Ashtavakra Gita Saptamo'dhyayah — Sinhala Script

ජනක උවාච ..

මය්යනන්තමහාම්භෝධෞ විශ්වපෝත ඉතස්තතඃ .

භ්රමති ස්වාන්තවාතේන න මමාස්ත්යසහිෂ්ණුතා .. 7-1..

මය්යනන්තමහාම්භෝධෞ ජගද්වීචිඃ ස්වභාවතඃ .

උදේතු වාස්තමායාතු න මේ වෘද්ධිර්න ච ක්ෂතිඃ .. 7-2..

මය්යනන්තමහාම්භෝධෞ විශ්වං නාම විකල්පනා .

අතිශාන්තෝ නිරාකාර ඒතදේවාහමාස්ථිතඃ .. 7-3..

නාත්මා භාවේෂු නෝ භාවස්තත්රානන්තේ නිරඤ්ජනේ .

ඉත්යසක්තෝ(අ)ස්පෘහඃ ශාන්ත ඒතදේවාහමාස්ථිතඃ .. 7-4..

අහෝ චින්මාත්රමේවාහමින්ද්රජාලෝපමං ජගත් .

ඉති මම කථං කුත්ර හේයෝපාදේයකල්පනා .. 7-5..

Roman (IAST) Transliteration

janaka uvāca ||

mayyanantamahāmbhodhau viśvapota itastataḥ |

bhramati svāntavātena na mamāstyasahiṣṇutā || 7-1||

mayyanantamahāmbhodhau jagadvīciḥ svabhāvataḥ |

udetu vāstamāyātu na me vṛddhirna ca kṣatiḥ || 7-2||

mayyanantamahāmbhodhau viśvaṃ nāma vikalpanā |

atiśānto nirākāra etadevāhamāsthitaḥ || 7-3||

nātmā bhāveṣu no bhāvastatrānante nirañjane |

ityasakto'spṛhaḥ śānta etadevāhamāsthitaḥ || 7-4||

aho cinmātramevāhamindrajālopamaṃ jagat |

iti mama kathaṃ kutra heyopādeyakalpanā || 7-5||

Sanskrit — Devanagari (original)

जनक उवाच ॥

मय्यनन्तमहाम्भोधौ विश्वपोत इतस्ततः ।

भ्रमति स्वान्तवातेन न ममास्त्यसहिष्णुता ॥ 7-1॥

मय्यनन्तमहाम्भोधौ जगद्वीचिः स्वभावतः ।

उदेतु वास्तमायातु न मे वृद्धिर्न च क्षतिः ॥ 7-2॥

मय्यनन्तमहाम्भोधौ विश्वं नाम विकल्पना ।

अतिशान्तो निराकार एतदेवाहमास्थितः ॥ 7-3॥

नात्मा भावेषु नो भावस्तत्रानन्ते निरञ्जने ।

इत्यसक्तोऽस्पृहः शान्त एतदेवाहमास्थितः ॥ 7-4॥

अहो चिन्मात्रमेवाहमिन्द्रजालोपमं जगत् ।

इति मम कथं कुत्र हेयोपादेयकल्पना ॥ 7-5॥