Shrimadbhagavadgita Parayana - Gita Saram — Tamil Script

பல்லவி (கீரவாணி)

கீதாஸாரம் ஶ்ரு'ணுத ஸதா

மநஸி விகாஸம் வஹதமுதா

காமம் க்ரோதம் த்யஜத ஹ்ரு'தா

பூயாத் ஸம்வித் பரஸுகதா

சரணம்

விஷாத யோகாத் பார்தேந

பணிதம் கிஞ்சிந்மோஹ தியா

தம் ஸந்திக்தம் மோசயிதும்

கீதாஶாஸ்த்ரம் கீதமிதம் ॥ 1 ॥

ஸாங்க்யம் ஜ்ஞாநம் ஜாநீஹி

ஶரணாகதி பத மவாப்நுஹி

ஆத்ம நித்ய ஸ்ஸர்வகதோ

நைநம் கிஞ்சித் க்லேதயதி ॥ 2 ॥

(மோஹந)

பலேஷு ஸக்திம் மைவ குரு

கார்யம் கர்ம து ஸமாசர

கர்மாபத்தஃ பரமேதி

கர்மணி ஸங்கஃ பாதயதி ॥ 3 ॥

கர்மாகர்ம விகர்மத்வம்

சிந்தய சாத்மநி கர்மகதிம்

நாஸ்தி ஜ்ஞாநஸமம் லோகே

த்யஜ சாஹங்க்ரு'தி மிஹ தேஹே ॥ 4 ॥

(காபி)

வஹ ஸமபுத்திம் ஸர்வத்ர

பவ ஸமதர்ஶீ த்வம் ஹி ஸகே

யோநநுரக்தோ ந த்வேஷ்டி

யோகீ யோகம் ஜாநாதி ॥ 5 ॥

மித்ரம் தவ தே ஶத்ருரபி

த்வமேவ நாந்யோ ஜந்துரயி!

யுக்தஸ்த்வம் பவ சேஷ்டாஸு

ஆஹாராதிஷு விவிதாஸு ॥ 6 ॥

(கல்யாணி)

அநாத்மரூபா மஷ்டவிதாம்

ப்ரக்ரு'தி மவித்யாம் ஜாநீஹி

ஜீவ ஸ்ஸைவ ஹி பரமாத்மா

யஸ்மிந் ப்ரோதம் ஸர்வமிதம் ॥ 7 ॥

அக்ஷர பர வர புருஷம் தம்

த்யாயந் ப்ரேதோ யாதி பரம்

தத ஸ்தமேவ த்யாயந் த்வம்

காலம் யாபய நஶ்யந்தம் ॥ 8 ॥

(ஹிந்தோல)

ஸர்வம் ப்ரஹ்மார்பண புத்த்யா

கர்ம க்ரியதாம் ஸமபுத்த்யா

பக்த்யா தத்தம் பத்ரமபி

பலமபி தேந ஸ்வீக்ரியதே ॥ 9 ॥

யத்ர விபூதி ஶ்ஶ்ரீ யுக்தா

யத்ர விபூதி ஸ்ஸத்த்வயுதா

தத்ர தமீஶம் பஶ்யந்தம்

நேர்ஷ்யா த்வேஷௌ ஸஜ்ஜேதே ॥ 10 ॥

(அம்ரு'தவர்ஷிணி)

காலஸ்தஸ்ய மஹாந் ரூபோ

லோகாந் ஸர்வாந் ஸங்க்ரஸதி

பக்த்யா பகவத்ரூபம் தம்

ப்ரபவதி லோக ஸ்ஸந்த்ரஷ்டும் ॥ 11 ॥

பக்தி ஸ்தஸ்மிந் ரதிரூபா

ஸைவ ஹி பக்தோத்தரணசணா

பாவம் தஸ்யா மாதாய

புத்திம் தஸ்மி ந்நிவேஶய ॥ 12 ॥

(சாருகேஶி)

க்ஷேத்ரம் தத்‍ஜ்ஞம் ஜாநீஹி

க்ஷேத்ரே மமதாம் மா குரு ச

ஆத்மாநம் யோ ஜாநாதி

ஆத்மநி ஸோயம் நநு ரமதே ॥ 13 ॥

ஸாத்த்விக ராஜஸ தாமஸிகா

பந்தந ஹேதவ அதவர்ஜ்யஃ

த்ரயம் குணாநாம் யோதீத-

ஸ்ஸைவ ப்ராஹ்மம் ஸுகமேதி ॥ 14 ॥

(ஹம்ஸாநந்தி)

சித்வா ஸாம்ஸாரிகவ்ரு'க்ஷம்

பதம் கவேஷய முநிலக்ஷ்யம்

தத்கில ஸர்வம் தேஜோ யத்

வேதை ஸ்ஸர்வை ஸ்ஸம்வேத்யம் ॥ 15 ॥

ஸ்ரு'ஷ்டி ர்தைவீ சாஸுரிகா

த்விவிதா ப்ரோக்தா லோகேஸ்மிந்

தைவே ஸக்தா யாந்தி பரம்

ஆஸுரஸக்தா அஸுரகதிம் ॥ 16 ॥

(ஶ்ரீ)

நிஷ்டா யஜ்ஞே தாநே ச

தபஸி ப்ரோக்தா ஸதிதி பரா

ஸத்கில ஸபலம் ஸஶ்ரத்தம்

தத்கில நிஷ்பல மஶ்ரத்தம் ॥ 17 ॥

தர்மாந் ஸர்வாந் த்யக்த்வா த்வம்

ஶரணம் வ்ரஜ பர-மாத்மாநம்

மோக்ஷம் ப்ராப்ஸ்யஸி ஸத்யம் த்வம்

ஸந்தத ஸச்சிதாநந்த கநம் ॥ 18 ॥

॥ கீதாஸாரம் ஶ்ரு'ணுத ஸதா ॥

Roman (IAST) Transliteration

pallavi (kīravāṇi)

gītāsāraṃ śṛṇuta sadā

manasi vikāsaṃ vahatamudā

kāmaṃ krodhaṃ tyajata hṛdā

bhūyāt saṃvit parasukhadā

caraṇaṃ

viṣāda yogāt pārthena

bhaṇitaṃ kiñcinmoha dhiyā

taṃ sandigdhaṃ mocayituṃ

gītāśāstraṃ gītamidaṃ || 1 ||

sāṅkhyaṃ jñānaṃ jānīhi

śaraṇāgati patha mavāpnuhi

ātma nitya ssarvagato

nainaṃ kiñcit kledayati || 2 ||

(mohana)

phaleṣu saktiṃ maiva kuru

kāryaṃ karma tu samācara

karmābaddhaḥ parameti

karmaṇi saṅgaḥ pātayati || 3 ||

karmākarma vikarmatvaṃ

cintaya cātmani karmagatiṃ

nāsti jñānasamaṃ loke

tyaja cāhaṅkṛti miha dehe || 4 ||

(kāpi)

vaha samabuddhiṃ sarvatra

bhava samadarśī tvaṃ hi sakhe

yonanurakto na dveṣṭi

yogī yogaṃ jānāti || 5 ||

mitraṃ tava te śatrurapi

tvameva nānyo janturayi!

yuktastvaṃ bhava ceṣṭāsu

āhārādiṣu vividhāsu || 6 ||

(kalyāṇi)

anātmarūpā maṣṭavidhāṃ

prakṛti mavidyāṃ jānīhi

jīva ssaiva hi paramātmā

yasmin protaṃ sarvamidaṃ || 7 ||

akṣara para vara puruṣaṃ taṃ

dhyāyan preto yāti paraṃ

tata stameva dhyāyan tvaṃ

kālaṃ yāpaya naśyantaṃ || 8 ||

(hindola)

sarvaṃ brahmārpaṇa buddhyā

karma kriyatāṃ samabuddhyā

bhaktyā dattaṃ patramapi

phalamapi tena svīkriyate || 9 ||

yatra vibhūti śśrī yuktā

yatra vibhūti ssattvayutā

tatra tamīśaṃ paśyantaṃ

nerṣyā dveṣau sajjete || 10 ||

(amṛtavarṣiṇi)

kālastasya mahān rūpo

lokān sarvān saṅgrasati

bhaktyā bhagavadrūpaṃ taṃ

prabhavati loka ssandraṣṭuṃ || 11 ||

bhakti stasmin ratirūpā

saiva hi bhaktoddharaṇacaṇā

bhāvaṃ tasyā mādhāya

buddhiṃ tasmi nniveśaya || 12 ||

(cārukeśi)

kṣetraṃ tad‍jñaṃ jānīhi

kṣetre mamatāṃ mā kuru ca

ātmānaṃ yo jānāti

ātmani soyaṃ nanu ramate || 13 ||

sāttvika rājasa tāmasikā

bandhana hetava athavarjyaḥ

trayaṃ guṇānāṃ yotīta-

ssaiva brāhmaṃ sukhameti || 14 ||

(haṃsānandi)

chitvā sāṃsārikavṛkṣaṃ

padaṃ gaveṣaya munilakṣyaṃ

tatkila sarvaṃ tejo yat

vedai ssarvai ssaṃvedyaṃ || 15 ||

sṛṣṭi rdaivī cāsurikā

dvividhā proktā lokesmin

daive saktā yānti paraṃ

āsurasaktā asuragatiṃ || 16 ||

(śrī)

niṣṭhā yajñe dāne ca

tapasi proktā saditi parā

satkila saphalaṃ saśraddhaṃ

tatkila niṣphala maśraddhaṃ || 17 ||

dharmān sarvān tyaktvā tvaṃ

śaraṇaṃ vraja para-mātmānaṃ

mokṣaṃ prāpsyasi satyaṃ tvaṃ

santata saccidānanda ghanaṃ || 18 ||

|| gītāsāraṃ śṛṇuta sadā ||

Sanskrit — Devanagari (original)

पल्लवि (कीरवाणि)

गीतासारं शृणुत सदा

मनसि विकासं वहतमुदा

कामं क्रोधं त्यजत हृदा

भूयात् संवित् परसुखदा

चरणं

विषाद योगात् पार्थेन

भणितं किञ्चिन्मोह धिया

तं सन्दिग्धं मोचयितुं

गीताशास्त्रं गीतमिदं ॥ 1 ॥

साङ्ख्यं ज्ञानं जानीहि

शरणागति पथ मवाप्नुहि

आत्म नित्य स्सर्वगतो

नैनं किञ्चित् क्लेदयति ॥ 2 ॥

(मोहन)

फलेषु सक्तिं मैव कुरु

कार्यं कर्म तु समाचर

कर्माबद्धः परमेति

कर्मणि सङ्गः पातयति ॥ 3 ॥

कर्माकर्म विकर्मत्वं

चिन्तय चात्मनि कर्मगतिं

नास्ति ज्ञानसमं लोके

त्यज चाहङ्कृति मिह देहे ॥ 4 ॥

(कापि)

वह समबुद्धिं सर्वत्र

भव समदर्शी त्वं हि सखे

योननुरक्तो न द्वेष्टि

योगी योगं जानाति ॥ 5 ॥

मित्रं तव ते शत्रुरपि

त्वमेव नान्यो जन्तुरयि!

युक्तस्त्वं भव चेष्टासु

आहारादिषु विविधासु ॥ 6 ॥

(कल्याणि)

अनात्मरूपा मष्टविधां

प्रकृति मविद्यां जानीहि

जीव स्सैव हि परमात्मा

यस्मिन् प्रोतं सर्वमिदं ॥ 7 ॥

अक्षर पर वर पुरुषं तं

ध्यायन् प्रेतो याति परं

तत स्तमेव ध्यायन् त्वं

कालं यापय नश्यन्तं ॥ 8 ॥

(हिन्दोल)

सर्वं ब्रह्मार्पण बुद्ध्या

कर्म क्रियतां समबुद्ध्या

भक्त्या दत्तं पत्रमपि

फलमपि तेन स्वीक्रियते ॥ 9 ॥

यत्र विभूति श्श्री युक्ता

यत्र विभूति स्सत्त्वयुता

तत्र तमीशं पश्यन्तं

नेर्ष्या द्वेषौ सज्जेते ॥ 10 ॥

(अमृतवर्षिणि)

कालस्तस्य महान् रूपो

लोकान् सर्वान् सङ्ग्रसति

भक्त्या भगवद्रूपं तं

प्रभवति लोक स्सन्द्रष्टुं ॥ 11 ॥

भक्ति स्तस्मिन् रतिरूपा

सैव हि भक्तोद्धरणचणा

भावं तस्या माधाय

बुद्धिं तस्मि न्निवेशय ॥ 12 ॥

(चारुकेशि)

क्षेत्रं तद्‍ज्ञं जानीहि

क्षेत्रे ममतां मा कुरु च

आत्मानं यो जानाति

आत्मनि सोयं ननु रमते ॥ 13 ॥

सात्त्विक राजस तामसिका

बन्धन हेतव अथवर्ज्यः

त्रयं गुणानां योतीत-

स्सैव ब्राह्मं सुखमेति ॥ 14 ॥

(हंसानन्दि)

छित्वा सांसारिकवृक्षं

पदं गवेषय मुनिलक्ष्यं

तत्किल सर्वं तेजो यत्

वेदै स्सर्वै स्संवेद्यं ॥ 15 ॥

सृष्टि र्दैवी चासुरिका

द्विविधा प्रोक्ता लोकेस्मिन्

दैवे सक्ता यान्ति परं

आसुरसक्ता असुरगतिं ॥ 16 ॥

(श्री)

निष्ठा यज्ञे दाने च

तपसि प्रोक्ता सदिति परा

सत्किल सफलं सश्रद्धं

तत्किल निष्फल मश्रद्धं ॥ 17 ॥

धर्मान् सर्वान् त्यक्त्वा त्वं

शरणं व्रज पर-मात्मानं

मोक्षं प्राप्स्यसि सत्यं त्वं

सन्तत सच्चिदानन्द घनं ॥ 18 ॥

॥ गीतासारं शृणुत सदा ॥