nirupamanityaniraṃśake'pyakhaṇḍe –
mayi citi sarvavikalpanādiśūnye |
ghaṭayati jagadīśajīvabhedaṃ –
Verse 1
tvaghaṭitaghaṭanāpaṭīyasī māyā || 1 ||
śrutiśatanigamāntaśodhakāna-
pyahaha dhanādinidarśanena sadyaḥ |
kaluṣayati catuṣpadādyabhinnā-
Verse 2
naghaṭitaghaṭanāpaṭīyasī māyā || 2 ||
sukhacidakhaṇḍavibodhamadvitīyaṃ –
viyadanalādivinirmite niyojya |
bhramayati bhavasāgare nitāntaṃ –
Verse 3
tvaghaṭitaghaṭanāpaṭīyasī māyā || 3 ||
apagataguṇavarṇajātibhede –
sukhaciti vipraviḍādyahaṅkṛtiṃ ca |
sphuṭayati sutadāragehamohaṃ –
Verse 4
tvaghaṭitaghaṭanāpaṭīyasī māyā || 4 ||
vidhihariharavibhedamapyakhaṇḍe –
bata viracayya budhānapi prakāmam |
bhramayati hariharabhedabhāvā-
Verse 5
naghaṭitaghaṭanāpaṭīyasī māyā || 5 ||
Sanskrit — Devanagari (original)
निरुपमनित्यनिरंशकेऽप्यखण्डे –
मयि चिति सर्वविकल्पनादिशून्ये ।
घटयति जगदीशजीवभेदं –
त्वघटितघटनापटीयसी माया ॥ 1 ॥
श्रुतिशतनिगमान्तशोधकान-
प्यहह धनादिनिदर्शनेन सद्यः ।
कलुषयति चतुष्पदाद्यभिन्ना-
नघटितघटनापटीयसी माया ॥ 2 ॥
सुखचिदखण्डविबोधमद्वितीयं –
वियदनलादिविनिर्मिते नियोज्य ।
भ्रमयति भवसागरे नितान्तं –
त्वघटितघटनापटीयसी माया ॥ 3 ॥
अपगतगुणवर्णजातिभेदे –
सुखचिति विप्रविडाद्यहङ्कृतिं च ।
स्फुटयति सुतदारगेहमोहं –
त्वघटितघटनापटीयसी माया ॥ 4 ॥
विधिहरिहरविभेदमप्यखण्डे –
बत विरचय्य बुधानपि प्रकामम् ।
भ्रमयति हरिहरभेदभावा-
नघटितघटनापटीयसी माया ॥ 5 ॥