Shri Radha Krishna Ashtakam — Gujarati Script

યઃ શ્રીગોવર્ધનાદ્રિં સકલસુરપતીંસ્તત્રગોગોપબૃન્દં

સ્વીયં સંરક્ષિતું ચેત્યમરસુખકરં મોહયન્ સન્દધાર ।

તન્માનં ખણ્ડયિત્વા વિજિતરિપુકુલો નીલધારાધરાભઃ

કૃષ્ણો રાધાસમેતો વિલસતુ હૃદયે સોઽસ્મદીયે સદૈવ ॥ 1 ॥

યં દૃષ્ટ્વા કંસભૂપઃ સ્વકૃતકૃતિમહો સંસ્મરન્મન્ત્રિવર્યાન્

કિં વા પૂર્વં મયેદં કૃતમિતિ વચનં દુઃખિતઃ પ્રત્યુવાચ ।

આજ્ઞપ્તો નારદેન સ્મિતયુતવદનઃ પૂરયન્સર્વકામાન્

કૃષ્ણો રાધાસમેતો વિલસતુ હૃદયે સોઽસ્મદીયે સદૈવ ॥ 2 ॥

યેન પ્રોદ્યત્પ્રતાપા નૃપતિકુલભવાઃ પાણ્ડવાઃ કૌરવાબ્ધિં

તીર્ત્વા પારં તદીયં જગદખિલનૃણાં દુસ્તરઞ્ચેતિ જગ્મુઃ ।

તત્પત્નીચીરવૃદ્ધિપ્રવિદિતમહિમા ભૂતલે ભૂપતીશઃ

કૃષ્ણો રાધાસમેતો વિલસતુ હૃદયે સોઽસ્મદીયે સદૈવ ॥ 3 ॥

યસ્મૈ ચોદ્ધૃત્ય પાત્રાદ્દધિયુતનવનીતં કરૈર્ગોપિકાભિ-

ર્દત્તં તદ્ભાવપૂર્તૌ વિનિહિતહૃદયસ્સત્યમેવં તિરોધાત્ ।

મુક્તાગુઞ્જાવલીભિઃ પ્રચુરતમરુચિઃ કુણ્ડલાક્રાન્તગણ્ડઃ

કૃષ્ણો રાધાસમેતો વિલસતુ હૃદયે સોઽસ્મદીયે સદૈવ ॥ 4 ॥

યસ્માદ્વિશ્વાભિરામાદિહ જનનવિધૌ સર્વનન્દાદિગોપાઃ

સંસારાર્તેર્વિમુક્તાઃ સકલસુખકરાઃ સમ્પદઃ પ્રાપુરેવ ।

ઇત્થં પૂર્ણેન્દુવક્ત્રઃ કલકમલદૃશઃ સ્વીયજન્મ સ્તુવન્તઃ

કૃષ્ણો રાધાસમેતો વિલસતુ હૃદયે સોઽસ્મદીયે સદૈવ ॥ 5 ॥

યસ્ય શ્રીનન્દસૂનોઃ વ્રજયુવતિજનાશ્ચાગતા ભર્તૃપુત્રાં-

સ્ત્યક્ત્વા શ્રુત્વા સમીપે વિચકિતનયનાઃ સપ્રમોદાઃ સ્વગેહે ।

રન્તું રાસાદિલીલા મનસિજદલિતા વેણુનાદં ચ રમ્યં

કૃષ્ણો રાધાસમેતો વિલસતુ હૃદયે સોઽસ્મદીયે સદૈવ ॥ 6 ॥

યસ્મિન્ દૃષ્ટે સમસ્તે જગતિ યુવતયઃ પ્રાણનાથવ્રતાયા-

સ્તા અપ્યેવં હિ નૂનં કિમપિ ચ હૃદયે કામભાવં દધત્યઃ ।

તત્સ્નેહાબ્ધિં વપુશ્ચેદવિદિતધરણૌ સૂર્યબિમ્બસ્વરૂપાઃ

કૃષ્ણો રાધાસમેતો વિલસતુ હૃદયે સોઽસ્મદીયે સદૈવ ॥ 7 ॥

યઃ સ્વીયે ગોકુલેઽસ્મિન્વિદિતનિજકુલોદ્ભૂતબાલૈઃ સમેતો

માતર્યેવં ચકાર પ્રસૃતતમગુણાન્બાલલીલાવિલાસાન્ ।

હત્વા વત્સપ્રલમ્બદ્વિવિદબકખરાન્ગોપબૃન્દં જુગોપ

કૃષ્ણો રાધાસમેતો વિલસતુ હૃદયે સોઽસ્મદીયે સદૈવ ॥ 8 ॥

કૃષ્ણારાધાષ્ટકં પ્રાતરુત્થાય પ્રપઠેન્નરઃ ।

ય એવં સર્વદા નૂનં સ પ્રાપ્નોતિ પરાં ગતિમ્ ॥ 9 ॥

ઇતિ શ્રીરઘુનાથચાર્ય વિરચિતં શ્રીરાધાકૃષ્ણાષ્ટકમ્ ।

Roman (IAST) Transliteration

yaḥ śrīgovardhanādriṃ sakalasurapatīṃstatragogopabṛndaṃ

svīyaṃ saṃrakṣituṃ cetyamarasukhakaraṃ mohayan sandadhāra |

tanmānaṃ khaṇḍayitvā vijitaripukulo nīladhārādharābhaḥ

kṛṣṇo rādhāsameto vilasatu hṛdaye so'smadīye sadaiva || 1 ||

yaṃ dṛṣṭvā kaṃsabhūpaḥ svakṛtakṛtimaho saṃsmaranmantrivaryān

kiṃ vā pūrvaṃ mayedaṃ kṛtamiti vacanaṃ duḥkhitaḥ pratyuvāca |

ājñapto nāradena smitayutavadanaḥ pūrayansarvakāmān

kṛṣṇo rādhāsameto vilasatu hṛdaye so'smadīye sadaiva || 2 ||

yena prodyatpratāpā nṛpatikulabhavāḥ pāṇḍavāḥ kauravābdhiṃ

tīrtvā pāraṃ tadīyaṃ jagadakhilanṛṇāṃ dustarañceti jagmuḥ |

tatpatnīcīravṛddhipraviditamahimā bhūtale bhūpatīśaḥ

kṛṣṇo rādhāsameto vilasatu hṛdaye so'smadīye sadaiva || 3 ||

yasmai coddhṛtya pātrāddadhiyutanavanītaṃ karairgopikābhi-

rdattaṃ tadbhāvapūrtau vinihitahṛdayassatyamevaṃ tirodhāt |

muktāguñjāvalībhiḥ pracuratamaruciḥ kuṇḍalākrāntagaṇḍaḥ

kṛṣṇo rādhāsameto vilasatu hṛdaye so'smadīye sadaiva || 4 ||

yasmādviśvābhirāmādiha jananavidhau sarvanandādigopāḥ

saṃsārārtervimuktāḥ sakalasukhakarāḥ sampadaḥ prāpureva |

itthaṃ pūrṇenduvaktraḥ kalakamaladṛśaḥ svīyajanma stuvantaḥ

kṛṣṇo rādhāsameto vilasatu hṛdaye so'smadīye sadaiva || 5 ||

yasya śrīnandasūnoḥ vrajayuvatijanāścāgatā bhartṛputrāṃ-

styaktvā śrutvā samīpe vicakitanayanāḥ sapramodāḥ svagehe |

rantuṃ rāsādilīlā manasijadalitā veṇunādaṃ ca ramyaṃ

kṛṣṇo rādhāsameto vilasatu hṛdaye so'smadīye sadaiva || 6 ||

yasmin dṛṣṭe samaste jagati yuvatayaḥ prāṇanāthavratāyā-

stā apyevaṃ hi nūnaṃ kimapi ca hṛdaye kāmabhāvaṃ dadhatyaḥ |

tatsnehābdhiṃ vapuścedaviditadharaṇau sūryabimbasvarūpāḥ

kṛṣṇo rādhāsameto vilasatu hṛdaye so'smadīye sadaiva || 7 ||

yaḥ svīye gokule'sminviditanijakulodbhūtabālaiḥ sameto

mātaryevaṃ cakāra prasṛtatamaguṇānbālalīlāvilāsān |

hatvā vatsapralambadvividabakakharāngopabṛndaṃ jugopa

kṛṣṇo rādhāsameto vilasatu hṛdaye so'smadīye sadaiva || 8 ||

kṛṣṇārādhāṣṭakaṃ prātarutthāya prapaṭhennaraḥ |

ya evaṃ sarvadā nūnaṃ sa prāpnoti parāṃ gatim || 9 ||

iti śrīraghunāthacārya viracitaṃ śrīrādhākṛṣṇāṣṭakam |

Sanskrit — Devanagari (original)

यः श्रीगोवर्धनाद्रिं सकलसुरपतींस्तत्रगोगोपबृन्दं

स्वीयं संरक्षितुं चेत्यमरसुखकरं मोहयन् सन्दधार ।

तन्मानं खण्डयित्वा विजितरिपुकुलो नीलधाराधराभः

कृष्णो राधासमेतो विलसतु हृदये सोऽस्मदीये सदैव ॥ 1 ॥

यं दृष्ट्वा कंसभूपः स्वकृतकृतिमहो संस्मरन्मन्त्रिवर्यान्

किं वा पूर्वं मयेदं कृतमिति वचनं दुःखितः प्रत्युवाच ।

आज्ञप्तो नारदेन स्मितयुतवदनः पूरयन्सर्वकामान्

कृष्णो राधासमेतो विलसतु हृदये सोऽस्मदीये सदैव ॥ 2 ॥

येन प्रोद्यत्प्रतापा नृपतिकुलभवाः पाण्डवाः कौरवाब्धिं

तीर्त्वा पारं तदीयं जगदखिलनृणां दुस्तरञ्चेति जग्मुः ।

तत्पत्नीचीरवृद्धिप्रविदितमहिमा भूतले भूपतीशः

कृष्णो राधासमेतो विलसतु हृदये सोऽस्मदीये सदैव ॥ 3 ॥

यस्मै चोद्धृत्य पात्राद्दधियुतनवनीतं करैर्गोपिकाभि-

र्दत्तं तद्भावपूर्तौ विनिहितहृदयस्सत्यमेवं तिरोधात् ।

मुक्तागुञ्जावलीभिः प्रचुरतमरुचिः कुण्डलाक्रान्तगण्डः

कृष्णो राधासमेतो विलसतु हृदये सोऽस्मदीये सदैव ॥ 4 ॥

यस्माद्विश्वाभिरामादिह जननविधौ सर्वनन्दादिगोपाः

संसारार्तेर्विमुक्ताः सकलसुखकराः सम्पदः प्रापुरेव ।

इत्थं पूर्णेन्दुवक्त्रः कलकमलदृशः स्वीयजन्म स्तुवन्तः

कृष्णो राधासमेतो विलसतु हृदये सोऽस्मदीये सदैव ॥ 5 ॥

यस्य श्रीनन्दसूनोः व्रजयुवतिजनाश्चागता भर्तृपुत्रां-

स्त्यक्त्वा श्रुत्वा समीपे विचकितनयनाः सप्रमोदाः स्वगेहे ।

रन्तुं रासादिलीला मनसिजदलिता वेणुनादं च रम्यं

कृष्णो राधासमेतो विलसतु हृदये सोऽस्मदीये सदैव ॥ 6 ॥

यस्मिन् दृष्टे समस्ते जगति युवतयः प्राणनाथव्रताया-

स्ता अप्येवं हि नूनं किमपि च हृदये कामभावं दधत्यः ।

तत्स्नेहाब्धिं वपुश्चेदविदितधरणौ सूर्यबिम्बस्वरूपाः

कृष्णो राधासमेतो विलसतु हृदये सोऽस्मदीये सदैव ॥ 7 ॥

यः स्वीये गोकुलेऽस्मिन्विदितनिजकुलोद्भूतबालैः समेतो

मातर्येवं चकार प्रसृततमगुणान्बाललीलाविलासान् ।

हत्वा वत्सप्रलम्बद्विविदबकखरान्गोपबृन्दं जुगोप

कृष्णो राधासमेतो विलसतु हृदये सोऽस्मदीये सदैव ॥ 8 ॥

कृष्णाराधाष्टकं प्रातरुत्थाय प्रपठेन्नरः ।

य एवं सर्वदा नूनं स प्राप्नोति परां गतिम् ॥ 9 ॥

इति श्रीरघुनाथचार्य विरचितं श्रीराधाकृष्णाष्टकम् ।