atulyavīryamugratejasaṃ suraṃ
sukāntimindriyapradaṃ sukāntidam |
kṛpārasaikapūrṇamādirūpiṇaṃ
Verse 1
divākaraṃ sadā bhaje subhāsvaram || 1 ||
inaṃ mahīpatiṃ ca nityasaṃstutaṃ
kalāsuvarṇabhūṣaṇaṃ rathasthitam |
acintyamātmarūpiṇaṃ grahāśrayaṃ
Verse 2
divākaraṃ sadā bhaje subhāsvaram || 2 ||
uṣodayaṃ vasupradaṃ suvarcasaṃ
vidikprakāśakaṃ kaviṃ kṛpākaram |
suśāntamūrtimūrdhvagaṃ jagajjvalaṃ
Verse 3
divākaraṃ sadā bhaje subhāsvaram || 3 ||
ṛṣiprapūjitaṃ varaṃ viyaccaraṃ
paraṃ prabhuṃ saroruhasya vallabham |
samastabhūmipaṃ ca tārakāpatiṃ
Verse 4
divākaraṃ sadā bhaje subhāsvaram || 4 ||
grahādhipaṃ guṇānvitaṃ ca nirjaraṃ
sukhapradaṃ śubhāśayaṃ bhayāpaham |
hiraṇyagarbhamuttamaṃ ca bhāskaraṃ
Verse 5
divākaraṃ sadā bhaje subhāsvaram || 5 ||
iti śrī divākara pañcakam |
Sanskrit — Devanagari (original)
अतुल्यवीर्यमुग्रतेजसं सुरं
सुकान्तिमिन्द्रियप्रदं सुकान्तिदम् ।
कृपारसैकपूर्णमादिरूपिणं
दिवाकरं सदा भजे सुभास्वरम् ॥ 1 ॥
इनं महीपतिं च नित्यसंस्तुतं
कलासुवर्णभूषणं रथस्थितम् ।
अचिन्त्यमात्मरूपिणं ग्रहाश्रयं
दिवाकरं सदा भजे सुभास्वरम् ॥ 2 ॥
उषोदयं वसुप्रदं सुवर्चसं
विदिक्प्रकाशकं कविं कृपाकरम् ।
सुशान्तमूर्तिमूर्ध्वगं जगज्ज्वलं
दिवाकरं सदा भजे सुभास्वरम् ॥ 3 ॥
ऋषिप्रपूजितं वरं वियच्चरं
परं प्रभुं सरोरुहस्य वल्लभम् ।
समस्तभूमिपं च तारकापतिं
दिवाकरं सदा भजे सुभास्वरम् ॥ 4 ॥
ग्रहाधिपं गुणान्वितं च निर्जरं
सुखप्रदं शुभाशयं भयापहम् ।
हिरण्यगर्भमुत्तमं च भास्करं
दिवाकरं सदा भजे सुभास्वरम् ॥ 5 ॥
इति श्री दिवाकर पञ्चकम् ।