କଣ୍ଠେ ଯସ୍ଯ ଲସତ୍କରାଲଗରଲଂ ଗଙ୍ଗାଜଲଂ ମସ୍ତକେ
ଵାମାଙ୍ଗେ ଗିରିରାଜରାଜତନଯା ଜାଯା ଭଵାନୀ ସତୀ ।
ନନ୍ଦିସ୍କନ୍ଦଗଣାଧିରାଜସହିତା ଶ୍ରୀଵିଶ୍ଵନାଥପ୍ରଭୁଃ
କାଶୀମନ୍ଦିରସଂସ୍ଥିତୋଽଖିଲଗୁରୁର୍ଦେଯାତ୍ସଦା ମଙ୍ଗଲମ୍ ॥ 1॥
ଯୋ ଦେଵୈରସୁରୈର୍ମୁନୀନ୍ଦ୍ରତନଯୈର୍ଗନ୍ଧର୍ଵଯକ୍ଷୋରଗୈ-
ର୍ନାଗୈର୍ଭୂତଲଵାସିଭିର୍ଦ୍ଵିଜଵରୈଃ ସଂସେଵିତଃ ସିଦ୍ଧଯେ ।
ଯା ଗଙ୍ଗୋତ୍ତରଵାହିନୀ ପରିସରେ ତୀର୍ଥେରସଙ୍ଖ୍ଯୈର୍ଵୃତା
ସା କାଶୀ ତ୍ରିପୁରାରିରାଜନଗରୀ ଦେଯାତ୍ସଦା ମଙ୍ଗଲମ୍ ॥ 2॥
ତୀର୍ଥାନାଂ ପ୍ରଵରା ମନୋରଥକରୀ ସଂସାରପାରାପରା-
ନନ୍ଦା ନନ୍ଦିଗଣେଶ୍ଵରୈରୁପହିତା ଦେଵୈରଶେଷୈଃ ସ୍ତୁତା ।
ଯା ଶମ୍ଭୋର୍ମଣିକୁଣ୍ଡଲୈକକଣିକା ଵିଷ୍ଣୋସ୍ତପୋଦୀର୍ଘିକା
ସେଯଂ ଶ୍ରୀମଣିକର୍ଣିକା ଭଗଵତୀ ଦେଯାତ୍ସଦା ମଙ୍ଗଲମ୍ ॥ 3॥
ଏଷା ଧର୍ମପତାକିନୀ ତଟରୁହାସେଵାଵସନ୍ନାକିନୀ
ପଶ୍ଯନ୍ପାତକିନୀ ଭଗୀରଥତପଃସାଫଲ୍ଯଦେଵାକିନୀ ।
ପ୍ରେମାରୂଢପତାକିନୀ ଗିରିସୁତା ସା କେକରାସ୍ଵାକିନୀ
କାଶ୍ଯାମୁତ୍ତରଵାହିନୀ ସୁରନଦୀ ଦେଯାତ୍ସଦା ମଙ୍ଗଲମ୍ ॥ 4॥
ଵିଘ୍ନାଵାସନିଵାସକାରଣମହାଗଣ୍ଡସ୍ଥଲାଲମ୍ବିତଃ
ସିନ୍ଦୂରାରୁଣପୁଞ୍ଜଚନ୍ଦ୍ରକିରଣପ୍ରଚ୍ଛାଦିନାଗଚ୍ଛଵିଃ ।
ଶ୍ରୀଵିଶ୍ଵେଶ୍ଵରଵଲ୍ଲଭୋ ଗିରିଜଯା ସାନନ୍ଦକାନନ୍ଦିତଃ
ସ୍ମେରାସ୍ଯସ୍ତଵ ଢୁଣ୍ଢିରାଜମୁଦିତୋ ଦେଯାତ୍ସଦା ମଙ୍ଗଲମ୍ ॥। 5॥ ।
କେଦାରଃ କଲଶେଶ୍ଵରଃ ପଶୁପତିର୍ଧର୍ମେଶ୍ଵରୋ ମଧ୍ଯମୋ
ଜ୍ଯେଷ୍ଠେଶୋ ପଶୁପଶ୍ଚ କନ୍ଦୁକଶିଵୋ ଵିଘ୍ନେଶ୍ଵରୋ ଜମ୍ବୁକଃ ।
ଚନ୍ଦ୍ରେଶୋ ହ୍ଯମୃତେଶ୍ଵରୋ ଭୃଗୁଶିଵଃ ଶ୍ରୀଵୃଦ୍ଧକାଲେଶ୍ଵରୋ
ମଧ୍ଯେଶୋ ମଣିକର୍ଣିକେଶ୍ଵରଶିଵୋ ଦେଯାତ୍ସଦା ମଙ୍ଗଲମ୍ ॥ 6॥
ଗୋକର୍ଣସ୍ତ୍ଵଥ ଭାରଭୂତନୁଦନୁଃ ଶ୍ରୀଚିତ୍ରଗୁପ୍ତେଶ୍ଵରୋ
ଯକ୍ଷେଶସ୍ତିଲପର୍ଣସଙ୍ଗମଶିଵୋ ଶୈଲେଶ୍ଵରଃ କଶ୍ଯପଃ ।
ନାଗେଶୋଽଗ୍ନିଶିଵୋ ନିଧୀଶ୍ଵରଶିଵୋଽଗସ୍ତୀଶ୍ଵରସ୍ତାରକ-
ଜ୍ଞାନେଶୋଽପି ପିତାମହେଶ୍ଵରଶିଵୋ ଦେଯାତ୍ସଦା ମଙ୍ଗଲମ୍ ॥ 7॥
ବ୍ରହ୍ମାଣ୍ଡଂ ସକଲଂ ମନୋଷିତରସୈ ରତ୍ନୈଃ ପଯୋଭିର୍ହରଂ
ଖେଲୈଃ ପୂରଯତେ କୁଟୁମ୍ବନିଲଯାନ୍ ଶମ୍ଭୋର୍ଵିଲାସପ୍ରଦା ।
ନାନାଦିଵ୍ଯଲତାଵିଭୂଷିତଵପୁଃ କାଶୀପୁରାଧୀଶ୍ଵରୀ
ଶ୍ରୀଵିଶ୍ଵେଶ୍ଵରସୁନ୍ଦରୀ ଭଗଵତୀ ଦେଯାତ୍ସଦା ମଙ୍ଗଲମ୍ ॥ 8॥
ଯା ଦେଵୀ ମହିଷାସୁରପ୍ରମଥନୀ ଯା ଚଣ୍ଡମୁଣ୍ଡାପହା
ଯା ଶୁମ୍ଭାସୁରରକ୍ତବୀଜଦମନୀ ଶକ୍ରାଦିଭିଃ ସଂସ୍ତୁତା ।
ଯା ଶୂଲାସିଧନୁଃଶରାଭଯକରା ଦୁର୍ଗାଦିସନ୍ଦକ୍ଷିଣା-
ମାଶ୍ରିତ୍ଯାଶ୍ରିତଵିଘ୍ନଶଂସମଯତୁ ଦେଯାତ୍ସଦା ମଙ୍ଗଲମ୍ ॥ 9॥
ଆଦ୍ଯା ଶ୍ରୀର୍ଵିକଟା ତତସ୍ତୁ ଵିରଜା ଶ୍ରୀମଙ୍ଗଲା ପାର୍ଵତୀ
ଵିଖ୍ଯାତା କମଲା ଵିଶାଲନଯନା ଜ୍ଯେଷ୍ଠା ଵିଶିଷ୍ଟାନନା ।
କାମାକ୍ଷୀ ଚ ହରିପ୍ରିଯା ଭଗଵତୀ ଶ୍ରୀଘଣ୍ଟଘଣ୍ଟାଦିକା
ମୌର୍ଯା ଷଷ୍ଟିସହସ୍ରମାତୃସହିତା ଦେଯାତ୍ସଦା ମଙ୍ଗଲମ୍ ॥ 10॥
ଆଦୌ ପଞ୍ଚନଦଂ ପ୍ରଯାଗମପରଂ କେଦାରକୁଣ୍ଡଂ କୁରୁ-
କ୍ଷେତ୍ରଂ ମାନସକଂ ସରୋଽମୃତଜଲଂ ଶାଵସ୍ଯ ତୀର୍ଥଂ ପରମ୍ ।
ମତ୍ସ୍ଯୋଦର୍ଯଥ ଦଣ୍ଡଖାଣ୍ଡସଲିଲଂ ମନ୍ଦାକିନୀ ଜମ୍ବୁକଂ
ଘଣ୍ଟାକର୍ଣସମୁଦ୍ରକୂପସହିତୋ ଦେଯାତ୍ସଦା ମଙ୍ଗଲମ୍ ॥ 11॥
ରେଵାକୁଣ୍ଡଜଲଂ ସରସ୍ଵତିଜଲଂ ଦୁର୍ଵାସକୁଣ୍ଡଂ ତତୋ
ଲକ୍ଷ୍ମୀତୀର୍ଥଲଵାଙ୍କୁଶସ୍ଯ ସଲିଲଂ କନ୍ଦର୍ପକୁଣ୍ଡଂ ତଥା ।
ଦୁର୍ଗାକୁଣ୍ଡମସୀଜଲଂ ହନୁମତଃ କୁଣ୍ଡପ୍ରତାପୋର୍ଜିତଃ
ପ୍ରଜ୍ଞାନପ୍ରମୁଖାନି ଵଃ ପ୍ରତିଦିନଂ ଦେଯାତ୍ସଦା ମଙ୍ଗଲମ୍ ॥ 12॥
ଆଦ୍ଯଃ କୂପଵରସ୍ତୁ କାଲଦମନଃ ଶ୍ରୀଵୃଦ୍ଧକୂପୋଽପରୋ
ଵିଖ୍ଯାତସ୍ତୁ ପରାଶରସ୍ତୁ ଵିଦିତଃ କୂପଃ ସରୋ ମାନସଃ ।
ଜୈଗୀଷଵ୍ଯମୁନେଃ ଶଶାଙ୍କନୃପତେଃ କୂପସ୍ତୁ ଧର୍ମୋଦ୍ଭଵଃ
ଖ୍ଯାତଃ ସପ୍ତସମୁଦ୍ରକୂପସହିତୋ ଦେଯାତ୍ସଦା ମଙ୍ଗଲମ୍ ॥ 13॥
ଲକ୍ଷ୍ଯୀନାଯକବିନ୍ଦୁମାଧଵହରିର୍ଲକ୍ଷ୍ମୀନୃସିଂହସ୍ତତୋ
ଗୋଵିନ୍ଦସ୍ତ୍ଵଥ ଗୋପିକାପ୍ରିଯତମଃ ଶ୍ରୀନାରଦଃ କେଶଵଃ ।
ଗଙ୍ଗାକେଶଵଵାମନାଖ୍ଯତଦନୁ ଶ୍ଵେତୋ ହରିଃ କେଶଵଃ
ପ୍ରହ୍ଲାଦାଦିସମସ୍ତକେଶଵଗଣୋ ଦେଯାତ୍ସଦା ମଙ୍ଗଲମ୍ ॥ 14॥
ଲୋଲାର୍କୋ ଵିମଲାର୍କମାଯୁଖରଵିଃ ସଂଵର୍ତସଞ୍ଜ୍ଞୋ ରଵି-
ର୍ଵିଖ୍ଯାତୋ ଦ୍ରୁପଦୁଃଖଖୋଲ୍କମରୁଣଃ ପ୍ରୋକ୍ତୋତ୍ତରାର୍କୋ ରଵିଃ ।
ଗଙ୍ଗାର୍କସ୍ତ୍ଵଥ ଵୃଦ୍ଧଵୃଦ୍ଧିଵିବୁଧା କାଶୀପୁରୀସଂସ୍ଥିତାଃ
ସୂର୍ଯା ଦ୍ଵାଦଶସଞ୍ଜ୍ଞକାଃ ପ୍ରତିଦିନଂ ଦେଯାତ୍ସଦା ମଙ୍ଗଲମ୍ ॥ 15॥
ଆଦ୍ଯୋ ଢୁଣ୍ଢିଵିନାଯକୋ ଗଣପତିଶ୍ଚିନ୍ତାମଣିଃ ସିଦ୍ଧିଦଃ
ସେନାଵିଘ୍ନପତିସ୍ତୁ ଵକ୍ତ୍ରଵଦନଃ ଶ୍ରୀପାଶପାଣିଃ ପ୍ରଭୁଃ ।
ଆଶାପକ୍ଷଵିନାଯକାପ୍ରଷକରୋ ମୋଦାଦିକଃ ଷଡ୍ଗୁଣୋ
ଲୋଲାର୍କାଦିଵିନାଯକାଃ ପ୍ରତିଦିନଂ ଦେଯାତ୍ସଦା ମଙ୍ଗଲମ୍ ॥ 16॥।
ହେରମ୍ବୋ ନଲକୂବରୋ ଗଣପତିଃ ଶ୍ରୀଭୀମଚଣ୍ଡୀଗଣୋ
ଵିଖ୍ଯାତୋ ମଣିକର୍ଣିକାଗଣପତିଃ ଶ୍ରୀସିଦ୍ଧିଦୋ ଵିଘ୍ନପଃ ।
ମୁଣ୍ଡଶ୍ଚଣ୍ଡମୁଖଶ୍ଚ କଷ୍ଟହରଣଃ ଶ୍ରୀଦଣ୍ଡହସ୍ତୋ ଗଣଃ
ଶ୍ରୀଦୁର୍ଗାଖ୍ଯଗଣାଧିପଃ ପ୍ରତିଦିନଂ ଦେଯାତ୍ସଦା ମଙ୍ଗଲମ୍ ॥ 17॥
ଆଦ୍ଯୋ ଭୈରଵଭୀଷଣସ୍ତଦପରଃ ଶ୍ରୀକାଲରାଜଃ କ୍ରମା-
ଚ୍ଛ୍ରୀସଂହାରକଭୈରଵସ୍ତ୍ଵଥ ରୁରୁଶ୍ଚୋନ୍ମତ୍ତକୋ ଭୈରଵଃ ।
କ୍ରୋଧଶ୍ଚଣ୍ଡକପାଲଭୈରଵଵରଃ ଶ୍ରୀଭୂତନାଥାଦଯୋ
ହ୍ଯଷ୍ଟୌ ଭୈରଵମୂର୍ତଯଃ ପ୍ରତିଦିନଂ ଦେଯାତ୍ସଦା ମଙ୍ଗଲମ୍ ॥ 18॥
ଆଧାତୋଽମ୍ବିକଯା ସହ ତ୍ରିନଯନଃ ସାର୍ଧଂ ଗଣୈର୍ନନ୍ଦିତାଂ
କାଶୀମାଶୁ ଵିଶନ୍ ହରଃ ପ୍ରଥମତୋ ଵାର୍ଷଧ୍ଵଜେଽଵସ୍ଥିତଃ ।
ଆଯାତା ଦଶ ଧେନଵଃ ସୁକପିଲା ଦିଵ୍ଯୈଃ ପଯୋଭିର୍ହରଂ
ଖ୍ଯାତଂ ତଦ୍ଵୃଷଭଧ୍ଵଜେନ କପିଲଂ ଦେଯାତ୍ସଦା ମଙ୍ଗଲମ୍ ॥ 19॥
ଆନନ୍ଦାଖ୍ଯଵନଂ ହି ଚମ୍ପକଵନଂ ଶ୍ରୀନୈମିଷଂ ଖାଣ୍ଡଵଂ
ପୁଣ୍ଯଂ ଚୈତ୍ରରଥଂ ତ୍ଵଶାକଵିପିନଂ ରମ୍ଭାଵନଂ ପାଵନମ୍ ।
ଦୁର୍ଗାରଣ୍ଯମଥୋଽପି କୈରଵଵନଂ ଵୃନ୍ଦାଵନଂ ପାଵନଂ
ଵିଖ୍ଯାତାନି ଵନାନି ଵଃ ପ୍ରତିଦିନଂ ଦେଯାତ୍ସଦା ମଙ୍ଗଲମ୍ ॥ 20॥
ଅଲିକୁଲଦଲନୀଲଃ କାଲଦଂଷ୍ଟ୍ରାକରାଲଃ
ସଜଲଜଲଦନୀଲୋ ଵ୍ଯାଲଯଜ୍ଞୋପଵୀତଃ ।
ଅଭଯଵରଦହସ୍ତୋ ଡାମରୋଦ୍ଦାମନାଦଃ
ସକଲଦୁରିତଭକ୍ଷୋ ମଙ୍ଗଲଂ ଵୋ ଦଦାତୁ ॥ 21॥
ଅର୍ଧାଙ୍ଗେ ଵିକଟା ଗିରୀନ୍ଦ୍ରତନଯା ଗୌରୀ ସତୀ ସୁନ୍ଦରୀ
ସର୍ଵାଙ୍ଗେ ଵିଲସଦ୍ଵିଭୂତିଧଵଲୋ କାଲୋ ଵିଶାଲେକ୍ଷଣଃ ।
ଵୀରେଶଃ ସହନନ୍ଦିଭୃଙ୍ଗିସହିତଃ ଶ୍ରୀଵିଶ୍ଵନାଥଃ ପ୍ରଭୁଃ
କାଶୀମନ୍ଦିରସଂସ୍ଥିତୋଽଖିଲଗୁରୁର୍ଦେଯାତ୍ସଦା ମଙ୍ଗଲମ୍ ॥ 22॥
ଯଃ ପ୍ରାତଃ ପ୍ରଯତଃ ପ୍ରସନ୍ନମନସା ପ୍ରେମପ୍ରମୋଦାକୁଲଃ
ଖ୍ଯାତଂ ତତ୍ର ଵିଶିଷ୍ଟପାଦଭୁଵନେଶେନ୍ଦ୍ରାଦିଭିର୍ଯତ୍ସ୍ତୁତମ୍ ।
ପ୍ରାତଃ ପ୍ରାଙ୍ମୁଖମାସନୋତ୍ତମଗତୋ ବ୍ରୂଯାଚ୍ଛୃଣୋତ୍ଯାଦରାତ୍
କାଶୀଵାସମୁଖାନ୍ଯଵାପ୍ଯ ସତତଂ ପ୍ରୀତେ ଶିଵେ ଧୂର୍ଜଟି ॥ 23॥
ଇତି ଶ୍ରୀମଚ୍ଛଙ୍କରାଚାର୍ଯଵିରଚିତଂ କାଶୀଵିଶ୍ଵନାଥସ୍ତୋତ୍ରମ୍ ॥
Roman (IAST) Transliteration
kaṇṭhe yasya lasatkarālagaralaṃ gaṅgājalaṃ mastake
vāmāṅge girirājarājatanayā jāyā bhavānī satī |
nandiskandagaṇādhirājasahitā śrīviśvanāthaprabhuḥ
kāśīmandirasaṃsthito'khilagururdeyātsadā maṅgalam || 1||
yo devairasurairmunīndratanayairgandharvayakṣoragai-
rnāgairbhūtalavāsibhirdvijavaraiḥ saṃsevitaḥ siddhaye |
yā gaṅgottaravāhinī parisare tīrtherasaṅkhyairvṛtā
sā kāśī tripurārirājanagarī deyātsadā maṅgalam || 2||
tīrthānāṃ pravarā manorathakarī saṃsārapārāparā-
nandā nandigaṇeśvarairupahitā devairaśeṣaiḥ stutā |
yā śambhormaṇikuṇḍalaikakaṇikā viṣṇostapodīrghikā
seyaṃ śrīmaṇikarṇikā bhagavatī deyātsadā maṅgalam || 3||
eṣā dharmapatākinī taṭaruhāsevāvasannākinī
paśyanpātakinī bhagīrathatapaḥsāphalyadevākinī |
premārūḍhapatākinī girisutā sā kekarāsvākinī
kāśyāmuttaravāhinī suranadī deyātsadā maṅgalam || 4||
vighnāvāsanivāsakāraṇamahāgaṇḍasthalālambitaḥ
sindūrāruṇapuñjacandrakiraṇapracchādināgacchaviḥ |
śrīviśveśvaravallabho girijayā sānandakānanditaḥ
smerāsyastava ḍhuṇḍhirājamudito deyātsadā maṅgalam ||| 5|| |
kedāraḥ kalaśeśvaraḥ paśupatirdharmeśvaro madhyamo
jyeṣṭheśo paśupaśca kandukaśivo vighneśvaro jambukaḥ |
candreśo hyamṛteśvaro bhṛguśivaḥ śrīvṛddhakāleśvaro
madhyeśo maṇikarṇikeśvaraśivo deyātsadā maṅgalam || 6||
gokarṇastvatha bhārabhūtanudanuḥ śrīcitragupteśvaro
yakṣeśastilaparṇasaṅgamaśivo śaileśvaraḥ kaśyapaḥ |
nāgeśo'gniśivo nidhīśvaraśivo'gastīśvarastāraka-
jñāneśo'pi pitāmaheśvaraśivo deyātsadā maṅgalam || 7||
brahmāṇḍaṃ sakalaṃ manoṣitarasai ratnaiḥ payobhirharaṃ
khelaiḥ pūrayate kuṭumbanilayān śambhorvilāsapradā |
nānādivyalatāvibhūṣitavapuḥ kāśīpurādhīśvarī
śrīviśveśvarasundarī bhagavatī deyātsadā maṅgalam || 8||
yā devī mahiṣāsurapramathanī yā caṇḍamuṇḍāpahā
yā śumbhāsuraraktabījadamanī śakrādibhiḥ saṃstutā |
yā śūlāsidhanuḥśarābhayakarā durgādisandakṣiṇā-
māśrityāśritavighnaśaṃsamayatu deyātsadā maṅgalam || 9||
ādyā śrīrvikaṭā tatastu virajā śrīmaṅgalā pārvatī
vikhyātā kamalā viśālanayanā jyeṣṭhā viśiṣṭānanā |
kāmākṣī ca haripriyā bhagavatī śrīghaṇṭaghaṇṭādikā
mauryā ṣaṣṭisahasramātṛsahitā deyātsadā maṅgalam || 10||
ādau pañcanadaṃ prayāgamaparaṃ kedārakuṇḍaṃ kuru-
kṣetraṃ mānasakaṃ saro'mṛtajalaṃ śāvasya tīrthaṃ param |
matsyodaryatha daṇḍakhāṇḍasalilaṃ mandākinī jambukaṃ
ghaṇṭākarṇasamudrakūpasahito deyātsadā maṅgalam || 11||
revākuṇḍajalaṃ sarasvatijalaṃ durvāsakuṇḍaṃ tato
lakṣmītīrthalavāṅkuśasya salilaṃ kandarpakuṇḍaṃ tathā |
durgākuṇḍamasījalaṃ hanumataḥ kuṇḍapratāporjitaḥ
prajñānapramukhāni vaḥ pratidinaṃ deyātsadā maṅgalam || 12||
ādyaḥ kūpavarastu kāladamanaḥ śrīvṛddhakūpo'paro
vikhyātastu parāśarastu viditaḥ kūpaḥ saro mānasaḥ |
jaigīṣavyamuneḥ śaśāṅkanṛpateḥ kūpastu dharmodbhavaḥ
khyātaḥ saptasamudrakūpasahito deyātsadā maṅgalam || 13||
lakṣyīnāyakabindumādhavaharirlakṣmīnṛsiṃhastato
govindastvatha gopikāpriyatamaḥ śrīnāradaḥ keśavaḥ |
gaṅgākeśavavāmanākhyatadanu śveto hariḥ keśavaḥ
prahlādādisamastakeśavagaṇo deyātsadā maṅgalam || 14||
lolārko vimalārkamāyukharaviḥ saṃvartasañjño ravi-
rvikhyāto drupaduḥkhakholkamaruṇaḥ proktottarārko raviḥ |
gaṅgārkastvatha vṛddhavṛddhivibudhā kāśīpurīsaṃsthitāḥ
sūryā dvādaśasañjñakāḥ pratidinaṃ deyātsadā maṅgalam || 15||
ādyo ḍhuṇḍhivināyako gaṇapatiścintāmaṇiḥ siddhidaḥ
senāvighnapatistu vaktravadanaḥ śrīpāśapāṇiḥ prabhuḥ |
āśāpakṣavināyakāpraṣakaro modādikaḥ ṣaḍguṇo
lolārkādivināyakāḥ pratidinaṃ deyātsadā maṅgalam || 16|||
herambo nalakūbaro gaṇapatiḥ śrībhīmacaṇḍīgaṇo
vikhyāto maṇikarṇikāgaṇapatiḥ śrīsiddhido vighnapaḥ |
muṇḍaścaṇḍamukhaśca kaṣṭaharaṇaḥ śrīdaṇḍahasto gaṇaḥ
śrīdurgākhyagaṇādhipaḥ pratidinaṃ deyātsadā maṅgalam || 17||
ādyo bhairavabhīṣaṇastadaparaḥ śrīkālarājaḥ kramā-
cchrīsaṃhārakabhairavastvatha ruruśconmattako bhairavaḥ |
krodhaścaṇḍakapālabhairavavaraḥ śrībhūtanāthādayo
hyaṣṭau bhairavamūrtayaḥ pratidinaṃ deyātsadā maṅgalam || 18||
ādhāto'mbikayā saha trinayanaḥ sārdhaṃ gaṇairnanditāṃ
kāśīmāśu viśan haraḥ prathamato vārṣadhvaje'vasthitaḥ |
āyātā daśa dhenavaḥ sukapilā divyaiḥ payobhirharaṃ
khyātaṃ tadvṛṣabhadhvajena kapilaṃ deyātsadā maṅgalam || 19||
ānandākhyavanaṃ hi campakavanaṃ śrīnaimiṣaṃ khāṇḍavaṃ
puṇyaṃ caitrarathaṃ tvaśākavipinaṃ rambhāvanaṃ pāvanam |
durgāraṇyamatho'pi kairavavanaṃ vṛndāvanaṃ pāvanaṃ
vikhyātāni vanāni vaḥ pratidinaṃ deyātsadā maṅgalam || 20||
alikuladalanīlaḥ kāladaṃṣṭrākarālaḥ
sajalajaladanīlo vyālayajñopavītaḥ |
abhayavaradahasto ḍāmaroddāmanādaḥ
sakaladuritabhakṣo maṅgalaṃ vo dadātu || 21||
ardhāṅge vikaṭā girīndratanayā gaurī satī sundarī
sarvāṅge vilasadvibhūtidhavalo kālo viśālekṣaṇaḥ |
vīreśaḥ sahanandibhṛṅgisahitaḥ śrīviśvanāthaḥ prabhuḥ
kāśīmandirasaṃsthito'khilagururdeyātsadā maṅgalam || 22||
yaḥ prātaḥ prayataḥ prasannamanasā premapramodākulaḥ
khyātaṃ tatra viśiṣṭapādabhuvaneśendrādibhiryatstutam |
prātaḥ prāṅmukhamāsanottamagato brūyācchṛṇotyādarāt
kāśīvāsamukhānyavāpya satataṃ prīte śive dhūrjaṭi || 23||
iti śrīmacchaṅkarācāryaviracitaṃ kāśīviśvanāthastotram ||
Sanskrit — Devanagari (original)
कण्ठे यस्य लसत्करालगरलं गङ्गाजलं मस्तके
वामाङ्गे गिरिराजराजतनया जाया भवानी सती ।
नन्दिस्कन्दगणाधिराजसहिता श्रीविश्वनाथप्रभुः
काशीमन्दिरसंस्थितोऽखिलगुरुर्देयात्सदा मङ्गलम् ॥ 1॥
यो देवैरसुरैर्मुनीन्द्रतनयैर्गन्धर्वयक्षोरगै-
र्नागैर्भूतलवासिभिर्द्विजवरैः संसेवितः सिद्धये ।
या गङ्गोत्तरवाहिनी परिसरे तीर्थेरसङ्ख्यैर्वृता
सा काशी त्रिपुरारिराजनगरी देयात्सदा मङ्गलम् ॥ 2॥
तीर्थानां प्रवरा मनोरथकरी संसारपारापरा-
नन्दा नन्दिगणेश्वरैरुपहिता देवैरशेषैः स्तुता ।
या शम्भोर्मणिकुण्डलैककणिका विष्णोस्तपोदीर्घिका
सेयं श्रीमणिकर्णिका भगवती देयात्सदा मङ्गलम् ॥ 3॥
एषा धर्मपताकिनी तटरुहासेवावसन्नाकिनी
पश्यन्पातकिनी भगीरथतपःसाफल्यदेवाकिनी ।
प्रेमारूढपताकिनी गिरिसुता सा केकरास्वाकिनी
काश्यामुत्तरवाहिनी सुरनदी देयात्सदा मङ्गलम् ॥ 4॥
विघ्नावासनिवासकारणमहागण्डस्थलालम्बितः
सिन्दूरारुणपुञ्जचन्द्रकिरणप्रच्छादिनागच्छविः ।
श्रीविश्वेश्वरवल्लभो गिरिजया सानन्दकानन्दितः
स्मेरास्यस्तव ढुण्ढिराजमुदितो देयात्सदा मङ्गलम् ॥। 5॥ ।
केदारः कलशेश्वरः पशुपतिर्धर्मेश्वरो मध्यमो
ज्येष्ठेशो पशुपश्च कन्दुकशिवो विघ्नेश्वरो जम्बुकः ।
चन्द्रेशो ह्यमृतेश्वरो भृगुशिवः श्रीवृद्धकालेश्वरो
मध्येशो मणिकर्णिकेश्वरशिवो देयात्सदा मङ्गलम् ॥ 6॥
गोकर्णस्त्वथ भारभूतनुदनुः श्रीचित्रगुप्तेश्वरो
यक्षेशस्तिलपर्णसङ्गमशिवो शैलेश्वरः कश्यपः ।
नागेशोऽग्निशिवो निधीश्वरशिवोऽगस्तीश्वरस्तारक-
ज्ञानेशोऽपि पितामहेश्वरशिवो देयात्सदा मङ्गलम् ॥ 7॥
ब्रह्माण्डं सकलं मनोषितरसै रत्नैः पयोभिर्हरं
खेलैः पूरयते कुटुम्बनिलयान् शम्भोर्विलासप्रदा ।
नानादिव्यलताविभूषितवपुः काशीपुराधीश्वरी
श्रीविश्वेश्वरसुन्दरी भगवती देयात्सदा मङ्गलम् ॥ 8॥
या देवी महिषासुरप्रमथनी या चण्डमुण्डापहा
या शुम्भासुररक्तबीजदमनी शक्रादिभिः संस्तुता ।
या शूलासिधनुःशराभयकरा दुर्गादिसन्दक्षिणा-
माश्रित्याश्रितविघ्नशंसमयतु देयात्सदा मङ्गलम् ॥ 9॥
आद्या श्रीर्विकटा ततस्तु विरजा श्रीमङ्गला पार्वती
विख्याता कमला विशालनयना ज्येष्ठा विशिष्टानना ।
कामाक्षी च हरिप्रिया भगवती श्रीघण्टघण्टादिका
मौर्या षष्टिसहस्रमातृसहिता देयात्सदा मङ्गलम् ॥ 10॥
आदौ पञ्चनदं प्रयागमपरं केदारकुण्डं कुरु-
क्षेत्रं मानसकं सरोऽमृतजलं शावस्य तीर्थं परम् ।
मत्स्योदर्यथ दण्डखाण्डसलिलं मन्दाकिनी जम्बुकं
घण्टाकर्णसमुद्रकूपसहितो देयात्सदा मङ्गलम् ॥ 11॥
रेवाकुण्डजलं सरस्वतिजलं दुर्वासकुण्डं ततो
लक्ष्मीतीर्थलवाङ्कुशस्य सलिलं कन्दर्पकुण्डं तथा ।
दुर्गाकुण्डमसीजलं हनुमतः कुण्डप्रतापोर्जितः
प्रज्ञानप्रमुखानि वः प्रतिदिनं देयात्सदा मङ्गलम् ॥ 12॥
आद्यः कूपवरस्तु कालदमनः श्रीवृद्धकूपोऽपरो
विख्यातस्तु पराशरस्तु विदितः कूपः सरो मानसः ।
जैगीषव्यमुनेः शशाङ्कनृपतेः कूपस्तु धर्मोद्भवः
ख्यातः सप्तसमुद्रकूपसहितो देयात्सदा मङ्गलम् ॥ 13॥
लक्ष्यीनायकबिन्दुमाधवहरिर्लक्ष्मीनृसिंहस्ततो
गोविन्दस्त्वथ गोपिकाप्रियतमः श्रीनारदः केशवः ।
गङ्गाकेशववामनाख्यतदनु श्वेतो हरिः केशवः
प्रह्लादादिसमस्तकेशवगणो देयात्सदा मङ्गलम् ॥ 14॥
लोलार्को विमलार्कमायुखरविः संवर्तसञ्ज्ञो रवि-
र्विख्यातो द्रुपदुःखखोल्कमरुणः प्रोक्तोत्तरार्को रविः ।
गङ्गार्कस्त्वथ वृद्धवृद्धिविबुधा काशीपुरीसंस्थिताः
सूर्या द्वादशसञ्ज्ञकाः प्रतिदिनं देयात्सदा मङ्गलम् ॥ 15॥
आद्यो ढुण्ढिविनायको गणपतिश्चिन्तामणिः सिद्धिदः
सेनाविघ्नपतिस्तु वक्त्रवदनः श्रीपाशपाणिः प्रभुः ।
आशापक्षविनायकाप्रषकरो मोदादिकः षड्गुणो
लोलार्कादिविनायकाः प्रतिदिनं देयात्सदा मङ्गलम् ॥ 16॥।
हेरम्बो नलकूबरो गणपतिः श्रीभीमचण्डीगणो
विख्यातो मणिकर्णिकागणपतिः श्रीसिद्धिदो विघ्नपः ।
मुण्डश्चण्डमुखश्च कष्टहरणः श्रीदण्डहस्तो गणः
श्रीदुर्गाख्यगणाधिपः प्रतिदिनं देयात्सदा मङ्गलम् ॥ 17॥
आद्यो भैरवभीषणस्तदपरः श्रीकालराजः क्रमा-
च्छ्रीसंहारकभैरवस्त्वथ रुरुश्चोन्मत्तको भैरवः ।
क्रोधश्चण्डकपालभैरववरः श्रीभूतनाथादयो
ह्यष्टौ भैरवमूर्तयः प्रतिदिनं देयात्सदा मङ्गलम् ॥ 18॥
आधातोऽम्बिकया सह त्रिनयनः सार्धं गणैर्नन्दितां
काशीमाशु विशन् हरः प्रथमतो वार्षध्वजेऽवस्थितः ।
आयाता दश धेनवः सुकपिला दिव्यैः पयोभिर्हरं
ख्यातं तद्वृषभध्वजेन कपिलं देयात्सदा मङ्गलम् ॥ 19॥
आनन्दाख्यवनं हि चम्पकवनं श्रीनैमिषं खाण्डवं
पुण्यं चैत्ररथं त्वशाकविपिनं रम्भावनं पावनम् ।
दुर्गारण्यमथोऽपि कैरववनं वृन्दावनं पावनं
विख्यातानि वनानि वः प्रतिदिनं देयात्सदा मङ्गलम् ॥ 20॥
अलिकुलदलनीलः कालदंष्ट्राकरालः
सजलजलदनीलो व्यालयज्ञोपवीतः ।
अभयवरदहस्तो डामरोद्दामनादः
सकलदुरितभक्षो मङ्गलं वो ददातु ॥ 21॥
अर्धाङ्गे विकटा गिरीन्द्रतनया गौरी सती सुन्दरी
सर्वाङ्गे विलसद्विभूतिधवलो कालो विशालेक्षणः ।
वीरेशः सहनन्दिभृङ्गिसहितः श्रीविश्वनाथः प्रभुः
काशीमन्दिरसंस्थितोऽखिलगुरुर्देयात्सदा मङ्गलम् ॥ 22॥
यः प्रातः प्रयतः प्रसन्नमनसा प्रेमप्रमोदाकुलः
ख्यातं तत्र विशिष्टपादभुवनेशेन्द्रादिभिर्यत्स्तुतम् ।
प्रातः प्राङ्मुखमासनोत्तमगतो ब्रूयाच्छृणोत्यादरात्
काशीवासमुखान्यवाप्य सततं प्रीते शिवे धूर्जटि ॥ 23॥
इति श्रीमच्छङ्कराचार्यविरचितं काशीविश्वनाथस्तोत्रम् ॥
kaṇṭhe yasya lasatkarālagaralaṃ gaṅgājalaṃ mastake
vāmāṅge girirājarājatanayā jāyā bhavānī satī |
nandiskandagaṇādhirājasahitā śrīviśvanāthaprabhuḥ
kāśīmandirasaṃsthito'khilagururdeyātsadā maṅgalam || 1||
yo devairasurairmunīndratanayairgandharvayakṣoragai-
rnāgairbhūtalavāsibhirdvijavaraiḥ saṃsevitaḥ siddhaye |
yā gaṅgottaravāhinī parisare tīrtherasaṅkhyairvṛtā
sā kāśī tripurārirājanagarī deyātsadā maṅgalam || 2||
tīrthānāṃ pravarā manorathakarī saṃsārapārāparā-
nandā nandigaṇeśvarairupahitā devairaśeṣaiḥ stutā |
yā śambhormaṇikuṇḍalaikakaṇikā viṣṇostapodīrghikā
seyaṃ śrīmaṇikarṇikā bhagavatī deyātsadā maṅgalam || 3||
eṣā dharmapatākinī taṭaruhāsevāvasannākinī
paśyanpātakinī bhagīrathatapaḥsāphalyadevākinī |
premārūḍhapatākinī girisutā sā kekarāsvākinī
kāśyāmuttaravāhinī suranadī deyātsadā maṅgalam || 4||
vighnāvāsanivāsakāraṇamahāgaṇḍasthalālambitaḥ
sindūrāruṇapuñjacandrakiraṇapracchādināgacchaviḥ |
śrīviśveśvaravallabho girijayā sānandakānanditaḥ
smerāsyastava ḍhuṇḍhirājamudito deyātsadā maṅgalam ||| 5|| |
kedāraḥ kalaśeśvaraḥ paśupatirdharmeśvaro madhyamo
jyeṣṭheśo paśupaśca kandukaśivo vighneśvaro jambukaḥ |
candreśo hyamṛteśvaro bhṛguśivaḥ śrīvṛddhakāleśvaro
madhyeśo maṇikarṇikeśvaraśivo deyātsadā maṅgalam || 6||
gokarṇastvatha bhārabhūtanudanuḥ śrīcitragupteśvaro
yakṣeśastilaparṇasaṅgamaśivo śaileśvaraḥ kaśyapaḥ |
nāgeśo'gniśivo nidhīśvaraśivo'gastīśvarastāraka-
jñāneśo'pi pitāmaheśvaraśivo deyātsadā maṅgalam || 7||
brahmāṇḍaṃ sakalaṃ manoṣitarasai ratnaiḥ payobhirharaṃ
khelaiḥ pūrayate kuṭumbanilayān śambhorvilāsapradā |
nānādivyalatāvibhūṣitavapuḥ kāśīpurādhīśvarī
śrīviśveśvarasundarī bhagavatī deyātsadā maṅgalam || 8||
yā devī mahiṣāsurapramathanī yā caṇḍamuṇḍāpahā
yā śumbhāsuraraktabījadamanī śakrādibhiḥ saṃstutā |
yā śūlāsidhanuḥśarābhayakarā durgādisandakṣiṇā-
māśrityāśritavighnaśaṃsamayatu deyātsadā maṅgalam || 9||
ādyā śrīrvikaṭā tatastu virajā śrīmaṅgalā pārvatī
vikhyātā kamalā viśālanayanā jyeṣṭhā viśiṣṭānanā |
kāmākṣī ca haripriyā bhagavatī śrīghaṇṭaghaṇṭādikā
mauryā ṣaṣṭisahasramātṛsahitā deyātsadā maṅgalam || 10||
ādau pañcanadaṃ prayāgamaparaṃ kedārakuṇḍaṃ kuru-
kṣetraṃ mānasakaṃ saro'mṛtajalaṃ śāvasya tīrthaṃ param |
matsyodaryatha daṇḍakhāṇḍasalilaṃ mandākinī jambukaṃ
ghaṇṭākarṇasamudrakūpasahito deyātsadā maṅgalam || 11||
revākuṇḍajalaṃ sarasvatijalaṃ durvāsakuṇḍaṃ tato
lakṣmītīrthalavāṅkuśasya salilaṃ kandarpakuṇḍaṃ tathā |
durgākuṇḍamasījalaṃ hanumataḥ kuṇḍapratāporjitaḥ
prajñānapramukhāni vaḥ pratidinaṃ deyātsadā maṅgalam || 12||
ādyaḥ kūpavarastu kāladamanaḥ śrīvṛddhakūpo'paro
vikhyātastu parāśarastu viditaḥ kūpaḥ saro mānasaḥ |
jaigīṣavyamuneḥ śaśāṅkanṛpateḥ kūpastu dharmodbhavaḥ
khyātaḥ saptasamudrakūpasahito deyātsadā maṅgalam || 13||
lakṣyīnāyakabindumādhavaharirlakṣmīnṛsiṃhastato
govindastvatha gopikāpriyatamaḥ śrīnāradaḥ keśavaḥ |
gaṅgākeśavavāmanākhyatadanu śveto hariḥ keśavaḥ
prahlādādisamastakeśavagaṇo deyātsadā maṅgalam || 14||
lolārko vimalārkamāyukharaviḥ saṃvartasañjño ravi-
rvikhyāto drupaduḥkhakholkamaruṇaḥ proktottarārko raviḥ |
gaṅgārkastvatha vṛddhavṛddhivibudhā kāśīpurīsaṃsthitāḥ
sūryā dvādaśasañjñakāḥ pratidinaṃ deyātsadā maṅgalam || 15||
ādyo ḍhuṇḍhivināyako gaṇapatiścintāmaṇiḥ siddhidaḥ
senāvighnapatistu vaktravadanaḥ śrīpāśapāṇiḥ prabhuḥ |
āśāpakṣavināyakāpraṣakaro modādikaḥ ṣaḍguṇo
lolārkādivināyakāḥ pratidinaṃ deyātsadā maṅgalam || 16|||
herambo nalakūbaro gaṇapatiḥ śrībhīmacaṇḍīgaṇo
vikhyāto maṇikarṇikāgaṇapatiḥ śrīsiddhido vighnapaḥ |
muṇḍaścaṇḍamukhaśca kaṣṭaharaṇaḥ śrīdaṇḍahasto gaṇaḥ
śrīdurgākhyagaṇādhipaḥ pratidinaṃ deyātsadā maṅgalam || 17||
ādyo bhairavabhīṣaṇastadaparaḥ śrīkālarājaḥ kramā-
cchrīsaṃhārakabhairavastvatha ruruśconmattako bhairavaḥ |
krodhaścaṇḍakapālabhairavavaraḥ śrībhūtanāthādayo
hyaṣṭau bhairavamūrtayaḥ pratidinaṃ deyātsadā maṅgalam || 18||
ādhāto'mbikayā saha trinayanaḥ sārdhaṃ gaṇairnanditāṃ
kāśīmāśu viśan haraḥ prathamato vārṣadhvaje'vasthitaḥ |
āyātā daśa dhenavaḥ sukapilā divyaiḥ payobhirharaṃ
khyātaṃ tadvṛṣabhadhvajena kapilaṃ deyātsadā maṅgalam || 19||
ānandākhyavanaṃ hi campakavanaṃ śrīnaimiṣaṃ khāṇḍavaṃ
puṇyaṃ caitrarathaṃ tvaśākavipinaṃ rambhāvanaṃ pāvanam |
durgāraṇyamatho'pi kairavavanaṃ vṛndāvanaṃ pāvanaṃ
vikhyātāni vanāni vaḥ pratidinaṃ deyātsadā maṅgalam || 20||
alikuladalanīlaḥ kāladaṃṣṭrākarālaḥ
sajalajaladanīlo vyālayajñopavītaḥ |
abhayavaradahasto ḍāmaroddāmanādaḥ
sakaladuritabhakṣo maṅgalaṃ vo dadātu || 21||
ardhāṅge vikaṭā girīndratanayā gaurī satī sundarī
sarvāṅge vilasadvibhūtidhavalo kālo viśālekṣaṇaḥ |
vīreśaḥ sahanandibhṛṅgisahitaḥ śrīviśvanāthaḥ prabhuḥ
kāśīmandirasaṃsthito'khilagururdeyātsadā maṅgalam || 22||
yaḥ prātaḥ prayataḥ prasannamanasā premapramodākulaḥ
khyātaṃ tatra viśiṣṭapādabhuvaneśendrādibhiryatstutam |
prātaḥ prāṅmukhamāsanottamagato brūyācchṛṇotyādarāt
kāśīvāsamukhānyavāpya satataṃ prīte śive dhūrjaṭi || 23||
iti śrīmacchaṅkarācāryaviracitaṃ kāśīviśvanāthastotram ||
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.