કણ્ઠે યસ્ય લસત્કરાલગરલં ગઙ્ગાજલં મસ્તકે
વામાઙ્ગે ગિરિરાજરાજતનયા જાયા ભવાની સતી ।
નન્દિસ્કન્દગણાધિરાજસહિતા શ્રીવિશ્વનાથપ્રભુઃ
કાશીમન્દિરસંસ્થિતોઽખિલગુરુર્દેયાત્સદા મઙ્ગલમ્ ॥ 1॥
યો દેવૈરસુરૈર્મુનીન્દ્રતનયૈર્ગન્ધર્વયક્ષોરગૈ-
ર્નાગૈર્ભૂતલવાસિભિર્દ્વિજવરૈઃ સંસેવિતઃ સિદ્ધયે ।
યા ગઙ્ગોત્તરવાહિની પરિસરે તીર્થેરસઙ્ખ્યૈર્વૃતા
સા કાશી ત્રિપુરારિરાજનગરી દેયાત્સદા મઙ્ગલમ્ ॥ 2॥
તીર્થાનાં પ્રવરા મનોરથકરી સંસારપારાપરા-
નન્દા નન્દિગણેશ્વરૈરુપહિતા દેવૈરશેષૈઃ સ્તુતા ।
યા શમ્ભોર્મણિકુણ્ડલૈકકણિકા વિષ્ણોસ્તપોદીર્ઘિકા
સેયં શ્રીમણિકર્ણિકા ભગવતી દેયાત્સદા મઙ્ગલમ્ ॥ 3॥
એષા ધર્મપતાકિની તટરુહાસેવાવસન્નાકિની
પશ્યન્પાતકિની ભગીરથતપઃસાફલ્યદેવાકિની ।
પ્રેમારૂઢપતાકિની ગિરિસુતા સા કેકરાસ્વાકિની
કાશ્યામુત્તરવાહિની સુરનદી દેયાત્સદા મઙ્ગલમ્ ॥ 4॥
વિઘ્નાવાસનિવાસકારણમહાગણ્ડસ્થલાલમ્બિતઃ
સિન્દૂરારુણપુઞ્જચન્દ્રકિરણપ્રચ્છાદિનાગચ્છવિઃ ।
શ્રીવિશ્વેશ્વરવલ્લભો ગિરિજયા સાનન્દકાનન્દિતઃ
સ્મેરાસ્યસ્તવ ઢુણ્ઢિરાજમુદિતો દેયાત્સદા મઙ્ગલમ્ ॥। 5॥ ।
કેદારઃ કલશેશ્વરઃ પશુપતિર્ધર્મેશ્વરો મધ્યમો
જ્યેષ્ઠેશો પશુપશ્ચ કન્દુકશિવો વિઘ્નેશ્વરો જમ્બુકઃ ।
ચન્દ્રેશો હ્યમૃતેશ્વરો ભૃગુશિવઃ શ્રીવૃદ્ધકાલેશ્વરો
મધ્યેશો મણિકર્ણિકેશ્વરશિવો દેયાત્સદા મઙ્ગલમ્ ॥ 6॥
ગોકર્ણસ્ત્વથ ભારભૂતનુદનુઃ શ્રીચિત્રગુપ્તેશ્વરો
યક્ષેશસ્તિલપર્ણસઙ્ગમશિવો શૈલેશ્વરઃ કશ્યપઃ ।
નાગેશોઽગ્નિશિવો નિધીશ્વરશિવોઽગસ્તીશ્વરસ્તારક-
જ્ઞાનેશોઽપિ પિતામહેશ્વરશિવો દેયાત્સદા મઙ્ગલમ્ ॥ 7॥
બ્રહ્માણ્ડં સકલં મનોષિતરસૈ રત્નૈઃ પયોભિર્હરં
ખેલૈઃ પૂરયતે કુટુમ્બનિલયાન્ શમ્ભોર્વિલાસપ્રદા ।
નાનાદિવ્યલતાવિભૂષિતવપુઃ કાશીપુરાધીશ્વરી
શ્રીવિશ્વેશ્વરસુન્દરી ભગવતી દેયાત્સદા મઙ્ગલમ્ ॥ 8॥
યા દેવી મહિષાસુરપ્રમથની યા ચણ્ડમુણ્ડાપહા
યા શુમ્ભાસુરરક્તબીજદમની શક્રાદિભિઃ સંસ્તુતા ।
યા શૂલાસિધનુઃશરાભયકરા દુર્ગાદિસન્દક્ષિણા-
માશ્રિત્યાશ્રિતવિઘ્નશંસમયતુ દેયાત્સદા મઙ્ગલમ્ ॥ 9॥
આદ્યા શ્રીર્વિકટા તતસ્તુ વિરજા શ્રીમઙ્ગલા પાર્વતી
વિખ્યાતા કમલા વિશાલનયના જ્યેષ્ઠા વિશિષ્ટાનના ।
કામાક્ષી ચ હરિપ્રિયા ભગવતી શ્રીઘણ્ટઘણ્ટાદિકા
મૌર્યા ષષ્ટિસહસ્રમાતૃસહિતા દેયાત્સદા મઙ્ગલમ્ ॥ 10॥
આદૌ પઞ્ચનદં પ્રયાગમપરં કેદારકુણ્ડં કુરુ-
ક્ષેત્રં માનસકં સરોઽમૃતજલં શાવસ્ય તીર્થં પરમ્ ।
મત્સ્યોદર્યથ દણ્ડખાણ્ડસલિલં મન્દાકિની જમ્બુકં
ઘણ્ટાકર્ણસમુદ્રકૂપસહિતો દેયાત્સદા મઙ્ગલમ્ ॥ 11॥
રેવાકુણ્ડજલં સરસ્વતિજલં દુર્વાસકુણ્ડં તતો
લક્ષ્મીતીર્થલવાઙ્કુશસ્ય સલિલં કન્દર્પકુણ્ડં તથા ।
દુર્ગાકુણ્ડમસીજલં હનુમતઃ કુણ્ડપ્રતાપોર્જિતઃ
પ્રજ્ઞાનપ્રમુખાનિ વઃ પ્રતિદિનં દેયાત્સદા મઙ્ગલમ્ ॥ 12॥
આદ્યઃ કૂપવરસ્તુ કાલદમનઃ શ્રીવૃદ્ધકૂપોઽપરો
વિખ્યાતસ્તુ પરાશરસ્તુ વિદિતઃ કૂપઃ સરો માનસઃ ।
જૈગીષવ્યમુનેઃ શશાઙ્કનૃપતેઃ કૂપસ્તુ ધર્મોદ્ભવઃ
ખ્યાતઃ સપ્તસમુદ્રકૂપસહિતો દેયાત્સદા મઙ્ગલમ્ ॥ 13॥
લક્ષ્યીનાયકબિન્દુમાધવહરિર્લક્ષ્મીનૃસિંહસ્તતો
ગોવિન્દસ્ત્વથ ગોપિકાપ્રિયતમઃ શ્રીનારદઃ કેશવઃ ।
ગઙ્ગાકેશવવામનાખ્યતદનુ શ્વેતો હરિઃ કેશવઃ
પ્રહ્લાદાદિસમસ્તકેશવગણો દેયાત્સદા મઙ્ગલમ્ ॥ 14॥
લોલાર્કો વિમલાર્કમાયુખરવિઃ સંવર્તસઞ્જ્ઞો રવિ-
ર્વિખ્યાતો દ્રુપદુઃખખોલ્કમરુણઃ પ્રોક્તોત્તરાર્કો રવિઃ ।
ગઙ્ગાર્કસ્ત્વથ વૃદ્ધવૃદ્ધિવિબુધા કાશીપુરીસંસ્થિતાઃ
સૂર્યા દ્વાદશસઞ્જ્ઞકાઃ પ્રતિદિનં દેયાત્સદા મઙ્ગલમ્ ॥ 15॥
આદ્યો ઢુણ્ઢિવિનાયકો ગણપતિશ્ચિન્તામણિઃ સિદ્ધિદઃ
સેનાવિઘ્નપતિસ્તુ વક્ત્રવદનઃ શ્રીપાશપાણિઃ પ્રભુઃ ।
આશાપક્ષવિનાયકાપ્રષકરો મોદાદિકઃ ષડ્ગુણો
લોલાર્કાદિવિનાયકાઃ પ્રતિદિનં દેયાત્સદા મઙ્ગલમ્ ॥ 16॥।
હેરમ્બો નલકૂબરો ગણપતિઃ શ્રીભીમચણ્ડીગણો
વિખ્યાતો મણિકર્ણિકાગણપતિઃ શ્રીસિદ્ધિદો વિઘ્નપઃ ।
મુણ્ડશ્ચણ્ડમુખશ્ચ કષ્ટહરણઃ શ્રીદણ્ડહસ્તો ગણઃ
શ્રીદુર્ગાખ્યગણાધિપઃ પ્રતિદિનં દેયાત્સદા મઙ્ગલમ્ ॥ 17॥
આદ્યો ભૈરવભીષણસ્તદપરઃ શ્રીકાલરાજઃ ક્રમા-
ચ્છ્રીસંહારકભૈરવસ્ત્વથ રુરુશ્ચોન્મત્તકો ભૈરવઃ ।
ક્રોધશ્ચણ્ડકપાલભૈરવવરઃ શ્રીભૂતનાથાદયો
હ્યષ્ટૌ ભૈરવમૂર્તયઃ પ્રતિદિનં દેયાત્સદા મઙ્ગલમ્ ॥ 18॥
આધાતોઽમ્બિકયા સહ ત્રિનયનઃ સાર્ધં ગણૈર્નન્દિતાં
કાશીમાશુ વિશન્ હરઃ પ્રથમતો વાર્ષધ્વજેઽવસ્થિતઃ ।
આયાતા દશ ધેનવઃ સુકપિલા દિવ્યૈઃ પયોભિર્હરં
ખ્યાતં તદ્વૃષભધ્વજેન કપિલં દેયાત્સદા મઙ્ગલમ્ ॥ 19॥
આનન્દાખ્યવનં હિ ચમ્પકવનં શ્રીનૈમિષં ખાણ્ડવં
પુણ્યં ચૈત્રરથં ત્વશાકવિપિનં રમ્ભાવનં પાવનમ્ ।
દુર્ગારણ્યમથોઽપિ કૈરવવનં વૃન્દાવનં પાવનં
વિખ્યાતાનિ વનાનિ વઃ પ્રતિદિનં દેયાત્સદા મઙ્ગલમ્ ॥ 20॥
અલિકુલદલનીલઃ કાલદંષ્ટ્રાકરાલઃ
સજલજલદનીલો વ્યાલયજ્ઞોપવીતઃ ।
અભયવરદહસ્તો ડામરોદ્દામનાદઃ
સકલદુરિતભક્ષો મઙ્ગલં વો દદાતુ ॥ 21॥
અર્ધાઙ્ગે વિકટા ગિરીન્દ્રતનયા ગૌરી સતી સુન્દરી
સર્વાઙ્ગે વિલસદ્વિભૂતિધવલો કાલો વિશાલેક્ષણઃ ।
વીરેશઃ સહનન્દિભૃઙ્ગિસહિતઃ શ્રીવિશ્વનાથઃ પ્રભુઃ
કાશીમન્દિરસંસ્થિતોઽખિલગુરુર્દેયાત્સદા મઙ્ગલમ્ ॥ 22॥
યઃ પ્રાતઃ પ્રયતઃ પ્રસન્નમનસા પ્રેમપ્રમોદાકુલઃ
ખ્યાતં તત્ર વિશિષ્ટપાદભુવનેશેન્દ્રાદિભિર્યત્સ્તુતમ્ ।
પ્રાતઃ પ્રાઙ્મુખમાસનોત્તમગતો બ્રૂયાચ્છૃણોત્યાદરાત્
કાશીવાસમુખાન્યવાપ્ય સતતં પ્રીતે શિવે ધૂર્જટિ ॥ 23॥
ઇતિ શ્રીમચ્છઙ્કરાચાર્યવિરચિતં કાશીવિશ્વનાથસ્તોત્રમ્ ॥
Roman (IAST) Transliteration
kaṇṭhe yasya lasatkarālagaralaṃ gaṅgājalaṃ mastake
vāmāṅge girirājarājatanayā jāyā bhavānī satī |
nandiskandagaṇādhirājasahitā śrīviśvanāthaprabhuḥ
kāśīmandirasaṃsthito'khilagururdeyātsadā maṅgalam || 1||
yo devairasurairmunīndratanayairgandharvayakṣoragai-
rnāgairbhūtalavāsibhirdvijavaraiḥ saṃsevitaḥ siddhaye |
yā gaṅgottaravāhinī parisare tīrtherasaṅkhyairvṛtā
sā kāśī tripurārirājanagarī deyātsadā maṅgalam || 2||
tīrthānāṃ pravarā manorathakarī saṃsārapārāparā-
nandā nandigaṇeśvarairupahitā devairaśeṣaiḥ stutā |
yā śambhormaṇikuṇḍalaikakaṇikā viṣṇostapodīrghikā
seyaṃ śrīmaṇikarṇikā bhagavatī deyātsadā maṅgalam || 3||
eṣā dharmapatākinī taṭaruhāsevāvasannākinī
paśyanpātakinī bhagīrathatapaḥsāphalyadevākinī |
premārūḍhapatākinī girisutā sā kekarāsvākinī
kāśyāmuttaravāhinī suranadī deyātsadā maṅgalam || 4||
vighnāvāsanivāsakāraṇamahāgaṇḍasthalālambitaḥ
sindūrāruṇapuñjacandrakiraṇapracchādināgacchaviḥ |
śrīviśveśvaravallabho girijayā sānandakānanditaḥ
smerāsyastava ḍhuṇḍhirājamudito deyātsadā maṅgalam ||| 5|| |
kedāraḥ kalaśeśvaraḥ paśupatirdharmeśvaro madhyamo
jyeṣṭheśo paśupaśca kandukaśivo vighneśvaro jambukaḥ |
candreśo hyamṛteśvaro bhṛguśivaḥ śrīvṛddhakāleśvaro
madhyeśo maṇikarṇikeśvaraśivo deyātsadā maṅgalam || 6||
gokarṇastvatha bhārabhūtanudanuḥ śrīcitragupteśvaro
yakṣeśastilaparṇasaṅgamaśivo śaileśvaraḥ kaśyapaḥ |
nāgeśo'gniśivo nidhīśvaraśivo'gastīśvarastāraka-
jñāneśo'pi pitāmaheśvaraśivo deyātsadā maṅgalam || 7||
brahmāṇḍaṃ sakalaṃ manoṣitarasai ratnaiḥ payobhirharaṃ
khelaiḥ pūrayate kuṭumbanilayān śambhorvilāsapradā |
nānādivyalatāvibhūṣitavapuḥ kāśīpurādhīśvarī
śrīviśveśvarasundarī bhagavatī deyātsadā maṅgalam || 8||
yā devī mahiṣāsurapramathanī yā caṇḍamuṇḍāpahā
yā śumbhāsuraraktabījadamanī śakrādibhiḥ saṃstutā |
yā śūlāsidhanuḥśarābhayakarā durgādisandakṣiṇā-
māśrityāśritavighnaśaṃsamayatu deyātsadā maṅgalam || 9||
ādyā śrīrvikaṭā tatastu virajā śrīmaṅgalā pārvatī
vikhyātā kamalā viśālanayanā jyeṣṭhā viśiṣṭānanā |
kāmākṣī ca haripriyā bhagavatī śrīghaṇṭaghaṇṭādikā
mauryā ṣaṣṭisahasramātṛsahitā deyātsadā maṅgalam || 10||
ādau pañcanadaṃ prayāgamaparaṃ kedārakuṇḍaṃ kuru-
kṣetraṃ mānasakaṃ saro'mṛtajalaṃ śāvasya tīrthaṃ param |
matsyodaryatha daṇḍakhāṇḍasalilaṃ mandākinī jambukaṃ
ghaṇṭākarṇasamudrakūpasahito deyātsadā maṅgalam || 11||
revākuṇḍajalaṃ sarasvatijalaṃ durvāsakuṇḍaṃ tato
lakṣmītīrthalavāṅkuśasya salilaṃ kandarpakuṇḍaṃ tathā |
durgākuṇḍamasījalaṃ hanumataḥ kuṇḍapratāporjitaḥ
prajñānapramukhāni vaḥ pratidinaṃ deyātsadā maṅgalam || 12||
ādyaḥ kūpavarastu kāladamanaḥ śrīvṛddhakūpo'paro
vikhyātastu parāśarastu viditaḥ kūpaḥ saro mānasaḥ |
jaigīṣavyamuneḥ śaśāṅkanṛpateḥ kūpastu dharmodbhavaḥ
khyātaḥ saptasamudrakūpasahito deyātsadā maṅgalam || 13||
lakṣyīnāyakabindumādhavaharirlakṣmīnṛsiṃhastato
govindastvatha gopikāpriyatamaḥ śrīnāradaḥ keśavaḥ |
gaṅgākeśavavāmanākhyatadanu śveto hariḥ keśavaḥ
prahlādādisamastakeśavagaṇo deyātsadā maṅgalam || 14||
lolārko vimalārkamāyukharaviḥ saṃvartasañjño ravi-
rvikhyāto drupaduḥkhakholkamaruṇaḥ proktottarārko raviḥ |
gaṅgārkastvatha vṛddhavṛddhivibudhā kāśīpurīsaṃsthitāḥ
sūryā dvādaśasañjñakāḥ pratidinaṃ deyātsadā maṅgalam || 15||
ādyo ḍhuṇḍhivināyako gaṇapatiścintāmaṇiḥ siddhidaḥ
senāvighnapatistu vaktravadanaḥ śrīpāśapāṇiḥ prabhuḥ |
āśāpakṣavināyakāpraṣakaro modādikaḥ ṣaḍguṇo
lolārkādivināyakāḥ pratidinaṃ deyātsadā maṅgalam || 16|||
herambo nalakūbaro gaṇapatiḥ śrībhīmacaṇḍīgaṇo
vikhyāto maṇikarṇikāgaṇapatiḥ śrīsiddhido vighnapaḥ |
muṇḍaścaṇḍamukhaśca kaṣṭaharaṇaḥ śrīdaṇḍahasto gaṇaḥ
śrīdurgākhyagaṇādhipaḥ pratidinaṃ deyātsadā maṅgalam || 17||
ādyo bhairavabhīṣaṇastadaparaḥ śrīkālarājaḥ kramā-
cchrīsaṃhārakabhairavastvatha ruruśconmattako bhairavaḥ |
krodhaścaṇḍakapālabhairavavaraḥ śrībhūtanāthādayo
hyaṣṭau bhairavamūrtayaḥ pratidinaṃ deyātsadā maṅgalam || 18||
ādhāto'mbikayā saha trinayanaḥ sārdhaṃ gaṇairnanditāṃ
kāśīmāśu viśan haraḥ prathamato vārṣadhvaje'vasthitaḥ |
āyātā daśa dhenavaḥ sukapilā divyaiḥ payobhirharaṃ
khyātaṃ tadvṛṣabhadhvajena kapilaṃ deyātsadā maṅgalam || 19||
ānandākhyavanaṃ hi campakavanaṃ śrīnaimiṣaṃ khāṇḍavaṃ
puṇyaṃ caitrarathaṃ tvaśākavipinaṃ rambhāvanaṃ pāvanam |
durgāraṇyamatho'pi kairavavanaṃ vṛndāvanaṃ pāvanaṃ
vikhyātāni vanāni vaḥ pratidinaṃ deyātsadā maṅgalam || 20||
alikuladalanīlaḥ kāladaṃṣṭrākarālaḥ
sajalajaladanīlo vyālayajñopavītaḥ |
abhayavaradahasto ḍāmaroddāmanādaḥ
sakaladuritabhakṣo maṅgalaṃ vo dadātu || 21||
ardhāṅge vikaṭā girīndratanayā gaurī satī sundarī
sarvāṅge vilasadvibhūtidhavalo kālo viśālekṣaṇaḥ |
vīreśaḥ sahanandibhṛṅgisahitaḥ śrīviśvanāthaḥ prabhuḥ
kāśīmandirasaṃsthito'khilagururdeyātsadā maṅgalam || 22||
yaḥ prātaḥ prayataḥ prasannamanasā premapramodākulaḥ
khyātaṃ tatra viśiṣṭapādabhuvaneśendrādibhiryatstutam |
prātaḥ prāṅmukhamāsanottamagato brūyācchṛṇotyādarāt
kāśīvāsamukhānyavāpya satataṃ prīte śive dhūrjaṭi || 23||
iti śrīmacchaṅkarācāryaviracitaṃ kāśīviśvanāthastotram ||
Sanskrit — Devanagari (original)
कण्ठे यस्य लसत्करालगरलं गङ्गाजलं मस्तके
वामाङ्गे गिरिराजराजतनया जाया भवानी सती ।
नन्दिस्कन्दगणाधिराजसहिता श्रीविश्वनाथप्रभुः
काशीमन्दिरसंस्थितोऽखिलगुरुर्देयात्सदा मङ्गलम् ॥ 1॥
यो देवैरसुरैर्मुनीन्द्रतनयैर्गन्धर्वयक्षोरगै-
र्नागैर्भूतलवासिभिर्द्विजवरैः संसेवितः सिद्धये ।
या गङ्गोत्तरवाहिनी परिसरे तीर्थेरसङ्ख्यैर्वृता
सा काशी त्रिपुरारिराजनगरी देयात्सदा मङ्गलम् ॥ 2॥
तीर्थानां प्रवरा मनोरथकरी संसारपारापरा-
नन्दा नन्दिगणेश्वरैरुपहिता देवैरशेषैः स्तुता ।
या शम्भोर्मणिकुण्डलैककणिका विष्णोस्तपोदीर्घिका
सेयं श्रीमणिकर्णिका भगवती देयात्सदा मङ्गलम् ॥ 3॥
एषा धर्मपताकिनी तटरुहासेवावसन्नाकिनी
पश्यन्पातकिनी भगीरथतपःसाफल्यदेवाकिनी ।
प्रेमारूढपताकिनी गिरिसुता सा केकरास्वाकिनी
काश्यामुत्तरवाहिनी सुरनदी देयात्सदा मङ्गलम् ॥ 4॥
विघ्नावासनिवासकारणमहागण्डस्थलालम्बितः
सिन्दूरारुणपुञ्जचन्द्रकिरणप्रच्छादिनागच्छविः ।
श्रीविश्वेश्वरवल्लभो गिरिजया सानन्दकानन्दितः
स्मेरास्यस्तव ढुण्ढिराजमुदितो देयात्सदा मङ्गलम् ॥। 5॥ ।
केदारः कलशेश्वरः पशुपतिर्धर्मेश्वरो मध्यमो
ज्येष्ठेशो पशुपश्च कन्दुकशिवो विघ्नेश्वरो जम्बुकः ।
चन्द्रेशो ह्यमृतेश्वरो भृगुशिवः श्रीवृद्धकालेश्वरो
मध्येशो मणिकर्णिकेश्वरशिवो देयात्सदा मङ्गलम् ॥ 6॥
गोकर्णस्त्वथ भारभूतनुदनुः श्रीचित्रगुप्तेश्वरो
यक्षेशस्तिलपर्णसङ्गमशिवो शैलेश्वरः कश्यपः ।
नागेशोऽग्निशिवो निधीश्वरशिवोऽगस्तीश्वरस्तारक-
ज्ञानेशोऽपि पितामहेश्वरशिवो देयात्सदा मङ्गलम् ॥ 7॥
ब्रह्माण्डं सकलं मनोषितरसै रत्नैः पयोभिर्हरं
खेलैः पूरयते कुटुम्बनिलयान् शम्भोर्विलासप्रदा ।
नानादिव्यलताविभूषितवपुः काशीपुराधीश्वरी
श्रीविश्वेश्वरसुन्दरी भगवती देयात्सदा मङ्गलम् ॥ 8॥
या देवी महिषासुरप्रमथनी या चण्डमुण्डापहा
या शुम्भासुररक्तबीजदमनी शक्रादिभिः संस्तुता ।
या शूलासिधनुःशराभयकरा दुर्गादिसन्दक्षिणा-
माश्रित्याश्रितविघ्नशंसमयतु देयात्सदा मङ्गलम् ॥ 9॥
आद्या श्रीर्विकटा ततस्तु विरजा श्रीमङ्गला पार्वती
विख्याता कमला विशालनयना ज्येष्ठा विशिष्टानना ।
कामाक्षी च हरिप्रिया भगवती श्रीघण्टघण्टादिका
मौर्या षष्टिसहस्रमातृसहिता देयात्सदा मङ्गलम् ॥ 10॥
आदौ पञ्चनदं प्रयागमपरं केदारकुण्डं कुरु-
क्षेत्रं मानसकं सरोऽमृतजलं शावस्य तीर्थं परम् ।
मत्स्योदर्यथ दण्डखाण्डसलिलं मन्दाकिनी जम्बुकं
घण्टाकर्णसमुद्रकूपसहितो देयात्सदा मङ्गलम् ॥ 11॥
रेवाकुण्डजलं सरस्वतिजलं दुर्वासकुण्डं ततो
लक्ष्मीतीर्थलवाङ्कुशस्य सलिलं कन्दर्पकुण्डं तथा ।
दुर्गाकुण्डमसीजलं हनुमतः कुण्डप्रतापोर्जितः
प्रज्ञानप्रमुखानि वः प्रतिदिनं देयात्सदा मङ्गलम् ॥ 12॥
आद्यः कूपवरस्तु कालदमनः श्रीवृद्धकूपोऽपरो
विख्यातस्तु पराशरस्तु विदितः कूपः सरो मानसः ।
जैगीषव्यमुनेः शशाङ्कनृपतेः कूपस्तु धर्मोद्भवः
ख्यातः सप्तसमुद्रकूपसहितो देयात्सदा मङ्गलम् ॥ 13॥
लक्ष्यीनायकबिन्दुमाधवहरिर्लक्ष्मीनृसिंहस्ततो
गोविन्दस्त्वथ गोपिकाप्रियतमः श्रीनारदः केशवः ।
गङ्गाकेशववामनाख्यतदनु श्वेतो हरिः केशवः
प्रह्लादादिसमस्तकेशवगणो देयात्सदा मङ्गलम् ॥ 14॥
लोलार्को विमलार्कमायुखरविः संवर्तसञ्ज्ञो रवि-
र्विख्यातो द्रुपदुःखखोल्कमरुणः प्रोक्तोत्तरार्को रविः ।
गङ्गार्कस्त्वथ वृद्धवृद्धिविबुधा काशीपुरीसंस्थिताः
सूर्या द्वादशसञ्ज्ञकाः प्रतिदिनं देयात्सदा मङ्गलम् ॥ 15॥
आद्यो ढुण्ढिविनायको गणपतिश्चिन्तामणिः सिद्धिदः
सेनाविघ्नपतिस्तु वक्त्रवदनः श्रीपाशपाणिः प्रभुः ।
आशापक्षविनायकाप्रषकरो मोदादिकः षड्गुणो
लोलार्कादिविनायकाः प्रतिदिनं देयात्सदा मङ्गलम् ॥ 16॥।
हेरम्बो नलकूबरो गणपतिः श्रीभीमचण्डीगणो
विख्यातो मणिकर्णिकागणपतिः श्रीसिद्धिदो विघ्नपः ।
मुण्डश्चण्डमुखश्च कष्टहरणः श्रीदण्डहस्तो गणः
श्रीदुर्गाख्यगणाधिपः प्रतिदिनं देयात्सदा मङ्गलम् ॥ 17॥
आद्यो भैरवभीषणस्तदपरः श्रीकालराजः क्रमा-
च्छ्रीसंहारकभैरवस्त्वथ रुरुश्चोन्मत्तको भैरवः ।
क्रोधश्चण्डकपालभैरववरः श्रीभूतनाथादयो
ह्यष्टौ भैरवमूर्तयः प्रतिदिनं देयात्सदा मङ्गलम् ॥ 18॥
आधातोऽम्बिकया सह त्रिनयनः सार्धं गणैर्नन्दितां
काशीमाशु विशन् हरः प्रथमतो वार्षध्वजेऽवस्थितः ।
आयाता दश धेनवः सुकपिला दिव्यैः पयोभिर्हरं
ख्यातं तद्वृषभध्वजेन कपिलं देयात्सदा मङ्गलम् ॥ 19॥
आनन्दाख्यवनं हि चम्पकवनं श्रीनैमिषं खाण्डवं
पुण्यं चैत्ररथं त्वशाकविपिनं रम्भावनं पावनम् ।
दुर्गारण्यमथोऽपि कैरववनं वृन्दावनं पावनं
विख्यातानि वनानि वः प्रतिदिनं देयात्सदा मङ्गलम् ॥ 20॥
अलिकुलदलनीलः कालदंष्ट्राकरालः
सजलजलदनीलो व्यालयज्ञोपवीतः ।
अभयवरदहस्तो डामरोद्दामनादः
सकलदुरितभक्षो मङ्गलं वो ददातु ॥ 21॥
अर्धाङ्गे विकटा गिरीन्द्रतनया गौरी सती सुन्दरी
सर्वाङ्गे विलसद्विभूतिधवलो कालो विशालेक्षणः ।
वीरेशः सहनन्दिभृङ्गिसहितः श्रीविश्वनाथः प्रभुः
काशीमन्दिरसंस्थितोऽखिलगुरुर्देयात्सदा मङ्गलम् ॥ 22॥
यः प्रातः प्रयतः प्रसन्नमनसा प्रेमप्रमोदाकुलः
ख्यातं तत्र विशिष्टपादभुवनेशेन्द्रादिभिर्यत्स्तुतम् ।
प्रातः प्राङ्मुखमासनोत्तमगतो ब्रूयाच्छृणोत्यादरात्
काशीवासमुखान्यवाप्य सततं प्रीते शिवे धूर्जटि ॥ 23॥
इति श्रीमच्छङ्कराचार्यविरचितं काशीविश्वनाथस्तोत्रम् ॥
kaṇṭhe yasya lasatkarālagaralaṃ gaṅgājalaṃ mastake
vāmāṅge girirājarājatanayā jāyā bhavānī satī |
nandiskandagaṇādhirājasahitā śrīviśvanāthaprabhuḥ
kāśīmandirasaṃsthito'khilagururdeyātsadā maṅgalam || 1||
yo devairasurairmunīndratanayairgandharvayakṣoragai-
rnāgairbhūtalavāsibhirdvijavaraiḥ saṃsevitaḥ siddhaye |
yā gaṅgottaravāhinī parisare tīrtherasaṅkhyairvṛtā
sā kāśī tripurārirājanagarī deyātsadā maṅgalam || 2||
tīrthānāṃ pravarā manorathakarī saṃsārapārāparā-
nandā nandigaṇeśvarairupahitā devairaśeṣaiḥ stutā |
yā śambhormaṇikuṇḍalaikakaṇikā viṣṇostapodīrghikā
seyaṃ śrīmaṇikarṇikā bhagavatī deyātsadā maṅgalam || 3||
eṣā dharmapatākinī taṭaruhāsevāvasannākinī
paśyanpātakinī bhagīrathatapaḥsāphalyadevākinī |
premārūḍhapatākinī girisutā sā kekarāsvākinī
kāśyāmuttaravāhinī suranadī deyātsadā maṅgalam || 4||
vighnāvāsanivāsakāraṇamahāgaṇḍasthalālambitaḥ
sindūrāruṇapuñjacandrakiraṇapracchādināgacchaviḥ |
śrīviśveśvaravallabho girijayā sānandakānanditaḥ
smerāsyastava ḍhuṇḍhirājamudito deyātsadā maṅgalam ||| 5|| |
kedāraḥ kalaśeśvaraḥ paśupatirdharmeśvaro madhyamo
jyeṣṭheśo paśupaśca kandukaśivo vighneśvaro jambukaḥ |
candreśo hyamṛteśvaro bhṛguśivaḥ śrīvṛddhakāleśvaro
madhyeśo maṇikarṇikeśvaraśivo deyātsadā maṅgalam || 6||
gokarṇastvatha bhārabhūtanudanuḥ śrīcitragupteśvaro
yakṣeśastilaparṇasaṅgamaśivo śaileśvaraḥ kaśyapaḥ |
nāgeśo'gniśivo nidhīśvaraśivo'gastīśvarastāraka-
jñāneśo'pi pitāmaheśvaraśivo deyātsadā maṅgalam || 7||
brahmāṇḍaṃ sakalaṃ manoṣitarasai ratnaiḥ payobhirharaṃ
khelaiḥ pūrayate kuṭumbanilayān śambhorvilāsapradā |
nānādivyalatāvibhūṣitavapuḥ kāśīpurādhīśvarī
śrīviśveśvarasundarī bhagavatī deyātsadā maṅgalam || 8||
yā devī mahiṣāsurapramathanī yā caṇḍamuṇḍāpahā
yā śumbhāsuraraktabījadamanī śakrādibhiḥ saṃstutā |
yā śūlāsidhanuḥśarābhayakarā durgādisandakṣiṇā-
māśrityāśritavighnaśaṃsamayatu deyātsadā maṅgalam || 9||
ādyā śrīrvikaṭā tatastu virajā śrīmaṅgalā pārvatī
vikhyātā kamalā viśālanayanā jyeṣṭhā viśiṣṭānanā |
kāmākṣī ca haripriyā bhagavatī śrīghaṇṭaghaṇṭādikā
mauryā ṣaṣṭisahasramātṛsahitā deyātsadā maṅgalam || 10||
ādau pañcanadaṃ prayāgamaparaṃ kedārakuṇḍaṃ kuru-
kṣetraṃ mānasakaṃ saro'mṛtajalaṃ śāvasya tīrthaṃ param |
matsyodaryatha daṇḍakhāṇḍasalilaṃ mandākinī jambukaṃ
ghaṇṭākarṇasamudrakūpasahito deyātsadā maṅgalam || 11||
revākuṇḍajalaṃ sarasvatijalaṃ durvāsakuṇḍaṃ tato
lakṣmītīrthalavāṅkuśasya salilaṃ kandarpakuṇḍaṃ tathā |
durgākuṇḍamasījalaṃ hanumataḥ kuṇḍapratāporjitaḥ
prajñānapramukhāni vaḥ pratidinaṃ deyātsadā maṅgalam || 12||
ādyaḥ kūpavarastu kāladamanaḥ śrīvṛddhakūpo'paro
vikhyātastu parāśarastu viditaḥ kūpaḥ saro mānasaḥ |
jaigīṣavyamuneḥ śaśāṅkanṛpateḥ kūpastu dharmodbhavaḥ
khyātaḥ saptasamudrakūpasahito deyātsadā maṅgalam || 13||
lakṣyīnāyakabindumādhavaharirlakṣmīnṛsiṃhastato
govindastvatha gopikāpriyatamaḥ śrīnāradaḥ keśavaḥ |
gaṅgākeśavavāmanākhyatadanu śveto hariḥ keśavaḥ
prahlādādisamastakeśavagaṇo deyātsadā maṅgalam || 14||
lolārko vimalārkamāyukharaviḥ saṃvartasañjño ravi-
rvikhyāto drupaduḥkhakholkamaruṇaḥ proktottarārko raviḥ |
gaṅgārkastvatha vṛddhavṛddhivibudhā kāśīpurīsaṃsthitāḥ
sūryā dvādaśasañjñakāḥ pratidinaṃ deyātsadā maṅgalam || 15||
ādyo ḍhuṇḍhivināyako gaṇapatiścintāmaṇiḥ siddhidaḥ
senāvighnapatistu vaktravadanaḥ śrīpāśapāṇiḥ prabhuḥ |
āśāpakṣavināyakāpraṣakaro modādikaḥ ṣaḍguṇo
lolārkādivināyakāḥ pratidinaṃ deyātsadā maṅgalam || 16|||
herambo nalakūbaro gaṇapatiḥ śrībhīmacaṇḍīgaṇo
vikhyāto maṇikarṇikāgaṇapatiḥ śrīsiddhido vighnapaḥ |
muṇḍaścaṇḍamukhaśca kaṣṭaharaṇaḥ śrīdaṇḍahasto gaṇaḥ
śrīdurgākhyagaṇādhipaḥ pratidinaṃ deyātsadā maṅgalam || 17||
ādyo bhairavabhīṣaṇastadaparaḥ śrīkālarājaḥ kramā-
cchrīsaṃhārakabhairavastvatha ruruśconmattako bhairavaḥ |
krodhaścaṇḍakapālabhairavavaraḥ śrībhūtanāthādayo
hyaṣṭau bhairavamūrtayaḥ pratidinaṃ deyātsadā maṅgalam || 18||
ādhāto'mbikayā saha trinayanaḥ sārdhaṃ gaṇairnanditāṃ
kāśīmāśu viśan haraḥ prathamato vārṣadhvaje'vasthitaḥ |
āyātā daśa dhenavaḥ sukapilā divyaiḥ payobhirharaṃ
khyātaṃ tadvṛṣabhadhvajena kapilaṃ deyātsadā maṅgalam || 19||
ānandākhyavanaṃ hi campakavanaṃ śrīnaimiṣaṃ khāṇḍavaṃ
puṇyaṃ caitrarathaṃ tvaśākavipinaṃ rambhāvanaṃ pāvanam |
durgāraṇyamatho'pi kairavavanaṃ vṛndāvanaṃ pāvanaṃ
vikhyātāni vanāni vaḥ pratidinaṃ deyātsadā maṅgalam || 20||
alikuladalanīlaḥ kāladaṃṣṭrākarālaḥ
sajalajaladanīlo vyālayajñopavītaḥ |
abhayavaradahasto ḍāmaroddāmanādaḥ
sakaladuritabhakṣo maṅgalaṃ vo dadātu || 21||
ardhāṅge vikaṭā girīndratanayā gaurī satī sundarī
sarvāṅge vilasadvibhūtidhavalo kālo viśālekṣaṇaḥ |
vīreśaḥ sahanandibhṛṅgisahitaḥ śrīviśvanāthaḥ prabhuḥ
kāśīmandirasaṃsthito'khilagururdeyātsadā maṅgalam || 22||
yaḥ prātaḥ prayataḥ prasannamanasā premapramodākulaḥ
khyātaṃ tatra viśiṣṭapādabhuvaneśendrādibhiryatstutam |
prātaḥ prāṅmukhamāsanottamagato brūyācchṛṇotyādarāt
kāśīvāsamukhānyavāpya satataṃ prīte śive dhūrjaṭi || 23||
iti śrīmacchaṅkarācāryaviracitaṃ kāśīviśvanāthastotram ||
🕉️ This is the original Sanskrit rendered in Gujarati script.
Pronunciation is identical to the Sanskrit Devanagari version.