Shri Anjaneya Navaratna Mala Stotram — Bengali Script

মাণিক্যং –

ততো রাবণনীতাযাঃ সীতাযাঃ শত্রুকর্শনঃ ।

ইযেষ পদমন্বেষ্টুং চারণাচরিতে পথি ॥ 1 ॥

মুত্যং –

যস্য ত্বেতানি চত্বারি বানরেন্দ্র যথা তব ।

স্মৃতির্মতির্ধৃতির্দাক্ষ্যং স কর্মসু ন সীদতি ॥ 2 ॥

প্রবালং –

অনির্বেদঃ শ্রিযো মূলং অনির্বেদঃ পরং সুখম্ ।

অনির্বেদো হি সততং সর্বার্থেষু প্রবর্তকঃ ॥ 3 ॥

মরকতং –

নমোঽস্তু রামায সলক্ষ্মণায

দেব্যৈ চ তস্যৈ জনকাত্মজাযৈ ।

নমোঽস্তু রুদ্রেন্দ্রযমানিলেভ্যঃ

নমোঽস্তু চন্দ্রার্কমরুদ্গণেভ্যঃ ॥ 4 ॥

পুষ্যরাগং –

প্রিযান্ন সম্ভবেদ্দুঃখং অপ্রিযাদধিকং ভযম্ ।

তাভ্যাং হি যে বিযুজ্যন্তে নমস্তেষাং মহাত্মনাম্ ॥ 5 ॥

হীরকং –

রামঃ কমলপত্রাক্ষঃ সর্বসত্ত্বমনোহরঃ ।

রূপদাক্ষিণ্যসম্পন্নঃ প্রসূতো জনকাত্মজে ॥ 6 ॥

ইন্দ্রনীলং –

জযত্যতিবলো রামো লক্ষ্মণশ্চ মহাবলঃ ।

রাজা জযতি সুগ্রীবো রাঘবেণাভিপালিতঃ ।

দাসোঽহং কোসলেন্দ্রস্য রামস্যাক্লিষ্টকর্মণঃ ।

হনুমান্ শত্রুসৈন্যানাং নিহন্তা মারুতাত্মজঃ ॥ 7 ॥

গোমেধিকং –

যদ্যস্তি পতিশুশ্রূষা যদ্যস্তি চরিতং তপঃ ।

যদি বাস্ত্যেকপত্নীত্বং শীতো ভব হনূমতঃ ॥ 8 ॥

বৈডূর্যং –

নিবৃত্তবনবাসং তং ত্বযা সার্ধমরিন্দমম্ ।

অভিষিক্তমযোধ্যাযাং ক্ষিপ্রং দ্রক্ষ্যসি রাঘবম্ ॥ 9 ॥

ইতি শ্রী আঞ্জনেয নবরত্নমালা স্তোত্রম্ ।

Roman (IAST) Transliteration

māṇikyaṃ –

tato rāvaṇanītāyāḥ sītāyāḥ śatrukarśanaḥ |

iyeṣa padamanveṣṭuṃ cāraṇācarite pathi || 1 ||

mutyaṃ –

yasya tvetāni catvāri vānarendra yathā tava |

smṛtirmatirdhṛtirdākṣyaṃ sa karmasu na sīdati || 2 ||

pravālaṃ –

anirvedaḥ śriyo mūlaṃ anirvedaḥ paraṃ sukham |

anirvedo hi satataṃ sarvārtheṣu pravartakaḥ || 3 ||

marakataṃ –

namo'stu rāmāya salakṣmaṇāya

devyai ca tasyai janakātmajāyai |

namo'stu rudrendrayamānilebhyaḥ

namo'stu candrārkamarudgaṇebhyaḥ || 4 ||

puṣyarāgaṃ –

priyānna sambhavedduḥkhaṃ apriyādadhikaṃ bhayam |

tābhyāṃ hi ye viyujyante namasteṣāṃ mahātmanām || 5 ||

hīrakaṃ –

rāmaḥ kamalapatrākṣaḥ sarvasattvamanoharaḥ |

rūpadākṣiṇyasampannaḥ prasūto janakātmaje || 6 ||

indranīlaṃ –

jayatyatibalo rāmo lakṣmaṇaśca mahābalaḥ |

rājā jayati sugrīvo rāghaveṇābhipālitaḥ |

dāso'haṃ kosalendrasya rāmasyākliṣṭakarmaṇaḥ |

hanumān śatrusainyānāṃ nihantā mārutātmajaḥ || 7 ||

gomedhikaṃ –

yadyasti patiśuśrūṣā yadyasti caritaṃ tapaḥ |

yadi vāstyekapatnītvaṃ śīto bhava hanūmataḥ || 8 ||

vaiḍūryaṃ –

nivṛttavanavāsaṃ taṃ tvayā sārdhamarindamam |

abhiṣiktamayodhyāyāṃ kṣipraṃ drakṣyasi rāghavam || 9 ||

iti śrī āñjaneya navaratnamālā stotram |

Sanskrit — Devanagari (original)

माणिक्यं –

ततो रावणनीतायाः सीतायाः शत्रुकर्शनः ।

इयेष पदमन्वेष्टुं चारणाचरिते पथि ॥ 1 ॥

मुत्यं –

यस्य त्वेतानि चत्वारि वानरेन्द्र यथा तव ।

स्मृतिर्मतिर्धृतिर्दाक्ष्यं स कर्मसु न सीदति ॥ 2 ॥

प्रवालं –

अनिर्वेदः श्रियो मूलं अनिर्वेदः परं सुखम् ।

अनिर्वेदो हि सततं सर्वार्थेषु प्रवर्तकः ॥ 3 ॥

मरकतं –

नमोऽस्तु रामाय सलक्ष्मणाय

देव्यै च तस्यै जनकात्मजायै ।

नमोऽस्तु रुद्रेन्द्रयमानिलेभ्यः

नमोऽस्तु चन्द्रार्कमरुद्गणेभ्यः ॥ 4 ॥

पुष्यरागं –

प्रियान्न सम्भवेद्दुःखं अप्रियादधिकं भयम् ।

ताभ्यां हि ये वियुज्यन्ते नमस्तेषां महात्मनाम् ॥ 5 ॥

हीरकं –

रामः कमलपत्राक्षः सर्वसत्त्वमनोहरः ।

रूपदाक्षिण्यसम्पन्नः प्रसूतो जनकात्मजे ॥ 6 ॥

इन्द्रनीलं –

जयत्यतिबलो रामो लक्ष्मणश्च महाबलः ।

राजा जयति सुग्रीवो राघवेणाभिपालितः ।

दासोऽहं कोसलेन्द्रस्य रामस्याक्लिष्टकर्मणः ।

हनुमान् शत्रुसैन्यानां निहन्ता मारुतात्मजः ॥ 7 ॥

गोमेधिकं –

यद्यस्ति पतिशुश्रूषा यद्यस्ति चरितं तपः ।

यदि वास्त्येकपत्नीत्वं शीतो भव हनूमतः ॥ 8 ॥

वैडूर्यं –

निवृत्तवनवासं तं त्वया सार्धमरिन्दमम् ।

अभिषिक्तमयोध्यायां क्षिप्रं द्रक्ष्यसि राघवम् ॥ 9 ॥

इति श्री आञ्जनेय नवरत्नमाला स्तोत्रम् ।