𑌕𑌣𑍍𑌠𑍇 𑌯𑌸𑍍𑌯 𑌲𑌸𑌤𑍍𑌕𑌰𑌾𑌲𑌗𑌰𑌲𑌂 𑌗𑌙𑍍𑌗𑌾𑌜𑌲𑌂 𑌮𑌸𑍍𑌤𑌕𑍇
𑌵𑌾𑌮𑌾𑌙𑍍𑌗𑍇 𑌗𑌿𑌰𑌿𑌰𑌾𑌜𑌰𑌾𑌜𑌤𑌨𑌯𑌾 𑌜𑌾𑌯𑌾 𑌭𑌵𑌾𑌨𑍀 𑌸𑌤𑍀 ।
𑌨𑌨𑍍𑌦𑌿𑌸𑍍𑌕𑌨𑍍𑌦𑌗𑌣𑌾𑌧𑌿𑌰𑌾𑌜𑌸𑌹𑌿𑌤𑌾 𑌶𑍍𑌰𑍀𑌵𑌿𑌶𑍍𑌵𑌨𑌾𑌥𑌪𑍍𑌰𑌭𑍁𑌃
𑌕𑌾𑌶𑍀𑌮𑌨𑍍𑌦𑌿𑌰𑌸𑌂𑌸𑍍𑌥𑌿𑌤𑍋𑌽𑌖𑌿𑌲𑌗𑍁𑌰𑍁𑌰𑍍𑌦𑍇𑌯𑌾𑌤𑍍𑌸𑌦𑌾 𑌮𑌙𑍍𑌗𑌲𑌮𑍍 ॥ 1॥
𑌯𑍋 𑌦𑍇𑌵𑍈𑌰𑌸𑍁𑌰𑍈𑌰𑍍𑌮𑍁𑌨𑍀𑌨𑍍𑌦𑍍𑌰𑌤𑌨𑌯𑍈𑌰𑍍𑌗𑌨𑍍𑌧𑌰𑍍𑌵𑌯𑌕𑍍𑌷𑍋𑌰𑌗𑍈-
𑌰𑍍𑌨𑌾𑌗𑍈𑌰𑍍𑌭𑍂𑌤𑌲𑌵𑌾𑌸𑌿𑌭𑌿𑌰𑍍𑌦𑍍𑌵𑌿𑌜𑌵𑌰𑍈𑌃 𑌸𑌂𑌸𑍇𑌵𑌿𑌤𑌃 𑌸𑌿𑌦𑍍𑌧𑌯𑍇 ।
𑌯𑌾 𑌗𑌙𑍍𑌗𑍋𑌤𑍍𑌤𑌰𑌵𑌾𑌹𑌿𑌨𑍀 𑌪𑌰𑌿𑌸𑌰𑍇 𑌤𑍀𑌰𑍍𑌥𑍇𑌰𑌸𑌙𑍍𑌖𑍍𑌯𑍈𑌰𑍍𑌵𑍃𑌤𑌾
𑌸𑌾 𑌕𑌾𑌶𑍀 𑌤𑍍𑌰𑌿𑌪𑍁𑌰𑌾𑌰𑌿𑌰𑌾𑌜𑌨𑌗𑌰𑍀 𑌦𑍇𑌯𑌾𑌤𑍍𑌸𑌦𑌾 𑌮𑌙𑍍𑌗𑌲𑌮𑍍 ॥ 2॥
𑌤𑍀𑌰𑍍𑌥𑌾𑌨𑌾𑌂 𑌪𑍍𑌰𑌵𑌰𑌾 𑌮𑌨𑍋𑌰𑌥𑌕𑌰𑍀 𑌸𑌂𑌸𑌾𑌰𑌪𑌾𑌰𑌾𑌪𑌰𑌾-
𑌨𑌨𑍍𑌦𑌾 𑌨𑌨𑍍𑌦𑌿𑌗𑌣𑍇𑌶𑍍𑌵𑌰𑍈𑌰𑍁𑌪𑌹𑌿𑌤𑌾 𑌦𑍇𑌵𑍈𑌰𑌶𑍇𑌷𑍈𑌃 𑌸𑍍𑌤𑍁𑌤𑌾 ।
𑌯𑌾 𑌶𑌮𑍍𑌭𑍋𑌰𑍍𑌮𑌣𑌿𑌕𑍁𑌣𑍍𑌡𑌲𑍈𑌕𑌕𑌣𑌿𑌕𑌾 𑌵𑌿𑌷𑍍𑌣𑍋𑌸𑍍𑌤𑌪𑍋𑌦𑍀𑌰𑍍𑌘𑌿𑌕𑌾
𑌸𑍇𑌯𑌂 𑌶𑍍𑌰𑍀𑌮𑌣𑌿𑌕𑌰𑍍𑌣𑌿𑌕𑌾 𑌭𑌗𑌵𑌤𑍀 𑌦𑍇𑌯𑌾𑌤𑍍𑌸𑌦𑌾 𑌮𑌙𑍍𑌗𑌲𑌮𑍍 ॥ 3॥
𑌏𑌷𑌾 𑌧𑌰𑍍𑌮𑌪𑌤𑌾𑌕𑌿𑌨𑍀 𑌤𑌟𑌰𑍁𑌹𑌾𑌸𑍇𑌵𑌾𑌵𑌸𑌨𑍍𑌨𑌾𑌕𑌿𑌨𑍀
𑌪𑌶𑍍𑌯𑌨𑍍𑌪𑌾𑌤𑌕𑌿𑌨𑍀 𑌭𑌗𑍀𑌰𑌥𑌤𑌪𑌃𑌸𑌾𑌫𑌲𑍍𑌯𑌦𑍇𑌵𑌾𑌕𑌿𑌨𑍀 ।
𑌪𑍍𑌰𑍇𑌮𑌾𑌰𑍂𑌢𑌪𑌤𑌾𑌕𑌿𑌨𑍀 𑌗𑌿𑌰𑌿𑌸𑍁𑌤𑌾 𑌸𑌾 𑌕𑍇𑌕𑌰𑌾𑌸𑍍𑌵𑌾𑌕𑌿𑌨𑍀
𑌕𑌾𑌶𑍍𑌯𑌾𑌮𑍁𑌤𑍍𑌤𑌰𑌵𑌾𑌹𑌿𑌨𑍀 𑌸𑍁𑌰𑌨𑌦𑍀 𑌦𑍇𑌯𑌾𑌤𑍍𑌸𑌦𑌾 𑌮𑌙𑍍𑌗𑌲𑌮𑍍 ॥ 4॥
𑌵𑌿𑌘𑍍𑌨𑌾𑌵𑌾𑌸𑌨𑌿𑌵𑌾𑌸𑌕𑌾𑌰𑌣𑌮𑌹𑌾𑌗𑌣𑍍𑌡𑌸𑍍𑌥𑌲𑌾𑌲𑌮𑍍𑌬𑌿𑌤𑌃
𑌸𑌿𑌨𑍍𑌦𑍂𑌰𑌾𑌰𑍁𑌣𑌪𑍁𑌞𑍍𑌜𑌚𑌨𑍍𑌦𑍍𑌰𑌕𑌿𑌰𑌣𑌪𑍍𑌰𑌚𑍍𑌛𑌾𑌦𑌿𑌨𑌾𑌗𑌚𑍍𑌛𑌵𑌿𑌃 ।
𑌶𑍍𑌰𑍀𑌵𑌿𑌶𑍍𑌵𑍇𑌶𑍍𑌵𑌰𑌵𑌲𑍍𑌲𑌭𑍋 𑌗𑌿𑌰𑌿𑌜𑌯𑌾 𑌸𑌾𑌨𑌨𑍍𑌦𑌕𑌾𑌨𑌨𑍍𑌦𑌿𑌤𑌃
𑌸𑍍𑌮𑍇𑌰𑌾𑌸𑍍𑌯𑌸𑍍𑌤𑌵 𑌢𑍁𑌣𑍍𑌢𑌿𑌰𑌾𑌜𑌮𑍁𑌦𑌿𑌤𑍋 𑌦𑍇𑌯𑌾𑌤𑍍𑌸𑌦𑌾 𑌮𑌙𑍍𑌗𑌲𑌮𑍍 ॥। 5॥ ।
𑌕𑍇𑌦𑌾𑌰𑌃 𑌕𑌲𑌶𑍇𑌶𑍍𑌵𑌰𑌃 𑌪𑌶𑍁𑌪𑌤𑌿𑌰𑍍𑌧𑌰𑍍𑌮𑍇𑌶𑍍𑌵𑌰𑍋 𑌮𑌧𑍍𑌯𑌮𑍋
𑌜𑍍𑌯𑍇𑌷𑍍𑌠𑍇𑌶𑍋 𑌪𑌶𑍁𑌪𑌶𑍍𑌚 𑌕𑌨𑍍𑌦𑍁𑌕𑌶𑌿𑌵𑍋 𑌵𑌿𑌘𑍍𑌨𑍇𑌶𑍍𑌵𑌰𑍋 𑌜𑌮𑍍𑌬𑍁𑌕𑌃 ।
𑌚𑌨𑍍𑌦𑍍𑌰𑍇𑌶𑍋 𑌹𑍍𑌯𑌮𑍃𑌤𑍇𑌶𑍍𑌵𑌰𑍋 𑌭𑍃𑌗𑍁𑌶𑌿𑌵𑌃 𑌶𑍍𑌰𑍀𑌵𑍃𑌦𑍍𑌧𑌕𑌾𑌲𑍇𑌶𑍍𑌵𑌰𑍋
𑌮𑌧𑍍𑌯𑍇𑌶𑍋 𑌮𑌣𑌿𑌕𑌰𑍍𑌣𑌿𑌕𑍇𑌶𑍍𑌵𑌰𑌶𑌿𑌵𑍋 𑌦𑍇𑌯𑌾𑌤𑍍𑌸𑌦𑌾 𑌮𑌙𑍍𑌗𑌲𑌮𑍍 ॥ 6॥
𑌗𑍋𑌕𑌰𑍍𑌣𑌸𑍍𑌤𑍍𑌵𑌥 𑌭𑌾𑌰𑌭𑍂𑌤𑌨𑍁𑌦𑌨𑍁𑌃 𑌶𑍍𑌰𑍀𑌚𑌿𑌤𑍍𑌰𑌗𑍁𑌪𑍍𑌤𑍇𑌶𑍍𑌵𑌰𑍋
𑌯𑌕𑍍𑌷𑍇𑌶𑌸𑍍𑌤𑌿𑌲𑌪𑌰𑍍𑌣𑌸𑌙𑍍𑌗𑌮𑌶𑌿𑌵𑍋 𑌶𑍈𑌲𑍇𑌶𑍍𑌵𑌰𑌃 𑌕𑌶𑍍𑌯𑌪𑌃 ।
𑌨𑌾𑌗𑍇𑌶𑍋𑌽𑌗𑍍𑌨𑌿𑌶𑌿𑌵𑍋 𑌨𑌿𑌧𑍀𑌶𑍍𑌵𑌰𑌶𑌿𑌵𑍋𑌽𑌗𑌸𑍍𑌤𑍀𑌶𑍍𑌵𑌰𑌸𑍍𑌤𑌾𑌰𑌕-
𑌜𑍍𑌞𑌾𑌨𑍇𑌶𑍋𑌽𑌪𑌿 𑌪𑌿𑌤𑌾𑌮𑌹𑍇𑌶𑍍𑌵𑌰𑌶𑌿𑌵𑍋 𑌦𑍇𑌯𑌾𑌤𑍍𑌸𑌦𑌾 𑌮𑌙𑍍𑌗𑌲𑌮𑍍 ॥ 7॥
𑌬𑍍𑌰𑌹𑍍𑌮𑌾𑌣𑍍𑌡𑌂 𑌸𑌕𑌲𑌂 𑌮𑌨𑍋𑌷𑌿𑌤𑌰𑌸𑍈 𑌰𑌤𑍍𑌨𑍈𑌃 𑌪𑌯𑍋𑌭𑌿𑌰𑍍𑌹𑌰𑌂
𑌖𑍇𑌲𑍈𑌃 𑌪𑍂𑌰𑌯𑌤𑍇 𑌕𑍁𑌟𑍁𑌮𑍍𑌬𑌨𑌿𑌲𑌯𑌾𑌨𑍍 𑌶𑌮𑍍𑌭𑍋𑌰𑍍𑌵𑌿𑌲𑌾𑌸𑌪𑍍𑌰𑌦𑌾 ।
𑌨𑌾𑌨𑌾𑌦𑌿𑌵𑍍𑌯𑌲𑌤𑌾𑌵𑌿𑌭𑍂𑌷𑌿𑌤𑌵𑌪𑍁𑌃 𑌕𑌾𑌶𑍀𑌪𑍁𑌰𑌾𑌧𑍀𑌶𑍍𑌵𑌰𑍀
𑌶𑍍𑌰𑍀𑌵𑌿𑌶𑍍𑌵𑍇𑌶𑍍𑌵𑌰𑌸𑍁𑌨𑍍𑌦𑌰𑍀 𑌭𑌗𑌵𑌤𑍀 𑌦𑍇𑌯𑌾𑌤𑍍𑌸𑌦𑌾 𑌮𑌙𑍍𑌗𑌲𑌮𑍍 ॥ 8॥
𑌯𑌾 𑌦𑍇𑌵𑍀 𑌮𑌹𑌿𑌷𑌾𑌸𑍁𑌰𑌪𑍍𑌰𑌮𑌥𑌨𑍀 𑌯𑌾 𑌚𑌣𑍍𑌡𑌮𑍁𑌣𑍍𑌡𑌾𑌪𑌹𑌾
𑌯𑌾 𑌶𑍁𑌮𑍍𑌭𑌾𑌸𑍁𑌰𑌰𑌕𑍍𑌤𑌬𑍀𑌜𑌦𑌮𑌨𑍀 𑌶𑌕𑍍𑌰𑌾𑌦𑌿𑌭𑌿𑌃 𑌸𑌂𑌸𑍍𑌤𑍁𑌤𑌾 ।
𑌯𑌾 𑌶𑍂𑌲𑌾𑌸𑌿𑌧𑌨𑍁𑌃𑌶𑌰𑌾𑌭𑌯𑌕𑌰𑌾 𑌦𑍁𑌰𑍍𑌗𑌾𑌦𑌿𑌸𑌨𑍍𑌦𑌕𑍍𑌷𑌿𑌣𑌾-
𑌮𑌾𑌶𑍍𑌰𑌿𑌤𑍍𑌯𑌾𑌶𑍍𑌰𑌿𑌤𑌵𑌿𑌘𑍍𑌨𑌶𑌂𑌸𑌮𑌯𑌤𑍁 𑌦𑍇𑌯𑌾𑌤𑍍𑌸𑌦𑌾 𑌮𑌙𑍍𑌗𑌲𑌮𑍍 ॥ 9॥
𑌆𑌦𑍍𑌯𑌾 𑌶𑍍𑌰𑍀𑌰𑍍𑌵𑌿𑌕𑌟𑌾 𑌤𑌤𑌸𑍍𑌤𑍁 𑌵𑌿𑌰𑌜𑌾 𑌶𑍍𑌰𑍀𑌮𑌙𑍍𑌗𑌲𑌾 𑌪𑌾𑌰𑍍𑌵𑌤𑍀
𑌵𑌿𑌖𑍍𑌯𑌾𑌤𑌾 𑌕𑌮𑌲𑌾 𑌵𑌿𑌶𑌾𑌲𑌨𑌯𑌨𑌾 𑌜𑍍𑌯𑍇𑌷𑍍𑌠𑌾 𑌵𑌿𑌶𑌿𑌷𑍍𑌟𑌾𑌨𑌨𑌾 ।
𑌕𑌾𑌮𑌾𑌕𑍍𑌷𑍀 𑌚 𑌹𑌰𑌿𑌪𑍍𑌰𑌿𑌯𑌾 𑌭𑌗𑌵𑌤𑍀 𑌶𑍍𑌰𑍀𑌘𑌣𑍍𑌟𑌘𑌣𑍍𑌟𑌾𑌦𑌿𑌕𑌾
𑌮𑍗𑌰𑍍𑌯𑌾 𑌷𑌷𑍍𑌟𑌿𑌸𑌹𑌸𑍍𑌰𑌮𑌾𑌤𑍃𑌸𑌹𑌿𑌤𑌾 𑌦𑍇𑌯𑌾𑌤𑍍𑌸𑌦𑌾 𑌮𑌙𑍍𑌗𑌲𑌮𑍍 ॥ 10॥
𑌆𑌦𑍗 𑌪𑌞𑍍𑌚𑌨𑌦𑌂 𑌪𑍍𑌰𑌯𑌾𑌗𑌮𑌪𑌰𑌂 𑌕𑍇𑌦𑌾𑌰𑌕𑍁𑌣𑍍𑌡𑌂 𑌕𑍁𑌰𑍁-
𑌕𑍍𑌷𑍇𑌤𑍍𑌰𑌂 𑌮𑌾𑌨𑌸𑌕𑌂 𑌸𑌰𑍋𑌽𑌮𑍃𑌤𑌜𑌲𑌂 𑌶𑌾𑌵𑌸𑍍𑌯 𑌤𑍀𑌰𑍍𑌥𑌂 𑌪𑌰𑌮𑍍 ।
𑌮𑌤𑍍𑌸𑍍𑌯𑍋𑌦𑌰𑍍𑌯𑌥 𑌦𑌣𑍍𑌡𑌖𑌾𑌣𑍍𑌡𑌸𑌲𑌿𑌲𑌂 𑌮𑌨𑍍𑌦𑌾𑌕𑌿𑌨𑍀 𑌜𑌮𑍍𑌬𑍁𑌕𑌂
𑌘𑌣𑍍𑌟𑌾𑌕𑌰𑍍𑌣𑌸𑌮𑍁𑌦𑍍𑌰𑌕𑍂𑌪𑌸𑌹𑌿𑌤𑍋 𑌦𑍇𑌯𑌾𑌤𑍍𑌸𑌦𑌾 𑌮𑌙𑍍𑌗𑌲𑌮𑍍 ॥ 11॥
𑌰𑍇𑌵𑌾𑌕𑍁𑌣𑍍𑌡𑌜𑌲𑌂 𑌸𑌰𑌸𑍍𑌵𑌤𑌿𑌜𑌲𑌂 𑌦𑍁𑌰𑍍𑌵𑌾𑌸𑌕𑍁𑌣𑍍𑌡𑌂 𑌤𑌤𑍋
𑌲𑌕𑍍𑌷𑍍𑌮𑍀𑌤𑍀𑌰𑍍𑌥𑌲𑌵𑌾𑌙𑍍𑌕𑍁𑌶𑌸𑍍𑌯 𑌸𑌲𑌿𑌲𑌂 𑌕𑌨𑍍𑌦𑌰𑍍𑌪𑌕𑍁𑌣𑍍𑌡𑌂 𑌤𑌥𑌾 ।
𑌦𑍁𑌰𑍍𑌗𑌾𑌕𑍁𑌣𑍍𑌡𑌮𑌸𑍀𑌜𑌲𑌂 𑌹𑌨𑍁𑌮𑌤𑌃 𑌕𑍁𑌣𑍍𑌡𑌪𑍍𑌰𑌤𑌾𑌪𑍋𑌰𑍍𑌜𑌿𑌤𑌃
𑌪𑍍𑌰𑌜𑍍𑌞𑌾𑌨𑌪𑍍𑌰𑌮𑍁𑌖𑌾𑌨𑌿 𑌵𑌃 𑌪𑍍𑌰𑌤𑌿𑌦𑌿𑌨𑌂 𑌦𑍇𑌯𑌾𑌤𑍍𑌸𑌦𑌾 𑌮𑌙𑍍𑌗𑌲𑌮𑍍 ॥ 12॥
𑌆𑌦𑍍𑌯𑌃 𑌕𑍂𑌪𑌵𑌰𑌸𑍍𑌤𑍁 𑌕𑌾𑌲𑌦𑌮𑌨𑌃 𑌶𑍍𑌰𑍀𑌵𑍃𑌦𑍍𑌧𑌕𑍂𑌪𑍋𑌽𑌪𑌰𑍋
𑌵𑌿𑌖𑍍𑌯𑌾𑌤𑌸𑍍𑌤𑍁 𑌪𑌰𑌾𑌶𑌰𑌸𑍍𑌤𑍁 𑌵𑌿𑌦𑌿𑌤𑌃 𑌕𑍂𑌪𑌃 𑌸𑌰𑍋 𑌮𑌾𑌨𑌸𑌃 ।
𑌜𑍈𑌗𑍀𑌷𑌵𑍍𑌯𑌮𑍁𑌨𑍇𑌃 𑌶𑌶𑌾𑌙𑍍𑌕𑌨𑍃𑌪𑌤𑍇𑌃 𑌕𑍂𑌪𑌸𑍍𑌤𑍁 𑌧𑌰𑍍𑌮𑍋𑌦𑍍𑌭𑌵𑌃
𑌖𑍍𑌯𑌾𑌤𑌃 𑌸𑌪𑍍𑌤𑌸𑌮𑍁𑌦𑍍𑌰𑌕𑍂𑌪𑌸𑌹𑌿𑌤𑍋 𑌦𑍇𑌯𑌾𑌤𑍍𑌸𑌦𑌾 𑌮𑌙𑍍𑌗𑌲𑌮𑍍 ॥ 13॥
𑌲𑌕𑍍𑌷𑍍𑌯𑍀𑌨𑌾𑌯𑌕𑌬𑌿𑌨𑍍𑌦𑍁𑌮𑌾𑌧𑌵𑌹𑌰𑌿𑌰𑍍𑌲𑌕𑍍𑌷𑍍𑌮𑍀𑌨𑍃𑌸𑌿𑌂𑌹𑌸𑍍𑌤𑌤𑍋
𑌗𑍋𑌵𑌿𑌨𑍍𑌦𑌸𑍍𑌤𑍍𑌵𑌥 𑌗𑍋𑌪𑌿𑌕𑌾𑌪𑍍𑌰𑌿𑌯𑌤𑌮𑌃 𑌶𑍍𑌰𑍀𑌨𑌾𑌰𑌦𑌃 𑌕𑍇𑌶𑌵𑌃 ।
𑌗𑌙𑍍𑌗𑌾𑌕𑍇𑌶𑌵𑌵𑌾𑌮𑌨𑌾𑌖𑍍𑌯𑌤𑌦𑌨𑍁 𑌶𑍍𑌵𑍇𑌤𑍋 𑌹𑌰𑌿𑌃 𑌕𑍇𑌶𑌵𑌃
𑌪𑍍𑌰𑌹𑍍𑌲𑌾𑌦𑌾𑌦𑌿𑌸𑌮𑌸𑍍𑌤𑌕𑍇𑌶𑌵𑌗𑌣𑍋 𑌦𑍇𑌯𑌾𑌤𑍍𑌸𑌦𑌾 𑌮𑌙𑍍𑌗𑌲𑌮𑍍 ॥ 14॥
𑌲𑍋𑌲𑌾𑌰𑍍𑌕𑍋 𑌵𑌿𑌮𑌲𑌾𑌰𑍍𑌕𑌮𑌾𑌯𑍁𑌖𑌰𑌵𑌿𑌃 𑌸𑌂𑌵𑌰𑍍𑌤𑌸𑌞𑍍𑌜𑍍𑌞𑍋 𑌰𑌵𑌿-
𑌰𑍍𑌵𑌿𑌖𑍍𑌯𑌾𑌤𑍋 𑌦𑍍𑌰𑍁𑌪𑌦𑍁𑌃𑌖𑌖𑍋𑌲𑍍𑌕𑌮𑌰𑍁𑌣𑌃 𑌪𑍍𑌰𑍋𑌕𑍍𑌤𑍋𑌤𑍍𑌤𑌰𑌾𑌰𑍍𑌕𑍋 𑌰𑌵𑌿𑌃 ।
𑌗𑌙𑍍𑌗𑌾𑌰𑍍𑌕𑌸𑍍𑌤𑍍𑌵𑌥 𑌵𑍃𑌦𑍍𑌧𑌵𑍃𑌦𑍍𑌧𑌿𑌵𑌿𑌬𑍁𑌧𑌾 𑌕𑌾𑌶𑍀𑌪𑍁𑌰𑍀𑌸𑌂𑌸𑍍𑌥𑌿𑌤𑌾𑌃
𑌸𑍂𑌰𑍍𑌯𑌾 𑌦𑍍𑌵𑌾𑌦𑌶𑌸𑌞𑍍𑌜𑍍𑌞𑌕𑌾𑌃 𑌪𑍍𑌰𑌤𑌿𑌦𑌿𑌨𑌂 𑌦𑍇𑌯𑌾𑌤𑍍𑌸𑌦𑌾 𑌮𑌙𑍍𑌗𑌲𑌮𑍍 ॥ 15॥
𑌆𑌦𑍍𑌯𑍋 𑌢𑍁𑌣𑍍𑌢𑌿𑌵𑌿𑌨𑌾𑌯𑌕𑍋 𑌗𑌣𑌪𑌤𑌿𑌶𑍍𑌚𑌿𑌨𑍍𑌤𑌾𑌮𑌣𑌿𑌃 𑌸𑌿𑌦𑍍𑌧𑌿𑌦𑌃
𑌸𑍇𑌨𑌾𑌵𑌿𑌘𑍍𑌨𑌪𑌤𑌿𑌸𑍍𑌤𑍁 𑌵𑌕𑍍𑌤𑍍𑌰𑌵𑌦𑌨𑌃 𑌶𑍍𑌰𑍀𑌪𑌾𑌶𑌪𑌾𑌣𑌿𑌃 𑌪𑍍𑌰𑌭𑍁𑌃 ।
𑌆𑌶𑌾𑌪𑌕𑍍𑌷𑌵𑌿𑌨𑌾𑌯𑌕𑌾𑌪𑍍𑌰𑌷𑌕𑌰𑍋 𑌮𑍋𑌦𑌾𑌦𑌿𑌕𑌃 𑌷𑌡𑍍𑌗𑍁𑌣𑍋
𑌲𑍋𑌲𑌾𑌰𑍍𑌕𑌾𑌦𑌿𑌵𑌿𑌨𑌾𑌯𑌕𑌾𑌃 𑌪𑍍𑌰𑌤𑌿𑌦𑌿𑌨𑌂 𑌦𑍇𑌯𑌾𑌤𑍍𑌸𑌦𑌾 𑌮𑌙𑍍𑌗𑌲𑌮𑍍 ॥ 16॥।
𑌹𑍇𑌰𑌮𑍍𑌬𑍋 𑌨𑌲𑌕𑍂𑌬𑌰𑍋 𑌗𑌣𑌪𑌤𑌿𑌃 𑌶𑍍𑌰𑍀𑌭𑍀𑌮𑌚𑌣𑍍𑌡𑍀𑌗𑌣𑍋
𑌵𑌿𑌖𑍍𑌯𑌾𑌤𑍋 𑌮𑌣𑌿𑌕𑌰𑍍𑌣𑌿𑌕𑌾𑌗𑌣𑌪𑌤𑌿𑌃 𑌶𑍍𑌰𑍀𑌸𑌿𑌦𑍍𑌧𑌿𑌦𑍋 𑌵𑌿𑌘𑍍𑌨𑌪𑌃 ।
𑌮𑍁𑌣𑍍𑌡𑌶𑍍𑌚𑌣𑍍𑌡𑌮𑍁𑌖𑌶𑍍𑌚 𑌕𑌷𑍍𑌟𑌹𑌰𑌣𑌃 𑌶𑍍𑌰𑍀𑌦𑌣𑍍𑌡𑌹𑌸𑍍𑌤𑍋 𑌗𑌣𑌃
𑌶𑍍𑌰𑍀𑌦𑍁𑌰𑍍𑌗𑌾𑌖𑍍𑌯𑌗𑌣𑌾𑌧𑌿𑌪𑌃 𑌪𑍍𑌰𑌤𑌿𑌦𑌿𑌨𑌂 𑌦𑍇𑌯𑌾𑌤𑍍𑌸𑌦𑌾 𑌮𑌙𑍍𑌗𑌲𑌮𑍍 ॥ 17॥
𑌆𑌦𑍍𑌯𑍋 𑌭𑍈𑌰𑌵𑌭𑍀𑌷𑌣𑌸𑍍𑌤𑌦𑌪𑌰𑌃 𑌶𑍍𑌰𑍀𑌕𑌾𑌲𑌰𑌾𑌜𑌃 𑌕𑍍𑌰𑌮𑌾-
𑌚𑍍𑌛𑍍𑌰𑍀𑌸𑌂𑌹𑌾𑌰𑌕𑌭𑍈𑌰𑌵𑌸𑍍𑌤𑍍𑌵𑌥 𑌰𑍁𑌰𑍁𑌶𑍍𑌚𑍋𑌨𑍍𑌮𑌤𑍍𑌤𑌕𑍋 𑌭𑍈𑌰𑌵𑌃 ।
𑌕𑍍𑌰𑍋𑌧𑌶𑍍𑌚𑌣𑍍𑌡𑌕𑌪𑌾𑌲𑌭𑍈𑌰𑌵𑌵𑌰𑌃 𑌶𑍍𑌰𑍀𑌭𑍂𑌤𑌨𑌾𑌥𑌾𑌦𑌯𑍋
𑌹𑍍𑌯𑌷𑍍𑌟𑍗 𑌭𑍈𑌰𑌵𑌮𑍂𑌰𑍍𑌤𑌯𑌃 𑌪𑍍𑌰𑌤𑌿𑌦𑌿𑌨𑌂 𑌦𑍇𑌯𑌾𑌤𑍍𑌸𑌦𑌾 𑌮𑌙𑍍𑌗𑌲𑌮𑍍 ॥ 18॥
𑌆𑌧𑌾𑌤𑍋𑌽𑌮𑍍𑌬𑌿𑌕𑌯𑌾 𑌸𑌹 𑌤𑍍𑌰𑌿𑌨𑌯𑌨𑌃 𑌸𑌾𑌰𑍍𑌧𑌂 𑌗𑌣𑍈𑌰𑍍𑌨𑌨𑍍𑌦𑌿𑌤𑌾𑌂
𑌕𑌾𑌶𑍀𑌮𑌾𑌶𑍁 𑌵𑌿𑌶𑌨𑍍 𑌹𑌰𑌃 𑌪𑍍𑌰𑌥𑌮𑌤𑍋 𑌵𑌾𑌰𑍍𑌷𑌧𑍍𑌵𑌜𑍇𑌽𑌵𑌸𑍍𑌥𑌿𑌤𑌃 ।
𑌆𑌯𑌾𑌤𑌾 𑌦𑌶 𑌧𑍇𑌨𑌵𑌃 𑌸𑍁𑌕𑌪𑌿𑌲𑌾 𑌦𑌿𑌵𑍍𑌯𑍈𑌃 𑌪𑌯𑍋𑌭𑌿𑌰𑍍𑌹𑌰𑌂
𑌖𑍍𑌯𑌾𑌤𑌂 𑌤𑌦𑍍𑌵𑍃𑌷𑌭𑌧𑍍𑌵𑌜𑍇𑌨 𑌕𑌪𑌿𑌲𑌂 𑌦𑍇𑌯𑌾𑌤𑍍𑌸𑌦𑌾 𑌮𑌙𑍍𑌗𑌲𑌮𑍍 ॥ 19॥
𑌆𑌨𑌨𑍍𑌦𑌾𑌖𑍍𑌯𑌵𑌨𑌂 𑌹𑌿 𑌚𑌮𑍍𑌪𑌕𑌵𑌨𑌂 𑌶𑍍𑌰𑍀𑌨𑍈𑌮𑌿𑌷𑌂 𑌖𑌾𑌣𑍍𑌡𑌵𑌂
𑌪𑍁𑌣𑍍𑌯𑌂 𑌚𑍈𑌤𑍍𑌰𑌰𑌥𑌂 𑌤𑍍𑌵𑌶𑌾𑌕𑌵𑌿𑌪𑌿𑌨𑌂 𑌰𑌮𑍍𑌭𑌾𑌵𑌨𑌂 𑌪𑌾𑌵𑌨𑌮𑍍 ।
𑌦𑍁𑌰𑍍𑌗𑌾𑌰𑌣𑍍𑌯𑌮𑌥𑍋𑌽𑌪𑌿 𑌕𑍈𑌰𑌵𑌵𑌨𑌂 𑌵𑍃𑌨𑍍𑌦𑌾𑌵𑌨𑌂 𑌪𑌾𑌵𑌨𑌂
𑌵𑌿𑌖𑍍𑌯𑌾𑌤𑌾𑌨𑌿 𑌵𑌨𑌾𑌨𑌿 𑌵𑌃 𑌪𑍍𑌰𑌤𑌿𑌦𑌿𑌨𑌂 𑌦𑍇𑌯𑌾𑌤𑍍𑌸𑌦𑌾 𑌮𑌙𑍍𑌗𑌲𑌮𑍍 ॥ 20॥
𑌅𑌲𑌿𑌕𑍁𑌲𑌦𑌲𑌨𑍀𑌲𑌃 𑌕𑌾𑌲𑌦𑌂𑌷𑍍𑌟𑍍𑌰𑌾𑌕𑌰𑌾𑌲𑌃
𑌸𑌜𑌲𑌜𑌲𑌦𑌨𑍀𑌲𑍋 𑌵𑍍𑌯𑌾𑌲𑌯𑌜𑍍𑌞𑍋𑌪𑌵𑍀𑌤𑌃 ।
𑌅𑌭𑌯𑌵𑌰𑌦𑌹𑌸𑍍𑌤𑍋 𑌡𑌾𑌮𑌰𑍋𑌦𑍍𑌦𑌾𑌮𑌨𑌾𑌦𑌃
𑌸𑌕𑌲𑌦𑍁𑌰𑌿𑌤𑌭𑌕𑍍𑌷𑍋 𑌮𑌙𑍍𑌗𑌲𑌂 𑌵𑍋 𑌦𑌦𑌾𑌤𑍁 ॥ 21॥
𑌅𑌰𑍍𑌧𑌾𑌙𑍍𑌗𑍇 𑌵𑌿𑌕𑌟𑌾 𑌗𑌿𑌰𑍀𑌨𑍍𑌦𑍍𑌰𑌤𑌨𑌯𑌾 𑌗𑍗𑌰𑍀 𑌸𑌤𑍀 𑌸𑍁𑌨𑍍𑌦𑌰𑍀
𑌸𑌰𑍍𑌵𑌾𑌙𑍍𑌗𑍇 𑌵𑌿𑌲𑌸𑌦𑍍𑌵𑌿𑌭𑍂𑌤𑌿𑌧𑌵𑌲𑍋 𑌕𑌾𑌲𑍋 𑌵𑌿𑌶𑌾𑌲𑍇𑌕𑍍𑌷𑌣𑌃 ।
𑌵𑍀𑌰𑍇𑌶𑌃 𑌸𑌹𑌨𑌨𑍍𑌦𑌿𑌭𑍃𑌙𑍍𑌗𑌿𑌸𑌹𑌿𑌤𑌃 𑌶𑍍𑌰𑍀𑌵𑌿𑌶𑍍𑌵𑌨𑌾𑌥𑌃 𑌪𑍍𑌰𑌭𑍁𑌃
𑌕𑌾𑌶𑍀𑌮𑌨𑍍𑌦𑌿𑌰𑌸𑌂𑌸𑍍𑌥𑌿𑌤𑍋𑌽𑌖𑌿𑌲𑌗𑍁𑌰𑍁𑌰𑍍𑌦𑍇𑌯𑌾𑌤𑍍𑌸𑌦𑌾 𑌮𑌙𑍍𑌗𑌲𑌮𑍍 ॥ 22॥
𑌯𑌃 𑌪𑍍𑌰𑌾𑌤𑌃 𑌪𑍍𑌰𑌯𑌤𑌃 𑌪𑍍𑌰𑌸𑌨𑍍𑌨𑌮𑌨𑌸𑌾 𑌪𑍍𑌰𑍇𑌮𑌪𑍍𑌰𑌮𑍋𑌦𑌾𑌕𑍁𑌲𑌃
𑌖𑍍𑌯𑌾𑌤𑌂 𑌤𑌤𑍍𑌰 𑌵𑌿𑌶𑌿𑌷𑍍𑌟𑌪𑌾𑌦𑌭𑍁𑌵𑌨𑍇𑌶𑍇𑌨𑍍𑌦𑍍𑌰𑌾𑌦𑌿𑌭𑌿𑌰𑍍𑌯𑌤𑍍𑌸𑍍𑌤𑍁𑌤𑌮𑍍 ।
𑌪𑍍𑌰𑌾𑌤𑌃 𑌪𑍍𑌰𑌾𑌙𑍍𑌮𑍁𑌖𑌮𑌾𑌸𑌨𑍋𑌤𑍍𑌤𑌮𑌗𑌤𑍋 𑌬𑍍𑌰𑍂𑌯𑌾𑌚𑍍𑌛𑍃𑌣𑍋𑌤𑍍𑌯𑌾𑌦𑌰𑌾𑌤𑍍
𑌕𑌾𑌶𑍀𑌵𑌾𑌸𑌮𑍁𑌖𑌾𑌨𑍍𑌯𑌵𑌾𑌪𑍍𑌯 𑌸𑌤𑌤𑌂 𑌪𑍍𑌰𑍀𑌤𑍇 𑌶𑌿𑌵𑍇 𑌧𑍂𑌰𑍍𑌜𑌟𑌿 ॥ 23॥
𑌇𑌤𑌿 𑌶𑍍𑌰𑍀𑌮𑌚𑍍𑌛𑌙𑍍𑌕𑌰𑌾𑌚𑌾𑌰𑍍𑌯𑌵𑌿𑌰𑌚𑌿𑌤𑌂 𑌕𑌾𑌶𑍀𑌵𑌿𑌶𑍍𑌵𑌨𑌾𑌥𑌸𑍍𑌤𑍋𑌤𑍍𑌰𑌮𑍍 ॥
Roman (IAST) Transliteration
kaṇṭhe yasya lasatkarālagaralaṃ gaṅgājalaṃ mastake
vāmāṅge girirājarājatanayā jāyā bhavānī satī |
nandiskandagaṇādhirājasahitā śrīviśvanāthaprabhuḥ
kāśīmandirasaṃsthito'khilagururdeyātsadā maṅgalam || 1||
yo devairasurairmunīndratanayairgandharvayakṣoragai-
rnāgairbhūtalavāsibhirdvijavaraiḥ saṃsevitaḥ siddhaye |
yā gaṅgottaravāhinī parisare tīrtherasaṅkhyairvṛtā
sā kāśī tripurārirājanagarī deyātsadā maṅgalam || 2||
tīrthānāṃ pravarā manorathakarī saṃsārapārāparā-
nandā nandigaṇeśvarairupahitā devairaśeṣaiḥ stutā |
yā śambhormaṇikuṇḍalaikakaṇikā viṣṇostapodīrghikā
seyaṃ śrīmaṇikarṇikā bhagavatī deyātsadā maṅgalam || 3||
eṣā dharmapatākinī taṭaruhāsevāvasannākinī
paśyanpātakinī bhagīrathatapaḥsāphalyadevākinī |
premārūḍhapatākinī girisutā sā kekarāsvākinī
kāśyāmuttaravāhinī suranadī deyātsadā maṅgalam || 4||
vighnāvāsanivāsakāraṇamahāgaṇḍasthalālambitaḥ
sindūrāruṇapuñjacandrakiraṇapracchādināgacchaviḥ |
śrīviśveśvaravallabho girijayā sānandakānanditaḥ
smerāsyastava ḍhuṇḍhirājamudito deyātsadā maṅgalam ||| 5|| |
kedāraḥ kalaśeśvaraḥ paśupatirdharmeśvaro madhyamo
jyeṣṭheśo paśupaśca kandukaśivo vighneśvaro jambukaḥ |
candreśo hyamṛteśvaro bhṛguśivaḥ śrīvṛddhakāleśvaro
madhyeśo maṇikarṇikeśvaraśivo deyātsadā maṅgalam || 6||
gokarṇastvatha bhārabhūtanudanuḥ śrīcitragupteśvaro
yakṣeśastilaparṇasaṅgamaśivo śaileśvaraḥ kaśyapaḥ |
nāgeśo'gniśivo nidhīśvaraśivo'gastīśvarastāraka-
jñāneśo'pi pitāmaheśvaraśivo deyātsadā maṅgalam || 7||
brahmāṇḍaṃ sakalaṃ manoṣitarasai ratnaiḥ payobhirharaṃ
khelaiḥ pūrayate kuṭumbanilayān śambhorvilāsapradā |
nānādivyalatāvibhūṣitavapuḥ kāśīpurādhīśvarī
śrīviśveśvarasundarī bhagavatī deyātsadā maṅgalam || 8||
yā devī mahiṣāsurapramathanī yā caṇḍamuṇḍāpahā
yā śumbhāsuraraktabījadamanī śakrādibhiḥ saṃstutā |
yā śūlāsidhanuḥśarābhayakarā durgādisandakṣiṇā-
māśrityāśritavighnaśaṃsamayatu deyātsadā maṅgalam || 9||
ādyā śrīrvikaṭā tatastu virajā śrīmaṅgalā pārvatī
vikhyātā kamalā viśālanayanā jyeṣṭhā viśiṣṭānanā |
kāmākṣī ca haripriyā bhagavatī śrīghaṇṭaghaṇṭādikā
mauryā ṣaṣṭisahasramātṛsahitā deyātsadā maṅgalam || 10||
ādau pañcanadaṃ prayāgamaparaṃ kedārakuṇḍaṃ kuru-
kṣetraṃ mānasakaṃ saro'mṛtajalaṃ śāvasya tīrthaṃ param |
matsyodaryatha daṇḍakhāṇḍasalilaṃ mandākinī jambukaṃ
ghaṇṭākarṇasamudrakūpasahito deyātsadā maṅgalam || 11||
revākuṇḍajalaṃ sarasvatijalaṃ durvāsakuṇḍaṃ tato
lakṣmītīrthalavāṅkuśasya salilaṃ kandarpakuṇḍaṃ tathā |
durgākuṇḍamasījalaṃ hanumataḥ kuṇḍapratāporjitaḥ
prajñānapramukhāni vaḥ pratidinaṃ deyātsadā maṅgalam || 12||
ādyaḥ kūpavarastu kāladamanaḥ śrīvṛddhakūpo'paro
vikhyātastu parāśarastu viditaḥ kūpaḥ saro mānasaḥ |
jaigīṣavyamuneḥ śaśāṅkanṛpateḥ kūpastu dharmodbhavaḥ
khyātaḥ saptasamudrakūpasahito deyātsadā maṅgalam || 13||
lakṣyīnāyakabindumādhavaharirlakṣmīnṛsiṃhastato
govindastvatha gopikāpriyatamaḥ śrīnāradaḥ keśavaḥ |
gaṅgākeśavavāmanākhyatadanu śveto hariḥ keśavaḥ
prahlādādisamastakeśavagaṇo deyātsadā maṅgalam || 14||
lolārko vimalārkamāyukharaviḥ saṃvartasañjño ravi-
rvikhyāto drupaduḥkhakholkamaruṇaḥ proktottarārko raviḥ |
gaṅgārkastvatha vṛddhavṛddhivibudhā kāśīpurīsaṃsthitāḥ
sūryā dvādaśasañjñakāḥ pratidinaṃ deyātsadā maṅgalam || 15||
ādyo ḍhuṇḍhivināyako gaṇapatiścintāmaṇiḥ siddhidaḥ
senāvighnapatistu vaktravadanaḥ śrīpāśapāṇiḥ prabhuḥ |
āśāpakṣavināyakāpraṣakaro modādikaḥ ṣaḍguṇo
lolārkādivināyakāḥ pratidinaṃ deyātsadā maṅgalam || 16|||
herambo nalakūbaro gaṇapatiḥ śrībhīmacaṇḍīgaṇo
vikhyāto maṇikarṇikāgaṇapatiḥ śrīsiddhido vighnapaḥ |
muṇḍaścaṇḍamukhaśca kaṣṭaharaṇaḥ śrīdaṇḍahasto gaṇaḥ
śrīdurgākhyagaṇādhipaḥ pratidinaṃ deyātsadā maṅgalam || 17||
ādyo bhairavabhīṣaṇastadaparaḥ śrīkālarājaḥ kramā-
cchrīsaṃhārakabhairavastvatha ruruśconmattako bhairavaḥ |
krodhaścaṇḍakapālabhairavavaraḥ śrībhūtanāthādayo
hyaṣṭau bhairavamūrtayaḥ pratidinaṃ deyātsadā maṅgalam || 18||
ādhāto'mbikayā saha trinayanaḥ sārdhaṃ gaṇairnanditāṃ
kāśīmāśu viśan haraḥ prathamato vārṣadhvaje'vasthitaḥ |
āyātā daśa dhenavaḥ sukapilā divyaiḥ payobhirharaṃ
khyātaṃ tadvṛṣabhadhvajena kapilaṃ deyātsadā maṅgalam || 19||
ānandākhyavanaṃ hi campakavanaṃ śrīnaimiṣaṃ khāṇḍavaṃ
puṇyaṃ caitrarathaṃ tvaśākavipinaṃ rambhāvanaṃ pāvanam |
durgāraṇyamatho'pi kairavavanaṃ vṛndāvanaṃ pāvanaṃ
vikhyātāni vanāni vaḥ pratidinaṃ deyātsadā maṅgalam || 20||
alikuladalanīlaḥ kāladaṃṣṭrākarālaḥ
sajalajaladanīlo vyālayajñopavītaḥ |
abhayavaradahasto ḍāmaroddāmanādaḥ
sakaladuritabhakṣo maṅgalaṃ vo dadātu || 21||
ardhāṅge vikaṭā girīndratanayā gaurī satī sundarī
sarvāṅge vilasadvibhūtidhavalo kālo viśālekṣaṇaḥ |
vīreśaḥ sahanandibhṛṅgisahitaḥ śrīviśvanāthaḥ prabhuḥ
kāśīmandirasaṃsthito'khilagururdeyātsadā maṅgalam || 22||
yaḥ prātaḥ prayataḥ prasannamanasā premapramodākulaḥ
khyātaṃ tatra viśiṣṭapādabhuvaneśendrādibhiryatstutam |
prātaḥ prāṅmukhamāsanottamagato brūyācchṛṇotyādarāt
kāśīvāsamukhānyavāpya satataṃ prīte śive dhūrjaṭi || 23||
iti śrīmacchaṅkarācāryaviracitaṃ kāśīviśvanāthastotram ||
Sanskrit — Devanagari (original)
कण्ठे यस्य लसत्करालगरलं गङ्गाजलं मस्तके
वामाङ्गे गिरिराजराजतनया जाया भवानी सती ।
नन्दिस्कन्दगणाधिराजसहिता श्रीविश्वनाथप्रभुः
काशीमन्दिरसंस्थितोऽखिलगुरुर्देयात्सदा मङ्गलम् ॥ 1॥
यो देवैरसुरैर्मुनीन्द्रतनयैर्गन्धर्वयक्षोरगै-
र्नागैर्भूतलवासिभिर्द्विजवरैः संसेवितः सिद्धये ।
या गङ्गोत्तरवाहिनी परिसरे तीर्थेरसङ्ख्यैर्वृता
सा काशी त्रिपुरारिराजनगरी देयात्सदा मङ्गलम् ॥ 2॥
तीर्थानां प्रवरा मनोरथकरी संसारपारापरा-
नन्दा नन्दिगणेश्वरैरुपहिता देवैरशेषैः स्तुता ।
या शम्भोर्मणिकुण्डलैककणिका विष्णोस्तपोदीर्घिका
सेयं श्रीमणिकर्णिका भगवती देयात्सदा मङ्गलम् ॥ 3॥
एषा धर्मपताकिनी तटरुहासेवावसन्नाकिनी
पश्यन्पातकिनी भगीरथतपःसाफल्यदेवाकिनी ।
प्रेमारूढपताकिनी गिरिसुता सा केकरास्वाकिनी
काश्यामुत्तरवाहिनी सुरनदी देयात्सदा मङ्गलम् ॥ 4॥
विघ्नावासनिवासकारणमहागण्डस्थलालम्बितः
सिन्दूरारुणपुञ्जचन्द्रकिरणप्रच्छादिनागच्छविः ।
श्रीविश्वेश्वरवल्लभो गिरिजया सानन्दकानन्दितः
स्मेरास्यस्तव ढुण्ढिराजमुदितो देयात्सदा मङ्गलम् ॥। 5॥ ।
केदारः कलशेश्वरः पशुपतिर्धर्मेश्वरो मध्यमो
ज्येष्ठेशो पशुपश्च कन्दुकशिवो विघ्नेश्वरो जम्बुकः ।
चन्द्रेशो ह्यमृतेश्वरो भृगुशिवः श्रीवृद्धकालेश्वरो
मध्येशो मणिकर्णिकेश्वरशिवो देयात्सदा मङ्गलम् ॥ 6॥
गोकर्णस्त्वथ भारभूतनुदनुः श्रीचित्रगुप्तेश्वरो
यक्षेशस्तिलपर्णसङ्गमशिवो शैलेश्वरः कश्यपः ।
नागेशोऽग्निशिवो निधीश्वरशिवोऽगस्तीश्वरस्तारक-
ज्ञानेशोऽपि पितामहेश्वरशिवो देयात्सदा मङ्गलम् ॥ 7॥
ब्रह्माण्डं सकलं मनोषितरसै रत्नैः पयोभिर्हरं
खेलैः पूरयते कुटुम्बनिलयान् शम्भोर्विलासप्रदा ।
नानादिव्यलताविभूषितवपुः काशीपुराधीश्वरी
श्रीविश्वेश्वरसुन्दरी भगवती देयात्सदा मङ्गलम् ॥ 8॥
या देवी महिषासुरप्रमथनी या चण्डमुण्डापहा
या शुम्भासुररक्तबीजदमनी शक्रादिभिः संस्तुता ।
या शूलासिधनुःशराभयकरा दुर्गादिसन्दक्षिणा-
माश्रित्याश्रितविघ्नशंसमयतु देयात्सदा मङ्गलम् ॥ 9॥
आद्या श्रीर्विकटा ततस्तु विरजा श्रीमङ्गला पार्वती
विख्याता कमला विशालनयना ज्येष्ठा विशिष्टानना ।
कामाक्षी च हरिप्रिया भगवती श्रीघण्टघण्टादिका
मौर्या षष्टिसहस्रमातृसहिता देयात्सदा मङ्गलम् ॥ 10॥
आदौ पञ्चनदं प्रयागमपरं केदारकुण्डं कुरु-
क्षेत्रं मानसकं सरोऽमृतजलं शावस्य तीर्थं परम् ।
मत्स्योदर्यथ दण्डखाण्डसलिलं मन्दाकिनी जम्बुकं
घण्टाकर्णसमुद्रकूपसहितो देयात्सदा मङ्गलम् ॥ 11॥
रेवाकुण्डजलं सरस्वतिजलं दुर्वासकुण्डं ततो
लक्ष्मीतीर्थलवाङ्कुशस्य सलिलं कन्दर्पकुण्डं तथा ।
दुर्गाकुण्डमसीजलं हनुमतः कुण्डप्रतापोर्जितः
प्रज्ञानप्रमुखानि वः प्रतिदिनं देयात्सदा मङ्गलम् ॥ 12॥
आद्यः कूपवरस्तु कालदमनः श्रीवृद्धकूपोऽपरो
विख्यातस्तु पराशरस्तु विदितः कूपः सरो मानसः ।
जैगीषव्यमुनेः शशाङ्कनृपतेः कूपस्तु धर्मोद्भवः
ख्यातः सप्तसमुद्रकूपसहितो देयात्सदा मङ्गलम् ॥ 13॥
लक्ष्यीनायकबिन्दुमाधवहरिर्लक्ष्मीनृसिंहस्ततो
गोविन्दस्त्वथ गोपिकाप्रियतमः श्रीनारदः केशवः ।
गङ्गाकेशववामनाख्यतदनु श्वेतो हरिः केशवः
प्रह्लादादिसमस्तकेशवगणो देयात्सदा मङ्गलम् ॥ 14॥
लोलार्को विमलार्कमायुखरविः संवर्तसञ्ज्ञो रवि-
र्विख्यातो द्रुपदुःखखोल्कमरुणः प्रोक्तोत्तरार्को रविः ।
गङ्गार्कस्त्वथ वृद्धवृद्धिविबुधा काशीपुरीसंस्थिताः
सूर्या द्वादशसञ्ज्ञकाः प्रतिदिनं देयात्सदा मङ्गलम् ॥ 15॥
आद्यो ढुण्ढिविनायको गणपतिश्चिन्तामणिः सिद्धिदः
सेनाविघ्नपतिस्तु वक्त्रवदनः श्रीपाशपाणिः प्रभुः ।
आशापक्षविनायकाप्रषकरो मोदादिकः षड्गुणो
लोलार्कादिविनायकाः प्रतिदिनं देयात्सदा मङ्गलम् ॥ 16॥।
हेरम्बो नलकूबरो गणपतिः श्रीभीमचण्डीगणो
विख्यातो मणिकर्णिकागणपतिः श्रीसिद्धिदो विघ्नपः ।
मुण्डश्चण्डमुखश्च कष्टहरणः श्रीदण्डहस्तो गणः
श्रीदुर्गाख्यगणाधिपः प्रतिदिनं देयात्सदा मङ्गलम् ॥ 17॥
आद्यो भैरवभीषणस्तदपरः श्रीकालराजः क्रमा-
च्छ्रीसंहारकभैरवस्त्वथ रुरुश्चोन्मत्तको भैरवः ।
क्रोधश्चण्डकपालभैरववरः श्रीभूतनाथादयो
ह्यष्टौ भैरवमूर्तयः प्रतिदिनं देयात्सदा मङ्गलम् ॥ 18॥
आधातोऽम्बिकया सह त्रिनयनः सार्धं गणैर्नन्दितां
काशीमाशु विशन् हरः प्रथमतो वार्षध्वजेऽवस्थितः ।
आयाता दश धेनवः सुकपिला दिव्यैः पयोभिर्हरं
ख्यातं तद्वृषभध्वजेन कपिलं देयात्सदा मङ्गलम् ॥ 19॥
आनन्दाख्यवनं हि चम्पकवनं श्रीनैमिषं खाण्डवं
पुण्यं चैत्ररथं त्वशाकविपिनं रम्भावनं पावनम् ।
दुर्गारण्यमथोऽपि कैरववनं वृन्दावनं पावनं
विख्यातानि वनानि वः प्रतिदिनं देयात्सदा मङ्गलम् ॥ 20॥
अलिकुलदलनीलः कालदंष्ट्राकरालः
सजलजलदनीलो व्यालयज्ञोपवीतः ।
अभयवरदहस्तो डामरोद्दामनादः
सकलदुरितभक्षो मङ्गलं वो ददातु ॥ 21॥
अर्धाङ्गे विकटा गिरीन्द्रतनया गौरी सती सुन्दरी
सर्वाङ्गे विलसद्विभूतिधवलो कालो विशालेक्षणः ।
वीरेशः सहनन्दिभृङ्गिसहितः श्रीविश्वनाथः प्रभुः
काशीमन्दिरसंस्थितोऽखिलगुरुर्देयात्सदा मङ्गलम् ॥ 22॥
यः प्रातः प्रयतः प्रसन्नमनसा प्रेमप्रमोदाकुलः
ख्यातं तत्र विशिष्टपादभुवनेशेन्द्रादिभिर्यत्स्तुतम् ।
प्रातः प्राङ्मुखमासनोत्तमगतो ब्रूयाच्छृणोत्यादरात्
काशीवासमुखान्यवाप्य सततं प्रीते शिवे धूर्जटि ॥ 23॥
इति श्रीमच्छङ्कराचार्यविरचितं काशीविश्वनाथस्तोत्रम् ॥
kaṇṭhe yasya lasatkarālagaralaṃ gaṅgājalaṃ mastake
vāmāṅge girirājarājatanayā jāyā bhavānī satī |
nandiskandagaṇādhirājasahitā śrīviśvanāthaprabhuḥ
kāśīmandirasaṃsthito'khilagururdeyātsadā maṅgalam || 1||
yo devairasurairmunīndratanayairgandharvayakṣoragai-
rnāgairbhūtalavāsibhirdvijavaraiḥ saṃsevitaḥ siddhaye |
yā gaṅgottaravāhinī parisare tīrtherasaṅkhyairvṛtā
sā kāśī tripurārirājanagarī deyātsadā maṅgalam || 2||
tīrthānāṃ pravarā manorathakarī saṃsārapārāparā-
nandā nandigaṇeśvarairupahitā devairaśeṣaiḥ stutā |
yā śambhormaṇikuṇḍalaikakaṇikā viṣṇostapodīrghikā
seyaṃ śrīmaṇikarṇikā bhagavatī deyātsadā maṅgalam || 3||
eṣā dharmapatākinī taṭaruhāsevāvasannākinī
paśyanpātakinī bhagīrathatapaḥsāphalyadevākinī |
premārūḍhapatākinī girisutā sā kekarāsvākinī
kāśyāmuttaravāhinī suranadī deyātsadā maṅgalam || 4||
vighnāvāsanivāsakāraṇamahāgaṇḍasthalālambitaḥ
sindūrāruṇapuñjacandrakiraṇapracchādināgacchaviḥ |
śrīviśveśvaravallabho girijayā sānandakānanditaḥ
smerāsyastava ḍhuṇḍhirājamudito deyātsadā maṅgalam ||| 5|| |
kedāraḥ kalaśeśvaraḥ paśupatirdharmeśvaro madhyamo
jyeṣṭheśo paśupaśca kandukaśivo vighneśvaro jambukaḥ |
candreśo hyamṛteśvaro bhṛguśivaḥ śrīvṛddhakāleśvaro
madhyeśo maṇikarṇikeśvaraśivo deyātsadā maṅgalam || 6||
gokarṇastvatha bhārabhūtanudanuḥ śrīcitragupteśvaro
yakṣeśastilaparṇasaṅgamaśivo śaileśvaraḥ kaśyapaḥ |
nāgeśo'gniśivo nidhīśvaraśivo'gastīśvarastāraka-
jñāneśo'pi pitāmaheśvaraśivo deyātsadā maṅgalam || 7||
brahmāṇḍaṃ sakalaṃ manoṣitarasai ratnaiḥ payobhirharaṃ
khelaiḥ pūrayate kuṭumbanilayān śambhorvilāsapradā |
nānādivyalatāvibhūṣitavapuḥ kāśīpurādhīśvarī
śrīviśveśvarasundarī bhagavatī deyātsadā maṅgalam || 8||
yā devī mahiṣāsurapramathanī yā caṇḍamuṇḍāpahā
yā śumbhāsuraraktabījadamanī śakrādibhiḥ saṃstutā |
yā śūlāsidhanuḥśarābhayakarā durgādisandakṣiṇā-
māśrityāśritavighnaśaṃsamayatu deyātsadā maṅgalam || 9||
ādyā śrīrvikaṭā tatastu virajā śrīmaṅgalā pārvatī
vikhyātā kamalā viśālanayanā jyeṣṭhā viśiṣṭānanā |
kāmākṣī ca haripriyā bhagavatī śrīghaṇṭaghaṇṭādikā
mauryā ṣaṣṭisahasramātṛsahitā deyātsadā maṅgalam || 10||
ādau pañcanadaṃ prayāgamaparaṃ kedārakuṇḍaṃ kuru-
kṣetraṃ mānasakaṃ saro'mṛtajalaṃ śāvasya tīrthaṃ param |
matsyodaryatha daṇḍakhāṇḍasalilaṃ mandākinī jambukaṃ
ghaṇṭākarṇasamudrakūpasahito deyātsadā maṅgalam || 11||
revākuṇḍajalaṃ sarasvatijalaṃ durvāsakuṇḍaṃ tato
lakṣmītīrthalavāṅkuśasya salilaṃ kandarpakuṇḍaṃ tathā |
durgākuṇḍamasījalaṃ hanumataḥ kuṇḍapratāporjitaḥ
prajñānapramukhāni vaḥ pratidinaṃ deyātsadā maṅgalam || 12||
ādyaḥ kūpavarastu kāladamanaḥ śrīvṛddhakūpo'paro
vikhyātastu parāśarastu viditaḥ kūpaḥ saro mānasaḥ |
jaigīṣavyamuneḥ śaśāṅkanṛpateḥ kūpastu dharmodbhavaḥ
khyātaḥ saptasamudrakūpasahito deyātsadā maṅgalam || 13||
lakṣyīnāyakabindumādhavaharirlakṣmīnṛsiṃhastato
govindastvatha gopikāpriyatamaḥ śrīnāradaḥ keśavaḥ |
gaṅgākeśavavāmanākhyatadanu śveto hariḥ keśavaḥ
prahlādādisamastakeśavagaṇo deyātsadā maṅgalam || 14||
lolārko vimalārkamāyukharaviḥ saṃvartasañjño ravi-
rvikhyāto drupaduḥkhakholkamaruṇaḥ proktottarārko raviḥ |
gaṅgārkastvatha vṛddhavṛddhivibudhā kāśīpurīsaṃsthitāḥ
sūryā dvādaśasañjñakāḥ pratidinaṃ deyātsadā maṅgalam || 15||
ādyo ḍhuṇḍhivināyako gaṇapatiścintāmaṇiḥ siddhidaḥ
senāvighnapatistu vaktravadanaḥ śrīpāśapāṇiḥ prabhuḥ |
āśāpakṣavināyakāpraṣakaro modādikaḥ ṣaḍguṇo
lolārkādivināyakāḥ pratidinaṃ deyātsadā maṅgalam || 16|||
herambo nalakūbaro gaṇapatiḥ śrībhīmacaṇḍīgaṇo
vikhyāto maṇikarṇikāgaṇapatiḥ śrīsiddhido vighnapaḥ |
muṇḍaścaṇḍamukhaśca kaṣṭaharaṇaḥ śrīdaṇḍahasto gaṇaḥ
śrīdurgākhyagaṇādhipaḥ pratidinaṃ deyātsadā maṅgalam || 17||
ādyo bhairavabhīṣaṇastadaparaḥ śrīkālarājaḥ kramā-
cchrīsaṃhārakabhairavastvatha ruruśconmattako bhairavaḥ |
krodhaścaṇḍakapālabhairavavaraḥ śrībhūtanāthādayo
hyaṣṭau bhairavamūrtayaḥ pratidinaṃ deyātsadā maṅgalam || 18||
ādhāto'mbikayā saha trinayanaḥ sārdhaṃ gaṇairnanditāṃ
kāśīmāśu viśan haraḥ prathamato vārṣadhvaje'vasthitaḥ |
āyātā daśa dhenavaḥ sukapilā divyaiḥ payobhirharaṃ
khyātaṃ tadvṛṣabhadhvajena kapilaṃ deyātsadā maṅgalam || 19||
ānandākhyavanaṃ hi campakavanaṃ śrīnaimiṣaṃ khāṇḍavaṃ
puṇyaṃ caitrarathaṃ tvaśākavipinaṃ rambhāvanaṃ pāvanam |
durgāraṇyamatho'pi kairavavanaṃ vṛndāvanaṃ pāvanaṃ
vikhyātāni vanāni vaḥ pratidinaṃ deyātsadā maṅgalam || 20||
alikuladalanīlaḥ kāladaṃṣṭrākarālaḥ
sajalajaladanīlo vyālayajñopavītaḥ |
abhayavaradahasto ḍāmaroddāmanādaḥ
sakaladuritabhakṣo maṅgalaṃ vo dadātu || 21||
ardhāṅge vikaṭā girīndratanayā gaurī satī sundarī
sarvāṅge vilasadvibhūtidhavalo kālo viśālekṣaṇaḥ |
vīreśaḥ sahanandibhṛṅgisahitaḥ śrīviśvanāthaḥ prabhuḥ
kāśīmandirasaṃsthito'khilagururdeyātsadā maṅgalam || 22||
yaḥ prātaḥ prayataḥ prasannamanasā premapramodākulaḥ
khyātaṃ tatra viśiṣṭapādabhuvaneśendrādibhiryatstutam |
prātaḥ prāṅmukhamāsanottamagato brūyācchṛṇotyādarāt
kāśīvāsamukhānyavāpya satataṃ prīte śive dhūrjaṭi || 23||
iti śrīmacchaṅkarācāryaviracitaṃ kāśīviśvanāthastotram ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.