𑌅𑌥 𑌨𑌖𑌸𑍍𑌤𑍁𑌤𑌿𑌃
𑌪𑌾𑌨𑍍𑌤𑍍𑌵𑌸𑍍𑌮𑌾𑌨𑍍 𑌪𑍁𑌰𑍁𑌹𑍂𑌤𑌵𑍈𑌰𑌿𑌬𑌲𑌵𑌨𑍍𑌮𑌾𑌤𑌙𑍍𑌗𑌮𑌾𑌦𑍍𑌯𑌦𑍍𑌘𑌟𑌾-
-𑌕𑍁𑌮𑍍𑌭𑍋𑌚𑍍𑌚𑌾𑌦𑍍𑌰𑌿𑌵𑌿𑌪𑌾𑌟𑌨𑌾𑌧𑌿𑌕𑌪𑌟𑍁 𑌪𑍍𑌰𑌤𑍍𑌯𑍇𑌕 𑌵𑌜𑍍𑌰𑌾𑌯𑌿𑌤𑌾𑌃 ।
𑌶𑍍𑌰𑍀𑌮𑌤𑍍𑌕𑌣𑍍𑌠𑍀𑌰𑌵𑌾𑌸𑍍𑌯𑌪𑍍𑌰𑌤𑌤𑌸𑍁𑌨𑌖𑌰𑌾 𑌦𑌾𑌰𑌿𑌤𑌾𑌰𑌾𑌤𑌿𑌦𑍂𑌰-
-𑌪𑍍𑌰𑌧𑍍𑌵𑌸𑍍𑌤𑌧𑍍𑌵𑌾𑌨𑍍𑌤𑌶𑌾𑌨𑍍𑌤𑌪𑍍𑌰𑌵𑌿𑌤𑌤𑌮𑌨𑌸𑌾 𑌭𑌾𑌵𑌿𑌤𑌾 𑌭𑍂𑌰𑌿𑌭𑌾𑌗𑍈𑌃 ॥ 1 ॥
𑌲𑌕𑍍𑌷𑍍𑌮𑍀𑌕𑌾𑌨𑍍𑌤 𑌸𑌮𑌨𑍍𑌤𑌤𑍋𑌽𑌪𑌿 𑌕𑌲𑌯𑌨𑍍 𑌨𑍈𑌵𑍇𑌶𑌿𑌤𑍁𑌸𑍍𑌤𑍇 𑌸𑌮𑌂
𑌪𑌶𑍍𑌯𑌾𑌮𑍍𑌯𑍁𑌤𑍍𑌤𑌮𑌵𑌸𑍍𑌤𑍁 𑌦𑍂𑌰𑌤𑌰𑌤𑍋𑌪𑌾𑌸𑍍𑌤𑌂 𑌰𑌸𑍋 𑌯𑍋𑌽𑌷𑍍𑌟𑌮𑌃 ।
𑌯𑌦𑍍𑌰𑍋𑌷𑍋𑌤𑍍𑌕𑌰 𑌦𑌕𑍍𑌷 𑌨𑍇𑌤𑍍𑌰 𑌕𑍁𑌟𑌿𑌲 𑌪𑍍𑌰𑌾𑌨𑍍𑌤𑍋𑌤𑍍𑌥𑌿𑌤𑌾𑌗𑍍𑌨𑌿 𑌸𑍍𑌫𑍁𑌰𑌤𑍍
𑌖𑌦𑍍𑌯𑍋𑌤𑍋𑌪𑌮 𑌵𑌿𑌸𑍍𑌫𑍁𑌲𑌿𑌙𑍍𑌗𑌭𑌸𑌿𑌤𑌾 𑌬𑍍𑌰𑌹𑍍𑌮𑍇𑌶𑌶𑌕𑍍𑌰𑍋𑌤𑍍𑌕𑌰𑌾𑌃 ॥ 2 ॥
𑌅𑌥 𑌵𑌾𑌯𑍁𑌸𑍍𑌤𑍁𑌤𑌿𑌃
𑌶𑍍𑌰𑍀𑌮𑌦𑍍𑌵𑌿𑌷𑍍𑌣𑍍𑌵𑌙𑍍𑌘𑍍𑌰𑌿𑌨𑌿𑌷𑍍𑌠𑌾𑌤𑌿𑌗𑍁𑌣𑌗𑍁𑌰𑍁𑌤𑌮𑌶𑍍𑌰𑍀𑌮𑌦𑌾𑌨𑌨𑍍𑌦𑌤𑍀𑌰𑍍𑌥-
-𑌤𑍍𑌰𑍈𑌲𑍋𑌕𑍍𑌯𑌾𑌚𑌾𑌰𑍍𑌯𑌪𑌾𑌦𑍋𑌜𑍍𑌜𑍍𑌵𑌲𑌜𑌲𑌜𑌲𑌸𑌤𑍍𑌪𑌾𑌂𑌸𑌵𑍋𑌽𑌸𑍍𑌮𑌾𑌨𑍍 𑌪𑍁𑌨𑌨𑍍𑌤𑍁 ।
𑌵𑌾𑌚𑌾𑌂 𑌯𑌤𑍍𑌰 𑌪𑍍𑌰𑌣𑍇𑌤𑍍𑌰𑍀 𑌤𑍍𑌰𑌿𑌭𑍁𑌵𑌨𑌮𑌹𑌿𑌤𑌾 𑌶𑌾𑌰𑌦𑌾 𑌶𑌾𑌰𑌦𑍇𑌨𑍍𑌦𑍁-
-𑌜𑍍𑌯𑍋𑌤𑍍𑌸𑍍𑌨𑌾𑌭𑌦𑍍𑌰𑌸𑍍𑌮𑌿𑌤𑌶𑍍𑌰𑍀𑌧𑌵𑌲𑌿𑌤𑌕𑌕𑍁𑌭𑌾 𑌪𑍍𑌰𑍇𑌮𑌭𑌾𑌰𑌂 𑌬𑌭𑌾𑌰 ॥ 1 ॥
𑌉𑌤𑍍𑌕𑌣𑍍𑌠𑌾𑌕𑍁𑌣𑍍𑌠𑌕𑍋𑌲𑌾𑌹𑌲𑌜𑌵𑌵𑌿𑌜𑌿𑌤𑌾𑌜𑌸𑍍𑌰𑌸𑍇𑌵𑌾𑌨𑍁𑌵𑍃𑌦𑍍𑌧-
-𑌪𑍍𑌰𑌾𑌜𑍍𑌞𑌾𑌤𑍍𑌮𑌜𑍍𑌞𑌾𑌨𑌧𑍂𑌤𑌾𑌨𑍍𑌧𑌤𑌮𑌸𑌸𑍁𑌮𑌨𑍋𑌮𑍗𑌲𑌿𑌰𑌤𑍍𑌨𑌾𑌵𑌲𑍀𑌨𑌾𑌮𑍍 ।
𑌭𑌕𑍍𑌤𑍍𑌯𑍁𑌦𑍍𑌰𑍇𑌕𑌾𑌵𑌗𑌾𑌢𑌪𑍍𑌰𑌘𑌟𑌨𑌸𑌧𑌟𑌾𑌤𑍍𑌕𑌾𑌰𑌸𑌙𑍍𑌘𑍃𑌷𑍍𑌯𑌮𑌾𑌣-
𑌪𑍍𑌰𑌾𑌨𑍍𑌤𑌪𑍍𑌰𑌾𑌗𑍍𑌰𑍍𑌯𑌾𑌙𑍍𑌘𑍍𑌰𑌿𑌪𑍀𑌠𑍋𑌤𑍍𑌥𑌿𑌤𑌕𑌨𑌕𑌰𑌜𑌃𑌪𑌿𑌞𑍍𑌜𑌰𑌾𑌰𑌞𑍍𑌜𑌿𑌤𑌾𑌶𑌾𑌃 ॥ 2 ॥
𑌜𑌨𑍍𑌮𑌾𑌧𑌿𑌵𑍍𑌯𑌾𑌧𑍍𑌯𑍁𑌪𑌾𑌧𑌿𑌪𑍍𑌰𑌤𑌿𑌹𑌤𑌿𑌵𑌿𑌰𑌹𑌪𑍍𑌰𑌾𑌪𑌕𑌾𑌣𑌾𑌂 𑌗𑍁𑌣𑌾𑌨𑌾𑌂
𑌅𑌗𑍍𑌰𑍍𑌯𑌾𑌣𑌾𑌮𑌰𑍍𑌪𑌕𑌾𑌣𑌾𑌂 𑌚𑌿𑌰𑌮𑍁𑌦𑌿𑌤𑌚𑌿𑌦𑌾𑌨𑌨𑍍𑌦𑌸𑌨𑍍𑌦𑍋𑌹𑌦𑌾𑌨𑌾𑌮𑍍 ।
𑌏𑌤𑍇𑌷𑌾𑌮𑍇𑌷 𑌦𑍋𑌷𑌪𑍍𑌰𑌮𑍁𑌷𑌿𑌤𑌮𑌨𑌸𑌾𑌂 𑌦𑍍𑌵𑍇𑌷𑌿𑌣𑌾𑌂 𑌦𑍂𑌷𑌕𑌾𑌣𑌾𑌂
𑌦𑍈𑌤𑍍𑌯𑌾𑌨𑌾𑌮𑌾𑌰𑍍𑌤𑌿𑌮𑌨𑍍𑌧𑍇 𑌤𑌮𑌸𑌿 𑌵𑌿𑌦𑌧𑌤𑌾𑌂 𑌸𑌂𑌸𑍍𑌤𑌵𑍇 𑌨𑌾𑌸𑍍𑌮𑌿 𑌶𑌕𑍍𑌤𑌃 ॥ 3 ॥
𑌅𑌸𑍍𑌯𑌾𑌵𑌿𑌷𑍍𑌕𑌰𑍍𑌤𑍁𑌕𑌾𑌮𑌂 𑌕𑌲𑌿𑌮𑌲𑌕𑌲𑍁𑌷𑍇𑌽𑌸𑍍𑌮𑌿𑌨𑍍 𑌜𑌨𑍇 𑌜𑍍𑌞𑌾𑌨𑌮𑌾𑌰𑍍𑌗𑌂
𑌵𑌨𑍍𑌦𑍍𑌯𑌂 𑌚𑌨𑍍𑌦𑍍𑌰𑍇𑌨𑍍𑌦𑍍𑌰𑌰𑍁𑌦𑍍𑌰𑌦𑍍𑌯𑍁𑌮𑌣𑌿𑌫𑌣𑌿𑌵𑌯𑍋𑌨𑌾𑌯𑌕𑌾𑌦𑍍𑌯𑍈𑌰𑌿𑌹𑌾𑌦𑍍𑌯 ।
𑌮𑌧𑍍𑌵𑌾𑌖𑍍𑌯𑌂 𑌮𑌨𑍍𑌤𑍍𑌰𑌸𑌿𑌦𑍍𑌧𑌂 𑌕𑌿𑌮𑍁𑌤 𑌕𑍃𑌤𑌵𑌤𑍋 𑌮𑌾𑌰𑍁𑌤𑌸𑍍𑌯𑌾𑌵𑌤𑌾𑌰𑌂
𑌪𑌾𑌤𑌾𑌰𑌂 𑌪𑌾𑌰𑌮𑍇𑌷𑍍𑌟𑍍𑌯𑌂 𑌪𑌦𑌮𑌪𑌵𑌿𑌪𑌦𑌃 𑌪𑍍𑌰𑌾𑌪𑍍𑌤𑍁𑌰𑌾𑌪𑌨𑍍𑌨𑌪𑍁𑌂𑌸𑌾𑌮𑍍 ॥ 4 ॥
𑌉𑌦𑍍𑌯𑌦𑍍𑌵𑌿𑌦𑍍𑌯𑍁𑌤𑍍𑌪𑍍𑌰𑌚𑌣𑍍𑌡𑌾𑌂 𑌨𑌿𑌜𑌰𑍁𑌚𑌿𑌨𑌿𑌕𑌰𑌵𑍍𑌯𑌾𑌪𑍍𑌤𑌲𑍋𑌕𑌾𑌵𑌕𑌾𑌶𑍋
𑌬𑌿𑌭𑍍𑌰𑌦𑍍𑌭𑍀𑌮𑍋 𑌭𑍁𑌜𑍇 𑌯𑍋𑌽𑌭𑍍𑌯𑍁𑌦𑌿𑌤𑌦𑌿𑌨𑌕𑌰𑌾𑌭𑌾𑌙𑍍𑌗𑌦𑌾𑌢𑍍𑌯 𑌪𑍍𑌰𑌕𑌾𑌣𑍍𑌡𑍇 ।
𑌵𑍀𑌰𑍍𑌯𑍋𑌦𑍍𑌧𑌾𑌰𑍍𑌯𑌾𑌂 𑌗𑌦𑌾𑌗𑍍𑌰𑍍𑌯𑌾𑌮𑌯𑌮𑌿𑌹 𑌸𑍁𑌮𑌤𑌿𑌂 𑌵𑌾𑌯𑍁𑌦𑍇𑌵𑍋 𑌵𑌿𑌦𑌧𑍍𑌯𑌾𑌤𑍍
𑌅𑌧𑍍𑌯𑌾𑌤𑍍𑌮𑌜𑍍𑌞𑌾𑌨𑌨𑍇𑌤𑌾 𑌯𑌤𑌿𑌵𑌰𑌮𑌹𑌿𑌤𑍋 𑌭𑍂𑌮𑌿𑌭𑍂𑌷𑌾𑌮𑌣𑌿𑌰𑍍𑌮𑍇 ॥ 5 ॥
𑌸𑌂𑌸𑌾𑌰𑍋𑌤𑍍𑌤𑌾𑌪𑌨𑌿𑌤𑍍𑌯𑍋𑌪𑌶𑌮𑌦𑌸𑌦𑌯𑌸𑍍𑌨𑍇𑌹𑌹𑌾𑌸𑌾𑌮𑍍𑌬𑍁𑌪𑍂𑌰-
-𑌪𑍍𑌰𑍋𑌦𑍍𑌯𑌦𑍍𑌵𑌿𑌦𑍍𑌯𑌾𑌨𑌵𑌦𑍍𑌯𑌦𑍍𑌯𑍁𑌤𑌿𑌮𑌣𑌿𑌕𑌿𑌰𑌣𑌶𑍍𑌰𑍇𑌣𑌿𑌸𑌮𑍍𑌪𑍂𑌰𑌿𑌤𑌾𑌶𑌃 ।
𑌶𑍍𑌰𑍀𑌵𑌤𑍍𑌸𑌾𑌙𑍍𑌕𑌾𑌧𑌿𑌵𑌾𑌸𑍋𑌚𑌿𑌤𑌤𑌰𑌸𑌰𑌲𑌶𑍍𑌰𑍀𑌮𑌦𑌾𑌨𑌨𑍍𑌦𑌤𑍀𑌰𑍍𑌥-
-𑌕𑍍𑌷𑍀𑌰𑌾𑌮𑍍𑌭𑍋𑌧𑌿𑌰𑍍𑌵𑌿𑌭𑌿𑌨𑍍𑌦𑍍𑌯𑌾𑌦𑍍𑌭𑌵𑌦𑌨𑌭𑌿𑌮𑌤𑌂 𑌭𑍂𑌰𑌿 𑌮𑍇 𑌭𑍂𑌤𑌿𑌹𑍇𑌤𑍁𑌃 ॥ 6 ॥
𑌮𑍂𑌰𑍍𑌧𑌨𑍍𑌯𑍇𑌷𑍋𑌽𑌞𑍍𑌜𑌲𑌿𑌰𑍍𑌮𑍇 𑌦𑍃𑌢𑌤𑌰𑌮𑌿𑌹 𑌤𑍇 𑌬𑌧𑍍𑌯𑌤𑍇 𑌬𑌨𑍍𑌧𑌪𑌾𑌶-
-𑌚𑍍𑌛𑍇𑌤𑍍𑌰𑍇 𑌦𑌾𑌤𑍍𑌰𑍇 𑌸𑍁𑌖𑌾𑌨𑌾𑌂 𑌭𑌜𑌤𑌿 𑌭𑍁𑌵𑌿 𑌭𑌵𑌿𑌷𑍍𑌯𑌦𑍍𑌵𑌿𑌧𑌾𑌤𑍍𑌰𑍇 𑌦𑍍𑌯𑍁𑌭𑌰𑍍𑌤𑍍𑌰𑍇 ।
𑌅𑌤𑍍𑌯𑌨𑍍𑌤𑌂 𑌸𑌨𑍍𑌤𑌤𑌂 𑌤𑍍𑌵𑌂 𑌪𑍍𑌰𑌦𑌿𑌶 𑌪𑌦𑌯𑍁𑌗𑍇 𑌹𑌨𑍍𑌤 𑌸𑌨𑍍𑌤𑌾𑌪𑌭𑌾𑌜𑌾-
-𑌮𑌸𑍍𑌮𑌾𑌕𑌂 𑌭𑌕𑍍𑌤𑌿𑌮𑍇𑌕𑌾𑌂 𑌭𑌗𑌵𑌤 𑌉𑌤 𑌤𑍇 𑌮𑌾𑌧𑌵𑌸𑍍𑌯𑌾𑌥 𑌵𑌾𑌯𑍋𑌃 ॥ 7 ॥
𑌸𑌾𑌭𑍍𑌰𑍋𑌷𑍍𑌣𑌾𑌭𑍀𑌶𑍁𑌶𑍁𑌭𑍍𑌰𑌪𑍍𑌰𑌭𑌮𑌭𑌯 𑌨𑌭𑍋 𑌭𑍂𑌰𑌿𑌭𑍂𑌭𑍃𑌦𑍍𑌵𑌿𑌭𑍂𑌤𑌿-
-𑌭𑍍𑌰𑌾𑌜𑌿𑌷𑍍𑌣𑍁𑌰𑍍𑌭𑍂𑌰𑍃𑌭𑍂𑌣𑌾𑌂 𑌭𑌵𑌨𑌮𑌪𑌿 𑌵𑌿𑌭𑍋𑌽𑌭𑍇𑌦𑌿 𑌬𑌭𑍍𑌰𑍇 𑌬𑌭𑍂𑌵𑍇 ।
𑌯𑍇𑌨 𑌭𑍍𑌰𑍂𑌵𑌿𑌭𑍍𑌰𑌮𑌸𑍍𑌤𑍇 𑌭𑍍𑌰𑌮𑌯𑌤𑍁 𑌸𑍁𑌭𑍃𑌶𑌂 𑌬𑌭𑍍𑌰𑍁𑌵𑌦𑍍𑌦𑍁𑌰𑍍𑌭𑍃𑌤𑌾𑌶𑌾𑌨𑍍
𑌭𑍍𑌰𑌾𑌨𑍍𑌤𑌿𑌰𑍍𑌭𑍇𑌦𑌾𑌵𑌭𑌾𑌸𑌸𑍍𑌤𑍍𑌵𑌿𑌤𑌿 𑌭𑌯𑌮𑌭𑌿𑌭𑍂𑌰𑍍𑌭𑍋𑌕𑍍𑌷𑍍𑌯𑌤𑍋 𑌮𑌾𑌯𑌿𑌭𑌿𑌕𑍍𑌷𑍂𑌨𑍍 ॥ 8 ॥
𑌯𑍇𑌽𑌮𑍁𑌂 𑌭𑌾𑌵𑌂 𑌭𑌜𑌨𑍍𑌤𑍇 𑌸𑍁𑌰𑌮𑍁𑌖𑌸𑍁𑌜𑌨𑌾𑌰𑌾𑌧𑌿𑌤𑌂 𑌤𑍇 𑌤𑍃𑌤𑍀𑌯𑌂
𑌭𑌾𑌸𑌨𑍍𑌤𑍇 𑌭𑌾𑌸𑍁𑌰𑍈𑌸𑍍𑌤𑍇 𑌸𑌹𑌚𑌰𑌚𑌲𑌿𑌤𑍈𑌶𑍍𑌚𑌾𑌮𑌰𑍈𑌶𑍍𑌚𑌾𑌰𑍁𑌵𑍇𑌷𑌾𑌃 ।
𑌵𑍈𑌕𑍁𑌣𑍍𑌠𑍇 𑌕𑌣𑍍𑌠𑌲𑌗𑍍𑌨𑌸𑍍𑌥𑌿𑌰𑌶𑍁𑌚𑌿𑌵𑌿𑌲𑌸𑌤𑍍𑌕𑌾𑌨𑍍𑌤𑌿𑌤𑌾𑌰𑍁𑌣𑍍𑌯𑌲𑍀𑌲𑌾-
𑌲𑌾𑌵𑌣𑍍𑌯𑌾𑌪𑍂𑌰𑍍𑌣𑌕𑌾𑌨𑍍𑌤𑌾𑌕𑍁𑌚𑌭𑌰𑌸𑍁𑌲𑌭𑌾𑌶𑍍𑌲𑍇𑌷𑌸𑌮𑍍𑌮𑍋𑌦𑌸𑌾𑌨𑍍𑌦𑍍𑌰𑌾𑌃 ॥ 9 ॥
𑌆𑌨𑌨𑍍𑌦𑌾𑌨𑍍𑌮𑌨𑍍𑌦𑌮𑌨𑍍𑌦𑌾 𑌦𑌦𑌤𑌿 𑌹𑌿 𑌮𑌰𑍁𑌤𑌃 𑌕𑍁𑌨𑍍𑌦𑌮𑌨𑍍𑌦𑌾𑌰𑌨𑌨𑍍𑌦𑍍𑌯𑌾-
-𑌵𑌰𑍍𑌤𑌾𑌮𑍋𑌦𑌾𑌨𑍍 𑌦𑌧𑌾𑌨𑌾 𑌮𑍃𑌦𑍁𑌪𑌦𑌮𑍁𑌦𑌿𑌤𑍋𑌦𑍍𑌗𑍀𑌤𑌕𑍈𑌃 𑌸𑍁𑌨𑍍𑌦𑌰𑍀𑌣𑌾𑌮𑍍 ।
𑌵𑍃𑌨𑍍𑌦𑍈𑌰𑌾𑌵𑌨𑍍𑌦𑍍𑌯𑌮𑍁𑌕𑍍𑌤𑍇𑌨𑍍𑌦𑍍𑌵𑌹𑌿𑌮𑌗𑍁𑌮𑌦𑌨𑌾𑌹𑍀𑌨𑍍𑌦𑍍𑌰𑌦𑍇𑌵𑍇𑌨𑍍𑌦𑍍𑌰𑌸𑍇𑌵𑍍𑌯𑍇
𑌮𑍗𑌕𑍁𑌨𑍍𑌦𑍇 𑌮𑌨𑍍𑌦𑌿𑌰𑍇𑌽𑌸𑍍𑌮𑌿𑌨𑍍𑌨𑌵𑌿𑌰𑌤𑌮𑍁𑌦𑌯𑌨𑍍𑌮𑍋𑌦𑌿𑌨𑌾𑌂 𑌦𑍇𑌵𑌦𑍇𑌵 ॥ 10 ॥
𑌉𑌤𑍍𑌤𑌪𑍍𑌤𑌾𑌽𑌤𑍍𑌯𑍁𑌤𑍍𑌕𑌟𑌤𑍍𑌵𑌿𑌟𑍍 𑌪𑍍𑌰𑌕𑌟𑌕𑌟𑌕𑌟𑌧𑍍𑌵𑌾𑌨𑌸𑌙𑍍𑌘𑌟𑍍𑌟𑌨𑍋𑌦𑍍𑌯-
-𑌦𑍍𑌵𑌿𑌦𑍍𑌯𑍁𑌦𑍍𑌵𑍍𑌯𑍂𑌢𑌸𑍍𑌫𑍁𑌲𑌿𑌙𑍍𑌗𑌪𑍍𑌰𑌕𑌰𑌵𑌿𑌕𑌿𑌰𑌣𑍋𑌤𑍍𑌕𑍍𑌵𑌾𑌥𑌿𑌤𑍇 𑌬𑌾𑌧𑌿𑌤𑌾𑌙𑍍𑌗𑌾𑌨𑍍 ।
𑌉𑌦𑍍𑌗𑌾𑌢𑌂 𑌪𑌾𑌤𑍍𑌯𑌮𑌾𑌨𑌾 𑌤𑌮𑌸𑌿 𑌤𑌤 𑌇𑌤𑌃 𑌕𑌿𑌙𑍍𑌕𑌰𑍈𑌃 𑌪𑌙𑍍𑌕𑌿𑌲𑍇 𑌤𑍇
𑌪𑌙𑍍𑌕𑍍𑌤𑌿𑌰𑍍𑌗𑍍𑌰𑌾𑌵𑍍𑌣𑌾𑌂 𑌗𑌰𑌿𑌮𑍍𑌣𑌾 𑌗𑍍𑌲𑌪𑌯𑌤𑌿 𑌹𑌿 𑌭𑌵𑌦𑍍𑌵𑍇𑌷𑌿𑌣𑍋 𑌵𑌿𑌦𑍍𑌵𑌦𑌾𑌦𑍍𑌯 ॥ 11 ॥
𑌅𑌸𑍍𑌮𑌿𑌨𑍍𑌨𑌸𑍍𑌮𑌦𑍍𑌗𑍁𑌰𑍂𑌣𑌾𑌂 𑌹𑌰𑌿𑌚𑌰𑌣𑌚𑌿𑌰𑌧𑍍𑌯𑌾𑌨𑌸𑌨𑍍𑌮𑌙𑍍𑌗𑌲𑌾𑌨𑌾𑌂
𑌯𑍁𑌷𑍍𑌮𑌾𑌕𑌂 𑌪𑌾𑌰𑍍𑌶𑍍𑌵𑌭𑍂𑌮𑌿𑌂 𑌧𑍃𑌤𑌰𑌣𑌰𑌣𑌿𑌕𑌸𑍍𑌵𑌰𑍍𑌗𑌿𑌸𑍇𑌵𑍍𑌯𑌾𑌂 𑌪𑍍𑌰𑌪𑌨𑍍𑌨𑌃 ।
𑌯𑌸𑍍𑌤𑍂𑌦𑌾𑌸𑍍𑌤𑍇 𑌸 𑌆𑌸𑍍𑌤𑍇𑌽𑌧𑌿𑌭𑌵𑌮𑌸𑍁𑌲𑌭𑌕𑍍𑌲𑍇𑌶𑌨𑌿𑌰𑍍𑌮𑍂𑌕𑌮𑌸𑍍𑌤-
-𑌪𑍍𑌰𑌾𑌯𑌾𑌨𑌨𑍍𑌦𑌂 𑌕𑌥𑌞𑍍𑌚𑌿𑌨𑍍𑌨 𑌵𑌸𑌤𑌿 𑌸𑌤𑌤𑌂 𑌪𑌞𑍍𑌚𑌕𑌷𑍍𑌟𑍇𑌽𑌤𑌿𑌕𑌷𑍍𑌟𑍇 ॥ 12 ॥
𑌕𑍍𑌷𑍁𑌤𑍍 𑌕𑍍𑌷𑌾𑌮𑌾𑌨𑍍 𑌰𑍂𑌕𑍍𑌷𑌰𑌕𑍍𑌷𑍋𑌰𑌦𑌖𑌰𑌨𑌖𑌰𑌕𑍍𑌷𑍁𑌣𑍍𑌣𑌵𑌿𑌕𑍍𑌷𑍋𑌭𑌿𑌤𑌾𑌕𑍍𑌷𑌾-
-𑌨𑌾𑌮𑌗𑍍𑌨𑌾𑌨𑌾𑌨𑍍𑌧𑌕𑍂𑌪𑍇 𑌕𑍍𑌷𑍁𑌰𑌮𑍁𑌖𑌮𑍁𑌖𑌰𑍈𑌃 𑌪𑌕𑍍𑌷𑌿𑌭𑌿𑌰𑍍𑌵𑌿𑌕𑍍𑌷𑌤𑌾𑌙𑍍𑌗𑌾𑌨𑍍 ।
𑌪𑍂𑌯𑌾𑌸𑍃𑌙𑍍𑌮𑍂𑌤𑍍𑌰𑌵𑌿𑌷𑍍𑌠𑌾𑌕𑍃𑌮𑌿𑌕𑍁𑌲𑌕𑌲𑌿𑌲𑍇 𑌤𑌤𑍍𑌕𑍍𑌷𑌣𑌕𑍍𑌷𑌿𑌪𑍍𑌤𑌶𑌕𑍍𑌤𑍍𑌯𑌾-
-𑌦𑍍𑌯𑌸𑍍𑌤𑍍𑌰𑌵𑍍𑌰𑌾𑌤𑌾𑌰𑍍𑌦𑌿𑌤𑌾𑌂𑌸𑍍𑌤𑍍𑌵𑌦𑍍𑌦𑍍𑌵𑌿𑌷 𑌉𑌪𑌜𑌿𑌹𑌤𑍇 𑌵𑌜𑍍𑌰𑌕𑌲𑍍𑌪𑌾 𑌜𑌲𑍂𑌕𑌾𑌃 ॥ 13 ॥
𑌮𑌾𑌤𑌰𑍍𑌮𑍇 𑌮𑌾𑌤𑌰𑌿𑌶𑍍𑌵𑌨𑍍 𑌪𑌿𑌤𑌰𑌤𑍁𑌲𑌗𑍁𑌰𑍋 𑌭𑍍𑌰𑌾𑌤𑌰𑌿𑌷𑍍𑌟𑌾𑌪𑍍𑌤𑌬𑌨𑍍𑌧𑍋
𑌸𑍍𑌵𑌾𑌮𑌿𑌨𑍍 𑌸𑌰𑍍𑌵𑌾𑌨𑍍𑌤𑌰𑌾𑌤𑍍𑌮𑌨𑍍𑌨𑌜𑌰 𑌜𑌰𑌯𑌿𑌤𑌰𑍍𑌜𑌨𑍍𑌮𑌮𑍃𑌤𑍍𑌯𑌾𑌮𑌯𑌾𑌨𑌾𑌮𑍍 ।
𑌗𑍋𑌵𑌿𑌨𑍍𑌦𑍇 𑌦𑍇𑌹𑌿 𑌭𑌕𑍍𑌤𑌿𑌂 𑌭𑌵𑌤𑌿 𑌚 𑌭𑌗𑌵𑌨𑍍𑌨𑍂𑌰𑍍𑌜𑌿𑌤𑌾𑌂 𑌨𑌿𑌰𑍍𑌨𑌿𑌮𑌿𑌤𑍍𑌤𑌾𑌂
𑌨𑌿𑌰𑍍𑌵𑍍𑌯𑌾𑌜𑌾𑌂 𑌨𑌿𑌶𑍍𑌚𑌲𑌾𑌂 𑌸𑌦𑍍𑌗𑍁𑌣𑌗𑌣𑌬𑍃𑌹𑌤𑍀𑌂 𑌶𑌾𑌶𑍍𑌵𑌤𑍀𑌮𑌾𑌶𑍁 𑌦𑍇𑌵 ॥ 14 ॥
𑌵𑌿𑌷𑍍𑌣𑍋𑌰𑌤𑍍𑌤𑍍𑌯𑍁𑌤𑍍𑌤𑌮𑌤𑍍𑌵𑌾𑌦𑌖𑌿𑌲𑌗𑍁𑌣𑌗𑌣𑍈𑌸𑍍𑌤𑌤𑍍𑌰 𑌭𑌕𑍍𑌤𑌿𑌂 𑌗𑌰𑌿𑌷𑍍𑌠𑌾𑌂
𑌆𑌶𑍍𑌲𑌿𑌷𑍍𑌟𑍇 𑌶𑍍𑌰𑍀𑌧𑌰𑌾𑌭𑍍𑌯𑌾𑌮𑌮𑍁𑌮𑌥 𑌪𑌰𑌿𑌵𑌾𑌰𑌾𑌤𑍍𑌮𑌨𑌾 𑌸𑍇𑌵𑌕𑍇𑌷𑍁 ।
𑌯𑌃 𑌸𑌨𑍍𑌧𑌤𑍍𑌤𑍇 𑌵𑌿𑌰𑌿𑌞𑍍𑌚𑌶𑍍𑌵𑌸𑌨𑌵𑌿𑌹𑌗𑌪𑌾𑌨𑌨𑍍𑌤𑌰𑍁𑌦𑍍𑌰𑍇𑌨𑍍𑌦𑍍𑌰𑌪𑍂𑌰𑍍𑌵𑍇-
-𑌷𑍍𑌵𑌾𑌧𑍍𑌯𑌾𑌯𑌂𑌸𑍍𑌤𑌾𑌰𑌤𑌮𑍍𑌯𑌂 𑌸𑍍𑌫𑍁𑌟𑌮𑌵𑌤𑌿 𑌸𑌦𑌾 𑌵𑌾𑌯𑍁𑌰𑌸𑍍𑌮𑌦𑍍𑌗𑍁𑌰𑍁𑌸𑍍𑌤𑌮𑍍 ॥ 15 ॥
𑌤𑌤𑍍𑌤𑍍𑌵𑌜𑍍𑌞𑌾𑌨𑍍 𑌮𑍁𑌕𑍍𑌤𑌿𑌭𑌾𑌜𑌃 𑌸𑍁𑌖𑌯𑌿𑌸𑌿 𑌹𑌿 𑌗𑍁𑌰𑍋 𑌯𑍋𑌗𑍍𑌯𑌤𑌾𑌤𑌾𑌰𑌤𑌮𑍍𑌯𑌾-
-𑌦𑌾𑌧𑌤𑍍𑌸𑍇 𑌮𑌿𑌶𑍍𑌰𑌬𑍁𑌦𑍍𑌧𑌿𑌂𑌸𑍍𑌤𑍍𑌰𑌿𑌦𑌿𑌵𑌨𑌿𑌰𑌯𑌭𑍂𑌗𑍋𑌚𑌰𑌾𑌨𑍍 𑌨𑌿𑌤𑍍𑌯𑌬𑌦𑍍𑌧𑌾𑌨𑍍 ।
𑌤𑌾𑌮𑌿𑌸𑍍𑌰𑌾𑌨𑍍𑌧𑌾𑌦𑌿𑌕𑌾𑌖𑍍𑌯𑍇 𑌤𑌮𑌸𑌿 𑌸𑍁𑌬𑌹𑍁𑌲𑌂 𑌦𑍁𑌃𑌖𑌯𑌸𑍍𑌯𑌨𑍍𑌯𑌥𑌾𑌜𑍍𑌞𑌾𑌨𑍍
𑌵𑌿𑌷𑍍𑌣𑍋𑌰𑌾𑌜𑍍𑌞𑌾𑌭𑌿𑌰𑌿𑌤𑍍𑌥𑌂 𑌶𑍃𑌤𑌿𑌶𑌤𑌮𑌿𑌤𑌿𑌹𑌾𑌸𑌾𑌦𑌿 𑌚𑌾𑌕𑌰𑍍𑌣𑌯𑌾𑌮𑌃 ॥ 16 ॥
𑌵𑌨𑍍𑌦𑍇𑌽𑌹𑌂 𑌤𑌂 𑌹𑌨𑍂𑌮𑌾𑌨𑌿𑌤𑌿 𑌮𑌹𑌿𑌤𑌮𑌹𑌾𑌪𑍗𑌰𑍁𑌷𑍋 𑌬𑌾𑌹𑍁𑌶𑌾𑌲𑍀
𑌖𑍍𑌯𑌾𑌤𑌸𑍍𑌤𑍇𑌽𑌗𑍍𑌰𑍍𑌯𑍋𑌽𑌵𑌤𑌾𑌰𑌃 𑌸𑌹𑌿𑌤 𑌇𑌹 𑌬𑌹𑍁𑌬𑍍𑌰𑌹𑍍𑌮𑌚𑌰𑍍𑌯𑌾𑌦𑌿𑌧𑌰𑍍𑌮𑍈𑌃 ।
𑌸𑌸𑍍𑌨𑍇𑌹𑌾𑌨𑌾𑌂 𑌸𑌹𑌸𑍍𑌵𑌾𑌨𑌹𑌰𑌹𑌰𑌹𑌿𑌤𑌂 𑌨𑌿𑌰𑍍𑌦𑌹𑌨𑍍 𑌦𑍇𑌹𑌭𑌾𑌜𑌾𑌂
𑌅𑌂𑌹𑍋𑌮𑍋𑌹𑌾𑌪𑌹𑍋 𑌯𑌃 𑌸𑍍𑌪𑍃𑌹𑌯𑌤𑌿 𑌮𑌹𑌤𑍀𑌂 𑌭𑌕𑍍𑌤𑌿𑌮𑌦𑍍𑌯𑌾𑌪𑌿 𑌰𑌾𑌮𑍇 ॥ 17 ॥
𑌪𑍍𑌰𑌾𑌕𑍍𑌪𑌞𑍍𑌚𑌾𑌶𑌤𑍍𑌸𑌹𑌸𑍍𑌰𑍈𑌰𑍍𑌵𑍍𑌯𑌵𑌹𑌿𑌤𑌮𑌹𑌿𑌤𑌂 𑌯𑍋𑌜𑌨𑍈𑌃 𑌪𑌰𑍍𑌵𑌤𑌂 𑌤𑍍𑌵𑌂
𑌯𑌾𑌵𑌤𑍍𑌸𑌞𑍍𑌜𑍀𑌵𑌨𑌾𑌦𑍍𑌯𑍗𑌷𑌧𑌨𑌿𑌧𑌿𑌮𑌧𑌿𑌕𑌪𑍍𑌰𑌾𑌣 𑌲𑌙𑍍𑌕𑌾𑌮𑌨𑍈𑌷𑌿𑌃 ।
𑌅𑌦𑍍𑌰𑌾𑌕𑍍𑌷𑍀𑌦𑍁𑌤𑍍𑌪𑌤𑌨𑍍𑌤𑌂 𑌤𑌤 𑌉𑌤 𑌗𑌿𑌰𑌿𑌮𑍁𑌤𑍍𑌪𑌾𑌟𑌯𑌨𑍍𑌤𑌂 𑌗𑍃𑌹𑍀𑌤𑍍𑌵𑌾
𑌯𑌾𑌨𑍍𑌤𑌂 𑌖𑍇 𑌰𑌾𑌘𑌵𑌾𑌙𑍍𑌘𑍍𑌰𑍗 𑌪𑍍𑌰𑌣𑌤𑌮𑌪𑌿 𑌤𑌦𑍈𑌕𑌕𑍍𑌷𑌣𑍇 𑌤𑍍𑌵𑌾𑌂 𑌹𑌿 𑌲𑍋𑌕𑌃 ॥ 18 ॥
𑌕𑍍𑌷𑌿𑌪𑍍𑌤𑌃 𑌪𑌶𑍍𑌚𑌾𑌤𑍍𑌸𑌤𑍍𑌸𑌲𑍀𑌲𑌂 𑌶𑌤𑌮𑌤𑍁𑌲𑌮𑌤𑍇 𑌯𑍋𑌜𑌨𑌾𑌨𑌾𑌂 𑌸 𑌉𑌚𑍍𑌚-
-𑌸𑍍𑌤𑌾𑌵𑌦𑍍𑌵𑌿𑌸𑍍𑌤𑌾𑌰𑌵𑌂𑌶𑍍𑌚𑌾𑌪𑍍𑌯𑍁𑌪𑌲𑌲𑌵 𑌇𑌵 𑌵𑍍𑌯𑌗𑍍𑌰𑌬𑍁𑌦𑍍𑌧𑍍𑌯𑌾 𑌤𑍍𑌵𑌯𑌾𑌽𑌤𑌃 ।
𑌸𑍍𑌵𑌸𑍍𑌵𑌸𑍍𑌥𑌾𑌨𑌸𑍍𑌥𑌿𑌤𑌾𑌤𑌿𑌸𑍍𑌥𑌿𑌰𑌶𑌕𑌲𑌶𑌿𑌲𑌾𑌜𑌾𑌲𑌸𑌂𑌶𑍍𑌲𑍇𑌷𑌨𑌷𑍍𑌟-
-𑌛𑍍𑌛𑍇𑌦𑌾𑌙𑍍𑌕𑌃 𑌪𑍍𑌰𑌾𑌗𑌿𑌵𑌾𑌭𑍂𑌤𑍍 𑌕𑌪𑌿𑌵𑌰𑌵𑌪𑍁𑌷𑌸𑍍𑌤𑍇 𑌨𑌮𑌃 𑌕𑍗𑌶𑌲𑌾𑌯 ॥ 19 ॥
𑌦𑍃𑌷𑍍𑌟𑍍𑌵𑌾 𑌦𑍁𑌷𑍍𑌟𑌾𑌧𑌿𑌪𑍋𑌰𑌃 𑌸𑍍𑌫𑍁𑌟𑌿𑌤𑌕𑌨𑌕𑌸𑌦𑍍𑌵𑌰𑍍𑌮 𑌘𑍃𑌷𑍍𑌟𑌾𑌸𑍍𑌥𑌿𑌕𑍂𑌟𑌂
𑌨𑌿𑌷𑍍𑌪𑌿𑌷𑍍𑌟𑌂 𑌹𑌾𑌟𑌕𑌾𑌦𑍍𑌰𑌿𑌪𑍍𑌰𑌕𑌟𑌤𑌟𑌤𑌟𑌾𑌕𑌾𑌤𑌿𑌶𑌙𑍍𑌕𑍋 𑌜𑌨𑍋𑌽𑌭𑍂𑌤𑍍 ।
𑌯𑍇𑌨𑌾𑌽𑌜𑍗 𑌰𑌾𑌵𑌣𑌾𑌰𑌿𑌪𑍍𑌰𑌿𑌯𑌨𑌟𑌨𑌪𑌟𑍁𑌰𑍍𑌮𑍁𑌷𑍍𑌟𑌿𑌰𑌿𑌷𑍍𑌟𑌂 𑌪𑍍𑌰𑌦𑍇𑌷𑍍𑌟𑍁𑌂
𑌕𑌿𑌂 𑌨𑍇𑌷𑍍𑌟𑍇 𑌮𑍇 𑌸 𑌤𑍇𑌽𑌷𑍍𑌟𑌾𑌪𑌦𑌕𑌟𑌕𑌤𑌟𑌿𑌤𑍍𑌕𑍋𑌟𑌿𑌭𑌾𑌮𑍃𑌷𑍍𑌟𑌕𑌾𑌷𑍍𑌠𑌃 ॥ 20 ॥
𑌦𑍇𑌵𑍍𑌯𑌾𑌦𑍇𑌶𑌪𑍍𑌰𑌣𑍀𑌤𑌿𑌦𑍃𑌹𑌿𑌣𑌹𑌰𑌵𑌰𑌾𑌵𑌧𑍍𑌯𑌰𑌕𑍍𑌷𑍋𑌵𑌿𑌘𑌾𑌤𑌾-
-𑌦𑍍𑌯𑌾𑌸𑍇𑌵𑍋𑌦𑍍𑌯𑌦𑍍𑌦𑌯𑌾𑌰𑍍𑌦𑍍𑌰𑌃 𑌸𑌹𑌭𑍁𑌜𑌮𑌕𑌰𑍋𑌦𑍍𑌰𑌾𑌮𑌨𑌾𑌮𑌾 𑌮𑍁𑌕𑍁𑌨𑍍𑌦𑌃 ।
𑌦𑍁𑌷𑍍𑌪𑍍𑌰𑌾𑌪𑍇 𑌪𑌾𑌰𑌮𑍇𑌷𑍍𑌠𑍍𑌯𑍇 𑌕𑌰𑌤𑌲𑌮𑌤𑍁𑌲𑌂 𑌮𑍂𑌰𑍍𑌧𑌿𑌵𑌿𑌨𑍍𑌯𑌸𑍍𑌯 𑌧𑌨𑍍𑌯𑌂
𑌤𑌨𑍍𑌵𑌨𑍍𑌭𑍂𑌯𑌃 𑌪𑍍𑌰𑌭𑍂𑌤𑌪𑍍𑌰𑌣𑌯𑌵𑌿𑌕𑌸𑌿𑌤𑌾𑌬𑍍𑌜𑍇𑌕𑍍𑌷𑌣𑌸𑍍𑌤𑍍𑌵𑍇𑌕𑍍𑌷𑌮𑌾𑌣𑌃 ॥ 21 ॥
𑌜𑌘𑍍𑌨𑍇 𑌨𑌿𑌘𑍍𑌨𑍇𑌨 𑌵𑌿𑌘𑍍𑌨𑍋 𑌬𑌹𑍁𑌲𑌬𑌲𑌬𑌕𑌧𑍍𑌵𑌂𑌸𑌨𑌾𑌦𑍍𑌯𑍇𑌨 𑌶𑍋𑌚-
-𑌦𑍍𑌵𑌿𑌪𑍍𑌰𑌾𑌨𑍁𑌕𑍍𑌰𑍋𑌶𑌪𑌾𑌶𑍈𑌰𑌸𑍁𑌵𑌿𑌧𑍃𑌤𑌿𑌸𑍁𑌖𑌸𑍍𑌯𑍈𑌕𑌚𑌕𑍍𑌰𑌾𑌜𑌨𑌾𑌨𑌾𑌮𑍍 ।
𑌤𑌸𑍍𑌮𑍈 𑌤𑍇 𑌦𑍇𑌵 𑌕𑍁𑌰𑍍𑌮𑌃 𑌕𑍁𑌰𑍁𑌕𑍁𑌲𑌪𑌤𑌯𑍇 𑌕𑌰𑍍𑌮𑌣𑌾 𑌚 𑌪𑍍𑌰𑌣𑌾𑌮𑌾𑌨𑍍
𑌕𑌿𑌰𑍍𑌮𑍀𑌰𑌂 𑌦𑍁𑌰𑍍𑌮𑌤𑍀𑌨𑌾𑌂 𑌪𑍍𑌰𑌥𑌮𑌮𑌥 𑌚 𑌯𑍋 𑌨𑌰𑍍𑌮𑌣𑌾 𑌨𑌿𑌰𑍍𑌮𑌮𑌾𑌥 ॥ 22 ॥
𑌨𑌿𑌰𑍍𑌮𑍃𑌦𑍍𑌨𑌨𑍍𑌨𑌤𑍍𑌯𑌯𑌤𑍍𑌨𑌂 𑌵𑌿𑌜𑌰𑌵𑌰 𑌜𑌰𑌾𑌸𑌨𑍍𑌧𑌕𑌾𑌯𑌾𑌸𑍍𑌥𑌿𑌸𑌨𑍍𑌧𑍀𑌨𑍍
𑌯𑍁𑌦𑍍𑌧𑍇 𑌤𑍍𑌵𑌂 𑌸𑍍𑌵𑌧𑍍𑌵𑌰𑍇 𑌵𑌾 𑌪𑌶𑍁𑌮𑌿𑌵 𑌦𑌮𑌯𑌨𑍍 𑌵𑌿𑌷𑍍𑌣𑍁𑌪𑌕𑍍𑌷𑌦𑍍𑌵𑌿𑌡𑍀𑌶𑌮𑍍 ।
𑌯𑌾𑌵𑌤𑍍𑌪𑍍𑌰𑌤𑍍𑌯𑌕𑍍𑌷𑌭𑍂𑌤𑌂 𑌨𑌿𑌖𑌿𑌲𑌮𑌖𑌭𑍁𑌜𑌂 𑌤𑌰𑍍𑌪𑌯𑌾𑌮𑌾𑌸𑌿𑌥𑌾𑌸𑍗
𑌤𑌾𑌵𑌤𑍍𑌯𑌾𑌽𑌯𑍋𑌜𑌿 𑌤𑍃𑌪𑍍𑌤𑍍𑌯𑌾 𑌕𑌿𑌮𑍁 𑌵𑌦 𑌭𑌗𑌵𑌨𑍍 𑌰𑌾𑌜𑌸𑍂𑌯𑌾𑌶𑍍𑌵𑌮𑍇𑌧𑍇 ॥ 23 ॥
𑌕𑍍𑌷𑍍𑌵𑍇𑌲𑌾𑌕𑍍𑌷𑍀𑌣𑌾𑌟𑍍𑌟𑌹𑌾𑌸𑌂 𑌤𑌵 𑌰𑌣𑌮𑌰𑌿𑌹𑌨𑍍𑌨𑍁𑌦𑍍𑌗𑌦𑍋𑌦𑍍𑌦𑌾𑌮𑌬𑌾𑌹𑍋𑌃
𑌬𑌹𑍍𑌵𑌕𑍍𑌷𑍗𑌹𑌿𑌣𑍍𑌯𑌨𑍀𑌕𑌕𑍍𑌷𑌪𑌣𑌸𑍁𑌨𑌿𑌪𑍁𑌣𑌂 𑌯𑌸𑍍𑌯 𑌸𑌰𑍍𑌵𑍋𑌤𑍍𑌤𑌮𑌸𑍍𑌯 ।
𑌶𑍁𑌶𑍍𑌰𑍂𑌷𑌾𑌰𑍍𑌥𑌂 𑌚𑌕𑌰𑍍𑌥 𑌸𑍍𑌵𑌯𑌮𑌯𑌮𑌥 𑌸𑌂𑌵𑌕𑍍𑌤𑍁𑌮𑌾𑌨𑌨𑍍𑌦𑌤𑍀𑌰𑍍𑌥-
-𑌶𑍍𑌰𑍀𑌮𑌨𑍍𑌨𑌾𑌮𑌨𑍍𑌸𑌮𑌰𑍍𑌥𑌸𑍍𑌤𑍍𑌵𑌮𑌪𑌿 𑌹𑌿 𑌯𑍁𑌵𑌯𑍋𑌃 𑌪𑌾𑌦𑌪𑌦𑍍𑌮𑌂 𑌪𑍍𑌰𑌪𑌦𑍍𑌯𑍇 ॥ 24 ॥
𑌦𑍃𑌹𑍍𑌯𑌨𑍍𑌤𑍀𑌂 𑌹𑍃𑌦𑍃𑌹𑌂 𑌮𑌾𑌂 𑌦𑍃𑌤𑌮𑌨𑌿𑌲 𑌬𑌲𑌾𑌦𑍍𑌦𑍍𑌰𑌾𑌵𑌯𑌨𑍍𑌤𑍀𑌮𑌵𑌿𑌦𑍍𑌯𑌾-
-𑌨𑌿𑌦𑍍𑌰𑌾𑌂 𑌵𑌿𑌦𑍍𑌰𑌾𑌵𑍍𑌯 𑌸𑌦𑍍𑌯𑍋𑌰𑌚𑌨𑌪𑌟𑍁𑌮𑌥𑌾𑌽𑌪𑌾𑌦𑍍𑌯 𑌵𑌿𑌦𑍍𑌯𑌾𑌸𑌮𑍁𑌦𑍍𑌰 ।
𑌵𑌾𑌗𑍍𑌦𑍇𑌵𑍀 𑌸𑌾 𑌸𑍁𑌵𑌿𑌦𑍍𑌯𑌾𑌦𑍍𑌰𑌵𑌿𑌣𑌦 𑌵𑌿𑌦𑌿𑌤𑌾 𑌦𑍍𑌰𑍗𑌪𑌦𑍀 𑌰𑍁𑌦𑍍𑌰𑌪𑌤𑍍𑌨𑍍𑌯𑌾-
-𑌦𑍁𑌦𑍍𑌰𑌿𑌕𑍍𑌤𑌾 𑌦𑍍𑌰𑌾𑌗𑌭𑌦𑍍𑌰𑌾𑌦𑍍𑌰𑌹𑌯𑌤𑍁 𑌦𑌯𑌿𑌤𑌾 𑌪𑍂𑌰𑍍𑌵𑌭𑍀𑌮𑌾𑌽𑌜𑍍𑌞𑌯𑌾 𑌤𑍇 ॥ 25 ॥
𑌯𑌾𑌭𑍍𑌯𑌾𑌂 𑌶𑍁𑌶𑍍𑌰𑍂𑌷𑍁𑌰𑌾𑌸𑍀𑌃 𑌕𑍁𑌰𑍁𑌕𑍁𑌲𑌜𑌨𑌨𑍇 𑌕𑍍𑌷𑌤𑍍𑌰𑌵𑌿𑌪𑍍𑌰𑍋𑌦𑌿𑌤𑌾𑌭𑍍𑌯𑌾𑌂
𑌬𑍍𑌰𑌹𑍍𑌮𑌭𑍍𑌯𑌾𑌂 𑌬𑍃𑌂𑌹𑌿𑌤𑌾𑌭𑍍𑌯𑌾𑌂 𑌚𑌿𑌤𑌸𑍁𑌖𑌵𑌪𑍁𑌷𑌾 𑌕𑍃𑌷𑍍𑌣𑌨𑌾𑌮𑌾𑌸𑍍𑌪𑌦𑌾𑌭𑍍𑌯𑌾𑌮𑍍 ।
𑌨𑌿𑌰𑍍𑌭𑍇𑌦𑌾𑌭𑍍𑌯𑌾𑌂 𑌵𑌿𑌶𑍇𑌷𑌾𑌦𑍍𑌵𑌿𑌵𑌚𑌨𑌵𑌿𑌷𑌯𑌾𑌭𑍍𑌯𑌾𑌮𑌮𑍂𑌭𑍍𑌯𑌾𑌮𑍁𑌭𑌾𑌭𑍍𑌯𑌾𑌂
𑌤𑍁𑌭𑍍𑌯𑌂 𑌚 𑌕𑍍𑌷𑍇𑌮𑌦𑍇𑌭𑍍𑌯𑌃 𑌸𑌰𑌿𑌸𑌿𑌜𑌵𑌿𑌲𑌸𑌲𑍍𑌲𑍋𑌚𑌨𑍇𑌭𑍍𑌯𑍋 𑌨𑌮𑍋𑌽𑌸𑍍𑌤𑍁 ॥ 26 ॥
𑌗𑌚𑍍𑌛𑌨𑍍 𑌸𑍗𑌗𑌨𑍍𑌧𑌿𑌕𑌾𑌰𑍍𑌥𑌂 𑌪𑌥𑌿 𑌸 𑌹𑌨𑍁𑌮𑌤𑌃 𑌪𑍁𑌚𑍍𑌛𑌮𑌚𑍍𑌛𑌸𑍍𑌯 𑌭𑍀𑌮𑌃
𑌪𑍍𑌰𑍋𑌦𑍍𑌧𑌰𑍍𑌤𑍁𑌂 𑌨𑌾𑌶𑌕𑌤𑍍𑌸 𑌤𑍍𑌵𑌮𑍁𑌮𑍁𑌰𑍁𑌵𑌪𑍁𑌷𑌾 𑌭𑍀𑌷𑌯𑌾𑌮𑌾𑌸 𑌚𑍇𑌤𑌿 ।
𑌪𑍂𑌰𑍍𑌣𑌜𑍍𑌞𑌾𑌨𑍗𑌜𑌸𑍋𑌸𑍍𑌤𑍇 𑌗𑍁𑌰𑍁𑌤𑌮 𑌵𑌪𑍁𑌷𑍋𑌃 𑌶𑍍𑌰𑍀𑌮𑌦𑌾𑌨𑌨𑍍𑌦𑌤𑍀𑌰𑍍𑌥
𑌕𑍍𑌰𑍀𑌡𑌾𑌮𑌾𑌤𑍍𑌰𑌂 𑌤𑌦𑍇𑌤𑌤𑍍 𑌪𑍍𑌰𑌮𑌦𑌦 𑌸𑍁𑌧𑌿𑌯𑌾𑌂 𑌮𑍋𑌹𑌕 𑌦𑍍𑌵𑍇𑌷𑌭𑌾𑌜𑌾𑌮𑍍 ॥ 27 ॥
𑌬𑌹𑍍𑌵𑍀𑌃 𑌕𑍋𑌟𑍀𑌰𑌟𑍀𑌕𑌃 𑌕𑍁𑌟𑌲𑌕𑌟𑍁𑌮𑌤𑍀𑌨𑍁𑌤𑍍𑌕𑌟𑌾𑌟𑍋𑌪𑌕𑍋𑌪𑌾𑌨𑍍
𑌦𑍍𑌰𑌾𑌕𑍍𑌚 𑌤𑍍𑌵𑌂 𑌸𑌤𑍍𑌵𑌰𑌤𑍍𑌵𑌾𑌚𑍍𑌚𑌰𑌣𑌦 𑌗𑌦𑌯𑌾 𑌪𑍋𑌥𑌯𑌾𑌮𑌾𑌸𑌿𑌥𑌾𑌰𑍀𑌨𑍍 ।
𑌉𑌨𑍍𑌮𑌥𑍍𑌯𑌾𑌤𑌥𑍍𑌯𑌮𑌿𑌥𑍍𑌯𑌾𑌤𑍍𑌵𑌵𑌚𑌨𑌵𑌚𑌨𑌾𑌨𑍁𑌤𑍍𑌪𑌥𑌸𑍍𑌥𑌾𑌂𑌸𑍍𑌤𑌥𑌾𑌽𑌨𑍍𑌯𑌾𑌨𑍍
𑌪𑍍𑌰𑌾𑌯𑌚𑍍𑌛𑌃 𑌸𑍍𑌵𑌪𑍍𑌰𑌿𑌯𑌾𑌯𑍈 𑌪𑍍𑌰𑌿𑌯𑌤𑌮𑌕𑍁𑌸𑍁𑌮𑌂 𑌪𑍍𑌰𑌾𑌣 𑌤𑌸𑍍𑌮𑍈 𑌨𑌮𑌸𑍍𑌤𑍇 ॥ 28 ॥
𑌦𑍇𑌹𑌾𑌦𑍁𑌤𑍍𑌕𑍍𑌰𑌾𑌮𑌿𑌤𑌾𑌨𑌾𑌮𑌧𑌿𑌪𑌤𑌿𑌰𑌸𑌤𑌾𑌮𑌕𑍍𑌰𑌮𑌾𑌦𑍍𑌵𑌕𑍍𑌰𑌬𑍁𑌦𑍍𑌧𑌿𑌃
𑌕𑍍𑌰𑍁𑌦𑍍𑌧𑌃 𑌕𑍍𑌰𑍋𑌧𑍈𑌕𑌵𑌶𑍍𑌯𑌃 𑌕𑍍𑌰𑌿𑌮𑌿𑌰𑌿𑌵 𑌮𑌣𑌿𑌮𑌾𑌨𑍍 𑌦𑍁𑌷𑍍𑌕𑍃𑌤𑍀 𑌨𑌿𑌷𑍍𑌕𑍍𑌰𑌿𑌯𑌾𑌰𑍍𑌥𑌮𑍍 ।
𑌚𑌕𑍍𑌰𑍇 𑌭𑍂𑌚𑌕𑍍𑌰𑌮𑍇𑌤𑍍𑌯 𑌕𑍍𑌰𑌕𑌚𑌮𑌿𑌵 𑌸𑌤𑌾𑌂 𑌚𑍇𑌤𑌸𑌃 𑌕𑌷𑍍𑌟𑌶𑌾𑌸𑍍𑌤𑍍𑌰𑌂
𑌦𑍁𑌸𑍍𑌤𑌰𑍍𑌕𑌂 𑌚𑌕𑍍𑌰𑌪𑌾𑌣𑍇𑌰𑍍𑌗𑍁𑌣𑌗𑌣𑌵𑌿𑌰𑌹𑌂 𑌜𑍀𑌵𑌤𑌾𑌂 𑌚𑌾𑌧𑌿𑌕𑍃𑌤𑍍𑌯 ॥ 29 ॥
𑌤𑌦𑍍𑌦𑍁𑌷𑍍𑌪𑍍𑌰𑍇𑌕𑍍𑌷𑌾𑌨𑍁𑌸𑌾𑌰𑌾𑌤𑍍𑌕𑌤𑌿𑌪𑌯𑌕𑍁𑌨𑌰𑍈𑌰𑌾𑌦𑍃𑌤𑍋𑌽𑌨𑍍𑌯𑍈𑌰𑍍𑌵𑌿𑌸𑍃𑌷𑍍𑌟𑍋
𑌬𑍍𑌰𑌹𑍍𑌮𑌾𑌽𑌹𑌂 𑌨𑌿𑌰𑍍𑌗𑍁𑌣𑍋𑌽𑌹𑌂 𑌵𑌿𑌤𑌥𑌮𑌿𑌦𑌮𑌿𑌤𑌿 𑌹𑍍𑌯𑍇𑌷 𑌪𑌾𑌷𑌣𑍍𑌡𑌵𑌾𑌦𑌃 ।
𑌤𑌦𑍍𑌯𑍁𑌕𑍍𑌤𑍍𑌯𑌾𑌭𑌾𑌸𑌜𑌾𑌲𑌪𑍍𑌰𑌸𑌰𑌵𑌿𑌷𑌤𑌰𑍂𑌦𑍍𑌦𑌾𑌹𑌦𑌕𑍍𑌷𑌪𑍍𑌰𑌮𑌾𑌣-
-𑌜𑍍𑌵𑌾𑌲𑌾𑌮𑌾𑌲𑌾𑌧𑌰𑌾𑌗𑍍𑌨𑌿𑌃 𑌪𑌵𑌨 𑌵𑌿𑌜𑌯𑌤𑍇 𑌤𑍇𑌽𑌵𑌤𑌾𑌰𑌸𑍍𑌤𑍃𑌤𑍀𑌯𑌃 ॥ 30 ॥
𑌆𑌕𑍍𑌰𑍋𑌶𑌨𑍍𑌤𑍋 𑌨𑌿𑌰𑌾𑌶𑌾 𑌭𑌯𑌭𑌰𑌵𑌿𑌵𑌶𑌸𑍍𑌵𑌾𑌶𑌯𑌾𑌶𑍍𑌛𑌿𑌨𑍍𑌨𑌦𑌰𑍍𑌪𑌾
𑌵𑌾𑌶𑌨𑍍𑌤𑍋 𑌦𑍇𑌶𑌨𑌾𑌶𑌸𑍍𑌵𑌿𑌤𑌿 𑌬𑌤 𑌕𑍁𑌧𑌿𑌯𑌾𑌂 𑌨𑌾𑌶𑌮𑌾𑌶𑌾𑌦𑌶𑌾𑌽𑌶𑍁 ।
𑌧𑌾𑌵𑌨𑍍𑌤𑍋𑌽𑌶𑍍𑌲𑍀𑌲𑌶𑍀𑌲𑌾 𑌵𑌿𑌤𑌥𑌶𑌪𑌥𑌶𑌾𑌪𑌾𑌶𑌿𑌵𑌾𑌃 𑌶𑌾𑌨𑍍𑌤𑌶𑍗𑌰𑍍𑌯𑌾-
-𑌸𑍍𑌤𑍍𑌵𑌦𑍍𑌵𑍍𑌯𑌾𑌖𑍍𑌯𑌾𑌸𑌿𑌂𑌹𑌨𑌾𑌦𑍇 𑌸𑌪𑌦𑌿 𑌦𑌦𑍃𑌶𑌿𑌰𑍇 𑌮𑌾𑌯𑌿𑌗𑍋𑌮𑌾𑌯𑌵𑌸𑍍𑌤𑍇 ॥ 31 ॥
𑌤𑍍𑌰𑌿𑌷𑍍𑌵𑌪𑍍𑌯𑍇𑌵𑌾𑌵𑌤𑌾𑌰𑍇𑌷𑍍𑌵𑌰𑌿𑌭𑌿𑌰𑌪𑌘𑍃𑌣𑌂 𑌹𑌿𑌂𑌸𑌿𑌤𑍋 𑌨𑌿𑌰𑍍𑌵𑌿𑌕𑌾𑌰𑌃
𑌸𑌰𑍍𑌵𑌜𑍍𑌞𑌃 𑌸𑌰𑍍𑌵𑌶𑌕𑍍𑌤𑌿𑌃 𑌸𑌕𑌲𑌗𑍁𑌣𑌗𑌣𑌾𑌪𑍂𑌰𑍍𑌣𑌰𑍂𑌪𑌪𑍍𑌰𑌗𑌲𑍍𑌭𑌃 ।
𑌸𑍍𑌵𑌚𑍍𑌛𑌃 𑌸𑍍𑌵𑌚𑍍𑌛𑌨𑍍𑌦𑌮𑍃𑌤𑍍𑌯𑍁𑌃 𑌸𑍁𑌖𑌯𑌸𑌿 𑌸𑍁𑌜𑌨𑌂 𑌦𑍇𑌵 𑌕𑌿𑌂 𑌚𑌿𑌤𑍍𑌰𑌮𑌤𑍍𑌰
𑌤𑍍𑌰𑌾𑌤𑌾 𑌯𑌸𑍍𑌯 𑌤𑍍𑌰𑌿𑌧𑌾𑌮𑌾 𑌜𑌗𑌦𑍁𑌤 𑌵𑌶𑌗𑌂 𑌕𑌿𑌙𑍍𑌕𑌰𑌾𑌃 𑌶𑌙𑍍𑌕𑌰𑌾𑌦𑍍𑌯𑌾𑌃 ॥ 32 ॥
𑌉𑌦𑍍𑌯𑌨𑍍𑌮𑌨𑍍𑌦𑌸𑍍𑌮𑌿𑌤𑌶𑍍𑌰𑍀𑌮𑍃𑌦𑍁 𑌮𑌧𑍁𑌮𑌧𑍁𑌰𑌾𑌲𑌾𑌪𑌪𑍀𑌯𑍂𑌷𑌧𑌾𑌰𑌾-
-𑌪𑍂𑌰𑌾𑌸𑍇𑌕𑍋𑌪𑌶𑌾𑌨𑍍𑌤𑌾𑌸𑍁𑌖𑌸𑍁𑌜𑌨𑌮𑌨𑍋𑌲𑍋𑌚𑌨𑌾𑌪𑍀𑌯𑌮𑌾𑌨𑌮𑍍 ।
𑌸𑌨𑍍𑌦𑍍𑌰𑌕𑍍𑌷𑍍𑌯𑍇 𑌸𑍁𑌨𑍍𑌦𑌰𑌂 𑌸𑌨𑍍𑌦𑍁𑌹𑌦𑌿𑌹 𑌮𑌹𑌦𑌾𑌨𑌨𑍍𑌦𑌮𑌾𑌨𑌨𑍍𑌦𑌤𑍀𑌰𑍍𑌥
𑌶𑍍𑌰𑍀𑌮𑌦𑍍𑌵𑌕𑍍𑌤𑍍𑌰𑍇𑌨𑍍𑌦𑍁𑌬𑌿𑌮𑍍𑌬𑌂 𑌦𑍁𑌰𑌤𑌨𑍁𑌦𑍁𑌦𑌿𑌤𑌂 𑌨𑌿𑌤𑍍𑌯𑌦𑌾𑌽𑌹𑌂 𑌕𑌦𑌾 𑌨𑍁 ॥ 33 ॥
𑌪𑍍𑌰𑌾𑌚𑍀𑌨𑌾𑌚𑍀𑌰𑍍𑌣𑌪𑍁𑌣𑍍𑌯𑍋𑌚𑍍𑌚𑌯𑌚𑌤𑍁𑌰𑌤𑌰𑌾𑌚𑌾𑌰𑌤𑌶𑍍𑌚𑌾𑌰𑍁𑌚𑌿𑌤𑍍𑌤𑌾-
-𑌨𑌤𑍍𑌯𑍁𑌚𑍍𑌚𑌾𑌂 𑌰𑍋𑌚𑌯𑌨𑍍𑌤𑍀𑌂 𑌶𑍍𑌰𑍁𑌤𑌿𑌚𑌿𑌤𑌵𑌚𑌨𑌾𑌂 𑌶𑍍𑌰𑌾𑌵𑌕𑌾𑌂𑌶𑍍𑌚𑍋𑌦𑍍𑌯𑌚𑍁𑌞𑍍𑌚𑍂𑌨𑍍 ।
𑌵𑍍𑌯𑌾𑌖𑍍𑌯𑌾𑌮𑍁𑌤𑍍𑌖𑌾𑌤𑌦𑍁𑌃𑌖𑌾𑌂 𑌚𑌿𑌰𑌮𑍁𑌚𑌿𑌤𑌮𑌹𑌾𑌚𑌾𑌰𑍍𑌯 𑌚𑌿𑌨𑍍𑌤𑌾𑌰𑌤𑌾𑌂𑌸𑍍𑌤𑍇
𑌚𑌿𑌤𑍍𑌰𑌾𑌂 𑌸𑌚𑍍𑌛𑌾𑌸𑍍𑌤𑍍𑌰𑌕𑌰𑍍𑌤𑌾𑌶𑍍𑌚𑌰𑌣𑌪𑌰𑌿𑌚𑌰𑌾𑌞𑍍𑌛𑍍𑌰𑌾𑌵𑌯𑌾𑌸𑍍𑌮𑌾𑌂𑌶𑍍𑌚 𑌕𑌿𑌞𑍍𑌚𑌿𑌤𑍍 ॥ 34 ॥
𑌪𑍀𑌠𑍇 𑌰𑌤𑍍𑌨𑍋𑌕𑌪𑌕𑍍𑌲𑍃𑌪𑍍𑌤𑍇 𑌰𑍁𑌚𑌿𑌰𑌰𑍁𑌚𑌿𑌮𑌣𑌿𑌜𑍍𑌯𑍋𑌤𑌿𑌷𑌾 𑌸𑌨𑍍𑌨𑌿𑌷𑌣𑍍𑌣𑌂
𑌬𑍍𑌰𑌹𑍍𑌮𑌾𑌣𑌂 𑌭𑌾𑌵𑌿𑌨𑌂 𑌤𑍍𑌵𑌾𑌂 𑌜𑍍𑌵𑌲𑌤𑌿 𑌨𑌿𑌜𑌪𑌦𑍇 𑌵𑍈𑌦𑌿𑌕𑌾𑌦𑍍𑌯𑌾 𑌹𑌿 𑌵𑌿𑌦𑍍𑌯𑌾𑌃 ।
𑌸𑍇𑌵𑌨𑍍𑌤𑍇 𑌮𑍂𑌰𑍍𑌤𑌿𑌮𑌤𑍍𑌯𑌃 𑌸𑍁𑌚𑌰𑌿𑌤 𑌚𑌰𑌿𑌤𑌂 𑌭𑌾𑌤𑌿 𑌗𑌨𑍍𑌧𑌰𑍍𑌵 𑌗𑍀𑌤𑌂
𑌪𑍍𑌰𑌤𑍍𑌯𑍇𑌕𑌂 𑌦𑍇𑌵𑌸𑌂𑌸𑌤𑍍𑌸𑍍𑌵𑌪𑌿 𑌤𑌵 𑌭𑌗𑌵𑌨𑍍𑌨𑌰𑍍𑌤𑌿𑌤𑌦𑍍𑌯𑍋𑌵𑌧𑍂𑌷𑍁 ॥ 35 ॥
𑌸𑌾𑌨𑍁𑌕𑍍𑌰𑍋𑌶𑍈𑌰𑌜𑌸𑍍𑌰𑌂 𑌜𑌨𑌿𑌮𑍃𑌤𑌿𑌨𑌿𑌰𑌯𑌾𑌦𑍍𑌯𑍂𑌰𑍍𑌮𑌿𑌮𑌾𑌲𑌾𑌵𑌿𑌲𑍇𑌽𑌸𑍍𑌮𑌿𑌨𑍍
𑌸𑌂𑌸𑌾𑌰𑌾𑌬𑍍𑌧𑍗 𑌨𑌿𑌮𑌗𑍍𑌨𑌾𑌨𑍍 𑌶𑌰𑌣𑌮𑌶𑌰𑌣𑌾𑌨𑌿𑌚𑍍𑌛𑌤𑍋 𑌵𑍀𑌕𑍍𑌷𑍍𑌯 𑌜𑌨𑍍𑌤𑍂𑌨𑍍 ।
𑌯𑍁𑌷𑍍𑌮𑌾𑌭𑌿𑌃 𑌪𑍍𑌰𑌾𑌰𑍍𑌥𑌿𑌤𑌃 𑌸𑌨𑍍 𑌜𑌲𑌨𑌿𑌧𑌿𑌶𑌯𑌨𑌃 𑌸𑌤𑍍𑌯𑌵𑌤𑍍𑌯𑌾𑌂 𑌮𑌹𑌰𑍍𑌷𑍇-
-𑌰𑍍𑌵𑍍𑌯𑌕𑍍𑌤𑌶𑍍𑌚𑌿𑌨𑍍𑌮𑌾𑌤𑍍𑌰𑌮𑍂𑌰𑍍𑌤𑌿𑌰𑍍𑌨 𑌖𑌲𑍁 𑌭𑌗𑌵𑌤𑌃 𑌪𑍍𑌰𑌾𑌕𑍃𑌤𑍋 𑌜𑌾𑌤𑍁 𑌦𑍇𑌹𑌃 ॥ 36 ॥
𑌅𑌸𑍍𑌤𑌵𑍍𑌯𑌸𑍍𑌤𑌂 𑌸𑌮𑌸𑍍𑌤𑌶𑍍𑌰𑍁𑌤𑌿𑌗𑌤𑌮𑌧𑌮𑍈 𑌰𑌤𑍍𑌨𑌪𑍂𑌗𑌂 𑌯𑌥𑌾𑌽𑌨𑍍𑌧𑍈-
-𑌰𑌰𑍍𑌥𑌂 𑌲𑍋𑌕𑍋𑌪𑌕𑍃𑌤𑍍𑌯𑍈 𑌗𑍁𑌣𑌗𑌣𑌨𑌿𑌲𑌯𑌃 𑌸𑍂𑌤𑍍𑌰𑌯𑌾𑌮𑌾𑌸 𑌕𑍃𑌤𑍍𑌸𑍍𑌨𑌮𑍍 ।
𑌯𑍋𑌽𑌸𑍗 𑌵𑍍𑌯𑌾𑌸𑌾𑌭𑌿𑌧𑌾𑌨𑌸𑍍𑌤𑌮𑌹𑌮𑌹𑌰𑌹𑌰𑍍𑌭𑌕𑍍𑌤𑌿𑌤𑌸𑍍𑌤𑍍𑌵𑌤𑍍𑌪𑍍𑌰𑌸𑌾𑌦𑌾𑌤𑍍
𑌸𑌦𑍍𑌯𑍋 𑌵𑌿𑌦𑍍𑌯𑍋𑌪𑌲𑌬𑍍𑌧𑍍𑌯𑍈 𑌗𑍁𑌰𑍁𑌤𑌮𑌮𑌗𑍁𑌰𑍁𑌂 𑌦𑍇𑌵𑌦𑍇𑌵𑌂 𑌨𑌮𑌾𑌮𑌿 ॥ 37 ॥
𑌆𑌜𑍍𑌞𑌾𑌮𑌨𑍍𑌯𑍈𑌰𑌧𑌾𑌰𑍍𑌯𑌾𑌂 𑌶𑌿𑌰𑌸𑌿 𑌪𑌰𑌿𑌸𑌰𑌦𑍍𑌰𑌶𑍍𑌮𑌿𑌕𑍋𑌟𑍀𑌰𑌕𑍋𑌟𑍗
𑌕𑍃𑌷𑍍𑌣𑌸𑍍𑌯𑌾𑌕𑍍𑌲𑌿𑌷𑍍𑌟𑌕𑌰𑍍𑌮𑌾 𑌦𑌧𑌦𑌨𑍁𑌸𑌰𑌾𑌣𑌾𑌦𑌰𑍍𑌥𑌿𑌤𑍋 𑌦𑍇𑌵𑌸𑌙𑍍𑌘𑍈𑌃 ।
𑌭𑍂𑌮𑌾𑌵𑌾𑌗𑌤𑍍𑌯 𑌭𑍂𑌮𑌨𑍍𑌨𑌸𑍁𑌕𑌰𑌮𑌕𑌰𑍋𑌰𑍍𑌬𑍍𑌰𑌹𑍍𑌮𑌸𑍂𑌤𑍍𑌰𑌸𑍍𑌯 𑌭𑌾𑌷𑍍𑌯𑌂
𑌦𑍁𑌰𑍍𑌭𑌾𑌷𑍍𑌯𑌂 𑌵𑍍𑌯𑌸𑍍𑌯 𑌦𑌸𑍍𑌯𑍋𑌰𑍍𑌮𑌣𑌿𑌮𑌤 𑌉𑌦𑌿𑌤𑌂 𑌵𑍇𑌦𑌸𑌦𑍍𑌯𑍁𑌕𑍍𑌤𑌿𑌭𑌿𑌸𑍍𑌤𑍍𑌵𑌮𑍍 ॥ 38 ॥
𑌭𑍂𑌤𑍍𑌵𑌾 𑌕𑍍𑌷𑍇𑌤𑍍𑌰𑍇 𑌵𑌿𑌶𑍁𑌦𑍍𑌧𑍇 𑌦𑍍𑌵𑌿𑌜𑌗𑌣𑌨𑌿𑌲𑌯𑍇 𑌰𑍗𑌪𑍍𑌯𑌪𑍀𑌠𑌾𑌭𑌿𑌧𑌾𑌨𑍇
𑌤𑌤𑍍𑌰𑌾𑌪𑌿 𑌬𑍍𑌰𑌹𑍍𑌮𑌜𑌾𑌤𑌿𑌸𑍍𑌤𑍍𑌰𑌿𑌭𑍁𑌵𑌨𑌵𑌿𑌶𑌦𑍇 𑌮𑌧𑍍𑌯𑌗𑍇𑌹𑌾𑌖𑍍𑌯𑌗𑍇𑌹𑍇 ।
𑌪𑌾𑌰𑌿𑌵𑍍𑌰𑌾𑌜𑍍𑌯𑌾𑌧𑌿𑌰𑌾𑌜𑌃 𑌪𑍁𑌨𑌰𑌪𑌿 𑌬𑌦𑌰𑍀𑌂 𑌪𑍍𑌰𑌾𑌪𑍍𑌯 𑌕𑍃𑌷𑍍𑌣𑌂 𑌚 𑌨𑌤𑍍𑌵𑌾
𑌕𑍃𑌤𑍍𑌵𑌾 𑌭𑌾𑌷𑍍𑌯𑌾𑌣𑌿 𑌸𑌮𑍍𑌯𑌗𑍍 𑌵𑍍𑌯𑌤𑌨𑍁𑌤 𑌚 𑌭𑌵𑌾𑌨𑍍 𑌭𑌾𑌰𑌤𑌾𑌰𑍍𑌥𑌪𑍍𑌰𑌕𑌾𑌶𑌮𑍍 ॥ 39 ॥
𑌵𑌨𑍍𑌦𑍇 𑌤𑌂 𑌤𑍍𑌵𑌾𑌂 𑌸𑍁𑌪𑍂𑌰𑍍𑌣𑌪𑍍𑌰𑌮𑌤𑌿𑌮𑌨𑍁𑌦𑌿𑌨𑌾𑌸𑍇𑌵𑌿𑌤𑌂 𑌦𑍇𑌵𑌵𑍃𑌨𑍍𑌦𑍈𑌃
𑌵𑌨𑍍𑌦𑍇 𑌵𑌨𑍍𑌦𑌾𑌰𑍁𑌮𑍀𑌶𑍇 𑌶𑍍𑌰𑌿𑌯 𑌉𑌤 𑌨𑌿𑌯𑌤𑌂 𑌶𑍍𑌰𑍀𑌮𑌦𑌾𑌨𑌨𑍍𑌦𑌤𑍀𑌰𑍍𑌥𑌮𑍍 ।
𑌵𑌨𑍍𑌦𑍇 𑌮𑌨𑍍𑌦𑌾𑌕𑌿𑌨𑍀𑌸𑌤𑍍𑌸𑌰𑌿𑌦𑌮𑌲𑌜𑌲𑌾𑌸𑍇𑌕𑌸𑌾𑌧𑌿𑌕𑍍𑌯𑌸𑌙𑍍𑌗𑌂
𑌵𑌨𑍍𑌦𑍇𑌽𑌹𑌂 𑌦𑍇𑌵 𑌭𑌕𑍍𑌤𑍍𑌯𑌾 𑌭𑌵𑌭𑌯𑌦𑌹𑌨𑌂 𑌸𑌜𑍍𑌜𑌨𑌾𑌨𑍍𑌮𑍋𑌦𑌯𑌨𑍍𑌤𑌮𑍍 ॥ 40 ॥
𑌸𑍁𑌬𑍍𑌰𑌹𑍍𑌮𑌣𑍍𑌯𑌾𑌖𑍍𑌯𑌸𑍂𑌰𑍇𑌃 𑌸𑍁𑌤 𑌇𑌤𑌿 𑌸𑍁𑌭𑍃𑌶𑌂 𑌕𑍇𑌶𑌵𑌾𑌨𑌨𑍍𑌦𑌤𑍀𑌰𑍍𑌥-
𑌶𑍍𑌰𑍀𑌮𑌤𑍍𑌪𑌾𑌦𑌾𑌬𑍍𑌜𑌭𑌕𑍍𑌤𑌃 𑌸𑍍𑌤𑍁𑌤𑌿𑌮𑌕𑍃𑌤 𑌹𑌰𑍇𑌰𑍍𑌵𑌾𑌯𑍁𑌦𑍇𑌵𑌸𑍍𑌯 𑌚𑌾𑌸𑍍𑌯 ।
𑌤𑌤𑍍𑌪𑌾𑌦𑌾𑌰𑍍𑌚𑌾𑌦𑌰𑍇𑌣 𑌗𑍍𑌰𑌥𑌿𑌤𑌪𑌦𑌲𑌸𑌨𑍍𑌮𑌾𑌲𑌯𑌾 𑌤𑍍𑌵𑍇𑌤𑌯𑌾 𑌯𑍇
𑌸𑌂𑌰𑌾𑌧𑍍𑌯𑌾𑌮𑍂 𑌨𑌮𑌨𑍍𑌤𑌿 𑌪𑍍𑌰𑌤𑌤𑌮𑌤𑌿𑌗𑍁𑌣𑌾 𑌮𑍁𑌕𑍍𑌤𑌿𑌮𑍇𑌤𑍇 𑌵𑍍𑌰𑌜𑌨𑍍𑌤𑌿 ॥ 41 ॥
𑌅𑌥 𑌶𑍍𑌰𑍀𑌨𑌖𑌸𑍍𑌤𑍁𑌤𑌿𑌃
𑌪𑌾𑌨𑍍𑌤𑍍𑌵𑌸𑍍𑌮𑌾𑌨𑍍 𑌪𑍁𑌰𑍁𑌹𑍂𑌤𑌵𑍈𑌰𑌿𑌬𑌲𑌵𑌨𑍍𑌮𑌾𑌤𑌙𑍍𑌗𑌮𑌾𑌦𑍍𑌯𑌦𑍍𑌘𑌟𑌾
𑌕𑍁𑌮𑍍𑌭𑍋𑌚𑍍𑌚𑌾𑌦𑍍𑌰𑌿𑌵𑌿𑌪𑌾𑌟𑌨𑌾𑌧𑌿𑌕𑌪𑌟𑍁𑌪𑍍𑌰𑌤𑍍𑌯𑍇𑌕𑌵𑌜𑍍𑌰𑌾𑌯𑌿𑌤𑌾𑌃 ।
𑌶𑍍𑌰𑍀𑌮𑌤𑍍𑌕𑌣𑍍𑌠𑍀𑌰𑌵𑌾𑌸𑍍𑌯 𑌪𑍍𑌰𑌤𑌤 𑌸𑍁𑌨𑌖𑌰𑌾 𑌦𑌾𑌰𑌿𑌤𑌾𑌰𑌾𑌤𑌿𑌦𑍂𑌰-
𑌪𑍍𑌰𑌧𑍍𑌵𑌸𑍍𑌤𑌧𑍍𑌵𑌾𑌨𑍍𑌤𑌶𑌾𑌨𑍍𑌤𑌪𑍍𑌰𑌵𑌿𑌤𑌤𑌮𑌨𑌸𑌾 𑌭𑌾𑌵𑌿𑌤𑌾 𑌨𑌾𑌕𑌿𑌵𑍃𑌨𑍍𑌦𑍈𑌃 ॥ 1 ॥
𑌲𑌕𑍍𑌷𑍍𑌮𑍀𑌕𑌾𑌨𑍍𑌤 𑌸𑌮𑌨𑍍𑌤𑌤𑍋𑌽𑌵𑌿𑌕𑌲𑌯𑌨𑍍 𑌨𑍈𑌵𑍇𑌶𑌿𑌤𑍁𑌸𑍍𑌤𑍇 𑌸𑌮𑌂
𑌪𑌶𑍍𑌯𑌾𑌮𑍍𑌯𑍁𑌤𑍍𑌤𑌮𑌵𑌸𑍍𑌤𑍁 𑌦𑍂𑌰𑌤𑌰𑌤𑍋𑌽𑌪𑌾𑌸𑍍𑌤𑌂 𑌰𑌸𑍋 𑌯𑍋𑌽𑌷𑍍𑌟𑌮𑌃 ।
𑌯𑌦𑍍𑌰𑍋𑌷𑍋𑌤𑍍𑌕𑌰𑌦𑌕𑍍𑌷𑌨𑍇𑌤𑍍𑌰𑌕𑍁𑌟𑌿𑌲𑌪𑍍𑌰𑌾𑌨𑍍𑌤𑍋𑌤𑍍𑌥𑌿𑌤𑌾𑌗𑍍𑌨𑌿𑌸𑍍𑌫𑍁𑌰𑌤𑍍
𑌖𑌦𑍍𑌯𑍋𑌤𑍋𑌪𑌮𑌵𑌿𑌸𑍍𑌫𑍁𑌲𑌿𑌙𑍍𑌗𑌭𑌸𑌿𑌤𑌾 𑌬𑍍𑌰𑌹𑍍𑌮𑍇𑌶𑌶𑌕𑍍𑌰𑍋𑌤𑍍𑌕𑌰𑌾𑌃 ॥ 2 ॥
𑌇𑌤𑌿 𑌶𑍍𑌰𑍀𑌤𑍍𑌰𑌿𑌵𑌿𑌕𑍍𑌰𑌮𑌪𑌣𑍍𑌡𑌿𑌤𑌾𑌚𑌾𑌰𑍍𑌯 𑌵𑌿𑌰𑌚𑌿𑌤𑌾 𑌵𑌾𑌯𑍁𑌸𑍍𑌤𑍁𑌤𑌿𑌃 𑌸𑌮𑌾𑌪𑍍𑌤𑌾 ॥
Roman (IAST) Transliteration
atha nakhastutiḥ
pāntvasmān puruhūtavairibalavanmātaṅgamādyadghaṭā-
-kumbhoccādrivipāṭanādhikapaṭu pratyeka vajrāyitāḥ |
śrīmatkaṇṭhīravāsyapratatasunakharā dāritārātidūra-
-pradhvastadhvāntaśāntapravitatamanasā bhāvitā bhūribhāgaiḥ || 1 ||
lakṣmīkānta samantato'pi kalayan naiveśituste samaṃ
paśyāmyuttamavastu dūrataratopāstaṃ raso yo'ṣṭamaḥ |
yadroṣotkara dakṣa netra kuṭila prāntotthitāgni sphurat
khadyotopama visphuliṅgabhasitā brahmeśaśakrotkarāḥ || 2 ||
atha vāyustutiḥ
śrīmadviṣṇvaṅghriniṣṭhātiguṇagurutamaśrīmadānandatīrtha-
-trailokyācāryapādojjvalajalajalasatpāṃsavo'smān punantu |
vācāṃ yatra praṇetrī tribhuvanamahitā śāradā śāradendu-
-jyotsnābhadrasmitaśrīdhavalitakakubhā premabhāraṃ babhāra || 1 ||
utkaṇṭhākuṇṭhakolāhalajavavijitājasrasevānuvṛddha-
-prājñātmajñānadhūtāndhatamasasumanomauliratnāvalīnām |
bhaktyudrekāvagāḍhapraghaṭanasadhaṭātkārasaṅghṛṣyamāṇa-
prāntaprāgryāṅghripīṭhotthitakanakarajaḥpiñjarārañjitāśāḥ || 2 ||
janmādhivyādhyupādhipratihativirahaprāpakāṇāṃ guṇānāṃ
agryāṇāmarpakāṇāṃ ciramuditacidānandasandohadānām |
eteṣāmeṣa doṣapramuṣitamanasāṃ dveṣiṇāṃ dūṣakāṇāṃ
daityānāmārtimandhe tamasi vidadhatāṃ saṃstave nāsmi śaktaḥ || 3 ||
asyāviṣkartukāmaṃ kalimalakaluṣe'smin jane jñānamārgaṃ
vandyaṃ candrendrarudradyumaṇiphaṇivayonāyakādyairihādya |
madhvākhyaṃ mantrasiddhaṃ kimuta kṛtavato mārutasyāvatāraṃ
pātāraṃ pārameṣṭyaṃ padamapavipadaḥ prāpturāpannapuṃsām || 4 ||
udyadvidyutpracaṇḍāṃ nijarucinikaravyāptalokāvakāśo
bibhradbhīmo bhuje yo'bhyuditadinakarābhāṅgadāḍhya prakāṇḍe |
vīryoddhāryāṃ gadāgryāmayamiha sumatiṃ vāyudevo vidadhyāt
adhyātmajñānanetā yativaramahito bhūmibhūṣāmaṇirme || 5 ||
saṃsārottāpanityopaśamadasadayasnehahāsāmbupūra-
-prodyadvidyānavadyadyutimaṇikiraṇaśreṇisampūritāśaḥ |
śrīvatsāṅkādhivāsocitatarasaralaśrīmadānandatīrtha-
-kṣīrāmbhodhirvibhindyādbhavadanabhimataṃ bhūri me bhūtihetuḥ || 6 ||
mūrdhanyeṣo'ñjalirme dṛḍhataramiha te badhyate bandhapāśa-
-cchetre dātre sukhānāṃ bhajati bhuvi bhaviṣyadvidhātre dyubhartre |
atyantaṃ santataṃ tvaṃ pradiśa padayuge hanta santāpabhājā-
-masmākaṃ bhaktimekāṃ bhagavata uta te mādhavasyātha vāyoḥ || 7 ||
sābhroṣṇābhīśuśubhraprabhamabhaya nabho bhūribhūbhṛdvibhūti-
-bhrājiṣṇurbhūrṛbhūṇāṃ bhavanamapi vibho'bhedi babhre babhūve |
yena bhrūvibhramaste bhramayatu subhṛśaṃ babhruvaddurbhṛtāśān
bhrāntirbhedāvabhāsastviti bhayamabhibhūrbhokṣyato māyibhikṣūn || 8 ||
ye'muṃ bhāvaṃ bhajante suramukhasujanārādhitaṃ te tṛtīyaṃ
bhāsante bhāsuraiste sahacaracalitaiścāmaraiścāruveṣāḥ |
vaikuṇṭhe kaṇṭhalagnasthiraśucivilasatkāntitāruṇyalīlā-
lāvaṇyāpūrṇakāntākucabharasulabhāśleṣasammodasāndrāḥ || 9 ||
ānandānmandamandā dadati hi marutaḥ kundamandāranandyā-
-vartāmodān dadhānā mṛdupadamuditodgītakaiḥ sundarīṇām |
vṛndairāvandyamuktendvahimagumadanāhīndradevendrasevye
maukunde mandire'sminnaviratamudayanmodināṃ devadeva || 10 ||
uttaptā'tyutkaṭatviṭ prakaṭakaṭakaṭadhvānasaṅghaṭṭanodya-
-dvidyudvyūḍhasphuliṅgaprakaravikiraṇotkvāthite bādhitāṅgān |
udgāḍhaṃ pātyamānā tamasi tata itaḥ kiṅkaraiḥ paṅkile te
paṅktirgrāvṇāṃ garimṇā glapayati hi bhavadveṣiṇo vidvadādya || 11 ||
asminnasmadgurūṇāṃ haricaraṇaciradhyānasanmaṅgalānāṃ
yuṣmākaṃ pārśvabhūmiṃ dhṛtaraṇaraṇikasvargisevyāṃ prapannaḥ |
yastūdāste sa āste'dhibhavamasulabhakleśanirmūkamasta-
-prāyānandaṃ kathañcinna vasati satataṃ pañcakaṣṭe'tikaṣṭe || 12 ||
kṣut kṣāmān rūkṣarakṣoradakharanakharakṣuṇṇavikṣobhitākṣā-
-nāmagnānāndhakūpe kṣuramukhamukharaiḥ pakṣibhirvikṣatāṅgān |
pūyāsṛṅmūtraviṣṭhākṛmikulakalile tatkṣaṇakṣiptaśaktyā-
-dyastravrātārditāṃstvaddviṣa upajihate vajrakalpā jalūkāḥ || 13 ||
mātarme mātariśvan pitaratulaguro bhrātariṣṭāptabandho
svāmin sarvāntarātmannajara jarayitarjanmamṛtyāmayānām |
govinde dehi bhaktiṃ bhavati ca bhagavannūrjitāṃ nirnimittāṃ
nirvyājāṃ niścalāṃ sadguṇagaṇabṛhatīṃ śāśvatīmāśu deva || 14 ||
viṣṇorattyuttamatvādakhilaguṇagaṇaistatra bhaktiṃ gariṣṭhāṃ
āśliṣṭe śrīdharābhyāmamumatha parivārātmanā sevakeṣu |
yaḥ sandhatte viriñcaśvasanavihagapānantarudrendrapūrve-
-ṣvādhyāyaṃstāratamyaṃ sphuṭamavati sadā vāyurasmadgurustam || 15 ||
tattvajñān muktibhājaḥ sukhayisi hi guro yogyatātāratamyā-
-dādhatse miśrabuddhiṃstridivanirayabhūgocarān nityabaddhān |
tāmisrāndhādikākhye tamasi subahulaṃ duḥkhayasyanyathājñān
viṣṇorājñābhiritthaṃ śṛtiśatamitihāsādi cākarṇayāmaḥ || 16 ||
vande'haṃ taṃ hanūmāniti mahitamahāpauruṣo bāhuśālī
khyātaste'gryo'vatāraḥ sahita iha bahubrahmacaryādidharmaiḥ |
sasnehānāṃ sahasvānaharaharahitaṃ nirdahan dehabhājāṃ
aṃhomohāpaho yaḥ spṛhayati mahatīṃ bhaktimadyāpi rāme || 17 ||
prākpañcāśatsahasrairvyavahitamahitaṃ yojanaiḥ parvataṃ tvaṃ
yāvatsañjīvanādyauṣadhanidhimadhikaprāṇa laṅkāmanaiṣiḥ |
adrākṣīdutpatantaṃ tata uta girimutpāṭayantaṃ gṛhītvā
yāntaṃ khe rāghavāṅghrau praṇatamapi tadaikakṣaṇe tvāṃ hi lokaḥ || 18 ||
kṣiptaḥ paścātsatsalīlaṃ śatamatulamate yojanānāṃ sa ucca-
-stāvadvistāravaṃścāpyupalalava iva vyagrabuddhyā tvayā'taḥ |
svasvasthānasthitātisthiraśakalaśilājālasaṃśleṣanaṣṭa-
-chchedāṅkaḥ prāgivābhūt kapivaravapuṣaste namaḥ kauśalāya || 19 ||
dṛṣṭvā duṣṭādhiporaḥ sphuṭitakanakasadvarma ghṛṣṭāsthikūṭaṃ
niṣpiṣṭaṃ hāṭakādriprakaṭataṭataṭākātiśaṅko jano'bhūt |
yenā'jau rāvaṇāripriyanaṭanapaṭurmuṣṭiriṣṭaṃ pradeṣṭuṃ
kiṃ neṣṭe me sa te'ṣṭāpadakaṭakataṭitkoṭibhāmṛṣṭakāṣṭhaḥ || 20 ||
devyādeśapraṇītidṛhiṇaharavarāvadhyarakṣovighātā-
-dyāsevodyaddayārdraḥ sahabhujamakarodrāmanāmā mukundaḥ |
duṣprāpe pārameṣṭhye karatalamatulaṃ mūrdhivinyasya dhanyaṃ
tanvanbhūyaḥ prabhūtapraṇayavikasitābjekṣaṇastvekṣamāṇaḥ || 21 ||
jaghne nighnena vighno bahulabalabakadhvaṃsanādyena śoca-
-dviprānukrośapāśairasuvidhṛtisukhasyaikacakrājanānām |
tasmai te deva kurmaḥ kurukulapataye karmaṇā ca praṇāmān
kirmīraṃ durmatīnāṃ prathamamatha ca yo narmaṇā nirmamātha || 22 ||
nirmṛdnannatyayatnaṃ vijaravara jarāsandhakāyāsthisandhīn
yuddhe tvaṃ svadhvare vā paśumiva damayan viṣṇupakṣadviḍīśam |
yāvatpratyakṣabhūtaṃ nikhilamakhabhujaṃ tarpayāmāsithāsau
tāvatyā'yoji tṛptyā kimu vada bhagavan rājasūyāśvamedhe || 23 ||
kṣvelākṣīṇāṭṭahāsaṃ tava raṇamarihannudgadoddāmabāhoḥ
bahvakṣauhiṇyanīkakṣapaṇasunipuṇaṃ yasya sarvottamasya |
śuśrūṣārthaṃ cakartha svayamayamatha saṃvaktumānandatīrtha-
-śrīmannāmansamarthastvamapi hi yuvayoḥ pādapadmaṃ prapadye || 24 ||
dṛhyantīṃ hṛdṛhaṃ māṃ dṛtamanila balāddrāvayantīmavidyā-
-nidrāṃ vidrāvya sadyoracanapaṭumathā'pādya vidyāsamudra |
vāgdevī sā suvidyādraviṇada viditā draupadī rudrapatnyā-
-dudriktā drāgabhadrādrahayatu dayitā pūrvabhīmā'jñayā te || 25 ||
yābhyāṃ śuśrūṣurāsīḥ kurukulajanane kṣatraviproditābhyāṃ
brahmabhyāṃ bṛṃhitābhyāṃ citasukhavapuṣā kṛṣṇanāmāspadābhyām |
nirbhedābhyāṃ viśeṣādvivacanaviṣayābhyāmamūbhyāmubhābhyāṃ
tubhyaṃ ca kṣemadebhyaḥ sarisijavilasallocanebhyo namo'stu || 26 ||
gacchan saugandhikārthaṃ pathi sa hanumataḥ pucchamacchasya bhīmaḥ
proddhartuṃ nāśakatsa tvamumuruvapuṣā bhīṣayāmāsa ceti |
pūrṇajñānaujasoste gurutama vapuṣoḥ śrīmadānandatīrtha
krīḍāmātraṃ tadetat pramadada sudhiyāṃ mohaka dveṣabhājām || 27 ||
bahvīḥ koṭīraṭīkaḥ kuṭalakaṭumatīnutkaṭāṭopakopān
drākca tvaṃ satvaratvāccaraṇada gadayā pothayāmāsithārīn |
unmathyātathyamithyātvavacanavacanānutpathasthāṃstathā'nyān
prāyacchaḥ svapriyāyai priyatamakusumaṃ prāṇa tasmai namaste || 28 ||
dehādutkrāmitānāmadhipatirasatāmakramādvakrabuddhiḥ
kruddhaḥ krodhaikavaśyaḥ krimiriva maṇimān duṣkṛtī niṣkriyārtham |
cakre bhūcakrametya krakacamiva satāṃ cetasaḥ kaṣṭaśāstraṃ
dustarkaṃ cakrapāṇerguṇagaṇavirahaṃ jīvatāṃ cādhikṛtya || 29 ||
tadduṣprekṣānusārātkatipayakunarairādṛto'nyairvisṛṣṭo
brahmā'haṃ nirguṇo'haṃ vitathamidamiti hyeṣa pāṣaṇḍavādaḥ |
tadyuktyābhāsajālaprasaraviṣatarūddāhadakṣapramāṇa-
-jvālāmālādharāgniḥ pavana vijayate te'vatārastṛtīyaḥ || 30 ||
ākrośanto nirāśā bhayabharavivaśasvāśayāśchinnadarpā
vāśanto deśanāśasviti bata kudhiyāṃ nāśamāśādaśā'śu |
dhāvanto'ślīlaśīlā vitathaśapathaśāpāśivāḥ śāntaśauryā-
-stvadvyākhyāsiṃhanāde sapadi dadṛśire māyigomāyavaste || 31 ||
triṣvapyevāvatāreṣvaribhirapaghṛṇaṃ hiṃsito nirvikāraḥ
sarvajñaḥ sarvaśaktiḥ sakalaguṇagaṇāpūrṇarūpapragalbhaḥ |
svacchaḥ svacchandamṛtyuḥ sukhayasi sujanaṃ deva kiṃ citramatra
trātā yasya tridhāmā jagaduta vaśagaṃ kiṅkarāḥ śaṅkarādyāḥ || 32 ||
udyanmandasmitaśrīmṛdu madhumadhurālāpapīyūṣadhārā-
-pūrāsekopaśāntāsukhasujanamanolocanāpīyamānam |
sandrakṣye sundaraṃ sanduhadiha mahadānandamānandatīrtha
śrīmadvaktrendubimbaṃ duratanududitaṃ nityadā'haṃ kadā nu || 33 ||
prācīnācīrṇapuṇyoccayacaturatarācārataścārucittā-
-natyuccāṃ rocayantīṃ śruticitavacanāṃ śrāvakāṃścodyacuñcūn |
vyākhyāmutkhātaduḥkhāṃ ciramucitamahācārya cintāratāṃste
citrāṃ sacchāstrakartāścaraṇaparicarāñchrāvayāsmāṃśca kiñcit || 34 ||
pīṭhe ratnokapaklṛpte rucirarucimaṇijyotiṣā sanniṣaṇṇaṃ
brahmāṇaṃ bhāvinaṃ tvāṃ jvalati nijapade vaidikādyā hi vidyāḥ |
sevante mūrtimatyaḥ sucarita caritaṃ bhāti gandharva gītaṃ
pratyekaṃ devasaṃsatsvapi tava bhagavannartitadyovadhūṣu || 35 ||
sānukrośairajasraṃ janimṛtinirayādyūrmimālāvile'smin
saṃsārābdhau nimagnān śaraṇamaśaraṇānicchato vīkṣya jantūn |
yuṣmābhiḥ prārthitaḥ san jalanidhiśayanaḥ satyavatyāṃ maharṣe-
-rvyaktaścinmātramūrtirna khalu bhagavataḥ prākṛto jātu dehaḥ || 36 ||
astavyastaṃ samastaśrutigatamadhamai ratnapūgaṃ yathā'ndhai-
-rarthaṃ lokopakṛtyai guṇagaṇanilayaḥ sūtrayāmāsa kṛtsnam |
yo'sau vyāsābhidhānastamahamaharaharbhaktitastvatprasādāt
sadyo vidyopalabdhyai gurutamamaguruṃ devadevaṃ namāmi || 37 ||
ājñāmanyairadhāryāṃ śirasi parisaradraśmikoṭīrakoṭau
kṛṣṇasyākliṣṭakarmā dadhadanusarāṇādarthito devasaṅghaiḥ |
bhūmāvāgatya bhūmannasukaramakarorbrahmasūtrasya bhāṣyaṃ
durbhāṣyaṃ vyasya dasyormaṇimata uditaṃ vedasadyuktibhistvam || 38 ||
bhūtvā kṣetre viśuddhe dvijagaṇanilaye raupyapīṭhābhidhāne
tatrāpi brahmajātistribhuvanaviśade madhyagehākhyagehe |
pārivrājyādhirājaḥ punarapi badarīṃ prāpya kṛṣṇaṃ ca natvā
kṛtvā bhāṣyāṇi samyag vyatanuta ca bhavān bhāratārthaprakāśam || 39 ||
vande taṃ tvāṃ supūrṇapramatimanudināsevitaṃ devavṛndaiḥ
vande vandārumīśe śriya uta niyataṃ śrīmadānandatīrtham |
vande mandākinīsatsaridamalajalāsekasādhikyasaṅgaṃ
vande'haṃ deva bhaktyā bhavabhayadahanaṃ sajjanānmodayantam || 40 ||
subrahmaṇyākhyasūreḥ suta iti subhṛśaṃ keśavānandatīrtha-
śrīmatpādābjabhaktaḥ stutimakṛta harervāyudevasya cāsya |
tatpādārcādareṇa grathitapadalasanmālayā tvetayā ye
saṃrādhyāmū namanti pratatamatiguṇā muktimete vrajanti || 41 ||
atha śrīnakhastutiḥ
pāntvasmān puruhūtavairibalavanmātaṅgamādyadghaṭā
kumbhoccādrivipāṭanādhikapaṭupratyekavajrāyitāḥ |
śrīmatkaṇṭhīravāsya pratata sunakharā dāritārātidūra-
pradhvastadhvāntaśāntapravitatamanasā bhāvitā nākivṛndaiḥ || 1 ||
lakṣmīkānta samantato'vikalayan naiveśituste samaṃ
paśyāmyuttamavastu dūratarato'pāstaṃ raso yo'ṣṭamaḥ |
yadroṣotkaradakṣanetrakuṭilaprāntotthitāgnisphurat
khadyotopamavisphuliṅgabhasitā brahmeśaśakrotkarāḥ || 2 ||
iti śrītrivikramapaṇḍitācārya viracitā vāyustutiḥ samāptā ||
Sanskrit — Devanagari (original)
अथ नखस्तुतिः
पान्त्वस्मान् पुरुहूतवैरिबलवन्मातङ्गमाद्यद्घटा-
-कुम्भोच्चाद्रिविपाटनाधिकपटु प्रत्येक वज्रायिताः ।
श्रीमत्कण्ठीरवास्यप्रततसुनखरा दारितारातिदूर-
-प्रध्वस्तध्वान्तशान्तप्रविततमनसा भाविता भूरिभागैः ॥ 1 ॥
लक्ष्मीकान्त समन्ततोऽपि कलयन् नैवेशितुस्ते समं
पश्याम्युत्तमवस्तु दूरतरतोपास्तं रसो योऽष्टमः ।
यद्रोषोत्कर दक्ष नेत्र कुटिल प्रान्तोत्थिताग्नि स्फुरत्
खद्योतोपम विस्फुलिङ्गभसिता ब्रह्मेशशक्रोत्कराः ॥ 2 ॥
अथ वायुस्तुतिः
श्रीमद्विष्ण्वङ्घ्रिनिष्ठातिगुणगुरुतमश्रीमदानन्दतीर्थ-
-त्रैलोक्याचार्यपादोज्ज्वलजलजलसत्पांसवोऽस्मान् पुनन्तु ।
वाचां यत्र प्रणेत्री त्रिभुवनमहिता शारदा शारदेन्दु-
-ज्योत्स्नाभद्रस्मितश्रीधवलितककुभा प्रेमभारं बभार ॥ 1 ॥
उत्कण्ठाकुण्ठकोलाहलजवविजिताजस्रसेवानुवृद्ध-
-प्राज्ञात्मज्ञानधूतान्धतमससुमनोमौलिरत्नावलीनाम् ।
भक्त्युद्रेकावगाढप्रघटनसधटात्कारसङ्घृष्यमाण-
प्रान्तप्राग्र्याङ्घ्रिपीठोत्थितकनकरजःपिञ्जरारञ्जिताशाः ॥ 2 ॥
जन्माधिव्याध्युपाधिप्रतिहतिविरहप्रापकाणां गुणानां
अग्र्याणामर्पकाणां चिरमुदितचिदानन्दसन्दोहदानाम् ।
एतेषामेष दोषप्रमुषितमनसां द्वेषिणां दूषकाणां
दैत्यानामार्तिमन्धे तमसि विदधतां संस्तवे नास्मि शक्तः ॥ 3 ॥
अस्याविष्कर्तुकामं कलिमलकलुषेऽस्मिन् जने ज्ञानमार्गं
वन्द्यं चन्द्रेन्द्ररुद्रद्युमणिफणिवयोनायकाद्यैरिहाद्य ।
मध्वाख्यं मन्त्रसिद्धं किमुत कृतवतो मारुतस्यावतारं
पातारं पारमेष्ट्यं पदमपविपदः प्राप्तुरापन्नपुंसाम् ॥ 4 ॥
उद्यद्विद्युत्प्रचण्डां निजरुचिनिकरव्याप्तलोकावकाशो
बिभ्रद्भीमो भुजे योऽभ्युदितदिनकराभाङ्गदाढ्य प्रकाण्डे ।
वीर्योद्धार्यां गदाग्र्यामयमिह सुमतिं वायुदेवो विदध्यात्
अध्यात्मज्ञाननेता यतिवरमहितो भूमिभूषामणिर्मे ॥ 5 ॥
संसारोत्तापनित्योपशमदसदयस्नेहहासाम्बुपूर-
-प्रोद्यद्विद्यानवद्यद्युतिमणिकिरणश्रेणिसम्पूरिताशः ।
श्रीवत्साङ्काधिवासोचिततरसरलश्रीमदानन्दतीर्थ-
-क्षीराम्भोधिर्विभिन्द्याद्भवदनभिमतं भूरि मे भूतिहेतुः ॥ 6 ॥
मूर्धन्येषोऽञ्जलिर्मे दृढतरमिह ते बध्यते बन्धपाश-
-च्छेत्रे दात्रे सुखानां भजति भुवि भविष्यद्विधात्रे द्युभर्त्रे ।
अत्यन्तं सन्ततं त्वं प्रदिश पदयुगे हन्त सन्तापभाजा-
-मस्माकं भक्तिमेकां भगवत उत ते माधवस्याथ वायोः ॥ 7 ॥
साभ्रोष्णाभीशुशुभ्रप्रभमभय नभो भूरिभूभृद्विभूति-
-भ्राजिष्णुर्भूरृभूणां भवनमपि विभोऽभेदि बभ्रे बभूवे ।
येन भ्रूविभ्रमस्ते भ्रमयतु सुभृशं बभ्रुवद्दुर्भृताशान्
भ्रान्तिर्भेदावभासस्त्विति भयमभिभूर्भोक्ष्यतो मायिभिक्षून् ॥ 8 ॥
येऽमुं भावं भजन्ते सुरमुखसुजनाराधितं ते तृतीयं
भासन्ते भासुरैस्ते सहचरचलितैश्चामरैश्चारुवेषाः ।
वैकुण्ठे कण्ठलग्नस्थिरशुचिविलसत्कान्तितारुण्यलीला-
लावण्यापूर्णकान्ताकुचभरसुलभाश्लेषसम्मोदसान्द्राः ॥ 9 ॥
आनन्दान्मन्दमन्दा ददति हि मरुतः कुन्दमन्दारनन्द्या-
-वर्तामोदान् दधाना मृदुपदमुदितोद्गीतकैः सुन्दरीणाम् ।
वृन्दैरावन्द्यमुक्तेन्द्वहिमगुमदनाहीन्द्रदेवेन्द्रसेव्ये
मौकुन्दे मन्दिरेऽस्मिन्नविरतमुदयन्मोदिनां देवदेव ॥ 10 ॥
उत्तप्ताऽत्युत्कटत्विट् प्रकटकटकटध्वानसङ्घट्टनोद्य-
-द्विद्युद्व्यूढस्फुलिङ्गप्रकरविकिरणोत्क्वाथिते बाधिताङ्गान् ।
उद्गाढं पात्यमाना तमसि तत इतः किङ्करैः पङ्किले ते
पङ्क्तिर्ग्राव्णां गरिम्णा ग्लपयति हि भवद्वेषिणो विद्वदाद्य ॥ 11 ॥
अस्मिन्नस्मद्गुरूणां हरिचरणचिरध्यानसन्मङ्गलानां
युष्माकं पार्श्वभूमिं धृतरणरणिकस्वर्गिसेव्यां प्रपन्नः ।
यस्तूदास्ते स आस्तेऽधिभवमसुलभक्लेशनिर्मूकमस्त-
-प्रायानन्दं कथञ्चिन्न वसति सततं पञ्चकष्टेऽतिकष्टे ॥ 12 ॥
क्षुत् क्षामान् रूक्षरक्षोरदखरनखरक्षुण्णविक्षोभिताक्षा-
-नामग्नानान्धकूपे क्षुरमुखमुखरैः पक्षिभिर्विक्षताङ्गान् ।
पूयासृङ्मूत्रविष्ठाकृमिकुलकलिले तत्क्षणक्षिप्तशक्त्या-
-द्यस्त्रव्रातार्दितांस्त्वद्द्विष उपजिहते वज्रकल्पा जलूकाः ॥ 13 ॥
मातर्मे मातरिश्वन् पितरतुलगुरो भ्रातरिष्टाप्तबन्धो
स्वामिन् सर्वान्तरात्मन्नजर जरयितर्जन्ममृत्यामयानाम् ।
गोविन्दे देहि भक्तिं भवति च भगवन्नूर्जितां निर्निमित्तां
निर्व्याजां निश्चलां सद्गुणगणबृहतीं शाश्वतीमाशु देव ॥ 14 ॥
विष्णोरत्त्युत्तमत्वादखिलगुणगणैस्तत्र भक्तिं गरिष्ठां
आश्लिष्टे श्रीधराभ्याममुमथ परिवारात्मना सेवकेषु ।
यः सन्धत्ते विरिञ्चश्वसनविहगपानन्तरुद्रेन्द्रपूर्वे-
-ष्वाध्यायंस्तारतम्यं स्फुटमवति सदा वायुरस्मद्गुरुस्तम् ॥ 15 ॥
तत्त्वज्ञान् मुक्तिभाजः सुखयिसि हि गुरो योग्यतातारतम्या-
-दाधत्से मिश्रबुद्धिंस्त्रिदिवनिरयभूगोचरान् नित्यबद्धान् ।
तामिस्रान्धादिकाख्ये तमसि सुबहुलं दुःखयस्यन्यथाज्ञान्
विष्णोराज्ञाभिरित्थं शृतिशतमितिहासादि चाकर्णयामः ॥ 16 ॥
वन्देऽहं तं हनूमानिति महितमहापौरुषो बाहुशाली
ख्यातस्तेऽग्र्योऽवतारः सहित इह बहुब्रह्मचर्यादिधर्मैः ।
सस्नेहानां सहस्वानहरहरहितं निर्दहन् देहभाजां
अंहोमोहापहो यः स्पृहयति महतीं भक्तिमद्यापि रामे ॥ 17 ॥
प्राक्पञ्चाशत्सहस्रैर्व्यवहितमहितं योजनैः पर्वतं त्वं
यावत्सञ्जीवनाद्यौषधनिधिमधिकप्राण लङ्कामनैषिः ।
अद्राक्षीदुत्पतन्तं तत उत गिरिमुत्पाटयन्तं गृहीत्वा
यान्तं खे राघवाङ्घ्रौ प्रणतमपि तदैकक्षणे त्वां हि लोकः ॥ 18 ॥
क्षिप्तः पश्चात्सत्सलीलं शतमतुलमते योजनानां स उच्च-
-स्तावद्विस्तारवंश्चाप्युपललव इव व्यग्रबुद्ध्या त्वयाऽतः ।
स्वस्वस्थानस्थितातिस्थिरशकलशिलाजालसंश्लेषनष्ट-
-छ्छेदाङ्कः प्रागिवाभूत् कपिवरवपुषस्ते नमः कौशलाय ॥ 19 ॥
दृष्ट्वा दुष्टाधिपोरः स्फुटितकनकसद्वर्म घृष्टास्थिकूटं
निष्पिष्टं हाटकाद्रिप्रकटतटतटाकातिशङ्को जनोऽभूत् ।
येनाऽजौ रावणारिप्रियनटनपटुर्मुष्टिरिष्टं प्रदेष्टुं
किं नेष्टे मे स तेऽष्टापदकटकतटित्कोटिभामृष्टकाष्ठः ॥ 20 ॥
देव्यादेशप्रणीतिदृहिणहरवरावध्यरक्षोविघाता-
-द्यासेवोद्यद्दयार्द्रः सहभुजमकरोद्रामनामा मुकुन्दः ।
दुष्प्रापे पारमेष्ठ्ये करतलमतुलं मूर्धिविन्यस्य धन्यं
तन्वन्भूयः प्रभूतप्रणयविकसिताब्जेक्षणस्त्वेक्षमाणः ॥ 21 ॥
जघ्ने निघ्नेन विघ्नो बहुलबलबकध्वंसनाद्येन शोच-
-द्विप्रानुक्रोशपाशैरसुविधृतिसुखस्यैकचक्राजनानाम् ।
तस्मै ते देव कुर्मः कुरुकुलपतये कर्मणा च प्रणामान्
किर्मीरं दुर्मतीनां प्रथममथ च यो नर्मणा निर्ममाथ ॥ 22 ॥
निर्मृद्नन्नत्ययत्नं विजरवर जरासन्धकायास्थिसन्धीन्
युद्धे त्वं स्वध्वरे वा पशुमिव दमयन् विष्णुपक्षद्विडीशम् ।
यावत्प्रत्यक्षभूतं निखिलमखभुजं तर्पयामासिथासौ
तावत्याऽयोजि तृप्त्या किमु वद भगवन् राजसूयाश्वमेधे ॥ 23 ॥
क्ष्वेलाक्षीणाट्टहासं तव रणमरिहन्नुद्गदोद्दामबाहोः
बह्वक्षौहिण्यनीकक्षपणसुनिपुणं यस्य सर्वोत्तमस्य ।
शुश्रूषार्थं चकर्थ स्वयमयमथ संवक्तुमानन्दतीर्थ-
-श्रीमन्नामन्समर्थस्त्वमपि हि युवयोः पादपद्मं प्रपद्ये ॥ 24 ॥
दृह्यन्तीं हृदृहं मां दृतमनिल बलाद्द्रावयन्तीमविद्या-
-निद्रां विद्राव्य सद्योरचनपटुमथाऽपाद्य विद्यासमुद्र ।
वाग्देवी सा सुविद्याद्रविणद विदिता द्रौपदी रुद्रपत्न्या-
-दुद्रिक्ता द्रागभद्राद्रहयतु दयिता पूर्वभीमाऽज्ञया ते ॥ 25 ॥
याभ्यां शुश्रूषुरासीः कुरुकुलजनने क्षत्रविप्रोदिताभ्यां
ब्रह्मभ्यां बृंहिताभ्यां चितसुखवपुषा कृष्णनामास्पदाभ्याम् ।
निर्भेदाभ्यां विशेषाद्विवचनविषयाभ्याममूभ्यामुभाभ्यां
तुभ्यं च क्षेमदेभ्यः सरिसिजविलसल्लोचनेभ्यो नमोऽस्तु ॥ 26 ॥
गच्छन् सौगन्धिकार्थं पथि स हनुमतः पुच्छमच्छस्य भीमः
प्रोद्धर्तुं नाशकत्स त्वमुमुरुवपुषा भीषयामास चेति ।
पूर्णज्ञानौजसोस्ते गुरुतम वपुषोः श्रीमदानन्दतीर्थ
क्रीडामात्रं तदेतत् प्रमदद सुधियां मोहक द्वेषभाजाम् ॥ 27 ॥
बह्वीः कोटीरटीकः कुटलकटुमतीनुत्कटाटोपकोपान्
द्राक्च त्वं सत्वरत्वाच्चरणद गदया पोथयामासिथारीन् ।
उन्मथ्यातथ्यमिथ्यात्ववचनवचनानुत्पथस्थांस्तथाऽन्यान्
प्रायच्छः स्वप्रियायै प्रियतमकुसुमं प्राण तस्मै नमस्ते ॥ 28 ॥
देहादुत्क्रामितानामधिपतिरसतामक्रमाद्वक्रबुद्धिः
क्रुद्धः क्रोधैकवश्यः क्रिमिरिव मणिमान् दुष्कृती निष्क्रियार्थम् ।
चक्रे भूचक्रमेत्य क्रकचमिव सतां चेतसः कष्टशास्त्रं
दुस्तर्कं चक्रपाणेर्गुणगणविरहं जीवतां चाधिकृत्य ॥ 29 ॥
तद्दुष्प्रेक्षानुसारात्कतिपयकुनरैरादृतोऽन्यैर्विसृष्टो
ब्रह्माऽहं निर्गुणोऽहं वितथमिदमिति ह्येष पाषण्डवादः ।
तद्युक्त्याभासजालप्रसरविषतरूद्दाहदक्षप्रमाण-
-ज्वालामालाधराग्निः पवन विजयते तेऽवतारस्तृतीयः ॥ 30 ॥
आक्रोशन्तो निराशा भयभरविवशस्वाशयाश्छिन्नदर्पा
वाशन्तो देशनाशस्विति बत कुधियां नाशमाशादशाऽशु ।
धावन्तोऽश्लीलशीला वितथशपथशापाशिवाः शान्तशौर्या-
-स्त्वद्व्याख्यासिंहनादे सपदि ददृशिरे मायिगोमायवस्ते ॥ 31 ॥
त्रिष्वप्येवावतारेष्वरिभिरपघृणं हिंसितो निर्विकारः
सर्वज्ञः सर्वशक्तिः सकलगुणगणापूर्णरूपप्रगल्भः ।
स्वच्छः स्वच्छन्दमृत्युः सुखयसि सुजनं देव किं चित्रमत्र
त्राता यस्य त्रिधामा जगदुत वशगं किङ्कराः शङ्कराद्याः ॥ 32 ॥
उद्यन्मन्दस्मितश्रीमृदु मधुमधुरालापपीयूषधारा-
-पूरासेकोपशान्तासुखसुजनमनोलोचनापीयमानम् ।
सन्द्रक्ष्ये सुन्दरं सन्दुहदिह महदानन्दमानन्दतीर्थ
श्रीमद्वक्त्रेन्दुबिम्बं दुरतनुदुदितं नित्यदाऽहं कदा नु ॥ 33 ॥
प्राचीनाचीर्णपुण्योच्चयचतुरतराचारतश्चारुचित्ता-
-नत्युच्चां रोचयन्तीं श्रुतिचितवचनां श्रावकांश्चोद्यचुञ्चून् ।
व्याख्यामुत्खातदुःखां चिरमुचितमहाचार्य चिन्तारतांस्ते
चित्रां सच्छास्त्रकर्ताश्चरणपरिचराञ्छ्रावयास्मांश्च किञ्चित् ॥ 34 ॥
पीठे रत्नोकपक्लृप्ते रुचिररुचिमणिज्योतिषा सन्निषण्णं
ब्रह्माणं भाविनं त्वां ज्वलति निजपदे वैदिकाद्या हि विद्याः ।
सेवन्ते मूर्तिमत्यः सुचरित चरितं भाति गन्धर्व गीतं
प्रत्येकं देवसंसत्स्वपि तव भगवन्नर्तितद्योवधूषु ॥ 35 ॥
सानुक्रोशैरजस्रं जनिमृतिनिरयाद्यूर्मिमालाविलेऽस्मिन्
संसाराब्धौ निमग्नान् शरणमशरणानिच्छतो वीक्ष्य जन्तून् ।
युष्माभिः प्रार्थितः सन् जलनिधिशयनः सत्यवत्यां महर्षे-
-र्व्यक्तश्चिन्मात्रमूर्तिर्न खलु भगवतः प्राकृतो जातु देहः ॥ 36 ॥
अस्तव्यस्तं समस्तश्रुतिगतमधमै रत्नपूगं यथाऽन्धै-
-रर्थं लोकोपकृत्यै गुणगणनिलयः सूत्रयामास कृत्स्नम् ।
योऽसौ व्यासाभिधानस्तमहमहरहर्भक्तितस्त्वत्प्रसादात्
सद्यो विद्योपलब्ध्यै गुरुतममगुरुं देवदेवं नमामि ॥ 37 ॥
आज्ञामन्यैरधार्यां शिरसि परिसरद्रश्मिकोटीरकोटौ
कृष्णस्याक्लिष्टकर्मा दधदनुसराणादर्थितो देवसङ्घैः ।
भूमावागत्य भूमन्नसुकरमकरोर्ब्रह्मसूत्रस्य भाष्यं
दुर्भाष्यं व्यस्य दस्योर्मणिमत उदितं वेदसद्युक्तिभिस्त्वम् ॥ 38 ॥
भूत्वा क्षेत्रे विशुद्धे द्विजगणनिलये रौप्यपीठाभिधाने
तत्रापि ब्रह्मजातिस्त्रिभुवनविशदे मध्यगेहाख्यगेहे ।
पारिव्राज्याधिराजः पुनरपि बदरीं प्राप्य कृष्णं च नत्वा
कृत्वा भाष्याणि सम्यग् व्यतनुत च भवान् भारतार्थप्रकाशम् ॥ 39 ॥
वन्दे तं त्वां सुपूर्णप्रमतिमनुदिनासेवितं देववृन्दैः
वन्दे वन्दारुमीशे श्रिय उत नियतं श्रीमदानन्दतीर्थम् ।
वन्दे मन्दाकिनीसत्सरिदमलजलासेकसाधिक्यसङ्गं
वन्देऽहं देव भक्त्या भवभयदहनं सज्जनान्मोदयन्तम् ॥ 40 ॥
सुब्रह्मण्याख्यसूरेः सुत इति सुभृशं केशवानन्दतीर्थ-
श्रीमत्पादाब्जभक्तः स्तुतिमकृत हरेर्वायुदेवस्य चास्य ।
तत्पादार्चादरेण ग्रथितपदलसन्मालया त्वेतया ये
संराध्यामू नमन्ति प्रततमतिगुणा मुक्तिमेते व्रजन्ति ॥ 41 ॥
अथ श्रीनखस्तुतिः
पान्त्वस्मान् पुरुहूतवैरिबलवन्मातङ्गमाद्यद्घटा
कुम्भोच्चाद्रिविपाटनाधिकपटुप्रत्येकवज्रायिताः ।
श्रीमत्कण्ठीरवास्य प्रतत सुनखरा दारितारातिदूर-
प्रध्वस्तध्वान्तशान्तप्रविततमनसा भाविता नाकिवृन्दैः ॥ 1 ॥
लक्ष्मीकान्त समन्ततोऽविकलयन् नैवेशितुस्ते समं
पश्याम्युत्तमवस्तु दूरतरतोऽपास्तं रसो योऽष्टमः ।
यद्रोषोत्करदक्षनेत्रकुटिलप्रान्तोत्थिताग्निस्फुरत्
खद्योतोपमविस्फुलिङ्गभसिता ब्रह्मेशशक्रोत्कराः ॥ 2 ॥
इति श्रीत्रिविक्रमपण्डिताचार्य विरचिता वायुस्तुतिः समाप्ता ॥
atha nakhastutiḥ
pāntvasmān puruhūtavairibalavanmātaṅgamādyadghaṭā-
-kumbhoccādrivipāṭanādhikapaṭu pratyeka vajrāyitāḥ |
śrīmatkaṇṭhīravāsyapratatasunakharā dāritārātidūra-
-pradhvastadhvāntaśāntapravitatamanasā bhāvitā bhūribhāgaiḥ || 1 ||
lakṣmīkānta samantato'pi kalayan naiveśituste samaṃ
paśyāmyuttamavastu dūrataratopāstaṃ raso yo'ṣṭamaḥ |
yadroṣotkara dakṣa netra kuṭila prāntotthitāgni sphurat
khadyotopama visphuliṅgabhasitā brahmeśaśakrotkarāḥ || 2 ||
atha vāyustutiḥ
śrīmadviṣṇvaṅghriniṣṭhātiguṇagurutamaśrīmadānandatīrtha-
-trailokyācāryapādojjvalajalajalasatpāṃsavo'smān punantu |
vācāṃ yatra praṇetrī tribhuvanamahitā śāradā śāradendu-
-jyotsnābhadrasmitaśrīdhavalitakakubhā premabhāraṃ babhāra || 1 ||
utkaṇṭhākuṇṭhakolāhalajavavijitājasrasevānuvṛddha-
-prājñātmajñānadhūtāndhatamasasumanomauliratnāvalīnām |
bhaktyudrekāvagāḍhapraghaṭanasadhaṭātkārasaṅghṛṣyamāṇa-
prāntaprāgryāṅghripīṭhotthitakanakarajaḥpiñjarārañjitāśāḥ || 2 ||
janmādhivyādhyupādhipratihativirahaprāpakāṇāṃ guṇānāṃ
agryāṇāmarpakāṇāṃ ciramuditacidānandasandohadānām |
eteṣāmeṣa doṣapramuṣitamanasāṃ dveṣiṇāṃ dūṣakāṇāṃ
daityānāmārtimandhe tamasi vidadhatāṃ saṃstave nāsmi śaktaḥ || 3 ||
asyāviṣkartukāmaṃ kalimalakaluṣe'smin jane jñānamārgaṃ
vandyaṃ candrendrarudradyumaṇiphaṇivayonāyakādyairihādya |
madhvākhyaṃ mantrasiddhaṃ kimuta kṛtavato mārutasyāvatāraṃ
pātāraṃ pārameṣṭyaṃ padamapavipadaḥ prāpturāpannapuṃsām || 4 ||
udyadvidyutpracaṇḍāṃ nijarucinikaravyāptalokāvakāśo
bibhradbhīmo bhuje yo'bhyuditadinakarābhāṅgadāḍhya prakāṇḍe |
vīryoddhāryāṃ gadāgryāmayamiha sumatiṃ vāyudevo vidadhyāt
adhyātmajñānanetā yativaramahito bhūmibhūṣāmaṇirme || 5 ||
saṃsārottāpanityopaśamadasadayasnehahāsāmbupūra-
-prodyadvidyānavadyadyutimaṇikiraṇaśreṇisampūritāśaḥ |
śrīvatsāṅkādhivāsocitatarasaralaśrīmadānandatīrtha-
-kṣīrāmbhodhirvibhindyādbhavadanabhimataṃ bhūri me bhūtihetuḥ || 6 ||
mūrdhanyeṣo'ñjalirme dṛḍhataramiha te badhyate bandhapāśa-
-cchetre dātre sukhānāṃ bhajati bhuvi bhaviṣyadvidhātre dyubhartre |
atyantaṃ santataṃ tvaṃ pradiśa padayuge hanta santāpabhājā-
-masmākaṃ bhaktimekāṃ bhagavata uta te mādhavasyātha vāyoḥ || 7 ||
sābhroṣṇābhīśuśubhraprabhamabhaya nabho bhūribhūbhṛdvibhūti-
-bhrājiṣṇurbhūrṛbhūṇāṃ bhavanamapi vibho'bhedi babhre babhūve |
yena bhrūvibhramaste bhramayatu subhṛśaṃ babhruvaddurbhṛtāśān
bhrāntirbhedāvabhāsastviti bhayamabhibhūrbhokṣyato māyibhikṣūn || 8 ||
ye'muṃ bhāvaṃ bhajante suramukhasujanārādhitaṃ te tṛtīyaṃ
bhāsante bhāsuraiste sahacaracalitaiścāmaraiścāruveṣāḥ |
vaikuṇṭhe kaṇṭhalagnasthiraśucivilasatkāntitāruṇyalīlā-
lāvaṇyāpūrṇakāntākucabharasulabhāśleṣasammodasāndrāḥ || 9 ||
ānandānmandamandā dadati hi marutaḥ kundamandāranandyā-
-vartāmodān dadhānā mṛdupadamuditodgītakaiḥ sundarīṇām |
vṛndairāvandyamuktendvahimagumadanāhīndradevendrasevye
maukunde mandire'sminnaviratamudayanmodināṃ devadeva || 10 ||
uttaptā'tyutkaṭatviṭ prakaṭakaṭakaṭadhvānasaṅghaṭṭanodya-
-dvidyudvyūḍhasphuliṅgaprakaravikiraṇotkvāthite bādhitāṅgān |
udgāḍhaṃ pātyamānā tamasi tata itaḥ kiṅkaraiḥ paṅkile te
paṅktirgrāvṇāṃ garimṇā glapayati hi bhavadveṣiṇo vidvadādya || 11 ||
asminnasmadgurūṇāṃ haricaraṇaciradhyānasanmaṅgalānāṃ
yuṣmākaṃ pārśvabhūmiṃ dhṛtaraṇaraṇikasvargisevyāṃ prapannaḥ |
yastūdāste sa āste'dhibhavamasulabhakleśanirmūkamasta-
-prāyānandaṃ kathañcinna vasati satataṃ pañcakaṣṭe'tikaṣṭe || 12 ||
kṣut kṣāmān rūkṣarakṣoradakharanakharakṣuṇṇavikṣobhitākṣā-
-nāmagnānāndhakūpe kṣuramukhamukharaiḥ pakṣibhirvikṣatāṅgān |
pūyāsṛṅmūtraviṣṭhākṛmikulakalile tatkṣaṇakṣiptaśaktyā-
-dyastravrātārditāṃstvaddviṣa upajihate vajrakalpā jalūkāḥ || 13 ||
mātarme mātariśvan pitaratulaguro bhrātariṣṭāptabandho
svāmin sarvāntarātmannajara jarayitarjanmamṛtyāmayānām |
govinde dehi bhaktiṃ bhavati ca bhagavannūrjitāṃ nirnimittāṃ
nirvyājāṃ niścalāṃ sadguṇagaṇabṛhatīṃ śāśvatīmāśu deva || 14 ||
viṣṇorattyuttamatvādakhilaguṇagaṇaistatra bhaktiṃ gariṣṭhāṃ
āśliṣṭe śrīdharābhyāmamumatha parivārātmanā sevakeṣu |
yaḥ sandhatte viriñcaśvasanavihagapānantarudrendrapūrve-
-ṣvādhyāyaṃstāratamyaṃ sphuṭamavati sadā vāyurasmadgurustam || 15 ||
tattvajñān muktibhājaḥ sukhayisi hi guro yogyatātāratamyā-
-dādhatse miśrabuddhiṃstridivanirayabhūgocarān nityabaddhān |
tāmisrāndhādikākhye tamasi subahulaṃ duḥkhayasyanyathājñān
viṣṇorājñābhiritthaṃ śṛtiśatamitihāsādi cākarṇayāmaḥ || 16 ||
vande'haṃ taṃ hanūmāniti mahitamahāpauruṣo bāhuśālī
khyātaste'gryo'vatāraḥ sahita iha bahubrahmacaryādidharmaiḥ |
sasnehānāṃ sahasvānaharaharahitaṃ nirdahan dehabhājāṃ
aṃhomohāpaho yaḥ spṛhayati mahatīṃ bhaktimadyāpi rāme || 17 ||
prākpañcāśatsahasrairvyavahitamahitaṃ yojanaiḥ parvataṃ tvaṃ
yāvatsañjīvanādyauṣadhanidhimadhikaprāṇa laṅkāmanaiṣiḥ |
adrākṣīdutpatantaṃ tata uta girimutpāṭayantaṃ gṛhītvā
yāntaṃ khe rāghavāṅghrau praṇatamapi tadaikakṣaṇe tvāṃ hi lokaḥ || 18 ||
kṣiptaḥ paścātsatsalīlaṃ śatamatulamate yojanānāṃ sa ucca-
-stāvadvistāravaṃścāpyupalalava iva vyagrabuddhyā tvayā'taḥ |
svasvasthānasthitātisthiraśakalaśilājālasaṃśleṣanaṣṭa-
-chchedāṅkaḥ prāgivābhūt kapivaravapuṣaste namaḥ kauśalāya || 19 ||
dṛṣṭvā duṣṭādhiporaḥ sphuṭitakanakasadvarma ghṛṣṭāsthikūṭaṃ
niṣpiṣṭaṃ hāṭakādriprakaṭataṭataṭākātiśaṅko jano'bhūt |
yenā'jau rāvaṇāripriyanaṭanapaṭurmuṣṭiriṣṭaṃ pradeṣṭuṃ
kiṃ neṣṭe me sa te'ṣṭāpadakaṭakataṭitkoṭibhāmṛṣṭakāṣṭhaḥ || 20 ||
devyādeśapraṇītidṛhiṇaharavarāvadhyarakṣovighātā-
-dyāsevodyaddayārdraḥ sahabhujamakarodrāmanāmā mukundaḥ |
duṣprāpe pārameṣṭhye karatalamatulaṃ mūrdhivinyasya dhanyaṃ
tanvanbhūyaḥ prabhūtapraṇayavikasitābjekṣaṇastvekṣamāṇaḥ || 21 ||
jaghne nighnena vighno bahulabalabakadhvaṃsanādyena śoca-
-dviprānukrośapāśairasuvidhṛtisukhasyaikacakrājanānām |
tasmai te deva kurmaḥ kurukulapataye karmaṇā ca praṇāmān
kirmīraṃ durmatīnāṃ prathamamatha ca yo narmaṇā nirmamātha || 22 ||
nirmṛdnannatyayatnaṃ vijaravara jarāsandhakāyāsthisandhīn
yuddhe tvaṃ svadhvare vā paśumiva damayan viṣṇupakṣadviḍīśam |
yāvatpratyakṣabhūtaṃ nikhilamakhabhujaṃ tarpayāmāsithāsau
tāvatyā'yoji tṛptyā kimu vada bhagavan rājasūyāśvamedhe || 23 ||
kṣvelākṣīṇāṭṭahāsaṃ tava raṇamarihannudgadoddāmabāhoḥ
bahvakṣauhiṇyanīkakṣapaṇasunipuṇaṃ yasya sarvottamasya |
śuśrūṣārthaṃ cakartha svayamayamatha saṃvaktumānandatīrtha-
-śrīmannāmansamarthastvamapi hi yuvayoḥ pādapadmaṃ prapadye || 24 ||
dṛhyantīṃ hṛdṛhaṃ māṃ dṛtamanila balāddrāvayantīmavidyā-
-nidrāṃ vidrāvya sadyoracanapaṭumathā'pādya vidyāsamudra |
vāgdevī sā suvidyādraviṇada viditā draupadī rudrapatnyā-
-dudriktā drāgabhadrādrahayatu dayitā pūrvabhīmā'jñayā te || 25 ||
yābhyāṃ śuśrūṣurāsīḥ kurukulajanane kṣatraviproditābhyāṃ
brahmabhyāṃ bṛṃhitābhyāṃ citasukhavapuṣā kṛṣṇanāmāspadābhyām |
nirbhedābhyāṃ viśeṣādvivacanaviṣayābhyāmamūbhyāmubhābhyāṃ
tubhyaṃ ca kṣemadebhyaḥ sarisijavilasallocanebhyo namo'stu || 26 ||
gacchan saugandhikārthaṃ pathi sa hanumataḥ pucchamacchasya bhīmaḥ
proddhartuṃ nāśakatsa tvamumuruvapuṣā bhīṣayāmāsa ceti |
pūrṇajñānaujasoste gurutama vapuṣoḥ śrīmadānandatīrtha
krīḍāmātraṃ tadetat pramadada sudhiyāṃ mohaka dveṣabhājām || 27 ||
bahvīḥ koṭīraṭīkaḥ kuṭalakaṭumatīnutkaṭāṭopakopān
drākca tvaṃ satvaratvāccaraṇada gadayā pothayāmāsithārīn |
unmathyātathyamithyātvavacanavacanānutpathasthāṃstathā'nyān
prāyacchaḥ svapriyāyai priyatamakusumaṃ prāṇa tasmai namaste || 28 ||
dehādutkrāmitānāmadhipatirasatāmakramādvakrabuddhiḥ
kruddhaḥ krodhaikavaśyaḥ krimiriva maṇimān duṣkṛtī niṣkriyārtham |
cakre bhūcakrametya krakacamiva satāṃ cetasaḥ kaṣṭaśāstraṃ
dustarkaṃ cakrapāṇerguṇagaṇavirahaṃ jīvatāṃ cādhikṛtya || 29 ||
tadduṣprekṣānusārātkatipayakunarairādṛto'nyairvisṛṣṭo
brahmā'haṃ nirguṇo'haṃ vitathamidamiti hyeṣa pāṣaṇḍavādaḥ |
tadyuktyābhāsajālaprasaraviṣatarūddāhadakṣapramāṇa-
-jvālāmālādharāgniḥ pavana vijayate te'vatārastṛtīyaḥ || 30 ||
ākrośanto nirāśā bhayabharavivaśasvāśayāśchinnadarpā
vāśanto deśanāśasviti bata kudhiyāṃ nāśamāśādaśā'śu |
dhāvanto'ślīlaśīlā vitathaśapathaśāpāśivāḥ śāntaśauryā-
-stvadvyākhyāsiṃhanāde sapadi dadṛśire māyigomāyavaste || 31 ||
triṣvapyevāvatāreṣvaribhirapaghṛṇaṃ hiṃsito nirvikāraḥ
sarvajñaḥ sarvaśaktiḥ sakalaguṇagaṇāpūrṇarūpapragalbhaḥ |
svacchaḥ svacchandamṛtyuḥ sukhayasi sujanaṃ deva kiṃ citramatra
trātā yasya tridhāmā jagaduta vaśagaṃ kiṅkarāḥ śaṅkarādyāḥ || 32 ||
udyanmandasmitaśrīmṛdu madhumadhurālāpapīyūṣadhārā-
-pūrāsekopaśāntāsukhasujanamanolocanāpīyamānam |
sandrakṣye sundaraṃ sanduhadiha mahadānandamānandatīrtha
śrīmadvaktrendubimbaṃ duratanududitaṃ nityadā'haṃ kadā nu || 33 ||
prācīnācīrṇapuṇyoccayacaturatarācārataścārucittā-
-natyuccāṃ rocayantīṃ śruticitavacanāṃ śrāvakāṃścodyacuñcūn |
vyākhyāmutkhātaduḥkhāṃ ciramucitamahācārya cintāratāṃste
citrāṃ sacchāstrakartāścaraṇaparicarāñchrāvayāsmāṃśca kiñcit || 34 ||
pīṭhe ratnokapaklṛpte rucirarucimaṇijyotiṣā sanniṣaṇṇaṃ
brahmāṇaṃ bhāvinaṃ tvāṃ jvalati nijapade vaidikādyā hi vidyāḥ |
sevante mūrtimatyaḥ sucarita caritaṃ bhāti gandharva gītaṃ
pratyekaṃ devasaṃsatsvapi tava bhagavannartitadyovadhūṣu || 35 ||
sānukrośairajasraṃ janimṛtinirayādyūrmimālāvile'smin
saṃsārābdhau nimagnān śaraṇamaśaraṇānicchato vīkṣya jantūn |
yuṣmābhiḥ prārthitaḥ san jalanidhiśayanaḥ satyavatyāṃ maharṣe-
-rvyaktaścinmātramūrtirna khalu bhagavataḥ prākṛto jātu dehaḥ || 36 ||
astavyastaṃ samastaśrutigatamadhamai ratnapūgaṃ yathā'ndhai-
-rarthaṃ lokopakṛtyai guṇagaṇanilayaḥ sūtrayāmāsa kṛtsnam |
yo'sau vyāsābhidhānastamahamaharaharbhaktitastvatprasādāt
sadyo vidyopalabdhyai gurutamamaguruṃ devadevaṃ namāmi || 37 ||
ājñāmanyairadhāryāṃ śirasi parisaradraśmikoṭīrakoṭau
kṛṣṇasyākliṣṭakarmā dadhadanusarāṇādarthito devasaṅghaiḥ |
bhūmāvāgatya bhūmannasukaramakarorbrahmasūtrasya bhāṣyaṃ
durbhāṣyaṃ vyasya dasyormaṇimata uditaṃ vedasadyuktibhistvam || 38 ||
bhūtvā kṣetre viśuddhe dvijagaṇanilaye raupyapīṭhābhidhāne
tatrāpi brahmajātistribhuvanaviśade madhyagehākhyagehe |
pārivrājyādhirājaḥ punarapi badarīṃ prāpya kṛṣṇaṃ ca natvā
kṛtvā bhāṣyāṇi samyag vyatanuta ca bhavān bhāratārthaprakāśam || 39 ||
vande taṃ tvāṃ supūrṇapramatimanudināsevitaṃ devavṛndaiḥ
vande vandārumīśe śriya uta niyataṃ śrīmadānandatīrtham |
vande mandākinīsatsaridamalajalāsekasādhikyasaṅgaṃ
vande'haṃ deva bhaktyā bhavabhayadahanaṃ sajjanānmodayantam || 40 ||
subrahmaṇyākhyasūreḥ suta iti subhṛśaṃ keśavānandatīrtha-
śrīmatpādābjabhaktaḥ stutimakṛta harervāyudevasya cāsya |
tatpādārcādareṇa grathitapadalasanmālayā tvetayā ye
saṃrādhyāmū namanti pratatamatiguṇā muktimete vrajanti || 41 ||
atha śrīnakhastutiḥ
pāntvasmān puruhūtavairibalavanmātaṅgamādyadghaṭā
kumbhoccādrivipāṭanādhikapaṭupratyekavajrāyitāḥ |
śrīmatkaṇṭhīravāsya pratata sunakharā dāritārātidūra-
pradhvastadhvāntaśāntapravitatamanasā bhāvitā nākivṛndaiḥ || 1 ||
lakṣmīkānta samantato'vikalayan naiveśituste samaṃ
paśyāmyuttamavastu dūratarato'pāstaṃ raso yo'ṣṭamaḥ |
yadroṣotkaradakṣanetrakuṭilaprāntotthitāgnisphurat
khadyotopamavisphuliṅgabhasitā brahmeśaśakrotkarāḥ || 2 ||
iti śrītrivikramapaṇḍitācārya viracitā vāyustutiḥ samāptā ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.