Mundaka Upanishad - Tritiya Mundaka, Dvitiya Kandah — Sinhala Script

.. තෘතීයමුණ්ඩකේ ද්විතීයඃ ඛණ්ඩඃ ..

ස වේදෛත-ත්පරම-ම්බ්රහ්ම ධාම

යත්ර විශ්ව-න්නිහිත-ම්භාති ශුභ්රම් .

උපාසතේ පුරුෂං-යේँ හ්යකාමාස්තේ

ශුක්රමේතදතිවර්තන්ති ධීරාඃ .. 1..

කාමාන් යඃ කාමයතේ මන්යමානඃ

ස කාමභිර්ජායතේ තත්ර තත්ර .

පර්යාප්තකාමස්ය කෘතාත්මනස්තු

ඉහෛව සර්වේ ප්රවිලීයන්ති කාමාඃ .. 2..

නායමාත්මා ප්රවචනේන ලභ්යෝ

න මේධයා න බහුනා ශ්රුතේන .

යමේවෛෂ වෘණුතේ තේන ලභ්ය-

ස්තස්යෛෂ ආත්මා විවෘණුතේ තනූං ස්වාම් .. 3..

නායමාත්මා බලහීනේන ලභ්යෝ

න ච ප්රමාදා-ත්තපසෝ වාප්යලිඞ්ගාත් .

ඒතෛරුපායෛර්යතතේ යස්තු විද්වාං-

ස්තස්යෛෂ ආත්මා විශතේ බ්රහ්මධාම .. 4..

සම්ප්රාප්යෛනමෘෂයෝ ජ්ඤානතෘප්තාඃ

කෘතාත්මානෝ වීතරාගාඃ ප්රශාන්තාඃ

තේ සර්වගං සර්වතඃ ප්රාප්ය ධීරා

යුක්තාත්මාන-ස්සර්වමේවාවිශන්ති .. 5..

වේදාන්තවිජ්ඤානසුනිශ්චිතාර්ථාඃ

සන්න්යාසයෝගාද් යතය-ශ්ශුද්ධසත්ත්වාඃ .

තේ බ්රහ්මලෝකේෂු පරාන්තකාලේ

පරාමෘතාඃ පරිමුච්යන්ති සර්වේ .. 6..

ගතාඃ කලාඃ පඤ්චදශ ප්රතිෂ්ඨා

දේවාශ්ච සර්වේ ප්රතිදේවතාසු .

කර්මාණි විජ්ඤානමයශ්ච ආත්මා

පරේ-(අ)ව්යයේ සර්වේ ඒකීභවන්ති .. 7..

යථා නද්ය-ස්ස්යන්දමානා-ස්සමුද්රේ-(අ)

ස්ත-ඞ්ගච්ඡන්ති නාමරූපේ විහාය .

තථා විද්වා-න්නාමරූපාද්විමුක්තඃ

පරාත්පර-ම්පුරුෂමුපෛති දිව්යම් .. 8..

ස යෝ හ වෛ ත-ත්පරම-ම්බ්රහ්ම වේද

බ්රහ්මෛව භවති නාස්යාබ්රහ්මවිත්කුලේ භවති .

තරති ශෝක-න්තරති පාප්මාන-ඞ්ගුහාග්රන්ථිභ්යෝ

විමුක්තෝ-(අ)මෘතෝ භවති .. 9..

තදේතදෘචා-(අ)භ්යුක්තම් .

ක්රියාවන්ත-ශ්ශ්රෝත්රියා බ්රහ්මනිෂ්ඨාඃ

ස්වය-ඤ්ජුහ්වත ඒකර්ෂිං ශ්රද්ධයන්තඃ .

තේෂාමේවෛතා-ම්බ්රහ්මවිද්යාං-වँදේත

ශිරෝව්රතං-විँධිවද් යෛස්තු චීර්ණම් .. 10..

තදේත-ථ්සත්යමෘෂිරඞ්ගිරාඃ

පුරෝවාච නෛතදචීර්ණව්රතෝ-(අ)ධීතේ .

නමඃ පරමෘෂිභ්යෝ නමඃ පරමෘෂිභ්යඃ .. 11..

.. ඉති මුණ්ඩකෝපනිෂදි තෘතීයමුණ්ඩකේ ද්විතීයඃ ඛණ්ඩඃ ..

.. ඉත්යථර්වවේදීය මුණ්ඩකෝපනිෂත්සමාප්තා ..

ඕ-ම්භ॒ද්ර-ඞ්කර්ණේ॑භි-ශ්ශෘණු॒යාම॑ දේවාඃ . භ॒ද්ර-ම්ප॑ශ්යේමා॒ක්ෂභි॒-ර්යජ॑ත්රාඃ . ස්ථි॒රෛරඞ්ගෛ᳚ස්තුෂ්ටු॒වාග්ං ස॑ස්ත॒නූභිඃ॑ . ව්යශේ॑ම දේ॒වහි॑තං॒-යँදායුඃ॑ . ස්ව॒ස්ති න॒ ඉන්ද්රෝ॑ වෘ॒ද්ධශ්ර॑වාඃ . ස්ව॒ස්ති නඃ॑ පූ॒ෂා වි॒ශ්වවේ॑දාඃ . ස්ව॒ස්ති න॒ස්තාර්ක්ෂ්යෝ॒ අරි॑ෂ්ටනේමිඃ . ස්ව॒ස්ති නෝ॒ බෘහ॒ස්පති॑-ර්දධාතු ..

ඕං ශාන්ති॒-ශ්ශාන්ති॒-ශ්ශාන්තිඃ॑ ..

.. ඕං ශාන්ති-ශ්ශාන්ති-ශ්ශාන්තිඃ ..

Roman (IAST) Transliteration

|| tṛtīyamuṇḍake dvitīyaḥ khaṇḍaḥ ||

sa vedaita-tparama-mbrahma dhāma

yatra viśva-nnihita-mbhāti śubhram |

upāsate puruṣaṃ-ye~ hyakāmāste

śukrametadativartanti dhīrāḥ || 1||

kāmān yaḥ kāmayate manyamānaḥ

sa kāmabhirjāyate tatra tatra |

paryāptakāmasya kṛtātmanastu

ihaiva sarve pravilīyanti kāmāḥ || 2||

nāyamātmā pravacanena labhyo

na medhayā na bahunā śrutena |

yamevaiṣa vṛṇute tena labhya-

stasyaiṣa ātmā vivṛṇute tanūṃ svām || 3||

nāyamātmā balahīnena labhyo

na ca pramādā-ttapaso vāpyaliṅgāt |

etairupāyairyatate yastu vidvāṃ-

stasyaiṣa ātmā viśate brahmadhāma || 4||

samprāpyainamṛṣayo jñānatṛptāḥ

kṛtātmāno vītarāgāḥ praśāntāḥ

te sarvagaṃ sarvataḥ prāpya dhīrā

yuktātmāna-ssarvamevāviśanti || 5||

vedāntavijñānasuniścitārthāḥ

sannyāsayogād yataya-śśuddhasattvāḥ |

te brahmalokeṣu parāntakāle

parāmṛtāḥ parimucyanti sarve || 6||

gatāḥ kalāḥ pañcadaśa pratiṣṭhā

devāśca sarve pratidevatāsu |

karmāṇi vijñānamayaśca ātmā

pare-'vyaye sarve ekībhavanti || 7||

yathā nadya-ssyandamānā-ssamudre-'

sta-ṅgacchanti nāmarūpe vihāya |

tathā vidvā-nnāmarūpādvimuktaḥ

parātpara-mpuruṣamupaiti divyam || 8||

sa yo ha vai ta-tparama-mbrahma veda

brahmaiva bhavati nāsyābrahmavitkule bhavati |

tarati śoka-ntarati pāpmāna-ṅguhāgranthibhyo

vimukto-'mṛto bhavati || 9||

tadetadṛcā-'bhyuktam |

kriyāvanta-śśrotriyā brahmaniṣṭhāḥ

svaya-ñjuhvata ekarṣiṃ śraddhayantaḥ |

teṣāmevaitā-mbrahmavidyāṃ-va~deta

śirovrataṃ-vi~dhivad yaistu cīrṇam || 10||

tadeta-thsatyamṛṣiraṅgirāḥ

purovāca naitadacīrṇavrato-'dhīte |

namaḥ paramṛṣibhyo namaḥ paramṛṣibhyaḥ || 11||

|| iti muṇḍakopaniṣadi tṛtīyamuṇḍake dvitīyaḥ khaṇḍaḥ ||

|| ityatharvavedīya muṇḍakopaniṣatsamāptā ||

o-mbha॒dra-ṅkarṇḙbhi-śśṛṇu॒yāma̭ devāḥ | bha॒dra-mpa̭śyemā॒kṣabhi॒-ryaja̭trāḥ | sthi॒rairaṅgai᳚stuṣṭu॒vāgṃ sa̭sta॒nūbhiḥ̭ | vyaśḙma de॒vahi̭taṃ॒-ya~dāyuḥ̭ | sva॒sti na॒ indro̭ vṛ॒ddhaśra̭vāḥ | sva॒sti naḥ̭ pū॒ṣā vi॒śvavḙdāḥ | sva॒sti na॒stārkṣyo॒ ari̭ṣṭanemiḥ | sva॒sti no॒ bṛha॒spati̭-rdadhātu ||

oṃ śānti॒-śśānti॒-śśāntiḥ̭ ||

|| oṃ śānti-śśānti-śśāntiḥ ||

Sanskrit — Devanagari (original)

॥ तृतीयमुण्डके द्वितीयः खण्डः ॥

स वेदैत-त्परम-म्ब्रह्म धाम

यत्र विश्व-न्निहित-म्भाति शुभ्रम् ।

उपासते पुरुषं-येँ ह्यकामास्ते

शुक्रमेतदतिवर्तन्ति धीराः ॥ 1॥

कामान् यः कामयते मन्यमानः

स कामभिर्जायते तत्र तत्र ।

पर्याप्तकामस्य कृतात्मनस्तु

इहैव सर्वे प्रविलीयन्ति कामाः ॥ 2॥

नायमात्मा प्रवचनेन लभ्यो

न मेधया न बहुना श्रुतेन ।

यमेवैष वृणुते तेन लभ्य-

स्तस्यैष आत्मा विवृणुते तनूं स्वाम् ॥ 3॥

नायमात्मा बलहीनेन लभ्यो

न च प्रमादा-त्तपसो वाप्यलिङ्गात् ।

एतैरुपायैर्यतते यस्तु विद्वां-

स्तस्यैष आत्मा विशते ब्रह्मधाम ॥ 4॥

सम्प्राप्यैनमृषयो ज्ञानतृप्ताः

कृतात्मानो वीतरागाः प्रशान्ताः

ते सर्वगं सर्वतः प्राप्य धीरा

युक्तात्मान-स्सर्वमेवाविशन्ति ॥ 5॥

वेदान्तविज्ञानसुनिश्चितार्थाः

सन्न्यासयोगाद् यतय-श्शुद्धसत्त्वाः ।

ते ब्रह्मलोकेषु परान्तकाले

परामृताः परिमुच्यन्ति सर्वे ॥ 6॥

गताः कलाः पञ्चदश प्रतिष्ठा

देवाश्च सर्वे प्रतिदेवतासु ।

कर्माणि विज्ञानमयश्च आत्मा

परे-ऽव्यये सर्वे एकीभवन्ति ॥ 7॥

यथा नद्य-स्स्यन्दमाना-स्समुद्रे-ऽ

स्त-ङ्गच्छन्ति नामरूपे विहाय ।

तथा विद्वा-न्नामरूपाद्विमुक्तः

परात्पर-म्पुरुषमुपैति दिव्यम् ॥ 8॥

स यो ह वै त-त्परम-म्ब्रह्म वेद

ब्रह्मैव भवति नास्याब्रह्मवित्कुले भवति ।

तरति शोक-न्तरति पाप्मान-ङ्गुहाग्रन्थिभ्यो

विमुक्तो-ऽमृतो भवति ॥ 9॥

तदेतदृचा-ऽभ्युक्तम् ।

क्रियावन्त-श्श्रोत्रिया ब्रह्मनिष्ठाः

स्वय-ञ्जुह्वत एकर्षिं श्रद्धयन्तः ।

तेषामेवैता-म्ब्रह्मविद्यां-वँदेत

शिरोव्रतं-विँधिवद् यैस्तु चीर्णम् ॥ 10॥

तदेत-थ्सत्यमृषिरङ्गिराः

पुरोवाच नैतदचीर्णव्रतो-ऽधीते ।

नमः परमृषिभ्यो नमः परमृषिभ्यः ॥ 11॥

॥ इति मुण्डकोपनिषदि तृतीयमुण्डके द्वितीयः खण्डः ॥

॥ इत्यथर्ववेदीय मुण्डकोपनिषत्समाप्ता ॥

ओ-म्भ॒द्र-ङ्कर्णे॑भि-श्शृणु॒याम॑ देवाः । भ॒द्र-म्प॑श्येमा॒क्षभि॒-र्यज॑त्राः । स्थि॒रैरङ्गै᳚स्तुष्टु॒वाग्ं स॑स्त॒नूभिः॑ । व्यशे॑म दे॒वहि॑तं॒-यँदायुः॑ । स्व॒स्ति न॒ इन्द्रो॑ वृ॒द्धश्र॑वाः । स्व॒स्ति नः॑ पू॒षा वि॒श्ववे॑दाः । स्व॒स्ति न॒स्तार्क्ष्यो॒ अरि॑ष्टनेमिः । स्व॒स्ति नो॒ बृह॒स्पति॑-र्दधातु ॥

ॐ शान्ति॒-श्शान्ति॒-श्शान्तिः॑ ॥

॥ ॐ शान्ति-श्शान्ति-श्शान्तिः ॥