𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑌞𑍍𑌚𑌮𑌕𑌾𑌣𑍍𑌡𑍇 𑌚𑌤𑍁𑌰𑍍𑌥𑌃 𑌪𑍍𑌰𑌶𑍍𑌨𑌃 - 𑌇𑌷𑍍𑌟𑌕𑌾𑌤𑍍𑌰𑌯𑌾𑌭𑌿𑌧𑌾𑌨𑌂
𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥
𑌦𑍇॒𑌵𑌾॒𑌸𑍁॒𑌰𑌾-𑌸𑍍𑌸𑌂𑌯𑌁॑𑌤𑍍𑌤𑌾 𑌆𑌸॒-𑌨𑍍𑌤𑍇 𑌨 𑌵𑍍𑌯॑𑌜𑌯𑌨𑍍𑌤॒ 𑌸 𑌏॒𑌤𑌾 𑌇𑌨𑍍𑌦𑍍𑌰॑𑌸𑍍𑌤॒𑌨𑍂𑌰॑𑌪𑌶𑍍𑌯॒-𑌤𑍍𑌤𑌾 𑌉𑌪𑌾॑𑌧𑌤𑍍𑌤॒ 𑌤𑌾𑌭𑌿॒𑌰𑍍𑌵𑍈 𑌸 𑌤॒𑌨𑍁𑌵॑𑌮𑌿𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑𑌮𑌾॒𑌤𑍍𑌮𑌨𑍍𑌨॑𑌧𑌤𑍍𑌤॒ 𑌤𑌤𑍋॑ 𑌦𑍇॒𑌵𑌾 𑌅𑌭॑𑌵॒-𑌨𑍍𑌪𑌰𑌾-𑌽𑌸𑍁॑𑌰𑌾॒ 𑌯𑌦𑌿॑𑌨𑍍𑌦𑍍𑌰𑌤॒𑌨𑍂𑌰𑍁॑𑌪॒𑌦𑌧𑌾॑𑌤𑌿 𑌤॒𑌨𑍁𑌵॑𑌮𑍇॒𑌵 𑌤𑌾𑌭𑌿॑𑌰𑌿𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯𑌂॑-𑌯𑌁𑌜॑𑌮𑌾𑌨 𑌆॒𑌤𑍍𑌮-𑌨𑍍𑌧॒𑌤𑍍𑌤𑍇-𑌽𑌥𑍋॒ 𑌸𑍇𑌨𑍍𑌦𑍍𑌰॑𑌮𑍇॒𑌵𑌾𑌗𑍍𑌨𑌿𑌗𑍍𑌂 𑌸𑌤॑𑌨𑍁-𑌞𑍍𑌚𑌿𑌨𑍁𑌤𑍇॒ 𑌭𑌵॑𑌤𑍍𑌯𑌾॒𑌤𑍍𑌮𑌨𑌾॒ 𑌪𑌰𑌾᳚-𑌽𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑍋 [𑌭𑍍𑌰𑌾𑌤𑍃॑𑌵𑍍𑌯𑌃, 𑌭॒𑌵॒𑌤𑌿॒ 𑌯॒𑌜𑍍𑌞𑍋] 1
𑌭𑌵𑌤𑌿 𑌯॒𑌜𑍍𑌞𑍋 𑌦𑍇॒𑌵𑍇𑌭𑍍𑌯𑍋-𑌽𑌪𑌾᳚𑌕𑍍𑌰𑌾𑌮॒-𑌤𑍍𑌤𑌮॑𑌵॒𑌰𑍁𑌧॒-𑌨𑍍𑌨𑌾𑌶॑𑌕𑍍𑌨𑍁𑌵॒𑌨𑍍𑌤 𑌏॒𑌤𑌾 𑌯॑𑌜𑍍𑌞𑌤॒𑌨𑍂𑌰॑𑌪𑌶𑍍𑌯॒-𑌨𑍍𑌤𑌾 𑌉𑌪𑌾॑𑌦𑌧𑌤॒ 𑌤𑌾𑌭𑌿॒𑌰𑍍𑌵𑍈 𑌤𑍇 𑌯॒𑌜𑍍𑌞𑌮𑌵𑌾॑𑌰𑍁𑌨𑍍𑌧𑌤॒ 𑌯-𑌦𑍍𑌯॑𑌜𑍍𑌞𑌤॒𑌨𑍂𑌰𑍁॑𑌪॒𑌦𑌧𑌾॑𑌤𑌿 𑌯॒𑌜𑍍𑌞𑌮𑍇॒𑌵 𑌤𑌾𑌭𑌿॒𑌰𑍍𑌯𑌜॑𑌮𑌾॒𑌨𑍋-𑌽𑌵॑ 𑌰𑍁𑌨𑍍𑌧𑍇॒ 𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍𑌂 𑌶𑌤॒𑌮𑍁𑌪॑ 𑌦𑌧𑌾𑌤𑌿॒ 𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍𑌂𑌶॒𑌦𑍍𑌵𑍈 𑌦𑍇॒𑌵𑌤𑌾॑ 𑌦𑍇॒𑌵𑌤𑌾॑ 𑌏॒𑌵𑌾𑌵॑ 𑌰𑍁॒𑌨𑍍𑌧𑍇 𑌽𑌥𑍋॒ 𑌸𑌾𑌤𑍍𑌮𑌾॑𑌨𑌮𑍇॒𑌵𑌾𑌗𑍍𑌨𑌿𑌗𑍍𑌂 𑌸𑌤॑𑌨𑍁-𑌞𑍍𑌚𑌿𑌨𑍁𑌤𑍇॒ 𑌸𑌾𑌤𑍍𑌮𑌾॒-𑌽𑌮𑍁𑌷𑍍𑌮𑌿॑-𑌲𑍍𑌲𑍋𑌁॒𑌕𑍇 [-𑌽𑌮𑍁𑌷𑍍𑌮𑌿॑-𑌲𑍍𑌲𑍋𑌁॒𑌕𑍇, 𑌭॒𑌵॒𑌤𑌿॒ 𑌯] 2
𑌭॑𑌵𑌤𑌿॒ 𑌯 𑌏॒𑌵𑌂-𑌵𑍇𑌁𑌦॒ 𑌜𑍍𑌯𑍋𑌤𑌿॑𑌷𑍍𑌮𑌤𑍀॒𑌰𑍁𑌪॑ 𑌦𑌧𑌾𑌤𑌿॒ 𑌜𑍍𑌯𑍋𑌤𑌿॑𑌰𑍇॒𑌵𑌾𑌸𑍍𑌮𑌿॑-𑌨𑍍𑌦𑌧𑌾𑌤𑍍𑌯𑍇॒𑌤𑌾𑌭𑌿॒𑌰𑍍𑌵𑌾 𑌅॒𑌗𑍍𑌨𑌿𑌶𑍍𑌚𑌿॒𑌤𑍋 𑌜𑍍𑌵॑𑌲𑌤𑌿॒ 𑌤𑌾𑌭𑌿॑𑌰𑍇॒𑌵𑍈𑌨॒𑌗𑍍𑌂॒ 𑌸𑌮𑌿॑𑌨𑍍𑌧 𑌉॒𑌭𑌯𑍋॑𑌰𑌸𑍍𑌮𑍈 𑌲𑍋॒𑌕𑌯𑍋॒𑌰𑍍𑌜𑍍𑌯𑍋𑌤𑌿॑𑌰𑍍𑌭𑌵𑌤𑌿 𑌨𑌕𑍍𑌷𑌤𑍍𑌰𑍇𑌷𑍍𑌟॒𑌕𑌾 𑌉𑌪॑ 𑌦𑌧𑌾𑌤𑍍𑌯𑍇॒𑌤𑌾𑌨𑌿॒ 𑌵𑍈 𑌦𑌿॒𑌵𑍋 𑌜𑍍𑌯𑍋𑌤𑍀𑌗𑍍𑌂॑𑌷𑌿॒ 𑌤𑌾𑌨𑍍𑌯𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌸𑍁॒𑌕𑍃𑌤𑌾𑌂॒-𑌵𑌾𑌁 𑌏॒𑌤𑌾𑌨𑌿॒ 𑌜𑍍𑌯𑍋𑌤𑍀𑌗𑍍𑌂॑𑌷𑌿॒ 𑌯𑌨𑍍𑌨𑌕𑍍𑌷॑𑌤𑍍𑌰𑌾𑌣𑌿॒ 𑌤𑌾𑌨𑍍𑌯𑍇॒𑌵𑌾-𑌽𑌽𑌪𑍍𑌨𑍋॒𑌤𑍍𑌯𑌥𑍋॑ 𑌅𑌨𑍂𑌕𑌾॒𑌶-𑌮𑍇॒𑌵𑍈𑌤𑌾𑌨𑌿॒ [-𑌮𑍇॒𑌵𑍈𑌤𑌾𑌨𑌿॑, 𑌜𑍍𑌯𑍋𑌤𑍀𑌗𑍍𑌂॑𑌷𑌿 𑌕𑍁𑌰𑍁𑌤𑍇] 3
𑌜𑍍𑌯𑍋𑌤𑍀𑌗𑍍𑌂॑𑌷𑌿 𑌕𑍁𑌰𑍁𑌤𑍇 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯𑌾𑌨𑍁॑𑌖𑍍𑌯𑌾𑌤𑍍𑌯𑍈॒ 𑌯-𑌥𑍍𑌸𑌗𑍍𑌗𑍍𑌸𑍍𑌪𑍃॑𑌷𑍍𑌟𑌾 𑌉𑌪𑌦॒𑌦𑍍𑌧𑍍𑌯𑌾-𑌦𑍍𑌵𑍃𑌷𑍍𑌟𑍍𑌯𑍈॑ 𑌲𑍋॒𑌕𑌮𑌪𑌿॑ 𑌦𑌦𑍍𑌧𑍍𑌯𑌾॒𑌦𑌵॑𑌰𑍍𑌷𑍁𑌕𑌃 𑌪॒𑌰𑍍𑌜𑌨𑍍𑌯𑌃॑ 𑌸𑍍𑌯𑌾॒𑌦𑌸𑌗𑍍𑌗𑍍॑𑌸𑍍𑌪𑍃𑌷𑍍𑌟𑌾॒ 𑌉𑌪॑ 𑌦𑌧𑌾𑌤𑌿॒ 𑌵𑍃𑌷𑍍𑌟𑍍𑌯𑌾॑ 𑌏॒𑌵 𑌲𑍋॒𑌕-𑌙𑍍𑌕॑𑌰𑍋𑌤𑌿॒ 𑌵𑌰𑍍𑌷𑍁॑𑌕𑌃 𑌪॒𑌰𑍍𑌜𑌨𑍍𑌯𑍋॑ 𑌭𑌵𑌤𑌿 𑌪𑍁॒𑌰𑌸𑍍𑌤𑌾॑𑌦॒𑌨𑍍𑌯𑌾𑌃 𑌪𑍍𑌰॒𑌤𑍀𑌚𑍀॒𑌰𑍁𑌪॑ 𑌦𑌧𑌾𑌤𑌿 𑌪॒𑌶𑍍𑌚𑌾𑌦॒𑌨𑍍𑌯𑌾𑌃 𑌪𑍍𑌰𑌾𑌚𑍀॒𑌸𑍍𑌤𑌸𑍍𑌮𑌾᳚-𑌤𑍍𑌪𑍍𑌰𑌾॒𑌚𑍀𑌨𑌾॑𑌨𑌿 𑌚 𑌪𑍍𑌰𑌤𑍀॒𑌚𑍀𑌨𑌾॑𑌨𑌿 𑌚॒ 𑌨𑌕𑍍𑌷॑𑌤𑍍𑌰𑌾॒𑌣𑍍𑌯𑌾 𑌵॑𑌰𑍍𑌤𑌨𑍍𑌤𑍇 ॥ 4 ॥
(𑌭𑍍𑌰𑌾𑌤𑍃॑𑌵𑍍𑌯𑍋 - 𑌲𑍋॒𑌕 - 𑌏॒𑌵𑍈𑌤𑌾𑌨𑍍𑌯𑍇 - 𑌕॑𑌚𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 1)
𑌋॒𑌤॒𑌵𑍍𑌯𑌾॑ 𑌉𑌪॑ 𑌦𑌧𑌾𑌤𑍍𑌯𑍃𑌤𑍂॒𑌨𑌾-𑌙𑍍𑌕𑍢𑌪𑍍𑌤𑍍𑌯𑍈᳚ 𑌦𑍍𑌵॒𑌦𑍍𑌵𑌮𑍍𑌮𑍁𑌪॑ 𑌦𑌧𑌾𑌤𑌿॒ 𑌤𑌸𑍍𑌮𑌾᳚-𑌦𑍍𑌦𑍍𑌵॒𑌨𑍍𑌦𑍍𑌵𑌮𑍃॒𑌤𑌵𑍋 𑌽𑌧𑍃॑𑌤𑍇𑌵॒ 𑌵𑌾 𑌏॒𑌷𑌾 𑌯𑌨𑍍𑌮॑𑌦𑍍𑌧𑍍𑌯॒𑌮𑌾 𑌚𑌿𑌤𑌿॑𑌰॒𑌨𑍍𑌤𑌰𑌿॑𑌕𑍍𑌷𑌮𑌿𑌵॒ 𑌵𑌾 𑌏॒𑌷𑌾 𑌦𑍍𑌵॒𑌦𑍍𑌵𑌮𑍍𑌮॒𑌨𑍍𑌯𑌾𑌸𑍁॒ 𑌚𑌿𑌤𑍀॒𑌷𑍂𑌪॑ 𑌦𑌧𑌾𑌤𑌿॒ 𑌚𑌤॑𑌸𑍍𑌰𑍋॒ 𑌮𑌦𑍍𑌧𑍍𑌯𑍇॒ 𑌧𑍃𑌤𑍍𑌯𑌾॑ 𑌅𑌨𑍍𑌤॒𑌶𑍍𑌶𑍍𑌲𑍇𑌷॑𑌣𑌂॒-𑌵𑌾𑌁 𑌏॒𑌤𑌾𑌶𑍍𑌚𑌿𑌤𑍀॑𑌨𑌾𑌂॒-𑌯𑌁𑌦𑍃॑𑌤॒𑌵𑍍𑌯𑌾॑ 𑌯𑌦𑍃॑𑌤॒𑌵𑍍𑌯𑌾॑ 𑌉𑌪॒𑌦𑌧𑌾॑𑌤𑌿॒ 𑌚𑌿𑌤𑍀॑𑌨𑌾𑌂॒-𑌵𑌿𑌁𑌧𑍃॑𑌤𑍍𑌯𑌾॒ 𑌅𑌵॑𑌕𑌾॒𑌮𑌨𑍂𑌪॑ 𑌦𑌧𑌾𑌤𑍍𑌯𑍇॒𑌷𑌾 𑌵𑌾 𑌅॒𑌗𑍍𑌨𑍇𑌰𑍍𑌯𑍋𑌨𑌿॒-𑌸𑍍𑌸𑌯𑍋॑𑌨𑌿- [𑌅॒𑌗𑍍𑌨𑍇𑌰𑍍𑌯𑍋𑌨𑌿॒-𑌸𑍍𑌸𑌯𑍋॑𑌨𑌿𑌮𑍍, 𑌏॒𑌵𑌾𑌗𑍍𑌨𑌿-] 5
-𑌮𑍇॒𑌵𑌾𑌗𑍍𑌨𑌿-𑌞𑍍𑌚𑌿॑𑌨𑍁𑌤 𑌉॒𑌵𑌾𑌚॑ 𑌹 𑌵𑌿॒𑌶𑍍𑌵𑌾𑌮𑌿॒𑌤𑍍𑌰𑍋 𑌽𑌦॒𑌦𑌿-𑌥𑍍𑌸 𑌬𑍍𑌰𑌹𑍍𑌮॒𑌣𑌾-𑌽𑌨𑍍𑌨𑌂॒-𑌯𑌁𑌸𑍍𑌯𑍈॒𑌤𑌾 𑌉॑𑌪𑌧𑍀॒𑌯𑌾𑌨𑍍𑌤𑍈॒ 𑌯 𑌉॑ 𑌚𑍈𑌨𑌾 𑌏॒𑌵𑌂-𑌵𑍇𑌁𑌦॒𑌦𑌿𑌤𑌿॑ 𑌸𑌂𑌵𑌁𑌥𑍍𑌸॒𑌰𑍋 𑌵𑌾 𑌏॒𑌤-𑌮𑍍𑌪𑍍𑌰॑𑌤𑌿॒𑌷𑍍𑌠𑌾𑌯𑍈॑ 𑌨𑍁𑌦𑌤𑍇॒ 𑌯𑍋᳚-𑌽𑌗𑍍𑌨𑌿-𑌞𑍍𑌚𑌿॒𑌤𑍍𑌵𑌾 𑌨 𑌪𑍍𑌰॑𑌤𑌿॒𑌤𑌿𑌷𑍍𑌠॑𑌤𑌿॒ 𑌪𑌞𑍍𑌚॒ 𑌪𑍂𑌰𑍍𑌵𑌾॒𑌶𑍍𑌚𑌿𑌤॑𑌯𑍋 𑌭𑌵॒𑌨𑍍𑌤𑍍𑌯𑌥॑ 𑌷॒𑌷𑍍𑌠𑍀-𑌞𑍍𑌚𑌿𑌤𑌿॑-𑌞𑍍𑌚𑌿𑌨𑍁𑌤𑍇॒ 𑌷𑌡𑍍𑌵𑌾 𑌋॒𑌤𑌵𑌃॑ 𑌸𑌂𑌵𑌁𑌥𑍍𑌸॒𑌰 𑌋॒𑌤𑍁𑌷𑍍𑌵𑍇॒𑌵 𑌸𑌂॑𑌵𑌁𑌥𑍍𑌸॒𑌰𑍇 𑌪𑍍𑌰𑌤𑌿॑𑌤𑌿𑌷𑍍𑌠𑌤𑍍𑌯𑍇॒ 𑌤𑌾 𑌵𑌾 [𑌪𑍍𑌰𑌤𑌿॑𑌤𑌿𑌷𑍍𑌠𑌤𑍍𑌯𑍇॒ 𑌤𑌾 𑌵𑌾, 𑌅𑌧𑌿॑𑌪𑌤𑍍𑌨𑍀॒𑌰𑍍𑌨𑌾𑌮𑍇𑌷𑍍𑌟॑𑌕𑌾॒] 6
𑌅𑌧𑌿॑𑌪𑌤𑍍𑌨𑍀॒𑌰𑍍𑌨𑌾𑌮𑍇𑌷𑍍𑌟॑𑌕𑌾॒ 𑌯𑌸𑍍𑌯𑍈॒𑌤𑌾 𑌉॑𑌪𑌧𑍀॒𑌯𑌨𑍍𑌤𑍇-𑌽𑌧𑌿॑𑌪𑌤𑌿𑌰𑍇॒𑌵 𑌸॑𑌮𑌾॒𑌨𑌾𑌨𑌾᳚-𑌮𑍍𑌭𑌵𑌤𑌿॒ 𑌯-𑌨𑍍𑌦𑍍𑌵𑌿॒𑌷𑍍𑌯𑌾-𑌤𑍍𑌤𑌮𑍁॑𑌪॒𑌦𑌧॑-𑌦𑍍𑌧𑍍𑌯𑌾𑌯𑍇𑌦𑍇॒𑌤𑌾𑌭𑍍𑌯॑ 𑌏॒𑌵𑍈𑌨॑-𑌨𑍍𑌦𑍇॒𑌵𑌤𑌾᳚𑌭𑍍𑌯॒ 𑌆 𑌵𑍃॑𑌶𑍍𑌚𑌤𑌿 𑌤𑌾॒𑌜𑌗𑌾𑌰𑍍𑌤𑌿॒𑌮𑌾𑌰𑍍𑌚𑍍𑌛॒𑌤𑍍𑌯𑌙𑍍𑌗𑌿॑𑌰𑌸-𑌸𑍍𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌂-𑌯𑌁𑌨𑍍𑌤𑍋॒ 𑌯𑌾 𑌯॒𑌜𑍍𑌞𑌸𑍍𑌯॒ 𑌨𑌿𑌷𑍍𑌕𑍃॑𑌤𑌿॒𑌰𑌾𑌸𑍀॒-𑌤𑍍𑌤𑌾𑌮𑍃𑌷𑌿॑𑌭𑍍𑌯𑌃॒ 𑌪𑍍𑌰𑌤𑍍𑌯𑍗॑𑌹॒-𑌨𑍍𑌤𑌦𑍍𑌧𑌿𑌰॑𑌣𑍍𑌯𑌮𑌭𑌵॒𑌦𑍍𑌯-𑌦𑍍𑌧𑌿॑𑌰𑌣𑍍𑌯𑌶॒𑌲𑍍𑌕𑍈𑌃 𑌪𑍍𑌰𑍋॒𑌕𑍍𑌷𑌤𑌿॑ 𑌯॒𑌜𑍍𑌞𑌸𑍍𑌯॒ 𑌨𑌿𑌷𑍍𑌕𑍃॑𑌤𑍍𑌯𑌾॒ 𑌅𑌥𑍋॑ 𑌭𑍇𑌷॒𑌜𑌮𑍇॒𑌵𑌾-𑌽𑌸𑍍𑌮𑍈॑ 𑌕𑌰𑍋॒- [-𑌽𑌸𑍍𑌮𑍈॑ 𑌕𑌰𑍋𑌤𑌿, 𑌅𑌥𑍋॑ 𑌰𑍂॒𑌪𑍇𑌣𑍈॒𑌵𑍈𑌨॒𑌗𑍍𑌂॒] 7
-𑌤𑍍𑌯𑌥𑍋॑ 𑌰𑍂॒𑌪𑍇𑌣𑍈॒𑌵𑍈𑌨॒𑌗𑍍𑌂॒ 𑌸𑌮॑𑌰𑍍𑌧𑌯॒𑌤𑍍𑌯𑌥𑍋॒ 𑌹𑌿𑌰॑𑌣𑍍𑌯𑌜𑍍𑌯𑍋𑌤𑌿𑌷𑍈॒𑌵 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿 𑌸𑌾𑌹॒𑌸𑍍𑌰𑌵॑𑌤𑌾॒ 𑌪𑍍𑌰𑍋𑌕𑍍𑌷॑𑌤𑌿 𑌸𑌾𑌹॒𑌸𑍍𑌰𑌃 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾𑌪॑𑌤𑍇॒𑌰𑌾𑌪𑍍𑌤𑍍𑌯𑌾॑ 𑌇॒𑌮𑌾 𑌮𑍇॑ 𑌅𑌗𑍍𑌨॒ 𑌇𑌷𑍍𑌟॑𑌕𑌾 𑌧𑍇॒𑌨𑌵𑌃॑ 𑌸॒𑌨𑍍𑌤𑍍𑌵𑌿𑌤𑍍𑌯𑌾॑𑌹 𑌧𑍇॒𑌨𑍂𑌰𑍇॒𑌵𑍈𑌨𑌾𑌃᳚ 𑌕𑍁𑌰𑍁𑌤𑍇॒ 𑌤𑌾 𑌏॑𑌨-𑌙𑍍𑌕𑌾𑌮॒𑌦𑍁𑌘𑌾॑ 𑌅॒𑌮𑍁𑌤𑍍𑌰𑌾॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕 𑌉𑌪॑ 𑌤𑌿𑌷𑍍𑌠𑌨𑍍𑌤𑍇 ॥ 8 ॥
(𑌸𑌯𑍋॑𑌨𑌿 - 𑌮𑍇॒𑌤𑌾 𑌵𑍈 - 𑌕॑𑌰𑍋॒𑌤𑍍𑌯𑍇 - 𑌕𑌾॒𑌨𑍍𑌨𑌚॑𑌤𑍍𑌵𑌾𑌰𑌿॒𑌗𑍍𑌂॒𑌶𑌚𑍍𑌚॑) (𑌅. 2)
𑌰𑍁॒𑌦𑍍𑌰𑍋 𑌵𑌾 𑌏॒𑌷 𑌯𑌦॒𑌗𑍍𑌨𑌿-𑌸𑍍𑌸 𑌏॒𑌤𑌰𑍍𑌹𑌿॑ 𑌜𑌾॒𑌤𑍋 𑌯𑌰𑍍𑌹𑌿॒ 𑌸𑌰𑍍𑌵॑𑌶𑍍𑌚𑌿॒𑌤-𑌸𑍍𑌸 𑌯𑌥𑌾॑ 𑌵॒𑌥𑍍𑌸𑍋 𑌜𑌾॒𑌤-𑌸𑍍𑌸𑍍𑌤𑌨॑-𑌮𑍍𑌪𑍍𑌰𑍇॒𑌫𑍍𑌸𑌤𑍍𑌯𑍇॒𑌵𑌂-𑌵𑌾𑌁 𑌏॒𑌷 𑌏॒𑌤𑌰𑍍𑌹𑌿॑ 𑌭𑌾𑌗॒𑌧𑍇𑌯॒-𑌮𑍍𑌪𑍍𑌰𑍇𑌫𑍍𑌸॑𑌤𑌿॒ 𑌤𑌸𑍍𑌮𑍈॒ 𑌯𑌦𑌾𑌹𑍁॑𑌤𑌿॒-𑌨𑍍𑌨 𑌜𑍁॑𑌹𑍁॒𑌯𑌾𑌦॑𑌦𑍍𑌧𑍍𑌵॒𑌰𑍍𑌯𑍁-𑌞𑍍𑌚॒ 𑌯𑌜॑𑌮𑌾𑌨-𑌞𑍍𑌚 𑌧𑍍𑌯𑌾𑌯𑍇𑌚𑍍𑌛𑌤𑌰𑍁॒𑌦𑍍𑌰𑍀𑌯॑-𑌞𑍍𑌜𑍁𑌹𑍋𑌤𑌿 𑌭𑌾𑌗॒𑌧𑍇𑌯𑍇॑𑌨𑍈॒𑌵𑍈𑌨𑌗𑍍𑌂॑ 𑌶𑌮𑌯𑌤𑌿॒ 𑌨𑌾-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑍍𑌯𑌦𑍍𑌧𑍍𑌵॒𑌰𑍍𑌯𑍁𑌰𑍍𑌨 𑌯𑌜॑𑌮𑌾𑌨𑍋॒ 𑌯-𑌦𑍍𑌗𑍍𑌰𑌾॒𑌮𑍍𑌯𑌾𑌣𑌾᳚-𑌮𑍍𑌪𑌶𑍂॒𑌨𑌾- [𑌯-𑌦𑍍𑌗𑍍𑌰𑌾॒𑌮𑍍𑌯𑌾𑌣𑌾᳚-𑌮𑍍𑌪𑌶𑍂॒𑌨𑌾𑌮𑍍, 𑌪𑌯॑𑌸𑌾 𑌜𑍁𑌹𑍁॒𑌯𑌾-] 9
-𑌮𑍍𑌪𑌯॑𑌸𑌾 𑌜𑍁𑌹𑍁॒𑌯𑌾-𑌦𑍍𑌗𑍍𑌰𑌾॒𑌮𑍍𑌯𑌾-𑌨𑍍𑌪॒𑌶𑍂𑌞𑍍𑌛𑍁॒𑌚𑌾 𑌽𑌰𑍍𑌪𑌯𑍇॒-𑌦𑍍𑌯𑌦𑌾॑𑌰॒𑌣𑍍𑌯𑌾𑌨𑌾॑-𑌮𑌾𑌰॒𑌣𑍍𑌯𑌾𑌨𑍍 𑌜॑𑌰𑍍𑌤𑌿𑌲𑌯𑌵𑌾॒𑌗𑍍𑌵𑌾॑ 𑌵𑌾 𑌜𑍁𑌹𑍁॒𑌯𑌾-𑌦𑍍𑌗॑𑌵𑍀𑌧𑍁𑌕𑌯𑌵𑌾॒𑌗𑍍𑌵𑌾॑ 𑌵𑌾॒ 𑌨 𑌗𑍍𑌰𑌾॒𑌮𑍍𑌯𑌾-𑌨𑍍𑌪॒𑌶𑍂𑌨𑍍. 𑌹𑌿॒𑌨𑌸𑍍𑌤𑌿॒ 𑌨𑌾-𑌽𑌽𑌰॒𑌣𑍍𑌯𑌾𑌨𑌥𑍋॒ 𑌖𑌲𑍍𑌵𑌾॑𑌹𑍁॒𑌰𑌨𑌾॑𑌹𑍁𑌤𑌿॒𑌰𑍍𑌵𑍈 𑌜॒𑌰𑍍𑌤𑌿𑌲𑌾᳚𑌶𑍍𑌚 𑌗॒𑌵𑍀𑌧𑍁॑𑌕𑌾॒𑌶𑍍𑌚𑍇𑌤𑍍𑌯॑ 𑌜𑌕𑍍𑌷𑍀॒𑌰𑍇𑌣॑ 𑌜𑍁𑌹𑍋𑌤𑍍𑌯𑌾𑌗𑍍𑌨𑍇॒𑌯𑍀 𑌵𑌾 𑌏॒𑌷𑌾 𑌯𑌦॒𑌜𑌾-𑌽𑌽𑌹𑍁॑𑌤𑍍𑌯𑍈॒𑌵 𑌜𑍁॑𑌹𑍋𑌤𑌿॒ 𑌨 𑌗𑍍𑌰𑌾॒𑌮𑍍𑌯𑌾-𑌨𑍍𑌪॒𑌶𑍂𑌨𑍍. 𑌹𑌿॒𑌨𑌸𑍍𑌤𑌿॒ 𑌨𑌾-𑌽𑌽𑌰॒𑌣𑍍𑌯𑌾𑌨𑌙𑍍𑌗𑌿॑𑌰𑌸-𑌸𑍍𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌂-𑌯𑌁𑌨𑍍𑌤𑍋॒- [-𑌁𑌲𑍋॒𑌕𑌂-𑌯𑌁𑌨𑍍𑌤𑌃॑, 𑌅॒𑌜𑌾𑌯𑌾᳚-𑌙𑍍𑌘॒𑌰𑍍𑌮-] 10
-𑌽𑌜𑌾𑌯𑌾᳚-𑌙𑍍𑌘॒𑌰𑍍𑌮-𑌮𑍍𑌪𑍍𑌰𑌾𑌸𑌿॑𑌞𑍍𑌚॒𑌨𑍍𑌥𑍍𑌸𑌾 𑌶𑍋𑌚॑𑌨𑍍𑌤𑍀 𑌪॒𑌰𑍍𑌣-𑌮𑍍𑌪𑌰𑌾॑-𑌽𑌜𑌿𑌹𑍀𑌤॒ 𑌸𑍋᳚(1॒)-𑌽𑌰𑍍𑌕𑍋॑-𑌽𑌭𑌵॒-𑌤𑍍𑌤𑌦॒𑌰𑍍𑌕𑌸𑍍𑌯𑌾᳚-𑌰𑍍𑌕॒𑌤𑍍𑌵𑌮॑𑌰𑍍𑌕𑌪॒𑌰𑍍𑌣𑍇𑌨॑ 𑌜𑍁𑌹𑍋𑌤𑌿 𑌸𑌯𑍋𑌨𑌿॒𑌤𑍍𑌵𑌾𑌯𑍋𑌦॒-𑌨𑍍𑌤𑌿𑌷𑍍𑌠॑𑌨𑍍 𑌜𑍁𑌹𑍋𑌤𑍍𑌯𑍇॒𑌷𑌾 𑌵𑍈 𑌰𑍁॒𑌦𑍍𑌰𑌸𑍍𑌯॒ 𑌦𑌿-𑌖𑍍𑌸𑍍𑌵𑌾𑌯𑌾॑𑌮𑍇॒𑌵 𑌦𑌿॒𑌶𑌿 𑌰𑍁॒𑌦𑍍𑌰-𑌨𑍍𑌨𑌿॒𑌰𑌵॑𑌦𑌯𑌤𑍇 𑌚𑌰॒𑌮𑌾𑌯𑌾॒𑌮𑌿𑌷𑍍𑌟॑𑌕𑌾𑌯𑌾-𑌞𑍍𑌜𑍁𑌹𑍋𑌤𑍍𑌯𑌨𑍍𑌤॒𑌤 𑌏॒𑌵 𑌰𑍁॒𑌦𑍍𑌰-𑌨𑍍𑌨𑌿॒𑌰𑌵॑𑌦𑌯𑌤𑍇 𑌤𑍍𑌰𑍇𑌧𑌾𑌵𑌿𑌭॒𑌕𑍍𑌤-𑌞𑍍𑌜𑍁॑𑌹𑍋𑌤𑌿॒ 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾 𑌇॒𑌮𑌾𑌨𑍇॒𑌵 𑌲𑍋॒𑌕𑌾𑌨𑍍-𑌥𑍍𑌸॒𑌮𑌾𑌵॑𑌦𑍍𑌵𑍀𑌰𑍍𑌯𑌾𑌨𑍍 𑌕𑌰𑍋॒𑌤𑍀𑌯॒𑌤𑍍𑌯𑌗𑍍𑌰𑍇॑ 𑌜𑍁𑌹𑍋॒- [𑌜𑍁𑌹𑍋𑌤𑌿, 𑌅𑌥𑍇𑌯॒𑌤𑍍𑌯𑌥𑍇𑌯॑𑌤𑌿॒] 11
-𑌤𑍍𑌯𑌥𑍇𑌯॒𑌤𑍍𑌯𑌥𑍇𑌯॑𑌤𑌿॒ 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾 𑌏॒𑌭𑍍𑌯 𑌏॒𑌵𑍈𑌨𑌂॑-𑌲𑍋𑌁॒𑌕𑍇𑌭𑍍𑌯𑌃॑ 𑌶𑌮𑌯𑌤𑌿 𑌤𑌿॒𑌸𑍍𑌰 𑌉𑌤𑍍𑌤॑𑌰𑌾॒ 𑌆𑌹𑍁॑𑌤𑍀𑌰𑍍𑌜𑍁𑌹𑍋𑌤𑌿॒ 𑌷-𑌟𑍍𑌥𑍍𑌸-𑌮𑍍𑌪॑𑌦𑍍𑌯𑌨𑍍𑌤𑍇॒ 𑌷-𑌡𑍍𑌵𑌾 𑌋॒𑌤𑌵॑ 𑌋॒𑌤𑍁𑌭𑌿॑𑌰𑍇॒𑌵𑍈𑌨𑌗𑍍𑌂॑ 𑌶𑌮𑌯𑌤𑌿॒ 𑌯𑌦॑𑌨𑍁𑌪𑌰𑌿॒𑌕𑍍𑌰𑌾𑌮॑-𑌞𑍍𑌜𑍁𑌹𑍁॒𑌯𑌾𑌦॑𑌨𑍍𑌤𑌰𑌵𑌚𑌾॒𑌰𑌿𑌣𑌗𑍍𑌂॑ 𑌰𑍁॒𑌦𑍍𑌰-𑌙𑍍𑌕𑍁॑𑌰𑍍𑌯𑌾॒𑌦𑌥𑍋॒ 𑌖𑌲𑍍𑌵𑌾॑𑌹𑍁𑌃॒ 𑌕𑌸𑍍𑌯𑌾𑌂॒-𑌵𑌾𑌁-𑌽𑌹॑ 𑌦𑌿॒𑌶𑌿 𑌰𑍁॒𑌦𑍍𑌰𑌃 𑌕𑌸𑍍𑌯𑌾𑌂॒-𑌵𑍇𑌁𑌤𑍍𑌯॑𑌨𑍁𑌪𑌰𑌿॒𑌕𑍍𑌰𑌾𑌮॑𑌮𑍇॒𑌵 𑌹𑍋॑𑌤॒𑌵𑍍𑌯॑-𑌮𑌪॑𑌰𑌿𑌵𑌰𑍍𑌗𑌮𑍇॒𑌵𑍈𑌨𑌗𑍍𑌂॑ 𑌶𑌮𑌯- [𑌶𑌮𑌯𑌤𑌿, 𑌏॒𑌤𑌾𑌵𑍈] 12
-𑌤𑍍𑌯𑍇॒𑌤𑌾𑌵𑍈 𑌦𑍇॒𑌵𑌤𑌾᳚-𑌸𑍍𑌸𑍁𑌵॒𑌰𑍍𑌗𑍍𑌯𑌾॑𑌯𑌾 𑌉॑𑌤𑍍𑌤॒𑌮𑌾𑌸𑍍𑌤𑌾 𑌯𑌜॑𑌮𑌾𑌨𑌂-𑌵𑌾𑌁𑌚𑌯𑌤𑌿॒ 𑌤𑌾𑌭𑌿॑𑌰𑍇॒𑌵𑍈𑌨𑌗𑍍𑌂॑ 𑌸𑍁𑌵॒𑌰𑍍𑌗𑌂-𑌲𑍋𑌁॒𑌕-𑌙𑍍𑌗॑𑌮𑌯𑌤𑌿॒ 𑌯-𑌨𑍍𑌦𑍍𑌵𑌿॒𑌷𑍍𑌯𑌾-𑌤𑍍𑌤𑌸𑍍𑌯॑ 𑌸𑌞𑍍𑌚॒𑌰𑍇 𑌪॑𑌶𑍂॒𑌨𑌾-𑌨𑍍𑌨𑍍𑌯॑𑌸𑍍𑌯𑍇॒-𑌦𑍍𑌯𑌃 𑌪𑍍𑌰॑𑌥॒𑌮𑌃 𑌪॒𑌶𑍁𑌰॑𑌭𑌿॒𑌤𑌿𑌷𑍍𑌠॑𑌤𑌿॒ 𑌸 𑌆𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿 ॥ 13 ॥
(𑌪॒𑌶𑍂॒𑌨𑌾𑌂 - 𑌁𑌯𑌨𑍍𑌤𑍋 - 𑌽𑌗𑍍𑌨𑍇॑ 𑌜𑍁𑌹𑍋॒𑌤𑍍𑌯 - 𑌪॑𑌰𑌿𑌵𑌰𑍍𑌗𑌮𑍇॒𑌵𑍈𑌨𑌗𑍍𑌂॑ 𑌶𑌮𑌯𑌤𑌿 - 𑌤𑍍𑌰𑌿॒𑌗𑍍𑌂॒𑌶𑌚𑍍𑌚॑) (𑌅. 3)
𑌅𑌶𑍍𑌮॒𑌨𑍍𑌨𑍂𑌰𑍍𑌜॒𑌮𑌿𑌤𑌿॒ 𑌪𑌰𑌿॑ 𑌷𑌿𑌞𑍍𑌚𑌤𑌿 𑌮𑌾॒𑌰𑍍𑌜𑌯॑𑌤𑍍𑌯𑍇॒𑌵𑍈𑌨॒𑌮𑌥𑍋॑ 𑌤॒𑌰𑍍𑌪𑌯॑𑌤𑍍𑌯𑍇॒𑌵 𑌸 𑌏॑𑌨-𑌨𑍍𑌤𑍃॒𑌪𑍍𑌤𑍋 𑌽𑌕𑍍𑌷𑍁॑𑌦𑍍𑌧𑍍𑌯॒-𑌨𑍍𑌨𑌶𑍋॑𑌚-𑌨𑍍𑌨॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕 𑌉𑌪॑ 𑌤𑌿𑌷𑍍𑌠𑌤𑍇॒ 𑌤𑍃𑌪𑍍𑌯॑𑌤𑌿 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॒𑌰𑍍𑌯 𑌏॒𑌵𑌂-𑌵𑍇𑌁𑌦॒ 𑌤𑌾-𑌨𑍍𑌨॒ 𑌇𑌷॒𑌮𑍂𑌰𑍍𑌜॑-𑌨𑍍𑌧𑌤𑍍𑌤 𑌮𑌰𑍁𑌤-𑌸𑍍𑌸𑌗𑍍𑌂𑌰𑌰𑌾॒𑌣𑌾 𑌇𑌤𑍍𑌯𑌾॒𑌹𑌾𑌨𑍍𑌨𑌂॒-𑌵𑌾𑌁 𑌊𑌰𑍍𑌗𑌨𑍍𑌨॑-𑌮𑍍𑌮॒𑌰𑍁𑌤𑍋-𑌽𑌨𑍍𑌨॑𑌮𑍇॒𑌵𑌾𑌵॑ 𑌰𑍁॒𑌨𑍍𑌧𑍇 𑌽𑌶𑍍𑌮𑌗𑍍𑌗𑍍॑𑌸𑍍𑌤𑍇॒ 𑌕𑍍𑌷𑍁𑌦॒𑌮𑍁-𑌨𑍍𑌤𑍇॒ 𑌶𑍁- [𑌕𑍍𑌷𑍁𑌦॒𑌮𑍁-𑌨𑍍𑌤𑍇॒ 𑌶𑍁𑌕𑍍, 𑌋॒𑌚𑍍𑌛॒𑌤𑍁॒ 𑌯-𑌨𑍍𑌦𑍍𑌵𑌿॒𑌷𑍍𑌮] 14
-𑌗𑍃॑𑌚𑍍𑌛𑌤𑍁॒ 𑌯-𑌨𑍍𑌦𑍍𑌵𑌿॒𑌷𑍍𑌮 𑌇𑌤𑍍𑌯𑌾॑𑌹॒ 𑌯𑌮𑍇॒𑌵 𑌦𑍍𑌵𑍇𑌷𑍍𑌟𑌿॒ 𑌤𑌮॑𑌸𑍍𑌯 𑌕𑍍𑌷𑍁॒𑌧𑌾 𑌚॑ 𑌶𑍁॒𑌚𑌾 𑌚𑌾᳚𑌰𑍍𑌪𑌯𑌤𑌿॒ 𑌤𑍍𑌰𑌿𑌃 𑌪॑𑌰𑌿𑌷𑌿॒𑌞𑍍𑌚-𑌨𑍍𑌪𑌰𑍍𑌯𑍇॑𑌤𑌿 𑌤𑍍𑌰𑌿॒𑌵𑍃𑌦𑍍𑌵𑌾 𑌅॒𑌗𑍍𑌨𑌿𑌰𑍍𑌯𑌾𑌵𑌾॑𑌨𑍇॒𑌵𑌾-𑌗𑍍𑌨𑌿𑌸𑍍𑌤𑌸𑍍𑌯॒ 𑌶𑍁𑌚𑌗𑍍𑌂॑ 𑌶𑌮𑌯𑌤𑌿॒ 𑌤𑍍𑌰𑌿𑌃 𑌪𑍁𑌨𑌃॒ 𑌪𑌰𑍍𑌯𑍇॑𑌤𑌿॒ 𑌷-𑌟𑍍𑌥𑍍𑌸-𑌮𑍍𑌪॑𑌦𑍍𑌯𑌨𑍍𑌤𑍇॒ 𑌷-𑌡𑍍𑌵𑌾 𑌋॒𑌤𑌵॑ 𑌋॒𑌤𑍁𑌭𑌿॑𑌰𑍇॒𑌵𑌾𑌸𑍍𑌯॒ 𑌶𑍁𑌚𑌗𑍍𑌂॑ 𑌶𑌮𑌯𑌤𑍍𑌯॒𑌪𑌾𑌂-𑌵𑌾𑌁 𑌏॒𑌤-𑌤𑍍𑌪𑍁𑌷𑍍𑌪𑌂॒-𑌯𑌁𑌦𑍍𑌵𑍇॑𑌤॒𑌸𑍋॑-𑌽𑌪𑌾𑌗𑍍𑌂 - [𑌯𑌦𑍍𑌵𑍇॑𑌤॒𑌸𑍋॑-𑌽𑌪𑌾𑌮𑍍, 𑌶𑌰𑍋-𑌽𑌵॑𑌕𑌾] 15
𑌶𑌰𑍋-𑌽𑌵॑𑌕𑌾 𑌵𑍇𑌤𑌸𑌶𑌾॒𑌖𑌯𑌾॒ 𑌚𑌾𑌵॑𑌕𑌾𑌭𑌿𑌶𑍍𑌚॒ 𑌵𑌿 𑌕॑𑌰𑍍𑌷॒𑌤𑍍𑌯𑌾𑌪𑍋॒ 𑌵𑍈 𑌶𑌾॒𑌨𑍍𑌤𑌾-𑌶𑍍𑌶𑌾॒𑌨𑍍𑌤𑌾𑌭𑌿॑𑌰𑍇॒𑌵𑌾𑌸𑍍𑌯॒ 𑌶𑍁𑌚𑌗𑍍𑌂॑ 𑌶𑌮𑌯𑌤𑌿॒ 𑌯𑍋 𑌵𑌾 𑌅॒𑌗𑍍𑌨𑌿-𑌞𑍍𑌚𑌿॒𑌤-𑌮𑍍𑌪𑍍𑌰॑𑌥॒𑌮𑌃 𑌪॒𑌶𑍁𑌰॑𑌧𑌿॒𑌕𑍍𑌰𑌾𑌮॑𑌤𑍀𑌶𑍍𑌵॒𑌰𑍋 𑌵𑍈 𑌤𑌗𑍍𑌂 𑌶𑍁॒𑌚𑌾 𑌪𑍍𑌰॒𑌦𑌹𑍋॑ 𑌮॒𑌣𑍍𑌡𑍂𑌕𑍇॑𑌨॒ 𑌵𑌿𑌕॑𑌰𑍍𑌷𑌤𑍍𑌯𑍇॒𑌷 𑌵𑍈 𑌪॑𑌶𑍂॒𑌨𑌾-𑌮॑𑌨𑍁𑌪𑌜𑍀𑌵𑌨𑍀॒𑌯𑍋 𑌨 𑌵𑌾 𑌏॒𑌷 𑌗𑍍𑌰𑌾॒𑌮𑍍𑌯𑍇𑌷𑍁॑ 𑌪॒𑌶𑍁𑌷𑍁॑ 𑌹𑌿॒𑌤𑍋 𑌨𑌾-𑌽𑌽𑌰॒𑌣𑍍𑌯𑍇𑌷𑍁॒ 𑌤𑌮𑍇॒𑌵 𑌶𑍁॒𑌚𑌾-𑌽𑌰𑍍𑌪॑𑌯𑌤𑍍𑌯𑌷𑍍𑌟𑌾॒𑌭𑌿-𑌰𑍍𑌵𑌿 𑌕॑𑌰𑍍𑌷- [-𑌰𑍍𑌵𑌿 𑌕॑𑌰𑍍𑌷𑌤𑌿, 𑌅॒𑌷𑍍𑌟𑌾𑌕𑍍𑌷॑𑌰𑌾] 16
-𑌤𑍍𑌯॒𑌷𑍍𑌟𑌾𑌕𑍍𑌷॑𑌰𑌾 𑌗𑌾𑌯॒𑌤𑍍𑌰𑍀 𑌗𑌾॑𑌯॒𑌤𑍍𑌰𑍋᳚-𑌽𑌗𑍍𑌨𑌿𑌰𑍍𑌯𑌾𑌵𑌾॑-𑌨𑍇॒𑌵𑌾-𑌽𑌗𑍍𑌨𑌿𑌸𑍍𑌤𑌸𑍍𑌯॒ 𑌶𑍁𑌚𑌗𑍍𑌂॑ 𑌶𑌮𑌯𑌤𑌿 𑌪𑌾𑌵॒𑌕𑌵॑𑌤𑍀𑌭𑌿॒𑌰𑌨𑍍𑌨𑌂॒-𑌵𑍈𑌁 𑌪𑌾॑𑌵॒𑌕𑍋-𑌽𑌨𑍍𑌨𑍇॑𑌨𑍈॒𑌵𑌾𑌸𑍍𑌯॒ 𑌶𑍁𑌚𑌗𑍍𑌂॑ 𑌶𑌮𑌯𑌤𑌿 𑌮𑍃॒𑌤𑍍𑌯𑍁𑌰𑍍𑌵𑌾 𑌏॒𑌷 𑌯𑌦॒𑌗𑍍𑌨𑌿𑌰𑍍𑌬𑍍𑌰𑌹𑍍𑌮॑𑌣 𑌏॒𑌤𑌦𑍍𑌰𑍂॒𑌪𑌂-𑌯𑌁-𑌤𑍍𑌕𑍃॑𑌷𑍍𑌣𑌾𑌜𑌿॒𑌨-𑌙𑍍𑌕𑌾𑌰𑍍𑌷𑍍𑌣𑍀॑ 𑌉𑌪𑌾॒𑌨𑌹𑌾॒𑌵𑍁𑌪॑ 𑌮𑍁𑌞𑍍𑌚𑌤𑍇॒ 𑌬𑍍𑌰𑌹𑍍𑌮॑𑌣𑍈॒𑌵 𑌮𑍃॒𑌤𑍍𑌯𑍋𑌰॒𑌨𑍍𑌤𑌰𑍍𑌧॑𑌤𑍍𑌤𑍇॒ 𑌽𑌨𑍍𑌤𑌰𑍍𑌮𑍃॒𑌤𑍍𑌯𑍋𑌰𑍍𑌧॑𑌤𑍍𑌤𑍇॒ 𑌽𑌨𑍍𑌤𑌰॒𑌨𑍍𑌨𑌾𑌦𑍍𑌯𑌾॒-𑌦𑌿𑌤𑍍𑌯𑌾॑𑌹𑍁𑌰॒𑌨𑍍𑌯𑌾-𑌮𑍁॑𑌪𑌮𑍁॒𑌞𑍍𑌚𑌤𑍇॒-𑌽𑌨𑍍𑌯𑌾-𑌨𑍍𑌨𑌾𑌨𑍍𑌤- [-𑌽𑌨𑍍𑌯𑌾-𑌨𑍍𑌨𑌾𑌨𑍍𑌤𑌃, 𑌏॒𑌵 𑌮𑍃॒𑌤𑍍𑌯𑍋𑌰𑍍𑌧॒𑌤𑍍𑌤𑍇] 17
-𑌰𑍇॒𑌵 𑌮𑍃॒𑌤𑍍𑌯𑍋𑌰𑍍𑌧॒𑌤𑍍𑌤𑍇 𑌽𑌵𑌾॒-𑌽𑌨𑍍𑌨𑌾𑌦𑍍𑌯𑌗𑍍𑌂॑ 𑌰𑍁𑌨𑍍𑌧𑍇॒ 𑌨𑌮॑𑌸𑍍𑌤𑍇॒ 𑌹𑌰॑𑌸𑍇 𑌶𑍋॒𑌚𑌿𑌷॒ 𑌇𑌤𑍍𑌯𑌾॑𑌹 𑌨𑌮॒𑌸𑍍𑌕𑍃𑌤𑍍𑌯॒ 𑌹𑌿 𑌵𑌸𑍀॑𑌯𑌾𑌗𑍍𑌂 𑌸𑌮𑍁𑌪॒𑌚𑌰॑𑌨𑍍𑌤𑍍𑌯॒𑌨𑍍𑌯-𑌨𑍍𑌤𑍇॑ 𑌅॒𑌸𑍍𑌮-𑌤𑍍𑌤॑𑌪𑌨𑍍𑌤𑍁 𑌹𑍇॒𑌤𑌯॒ 𑌇𑌤𑍍𑌯𑌾॑𑌹॒ 𑌯𑌮𑍇॒𑌵 𑌦𑍍𑌵𑍇𑌷𑍍𑌟𑌿॒ 𑌤𑌮॑𑌸𑍍𑌯 𑌶𑍁॒𑌚𑌾-𑌽𑌰𑍍𑌪॑𑌯𑌤𑌿 𑌪𑌾𑌵॒𑌕𑍋 𑌅॒𑌸𑍍𑌮𑌭𑍍𑌯𑌗𑍍𑌂॑ 𑌶𑌿॒𑌵𑍋 𑌭॒𑌵𑍇𑌤𑍍𑌯𑌾॒𑌹𑌾𑌨𑍍𑌨𑌂॒-𑌵𑍈𑌁 𑌪𑌾॑𑌵॒𑌕𑍋-𑌽𑌨𑍍𑌨॑𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌦𑍍𑌵𑌾𑌭𑍍𑌯𑌾॒𑌮𑌧𑌿॑ 𑌕𑍍𑌰𑌾𑌮𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾 𑌅𑌪॒𑌸𑍍𑌯॑𑌵𑌤𑍀𑌭𑍍𑌯𑌾॒𑌗𑍍𑌂॒ 𑌶𑌾𑌨𑍍𑌤𑍍𑌯𑍈᳚ ॥ 18 ॥
(𑌶𑍁 - 𑌗𑍍𑌵𑍇॑𑌤॒𑌸𑍋॑-𑌽𑌪𑌾 - 𑌮॑𑌷𑍍𑌟𑌾॒𑌭𑌿𑌰𑍍𑌵𑌿 𑌕॑𑌰𑍍𑌷𑌤𑌿॒ - 𑌨𑌾𑌨𑍍𑌤 - 𑌰𑍇𑌕𑌾॒𑌨𑍍𑌨 𑌪॑𑌞𑍍𑌚𑌾॒𑌶𑌚𑍍𑌚॑) (𑌅. 4)
𑌨𑍃॒𑌷𑌦𑍇॒ 𑌵𑌡𑌿𑌤𑌿॒ 𑌵𑍍𑌯𑌾𑌘𑌾॑𑌰𑌯𑌤𑌿 𑌪॒𑌙𑍍𑌕𑍍𑌤𑍍𑌯𑌾-𑌽𑌽𑌹𑍁॑𑌤𑍍𑌯𑌾 𑌯𑌜𑍍𑌞𑌮𑍁॒𑌖𑌮𑌾 𑌰॑𑌭𑌤𑍇 𑌽𑌕𑍍𑌷𑍍𑌣॒𑌯𑌾 𑌵𑍍𑌯𑌾𑌘𑌾॑𑌰𑌯𑌤𑌿॒ 𑌤𑌸𑍍𑌮𑌾॑𑌦𑌕𑍍𑌷𑍍𑌣॒𑌯𑌾 𑌪॒𑌶𑌵𑍋-𑌽𑌙𑍍𑌗𑌾॑𑌨𑌿॒ 𑌪𑍍𑌰𑌹॑𑌰𑌨𑍍𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈॒ 𑌯𑌦𑍍𑌵॑𑌷𑌟𑍍𑌕𑍁॒𑌰𑍍𑌯𑌾-𑌦𑍍𑌯𑌾॒𑌤𑌯𑌾॑𑌮𑌾-𑌽𑌸𑍍𑌯 𑌵𑌷𑌟𑍍𑌕𑌾॒𑌰-𑌸𑍍𑌸𑍍𑌯𑌾॒𑌦𑍍𑌯𑌨𑍍𑌨 𑌵॑𑌷𑌟𑍍𑌕𑍁॒𑌰𑍍𑌯𑌾-𑌦𑍍𑌰𑌕𑍍𑌷𑌾𑌗𑍍𑌂॑𑌸𑌿 𑌯॒𑌜𑍍𑌞𑌗𑍍𑌂 𑌹॑𑌨𑍍𑌯𑍁॒𑌰𑍍𑌵𑌡𑌿𑌤𑍍𑌯𑌾॑𑌹 𑌪॒𑌰𑍋𑌕𑍍𑌷॑𑌮𑍇॒𑌵 𑌵𑌷॑-𑌟𑍍𑌕𑌰𑍋𑌤𑌿॒ 𑌨𑌾𑌸𑍍𑌯॑ 𑌯𑌾॒𑌤𑌯𑌾॑𑌮𑌾 𑌵𑌷𑌟𑍍𑌕𑌾॒𑌰𑍋 𑌭𑌵॑𑌤𑌿॒ 𑌨 𑌯॒𑌜𑍍𑌞𑌗𑍍𑌂 𑌰𑌕𑍍𑌷𑌾𑌗𑍍𑌂॑𑌸𑌿 𑌘𑍍𑌨𑌨𑍍𑌤𑌿 𑌹𑍁॒𑌤𑌾𑌦𑍋॒ 𑌵𑌾 𑌅॒𑌨𑍍𑌯𑍇 𑌦𑍇॒𑌵𑌾 [𑌅॒𑌨𑍍𑌯𑍇 𑌦𑍇॒𑌵𑌾𑌃, 𑌅॒𑌹𑍁॒𑌤𑌾𑌦𑍋॒-𑌽𑌨𑍍𑌯𑍇] 19
𑌅॑𑌹𑍁॒𑌤𑌾𑌦𑍋॒-𑌽𑌨𑍍𑌯𑍇 𑌤𑌾𑌨॑𑌗𑍍𑌨𑌿॒𑌚𑌿𑌦𑍇॒𑌵𑍋𑌭𑌯𑌾᳚-𑌨𑍍𑌪𑍍𑌰𑍀𑌣𑌾𑌤𑌿॒ 𑌯𑍇 𑌦𑍇॒𑌵𑌾 𑌦𑍇॒𑌵𑌾𑌨𑌾॒𑌮𑌿𑌤𑌿॑ 𑌦॒𑌦𑍍𑌧𑍍𑌨𑌾 𑌮॑𑌧𑍁𑌮𑌿॒𑌶𑍍𑌰𑍇𑌣𑌾𑌵𑍋᳚𑌕𑍍𑌷𑌤𑌿 𑌹𑍁॒𑌤𑌾𑌦॑𑌶𑍍𑌚𑍈॒𑌵 𑌦𑍇॒𑌵𑌾𑌨॑𑌹𑍁॒𑌤𑌾𑌦॑𑌶𑍍𑌚॒ 𑌯𑌜॑𑌮𑌾𑌨𑌃 𑌪𑍍𑌰𑍀𑌣𑌾𑌤𑌿॒ 𑌤𑍇 𑌯𑌜॑𑌮𑌾𑌨-𑌮𑍍𑌪𑍍𑌰𑍀𑌣𑌨𑍍𑌤𑌿 𑌦॒𑌦𑍍𑌧𑍍𑌨𑍈𑌵 𑌹𑍁॒𑌤𑌾𑌦𑌃॑ 𑌪𑍍𑌰𑍀॒𑌣𑌾𑌤𑌿॒ 𑌮𑌧𑍁॑𑌷𑌾 𑌽𑌹𑍁॒𑌤𑌾𑌦𑍋᳚ 𑌗𑍍𑌰𑌾॒𑌮𑍍𑌯𑌂-𑌵𑌾𑌁 𑌏॒𑌤𑌦𑌨𑍍𑌨𑌂॒-𑌯𑌁𑌦𑍍𑌦𑌦𑍍𑌧𑍍𑌯𑌾॑𑌰॒𑌣𑍍𑌯-𑌮𑍍𑌮𑌧𑍁॒ 𑌯𑌦𑍍𑌦॒𑌧𑍍𑌨𑌾 𑌮॑𑌧𑍁𑌮𑌿॒𑌶𑍍𑌰𑍇𑌣𑌾॒-𑌵𑍋𑌕𑍍𑌷॑𑌤𑍍𑌯𑍁॒𑌭𑌯॒𑌸𑍍𑌯𑌾-𑌽𑌵॑𑌰𑍁𑌦𑍍𑌧𑍍𑌯𑍈 𑌗𑍍𑌰𑍁𑌮𑍁॒𑌷𑍍𑌟𑌿𑌨𑌾-𑌽𑌵𑍋᳚𑌕𑍍𑌷𑌤𑌿 𑌪𑍍𑌰𑌾𑌜𑌾𑌪॒𑌤𑍍𑌯𑍋 [𑌪𑍍𑌰𑌾𑌜𑌾𑌪॒𑌤𑍍𑌯𑌃, 𑌵𑍈 𑌗𑍍𑌰𑍁॑𑌮𑍁॒𑌷𑍍𑌟𑌿-] 20
𑌵𑍈 𑌗𑍍𑌰𑍁॑𑌮𑍁॒𑌷𑍍𑌟𑌿-𑌸𑍍𑌸॑𑌯𑍋𑌨𑌿॒𑌤𑍍𑌵𑌾𑌯॒ 𑌦𑍍𑌵𑌾𑌭𑍍𑌯𑌾॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾 𑌅𑌨𑍁𑌪𑌰𑌿॒𑌚𑌾𑌰॒-𑌮𑌵𑍋᳚𑌕𑍍𑌷॒𑌤𑍍𑌯-𑌪॑𑌰𑌿𑌵𑌰𑍍𑌗𑌮𑍇॒𑌵𑍈𑌨𑌾᳚-𑌨𑍍𑌪𑍍𑌰𑍀𑌣𑌾𑌤𑌿॒ 𑌵𑌿 𑌵𑌾 𑌏॒𑌷 𑌪𑍍𑌰𑌾॒𑌣𑍈𑌃 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑𑌰𑍍-𑌋𑌦𑍍𑌧𑍍𑌯𑌤𑍇॒ 𑌯𑍋᳚-𑌽𑌗𑍍𑌨𑌿-𑌞𑍍𑌚𑌿॒𑌨𑍍𑌵𑌨𑍍𑌨॑𑌧𑌿॒𑌕𑍍𑌰𑌾𑌮॑𑌤𑌿 𑌪𑍍𑌰𑌾𑌣॒𑌦𑌾 𑌅॑𑌪𑌾𑌨॒𑌦𑌾 𑌇𑌤𑍍𑌯𑌾॑𑌹 𑌪𑍍𑌰𑌾॒𑌣𑌾𑌨𑍇॒𑌵𑌾-𑌽𑌽𑌤𑍍𑌮-𑌨𑍍𑌧॑𑌤𑍍𑌤𑍇 𑌵𑌰𑍍𑌚𑍋॒𑌦𑌾 𑌵॑𑌰𑌿𑌵𑍋॒𑌦𑌾 𑌇𑌤𑍍𑌯𑌾॑𑌹 𑌪𑍍𑌰॒𑌜𑌾 𑌵𑍈 𑌵𑌰𑍍𑌚𑌃॑ 𑌪॒𑌶𑌵𑍋॒ 𑌵𑌰𑌿॑𑌵𑌃 𑌪𑍍𑌰॒𑌜𑌾𑌮𑍇॒𑌵 𑌪॒𑌶𑍂𑌨𑌾॒𑌤𑍍𑌮-𑌨𑍍𑌧॑𑌤𑍍𑌤॒ 𑌇𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌮॑𑌹॒𑌨𑍍𑌤𑌂-𑌵𑍃𑌁॒𑌤𑍍𑌰𑍋 [𑌵𑍃॒𑌤𑍍𑌰𑌮॑𑌹॒𑌨𑍍𑌤𑌂-𑌵𑍃𑌁॒𑌤𑍍𑌰𑌃, 𑌹॒𑌤-𑌷𑍍𑌷𑍋॑𑌡॒𑌶𑌭𑌿॑-] 21
𑌹॒𑌤-𑌷𑍍𑌷𑍋॑𑌡॒𑌶𑌭𑌿॑-𑌰𑍍𑌭𑍋॒𑌗𑍈𑌰॑𑌸𑌿𑌨𑌾॒-𑌥𑍍𑌸 𑌏॒𑌤𑌾𑌮॒𑌗𑍍𑌨𑌯𑍇-𑌽𑌨𑍀॑𑌕𑌵𑌤॒ 𑌆𑌹𑍁॑𑌤𑌿𑌮𑌪𑌶𑍍𑌯॒-𑌤𑍍𑌤𑌾𑌮॑𑌜𑍁𑌹𑍋॒-𑌤𑍍𑌤𑌸𑍍𑌯𑌾॒𑌗𑍍𑌨𑌿𑌰𑌨𑍀॑ 𑌕𑌵𑌾॒𑌨𑍍𑌥𑍍𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॑𑌨 𑌪𑍍𑌰𑍀॒𑌤-𑌷𑍍𑌷𑍋॑𑌡𑌶॒𑌧𑌾 𑌵𑍃॒𑌤𑍍𑌰𑌸𑍍𑌯॑ 𑌭𑍋॒𑌗𑌾𑌨𑌪𑍍𑌯॑𑌦𑌹-𑌦𑍍𑌵𑍈𑌶𑍍𑌵𑌕𑌰𑍍𑌮॒𑌣𑍇𑌨॑ 𑌪𑌾॒𑌪𑍍𑌮𑌨𑍋॒ 𑌨𑌿𑌰॑𑌮𑍁𑌚𑍍𑌯𑌤॒ 𑌯𑌦॒𑌗𑍍𑌨𑌯𑍇-𑌽𑌨𑍀॑𑌕𑌵𑌤॒ 𑌆𑌹𑍁॑𑌤𑌿-𑌞𑍍𑌜𑍁॒𑌹𑍋𑌤𑍍𑌯॒𑌗𑍍𑌨𑌿𑌰𑍇॒𑌵𑌾-𑌽𑌸𑍍𑌯𑌾𑌨𑍀॑𑌕𑌵𑌾॒𑌨𑍍𑌥𑍍𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॑𑌨 𑌪𑍍𑌰𑍀॒𑌤𑌃 𑌪𑌾॒𑌪𑍍𑌮𑌾𑌨॒𑌮𑌪𑌿॑ 𑌦𑌹𑌤𑌿 𑌵𑍈𑌶𑍍𑌵𑌕𑌰𑍍𑌮॒𑌣𑍇𑌨॑ 𑌪𑌾॒𑌪𑍍𑌮𑌨𑍋॒ 𑌨𑌿𑌰𑍍𑌮𑍁॑𑌚𑍍𑌯𑌤𑍇॒ 𑌯-𑌙𑍍𑌕𑌾॒𑌮𑌯𑍇॑𑌤 𑌚𑌿॒𑌰-𑌮𑍍𑌪𑌾॒𑌪𑍍𑌮𑌨𑍋॒ [𑌚𑌿॒𑌰-𑌮𑍍𑌪𑌾॒𑌪𑍍𑌮𑌨𑌃॑, 𑌨𑌿𑌰𑍍𑌮𑍁॑𑌚𑍍𑌯𑍇॒𑌤𑍇𑌤𑍍𑌯𑍇𑌕𑍈॑𑌕॒-] 22
𑌨𑌿𑌰𑍍𑌮𑍁॑𑌚𑍍𑌯𑍇॒𑌤𑍇𑌤𑍍𑌯𑍇𑌕𑍈॑𑌕॒-𑌨𑍍𑌤𑌸𑍍𑌯॑ 𑌜𑍁𑌹𑍁𑌯𑌾𑌚𑍍𑌚𑌿॒𑌰𑌮𑍇॒𑌵 𑌪𑌾॒𑌪𑍍𑌮𑌨𑍋॒ 𑌨𑌿𑌰𑍍𑌮𑍁॑𑌚𑍍𑌯𑌤𑍇॒ 𑌯-𑌙𑍍𑌕𑌾॒𑌮𑌯𑍇॑𑌤 𑌤𑌾॒𑌜-𑌕𑍍𑌪𑌾॒𑌪𑍍𑌮𑌨𑍋॒ 𑌨𑌿𑌰𑍍𑌮𑍁॑𑌚𑍍𑌯𑍇॒𑌤𑍇𑌤𑌿॒ 𑌸𑌰𑍍𑌵𑌾॑𑌣𑌿॒ 𑌤𑌸𑍍𑌯𑌾॑𑌨𑍁॒𑌦𑍍𑌰𑍁𑌤𑍍𑌯॑ 𑌜𑍁𑌹𑍁𑌯𑌾-𑌤𑍍𑌤𑌾॒𑌜𑌗𑍇॒𑌵 𑌪𑌾॒𑌪𑍍𑌮𑌨𑍋॒ 𑌨𑌿𑌰𑍍𑌮𑍁॑𑌚𑍍𑌯॒𑌤𑍇-𑌽𑌥𑍋॒ 𑌖𑌲𑍁॒ 𑌨𑌾𑌨𑍈॒𑌵 𑌸𑍂॒𑌕𑍍𑌤𑌾𑌭𑍍𑌯𑌾᳚-𑌞𑍍𑌜𑍁𑌹𑍋𑌤𑌿॒ 𑌨𑌾𑌨𑍈॒𑌵 𑌸𑍂॒𑌕𑍍𑌤𑌯𑍋᳚𑌰𑍍𑌵𑍀॒𑌰𑍍𑌯॑-𑌨𑍍𑌦𑌧𑌾॒𑌤𑍍𑌯𑌥𑍋॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 ॥ 23 ॥
(𑌦𑍇॒𑌵𑌾𑌃 - 𑌪𑍍𑌰𑌾॑𑌜𑌾𑌪॒𑌤𑍍𑌯𑍋-𑌵𑍃॒𑌤𑍍𑌰 - 𑌶𑍍𑌚𑌿॒𑌰-𑌮𑍍𑌪𑌾॒𑌪𑍍𑌮𑌨॑ - 𑌶𑍍𑌚𑌤𑍍𑌵𑌾𑌰𑌿॒𑌗𑍍𑌂॒𑌶𑌚𑍍𑌚॑) (𑌅. 5)
𑌉𑌦𑍇॑𑌨𑌮𑍁𑌤𑍍𑌤॒𑌰𑌾-𑌨𑍍𑌨॒𑌯𑍇𑌤𑌿॑ 𑌸॒𑌮𑌿𑌧॒ 𑌆 𑌦॑𑌧𑌾𑌤𑌿॒ 𑌯𑌥𑌾॒ 𑌜𑌨𑌂॑-𑌯𑌁॒𑌤𑍇॑-𑌽𑌵॒𑌸-𑌙𑍍𑌕॒𑌰𑍋𑌤𑌿॑ 𑌤𑌾॒𑌦𑍃𑌗𑍇॒𑌵 𑌤-𑌤𑍍𑌤𑌿॒𑌸𑍍𑌰 𑌆 𑌦॑𑌧𑌾𑌤𑌿 𑌤𑍍𑌰𑌿॒𑌵𑍃𑌦𑍍𑌵𑌾 𑌅॒𑌗𑍍𑌨𑌿𑌰𑍍𑌯𑌾𑌵𑌾॑𑌨𑍇॒-𑌵𑌾𑌗𑍍𑌨𑌿𑌸𑍍𑌤𑌸𑍍𑌮𑍈॑ 𑌭𑌾𑌗॒𑌧𑍇𑌯॑-𑌙𑍍𑌕𑌰𑍋॒𑌤𑍍𑌯𑍗𑌦𑍁॑𑌮𑍍𑌬𑌰𑍀-𑌰𑍍𑌭𑌵॒𑌨𑍍𑌤𑍍𑌯𑍂𑌰𑍍𑌗𑍍𑌵𑌾 𑌉॑𑌦𑍁॒𑌮𑍍𑌬𑌰॒ 𑌊𑌰𑍍𑌜॑𑌮𑍇॒𑌵𑌾𑌸𑍍𑌮𑌾॒ 𑌅𑌪𑌿॑ 𑌦𑌧𑌾॒𑌤𑍍𑌯𑍁𑌦𑍁॑ 𑌤𑍍𑌵𑌾॒ 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌇𑌤𑍍𑌯𑌾॑𑌹 𑌪𑍍𑌰𑌾॒𑌣𑌾 𑌵𑍈 𑌵𑌿𑌶𑍍𑌵𑍇॑ 𑌦𑍇॒𑌵𑌾𑌃 𑌪𑍍𑌰𑌾॒𑌣𑍈- [𑌪𑍍𑌰𑌾॒𑌣𑍈𑌃, 𑌏॒𑌵𑍈𑌨॒-] 24
-𑌰𑍇॒𑌵𑍈𑌨॒-𑌮𑍁𑌦𑍍𑌯॑𑌚𑍍𑌛॒𑌤𑍇 𑌽𑌗𑍍𑌨𑍇॒ 𑌭𑌰॑𑌨𑍍𑌤𑍁॒ 𑌚𑌿𑌤𑍍𑌤𑌿॑𑌭𑌿॒𑌰𑌿𑌤𑍍𑌯𑌾॑𑌹॒ 𑌯𑌸𑍍𑌮𑌾॑ 𑌏॒𑌵𑍈𑌨॑-𑌞𑍍𑌚𑌿॒𑌤𑍍𑌤𑌾𑌯𑍋॒𑌦𑍍𑌯𑌚𑍍𑌛॑𑌤𑍇॒ 𑌤𑍇𑌨𑍈॒𑌵𑍈𑌨॒𑌗𑍍𑌂॒ 𑌸𑌮॑𑌰𑍍𑌧𑌯𑌤𑌿॒ 𑌪𑌞𑍍𑌚॒ 𑌦𑌿𑌶𑍋॒ 𑌦𑍈𑌵𑍀᳚𑌰𑍍𑌯॒𑌜𑍍𑌞𑌮॑𑌵𑌨𑍍𑌤𑍁 𑌦𑍇॒𑌵𑍀𑌰𑌿𑌤𑍍𑌯𑌾॑𑌹॒ 𑌦𑌿𑌶𑍋॒ 𑌹𑍍𑌯𑍇॑𑌷𑍋-𑌽𑌨𑍁॑ 𑌪𑍍𑌰॒𑌚𑍍𑌯𑌵॒𑌤𑍇 𑌽𑌪𑌾𑌮॑𑌤𑌿-𑌨𑍍𑌦𑍁𑌰𑍍𑌮॒𑌤𑌿-𑌮𑍍𑌬𑌾𑌧॑𑌮𑌾𑌨𑌾॒ 𑌇𑌤𑍍𑌯𑌾॑𑌹॒ 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈 𑌰𑌾॒𑌯𑌸𑍍𑌪𑍋𑌷𑍇॑ 𑌯॒𑌜𑍍𑌞𑌪॑𑌤𑌿-𑌮𑌾॒𑌭𑌜॑𑌨𑍍𑌤𑍀॒𑌰𑌿𑌤𑍍𑌯𑌾॑𑌹 𑌪॒𑌶𑌵𑍋॒ 𑌵𑍈 𑌰𑌾॒𑌯𑌸𑍍𑌪𑍋𑌷𑌃॑ [𑌰𑌾॒𑌯𑌸𑍍𑌪𑍋𑌷𑌃॑, 𑌪॒𑌶𑍂𑌨𑍇॒𑌵𑌾𑌵॑] 25
𑌪॒𑌶𑍂𑌨𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌷॒𑌡𑍍𑌭𑌿𑌰𑍍𑌹॑𑌰𑌤𑌿॒ 𑌷-𑌡𑍍𑌵𑌾 𑌋॒𑌤𑌵॑ 𑌋॒𑌤𑍁𑌭𑌿॑𑌰𑍇॒𑌵𑍈𑌨𑌗𑍍𑌂॑ 𑌹𑌰𑌤𑌿॒ 𑌦𑍍𑌵𑍇 𑌪॑𑌰𑌿॒𑌗𑍃𑌹𑍍𑌯॑𑌵𑌤𑍀 𑌭𑌵𑌤𑍋॒ 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈॒ 𑌸𑍂𑌰𑍍𑌯॑𑌰𑌶𑍍𑌮𑌿॒𑌰𑍍॒𑌹𑌰𑌿॑𑌕𑍇𑌶𑌃 𑌪𑍁॒𑌰𑌸𑍍𑌤𑌾॒𑌦𑌿𑌤𑍍𑌯𑌾॑𑌹॒ 𑌪𑍍𑌰𑌸𑍂᳚𑌤𑍍𑌯𑍈॒ 𑌤𑌤𑌃॑ 𑌪𑌾𑌵॒𑌕𑌾 𑌆॒𑌶𑌿𑌷𑍋॑ 𑌨𑍋 𑌜𑍁𑌷𑌨𑍍𑌤𑌾॒𑌮𑌿𑌤𑍍𑌯𑌾॒𑌹𑌾𑌨𑍍𑌨𑌂॒-𑌵𑍈𑌁 𑌪𑌾॑𑌵॒𑌕𑍋-𑌽𑌨𑍍𑌨॑𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌦𑍇𑌵𑌾𑌸𑍁॒𑌰𑌾-𑌸𑍍𑌸𑌂𑌯𑌁॑𑌤𑍍𑌤𑌾 𑌆𑌸॒-𑌨𑍍𑌤𑍇 𑌦𑍇॒𑌵𑌾 𑌏॒𑌤-𑌦𑌪𑍍𑌰॑𑌤𑌿𑌰𑌥-𑌮𑌪𑌶𑍍𑌯॒-𑌨𑍍𑌤𑍇𑌨॒ 𑌵𑍈 𑌤𑍇᳚ 𑌪𑍍𑌰॒- [𑌵𑍈 𑌤𑍇᳚ 𑌪𑍍𑌰॒𑌤𑌿, 𑌅𑌸𑍁॑𑌰𑌾𑌨𑌜𑌯॒-𑌨𑍍𑌤-] 26
-𑌤𑍍𑌯𑌸𑍁॑𑌰𑌾𑌨𑌜𑌯॒-𑌨𑍍𑌤-𑌦𑌪𑍍𑌰॑𑌤𑌿𑌰𑌥𑌸𑍍𑌯𑌾-𑌪𑍍𑌰𑌤𑌿𑌰𑌥॒𑌤𑍍𑌵𑌂-𑌯𑌁𑌦𑌪𑍍𑌰॑𑌤𑌿𑌰𑌥-𑌨𑍍𑌦𑍍𑌵𑌿॒𑌤𑍀𑌯𑍋॒ 𑌹𑍋𑌤𑌾॒-𑌽𑌨𑍍𑌵𑌾𑌹𑌾᳚𑌪𑍍𑌰॒𑌤𑍍𑌯𑍇॑𑌵 𑌤𑍇𑌨॒ 𑌯𑌜॑𑌮𑌾𑌨𑍋॒ 𑌭𑍍𑌰𑌾𑌤𑍃॑𑌵𑍍𑌯𑌾𑌨𑍍 𑌜𑌯॒𑌤𑍍𑌯𑌥𑍋॒ 𑌅𑌨॑𑌭𑌿𑌜𑌿𑌤𑌮𑍇॒𑌵𑌾𑌭𑌿 𑌜॑𑌯𑌤𑌿 𑌦𑌶॒𑌰𑍍𑌚-𑌮𑍍𑌭॑𑌵𑌤𑌿॒ 𑌦𑌶𑌾᳚𑌕𑍍𑌷𑌰𑌾 𑌵𑌿॒𑌰𑌾-𑌡𑍍𑌵𑌿॒𑌰𑌾𑌜𑍇॒𑌮𑍗 𑌲𑍋॒𑌕𑍗 𑌵𑌿𑌧𑍃॑𑌤𑌾 𑌵॒𑌨𑌯𑍋᳚𑌰𑍍𑌲𑍋॒𑌕𑌯𑍋॒𑌰𑍍𑌵𑌿𑌧𑍃॑𑌤𑍍𑌯𑌾॒ 𑌅𑌥𑍋॒ 𑌦𑌶𑌾᳚𑌕𑍍𑌷𑌰𑌾 𑌵𑌿॒𑌰𑌾𑌡𑌨𑍍𑌨𑌂॑-𑌵𑌿𑌁॒𑌰𑌾-𑌡𑍍𑌵𑌿॒𑌰𑌾𑌜𑍍𑌯𑍇॒𑌵𑌾𑌨𑍍𑌨𑌾𑌦𑍍𑌯𑍇॒ 𑌪𑍍𑌰𑌤𑌿॑𑌤𑌿𑌷𑍍𑌠॒𑌤𑍍𑌯𑌸॑𑌦𑌿𑌵॒ 𑌵𑌾 𑌅॒𑌨𑍍𑌤𑌰𑌿॑𑌕𑍍𑌷𑌮॒𑌨𑍍𑌤𑌰𑌿॑𑌕𑍍𑌷𑌮𑌿॒𑌵𑌾 𑌽𑌽𑌗𑍍𑌨𑍀᳚𑌦𑍍𑌧𑍍𑌰॒-𑌮𑌾𑌗𑍍𑌨𑍀॒𑌦𑍍𑌧𑍍𑌰𑍇- [-𑌮𑌾𑌗𑍍𑌨𑍀᳚𑌦𑍍𑌧𑍍𑌰𑍇, 𑌅𑌶𑍍𑌮𑌾॑𑌨॒-𑌨𑍍𑌨𑌿 𑌦॑𑌧𑌾𑌤𑌿] 27
-𑌽𑌶𑍍𑌮𑌾॑𑌨॒-𑌨𑍍𑌨𑌿 𑌦॑𑌧𑌾𑌤𑌿 𑌸॒𑌤𑍍𑌤𑍍𑌵𑌾𑌯॒ 𑌦𑍍𑌵𑌾𑌭𑍍𑌯𑌾॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 𑌵𑌿॒𑌮𑌾𑌨॑ 𑌏॒𑌷 𑌦𑌿॒𑌵𑍋 𑌮𑌦𑍍𑌧𑍍𑌯॑ 𑌆𑌸𑍍𑌤॒ 𑌇𑌤𑍍𑌯𑌾॑𑌹॒ 𑌵𑍍𑌯𑍇॑𑌵𑍈𑌤𑌯𑌾॑ 𑌮𑌿𑌮𑍀𑌤𑍇॒ 𑌮𑌦𑍍𑌧𑍍𑌯𑍇॑ 𑌦𑌿॒𑌵𑍋 𑌨𑌿𑌹𑌿॑𑌤𑌃॒ 𑌪𑍃𑌶𑍍𑌞𑌿॒𑌰𑌶𑍍𑌮𑍇𑌤𑍍𑌯𑌾॒𑌹𑌾𑌨𑍍𑌨𑌂॒-𑌵𑍈𑌁 𑌪𑍃𑌶𑍍𑌞𑍍𑌯𑌨𑍍𑌨॑𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌚𑌤॒𑌸𑍃𑌭𑌿॒𑌰𑌾 𑌪𑍁𑌚𑍍𑌛𑌾॑𑌦𑍇𑌤𑌿 𑌚॒𑌤𑍍𑌵𑌾𑌰𑌿॒ 𑌛𑌨𑍍𑌦𑌾𑌗𑍍𑌂॑𑌸𑌿॒ 𑌛𑌨𑍍𑌦𑍋॑𑌭𑌿𑌰𑍇॒𑌵𑍇𑌨𑍍𑌦𑍍𑌰𑌂॒-𑌵𑌿𑌁𑌶𑍍𑌵𑌾॑ 𑌅𑌵𑍀𑌵𑍃𑌧॒𑌨𑍍𑌨𑌿𑌤𑍍𑌯𑌾॑𑌹॒ 𑌵𑍃𑌦𑍍𑌧𑌿॑𑌮𑍇॒𑌵𑍋𑌪𑌾𑌵॑𑌰𑍍𑌤𑌤𑍇॒ 𑌵𑌾𑌜𑌾॑𑌨𑌾॒𑌗𑍍𑌂॒ 𑌸𑌤𑍍𑌪॑𑌤𑌿॒-𑌮𑍍𑌪𑌤𑌿॒- [𑌸𑌤𑍍𑌪॑𑌤𑌿॒-𑌮𑍍𑌪𑌤𑌿᳚𑌮𑍍, 𑌇𑌤𑍍𑌯𑌾॒𑌹𑌾-𑌽𑌨𑍍𑌨𑌂॒-𑌵𑍈𑌁] 28
-𑌮𑌿𑌤𑍍𑌯𑌾॒𑌹𑌾-𑌽𑌨𑍍𑌨𑌂॒-𑌵𑍈𑌁 𑌵𑌾𑌜𑍋-𑌽𑌨𑍍𑌨॑𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌸𑍁𑌮𑍍𑌨॒𑌹𑍂𑌰𑍍𑌯॒𑌜𑍍𑌞𑍋 𑌦𑍇॒𑌵𑌾𑌗𑍍𑌂 𑌆 𑌚॑ 𑌵𑌕𑍍𑌷॒𑌦𑌿𑌤𑍍𑌯𑌾॑𑌹 𑌪𑍍𑌰॒𑌜𑌾 𑌵𑍈 𑌪॒𑌶𑌵𑌃॑ 𑌸𑍁॒𑌮𑍍𑌨-𑌮𑍍𑌪𑍍𑌰॒𑌜𑌾𑌮𑍇॒𑌵 𑌪॒𑌶𑍂𑌨𑌾॒𑌤𑍍𑌮-𑌨𑍍𑌧॑𑌤𑍍𑌤𑍇॒ 𑌯𑌕𑍍𑌷॑𑌦॒𑌗𑍍𑌨𑌿𑌰𑍍𑌦𑍇॒𑌵𑍋 𑌦𑍇॒𑌵𑌾𑌗𑍍𑌂 𑌆 𑌚॑ 𑌵𑌕𑍍𑌷॒𑌦𑌿𑌤𑍍𑌯𑌾॑𑌹 𑌸𑍍𑌵॒𑌗𑌾𑌕𑍃॑𑌤𑍍𑌯𑍈॒ 𑌵𑌾𑌜॑𑌸𑍍𑌯 𑌮𑌾 𑌪𑍍𑌰𑌸॒𑌵𑍇𑌨𑍋᳚-𑌦𑍍𑌗𑍍𑌰𑌾॒𑌭𑍇𑌣𑍋𑌦॑𑌗𑍍𑌰𑌭𑍀॒𑌦𑌿𑌤𑍍𑌯𑌾॑𑌹𑌾॒𑌸𑍗 𑌵𑌾 𑌆॑𑌦𑌿॒𑌤𑍍𑌯 𑌉॒𑌦𑍍𑌯𑌨𑍍𑌨𑍁॑𑌦𑍍𑌗𑍍𑌰𑌾॒𑌭 𑌏॒𑌷 𑌨𑌿॒𑌮𑍍𑌰𑍋𑌚॑-𑌨𑍍𑌨𑌿𑌗𑍍𑌰𑌾॒𑌭𑍋 𑌬𑍍𑌰𑌹𑍍𑌮॑𑌣𑍈॒𑌵𑌾-𑌽𑌽𑌤𑍍𑌮𑌾𑌨॑𑌮𑍁-𑌦𑍍𑌗𑍃॒𑌹𑍍𑌣𑌾𑌤𑌿॒ 𑌬𑍍𑌰𑌹𑍍𑌮॑𑌣𑌾॒ 𑌭𑍍𑌰𑌾𑌤𑍃॑𑌵𑍍𑌯॒-𑌨𑍍𑌨𑌿 𑌗𑍃॑𑌹𑍍𑌣𑌾𑌤𑌿 ॥ 29 ॥
(𑌪𑍍𑌰𑌾॒𑌣𑍈𑌃 - 𑌪𑍋𑌷𑍋᳚ - 𑌪𑍍𑌰॒𑌤𑍍𑌯𑌾 - 𑌗𑍍𑌨𑍀᳚𑌦𑍍𑌧𑍇॒ - 𑌪𑌤𑌿॑ - 𑌮𑍇॒𑌷 - 𑌦𑌶॑ 𑌚) (𑌅. 6)
𑌪𑍍𑌰𑌾𑌚𑍀॒𑌮𑌨𑍁॑ 𑌪𑍍𑌰॒𑌦𑌿𑌶॒-𑌮𑍍𑌪𑍍𑌰𑍇𑌹𑌿॑ 𑌵𑌿॒𑌦𑍍𑌵𑌾𑌨𑌿𑌤𑍍𑌯𑌾॑𑌹 𑌦𑍇𑌵𑌲𑍋॒𑌕-𑌮𑍇॒𑌵𑍈𑌤𑌯𑍋॒𑌪𑌾𑌵॑𑌰𑍍𑌤𑌤𑍇॒ 𑌕𑍍𑌰𑌮॑𑌦𑍍𑌧𑍍𑌵𑌮॒𑌗𑍍𑌨𑌿𑌨𑌾॒ 𑌨𑌾𑌕॒-𑌮𑌿𑌤𑍍𑌯𑌾॑𑌹𑍇॒𑌮𑌾𑌨𑍇॒𑌵𑍈𑌤𑌯𑌾॑ 𑌲𑍋॒𑌕𑌾𑌨𑍍 𑌕𑍍𑌰॑𑌮𑌤𑍇 𑌪𑍃𑌥𑌿॒𑌵𑍍𑌯𑌾 𑌅॒𑌹𑌮𑍁𑌦॒𑌨𑍍𑌤𑌰𑌿॑𑌕𑍍𑌷॒𑌮𑌾 𑌽𑌰𑍁॑𑌹॒𑌮𑌿𑌤𑍍𑌯𑌾॑𑌹𑍇॒𑌮𑌾𑌨𑍇॒𑌵𑍈𑌤𑌯𑌾॑ 𑌲𑍋॒𑌕𑌾𑌨𑍍-𑌥𑍍𑌸॒𑌮𑌾𑌰𑍋॑𑌹𑌤𑌿॒ 𑌸𑍁𑌵॒𑌰𑍍𑌯𑌨𑍍𑌤𑍋॒ 𑌨𑌾𑌪𑍇᳚𑌕𑍍𑌷𑌨𑍍𑌤॒ 𑌇𑌤𑍍𑌯𑌾॑𑌹 𑌸𑍁𑌵॒𑌰𑍍𑌗𑌮𑍇॒𑌵𑍈𑌤𑌯𑌾॑ 𑌲𑍋॒𑌕𑌮𑍇॒𑌤𑍍𑌯𑌗𑍍𑌨𑍇॒ 𑌪𑍍𑌰𑍇𑌹𑌿॑ [𑌪𑍍𑌰𑍇𑌹𑌿॑, 𑌪𑍍𑌰॒𑌥॒𑌮𑍋] 30
𑌪𑍍𑌰𑌥॒𑌮𑍋 𑌦𑍇॑𑌵𑌯॒𑌤𑌾-𑌮𑌿𑌤𑍍𑌯𑌾॑𑌹𑍋॒𑌭𑌯𑍇᳚𑌷𑍍𑌵𑍇॒𑌵𑍈𑌤𑌯𑌾॑ 𑌦𑍇𑌵𑌮𑌨𑍁॒𑌷𑍍𑌯𑍇𑌷𑍁॒ 𑌚𑌕𑍍𑌷𑍁॑𑌰𑍍𑌦𑌧𑌾𑌤𑌿 𑌪॒𑌞𑍍𑌚𑌭𑌿॒𑌰𑌧𑌿॑ 𑌕𑍍𑌰𑌾𑌮𑌤𑌿॒ 𑌪𑌾𑌙𑍍𑌕𑍍𑌤𑍋॑ 𑌯॒𑌜𑍍𑌞𑍋 𑌯𑌾𑌵𑌾॑𑌨𑍇॒𑌵 𑌯॒𑌜𑍍𑌞𑌸𑍍𑌤𑍇𑌨॑ 𑌸॒𑌹 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿॒ 𑌨𑌕𑍍𑌤𑍋॒𑌷𑌾𑌸𑍇𑌤𑌿॑ 𑌪𑍁𑌰𑍋-𑌽𑌨𑍁𑌵𑌾॒𑌕𑍍𑌯𑌾॑𑌮𑌨𑍍𑌵𑌾॑𑌹॒ 𑌪𑍍𑌰𑌤𑍍𑌯𑌾॒ 𑌅𑌗𑍍𑌨𑍇॑ 𑌸𑌹𑌸𑍍𑌰𑌾॒𑌕𑍍𑌷𑍇𑌤𑍍𑌯𑌾॑𑌹 𑌸𑌾𑌹॒𑌸𑍍𑌰𑌃 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾𑌪॑𑌤𑍇॒𑌰𑌾𑌪𑍍𑌤𑍍𑌯𑍈॒ 𑌤𑌸𑍍𑌮𑍈॑ 𑌤𑍇 𑌵𑌿𑌧𑍇𑌮॒ 𑌵𑌾𑌜𑌾॑𑌯॒ 𑌸𑍍𑌵𑌾𑌹𑍇𑌤𑍍𑌯𑌾॒𑌹𑌾𑌨𑍍𑌨𑌂॒-𑌵𑍈𑌁 𑌵𑌾𑌜𑍋-𑌽𑌨𑍍𑌨॑-𑌮𑍇॒𑌵𑌾𑌵॑ [𑌵𑌾𑌜𑍋-𑌽𑌨𑍍𑌨॑-𑌮𑍇॒𑌵𑌾𑌵॑, 𑌰𑍁॒𑌨𑍍𑌧𑍇॒ 𑌦॒𑌦𑍍𑌧𑍍𑌨𑌃] 31
𑌰𑍁𑌨𑍍𑌧𑍇 𑌦॒𑌦𑍍𑌧𑍍𑌨𑌃 𑌪𑍂॒𑌰𑍍𑌣𑌾𑌮𑍗𑌦𑍁॑𑌮𑍍𑌬𑌰𑍀𑌗𑍍 𑌸𑍍𑌵𑌯𑌮𑌾𑌤𑍃॒𑌣𑍍𑌣𑌾𑌯𑌾᳚-𑌞𑍍𑌜𑍁𑌹𑍋॒𑌤𑍍𑌯𑍂𑌰𑍍𑌗𑍍𑌵𑍈 𑌦𑌦𑍍𑌧𑍍𑌯𑍂𑌰𑍍𑌗𑍁॑𑌦𑍁॒𑌮𑍍𑌬𑌰𑍋॒-𑌽𑌸𑍗 𑌸𑍍𑌵॑𑌯𑌮𑌾𑌤𑍃॒𑌣𑍍𑌣𑌾 𑌽𑌮𑍁𑌷𑍍𑌯𑌾॑𑌮𑍇॒𑌵𑍋𑌰𑍍𑌜॑-𑌨𑍍𑌦𑌧𑌾𑌤𑌿॒ 𑌤𑌸𑍍𑌮𑌾॑𑌦॒𑌮𑍁𑌤𑍋॒-𑌽𑌰𑍍𑌵𑌾𑌚𑍀॒𑌮𑍂𑌰𑍍𑌜॒𑌮𑍁𑌪॑ 𑌜𑍀𑌵𑌾𑌮𑌸𑍍𑌤𑌿॒𑌸𑍃𑌭𑌿𑌃॑ 𑌸𑌾𑌦𑌯𑌤𑌿 𑌤𑍍𑌰𑌿॒𑌵𑍃𑌦𑍍𑌵𑌾 𑌅॒𑌗𑍍𑌨𑌿𑌰𑍍𑌯𑌾𑌵𑌾॑𑌨𑍇॒𑌵𑌾𑌗𑍍𑌨𑌿𑌸𑍍𑌤-𑌮𑍍𑌪𑍍𑌰॑𑌤𑌿॒𑌷𑍍𑌠𑌾-𑌙𑍍𑌗॑𑌮𑌯𑌤𑌿॒ 𑌪𑍍𑌰𑍇𑌦𑍍𑌧𑍋॑ 𑌅𑌗𑍍𑌨𑍇 𑌦𑍀𑌦𑌿𑌹𑌿 𑌪𑍁॒𑌰𑍋 𑌨॒ 𑌇𑌤𑍍𑌯𑍗𑌦𑍁॑𑌮𑍍𑌬𑌰𑍀॒𑌮𑌾 𑌦॑𑌧𑌾𑌤𑍍𑌯𑍇॒𑌷𑌾 𑌵𑍈 𑌸𑍂॒𑌰𑍍𑌮𑍀 𑌕𑌰𑍍𑌣॑𑌕𑌾𑌵𑌤𑍍𑌯𑍇॒𑌤𑌯𑌾॑ 𑌹 𑌸𑍍𑌮॒ [𑌹 𑌸𑍍𑌮, 𑌵𑍈] 32
𑌵𑍈 𑌦𑍇॒𑌵𑌾 𑌅𑌸𑍁॑𑌰𑌾𑌣𑌾𑌗𑍍𑌂 𑌶𑌤𑌤॒𑌰𑍍॒𑌹𑌾𑌗𑍍 𑌸𑍍𑌤𑍃𑌗𑍍𑌂॑𑌹𑌨𑍍𑌤𑌿॒ 𑌯𑌦𑍇॒𑌤𑌯𑌾॑ 𑌸॒𑌮𑌿𑌧॑𑌮𑌾॒𑌦𑌧𑌾॑𑌤𑌿॒ 𑌵𑌜𑍍𑌰॑𑌮𑍇॒𑌵𑍈𑌤𑌚𑍍𑌛॑𑌤॒𑌘𑍍𑌨𑍀𑌂-𑌯𑌁𑌜॑𑌮𑌾𑌨𑍋॒ 𑌭𑍍𑌰𑌾𑌤𑍃॑𑌵𑍍𑌯𑌾𑌯॒ 𑌪𑍍𑌰𑌹॑𑌰𑌤𑌿॒ 𑌸𑍍𑌤𑍃𑌤𑍍𑌯𑌾॒ 𑌅𑌛॑𑌮𑍍𑌬𑌟𑍍𑌕𑌾𑌰𑌂-𑌵𑌿𑌁॒𑌧𑍇𑌮॑ 𑌤𑍇 𑌪𑌰॒𑌮𑍇 𑌜𑌨𑍍𑌮॑𑌨𑍍𑌨𑌗𑍍𑌨॒ 𑌇𑌤𑌿॒ 𑌵𑍈𑌕॑𑌙𑍍𑌕𑌤𑍀॒𑌮𑌾 𑌦॑𑌧𑌾𑌤𑌿॒ 𑌭𑌾 𑌏॒𑌵𑌾𑌵॑ 𑌰𑍁𑌨𑍍𑌧𑍇॒ 𑌤𑌾𑌗𑍍𑌂 𑌸॑𑌵𑌿॒𑌤𑍁𑌰𑍍𑌵𑌰𑍇᳚𑌣𑍍𑌯𑌸𑍍𑌯 𑌚𑌿॒𑌤𑍍𑌰𑌾𑌮𑌿𑌤𑌿॑ 𑌶𑌮𑍀॒𑌮𑌯𑍀॒𑌗𑍍𑌂॒ 𑌶𑌾𑌨𑍍𑌤𑍍𑌯𑌾॑ 𑌅॒𑌗𑍍𑌨𑌿𑌰𑍍𑌵𑌾॑ 𑌹॒ 𑌵𑌾 𑌅॑𑌗𑍍𑌨𑌿॒𑌚𑌿𑌤॑-𑌨𑍍𑌦𑍁॒𑌹𑍇᳚-𑌽𑌗𑍍𑌨𑌿॒𑌚𑌿𑌦𑍍𑌵𑌾॒-𑌽𑌗𑍍𑌨𑌿-𑌨𑍍𑌦𑍁॑𑌹𑍇॒ 𑌤𑌾𑌗𑍍𑌂 [𑌤𑌾𑌮𑍍, 𑌸॒𑌵𑌿॒𑌤𑍁-] 33
𑌸॑𑌵𑌿॒𑌤𑍁-𑌰𑍍𑌵𑌰𑍇᳚𑌣𑍍𑌯𑌸𑍍𑌯 𑌚𑌿॒𑌤𑍍𑌰𑌾𑌮𑌿𑌤𑍍𑌯𑌾॑𑌹𑍈॒𑌷 𑌵𑌾 𑌅॒𑌗𑍍𑌨𑍇𑌰𑍍𑌦𑍋𑌹॒𑌸𑍍𑌤𑌮॑𑌸𑍍𑌯॒ 𑌕𑌣𑍍𑌵॑ 𑌏॒𑌵 𑌶𑍍𑌰𑌾॑𑌯॒𑌸𑍋॑-𑌽𑌵𑍇॒-𑌤𑍍𑌤𑍇𑌨॑ 𑌹 𑌸𑍍𑌮𑍈𑌨॒𑌗𑍍𑌂॒ 𑌸 𑌦𑍁॑𑌹𑍇॒ 𑌯𑌦𑍇॒𑌤𑌯𑌾॑ 𑌸॒𑌮𑌿𑌧॑-𑌮𑌾॒𑌦𑌧𑌾᳚𑌤𑍍𑌯𑌗𑍍𑌨𑌿॒𑌚𑌿𑌦𑍇॒𑌵 𑌤𑌦॒𑌗𑍍𑌨𑌿-𑌨𑍍𑌦𑍁॑𑌹𑍇 𑌸॒𑌪𑍍𑌤 𑌤𑍇॑ 𑌅𑌗𑍍𑌨𑍇 𑌸॒𑌮𑌿𑌧𑌃॑ 𑌸॒𑌪𑍍𑌤𑌜𑌿॒𑌹𑍍𑌵𑌾 𑌇𑌤𑍍𑌯𑌾॑𑌹 𑌸॒𑌪𑍍𑌤𑍈𑌵𑌾𑌸𑍍𑌯॒ 𑌸𑌾𑌪𑍍𑌤𑌾॑𑌨𑌿 𑌪𑍍𑌰𑍀𑌣𑌾𑌤𑌿 𑌪𑍂॒𑌰𑍍𑌣𑌯𑌾॑ 𑌜𑍁𑌹𑍋𑌤𑌿 𑌪𑍂॒𑌰𑍍𑌣 𑌇॑𑌵॒ 𑌹𑌿 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾𑌪॑𑌤𑍇॒- [𑌪𑍍𑌰॒𑌜𑌾𑌪॑𑌤𑍇𑌃, 𑌆𑌪𑍍𑌤𑍍𑌯𑍈॒] 34
-𑌰𑌾𑌪𑍍𑌤𑍍𑌯𑍈॒ 𑌨𑍍𑌯𑍂॑𑌨𑌯𑌾 𑌜𑍁𑌹𑍋𑌤𑌿॒ 𑌨𑍍𑌯𑍂॑𑌨𑌾॒𑌦𑍍𑌧𑌿 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅𑌸𑍃॑𑌜𑌤 𑌪𑍍𑌰॒𑌜𑌾𑌨𑌾॒𑌗𑍍𑌂॒ 𑌸𑍃𑌷𑍍𑌟𑍍𑌯𑌾॑ 𑌅॒𑌗𑍍𑌨𑌿𑌰𑍍𑌦𑍇॒𑌵𑍇𑌭𑍍𑌯𑍋॒ 𑌨𑌿𑌲𑌾॑𑌯𑌤॒ 𑌸 𑌦𑌿𑌶𑍋-𑌽𑌨𑍁॒ 𑌪𑍍𑌰𑌾-𑌽𑌵𑌿॑𑌶॒𑌜𑍍𑌜𑍁𑌹𑍍𑌵॒𑌨𑍍𑌮𑌨॑𑌸𑌾॒ 𑌦𑌿𑌶𑍋᳚ 𑌦𑍍𑌧𑍍𑌯𑌾𑌯𑍇 𑌦𑍍𑌦𑌿॒𑌗𑍍𑌭𑍍𑌯 𑌏॒𑌵𑍈𑌨॒𑌮𑌵॑ 𑌰𑍁𑌨𑍍𑌧𑍇 𑌦॒𑌦𑍍𑌧𑍍𑌨𑌾 𑌪𑍁॒𑌰𑌸𑍍𑌤𑌾᳚𑌜𑍍𑌜𑍁𑌹𑍋॒𑌤𑍍𑌯𑌾-𑌜𑍍𑌯𑍇॑𑌨𑍋॒𑌪𑌰𑌿॑𑌷𑍍𑌟𑌾॒-𑌤𑍍𑌤𑍇𑌜॑𑌶𑍍𑌚𑍈॒𑌵𑌾𑌸𑍍𑌮𑌾॑ 𑌇𑌨𑍍𑌦𑍍𑌰𑌿॒𑌯-𑌞𑍍𑌚॑ 𑌸॒𑌮𑍀𑌚𑍀॑ 𑌦𑌧𑌾𑌤𑌿॒ 𑌦𑍍𑌵𑌾𑌦॑𑌶𑌕𑌪𑌾𑌲𑍋 𑌵𑍈𑌶𑍍𑌵𑌾𑌨॒𑌰𑍋 𑌭॑𑌵𑌤𑌿॒ 𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑍋᳚-𑌽𑌗𑍍𑌨𑌿𑌰𑍍𑌵𑍈᳚𑌶𑍍𑌵𑌾𑌨॒𑌰-𑌸𑍍𑌸𑌾॒𑌕𑍍𑌷𑌾- [-𑌽𑌗𑍍𑌨𑌿𑌰𑍍𑌵𑍈᳚𑌶𑍍𑌵𑌾𑌨॒𑌰-𑌸𑍍𑌸𑌾॒𑌕𑍍𑌷𑌾𑌤𑍍, 𑌏॒𑌵 𑌵𑍈᳚𑌶𑍍𑌵𑌾𑌨॒𑌰𑌮𑌵॑] 35
-𑌦𑍇॒𑌵 𑌵𑍈᳚𑌶𑍍𑌵𑌾𑌨॒𑌰𑌮𑌵॑ 𑌰𑍁𑌨𑍍𑌧𑍇॒ 𑌯-𑌤𑍍𑌪𑍍𑌰॑𑌯𑌾𑌜𑌾𑌨𑍂𑌯𑌾॒𑌜𑌾𑌨𑍍 𑌕𑍁॒𑌰𑍍𑌯𑌾𑌦𑍍𑌵𑌿𑌕॑𑌸𑍍𑌤𑌿॒-𑌸𑍍𑌸𑌾 𑌯॒𑌜𑍍𑌞𑌸𑍍𑌯॑ 𑌦𑌰𑍍𑌵𑌿𑌹𑍋॒𑌮-𑌙𑍍𑌕॑𑌰𑍋𑌤𑌿 𑌯॒𑌜𑍍𑌞𑌸𑍍𑌯॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 𑌰𑌾॒𑌷𑍍𑌟𑍍𑌰𑌂-𑌵𑍈𑌁 𑌵𑍈᳚𑌶𑍍𑌵𑌾𑌨॒𑌰𑍋 𑌵𑌿𑌣𑍍𑌮॒𑌰𑍁𑌤𑍋॑ 𑌵𑍈𑌶𑍍𑌵𑌾𑌨॒𑌰𑌗𑍍𑌂 𑌹𑍁॒𑌤𑍍𑌵𑌾 𑌮𑌾॑𑌰𑍁॒𑌤𑌾𑌨𑍍 𑌜𑍁॑𑌹𑍋𑌤𑌿 𑌰𑌾॒𑌷𑍍𑌟𑍍𑌰 𑌏॒𑌵 𑌵𑌿𑌶॒𑌮𑌨𑍁॑ 𑌬𑌦𑍍𑌧𑍍𑌨𑌾𑌤𑍍𑌯𑍁॒𑌚𑍍𑌚𑍈-𑌰𑍍𑌵𑍈᳚𑌶𑍍𑌵𑌾𑌨॒𑌰𑌸𑍍𑌯𑌾-𑌽𑌽 𑌶𑍍𑌰𑌾॑𑌵𑌯𑌤𑍍𑌯𑍁𑌪𑌾॒𑌗𑍍𑌂॒𑌶𑍁 𑌮𑌾॑𑌰𑍁॒𑌤𑌾𑌨𑍍 𑌜𑍁॑𑌹𑍋𑌤𑌿॒ 𑌤𑌸𑍍𑌮𑌾᳚-𑌦𑍍𑌰𑌾॒𑌷𑍍𑌟𑍍𑌰𑌂-𑌵𑌿𑌁𑌶॒𑌮𑌤𑌿॑ 𑌵𑌦𑌤𑌿 𑌮𑌾𑌰𑍁॒𑌤𑌾 𑌭॑𑌵𑌨𑍍𑌤𑌿 𑌮॒𑌰𑍁𑌤𑍋॒ 𑌵𑍈 𑌦𑍇॒𑌵𑌾𑌨𑌾𑌂॒-𑌵𑌿𑌁𑌶𑍋॑ 𑌦𑍇𑌵𑌵𑌿॒𑌶𑍇𑌨𑍈॒𑌵𑌾𑌸𑍍𑌮𑍈॑ 𑌮𑌨𑍁𑌷𑍍𑌯𑌵𑌿॒𑌶 -𑌮𑌵॑ 𑌰𑍁𑌨𑍍𑌧𑍇 𑌸॒𑌪𑍍𑌤 𑌭॑𑌵𑌨𑍍𑌤𑌿 𑌸॒𑌪𑍍𑌤𑌗॑𑌣𑌾॒ 𑌵𑍈 𑌮॒𑌰𑍁𑌤𑍋॑ 𑌗𑌣॒𑌶 𑌏॒𑌵 𑌵𑌿𑌶॒𑌮𑌵॑ 𑌰𑍁𑌨𑍍𑌧𑍇 𑌗॒𑌣𑍇𑌨॑ 𑌗॒𑌣𑌮॑𑌨𑍁॒𑌦𑍍𑌰𑍁𑌤𑍍𑌯॑ 𑌜𑍁𑌹𑍋𑌤𑌿॒ 𑌵𑌿𑌶॑𑌮𑍇॒𑌵𑌾𑌸𑍍𑌮𑌾॒ 𑌅𑌨𑍁॑𑌵𑌰𑍍𑌤𑍍𑌮𑌾𑌨-𑌙𑍍𑌕𑌰𑍋𑌤𑌿 ॥ 36 ॥
(𑌅𑌗𑍍𑌨𑍇॒ 𑌪𑍍𑌰𑍇𑌹𑍍𑌯 - 𑌵॑ - 𑌸𑍍𑌮 - 𑌦𑍁𑌹𑍇॒ 𑌤𑌾𑌂 - 𑌪𑍍𑌰॒𑌜𑌾𑌪॑𑌤𑍇𑌃 - 𑌸𑌾॒𑌕𑍍𑌷𑌾𑌨𑍍 - 𑌮॑𑌨𑍁𑌷𑍍𑌯𑌵𑌿॒𑌶 - 𑌮𑍇𑌕॑𑌵𑌿𑌗𑍍𑌂𑌶𑌤𑌿𑌶𑍍𑌚) (𑌅. 7)
𑌵𑌸𑍋॒𑌰𑍍𑌧𑌾𑌰𑌾᳚-𑌞𑍍𑌜𑍁𑌹𑍋𑌤𑌿॒ 𑌵𑌸𑍋᳚𑌰𑍍𑌮𑍇॒ 𑌧𑌾𑌰𑌾॑-𑌽𑌸॒𑌦𑌿𑌤𑌿॒ 𑌵𑌾 𑌏॒𑌷𑌾 𑌹𑍂॑𑌯𑌤𑍇 𑌘𑍃॒𑌤𑌸𑍍𑌯॒ 𑌵𑌾 𑌏॑𑌨𑌮𑍇॒𑌷𑌾 𑌧𑌾𑌰𑌾॒-𑌽𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 𑌪𑌿𑌨𑍍𑌵॑𑌮𑌾॒𑌨𑍋𑌪॑ 𑌤𑌿𑌷𑍍𑌠𑌤॒ 𑌆𑌜𑍍𑌯𑍇॑𑌨 𑌜𑍁𑌹𑍋𑌤𑌿॒ 𑌤𑍇𑌜𑍋॒ 𑌵𑌾 𑌆𑌜𑍍𑌯॒-𑌨𑍍𑌤𑍇𑌜𑍋॒ 𑌵𑌸𑍋॒𑌰𑍍𑌧𑌾𑌰𑌾॒ 𑌤𑍇𑌜॑𑌸𑍈॒𑌵𑌾𑌸𑍍𑌮𑍈॒ 𑌤𑍇𑌜𑍋-𑌽𑌵॑ 𑌰𑍁॒𑌨𑍍𑌧𑍇-𑌽𑌥𑍋॒ 𑌕𑌾𑌮𑌾॒ 𑌵𑍈 𑌵𑌸𑍋॒𑌰𑍍𑌧𑌾𑌰𑌾॒ 𑌕𑌾𑌮𑌾॑𑌨𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌯-𑌙𑍍𑌕𑌾॒𑌮𑌯𑍇॑𑌤 𑌪𑍍𑌰𑌾॒𑌣𑌾𑌨॑𑌸𑍍𑌯𑌾॒-𑌽𑌨𑍍𑌨𑌾𑌦𑍍𑌯𑌂॒-𑌵𑌿𑌁- [-𑌽𑌨𑍍𑌨𑌾𑌦𑍍𑌯𑌂॒-𑌵𑌿𑌁, 𑌛𑌿॒𑌨𑍍𑌦𑍍𑌯𑌾॒𑌮𑌿𑌤𑌿॑] 37
-𑌚𑍍𑌛𑌿॑𑌨𑍍𑌦𑍍𑌯𑌾॒𑌮𑌿𑌤𑌿॑ 𑌵𑌿॒𑌗𑍍𑌰𑌾𑌹॒-𑌨𑍍𑌤𑌸𑍍𑌯॑ 𑌜𑍁𑌹𑍁𑌯𑌾-𑌤𑍍𑌪𑍍𑌰𑌾॒𑌣𑌾𑌨𑍇॒𑌵𑌾𑌸𑍍𑌯𑌾॒𑌨𑍍𑌨𑌾𑌦𑍍𑌯𑌂॒-𑌵𑌿𑌁𑌚𑍍𑌛𑌿॑𑌨𑌤𑍍𑌤𑌿॒ 𑌯-𑌙𑍍𑌕𑌾॒𑌮𑌯𑍇॑𑌤 𑌪𑍍𑌰𑌾॒𑌣𑌾𑌨॑𑌸𑍍𑌯𑌾॒𑌨𑍍𑌨𑌾𑌦𑍍𑌯॒𑌗𑍍𑌂॒ 𑌸-𑌨𑍍𑌤॑𑌨𑍁𑌯𑌾॒𑌮𑌿𑌤𑌿॒ 𑌸-𑌨𑍍𑌤॑𑌤𑌾॒-𑌨𑍍𑌤𑌸𑍍𑌯॑ 𑌜𑍁𑌹𑍁𑌯𑌾-𑌤𑍍𑌪𑍍𑌰𑌾॒𑌣𑌾𑌨𑍇॒𑌵𑌾𑌸𑍍𑌯𑌾॒𑌨𑍍𑌨𑌾𑌦𑍍𑌯॒𑌗𑍍𑌂॒ 𑌸-𑌨𑍍𑌤॑𑌨𑍋𑌤𑌿॒ 𑌦𑍍𑌵𑌾𑌦॑𑌶 𑌦𑍍𑌵𑌾𑌦॒𑌶𑌾𑌨𑌿॑ 𑌜𑍁𑌹𑍋𑌤𑌿॒ 𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑍇𑌣𑍈॒ 𑌵𑌾𑌸𑍍𑌮𑌾॒ 𑌅𑌨𑍍𑌨॒𑌮𑌵॑ 𑌰𑍁॒𑌨𑍍𑌧𑍇 𑌽𑌨𑍍𑌨॑-𑌞𑍍𑌚॒ 𑌮𑍇-𑌽𑌕𑍍𑌷𑍁॑𑌚𑍍𑌚 𑌮॒ 𑌇𑌤𑍍𑌯𑌾॑𑌹𑍈॒ 𑌤-𑌦𑍍𑌵𑌾 [𑌇𑌤𑍍𑌯𑌾॑𑌹𑍈॒ 𑌤-𑌦𑍍𑌵𑍈, 𑌅𑌨𑍍𑌨॑𑌸𑍍𑌯 𑌰𑍂॒𑌪𑌗𑍍𑌂] 38
𑌅𑌨𑍍𑌨॑𑌸𑍍𑌯 𑌰𑍂॒𑌪𑌗𑍍𑌂 𑌰𑍂॒𑌪𑍇𑌣𑍈॒𑌵𑌾𑌨𑍍𑌨॒𑌮𑌵॑ 𑌰𑍁𑌨𑍍𑌧𑍇॒ 𑌽𑌗𑍍𑌨𑌿𑌶𑍍𑌚॑ 𑌮॒ 𑌆𑌪॑𑌶𑍍𑌚 𑌮॒ 𑌇𑌤𑍍𑌯𑌾॑𑌹𑍈॒𑌷𑌾 𑌵𑌾 𑌅𑌨𑍍𑌨॑𑌸𑍍𑌯॒ 𑌯𑍋𑌨𑌿॒-𑌸𑍍𑌸𑌯𑍋᳚𑌨𑍍𑌯𑍇॒𑌵𑌾𑌨𑍍𑌨॒𑌮𑌵॑ 𑌰𑍁𑌨𑍍𑌧𑍇-𑌽𑌰𑍍𑌧𑍇॒𑌨𑍍𑌦𑍍𑌰𑌾𑌣𑌿॑ 𑌜𑍁𑌹𑍋𑌤𑌿 𑌦𑍇॒𑌵𑌤𑌾॑ 𑌏॒𑌵𑌾𑌵॑ 𑌰𑍁𑌨𑍍𑌧𑍇॒ 𑌯-𑌥𑍍𑌸𑌰𑍍𑌵𑍇॑𑌷𑌾-𑌮॒𑌰𑍍𑌧𑌮𑌿𑌨𑍍𑌦𑍍𑌰𑌃॒ 𑌪𑍍𑌰𑌤𑌿॒ 𑌤𑌸𑍍𑌮𑌾॒𑌦𑌿𑌨𑍍𑌦𑍍𑌰𑍋॑ 𑌦𑍇॒𑌵𑌤𑌾॑𑌨𑌾-𑌮𑍍𑌭𑍂𑌯𑌿𑌷𑍍𑌠॒𑌭𑌾𑌕𑍍𑌤॑𑌮॒ 𑌇𑌨𑍍𑌦𑍍𑌰॒𑌮𑍁𑌤𑍍𑌤॑𑌰𑌮𑌾𑌹𑍇-𑌨𑍍𑌦𑍍𑌰𑌿॒𑌯𑌮𑍇॒𑌵𑌾𑌸𑍍𑌮𑌿॑-𑌨𑍍𑌨𑍁॒𑌪𑌰𑌿॑𑌷𑍍𑌟𑌾-𑌦𑍍𑌦𑌧𑌾𑌤𑌿 𑌯𑌜𑍍𑌞𑌾𑌯𑍁॒𑌧𑌾𑌨𑌿॑ 𑌜𑍁𑌹𑍋𑌤𑌿 𑌯॒𑌜𑍍𑌞𑍋 [𑌯॒𑌜𑍍𑌞𑌃, 𑌵𑍈 𑌯॑𑌜𑍍𑌞𑌾𑌯𑍁॒𑌧𑌾𑌨𑌿॑] 39
𑌵𑍈 𑌯॑𑌜𑍍𑌞𑌾𑌯𑍁॒𑌧𑌾𑌨𑌿॑ 𑌯॒𑌜𑍍𑌞𑌮𑍇॒𑌵𑌾𑌵॑ 𑌰𑍁॒𑌨𑍍𑌧𑍇-𑌽𑌥𑍋॑ 𑌏॒𑌤𑌦𑍍𑌵𑍈 𑌯॒𑌜𑍍𑌞𑌸𑍍𑌯॑ 𑌰𑍂॒𑌪𑌗𑍍𑌂 𑌰𑍂॒𑌪𑍇𑌣𑍈॒𑌵 𑌯॒𑌜𑍍𑌞𑌮𑌵॑ 𑌰𑍁𑌨𑍍𑌧𑍇 𑌽𑌵𑌭𑍃॒𑌥𑌶𑍍𑌚॑ 𑌮𑍇 𑌸𑍍𑌵𑌗𑌾𑌕𑌾॒𑌰𑌶𑍍𑌚॑ 𑌮॒ 𑌇𑌤𑍍𑌯𑌾॑𑌹 𑌸𑍍𑌵॒𑌗𑌾𑌕𑍃॑𑌤𑍍𑌯𑌾 𑌅॒𑌗𑍍𑌨𑌿𑌶𑍍𑌚॑ 𑌮𑍇 𑌘॒𑌰𑍍𑌮𑌶𑍍𑌚॑ 𑌮॒ 𑌇𑌤𑍍𑌯𑌾॑𑌹𑍈॒𑌤-𑌦𑍍𑌵𑍈 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑌸𑍍𑌯॑ 𑌰𑍂॒𑌪𑌗𑍍𑌂 𑌰𑍂॒𑌪𑍇𑌣𑍈॒𑌵 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑌮𑌵॑ 𑌰𑍁𑌨𑍍𑌧॒ 𑌋𑌕𑍍𑌚॑ 𑌮𑍇॒ 𑌸𑌾𑌮॑ 𑌚 𑌮॒ 𑌇𑌤𑍍𑌯𑌾॑𑌹𑍈॒- [𑌮॒ 𑌇𑌤𑍍𑌯𑌾॑𑌹, 𑌏॒𑌤𑌦𑍍𑌵𑍈 𑌛𑌨𑍍𑌦॑𑌸𑌾𑌗𑍍𑌂] 40
-𑌤𑌦𑍍𑌵𑍈 𑌛𑌨𑍍𑌦॑𑌸𑌾𑌗𑍍𑌂 𑌰𑍂॒𑌪𑌗𑍍𑌂 𑌰𑍂॒𑌪𑍇𑌣𑍈॒𑌵 𑌛𑌨𑍍𑌦𑌾॒𑌗𑍍॒𑌸𑍍𑌯𑌵॑ 𑌰𑍁𑌨𑍍𑌧𑍇॒ 𑌗𑌰𑍍𑌭𑌾᳚𑌶𑍍𑌚 𑌮𑍇 𑌵॒𑌥𑍍𑌸𑌾𑌶𑍍𑌚॑ 𑌮॒ 𑌇𑌤𑍍𑌯𑌾॑𑌹𑍈॒𑌤-𑌦𑍍𑌵𑍈 𑌪॑𑌶𑍂॒𑌨𑌾𑌗𑍍𑌂 𑌰𑍂॒𑌪𑌗𑍍𑌂 𑌰𑍂॒𑌪𑍇𑌣𑍈॒𑌵 𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇॒ 𑌕𑌲𑍍𑌪𑌾᳚𑌨𑍍 𑌜𑍁𑌹𑍋॒𑌤𑍍𑌯 𑌕𑍢॑𑌪𑍍𑌤𑌸𑍍𑌯॒ 𑌕𑍢𑌪𑍍𑌤𑍍𑌯𑍈॑ 𑌯𑍁𑌗𑍍𑌮𑌦𑌯𑍁॒𑌜𑍇 𑌜𑍁॑𑌹𑍋𑌤𑌿 𑌮𑌿𑌥𑍁𑌨॒𑌤𑍍𑌵𑌾𑌯𑍋᳚-𑌤𑍍𑌤॒𑌰𑌾𑌵॑𑌤𑍀 𑌭𑌵𑌤𑍋॒-𑌽𑌭𑌿𑌕𑍍𑌰𑌾᳚𑌨𑍍𑌤𑍍𑌯𑌾॒ 𑌏𑌕𑌾॑ 𑌚 𑌮𑍇 𑌤𑌿॒𑌸𑍍𑌰𑌶𑍍𑌚॑ 𑌮॒ 𑌇𑌤𑍍𑌯𑌾॑𑌹 𑌦𑍇𑌵𑌛𑌨𑍍𑌦॒𑌸𑌂-𑌵𑌾𑌁 𑌏𑌕𑌾॑ 𑌚 𑌤𑌿॒𑌸𑍍𑌰𑌶𑍍𑌚॑ [𑌤𑌿॒𑌸𑍍𑌰𑌶𑍍𑌚॑, 𑌮॒𑌨𑍁॒𑌷𑍍𑌯॒𑌛॒𑌨𑍍𑌦॒𑌸-𑌞𑍍𑌚𑌤॑𑌸𑍍𑌰𑌶𑍍𑌚𑌾॒-𑌽𑌷𑍍𑌟𑍗] 41
𑌮𑌨𑍁𑌷𑍍𑌯𑌛𑌨𑍍𑌦॒𑌸-𑌞𑍍𑌚𑌤॑𑌸𑍍𑌰𑌶𑍍𑌚𑌾॒-𑌽𑌷𑍍𑌟𑍗 𑌚॑ 𑌦𑍇𑌵𑌛𑌨𑍍𑌦॒𑌸-𑌞𑍍𑌚𑍈॒𑌵 𑌮॑𑌨𑍁𑌷𑍍𑌯 𑌛𑌨𑍍𑌦॒𑌸𑌞𑍍𑌚𑌾-𑌽𑌵॑ 𑌰𑍁𑌨𑍍𑌧॒ 𑌆 𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍𑌂 𑌶𑌤𑍋 𑌜𑍁𑌹𑍋𑌤𑌿॒ 𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍𑌂𑌶॒𑌦𑍍𑌵𑍈 𑌦𑍇॒𑌵𑌤𑌾॑ 𑌦𑍇॒𑌵𑌤𑌾॑ 𑌏॒𑌵𑌾𑌵॑ 𑌰𑍁𑌨𑍍𑌧॒ 𑌆-𑌽𑌷𑍍𑌟𑌾𑌚॑𑌤𑍍𑌵𑌾𑌰𑌿𑌗𑍍𑌂𑌶𑌤𑍋 𑌜𑍁𑌹𑍋𑌤𑍍𑌯॒𑌷𑍍𑌟𑌾𑌚॑𑌤𑍍𑌵𑌾𑌰𑌿𑌗𑍍𑌂-𑌶𑌦𑌕𑍍𑌷𑌰𑌾॒ 𑌜𑌗॑𑌤𑍀॒ 𑌜𑌾𑌗॑𑌤𑌾𑌃 𑌪॒𑌶𑌵𑍋॒ 𑌜𑌗॑𑌤𑍍𑌯𑍈॒𑌵𑌾𑌸𑍍𑌮𑍈॑ 𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇॒ 𑌵𑌾𑌜॑𑌶𑍍𑌚 𑌪𑍍𑌰𑌸॒𑌵𑌶𑍍𑌚𑍇𑌤𑌿॑ 𑌦𑍍𑌵𑌾𑌦॒𑌶-𑌞𑍍𑌜𑍁॑𑌹𑍋𑌤𑌿॒ 𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰 𑌏॒𑌵 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿 ॥ 42 ॥
(𑌵𑌿 - 𑌵𑍈 - 𑌯॒𑌜𑍍𑌞𑌃-𑌸𑌾𑌮॑ 𑌚 𑌮॒ 𑌇𑌤𑍍𑌯𑌾॑𑌹 - 𑌚 𑌤𑌿॒𑌸𑍍𑌰 - 𑌶𑍍𑌚𑍈𑌕𑌾॒𑌨𑍍𑌨 𑌪॑𑌞𑍍𑌚𑌾॒𑌶𑌚𑍍𑌚॑) (𑌅. 8)
𑌅॒𑌗𑍍𑌨𑌿𑌰𑍍𑌦𑍇॒𑌵𑍇𑌭𑍍𑌯𑍋 𑌽𑌪𑌾᳚𑌕𑍍𑌰𑌾𑌮-𑌦𑍍𑌭𑌾𑌗॒𑌧𑍇𑌯॑𑌮𑌿॒𑌚𑍍𑌛𑌮𑌾॑𑌨॒𑌸𑍍𑌤-𑌨𑍍𑌦𑍇॒𑌵𑌾 𑌅॑𑌬𑍍𑌰𑍁𑌵॒𑌨𑍍𑌨𑍁𑌪॑ 𑌨॒ 𑌆 𑌵॑𑌰𑍍𑌤𑌸𑍍𑌵 𑌹॒𑌵𑍍𑌯-𑌨𑍍𑌨𑍋॑ 𑌵॒𑌹𑍇𑌤𑌿॒ 𑌸𑍋᳚-𑌽𑌬𑍍𑌰𑌵𑍀॒-𑌦𑍍𑌵𑌰𑌂॑-𑌵𑍃𑌁𑌣𑍈॒ 𑌮𑌹𑍍𑌯॑𑌮𑍇॒𑌵 𑌵𑌾॑𑌜𑌪𑍍𑌰𑌸॒𑌵𑍀𑌯॑-𑌞𑍍𑌜𑍁𑌹𑌵॒𑌨𑍍𑌨𑌿𑌤𑌿॒ 𑌤𑌸𑍍𑌮𑌾॑𑌦॒𑌗𑍍𑌨𑌯𑍇॑ 𑌵𑌾𑌜𑌪𑍍𑌰𑌸॒𑌵𑍀𑌯॑-𑌞𑍍𑌜𑍁𑌹𑍍𑌵𑌤𑌿॒ 𑌯-𑌦𑍍𑌵𑌾॑𑌜𑌪𑍍𑌰𑌸॒𑌵𑍀𑌯॑-𑌞𑍍𑌜𑍁॒𑌹𑍋𑌤𑍍𑌯॒𑌗𑍍𑌨𑌿𑌮𑍇॒𑌵 𑌤-𑌦𑍍𑌭𑌾॑𑌗॒𑌧𑍇𑌯𑍇॑𑌨॒ 𑌸𑌮॑𑌰𑍍𑌧𑌯॒𑌤𑍍𑌯𑌥𑍋॑ 𑌅𑌭𑌿𑌷𑍇॒𑌕 𑌏॒𑌵𑌾𑌸𑍍𑌯॒ 𑌸 𑌚॑𑌤𑍁𑌰𑍍𑌦॒𑌶𑌭𑌿॑𑌰𑍍𑌜𑍁𑌹𑍋𑌤𑌿 𑌸॒𑌪𑍍𑌤 𑌗𑍍𑌰𑌾॒𑌮𑍍𑌯𑌾 𑌓𑌷॑𑌧𑌯-𑌸𑍍𑌸॒𑌪𑍍𑌤𑌾- [𑌓𑌷॑𑌧𑌯-𑌸𑍍𑌸॒𑌪𑍍𑌤, 𑌅॒𑌰॒𑌣𑍍𑌯𑌾 𑌉॒𑌭𑌯𑍀॑𑌷𑌾॒-] 43
-𑌽𑌽𑌰॒𑌣𑍍𑌯𑌾 𑌉॒𑌭𑌯𑍀॑𑌷𑌾॒-𑌮𑌵॑𑌰𑍁𑌦𑍍𑌧𑍍𑌯𑌾॒ 𑌅𑌨𑍍𑌨॑𑌸𑍍𑌯𑌾𑌨𑍍𑌨𑌸𑍍𑌯 𑌜𑍁𑌹𑍋॒𑌤𑍍𑌯𑌨𑍍𑌨॑𑌸𑍍𑌯𑌾𑌨𑍍𑌨॒𑌸𑍍𑌯𑌾-𑌵॑𑌰𑍁𑌦𑍍𑌧𑍍𑌯𑌾॒ 𑌔𑌦𑍁॑𑌮𑍍𑌬𑌰𑍇𑌣 𑌸𑍍𑌰𑍁॒𑌵𑍇𑌣॑ 𑌜𑍁𑌹𑍋॒𑌤𑍍𑌯𑍂𑌰𑍍𑌗𑍍𑌵𑌾 𑌉॑𑌦𑍁॒𑌮𑍍𑌬𑌰॒ 𑌊𑌰𑍍𑌗𑌨𑍍𑌨॑𑌮𑍂॒𑌰𑍍𑌜𑍈𑌵𑌾𑌸𑍍𑌮𑌾॒ 𑌊𑌰𑍍𑌜॒𑌮𑌨𑍍𑌨॒𑌮𑌵॑ 𑌰𑍁𑌨𑍍𑌧𑍇॒ 𑌽𑌗𑍍𑌨𑌿𑌰𑍍𑌵𑍈 𑌦𑍇॒𑌵𑌾𑌨𑌾॑-𑌮॒𑌭𑌿𑌷𑌿॑𑌕𑍍𑌤𑍋-𑌽𑌗𑍍𑌨𑌿॒𑌚𑌿-𑌨𑍍𑌮॑𑌨𑍁॒𑌷𑍍𑌯𑌾॑𑌣𑌾॒-𑌨𑍍𑌤𑌸𑍍𑌮𑌾॑𑌦𑌗𑍍𑌨𑌿॒𑌚𑌿-𑌦𑍍𑌵𑌰𑍍𑌷॑𑌤𑌿॒ 𑌨 𑌧𑌾॑𑌵𑍇॒𑌦𑌵॑𑌰𑍁𑌦𑍍𑌧॒𑌗𑍍𑌗𑍍॒ 𑌹𑍍𑌯॑𑌸𑍍𑌯𑌾-𑌨𑍍𑌨॒𑌮𑌨𑍍𑌨॑𑌮𑌿𑌵॒ 𑌖𑌲𑍁॒ 𑌵𑍈 𑌵॒𑌰𑍍॒𑌷𑌂-𑌯𑌁𑌦𑍍𑌧𑌾𑌵𑍇॑-𑌦॒𑌨𑍍𑌨𑌾𑌦𑍍𑌯𑌾᳚𑌦𑍍𑌧𑌾𑌵𑍇-𑌦𑍁॒𑌪𑌾𑌵॑𑌰𑍍𑌤𑍇𑌤𑌾॒-𑌽𑌨𑍍𑌨𑌾𑌦𑍍𑌯॑-𑌮𑍇॒𑌵𑌾-𑌽𑌭𑍍𑌯𑍁॒- [-𑌽𑌨𑍍𑌨𑌾𑌦𑍍𑌯॑-𑌮𑍇॒𑌵𑌾-𑌽𑌭𑌿, 𑌉॒𑌪𑌾𑌵॑𑌰𑍍𑌤𑌤𑍇॒] 44
-𑌪𑌾𑌵॑𑌰𑍍𑌤𑌤𑍇॒ 𑌨𑌕𑍍𑌤𑍋॒𑌷𑌾𑌸𑍇𑌤𑌿॑ 𑌕𑍃॒𑌷𑍍𑌣𑌾𑌯𑍈᳚ 𑌶𑍍𑌵𑍇॒𑌤𑌵॑𑌥𑍍𑌸𑌾𑌯𑍈॒ 𑌪𑌯॑𑌸𑌾 𑌜𑍁𑌹𑍋॒𑌤𑍍𑌯𑌹𑍍𑌨𑍈॒𑌵𑌾𑌸𑍍𑌮𑍈॒ 𑌰𑌾𑌤𑍍𑌰𑌿॒-𑌮𑍍𑌪𑍍𑌰𑌦𑌾॑𑌪𑌯𑌤𑌿॒ 𑌰𑌾𑌤𑍍𑌰𑌿॒𑌯𑌾-𑌽𑌹॑𑌰𑌹𑍋𑌰𑌾॒𑌤𑍍𑌰𑍇 𑌏॒𑌵𑌾𑌸𑍍𑌮𑍈॒ 𑌪𑍍𑌰𑌤𑍍𑌤𑍇॒ 𑌕𑌾𑌮॑𑌮॒𑌨𑍍𑌨𑌾𑌦𑍍𑌯॑-𑌨𑍍𑌦𑍁𑌹𑌾𑌤𑍇 𑌰𑌾𑌷𑍍𑌟𑍍𑌰॒𑌭𑍃𑌤𑍋॑ 𑌜𑍁𑌹𑍋𑌤𑌿 𑌰𑌾॒𑌷𑍍𑌟𑍍𑌰𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌷॒𑌡𑍍𑌭𑌿𑌰𑍍𑌜𑍁॑𑌹𑍋𑌤𑌿॒ 𑌷𑌡𑍍𑌵𑌾 𑌋॒𑌤𑌵॑ 𑌋॒𑌤𑍁𑌷𑍍𑌵𑍇॒𑌵 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿॒ 𑌭𑍁𑌵॑𑌨𑌸𑍍𑌯 𑌪𑌤॒ 𑌇𑌤𑌿॑ 𑌰𑌥𑌮𑍁॒𑌖𑍇 𑌪𑌞𑍍𑌚𑌾-𑌽𑌽𑌹𑍁॑𑌤𑍀𑌰𑍍𑌜𑍁𑌹𑍋𑌤𑌿॒ 𑌵𑌜𑍍𑌰𑍋॒ 𑌵𑍈 𑌰𑌥𑍋॒ 𑌵𑌜𑍍𑌰𑍇॑𑌣𑍈॒𑌵 𑌦𑌿𑌶𑍋॒- [𑌵𑌜𑍍𑌰𑍇॑𑌣𑍈॒𑌵 𑌦𑌿𑌶𑌃॑, 𑌅॒𑌭𑌿 𑌜॑𑌯𑌤𑍍𑌯𑌗𑍍𑌨𑌿॒𑌚𑌿𑌤𑌗𑍍𑌂॑] 45
-𑌽𑌭𑌿 𑌜॑𑌯𑌤𑍍𑌯𑌗𑍍𑌨𑌿॒𑌚𑌿𑌤𑌗𑍍𑌂॑ 𑌹॒ 𑌵𑌾 𑌅॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 𑌵𑌾𑌤𑍋॒-𑌽𑌭𑌿 𑌪॑𑌵𑌤𑍇 𑌵𑌾𑌤𑌨𑌾॒𑌮𑌾𑌨𑌿॑ 𑌜𑍁𑌹𑍋𑌤𑍍𑌯॒𑌭𑍍𑌯𑍇॑𑌵𑍈𑌨॑-𑌮॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 𑌵𑌾𑌤𑌃॑ 𑌪𑌵𑌤𑍇॒ 𑌤𑍍𑌰𑍀𑌣𑌿॑ 𑌜𑍁𑌹𑍋𑌤𑌿॒ 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾 𑌏॒𑌭𑍍𑌯 𑌏॒𑌵 𑌲𑍋॒𑌕𑍇𑌭𑍍𑌯𑍋॒ 𑌵𑌾𑌤॒𑌮𑌵॑ 𑌰𑍁𑌨𑍍𑌧𑍇 𑌸𑌮𑍁॒𑌦𑍍𑌰𑍋॑-𑌽𑌸𑌿॒ 𑌨𑌭॑𑌸𑍍𑌵𑌾॒𑌨𑌿𑌤𑍍𑌯𑌾॑𑌹𑍈॒𑌤𑌦𑍍𑌵𑍈 𑌵𑌾𑌤॑𑌸𑍍𑌯 𑌰𑍂॒𑌪𑌗𑍍𑌂 𑌰𑍂॒𑌪𑍇𑌣𑍈॒𑌵 𑌵𑌾𑌤॒𑌮𑌵॑ 𑌰𑍁𑌨𑍍𑌧𑍇 𑌽𑌞𑍍𑌜॒𑌲𑌿𑌨𑌾॑ 𑌜𑍁𑌹𑍋𑌤𑌿॒ 𑌨 𑌹𑍍𑌯𑍇॑𑌤𑍇𑌷𑌾॑𑌮॒𑌨𑍍𑌯𑌥𑌾 𑌽𑌽𑌹𑍁॑𑌤𑌿𑌰𑌵॒𑌕𑌲𑍍𑌪॑𑌤𑍇 ॥ 46 ॥
(𑌓𑌷॑𑌧𑌯-𑌸𑍍𑌸॒𑌪𑍍𑌤𑌾 - 𑌭𑌿 - 𑌦𑌿𑌶𑍋॒ - 𑌽𑌨𑍍𑌯𑌥𑌾॒ - 𑌦𑍍𑌵𑍇 𑌚॑) (𑌅. 9)
𑌸𑍁॒𑌵॒𑌰𑍍𑌗𑌾𑌯॒ 𑌵𑍈 𑌲𑍋॒𑌕𑌾𑌯॑ 𑌦𑍇𑌵𑌰॒𑌥𑍋 𑌯𑍁॑𑌜𑍍𑌯𑌤𑍇 𑌯𑌤𑍍𑌰𑌾𑌕𑍂॒𑌤𑌾𑌯॑ 𑌮𑌨𑍁𑌷𑍍𑌯𑌰॒𑌥 𑌏॒𑌷 𑌖𑌲𑍁॒ 𑌵𑍈 𑌦𑍇॑𑌵𑌰॒𑌥𑍋 𑌯𑌦॒𑌗𑍍𑌨𑌿𑌰॒𑌗𑍍𑌨𑌿𑌂-𑌯𑍁𑌁॑𑌨𑌜𑍍𑌮𑌿॒ 𑌶𑌵॑𑌸𑌾 𑌘𑍃॒𑌤𑍇𑌨𑍇𑌤𑍍𑌯𑌾॑𑌹 𑌯𑍁॒𑌨𑌕𑍍𑌤𑍍𑌯𑍇॒𑌵𑍈𑌨॒𑌗𑍍𑌂॒ 𑌸 𑌏॑𑌨𑌂-𑌯𑍁𑌁॒𑌕𑍍𑌤-𑌸𑍍𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮॒𑌭𑌿 𑌵॑𑌹𑌤𑌿॒ 𑌯-𑌥𑍍𑌸𑌰𑍍𑌵𑌾॑𑌭𑌿𑌃 𑌪॒𑌞𑍍𑌚𑌭𑌿॑-𑌰𑍍𑌯𑍁॒𑌞𑍍𑌜𑍍𑌯𑌾-𑌦𑍍𑌯𑍁॒𑌕𑍍𑌤𑍋᳚-𑌽𑌸𑍍𑌯𑌾॒-𑌽𑌗𑍍𑌨𑌿𑌃 𑌪𑍍𑌰𑌚𑍍𑌯𑍁॑𑌤-𑌸𑍍𑌸𑍍𑌯𑌾॒𑌦𑌪𑍍𑌰॑𑌤𑌿𑌷𑍍𑌠𑌿𑌤𑌾॒ 𑌆𑌹𑍁॑𑌤𑌯॒-𑌸𑍍𑌸𑍍𑌯𑍁𑌰𑌪𑍍𑌰॑𑌤𑌿𑌷𑍍𑌠𑌿𑌤𑌾॒-𑌸𑍍𑌸𑍍𑌤𑍋𑌮𑌾॒ 𑌅𑌪𑍍𑌰॑𑌤𑌿𑌷𑍍𑌠𑌿𑌤𑌾𑌨𑍍𑌯𑍁॒𑌕𑍍𑌥𑌾𑌨𑌿॑ 𑌤𑌿॒𑌸𑍃𑌭𑌿𑌃॑ 𑌪𑍍𑌰𑌾𑌤𑌸𑍍𑌸𑌵॒𑌨𑍇॑-𑌽𑌭𑌿 𑌮𑍃॑𑌶𑌤𑌿 𑌤𑍍𑌰𑌿॒𑌵𑍃- [𑌤𑍍𑌰𑌿॒𑌵𑍃𑌤𑍍, 𑌵𑌾 𑌅॒𑌗𑍍𑌨𑌿𑌰𑍍𑌯𑌾𑌵𑌾॑𑌨𑍇॒𑌵𑌾-] 47
-𑌦𑍍𑌵𑌾 𑌅॒𑌗𑍍𑌨𑌿𑌰𑍍𑌯𑌾𑌵𑌾॑𑌨𑍇॒𑌵𑌾-𑌗𑍍𑌨𑌿𑌸𑍍𑌤𑌂-𑌯𑍁𑌁॑𑌨𑌕𑍍𑌤𑌿॒ 𑌯𑌥𑌾-𑌽𑌨॑𑌸𑌿 𑌯𑍁॒𑌕𑍍𑌤 𑌆॑𑌧𑍀॒𑌯𑌤॑ 𑌏॒𑌵𑌮𑍇॒𑌵 𑌤-𑌤𑍍𑌪𑍍𑌰𑌤𑍍𑌯𑌾𑌹𑍁॑𑌤𑌯॒𑌸𑍍𑌤𑌿𑌷𑍍𑌠॑𑌨𑍍𑌤𑌿॒ 𑌪𑍍𑌰𑌤𑌿॒ 𑌸𑍍𑌤𑍋𑌮𑌾𑌃॒ 𑌪𑍍𑌰𑌤𑍍𑌯𑍁॒𑌕𑍍𑌥𑌾𑌨𑌿॑ 𑌯𑌜𑍍𑌞𑌾𑌯॒𑌜𑍍𑌞𑌿𑌯॑𑌸𑍍𑌯 𑌸𑍍𑌤𑍋॒𑌤𑍍𑌰𑍇 𑌦𑍍𑌵𑌾𑌭𑍍𑌯𑌾॑𑌮॒𑌭𑌿 𑌮𑍃॑𑌶𑌤𑍍𑌯𑍇॒𑌤𑌾𑌵𑌾॒𑌨𑍍॒ 𑌵𑍈 𑌯॒𑌜𑍍𑌞𑍋 𑌯𑌾𑌵𑌾॑𑌨𑌗𑍍𑌨𑌿𑌷𑍍𑌟𑍋॒𑌮𑍋 𑌭𑍂॒𑌮𑌾 𑌤𑍍𑌵𑌾 𑌅॒𑌸𑍍𑌯𑌾𑌤॑ 𑌊॒𑌰𑍍𑌧𑍍𑌵𑌃 𑌕𑍍𑌰𑌿॑𑌯𑌤𑍇॒ 𑌯𑌾𑌵𑌾॑𑌨𑍇॒𑌵 𑌯॒𑌜𑍍𑌞𑌸𑍍𑌤𑌮॑𑌨𑍍𑌤॒𑌤𑍋᳚ 𑌽𑌨𑍍𑌵𑌾𑌰𑍋॑𑌹𑌤𑌿॒ 𑌦𑍍𑌵𑌾𑌭𑍍𑌯𑌾॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾॒ 𑌏𑌕॒𑌯𑌾-𑌽𑌪𑍍𑌰॑𑌸𑍍𑌤𑍁𑌤॒-𑌮𑍍𑌭𑌵॒𑌤𑍍𑌯𑌥𑌾॒- [-𑌽𑌪𑍍𑌰॑𑌸𑍍𑌤𑍁𑌤॒-𑌮𑍍𑌭𑌵॒𑌤𑍍𑌯𑌥॑, 𑌅॒𑌭𑌿 𑌮𑍃॑𑌶॒𑌤𑍍𑌯𑍁𑌪𑍈॑𑌨॒-] 48
-𑌽𑌭𑌿 𑌮𑍃॑𑌶॒𑌤𑍍𑌯𑍁𑌪𑍈॑𑌨॒-𑌮𑍁𑌤𑍍𑌤॑𑌰𑍋 𑌯॒𑌜𑍍𑌞𑍋 𑌨॑𑌮॒𑌤𑍍𑌯𑌥𑍋॒ 𑌸𑌨𑍍𑌤॑𑌤𑍍𑌯𑍈॒ 𑌪𑍍𑌰 𑌵𑌾 𑌏॒𑌷𑍋᳚-𑌽𑌸𑍍𑌮𑌾𑌲𑍍𑌲𑍋॒𑌕𑌾-𑌚𑍍𑌚𑍍𑌯॑𑌵𑌤𑍇॒ 𑌯𑍋᳚-𑌽𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇 𑌨 𑌵𑌾 𑌏॒𑌤𑌸𑍍𑌯𑌾॑𑌨𑌿𑌷𑍍𑌟॒𑌕 𑌆𑌹𑍁॑𑌤𑌿॒𑌰𑌵॑ 𑌕𑌲𑍍𑌪𑌤𑍇॒ 𑌯𑌾𑌂-𑌵𑌾𑌁 𑌏॒𑌷𑍋॑-𑌽𑌨𑌿𑌷𑍍𑌟॒𑌕 𑌆𑌹𑍁॑𑌤𑌿-𑌞𑍍𑌜𑍁॒𑌹𑍋𑌤𑌿॒ 𑌸𑍍𑌰𑌵॑𑌤𑌿॒ 𑌵𑍈 𑌸𑌾 𑌤𑌾𑌗𑍍 𑌸𑍍𑌰𑌵॑𑌨𑍍𑌤𑍀𑌂-𑌯𑌁॒𑌜𑍍𑌞𑍋-𑌽𑌨𑍁॒ 𑌪𑌰𑌾॑ 𑌭𑌵𑌤𑌿 𑌯॒𑌜𑍍𑌞𑌂-𑌯𑌁𑌜॑𑌮𑌾𑌨𑍋॒ 𑌯-𑌤𑍍𑌪𑍁॑𑌨𑌶𑍍𑌚𑌿॒𑌤𑌿-𑌞𑍍𑌚𑌿॑𑌨𑍁॒𑌤 𑌆𑌹𑍁॑𑌤𑍀𑌨𑌾॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈॒ 𑌪𑍍𑌰𑌤𑍍𑌯𑌾𑌹𑍁॑𑌤𑌯॒𑌸𑍍𑌤𑌿𑌷𑍍𑌠॑𑌨𑍍𑌤𑌿॒ [𑌪𑍍𑌰𑌤𑍍𑌯𑌾𑌹𑍁॑𑌤𑌯॒𑌸𑍍𑌤𑌿𑌷𑍍𑌠॑𑌨𑍍𑌤𑌿, 𑌨 𑌯॒𑌜𑍍𑌞𑌃] 49
𑌨 𑌯॒𑌜𑍍𑌞𑌃 𑌪॑𑌰𑌾॒𑌭𑌵॑𑌤𑌿॒ 𑌨 𑌯𑌜॑𑌮𑌾𑌨𑍋॒ 𑌽𑌷𑍍𑌟𑌾𑌵𑍁𑌪॑ 𑌦𑌧𑌾𑌤𑍍𑌯॒𑌷𑍍𑌟𑌾𑌕𑍍𑌷॑𑌰𑌾 𑌗𑌾𑌯॒𑌤𑍍𑌰𑍀 𑌗𑌾॑𑌯॒𑌤𑍍𑌰𑍇𑌣𑍈॒𑌵𑍈𑌨॒-𑌞𑍍𑌛𑌨𑍍𑌦॑𑌸𑌾 𑌚𑌿𑌨𑍁𑌤𑍇॒ 𑌯𑌦𑍇𑌕𑌾॑𑌦𑌶॒ 𑌤𑍍𑌰𑍈𑌷𑍍𑌟𑍁॑𑌭𑍇𑌨॒ 𑌯-𑌦𑍍𑌦𑍍𑌵𑌾𑌦॑𑌶॒ 𑌜𑌾𑌗॑𑌤𑍇𑌨॒ 𑌛𑌨𑍍𑌦𑍋॑𑌭𑌿𑌰𑍇॒𑌵𑍈𑌨॑-𑌞𑍍𑌚𑌿𑌨𑍁𑌤𑍇 𑌨𑌪𑌾॒𑌤𑍍𑌕𑍋 𑌵𑍈𑌨𑌾𑌮𑍈॒𑌷𑍋᳚-𑌽𑌗𑍍𑌨𑌿𑌰𑍍𑌯-𑌤𑍍𑌪𑍁॑𑌨𑌶𑍍𑌚𑌿॒𑌤𑌿𑌰𑍍𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾-𑌨𑍍𑌪𑍁॑𑌨𑌶𑍍𑌚𑌿॒𑌤𑌿-𑌞𑍍𑌚𑌿॑𑌨𑍁॒𑌤 𑌆 𑌤𑍃॒𑌤𑍀𑌯𑌾॒-𑌤𑍍𑌪𑍁𑌰𑍁॑𑌷𑌾॒𑌦𑌨𑍍𑌨॑𑌮𑌤𑍍𑌤𑌿॒ 𑌯𑌥𑌾॒ 𑌵𑍈 𑌪𑍁॑𑌨𑌰𑌾॒𑌧𑍇𑌯॑ 𑌏॒𑌵-𑌮𑍍𑌪𑍁॑𑌨𑌶𑍍𑌚𑌿॒𑌤𑌿𑌰𑍍𑌯𑍋᳚-𑌽-𑌗𑍍𑌨𑍍𑌯𑌾॒𑌧𑍇𑌯𑍇॑𑌨॒ 𑌨- [-𑌗𑍍𑌨𑍍𑌯𑌾॒𑌧𑍇𑌯𑍇॑𑌨॒ 𑌨, 𑌋॒𑌧𑍍𑌨𑍋𑌤𑌿॒ 𑌸] 50
-𑌰𑍍𑌧𑍍𑌨𑍋𑌤𑌿॒ 𑌸 𑌪𑍁॑𑌨𑌰𑌾॒𑌧𑍇𑌯॒𑌮𑌾 𑌧॑𑌤𑍍𑌤𑍇॒ 𑌯𑍋᳚-𑌽𑌗𑍍𑌨𑌿-𑌞𑍍𑌚𑌿॒𑌤𑍍𑌵𑌾 𑌨𑌰𑍍𑌧𑍍𑌨𑍋𑌤𑌿॒ 𑌸 𑌪𑍁॑𑌨𑌶𑍍𑌚𑌿॒𑌤𑌿-𑌞𑍍𑌚𑌿॑𑌨𑍁𑌤𑍇॒ 𑌯-𑌤𑍍𑌪𑍁॑𑌨𑌶𑍍𑌚𑌿॒𑌤𑌿-𑌞𑍍𑌚𑌿॑𑌨𑍁॒𑌤 𑌋𑌦𑍍𑌧𑍍𑌯𑌾॒ 𑌅𑌥𑍋॒ 𑌖𑌲𑍍𑌵𑌾॑𑌹𑍁॒𑌰𑍍𑌨 𑌚𑍇॑𑌤॒𑌵𑍍𑌯𑍇𑌤𑌿॑ 𑌰𑍁॒𑌦𑍍𑌰𑍋 𑌵𑌾 𑌏॒𑌷 𑌯𑌦॒𑌗𑍍𑌨𑌿𑌰𑍍𑌯𑌥𑌾᳚ 𑌵𑍍𑌯𑌾॒𑌘𑍍𑌰𑌗𑍍𑌂 𑌸𑍁॒𑌪𑍍𑌤-𑌮𑍍𑌬𑍋॒𑌧𑌯॑𑌤𑌿 𑌤𑌾॒𑌦𑍃𑌗𑍇॒𑌵 𑌤𑌦𑌥𑍋॒ 𑌖𑌲𑍍𑌵𑌾॑𑌹𑍁𑌶𑍍𑌚𑍇𑌤॒𑌵𑍍𑌯𑍇𑌤𑌿॒ 𑌯𑌥𑌾॒ 𑌵𑌸𑍀॑𑌯𑌾𑌗𑍍𑌂𑌸-𑌮𑍍𑌭𑌾𑌗॒𑌧𑍇𑌯𑍇॑𑌨 𑌬𑍋॒𑌧𑌯॑𑌤𑌿 𑌤𑌾॒𑌦𑍃𑌗𑍇॒𑌵 𑌤𑌨𑍍𑌮𑌨𑍁॑𑌰॒𑌗𑍍𑌨𑌿𑌮॑𑌚𑌿𑌨𑍁𑌤॒ 𑌤𑍇𑌨॒ 𑌨𑌾-𑌽𑌽𑌰𑍍𑌧𑍍𑌨𑍋॒𑌥𑍍𑌸 𑌏॒𑌤𑌾-𑌮𑍍𑌪𑍁॑𑌨𑌶𑍍𑌚𑌿॒𑌤𑌿𑌮॑𑌪𑌶𑍍𑌯॒-𑌤𑍍𑌤𑌾𑌮॑𑌚𑌿𑌨𑍁𑌤॒ 𑌤𑌯𑌾॒ 𑌵𑍈 𑌸 𑌆᳚𑌰𑍍𑌧𑍍𑌨𑍋॒𑌦𑍍𑌯-𑌤𑍍𑌪𑍁॑𑌨𑌶𑍍𑌚𑌿॒𑌤𑌿-𑌞𑍍𑌚𑌿॑𑌨𑍁॒𑌤 𑌋𑌦𑍍𑌧𑍍𑌯𑍈᳚ ॥ 51 ॥
(𑌤𑍍𑌰𑌿॒𑌵𑍃-𑌦𑌥॒-𑌤𑌿𑌷𑍍𑌠॑-𑌨𑍍𑌤𑍍𑌯𑌗𑍍𑌨𑍍𑌯𑌾॒𑌧𑍇𑌯𑍇॑𑌨॒ 𑌨𑌾-𑌚𑌿॑𑌨𑍁𑌤-𑌸॒𑌪𑍍𑌤𑌦॑𑌶- 𑌚) (𑌅. 10)
𑌛॒𑌨𑍍𑌦॒𑌶𑍍𑌚𑌿𑌤॑-𑌞𑍍𑌚𑌿𑌨𑍍𑌵𑍀𑌤 𑌪॒𑌶𑍁𑌕𑌾॑𑌮𑌃 𑌪॒𑌶𑌵𑍋॒ 𑌵𑍈 𑌛𑌨𑍍𑌦𑌾𑌗𑍍𑌂॑𑌸𑌿 𑌪𑌶𑍁॒𑌮𑌾𑌨𑍇॒𑌵 𑌭॑𑌵𑌤𑌿 𑌶𑍍𑌯𑍇𑌨॒𑌚𑌿𑌤॑-𑌞𑍍𑌚𑌿𑌨𑍍𑌵𑍀𑌤 𑌸𑍁𑌵॒𑌰𑍍𑌗𑌕𑌾॑𑌮-𑌶𑍍𑌶𑍍𑌯𑍇॒𑌨𑍋 𑌵𑍈 𑌵𑌯॑𑌸𑌾॒-𑌮𑍍𑌪𑌤𑌿॑𑌷𑍍𑌠-𑌶𑍍𑌶𑍍𑌯𑍇॒𑌨 𑌏॒𑌵 𑌭𑍂॒𑌤𑍍𑌵𑌾 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕-𑌮𑍍𑌪॑𑌤𑌤𑌿 𑌕𑌙𑍍𑌕॒𑌚𑌿𑌤॑-𑌞𑍍𑌚𑌿𑌨𑍍𑌵𑍀𑌤॒ 𑌯𑌃 𑌕𑌾॒𑌮𑌯𑍇॑𑌤 𑌶𑍀𑌰𑍍𑌷॒𑌣𑍍𑌵𑌾𑌨॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 𑌸𑍍𑌯𑌾॒𑌮𑌿𑌤𑌿॑ 𑌶𑍀𑌰𑍍𑌷॒𑌣𑍍𑌵𑌾𑌨𑍇॒𑌵𑌾-𑌽𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 𑌭॑𑌵𑌤𑍍𑌯𑌲𑌜॒𑌚𑌿𑌤॑-𑌞𑍍𑌚𑌿𑌨𑍍𑌵𑍀𑌤॒ 𑌚𑌤𑍁॑𑌸𑍍𑌸𑍀𑌤-𑌮𑍍𑌪𑍍𑌰𑌤𑌿॒𑌷𑍍𑌠𑌾𑌕𑌾॑𑌮॒𑌶𑍍𑌚𑌤॑𑌸𑍍𑌰𑍋॒ 𑌦𑌿𑌶𑍋॑ 𑌦𑌿॒𑌕𑍍𑌷𑍍𑌵𑍇॑𑌵 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿 𑌪𑍍𑌰𑍗𑌗॒𑌚𑌿𑌤॑-𑌞𑍍𑌚𑌿𑌨𑍍𑌵𑍀𑌤॒ 𑌭𑍍𑌰𑌾𑌤𑍃॑𑌵𑍍𑌯𑌵𑌾॒-𑌨𑍍𑌪𑍍𑌰𑍈- [𑌭𑍍𑌰𑌾𑌤𑍃॑𑌵𑍍𑌯𑌵𑌾॒-𑌨𑍍𑌪𑍍𑌰, 𑌏॒𑌵 𑌭𑍍𑌰𑌾𑌤𑍃॑𑌵𑍍𑌯𑌾-𑌨𑍍𑌨𑍁𑌦𑌤] 52
-𑌵 𑌭𑍍𑌰𑌾𑌤𑍃॑𑌵𑍍𑌯𑌾-𑌨𑍍𑌨𑍁𑌦𑌤 𑌉𑌭॒𑌯𑌤𑌃॑ 𑌪𑍍𑌰𑍗𑌗-𑌞𑍍𑌚𑌿𑌨𑍍𑌵𑍀𑌤॒𑌯𑌃 𑌕𑌾॒𑌮𑌯𑍇॑𑌤॒ 𑌪𑍍𑌰𑌜𑌾॒𑌤𑌾-𑌨𑍍𑌭𑍍𑌰𑌾𑌤𑍃॑𑌵𑍍𑌯𑌾-𑌨𑍍𑌨𑍁॒𑌦𑍇𑌯॒ 𑌪𑍍𑌰𑌤𑌿॑ 𑌜𑌨𑌿॒𑌷𑍍𑌯𑌮𑌾॑𑌣𑌾॒𑌨𑌿𑌤𑌿॒ 𑌪𑍍𑌰𑍈𑌵 𑌜𑌾॒𑌤𑌾-𑌨𑍍𑌭𑍍𑌰𑌾𑌤𑍃॑𑌵𑍍𑌯𑌾-𑌨𑍍𑌨𑍁॒𑌦𑌤𑍇॒ 𑌪𑍍𑌰𑌤𑌿॑ 𑌜𑌨𑌿॒𑌷𑍍𑌯𑌮𑌾॑𑌣𑌾-𑌨𑍍𑌰𑌥𑌚𑌕𑍍𑌰॒𑌚𑌿𑌤॑-𑌞𑍍𑌚𑌿𑌨𑍍𑌵𑍀𑌤॒ 𑌭𑍍𑌰𑌾𑌤𑍃॑𑌵𑍍𑌯𑌵𑌾॒𑌨𑍍॒ 𑌵𑌜𑍍𑌰𑍋॒ 𑌵𑍈 𑌰𑌥𑍋॒ 𑌵𑌜𑍍𑌰॑𑌮𑍇॒𑌵 𑌭𑍍𑌰𑌾𑌤𑍃॑𑌵𑍍𑌯𑍇𑌭𑍍𑌯𑌃॒ 𑌪𑍍𑌰𑌹॑𑌰𑌤𑌿 𑌦𑍍𑌰𑍋𑌣॒𑌚𑌿𑌤॑-𑌞𑍍𑌚𑌿𑌨𑍍𑌵𑍀॒𑌤𑌾𑌨𑍍𑌨॑𑌕𑌾𑌮𑍋॒ 𑌦𑍍𑌰𑍋𑌣𑍇॒ 𑌵𑌾 𑌅𑌨𑍍𑌨॑-𑌮𑍍𑌭𑍍𑌰𑌿𑌯𑌤𑍇॒ 𑌸𑌯𑍋᳚𑌨𑍍𑌯𑍇॒𑌵𑌾𑌨𑍍𑌨॒𑌮𑌵॑ 𑌰𑍁𑌨𑍍𑌧𑍇 𑌸𑌮𑍂॒𑌹𑍍𑌯॑-𑌞𑍍𑌚𑌿𑌨𑍍𑌵𑍀𑌤 𑌪॒𑌶𑍁𑌕𑌾॑𑌮𑌃 𑌪𑌶𑍁॒𑌮𑌾𑌨𑍇॒𑌵 𑌭॑𑌵𑌤𑌿 [𑌪𑌶𑍁॒𑌮𑌾𑌨𑍇॒𑌵 𑌭॑𑌵𑌤𑌿, 𑌪॒𑌰𑌿॒𑌚𑌾॒𑌯𑍍𑌯॑-𑌞𑍍𑌚𑌿𑌨𑍍𑌵𑍀𑌤॒] 53
𑌪𑌰𑌿𑌚𑌾॒𑌯𑍍𑌯॑-𑌞𑍍𑌚𑌿𑌨𑍍𑌵𑍀𑌤॒ 𑌗𑍍𑌰𑌾𑌮॑𑌕𑌾𑌮𑍋 𑌗𑍍𑌰𑌾॒𑌮𑍍𑌯𑍇॑𑌵 𑌭॑𑌵𑌤𑌿 𑌶𑍍𑌮𑌶𑌾𑌨॒𑌚𑌿𑌤॑-𑌞𑍍𑌚𑌿𑌨𑍍𑌵𑍀𑌤॒ 𑌯𑌃 𑌕𑌾॒𑌮𑌯𑍇॑𑌤 𑌪𑌿𑌤𑍃𑌲𑍋॒𑌕 𑌋॑𑌦𑍍𑌧𑍍𑌨𑍁𑌯𑌾॒𑌮𑌿𑌤𑌿॑ 𑌪𑌿𑌤𑍃𑌲𑍋॒𑌕 𑌏॒𑌵𑌰𑍍𑌧𑍍𑌨𑍋॑𑌤𑌿 𑌵𑌿𑌶𑍍𑌵𑌾𑌮𑌿𑌤𑍍𑌰𑌜𑌮𑌦॒𑌗𑍍𑌨𑍀 𑌵𑌸𑌿॑𑌷𑍍𑌠𑍇𑌨𑌾-𑌽𑌸𑍍𑌪𑌰𑍍𑌧𑍇𑌤𑌾॒𑌗𑍍𑌂॒ 𑌸 𑌏॒𑌤𑌾 𑌜॒𑌮𑌦॑𑌗𑍍𑌨𑌿𑌰𑍍𑌵𑌿𑌹॒𑌵𑍍𑌯𑌾॑ 𑌅𑌪𑌶𑍍𑌯॒-𑌤𑍍𑌤𑌾 𑌉𑌪𑌾॑𑌧𑌤𑍍𑌤॒ 𑌤𑌾𑌭𑌿॒𑌰𑍍𑌵𑍈 𑌸 𑌵𑌸𑌿॑𑌷𑍍𑌠𑌸𑍍𑌯𑍇𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑𑌮𑌵𑍃𑌙𑍍𑌕𑍍𑌤॒ 𑌯-𑌦𑍍𑌵𑌿॑𑌹॒𑌵𑍍𑌯𑌾॑ 𑌉𑌪॒𑌦𑌧𑌾॑𑌤𑍀𑌨𑍍𑌦𑍍𑌰𑌿॒𑌯𑌮𑍇॒𑌵 𑌤𑌾𑌭𑌿॑𑌰𑍍𑌵𑍀॒𑌰𑍍𑌯𑌂॑-𑌯𑌁𑌜॑𑌮𑌾𑌨𑍋॒ 𑌭𑍍𑌰𑌾𑌤𑍃॑𑌵𑍍𑌯𑌸𑍍𑌯 𑌵𑍃𑌙𑍍𑌕𑍍𑌤𑍇॒ 𑌹𑍋𑌤𑍁॒𑌰𑍍𑌧𑌿𑌷𑍍𑌣𑌿॑𑌯॒ 𑌉𑌪॑ 𑌦𑌧𑌾𑌤𑌿 𑌯𑌜𑌮𑌾𑌨𑌾𑌯𑌤॒𑌨𑌂-𑌵𑍈𑌁 [ ] 54
𑌹𑍋𑌤𑌾॒ 𑌸𑍍𑌵 𑌏॒𑌵𑌾𑌸𑍍𑌮𑌾॑ 𑌆॒𑌯𑌤॑𑌨 𑌇𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑𑌮𑌵॑ 𑌰𑍁𑌨𑍍𑌧𑍇॒ 𑌦𑍍𑌵𑌾𑌦॒𑌶𑍋𑌪॑ 𑌦𑌧𑌾𑌤𑌿॒ 𑌦𑍍𑌵𑌾𑌦॑𑌶𑌾𑌕𑍍𑌷𑌰𑌾॒ 𑌜𑌗॑𑌤𑍀॒ 𑌜𑌾𑌗॑𑌤𑌾𑌃 𑌪॒𑌶𑌵𑍋॒ 𑌜𑌗॑𑌤𑍍𑌯𑍈॒𑌵𑌾𑌸𑍍𑌮𑍈॑ 𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇॒ 𑌽𑌷𑍍𑌟𑌾𑌵॑𑌷𑍍𑌟𑌾𑌵॒𑌨𑍍𑌯𑍇𑌷𑍁॒ 𑌧𑌿𑌷𑍍𑌣𑌿॑𑌯𑍇॒𑌷𑍂𑌪॑ 𑌦𑌧𑌾𑌤𑍍𑌯॒𑌷𑍍𑌟𑌾𑌶॑𑌫𑌾𑌃 𑌪॒𑌶𑌵𑌃॑ 𑌪॒𑌶𑍂𑌨𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌷𑌣𑍍𑌮𑌾᳚𑌰𑍍𑌜𑌾॒𑌲𑍀𑌯𑍇॒ 𑌷-𑌡𑍍𑌵𑌾 𑌋॒𑌤𑌵॑ 𑌋॒𑌤𑌵𑌃॒ 𑌖𑌲𑍁॒ 𑌵𑍈 𑌦𑍇॒𑌵𑌾𑌃 𑌪𑌿॒𑌤𑌰॑ 𑌋॒𑌤𑍂𑌨𑍇॒𑌵 𑌦𑍇॒𑌵𑌾-𑌨𑍍𑌪𑌿॒𑌤𑍄-𑌨𑍍𑌪𑍍𑌰𑍀॑𑌣𑌾𑌤𑌿 ॥ 55 ॥
(𑌪𑍍𑌰 - 𑌭॑𑌵𑌤𑌿 - 𑌯𑌜𑌮𑌾𑌨𑌾𑌯𑌤॒𑌨𑌂-𑌵𑌾𑌁 - 𑌅॒𑌷𑍍𑌟𑌾𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 11)
𑌪𑌵॑𑌸𑍍𑌵॒ 𑌵𑌾𑌜॑𑌸𑌾𑌤𑌯॒ 𑌇𑌤𑍍𑌯॑𑌨𑍁॒𑌷𑍍𑌟𑍁-𑌕𑍍𑌪𑍍𑌰॑𑌤𑌿॒𑌪𑌦𑍍𑌭॑𑌵𑌤𑌿 𑌤𑌿॒𑌰𑍍𑌸𑍋॑-𑌽𑌨𑍁॒𑌷𑍍𑌟𑍁𑌭॒𑌶𑍍𑌚𑌤॑𑌸𑍍𑌰𑍋 𑌗𑌾𑌯॒𑌤𑍍𑌰𑌿𑌯𑍋॒ 𑌯-𑌤𑍍𑌤𑌿॒𑌸𑍍𑌰𑍋॑-𑌽𑌨𑍁॒𑌷𑍍𑌟𑍁𑌭॒-𑌸𑍍𑌤𑌸𑍍𑌮𑌾॒-𑌦𑌶𑍍𑌵॑𑌸𑍍𑌤𑍍𑌰𑌿॒𑌭𑌿𑌸𑍍𑌤𑌿𑌷𑍍𑌠𑌗𑍍𑌗𑍍॑ 𑌸𑍍𑌤𑌿𑌷𑍍𑌠𑌤𑌿॒ 𑌯𑌚𑍍𑌚𑌤॑𑌸𑍍𑌰𑍋 𑌗𑌾𑌯॒𑌤𑍍𑌰𑌿𑌯॒𑌸𑍍𑌤𑌸𑍍𑌮𑌾॒-𑌥𑍍𑌸𑌰𑍍𑌵𑌾𑌗𑍍॑ 𑌶𑍍𑌚॒𑌤𑍁𑌰𑌃॑ 𑌪॒𑌦𑌃 𑌪𑍍𑌰॑𑌤𑌿॒𑌦𑌧॒-𑌤𑍍𑌪𑌲𑌾॑𑌯𑌤𑍇 𑌪𑌰॒𑌮𑌾 𑌵𑌾 𑌏॒𑌷𑌾 𑌛𑌨𑍍𑌦॑𑌸𑌾𑌂॒-𑌯𑌁𑌦॑𑌨𑍁॒𑌷𑍍𑌟𑍁-𑌕𑍍𑌪॑𑌰॒𑌮𑌶𑍍𑌚॑𑌤𑍁𑌷𑍍𑌟𑍋॒𑌮-𑌸𑍍𑌸𑍍𑌤𑍋𑌮𑌾॑𑌨𑌾-𑌮𑍍𑌪𑌰॒𑌮𑌸𑍍𑌤𑍍𑌰𑌿॑𑌰𑌾॒𑌤𑍍𑌰𑍋 𑌯॒𑌜𑍍𑌞𑌾𑌨𑌾᳚-𑌮𑍍𑌪𑌰॒𑌮𑍋-𑌽𑌶𑍍𑌵𑌃॑ 𑌪𑌶𑍂॒𑌨𑌾-𑌮𑍍𑌪॑𑌰॒𑌮𑍇𑌣𑍈॒𑌵𑍈𑌨॑-𑌮𑍍𑌪𑌰॒𑌮𑌤𑌾᳚-𑌙𑍍𑌗𑌮𑌯𑌤𑍍𑌯𑍇𑌕𑌵𑌿॒𑌗𑍍𑌂॒𑌶-𑌮𑌹॑𑌰𑍍𑌭𑌵𑌤𑌿॒ [-𑌮𑌹॑𑌰𑍍𑌭𑌵𑌤𑌿, 𑌯𑌸𑍍𑌮𑌿॒𑌨𑍍𑌨𑌶𑍍𑌵॑] 56
𑌯𑌸𑍍𑌮𑌿॒𑌨𑍍𑌨𑌶𑍍𑌵॑ 𑌆𑌲॒𑌭𑍍𑌯𑌤𑍇॒ 𑌦𑍍𑌵𑌾𑌦॑𑌶॒ 𑌮𑌾𑌸𑌾𑌃॒ 𑌪𑌞𑍍𑌚॒𑌰𑍍𑌤𑌵॒𑌸𑍍𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾 𑌅॒𑌸𑌾𑌵𑌾॑𑌦𑌿॒𑌤𑍍𑌯 𑌏॑𑌕𑌵𑌿॒𑌗𑍍𑌂॒𑌶 𑌏॒𑌷 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰𑌾𑌜𑌾𑌪॒𑌤𑍍𑌯𑍋-𑌽𑌶𑍍𑌵॒𑌸𑍍𑌤𑌮𑍇॒𑌵 𑌸𑌾॒𑌕𑍍𑌷𑌾𑌦𑍃॑𑌦𑍍𑌧𑍍𑌨𑍋𑌤𑌿॒ 𑌶𑌕𑍍𑌵॑𑌰𑌯𑌃 𑌪𑍃॒𑌷𑍍𑌠-𑌮𑍍𑌭॑𑌵𑌨𑍍𑌤𑍍𑌯॒𑌨𑍍-𑌯𑌦॑𑌨𑍍𑌯॒-𑌚𑍍𑌛𑌨𑍍𑌦𑍋॒-𑌽𑌨𑍍𑌯𑍇᳚𑌨𑍍𑌯𑍇॒ 𑌵𑌾 𑌏॒𑌤𑍇 𑌪॒𑌶𑌵॒ 𑌆 𑌲॑𑌭𑍍𑌯𑌨𑍍𑌤 𑌉॒𑌤𑍇𑌵॑ 𑌗𑍍𑌰𑌾॒𑌮𑍍𑌯𑌾 𑌉॒𑌤𑍇𑌵𑌾॑-𑌽𑌽𑌰॒𑌣𑍍𑌯𑌾 𑌯𑌚𑍍𑌛𑌕𑍍𑌵॑𑌰𑌯𑌃 𑌪𑍃॒𑌷𑍍𑌠-𑌮𑍍𑌭𑌵॒𑌨𑍍𑌤𑍍𑌯𑌶𑍍𑌵॑𑌸𑍍𑌯 𑌸𑌰𑍍𑌵॒𑌤𑍍𑌵𑌾𑌯॑ 𑌪𑌾𑌰𑍍𑌥𑍁𑌰॒𑌶𑍍𑌮-𑌮𑍍𑌬𑍍𑌰॑𑌹𑍍𑌮𑌸𑌾॒𑌮-𑌮𑍍𑌭॑𑌵𑌤𑌿 𑌰॒𑌶𑍍𑌮𑌿𑌨𑌾॒ 𑌵𑌾 𑌅𑌶𑍍𑌵𑍋॑ [𑌰॒𑌶𑍍𑌮𑌿𑌨𑌾॒ 𑌵𑌾 𑌅𑌶𑍍𑌵𑌃॑, 𑌯॒𑌤 𑌈᳚𑌶𑍍𑌵॒𑌰𑍋] 57
𑌯॒𑌤 𑌈᳚𑌶𑍍𑌵॒𑌰𑍋 𑌵𑌾 𑌅𑌶𑍍𑌵𑍋-𑌽𑌯॒𑌤𑍋-𑌽𑌪𑍍𑌰॑𑌤𑌿𑌷𑍍𑌠𑌿𑌤𑌃॒ 𑌪𑌰𑌾᳚-𑌮𑍍𑌪𑌰𑌾॒𑌵𑌤॒-𑌙𑍍𑌗𑌨𑍍𑌤𑍋॒𑌰𑍍𑌯-𑌤𑍍𑌪𑌾᳚𑌰𑍍𑌥𑍁𑌰॒𑌶𑍍𑌮-𑌮𑍍𑌬𑍍𑌰॑𑌹𑍍𑌮𑌸𑌾॒𑌮-𑌮𑍍𑌭𑌵॒𑌤𑍍𑌯𑌶𑍍𑌵॑𑌸𑍍𑌯॒ 𑌯𑌤𑍍𑌯𑍈॒ 𑌧𑍃𑌤𑍍𑌯𑍈॒ 𑌸𑌙𑍍𑌕𑍃॑𑌤𑍍𑌯𑌚𑍍𑌛𑌾𑌵𑌾𑌕𑌸𑌾॒𑌮-𑌮𑍍𑌭॑𑌵𑌤𑍍𑌯𑍁𑌥𑍍𑌸𑌨𑍍𑌨𑌯॒𑌜𑍍𑌞𑍋 𑌵𑌾 𑌏॒𑌷 𑌯𑌦॑𑌶𑍍𑌵𑌮𑍇॒𑌧𑌃 𑌕𑌸𑍍𑌤𑌦𑍍𑌵𑍇॒𑌦𑍇𑌤𑍍𑌯𑌾॑𑌹𑍁॒𑌰𑍍𑌯𑌦𑌿॒ 𑌸𑌰𑍍𑌵𑍋॑ 𑌵𑌾 𑌕𑍍𑌰𑌿॒𑌯𑌤𑍇॒ 𑌨 𑌵𑌾॒ 𑌸𑌰𑍍𑌵॒ 𑌇𑌤𑌿॒ 𑌯-𑌥𑍍𑌸𑌙𑍍𑌕𑍃॑𑌤𑍍𑌯𑌚𑍍𑌛𑌾𑌵𑌾𑌕𑌸𑌾॒𑌮-𑌮𑍍𑌭𑌵॒𑌤𑍍𑌯𑌶𑍍𑌵॑𑌸𑍍𑌯 𑌸𑌰𑍍𑌵॒𑌤𑍍𑌵𑌾𑌯॒ 𑌪𑌰𑍍𑌯𑌾᳚𑌪𑍍𑌤𑍍𑌯𑌾॒ 𑌅𑌨॑𑌨𑍍𑌤𑌰𑌾𑌯𑌾𑌯॒ 𑌸𑌰𑍍𑌵॑𑌸𑍍𑌤𑍋𑌮𑍋-𑌽𑌤𑌿𑌰𑌾॒𑌤𑍍𑌰 𑌉॑𑌤𑍍𑌤॒𑌮𑌮𑌹॑𑌰𑍍𑌭𑌵𑌤𑌿॒ 𑌸𑌰𑍍𑌵॒𑌸𑍍𑌯𑌾-𑌽𑌽𑌪𑍍𑌤𑍍𑌯𑍈॒ 𑌸𑌰𑍍𑌵॑𑌸𑍍𑌯॒ 𑌜𑌿𑌤𑍍𑌯𑍈॒ 𑌸𑌰𑍍𑌵॑𑌮𑍇॒𑌵 𑌤𑍇𑌨𑌾᳚-𑌽𑌽𑌪𑍍𑌨𑍋𑌤𑌿॒ 𑌸𑌰𑍍𑌵॑-𑌞𑍍𑌜𑌯𑌤𑌿 ॥ 58 ॥
(𑌅𑌹॑𑌰𑍍𑌭𑌵𑌤𑌿॒ - 𑌵𑌾 𑌅𑌶𑍍𑌵𑍋 - 𑌽𑌹॑𑌰𑍍𑌭𑌵𑌤𑌿॒ - 𑌦𑌶॑ 𑌚) (𑌅. 12)
(𑌦𑍇॒𑌵𑌾॒𑌸𑍁॒𑌰𑌾𑌸𑍍𑌤𑍇𑌨 - 𑌰𑍍𑌤॒𑌵𑍍𑌯𑌾॑ - 𑌰𑍁॒𑌦𑍍𑌰𑍋 - 𑌽𑌶𑍍𑌮॑ - 𑌨𑍍𑌨𑍃॒𑌷𑌦𑍇॒ 𑌵 - 𑌡𑍁𑌦𑍇॑𑌨𑌂॒ - 𑌪𑍍𑌰𑌾𑌚𑍀॒𑌮𑌿𑌤𑌿॒ - 𑌵𑌸𑍋॒𑌰𑍍𑌧𑌾𑌰𑌾॑ - 𑌮॒𑌗𑍍𑌨𑌿𑌰𑍍𑌦𑍇॒𑌵𑍇𑌭𑍍𑌯𑌃॑ - 𑌸𑍁𑌵॒𑌰𑍍𑌗𑌾𑌯॑ 𑌯𑌤𑍍𑌰𑌾𑌕𑍂॒𑌤𑌾𑌯॑ - 𑌛𑌨𑍍𑌦॒𑌶𑍍𑌚𑌿𑌤𑌂॒ - 𑌪𑌵॑𑌸𑍍𑌵॒ - 𑌦𑍍𑌵𑌾𑌦॑𑌶 )
(𑌦𑍇॒𑌵𑌾॒𑌸𑍁॒𑌰𑌾 - 𑌅॒𑌜𑌾𑌯𑌾𑌂॒ - 𑌁𑌵𑍈 𑌗𑍍𑌰𑍁॑𑌮𑍁॒𑌷𑍍𑌟𑌿𑌃 - 𑌪𑍍𑌰॑𑌥॒𑌮𑍋 𑌦𑍇॑𑌵𑌯॒𑌤𑌾𑌮𑍇॒ - 𑌤𑌦𑍍𑌵𑍈 𑌛𑌨𑍍𑌦॑𑌸𑌾 - 𑌮𑍃॒𑌧𑍍𑌨𑍋 - 𑌤𑍍𑌯॒𑌷𑍍𑌟𑍗 𑌪॑𑌞𑍍𑌚𑌾॒𑌶𑌤𑍍)
(𑌦𑍇॒𑌵𑌾॒𑌸𑍁॒𑌰𑌾, 𑌸𑍍𑌸𑌰𑍍𑌵॑-𑌞𑍍𑌜𑌯𑌤𑌿)
॥ 𑌹𑌰𑌿𑌃॑ 𑌓𑌮𑍍 ॥
॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑌞𑍍𑌚𑌮𑌕𑌾𑌣𑍍𑌡𑍇 𑌚𑌤𑍁𑌰𑍍𑌥𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥
Roman (IAST) Transliteration
kṛṣṇa yajurvedīya taittirīya saṃhitāyā-mpañcamakāṇḍe caturthaḥ praśnaḥ - iṣṭakātrayābhidhānaṃ
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
de॒vā॒su॒rā-ssaṃya~̭ttā āsa॒-nte na vya̭jayanta॒ sa e॒tā indra̭sta॒nūra̭paśya॒-ttā upā̭dhatta॒ tābhi॒rvai sa ta॒nuva̭mindri॒yaṃ-vī~॒rya̭mā॒tmanna̭dhatta॒ tato̭ de॒vā abha̭va॒-nparā-'sṷrā॒ yadi̭ndrata॒nūrṷpa॒dadhā̭ti ta॒nuva̭me॒va tābhi̭rindri॒yaṃ-vī~॒ryaṃ̭-ya~ja̭māna ā॒tma-ndha॒tte-'tho॒ sendra̭me॒vāgnigṃ sata̭nu-ñcinute॒ bhava̭tyā॒tmanā॒ parā᳚-'sya॒ bhrātṛ̭vyo [bhrātṛ̭vyaḥ, bha॒va॒ti॒ ya॒jño] 1
bhavati ya॒jño de॒vebhyo-'pā᳚krāma॒-ttama̭va॒rudha॒-nnāśa̭knuva॒nta e॒tā ya̭jñata॒nūra̭paśya॒-ntā upā̭dadhata॒ tābhi॒rvai te ya॒jñamavā̭rundhata॒ ya-dya̭jñata॒nūrṷpa॒dadhā̭ti ya॒jñame॒va tābhi॒ryaja̭mā॒no-'va̭ rundhe॒ traya̭strigṃ śata॒mupa̭ dadhāti॒ traya̭strigṃśa॒dvai de॒vatā̭ de॒vatā̭ e॒vāva̭ ru॒ndhe 'tho॒ sātmā̭name॒vāgnigṃ sata̭nu-ñcinute॒ sātmā॒-'muṣmi̭-llo~॒ke [-'muṣmi̭-llo~॒ke, bha॒va॒ti॒ ya] 2
bha̭vati॒ ya e॒vaṃ-ve~da॒ jyoti̭ṣmatī॒rupa̭ dadhāti॒ jyoti̭re॒vāsmi̭-ndadhātye॒tābhi॒rvā a॒gniści॒to jva̭lati॒ tābhi̭re॒vaina॒gṃ॒ sami̭ndha u॒bhayo̭rasmai lo॒kayo॒rjyoti̭rbhavati nakṣatreṣṭa॒kā upa̭ dadhātye॒tāni॒ vai di॒vo jyotīgṃ̭ṣi॒ tānye॒vāva̭ rundhe su॒kṛtāṃ॒-vā~ e॒tāni॒ jyotīgṃ̭ṣi॒ yannakṣa̭trāṇi॒ tānye॒vā-''pno॒tyatho̭ anūkā॒śa-me॒vaitāni॒ [-me॒vaitāni̭, jyotīgṃ̭ṣi kurute] 3
jyotīgṃ̭ṣi kurute suva॒rgasya̭ lo॒kasyānṷkhyātyai॒ ya-thsaggspṛ̭ṣṭā upada॒ddhyā-dvṛṣṭyai̭ lo॒kamapi̭ daddhyā॒dava̭rṣukaḥ pa॒rjanyaḥ̭ syā॒dasagg̭spṛṣṭā॒ upa̭ dadhāti॒ vṛṣṭyā̭ e॒va lo॒ka-ṅka̭roti॒ varṣṷkaḥ pa॒rjanyo̭ bhavati pu॒rastā̭da॒nyāḥ pra॒tīcī॒rupa̭ dadhāti pa॒ścāda॒nyāḥ prācī॒stasmā᳚-tprā॒cīnā̭ni ca pratī॒cīnā̭ni ca॒ nakṣa̭trā॒ṇyā va̭rtante || 4 ||
(bhrātṛ̭vyo - lo॒ka - e॒vaitānye - ka̭catvārigṃśacca) (a. 1)
ṛ॒ta॒vyā̭ upa̭ dadhātyṛtū॒nā-ṅkḷptyai᳚ dva॒dvammupa̭ dadhāti॒ tasmā᳚-ddva॒ndvamṛ॒tavo 'dhṛ̭teva॒ vā e॒ṣā yanma̭ddhya॒mā citi̭ra॒ntari̭kṣamiva॒ vā e॒ṣā dva॒dvamma॒nyāsu॒ citī॒ṣūpa̭ dadhāti॒ cata̭sro॒ maddhye॒ dhṛtyā̭ anta॒śśleṣa̭ṇaṃ॒-vā~ e॒tāścitī̭nāṃ॒-ya~dṛ̭ta॒vyā̭ yadṛ̭ta॒vyā̭ upa॒dadhā̭ti॒ citī̭nāṃ॒-vi~dhṛ̭tyā॒ ava̭kā॒manūpa̭ dadhātye॒ṣā vā a॒gneryoni॒-ssayo̭ni- [a॒gneryoni॒-ssayo̭nim, e॒vāgni-] 5
-me॒vāgni-ñci̭nuta u॒vāca̭ ha vi॒śvāmi॒tro 'da॒di-thsa brahma॒ṇā-'nnaṃ॒-ya~syai॒tā ṷpadhī॒yāntai॒ ya ṷ cainā e॒vaṃ-ve~da॒diti̭ saṃva~thsa॒ro vā e॒ta-mpra̭ti॒ṣṭhāyai̭ nudate॒ yo᳚-'gni-ñci॒tvā na pra̭ti॒tiṣṭha̭ti॒ pañca॒ pūrvā॒ścita̭yo bhava॒ntyatha̭ ṣa॒ṣṭhī-ñciti̭-ñcinute॒ ṣaḍvā ṛ॒tavaḥ̭ saṃva~thsa॒ra ṛ॒tuṣve॒va saṃ̭va~thsa॒re prati̭tiṣṭhatye॒ tā vā [prati̭tiṣṭhatye॒ tā vā, adhi̭patnī॒rnāmeṣṭa̭kā॒] 6
adhi̭patnī॒rnāmeṣṭa̭kā॒ yasyai॒tā ṷpadhī॒yante-'dhi̭patire॒va sa̭mā॒nānā᳚-mbhavati॒ ya-ndvi॒ṣyā-ttamṷpa॒dadha̭-ddhyāyede॒tābhya̭ e॒vaina̭-nde॒vatā᳚bhya॒ ā vṛ̭ścati tā॒jagārti॒mārccha॒tyaṅgi̭rasa-ssuva॒rgaṃ-lo~॒kaṃ-ya~nto॒ yā ya॒jñasya॒ niṣkṛ̭ti॒rāsī॒-ttāmṛṣi̭bhyaḥ॒ pratyaṷha॒-ntaddhira̭ṇyamabhava॒dya-ddhi̭raṇyaśa॒lkaiḥ pro॒kṣati̭ ya॒jñasya॒ niṣkṛ̭tyā॒ atho̭ bheṣa॒jame॒vā-'smai̭ karo॒- [-'smai̭ karoti, atho̭ rū॒peṇai॒vaina॒gṃ॒] 7
-tyatho̭ rū॒peṇai॒vaina॒gṃ॒ sama̭rdhaya॒tyatho॒ hira̭ṇyajyotiṣai॒va sṷva॒rgaṃ-lo~॒kamḙti sāha॒srava̭tā॒ prokṣa̭ti sāha॒sraḥ pra॒jāpa̭tiḥ pra॒jāpa̭te॒rāptyā̭ i॒mā mḙ agna॒ iṣṭa̭kā dhe॒navaḥ̭ sa॒ntvityā̭ha dhe॒nūre॒vaināḥ᳚ kurute॒ tā ḙna-ṅkāma॒dughā̭ a॒mutrā॒muṣmi̭n ~lo॒ka upa̭ tiṣṭhante || 8 ||
(sayo̭ni - me॒tā vai - ka̭ro॒tye - kā॒nnaca̭tvāri॒gṃ॒śacca̭) (a. 2)
ru॒dro vā e॒ṣa yada॒gni-ssa e॒tarhi̭ jā॒to yarhi॒ sarva̭ści॒ta-ssa yathā̭ va॒thso jā॒ta-sstana̭-mpre॒phsatye॒vaṃ-vā~ e॒ṣa e॒tarhi̭ bhāga॒dheya॒-mprephsa̭ti॒ tasmai॒ yadāhṷti॒-nna jṷhu॒yāda̭ddhva॒ryu-ñca॒ yaja̭māna-ñca dhyāyecchataru॒drīya̭-ñjuhoti bhāga॒dheyḙnai॒vainagṃ̭ śamayati॒ nā-''rti॒mārccha̭tyaddhva॒ryurna yaja̭māno॒ ya-dgrā॒myāṇā᳚-mpaśū॒nā- [ya-dgrā॒myāṇā᳚-mpaśū॒nām, paya̭sā juhu॒yā-] 9
-mpaya̭sā juhu॒yā-dgrā॒myā-npa॒śūñchu॒cā 'rpaye॒-dyadā̭ra॒ṇyānā̭-māra॒ṇyān ja̭rtilayavā॒gvā̭ vā juhu॒yā-dga̭vīdhukayavā॒gvā̭ vā॒ na grā॒myā-npa॒śūn. hi॒nasti॒ nā-''ra॒ṇyānatho॒ khalvā̭hu॒ranā̭huti॒rvai ja॒rtilā᳚śca ga॒vīdhṷkā॒ścetya̭ jakṣī॒reṇa̭ juhotyāgne॒yī vā e॒ṣā yada॒jā-''hṷtyai॒va jṷhoti॒ na grā॒myā-npa॒śūn. hi॒nasti॒ nā-''ra॒ṇyānaṅgi̭rasa-ssuva॒rgaṃ-lo~॒kaṃ-ya~nto॒- [-~lo॒kaṃ-ya~ntaḥ̭, a॒jāyā᳚-ṅgha॒rma-] 10
-'jāyā᳚-ṅgha॒rma-mprāsi̭ñca॒nthsā śoca̭ntī pa॒rṇa-mparā̭-'jihīta॒ so᳚(1॒)-'rko̭-'bhava॒-ttada॒rkasyā᳚-rka॒tvama̭rkapa॒rṇena̭ juhoti sayoni॒tvāyoda॒-ntiṣṭha̭n juhotye॒ṣā vai ru॒drasya॒ di-khsvāyā̭me॒va di॒śi ru॒dra-nni॒rava̭dayate cara॒māyā॒miṣṭa̭kāyā-ñjuhotyanta॒ta e॒va ru॒dra-nni॒rava̭dayate tredhāvibha॒kta-ñjṷhoti॒ traya̭ i॒me lo॒kā i॒māne॒va lo॒kān-thsa॒māva̭dvīryān karo॒tīya॒tyagrḙ juho॒- [juhoti, atheya॒tyatheya̭ti॒] 11
-tyatheya॒tyatheya̭ti॒ traya̭ i॒me lo॒kā e॒bhya e॒vainaṃ̭-lo~॒kebhyaḥ̭ śamayati ti॒sra utta̭rā॒ āhṷtīrjuhoti॒ ṣa-ṭthsa-mpa̭dyante॒ ṣa-ḍvā ṛ॒tava̭ ṛ॒tubhi̭re॒vainagṃ̭ śamayati॒ yada̭nupari॒krāma̭-ñjuhu॒yāda̭ntaravacā॒riṇagṃ̭ ru॒dra-ṅkṷryā॒datho॒ khalvā̭huḥ॒ kasyāṃ॒-vā~-'ha̭ di॒śi ru॒draḥ kasyāṃ॒-ve~tya̭nupari॒krāma̭me॒va ho̭ta॒vya̭-mapa̭rivargame॒vainagṃ̭ śamaya- [śamayati, e॒tāvai] 12
-tye॒tāvai de॒vatā᳚-ssuva॒rgyā̭yā ṷtta॒māstā yaja̭mānaṃ-vā~cayati॒ tābhi̭re॒vainagṃ̭ suva॒rgaṃ-lo~॒ka-ṅga̭mayati॒ ya-ndvi॒ṣyā-ttasya̭ sañca॒re pa̭śū॒nā-nnya̭sye॒-dyaḥ pra̭tha॒maḥ pa॒śura̭bhi॒tiṣṭha̭ti॒ sa ārti॒mārccha̭ti || 13 ||
(pa॒śū॒nāṃ - ~yanto - 'gnḙ juho॒tya - pa̭rivargame॒vainagṃ̭ śamayati - tri॒gṃ॒śacca̭) (a. 3)
aśma॒nnūrja॒miti॒ pari̭ ṣiñcati mā॒rjaya̭tye॒vaina॒matho̭ ta॒rpaya̭tye॒va sa ḙna-ntṛ॒pto 'kṣṷddhya॒-nnaśo̭ca-nna॒muṣmi̭n ~lo॒ka upa̭ tiṣṭhate॒ tṛpya̭ti pra॒jayā̭ pa॒śubhi॒rya e॒vaṃ-ve~da॒ tā-nna॒ iṣa॒mūrja̭-ndhatta maruta-ssagṃrarā॒ṇā ityā॒hānnaṃ॒-vā~ ūrganna̭-mma॒ruto-'nna̭me॒vāva̭ ru॒ndhe 'śmagg̭ste॒ kṣuda॒mu-nte॒ śu- [kṣuda॒mu-nte॒ śuk, ṛ॒ccha॒tu॒ ya-ndvi॒ṣma] 14
-gṛ̭cchatu॒ ya-ndvi॒ṣma ityā̭ha॒ yame॒va dveṣṭi॒ tama̭sya kṣu॒dhā ca̭ śu॒cā cā᳚rpayati॒ triḥ pa̭riṣi॒ñca-nparyḙti tri॒vṛdvā a॒gniryāvā̭ne॒vā-gnistasya॒ śucagṃ̭ śamayati॒ triḥ punaḥ॒ paryḙti॒ ṣa-ṭthsa-mpa̭dyante॒ ṣa-ḍvā ṛ॒tava̭ ṛ॒tubhi̭re॒vāsya॒ śucagṃ̭ śamayatya॒pāṃ-vā~ e॒ta-tpuṣpaṃ॒-ya~dvḙta॒so̭-'pāgṃ - [yadvḙta॒so̭-'pām, śaro-'va̭kā] 15
śaro-'va̭kā vetasaśā॒khayā॒ cāva̭kābhiśca॒ vi ka̭rṣa॒tyāpo॒ vai śā॒ntā-śśā॒ntābhi̭re॒vāsya॒ śucagṃ̭ śamayati॒ yo vā a॒gni-ñci॒ta-mpra̭tha॒maḥ pa॒śura̭dhi॒krāma̭tīśva॒ro vai tagṃ śu॒cā pra॒daho̭ ma॒ṇḍūkḙna॒ vika̭rṣatye॒ṣa vai pa̭śū॒nā-ma̭nupajīvanī॒yo na vā e॒ṣa grā॒myeṣṷ pa॒śuṣṷ hi॒to nā-''ra॒ṇyeṣu॒ tame॒va śu॒cā-'rpa̭yatyaṣṭā॒bhi-rvi ka̭rṣa- [-rvi ka̭rṣati, a॒ṣṭākṣa̭rā] 16
-tya॒ṣṭākṣa̭rā gāya॒trī gā̭ya॒tro᳚-'gniryāvā̭-ne॒vā-'gnistasya॒ śucagṃ̭ śamayati pāva॒kava̭tībhi॒rannaṃ॒-vai~ pā̭va॒ko-'nnḙnai॒vāsya॒ śucagṃ̭ śamayati mṛ॒tyurvā e॒ṣa yada॒gnirbrahma̭ṇa e॒tadrū॒paṃ-ya~-tkṛ̭ṣṇāji॒na-ṅkārṣṇī̭ upā॒nahā॒vupa̭ muñcate॒ brahma̭ṇai॒va mṛ॒tyora॒ntardha̭tte॒ 'ntarmṛ॒tyordha̭tte॒ 'ntara॒nnādyā॒-dityā̭hura॒nyā-mṷpamu॒ñcate॒-'nyā-nnānta- [-'nyā-nnāntaḥ, e॒va mṛ॒tyordha॒tte] 17
-re॒va mṛ॒tyordha॒tte 'vā॒-'nnādyagṃ̭ rundhe॒ nama̭ste॒ hara̭se śo॒ciṣa॒ ityā̭ha nama॒skṛtya॒ hi vasī̭yāgṃ samupa॒cara̭ntya॒nya-ntḙ a॒sma-tta̭pantu he॒taya॒ ityā̭ha॒ yame॒va dveṣṭi॒ tama̭sya śu॒cā-'rpa̭yati pāva॒ko a॒smabhyagṃ̭ śi॒vo bha॒vetyā॒hānnaṃ॒-vai~ pā̭va॒ko-'nna̭me॒vāva̭ rundhe॒ dvābhyā॒madhi̭ krāmati॒ prati̭ṣṭhityā apa॒sya̭vatībhyā॒gṃ॒ śāntyai᳚ || 18 ||
(śu - gvḙta॒so̭-'pā - ma̭ṣṭā॒bhirvi ka̭rṣati॒ - nānta - rekā॒nna pa̭ñcā॒śacca̭) (a. 4)
nṛ॒ṣade॒ vaḍiti॒ vyāghā̭rayati pa॒ṅktyā-''hṷtyā yajñamu॒khamā ra̭bhate 'kṣṇa॒yā vyāghā̭rayati॒ tasmā̭dakṣṇa॒yā pa॒śavo-'ṅgā̭ni॒ praha̭ranti॒ prati̭ṣṭhityai॒ yadva̭ṣaṭku॒ryā-dyā॒tayā̭mā-'sya vaṣaṭkā॒ra-ssyā॒dyanna va̭ṣaṭku॒ryā-drakṣāgṃ̭si ya॒jñagṃ ha̭nyu॒rvaḍityā̭ha pa॒rokṣa̭me॒va vaṣa̭-ṭkaroti॒ nāsya̭ yā॒tayā̭mā vaṣaṭkā॒ro bhava̭ti॒ na ya॒jñagṃ rakṣāgṃ̭si ghnanti hu॒tādo॒ vā a॒nye de॒vā [a॒nye de॒vāḥ, a॒hu॒tādo॒-'nye] 19
a̭hu॒tādo॒-'nye tāna̭gni॒cide॒vobhayā᳚-nprīṇāti॒ ye de॒vā de॒vānā॒miti̭ da॒ddhnā ma̭dhumi॒śreṇāvo᳚kṣati hu॒tāda̭ścai॒va de॒vāna̭hu॒tāda̭śca॒ yaja̭mānaḥ prīṇāti॒ te yaja̭māna-mprīṇanti da॒ddhnaiva hu॒tādaḥ̭ prī॒ṇāti॒ madhṷṣā 'hu॒tādo᳚ grā॒myaṃ-vā~ e॒tadannaṃ॒-ya~ddaddhyā̭ra॒ṇya-mmadhu॒ yadda॒dhnā ma̭dhumi॒śreṇā॒-vokṣa̭tyu॒bhaya॒syā-'va̭ruddhyai grumu॒ṣṭinā-'vo᳚kṣati prājāpa॒tyo [prājāpa॒tyaḥ, vai grṷmu॒ṣṭi-] 20
vai grṷmu॒ṣṭi-ssa̭yoni॒tvāya॒ dvābhyā॒-mprati̭ṣṭhityā anupari॒cāra॒-mavo᳚kṣa॒tya-pa̭rivargame॒vainā᳚-nprīṇāti॒ vi vā e॒ṣa prā॒ṇaiḥ pra॒jayā̭ pa॒śubhi̭r-ṛddhyate॒ yo᳚-'gni-ñci॒nvanna̭dhi॒krāma̭ti prāṇa॒dā a̭pāna॒dā ityā̭ha prā॒ṇāne॒vā-''tma-ndha̭tte varco॒dā va̭rivo॒dā ityā̭ha pra॒jā vai varcaḥ̭ pa॒śavo॒ vari̭vaḥ pra॒jāme॒va pa॒śūnā॒tma-ndha̭tta॒ indro̭ vṛ॒trama̭ha॒ntaṃ-vṛ~॒tro [vṛ॒trama̭ha॒ntaṃ-vṛ~॒traḥ, ha॒ta-ṣṣo̭ḍa॒śabhi̭-] 21
ha॒ta-ṣṣo̭ḍa॒śabhi̭-rbho॒gaira̭sinā॒-thsa e॒tāma॒gnaye-'nī̭kavata॒ āhṷtimapaśya॒-ttāma̭juho॒-ttasyā॒gniranī̭ kavā॒nthsvena̭ bhāga॒dheyḙna prī॒ta-ṣṣo̭ḍaśa॒dhā vṛ॒trasya̭ bho॒gānapya̭daha-dvaiśvakarma॒ṇena̭ pā॒pmano॒ nira̭mucyata॒ yada॒gnaye-'nī̭kavata॒ āhṷti-ñju॒hotya॒gnire॒vā-'syānī̭kavā॒nthsvena̭ bhāga॒dheyḙna prī॒taḥ pā॒pmāna॒mapi̭ dahati vaiśvakarma॒ṇena̭ pā॒pmano॒ nirmṷcyate॒ ya-ṅkā॒mayḙta ci॒ra-mpā॒pmano॒ [ci॒ra-mpā॒pmanaḥ̭, nirmṷcye॒tetyekai̭ka॒-] 22
nirmṷcye॒tetyekai̭ka॒-ntasya̭ juhuyācci॒rame॒va pā॒pmano॒ nirmṷcyate॒ ya-ṅkā॒mayḙta tā॒ja-kpā॒pmano॒ nirmṷcye॒teti॒ sarvā̭ṇi॒ tasyā̭nu॒drutya̭ juhuyā-ttā॒jage॒va pā॒pmano॒ nirmṷcya॒te-'tho॒ khalu॒ nānai॒va sū॒ktābhyā᳚-ñjuhoti॒ nānai॒va sū॒ktayo᳚rvī॒rya̭-ndadhā॒tyatho॒ prati̭ṣṭhityai || 23 ||
(de॒vāḥ - prā̭jāpa॒tyo-vṛ॒tra - ści॒ra-mpā॒pmana̭ - ścatvāri॒gṃ॒śacca̭) (a. 5)
udḙnamutta॒rā-nna॒yeti̭ sa॒midha॒ ā da̭dhāti॒ yathā॒ janaṃ̭-ya~॒tḙ-'va॒sa-ṅka॒roti̭ tā॒dṛge॒va ta-tti॒sra ā da̭dhāti tri॒vṛdvā a॒gniryāvā̭ne॒-vāgnistasmai̭ bhāga॒dheya̭-ṅkaro॒tyaudṷmbarī-rbhava॒ntyūrgvā ṷdu॒mbara॒ ūrja̭me॒vāsmā॒ api̭ dadhā॒tyudṷ tvā॒ viśvḙ de॒vā ityā̭ha prā॒ṇā vai viśvḙ de॒vāḥ prā॒ṇai- [prā॒ṇaiḥ, e॒vaina॒-] 24
-re॒vaina॒-mudya̭ccha॒te 'gne॒ bhara̭ntu॒ citti̭bhi॒rityā̭ha॒ yasmā̭ e॒vaina̭-ñci॒ttāyo॒dyaccha̭te॒ tenai॒vaina॒gṃ॒ sama̭rdhayati॒ pañca॒ diśo॒ daivī᳚rya॒jñama̭vantu de॒vīrityā̭ha॒ diśo॒ hyḙṣo-'nṷ pra॒cyava॒te 'pāma̭ti-ndurma॒ti-mbādha̭mānā॒ ityā̭ha॒ rakṣa̭sā॒mapa̭hatyai rā॒yaspoṣḙ ya॒jñapa̭ti-mā॒bhaja̭ntī॒rityā̭ha pa॒śavo॒ vai rā॒yaspoṣaḥ̭ [rā॒yaspoṣaḥ̭, pa॒śūne॒vāva̭] 25
pa॒śūne॒vāva̭ rundhe ṣa॒ḍbhirha̭rati॒ ṣa-ḍvā ṛ॒tava̭ ṛ॒tubhi̭re॒vainagṃ̭ harati॒ dve pa̭ri॒gṛhya̭vatī bhavato॒ rakṣa̭sā॒mapa̭hatyai॒ sūrya̭raśmi॒r॒hari̭keśaḥ pu॒rastā॒dityā̭ha॒ prasū᳚tyai॒ tataḥ̭ pāva॒kā ā॒śiṣo̭ no juṣantā॒mityā॒hānnaṃ॒-vai~ pā̭va॒ko-'nna̭me॒vāva̭ rundhe devāsu॒rā-ssaṃya~̭ttā āsa॒-nte de॒vā e॒ta-dapra̭tiratha-mapaśya॒-ntena॒ vai te᳚ pra॒- [vai te᳚ pra॒ti, asṷrānajaya॒-nta-] 26
-tyasṷrānajaya॒-nta-dapra̭tirathasyā-pratiratha॒tvaṃ-ya~dapra̭tiratha-ndvi॒tīyo॒ hotā॒-'nvāhā᳚pra॒tyḙva tena॒ yaja̭māno॒ bhrātṛ̭vyān jaya॒tyatho॒ ana̭bhijitame॒vābhi ja̭yati daśa॒rca-mbha̭vati॒ daśā᳚kṣarā vi॒rā-ḍvi॒rāje॒mau lo॒kau vidhṛ̭tā va॒nayo᳚rlo॒kayo॒rvidhṛ̭tyā॒ atho॒ daśā᳚kṣarā vi॒rāḍannaṃ̭-vi~॒rā-ḍvi॒rājye॒vānnādye॒ prati̭tiṣṭha॒tyasa̭diva॒ vā a॒ntari̭kṣama॒ntari̭kṣami॒vā ''gnī᳚ddhra॒-māgnī॒ddhre- [-māgnī᳚ddhre, aśmā̭na॒-nni da̭dhāti] 27
-'śmā̭na॒-nni da̭dhāti sa॒ttvāya॒ dvābhyā॒-mprati̭ṣṭhityai vi॒māna̭ e॒ṣa di॒vo maddhya̭ āsta॒ ityā̭ha॒ vyḙvaitayā̭ mimīte॒ maddhyḙ di॒vo nihi̭taḥ॒ pṛśñi॒raśmetyā॒hānnaṃ॒-vai~ pṛśñyanna̭me॒vāva̭ rundhe cata॒sṛbhi॒rā pucchā̭deti ca॒tvāri॒ chandāgṃ̭si॒ chando̭bhire॒vendraṃ॒-vi~śvā̭ avīvṛdha॒nnityā̭ha॒ vṛddhi̭me॒vopāva̭rtate॒ vājā̭nā॒gṃ॒ satpa̭ti॒-mpati॒- [satpa̭ti॒-mpati᳚m, ityā॒hā-'nnaṃ॒-vai~] 28
-mityā॒hā-'nnaṃ॒-vai~ vājo-'nna̭me॒vāva̭ rundhe sumna॒hūrya॒jño de॒vāgṃ ā ca̭ vakṣa॒dityā̭ha pra॒jā vai pa॒śavaḥ̭ su॒mna-mpra॒jāme॒va pa॒śūnā॒tma-ndha̭tte॒ yakṣa̭da॒gnirde॒vo de॒vāgṃ ā ca̭ vakṣa॒dityā̭ha sva॒gākṛ̭tyai॒ vāja̭sya mā prasa॒veno᳚-dgrā॒bheṇoda̭grabhī॒dityā̭hā॒sau vā ā̭di॒tya u॒dyannṷdgrā॒bha e॒ṣa ni॒mroca̭-nnigrā॒bho brahma̭ṇai॒vā-''tmāna̭mu-dgṛ॒hṇāti॒ brahma̭ṇā॒ bhrātṛ̭vya॒-nni gṛ̭hṇāti || 29 ||
(prā॒ṇaiḥ - poṣo᳚ - pra॒tyā - gnī᳚ddhe॒ - pati̭ - me॒ṣa - daśa̭ ca) (a. 6)
prācī॒manṷ pra॒diśa॒-mprehi̭ vi॒dvānityā̭ha devalo॒ka-me॒vaitayo॒pāva̭rtate॒ krama̭ddhvama॒gninā॒ nāka॒-mityā̭he॒māne॒vaitayā̭ lo॒kān kra̭mate pṛthi॒vyā a॒hamuda॒ntari̭kṣa॒mā 'rṷha॒mityā̭he॒māne॒vaitayā̭ lo॒kān-thsa॒māro̭hati॒ suva॒ryanto॒ nāpe᳚kṣanta॒ ityā̭ha suva॒rgame॒vaitayā̭ lo॒kame॒tyagne॒ prehi̭ [prehi̭, pra॒tha॒mo] 30
pratha॒mo dḙvaya॒tā-mityā̭ho॒bhaye᳚ṣve॒vaitayā̭ devamanu॒ṣyeṣu॒ cakṣṷrdadhāti pa॒ñcabhi॒radhi̭ krāmati॒ pāṅkto̭ ya॒jño yāvā̭ne॒va ya॒jñastena̭ sa॒ha sṷva॒rgaṃ-lo~॒kamḙti॒ nakto॒ṣāseti̭ puro-'nuvā॒kyā̭manvā̭ha॒ pratyā॒ agnḙ sahasrā॒kṣetyā̭ha sāha॒sraḥ pra॒jāpa̭tiḥ pra॒jāpa̭te॒rāptyai॒ tasmai̭ te vidhema॒ vājā̭ya॒ svāhetyā॒hānnaṃ॒-vai~ vājo-'nna̭-me॒vāva̭ [vājo-'nna̭-me॒vāva̭, ru॒ndhe॒ da॒ddhnaḥ] 31
rundhe da॒ddhnaḥ pū॒rṇāmaudṷmbarīg svayamātṛ॒ṇṇāyā᳚-ñjuho॒tyūrgvai daddhyūrgṷdu॒mbaro॒-'sau sva̭yamātṛ॒ṇṇā 'muṣyā̭me॒vorja̭-ndadhāti॒ tasmā̭da॒muto॒-'rvācī॒mūrja॒mupa̭ jīvāmasti॒sṛbhiḥ̭ sādayati tri॒vṛdvā a॒gniryāvā̭ne॒vāgnista-mpra̭ti॒ṣṭhā-ṅga̭mayati॒ preddho̭ agne dīdihi pu॒ro na॒ ityaudṷmbarī॒mā da̭dhātye॒ṣā vai sū॒rmī karṇa̭kāvatye॒tayā̭ ha sma॒ [ha sma, vai] 32
vai de॒vā asṷrāṇāgṃ śatata॒r॒hāg stṛgṃ̭hanti॒ yade॒tayā̭ sa॒midha̭mā॒dadhā̭ti॒ vajra̭me॒vaitaccha̭ta॒ghnīṃ-ya~ja̭māno॒ bhrātṛ̭vyāya॒ praha̭rati॒ stṛtyā॒ acha̭mbaṭkāraṃ-vi~॒dhema̭ te para॒me janma̭nnagna॒ iti॒ vaika̭ṅkatī॒mā da̭dhāti॒ bhā e॒vāva̭ rundhe॒ tāgṃ sa̭vi॒turvare᳚ṇyasya ci॒trāmiti̭ śamī॒mayī॒gṃ॒ śāntyā̭ a॒gnirvā̭ ha॒ vā a̭gni॒cita̭-ndu॒he᳚-'gni॒cidvā॒-'gni-ndṷhe॒ tāgṃ [tām, sa॒vi॒tu-] 33
sa̭vi॒tu-rvare᳚ṇyasya ci॒trāmityā̭hai॒ṣa vā a॒gnerdoha॒stama̭sya॒ kaṇva̭ e॒va śrā̭ya॒so̭-'ve॒-ttena̭ ha smaina॒gṃ॒ sa dṷhe॒ yade॒tayā̭ sa॒midha̭-mā॒dadhā᳚tyagni॒cide॒va tada॒gni-ndṷhe sa॒pta tḙ agne sa॒midhaḥ̭ sa॒ptaji॒hvā ityā̭ha sa॒ptaivāsya॒ sāptā̭ni prīṇāti pū॒rṇayā̭ juhoti pū॒rṇa i̭va॒ hi pra॒jāpa̭tiḥ pra॒jāpa̭te॒- [pra॒jāpa̭teḥ, āptyai॒] 34
-rāptyai॒ nyṷ̄nayā juhoti॒ nyṷ̄nā॒ddhi pra॒jāpa̭tiḥ pra॒jā asṛ̭jata pra॒jānā॒gṃ॒ sṛṣṭyā̭ a॒gnirde॒vebhyo॒ nilā̭yata॒ sa diśo-'nu॒ prā-'vi̭śa॒jjuhva॒nmana̭sā॒ diśo᳚ ddhyāye ddi॒gbhya e॒vaina॒mava̭ rundhe da॒ddhnā pu॒rastā᳚jjuho॒tyā-jyḙno॒pari̭ṣṭā॒-tteja̭ścai॒vāsmā̭ indri॒ya-ñca̭ sa॒mīcī̭ dadhāti॒ dvāda̭śakapālo vaiśvāna॒ro bha̭vati॒ dvāda̭śa॒ māsā᳚-ssaṃva~thsa॒ra-ssaṃ̭va~thsa॒ro᳚-'gnirvai᳚śvāna॒ra-ssā॒kṣā- [-'gnirvai᳚śvāna॒ra-ssā॒kṣāt, e॒va vai᳚śvāna॒ramava̭] 35
-de॒va vai᳚śvāna॒ramava̭ rundhe॒ ya-tpra̭yājānūyā॒jān ku॒ryādvika̭sti॒-ssā ya॒jñasya̭ darviho॒ma-ṅka̭roti ya॒jñasya॒ prati̭ṣṭhityai rā॒ṣṭraṃ-vai~ vai᳚śvāna॒ro viṇma॒ruto̭ vaiśvāna॒ragṃ hu॒tvā mā̭ru॒tān jṷhoti rā॒ṣṭra e॒va viśa॒manṷ baddhnātyu॒ccai-rvai᳚śvāna॒rasyā-'' śrā̭vayatyupā॒gṃ॒śu mā̭ru॒tān jṷhoti॒ tasmā᳚-drā॒ṣṭraṃ-vi~śa॒mati̭ vadati māru॒tā bha̭vanti ma॒ruto॒ vai de॒vānāṃ॒-vi~śo̭ devavi॒śenai॒vāsmai̭ manuṣyavi॒śa -mava̭ rundhe sa॒pta bha̭vanti sa॒ptaga̭ṇā॒ vai ma॒ruto̭ gaṇa॒śa e॒va viśa॒mava̭ rundhe ga॒ṇena̭ ga॒ṇama̭nu॒drutya̭ juhoti॒ viśa̭me॒vāsmā॒ anṷvartmāna-ṅkaroti || 36 ||
(agne॒ prehya - va̭ - sma - duhe॒ tāṃ - pra॒jāpa̭teḥ - sā॒kṣān - ma̭nuṣyavi॒śa - meka̭vigṃśatiśca) (a. 7)
vaso॒rdhārā᳚-ñjuhoti॒ vaso᳚rme॒ dhārā̭-'sa॒diti॒ vā e॒ṣā hṷ̄yate ghṛ॒tasya॒ vā ḙname॒ṣā dhārā॒-'muṣmi̭n ~lo॒ke pinva̭mā॒nopa̭ tiṣṭhata॒ ājyḙna juhoti॒ tejo॒ vā ājya॒-ntejo॒ vaso॒rdhārā॒ teja̭sai॒vāsmai॒ tejo-'va̭ ru॒ndhe-'tho॒ kāmā॒ vai vaso॒rdhārā॒ kāmā̭ne॒vāva̭ rundhe॒ ya-ṅkā॒mayḙta prā॒ṇāna̭syā॒-'nnādyaṃ॒-vi~- [-'nnādyaṃ॒-vi~, chi॒ndyā॒miti̭] 37
-cchi̭ndyā॒miti̭ vi॒grāha॒-ntasya̭ juhuyā-tprā॒ṇāne॒vāsyā॒nnādyaṃ॒-vi~cchi̭natti॒ ya-ṅkā॒mayḙta prā॒ṇāna̭syā॒nnādya॒gṃ॒ sa-nta̭nuyā॒miti॒ sa-nta̭tā॒-ntasya̭ juhuyā-tprā॒ṇāne॒vāsyā॒nnādya॒gṃ॒ sa-nta̭noti॒ dvāda̭śa dvāda॒śāni̭ juhoti॒ dvāda̭śa॒ māsā᳚-ssaṃva~thsa॒ra-ssaṃ̭va~thsa॒reṇai॒ vāsmā॒ anna॒mava̭ ru॒ndhe 'nna̭-ñca॒ me-'kṣṷcca ma॒ ityā̭hai॒ ta-dvā [ityā̭hai॒ ta-dvai, anna̭sya rū॒pagṃ] 38
anna̭sya rū॒pagṃ rū॒peṇai॒vānna॒mava̭ rundhe॒ 'gniśca̭ ma॒ āpa̭śca ma॒ ityā̭hai॒ṣā vā anna̭sya॒ yoni॒-ssayo᳚nye॒vānna॒mava̭ rundhe-'rdhe॒ndrāṇi̭ juhoti de॒vatā̭ e॒vāva̭ rundhe॒ ya-thsarvḙṣā-ma॒rdhamindraḥ॒ prati॒ tasmā॒dindro̭ de॒vatā̭nā-mbhūyiṣṭha॒bhākta̭ma॒ indra॒mutta̭ramāhe-ndri॒yame॒vāsmi̭-nnu॒pari̭ṣṭā-ddadhāti yajñāyu॒dhāni̭ juhoti ya॒jño [ya॒jñaḥ, vai ya̭jñāyu॒dhāni̭] 39
vai ya̭jñāyu॒dhāni̭ ya॒jñame॒vāva̭ ru॒ndhe-'tho̭ e॒tadvai ya॒jñasya̭ rū॒pagṃ rū॒peṇai॒va ya॒jñamava̭ rundhe 'vabhṛ॒thaśca̭ me svagākā॒raśca̭ ma॒ ityā̭ha sva॒gākṛ̭tyā a॒gniśca̭ me gha॒rmaśca̭ ma॒ ityā̭hai॒ta-dvai bra̭hmavarca॒sasya̭ rū॒pagṃ rū॒peṇai॒va bra̭hmavarca॒samava̭ rundha॒ ṛkca̭ me॒ sāma̭ ca ma॒ ityā̭hai॒- [ma॒ ityā̭ha, e॒tadvai chanda̭sāgṃ] 40
-tadvai chanda̭sāgṃ rū॒pagṃ rū॒peṇai॒va chandā॒g॒syava̭ rundhe॒ garbhā᳚śca me va॒thsāśca̭ ma॒ ityā̭hai॒ta-dvai pa̭śū॒nāgṃ rū॒pagṃ rū॒peṇai॒va pa॒śūnava̭ rundhe॒ kalpā᳚n juho॒tya kḷ̭ptasya॒ kḷptyai̭ yugmadayu॒je jṷhoti mithuna॒tvāyo᳚-tta॒rāva̭tī bhavato॒-'bhikrā᳚ntyā॒ ekā̭ ca me ti॒sraśca̭ ma॒ ityā̭ha devachanda॒saṃ-vā~ ekā̭ ca ti॒sraśca̭ [ti॒sraśca̭, ma॒nu॒ṣya॒cha॒nda॒sa-ñcata̭sraścā॒-'ṣṭau] 41
manuṣyachanda॒sa-ñcata̭sraścā॒-'ṣṭau ca̭ devachanda॒sa-ñcai॒va ma̭nuṣya chanda॒sañcā-'va̭ rundha॒ ā traya̭strigṃ śato juhoti॒ traya̭strigṃśa॒dvai de॒vatā̭ de॒vatā̭ e॒vāva̭ rundha॒ ā-'ṣṭāca̭tvārigṃśato juhotya॒ṣṭāca̭tvārigṃ-śadakṣarā॒ jaga̭tī॒ jāga̭tāḥ pa॒śavo॒ jaga̭tyai॒vāsmai̭ pa॒śūnava̭ rundhe॒ vāja̭śca prasa॒vaśceti̭ dvāda॒śa-ñjṷhoti॒ dvāda̭śa॒ māsā᳚-ssaṃva~thsa॒ra-ssaṃ̭va~thsa॒ra e॒va prati̭ tiṣṭhati || 42 ||
(vi - vai - ya॒jñaḥ-sāma̭ ca ma॒ ityā̭ha - ca ti॒sra - ścaikā॒nna pa̭ñcā॒śacca̭) (a. 8)
a॒gnirde॒vebhyo 'pā᳚krāma-dbhāga॒dheya̭mi॒cchamā̭na॒sta-nde॒vā a̭bruva॒nnupa̭ na॒ ā va̭rtasva ha॒vya-nno̭ va॒heti॒ so᳚-'bravī॒-dvaraṃ̭-vṛ~ṇai॒ mahya̭me॒va vā̭japrasa॒vīya̭-ñjuhava॒nniti॒ tasmā̭da॒gnayḙ vājaprasa॒vīya̭-ñjuhvati॒ ya-dvā̭japrasa॒vīya̭-ñju॒hotya॒gnime॒va ta-dbhā̭ga॒dheyḙna॒ sama̭rdhaya॒tyatho̭ abhiṣe॒ka e॒vāsya॒ sa ca̭turda॒śabhi̭rjuhoti sa॒pta grā॒myā oṣa̭dhaya-ssa॒ptā- [oṣa̭dhaya-ssa॒pta, a॒ra॒ṇyā u॒bhayī̭ṣā॒-] 43
-''ra॒ṇyā u॒bhayī̭ṣā॒-mava̭ruddhyā॒ anna̭syānnasya juho॒tyanna̭syānna॒syā-va̭ruddhyā॒ audṷmbareṇa sru॒veṇa̭ juho॒tyūrgvā ṷdu॒mbara॒ ūrganna̭mū॒rjaivāsmā॒ ūrja॒manna॒mava̭ rundhe॒ 'gnirvai de॒vānā̭-ma॒bhiṣi̭kto-'gni॒ci-nma̭nu॒ṣyā̭ṇā॒-ntasmā̭dagni॒ci-dvarṣa̭ti॒ na dhā̭ve॒dava̭ruddha॒gg॒ hya̭syā-nna॒manna̭miva॒ khalu॒ vai va॒r॒ṣaṃ-ya~ddhāvḙ-da॒nnādyā᳚ddhāve-du॒pāva̭rtetā॒-'nnādya̭-me॒vā-'bhyu॒- [-'nnādya̭-me॒vā-'bhi, u॒pāva̭rtate॒] 44
-pāva̭rtate॒ nakto॒ṣāseti̭ kṛ॒ṣṇāyai᳚ śve॒tava̭thsāyai॒ paya̭sā juho॒tyahnai॒vāsmai॒ rātri॒-mpradā̭payati॒ rātri॒yā-'ha̭rahorā॒tre e॒vāsmai॒ pratte॒ kāma̭ma॒nnādya̭-nduhāte rāṣṭra॒bhṛto̭ juhoti rā॒ṣṭrame॒vāva̭ rundhe ṣa॒ḍbhirjṷhoti॒ ṣaḍvā ṛ॒tava̭ ṛ॒tuṣve॒va prati̭tiṣṭhati॒ bhuva̭nasya pata॒ iti̭ rathamu॒khe pañcā-''hṷtīrjuhoti॒ vajro॒ vai ratho॒ vajrḙṇai॒va diśo॒- [vajrḙṇai॒va diśaḥ̭, a॒bhi ja̭yatyagni॒citagṃ̭] 45
-'bhi ja̭yatyagni॒citagṃ̭ ha॒ vā a॒muṣmi̭n ~lo॒ke vāto॒-'bhi pa̭vate vātanā॒māni̭ juhotya॒bhyḙvaina̭-ma॒muṣmi̭n ~lo॒ke vātaḥ̭ pavate॒ trīṇi̭ juhoti॒ traya̭ i॒me lo॒kā e॒bhya e॒va lo॒kebhyo॒ vāta॒mava̭ rundhe samu॒dro̭-'si॒ nabha̭svā॒nityā̭hai॒tadvai vāta̭sya rū॒pagṃ rū॒peṇai॒va vāta॒mava̭ rundhe 'ñja॒linā̭ juhoti॒ na hyḙteṣā̭ma॒nyathā ''hṷtirava॒kalpa̭te || 46 ||
(oṣa̭dhaya-ssa॒ptā - bhi - diśo॒ - 'nyathā॒ - dve ca̭) (a. 9)
su॒va॒rgāya॒ vai lo॒kāya̭ devara॒tho yṷjyate yatrākū॒tāya̭ manuṣyara॒tha e॒ṣa khalu॒ vai dḙvara॒tho yada॒gnira॒gniṃ-yu~̭najmi॒ śava̭sā ghṛ॒tenetyā̭ha yu॒naktye॒vaina॒gṃ॒ sa ḙnaṃ-yu~॒kta-ssṷva॒rgaṃ-lo~॒kama॒bhi va̭hati॒ ya-thsarvā̭bhiḥ pa॒ñcabhi̭-ryu॒ñjyā-dyu॒kto᳚-'syā॒-'gniḥ pracyṷta-ssyā॒dapra̭tiṣṭhitā॒ āhṷtaya॒-ssyurapra̭tiṣṭhitā॒-sstomā॒ apra̭tiṣṭhitānyu॒kthāni̭ ti॒sṛbhiḥ̭ prātassava॒nḙ-'bhi mṛ̭śati tri॒vṛ- [tri॒vṛt, vā a॒gniryāvā̭ne॒vā-] 47
-dvā a॒gniryāvā̭ne॒vā-gnistaṃ-yu~̭nakti॒ yathā-'na̭si yu॒kta ā̭dhī॒yata̭ e॒vame॒va ta-tpratyāhṷtaya॒stiṣṭha̭nti॒ prati॒ stomāḥ॒ pratyu॒kthāni̭ yajñāya॒jñiya̭sya sto॒tre dvābhyā̭ma॒bhi mṛ̭śatye॒tāvā॒n॒ vai ya॒jño yāvā̭nagniṣṭo॒mo bhū॒mā tvā a॒syāta̭ ū॒rdhvaḥ kri̭yate॒ yāvā̭ne॒va ya॒jñastama̭nta॒to᳚ 'nvāro̭hati॒ dvābhyā॒-mprati̭ṣṭhityā॒ eka॒yā-'pra̭stuta॒-mbhava॒tyathā॒- [-'pra̭stuta॒-mbhava॒tyatha̭, a॒bhi mṛ̭śa॒tyupai̭na॒-] 48
-'bhi mṛ̭śa॒tyupai̭na॒-mutta̭ro ya॒jño na̭ma॒tyatho॒ santa̭tyai॒ pra vā e॒ṣo᳚-'smāllo॒kā-ccya̭vate॒ yo᳚-'gni-ñci̭nu॒te na vā e॒tasyā̭niṣṭa॒ka āhṷti॒rava̭ kalpate॒ yāṃ-vā~ e॒ṣo̭-'niṣṭa॒ka āhṷti-ñju॒hoti॒ srava̭ti॒ vai sā tāg srava̭ntīṃ-ya~॒jño-'nu॒ parā̭ bhavati ya॒jñaṃ-ya~ja̭māno॒ ya-tpṷnaści॒ti-ñci̭nu॒ta āhṷtīnā॒-mprati̭ṣṭhityai॒ pratyāhṷtaya॒stiṣṭha̭nti॒ [pratyāhṷtaya॒stiṣṭha̭nti, na ya॒jñaḥ] 49
na ya॒jñaḥ pa̭rā॒bhava̭ti॒ na yaja̭māno॒ 'ṣṭāvupa̭ dadhātya॒ṣṭākṣa̭rā gāya॒trī gā̭ya॒treṇai॒vaina॒-ñchanda̭sā cinute॒ yadekā̭daśa॒ traiṣṭṷbhena॒ ya-ddvāda̭śa॒ jāga̭tena॒ chando̭bhire॒vaina̭-ñcinute napā॒tko vaināmai॒ṣo᳚-'gnirya-tpṷnaści॒tirya e॒vaṃ-vi~॒dvā-npṷnaści॒ti-ñci̭nu॒ta ā tṛ॒tīyā॒-tpurṷṣā॒danna̭matti॒ yathā॒ vai pṷnarā॒dheya̭ e॒va-mpṷnaści॒tiryo᳚-'-gnyā॒dheyḙna॒ na- [-gnyā॒dheyḙna॒ na, ṛ॒dhnoti॒ sa] 50
-rdhnoti॒ sa pṷnarā॒dheya॒mā dha̭tte॒ yo᳚-'gni-ñci॒tvā nardhnoti॒ sa pṷnaści॒ti-ñci̭nute॒ ya-tpṷnaści॒ti-ñci̭nu॒ta ṛddhyā॒ atho॒ khalvā̭hu॒rna cḙta॒vyeti̭ ru॒dro vā e॒ṣa yada॒gniryathā᳚ vyā॒ghragṃ su॒pta-mbo॒dhaya̭ti tā॒dṛge॒va tadatho॒ khalvā̭huśceta॒vyeti॒ yathā॒ vasī̭yāgṃsa-mbhāga॒dheyḙna bo॒dhaya̭ti tā॒dṛge॒va tanmanṷra॒gnima̭cinuta॒ tena॒ nā-''rdhno॒thsa e॒tā-mpṷnaści॒tima̭paśya॒-ttāma̭cinuta॒ tayā॒ vai sa ā᳚rdhno॒dya-tpṷnaści॒ti-ñci̭nu॒ta ṛddhyai᳚ || 51 ||
(tri॒vṛ-datha॒-tiṣṭha̭-ntyagnyā॒dheyḙna॒ nā-ci̭nuta-sa॒ptada̭śa- ca) (a. 10)
cha॒nda॒ścita̭-ñcinvīta pa॒śukā̭maḥ pa॒śavo॒ vai chandāgṃ̭si paśu॒māne॒va bha̭vati śyena॒cita̭-ñcinvīta suva॒rgakā̭ma-śśye॒no vai vaya̭sā॒-mpati̭ṣṭha-śśye॒na e॒va bhū॒tvā sṷva॒rgaṃ-lo~॒ka-mpa̭tati kaṅka॒cita̭-ñcinvīta॒ yaḥ kā॒mayḙta śīrṣa॒ṇvāna॒muṣmi̭n ~lo॒ke syā॒miti̭ śīrṣa॒ṇvāne॒vā-'muṣmi̭n ~lo॒ke bha̭vatyalaja॒cita̭-ñcinvīta॒ catṷssīta-mprati॒ṣṭhākā̭ma॒ścata̭sro॒ diśo̭ di॒kṣvḙva prati̭ tiṣṭhati prauga॒cita̭-ñcinvīta॒ bhrātṛ̭vyavā॒-nprai- [bhrātṛ̭vyavā॒-npra, e॒va bhrātṛ̭vyā-nnudata] 52
-va bhrātṛ̭vyā-nnudata ubha॒yataḥ̭ prauga-ñcinvīta॒yaḥ kā॒mayḙta॒ prajā॒tā-nbhrātṛ̭vyā-nnu॒deya॒ prati̭ jani॒ṣyamā̭ṇā॒niti॒ praiva jā॒tā-nbhrātṛ̭vyā-nnu॒date॒ prati̭ jani॒ṣyamā̭ṇā-nrathacakra॒cita̭-ñcinvīta॒ bhrātṛ̭vyavā॒n॒ vajro॒ vai ratho॒ vajra̭me॒va bhrātṛ̭vyebhyaḥ॒ praha̭rati droṇa॒cita̭-ñcinvī॒tānna̭kāmo॒ droṇe॒ vā anna̭-mbhriyate॒ sayo᳚nye॒vānna॒mava̭ rundhe samū॒hya̭-ñcinvīta pa॒śukā̭maḥ paśu॒māne॒va bha̭vati [paśu॒māne॒va bha̭vati, pa॒ri॒cā॒yya̭-ñcinvīta॒] 53
paricā॒yya̭-ñcinvīta॒ grāma̭kāmo grā॒myḙva bha̭vati śmaśāna॒cita̭-ñcinvīta॒ yaḥ kā॒mayḙta pitṛlo॒ka ṛ̭ddhnuyā॒miti̭ pitṛlo॒ka e॒vardhno̭ti viśvāmitrajamada॒gnī vasi̭ṣṭhenā-'spardhetā॒gṃ॒ sa e॒tā ja॒mada̭gnirviha॒vyā̭ apaśya॒-ttā upā̭dhatta॒ tābhi॒rvai sa vasi̭ṣṭhasyendri॒yaṃ-vī~॒rya̭mavṛṅkta॒ ya-dvi̭ha॒vyā̭ upa॒dadhā̭tīndri॒yame॒va tābhi̭rvī॒ryaṃ̭-ya~ja̭māno॒ bhrātṛ̭vyasya vṛṅkte॒ hotu॒rdhiṣṇi̭ya॒ upa̭ dadhāti yajamānāyata॒naṃ-vai~ [ ] 54
hotā॒ sva e॒vāsmā̭ ā॒yata̭na indri॒yaṃ-vī~॒rya̭mava̭ rundhe॒ dvāda॒śopa̭ dadhāti॒ dvāda̭śākṣarā॒ jaga̭tī॒ jāga̭tāḥ pa॒śavo॒ jaga̭tyai॒vāsmai̭ pa॒śūnava̭ rundhe॒ 'ṣṭāva̭ṣṭāva॒nyeṣu॒ dhiṣṇi̭ye॒ṣūpa̭ dadhātya॒ṣṭāśa̭phāḥ pa॒śavaḥ̭ pa॒śūne॒vāva̭ rundhe॒ ṣaṇmā᳚rjā॒līye॒ ṣa-ḍvā ṛ॒tava̭ ṛ॒tavaḥ॒ khalu॒ vai de॒vāḥ pi॒tara̭ ṛ॒tūne॒va de॒vā-npi॒tṝ-nprī̭ṇāti || 55 ||
(pra - bha̭vati - yajamānāyata॒naṃ-vā~ - a॒ṣṭāca̭tvārigṃśacca) (a. 11)
pava̭sva॒ vāja̭sātaya॒ itya̭nu॒ṣṭu-kpra̭ti॒padbha̭vati ti॒rso̭-'nu॒ṣṭubha॒ścata̭sro gāya॒triyo॒ ya-tti॒sro̭-'nu॒ṣṭubha॒-stasmā॒-daśva̭stri॒bhistiṣṭhagg̭ stiṣṭhati॒ yaccata̭sro gāya॒triya॒stasmā॒-thsarvāg̭ śca॒turaḥ̭ pa॒daḥ pra̭ti॒dadha॒-tpalā̭yate para॒mā vā e॒ṣā chanda̭sāṃ॒-ya~da̭nu॒ṣṭu-kpa̭ra॒maśca̭tuṣṭo॒ma-sstomā̭nā-mpara॒mastri̭rā॒tro ya॒jñānā᳚-mpara॒mo-'śvaḥ̭ paśū॒nā-mpa̭ra॒meṇai॒vaina̭-mpara॒matā᳚-ṅgamayatyekavi॒gṃ॒śa-maha̭rbhavati॒ [-maha̭rbhavati, yasmi॒nnaśva̭] 56
yasmi॒nnaśva̭ āla॒bhyate॒ dvāda̭śa॒ māsāḥ॒ pañca॒rtava॒straya̭ i॒me lo॒kā a॒sāvā̭di॒tya ḙkavi॒gṃ॒śa e॒ṣa pra॒jāpa̭tiḥ prājāpa॒tyo-'śva॒stame॒va sā॒kṣādṛ̭ddhnoti॒ śakva̭rayaḥ pṛ॒ṣṭha-mbha̭vantya॒n-yada̭nya॒-cchando॒-'nye᳚nye॒ vā e॒te pa॒śava॒ ā la̭bhyanta u॒teva̭ grā॒myā u॒tevā̭-''ra॒ṇyā yacchakva̭rayaḥ pṛ॒ṣṭha-mbhava॒ntyaśva̭sya sarva॒tvāya̭ pārthura॒śma-mbra̭hmasā॒ma-mbha̭vati ra॒śminā॒ vā aśvo̭ [ra॒śminā॒ vā aśvaḥ̭, ya॒ta ī᳚śva॒ro] 57
ya॒ta ī᳚śva॒ro vā aśvo-'ya॒to-'pra̭tiṣṭhitaḥ॒ parā᳚-mparā॒vata॒-ṅganto॒rya-tpā᳚rthura॒śma-mbra̭hmasā॒ma-mbhava॒tyaśva̭sya॒ yatyai॒ dhṛtyai॒ saṅkṛ̭tyacchāvākasā॒ma-mbha̭vatyuthsannaya॒jño vā e॒ṣa yada̭śvame॒dhaḥ kastadve॒detyā̭hu॒ryadi॒ sarvo̭ vā kri॒yate॒ na vā॒ sarva॒ iti॒ ya-thsaṅkṛ̭tyacchāvākasā॒ma-mbhava॒tyaśva̭sya sarva॒tvāya॒ paryā᳚ptyā॒ ana̭ntarāyāya॒ sarva̭stomo-'tirā॒tra ṷtta॒mamaha̭rbhavati॒ sarva॒syā-''ptyai॒ sarva̭sya॒ jityai॒ sarva̭me॒va tenā᳚-''pnoti॒ sarva̭-ñjayati || 58 ||
(aha̭rbhavati॒ - vā aśvo - 'ha̭rbhavati॒ - daśa̭ ca) (a. 12)
(de॒vā॒su॒rāstena - rta॒vyā̭ - ru॒dro - 'śma̭ - nnṛ॒ṣade॒ va - ḍudḙnaṃ॒ - prācī॒miti॒ - vaso॒rdhārā̭ - ma॒gnirde॒vebhyaḥ̭ - suva॒rgāya̭ yatrākū॒tāya̭ - chanda॒ścitaṃ॒ - pava̭sva॒ - dvāda̭śa )
(de॒vā॒su॒rā - a॒jāyāṃ॒ - ~vai grṷmu॒ṣṭiḥ - pra̭tha॒mo dḙvaya॒tāme॒ - tadvai chanda̭sā - mṛ॒dhno - tya॒ṣṭau pa̭ñcā॒śat)
(de॒vā॒su॒rā, ssarva̭-ñjayati)
|| hariḥ̭ om ||
|| kṛṣṇa yajurvedīya taittirīya saṃhitāyā-mpañcamakāṇḍe caturthaḥ praśna-ssamāptaḥ ||
Sanskrit — Devanagari (original)
कृष्ण यजुर्वेदीय तैत्तिरीय संहिताया-म्पञ्चमकाण्डे चतुर्थः प्रश्नः - इष्टकात्रयाभिधानं
ओ-न्नमः परमात्मने, श्री महागणपतये नमः,
श्री गुरुभ्यो नमः । ह॒रिः॒ ओम् ॥
दे॒वा॒सु॒रा-स्संयँ॑त्ता आस॒-न्ते न व्य॑जयन्त॒ स ए॒ता इन्द्र॑स्त॒नूर॑पश्य॒-त्ता उपा॑धत्त॒ ताभि॒र्वै स त॒नुव॑मिन्द्रि॒यं-वीँ॒र्य॑मा॒त्मन्न॑धत्त॒ ततो॑ दे॒वा अभ॑व॒-न्परा-ऽसु॑रा॒ यदि॑न्द्रत॒नूरु॑प॒दधा॑ति त॒नुव॑मे॒व ताभि॑रिन्द्रि॒यं-वीँ॒र्यं॑-यँज॑मान आ॒त्म-न्ध॒त्ते-ऽथो॒ सेन्द्र॑मे॒वाग्निग्ं सत॑नु-ञ्चिनुते॒ भव॑त्या॒त्मना॒ परा᳚-ऽस्य॒ भ्रातृ॑व्यो [भ्रातृ॑व्यः, भ॒व॒ति॒ य॒ज्ञो] 1
भवति य॒ज्ञो दे॒वेभ्यो-ऽपा᳚क्राम॒-त्तम॑व॒रुध॒-न्नाश॑क्नुव॒न्त ए॒ता य॑ज्ञत॒नूर॑पश्य॒-न्ता उपा॑दधत॒ ताभि॒र्वै ते य॒ज्ञमवा॑रुन्धत॒ य-द्य॑ज्ञत॒नूरु॑प॒दधा॑ति य॒ज्ञमे॒व ताभि॒र्यज॑मा॒नो-ऽव॑ रुन्धे॒ त्रय॑स्त्रिग्ं शत॒मुप॑ दधाति॒ त्रय॑स्त्रिग्ंश॒द्वै दे॒वता॑ दे॒वता॑ ए॒वाव॑ रु॒न्धे ऽथो॒ सात्मा॑नमे॒वाग्निग्ं सत॑नु-ञ्चिनुते॒ सात्मा॒-ऽमुष्मि॑-ल्लोँ॒के [-ऽमुष्मि॑-ल्लोँ॒के, भ॒व॒ति॒ य] 2
भ॑वति॒ य ए॒वं-वेँद॒ ज्योति॑ष्मती॒रुप॑ दधाति॒ ज्योति॑रे॒वास्मि॑-न्दधात्ये॒ताभि॒र्वा अ॒ग्निश्चि॒तो ज्व॑लति॒ ताभि॑रे॒वैन॒ग्ं॒ समि॑न्ध उ॒भयो॑रस्मै लो॒कयो॒र्ज्योति॑र्भवति नक्षत्रेष्ट॒का उप॑ दधात्ये॒तानि॒ वै दि॒वो ज्योतीग्ं॑षि॒ तान्ये॒वाव॑ रुन्धे सु॒कृतां॒-वाँ ए॒तानि॒ ज्योतीग्ं॑षि॒ यन्नक्ष॑त्राणि॒ तान्ये॒वा-ऽऽप्नो॒त्यथो॑ अनूका॒श-मे॒वैतानि॒ [-मे॒वैतानि॑, ज्योतीग्ं॑षि कुरुते] 3
ज्योतीग्ं॑षि कुरुते सुव॒र्गस्य॑ लो॒कस्यानु॑ख्यात्यै॒ य-थ्सग्ग्स्पृ॑ष्टा उपद॒द्ध्या-द्वृष्ट्यै॑ लो॒कमपि॑ दद्ध्या॒दव॑र्षुकः प॒र्जन्यः॑ स्या॒दसग्ग्॑स्पृष्टा॒ उप॑ दधाति॒ वृष्ट्या॑ ए॒व लो॒क-ङ्क॑रोति॒ वर्षु॑कः प॒र्जन्यो॑ भवति पु॒रस्ता॑द॒न्याः प्र॒तीची॒रुप॑ दधाति प॒श्चाद॒न्याः प्राची॒स्तस्मा᳚-त्प्रा॒चीना॑नि च प्रती॒चीना॑नि च॒ नक्ष॑त्रा॒ण्या व॑र्तन्ते ॥ 4 ॥
(भ्रातृ॑व्यो - लो॒क - ए॒वैतान्ये - क॑चत्वारिग्ंशच्च) (अ. 1)
ऋ॒त॒व्या॑ उप॑ दधात्यृतू॒ना-ङ्कॢप्त्यै᳚ द्व॒द्वम्मुप॑ दधाति॒ तस्मा᳚-द्द्व॒न्द्वमृ॒तवो ऽधृ॑तेव॒ वा ए॒षा यन्म॑द्ध्य॒मा चिति॑र॒न्तरि॑क्षमिव॒ वा ए॒षा द्व॒द्वम्म॒न्यासु॒ चिती॒षूप॑ दधाति॒ चत॑स्रो॒ मद्ध्ये॒ धृत्या॑ अन्त॒श्श्लेष॑णं॒-वाँ ए॒ताश्चिती॑नां॒-यँदृ॑त॒व्या॑ यदृ॑त॒व्या॑ उप॒दधा॑ति॒ चिती॑नां॒-विँधृ॑त्या॒ अव॑का॒मनूप॑ दधात्ये॒षा वा अ॒ग्नेर्योनि॒-स्सयो॑नि- [अ॒ग्नेर्योनि॒-स्सयो॑निम्, ए॒वाग्नि-] 5
-मे॒वाग्नि-ञ्चि॑नुत उ॒वाच॑ ह वि॒श्वामि॒त्रो ऽद॒दि-थ्स ब्रह्म॒णा-ऽन्नं॒-यँस्यै॒ता उ॑पधी॒यान्तै॒ य उ॑ चैना ए॒वं-वेँद॒दिति॑ संवँथ्स॒रो वा ए॒त-म्प्र॑ति॒ष्ठायै॑ नुदते॒ यो᳚-ऽग्नि-ञ्चि॒त्वा न प्र॑ति॒तिष्ठ॑ति॒ पञ्च॒ पूर्वा॒श्चित॑यो भव॒न्त्यथ॑ ष॒ष्ठी-ञ्चिति॑-ञ्चिनुते॒ षड्वा ऋ॒तवः॑ संवँथ्स॒र ऋ॒तुष्वे॒व सं॑वँथ्स॒रे प्रति॑तिष्ठत्ये॒ ता वा [प्रति॑तिष्ठत्ये॒ ता वा, अधि॑पत्नी॒र्नामेष्ट॑का॒] 6
अधि॑पत्नी॒र्नामेष्ट॑का॒ यस्यै॒ता उ॑पधी॒यन्ते-ऽधि॑पतिरे॒व स॑मा॒नाना᳚-म्भवति॒ य-न्द्वि॒ष्या-त्तमु॑प॒दध॑-द्ध्यायेदे॒ताभ्य॑ ए॒वैन॑-न्दे॒वता᳚भ्य॒ आ वृ॑श्चति ता॒जगार्ति॒मार्च्छ॒त्यङ्गि॑रस-स्सुव॒र्गं-लोँ॒कं-यँन्तो॒ या य॒ज्ञस्य॒ निष्कृ॑ति॒रासी॒-त्तामृषि॑भ्यः॒ प्रत्यौ॑ह॒-न्तद्धिर॑ण्यमभव॒द्य-द्धि॑रण्यश॒ल्कैः प्रो॒क्षति॑ य॒ज्ञस्य॒ निष्कृ॑त्या॒ अथो॑ भेष॒जमे॒वा-ऽस्मै॑ करो॒- [-ऽस्मै॑ करोति, अथो॑ रू॒पेणै॒वैन॒ग्ं॒] 7
-त्यथो॑ रू॒पेणै॒वैन॒ग्ं॒ सम॑र्धय॒त्यथो॒ हिर॑ण्यज्योतिषै॒व सु॑व॒र्गं-लोँ॒कमे॑ति साह॒स्रव॑ता॒ प्रोक्ष॑ति साह॒स्रः प्र॒जाप॑तिः प्र॒जाप॑ते॒राप्त्या॑ इ॒मा मे॑ अग्न॒ इष्ट॑का धे॒नवः॑ स॒न्त्वित्या॑ह धे॒नूरे॒वैनाः᳚ कुरुते॒ ता ए॑न-ङ्काम॒दुघा॑ अ॒मुत्रा॒मुष्मि॑न् ँलो॒क उप॑ तिष्ठन्ते ॥ 8 ॥
(सयो॑नि - मे॒ता वै - क॑रो॒त्ये - का॒न्नच॑त्वारि॒ग्ं॒शच्च॑) (अ. 2)
रु॒द्रो वा ए॒ष यद॒ग्नि-स्स ए॒तर्हि॑ जा॒तो यर्हि॒ सर्व॑श्चि॒त-स्स यथा॑ व॒थ्सो जा॒त-स्स्तन॑-म्प्रे॒फ्सत्ये॒वं-वाँ ए॒ष ए॒तर्हि॑ भाग॒धेय॒-म्प्रेफ्स॑ति॒ तस्मै॒ यदाहु॑ति॒-न्न जु॑हु॒याद॑द्ध्व॒र्यु-ञ्च॒ यज॑मान-ञ्च ध्यायेच्छतरु॒द्रीय॑-ञ्जुहोति भाग॒धेये॑नै॒वैनग्ं॑ शमयति॒ ना-ऽऽर्ति॒मार्च्छ॑त्यद्ध्व॒र्युर्न यज॑मानो॒ य-द्ग्रा॒म्याणा᳚-म्पशू॒ना- [य-द्ग्रा॒म्याणा᳚-म्पशू॒नाम्, पय॑सा जुहु॒या-] 9
-म्पय॑सा जुहु॒या-द्ग्रा॒म्या-न्प॒शूञ्छु॒चा ऽर्पये॒-द्यदा॑र॒ण्याना॑-मार॒ण्यान् ज॑र्तिलयवा॒ग्वा॑ वा जुहु॒या-द्ग॑वीधुकयवा॒ग्वा॑ वा॒ न ग्रा॒म्या-न्प॒शून्. हि॒नस्ति॒ ना-ऽऽर॒ण्यानथो॒ खल्वा॑हु॒रना॑हुति॒र्वै ज॒र्तिला᳚श्च ग॒वीधु॑का॒श्चेत्य॑ जक्षी॒रेण॑ जुहोत्याग्ने॒यी वा ए॒षा यद॒जा-ऽऽहु॑त्यै॒व जु॑होति॒ न ग्रा॒म्या-न्प॒शून्. हि॒नस्ति॒ ना-ऽऽर॒ण्यानङ्गि॑रस-स्सुव॒र्गं-लोँ॒कं-यँन्तो॒- [-ँलो॒कं-यँन्तः॑, अ॒जाया᳚-ङ्घ॒र्म-] 10
-ऽजाया᳚-ङ्घ॒र्म-म्प्रासि॑ञ्च॒न्थ्सा शोच॑न्ती प॒र्ण-म्परा॑-ऽजिहीत॒ सो᳚(1॒)-ऽर्को॑-ऽभव॒-त्तद॒र्कस्या᳚-र्क॒त्वम॑र्कप॒र्णेन॑ जुहोति सयोनि॒त्वायोद॒-न्तिष्ठ॑न् जुहोत्ये॒षा वै रु॒द्रस्य॒ दि-ख्स्वाया॑मे॒व दि॒शि रु॒द्र-न्नि॒रव॑दयते चर॒माया॒मिष्ट॑काया-ञ्जुहोत्यन्त॒त ए॒व रु॒द्र-न्नि॒रव॑दयते त्रेधाविभ॒क्त-ञ्जु॑होति॒ त्रय॑ इ॒मे लो॒का इ॒माने॒व लो॒कान्-थ्स॒माव॑द्वीर्यान् करो॒तीय॒त्यग्रे॑ जुहो॒- [जुहोति, अथेय॒त्यथेय॑ति॒] 11
-त्यथेय॒त्यथेय॑ति॒ त्रय॑ इ॒मे लो॒का ए॒भ्य ए॒वैनं॑-लोँ॒केभ्यः॑ शमयति ति॒स्र उत्त॑रा॒ आहु॑तीर्जुहोति॒ ष-ट्थ्स-म्प॑द्यन्ते॒ ष-ड्वा ऋ॒तव॑ ऋ॒तुभि॑रे॒वैनग्ं॑ शमयति॒ यद॑नुपरि॒क्राम॑-ञ्जुहु॒याद॑न्तरवचा॒रिणग्ं॑ रु॒द्र-ङ्कु॑र्या॒दथो॒ खल्वा॑हुः॒ कस्यां॒-वाँ-ऽह॑ दि॒शि रु॒द्रः कस्यां॒-वेँत्य॑नुपरि॒क्राम॑मे॒व हो॑त॒व्य॑-मप॑रिवर्गमे॒वैनग्ं॑ शमय- [शमयति, ए॒तावै] 12
-त्ये॒तावै दे॒वता᳚-स्सुव॒र्ग्या॑या उ॑त्त॒मास्ता यज॑मानं-वाँचयति॒ ताभि॑रे॒वैनग्ं॑ सुव॒र्गं-लोँ॒क-ङ्ग॑मयति॒ य-न्द्वि॒ष्या-त्तस्य॑ सञ्च॒रे प॑शू॒ना-न्न्य॑स्ये॒-द्यः प्र॑थ॒मः प॒शुर॑भि॒तिष्ठ॑ति॒ स आर्ति॒मार्च्छ॑ति ॥ 13 ॥
(प॒शू॒नां - ँयन्तो - ऽग्ने॑ जुहो॒त्य - प॑रिवर्गमे॒वैनग्ं॑ शमयति - त्रि॒ग्ं॒शच्च॑) (अ. 3)
अश्म॒न्नूर्ज॒मिति॒ परि॑ षिञ्चति मा॒र्जय॑त्ये॒वैन॒मथो॑ त॒र्पय॑त्ये॒व स ए॑न-न्तृ॒प्तो ऽक्षु॑द्ध्य॒-न्नशो॑च-न्न॒मुष्मि॑न् ँलो॒क उप॑ तिष्ठते॒ तृप्य॑ति प्र॒जया॑ प॒शुभि॒र्य ए॒वं-वेँद॒ ता-न्न॒ इष॒मूर्ज॑-न्धत्त मरुत-स्सग्ंररा॒णा इत्या॒हान्नं॒-वाँ ऊर्गन्न॑-म्म॒रुतो-ऽन्न॑मे॒वाव॑ रु॒न्धे ऽश्मग्ग्॑स्ते॒ क्षुद॒मु-न्ते॒ शु- [क्षुद॒मु-न्ते॒ शुक्, ऋ॒च्छ॒तु॒ य-न्द्वि॒ष्म] 14
-गृ॑च्छतु॒ य-न्द्वि॒ष्म इत्या॑ह॒ यमे॒व द्वेष्टि॒ तम॑स्य क्षु॒धा च॑ शु॒चा चा᳚र्पयति॒ त्रिः प॑रिषि॒ञ्च-न्पर्ये॑ति त्रि॒वृद्वा अ॒ग्निर्यावा॑ने॒वा-ग्निस्तस्य॒ शुचग्ं॑ शमयति॒ त्रिः पुनः॒ पर्ये॑ति॒ ष-ट्थ्स-म्प॑द्यन्ते॒ ष-ड्वा ऋ॒तव॑ ऋ॒तुभि॑रे॒वास्य॒ शुचग्ं॑ शमयत्य॒पां-वाँ ए॒त-त्पुष्पं॒-यँद्वे॑त॒सो॑-ऽपाग्ं - [यद्वे॑त॒सो॑-ऽपाम्, शरो-ऽव॑का] 15
शरो-ऽव॑का वेतसशा॒खया॒ चाव॑काभिश्च॒ वि क॑र्ष॒त्यापो॒ वै शा॒न्ता-श्शा॒न्ताभि॑रे॒वास्य॒ शुचग्ं॑ शमयति॒ यो वा अ॒ग्नि-ञ्चि॒त-म्प्र॑थ॒मः प॒शुर॑धि॒क्राम॑तीश्व॒रो वै तग्ं शु॒चा प्र॒दहो॑ म॒ण्डूके॑न॒ विक॑र्षत्ये॒ष वै प॑शू॒ना-म॑नुपजीवनी॒यो न वा ए॒ष ग्रा॒म्येषु॑ प॒शुषु॑ हि॒तो ना-ऽऽर॒ण्येषु॒ तमे॒व शु॒चा-ऽर्प॑यत्यष्टा॒भि-र्वि क॑र्ष- [-र्वि क॑र्षति, अ॒ष्टाक्ष॑रा] 16
-त्य॒ष्टाक्ष॑रा गाय॒त्री गा॑य॒त्रो᳚-ऽग्निर्यावा॑-ने॒वा-ऽग्निस्तस्य॒ शुचग्ं॑ शमयति पाव॒कव॑तीभि॒रन्नं॒-वैँ पा॑व॒को-ऽन्ने॑नै॒वास्य॒ शुचग्ं॑ शमयति मृ॒त्युर्वा ए॒ष यद॒ग्निर्ब्रह्म॑ण ए॒तद्रू॒पं-यँ-त्कृ॑ष्णाजि॒न-ङ्कार्ष्णी॑ उपा॒नहा॒वुप॑ मुञ्चते॒ ब्रह्म॑णै॒व मृ॒त्योर॒न्तर्ध॑त्ते॒ ऽन्तर्मृ॒त्योर्ध॑त्ते॒ ऽन्तर॒न्नाद्या॒-दित्या॑हुर॒न्या-मु॑पमु॒ञ्चते॒-ऽन्या-न्नान्त- [-ऽन्या-न्नान्तः, ए॒व मृ॒त्योर्ध॒त्ते] 17
-रे॒व मृ॒त्योर्ध॒त्ते ऽवा॒-ऽन्नाद्यग्ं॑ रुन्धे॒ नम॑स्ते॒ हर॑से शो॒चिष॒ इत्या॑ह नम॒स्कृत्य॒ हि वसी॑याग्ं समुप॒चर॑न्त्य॒न्य-न्ते॑ अ॒स्म-त्त॑पन्तु हे॒तय॒ इत्या॑ह॒ यमे॒व द्वेष्टि॒ तम॑स्य शु॒चा-ऽर्प॑यति पाव॒को अ॒स्मभ्यग्ं॑ शि॒वो भ॒वेत्या॒हान्नं॒-वैँ पा॑व॒को-ऽन्न॑मे॒वाव॑ रुन्धे॒ द्वाभ्या॒मधि॑ क्रामति॒ प्रति॑ष्ठित्या अप॒स्य॑वतीभ्या॒ग्ं॒ शान्त्यै᳚ ॥ 18 ॥
(शु - ग्वे॑त॒सो॑-ऽपा - म॑ष्टा॒भिर्वि क॑र्षति॒ - नान्त - रेका॒न्न प॑ञ्चा॒शच्च॑) (अ. 4)
नृ॒षदे॒ वडिति॒ व्याघा॑रयति प॒ङ्क्त्या-ऽऽहु॑त्या यज्ञमु॒खमा र॑भते ऽक्ष्ण॒या व्याघा॑रयति॒ तस्मा॑दक्ष्ण॒या प॒शवो-ऽङ्गा॑नि॒ प्रह॑रन्ति॒ प्रति॑ष्ठित्यै॒ यद्व॑षट्कु॒र्या-द्या॒तया॑मा-ऽस्य वषट्का॒र-स्स्या॒द्यन्न व॑षट्कु॒र्या-द्रक्षाग्ं॑सि य॒ज्ञग्ं ह॑न्यु॒र्वडित्या॑ह प॒रोक्ष॑मे॒व वष॑-ट्करोति॒ नास्य॑ या॒तया॑मा वषट्का॒रो भव॑ति॒ न य॒ज्ञग्ं रक्षाग्ं॑सि घ्नन्ति हु॒तादो॒ वा अ॒न्ये दे॒वा [अ॒न्ये दे॒वाः, अ॒हु॒तादो॒-ऽन्ये] 19
अ॑हु॒तादो॒-ऽन्ये तान॑ग्नि॒चिदे॒वोभया᳚-न्प्रीणाति॒ ये दे॒वा दे॒वाना॒मिति॑ द॒द्ध्ना म॑धुमि॒श्रेणावो᳚क्षति हु॒ताद॑श्चै॒व दे॒वान॑हु॒ताद॑श्च॒ यज॑मानः प्रीणाति॒ ते यज॑मान-म्प्रीणन्ति द॒द्ध्नैव हु॒तादः॑ प्री॒णाति॒ मधु॑षा ऽहु॒तादो᳚ ग्रा॒म्यं-वाँ ए॒तदन्नं॒-यँद्दद्ध्या॑र॒ण्य-म्मधु॒ यद्द॒ध्ना म॑धुमि॒श्रेणा॒-वोक्ष॑त्यु॒भय॒स्या-ऽव॑रुद्ध्यै ग्रुमु॒ष्टिना-ऽवो᳚क्षति प्राजाप॒त्यो [प्राजाप॒त्यः, वै ग्रु॑मु॒ष्टि-] 20
वै ग्रु॑मु॒ष्टि-स्स॑योनि॒त्वाय॒ द्वाभ्या॒-म्प्रति॑ष्ठित्या अनुपरि॒चार॒-मवो᳚क्ष॒त्य-प॑रिवर्गमे॒वैना᳚-न्प्रीणाति॒ वि वा ए॒ष प्रा॒णैः प्र॒जया॑ प॒शुभि॑र्-ऋद्ध्यते॒ यो᳚-ऽग्नि-ञ्चि॒न्वन्न॑धि॒क्राम॑ति प्राण॒दा अ॑पान॒दा इत्या॑ह प्रा॒णाने॒वा-ऽऽत्म-न्ध॑त्ते वर्चो॒दा व॑रिवो॒दा इत्या॑ह प्र॒जा वै वर्चः॑ प॒शवो॒ वरि॑वः प्र॒जामे॒व प॒शूना॒त्म-न्ध॑त्त॒ इन्द्रो॑ वृ॒त्रम॑ह॒न्तं-वृँ॒त्रो [वृ॒त्रम॑ह॒न्तं-वृँ॒त्रः, ह॒त-ष्षो॑ड॒शभि॑-] 21
ह॒त-ष्षो॑ड॒शभि॑-र्भो॒गैर॑सिना॒-थ्स ए॒ताम॒ग्नये-ऽनी॑कवत॒ आहु॑तिमपश्य॒-त्ताम॑जुहो॒-त्तस्या॒ग्निरनी॑ कवा॒न्थ्स्वेन॑ भाग॒धेये॑न प्री॒त-ष्षो॑डश॒धा वृ॒त्रस्य॑ भो॒गानप्य॑दह-द्वैश्वकर्म॒णेन॑ पा॒प्मनो॒ निर॑मुच्यत॒ यद॒ग्नये-ऽनी॑कवत॒ आहु॑ति-ञ्जु॒होत्य॒ग्निरे॒वा-ऽस्यानी॑कवा॒न्थ्स्वेन॑ भाग॒धेये॑न प्री॒तः पा॒प्मान॒मपि॑ दहति वैश्वकर्म॒णेन॑ पा॒प्मनो॒ निर्मु॑च्यते॒ य-ङ्का॒मये॑त चि॒र-म्पा॒प्मनो॒ [चि॒र-म्पा॒प्मनः॑, निर्मु॑च्ये॒तेत्येकै॑क॒-] 22
निर्मु॑च्ये॒तेत्येकै॑क॒-न्तस्य॑ जुहुयाच्चि॒रमे॒व पा॒प्मनो॒ निर्मु॑च्यते॒ य-ङ्का॒मये॑त ता॒ज-क्पा॒प्मनो॒ निर्मु॑च्ये॒तेति॒ सर्वा॑णि॒ तस्या॑नु॒द्रुत्य॑ जुहुया-त्ता॒जगे॒व पा॒प्मनो॒ निर्मु॑च्य॒ते-ऽथो॒ खलु॒ नानै॒व सू॒क्ताभ्या᳚-ञ्जुहोति॒ नानै॒व सू॒क्तयो᳚र्वी॒र्य॑-न्दधा॒त्यथो॒ प्रति॑ष्ठित्यै ॥ 23 ॥
(दे॒वाः - प्रा॑जाप॒त्यो-वृ॒त्र - श्चि॒र-म्पा॒प्मन॑ - श्चत्वारि॒ग्ं॒शच्च॑) (अ. 5)
उदे॑नमुत्त॒रा-न्न॒येति॑ स॒मिध॒ आ द॑धाति॒ यथा॒ जनं॑-यँ॒ते॑-ऽव॒स-ङ्क॒रोति॑ ता॒दृगे॒व त-त्ति॒स्र आ द॑धाति त्रि॒वृद्वा अ॒ग्निर्यावा॑ने॒-वाग्निस्तस्मै॑ भाग॒धेय॑-ङ्करो॒त्यौदु॑म्बरी-र्भव॒न्त्यूर्ग्वा उ॑दु॒म्बर॒ ऊर्ज॑मे॒वास्मा॒ अपि॑ दधा॒त्युदु॑ त्वा॒ विश्वे॑ दे॒वा इत्या॑ह प्रा॒णा वै विश्वे॑ दे॒वाः प्रा॒णै- [प्रा॒णैः, ए॒वैन॒-] 24
-रे॒वैन॒-मुद्य॑च्छ॒ते ऽग्ने॒ भर॑न्तु॒ चित्ति॑भि॒रित्या॑ह॒ यस्मा॑ ए॒वैन॑-ञ्चि॒त्तायो॒द्यच्छ॑ते॒ तेनै॒वैन॒ग्ं॒ सम॑र्धयति॒ पञ्च॒ दिशो॒ दैवी᳚र्य॒ज्ञम॑वन्तु दे॒वीरित्या॑ह॒ दिशो॒ ह्ये॑षो-ऽनु॑ प्र॒च्यव॒ते ऽपाम॑ति-न्दुर्म॒ति-म्बाध॑माना॒ इत्या॑ह॒ रक्ष॑सा॒मप॑हत्यै रा॒यस्पोषे॑ य॒ज्ञप॑ति-मा॒भज॑न्ती॒रित्या॑ह प॒शवो॒ वै रा॒यस्पोषः॑ [रा॒यस्पोषः॑, प॒शूने॒वाव॑] 25
प॒शूने॒वाव॑ रुन्धे ष॒ड्भिर्ह॑रति॒ ष-ड्वा ऋ॒तव॑ ऋ॒तुभि॑रे॒वैनग्ं॑ हरति॒ द्वे प॑रि॒गृह्य॑वती भवतो॒ रक्ष॑सा॒मप॑हत्यै॒ सूर्य॑रश्मि॒र्॒हरि॑केशः पु॒रस्ता॒दित्या॑ह॒ प्रसू᳚त्यै॒ ततः॑ पाव॒का आ॒शिषो॑ नो जुषन्ता॒मित्या॒हान्नं॒-वैँ पा॑व॒को-ऽन्न॑मे॒वाव॑ रुन्धे देवासु॒रा-स्संयँ॑त्ता आस॒-न्ते दे॒वा ए॒त-दप्र॑तिरथ-मपश्य॒-न्तेन॒ वै ते᳚ प्र॒- [वै ते᳚ प्र॒ति, असु॑रानजय॒-न्त-] 26
-त्यसु॑रानजय॒-न्त-दप्र॑तिरथस्या-प्रतिरथ॒त्वं-यँदप्र॑तिरथ-न्द्वि॒तीयो॒ होता॒-ऽन्वाहा᳚प्र॒त्ये॑व तेन॒ यज॑मानो॒ भ्रातृ॑व्यान् जय॒त्यथो॒ अन॑भिजितमे॒वाभि ज॑यति दश॒र्च-म्भ॑वति॒ दशा᳚क्षरा वि॒रा-ड्वि॒राजे॒मौ लो॒कौ विधृ॑ता व॒नयो᳚र्लो॒कयो॒र्विधृ॑त्या॒ अथो॒ दशा᳚क्षरा वि॒राडन्नं॑-विँ॒रा-ड्वि॒राज्ये॒वान्नाद्ये॒ प्रति॑तिष्ठ॒त्यस॑दिव॒ वा अ॒न्तरि॑क्षम॒न्तरि॑क्षमि॒वा ऽऽग्नी᳚द्ध्र॒-माग्नी॒द्ध्रे- [-माग्नी᳚द्ध्रे, अश्मा॑न॒-न्नि द॑धाति] 27
-ऽश्मा॑न॒-न्नि द॑धाति स॒त्त्वाय॒ द्वाभ्या॒-म्प्रति॑ष्ठित्यै वि॒मान॑ ए॒ष दि॒वो मद्ध्य॑ आस्त॒ इत्या॑ह॒ व्ये॑वैतया॑ मिमीते॒ मद्ध्ये॑ दि॒वो निहि॑तः॒ पृश्ञि॒रश्मेत्या॒हान्नं॒-वैँ पृश्ञ्यन्न॑मे॒वाव॑ रुन्धे चत॒सृभि॒रा पुच्छा॑देति च॒त्वारि॒ छन्दाग्ं॑सि॒ छन्दो॑भिरे॒वेन्द्रं॒-विँश्वा॑ अवीवृध॒न्नित्या॑ह॒ वृद्धि॑मे॒वोपाव॑र्तते॒ वाजा॑ना॒ग्ं॒ सत्प॑ति॒-म्पति॒- [सत्प॑ति॒-म्पति᳚म्, इत्या॒हा-ऽन्नं॒-वैँ] 28
-मित्या॒हा-ऽन्नं॒-वैँ वाजो-ऽन्न॑मे॒वाव॑ रुन्धे सुम्न॒हूर्य॒ज्ञो दे॒वाग्ं आ च॑ वक्ष॒दित्या॑ह प्र॒जा वै प॒शवः॑ सु॒म्न-म्प्र॒जामे॒व प॒शूना॒त्म-न्ध॑त्ते॒ यक्ष॑द॒ग्निर्दे॒वो दे॒वाग्ं आ च॑ वक्ष॒दित्या॑ह स्व॒गाकृ॑त्यै॒ वाज॑स्य मा प्रस॒वेनो᳚-द्ग्रा॒भेणोद॑ग्रभी॒दित्या॑हा॒सौ वा आ॑दि॒त्य उ॒द्यन्नु॑द्ग्रा॒भ ए॒ष नि॒म्रोच॑-न्निग्रा॒भो ब्रह्म॑णै॒वा-ऽऽत्मान॑मु-द्गृ॒ह्णाति॒ ब्रह्म॑णा॒ भ्रातृ॑व्य॒-न्नि गृ॑ह्णाति ॥ 29 ॥
(प्रा॒णैः - पोषो᳚ - प्र॒त्या - ग्नी᳚द्धे॒ - पति॑ - मे॒ष - दश॑ च) (अ. 6)
प्राची॒मनु॑ प्र॒दिश॒-म्प्रेहि॑ वि॒द्वानित्या॑ह देवलो॒क-मे॒वैतयो॒पाव॑र्तते॒ क्रम॑द्ध्वम॒ग्निना॒ नाक॒-मित्या॑हे॒माने॒वैतया॑ लो॒कान् क्र॑मते पृथि॒व्या अ॒हमुद॒न्तरि॑क्ष॒मा ऽरु॑ह॒मित्या॑हे॒माने॒वैतया॑ लो॒कान्-थ्स॒मारो॑हति॒ सुव॒र्यन्तो॒ नापे᳚क्षन्त॒ इत्या॑ह सुव॒र्गमे॒वैतया॑ लो॒कमे॒त्यग्ने॒ प्रेहि॑ [प्रेहि॑, प्र॒थ॒मो] 30
प्रथ॒मो दे॑वय॒ता-मित्या॑हो॒भये᳚ष्वे॒वैतया॑ देवमनु॒ष्येषु॒ चक्षु॑र्दधाति प॒ञ्चभि॒रधि॑ क्रामति॒ पाङ्क्तो॑ य॒ज्ञो यावा॑ने॒व य॒ज्ञस्तेन॑ स॒ह सु॑व॒र्गं-लोँ॒कमे॑ति॒ नक्तो॒षासेति॑ पुरो-ऽनुवा॒क्या॑मन्वा॑ह॒ प्रत्या॒ अग्ने॑ सहस्रा॒क्षेत्या॑ह साह॒स्रः प्र॒जाप॑तिः प्र॒जाप॑ते॒राप्त्यै॒ तस्मै॑ ते विधेम॒ वाजा॑य॒ स्वाहेत्या॒हान्नं॒-वैँ वाजो-ऽन्न॑-मे॒वाव॑ [वाजो-ऽन्न॑-मे॒वाव॑, रु॒न्धे॒ द॒द्ध्नः] 31
रुन्धे द॒द्ध्नः पू॒र्णामौदु॑म्बरीग् स्वयमातृ॒ण्णाया᳚-ञ्जुहो॒त्यूर्ग्वै दद्ध्यूर्गु॑दु॒म्बरो॒-ऽसौ स्व॑यमातृ॒ण्णा ऽमुष्या॑मे॒वोर्ज॑-न्दधाति॒ तस्मा॑द॒मुतो॒-ऽर्वाची॒मूर्ज॒मुप॑ जीवामस्ति॒सृभिः॑ सादयति त्रि॒वृद्वा अ॒ग्निर्यावा॑ने॒वाग्निस्त-म्प्र॑ति॒ष्ठा-ङ्ग॑मयति॒ प्रेद्धो॑ अग्ने दीदिहि पु॒रो न॒ इत्यौदु॑म्बरी॒मा द॑धात्ये॒षा वै सू॒र्मी कर्ण॑कावत्ये॒तया॑ ह स्म॒ [ह स्म, वै] 32
वै दे॒वा असु॑राणाग्ं शतत॒र्॒हाग् स्तृग्ं॑हन्ति॒ यदे॒तया॑ स॒मिध॑मा॒दधा॑ति॒ वज्र॑मे॒वैतच्छ॑त॒घ्नीं-यँज॑मानो॒ भ्रातृ॑व्याय॒ प्रह॑रति॒ स्तृत्या॒ अछ॑म्बट्कारं-विँ॒धेम॑ ते पर॒मे जन्म॑न्नग्न॒ इति॒ वैक॑ङ्कती॒मा द॑धाति॒ भा ए॒वाव॑ रुन्धे॒ ताग्ं स॑वि॒तुर्वरे᳚ण्यस्य चि॒त्रामिति॑ शमी॒मयी॒ग्ं॒ शान्त्या॑ अ॒ग्निर्वा॑ ह॒ वा अ॑ग्नि॒चित॑-न्दु॒हे᳚-ऽग्नि॒चिद्वा॒-ऽग्नि-न्दु॑हे॒ ताग्ं [ताम्, स॒वि॒तु-] 33
स॑वि॒तु-र्वरे᳚ण्यस्य चि॒त्रामित्या॑है॒ष वा अ॒ग्नेर्दोह॒स्तम॑स्य॒ कण्व॑ ए॒व श्रा॑य॒सो॑-ऽवे॒-त्तेन॑ ह स्मैन॒ग्ं॒ स दु॑हे॒ यदे॒तया॑ स॒मिध॑-मा॒दधा᳚त्यग्नि॒चिदे॒व तद॒ग्नि-न्दु॑हे स॒प्त ते॑ अग्ने स॒मिधः॑ स॒प्तजि॒ह्वा इत्या॑ह स॒प्तैवास्य॒ साप्ता॑नि प्रीणाति पू॒र्णया॑ जुहोति पू॒र्ण इ॑व॒ हि प्र॒जाप॑तिः प्र॒जाप॑ते॒- [प्र॒जाप॑तेः, आप्त्यै॒] 34
-राप्त्यै॒ न्यू॑नया जुहोति॒ न्यू॑ना॒द्धि प्र॒जाप॑तिः प्र॒जा असृ॑जत प्र॒जाना॒ग्ं॒ सृष्ट्या॑ अ॒ग्निर्दे॒वेभ्यो॒ निला॑यत॒ स दिशो-ऽनु॒ प्रा-ऽवि॑श॒ज्जुह्व॒न्मन॑सा॒ दिशो᳚ द्ध्याये द्दि॒ग्भ्य ए॒वैन॒मव॑ रुन्धे द॒द्ध्ना पु॒रस्ता᳚ज्जुहो॒त्या-ज्ये॑नो॒परि॑ष्टा॒-त्तेज॑श्चै॒वास्मा॑ इन्द्रि॒य-ञ्च॑ स॒मीची॑ दधाति॒ द्वाद॑शकपालो वैश्वान॒रो भ॑वति॒ द्वाद॑श॒ मासा᳚-स्संवँथ्स॒र-स्सं॑वँथ्स॒रो᳚-ऽग्निर्वै᳚श्वान॒र-स्सा॒क्षा- [-ऽग्निर्वै᳚श्वान॒र-स्सा॒क्षात्, ए॒व वै᳚श्वान॒रमव॑] 35
-दे॒व वै᳚श्वान॒रमव॑ रुन्धे॒ य-त्प्र॑याजानूया॒जान् कु॒र्याद्विक॑स्ति॒-स्सा य॒ज्ञस्य॑ दर्विहो॒म-ङ्क॑रोति य॒ज्ञस्य॒ प्रति॑ष्ठित्यै रा॒ष्ट्रं-वैँ वै᳚श्वान॒रो विण्म॒रुतो॑ वैश्वान॒रग्ं हु॒त्वा मा॑रु॒तान् जु॑होति रा॒ष्ट्र ए॒व विश॒मनु॑ बद्ध्नात्यु॒च्चै-र्वै᳚श्वान॒रस्या-ऽऽ श्रा॑वयत्युपा॒ग्ं॒शु मा॑रु॒तान् जु॑होति॒ तस्मा᳚-द्रा॒ष्ट्रं-विँश॒मति॑ वदति मारु॒ता भ॑वन्ति म॒रुतो॒ वै दे॒वानां॒-विँशो॑ देववि॒शेनै॒वास्मै॑ मनुष्यवि॒श -मव॑ रुन्धे स॒प्त भ॑वन्ति स॒प्तग॑णा॒ वै म॒रुतो॑ गण॒श ए॒व विश॒मव॑ रुन्धे ग॒णेन॑ ग॒णम॑नु॒द्रुत्य॑ जुहोति॒ विश॑मे॒वास्मा॒ अनु॑वर्त्मान-ङ्करोति ॥ 36 ॥
(अग्ने॒ प्रेह्य - व॑ - स्म - दुहे॒ तां - प्र॒जाप॑तेः - सा॒क्षान् - म॑नुष्यवि॒श - मेक॑विग्ंशतिश्च) (अ. 7)
वसो॒र्धारा᳚-ञ्जुहोति॒ वसो᳚र्मे॒ धारा॑-ऽस॒दिति॒ वा ए॒षा हू॑यते घृ॒तस्य॒ वा ए॑नमे॒षा धारा॒-ऽमुष्मि॑न् ँलो॒के पिन्व॑मा॒नोप॑ तिष्ठत॒ आज्ये॑न जुहोति॒ तेजो॒ वा आज्य॒-न्तेजो॒ वसो॒र्धारा॒ तेज॑सै॒वास्मै॒ तेजो-ऽव॑ रु॒न्धे-ऽथो॒ कामा॒ वै वसो॒र्धारा॒ कामा॑ने॒वाव॑ रुन्धे॒ य-ङ्का॒मये॑त प्रा॒णान॑स्या॒-ऽन्नाद्यं॒-विँ- [-ऽन्नाद्यं॒-विँ, छि॒न्द्या॒मिति॑] 37
-च्छि॑न्द्या॒मिति॑ वि॒ग्राह॒-न्तस्य॑ जुहुया-त्प्रा॒णाने॒वास्या॒न्नाद्यं॒-विँच्छि॑नत्ति॒ य-ङ्का॒मये॑त प्रा॒णान॑स्या॒न्नाद्य॒ग्ं॒ स-न्त॑नुया॒मिति॒ स-न्त॑ता॒-न्तस्य॑ जुहुया-त्प्रा॒णाने॒वास्या॒न्नाद्य॒ग्ं॒ स-न्त॑नोति॒ द्वाद॑श द्वाद॒शानि॑ जुहोति॒ द्वाद॑श॒ मासा᳚-स्संवँथ्स॒र-स्सं॑वँथ्स॒रेणै॒ वास्मा॒ अन्न॒मव॑ रु॒न्धे ऽन्न॑-ञ्च॒ मे-ऽक्षु॑च्च म॒ इत्या॑है॒ त-द्वा [इत्या॑है॒ त-द्वै, अन्न॑स्य रू॒पग्ं] 38
अन्न॑स्य रू॒पग्ं रू॒पेणै॒वान्न॒मव॑ रुन्धे॒ ऽग्निश्च॑ म॒ आप॑श्च म॒ इत्या॑है॒षा वा अन्न॑स्य॒ योनि॒-स्सयो᳚न्ये॒वान्न॒मव॑ रुन्धे-ऽर्धे॒न्द्राणि॑ जुहोति दे॒वता॑ ए॒वाव॑ रुन्धे॒ य-थ्सर्वे॑षा-म॒र्धमिन्द्रः॒ प्रति॒ तस्मा॒दिन्द्रो॑ दे॒वता॑ना-म्भूयिष्ठ॒भाक्त॑म॒ इन्द्र॒मुत्त॑रमाहे-न्द्रि॒यमे॒वास्मि॑-न्नु॒परि॑ष्टा-द्दधाति यज्ञायु॒धानि॑ जुहोति य॒ज्ञो [य॒ज्ञः, वै य॑ज्ञायु॒धानि॑] 39
वै य॑ज्ञायु॒धानि॑ य॒ज्ञमे॒वाव॑ रु॒न्धे-ऽथो॑ ए॒तद्वै य॒ज्ञस्य॑ रू॒पग्ं रू॒पेणै॒व य॒ज्ञमव॑ रुन्धे ऽवभृ॒थश्च॑ मे स्वगाका॒रश्च॑ म॒ इत्या॑ह स्व॒गाकृ॑त्या अ॒ग्निश्च॑ मे घ॒र्मश्च॑ म॒ इत्या॑है॒त-द्वै ब्र॑ह्मवर्च॒सस्य॑ रू॒पग्ं रू॒पेणै॒व ब्र॑ह्मवर्च॒समव॑ रुन्ध॒ ऋक्च॑ मे॒ साम॑ च म॒ इत्या॑है॒- [म॒ इत्या॑ह, ए॒तद्वै छन्द॑साग्ं] 40
-तद्वै छन्द॑साग्ं रू॒पग्ं रू॒पेणै॒व छन्दा॒ग्॒स्यव॑ रुन्धे॒ गर्भा᳚श्च मे व॒थ्साश्च॑ म॒ इत्या॑है॒त-द्वै प॑शू॒नाग्ं रू॒पग्ं रू॒पेणै॒व प॒शूनव॑ रुन्धे॒ कल्पा᳚न् जुहो॒त्य कॢ॑प्तस्य॒ कॢप्त्यै॑ युग्मदयु॒जे जु॑होति मिथुन॒त्वायो᳚-त्त॒राव॑ती भवतो॒-ऽभिक्रा᳚न्त्या॒ एका॑ च मे ति॒स्रश्च॑ म॒ इत्या॑ह देवछन्द॒सं-वाँ एका॑ च ति॒स्रश्च॑ [ति॒स्रश्च॑, म॒नु॒ष्य॒छ॒न्द॒स-ञ्चत॑स्रश्चा॒-ऽष्टौ] 41
मनुष्यछन्द॒स-ञ्चत॑स्रश्चा॒-ऽष्टौ च॑ देवछन्द॒स-ञ्चै॒व म॑नुष्य छन्द॒सञ्चा-ऽव॑ रुन्ध॒ आ त्रय॑स्त्रिग्ं शतो जुहोति॒ त्रय॑स्त्रिग्ंश॒द्वै दे॒वता॑ दे॒वता॑ ए॒वाव॑ रुन्ध॒ आ-ऽष्टाच॑त्वारिग्ंशतो जुहोत्य॒ष्टाच॑त्वारिग्ं-शदक्षरा॒ जग॑ती॒ जाग॑ताः प॒शवो॒ जग॑त्यै॒वास्मै॑ प॒शूनव॑ रुन्धे॒ वाज॑श्च प्रस॒वश्चेति॑ द्वाद॒श-ञ्जु॑होति॒ द्वाद॑श॒ मासा᳚-स्संवँथ्स॒र-स्सं॑वँथ्स॒र ए॒व प्रति॑ तिष्ठति ॥ 42 ॥
(वि - वै - य॒ज्ञः-साम॑ च म॒ इत्या॑ह - च ति॒स्र - श्चैका॒न्न प॑ञ्चा॒शच्च॑) (अ. 8)
अ॒ग्निर्दे॒वेभ्यो ऽपा᳚क्राम-द्भाग॒धेय॑मि॒च्छमा॑न॒स्त-न्दे॒वा अ॑ब्रुव॒न्नुप॑ न॒ आ व॑र्तस्व ह॒व्य-न्नो॑ व॒हेति॒ सो᳚-ऽब्रवी॒-द्वरं॑-वृँणै॒ मह्य॑मे॒व वा॑जप्रस॒वीय॑-ञ्जुहव॒न्निति॒ तस्मा॑द॒ग्नये॑ वाजप्रस॒वीय॑-ञ्जुह्वति॒ य-द्वा॑जप्रस॒वीय॑-ञ्जु॒होत्य॒ग्निमे॒व त-द्भा॑ग॒धेये॑न॒ सम॑र्धय॒त्यथो॑ अभिषे॒क ए॒वास्य॒ स च॑तुर्द॒शभि॑र्जुहोति स॒प्त ग्रा॒म्या ओष॑धय-स्स॒प्ता- [ओष॑धय-स्स॒प्त, अ॒र॒ण्या उ॒भयी॑षा॒-] 43
-ऽऽर॒ण्या उ॒भयी॑षा॒-मव॑रुद्ध्या॒ अन्न॑स्यान्नस्य जुहो॒त्यन्न॑स्यान्न॒स्या-व॑रुद्ध्या॒ औदु॑म्बरेण स्रु॒वेण॑ जुहो॒त्यूर्ग्वा उ॑दु॒म्बर॒ ऊर्गन्न॑मू॒र्जैवास्मा॒ ऊर्ज॒मन्न॒मव॑ रुन्धे॒ ऽग्निर्वै दे॒वाना॑-म॒भिषि॑क्तो-ऽग्नि॒चि-न्म॑नु॒ष्या॑णा॒-न्तस्मा॑दग्नि॒चि-द्वर्ष॑ति॒ न धा॑वे॒दव॑रुद्ध॒ग्ग्॒ ह्य॑स्या-न्न॒मन्न॑मिव॒ खलु॒ वै व॒र्॒षं-यँद्धावे॑-द॒न्नाद्या᳚द्धावे-दु॒पाव॑र्तेता॒-ऽन्नाद्य॑-मे॒वा-ऽभ्यु॒- [-ऽन्नाद्य॑-मे॒वा-ऽभि, उ॒पाव॑र्तते॒] 44
-पाव॑र्तते॒ नक्तो॒षासेति॑ कृ॒ष्णायै᳚ श्वे॒तव॑थ्सायै॒ पय॑सा जुहो॒त्यह्नै॒वास्मै॒ रात्रि॒-म्प्रदा॑पयति॒ रात्रि॒या-ऽह॑रहोरा॒त्रे ए॒वास्मै॒ प्रत्ते॒ काम॑म॒न्नाद्य॑-न्दुहाते राष्ट्र॒भृतो॑ जुहोति रा॒ष्ट्रमे॒वाव॑ रुन्धे ष॒ड्भिर्जु॑होति॒ षड्वा ऋ॒तव॑ ऋ॒तुष्वे॒व प्रति॑तिष्ठति॒ भुव॑नस्य पत॒ इति॑ रथमु॒खे पञ्चा-ऽऽहु॑तीर्जुहोति॒ वज्रो॒ वै रथो॒ वज्रे॑णै॒व दिशो॒- [वज्रे॑णै॒व दिशः॑, अ॒भि ज॑यत्यग्नि॒चितग्ं॑] 45
-ऽभि ज॑यत्यग्नि॒चितग्ं॑ ह॒ वा अ॒मुष्मि॑न् ँलो॒के वातो॒-ऽभि प॑वते वातना॒मानि॑ जुहोत्य॒भ्ये॑वैन॑-म॒मुष्मि॑न् ँलो॒के वातः॑ पवते॒ त्रीणि॑ जुहोति॒ त्रय॑ इ॒मे लो॒का ए॒भ्य ए॒व लो॒केभ्यो॒ वात॒मव॑ रुन्धे समु॒द्रो॑-ऽसि॒ नभ॑स्वा॒नित्या॑है॒तद्वै वात॑स्य रू॒पग्ं रू॒पेणै॒व वात॒मव॑ रुन्धे ऽञ्ज॒लिना॑ जुहोति॒ न ह्ये॑तेषा॑म॒न्यथा ऽऽहु॑तिरव॒कल्प॑ते ॥ 46 ॥
(ओष॑धय-स्स॒प्ता - भि - दिशो॒ - ऽन्यथा॒ - द्वे च॑) (अ. 9)
सु॒व॒र्गाय॒ वै लो॒काय॑ देवर॒थो यु॑ज्यते यत्राकू॒ताय॑ मनुष्यर॒थ ए॒ष खलु॒ वै दे॑वर॒थो यद॒ग्निर॒ग्निं-युँ॑नज्मि॒ शव॑सा घृ॒तेनेत्या॑ह यु॒नक्त्ये॒वैन॒ग्ं॒ स ए॑नं-युँ॒क्त-स्सु॑व॒र्गं-लोँ॒कम॒भि व॑हति॒ य-थ्सर्वा॑भिः प॒ञ्चभि॑-र्यु॒ञ्ज्या-द्यु॒क्तो᳚-ऽस्या॒-ऽग्निः प्रच्यु॑त-स्स्या॒दप्र॑तिष्ठिता॒ आहु॑तय॒-स्स्युरप्र॑तिष्ठिता॒-स्स्तोमा॒ अप्र॑तिष्ठितान्यु॒क्थानि॑ ति॒सृभिः॑ प्रातस्सव॒ने॑-ऽभि मृ॑शति त्रि॒वृ- [त्रि॒वृत्, वा अ॒ग्निर्यावा॑ने॒वा-] 47
-द्वा अ॒ग्निर्यावा॑ने॒वा-ग्निस्तं-युँ॑नक्ति॒ यथा-ऽन॑सि यु॒क्त आ॑धी॒यत॑ ए॒वमे॒व त-त्प्रत्याहु॑तय॒स्तिष्ठ॑न्ति॒ प्रति॒ स्तोमाः॒ प्रत्यु॒क्थानि॑ यज्ञाय॒ज्ञिय॑स्य स्तो॒त्रे द्वाभ्या॑म॒भि मृ॑शत्ये॒तावा॒न्॒ वै य॒ज्ञो यावा॑नग्निष्टो॒मो भू॒मा त्वा अ॒स्यात॑ ऊ॒र्ध्वः क्रि॑यते॒ यावा॑ने॒व य॒ज्ञस्तम॑न्त॒तो᳚ ऽन्वारो॑हति॒ द्वाभ्या॒-म्प्रति॑ष्ठित्या॒ एक॒या-ऽप्र॑स्तुत॒-म्भव॒त्यथा॒- [-ऽप्र॑स्तुत॒-म्भव॒त्यथ॑, अ॒भि मृ॑श॒त्युपै॑न॒-] 48
-ऽभि मृ॑श॒त्युपै॑न॒-मुत्त॑रो य॒ज्ञो न॑म॒त्यथो॒ सन्त॑त्यै॒ प्र वा ए॒षो᳚-ऽस्माल्लो॒का-च्च्य॑वते॒ यो᳚-ऽग्नि-ञ्चि॑नु॒ते न वा ए॒तस्या॑निष्ट॒क आहु॑ति॒रव॑ कल्पते॒ यां-वाँ ए॒षो॑-ऽनिष्ट॒क आहु॑ति-ञ्जु॒होति॒ स्रव॑ति॒ वै सा ताग् स्रव॑न्तीं-यँ॒ज्ञो-ऽनु॒ परा॑ भवति य॒ज्ञं-यँज॑मानो॒ य-त्पु॑नश्चि॒ति-ञ्चि॑नु॒त आहु॑तीना॒-म्प्रति॑ष्ठित्यै॒ प्रत्याहु॑तय॒स्तिष्ठ॑न्ति॒ [प्रत्याहु॑तय॒स्तिष्ठ॑न्ति, न य॒ज्ञः] 49
न य॒ज्ञः प॑रा॒भव॑ति॒ न यज॑मानो॒ ऽष्टावुप॑ दधात्य॒ष्टाक्ष॑रा गाय॒त्री गा॑य॒त्रेणै॒वैन॒-ञ्छन्द॑सा चिनुते॒ यदेका॑दश॒ त्रैष्टु॑भेन॒ य-द्द्वाद॑श॒ जाग॑तेन॒ छन्दो॑भिरे॒वैन॑-ञ्चिनुते नपा॒त्को वैनामै॒षो᳚-ऽग्निर्य-त्पु॑नश्चि॒तिर्य ए॒वं-विँ॒द्वा-न्पु॑नश्चि॒ति-ञ्चि॑नु॒त आ तृ॒तीया॒-त्पुरु॑षा॒दन्न॑मत्ति॒ यथा॒ वै पु॑नरा॒धेय॑ ए॒व-म्पु॑नश्चि॒तिर्यो᳚-ऽ-ग्न्या॒धेये॑न॒ न- [-ग्न्या॒धेये॑न॒ न, ऋ॒ध्नोति॒ स] 50
-र्ध्नोति॒ स पु॑नरा॒धेय॒मा ध॑त्ते॒ यो᳚-ऽग्नि-ञ्चि॒त्वा नर्ध्नोति॒ स पु॑नश्चि॒ति-ञ्चि॑नुते॒ य-त्पु॑नश्चि॒ति-ञ्चि॑नु॒त ऋद्ध्या॒ अथो॒ खल्वा॑हु॒र्न चे॑त॒व्येति॑ रु॒द्रो वा ए॒ष यद॒ग्निर्यथा᳚ व्या॒घ्रग्ं सु॒प्त-म्बो॒धय॑ति ता॒दृगे॒व तदथो॒ खल्वा॑हुश्चेत॒व्येति॒ यथा॒ वसी॑याग्ंस-म्भाग॒धेये॑न बो॒धय॑ति ता॒दृगे॒व तन्मनु॑र॒ग्निम॑चिनुत॒ तेन॒ ना-ऽऽर्ध्नो॒थ्स ए॒ता-म्पु॑नश्चि॒तिम॑पश्य॒-त्ताम॑चिनुत॒ तया॒ वै स आ᳚र्ध्नो॒द्य-त्पु॑नश्चि॒ति-ञ्चि॑नु॒त ऋद्ध्यै᳚ ॥ 51 ॥
(त्रि॒वृ-दथ॒-तिष्ठ॑-न्त्यग्न्या॒धेये॑न॒ ना-चि॑नुत-स॒प्तद॑श- च) (अ. 10)
छ॒न्द॒श्चित॑-ञ्चिन्वीत प॒शुका॑मः प॒शवो॒ वै छन्दाग्ं॑सि पशु॒माने॒व भ॑वति श्येन॒चित॑-ञ्चिन्वीत सुव॒र्गका॑म-श्श्ये॒नो वै वय॑सा॒-म्पति॑ष्ठ-श्श्ये॒न ए॒व भू॒त्वा सु॑व॒र्गं-लोँ॒क-म्प॑तति कङ्क॒चित॑-ञ्चिन्वीत॒ यः का॒मये॑त शीर्ष॒ण्वान॒मुष्मि॑न् ँलो॒के स्या॒मिति॑ शीर्ष॒ण्वाने॒वा-ऽमुष्मि॑न् ँलो॒के भ॑वत्यलज॒चित॑-ञ्चिन्वीत॒ चतु॑स्सीत-म्प्रति॒ष्ठाका॑म॒श्चत॑स्रो॒ दिशो॑ दि॒क्ष्वे॑व प्रति॑ तिष्ठति प्रौग॒चित॑-ञ्चिन्वीत॒ भ्रातृ॑व्यवा॒-न्प्रै- [भ्रातृ॑व्यवा॒-न्प्र, ए॒व भ्रातृ॑व्या-न्नुदत] 52
-व भ्रातृ॑व्या-न्नुदत उभ॒यतः॑ प्रौग-ञ्चिन्वीत॒यः का॒मये॑त॒ प्रजा॒ता-न्भ्रातृ॑व्या-न्नु॒देय॒ प्रति॑ जनि॒ष्यमा॑णा॒निति॒ प्रैव जा॒ता-न्भ्रातृ॑व्या-न्नु॒दते॒ प्रति॑ जनि॒ष्यमा॑णा-न्रथचक्र॒चित॑-ञ्चिन्वीत॒ भ्रातृ॑व्यवा॒न्॒ वज्रो॒ वै रथो॒ वज्र॑मे॒व भ्रातृ॑व्येभ्यः॒ प्रह॑रति द्रोण॒चित॑-ञ्चिन्वी॒तान्न॑कामो॒ द्रोणे॒ वा अन्न॑-म्भ्रियते॒ सयो᳚न्ये॒वान्न॒मव॑ रुन्धे समू॒ह्य॑-ञ्चिन्वीत प॒शुका॑मः पशु॒माने॒व भ॑वति [पशु॒माने॒व भ॑वति, प॒रि॒चा॒य्य॑-ञ्चिन्वीत॒] 53
परिचा॒य्य॑-ञ्चिन्वीत॒ ग्राम॑कामो ग्रा॒म्ये॑व भ॑वति श्मशान॒चित॑-ञ्चिन्वीत॒ यः का॒मये॑त पितृलो॒क ऋ॑द्ध्नुया॒मिति॑ पितृलो॒क ए॒वर्ध्नो॑ति विश्वामित्रजमद॒ग्नी वसि॑ष्ठेना-ऽस्पर्धेता॒ग्ं॒ स ए॒ता ज॒मद॑ग्निर्विह॒व्या॑ अपश्य॒-त्ता उपा॑धत्त॒ ताभि॒र्वै स वसि॑ष्ठस्येन्द्रि॒यं-वीँ॒र्य॑मवृङ्क्त॒ य-द्वि॑ह॒व्या॑ उप॒दधा॑तीन्द्रि॒यमे॒व ताभि॑र्वी॒र्यं॑-यँज॑मानो॒ भ्रातृ॑व्यस्य वृङ्क्ते॒ होतु॒र्धिष्णि॑य॒ उप॑ दधाति यजमानायत॒नं-वैँ [ ] 54
होता॒ स्व ए॒वास्मा॑ आ॒यत॑न इन्द्रि॒यं-वीँ॒र्य॑मव॑ रुन्धे॒ द्वाद॒शोप॑ दधाति॒ द्वाद॑शाक्षरा॒ जग॑ती॒ जाग॑ताः प॒शवो॒ जग॑त्यै॒वास्मै॑ प॒शूनव॑ रुन्धे॒ ऽष्टाव॑ष्टाव॒न्येषु॒ धिष्णि॑ये॒षूप॑ दधात्य॒ष्टाश॑फाः प॒शवः॑ प॒शूने॒वाव॑ रुन्धे॒ षण्मा᳚र्जा॒लीये॒ ष-ड्वा ऋ॒तव॑ ऋ॒तवः॒ खलु॒ वै दे॒वाः पि॒तर॑ ऋ॒तूने॒व दे॒वा-न्पि॒तॄ-न्प्री॑णाति ॥ 55 ॥
(प्र - भ॑वति - यजमानायत॒नं-वाँ - अ॒ष्टाच॑त्वारिग्ंशच्च) (अ. 11)
पव॑स्व॒ वाज॑सातय॒ इत्य॑नु॒ष्टु-क्प्र॑ति॒पद्भ॑वति ति॒र्सो॑-ऽनु॒ष्टुभ॒श्चत॑स्रो गाय॒त्रियो॒ य-त्ति॒स्रो॑-ऽनु॒ष्टुभ॒-स्तस्मा॒-दश्व॑स्त्रि॒भिस्तिष्ठग्ग्॑ स्तिष्ठति॒ यच्चत॑स्रो गाय॒त्रिय॒स्तस्मा॒-थ्सर्वाग्॑ श्च॒तुरः॑ प॒दः प्र॑ति॒दध॒-त्पला॑यते पर॒मा वा ए॒षा छन्द॑सां॒-यँद॑नु॒ष्टु-क्प॑र॒मश्च॑तुष्टो॒म-स्स्तोमा॑ना-म्पर॒मस्त्रि॑रा॒त्रो य॒ज्ञाना᳚-म्पर॒मो-ऽश्वः॑ पशू॒ना-म्प॑र॒मेणै॒वैन॑-म्पर॒मता᳚-ङ्गमयत्येकवि॒ग्ं॒श-मह॑र्भवति॒ [-मह॑र्भवति, यस्मि॒न्नश्व॑] 56
यस्मि॒न्नश्व॑ आल॒भ्यते॒ द्वाद॑श॒ मासाः॒ पञ्च॒र्तव॒स्त्रय॑ इ॒मे लो॒का अ॒सावा॑दि॒त्य ए॑कवि॒ग्ं॒श ए॒ष प्र॒जाप॑तिः प्राजाप॒त्यो-ऽश्व॒स्तमे॒व सा॒क्षादृ॑द्ध्नोति॒ शक्व॑रयः पृ॒ष्ठ-म्भ॑वन्त्य॒न्-यद॑न्य॒-च्छन्दो॒-ऽन्ये᳚न्ये॒ वा ए॒ते प॒शव॒ आ ल॑भ्यन्त उ॒तेव॑ ग्रा॒म्या उ॒तेवा॑-ऽऽर॒ण्या यच्छक्व॑रयः पृ॒ष्ठ-म्भव॒न्त्यश्व॑स्य सर्व॒त्वाय॑ पार्थुर॒श्म-म्ब्र॑ह्मसा॒म-म्भ॑वति र॒श्मिना॒ वा अश्वो॑ [र॒श्मिना॒ वा अश्वः॑, य॒त ई᳚श्व॒रो] 57
य॒त ई᳚श्व॒रो वा अश्वो-ऽय॒तो-ऽप्र॑तिष्ठितः॒ परा᳚-म्परा॒वत॒-ङ्गन्तो॒र्य-त्पा᳚र्थुर॒श्म-म्ब्र॑ह्मसा॒म-म्भव॒त्यश्व॑स्य॒ यत्यै॒ धृत्यै॒ सङ्कृ॑त्यच्छावाकसा॒म-म्भ॑वत्युथ्सन्नय॒ज्ञो वा ए॒ष यद॑श्वमे॒धः कस्तद्वे॒देत्या॑हु॒र्यदि॒ सर्वो॑ वा क्रि॒यते॒ न वा॒ सर्व॒ इति॒ य-थ्सङ्कृ॑त्यच्छावाकसा॒म-म्भव॒त्यश्व॑स्य सर्व॒त्वाय॒ पर्या᳚प्त्या॒ अन॑न्तरायाय॒ सर्व॑स्तोमो-ऽतिरा॒त्र उ॑त्त॒ममह॑र्भवति॒ सर्व॒स्या-ऽऽप्त्यै॒ सर्व॑स्य॒ जित्यै॒ सर्व॑मे॒व तेना᳚-ऽऽप्नोति॒ सर्व॑-ञ्जयति ॥ 58 ॥
(अह॑र्भवति॒ - वा अश्वो - ऽह॑र्भवति॒ - दश॑ च) (अ. 12)
(दे॒वा॒सु॒रास्तेन - र्त॒व्या॑ - रु॒द्रो - ऽश्म॑ - न्नृ॒षदे॒ व - डुदे॑नं॒ - प्राची॒मिति॒ - वसो॒र्धारा॑ - म॒ग्निर्दे॒वेभ्यः॑ - सुव॒र्गाय॑ यत्राकू॒ताय॑ - छन्द॒श्चितं॒ - पव॑स्व॒ - द्वाद॑श )
(दे॒वा॒सु॒रा - अ॒जायां॒ - ँवै ग्रु॑मु॒ष्टिः - प्र॑थ॒मो दे॑वय॒तामे॒ - तद्वै छन्द॑सा - मृ॒ध्नो - त्य॒ष्टौ प॑ञ्चा॒शत्)
(दे॒वा॒सु॒रा, स्सर्व॑-ञ्जयति)
॥ हरिः॑ ओम् ॥
॥ कृष्ण यजुर्वेदीय तैत्तिरीय संहिताया-म्पञ्चमकाण्डे चतुर्थः प्रश्न-स्समाप्तः ॥
kṛṣṇa yajurvedīya taittirīya saṃhitāyā-mpañcamakāṇḍe caturthaḥ praśnaḥ - iṣṭakātrayābhidhānaṃ
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
de॒vā॒su॒rā-ssaṃya~̭ttā āsa॒-nte na vya̭jayanta॒ sa e॒tā indra̭sta॒nūra̭paśya॒-ttā upā̭dhatta॒ tābhi॒rvai sa ta॒nuva̭mindri॒yaṃ-vī~॒rya̭mā॒tmanna̭dhatta॒ tato̭ de॒vā abha̭va॒-nparā-'sṷrā॒ yadi̭ndrata॒nūrṷpa॒dadhā̭ti ta॒nuva̭me॒va tābhi̭rindri॒yaṃ-vī~॒ryaṃ̭-ya~ja̭māna ā॒tma-ndha॒tte-'tho॒ sendra̭me॒vāgnigṃ sata̭nu-ñcinute॒ bhava̭tyā॒tmanā॒ parā᳚-'sya॒ bhrātṛ̭vyo [bhrātṛ̭vyaḥ, bha॒va॒ti॒ ya॒jño] 1
bhavati ya॒jño de॒vebhyo-'pā᳚krāma॒-ttama̭va॒rudha॒-nnāśa̭knuva॒nta e॒tā ya̭jñata॒nūra̭paśya॒-ntā upā̭dadhata॒ tābhi॒rvai te ya॒jñamavā̭rundhata॒ ya-dya̭jñata॒nūrṷpa॒dadhā̭ti ya॒jñame॒va tābhi॒ryaja̭mā॒no-'va̭ rundhe॒ traya̭strigṃ śata॒mupa̭ dadhāti॒ traya̭strigṃśa॒dvai de॒vatā̭ de॒vatā̭ e॒vāva̭ ru॒ndhe 'tho॒ sātmā̭name॒vāgnigṃ sata̭nu-ñcinute॒ sātmā॒-'muṣmi̭-llo~॒ke [-'muṣmi̭-llo~॒ke, bha॒va॒ti॒ ya] 2
bha̭vati॒ ya e॒vaṃ-ve~da॒ jyoti̭ṣmatī॒rupa̭ dadhāti॒ jyoti̭re॒vāsmi̭-ndadhātye॒tābhi॒rvā a॒gniści॒to jva̭lati॒ tābhi̭re॒vaina॒gṃ॒ sami̭ndha u॒bhayo̭rasmai lo॒kayo॒rjyoti̭rbhavati nakṣatreṣṭa॒kā upa̭ dadhātye॒tāni॒ vai di॒vo jyotīgṃ̭ṣi॒ tānye॒vāva̭ rundhe su॒kṛtāṃ॒-vā~ e॒tāni॒ jyotīgṃ̭ṣi॒ yannakṣa̭trāṇi॒ tānye॒vā-''pno॒tyatho̭ anūkā॒śa-me॒vaitāni॒ [-me॒vaitāni̭, jyotīgṃ̭ṣi kurute] 3
jyotīgṃ̭ṣi kurute suva॒rgasya̭ lo॒kasyānṷkhyātyai॒ ya-thsaggspṛ̭ṣṭā upada॒ddhyā-dvṛṣṭyai̭ lo॒kamapi̭ daddhyā॒dava̭rṣukaḥ pa॒rjanyaḥ̭ syā॒dasagg̭spṛṣṭā॒ upa̭ dadhāti॒ vṛṣṭyā̭ e॒va lo॒ka-ṅka̭roti॒ varṣṷkaḥ pa॒rjanyo̭ bhavati pu॒rastā̭da॒nyāḥ pra॒tīcī॒rupa̭ dadhāti pa॒ścāda॒nyāḥ prācī॒stasmā᳚-tprā॒cīnā̭ni ca pratī॒cīnā̭ni ca॒ nakṣa̭trā॒ṇyā va̭rtante || 4 ||
(bhrātṛ̭vyo - lo॒ka - e॒vaitānye - ka̭catvārigṃśacca) (a. 1)
ṛ॒ta॒vyā̭ upa̭ dadhātyṛtū॒nā-ṅkḷptyai᳚ dva॒dvammupa̭ dadhāti॒ tasmā᳚-ddva॒ndvamṛ॒tavo 'dhṛ̭teva॒ vā e॒ṣā yanma̭ddhya॒mā citi̭ra॒ntari̭kṣamiva॒ vā e॒ṣā dva॒dvamma॒nyāsu॒ citī॒ṣūpa̭ dadhāti॒ cata̭sro॒ maddhye॒ dhṛtyā̭ anta॒śśleṣa̭ṇaṃ॒-vā~ e॒tāścitī̭nāṃ॒-ya~dṛ̭ta॒vyā̭ yadṛ̭ta॒vyā̭ upa॒dadhā̭ti॒ citī̭nāṃ॒-vi~dhṛ̭tyā॒ ava̭kā॒manūpa̭ dadhātye॒ṣā vā a॒gneryoni॒-ssayo̭ni- [a॒gneryoni॒-ssayo̭nim, e॒vāgni-] 5
-me॒vāgni-ñci̭nuta u॒vāca̭ ha vi॒śvāmi॒tro 'da॒di-thsa brahma॒ṇā-'nnaṃ॒-ya~syai॒tā ṷpadhī॒yāntai॒ ya ṷ cainā e॒vaṃ-ve~da॒diti̭ saṃva~thsa॒ro vā e॒ta-mpra̭ti॒ṣṭhāyai̭ nudate॒ yo᳚-'gni-ñci॒tvā na pra̭ti॒tiṣṭha̭ti॒ pañca॒ pūrvā॒ścita̭yo bhava॒ntyatha̭ ṣa॒ṣṭhī-ñciti̭-ñcinute॒ ṣaḍvā ṛ॒tavaḥ̭ saṃva~thsa॒ra ṛ॒tuṣve॒va saṃ̭va~thsa॒re prati̭tiṣṭhatye॒ tā vā [prati̭tiṣṭhatye॒ tā vā, adhi̭patnī॒rnāmeṣṭa̭kā॒] 6
adhi̭patnī॒rnāmeṣṭa̭kā॒ yasyai॒tā ṷpadhī॒yante-'dhi̭patire॒va sa̭mā॒nānā᳚-mbhavati॒ ya-ndvi॒ṣyā-ttamṷpa॒dadha̭-ddhyāyede॒tābhya̭ e॒vaina̭-nde॒vatā᳚bhya॒ ā vṛ̭ścati tā॒jagārti॒mārccha॒tyaṅgi̭rasa-ssuva॒rgaṃ-lo~॒kaṃ-ya~nto॒ yā ya॒jñasya॒ niṣkṛ̭ti॒rāsī॒-ttāmṛṣi̭bhyaḥ॒ pratyaṷha॒-ntaddhira̭ṇyamabhava॒dya-ddhi̭raṇyaśa॒lkaiḥ pro॒kṣati̭ ya॒jñasya॒ niṣkṛ̭tyā॒ atho̭ bheṣa॒jame॒vā-'smai̭ karo॒- [-'smai̭ karoti, atho̭ rū॒peṇai॒vaina॒gṃ॒] 7
-tyatho̭ rū॒peṇai॒vaina॒gṃ॒ sama̭rdhaya॒tyatho॒ hira̭ṇyajyotiṣai॒va sṷva॒rgaṃ-lo~॒kamḙti sāha॒srava̭tā॒ prokṣa̭ti sāha॒sraḥ pra॒jāpa̭tiḥ pra॒jāpa̭te॒rāptyā̭ i॒mā mḙ agna॒ iṣṭa̭kā dhe॒navaḥ̭ sa॒ntvityā̭ha dhe॒nūre॒vaināḥ᳚ kurute॒ tā ḙna-ṅkāma॒dughā̭ a॒mutrā॒muṣmi̭n ~lo॒ka upa̭ tiṣṭhante || 8 ||
(sayo̭ni - me॒tā vai - ka̭ro॒tye - kā॒nnaca̭tvāri॒gṃ॒śacca̭) (a. 2)
ru॒dro vā e॒ṣa yada॒gni-ssa e॒tarhi̭ jā॒to yarhi॒ sarva̭ści॒ta-ssa yathā̭ va॒thso jā॒ta-sstana̭-mpre॒phsatye॒vaṃ-vā~ e॒ṣa e॒tarhi̭ bhāga॒dheya॒-mprephsa̭ti॒ tasmai॒ yadāhṷti॒-nna jṷhu॒yāda̭ddhva॒ryu-ñca॒ yaja̭māna-ñca dhyāyecchataru॒drīya̭-ñjuhoti bhāga॒dheyḙnai॒vainagṃ̭ śamayati॒ nā-''rti॒mārccha̭tyaddhva॒ryurna yaja̭māno॒ ya-dgrā॒myāṇā᳚-mpaśū॒nā- [ya-dgrā॒myāṇā᳚-mpaśū॒nām, paya̭sā juhu॒yā-] 9
-mpaya̭sā juhu॒yā-dgrā॒myā-npa॒śūñchu॒cā 'rpaye॒-dyadā̭ra॒ṇyānā̭-māra॒ṇyān ja̭rtilayavā॒gvā̭ vā juhu॒yā-dga̭vīdhukayavā॒gvā̭ vā॒ na grā॒myā-npa॒śūn. hi॒nasti॒ nā-''ra॒ṇyānatho॒ khalvā̭hu॒ranā̭huti॒rvai ja॒rtilā᳚śca ga॒vīdhṷkā॒ścetya̭ jakṣī॒reṇa̭ juhotyāgne॒yī vā e॒ṣā yada॒jā-''hṷtyai॒va jṷhoti॒ na grā॒myā-npa॒śūn. hi॒nasti॒ nā-''ra॒ṇyānaṅgi̭rasa-ssuva॒rgaṃ-lo~॒kaṃ-ya~nto॒- [-~lo॒kaṃ-ya~ntaḥ̭, a॒jāyā᳚-ṅgha॒rma-] 10
-'jāyā᳚-ṅgha॒rma-mprāsi̭ñca॒nthsā śoca̭ntī pa॒rṇa-mparā̭-'jihīta॒ so᳚(1॒)-'rko̭-'bhava॒-ttada॒rkasyā᳚-rka॒tvama̭rkapa॒rṇena̭ juhoti sayoni॒tvāyoda॒-ntiṣṭha̭n juhotye॒ṣā vai ru॒drasya॒ di-khsvāyā̭me॒va di॒śi ru॒dra-nni॒rava̭dayate cara॒māyā॒miṣṭa̭kāyā-ñjuhotyanta॒ta e॒va ru॒dra-nni॒rava̭dayate tredhāvibha॒kta-ñjṷhoti॒ traya̭ i॒me lo॒kā i॒māne॒va lo॒kān-thsa॒māva̭dvīryān karo॒tīya॒tyagrḙ juho॒- [juhoti, atheya॒tyatheya̭ti॒] 11
-tyatheya॒tyatheya̭ti॒ traya̭ i॒me lo॒kā e॒bhya e॒vainaṃ̭-lo~॒kebhyaḥ̭ śamayati ti॒sra utta̭rā॒ āhṷtīrjuhoti॒ ṣa-ṭthsa-mpa̭dyante॒ ṣa-ḍvā ṛ॒tava̭ ṛ॒tubhi̭re॒vainagṃ̭ śamayati॒ yada̭nupari॒krāma̭-ñjuhu॒yāda̭ntaravacā॒riṇagṃ̭ ru॒dra-ṅkṷryā॒datho॒ khalvā̭huḥ॒ kasyāṃ॒-vā~-'ha̭ di॒śi ru॒draḥ kasyāṃ॒-ve~tya̭nupari॒krāma̭me॒va ho̭ta॒vya̭-mapa̭rivargame॒vainagṃ̭ śamaya- [śamayati, e॒tāvai] 12
-tye॒tāvai de॒vatā᳚-ssuva॒rgyā̭yā ṷtta॒māstā yaja̭mānaṃ-vā~cayati॒ tābhi̭re॒vainagṃ̭ suva॒rgaṃ-lo~॒ka-ṅga̭mayati॒ ya-ndvi॒ṣyā-ttasya̭ sañca॒re pa̭śū॒nā-nnya̭sye॒-dyaḥ pra̭tha॒maḥ pa॒śura̭bhi॒tiṣṭha̭ti॒ sa ārti॒mārccha̭ti || 13 ||
(pa॒śū॒nāṃ - ~yanto - 'gnḙ juho॒tya - pa̭rivargame॒vainagṃ̭ śamayati - tri॒gṃ॒śacca̭) (a. 3)
aśma॒nnūrja॒miti॒ pari̭ ṣiñcati mā॒rjaya̭tye॒vaina॒matho̭ ta॒rpaya̭tye॒va sa ḙna-ntṛ॒pto 'kṣṷddhya॒-nnaśo̭ca-nna॒muṣmi̭n ~lo॒ka upa̭ tiṣṭhate॒ tṛpya̭ti pra॒jayā̭ pa॒śubhi॒rya e॒vaṃ-ve~da॒ tā-nna॒ iṣa॒mūrja̭-ndhatta maruta-ssagṃrarā॒ṇā ityā॒hānnaṃ॒-vā~ ūrganna̭-mma॒ruto-'nna̭me॒vāva̭ ru॒ndhe 'śmagg̭ste॒ kṣuda॒mu-nte॒ śu- [kṣuda॒mu-nte॒ śuk, ṛ॒ccha॒tu॒ ya-ndvi॒ṣma] 14
-gṛ̭cchatu॒ ya-ndvi॒ṣma ityā̭ha॒ yame॒va dveṣṭi॒ tama̭sya kṣu॒dhā ca̭ śu॒cā cā᳚rpayati॒ triḥ pa̭riṣi॒ñca-nparyḙti tri॒vṛdvā a॒gniryāvā̭ne॒vā-gnistasya॒ śucagṃ̭ śamayati॒ triḥ punaḥ॒ paryḙti॒ ṣa-ṭthsa-mpa̭dyante॒ ṣa-ḍvā ṛ॒tava̭ ṛ॒tubhi̭re॒vāsya॒ śucagṃ̭ śamayatya॒pāṃ-vā~ e॒ta-tpuṣpaṃ॒-ya~dvḙta॒so̭-'pāgṃ - [yadvḙta॒so̭-'pām, śaro-'va̭kā] 15
śaro-'va̭kā vetasaśā॒khayā॒ cāva̭kābhiśca॒ vi ka̭rṣa॒tyāpo॒ vai śā॒ntā-śśā॒ntābhi̭re॒vāsya॒ śucagṃ̭ śamayati॒ yo vā a॒gni-ñci॒ta-mpra̭tha॒maḥ pa॒śura̭dhi॒krāma̭tīśva॒ro vai tagṃ śu॒cā pra॒daho̭ ma॒ṇḍūkḙna॒ vika̭rṣatye॒ṣa vai pa̭śū॒nā-ma̭nupajīvanī॒yo na vā e॒ṣa grā॒myeṣṷ pa॒śuṣṷ hi॒to nā-''ra॒ṇyeṣu॒ tame॒va śu॒cā-'rpa̭yatyaṣṭā॒bhi-rvi ka̭rṣa- [-rvi ka̭rṣati, a॒ṣṭākṣa̭rā] 16
-tya॒ṣṭākṣa̭rā gāya॒trī gā̭ya॒tro᳚-'gniryāvā̭-ne॒vā-'gnistasya॒ śucagṃ̭ śamayati pāva॒kava̭tībhi॒rannaṃ॒-vai~ pā̭va॒ko-'nnḙnai॒vāsya॒ śucagṃ̭ śamayati mṛ॒tyurvā e॒ṣa yada॒gnirbrahma̭ṇa e॒tadrū॒paṃ-ya~-tkṛ̭ṣṇāji॒na-ṅkārṣṇī̭ upā॒nahā॒vupa̭ muñcate॒ brahma̭ṇai॒va mṛ॒tyora॒ntardha̭tte॒ 'ntarmṛ॒tyordha̭tte॒ 'ntara॒nnādyā॒-dityā̭hura॒nyā-mṷpamu॒ñcate॒-'nyā-nnānta- [-'nyā-nnāntaḥ, e॒va mṛ॒tyordha॒tte] 17
-re॒va mṛ॒tyordha॒tte 'vā॒-'nnādyagṃ̭ rundhe॒ nama̭ste॒ hara̭se śo॒ciṣa॒ ityā̭ha nama॒skṛtya॒ hi vasī̭yāgṃ samupa॒cara̭ntya॒nya-ntḙ a॒sma-tta̭pantu he॒taya॒ ityā̭ha॒ yame॒va dveṣṭi॒ tama̭sya śu॒cā-'rpa̭yati pāva॒ko a॒smabhyagṃ̭ śi॒vo bha॒vetyā॒hānnaṃ॒-vai~ pā̭va॒ko-'nna̭me॒vāva̭ rundhe॒ dvābhyā॒madhi̭ krāmati॒ prati̭ṣṭhityā apa॒sya̭vatībhyā॒gṃ॒ śāntyai᳚ || 18 ||
(śu - gvḙta॒so̭-'pā - ma̭ṣṭā॒bhirvi ka̭rṣati॒ - nānta - rekā॒nna pa̭ñcā॒śacca̭) (a. 4)
nṛ॒ṣade॒ vaḍiti॒ vyāghā̭rayati pa॒ṅktyā-''hṷtyā yajñamu॒khamā ra̭bhate 'kṣṇa॒yā vyāghā̭rayati॒ tasmā̭dakṣṇa॒yā pa॒śavo-'ṅgā̭ni॒ praha̭ranti॒ prati̭ṣṭhityai॒ yadva̭ṣaṭku॒ryā-dyā॒tayā̭mā-'sya vaṣaṭkā॒ra-ssyā॒dyanna va̭ṣaṭku॒ryā-drakṣāgṃ̭si ya॒jñagṃ ha̭nyu॒rvaḍityā̭ha pa॒rokṣa̭me॒va vaṣa̭-ṭkaroti॒ nāsya̭ yā॒tayā̭mā vaṣaṭkā॒ro bhava̭ti॒ na ya॒jñagṃ rakṣāgṃ̭si ghnanti hu॒tādo॒ vā a॒nye de॒vā [a॒nye de॒vāḥ, a॒hu॒tādo॒-'nye] 19
a̭hu॒tādo॒-'nye tāna̭gni॒cide॒vobhayā᳚-nprīṇāti॒ ye de॒vā de॒vānā॒miti̭ da॒ddhnā ma̭dhumi॒śreṇāvo᳚kṣati hu॒tāda̭ścai॒va de॒vāna̭hu॒tāda̭śca॒ yaja̭mānaḥ prīṇāti॒ te yaja̭māna-mprīṇanti da॒ddhnaiva hu॒tādaḥ̭ prī॒ṇāti॒ madhṷṣā 'hu॒tādo᳚ grā॒myaṃ-vā~ e॒tadannaṃ॒-ya~ddaddhyā̭ra॒ṇya-mmadhu॒ yadda॒dhnā ma̭dhumi॒śreṇā॒-vokṣa̭tyu॒bhaya॒syā-'va̭ruddhyai grumu॒ṣṭinā-'vo᳚kṣati prājāpa॒tyo [prājāpa॒tyaḥ, vai grṷmu॒ṣṭi-] 20
vai grṷmu॒ṣṭi-ssa̭yoni॒tvāya॒ dvābhyā॒-mprati̭ṣṭhityā anupari॒cāra॒-mavo᳚kṣa॒tya-pa̭rivargame॒vainā᳚-nprīṇāti॒ vi vā e॒ṣa prā॒ṇaiḥ pra॒jayā̭ pa॒śubhi̭r-ṛddhyate॒ yo᳚-'gni-ñci॒nvanna̭dhi॒krāma̭ti prāṇa॒dā a̭pāna॒dā ityā̭ha prā॒ṇāne॒vā-''tma-ndha̭tte varco॒dā va̭rivo॒dā ityā̭ha pra॒jā vai varcaḥ̭ pa॒śavo॒ vari̭vaḥ pra॒jāme॒va pa॒śūnā॒tma-ndha̭tta॒ indro̭ vṛ॒trama̭ha॒ntaṃ-vṛ~॒tro [vṛ॒trama̭ha॒ntaṃ-vṛ~॒traḥ, ha॒ta-ṣṣo̭ḍa॒śabhi̭-] 21
ha॒ta-ṣṣo̭ḍa॒śabhi̭-rbho॒gaira̭sinā॒-thsa e॒tāma॒gnaye-'nī̭kavata॒ āhṷtimapaśya॒-ttāma̭juho॒-ttasyā॒gniranī̭ kavā॒nthsvena̭ bhāga॒dheyḙna prī॒ta-ṣṣo̭ḍaśa॒dhā vṛ॒trasya̭ bho॒gānapya̭daha-dvaiśvakarma॒ṇena̭ pā॒pmano॒ nira̭mucyata॒ yada॒gnaye-'nī̭kavata॒ āhṷti-ñju॒hotya॒gnire॒vā-'syānī̭kavā॒nthsvena̭ bhāga॒dheyḙna prī॒taḥ pā॒pmāna॒mapi̭ dahati vaiśvakarma॒ṇena̭ pā॒pmano॒ nirmṷcyate॒ ya-ṅkā॒mayḙta ci॒ra-mpā॒pmano॒ [ci॒ra-mpā॒pmanaḥ̭, nirmṷcye॒tetyekai̭ka॒-] 22
nirmṷcye॒tetyekai̭ka॒-ntasya̭ juhuyācci॒rame॒va pā॒pmano॒ nirmṷcyate॒ ya-ṅkā॒mayḙta tā॒ja-kpā॒pmano॒ nirmṷcye॒teti॒ sarvā̭ṇi॒ tasyā̭nu॒drutya̭ juhuyā-ttā॒jage॒va pā॒pmano॒ nirmṷcya॒te-'tho॒ khalu॒ nānai॒va sū॒ktābhyā᳚-ñjuhoti॒ nānai॒va sū॒ktayo᳚rvī॒rya̭-ndadhā॒tyatho॒ prati̭ṣṭhityai || 23 ||
(de॒vāḥ - prā̭jāpa॒tyo-vṛ॒tra - ści॒ra-mpā॒pmana̭ - ścatvāri॒gṃ॒śacca̭) (a. 5)
udḙnamutta॒rā-nna॒yeti̭ sa॒midha॒ ā da̭dhāti॒ yathā॒ janaṃ̭-ya~॒tḙ-'va॒sa-ṅka॒roti̭ tā॒dṛge॒va ta-tti॒sra ā da̭dhāti tri॒vṛdvā a॒gniryāvā̭ne॒-vāgnistasmai̭ bhāga॒dheya̭-ṅkaro॒tyaudṷmbarī-rbhava॒ntyūrgvā ṷdu॒mbara॒ ūrja̭me॒vāsmā॒ api̭ dadhā॒tyudṷ tvā॒ viśvḙ de॒vā ityā̭ha prā॒ṇā vai viśvḙ de॒vāḥ prā॒ṇai- [prā॒ṇaiḥ, e॒vaina॒-] 24
-re॒vaina॒-mudya̭ccha॒te 'gne॒ bhara̭ntu॒ citti̭bhi॒rityā̭ha॒ yasmā̭ e॒vaina̭-ñci॒ttāyo॒dyaccha̭te॒ tenai॒vaina॒gṃ॒ sama̭rdhayati॒ pañca॒ diśo॒ daivī᳚rya॒jñama̭vantu de॒vīrityā̭ha॒ diśo॒ hyḙṣo-'nṷ pra॒cyava॒te 'pāma̭ti-ndurma॒ti-mbādha̭mānā॒ ityā̭ha॒ rakṣa̭sā॒mapa̭hatyai rā॒yaspoṣḙ ya॒jñapa̭ti-mā॒bhaja̭ntī॒rityā̭ha pa॒śavo॒ vai rā॒yaspoṣaḥ̭ [rā॒yaspoṣaḥ̭, pa॒śūne॒vāva̭] 25
pa॒śūne॒vāva̭ rundhe ṣa॒ḍbhirha̭rati॒ ṣa-ḍvā ṛ॒tava̭ ṛ॒tubhi̭re॒vainagṃ̭ harati॒ dve pa̭ri॒gṛhya̭vatī bhavato॒ rakṣa̭sā॒mapa̭hatyai॒ sūrya̭raśmi॒r॒hari̭keśaḥ pu॒rastā॒dityā̭ha॒ prasū᳚tyai॒ tataḥ̭ pāva॒kā ā॒śiṣo̭ no juṣantā॒mityā॒hānnaṃ॒-vai~ pā̭va॒ko-'nna̭me॒vāva̭ rundhe devāsu॒rā-ssaṃya~̭ttā āsa॒-nte de॒vā e॒ta-dapra̭tiratha-mapaśya॒-ntena॒ vai te᳚ pra॒- [vai te᳚ pra॒ti, asṷrānajaya॒-nta-] 26
-tyasṷrānajaya॒-nta-dapra̭tirathasyā-pratiratha॒tvaṃ-ya~dapra̭tiratha-ndvi॒tīyo॒ hotā॒-'nvāhā᳚pra॒tyḙva tena॒ yaja̭māno॒ bhrātṛ̭vyān jaya॒tyatho॒ ana̭bhijitame॒vābhi ja̭yati daśa॒rca-mbha̭vati॒ daśā᳚kṣarā vi॒rā-ḍvi॒rāje॒mau lo॒kau vidhṛ̭tā va॒nayo᳚rlo॒kayo॒rvidhṛ̭tyā॒ atho॒ daśā᳚kṣarā vi॒rāḍannaṃ̭-vi~॒rā-ḍvi॒rājye॒vānnādye॒ prati̭tiṣṭha॒tyasa̭diva॒ vā a॒ntari̭kṣama॒ntari̭kṣami॒vā ''gnī᳚ddhra॒-māgnī॒ddhre- [-māgnī᳚ddhre, aśmā̭na॒-nni da̭dhāti] 27
-'śmā̭na॒-nni da̭dhāti sa॒ttvāya॒ dvābhyā॒-mprati̭ṣṭhityai vi॒māna̭ e॒ṣa di॒vo maddhya̭ āsta॒ ityā̭ha॒ vyḙvaitayā̭ mimīte॒ maddhyḙ di॒vo nihi̭taḥ॒ pṛśñi॒raśmetyā॒hānnaṃ॒-vai~ pṛśñyanna̭me॒vāva̭ rundhe cata॒sṛbhi॒rā pucchā̭deti ca॒tvāri॒ chandāgṃ̭si॒ chando̭bhire॒vendraṃ॒-vi~śvā̭ avīvṛdha॒nnityā̭ha॒ vṛddhi̭me॒vopāva̭rtate॒ vājā̭nā॒gṃ॒ satpa̭ti॒-mpati॒- [satpa̭ti॒-mpati᳚m, ityā॒hā-'nnaṃ॒-vai~] 28
-mityā॒hā-'nnaṃ॒-vai~ vājo-'nna̭me॒vāva̭ rundhe sumna॒hūrya॒jño de॒vāgṃ ā ca̭ vakṣa॒dityā̭ha pra॒jā vai pa॒śavaḥ̭ su॒mna-mpra॒jāme॒va pa॒śūnā॒tma-ndha̭tte॒ yakṣa̭da॒gnirde॒vo de॒vāgṃ ā ca̭ vakṣa॒dityā̭ha sva॒gākṛ̭tyai॒ vāja̭sya mā prasa॒veno᳚-dgrā॒bheṇoda̭grabhī॒dityā̭hā॒sau vā ā̭di॒tya u॒dyannṷdgrā॒bha e॒ṣa ni॒mroca̭-nnigrā॒bho brahma̭ṇai॒vā-''tmāna̭mu-dgṛ॒hṇāti॒ brahma̭ṇā॒ bhrātṛ̭vya॒-nni gṛ̭hṇāti || 29 ||
(prā॒ṇaiḥ - poṣo᳚ - pra॒tyā - gnī᳚ddhe॒ - pati̭ - me॒ṣa - daśa̭ ca) (a. 6)
prācī॒manṷ pra॒diśa॒-mprehi̭ vi॒dvānityā̭ha devalo॒ka-me॒vaitayo॒pāva̭rtate॒ krama̭ddhvama॒gninā॒ nāka॒-mityā̭he॒māne॒vaitayā̭ lo॒kān kra̭mate pṛthi॒vyā a॒hamuda॒ntari̭kṣa॒mā 'rṷha॒mityā̭he॒māne॒vaitayā̭ lo॒kān-thsa॒māro̭hati॒ suva॒ryanto॒ nāpe᳚kṣanta॒ ityā̭ha suva॒rgame॒vaitayā̭ lo॒kame॒tyagne॒ prehi̭ [prehi̭, pra॒tha॒mo] 30
pratha॒mo dḙvaya॒tā-mityā̭ho॒bhaye᳚ṣve॒vaitayā̭ devamanu॒ṣyeṣu॒ cakṣṷrdadhāti pa॒ñcabhi॒radhi̭ krāmati॒ pāṅkto̭ ya॒jño yāvā̭ne॒va ya॒jñastena̭ sa॒ha sṷva॒rgaṃ-lo~॒kamḙti॒ nakto॒ṣāseti̭ puro-'nuvā॒kyā̭manvā̭ha॒ pratyā॒ agnḙ sahasrā॒kṣetyā̭ha sāha॒sraḥ pra॒jāpa̭tiḥ pra॒jāpa̭te॒rāptyai॒ tasmai̭ te vidhema॒ vājā̭ya॒ svāhetyā॒hānnaṃ॒-vai~ vājo-'nna̭-me॒vāva̭ [vājo-'nna̭-me॒vāva̭, ru॒ndhe॒ da॒ddhnaḥ] 31
rundhe da॒ddhnaḥ pū॒rṇāmaudṷmbarīg svayamātṛ॒ṇṇāyā᳚-ñjuho॒tyūrgvai daddhyūrgṷdu॒mbaro॒-'sau sva̭yamātṛ॒ṇṇā 'muṣyā̭me॒vorja̭-ndadhāti॒ tasmā̭da॒muto॒-'rvācī॒mūrja॒mupa̭ jīvāmasti॒sṛbhiḥ̭ sādayati tri॒vṛdvā a॒gniryāvā̭ne॒vāgnista-mpra̭ti॒ṣṭhā-ṅga̭mayati॒ preddho̭ agne dīdihi pu॒ro na॒ ityaudṷmbarī॒mā da̭dhātye॒ṣā vai sū॒rmī karṇa̭kāvatye॒tayā̭ ha sma॒ [ha sma, vai] 32
vai de॒vā asṷrāṇāgṃ śatata॒r॒hāg stṛgṃ̭hanti॒ yade॒tayā̭ sa॒midha̭mā॒dadhā̭ti॒ vajra̭me॒vaitaccha̭ta॒ghnīṃ-ya~ja̭māno॒ bhrātṛ̭vyāya॒ praha̭rati॒ stṛtyā॒ acha̭mbaṭkāraṃ-vi~॒dhema̭ te para॒me janma̭nnagna॒ iti॒ vaika̭ṅkatī॒mā da̭dhāti॒ bhā e॒vāva̭ rundhe॒ tāgṃ sa̭vi॒turvare᳚ṇyasya ci॒trāmiti̭ śamī॒mayī॒gṃ॒ śāntyā̭ a॒gnirvā̭ ha॒ vā a̭gni॒cita̭-ndu॒he᳚-'gni॒cidvā॒-'gni-ndṷhe॒ tāgṃ [tām, sa॒vi॒tu-] 33
sa̭vi॒tu-rvare᳚ṇyasya ci॒trāmityā̭hai॒ṣa vā a॒gnerdoha॒stama̭sya॒ kaṇva̭ e॒va śrā̭ya॒so̭-'ve॒-ttena̭ ha smaina॒gṃ॒ sa dṷhe॒ yade॒tayā̭ sa॒midha̭-mā॒dadhā᳚tyagni॒cide॒va tada॒gni-ndṷhe sa॒pta tḙ agne sa॒midhaḥ̭ sa॒ptaji॒hvā ityā̭ha sa॒ptaivāsya॒ sāptā̭ni prīṇāti pū॒rṇayā̭ juhoti pū॒rṇa i̭va॒ hi pra॒jāpa̭tiḥ pra॒jāpa̭te॒- [pra॒jāpa̭teḥ, āptyai॒] 34
-rāptyai॒ nyṷ̄nayā juhoti॒ nyṷ̄nā॒ddhi pra॒jāpa̭tiḥ pra॒jā asṛ̭jata pra॒jānā॒gṃ॒ sṛṣṭyā̭ a॒gnirde॒vebhyo॒ nilā̭yata॒ sa diśo-'nu॒ prā-'vi̭śa॒jjuhva॒nmana̭sā॒ diśo᳚ ddhyāye ddi॒gbhya e॒vaina॒mava̭ rundhe da॒ddhnā pu॒rastā᳚jjuho॒tyā-jyḙno॒pari̭ṣṭā॒-tteja̭ścai॒vāsmā̭ indri॒ya-ñca̭ sa॒mīcī̭ dadhāti॒ dvāda̭śakapālo vaiśvāna॒ro bha̭vati॒ dvāda̭śa॒ māsā᳚-ssaṃva~thsa॒ra-ssaṃ̭va~thsa॒ro᳚-'gnirvai᳚śvāna॒ra-ssā॒kṣā- [-'gnirvai᳚śvāna॒ra-ssā॒kṣāt, e॒va vai᳚śvāna॒ramava̭] 35
-de॒va vai᳚śvāna॒ramava̭ rundhe॒ ya-tpra̭yājānūyā॒jān ku॒ryādvika̭sti॒-ssā ya॒jñasya̭ darviho॒ma-ṅka̭roti ya॒jñasya॒ prati̭ṣṭhityai rā॒ṣṭraṃ-vai~ vai᳚śvāna॒ro viṇma॒ruto̭ vaiśvāna॒ragṃ hu॒tvā mā̭ru॒tān jṷhoti rā॒ṣṭra e॒va viśa॒manṷ baddhnātyu॒ccai-rvai᳚śvāna॒rasyā-'' śrā̭vayatyupā॒gṃ॒śu mā̭ru॒tān jṷhoti॒ tasmā᳚-drā॒ṣṭraṃ-vi~śa॒mati̭ vadati māru॒tā bha̭vanti ma॒ruto॒ vai de॒vānāṃ॒-vi~śo̭ devavi॒śenai॒vāsmai̭ manuṣyavi॒śa -mava̭ rundhe sa॒pta bha̭vanti sa॒ptaga̭ṇā॒ vai ma॒ruto̭ gaṇa॒śa e॒va viśa॒mava̭ rundhe ga॒ṇena̭ ga॒ṇama̭nu॒drutya̭ juhoti॒ viśa̭me॒vāsmā॒ anṷvartmāna-ṅkaroti || 36 ||
(agne॒ prehya - va̭ - sma - duhe॒ tāṃ - pra॒jāpa̭teḥ - sā॒kṣān - ma̭nuṣyavi॒śa - meka̭vigṃśatiśca) (a. 7)
vaso॒rdhārā᳚-ñjuhoti॒ vaso᳚rme॒ dhārā̭-'sa॒diti॒ vā e॒ṣā hṷ̄yate ghṛ॒tasya॒ vā ḙname॒ṣā dhārā॒-'muṣmi̭n ~lo॒ke pinva̭mā॒nopa̭ tiṣṭhata॒ ājyḙna juhoti॒ tejo॒ vā ājya॒-ntejo॒ vaso॒rdhārā॒ teja̭sai॒vāsmai॒ tejo-'va̭ ru॒ndhe-'tho॒ kāmā॒ vai vaso॒rdhārā॒ kāmā̭ne॒vāva̭ rundhe॒ ya-ṅkā॒mayḙta prā॒ṇāna̭syā॒-'nnādyaṃ॒-vi~- [-'nnādyaṃ॒-vi~, chi॒ndyā॒miti̭] 37
-cchi̭ndyā॒miti̭ vi॒grāha॒-ntasya̭ juhuyā-tprā॒ṇāne॒vāsyā॒nnādyaṃ॒-vi~cchi̭natti॒ ya-ṅkā॒mayḙta prā॒ṇāna̭syā॒nnādya॒gṃ॒ sa-nta̭nuyā॒miti॒ sa-nta̭tā॒-ntasya̭ juhuyā-tprā॒ṇāne॒vāsyā॒nnādya॒gṃ॒ sa-nta̭noti॒ dvāda̭śa dvāda॒śāni̭ juhoti॒ dvāda̭śa॒ māsā᳚-ssaṃva~thsa॒ra-ssaṃ̭va~thsa॒reṇai॒ vāsmā॒ anna॒mava̭ ru॒ndhe 'nna̭-ñca॒ me-'kṣṷcca ma॒ ityā̭hai॒ ta-dvā [ityā̭hai॒ ta-dvai, anna̭sya rū॒pagṃ] 38
anna̭sya rū॒pagṃ rū॒peṇai॒vānna॒mava̭ rundhe॒ 'gniśca̭ ma॒ āpa̭śca ma॒ ityā̭hai॒ṣā vā anna̭sya॒ yoni॒-ssayo᳚nye॒vānna॒mava̭ rundhe-'rdhe॒ndrāṇi̭ juhoti de॒vatā̭ e॒vāva̭ rundhe॒ ya-thsarvḙṣā-ma॒rdhamindraḥ॒ prati॒ tasmā॒dindro̭ de॒vatā̭nā-mbhūyiṣṭha॒bhākta̭ma॒ indra॒mutta̭ramāhe-ndri॒yame॒vāsmi̭-nnu॒pari̭ṣṭā-ddadhāti yajñāyu॒dhāni̭ juhoti ya॒jño [ya॒jñaḥ, vai ya̭jñāyu॒dhāni̭] 39
vai ya̭jñāyu॒dhāni̭ ya॒jñame॒vāva̭ ru॒ndhe-'tho̭ e॒tadvai ya॒jñasya̭ rū॒pagṃ rū॒peṇai॒va ya॒jñamava̭ rundhe 'vabhṛ॒thaśca̭ me svagākā॒raśca̭ ma॒ ityā̭ha sva॒gākṛ̭tyā a॒gniśca̭ me gha॒rmaśca̭ ma॒ ityā̭hai॒ta-dvai bra̭hmavarca॒sasya̭ rū॒pagṃ rū॒peṇai॒va bra̭hmavarca॒samava̭ rundha॒ ṛkca̭ me॒ sāma̭ ca ma॒ ityā̭hai॒- [ma॒ ityā̭ha, e॒tadvai chanda̭sāgṃ] 40
-tadvai chanda̭sāgṃ rū॒pagṃ rū॒peṇai॒va chandā॒g॒syava̭ rundhe॒ garbhā᳚śca me va॒thsāśca̭ ma॒ ityā̭hai॒ta-dvai pa̭śū॒nāgṃ rū॒pagṃ rū॒peṇai॒va pa॒śūnava̭ rundhe॒ kalpā᳚n juho॒tya kḷ̭ptasya॒ kḷptyai̭ yugmadayu॒je jṷhoti mithuna॒tvāyo᳚-tta॒rāva̭tī bhavato॒-'bhikrā᳚ntyā॒ ekā̭ ca me ti॒sraśca̭ ma॒ ityā̭ha devachanda॒saṃ-vā~ ekā̭ ca ti॒sraśca̭ [ti॒sraśca̭, ma॒nu॒ṣya॒cha॒nda॒sa-ñcata̭sraścā॒-'ṣṭau] 41
manuṣyachanda॒sa-ñcata̭sraścā॒-'ṣṭau ca̭ devachanda॒sa-ñcai॒va ma̭nuṣya chanda॒sañcā-'va̭ rundha॒ ā traya̭strigṃ śato juhoti॒ traya̭strigṃśa॒dvai de॒vatā̭ de॒vatā̭ e॒vāva̭ rundha॒ ā-'ṣṭāca̭tvārigṃśato juhotya॒ṣṭāca̭tvārigṃ-śadakṣarā॒ jaga̭tī॒ jāga̭tāḥ pa॒śavo॒ jaga̭tyai॒vāsmai̭ pa॒śūnava̭ rundhe॒ vāja̭śca prasa॒vaśceti̭ dvāda॒śa-ñjṷhoti॒ dvāda̭śa॒ māsā᳚-ssaṃva~thsa॒ra-ssaṃ̭va~thsa॒ra e॒va prati̭ tiṣṭhati || 42 ||
(vi - vai - ya॒jñaḥ-sāma̭ ca ma॒ ityā̭ha - ca ti॒sra - ścaikā॒nna pa̭ñcā॒śacca̭) (a. 8)
a॒gnirde॒vebhyo 'pā᳚krāma-dbhāga॒dheya̭mi॒cchamā̭na॒sta-nde॒vā a̭bruva॒nnupa̭ na॒ ā va̭rtasva ha॒vya-nno̭ va॒heti॒ so᳚-'bravī॒-dvaraṃ̭-vṛ~ṇai॒ mahya̭me॒va vā̭japrasa॒vīya̭-ñjuhava॒nniti॒ tasmā̭da॒gnayḙ vājaprasa॒vīya̭-ñjuhvati॒ ya-dvā̭japrasa॒vīya̭-ñju॒hotya॒gnime॒va ta-dbhā̭ga॒dheyḙna॒ sama̭rdhaya॒tyatho̭ abhiṣe॒ka e॒vāsya॒ sa ca̭turda॒śabhi̭rjuhoti sa॒pta grā॒myā oṣa̭dhaya-ssa॒ptā- [oṣa̭dhaya-ssa॒pta, a॒ra॒ṇyā u॒bhayī̭ṣā॒-] 43
-''ra॒ṇyā u॒bhayī̭ṣā॒-mava̭ruddhyā॒ anna̭syānnasya juho॒tyanna̭syānna॒syā-va̭ruddhyā॒ audṷmbareṇa sru॒veṇa̭ juho॒tyūrgvā ṷdu॒mbara॒ ūrganna̭mū॒rjaivāsmā॒ ūrja॒manna॒mava̭ rundhe॒ 'gnirvai de॒vānā̭-ma॒bhiṣi̭kto-'gni॒ci-nma̭nu॒ṣyā̭ṇā॒-ntasmā̭dagni॒ci-dvarṣa̭ti॒ na dhā̭ve॒dava̭ruddha॒gg॒ hya̭syā-nna॒manna̭miva॒ khalu॒ vai va॒r॒ṣaṃ-ya~ddhāvḙ-da॒nnādyā᳚ddhāve-du॒pāva̭rtetā॒-'nnādya̭-me॒vā-'bhyu॒- [-'nnādya̭-me॒vā-'bhi, u॒pāva̭rtate॒] 44
-pāva̭rtate॒ nakto॒ṣāseti̭ kṛ॒ṣṇāyai᳚ śve॒tava̭thsāyai॒ paya̭sā juho॒tyahnai॒vāsmai॒ rātri॒-mpradā̭payati॒ rātri॒yā-'ha̭rahorā॒tre e॒vāsmai॒ pratte॒ kāma̭ma॒nnādya̭-nduhāte rāṣṭra॒bhṛto̭ juhoti rā॒ṣṭrame॒vāva̭ rundhe ṣa॒ḍbhirjṷhoti॒ ṣaḍvā ṛ॒tava̭ ṛ॒tuṣve॒va prati̭tiṣṭhati॒ bhuva̭nasya pata॒ iti̭ rathamu॒khe pañcā-''hṷtīrjuhoti॒ vajro॒ vai ratho॒ vajrḙṇai॒va diśo॒- [vajrḙṇai॒va diśaḥ̭, a॒bhi ja̭yatyagni॒citagṃ̭] 45
-'bhi ja̭yatyagni॒citagṃ̭ ha॒ vā a॒muṣmi̭n ~lo॒ke vāto॒-'bhi pa̭vate vātanā॒māni̭ juhotya॒bhyḙvaina̭-ma॒muṣmi̭n ~lo॒ke vātaḥ̭ pavate॒ trīṇi̭ juhoti॒ traya̭ i॒me lo॒kā e॒bhya e॒va lo॒kebhyo॒ vāta॒mava̭ rundhe samu॒dro̭-'si॒ nabha̭svā॒nityā̭hai॒tadvai vāta̭sya rū॒pagṃ rū॒peṇai॒va vāta॒mava̭ rundhe 'ñja॒linā̭ juhoti॒ na hyḙteṣā̭ma॒nyathā ''hṷtirava॒kalpa̭te || 46 ||
(oṣa̭dhaya-ssa॒ptā - bhi - diśo॒ - 'nyathā॒ - dve ca̭) (a. 9)
su॒va॒rgāya॒ vai lo॒kāya̭ devara॒tho yṷjyate yatrākū॒tāya̭ manuṣyara॒tha e॒ṣa khalu॒ vai dḙvara॒tho yada॒gnira॒gniṃ-yu~̭najmi॒ śava̭sā ghṛ॒tenetyā̭ha yu॒naktye॒vaina॒gṃ॒ sa ḙnaṃ-yu~॒kta-ssṷva॒rgaṃ-lo~॒kama॒bhi va̭hati॒ ya-thsarvā̭bhiḥ pa॒ñcabhi̭-ryu॒ñjyā-dyu॒kto᳚-'syā॒-'gniḥ pracyṷta-ssyā॒dapra̭tiṣṭhitā॒ āhṷtaya॒-ssyurapra̭tiṣṭhitā॒-sstomā॒ apra̭tiṣṭhitānyu॒kthāni̭ ti॒sṛbhiḥ̭ prātassava॒nḙ-'bhi mṛ̭śati tri॒vṛ- [tri॒vṛt, vā a॒gniryāvā̭ne॒vā-] 47
-dvā a॒gniryāvā̭ne॒vā-gnistaṃ-yu~̭nakti॒ yathā-'na̭si yu॒kta ā̭dhī॒yata̭ e॒vame॒va ta-tpratyāhṷtaya॒stiṣṭha̭nti॒ prati॒ stomāḥ॒ pratyu॒kthāni̭ yajñāya॒jñiya̭sya sto॒tre dvābhyā̭ma॒bhi mṛ̭śatye॒tāvā॒n॒ vai ya॒jño yāvā̭nagniṣṭo॒mo bhū॒mā tvā a॒syāta̭ ū॒rdhvaḥ kri̭yate॒ yāvā̭ne॒va ya॒jñastama̭nta॒to᳚ 'nvāro̭hati॒ dvābhyā॒-mprati̭ṣṭhityā॒ eka॒yā-'pra̭stuta॒-mbhava॒tyathā॒- [-'pra̭stuta॒-mbhava॒tyatha̭, a॒bhi mṛ̭śa॒tyupai̭na॒-] 48
-'bhi mṛ̭śa॒tyupai̭na॒-mutta̭ro ya॒jño na̭ma॒tyatho॒ santa̭tyai॒ pra vā e॒ṣo᳚-'smāllo॒kā-ccya̭vate॒ yo᳚-'gni-ñci̭nu॒te na vā e॒tasyā̭niṣṭa॒ka āhṷti॒rava̭ kalpate॒ yāṃ-vā~ e॒ṣo̭-'niṣṭa॒ka āhṷti-ñju॒hoti॒ srava̭ti॒ vai sā tāg srava̭ntīṃ-ya~॒jño-'nu॒ parā̭ bhavati ya॒jñaṃ-ya~ja̭māno॒ ya-tpṷnaści॒ti-ñci̭nu॒ta āhṷtīnā॒-mprati̭ṣṭhityai॒ pratyāhṷtaya॒stiṣṭha̭nti॒ [pratyāhṷtaya॒stiṣṭha̭nti, na ya॒jñaḥ] 49
na ya॒jñaḥ pa̭rā॒bhava̭ti॒ na yaja̭māno॒ 'ṣṭāvupa̭ dadhātya॒ṣṭākṣa̭rā gāya॒trī gā̭ya॒treṇai॒vaina॒-ñchanda̭sā cinute॒ yadekā̭daśa॒ traiṣṭṷbhena॒ ya-ddvāda̭śa॒ jāga̭tena॒ chando̭bhire॒vaina̭-ñcinute napā॒tko vaināmai॒ṣo᳚-'gnirya-tpṷnaści॒tirya e॒vaṃ-vi~॒dvā-npṷnaści॒ti-ñci̭nu॒ta ā tṛ॒tīyā॒-tpurṷṣā॒danna̭matti॒ yathā॒ vai pṷnarā॒dheya̭ e॒va-mpṷnaści॒tiryo᳚-'-gnyā॒dheyḙna॒ na- [-gnyā॒dheyḙna॒ na, ṛ॒dhnoti॒ sa] 50
-rdhnoti॒ sa pṷnarā॒dheya॒mā dha̭tte॒ yo᳚-'gni-ñci॒tvā nardhnoti॒ sa pṷnaści॒ti-ñci̭nute॒ ya-tpṷnaści॒ti-ñci̭nu॒ta ṛddhyā॒ atho॒ khalvā̭hu॒rna cḙta॒vyeti̭ ru॒dro vā e॒ṣa yada॒gniryathā᳚ vyā॒ghragṃ su॒pta-mbo॒dhaya̭ti tā॒dṛge॒va tadatho॒ khalvā̭huśceta॒vyeti॒ yathā॒ vasī̭yāgṃsa-mbhāga॒dheyḙna bo॒dhaya̭ti tā॒dṛge॒va tanmanṷra॒gnima̭cinuta॒ tena॒ nā-''rdhno॒thsa e॒tā-mpṷnaści॒tima̭paśya॒-ttāma̭cinuta॒ tayā॒ vai sa ā᳚rdhno॒dya-tpṷnaści॒ti-ñci̭nu॒ta ṛddhyai᳚ || 51 ||
(tri॒vṛ-datha॒-tiṣṭha̭-ntyagnyā॒dheyḙna॒ nā-ci̭nuta-sa॒ptada̭śa- ca) (a. 10)
cha॒nda॒ścita̭-ñcinvīta pa॒śukā̭maḥ pa॒śavo॒ vai chandāgṃ̭si paśu॒māne॒va bha̭vati śyena॒cita̭-ñcinvīta suva॒rgakā̭ma-śśye॒no vai vaya̭sā॒-mpati̭ṣṭha-śśye॒na e॒va bhū॒tvā sṷva॒rgaṃ-lo~॒ka-mpa̭tati kaṅka॒cita̭-ñcinvīta॒ yaḥ kā॒mayḙta śīrṣa॒ṇvāna॒muṣmi̭n ~lo॒ke syā॒miti̭ śīrṣa॒ṇvāne॒vā-'muṣmi̭n ~lo॒ke bha̭vatyalaja॒cita̭-ñcinvīta॒ catṷssīta-mprati॒ṣṭhākā̭ma॒ścata̭sro॒ diśo̭ di॒kṣvḙva prati̭ tiṣṭhati prauga॒cita̭-ñcinvīta॒ bhrātṛ̭vyavā॒-nprai- [bhrātṛ̭vyavā॒-npra, e॒va bhrātṛ̭vyā-nnudata] 52
-va bhrātṛ̭vyā-nnudata ubha॒yataḥ̭ prauga-ñcinvīta॒yaḥ kā॒mayḙta॒ prajā॒tā-nbhrātṛ̭vyā-nnu॒deya॒ prati̭ jani॒ṣyamā̭ṇā॒niti॒ praiva jā॒tā-nbhrātṛ̭vyā-nnu॒date॒ prati̭ jani॒ṣyamā̭ṇā-nrathacakra॒cita̭-ñcinvīta॒ bhrātṛ̭vyavā॒n॒ vajro॒ vai ratho॒ vajra̭me॒va bhrātṛ̭vyebhyaḥ॒ praha̭rati droṇa॒cita̭-ñcinvī॒tānna̭kāmo॒ droṇe॒ vā anna̭-mbhriyate॒ sayo᳚nye॒vānna॒mava̭ rundhe samū॒hya̭-ñcinvīta pa॒śukā̭maḥ paśu॒māne॒va bha̭vati [paśu॒māne॒va bha̭vati, pa॒ri॒cā॒yya̭-ñcinvīta॒] 53
paricā॒yya̭-ñcinvīta॒ grāma̭kāmo grā॒myḙva bha̭vati śmaśāna॒cita̭-ñcinvīta॒ yaḥ kā॒mayḙta pitṛlo॒ka ṛ̭ddhnuyā॒miti̭ pitṛlo॒ka e॒vardhno̭ti viśvāmitrajamada॒gnī vasi̭ṣṭhenā-'spardhetā॒gṃ॒ sa e॒tā ja॒mada̭gnirviha॒vyā̭ apaśya॒-ttā upā̭dhatta॒ tābhi॒rvai sa vasi̭ṣṭhasyendri॒yaṃ-vī~॒rya̭mavṛṅkta॒ ya-dvi̭ha॒vyā̭ upa॒dadhā̭tīndri॒yame॒va tābhi̭rvī॒ryaṃ̭-ya~ja̭māno॒ bhrātṛ̭vyasya vṛṅkte॒ hotu॒rdhiṣṇi̭ya॒ upa̭ dadhāti yajamānāyata॒naṃ-vai~ [ ] 54
hotā॒ sva e॒vāsmā̭ ā॒yata̭na indri॒yaṃ-vī~॒rya̭mava̭ rundhe॒ dvāda॒śopa̭ dadhāti॒ dvāda̭śākṣarā॒ jaga̭tī॒ jāga̭tāḥ pa॒śavo॒ jaga̭tyai॒vāsmai̭ pa॒śūnava̭ rundhe॒ 'ṣṭāva̭ṣṭāva॒nyeṣu॒ dhiṣṇi̭ye॒ṣūpa̭ dadhātya॒ṣṭāśa̭phāḥ pa॒śavaḥ̭ pa॒śūne॒vāva̭ rundhe॒ ṣaṇmā᳚rjā॒līye॒ ṣa-ḍvā ṛ॒tava̭ ṛ॒tavaḥ॒ khalu॒ vai de॒vāḥ pi॒tara̭ ṛ॒tūne॒va de॒vā-npi॒tṝ-nprī̭ṇāti || 55 ||
(pra - bha̭vati - yajamānāyata॒naṃ-vā~ - a॒ṣṭāca̭tvārigṃśacca) (a. 11)
pava̭sva॒ vāja̭sātaya॒ itya̭nu॒ṣṭu-kpra̭ti॒padbha̭vati ti॒rso̭-'nu॒ṣṭubha॒ścata̭sro gāya॒triyo॒ ya-tti॒sro̭-'nu॒ṣṭubha॒-stasmā॒-daśva̭stri॒bhistiṣṭhagg̭ stiṣṭhati॒ yaccata̭sro gāya॒triya॒stasmā॒-thsarvāg̭ śca॒turaḥ̭ pa॒daḥ pra̭ti॒dadha॒-tpalā̭yate para॒mā vā e॒ṣā chanda̭sāṃ॒-ya~da̭nu॒ṣṭu-kpa̭ra॒maśca̭tuṣṭo॒ma-sstomā̭nā-mpara॒mastri̭rā॒tro ya॒jñānā᳚-mpara॒mo-'śvaḥ̭ paśū॒nā-mpa̭ra॒meṇai॒vaina̭-mpara॒matā᳚-ṅgamayatyekavi॒gṃ॒śa-maha̭rbhavati॒ [-maha̭rbhavati, yasmi॒nnaśva̭] 56
yasmi॒nnaśva̭ āla॒bhyate॒ dvāda̭śa॒ māsāḥ॒ pañca॒rtava॒straya̭ i॒me lo॒kā a॒sāvā̭di॒tya ḙkavi॒gṃ॒śa e॒ṣa pra॒jāpa̭tiḥ prājāpa॒tyo-'śva॒stame॒va sā॒kṣādṛ̭ddhnoti॒ śakva̭rayaḥ pṛ॒ṣṭha-mbha̭vantya॒n-yada̭nya॒-cchando॒-'nye᳚nye॒ vā e॒te pa॒śava॒ ā la̭bhyanta u॒teva̭ grā॒myā u॒tevā̭-''ra॒ṇyā yacchakva̭rayaḥ pṛ॒ṣṭha-mbhava॒ntyaśva̭sya sarva॒tvāya̭ pārthura॒śma-mbra̭hmasā॒ma-mbha̭vati ra॒śminā॒ vā aśvo̭ [ra॒śminā॒ vā aśvaḥ̭, ya॒ta ī᳚śva॒ro] 57
ya॒ta ī᳚śva॒ro vā aśvo-'ya॒to-'pra̭tiṣṭhitaḥ॒ parā᳚-mparā॒vata॒-ṅganto॒rya-tpā᳚rthura॒śma-mbra̭hmasā॒ma-mbhava॒tyaśva̭sya॒ yatyai॒ dhṛtyai॒ saṅkṛ̭tyacchāvākasā॒ma-mbha̭vatyuthsannaya॒jño vā e॒ṣa yada̭śvame॒dhaḥ kastadve॒detyā̭hu॒ryadi॒ sarvo̭ vā kri॒yate॒ na vā॒ sarva॒ iti॒ ya-thsaṅkṛ̭tyacchāvākasā॒ma-mbhava॒tyaśva̭sya sarva॒tvāya॒ paryā᳚ptyā॒ ana̭ntarāyāya॒ sarva̭stomo-'tirā॒tra ṷtta॒mamaha̭rbhavati॒ sarva॒syā-''ptyai॒ sarva̭sya॒ jityai॒ sarva̭me॒va tenā᳚-''pnoti॒ sarva̭-ñjayati || 58 ||
(aha̭rbhavati॒ - vā aśvo - 'ha̭rbhavati॒ - daśa̭ ca) (a. 12)
(de॒vā॒su॒rāstena - rta॒vyā̭ - ru॒dro - 'śma̭ - nnṛ॒ṣade॒ va - ḍudḙnaṃ॒ - prācī॒miti॒ - vaso॒rdhārā̭ - ma॒gnirde॒vebhyaḥ̭ - suva॒rgāya̭ yatrākū॒tāya̭ - chanda॒ścitaṃ॒ - pava̭sva॒ - dvāda̭śa )
(de॒vā॒su॒rā - a॒jāyāṃ॒ - ~vai grṷmu॒ṣṭiḥ - pra̭tha॒mo dḙvaya॒tāme॒ - tadvai chanda̭sā - mṛ॒dhno - tya॒ṣṭau pa̭ñcā॒śat)
(de॒vā॒su॒rā, ssarva̭-ñjayati)
|| hariḥ̭ om ||
|| kṛṣṇa yajurvedīya taittirīya saṃhitāyā-mpañcamakāṇḍe caturthaḥ praśna-ssamāptaḥ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.