കണ്ഠേ യസ്യ ലസത്കരാലഗരലം ഗങ്ഗാജലം മസ്തകേ
വാമാങ്ഗേ ഗിരിരാജരാജതനയാ ജായാ ഭവാനീ സതീ ।
നന്ദിസ്കന്ദഗണാധിരാജസഹിതാ ശ്രീവിശ്വനാഥപ്രഭുഃ
കാശീമന്ദിരസംസ്ഥിതോഽഖിലഗുരുര്ദേയാത്സദാ മങ്ഗലമ് ॥ 1॥
യോ ദേവൈരസുരൈര്മുനീന്ദ്രതനയൈര്ഗന്ധര്വയക്ഷോരഗൈ-
ര്നാഗൈര്ഭൂതലവാസിഭിര്ദ്വിജവരൈഃ സംസേവിതഃ സിദ്ധയേ ।
യാ ഗങ്ഗോത്തരവാഹിനീ പരിസരേ തീര്ഥേരസങ്ഖ്യൈര്വൃതാ
സാ കാശീ ത്രിപുരാരിരാജനഗരീ ദേയാത്സദാ മങ്ഗലമ് ॥ 2॥
തീര്ഥാനാം പ്രവരാ മനോരഥകരീ സംസാരപാരാപരാ-
നന്ദാ നന്ദിഗണേശ്വരൈരുപഹിതാ ദേവൈരശേഷൈഃ സ്തുതാ ।
യാ ശമ്ഭോര്മണികുണ്ഡലൈകകണികാ വിഷ്ണോസ്തപോദീര്ഘികാ
സേയം ശ്രീമണികര്ണികാ ഭഗവതീ ദേയാത്സദാ മങ്ഗലമ് ॥ 3॥
ഏഷാ ധര്മപതാകിനീ തടരുഹാസേവാവസന്നാകിനീ
പശ്യന്പാതകിനീ ഭഗീരഥതപഃസാഫല്യദേവാകിനീ ।
പ്രേമാരൂഢപതാകിനീ ഗിരിസുതാ സാ കേകരാസ്വാകിനീ
കാശ്യാമുത്തരവാഹിനീ സുരനദീ ദേയാത്സദാ മങ്ഗലമ് ॥ 4॥
വിഘ്നാവാസനിവാസകാരണമഹാഗണ്ഡസ്ഥലാലമ്ബിതഃ
സിന്ദൂരാരുണപുഞ്ജചന്ദ്രകിരണപ്രച്ഛാദിനാഗച്ഛവിഃ ।
ശ്രീവിശ്വേശ്വരവല്ലഭോ ഗിരിജയാ സാനന്ദകാനന്ദിതഃ
സ്മേരാസ്യസ്തവ ഢുണ്ഢിരാജമുദിതോ ദേയാത്സദാ മങ്ഗലമ് ॥। 5॥ ।
കേദാരഃ കലശേശ്വരഃ പശുപതിര്ധര്മേശ്വരോ മധ്യമോ
ജ്യേഷ്ഠേശോ പശുപശ്ച കന്ദുകശിവോ വിഘ്നേശ്വരോ ജമ്ബുകഃ ।
ചന്ദ്രേശോ ഹ്യമൃതേശ്വരോ ഭൃഗുശിവഃ ശ്രീവൃദ്ധകാലേശ്വരോ
മധ്യേശോ മണികര്ണികേശ്വരശിവോ ദേയാത്സദാ മങ്ഗലമ് ॥ 6॥
ഗോകര്ണസ്ത്വഥ ഭാരഭൂതനുദനുഃ ശ്രീചിത്രഗുപ്തേശ്വരോ
യക്ഷേശസ്തിലപര്ണസങ്ഗമശിവോ ശൈലേശ്വരഃ കശ്യപഃ ।
നാഗേശോഽഗ്നിശിവോ നിധീശ്വരശിവോഽഗസ്തീശ്വരസ്താരക-
ജ്ഞാനേശോഽപി പിതാമഹേശ്വരശിവോ ദേയാത്സദാ മങ്ഗലമ് ॥ 7॥
ബ്രഹ്മാണ്ഡം സകലം മനോഷിതരസൈ രത്നൈഃ പയോഭിര്ഹരം
ഖേലൈഃ പൂരയതേ കുടുമ്ബനിലയാന് ശമ്ഭോര്വിലാസപ്രദാ ।
നാനാദിവ്യലതാവിഭൂഷിതവപുഃ കാശീപുരാധീശ്വരീ
ശ്രീവിശ്വേശ്വരസുന്ദരീ ഭഗവതീ ദേയാത്സദാ മങ്ഗലമ് ॥ 8॥
യാ ദേവീ മഹിഷാസുരപ്രമഥനീ യാ ചണ്ഡമുണ്ഡാപഹാ
യാ ശുമ്ഭാസുരരക്തബീജദമനീ ശക്രാദിഭിഃ സംസ്തുതാ ।
യാ ശൂലാസിധനുഃശരാഭയകരാ ദുര്ഗാദിസന്ദക്ഷിണാ-
മാശ്രിത്യാശ്രിതവിഘ്നശംസമയതു ദേയാത്സദാ മങ്ഗലമ് ॥ 9॥
ആദ്യാ ശ്രീര്വികടാ തതസ്തു വിരജാ ശ്രീമങ്ഗലാ പാര്വതീ
വിഖ്യാതാ കമലാ വിശാലനയനാ ജ്യേഷ്ഠാ വിശിഷ്ടാനനാ ।
കാമാക്ഷീ ച ഹരിപ്രിയാ ഭഗവതീ ശ്രീഘണ്ടഘണ്ടാദികാ
മൌര്യാ ഷഷ്ടിസഹസ്രമാതൃസഹിതാ ദേയാത്സദാ മങ്ഗലമ് ॥ 10॥
ആദൌ പഞ്ചനദം പ്രയാഗമപരം കേദാരകുണ്ഡം കുരു-
ക്ഷേത്രം മാനസകം സരോഽമൃതജലം ശാവസ്യ തീര്ഥം പരമ് ।
മത്സ്യോദര്യഥ ദണ്ഡഖാണ്ഡസലിലം മന്ദാകിനീ ജമ്ബുകം
ഘണ്ടാകര്ണസമുദ്രകൂപസഹിതോ ദേയാത്സദാ മങ്ഗലമ് ॥ 11॥
രേവാകുണ്ഡജലം സരസ്വതിജലം ദുര്വാസകുണ്ഡം തതോ
ലക്ഷ്മീതീര്ഥലവാങ്കുശസ്യ സലിലം കന്ദര്പകുണ്ഡം തഥാ ।
ദുര്ഗാകുണ്ഡമസീജലം ഹനുമതഃ കുണ്ഡപ്രതാപോര്ജിതഃ
പ്രജ്ഞാനപ്രമുഖാനി വഃ പ്രതിദിനം ദേയാത്സദാ മങ്ഗലമ് ॥ 12॥
ആദ്യഃ കൂപവരസ്തു കാലദമനഃ ശ്രീവൃദ്ധകൂപോഽപരോ
വിഖ്യാതസ്തു പരാശരസ്തു വിദിതഃ കൂപഃ സരോ മാനസഃ ।
ജൈഗീഷവ്യമുനേഃ ശശാങ്കനൃപതേഃ കൂപസ്തു ധര്മോദ്ഭവഃ
ഖ്യാതഃ സപ്തസമുദ്രകൂപസഹിതോ ദേയാത്സദാ മങ്ഗലമ് ॥ 13॥
ലക്ഷ്യീനായകബിന്ദുമാധവഹരിര്ലക്ഷ്മീനൃസിംഹസ്തതോ
ഗോവിന്ദസ്ത്വഥ ഗോപികാപ്രിയതമഃ ശ്രീനാരദഃ കേശവഃ ।
ഗങ്ഗാകേശവവാമനാഖ്യതദനു ശ്വേതോ ഹരിഃ കേശവഃ
പ്രഹ്ലാദാദിസമസ്തകേശവഗണോ ദേയാത്സദാ മങ്ഗലമ് ॥ 14॥
ലോലാര്കോ വിമലാര്കമായുഖരവിഃ സംവര്തസഞ്ജ്ഞോ രവി-
ര്വിഖ്യാതോ ദ്രുപദുഃഖഖോല്കമരുണഃ പ്രോക്തോത്തരാര്കോ രവിഃ ।
ഗങ്ഗാര്കസ്ത്വഥ വൃദ്ധവൃദ്ധിവിബുധാ കാശീപുരീസംസ്ഥിതാഃ
സൂര്യാ ദ്വാദശസഞ്ജ്ഞകാഃ പ്രതിദിനം ദേയാത്സദാ മങ്ഗലമ് ॥ 15॥
ആദ്യോ ഢുണ്ഢിവിനായകോ ഗണപതിശ്ചിന്താമണിഃ സിദ്ധിദഃ
സേനാവിഘ്നപതിസ്തു വക്ത്രവദനഃ ശ്രീപാശപാണിഃ പ്രഭുഃ ।
ആശാപക്ഷവിനായകാപ്രഷകരോ മോദാദികഃ ഷഡ്ഗുണോ
ലോലാര്കാദിവിനായകാഃ പ്രതിദിനം ദേയാത്സദാ മങ്ഗലമ് ॥ 16॥।
ഹേരമ്ബോ നലകൂബരോ ഗണപതിഃ ശ്രീഭീമചണ്ഡീഗണോ
വിഖ്യാതോ മണികര്ണികാഗണപതിഃ ശ്രീസിദ്ധിദോ വിഘ്നപഃ ।
മുണ്ഡശ്ചണ്ഡമുഖശ്ച കഷ്ടഹരണഃ ശ്രീദണ്ഡഹസ്തോ ഗണഃ
ശ്രീദുര്ഗാഖ്യഗണാധിപഃ പ്രതിദിനം ദേയാത്സദാ മങ്ഗലമ് ॥ 17॥
ആദ്യോ ഭൈരവഭീഷണസ്തദപരഃ ശ്രീകാലരാജഃ ക്രമാ-
ച്ഛ്രീസംഹാരകഭൈരവസ്ത്വഥ രുരുശ്ചോന്മത്തകോ ഭൈരവഃ ।
ക്രോധശ്ചണ്ഡകപാലഭൈരവവരഃ ശ്രീഭൂതനാഥാദയോ
ഹ്യഷ്ടൌ ഭൈരവമൂര്തയഃ പ്രതിദിനം ദേയാത്സദാ മങ്ഗലമ് ॥ 18॥
ആധാതോഽമ്ബികയാ സഹ ത്രിനയനഃ സാര്ധം ഗണൈര്നന്ദിതാം
കാശീമാശു വിശന് ഹരഃ പ്രഥമതോ വാര്ഷധ്വജേഽവസ്ഥിതഃ ।
ആയാതാ ദശ ധേനവഃ സുകപിലാ ദിവ്യൈഃ പയോഭിര്ഹരം
ഖ്യാതം തദ്വൃഷഭധ്വജേന കപിലം ദേയാത്സദാ മങ്ഗലമ് ॥ 19॥
ആനന്ദാഖ്യവനം ഹി ചമ്പകവനം ശ്രീനൈമിഷം ഖാണ്ഡവം
പുണ്യം ചൈത്രരഥം ത്വശാകവിപിനം രമ്ഭാവനം പാവനമ് ।
ദുര്ഗാരണ്യമഥോഽപി കൈരവവനം വൃന്ദാവനം പാവനം
വിഖ്യാതാനി വനാനി വഃ പ്രതിദിനം ദേയാത്സദാ മങ്ഗലമ് ॥ 20॥
അലികുലദലനീലഃ കാലദംഷ്ട്രാകരാലഃ
സജലജലദനീലോ വ്യാലയജ്ഞോപവീതഃ ।
അഭയവരദഹസ്തോ ഡാമരോദ്ദാമനാദഃ
സകലദുരിതഭക്ഷോ മങ്ഗലം വോ ദദാതു ॥ 21॥
അര്ധാങ്ഗേ വികടാ ഗിരീന്ദ്രതനയാ ഗൌരീ സതീ സുന്ദരീ
സര്വാങ്ഗേ വിലസദ്വിഭൂതിധവലോ കാലോ വിശാലേക്ഷണഃ ।
വീരേശഃ സഹനന്ദിഭൃങ്ഗിസഹിതഃ ശ്രീവിശ്വനാഥഃ പ്രഭുഃ
കാശീമന്ദിരസംസ്ഥിതോഽഖിലഗുരുര്ദേയാത്സദാ മങ്ഗലമ് ॥ 22॥
യഃ പ്രാതഃ പ്രയതഃ പ്രസന്നമനസാ പ്രേമപ്രമോദാകുലഃ
ഖ്യാതം തത്ര വിശിഷ്ടപാദഭുവനേശേന്ദ്രാദിഭിര്യത്സ്തുതമ് ।
പ്രാതഃ പ്രാങ്മുഖമാസനോത്തമഗതോ ബ്രൂയാച്ഛൃണോത്യാദരാത്
കാശീവാസമുഖാന്യവാപ്യ സതതം പ്രീതേ ശിവേ ധൂര്ജടി ॥ 23॥
ഇതി ശ്രീമച്ഛങ്കരാചാര്യവിരചിതം കാശീവിശ്വനാഥസ്തോത്രമ് ॥
Roman (IAST) Transliteration
kaṇṭhe yasya lasatkarālagaralaṃ gaṅgājalaṃ mastake
vāmāṅge girirājarājatanayā jāyā bhavānī satī |
nandiskandagaṇādhirājasahitā śrīviśvanāthaprabhuḥ
kāśīmandirasaṃsthito'khilagururdeyātsadā maṅgalam || 1||
yo devairasurairmunīndratanayairgandharvayakṣoragai-
rnāgairbhūtalavāsibhirdvijavaraiḥ saṃsevitaḥ siddhaye |
yā gaṅgottaravāhinī parisare tīrtherasaṅkhyairvṛtā
sā kāśī tripurārirājanagarī deyātsadā maṅgalam || 2||
tīrthānāṃ pravarā manorathakarī saṃsārapārāparā-
nandā nandigaṇeśvarairupahitā devairaśeṣaiḥ stutā |
yā śambhormaṇikuṇḍalaikakaṇikā viṣṇostapodīrghikā
seyaṃ śrīmaṇikarṇikā bhagavatī deyātsadā maṅgalam || 3||
eṣā dharmapatākinī taṭaruhāsevāvasannākinī
paśyanpātakinī bhagīrathatapaḥsāphalyadevākinī |
premārūḍhapatākinī girisutā sā kekarāsvākinī
kāśyāmuttaravāhinī suranadī deyātsadā maṅgalam || 4||
vighnāvāsanivāsakāraṇamahāgaṇḍasthalālambitaḥ
sindūrāruṇapuñjacandrakiraṇapracchādināgacchaviḥ |
śrīviśveśvaravallabho girijayā sānandakānanditaḥ
smerāsyastava ḍhuṇḍhirājamudito deyātsadā maṅgalam ||| 5|| |
kedāraḥ kalaśeśvaraḥ paśupatirdharmeśvaro madhyamo
jyeṣṭheśo paśupaśca kandukaśivo vighneśvaro jambukaḥ |
candreśo hyamṛteśvaro bhṛguśivaḥ śrīvṛddhakāleśvaro
madhyeśo maṇikarṇikeśvaraśivo deyātsadā maṅgalam || 6||
gokarṇastvatha bhārabhūtanudanuḥ śrīcitragupteśvaro
yakṣeśastilaparṇasaṅgamaśivo śaileśvaraḥ kaśyapaḥ |
nāgeśo'gniśivo nidhīśvaraśivo'gastīśvarastāraka-
jñāneśo'pi pitāmaheśvaraśivo deyātsadā maṅgalam || 7||
brahmāṇḍaṃ sakalaṃ manoṣitarasai ratnaiḥ payobhirharaṃ
khelaiḥ pūrayate kuṭumbanilayān śambhorvilāsapradā |
nānādivyalatāvibhūṣitavapuḥ kāśīpurādhīśvarī
śrīviśveśvarasundarī bhagavatī deyātsadā maṅgalam || 8||
yā devī mahiṣāsurapramathanī yā caṇḍamuṇḍāpahā
yā śumbhāsuraraktabījadamanī śakrādibhiḥ saṃstutā |
yā śūlāsidhanuḥśarābhayakarā durgādisandakṣiṇā-
māśrityāśritavighnaśaṃsamayatu deyātsadā maṅgalam || 9||
ādyā śrīrvikaṭā tatastu virajā śrīmaṅgalā pārvatī
vikhyātā kamalā viśālanayanā jyeṣṭhā viśiṣṭānanā |
kāmākṣī ca haripriyā bhagavatī śrīghaṇṭaghaṇṭādikā
mauryā ṣaṣṭisahasramātṛsahitā deyātsadā maṅgalam || 10||
ādau pañcanadaṃ prayāgamaparaṃ kedārakuṇḍaṃ kuru-
kṣetraṃ mānasakaṃ saro'mṛtajalaṃ śāvasya tīrthaṃ param |
matsyodaryatha daṇḍakhāṇḍasalilaṃ mandākinī jambukaṃ
ghaṇṭākarṇasamudrakūpasahito deyātsadā maṅgalam || 11||
revākuṇḍajalaṃ sarasvatijalaṃ durvāsakuṇḍaṃ tato
lakṣmītīrthalavāṅkuśasya salilaṃ kandarpakuṇḍaṃ tathā |
durgākuṇḍamasījalaṃ hanumataḥ kuṇḍapratāporjitaḥ
prajñānapramukhāni vaḥ pratidinaṃ deyātsadā maṅgalam || 12||
ādyaḥ kūpavarastu kāladamanaḥ śrīvṛddhakūpo'paro
vikhyātastu parāśarastu viditaḥ kūpaḥ saro mānasaḥ |
jaigīṣavyamuneḥ śaśāṅkanṛpateḥ kūpastu dharmodbhavaḥ
khyātaḥ saptasamudrakūpasahito deyātsadā maṅgalam || 13||
lakṣyīnāyakabindumādhavaharirlakṣmīnṛsiṃhastato
govindastvatha gopikāpriyatamaḥ śrīnāradaḥ keśavaḥ |
gaṅgākeśavavāmanākhyatadanu śveto hariḥ keśavaḥ
prahlādādisamastakeśavagaṇo deyātsadā maṅgalam || 14||
lolārko vimalārkamāyukharaviḥ saṃvartasañjño ravi-
rvikhyāto drupaduḥkhakholkamaruṇaḥ proktottarārko raviḥ |
gaṅgārkastvatha vṛddhavṛddhivibudhā kāśīpurīsaṃsthitāḥ
sūryā dvādaśasañjñakāḥ pratidinaṃ deyātsadā maṅgalam || 15||
ādyo ḍhuṇḍhivināyako gaṇapatiścintāmaṇiḥ siddhidaḥ
senāvighnapatistu vaktravadanaḥ śrīpāśapāṇiḥ prabhuḥ |
āśāpakṣavināyakāpraṣakaro modādikaḥ ṣaḍguṇo
lolārkādivināyakāḥ pratidinaṃ deyātsadā maṅgalam || 16|||
herambo nalakūbaro gaṇapatiḥ śrībhīmacaṇḍīgaṇo
vikhyāto maṇikarṇikāgaṇapatiḥ śrīsiddhido vighnapaḥ |
muṇḍaścaṇḍamukhaśca kaṣṭaharaṇaḥ śrīdaṇḍahasto gaṇaḥ
śrīdurgākhyagaṇādhipaḥ pratidinaṃ deyātsadā maṅgalam || 17||
ādyo bhairavabhīṣaṇastadaparaḥ śrīkālarājaḥ kramā-
cchrīsaṃhārakabhairavastvatha ruruśconmattako bhairavaḥ |
krodhaścaṇḍakapālabhairavavaraḥ śrībhūtanāthādayo
hyaṣṭau bhairavamūrtayaḥ pratidinaṃ deyātsadā maṅgalam || 18||
ādhāto'mbikayā saha trinayanaḥ sārdhaṃ gaṇairnanditāṃ
kāśīmāśu viśan haraḥ prathamato vārṣadhvaje'vasthitaḥ |
āyātā daśa dhenavaḥ sukapilā divyaiḥ payobhirharaṃ
khyātaṃ tadvṛṣabhadhvajena kapilaṃ deyātsadā maṅgalam || 19||
ānandākhyavanaṃ hi campakavanaṃ śrīnaimiṣaṃ khāṇḍavaṃ
puṇyaṃ caitrarathaṃ tvaśākavipinaṃ rambhāvanaṃ pāvanam |
durgāraṇyamatho'pi kairavavanaṃ vṛndāvanaṃ pāvanaṃ
vikhyātāni vanāni vaḥ pratidinaṃ deyātsadā maṅgalam || 20||
alikuladalanīlaḥ kāladaṃṣṭrākarālaḥ
sajalajaladanīlo vyālayajñopavītaḥ |
abhayavaradahasto ḍāmaroddāmanādaḥ
sakaladuritabhakṣo maṅgalaṃ vo dadātu || 21||
ardhāṅge vikaṭā girīndratanayā gaurī satī sundarī
sarvāṅge vilasadvibhūtidhavalo kālo viśālekṣaṇaḥ |
vīreśaḥ sahanandibhṛṅgisahitaḥ śrīviśvanāthaḥ prabhuḥ
kāśīmandirasaṃsthito'khilagururdeyātsadā maṅgalam || 22||
yaḥ prātaḥ prayataḥ prasannamanasā premapramodākulaḥ
khyātaṃ tatra viśiṣṭapādabhuvaneśendrādibhiryatstutam |
prātaḥ prāṅmukhamāsanottamagato brūyācchṛṇotyādarāt
kāśīvāsamukhānyavāpya satataṃ prīte śive dhūrjaṭi || 23||
iti śrīmacchaṅkarācāryaviracitaṃ kāśīviśvanāthastotram ||
Sanskrit — Devanagari (original)
कण्ठे यस्य लसत्करालगरलं गङ्गाजलं मस्तके
वामाङ्गे गिरिराजराजतनया जाया भवानी सती ।
नन्दिस्कन्दगणाधिराजसहिता श्रीविश्वनाथप्रभुः
काशीमन्दिरसंस्थितोऽखिलगुरुर्देयात्सदा मङ्गलम् ॥ 1॥
यो देवैरसुरैर्मुनीन्द्रतनयैर्गन्धर्वयक्षोरगै-
र्नागैर्भूतलवासिभिर्द्विजवरैः संसेवितः सिद्धये ।
या गङ्गोत्तरवाहिनी परिसरे तीर्थेरसङ्ख्यैर्वृता
सा काशी त्रिपुरारिराजनगरी देयात्सदा मङ्गलम् ॥ 2॥
तीर्थानां प्रवरा मनोरथकरी संसारपारापरा-
नन्दा नन्दिगणेश्वरैरुपहिता देवैरशेषैः स्तुता ।
या शम्भोर्मणिकुण्डलैककणिका विष्णोस्तपोदीर्घिका
सेयं श्रीमणिकर्णिका भगवती देयात्सदा मङ्गलम् ॥ 3॥
एषा धर्मपताकिनी तटरुहासेवावसन्नाकिनी
पश्यन्पातकिनी भगीरथतपःसाफल्यदेवाकिनी ।
प्रेमारूढपताकिनी गिरिसुता सा केकरास्वाकिनी
काश्यामुत्तरवाहिनी सुरनदी देयात्सदा मङ्गलम् ॥ 4॥
विघ्नावासनिवासकारणमहागण्डस्थलालम्बितः
सिन्दूरारुणपुञ्जचन्द्रकिरणप्रच्छादिनागच्छविः ।
श्रीविश्वेश्वरवल्लभो गिरिजया सानन्दकानन्दितः
स्मेरास्यस्तव ढुण्ढिराजमुदितो देयात्सदा मङ्गलम् ॥। 5॥ ।
केदारः कलशेश्वरः पशुपतिर्धर्मेश्वरो मध्यमो
ज्येष्ठेशो पशुपश्च कन्दुकशिवो विघ्नेश्वरो जम्बुकः ।
चन्द्रेशो ह्यमृतेश्वरो भृगुशिवः श्रीवृद्धकालेश्वरो
मध्येशो मणिकर्णिकेश्वरशिवो देयात्सदा मङ्गलम् ॥ 6॥
गोकर्णस्त्वथ भारभूतनुदनुः श्रीचित्रगुप्तेश्वरो
यक्षेशस्तिलपर्णसङ्गमशिवो शैलेश्वरः कश्यपः ।
नागेशोऽग्निशिवो निधीश्वरशिवोऽगस्तीश्वरस्तारक-
ज्ञानेशोऽपि पितामहेश्वरशिवो देयात्सदा मङ्गलम् ॥ 7॥
ब्रह्माण्डं सकलं मनोषितरसै रत्नैः पयोभिर्हरं
खेलैः पूरयते कुटुम्बनिलयान् शम्भोर्विलासप्रदा ।
नानादिव्यलताविभूषितवपुः काशीपुराधीश्वरी
श्रीविश्वेश्वरसुन्दरी भगवती देयात्सदा मङ्गलम् ॥ 8॥
या देवी महिषासुरप्रमथनी या चण्डमुण्डापहा
या शुम्भासुररक्तबीजदमनी शक्रादिभिः संस्तुता ।
या शूलासिधनुःशराभयकरा दुर्गादिसन्दक्षिणा-
माश्रित्याश्रितविघ्नशंसमयतु देयात्सदा मङ्गलम् ॥ 9॥
आद्या श्रीर्विकटा ततस्तु विरजा श्रीमङ्गला पार्वती
विख्याता कमला विशालनयना ज्येष्ठा विशिष्टानना ।
कामाक्षी च हरिप्रिया भगवती श्रीघण्टघण्टादिका
मौर्या षष्टिसहस्रमातृसहिता देयात्सदा मङ्गलम् ॥ 10॥
आदौ पञ्चनदं प्रयागमपरं केदारकुण्डं कुरु-
क्षेत्रं मानसकं सरोऽमृतजलं शावस्य तीर्थं परम् ।
मत्स्योदर्यथ दण्डखाण्डसलिलं मन्दाकिनी जम्बुकं
घण्टाकर्णसमुद्रकूपसहितो देयात्सदा मङ्गलम् ॥ 11॥
रेवाकुण्डजलं सरस्वतिजलं दुर्वासकुण्डं ततो
लक्ष्मीतीर्थलवाङ्कुशस्य सलिलं कन्दर्पकुण्डं तथा ।
दुर्गाकुण्डमसीजलं हनुमतः कुण्डप्रतापोर्जितः
प्रज्ञानप्रमुखानि वः प्रतिदिनं देयात्सदा मङ्गलम् ॥ 12॥
आद्यः कूपवरस्तु कालदमनः श्रीवृद्धकूपोऽपरो
विख्यातस्तु पराशरस्तु विदितः कूपः सरो मानसः ।
जैगीषव्यमुनेः शशाङ्कनृपतेः कूपस्तु धर्मोद्भवः
ख्यातः सप्तसमुद्रकूपसहितो देयात्सदा मङ्गलम् ॥ 13॥
लक्ष्यीनायकबिन्दुमाधवहरिर्लक्ष्मीनृसिंहस्ततो
गोविन्दस्त्वथ गोपिकाप्रियतमः श्रीनारदः केशवः ।
गङ्गाकेशववामनाख्यतदनु श्वेतो हरिः केशवः
प्रह्लादादिसमस्तकेशवगणो देयात्सदा मङ्गलम् ॥ 14॥
लोलार्को विमलार्कमायुखरविः संवर्तसञ्ज्ञो रवि-
र्विख्यातो द्रुपदुःखखोल्कमरुणः प्रोक्तोत्तरार्को रविः ।
गङ्गार्कस्त्वथ वृद्धवृद्धिविबुधा काशीपुरीसंस्थिताः
सूर्या द्वादशसञ्ज्ञकाः प्रतिदिनं देयात्सदा मङ्गलम् ॥ 15॥
आद्यो ढुण्ढिविनायको गणपतिश्चिन्तामणिः सिद्धिदः
सेनाविघ्नपतिस्तु वक्त्रवदनः श्रीपाशपाणिः प्रभुः ।
आशापक्षविनायकाप्रषकरो मोदादिकः षड्गुणो
लोलार्कादिविनायकाः प्रतिदिनं देयात्सदा मङ्गलम् ॥ 16॥।
हेरम्बो नलकूबरो गणपतिः श्रीभीमचण्डीगणो
विख्यातो मणिकर्णिकागणपतिः श्रीसिद्धिदो विघ्नपः ।
मुण्डश्चण्डमुखश्च कष्टहरणः श्रीदण्डहस्तो गणः
श्रीदुर्गाख्यगणाधिपः प्रतिदिनं देयात्सदा मङ्गलम् ॥ 17॥
आद्यो भैरवभीषणस्तदपरः श्रीकालराजः क्रमा-
च्छ्रीसंहारकभैरवस्त्वथ रुरुश्चोन्मत्तको भैरवः ।
क्रोधश्चण्डकपालभैरववरः श्रीभूतनाथादयो
ह्यष्टौ भैरवमूर्तयः प्रतिदिनं देयात्सदा मङ्गलम् ॥ 18॥
आधातोऽम्बिकया सह त्रिनयनः सार्धं गणैर्नन्दितां
काशीमाशु विशन् हरः प्रथमतो वार्षध्वजेऽवस्थितः ।
आयाता दश धेनवः सुकपिला दिव्यैः पयोभिर्हरं
ख्यातं तद्वृषभध्वजेन कपिलं देयात्सदा मङ्गलम् ॥ 19॥
आनन्दाख्यवनं हि चम्पकवनं श्रीनैमिषं खाण्डवं
पुण्यं चैत्ररथं त्वशाकविपिनं रम्भावनं पावनम् ।
दुर्गारण्यमथोऽपि कैरववनं वृन्दावनं पावनं
विख्यातानि वनानि वः प्रतिदिनं देयात्सदा मङ्गलम् ॥ 20॥
अलिकुलदलनीलः कालदंष्ट्राकरालः
सजलजलदनीलो व्यालयज्ञोपवीतः ।
अभयवरदहस्तो डामरोद्दामनादः
सकलदुरितभक्षो मङ्गलं वो ददातु ॥ 21॥
अर्धाङ्गे विकटा गिरीन्द्रतनया गौरी सती सुन्दरी
सर्वाङ्गे विलसद्विभूतिधवलो कालो विशालेक्षणः ।
वीरेशः सहनन्दिभृङ्गिसहितः श्रीविश्वनाथः प्रभुः
काशीमन्दिरसंस्थितोऽखिलगुरुर्देयात्सदा मङ्गलम् ॥ 22॥
यः प्रातः प्रयतः प्रसन्नमनसा प्रेमप्रमोदाकुलः
ख्यातं तत्र विशिष्टपादभुवनेशेन्द्रादिभिर्यत्स्तुतम् ।
प्रातः प्राङ्मुखमासनोत्तमगतो ब्रूयाच्छृणोत्यादरात्
काशीवासमुखान्यवाप्य सततं प्रीते शिवे धूर्जटि ॥ 23॥
इति श्रीमच्छङ्कराचार्यविरचितं काशीविश्वनाथस्तोत्रम् ॥
kaṇṭhe yasya lasatkarālagaralaṃ gaṅgājalaṃ mastake
vāmāṅge girirājarājatanayā jāyā bhavānī satī |
nandiskandagaṇādhirājasahitā śrīviśvanāthaprabhuḥ
kāśīmandirasaṃsthito'khilagururdeyātsadā maṅgalam || 1||
yo devairasurairmunīndratanayairgandharvayakṣoragai-
rnāgairbhūtalavāsibhirdvijavaraiḥ saṃsevitaḥ siddhaye |
yā gaṅgottaravāhinī parisare tīrtherasaṅkhyairvṛtā
sā kāśī tripurārirājanagarī deyātsadā maṅgalam || 2||
tīrthānāṃ pravarā manorathakarī saṃsārapārāparā-
nandā nandigaṇeśvarairupahitā devairaśeṣaiḥ stutā |
yā śambhormaṇikuṇḍalaikakaṇikā viṣṇostapodīrghikā
seyaṃ śrīmaṇikarṇikā bhagavatī deyātsadā maṅgalam || 3||
eṣā dharmapatākinī taṭaruhāsevāvasannākinī
paśyanpātakinī bhagīrathatapaḥsāphalyadevākinī |
premārūḍhapatākinī girisutā sā kekarāsvākinī
kāśyāmuttaravāhinī suranadī deyātsadā maṅgalam || 4||
vighnāvāsanivāsakāraṇamahāgaṇḍasthalālambitaḥ
sindūrāruṇapuñjacandrakiraṇapracchādināgacchaviḥ |
śrīviśveśvaravallabho girijayā sānandakānanditaḥ
smerāsyastava ḍhuṇḍhirājamudito deyātsadā maṅgalam ||| 5|| |
kedāraḥ kalaśeśvaraḥ paśupatirdharmeśvaro madhyamo
jyeṣṭheśo paśupaśca kandukaśivo vighneśvaro jambukaḥ |
candreśo hyamṛteśvaro bhṛguśivaḥ śrīvṛddhakāleśvaro
madhyeśo maṇikarṇikeśvaraśivo deyātsadā maṅgalam || 6||
gokarṇastvatha bhārabhūtanudanuḥ śrīcitragupteśvaro
yakṣeśastilaparṇasaṅgamaśivo śaileśvaraḥ kaśyapaḥ |
nāgeśo'gniśivo nidhīśvaraśivo'gastīśvarastāraka-
jñāneśo'pi pitāmaheśvaraśivo deyātsadā maṅgalam || 7||
brahmāṇḍaṃ sakalaṃ manoṣitarasai ratnaiḥ payobhirharaṃ
khelaiḥ pūrayate kuṭumbanilayān śambhorvilāsapradā |
nānādivyalatāvibhūṣitavapuḥ kāśīpurādhīśvarī
śrīviśveśvarasundarī bhagavatī deyātsadā maṅgalam || 8||
yā devī mahiṣāsurapramathanī yā caṇḍamuṇḍāpahā
yā śumbhāsuraraktabījadamanī śakrādibhiḥ saṃstutā |
yā śūlāsidhanuḥśarābhayakarā durgādisandakṣiṇā-
māśrityāśritavighnaśaṃsamayatu deyātsadā maṅgalam || 9||
ādyā śrīrvikaṭā tatastu virajā śrīmaṅgalā pārvatī
vikhyātā kamalā viśālanayanā jyeṣṭhā viśiṣṭānanā |
kāmākṣī ca haripriyā bhagavatī śrīghaṇṭaghaṇṭādikā
mauryā ṣaṣṭisahasramātṛsahitā deyātsadā maṅgalam || 10||
ādau pañcanadaṃ prayāgamaparaṃ kedārakuṇḍaṃ kuru-
kṣetraṃ mānasakaṃ saro'mṛtajalaṃ śāvasya tīrthaṃ param |
matsyodaryatha daṇḍakhāṇḍasalilaṃ mandākinī jambukaṃ
ghaṇṭākarṇasamudrakūpasahito deyātsadā maṅgalam || 11||
revākuṇḍajalaṃ sarasvatijalaṃ durvāsakuṇḍaṃ tato
lakṣmītīrthalavāṅkuśasya salilaṃ kandarpakuṇḍaṃ tathā |
durgākuṇḍamasījalaṃ hanumataḥ kuṇḍapratāporjitaḥ
prajñānapramukhāni vaḥ pratidinaṃ deyātsadā maṅgalam || 12||
ādyaḥ kūpavarastu kāladamanaḥ śrīvṛddhakūpo'paro
vikhyātastu parāśarastu viditaḥ kūpaḥ saro mānasaḥ |
jaigīṣavyamuneḥ śaśāṅkanṛpateḥ kūpastu dharmodbhavaḥ
khyātaḥ saptasamudrakūpasahito deyātsadā maṅgalam || 13||
lakṣyīnāyakabindumādhavaharirlakṣmīnṛsiṃhastato
govindastvatha gopikāpriyatamaḥ śrīnāradaḥ keśavaḥ |
gaṅgākeśavavāmanākhyatadanu śveto hariḥ keśavaḥ
prahlādādisamastakeśavagaṇo deyātsadā maṅgalam || 14||
lolārko vimalārkamāyukharaviḥ saṃvartasañjño ravi-
rvikhyāto drupaduḥkhakholkamaruṇaḥ proktottarārko raviḥ |
gaṅgārkastvatha vṛddhavṛddhivibudhā kāśīpurīsaṃsthitāḥ
sūryā dvādaśasañjñakāḥ pratidinaṃ deyātsadā maṅgalam || 15||
ādyo ḍhuṇḍhivināyako gaṇapatiścintāmaṇiḥ siddhidaḥ
senāvighnapatistu vaktravadanaḥ śrīpāśapāṇiḥ prabhuḥ |
āśāpakṣavināyakāpraṣakaro modādikaḥ ṣaḍguṇo
lolārkādivināyakāḥ pratidinaṃ deyātsadā maṅgalam || 16|||
herambo nalakūbaro gaṇapatiḥ śrībhīmacaṇḍīgaṇo
vikhyāto maṇikarṇikāgaṇapatiḥ śrīsiddhido vighnapaḥ |
muṇḍaścaṇḍamukhaśca kaṣṭaharaṇaḥ śrīdaṇḍahasto gaṇaḥ
śrīdurgākhyagaṇādhipaḥ pratidinaṃ deyātsadā maṅgalam || 17||
ādyo bhairavabhīṣaṇastadaparaḥ śrīkālarājaḥ kramā-
cchrīsaṃhārakabhairavastvatha ruruśconmattako bhairavaḥ |
krodhaścaṇḍakapālabhairavavaraḥ śrībhūtanāthādayo
hyaṣṭau bhairavamūrtayaḥ pratidinaṃ deyātsadā maṅgalam || 18||
ādhāto'mbikayā saha trinayanaḥ sārdhaṃ gaṇairnanditāṃ
kāśīmāśu viśan haraḥ prathamato vārṣadhvaje'vasthitaḥ |
āyātā daśa dhenavaḥ sukapilā divyaiḥ payobhirharaṃ
khyātaṃ tadvṛṣabhadhvajena kapilaṃ deyātsadā maṅgalam || 19||
ānandākhyavanaṃ hi campakavanaṃ śrīnaimiṣaṃ khāṇḍavaṃ
puṇyaṃ caitrarathaṃ tvaśākavipinaṃ rambhāvanaṃ pāvanam |
durgāraṇyamatho'pi kairavavanaṃ vṛndāvanaṃ pāvanaṃ
vikhyātāni vanāni vaḥ pratidinaṃ deyātsadā maṅgalam || 20||
alikuladalanīlaḥ kāladaṃṣṭrākarālaḥ
sajalajaladanīlo vyālayajñopavītaḥ |
abhayavaradahasto ḍāmaroddāmanādaḥ
sakaladuritabhakṣo maṅgalaṃ vo dadātu || 21||
ardhāṅge vikaṭā girīndratanayā gaurī satī sundarī
sarvāṅge vilasadvibhūtidhavalo kālo viśālekṣaṇaḥ |
vīreśaḥ sahanandibhṛṅgisahitaḥ śrīviśvanāthaḥ prabhuḥ
kāśīmandirasaṃsthito'khilagururdeyātsadā maṅgalam || 22||
yaḥ prātaḥ prayataḥ prasannamanasā premapramodākulaḥ
khyātaṃ tatra viśiṣṭapādabhuvaneśendrādibhiryatstutam |
prātaḥ prāṅmukhamāsanottamagato brūyācchṛṇotyādarāt
kāśīvāsamukhānyavāpya satataṃ prīte śive dhūrjaṭi || 23||
iti śrīmacchaṅkarācāryaviracitaṃ kāśīviśvanāthastotram ||
🕉️ This is the original Sanskrit rendered in Malayalam script.
Pronunciation is identical to the Sanskrit Devanagari version.