𑌯𑌾𑌮𑌾𑌮𑌨𑌨𑍍𑌤𑌿 𑌮𑍁𑌨𑌯𑌃 𑌪𑍍𑌰𑌕𑍃𑌤𑌿𑌂 𑌪𑍁𑌰𑌾𑌣𑍀𑌂
𑌵𑌿𑌦𑍍𑌯𑍇𑌤𑌿 𑌯𑌾𑌂 𑌶𑍍𑌰𑍁𑌤𑌿𑌰𑌹𑌸𑍍𑌯𑌵𑌿𑌦𑍋 𑌵𑌦𑌨𑍍𑌤𑌿 ।
𑌤𑌾𑌮𑌰𑍍𑌧𑌪𑌲𑍍𑌲𑌵𑌿𑌤𑌶𑌙𑍍𑌕𑌰𑌰𑍂𑌪𑌮𑍁𑌦𑍍𑌰𑌾𑌂
𑌦𑍇𑌵𑍀𑌮𑌨𑌨𑍍𑌯𑌶𑌰𑌣𑌃 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 1 ॥
𑌅𑌮𑍍𑌬 𑌸𑍍𑌤𑌵𑍇𑌷𑍁 𑌤𑌵 𑌤𑌾𑌵𑌦𑌕𑌰𑍍𑌤𑍃𑌕𑌾𑌣𑌿
𑌕𑍁𑌣𑍍𑌠𑍀𑌭𑌵𑌨𑍍𑌤𑌿 𑌵𑌚𑌸𑌾𑌮𑌪𑌿 𑌗𑍁𑌮𑍍𑌭𑌨𑌾𑌨𑌿 ।
𑌡𑌿𑌮𑍍𑌭𑌸𑍍𑌯 𑌮𑍇 𑌸𑍍𑌤𑍁𑌤𑌿𑌰𑌸𑌾𑌵𑌸𑌮𑌞𑍍𑌜𑌸𑌾𑌪𑌿
𑌵𑌾𑌤𑍍𑌸𑌲𑍍𑌯𑌨𑌿𑌘𑍍𑌨𑌹𑍃𑌦𑌯𑌾𑌂 𑌭𑌵𑌤𑍀𑌂 𑌧𑌿𑌨𑍋𑌤𑍁 ॥ 2 ॥
𑌵𑍍𑌯𑍋𑌮𑍇𑌤𑌿 𑌬𑌿𑌨𑍍𑌦𑍁𑌰𑌿𑌤𑌿 𑌨𑌾𑌦 𑌇𑌤𑍀𑌨𑍍𑌦𑍁𑌲𑍇𑌖𑌾-
-𑌰𑍂𑌪𑍇𑌤𑌿 𑌵𑌾𑌗𑍍𑌭𑌵𑌤𑌨𑍂𑌰𑌿𑌤𑌿 𑌮𑌾𑌤𑍃𑌕𑍇𑌤𑌿 ।
𑌨𑌿𑌃𑌸𑍍𑌯𑌨𑍍𑌦𑌮𑌾𑌨𑌸𑍁𑌖𑌬𑍋𑌧𑌸𑍁𑌧𑌾𑌸𑍍𑌵𑌰𑍂𑌪𑌾
𑌵𑌿𑌦𑍍𑌯𑍋𑌤𑌸𑍇 𑌮𑌨𑌸𑌿 𑌭𑌾𑌗𑍍𑌯𑌵𑌤𑌾𑌂 𑌜𑌨𑌾𑌨𑌾𑌮𑍍 ॥ 3 ॥
𑌆𑌵𑌿𑌰𑍍𑌭𑌵𑌤𑍍𑌪𑍁𑌲𑌕𑌸𑌨𑍍𑌤𑌤𑌿𑌭𑌿𑌃 𑌶𑌰𑍀𑌰𑍈-
-𑌰𑍍𑌨𑌿𑌃𑌸𑍍𑌯𑌨𑍍𑌦𑌮𑌾𑌨𑌸𑌲𑌿𑌲𑍈𑌰𑍍𑌨𑌯𑌨𑍈𑌶𑍍𑌚 𑌨𑌿𑌤𑍍𑌯𑌮𑍍 ।
𑌵𑌾𑌗𑍍𑌭𑌿𑌶𑍍𑌚 𑌗𑌦𑍍𑌗𑌦𑌪𑌦𑌾𑌭𑌿𑌰𑍁𑌪𑌾𑌸𑌤𑍇 𑌯𑍇
𑌪𑌾𑌦𑍗 𑌤𑌵𑌾𑌮𑍍𑌬 𑌭𑍁𑌵𑌨𑍇𑌷𑍁 𑌤 𑌏𑌵 𑌧𑌨𑍍𑌯𑌾𑌃 ॥ 4 ॥
𑌵𑌕𑍍𑌤𑍍𑌰𑌂 𑌯𑌦𑍁𑌦𑍍𑌯𑌤𑌮𑌭𑌿𑌷𑍍𑌟𑍁𑌤𑌯𑍇 𑌭𑌵𑌤𑍍𑌯𑌾-
-𑌸𑍍𑌤𑍁𑌭𑍍𑌯𑌂 𑌨𑌮𑍋 𑌯𑌦𑌪𑌿 𑌦𑍇𑌵𑌿 𑌶𑌿𑌰𑌃 𑌕𑌰𑍋𑌤𑌿 ।
𑌚𑍇𑌤𑌶𑍍𑌚 𑌯𑌤𑍍𑌤𑍍𑌵𑌯𑌿 𑌪𑌰𑌾𑌯𑌣𑌮𑌮𑍍𑌬 𑌤𑌾𑌨𑌿
𑌕𑌸𑍍𑌯𑌾𑌪𑌿 𑌕𑍈𑌰𑌪𑌿 𑌭𑌵𑌨𑍍𑌤𑌿 𑌤𑌪𑍋𑌵𑌿𑌶𑍇𑌷𑍈𑌃 ॥ 5 ॥
𑌮𑍂𑌲𑌾𑌲𑌵𑌾𑌲𑌕𑍁𑌹𑌰𑌾𑌦𑍁𑌦𑌿𑌤𑌾 𑌭𑌵𑌾𑌨𑌿
𑌨𑌿𑌰𑍍𑌭𑌿𑌦𑍍𑌯 𑌷𑌟𑍍𑌸𑌰𑌸𑌿𑌜𑌾𑌨𑌿 𑌤𑌟𑌿𑌲𑍍𑌲𑌤𑍇𑌵 ।
𑌭𑍂𑌯𑍋𑌽𑌪𑌿 𑌤𑌤𑍍𑌰 𑌵𑌿𑌶𑌸𑌿 𑌧𑍍𑌰𑍁𑌵𑌮𑌣𑍍𑌡𑌲𑍇𑌨𑍍𑌦𑍁-
-𑌨𑌿𑌃𑌸𑍍𑌯𑌨𑍍𑌦𑌮𑌾𑌨𑌪𑌰𑌮𑌾𑌮𑍃𑌤𑌤𑍋𑌯𑌰𑍂𑌪𑌾 ॥ 6 ॥
𑌦𑌗𑍍𑌧𑌂 𑌯𑌦𑌾 𑌮𑌦𑌨𑌮𑍇𑌕𑌮𑌨𑍇𑌕𑌧𑌾 𑌤𑍇
𑌮𑍁𑌗𑍍𑌧𑌃 𑌕𑌟𑌾𑌕𑍍𑌷𑌵𑌿𑌧𑌿𑌰𑌙𑍍𑌕𑍁𑌰𑌯𑌾𑌞𑍍𑌚𑌕𑌾𑌰 ।
𑌧𑌤𑍍𑌤𑍇 𑌤𑌦𑌾𑌪𑍍𑌰𑌭𑍃𑌤𑌿 𑌦𑍇𑌵𑌿 𑌲𑌲𑌾𑌟𑌨𑍇𑌤𑍍𑌰𑌂
𑌸𑌤𑍍𑌯𑌂 𑌹𑍍𑌰𑌿𑌯𑍈𑌵 𑌮𑍁𑌕𑍁𑌲𑍀𑌕𑍃𑌤𑌮𑌿𑌨𑍍𑌦𑍁𑌮𑍗𑌲𑍇𑌃 ॥ 7 ॥
𑌅𑌜𑍍𑌞𑌾𑌤𑌸𑌮𑍍𑌭𑌵𑌮𑌨𑌾𑌕𑌲𑌿𑌤𑌾𑌨𑍍𑌵𑌵𑌾𑌯𑌂
𑌭𑌿𑌕𑍍𑌷𑍁𑌂 𑌕𑌪𑌾𑌲𑌿𑌨𑌮𑌵𑌾𑌸𑌸𑌮𑌦𑍍𑌵𑌿𑌤𑍀𑌯𑌮𑍍 ।
𑌪𑍂𑌰𑍍𑌵𑌂 𑌕𑌰𑌗𑍍𑌰𑌹𑌣𑌮𑌙𑍍𑌗𑌲𑌤𑍋 𑌭𑌵𑌤𑍍𑌯𑌾𑌃
𑌶𑌮𑍍𑌭𑍁𑌂 𑌕 𑌏𑌵 𑌬𑍁𑌬𑍁𑌧𑍇 𑌗𑌿𑌰𑌿𑌰𑌾𑌜𑌕𑌨𑍍𑌯𑍇 ॥ 8 ॥
𑌚𑌰𑍍𑌮𑌾𑌮𑍍𑌬𑌰𑌂 𑌚 𑌶𑌵𑌭𑌸𑍍𑌮𑌵𑌿𑌲𑍇𑌪𑌨𑌂 𑌚
𑌭𑌿𑌕𑍍𑌷𑌾𑌟𑌨𑌂 𑌚 𑌨𑌟𑌨𑌂 𑌚 𑌪𑌰𑍇𑌤𑌭𑍂𑌮𑍗 ।
𑌵𑍇𑌤𑌾𑌲𑌸𑌂𑌹𑌤𑌿𑌪𑌰𑌿𑌗𑍍𑌰𑌹𑌤𑌾 𑌚 𑌶𑌮𑍍𑌭𑍋𑌃
𑌶𑍋𑌭𑌾𑌂 𑌬𑌿𑌭𑌰𑍍𑌤𑌿 𑌗𑌿𑌰𑌿𑌜𑍇 𑌤𑌵 𑌸𑌾𑌹𑌚𑌰𑍍𑌯𑌾𑌤𑍍 ॥ 9 ॥
𑌕𑌲𑍍𑌪𑍋𑌪𑌸𑌂𑌹𑌰𑌣𑌕𑍇𑌲𑌿𑌷𑍁 𑌪𑌣𑍍𑌡𑌿𑌤𑌾𑌨𑌿
𑌚𑌣𑍍𑌡𑌾𑌨𑌿 𑌖𑌣𑍍𑌡𑌪𑌰𑌶𑍋𑌰𑌪𑌿 𑌤𑌾𑌣𑍍𑌡𑌵𑌾𑌨𑌿 ।
𑌆𑌲𑍋𑌕𑌨𑍇𑌨 𑌤𑌵 𑌕𑍋𑌮𑌲𑌿𑌤𑌾𑌨𑌿 𑌮𑌾𑌤-
-𑌰𑍍𑌲𑌾𑌸𑍍𑌯𑌾𑌤𑍍𑌮𑌨𑌾 𑌪𑌰𑌿𑌣𑌮𑌨𑍍𑌤𑌿 𑌜𑌗𑌦𑍍𑌵𑌿𑌭𑍂𑌤𑍍𑌯𑍈 ॥ 10 ॥
𑌜𑌨𑍍𑌤𑍋𑌰𑌪𑌶𑍍𑌚𑌿𑌮𑌤𑌨𑍋𑌃 𑌸𑌤𑌿 𑌕𑌰𑍍𑌮𑌸𑌾𑌮𑍍𑌯𑍇
𑌨𑌿𑌃𑌶𑍇𑌷𑌪𑌾𑌶𑌪𑌟𑌲𑌚𑍍𑌛𑌿𑌦𑍁𑌰𑌾 𑌨𑌿𑌮𑍇𑌷𑌾𑌤𑍍 ।
𑌕𑌲𑍍𑌯𑌾𑌣𑌿 𑌦𑍇𑌶𑌿𑌕𑌕𑌟𑌾𑌕𑍍𑌷𑌸𑌮𑌾𑌶𑍍𑌰𑌯𑍇𑌣
𑌕𑌾𑌰𑍁𑌣𑍍𑌯𑌤𑍋 𑌭𑌵𑌤𑌿 𑌶𑌾𑌮𑍍𑌭𑌵𑌵𑍇𑌦𑌦𑍀𑌕𑍍𑌷𑌾 ॥ 11 ॥
𑌮𑍁𑌕𑍍𑌤𑌾𑌵𑌿𑌭𑍂𑌷𑌣𑌵𑌤𑍀 𑌨𑌵𑌵𑌿𑌦𑍍𑌰𑍁𑌮𑌾𑌭𑌾
𑌯𑌚𑍍𑌚𑍇𑌤𑌸𑌿 𑌸𑍍𑌫𑍁𑌰𑌸𑌿 𑌤𑌾𑌰𑌕𑌿𑌤𑍇𑌵 𑌸𑌨𑍍𑌧𑍍𑌯𑌾 ।
𑌏𑌕𑌃 𑌸 𑌏𑌵 𑌭𑍁𑌵𑌨𑌤𑍍𑌰𑌯𑌸𑍁𑌨𑍍𑌦𑌰𑍀𑌣𑌾𑌂
𑌕𑌨𑍍𑌦𑌰𑍍𑌪𑌤𑌾𑌂 𑌵𑍍𑌰𑌜𑌤𑌿 𑌪𑌞𑍍𑌚𑌶𑌰𑍀𑌂 𑌵𑌿𑌨𑌾𑌪𑌿 ॥ 12 ॥
𑌯𑍇 𑌭𑌾𑌵𑌯𑌨𑍍𑌤𑍍𑌯𑌮𑍃𑌤𑌵𑌾𑌹𑌿𑌭𑌿𑌰𑌂𑌶𑍁𑌜𑌾𑌲𑍈-
-𑌰𑌾𑌪𑍍𑌯𑌾𑌯𑌮𑌾𑌨𑌭𑍁𑌵𑌨𑌾𑌮𑌮𑍃𑌤𑍇𑌶𑍍𑌵𑌰𑍀𑌂 𑌤𑍍𑌵𑌾𑌮𑍍 ।
𑌤𑍇 𑌲𑌙𑍍𑌘𑌯𑌨𑍍𑌤𑌿 𑌨𑌨𑍁 𑌮𑌾𑌤𑌰𑌲𑌙𑍍𑌘𑌨𑍀𑌯𑌾𑌂
𑌬𑍍𑌰𑌹𑍍𑌮𑌾𑌦𑌿𑌭𑌿𑌃 𑌸𑍁𑌰𑌵𑌰𑍈𑌰𑌪𑌿 𑌕𑌾𑌲𑌕𑌕𑍍𑌷𑌾𑌮𑍍 ॥ 13 ॥
𑌯𑌃 𑌸𑍍𑌫𑌾𑌟𑌿𑌕𑌾𑌕𑍍𑌷𑌗𑍁𑌣𑌪𑍁𑌸𑍍𑌤𑌕𑌕𑍁𑌣𑍍𑌡𑌿𑌕𑌾𑌢𑍍𑌯𑌾𑌂
𑌵𑍍𑌯𑌾𑌖𑍍𑌯𑌾𑌸𑌮𑍁𑌦𑍍𑌯𑌤𑌕𑌰𑌾𑌂 𑌶𑌰𑌦𑌿𑌨𑍍𑌦𑍁𑌶𑍁𑌭𑍍𑌰𑌾𑌮𑍍 ।
𑌪𑌦𑍍𑌮𑌾𑌸𑌨𑌾𑌂 𑌚 𑌹𑍃𑌦𑌯𑍇 𑌭𑌵𑌤𑍀𑌮𑍁𑌪𑌾𑌸𑍍𑌤𑍇
𑌮𑌾𑌤𑌃 𑌸 𑌵𑌿𑌶𑍍𑌵𑌕𑌵𑌿𑌤𑌾𑌰𑍍𑌕𑌿𑌕𑌚𑌕𑍍𑌰𑌵𑌰𑍍𑌤𑍀 ॥ 14 ॥
𑌬𑌰𑍍𑌹𑌾𑌵𑌤𑌂𑌸𑌯𑍁𑌤𑌬𑌰𑍍𑌬𑌰𑌕𑍇𑌶𑌪𑌾𑌶𑌾𑌂
𑌗𑍁𑌞𑍍𑌜𑌾𑌵𑌲𑍀𑌕𑍃𑌤𑌘𑌨𑌸𑍍𑌤𑌨𑌹𑌾𑌰𑌶𑍋𑌭𑌾𑌮𑍍 ।
𑌶𑍍𑌯𑌾𑌮𑌾𑌂 𑌪𑍍𑌰𑌵𑌾𑌲𑌵𑌦𑌨𑌾𑌂 𑌸𑍁𑌕𑍁𑌮𑌾𑌰𑌹𑌸𑍍𑌤𑌾𑌂
𑌤𑍍𑌵𑌾𑌮𑍇𑌵 𑌨𑍗𑌮𑌿 𑌶𑌬𑌰𑍀𑌂 𑌶𑌬𑌰𑌸𑍍𑌯 𑌜𑌾𑌯𑌾𑌮𑍍 ॥ 15 ॥
𑌅𑌰𑍍𑌧𑍇𑌨 𑌕𑌿𑌂 𑌨𑌵𑌲𑌤𑌾𑌲𑌲𑌿𑌤𑍇𑌨 𑌮𑍁𑌗𑍍𑌧𑍇
𑌕𑍍𑌰𑍀𑌤𑌂 𑌵𑌿𑌭𑍋𑌃 𑌪𑌰𑍁𑌷𑌮𑌰𑍍𑌧𑌮𑌿𑌦𑌂 𑌤𑍍𑌵𑌯𑍇𑌤𑌿 ।
𑌆𑌲𑍀𑌜𑌨𑌸𑍍𑌯 𑌪𑌰𑌿𑌹𑌾𑌸𑌵𑌚𑌾𑌂𑌸𑌿 𑌮𑌨𑍍𑌯𑍇
𑌮𑌨𑍍𑌦𑌸𑍍𑌮𑌿𑌤𑍇𑌨 𑌤𑌵 𑌦𑍇𑌵𑌿 𑌜𑌡𑍀 𑌭𑌵𑌨𑍍𑌤𑌿 ॥ 16 ॥
𑌬𑍍𑌰𑌹𑍍𑌮𑌾𑌣𑍍𑌡 𑌬𑍁𑌦𑍍𑌬𑍁𑌦𑌕𑌦𑌮𑍍𑌬𑌕𑌸𑌙𑍍𑌕𑍁𑌲𑍋𑌽𑌯𑌂
𑌮𑌾𑌯𑍋𑌦𑌧𑌿𑌰𑍍𑌵𑌿𑌵𑌿𑌧𑌦𑍁𑌃𑌖𑌤𑌰𑌙𑍍𑌗𑌮𑌾𑌲𑌃 ।
𑌆𑌶𑍍𑌚𑌰𑍍𑌯𑌮𑌮𑍍𑌬 𑌝𑌟𑌿𑌤𑌿 𑌪𑍍𑌰𑌲𑌯𑌂 𑌪𑍍𑌰𑌯𑌾𑌤𑌿
𑌤𑍍𑌵𑌦𑍍𑌧𑍍𑌯𑌾𑌨𑌸𑌨𑍍𑌤𑌤𑌿𑌮𑌹𑌾𑌬𑌡𑌬𑌾𑌮𑍁𑌖𑌾𑌗𑍍𑌨𑍗 ॥ 17 ॥
𑌦𑌾𑌕𑍍𑌷𑌾𑌯𑌣𑍀𑌤𑌿 𑌕𑍁𑌟𑌿𑌲𑍇𑌤𑌿 𑌕𑍁𑌹𑌾𑌰𑌿𑌣𑍀𑌤𑌿
𑌕𑌾𑌤𑍍𑌯𑌾𑌯𑌨𑍀𑌤𑌿 𑌕𑌮𑌲𑍇𑌤𑌿 𑌕𑌲𑌾𑌵𑌤𑍀𑌤𑌿 ।
𑌏𑌕𑌾 𑌸𑌤𑍀 𑌭𑌗𑌵𑌤𑍀 𑌪𑌰𑌮𑌾𑌰𑍍𑌥𑌤𑍋𑌽𑌪𑌿
𑌸𑌨𑍍𑌦𑍃𑌶𑍍𑌯𑌸𑍇 𑌬𑌹𑍁𑌵𑌿𑌧𑌾 𑌨𑌨𑍁 𑌨𑌰𑍍𑌤𑌕𑍀𑌵 ॥ 18 ॥
𑌆𑌨𑌨𑍍𑌦𑌲𑌕𑍍𑌷𑌣𑌮𑌨𑌾𑌹𑌤𑌨𑌾𑌮𑍍𑌨𑌿 𑌦𑍇𑌶𑍇
𑌨𑌾𑌦𑌾𑌤𑍍𑌮𑌨𑌾 𑌪𑌰𑌿𑌣𑌤𑌂 𑌤𑌵 𑌰𑍂𑌪𑌮𑍀𑌶𑍇 ।
𑌪𑍍𑌰𑌤𑍍𑌯𑌙𑍍𑌮𑍁𑌖𑍇𑌨 𑌮𑌨𑌸𑌾 𑌪𑌰𑌿𑌚𑍀𑌯𑌮𑌾𑌨𑌂
𑌶𑌂𑌸𑌨𑍍𑌤𑌿 𑌨𑍇𑌤𑍍𑌰𑌸𑌲𑌿𑌲𑍈𑌃 𑌪𑍁𑌲𑌕𑍈𑌶𑍍𑌚 𑌧𑌨𑍍𑌯𑌾𑌃 ॥ 19 ॥
𑌤𑍍𑌵𑌂 𑌚𑌨𑍍𑌦𑍍𑌰𑌿𑌕𑌾 𑌶𑌶𑌿𑌨𑌿 𑌤𑌿𑌗𑍍𑌮𑌰𑍁𑌚𑍗 𑌰𑍁𑌚𑌿𑌸𑍍𑌤𑍍𑌵𑌂
𑌤𑍍𑌵𑌂 𑌚𑍇𑌤𑌨𑌾𑌸𑌿 𑌪𑍁𑌰𑍁𑌷𑍇 𑌪𑌵𑌨𑍇 𑌬𑌲𑌂 𑌤𑍍𑌵𑌮𑍍 ।
𑌤𑍍𑌵𑌂 𑌸𑍍𑌵𑌾𑌦𑍁𑌤𑌾𑌸𑌿 𑌸𑌲𑌿𑌲𑍇 𑌶𑌿𑌖𑌿𑌨𑌿 𑌤𑍍𑌵𑌮𑍂𑌷𑍍𑌮𑌾
𑌨𑌿𑌃𑌸𑌾𑌰𑌮𑍇𑌵 𑌨𑌿𑌖𑌿𑌲𑌂 𑌤𑍍𑌵𑌦𑍃𑌤𑍇 𑌯𑌦𑌿 𑌸𑍍𑌯𑌾𑌤𑍍 ॥ 20 ॥
𑌜𑍍𑌯𑍋𑌤𑍀𑌂𑌷𑌿 𑌯𑌦𑍍𑌦𑌿𑌵𑌿 𑌚𑌰𑌨𑍍𑌤𑌿 𑌯𑌦𑌨𑍍𑌤𑌰𑌿𑌕𑍍𑌷𑌂
𑌸𑍂𑌤𑍇 𑌪𑌯𑌾𑌂𑌸𑌿 𑌯𑌦𑌹𑌿𑌰𑍍𑌧𑌰𑌣𑍀𑌂 𑌚 𑌧𑌤𑍍𑌤𑍇 ।
𑌯𑌦𑍍𑌵𑌾𑌤𑌿 𑌵𑌾𑌯𑍁𑌰𑌨𑌲𑍋 𑌯𑌦𑍁𑌦𑌰𑍍𑌚𑌿𑌰𑌾𑌸𑍍𑌤𑍇
𑌤𑌤𑍍𑌸𑌰𑍍𑌵𑌮𑌮𑍍𑌬 𑌤𑌵 𑌕𑍇𑌵𑌲𑌮𑌾𑌜𑍍𑌞𑌯𑍈𑌵 ॥ 21 ॥
𑌸𑌙𑍍𑌕𑍋𑌚𑌮𑌿𑌚𑍍𑌛𑌸𑌿 𑌯𑌦𑌾 𑌗𑌿𑌰𑌿𑌜𑍇 𑌤𑌦𑌾𑌨𑍀𑌂
𑌵𑌾𑌕𑍍𑌤𑌰𑍍𑌕𑌯𑍋𑌸𑍍𑌤𑍍𑌵𑌮𑌸𑌿 𑌭𑍂𑌮𑌿𑌰𑌨𑌾𑌮𑌰𑍂𑌪𑌾 ।
𑌯𑌦𑍍𑌵𑌾 𑌵𑌿𑌕𑌾𑌸𑌮𑍁𑌪𑌯𑌾𑌸𑌿 𑌯𑌦𑌾 𑌤𑌦𑌾𑌨𑍀𑌂
𑌤𑍍𑌵𑌨𑍍𑌨𑌾𑌮𑌰𑍂𑌪𑌗𑌣𑌨𑌾𑌃 𑌸𑍁𑌕𑌰𑌾 𑌭𑌵𑌨𑍍𑌤𑌿 ॥ 22 ॥
𑌭𑍋𑌗𑌾𑌯 𑌦𑍇𑌵𑌿 𑌭𑌵𑌤𑍀𑌂 𑌕𑍃𑌤𑌿𑌨𑌃 𑌪𑍍𑌰𑌣𑌮𑍍𑌯
𑌭𑍍𑌰𑍂𑌕𑌿𑌙𑍍𑌕𑌰𑍀𑌕𑍃𑌤𑌸𑌰𑍋𑌜𑌗𑍃𑌹𑌾𑌃 𑌸𑌹𑌸𑍍𑌰𑌮𑍍 ।
𑌚𑌿𑌨𑍍𑌤𑌾𑌮𑌣𑌿𑌪𑍍𑌰𑌚𑌯𑌕𑌲𑍍𑌪𑌿𑌤𑌕𑍇𑌲𑌿𑌶𑍈𑌲𑍇
𑌕𑌲𑍍𑌪𑌦𑍍𑌰𑍁𑌮𑍋𑌪𑌵𑌨 𑌏𑌵 𑌚𑌿𑌰𑌂 𑌰𑌮𑌨𑍍𑌤𑍇 ॥ 23 ॥
𑌹𑌰𑍍𑌤𑍁𑌂 𑌤𑍍𑌵𑌮𑍇𑌵 𑌭𑌵𑌸𑌿 𑌤𑍍𑌵𑌦𑌧𑍀𑌨𑌮𑍀𑌶𑍇
𑌸𑌂𑌸𑌾𑌰𑌤𑌾𑌪𑌮𑌖𑌿𑌲𑌂 𑌦𑌯𑌯𑌾 𑌪𑌶𑍂𑌨𑌾𑌮𑍍 ।
𑌵𑍈𑌕𑌰𑍍𑌤𑌨𑍀 𑌕𑌿𑌰𑌣𑌸𑌂𑌹𑌤𑌿𑌰𑍇𑌵 𑌶𑌕𑍍𑌤𑌾
𑌧𑌰𑍍𑌮𑌂 𑌨𑌿𑌜𑌂 𑌶𑌮𑌯𑌿𑌤𑍁𑌂 𑌨𑌿𑌜𑌯𑍈𑌵 𑌵𑍃𑌷𑍍𑌟𑍍𑌯𑌾 ॥ 24 ॥
𑌶𑌕𑍍𑌤𑌿𑌃 𑌶𑌰𑍀𑌰𑌮𑌧𑌿𑌦𑍈𑌵𑌤𑌮𑌨𑍍𑌤𑌰𑌾𑌤𑍍𑌮𑌾
𑌜𑍍𑌞𑌾𑌨𑌂 𑌕𑍍𑌰𑌿𑌯𑌾 𑌕𑌰𑌣𑌮𑌾𑌸𑌨𑌜𑌾𑌲𑌮𑌿𑌚𑍍𑌛𑌾 ।
𑌐𑌶𑍍𑌵𑌰𑍍𑌯𑌮𑌾𑌯𑌤𑌨𑌮𑌾𑌵𑌰𑌣𑌾𑌨𑌿 𑌚 𑌤𑍍𑌵𑌂
𑌕𑌿𑌂 𑌤𑌨𑍍𑌨 𑌯𑌦𑍍𑌭𑌵𑌸𑌿 𑌦𑍇𑌵𑌿 𑌶𑌶𑌾𑌙𑍍𑌕𑌮𑍗𑌲𑍇𑌃 ॥ 25 ॥
𑌭𑍂𑌮𑍗 𑌨𑌿𑌵𑍃𑌤𑍍𑌤𑌿𑌰𑍁𑌦𑌿𑌤𑌾 𑌪𑌯𑌸𑌿 𑌪𑍍𑌰𑌤𑌿𑌷𑍍𑌠𑌾
𑌵𑌿𑌦𑍍𑌯𑌾𑌽𑌨𑌲𑍇 𑌮𑌰𑍁𑌤𑌿 𑌶𑌾𑌨𑍍𑌤𑌿𑌰𑌤𑍀𑌵𑌕𑌾𑌨𑍍𑌤𑌿𑌃 ।
𑌵𑍍𑌯𑍋𑌮𑍍𑌨𑍀𑌤𑌿 𑌯𑌾𑌃 𑌕𑌿𑌲 𑌕𑌲𑌾𑌃 𑌕𑌲𑌯𑌨𑍍𑌤𑌿 𑌵𑌿𑌶𑍍𑌵𑌂
𑌤𑌾𑌸𑌾𑌂 𑌹𑌿 𑌦𑍂𑌰𑌤𑌰𑌮𑌮𑍍𑌬 𑌪𑌦𑌂 𑌤𑍍𑌵𑌦𑍀𑌯𑌮𑍍 ॥ 26 ॥
𑌯𑌾𑌵𑌤𑍍𑌪𑌦𑌂 𑌪𑌦𑌸𑌰𑍋𑌜𑌯𑍁𑌗𑌂 𑌤𑍍𑌵𑌦𑍀𑌯𑌂
𑌨𑌾𑌙𑍍𑌗𑍀𑌕𑌰𑍋𑌤𑌿 𑌹𑍃𑌦𑌯𑍇𑌷𑍁 𑌜𑌗𑌚𑍍𑌛𑌰𑌣𑍍𑌯𑍇 ।
𑌤𑌾𑌵𑌦𑍍𑌵𑌿𑌕𑌲𑍍𑌪𑌜𑌟𑌿𑌲𑌾𑌃 𑌕𑍁𑌟𑌿𑌲𑌪𑍍𑌰𑌕𑌾𑌰𑌾-
-𑌸𑍍𑌤𑌰𑍍𑌕𑌗𑍍𑌰𑌹𑌾𑌃 𑌸𑌮𑌯𑌿𑌨𑌾𑌂 𑌪𑍍𑌰𑌲𑌯𑌂 𑌨 𑌯𑌾𑌨𑍍𑌤𑌿 ॥ 27 ॥
𑌨𑌿𑌰𑍍𑌦𑍇𑌵𑌯𑌾𑌨𑌪𑌿𑌤𑍃𑌯𑌾𑌨𑌵𑌿𑌹𑌾𑌰𑌮𑍇𑌕𑍇
𑌕𑍃𑌤𑍍𑌵𑌾 𑌮𑌨𑌃 𑌕𑌰𑌣𑌮𑌣𑍍𑌡𑌲𑌸𑌾𑌰𑍍𑌵𑌭𑍗𑌮𑌮𑍍 ।
𑌧𑍍𑌯𑌾𑌨𑍇 𑌨𑌿𑌵𑍇𑌶𑍍𑌯 𑌤𑌵 𑌕𑌾𑌰𑌣𑌪𑌞𑍍𑌚𑌕𑌸𑍍𑌯
𑌪𑌰𑍍𑌵𑌾𑌣𑌿 𑌪𑌾𑌰𑍍𑌵𑌤𑌿 𑌨𑌯𑌨𑍍𑌤𑌿 𑌨𑌿𑌜𑌾𑌸𑌨𑌤𑍍𑌵𑌮𑍍 ॥ 28 ॥
𑌸𑍍𑌥𑍂𑌲𑌾𑌸𑍁 𑌮𑍂𑌰𑍍𑌤𑌿𑌷𑍁 𑌮𑌹𑍀𑌪𑍍𑌰𑌮𑍁𑌖𑌾𑌸𑍁 𑌮𑍂𑌰𑍍𑌤𑍇𑌃
𑌕𑌸𑍍𑌯𑌾𑌶𑍍𑌚𑌨𑌾𑌪𑌿 𑌤𑌵 𑌵𑍈𑌭𑌵𑌮𑌮𑍍𑌬 𑌯𑌸𑍍𑌯𑌾𑌃 ।
𑌪𑌤𑍍𑌯𑌾 𑌗𑌿𑌰𑌾𑌮𑌪𑌿 𑌨 𑌶𑌕𑍍𑌯𑌤 𑌏𑌵 𑌵𑌕𑍍𑌤𑍁𑌂
𑌸𑌾𑌪𑌿 𑌸𑍍𑌤𑍁𑌤𑌾 𑌕𑌿𑌲 𑌮𑌯𑍇𑌤𑌿 𑌤𑌿𑌤𑌿𑌕𑍍𑌷𑌿𑌤𑌵𑍍𑌯𑌮𑍍 ॥ 29 ॥
𑌕𑌾𑌲𑌾𑌗𑍍𑌨𑌿𑌕𑍋𑌟𑌿𑌰𑍁𑌚𑌿𑌮𑌮𑍍𑌬 𑌷𑌡𑌧𑍍𑌵𑌶𑍁𑌦𑍍𑌧𑍗
𑌆𑌪𑍍𑌲𑌾𑌵𑌨𑍇𑌷𑍁 𑌭𑌵𑌤𑍀𑌮𑌮𑍃𑌤𑍗𑌘𑌵𑍃𑌷𑍍𑌟𑌿𑌮𑍍 ।
𑌶𑍍𑌯𑌾𑌮𑌾𑌂 𑌘𑌨𑌸𑍍𑌤𑌨𑌤𑌟𑌾𑌂 𑌶𑌕𑌲𑍀𑌕𑍃𑌤𑌾𑌘𑌾𑌂
𑌧𑍍𑌯𑌾𑌯𑌨𑍍𑌤 𑌏𑌵 𑌜𑌗𑌤𑌾𑌂 𑌗𑍁𑌰𑌵𑍋 𑌭𑌵𑌨𑍍𑌤𑌿 ॥ 30 ॥
𑌵𑌿𑌦𑍍𑌯𑌾𑌂 𑌪𑌰𑌾𑌂 𑌕𑌤𑌿𑌚𑌿𑌦𑌮𑍍𑌬𑌰𑌮𑌮𑍍𑌬 𑌕𑍇𑌚𑌿-
-𑌦𑌾𑌨𑌨𑍍𑌦𑌮𑍇𑌵 𑌕𑌤𑌿𑌚𑌿𑌤𑍍𑌕𑌤𑌿𑌚𑌿𑌚𑍍𑌚 𑌮𑌾𑌯𑌾𑌮𑍍 ।
𑌤𑍍𑌵𑌾𑌂 𑌵𑌿𑌶𑍍𑌵𑌮𑌾𑌹𑍁𑌰𑌪𑌰𑍇 𑌵𑌯𑌮𑌾𑌮𑌨𑌾𑌮𑌃
𑌸𑌾𑌕𑍍𑌷𑌾𑌦𑌪𑌾𑌰𑌕𑌰𑍁𑌣𑌾𑌂 𑌗𑍁𑌰𑍁𑌮𑍂𑌰𑍍𑌤𑌿𑌮𑍇𑌵 ॥ 31 ॥
𑌕𑍁𑌵𑌲𑌯𑌦𑌲𑌨𑍀𑌲𑌂 𑌬𑌰𑍍𑌬𑌰𑌸𑍍𑌨𑌿𑌗𑍍𑌧𑌕𑍇𑌶𑌂
𑌪𑍃𑌥𑍁𑌤𑌰𑌕𑍁𑌚𑌭𑌾𑌰𑌾𑌕𑍍𑌰𑌾𑌨𑍍𑌤𑌕𑌾𑌨𑍍𑌤𑌾𑌵𑌲𑌗𑍍𑌨𑌮𑍍 ।
𑌕𑌿𑌮𑌿𑌹 𑌬𑌹𑍁𑌭𑌿𑌰𑍁𑌕𑍍𑌤𑍈𑌸𑍍𑌤𑍍𑌵𑌤𑍍𑌸𑍍𑌵𑌰𑍂𑌪𑌂 𑌪𑌰𑌂 𑌨𑌃
𑌸𑌕𑌲𑌜𑌨𑌨𑌿 𑌮𑌾𑌤𑌃 𑌸𑌨𑍍𑌤𑌤𑌂 𑌸𑌨𑍍𑌨𑌿𑌧𑌤𑍍𑌤𑌾𑌮𑍍 ॥ 32 ॥
𑌇𑌤𑌿 𑌶𑍍𑌰𑍀𑌕𑌾𑌲𑌿𑌦𑌾𑌸 𑌵𑌿𑌰𑌚𑌿𑌤 𑌪𑌞𑍍𑌚𑌸𑍍𑌤𑌵𑍍𑌯𑌾𑌂 𑌚𑌤𑍁𑌰𑍍𑌥𑌃 𑌅𑌮𑍍𑌬𑌾𑌸𑍍𑌤𑌵𑌃 ।
Roman (IAST) Transliteration
yāmāmananti munayaḥ prakṛtiṃ purāṇīṃ
vidyeti yāṃ śrutirahasyavido vadanti |
tāmardhapallavitaśaṅkararūpamudrāṃ
devīmananyaśaraṇaḥ śaraṇaṃ prapadye || 1 ||
amba staveṣu tava tāvadakartṛkāṇi
kuṇṭhībhavanti vacasāmapi gumbhanāni |
ḍimbhasya me stutirasāvasamañjasāpi
vātsalyanighnahṛdayāṃ bhavatīṃ dhinotu || 2 ||
vyometi binduriti nāda itīndulekhā-
-rūpeti vāgbhavatanūriti mātṛketi |
niḥsyandamānasukhabodhasudhāsvarūpā
vidyotase manasi bhāgyavatāṃ janānām || 3 ||
āvirbhavatpulakasantatibhiḥ śarīrai-
-rniḥsyandamānasalilairnayanaiśca nityam |
vāgbhiśca gadgadapadābhirupāsate ye
pādau tavāmba bhuvaneṣu ta eva dhanyāḥ || 4 ||
vaktraṃ yadudyatamabhiṣṭutaye bhavatyā-
-stubhyaṃ namo yadapi devi śiraḥ karoti |
cetaśca yattvayi parāyaṇamamba tāni
kasyāpi kairapi bhavanti tapoviśeṣaiḥ || 5 ||
mūlālavālakuharāduditā bhavāni
nirbhidya ṣaṭsarasijāni taṭillateva |
bhūyo'pi tatra viśasi dhruvamaṇḍalendu-
-niḥsyandamānaparamāmṛtatoyarūpā || 6 ||
dagdhaṃ yadā madanamekamanekadhā te
mugdhaḥ kaṭākṣavidhiraṅkurayāñcakāra |
dhatte tadāprabhṛti devi lalāṭanetraṃ
satyaṃ hriyaiva mukulīkṛtamindumauleḥ || 7 ||
ajñātasambhavamanākalitānvavāyaṃ
bhikṣuṃ kapālinamavāsasamadvitīyam |
pūrvaṃ karagrahaṇamaṅgalato bhavatyāḥ
śambhuṃ ka eva bubudhe girirājakanye || 8 ||
carmāmbaraṃ ca śavabhasmavilepanaṃ ca
bhikṣāṭanaṃ ca naṭanaṃ ca paretabhūmau |
vetālasaṃhatiparigrahatā ca śambhoḥ
śobhāṃ bibharti girije tava sāhacaryāt || 9 ||
kalpopasaṃharaṇakeliṣu paṇḍitāni
caṇḍāni khaṇḍaparaśorapi tāṇḍavāni |
ālokanena tava komalitāni māta-
-rlāsyātmanā pariṇamanti jagadvibhūtyai || 10 ||
jantorapaścimatanoḥ sati karmasāmye
niḥśeṣapāśapaṭalacchidurā nimeṣāt |
kalyāṇi deśikakaṭākṣasamāśrayeṇa
kāruṇyato bhavati śāmbhavavedadīkṣā || 11 ||
muktāvibhūṣaṇavatī navavidrumābhā
yaccetasi sphurasi tārakiteva sandhyā |
ekaḥ sa eva bhuvanatrayasundarīṇāṃ
kandarpatāṃ vrajati pañcaśarīṃ vināpi || 12 ||
ye bhāvayantyamṛtavāhibhiraṃśujālai-
-rāpyāyamānabhuvanāmamṛteśvarīṃ tvām |
te laṅghayanti nanu mātaralaṅghanīyāṃ
brahmādibhiḥ suravarairapi kālakakṣām || 13 ||
yaḥ sphāṭikākṣaguṇapustakakuṇḍikāḍhyāṃ
vyākhyāsamudyatakarāṃ śaradinduśubhrām |
padmāsanāṃ ca hṛdaye bhavatīmupāste
mātaḥ sa viśvakavitārkikacakravartī || 14 ||
barhāvataṃsayutabarbarakeśapāśāṃ
guñjāvalīkṛtaghanastanahāraśobhām |
śyāmāṃ pravālavadanāṃ sukumārahastāṃ
tvāmeva naumi śabarīṃ śabarasya jāyām || 15 ||
ardhena kiṃ navalatālalitena mugdhe
krītaṃ vibhoḥ paruṣamardhamidaṃ tvayeti |
ālījanasya parihāsavacāṃsi manye
mandasmitena tava devi jaḍī bhavanti || 16 ||
brahmāṇḍa budbudakadambakasaṅkulo'yaṃ
māyodadhirvividhaduḥkhataraṅgamālaḥ |
āścaryamamba jhaṭiti pralayaṃ prayāti
tvaddhyānasantatimahābaḍabāmukhāgnau || 17 ||
dākṣāyaṇīti kuṭileti kuhāriṇīti
kātyāyanīti kamaleti kalāvatīti |
ekā satī bhagavatī paramārthato'pi
sandṛśyase bahuvidhā nanu nartakīva || 18 ||
ānandalakṣaṇamanāhatanāmni deśe
nādātmanā pariṇataṃ tava rūpamīśe |
pratyaṅmukhena manasā paricīyamānaṃ
śaṃsanti netrasalilaiḥ pulakaiśca dhanyāḥ || 19 ||
tvaṃ candrikā śaśini tigmarucau rucistvaṃ
tvaṃ cetanāsi puruṣe pavane balaṃ tvam |
tvaṃ svādutāsi salile śikhini tvamūṣmā
niḥsārameva nikhilaṃ tvadṛte yadi syāt || 20 ||
jyotīṃṣi yaddivi caranti yadantarikṣaṃ
sūte payāṃsi yadahirdharaṇīṃ ca dhatte |
yadvāti vāyuranalo yadudarcirāste
tatsarvamamba tava kevalamājñayaiva || 21 ||
saṅkocamicchasi yadā girije tadānīṃ
vāktarkayostvamasi bhūmiranāmarūpā |
yadvā vikāsamupayāsi yadā tadānīṃ
tvannāmarūpagaṇanāḥ sukarā bhavanti || 22 ||
bhogāya devi bhavatīṃ kṛtinaḥ praṇamya
bhrūkiṅkarīkṛtasarojagṛhāḥ sahasram |
cintāmaṇipracayakalpitakeliśaile
kalpadrumopavana eva ciraṃ ramante || 23 ||
hartuṃ tvameva bhavasi tvadadhīnamīśe
saṃsāratāpamakhilaṃ dayayā paśūnām |
vaikartanī kiraṇasaṃhatireva śaktā
dharmaṃ nijaṃ śamayituṃ nijayaiva vṛṣṭyā || 24 ||
śaktiḥ śarīramadhidaivatamantarātmā
jñānaṃ kriyā karaṇamāsanajālamicchā |
aiśvaryamāyatanamāvaraṇāni ca tvaṃ
kiṃ tanna yadbhavasi devi śaśāṅkamauleḥ || 25 ||
bhūmau nivṛttiruditā payasi pratiṣṭhā
vidyā'nale maruti śāntiratīvakāntiḥ |
vyomnīti yāḥ kila kalāḥ kalayanti viśvaṃ
tāsāṃ hi dūrataramamba padaṃ tvadīyam || 26 ||
yāvatpadaṃ padasarojayugaṃ tvadīyaṃ
nāṅgīkaroti hṛdayeṣu jagaccharaṇye |
tāvadvikalpajaṭilāḥ kuṭilaprakārā-
-starkagrahāḥ samayināṃ pralayaṃ na yānti || 27 ||
nirdevayānapitṛyānavihārameke
kṛtvā manaḥ karaṇamaṇḍalasārvabhaumam |
dhyāne niveśya tava kāraṇapañcakasya
parvāṇi pārvati nayanti nijāsanatvam || 28 ||
sthūlāsu mūrtiṣu mahīpramukhāsu mūrteḥ
kasyāścanāpi tava vaibhavamamba yasyāḥ |
patyā girāmapi na śakyata eva vaktuṃ
sāpi stutā kila mayeti titikṣitavyam || 29 ||
kālāgnikoṭirucimamba ṣaḍadhvaśuddhau
āplāvaneṣu bhavatīmamṛtaughavṛṣṭim |
śyāmāṃ ghanastanataṭāṃ śakalīkṛtāghāṃ
dhyāyanta eva jagatāṃ guravo bhavanti || 30 ||
vidyāṃ parāṃ katicidambaramamba keci-
-dānandameva katicitkaticicca māyām |
tvāṃ viśvamāhurapare vayamāmanāmaḥ
sākṣādapārakaruṇāṃ gurumūrtimeva || 31 ||
kuvalayadalanīlaṃ barbarasnigdhakeśaṃ
pṛthutarakucabhārākrāntakāntāvalagnam |
kimiha bahubhiruktaistvatsvarūpaṃ paraṃ naḥ
sakalajanani mātaḥ santataṃ sannidhattām || 32 ||
iti śrīkālidāsa viracita pañcastavyāṃ caturthaḥ ambāstavaḥ |
Sanskrit — Devanagari (original)
यामामनन्ति मुनयः प्रकृतिं पुराणीं
विद्येति यां श्रुतिरहस्यविदो वदन्ति ।
तामर्धपल्लवितशङ्कररूपमुद्रां
देवीमनन्यशरणः शरणं प्रपद्ये ॥ 1 ॥
अम्ब स्तवेषु तव तावदकर्तृकाणि
कुण्ठीभवन्ति वचसामपि गुम्भनानि ।
डिम्भस्य मे स्तुतिरसावसमञ्जसापि
वात्सल्यनिघ्नहृदयां भवतीं धिनोतु ॥ 2 ॥
व्योमेति बिन्दुरिति नाद इतीन्दुलेखा-
-रूपेति वाग्भवतनूरिति मातृकेति ।
निःस्यन्दमानसुखबोधसुधास्वरूपा
विद्योतसे मनसि भाग्यवतां जनानाम् ॥ 3 ॥
आविर्भवत्पुलकसन्ततिभिः शरीरै-
-र्निःस्यन्दमानसलिलैर्नयनैश्च नित्यम् ।
वाग्भिश्च गद्गदपदाभिरुपासते ये
पादौ तवाम्ब भुवनेषु त एव धन्याः ॥ 4 ॥
वक्त्रं यदुद्यतमभिष्टुतये भवत्या-
-स्तुभ्यं नमो यदपि देवि शिरः करोति ।
चेतश्च यत्त्वयि परायणमम्ब तानि
कस्यापि कैरपि भवन्ति तपोविशेषैः ॥ 5 ॥
मूलालवालकुहरादुदिता भवानि
निर्भिद्य षट्सरसिजानि तटिल्लतेव ।
भूयोऽपि तत्र विशसि ध्रुवमण्डलेन्दु-
-निःस्यन्दमानपरमामृततोयरूपा ॥ 6 ॥
दग्धं यदा मदनमेकमनेकधा ते
मुग्धः कटाक्षविधिरङ्कुरयाञ्चकार ।
धत्ते तदाप्रभृति देवि ललाटनेत्रं
सत्यं ह्रियैव मुकुलीकृतमिन्दुमौलेः ॥ 7 ॥
अज्ञातसम्भवमनाकलितान्ववायं
भिक्षुं कपालिनमवाससमद्वितीयम् ।
पूर्वं करग्रहणमङ्गलतो भवत्याः
शम्भुं क एव बुबुधे गिरिराजकन्ये ॥ 8 ॥
चर्माम्बरं च शवभस्मविलेपनं च
भिक्षाटनं च नटनं च परेतभूमौ ।
वेतालसंहतिपरिग्रहता च शम्भोः
शोभां बिभर्ति गिरिजे तव साहचर्यात् ॥ 9 ॥
कल्पोपसंहरणकेलिषु पण्डितानि
चण्डानि खण्डपरशोरपि ताण्डवानि ।
आलोकनेन तव कोमलितानि मात-
-र्लास्यात्मना परिणमन्ति जगद्विभूत्यै ॥ 10 ॥
जन्तोरपश्चिमतनोः सति कर्मसाम्ये
निःशेषपाशपटलच्छिदुरा निमेषात् ।
कल्याणि देशिककटाक्षसमाश्रयेण
कारुण्यतो भवति शाम्भववेददीक्षा ॥ 11 ॥
मुक्ताविभूषणवती नवविद्रुमाभा
यच्चेतसि स्फुरसि तारकितेव सन्ध्या ।
एकः स एव भुवनत्रयसुन्दरीणां
कन्दर्पतां व्रजति पञ्चशरीं विनापि ॥ 12 ॥
ये भावयन्त्यमृतवाहिभिरंशुजालै-
-राप्यायमानभुवनाममृतेश्वरीं त्वाम् ।
ते लङ्घयन्ति ननु मातरलङ्घनीयां
ब्रह्मादिभिः सुरवरैरपि कालकक्षाम् ॥ 13 ॥
यः स्फाटिकाक्षगुणपुस्तककुण्डिकाढ्यां
व्याख्यासमुद्यतकरां शरदिन्दुशुभ्राम् ।
पद्मासनां च हृदये भवतीमुपास्ते
मातः स विश्वकवितार्किकचक्रवर्ती ॥ 14 ॥
बर्हावतंसयुतबर्बरकेशपाशां
गुञ्जावलीकृतघनस्तनहारशोभाम् ।
श्यामां प्रवालवदनां सुकुमारहस्तां
त्वामेव नौमि शबरीं शबरस्य जायाम् ॥ 15 ॥
अर्धेन किं नवलताललितेन मुग्धे
क्रीतं विभोः परुषमर्धमिदं त्वयेति ।
आलीजनस्य परिहासवचांसि मन्ये
मन्दस्मितेन तव देवि जडी भवन्ति ॥ 16 ॥
ब्रह्माण्ड बुद्बुदकदम्बकसङ्कुलोऽयं
मायोदधिर्विविधदुःखतरङ्गमालः ।
आश्चर्यमम्ब झटिति प्रलयं प्रयाति
त्वद्ध्यानसन्ततिमहाबडबामुखाग्नौ ॥ 17 ॥
दाक्षायणीति कुटिलेति कुहारिणीति
कात्यायनीति कमलेति कलावतीति ।
एका सती भगवती परमार्थतोऽपि
सन्दृश्यसे बहुविधा ननु नर्तकीव ॥ 18 ॥
आनन्दलक्षणमनाहतनाम्नि देशे
नादात्मना परिणतं तव रूपमीशे ।
प्रत्यङ्मुखेन मनसा परिचीयमानं
शंसन्ति नेत्रसलिलैः पुलकैश्च धन्याः ॥ 19 ॥
त्वं चन्द्रिका शशिनि तिग्मरुचौ रुचिस्त्वं
त्वं चेतनासि पुरुषे पवने बलं त्वम् ।
त्वं स्वादुतासि सलिले शिखिनि त्वमूष्मा
निःसारमेव निखिलं त्वदृते यदि स्यात् ॥ 20 ॥
ज्योतींषि यद्दिवि चरन्ति यदन्तरिक्षं
सूते पयांसि यदहिर्धरणीं च धत्ते ।
यद्वाति वायुरनलो यदुदर्चिरास्ते
तत्सर्वमम्ब तव केवलमाज्ञयैव ॥ 21 ॥
सङ्कोचमिच्छसि यदा गिरिजे तदानीं
वाक्तर्कयोस्त्वमसि भूमिरनामरूपा ।
यद्वा विकासमुपयासि यदा तदानीं
त्वन्नामरूपगणनाः सुकरा भवन्ति ॥ 22 ॥
भोगाय देवि भवतीं कृतिनः प्रणम्य
भ्रूकिङ्करीकृतसरोजगृहाः सहस्रम् ।
चिन्तामणिप्रचयकल्पितकेलिशैले
कल्पद्रुमोपवन एव चिरं रमन्ते ॥ 23 ॥
हर्तुं त्वमेव भवसि त्वदधीनमीशे
संसारतापमखिलं दयया पशूनाम् ।
वैकर्तनी किरणसंहतिरेव शक्ता
धर्मं निजं शमयितुं निजयैव वृष्ट्या ॥ 24 ॥
शक्तिः शरीरमधिदैवतमन्तरात्मा
ज्ञानं क्रिया करणमासनजालमिच्छा ।
ऐश्वर्यमायतनमावरणानि च त्वं
किं तन्न यद्भवसि देवि शशाङ्कमौलेः ॥ 25 ॥
भूमौ निवृत्तिरुदिता पयसि प्रतिष्ठा
विद्याऽनले मरुति शान्तिरतीवकान्तिः ।
व्योम्नीति याः किल कलाः कलयन्ति विश्वं
तासां हि दूरतरमम्ब पदं त्वदीयम् ॥ 26 ॥
यावत्पदं पदसरोजयुगं त्वदीयं
नाङ्गीकरोति हृदयेषु जगच्छरण्ये ।
तावद्विकल्पजटिलाः कुटिलप्रकारा-
-स्तर्कग्रहाः समयिनां प्रलयं न यान्ति ॥ 27 ॥
निर्देवयानपितृयानविहारमेके
कृत्वा मनः करणमण्डलसार्वभौमम् ।
ध्याने निवेश्य तव कारणपञ्चकस्य
पर्वाणि पार्वति नयन्ति निजासनत्वम् ॥ 28 ॥
स्थूलासु मूर्तिषु महीप्रमुखासु मूर्तेः
कस्याश्चनापि तव वैभवमम्ब यस्याः ।
पत्या गिरामपि न शक्यत एव वक्तुं
सापि स्तुता किल मयेति तितिक्षितव्यम् ॥ 29 ॥
कालाग्निकोटिरुचिमम्ब षडध्वशुद्धौ
आप्लावनेषु भवतीममृतौघवृष्टिम् ।
श्यामां घनस्तनतटां शकलीकृताघां
ध्यायन्त एव जगतां गुरवो भवन्ति ॥ 30 ॥
विद्यां परां कतिचिदम्बरमम्ब केचि-
-दानन्दमेव कतिचित्कतिचिच्च मायाम् ।
त्वां विश्वमाहुरपरे वयमामनामः
साक्षादपारकरुणां गुरुमूर्तिमेव ॥ 31 ॥
कुवलयदलनीलं बर्बरस्निग्धकेशं
पृथुतरकुचभाराक्रान्तकान्तावलग्नम् ।
किमिह बहुभिरुक्तैस्त्वत्स्वरूपं परं नः
सकलजननि मातः सन्ततं सन्निधत्ताम् ॥ 32 ॥
इति श्रीकालिदास विरचित पञ्चस्तव्यां चतुर्थः अम्बास्तवः ।
yāmāmananti munayaḥ prakṛtiṃ purāṇīṃ
vidyeti yāṃ śrutirahasyavido vadanti |
tāmardhapallavitaśaṅkararūpamudrāṃ
devīmananyaśaraṇaḥ śaraṇaṃ prapadye || 1 ||
amba staveṣu tava tāvadakartṛkāṇi
kuṇṭhībhavanti vacasāmapi gumbhanāni |
ḍimbhasya me stutirasāvasamañjasāpi
vātsalyanighnahṛdayāṃ bhavatīṃ dhinotu || 2 ||
vyometi binduriti nāda itīndulekhā-
-rūpeti vāgbhavatanūriti mātṛketi |
niḥsyandamānasukhabodhasudhāsvarūpā
vidyotase manasi bhāgyavatāṃ janānām || 3 ||
āvirbhavatpulakasantatibhiḥ śarīrai-
-rniḥsyandamānasalilairnayanaiśca nityam |
vāgbhiśca gadgadapadābhirupāsate ye
pādau tavāmba bhuvaneṣu ta eva dhanyāḥ || 4 ||
vaktraṃ yadudyatamabhiṣṭutaye bhavatyā-
-stubhyaṃ namo yadapi devi śiraḥ karoti |
cetaśca yattvayi parāyaṇamamba tāni
kasyāpi kairapi bhavanti tapoviśeṣaiḥ || 5 ||
mūlālavālakuharāduditā bhavāni
nirbhidya ṣaṭsarasijāni taṭillateva |
bhūyo'pi tatra viśasi dhruvamaṇḍalendu-
-niḥsyandamānaparamāmṛtatoyarūpā || 6 ||
dagdhaṃ yadā madanamekamanekadhā te
mugdhaḥ kaṭākṣavidhiraṅkurayāñcakāra |
dhatte tadāprabhṛti devi lalāṭanetraṃ
satyaṃ hriyaiva mukulīkṛtamindumauleḥ || 7 ||
ajñātasambhavamanākalitānvavāyaṃ
bhikṣuṃ kapālinamavāsasamadvitīyam |
pūrvaṃ karagrahaṇamaṅgalato bhavatyāḥ
śambhuṃ ka eva bubudhe girirājakanye || 8 ||
carmāmbaraṃ ca śavabhasmavilepanaṃ ca
bhikṣāṭanaṃ ca naṭanaṃ ca paretabhūmau |
vetālasaṃhatiparigrahatā ca śambhoḥ
śobhāṃ bibharti girije tava sāhacaryāt || 9 ||
kalpopasaṃharaṇakeliṣu paṇḍitāni
caṇḍāni khaṇḍaparaśorapi tāṇḍavāni |
ālokanena tava komalitāni māta-
-rlāsyātmanā pariṇamanti jagadvibhūtyai || 10 ||
jantorapaścimatanoḥ sati karmasāmye
niḥśeṣapāśapaṭalacchidurā nimeṣāt |
kalyāṇi deśikakaṭākṣasamāśrayeṇa
kāruṇyato bhavati śāmbhavavedadīkṣā || 11 ||
muktāvibhūṣaṇavatī navavidrumābhā
yaccetasi sphurasi tārakiteva sandhyā |
ekaḥ sa eva bhuvanatrayasundarīṇāṃ
kandarpatāṃ vrajati pañcaśarīṃ vināpi || 12 ||
ye bhāvayantyamṛtavāhibhiraṃśujālai-
-rāpyāyamānabhuvanāmamṛteśvarīṃ tvām |
te laṅghayanti nanu mātaralaṅghanīyāṃ
brahmādibhiḥ suravarairapi kālakakṣām || 13 ||
yaḥ sphāṭikākṣaguṇapustakakuṇḍikāḍhyāṃ
vyākhyāsamudyatakarāṃ śaradinduśubhrām |
padmāsanāṃ ca hṛdaye bhavatīmupāste
mātaḥ sa viśvakavitārkikacakravartī || 14 ||
barhāvataṃsayutabarbarakeśapāśāṃ
guñjāvalīkṛtaghanastanahāraśobhām |
śyāmāṃ pravālavadanāṃ sukumārahastāṃ
tvāmeva naumi śabarīṃ śabarasya jāyām || 15 ||
ardhena kiṃ navalatālalitena mugdhe
krītaṃ vibhoḥ paruṣamardhamidaṃ tvayeti |
ālījanasya parihāsavacāṃsi manye
mandasmitena tava devi jaḍī bhavanti || 16 ||
brahmāṇḍa budbudakadambakasaṅkulo'yaṃ
māyodadhirvividhaduḥkhataraṅgamālaḥ |
āścaryamamba jhaṭiti pralayaṃ prayāti
tvaddhyānasantatimahābaḍabāmukhāgnau || 17 ||
dākṣāyaṇīti kuṭileti kuhāriṇīti
kātyāyanīti kamaleti kalāvatīti |
ekā satī bhagavatī paramārthato'pi
sandṛśyase bahuvidhā nanu nartakīva || 18 ||
ānandalakṣaṇamanāhatanāmni deśe
nādātmanā pariṇataṃ tava rūpamīśe |
pratyaṅmukhena manasā paricīyamānaṃ
śaṃsanti netrasalilaiḥ pulakaiśca dhanyāḥ || 19 ||
tvaṃ candrikā śaśini tigmarucau rucistvaṃ
tvaṃ cetanāsi puruṣe pavane balaṃ tvam |
tvaṃ svādutāsi salile śikhini tvamūṣmā
niḥsārameva nikhilaṃ tvadṛte yadi syāt || 20 ||
jyotīṃṣi yaddivi caranti yadantarikṣaṃ
sūte payāṃsi yadahirdharaṇīṃ ca dhatte |
yadvāti vāyuranalo yadudarcirāste
tatsarvamamba tava kevalamājñayaiva || 21 ||
saṅkocamicchasi yadā girije tadānīṃ
vāktarkayostvamasi bhūmiranāmarūpā |
yadvā vikāsamupayāsi yadā tadānīṃ
tvannāmarūpagaṇanāḥ sukarā bhavanti || 22 ||
bhogāya devi bhavatīṃ kṛtinaḥ praṇamya
bhrūkiṅkarīkṛtasarojagṛhāḥ sahasram |
cintāmaṇipracayakalpitakeliśaile
kalpadrumopavana eva ciraṃ ramante || 23 ||
hartuṃ tvameva bhavasi tvadadhīnamīśe
saṃsāratāpamakhilaṃ dayayā paśūnām |
vaikartanī kiraṇasaṃhatireva śaktā
dharmaṃ nijaṃ śamayituṃ nijayaiva vṛṣṭyā || 24 ||
śaktiḥ śarīramadhidaivatamantarātmā
jñānaṃ kriyā karaṇamāsanajālamicchā |
aiśvaryamāyatanamāvaraṇāni ca tvaṃ
kiṃ tanna yadbhavasi devi śaśāṅkamauleḥ || 25 ||
bhūmau nivṛttiruditā payasi pratiṣṭhā
vidyā'nale maruti śāntiratīvakāntiḥ |
vyomnīti yāḥ kila kalāḥ kalayanti viśvaṃ
tāsāṃ hi dūrataramamba padaṃ tvadīyam || 26 ||
yāvatpadaṃ padasarojayugaṃ tvadīyaṃ
nāṅgīkaroti hṛdayeṣu jagaccharaṇye |
tāvadvikalpajaṭilāḥ kuṭilaprakārā-
-starkagrahāḥ samayināṃ pralayaṃ na yānti || 27 ||
nirdevayānapitṛyānavihārameke
kṛtvā manaḥ karaṇamaṇḍalasārvabhaumam |
dhyāne niveśya tava kāraṇapañcakasya
parvāṇi pārvati nayanti nijāsanatvam || 28 ||
sthūlāsu mūrtiṣu mahīpramukhāsu mūrteḥ
kasyāścanāpi tava vaibhavamamba yasyāḥ |
patyā girāmapi na śakyata eva vaktuṃ
sāpi stutā kila mayeti titikṣitavyam || 29 ||
kālāgnikoṭirucimamba ṣaḍadhvaśuddhau
āplāvaneṣu bhavatīmamṛtaughavṛṣṭim |
śyāmāṃ ghanastanataṭāṃ śakalīkṛtāghāṃ
dhyāyanta eva jagatāṃ guravo bhavanti || 30 ||
vidyāṃ parāṃ katicidambaramamba keci-
-dānandameva katicitkaticicca māyām |
tvāṃ viśvamāhurapare vayamāmanāmaḥ
sākṣādapārakaruṇāṃ gurumūrtimeva || 31 ||
kuvalayadalanīlaṃ barbarasnigdhakeśaṃ
pṛthutarakucabhārākrāntakāntāvalagnam |
kimiha bahubhiruktaistvatsvarūpaṃ paraṃ naḥ
sakalajanani mātaḥ santataṃ sannidhattām || 32 ||
iti śrīkālidāsa viracita pañcastavyāṃ caturthaḥ ambāstavaḥ |
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.