Shri Kashi Vishvanatha Stotram — Sinhala Script

කණ්ඨේ යස්ය ලසත්කරාලගරලං ගඞ්ගාජලං මස්තකේ

වාමාඞ්ගේ ගිරිරාජරාජතනයා ජායා භවානී සතී .

නන්දිස්කන්දගණාධිරාජසහිතා ශ්රීවිශ්වනාථප්රභුඃ

කාශීමන්දිරසංස්ථිතෝ(අ)ඛිලගුරුර්දේයාත්සදා මඞ්ගලම් .. 1..

යෝ දේවෛරසුරෛර්මුනීන්ද්රතනයෛර්ගන්ධර්වයක්ෂෝරගෛ-

ර්නාගෛර්භූතලවාසිභිර්ද්විජවරෛඃ සංසේවිතඃ සිද්ධයේ .

යා ගඞ්ගෝත්තරවාහිනී පරිසරේ තීර්ථේරසඞ්ඛ්යෛර්වෘතා

සා කාශී ත්රිපුරාරිරාජනගරී දේයාත්සදා මඞ්ගලම් .. 2..

තීර්ථානාං ප්රවරා මනෝරථකරී සංසාරපාරාපරා-

නන්දා නන්දිගණේශ්වරෛරුපහිතා දේවෛරශේෂෛඃ ස්තුතා .

යා ශම්භෝර්මණිකුණ්ඩලෛකකණිකා විෂ්ණෝස්තපෝදීර්ඝිකා

සේයං ශ්රීමණිකර්ණිකා භගවතී දේයාත්සදා මඞ්ගලම් .. 3..

ඒෂා ධර්මපතාකිනී තටරුහාසේවාවසන්නාකිනී

පශ්යන්පාතකිනී භගීරථතපඃසාඵල්යදේවාකිනී .

ප්රේමාරූඪපතාකිනී ගිරිසුතා සා කේකරාස්වාකිනී

කාශ්යාමුත්තරවාහිනී සුරනදී දේයාත්සදා මඞ්ගලම් .. 4..

විඝ්නාවාසනිවාසකාරණමහාගණ්ඩස්ථලාලම්බිතඃ

සින්දූරාරුණපුඤ්ජචන්ද්රකිරණප්රච්ඡාදිනාගච්ඡවිඃ .

ශ්රීවිශ්වේශ්වරවල්ලභෝ ගිරිජයා සානන්දකානන්දිතඃ

ස්මේරාස්යස්තව ඪුණ්ඪිරාජමුදිතෝ දේයාත්සදා මඞ්ගලම් ... 5.. .

කේදාරඃ කලශේශ්වරඃ පශුපතිර්ධර්මේශ්වරෝ මධ්යමෝ

ජ්යේෂ්ඨේශෝ පශුපශ්ච කන්දුකශිවෝ විඝ්නේශ්වරෝ ජම්බුකඃ .

චන්ද්රේශෝ හ්යමෘතේශ්වරෝ භෘගුශිවඃ ශ්රීවෘද්ධකාලේශ්වරෝ

මධ්යේශෝ මණිකර්ණිකේශ්වරශිවෝ දේයාත්සදා මඞ්ගලම් .. 6..

ගෝකර්ණස්ත්වථ භාරභූතනුදනුඃ ශ්රීචිත්රගුප්තේශ්වරෝ

යක්ෂේශස්තිලපර්ණසඞ්ගමශිවෝ ශෛලේශ්වරඃ කශ්යපඃ .

නාගේශෝ(අ)ග්නිශිවෝ නිධීශ්වරශිවෝ(අ)ගස්තීශ්වරස්තාරක-

ජ්ඤානේශෝ(අ)පි පිතාමහේශ්වරශිවෝ දේයාත්සදා මඞ්ගලම් .. 7..

බ්රහ්මාණ්ඩං සකලං මනෝෂිතරසෛ රත්නෛඃ පයෝභිර්හරං

ඛේලෛඃ පූරයතේ කුටුම්බනිලයාන් ශම්භෝර්විලාසප්රදා .

නානාදිව්යලතාවිභූෂිතවපුඃ කාශීපුරාධීශ්වරී

ශ්රීවිශ්වේශ්වරසුන්දරී භගවතී දේයාත්සදා මඞ්ගලම් .. 8..

යා දේවී මහිෂාසුරප්රමථනී යා චණ්ඩමුණ්ඩාපහා

යා ශුම්භාසුරරක්තබීජදමනී ශක්රාදිභිඃ සංස්තුතා .

යා ශූලාසිධනුඃශරාභයකරා දුර්ගාදිසන්දක්ෂිණා-

මාශ්රිත්යාශ්රිතවිඝ්නශංසමයතු දේයාත්සදා මඞ්ගලම් .. 9..

ආද්යා ශ්රීර්විකටා තතස්තු විරජා ශ්රීමඞ්ගලා පාර්වතී

විඛ්යාතා කමලා විශාලනයනා ජ්යේෂ්ඨා විශිෂ්ටානනා .

කාමාක්ෂී ච හරිප්රියා භගවතී ශ්රීඝණ්ටඝණ්ටාදිකා

මෞර්යා ෂෂ්ටිසහස්රමාතෘසහිතා දේයාත්සදා මඞ්ගලම් .. 10..

ආදෞ පඤ්චනදං ප්රයාගමපරං කේදාරකුණ්ඩං කුරු-

ක්ෂේත්රං මානසකං සරෝ(අ)මෘතජලං ශාවස්ය තීර්ථං පරම් .

මත්ස්යෝදර්යථ දණ්ඩඛාණ්ඩසලිලං මන්දාකිනී ජම්බුකං

ඝණ්ටාකර්ණසමුද්රකූපසහිතෝ දේයාත්සදා මඞ්ගලම් .. 11..

රේවාකුණ්ඩජලං සරස්වතිජලං දුර්වාසකුණ්ඩං තතෝ

ලක්ෂ්මීතීර්ථලවාඞ්කුශස්ය සලිලං කන්දර්පකුණ්ඩං තථා .

දුර්ගාකුණ්ඩමසීජලං හනුමතඃ කුණ්ඩප්රතාපෝර්ජිතඃ

ප්රජ්ඤානප්රමුඛානි වඃ ප්රතිදිනං දේයාත්සදා මඞ්ගලම් .. 12..

ආද්යඃ කූපවරස්තු කාලදමනඃ ශ්රීවෘද්ධකූපෝ(අ)පරෝ

විඛ්යාතස්තු පරාශරස්තු විදිතඃ කූපඃ සරෝ මානසඃ .

ජෛගීෂව්යමුනේඃ ශශාඞ්කනෘපතේඃ කූපස්තු ධර්මෝද්භවඃ

ඛ්යාතඃ සප්තසමුද්රකූපසහිතෝ දේයාත්සදා මඞ්ගලම් .. 13..

ලක්ෂ්යීනායකබින්දුමාධවහරිර්ලක්ෂ්මීනෘසිංහස්තතෝ

ගෝවින්දස්ත්වථ ගෝපිකාප්රියතමඃ ශ්රීනාරදඃ කේශවඃ .

ගඞ්ගාකේශවවාමනාඛ්යතදනු ශ්වේතෝ හරිඃ කේශවඃ

ප්රහ්ලාදාදිසමස්තකේශවගණෝ දේයාත්සදා මඞ්ගලම් .. 14..

ලෝලාර්කෝ විමලාර්කමායුඛරවිඃ සංවර්තසඤ්ජ්ඤෝ රවි-

ර්විඛ්යාතෝ ද්රුපදුඃඛඛෝල්කමරුණඃ ප්රෝක්තෝත්තරාර්කෝ රවිඃ .

ගඞ්ගාර්කස්ත්වථ වෘද්ධවෘද්ධිවිබුධා කාශීපුරීසංස්ථිතාඃ

සූර්යා ද්වාදශසඤ්ජ්ඤකාඃ ප්රතිදිනං දේයාත්සදා මඞ්ගලම් .. 15..

ආද්යෝ ඪුණ්ඪිවිනායකෝ ගණපතිශ්චින්තාමණිඃ සිද්ධිදඃ

සේනාවිඝ්නපතිස්තු වක්ත්රවදනඃ ශ්රීපාශපාණිඃ ප්රභුඃ .

ආශාපක්ෂවිනායකාප්රෂකරෝ මෝදාදිකඃ ෂඩ්ගුණෝ

ලෝලාර්කාදිවිනායකාඃ ප්රතිදිනං දේයාත්සදා මඞ්ගලම් .. 16...

හේරම්බෝ නලකූබරෝ ගණපතිඃ ශ්රීභීමචණ්ඩීගණෝ

විඛ්යාතෝ මණිකර්ණිකාගණපතිඃ ශ්රීසිද්ධිදෝ විඝ්නපඃ .

මුණ්ඩශ්චණ්ඩමුඛශ්ච කෂ්ටහරණඃ ශ්රීදණ්ඩහස්තෝ ගණඃ

ශ්රීදුර්ගාඛ්යගණාධිපඃ ප්රතිදිනං දේයාත්සදා මඞ්ගලම් .. 17..

ආද්යෝ භෛරවභීෂණස්තදපරඃ ශ්රීකාලරාජඃ ක්රමා-

ච්ඡ්රීසංහාරකභෛරවස්ත්වථ රුරුශ්චෝන්මත්තකෝ භෛරවඃ .

ක්රෝධශ්චණ්ඩකපාලභෛරවවරඃ ශ්රීභූතනාථාදයෝ

හ්යෂ්ටෞ භෛරවමූර්තයඃ ප්රතිදිනං දේයාත්සදා මඞ්ගලම් .. 18..

ආධාතෝ(අ)ම්බිකයා සහ ත්රිනයනඃ සාර්ධං ගණෛර්නන්දිතාං

කාශීමාශු විශන් හරඃ ප්රථමතෝ වාර්ෂධ්වජේ(අ)වස්ථිතඃ .

ආයාතා දශ ධේනවඃ සුකපිලා දිව්යෛඃ පයෝභිර්හරං

ඛ්යාතං තද්වෘෂභධ්වජේන කපිලං දේයාත්සදා මඞ්ගලම් .. 19..

ආනන්දාඛ්යවනං හි චම්පකවනං ශ්රීනෛමිෂං ඛාණ්ඩවං

පුණ්යං චෛත්රරථං ත්වශාකවිපිනං රම්භාවනං පාවනම් .

දුර්ගාරණ්යමථෝ(අ)පි කෛරවවනං වෘන්දාවනං පාවනං

විඛ්යාතානි වනානි වඃ ප්රතිදිනං දේයාත්සදා මඞ්ගලම් .. 20..

අලිකුලදලනීලඃ කාලදංෂ්ට්රාකරාලඃ

සජලජලදනීලෝ ව්යාලයජ්ඤෝපවීතඃ .

අභයවරදහස්තෝ ඩාමරෝද්දාමනාදඃ

සකලදුරිතභක්ෂෝ මඞ්ගලං වෝ දදාතු .. 21..

අර්ධාඞ්ගේ විකටා ගිරීන්ද්රතනයා ගෞරී සතී සුන්දරී

සර්වාඞ්ගේ විලසද්විභූතිධවලෝ කාලෝ විශාලේක්ෂණඃ .

වීරේශඃ සහනන්දිභෘඞ්ගිසහිතඃ ශ්රීවිශ්වනාථඃ ප්රභුඃ

කාශීමන්දිරසංස්ථිතෝ(අ)ඛිලගුරුර්දේයාත්සදා මඞ්ගලම් .. 22..

යඃ ප්රාතඃ ප්රයතඃ ප්රසන්නමනසා ප්රේමප්රමෝදාකුලඃ

ඛ්යාතං තත්ර විශිෂ්ටපාදභුවනේශේන්ද්රාදිභිර්යත්ස්තුතම් .

ප්රාතඃ ප්රාඞ්මුඛමාසනෝත්තමගතෝ බ්රූයාච්ඡෘණෝත්යාදරාත්

කාශීවාසමුඛාන්යවාප්ය සතතං ප්රීතේ ශිවේ ධූර්ජටි .. 23..

ඉති ශ්රීමච්ඡඞ්කරාචාර්යවිරචිතං කාශීවිශ්වනාථස්තෝත්රම් ..

Roman (IAST) Transliteration

kaṇṭhe yasya lasatkarālagaralaṃ gaṅgājalaṃ mastake

vāmāṅge girirājarājatanayā jāyā bhavānī satī |

nandiskandagaṇādhirājasahitā śrīviśvanāthaprabhuḥ

kāśīmandirasaṃsthito'khilagururdeyātsadā maṅgalam || 1||

yo devairasurairmunīndratanayairgandharvayakṣoragai-

rnāgairbhūtalavāsibhirdvijavaraiḥ saṃsevitaḥ siddhaye |

yā gaṅgottaravāhinī parisare tīrtherasaṅkhyairvṛtā

sā kāśī tripurārirājanagarī deyātsadā maṅgalam || 2||

tīrthānāṃ pravarā manorathakarī saṃsārapārāparā-

nandā nandigaṇeśvarairupahitā devairaśeṣaiḥ stutā |

yā śambhormaṇikuṇḍalaikakaṇikā viṣṇostapodīrghikā

seyaṃ śrīmaṇikarṇikā bhagavatī deyātsadā maṅgalam || 3||

eṣā dharmapatākinī taṭaruhāsevāvasannākinī

paśyanpātakinī bhagīrathatapaḥsāphalyadevākinī |

premārūḍhapatākinī girisutā sā kekarāsvākinī

kāśyāmuttaravāhinī suranadī deyātsadā maṅgalam || 4||

vighnāvāsanivāsakāraṇamahāgaṇḍasthalālambitaḥ

sindūrāruṇapuñjacandrakiraṇapracchādināgacchaviḥ |

śrīviśveśvaravallabho girijayā sānandakānanditaḥ

smerāsyastava ḍhuṇḍhirājamudito deyātsadā maṅgalam ||| 5|| |

kedāraḥ kalaśeśvaraḥ paśupatirdharmeśvaro madhyamo

jyeṣṭheśo paśupaśca kandukaśivo vighneśvaro jambukaḥ |

candreśo hyamṛteśvaro bhṛguśivaḥ śrīvṛddhakāleśvaro

madhyeśo maṇikarṇikeśvaraśivo deyātsadā maṅgalam || 6||

gokarṇastvatha bhārabhūtanudanuḥ śrīcitragupteśvaro

yakṣeśastilaparṇasaṅgamaśivo śaileśvaraḥ kaśyapaḥ |

nāgeśo'gniśivo nidhīśvaraśivo'gastīśvarastāraka-

jñāneśo'pi pitāmaheśvaraśivo deyātsadā maṅgalam || 7||

brahmāṇḍaṃ sakalaṃ manoṣitarasai ratnaiḥ payobhirharaṃ

khelaiḥ pūrayate kuṭumbanilayān śambhorvilāsapradā |

nānādivyalatāvibhūṣitavapuḥ kāśīpurādhīśvarī

śrīviśveśvarasundarī bhagavatī deyātsadā maṅgalam || 8||

yā devī mahiṣāsurapramathanī yā caṇḍamuṇḍāpahā

yā śumbhāsuraraktabījadamanī śakrādibhiḥ saṃstutā |

yā śūlāsidhanuḥśarābhayakarā durgādisandakṣiṇā-

māśrityāśritavighnaśaṃsamayatu deyātsadā maṅgalam || 9||

ādyā śrīrvikaṭā tatastu virajā śrīmaṅgalā pārvatī

vikhyātā kamalā viśālanayanā jyeṣṭhā viśiṣṭānanā |

kāmākṣī ca haripriyā bhagavatī śrīghaṇṭaghaṇṭādikā

mauryā ṣaṣṭisahasramātṛsahitā deyātsadā maṅgalam || 10||

ādau pañcanadaṃ prayāgamaparaṃ kedārakuṇḍaṃ kuru-

kṣetraṃ mānasakaṃ saro'mṛtajalaṃ śāvasya tīrthaṃ param |

matsyodaryatha daṇḍakhāṇḍasalilaṃ mandākinī jambukaṃ

ghaṇṭākarṇasamudrakūpasahito deyātsadā maṅgalam || 11||

revākuṇḍajalaṃ sarasvatijalaṃ durvāsakuṇḍaṃ tato

lakṣmītīrthalavāṅkuśasya salilaṃ kandarpakuṇḍaṃ tathā |

durgākuṇḍamasījalaṃ hanumataḥ kuṇḍapratāporjitaḥ

prajñānapramukhāni vaḥ pratidinaṃ deyātsadā maṅgalam || 12||

ādyaḥ kūpavarastu kāladamanaḥ śrīvṛddhakūpo'paro

vikhyātastu parāśarastu viditaḥ kūpaḥ saro mānasaḥ |

jaigīṣavyamuneḥ śaśāṅkanṛpateḥ kūpastu dharmodbhavaḥ

khyātaḥ saptasamudrakūpasahito deyātsadā maṅgalam || 13||

lakṣyīnāyakabindumādhavaharirlakṣmīnṛsiṃhastato

govindastvatha gopikāpriyatamaḥ śrīnāradaḥ keśavaḥ |

gaṅgākeśavavāmanākhyatadanu śveto hariḥ keśavaḥ

prahlādādisamastakeśavagaṇo deyātsadā maṅgalam || 14||

lolārko vimalārkamāyukharaviḥ saṃvartasañjño ravi-

rvikhyāto drupaduḥkhakholkamaruṇaḥ proktottarārko raviḥ |

gaṅgārkastvatha vṛddhavṛddhivibudhā kāśīpurīsaṃsthitāḥ

sūryā dvādaśasañjñakāḥ pratidinaṃ deyātsadā maṅgalam || 15||

ādyo ḍhuṇḍhivināyako gaṇapatiścintāmaṇiḥ siddhidaḥ

senāvighnapatistu vaktravadanaḥ śrīpāśapāṇiḥ prabhuḥ |

āśāpakṣavināyakāpraṣakaro modādikaḥ ṣaḍguṇo

lolārkādivināyakāḥ pratidinaṃ deyātsadā maṅgalam || 16|||

herambo nalakūbaro gaṇapatiḥ śrībhīmacaṇḍīgaṇo

vikhyāto maṇikarṇikāgaṇapatiḥ śrīsiddhido vighnapaḥ |

muṇḍaścaṇḍamukhaśca kaṣṭaharaṇaḥ śrīdaṇḍahasto gaṇaḥ

śrīdurgākhyagaṇādhipaḥ pratidinaṃ deyātsadā maṅgalam || 17||

ādyo bhairavabhīṣaṇastadaparaḥ śrīkālarājaḥ kramā-

cchrīsaṃhārakabhairavastvatha ruruśconmattako bhairavaḥ |

krodhaścaṇḍakapālabhairavavaraḥ śrībhūtanāthādayo

hyaṣṭau bhairavamūrtayaḥ pratidinaṃ deyātsadā maṅgalam || 18||

ādhāto'mbikayā saha trinayanaḥ sārdhaṃ gaṇairnanditāṃ

kāśīmāśu viśan haraḥ prathamato vārṣadhvaje'vasthitaḥ |

āyātā daśa dhenavaḥ sukapilā divyaiḥ payobhirharaṃ

khyātaṃ tadvṛṣabhadhvajena kapilaṃ deyātsadā maṅgalam || 19||

ānandākhyavanaṃ hi campakavanaṃ śrīnaimiṣaṃ khāṇḍavaṃ

puṇyaṃ caitrarathaṃ tvaśākavipinaṃ rambhāvanaṃ pāvanam |

durgāraṇyamatho'pi kairavavanaṃ vṛndāvanaṃ pāvanaṃ

vikhyātāni vanāni vaḥ pratidinaṃ deyātsadā maṅgalam || 20||

alikuladalanīlaḥ kāladaṃṣṭrākarālaḥ

sajalajaladanīlo vyālayajñopavītaḥ |

abhayavaradahasto ḍāmaroddāmanādaḥ

sakaladuritabhakṣo maṅgalaṃ vo dadātu || 21||

ardhāṅge vikaṭā girīndratanayā gaurī satī sundarī

sarvāṅge vilasadvibhūtidhavalo kālo viśālekṣaṇaḥ |

vīreśaḥ sahanandibhṛṅgisahitaḥ śrīviśvanāthaḥ prabhuḥ

kāśīmandirasaṃsthito'khilagururdeyātsadā maṅgalam || 22||

yaḥ prātaḥ prayataḥ prasannamanasā premapramodākulaḥ

khyātaṃ tatra viśiṣṭapādabhuvaneśendrādibhiryatstutam |

prātaḥ prāṅmukhamāsanottamagato brūyācchṛṇotyādarāt

kāśīvāsamukhānyavāpya satataṃ prīte śive dhūrjaṭi || 23||

iti śrīmacchaṅkarācāryaviracitaṃ kāśīviśvanāthastotram ||

Sanskrit — Devanagari (original)

कण्ठे यस्य लसत्करालगरलं गङ्गाजलं मस्तके

वामाङ्गे गिरिराजराजतनया जाया भवानी सती ।

नन्दिस्कन्दगणाधिराजसहिता श्रीविश्वनाथप्रभुः

काशीमन्दिरसंस्थितोऽखिलगुरुर्देयात्सदा मङ्गलम् ॥ 1॥

यो देवैरसुरैर्मुनीन्द्रतनयैर्गन्धर्वयक्षोरगै-

र्नागैर्भूतलवासिभिर्द्विजवरैः संसेवितः सिद्धये ।

या गङ्गोत्तरवाहिनी परिसरे तीर्थेरसङ्ख्यैर्वृता

सा काशी त्रिपुरारिराजनगरी देयात्सदा मङ्गलम् ॥ 2॥

तीर्थानां प्रवरा मनोरथकरी संसारपारापरा-

नन्दा नन्दिगणेश्वरैरुपहिता देवैरशेषैः स्तुता ।

या शम्भोर्मणिकुण्डलैककणिका विष्णोस्तपोदीर्घिका

सेयं श्रीमणिकर्णिका भगवती देयात्सदा मङ्गलम् ॥ 3॥

एषा धर्मपताकिनी तटरुहासेवावसन्नाकिनी

पश्यन्पातकिनी भगीरथतपःसाफल्यदेवाकिनी ।

प्रेमारूढपताकिनी गिरिसुता सा केकरास्वाकिनी

काश्यामुत्तरवाहिनी सुरनदी देयात्सदा मङ्गलम् ॥ 4॥

विघ्नावासनिवासकारणमहागण्डस्थलालम्बितः

सिन्दूरारुणपुञ्जचन्द्रकिरणप्रच्छादिनागच्छविः ।

श्रीविश्वेश्वरवल्लभो गिरिजया सानन्दकानन्दितः

स्मेरास्यस्तव ढुण्ढिराजमुदितो देयात्सदा मङ्गलम् ॥। 5॥ ।

केदारः कलशेश्वरः पशुपतिर्धर्मेश्वरो मध्यमो

ज्येष्ठेशो पशुपश्च कन्दुकशिवो विघ्नेश्वरो जम्बुकः ।

चन्द्रेशो ह्यमृतेश्वरो भृगुशिवः श्रीवृद्धकालेश्वरो

मध्येशो मणिकर्णिकेश्वरशिवो देयात्सदा मङ्गलम् ॥ 6॥

गोकर्णस्त्वथ भारभूतनुदनुः श्रीचित्रगुप्तेश्वरो

यक्षेशस्तिलपर्णसङ्गमशिवो शैलेश्वरः कश्यपः ।

नागेशोऽग्निशिवो निधीश्वरशिवोऽगस्तीश्वरस्तारक-

ज्ञानेशोऽपि पितामहेश्वरशिवो देयात्सदा मङ्गलम् ॥ 7॥

ब्रह्माण्डं सकलं मनोषितरसै रत्नैः पयोभिर्हरं

खेलैः पूरयते कुटुम्बनिलयान् शम्भोर्विलासप्रदा ।

नानादिव्यलताविभूषितवपुः काशीपुराधीश्वरी

श्रीविश्वेश्वरसुन्दरी भगवती देयात्सदा मङ्गलम् ॥ 8॥

या देवी महिषासुरप्रमथनी या चण्डमुण्डापहा

या शुम्भासुररक्तबीजदमनी शक्रादिभिः संस्तुता ।

या शूलासिधनुःशराभयकरा दुर्गादिसन्दक्षिणा-

माश्रित्याश्रितविघ्नशंसमयतु देयात्सदा मङ्गलम् ॥ 9॥

आद्या श्रीर्विकटा ततस्तु विरजा श्रीमङ्गला पार्वती

विख्याता कमला विशालनयना ज्येष्ठा विशिष्टानना ।

कामाक्षी च हरिप्रिया भगवती श्रीघण्टघण्टादिका

मौर्या षष्टिसहस्रमातृसहिता देयात्सदा मङ्गलम् ॥ 10॥

आदौ पञ्चनदं प्रयागमपरं केदारकुण्डं कुरु-

क्षेत्रं मानसकं सरोऽमृतजलं शावस्य तीर्थं परम् ।

मत्स्योदर्यथ दण्डखाण्डसलिलं मन्दाकिनी जम्बुकं

घण्टाकर्णसमुद्रकूपसहितो देयात्सदा मङ्गलम् ॥ 11॥

रेवाकुण्डजलं सरस्वतिजलं दुर्वासकुण्डं ततो

लक्ष्मीतीर्थलवाङ्कुशस्य सलिलं कन्दर्पकुण्डं तथा ।

दुर्गाकुण्डमसीजलं हनुमतः कुण्डप्रतापोर्जितः

प्रज्ञानप्रमुखानि वः प्रतिदिनं देयात्सदा मङ्गलम् ॥ 12॥

आद्यः कूपवरस्तु कालदमनः श्रीवृद्धकूपोऽपरो

विख्यातस्तु पराशरस्तु विदितः कूपः सरो मानसः ।

जैगीषव्यमुनेः शशाङ्कनृपतेः कूपस्तु धर्मोद्भवः

ख्यातः सप्तसमुद्रकूपसहितो देयात्सदा मङ्गलम् ॥ 13॥

लक्ष्यीनायकबिन्दुमाधवहरिर्लक्ष्मीनृसिंहस्ततो

गोविन्दस्त्वथ गोपिकाप्रियतमः श्रीनारदः केशवः ।

गङ्गाकेशववामनाख्यतदनु श्वेतो हरिः केशवः

प्रह्लादादिसमस्तकेशवगणो देयात्सदा मङ्गलम् ॥ 14॥

लोलार्को विमलार्कमायुखरविः संवर्तसञ्ज्ञो रवि-

र्विख्यातो द्रुपदुःखखोल्कमरुणः प्रोक्तोत्तरार्को रविः ।

गङ्गार्कस्त्वथ वृद्धवृद्धिविबुधा काशीपुरीसंस्थिताः

सूर्या द्वादशसञ्ज्ञकाः प्रतिदिनं देयात्सदा मङ्गलम् ॥ 15॥

आद्यो ढुण्ढिविनायको गणपतिश्चिन्तामणिः सिद्धिदः

सेनाविघ्नपतिस्तु वक्त्रवदनः श्रीपाशपाणिः प्रभुः ।

आशापक्षविनायकाप्रषकरो मोदादिकः षड्गुणो

लोलार्कादिविनायकाः प्रतिदिनं देयात्सदा मङ्गलम् ॥ 16॥।

हेरम्बो नलकूबरो गणपतिः श्रीभीमचण्डीगणो

विख्यातो मणिकर्णिकागणपतिः श्रीसिद्धिदो विघ्नपः ।

मुण्डश्चण्डमुखश्च कष्टहरणः श्रीदण्डहस्तो गणः

श्रीदुर्गाख्यगणाधिपः प्रतिदिनं देयात्सदा मङ्गलम् ॥ 17॥

आद्यो भैरवभीषणस्तदपरः श्रीकालराजः क्रमा-

च्छ्रीसंहारकभैरवस्त्वथ रुरुश्चोन्मत्तको भैरवः ।

क्रोधश्चण्डकपालभैरववरः श्रीभूतनाथादयो

ह्यष्टौ भैरवमूर्तयः प्रतिदिनं देयात्सदा मङ्गलम् ॥ 18॥

आधातोऽम्बिकया सह त्रिनयनः सार्धं गणैर्नन्दितां

काशीमाशु विशन् हरः प्रथमतो वार्षध्वजेऽवस्थितः ।

आयाता दश धेनवः सुकपिला दिव्यैः पयोभिर्हरं

ख्यातं तद्वृषभध्वजेन कपिलं देयात्सदा मङ्गलम् ॥ 19॥

आनन्दाख्यवनं हि चम्पकवनं श्रीनैमिषं खाण्डवं

पुण्यं चैत्ररथं त्वशाकविपिनं रम्भावनं पावनम् ।

दुर्गारण्यमथोऽपि कैरववनं वृन्दावनं पावनं

विख्यातानि वनानि वः प्रतिदिनं देयात्सदा मङ्गलम् ॥ 20॥

अलिकुलदलनीलः कालदंष्ट्राकरालः

सजलजलदनीलो व्यालयज्ञोपवीतः ।

अभयवरदहस्तो डामरोद्दामनादः

सकलदुरितभक्षो मङ्गलं वो ददातु ॥ 21॥

अर्धाङ्गे विकटा गिरीन्द्रतनया गौरी सती सुन्दरी

सर्वाङ्गे विलसद्विभूतिधवलो कालो विशालेक्षणः ।

वीरेशः सहनन्दिभृङ्गिसहितः श्रीविश्वनाथः प्रभुः

काशीमन्दिरसंस्थितोऽखिलगुरुर्देयात्सदा मङ्गलम् ॥ 22॥

यः प्रातः प्रयतः प्रसन्नमनसा प्रेमप्रमोदाकुलः

ख्यातं तत्र विशिष्टपादभुवनेशेन्द्रादिभिर्यत्स्तुतम् ।

प्रातः प्राङ्मुखमासनोत्तमगतो ब्रूयाच्छृणोत्यादरात्

काशीवासमुखान्यवाप्य सततं प्रीते शिवे धूर्जटि ॥ 23॥

इति श्रीमच्छङ्कराचार्यविरचितं काशीविश्वनाथस्तोत्रम् ॥