mahiṣāsura sainyavadho nāma dvitīyo'dhyāyaḥ ||
asya sapta satīmadhyama caritrasya viṣṇur ṛṣiḥ | uṣṇik chandaḥ | śrīmahālakṣmīdevatā| śākambharī śaktiḥ | durgā bījam | vāyustattvam | yajurvedaḥ svarūpam | śrī mahālakṣmīprītyarthe madhyama caritra jape viniyogaḥ ||
dhyānaṃ
oṃ akṣasrakparaśuṃ gadeṣukuliśaṃ padmaṃ dhanuḥ kuṇḍikāṃ
daṇḍaṃ śaktimasiṃ ca carma jalajaṃ ghaṇṭāṃ surābhājanam |
śūlaṃ pāśasudarśane ca dadhatīṃ hastaiḥ pravāla prabhāṃ
seve sairibhamardinīmiha mahalakṣmīṃ sarojasthitām ||
Verse 1
ṛṣiruvāca ||1||
devāsuramabhūdyuddhaṃ pūrṇamabdaśataṃ purā|
mahiṣe'surāṇāṃ adhipe devānāñca purandare
tatrāsurairmahāvīryirdevasainyaṃ parājitaṃ|
Verse 3
jitvā ca sakalān devān indro'bhūnmahiṣāsuraḥ ||3||
tataḥ parājitā devāḥ padmayoniṃ prajāpatim|
Verse 4
puraskṛtyagatāstatra yatreśa garuḍadhvajau ||4||
yathāvṛttaṃ tayostadvan mahiṣāsuraceṣṭitam|
Verse 5
tridaśāḥ kathayāmāsurdevābhibhavavistaram ||5||
sūryendrāgnyanilendūnāṃ yamasya varuṇasya ca
Verse 6
anyeṣāṃ cādhikārānsa svayamevādhitiṣṭati ||6||
svargānnirākṛtāḥ sarve tena deva gaṇā bhuviḥ|
Verse 6
vicaranti yathā martyā mahiṣeṇa durātmanā ||6||
etadvaḥ kathitaṃ sarvaṃ amarāriviceṣṭitam|
Verse 8
śaraṇaṃ vaḥ prapannāḥ smo vadhastasya vicintyatām ||8||
itthaṃ niśamya devānāṃ vacāṃsi madhusūdhanaḥ
Verse 9
cakāra kopaṃ śambhuśca bhrukuṭīkuṭilānanau ||9||
tato'tikopapūrṇasya cakriṇo vadanāttataḥ|
Verse 10
niścakrāma mahattejo brahmaṇaḥ śaṅkarasya ca ||10||
anyeṣāṃ caiva devānāṃ śakrādīnāṃ śarīrataḥ|
Verse 11
nirgataṃ sumahattejaḥ staccaikyaṃ samagacchata ||11||
atīva tejasaḥ kūṭaṃ jvalantamiva parvatam|
Verse 12
dadṛśuste surāstatra jvālāvyāptadigantaram ||12||
atulaṃ tatra tattejaḥ sarvadeva śarīrajam|
Verse 13
ekasthaṃ tadabhūnnārī vyāptalokatrayaṃ tviṣā ||13||
yadabhūcchāmbhavaṃ tejaḥ stenājāyata tanmukham|
Verse 14
yāmyena cābhavan keśā bāhavo viṣṇutejasā ||14||
saumyena stanayoryugmaṃ madhyaṃ caindreṇa cābhavat|
Verse 15
vāruṇena ca jaṅghorū nitambastejasā bhuvaḥ ||15||
brahmaṇastejasā pādau tadaṅgulyo'rka tejasā|
Verse 16
vasūnāṃ ca karāṅgulyaḥ kaubereṇa ca nāsikā ||16||
tasyāstu dantāḥ sambhūtā prājāpatyena tejasā
Verse 17
nayanatritayaṃ jajñe tathā pāvakatejasā ||17||
bhruvau ca sandhyayostejaḥ śravaṇāvanilasya ca
Verse 18
anyeṣāṃ caiva devānāṃ sambhavastejasāṃ śiva ||18||
tataḥ samasta devānāṃ tejorāśisamudbhavām|
Verse 19
tāṃ vilokya mudaṃ prāpuḥ amarā mahiṣārditāḥ ||19||
śūlaṃ śūlādviniṣkṛṣya dadau tasyai pinākadhṛk|
Verse 20
cakraṃ ca dattavān kṛṣṇaḥ samutpāṭya svacakrataḥ ||20||
śaṅkhaṃ ca varuṇaḥ śaktiṃ dadau tasyai hutāśanaḥ
Verse 21
māruto dattavāṃścāpaṃ bāṇapūrṇe tatheṣudhī ||21||
vajramindraḥ samutpāṭya kuliśādamarādhipaḥ|
Verse 22
dadau tasyai sahasrākṣo ghaṇṭāmairāvatādgajāt ||22||
kāladaṇḍādyamo daṇḍaṃ pāśaṃ cāmbupatirdadau|
Verse 23
prajāpatiścākṣamālāṃ dadau brahmā kamaṇḍalaṃ ||23||
samastaromakūpeṣu nija raśmīn divākaraḥ
Verse 24
kālaśca dattavān khaḍgaṃ tasyāḥ ścarma ca nirmalam ||24||
kṣīrodaścāmalaṃ hāraṃ ajare ca tathāmbare
Verse 25
cūḍāmaṇiṃ tathādivyaṃ kuṇḍale kaṭakānica ||25||
ardhacandraṃ tadhā śubhraṃ keyūrān sarva bāhuṣu
Verse 26
nūpurau vimalau tadva dgraiveyakamanuttamam ||26||
aṅgulīyakaratnāni samastāsvaṅgulīṣu ca
Verse 27
viśva karmā dadau tasyai paraśuṃ cāti nirmalaṃ ||27||
astrāṇyanekarūpāṇi tathā'bhedyaṃ ca daṃśanam|
Verse 28
amlāna paṅkajāṃ mālāṃ śirasyu rasi cāparām||28||
adadajjaladhistasyai paṅkajaṃ cātiśobhanam|
Verse 29
himavān vāhanaṃ siṃhaṃ ratnāni vividhānica||29||
dadāvaśūnyaṃ surayā pānapātraṃ danādhipaḥ|
Verse 30
śeṣaśca sarva nāgeśo mahāmaṇi vibhūṣitam ||30||
nāgahāraṃ dada'u tasyai dhatte yaḥ pṛthivīmimām|
Verse 31
anyairapi surairdevī bhūṣaṇaiḥ āyudhaistathāḥ ||31||
sammānitā nanādoccaiḥ sāṭṭahāsaṃ muhurmuhu|
Verse 32
tasyānādena ghoreṇa kṛtsna māpūritaṃ nabhaḥ ||32||
amāyatātimahatā pratiśabdo mahānabhūt|
Verse 33
cukṣubhuḥ sakalālokāḥ samudrāśca cakampire ||33||
cacāla vasudhā celuḥ sakalāśca mahīdharāḥ|
Verse 34
jayeti devāśca mudā tāmūcuḥ siṃhavāhinīm ||34||
tuṣṭuvurmunayaścaināṃ bhaktinamrātmamūrtayaḥ|
Verse 35
dṛṣṭvā samastaṃ saṅkṣubdhaṃ trailokyaṃ amarārayaḥ ||35||
sannaddhākhilasainyāste samuttasthurudāyudāḥ|
Verse 36
āḥ kimetaditi krodhādābhāṣya mahiṣāsuraḥ ||36||
abhyadhāvata taṃ śabdaṃ aśeṣairasurairvṛtaḥ|
Verse 37
sa dadarṣa tato devīṃ vyāptalokatrayāṃ tviṣā||37||
pādākrāntyā natabhuvaṃ kirīṭollikhitāmbarām|
Verse 38
kṣobhitāśeṣapātālāṃ dhanurjyāniḥsvanena tām ||38||
diśo bhujasahasreṇa samantādvyāpya saṃsthitām|
Verse 39
tataḥ pravavṛte yuddhaṃ tayā devyā suradviṣāṃ ||39||
śastrāstrairbhahudhā muktairādīpitadigantaram|
Verse 40
mahiṣāsurasenānīścikṣurākhyo mahāsuraḥ ||40||
yuyudhe camaraścānyaiścaturaṅgabalānvitaḥ|
Verse 41
rathānāmayutaiḥ ṣaḍbhiḥ rudagrākhyo mahāsuraḥ ||41||
ayudhyatāyutānāṃ ca sahasreṇa mahāhanuḥ|
Verse 42
pañcāśadbhiśca niyutairasilomā mahāsuraḥ ||42||
ayutānāṃ śataiḥ ṣaḍbhiḥrbhāṣkalo yuyudhe raṇe|
Verse 43
gajavāji sahasraughai ranekaiḥ parivāritaḥ ||43||
vṛto rathānāṃ koṭyā ca yuddhe tasminnayudhyata|
Verse 44
biḍālākhyo'yutānāṃ ca pañcāśadbhirathāyutaiḥ ||44||
yuyudhe saṃyuge tatra rathānāṃ parivāritaḥ|
Verse 45
anye ca tatrāyutaśo rathanāgahayairvṛtāḥ ||45||
yuyudhuḥ saṃyuge devyā saha tatra mahāsurāḥ|
Verse 46
koṭikoṭisahastraistu rathānāṃ dantināṃ tathā ||46||
hayānāṃ ca vṛto yuddhe tatrābhūnmahiṣāsuraḥ|
Verse 47
tomarairbhindhipālaiśca śaktibhirmusalaistathā ||47||
yuyudhuḥ saṃyuge devyā khaḍgaiḥ parasupaṭṭisaiḥ|
Verse 48
keciccha cikṣipuḥ śaktīḥ kecit pāśāṃstathāpare ||48||
devīṃ khaḍgaprahāraistu te tāṃ hantuṃ pracakramuḥ|
Verse 49
sāpi devī tatastāni śastrāṇyastrāṇi caṇḍikā ||49||
līla yaiva praciccheda nijaśastrāstravarṣiṇī|
Verse 50
anāyastānanā devī stūyamānā surarṣibhiḥ ||50||
mumocāsuradeheṣu śastrāṇyastrāṇi ceśvarī|
Verse 51
so'pi kruddho dhutasaṭo devyā vāhanakesarī ||51||
cacārāsura sainyeṣu vaneṣviva hutāśanaḥ|
Verse 52
niḥśvāsān mumuceyāṃśca yudhyamānāraṇe'mbikā||52||
ta eva sadhyasambhūtā gaṇāḥ śatasahasraśaḥ|
Verse 53
yuyudhuste paraśubhirbhindipālāsipaṭṭiśaiḥ ||53||
nāśayanto'asuragaṇān devīśaktyupabṛṃhitāḥ|
Verse 54
avādayantā paṭahān gaṇāḥ śaṅāṃ stathāpare||54||
mṛdaṅgāṃśca tathaivānye tasminyuddha mahotsave|
Verse 55
tatodevī triśūlena gadayā śaktivṛṣṭibhiḥ||55||
khaḍgādibhiśca śataśo nijaghāna mahāsurān|
Verse 56
pātayāmāsa caivānyān ghaṇṭāsvanavimohitān ||56||
asurān bhuvipāśena badhvācānyānakarṣayat|
Verse 57
kecid dvidhākṛtā stīkṣṇaiḥ khaḍgapātaistathāpare||57||
vipothitā nipātena gadayā bhuvi śerate|
Verse 58
vemuśca kecidrudhiraṃ musalena bhṛśaṃ hatāḥ ||58||
kecinnipatitā bhūmau bhinnāḥ śūlena vakṣasi|
Verse 59
nirantarāḥ śaraughena kṛtāḥ kecidraṇājire ||59||
śalyānukāriṇaḥ prāṇān mamucustridaśārdanāḥ|
Verse 60
keṣāñcidbāhavaścinnāścinnagrīvāstathāpare ||60||
śirāṃsi peturanyeṣāṃ anye madhye vidāritāḥ|
Verse 61
vicchinnajajghāsvapare petururvyāṃ mahāsurāḥ ||61||
ekabāhvakṣicaraṇāḥ keciddevyā dvidhākṛtāḥ|
Verse 62
chinnepi cānye śirasi patitāḥ punarutthitāḥ ||62||
kabandhā yuyudhurdevyā gṛhītaparamāyudhāḥ|
Verse 63
nanṛtuścāpare tatra yudde tūryalayāśritāḥ ||63||
kabandhāścinnaśirasaḥ khaḍgaśakytṛṣṭipāṇayaḥ|
Verse 64
tiṣṭha tiṣṭheti bhāṣanto devī manye mahāsurāḥ ||64||
pātitai rathanāgāśvaiḥ āsuraiśca vasundharā|
Verse 65
agamyā sābhavattatra yatrābhūt sa mahāraṇaḥ ||65||
śoṇitaughā mahānadyassadyastatra visusruvuḥ|
Verse 66
madhye cāsurasainyasya vāraṇāsuravājinām ||66||
kṣaṇena tanmahāsainyamasurāṇāṃ tathā'mbikā|
Verse 67
ninye kṣayaṃ yathā vahnistṛṇadāru mahācayam ||67||
saca siṃho mahānādamutsṛjan dhutakesaraḥ|
Verse 68
śarīrebhyo'marārīṇāmasūniva vicinvati ||68||
devyā gaṇaiśca taistatra kṛtaṃ yuddhaṃ tathāsuraiḥ|
Verse 69
yathaiṣāṃ tuṣṭuvurdevāḥ puṣpavṛṣṭimuco divi ||69||
jaya jaya śrī mārkaṇḍeya purāṇe sāvarnike manvantare devi mahatmye mahiṣāsurasainyavadho nāma dvitīyo'dhyāyaḥ||
āhuti
oṃ hrīṃ sāṅgāyai sāyudhāyai saśaktikāyai saparivārāyai savāhanāyai aṣṭāviṃśati varṇātmikāyai lakśmī bījādiṣṭāyai mahāhutiṃ samarpayāmi namaḥ svāhā |
Sanskrit — Devanagari (original)
महिषासुर सैन्यवधो नाम द्वितीयोऽध्यायः ॥
अस्य सप्त सतीमध्यम चरित्रस्य विष्णुर् ऋषिः । उष्णिक् छन्दः । श्रीमहालक्ष्मीदेवता। शाकम्भरी शक्तिः । दुर्गा बीजम् । वायुस्तत्त्वम् । यजुर्वेदः स्वरूपम् । श्री महालक्ष्मीप्रीत्यर्थे मध्यम चरित्र जपे विनियोगः ॥
ध्यानं
ॐ अक्षस्रक्परशुं गदेषुकुलिशं पद्मं धनुः कुण्डिकां
दण्डं शक्तिमसिं च चर्म जलजं घण्टां सुराभाजनम् ।
शूलं पाशसुदर्शने च दधतीं हस्तैः प्रवाल प्रभां
सेवे सैरिभमर्दिनीमिह महलक्ष्मीं सरोजस्थिताम् ॥
ऋषिरुवाच ॥1॥
देवासुरमभूद्युद्धं पूर्णमब्दशतं पुरा।
महिषेऽसुराणां अधिपे देवानाञ्च पुरन्दरे
तत्रासुरैर्महावीर्यिर्देवसैन्यं पराजितं।
जित्वा च सकलान् देवान् इन्द्रोऽभून्महिषासुरः ॥3॥
ततः पराजिता देवाः पद्मयोनिं प्रजापतिम्।
पुरस्कृत्यगतास्तत्र यत्रेश गरुडध्वजौ ॥4॥
यथावृत्तं तयोस्तद्वन् महिषासुरचेष्टितम्।
त्रिदशाः कथयामासुर्देवाभिभवविस्तरम् ॥5॥
सूर्येन्द्राग्न्यनिलेन्दूनां यमस्य वरुणस्य च
अन्येषां चाधिकारान्स स्वयमेवाधितिष्टति ॥6॥
स्वर्गान्निराकृताः सर्वे तेन देव गणा भुविः।
विचरन्ति यथा मर्त्या महिषेण दुरात्मना ॥6॥
एतद्वः कथितं सर्वं अमरारिविचेष्टितम्।
शरणं वः प्रपन्नाः स्मो वधस्तस्य विचिन्त्यताम् ॥8॥
इत्थं निशम्य देवानां वचांसि मधुसूधनः
चकार कोपं शम्भुश्च भ्रुकुटीकुटिलाननौ ॥9॥
ततोऽतिकोपपूर्णस्य चक्रिणो वदनात्ततः।
निश्चक्राम महत्तेजो ब्रह्मणः शङ्करस्य च ॥10॥
अन्येषां चैव देवानां शक्रादीनां शरीरतः।
निर्गतं सुमहत्तेजः स्तच्चैक्यं समगच्छत ॥11॥
अतीव तेजसः कूटं ज्वलन्तमिव पर्वतम्।
ददृशुस्ते सुरास्तत्र ज्वालाव्याप्तदिगन्तरम् ॥12॥
अतुलं तत्र तत्तेजः सर्वदेव शरीरजम्।
एकस्थं तदभून्नारी व्याप्तलोकत्रयं त्विषा ॥13॥
यदभूच्छाम्भवं तेजः स्तेनाजायत तन्मुखम्।
याम्येन चाभवन् केशा बाहवो विष्णुतेजसा ॥14॥
सौम्येन स्तनयोर्युग्मं मध्यं चैन्द्रेण चाभवत्।
वारुणेन च जङ्घोरू नितम्बस्तेजसा भुवः ॥15॥
ब्रह्मणस्तेजसा पादौ तदङ्गुल्योऽर्क तेजसा।
वसूनां च कराङ्गुल्यः कौबेरेण च नासिका ॥16॥
तस्यास्तु दन्ताः सम्भूता प्राजापत्येन तेजसा
नयनत्रितयं जज्ञे तथा पावकतेजसा ॥17॥
भ्रुवौ च सन्ध्ययोस्तेजः श्रवणावनिलस्य च
अन्येषां चैव देवानां सम्भवस्तेजसां शिव ॥18॥
ततः समस्त देवानां तेजोराशिसमुद्भवाम्।
तां विलोक्य मुदं प्रापुः अमरा महिषार्दिताः ॥19॥
शूलं शूलाद्विनिष्कृष्य ददौ तस्यै पिनाकधृक्।
चक्रं च दत्तवान् कृष्णः समुत्पाट्य स्वचक्रतः ॥20॥
शङ्खं च वरुणः शक्तिं ददौ तस्यै हुताशनः
मारुतो दत्तवांश्चापं बाणपूर्णे तथेषुधी ॥21॥
वज्रमिन्द्रः समुत्पाट्य कुलिशादमराधिपः।
ददौ तस्यै सहस्राक्षो घण्टामैरावताद्गजात् ॥22॥
कालदण्डाद्यमो दण्डं पाशं चाम्बुपतिर्ददौ।
प्रजापतिश्चाक्षमालां ददौ ब्रह्मा कमण्डलं ॥23॥
समस्तरोमकूपेषु निज रश्मीन् दिवाकरः
कालश्च दत्तवान् खड्गं तस्याः श्चर्म च निर्मलम् ॥24॥
क्षीरोदश्चामलं हारं अजरे च तथाम्बरे
चूडामणिं तथादिव्यं कुण्डले कटकानिच ॥25॥
अर्धचन्द्रं तधा शुभ्रं केयूरान् सर्व बाहुषु
नूपुरौ विमलौ तद्व द्ग्रैवेयकमनुत्तमम् ॥26॥
अङ्गुलीयकरत्नानि समस्तास्वङ्गुलीषु च
विश्व कर्मा ददौ तस्यै परशुं चाति निर्मलं ॥27॥
अस्त्राण्यनेकरूपाणि तथाऽभेद्यं च दंशनम्।
अम्लान पङ्कजां मालां शिरस्यु रसि चापराम्॥28॥
अददज्जलधिस्तस्यै पङ्कजं चातिशोभनम्।
हिमवान् वाहनं सिंहं रत्नानि विविधानिच॥29॥
ददावशून्यं सुरया पानपात्रं दनाधिपः।
शेषश्च सर्व नागेशो महामणि विभूषितम् ॥30॥
नागहारं ददऽउ तस्यै धत्ते यः पृथिवीमिमाम्।
अन्यैरपि सुरैर्देवी भूषणैः आयुधैस्तथाः ॥31॥
सम्मानिता ननादोच्चैः साट्टहासं मुहुर्मुहु।
तस्यानादेन घोरेण कृत्स्न मापूरितं नभः ॥32॥
अमायतातिमहता प्रतिशब्दो महानभूत्।
चुक्षुभुः सकलालोकाः समुद्राश्च चकम्पिरे ॥33॥
चचाल वसुधा चेलुः सकलाश्च महीधराः।
जयेति देवाश्च मुदा तामूचुः सिंहवाहिनीम् ॥34॥
तुष्टुवुर्मुनयश्चैनां भक्तिनम्रात्ममूर्तयः।
दृष्ट्वा समस्तं सङ्क्षुब्धं त्रैलोक्यं अमरारयः ॥35॥
सन्नद्धाखिलसैन्यास्ते समुत्तस्थुरुदायुदाः।
आः किमेतदिति क्रोधादाभाष्य महिषासुरः ॥36॥
अभ्यधावत तं शब्दं अशेषैरसुरैर्वृतः।
स ददर्ष ततो देवीं व्याप्तलोकत्रयां त्विषा॥37॥
पादाक्रान्त्या नतभुवं किरीटोल्लिखिताम्बराम्।
क्षोभिताशेषपातालां धनुर्ज्यानिःस्वनेन ताम् ॥38॥
दिशो भुजसहस्रेण समन्ताद्व्याप्य संस्थिताम्।
ततः प्रववृते युद्धं तया देव्या सुरद्विषां ॥39॥
शस्त्रास्त्रैर्भहुधा मुक्तैरादीपितदिगन्तरम्।
महिषासुरसेनानीश्चिक्षुराख्यो महासुरः ॥40॥
युयुधे चमरश्चान्यैश्चतुरङ्गबलान्वितः।
रथानामयुतैः षड्भिः रुदग्राख्यो महासुरः ॥41॥
अयुध्यतायुतानां च सहस्रेण महाहनुः।
पञ्चाशद्भिश्च नियुतैरसिलोमा महासुरः ॥42॥
अयुतानां शतैः षड्भिःर्भाष्कलो युयुधे रणे।
गजवाजि सहस्रौघै रनेकैः परिवारितः ॥43॥
वृतो रथानां कोट्या च युद्धे तस्मिन्नयुध्यत।
बिडालाख्योऽयुतानां च पञ्चाशद्भिरथायुतैः ॥44॥
युयुधे संयुगे तत्र रथानां परिवारितः।
अन्ये च तत्रायुतशो रथनागहयैर्वृताः ॥45॥
युयुधुः संयुगे देव्या सह तत्र महासुराः।
कोटिकोटिसहस्त्रैस्तु रथानां दन्तिनां तथा ॥46॥
हयानां च वृतो युद्धे तत्राभून्महिषासुरः।
तोमरैर्भिन्धिपालैश्च शक्तिभिर्मुसलैस्तथा ॥47॥
युयुधुः संयुगे देव्या खड्गैः परसुपट्टिसैः।
केचिच्छ चिक्षिपुः शक्तीः केचित् पाशांस्तथापरे ॥48॥
देवीं खड्गप्रहारैस्तु ते तां हन्तुं प्रचक्रमुः।
सापि देवी ततस्तानि शस्त्राण्यस्त्राणि चण्डिका ॥49॥
लील यैव प्रचिच्छेद निजशस्त्रास्त्रवर्षिणी।
अनायस्तानना देवी स्तूयमाना सुरर्षिभिः ॥50॥
मुमोचासुरदेहेषु शस्त्राण्यस्त्राणि चेश्वरी।
सोऽपि क्रुद्धो धुतसटो देव्या वाहनकेसरी ॥51॥
चचारासुर सैन्येषु वनेष्विव हुताशनः।
निःश्वासान् मुमुचेयांश्च युध्यमानारणेऽम्बिका॥52॥
त एव सध्यसम्भूता गणाः शतसहस्रशः।
युयुधुस्ते परशुभिर्भिन्दिपालासिपट्टिशैः ॥53॥
नाशयन्तोऽअसुरगणान् देवीशक्त्युपबृंहिताः।
अवादयन्ता पटहान् गणाः शङां स्तथापरे॥54॥
मृदङ्गांश्च तथैवान्ये तस्मिन्युद्ध महोत्सवे।
ततोदेवी त्रिशूलेन गदया शक्तिवृष्टिभिः॥55॥
खड्गादिभिश्च शतशो निजघान महासुरान्।
पातयामास चैवान्यान् घण्टास्वनविमोहितान् ॥56॥
असुरान् भुविपाशेन बध्वाचान्यानकर्षयत्।
केचिद् द्विधाकृता स्तीक्ष्णैः खड्गपातैस्तथापरे॥57॥
विपोथिता निपातेन गदया भुवि शेरते।
वेमुश्च केचिद्रुधिरं मुसलेन भृशं हताः ॥58॥
केचिन्निपतिता भूमौ भिन्नाः शूलेन वक्षसि।
निरन्तराः शरौघेन कृताः केचिद्रणाजिरे ॥59॥
शल्यानुकारिणः प्राणान् ममुचुस्त्रिदशार्दनाः।
केषाञ्चिद्बाहवश्चिन्नाश्चिन्नग्रीवास्तथापरे ॥60॥
शिरांसि पेतुरन्येषां अन्ये मध्ये विदारिताः।
विच्छिन्नजज्घास्वपरे पेतुरुर्व्यां महासुराः ॥61॥
एकबाह्वक्षिचरणाः केचिद्देव्या द्विधाकृताः।
छिन्नेपि चान्ये शिरसि पतिताः पुनरुत्थिताः ॥62॥
कबन्धा युयुधुर्देव्या गृहीतपरमायुधाः।
ननृतुश्चापरे तत्र युद्दे तूर्यलयाश्रिताः ॥63॥
कबन्धाश्चिन्नशिरसः खड्गशक्य्तृष्टिपाणयः।
तिष्ठ तिष्ठेति भाषन्तो देवी मन्ये महासुराः ॥64॥
पातितै रथनागाश्वैः आसुरैश्च वसुन्धरा।
अगम्या साभवत्तत्र यत्राभूत् स महारणः ॥65॥
शोणितौघा महानद्यस्सद्यस्तत्र विसुस्रुवुः।
मध्ये चासुरसैन्यस्य वारणासुरवाजिनाम् ॥66॥
क्षणेन तन्महासैन्यमसुराणां तथाऽम्बिका।
निन्ये क्षयं यथा वह्निस्तृणदारु महाचयम् ॥67॥
सच सिंहो महानादमुत्सृजन् धुतकेसरः।
शरीरेभ्योऽमरारीणामसूनिव विचिन्वति ॥68॥
देव्या गणैश्च तैस्तत्र कृतं युद्धं तथासुरैः।
यथैषां तुष्टुवुर्देवाः पुष्पवृष्टिमुचो दिवि ॥69॥
जय जय श्री मार्कण्डेय पुराणे सावर्निके मन्वन्तरे देवि महत्म्ये महिषासुरसैन्यवधो नाम द्वितीयोऽध्यायः॥
आहुति
ॐ ह्रीं साङ्गायै सायुधायै सशक्तिकायै सपरिवारायै सवाहनायै अष्टाविंशति वर्णात्मिकायै लक्श्मी बीजादिष्टायै महाहुतिं समर्पयामि नमः स्वाहा ।