కదాచిత్-కాలిన్దీ తటవిపిన సఙ్గీతకరవో
ముదాభీరీ నారీవదన కమలాస్వాదమధుపః ।
రమా శమ్భు బ్రహ్మామరపతి గణేశార్చిత పదో
జగన్నాథః స్వామీ నయనపథగామీ భవతు మే ॥ 1 ॥
భుజే సవ్యే వేణుం శిరసి శిఖిపిఞ్ఛం కటితటే
దుకూలం నేత్రాన్తే సహచరకటాక్షం విదధతే ।
సదా శ్రీమద్వృన్దావనవసతిలీలాపరిచయో
జగన్నాథః స్వామీ నయనపథగామీ భవతు మే ॥ 2 ॥
మహామ్భోధేస్తీరే కనకరుచిరే నీలశిఖరే
వసన్ ప్రాసాదాన్తస్సహజ బలభద్రేణ బలినా ।
సుభద్రా మధ్యస్థస్సకలసుర సేవావసరదో
జగన్నాథః స్వామీ నయనపథగామీ భవతు మే ॥ 3 ॥
కృపా పారావారాస్సజల జలద శ్రేణిరుచిరో
రమావాణీ రామస్ఫురదమల పఙ్కెరుహముఖః ।
సురేన్ద్రైరారాధ్యః శ్రుతిగణశిఖా గీత చరితో
జగన్నాథః స్వామీ నయనపథగామీ భవతు మే ॥ 4 ॥
రథారూఢో గచ్ఛన్ పథి మిలిత భూదేవపటలైః
స్తుతి ప్రాదుర్భావం ప్రతిపదముపాకర్ణ్య సదయః ।
దయాసిన్ధుర్బన్ధుస్సకల జగతా సిన్ధుసుతయా
జగన్నాథః స్వామీ నయనపథగామీ భవతు మే ॥ 5 ॥
పరబ్రహ్మాపీడః కువలయ-దలోత్ఫుల్లనయనో
నివాసీ నీలాద్రౌ నిహిత-చరణోఽనన్త-శిరసి ।
రసానన్దో రాధా-సరస-వపురాలిఙ్గన-సఖో
జగన్నాథః స్వామీ నయనపథగామీ భవతు మే ॥ 6 ॥
న వై యాచే రాజ్యం న చ కనక మాణిక్య విభవం
న యాచేఽహం రమ్యాం నిఖిలజన-కామ్యాం వరవధూమ్ ।
సదా కాలే కాలే ప్రమథ-పతినా గీతచరితో
జగన్నాథః స్వామీ నయనపథగామీ భవతు మే ॥ 7 ॥
హర త్వం సంసారం ద్రుతతరమసారం సురపతే
హర త్వం పాపానాం వితతిమపరాం యాదవపతే ।
అహో దీనోఽనాథే నిహితచరణో నిశ్చితమిదం
జగన్నాథః స్వామీ నయనపథగామీ భవతు మే ॥ 8 ॥
జగన్నాథాష్టకం పుణ్యం యః పఠేత్ ప్రయతః శుచిః ।
సర్వపాప విశుద్ధాత్మా విష్ణులోకం స గచ్ఛతి ॥
ఇతి శ్రీమద్ శఙ్కరాచార్యవిరచితం జగన్నాథాష్టకం సమ్పూర్ణం॥
Roman (IAST) Transliteration
kadācit-kālindī taṭavipina saṅgītakaravo
mudābhīrī nārīvadana kamalāsvādamadhupaḥ |
ramā śambhu brahmāmarapati gaṇeśārcita pado
jagannāthaḥ svāmī nayanapathagāmī bhavatu me || 1 ||
bhuje savye veṇuṃ śirasi śikhipiñchaṃ kaṭitaṭe
dukūlaṃ netrānte sahacarakaṭākṣaṃ vidadhate |
sadā śrīmadvṛndāvanavasatilīlāparicayo
jagannāthaḥ svāmī nayanapathagāmī bhavatu me || 2 ||
mahāmbhodhestīre kanakarucire nīlaśikhare
vasan prāsādāntassahaja balabhadreṇa balinā |
subhadrā madhyasthassakalasura sevāvasarado
jagannāthaḥ svāmī nayanapathagāmī bhavatu me || 3 ||
kṛpā pārāvārāssajala jalada śreṇiruciro
ramāvāṇī rāmasphuradamala paṅkèruhamukhaḥ |
surendrairārādhyaḥ śrutigaṇaśikhā gīta carito
jagannāthaḥ svāmī nayanapathagāmī bhavatu me || 4 ||
rathārūḍho gacchan pathi milita bhūdevapaṭalaiḥ
stuti prādurbhāvaṃ pratipadamupākarṇya sadayaḥ |
dayāsindhurbandhussakala jagatā sindhusutayā
jagannāthaḥ svāmī nayanapathagāmī bhavatu me || 5 ||
parabrahmāpīḍaḥ kuvalaya-dalotphullanayano
nivāsī nīlādrau nihita-caraṇo'nanta-śirasi |
rasānando rādhā-sarasa-vapurāliṅgana-sakho
jagannāthaḥ svāmī nayanapathagāmī bhavatu me || 6 ||
na vai yāce rājyaṃ na ca kanaka māṇikya vibhavaṃ
na yāce'haṃ ramyāṃ nikhilajana-kāmyāṃ varavadhūm |
sadā kāle kāle pramatha-patinā gītacarito
jagannāthaḥ svāmī nayanapathagāmī bhavatu me || 7 ||
hara tvaṃ saṃsāraṃ drutataramasāraṃ surapate
hara tvaṃ pāpānāṃ vitatimaparāṃ yādavapate |
aho dīno'nāthe nihitacaraṇo niścitamidaṃ
jagannāthaḥ svāmī nayanapathagāmī bhavatu me || 8 ||
jagannāthāṣṭakaṃ puṇyaṃ yaḥ paṭhet prayataḥ śuciḥ |
sarvapāpa viśuddhātmā viṣṇulokaṃ sa gacchati ||
iti śrīmad śaṅkarācāryaviracitaṃ jagannāthāṣṭakaṃ sampūrṇaṃ||
Sanskrit — Devanagari (original)
कदाचित्-कालिन्दी तटविपिन सङ्गीतकरवो
मुदाभीरी नारीवदन कमलास्वादमधुपः ।
रमा शम्भु ब्रह्मामरपति गणेशार्चित पदो
जगन्नाथः स्वामी नयनपथगामी भवतु मे ॥ 1 ॥
भुजे सव्ये वेणुं शिरसि शिखिपिञ्छं कटितटे
दुकूलं नेत्रान्ते सहचरकटाक्षं विदधते ।
सदा श्रीमद्वृन्दावनवसतिलीलापरिचयो
जगन्नाथः स्वामी नयनपथगामी भवतु मे ॥ 2 ॥
महाम्भोधेस्तीरे कनकरुचिरे नीलशिखरे
वसन् प्रासादान्तस्सहज बलभद्रेण बलिना ।
सुभद्रा मध्यस्थस्सकलसुर सेवावसरदो
जगन्नाथः स्वामी नयनपथगामी भवतु मे ॥ 3 ॥
कृपा पारावारास्सजल जलद श्रेणिरुचिरो
रमावाणी रामस्फुरदमल पङ्कॆरुहमुखः ।
सुरेन्द्रैराराध्यः श्रुतिगणशिखा गीत चरितो
जगन्नाथः स्वामी नयनपथगामी भवतु मे ॥ 4 ॥
रथारूढो गच्छन् पथि मिलित भूदेवपटलैः
स्तुति प्रादुर्भावं प्रतिपदमुपाकर्ण्य सदयः ।
दयासिन्धुर्बन्धुस्सकल जगता सिन्धुसुतया
जगन्नाथः स्वामी नयनपथगामी भवतु मे ॥ 5 ॥
परब्रह्मापीडः कुवलय-दलोत्फुल्लनयनो
निवासी नीलाद्रौ निहित-चरणोऽनन्त-शिरसि ।
रसानन्दो राधा-सरस-वपुरालिङ्गन-सखो
जगन्नाथः स्वामी नयनपथगामी भवतु मे ॥ 6 ॥
न वै याचे राज्यं न च कनक माणिक्य विभवं
न याचेऽहं रम्यां निखिलजन-काम्यां वरवधूम् ।
सदा काले काले प्रमथ-पतिना गीतचरितो
जगन्नाथः स्वामी नयनपथगामी भवतु मे ॥ 7 ॥
हर त्वं संसारं द्रुततरमसारं सुरपते
हर त्वं पापानां विततिमपरां यादवपते ।
अहो दीनोऽनाथे निहितचरणो निश्चितमिदं
जगन्नाथः स्वामी नयनपथगामी भवतु मे ॥ 8 ॥
जगन्नाथाष्टकं पुण्यं यः पठेत् प्रयतः शुचिः ।
सर्वपाप विशुद्धात्मा विष्णुलोकं स गच्छति ॥
इति श्रीमद् शङ्कराचार्यविरचितं जगन्नाथाष्टकं सम्पूर्णं॥
kadācit-kālindī taṭavipina saṅgītakaravo
mudābhīrī nārīvadana kamalāsvādamadhupaḥ |
ramā śambhu brahmāmarapati gaṇeśārcita pado
jagannāthaḥ svāmī nayanapathagāmī bhavatu me || 1 ||
bhuje savye veṇuṃ śirasi śikhipiñchaṃ kaṭitaṭe
dukūlaṃ netrānte sahacarakaṭākṣaṃ vidadhate |
sadā śrīmadvṛndāvanavasatilīlāparicayo
jagannāthaḥ svāmī nayanapathagāmī bhavatu me || 2 ||
mahāmbhodhestīre kanakarucire nīlaśikhare
vasan prāsādāntassahaja balabhadreṇa balinā |
subhadrā madhyasthassakalasura sevāvasarado
jagannāthaḥ svāmī nayanapathagāmī bhavatu me || 3 ||
kṛpā pārāvārāssajala jalada śreṇiruciro
ramāvāṇī rāmasphuradamala paṅkèruhamukhaḥ |
surendrairārādhyaḥ śrutigaṇaśikhā gīta carito
jagannāthaḥ svāmī nayanapathagāmī bhavatu me || 4 ||
rathārūḍho gacchan pathi milita bhūdevapaṭalaiḥ
stuti prādurbhāvaṃ pratipadamupākarṇya sadayaḥ |
dayāsindhurbandhussakala jagatā sindhusutayā
jagannāthaḥ svāmī nayanapathagāmī bhavatu me || 5 ||
parabrahmāpīḍaḥ kuvalaya-dalotphullanayano
nivāsī nīlādrau nihita-caraṇo'nanta-śirasi |
rasānando rādhā-sarasa-vapurāliṅgana-sakho
jagannāthaḥ svāmī nayanapathagāmī bhavatu me || 6 ||
na vai yāce rājyaṃ na ca kanaka māṇikya vibhavaṃ
na yāce'haṃ ramyāṃ nikhilajana-kāmyāṃ varavadhūm |
sadā kāle kāle pramatha-patinā gītacarito
jagannāthaḥ svāmī nayanapathagāmī bhavatu me || 7 ||
hara tvaṃ saṃsāraṃ drutataramasāraṃ surapate
hara tvaṃ pāpānāṃ vitatimaparāṃ yādavapate |
aho dīno'nāthe nihitacaraṇo niścitamidaṃ
jagannāthaḥ svāmī nayanapathagāmī bhavatu me || 8 ||
jagannāthāṣṭakaṃ puṇyaṃ yaḥ paṭhet prayataḥ śuciḥ |
sarvapāpa viśuddhātmā viṣṇulokaṃ sa gacchati ||
iti śrīmad śaṅkarācāryaviracitaṃ jagannāthāṣṭakaṃ sampūrṇaṃ||
🕉️ This is the original Sanskrit rendered in Telugu script.
Pronunciation is identical to the Sanskrit Devanagari version.