Shri Radha Krishna Ashtakam — Grantha Script

𑌯𑌃 𑌶𑍍𑌰𑍀𑌗𑍋𑌵𑌰𑍍𑌧𑌨𑌾𑌦𑍍𑌰𑌿𑌂 𑌸𑌕𑌲𑌸𑍁𑌰𑌪𑌤𑍀𑌂𑌸𑍍𑌤𑌤𑍍𑌰𑌗𑍋𑌗𑍋𑌪𑌬𑍃𑌨𑍍𑌦𑌂

𑌸𑍍𑌵𑍀𑌯𑌂 𑌸𑌂𑌰𑌕𑍍𑌷𑌿𑌤𑍁𑌂 𑌚𑍇𑌤𑍍𑌯𑌮𑌰𑌸𑍁𑌖𑌕𑌰𑌂 𑌮𑍋𑌹𑌯𑌨𑍍 𑌸𑌨𑍍𑌦𑌧𑌾𑌰 ।

𑌤𑌨𑍍𑌮𑌾𑌨𑌂 𑌖𑌣𑍍𑌡𑌯𑌿𑌤𑍍𑌵𑌾 𑌵𑌿𑌜𑌿𑌤𑌰𑌿𑌪𑍁𑌕𑍁𑌲𑍋 𑌨𑍀𑌲𑌧𑌾𑌰𑌾𑌧𑌰𑌾𑌭𑌃

𑌕𑍃𑌷𑍍𑌣𑍋 𑌰𑌾𑌧𑌾𑌸𑌮𑍇𑌤𑍋 𑌵𑌿𑌲𑌸𑌤𑍁 𑌹𑍃𑌦𑌯𑍇 𑌸𑍋𑌽𑌸𑍍𑌮𑌦𑍀𑌯𑍇 𑌸𑌦𑍈𑌵 ॥ 1 ॥

𑌯𑌂 𑌦𑍃𑌷𑍍𑌟𑍍𑌵𑌾 𑌕𑌂𑌸𑌭𑍂𑌪𑌃 𑌸𑍍𑌵𑌕𑍃𑌤𑌕𑍃𑌤𑌿𑌮𑌹𑍋 𑌸𑌂𑌸𑍍𑌮𑌰𑌨𑍍𑌮𑌨𑍍𑌤𑍍𑌰𑌿𑌵𑌰𑍍𑌯𑌾𑌨𑍍

𑌕𑌿𑌂 𑌵𑌾 𑌪𑍂𑌰𑍍𑌵𑌂 𑌮𑌯𑍇𑌦𑌂 𑌕𑍃𑌤𑌮𑌿𑌤𑌿 𑌵𑌚𑌨𑌂 𑌦𑍁𑌃𑌖𑌿𑌤𑌃 𑌪𑍍𑌰𑌤𑍍𑌯𑍁𑌵𑌾𑌚 ।

𑌆𑌜𑍍𑌞𑌪𑍍𑌤𑍋 𑌨𑌾𑌰𑌦𑍇𑌨 𑌸𑍍𑌮𑌿𑌤𑌯𑍁𑌤𑌵𑌦𑌨𑌃 𑌪𑍂𑌰𑌯𑌨𑍍𑌸𑌰𑍍𑌵𑌕𑌾𑌮𑌾𑌨𑍍

𑌕𑍃𑌷𑍍𑌣𑍋 𑌰𑌾𑌧𑌾𑌸𑌮𑍇𑌤𑍋 𑌵𑌿𑌲𑌸𑌤𑍁 𑌹𑍃𑌦𑌯𑍇 𑌸𑍋𑌽𑌸𑍍𑌮𑌦𑍀𑌯𑍇 𑌸𑌦𑍈𑌵 ॥ 2 ॥

𑌯𑍇𑌨 𑌪𑍍𑌰𑍋𑌦𑍍𑌯𑌤𑍍𑌪𑍍𑌰𑌤𑌾𑌪𑌾 𑌨𑍃𑌪𑌤𑌿𑌕𑍁𑌲𑌭𑌵𑌾𑌃 𑌪𑌾𑌣𑍍𑌡𑌵𑌾𑌃 𑌕𑍗𑌰𑌵𑌾𑌬𑍍𑌧𑌿𑌂

𑌤𑍀𑌰𑍍𑌤𑍍𑌵𑌾 𑌪𑌾𑌰𑌂 𑌤𑌦𑍀𑌯𑌂 𑌜𑌗𑌦𑌖𑌿𑌲𑌨𑍃𑌣𑌾𑌂 𑌦𑍁𑌸𑍍𑌤𑌰𑌞𑍍𑌚𑍇𑌤𑌿 𑌜𑌗𑍍𑌮𑍁𑌃 ।

𑌤𑌤𑍍𑌪𑌤𑍍𑌨𑍀𑌚𑍀𑌰𑌵𑍃𑌦𑍍𑌧𑌿𑌪𑍍𑌰𑌵𑌿𑌦𑌿𑌤𑌮𑌹𑌿𑌮𑌾 𑌭𑍂𑌤𑌲𑍇 𑌭𑍂𑌪𑌤𑍀𑌶𑌃

𑌕𑍃𑌷𑍍𑌣𑍋 𑌰𑌾𑌧𑌾𑌸𑌮𑍇𑌤𑍋 𑌵𑌿𑌲𑌸𑌤𑍁 𑌹𑍃𑌦𑌯𑍇 𑌸𑍋𑌽𑌸𑍍𑌮𑌦𑍀𑌯𑍇 𑌸𑌦𑍈𑌵 ॥ 3 ॥

𑌯𑌸𑍍𑌮𑍈 𑌚𑍋𑌦𑍍𑌧𑍃𑌤𑍍𑌯 𑌪𑌾𑌤𑍍𑌰𑌾𑌦𑍍𑌦𑌧𑌿𑌯𑍁𑌤𑌨𑌵𑌨𑍀𑌤𑌂 𑌕𑌰𑍈𑌰𑍍𑌗𑍋𑌪𑌿𑌕𑌾𑌭𑌿-

𑌰𑍍𑌦𑌤𑍍𑌤𑌂 𑌤𑌦𑍍𑌭𑌾𑌵𑌪𑍂𑌰𑍍𑌤𑍗 𑌵𑌿𑌨𑌿𑌹𑌿𑌤𑌹𑍃𑌦𑌯𑌸𑍍𑌸𑌤𑍍𑌯𑌮𑍇𑌵𑌂 𑌤𑌿𑌰𑍋𑌧𑌾𑌤𑍍 ।

𑌮𑍁𑌕𑍍𑌤𑌾𑌗𑍁𑌞𑍍𑌜𑌾𑌵𑌲𑍀𑌭𑌿𑌃 𑌪𑍍𑌰𑌚𑍁𑌰𑌤𑌮𑌰𑍁𑌚𑌿𑌃 𑌕𑍁𑌣𑍍𑌡𑌲𑌾𑌕𑍍𑌰𑌾𑌨𑍍𑌤𑌗𑌣𑍍𑌡𑌃

𑌕𑍃𑌷𑍍𑌣𑍋 𑌰𑌾𑌧𑌾𑌸𑌮𑍇𑌤𑍋 𑌵𑌿𑌲𑌸𑌤𑍁 𑌹𑍃𑌦𑌯𑍇 𑌸𑍋𑌽𑌸𑍍𑌮𑌦𑍀𑌯𑍇 𑌸𑌦𑍈𑌵 ॥ 4 ॥

𑌯𑌸𑍍𑌮𑌾𑌦𑍍𑌵𑌿𑌶𑍍𑌵𑌾𑌭𑌿𑌰𑌾𑌮𑌾𑌦𑌿𑌹 𑌜𑌨𑌨𑌵𑌿𑌧𑍗 𑌸𑌰𑍍𑌵𑌨𑌨𑍍𑌦𑌾𑌦𑌿𑌗𑍋𑌪𑌾𑌃

𑌸𑌂𑌸𑌾𑌰𑌾𑌰𑍍𑌤𑍇𑌰𑍍𑌵𑌿𑌮𑍁𑌕𑍍𑌤𑌾𑌃 𑌸𑌕𑌲𑌸𑍁𑌖𑌕𑌰𑌾𑌃 𑌸𑌮𑍍𑌪𑌦𑌃 𑌪𑍍𑌰𑌾𑌪𑍁𑌰𑍇𑌵 ।

𑌇𑌤𑍍𑌥𑌂 𑌪𑍂𑌰𑍍𑌣𑍇𑌨𑍍𑌦𑍁𑌵𑌕𑍍𑌤𑍍𑌰𑌃 𑌕𑌲𑌕𑌮𑌲𑌦𑍃𑌶𑌃 𑌸𑍍𑌵𑍀𑌯𑌜𑌨𑍍𑌮 𑌸𑍍𑌤𑍁𑌵𑌨𑍍𑌤𑌃

𑌕𑍃𑌷𑍍𑌣𑍋 𑌰𑌾𑌧𑌾𑌸𑌮𑍇𑌤𑍋 𑌵𑌿𑌲𑌸𑌤𑍁 𑌹𑍃𑌦𑌯𑍇 𑌸𑍋𑌽𑌸𑍍𑌮𑌦𑍀𑌯𑍇 𑌸𑌦𑍈𑌵 ॥ 5 ॥

𑌯𑌸𑍍𑌯 𑌶𑍍𑌰𑍀𑌨𑌨𑍍𑌦𑌸𑍂𑌨𑍋𑌃 𑌵𑍍𑌰𑌜𑌯𑍁𑌵𑌤𑌿𑌜𑌨𑌾𑌶𑍍𑌚𑌾𑌗𑌤𑌾 𑌭𑌰𑍍𑌤𑍃𑌪𑍁𑌤𑍍𑌰𑌾𑌂-

𑌸𑍍𑌤𑍍𑌯𑌕𑍍𑌤𑍍𑌵𑌾 𑌶𑍍𑌰𑍁𑌤𑍍𑌵𑌾 𑌸𑌮𑍀𑌪𑍇 𑌵𑌿𑌚𑌕𑌿𑌤𑌨𑌯𑌨𑌾𑌃 𑌸𑌪𑍍𑌰𑌮𑍋𑌦𑌾𑌃 𑌸𑍍𑌵𑌗𑍇𑌹𑍇 ।

𑌰𑌨𑍍𑌤𑍁𑌂 𑌰𑌾𑌸𑌾𑌦𑌿𑌲𑍀𑌲𑌾 𑌮𑌨𑌸𑌿𑌜𑌦𑌲𑌿𑌤𑌾 𑌵𑍇𑌣𑍁𑌨𑌾𑌦𑌂 𑌚 𑌰𑌮𑍍𑌯𑌂

𑌕𑍃𑌷𑍍𑌣𑍋 𑌰𑌾𑌧𑌾𑌸𑌮𑍇𑌤𑍋 𑌵𑌿𑌲𑌸𑌤𑍁 𑌹𑍃𑌦𑌯𑍇 𑌸𑍋𑌽𑌸𑍍𑌮𑌦𑍀𑌯𑍇 𑌸𑌦𑍈𑌵 ॥ 6 ॥

𑌯𑌸𑍍𑌮𑌿𑌨𑍍 𑌦𑍃𑌷𑍍𑌟𑍇 𑌸𑌮𑌸𑍍𑌤𑍇 𑌜𑌗𑌤𑌿 𑌯𑍁𑌵𑌤𑌯𑌃 𑌪𑍍𑌰𑌾𑌣𑌨𑌾𑌥𑌵𑍍𑌰𑌤𑌾𑌯𑌾-

𑌸𑍍𑌤𑌾 𑌅𑌪𑍍𑌯𑍇𑌵𑌂 𑌹𑌿 𑌨𑍂𑌨𑌂 𑌕𑌿𑌮𑌪𑌿 𑌚 𑌹𑍃𑌦𑌯𑍇 𑌕𑌾𑌮𑌭𑌾𑌵𑌂 𑌦𑌧𑌤𑍍𑌯𑌃 ।

𑌤𑌤𑍍𑌸𑍍𑌨𑍇𑌹𑌾𑌬𑍍𑌧𑌿𑌂 𑌵𑌪𑍁𑌶𑍍𑌚𑍇𑌦𑌵𑌿𑌦𑌿𑌤𑌧𑌰𑌣𑍗 𑌸𑍂𑌰𑍍𑌯𑌬𑌿𑌮𑍍𑌬𑌸𑍍𑌵𑌰𑍂𑌪𑌾𑌃

𑌕𑍃𑌷𑍍𑌣𑍋 𑌰𑌾𑌧𑌾𑌸𑌮𑍇𑌤𑍋 𑌵𑌿𑌲𑌸𑌤𑍁 𑌹𑍃𑌦𑌯𑍇 𑌸𑍋𑌽𑌸𑍍𑌮𑌦𑍀𑌯𑍇 𑌸𑌦𑍈𑌵 ॥ 7 ॥

𑌯𑌃 𑌸𑍍𑌵𑍀𑌯𑍇 𑌗𑍋𑌕𑍁𑌲𑍇𑌽𑌸𑍍𑌮𑌿𑌨𑍍𑌵𑌿𑌦𑌿𑌤𑌨𑌿𑌜𑌕𑍁𑌲𑍋𑌦𑍍𑌭𑍂𑌤𑌬𑌾𑌲𑍈𑌃 𑌸𑌮𑍇𑌤𑍋

𑌮𑌾𑌤𑌰𑍍𑌯𑍇𑌵𑌂 𑌚𑌕𑌾𑌰 𑌪𑍍𑌰𑌸𑍃𑌤𑌤𑌮𑌗𑍁𑌣𑌾𑌨𑍍𑌬𑌾𑌲𑌲𑍀𑌲𑌾𑌵𑌿𑌲𑌾𑌸𑌾𑌨𑍍 ।

𑌹𑌤𑍍𑌵𑌾 𑌵𑌤𑍍𑌸𑌪𑍍𑌰𑌲𑌮𑍍𑌬𑌦𑍍𑌵𑌿𑌵𑌿𑌦𑌬𑌕𑌖𑌰𑌾𑌨𑍍𑌗𑍋𑌪𑌬𑍃𑌨𑍍𑌦𑌂 𑌜𑍁𑌗𑍋𑌪

𑌕𑍃𑌷𑍍𑌣𑍋 𑌰𑌾𑌧𑌾𑌸𑌮𑍇𑌤𑍋 𑌵𑌿𑌲𑌸𑌤𑍁 𑌹𑍃𑌦𑌯𑍇 𑌸𑍋𑌽𑌸𑍍𑌮𑌦𑍀𑌯𑍇 𑌸𑌦𑍈𑌵 ॥ 8 ॥

𑌕𑍃𑌷𑍍𑌣𑌾𑌰𑌾𑌧𑌾𑌷𑍍𑌟𑌕𑌂 𑌪𑍍𑌰𑌾𑌤𑌰𑍁𑌤𑍍𑌥𑌾𑌯 𑌪𑍍𑌰𑌪𑌠𑍇𑌨𑍍𑌨𑌰𑌃 ।

𑌯 𑌏𑌵𑌂 𑌸𑌰𑍍𑌵𑌦𑌾 𑌨𑍂𑌨𑌂 𑌸 𑌪𑍍𑌰𑌾𑌪𑍍𑌨𑍋𑌤𑌿 𑌪𑌰𑌾𑌂 𑌗𑌤𑌿𑌮𑍍 ॥ 9 ॥

𑌇𑌤𑌿 𑌶𑍍𑌰𑍀𑌰𑌘𑍁𑌨𑌾𑌥𑌚𑌾𑌰𑍍𑌯 𑌵𑌿𑌰𑌚𑌿𑌤𑌂 𑌶𑍍𑌰𑍀𑌰𑌾𑌧𑌾𑌕𑍃𑌷𑍍𑌣𑌾𑌷𑍍𑌟𑌕𑌮𑍍 ।

Roman (IAST) Transliteration

yaḥ śrīgovardhanādriṃ sakalasurapatīṃstatragogopabṛndaṃ

svīyaṃ saṃrakṣituṃ cetyamarasukhakaraṃ mohayan sandadhāra |

tanmānaṃ khaṇḍayitvā vijitaripukulo nīladhārādharābhaḥ

kṛṣṇo rādhāsameto vilasatu hṛdaye so'smadīye sadaiva || 1 ||

yaṃ dṛṣṭvā kaṃsabhūpaḥ svakṛtakṛtimaho saṃsmaranmantrivaryān

kiṃ vā pūrvaṃ mayedaṃ kṛtamiti vacanaṃ duḥkhitaḥ pratyuvāca |

ājñapto nāradena smitayutavadanaḥ pūrayansarvakāmān

kṛṣṇo rādhāsameto vilasatu hṛdaye so'smadīye sadaiva || 2 ||

yena prodyatpratāpā nṛpatikulabhavāḥ pāṇḍavāḥ kauravābdhiṃ

tīrtvā pāraṃ tadīyaṃ jagadakhilanṛṇāṃ dustarañceti jagmuḥ |

tatpatnīcīravṛddhipraviditamahimā bhūtale bhūpatīśaḥ

kṛṣṇo rādhāsameto vilasatu hṛdaye so'smadīye sadaiva || 3 ||

yasmai coddhṛtya pātrāddadhiyutanavanītaṃ karairgopikābhi-

rdattaṃ tadbhāvapūrtau vinihitahṛdayassatyamevaṃ tirodhāt |

muktāguñjāvalībhiḥ pracuratamaruciḥ kuṇḍalākrāntagaṇḍaḥ

kṛṣṇo rādhāsameto vilasatu hṛdaye so'smadīye sadaiva || 4 ||

yasmādviśvābhirāmādiha jananavidhau sarvanandādigopāḥ

saṃsārārtervimuktāḥ sakalasukhakarāḥ sampadaḥ prāpureva |

itthaṃ pūrṇenduvaktraḥ kalakamaladṛśaḥ svīyajanma stuvantaḥ

kṛṣṇo rādhāsameto vilasatu hṛdaye so'smadīye sadaiva || 5 ||

yasya śrīnandasūnoḥ vrajayuvatijanāścāgatā bhartṛputrāṃ-

styaktvā śrutvā samīpe vicakitanayanāḥ sapramodāḥ svagehe |

rantuṃ rāsādilīlā manasijadalitā veṇunādaṃ ca ramyaṃ

kṛṣṇo rādhāsameto vilasatu hṛdaye so'smadīye sadaiva || 6 ||

yasmin dṛṣṭe samaste jagati yuvatayaḥ prāṇanāthavratāyā-

stā apyevaṃ hi nūnaṃ kimapi ca hṛdaye kāmabhāvaṃ dadhatyaḥ |

tatsnehābdhiṃ vapuścedaviditadharaṇau sūryabimbasvarūpāḥ

kṛṣṇo rādhāsameto vilasatu hṛdaye so'smadīye sadaiva || 7 ||

yaḥ svīye gokule'sminviditanijakulodbhūtabālaiḥ sameto

mātaryevaṃ cakāra prasṛtatamaguṇānbālalīlāvilāsān |

hatvā vatsapralambadvividabakakharāngopabṛndaṃ jugopa

kṛṣṇo rādhāsameto vilasatu hṛdaye so'smadīye sadaiva || 8 ||

kṛṣṇārādhāṣṭakaṃ prātarutthāya prapaṭhennaraḥ |

ya evaṃ sarvadā nūnaṃ sa prāpnoti parāṃ gatim || 9 ||

iti śrīraghunāthacārya viracitaṃ śrīrādhākṛṣṇāṣṭakam |

Sanskrit — Devanagari (original)

यः श्रीगोवर्धनाद्रिं सकलसुरपतींस्तत्रगोगोपबृन्दं

स्वीयं संरक्षितुं चेत्यमरसुखकरं मोहयन् सन्दधार ।

तन्मानं खण्डयित्वा विजितरिपुकुलो नीलधाराधराभः

कृष्णो राधासमेतो विलसतु हृदये सोऽस्मदीये सदैव ॥ 1 ॥

यं दृष्ट्वा कंसभूपः स्वकृतकृतिमहो संस्मरन्मन्त्रिवर्यान्

किं वा पूर्वं मयेदं कृतमिति वचनं दुःखितः प्रत्युवाच ।

आज्ञप्तो नारदेन स्मितयुतवदनः पूरयन्सर्वकामान्

कृष्णो राधासमेतो विलसतु हृदये सोऽस्मदीये सदैव ॥ 2 ॥

येन प्रोद्यत्प्रतापा नृपतिकुलभवाः पाण्डवाः कौरवाब्धिं

तीर्त्वा पारं तदीयं जगदखिलनृणां दुस्तरञ्चेति जग्मुः ।

तत्पत्नीचीरवृद्धिप्रविदितमहिमा भूतले भूपतीशः

कृष्णो राधासमेतो विलसतु हृदये सोऽस्मदीये सदैव ॥ 3 ॥

यस्मै चोद्धृत्य पात्राद्दधियुतनवनीतं करैर्गोपिकाभि-

र्दत्तं तद्भावपूर्तौ विनिहितहृदयस्सत्यमेवं तिरोधात् ।

मुक्तागुञ्जावलीभिः प्रचुरतमरुचिः कुण्डलाक्रान्तगण्डः

कृष्णो राधासमेतो विलसतु हृदये सोऽस्मदीये सदैव ॥ 4 ॥

यस्माद्विश्वाभिरामादिह जननविधौ सर्वनन्दादिगोपाः

संसारार्तेर्विमुक्ताः सकलसुखकराः सम्पदः प्रापुरेव ।

इत्थं पूर्णेन्दुवक्त्रः कलकमलदृशः स्वीयजन्म स्तुवन्तः

कृष्णो राधासमेतो विलसतु हृदये सोऽस्मदीये सदैव ॥ 5 ॥

यस्य श्रीनन्दसूनोः व्रजयुवतिजनाश्चागता भर्तृपुत्रां-

स्त्यक्त्वा श्रुत्वा समीपे विचकितनयनाः सप्रमोदाः स्वगेहे ।

रन्तुं रासादिलीला मनसिजदलिता वेणुनादं च रम्यं

कृष्णो राधासमेतो विलसतु हृदये सोऽस्मदीये सदैव ॥ 6 ॥

यस्मिन् दृष्टे समस्ते जगति युवतयः प्राणनाथव्रताया-

स्ता अप्येवं हि नूनं किमपि च हृदये कामभावं दधत्यः ।

तत्स्नेहाब्धिं वपुश्चेदविदितधरणौ सूर्यबिम्बस्वरूपाः

कृष्णो राधासमेतो विलसतु हृदये सोऽस्मदीये सदैव ॥ 7 ॥

यः स्वीये गोकुलेऽस्मिन्विदितनिजकुलोद्भूतबालैः समेतो

मातर्येवं चकार प्रसृततमगुणान्बाललीलाविलासान् ।

हत्वा वत्सप्रलम्बद्विविदबकखरान्गोपबृन्दं जुगोप

कृष्णो राधासमेतो विलसतु हृदये सोऽस्मदीये सदैव ॥ 8 ॥

कृष्णाराधाष्टकं प्रातरुत्थाय प्रपठेन्नरः ।

य एवं सर्वदा नूनं स प्राप्नोति परां गतिम् ॥ 9 ॥

इति श्रीरघुनाथचार्य विरचितं श्रीराधाकृष्णाष्टकम् ।