phalaśrutirnāma dvādaśo'dhyāyaḥ ||
dhyānaṃ
vidhyuddhāma samaprabhāṃ mṛgapati skandha sthitāṃ bhīṣaṇāṃ|
kanyābhiḥ karavāla kheṭa vilasaddastābhi rāsevitāṃ
hastaiścakra gadhāsi kheṭa viśikhāṃ guṇaṃ tarjanīṃ
vibhrāṇa manalātmikāṃ śiśidharāṃ durgāṃ trinetrāṃ bhaje
Verse 1
devyuvāca||1||
ebhiḥ stavaiśca mā nityaṃ stoṣyate yaḥ samāhitaḥ|
Verse 2
tasyāhaṃ sakalāṃ bādhāṃ nāśayiṣyāmya saṃśayam ||2||
madhukaiṭabhanāśaṃ ca mahiṣāsuraghātanam|
Verse 3
kīrtiyiṣyanti ye ta dvadvadhaṃ śumbhaniśumbhayoḥ ||3||
aṣṭamyāṃ ca caturdhaśyāṃ navamyāṃ caikacetasaḥ|
Verse 4
śroṣyanti caiva ye bhaktyā mama māhātmyamuttamam ||4||
na teṣāṃ duṣkṛtaṃ kiñcid duṣkṛtotthā na cāpadaḥ|
Verse 5
bhaviṣyati na dāridryaṃ na cai veṣṭaviyojanam ||5||
śatrubhyo na bhayaṃ tasya dasyuto vā na rājataḥ|
Verse 6
na śastrānalato yaughāt kadācit sambhaviṣyati ||6||
tasmānmamaitanmāhatmyaṃ paṭhitavyaṃ samāhitaiḥ|
Verse 7
śrotavyaṃ ca sadā bhaktyā paraṃ svastyayanaṃ hi tat ||7||
upa sargāna śeṣāṃstu mahāmārī samudbhavān|
Verse 8
tathā trividha mutpātaṃ māhātmyaṃ śamayenmama ||8||
yatraita tpaṭhyate samyaṅnityamāyatane mama|
Verse 9
sadā na tadvimokṣyāmi sānnidhyaṃ tatra mesthitam ||9||
bali pradāne pūjāyāmagni kārye mahotsave|
Verse 10
sarvaṃ mamaitanmāhātmyaṃ uccāryaṃ śrāvyamevaca ||10||
jānatājānatā vāpi bali pūjāṃ tathā kṛtām|
Verse 11
pratīkṣiṣyāmyahaṃ prītyā vahni homaṃ tathā kṛtam ||11||
śaratkāle mahāpūjā kriyate yāca vārṣikī|
Verse 12
tasyāṃ mamaitanmāhātmyaṃ śrutvā bhaktisamanvitaḥ ||12||
sarvabādhāvinirmukto dhanadhānyasamanvitaḥ|
Verse 13
manuṣyo matprasādena bhaviṣyati na saṃśayaḥ||13||
śrutvā mamaitanmāhātmyaṃ tathā cotpattayaḥ śubhāḥ|
Verse 14
parākramaṃ ca yuddheṣu jāyate nirbhayaḥ pumān||14||
ripavaḥ saṅkṣayaṃ yānti kalyāṇāṃ copapadhyate|
Verse 15
nandate ca kulaṃ puṃsāṃ mahātmyaṃ mamaśṛṇvatām||15||
śāntikarmāṇi sarvatra tathā duḥsvapnadarśane|
Verse 16
grahapīḍāsu cogrāsu mahātmyaṃ śṛṇuyānmama||16||
upasargāḥ śamaṃ yānti grahapīḍāśca dāruṇāḥ
Verse 17
duḥsvapnaṃ ca nṛbhirdṛṣṭaṃ susvapnamupajāyate||17||
bālagrahābhibhūtānaṃ bālānāṃ śāntikārakam|
Verse 18
saṅghātabhede ca nṛṇāṃ maitrīkaraṇamuttamam||18||
durvṛttānāmaśeṣāṇāṃ balahānikaraṃ param|
Verse 19
rakṣobhūtapiśācānāṃ paṭhanādeva nāśanam||19||
sarvaṃ mamaitanmāhātmyaṃ mama sannidhikārakam|
Verse 20
paśupuṣpārghyadhūpaiśca gandhadīpaistathottamaiḥ||20||
viprāṇāṃ bhojanairhomaiḥ pròkṣaṇīyairaharniśam|
Verse 21
anyaiśca vividhairbhogaiḥ pradānairvatsareṇa yā||21||
prītirme kriyate sāsmin sakṛduccarite śrute|
Verse 22
śrutaṃ harati pāpāni tathārogyaṃ prayacchati||22||
rakṣāṃ karoti bhūtebhyo janmanāṃ kīrtinaṃ mama|
Verse 23
yuddeṣu caritaṃ yanme duṣṭa daitya nibarhaṇam||23||
tasmiñchṛte vairikṛtaṃ bhayaṃ puṃsāṃ na jāyate|
Verse 24
yuṣmābhiḥ stutayo yāśca yāśca brahmarṣibhiḥ kṛtāḥ||24||
brahmaṇā ca kṛtāstāstu prayacchantu śubhāṃ matim|
Verse 25
araṇye prāntare vāpi dāvāgni parivāritaḥ||25||
dasyubhirvā vṛtaḥ śūnye gṛhīto vāpi śatṛbhiḥ|
Verse 26
siṃhavyāghrānuyāto vā vanevā vana hastibhiḥ||26||
rājñā kruddena cājñapto vadhyo banda gato'pivā|
Verse 27
āghūrṇito vā vātena sthitaḥ pote mahārṇave||27||
patatsu cāpi śastreṣu saṅgrāme bhṛśadāruṇe|
Verse 28
sarvābādhāśu ghorāsu vedanābhyardito'pivā||28||
smaran mamaitaccaritaṃ naro mucyeta saṅkaṭāt|
Verse 29
mama prabhāvātsiṃhādyā dasyavo vairiṇa stathā||29||
Verse 30
dūrādeva palāyante smarataścaritaṃ mama||30||
Verse 31
ṛṣiruvāca||31||
ityuktvā sā bhagavatī caṇḍikā caṇḍavikramā|
Verse 32
paśyatāṃ sarva devānāṃ tatraivāntaradhīyata||32||
te'pi devā nirātaṅkāḥ svādhikārānyathā purā|
Verse 33
yajñabhāgabhujaḥ sarve cakrurvi nihatārayaḥ||33||
daityāśca devyā nihate śumbhe devaripa'u yudhi
Verse 34
jagadvidhvaṃsake tasmin mahogre'tula vikrame||34||
Verse 35
niśumbhe ca mahāvīrye śeṣāḥ pātālamāyayuḥ||35||
evaṃ bhagavatī devī sā nityāpi punaḥ punaḥ|
Verse 36
sambhūya kurute bhūpa jagataḥ paripālanam||36||
tayaitanmohyate viśvaṃ saiva viśvaṃ prasūyate|
Verse 37
sāyācitā ca vijñānaṃ tuṣṭā ṛddhiṃ prayacchati||37||
vyāptaṃ tayaitatsakalaṃ brahmāṇḍaṃ manujeśvara|
Verse 38
mahādevyā mahākālī mahāmārī svarūpayā||38||
saiva kāle mahāmārī saiva sṛṣtirbhavatyajā|
Verse 39
sthitiṃ karoti bhūtānāṃ saiva kāle sanātanī||39||
bhavakāle nṛṇāṃ saiva lakṣmīrvṛddhipradā gṛhe|
Verse 40
saivābhāve tathā lakṣmī rvināśāyopajāyate||40||
stutā sampūjitā puṣpairgandhadhūpādibhistathā|
Verse 41
dadāti vittaṃ putrāṃśca matiṃ dharme gatiṃ śubhāṃ||41||
|| iti śrī mārkaṇḍeya purāṇe sāvarnike manvantare devī mahatmye phalaśrutirnāma dvādaśo'dhyāya samāptam ||
āhuti
oṃ klīṃ jayantī sāṅgāyai saśaktikāyai saparivārāyai savāhanāyai varapradhāyai vaiṣṇavī devyai ahāhutiṃ samarpayāmi namaḥ svāhā ||
Sanskrit — Devanagari (original)
फलश्रुतिर्नाम द्वादशोऽध्यायः ॥
ध्यानं
विध्युद्धाम समप्रभां मृगपति स्कन्ध स्थितां भीषणां।
कन्याभिः करवाल खेट विलसद्दस्ताभि रासेवितां
हस्तैश्चक्र गधासि खेट विशिखां गुणं तर्जनीं
विभ्राण मनलात्मिकां शिशिधरां दुर्गां त्रिनेत्रां भजे
देव्युवाच॥1॥
एभिः स्तवैश्च मा नित्यं स्तोष्यते यः समाहितः।
तस्याहं सकलां बाधां नाशयिष्याम्य संशयम् ॥2॥
मधुकैटभनाशं च महिषासुरघातनम्।
कीर्तियिष्यन्ति ये त द्वद्वधं शुम्भनिशुम्भयोः ॥3॥
अष्टम्यां च चतुर्धश्यां नवम्यां चैकचेतसः।
श्रोष्यन्ति चैव ये भक्त्या मम माहात्म्यमुत्तमम् ॥4॥
न तेषां दुष्कृतं किञ्चिद् दुष्कृतोत्था न चापदः।
भविष्यति न दारिद्र्यं न चै वेष्टवियोजनम् ॥5॥
शत्रुभ्यो न भयं तस्य दस्युतो वा न राजतः।
न शस्त्रानलतो यौघात् कदाचित् सम्भविष्यति ॥6॥
तस्मान्ममैतन्माहत्म्यं पठितव्यं समाहितैः।
श्रोतव्यं च सदा भक्त्या परं स्वस्त्ययनं हि तत् ॥7॥
उप सर्गान शेषांस्तु महामारी समुद्भवान्।
तथा त्रिविध मुत्पातं माहात्म्यं शमयेन्मम ॥8॥
यत्रैत त्पठ्यते सम्यङ्नित्यमायतने मम।
सदा न तद्विमोक्ष्यामि सान्निध्यं तत्र मेस्थितम् ॥9॥
बलि प्रदाने पूजायामग्नि कार्ये महोत्सवे।
सर्वं ममैतन्माहात्म्यं उच्चार्यं श्राव्यमेवच ॥10॥
जानताजानता वापि बलि पूजां तथा कृताम्।
प्रतीक्षिष्याम्यहं प्रीत्या वह्नि होमं तथा कृतम् ॥11॥
शरत्काले महापूजा क्रियते याच वार्षिकी।
तस्यां ममैतन्माहात्म्यं श्रुत्वा भक्तिसमन्वितः ॥12॥
सर्वबाधाविनिर्मुक्तो धनधान्यसमन्वितः।
मनुष्यो मत्प्रसादेन भविष्यति न संशयः॥13॥
श्रुत्वा ममैतन्माहात्म्यं तथा चोत्पत्तयः शुभाः।
पराक्रमं च युद्धेषु जायते निर्भयः पुमान्॥14॥
रिपवः सङ्क्षयं यान्ति कल्याणां चोपपध्यते।
नन्दते च कुलं पुंसां महात्म्यं ममशृण्वताम्॥15॥
शान्तिकर्माणि सर्वत्र तथा दुःस्वप्नदर्शने।
ग्रहपीडासु चोग्रासु महात्म्यं शृणुयान्मम॥16॥
उपसर्गाः शमं यान्ति ग्रहपीडाश्च दारुणाः
दुःस्वप्नं च नृभिर्दृष्टं सुस्वप्नमुपजायते॥17॥
बालग्रहाभिभूतानं बालानां शान्तिकारकम्।
सङ्घातभेदे च नृणां मैत्रीकरणमुत्तमम्॥18॥
दुर्वृत्तानामशेषाणां बलहानिकरं परम्।
रक्षोभूतपिशाचानां पठनादेव नाशनम्॥19॥
सर्वं ममैतन्माहात्म्यं मम सन्निधिकारकम्।
पशुपुष्पार्घ्यधूपैश्च गन्धदीपैस्तथोत्तमैः॥20॥
विप्राणां भोजनैर्होमैः प्रॊक्षणीयैरहर्निशम्।
अन्यैश्च विविधैर्भोगैः प्रदानैर्वत्सरेण या॥21॥
प्रीतिर्मे क्रियते सास्मिन् सकृदुच्चरिते श्रुते।
श्रुतं हरति पापानि तथारोग्यं प्रयच्छति॥22॥
रक्षां करोति भूतेभ्यो जन्मनां कीर्तिनं मम।
युद्देषु चरितं यन्मे दुष्ट दैत्य निबर्हणम्॥23॥
तस्मिञ्छृते वैरिकृतं भयं पुंसां न जायते।
युष्माभिः स्तुतयो याश्च याश्च ब्रह्मर्षिभिः कृताः॥24॥
ब्रह्मणा च कृतास्तास्तु प्रयच्छन्तु शुभां मतिम्।
अरण्ये प्रान्तरे वापि दावाग्नि परिवारितः॥25॥
दस्युभिर्वा वृतः शून्ये गृहीतो वापि शतृभिः।
सिंहव्याघ्रानुयातो वा वनेवा वन हस्तिभिः॥26॥
राज्ञा क्रुद्देन चाज्ञप्तो वध्यो बन्द गतोऽपिवा।
आघूर्णितो वा वातेन स्थितः पोते महार्णवे॥27॥
पतत्सु चापि शस्त्रेषु सङ्ग्रामे भृशदारुणे।
सर्वाबाधाशु घोरासु वेदनाभ्यर्दितोऽपिवा॥28॥
स्मरन् ममैतच्चरितं नरो मुच्येत सङ्कटात्।
मम प्रभावात्सिंहाद्या दस्यवो वैरिण स्तथा॥29॥
दूरादेव पलायन्ते स्मरतश्चरितं मम॥30॥
ऋषिरुवाच॥31॥
इत्युक्त्वा सा भगवती चण्डिका चण्डविक्रमा।
पश्यतां सर्व देवानां तत्रैवान्तरधीयत॥32॥
तेऽपि देवा निरातङ्काः स्वाधिकारान्यथा पुरा।
यज्ञभागभुजः सर्वे चक्रुर्वि निहतारयः॥33॥
दैत्याश्च देव्या निहते शुम्भे देवरिपऽउ युधि
जगद्विध्वंसके तस्मिन् महोग्रेऽतुल विक्रमे॥34॥
निशुम्भे च महावीर्ये शेषाः पातालमाययुः॥35॥
एवं भगवती देवी सा नित्यापि पुनः पुनः।
सम्भूय कुरुते भूप जगतः परिपालनम्॥36॥
तयैतन्मोह्यते विश्वं सैव विश्वं प्रसूयते।
सायाचिता च विज्ञानं तुष्टा ऋद्धिं प्रयच्छति॥37॥
व्याप्तं तयैतत्सकलं ब्रह्माण्डं मनुजेश्वर।
महादेव्या महाकाली महामारी स्वरूपया॥38॥
सैव काले महामारी सैव सृष्तिर्भवत्यजा।
स्थितिं करोति भूतानां सैव काले सनातनी॥39॥
भवकाले नृणां सैव लक्ष्मीर्वृद्धिप्रदा गृहे।
सैवाभावे तथा लक्ष्मी र्विनाशायोपजायते॥40॥
स्तुता सम्पूजिता पुष्पैर्गन्धधूपादिभिस्तथा।
ददाति वित्तं पुत्रांश्च मतिं धर्मे गतिं शुभां॥41॥
॥ इति श्री मार्कण्डेय पुराणे सावर्निके मन्वन्तरे देवी महत्म्ये फलश्रुतिर्नाम द्वादशोऽध्याय समाप्तम् ॥
आहुति
ॐ क्लीं जयन्ती साङ्गायै सशक्तिकायै सपरिवारायै सवाहनायै वरप्रधायै वैष्णवी देव्यै अहाहुतिं समर्पयामि नमः स्वाहा ॥