அத நகஸ்துதிஃ
பாந்த்வஸ்மாந் புருஹூதவைரிபலவந்மாதங்கமாத்யத்கடா-
-கும்போச்சாத்ரிவிபாடநாதிகபடு ப்ரத்யேக வஜ்ராயிதாஃ ।
ஶ்ரீமத்கண்டீரவாஸ்யப்ரததஸுநகரா தாரிதாராதிதூர-
-ப்ரத்வஸ்தத்வாந்தஶாந்தப்ரவிததமநஸா பாவிதா பூரிபாகைஃ ॥ 1 ॥
லக்ஷ்மீகாந்த ஸமந்ததோऽபி கலயந் நைவேஶிதுஸ்தே ஸமம்
பஶ்யாம்யுத்தமவஸ்து தூரதரதோபாஸ்தம் ரஸோ யோऽஷ்டமஃ ।
யத்ரோஷோத்கர தக்ஷ நேத்ர குடில ப்ராந்தோத்திதாக்நி ஸ்புரத்
கத்யோதோபம விஸ்புலிங்கபஸிதா ப்ரஹ்மேஶஶக்ரோத்கராஃ ॥ 2 ॥
அத வாயுஸ்துதிஃ
ஶ்ரீமத்விஷ்ண்வங்க்ரிநிஷ்டாதிகுணகுருதமஶ்ரீமதாநந்ததீர்த-
-த்ரைலோக்யாசார்யபாதோஜ்ஜ்வலஜலஜலஸத்பாம்ஸவோऽஸ்மாந் புநந்து ।
வாசாம் யத்ர ப்ரணேத்ரீ த்ரிபுவநமஹிதா ஶாரதா ஶாரதேந்து-
-ஜ்யோத்ஸ்நாபத்ரஸ்மிதஶ்ரீதவலிதககுபா ப்ரேமபாரம் பபார ॥ 1 ॥
உத்கண்டாகுண்டகோலாஹலஜவவிஜிதாஜஸ்ரஸேவாநுவ்ரு'த்த-
-ப்ராஜ்ஞாத்மஜ்ஞாநதூதாந்ததமஸஸுமநோமௌலிரத்நாவலீநாம் ।
பக்த்யுத்ரேகாவகாடப்ரகடநஸதடாத்காரஸங்க்ரு'ஷ்யமாண-
ப்ராந்தப்ராக்ர்யாங்க்ரிபீடோத்திதகநகரஜஃபிஞ்ஜராரஞ்ஜிதாஶாஃ ॥ 2 ॥
ஜந்மாதிவ்யாத்யுபாதிப்ரதிஹதிவிரஹப்ராபகாணாம் குணாநாம்
அக்ர்யாணாமர்பகாணாம் சிரமுதிதசிதாநந்தஸந்தோஹதாநாம் ।
ஏதேஷாமேஷ தோஷப்ரமுஷிதமநஸாம் த்வேஷிணாம் தூஷகாணாம்
தைத்யாநாமார்திமந்தே தமஸி விதததாம் ஸம்ஸ்தவே நாஸ்மி ஶக்தஃ ॥ 3 ॥
அஸ்யாவிஷ்கர்துகாமம் கலிமலகலுஷேऽஸ்மிந் ஜநே ஜ்ஞாநமார்கம்
வந்த்யம் சந்த்ரேந்த்ரருத்ரத்யுமணிபணிவயோநாயகாத்யைரிஹாத்ய ।
மத்வாக்யம் மந்த்ரஸித்தம் கிமுத க்ரு'தவதோ மாருதஸ்யாவதாரம்
பாதாரம் பாரமேஷ்ட்யம் பதமபவிபதஃ ப்ராப்துராபந்நபும்ஸாம் ॥ 4 ॥
உத்யத்வித்யுத்ப்ரசண்டாம் நிஜருசிநிகரவ்யாப்தலோகாவகாஶோ
பிப்ரத்பீமோ புஜே யோऽப்யுதிததிநகராபாங்கதாட்ய ப்ரகாண்டே ।
வீர்யோத்தார்யாம் கதாக்ர்யாமயமிஹ ஸுமதிம் வாயுதேவோ விதத்யாத்
அத்யாத்மஜ்ஞாநநேதா யதிவரமஹிதோ பூமிபூஷாமணிர்மே ॥ 5 ॥
ஸம்ஸாரோத்தாபநித்யோபஶமதஸதயஸ்நேஹஹாஸாம்புபூர-
-ப்ரோத்யத்வித்யாநவத்யத்யுதிமணிகிரணஶ்ரேணிஸம்பூரிதாஶஃ ।
ஶ்ரீவத்ஸாங்காதிவாஸோசிததரஸரலஶ்ரீமதாநந்ததீர்த-
-க்ஷீராம்போதிர்விபிந்த்யாத்பவதநபிமதம் பூரி மே பூதிஹேதுஃ ॥ 6 ॥
மூர்தந்யேஷோऽஞ்ஜலிர்மே த்ரு'டதரமிஹ தே பத்யதே பந்தபாஶ-
-ச்சேத்ரே தாத்ரே ஸுகாநாம் பஜதி புவி பவிஷ்யத்விதாத்ரே த்யுபர்த்ரே ।
அத்யந்தம் ஸந்ததம் த்வம் ப்ரதிஶ பதயுகே ஹந்த ஸந்தாபபாஜா-
-மஸ்மாகம் பக்திமேகாம் பகவத உத தே மாதவஸ்யாத வாயோஃ ॥ 7 ॥
ஸாப்ரோஷ்ணாபீஶுஶுப்ரப்ரபமபய நபோ பூரிபூப்ரு'த்விபூதி-
-ப்ராஜிஷ்ணுர்பூர்ரு'பூணாம் பவநமபி விபோऽபேதி பப்ரே பபூவே ।
யேந ப்ரூவிப்ரமஸ்தே ப்ரமயது ஸுப்ரு'ஶம் பப்ருவத்துர்ப்ரு'தாஶாந்
ப்ராந்திர்பேதாவபாஸஸ்த்விதி பயமபிபூர்போக்ஷ்யதோ மாயிபிக்ஷூந் ॥ 8 ॥
யேऽமும் பாவம் பஜந்தே ஸுரமுகஸுஜநாராதிதம் தே த்ரு'தீயம்
பாஸந்தே பாஸுரைஸ்தே ஸஹசரசலிதைஶ்சாமரைஶ்சாருவேஷாஃ ।
வைகுண்டே கண்டலக்நஸ்திரஶுசிவிலஸத்காந்திதாருண்யலீலா-
லாவண்யாபூர்ணகாந்தாகுசபரஸுலபாஶ்லேஷஸம்மோதஸாந்த்ராஃ ॥ 9 ॥
ஆநந்தாந்மந்தமந்தா தததி ஹி மருதஃ குந்தமந்தாரநந்த்யா-
-வர்தாமோதாந் ததாநா ம்ரு'துபதமுதிதோத்கீதகைஃ ஸுந்தரீணாம் ।
வ்ரு'ந்தைராவந்த்யமுக்தேந்த்வஹிமகுமதநாஹீந்த்ரதேவேந்த்ரஸேவ்யே
மௌகுந்தே மந்திரேऽஸ்மிந்நவிரதமுதயந்மோதிநாம் தேவதேவ ॥ 10 ॥
உத்தப்தாऽத்யுத்கடத்விட் ப்ரகடகடகடத்வாநஸங்கட்டநோத்ய-
-த்வித்யுத்வ்யூடஸ்புலிங்கப்ரகரவிகிரணோத்க்வாதிதே பாதிதாங்காந் ।
உத்காடம் பாத்யமாநா தமஸி தத இதஃ கிங்கரைஃ பங்கிலே தே
பங்க்திர்க்ராவ்ணாம் கரிம்ணா க்லபயதி ஹி பவத்வேஷிணோ வித்வதாத்ய ॥ 11 ॥
அஸ்மிந்நஸ்மத்குரூணாம் ஹரிசரணசிரத்யாநஸந்மங்கலாநாம்
யுஷ்மாகம் பார்ஶ்வபூமிம் த்ரு'தரணரணிகஸ்வர்கிஸேவ்யாம் ப்ரபந்நஃ ।
யஸ்தூதாஸ்தே ஸ ஆஸ்தேऽதிபவமஸுலபக்லேஶநிர்மூகமஸ்த-
-ப்ராயாநந்தம் கதஞ்சிந்ந வஸதி ஸததம் பஞ்சகஷ்டேऽதிகஷ்டே ॥ 12 ॥
க்ஷுத் க்ஷாமாந் ரூக்ஷரக்ஷோரதகரநகரக்ஷுண்ணவிக்ஷோபிதாக்ஷா-
-நாமக்நாநாந்தகூபே க்ஷுரமுகமுகரைஃ பக்ஷிபிர்விக்ஷதாங்காந் ।
பூயாஸ்ரு'ங்மூத்ரவிஷ்டாக்ரு'மிகுலகலிலே தத்க்ஷணக்ஷிப்தஶக்த்யா-
-த்யஸ்த்ரவ்ராதார்திதாம்ஸ்த்வத்த்விஷ உபஜிஹதே வஜ்ரகல்பா ஜலூகாஃ ॥ 13 ॥
மாதர்மே மாதரிஶ்வந் பிதரதுலகுரோ ப்ராதரிஷ்டாப்தபந்தோ
ஸ்வாமிந் ஸர்வாந்தராத்மந்நஜர ஜரயிதர்ஜந்மம்ரு'த்யாமயாநாம் ।
கோவிந்தே தேஹி பக்திம் பவதி ச பகவந்நூர்ஜிதாம் நிர்நிமித்தாம்
நிர்வ்யாஜாம் நிஶ்சலாம் ஸத்குணகணப்ரு'ஹதீம் ஶாஶ்வதீமாஶு தேவ ॥ 14 ॥
விஷ்ணோரத்த்யுத்தமத்வாதகிலகுணகணைஸ்தத்ர பக்திம் கரிஷ்டாம்
ஆஶ்லிஷ்டே ஶ்ரீதராப்யாமமுமத பரிவாராத்மநா ஸேவகேஷு ।
யஃ ஸந்தத்தே விரிஞ்சஶ்வஸநவிஹகபாநந்தருத்ரேந்த்ரபூர்வே-
-ஷ்வாத்யாயம்ஸ்தாரதம்யம் ஸ்புடமவதி ஸதா வாயுரஸ்மத்குருஸ்தம் ॥ 15 ॥
தத்த்வஜ்ஞாந் முக்திபாஜஃ ஸுகயிஸி ஹி குரோ யோக்யதாதாரதம்யா-
-தாதத்ஸே மிஶ்ரபுத்திம்ஸ்த்ரிதிவநிரயபூகோசராந் நித்யபத்தாந் ।
தாமிஸ்ராந்தாதிகாக்யே தமஸி ஸுபஹுலம் துஃகயஸ்யந்யதாஜ்ஞாந்
விஷ்ணோராஜ்ஞாபிரித்தம் ஶ்ரு'திஶதமிதிஹாஸாதி சாகர்ணயாமஃ ॥ 16 ॥
வந்தேऽஹம் தம் ஹநூமாநிதி மஹிதமஹாபௌருஷோ பாஹுஶாலீ
க்யாதஸ்தேऽக்ர்யோऽவதாரஃ ஸஹித இஹ பஹுப்ரஹ்மசர்யாதிதர்மைஃ ।
ஸஸ்நேஹாநாம் ஸஹஸ்வாநஹரஹரஹிதம் நிர்தஹந் தேஹபாஜாம்
அம்ஹோமோஹாபஹோ யஃ ஸ்ப்ரு'ஹயதி மஹதீம் பக்திமத்யாபி ராமே ॥ 17 ॥
ப்ராக்பஞ்சாஶத்ஸஹஸ்ரைர்வ்யவஹிதமஹிதம் யோஜநைஃ பர்வதம் த்வம்
யாவத்ஸஞ்ஜீவநாத்யௌஷதநிதிமதிகப்ராண லங்காமநைஷிஃ ।
அத்ராக்ஷீதுத்பதந்தம் தத உத கிரிமுத்பாடயந்தம் க்ரு'ஹீத்வா
யாந்தம் கே ராகவாங்க்ரௌ ப்ரணதமபி ததைகக்ஷணே த்வாம் ஹி லோகஃ ॥ 18 ॥
க்ஷிப்தஃ பஶ்சாத்ஸத்ஸலீலம் ஶதமதுலமதே யோஜநாநாம் ஸ உச்ச-
-ஸ்தாவத்விஸ்தாரவம்ஶ்சாப்யுபலலவ இவ வ்யக்ரபுத்த்யா த்வயாऽதஃ ।
ஸ்வஸ்வஸ்தாநஸ்திதாதிஸ்திரஶகலஶிலாஜாலஸம்ஶ்லேஷநஷ்ட-
-ச்சேதாங்கஃ ப்ராகிவாபூத் கபிவரவபுஷஸ்தே நமஃ கௌஶலாய ॥ 19 ॥
த்ரு'ஷ்ட்வா துஷ்டாதிபோரஃ ஸ்புடிதகநகஸத்வர்ம க்ரு'ஷ்டாஸ்திகூடம்
நிஷ்பிஷ்டம் ஹாடகாத்ரிப்ரகடதடதடாகாதிஶங்கோ ஜநோऽபூத் ।
யேநாऽஜௌ ராவணாரிப்ரியநடநபடுர்முஷ்டிரிஷ்டம் ப்ரதேஷ்டும்
கிம் நேஷ்டே மே ஸ தேऽஷ்டாபதகடகதடித்கோடிபாம்ரு'ஷ்டகாஷ்டஃ ॥ 20 ॥
தேவ்யாதேஶப்ரணீதித்ரு'ஹிணஹரவராவத்யரக்ஷோவிகாதா-
-த்யாஸேவோத்யத்தயார்த்ரஃ ஸஹபுஜமகரோத்ராமநாமா முகுந்தஃ ।
துஷ்ப்ராபே பாரமேஷ்ட்யே கரதலமதுலம் மூர்திவிந்யஸ்ய தந்யம்
தந்வந்பூயஃ ப்ரபூதப்ரணயவிகஸிதாப்ஜேக்ஷணஸ்த்வேக்ஷமாணஃ ॥ 21 ॥
ஜக்நே நிக்நேந விக்நோ பஹுலபலபகத்வம்ஸநாத்யேந ஶோச-
-த்விப்ராநுக்ரோஶபாஶைரஸுவித்ரு'திஸுகஸ்யைகசக்ராஜநாநாம் ।
தஸ்மை தே தேவ குர்மஃ குருகுலபதயே கர்மணா ச ப்ரணாமாந்
கிர்மீரம் துர்மதீநாம் ப்ரதமமத ச யோ நர்மணா நிர்மமாத ॥ 22 ॥
நிர்ம்ரு'த்நந்நத்யயத்நம் விஜரவர ஜராஸந்தகாயாஸ்திஸந்தீந்
யுத்தே த்வம் ஸ்வத்வரே வா பஶுமிவ தமயந் விஷ்ணுபக்ஷத்விடீஶம் ।
யாவத்ப்ரத்யக்ஷபூதம் நிகிலமகபுஜம் தர்பயாமாஸிதாஸௌ
தாவத்யாऽயோஜி த்ரு'ப்த்யா கிமு வத பகவந் ராஜஸூயாஶ்வமேதே ॥ 23 ॥
க்ஷ்வேலாக்ஷீணாட்டஹாஸம் தவ ரணமரிஹந்நுத்கதோத்தாமபாஹோஃ
பஹ்வக்ஷௌஹிண்யநீகக்ஷபணஸுநிபுணம் யஸ்ய ஸர்வோத்தமஸ்ய ।
ஶுஶ்ரூஷார்தம் சகர்த ஸ்வயமயமத ஸம்வக்துமாநந்ததீர்த-
-ஶ்ரீமந்நாமந்ஸமர்தஸ்த்வமபி ஹி யுவயோஃ பாதபத்மம் ப்ரபத்யே ॥ 24 ॥
த்ரு'ஹ்யந்தீம் ஹ்ரு'த்ரு'ஹம் மாம் த்ரு'தமநில பலாத்த்ராவயந்தீமவித்யா-
-நித்ராம் வித்ராவ்ய ஸத்யோரசநபடுமதாऽபாத்ய வித்யாஸமுத்ர ।
வாக்தேவீ ஸா ஸுவித்யாத்ரவிணத விதிதா த்ரௌபதீ ருத்ரபத்ந்யா-
-துத்ரிக்தா த்ராகபத்ராத்ரஹயது தயிதா பூர்வபீமாऽஜ்ஞயா தே ॥ 25 ॥
யாப்யாம் ஶுஶ்ரூஷுராஸீஃ குருகுலஜநநே க்ஷத்ரவிப்ரோதிதாப்யாம்
ப்ரஹ்மப்யாம் ப்ரு'ம்ஹிதாப்யாம் சிதஸுகவபுஷா க்ரு'ஷ்ணநாமாஸ்பதாப்யாம் ।
நிர்பேதாப்யாம் விஶேஷாத்விவசநவிஷயாப்யாமமூப்யாமுபாப்யாம்
துப்யம் ச க்ஷேமதேப்யஃ ஸரிஸிஜவிலஸல்லோசநேப்யோ நமோऽஸ்து ॥ 26 ॥
கச்சந் ஸௌகந்திகார்தம் பதி ஸ ஹநுமதஃ புச்சமச்சஸ்ய பீமஃ
ப்ரோத்தர்தும் நாஶகத்ஸ த்வமுமுருவபுஷா பீஷயாமாஸ சேதி ।
பூர்ணஜ்ஞாநௌஜஸோஸ்தே குருதம வபுஷோஃ ஶ்ரீமதாநந்ததீர்த
க்ரீடாமாத்ரம் ததேதத் ப்ரமதத ஸுதியாம் மோஹக த்வேஷபாஜாம் ॥ 27 ॥
பஹ்வீஃ கோடீரடீகஃ குடலகடுமதீநுத்கடாடோபகோபாந்
த்ராக்ச த்வம் ஸத்வரத்வாச்சரணத கதயா போதயாமாஸிதாரீந் ।
உந்மத்யாதத்யமித்யாத்வவசநவசநாநுத்பதஸ்தாம்ஸ்ததாऽந்யாந்
ப்ராயச்சஃ ஸ்வப்ரியாயை ப்ரியதமகுஸுமம் ப்ராண தஸ்மை நமஸ்தே ॥ 28 ॥
தேஹாதுத்க்ராமிதாநாமதிபதிரஸதாமக்ரமாத்வக்ரபுத்திஃ
க்ருத்தஃ க்ரோதைகவஶ்யஃ க்ரிமிரிவ மணிமாந் துஷ்க்ரு'தீ நிஷ்க்ரியார்தம் ।
சக்ரே பூசக்ரமேத்ய க்ரகசமிவ ஸதாம் சேதஸஃ கஷ்டஶாஸ்த்ரம்
துஸ்தர்கம் சக்ரபாணேர்குணகணவிரஹம் ஜீவதாம் சாதிக்ரு'த்ய ॥ 29 ॥
தத்துஷ்ப்ரேக்ஷாநுஸாராத்கதிபயகுநரைராத்ரு'தோऽந்யைர்விஸ்ரு'ஷ்டோ
ப்ரஹ்மாऽஹம் நிர்குணோऽஹம் விததமிதமிதி ஹ்யேஷ பாஷண்டவாதஃ ।
தத்யுக்த்யாபாஸஜாலப்ரஸரவிஷதரூத்தாஹதக்ஷப்ரமாண-
-ஜ்வாலாமாலாதராக்நிஃ பவந விஜயதே தேऽவதாரஸ்த்ரு'தீயஃ ॥ 30 ॥
ஆக்ரோஶந்தோ நிராஶா பயபரவிவஶஸ்வாஶயாஶ்சிந்நதர்பா
வாஶந்தோ தேஶநாஶஸ்விதி பத குதியாம் நாஶமாஶாதஶாऽஶு ।
தாவந்தோऽஶ்லீலஶீலா விததஶபதஶாபாஶிவாஃ ஶாந்தஶௌர்யா-
-ஸ்த்வத்வ்யாக்யாஸிம்ஹநாதே ஸபதி தத்ரு'ஶிரே மாயிகோமாயவஸ்தே ॥ 31 ॥
த்ரிஷ்வப்யேவாவதாரேஷ்வரிபிரபக்ரு'ணம் ஹிம்ஸிதோ நிர்விகாரஃ
ஸர்வஜ்ஞஃ ஸர்வஶக்திஃ ஸகலகுணகணாபூர்ணரூபப்ரகல்பஃ ।
ஸ்வச்சஃ ஸ்வச்சந்தம்ரு'த்யுஃ ஸுகயஸி ஸுஜநம் தேவ கிம் சித்ரமத்ர
த்ராதா யஸ்ய த்ரிதாமா ஜகதுத வஶகம் கிங்கராஃ ஶங்கராத்யாஃ ॥ 32 ॥
உத்யந்மந்தஸ்மிதஶ்ரீம்ரு'து மதுமதுராலாபபீயூஷதாரா-
-பூராஸேகோபஶாந்தாஸுகஸுஜநமநோலோசநாபீயமாநம் ।
ஸந்த்ரக்ஷ்யே ஸுந்தரம் ஸந்துஹதிஹ மஹதாநந்தமாநந்ததீர்த
ஶ்ரீமத்வக்த்ரேந்துபிம்பம் துரதநுதுதிதம் நித்யதாऽஹம் கதா நு ॥ 33 ॥
ப்ராசீநாசீர்ணபுண்யோச்சயசதுரதராசாரதஶ்சாருசித்தா-
-நத்யுச்சாம் ரோசயந்தீம் ஶ்ருதிசிதவசநாம் ஶ்ராவகாம்ஶ்சோத்யசுஞ்சூந் ।
வ்யாக்யாமுத்காததுஃகாம் சிரமுசிதமஹாசார்ய சிந்தாரதாம்ஸ்தே
சித்ராம் ஸச்சாஸ்த்ரகர்தாஶ்சரணபரிசராஞ்ச்ராவயாஸ்மாம்ஶ்ச கிஞ்சித் ॥ 34 ॥
பீடே ரத்நோகபக்ல்ரு'ப்தே ருசிரருசிமணிஜ்யோதிஷா ஸந்நிஷண்ணம்
ப்ரஹ்மாணம் பாவிநம் த்வாம் ஜ்வலதி நிஜபதே வைதிகாத்யா ஹி வித்யாஃ ।
ஸேவந்தே மூர்திமத்யஃ ஸுசரித சரிதம் பாதி கந்தர்வ கீதம்
ப்ரத்யேகம் தேவஸம்ஸத்ஸ்வபி தவ பகவந்நர்திதத்யோவதூஷு ॥ 35 ॥
ஸாநுக்ரோஶைரஜஸ்ரம் ஜநிம்ரு'திநிரயாத்யூர்மிமாலாவிலேऽஸ்மிந்
ஸம்ஸாராப்தௌ நிமக்நாந் ஶரணமஶரணாநிச்சதோ வீக்ஷ்ய ஜந்தூந் ।
யுஷ்மாபிஃ ப்ரார்திதஃ ஸந் ஜலநிதிஶயநஃ ஸத்யவத்யாம் மஹர்ஷே-
-ர்வ்யக்தஶ்சிந்மாத்ரமூர்திர்ந கலு பகவதஃ ப்ராக்ரு'தோ ஜாது தேஹஃ ॥ 36 ॥
அஸ்தவ்யஸ்தம் ஸமஸ்தஶ்ருதிகதமதமை ரத்நபூகம் யதாऽந்தை-
-ரர்தம் லோகோபக்ரு'த்யை குணகணநிலயஃ ஸூத்ரயாமாஸ க்ரு'த்ஸ்நம் ।
யோऽஸௌ வ்யாஸாபிதாநஸ்தமஹமஹரஹர்பக்திதஸ்த்வத்ப்ரஸாதாத்
ஸத்யோ வித்யோபலப்த்யை குருதமமகுரும் தேவதேவம் நமாமி ॥ 37 ॥
ஆஜ்ஞாமந்யைரதார்யாம் ஶிரஸி பரிஸரத்ரஶ்மிகோடீரகோடௌ
க்ரு'ஷ்ணஸ்யாக்லிஷ்டகர்மா தததநுஸராணாதர்திதோ தேவஸங்கைஃ ।
பூமாவாகத்ய பூமந்நஸுகரமகரோர்ப்ரஹ்மஸூத்ரஸ்ய பாஷ்யம்
துர்பாஷ்யம் வ்யஸ்ய தஸ்யோர்மணிமத உதிதம் வேதஸத்யுக்திபிஸ்த்வம் ॥ 38 ॥
பூத்வா க்ஷேத்ரே விஶுத்தே த்விஜகணநிலயே ரௌப்யபீடாபிதாநே
தத்ராபி ப்ரஹ்மஜாதிஸ்த்ரிபுவநவிஶதே மத்யகேஹாக்யகேஹே ।
பாரிவ்ராஜ்யாதிராஜஃ புநரபி பதரீம் ப்ராப்ய க்ரு'ஷ்ணம் ச நத்வா
க்ரு'த்வா பாஷ்யாணி ஸம்யக் வ்யதநுத ச பவாந் பாரதார்தப்ரகாஶம் ॥ 39 ॥
வந்தே தம் த்வாம் ஸுபூர்ணப்ரமதிமநுதிநாஸேவிதம் தேவவ்ரு'ந்தைஃ
வந்தே வந்தாருமீஶே ஶ்ரிய உத நியதம் ஶ்ரீமதாநந்ததீர்தம் ।
வந்தே மந்தாகிநீஸத்ஸரிதமலஜலாஸேகஸாதிக்யஸங்கம்
வந்தேऽஹம் தேவ பக்த்யா பவபயதஹநம் ஸஜ்ஜநாந்மோதயந்தம் ॥ 40 ॥
ஸுப்ரஹ்மண்யாக்யஸூரேஃ ஸுத இதி ஸுப்ரு'ஶம் கேஶவாநந்ததீர்த-
ஶ்ரீமத்பாதாப்ஜபக்தஃ ஸ்துதிமக்ரு'த ஹரேர்வாயுதேவஸ்ய சாஸ்ய ।
தத்பாதார்சாதரேண க்ரதிதபதலஸந்மாலயா த்வேதயா யே
ஸம்ராத்யாமூ நமந்தி ப்ரததமதிகுணா முக்திமேதே வ்ரஜந்தி ॥ 41 ॥
அத ஶ்ரீநகஸ்துதிஃ
பாந்த்வஸ்மாந் புருஹூதவைரிபலவந்மாதங்கமாத்யத்கடா
கும்போச்சாத்ரிவிபாடநாதிகபடுப்ரத்யேகவஜ்ராயிதாஃ ।
ஶ்ரீமத்கண்டீரவாஸ்ய ப்ரதத ஸுநகரா தாரிதாராதிதூர-
ப்ரத்வஸ்தத்வாந்தஶாந்தப்ரவிததமநஸா பாவிதா நாகிவ்ரு'ந்தைஃ ॥ 1 ॥
லக்ஷ்மீகாந்த ஸமந்ததோऽவிகலயந் நைவேஶிதுஸ்தே ஸமம்
பஶ்யாம்யுத்தமவஸ்து தூரதரதோऽபாஸ்தம் ரஸோ யோऽஷ்டமஃ ।
யத்ரோஷோத்கரதக்ஷநேத்ரகுடிலப்ராந்தோத்திதாக்நிஸ்புரத்
கத்யோதோபமவிஸ்புலிங்கபஸிதா ப்ரஹ்மேஶஶக்ரோத்கராஃ ॥ 2 ॥
இதி ஶ்ரீத்ரிவிக்ரமபண்டிதாசார்ய விரசிதா வாயுஸ்துதிஃ ஸமாப்தா ॥
Roman (IAST) Transliteration
atha nakhastutiḥ
pāntvasmān puruhūtavairibalavanmātaṅgamādyadghaṭā-
-kumbhoccādrivipāṭanādhikapaṭu pratyeka vajrāyitāḥ |
śrīmatkaṇṭhīravāsyapratatasunakharā dāritārātidūra-
-pradhvastadhvāntaśāntapravitatamanasā bhāvitā bhūribhāgaiḥ || 1 ||
lakṣmīkānta samantato'pi kalayan naiveśituste samaṃ
paśyāmyuttamavastu dūrataratopāstaṃ raso yo'ṣṭamaḥ |
yadroṣotkara dakṣa netra kuṭila prāntotthitāgni sphurat
khadyotopama visphuliṅgabhasitā brahmeśaśakrotkarāḥ || 2 ||
atha vāyustutiḥ
śrīmadviṣṇvaṅghriniṣṭhātiguṇagurutamaśrīmadānandatīrtha-
-trailokyācāryapādojjvalajalajalasatpāṃsavo'smān punantu |
vācāṃ yatra praṇetrī tribhuvanamahitā śāradā śāradendu-
-jyotsnābhadrasmitaśrīdhavalitakakubhā premabhāraṃ babhāra || 1 ||
utkaṇṭhākuṇṭhakolāhalajavavijitājasrasevānuvṛddha-
-prājñātmajñānadhūtāndhatamasasumanomauliratnāvalīnām |
bhaktyudrekāvagāḍhapraghaṭanasadhaṭātkārasaṅghṛṣyamāṇa-
prāntaprāgryāṅghripīṭhotthitakanakarajaḥpiñjarārañjitāśāḥ || 2 ||
janmādhivyādhyupādhipratihativirahaprāpakāṇāṃ guṇānāṃ
agryāṇāmarpakāṇāṃ ciramuditacidānandasandohadānām |
eteṣāmeṣa doṣapramuṣitamanasāṃ dveṣiṇāṃ dūṣakāṇāṃ
daityānāmārtimandhe tamasi vidadhatāṃ saṃstave nāsmi śaktaḥ || 3 ||
asyāviṣkartukāmaṃ kalimalakaluṣe'smin jane jñānamārgaṃ
vandyaṃ candrendrarudradyumaṇiphaṇivayonāyakādyairihādya |
madhvākhyaṃ mantrasiddhaṃ kimuta kṛtavato mārutasyāvatāraṃ
pātāraṃ pārameṣṭyaṃ padamapavipadaḥ prāpturāpannapuṃsām || 4 ||
udyadvidyutpracaṇḍāṃ nijarucinikaravyāptalokāvakāśo
bibhradbhīmo bhuje yo'bhyuditadinakarābhāṅgadāḍhya prakāṇḍe |
vīryoddhāryāṃ gadāgryāmayamiha sumatiṃ vāyudevo vidadhyāt
adhyātmajñānanetā yativaramahito bhūmibhūṣāmaṇirme || 5 ||
saṃsārottāpanityopaśamadasadayasnehahāsāmbupūra-
-prodyadvidyānavadyadyutimaṇikiraṇaśreṇisampūritāśaḥ |
śrīvatsāṅkādhivāsocitatarasaralaśrīmadānandatīrtha-
-kṣīrāmbhodhirvibhindyādbhavadanabhimataṃ bhūri me bhūtihetuḥ || 6 ||
mūrdhanyeṣo'ñjalirme dṛḍhataramiha te badhyate bandhapāśa-
-cchetre dātre sukhānāṃ bhajati bhuvi bhaviṣyadvidhātre dyubhartre |
atyantaṃ santataṃ tvaṃ pradiśa padayuge hanta santāpabhājā-
-masmākaṃ bhaktimekāṃ bhagavata uta te mādhavasyātha vāyoḥ || 7 ||
sābhroṣṇābhīśuśubhraprabhamabhaya nabho bhūribhūbhṛdvibhūti-
-bhrājiṣṇurbhūrṛbhūṇāṃ bhavanamapi vibho'bhedi babhre babhūve |
yena bhrūvibhramaste bhramayatu subhṛśaṃ babhruvaddurbhṛtāśān
bhrāntirbhedāvabhāsastviti bhayamabhibhūrbhokṣyato māyibhikṣūn || 8 ||
ye'muṃ bhāvaṃ bhajante suramukhasujanārādhitaṃ te tṛtīyaṃ
bhāsante bhāsuraiste sahacaracalitaiścāmaraiścāruveṣāḥ |
vaikuṇṭhe kaṇṭhalagnasthiraśucivilasatkāntitāruṇyalīlā-
lāvaṇyāpūrṇakāntākucabharasulabhāśleṣasammodasāndrāḥ || 9 ||
ānandānmandamandā dadati hi marutaḥ kundamandāranandyā-
-vartāmodān dadhānā mṛdupadamuditodgītakaiḥ sundarīṇām |
vṛndairāvandyamuktendvahimagumadanāhīndradevendrasevye
maukunde mandire'sminnaviratamudayanmodināṃ devadeva || 10 ||
uttaptā'tyutkaṭatviṭ prakaṭakaṭakaṭadhvānasaṅghaṭṭanodya-
-dvidyudvyūḍhasphuliṅgaprakaravikiraṇotkvāthite bādhitāṅgān |
udgāḍhaṃ pātyamānā tamasi tata itaḥ kiṅkaraiḥ paṅkile te
paṅktirgrāvṇāṃ garimṇā glapayati hi bhavadveṣiṇo vidvadādya || 11 ||
asminnasmadgurūṇāṃ haricaraṇaciradhyānasanmaṅgalānāṃ
yuṣmākaṃ pārśvabhūmiṃ dhṛtaraṇaraṇikasvargisevyāṃ prapannaḥ |
yastūdāste sa āste'dhibhavamasulabhakleśanirmūkamasta-
-prāyānandaṃ kathañcinna vasati satataṃ pañcakaṣṭe'tikaṣṭe || 12 ||
kṣut kṣāmān rūkṣarakṣoradakharanakharakṣuṇṇavikṣobhitākṣā-
-nāmagnānāndhakūpe kṣuramukhamukharaiḥ pakṣibhirvikṣatāṅgān |
pūyāsṛṅmūtraviṣṭhākṛmikulakalile tatkṣaṇakṣiptaśaktyā-
-dyastravrātārditāṃstvaddviṣa upajihate vajrakalpā jalūkāḥ || 13 ||
mātarme mātariśvan pitaratulaguro bhrātariṣṭāptabandho
svāmin sarvāntarātmannajara jarayitarjanmamṛtyāmayānām |
govinde dehi bhaktiṃ bhavati ca bhagavannūrjitāṃ nirnimittāṃ
nirvyājāṃ niścalāṃ sadguṇagaṇabṛhatīṃ śāśvatīmāśu deva || 14 ||
viṣṇorattyuttamatvādakhilaguṇagaṇaistatra bhaktiṃ gariṣṭhāṃ
āśliṣṭe śrīdharābhyāmamumatha parivārātmanā sevakeṣu |
yaḥ sandhatte viriñcaśvasanavihagapānantarudrendrapūrve-
-ṣvādhyāyaṃstāratamyaṃ sphuṭamavati sadā vāyurasmadgurustam || 15 ||
tattvajñān muktibhājaḥ sukhayisi hi guro yogyatātāratamyā-
-dādhatse miśrabuddhiṃstridivanirayabhūgocarān nityabaddhān |
tāmisrāndhādikākhye tamasi subahulaṃ duḥkhayasyanyathājñān
viṣṇorājñābhiritthaṃ śṛtiśatamitihāsādi cākarṇayāmaḥ || 16 ||
vande'haṃ taṃ hanūmāniti mahitamahāpauruṣo bāhuśālī
khyātaste'gryo'vatāraḥ sahita iha bahubrahmacaryādidharmaiḥ |
sasnehānāṃ sahasvānaharaharahitaṃ nirdahan dehabhājāṃ
aṃhomohāpaho yaḥ spṛhayati mahatīṃ bhaktimadyāpi rāme || 17 ||
prākpañcāśatsahasrairvyavahitamahitaṃ yojanaiḥ parvataṃ tvaṃ
yāvatsañjīvanādyauṣadhanidhimadhikaprāṇa laṅkāmanaiṣiḥ |
adrākṣīdutpatantaṃ tata uta girimutpāṭayantaṃ gṛhītvā
yāntaṃ khe rāghavāṅghrau praṇatamapi tadaikakṣaṇe tvāṃ hi lokaḥ || 18 ||
kṣiptaḥ paścātsatsalīlaṃ śatamatulamate yojanānāṃ sa ucca-
-stāvadvistāravaṃścāpyupalalava iva vyagrabuddhyā tvayā'taḥ |
svasvasthānasthitātisthiraśakalaśilājālasaṃśleṣanaṣṭa-
-chchedāṅkaḥ prāgivābhūt kapivaravapuṣaste namaḥ kauśalāya || 19 ||
dṛṣṭvā duṣṭādhiporaḥ sphuṭitakanakasadvarma ghṛṣṭāsthikūṭaṃ
niṣpiṣṭaṃ hāṭakādriprakaṭataṭataṭākātiśaṅko jano'bhūt |
yenā'jau rāvaṇāripriyanaṭanapaṭurmuṣṭiriṣṭaṃ pradeṣṭuṃ
kiṃ neṣṭe me sa te'ṣṭāpadakaṭakataṭitkoṭibhāmṛṣṭakāṣṭhaḥ || 20 ||
devyādeśapraṇītidṛhiṇaharavarāvadhyarakṣovighātā-
-dyāsevodyaddayārdraḥ sahabhujamakarodrāmanāmā mukundaḥ |
duṣprāpe pārameṣṭhye karatalamatulaṃ mūrdhivinyasya dhanyaṃ
tanvanbhūyaḥ prabhūtapraṇayavikasitābjekṣaṇastvekṣamāṇaḥ || 21 ||
jaghne nighnena vighno bahulabalabakadhvaṃsanādyena śoca-
-dviprānukrośapāśairasuvidhṛtisukhasyaikacakrājanānām |
tasmai te deva kurmaḥ kurukulapataye karmaṇā ca praṇāmān
kirmīraṃ durmatīnāṃ prathamamatha ca yo narmaṇā nirmamātha || 22 ||
nirmṛdnannatyayatnaṃ vijaravara jarāsandhakāyāsthisandhīn
yuddhe tvaṃ svadhvare vā paśumiva damayan viṣṇupakṣadviḍīśam |
yāvatpratyakṣabhūtaṃ nikhilamakhabhujaṃ tarpayāmāsithāsau
tāvatyā'yoji tṛptyā kimu vada bhagavan rājasūyāśvamedhe || 23 ||
kṣvelākṣīṇāṭṭahāsaṃ tava raṇamarihannudgadoddāmabāhoḥ
bahvakṣauhiṇyanīkakṣapaṇasunipuṇaṃ yasya sarvottamasya |
śuśrūṣārthaṃ cakartha svayamayamatha saṃvaktumānandatīrtha-
-śrīmannāmansamarthastvamapi hi yuvayoḥ pādapadmaṃ prapadye || 24 ||
dṛhyantīṃ hṛdṛhaṃ māṃ dṛtamanila balāddrāvayantīmavidyā-
-nidrāṃ vidrāvya sadyoracanapaṭumathā'pādya vidyāsamudra |
vāgdevī sā suvidyādraviṇada viditā draupadī rudrapatnyā-
-dudriktā drāgabhadrādrahayatu dayitā pūrvabhīmā'jñayā te || 25 ||
yābhyāṃ śuśrūṣurāsīḥ kurukulajanane kṣatraviproditābhyāṃ
brahmabhyāṃ bṛṃhitābhyāṃ citasukhavapuṣā kṛṣṇanāmāspadābhyām |
nirbhedābhyāṃ viśeṣādvivacanaviṣayābhyāmamūbhyāmubhābhyāṃ
tubhyaṃ ca kṣemadebhyaḥ sarisijavilasallocanebhyo namo'stu || 26 ||
gacchan saugandhikārthaṃ pathi sa hanumataḥ pucchamacchasya bhīmaḥ
proddhartuṃ nāśakatsa tvamumuruvapuṣā bhīṣayāmāsa ceti |
pūrṇajñānaujasoste gurutama vapuṣoḥ śrīmadānandatīrtha
krīḍāmātraṃ tadetat pramadada sudhiyāṃ mohaka dveṣabhājām || 27 ||
bahvīḥ koṭīraṭīkaḥ kuṭalakaṭumatīnutkaṭāṭopakopān
drākca tvaṃ satvaratvāccaraṇada gadayā pothayāmāsithārīn |
unmathyātathyamithyātvavacanavacanānutpathasthāṃstathā'nyān
prāyacchaḥ svapriyāyai priyatamakusumaṃ prāṇa tasmai namaste || 28 ||
dehādutkrāmitānāmadhipatirasatāmakramādvakrabuddhiḥ
kruddhaḥ krodhaikavaśyaḥ krimiriva maṇimān duṣkṛtī niṣkriyārtham |
cakre bhūcakrametya krakacamiva satāṃ cetasaḥ kaṣṭaśāstraṃ
dustarkaṃ cakrapāṇerguṇagaṇavirahaṃ jīvatāṃ cādhikṛtya || 29 ||
tadduṣprekṣānusārātkatipayakunarairādṛto'nyairvisṛṣṭo
brahmā'haṃ nirguṇo'haṃ vitathamidamiti hyeṣa pāṣaṇḍavādaḥ |
tadyuktyābhāsajālaprasaraviṣatarūddāhadakṣapramāṇa-
-jvālāmālādharāgniḥ pavana vijayate te'vatārastṛtīyaḥ || 30 ||
ākrośanto nirāśā bhayabharavivaśasvāśayāśchinnadarpā
vāśanto deśanāśasviti bata kudhiyāṃ nāśamāśādaśā'śu |
dhāvanto'ślīlaśīlā vitathaśapathaśāpāśivāḥ śāntaśauryā-
-stvadvyākhyāsiṃhanāde sapadi dadṛśire māyigomāyavaste || 31 ||
triṣvapyevāvatāreṣvaribhirapaghṛṇaṃ hiṃsito nirvikāraḥ
sarvajñaḥ sarvaśaktiḥ sakalaguṇagaṇāpūrṇarūpapragalbhaḥ |
svacchaḥ svacchandamṛtyuḥ sukhayasi sujanaṃ deva kiṃ citramatra
trātā yasya tridhāmā jagaduta vaśagaṃ kiṅkarāḥ śaṅkarādyāḥ || 32 ||
udyanmandasmitaśrīmṛdu madhumadhurālāpapīyūṣadhārā-
-pūrāsekopaśāntāsukhasujanamanolocanāpīyamānam |
sandrakṣye sundaraṃ sanduhadiha mahadānandamānandatīrtha
śrīmadvaktrendubimbaṃ duratanududitaṃ nityadā'haṃ kadā nu || 33 ||
prācīnācīrṇapuṇyoccayacaturatarācārataścārucittā-
-natyuccāṃ rocayantīṃ śruticitavacanāṃ śrāvakāṃścodyacuñcūn |
vyākhyāmutkhātaduḥkhāṃ ciramucitamahācārya cintāratāṃste
citrāṃ sacchāstrakartāścaraṇaparicarāñchrāvayāsmāṃśca kiñcit || 34 ||
pīṭhe ratnokapaklṛpte rucirarucimaṇijyotiṣā sanniṣaṇṇaṃ
brahmāṇaṃ bhāvinaṃ tvāṃ jvalati nijapade vaidikādyā hi vidyāḥ |
sevante mūrtimatyaḥ sucarita caritaṃ bhāti gandharva gītaṃ
pratyekaṃ devasaṃsatsvapi tava bhagavannartitadyovadhūṣu || 35 ||
sānukrośairajasraṃ janimṛtinirayādyūrmimālāvile'smin
saṃsārābdhau nimagnān śaraṇamaśaraṇānicchato vīkṣya jantūn |
yuṣmābhiḥ prārthitaḥ san jalanidhiśayanaḥ satyavatyāṃ maharṣe-
-rvyaktaścinmātramūrtirna khalu bhagavataḥ prākṛto jātu dehaḥ || 36 ||
astavyastaṃ samastaśrutigatamadhamai ratnapūgaṃ yathā'ndhai-
-rarthaṃ lokopakṛtyai guṇagaṇanilayaḥ sūtrayāmāsa kṛtsnam |
yo'sau vyāsābhidhānastamahamaharaharbhaktitastvatprasādāt
sadyo vidyopalabdhyai gurutamamaguruṃ devadevaṃ namāmi || 37 ||
ājñāmanyairadhāryāṃ śirasi parisaradraśmikoṭīrakoṭau
kṛṣṇasyākliṣṭakarmā dadhadanusarāṇādarthito devasaṅghaiḥ |
bhūmāvāgatya bhūmannasukaramakarorbrahmasūtrasya bhāṣyaṃ
durbhāṣyaṃ vyasya dasyormaṇimata uditaṃ vedasadyuktibhistvam || 38 ||
bhūtvā kṣetre viśuddhe dvijagaṇanilaye raupyapīṭhābhidhāne
tatrāpi brahmajātistribhuvanaviśade madhyagehākhyagehe |
pārivrājyādhirājaḥ punarapi badarīṃ prāpya kṛṣṇaṃ ca natvā
kṛtvā bhāṣyāṇi samyag vyatanuta ca bhavān bhāratārthaprakāśam || 39 ||
vande taṃ tvāṃ supūrṇapramatimanudināsevitaṃ devavṛndaiḥ
vande vandārumīśe śriya uta niyataṃ śrīmadānandatīrtham |
vande mandākinīsatsaridamalajalāsekasādhikyasaṅgaṃ
vande'haṃ deva bhaktyā bhavabhayadahanaṃ sajjanānmodayantam || 40 ||
subrahmaṇyākhyasūreḥ suta iti subhṛśaṃ keśavānandatīrtha-
śrīmatpādābjabhaktaḥ stutimakṛta harervāyudevasya cāsya |
tatpādārcādareṇa grathitapadalasanmālayā tvetayā ye
saṃrādhyāmū namanti pratatamatiguṇā muktimete vrajanti || 41 ||
atha śrīnakhastutiḥ
pāntvasmān puruhūtavairibalavanmātaṅgamādyadghaṭā
kumbhoccādrivipāṭanādhikapaṭupratyekavajrāyitāḥ |
śrīmatkaṇṭhīravāsya pratata sunakharā dāritārātidūra-
pradhvastadhvāntaśāntapravitatamanasā bhāvitā nākivṛndaiḥ || 1 ||
lakṣmīkānta samantato'vikalayan naiveśituste samaṃ
paśyāmyuttamavastu dūratarato'pāstaṃ raso yo'ṣṭamaḥ |
yadroṣotkaradakṣanetrakuṭilaprāntotthitāgnisphurat
khadyotopamavisphuliṅgabhasitā brahmeśaśakrotkarāḥ || 2 ||
iti śrītrivikramapaṇḍitācārya viracitā vāyustutiḥ samāptā ||
Sanskrit — Devanagari (original)
अथ नखस्तुतिः
पान्त्वस्मान् पुरुहूतवैरिबलवन्मातङ्गमाद्यद्घटा-
-कुम्भोच्चाद्रिविपाटनाधिकपटु प्रत्येक वज्रायिताः ।
श्रीमत्कण्ठीरवास्यप्रततसुनखरा दारितारातिदूर-
-प्रध्वस्तध्वान्तशान्तप्रविततमनसा भाविता भूरिभागैः ॥ 1 ॥
लक्ष्मीकान्त समन्ततोऽपि कलयन् नैवेशितुस्ते समं
पश्याम्युत्तमवस्तु दूरतरतोपास्तं रसो योऽष्टमः ।
यद्रोषोत्कर दक्ष नेत्र कुटिल प्रान्तोत्थिताग्नि स्फुरत्
खद्योतोपम विस्फुलिङ्गभसिता ब्रह्मेशशक्रोत्कराः ॥ 2 ॥
अथ वायुस्तुतिः
श्रीमद्विष्ण्वङ्घ्रिनिष्ठातिगुणगुरुतमश्रीमदानन्दतीर्थ-
-त्रैलोक्याचार्यपादोज्ज्वलजलजलसत्पांसवोऽस्मान् पुनन्तु ।
वाचां यत्र प्रणेत्री त्रिभुवनमहिता शारदा शारदेन्दु-
-ज्योत्स्नाभद्रस्मितश्रीधवलितककुभा प्रेमभारं बभार ॥ 1 ॥
उत्कण्ठाकुण्ठकोलाहलजवविजिताजस्रसेवानुवृद्ध-
-प्राज्ञात्मज्ञानधूतान्धतमससुमनोमौलिरत्नावलीनाम् ।
भक्त्युद्रेकावगाढप्रघटनसधटात्कारसङ्घृष्यमाण-
प्रान्तप्राग्र्याङ्घ्रिपीठोत्थितकनकरजःपिञ्जरारञ्जिताशाः ॥ 2 ॥
जन्माधिव्याध्युपाधिप्रतिहतिविरहप्रापकाणां गुणानां
अग्र्याणामर्पकाणां चिरमुदितचिदानन्दसन्दोहदानाम् ।
एतेषामेष दोषप्रमुषितमनसां द्वेषिणां दूषकाणां
दैत्यानामार्तिमन्धे तमसि विदधतां संस्तवे नास्मि शक्तः ॥ 3 ॥
अस्याविष्कर्तुकामं कलिमलकलुषेऽस्मिन् जने ज्ञानमार्गं
वन्द्यं चन्द्रेन्द्ररुद्रद्युमणिफणिवयोनायकाद्यैरिहाद्य ।
मध्वाख्यं मन्त्रसिद्धं किमुत कृतवतो मारुतस्यावतारं
पातारं पारमेष्ट्यं पदमपविपदः प्राप्तुरापन्नपुंसाम् ॥ 4 ॥
उद्यद्विद्युत्प्रचण्डां निजरुचिनिकरव्याप्तलोकावकाशो
बिभ्रद्भीमो भुजे योऽभ्युदितदिनकराभाङ्गदाढ्य प्रकाण्डे ।
वीर्योद्धार्यां गदाग्र्यामयमिह सुमतिं वायुदेवो विदध्यात्
अध्यात्मज्ञाननेता यतिवरमहितो भूमिभूषामणिर्मे ॥ 5 ॥
संसारोत्तापनित्योपशमदसदयस्नेहहासाम्बुपूर-
-प्रोद्यद्विद्यानवद्यद्युतिमणिकिरणश्रेणिसम्पूरिताशः ।
श्रीवत्साङ्काधिवासोचिततरसरलश्रीमदानन्दतीर्थ-
-क्षीराम्भोधिर्विभिन्द्याद्भवदनभिमतं भूरि मे भूतिहेतुः ॥ 6 ॥
मूर्धन्येषोऽञ्जलिर्मे दृढतरमिह ते बध्यते बन्धपाश-
-च्छेत्रे दात्रे सुखानां भजति भुवि भविष्यद्विधात्रे द्युभर्त्रे ।
अत्यन्तं सन्ततं त्वं प्रदिश पदयुगे हन्त सन्तापभाजा-
-मस्माकं भक्तिमेकां भगवत उत ते माधवस्याथ वायोः ॥ 7 ॥
साभ्रोष्णाभीशुशुभ्रप्रभमभय नभो भूरिभूभृद्विभूति-
-भ्राजिष्णुर्भूरृभूणां भवनमपि विभोऽभेदि बभ्रे बभूवे ।
येन भ्रूविभ्रमस्ते भ्रमयतु सुभृशं बभ्रुवद्दुर्भृताशान्
भ्रान्तिर्भेदावभासस्त्विति भयमभिभूर्भोक्ष्यतो मायिभिक्षून् ॥ 8 ॥
येऽमुं भावं भजन्ते सुरमुखसुजनाराधितं ते तृतीयं
भासन्ते भासुरैस्ते सहचरचलितैश्चामरैश्चारुवेषाः ।
वैकुण्ठे कण्ठलग्नस्थिरशुचिविलसत्कान्तितारुण्यलीला-
लावण्यापूर्णकान्ताकुचभरसुलभाश्लेषसम्मोदसान्द्राः ॥ 9 ॥
आनन्दान्मन्दमन्दा ददति हि मरुतः कुन्दमन्दारनन्द्या-
-वर्तामोदान् दधाना मृदुपदमुदितोद्गीतकैः सुन्दरीणाम् ।
वृन्दैरावन्द्यमुक्तेन्द्वहिमगुमदनाहीन्द्रदेवेन्द्रसेव्ये
मौकुन्दे मन्दिरेऽस्मिन्नविरतमुदयन्मोदिनां देवदेव ॥ 10 ॥
उत्तप्ताऽत्युत्कटत्विट् प्रकटकटकटध्वानसङ्घट्टनोद्य-
-द्विद्युद्व्यूढस्फुलिङ्गप्रकरविकिरणोत्क्वाथिते बाधिताङ्गान् ।
उद्गाढं पात्यमाना तमसि तत इतः किङ्करैः पङ्किले ते
पङ्क्तिर्ग्राव्णां गरिम्णा ग्लपयति हि भवद्वेषिणो विद्वदाद्य ॥ 11 ॥
अस्मिन्नस्मद्गुरूणां हरिचरणचिरध्यानसन्मङ्गलानां
युष्माकं पार्श्वभूमिं धृतरणरणिकस्वर्गिसेव्यां प्रपन्नः ।
यस्तूदास्ते स आस्तेऽधिभवमसुलभक्लेशनिर्मूकमस्त-
-प्रायानन्दं कथञ्चिन्न वसति सततं पञ्चकष्टेऽतिकष्टे ॥ 12 ॥
क्षुत् क्षामान् रूक्षरक्षोरदखरनखरक्षुण्णविक्षोभिताक्षा-
-नामग्नानान्धकूपे क्षुरमुखमुखरैः पक्षिभिर्विक्षताङ्गान् ।
पूयासृङ्मूत्रविष्ठाकृमिकुलकलिले तत्क्षणक्षिप्तशक्त्या-
-द्यस्त्रव्रातार्दितांस्त्वद्द्विष उपजिहते वज्रकल्पा जलूकाः ॥ 13 ॥
मातर्मे मातरिश्वन् पितरतुलगुरो भ्रातरिष्टाप्तबन्धो
स्वामिन् सर्वान्तरात्मन्नजर जरयितर्जन्ममृत्यामयानाम् ।
गोविन्दे देहि भक्तिं भवति च भगवन्नूर्जितां निर्निमित्तां
निर्व्याजां निश्चलां सद्गुणगणबृहतीं शाश्वतीमाशु देव ॥ 14 ॥
विष्णोरत्त्युत्तमत्वादखिलगुणगणैस्तत्र भक्तिं गरिष्ठां
आश्लिष्टे श्रीधराभ्याममुमथ परिवारात्मना सेवकेषु ।
यः सन्धत्ते विरिञ्चश्वसनविहगपानन्तरुद्रेन्द्रपूर्वे-
-ष्वाध्यायंस्तारतम्यं स्फुटमवति सदा वायुरस्मद्गुरुस्तम् ॥ 15 ॥
तत्त्वज्ञान् मुक्तिभाजः सुखयिसि हि गुरो योग्यतातारतम्या-
-दाधत्से मिश्रबुद्धिंस्त्रिदिवनिरयभूगोचरान् नित्यबद्धान् ।
तामिस्रान्धादिकाख्ये तमसि सुबहुलं दुःखयस्यन्यथाज्ञान्
विष्णोराज्ञाभिरित्थं शृतिशतमितिहासादि चाकर्णयामः ॥ 16 ॥
वन्देऽहं तं हनूमानिति महितमहापौरुषो बाहुशाली
ख्यातस्तेऽग्र्योऽवतारः सहित इह बहुब्रह्मचर्यादिधर्मैः ।
सस्नेहानां सहस्वानहरहरहितं निर्दहन् देहभाजां
अंहोमोहापहो यः स्पृहयति महतीं भक्तिमद्यापि रामे ॥ 17 ॥
प्राक्पञ्चाशत्सहस्रैर्व्यवहितमहितं योजनैः पर्वतं त्वं
यावत्सञ्जीवनाद्यौषधनिधिमधिकप्राण लङ्कामनैषिः ।
अद्राक्षीदुत्पतन्तं तत उत गिरिमुत्पाटयन्तं गृहीत्वा
यान्तं खे राघवाङ्घ्रौ प्रणतमपि तदैकक्षणे त्वां हि लोकः ॥ 18 ॥
क्षिप्तः पश्चात्सत्सलीलं शतमतुलमते योजनानां स उच्च-
-स्तावद्विस्तारवंश्चाप्युपललव इव व्यग्रबुद्ध्या त्वयाऽतः ।
स्वस्वस्थानस्थितातिस्थिरशकलशिलाजालसंश्लेषनष्ट-
-छ्छेदाङ्कः प्रागिवाभूत् कपिवरवपुषस्ते नमः कौशलाय ॥ 19 ॥
दृष्ट्वा दुष्टाधिपोरः स्फुटितकनकसद्वर्म घृष्टास्थिकूटं
निष्पिष्टं हाटकाद्रिप्रकटतटतटाकातिशङ्को जनोऽभूत् ।
येनाऽजौ रावणारिप्रियनटनपटुर्मुष्टिरिष्टं प्रदेष्टुं
किं नेष्टे मे स तेऽष्टापदकटकतटित्कोटिभामृष्टकाष्ठः ॥ 20 ॥
देव्यादेशप्रणीतिदृहिणहरवरावध्यरक्षोविघाता-
-द्यासेवोद्यद्दयार्द्रः सहभुजमकरोद्रामनामा मुकुन्दः ।
दुष्प्रापे पारमेष्ठ्ये करतलमतुलं मूर्धिविन्यस्य धन्यं
तन्वन्भूयः प्रभूतप्रणयविकसिताब्जेक्षणस्त्वेक्षमाणः ॥ 21 ॥
जघ्ने निघ्नेन विघ्नो बहुलबलबकध्वंसनाद्येन शोच-
-द्विप्रानुक्रोशपाशैरसुविधृतिसुखस्यैकचक्राजनानाम् ।
तस्मै ते देव कुर्मः कुरुकुलपतये कर्मणा च प्रणामान्
किर्मीरं दुर्मतीनां प्रथममथ च यो नर्मणा निर्ममाथ ॥ 22 ॥
निर्मृद्नन्नत्ययत्नं विजरवर जरासन्धकायास्थिसन्धीन्
युद्धे त्वं स्वध्वरे वा पशुमिव दमयन् विष्णुपक्षद्विडीशम् ।
यावत्प्रत्यक्षभूतं निखिलमखभुजं तर्पयामासिथासौ
तावत्याऽयोजि तृप्त्या किमु वद भगवन् राजसूयाश्वमेधे ॥ 23 ॥
क्ष्वेलाक्षीणाट्टहासं तव रणमरिहन्नुद्गदोद्दामबाहोः
बह्वक्षौहिण्यनीकक्षपणसुनिपुणं यस्य सर्वोत्तमस्य ।
शुश्रूषार्थं चकर्थ स्वयमयमथ संवक्तुमानन्दतीर्थ-
-श्रीमन्नामन्समर्थस्त्वमपि हि युवयोः पादपद्मं प्रपद्ये ॥ 24 ॥
दृह्यन्तीं हृदृहं मां दृतमनिल बलाद्द्रावयन्तीमविद्या-
-निद्रां विद्राव्य सद्योरचनपटुमथाऽपाद्य विद्यासमुद्र ।
वाग्देवी सा सुविद्याद्रविणद विदिता द्रौपदी रुद्रपत्न्या-
-दुद्रिक्ता द्रागभद्राद्रहयतु दयिता पूर्वभीमाऽज्ञया ते ॥ 25 ॥
याभ्यां शुश्रूषुरासीः कुरुकुलजनने क्षत्रविप्रोदिताभ्यां
ब्रह्मभ्यां बृंहिताभ्यां चितसुखवपुषा कृष्णनामास्पदाभ्याम् ।
निर्भेदाभ्यां विशेषाद्विवचनविषयाभ्याममूभ्यामुभाभ्यां
तुभ्यं च क्षेमदेभ्यः सरिसिजविलसल्लोचनेभ्यो नमोऽस्तु ॥ 26 ॥
गच्छन् सौगन्धिकार्थं पथि स हनुमतः पुच्छमच्छस्य भीमः
प्रोद्धर्तुं नाशकत्स त्वमुमुरुवपुषा भीषयामास चेति ।
पूर्णज्ञानौजसोस्ते गुरुतम वपुषोः श्रीमदानन्दतीर्थ
क्रीडामात्रं तदेतत् प्रमदद सुधियां मोहक द्वेषभाजाम् ॥ 27 ॥
बह्वीः कोटीरटीकः कुटलकटुमतीनुत्कटाटोपकोपान्
द्राक्च त्वं सत्वरत्वाच्चरणद गदया पोथयामासिथारीन् ।
उन्मथ्यातथ्यमिथ्यात्ववचनवचनानुत्पथस्थांस्तथाऽन्यान्
प्रायच्छः स्वप्रियायै प्रियतमकुसुमं प्राण तस्मै नमस्ते ॥ 28 ॥
देहादुत्क्रामितानामधिपतिरसतामक्रमाद्वक्रबुद्धिः
क्रुद्धः क्रोधैकवश्यः क्रिमिरिव मणिमान् दुष्कृती निष्क्रियार्थम् ।
चक्रे भूचक्रमेत्य क्रकचमिव सतां चेतसः कष्टशास्त्रं
दुस्तर्कं चक्रपाणेर्गुणगणविरहं जीवतां चाधिकृत्य ॥ 29 ॥
तद्दुष्प्रेक्षानुसारात्कतिपयकुनरैरादृतोऽन्यैर्विसृष्टो
ब्रह्माऽहं निर्गुणोऽहं वितथमिदमिति ह्येष पाषण्डवादः ।
तद्युक्त्याभासजालप्रसरविषतरूद्दाहदक्षप्रमाण-
-ज्वालामालाधराग्निः पवन विजयते तेऽवतारस्तृतीयः ॥ 30 ॥
आक्रोशन्तो निराशा भयभरविवशस्वाशयाश्छिन्नदर्पा
वाशन्तो देशनाशस्विति बत कुधियां नाशमाशादशाऽशु ।
धावन्तोऽश्लीलशीला वितथशपथशापाशिवाः शान्तशौर्या-
-स्त्वद्व्याख्यासिंहनादे सपदि ददृशिरे मायिगोमायवस्ते ॥ 31 ॥
त्रिष्वप्येवावतारेष्वरिभिरपघृणं हिंसितो निर्विकारः
सर्वज्ञः सर्वशक्तिः सकलगुणगणापूर्णरूपप्रगल्भः ।
स्वच्छः स्वच्छन्दमृत्युः सुखयसि सुजनं देव किं चित्रमत्र
त्राता यस्य त्रिधामा जगदुत वशगं किङ्कराः शङ्कराद्याः ॥ 32 ॥
उद्यन्मन्दस्मितश्रीमृदु मधुमधुरालापपीयूषधारा-
-पूरासेकोपशान्तासुखसुजनमनोलोचनापीयमानम् ।
सन्द्रक्ष्ये सुन्दरं सन्दुहदिह महदानन्दमानन्दतीर्थ
श्रीमद्वक्त्रेन्दुबिम्बं दुरतनुदुदितं नित्यदाऽहं कदा नु ॥ 33 ॥
प्राचीनाचीर्णपुण्योच्चयचतुरतराचारतश्चारुचित्ता-
-नत्युच्चां रोचयन्तीं श्रुतिचितवचनां श्रावकांश्चोद्यचुञ्चून् ।
व्याख्यामुत्खातदुःखां चिरमुचितमहाचार्य चिन्तारतांस्ते
चित्रां सच्छास्त्रकर्ताश्चरणपरिचराञ्छ्रावयास्मांश्च किञ्चित् ॥ 34 ॥
पीठे रत्नोकपक्लृप्ते रुचिररुचिमणिज्योतिषा सन्निषण्णं
ब्रह्माणं भाविनं त्वां ज्वलति निजपदे वैदिकाद्या हि विद्याः ।
सेवन्ते मूर्तिमत्यः सुचरित चरितं भाति गन्धर्व गीतं
प्रत्येकं देवसंसत्स्वपि तव भगवन्नर्तितद्योवधूषु ॥ 35 ॥
सानुक्रोशैरजस्रं जनिमृतिनिरयाद्यूर्मिमालाविलेऽस्मिन्
संसाराब्धौ निमग्नान् शरणमशरणानिच्छतो वीक्ष्य जन्तून् ।
युष्माभिः प्रार्थितः सन् जलनिधिशयनः सत्यवत्यां महर्षे-
-र्व्यक्तश्चिन्मात्रमूर्तिर्न खलु भगवतः प्राकृतो जातु देहः ॥ 36 ॥
अस्तव्यस्तं समस्तश्रुतिगतमधमै रत्नपूगं यथाऽन्धै-
-रर्थं लोकोपकृत्यै गुणगणनिलयः सूत्रयामास कृत्स्नम् ।
योऽसौ व्यासाभिधानस्तमहमहरहर्भक्तितस्त्वत्प्रसादात्
सद्यो विद्योपलब्ध्यै गुरुतममगुरुं देवदेवं नमामि ॥ 37 ॥
आज्ञामन्यैरधार्यां शिरसि परिसरद्रश्मिकोटीरकोटौ
कृष्णस्याक्लिष्टकर्मा दधदनुसराणादर्थितो देवसङ्घैः ।
भूमावागत्य भूमन्नसुकरमकरोर्ब्रह्मसूत्रस्य भाष्यं
दुर्भाष्यं व्यस्य दस्योर्मणिमत उदितं वेदसद्युक्तिभिस्त्वम् ॥ 38 ॥
भूत्वा क्षेत्रे विशुद्धे द्विजगणनिलये रौप्यपीठाभिधाने
तत्रापि ब्रह्मजातिस्त्रिभुवनविशदे मध्यगेहाख्यगेहे ।
पारिव्राज्याधिराजः पुनरपि बदरीं प्राप्य कृष्णं च नत्वा
कृत्वा भाष्याणि सम्यग् व्यतनुत च भवान् भारतार्थप्रकाशम् ॥ 39 ॥
वन्दे तं त्वां सुपूर्णप्रमतिमनुदिनासेवितं देववृन्दैः
वन्दे वन्दारुमीशे श्रिय उत नियतं श्रीमदानन्दतीर्थम् ।
वन्दे मन्दाकिनीसत्सरिदमलजलासेकसाधिक्यसङ्गं
वन्देऽहं देव भक्त्या भवभयदहनं सज्जनान्मोदयन्तम् ॥ 40 ॥
सुब्रह्मण्याख्यसूरेः सुत इति सुभृशं केशवानन्दतीर्थ-
श्रीमत्पादाब्जभक्तः स्तुतिमकृत हरेर्वायुदेवस्य चास्य ।
तत्पादार्चादरेण ग्रथितपदलसन्मालया त्वेतया ये
संराध्यामू नमन्ति प्रततमतिगुणा मुक्तिमेते व्रजन्ति ॥ 41 ॥
अथ श्रीनखस्तुतिः
पान्त्वस्मान् पुरुहूतवैरिबलवन्मातङ्गमाद्यद्घटा
कुम्भोच्चाद्रिविपाटनाधिकपटुप्रत्येकवज्रायिताः ।
श्रीमत्कण्ठीरवास्य प्रतत सुनखरा दारितारातिदूर-
प्रध्वस्तध्वान्तशान्तप्रविततमनसा भाविता नाकिवृन्दैः ॥ 1 ॥
लक्ष्मीकान्त समन्ततोऽविकलयन् नैवेशितुस्ते समं
पश्याम्युत्तमवस्तु दूरतरतोऽपास्तं रसो योऽष्टमः ।
यद्रोषोत्करदक्षनेत्रकुटिलप्रान्तोत्थिताग्निस्फुरत्
खद्योतोपमविस्फुलिङ्गभसिता ब्रह्मेशशक्रोत्कराः ॥ 2 ॥
इति श्रीत्रिविक्रमपण्डिताचार्य विरचिता वायुस्तुतिः समाप्ता ॥
atha nakhastutiḥ
pāntvasmān puruhūtavairibalavanmātaṅgamādyadghaṭā-
-kumbhoccādrivipāṭanādhikapaṭu pratyeka vajrāyitāḥ |
śrīmatkaṇṭhīravāsyapratatasunakharā dāritārātidūra-
-pradhvastadhvāntaśāntapravitatamanasā bhāvitā bhūribhāgaiḥ || 1 ||
lakṣmīkānta samantato'pi kalayan naiveśituste samaṃ
paśyāmyuttamavastu dūrataratopāstaṃ raso yo'ṣṭamaḥ |
yadroṣotkara dakṣa netra kuṭila prāntotthitāgni sphurat
khadyotopama visphuliṅgabhasitā brahmeśaśakrotkarāḥ || 2 ||
atha vāyustutiḥ
śrīmadviṣṇvaṅghriniṣṭhātiguṇagurutamaśrīmadānandatīrtha-
-trailokyācāryapādojjvalajalajalasatpāṃsavo'smān punantu |
vācāṃ yatra praṇetrī tribhuvanamahitā śāradā śāradendu-
-jyotsnābhadrasmitaśrīdhavalitakakubhā premabhāraṃ babhāra || 1 ||
utkaṇṭhākuṇṭhakolāhalajavavijitājasrasevānuvṛddha-
-prājñātmajñānadhūtāndhatamasasumanomauliratnāvalīnām |
bhaktyudrekāvagāḍhapraghaṭanasadhaṭātkārasaṅghṛṣyamāṇa-
prāntaprāgryāṅghripīṭhotthitakanakarajaḥpiñjarārañjitāśāḥ || 2 ||
janmādhivyādhyupādhipratihativirahaprāpakāṇāṃ guṇānāṃ
agryāṇāmarpakāṇāṃ ciramuditacidānandasandohadānām |
eteṣāmeṣa doṣapramuṣitamanasāṃ dveṣiṇāṃ dūṣakāṇāṃ
daityānāmārtimandhe tamasi vidadhatāṃ saṃstave nāsmi śaktaḥ || 3 ||
asyāviṣkartukāmaṃ kalimalakaluṣe'smin jane jñānamārgaṃ
vandyaṃ candrendrarudradyumaṇiphaṇivayonāyakādyairihādya |
madhvākhyaṃ mantrasiddhaṃ kimuta kṛtavato mārutasyāvatāraṃ
pātāraṃ pārameṣṭyaṃ padamapavipadaḥ prāpturāpannapuṃsām || 4 ||
udyadvidyutpracaṇḍāṃ nijarucinikaravyāptalokāvakāśo
bibhradbhīmo bhuje yo'bhyuditadinakarābhāṅgadāḍhya prakāṇḍe |
vīryoddhāryāṃ gadāgryāmayamiha sumatiṃ vāyudevo vidadhyāt
adhyātmajñānanetā yativaramahito bhūmibhūṣāmaṇirme || 5 ||
saṃsārottāpanityopaśamadasadayasnehahāsāmbupūra-
-prodyadvidyānavadyadyutimaṇikiraṇaśreṇisampūritāśaḥ |
śrīvatsāṅkādhivāsocitatarasaralaśrīmadānandatīrtha-
-kṣīrāmbhodhirvibhindyādbhavadanabhimataṃ bhūri me bhūtihetuḥ || 6 ||
mūrdhanyeṣo'ñjalirme dṛḍhataramiha te badhyate bandhapāśa-
-cchetre dātre sukhānāṃ bhajati bhuvi bhaviṣyadvidhātre dyubhartre |
atyantaṃ santataṃ tvaṃ pradiśa padayuge hanta santāpabhājā-
-masmākaṃ bhaktimekāṃ bhagavata uta te mādhavasyātha vāyoḥ || 7 ||
sābhroṣṇābhīśuśubhraprabhamabhaya nabho bhūribhūbhṛdvibhūti-
-bhrājiṣṇurbhūrṛbhūṇāṃ bhavanamapi vibho'bhedi babhre babhūve |
yena bhrūvibhramaste bhramayatu subhṛśaṃ babhruvaddurbhṛtāśān
bhrāntirbhedāvabhāsastviti bhayamabhibhūrbhokṣyato māyibhikṣūn || 8 ||
ye'muṃ bhāvaṃ bhajante suramukhasujanārādhitaṃ te tṛtīyaṃ
bhāsante bhāsuraiste sahacaracalitaiścāmaraiścāruveṣāḥ |
vaikuṇṭhe kaṇṭhalagnasthiraśucivilasatkāntitāruṇyalīlā-
lāvaṇyāpūrṇakāntākucabharasulabhāśleṣasammodasāndrāḥ || 9 ||
ānandānmandamandā dadati hi marutaḥ kundamandāranandyā-
-vartāmodān dadhānā mṛdupadamuditodgītakaiḥ sundarīṇām |
vṛndairāvandyamuktendvahimagumadanāhīndradevendrasevye
maukunde mandire'sminnaviratamudayanmodināṃ devadeva || 10 ||
uttaptā'tyutkaṭatviṭ prakaṭakaṭakaṭadhvānasaṅghaṭṭanodya-
-dvidyudvyūḍhasphuliṅgaprakaravikiraṇotkvāthite bādhitāṅgān |
udgāḍhaṃ pātyamānā tamasi tata itaḥ kiṅkaraiḥ paṅkile te
paṅktirgrāvṇāṃ garimṇā glapayati hi bhavadveṣiṇo vidvadādya || 11 ||
asminnasmadgurūṇāṃ haricaraṇaciradhyānasanmaṅgalānāṃ
yuṣmākaṃ pārśvabhūmiṃ dhṛtaraṇaraṇikasvargisevyāṃ prapannaḥ |
yastūdāste sa āste'dhibhavamasulabhakleśanirmūkamasta-
-prāyānandaṃ kathañcinna vasati satataṃ pañcakaṣṭe'tikaṣṭe || 12 ||
kṣut kṣāmān rūkṣarakṣoradakharanakharakṣuṇṇavikṣobhitākṣā-
-nāmagnānāndhakūpe kṣuramukhamukharaiḥ pakṣibhirvikṣatāṅgān |
pūyāsṛṅmūtraviṣṭhākṛmikulakalile tatkṣaṇakṣiptaśaktyā-
-dyastravrātārditāṃstvaddviṣa upajihate vajrakalpā jalūkāḥ || 13 ||
mātarme mātariśvan pitaratulaguro bhrātariṣṭāptabandho
svāmin sarvāntarātmannajara jarayitarjanmamṛtyāmayānām |
govinde dehi bhaktiṃ bhavati ca bhagavannūrjitāṃ nirnimittāṃ
nirvyājāṃ niścalāṃ sadguṇagaṇabṛhatīṃ śāśvatīmāśu deva || 14 ||
viṣṇorattyuttamatvādakhilaguṇagaṇaistatra bhaktiṃ gariṣṭhāṃ
āśliṣṭe śrīdharābhyāmamumatha parivārātmanā sevakeṣu |
yaḥ sandhatte viriñcaśvasanavihagapānantarudrendrapūrve-
-ṣvādhyāyaṃstāratamyaṃ sphuṭamavati sadā vāyurasmadgurustam || 15 ||
tattvajñān muktibhājaḥ sukhayisi hi guro yogyatātāratamyā-
-dādhatse miśrabuddhiṃstridivanirayabhūgocarān nityabaddhān |
tāmisrāndhādikākhye tamasi subahulaṃ duḥkhayasyanyathājñān
viṣṇorājñābhiritthaṃ śṛtiśatamitihāsādi cākarṇayāmaḥ || 16 ||
vande'haṃ taṃ hanūmāniti mahitamahāpauruṣo bāhuśālī
khyātaste'gryo'vatāraḥ sahita iha bahubrahmacaryādidharmaiḥ |
sasnehānāṃ sahasvānaharaharahitaṃ nirdahan dehabhājāṃ
aṃhomohāpaho yaḥ spṛhayati mahatīṃ bhaktimadyāpi rāme || 17 ||
prākpañcāśatsahasrairvyavahitamahitaṃ yojanaiḥ parvataṃ tvaṃ
yāvatsañjīvanādyauṣadhanidhimadhikaprāṇa laṅkāmanaiṣiḥ |
adrākṣīdutpatantaṃ tata uta girimutpāṭayantaṃ gṛhītvā
yāntaṃ khe rāghavāṅghrau praṇatamapi tadaikakṣaṇe tvāṃ hi lokaḥ || 18 ||
kṣiptaḥ paścātsatsalīlaṃ śatamatulamate yojanānāṃ sa ucca-
-stāvadvistāravaṃścāpyupalalava iva vyagrabuddhyā tvayā'taḥ |
svasvasthānasthitātisthiraśakalaśilājālasaṃśleṣanaṣṭa-
-chchedāṅkaḥ prāgivābhūt kapivaravapuṣaste namaḥ kauśalāya || 19 ||
dṛṣṭvā duṣṭādhiporaḥ sphuṭitakanakasadvarma ghṛṣṭāsthikūṭaṃ
niṣpiṣṭaṃ hāṭakādriprakaṭataṭataṭākātiśaṅko jano'bhūt |
yenā'jau rāvaṇāripriyanaṭanapaṭurmuṣṭiriṣṭaṃ pradeṣṭuṃ
kiṃ neṣṭe me sa te'ṣṭāpadakaṭakataṭitkoṭibhāmṛṣṭakāṣṭhaḥ || 20 ||
devyādeśapraṇītidṛhiṇaharavarāvadhyarakṣovighātā-
-dyāsevodyaddayārdraḥ sahabhujamakarodrāmanāmā mukundaḥ |
duṣprāpe pārameṣṭhye karatalamatulaṃ mūrdhivinyasya dhanyaṃ
tanvanbhūyaḥ prabhūtapraṇayavikasitābjekṣaṇastvekṣamāṇaḥ || 21 ||
jaghne nighnena vighno bahulabalabakadhvaṃsanādyena śoca-
-dviprānukrośapāśairasuvidhṛtisukhasyaikacakrājanānām |
tasmai te deva kurmaḥ kurukulapataye karmaṇā ca praṇāmān
kirmīraṃ durmatīnāṃ prathamamatha ca yo narmaṇā nirmamātha || 22 ||
nirmṛdnannatyayatnaṃ vijaravara jarāsandhakāyāsthisandhīn
yuddhe tvaṃ svadhvare vā paśumiva damayan viṣṇupakṣadviḍīśam |
yāvatpratyakṣabhūtaṃ nikhilamakhabhujaṃ tarpayāmāsithāsau
tāvatyā'yoji tṛptyā kimu vada bhagavan rājasūyāśvamedhe || 23 ||
kṣvelākṣīṇāṭṭahāsaṃ tava raṇamarihannudgadoddāmabāhoḥ
bahvakṣauhiṇyanīkakṣapaṇasunipuṇaṃ yasya sarvottamasya |
śuśrūṣārthaṃ cakartha svayamayamatha saṃvaktumānandatīrtha-
-śrīmannāmansamarthastvamapi hi yuvayoḥ pādapadmaṃ prapadye || 24 ||
dṛhyantīṃ hṛdṛhaṃ māṃ dṛtamanila balāddrāvayantīmavidyā-
-nidrāṃ vidrāvya sadyoracanapaṭumathā'pādya vidyāsamudra |
vāgdevī sā suvidyādraviṇada viditā draupadī rudrapatnyā-
-dudriktā drāgabhadrādrahayatu dayitā pūrvabhīmā'jñayā te || 25 ||
yābhyāṃ śuśrūṣurāsīḥ kurukulajanane kṣatraviproditābhyāṃ
brahmabhyāṃ bṛṃhitābhyāṃ citasukhavapuṣā kṛṣṇanāmāspadābhyām |
nirbhedābhyāṃ viśeṣādvivacanaviṣayābhyāmamūbhyāmubhābhyāṃ
tubhyaṃ ca kṣemadebhyaḥ sarisijavilasallocanebhyo namo'stu || 26 ||
gacchan saugandhikārthaṃ pathi sa hanumataḥ pucchamacchasya bhīmaḥ
proddhartuṃ nāśakatsa tvamumuruvapuṣā bhīṣayāmāsa ceti |
pūrṇajñānaujasoste gurutama vapuṣoḥ śrīmadānandatīrtha
krīḍāmātraṃ tadetat pramadada sudhiyāṃ mohaka dveṣabhājām || 27 ||
bahvīḥ koṭīraṭīkaḥ kuṭalakaṭumatīnutkaṭāṭopakopān
drākca tvaṃ satvaratvāccaraṇada gadayā pothayāmāsithārīn |
unmathyātathyamithyātvavacanavacanānutpathasthāṃstathā'nyān
prāyacchaḥ svapriyāyai priyatamakusumaṃ prāṇa tasmai namaste || 28 ||
dehādutkrāmitānāmadhipatirasatāmakramādvakrabuddhiḥ
kruddhaḥ krodhaikavaśyaḥ krimiriva maṇimān duṣkṛtī niṣkriyārtham |
cakre bhūcakrametya krakacamiva satāṃ cetasaḥ kaṣṭaśāstraṃ
dustarkaṃ cakrapāṇerguṇagaṇavirahaṃ jīvatāṃ cādhikṛtya || 29 ||
tadduṣprekṣānusārātkatipayakunarairādṛto'nyairvisṛṣṭo
brahmā'haṃ nirguṇo'haṃ vitathamidamiti hyeṣa pāṣaṇḍavādaḥ |
tadyuktyābhāsajālaprasaraviṣatarūddāhadakṣapramāṇa-
-jvālāmālādharāgniḥ pavana vijayate te'vatārastṛtīyaḥ || 30 ||
ākrośanto nirāśā bhayabharavivaśasvāśayāśchinnadarpā
vāśanto deśanāśasviti bata kudhiyāṃ nāśamāśādaśā'śu |
dhāvanto'ślīlaśīlā vitathaśapathaśāpāśivāḥ śāntaśauryā-
-stvadvyākhyāsiṃhanāde sapadi dadṛśire māyigomāyavaste || 31 ||
triṣvapyevāvatāreṣvaribhirapaghṛṇaṃ hiṃsito nirvikāraḥ
sarvajñaḥ sarvaśaktiḥ sakalaguṇagaṇāpūrṇarūpapragalbhaḥ |
svacchaḥ svacchandamṛtyuḥ sukhayasi sujanaṃ deva kiṃ citramatra
trātā yasya tridhāmā jagaduta vaśagaṃ kiṅkarāḥ śaṅkarādyāḥ || 32 ||
udyanmandasmitaśrīmṛdu madhumadhurālāpapīyūṣadhārā-
-pūrāsekopaśāntāsukhasujanamanolocanāpīyamānam |
sandrakṣye sundaraṃ sanduhadiha mahadānandamānandatīrtha
śrīmadvaktrendubimbaṃ duratanududitaṃ nityadā'haṃ kadā nu || 33 ||
prācīnācīrṇapuṇyoccayacaturatarācārataścārucittā-
-natyuccāṃ rocayantīṃ śruticitavacanāṃ śrāvakāṃścodyacuñcūn |
vyākhyāmutkhātaduḥkhāṃ ciramucitamahācārya cintāratāṃste
citrāṃ sacchāstrakartāścaraṇaparicarāñchrāvayāsmāṃśca kiñcit || 34 ||
pīṭhe ratnokapaklṛpte rucirarucimaṇijyotiṣā sanniṣaṇṇaṃ
brahmāṇaṃ bhāvinaṃ tvāṃ jvalati nijapade vaidikādyā hi vidyāḥ |
sevante mūrtimatyaḥ sucarita caritaṃ bhāti gandharva gītaṃ
pratyekaṃ devasaṃsatsvapi tava bhagavannartitadyovadhūṣu || 35 ||
sānukrośairajasraṃ janimṛtinirayādyūrmimālāvile'smin
saṃsārābdhau nimagnān śaraṇamaśaraṇānicchato vīkṣya jantūn |
yuṣmābhiḥ prārthitaḥ san jalanidhiśayanaḥ satyavatyāṃ maharṣe-
-rvyaktaścinmātramūrtirna khalu bhagavataḥ prākṛto jātu dehaḥ || 36 ||
astavyastaṃ samastaśrutigatamadhamai ratnapūgaṃ yathā'ndhai-
-rarthaṃ lokopakṛtyai guṇagaṇanilayaḥ sūtrayāmāsa kṛtsnam |
yo'sau vyāsābhidhānastamahamaharaharbhaktitastvatprasādāt
sadyo vidyopalabdhyai gurutamamaguruṃ devadevaṃ namāmi || 37 ||
ājñāmanyairadhāryāṃ śirasi parisaradraśmikoṭīrakoṭau
kṛṣṇasyākliṣṭakarmā dadhadanusarāṇādarthito devasaṅghaiḥ |
bhūmāvāgatya bhūmannasukaramakarorbrahmasūtrasya bhāṣyaṃ
durbhāṣyaṃ vyasya dasyormaṇimata uditaṃ vedasadyuktibhistvam || 38 ||
bhūtvā kṣetre viśuddhe dvijagaṇanilaye raupyapīṭhābhidhāne
tatrāpi brahmajātistribhuvanaviśade madhyagehākhyagehe |
pārivrājyādhirājaḥ punarapi badarīṃ prāpya kṛṣṇaṃ ca natvā
kṛtvā bhāṣyāṇi samyag vyatanuta ca bhavān bhāratārthaprakāśam || 39 ||
vande taṃ tvāṃ supūrṇapramatimanudināsevitaṃ devavṛndaiḥ
vande vandārumīśe śriya uta niyataṃ śrīmadānandatīrtham |
vande mandākinīsatsaridamalajalāsekasādhikyasaṅgaṃ
vande'haṃ deva bhaktyā bhavabhayadahanaṃ sajjanānmodayantam || 40 ||
subrahmaṇyākhyasūreḥ suta iti subhṛśaṃ keśavānandatīrtha-
śrīmatpādābjabhaktaḥ stutimakṛta harervāyudevasya cāsya |
tatpādārcādareṇa grathitapadalasanmālayā tvetayā ye
saṃrādhyāmū namanti pratatamatiguṇā muktimete vrajanti || 41 ||
atha śrīnakhastutiḥ
pāntvasmān puruhūtavairibalavanmātaṅgamādyadghaṭā
kumbhoccādrivipāṭanādhikapaṭupratyekavajrāyitāḥ |
śrīmatkaṇṭhīravāsya pratata sunakharā dāritārātidūra-
pradhvastadhvāntaśāntapravitatamanasā bhāvitā nākivṛndaiḥ || 1 ||
lakṣmīkānta samantato'vikalayan naiveśituste samaṃ
paśyāmyuttamavastu dūratarato'pāstaṃ raso yo'ṣṭamaḥ |
yadroṣotkaradakṣanetrakuṭilaprāntotthitāgnisphurat
khadyotopamavisphuliṅgabhasitā brahmeśaśakrotkarāḥ || 2 ||
iti śrītrivikramapaṇḍitācārya viracitā vāyustutiḥ samāptā ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.