2.3 - Hotribrahmanasheshah - Krishna Yajurveda Taittiriya Brahmana Pathah - Brahmavadino Vadanti — Grantha Script

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌦𑍍𑌵𑌿𑌤𑍀𑌯𑌾𑌷𑍍𑌟𑌕𑍇 𑌤𑍃𑌤𑍀𑌯𑌃 𑌪𑍍𑌰𑌪𑌾𑌠𑌕𑌃 - 𑌹𑍋𑌤𑍃𑌬𑍍𑌰𑌾𑌹𑍍𑌮𑌣𑌶𑍇𑌷𑌃

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,

𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌅𑌨𑍁𑌵𑌾𑌕𑌂 1 - 𑌸𑌰𑍍𑌵𑍇𑌷𑌾𑌂 𑌹𑍋𑌤𑍃𑌮𑌨𑍍𑌤𑍍𑌰𑌾𑌣𑌾-𑌞𑍍𑌚𑌤𑍁𑌰𑍍𑌹𑍋𑌤𑍃𑌶𑌬𑍍𑌦𑍇𑌨 𑌵𑍍𑌯𑌵𑌹𑌾𑌰

𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿 । 𑌕𑌿-𑌞𑍍𑌚𑌤𑍁॑𑌰𑍍𑌹𑍋𑌤𑍃𑌣𑌾-𑌞𑍍𑌚𑌤𑍁𑌰𑍍𑌹𑍋𑌤𑍃॒𑌤𑍍𑌵𑌮𑌿𑌤𑌿॑ । 𑌯𑌦𑍇॒𑌵𑍈𑌷𑍁 𑌚॑𑌤𑍁॒𑌰𑍍𑌧𑌾 𑌹𑍋𑌤𑌾॑𑌰𑌃 । 𑌤𑍇𑌨॒ 𑌚𑌤𑍁॑𑌰𑍍𑌹𑍋𑌤𑌾𑌰𑌃 । 𑌤𑌸𑍍𑌮𑌾॒𑌚𑍍𑌚𑌤𑍁॑𑌰𑍍𑌹𑍋𑌤𑌾𑌰 𑌉𑌚𑍍𑌯𑌨𑍍𑌤𑍇 । 𑌤𑌚𑍍𑌚𑌤𑍁॑𑌰𑍍𑌹𑍋𑌤𑍃𑌣𑌾-𑌞𑍍𑌚𑌤𑍁𑌰𑍍𑌹𑍋𑌤𑍃॒𑌤𑍍𑌵𑌮𑍍 ॥ 𑌸𑍋𑌮𑍋॒ 𑌵𑍈 𑌚𑌤𑍁॑𑌰𑍍𑌹𑍋𑌤𑌾 । 𑌅॒𑌗𑍍𑌨𑌿𑌃 𑌪𑌞𑍍𑌚॑𑌹𑍋𑌤𑌾 । 𑌧𑌾॒𑌤𑌾 𑌷𑌡𑍍𑌢𑍋॑𑌤𑌾 । 𑌇𑌨𑍍𑌦𑍍𑌰𑌃॑ 𑌸॒𑌪𑍍𑌤𑌹𑍋॑𑌤𑌾 ॥ 1 ॥

𑌪𑍍𑌰॒𑌜𑌾𑌪॑𑌤𑌿॒-𑌰𑍍𑌦𑌶॑𑌹𑍋𑌤𑌾 । 𑌯 𑌏॒𑌵-𑌞𑍍𑌚𑌤𑍁॑𑌰𑍍𑌹𑍋𑌤𑍃𑌣𑌾॒-𑌮𑍃𑌦𑍍𑌧𑌿𑌂॒-𑌵𑍇𑌁𑌦॑ । 𑌋॒𑌧𑍍𑌨𑍋𑌤𑍍𑌯𑍇॒𑌵 ॥ 𑌯 𑌏॑𑌷𑌾𑌮𑍇॒𑌵-𑌮𑍍𑌬॒𑌨𑍍𑌧𑍁𑌤𑌾𑌂॒-𑌵𑍇𑌁𑌦॑ । 𑌬𑌨𑍍𑌧𑍁॑𑌮𑌾𑌨𑍍𑌭𑌵𑌤𑌿 । 𑌯 𑌏॑𑌷𑌾𑌮𑍇॒𑌵-𑌙𑍍𑌕𑍍𑌲𑍃𑌪𑍍𑌤𑌿𑌂॒-𑌵𑍇𑌁𑌦॑ । 𑌕𑌲𑍍𑌪॑𑌤𑍇-𑌽𑌸𑍍𑌮𑍈 । 𑌯 𑌏॑𑌷𑌾𑌮𑍇॒𑌵-𑌮𑌾॒𑌯𑌤॑𑌨𑌂॒-𑌵𑍇𑌁𑌦॑ । 𑌆॒𑌯𑌤॑𑌨𑌵𑌾𑌨𑍍-𑌭𑌵𑌤𑌿 । 𑌯 𑌏॑𑌷𑌾𑌮𑍇॒𑌵-𑌮𑍍𑌪𑍍𑌰॑𑌤𑌿॒𑌷𑍍𑌠𑌾𑌂-𑌵𑍇𑌁𑌦॑ ॥ 2 ॥

𑌪𑍍𑌰𑌤𑍍𑌯𑍇॒𑌵 𑌤𑌿॑𑌷𑍍𑌠𑌤𑌿 ॥ 𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿 । 𑌦𑌶॑𑌹𑍋𑌤𑌾॒ 𑌚𑌤𑍁॑𑌰𑍍𑌹𑍋𑌤𑌾 । 𑌪𑌞𑍍𑌚॑𑌹𑍋𑌤𑌾॒ 𑌷𑌡𑍍𑌢𑍋॑𑌤𑌾 𑌸॒𑌪𑍍𑌤𑌹𑍋॑𑌤𑌾 । 𑌅𑌥॒ 𑌕𑌸𑍍𑌮𑌾॒𑌚𑍍𑌚𑌤𑍁॑𑌰𑍍𑌹𑍋𑌤𑌾𑌰 𑌉𑌚𑍍𑌯𑌨𑍍𑌤॒ 𑌇𑌤𑌿॑ । 𑌇𑌨𑍍𑌦𑍍𑌰𑍋॒ 𑌵𑍈 𑌚𑌤𑍁॑𑌰𑍍𑌹𑍋𑌤𑌾 । 𑌇𑌨𑍍𑌦𑍍𑌰𑌃॒ 𑌖𑌲𑍁॒ 𑌵𑍈 𑌶𑍍𑌰𑍇𑌷𑍍𑌠𑍋॑ 𑌦𑍇॒𑌵𑌤𑌾॑𑌨𑌾-𑌮𑍁𑌪॒𑌦𑍇𑌶॑𑌨𑌾𑌤𑍍 । 𑌯 𑌏॒𑌵𑌮𑌿𑌨𑍍𑌦𑍍𑌰॒𑌗𑍍𑌗𑍍॒ 𑌶𑍍𑌰𑍇𑌷𑍍𑌠॑-𑌨𑍍𑌦𑍇॒𑌵𑌤𑌾॑𑌨𑌾-𑌮𑍁𑌪॒𑌦𑍇𑌶॑𑌨𑌾॒-𑌦𑍍𑌵𑍇𑌦॑ । 𑌵𑌸𑌿॑𑌷𑍍𑌠-𑌸𑍍𑌸𑌮𑌾॒𑌨𑌾𑌨𑌾᳚-𑌮𑍍𑌭𑌵𑌤𑌿 । 𑌤𑌸𑍍𑌮𑌾॒𑌚𑍍𑌛𑍍𑌰𑍇𑌷𑍍𑌠॑𑌮𑌾॒𑌯𑌨𑍍𑌤॑-𑌮𑍍𑌪𑍍𑌰𑌥॒𑌮𑍇𑌨𑍈॒𑌵𑌾𑌨𑍁॑𑌬𑍁𑌦𑍍𑌧𑍍𑌯𑌨𑍍𑌤𑍇 । 𑌅॒𑌯𑌮𑌾𑌗𑌨𑍍𑌨𑍍॑ । 𑌅॒𑌯𑌮𑌵𑌾॑𑌸𑌾॒𑌦𑌿𑌤𑌿॑ । 𑌕𑍀॒𑌰𑍍𑌤𑌿𑌰॑𑌸𑍍𑌯॒ 𑌪𑍂𑌰𑍍𑌵𑌾-𑌽𑌽𑌗॑𑌚𑍍𑌛𑌤𑌿 𑌜॒𑌨𑌤𑌾॑𑌮𑌾𑌯॒𑌤𑌃 । 𑌅𑌥𑍋॑ 𑌏𑌨-𑌮𑍍𑌪𑍍𑌰𑌥॒𑌮𑍇𑌨𑍈॒𑌵𑌾𑌨𑍁॑ 𑌬𑍁𑌦𑍍𑌧𑍍𑌯𑌨𑍍𑌤𑍇 । 𑌅॒𑌯𑌮𑌾𑌗𑌨𑍍𑌨𑍍॑ । 𑌅॒𑌯𑌮𑌵𑌾॑𑌸𑌾॒𑌦𑌿𑌤𑌿॑ ॥ 3 ॥

(𑌸॒𑌪𑍍𑌤𑌹𑍋॑𑌤𑌾 - 𑌪𑍍𑌰𑌤𑌿॒𑌷𑍍𑌠𑌾𑌂-𑌵𑍇𑌁𑌦॑ - 𑌬𑍁𑌦𑍍𑌧𑍍𑌯𑌨𑍍𑌤𑍇॒ 𑌷𑌟𑍍𑌚॑) (𑌅. 1)

𑌅𑌨𑍁𑌵𑌾𑌕𑌂 2 - 𑌨𑍈𑌮𑌿𑌤𑍍𑌤𑌿𑌕𑍋 𑌹𑍋𑌤𑍃𑌮𑌨𑍍𑌤𑍍𑌰𑌹𑍋𑌮𑌃

𑌦𑌕𑍍𑌷𑌿॑𑌣𑌾-𑌮𑍍𑌪𑍍𑌰𑌤𑌿𑌗𑍍𑌰𑌹𑍀॒𑌷𑍍𑌯𑌨𑍍-𑌥𑍍𑌸॒𑌪𑍍𑌤𑌦॑𑌶॒ 𑌕𑍃𑌤𑍍𑌵𑍋-𑌽𑌪𑌾᳚𑌨𑍍𑌯𑌾𑌤𑍍 । 𑌆॒𑌤𑍍𑌮𑌾𑌨॑𑌮𑍇॒𑌵 𑌸𑌮𑌿॑𑌨𑍍𑌧𑍇 । 𑌤𑍇𑌜॑𑌸𑍇 𑌵𑍀॒𑌰𑍍𑌯𑌾॑𑌯 । 𑌅𑌥𑍋᳚ 𑌪𑍍𑌰॒𑌜𑌾𑌪॑𑌤𑌿𑌰𑍇॒𑌵𑍈𑌨𑌾᳚-𑌮𑍍𑌭𑍂॒𑌤𑍍𑌵𑌾 𑌪𑍍𑌰𑌤𑌿॑ 𑌗𑍃𑌹𑍍𑌣𑌾𑌤𑌿 । 𑌆॒𑌤𑍍𑌮𑌨𑍋 𑌽𑌨𑌾᳚𑌰𑍍𑌤𑍍𑌯𑍈 ॥ 𑌯𑌦𑍍𑌯𑍇॑𑌨॒𑌮𑌾𑌰𑍍𑌤𑍍-𑌵𑌿॑𑌜𑍍𑌯𑌾-𑌦𑍍𑌵𑍃॒𑌤𑌗𑍍𑌂 𑌸𑌨𑍍𑌤॑-𑌨𑍍𑌨𑌿॒𑌰𑍍𑌹𑌰𑍇॑𑌰𑌨𑍍𑌨𑍍 । 𑌆𑌗𑍍𑌨𑍀᳚𑌦𑍍𑌧𑍍𑌰𑍇 𑌜𑍁𑌹𑍁𑌯𑌾॒-𑌦𑍍𑌦𑌶॑𑌹𑍋𑌤𑌾𑌰𑌮𑍍 । 𑌚॒𑌤𑍁॒𑌰𑍍𑌗𑍃॒𑌹𑍀॒𑌤𑍇𑌨𑌾𑌜𑍍𑌯𑍇॑𑌨 । 𑌪𑍁॒𑌰𑌸𑍍𑌤𑌾᳚𑌤𑍍-𑌪𑍍𑌰॒𑌤𑍍𑌯𑌨𑍍𑌤𑌿𑌷𑍍𑌠𑌨𑍍𑌨𑍍॑ । 𑌪𑍍𑌰॒𑌤𑌿॒𑌲𑍋॒𑌮𑌂-𑌵𑌿𑌁॒𑌗𑍍𑌰𑌾𑌹᳚𑌮𑍍 ॥ 4 ॥

𑌪𑍍𑌰𑌾॒𑌣𑌾𑌨𑍇॒𑌵𑌾𑌸𑍍𑌯𑍋𑌪॑𑌦𑌾𑌸𑌯𑌤𑌿 ॥ 𑌯𑌦𑍍𑌯𑍇॑𑌨॒-𑌮𑍍𑌪𑍁𑌨॑𑌰𑍁𑌪॒ 𑌶𑌿𑌕𑍍𑌷𑍇॑𑌯𑍁𑌃 । 𑌆𑌗𑍍𑌨𑍀᳚𑌦𑍍𑌧𑍍𑌰 𑌏॒𑌵 𑌜𑍁॑𑌹𑍁𑌯𑌾॒-𑌦𑍍𑌦𑌶॑𑌹𑍋𑌤𑌾𑌰𑌮𑍍 । 𑌚॒𑌤𑍁॒𑌰𑍍𑌗𑍃॒𑌹𑍀॒𑌤𑍇𑌨𑌾𑌜𑍍𑌯𑍇॑𑌨 । 𑌪॒𑌶𑍍𑌚𑌾-𑌤𑍍𑌪𑍍𑌰𑌾𑌂𑌆𑌸𑍀॑𑌨𑌃 । 𑌅॒𑌨𑍁॒𑌲𑍋॒𑌮-𑌮𑌵𑌿॑𑌗𑍍𑌰𑌾𑌹𑌮𑍍 । 𑌪𑍍𑌰𑌾॒𑌣𑌾𑌨𑍇॒𑌵𑌾𑌸𑍍𑌮𑍈॑ 𑌕𑌲𑍍𑌪𑌯𑌤𑌿 ॥ 𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑍀॒-𑌵𑌾𑌘𑍋𑌤𑍇-𑌤𑍍𑌯𑍃॑𑌤𑍁𑌮𑍁॒𑌖 𑌋॑𑌤𑍁𑌮𑍁𑌖𑍇 𑌜𑍁𑌹𑍋𑌤𑌿 । 𑌋॒𑌤𑍂𑌨𑍇॒𑌵𑌾𑌸𑍍𑌮𑍈॑ 𑌕𑌲𑍍𑌪𑌯𑌤𑌿 । 𑌕𑌲𑍍𑌪॑𑌨𑍍𑌤𑍇-𑌽𑌸𑍍𑌮𑌾 𑌋॒𑌤𑌵𑌃॑ ॥ 5 ॥

𑌕𑍍𑌲𑍃॒𑌤𑌾 𑌅॑𑌸𑍍𑌮𑌾 𑌋॒𑌤𑌵॒ 𑌆𑌯॑𑌨𑍍𑌤𑌿 ॥ 𑌷𑌡𑍍𑌢𑍋॑𑌤𑌾॒ 𑌵𑍈 𑌭𑍂॒𑌤𑍍𑌵𑌾 𑌪𑍍𑌰॒𑌜𑌾𑌪॑𑌤𑌿𑌰𑌿॒𑌦𑌗𑍍𑌂 𑌸𑌰𑍍𑌵॑𑌮𑌸𑍃𑌜𑌤 । 𑌸 𑌮𑌨𑍋॑-𑌽𑌸𑍃𑌜𑌤 । 𑌮𑌨॒𑌸𑍋-𑌽𑌧𑌿॑ 𑌗𑌾𑌯॒𑌤𑍍𑌰𑍀𑌮॑𑌸𑍃𑌜𑌤 । 𑌤𑌦𑍍𑌗𑌾॑𑌯॒𑌤𑍍𑌰𑍀𑌂-𑌯𑌁𑌶॑ 𑌆𑌰𑍍𑌚𑍍𑌛𑌤𑍍 । 𑌤𑌾𑌮𑌾-𑌽𑌲॑𑌭𑌤 । 𑌗𑌾॒𑌯॒𑌤𑍍𑌰𑌿॒𑌯𑌾 𑌅𑌧𑌿॒ 𑌛𑌨𑍍𑌦𑌾𑌗𑍍॑𑌸𑍍𑌯 𑌸𑍃𑌜𑌤 । 𑌛𑌨𑍍𑌦𑍋॒𑌭𑍍𑌯𑍋-𑌽𑌧𑌿॒ 𑌸𑌾𑌮॑ । 𑌤-𑌥𑍍𑌸𑌾𑌮॒ 𑌯𑌶॑ 𑌆𑌰𑍍𑌚𑍍𑌛𑌤𑍍 । 𑌤𑌦𑌾-𑌽𑌲॑𑌭𑌤 ॥ 6 ॥

𑌸𑌾𑌮𑍍𑌨𑍋-𑌽𑌧𑌿॒ 𑌯𑌜𑍂𑌗𑍍॑𑌷𑍍𑌯𑌸𑍃𑌜𑌤 । 𑌯𑌜𑍁॒𑌰𑍍𑌭𑍍𑌯𑍋-𑌽𑌧𑌿॒ 𑌵𑌿𑌷𑍍𑌣𑍁᳚𑌮𑍍 । 𑌤-𑌦𑍍𑌵𑌿𑌷𑍍𑌣𑍁𑌂॒-𑌯𑌁𑌶॑ 𑌆𑌰𑍍𑌚𑍍𑌛𑌤𑍍 । 𑌤𑌮𑌾-𑌽𑌲॑𑌭𑌤 । 𑌵𑌿॒𑌷𑍍𑌣𑍋𑌰𑌦𑍍𑌧𑍍𑌯𑍋𑌷॑𑌧𑍀𑌰𑌸𑍃𑌜𑌤 । 𑌓𑌷॑𑌧𑍀॒𑌭𑍍𑌯𑍋-𑌽𑌧𑌿॒ 𑌸𑍋𑌮᳚𑌮𑍍 । 𑌤-𑌥𑍍𑌸𑍋𑌮𑌂॒-𑌯𑌁𑌶॑ 𑌆𑌰𑍍𑌚𑍍𑌛𑌤𑍍 । 𑌤𑌮𑌾-𑌽𑌲॑𑌭𑌤 । 𑌸𑍋𑌮𑌾॒𑌦𑌧𑌿॑ 𑌪॒𑌶𑍂𑌨॑𑌸𑍃𑌜𑌤 । 𑌪॒𑌶𑍁𑌭𑍍𑌯𑍋-𑌽𑌧𑍀𑌨𑍍𑌦𑍍𑌰᳚𑌮𑍍 ॥ 7 ॥

𑌤𑌦𑌿𑌨𑍍𑌦𑍍𑌰𑌂॒-𑌯𑌁𑌶॑ 𑌆𑌰𑍍𑌚𑍍𑌛𑌤𑍍 । 𑌤𑌦𑍇॑𑌨॒-𑌨𑍍𑌨𑌾𑌤𑌿॒ 𑌪𑍍𑌰𑌾𑌚𑍍𑌯॑𑌵𑌤 । 𑌇𑌨𑍍𑌦𑍍𑌰॑ 𑌇𑌵 𑌯𑌶॒𑌸𑍍𑌵𑍀 𑌭॑𑌵𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ । 𑌨𑍈𑌨𑌂॒-𑌯𑌁𑌶𑍋-𑌽𑌤𑌿॒ 𑌪𑍍𑌰𑌚𑍍𑌯॑𑌵𑌤𑍇 ॥ 𑌯𑌦𑍍𑌵𑌾 𑌇॒𑌦-𑌙𑍍𑌕𑌿-𑌞𑍍𑌚॑ । 𑌤-𑌥𑍍𑌸𑌰𑍍𑌵॑𑌮𑍁𑌤𑍍𑌤𑌾॒𑌨 𑌏॒𑌵𑌾𑌙𑍍𑌗𑍀॑𑌰॒𑌸𑌃 𑌪𑍍𑌰𑌤𑍍𑌯॑𑌗𑍃𑌹𑍍𑌣𑌾𑌤𑍍 । 𑌤𑌦𑍇॑𑌨॒-𑌮𑍍𑌪𑍍𑌰𑌤𑌿॑𑌗𑍃𑌹𑍀𑌤॒-𑌨𑍍𑌨𑌾𑌹𑌿॑𑌨𑌤𑍍 । 𑌯-𑌤𑍍𑌕𑌿𑌞𑍍𑌚॑ 𑌪𑍍𑌰𑌤𑌿 𑌗𑍃𑌹𑍍𑌣𑍀॒𑌯𑌾𑌤𑍍 । 𑌤-𑌥𑍍𑌸𑌰𑍍𑌵॑𑌮𑍁𑌤𑍍𑌤𑌾॒𑌨𑌸𑍍𑌤𑍍𑌵𑌾᳚𑌙𑍍𑌗𑍀𑌰॒𑌸𑌃 𑌪𑍍𑌰𑌤𑌿॑𑌗𑍃𑌹𑍍𑌣𑌾॒𑌤𑍍𑌵𑌿𑌤𑍍𑌯𑍇॒𑌵 𑌪𑍍𑌰𑌤𑌿॑𑌗𑍃𑌹𑍍𑌣𑍀𑌯𑌾𑌤𑍍 । 𑌇॒𑌯𑌂-𑌵𑌾𑌁 𑌉॑𑌤𑍍𑌤𑌾॒𑌨 𑌆᳚𑌙𑍍𑌗𑍀𑌰॒𑌸𑌃 । 𑌅॒𑌨𑌯𑍈॒𑌵𑍈𑌨॒𑌤𑍍-𑌪𑍍𑌰𑌤𑌿॑ 𑌗𑍃𑌹𑍍𑌣𑌾𑌤𑌿 । 𑌨𑍈𑌨𑌗𑍍𑌂॑ 𑌹𑌿𑌨𑌸𑍍𑌤𑌿 ॥ 𑌬॒𑌰॒𑌃𑌇𑌷𑌾॒ 𑌪𑍍𑌰𑌤𑍀॑𑌯𑌾॒𑌦𑍍𑌗𑌾𑌂-𑌵𑌾𑌁-𑌽𑌶𑍍𑌵𑌂॑-𑌵𑌾𑌁 । 𑌏॒𑌤𑌦𑍍𑌵𑍈 𑌪॑𑌶𑍂॒𑌨𑌾-𑌮𑍍𑌪𑍍𑌰𑌿॒𑌯-𑌨𑍍𑌧𑌾𑌮॑ । 𑌪𑍍𑌰𑌿॒𑌯𑍇𑌣𑍈॒𑌵𑍈𑌨॒-𑌨𑍍𑌧𑌾𑌮𑍍𑌨𑌾॒ 𑌪𑍍𑌰𑌤𑍍𑌯𑍇॑𑌤𑌿 ॥ 8 ॥

(𑌵𑌿॒𑌗𑍍𑌰𑌾𑌹॑ - 𑌮𑍃॒𑌤𑌵॒ - 𑌸𑍍𑌤𑌦𑌾-𑌽𑌲॑𑌭॒ - 𑌤𑍇𑌨𑍍𑌦𑍍𑌰𑌂॑ - 𑌗𑍃𑌹𑍍𑌣𑍀𑌯𑌾॒-𑌥𑍍𑌷𑌟𑍍𑌚॑) (𑌅. 2)

𑌅𑌨𑍁𑌵𑌾𑌕𑌂 3 - 𑌕𑍇𑌶𑌵𑌪𑌨𑌾𑌙𑍍𑌗-𑌮𑍍𑌪𑍁𑌷𑍍𑌟𑌿𑌵𑍇𑌦𑌨𑌂

𑌯𑍋 𑌵𑌾 𑌅𑌵𑌿॑𑌦𑍍𑌵𑌾-𑌨𑍍𑌨𑌿𑌵॒𑌰𑍍𑌤𑌯॑𑌤𑍇 । 𑌵𑌿𑌶𑍀॑𑌰𑍍𑌷𑌾॒ 𑌸𑌪𑌾᳚𑌪𑍍𑌮𑌾॒ 𑌽𑌮𑍁𑌷𑍍𑌮𑌿॑𑌲𑍍 𑌁𑌲𑍋॒𑌕𑍇 𑌭॑𑌵𑌤𑌿 । 𑌅𑌥॒ 𑌯𑍋 𑌵𑌿॒𑌦𑍍𑌵𑌾-𑌨𑍍𑌨𑌿॑𑌵॒𑌰𑍍𑌤𑌯॑𑌤𑍇 । 𑌸𑌶𑍀॑𑌰𑍍𑌷𑌾॒ 𑌵𑌿𑌪𑌾᳚𑌪𑍍𑌮𑌾॒ 𑌽𑌮𑍁𑌷𑍍𑌮𑌿॑𑌲𑍍 𑌁𑌲𑍋॒𑌕𑍇 𑌭॑𑌵𑌤𑌿 ॥ 𑌦𑍇॒𑌵𑌤𑌾॒ 𑌵𑍈 𑌸॒𑌪𑍍𑌤 𑌪𑍁𑌷𑍍𑌟𑌿॑𑌕𑌾𑌮𑌾॒ 𑌨𑍍𑌯॑𑌵𑌰𑍍𑌤𑌯𑌨𑍍𑌤 । 𑌅॒𑌗𑍍𑌨𑌿𑌶𑍍𑌚॑ 𑌪𑍃𑌥𑌿॒𑌵𑍀 𑌚॑ । 𑌵𑌾॒𑌯𑍁𑌶𑍍𑌚𑌾॒𑌨𑍍𑌤𑌰𑌿॑𑌕𑍍𑌷-𑌞𑍍𑌚 । 𑌆॒𑌦𑌿॒𑌤𑍍𑌯𑌶𑍍𑌚॒ 𑌦𑍍𑌯𑍗𑌶𑍍𑌚॑ 𑌚॒𑌨𑍍𑌦𑍍𑌰𑌮𑌾𑌃᳚ । 𑌅॒𑌗𑍍𑌨𑌿𑌰𑍍𑌨𑍍𑌯॑𑌵𑌰𑍍𑌤𑌯𑌤 । 𑌸 𑌸𑌾॑𑌹॒𑌸𑍍𑌰-𑌮॑𑌪𑍁𑌷𑍍𑌯𑌤𑍍 ॥ 9 ॥

𑌪𑍃॒𑌥𑌿॒𑌵𑍀 𑌨𑍍𑌯॑𑌵𑌰𑍍𑌤𑌯𑌤 । 𑌸𑍗𑌷॑𑌧𑍀𑌭𑌿॒-𑌰𑍍𑌵𑌨॒𑌸𑍍𑌪𑌤𑌿॑𑌭𑌿-𑌰𑌪𑍁𑌷𑍍𑌯𑌤𑍍 । 𑌵𑌾॒𑌯𑍁𑌰𑍍𑌨𑍍𑌯॑𑌵𑌰𑍍𑌤𑌯𑌤 । 𑌸 𑌮𑌰𑍀॑𑌚𑍀𑌭𑌿-𑌰𑌪𑍁𑌷𑍍𑌯𑌤𑍍 । 𑌅॒𑌨𑍍𑌤𑌰𑌿॑𑌕𑍍𑌷॒-𑌨𑍍𑌨𑍍𑌯॑𑌵𑌰𑍍𑌤𑌯𑌤 । 𑌤𑌦𑍍𑌵𑌯𑍋॑𑌭𑌿-𑌰𑌪𑍁𑌷𑍍𑌯𑌤𑍍 । 𑌆॒𑌦𑌿॒𑌤𑍍𑌯𑍋 𑌨𑍍𑌯॑𑌵𑌰𑍍𑌤𑌯𑌤 । 𑌸 𑌰॒𑌶𑍍𑌮𑌿𑌭𑌿॑-𑌰𑌪𑍁𑌷𑍍𑌯𑌤𑍍 । 𑌦𑍍𑌯𑍗𑌰𑍍𑌨𑍍𑌯॑𑌵𑌰𑍍𑌤𑌯𑌤 । 𑌸𑌾 𑌨𑌕𑍍𑌷॑𑌤𑍍𑌰𑍈-𑌰𑌪𑍁𑌷𑍍𑌯𑌤𑍍 । 𑌚॒𑌨𑍍𑌦𑍍𑌰𑌮𑌾॒ 𑌨𑍍𑌯॑𑌵𑌰𑍍𑌤𑌯𑌤 । 𑌸𑍋॑-𑌽𑌹𑍋𑌰𑌾॒𑌤𑍍𑌰𑍈-𑌰॑𑌰𑍍𑌧𑌮𑌾॒𑌸𑍈-𑌰𑍍𑌮𑌾𑌸𑍈𑌰𑍍॑ 𑌋॒𑌤𑍁𑌭𑌿𑌃॑ 𑌸𑌂𑌵𑌁𑌥𑍍𑌸॒𑌰𑍇𑌣𑌾॑-𑌪𑍁𑌷𑍍𑌯𑌤𑍍 । 𑌤𑌾𑌨𑍍𑌪𑍋𑌷𑌾᳚𑌨𑍍-𑌪𑍁𑌷𑍍𑌯𑌤𑌿 । 𑌯𑌾𑌗𑍍𑌸𑍍𑌤𑍇-𑌽𑌪𑍁॑𑌷𑍍𑌯𑌨𑍍𑌨𑍍 । 𑌯 𑌏॒𑌵𑌂-𑌵𑌿𑌁॒𑌦𑌾𑌨𑍍𑌨𑌿 𑌚॑ 𑌵॒𑌰𑍍𑌤𑌯॑𑌤𑍇॒ 𑌪𑌰𑌿॑ 𑌚 ॥ 10 ॥

(𑌅॒𑌪𑍁॒𑌷𑍍𑌯॒𑌨𑍍 - 𑌨𑌕𑍍𑌷॑𑌤𑍍𑌰𑍈𑌰𑌪𑍁𑌷𑍍𑌯॒-𑌤𑍍𑌪𑌞𑍍𑌚॑ 𑌚) (𑌅. 3)

𑌅𑌨𑍁𑌵𑌾𑌕𑌂 4 - 𑌪𑍍𑌰𑌤𑌿𑌗𑍍𑌰𑌹𑌮𑌨𑍍𑌤𑍍𑌰𑌮𑌹𑌿𑌮𑌜𑍍𑌞𑌾𑌨𑌮𑍍

𑌤𑌸𑍍𑌯॒ 𑌵𑌾 𑌅॒𑌗𑍍𑌨𑍇𑌰𑍍-𑌹𑌿𑌰॑𑌣𑍍𑌯-𑌮𑍍𑌪𑍍𑌰𑌤𑌿𑌜𑌗𑍍𑌰॒𑌹𑍁𑌷𑌃॑ । 𑌅॒𑌰𑍍𑌧𑌮𑌿॑𑌨𑍍𑌦𑍍𑌰𑌿॒𑌯𑌸𑍍𑌯𑌾-𑌪𑌾᳚𑌕𑍍𑌰𑌾𑌮𑌤𑍍 । 𑌤𑌦𑍇॒𑌤𑍇𑌨𑍈॒𑌵 𑌪𑍍𑌰𑌤𑍍𑌯॑𑌗𑍃𑌹𑍍𑌣𑌾𑌤𑍍 । 𑌤𑍇𑌨॒ 𑌵𑍈 𑌸𑍋᳚-𑌽𑌰𑍍𑌧𑌮𑌿॑𑌨𑍍𑌦𑍍𑌰𑌿॒𑌯-𑌸𑍍𑌯𑌾॒𑌤𑍍𑌮-𑌨𑍍𑌨𑍁॒𑌪𑌾𑌧॑𑌤𑍍𑌤 । 𑌅॒𑌰𑍍𑌧𑌮𑌿॑𑌨𑍍𑌦𑍍𑌰𑌿॒𑌯𑌸𑍍𑌯𑌾॒𑌤𑍍𑌮-𑌨𑍍𑌨𑍁॒𑌪𑌾𑌧॑𑌤𑍍𑌤𑍇 । 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨𑍍. 𑌹𑌿𑌰॑𑌣𑍍𑌯-𑌮𑍍𑌪𑍍𑌰𑌤𑌿 𑌗𑍃॒𑌹𑍍𑌣𑌾𑌤𑌿॑ । 𑌅𑌥॒ 𑌯𑍋 𑌽𑌵𑌿॑𑌦𑍍𑌵𑌾-𑌨𑍍𑌪𑍍𑌰𑌤𑌿 𑌗𑍃॒𑌹𑍍𑌣𑌾𑌤𑌿॑ । 𑌅॒𑌰𑍍𑌧𑌮॑𑌸𑍍𑌯𑍇𑌨𑍍𑌦𑍍𑌰𑌿॒𑌯𑌸𑍍𑌯𑌾𑌪॑ 𑌕𑍍𑌰𑌾𑌮𑌤𑌿 ॥ 𑌤𑌸𑍍𑌯॒ 𑌵𑍈 𑌸𑍋𑌮॑𑌸𑍍𑌯॒ 𑌵𑌾𑌸𑌃॑ 𑌪𑍍𑌰𑌤𑌿𑌜𑌗𑍍𑌰॒𑌹𑍁𑌷𑌃॑ । 𑌤𑍃𑌤𑍀॑𑌯𑌮𑌿𑌨𑍍𑌦𑍍𑌰𑌿॒𑌯𑌸𑍍𑌯𑌾-𑌪𑌾᳚𑌕𑍍𑌰𑌾𑌮𑌤𑍍 ॥ 11 ॥

𑌤𑌦𑍇॒𑌤𑍇𑌨𑍈॒𑌵 𑌪𑍍𑌰𑌤𑍍𑌯॑𑌗𑍃𑌹𑍍𑌣𑌾𑌤𑍍 । 𑌤𑍇𑌨॒ 𑌵𑍈 𑌸 𑌤𑍃𑌤𑍀॑𑌯𑌮𑌿𑌨𑍍𑌦𑍍𑌰𑌿॒𑌯𑌸𑍍𑌯𑌾॒𑌤𑍍𑌮-𑌨𑍍𑌨𑍁॒𑌪𑌾𑌧॑𑌤𑍍𑌤 । 𑌤𑍃𑌤𑍀॑𑌯𑌮𑌿𑌨𑍍𑌦𑍍𑌰𑌿॒𑌯𑌸𑍍𑌯𑌾॒𑌤𑍍𑌮-𑌨𑍍𑌨𑍁॒𑌪𑌾𑌧॑𑌤𑍍𑌤𑍇 । 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨𑍍. 𑌵𑌾𑌸𑌃॑ 𑌪𑍍𑌰𑌤𑌿 𑌗𑍃॒𑌹𑍍𑌣𑌾𑌤𑌿॑ । 𑌅𑌥॒ 𑌯𑍋-𑌽𑌵𑌿॑𑌦𑍍𑌵𑌾-𑌨𑍍𑌪𑍍𑌰𑌤𑌿 𑌗𑍃॒𑌹𑍍𑌣𑌾𑌤𑌿॑ । 𑌤𑍃𑌤𑍀॑𑌯𑌮𑌸𑍍𑌯𑍇𑌨𑍍𑌦𑍍𑌰𑌿॒𑌯𑌸𑍍𑌯𑌾𑌪॑ 𑌕𑍍𑌰𑌾𑌮𑌤𑌿 ॥ 𑌤𑌸𑍍𑌯॒ 𑌵𑍈 𑌰𑍁॒𑌦𑍍𑌰𑌸𑍍𑌯॒ 𑌗𑌾-𑌮𑍍𑌪𑍍𑌰॑𑌤𑌿𑌜𑌗𑍍𑌰॒𑌹𑍁𑌷𑌃॑ । 𑌚॒𑌤𑍁॒𑌰𑍍𑌥𑌮𑌿॑𑌨𑍍𑌦𑍍𑌰𑌿॒𑌯𑌸𑍍𑌯𑌾-𑌪𑌾᳚𑌕𑍍𑌰𑌾𑌮𑌤𑍍 । 𑌤𑌾𑌮𑍇॒𑌤𑍇𑌨𑍈॒𑌵 𑌪𑍍𑌰𑌤𑍍𑌯॑𑌗𑍃𑌹𑍍𑌣𑌾𑌤𑍍 । 𑌤𑍇𑌨॒ 𑌵𑍈 𑌸 𑌚॑𑌤𑍁॒𑌰𑍍𑌥𑌮𑌿॑𑌨𑍍𑌦𑍍𑌰𑌿॒𑌯𑌸𑍍𑌯𑌾॒𑌤𑍍𑌮-𑌨𑍍𑌨𑍁॒𑌪𑌾𑌧॑𑌤𑍍𑌤 ॥ 12 ॥

𑌚॒𑌤𑍁॒𑌰𑍍𑌥𑌮𑌿॑𑌨𑍍𑌦𑍍𑌰𑌿॒𑌯𑌸𑍍𑌯𑌾॒𑌤𑍍𑌮-𑌨𑍍𑌨𑍁॒𑌪𑌾𑌧॑𑌤𑍍𑌤𑍇 । 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾-𑌨𑍍𑌗𑌾-𑌮𑍍𑌪𑍍𑌰॑𑌤𑌿 𑌗𑍃॒𑌹𑍍𑌣𑌾𑌤𑌿॑ । 𑌅𑌥॒ 𑌯𑍋-𑌽𑌵𑌿॑𑌦𑍍𑌵𑌾-𑌨𑍍𑌪𑍍𑌰𑌤𑌿 𑌗𑍃॒𑌹𑍍𑌣𑌾𑌤𑌿॑ । 𑌚॒𑌤𑍁॒𑌰𑍍𑌥𑌮॑𑌸𑍍𑌯𑍇𑌨𑍍𑌦𑍍𑌰𑌿॒𑌯𑌸𑍍𑌯𑌾𑌪॑ 𑌕𑍍𑌰𑌾𑌮𑌤𑌿 ॥ 𑌤𑌸𑍍𑌯॒ 𑌵𑍈 𑌵𑌰𑍁॑𑌣॒𑌸𑍍𑌯𑌾𑌶𑍍𑌵॑-𑌮𑍍𑌪𑍍𑌰𑌤𑌿𑌜𑌗𑍍𑌰॒𑌹𑍁𑌷𑌃॑ । 𑌪॒𑌞𑍍𑌚॒𑌮𑌮𑌿॑𑌨𑍍𑌦𑍍𑌰𑌿॒𑌯𑌸𑍍𑌯𑌾-𑌪𑌾᳚𑌕𑍍𑌰𑌾𑌮𑌤𑍍 । 𑌤𑌮𑍇॒𑌤𑍇𑌨𑍈॒𑌵 𑌪𑍍𑌰𑌤𑍍𑌯॑𑌗𑍃𑌹𑍍𑌣𑌾𑌤𑍍 । 𑌤𑍇𑌨॒ 𑌵𑍈 𑌸 𑌪॑𑌞𑍍𑌚॒𑌮𑌮𑌿॑𑌨𑍍𑌦𑍍𑌰𑌿॒𑌯𑌸𑍍𑌯𑌾॒𑌤𑍍𑌮-𑌨𑍍𑌨𑍁॒𑌪𑌾𑌧॑𑌤𑍍𑌤 । 𑌪॒𑌞𑍍𑌚॒𑌮𑌮𑌿॑𑌨𑍍𑌦𑍍𑌰𑌿॒𑌯𑌸𑍍𑌯𑌾॒𑌤𑍍𑌮-𑌨𑍍𑌨𑍁॒𑌪𑌾𑌧॑𑌤𑍍𑌤𑍇 । 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨𑌶𑍍𑌵॑-𑌮𑍍𑌪𑍍𑌰𑌤𑌿 𑌗𑍃॒𑌹𑍍𑌣𑌾𑌤𑌿॑ ॥ 13 ॥

𑌅𑌥॒ 𑌯𑍋-𑌽𑌵𑌿॑𑌦𑍍𑌵𑌾-𑌨𑍍𑌪𑍍𑌰𑌤𑌿𑌗𑍃॒𑌹𑍍𑌣𑌾𑌤𑌿॑ । 𑌪॒𑌞𑍍𑌚॒𑌮𑌮॑𑌸𑍍𑌯𑍇𑌨𑍍𑌦𑍍𑌰𑌿॒𑌯𑌸𑍍𑌯𑌾𑌪॑ 𑌕𑍍𑌰𑌾𑌮𑌤𑌿 ॥ 𑌤𑌸𑍍𑌯॒ 𑌵𑍈 𑌪𑍍𑌰॒𑌜𑌾𑌪॑𑌤𑍇𑌃॒ 𑌪𑍁𑌰𑍁॑𑌷-𑌮𑍍𑌪𑍍𑌰𑌤𑌿𑌜𑌗𑍍𑌰॒𑌹𑍁𑌷𑌃॑ । 𑌷॒𑌷𑍍𑌠𑌮𑌿॑𑌨𑍍𑌦𑍍𑌰𑌿॒𑌯𑌸𑍍𑌯𑌾-𑌪𑌾᳚𑌕𑍍𑌰𑌾𑌮𑌤𑍍 । 𑌤𑌮𑍇॒𑌤𑍇𑌨𑍈॒𑌵 𑌪𑍍𑌰𑌤𑍍𑌯॑𑌗𑍃𑌹𑍍𑌣𑌾𑌤𑍍 । 𑌤𑍇𑌨॒ 𑌵𑍈 𑌸 𑌷॒𑌷𑍍𑌠𑌮𑌿॑𑌨𑍍𑌦𑍍𑌰𑌿॒𑌯𑌸𑍍𑌯𑌾॒𑌤𑍍𑌮-𑌨𑍍𑌨𑍁॒𑌪𑌾𑌧॑𑌤𑍍𑌤 । 𑌷॒𑌷𑍍𑌠𑌮𑌿॑𑌨𑍍𑌦𑍍𑌰𑌿॒𑌯𑌸𑍍𑌯𑌾॒𑌤𑍍𑌮-𑌨𑍍𑌨𑍁॒𑌪𑌾𑌧॑𑌤𑍍𑌤𑍇 । 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾-𑌨𑍍𑌪𑍁𑌰𑍁॑𑌷-𑌮𑍍𑌪𑍍𑌰𑌤𑌿 𑌗𑍃॒𑌹𑍍𑌣𑌾𑌤𑌿॑ । 𑌅𑌥॒ 𑌯𑍋-𑌽𑌵𑌿॑𑌦𑍍𑌵𑌾-𑌨𑍍𑌪𑍍𑌰𑌤𑌿 𑌗𑍃॒𑌹𑍍𑌣𑌾𑌤𑌿॑ । 𑌷॒𑌷𑍍𑌠𑌮॑𑌸𑍍𑌯𑍇𑌨𑍍𑌦𑍍𑌰𑌿॒𑌯𑌸𑍍𑌯𑌾𑌪॑-𑌕𑍍𑌰𑌾𑌮𑌤𑌿 ॥ 14 ॥

𑌤𑌸𑍍𑌯॒ 𑌵𑍈 𑌮𑌨𑍋॒𑌸𑍍𑌤𑌲𑍍𑌪॑-𑌮𑍍𑌪𑍍𑌰𑌤𑌿𑌜𑌗𑍍𑌰॒𑌹𑍁𑌷𑌃॑ । 𑌸॒𑌪𑍍𑌤॒𑌮𑌮𑌿॑𑌨𑍍𑌦𑍍𑌰𑌿॒𑌯𑌸𑍍𑌯𑌾-𑌪𑌾᳚𑌕𑍍𑌰𑌾𑌮𑌤𑍍 । 𑌤𑌮𑍇॒𑌤𑍇𑌨𑍈॒𑌵 𑌪𑍍𑌰𑌤𑍍𑌯॑𑌗𑍃𑌹𑍍𑌣𑌾𑌤𑍍 । 𑌤𑍇𑌨॒ 𑌵𑍈 𑌸 𑌸॑𑌪𑍍𑌤॒𑌮𑌮𑌿॑𑌨𑍍𑌦𑍍𑌰𑌿॒𑌯-𑌸𑍍𑌯𑌾॒𑌤𑍍𑌮-𑌨𑍍𑌨𑍁॒𑌪𑌾𑌧॑𑌤𑍍𑌤 । 𑌸॒𑌪𑍍𑌤॒𑌮𑌮𑌿॑𑌨𑍍𑌦𑍍𑌰𑌿॒𑌯𑌸𑍍𑌯𑌾॒𑌤𑍍𑌮-𑌨𑍍𑌨𑍁॒𑌪𑌾𑌧॑𑌤𑍍𑌤𑍇 । 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌗𑍍𑌸𑍍𑌤𑌲𑍍𑌪॑-𑌮𑍍𑌪𑍍𑌰𑌤𑌿𑌗𑍃॒𑌹𑍍𑌣𑌾𑌤𑌿॑ । 𑌅𑌥॒ 𑌯𑍋-𑌽𑌵𑌿॑𑌦𑍍𑌵𑌾-𑌨𑍍𑌪𑍍𑌰𑌤𑌿 𑌗𑍃॒𑌹𑍍𑌣𑌾𑌤𑌿॑ । 𑌸॒𑌪𑍍𑌤॒𑌮𑌮॑𑌸𑍍𑌯𑍇𑌨𑍍𑌦𑍍𑌰𑌿॒𑌯𑌸𑍍𑌯𑌾𑌪॑-𑌕𑍍𑌰𑌾𑌮𑌤𑌿 ॥ 𑌤𑌸𑍍𑌯॒ 𑌵𑌾 𑌉॑𑌤𑍍𑌤𑌾॒𑌨𑌸𑍍𑌯𑌾᳚𑌙𑍍𑌗𑍀𑌰॒𑌸𑌸𑍍𑌯𑌾 𑌪𑍍𑌰𑌾॑𑌣-𑌤𑍍𑌪𑍍𑌰𑌤𑌿𑌜𑌗𑍍𑌰॒𑌹𑍁𑌷𑌃॑ । 𑌅॒𑌷𑍍𑌟॒𑌮𑌮𑌿॑𑌨𑍍𑌦𑍍𑌰𑌿॒𑌯𑌸𑍍𑌯𑌾-𑌪𑌾᳚𑌕𑍍𑌰𑌾𑌮𑌤𑍍 ॥ 15 ॥

𑌤𑌦𑍇॒𑌤𑍇𑌨𑍈॒𑌵 𑌪𑍍𑌰𑌤𑍍𑌯॑𑌗𑍃𑌹𑍍𑌣𑌾𑌤𑍍 । 𑌤𑍇𑌨॒ 𑌵𑍈 𑌸𑍋᳚-𑌽𑌷𑍍𑌟॒𑌮𑌮𑌿॑𑌨𑍍𑌦𑍍𑌰𑌿॒𑌯𑌸𑍍𑌯𑌾॒𑌤𑍍𑌮-𑌨𑍍𑌨𑍁॒𑌪𑌾𑌧॑𑌤𑍍𑌤𑍇 । 𑌅॒𑌷𑍍𑌟॒𑌮𑌮𑌿॑𑌨𑍍𑌦𑍍𑌰𑌿॒𑌯𑌸𑍍𑌯𑌾॒𑌤𑍍𑌮-𑌨𑍍𑌨𑍁॒𑌪𑌾𑌧॑𑌤𑍍𑌤𑍇 । 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨 𑌪𑍍𑌰𑌾॑𑌣-𑌤𑍍𑌪𑍍𑌰𑌤𑌿 𑌗𑍃॒𑌹𑍍𑌣𑌾𑌤𑌿॑ । 𑌅𑌥॒ 𑌯𑍋-𑌽𑌵𑌿॑𑌦𑍍𑌵𑌾-𑌨𑍍𑌪𑍍𑌰𑌤𑌿𑌗𑍃॒𑌹𑍍𑌣𑌾𑌤𑌿॑ । 𑌅॒𑌷𑍍𑌟॒𑌮𑌮॑𑌸𑍍𑌯𑍇𑌨𑍍𑌦𑍍𑌰𑌿॒𑌯𑌸𑍍𑌯𑌾𑌪॑ 𑌕𑍍𑌰𑌾𑌮𑌤𑌿 ॥ 𑌯𑌦𑍍𑌵𑌾 𑌇॒𑌦-𑌙𑍍𑌕𑌿-𑌞𑍍𑌚॑ । 𑌤-𑌥𑍍𑌸𑌰𑍍𑌵॑-𑌮𑍁𑌤𑍍𑌤𑌾॒𑌨 𑌏॒𑌵𑌾𑌙𑍍𑌗𑍀॑𑌰॒𑌸𑌃 𑌪𑍍𑌰𑌤𑍍𑌯॑ 𑌗𑍃𑌹𑍍𑌣𑌾𑌤𑍍 । 𑌤𑌦𑍇॑𑌨॒-𑌮𑍍𑌪𑍍𑌰𑌤𑌿॑𑌗𑍃𑌹𑍀𑌤॒-𑌨𑍍𑌨𑌾𑌹𑌿॑𑌨𑌤𑍍 । 𑌯-𑌤𑍍𑌕𑌿-𑌞𑍍𑌚॑ 𑌪𑍍𑌰𑌤𑌿 𑌗𑍃𑌹𑍍𑌣𑍀॒𑌯𑌾𑌤𑍍 । 𑌤-𑌥𑍍𑌸𑌰𑍍𑌵॑-𑌮𑍁𑌤𑍍𑌤𑌾॒𑌨-𑌸𑍍𑌤𑍍𑌵𑌾᳚𑌙𑍍𑌗𑍀𑌰॒𑌸𑌃 𑌪𑍍𑌰𑌤𑌿॑𑌗𑍃𑌹𑍍𑌣𑌾॒𑌤𑍍𑌵𑌿𑌤𑍍𑌯𑍇॒𑌵 𑌪𑍍𑌰𑌤𑌿॑ 𑌗𑍃𑌹𑍍𑌣𑍀𑌯𑌾𑌤𑍍 । 𑌇॒𑌯𑌂-𑌵𑌾𑌁 𑌉॑𑌤𑍍𑌤𑌾॒𑌨 𑌆᳚𑌙𑍍𑌗𑍀𑌰॒𑌸𑌃 । 𑌅॒𑌨𑌯𑍈॒𑌵𑍈𑌨॒𑌤𑍍-𑌪𑍍𑌰𑌤𑌿॑𑌗𑍃𑌹𑍍𑌣𑌾𑌤𑌿 । 𑌨𑍈𑌨𑌗𑍍𑌂॑ 𑌹𑌿𑌨𑌸𑍍𑌤𑌿 ॥ 16 ॥

(𑌤𑍃𑌤𑍀॑𑌯𑌮𑌿𑌨𑍍𑌦𑍍𑌰𑌿॒𑌯𑌸𑍍𑌯𑌾𑌪𑌾᳚𑌕𑍍𑌰𑌾𑌮𑌚𑍍 - 𑌚𑌤𑍁॒𑌰𑍍𑌥𑌮𑌿॑𑌨𑍍𑌦𑍍𑌰𑌿॒𑌯𑌸𑍍𑌯𑌾॒𑌤𑍍𑌮𑌨𑍍𑌨𑍁॒𑌪𑌾𑌧॒ - 𑌤𑍍𑌤𑌾𑌶𑍍𑌵॑-𑌮𑍍𑌪𑍍𑌰𑌤𑌿𑌗𑍃॒𑌹𑍍𑌣𑌾𑌤𑌿॑ - 𑌷॒𑌷𑍍𑌠॑𑌮𑌸𑍍𑌯𑍇𑌨𑍍𑌦𑍍𑌰𑌿॒𑌯𑌸𑍍𑌯𑌾𑌪॑𑌕𑍍𑌰𑌾𑌮 -𑌤𑍍𑌯𑌷𑍍𑌟॒𑌮𑌮𑌿॑𑌨𑍍𑌦𑍍𑌰𑌿॒𑌯𑌸𑍍𑌯𑌾𑌪𑌾᳚𑌕𑍍𑌰𑌾𑌮𑌤𑍍 - 𑌪𑍍𑌰𑌤𑌿 𑌗𑍃𑌹𑍍𑌣𑍀॒𑌯𑌾𑌚𑍍 𑌚॒𑌤𑍍𑌵𑌾𑌰𑌿॑ 𑌚) (𑌅. 4)

(𑌤𑌸𑍍𑌯॒ 𑌵𑌾 𑌅॒𑌗𑍍𑌨𑍇𑌰𑍍-𑌹𑌿𑌰॑𑌣𑍍𑌯॒𑌗𑍍𑌂॒ 𑌸𑍋𑌮॑𑌸𑍍𑌯॒ 𑌵𑌾𑌸॒𑌸𑍍𑌤𑌦𑍇॒𑌤𑍇𑌨॑ 𑌰𑍁॒𑌦𑍍𑌰𑌸𑍍𑌯॒ 𑌗𑌾-𑌨𑍍𑌤𑌾𑌮𑍇॒𑌤𑍇𑌨॒ 𑌵𑌰𑍁॑𑌣॒𑌸𑍍𑌯𑌾𑌶𑍍𑌵॑-𑌮𑍍𑌪𑍍𑌰॒𑌜𑌾𑌪॑𑌤𑍇𑌃॒ 𑌪𑍁𑌰𑍁॑𑌷॒-𑌮𑍍𑌮𑌨𑍋॒𑌸𑍍𑌤𑌲𑍍𑌪॒-𑌨𑍍𑌤𑌮𑍇॒𑌤𑍇𑌨𑍋᳚𑌤𑍍𑌤𑌾॒𑌨𑌸𑍍𑌯॒ 𑌤𑌦𑍇॒𑌤𑍇𑌨𑌾𑌪𑍍𑌰𑌾॑𑌣॒𑌦𑍍𑌯-𑌦𑍍𑌵𑍈 )

(𑌅॒𑌰𑍍𑌧-𑌨𑍍𑌤𑍃𑌤𑍀॑𑌯𑌮𑌷𑍍𑌟॒𑌮-𑌨𑍍𑌤𑌚𑍍𑌚॑𑌤𑍁॒𑌰𑍍𑌥-𑌨𑍍𑌤𑌾-𑌮𑍍𑌪॑𑌞𑍍𑌚॒𑌮𑌗𑍍𑌂 𑌷॒𑌷𑍍𑌠𑌗𑍍𑌂 𑌸॑𑌪𑍍𑌤॒𑌮𑌨𑍍𑌤𑌮𑍍 ।

𑌤𑌦𑍇॒𑌤𑍇𑌨॒ 𑌦𑍍𑌵𑍇 𑌤𑌾𑌮𑍇॒𑌤𑍇𑌨𑍈𑌕॒-𑌨𑍍𑌤𑌮𑍇॒𑌤𑍇𑌨॒ 𑌤𑍍𑌰𑍀𑌣𑌿॒ 𑌤𑌦𑍇॒𑌤𑍇𑌨𑍈𑌕𑌂᳚ )

𑌅𑌨𑍁𑌵𑌾𑌕𑌂 5 - 𑌪𑍍𑌰𑌶𑍍𑌨𑍋𑌤𑍍𑌤𑌰𑌰𑍂𑌪𑍋 𑌬𑍍𑌰𑌹𑍍𑌮𑌵𑌿𑌷𑌯𑌸𑍍𑌸𑌂𑌵𑌾𑌁𑌦𑌃

𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿 ॥ 𑌯-𑌦𑍍𑌦𑌶॑𑌹𑍋𑌤𑌾𑌰-𑌸𑍍𑌸॒𑌤𑍍𑌰𑌮𑌾𑌸॑𑌤 । 𑌕𑍇𑌨॒ 𑌤𑍇 𑌗𑍃॒𑌹𑌪॑𑌤𑌿𑌨𑌾 𑌽𑌽𑌰𑍍𑌧𑍍𑌨𑍁𑌵𑌨𑍍𑌨𑍍 । 𑌕𑍇𑌨॑ 𑌪𑍍𑌰॒𑌜𑌾 𑌅॑𑌸𑍃𑌜॒𑌨𑍍𑌤𑍇𑌤𑌿॑ । 𑌪𑍍𑌰॒𑌜𑌾𑌪॑𑌤𑌿𑌨𑌾॒ 𑌵𑍈 𑌤𑍇 𑌗𑍃॒𑌹𑌪॑𑌤𑌿𑌨𑌾 𑌽𑌽𑌰𑍍𑌧𑍍𑌨𑍁𑌵𑌨𑍍𑌨𑍍 । 𑌤𑍇𑌨॑ 𑌪𑍍𑌰॒𑌜𑌾 𑌅॑𑌸𑍃𑌜𑌨𑍍𑌤 ॥ 𑌯𑌚𑍍𑌚𑌤𑍁॑𑌰𑍍𑌹𑍋𑌤𑌾𑌰-𑌸𑍍𑌸॒𑌤𑍍𑌰𑌮𑌾𑌸॑𑌤 । 𑌕𑍇𑌨॒ 𑌤𑍇 𑌗𑍃॒𑌹𑌪॑𑌤𑌿𑌨𑌾 𑌽𑌽𑌰𑍍𑌧𑍍𑌨𑍁𑌵𑌨𑍍𑌨𑍍 । 𑌕𑍇𑌨𑍗𑌷॑𑌧𑍀-𑌰𑌸𑍃𑌜॒𑌨𑍍𑌤𑍇𑌤𑌿॑ । 𑌸𑍋𑌮𑍇॑𑌨॒ 𑌵𑍈 𑌤𑍇 𑌗𑍃॒𑌹𑌪॑𑌤𑌿𑌨𑌾 𑌽𑌽𑌰𑍍𑌧𑍍𑌨𑍁𑌵𑌨𑍍𑌨𑍍 ॥ 17 ॥

𑌤𑍇𑌨𑍗𑌷॑𑌧𑍀-𑌰𑌸𑍃𑌜𑌨𑍍𑌤 ॥ 𑌯-𑌤𑍍𑌪𑌞𑍍𑌚॑𑌹𑍋𑌤𑌾𑌰-𑌸𑍍𑌸॒𑌤𑍍𑌰𑌮𑌾𑌸॑𑌤 । 𑌕𑍇𑌨॒ 𑌤𑍇 𑌗𑍃॒𑌹𑌪॑𑌤𑌿𑌨𑌾 𑌽𑌽𑌰𑍍𑌧𑍍𑌨𑍁𑌵𑌨𑍍𑌨𑍍 । 𑌕𑍇𑌨𑍈॒𑌭𑍍𑌯𑍋 𑌲𑍋॒𑌕𑍇𑌭𑍍𑌯𑍋-𑌽𑌸𑍁॑𑌰𑌾॒-𑌨𑍍𑌪𑍍𑌰𑌾𑌣𑍁॑𑌦𑌨𑍍𑌤 । 𑌕𑍇𑌨𑍈॑𑌷𑌾-𑌮𑍍𑌪॒𑌶𑍂𑌨॑𑌵𑍃𑌞𑍍𑌜॒𑌤𑍇𑌤𑌿॑ । 𑌅॒𑌗𑍍𑌨𑌿𑌨𑌾॒ 𑌵𑍈 𑌤𑍇 𑌗𑍃॒𑌹𑌪॑𑌤𑌿𑌨𑌾 𑌽𑌽𑌰𑍍𑌧𑍍𑌨𑍁𑌵𑌨𑍍𑌨𑍍 । 𑌤𑍇𑌨𑍈॒𑌭𑍍𑌯𑍋 𑌲𑍋॒𑌕𑍇𑌭𑍍𑌯𑍋-𑌽𑌸𑍁॑𑌰𑌾॒𑌨𑍍-𑌪𑍍𑌰𑌾𑌣𑍁॑𑌦𑌨𑍍𑌤 । 𑌤𑍇𑌨𑍈॑𑌷𑌾-𑌮𑍍𑌪॒𑌶𑍂𑌨॑𑌵𑍃𑌞𑍍𑌜𑌤 ॥ 𑌯-𑌥𑍍𑌷𑌡𑍍𑌢𑍋॑𑌤𑌾𑌰-𑌸𑍍𑌸॒𑌤𑍍𑌰𑌮𑌾𑌸॑𑌤 । 𑌕𑍇𑌨॒ 𑌤𑍇 𑌗𑍃॒𑌹𑌪॑𑌤𑌿𑌨𑌾 𑌽𑌽𑌰𑍍𑌧𑍍𑌨𑍁𑌵𑌨𑍍𑌨𑍍 ॥ 18 ॥

𑌕𑍇𑌨॒𑌰𑍍𑌤𑍂𑌨॑-𑌕𑌲𑍍𑌪𑌯॒𑌨𑍍𑌤𑍇𑌤𑌿॑ । 𑌧𑌾॒𑌤𑍍𑌰𑌾 𑌵𑍈 𑌤𑍇 𑌗𑍃॒𑌹𑌪॑𑌤𑌿𑌨𑌾 𑌽𑌽𑌰𑍍𑌧𑍍𑌨𑍁𑌵𑌨𑍍𑌨𑍍 । 𑌤𑍇𑌨॒𑌰𑍍𑌤𑍂𑌨॑𑌕𑌲𑍍𑌪𑌯𑌨𑍍𑌤 ॥ 𑌯-𑌥𑍍𑌸॒𑌪𑍍𑌤𑌹𑍋॑𑌤𑌾𑌰-𑌸𑍍𑌸॒𑌤𑍍𑌰𑌮𑌾𑌸॑𑌤 । 𑌕𑍇𑌨॒ 𑌤𑍇 𑌗𑍃॒𑌹𑌪॑𑌤𑌿𑌨𑌾 𑌽𑌽𑌰𑍍𑌧𑍍𑌨𑍁𑌵𑌨𑍍𑌨𑍍 । 𑌕𑍇𑌨॒ 𑌸𑍁𑌵॑𑌰𑌾𑌯𑌨𑍍𑌨𑍍 । 𑌕𑍇𑌨𑍇॒𑌮𑌾𑌲𑍍 𑌁𑌲𑍋॒𑌕𑌾𑌨𑍍-𑌥𑍍𑌸𑌮॑𑌤𑌨𑍍𑌵॒𑌨𑍍𑌨𑌿𑌤𑌿॑ । 𑌅॒𑌰𑍍𑌯॒𑌮𑍍𑌣𑌾 𑌵𑍈 𑌤𑍇 𑌗𑍃॒𑌹𑌪॑𑌤𑌿𑌨𑌾 𑌽𑌽𑌰𑍍𑌧𑍍𑌨𑍁𑌵𑌨𑍍𑌨𑍍 । 𑌤𑍇𑌨॒ 𑌸𑍁𑌵॑𑌰𑌾𑌯𑌨𑍍𑌨𑍍 । 𑌤𑍇𑌨𑍇॒𑌮𑌾𑌲𑍍 𑌁𑌲𑍋॒𑌕𑌾𑌨𑍍-𑌥𑍍𑌸𑌮॑𑌤𑌨𑍍𑌵॒𑌨𑍍𑌨𑌿𑌤𑌿॑ ॥ 19 ॥

𑌏॒𑌤𑍇 𑌵𑍈 𑌦𑍇॒𑌵𑌾 𑌗𑍃॒𑌹𑌪॑𑌤𑌯𑌃 । 𑌤𑌾𑌨𑍍. 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨𑍍 । 𑌅𑌪𑍍𑌯॒𑌨𑍍𑌯𑌸𑍍𑌯॑ 𑌗𑌾𑌰𑍍𑌹𑌪॒𑌤𑍇 𑌦𑍀𑌕𑍍𑌷॑𑌤𑍇 । 𑌅॒𑌵𑌾॒𑌨𑍍𑌤॒𑌰𑌮𑍇॒𑌵 𑌸॒𑌤𑍍𑌰𑌿𑌣𑌾॑-𑌮𑍃𑌦𑍍𑌧𑍍𑌨𑍋𑌤𑌿 ॥ 𑌯𑍋 𑌵𑌾 𑌅॑𑌰𑍍𑌯॒𑌮𑌣𑌂॒-𑌵𑍇𑌁𑌦॑ । 𑌦𑌾𑌨॑𑌕𑌾𑌮𑌾 𑌅𑌸𑍍𑌮𑍈 𑌪𑍍𑌰॒𑌜𑌾 𑌭॑𑌵𑌨𑍍𑌤𑌿 । 𑌯॒𑌜𑍍𑌞𑍋 𑌵𑌾 𑌅॑𑌰𑍍𑌯॒𑌮𑌾 । 𑌆𑌰𑍍𑌯𑌾॑𑌵𑌸॒𑌤𑌿𑌰𑌿𑌤𑌿॒ 𑌵𑍈 𑌤𑌮𑌾॑𑌹𑍁॒𑌰𑍍𑌯-𑌮𑍍𑌪𑍍𑌰॒𑌶𑌗𑍍𑌂𑌸॑𑌨𑍍𑌤𑌿 ॥ 𑌆𑌰𑍍𑌯𑌾॑ 𑌵𑌸॒𑌤𑌿𑌰𑍍𑌭॑𑌵𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ॥ 20 ॥

𑌯𑌦𑍍𑌵𑌾 𑌇॒𑌦-𑌙𑍍𑌕𑌿-𑌞𑍍𑌚॑ । 𑌤-𑌥𑍍𑌸𑌰𑍍𑌵॒-𑌞𑍍𑌚𑌤𑍁॑𑌰𑍍𑌹𑍋𑌤𑌾𑌰𑌃 । 𑌚𑌤𑍁॑𑌰𑍍𑌹𑍋𑌤𑍃॒𑌭𑍍𑌯𑍋-𑌽𑌧𑌿॑ 𑌯॒𑌜𑍍𑌞𑍋 𑌨𑌿𑌮𑌿॑𑌰𑍍𑌤𑌃 । 𑌸 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨𑍍. 𑌵𑌿॒𑌵𑌦𑍇॑𑌤 । 𑌅॒𑌹𑌮𑍇॒𑌵 𑌭𑍂𑌯𑍋॑ 𑌵𑍇𑌦 । 𑌯𑌶𑍍𑌚𑌤𑍁॑𑌰𑍍𑌹𑍋𑌤𑍄॒𑌨𑍍॒. 𑌵𑍇𑌦𑍇𑌤𑌿॑ । 𑌸 𑌹𑍍𑌯𑍇॑𑌵 𑌭𑍂𑌯𑍋॒ 𑌵𑍇𑌦॑ । 𑌯𑌶𑍍𑌚𑌤𑍁॑𑌰𑍍𑌹𑍋𑌤𑍄॒𑌨𑍍.॒ 𑌵𑍇𑌦॑ ॥ 𑌯𑍋 𑌵𑍈 𑌚𑌤𑍁॑𑌰𑍍𑌹𑍋𑌤𑍃𑌣𑌾॒𑌗𑍍𑌂॒ 𑌹𑍋𑌤𑍄॒𑌨𑍍॒. 𑌵𑍇𑌦॑ । 𑌸𑌰𑍍𑌵𑌾॑𑌸𑍁 𑌪𑍍𑌰॒𑌜𑌾𑌸𑍍𑌵𑌨𑍍𑌨॑𑌮𑌤𑍍𑌤𑌿 ॥ 21 ॥

𑌸𑌰𑍍𑌵𑌾॒ 𑌦𑌿𑌶𑍋॒-𑌽𑌭𑌿𑌜॑𑌯𑌤𑌿 । 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑍈 𑌦𑌶॑𑌹𑍋𑌤𑍃𑌣𑌾॒𑌗𑍍𑌂॒ 𑌹𑍋𑌤𑌾᳚ । 𑌸𑍋𑌮॒𑌶𑍍𑌚𑌤𑍁॑𑌰𑍍𑌹𑍋𑌤𑍃𑌣𑌾॒𑌗𑍍𑌂॒ 𑌹𑍋𑌤𑌾᳚ । 𑌅॒𑌗𑍍𑌨𑌿𑌃 𑌪𑌞𑍍𑌚॑𑌹𑍋𑌤𑍃𑌣𑌾॒𑌗𑍍𑌂॒ 𑌹𑍋𑌤𑌾᳚ । 𑌧𑌾॒𑌤𑌾 𑌷𑌡𑍍𑌢𑍋॑𑌤𑍃𑌣𑌾॒𑌗𑍍𑌂॒ 𑌹𑍋𑌤𑌾᳚ । 𑌅॒𑌰𑍍𑌯॒𑌮𑌾 𑌸॒𑌪𑍍𑌤𑌹𑍋॑𑌤𑍃𑌣𑌾॒𑌗𑍍𑌂॒ 𑌹𑍋𑌤𑌾᳚ । 𑌏॒𑌤𑍇 𑌵𑍈 𑌚𑌤𑍁॑𑌰𑍍𑌹𑍋𑌤𑍃𑌣𑌾॒𑌗𑍍𑌂॒ 𑌹𑍋𑌤𑌾॑𑌰𑌃 । 𑌤𑌾𑌨𑍍. 𑌯 𑌏॒𑌵𑌂-𑌵𑍇𑌁𑌦॑ । 𑌸𑌰𑍍𑌵𑌾॑𑌸𑍁 𑌪𑍍𑌰॒𑌜𑌾𑌸𑍍𑌵𑌨𑍍𑌨॑𑌮𑌤𑍍𑌤𑌿 । 𑌸𑌰𑍍𑌵𑌾॒ 𑌦𑌿𑌶𑍋॒-𑌽𑌭𑌿 𑌜॑𑌯𑌤𑌿 ॥ 22 ॥

(𑌆॒𑌰𑍍𑌧𑍍𑌨𑍁॒𑌵॒ - 𑌨𑍍𑌨𑌾॒𑌧𑍍𑌨𑍁॒𑌵॒ - 𑌨𑍍𑌨𑌿𑌤𑍍𑌯𑍇॒ - 𑌵𑌂-𑌵𑍇𑌁𑌦𑌾᳚ - 𑌤𑍍𑌤𑌿॒ - 𑌸𑌰𑍍𑌵𑌾॒ 𑌦𑌿𑌶𑍋॒𑌭𑌿 𑌜॑𑌯𑌤𑌿 ) (𑌅. 5)

(𑌵𑍈 𑌤𑍇𑌨॑ 𑌸॒𑌤𑍍𑌰-𑌙𑍍𑌕𑍇𑌨॑)

2.3.6 𑌅𑌨𑍁𑌵𑌾𑌕𑌂 - 𑌹𑍋𑌤𑍃𑌪𑍍𑌰𑌶𑌂𑌸𑌾𑌪𑍍𑌰𑌸𑌙𑍍𑌗𑍇𑌨 𑌕𑍍𑌰𑌤𑍂𑌨𑌾𑌮𑍃𑌤𑍍𑌵𑌿𑌗𑍍 𑌵𑌿𑌶𑍇𑌷𑌵𑍍𑌯𑌵𑌸𑍍𑌥𑌾𑌪𑌨𑌮𑍍, 𑌅𑌗𑍍𑌨𑌿𑌹𑍋𑌤𑍍𑌰𑌸𑍍𑌯 𑌪𑍍𑌰𑌾𑌶𑌸𑍍𑌤𑍍𑌯-𑌞𑍍𑌚

𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾-𑌸𑍍𑌸𑍃॒𑌷𑍍𑌟𑍍𑌵𑌾 𑌵𑍍𑌯॑𑌸𑍍𑌰𑌗𑍍𑌂𑌸𑌤 । 𑌸 𑌹𑍃𑌦॑𑌯-𑌮𑍍𑌭𑍂॒𑌤𑍋॑-𑌽𑌶𑌯𑌤𑍍 । 𑌆𑌤𑍍𑌮॒𑌨𑍍॒. 𑌹𑌾(3) 𑌇𑌤𑍍𑌯𑌹𑍍𑌵॑𑌯𑌤𑍍 । 𑌆𑌪𑌃॒ 𑌪𑍍𑌰𑌤𑍍𑌯॑𑌶𑍃𑌣𑍍𑌵𑌨𑍍𑌨𑍍 । 𑌤𑌾 𑌅॑𑌗𑍍𑌨𑌿𑌹𑍋॒𑌤𑍍𑌰𑍇𑌣𑍈॒𑌵 𑌯॑𑌜𑍍𑌞𑌕𑍍𑌰॒𑌤𑍁𑌨𑍋𑌪॑ 𑌪॒𑌰𑍍𑌯𑌾𑌵॑𑌰𑍍𑌤𑌨𑍍𑌤 । 𑌤𑌾𑌃 𑌕𑍁𑌸𑌿॑𑌨𑍍𑌧॒𑌮𑍁𑌪𑍗॑𑌹𑌨𑍍𑌨𑍍 । 𑌤𑌸𑍍𑌮𑌾॑𑌦𑌗𑍍𑌨𑌿𑌹𑍋॒𑌤𑍍𑌰𑌸𑍍𑌯॑ 𑌯𑌜𑍍𑌞𑌕𑍍𑌰॒𑌤𑍋𑌃 । 𑌏𑌕॑ 𑌋॒𑌤𑍍𑌵𑌿𑌕𑍍 ॥ 𑌚॒𑌤𑍁॒𑌷𑍍𑌕𑍃𑌤𑍍𑌵𑍋-𑌽𑌹𑍍𑌵॑𑌯𑌤𑍍 । 𑌅॒𑌗𑍍𑌨𑌿-𑌰𑍍𑌵𑌾॒𑌯𑍁-𑌰𑌾॑𑌦𑌿॒𑌤𑍍𑌯-𑌶𑍍𑌚॒𑌨𑍍𑌦𑍍𑌰𑌮𑌾𑌃᳚ ॥ 23 ॥

𑌤𑍇 𑌪𑍍𑌰𑌤𑍍𑌯॑𑌶𑍃𑌣𑍍𑌵𑌨𑍍𑌨𑍍 । 𑌤𑍇 𑌦॑𑌰𑍍𑌶𑌪𑍂𑌰𑍍𑌣𑌮𑌾॒𑌸𑌾𑌭𑍍𑌯𑌾॑𑌮𑍇॒𑌵 𑌯॑𑌜𑍍𑌞𑌕𑍍𑌰॒𑌤𑍁𑌨𑍋𑌪॑ 𑌪॒𑌰𑍍𑌯𑌾𑌵॑𑌰𑍍𑌤𑌨𑍍𑌤 । 𑌤 𑌉𑌪𑍗॑𑌹𑌗𑍍𑌗𑍍-𑌶𑍍𑌚॒𑌤𑍍𑌵𑌾𑌰𑍍𑌯𑌙𑍍𑌗𑌾॑𑌨𑌿 । 𑌤𑌸𑍍𑌮𑌾᳚-𑌦𑍍𑌦𑌰𑍍𑌶𑌪𑍂𑌰𑍍𑌣𑌮𑌾॒𑌸𑌯𑍋᳚-𑌰𑍍𑌯𑌜𑍍𑌞𑌕𑍍𑌰॒𑌤𑍋𑌃 । 𑌚॒𑌤𑍍𑌵𑌾𑌰॑ 𑌋॒𑌤𑍍𑌵𑌿𑌜𑌃॑ ॥ 𑌪॒𑌞𑍍𑌚॒ 𑌕𑍃𑌤𑍍𑌵𑍋-𑌽𑌹𑍍𑌵॑𑌯𑌤𑍍 । 𑌪॒𑌶𑌵𑌃॒ 𑌪𑍍𑌰𑌤𑍍𑌯॑𑌶𑍃𑌣𑍍𑌵𑌨𑍍𑌨𑍍 । 𑌤𑍇 𑌚𑌾॑𑌤𑍁𑌰𑍍𑌮𑌾॒𑌸𑍍𑌯𑍈𑌰𑍇॒𑌵 𑌯॑𑌜𑍍𑌞𑌕𑍍𑌰॒𑌤𑍁𑌨𑍋𑌪॑ 𑌪॒𑌰𑍍𑌯𑌾𑌵॑𑌰𑍍𑌤𑌨𑍍𑌤 । 𑌤 𑌉𑌪𑍗॑𑌹॒𑌲𑍍 𑌁𑌲𑍋𑌮॑ 𑌛॒𑌵𑍀-𑌮𑍍𑌮𑌾॒𑌗𑍍𑌂॒𑌸𑌮𑌸𑍍𑌥𑌿॑ 𑌮॒𑌜𑍍𑌜𑌾𑌨᳚𑌮𑍍 । 𑌤𑌸𑍍𑌮𑌾᳚𑌚𑍍𑌚𑌾𑌤𑍁𑌰𑍍𑌮𑌾॒𑌸𑍍𑌯𑌾𑌨𑌾𑌂᳚-𑌯𑌁𑌜𑍍𑌞𑌕𑍍𑌰॒𑌤𑍋𑌃 ॥ 24 ॥

𑌪𑌞𑍍𑌚॒𑌰𑍍𑌤𑍍𑌵𑌿𑌜𑌃॑ ॥ 𑌷॒𑌟𑍍𑌕𑍃𑌤𑍍𑌵𑍋-𑌽𑌹𑍍𑌵॑𑌯𑌤𑍍 । 𑌋॒𑌤𑌵𑌃॒ 𑌪𑍍𑌰𑌤𑍍𑌯॑𑌶𑍃𑌣𑍍𑌵𑌨𑍍𑌨𑍍 । 𑌤𑍇 𑌪॑𑌶𑍁𑌬॒𑌨𑍍𑌧𑍇𑌨𑍈॒𑌵 𑌯॑𑌜𑍍𑌞𑌕𑍍𑌰॒𑌤𑍁𑌨𑍋𑌪॑ 𑌪॒𑌰𑍍𑌯𑌾𑌵॑𑌰𑍍𑌤𑌨𑍍𑌤 । 𑌤 𑌉𑌪𑍗॑𑌹॒𑌨𑍍-𑌥𑍍𑌸𑍍𑌤𑌨𑌾॑𑌵𑌾॒𑌣𑍍𑌡𑍗 𑌶𑌿॒𑌶𑍍𑌨𑌮𑌵𑌾᳚𑌞𑍍𑌚-𑌮𑍍𑌪𑍍𑌰𑌾॒𑌣𑌮𑍍 । 𑌤𑌸𑍍𑌮𑌾᳚𑌤𑍍-𑌪𑌶𑍁𑌬॒𑌨𑍍𑌧𑌸𑍍𑌯॑ 𑌯𑌜𑍍𑌞𑌕𑍍𑌰॒𑌤𑍋𑌃 । 𑌷𑌡𑍃॒𑌤𑍍𑌵𑌿𑌜𑌃॑ ॥ 𑌸॒𑌪𑍍𑌤॒𑌕𑍃𑌤𑍍𑌵𑍋-𑌽𑌹𑍍𑌵॑𑌯𑌤𑍍 । 𑌹𑍋𑌤𑍍𑌰𑌾𑌃॒ 𑌪𑍍𑌰𑌤𑍍𑌯॑𑌶𑍃𑌣𑍍𑌵𑌨𑍍𑌨𑍍 । 𑌤𑌾-𑌸𑍍𑌸𑍗॒𑌮𑍍𑌯𑍇𑌨𑍈॒𑌵𑌾𑌦𑍍𑌧𑍍𑌵॒𑌰𑍇𑌣॑ 𑌯𑌜𑍍𑌞𑌕𑍍𑌰॒𑌤𑍁𑌨𑍋𑌪॑ 𑌪॒𑌰𑍍𑌯𑌾𑌵॑𑌰𑍍𑌤𑌨𑍍𑌤 ॥ 25 ॥

𑌤𑌾 𑌉𑌪𑍗॑𑌹𑌨𑍍-𑌥𑍍𑌸॒𑌪𑍍𑌤𑌶𑍀॑𑌰𑍍𑌷॒𑌣𑍍𑌯𑌾᳚𑌨𑍍-𑌪𑍍𑌰𑌾॒𑌣𑌾𑌨𑍍 । 𑌤𑌸𑍍𑌮𑌾᳚-𑌥𑍍𑌸𑍗॒𑌮𑍍𑌯𑌸𑍍𑌯𑌾᳚𑌦𑍍𑌧𑍍𑌵॒𑌰𑌸𑍍𑌯॑ 𑌯𑌜𑍍𑌞𑌕𑍍𑌰॒𑌤𑍋𑌃 । 𑌸॒𑌪𑍍𑌤 𑌹𑍋𑌤𑍍𑌰𑌾𑌃॒ 𑌪𑍍𑌰𑌾𑌚𑍀॒𑌰𑍍𑌵𑌷॑𑌟𑍍𑌕𑍁𑌰𑍍𑌵𑌨𑍍𑌤𑌿 ॥ 𑌦॒𑌶॒𑌕𑍃𑌤𑍍𑌵𑍋-𑌽𑌹𑍍𑌵॑𑌯𑌤𑍍 । 𑌤𑌪𑌃॒ 𑌪𑍍𑌰𑌤𑍍𑌯॑𑌶𑍃𑌣𑍋𑌤𑍍 । 𑌤𑌤𑍍-𑌕𑌰𑍍𑌮॑𑌣𑍈॒𑌵 𑌸𑌂॑𑌵𑌁𑌥𑍍𑌸॒𑌰𑍇𑌣॒ 𑌸𑌰𑍍𑌵𑍈᳚𑌰𑍍𑌯𑌜𑍍𑌞𑌕𑍍𑌰॒𑌤𑍁𑌭𑌿॒𑌰𑍁𑌪॑ 𑌪॒𑌰𑍍𑌯𑌾𑌵॑𑌰𑍍𑌤𑌤 । 𑌤-𑌥𑍍𑌸𑌰𑍍𑌵॑𑌮𑌾॒𑌤𑍍𑌮𑌾𑌨॒-𑌮𑌪॑𑌰𑌿𑌵𑌰𑍍𑌗॒-𑌮𑍁𑌪𑍗॑𑌹𑌤𑍍 । 𑌤𑌸𑍍𑌮𑌾᳚𑌥𑍍- 𑌸𑌂𑌵𑌁𑌥𑍍𑌸॒𑌰𑍇 𑌸𑌰𑍍𑌵𑍇॑ 𑌯𑌜𑍍𑌞𑌕𑍍𑌰॒𑌤𑌵𑍋-𑌽𑌵॑𑌰𑍁𑌦𑍍𑌧𑍍𑌯𑌨𑍍𑌤𑍇 ॥ 𑌤𑌸𑍍𑌮𑌾॒-𑌦𑍍𑌦𑌶॑𑌹𑍋𑌤𑌾॒ 𑌚𑌤𑍁॑𑌰𑍍𑌹𑍋𑌤𑌾 । 𑌪𑌞𑍍𑌚॑𑌹𑍋𑌤𑌾॒ 𑌷𑌡𑍍𑌢𑍋॑𑌤𑌾 𑌸॒𑌪𑍍𑌤𑌹𑍋॑𑌤𑌾 । 𑌏𑌕॑𑌹𑍋𑌤𑍍𑌰𑍇 𑌬॒𑌲𑌿𑌗𑍍𑌂 𑌹॑𑌰𑌨𑍍𑌤𑌿 । 𑌹𑌰॑𑌨𑍍𑌤𑍍𑌯𑌸𑍍𑌮𑍈 𑌪𑍍𑌰॒𑌜𑌾 𑌬॒𑌲𑌿𑌮𑍍 । 𑌐𑌨॒𑌮𑌪𑍍𑌰॑𑌤𑌿𑌖𑍍𑌯𑌾𑌤-𑌙𑍍𑌗𑌚𑍍𑌛𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ॥ 26 ॥

(𑌚॒𑌨𑍍𑌦𑍍𑌰𑌮𑌾᳚ - 𑌶𑍍𑌚𑌾𑌤𑍁𑌰𑍍𑌮𑌾॒𑌸𑍍𑌯𑌾𑌨𑌾𑌂᳚-𑌯𑌁𑌜𑍍𑌞𑌕𑍍𑌰॒𑌤𑍋 - 𑌰॑𑌦𑍍𑌧𑍍𑌵॒𑌰𑍇𑌣॑ 𑌯𑌜𑍍𑌞𑌕𑍍𑌰॒𑌤𑍁𑌨𑍋𑌪॑ 𑌪॒𑌰𑍍𑌯𑌾𑌵॑𑌰𑍍𑌤𑌨𑍍𑌤 - 𑌸॒𑌪𑍍𑌤𑌹𑍋॑𑌤𑌾 𑌚॒𑌤𑍍𑌵𑌾𑌰𑌿॑ 𑌚) (𑌅. 6)

𑌅𑌨𑍁𑌵𑌾𑌕𑌂 7 - 𑌅𑌗𑍍𑌨𑌿𑌹𑍋𑌤𑍍𑌰𑌸𑍍𑌯 𑌸𑌰𑍍𑌵𑌕𑍍𑌰𑌤𑍁𑌰𑍁𑌦𑍍𑌭𑌾𑌵𑌸𑌾𑌧𑌨𑍇𑌨 𑌪𑍍𑌰𑌶𑌂𑌸𑌾

𑌪𑍍𑌰॒𑌜𑌾𑌪॑𑌤𑌿𑌃॒ 𑌪𑍁𑌰𑍁॑𑌷-𑌮𑌸𑍃𑌜𑌤 । 𑌸𑍋᳚-𑌽𑌗𑍍𑌨𑌿𑌰॑𑌬𑍍𑌰𑌵𑍀𑌤𑍍 । 𑌮𑌮𑌾॒𑌯-𑌮𑌨𑍍𑌨॑𑌮॒𑌸𑍍𑌤𑍍𑌵𑌿𑌤𑌿॑ । 𑌸𑍋॑-𑌽𑌬𑌿𑌭𑍇𑌤𑍍 । 𑌸𑌰𑍍𑌵𑌂॒-𑌵𑍈𑌁 𑌮𑌾॒-𑌽𑌯-𑌮𑍍𑌪𑍍𑌰𑌧॑𑌕𑍍𑌷𑍍𑌯॒𑌤𑍀𑌤𑌿॑ । 𑌸 𑌏॒𑌤𑌾𑌗𑍍-𑌶𑍍𑌚𑌤𑍁॑𑌰𑍍𑌹𑍋𑌤𑍄𑌨𑌾𑌤𑍍𑌮॒-𑌸𑍍𑌪𑌰॑𑌣𑌾𑌨𑌪𑌶𑍍𑌯𑌤𑍍 । 𑌤𑌾𑌨॑𑌜𑍁𑌹𑍋𑌤𑍍 । 𑌤𑍈𑌰𑍍𑌵𑍈 𑌸 𑌆॒𑌤𑍍𑌮𑌾𑌨॑-𑌮𑌸𑍍𑌪𑍃𑌣𑍋𑌤𑍍 ॥ 𑌯𑌦॑𑌗𑍍𑌨𑌿𑌹𑍋॒𑌤𑍍𑌰-𑌞𑍍𑌜𑍁॒𑌹𑍋𑌤𑌿॑ । 𑌏𑌕॑𑌹𑍋𑌤𑌾𑌰𑌮𑍇॒𑌵 𑌤-𑌦𑍍𑌯॑𑌜𑍍𑌞𑌕𑍍𑌰॒𑌤𑍁-𑌮𑌾᳚𑌪𑍍𑌨𑍋𑌤𑍍𑌯𑌗𑍍𑌨𑌿𑌹𑍋॒𑌤𑍍𑌰𑌮𑍍 ॥ 27 ॥

𑌕𑍁𑌸𑌿॑𑌨𑍍𑌧-𑌞𑍍𑌚𑌾॒𑌤𑍍𑌮𑌨𑌃॑ 𑌸𑍍𑌪𑍃॒𑌣𑍋𑌤𑌿॑ । 𑌆॒𑌦𑌿॒𑌤𑍍𑌯𑌸𑍍𑌯॑ 𑌚॒ 𑌸𑌾𑌯𑍁॑𑌜𑍍𑌯-𑌙𑍍𑌗𑌚𑍍𑌛𑌤𑌿 ॥ 𑌚॒𑌤𑍁𑌰𑍁𑌨𑍍𑌨॑𑌯𑌤𑌿 । 𑌚𑌤𑍁॑𑌰𑍍𑌹𑍋𑌤𑌾𑌰𑌮𑍇॒𑌵 𑌤-𑌦𑍍𑌯॑𑌜𑍍𑌞𑌕𑍍𑌰॒𑌤𑍁-𑌮𑌾᳚𑌪𑍍𑌨𑍋𑌤𑌿 𑌦𑌰𑍍𑌶𑌪𑍂𑌰𑍍𑌣𑌮𑌾॒𑌸𑍗 । 𑌚॒𑌤𑍍𑌵𑌾𑌰𑌿॑ 𑌚𑌾॒𑌤𑍍𑌮𑌨𑍋-𑌽𑌙𑍍𑌗𑌾॑𑌨𑌿 𑌸𑍍𑌪𑍃॒𑌣𑍋𑌤𑌿॑ । 𑌆॒𑌦𑌿॒𑌤𑍍𑌯𑌸𑍍𑌯॑ 𑌚॒ 𑌸𑌾𑌯𑍁॑𑌜𑍍𑌯-𑌙𑍍𑌗𑌚𑍍𑌛𑌤𑌿 ॥ 𑌚॒𑌤𑍁𑌰𑍁𑌨𑍍𑌨॑𑌯𑌤𑌿 । 𑌸॒𑌮𑌿𑌤𑍍𑌪॑𑌞𑍍𑌚॒𑌮𑍀 । 𑌪𑌞𑍍𑌚॑𑌹𑍋𑌤𑌾𑌰𑌮𑍇॒𑌵 𑌤-𑌦𑍍𑌯॑𑌜𑍍𑌞𑌕𑍍𑌰॒𑌤𑍁-𑌮𑌾᳚𑌪𑍍𑌨𑍋𑌤𑌿 𑌚𑌾𑌤𑍁𑌰𑍍𑌮𑌾॒𑌸𑍍𑌯𑌾𑌨𑌿॑ । 𑌲𑍋𑌮॑ 𑌛॒𑌵𑍀-𑌮𑍍𑌮𑌾॒𑌗𑍍𑌂॒𑌸𑌮𑌸𑍍𑌥𑌿॑ 𑌮॒𑌜𑍍𑌜𑌾𑌨᳚𑌮𑍍 ॥ 28 ॥

𑌤𑌾𑌨𑌿॑ 𑌚𑌾॒𑌤𑍍𑌮𑌨𑌃॑ 𑌸𑍍𑌪𑍃॒𑌣𑍋𑌤𑌿॑ । 𑌆॒𑌦𑌿॒𑌤𑍍𑌯𑌸𑍍𑌯॑ 𑌚॒ 𑌸𑌾𑌯𑍁॑𑌜𑍍𑌯-𑌙𑍍𑌗𑌚𑍍𑌛𑌤𑌿 ॥ 𑌚॒𑌤𑍁𑌰𑍁𑌨𑍍𑌨॑𑌯𑌤𑌿 । 𑌦𑍍𑌵𑌿𑌰𑍍𑌜𑍁॑𑌹𑍋𑌤𑌿 । 𑌷𑌡𑍍𑌢𑍋॑𑌤𑌾𑌰𑌮𑍇॒𑌵 𑌤-𑌦𑍍𑌯॑𑌜𑍍𑌞𑌕𑍍𑌰॒𑌤𑍁-𑌮𑌾᳚𑌪𑍍𑌨𑍋𑌤𑌿 𑌪𑌶𑍁𑌬॒𑌨𑍍𑌧𑌮𑍍 । 𑌸𑍍𑌤𑌨𑌾॑𑌵𑌾॒𑌣𑍍𑌡𑍗 𑌶𑌿॒𑌶𑍍𑌨𑌮𑌵𑌾᳚𑌞𑍍𑌚-𑌮𑍍𑌪𑍍𑌰𑌾॒𑌣𑌮𑍍 । 𑌤𑌾𑌨𑌿॑ 𑌚𑌾॒𑌤𑍍𑌮𑌨𑌃॑ 𑌸𑍍𑌪𑍃॒𑌣𑍋𑌤𑌿॑ । 𑌆॒𑌦𑌿॒𑌤𑍍𑌯𑌸𑍍𑌯॑ 𑌚॒ 𑌸𑌾𑌯𑍁॑𑌜𑍍𑌯-𑌙𑍍𑌗𑌚𑍍𑌛𑌤𑌿 । 𑌚॒𑌤𑍁𑌰𑍁𑌨𑍍𑌨॑𑌯𑌤𑌿 । 𑌦𑍍𑌵𑌿𑌰𑍍𑌜𑍁॑𑌹𑍋𑌤𑌿 ॥ 29 ॥

𑌸॒𑌮𑌿-𑌥𑍍𑌸॑𑌪𑍍𑌤॒𑌮𑍀 । 𑌸॒𑌪𑍍𑌤𑌹𑍋॑𑌤𑌾𑌰𑌮𑍇॒𑌵 𑌤-𑌦𑍍𑌯॑𑌜𑍍𑌞𑌕𑍍𑌰॒𑌤𑍁-𑌮𑌾᳚𑌪𑍍𑌨𑍋𑌤𑌿 𑌸𑍗॒𑌮𑍍𑌯-𑌮॑𑌦𑍍𑌧𑍍𑌵॒𑌰𑌮𑍍 । 𑌸॒𑌪𑍍𑌤 𑌚𑌾॒𑌤𑍍𑌮𑌨𑌃॑ 𑌶𑍀𑌰𑍍𑌷॒𑌣𑍍𑌯𑌾᳚𑌨𑍍-𑌪𑍍𑌰𑌾॒𑌣𑌾𑌨𑍍-𑌥𑍍𑌸𑍍𑌪𑍃॒𑌣𑍋𑌤𑌿॑ । 𑌆॒𑌦𑌿॒𑌤𑍍𑌯𑌸𑍍𑌯॑ 𑌚॒ 𑌸𑌾𑌯𑍁॑𑌜𑍍𑌯-𑌙𑍍𑌗𑌚𑍍𑌛𑌤𑌿 ॥ 𑌚॒𑌤𑍁𑌰𑍁𑌨𑍍𑌨॑𑌯𑌤𑌿 । 𑌦𑍍𑌵𑌿𑌰𑍍𑌜𑍁॒𑌹𑍋𑌤𑌿॑ । 𑌦𑍍𑌵𑌿𑌰𑍍𑌨𑌿𑌮𑌾᳚𑌰𑍍𑌷𑍍𑌟𑌿 । 𑌦𑍍𑌵𑌿𑌃 𑌪𑍍𑌰𑌾𑌶𑍍𑌞𑌾॑𑌤𑌿 । 𑌦𑌶॑𑌹𑍋𑌤𑌾𑌰𑌮𑍇॒𑌵 𑌤-𑌦𑍍𑌯॑𑌜𑍍𑌞𑌕𑍍𑌰॒𑌤𑍁-𑌮𑌾᳚𑌪𑍍𑌨𑍋𑌤𑌿 𑌸𑌂𑌵𑌁𑌥𑍍𑌸॒𑌰𑌮𑍍 । 𑌸𑌰𑍍𑌵॑-𑌞𑍍𑌚𑌾॒𑌤𑍍𑌮𑌾𑌨॒-𑌮𑌪॑𑌰𑌿𑌵𑌰𑍍𑌗𑌗𑍍𑌗𑍍 𑌸𑍍𑌪𑍃॒𑌣𑍋𑌤𑌿॑ । 𑌆॒𑌦𑌿॒𑌤𑍍𑌯𑌸𑍍𑌯॑ 𑌚॒ 𑌸𑌾𑌯𑍁॑𑌜𑍍𑌯-𑌙𑍍𑌗𑌚𑍍𑌛𑌤𑌿 ॥ 30 ॥

(𑌅॒𑌗𑍍𑌨𑌿॒𑌹𑍋॒𑌤𑍍𑌰𑌂 - 𑌮॒𑌜𑍍𑌜𑌾𑌨𑌂॒ - 𑌦𑍍𑌵𑌿𑌰𑍍𑌜𑍁॑𑌹𑍋॒ - 𑌤𑍍𑌯𑌪॑𑌰𑌿𑌵𑌰𑍍𑌗𑌗𑍍𑌗𑍍 𑌸𑍍𑌪𑍃॒𑌣𑍋𑌤𑍍𑌯𑍇𑌕॑-𑌞𑍍𑌚 ) (𑌅. 7)

𑌅𑌨𑍁𑌵𑌾𑌕𑌂 8 - 𑌸𑍃𑌷𑍍𑌟𑌿𑌸𑌾𑌧𑌨𑌤𑍍𑌵𑍇𑌨 𑌹𑍋𑌤𑍃𑌮𑌨𑍍𑌤𑍍𑌰𑌾𑌸𑌾𑌮𑌰𑍍𑌥𑍍𑌯 𑌪𑍍𑌰𑌶𑌂𑌸𑌾

[(𑌅𑌪॑𑌕𑍍𑌰𑌾𑌮𑌤 𑌗𑌰𑍍𑌭𑌿॒𑌣𑍍𑌯𑌃) 𑌇𑌸𑍍 𑌓𑌨𑍍𑌲𑍍𑌯𑍍 𑌇𑌨𑍍𑌸𑍍𑌤𑍍𑌰𑍁𑌚𑍍𑌤𑌿𑌓𑌨𑍍 , 𑌨𑍋𑌤𑍍 𑌅 𑌮𑌨𑍍𑌤𑍍𑌰]

𑌪𑍍𑌰॒𑌜𑌾𑌪॑𑌤𑌿-𑌰𑌕𑌾𑌮𑌯𑌤॒ 𑌪𑍍𑌰𑌜𑌾॑𑌯𑍇॒𑌯𑍇𑌤𑌿॑ । 𑌸 𑌤𑌪𑍋॑-𑌽𑌤𑌪𑍍𑌯𑌤 । 𑌸𑍋᳚-𑌽𑌨𑍍𑌤𑌰𑍍𑌵𑌾॑𑌨𑌭𑌵𑌤𑍍 । 𑌸 𑌹𑌰𑌿॑𑌤-𑌶𑍍𑌶𑍍𑌯𑌾॒𑌵𑍋॑-𑌽𑌭𑌵𑌤𑍍 । 𑌤𑌸𑍍𑌮𑌾॒-𑌥𑍍𑌸𑍍𑌤𑍍𑌰𑍍𑌯॑𑌨𑍍𑌤𑌰𑍍𑌵॑𑌤𑍍𑌨𑍀 । 𑌹𑌰𑌿॑𑌣𑍀 𑌸॒𑌤𑍀 𑌶𑍍𑌯𑌾॒𑌵𑌾 𑌭॑𑌵𑌤𑌿 । 𑌸 𑌵𑌿॒𑌜𑌾𑌯॑𑌮𑌾𑌨𑍋॒ 𑌗𑌰𑍍𑌭𑍇॑𑌣𑌾𑌤𑌾𑌮𑍍𑌯𑌤𑍍 । 𑌸 𑌤𑌾॒𑌨𑍍𑌤𑌃 𑌕𑍃॒𑌷𑍍𑌣-𑌶𑍍𑌶𑍍𑌯𑌾॒𑌵𑍋॑-𑌽𑌭𑌵𑌤𑍍 । 𑌤𑌸𑍍𑌮𑌾᳚-𑌤𑍍𑌤𑌾॒𑌨𑍍𑌤𑌃 𑌕𑍃॒𑌷𑍍𑌣-𑌶𑍍𑌶𑍍𑌯𑌾॒𑌵𑍋 𑌭॑𑌵𑌤𑌿 । 𑌤𑌸𑍍𑌯𑌾𑌸𑍁॑𑌰𑍇॒𑌵𑌾𑌜𑍀॑𑌵𑌤𑍍 ॥ 31 ॥

𑌤𑍇𑌨𑌾𑌸𑍁॒𑌨𑌾-𑌽𑌸𑍁॑𑌰𑌾𑌨𑌸𑍃𑌜𑌤 । 𑌤𑌦𑌸𑍁॑𑌰𑌾𑌣𑌾-𑌮𑌸𑍁𑌰॒𑌤𑍍𑌵𑌮𑍍 । 𑌯 𑌏॒𑌵𑌮𑌸𑍁॑𑌰𑌾𑌣𑌾-𑌮𑌸𑍁𑌰॒𑌤𑍍𑌵𑌂-𑌵𑍇𑌁𑌦॑ । 𑌅𑌸𑍁॑𑌮𑌾𑌨𑍇॒𑌵 𑌭॑𑌵𑌤𑌿 । 𑌨𑍈𑌨॒𑌮𑌸𑍁॑𑌰𑍍𑌜𑌹𑌾𑌤𑌿 ॥ 𑌸𑍋-𑌽𑌸𑍁॑𑌰𑌾𑌨𑍍-𑌥𑍍𑌸𑍃॒𑌷𑍍𑌟𑍍𑌵𑌾 𑌪𑌿॒𑌤𑍇𑌵𑌾॑𑌮𑌨𑍍𑌯𑌤 । 𑌤𑌦𑌨𑍁॑ 𑌪𑌿॒𑌤𑍄𑌨॑𑌸𑍃𑌜𑌤 । 𑌤𑌤𑍍-𑌪𑌿॑𑌤𑍃॒𑌣𑌾-𑌮𑍍𑌪𑌿॑𑌤𑍃॒𑌤𑍍𑌵𑌮𑍍 । 𑌯 𑌏॒𑌵-𑌮𑍍𑌪𑌿॑𑌤𑍃॒𑌣𑌾-𑌮𑍍𑌪𑌿॑𑌤𑍃॒𑌤𑍍𑌵𑌂-𑌵𑍇𑌁𑌦॑ । 𑌪𑌿॒𑌤𑍇𑌵𑍈॒𑌵 𑌸𑍍𑌵𑌾𑌨𑌾᳚-𑌮𑍍𑌭𑌵𑌤𑌿 ॥ 32 ॥

𑌯𑌨𑍍𑌤𑍍𑌯॑𑌸𑍍𑌯 𑌪𑌿॒𑌤𑌰𑍋॒ 𑌹𑌵᳚𑌮𑍍 ॥ 𑌸 𑌪𑌿॒𑌤𑍄𑌨𑍍-𑌥𑍍𑌸𑍃॒𑌷𑍍𑌟𑍍𑌵𑌾 𑌽𑌮॑𑌨𑌸𑍍𑌯𑌤𑍍 । 𑌤𑌦𑌨𑍁॑ 𑌮𑌨𑍁॒𑌷𑍍𑌯𑌾॑-𑌨𑌸𑍃𑌜𑌤 । 𑌤𑌨𑍍𑌮॑𑌨𑍁॒𑌷𑍍𑌯𑌾॑𑌣𑌾-𑌮𑍍𑌮𑌨𑍁𑌷𑍍𑌯॒𑌤𑍍𑌵𑌮𑍍 । 𑌯 𑌏॒𑌵-𑌮𑍍𑌮॑𑌨𑍁॒𑌷𑍍𑌯𑌾॑𑌣𑌾-𑌮𑍍𑌮𑌨𑍁𑌷𑍍𑌯॒𑌤𑍍𑌵𑌂-𑌵𑍇𑌁𑌦॑ । 𑌮॒𑌨॒𑌸𑍍𑌵𑍍𑌯𑍇॑𑌵 𑌭॑𑌵𑌤𑌿 । 𑌨𑍈𑌨॒-𑌮𑍍𑌮𑌨𑍁॑𑌰𑍍𑌜𑌹𑌾𑌤𑌿 ॥ 𑌤𑌸𑍍𑌮𑍈॑ 𑌮𑌨𑍁॒𑌷𑍍𑌯𑌾᳚𑌨𑍍-𑌥𑍍𑌸𑌸𑍃𑌜𑌾॒𑌨𑌾𑌯॑ । 𑌦𑌿𑌵𑌾॑ 𑌦𑍇𑌵॒𑌤𑍍𑌰𑌾 𑌽𑌭॑𑌵𑌤𑍍 । 𑌤𑌦𑌨𑍁॑ 𑌦𑍇॒𑌵𑌾𑌨॑𑌸𑍃𑌜𑌤 । 𑌤-𑌦𑍍𑌦𑍇॒𑌵𑌾𑌨𑌾᳚-𑌨𑍍𑌦𑍇𑌵॒𑌤𑍍𑌵𑌮𑍍 । 𑌯 𑌏॒𑌵-𑌨𑍍𑌦𑍇॒𑌵𑌾𑌨𑌾᳚-𑌨𑍍𑌦𑍇𑌵॒𑌤𑍍𑌵𑌂-𑌵𑍇𑌁𑌦॑ । 𑌦𑌿𑌵𑌾॑ 𑌹𑍈॒𑌵𑌾𑌸𑍍𑌯॑ 𑌦𑍇𑌵॒𑌤𑍍𑌰𑌾 𑌭॑𑌵𑌤𑌿 ॥ 𑌤𑌾𑌨𑌿॒ 𑌵𑌾 𑌏॒𑌤𑌾𑌨𑌿॑ 𑌚॒𑌤𑍍𑌵𑌾𑌰𑍍𑌯𑌮𑍍𑌭𑌾𑌗𑍍𑌂॑𑌸𑌿 । 𑌦𑍇॒𑌵𑌾 𑌮॑𑌨𑍁॒𑌷𑍍𑌯𑌾𑌃᳚ 𑌪𑌿॒𑌤𑌰𑍋-𑌽𑌸𑍁॑𑌰𑌾𑌃 ॥ 𑌤𑍇𑌷𑍁॒ 𑌸𑌰𑍍𑌵𑍇॒𑌷𑍍𑌵𑌮𑍍𑌭𑍋॒ 𑌨𑌭॑ 𑌇𑌵 𑌭𑌵𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ॥ 33 ॥

(𑌅॒𑌜𑍀॒𑌵॒𑌥𑍍 - 𑌸𑍍𑌵𑌾𑌨𑌾᳚-𑌮𑍍𑌭𑌵𑌤𑌿 - 𑌦𑍇॒𑌵𑌾𑌨॑𑌸𑍃𑌜𑌤 𑌸॒𑌪𑍍𑌤 𑌚॑) (𑌅. 8)

𑌅𑌨𑍁𑌵𑌾𑌕𑌂 9 - 𑌵𑌾𑌯𑍁𑌰𑍂𑌪𑌤𑍍𑌵𑌜𑍍𑌞𑌾𑌨𑍇𑌨 𑌹𑍋𑌤𑍃𑌮𑌨𑍍𑌤𑍍𑌰𑌾𑌣𑌾-𑌮𑍍𑌪𑍍𑌰𑌶𑌂𑌸𑌾

[(𑌯॒𑌥𑌾॒𑌸𑍍𑌥𑌾॒𑌨-𑌙𑍍𑌗॑𑌰𑍍𑌭𑌿॒𑌣𑍍𑌯𑌃॑) 𑌇𑌸𑍍 𑌓𑌀𑌨𑍍𑌲𑍍𑌯𑍍 𑌇𑌨𑍍𑌸𑍍𑌤𑍍𑌰𑍁𑌚𑍍𑌤𑌿𑌓𑌀𑌨𑍍 , 𑌨𑍋𑌀𑌤𑍍 𑌅 𑌮𑌨𑍍𑌤𑍍𑌰]

𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿 । 𑌯𑍋 𑌵𑌾 𑌇॒𑌮𑌂-𑌵𑌿𑌁॒𑌦𑍍𑌯𑌾𑌤𑍍 । 𑌯𑌤𑍋॒-𑌽𑌯-𑌮𑍍𑌪𑌵॑𑌤𑍇 । 𑌯𑌦॑𑌭𑌿॒ 𑌪𑌵॑𑌤𑍇 । 𑌯𑌦॑𑌭𑌿 𑌸॒𑌪𑌂𑌵𑌁॑𑌤𑍇 । 𑌸𑌰𑍍𑌵॒𑌮𑌾𑌯𑍁॑𑌰𑌿𑌯𑌾𑌤𑍍 । 𑌨 𑌪𑍁॒𑌰𑌾 𑌽𑌽𑌯𑍁॑𑌷𑌃॒ 𑌪𑍍𑌰𑌮𑍀॑𑌯𑍇𑌤 । 𑌪॒𑌶𑍁॒𑌮𑌾𑌨𑍍-𑌥𑍍𑌸𑍍𑌯𑌾᳚𑌤𑍍 । 𑌵𑌿॒𑌨𑍍𑌦𑍇𑌤॑ 𑌪𑍍𑌰॒𑌜𑌾𑌮𑍍 ॥ 𑌯𑍋 𑌵𑌾 𑌇॒𑌮𑌂-𑌵𑍇𑌁𑌦॑ ॥ 34 ॥

𑌯𑌤𑍋॒-𑌽𑌯-𑌮𑍍𑌪𑌵॑𑌤𑍇 । 𑌯𑌦॑𑌭𑌿॒ 𑌪𑌵॑𑌤𑍇 । 𑌯𑌦॑𑌭𑌿 𑌸॒𑌪𑌂𑌵𑌁॑𑌤𑍇 । 𑌸𑌰𑍍𑌵॒𑌮𑌾𑌯𑍁॑𑌰𑍇𑌤𑌿 । 𑌨 𑌪𑍁॒𑌰𑌾-𑌽𑌽𑌯𑍁॑𑌷𑌃॒ 𑌪𑍍𑌰𑌮𑍀॑𑌯𑌤𑍇 । 𑌪॒𑌶𑍁॒𑌮𑌾-𑌨𑍍𑌭॑𑌵𑌤𑌿 । 𑌵𑌿॒𑌨𑍍𑌦𑌤𑍇᳚ 𑌪𑍍𑌰॒𑌜𑌾𑌮𑍍 ॥ 𑌅॒𑌦𑍍𑌭𑍍𑌯𑌃 𑌪॑𑌵𑌤𑍇 । 𑌅॒𑌪𑍋॑-𑌽𑌭𑌿 𑌪॑𑌵𑌤𑍇 । 𑌅॒𑌪𑍋॑-𑌽𑌭𑌿 𑌸𑌮𑍍𑌪॑𑌵𑌤𑍇 ॥ 35 ॥

𑌅॒𑌸𑍍𑌯𑌾𑌃 𑌪॑𑌵𑌤𑍇 । 𑌇॒𑌮𑌾𑌮॒𑌭𑌿 𑌪॑𑌵𑌤𑍇 । 𑌇॒𑌮𑌾𑌮॒𑌭𑌿 𑌸𑌮𑍍𑌪॑𑌵𑌤𑍇 । 𑌅॒𑌗𑍍𑌨𑍇𑌃 𑌪॑𑌵𑌤𑍇 । 𑌅॒𑌗𑍍𑌨𑌿𑌮॒𑌭𑌿 𑌪॑𑌵𑌤𑍇 । 𑌅॒𑌗𑍍𑌨𑌿𑌮॒𑌭𑌿 𑌸-𑌮𑍍𑌪॑𑌵𑌤𑍇 । 𑌅॒𑌨𑍍𑌤𑌰𑌿॑𑌕𑍍𑌷𑌾-𑌤𑍍𑌪𑌵𑌤𑍇 । 𑌅॒𑌨𑍍𑌤𑌰𑌿॑𑌕𑍍𑌷𑌮॒𑌭𑌿 𑌪॑𑌵𑌤𑍇 । 𑌅॒𑌨𑍍𑌤𑌰𑌿॑𑌕𑍍𑌷𑌮॒𑌭𑌿 𑌸-𑌮𑍍𑌪॑𑌵𑌤𑍇 । 𑌆॒𑌦𑌿॒𑌤𑍍𑌯𑌾-𑌤𑍍𑌪॑𑌵𑌤𑍇 ॥ 36 ॥

𑌆॒𑌦𑌿॒𑌤𑍍𑌯𑌮॒𑌭𑌿 𑌪॑𑌵𑌤𑍇 । 𑌆॒𑌦𑌿॒𑌤𑍍𑌯𑌮॒𑌭𑌿 𑌸-𑌮𑍍𑌪॑𑌵𑌤𑍇 । 𑌦𑍍𑌯𑍋𑌃 𑌪॑𑌵𑌤𑍇 । 𑌦𑌿𑌵॑𑌮॒𑌭𑌿 𑌪॑𑌵𑌤𑍇 ॥ 𑌦𑌿𑌵॑𑌮॒𑌭𑌿 𑌸-𑌮𑍍𑌪॑𑌵𑌤𑍇 । 𑌦𑌿॒𑌗𑍍𑌭𑍍𑌯𑌃 𑌪॑𑌵𑌤𑍇 । 𑌦𑌿𑌶𑍋॒-𑌽𑌭𑌿 𑌪॑𑌵𑌤𑍇 । 𑌦𑌿𑌶𑍋॒-𑌽𑌭𑌿 𑌸-𑌮𑍍𑌪॑𑌵𑌤𑍇 । 𑌸 𑌯𑌤𑍍-𑌪𑍁॒𑌰𑌸𑍍𑌤𑌾॒𑌦𑍍𑌵𑌾𑌤𑌿॑ । 𑌪𑍍𑌰𑌾॒𑌣 𑌏॒𑌵 𑌭𑍂॒𑌤𑍍𑌵𑌾 𑌪𑍁॒𑌰𑌸𑍍𑌤𑌾᳚𑌦𑍍𑌵𑌾𑌤𑌿 ॥ 37 ॥

𑌤𑌸𑍍𑌮𑌾᳚𑌤𑍍-𑌪𑍁॒𑌰𑌸𑍍𑌤𑌾॒-𑌦𑍍𑌵𑌾𑌨𑍍𑌤᳚𑌮𑍍 । 𑌸𑌰𑍍𑌵𑌾𑌃᳚ 𑌪𑍍𑌰॒𑌜𑌾𑌃 𑌪𑍍𑌰𑌤𑌿॑ 𑌨𑌨𑍍𑌦𑌨𑍍𑌤𑌿 । 𑌪𑍍𑌰𑌾॒𑌣𑍋 𑌹𑌿 𑌪𑍍𑌰𑌿॒𑌯𑌃 𑌪𑍍𑌰॒𑌜𑌾𑌨𑌾᳚𑌮𑍍 । 𑌪𑍍𑌰𑌾॒𑌣 𑌇॑𑌵 𑌪𑍍𑌰𑌿॒𑌯𑌃 𑌪𑍍𑌰॒𑌜𑌾𑌨𑌾᳚-𑌮𑍍𑌭𑌵𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ । 𑌸 𑌵𑌾 𑌏॒𑌷 𑌪𑍍𑌰𑌾॒𑌣 𑌏॒𑌵 ॥ 𑌅𑌥॒ 𑌯-𑌦𑍍𑌦॑𑌕𑍍𑌷𑌿𑌣॒𑌤𑍋 𑌵𑌾𑌤𑌿॑ । 𑌮𑌾॒𑌤॒𑌰𑌿𑌶𑍍𑌵𑍈॒𑌵 𑌭𑍂॒𑌤𑍍𑌵𑌾 𑌦॑𑌕𑍍𑌷𑌿𑌣॒𑌤𑍋 𑌵𑌾॑𑌤𑌿 । 𑌤𑌸𑍍𑌮𑌾᳚-𑌦𑍍𑌦𑌕𑍍𑌷𑌿𑌣॒𑌤𑍋 𑌵𑌾𑌨𑍍𑌤𑌂॑-𑌵𑌿𑌁॒𑌦𑍍𑌯𑌾𑌤𑍍 । 𑌸𑌰𑍍𑌵𑌾॒ 𑌦𑌿𑌶॒ 𑌆𑌵𑌾॑𑌤𑌿 ॥ 38 ॥

𑌸𑌰𑍍𑌵𑌾॒ 𑌦𑌿𑌶𑍋-𑌽𑌨𑍁॒ 𑌵𑌿𑌵𑌾॑𑌤𑌿 । 𑌸𑌰𑍍𑌵𑌾॒ 𑌦𑌿𑌶𑍋-𑌽𑌨𑍁॒ 𑌸𑌂𑌵𑌾𑌁॒𑌤𑍀𑌤𑌿॑ । 𑌸 𑌵𑌾 𑌏॒𑌷 𑌮𑌾॑𑌤॒𑌰𑌿𑌶𑍍𑌵𑍈॒𑌵 ॥ 𑌅𑌥॒ 𑌯𑌤𑍍-𑌪॒𑌶𑍍𑌚𑌾𑌦𑍍𑌵𑌾𑌤𑌿॑ । 𑌪𑌵॑𑌮𑌾𑌨 𑌏॒𑌵 𑌭𑍂॒𑌤𑍍𑌵𑌾 𑌪॒𑌶𑍍𑌚𑌾𑌦𑍍𑌵𑌾॑𑌤𑌿 । 𑌪𑍂॒𑌤𑌮॑𑌸𑍍𑌮𑌾॒ 𑌆𑌹॑𑌰𑌨𑍍𑌤𑌿 । 𑌪𑍂॒𑌤𑌮𑍁𑌪॑𑌹𑌰𑌨𑍍𑌤𑌿 । 𑌪𑍂॒𑌤𑌮॑𑌶𑍍𑌨𑌾𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ । 𑌸 𑌵𑌾 𑌏॒𑌷 𑌪𑌵॑𑌮𑌾𑌨 𑌏॒𑌵 ॥ 39 ॥

𑌅𑌥॒ 𑌯𑌦𑍁॑𑌤𑍍𑌤𑌰॒𑌤𑍋 𑌵𑌾𑌤𑌿॑ । 𑌸॒𑌵𑌿॒𑌤𑍈𑌵 𑌭𑍂॒𑌤𑍍𑌵𑍋𑌤𑍍𑌤॑𑌰॒𑌤𑍋 𑌵𑌾॑𑌤𑌿 । 𑌸॒𑌵𑌿॒𑌤𑍇𑌵॒ 𑌸𑍍𑌵𑌾𑌨𑌾᳚-𑌮𑍍𑌭𑌵𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ । 𑌸 𑌵𑌾 𑌏॒𑌷 𑌸॑𑌵𑌿॒𑌤𑍈𑌵 ॥ 𑌤𑍇 𑌯 𑌏॑𑌨-𑌮𑍍𑌪𑍁॒𑌰𑌸𑍍𑌤𑌾॑𑌦𑌾॒𑌯𑌨𑍍𑌤॑-𑌮𑍁𑌪॒𑌵𑌦॑𑌨𑍍𑌤𑌿 । 𑌯 𑌏॒𑌵𑌾𑌸𑍍𑌯॑ 𑌪𑍁॒𑌰𑌸𑍍𑌤𑌾᳚𑌤𑍍-𑌪𑌾॒𑌪𑍍𑌮𑌾𑌨𑌃॑ । 𑌤𑌾𑌗𑍍𑌸𑍍𑌤𑍇 𑌽𑌪॑𑌘𑍍𑌨𑌨𑍍𑌤𑌿 । 𑌪𑍁॒𑌰𑌸𑍍𑌤𑌾॒𑌦𑌿𑌤॑𑌰𑌾𑌨𑍍-𑌪𑌾॒𑌪𑍍𑌮𑌨𑌃॑ 𑌸𑌚𑌨𑍍𑌤𑍇 ॥ 𑌅𑌥॒ 𑌯 𑌏॑𑌨-𑌨𑍍𑌦𑌕𑍍𑌷𑌿𑌣॒𑌤 𑌆॒𑌯𑌨𑍍𑌤॑-𑌮𑍁𑌪॒𑌵𑌦॑𑌨𑍍𑌤𑌿 ॥ 40 ॥

𑌯 𑌏॒𑌵𑌾𑌸𑍍𑌯॑ 𑌦𑌕𑍍𑌷𑌿𑌣॒𑌤𑌃 𑌪𑌾॒𑌪𑍍𑌮𑌾𑌨𑌃॑ । 𑌤𑌾𑌗𑍍𑌸𑍍𑌤𑍇 𑌽𑌪॑𑌘𑍍𑌨𑌨𑍍𑌤𑌿 । 𑌦॒𑌕𑍍𑌷𑌿॒𑌣॒𑌤 𑌇𑌤॑𑌰𑌾-𑌨𑍍𑌪𑌾॒𑌪𑍍𑌮𑌨𑌃॑ 𑌸𑌚𑌨𑍍𑌤𑍇 ॥ 𑌅𑌥॒ 𑌯 𑌏॑𑌨-𑌮𑍍𑌪॒𑌶𑍍𑌚𑌾𑌦𑌾॒𑌯𑌨𑍍𑌤॑-𑌮𑍁𑌪॒𑌵𑌦॑𑌨𑍍𑌤𑌿 । 𑌯 𑌏॒𑌵𑌾𑌸𑍍𑌯॑ 𑌪॒𑌶𑍍𑌚𑌾𑌤𑍍-𑌪𑌾॒𑌪𑍍𑌮𑌾𑌨𑌃॑ । 𑌤𑌾𑌗𑍍𑌸𑍍𑌤𑍇 𑌽𑌪॑𑌘𑍍𑌨𑌨𑍍𑌤𑌿 । 𑌪॒𑌶𑍍𑌚𑌾𑌦𑌿𑌤॑𑌰𑌾𑌨𑍍-𑌪𑌾॒𑌪𑍍𑌮𑌨𑌃॑ 𑌸𑌚𑌨𑍍𑌤𑍇 ॥ 𑌅𑌥॒ 𑌯 𑌏॑𑌨𑌮𑍁𑌤𑍍𑌤𑌰॒𑌤 𑌆॒𑌯𑌨𑍍𑌤॑𑌮𑍁𑌪॒ 𑌵𑌦॑𑌨𑍍𑌤𑌿 । 𑌯 𑌏॒𑌵𑌾𑌸𑍍𑌯𑍋᳚𑌤𑍍𑌤𑌰॒𑌤𑌃 𑌪𑌾॒𑌪𑍍𑌮𑌾𑌨𑌃॑ । 𑌤𑌾𑌗𑍍𑌸𑍍𑌤𑍇 𑌽𑌪॑𑌘𑍍𑌨𑌨𑍍𑌤𑌿 ॥ 41 ॥

𑌉॒𑌤𑍍𑌤॒𑌰॒𑌤 𑌇𑌤॑𑌰𑌾-𑌨𑍍𑌪𑌾॒𑌪𑍍𑌮𑌨𑌃॑ 𑌸𑌚𑌨𑍍𑌤𑍇 ॥ 𑌤𑌸𑍍𑌮𑌾॑ 𑌦𑍇॒𑌵𑌂-𑌵𑌿𑌁॒𑌦𑍍𑌵𑌾𑌨𑍍 । 𑌵𑍀𑌵॑ 𑌨𑍃𑌤𑍍𑌯𑍇𑌤𑍍 । 𑌪𑍍𑌰𑍇𑌵॑ 𑌚𑌲𑍇𑌤𑍍 । 𑌵𑍍𑌯𑌸𑍍𑌯𑍇॑𑌵𑌾॒𑌕𑍍𑌷𑍍𑌯𑍗 𑌭𑌾॑𑌷𑍇𑌤 । 𑌮॒𑌣𑍍𑌟𑌯𑍇॑𑌦𑌿𑌵 । 𑌕𑍍𑌰𑌾॒𑌥𑌯𑍇॑𑌦𑌿𑌵 । 𑌶𑍃॒𑌙𑍍𑌗𑌾॒𑌯𑍇𑌤𑍇॑𑌵 ॥ 𑌉॒𑌤 𑌮𑍋𑌪॑𑌵𑌦𑍇𑌯𑍁𑌃 । 𑌉॒𑌤 𑌮𑍇॑ 𑌪𑌾॒𑌪𑍍𑌮𑌾𑌨॒-𑌮𑌪॑𑌹𑌨𑍍𑌯𑍁॒𑌰𑌿𑌤𑌿॑ ॥ 𑌸 𑌯𑌾-𑌨𑍍𑌦𑌿𑌶𑌗𑍍𑌂॑ 𑌸॒𑌨𑌿𑌮𑍇॒𑌷𑍍𑌯𑌨𑍍-𑌥𑍍𑌸𑍍𑌯𑌾𑌤𑍍 । 𑌯॒𑌦𑌾 𑌤𑌾-𑌨𑍍𑌦𑌿𑌶𑌂॒-𑌵𑌾𑌁𑌤𑍋॑ 𑌵𑌾॒𑌯𑌾𑌤𑍍 । 𑌅𑌥॒ 𑌪𑍍𑌰𑌵𑍇॒𑌯𑌾𑌤𑍍 । 𑌪𑍍𑌰 𑌵𑌾॑ 𑌧𑌾𑌪𑌯𑍇𑌤𑍍 (𑌧𑌾𑌵𑌯𑍇𑌤𑍍) । 𑌸𑌾॒𑌤𑌮𑍇॒𑌵 𑌰॑𑌦𑌿॒𑌤𑌂-𑌵𑍍𑌯𑍂𑌁॑𑌢-𑌙𑍍𑌗॒𑌨𑍍𑌧𑌮॒𑌭𑌿 𑌪𑍍𑌰𑌚𑍍𑌯॑𑌵𑌤𑍇 । 𑌆-𑌽𑌸𑍍𑌯॒ 𑌤-𑌞𑍍𑌜॑𑌨𑌪॒𑌦-𑌮𑍍𑌪𑍂𑌰𑍍𑌵𑌾॑ 𑌕𑍀॒𑌰𑍍𑌤𑌿𑌰𑍍𑌗॑𑌚𑍍𑌛𑌤𑌿 ॥ 𑌦𑌾𑌨॑𑌕𑌾𑌮𑌾 𑌅𑌸𑍍𑌮𑍈 𑌪𑍍𑌰॒𑌜𑌾 𑌭॑𑌵𑌨𑍍𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ॥ 42 ॥

(𑌵𑍇𑌦॒ - 𑌸𑌮𑍍𑌪॑𑌵𑌤 - 𑌆𑌦𑌿॒𑌤𑍍𑌯𑌾-𑌤𑍍𑌪॑𑌵𑌤𑍇 - 𑌵𑌾॒𑌤𑍍𑌯𑌾 - 𑌵𑌾᳚𑌤𑍍𑌯𑍇॒ - 𑌷 𑌪𑌵॑𑌮𑌾𑌨 𑌏॒𑌵 - 𑌦॑𑌕𑍍𑌷𑌿𑌣॒𑌤 𑌆॒𑌯𑌨𑍍𑌤॑𑌮𑍁𑌪॒ 𑌵𑌦॑𑌨𑍍 - 𑌤𑍍𑌯𑍁𑌤𑍍𑌤𑌰॒𑌤𑌃 𑌪𑌾॒𑌪𑍍𑌮𑌾𑌨॒𑌸𑍍𑌤𑌾𑌗𑍍𑌸𑍍𑌤𑍇 𑌽𑌪॑𑌘𑍍𑌨॒ - 𑌨𑍍𑌤𑍀𑌤𑍍𑌯॒𑌷𑍍𑌟𑍗 𑌚॑) (𑌅. 9)

𑌅𑌨𑍁𑌵𑌾𑌕𑌂 10 - 𑌦𑌶𑌹𑍋𑌤𑍃𑌮𑌨𑍍𑌤𑍍𑌰𑌾𑌣𑌾-𑌙𑍍𑌕𑌾𑌮𑍍𑌯𑌪𑍍𑌰𑌯𑍋𑌗𑌃

𑌪𑍍𑌰॒𑌜𑌾𑌪॑𑌤𑌿॒-𑌸𑍍𑌸𑍋𑌮॒𑌗𑍍𑌂॒ 𑌰𑌾𑌜𑌾॑𑌨𑌮𑌸𑍃𑌜𑌤 । 𑌤-𑌨𑍍𑌤𑍍𑌰𑌯𑍋॒ 𑌵𑍇𑌦𑌾॒ 𑌅𑌨𑍍𑌵॑𑌸𑍃𑌜𑍍𑌯𑌨𑍍𑌤 । 𑌤𑌾𑌨𑍍. 𑌹𑌸𑍍𑌤𑍇॑-𑌽𑌕𑍁𑌰𑍁𑌤 । 𑌅𑌥॒ 𑌹 𑌸𑍀𑌤𑌾॑ 𑌸𑌾𑌵𑌿॒𑌤𑍍𑌰𑍀 । 𑌸𑍋𑌮॒𑌗𑍍𑌂॒ 𑌰𑌾𑌜𑌾॑𑌨-𑌞𑍍𑌚𑌕𑌮𑍇 । 𑌶𑍍𑌰॒𑌦𑍍𑌧𑌾𑌮𑍁॒ 𑌸 𑌚॑𑌕𑌮𑍇 । 𑌸𑌾 𑌹॑ 𑌪𑌿॒𑌤𑌰॑-𑌮𑍍𑌪𑍍𑌰॒𑌜𑌾𑌪॑𑌤𑌿॒-𑌮𑍁𑌪॑𑌸𑌸𑌾𑌰 । 𑌤𑌗𑍍𑌂 𑌹𑍋॑𑌵𑌾𑌚 । 𑌨𑌮॑𑌸𑍍𑌤𑍇 𑌅𑌸𑍍𑌤𑍁 𑌭𑌗𑌵𑌃 । 𑌉𑌪॑ 𑌤𑍍𑌵𑌾-𑌽𑌯𑌾𑌨𑌿 ॥ 43 ॥

𑌪𑍍𑌰 𑌤𑍍𑌵𑌾॑ 𑌪𑌦𑍍𑌯𑍇 ॥ 𑌸𑍋𑌮𑌂॒-𑌵𑍈𑌁 𑌰𑌾𑌜𑌾॑𑌨-𑌙𑍍𑌕𑌾𑌮𑌯𑍇 । 𑌶𑍍𑌰॒𑌦𑍍𑌧𑌾𑌮𑍁॒ 𑌸 𑌕𑌾॑𑌮𑌯𑌤॒ 𑌇𑌤𑌿॑ । 𑌤𑌸𑍍𑌯𑌾॑ 𑌉॒ 𑌹 𑌸𑍍𑌥𑌾॑𑌗॒𑌰𑌮॑𑌲𑌙𑍍𑌕𑌾॒𑌰-𑌙𑍍𑌕॑𑌲𑍍𑌪𑌯𑌿॒𑌤𑍍𑌵𑌾 । 𑌦𑌶॑𑌹𑍋𑌤𑌾𑌰-𑌮𑍍𑌪𑍁॒𑌰𑌸𑍍𑌤𑌾᳚-𑌦𑍍𑌵𑍍𑌯𑌾॒𑌖𑍍𑌯𑌾𑌯॑ । 𑌚𑌤𑍁॑𑌰𑍍𑌹𑍋𑌤𑌾𑌰-𑌨𑍍𑌦𑌕𑍍𑌷𑌿𑌣॒𑌤𑌃 । 𑌪𑌞𑍍𑌚॑ 𑌹𑍋𑌤𑌾𑌰-𑌮𑍍𑌪॒𑌶𑍍𑌚𑌾𑌤𑍍 । 𑌷𑌡𑍍𑌢𑍋॑𑌤𑌾𑌰-𑌮𑍁𑌤𑍍𑌤𑌰॒𑌤𑌃 । 𑌸॒𑌪𑍍𑌤𑌹𑍋॑𑌤𑌾𑌰-𑌮𑍁॒𑌪𑌰𑌿॑𑌷𑍍𑌟𑌾𑌤𑍍 । 𑌸॒𑌮𑍍𑌭𑌾॒𑌰𑍈𑌶𑍍𑌚॒ 𑌪𑌤𑍍𑌨𑌿॑𑌭𑌿𑌶𑍍𑌚॒ 𑌮𑍁𑌖𑍇॑-𑌽𑌲॒𑌙𑍍𑌕𑍃𑌤𑍍𑌯॑ ॥ 44 ॥

𑌆-𑌽𑌸𑍍𑌯𑌾𑌰𑍍𑌧𑌂-𑌵𑌁॑𑌵𑍍𑌰𑌾𑌜 । 𑌤𑌾𑌗𑍍𑌂 𑌹𑍋॒𑌦𑍀𑌕𑍍𑌷𑍍𑌯𑍋॑𑌵𑌾𑌚 । 𑌉𑌪॒ 𑌮𑌾-𑌽𑌽𑌵॑𑌰𑍍𑌤॒𑌸𑍍𑌵𑍇𑌤𑌿॑ । 𑌤𑌗𑍍𑌂 𑌹𑍋॑𑌵𑌾𑌚 । 𑌭𑍋𑌗॒-𑌨𑍍𑌤𑍁 𑌮॒ 𑌆𑌚॑𑌕𑍍𑌷𑍍𑌵 । 𑌏॒𑌤-𑌨𑍍𑌮॒ 𑌆𑌚॑𑌕𑍍𑌷𑍍𑌵 । 𑌯𑌤𑍍𑌤𑍇॑ 𑌪𑌾॒𑌣𑌾𑌵𑌿𑌤𑌿॑ । 𑌤𑌸𑍍𑌯𑌾॑ 𑌉॒ 𑌹 𑌤𑍍𑌰𑍀𑌨𑍍. 𑌵𑍇𑌦𑌾॒-𑌨𑍍𑌪𑍍𑌰𑌦॑𑌦𑍗 । 𑌤𑌸𑍍𑌮𑌾॒𑌦𑍁 𑌹॒ 𑌸𑍍𑌤𑍍𑌰𑌿𑌯𑍋॒ 𑌭𑍋𑌗॒𑌮𑍈𑌵 𑌹𑌾॑𑌰𑌯𑌨𑍍𑌤𑍇 ॥ 𑌸 𑌯𑌃 𑌕𑌾॒𑌮𑌯𑍇॑𑌤 𑌪𑍍𑌰𑌿॒𑌯-𑌸𑍍𑌸𑍍𑌯𑌾॒𑌮𑌿𑌤𑌿॑ ॥ 45 ॥

𑌯𑌂-𑌵𑌾𑌁॑ 𑌕𑌾॒𑌮𑌯𑍇॑𑌤 𑌪𑍍𑌰𑌿॒𑌯-𑌸𑍍𑌸𑍍𑌯𑌾॒𑌦𑌿𑌤𑌿॑ । 𑌤𑌸𑍍𑌮𑌾॑ 𑌏॒𑌤𑌗𑍍𑌗𑍍 𑌸𑍍𑌥𑌾॑𑌗॒𑌰-𑌮॑𑌲𑌙𑍍𑌕𑌾॒𑌰-𑌙𑍍𑌕॑𑌲𑍍𑌪𑌯𑌿॒𑌤𑍍𑌵𑌾 । 𑌦𑌶॑𑌹𑍋𑌤𑌾𑌰-𑌮𑍍𑌪𑍁॒𑌰𑌸𑍍𑌤𑌾᳚-𑌦𑍍𑌵𑍍𑌯𑌾॒𑌖𑍍𑌯𑌾𑌯॑ । 𑌚𑌤𑍁॑𑌰𑍍𑌹𑍋𑌤𑌾𑌰-𑌨𑍍𑌦𑌕𑍍𑌷𑌿𑌣॒𑌤𑌃 । 𑌪𑌞𑍍𑌚॑𑌹𑍋𑌤𑌾𑌰-𑌮𑍍𑌪॒𑌶𑍍𑌚𑌾𑌤𑍍 । 𑌷𑌡𑍍𑌢𑍋॑𑌤𑌾𑌰-𑌮𑍁𑌤𑍍𑌤𑌰॒𑌤𑌃 । 𑌸॒𑌪𑍍𑌤𑌹𑍋॑𑌤𑌾-𑌰𑌮𑍁॒𑌪𑌰𑌿॑𑌷𑍍𑌟𑌾𑌤𑍍 । 𑌸॒𑌮𑍍𑌭𑌾॒𑌰𑍈𑌶𑍍𑌚॒ 𑌪𑌤𑍍𑌨𑌿॑𑌭𑌿𑌶𑍍𑌚॒ 𑌮𑍁𑌖𑍇॑-𑌽𑌲॒𑌙𑍍𑌕𑍃𑌤𑍍𑌯॑ । 𑌆-𑌽𑌸𑍍𑌯𑌾𑌰𑍍𑌧𑌂-𑌵𑍍𑌰𑌁॑𑌜𑍇𑌤𑍍 । 𑌪𑍍𑌰𑌿॒𑌯𑍋 𑌹𑍈॒𑌵 𑌭॑𑌵𑌤𑌿 ॥ 46 ॥

(𑌅॒𑌯𑌾॒ - 𑌨𑍍𑌯॒𑌲॒𑌙𑍍𑌕𑍃𑌤𑍍𑌯॑ - 𑌸𑍍𑌯𑌾॒𑌮𑌿𑌤𑌿॑ - 𑌭𑌵𑌤𑌿) (𑌅. 10)

𑌅𑌨𑍁𑌵𑌾𑌕𑌂 11 - 𑌦𑌶𑌹𑍋𑌤𑍍𑌰𑌾𑌦𑌿𑌮𑌨𑍍𑌤𑍍𑌰𑌨𑌾𑌮𑍍𑌨𑌾-𑌮𑍍𑌪𑍍𑌰𑌵𑍃𑌤𑍍𑌤𑌿𑌨𑌿𑌮𑌿𑌤𑍍𑌤𑌮𑍍

𑌬𑍍𑌰𑌹𑍍𑌮𑌾᳚𑌤𑍍𑌮॒𑌨𑍍-𑌵𑌦॑𑌸𑍃𑌜𑌤 । 𑌤𑌦॑𑌕𑌾𑌮𑌯𑌤 । 𑌸𑌮𑌾॒𑌤𑍍𑌮𑌨𑌾॑ 𑌪𑌦𑍍𑌯𑍇॒𑌯𑍇𑌤𑌿॑ । 𑌆𑌤𑍍𑌮॒-𑌨𑍍𑌨𑌾𑌤𑍍𑌮॒-𑌨𑍍𑌨𑌿𑌤𑍍𑌯𑌾𑌮॑𑌨𑍍𑌤𑍍𑌰𑌯𑌤 । 𑌤𑌸𑍍𑌮𑍈॑ 𑌦𑌶॒𑌮𑌗𑍍𑌂 𑌹𑍂॒𑌤𑌃 𑌪𑍍𑌰𑌤𑍍𑌯॑𑌶𑍃𑌣𑍋𑌤𑍍 । 𑌸 𑌦𑌶॑𑌹𑍂𑌤𑍋-𑌽𑌭𑌵𑌤𑍍 । 𑌦𑌶॑𑌹𑍂𑌤𑍋 𑌹॒ 𑌵𑍈 𑌨𑌾𑌮𑍈॒𑌷𑌃 । 𑌤𑌂-𑌵𑌾𑌁 𑌏॒𑌤-𑌨𑍍𑌦𑌶॑𑌹𑍂𑌤॒𑌗𑍍𑌂॒ 𑌸𑌨𑍍𑌤᳚𑌮𑍍 । 𑌦𑌶॑𑌹𑍋॒𑌤𑍇𑌤𑍍𑌯𑌾𑌚॑𑌕𑍍𑌷𑌤𑍇 𑌪॒𑌰𑍋𑌕𑍍𑌷𑍇॑𑌣 । 𑌪॒𑌰𑍋𑌕𑍍𑌷॑𑌪𑍍𑌰𑌿𑌯𑌾 𑌇𑌵॒ 𑌹𑌿 𑌦𑍇॒𑌵𑌾𑌃 ॥ 47 ॥

𑌆𑌤𑍍𑌮॒-𑌨𑍍𑌨𑌾𑌤𑍍𑌮॒-𑌨𑍍𑌨𑌿𑌤𑍍𑌯𑌾𑌮॑𑌨𑍍𑌤𑍍𑌰𑌯𑌤 । 𑌤𑌸𑍍𑌮𑍈॑ 𑌸𑌪𑍍𑌤॒𑌮𑌗𑍍𑌂 𑌹𑍂॒𑌤𑌃 𑌪𑍍𑌰𑌤𑍍𑌯॑𑌶𑍃𑌣𑍋𑌤𑍍 । 𑌸 𑌸॒𑌪𑍍𑌤𑌹𑍂॑𑌤𑍋-𑌽𑌭𑌵𑌤𑍍 । 𑌸॒𑌪𑍍𑌤𑌹𑍂॑𑌤𑍋 𑌹॒ 𑌵𑍈 𑌨𑌾𑌮𑍈॒𑌷𑌃 । 𑌤𑌂-𑌵𑌾𑌁 𑌏॒𑌤𑌗𑍍𑌂 𑌸॒𑌪𑍍𑌤𑌹𑍂॑𑌤॒𑌗𑍍𑌂॒ 𑌸𑌨𑍍𑌤᳚𑌮𑍍 । 𑌸॒𑌪𑍍𑌤𑌹𑍋॒𑌤𑍇𑌤𑍍𑌯𑌾𑌚॑𑌕𑍍𑌷𑌤𑍇 𑌪॒𑌰𑍋𑌕𑍍𑌷𑍇॑𑌣 । 𑌪॒𑌰𑍋𑌕𑍍𑌷॑𑌪𑍍𑌰𑌿𑌯𑌾 𑌇𑌵॒ 𑌹𑌿 𑌦𑍇॒𑌵𑌾𑌃 ॥ 𑌆𑌤𑍍𑌮॒-𑌨𑍍𑌨𑌾𑌤𑍍𑌮॒-𑌨𑍍𑌨𑌿𑌤𑍍𑌯𑌾𑌮॑𑌨𑍍𑌤𑍍𑌰𑌯𑌤 । 𑌤𑌸𑍍𑌮𑍈॑ 𑌷॒𑌷𑍍𑌠𑌗𑍍𑌂 𑌹𑍂॒𑌤𑌃 𑌪𑍍𑌰𑌤𑍍𑌯॑𑌶𑍃𑌣𑍋𑌤𑍍 । 𑌸 𑌷𑌡𑍍𑌢𑍂॑𑌤𑍋-𑌽𑌭𑌵𑌤𑍍 ॥ 48 ॥

𑌷𑌡𑍍𑌢𑍂॑𑌤𑍋 𑌹॒ 𑌵𑍈 𑌨𑌾𑌮𑍈॒𑌷𑌃 । 𑌤𑌂-𑌵𑌾𑌁 𑌏॒𑌤𑌗𑍍𑌂 𑌷𑌡𑍍𑌢𑍂॑𑌤॒𑌗𑍍𑌂॒ 𑌸𑌨𑍍𑌤᳚𑌮𑍍 । 𑌷𑌡𑍍𑌢𑍋॒𑌤𑍇𑌤𑍍𑌯𑌾𑌚॑𑌕𑍍𑌷𑌤𑍇 𑌪॒𑌰𑍋𑌕𑍍𑌷𑍇॑𑌣 । 𑌪॒𑌰𑍋𑌕𑍍𑌷॑𑌪𑍍𑌰𑌿𑌯𑌾 𑌇𑌵॒ 𑌹𑌿 𑌦𑍇॒𑌵𑌾𑌃 ॥ 𑌆𑌤𑍍𑌮॒-𑌨𑍍𑌨𑌾𑌤𑍍𑌮॒-𑌨𑍍𑌨𑌿𑌤𑍍𑌯𑌾𑌮॑𑌨𑍍𑌤𑍍𑌰𑌯𑌤 । 𑌤𑌸𑍍𑌮𑍈॑ 𑌪𑌞𑍍𑌚॒𑌮𑌗𑍍𑌂 𑌹𑍂॒𑌤𑌃 𑌪𑍍𑌰𑌤𑍍𑌯॑ 𑌶𑍃𑌣𑍋𑌤𑍍 । 𑌸 𑌪𑌞𑍍𑌚॑ 𑌹𑍂𑌤𑍋-𑌽𑌭𑌵𑌤𑍍 । 𑌪𑌞𑍍𑌚॑𑌹𑍂𑌤𑍋 𑌹॒ 𑌵𑍈 𑌨𑌾𑌮𑍈॒𑌷𑌃 । 𑌤𑌂-𑌵𑌾𑌁 𑌏॒𑌤-𑌮𑍍𑌪𑌞𑍍𑌚॑𑌹𑍂𑌤॒𑌗𑍍𑌂॒ 𑌸𑌨𑍍𑌤᳚𑌮𑍍 । 𑌪𑌞𑍍𑌚॑𑌹𑍋॒𑌤𑍇𑌤𑍍𑌯𑌾𑌚॑𑌕𑍍𑌷𑌤𑍇 𑌪॒𑌰𑍋𑌕𑍍𑌷𑍇॑𑌣 ॥ 49 ॥

𑌪॒𑌰𑍋𑌕𑍍𑌷॑𑌪𑍍𑌰𑌿𑌯𑌾 𑌇𑌵॒ 𑌹𑌿 𑌦𑍇॒𑌵𑌾𑌃 ॥ 𑌆𑌤𑍍𑌮॒-𑌨𑍍𑌨𑌾𑌤𑍍𑌮॒-𑌨𑍍𑌨𑌿𑌤𑍍𑌯𑌾𑌮॑𑌨𑍍𑌤𑍍𑌰𑌯𑌤 । 𑌤𑌸𑍍𑌮𑍈॑ 𑌚𑌤𑍁॒𑌰𑍍𑌥𑌗𑍍𑌂 𑌹𑍂॒𑌤𑌃 𑌪𑍍𑌰𑌤𑍍𑌯॑𑌶𑍃𑌣𑍋𑌤𑍍 । 𑌸 𑌚𑌤𑍁॑𑌰𑍍𑌹𑍂𑌤𑍋-𑌽𑌭𑌵𑌤𑍍 । 𑌚𑌤𑍁॑𑌰𑍍𑌹𑍂𑌤𑍋 𑌹॒ 𑌵𑍈 𑌨𑌾𑌮𑍈॒𑌷𑌃 । 𑌤𑌂-𑌵𑌾𑌁 𑌏॒𑌤-𑌞𑍍𑌚𑌤𑍁॑𑌰𑍍𑌹𑍂𑌤॒𑌗𑍍𑌂॒ 𑌸𑌨𑍍𑌤᳚𑌮𑍍 । 𑌚𑌤𑍁॑𑌰𑍍𑌹𑍋॒𑌤𑍇𑌤𑍍𑌯𑌾𑌚॑𑌕𑍍𑌷𑌤𑍇 𑌪॒𑌰𑍋𑌕𑍍𑌷𑍇॑𑌣 । 𑌪॒𑌰𑍋𑌕𑍍𑌷॑𑌪𑍍𑌰𑌿𑌯𑌾 𑌇𑌵॒ 𑌹𑌿 𑌦𑍇॒𑌵𑌾𑌃 ॥ 𑌤𑌮॑𑌬𑍍𑌰𑌵𑍀𑌤𑍍 । 𑌤𑍍𑌵𑌂-𑌵𑍈𑌁 𑌮𑍇॒ 𑌨𑍇𑌦𑌿॑𑌷𑍍𑌠𑌗𑍍𑌂 𑌹𑍂॒𑌤𑌃 𑌪𑍍𑌰𑌤𑍍𑌯॑𑌶𑍍𑌰𑍗𑌷𑍀𑌃 । 𑌤𑍍𑌵𑌯𑍈॑-𑌨𑌾𑌨𑌾𑌖𑍍𑌯𑌾॒𑌤𑌾𑌰॒ 𑌇𑌤𑌿॑ । 𑌤𑌸𑍍𑌮𑌾॒𑌨𑍍𑌨𑍁 𑌹𑍈॑𑌨𑌾॒𑌗𑍍॒-𑌶𑍍𑌚𑌤𑍁॑𑌰𑍍𑌹𑍋𑌤𑌾𑌰॒ 𑌇𑌤𑍍𑌯𑌾𑌚॑𑌕𑍍𑌷𑌤𑍇 । 𑌤𑌸𑍍𑌮𑌾᳚-𑌚𑍍𑌛𑍁𑌶𑍍𑌰𑍂॒𑌷𑍁𑌃 𑌪𑍁॒𑌤𑍍𑌰𑌾𑌣𑌾॒𑌗𑍍𑌂॒ 𑌹𑍃𑌦𑍍𑌯॑𑌤𑌮𑌃 । 𑌨𑍇𑌦𑌿॑𑌷𑍍𑌠𑍋॒ 𑌹𑍃𑌦𑍍𑌯॑𑌤𑌮𑌃 । 𑌨𑍇𑌦𑌿॑𑌷𑍍𑌠𑍋॒ 𑌬𑍍𑌰𑌹𑍍𑌮॑𑌣𑍋 𑌭𑌵𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ॥ 50 ॥

(𑌦𑍇॒𑌵𑌾𑌃 - 𑌷𑌡𑍍𑌢𑍂॑𑌤𑍋-𑌽𑌭𑌵॒𑌤𑍍 - 𑌪𑌞𑍍𑌚॑𑌹𑍋॒𑌤𑍇𑌤𑍍𑌯𑌾𑌚॑𑌕𑍍𑌷𑌤𑍇 𑌪॒𑌰𑍋𑌕𑍍𑌷𑍇॑𑌣𑌾 - 𑌶𑍍𑌰𑍗𑌷𑍀॒-𑌷𑍍𑌷𑌟𑍍𑌚॑) (𑌅. 11)

(𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑌃॒ 𑌕𑌿𑌂 - 𑌦𑌕𑍍𑌷𑌿॑𑌣𑌾𑌂॒ - 𑌁𑌯𑍋 𑌵𑌾 𑌅𑌵𑌿॑𑌦𑍍𑌵𑌾॒𑌨𑍍 - 𑌤𑌸𑍍𑌯॒ 𑌵𑍈 - 𑌬𑍍𑌰॑𑌹𑍍𑌮𑌵𑌾॒𑌦𑌿𑌨𑍋॒ 𑌯-𑌦𑍍𑌦𑌶॑𑌹𑍋𑌤𑌾𑌰𑌃 - 𑌪𑍍𑌰॒𑌜𑌾𑌪॑𑌤𑌿॒ 𑌵𑍍𑌯𑌸𑍍𑌰𑌂 - 𑌪𑍍𑌰॒𑌜𑌾𑌪॑𑌤𑌿𑌃॒ 𑌪𑍁𑌰𑍁॑𑌷𑌂 - 𑌪𑍍𑌰॒𑌜𑌾𑌪॑𑌤𑌿𑌰𑌕𑌾𑌮𑌯𑌤॒ 𑌸 𑌤𑌪॒-𑌸𑍍𑌸𑍋᳚-𑌽𑌨𑍍𑌤𑌰𑍍𑌵𑌾᳚𑌨𑍍 - 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॒ 𑌯𑍋 𑌵𑌾 𑌇॒𑌮𑌂-𑌵𑌿𑌁॒𑌦𑍍𑌯𑌾𑌤𑍍 - 𑌪𑍍𑌰॒𑌜𑌾𑌪॑𑌤𑌿॒-𑌸𑍍𑌸𑍋𑌮॒𑌗𑍍𑌂॒ 𑌰𑌾𑌜𑌾॑𑌨𑌂॒ - 𑌬𑍍𑌰𑌹𑍍𑌮𑌾᳚𑌤𑍍 𑌮॒𑌨𑍍𑌵𑌦𑍇𑌕𑌾॑𑌦𑌶)

(𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨॒ - 𑌸𑍍𑌤𑌸𑍍𑌯॒ 𑌵𑌾 𑌅॒𑌗𑍍𑌨𑍇--𑌰𑍍 𑌯𑌦𑍍𑌵𑌾 𑌇॒𑌦-𑌙𑍍𑌕𑌿𑌞𑍍𑌚॑ - 𑌪𑍍𑌰॒𑌜𑌾𑌪॑𑌤𑌿𑌰𑌕𑌾𑌮𑌯𑌤॒ -𑌯 𑌏॒𑌵𑌾𑌸𑍍𑌯॑ 𑌦𑌕𑍍𑌷𑌿𑌣॒𑌤𑌃 𑌪॑𑌞𑍍𑌚𑌾॒𑌶𑌤𑍍)

(𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॒ - 𑌯 𑌏॒𑌵𑌂-𑌵𑍇𑌁𑌦॑ )

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌦𑍍𑌵𑌿𑌤𑍀𑌯𑌾𑌷𑍍𑌟𑌕𑍇 𑌤𑍃𑌤𑍀𑌯𑌃 𑌪𑍍𑌰𑌪𑌾𑌠𑌕-𑌸𑍍𑌸𑌮𑌾𑌪𑍍𑌤𑌃 ॥

Roman (IAST) Transliteration

kṛṣṇa yajurvedīya taittirīya brāhmaṇe dvitīyāṣṭake tṛtīyaḥ prapāṭhakaḥ - hotṛbrāhmaṇaśeṣaḥ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

anuvākaṃ 1 - sarveṣāṃ hotṛmantrāṇā-ñcaturhotṛśabdena vyavahāra

bra॒hma॒vā॒dino̭ vadanti | ki-ñcatṷrhotṛṇā-ñcaturhotṛ॒tvamiti̭ | yade॒vaiṣu ca̭tu॒rdhā hotā̭raḥ | tena॒ catṷrhotāraḥ | tasmā॒ccatṷrhotāra ucyante | taccatṷrhotṛṇā-ñcaturhotṛ॒tvam || somo॒ vai catṷrhotā | a॒gniḥ pañca̭hotā | dhā॒tā ṣaḍḍho̭tā | indraḥ̭ sa॒ptaho̭tā || 1 ||

pra॒jāpa̭ti॒-rdaśa̭hotā | ya e॒va-ñcatṷrhotṛṇā॒-mṛddhiṃ॒-ve~da̭ | ṛ॒dhnotye॒va || ya ḙṣāme॒va-mba॒ndhutāṃ॒-ve~da̭ | bandhṷmānbhavati | ya ḙṣāme॒va-ṅklṛptiṃ॒-ve~da̭ | kalpa̭te-'smai | ya ḙṣāme॒va-mā॒yata̭naṃ॒-ve~da̭ | ā॒yata̭navān-bhavati | ya ḙṣāme॒va-mpra̭ti॒ṣṭhāṃ-ve~da̭ || 2 ||

pratye॒va ti̭ṣṭhati || bra॒hma॒vā॒dino̭ vadanti | daśa̭hotā॒ catṷrhotā | pañca̭hotā॒ ṣaḍḍho̭tā sa॒ptaho̭tā | atha॒ kasmā॒ccatṷrhotāra ucyanta॒ iti̭ | indro॒ vai catṷrhotā | indraḥ॒ khalu॒ vai śreṣṭho̭ de॒vatā̭nā-mupa॒deśa̭nāt | ya e॒vamindra॒gg॒ śreṣṭha̭-nde॒vatā̭nā-mupa॒deśa̭nā॒-dveda̭ | vasi̭ṣṭha-ssamā॒nānā᳚-mbhavati | tasmā॒cchreṣṭha̭mā॒yanta̭-mpratha॒menai॒vānṷbuddhyante | a॒yamāganṋ | a॒yamavā̭sā॒diti̭ | kī॒rtira̭sya॒ pūrvā-''ga̭cchati ja॒natā̭māya॒taḥ | atho̭ ena-mpratha॒menai॒vānṷ buddhyante | a॒yamāganṋ | a॒yamavā̭sā॒diti̭ || 3 ||

(sa॒ptaho̭tā - prati॒ṣṭhāṃ-ve~da̭ - buddhyante॒ ṣaṭca̭) (a. 1)

anuvākaṃ 2 - naimittiko hotṛmantrahomaḥ

dakṣi̭ṇā-mpratigrahī॒ṣyan-thsa॒ptada̭śa॒ kṛtvo-'pā᳚nyāt | ā॒tmāna̭me॒va sami̭ndhe | teja̭se vī॒ryā̭ya | atho᳚ pra॒jāpa̭tire॒vainā᳚-mbhū॒tvā prati̭ gṛhṇāti | ā॒tmano 'nā᳚rtyai || yadyḙna॒mārt-vi̭jyā-dvṛ॒tagṃ santa̭-nni॒rharḙrann | āgnī᳚ddhre juhuyā॒-ddaśa̭hotāram | ca॒tu॒rgṛ॒hī॒tenājyḙna | pu॒rastā᳚t-pra॒tyantiṣṭhanṋ | pra॒ti॒lo॒maṃ-vi~॒grāha᳚m || 4 ||

prā॒ṇāne॒vāsyopa̭dāsayati || yadyḙna॒-mpuna̭rupa॒ śikṣḙyuḥ | āgnī᳚ddhra e॒va jṷhuyā॒-ddaśa̭hotāram | ca॒tu॒rgṛ॒hī॒tenājyḙna | pa॒ścā-tprāṃāsī̭naḥ | a॒nu॒lo॒ma-mavi̭grāham | prā॒ṇāne॒vāsmai̭ kalpayati || prāya̭ścittī॒-vāghote-tyṛ̭tumu॒kha ṛ̭tumukhe juhoti | ṛ॒tūne॒vāsmai̭ kalpayati | kalpa̭nte-'smā ṛ॒tavaḥ̭ || 5 ||

klṛ॒tā a̭smā ṛ॒tava॒ āya̭nti || ṣaḍḍho̭tā॒ vai bhū॒tvā pra॒jāpa̭tiri॒dagṃ sarva̭masṛjata | sa mano̭-'sṛjata | mana॒so-'dhi̭ gāya॒trīma̭sṛjata | tadgā̭ya॒trīṃ-ya~śa̭ ārcchat | tāmā-'la̭bhata | gā॒ya॒tri॒yā adhi॒ chandāg̭sya sṛjata | chando॒bhyo-'dhi॒ sāma̭ | ta-thsāma॒ yaśa̭ ārcchat | tadā-'la̭bhata || 6 ||

sāmno-'dhi॒ yajūg̭ṣyasṛjata | yaju॒rbhyo-'dhi॒ viṣṇu᳚m | ta-dviṣṇuṃ॒-ya~śa̭ ārcchat | tamā-'la̭bhata | vi॒ṣṇoraddhyoṣa̭dhīrasṛjata | oṣa̭dhī॒bhyo-'dhi॒ soma᳚m | ta-thsomaṃ॒-ya~śa̭ ārcchat | tamā-'la̭bhata | somā॒dadhi̭ pa॒śūna̭sṛjata | pa॒śubhyo-'dhīndra᳚m || 7 ||

tadindraṃ॒-ya~śa̭ ārcchat | tadḙna॒-nnāti॒ prācya̭vata | indra̭ iva yaśa॒svī bha̭vati | ya e॒vaṃ-ve~da̭ | nainaṃ॒-ya~śo-'ti॒ pracya̭vate || yadvā i॒da-ṅki-ñca̭ | ta-thsarva̭muttā॒na e॒vāṅgī̭ra॒saḥ pratya̭gṛhṇāt | tadḙna॒-mprati̭gṛhīta॒-nnāhi̭nat | ya-tkiñca̭ prati gṛhṇī॒yāt | ta-thsarva̭muttā॒nastvā᳚ṅgīra॒saḥ prati̭gṛhṇā॒tvitye॒va prati̭gṛhṇīyāt | i॒yaṃ-vā~ ṷttā॒na ā᳚ṅgīra॒saḥ | a॒nayai॒vaina॒t-prati̭ gṛhṇāti | nainagṃ̭ hinasti || ba॒ra॒ḥiṣā॒ pratī̭yā॒dgāṃ-vā~-'śvaṃ̭-vā~ | e॒tadvai pa̭śū॒nā-mpri॒ya-ndhāma̭ | pri॒yeṇai॒vaina॒-ndhāmnā॒ pratyḙti || 8 ||

(vi॒grāha̭ - mṛ॒tava॒ - stadā-'la̭bha॒ - tendraṃ̭ - gṛhṇīyā॒-thṣaṭca̭) (a. 2)

anuvākaṃ 3 - keśavapanāṅga-mpuṣṭivedanaṃ

yo vā avi̭dvā-nniva॒rtaya̭te | viśī̭rṣā॒ sapā᳚pmā॒ 'muṣmi̭l ~lo॒ke bha̭vati | atha॒ yo vi॒dvā-nni̭va॒rtaya̭te | saśī̭rṣā॒ vipā᳚pmā॒ 'muṣmi̭l ~lo॒ke bha̭vati || de॒vatā॒ vai sa॒pta puṣṭi̭kāmā॒ nya̭vartayanta | a॒gniśca̭ pṛthi॒vī ca̭ | vā॒yuścā॒ntari̭kṣa-ñca | ā॒di॒tyaśca॒ dyauśca̭ ca॒ndramāḥ᳚ | a॒gnirnya̭vartayata | sa sā̭ha॒sra-ma̭puṣyat || 9 ||

pṛ॒thi॒vī nya̭vartayata | sauṣa̭dhībhi॒-rvana॒spati̭bhi-rapuṣyat | vā॒yurnya̭vartayata | sa marī̭cībhi-rapuṣyat | a॒ntari̭kṣa॒-nnya̭vartayata | tadvayo̭bhi-rapuṣyat | ā॒di॒tyo nya̭vartayata | sa ra॒śmibhi̭-rapuṣyat | dyaurnya̭vartayata | sā nakṣa̭trai-rapuṣyat | ca॒ndramā॒ nya̭vartayata | so̭-'horā॒trai-ra̭rdhamā॒sai-rmāsair̭ ṛ॒tubhiḥ̭ saṃva~thsa॒reṇā̭-puṣyat | tānpoṣā᳚n-puṣyati | yāgste-'pṷṣyann | ya e॒vaṃ-vi~॒dānni ca̭ va॒rtaya̭te॒ pari̭ ca || 10 ||

(a॒pu॒ṣya॒n - nakṣa̭trairapuṣya॒-tpañca̭ ca) (a. 3)

anuvākaṃ 4 - pratigrahamantramahimajñānam

tasya॒ vā a॒gner-hira̭ṇya-mpratijagra॒huṣaḥ̭ | a॒rdhami̭ndri॒yasyā-pā᳚krāmat | tade॒tenai॒va pratya̭gṛhṇāt | tena॒ vai so᳚-'rdhami̭ndri॒ya-syā॒tma-nnu॒pādha̭tta | a॒rdhami̭ndri॒yasyā॒tma-nnu॒pādha̭tte | ya e॒vaṃ-vi~॒dvān. hira̭ṇya-mprati gṛ॒hṇāti̭ | atha॒ yo 'vi̭dvā-nprati gṛ॒hṇāti̭ | a॒rdhama̭syendri॒yasyāpa̭ krāmati || tasya॒ vai soma̭sya॒ vāsaḥ̭ pratijagra॒huṣaḥ̭ | tṛtī̭yamindri॒yasyā-pā᳚krāmat || 11 ||

tade॒tenai॒va pratya̭gṛhṇāt | tena॒ vai sa tṛtī̭yamindri॒yasyā॒tma-nnu॒pādha̭tta | tṛtī̭yamindri॒yasyā॒tma-nnu॒pādha̭tte | ya e॒vaṃ-vi~॒dvān. vāsaḥ̭ prati gṛ॒hṇāti̭ | atha॒ yo-'vi̭dvā-nprati gṛ॒hṇāti̭ | tṛtī̭yamasyendri॒yasyāpa̭ krāmati || tasya॒ vai ru॒drasya॒ gā-mpra̭tijagra॒huṣaḥ̭ | ca॒tu॒rthami̭ndri॒yasyā-pā᳚krāmat | tāme॒tenai॒va pratya̭gṛhṇāt | tena॒ vai sa ca̭tu॒rthami̭ndri॒yasyā॒tma-nnu॒pādha̭tta || 12 ||

ca॒tu॒rthami̭ndri॒yasyā॒tma-nnu॒pādha̭tte | ya e॒vaṃ-vi~॒dvā-ngā-mpra̭ti gṛ॒hṇāti̭ | atha॒ yo-'vi̭dvā-nprati gṛ॒hṇāti̭ | ca॒tu॒rthama̭syendri॒yasyāpa̭ krāmati || tasya॒ vai varṷṇa॒syāśva̭-mpratijagra॒huṣaḥ̭ | pa॒ñca॒mami̭ndri॒yasyā-pā᳚krāmat | tame॒tenai॒va pratya̭gṛhṇāt | tena॒ vai sa pa̭ñca॒mami̭ndri॒yasyā॒tma-nnu॒pādha̭tta | pa॒ñca॒mami̭ndri॒yasyā॒tma-nnu॒pādha̭tte | ya e॒vaṃ-vi~॒dvānaśva̭-mprati gṛ॒hṇāti̭ || 13 ||

atha॒ yo-'vi̭dvā-npratigṛ॒hṇāti̭ | pa॒ñca॒mama̭syendri॒yasyāpa̭ krāmati || tasya॒ vai pra॒jāpa̭teḥ॒ purṷṣa-mpratijagra॒huṣaḥ̭ | ṣa॒ṣṭhami̭ndri॒yasyā-pā᳚krāmat | tame॒tenai॒va pratya̭gṛhṇāt | tena॒ vai sa ṣa॒ṣṭhami̭ndri॒yasyā॒tma-nnu॒pādha̭tta | ṣa॒ṣṭhami̭ndri॒yasyā॒tma-nnu॒pādha̭tte | ya e॒vaṃ-vi~॒dvā-npurṷṣa-mprati gṛ॒hṇāti̭ | atha॒ yo-'vi̭dvā-nprati gṛ॒hṇāti̭ | ṣa॒ṣṭhama̭syendri॒yasyāpa̭-krāmati || 14 ||

tasya॒ vai mano॒stalpa̭-mpratijagra॒huṣaḥ̭ | sa॒pta॒mami̭ndri॒yasyā-pā᳚krāmat | tame॒tenai॒va pratya̭gṛhṇāt | tena॒ vai sa sa̭pta॒mami̭ndri॒ya-syā॒tma-nnu॒pādha̭tta | sa॒pta॒mami̭ndri॒yasyā॒tma-nnu॒pādha̭tte | ya e॒vaṃ-vi~॒dvāgstalpa̭-mpratigṛ॒hṇāti̭ | atha॒ yo-'vi̭dvā-nprati gṛ॒hṇāti̭ | sa॒pta॒mama̭syendri॒yasyāpa̭-krāmati || tasya॒ vā ṷttā॒nasyā᳚ṅgīra॒sasyā prā̭ṇa-tpratijagra॒huṣaḥ̭ | a॒ṣṭa॒mami̭ndri॒yasyā-pā᳚krāmat || 15 ||

tade॒tenai॒va pratya̭gṛhṇāt | tena॒ vai so᳚-'ṣṭa॒mami̭ndri॒yasyā॒tma-nnu॒pādha̭tte | a॒ṣṭa॒mami̭ndri॒yasyā॒tma-nnu॒pādha̭tte | ya e॒vaṃ-vi~॒dvāna prā̭ṇa-tprati gṛ॒hṇāti̭ | atha॒ yo-'vi̭dvā-npratigṛ॒hṇāti̭ | a॒ṣṭa॒mama̭syendri॒yasyāpa̭ krāmati || yadvā i॒da-ṅki-ñca̭ | ta-thsarva̭-muttā॒na e॒vāṅgī̭ra॒saḥ pratya̭ gṛhṇāt | tadḙna॒-mprati̭gṛhīta॒-nnāhi̭nat | ya-tki-ñca̭ prati gṛhṇī॒yāt | ta-thsarva̭-muttā॒na-stvā᳚ṅgīra॒saḥ prati̭gṛhṇā॒tvitye॒va prati̭ gṛhṇīyāt | i॒yaṃ-vā~ ṷttā॒na ā᳚ṅgīra॒saḥ | a॒nayai॒vaina॒t-prati̭gṛhṇāti | nainagṃ̭ hinasti || 16 ||

(tṛtī̭yamindri॒yasyāpā᳚krāmac - catu॒rthami̭ndri॒yasyā॒tmannu॒pādha॒ - ttāśva̭-mpratigṛ॒hṇāti̭ - ṣa॒ṣṭha̭masyendri॒yasyāpa̭krāma -tyaṣṭa॒mami̭ndri॒yasyāpā᳚krāmat - prati gṛhṇī॒yāc ca॒tvāri̭ ca) (a. 4)

(tasya॒ vā a॒gner-hira̭ṇya॒gṃ॒ soma̭sya॒ vāsa॒stade॒tena̭ ru॒drasya॒ gā-ntāme॒tena॒ varṷṇa॒syāśva̭-mpra॒jāpa̭teḥ॒ purṷṣa॒-mmano॒stalpa॒-ntame॒teno᳚ttā॒nasya॒ tade॒tenāprā̭ṇa॒dya-dvai )

(a॒rdha-ntṛtī̭yamaṣṭa॒ma-ntacca̭tu॒rtha-ntā-mpa̭ñca॒magṃ ṣa॒ṣṭhagṃ sa̭pta॒mantam |

tade॒tena॒ dve tāme॒tenaika॒-ntame॒tena॒ trīṇi॒ tade॒tenaikaṃ᳚ )

anuvākaṃ 5 - praśnottararūpo brahmaviṣayassaṃvā~daḥ

bra॒hma॒vā॒dino̭ vadanti || ya-ddaśa̭hotāra-ssa॒tramāsa̭ta | kena॒ te gṛ॒hapa̭tinā ''rdhnuvann | kena̭ pra॒jā a̭sṛja॒nteti̭ | pra॒jāpa̭tinā॒ vai te gṛ॒hapa̭tinā ''rdhnuvann | tena̭ pra॒jā a̭sṛjanta || yaccatṷrhotāra-ssa॒tramāsa̭ta | kena॒ te gṛ॒hapa̭tinā ''rdhnuvann | kenauṣa̭dhī-rasṛja॒nteti̭ | somḙna॒ vai te gṛ॒hapa̭tinā ''rdhnuvann || 17 ||

tenauṣa̭dhī-rasṛjanta || ya-tpañca̭hotāra-ssa॒tramāsa̭ta | kena॒ te gṛ॒hapa̭tinā ''rdhnuvann | kenai॒bhyo lo॒kebhyo-'sṷrā॒-nprāṇṷdanta | kenai̭ṣā-mpa॒śūna̭vṛñja॒teti̭ | a॒gninā॒ vai te gṛ॒hapa̭tinā ''rdhnuvann | tenai॒bhyo lo॒kebhyo-'sṷrā॒n-prāṇṷdanta | tenai̭ṣā-mpa॒śūna̭vṛñjata || ya-thṣaḍḍho̭tāra-ssa॒tramāsa̭ta | kena॒ te gṛ॒hapa̭tinā ''rdhnuvann || 18 ||

kena॒rtūna̭-kalpaya॒nteti̭ | dhā॒trā vai te gṛ॒hapa̭tinā ''rdhnuvann | tena॒rtūna̭kalpayanta || ya-thsa॒ptaho̭tāra-ssa॒tramāsa̭ta | kena॒ te gṛ॒hapa̭tinā ''rdhnuvann | kena॒ suva̭rāyann | kene॒māl ~lo॒kān-thsama̭tanva॒nniti̭ | a॒rya॒mṇā vai te gṛ॒hapa̭tinā ''rdhnuvann | tena॒ suva̭rāyann | tene॒māl ~lo॒kān-thsama̭tanva॒nniti̭ || 19 ||

e॒te vai de॒vā gṛ॒hapa̭tayaḥ | tān. ya e॒vaṃ-vi~॒dvān | apya॒nyasya̭ gārhapa॒te dīkṣa̭te | a॒vā॒nta॒rame॒va sa॒triṇā̭-mṛddhnoti || yo vā a̭rya॒maṇaṃ॒-ve~da̭ | dāna̭kāmā asmai pra॒jā bha̭vanti | ya॒jño vā a̭rya॒mā | āryā̭vasa॒tiriti॒ vai tamā̭hu॒rya-mpra॒śagṃsa̭nti || āryā̭ vasa॒tirbha̭vati | ya e॒vaṃ-ve~da̭ || 20 ||

yadvā i॒da-ṅki-ñca̭ | ta-thsarva॒-ñcatṷrhotāraḥ | catṷrhotṛ॒bhyo-'dhi̭ ya॒jño nimi̭rtaḥ | sa ya e॒vaṃ-vi~॒dvān. vi॒vadḙta | a॒hame॒va bhūyo̭ veda | yaścatṷrhotṝ॒n॒. vedeti̭ | sa hyḙva bhūyo॒ veda̭ | yaścatṷrhotṝ॒n.॒ veda̭ || yo vai catṷrhotṛṇā॒gṃ॒ hotṝ॒n॒. veda̭ | sarvā̭su pra॒jāsvanna̭matti || 21 ||

sarvā॒ diśo॒-'bhija̭yati | pra॒jāpa̭ti॒rvai daśa̭hotṛṇā॒gṃ॒ hotā᳚ | soma॒ścatṷrhotṛṇā॒gṃ॒ hotā᳚ | a॒gniḥ pañca̭hotṛṇā॒gṃ॒ hotā᳚ | dhā॒tā ṣaḍḍho̭tṛṇā॒gṃ॒ hotā᳚ | a॒rya॒mā sa॒ptaho̭tṛṇā॒gṃ॒ hotā᳚ | e॒te vai catṷrhotṛṇā॒gṃ॒ hotā̭raḥ | tān. ya e॒vaṃ-ve~da̭ | sarvā̭su pra॒jāsvanna̭matti | sarvā॒ diśo॒-'bhi ja̭yati || 22 ||

(ā॒rdhnu॒va॒ - nnā॒dhnu॒va॒ - nnitye॒ - vaṃ-ve~dā᳚ - tti॒ - sarvā॒ diśo॒bhi ja̭yati ) (a. 5)

(vai tena̭ sa॒tra-ṅkena̭)

2.3.6 anuvākaṃ - hotṛpraśaṃsāprasaṅgena kratūnāmṛtvig viśeṣavyavasthāpanam, agnihotrasya prāśastya-ñca

pra॒jāpa̭tiḥ pra॒jā-ssṛ॒ṣṭvā vya̭sragṃsata | sa hṛda̭ya-mbhū॒to̭-'śayat | ātma॒n॒. hā(3) ityahva̭yat | āpaḥ॒ pratya̭śṛṇvann | tā a̭gniho॒treṇai॒va ya̭jñakra॒tunopa̭ pa॒ryāva̭rtanta | tāḥ kusi̭ndha॒mupaṷhann | tasmā̭dagniho॒trasya̭ yajñakra॒toḥ | eka̭ ṛ॒tvik || ca॒tu॒ṣkṛtvo-'hva̭yat | a॒gni-rvā॒yu-rā̭di॒tya-śca॒ndramāḥ᳚ || 23 ||

te pratya̭śṛṇvann | te da̭rśapūrṇamā॒sābhyā̭me॒va ya̭jñakra॒tunopa̭ pa॒ryāva̭rtanta | ta upaṷhagg-śca॒tvāryaṅgā̭ni | tasmā᳚-ddarśapūrṇamā॒sayo᳚-ryajñakra॒toḥ | ca॒tvāra̭ ṛ॒tvijaḥ̭ || pa॒ñca॒ kṛtvo-'hva̭yat | pa॒śavaḥ॒ pratya̭śṛṇvann | te cā̭turmā॒syaire॒va ya̭jñakra॒tunopa̭ pa॒ryāva̭rtanta | ta upaṷha॒l ~loma̭ cha॒vī-mmā॒gṃ॒samasthi̭ ma॒jjāna᳚m | tasmā᳚ccāturmā॒syānāṃ᳚-ya~jñakra॒toḥ || 24 ||

pañca॒rtvijaḥ̭ || ṣa॒ṭkṛtvo-'hva̭yat | ṛ॒tavaḥ॒ pratya̭śṛṇvann | te pa̭śuba॒ndhenai॒va ya̭jñakra॒tunopa̭ pa॒ryāva̭rtanta | ta upaṷha॒n-thstanā̭vā॒ṇḍau śi॒śnamavā᳚ñca-mprā॒ṇam | tasmā᳚t-paśuba॒ndhasya̭ yajñakra॒toḥ | ṣaḍṛ॒tvijaḥ̭ || sa॒pta॒kṛtvo-'hva̭yat | hotrāḥ॒ pratya̭śṛṇvann | tā-ssau॒myenai॒vāddhva॒reṇa̭ yajñakra॒tunopa̭ pa॒ryāva̭rtanta || 25 ||

tā upaṷhan-thsa॒ptaśī̭rṣa॒ṇyā᳚n-prā॒ṇān | tasmā᳚-thsau॒myasyā᳚ddhva॒rasya̭ yajñakra॒toḥ | sa॒pta hotrāḥ॒ prācī॒rvaṣa̭ṭkurvanti || da॒śa॒kṛtvo-'hva̭yat | tapaḥ॒ pratya̭śṛṇot | tat-karma̭ṇai॒va saṃ̭va~thsa॒reṇa॒ sarvai᳚ryajñakra॒tubhi॒rupa̭ pa॒ryāva̭rtata | ta-thsarva̭mā॒tmāna॒-mapa̭rivarga॒-mupaṷhat | tasmā᳚th- saṃva~thsa॒re sarvḙ yajñakra॒tavo-'va̭ruddhyante || tasmā॒-ddaśa̭hotā॒ catṷrhotā | pañca̭hotā॒ ṣaḍḍho̭tā sa॒ptaho̭tā | eka̭hotre ba॒ligṃ ha̭ranti | hara̭ntyasmai pra॒jā ba॒lim | aina॒mapra̭tikhyāta-ṅgacchati | ya e॒vaṃ-ve~da̭ || 26 ||

(ca॒ndramā᳚ - ścāturmā॒syānāṃ᳚-ya~jñakra॒to - ra̭ddhva॒reṇa̭ yajñakra॒tunopa̭ pa॒ryāva̭rtanta - sa॒ptaho̭tā ca॒tvāri̭ ca) (a. 6)

anuvākaṃ 7 - agnihotrasya sarvakraturudbhāvasādhanena praśaṃsā

pra॒jāpa̭tiḥ॒ purṷṣa-masṛjata | so᳚-'gnira̭bravīt | mamā॒ya-manna̭ma॒stviti̭ | so̭-'bibhet | sarvaṃ॒-vai~ mā॒-'ya-mpradha̭kṣya॒tīti̭ | sa e॒tāg-ścatṷrhotṝnātma॒-spara̭ṇānapaśyat | tāna̭juhot | tairvai sa ā॒tmāna̭-maspṛṇot || yada̭gniho॒tra-ñju॒hoti̭ | eka̭hotārame॒va ta-dya̭jñakra॒tu-mā᳚pnotyagniho॒tram || 27 ||

kusi̭ndha-ñcā॒tmanaḥ̭ spṛ॒ṇoti̭ | ā॒di॒tyasya̭ ca॒ sāyṷjya-ṅgacchati || ca॒turunna̭yati | catṷrhotārame॒va ta-dya̭jñakra॒tu-mā᳚pnoti darśapūrṇamā॒sau | ca॒tvāri̭ cā॒tmano-'ṅgā̭ni spṛ॒ṇoti̭ | ā॒di॒tyasya̭ ca॒ sāyṷjya-ṅgacchati || ca॒turunna̭yati | sa॒mitpa̭ñca॒mī | pañca̭hotārame॒va ta-dya̭jñakra॒tu-mā᳚pnoti cāturmā॒syāni̭ | loma̭ cha॒vī-mmā॒gṃ॒samasthi̭ ma॒jjāna᳚m || 28 ||

tāni̭ cā॒tmanaḥ̭ spṛ॒ṇoti̭ | ā॒di॒tyasya̭ ca॒ sāyṷjya-ṅgacchati || ca॒turunna̭yati | dvirjṷhoti | ṣaḍḍho̭tārame॒va ta-dya̭jñakra॒tu-mā᳚pnoti paśuba॒ndham | stanā̭vā॒ṇḍau śi॒śnamavā᳚ñca-mprā॒ṇam | tāni̭ cā॒tmanaḥ̭ spṛ॒ṇoti̭ | ā॒di॒tyasya̭ ca॒ sāyṷjya-ṅgacchati | ca॒turunna̭yati | dvirjṷhoti || 29 ||

sa॒mi-thsa̭pta॒mī | sa॒ptaho̭tārame॒va ta-dya̭jñakra॒tu-mā᳚pnoti sau॒mya-ma̭ddhva॒ram | sa॒pta cā॒tmanaḥ̭ śīrṣa॒ṇyā᳚n-prā॒ṇān-thspṛ॒ṇoti̭ | ā॒di॒tyasya̭ ca॒ sāyṷjya-ṅgacchati || ca॒turunna̭yati | dvirju॒hoti̭ | dvirnimā᳚rṣṭi | dviḥ prāśñā̭ti | daśa̭hotārame॒va ta-dya̭jñakra॒tu-mā᳚pnoti saṃva~thsa॒ram | sarva̭-ñcā॒tmāna॒-mapa̭rivargagg spṛ॒ṇoti̭ | ā॒di॒tyasya̭ ca॒ sāyṷjya-ṅgacchati || 30 ||

(a॒gni॒ho॒traṃ - ma॒jjānaṃ॒ - dvirjṷho॒ - tyapa̭rivargagg spṛ॒ṇotyeka̭-ñca ) (a. 7)

anuvākaṃ 8 - sṛṣṭisādhanatvena hotṛmantrāsāmarthya praśaṃsā

[(apa̭krāmata garbhi॒ṇyaḥ) is only instruction , not a mantra]

pra॒jāpa̭ti-rakāmayata॒ prajā̭ye॒yeti̭ | sa tapo̭-'tapyata | so᳚-'ntarvā̭nabhavat | sa hari̭ta-śśyā॒vo̭-'bhavat | tasmā॒-thstrya̭ntarva̭tnī | hari̭ṇī sa॒tī śyā॒vā bha̭vati | sa vi॒jāya̭māno॒ garbhḙṇātāmyat | sa tā॒ntaḥ kṛ॒ṣṇa-śśyā॒vo̭-'bhavat | tasmā᳚-ttā॒ntaḥ kṛ॒ṣṇa-śśyā॒vo bha̭vati | tasyāsṷre॒vājī̭vat || 31 ||

tenāsu॒nā-'sṷrānasṛjata | tadasṷrāṇā-masura॒tvam | ya e॒vamasṷrāṇā-masura॒tvaṃ-ve~da̭ | asṷmāne॒va bha̭vati | naina॒masṷrjahāti || so-'sṷrān-thsṛ॒ṣṭvā pi॒tevā̭manyata | tadanṷ pi॒tṝna̭sṛjata | tat-pi̭tṛ॒ṇā-mpi̭tṛ॒tvam | ya e॒va-mpi̭tṛ॒ṇā-mpi̭tṛ॒tvaṃ-ve~da̭ | pi॒tevai॒va svānā᳚-mbhavati || 32 ||

yantya̭sya pi॒taro॒ hava᳚m || sa pi॒tṝn-thsṛ॒ṣṭvā 'ma̭nasyat | tadanṷ manu॒ṣyā̭-nasṛjata | tanma̭nu॒ṣyā̭ṇā-mmanuṣya॒tvam | ya e॒va-mma̭nu॒ṣyā̭ṇā-mmanuṣya॒tvaṃ-ve~da̭ | ma॒na॒svyḙva bha̭vati | naina॒-mmanṷrjahāti || tasmai̭ manu॒ṣyā᳚n-thsasṛjā॒nāya̭ | divā̭ deva॒trā 'bha̭vat | tadanṷ de॒vāna̭sṛjata | ta-dde॒vānā᳚-ndeva॒tvam | ya e॒va-nde॒vānā᳚-ndeva॒tvaṃ-ve~da̭ | divā̭ hai॒vāsya̭ deva॒trā bha̭vati || tāni॒ vā e॒tāni̭ ca॒tvāryambhāgṃ̭si | de॒vā ma̭nu॒ṣyāḥ᳚ pi॒taro-'sṷrāḥ || teṣu॒ sarve॒ṣvambho॒ nabha̭ iva bhavati | ya e॒vaṃ-ve~da̭ || 33 ||

(a॒jī॒va॒th - svānā᳚-mbhavati - de॒vāna̭sṛjata sa॒pta ca̭) (a. 8)

anuvākaṃ 9 - vāyurūpatvajñānena hotṛmantrāṇā-mpraśaṃsā

[(ya॒thā॒sthā॒na-ṅga̭rbhi॒ṇyaḥ̭) is ònly instructiòn , nòt a mantra]

bra॒hma॒vā॒dino̭ vadanti | yo vā i॒maṃ-vi~॒dyāt | yato॒-'ya-mpava̭te | yada̭bhi॒ pava̭te | yada̭bhi sa॒paṃva~̭te | sarva॒māyṷriyāt | na pu॒rā ''yṷṣaḥ॒ pramī̭yeta | pa॒śu॒mān-thsyā᳚t | vi॒ndeta̭ pra॒jām || yo vā i॒maṃ-ve~da̭ || 34 ||

yato॒-'ya-mpava̭te | yada̭bhi॒ pava̭te | yada̭bhi sa॒paṃva~̭te | sarva॒māyṷreti | na pu॒rā-''yṷṣaḥ॒ pramī̭yate | pa॒śu॒mā-nbha̭vati | vi॒ndate᳚ pra॒jām || a॒dbhyaḥ pa̭vate | a॒po̭-'bhi pa̭vate | a॒po̭-'bhi sampa̭vate || 35 ||

a॒syāḥ pa̭vate | i॒māma॒bhi pa̭vate | i॒māma॒bhi sampa̭vate | a॒gneḥ pa̭vate | a॒gnima॒bhi pa̭vate | a॒gnima॒bhi sa-mpa̭vate | a॒ntari̭kṣā-tpavate | a॒ntari̭kṣama॒bhi pa̭vate | a॒ntari̭kṣama॒bhi sa-mpa̭vate | ā॒di॒tyā-tpa̭vate || 36 ||

ā॒di॒tyama॒bhi pa̭vate | ā॒di॒tyama॒bhi sa-mpa̭vate | dyoḥ pa̭vate | diva̭ma॒bhi pa̭vate || diva̭ma॒bhi sa-mpa̭vate | di॒gbhyaḥ pa̭vate | diśo॒-'bhi pa̭vate | diśo॒-'bhi sa-mpa̭vate | sa yat-pu॒rastā॒dvāti̭ | prā॒ṇa e॒va bhū॒tvā pu॒rastā᳚dvāti || 37 ||

tasmā᳚t-pu॒rastā॒-dvānta᳚m | sarvāḥ᳚ pra॒jāḥ prati̭ nandanti | prā॒ṇo hi pri॒yaḥ pra॒jānā᳚m | prā॒ṇa i̭va pri॒yaḥ pra॒jānā᳚-mbhavati | ya e॒vaṃ-ve~da̭ | sa vā e॒ṣa prā॒ṇa e॒va || atha॒ ya-dda̭kṣiṇa॒to vāti̭ | mā॒ta॒riśvai॒va bhū॒tvā da̭kṣiṇa॒to vā̭ti | tasmā᳚-ddakṣiṇa॒to vāntaṃ̭-vi~॒dyāt | sarvā॒ diśa॒ āvā̭ti || 38 ||

sarvā॒ diśo-'nu॒ vivā̭ti | sarvā॒ diśo-'nu॒ saṃvā~॒tīti̭ | sa vā e॒ṣa mā̭ta॒riśvai॒va || atha॒ yat-pa॒ścādvāti̭ | pava̭māna e॒va bhū॒tvā pa॒ścādvā̭ti | pū॒tama̭smā॒ āha̭ranti | pū॒tamupa̭haranti | pū॒tama̭śnāti | ya e॒vaṃ-ve~da̭ | sa vā e॒ṣa pava̭māna e॒va || 39 ||

atha॒ yadṷttara॒to vāti̭ | sa॒vi॒taiva bhū॒tvotta̭ra॒to vā̭ti | sa॒vi॒teva॒ svānā᳚-mbhavati | ya e॒vaṃ-ve~da̭ | sa vā e॒ṣa sa̭vi॒taiva || te ya ḙna-mpu॒rastā̭dā॒yanta̭-mupa॒vada̭nti | ya e॒vāsya̭ pu॒rastā᳚t-pā॒pmānaḥ̭ | tāgste 'pa̭ghnanti | pu॒rastā॒dita̭rān-pā॒pmanaḥ̭ sacante || atha॒ ya ḙna-ndakṣiṇa॒ta ā॒yanta̭-mupa॒vada̭nti || 40 ||

ya e॒vāsya̭ dakṣiṇa॒taḥ pā॒pmānaḥ̭ | tāgste 'pa̭ghnanti | da॒kṣi॒ṇa॒ta ita̭rā-npā॒pmanaḥ̭ sacante || atha॒ ya ḙna-mpa॒ścādā॒yanta̭-mupa॒vada̭nti | ya e॒vāsya̭ pa॒ścāt-pā॒pmānaḥ̭ | tāgste 'pa̭ghnanti | pa॒ścādita̭rān-pā॒pmanaḥ̭ sacante || atha॒ ya ḙnamuttara॒ta ā॒yanta̭mupa॒ vada̭nti | ya e॒vāsyo᳚ttara॒taḥ pā॒pmānaḥ̭ | tāgste 'pa̭ghnanti || 41 ||

u॒tta॒ra॒ta ita̭rā-npā॒pmanaḥ̭ sacante || tasmā̭ de॒vaṃ-vi~॒dvān | vīva̭ nṛtyet | preva̭ calet | vyasyḙvā॒kṣyau bhā̭ṣeta | ma॒ṇṭayḙdiva | krā॒thayḙdiva | śṛ॒ṅgā॒yetḙva || u॒ta mopa̭vadeyuḥ | u॒ta mḙ pā॒pmāna॒-mapa̭hanyu॒riti̭ || sa yā-ndiśagṃ̭ sa॒nime॒ṣyan-thsyāt | ya॒dā tā-ndiśaṃ॒-vā~to̭ vā॒yāt | atha॒ prave॒yāt | pra vā̭ dhāpayet (dhāvayet) | sā॒tame॒va ra̭di॒taṃ-vyū~̭ḍha-ṅga॒ndhama॒bhi pracya̭vate | ā-'sya॒ ta-ñja̭napa॒da-mpūrvā̭ kī॒rtirga̭cchati || dāna̭kāmā asmai pra॒jā bha̭vanti | ya e॒vaṃ-ve~da̭ || 42 ||

(veda॒ - sampa̭vata - ādi॒tyā-tpa̭vate - vā॒tyā - vā᳚tye॒ - ṣa pava̭māna e॒va - da̭kṣiṇa॒ta ā॒yanta̭mupa॒ vada̭n - tyuttara॒taḥ pā॒pmāna॒stāgste 'pa̭ghna॒ - ntītya॒ṣṭau ca̭) (a. 9)

anuvākaṃ 10 - daśahotṛmantrāṇā-ṅkāmyaprayogaḥ

pra॒jāpa̭ti॒-ssoma॒gṃ॒ rājā̭namasṛjata | ta-ntrayo॒ vedā॒ anva̭sṛjyanta | tān. hastḙ-'kuruta | atha॒ ha sītā̭ sāvi॒trī | soma॒gṃ॒ rājā̭na-ñcakame | śra॒ddhāmu॒ sa ca̭kame | sā ha̭ pi॒tara̭-mpra॒jāpa̭ti॒-mupa̭sasāra | tagṃ ho̭vāca | nama̭ste astu bhagavaḥ | upa̭ tvā-'yāni || 43 ||

pra tvā̭ padye || somaṃ॒-vai~ rājā̭na-ṅkāmaye | śra॒ddhāmu॒ sa kā̭mayata॒ iti̭ | tasyā̭ u॒ ha sthā̭ga॒rama̭laṅkā॒ra-ṅka̭lpayi॒tvā | daśa̭hotāra-mpu॒rastā᳚-dvyā॒khyāya̭ | catṷrhotāra-ndakṣiṇa॒taḥ | pañca̭ hotāra-mpa॒ścāt | ṣaḍḍho̭tāra-muttara॒taḥ | sa॒ptaho̭tāra-mu॒pari̭ṣṭāt | sa॒mbhā॒raiśca॒ patni̭bhiśca॒ mukhḙ-'la॒ṅkṛtya̭ || 44 ||

ā-'syārdhaṃ-va~̭vrāja | tāgṃ ho॒dīkṣyo̭vāca | upa॒ mā-''va̭rta॒sveti̭ | tagṃ ho̭vāca | bhoga॒-ntu ma॒ āca̭kṣva | e॒ta-nma॒ āca̭kṣva | yattḙ pā॒ṇāviti̭ | tasyā̭ u॒ ha trīn. vedā॒-nprada̭dau | tasmā॒du ha॒ striyo॒ bhoga॒maiva hā̭rayante || sa yaḥ kā॒mayḙta pri॒ya-ssyā॒miti̭ || 45 ||

yaṃ-vā~̭ kā॒mayḙta pri॒ya-ssyā॒diti̭ | tasmā̭ e॒tagg sthā̭ga॒ra-ma̭laṅkā॒ra-ṅka̭lpayi॒tvā | daśa̭hotāra-mpu॒rastā᳚-dvyā॒khyāya̭ | catṷrhotāra-ndakṣiṇa॒taḥ | pañca̭hotāra-mpa॒ścāt | ṣaḍḍho̭tāra-muttara॒taḥ | sa॒ptaho̭tā-ramu॒pari̭ṣṭāt | sa॒mbhā॒raiśca॒ patni̭bhiśca॒ mukhḙ-'la॒ṅkṛtya̭ | ā-'syārdhaṃ-vra~̭jet | pri॒yo hai॒va bha̭vati || 46 ||

(a॒yā॒ - nya॒la॒ṅkṛtya̭ - syā॒miti̭ - bhavati) (a. 10)

anuvākaṃ 11 - daśahotrādimantranāmnā-mpravṛttinimittam

brahmā᳚tma॒n-vada̭sṛjata | tada̭kāmayata | samā॒tmanā̭ padye॒yeti̭ | ātma॒-nnātma॒-nnityāma̭ntrayata | tasmai̭ daśa॒magṃ hū॒taḥ pratya̭śṛṇot | sa daśa̭hūto-'bhavat | daśa̭hūto ha॒ vai nāmai॒ṣaḥ | taṃ-vā~ e॒ta-ndaśa̭hūta॒gṃ॒ santa᳚m | daśa̭ho॒tetyāca̭kṣate pa॒rokṣḙṇa | pa॒rokṣa̭priyā iva॒ hi de॒vāḥ || 47 ||

ātma॒-nnātma॒-nnityāma̭ntrayata | tasmai̭ sapta॒magṃ hū॒taḥ pratya̭śṛṇot | sa sa॒ptahṷ̄to-'bhavat | sa॒ptahṷ̄to ha॒ vai nāmai॒ṣaḥ | taṃ-vā~ e॒tagṃ sa॒ptahṷ̄ta॒gṃ॒ santa᳚m | sa॒ptaho॒tetyāca̭kṣate pa॒rokṣḙṇa | pa॒rokṣa̭priyā iva॒ hi de॒vāḥ || ātma॒-nnātma॒-nnityāma̭ntrayata | tasmai̭ ṣa॒ṣṭhagṃ hū॒taḥ pratya̭śṛṇot | sa ṣaḍḍhṷ̄to-'bhavat || 48 ||

ṣaḍḍhṷ̄to ha॒ vai nāmai॒ṣaḥ | taṃ-vā~ e॒tagṃ ṣaḍḍhṷ̄ta॒gṃ॒ santa᳚m | ṣaḍḍho॒tetyāca̭kṣate pa॒rokṣḙṇa | pa॒rokṣa̭priyā iva॒ hi de॒vāḥ || ātma॒-nnātma॒-nnityāma̭ntrayata | tasmai̭ pañca॒magṃ hū॒taḥ pratya̭ śṛṇot | sa pañca̭ hūto-'bhavat | pañca̭hūto ha॒ vai nāmai॒ṣaḥ | taṃ-vā~ e॒ta-mpañca̭hūta॒gṃ॒ santa᳚m | pañca̭ho॒tetyāca̭kṣate pa॒rokṣḙṇa || 49 ||

pa॒rokṣa̭priyā iva॒ hi de॒vāḥ || ātma॒-nnātma॒-nnityāma̭ntrayata | tasmai̭ catu॒rthagṃ hū॒taḥ pratya̭śṛṇot | sa catṷrhūto-'bhavat | catṷrhūto ha॒ vai nāmai॒ṣaḥ | taṃ-vā~ e॒ta-ñcatṷrhūta॒gṃ॒ santa᳚m | catṷrho॒tetyāca̭kṣate pa॒rokṣḙṇa | pa॒rokṣa̭priyā iva॒ hi de॒vāḥ || tama̭bravīt | tvaṃ-vai~ me॒ nedi̭ṣṭhagṃ hū॒taḥ pratya̭śrauṣīḥ | tvayai̭-nānākhyā॒tāra॒ iti̭ | tasmā॒nnu hai̭nā॒g॒-ścatṷrhotāra॒ ityāca̭kṣate | tasmā᳚-cchuśrū॒ṣuḥ pu॒trāṇā॒gṃ॒ hṛdya̭tamaḥ | nedi̭ṣṭho॒ hṛdya̭tamaḥ | nedi̭ṣṭho॒ brahma̭ṇo bhavati | ya e॒vaṃ-ve~da̭ || 50 ||

(de॒vāḥ - ṣaḍḍhṷ̄to-'bhava॒t - pañca̭ho॒tetyāca̭kṣate pa॒rokṣḙṇā - śrauṣī॒-ṣṣaṭca̭) (a. 11)

(bra॒hma॒vā॒dinaḥ॒ kiṃ - dakṣi̭ṇāṃ॒ - ~yo vā avi̭dvā॒n - tasya॒ vai - bra̭hmavā॒dino॒ ya-ddaśa̭hotāraḥ - pra॒jāpa̭ti॒ vyasraṃ - pra॒jāpa̭tiḥ॒ purṷṣaṃ - pra॒jāpa̭tirakāmayata॒ sa tapa॒-sso᳚-'ntarvā᳚n - brahmavā॒dino॒ yo vā i॒maṃ-vi~॒dyāt - pra॒jāpa̭ti॒-ssoma॒gṃ॒ rājā̭naṃ॒ - brahmā᳚t ma॒nvadekā̭daśa)

(bra॒hma॒vā॒dina॒ - stasya॒ vā a॒gne--r yadvā i॒da-ṅkiñca̭ - pra॒jāpa̭tirakāmayata॒ -ya e॒vāsya̭ dakṣiṇa॒taḥ pa̭ñcā॒śat)

(bra॒hma॒vā॒dino॒ - ya e॒vaṃ-ve~da̭ )

|| hariḥ̭ om ||

|| kṛṣṇa yajurvedīya taittirīya brāhmaṇe dvitīyāṣṭake tṛtīyaḥ prapāṭhaka-ssamāptaḥ ||

Sanskrit — Devanagari (original)

कृष्ण यजुर्वेदीय तैत्तिरीय ब्राह्मणे द्वितीयाष्टके तृतीयः प्रपाठकः - होतृब्राह्मणशेषः

ओ-न्नमः परमात्मने, श्री महागणपतये नमः,

श्री गुरुभ्यो नमः । ह॒रिः॒ ओम् ॥

अनुवाकं 1 - सर्वेषां होतृमन्त्राणा-ञ्चतुर्होतृशब्देन व्यवहार

ब्र॒ह्म॒वा॒दिनो॑ वदन्ति । कि-ञ्चतु॑र्होतृणा-ञ्चतुर्होतृ॒त्वमिति॑ । यदे॒वैषु च॑तु॒र्धा होता॑रः । तेन॒ चतु॑र्होतारः । तस्मा॒च्चतु॑र्होतार उच्यन्ते । तच्चतु॑र्होतृणा-ञ्चतुर्होतृ॒त्वम् ॥ सोमो॒ वै चतु॑र्होता । अ॒ग्निः पञ्च॑होता । धा॒ता षड्ढो॑ता । इन्द्रः॑ स॒प्तहो॑ता ॥ 1 ॥

प्र॒जाप॑ति॒-र्दश॑होता । य ए॒व-ञ्चतु॑र्होतृणा॒-मृद्धिं॒-वेँद॑ । ऋ॒ध्नोत्ये॒व ॥ य ए॑षामे॒व-म्ब॒न्धुतां॒-वेँद॑ । बन्धु॑मान्भवति । य ए॑षामे॒व-ङ्क्लृप्तिं॒-वेँद॑ । कल्प॑ते-ऽस्मै । य ए॑षामे॒व-मा॒यत॑नं॒-वेँद॑ । आ॒यत॑नवान्-भवति । य ए॑षामे॒व-म्प्र॑ति॒ष्ठां-वेँद॑ ॥ 2 ॥

प्रत्ये॒व ति॑ष्ठति ॥ ब्र॒ह्म॒वा॒दिनो॑ वदन्ति । दश॑होता॒ चतु॑र्होता । पञ्च॑होता॒ षड्ढो॑ता स॒प्तहो॑ता । अथ॒ कस्मा॒च्चतु॑र्होतार उच्यन्त॒ इति॑ । इन्द्रो॒ वै चतु॑र्होता । इन्द्रः॒ खलु॒ वै श्रेष्ठो॑ दे॒वता॑ना-मुप॒देश॑नात् । य ए॒वमिन्द्र॒ग्ग्॒ श्रेष्ठ॑-न्दे॒वता॑ना-मुप॒देश॑ना॒-द्वेद॑ । वसि॑ष्ठ-स्समा॒नाना᳚-म्भवति । तस्मा॒च्छ्रेष्ठ॑मा॒यन्त॑-म्प्रथ॒मेनै॒वानु॑बुद्ध्यन्ते । अ॒यमागन्न्॑ । अ॒यमवा॑सा॒दिति॑ । की॒र्तिर॑स्य॒ पूर्वा-ऽऽग॑च्छति ज॒नता॑माय॒तः । अथो॑ एन-म्प्रथ॒मेनै॒वानु॑ बुद्ध्यन्ते । अ॒यमागन्न्॑ । अ॒यमवा॑सा॒दिति॑ ॥ 3 ॥

(स॒प्तहो॑ता - प्रति॒ष्ठां-वेँद॑ - बुद्ध्यन्ते॒ षट्च॑) (अ. 1)

अनुवाकं 2 - नैमित्तिको होतृमन्त्रहोमः

दक्षि॑णा-म्प्रतिग्रही॒ष्यन्-थ्स॒प्तद॑श॒ कृत्वो-ऽपा᳚न्यात् । आ॒त्मान॑मे॒व समि॑न्धे । तेज॑से वी॒र्या॑य । अथो᳚ प्र॒जाप॑तिरे॒वैना᳚-म्भू॒त्वा प्रति॑ गृह्णाति । आ॒त्मनो ऽना᳚र्त्यै ॥ यद्ये॑न॒मार्त्-वि॑ज्या-द्वृ॒तग्ं सन्त॑-न्नि॒र्हरे॑रन्न् । आग्नी᳚द्ध्रे जुहुया॒-द्दश॑होतारम् । च॒तु॒र्गृ॒ही॒तेनाज्ये॑न । पु॒रस्ता᳚त्-प्र॒त्यन्तिष्ठन्न्॑ । प्र॒ति॒लो॒मं-विँ॒ग्राह᳚म् ॥ 4 ॥

प्रा॒णाने॒वास्योप॑दासयति ॥ यद्ये॑न॒-म्पुन॑रुप॒ शिक्षे॑युः । आग्नी᳚द्ध्र ए॒व जु॑हुया॒-द्दश॑होतारम् । च॒तु॒र्गृ॒ही॒तेनाज्ये॑न । प॒श्चा-त्प्रांआसी॑नः । अ॒नु॒लो॒म-मवि॑ग्राहम् । प्रा॒णाने॒वास्मै॑ कल्पयति ॥ प्राय॑श्चित्ती॒-वाघोते-त्यृ॑तुमु॒ख ऋ॑तुमुखे जुहोति । ऋ॒तूने॒वास्मै॑ कल्पयति । कल्प॑न्ते-ऽस्मा ऋ॒तवः॑ ॥ 5 ॥

क्लृ॒ता अ॑स्मा ऋ॒तव॒ आय॑न्ति ॥ षड्ढो॑ता॒ वै भू॒त्वा प्र॒जाप॑तिरि॒दग्ं सर्व॑मसृजत । स मनो॑-ऽसृजत । मन॒सो-ऽधि॑ गाय॒त्रीम॑सृजत । तद्गा॑य॒त्रीं-यँश॑ आर्च्छत् । तामा-ऽल॑भत । गा॒य॒त्रि॒या अधि॒ छन्दाग्॑स्य सृजत । छन्दो॒भ्यो-ऽधि॒ साम॑ । त-थ्साम॒ यश॑ आर्च्छत् । तदा-ऽल॑भत ॥ 6 ॥

साम्नो-ऽधि॒ यजूग्॑ष्यसृजत । यजु॒र्भ्यो-ऽधि॒ विष्णु᳚म् । त-द्विष्णुं॒-यँश॑ आर्च्छत् । तमा-ऽल॑भत । वि॒ष्णोरद्ध्योष॑धीरसृजत । ओष॑धी॒भ्यो-ऽधि॒ सोम᳚म् । त-थ्सोमं॒-यँश॑ आर्च्छत् । तमा-ऽल॑भत । सोमा॒दधि॑ प॒शून॑सृजत । प॒शुभ्यो-ऽधीन्द्र᳚म् ॥ 7 ॥

तदिन्द्रं॒-यँश॑ आर्च्छत् । तदे॑न॒-न्नाति॒ प्राच्य॑वत । इन्द्र॑ इव यश॒स्वी भ॑वति । य ए॒वं-वेँद॑ । नैनं॒-यँशो-ऽति॒ प्रच्य॑वते ॥ यद्वा इ॒द-ङ्कि-ञ्च॑ । त-थ्सर्व॑मुत्ता॒न ए॒वाङ्गी॑र॒सः प्रत्य॑गृह्णात् । तदे॑न॒-म्प्रति॑गृहीत॒-न्नाहि॑नत् । य-त्किञ्च॑ प्रति गृह्णी॒यात् । त-थ्सर्व॑मुत्ता॒नस्त्वा᳚ङ्गीर॒सः प्रति॑गृह्णा॒त्वित्ये॒व प्रति॑गृह्णीयात् । इ॒यं-वाँ उ॑त्ता॒न आ᳚ङ्गीर॒सः । अ॒नयै॒वैन॒त्-प्रति॑ गृह्णाति । नैनग्ं॑ हिनस्ति ॥ ब॒र॒ःइषा॒ प्रती॑या॒द्गां-वाँ-ऽश्वं॑-वाँ । ए॒तद्वै प॑शू॒ना-म्प्रि॒य-न्धाम॑ । प्रि॒येणै॒वैन॒-न्धाम्ना॒ प्रत्ये॑ति ॥ 8 ॥

(वि॒ग्राह॑ - मृ॒तव॒ - स्तदा-ऽल॑भ॒ - तेन्द्रं॑ - गृह्णीया॒-थ्षट्च॑) (अ. 2)

अनुवाकं 3 - केशवपनाङ्ग-म्पुष्टिवेदनं

यो वा अवि॑द्वा-न्निव॒र्तय॑ते । विशी॑र्षा॒ सपा᳚प्मा॒ ऽमुष्मि॑ल् ँलो॒के भ॑वति । अथ॒ यो वि॒द्वा-न्नि॑व॒र्तय॑ते । सशी॑र्षा॒ विपा᳚प्मा॒ ऽमुष्मि॑ल् ँलो॒के भ॑वति ॥ दे॒वता॒ वै स॒प्त पुष्टि॑कामा॒ न्य॑वर्तयन्त । अ॒ग्निश्च॑ पृथि॒वी च॑ । वा॒युश्चा॒न्तरि॑क्ष-ञ्च । आ॒दि॒त्यश्च॒ द्यौश्च॑ च॒न्द्रमाः᳚ । अ॒ग्निर्न्य॑वर्तयत । स सा॑ह॒स्र-म॑पुष्यत् ॥ 9 ॥

पृ॒थि॒वी न्य॑वर्तयत । सौष॑धीभि॒-र्वन॒स्पति॑भि-रपुष्यत् । वा॒युर्न्य॑वर्तयत । स मरी॑चीभि-रपुष्यत् । अ॒न्तरि॑क्ष॒-न्न्य॑वर्तयत । तद्वयो॑भि-रपुष्यत् । आ॒दि॒त्यो न्य॑वर्तयत । स र॒श्मिभि॑-रपुष्यत् । द्यौर्न्य॑वर्तयत । सा नक्ष॑त्रै-रपुष्यत् । च॒न्द्रमा॒ न्य॑वर्तयत । सो॑-ऽहोरा॒त्रै-र॑र्धमा॒सै-र्मासैर्॑ ऋ॒तुभिः॑ संवँथ्स॒रेणा॑-पुष्यत् । तान्पोषा᳚न्-पुष्यति । याग्स्ते-ऽपु॑ष्यन्न् । य ए॒वं-विँ॒दान्नि च॑ व॒र्तय॑ते॒ परि॑ च ॥ 10 ॥

(अ॒पु॒ष्य॒न् - नक्ष॑त्रैरपुष्य॒-त्पञ्च॑ च) (अ. 3)

अनुवाकं 4 - प्रतिग्रहमन्त्रमहिमज्ञानम्

तस्य॒ वा अ॒ग्नेर्-हिर॑ण्य-म्प्रतिजग्र॒हुषः॑ । अ॒र्धमि॑न्द्रि॒यस्या-पा᳚क्रामत् । तदे॒तेनै॒व प्रत्य॑गृह्णात् । तेन॒ वै सो᳚-ऽर्धमि॑न्द्रि॒य-स्या॒त्म-न्नु॒पाध॑त्त । अ॒र्धमि॑न्द्रि॒यस्या॒त्म-न्नु॒पाध॑त्ते । य ए॒वं-विँ॒द्वान्. हिर॑ण्य-म्प्रति गृ॒ह्णाति॑ । अथ॒ यो ऽवि॑द्वा-न्प्रति गृ॒ह्णाति॑ । अ॒र्धम॑स्येन्द्रि॒यस्याप॑ क्रामति ॥ तस्य॒ वै सोम॑स्य॒ वासः॑ प्रतिजग्र॒हुषः॑ । तृती॑यमिन्द्रि॒यस्या-पा᳚क्रामत् ॥ 11 ॥

तदे॒तेनै॒व प्रत्य॑गृह्णात् । तेन॒ वै स तृती॑यमिन्द्रि॒यस्या॒त्म-न्नु॒पाध॑त्त । तृती॑यमिन्द्रि॒यस्या॒त्म-न्नु॒पाध॑त्ते । य ए॒वं-विँ॒द्वान्. वासः॑ प्रति गृ॒ह्णाति॑ । अथ॒ यो-ऽवि॑द्वा-न्प्रति गृ॒ह्णाति॑ । तृती॑यमस्येन्द्रि॒यस्याप॑ क्रामति ॥ तस्य॒ वै रु॒द्रस्य॒ गा-म्प्र॑तिजग्र॒हुषः॑ । च॒तु॒र्थमि॑न्द्रि॒यस्या-पा᳚क्रामत् । तामे॒तेनै॒व प्रत्य॑गृह्णात् । तेन॒ वै स च॑तु॒र्थमि॑न्द्रि॒यस्या॒त्म-न्नु॒पाध॑त्त ॥ 12 ॥

च॒तु॒र्थमि॑न्द्रि॒यस्या॒त्म-न्नु॒पाध॑त्ते । य ए॒वं-विँ॒द्वा-न्गा-म्प्र॑ति गृ॒ह्णाति॑ । अथ॒ यो-ऽवि॑द्वा-न्प्रति गृ॒ह्णाति॑ । च॒तु॒र्थम॑स्येन्द्रि॒यस्याप॑ क्रामति ॥ तस्य॒ वै वरु॑ण॒स्याश्व॑-म्प्रतिजग्र॒हुषः॑ । प॒ञ्च॒ममि॑न्द्रि॒यस्या-पा᳚क्रामत् । तमे॒तेनै॒व प्रत्य॑गृह्णात् । तेन॒ वै स प॑ञ्च॒ममि॑न्द्रि॒यस्या॒त्म-न्नु॒पाध॑त्त । प॒ञ्च॒ममि॑न्द्रि॒यस्या॒त्म-न्नु॒पाध॑त्ते । य ए॒वं-विँ॒द्वानश्व॑-म्प्रति गृ॒ह्णाति॑ ॥ 13 ॥

अथ॒ यो-ऽवि॑द्वा-न्प्रतिगृ॒ह्णाति॑ । प॒ञ्च॒मम॑स्येन्द्रि॒यस्याप॑ क्रामति ॥ तस्य॒ वै प्र॒जाप॑तेः॒ पुरु॑ष-म्प्रतिजग्र॒हुषः॑ । ष॒ष्ठमि॑न्द्रि॒यस्या-पा᳚क्रामत् । तमे॒तेनै॒व प्रत्य॑गृह्णात् । तेन॒ वै स ष॒ष्ठमि॑न्द्रि॒यस्या॒त्म-न्नु॒पाध॑त्त । ष॒ष्ठमि॑न्द्रि॒यस्या॒त्म-न्नु॒पाध॑त्ते । य ए॒वं-विँ॒द्वा-न्पुरु॑ष-म्प्रति गृ॒ह्णाति॑ । अथ॒ यो-ऽवि॑द्वा-न्प्रति गृ॒ह्णाति॑ । ष॒ष्ठम॑स्येन्द्रि॒यस्याप॑-क्रामति ॥ 14 ॥

तस्य॒ वै मनो॒स्तल्प॑-म्प्रतिजग्र॒हुषः॑ । स॒प्त॒ममि॑न्द्रि॒यस्या-पा᳚क्रामत् । तमे॒तेनै॒व प्रत्य॑गृह्णात् । तेन॒ वै स स॑प्त॒ममि॑न्द्रि॒य-स्या॒त्म-न्नु॒पाध॑त्त । स॒प्त॒ममि॑न्द्रि॒यस्या॒त्म-न्नु॒पाध॑त्ते । य ए॒वं-विँ॒द्वाग्स्तल्प॑-म्प्रतिगृ॒ह्णाति॑ । अथ॒ यो-ऽवि॑द्वा-न्प्रति गृ॒ह्णाति॑ । स॒प्त॒मम॑स्येन्द्रि॒यस्याप॑-क्रामति ॥ तस्य॒ वा उ॑त्ता॒नस्या᳚ङ्गीर॒सस्या प्रा॑ण-त्प्रतिजग्र॒हुषः॑ । अ॒ष्ट॒ममि॑न्द्रि॒यस्या-पा᳚क्रामत् ॥ 15 ॥

तदे॒तेनै॒व प्रत्य॑गृह्णात् । तेन॒ वै सो᳚-ऽष्ट॒ममि॑न्द्रि॒यस्या॒त्म-न्नु॒पाध॑त्ते । अ॒ष्ट॒ममि॑न्द्रि॒यस्या॒त्म-न्नु॒पाध॑त्ते । य ए॒वं-विँ॒द्वान प्रा॑ण-त्प्रति गृ॒ह्णाति॑ । अथ॒ यो-ऽवि॑द्वा-न्प्रतिगृ॒ह्णाति॑ । अ॒ष्ट॒मम॑स्येन्द्रि॒यस्याप॑ क्रामति ॥ यद्वा इ॒द-ङ्कि-ञ्च॑ । त-थ्सर्व॑-मुत्ता॒न ए॒वाङ्गी॑र॒सः प्रत्य॑ गृह्णात् । तदे॑न॒-म्प्रति॑गृहीत॒-न्नाहि॑नत् । य-त्कि-ञ्च॑ प्रति गृह्णी॒यात् । त-थ्सर्व॑-मुत्ता॒न-स्त्वा᳚ङ्गीर॒सः प्रति॑गृह्णा॒त्वित्ये॒व प्रति॑ गृह्णीयात् । इ॒यं-वाँ उ॑त्ता॒न आ᳚ङ्गीर॒सः । अ॒नयै॒वैन॒त्-प्रति॑गृह्णाति । नैनग्ं॑ हिनस्ति ॥ 16 ॥

(तृती॑यमिन्द्रि॒यस्यापा᳚क्रामच् - चतु॒र्थमि॑न्द्रि॒यस्या॒त्मन्नु॒पाध॒ - त्ताश्व॑-म्प्रतिगृ॒ह्णाति॑ - ष॒ष्ठ॑मस्येन्द्रि॒यस्याप॑क्राम -त्यष्ट॒ममि॑न्द्रि॒यस्यापा᳚क्रामत् - प्रति गृह्णी॒याच् च॒त्वारि॑ च) (अ. 4)

(तस्य॒ वा अ॒ग्नेर्-हिर॑ण्य॒ग्ं॒ सोम॑स्य॒ वास॒स्तदे॒तेन॑ रु॒द्रस्य॒ गा-न्तामे॒तेन॒ वरु॑ण॒स्याश्व॑-म्प्र॒जाप॑तेः॒ पुरु॑ष॒-म्मनो॒स्तल्प॒-न्तमे॒तेनो᳚त्ता॒नस्य॒ तदे॒तेनाप्रा॑ण॒द्य-द्वै )

(अ॒र्ध-न्तृती॑यमष्ट॒म-न्तच्च॑तु॒र्थ-न्ता-म्प॑ञ्च॒मग्ं ष॒ष्ठग्ं स॑प्त॒मन्तम् ।

तदे॒तेन॒ द्वे तामे॒तेनैक॒-न्तमे॒तेन॒ त्रीणि॒ तदे॒तेनैकं᳚ )

अनुवाकं 5 - प्रश्नोत्तररूपो ब्रह्मविषयस्संवाँदः

ब्र॒ह्म॒वा॒दिनो॑ वदन्ति ॥ य-द्दश॑होतार-स्स॒त्रमास॑त । केन॒ ते गृ॒हप॑तिना ऽऽर्ध्नुवन्न् । केन॑ प्र॒जा अ॑सृज॒न्तेति॑ । प्र॒जाप॑तिना॒ वै ते गृ॒हप॑तिना ऽऽर्ध्नुवन्न् । तेन॑ प्र॒जा अ॑सृजन्त ॥ यच्चतु॑र्होतार-स्स॒त्रमास॑त । केन॒ ते गृ॒हप॑तिना ऽऽर्ध्नुवन्न् । केनौष॑धी-रसृज॒न्तेति॑ । सोमे॑न॒ वै ते गृ॒हप॑तिना ऽऽर्ध्नुवन्न् ॥ 17 ॥

तेनौष॑धी-रसृजन्त ॥ य-त्पञ्च॑होतार-स्स॒त्रमास॑त । केन॒ ते गृ॒हप॑तिना ऽऽर्ध्नुवन्न् । केनै॒भ्यो लो॒केभ्यो-ऽसु॑रा॒-न्प्राणु॑दन्त । केनै॑षा-म्प॒शून॑वृञ्ज॒तेति॑ । अ॒ग्निना॒ वै ते गृ॒हप॑तिना ऽऽर्ध्नुवन्न् । तेनै॒भ्यो लो॒केभ्यो-ऽसु॑रा॒न्-प्राणु॑दन्त । तेनै॑षा-म्प॒शून॑वृञ्जत ॥ य-थ्षड्ढो॑तार-स्स॒त्रमास॑त । केन॒ ते गृ॒हप॑तिना ऽऽर्ध्नुवन्न् ॥ 18 ॥

केन॒र्तून॑-कल्पय॒न्तेति॑ । धा॒त्रा वै ते गृ॒हप॑तिना ऽऽर्ध्नुवन्न् । तेन॒र्तून॑कल्पयन्त ॥ य-थ्स॒प्तहो॑तार-स्स॒त्रमास॑त । केन॒ ते गृ॒हप॑तिना ऽऽर्ध्नुवन्न् । केन॒ सुव॑रायन्न् । केने॒माल् ँलो॒कान्-थ्सम॑तन्व॒न्निति॑ । अ॒र्य॒म्णा वै ते गृ॒हप॑तिना ऽऽर्ध्नुवन्न् । तेन॒ सुव॑रायन्न् । तेने॒माल् ँलो॒कान्-थ्सम॑तन्व॒न्निति॑ ॥ 19 ॥

ए॒ते वै दे॒वा गृ॒हप॑तयः । तान्. य ए॒वं-विँ॒द्वान् । अप्य॒न्यस्य॑ गार्हप॒ते दीक्ष॑ते । अ॒वा॒न्त॒रमे॒व स॒त्रिणा॑-मृद्ध्नोति ॥ यो वा अ॑र्य॒मणं॒-वेँद॑ । दान॑कामा अस्मै प्र॒जा भ॑वन्ति । य॒ज्ञो वा अ॑र्य॒मा । आर्या॑वस॒तिरिति॒ वै तमा॑हु॒र्य-म्प्र॒शग्ंस॑न्ति ॥ आर्या॑ वस॒तिर्भ॑वति । य ए॒वं-वेँद॑ ॥ 20 ॥

यद्वा इ॒द-ङ्कि-ञ्च॑ । त-थ्सर्व॒-ञ्चतु॑र्होतारः । चतु॑र्होतृ॒भ्यो-ऽधि॑ य॒ज्ञो निमि॑र्तः । स य ए॒वं-विँ॒द्वान्. वि॒वदे॑त । अ॒हमे॒व भूयो॑ वेद । यश्चतु॑र्होतॄ॒न्॒. वेदेति॑ । स ह्ये॑व भूयो॒ वेद॑ । यश्चतु॑र्होतॄ॒न्.॒ वेद॑ ॥ यो वै चतु॑र्होतृणा॒ग्ं॒ होतॄ॒न्॒. वेद॑ । सर्वा॑सु प्र॒जास्वन्न॑मत्ति ॥ 21 ॥

सर्वा॒ दिशो॒-ऽभिज॑यति । प्र॒जाप॑ति॒र्वै दश॑होतृणा॒ग्ं॒ होता᳚ । सोम॒श्चतु॑र्होतृणा॒ग्ं॒ होता᳚ । अ॒ग्निः पञ्च॑होतृणा॒ग्ं॒ होता᳚ । धा॒ता षड्ढो॑तृणा॒ग्ं॒ होता᳚ । अ॒र्य॒मा स॒प्तहो॑तृणा॒ग्ं॒ होता᳚ । ए॒ते वै चतु॑र्होतृणा॒ग्ं॒ होता॑रः । तान्. य ए॒वं-वेँद॑ । सर्वा॑सु प्र॒जास्वन्न॑मत्ति । सर्वा॒ दिशो॒-ऽभि ज॑यति ॥ 22 ॥

(आ॒र्ध्नु॒व॒ - न्ना॒ध्नु॒व॒ - न्नित्ये॒ - वं-वेँदा᳚ - त्ति॒ - सर्वा॒ दिशो॒भि ज॑यति ) (अ. 5)

(वै तेन॑ स॒त्र-ङ्केन॑)

2.3.6 अनुवाकं - होतृप्रशंसाप्रसङ्गेन क्रतूनामृत्विग् विशेषव्यवस्थापनम्, अग्निहोत्रस्य प्राशस्त्य-ञ्च

प्र॒जाप॑तिः प्र॒जा-स्सृ॒ष्ट्वा व्य॑स्रग्ंसत । स हृद॑य-म्भू॒तो॑-ऽशयत् । आत्म॒न्॒. हा(3) इत्यह्व॑यत् । आपः॒ प्रत्य॑शृण्वन्न् । ता अ॑ग्निहो॒त्रेणै॒व य॑ज्ञक्र॒तुनोप॑ प॒र्याव॑र्तन्त । ताः कुसि॑न्ध॒मुपौ॑हन्न् । तस्मा॑दग्निहो॒त्रस्य॑ यज्ञक्र॒तोः । एक॑ ऋ॒त्विक् ॥ च॒तु॒ष्कृत्वो-ऽह्व॑यत् । अ॒ग्नि-र्वा॒यु-रा॑दि॒त्य-श्च॒न्द्रमाः᳚ ॥ 23 ॥

ते प्रत्य॑शृण्वन्न् । ते द॑र्शपूर्णमा॒साभ्या॑मे॒व य॑ज्ञक्र॒तुनोप॑ प॒र्याव॑र्तन्त । त उपौ॑हग्ग्-श्च॒त्वार्यङ्गा॑नि । तस्मा᳚-द्दर्शपूर्णमा॒सयो᳚-र्यज्ञक्र॒तोः । च॒त्वार॑ ऋ॒त्विजः॑ ॥ प॒ञ्च॒ कृत्वो-ऽह्व॑यत् । प॒शवः॒ प्रत्य॑शृण्वन्न् । ते चा॑तुर्मा॒स्यैरे॒व य॑ज्ञक्र॒तुनोप॑ प॒र्याव॑र्तन्त । त उपौ॑ह॒ल् ँलोम॑ छ॒वी-म्मा॒ग्ं॒समस्थि॑ म॒ज्जान᳚म् । तस्मा᳚च्चातुर्मा॒स्यानां᳚-यँज्ञक्र॒तोः ॥ 24 ॥

पञ्च॒र्त्विजः॑ ॥ ष॒ट्कृत्वो-ऽह्व॑यत् । ऋ॒तवः॒ प्रत्य॑शृण्वन्न् । ते प॑शुब॒न्धेनै॒व य॑ज्ञक्र॒तुनोप॑ प॒र्याव॑र्तन्त । त उपौ॑ह॒न्-थ्स्तना॑वा॒ण्डौ शि॒श्नमवा᳚ञ्च-म्प्रा॒णम् । तस्मा᳚त्-पशुब॒न्धस्य॑ यज्ञक्र॒तोः । षडृ॒त्विजः॑ ॥ स॒प्त॒कृत्वो-ऽह्व॑यत् । होत्राः॒ प्रत्य॑शृण्वन्न् । ता-स्सौ॒म्येनै॒वाद्ध्व॒रेण॑ यज्ञक्र॒तुनोप॑ प॒र्याव॑र्तन्त ॥ 25 ॥

ता उपौ॑हन्-थ्स॒प्तशी॑र्ष॒ण्या᳚न्-प्रा॒णान् । तस्मा᳚-थ्सौ॒म्यस्या᳚द्ध्व॒रस्य॑ यज्ञक्र॒तोः । स॒प्त होत्राः॒ प्राची॒र्वष॑ट्कुर्वन्ति ॥ द॒श॒कृत्वो-ऽह्व॑यत् । तपः॒ प्रत्य॑शृणोत् । तत्-कर्म॑णै॒व सं॑वँथ्स॒रेण॒ सर्वै᳚र्यज्ञक्र॒तुभि॒रुप॑ प॒र्याव॑र्तत । त-थ्सर्व॑मा॒त्मान॒-मप॑रिवर्ग॒-मुपौ॑हत् । तस्मा᳚थ्- संवँथ्स॒रे सर्वे॑ यज्ञक्र॒तवो-ऽव॑रुद्ध्यन्ते ॥ तस्मा॒-द्दश॑होता॒ चतु॑र्होता । पञ्च॑होता॒ षड्ढो॑ता स॒प्तहो॑ता । एक॑होत्रे ब॒लिग्ं ह॑रन्ति । हर॑न्त्यस्मै प्र॒जा ब॒लिम् । ऐन॒मप्र॑तिख्यात-ङ्गच्छति । य ए॒वं-वेँद॑ ॥ 26 ॥

(च॒न्द्रमा᳚ - श्चातुर्मा॒स्यानां᳚-यँज्ञक्र॒तो - र॑द्ध्व॒रेण॑ यज्ञक्र॒तुनोप॑ प॒र्याव॑र्तन्त - स॒प्तहो॑ता च॒त्वारि॑ च) (अ. 6)

अनुवाकं 7 - अग्निहोत्रस्य सर्वक्रतुरुद्भावसाधनेन प्रशंसा

प्र॒जाप॑तिः॒ पुरु॑ष-मसृजत । सो᳚-ऽग्निर॑ब्रवीत् । ममा॒य-मन्न॑म॒स्त्विति॑ । सो॑-ऽबिभेत् । सर्वं॒-वैँ मा॒-ऽय-म्प्रध॑क्ष्य॒तीति॑ । स ए॒ताग्-श्चतु॑र्होतॄनात्म॒-स्पर॑णानपश्यत् । तान॑जुहोत् । तैर्वै स आ॒त्मान॑-मस्पृणोत् ॥ यद॑ग्निहो॒त्र-ञ्जु॒होति॑ । एक॑होतारमे॒व त-द्य॑ज्ञक्र॒तु-मा᳚प्नोत्यग्निहो॒त्रम् ॥ 27 ॥

कुसि॑न्ध-ञ्चा॒त्मनः॑ स्पृ॒णोति॑ । आ॒दि॒त्यस्य॑ च॒ सायु॑ज्य-ङ्गच्छति ॥ च॒तुरुन्न॑यति । चतु॑र्होतारमे॒व त-द्य॑ज्ञक्र॒तु-मा᳚प्नोति दर्शपूर्णमा॒सौ । च॒त्वारि॑ चा॒त्मनो-ऽङ्गा॑नि स्पृ॒णोति॑ । आ॒दि॒त्यस्य॑ च॒ सायु॑ज्य-ङ्गच्छति ॥ च॒तुरुन्न॑यति । स॒मित्प॑ञ्च॒मी । पञ्च॑होतारमे॒व त-द्य॑ज्ञक्र॒तु-मा᳚प्नोति चातुर्मा॒स्यानि॑ । लोम॑ छ॒वी-म्मा॒ग्ं॒समस्थि॑ म॒ज्जान᳚म् ॥ 28 ॥

तानि॑ चा॒त्मनः॑ स्पृ॒णोति॑ । आ॒दि॒त्यस्य॑ च॒ सायु॑ज्य-ङ्गच्छति ॥ च॒तुरुन्न॑यति । द्विर्जु॑होति । षड्ढो॑तारमे॒व त-द्य॑ज्ञक्र॒तु-मा᳚प्नोति पशुब॒न्धम् । स्तना॑वा॒ण्डौ शि॒श्नमवा᳚ञ्च-म्प्रा॒णम् । तानि॑ चा॒त्मनः॑ स्पृ॒णोति॑ । आ॒दि॒त्यस्य॑ च॒ सायु॑ज्य-ङ्गच्छति । च॒तुरुन्न॑यति । द्विर्जु॑होति ॥ 29 ॥

स॒मि-थ्स॑प्त॒मी । स॒प्तहो॑तारमे॒व त-द्य॑ज्ञक्र॒तु-मा᳚प्नोति सौ॒म्य-म॑द्ध्व॒रम् । स॒प्त चा॒त्मनः॑ शीर्ष॒ण्या᳚न्-प्रा॒णान्-थ्स्पृ॒णोति॑ । आ॒दि॒त्यस्य॑ च॒ सायु॑ज्य-ङ्गच्छति ॥ च॒तुरुन्न॑यति । द्विर्जु॒होति॑ । द्विर्निमा᳚र्ष्टि । द्विः प्राश्ञा॑ति । दश॑होतारमे॒व त-द्य॑ज्ञक्र॒तु-मा᳚प्नोति संवँथ्स॒रम् । सर्व॑-ञ्चा॒त्मान॒-मप॑रिवर्गग्ग् स्पृ॒णोति॑ । आ॒दि॒त्यस्य॑ च॒ सायु॑ज्य-ङ्गच्छति ॥ 30 ॥

(अ॒ग्नि॒हो॒त्रं - म॒ज्जानं॒ - द्विर्जु॑हो॒ - त्यप॑रिवर्गग्ग् स्पृ॒णोत्येक॑-ञ्च ) (अ. 7)

अनुवाकं 8 - सृष्टिसाधनत्वेन होतृमन्त्रासामर्थ्य प्रशंसा

[(अप॑क्रामत गर्भि॒ण्यः) इस् ओन्ल्य् इन्स्त्रुच्तिओन् , नोत् अ मन्त्र]

प्र॒जाप॑ति-रकामयत॒ प्रजा॑ये॒येति॑ । स तपो॑-ऽतप्यत । सो᳚-ऽन्तर्वा॑नभवत् । स हरि॑त-श्श्या॒वो॑-ऽभवत् । तस्मा॒-थ्स्त्र्य॑न्तर्व॑त्नी । हरि॑णी स॒ती श्या॒वा भ॑वति । स वि॒जाय॑मानो॒ गर्भे॑णाताम्यत् । स ता॒न्तः कृ॒ष्ण-श्श्या॒वो॑-ऽभवत् । तस्मा᳚-त्ता॒न्तः कृ॒ष्ण-श्श्या॒वो भ॑वति । तस्यासु॑रे॒वाजी॑वत् ॥ 31 ॥

तेनासु॒ना-ऽसु॑रानसृजत । तदसु॑राणा-मसुर॒त्वम् । य ए॒वमसु॑राणा-मसुर॒त्वं-वेँद॑ । असु॑माने॒व भ॑वति । नैन॒मसु॑र्जहाति ॥ सो-ऽसु॑रान्-थ्सृ॒ष्ट्वा पि॒तेवा॑मन्यत । तदनु॑ पि॒तॄन॑सृजत । तत्-पि॑तृ॒णा-म्पि॑तृ॒त्वम् । य ए॒व-म्पि॑तृ॒णा-म्पि॑तृ॒त्वं-वेँद॑ । पि॒तेवै॒व स्वाना᳚-म्भवति ॥ 32 ॥

यन्त्य॑स्य पि॒तरो॒ हव᳚म् ॥ स पि॒तॄन्-थ्सृ॒ष्ट्वा ऽम॑नस्यत् । तदनु॑ मनु॒ष्या॑-नसृजत । तन्म॑नु॒ष्या॑णा-म्मनुष्य॒त्वम् । य ए॒व-म्म॑नु॒ष्या॑णा-म्मनुष्य॒त्वं-वेँद॑ । म॒न॒स्व्ये॑व भ॑वति । नैन॒-म्मनु॑र्जहाति ॥ तस्मै॑ मनु॒ष्या᳚न्-थ्ससृजा॒नाय॑ । दिवा॑ देव॒त्रा ऽभ॑वत् । तदनु॑ दे॒वान॑सृजत । त-द्दे॒वाना᳚-न्देव॒त्वम् । य ए॒व-न्दे॒वाना᳚-न्देव॒त्वं-वेँद॑ । दिवा॑ है॒वास्य॑ देव॒त्रा भ॑वति ॥ तानि॒ वा ए॒तानि॑ च॒त्वार्यम्भाग्ं॑सि । दे॒वा म॑नु॒ष्याः᳚ पि॒तरो-ऽसु॑राः ॥ तेषु॒ सर्वे॒ष्वम्भो॒ नभ॑ इव भवति । य ए॒वं-वेँद॑ ॥ 33 ॥

(अ॒जी॒व॒थ् - स्वाना᳚-म्भवति - दे॒वान॑सृजत स॒प्त च॑) (अ. 8)

अनुवाकं 9 - वायुरूपत्वज्ञानेन होतृमन्त्राणा-म्प्रशंसा

[(य॒था॒स्था॒न-ङ्ग॑र्भि॒ण्यः॑) इस् ऒन्ल्य् इन्स्त्रुच्तिऒन् , नॊत् अ मन्त्र]

ब्र॒ह्म॒वा॒दिनो॑ वदन्ति । यो वा इ॒मं-विँ॒द्यात् । यतो॒-ऽय-म्पव॑ते । यद॑भि॒ पव॑ते । यद॑भि स॒पंवँ॑ते । सर्व॒मायु॑रियात् । न पु॒रा ऽऽयु॑षः॒ प्रमी॑येत । प॒शु॒मान्-थ्स्या᳚त् । वि॒न्देत॑ प्र॒जाम् ॥ यो वा इ॒मं-वेँद॑ ॥ 34 ॥

यतो॒-ऽय-म्पव॑ते । यद॑भि॒ पव॑ते । यद॑भि स॒पंवँ॑ते । सर्व॒मायु॑रेति । न पु॒रा-ऽऽयु॑षः॒ प्रमी॑यते । प॒शु॒मा-न्भ॑वति । वि॒न्दते᳚ प्र॒जाम् ॥ अ॒द्भ्यः प॑वते । अ॒पो॑-ऽभि प॑वते । अ॒पो॑-ऽभि सम्प॑वते ॥ 35 ॥

अ॒स्याः प॑वते । इ॒माम॒भि प॑वते । इ॒माम॒भि सम्प॑वते । अ॒ग्नेः प॑वते । अ॒ग्निम॒भि प॑वते । अ॒ग्निम॒भि स-म्प॑वते । अ॒न्तरि॑क्षा-त्पवते । अ॒न्तरि॑क्षम॒भि प॑वते । अ॒न्तरि॑क्षम॒भि स-म्प॑वते । आ॒दि॒त्या-त्प॑वते ॥ 36 ॥

आ॒दि॒त्यम॒भि प॑वते । आ॒दि॒त्यम॒भि स-म्प॑वते । द्योः प॑वते । दिव॑म॒भि प॑वते ॥ दिव॑म॒भि स-म्प॑वते । दि॒ग्भ्यः प॑वते । दिशो॒-ऽभि प॑वते । दिशो॒-ऽभि स-म्प॑वते । स यत्-पु॒रस्ता॒द्वाति॑ । प्रा॒ण ए॒व भू॒त्वा पु॒रस्ता᳚द्वाति ॥ 37 ॥

तस्मा᳚त्-पु॒रस्ता॒-द्वान्त᳚म् । सर्वाः᳚ प्र॒जाः प्रति॑ नन्दन्ति । प्रा॒णो हि प्रि॒यः प्र॒जाना᳚म् । प्रा॒ण इ॑व प्रि॒यः प्र॒जाना᳚-म्भवति । य ए॒वं-वेँद॑ । स वा ए॒ष प्रा॒ण ए॒व ॥ अथ॒ य-द्द॑क्षिण॒तो वाति॑ । मा॒त॒रिश्वै॒व भू॒त्वा द॑क्षिण॒तो वा॑ति । तस्मा᳚-द्दक्षिण॒तो वान्तं॑-विँ॒द्यात् । सर्वा॒ दिश॒ आवा॑ति ॥ 38 ॥

सर्वा॒ दिशो-ऽनु॒ विवा॑ति । सर्वा॒ दिशो-ऽनु॒ संवाँ॒तीति॑ । स वा ए॒ष मा॑त॒रिश्वै॒व ॥ अथ॒ यत्-प॒श्चाद्वाति॑ । पव॑मान ए॒व भू॒त्वा प॒श्चाद्वा॑ति । पू॒तम॑स्मा॒ आह॑रन्ति । पू॒तमुप॑हरन्ति । पू॒तम॑श्नाति । य ए॒वं-वेँद॑ । स वा ए॒ष पव॑मान ए॒व ॥ 39 ॥

अथ॒ यदु॑त्तर॒तो वाति॑ । स॒वि॒तैव भू॒त्वोत्त॑र॒तो वा॑ति । स॒वि॒तेव॒ स्वाना᳚-म्भवति । य ए॒वं-वेँद॑ । स वा ए॒ष स॑वि॒तैव ॥ ते य ए॑न-म्पु॒रस्ता॑दा॒यन्त॑-मुप॒वद॑न्ति । य ए॒वास्य॑ पु॒रस्ता᳚त्-पा॒प्मानः॑ । ताग्स्ते ऽप॑घ्नन्ति । पु॒रस्ता॒दित॑रान्-पा॒प्मनः॑ सचन्ते ॥ अथ॒ य ए॑न-न्दक्षिण॒त आ॒यन्त॑-मुप॒वद॑न्ति ॥ 40 ॥

य ए॒वास्य॑ दक्षिण॒तः पा॒प्मानः॑ । ताग्स्ते ऽप॑घ्नन्ति । द॒क्षि॒ण॒त इत॑रा-न्पा॒प्मनः॑ सचन्ते ॥ अथ॒ य ए॑न-म्प॒श्चादा॒यन्त॑-मुप॒वद॑न्ति । य ए॒वास्य॑ प॒श्चात्-पा॒प्मानः॑ । ताग्स्ते ऽप॑घ्नन्ति । प॒श्चादित॑रान्-पा॒प्मनः॑ सचन्ते ॥ अथ॒ य ए॑नमुत्तर॒त आ॒यन्त॑मुप॒ वद॑न्ति । य ए॒वास्यो᳚त्तर॒तः पा॒प्मानः॑ । ताग्स्ते ऽप॑घ्नन्ति ॥ 41 ॥

उ॒त्त॒र॒त इत॑रा-न्पा॒प्मनः॑ सचन्ते ॥ तस्मा॑ दे॒वं-विँ॒द्वान् । वीव॑ नृत्येत् । प्रेव॑ चलेत् । व्यस्ये॑वा॒क्ष्यौ भा॑षेत । म॒ण्टये॑दिव । क्रा॒थये॑दिव । शृ॒ङ्गा॒येते॑व ॥ उ॒त मोप॑वदेयुः । उ॒त मे॑ पा॒प्मान॒-मप॑हन्यु॒रिति॑ ॥ स या-न्दिशग्ं॑ स॒निमे॒ष्यन्-थ्स्यात् । य॒दा ता-न्दिशं॒-वाँतो॑ वा॒यात् । अथ॒ प्रवे॒यात् । प्र वा॑ धापयेत् (धावयेत्) । सा॒तमे॒व र॑दि॒तं-व्यूँ॑ढ-ङ्ग॒न्धम॒भि प्रच्य॑वते । आ-ऽस्य॒ त-ञ्ज॑नप॒द-म्पूर्वा॑ की॒र्तिर्ग॑च्छति ॥ दान॑कामा अस्मै प्र॒जा भ॑वन्ति । य ए॒वं-वेँद॑ ॥ 42 ॥

(वेद॒ - सम्प॑वत - आदि॒त्या-त्प॑वते - वा॒त्या - वा᳚त्ये॒ - ष पव॑मान ए॒व - द॑क्षिण॒त आ॒यन्त॑मुप॒ वद॑न् - त्युत्तर॒तः पा॒प्मान॒स्ताग्स्ते ऽप॑घ्न॒ - न्तीत्य॒ष्टौ च॑) (अ. 9)

अनुवाकं 10 - दशहोतृमन्त्राणा-ङ्काम्यप्रयोगः

प्र॒जाप॑ति॒-स्सोम॒ग्ं॒ राजा॑नमसृजत । त-न्त्रयो॒ वेदा॒ अन्व॑सृज्यन्त । तान्. हस्ते॑-ऽकुरुत । अथ॒ ह सीता॑ सावि॒त्री । सोम॒ग्ं॒ राजा॑न-ञ्चकमे । श्र॒द्धामु॒ स च॑कमे । सा ह॑ पि॒तर॑-म्प्र॒जाप॑ति॒-मुप॑ससार । तग्ं हो॑वाच । नम॑स्ते अस्तु भगवः । उप॑ त्वा-ऽयानि ॥ 43 ॥

प्र त्वा॑ पद्ये ॥ सोमं॒-वैँ राजा॑न-ङ्कामये । श्र॒द्धामु॒ स का॑मयत॒ इति॑ । तस्या॑ उ॒ ह स्था॑ग॒रम॑लङ्का॒र-ङ्क॑ल्पयि॒त्वा । दश॑होतार-म्पु॒रस्ता᳚-द्व्या॒ख्याय॑ । चतु॑र्होतार-न्दक्षिण॒तः । पञ्च॑ होतार-म्प॒श्चात् । षड्ढो॑तार-मुत्तर॒तः । स॒प्तहो॑तार-मु॒परि॑ष्टात् । स॒म्भा॒रैश्च॒ पत्नि॑भिश्च॒ मुखे॑-ऽल॒ङ्कृत्य॑ ॥ 44 ॥

आ-ऽस्यार्धं-वँ॑व्राज । ताग्ं हो॒दीक्ष्यो॑वाच । उप॒ मा-ऽऽव॑र्त॒स्वेति॑ । तग्ं हो॑वाच । भोग॒-न्तु म॒ आच॑क्ष्व । ए॒त-न्म॒ आच॑क्ष्व । यत्ते॑ पा॒णाविति॑ । तस्या॑ उ॒ ह त्रीन्. वेदा॒-न्प्रद॑दौ । तस्मा॒दु ह॒ स्त्रियो॒ भोग॒मैव हा॑रयन्ते ॥ स यः का॒मये॑त प्रि॒य-स्स्या॒मिति॑ ॥ 45 ॥

यं-वाँ॑ का॒मये॑त प्रि॒य-स्स्या॒दिति॑ । तस्मा॑ ए॒तग्ग् स्था॑ग॒र-म॑लङ्का॒र-ङ्क॑ल्पयि॒त्वा । दश॑होतार-म्पु॒रस्ता᳚-द्व्या॒ख्याय॑ । चतु॑र्होतार-न्दक्षिण॒तः । पञ्च॑होतार-म्प॒श्चात् । षड्ढो॑तार-मुत्तर॒तः । स॒प्तहो॑ता-रमु॒परि॑ष्टात् । स॒म्भा॒रैश्च॒ पत्नि॑भिश्च॒ मुखे॑-ऽल॒ङ्कृत्य॑ । आ-ऽस्यार्धं-व्रँ॑जेत् । प्रि॒यो है॒व भ॑वति ॥ 46 ॥

(अ॒या॒ - न्य॒ल॒ङ्कृत्य॑ - स्या॒मिति॑ - भवति) (अ. 10)

अनुवाकं 11 - दशहोत्रादिमन्त्रनाम्ना-म्प्रवृत्तिनिमित्तम्

ब्रह्मा᳚त्म॒न्-वद॑सृजत । तद॑कामयत । समा॒त्मना॑ पद्ये॒येति॑ । आत्म॒-न्नात्म॒-न्नित्याम॑न्त्रयत । तस्मै॑ दश॒मग्ं हू॒तः प्रत्य॑शृणोत् । स दश॑हूतो-ऽभवत् । दश॑हूतो ह॒ वै नामै॒षः । तं-वाँ ए॒त-न्दश॑हूत॒ग्ं॒ सन्त᳚म् । दश॑हो॒तेत्याच॑क्षते प॒रोक्षे॑ण । प॒रोक्ष॑प्रिया इव॒ हि दे॒वाः ॥ 47 ॥

आत्म॒-न्नात्म॒-न्नित्याम॑न्त्रयत । तस्मै॑ सप्त॒मग्ं हू॒तः प्रत्य॑शृणोत् । स स॒प्तहू॑तो-ऽभवत् । स॒प्तहू॑तो ह॒ वै नामै॒षः । तं-वाँ ए॒तग्ं स॒प्तहू॑त॒ग्ं॒ सन्त᳚म् । स॒प्तहो॒तेत्याच॑क्षते प॒रोक्षे॑ण । प॒रोक्ष॑प्रिया इव॒ हि दे॒वाः ॥ आत्म॒-न्नात्म॒-न्नित्याम॑न्त्रयत । तस्मै॑ ष॒ष्ठग्ं हू॒तः प्रत्य॑शृणोत् । स षड्ढू॑तो-ऽभवत् ॥ 48 ॥

षड्ढू॑तो ह॒ वै नामै॒षः । तं-वाँ ए॒तग्ं षड्ढू॑त॒ग्ं॒ सन्त᳚म् । षड्ढो॒तेत्याच॑क्षते प॒रोक्षे॑ण । प॒रोक्ष॑प्रिया इव॒ हि दे॒वाः ॥ आत्म॒-न्नात्म॒-न्नित्याम॑न्त्रयत । तस्मै॑ पञ्च॒मग्ं हू॒तः प्रत्य॑ शृणोत् । स पञ्च॑ हूतो-ऽभवत् । पञ्च॑हूतो ह॒ वै नामै॒षः । तं-वाँ ए॒त-म्पञ्च॑हूत॒ग्ं॒ सन्त᳚म् । पञ्च॑हो॒तेत्याच॑क्षते प॒रोक्षे॑ण ॥ 49 ॥

प॒रोक्ष॑प्रिया इव॒ हि दे॒वाः ॥ आत्म॒-न्नात्म॒-न्नित्याम॑न्त्रयत । तस्मै॑ चतु॒र्थग्ं हू॒तः प्रत्य॑शृणोत् । स चतु॑र्हूतो-ऽभवत् । चतु॑र्हूतो ह॒ वै नामै॒षः । तं-वाँ ए॒त-ञ्चतु॑र्हूत॒ग्ं॒ सन्त᳚म् । चतु॑र्हो॒तेत्याच॑क्षते प॒रोक्षे॑ण । प॒रोक्ष॑प्रिया इव॒ हि दे॒वाः ॥ तम॑ब्रवीत् । त्वं-वैँ मे॒ नेदि॑ष्ठग्ं हू॒तः प्रत्य॑श्रौषीः । त्वयै॑-नानाख्या॒तार॒ इति॑ । तस्मा॒न्नु है॑ना॒ग्॒-श्चतु॑र्होतार॒ इत्याच॑क्षते । तस्मा᳚-च्छुश्रू॒षुः पु॒त्राणा॒ग्ं॒ हृद्य॑तमः । नेदि॑ष्ठो॒ हृद्य॑तमः । नेदि॑ष्ठो॒ ब्रह्म॑णो भवति । य ए॒वं-वेँद॑ ॥ 50 ॥

(दे॒वाः - षड्ढू॑तो-ऽभव॒त् - पञ्च॑हो॒तेत्याच॑क्षते प॒रोक्षे॑णा - श्रौषी॒-ष्षट्च॑) (अ. 11)

(ब्र॒ह्म॒वा॒दिनः॒ किं - दक्षि॑णां॒ - ँयो वा अवि॑द्वा॒न् - तस्य॒ वै - ब्र॑ह्मवा॒दिनो॒ य-द्दश॑होतारः - प्र॒जाप॑ति॒ व्यस्रं - प्र॒जाप॑तिः॒ पुरु॑षं - प्र॒जाप॑तिरकामयत॒ स तप॒-स्सो᳚-ऽन्तर्वा᳚न् - ब्रह्मवा॒दिनो॒ यो वा इ॒मं-विँ॒द्यात् - प्र॒जाप॑ति॒-स्सोम॒ग्ं॒ राजा॑नं॒ - ब्रह्मा᳚त् म॒न्वदेका॑दश)

(ब्र॒ह्म॒वा॒दिन॒ - स्तस्य॒ वा अ॒ग्ने--र् यद्वा इ॒द-ङ्किञ्च॑ - प्र॒जाप॑तिरकामयत॒ -य ए॒वास्य॑ दक्षिण॒तः प॑ञ्चा॒शत्)

(ब्र॒ह्म॒वा॒दिनो॒ - य ए॒वं-वेँद॑ )

॥ हरिः॑ ओम् ॥

॥ कृष्ण यजुर्वेदीय तैत्तिरीय ब्राह्मणे द्वितीयाष्टके तृतीयः प्रपाठक-स्समाप्तः ॥