கோப்ய ஊசுஃ ।
ஜயதி தேऽதிகம் ஜந்மநா வ்ரஜஃ
ஶ்ரயத இந்திரா ஶஶ்வதத்ர ஹி ।
தயித த்ரு'ஶ்யதாம் திக்ஷு தாவகா-
ஸ்த்வயி த்ரு'தாஸவஸ்த்வாம் விசிந்வதே ॥ 1॥
ஶரதுதாஶயே ஸாதுஜாதஸ-
த்ஸரஸிஜோதரஶ்ரீமுஷா த்ரு'ஶா ।
ஸுரதநாத தேऽஶுல்கதாஸிகா
வரத நிக்நதோ நேஹ கிம் வதஃ ॥ 2॥
விஷஜலாப்யயாத்வ்யாலராக்ஷஸா-
த்வர்ஷமாருதாத்வைத்யுதாநலாத் ।
வ்ரு'ஷமயாத்மஜாத்விஶ்வதோபயா-
த்ரு'ஷப தே வயம் ரக்ஷிதா முஹுஃ ॥ 3॥
ந கலு கோபிகாநந்தநோ பவா-
நகிலதேஹிநாமந்தராத்மத்ரு'க் ।
விகநஸார்திதோ விஶ்வகுப்தயே
ஸக உதேயிவாந்ஸாத்வதாம் குலே ॥ 4॥
விரசிதாபயம் வ்ரு'ஷ்ணிதுர்ய தே
சரணமீயுஷாம் ஸம்ஸ்ரு'தேர்பயாத் ।
கரஸரோருஹம் காந்த காமதம்
ஶிரஸி தேஹி நஃ ஶ்ரீகரக்ரஹம் ॥ 5॥
வ்ரஜஜநார்திஹந்வீர யோஷிதாம்
நிஜஜநஸ்மயத்வம்ஸநஸ்மித ।
பஜ ஸகே பவத்கிங்கரீஃ ஸ்ம நோ
ஜலருஹாநநம் சாரு தர்ஶய ॥ 6॥
ப்ரணததேஹிநாம் பாபகர்ஶநம்
த்ரு'ணசராநுகம் ஶ்ரீநிகேதநம் ।
பணிபணார்பிதம் தே பதாம்புஜம்
க்ரு'ணு குசேஷு நஃ க்ரு'ந்தி ஹ்ரு'ச்சயம் ॥ 7॥
மதுரயா கிரா வல்குவாக்யயா
புதமநோஜ்ஞயா புஷ்கரேக்ஷண ।
விதிகரீரிமா வீர முஹ்யதீ-
ரதரஸீதுநாऽऽப்யாயயஸ்வ நஃ ॥ 8॥
தவ கதாம்ரு'தம் தப்தஜீவநம்
கவிபிரீடிதம் கல்மஷாபஹம் ।
ஶ்ரவணமங்கலம் ஶ்ரீமதாததம்
புவி க்ரு'ணந்தி தே பூரிதா ஜநாஃ ॥ 9॥
ப்ரஹஸிதம் ப்ரிய ப்ரேமவீக்ஷணம்
விஹரணம் ச தே த்யாநமங்கலம் ।
ரஹஸி ஸம்விதோ யா ஹ்ரு'திஸ்ப்ரு'ஶஃ
குஹக நோ மநஃ க்ஷோபயந்தி ஹி ॥ 10॥
சலஸி யத்வ்ரஜாச்சாரயந்பஶூந்
நலிநஸுந்தரம் நாத தே பதம் ।
ஶிலத்ரு'ணாங்குரைஃ ஸீததீதி நஃ
கலிலதாம் மநஃ காந்த கச்சதி ॥ 11॥
திநபரிக்ஷயே நீலகுந்தலை-
ர்வநருஹாநநம் பிப்ரதாவ்ரு'தம் ।
கநரஜஸ்வலம் தர்ஶயந்முஹு-
ர்மநஸி நஃ ஸ்மரம் வீர யச்சஸி ॥ 12॥
ப்ரணதகாமதம் பத்மஜார்சிதம்
தரணிமண்டநம் த்யேயமாபதி ।
சரணபங்கஜம் ஶந்தமம் ச தே
ரமண நஃ ஸ்தநேஷ்வர்பயாதிஹந் ॥ 13॥
ஸுரதவர்தநம் ஶோகநாஶநம்
ஸ்வரிதவேணுநா ஸுஷ்டு சும்பிதம் ।
இதரராகவிஸ்மாரணம் ந்ரு'ணாம்
விதர வீர நஸ்தேऽதராம்ரு'தம் ॥ 14॥
அடதி யத்பவாநஹ்நி காநநம்
த்ருடிர்யுகாயதே த்வாமபஶ்யதாம் ।
குடிலகுந்தலம் ஶ்ரீமுகம் ச தே
ஜட உதீக்ஷதாம் பக்ஷ்மக்ரு'த்த்ரு'ஶாம் ॥ 15॥
பதிஸுதாந்வயப்ராத்ரு'பாந்தவா-
நதிவிலங்க்ய தேऽந்த்யச்யுதாகதாஃ ।
கதிவிதஸ்தவோத்கீதமோஹிதாஃ
கிதவ யோஷிதஃ கஸ்த்யஜேந்நிஶி ॥ 16॥
ரஹஸி ஸம்விதம் ஹ்ரு'ச்சயோதயம்
ப்ரஹஸிதாநநம் ப்ரேமவீக்ஷணம் ।
ப்ரு'ஹதுரஃ ஶ்ரியோ வீக்ஷ்ய தாம தே
முஹுரதிஸ்ப்ரு'ஹா முஹ்யதே மநஃ ॥ 17॥
வ்ரஜவநௌகஸாம் வ்யக்திரங்க தே
வ்ரு'ஜிநஹந்த்ர்யலம் விஶ்வமங்கலம் ।
த்யஜ மநாக் ச நஸ்த்வத்ஸ்ப்ரு'ஹாத்மநாம்
ஸ்வஜநஹ்ரு'த்ருஜாம் யந்நிஷூதநம் ॥ 18॥
யத்தே ஸுஜாதசரணாம்புருஹம் ஸ்தநேஷ
பீதாஃ ஶநைஃ ப்ரிய ததீமஹி கர்கஶேஷு ।
தேநாடவீமடஸி தத்வ்யததே ந கிம்ஸ்வித்
கூர்பாதிபிர்ப்ரமதி தீர்பவதாயுஷாம் நஃ ॥ 19॥
இதி ஶ்ரீமத்பாகவத மஹாபுராணே பாரமஹம்ஸ்யாம் ஸம்ஹிதாயாம்
தஶமஸ்கந்தே பூர்வார்தே ராஸக்ரீடாயாம் கோபீகீதம் நாமைகத்ரிம்ஶோऽத்யாயஃ ॥
Roman (IAST) Transliteration
gopya ūcuḥ |
jayati te'dhikaṃ janmanā vrajaḥ
śrayata indirā śaśvadatra hi |
dayita dṛśyatāṃ dikṣu tāvakā-
stvayi dhṛtāsavastvāṃ vicinvate || 1||
śaradudāśaye sādhujātasa-
tsarasijodaraśrīmuṣā dṛśā |
suratanātha te'śulkadāsikā
varada nighnato neha kiṃ vadhaḥ || 2||
viṣajalāpyayādvyālarākṣasā-
dvarṣamārutādvaidyutānalāt |
vṛṣamayātmajādviśvatobhayā-
dṛṣabha te vayaṃ rakṣitā muhuḥ || 3||
na khalu gopikānandano bhavā-
nakhiladehināmantarātmadṛk |
vikhanasārthito viśvaguptaye
sakha udeyivānsātvatāṃ kule || 4||
viracitābhayaṃ vṛṣṇidhurya te
caraṇamīyuṣāṃ saṃsṛterbhayāt |
karasaroruhaṃ kānta kāmadaṃ
śirasi dhehi naḥ śrīkaragraham || 5||
vrajajanārtihanvīra yoṣitāṃ
nijajanasmayadhvaṃsanasmita |
bhaja sakhe bhavatkiṅkarīḥ sma no
jalaruhānanaṃ cāru darśaya || 6||
praṇatadehināṃ pāpakarśanaṃ
tṛṇacarānugaṃ śrīniketanam |
phaṇiphaṇārpitaṃ te padāmbujaṃ
kṛṇu kuceṣu naḥ kṛndhi hṛcchayam || 7||
madhurayā girā valguvākyayā
budhamanojñayā puṣkarekṣaṇa |
vidhikarīrimā vīra muhyatī-
radharasīdhunā''pyāyayasva naḥ || 8||
tava kathāmṛtaṃ taptajīvanaṃ
kavibhirīḍitaṃ kalmaṣāpaham |
śravaṇamaṅgalaṃ śrīmadātataṃ
bhuvi gṛṇanti te bhūridā janāḥ || 9||
prahasitaṃ priya premavīkṣaṇaṃ
viharaṇaṃ ca te dhyānamaṅgalam |
rahasi saṃvido yā hṛdispṛśaḥ
kuhaka no manaḥ kṣobhayanti hi || 10||
calasi yadvrajāccārayanpaśūn
nalinasundaraṃ nātha te padam |
śilatṛṇāṅkuraiḥ sīdatīti naḥ
kalilatāṃ manaḥ kānta gacchati || 11||
dinaparikṣaye nīlakuntalai-
rvanaruhānanaṃ bibhradāvṛtam |
ghanarajasvalaṃ darśayanmuhu-
rmanasi naḥ smaraṃ vīra yacchasi || 12||
praṇatakāmadaṃ padmajārcitaṃ
dharaṇimaṇḍanaṃ dhyeyamāpadi |
caraṇapaṅkajaṃ śantamaṃ ca te
ramaṇa naḥ staneṣvarpayādhihan || 13||
suratavardhanaṃ śokanāśanaṃ
svaritaveṇunā suṣṭhu cumbitam |
itararāgavismāraṇaṃ nṛṇāṃ
vitara vīra naste'dharāmṛtam || 14||
aṭati yadbhavānahni kānanaṃ
truṭiryugāyate tvāmapaśyatām |
kuṭilakuntalaṃ śrīmukhaṃ ca te
jaḍa udīkṣatāṃ pakṣmakṛddṛśām || 15||
patisutānvayabhrātṛbāndhavā-
nativilaṅghya te'ntyacyutāgatāḥ |
gatividastavodgītamohitāḥ
kitava yoṣitaḥ kastyajenniśi || 16||
rahasi saṃvidaṃ hṛcchayodayaṃ
prahasitānanaṃ premavīkṣaṇam |
bṛhaduraḥ śriyo vīkṣya dhāma te
muhuratispṛhā muhyate manaḥ || 17||
vrajavanaukasāṃ vyaktiraṅga te
vṛjinahantryalaṃ viśvamaṅgalam |
tyaja manāk ca nastvatspṛhātmanāṃ
svajanahṛdrujāṃ yanniṣūdanam || 18||
yatte sujātacaraṇāmburuhaṃ staneṣa
bhītāḥ śanaiḥ priya dadhīmahi karkaśeṣu |
tenāṭavīmaṭasi tadvyathate na kiṃsvit
kūrpādibhirbhramati dhīrbhavadāyuṣāṃ naḥ || 19||
iti śrīmadbhāgavata mahāpurāṇe pāramahaṃsyāṃ saṃhitāyāṃ
daśamaskandhe pūrvārdhe rāsakrīḍāyāṃ gopīgītaṃ nāmaikatriṃśo'dhyāyaḥ ||
Sanskrit — Devanagari (original)
गोप्य ऊचुः ।
जयति तेऽधिकं जन्मना व्रजः
श्रयत इन्दिरा शश्वदत्र हि ।
दयित दृश्यतां दिक्षु तावका-
स्त्वयि धृतासवस्त्वां विचिन्वते ॥ 1॥
शरदुदाशये साधुजातस-
त्सरसिजोदरश्रीमुषा दृशा ।
सुरतनाथ तेऽशुल्कदासिका
वरद निघ्नतो नेह किं वधः ॥ 2॥
विषजलाप्ययाद्व्यालराक्षसा-
द्वर्षमारुताद्वैद्युतानलात् ।
वृषमयात्मजाद्विश्वतोभया-
दृषभ ते वयं रक्षिता मुहुः ॥ 3॥
न खलु गोपिकानन्दनो भवा-
नखिलदेहिनामन्तरात्मदृक् ।
विखनसार्थितो विश्वगुप्तये
सख उदेयिवान्सात्वतां कुले ॥ 4॥
विरचिताभयं वृष्णिधुर्य ते
चरणमीयुषां संसृतेर्भयात् ।
करसरोरुहं कान्त कामदं
शिरसि धेहि नः श्रीकरग्रहम् ॥ 5॥
व्रजजनार्तिहन्वीर योषितां
निजजनस्मयध्वंसनस्मित ।
भज सखे भवत्किङ्करीः स्म नो
जलरुहाननं चारु दर्शय ॥ 6॥
प्रणतदेहिनां पापकर्शनं
तृणचरानुगं श्रीनिकेतनम् ।
फणिफणार्पितं ते पदाम्बुजं
कृणु कुचेषु नः कृन्धि हृच्छयम् ॥ 7॥
मधुरया गिरा वल्गुवाक्यया
बुधमनोज्ञया पुष्करेक्षण ।
विधिकरीरिमा वीर मुह्यती-
रधरसीधुनाऽऽप्याययस्व नः ॥ 8॥
तव कथामृतं तप्तजीवनं
कविभिरीडितं कल्मषापहम् ।
श्रवणमङ्गलं श्रीमदाततं
भुवि गृणन्ति ते भूरिदा जनाः ॥ 9॥
प्रहसितं प्रिय प्रेमवीक्षणं
विहरणं च ते ध्यानमङ्गलम् ।
रहसि संविदो या हृदिस्पृशः
कुहक नो मनः क्षोभयन्ति हि ॥ 10॥
चलसि यद्व्रजाच्चारयन्पशून्
नलिनसुन्दरं नाथ ते पदम् ।
शिलतृणाङ्कुरैः सीदतीति नः
कलिलतां मनः कान्त गच्छति ॥ 11॥
दिनपरिक्षये नीलकुन्तलै-
र्वनरुहाननं बिभ्रदावृतम् ।
घनरजस्वलं दर्शयन्मुहु-
र्मनसि नः स्मरं वीर यच्छसि ॥ 12॥
प्रणतकामदं पद्मजार्चितं
धरणिमण्डनं ध्येयमापदि ।
चरणपङ्कजं शन्तमं च ते
रमण नः स्तनेष्वर्पयाधिहन् ॥ 13॥
सुरतवर्धनं शोकनाशनं
स्वरितवेणुना सुष्ठु चुम्बितम् ।
इतररागविस्मारणं नृणां
वितर वीर नस्तेऽधरामृतम् ॥ 14॥
अटति यद्भवानह्नि काननं
त्रुटिर्युगायते त्वामपश्यताम् ।
कुटिलकुन्तलं श्रीमुखं च ते
जड उदीक्षतां पक्ष्मकृद्दृशाम् ॥ 15॥
पतिसुतान्वयभ्रातृबान्धवा-
नतिविलङ्घ्य तेऽन्त्यच्युतागताः ।
गतिविदस्तवोद्गीतमोहिताः
कितव योषितः कस्त्यजेन्निशि ॥ 16॥
रहसि संविदं हृच्छयोदयं
प्रहसिताननं प्रेमवीक्षणम् ।
बृहदुरः श्रियो वीक्ष्य धाम ते
मुहुरतिस्पृहा मुह्यते मनः ॥ 17॥
व्रजवनौकसां व्यक्तिरङ्ग ते
वृजिनहन्त्र्यलं विश्वमङ्गलम् ।
त्यज मनाक् च नस्त्वत्स्पृहात्मनां
स्वजनहृद्रुजां यन्निषूदनम् ॥ 18॥
यत्ते सुजातचरणाम्बुरुहं स्तनेष
भीताः शनैः प्रिय दधीमहि कर्कशेषु ।
तेनाटवीमटसि तद्व्यथते न किंस्वित्
कूर्पादिभिर्भ्रमति धीर्भवदायुषां नः ॥ 19॥
इति श्रीमद्भागवत महापुराणे पारमहंस्यां संहितायां
दशमस्कन्धे पूर्वार्धे रासक्रीडायां गोपीगीतं नामैकत्रिंशोऽध्यायः ॥
gopya ūcuḥ |
jayati te'dhikaṃ janmanā vrajaḥ
śrayata indirā śaśvadatra hi |
dayita dṛśyatāṃ dikṣu tāvakā-
stvayi dhṛtāsavastvāṃ vicinvate || 1||
śaradudāśaye sādhujātasa-
tsarasijodaraśrīmuṣā dṛśā |
suratanātha te'śulkadāsikā
varada nighnato neha kiṃ vadhaḥ || 2||
viṣajalāpyayādvyālarākṣasā-
dvarṣamārutādvaidyutānalāt |
vṛṣamayātmajādviśvatobhayā-
dṛṣabha te vayaṃ rakṣitā muhuḥ || 3||
na khalu gopikānandano bhavā-
nakhiladehināmantarātmadṛk |
vikhanasārthito viśvaguptaye
sakha udeyivānsātvatāṃ kule || 4||
viracitābhayaṃ vṛṣṇidhurya te
caraṇamīyuṣāṃ saṃsṛterbhayāt |
karasaroruhaṃ kānta kāmadaṃ
śirasi dhehi naḥ śrīkaragraham || 5||
vrajajanārtihanvīra yoṣitāṃ
nijajanasmayadhvaṃsanasmita |
bhaja sakhe bhavatkiṅkarīḥ sma no
jalaruhānanaṃ cāru darśaya || 6||
praṇatadehināṃ pāpakarśanaṃ
tṛṇacarānugaṃ śrīniketanam |
phaṇiphaṇārpitaṃ te padāmbujaṃ
kṛṇu kuceṣu naḥ kṛndhi hṛcchayam || 7||
madhurayā girā valguvākyayā
budhamanojñayā puṣkarekṣaṇa |
vidhikarīrimā vīra muhyatī-
radharasīdhunā''pyāyayasva naḥ || 8||
tava kathāmṛtaṃ taptajīvanaṃ
kavibhirīḍitaṃ kalmaṣāpaham |
śravaṇamaṅgalaṃ śrīmadātataṃ
bhuvi gṛṇanti te bhūridā janāḥ || 9||
prahasitaṃ priya premavīkṣaṇaṃ
viharaṇaṃ ca te dhyānamaṅgalam |
rahasi saṃvido yā hṛdispṛśaḥ
kuhaka no manaḥ kṣobhayanti hi || 10||
calasi yadvrajāccārayanpaśūn
nalinasundaraṃ nātha te padam |
śilatṛṇāṅkuraiḥ sīdatīti naḥ
kalilatāṃ manaḥ kānta gacchati || 11||
dinaparikṣaye nīlakuntalai-
rvanaruhānanaṃ bibhradāvṛtam |
ghanarajasvalaṃ darśayanmuhu-
rmanasi naḥ smaraṃ vīra yacchasi || 12||
praṇatakāmadaṃ padmajārcitaṃ
dharaṇimaṇḍanaṃ dhyeyamāpadi |
caraṇapaṅkajaṃ śantamaṃ ca te
ramaṇa naḥ staneṣvarpayādhihan || 13||
suratavardhanaṃ śokanāśanaṃ
svaritaveṇunā suṣṭhu cumbitam |
itararāgavismāraṇaṃ nṛṇāṃ
vitara vīra naste'dharāmṛtam || 14||
aṭati yadbhavānahni kānanaṃ
truṭiryugāyate tvāmapaśyatām |
kuṭilakuntalaṃ śrīmukhaṃ ca te
jaḍa udīkṣatāṃ pakṣmakṛddṛśām || 15||
patisutānvayabhrātṛbāndhavā-
nativilaṅghya te'ntyacyutāgatāḥ |
gatividastavodgītamohitāḥ
kitava yoṣitaḥ kastyajenniśi || 16||
rahasi saṃvidaṃ hṛcchayodayaṃ
prahasitānanaṃ premavīkṣaṇam |
bṛhaduraḥ śriyo vīkṣya dhāma te
muhuratispṛhā muhyate manaḥ || 17||
vrajavanaukasāṃ vyaktiraṅga te
vṛjinahantryalaṃ viśvamaṅgalam |
tyaja manāk ca nastvatspṛhātmanāṃ
svajanahṛdrujāṃ yanniṣūdanam || 18||
yatte sujātacaraṇāmburuhaṃ staneṣa
bhītāḥ śanaiḥ priya dadhīmahi karkaśeṣu |
tenāṭavīmaṭasi tadvyathate na kiṃsvit
kūrpādibhirbhramati dhīrbhavadāyuṣāṃ naḥ || 19||
iti śrīmadbhāgavata mahāpurāṇe pāramahaṃsyāṃ saṃhitāyāṃ
daśamaskandhe pūrvārdhe rāsakrīḍāyāṃ gopīgītaṃ nāmaikatriṃśo'dhyāyaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.