑌮𑌙𑍍𑌗𑌲𑌮𑍍 ॥ 1 ॥

𑌯𑌤𑍍𑌤𑍇𑌜𑍋 𑌰𑌵𑌿𑌕𑍋𑌟𑌿𑌕𑍋𑌟𑌿𑌕𑌿𑌰𑌣𑌾𑌨𑍍 𑌧𑌿𑌕𑍍𑌕𑍃𑌤𑍍𑌯 𑌜𑍇𑌜𑍀𑌯𑌤𑍇

𑌯𑌸𑍍𑌯 𑌶𑍍𑌰𑍀𑌵𑌦𑌨𑌾𑌮𑍍𑌬𑍁𑌜𑌸𑍍𑌯 𑌸𑍁𑌷𑌮𑌾 𑌰𑌾𑌕𑍇𑌨𑍍𑌦𑍁𑌕𑍋𑌟𑍀𑌰𑌪𑌿 ।

𑌸𑍗𑌨𑍍𑌦𑌰𑍍𑌯𑌂 𑌚 𑌮𑌨𑍋𑌭𑌵𑌾𑌨𑌪𑌿 𑌬𑌹𑍂𑌨𑍍 𑌕𑌾𑌨𑍍𑌤𑌿𑌶𑍍𑌚 𑌕𑌾𑌦𑌮𑍍𑌬𑌿𑌨𑍀𑌂

𑌶𑍍𑌰𑍀𑌮𑌦𑍍𑌵𑍇𑌙𑍍𑌕𑌟𑌭𑍂𑌧𑌰𑍇𑌨𑍍𑌦𑍍𑌰𑌰𑌮𑌣𑌃 𑌕𑍁𑌰𑍍𑌯𑌾𑌦𑍍𑌧𑌰𑌿𑌰𑍍𑌮𑌙𑍍𑌗𑌲𑌮𑍍 ॥ 2 ॥

𑌨𑌾𑌨𑌾𑌰𑌤𑍍𑌨 𑌕𑌿𑌰𑍀𑌟𑌕𑍁𑌣𑍍𑌡𑌲𑌮𑍁𑌖𑍈𑌰𑍍𑌭𑍂𑌷𑌾𑌗𑌣𑍈𑌰𑍍𑌭𑍂𑌷𑌿𑌤𑌃

𑌶𑍍𑌰𑍀𑌮𑌤𑍍𑌕𑍗𑌸𑍍𑌤𑍁𑌭𑌰𑌤𑍍𑌨 𑌭𑌵𑍍𑌯𑌹𑍃𑌦𑌯𑌃 𑌶𑍍𑌰𑍀𑌵𑌤𑍍𑌸𑌸𑌲𑍍𑌲𑌾𑌞𑍍𑌛𑌨𑌃 ।

𑌵𑌿𑌦𑍍𑌯𑍁𑌦𑍍𑌵𑌰𑍍𑌣𑌸𑍁𑌵𑌰𑍍𑌣𑌵𑌸𑍍𑌤𑍍𑌰𑌰𑍁𑌚𑌿𑌰𑍋 𑌯𑌃 𑌶𑌙𑍍𑌖𑌚𑌕𑍍𑌰𑌾𑌦𑌿𑌭𑌿𑌃

𑌶𑍍𑌰𑍀𑌮𑌦𑍍𑌵𑍇𑌙𑍍𑌕𑌟𑌭𑍂𑌧𑌰𑍇𑌨𑍍𑌦𑍍𑌰𑌰𑌮𑌣𑌃 𑌕𑍁𑌰𑍍𑌯𑌾𑌦𑍍𑌧𑌰𑌿𑌰𑍍𑌮𑌙𑍍𑌗𑌲𑌮𑍍 ॥ 3 ॥

𑌯𑌤𑍍𑌫𑌾𑌲𑍇 𑌮𑍃𑌗𑌨𑌾𑌭𑌿𑌚𑌾𑌰𑍁𑌤𑌿𑌲𑌕𑍋 𑌨𑍇𑌤𑍍𑌰𑍇𑌽𑌬𑍍𑌜𑌪𑌤𑍍𑌰𑌾𑌯𑌤𑍇

𑌕𑌸𑍍𑌤𑍂𑌰𑍀𑌘𑌨𑌸𑌾𑌰𑌕𑍇𑌸𑌰𑌮𑌿𑌲𑌚𑍍𑌛𑍍𑌰𑍀𑌗𑌨𑍍𑌧𑌸𑌾𑌰𑍋 𑌦𑍍𑌰𑌵𑍈𑌃 ।

𑌗𑌨𑍍𑌧𑍈𑌰𑍍𑌲𑌿𑌪𑍍𑌤𑌤𑌨𑍁𑌃 𑌸𑍁𑌗𑌨𑍍𑌧𑌸𑍁𑌮𑌨𑍋𑌮𑌾𑌲𑌾𑌧𑌰𑍋 𑌯𑌃 𑌪𑍍𑌰𑌭𑍁𑌃

𑌶𑍍𑌰𑍀𑌮𑌦𑍍𑌵𑍇𑌙𑍍𑌕𑌟𑌭𑍂𑌧𑌰𑍇𑌨𑍍𑌦𑍍𑌰𑌰𑌮𑌣𑌃 𑌕𑍁𑌰𑍍𑌯𑌾𑌦𑍍𑌧𑌰𑌿𑌰𑍍𑌮𑌙𑍍𑌗𑌲𑌮𑍍 ॥ 4 ॥

𑌏𑌤𑌦𑍍𑌦𑌿𑌵𑍍𑌯𑌪𑌦𑌂 𑌮𑌮𑌾𑌸𑍍𑌤𑌿 𑌭𑍁𑌵𑌿 𑌤𑌤𑍍𑌸𑌮𑍍𑌪𑌶𑍍𑌯𑌤𑍇𑌤𑍍𑌯𑌾𑌦𑌰𑌾-

-𑌦𑍍𑌭𑌕𑍍𑌤𑍇𑌭𑍍𑌯𑌃 𑌸𑍍𑌵𑌕𑌰𑍇𑌣 𑌦𑌰𑍍𑌶𑌯𑌤𑌿 𑌯𑌦𑍍𑌦𑍃𑌷𑍍𑌟𑍍𑌯𑌾𑌽𑌤𑌿𑌸𑍗𑌖𑍍𑌯𑌂 𑌗𑌤𑌃 ।

𑌏𑌤𑌦𑍍𑌭𑌕𑍍𑌤𑌿𑌮𑌤𑍋 𑌮𑌹𑌾𑌨𑌪𑌿 𑌭𑌵𑌾𑌮𑍍𑌭𑍋𑌧𑌿𑌰𑍍𑌨𑌦𑍀𑌤𑌿 𑌸𑍍𑌪𑍃𑌶𑌨𑍍

𑌶𑍍𑌰𑍀𑌮𑌦𑍍𑌵𑍇𑌙𑍍𑌕𑌟𑌭𑍂𑌧𑌰𑍇𑌨𑍍𑌦𑍍𑌰𑌰𑌮𑌣𑌃 𑌕𑍁𑌰𑍍𑌯𑌾𑌦𑍍𑌧𑌰𑌿𑌰𑍍𑌮𑌙𑍍𑌗𑌲𑌮𑍍 ॥ 5 ॥

𑌯𑌃 𑌸𑍍𑌵𑌾𑌮𑍀 𑌸𑌰𑌸𑌸𑍍𑌤𑌟𑍇 𑌵𑌿𑌹𑌰𑌤𑍋 𑌶𑍍𑌰𑍀𑌸𑍍𑌵𑌾𑌮𑌿𑌨𑌾𑌮𑍍𑌨𑌃 𑌸𑌦𑌾

𑌸𑍗𑌵𑌰𑍍𑌣𑌾𑌲𑌯𑌮𑌨𑍍𑌦𑌿𑌰𑍋 𑌵𑌿𑌧𑌿𑌮𑍁𑌖𑍈𑌰𑍍𑌬𑌰𑍍𑌹𑌿𑌰𑍍𑌮𑍁𑌖𑍈𑌃 𑌸𑍇𑌵𑌿𑌤𑌃 ।

𑌯𑌃 𑌶𑌤𑍍𑌰𑍂𑌨𑍍 𑌹𑌨𑌯𑌨𑍍 𑌨𑌿𑌜𑌾𑌨𑌵𑌤𑌿 𑌚 𑌶𑍍𑌰𑍀𑌭𑍂𑌵𑌰𑌾𑌹𑌾𑌤𑍍𑌮𑌕𑌃

𑌶𑍍𑌰𑍀𑌮𑌦𑍍𑌵𑍇𑌙𑍍𑌕𑌟𑌭𑍂𑌧𑌰𑍇𑌨𑍍𑌦𑍍𑌰𑌰𑌮𑌣𑌃 𑌕𑍁𑌰𑍍𑌯𑌾𑌦𑍍𑌧𑌰𑌿𑌰𑍍𑌮𑌙𑍍𑌗𑌲𑌮𑍍 ॥ 6 ॥

𑌯𑍋 𑌬𑍍𑌰𑌹𑍍𑌮𑌾𑌦𑌿𑌸𑍁𑌰𑌾𑌨𑍍 𑌮𑍁𑌨𑍀𑌂𑌶𑍍𑌚 𑌮𑌨𑍁𑌜𑌾𑌨𑍍 𑌬𑍍𑌰𑌹𑍍𑌮𑍋𑌤𑍍𑌸𑌵𑌾𑌯𑌾𑌗𑌤𑌾𑌨𑍍

𑌦𑍃𑌷𑍍𑌟𑍍𑌵𑌾 𑌹𑍃𑌷𑍍𑌟𑌮𑌨𑌾 𑌬𑌭𑍂𑌵 𑌬𑌹𑍁𑌶𑌸𑍍𑌤𑍈𑌰𑌰𑍍𑌚𑌿𑌤𑌃 𑌸𑌂𑌸𑍍𑌤𑍁𑌤𑌃 ।

𑌤𑍇𑌭𑍍𑌯𑍋 𑌯𑌃 𑌪𑍍𑌰𑌦𑌦𑌾𑌦𑍍𑌵𑌰𑌾𑌨𑍍 𑌬𑌹𑍁𑌵𑌿𑌧𑌾𑌨𑍍 𑌲𑌕𑍍𑌷𑍍𑌮𑍀𑌨𑌿𑌵𑌾𑌸𑍋 𑌵𑌿𑌭𑍁𑌃

𑌶𑍍𑌰𑍀𑌮𑌦𑍍𑌵𑍇𑌙𑍍𑌕𑌟𑌭𑍂𑌧𑌰𑍇𑌨𑍍𑌦𑍍𑌰𑌰𑌮𑌣𑌃 𑌕𑍁𑌰𑍍𑌯𑌾𑌦𑍍𑌧𑌰𑌿𑌰𑍍𑌮𑌙𑍍𑌗𑌲𑌮𑍍 ॥ 7 ॥

𑌯𑍋 𑌦𑍇𑌵𑍋 𑌭𑍁𑌵𑌿 𑌵𑌰𑍍𑌤𑌤𑍇 𑌕𑌲𑌿𑌯𑍁𑌗𑍇 𑌵𑍈𑌕𑍁𑌣𑍍𑌠𑌲𑍋𑌕𑌸𑍍𑌥𑌿𑌤𑍋

𑌭𑌕𑍍𑌤𑌾𑌨𑌾𑌂 𑌪𑌰𑌿𑌪𑌾𑌲𑌨𑌾𑌯 𑌸𑌤𑌤𑌂 𑌕𑌾𑌰𑍁𑌣𑍍𑌯𑌵𑌾𑌰𑌾𑌂 𑌨𑌿𑌧𑌿𑌃 ।

𑌶𑍍𑌰𑍀𑌶𑍇𑌷𑌾𑌖𑍍𑌯𑌮𑌹𑍀𑌨𑍍𑌧𑍍𑌰𑌮𑌸𑍍𑌤𑌕𑌮𑌣𑌿𑌰𑍍𑌭𑌕𑍍𑌤𑍈𑌕𑌚𑌿𑌨𑍍𑌤𑌾𑌮𑌣𑌿𑌃

𑌶𑍍𑌰𑍀𑌮𑌦𑍍𑌵𑍇𑌙𑍍𑌕𑌟𑌭𑍂𑌧𑌰𑍇𑌨𑍍𑌦𑍍𑌰𑌰𑌮𑌣𑌃 𑌕𑍁𑌰𑍍𑌯𑌾𑌦𑍍𑌧𑌰𑌿𑌰𑍍𑌮𑌙𑍍𑌗𑌲𑌮𑍍 ॥ 8 ॥

𑌶𑍇𑌷𑌾𑌦𑍍𑌰𑌿𑌪𑍍𑌰𑌭𑍁𑌮𑌙𑍍𑌗𑌲𑌾𑌷𑍍𑌟𑌕𑌮𑌿𑌦𑌂 𑌤𑍁𑌷𑍍𑌟𑍇𑌨 𑌯𑌸𑍍𑌯𑍇𑌶𑌿𑌤𑍁𑌃

𑌪𑍍𑌰𑍀𑌤𑍍𑌯𑌰𑍍𑌥𑌂 𑌰𑌚𑌿𑌤𑌂 𑌰𑌮𑍇𑌶𑌚𑌰𑌣𑌦𑍍𑌵𑌨𑍍𑌦𑍍𑌵𑍈𑌕𑌨𑌿𑌷𑍍𑌠𑌾𑌵𑌤𑌾 ।

𑌵𑍈𑌵𑌾𑌹𑍍𑌯𑌾𑌦𑌿𑌶𑍁𑌭𑌕𑍍𑌰𑌿𑌯𑌾𑌸𑍁 𑌪𑌠𑌿𑌤𑌂 𑌯𑍈𑌃 𑌸𑌾𑌧𑍁 𑌤𑍇𑌷𑌾𑌮𑌪𑌿

𑌶𑍍𑌰𑍀𑌮𑌦𑍍𑌵𑍇𑌙𑍍𑌕𑌟𑌭𑍂𑌧𑌰𑍇𑌨𑍍𑌦𑍍𑌰𑌰𑌮𑌣𑌃 𑌕𑍁𑌰𑍍𑌯𑌾𑌦𑍍𑌧𑌰𑌿𑌰𑍍𑌮𑌙𑍍𑌗𑌲𑌮𑍍 ॥ 9 ॥

𑌇𑌤𑌿 𑌶𑍍𑌰𑍀 𑌵𑍇𑌙𑍍𑌕𑌟𑍇𑌶 𑌮𑌙𑍍𑌗𑌲𑌾𑌷𑍍𑌟𑌕𑌮𑍍 ।

Roman (IAST) Transliteration

śrīkṣoṇyau ramaṇīyugaṃ suramaṇīputro'pi vāṇīpatiḥ

pautraścandraśiromaṇiḥ phaṇipatiḥ śayyā surāḥ sevakāḥ |

tārkṣyo yasya ratho mahaśca bhavanaṃ brahmāṇḍamādyaḥ pumān

śrīmadveṅkaṭabhūdharendraramaṇaḥ kuryāddharirmaṅgalam || 1 ||

yattejo ravikoṭikoṭikiraṇān dhikkṛtya jejīyate

yasya śrīvadanāmbujasya suṣamā rākendukoṭīrapi |

saundaryaṃ ca manobhavānapi bahūn kāntiśca kādambinīṃ

śrīmadveṅkaṭabhūdharendraramaṇaḥ kuryāddharirmaṅgalam || 2 ||

nānāratna kirīṭakuṇḍalamukhairbhūṣāgaṇairbhūṣitaḥ

śrīmatkaustubharatna bhavyahṛdayaḥ śrīvatsasallāñchanaḥ |

vidyudvarṇasuvarṇavastraruciro yaḥ śaṅkhacakrādibhiḥ

śrīmadveṅkaṭabhūdharendraramaṇaḥ kuryāddharirmaṅgalam || 3 ||

yatphāle mṛganābhicārutilako netre'bjapatrāyate

kastūrīghanasārakesaramilacchrīgandhasāro dravaiḥ |

gandhairliptatanuḥ sugandhasumanomālādharo yaḥ prabhuḥ

śrīmadveṅkaṭabhūdharendraramaṇaḥ kuryāddharirmaṅgalam || 4 ||

etaddivyapadaṃ mamāsti bhuvi tatsampaśyatetyādarā-

-dbhaktebhyaḥ svakareṇa darśayati yaddṛṣṭyā'tisaukhyaṃ gataḥ |

etadbhaktimato mahānapi bhavāmbhodhirnadīti spṛśan

śrīmadveṅkaṭabhūdharendraramaṇaḥ kuryāddharirmaṅgalam || 5 ||

yaḥ svāmī sarasastaṭe viharato śrīsvāmināmnaḥ sadā

sauvarṇālayamandiro vidhimukhairbarhirmukhaiḥ sevitaḥ |

yaḥ śatrūn hanayan nijānavati ca śrībhūvarāhātmakaḥ

śrīmadveṅkaṭabhūdharendraramaṇaḥ kuryāddharirmaṅgalam || 6 ||

yo brahmādisurān munīṃśca manujān brahmotsavāyāgatān

dṛṣṭvā hṛṣṭamanā babhūva bahuśastairarcitaḥ saṃstutaḥ |

tebhyo yaḥ pradadādvarān bahuvidhān lakṣmīnivāso vibhuḥ

śrīmadveṅkaṭabhūdharendraramaṇaḥ kuryāddharirmaṅgalam || 7 ||

yo devo bhuvi vartate kaliyuge vaikuṇṭhalokasthito

bhaktānāṃ paripālanāya satataṃ kāruṇyavārāṃ nidhiḥ |

śrīśeṣākhyamahīndhramastakamaṇirbhaktaikacintāmaṇiḥ

śrīmadveṅkaṭabhūdharendraramaṇaḥ kuryāddharirmaṅgalam || 8 ||

śeṣādriprabhumaṅgalāṣṭakamidaṃ tuṣṭena yasyeśituḥ

prītyarthaṃ racitaṃ rameśacaraṇadvandvaikaniṣṭhāvatā |

vaivāhyādiśubhakriyāsu paṭhitaṃ yaiḥ sādhu teṣāmapi

śrīmadveṅkaṭabhūdharendraramaṇaḥ kuryāddharirmaṅgalam || 9 ||

iti śrī veṅkaṭeśa maṅgalāṣṭakam |

Sanskrit — Devanagari (original)

श्रीक्षोण्यौ रमणीयुगं सुरमणीपुत्रोऽपि वाणीपतिः

पौत्रश्चन्द्रशिरोमणिः फणिपतिः शय्या सुराः सेवकाः ।

तार्क्ष्यो यस्य रथो महश्च भवनं ब्रह्माण्डमाद्यः पुमान्

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 1 ॥

यत्तेजो रविकोटिकोटिकिरणान् धिक्कृत्य जेजीयते

यस्य श्रीवदनाम्बुजस्य सुषमा राकेन्दुकोटीरपि ।

सौन्दर्यं च मनोभवानपि बहून् कान्तिश्च कादम्बिनीं

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 2 ॥

नानारत्न किरीटकुण्डलमुखैर्भूषागणैर्भूषितः

श्रीमत्कौस्तुभरत्न भव्यहृदयः श्रीवत्ससल्लाञ्छनः ।

विद्युद्वर्णसुवर्णवस्त्ररुचिरो यः शङ्खचक्रादिभिः

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 3 ॥

यत्फाले मृगनाभिचारुतिलको नेत्रेऽब्जपत्रायते

कस्तूरीघनसारकेसरमिलच्छ्रीगन्धसारो द्रवैः ।

गन्धैर्लिप्ततनुः सुगन्धसुमनोमालाधरो यः प्रभुः

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 4 ॥

एतद्दिव्यपदं ममास्ति भुवि तत्सम्पश्यतेत्यादरा-

-द्भक्तेभ्यः स्वकरेण दर्शयति यद्दृष्ट्याऽतिसौख्यं गतः ।

एतद्भक्तिमतो महानपि भवाम्भोधिर्नदीति स्पृशन्

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 5 ॥

यः स्वामी सरसस्तटे विहरतो श्रीस्वामिनाम्नः सदा

सौवर्णालयमन्दिरो विधिमुखैर्बर्हिर्मुखैः सेवितः ।

यः शत्रून् हनयन् निजानवति च श्रीभूवराहात्मकः

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 6 ॥

यो ब्रह्मादिसुरान् मुनींश्च मनुजान् ब्रह्मोत्सवायागतान्

दृष्ट्वा हृष्टमना बभूव बहुशस्तैरर्चितः संस्तुतः ।

तेभ्यो यः प्रददाद्वरान् बहुविधान् लक्ष्मीनिवासो विभुः

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 7 ॥

यो देवो भुवि वर्तते कलियुगे वैकुण्ठलोकस्थितो

भक्तानां परिपालनाय सततं कारुण्यवारां निधिः ।

श्रीशेषाख्यमहीन्ध्रमस्तकमणिर्भक्तैकचिन्तामणिः

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 8 ॥

शेषाद्रिप्रभुमङ्गलाष्टकमिदं तुष्टेन यस्येशितुः

प्रीत्यर्थं रचितं रमेशचरणद्वन्द्वैकनिष्ठावता ।

वैवाह्यादिशुभक्रियासु पठितं यैः साधु तेषामपि

श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ 9 ॥

इति श्री वेङ्कटेश मङ्गलाष्टकम् ।