atulyavīryamugratejasaṃ suraṃ
sukāntimindriyapradaṃ sukāntidam |
kṛpārasaikapūrṇamādirūpiṇaṃ
1
divākaraṃ sadā bhaje subhāsvaram || 1 ||
inaṃ mahīpatiṃ ca nityasaṃstutaṃ
kalāsuvarṇabhūṣaṇaṃ rathasthitam |
acintyamātmarūpiṇaṃ grahāśrayaṃ
2
divākaraṃ sadā bhaje subhāsvaram || 2 ||
uṣodayaṃ vasupradaṃ suvarcasaṃ
vidikprakāśakaṃ kaviṃ kṛpākaram |
suśāntamūrtimūrdhvagaṃ jagajjvalaṃ
3
divākaraṃ sadā bhaje subhāsvaram || 3 ||
ṛṣiprapūjitaṃ varaṃ viyaccaraṃ
paraṃ prabhuṃ saroruhasya vallabham |
samastabhūmipaṃ ca tārakāpatiṃ
4
divākaraṃ sadā bhaje subhāsvaram || 4 ||
grahādhipaṃ guṇānvitaṃ ca nirjaraṃ
sukhapradaṃ śubhāśayaṃ bhayāpaham |
hiraṇyagarbhamuttamaṃ ca bhāskaraṃ
5
divākaraṃ sadā bhaje subhāsvaram || 5 ||
iti śrī divākara pañcakam |