(ஶ்ரீமஹாபாரதே பீஷ்மபர்வணி பஞ்சஷஷ்டிதமோऽத்யாயே ஶ்லோ: 47)
விஶ்வாவஸுர்விஶ்வமூர்திர்விஶ்வேஶோ
விஷ்வக்ஸேநோ விஶ்வகர்மா வஶீ ச ।
விஶ்வேஶ்வரோ வாஸுதேவோऽஸி தஸ்மா-
-த்யோகாத்மாநம் தைவதம் த்வாமுபைமி ॥ 47 ॥
ஜய விஶ்வ மஹாதேவ ஜய லோகஹிதேரத ।
ஜய யோகீஶ்வர விபோ ஜய யோகபராவர ॥ 48 ॥
பத்மகர்ப விஶாலாக்ஷ ஜய லோகேஶ்வரேஶ்வர ।
பூதபவ்யபவந்நாத ஜய ஸௌம்யாத்மஜாத்மஜ ॥ 49 ॥
அஸங்க்யேயகுணாதார ஜய ஸர்வபராயண ।
நாராயண ஸுதுஷ்பார ஜய ஶார்ங்கதநுர்தர ॥ 50 ॥
ஜய ஸர்வகுணோபேத விஶ்வமூர்தே நிராமய ।
விஶ்வேஶ்வர மஹாபாஹோ ஜய லோகார்ததத்பர ॥ 51 ॥
மஹோரகவராஹாத்ய ஹரிகேஶ விபோ ஜய ।
ஹரிவாஸ திஶாமீஶ விஶ்வாவாஸாமிதாவ்யய ॥ 52 ॥
வ்யக்தாவ்யக்தாமிதஸ்தாந நியதேந்த்ரிய ஸத்க்ரிய ।
அஸங்க்யேயாத்மபாவஜ்ஞ ஜய கம்பீரகாமத ॥ 53 ॥
அநந்தவிதித ப்ரஹ்மந் நித்யபூதவிபாவந ।
க்ரு'தகார்ய க்ரு'தப்ரஜ்ஞ தர்மஜ்ஞ விஜயாவஹ ॥ 54 ॥
குஹ்யாத்மந் ஸர்வயோகாத்மந் ஸ்புட ஸம்பூத ஸம்பவ ।
பூதாத்ய லோகதத்த்வேஶ ஜய பூதவிபாவந ॥ 55 ॥
ஆத்மயோநே மஹாபாக கல்பஸங்க்ஷேபதத்பர ।
உத்பாவநமநோபாவ ஜய ப்ரஹ்மஜநப்ரிய ॥ 56 ॥
நிஸர்கஸர்கநிரத காமேஶ பரமேஶ்வர ।
அம்ரு'தோத்பவ ஸத்பாவ முக்தாத்மந் விஜயப்ரத ॥ 57 ॥
ப்ரஜாபதிபதே தேவ பத்மநாப மஹாபல ।
ஆத்மபூத மஹாபூத ஸத்வாத்மந் ஜய ஸர்வதா ॥ 58 ॥
பாதௌ தவ தரா தேவீ திஶோ பாஹு திவம் ஶிரஃ ।
மூர்திஸ்தேऽஹம் ஸுராஃ காயஶ்சந்த்ராதித்யௌ ச சக்ஷுஷீ ॥ 59 ॥
பலம் தபஶ்ச ஸத்யம் ச கர்ம தர்மாத்மஜம் தவ ।
தேஜோऽக்நிஃ பவநஃ ஶ்வாஸ ஆபஸ்தே ஸ்வேதஸம்பவாஃ ॥ 60 ॥
அஶ்விநௌ ஶ்ரவணௌ நித்யம் தேவீ ஜிஹ்வா ஸரஸ்வதீ ।
வேதாஃ ஸம்ஸ்காரநிஷ்டா ஹி த்வயீதம் ஜகதாஶ்ரிதம் ॥ 61 ॥
ந ஸங்க்யா ந பரீமாணம் ந தேஜோ ந பராக்ரமம் ।
ந பலம் யோகயோகீஶ ஜாநீமஸ்தே ந ஸம்பவம் ॥ 62 ॥
த்வத்பக்திநிரதா தேவ நியமைஸ்த்வாம் ஸமாஶ்ரிதாஃ ।
அர்சயாமஃ ஸதா விஷ்ணோ பரமேஶம் மஹேஶ்வரம் ॥ 63 ॥
ரு'ஷயோ தேவகந்தர்வா யக்ஷராக்ஷஸபந்நகாஃ ।
பிஶாசா மாநுஷாஶ்சைவ ம்ரு'கபக்ஷிஸரீஸ்ரு'பாஃ ॥ 64 ॥
ஏவமாதி மயா ஸ்ரு'ஷ்டம் ப்ரு'திவ்யாம் த்வத்ப்ரஸாதஜம் ।
பத்மநாப விஶாலாக்ஷ க்ரு'ஷ்ண துஃகப்ரணாஶந ॥ 65 ॥
த்வம் கதிஃ ஸர்வபூதாநாம் த்வம் நேதா த்வம் ஜகத்குருஃ ।
த்வத்ப்ரஸாதேந தேவேஶ ஸுகிநோ விபுதாஃ ஸதா ॥ 66 ॥
ப்ரு'திவீ நிர்பயா தேவ த்வத்ப்ரஸாதாத்ஸதாऽபவத் ।
தஸ்மாத்பவ விஶாலாக்ஷ யதுவம்ஶவிவர்தநஃ ॥ 67 ॥
தர்மஸம்ஸ்தாபநார்தாய தைத்யாநாம் ச வதாய ச ।
ஜகதோ தாரணார்தாய விஜ்ஞாப்யம் குரு மே ப்ரபோ ॥ 68 ॥
யத்தத்பரமகம் குஹ்யம் த்வத்ப்ரஸாதாதிதம் விபோ ।
வாஸுதேவ ததேதத்தே மயோத்கீதம் யதாததம் ॥ 69 ॥
ஸ்ரு'ஷ்ட்வா ஸங்கர்ஷணம் தேவம் ஸ்வயமாத்மாநமாத்மநா ।
க்ரு'ஷ்ண த்வமாத்மநோ ஸாக்ஷீ ப்ரத்யும்நம் சாத்மஸம்பவம் ॥ 70 ॥
ப்ரத்யும்நாதநிருத்தம் த்வம் யம் விதுர்விஷ்ணுமவ்யயம் ।
அநிருத்தோऽஸ்ரு'ஜந்மாம் வை ப்ரஹ்மாணம் லோகதாரிணம் ॥ 71 ॥
வாஸுதேவமயஃ ஸோऽஹம் த்வயைவாஸ்மி விநிர்மிதஃ ।
[தஸ்மாத்யாசாமி லோகேஶ சதுராத்மாநமாத்மநா।]
விபஜ்ய பாகஶோऽऽத்மாநம் வ்ரஜ மாநுஷதாம் விபோ ॥ 72 ॥
தத்ராஸுரவதம் க்ரு'த்வா ஸர்வலோகஸுகாய வை ।
தர்மம் ப்ராப்ய யஶஃ ப்ராப்ய யோகம் ப்ராப்ஸ்யஸி தத்த்வதஃ ॥ 73 ॥
த்வாம் ஹி ப்ரஹ்மர்ஷயோ லோகே தேவாஶ்சாமிதவிக்ரம ।
தைஸ்தைர்ஹி நாமபிர்யுக்தா காயந்தி பரமாத்மகம் ॥ 74 ॥
ஸ்திதாஶ்ச ஸர்வே த்வயி பூதஸங்காஃ
க்ரு'த்வாஶ்ரயம் த்வாம் வரதம் ஸுபாஹோ ।
அநாதிமத்யாந்தமபாரயோகம்
லோகஸ்ய ஸேதும் ப்ரவதந்தி விப்ராஃ ॥ 75 ॥
இதி ஶ்ரீமஹாபாரதே பீஷ்மபர்வணி பஞ்சஷஷ்டிதமோऽத்யாயே வாஸுதேவ ஸ்தோத்ரம் ।
Roman (IAST) Transliteration
(śrīmahābhārate bhīṣmaparvaṇi pañcaṣaṣṭitamo'dhyāye ślo: 47)
viśvāvasurviśvamūrtirviśveśo
viṣvakseno viśvakarmā vaśī ca |
viśveśvaro vāsudevo'si tasmā-
-dyogātmānaṃ daivataṃ tvāmupaimi || 47 ||
jaya viśva mahādeva jaya lokahiterata |
jaya yogīśvara vibho jaya yogaparāvara || 48 ||
padmagarbha viśālākṣa jaya lokeśvareśvara |
bhūtabhavyabhavannātha jaya saumyātmajātmaja || 49 ||
asaṅkhyeyaguṇādhāra jaya sarvaparāyaṇa |
nārāyaṇa suduṣpāra jaya śārṅgadhanurdhara || 50 ||
jaya sarvaguṇopeta viśvamūrte nirāmaya |
viśveśvara mahābāho jaya lokārthatatpara || 51 ||
mahoragavarāhādya harikeśa vibho jaya |
harivāsa diśāmīśa viśvāvāsāmitāvyaya || 52 ||
vyaktāvyaktāmitasthāna niyatendriya satkriya |
asaṅkhyeyātmabhāvajña jaya gambhīrakāmada || 53 ||
anantavidita brahman nityabhūtavibhāvana |
kṛtakārya kṛtaprajña dharmajña vijayāvaha || 54 ||
guhyātman sarvayogātman sphuṭa sambhūta sambhava |
bhūtādya lokatattveśa jaya bhūtavibhāvana || 55 ||
ātmayone mahābhāga kalpasaṅkṣepatatpara |
udbhāvanamanobhāva jaya brahmajanapriya || 56 ||
nisargasarganirata kāmeśa parameśvara |
amṛtodbhava sadbhāva muktātman vijayaprada || 57 ||
prajāpatipate deva padmanābha mahābala |
ātmabhūta mahābhūta satvātman jaya sarvadā || 58 ||
pādau tava dharā devī diśo bāhu divaṃ śiraḥ |
mūrtiste'haṃ surāḥ kāyaścandrādityau ca cakṣuṣī || 59 ||
balaṃ tapaśca satyaṃ ca karma dharmātmajaṃ tava |
tejo'gniḥ pavanaḥ śvāsa āpaste svedasambhavāḥ || 60 ||
aśvinau śravaṇau nityaṃ devī jihvā sarasvatī |
vedāḥ saṃskāraniṣṭhā hi tvayīdaṃ jagadāśritam || 61 ||
na saṅkhyā na parīmāṇaṃ na tejo na parākramam |
na balaṃ yogayogīśa jānīmaste na sambhavam || 62 ||
tvadbhaktiniratā deva niyamaistvāṃ samāśritāḥ |
arcayāmaḥ sadā viṣṇo parameśaṃ maheśvaram || 63 ||
ṛṣayo devagandharvā yakṣarākṣasapannagāḥ |
piśācā mānuṣāścaiva mṛgapakṣisarīsṛpāḥ || 64 ||
evamādi mayā sṛṣṭaṃ pṛthivyāṃ tvatprasādajam |
padmanābha viśālākṣa kṛṣṇa duḥkhapraṇāśana || 65 ||
tvaṃ gatiḥ sarvabhūtānāṃ tvaṃ netā tvaṃ jagadguruḥ |
tvatprasādena deveśa sukhino vibudhāḥ sadā || 66 ||
pṛthivī nirbhayā deva tvatprasādātsadā'bhavat |
tasmādbhava viśālākṣa yaduvaṃśavivardhanaḥ || 67 ||
dharmasaṃsthāpanārthāya daityānāṃ ca vadhāya ca |
jagato dhāraṇārthāya vijñāpyaṃ kuru me prabho || 68 ||
yattatparamakaṃ guhyaṃ tvatprasādādidaṃ vibho |
vāsudeva tadetatte mayodgītaṃ yathātatham || 69 ||
sṛṣṭvā saṅkarṣaṇaṃ devaṃ svayamātmānamātmanā |
kṛṣṇa tvamātmano sākṣī pradyumnaṃ cātmasambhavam || 70 ||
pradyumnādaniruddhaṃ tvaṃ yaṃ vidurviṣṇumavyayam |
aniruddho'sṛjanmāṃ vai brahmāṇaṃ lokadhāriṇam || 71 ||
vāsudevamayaḥ so'haṃ tvayaivāsmi vinirmitaḥ |
[tasmādyācāmi lokeśa caturātmānamātmanā|]
vibhajya bhāgaśo''tmānaṃ vraja mānuṣatāṃ vibho || 72 ||
tatrāsuravadhaṃ kṛtvā sarvalokasukhāya vai |
dharmaṃ prāpya yaśaḥ prāpya yogaṃ prāpsyasi tattvataḥ || 73 ||
tvāṃ hi brahmarṣayo loke devāścāmitavikrama |
taistairhi nāmabhiryuktā gāyanti paramātmakam || 74 ||
sthitāśca sarve tvayi bhūtasaṅghāḥ
kṛtvāśrayaṃ tvāṃ varadaṃ subāho |
anādimadhyāntamapārayogaṃ
lokasya setuṃ pravadanti viprāḥ || 75 ||
iti śrīmahābhārate bhīṣmaparvaṇi pañcaṣaṣṭitamo'dhyāye vāsudeva stotram |
Sanskrit — Devanagari (original)
(श्रीमहाभारते भीष्मपर्वणि पञ्चषष्टितमोऽध्याये श्लो: 47)
विश्वावसुर्विश्वमूर्तिर्विश्वेशो
विष्वक्सेनो विश्वकर्मा वशी च ।
विश्वेश्वरो वासुदेवोऽसि तस्मा-
-द्योगात्मानं दैवतं त्वामुपैमि ॥ 47 ॥
जय विश्व महादेव जय लोकहितेरत ।
जय योगीश्वर विभो जय योगपरावर ॥ 48 ॥
पद्मगर्भ विशालाक्ष जय लोकेश्वरेश्वर ।
भूतभव्यभवन्नाथ जय सौम्यात्मजात्मज ॥ 49 ॥
असङ्ख्येयगुणाधार जय सर्वपरायण ।
नारायण सुदुष्पार जय शार्ङ्गधनुर्धर ॥ 50 ॥
जय सर्वगुणोपेत विश्वमूर्ते निरामय ।
विश्वेश्वर महाबाहो जय लोकार्थतत्पर ॥ 51 ॥
महोरगवराहाद्य हरिकेश विभो जय ।
हरिवास दिशामीश विश्वावासामिताव्यय ॥ 52 ॥
व्यक्ताव्यक्तामितस्थान नियतेन्द्रिय सत्क्रिय ।
असङ्ख्येयात्मभावज्ञ जय गम्भीरकामद ॥ 53 ॥
अनन्तविदित ब्रह्मन् नित्यभूतविभावन ।
कृतकार्य कृतप्रज्ञ धर्मज्ञ विजयावह ॥ 54 ॥
गुह्यात्मन् सर्वयोगात्मन् स्फुट सम्भूत सम्भव ।
भूताद्य लोकतत्त्वेश जय भूतविभावन ॥ 55 ॥
आत्मयोने महाभाग कल्पसङ्क्षेपतत्पर ।
उद्भावनमनोभाव जय ब्रह्मजनप्रिय ॥ 56 ॥
निसर्गसर्गनिरत कामेश परमेश्वर ।
अमृतोद्भव सद्भाव मुक्तात्मन् विजयप्रद ॥ 57 ॥
प्रजापतिपते देव पद्मनाभ महाबल ।
आत्मभूत महाभूत सत्वात्मन् जय सर्वदा ॥ 58 ॥
पादौ तव धरा देवी दिशो बाहु दिवं शिरः ।
मूर्तिस्तेऽहं सुराः कायश्चन्द्रादित्यौ च चक्षुषी ॥ 59 ॥
बलं तपश्च सत्यं च कर्म धर्मात्मजं तव ।
तेजोऽग्निः पवनः श्वास आपस्ते स्वेदसम्भवाः ॥ 60 ॥
अश्विनौ श्रवणौ नित्यं देवी जिह्वा सरस्वती ।
वेदाः संस्कारनिष्ठा हि त्वयीदं जगदाश्रितम् ॥ 61 ॥
न सङ्ख्या न परीमाणं न तेजो न पराक्रमम् ।
न बलं योगयोगीश जानीमस्ते न सम्भवम् ॥ 62 ॥
त्वद्भक्तिनिरता देव नियमैस्त्वां समाश्रिताः ।
अर्चयामः सदा विष्णो परमेशं महेश्वरम् ॥ 63 ॥
ऋषयो देवगन्धर्वा यक्षराक्षसपन्नगाः ।
पिशाचा मानुषाश्चैव मृगपक्षिसरीसृपाः ॥ 64 ॥
एवमादि मया सृष्टं पृथिव्यां त्वत्प्रसादजम् ।
पद्मनाभ विशालाक्ष कृष्ण दुःखप्रणाशन ॥ 65 ॥
त्वं गतिः सर्वभूतानां त्वं नेता त्वं जगद्गुरुः ।
त्वत्प्रसादेन देवेश सुखिनो विबुधाः सदा ॥ 66 ॥
पृथिवी निर्भया देव त्वत्प्रसादात्सदाऽभवत् ।
तस्माद्भव विशालाक्ष यदुवंशविवर्धनः ॥ 67 ॥
धर्मसंस्थापनार्थाय दैत्यानां च वधाय च ।
जगतो धारणार्थाय विज्ञाप्यं कुरु मे प्रभो ॥ 68 ॥
यत्तत्परमकं गुह्यं त्वत्प्रसादादिदं विभो ।
वासुदेव तदेतत्ते मयोद्गीतं यथातथम् ॥ 69 ॥
सृष्ट्वा सङ्कर्षणं देवं स्वयमात्मानमात्मना ।
कृष्ण त्वमात्मनो साक्षी प्रद्युम्नं चात्मसम्भवम् ॥ 70 ॥
प्रद्युम्नादनिरुद्धं त्वं यं विदुर्विष्णुमव्ययम् ।
अनिरुद्धोऽसृजन्मां वै ब्रह्माणं लोकधारिणम् ॥ 71 ॥
वासुदेवमयः सोऽहं त्वयैवास्मि विनिर्मितः ।
[तस्माद्याचामि लोकेश चतुरात्मानमात्मना।]
विभज्य भागशोऽऽत्मानं व्रज मानुषतां विभो ॥ 72 ॥
तत्रासुरवधं कृत्वा सर्वलोकसुखाय वै ।
धर्मं प्राप्य यशः प्राप्य योगं प्राप्स्यसि तत्त्वतः ॥ 73 ॥
त्वां हि ब्रह्मर्षयो लोके देवाश्चामितविक्रम ।
तैस्तैर्हि नामभिर्युक्ता गायन्ति परमात्मकम् ॥ 74 ॥
स्थिताश्च सर्वे त्वयि भूतसङ्घाः
कृत्वाश्रयं त्वां वरदं सुबाहो ।
अनादिमध्यान्तमपारयोगं
लोकस्य सेतुं प्रवदन्ति विप्राः ॥ 75 ॥
इति श्रीमहाभारते भीष्मपर्वणि पञ्चषष्टितमोऽध्याये वासुदेव स्तोत्रम् ।
(śrīmahābhārate bhīṣmaparvaṇi pañcaṣaṣṭitamo'dhyāye ślo: 47)
viśvāvasurviśvamūrtirviśveśo
viṣvakseno viśvakarmā vaśī ca |
viśveśvaro vāsudevo'si tasmā-
-dyogātmānaṃ daivataṃ tvāmupaimi || 47 ||
jaya viśva mahādeva jaya lokahiterata |
jaya yogīśvara vibho jaya yogaparāvara || 48 ||
padmagarbha viśālākṣa jaya lokeśvareśvara |
bhūtabhavyabhavannātha jaya saumyātmajātmaja || 49 ||
asaṅkhyeyaguṇādhāra jaya sarvaparāyaṇa |
nārāyaṇa suduṣpāra jaya śārṅgadhanurdhara || 50 ||
jaya sarvaguṇopeta viśvamūrte nirāmaya |
viśveśvara mahābāho jaya lokārthatatpara || 51 ||
mahoragavarāhādya harikeśa vibho jaya |
harivāsa diśāmīśa viśvāvāsāmitāvyaya || 52 ||
vyaktāvyaktāmitasthāna niyatendriya satkriya |
asaṅkhyeyātmabhāvajña jaya gambhīrakāmada || 53 ||
anantavidita brahman nityabhūtavibhāvana |
kṛtakārya kṛtaprajña dharmajña vijayāvaha || 54 ||
guhyātman sarvayogātman sphuṭa sambhūta sambhava |
bhūtādya lokatattveśa jaya bhūtavibhāvana || 55 ||
ātmayone mahābhāga kalpasaṅkṣepatatpara |
udbhāvanamanobhāva jaya brahmajanapriya || 56 ||
nisargasarganirata kāmeśa parameśvara |
amṛtodbhava sadbhāva muktātman vijayaprada || 57 ||
prajāpatipate deva padmanābha mahābala |
ātmabhūta mahābhūta satvātman jaya sarvadā || 58 ||
pādau tava dharā devī diśo bāhu divaṃ śiraḥ |
mūrtiste'haṃ surāḥ kāyaścandrādityau ca cakṣuṣī || 59 ||
balaṃ tapaśca satyaṃ ca karma dharmātmajaṃ tava |
tejo'gniḥ pavanaḥ śvāsa āpaste svedasambhavāḥ || 60 ||
aśvinau śravaṇau nityaṃ devī jihvā sarasvatī |
vedāḥ saṃskāraniṣṭhā hi tvayīdaṃ jagadāśritam || 61 ||
na saṅkhyā na parīmāṇaṃ na tejo na parākramam |
na balaṃ yogayogīśa jānīmaste na sambhavam || 62 ||
tvadbhaktiniratā deva niyamaistvāṃ samāśritāḥ |
arcayāmaḥ sadā viṣṇo parameśaṃ maheśvaram || 63 ||
ṛṣayo devagandharvā yakṣarākṣasapannagāḥ |
piśācā mānuṣāścaiva mṛgapakṣisarīsṛpāḥ || 64 ||
evamādi mayā sṛṣṭaṃ pṛthivyāṃ tvatprasādajam |
padmanābha viśālākṣa kṛṣṇa duḥkhapraṇāśana || 65 ||
tvaṃ gatiḥ sarvabhūtānāṃ tvaṃ netā tvaṃ jagadguruḥ |
tvatprasādena deveśa sukhino vibudhāḥ sadā || 66 ||
pṛthivī nirbhayā deva tvatprasādātsadā'bhavat |
tasmādbhava viśālākṣa yaduvaṃśavivardhanaḥ || 67 ||
dharmasaṃsthāpanārthāya daityānāṃ ca vadhāya ca |
jagato dhāraṇārthāya vijñāpyaṃ kuru me prabho || 68 ||
yattatparamakaṃ guhyaṃ tvatprasādādidaṃ vibho |
vāsudeva tadetatte mayodgītaṃ yathātatham || 69 ||
sṛṣṭvā saṅkarṣaṇaṃ devaṃ svayamātmānamātmanā |
kṛṣṇa tvamātmano sākṣī pradyumnaṃ cātmasambhavam || 70 ||
pradyumnādaniruddhaṃ tvaṃ yaṃ vidurviṣṇumavyayam |
aniruddho'sṛjanmāṃ vai brahmāṇaṃ lokadhāriṇam || 71 ||
vāsudevamayaḥ so'haṃ tvayaivāsmi vinirmitaḥ |
[tasmādyācāmi lokeśa caturātmānamātmanā|]
vibhajya bhāgaśo''tmānaṃ vraja mānuṣatāṃ vibho || 72 ||
tatrāsuravadhaṃ kṛtvā sarvalokasukhāya vai |
dharmaṃ prāpya yaśaḥ prāpya yogaṃ prāpsyasi tattvataḥ || 73 ||
tvāṃ hi brahmarṣayo loke devāścāmitavikrama |
taistairhi nāmabhiryuktā gāyanti paramātmakam || 74 ||
sthitāśca sarve tvayi bhūtasaṅghāḥ
kṛtvāśrayaṃ tvāṃ varadaṃ subāho |
anādimadhyāntamapārayogaṃ
lokasya setuṃ pravadanti viprāḥ || 75 ||
iti śrīmahābhārate bhīṣmaparvaṇi pañcaṣaṣṭitamo'dhyāye vāsudeva stotram |
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.