ஶ்ரீமத்வால்மீகீய ராமாயணே அரண்யகாண்டம் ।
அத விம்ஶஸ்ஸர்கஃ ।
ததஶ்ஶூர்பணகா கோரா ராகவாஶ்ரமமாகதா ।
ராக்ஷஸாநாசசக்ஷே தௌ ப்ராதரௌ ஸஹ ஸீதயா ॥ 1 ॥
தே ராமம் பர்ணஶாலாயாமுபவிஷ்டம் மஹாபலம் ।
தத்ரு'ஶுஸ்ஸீதயா ஸார்தம் வைதேஹ்யா லக்ஷ்மணேந ச ॥ 2 ॥
தாந்த்ரு'ஷ்ட்வா ராகவஶ்ஶ்ரீமாநாகதாம்ஸ்தாம் ச ராக்ஷஸீம் ।
அப்ரவீத்ப்ராதரம் ராமோ லக்ஷ்மணம் தீப்ததேஜஸம் ॥ 3 ॥
முஹூர்தம் பவ ஸௌமித்ரே ஸீதாயாஃ ப்ரத்யநந்தரஃ ।
இமாநஸ்யா வதிஷ்யாமி பதவீமாகதாநிஹ ॥ 4 ॥
வாக்யமேதத்ததஶ்ஶ்ருத்வா ராமஸ்ய விதிதாத்மநஃ ।
ததேதி லக்ஷ்மணோ வாக்யம் ராமஸ்ய ப்ரத்யபூஜயத் ॥ 5 ॥
ராகவோऽபி மஹச்சாபம் சாமீகரவிபூஷிதம் ।
சகார ஸஜ்யம் தர்மாத்மா தாநி ரக்ஷாம்ஸி சாப்ரவீத் ॥ 6 ॥
புத்ரௌ தஶரதஸ்யாவாம் ப்ராதரௌ ராமலக்ஷ்மணௌ ।
ப்ரவிஷ்டௌ ஸீதயா ஸார்தம் துஶ்சரம் தண்டகாவநம் ॥ 7 ॥
பலமூலாஶநௌ தாந்தௌ தாபஸௌ தர்மசாரிணௌ ।
வஸந்தௌ தண்டகாரண்யே கிமர்தமுபஹிம்ஸத ॥ 8 ॥
யுஷ்மாந்பாபாத்மகாந்ஹந்தும் விப்ரகாராந்மஹாஹவே ।
ரு'ஷீணாம் து நியோகேந ப்ராப்தோऽஹம் ஸஶராயுதஃ ॥ 9 ॥
திஷ்டதைவாத்ர ஸந்துஷ்டா நோபாவர்திதுமர்ஹத ।
யதி ப்ராணைரிஹார்தோ வா நிவர்தத்வம் நிஶாசராஃ ॥ 10 ॥
தஸ்ய தத்வசநம் ஶ்ருத்வா ராக்ஷஸாஸ்தே சதுர்தஶ ।
ஊசுர்வாசம் ஸுஸங்க்ருத்தா ப்ரஹ்மக்நாஶ்ஶூலபாணயஃ ॥ 11 ॥
க்ரோதமுத்பாத்ய நோ பர்துஃ கரஸ்ய ஸுமஹாத்மநஃ ।
த்வமேவ ஹாஸ்யஸே ப்ராணாநத்யாஸ்மாபிர்ஹதோ யுதி ॥ 12 ॥
கா ஹி தே ஶக்திரேகஸ்ய பஹூநாம் ரணமூர்தநீ ।
அஸ்மாகமக்ரதஃ ஸ்தாதும் கிம் புநர்யோத்துமாஹவே ॥ 13 ॥
ஏஹி பாஹுப்ரயுக்தைர்நஃ பரிகைஶ்ஶூலபட்டிஸைஃ ।
ப்ராணாம்ஸ்த்யக்ஷஸி வீர்யம் ச தநுஶ்ச கரபீடிதம் ॥ 14 ॥
இத்யேவமுக்த்வா ஸங்க்ரு'த்தா ராக்ஷஸாஸ்தே சதுர்தஶ ।
சிக்ஷிபுஸ்தாநி ஶூலாநி ராகவம் ப்ரதி துர்ஜயம் ॥ 15 ॥
தாநி ஶூலாநி காகுத்ஸ்தஸ்ஸமஸ்தாநி சதுர்தஶ ।
தாவத்பிரேவ சிச்சேத ஶரைஃ காஞ்சநபூஷணைஃ ॥ 16 ॥
ததஃ பஶ்சாந்மஹாதேஜா நாராசாந்ஸூர்யஸந்நிபாந் ।
ஜக்ராஹ பரமக்ருத்தஶ்சதுர்தஶ ஶிலாஶிதாந் ॥ 17 ॥
க்ரு'ஹீத்வா தநுராயம்ய லக்ஷ்யாநுத்திஶ்ய ராக்ஷஸாந் ।
முமோச ராகவோ பாணாந்வஜ்ராநிவ ஶதக்ரதுஃ ॥ 18 ॥
ருக்மபுங்காஶ்ச விஶிகா தீப்தா ஹேமவிபூஷிதாஃ ।
தே பித்த்வா ரக்ஷஸாம் வேகாத்வக்ஷாம்ஸி ருதிராப்லுதாஃ ॥ 19 ॥
விநிஷ்பேதுஸ்ததா பூமௌ ந்யமஜ்ஜந்தாஶநிஸ்வநாஃ ।
தே பிந்நஹ்ரு'தயா பூமௌ சிந்நமூலா இவ த்ருமாஃ ॥ 20 ॥
நிபேதுஶ்ஶோணிதார்த்ராங்கா விக்ரு'தா விகதாஸவஃ ।
தாந் த்ரு'ஷ்ட்வா பதிதாந்பூமௌ ராக்ஷஸீ க்ரோதமூர்சிதா ॥ 21 ॥
பரித்ரஸ்தா புநஸ்தத்ர வ்யஸ்ரு'ஜத்பைரவஸ்வநாந் ।
உபகம்ய கரம் ஸா து கிஞ்சித்ஸம்ஶுஷ்கஶோணிதா ॥ 22 ॥
பபாத புநரேவார்தா ஸநிர்யாஸேவ ஸல்லகீ ।
பபாத புநரேவார்தா ஸநிர்யாஸேவ ஸல்லகீ ॥ 23 ॥
ப்ராதுஸ்ஸமீபே ஶோகார்தா ஸஸர்ஜ நிநதம் முஹுஃ ॥ 24 ॥
ஸஸ்வரம் முமுசே பாஷ்பம் விஷண்ணவதநா ததா ।
நிபாதிதாந் த்ரு'ஶ்ய ரணே து ராக்ஷஸாந் ப்ரதாவிதா ஶூர்பணகா புநஸ்ததஃ ।
வதம் ச தேஷாம் நிகிலேந ரக்ஷஸாம் ஶஶம்ஸ ஸர்வம் பகிநீ கரஸ்ய ஸா ॥ 25 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே அரண்யகாண்டே விம்ஶஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe araṇyakāṇḍam |
atha viṃśassargaḥ |
tataśśūrpaṇakhā ghorā rāghavāśramamāgatā |
rākṣasānācacakṣe tau bhrātarau saha sītayā || 1 ||
te rāmaṃ parṇaśālāyāmupaviṣṭaṃ mahābalam |
dadṛśussītayā sārdhaṃ vaidehyā lakṣmaṇena ca || 2 ||
tāndṛṣṭvā rāghavaśśrīmānāgatāṃstāṃ ca rākṣasīm |
abravīdbhrātaraṃ rāmo lakṣmaṇaṃ dīptatejasam || 3 ||
muhūrtaṃ bhava saumitre sītāyāḥ pratyanantaraḥ |
imānasyā vadhiṣyāmi padavīmāgatāniha || 4 ||
vākyametattataśśrutvā rāmasya viditātmanaḥ |
tatheti lakṣmaṇo vākyaṃ rāmasya pratyapūjayat || 5 ||
rāghavo'pi mahaccāpaṃ cāmīkaravibhūṣitam |
cakāra sajyaṃ dharmātmā tāni rakṣāṃsi cābravīt || 6 ||
putrau daśarathasyāvāṃ bhrātarau rāmalakṣmaṇau |
praviṣṭau sītayā sārdhaṃ duścaraṃ daṇḍakāvanam || 7 ||
phalamūlāśanau dāntau tāpasau dharmacāriṇau |
vasantau daṇḍakāraṇye kimarthamupahiṃsatha || 8 ||
yuṣmānpāpātmakānhantuṃ viprakārānmahāhave |
ṛṣīṇāṃ tu niyogena prāpto'haṃ saśarāyudhaḥ || 9 ||
tiṣṭhataivātra santuṣṭā nopāvartitumarhatha |
yadi prāṇairihārtho vā nivartadhvaṃ niśācarāḥ || 10 ||
tasya tadvacanaṃ śrutvā rākṣasāste caturdaśa |
ūcurvācaṃ susaṅkruddhā brahmaghnāśśūlapāṇayaḥ || 11 ||
krodhamutpādya no bhartuḥ kharasya sumahātmanaḥ |
tvameva hāsyase prāṇānadyāsmābhirhato yudhi || 12 ||
kā hi te śaktirekasya bahūnāṃ raṇamūrdhanī |
asmākamagrataḥ sthātuṃ kiṃ punaryoddumāhave || 13 ||
ehi bāhuprayuktairnaḥ parighaiśśūlapaṭṭisaiḥ |
prāṇāṃstyakṣasi vīryaṃ ca dhanuśca karapīḍitam || 14 ||
ityevamuktvā saṅkṛddhā rākṣasāste caturdaśa |
cikṣipustāni śūlāni rāghavaṃ prati durjayam || 15 ||
tāni śūlāni kākutsthassamastāni caturdaśa |
tāvadbhireva ciccheda śaraiḥ kāñcanabhūṣaṇaiḥ || 16 ||
tataḥ paścānmahātejā nārācānsūryasannibhān |
jagrāha paramakruddhaścaturdaśa śilāśitān || 17 ||
gṛhītvā dhanurāyamya lakṣyānuddiśya rākṣasān |
mumoca rāghavo bāṇānvajrāniva śatakratuḥ || 18 ||
rukmapuṅkhāśca viśikhā dīptā hemavibhūṣitāḥ |
te bhittvā rakṣasāṃ vegādvakṣāṃsi rudhirāplutāḥ || 19 ||
viniṣpetustadā bhūmau nyamajjantāśanisvanāḥ |
te bhinnahṛdayā bhūmau chinnamūlā iva drumāḥ || 20 ||
nipetuśśoṇitārdrāṅgā vikṛtā vigatāsavaḥ |
tān dṛṣṭvā patitānbhūmau rākṣasī krodhamūrchitā || 21 ||
paritrastā punastatra vyasṛjadbhairavasvanān |
upagamya kharaṃ sā tu kiñcitsaṃśuṣkaśoṇitā || 22 ||
papāta punarevārtā saniryāseva sallakī |
papāta punarevārtā saniryāseva sallakī || 23 ||
bhrātussamīpe śokārtā sasarja ninadaṃ muhuḥ || 24 ||
sasvaraṃ mumuce bāṣpaṃ viṣaṇṇavadanā tadā |
nipātitān dṛśya raṇe tu rākṣasān pradhāvitā śūrpaṇakhā punastataḥ |
vadhaṃ ca teṣāṃ nikhilena rakṣasāṃ śaśaṃsa sarvaṃ bhaginī kharasya sā || 25 ||
ityārṣe śrīmadrāmāyaṇe vālmīkīya ādikāvye araṇyakāṇḍe viṃśassargaḥ ||
Sanskrit — Devanagari (original)
श्रीमद्वाल्मीकीय रामायणे अरण्यकाण्डम् ।
अथ विंशस्सर्गः ।
ततश्शूर्पणखा घोरा राघवाश्रममागता ।
राक्षसानाचचक्षे तौ भ्रातरौ सह सीतया ॥ 1 ॥
ते रामं पर्णशालायामुपविष्टं महाबलम् ।
ददृशुस्सीतया सार्धं वैदेह्या लक्ष्मणेन च ॥ 2 ॥
तान्दृष्ट्वा राघवश्श्रीमानागतांस्तां च राक्षसीम् ।
अब्रवीद्भ्रातरं रामो लक्ष्मणं दीप्ततेजसम् ॥ 3 ॥
मुहूर्तं भव सौमित्रे सीतायाः प्रत्यनन्तरः ।
इमानस्या वधिष्यामि पदवीमागतानिह ॥ 4 ॥
वाक्यमेतत्ततश्श्रुत्वा रामस्य विदितात्मनः ।
तथेति लक्ष्मणो वाक्यं रामस्य प्रत्यपूजयत् ॥ 5 ॥
राघवोऽपि महच्चापं चामीकरविभूषितम् ।
चकार सज्यं धर्मात्मा तानि रक्षांसि चाब्रवीत् ॥ 6 ॥
पुत्रौ दशरथस्यावां भ्रातरौ रामलक्ष्मणौ ।
प्रविष्टौ सीतया सार्धं दुश्चरं दण्डकावनम् ॥ 7 ॥
फलमूलाशनौ दान्तौ तापसौ धर्मचारिणौ ।
वसन्तौ दण्डकारण्ये किमर्थमुपहिंसथ ॥ 8 ॥
युष्मान्पापात्मकान्हन्तुं विप्रकारान्महाहवे ।
ऋषीणां तु नियोगेन प्राप्तोऽहं सशरायुधः ॥ 9 ॥
तिष्ठतैवात्र सन्तुष्टा नोपावर्तितुमर्हथ ।
यदि प्राणैरिहार्थो वा निवर्तध्वं निशाचराः ॥ 10 ॥
तस्य तद्वचनं श्रुत्वा राक्षसास्ते चतुर्दश ।
ऊचुर्वाचं सुसङ्क्रुद्धा ब्रह्मघ्नाश्शूलपाणयः ॥ 11 ॥
क्रोधमुत्पाद्य नो भर्तुः खरस्य सुमहात्मनः ।
त्वमेव हास्यसे प्राणानद्यास्माभिर्हतो युधि ॥ 12 ॥
का हि ते शक्तिरेकस्य बहूनां रणमूर्धनी ।
अस्माकमग्रतः स्थातुं किं पुनर्योद्दुमाहवे ॥ 13 ॥
एहि बाहुप्रयुक्तैर्नः परिघैश्शूलपट्टिसैः ।
प्राणांस्त्यक्षसि वीर्यं च धनुश्च करपीडितम् ॥ 14 ॥
इत्येवमुक्त्वा सङ्कृद्धा राक्षसास्ते चतुर्दश ।
चिक्षिपुस्तानि शूलानि राघवं प्रति दुर्जयम् ॥ 15 ॥
तानि शूलानि काकुत्स्थस्समस्तानि चतुर्दश ।
तावद्भिरेव चिच्छेद शरैः काञ्चनभूषणैः ॥ 16 ॥
ततः पश्चान्महातेजा नाराचान्सूर्यसन्निभान् ।
जग्राह परमक्रुद्धश्चतुर्दश शिलाशितान् ॥ 17 ॥
गृहीत्वा धनुरायम्य लक्ष्यानुद्दिश्य राक्षसान् ।
मुमोच राघवो बाणान्वज्रानिव शतक्रतुः ॥ 18 ॥
रुक्मपुङ्खाश्च विशिखा दीप्ता हेमविभूषिताः ।
ते भित्त्वा रक्षसां वेगाद्वक्षांसि रुधिराप्लुताः ॥ 19 ॥
विनिष्पेतुस्तदा भूमौ न्यमज्जन्ताशनिस्वनाः ।
ते भिन्नहृदया भूमौ छिन्नमूला इव द्रुमाः ॥ 20 ॥
निपेतुश्शोणितार्द्राङ्गा विकृता विगतासवः ।
तान् दृष्ट्वा पतितान्भूमौ राक्षसी क्रोधमूर्छिता ॥ 21 ॥
परित्रस्ता पुनस्तत्र व्यसृजद्भैरवस्वनान् ।
उपगम्य खरं सा तु किञ्चित्संशुष्कशोणिता ॥ 22 ॥
पपात पुनरेवार्ता सनिर्यासेव सल्लकी ।
पपात पुनरेवार्ता सनिर्यासेव सल्लकी ॥ 23 ॥
भ्रातुस्समीपे शोकार्ता ससर्ज निनदं मुहुः ॥ 24 ॥
सस्वरं मुमुचे बाष्पं विषण्णवदना तदा ।
निपातितान् दृश्य रणे तु राक्षसान् प्रधाविता शूर्पणखा पुनस्ततः ।
वधं च तेषां निखिलेन रक्षसां शशंस सर्वं भगिनी खरस्य सा ॥ 25 ॥
इत्यार्षे श्रीमद्रामायणे वाल्मीकीय आदिकाव्ये अरण्यकाण्डे विंशस्सर्गः ॥
śrīmadvālmīkīya rāmāyaṇe araṇyakāṇḍam |
atha viṃśassargaḥ |
tataśśūrpaṇakhā ghorā rāghavāśramamāgatā |
rākṣasānācacakṣe tau bhrātarau saha sītayā || 1 ||
te rāmaṃ parṇaśālāyāmupaviṣṭaṃ mahābalam |
dadṛśussītayā sārdhaṃ vaidehyā lakṣmaṇena ca || 2 ||
tāndṛṣṭvā rāghavaśśrīmānāgatāṃstāṃ ca rākṣasīm |
abravīdbhrātaraṃ rāmo lakṣmaṇaṃ dīptatejasam || 3 ||
muhūrtaṃ bhava saumitre sītāyāḥ pratyanantaraḥ |
imānasyā vadhiṣyāmi padavīmāgatāniha || 4 ||
vākyametattataśśrutvā rāmasya viditātmanaḥ |
tatheti lakṣmaṇo vākyaṃ rāmasya pratyapūjayat || 5 ||
rāghavo'pi mahaccāpaṃ cāmīkaravibhūṣitam |
cakāra sajyaṃ dharmātmā tāni rakṣāṃsi cābravīt || 6 ||
putrau daśarathasyāvāṃ bhrātarau rāmalakṣmaṇau |
praviṣṭau sītayā sārdhaṃ duścaraṃ daṇḍakāvanam || 7 ||
phalamūlāśanau dāntau tāpasau dharmacāriṇau |
vasantau daṇḍakāraṇye kimarthamupahiṃsatha || 8 ||
yuṣmānpāpātmakānhantuṃ viprakārānmahāhave |
ṛṣīṇāṃ tu niyogena prāpto'haṃ saśarāyudhaḥ || 9 ||
tiṣṭhataivātra santuṣṭā nopāvartitumarhatha |
yadi prāṇairihārtho vā nivartadhvaṃ niśācarāḥ || 10 ||
tasya tadvacanaṃ śrutvā rākṣasāste caturdaśa |
ūcurvācaṃ susaṅkruddhā brahmaghnāśśūlapāṇayaḥ || 11 ||
krodhamutpādya no bhartuḥ kharasya sumahātmanaḥ |
tvameva hāsyase prāṇānadyāsmābhirhato yudhi || 12 ||
kā hi te śaktirekasya bahūnāṃ raṇamūrdhanī |
asmākamagrataḥ sthātuṃ kiṃ punaryoddumāhave || 13 ||
ehi bāhuprayuktairnaḥ parighaiśśūlapaṭṭisaiḥ |
prāṇāṃstyakṣasi vīryaṃ ca dhanuśca karapīḍitam || 14 ||
ityevamuktvā saṅkṛddhā rākṣasāste caturdaśa |
cikṣipustāni śūlāni rāghavaṃ prati durjayam || 15 ||
tāni śūlāni kākutsthassamastāni caturdaśa |
tāvadbhireva ciccheda śaraiḥ kāñcanabhūṣaṇaiḥ || 16 ||
tataḥ paścānmahātejā nārācānsūryasannibhān |
jagrāha paramakruddhaścaturdaśa śilāśitān || 17 ||
gṛhītvā dhanurāyamya lakṣyānuddiśya rākṣasān |
mumoca rāghavo bāṇānvajrāniva śatakratuḥ || 18 ||
rukmapuṅkhāśca viśikhā dīptā hemavibhūṣitāḥ |
te bhittvā rakṣasāṃ vegādvakṣāṃsi rudhirāplutāḥ || 19 ||
viniṣpetustadā bhūmau nyamajjantāśanisvanāḥ |
te bhinnahṛdayā bhūmau chinnamūlā iva drumāḥ || 20 ||
nipetuśśoṇitārdrāṅgā vikṛtā vigatāsavaḥ |
tān dṛṣṭvā patitānbhūmau rākṣasī krodhamūrchitā || 21 ||
paritrastā punastatra vyasṛjadbhairavasvanān |
upagamya kharaṃ sā tu kiñcitsaṃśuṣkaśoṇitā || 22 ||
papāta punarevārtā saniryāseva sallakī |
papāta punarevārtā saniryāseva sallakī || 23 ||
bhrātussamīpe śokārtā sasarja ninadaṃ muhuḥ || 24 ||
sasvaraṃ mumuce bāṣpaṃ viṣaṇṇavadanā tadā |
nipātitān dṛśya raṇe tu rākṣasān pradhāvitā śūrpaṇakhā punastataḥ |
vadhaṃ ca teṣāṃ nikhilena rakṣasāṃ śaśaṃsa sarvaṃ bhaginī kharasya sā || 25 ||
ityārṣe śrīmadrāmāyaṇe vālmīkīya ādikāvye araṇyakāṇḍe viṃśassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.