𑌅𑌸𑍍𑌯 𑌶𑍍𑌰𑍀 𑌸𑍂𑌰𑍍𑌯 𑌸𑌹𑌸𑍍𑌰𑌨𑌾𑌮 𑌸𑍍𑌤𑍋𑌤𑍍𑌰𑌸𑍍𑌯 𑌵𑍇𑌦𑌵𑍍𑌯𑌾𑌸 𑌋𑌷𑌿𑌃 𑌅𑌨𑍁𑌷𑍍𑌟𑍁𑌪𑍍𑌛𑌨𑍍𑌦𑌃 𑌸𑌵𑌿𑌤𑌾 𑌦𑍇𑌵𑌤𑌾 𑌸𑌰𑍍𑌵𑌾𑌭𑍀𑌷𑍍𑌟 𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ।
𑌧𑍍𑌯𑌾𑌨𑌮𑍍 ।
𑌧𑍍𑌯𑍇𑌯𑌃 𑌸𑌦𑌾 𑌸𑌵𑌿𑌤𑍃𑌮𑌣𑍍𑌡𑌲𑌮𑌧𑍍𑌯𑌵𑌰𑍍𑌤𑍀
𑌨𑌾𑌰𑌾𑌯𑌣𑌃 𑌸𑌰𑌸𑌿𑌜𑌾𑌸𑌨𑌸𑌨𑍍𑌨𑌿𑌵𑌿𑌷𑍍𑌟𑌃 ।
𑌕𑍇𑌯𑍂𑌰𑌵𑌾𑌨𑍍 𑌮𑌕𑌰𑌕𑍁𑌣𑍍𑌡𑌲𑌵𑌾𑌨𑍍 𑌕𑌿𑌰𑍀𑌟𑍀
𑌹𑌾𑌰𑍀 𑌹𑌿𑌰𑌣𑍍𑌮𑌯𑌵𑌪𑍁𑌰𑍍𑌧𑍃𑌤𑌶𑌙𑍍𑌖𑌚𑌕𑍍𑌰𑌃 ॥
𑌸𑍍𑌤𑍋𑌤𑍍𑌰𑌮𑍍 ।
𑍐 𑌵𑌿𑌶𑍍𑌵𑌵𑌿𑌦𑍍𑌵𑌿𑌶𑍍𑌵𑌜𑌿𑌤𑍍𑌕𑌰𑍍𑌤𑌾 𑌵𑌿𑌶𑍍𑌵𑌾𑌤𑍍𑌮𑌾 𑌵𑌿𑌶𑍍𑌵𑌤𑍋𑌮𑍁𑌖𑌃 ।
𑌵𑌿𑌶𑍍𑌵𑍇𑌶𑍍𑌵𑌰𑍋 𑌵𑌿𑌶𑍍𑌵𑌯𑍋𑌨𑌿𑌰𑍍𑌨𑌿𑌯𑌤𑌾𑌤𑍍𑌮𑌾 𑌜𑌿𑌤𑍇𑌨𑍍𑌦𑍍𑌰𑌿𑌯𑌃 ॥ 1 ॥
𑌕𑌾𑌲𑌾𑌶𑍍𑌰𑌯𑌃 𑌕𑌾𑌲𑌕𑌰𑍍𑌤𑌾 𑌕𑌾𑌲𑌹𑌾 𑌕𑌾𑌲𑌨𑌾𑌶𑌨𑌃 ।
𑌮𑌹𑌾𑌯𑍋𑌗𑍀 𑌮𑌹𑌾𑌸𑌿𑌦𑍍𑌧𑌿𑌰𑍍𑌮𑌹𑌾𑌤𑍍𑌮𑌾 𑌸𑍁𑌮𑌹𑌾𑌬𑌲𑌃 ॥ 2 ॥
𑌪𑍍𑌰𑌭𑍁𑌰𑍍𑌵𑌿𑌭𑍁𑌰𑍍𑌭𑍂𑌤𑌨𑌾𑌥𑍋 𑌭𑍂𑌤𑌾𑌤𑍍𑌮𑌾 𑌭𑍁𑌵𑌨𑍇𑌶𑍍𑌵𑌰𑌃 ।
𑌭𑍂𑌤𑌭𑌵𑍍𑌯𑍋 𑌭𑌾𑌵𑌿𑌤𑌾𑌤𑍍𑌮𑌾 𑌭𑍂𑌤𑌾𑌨𑍍𑌤𑌃𑌕𑌰𑌣𑌂 𑌶𑌿𑌵𑌃 ॥ 3 ॥
𑌶𑌰𑌣𑍍𑌯𑌃 𑌕𑌮𑌲𑌾𑌨𑌨𑍍𑌦𑍋 𑌨𑌨𑍍𑌦𑌨𑍋 𑌨𑌨𑍍𑌦𑌵𑌰𑍍𑌧𑌨𑌃 ।
𑌵𑌰𑍇𑌣𑍍𑌯𑍋 𑌵𑌰𑌦𑍋 𑌯𑍋𑌗𑍀 𑌸𑍁𑌸𑌂𑌯𑍁𑌕𑍍𑌤𑌃 𑌪𑍍𑌰𑌕𑌾𑌶𑌕𑌃 ॥ 4 ॥
𑌪𑍍𑌰𑌾𑌪𑍍𑌤𑌯𑌾𑌨𑌃 𑌪𑌰𑌪𑍍𑌰𑌾𑌣𑌃 𑌪𑍂𑌤𑌾𑌤𑍍𑌮𑌾 𑌪𑍍𑌰𑌿𑌯𑌤𑌃 𑌪𑍍𑌰𑌿𑌯𑌃 । [𑌪𑍍𑌰𑌯𑌤𑌃]
𑌨𑌯𑌃 𑌸𑌹𑌸𑍍𑌰𑌪𑌾𑌤𑍍 𑌸𑌾𑌧𑍁𑌰𑍍𑌦𑌿𑌵𑍍𑌯𑌕𑍁𑌣𑍍𑌡𑌲𑌮𑌣𑍍𑌡𑌿𑌤𑌃 ॥ 5 ॥
𑌅𑌵𑍍𑌯𑌙𑍍𑌗𑌧𑌾𑌰𑍀 𑌧𑍀𑌰𑌾𑌤𑍍𑌮𑌾 𑌸𑌵𑌿𑌤𑌾 𑌵𑌾𑌯𑍁𑌵𑌾𑌹𑌨𑌃 ।
𑌸𑌮𑌾𑌹𑌿𑌤𑌮𑌤𑌿𑌰𑍍𑌦𑌾𑌤𑌾 𑌵𑌿𑌧𑌾𑌤𑌾 𑌕𑍃𑌤𑌮𑌙𑍍𑌗𑌲𑌃 ॥ 6 ॥
𑌕𑌪𑌰𑍍𑌦𑍀 𑌕𑌲𑍍𑌪𑌪𑌾𑌦𑍍𑌰𑍁𑌦𑍍𑌰𑌃 𑌸𑍁𑌮𑌨𑌾 𑌧𑌰𑍍𑌮𑌵𑌤𑍍𑌸𑌲𑌃 ।
𑌸𑌮𑌾𑌯𑍁𑌕𑍍𑌤𑍋 𑌵𑌿𑌮𑍁𑌕𑍍𑌤𑌾𑌤𑍍𑌮𑌾 𑌕𑍃𑌤𑌾𑌤𑍍𑌮𑌾 𑌕𑍃𑌤𑌿𑌨𑌾𑌂 𑌵𑌰𑌃 ॥ 7 ॥
𑌅𑌵𑌿𑌚𑌿𑌨𑍍𑌤𑍍𑌯𑌵𑌪𑍁𑌃 𑌶𑍍𑌰𑍇𑌷𑍍𑌠𑍋 𑌮𑌹𑌾𑌯𑍋𑌗𑍀 𑌮𑌹𑍇𑌶𑍍𑌵𑌰𑌃 ।
𑌕𑌾𑌨𑍍𑌤𑌃 𑌕𑌾𑌮𑌾𑌰𑌿𑌰𑌾𑌦𑌿𑌤𑍍𑌯𑍋 𑌨𑌿𑌯𑌤𑌾𑌤𑍍𑌮𑌾 𑌨𑌿𑌰𑌾𑌕𑍁𑌲𑌃 ॥ 8 ॥
𑌕𑌾𑌮𑌃 𑌕𑌾𑌰𑍁𑌣𑌿𑌕𑌃 𑌕𑌰𑍍𑌤𑌾 𑌕𑌮𑌲𑌾𑌕𑌰𑌬𑍋𑌧𑌨𑌃 ।
𑌸𑌪𑍍𑌤𑌸𑌪𑍍𑌤𑌿𑌰𑌚𑌿𑌨𑍍𑌤𑍍𑌯𑌾𑌤𑍍𑌮𑌾 𑌮𑌹𑌾𑌕𑌾𑌰𑍁𑌣𑌿𑌕𑍋𑌤𑍍𑌤𑌮𑌃 ॥ 9 ॥
𑌸𑌞𑍍𑌜𑍀𑌵𑌨𑍋 𑌜𑍀𑌵𑌨𑌾𑌥𑍋 𑌜𑌯𑍋 𑌜𑍀𑌵𑍋 𑌜𑌗𑌤𑍍𑌪𑌤𑌿𑌃 ।
𑌅𑌯𑍁𑌕𑍍𑌤𑍋 𑌵𑌿𑌶𑍍𑌵𑌨𑌿𑌲𑌯𑌃 𑌸𑌂𑌵𑌿𑌭𑌾𑌗𑍀 𑌵𑍃𑌷𑌧𑍍𑌵𑌜𑌃 ॥ 10 ॥
𑌵𑍃𑌷𑌾𑌕𑌪𑌿𑌃 𑌕𑌲𑍍𑌪𑌕𑌰𑍍𑌤𑌾 𑌕𑌲𑍍𑌪𑌾𑌨𑍍𑌤𑌕𑌰𑌣𑍋 𑌰𑌵𑌿𑌃 ।
𑌏𑌕𑌚𑌕𑍍𑌰𑌰𑌥𑍋 𑌮𑍗𑌨𑍀 𑌸𑍁𑌰𑌥𑍋 𑌰𑌥𑌿𑌨𑌾𑌂 𑌵𑌰𑌃 ॥ 11 ॥
𑌸𑌕𑍍𑌰𑍋𑌧𑌨𑍋 𑌰𑌶𑍍𑌮𑌿𑌮𑌾𑌲𑍀 𑌤𑍇𑌜𑍋𑌰𑌾𑌶𑌿𑌰𑍍𑌵𑌿𑌭𑌾𑌵𑌸𑍁𑌃 ।
𑌦𑌿𑌵𑍍𑌯𑌕𑍃𑌦𑍍𑌦𑌿𑌨𑌕𑍃𑌦𑍍𑌦𑍇𑌵𑍋 𑌦𑍇𑌵𑌦𑍇𑌵𑍋 𑌦𑌿𑌵𑌸𑍍𑌪𑌤𑌿𑌃 ॥ 12 ॥
𑌦𑍀𑌨𑌨𑌾𑌥𑍋 𑌹𑌰𑍋 𑌹𑍋𑌤𑌾 𑌦𑌿𑌵𑍍𑌯𑌬𑌾𑌹𑍁𑌰𑍍𑌦𑌿𑌵𑌾𑌕𑌰𑌃 ।
𑌯𑌜𑍍𑌞𑍋 𑌯𑌜𑍍𑌞𑌪𑌤𑌿𑌃 𑌪𑍂𑌷𑌾 𑌸𑍍𑌵𑌰𑍍𑌣𑌰𑍇𑌤𑌾𑌃 𑌪𑌰𑌾𑌵𑌰𑌃 ॥ 13 ॥
𑌪𑌰𑌾𑌪𑌰𑌜𑍍𑌞𑌸𑍍𑌤𑌰𑌣𑌿𑌰𑌂𑌶𑍁𑌮𑌾𑌲𑍀 𑌮𑌨𑍋𑌹𑌰𑌃 ।
𑌪𑍍𑌰𑌾𑌜𑍍𑌞𑌃 𑌪𑍍𑌰𑌾𑌜𑍍𑌞𑌪𑌤𑌿𑌃 𑌸𑍂𑌰𑍍𑌯𑌃 𑌸𑌵𑌿𑌤𑌾 𑌵𑌿𑌷𑍍𑌣𑍁𑌰𑌂𑌶𑍁𑌮𑌾𑌨𑍍 ॥ 14 ॥
𑌸𑌦𑌾𑌗𑌤𑌿𑌰𑍍𑌗𑌨𑍍𑌧𑌵𑌹𑍋 𑌵𑌿𑌹𑌿𑌤𑍋 𑌵𑌿𑌧𑌿𑌰𑌾𑌶𑍁𑌗𑌃 ।
𑌪𑌤𑌙𑍍𑌗𑌃 𑌪𑌤𑌗𑌃 𑌸𑍍𑌥𑌾𑌣𑍁𑌰𑍍𑌵𑌿𑌹𑌙𑍍𑌗𑍋 𑌵𑌿𑌹𑌗𑍋 𑌵𑌰𑌃 ॥ 15 ॥
𑌹𑌰𑍍𑌯𑌶𑍍𑌵𑍋 𑌹𑌰𑌿𑌤𑌾𑌶𑍍𑌵𑌶𑍍𑌚 𑌹𑌰𑌿𑌦𑌶𑍍𑌵𑍋 𑌜𑌗𑌤𑍍𑌪𑍍𑌰𑌿𑌯𑌃 ।
𑌤𑍍𑌰𑍍𑌯𑌮𑍍𑌬𑌕𑌃 𑌸𑌰𑍍𑌵𑌦𑌮𑌨𑍋 𑌭𑌾𑌵𑌿𑌤𑌾𑌤𑍍𑌮𑌾 𑌭𑌿𑌷𑌗𑍍𑌵𑌰𑌃 ॥ 16 ॥
𑌆𑌲𑍋𑌕𑌕𑍃𑌲𑍍𑌲𑍋𑌕𑌨𑌾𑌥𑍋 𑌲𑍋𑌕𑌾𑌲𑍋𑌕𑌨𑌮𑌸𑍍𑌕𑍃𑌤𑌃 ।
𑌕𑌾𑌲𑌃 𑌕𑌲𑍍𑌪𑌾𑌨𑍍𑌤𑌕𑍋 𑌵𑌹𑍍𑌨𑌿𑌸𑍍𑌤𑌪𑌨𑌃 𑌸𑌮𑍍𑌪𑍍𑌰𑌤𑌾𑌪𑌨𑌃 ॥ 17 ॥
𑌵𑌿𑌲𑍋𑌚𑌨𑍋 𑌵𑌿𑌰𑍂𑌪𑌾𑌕𑍍𑌷𑌃 𑌸𑌹𑌸𑍍𑌰𑌾𑌕𑍍𑌷𑌃 𑌪𑍁𑌰𑌨𑍍𑌦𑌰𑌃 ।
𑌸𑌹𑌸𑍍𑌰𑌰𑌶𑍍𑌮𑌿𑌰𑍍𑌮𑌿𑌹𑌿𑌰𑍋 𑌵𑌿𑌵𑌿𑌧𑌾𑌮𑍍𑌬𑌰𑌭𑍂𑌷𑌣𑌃 ॥ 18 ॥
𑌖𑌗𑌃 𑌪𑍍𑌰𑌤𑌰𑍍𑌦𑌨𑍋 𑌧𑌨𑍍𑌯𑍋 𑌹𑌯𑌗𑍋 𑌵𑌾𑌗𑍍𑌵𑌿𑌶𑌾𑌰𑌦𑌃 ।
𑌶𑍍𑌰𑍀𑌮𑌾𑌨𑌶𑌿𑌶𑌿𑌰𑍋 𑌵𑌾𑌗𑍍𑌮𑍀 𑌶𑍍𑌰𑍀𑌪𑌤𑌿𑌃 𑌶𑍍𑌰𑍀𑌨𑌿𑌕𑍇𑌤𑌨𑌃 ॥ 19 ॥
𑌶𑍍𑌰𑍀𑌕𑌣𑍍𑌠𑌃 𑌶𑍍𑌰𑍀𑌧𑌰𑌃 𑌶𑍍𑌰𑍀𑌮𑌾𑌨𑍍 𑌶𑍍𑌰𑍀𑌨𑌿𑌵𑌾𑌸𑍋 𑌵𑌸𑍁𑌪𑍍𑌰𑌦𑌃 ।
𑌕𑌾𑌮𑌚𑌾𑌰𑍀 𑌮𑌹𑌾𑌮𑌾𑌯𑍋 𑌮𑌹𑍋𑌗𑍍𑌰𑍋𑌽𑌵𑌿𑌦𑌿𑌤𑌾𑌮𑌯𑌃 ॥ 20 ॥
𑌤𑍀𑌰𑍍𑌥𑌕𑍍𑌰𑌿𑌯𑌾𑌵𑌾𑌨𑍍 𑌸𑍁𑌨𑌯𑍋 𑌵𑌿𑌭𑌕𑍍𑌤𑍋 𑌭𑌕𑍍𑌤𑌵𑌤𑍍𑌸𑌲𑌃 ।
𑌕𑍀𑌰𑍍𑌤𑌿𑌃 𑌕𑍀𑌰𑍍𑌤𑌿𑌕𑌰𑍋 𑌨𑌿𑌤𑍍𑌯𑌃 𑌕𑍁𑌣𑍍𑌡𑌲𑍀 𑌕𑌵𑌚𑍀 𑌰𑌥𑍀 ॥ 21 ॥
𑌹𑌿𑌰𑌣𑍍𑌯𑌰𑍇𑌤𑌾𑌃 𑌸𑌪𑍍𑌤𑌾𑌶𑍍𑌵𑌃 𑌪𑍍𑌰𑌯𑌤𑌾𑌤𑍍𑌮𑌾 𑌪𑌰𑌨𑍍𑌤𑌪𑌃 ।
𑌬𑍁𑌦𑍍𑌧𑌿𑌮𑌾𑌨𑌮𑌰𑌶𑍍𑌰𑍇𑌷𑍍𑌠𑍋 𑌰𑍋𑌚𑌿𑌷𑍍𑌣𑍁𑌃 𑌪𑌾𑌕𑌶𑌾𑌸𑌨𑌃 ॥ 22 ॥
𑌸𑌮𑍁𑌦𑍍𑌰𑍋 𑌧𑌨𑌦𑍋 𑌧𑌾𑌤𑌾 𑌮𑌾𑌨𑍍𑌧𑌾𑌤𑌾 𑌕𑌶𑍍𑌮𑌲𑌾𑌪𑌹𑌃 ।
𑌤𑌮𑍋𑌘𑍍𑌨𑍋 𑌧𑍍𑌵𑌾𑌨𑍍𑌤𑌹𑌾 𑌵𑌹𑍍𑌨𑌿𑌰𑍍𑌹𑍋𑌤𑌾𑌽𑌨𑍍𑌤𑌃𑌕𑌰𑌣𑍋 𑌗𑍁𑌹𑌃 ॥ 23 ॥
𑌪𑌶𑍁𑌮𑌾𑌨𑍍 𑌪𑍍𑌰𑌯𑌤𑌾𑌨𑌨𑍍𑌦𑍋 𑌭𑍂𑌤𑍇𑌶𑌃 𑌶𑍍𑌰𑍀𑌮𑌤𑌾𑌂 𑌵𑌰𑌃 ।
𑌨𑌿𑌤𑍍𑌯𑍋𑌽𑌦𑌿𑌤𑍋 𑌨𑌿𑌤𑍍𑌯𑌰𑌥𑌃 𑌸𑍁𑌰𑍇𑌶𑌃 𑌸𑍁𑌰𑌪𑍂𑌜𑌿𑌤𑌃 ॥ 24 ॥
𑌅𑌜𑌿𑌤𑍋 𑌵𑌿𑌜𑌿𑌤𑍋 𑌜𑍇𑌤𑌾 𑌜𑌙𑍍𑌗𑌮𑌸𑍍𑌥𑌾𑌵𑌰𑌾𑌤𑍍𑌮𑌕𑌃 ।
𑌜𑍀𑌵𑌾𑌨𑌨𑍍𑌦𑍋 𑌨𑌿𑌤𑍍𑌯𑌗𑌾𑌮𑍀 𑌵𑌿𑌜𑍇𑌤𑌾 𑌵𑌿𑌜𑌯𑌪𑍍𑌰𑌦𑌃 ॥ 25 ॥
𑌪𑌰𑍍𑌜𑌨𑍍𑌯𑍋𑌽𑌗𑍍𑌨𑌿𑌃 𑌸𑍍𑌥𑌿𑌤𑌿𑌃 𑌸𑍍𑌥𑍇𑌯𑌃 𑌸𑍍𑌥𑌵𑌿𑌰𑍋𑌽𑌥 𑌨𑌿𑌰𑌞𑍍𑌜𑌨𑌃 ।
𑌪𑍍𑌰𑌦𑍍𑌯𑍋𑌤𑌨𑍋 𑌰𑌥𑌾𑌰𑍂𑌢𑌃 𑌸𑌰𑍍𑌵𑌲𑍋𑌕𑌪𑍍𑌰𑌕𑌾𑌶𑌕𑌃 ॥ 26 ॥
𑌧𑍍𑌰𑍁𑌵𑍋 𑌮𑍇𑌷𑍀 𑌮𑌹𑌾𑌵𑍀𑌰𑍍𑌯𑍋 𑌹𑌂𑌸𑌃 𑌸𑌂𑌸𑌾𑌰𑌤𑌾𑌰𑌕𑌃 ।
𑌸𑍃𑌷𑍍𑌟𑌿𑌕𑌰𑍍𑌤𑌾 𑌕𑍍𑌰𑌿𑌯𑌾𑌹𑍇𑌤𑍁𑌰𑍍𑌮𑌾𑌰𑍍𑌤𑌣𑍍𑌡𑍋 𑌮𑌰𑍁𑌤𑌾𑌂 𑌪𑌤𑌿𑌃 ॥ 27 ॥
𑌮𑌰𑍁𑌤𑍍𑌵𑌾𑌨𑍍 𑌦𑌹𑌨𑌸𑍍𑌤𑍍𑌵𑌷𑍍𑌟𑌾 𑌭𑌗𑍋 𑌭𑌰𑍍𑌗𑍋𑌽𑌰𑍍𑌯𑌮𑌾 𑌕𑌪𑌿𑌃 ।
𑌵𑌰𑍁𑌣𑍇𑌶𑍋 𑌜𑌗𑌨𑍍𑌨𑌾𑌥𑌃 𑌕𑍃𑌤𑌕𑍃𑌤𑍍𑌯𑌃 𑌸𑍁𑌲𑍋𑌚𑌨𑌃 ॥ 28 ॥
𑌵𑌿𑌵𑌸𑍍𑌵𑌾𑌨𑍍 𑌭𑌾𑌨𑍁𑌮𑌾𑌨𑍍 𑌕𑌾𑌰𑍍𑌯𑌃 𑌕𑌾𑌰𑌣𑌸𑍍𑌤𑍇𑌜𑌸𑌾𑌂 𑌨𑌿𑌧𑌿𑌃 ।
𑌅𑌸𑌙𑍍𑌗𑌗𑌾𑌮𑍀 𑌤𑌿𑌗𑍍𑌮𑌾𑌂𑌶𑍁𑌰𑍍𑌧𑌰𑍍𑌮𑌾𑌂𑌶𑍁𑌰𑍍𑌦𑍀𑌪𑍍𑌤𑌦𑍀𑌧𑌿𑌤𑌿𑌃 ॥ 29 ॥
𑌸𑌹𑌸𑍍𑌰𑌦𑍀𑌧𑌿𑌤𑌿𑌰𑍍𑌬𑍍𑌰𑌧𑍍𑌨𑌃 𑌸𑌹𑌸𑍍𑌰𑌾𑌂𑌶𑍁𑌰𑍍𑌦𑌿𑌵𑌾𑌕𑌰𑌃 ।
𑌗𑌭𑌸𑍍𑌤𑌿𑌮𑌾𑌨𑍍 𑌦𑍀𑌧𑌿𑌤𑌿𑌮𑌾𑌨𑍍 𑌸𑍍𑌰𑌗𑍍𑌵𑍀 𑌮𑌣𑌿𑌕𑍁𑌲𑌦𑍍𑌯𑍁𑌤𑌿𑌃 ॥ 30 ॥
𑌭𑌾𑌸𑍍𑌕𑌰𑌃 𑌸𑍁𑌰𑌕𑌾𑌰𑍍𑌯𑌜𑍍𑌞𑌃 𑌸𑌰𑍍𑌵𑌜𑍍𑌞𑌸𑍍𑌤𑍀𑌕𑍍𑌷𑍍𑌣𑌦𑍀𑌧𑌿𑌤𑌿𑌃 ।
𑌸𑍁𑌰𑌜𑍍𑌯𑍇𑌷𑍍𑌠𑌃 𑌸𑍁𑌰𑌪𑌤𑌿𑌰𑍍𑌬𑌹𑍁𑌜𑍍𑌞𑍋 𑌵𑌚𑌸𑌾𑌂 𑌪𑌤𑌿𑌃 ॥ 31 ॥
𑌤𑍇𑌜𑍋𑌨𑌿𑌧𑌿𑌰𑍍𑌬𑍃𑌹𑌤𑍍𑌤𑍇𑌜𑌾 𑌬𑍃𑌹𑌤𑍍𑌕𑍀𑌰𑍍𑌤𑌿𑌰𑍍𑌬𑍃𑌹𑌸𑍍𑌪𑌤𑌿𑌃 ।
𑌅𑌹𑌿𑌮𑌾𑌨𑍂𑌰𑍍𑌜𑌿𑌤𑍋 𑌧𑍀𑌮𑌾𑌨𑌾𑌮𑍁𑌕𑍍𑌤𑌃 𑌕𑍀𑌰𑍍𑌤𑌿𑌵𑌰𑍍𑌧𑌨𑌃 ॥ 32 ॥
𑌮𑌹𑌾𑌵𑍈𑌦𑍍𑌯𑍋 𑌗𑌣𑌪𑌤𑌿𑌰𑍍𑌧𑌨𑍇𑌶𑍋 𑌗𑌣𑌨𑌾𑌯𑌕𑌃 ।
𑌤𑍀𑌵𑍍𑌰𑌪𑍍𑌰𑌤𑌾𑌪𑌨𑌸𑍍𑌤𑌾𑌪𑍀 𑌤𑌾𑌪𑌨𑍋 𑌵𑌿𑌶𑍍𑌵𑌤𑌾𑌪𑌨𑌃 ॥ 33 ॥
𑌕𑌾𑌰𑍍𑌤𑌸𑍍𑌵𑌰𑍋 𑌹𑍃𑌷𑍀𑌕𑍇𑌶𑌃 𑌪𑌦𑍍𑌮𑌾𑌨𑌨𑍍𑌦𑍋𑌽𑌤𑌿𑌨𑌨𑍍𑌦𑌿𑌤𑌃 ।
𑌪𑌦𑍍𑌮𑌨𑌾𑌭𑍋𑌽𑌮𑍃𑌤𑌾𑌹𑌾𑌰𑌃 𑌸𑍍𑌥𑌿𑌤𑌿𑌮𑌾𑌨𑍍 𑌕𑍇𑌤𑍁𑌮𑌾𑌨𑍍 𑌨𑌭𑌃 ॥ 34 ॥
𑌅𑌨𑌾𑌦𑍍𑌯𑌨𑍍𑌤𑍋𑌽𑌚𑍍𑌯𑍁𑌤𑍋 𑌵𑌿𑌶𑍍𑌵𑍋 𑌵𑌿𑌶𑍍𑌵𑌾𑌮𑌿𑌤𑍍𑌰𑍋 𑌘𑍃𑌣𑌿𑌰𑍍𑌵𑌿𑌰𑌾𑌟𑍍 ।
𑌆𑌮𑍁𑌕𑍍𑌤𑌕𑌵𑌚𑍋 𑌵𑌾𑌗𑍍𑌮𑍀 𑌕𑌞𑍍𑌚𑍁𑌕𑍀 𑌵𑌿𑌶𑍍𑌵𑌭𑌾𑌵𑌨𑌃 ॥ 35 ॥
𑌅𑌨𑌿𑌮𑌿𑌤𑍍𑌤𑌗𑌤𑌿𑌃 𑌶𑍍𑌰𑍇𑌷𑍍𑌠𑌃 𑌶𑌰𑌣𑍍𑌯𑌃 𑌸𑌰𑍍𑌵𑌤𑍋𑌮𑍁𑌖𑌃 ।
𑌵𑌿𑌗𑌾𑌹𑍀 𑌵𑍇𑌣𑍁𑌰𑌸𑌹𑌃 𑌸𑌮𑌾𑌯𑍁𑌕𑍍𑌤𑌃 𑌸𑌮𑌾𑌕𑍍𑌰𑌤𑍁𑌃 ॥ 36 ॥
𑌧𑌰𑍍𑌮𑌕𑍇𑌤𑍁𑌰𑍍𑌧𑌰𑍍𑌮𑌰𑌤𑌿𑌃 𑌸𑌂𑌹𑌰𑍍𑌤𑌾 𑌸𑌂𑌯𑌮𑍋 𑌯𑌮𑌃 ।
𑌪𑍍𑌰𑌣𑌤𑌾𑌰𑍍𑌤𑌿𑌹𑌰𑍋 𑌵𑌾𑌯𑍁𑌃 𑌸𑌿𑌦𑍍𑌧𑌕𑌾𑌰𑍍𑌯𑍋 𑌜𑌨𑍇𑌶𑍍𑌵𑌰𑌃 ॥ 37 ॥
𑌨𑌭𑍋 𑌵𑌿𑌗𑌾𑌹𑌨𑌃 𑌸𑌤𑍍𑌯𑌃 𑌸𑌵𑌿𑌤𑌾𑌤𑍍𑌮𑌾 𑌮𑌨𑍋𑌹𑌰𑌃 ।
𑌹𑌾𑌰𑍀 𑌹𑌰𑌿𑌰𑍍𑌹𑌰𑍋 𑌵𑌾𑌯𑍁𑌰𑍃𑌤𑍁𑌃 𑌕𑌾𑌲𑌾𑌨𑌲𑌦𑍍𑌯𑍁𑌤𑌿𑌃 ॥ 38 ॥
𑌸𑍁𑌖𑌸𑍇𑌵𑍍𑌯𑍋 𑌮𑌹𑌾𑌤𑍇𑌜𑌾 𑌜𑌗𑌤𑌾𑌮𑍇𑌕𑌕𑌾𑌰𑌣𑌮𑍍 ।
𑌮𑌹𑍇𑌨𑍍𑌦𑍍𑌰𑍋 𑌵𑌿𑌷𑍍𑌟𑍁𑌤𑌃 𑌸𑍍𑌤𑍋𑌤𑍍𑌰𑌂 𑌸𑍍𑌤𑍁𑌤𑌿𑌹𑍇𑌤𑍁𑌃 𑌪𑍍𑌰𑌭𑌾𑌕𑌰𑌃 ॥ 39 ॥
𑌸𑌹𑌸𑍍𑌰𑌕𑌰 𑌆𑌯𑍁𑌷𑍍𑌮𑌾𑌨𑍍 𑌅𑌰𑍋𑌷𑌃 𑌸𑍁𑌖𑌦𑌃 𑌸𑍁𑌖𑍀 ।
𑌵𑍍𑌯𑌾𑌧𑌿𑌹𑌾 𑌸𑍁𑌖𑌦𑌃 𑌸𑍗𑌖𑍍𑌯𑌂 𑌕𑌲𑍍𑌯𑌾𑌣𑌃 𑌕𑌲𑌤𑌾𑌂 𑌵𑌰𑌃 ॥ 40 ॥
𑌆𑌰𑍋𑌗𑍍𑌯𑌕𑌾𑌰𑌣𑌂 𑌸𑌿𑌦𑍍𑌧𑌿𑌰𑍃𑌦𑍍𑌧𑌿𑌰𑍍𑌵𑍃𑌦𑍍𑌧𑌿𑌰𑍍𑌬𑍃𑌹𑌸𑍍𑌪𑌤𑌿𑌃 ।
𑌹𑌿𑌰𑌣𑍍𑌯𑌰𑍇𑌤𑌾 𑌆𑌰𑍋𑌗𑍍𑌯𑌂 𑌵𑌿𑌦𑍍𑌵𑌾𑌨𑍍 𑌬𑍍𑌰𑌧𑍍𑌨𑍋 𑌬𑍁𑌧𑍋 𑌮𑌹𑌾𑌨𑍍 ॥ 41 ॥
𑌪𑍍𑌰𑌾𑌣𑌵𑌾𑌨𑍍 𑌧𑍃𑌤𑌿𑌮𑌾𑌨𑍍 𑌘𑌰𑍍𑌮𑍋 𑌘𑌰𑍍𑌮𑌕𑌰𑍍𑌤𑌾 𑌰𑍁𑌚𑌿𑌪𑍍𑌰𑌦𑌃 ।
𑌸𑌰𑍍𑌵𑌪𑍍𑌰𑌿𑌯𑌃 𑌸𑌰𑍍𑌵𑌸𑌹𑌃 𑌸𑌰𑍍𑌵𑌶𑌤𑍍𑌰𑍁𑌵𑌿𑌨𑌾𑌶𑌨𑌃 ॥ 42 ॥
𑌪𑍍𑌰𑌾𑌂𑌶𑍁𑌰𑍍𑌵𑌿𑌦𑍍𑌯𑍋𑌤𑌨𑍋 𑌦𑍍𑌯𑍋𑌤𑌃 𑌸𑌹𑌸𑍍𑌰𑌕𑌿𑌰𑌣𑌃 𑌕𑍃𑌤𑍀 ।
𑌕𑍇𑌯𑍂𑌰𑍀 𑌭𑍂𑌷𑌣𑍋𑌦𑍍𑌭𑌾𑌸𑍀 𑌭𑌾𑌸𑌿𑌤𑍋 𑌭𑌾𑌸𑌨𑍋𑌽𑌨𑌲𑌃 ॥ 43 ॥
𑌶𑌰𑌣𑍍𑌯𑌾𑌰𑍍𑌤𑌿𑌹𑌰𑍋 𑌹𑍋𑌤𑌾 𑌖𑌦𑍍𑌯𑍋𑌤𑌃 𑌖𑌗𑌸𑌤𑍍𑌤𑌮𑌃 ।
𑌸𑌰𑍍𑌵𑌦𑍍𑌯𑍋𑌤𑍋 𑌭𑌵𑌦𑍍𑌯𑍋𑌤𑌃 𑌸𑌰𑍍𑌵𑌦𑍍𑌯𑍁𑌤𑌿𑌕𑌰𑍋 𑌮𑌤𑌃 ॥ 44 ॥
𑌕𑌲𑍍𑌯𑌾𑌣𑌃 𑌕𑌲𑍍𑌯𑌾𑌣𑌕𑌰𑌃 𑌕𑌲𑍍𑌯𑌃 𑌕𑌲𑍍𑌯𑌕𑌰𑌃 𑌕𑌵𑌿𑌃 ।
𑌕𑌲𑍍𑌯𑌾𑌣𑌕𑍃𑌤𑍍 𑌕𑌲𑍍𑌯𑌵𑌪𑍁𑌃 𑌸𑌰𑍍𑌵𑌕𑌲𑍍𑌯𑌾𑌣𑌭𑌾𑌜𑌨𑌮𑍍 ॥ 45 ॥
𑌶𑌾𑌨𑍍𑌤𑌿𑌪𑍍𑌰𑌿𑌯𑌃 𑌪𑍍𑌰𑌸𑌨𑍍𑌨𑌾𑌤𑍍𑌮𑌾 𑌪𑍍𑌰𑌶𑌾𑌨𑍍𑌤𑌃 𑌪𑍍𑌰𑌶𑌮𑌪𑍍𑌰𑌿𑌯𑌃 ।
𑌉𑌦𑌾𑌰𑌕𑌰𑍍𑌮𑌾 𑌸𑍁𑌨𑌯𑌃 𑌸𑍁𑌵𑌰𑍍𑌚𑌾 𑌵𑌰𑍍𑌚𑌸𑍋𑌜𑍍𑌜𑍍𑌵𑌲𑌃 ॥ 46 ॥
𑌵𑌰𑍍𑌚𑌸𑍍𑌵𑍀 𑌵𑌰𑍍𑌚𑌸𑌾𑌮𑍀𑌶𑌸𑍍𑌤𑍍𑌰𑍈𑌲𑍋𑌕𑍍𑌯𑍇𑌶𑍋 𑌵𑌶𑌾𑌨𑍁𑌗𑌃 ।
𑌤𑍇𑌜𑌸𑍍𑌵𑍀 𑌸𑍁𑌯𑌶𑌾 𑌵𑌰𑍍𑌷𑍍𑌮𑍀 𑌵𑌰𑍍𑌣𑌾𑌧𑍍𑌯𑌕𑍍𑌷𑍋 𑌬𑌲𑌿𑌪𑍍𑌰𑌿𑌯𑌃 ॥ 47 ॥
𑌯𑌶𑌸𑍍𑌵𑍀 𑌤𑍇𑌜𑍋𑌨𑌿𑌲𑌯𑌸𑍍𑌤𑍇𑌜𑌸𑍍𑌵𑍀 𑌪𑍍𑌰𑌕𑍃𑌤𑌿𑌸𑍍𑌥𑌿𑌤𑌃 ।
𑌆𑌕𑌾𑌶𑌗𑌃 𑌶𑍀𑌘𑍍𑌰𑌗𑌤𑌿𑌰𑌾𑌶𑍁𑌗𑍋 𑌗𑌤𑌿𑌮𑌾𑌨𑍍 𑌖𑌗𑌃 ॥ 48 ॥
𑌗𑍋𑌪𑌤𑌿𑌰𑍍𑌗𑍍𑌰𑌹𑌦𑍇𑌵𑍇𑌶𑍋 𑌗𑍋𑌮𑌾𑌨𑍇𑌕𑌃 𑌪𑍍𑌰𑌭𑌞𑍍𑌜𑌨𑌃 ।
𑌜𑌨𑌿𑌤𑌾 𑌪𑍍𑌰𑌜𑌨𑍋 𑌜𑍀𑌵𑍋 𑌦𑍀𑌪𑌃 𑌸𑌰𑍍𑌵𑌪𑍍𑌰𑌕𑌾𑌶𑌕𑌃 ॥ 49 ॥
𑌸𑌰𑍍𑌵𑌸𑌾𑌕𑍍𑌷𑍀 𑌯𑍋𑌗𑌨𑌿𑌤𑍍𑌯𑍋 𑌨𑌭𑌸𑍍𑌵𑌾𑌨𑌸𑍁𑌰𑌾𑌨𑍍𑌤𑌕𑌃 ।
𑌰𑌕𑍍𑌷𑍋𑌘𑍍𑌨𑍋 𑌵𑌿𑌘𑍍𑌨𑌶𑌮𑌨𑌃 𑌕𑌿𑌰𑍀𑌟𑍀 𑌸𑍁𑌮𑌨𑌃𑌪𑍍𑌰𑌿𑌯𑌃 ॥ 50 ॥
𑌮𑌰𑍀𑌚𑌿𑌮𑌾𑌲𑍀 𑌸𑍁𑌮𑌤𑌿𑌃 𑌕𑍃𑌤𑌾𑌭𑌿𑌖𑍍𑌯𑌵𑌿𑌶𑍇𑌷𑌕𑌃 ।
𑌶𑌿𑌷𑍍𑌟𑌾𑌚𑌾𑌰𑌃 𑌶𑍁𑌭𑌾𑌚𑌾𑌰𑌃 𑌸𑍍𑌵𑌚𑌾𑌰𑌾𑌚𑌾𑌰𑌤𑌤𑍍𑌪𑌰𑌃 ॥ 51 ॥
𑌮𑌨𑍍𑌦𑌾𑌰𑍋 𑌮𑌾𑌠𑌰𑍋 𑌵𑍇𑌣𑍁𑌃 𑌕𑍍𑌷𑍁𑌧𑌾𑌪𑌃 𑌕𑍍𑌷𑍍𑌮𑌾𑌪𑌤𑌿𑌰𑍍𑌗𑍁𑌰𑍁𑌃 ।
𑌸𑍁𑌵𑌿𑌶𑌿𑌷𑍍𑌟𑍋 𑌵𑌿𑌶𑌿𑌷𑍍𑌟𑌾𑌤𑍍𑌮𑌾 𑌵𑌿𑌧𑍇𑌯𑍋 𑌜𑍍𑌞𑌾𑌨𑌶𑍋𑌭𑌨𑌃 ॥ 52 ॥
𑌮𑌹𑌾𑌶𑍍𑌵𑍇𑌤𑌃 𑌪𑍍𑌰𑌿𑌯𑍋 𑌜𑍍𑌞𑍇𑌯𑌃 𑌸𑌾𑌮𑌗𑍋 𑌮𑍋𑌕𑍍𑌷𑌦𑌾𑌯𑌕𑌃 ।
𑌸𑌰𑍍𑌵𑌵𑍇𑌦𑌪𑍍𑌰𑌗𑍀𑌤𑌾𑌤𑍍𑌮𑌾 𑌸𑌰𑍍𑌵𑌵𑍇𑌦𑌲𑌯𑍋 𑌮𑌹𑌾𑌨𑍍 ॥ 53 ॥
𑌵𑍇𑌦𑌮𑍂𑌰𑍍𑌤𑌿𑌶𑍍𑌚𑌤𑍁𑌰𑍍𑌵𑍇𑌦𑍋 𑌵𑍇𑌦𑌭𑍃𑌦𑍍𑌵𑍇𑌦𑌪𑌾𑌰𑌗𑌃 ।
𑌕𑍍𑌰𑌿𑌯𑌾𑌵𑌾𑌨𑌸𑌿𑌤𑍋 𑌜𑌿𑌷𑍍𑌣𑍁𑌰𑍍𑌵𑌰𑍀𑌯𑌾𑌂𑌶𑍁𑌰𑍍𑌵𑌰𑌪𑍍𑌰𑌦𑌃 ॥ 54 ॥
𑌵𑍍𑌰𑌤𑌚𑌾𑌰𑍀 𑌵𑍍𑌰𑌤𑌧𑌰𑍋 𑌲𑍋𑌕𑌬𑌨𑍍𑌧𑍁𑌰𑌲𑌙𑍍𑌕𑍃𑌤𑌃 ।
𑌅𑌲𑌙𑍍𑌕𑌾𑌰𑌾𑌕𑍍𑌷𑌰𑍋 𑌵𑍇𑌦𑍍𑌯𑍋 𑌵𑌿𑌦𑍍𑌯𑌾𑌵𑌾𑌨𑍍 𑌵𑌿𑌦𑌿𑌤𑌾𑌶𑌯𑌃 ॥ 55 ॥
𑌆𑌕𑌾𑌰𑍋 𑌭𑍂𑌷𑌣𑍋 𑌭𑍂𑌷𑍍𑌯𑍋 𑌭𑍂𑌷𑍍𑌣𑍁𑌰𑍍𑌭𑍁𑌵𑌨𑌪𑍂𑌜𑌿𑌤𑌃 ।
𑌚𑌕𑍍𑌰𑌪𑌾𑌣𑌿𑌰𑍍𑌧𑍍𑌵𑌜𑌧𑌰𑌃 𑌸𑍁𑌰𑍇𑌶𑍋 𑌲𑍋𑌕𑌵𑌤𑍍𑌸𑌲𑌃 ॥ 56 ॥
𑌵𑌾𑌗𑍍𑌮𑌿𑌪𑌤𑌿𑌰𑍍𑌮𑌹𑌾𑌬𑌾𑌹𑍁𑌃 𑌪𑍍𑌰𑌕𑍃𑌤𑌿𑌰𑍍𑌵𑌿𑌕𑍃𑌤𑌿𑌰𑍍𑌗𑍁𑌣𑌃 ।
𑌅𑌨𑍍𑌧𑌕𑌾𑌰𑌾𑌪𑌹𑌃 𑌶𑍍𑌰𑍇𑌷𑍍𑌠𑍋 𑌯𑍁𑌗𑌾𑌵𑌰𑍍𑌤𑍋 𑌯𑍁𑌗𑌾𑌦𑌿𑌕𑍃𑌤𑍍 ॥ 57 ॥
𑌅𑌪𑍍𑌰𑌮𑍇𑌯𑌃 𑌸𑌦𑌾𑌯𑍋𑌗𑍀 𑌨𑌿𑌰𑌹𑌙𑍍𑌕𑌾𑌰 𑌈𑌶𑍍𑌵𑌰𑌃 ।
𑌶𑍁𑌭𑌪𑍍𑌰𑌦𑌃 𑌶𑍁𑌭𑌃 𑌶𑌾𑌸𑍍𑌤𑌾 𑌶𑍁𑌭𑌕𑌰𑍍𑌮𑌾 𑌶𑍁𑌭𑌪𑍍𑌰𑌦𑌃 ॥ 58 ॥
𑌸𑌤𑍍𑌯𑌵𑌾𑌨𑍍 𑌶𑍍𑌰𑍁𑌤𑌿𑌮𑌾𑌨𑍁𑌚𑍍𑌚𑍈𑌰𑍍𑌨𑌕𑌾𑌰𑍋 𑌵𑍃𑌦𑍍𑌧𑌿𑌦𑍋𑌽𑌨𑌲𑌃 ।
𑌬𑌲𑌭𑍃𑌦𑍍𑌬𑌲𑌦𑍋 𑌬𑌨𑍍𑌧𑍁𑌰𑍍𑌮𑌤𑌿𑌮𑌾𑌨𑍍 𑌬𑌲𑌿𑌨𑌾𑌂 𑌵𑌰𑌃 ॥ 59 ॥
𑌅𑌨𑌙𑍍𑌗𑍋 𑌨𑌾𑌗𑌰𑌾𑌜𑍇𑌨𑍍𑌦𑍍𑌰𑌃 𑌪𑌦𑍍𑌮𑌯𑍋𑌨𑌿𑌰𑍍𑌗𑌣𑍇𑌶𑍍𑌵𑌰𑌃 ।
𑌸𑌂𑌵𑌤𑍍𑌸𑌰 𑌋𑌤𑍁𑌰𑍍𑌨𑍇𑌤𑌾 𑌕𑌾𑌲𑌚𑌕𑍍𑌰𑌪𑍍𑌰𑌵𑌰𑍍𑌤𑌕𑌃 ॥ 60 ॥
𑌪𑌦𑍍𑌮𑍇𑌕𑍍𑌷𑌣𑌃 𑌪𑌦𑍍𑌮𑌯𑍋𑌨𑌿𑌃 𑌪𑍍𑌰𑌭𑌾𑌵𑌾𑌨𑌮𑌰𑌃 𑌪𑍍𑌰𑌭𑍁𑌃 ।
𑌸𑍁𑌮𑍂𑌰𑍍𑌤𑌿𑌃 𑌸𑍁𑌮𑌤𑌿𑌃 𑌸𑍋𑌮𑍋 𑌗𑍋𑌵𑌿𑌨𑍍𑌦𑍋 𑌜𑌗𑌦𑌾𑌦𑌿𑌜𑌃 ॥ 61 ॥
𑌪𑍀𑌤𑌵𑌾𑌸𑌾𑌃 𑌕𑍃𑌷𑍍𑌣𑌵𑌾𑌸𑌾 𑌦𑌿𑌗𑍍𑌵𑌾𑌸𑌾𑌸𑍍𑌤𑍍𑌵𑌿𑌨𑍍𑌦𑍍𑌰𑌿𑌯𑌾𑌤𑌿𑌗𑌃 ।
𑌅𑌤𑍀𑌨𑍍𑌦𑍍𑌰𑌿𑌯𑍋𑌽𑌨𑍇𑌕𑌰𑍂𑌪𑌃 𑌸𑍍𑌕𑌨𑍍𑌦𑌃 𑌪𑌰𑌪𑍁𑌰𑌞𑍍𑌜𑌯𑌃 ॥ 62 ॥
𑌶𑌕𑍍𑌤𑌿𑌮𑌾𑌨𑍍 𑌜𑌲𑌧𑍃𑌗𑍍𑌭𑌾𑌸𑍍𑌵𑌾𑌨𑍍 𑌮𑍋𑌕𑍍𑌷𑌹𑍇𑌤𑍁𑌰𑌯𑍋𑌨𑌿𑌜𑌃 ।
𑌸𑌰𑍍𑌵𑌦𑌰𑍍𑌶𑍀 𑌜𑌿𑌤𑌾𑌦𑌰𑍍𑌶𑍋 𑌦𑍁𑌃𑌸𑍍𑌵𑌪𑍍𑌨𑌾𑌶𑍁𑌭𑌨𑌾𑌶𑌨𑌃 ॥ 63 ॥
𑌮𑌾𑌙𑍍𑌗𑌲𑍍𑌯𑌕𑌰𑍍𑌤𑌾 𑌤𑌰𑌣𑌿𑌰𑍍𑌵𑍇𑌗𑌵𑌾𑌨𑍍 𑌕𑌶𑍍𑌮𑌲𑌾𑌪𑌹𑌃 ।
𑌸𑍍𑌪𑌷𑍍𑌟𑌾𑌕𑍍𑌷𑌰𑍋 𑌮𑌹𑌾𑌮𑌨𑍍𑌤𑍍𑌰𑍋 𑌵𑌿𑌶𑌾𑌖𑍋 𑌯𑌜𑌨𑌪𑍍𑌰𑌿𑌯𑌃 ॥ 64 ॥
𑌵𑌿𑌶𑍍𑌵𑌕𑌰𑍍𑌮𑌾 𑌮𑌹𑌾𑌶𑌕𑍍𑌤𑌿𑌰𑍍𑌦𑍍𑌯𑍁𑌤𑌿𑌰𑍀𑌶𑍋 𑌵𑌿𑌹𑌙𑍍𑌗𑌮𑌃 ।
𑌵𑌿𑌚𑌕𑍍𑌷𑌣𑍋 𑌦𑌕𑍍𑌷 𑌇𑌨𑍍𑌦𑍍𑌰𑌃 𑌪𑍍𑌰𑌤𑍍𑌯𑍂𑌷𑌃 𑌪𑍍𑌰𑌿𑌯𑌦𑌰𑍍𑌶𑌨𑌃 ॥ 65 ॥
𑌅𑌖𑌿𑌨𑍍𑌨𑍋 𑌵𑍇𑌦𑌨𑌿𑌲𑌯𑍋 𑌵𑍇𑌦𑌵𑌿𑌦𑍍𑌵𑌿𑌦𑌿𑌤𑌾𑌶𑌯𑌃 ।
𑌪𑍍𑌰𑌭𑌾𑌕𑌰𑍋 𑌜𑌿𑌤𑌰𑌿𑌪𑍁𑌃 𑌸𑍁𑌜𑌨𑍋𑌽𑌰𑍁𑌣𑌸𑌾𑌰𑌥𑌿𑌃 ॥ 66 ॥
𑌕𑍁𑌨𑌾𑌶𑍀 𑌸𑍁𑌰𑌤𑌃 𑌸𑍍𑌕𑌨𑍍𑌦𑍋 𑌮𑌹𑌿𑌤𑍋𑌽𑌭𑌿𑌮𑌤𑍋 𑌗𑍁𑌰𑍁𑌃 ।
𑌗𑍍𑌰𑌹𑌰𑌾𑌜𑍋 𑌗𑍍𑌰𑌹𑌪𑌤𑌿𑌰𑍍𑌗𑍍𑌰𑌹𑌨𑌕𑍍𑌷𑌤𑍍𑌰𑌮𑌣𑍍𑌡𑌲𑌃 ॥ 67 ॥
𑌭𑌾𑌸𑍍𑌕𑌰𑌃 𑌸𑌤𑌤𑌾𑌨𑌨𑍍𑌦𑍋 𑌨𑌨𑍍𑌦𑌨𑍋 𑌨𑌰𑌵𑌾𑌹𑌨𑌃 ।
𑌮𑌙𑍍𑌗𑌲𑍋𑌽𑌥 𑌮𑌙𑍍𑌗𑌲𑌵𑌾𑌨𑍍 𑌮𑌾𑌙𑍍𑌗𑌲𑍍𑌯𑍋 𑌮𑌙𑍍𑌗𑌲𑌾𑌵𑌹𑌃 ॥ 68 ॥
𑌮𑌙𑍍𑌗𑌲𑍍𑌯𑌚𑌾𑌰𑍁𑌚𑌰𑌿𑌤𑌃 𑌶𑍀𑌰𑍍𑌣𑌃 𑌸𑌰𑍍𑌵𑌵𑍍𑌰𑌤𑍋 𑌵𑍍𑌰𑌤𑍀 ।
𑌚𑌤𑍁𑌰𑍍𑌮𑍁𑌖𑌃 𑌪𑌦𑍍𑌮𑌮𑌾𑌲𑍀 𑌪𑍂𑌤𑌾𑌤𑍍𑌮𑌾 𑌪𑍍𑌰𑌣𑌤𑌾𑌰𑍍𑌤𑌿𑌹𑌾 ॥ 69 ॥
𑌅𑌕𑌿𑌞𑍍𑌚𑌨𑌃 𑌸𑌤𑌾𑌮𑍀𑌶𑍋 𑌨𑌿𑌰𑍍𑌗𑍁𑌣𑍋 𑌗𑍁𑌣𑌵𑌾𑌞𑍍𑌛𑍁𑌚𑌿𑌃 ।
𑌸𑌮𑍍𑌪𑍂𑌰𑍍𑌣𑌃 𑌪𑍁𑌣𑍍𑌡𑌰𑍀𑌕𑌾𑌕𑍍𑌷𑍋 𑌵𑌿𑌧𑍇𑌯𑍋 𑌯𑍋𑌗𑌤𑌤𑍍𑌪𑌰𑌃 ॥ 70 ॥
𑌸𑌹𑌸𑍍𑌰𑌾𑌂𑌶𑍁𑌃 𑌕𑍍𑌰𑌤𑍁𑌮𑌤𑌿𑌃 𑌸𑌰𑍍𑌵𑌜𑍍𑌞𑌃 𑌸𑍁𑌮𑌤𑌿𑌃 𑌸𑍁𑌵𑌾𑌕𑍍 ।
𑌸𑍁𑌵𑌾𑌹𑌨𑍋 𑌮𑌾𑌲𑍍𑌯𑌦𑌾𑌮𑌾 𑌕𑍃𑌤𑌾𑌹𑌾𑌰𑍋 𑌹𑌰𑌿𑌪𑍍𑌰𑌿𑌯𑌃 ॥ 71 ॥
𑌬𑍍𑌰𑌹𑍍𑌮𑌾 𑌪𑍍𑌰𑌚𑍇𑌤𑌾𑌃 𑌪𑍍𑌰𑌥𑌿𑌤𑌃 𑌪𑍍𑌰𑌯𑌤𑌾𑌤𑍍𑌮𑌾 𑌸𑍍𑌥𑌿𑌰𑌾𑌤𑍍𑌮𑌕𑌃 ।
𑌶𑌤𑌵𑌿𑌨𑍍𑌦𑍁𑌃 𑌶𑌤𑌮𑍁𑌖𑍋 𑌗𑌰𑍀𑌯𑌾𑌨𑌨𑌲𑌪𑍍𑌰𑌭𑌃 ॥ 72 ॥
𑌧𑍀𑌰𑍋 𑌮𑌹𑌤𑍍𑌤𑌰𑍋 𑌵𑌿𑌪𑍍𑌰𑌃 𑌪𑍁𑌰𑌾𑌣𑌪𑍁𑌰𑍁𑌷𑍋𑌤𑍍𑌤𑌮𑌃 ।
𑌵𑌿𑌦𑍍𑌯𑌾𑌰𑌾𑌜𑌾𑌧𑌿𑌰𑌾𑌜𑍋 𑌹𑌿 𑌵𑌿𑌦𑍍𑌯𑌾𑌵𑌾𑌨𑍍 𑌭𑍂𑌤𑌿𑌦𑌃 𑌸𑍍𑌥𑌿𑌤𑌃 ॥ 73 ॥
𑌅𑌨𑌿𑌰𑍍𑌦𑍇𑌶𑍍𑌯𑌵𑌪𑍁𑌃 𑌶𑍍𑌰𑍀𑌮𑌾𑌨𑍍 𑌵𑌿𑌪𑌾𑌪𑍍𑌮𑌾 𑌬𑌹𑍁𑌮𑌙𑍍𑌗𑌲𑌃 ।
𑌸𑍍𑌵𑌃𑌸𑍍𑌥𑌿𑌤𑌃 𑌸𑍁𑌰𑌥𑌃 𑌸𑍍𑌵𑌰𑍍𑌣𑍋 𑌮𑍋𑌕𑍍𑌷𑌦𑍋 𑌬𑌲𑌿𑌕𑍇𑌤𑌨𑌃 ॥ 74 ॥
𑌨𑌿𑌰𑍍𑌦𑍍𑌵𑌨𑍍𑌦𑍍𑌵𑍋 𑌦𑍍𑌵𑌨𑍍𑌦𑍍𑌵𑌹𑌾 𑌸𑍍𑌵𑌰𑍍𑌗𑌃 𑌸𑌰𑍍𑌵𑌗𑌃 𑌸𑌮𑍍𑌪𑍍𑌰𑌕𑌾𑌶𑌕𑌃 ।
𑌦𑌯𑌾𑌲𑍁𑌃 𑌸𑍂𑌕𑍍𑌷𑍍𑌮𑌧𑍀𑌃 𑌕𑍍𑌷𑌾𑌨𑍍𑌤𑌿𑌃 𑌕𑍍𑌷𑍇𑌮𑌾𑌕𑍍𑌷𑍇𑌮𑌸𑍍𑌥𑌿𑌤𑌿𑌪𑍍𑌰𑌿𑌯𑌃 ॥ 75 ॥
𑌭𑍂𑌧𑌰𑍋 𑌭𑍂𑌪𑌤𑌿𑌰𑍍𑌵𑌕𑍍𑌤𑌾 𑌪𑌵𑌿𑌤𑍍𑌰𑌾𑌤𑍍𑌮𑌾 𑌤𑍍𑌰𑌿𑌲𑍋𑌚𑌨𑌃 ।
𑌮𑌹𑌾𑌵𑌰𑌾𑌹𑌃 𑌪𑍍𑌰𑌿𑌯𑌕𑍃𑌦𑍍𑌦𑌾𑌤𑌾 𑌭𑍋𑌕𑍍𑌤𑌾𑌽𑌭𑌯𑌪𑍍𑌰𑌦𑌃 ॥ 76 ॥
𑌚𑌕𑍍𑌰𑌵𑌰𑍍𑌤𑍀 𑌧𑍃𑌤𑌿𑌕𑌰𑌃 𑌸𑌮𑍍𑌪𑍂𑌰𑍍𑌣𑍋𑌽𑌥 𑌮𑌹𑍇𑌶𑍍𑌵𑌰𑌃 ।
𑌚𑌤𑍁𑌰𑍍𑌵𑍇𑌦𑌧𑌰𑍋𑌽𑌚𑌿𑌨𑍍𑌤𑍍𑌯𑍋 𑌵𑌿𑌨𑌿𑌨𑍍𑌦𑍍𑌯𑍋 𑌵𑌿𑌵𑌿𑌧𑌾𑌶𑌨𑌃 ॥ 77 ॥
𑌵𑌿𑌚𑌿𑌤𑍍𑌰𑌰𑌥 𑌏𑌕𑌾𑌕𑍀 𑌸𑌪𑍍𑌤𑌸𑌪𑍍𑌤𑌿𑌃 𑌪𑌰𑌾𑌤𑍍𑌪𑌰𑌃 ।
𑌸𑌰𑍍𑌵𑍋𑌦𑌧𑌿𑌸𑍍𑌥𑌿𑌤𑌿𑌕𑌰𑌃 𑌸𑍍𑌥𑌿𑌤𑌿𑌸𑍍𑌥𑍇𑌯𑌃 𑌸𑍍𑌥𑌿𑌤𑌿𑌪𑍍𑌰𑌿𑌯𑌃 ॥ 78 ॥
𑌨𑌿𑌷𑍍𑌕𑌲𑌃 𑌪𑍁𑌷𑍍𑌕𑌲𑍋 𑌵𑌿𑌭𑍁𑌰𑍍𑌵𑌸𑍁𑌮𑌾𑌨𑍍 𑌵𑌾𑌸𑌵𑌪𑍍𑌰𑌿𑌯𑌃 ।
𑌪𑌶𑍁𑌮𑌾𑌨𑍍 𑌵𑌾𑌸𑌵𑌸𑍍𑌵𑌾𑌮𑍀 𑌵𑌸𑍁𑌧𑌾𑌮𑌾 𑌵𑌸𑍁𑌪𑍍𑌰𑌦𑌃 ॥ 79 ॥
𑌬𑌲𑌵𑌾𑌨𑍍 𑌜𑍍𑌞𑌾𑌨𑌵𑌾𑌂𑌸𑍍𑌤𑌤𑍍𑌤𑍍𑌵𑌮𑍋𑌙𑍍𑌕𑌾𑌰𑌸𑍍𑌤𑍍𑌰𑌿𑌷𑍁𑌸𑌂𑌸𑍍𑌥𑌿𑌤𑌃 ।
𑌸𑌙𑍍𑌕𑌲𑍍𑌪𑌯𑍋𑌨𑌿𑌰𑍍𑌦𑌿𑌨𑌕𑍃𑌦𑍍𑌭𑌗𑌵𑌾𑌨𑍍 𑌕𑌾𑌰𑌣𑌾𑌪𑌹𑌃 ॥ 80 ॥
𑌨𑍀𑌲𑌕𑌣𑍍𑌠𑍋 𑌧𑌨𑌾𑌧𑍍𑌯𑌕𑍍𑌷𑌶𑍍𑌚𑌤𑍁𑌰𑍍𑌵𑍇𑌦𑌪𑍍𑌰𑌿𑌯𑌂𑌵𑌦𑌃 ।
𑌵𑌷𑌟𑍍𑌕𑌾𑌰𑍋𑌦𑍍𑌗𑌾𑌤𑌾 𑌹𑍋𑌤𑌾 𑌸𑍍𑌵𑌾𑌹𑌾𑌕𑌾𑌰𑍋 𑌹𑍁𑌤𑌾𑌹𑍁𑌤𑌿𑌃 ॥ 81 ॥
𑌜𑌨𑌾𑌰𑍍𑌦𑌨𑍋 𑌜𑌨𑌾𑌨𑌨𑍍𑌦𑍋 𑌨𑌰𑍋 𑌨𑌾𑌰𑌾𑌯𑌣𑍋𑌽𑌮𑍍𑌬𑍁𑌦𑌃 ।
𑌸𑌨𑍍𑌦𑍇𑌹𑌨𑌾𑌶𑌨𑍋 𑌵𑌾𑌯𑍁𑌰𑍍𑌧𑌨𑍍𑌵𑍀 𑌸𑍁𑌰𑌨𑌮𑌸𑍍𑌕𑍃𑌤𑌃 ॥ 82 ॥
𑌵𑌿𑌗𑍍𑌰𑌹𑍀 𑌵𑌿𑌮𑌲𑍋 𑌵𑌿𑌨𑍍𑌦𑍁𑌰𑍍𑌵𑌿𑌶𑍋𑌕𑍋 𑌵𑌿𑌮𑌲𑌦𑍍𑌯𑍁𑌤𑌿𑌃 ।
𑌦𑍍𑌯𑍁𑌤𑌿𑌮𑌾𑌨𑍍 𑌦𑍍𑌯𑍋𑌤𑌨𑍋 𑌵𑌿𑌦𑍍𑌯𑍁𑌦𑍍𑌵𑌿𑌦𑍍𑌯𑌾𑌵𑌾𑌨𑍍 𑌵𑌿𑌦𑌿𑌤𑍋 𑌬𑌲𑍀 ॥ 83 ॥
𑌘𑌰𑍍𑌮𑌦𑍋 𑌹𑌿𑌮𑌦𑍋 𑌹𑌾𑌸𑌃 𑌕𑍃𑌷𑍍𑌣𑌵𑌰𑍍𑌤𑍍𑌮𑌾 𑌸𑍁𑌤𑌾𑌜𑌿𑌤𑌃 ।
𑌸𑌾𑌵𑌿𑌤𑍍𑌰𑍀𑌭𑌾𑌵𑌿𑌤𑍋 𑌰𑌾𑌜𑌾 𑌵𑌿𑌶𑍍𑌵𑌾𑌮𑌿𑌤𑍍𑌰𑍋 𑌘𑍃𑌣𑌿𑌰𑍍𑌵𑌿𑌰𑌾𑌟𑍍 ॥ 84 ॥
𑌸𑌪𑍍𑌤𑌾𑌰𑍍𑌚𑌿𑌃 𑌸𑌪𑍍𑌤𑌤𑍁𑌰𑌗𑌃 𑌸𑌪𑍍𑌤𑌲𑍋𑌕𑌨𑌮𑌸𑍍𑌕𑍃𑌤𑌃 ।
𑌸𑌮𑍍𑌪𑍂𑌰𑍍𑌣𑍋𑌽𑌥 𑌜𑌗𑌨𑍍𑌨𑌾𑌥𑌃 𑌸𑍁𑌮𑌨𑌾𑌃 𑌶𑍋𑌭𑌨𑌪𑍍𑌰𑌿𑌯𑌃 ॥ 85 ॥
𑌸𑌰𑍍𑌵𑌾𑌤𑍍𑌮𑌾 𑌸𑌰𑍍𑌵𑌕𑍃𑌤𑍍 𑌸𑍃𑌷𑍍𑌟𑌿𑌃 𑌸𑌪𑍍𑌤𑌿𑌮𑌾𑌨𑍍 𑌸𑌪𑍍𑌤𑌮𑍀𑌪𑍍𑌰𑌿𑌯𑌃 ।
𑌸𑍁𑌮𑍇𑌧𑌾 𑌮𑍇𑌧𑌿𑌕𑍋 𑌮𑍇𑌧𑍍𑌯𑍋 𑌮𑍇𑌧𑌾𑌵𑍀 𑌮𑌧𑍁𑌸𑍂𑌦𑌨𑌃 ॥ 86 ॥
𑌅𑌙𑍍𑌗𑌿𑌰𑌃𑌪𑌤𑌿𑌃 𑌕𑌾𑌲𑌜𑍍𑌞𑍋 𑌧𑍂𑌮𑌕𑍇𑌤𑍁𑌃 𑌸𑍁𑌕𑍇𑌤𑌨𑌃 ।
𑌸𑍁𑌖𑍀 𑌸𑍁𑌖𑌪𑍍𑌰𑌦𑌃 𑌸𑍗𑌖𑍍𑌯𑌃 𑌕𑌾𑌨𑍍𑌤𑌿𑌃 𑌕𑌾𑌨𑍍𑌤𑌿𑌪𑍍𑌰𑌿𑌯𑍋 𑌮𑍁𑌨𑌿𑌃 ॥ 87 ॥
𑌸𑌨𑍍𑌤𑌾𑌪𑌨𑌃 𑌸𑌨𑍍𑌤𑌪𑌨 𑌆𑌤𑌪𑌸𑍍𑌤𑌪𑌸𑌾𑌂 𑌪𑌤𑌿𑌃 ।
𑌉𑌮𑌾𑌪𑌤𑌿𑌃 𑌸𑌹𑌸𑍍𑌰𑌾𑌂𑌶𑍁𑌃 𑌪𑍍𑌰𑌿𑌯𑌕𑌾𑌰𑍀 𑌪𑍍𑌰𑌿𑌯𑌙𑍍𑌕𑌰𑌃 ॥ 88 ॥
𑌪𑍍𑌰𑍀𑌤𑌿𑌰𑍍𑌵𑌿𑌮𑌨𑍍𑌯𑍁𑌰𑌮𑍍𑌭𑍋𑌤𑍍𑌥𑌃 𑌖𑌞𑍍𑌜𑌨𑍋 𑌜𑌗𑌤𑌾𑌂 𑌪𑌤𑌿𑌃 ।
𑌜𑌗𑌤𑍍𑌪𑌿𑌤𑌾 𑌪𑍍𑌰𑍀𑌤𑌮𑌨𑌾𑌃 𑌸𑌰𑍍𑌵𑌃 𑌖𑌰𑍍𑌵𑍋 𑌗𑍁𑌹𑍋𑌽𑌚𑌲𑌃 ॥ 89 ॥
𑌸𑌰𑍍𑌵𑌗𑍋 𑌜𑌗𑌦𑌾𑌨𑌨𑍍𑌦𑍋 𑌜𑌗𑌨𑍍𑌨𑍇𑌤𑌾 𑌸𑍁𑌰𑌾𑌰𑌿𑌹𑌾 ।
𑌶𑍍𑌰𑍇𑌯𑌃 𑌶𑍍𑌰𑍇𑌯𑌸𑍍𑌕𑌰𑍋 𑌜𑍍𑌯𑌾𑌯𑌾𑌨𑍍 𑌮𑌹𑌾𑌨𑍁𑌤𑍍𑌤𑌮 𑌉𑌦𑍍𑌭𑌵𑌃 ॥ 90 ॥
𑌉𑌤𑍍𑌤𑌮𑍋 𑌮𑍇𑌰𑍁𑌮𑍇𑌯𑍋𑌽𑌥 𑌧𑌰𑌣𑍋 𑌧𑌰𑌣𑍀𑌧𑌰𑌃 ।
𑌧𑌰𑌾𑌧𑍍𑌯𑌕𑍍𑌷𑍋 𑌧𑌰𑍍𑌮𑌰𑌾𑌜𑍋 𑌧𑌰𑍍𑌮𑌾𑌧𑌰𑍍𑌮𑌪𑍍𑌰𑌵𑌰𑍍𑌤𑌕𑌃 ॥ 91 ॥
𑌰𑌥𑌾𑌧𑍍𑌯𑌕𑍍𑌷𑍋 𑌰𑌥𑌗𑌤𑌿𑌸𑍍𑌤𑌰𑍁𑌣𑌸𑍍𑌤𑌨𑌿𑌤𑍋𑌽𑌨𑌲𑌃 ।
𑌉𑌤𑍍𑌤𑌰𑍋𑌽𑌨𑍁𑌤𑍍𑌤𑌰𑌸𑍍𑌤𑌾𑌪𑍀 𑌅𑌵𑌾𑌕𑍍𑌪𑌤𑌿𑌰𑌪𑌾𑌂 𑌪𑌤𑌿𑌃 ॥ 92 ॥
𑌪𑍁𑌣𑍍𑌯𑌸𑌙𑍍𑌕𑍀𑌰𑍍𑌤𑌨𑌃 𑌪𑍁𑌣𑍍𑌯𑍋 𑌹𑍇𑌤𑍁𑌰𑍍𑌲𑍋𑌕𑌤𑍍𑌰𑌯𑌾𑌶𑍍𑌰𑌯𑌃 ।
𑌸𑍍𑌵𑌰𑍍𑌭𑌾𑌨𑍁𑌰𑍍𑌵𑌿𑌗𑌤𑌾𑌨𑌨𑍍𑌦𑍋 𑌵𑌿𑌶𑌿𑌷𑍍𑌟𑍋𑌤𑍍𑌕𑍃𑌷𑍍𑌟𑌕𑌰𑍍𑌮𑌕𑍃𑌤𑍍 ॥ 93 ॥
𑌵𑍍𑌯𑌾𑌧𑌿𑌪𑍍𑌰𑌣𑌾𑌶𑌨𑌃 𑌕𑍍𑌷𑍇𑌮𑌃 𑌶𑍂𑌰𑌃 𑌸𑌰𑍍𑌵𑌜𑌿𑌤𑌾𑌂 𑌵𑌰𑌃 ।
𑌏𑌕𑌰𑌥𑍋 𑌰𑌥𑌾𑌧𑍀𑌶𑌃 𑌪𑌿𑌤𑌾 𑌶𑌨𑍈𑌶𑍍𑌚𑌰𑌸𑍍𑌯 𑌹𑌿 ॥ 94 ॥
𑌵𑍈𑌵𑌸𑍍𑌵𑌤𑌗𑍁𑌰𑍁𑌰𑍍𑌮𑍃𑌤𑍍𑌯𑍁𑌰𑍍𑌧𑌰𑍍𑌮𑌨𑌿𑌤𑍍𑌯𑍋 𑌮𑌹𑌾𑌵𑍍𑌰𑌤𑌃 ।
𑌪𑍍𑌰𑌲𑌮𑍍𑌬𑌹𑌾𑌰𑌸𑌞𑍍𑌚𑌾𑌰𑍀 𑌪𑍍𑌰𑌦𑍍𑌯𑍋𑌤𑍋 𑌦𑍍𑌯𑍋𑌤𑌿𑌤𑌾𑌨𑌲𑌃 ॥ 95 ॥
𑌸𑌨𑍍𑌤𑌾𑌪𑌹𑍃𑌤𑍍 𑌪𑌰𑍋 𑌮𑌨𑍍𑌤𑍍𑌰𑍋 𑌮𑌨𑍍𑌤𑍍𑌰𑌮𑍂𑌰𑍍𑌤𑌿𑌰𑍍𑌮𑌹𑌾𑌬𑌲𑌃 ।
𑌶𑍍𑌰𑍇𑌷𑍍𑌠𑌾𑌤𑍍𑌮𑌾 𑌸𑍁𑌪𑍍𑌰𑌿𑌯𑌃 𑌶𑌮𑍍𑌭𑍁𑌰𑍍𑌮𑌰𑍁𑌤𑌾𑌮𑍀𑌶𑍍𑌵𑌰𑍇𑌶𑍍𑌵𑌰𑌃 ॥ 96 ॥
𑌸𑌂𑌸𑌾𑌰𑌗𑌤𑌿𑌵𑌿𑌚𑍍𑌚𑍇𑌤𑍍𑌤𑌾 𑌸𑌂𑌸𑌾𑌰𑌾𑌰𑍍𑌣𑌵𑌤𑌾𑌰𑌕𑌃 ।
𑌸𑌪𑍍𑌤𑌜𑌿𑌹𑍍𑌵𑌃 𑌸𑌹𑌸𑍍𑌰𑌾𑌰𑍍𑌚𑍀 𑌰𑌤𑍍𑌨𑌗𑌰𑍍𑌭𑍋𑌽𑌪𑌰𑌾𑌜𑌿𑌤𑌃 ॥ 97 ॥
𑌧𑌰𑍍𑌮𑌕𑍇𑌤𑍁𑌰𑌮𑍇𑌯𑌾𑌤𑍍𑌮𑌾 𑌧𑌰𑍍𑌮𑌾𑌧𑌰𑍍𑌮𑌵𑌰𑌪𑍍𑌰𑌦𑌃 ।
𑌲𑍋𑌕𑌸𑌾𑌕𑍍𑌷𑍀 𑌲𑍋𑌕𑌗𑍁𑌰𑍁𑌰𑍍𑌲𑍋𑌕𑍇𑌶𑌶𑍍𑌚𑌣𑍍𑌡𑌵𑌾𑌹𑌨𑌃 ॥ 98 ॥
𑌧𑌰𑍍𑌮𑌯𑍂𑌪𑍋 𑌯𑍂𑌪𑌵𑍃𑌕𑍍𑌷𑍋 𑌧𑌨𑍁𑌷𑍍𑌪𑌾𑌣𑌿𑌰𑍍𑌧𑌨𑍁𑌰𑍍𑌧𑌰𑌃 ।
𑌪𑌿𑌨𑌾𑌕𑌧𑍃𑌙𑍍𑌮𑌹𑍋𑌤𑍍𑌸𑌾𑌹𑍋 𑌮𑌹𑌾𑌮𑌾𑌯𑍋 𑌮𑌹𑌾𑌶𑌨𑌃 ॥ 99 ॥
𑌵𑍀𑌰𑌃 𑌶𑌕𑍍𑌤𑌿𑌮𑌤𑌾𑌂 𑌶𑍍𑌰𑍇𑌷𑍍𑌠𑌃 𑌸𑌰𑍍𑌵𑌶𑌸𑍍𑌤𑍍𑌰𑌭𑍃𑌤𑌾𑌂 𑌵𑌰𑌃 ।
𑌜𑍍𑌞𑌾𑌨𑌗𑌮𑍍𑌯𑍋 𑌦𑍁𑌰𑌾𑌰𑌾𑌧𑍍𑌯𑍋 𑌲𑍋𑌹𑌿𑌤𑌾𑌙𑍍𑌗𑍋 𑌵𑌿𑌵𑌰𑍍𑌧𑌨𑌃 ॥ 100 ॥
𑌖𑌗𑍋𑌽𑌨𑍍𑌧𑍋 𑌧𑌰𑍍𑌮𑌦𑍋 𑌨𑌿𑌤𑍍𑌯𑍋 𑌧𑌰𑍍𑌮𑌕𑍃𑌚𑍍𑌚𑌿𑌤𑍍𑌰𑌵𑌿𑌕𑍍𑌰𑌮𑌃 ।
𑌭𑌗𑌵𑌾𑌨𑌾𑌤𑍍𑌮𑌵𑌾𑌨𑍍 𑌮𑌨𑍍𑌤𑍍𑌰𑌸𑍍𑌤𑍍𑌰𑍍𑌯𑌕𑍍𑌷𑌰𑍋 𑌨𑍀𑌲𑌲𑍋𑌹𑌿𑌤𑌃 ॥ 101 ॥
𑌏𑌕𑍋𑌽𑌨𑍇𑌕𑌸𑍍𑌤𑍍𑌰𑌯𑍀 𑌕𑌾𑌲𑌃 𑌸𑌵𑌿𑌤𑌾 𑌸𑌮𑌿𑌤𑌿𑌞𑍍𑌜𑌯𑌃 ।
𑌶𑌾𑌰𑍍𑌙𑍍𑌗𑌧𑌨𑍍𑌵𑌾𑌽𑌨𑌲𑍋 𑌭𑍀𑌮𑌃 𑌸𑌰𑍍𑌵𑌪𑍍𑌰𑌹𑌰𑌣𑌾𑌯𑍁𑌧𑌃 ॥ 102 ॥
𑌸𑍁𑌕𑌰𑍍𑌮𑌾 𑌪𑌰𑌮𑍇𑌷𑍍𑌠𑍀 𑌚 𑌨𑌾𑌕𑌪𑌾𑌲𑍀 𑌦𑌿𑌵𑌿𑌸𑍍𑌥𑌿𑌤𑌃 ।
𑌵𑌦𑌾𑌨𑍍𑌯𑍋 𑌵𑌾𑌸𑍁𑌕𑌿𑌰𑍍𑌵𑍈𑌦𑍍𑌯 𑌆𑌤𑍍𑌰𑍇𑌯𑍋𑌽𑌥 𑌪𑌰𑌾𑌕𑍍𑌰𑌮𑌃 ॥ 103 ॥
𑌦𑍍𑌵𑌾𑌪𑌰𑌃 𑌪𑌰𑌮𑍋𑌦𑌾𑌰𑌃 𑌪𑌰𑌮𑍋 𑌬𑍍𑌰𑌹𑍍𑌮𑌚𑌰𑍍𑌯𑌵𑌾𑌨𑍍 ।
𑌉𑌦𑍀𑌚𑍍𑌯𑌵𑍇𑌷𑍋 𑌮𑍁𑌕𑍁𑌟𑍀 𑌪𑌦𑍍𑌮𑌹𑌸𑍍𑌤𑍋 𑌹𑌿𑌮𑌾𑌂𑌶𑍁𑌭𑍃𑌤𑍍 ॥ 104 ॥
𑌸𑌿𑌤𑌃 𑌪𑍍𑌰𑌸𑌨𑍍𑌨𑌵𑌦𑌨𑌃 𑌪𑌦𑍍𑌮𑍋𑌦𑌰𑌨𑌿𑌭𑌾𑌨𑌨𑌃 ।
𑌸𑌾𑌯𑌂 𑌦𑌿𑌵𑌾 𑌦𑌿𑌵𑍍𑌯𑌵𑌪𑍁𑌰𑌨𑌿𑌰𑍍𑌦𑍇𑌶𑍍𑌯𑍋 𑌮𑌹𑌾𑌲𑌯𑌃 ॥ 105 ॥
𑌮𑌹𑌾𑌰𑌥𑍋 𑌮𑌹𑌾𑌨𑍀𑌶𑌃 𑌶𑍇𑌷𑌃 𑌸𑌤𑍍𑌤𑍍𑌵𑌰𑌜𑌸𑍍𑌤𑌮𑌃 ।
𑌧𑍃𑌤𑌾𑌤𑌪𑌤𑍍𑌰𑌪𑍍𑌰𑌤𑌿𑌮𑍋 𑌵𑌿𑌮𑌰𑍍𑌷𑍀 𑌨𑌿𑌰𑍍𑌣𑌯𑌃 𑌸𑍍𑌥𑌿𑌤𑌃 ॥ 106 ॥
𑌅𑌹𑌿𑌂𑌸𑌕𑌃 𑌶𑍁𑌦𑍍𑌧𑌮𑌤𑌿𑌰𑌦𑍍𑌵𑌿𑌤𑍀𑌯𑍋 𑌵𑌿𑌵𑌰𑍍𑌧𑌨𑌃 ।
𑌸𑌰𑍍𑌵𑌦𑍋 𑌧𑌨𑌦𑍋 𑌮𑍋𑌕𑍍𑌷𑍋 𑌵𑌿𑌹𑌾𑌰𑍀 𑌬𑌹𑍁𑌦𑌾𑌯𑌕𑌃 ॥ 107 ॥
𑌚𑌾𑌰𑍁𑌰𑌾𑌤𑍍𑌰𑌿𑌹𑌰𑍋 𑌨𑌾𑌥𑍋 𑌭𑌗𑌵𑌾𑌨𑍍 𑌸𑌰𑍍𑌵𑌗𑍋𑌽𑌵𑍍𑌯𑌯𑌃 ।
𑌮𑌨𑍋𑌹𑌰𑌵𑌪𑍁𑌃 𑌶𑍁𑌭𑍍𑌰𑌃 𑌶𑍋𑌭𑌨𑌃 𑌸𑍁𑌪𑍍𑌰𑌭𑌾𑌵𑌨𑌃 ॥ 108 ॥
𑌸𑍁𑌪𑍍𑌰𑌭𑌾𑌵𑌃 𑌸𑍁𑌪𑍍𑌰𑌤𑌾𑌪𑌃 𑌸𑍁𑌨𑍇𑌤𑍍𑌰𑍋 𑌦𑌿𑌗𑍍𑌵𑌿𑌦𑌿𑌕𑍍𑌪𑌤𑌿𑌃 ।
𑌰𑌾𑌜𑍍𑌞𑍀𑌪𑍍𑌰𑌿𑌯𑌃 𑌶𑌬𑍍𑌦𑌕𑌰𑍋 𑌗𑍍𑌰𑌹𑍇𑌶𑌸𑍍𑌤𑌿𑌮𑌿𑌰𑌾𑌪𑌹𑌃 ॥ 109 ॥
𑌸𑍈𑌂𑌹𑌿𑌕𑍇𑌯𑌰𑌿𑌪𑍁𑌰𑍍𑌦𑍇𑌵𑍋 𑌵𑌰𑌦𑍋 𑌵𑌰𑌨𑌾𑌯𑌕𑌃 ।
𑌚𑌤𑍁𑌰𑍍𑌭𑍁𑌜𑍋 𑌮𑌹𑌾𑌯𑍋𑌗𑍀 𑌯𑍋𑌗𑍀𑌶𑍍𑌵𑌰𑌪𑌤𑌿𑌸𑍍𑌤𑌥𑌾 ॥ 110 ॥
𑌅𑌨𑌾𑌦𑌿𑌰𑍂𑌪𑍋𑌽𑌦𑌿𑌤𑌿𑌜𑍋 𑌰𑌤𑍍𑌨𑌕𑌾𑌨𑍍𑌤𑌿𑌃 𑌪𑍍𑌰𑌭𑌾𑌮𑌯𑌃 ।
𑌜𑌗𑌤𑍍𑌪𑍍𑌰𑌦𑍀𑌪𑍋 𑌵𑌿𑌸𑍍𑌤𑍀𑌰𑍍𑌣𑍋 𑌮𑌹𑌾𑌵𑌿𑌸𑍍𑌤𑍀𑌰𑍍𑌣𑌮𑌣𑍍𑌡𑌲𑌃 ॥ 111 ॥
𑌏𑌕𑌚𑌕𑍍𑌰𑌰𑌥𑌃 𑌸𑍍𑌵𑌰𑍍𑌣𑌰𑌥𑌃 𑌸𑍍𑌵𑌰𑍍𑌣𑌶𑌰𑍀𑌰𑌧𑍃𑌕𑍍 ।
𑌨𑌿𑌰𑌾𑌲𑌮𑍍𑌬𑍋 𑌗𑌗𑌨𑌗𑍋 𑌧𑌰𑍍𑌮𑌕𑌰𑍍𑌮𑌪𑍍𑌰𑌭𑌾𑌵𑌕𑍃𑌤𑍍 ॥ 112 ॥
𑌧𑌰𑍍𑌮𑌾𑌤𑍍𑌮𑌾 𑌕𑌰𑍍𑌮𑌣𑌾𑌂 𑌸𑌾𑌕𑍍𑌷𑍀 𑌪𑍍𑌰𑌤𑍍𑌯𑌕𑍍𑌷𑌃 𑌪𑌰𑌮𑍇𑌶𑍍𑌵𑌰𑌃 ।
𑌮𑍇𑌰𑍁𑌸𑍇𑌵𑍀 𑌸𑍁𑌮𑍇𑌧𑌾𑌵𑍀 𑌮𑍇𑌰𑍁𑌰𑌕𑍍𑌷𑌾𑌕𑌰𑍋 𑌮𑌹𑌾𑌨𑍍 ॥ 113 ॥
𑌆𑌧𑌾𑌰𑌭𑍂𑌤𑍋 𑌰𑌤𑌿𑌮𑌾𑌂𑌸𑍍𑌤𑌥𑌾 𑌚 𑌧𑌨𑌧𑌾𑌨𑍍𑌯𑌕𑍃𑌤𑍍 ।
𑌪𑌾𑌪𑌸𑌨𑍍𑌤𑌾𑌪𑌹𑌰𑍍𑌤𑌾 𑌚 𑌮𑌨𑍋𑌵𑌾𑌞𑍍𑌛𑌿𑌤𑌦𑌾𑌯𑌕𑌃 ॥ 114 ॥
𑌰𑍋𑌗𑌹𑌰𑍍𑌤𑌾 𑌰𑌾𑌜𑍍𑌯𑌦𑌾𑌯𑍀 𑌰𑌮𑌣𑍀𑌯𑌗𑍁𑌣𑍋𑌽𑌨𑍃𑌣𑍀 ।
𑌕𑌾𑌲𑌤𑍍𑌰𑌯𑌾𑌨𑌨𑍍𑌤𑌰𑍂𑌪𑍋 𑌮𑍁𑌨𑌿𑌵𑍃𑌨𑍍𑌦𑌨𑌮𑌸𑍍𑌕𑍃𑌤𑌃 ॥ 115 ॥
𑌸𑌨𑍍𑌧𑍍𑌯𑌾𑌰𑌾𑌗𑌕𑌰𑌃 𑌸𑌿𑌦𑍍𑌧𑌃 𑌸𑌨𑍍𑌧𑍍𑌯𑌾𑌵𑌨𑍍𑌦𑌨𑌵𑌨𑍍𑌦𑌿𑌤𑌃 ।
𑌸𑌾𑌮𑍍𑌰𑌾𑌜𑍍𑌯𑌦𑌾𑌨𑌨𑌿𑌰𑌤𑌃 𑌸𑌮𑌾𑌰𑌾𑌧𑌨𑌤𑍋𑌷𑌵𑌾𑌨𑍍 ॥ 116 ॥
𑌭𑌕𑍍𑌤𑌦𑍁𑌃𑌖𑌕𑍍𑌷𑌯𑌕𑌰𑍋 𑌭𑌵𑌸𑌾𑌗𑌰𑌤𑌾𑌰𑌕𑌃 ।
𑌭𑌯𑌾𑌪𑌹𑌰𑍍𑌤𑌾 𑌭𑌗𑌵𑌾𑌨𑌪𑍍𑌰𑌮𑍇𑌯𑌪𑌰𑌾𑌕𑍍𑌰𑌮𑌃 ।
𑌮𑌨𑍁𑌸𑍍𑌵𑌾𑌮𑍀 𑌮𑌨𑍁𑌪𑌤𑌿𑌰𑍍𑌮𑌾𑌨𑍍𑌯𑍋 𑌮𑌨𑍍𑌵𑌨𑍍𑌤𑌰𑌾𑌧𑌿𑌪𑌃 ॥ 117 ॥
𑌫𑌲𑌶𑍍𑌰𑍁𑌤𑌿𑌃 ।
𑌏𑌤𑌤𑍍𑌤𑍇 𑌸𑌰𑍍𑌵𑌮𑌾𑌖𑍍𑌯𑌾𑌤𑌂 𑌯𑌨𑍍𑌮𑌾𑌂 𑌤𑍍𑌵𑌂 𑌪𑌰𑌿𑌪𑍃𑌚𑍍𑌛𑌸𑌿 ।
𑌨𑌾𑌮𑍍𑌨𑌾𑌂 𑌸𑌹𑌸𑍍𑌰𑌂 𑌸𑌵𑌿𑌤𑍁𑌃 𑌪𑌰𑌾𑌶𑌰𑍍𑌯𑍋 𑌯𑌦𑌾𑌹 𑌮𑍇 ॥ 1 ॥
𑌧𑌨𑍍𑌯𑌂 𑌯𑌶𑌸𑍍𑌯𑌮𑌾𑌯𑍁𑌷𑍍𑌯𑌂 𑌦𑍁𑌃𑌖𑌦𑍁𑌃𑌸𑍍𑌵𑌪𑍍𑌨𑌨𑌾𑌶𑌨𑌮𑍍 ।
𑌬𑌨𑍍𑌧𑌮𑍋𑌕𑍍𑌷𑌕𑌰𑌂 𑌚𑍈𑌵 𑌭𑌾𑌨𑍋𑌰𑍍𑌨𑌾𑌮𑌾𑌨𑍁𑌕𑍀𑌰𑍍𑌤𑌨𑌾𑌤𑍍 ॥ 2 ॥
𑌯𑌸𑍍𑌤𑍍𑌵𑌿𑌦𑌂 𑌶𑍃𑌣𑍁𑌯𑌾𑌨𑍍𑌨𑌿𑌤𑍍𑌯𑌂 𑌪𑌠𑍇𑌦𑍍𑌵𑌾 𑌪𑍍𑌰𑌯𑌤𑍋 𑌨𑌰𑌃 ।
𑌅𑌕𑍍𑌷𑌯𑌂 𑌸𑍁𑌖𑌮𑌨𑍍𑌨𑌾𑌦𑍍𑌯𑌂 𑌭𑌵𑍇𑌤𑍍𑌤𑌸𑍍𑌯𑍋𑌪𑌸𑌾𑌧𑌿𑌤𑌮𑍍 ॥ 3 ॥
𑌨𑍃𑌪𑌾𑌗𑍍𑌨𑌿𑌤𑌸𑍍𑌕𑌰𑌭𑌯𑌂 𑌵𑍍𑌯𑌾𑌧𑌿𑌤𑍋 𑌨 𑌭𑌯𑌂 𑌭𑌵𑍇𑌤𑍍 ।
𑌵𑌿𑌜𑌯𑍀 𑌚 𑌭𑌵𑍇𑌨𑍍𑌨𑌿𑌤𑍍𑌯𑌮𑌾𑌶𑍍𑌰𑌯𑌂 𑌪𑌰𑌮𑌾𑌪𑍍𑌨𑍁𑌯𑌾𑌤𑍍 ॥ 4 ॥
𑌕𑍀𑌰𑍍𑌤𑌿𑌮𑌾𑌨𑍍 𑌸𑍁𑌭𑌗𑍋 𑌵𑌿𑌦𑍍𑌵𑌾𑌨𑍍 𑌸 𑌸𑍁𑌖𑍀 𑌪𑍍𑌰𑌿𑌯𑌦𑌰𑍍𑌶𑌨𑌃 ।
𑌜𑍀𑌵𑍇𑌦𑍍𑌵𑌰𑍍𑌷𑌶𑌤𑌾𑌯𑍁𑌶𑍍𑌚 𑌸𑌰𑍍𑌵𑌵𑍍𑌯𑌾𑌧𑌿𑌵𑌿𑌵𑌰𑍍𑌜𑌿𑌤𑌃 ॥ 5 ॥
𑌨𑌾𑌮𑍍𑌨𑌾𑌂 𑌸𑌹𑌸𑍍𑌰𑌮𑌿𑌦𑌮𑌂𑌶𑍁𑌮𑌤𑌃 𑌪𑌠𑍇𑌦𑍍𑌯𑌃
𑌪𑍍𑌰𑌾𑌤𑌃 𑌶𑍁𑌚𑌿𑌰𑍍𑌨𑌿𑌯𑌮𑌵𑌾𑌨𑍍 𑌸𑍁𑌸𑌮𑍃𑌦𑍍𑌧𑌿𑌯𑍁𑌕𑍍𑌤𑌃 ।
𑌦𑍂𑌰𑍇𑌣 𑌤𑌂 𑌪𑌰𑌿𑌹𑌰𑌨𑍍𑌤𑌿 𑌸𑌦𑍈𑌵 𑌰𑍋𑌗𑌾𑌃
𑌭𑍂𑌤𑌾𑌃 𑌸𑍁𑌪𑌰𑍍𑌣𑌮𑌿𑌵 𑌸𑌰𑍍𑌵𑌮𑌹𑍋𑌰𑌗𑍇𑌨𑍍𑌦𑍍𑌰𑌾𑌃 ॥ 6 ॥
𑌇𑌤𑌿 𑌶𑍍𑌰𑍀 𑌭𑌵𑌿𑌷𑍍𑌯𑌪𑍁𑌰𑌾𑌣𑍇 𑌸𑌪𑍍𑌤𑌮𑌕𑌲𑍍𑌪𑍇 𑌶𑍍𑌰𑍀𑌭𑌗𑌵𑌤𑍍𑌸𑍂𑌰𑍍𑌯𑌸𑍍𑌯 𑌸𑌹𑌸𑍍𑌰𑌨𑌾𑌮𑌸𑍍𑌤𑍋𑌤𑍍𑌰𑌂 𑌸𑌮𑍍𑌪𑍂𑌰𑍍𑌣𑌮𑍍 ॥
Roman (IAST) Transliteration
asya śrī sūrya sahasranāma stotrasya vedavyāsa ṛṣiḥ anuṣṭupchandaḥ savitā devatā sarvābhīṣṭa siddhyarthe jape viniyogaḥ |
dhyānam |
dhyeyaḥ sadā savitṛmaṇḍalamadhyavartī
nārāyaṇaḥ sarasijāsanasanniviṣṭaḥ |
keyūravān makarakuṇḍalavān kirīṭī
hārī hiraṇmayavapurdhṛtaśaṅkhacakraḥ ||
stotram |
oṃ viśvavidviśvajitkartā viśvātmā viśvatomukhaḥ |
viśveśvaro viśvayonirniyatātmā jitendriyaḥ || 1 ||
kālāśrayaḥ kālakartā kālahā kālanāśanaḥ |
mahāyogī mahāsiddhirmahātmā sumahābalaḥ || 2 ||
prabhurvibhurbhūtanātho bhūtātmā bhuvaneśvaraḥ |
bhūtabhavyo bhāvitātmā bhūtāntaḥkaraṇaṃ śivaḥ || 3 ||
śaraṇyaḥ kamalānando nandano nandavardhanaḥ |
vareṇyo varado yogī susaṃyuktaḥ prakāśakaḥ || 4 ||
prāptayānaḥ paraprāṇaḥ pūtātmā priyataḥ priyaḥ | [prayataḥ]
nayaḥ sahasrapāt sādhurdivyakuṇḍalamaṇḍitaḥ || 5 ||
avyaṅgadhārī dhīrātmā savitā vāyuvāhanaḥ |
samāhitamatirdātā vidhātā kṛtamaṅgalaḥ || 6 ||
kapardī kalpapādrudraḥ sumanā dharmavatsalaḥ |
samāyukto vimuktātmā kṛtātmā kṛtināṃ varaḥ || 7 ||
avicintyavapuḥ śreṣṭho mahāyogī maheśvaraḥ |
kāntaḥ kāmārirādityo niyatātmā nirākulaḥ || 8 ||
kāmaḥ kāruṇikaḥ kartā kamalākarabodhanaḥ |
saptasaptiracintyātmā mahākāruṇikottamaḥ || 9 ||
sañjīvano jīvanātho jayo jīvo jagatpatiḥ |
ayukto viśvanilayaḥ saṃvibhāgī vṛṣadhvajaḥ || 10 ||
vṛṣākapiḥ kalpakartā kalpāntakaraṇo raviḥ |
ekacakraratho maunī suratho rathināṃ varaḥ || 11 ||
sakrodhano raśmimālī tejorāśirvibhāvasuḥ |
divyakṛddinakṛddevo devadevo divaspatiḥ || 12 ||
dīnanātho haro hotā divyabāhurdivākaraḥ |
yajño yajñapatiḥ pūṣā svarṇaretāḥ parāvaraḥ || 13 ||
parāparajñastaraṇiraṃśumālī manoharaḥ |
prājñaḥ prājñapatiḥ sūryaḥ savitā viṣṇuraṃśumān || 14 ||
sadāgatirgandhavaho vihito vidhirāśugaḥ |
pataṅgaḥ patagaḥ sthāṇurvihaṅgo vihago varaḥ || 15 ||
haryaśvo haritāśvaśca haridaśvo jagatpriyaḥ |
tryambakaḥ sarvadamano bhāvitātmā bhiṣagvaraḥ || 16 ||
ālokakṛllokanātho lokālokanamaskṛtaḥ |
kālaḥ kalpāntako vahnistapanaḥ sampratāpanaḥ || 17 ||
vilocano virūpākṣaḥ sahasrākṣaḥ purandaraḥ |
sahasraraśmirmihiro vividhāmbarabhūṣaṇaḥ || 18 ||
khagaḥ pratardano dhanyo hayago vāgviśāradaḥ |
śrīmānaśiśiro vāgmī śrīpatiḥ śrīniketanaḥ || 19 ||
śrīkaṇṭhaḥ śrīdharaḥ śrīmān śrīnivāso vasupradaḥ |
kāmacārī mahāmāyo mahogro'viditāmayaḥ || 20 ||
tīrthakriyāvān sunayo vibhakto bhaktavatsalaḥ |
kīrtiḥ kīrtikaro nityaḥ kuṇḍalī kavacī rathī || 21 ||
hiraṇyaretāḥ saptāśvaḥ prayatātmā parantapaḥ |
buddhimānamaraśreṣṭho rociṣṇuḥ pākaśāsanaḥ || 22 ||
samudro dhanado dhātā māndhātā kaśmalāpahaḥ |
tamoghno dhvāntahā vahnirhotā'ntaḥkaraṇo guhaḥ || 23 ||
paśumān prayatānando bhūteśaḥ śrīmatāṃ varaḥ |
nityo'dito nityarathaḥ sureśaḥ surapūjitaḥ || 24 ||
ajito vijito jetā jaṅgamasthāvarātmakaḥ |
jīvānando nityagāmī vijetā vijayapradaḥ || 25 ||
parjanyo'gniḥ sthitiḥ stheyaḥ sthaviro'tha nirañjanaḥ |
pradyotano rathārūḍhaḥ sarvalokaprakāśakaḥ || 26 ||
dhruvo meṣī mahāvīryo haṃsaḥ saṃsāratārakaḥ |
sṛṣṭikartā kriyāheturmārtaṇḍo marutāṃ patiḥ || 27 ||
marutvān dahanastvaṣṭā bhago bhargo'ryamā kapiḥ |
varuṇeśo jagannāthaḥ kṛtakṛtyaḥ sulocanaḥ || 28 ||
vivasvān bhānumān kāryaḥ kāraṇastejasāṃ nidhiḥ |
asaṅgagāmī tigmāṃśurdharmāṃśurdīptadīdhitiḥ || 29 ||
sahasradīdhitirbradhnaḥ sahasrāṃśurdivākaraḥ |
gabhastimān dīdhitimān sragvī maṇikuladyutiḥ || 30 ||
bhāskaraḥ surakāryajñaḥ sarvajñastīkṣṇadīdhitiḥ |
surajyeṣṭhaḥ surapatirbahujño vacasāṃ patiḥ || 31 ||
tejonidhirbṛhattejā bṛhatkīrtirbṛhaspatiḥ |
ahimānūrjito dhīmānāmuktaḥ kīrtivardhanaḥ || 32 ||
mahāvaidyo gaṇapatirdhaneśo gaṇanāyakaḥ |
tīvrapratāpanastāpī tāpano viśvatāpanaḥ || 33 ||
kārtasvaro hṛṣīkeśaḥ padmānando'tinanditaḥ |
padmanābho'mṛtāhāraḥ sthitimān ketumān nabhaḥ || 34 ||
anādyanto'cyuto viśvo viśvāmitro ghṛṇirvirāṭ |
āmuktakavaco vāgmī kañcukī viśvabhāvanaḥ || 35 ||
animittagatiḥ śreṣṭhaḥ śaraṇyaḥ sarvatomukhaḥ |
vigāhī veṇurasahaḥ samāyuktaḥ samākratuḥ || 36 ||
dharmaketurdharmaratiḥ saṃhartā saṃyamo yamaḥ |
praṇatārtiharo vāyuḥ siddhakāryo janeśvaraḥ || 37 ||
nabho vigāhanaḥ satyaḥ savitātmā manoharaḥ |
hārī harirharo vāyurṛtuḥ kālānaladyutiḥ || 38 ||
sukhasevyo mahātejā jagatāmekakāraṇam |
mahendro viṣṭutaḥ stotraṃ stutihetuḥ prabhākaraḥ || 39 ||
sahasrakara āyuṣmān aroṣaḥ sukhadaḥ sukhī |
vyādhihā sukhadaḥ saukhyaṃ kalyāṇaḥ kalatāṃ varaḥ || 40 ||
ārogyakāraṇaṃ siddhirṛddhirvṛddhirbṛhaspatiḥ |
hiraṇyaretā ārogyaṃ vidvān bradhno budho mahān || 41 ||
prāṇavān dhṛtimān gharmo gharmakartā rucipradaḥ |
sarvapriyaḥ sarvasahaḥ sarvaśatruvināśanaḥ || 42 ||
prāṃśurvidyotano dyotaḥ sahasrakiraṇaḥ kṛtī |
keyūrī bhūṣaṇodbhāsī bhāsito bhāsano'nalaḥ || 43 ||
śaraṇyārtiharo hotā khadyotaḥ khagasattamaḥ |
sarvadyoto bhavadyotaḥ sarvadyutikaro mataḥ || 44 ||
kalyāṇaḥ kalyāṇakaraḥ kalyaḥ kalyakaraḥ kaviḥ |
kalyāṇakṛt kalyavapuḥ sarvakalyāṇabhājanam || 45 ||
śāntipriyaḥ prasannātmā praśāntaḥ praśamapriyaḥ |
udārakarmā sunayaḥ suvarcā varcasojjvalaḥ || 46 ||
varcasvī varcasāmīśastrailokyeśo vaśānugaḥ |
tejasvī suyaśā varṣmī varṇādhyakṣo balipriyaḥ || 47 ||
yaśasvī tejonilayastejasvī prakṛtisthitaḥ |
ākāśagaḥ śīghragatirāśugo gatimān khagaḥ || 48 ||
gopatirgrahadeveśo gomānekaḥ prabhañjanaḥ |
janitā prajano jīvo dīpaḥ sarvaprakāśakaḥ || 49 ||
sarvasākṣī yoganityo nabhasvānasurāntakaḥ |
rakṣoghno vighnaśamanaḥ kirīṭī sumanaḥpriyaḥ || 50 ||
marīcimālī sumatiḥ kṛtābhikhyaviśeṣakaḥ |
śiṣṭācāraḥ śubhācāraḥ svacārācāratatparaḥ || 51 ||
mandāro māṭharo veṇuḥ kṣudhāpaḥ kṣmāpatirguruḥ |
suviśiṣṭo viśiṣṭātmā vidheyo jñānaśobhanaḥ || 52 ||
mahāśvetaḥ priyo jñeyaḥ sāmago mokṣadāyakaḥ |
sarvavedapragītātmā sarvavedalayo mahān || 53 ||
vedamūrtiścaturvedo vedabhṛdvedapāragaḥ |
kriyāvānasito jiṣṇurvarīyāṃśurvarapradaḥ || 54 ||
vratacārī vratadharo lokabandhuralaṅkṛtaḥ |
alaṅkārākṣaro vedyo vidyāvān viditāśayaḥ || 55 ||
ākāro bhūṣaṇo bhūṣyo bhūṣṇurbhuvanapūjitaḥ |
cakrapāṇirdhvajadharaḥ sureśo lokavatsalaḥ || 56 ||
vāgmipatirmahābāhuḥ prakṛtirvikṛtirguṇaḥ |
andhakārāpahaḥ śreṣṭho yugāvarto yugādikṛt || 57 ||
aprameyaḥ sadāyogī nirahaṅkāra īśvaraḥ |
śubhapradaḥ śubhaḥ śāstā śubhakarmā śubhapradaḥ || 58 ||
satyavān śrutimānuccairnakāro vṛddhido'nalaḥ |
balabhṛdbalado bandhurmatimān balināṃ varaḥ || 59 ||
anaṅgo nāgarājendraḥ padmayonirgaṇeśvaraḥ |
saṃvatsara ṛturnetā kālacakrapravartakaḥ || 60 ||
padmekṣaṇaḥ padmayoniḥ prabhāvānamaraḥ prabhuḥ |
sumūrtiḥ sumatiḥ somo govindo jagadādijaḥ || 61 ||
pītavāsāḥ kṛṣṇavāsā digvāsāstvindriyātigaḥ |
atīndriyo'nekarūpaḥ skandaḥ parapurañjayaḥ || 62 ||
śaktimān jaladhṛgbhāsvān mokṣaheturayonijaḥ |
sarvadarśī jitādarśo duḥsvapnāśubhanāśanaḥ || 63 ||
māṅgalyakartā taraṇirvegavān kaśmalāpahaḥ |
spaṣṭākṣaro mahāmantro viśākho yajanapriyaḥ || 64 ||
viśvakarmā mahāśaktirdyutirīśo vihaṅgamaḥ |
vicakṣaṇo dakṣa indraḥ pratyūṣaḥ priyadarśanaḥ || 65 ||
akhinno vedanilayo vedavidviditāśayaḥ |
prabhākaro jitaripuḥ sujano'ruṇasārathiḥ || 66 ||
kunāśī surataḥ skando mahito'bhimato guruḥ |
graharājo grahapatirgrahanakṣatramaṇḍalaḥ || 67 ||
bhāskaraḥ satatānando nandano naravāhanaḥ |
maṅgalo'tha maṅgalavān māṅgalyo maṅgalāvahaḥ || 68 ||
maṅgalyacārucaritaḥ śīrṇaḥ sarvavrato vratī |
caturmukhaḥ padmamālī pūtātmā praṇatārtihā || 69 ||
akiñcanaḥ satāmīśo nirguṇo guṇavāñchuciḥ |
sampūrṇaḥ puṇḍarīkākṣo vidheyo yogatatparaḥ || 70 ||
sahasrāṃśuḥ kratumatiḥ sarvajñaḥ sumatiḥ suvāk |
suvāhano mālyadāmā kṛtāhāro haripriyaḥ || 71 ||
brahmā pracetāḥ prathitaḥ prayatātmā sthirātmakaḥ |
śatavinduḥ śatamukho garīyānanalaprabhaḥ || 72 ||
dhīro mahattaro vipraḥ purāṇapuruṣottamaḥ |
vidyārājādhirājo hi vidyāvān bhūtidaḥ sthitaḥ || 73 ||
anirdeśyavapuḥ śrīmān vipāpmā bahumaṅgalaḥ |
svaḥsthitaḥ surathaḥ svarṇo mokṣado baliketanaḥ || 74 ||
nirdvandvo dvandvahā svargaḥ sarvagaḥ samprakāśakaḥ |
dayāluḥ sūkṣmadhīḥ kṣāntiḥ kṣemākṣemasthitipriyaḥ || 75 ||
bhūdharo bhūpatirvaktā pavitrātmā trilocanaḥ |
mahāvarāhaḥ priyakṛddātā bhoktā'bhayapradaḥ || 76 ||
cakravartī dhṛtikaraḥ sampūrṇo'tha maheśvaraḥ |
caturvedadharo'cintyo vinindyo vividhāśanaḥ || 77 ||
vicitraratha ekākī saptasaptiḥ parātparaḥ |
sarvodadhisthitikaraḥ sthitistheyaḥ sthitipriyaḥ || 78 ||
niṣkalaḥ puṣkalo vibhurvasumān vāsavapriyaḥ |
paśumān vāsavasvāmī vasudhāmā vasupradaḥ || 79 ||
balavān jñānavāṃstattvamoṅkārastriṣusaṃsthitaḥ |
saṅkalpayonirdinakṛdbhagavān kāraṇāpahaḥ || 80 ||
nīlakaṇṭho dhanādhyakṣaścaturvedapriyaṃvadaḥ |
vaṣaṭkārodgātā hotā svāhākāro hutāhutiḥ || 81 ||
janārdano janānando naro nārāyaṇo'mbudaḥ |
sandehanāśano vāyurdhanvī suranamaskṛtaḥ || 82 ||
vigrahī vimalo vindurviśoko vimaladyutiḥ |
dyutimān dyotano vidyudvidyāvān vidito balī || 83 ||
gharmado himado hāsaḥ kṛṣṇavartmā sutājitaḥ |
sāvitrībhāvito rājā viśvāmitro ghṛṇirvirāṭ || 84 ||
saptārciḥ saptaturagaḥ saptalokanamaskṛtaḥ |
sampūrṇo'tha jagannāthaḥ sumanāḥ śobhanapriyaḥ || 85 ||
sarvātmā sarvakṛt sṛṣṭiḥ saptimān saptamīpriyaḥ |
sumedhā medhiko medhyo medhāvī madhusūdanaḥ || 86 ||
aṅgiraḥpatiḥ kālajño dhūmaketuḥ suketanaḥ |
sukhī sukhapradaḥ saukhyaḥ kāntiḥ kāntipriyo muniḥ || 87 ||
santāpanaḥ santapana ātapastapasāṃ patiḥ |
umāpatiḥ sahasrāṃśuḥ priyakārī priyaṅkaraḥ || 88 ||
prītirvimanyurambhotthaḥ khañjano jagatāṃ patiḥ |
jagatpitā prītamanāḥ sarvaḥ kharvo guho'calaḥ || 89 ||
sarvago jagadānando jagannetā surārihā |
śreyaḥ śreyaskaro jyāyān mahānuttama udbhavaḥ || 90 ||
uttamo merumeyo'tha dharaṇo dharaṇīdharaḥ |
dharādhyakṣo dharmarājo dharmādharmapravartakaḥ || 91 ||
rathādhyakṣo rathagatistaruṇastanito'nalaḥ |
uttaro'nuttarastāpī avākpatirapāṃ patiḥ || 92 ||
puṇyasaṅkīrtanaḥ puṇyo heturlokatrayāśrayaḥ |
svarbhānurvigatānando viśiṣṭotkṛṣṭakarmakṛt || 93 ||
vyādhipraṇāśanaḥ kṣemaḥ śūraḥ sarvajitāṃ varaḥ |
ekaratho rathādhīśaḥ pitā śanaiścarasya hi || 94 ||
vaivasvatagururmṛtyurdharmanityo mahāvrataḥ |
pralambahārasañcārī pradyoto dyotitānalaḥ || 95 ||
santāpahṛt paro mantro mantramūrtirmahābalaḥ |
śreṣṭhātmā supriyaḥ śambhurmarutāmīśvareśvaraḥ || 96 ||
saṃsāragativiccettā saṃsārārṇavatārakaḥ |
saptajihvaḥ sahasrārcī ratnagarbho'parājitaḥ || 97 ||
dharmaketurameyātmā dharmādharmavarapradaḥ |
lokasākṣī lokagururlokeśaścaṇḍavāhanaḥ || 98 ||
dharmayūpo yūpavṛkṣo dhanuṣpāṇirdhanurdharaḥ |
pinākadhṛṅmahotsāho mahāmāyo mahāśanaḥ || 99 ||
vīraḥ śaktimatāṃ śreṣṭhaḥ sarvaśastrabhṛtāṃ varaḥ |
jñānagamyo durārādhyo lohitāṅgo vivardhanaḥ || 100 ||
khago'ndho dharmado nityo dharmakṛccitravikramaḥ |
bhagavānātmavān mantrastryakṣaro nīlalohitaḥ || 101 ||
eko'nekastrayī kālaḥ savitā samitiñjayaḥ |
śārṅgadhanvā'nalo bhīmaḥ sarvapraharaṇāyudhaḥ || 102 ||
sukarmā parameṣṭhī ca nākapālī divisthitaḥ |
vadānyo vāsukirvaidya ātreyo'tha parākramaḥ || 103 ||
dvāparaḥ paramodāraḥ paramo brahmacaryavān |
udīcyaveṣo mukuṭī padmahasto himāṃśubhṛt || 104 ||
sitaḥ prasannavadanaḥ padmodaranibhānanaḥ |
sāyaṃ divā divyavapuranirdeśyo mahālayaḥ || 105 ||
mahāratho mahānīśaḥ śeṣaḥ sattvarajastamaḥ |
dhṛtātapatrapratimo vimarṣī nirṇayaḥ sthitaḥ || 106 ||
ahiṃsakaḥ śuddhamatiradvitīyo vivardhanaḥ |
sarvado dhanado mokṣo vihārī bahudāyakaḥ || 107 ||
cārurātriharo nātho bhagavān sarvago'vyayaḥ |
manoharavapuḥ śubhraḥ śobhanaḥ suprabhāvanaḥ || 108 ||
suprabhāvaḥ supratāpaḥ sunetro digvidikpatiḥ |
rājñīpriyaḥ śabdakaro graheśastimirāpahaḥ || 109 ||
saiṃhikeyaripurdevo varado varanāyakaḥ |
caturbhujo mahāyogī yogīśvarapatistathā || 110 ||
anādirūpo'ditijo ratnakāntiḥ prabhāmayaḥ |
jagatpradīpo vistīrṇo mahāvistīrṇamaṇḍalaḥ || 111 ||
ekacakrarathaḥ svarṇarathaḥ svarṇaśarīradhṛk |
nirālambo gaganago dharmakarmaprabhāvakṛt || 112 ||
dharmātmā karmaṇāṃ sākṣī pratyakṣaḥ parameśvaraḥ |
merusevī sumedhāvī merurakṣākaro mahān || 113 ||
ādhārabhūto ratimāṃstathā ca dhanadhānyakṛt |
pāpasantāpahartā ca manovāñchitadāyakaḥ || 114 ||
rogahartā rājyadāyī ramaṇīyaguṇo'nṛṇī |
kālatrayānantarūpo munivṛndanamaskṛtaḥ || 115 ||
sandhyārāgakaraḥ siddhaḥ sandhyāvandanavanditaḥ |
sāmrājyadānanirataḥ samārādhanatoṣavān || 116 ||
bhaktaduḥkhakṣayakaro bhavasāgaratārakaḥ |
bhayāpahartā bhagavānaprameyaparākramaḥ |
manusvāmī manupatirmānyo manvantarādhipaḥ || 117 ||
phalaśrutiḥ |
etatte sarvamākhyātaṃ yanmāṃ tvaṃ paripṛcchasi |
nāmnāṃ sahasraṃ savituḥ parāśaryo yadāha me || 1 ||
dhanyaṃ yaśasyamāyuṣyaṃ duḥkhaduḥsvapnanāśanam |
bandhamokṣakaraṃ caiva bhānornāmānukīrtanāt || 2 ||
yastvidaṃ śṛṇuyānnityaṃ paṭhedvā prayato naraḥ |
akṣayaṃ sukhamannādyaṃ bhavettasyopasādhitam || 3 ||
nṛpāgnitaskarabhayaṃ vyādhito na bhayaṃ bhavet |
vijayī ca bhavennityamāśrayaṃ paramāpnuyāt || 4 ||
kīrtimān subhago vidvān sa sukhī priyadarśanaḥ |
jīvedvarṣaśatāyuśca sarvavyādhivivarjitaḥ || 5 ||
nāmnāṃ sahasramidamaṃśumataḥ paṭhedyaḥ
prātaḥ śucirniyamavān susamṛddhiyuktaḥ |
dūreṇa taṃ pariharanti sadaiva rogāḥ
bhūtāḥ suparṇamiva sarvamahoragendrāḥ || 6 ||
iti śrī bhaviṣyapurāṇe saptamakalpe śrībhagavatsūryasya sahasranāmastotraṃ sampūrṇam ||
Sanskrit — Devanagari (original)
अस्य श्री सूर्य सहस्रनाम स्तोत्रस्य वेदव्यास ऋषिः अनुष्टुप्छन्दः सविता देवता सर्वाभीष्ट सिद्ध्यर्थे जपे विनियोगः ।
ध्यानम् ।
ध्येयः सदा सवितृमण्डलमध्यवर्ती
नारायणः सरसिजासनसन्निविष्टः ।
केयूरवान् मकरकुण्डलवान् किरीटी
हारी हिरण्मयवपुर्धृतशङ्खचक्रः ॥
स्तोत्रम् ।
ॐ विश्वविद्विश्वजित्कर्ता विश्वात्मा विश्वतोमुखः ।
विश्वेश्वरो विश्वयोनिर्नियतात्मा जितेन्द्रियः ॥ 1 ॥
कालाश्रयः कालकर्ता कालहा कालनाशनः ।
महायोगी महासिद्धिर्महात्मा सुमहाबलः ॥ 2 ॥
प्रभुर्विभुर्भूतनाथो भूतात्मा भुवनेश्वरः ।
भूतभव्यो भावितात्मा भूतान्तःकरणं शिवः ॥ 3 ॥
शरण्यः कमलानन्दो नन्दनो नन्दवर्धनः ।
वरेण्यो वरदो योगी सुसंयुक्तः प्रकाशकः ॥ 4 ॥
प्राप्तयानः परप्राणः पूतात्मा प्रियतः प्रियः । [प्रयतः]
नयः सहस्रपात् साधुर्दिव्यकुण्डलमण्डितः ॥ 5 ॥
अव्यङ्गधारी धीरात्मा सविता वायुवाहनः ।
समाहितमतिर्दाता विधाता कृतमङ्गलः ॥ 6 ॥
कपर्दी कल्पपाद्रुद्रः सुमना धर्मवत्सलः ।
समायुक्तो विमुक्तात्मा कृतात्मा कृतिनां वरः ॥ 7 ॥
अविचिन्त्यवपुः श्रेष्ठो महायोगी महेश्वरः ।
कान्तः कामारिरादित्यो नियतात्मा निराकुलः ॥ 8 ॥
कामः कारुणिकः कर्ता कमलाकरबोधनः ।
सप्तसप्तिरचिन्त्यात्मा महाकारुणिकोत्तमः ॥ 9 ॥
सञ्जीवनो जीवनाथो जयो जीवो जगत्पतिः ।
अयुक्तो विश्वनिलयः संविभागी वृषध्वजः ॥ 10 ॥
वृषाकपिः कल्पकर्ता कल्पान्तकरणो रविः ।
एकचक्ररथो मौनी सुरथो रथिनां वरः ॥ 11 ॥
सक्रोधनो रश्मिमाली तेजोराशिर्विभावसुः ।
दिव्यकृद्दिनकृद्देवो देवदेवो दिवस्पतिः ॥ 12 ॥
दीननाथो हरो होता दिव्यबाहुर्दिवाकरः ।
यज्ञो यज्ञपतिः पूषा स्वर्णरेताः परावरः ॥ 13 ॥
परापरज्ञस्तरणिरंशुमाली मनोहरः ।
प्राज्ञः प्राज्ञपतिः सूर्यः सविता विष्णुरंशुमान् ॥ 14 ॥
सदागतिर्गन्धवहो विहितो विधिराशुगः ।
पतङ्गः पतगः स्थाणुर्विहङ्गो विहगो वरः ॥ 15 ॥
हर्यश्वो हरिताश्वश्च हरिदश्वो जगत्प्रियः ।
त्र्यम्बकः सर्वदमनो भावितात्मा भिषग्वरः ॥ 16 ॥
आलोककृल्लोकनाथो लोकालोकनमस्कृतः ।
कालः कल्पान्तको वह्निस्तपनः सम्प्रतापनः ॥ 17 ॥
विलोचनो विरूपाक्षः सहस्राक्षः पुरन्दरः ।
सहस्ररश्मिर्मिहिरो विविधाम्बरभूषणः ॥ 18 ॥
खगः प्रतर्दनो धन्यो हयगो वाग्विशारदः ।
श्रीमानशिशिरो वाग्मी श्रीपतिः श्रीनिकेतनः ॥ 19 ॥
श्रीकण्ठः श्रीधरः श्रीमान् श्रीनिवासो वसुप्रदः ।
कामचारी महामायो महोग्रोऽविदितामयः ॥ 20 ॥
तीर्थक्रियावान् सुनयो विभक्तो भक्तवत्सलः ।
कीर्तिः कीर्तिकरो नित्यः कुण्डली कवची रथी ॥ 21 ॥
हिरण्यरेताः सप्ताश्वः प्रयतात्मा परन्तपः ।
बुद्धिमानमरश्रेष्ठो रोचिष्णुः पाकशासनः ॥ 22 ॥
समुद्रो धनदो धाता मान्धाता कश्मलापहः ।
तमोघ्नो ध्वान्तहा वह्निर्होताऽन्तःकरणो गुहः ॥ 23 ॥
पशुमान् प्रयतानन्दो भूतेशः श्रीमतां वरः ।
नित्योऽदितो नित्यरथः सुरेशः सुरपूजितः ॥ 24 ॥
अजितो विजितो जेता जङ्गमस्थावरात्मकः ।
जीवानन्दो नित्यगामी विजेता विजयप्रदः ॥ 25 ॥
पर्जन्योऽग्निः स्थितिः स्थेयः स्थविरोऽथ निरञ्जनः ।
प्रद्योतनो रथारूढः सर्वलोकप्रकाशकः ॥ 26 ॥
ध्रुवो मेषी महावीर्यो हंसः संसारतारकः ।
सृष्टिकर्ता क्रियाहेतुर्मार्तण्डो मरुतां पतिः ॥ 27 ॥
मरुत्वान् दहनस्त्वष्टा भगो भर्गोऽर्यमा कपिः ।
वरुणेशो जगन्नाथः कृतकृत्यः सुलोचनः ॥ 28 ॥
विवस्वान् भानुमान् कार्यः कारणस्तेजसां निधिः ।
असङ्गगामी तिग्मांशुर्धर्मांशुर्दीप्तदीधितिः ॥ 29 ॥
सहस्रदीधितिर्ब्रध्नः सहस्रांशुर्दिवाकरः ।
गभस्तिमान् दीधितिमान् स्रग्वी मणिकुलद्युतिः ॥ 30 ॥
भास्करः सुरकार्यज्ञः सर्वज्ञस्तीक्ष्णदीधितिः ।
सुरज्येष्ठः सुरपतिर्बहुज्ञो वचसां पतिः ॥ 31 ॥
तेजोनिधिर्बृहत्तेजा बृहत्कीर्तिर्बृहस्पतिः ।
अहिमानूर्जितो धीमानामुक्तः कीर्तिवर्धनः ॥ 32 ॥
महावैद्यो गणपतिर्धनेशो गणनायकः ।
तीव्रप्रतापनस्तापी तापनो विश्वतापनः ॥ 33 ॥
कार्तस्वरो हृषीकेशः पद्मानन्दोऽतिनन्दितः ।
पद्मनाभोऽमृताहारः स्थितिमान् केतुमान् नभः ॥ 34 ॥
अनाद्यन्तोऽच्युतो विश्वो विश्वामित्रो घृणिर्विराट् ।
आमुक्तकवचो वाग्मी कञ्चुकी विश्वभावनः ॥ 35 ॥
अनिमित्तगतिः श्रेष्ठः शरण्यः सर्वतोमुखः ।
विगाही वेणुरसहः समायुक्तः समाक्रतुः ॥ 36 ॥
धर्मकेतुर्धर्मरतिः संहर्ता संयमो यमः ।
प्रणतार्तिहरो वायुः सिद्धकार्यो जनेश्वरः ॥ 37 ॥
नभो विगाहनः सत्यः सवितात्मा मनोहरः ।
हारी हरिर्हरो वायुरृतुः कालानलद्युतिः ॥ 38 ॥
सुखसेव्यो महातेजा जगतामेककारणम् ।
महेन्द्रो विष्टुतः स्तोत्रं स्तुतिहेतुः प्रभाकरः ॥ 39 ॥
सहस्रकर आयुष्मान् अरोषः सुखदः सुखी ।
व्याधिहा सुखदः सौख्यं कल्याणः कलतां वरः ॥ 40 ॥
आरोग्यकारणं सिद्धिरृद्धिर्वृद्धिर्बृहस्पतिः ।
हिरण्यरेता आरोग्यं विद्वान् ब्रध्नो बुधो महान् ॥ 41 ॥
प्राणवान् धृतिमान् घर्मो घर्मकर्ता रुचिप्रदः ।
सर्वप्रियः सर्वसहः सर्वशत्रुविनाशनः ॥ 42 ॥
प्रांशुर्विद्योतनो द्योतः सहस्रकिरणः कृती ।
केयूरी भूषणोद्भासी भासितो भासनोऽनलः ॥ 43 ॥
शरण्यार्तिहरो होता खद्योतः खगसत्तमः ।
सर्वद्योतो भवद्योतः सर्वद्युतिकरो मतः ॥ 44 ॥
कल्याणः कल्याणकरः कल्यः कल्यकरः कविः ।
कल्याणकृत् कल्यवपुः सर्वकल्याणभाजनम् ॥ 45 ॥
शान्तिप्रियः प्रसन्नात्मा प्रशान्तः प्रशमप्रियः ।
उदारकर्मा सुनयः सुवर्चा वर्चसोज्ज्वलः ॥ 46 ॥
वर्चस्वी वर्चसामीशस्त्रैलोक्येशो वशानुगः ।
तेजस्वी सुयशा वर्ष्मी वर्णाध्यक्षो बलिप्रियः ॥ 47 ॥
यशस्वी तेजोनिलयस्तेजस्वी प्रकृतिस्थितः ।
आकाशगः शीघ्रगतिराशुगो गतिमान् खगः ॥ 48 ॥
गोपतिर्ग्रहदेवेशो गोमानेकः प्रभञ्जनः ।
जनिता प्रजनो जीवो दीपः सर्वप्रकाशकः ॥ 49 ॥
सर्वसाक्षी योगनित्यो नभस्वानसुरान्तकः ।
रक्षोघ्नो विघ्नशमनः किरीटी सुमनःप्रियः ॥ 50 ॥
मरीचिमाली सुमतिः कृताभिख्यविशेषकः ।
शिष्टाचारः शुभाचारः स्वचाराचारतत्परः ॥ 51 ॥
मन्दारो माठरो वेणुः क्षुधापः क्ष्मापतिर्गुरुः ।
सुविशिष्टो विशिष्टात्मा विधेयो ज्ञानशोभनः ॥ 52 ॥
महाश्वेतः प्रियो ज्ञेयः सामगो मोक्षदायकः ।
सर्ववेदप्रगीतात्मा सर्ववेदलयो महान् ॥ 53 ॥
वेदमूर्तिश्चतुर्वेदो वेदभृद्वेदपारगः ।
क्रियावानसितो जिष्णुर्वरीयांशुर्वरप्रदः ॥ 54 ॥
व्रतचारी व्रतधरो लोकबन्धुरलङ्कृतः ।
अलङ्काराक्षरो वेद्यो विद्यावान् विदिताशयः ॥ 55 ॥
आकारो भूषणो भूष्यो भूष्णुर्भुवनपूजितः ।
चक्रपाणिर्ध्वजधरः सुरेशो लोकवत्सलः ॥ 56 ॥
वाग्मिपतिर्महाबाहुः प्रकृतिर्विकृतिर्गुणः ।
अन्धकारापहः श्रेष्ठो युगावर्तो युगादिकृत् ॥ 57 ॥
अप्रमेयः सदायोगी निरहङ्कार ईश्वरः ।
शुभप्रदः शुभः शास्ता शुभकर्मा शुभप्रदः ॥ 58 ॥
सत्यवान् श्रुतिमानुच्चैर्नकारो वृद्धिदोऽनलः ।
बलभृद्बलदो बन्धुर्मतिमान् बलिनां वरः ॥ 59 ॥
अनङ्गो नागराजेन्द्रः पद्मयोनिर्गणेश्वरः ।
संवत्सर ऋतुर्नेता कालचक्रप्रवर्तकः ॥ 60 ॥
पद्मेक्षणः पद्मयोनिः प्रभावानमरः प्रभुः ।
सुमूर्तिः सुमतिः सोमो गोविन्दो जगदादिजः ॥ 61 ॥
पीतवासाः कृष्णवासा दिग्वासास्त्विन्द्रियातिगः ।
अतीन्द्रियोऽनेकरूपः स्कन्दः परपुरञ्जयः ॥ 62 ॥
शक्तिमान् जलधृग्भास्वान् मोक्षहेतुरयोनिजः ।
सर्वदर्शी जितादर्शो दुःस्वप्नाशुभनाशनः ॥ 63 ॥
माङ्गल्यकर्ता तरणिर्वेगवान् कश्मलापहः ।
स्पष्टाक्षरो महामन्त्रो विशाखो यजनप्रियः ॥ 64 ॥
विश्वकर्मा महाशक्तिर्द्युतिरीशो विहङ्गमः ।
विचक्षणो दक्ष इन्द्रः प्रत्यूषः प्रियदर्शनः ॥ 65 ॥
अखिन्नो वेदनिलयो वेदविद्विदिताशयः ।
प्रभाकरो जितरिपुः सुजनोऽरुणसारथिः ॥ 66 ॥
कुनाशी सुरतः स्कन्दो महितोऽभिमतो गुरुः ।
ग्रहराजो ग्रहपतिर्ग्रहनक्षत्रमण्डलः ॥ 67 ॥
भास्करः सततानन्दो नन्दनो नरवाहनः ।
मङ्गलोऽथ मङ्गलवान् माङ्गल्यो मङ्गलावहः ॥ 68 ॥
मङ्गल्यचारुचरितः शीर्णः सर्वव्रतो व्रती ।
चतुर्मुखः पद्ममाली पूतात्मा प्रणतार्तिहा ॥ 69 ॥
अकिञ्चनः सतामीशो निर्गुणो गुणवाञ्छुचिः ।
सम्पूर्णः पुण्डरीकाक्षो विधेयो योगतत्परः ॥ 70 ॥
सहस्रांशुः क्रतुमतिः सर्वज्ञः सुमतिः सुवाक् ।
सुवाहनो माल्यदामा कृताहारो हरिप्रियः ॥ 71 ॥
ब्रह्मा प्रचेताः प्रथितः प्रयतात्मा स्थिरात्मकः ।
शतविन्दुः शतमुखो गरीयाननलप्रभः ॥ 72 ॥
धीरो महत्तरो विप्रः पुराणपुरुषोत्तमः ।
विद्याराजाधिराजो हि विद्यावान् भूतिदः स्थितः ॥ 73 ॥
अनिर्देश्यवपुः श्रीमान् विपाप्मा बहुमङ्गलः ।
स्वःस्थितः सुरथः स्वर्णो मोक्षदो बलिकेतनः ॥ 74 ॥
निर्द्वन्द्वो द्वन्द्वहा स्वर्गः सर्वगः सम्प्रकाशकः ।
दयालुः सूक्ष्मधीः क्षान्तिः क्षेमाक्षेमस्थितिप्रियः ॥ 75 ॥
भूधरो भूपतिर्वक्ता पवित्रात्मा त्रिलोचनः ।
महावराहः प्रियकृद्दाता भोक्ताऽभयप्रदः ॥ 76 ॥
चक्रवर्ती धृतिकरः सम्पूर्णोऽथ महेश्वरः ।
चतुर्वेदधरोऽचिन्त्यो विनिन्द्यो विविधाशनः ॥ 77 ॥
विचित्ररथ एकाकी सप्तसप्तिः परात्परः ।
सर्वोदधिस्थितिकरः स्थितिस्थेयः स्थितिप्रियः ॥ 78 ॥
निष्कलः पुष्कलो विभुर्वसुमान् वासवप्रियः ।
पशुमान् वासवस्वामी वसुधामा वसुप्रदः ॥ 79 ॥
बलवान् ज्ञानवांस्तत्त्वमोङ्कारस्त्रिषुसंस्थितः ।
सङ्कल्पयोनिर्दिनकृद्भगवान् कारणापहः ॥ 80 ॥
नीलकण्ठो धनाध्यक्षश्चतुर्वेदप्रियंवदः ।
वषट्कारोद्गाता होता स्वाहाकारो हुताहुतिः ॥ 81 ॥
जनार्दनो जनानन्दो नरो नारायणोऽम्बुदः ।
सन्देहनाशनो वायुर्धन्वी सुरनमस्कृतः ॥ 82 ॥
विग्रही विमलो विन्दुर्विशोको विमलद्युतिः ।
द्युतिमान् द्योतनो विद्युद्विद्यावान् विदितो बली ॥ 83 ॥
घर्मदो हिमदो हासः कृष्णवर्त्मा सुताजितः ।
सावित्रीभावितो राजा विश्वामित्रो घृणिर्विराट् ॥ 84 ॥
सप्तार्चिः सप्ततुरगः सप्तलोकनमस्कृतः ।
सम्पूर्णोऽथ जगन्नाथः सुमनाः शोभनप्रियः ॥ 85 ॥
सर्वात्मा सर्वकृत् सृष्टिः सप्तिमान् सप्तमीप्रियः ।
सुमेधा मेधिको मेध्यो मेधावी मधुसूदनः ॥ 86 ॥
अङ्गिरःपतिः कालज्ञो धूमकेतुः सुकेतनः ।
सुखी सुखप्रदः सौख्यः कान्तिः कान्तिप्रियो मुनिः ॥ 87 ॥
सन्तापनः सन्तपन आतपस्तपसां पतिः ।
उमापतिः सहस्रांशुः प्रियकारी प्रियङ्करः ॥ 88 ॥
प्रीतिर्विमन्युरम्भोत्थः खञ्जनो जगतां पतिः ।
जगत्पिता प्रीतमनाः सर्वः खर्वो गुहोऽचलः ॥ 89 ॥
सर्वगो जगदानन्दो जगन्नेता सुरारिहा ।
श्रेयः श्रेयस्करो ज्यायान् महानुत्तम उद्भवः ॥ 90 ॥
उत्तमो मेरुमेयोऽथ धरणो धरणीधरः ।
धराध्यक्षो धर्मराजो धर्माधर्मप्रवर्तकः ॥ 91 ॥
रथाध्यक्षो रथगतिस्तरुणस्तनितोऽनलः ।
उत्तरोऽनुत्तरस्तापी अवाक्पतिरपां पतिः ॥ 92 ॥
पुण्यसङ्कीर्तनः पुण्यो हेतुर्लोकत्रयाश्रयः ।
स्वर्भानुर्विगतानन्दो विशिष्टोत्कृष्टकर्मकृत् ॥ 93 ॥
व्याधिप्रणाशनः क्षेमः शूरः सर्वजितां वरः ।
एकरथो रथाधीशः पिता शनैश्चरस्य हि ॥ 94 ॥
वैवस्वतगुरुर्मृत्युर्धर्मनित्यो महाव्रतः ।
प्रलम्बहारसञ्चारी प्रद्योतो द्योतितानलः ॥ 95 ॥
सन्तापहृत् परो मन्त्रो मन्त्रमूर्तिर्महाबलः ।
श्रेष्ठात्मा सुप्रियः शम्भुर्मरुतामीश्वरेश्वरः ॥ 96 ॥
संसारगतिविच्चेत्ता संसारार्णवतारकः ।
सप्तजिह्वः सहस्रार्ची रत्नगर्भोऽपराजितः ॥ 97 ॥
धर्मकेतुरमेयात्मा धर्माधर्मवरप्रदः ।
लोकसाक्षी लोकगुरुर्लोकेशश्चण्डवाहनः ॥ 98 ॥
धर्मयूपो यूपवृक्षो धनुष्पाणिर्धनुर्धरः ।
पिनाकधृङ्महोत्साहो महामायो महाशनः ॥ 99 ॥
वीरः शक्तिमतां श्रेष्ठः सर्वशस्त्रभृतां वरः ।
ज्ञानगम्यो दुराराध्यो लोहिताङ्गो विवर्धनः ॥ 100 ॥
खगोऽन्धो धर्मदो नित्यो धर्मकृच्चित्रविक्रमः ।
भगवानात्मवान् मन्त्रस्त्र्यक्षरो नीललोहितः ॥ 101 ॥
एकोऽनेकस्त्रयी कालः सविता समितिञ्जयः ।
शार्ङ्गधन्वाऽनलो भीमः सर्वप्रहरणायुधः ॥ 102 ॥
सुकर्मा परमेष्ठी च नाकपाली दिविस्थितः ।
वदान्यो वासुकिर्वैद्य आत्रेयोऽथ पराक्रमः ॥ 103 ॥
द्वापरः परमोदारः परमो ब्रह्मचर्यवान् ।
उदीच्यवेषो मुकुटी पद्महस्तो हिमांशुभृत् ॥ 104 ॥
सितः प्रसन्नवदनः पद्मोदरनिभाननः ।
सायं दिवा दिव्यवपुरनिर्देश्यो महालयः ॥ 105 ॥
महारथो महानीशः शेषः सत्त्वरजस्तमः ।
धृतातपत्रप्रतिमो विमर्षी निर्णयः स्थितः ॥ 106 ॥
अहिंसकः शुद्धमतिरद्वितीयो विवर्धनः ।
सर्वदो धनदो मोक्षो विहारी बहुदायकः ॥ 107 ॥
चारुरात्रिहरो नाथो भगवान् सर्वगोऽव्ययः ।
मनोहरवपुः शुभ्रः शोभनः सुप्रभावनः ॥ 108 ॥
सुप्रभावः सुप्रतापः सुनेत्रो दिग्विदिक्पतिः ।
राज्ञीप्रियः शब्दकरो ग्रहेशस्तिमिरापहः ॥ 109 ॥
सैंहिकेयरिपुर्देवो वरदो वरनायकः ।
चतुर्भुजो महायोगी योगीश्वरपतिस्तथा ॥ 110 ॥
अनादिरूपोऽदितिजो रत्नकान्तिः प्रभामयः ।
जगत्प्रदीपो विस्तीर्णो महाविस्तीर्णमण्डलः ॥ 111 ॥
एकचक्ररथः स्वर्णरथः स्वर्णशरीरधृक् ।
निरालम्बो गगनगो धर्मकर्मप्रभावकृत् ॥ 112 ॥
धर्मात्मा कर्मणां साक्षी प्रत्यक्षः परमेश्वरः ।
मेरुसेवी सुमेधावी मेरुरक्षाकरो महान् ॥ 113 ॥
आधारभूतो रतिमांस्तथा च धनधान्यकृत् ।
पापसन्तापहर्ता च मनोवाञ्छितदायकः ॥ 114 ॥
रोगहर्ता राज्यदायी रमणीयगुणोऽनृणी ।
कालत्रयानन्तरूपो मुनिवृन्दनमस्कृतः ॥ 115 ॥
सन्ध्यारागकरः सिद्धः सन्ध्यावन्दनवन्दितः ।
साम्राज्यदाननिरतः समाराधनतोषवान् ॥ 116 ॥
भक्तदुःखक्षयकरो भवसागरतारकः ।
भयापहर्ता भगवानप्रमेयपराक्रमः ।
मनुस्वामी मनुपतिर्मान्यो मन्वन्तराधिपः ॥ 117 ॥
फलश्रुतिः ।
एतत्ते सर्वमाख्यातं यन्मां त्वं परिपृच्छसि ।
नाम्नां सहस्रं सवितुः पराशर्यो यदाह मे ॥ 1 ॥
धन्यं यशस्यमायुष्यं दुःखदुःस्वप्ननाशनम् ।
बन्धमोक्षकरं चैव भानोर्नामानुकीर्तनात् ॥ 2 ॥
यस्त्विदं शृणुयान्नित्यं पठेद्वा प्रयतो नरः ।
अक्षयं सुखमन्नाद्यं भवेत्तस्योपसाधितम् ॥ 3 ॥
नृपाग्नितस्करभयं व्याधितो न भयं भवेत् ।
विजयी च भवेन्नित्यमाश्रयं परमाप्नुयात् ॥ 4 ॥
कीर्तिमान् सुभगो विद्वान् स सुखी प्रियदर्शनः ।
जीवेद्वर्षशतायुश्च सर्वव्याधिविवर्जितः ॥ 5 ॥
नाम्नां सहस्रमिदमंशुमतः पठेद्यः
प्रातः शुचिर्नियमवान् सुसमृद्धियुक्तः ।
दूरेण तं परिहरन्ति सदैव रोगाः
भूताः सुपर्णमिव सर्वमहोरगेन्द्राः ॥ 6 ॥
इति श्री भविष्यपुराणे सप्तमकल्पे श्रीभगवत्सूर्यस्य सहस्रनामस्तोत्रं सम्पूर्णम् ॥
asya śrī sūrya sahasranāma stotrasya vedavyāsa ṛṣiḥ anuṣṭupchandaḥ savitā devatā sarvābhīṣṭa siddhyarthe jape viniyogaḥ |
dhyānam |
dhyeyaḥ sadā savitṛmaṇḍalamadhyavartī
nārāyaṇaḥ sarasijāsanasanniviṣṭaḥ |
keyūravān makarakuṇḍalavān kirīṭī
hārī hiraṇmayavapurdhṛtaśaṅkhacakraḥ ||
stotram |
oṃ viśvavidviśvajitkartā viśvātmā viśvatomukhaḥ |
viśveśvaro viśvayonirniyatātmā jitendriyaḥ || 1 ||
kālāśrayaḥ kālakartā kālahā kālanāśanaḥ |
mahāyogī mahāsiddhirmahātmā sumahābalaḥ || 2 ||
prabhurvibhurbhūtanātho bhūtātmā bhuvaneśvaraḥ |
bhūtabhavyo bhāvitātmā bhūtāntaḥkaraṇaṃ śivaḥ || 3 ||
śaraṇyaḥ kamalānando nandano nandavardhanaḥ |
vareṇyo varado yogī susaṃyuktaḥ prakāśakaḥ || 4 ||
prāptayānaḥ paraprāṇaḥ pūtātmā priyataḥ priyaḥ | [prayataḥ]
nayaḥ sahasrapāt sādhurdivyakuṇḍalamaṇḍitaḥ || 5 ||
avyaṅgadhārī dhīrātmā savitā vāyuvāhanaḥ |
samāhitamatirdātā vidhātā kṛtamaṅgalaḥ || 6 ||
kapardī kalpapādrudraḥ sumanā dharmavatsalaḥ |
samāyukto vimuktātmā kṛtātmā kṛtināṃ varaḥ || 7 ||
avicintyavapuḥ śreṣṭho mahāyogī maheśvaraḥ |
kāntaḥ kāmārirādityo niyatātmā nirākulaḥ || 8 ||
kāmaḥ kāruṇikaḥ kartā kamalākarabodhanaḥ |
saptasaptiracintyātmā mahākāruṇikottamaḥ || 9 ||
sañjīvano jīvanātho jayo jīvo jagatpatiḥ |
ayukto viśvanilayaḥ saṃvibhāgī vṛṣadhvajaḥ || 10 ||
vṛṣākapiḥ kalpakartā kalpāntakaraṇo raviḥ |
ekacakraratho maunī suratho rathināṃ varaḥ || 11 ||
sakrodhano raśmimālī tejorāśirvibhāvasuḥ |
divyakṛddinakṛddevo devadevo divaspatiḥ || 12 ||
dīnanātho haro hotā divyabāhurdivākaraḥ |
yajño yajñapatiḥ pūṣā svarṇaretāḥ parāvaraḥ || 13 ||
parāparajñastaraṇiraṃśumālī manoharaḥ |
prājñaḥ prājñapatiḥ sūryaḥ savitā viṣṇuraṃśumān || 14 ||
sadāgatirgandhavaho vihito vidhirāśugaḥ |
pataṅgaḥ patagaḥ sthāṇurvihaṅgo vihago varaḥ || 15 ||
haryaśvo haritāśvaśca haridaśvo jagatpriyaḥ |
tryambakaḥ sarvadamano bhāvitātmā bhiṣagvaraḥ || 16 ||
ālokakṛllokanātho lokālokanamaskṛtaḥ |
kālaḥ kalpāntako vahnistapanaḥ sampratāpanaḥ || 17 ||
vilocano virūpākṣaḥ sahasrākṣaḥ purandaraḥ |
sahasraraśmirmihiro vividhāmbarabhūṣaṇaḥ || 18 ||
khagaḥ pratardano dhanyo hayago vāgviśāradaḥ |
śrīmānaśiśiro vāgmī śrīpatiḥ śrīniketanaḥ || 19 ||
śrīkaṇṭhaḥ śrīdharaḥ śrīmān śrīnivāso vasupradaḥ |
kāmacārī mahāmāyo mahogro'viditāmayaḥ || 20 ||
tīrthakriyāvān sunayo vibhakto bhaktavatsalaḥ |
kīrtiḥ kīrtikaro nityaḥ kuṇḍalī kavacī rathī || 21 ||
hiraṇyaretāḥ saptāśvaḥ prayatātmā parantapaḥ |
buddhimānamaraśreṣṭho rociṣṇuḥ pākaśāsanaḥ || 22 ||
samudro dhanado dhātā māndhātā kaśmalāpahaḥ |
tamoghno dhvāntahā vahnirhotā'ntaḥkaraṇo guhaḥ || 23 ||
paśumān prayatānando bhūteśaḥ śrīmatāṃ varaḥ |
nityo'dito nityarathaḥ sureśaḥ surapūjitaḥ || 24 ||
ajito vijito jetā jaṅgamasthāvarātmakaḥ |
jīvānando nityagāmī vijetā vijayapradaḥ || 25 ||
parjanyo'gniḥ sthitiḥ stheyaḥ sthaviro'tha nirañjanaḥ |
pradyotano rathārūḍhaḥ sarvalokaprakāśakaḥ || 26 ||
dhruvo meṣī mahāvīryo haṃsaḥ saṃsāratārakaḥ |
sṛṣṭikartā kriyāheturmārtaṇḍo marutāṃ patiḥ || 27 ||
marutvān dahanastvaṣṭā bhago bhargo'ryamā kapiḥ |
varuṇeśo jagannāthaḥ kṛtakṛtyaḥ sulocanaḥ || 28 ||
vivasvān bhānumān kāryaḥ kāraṇastejasāṃ nidhiḥ |
asaṅgagāmī tigmāṃśurdharmāṃśurdīptadīdhitiḥ || 29 ||
sahasradīdhitirbradhnaḥ sahasrāṃśurdivākaraḥ |
gabhastimān dīdhitimān sragvī maṇikuladyutiḥ || 30 ||
bhāskaraḥ surakāryajñaḥ sarvajñastīkṣṇadīdhitiḥ |
surajyeṣṭhaḥ surapatirbahujño vacasāṃ patiḥ || 31 ||
tejonidhirbṛhattejā bṛhatkīrtirbṛhaspatiḥ |
ahimānūrjito dhīmānāmuktaḥ kīrtivardhanaḥ || 32 ||
mahāvaidyo gaṇapatirdhaneśo gaṇanāyakaḥ |
tīvrapratāpanastāpī tāpano viśvatāpanaḥ || 33 ||
kārtasvaro hṛṣīkeśaḥ padmānando'tinanditaḥ |
padmanābho'mṛtāhāraḥ sthitimān ketumān nabhaḥ || 34 ||
anādyanto'cyuto viśvo viśvāmitro ghṛṇirvirāṭ |
āmuktakavaco vāgmī kañcukī viśvabhāvanaḥ || 35 ||
animittagatiḥ śreṣṭhaḥ śaraṇyaḥ sarvatomukhaḥ |
vigāhī veṇurasahaḥ samāyuktaḥ samākratuḥ || 36 ||
dharmaketurdharmaratiḥ saṃhartā saṃyamo yamaḥ |
praṇatārtiharo vāyuḥ siddhakāryo janeśvaraḥ || 37 ||
nabho vigāhanaḥ satyaḥ savitātmā manoharaḥ |
hārī harirharo vāyurṛtuḥ kālānaladyutiḥ || 38 ||
sukhasevyo mahātejā jagatāmekakāraṇam |
mahendro viṣṭutaḥ stotraṃ stutihetuḥ prabhākaraḥ || 39 ||
sahasrakara āyuṣmān aroṣaḥ sukhadaḥ sukhī |
vyādhihā sukhadaḥ saukhyaṃ kalyāṇaḥ kalatāṃ varaḥ || 40 ||
ārogyakāraṇaṃ siddhirṛddhirvṛddhirbṛhaspatiḥ |
hiraṇyaretā ārogyaṃ vidvān bradhno budho mahān || 41 ||
prāṇavān dhṛtimān gharmo gharmakartā rucipradaḥ |
sarvapriyaḥ sarvasahaḥ sarvaśatruvināśanaḥ || 42 ||
prāṃśurvidyotano dyotaḥ sahasrakiraṇaḥ kṛtī |
keyūrī bhūṣaṇodbhāsī bhāsito bhāsano'nalaḥ || 43 ||
śaraṇyārtiharo hotā khadyotaḥ khagasattamaḥ |
sarvadyoto bhavadyotaḥ sarvadyutikaro mataḥ || 44 ||
kalyāṇaḥ kalyāṇakaraḥ kalyaḥ kalyakaraḥ kaviḥ |
kalyāṇakṛt kalyavapuḥ sarvakalyāṇabhājanam || 45 ||
śāntipriyaḥ prasannātmā praśāntaḥ praśamapriyaḥ |
udārakarmā sunayaḥ suvarcā varcasojjvalaḥ || 46 ||
varcasvī varcasāmīśastrailokyeśo vaśānugaḥ |
tejasvī suyaśā varṣmī varṇādhyakṣo balipriyaḥ || 47 ||
yaśasvī tejonilayastejasvī prakṛtisthitaḥ |
ākāśagaḥ śīghragatirāśugo gatimān khagaḥ || 48 ||
gopatirgrahadeveśo gomānekaḥ prabhañjanaḥ |
janitā prajano jīvo dīpaḥ sarvaprakāśakaḥ || 49 ||
sarvasākṣī yoganityo nabhasvānasurāntakaḥ |
rakṣoghno vighnaśamanaḥ kirīṭī sumanaḥpriyaḥ || 50 ||
marīcimālī sumatiḥ kṛtābhikhyaviśeṣakaḥ |
śiṣṭācāraḥ śubhācāraḥ svacārācāratatparaḥ || 51 ||
mandāro māṭharo veṇuḥ kṣudhāpaḥ kṣmāpatirguruḥ |
suviśiṣṭo viśiṣṭātmā vidheyo jñānaśobhanaḥ || 52 ||
mahāśvetaḥ priyo jñeyaḥ sāmago mokṣadāyakaḥ |
sarvavedapragītātmā sarvavedalayo mahān || 53 ||
vedamūrtiścaturvedo vedabhṛdvedapāragaḥ |
kriyāvānasito jiṣṇurvarīyāṃśurvarapradaḥ || 54 ||
vratacārī vratadharo lokabandhuralaṅkṛtaḥ |
alaṅkārākṣaro vedyo vidyāvān viditāśayaḥ || 55 ||
ākāro bhūṣaṇo bhūṣyo bhūṣṇurbhuvanapūjitaḥ |
cakrapāṇirdhvajadharaḥ sureśo lokavatsalaḥ || 56 ||
vāgmipatirmahābāhuḥ prakṛtirvikṛtirguṇaḥ |
andhakārāpahaḥ śreṣṭho yugāvarto yugādikṛt || 57 ||
aprameyaḥ sadāyogī nirahaṅkāra īśvaraḥ |
śubhapradaḥ śubhaḥ śāstā śubhakarmā śubhapradaḥ || 58 ||
satyavān śrutimānuccairnakāro vṛddhido'nalaḥ |
balabhṛdbalado bandhurmatimān balināṃ varaḥ || 59 ||
anaṅgo nāgarājendraḥ padmayonirgaṇeśvaraḥ |
saṃvatsara ṛturnetā kālacakrapravartakaḥ || 60 ||
padmekṣaṇaḥ padmayoniḥ prabhāvānamaraḥ prabhuḥ |
sumūrtiḥ sumatiḥ somo govindo jagadādijaḥ || 61 ||
pītavāsāḥ kṛṣṇavāsā digvāsāstvindriyātigaḥ |
atīndriyo'nekarūpaḥ skandaḥ parapurañjayaḥ || 62 ||
śaktimān jaladhṛgbhāsvān mokṣaheturayonijaḥ |
sarvadarśī jitādarśo duḥsvapnāśubhanāśanaḥ || 63 ||
māṅgalyakartā taraṇirvegavān kaśmalāpahaḥ |
spaṣṭākṣaro mahāmantro viśākho yajanapriyaḥ || 64 ||
viśvakarmā mahāśaktirdyutirīśo vihaṅgamaḥ |
vicakṣaṇo dakṣa indraḥ pratyūṣaḥ priyadarśanaḥ || 65 ||
akhinno vedanilayo vedavidviditāśayaḥ |
prabhākaro jitaripuḥ sujano'ruṇasārathiḥ || 66 ||
kunāśī surataḥ skando mahito'bhimato guruḥ |
graharājo grahapatirgrahanakṣatramaṇḍalaḥ || 67 ||
bhāskaraḥ satatānando nandano naravāhanaḥ |
maṅgalo'tha maṅgalavān māṅgalyo maṅgalāvahaḥ || 68 ||
maṅgalyacārucaritaḥ śīrṇaḥ sarvavrato vratī |
caturmukhaḥ padmamālī pūtātmā praṇatārtihā || 69 ||
akiñcanaḥ satāmīśo nirguṇo guṇavāñchuciḥ |
sampūrṇaḥ puṇḍarīkākṣo vidheyo yogatatparaḥ || 70 ||
sahasrāṃśuḥ kratumatiḥ sarvajñaḥ sumatiḥ suvāk |
suvāhano mālyadāmā kṛtāhāro haripriyaḥ || 71 ||
brahmā pracetāḥ prathitaḥ prayatātmā sthirātmakaḥ |
śatavinduḥ śatamukho garīyānanalaprabhaḥ || 72 ||
dhīro mahattaro vipraḥ purāṇapuruṣottamaḥ |
vidyārājādhirājo hi vidyāvān bhūtidaḥ sthitaḥ || 73 ||
anirdeśyavapuḥ śrīmān vipāpmā bahumaṅgalaḥ |
svaḥsthitaḥ surathaḥ svarṇo mokṣado baliketanaḥ || 74 ||
nirdvandvo dvandvahā svargaḥ sarvagaḥ samprakāśakaḥ |
dayāluḥ sūkṣmadhīḥ kṣāntiḥ kṣemākṣemasthitipriyaḥ || 75 ||
bhūdharo bhūpatirvaktā pavitrātmā trilocanaḥ |
mahāvarāhaḥ priyakṛddātā bhoktā'bhayapradaḥ || 76 ||
cakravartī dhṛtikaraḥ sampūrṇo'tha maheśvaraḥ |
caturvedadharo'cintyo vinindyo vividhāśanaḥ || 77 ||
vicitraratha ekākī saptasaptiḥ parātparaḥ |
sarvodadhisthitikaraḥ sthitistheyaḥ sthitipriyaḥ || 78 ||
niṣkalaḥ puṣkalo vibhurvasumān vāsavapriyaḥ |
paśumān vāsavasvāmī vasudhāmā vasupradaḥ || 79 ||
balavān jñānavāṃstattvamoṅkārastriṣusaṃsthitaḥ |
saṅkalpayonirdinakṛdbhagavān kāraṇāpahaḥ || 80 ||
nīlakaṇṭho dhanādhyakṣaścaturvedapriyaṃvadaḥ |
vaṣaṭkārodgātā hotā svāhākāro hutāhutiḥ || 81 ||
janārdano janānando naro nārāyaṇo'mbudaḥ |
sandehanāśano vāyurdhanvī suranamaskṛtaḥ || 82 ||
vigrahī vimalo vindurviśoko vimaladyutiḥ |
dyutimān dyotano vidyudvidyāvān vidito balī || 83 ||
gharmado himado hāsaḥ kṛṣṇavartmā sutājitaḥ |
sāvitrībhāvito rājā viśvāmitro ghṛṇirvirāṭ || 84 ||
saptārciḥ saptaturagaḥ saptalokanamaskṛtaḥ |
sampūrṇo'tha jagannāthaḥ sumanāḥ śobhanapriyaḥ || 85 ||
sarvātmā sarvakṛt sṛṣṭiḥ saptimān saptamīpriyaḥ |
sumedhā medhiko medhyo medhāvī madhusūdanaḥ || 86 ||
aṅgiraḥpatiḥ kālajño dhūmaketuḥ suketanaḥ |
sukhī sukhapradaḥ saukhyaḥ kāntiḥ kāntipriyo muniḥ || 87 ||
santāpanaḥ santapana ātapastapasāṃ patiḥ |
umāpatiḥ sahasrāṃśuḥ priyakārī priyaṅkaraḥ || 88 ||
prītirvimanyurambhotthaḥ khañjano jagatāṃ patiḥ |
jagatpitā prītamanāḥ sarvaḥ kharvo guho'calaḥ || 89 ||
sarvago jagadānando jagannetā surārihā |
śreyaḥ śreyaskaro jyāyān mahānuttama udbhavaḥ || 90 ||
uttamo merumeyo'tha dharaṇo dharaṇīdharaḥ |
dharādhyakṣo dharmarājo dharmādharmapravartakaḥ || 91 ||
rathādhyakṣo rathagatistaruṇastanito'nalaḥ |
uttaro'nuttarastāpī avākpatirapāṃ patiḥ || 92 ||
puṇyasaṅkīrtanaḥ puṇyo heturlokatrayāśrayaḥ |
svarbhānurvigatānando viśiṣṭotkṛṣṭakarmakṛt || 93 ||
vyādhipraṇāśanaḥ kṣemaḥ śūraḥ sarvajitāṃ varaḥ |
ekaratho rathādhīśaḥ pitā śanaiścarasya hi || 94 ||
vaivasvatagururmṛtyurdharmanityo mahāvrataḥ |
pralambahārasañcārī pradyoto dyotitānalaḥ || 95 ||
santāpahṛt paro mantro mantramūrtirmahābalaḥ |
śreṣṭhātmā supriyaḥ śambhurmarutāmīśvareśvaraḥ || 96 ||
saṃsāragativiccettā saṃsārārṇavatārakaḥ |
saptajihvaḥ sahasrārcī ratnagarbho'parājitaḥ || 97 ||
dharmaketurameyātmā dharmādharmavarapradaḥ |
lokasākṣī lokagururlokeśaścaṇḍavāhanaḥ || 98 ||
dharmayūpo yūpavṛkṣo dhanuṣpāṇirdhanurdharaḥ |
pinākadhṛṅmahotsāho mahāmāyo mahāśanaḥ || 99 ||
vīraḥ śaktimatāṃ śreṣṭhaḥ sarvaśastrabhṛtāṃ varaḥ |
jñānagamyo durārādhyo lohitāṅgo vivardhanaḥ || 100 ||
khago'ndho dharmado nityo dharmakṛccitravikramaḥ |
bhagavānātmavān mantrastryakṣaro nīlalohitaḥ || 101 ||
eko'nekastrayī kālaḥ savitā samitiñjayaḥ |
śārṅgadhanvā'nalo bhīmaḥ sarvapraharaṇāyudhaḥ || 102 ||
sukarmā parameṣṭhī ca nākapālī divisthitaḥ |
vadānyo vāsukirvaidya ātreyo'tha parākramaḥ || 103 ||
dvāparaḥ paramodāraḥ paramo brahmacaryavān |
udīcyaveṣo mukuṭī padmahasto himāṃśubhṛt || 104 ||
sitaḥ prasannavadanaḥ padmodaranibhānanaḥ |
sāyaṃ divā divyavapuranirdeśyo mahālayaḥ || 105 ||
mahāratho mahānīśaḥ śeṣaḥ sattvarajastamaḥ |
dhṛtātapatrapratimo vimarṣī nirṇayaḥ sthitaḥ || 106 ||
ahiṃsakaḥ śuddhamatiradvitīyo vivardhanaḥ |
sarvado dhanado mokṣo vihārī bahudāyakaḥ || 107 ||
cārurātriharo nātho bhagavān sarvago'vyayaḥ |
manoharavapuḥ śubhraḥ śobhanaḥ suprabhāvanaḥ || 108 ||
suprabhāvaḥ supratāpaḥ sunetro digvidikpatiḥ |
rājñīpriyaḥ śabdakaro graheśastimirāpahaḥ || 109 ||
saiṃhikeyaripurdevo varado varanāyakaḥ |
caturbhujo mahāyogī yogīśvarapatistathā || 110 ||
anādirūpo'ditijo ratnakāntiḥ prabhāmayaḥ |
jagatpradīpo vistīrṇo mahāvistīrṇamaṇḍalaḥ || 111 ||
ekacakrarathaḥ svarṇarathaḥ svarṇaśarīradhṛk |
nirālambo gaganago dharmakarmaprabhāvakṛt || 112 ||
dharmātmā karmaṇāṃ sākṣī pratyakṣaḥ parameśvaraḥ |
merusevī sumedhāvī merurakṣākaro mahān || 113 ||
ādhārabhūto ratimāṃstathā ca dhanadhānyakṛt |
pāpasantāpahartā ca manovāñchitadāyakaḥ || 114 ||
rogahartā rājyadāyī ramaṇīyaguṇo'nṛṇī |
kālatrayānantarūpo munivṛndanamaskṛtaḥ || 115 ||
sandhyārāgakaraḥ siddhaḥ sandhyāvandanavanditaḥ |
sāmrājyadānanirataḥ samārādhanatoṣavān || 116 ||
bhaktaduḥkhakṣayakaro bhavasāgaratārakaḥ |
bhayāpahartā bhagavānaprameyaparākramaḥ |
manusvāmī manupatirmānyo manvantarādhipaḥ || 117 ||
phalaśrutiḥ |
etatte sarvamākhyātaṃ yanmāṃ tvaṃ paripṛcchasi |
nāmnāṃ sahasraṃ savituḥ parāśaryo yadāha me || 1 ||
dhanyaṃ yaśasyamāyuṣyaṃ duḥkhaduḥsvapnanāśanam |
bandhamokṣakaraṃ caiva bhānornāmānukīrtanāt || 2 ||
yastvidaṃ śṛṇuyānnityaṃ paṭhedvā prayato naraḥ |
akṣayaṃ sukhamannādyaṃ bhavettasyopasādhitam || 3 ||
nṛpāgnitaskarabhayaṃ vyādhito na bhayaṃ bhavet |
vijayī ca bhavennityamāśrayaṃ paramāpnuyāt || 4 ||
kīrtimān subhago vidvān sa sukhī priyadarśanaḥ |
jīvedvarṣaśatāyuśca sarvavyādhivivarjitaḥ || 5 ||
nāmnāṃ sahasramidamaṃśumataḥ paṭhedyaḥ
prātaḥ śucirniyamavān susamṛddhiyuktaḥ |
dūreṇa taṃ pariharanti sadaiva rogāḥ
bhūtāḥ suparṇamiva sarvamahoragendrāḥ || 6 ||
iti śrī bhaviṣyapurāṇe saptamakalpe śrībhagavatsūryasya sahasranāmastotraṃ sampūrṇam ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.