Vishnu Stutih (kardama Rishi Krita) — Sinhala Script

ඍෂිරුවාච .

ජුෂ්ටං බතාද්යාඛිලසත්ත්වරාශේඃ

සාංසිදඃධ්යමක්ෂ්ණෝස්තව දර්ශනාන්නඃ .

යද්දර්ශනං ජන්මභිරීඩ්ය සද්භි-

රාශාසතේ යෝගිනෝ රූඪයෝගාඃ .. 13 ..

යේ මායයා තේ හතමේධසස්ත්ව-

ත්පාදාරවින්දං භවසින්ධුපෝතම් .

උපාසතේ කාමලවාය තේෂාං

රාසීශ කාමාන්නිරයේ(අ)පි යේ ස්යුඃ .. 14 ..

තථා ස චාහං පරිවෝඪුකාමඃ

සමානශීලාං ගෘහමේධධේනුම් .

උපේයිවාන් මූලමශේෂමූලං

දුරාශයඃ කාමදුඝාඞ්ඝ්රිපස්ය .. 15 ..

ප්රජාපතේස්තේ වචසාධීශ තන්ත්යා

ලෝකඃ කිලායං කාමහතෝ(අ)නුබද්ධඃ .

අහං ච ලෝකානුගතෝ වහාමි

බලිං ච ශුක්ලානිමිෂාය තුභ්යම් .. 16 ..

ලෝකාංශ්ච ලෝකානුගතාන් පශූංශ්ච

හිත්වා ශ්රිතාස්තේ චරණාතපත්රම් .

පරස්පරං ත්වද්ගුණවාදසීධු-

පීයූෂනිර්යාපිතදේහධර්මාඃ .. 17 ..

න තේ(අ)ජරාක්ෂභ්රමිරායුරේෂාං

ත්රයෝදශාරං ත්රිශතං ෂෂ්ටිපර්ව .

ෂණ්නේම්යනන්තච්ඡදි යත්ත්රිණාභි-

කරාලස්රෝතෝ ජගදාච්ඡිද්ය ධාවත් .. 18 ..

ඒකඃ ස්වයං සන් ජගතඃ සිසෘක්ෂයා

ද්විතීයයා(අ)ත්මන්නධියෝගමායයා .

සෘජස්යදඃ පාසි පුනර්ග්රසිෂ්යසේ

යථෝර්ණනාභිර්භගවන් ස්වශක්තිභිඃ .. 19 ..

නෛතද්බතාධීශ පදං තවේප්සිතං

යන්මායයා නස්තනුෂේ භූතසූක්ෂ්මම් .

අනුග්රහායාස්ත්වපි යර්හි මායයා

ලසත්තුලස්යා තනුවා විලක්ෂිතඃ .. 20 ..

තං ත්වානුභූත්යෝපරතක්රියාර්ථං

ස්වමායයා වර්තිතලෝකතන්ත්රම් .

නමාම්යභීක්ෂ්ණං නමනීයපාද-

සරෝජමල්පීයසි කාමවර්ෂම් .. 21 ..

ඉති ශ්රීමද්භාගවතමහාපුරාණේ තෘතීයස්කන්ධේ ඒකවිංශාධ්යායාන්තර්ගතං

කර්දමර්ෂිකෘතං විෂ්ණුස්තෝත්රං සමාප්තම් .

භාගවතපුරාණ . අධ්යාය 3/21/13-21 . .

Roman (IAST) Transliteration

ṛṣiruvāca |

juṣṭaṃ batādyākhilasattvarāśeḥ

sāṃsidaḥdhyamakṣṇostava darśanānnaḥ |

yaddarśanaṃ janmabhirīḍya sadbhi-

rāśāsate yogino rūḍhayogāḥ || 13 ||

ye māyayā te hatamedhasastva-

tpādāravindaṃ bhavasindhupotam |

upāsate kāmalavāya teṣāṃ

rāsīśa kāmānniraye'pi ye syuḥ || 14 ||

tathā sa cāhaṃ parivoḍhukāmaḥ

samānaśīlāṃ gṛhamedhadhenum |

upeyivān mūlamaśeṣamūlaṃ

durāśayaḥ kāmadughāṅghripasya || 15 ||

prajāpateste vacasādhīśa tantyā

lokaḥ kilāyaṃ kāmahato'nubaddhaḥ |

ahaṃ ca lokānugato vahāmi

baliṃ ca śuklānimiṣāya tubhyam || 16 ||

lokāṃśca lokānugatān paśūṃśca

hitvā śritāste caraṇātapatram |

parasparaṃ tvadguṇavādasīdhu-

pīyūṣaniryāpitadehadharmāḥ || 17 ||

na te'jarākṣabhramirāyureṣāṃ

trayodaśāraṃ triśataṃ ṣaṣṭiparva |

ṣaṇnemyanantacchadi yattriṇābhi-

karālasroto jagadācchidya dhāvat || 18 ||

ekaḥ svayaṃ san jagataḥ sisṛkṣayā

dvitīyayā'tmannadhiyogamāyayā |

sṛjasyadaḥ pāsi punargrasiṣyase

yathorṇanābhirbhagavan svaśaktibhiḥ || 19 ||

naitadbatādhīśa padaṃ tavepsitaṃ

yanmāyayā nastanuṣe bhūtasūkṣmam |

anugrahāyāstvapi yarhi māyayā

lasattulasyā tanuvā vilakṣitaḥ || 20 ||

taṃ tvānubhūtyoparatakriyārthaṃ

svamāyayā vartitalokatantram |

namāmyabhīkṣṇaṃ namanīyapāda-

sarojamalpīyasi kāmavarṣam || 21 ||

iti śrīmadbhāgavatamahāpurāṇe tṛtīyaskandhe ekaviṃśādhyāyāntargataṃ

kardamarṣikṛtaṃ viṣṇustotraṃ samāptam |

bhāgavatapurāṇa . adhyāya 3/21/13-21 . |

Sanskrit — Devanagari (original)

ऋषिरुवाच ।

जुष्टं बताद्याखिलसत्त्वराशेः

सांसिदःध्यमक्ष्णोस्तव दर्शनान्नः ।

यद्दर्शनं जन्मभिरीड्य सद्भि-

राशासते योगिनो रूढयोगाः ॥ 13 ॥

ये मायया ते हतमेधसस्त्व-

त्पादारविन्दं भवसिन्धुपोतम् ।

उपासते कामलवाय तेषां

रासीश कामान्निरयेऽपि ये स्युः ॥ 14 ॥

तथा स चाहं परिवोढुकामः

समानशीलां गृहमेधधेनुम् ।

उपेयिवान् मूलमशेषमूलं

दुराशयः कामदुघाङ्घ्रिपस्य ॥ 15 ॥

प्रजापतेस्ते वचसाधीश तन्त्या

लोकः किलायं कामहतोऽनुबद्धः ।

अहं च लोकानुगतो वहामि

बलिं च शुक्लानिमिषाय तुभ्यम् ॥ 16 ॥

लोकांश्च लोकानुगतान् पशूंश्च

हित्वा श्रितास्ते चरणातपत्रम् ।

परस्परं त्वद्गुणवादसीधु-

पीयूषनिर्यापितदेहधर्माः ॥ 17 ॥

न तेऽजराक्षभ्रमिरायुरेषां

त्रयोदशारं त्रिशतं षष्टिपर्व ।

षण्नेम्यनन्तच्छदि यत्त्रिणाभि-

करालस्रोतो जगदाच्छिद्य धावत् ॥ 18 ॥

एकः स्वयं सन् जगतः सिसृक्षया

द्वितीययाऽत्मन्नधियोगमायया ।

सृजस्यदः पासि पुनर्ग्रसिष्यसे

यथोर्णनाभिर्भगवन् स्वशक्तिभिः ॥ 19 ॥

नैतद्बताधीश पदं तवेप्सितं

यन्मायया नस्तनुषे भूतसूक्ष्मम् ।

अनुग्रहायास्त्वपि यर्हि मायया

लसत्तुलस्या तनुवा विलक्षितः ॥ 20 ॥

तं त्वानुभूत्योपरतक्रियार्थं

स्वमायया वर्तितलोकतन्त्रम् ।

नमाम्यभीक्ष्णं नमनीयपाद-

सरोजमल्पीयसि कामवर्षम् ॥ 21 ॥

इति श्रीमद्भागवतमहापुराणे तृतीयस्कन्धे एकविंशाध्यायान्तर्गतं

कर्दमर्षिकृतं विष्णुस्तोत्रं समाप्तम् ।

भागवतपुराण . अध्याय 3/21/13-21 . ।