Shrimadbhagavadgita Parayana - Gita Saram — Bengali Script

পল্লবি (কীরবাণি)

গীতাসারং শৃণুত সদা

মনসি বিকাসং বহতমুদা

কামং ক্রোধং ত্যজত হৃদা

ভূযাত্ সংবিত্ পরসুখদা

চরণং

বিষাদ যোগাত্ পার্থেন

ভণিতং কিঞ্চিন্মোহ ধিযা

তং সন্দিগ্ধং মোচযিতুং

গীতাশাস্ত্রং গীতমিদং ॥ 1 ॥

সাঙ্খ্যং জ্ঞানং জানীহি

শরণাগতি পথ মবাপ্নুহি

আত্ম নিত্য স্সর্বগতো

নৈনং কিঞ্চিত্ ক্লেদযতি ॥ 2 ॥

(মোহন)

ফলেষু সক্তিং মৈব কুরু

কার্যং কর্ম তু সমাচর

কর্মাবদ্ধঃ পরমেতি

কর্মণি সঙ্গঃ পাতযতি ॥ 3 ॥

কর্মাকর্ম বিকর্মত্বং

চিন্তয চাত্মনি কর্মগতিং

নাস্তি জ্ঞানসমং লোকে

ত্যজ চাহঙ্কৃতি মিহ দেহে ॥ 4 ॥

(কাপি)

বহ সমবুদ্ধিং সর্বত্র

ভব সমদর্শী ত্বং হি সখে

যোননুরক্তো ন দ্বেষ্টি

যোগী যোগং জানাতি ॥ 5 ॥

মিত্রং তব তে শত্রুরপি

ত্বমেব নান্যো জন্তুরযি!

যুক্তস্ত্বং ভব চেষ্টাসু

আহারাদিষু বিবিধাসু ॥ 6 ॥

(কল্যাণি)

অনাত্মরূপা মষ্টবিধাং

প্রকৃতি মবিদ্যাং জানীহি

জীব স্সৈব হি পরমাত্মা

যস্মিন্ প্রোতং সর্বমিদং ॥ 7 ॥

অক্ষর পর বর পুরুষং তং

ধ্যাযন্ প্রেতো যাতি পরং

তত স্তমেব ধ্যাযন্ ত্বং

কালং যাপয নশ্যন্তং ॥ 8 ॥

(হিন্দোল)

সর্বং ব্রহ্মার্পণ বুদ্ধ্যা

কর্ম ক্রিযতাং সমবুদ্ধ্যা

ভক্ত্যা দত্তং পত্রমপি

ফলমপি তেন স্বীক্রিযতে ॥ 9 ॥

যত্র বিভূতি শ্শ্রী যুক্তা

যত্র বিভূতি স্সত্ত্বযুতা

তত্র তমীশং পশ্যন্তং

নের্ষ্যা দ্বেষৌ সজ্জেতে ॥ 10 ॥

(অমৃতবর্ষিণি)

কালস্তস্য মহান্ রূপো

লোকান্ সর্বান্ সঙ্গ্রসতি

ভক্ত্যা ভগবদ্রূপং তং

প্রভবতি লোক স্সন্দ্রষ্টুং ॥ 11 ॥

ভক্তি স্তস্মিন্ রতিরূপা

সৈব হি ভক্তোদ্ধরণচণা

ভাবং তস্যা মাধায

বুদ্ধিং তস্মি ন্নিবেশয ॥ 12 ॥

(চারুকেশি)

ক্ষেত্রং তদ্‍জ্ঞং জানীহি

ক্ষেত্রে মমতাং মা কুরু চ

আত্মানং যো জানাতি

আত্মনি সোযং ননু রমতে ॥ 13 ॥

সাত্ত্বিক রাজস তামসিকা

বন্ধন হেতব অথবর্জ্যঃ

ত্রযং গুণানাং যোতীত-

স্সৈব ব্রাহ্মং সুখমেতি ॥ 14 ॥

(হংসানন্দি)

ছিত্বা সাংসারিকবৃক্ষং

পদং গবেষয মুনিলক্ষ্যং

তত্কিল সর্বং তেজো যত্

বেদৈ স্সর্বৈ স্সংবেদ্যং ॥ 15 ॥

সৃষ্টি র্দৈবী চাসুরিকা

দ্বিবিধা প্রোক্তা লোকেস্মিন্

দৈবে সক্তা যান্তি পরং

আসুরসক্তা অসুরগতিং ॥ 16 ॥

(শ্রী)

নিষ্ঠা যজ্ঞে দানে চ

তপসি প্রোক্তা সদিতি পরা

সত্কিল সফলং সশ্রদ্ধং

তত্কিল নিষ্ফল মশ্রদ্ধং ॥ 17 ॥

ধর্মান্ সর্বান্ ত্যক্ত্বা ত্বং

শরণং ব্রজ পর-মাত্মানং

মোক্ষং প্রাপ্স্যসি সত্যং ত্বং

সন্তত সচ্চিদানন্দ ঘনং ॥ 18 ॥

॥ গীতাসারং শৃণুত সদা ॥

Roman (IAST) Transliteration

pallavi (kīravāṇi)

gītāsāraṃ śṛṇuta sadā

manasi vikāsaṃ vahatamudā

kāmaṃ krodhaṃ tyajata hṛdā

bhūyāt saṃvit parasukhadā

caraṇaṃ

viṣāda yogāt pārthena

bhaṇitaṃ kiñcinmoha dhiyā

taṃ sandigdhaṃ mocayituṃ

gītāśāstraṃ gītamidaṃ || 1 ||

sāṅkhyaṃ jñānaṃ jānīhi

śaraṇāgati patha mavāpnuhi

ātma nitya ssarvagato

nainaṃ kiñcit kledayati || 2 ||

(mohana)

phaleṣu saktiṃ maiva kuru

kāryaṃ karma tu samācara

karmābaddhaḥ parameti

karmaṇi saṅgaḥ pātayati || 3 ||

karmākarma vikarmatvaṃ

cintaya cātmani karmagatiṃ

nāsti jñānasamaṃ loke

tyaja cāhaṅkṛti miha dehe || 4 ||

(kāpi)

vaha samabuddhiṃ sarvatra

bhava samadarśī tvaṃ hi sakhe

yonanurakto na dveṣṭi

yogī yogaṃ jānāti || 5 ||

mitraṃ tava te śatrurapi

tvameva nānyo janturayi!

yuktastvaṃ bhava ceṣṭāsu

āhārādiṣu vividhāsu || 6 ||

(kalyāṇi)

anātmarūpā maṣṭavidhāṃ

prakṛti mavidyāṃ jānīhi

jīva ssaiva hi paramātmā

yasmin protaṃ sarvamidaṃ || 7 ||

akṣara para vara puruṣaṃ taṃ

dhyāyan preto yāti paraṃ

tata stameva dhyāyan tvaṃ

kālaṃ yāpaya naśyantaṃ || 8 ||

(hindola)

sarvaṃ brahmārpaṇa buddhyā

karma kriyatāṃ samabuddhyā

bhaktyā dattaṃ patramapi

phalamapi tena svīkriyate || 9 ||

yatra vibhūti śśrī yuktā

yatra vibhūti ssattvayutā

tatra tamīśaṃ paśyantaṃ

nerṣyā dveṣau sajjete || 10 ||

(amṛtavarṣiṇi)

kālastasya mahān rūpo

lokān sarvān saṅgrasati

bhaktyā bhagavadrūpaṃ taṃ

prabhavati loka ssandraṣṭuṃ || 11 ||

bhakti stasmin ratirūpā

saiva hi bhaktoddharaṇacaṇā

bhāvaṃ tasyā mādhāya

buddhiṃ tasmi nniveśaya || 12 ||

(cārukeśi)

kṣetraṃ tad‍jñaṃ jānīhi

kṣetre mamatāṃ mā kuru ca

ātmānaṃ yo jānāti

ātmani soyaṃ nanu ramate || 13 ||

sāttvika rājasa tāmasikā

bandhana hetava athavarjyaḥ

trayaṃ guṇānāṃ yotīta-

ssaiva brāhmaṃ sukhameti || 14 ||

(haṃsānandi)

chitvā sāṃsārikavṛkṣaṃ

padaṃ gaveṣaya munilakṣyaṃ

tatkila sarvaṃ tejo yat

vedai ssarvai ssaṃvedyaṃ || 15 ||

sṛṣṭi rdaivī cāsurikā

dvividhā proktā lokesmin

daive saktā yānti paraṃ

āsurasaktā asuragatiṃ || 16 ||

(śrī)

niṣṭhā yajñe dāne ca

tapasi proktā saditi parā

satkila saphalaṃ saśraddhaṃ

tatkila niṣphala maśraddhaṃ || 17 ||

dharmān sarvān tyaktvā tvaṃ

śaraṇaṃ vraja para-mātmānaṃ

mokṣaṃ prāpsyasi satyaṃ tvaṃ

santata saccidānanda ghanaṃ || 18 ||

|| gītāsāraṃ śṛṇuta sadā ||

Sanskrit — Devanagari (original)

पल्लवि (कीरवाणि)

गीतासारं शृणुत सदा

मनसि विकासं वहतमुदा

कामं क्रोधं त्यजत हृदा

भूयात् संवित् परसुखदा

चरणं

विषाद योगात् पार्थेन

भणितं किञ्चिन्मोह धिया

तं सन्दिग्धं मोचयितुं

गीताशास्त्रं गीतमिदं ॥ 1 ॥

साङ्ख्यं ज्ञानं जानीहि

शरणागति पथ मवाप्नुहि

आत्म नित्य स्सर्वगतो

नैनं किञ्चित् क्लेदयति ॥ 2 ॥

(मोहन)

फलेषु सक्तिं मैव कुरु

कार्यं कर्म तु समाचर

कर्माबद्धः परमेति

कर्मणि सङ्गः पातयति ॥ 3 ॥

कर्माकर्म विकर्मत्वं

चिन्तय चात्मनि कर्मगतिं

नास्ति ज्ञानसमं लोके

त्यज चाहङ्कृति मिह देहे ॥ 4 ॥

(कापि)

वह समबुद्धिं सर्वत्र

भव समदर्शी त्वं हि सखे

योननुरक्तो न द्वेष्टि

योगी योगं जानाति ॥ 5 ॥

मित्रं तव ते शत्रुरपि

त्वमेव नान्यो जन्तुरयि!

युक्तस्त्वं भव चेष्टासु

आहारादिषु विविधासु ॥ 6 ॥

(कल्याणि)

अनात्मरूपा मष्टविधां

प्रकृति मविद्यां जानीहि

जीव स्सैव हि परमात्मा

यस्मिन् प्रोतं सर्वमिदं ॥ 7 ॥

अक्षर पर वर पुरुषं तं

ध्यायन् प्रेतो याति परं

तत स्तमेव ध्यायन् त्वं

कालं यापय नश्यन्तं ॥ 8 ॥

(हिन्दोल)

सर्वं ब्रह्मार्पण बुद्ध्या

कर्म क्रियतां समबुद्ध्या

भक्त्या दत्तं पत्रमपि

फलमपि तेन स्वीक्रियते ॥ 9 ॥

यत्र विभूति श्श्री युक्ता

यत्र विभूति स्सत्त्वयुता

तत्र तमीशं पश्यन्तं

नेर्ष्या द्वेषौ सज्जेते ॥ 10 ॥

(अमृतवर्षिणि)

कालस्तस्य महान् रूपो

लोकान् सर्वान् सङ्ग्रसति

भक्त्या भगवद्रूपं तं

प्रभवति लोक स्सन्द्रष्टुं ॥ 11 ॥

भक्ति स्तस्मिन् रतिरूपा

सैव हि भक्तोद्धरणचणा

भावं तस्या माधाय

बुद्धिं तस्मि न्निवेशय ॥ 12 ॥

(चारुकेशि)

क्षेत्रं तद्‍ज्ञं जानीहि

क्षेत्रे ममतां मा कुरु च

आत्मानं यो जानाति

आत्मनि सोयं ननु रमते ॥ 13 ॥

सात्त्विक राजस तामसिका

बन्धन हेतव अथवर्ज्यः

त्रयं गुणानां योतीत-

स्सैव ब्राह्मं सुखमेति ॥ 14 ॥

(हंसानन्दि)

छित्वा सांसारिकवृक्षं

पदं गवेषय मुनिलक्ष्यं

तत्किल सर्वं तेजो यत्

वेदै स्सर्वै स्संवेद्यं ॥ 15 ॥

सृष्टि र्दैवी चासुरिका

द्विविधा प्रोक्ता लोकेस्मिन्

दैवे सक्ता यान्ति परं

आसुरसक्ता असुरगतिं ॥ 16 ॥

(श्री)

निष्ठा यज्ञे दाने च

तपसि प्रोक्ता सदिति परा

सत्किल सफलं सश्रद्धं

तत्किल निष्फल मश्रद्धं ॥ 17 ॥

धर्मान् सर्वान् त्यक्त्वा त्वं

शरणं व्रज पर-मात्मानं

मोक्षं प्राप्स्यसि सत्यं त्वं

सन्तत सच्चिदानन्द घनं ॥ 18 ॥

॥ गीतासारं शृणुत सदा ॥