Shri Anjaneya Navaratna Mala Stotram — Tamil Script

மாணிக்யம் –

ததோ ராவணநீதாயாஃ ஸீதாயாஃ ஶத்ருகர்ஶநஃ ।

இயேஷ பதமந்வேஷ்டும் சாரணாசரிதே பதி ॥ 1 ॥

முத்யம் –

யஸ்ய த்வேதாநி சத்வாரி வாநரேந்த்ர யதா தவ ।

ஸ்ம்ரு'திர்மதிர்த்ரு'திர்தாக்ஷ்யம் ஸ கர்மஸு ந ஸீததி ॥ 2 ॥

ப்ரவாலம் –

அநிர்வேதஃ ஶ்ரியோ மூலம் அநிர்வேதஃ பரம் ஸுகம் ।

அநிர்வேதோ ஹி ஸததம் ஸர்வார்தேஷு ப்ரவர்தகஃ ॥ 3 ॥

மரகதம் –

நமோऽஸ்து ராமாய ஸலக்ஷ்மணாய

தேவ்யை ச தஸ்யை ஜநகாத்மஜாயை ।

நமோऽஸ்து ருத்ரேந்த்ரயமாநிலேப்யஃ

நமோऽஸ்து சந்த்ரார்கமருத்கணேப்யஃ ॥ 4 ॥

புஷ்யராகம் –

ப்ரியாந்ந ஸம்பவேத்துஃகம் அப்ரியாததிகம் பயம் ।

தாப்யாம் ஹி யே வியுஜ்யந்தே நமஸ்தேஷாம் மஹாத்மநாம் ॥ 5 ॥

ஹீரகம் –

ராமஃ கமலபத்ராக்ஷஃ ஸர்வஸத்த்வமநோஹரஃ ।

ரூபதாக்ஷிண்யஸம்பந்நஃ ப்ரஸூதோ ஜநகாத்மஜே ॥ 6 ॥

இந்த்ரநீலம் –

ஜயத்யதிபலோ ராமோ லக்ஷ்மணஶ்ச மஹாபலஃ ।

ராஜா ஜயதி ஸுக்ரீவோ ராகவேணாபிபாலிதஃ ।

தாஸோऽஹம் கோஸலேந்த்ரஸ்ய ராமஸ்யாக்லிஷ்டகர்மணஃ ।

ஹநுமாந் ஶத்ருஸைந்யாநாம் நிஹந்தா மாருதாத்மஜஃ ॥ 7 ॥

கோமேதிகம் –

யத்யஸ்தி பதிஶுஶ்ரூஷா யத்யஸ்தி சரிதம் தபஃ ।

யதி வாஸ்த்யேகபத்நீத்வம் ஶீதோ பவ ஹநூமதஃ ॥ 8 ॥

வைடூர்யம் –

நிவ்ரு'த்தவநவாஸம் தம் த்வயா ஸார்தமரிந்தமம் ।

அபிஷிக்தமயோத்யாயாம் க்ஷிப்ரம் த்ரக்ஷ்யஸி ராகவம் ॥ 9 ॥

இதி ஶ்ரீ ஆஞ்ஜநேய நவரத்நமாலா ஸ்தோத்ரம் ।

Roman (IAST) Transliteration

māṇikyaṃ –

tato rāvaṇanītāyāḥ sītāyāḥ śatrukarśanaḥ |

iyeṣa padamanveṣṭuṃ cāraṇācarite pathi || 1 ||

mutyaṃ –

yasya tvetāni catvāri vānarendra yathā tava |

smṛtirmatirdhṛtirdākṣyaṃ sa karmasu na sīdati || 2 ||

pravālaṃ –

anirvedaḥ śriyo mūlaṃ anirvedaḥ paraṃ sukham |

anirvedo hi satataṃ sarvārtheṣu pravartakaḥ || 3 ||

marakataṃ –

namo'stu rāmāya salakṣmaṇāya

devyai ca tasyai janakātmajāyai |

namo'stu rudrendrayamānilebhyaḥ

namo'stu candrārkamarudgaṇebhyaḥ || 4 ||

puṣyarāgaṃ –

priyānna sambhavedduḥkhaṃ apriyādadhikaṃ bhayam |

tābhyāṃ hi ye viyujyante namasteṣāṃ mahātmanām || 5 ||

hīrakaṃ –

rāmaḥ kamalapatrākṣaḥ sarvasattvamanoharaḥ |

rūpadākṣiṇyasampannaḥ prasūto janakātmaje || 6 ||

indranīlaṃ –

jayatyatibalo rāmo lakṣmaṇaśca mahābalaḥ |

rājā jayati sugrīvo rāghaveṇābhipālitaḥ |

dāso'haṃ kosalendrasya rāmasyākliṣṭakarmaṇaḥ |

hanumān śatrusainyānāṃ nihantā mārutātmajaḥ || 7 ||

gomedhikaṃ –

yadyasti patiśuśrūṣā yadyasti caritaṃ tapaḥ |

yadi vāstyekapatnītvaṃ śīto bhava hanūmataḥ || 8 ||

vaiḍūryaṃ –

nivṛttavanavāsaṃ taṃ tvayā sārdhamarindamam |

abhiṣiktamayodhyāyāṃ kṣipraṃ drakṣyasi rāghavam || 9 ||

iti śrī āñjaneya navaratnamālā stotram |

Sanskrit — Devanagari (original)

माणिक्यं –

ततो रावणनीतायाः सीतायाः शत्रुकर्शनः ।

इयेष पदमन्वेष्टुं चारणाचरिते पथि ॥ 1 ॥

मुत्यं –

यस्य त्वेतानि चत्वारि वानरेन्द्र यथा तव ।

स्मृतिर्मतिर्धृतिर्दाक्ष्यं स कर्मसु न सीदति ॥ 2 ॥

प्रवालं –

अनिर्वेदः श्रियो मूलं अनिर्वेदः परं सुखम् ।

अनिर्वेदो हि सततं सर्वार्थेषु प्रवर्तकः ॥ 3 ॥

मरकतं –

नमोऽस्तु रामाय सलक्ष्मणाय

देव्यै च तस्यै जनकात्मजायै ।

नमोऽस्तु रुद्रेन्द्रयमानिलेभ्यः

नमोऽस्तु चन्द्रार्कमरुद्गणेभ्यः ॥ 4 ॥

पुष्यरागं –

प्रियान्न सम्भवेद्दुःखं अप्रियादधिकं भयम् ।

ताभ्यां हि ये वियुज्यन्ते नमस्तेषां महात्मनाम् ॥ 5 ॥

हीरकं –

रामः कमलपत्राक्षः सर्वसत्त्वमनोहरः ।

रूपदाक्षिण्यसम्पन्नः प्रसूतो जनकात्मजे ॥ 6 ॥

इन्द्रनीलं –

जयत्यतिबलो रामो लक्ष्मणश्च महाबलः ।

राजा जयति सुग्रीवो राघवेणाभिपालितः ।

दासोऽहं कोसलेन्द्रस्य रामस्याक्लिष्टकर्मणः ।

हनुमान् शत्रुसैन्यानां निहन्ता मारुतात्मजः ॥ 7 ॥

गोमेधिकं –

यद्यस्ति पतिशुश्रूषा यद्यस्ति चरितं तपः ।

यदि वास्त्येकपत्नीत्वं शीतो भव हनूमतः ॥ 8 ॥

वैडूर्यं –

निवृत्तवनवासं तं त्वया सार्धमरिन्दमम् ।

अभिषिक्तमयोध्यायां क्षिप्रं द्रक्ष्यसि राघवम् ॥ 9 ॥

इति श्री आञ्जनेय नवरत्नमाला स्तोत्रम् ।