𑌅𑌸𑍍𑌯 𑌶𑍍𑌰𑍀𑌶𑍀𑌤𑌲𑌾𑌸𑍍𑌤𑍋𑌤𑍍𑌰𑌸𑍍𑌯 𑌮𑌹𑌾𑌦𑍇𑌵 𑌋𑌷𑌿𑌃 𑌅𑌨𑍁𑌷𑍍𑌟𑍁𑌪𑍍 𑌛𑌨𑍍𑌦𑌃 𑌶𑍀𑌤𑌲𑌾 𑌦𑍇𑌵𑌤𑌾 𑌲𑌕𑍍𑌷𑍍𑌮𑍀𑌰𑍍𑌬𑍀𑌜𑌂 𑌭𑌵𑌾𑌨𑍀 𑌶𑌕𑍍𑌤𑌿𑌃 𑌸𑌰𑍍𑌵𑌵𑌿𑌸𑍍𑌫𑍋𑌟𑌕𑌨𑌿𑌵𑍃𑌤𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ॥
𑌈𑌶𑍍𑌵𑌰 𑌉𑌵𑌾𑌚 ।
𑌵𑌨𑍍𑌦𑍇𑌽𑌹𑌂 𑌶𑍀𑌤𑌲𑌾𑌂 𑌦𑍇𑌵𑍀𑌂 𑌰𑌾𑌸𑌭𑌸𑍍𑌥𑌾𑌂 𑌦𑌿𑌗𑌮𑍍𑌬𑌰𑌾𑌮𑍍 ।
𑌮𑌾𑌰𑍍𑌜𑌨𑍀𑌕𑌲𑌶𑍋𑌪𑍇𑌤𑌾𑌂 𑌶𑍂𑌰𑍍𑌪𑌾𑌲𑌙𑍍𑌕𑍃𑌤𑌮𑌸𑍍𑌤𑌕𑌾𑌮𑍍 ॥ 1 ॥
𑌵𑌨𑍍𑌦𑍇𑌽𑌹𑌂 𑌶𑍀𑌤𑌲𑌾𑌂 𑌦𑍇𑌵𑍀𑌂 𑌸𑌰𑍍𑌵𑌰𑍋𑌗𑌭𑌯𑌾𑌪𑌹𑌾𑌮𑍍 ।
𑌯𑌾𑌮𑌾𑌸𑌾𑌦𑍍𑌯 𑌨𑌿𑌵𑌰𑍍𑌤𑍇𑌤 𑌵𑌿𑌸𑍍𑌫𑍋𑌟𑌕𑌭𑌯𑌂 𑌮𑌹𑌤𑍍 ॥ 2 ॥
𑌶𑍀𑌤𑌲𑍇 𑌶𑍀𑌤𑌲𑍇 𑌚𑍇𑌤𑌿 𑌯𑍋 𑌬𑍍𑌰𑍂𑌯𑌾𑌦𑍍𑌦𑌾𑌹𑌪𑍀𑌡𑌿𑌤𑌃 ।
𑌵𑌿𑌸𑍍𑌫𑍋𑌟𑌕𑌭𑌯𑌂 𑌘𑍋𑌰𑌂 𑌕𑍍𑌷𑌿𑌪𑍍𑌰𑌂 𑌤𑌸𑍍𑌯 𑌪𑍍𑌰𑌣𑌶𑍍𑌯𑌤𑌿 ॥ 3 ॥
𑌯𑌸𑍍𑌤𑍍𑌵𑌾𑌮𑍁𑌦𑌕𑌮𑌧𑍍𑌯𑍇 𑌤𑍁 𑌧𑍍𑌯𑌾𑌤𑍍𑌵𑌾 𑌸𑌮𑍍𑌪𑍂𑌜𑌯𑍇𑌨𑍍𑌨𑌰𑌃 ।
𑌵𑌿𑌸𑍍𑌫𑍋𑌟𑌕𑌭𑌯𑌂 𑌘𑍋𑌰𑌂 𑌗𑍃𑌹𑍇 𑌤𑌸𑍍𑌯 𑌨 𑌜𑌾𑌯𑌤𑍇 ॥ 4 ॥
𑌶𑍀𑌤𑌲𑍇 𑌜𑍍𑌵𑌰𑌦𑌗𑍍𑌧𑌸𑍍𑌯 𑌪𑍂𑌤𑌿𑌗𑌨𑍍𑌧𑌯𑍁𑌤𑌸𑍍𑌯 𑌚 ।
𑌪𑍍𑌰𑌣𑌷𑍍𑌟𑌚𑌕𑍍𑌷𑍁𑌷𑌃 𑌪𑍁𑌂𑌸𑌸𑍍𑌤𑍍𑌵𑌾𑌮𑌾𑌹𑍁𑌰𑍍𑌜𑍀𑌵𑌨𑍗𑌷𑌧𑌮𑍍 ॥ 5 ॥
𑌶𑍀𑌤𑌲𑍇 𑌤𑌨𑍁𑌜𑌾𑌨𑍍 𑌰𑍋𑌗𑌾𑌨𑍍 𑌨𑍃𑌣𑌾𑌂 𑌹𑌰𑌸𑌿 𑌦𑍁𑌸𑍍𑌤𑍍𑌯𑌜𑌾𑌨𑍍 ।
𑌵𑌿𑌸𑍍𑌫𑍋𑌟𑌕𑌵𑌿𑌦𑍀𑌰𑍍𑌣𑌾𑌨𑌾𑌂 𑌤𑍍𑌵𑌮𑍇𑌕𑌾𑌽𑌮𑍃𑌤𑌵𑌰𑍍𑌷𑌿𑌣𑍀 ॥ 6 ॥
𑌗𑌲𑌗𑌣𑍍𑌡𑌗𑍍𑌰𑌹𑌾 𑌰𑍋𑌗𑌾 𑌯𑍇 𑌚𑌾𑌨𑍍𑌯𑍇 𑌦𑌾𑌰𑍁𑌣𑌾 𑌨𑍃𑌣𑌾𑌮𑍍 ।
𑌤𑍍𑌵𑌦𑌨𑍁𑌧𑍍𑌯𑌾𑌨𑌮𑌾𑌤𑍍𑌰𑍇𑌣 𑌶𑍀𑌤𑌲𑍇 𑌯𑌾𑌨𑍍𑌤𑌿 𑌸𑌙𑍍𑌕𑍍𑌷𑌯𑌮𑍍 ॥ 7 ॥
𑌨 𑌮𑌨𑍍𑌤𑍍𑌰𑍋 𑌨𑍗𑌷𑌧𑌂 𑌤𑌸𑍍𑌯 𑌪𑌾𑌪𑌰𑍋𑌗𑌸𑍍𑌯 𑌵𑌿𑌦𑍍𑌯𑌤𑍇 ।
𑌤𑍍𑌵𑌾𑌮𑍇𑌕𑌾𑌂 𑌶𑍀𑌤𑌲𑍇 𑌧𑌾𑌤𑍍𑌰𑍀𑌂 𑌨𑌾𑌨𑍍𑌯𑌾𑌂 𑌪𑌶𑍍𑌯𑌾𑌮𑌿 𑌦𑍇𑌵𑌤𑌾𑌮𑍍 ॥ 8 ॥
𑌮𑍃𑌣𑌾𑌲𑌤𑌨𑍍𑌤𑍁𑌸𑌦𑍃𑌶𑍀𑌂 𑌨𑌾𑌭𑌿𑌹𑍃𑌨𑍍𑌮𑌧𑍍𑌯𑌸𑌂𑌸𑍍𑌥𑌿𑌤𑌾𑌮𑍍 ।
𑌯𑌸𑍍𑌤𑍍𑌵𑌾𑌂 𑌸𑌞𑍍𑌚𑌿𑌨𑍍𑌤𑌯𑍇𑌦𑍍𑌦𑍇𑌵𑌿 𑌤𑌸𑍍𑌯 𑌮𑍃𑌤𑍍𑌯𑍁𑌰𑍍𑌨 𑌜𑌾𑌯𑌤𑍇 ॥ 9 ॥
𑌅𑌷𑍍𑌟𑌕𑌂 𑌶𑍀𑌤𑌲𑌾𑌦𑍇𑌵𑍍𑌯𑌾 𑌯𑍋 𑌨𑌰𑌃 𑌪𑍍𑌰𑌪𑌠𑍇𑌤𑍍𑌸𑌦𑌾 ।
𑌵𑌿𑌸𑍍𑌫𑍋𑌟𑌕𑌭𑌯𑌂 𑌘𑍋𑌰𑌂 𑌗𑍃𑌹𑍇 𑌤𑌸𑍍𑌯 𑌨 𑌜𑌾𑌯𑌤𑍇 ॥ 10 ॥
𑌶𑍍𑌰𑍋𑌤𑌵𑍍𑌯𑌂 𑌪𑌠𑌿𑌤𑌵𑍍𑌯𑌂 𑌚 𑌶𑍍𑌰𑌦𑍍𑌧𑌾𑌭𑌕𑍍𑌤𑌿𑌸𑌮𑌨𑍍𑌵𑌿𑌤𑍈𑌃 ।
𑌉𑌪𑌸𑌰𑍍𑌗𑌵𑌿𑌨𑌾𑌶𑌾𑌯 𑌪𑌰𑌂 𑌸𑍍𑌵𑌸𑍍𑌤𑍍𑌯𑌯𑌨𑌂 𑌮𑌹𑌤𑍍 ॥ 11 ॥
𑌶𑍀𑌤𑌲𑍇 𑌤𑍍𑌵𑌂 𑌜𑌗𑌨𑍍𑌮𑌾𑌤𑌾 𑌶𑍀𑌤𑌲𑍇 𑌤𑍍𑌵𑌂 𑌜𑌗𑌤𑍍𑌪𑌿𑌤𑌾 ।
𑌶𑍀𑌤𑌲𑍇 𑌤𑍍𑌵𑌂 𑌜𑌗𑌦𑍍𑌧𑌾𑌤𑍍𑌰𑍀 𑌶𑍀𑌤𑌲𑌾𑌯𑍈 𑌨𑌮𑍋 𑌨𑌮𑌃 ॥ 12 ॥
𑌰𑌾𑌸𑌭𑍋 𑌗𑌰𑍍𑌦𑌭𑌶𑍍𑌚𑍈𑌵 𑌖𑌰𑍋 𑌵𑍈𑌶𑌾𑌖𑌨𑌨𑍍𑌦𑌨𑌃 ।
𑌶𑍀𑌤𑌲𑌾𑌵𑌾𑌹𑌨𑌶𑍍𑌚𑍈𑌵 𑌦𑍂𑌰𑍍𑌵𑌾𑌕𑌨𑍍𑌦𑌨𑌿𑌕𑍃𑌨𑍍𑌤𑌨𑌃 ॥ 13 ॥
𑌏𑌤𑌾𑌨𑌿 𑌖𑌰𑌨𑌾𑌮𑌾𑌨𑌿 𑌶𑍀𑌤𑌲𑌾𑌗𑍍𑌰𑍇 𑌤𑍁 𑌯𑌃 𑌪𑌠𑍇𑌤𑍍 ।
𑌤𑌸𑍍𑌯 𑌗𑍇𑌹𑍇 𑌶𑌿𑌶𑍂𑌨𑌾𑌂 𑌚 𑌶𑍀𑌤𑌲𑌾𑌰𑍁𑌙𑍍 𑌨 𑌜𑌾𑌯𑌤𑍇 ॥ 14 ॥
𑌶𑍀𑌤𑌲𑌾𑌷𑍍𑌟𑌕𑌮𑍇𑌵𑍇𑌦𑌂 𑌨 𑌦𑍇𑌯𑌂 𑌯𑌸𑍍𑌯𑌕𑌸𑍍𑌯𑌚𑌿𑌤𑍍 ।
𑌦𑌾𑌤𑌵𑍍𑌯𑌂 𑌚 𑌸𑌦𑌾 𑌤𑌸𑍍𑌮𑍈 𑌶𑍍𑌰𑌦𑍍𑌧𑌾𑌭𑌕𑍍𑌤𑌿𑌯𑍁𑌤𑌾𑌯 𑌵𑍈 ॥ 15 ॥
𑌇𑌤𑌿 𑌶𑍍𑌰𑍀𑌸𑍍𑌕𑌾𑌨𑍍𑌦𑌪𑍁𑌰𑌾𑌣𑍇 𑌶𑍀𑌤𑌲𑌾𑌷𑍍𑌟𑌕𑌮𑍍 ॥
Roman (IAST) Transliteration
asya śrīśītalāstotrasya mahādeva ṛṣiḥ anuṣṭup chandaḥ śītalā devatā lakṣmīrbījaṃ bhavānī śaktiḥ sarvavisphoṭakanivṛtyarthe jape viniyogaḥ ||
īśvara uvāca |
vande'haṃ śītalāṃ devīṃ rāsabhasthāṃ digambarām |
mārjanīkalaśopetāṃ śūrpālaṅkṛtamastakām || 1 ||
vande'haṃ śītalāṃ devīṃ sarvarogabhayāpahām |
yāmāsādya nivarteta visphoṭakabhayaṃ mahat || 2 ||
śītale śītale ceti yo brūyāddāhapīḍitaḥ |
visphoṭakabhayaṃ ghoraṃ kṣipraṃ tasya praṇaśyati || 3 ||
yastvāmudakamadhye tu dhyātvā sampūjayennaraḥ |
visphoṭakabhayaṃ ghoraṃ gṛhe tasya na jāyate || 4 ||
śītale jvaradagdhasya pūtigandhayutasya ca |
praṇaṣṭacakṣuṣaḥ puṃsastvāmāhurjīvanauṣadham || 5 ||
śītale tanujān rogān nṛṇāṃ harasi dustyajān |
visphoṭakavidīrṇānāṃ tvamekā'mṛtavarṣiṇī || 6 ||
galagaṇḍagrahā rogā ye cānye dāruṇā nṛṇām |
tvadanudhyānamātreṇa śītale yānti saṅkṣayam || 7 ||
na mantro nauṣadhaṃ tasya pāparogasya vidyate |
tvāmekāṃ śītale dhātrīṃ nānyāṃ paśyāmi devatām || 8 ||
mṛṇālatantusadṛśīṃ nābhihṛnmadhyasaṃsthitām |
yastvāṃ sañcintayeddevi tasya mṛtyurna jāyate || 9 ||
aṣṭakaṃ śītalādevyā yo naraḥ prapaṭhetsadā |
visphoṭakabhayaṃ ghoraṃ gṛhe tasya na jāyate || 10 ||
śrotavyaṃ paṭhitavyaṃ ca śraddhābhaktisamanvitaiḥ |
upasargavināśāya paraṃ svastyayanaṃ mahat || 11 ||
śītale tvaṃ jaganmātā śītale tvaṃ jagatpitā |
śītale tvaṃ jagaddhātrī śītalāyai namo namaḥ || 12 ||
rāsabho gardabhaścaiva kharo vaiśākhanandanaḥ |
śītalāvāhanaścaiva dūrvākandanikṛntanaḥ || 13 ||
etāni kharanāmāni śītalāgre tu yaḥ paṭhet |
tasya gehe śiśūnāṃ ca śītalāruṅ na jāyate || 14 ||
śītalāṣṭakamevedaṃ na deyaṃ yasyakasyacit |
dātavyaṃ ca sadā tasmai śraddhābhaktiyutāya vai || 15 ||
iti śrīskāndapurāṇe śītalāṣṭakam ||
Sanskrit — Devanagari (original)
अस्य श्रीशीतलास्तोत्रस्य महादेव ऋषिः अनुष्टुप् छन्दः शीतला देवता लक्ष्मीर्बीजं भवानी शक्तिः सर्वविस्फोटकनिवृत्यर्थे जपे विनियोगः ॥
ईश्वर उवाच ।
वन्देऽहं शीतलां देवीं रासभस्थां दिगम्बराम् ।
मार्जनीकलशोपेतां शूर्पालङ्कृतमस्तकाम् ॥ 1 ॥
वन्देऽहं शीतलां देवीं सर्वरोगभयापहाम् ।
यामासाद्य निवर्तेत विस्फोटकभयं महत् ॥ 2 ॥
शीतले शीतले चेति यो ब्रूयाद्दाहपीडितः ।
विस्फोटकभयं घोरं क्षिप्रं तस्य प्रणश्यति ॥ 3 ॥
यस्त्वामुदकमध्ये तु ध्यात्वा सम्पूजयेन्नरः ।
विस्फोटकभयं घोरं गृहे तस्य न जायते ॥ 4 ॥
शीतले ज्वरदग्धस्य पूतिगन्धयुतस्य च ।
प्रणष्टचक्षुषः पुंसस्त्वामाहुर्जीवनौषधम् ॥ 5 ॥
शीतले तनुजान् रोगान् नृणां हरसि दुस्त्यजान् ।
विस्फोटकविदीर्णानां त्वमेकाऽमृतवर्षिणी ॥ 6 ॥
गलगण्डग्रहा रोगा ये चान्ये दारुणा नृणाम् ।
त्वदनुध्यानमात्रेण शीतले यान्ति सङ्क्षयम् ॥ 7 ॥
न मन्त्रो नौषधं तस्य पापरोगस्य विद्यते ।
त्वामेकां शीतले धात्रीं नान्यां पश्यामि देवताम् ॥ 8 ॥
मृणालतन्तुसदृशीं नाभिहृन्मध्यसंस्थिताम् ।
यस्त्वां सञ्चिन्तयेद्देवि तस्य मृत्युर्न जायते ॥ 9 ॥
अष्टकं शीतलादेव्या यो नरः प्रपठेत्सदा ।
विस्फोटकभयं घोरं गृहे तस्य न जायते ॥ 10 ॥
श्रोतव्यं पठितव्यं च श्रद्धाभक्तिसमन्वितैः ।
उपसर्गविनाशाय परं स्वस्त्ययनं महत् ॥ 11 ॥
शीतले त्वं जगन्माता शीतले त्वं जगत्पिता ।
शीतले त्वं जगद्धात्री शीतलायै नमो नमः ॥ 12 ॥
रासभो गर्दभश्चैव खरो वैशाखनन्दनः ।
शीतलावाहनश्चैव दूर्वाकन्दनिकृन्तनः ॥ 13 ॥
एतानि खरनामानि शीतलाग्रे तु यः पठेत् ।
तस्य गेहे शिशूनां च शीतलारुङ् न जायते ॥ 14 ॥
शीतलाष्टकमेवेदं न देयं यस्यकस्यचित् ।
दातव्यं च सदा तस्मै श्रद्धाभक्तियुताय वै ॥ 15 ॥
इति श्रीस्कान्दपुराणे शीतलाष्टकम् ॥
asya śrīśītalāstotrasya mahādeva ṛṣiḥ anuṣṭup chandaḥ śītalā devatā lakṣmīrbījaṃ bhavānī śaktiḥ sarvavisphoṭakanivṛtyarthe jape viniyogaḥ ||
īśvara uvāca |
vande'haṃ śītalāṃ devīṃ rāsabhasthāṃ digambarām |
mārjanīkalaśopetāṃ śūrpālaṅkṛtamastakām || 1 ||
vande'haṃ śītalāṃ devīṃ sarvarogabhayāpahām |
yāmāsādya nivarteta visphoṭakabhayaṃ mahat || 2 ||
śītale śītale ceti yo brūyāddāhapīḍitaḥ |
visphoṭakabhayaṃ ghoraṃ kṣipraṃ tasya praṇaśyati || 3 ||
yastvāmudakamadhye tu dhyātvā sampūjayennaraḥ |
visphoṭakabhayaṃ ghoraṃ gṛhe tasya na jāyate || 4 ||
śītale jvaradagdhasya pūtigandhayutasya ca |
praṇaṣṭacakṣuṣaḥ puṃsastvāmāhurjīvanauṣadham || 5 ||
śītale tanujān rogān nṛṇāṃ harasi dustyajān |
visphoṭakavidīrṇānāṃ tvamekā'mṛtavarṣiṇī || 6 ||
galagaṇḍagrahā rogā ye cānye dāruṇā nṛṇām |
tvadanudhyānamātreṇa śītale yānti saṅkṣayam || 7 ||
na mantro nauṣadhaṃ tasya pāparogasya vidyate |
tvāmekāṃ śītale dhātrīṃ nānyāṃ paśyāmi devatām || 8 ||
mṛṇālatantusadṛśīṃ nābhihṛnmadhyasaṃsthitām |
yastvāṃ sañcintayeddevi tasya mṛtyurna jāyate || 9 ||
aṣṭakaṃ śītalādevyā yo naraḥ prapaṭhetsadā |
visphoṭakabhayaṃ ghoraṃ gṛhe tasya na jāyate || 10 ||
śrotavyaṃ paṭhitavyaṃ ca śraddhābhaktisamanvitaiḥ |
upasargavināśāya paraṃ svastyayanaṃ mahat || 11 ||
śītale tvaṃ jaganmātā śītale tvaṃ jagatpitā |
śītale tvaṃ jagaddhātrī śītalāyai namo namaḥ || 12 ||
rāsabho gardabhaścaiva kharo vaiśākhanandanaḥ |
śītalāvāhanaścaiva dūrvākandanikṛntanaḥ || 13 ||
etāni kharanāmāni śītalāgre tu yaḥ paṭhet |
tasya gehe śiśūnāṃ ca śītalāruṅ na jāyate || 14 ||
śītalāṣṭakamevedaṃ na deyaṃ yasyakasyacit |
dātavyaṃ ca sadā tasmai śraddhābhaktiyutāya vai || 15 ||
iti śrīskāndapurāṇe śītalāṣṭakam ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.