කෘෂ්ණ යජුර්වේදීය තෛත්තිරීය බ්රාහ්මණේ තෘතීයාෂ්ටකේ පඤ්චමඃ ප්රපාඨකඃ - ඉෂ්ටිහෞත්රම්
ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ . හ॒රිඃ॒ ඕම් ..
අනුවාකං 1 - හෝතුර්ජපඃ පුරස්තා-ථ්සාමිධේනීනාම්
ස॒ත්ය-ම්ප්රප॑ද්යේ . ඍ॒ත-ම්ප්රප॑ද්යේ .
අ॒මෘත॒-ම්ප්රප॑ද්යේ .
ප්ර॒ජාප॑තේඃ ප්රි॒යා-න්ත॒නුව॒මනා᳚ර්තා॒-ම්ප්රප॑ද්යේ .
ඉ॒දම॒හ-ම්ප॑ඤ්චද॒ශේන॒ වජ්රේ॑ණ .
ද්වි॒ෂන්ත॒-ම්භ්රාතෘ॑ව්ය॒මව॑ක්රාමාමි .
යෝ᳚-(අ)ස්මා-න්ද්වේෂ්ටි॑ . ය-ඤ්ච॑ ව॒ය-න්ද්වි॒ෂ්මඃ .
භූර්භුව॒-ස්සුවඃ॑ . හිම් .. 1 ..
(ස॒ත්ය-න්දශ॑) (අ. 1)
අනුවාකං 2 - සාමිධේනීම්රන්වාහ
ප්ර වෝ॒ වාජා॑ අ॒භිද්ය॑වඃ . හ॒විෂ්ම॑න්තෝ ඝෘ॒තාච්යා᳚ .
දේ॒වාඤ්ජි॑ගාති සුම්න॒යුඃ .. අග්න॒ ආයා॑හි වී॒තයේ᳚ . ගෘ॒ණා॒නෝ හ॒ව්යදා॑තයේ . නි හෝතා॑ සථ්සි බ॒ර॒ඃඉෂි॑ .. ත-න්ත්වා॑ ස॒මිද්භි॑රඞ්ගිරඃ . ඝෘ॒තේන॑ වර්ධයාමසි . බෘ॒හච්ඡෝ॑චා යවිෂ්ඨ්ය .. ස නඃ॑ පෘ॒ථු ශ්ර॒වාය්ය᳚ම් .. 2 ..
අච්ඡා॑ දේව විවාසසි . බෘ॒හද॑ග්නේ සු॒වීර්ය᳚ම් ..
ඊ॒ඩේන්යෝ॑ නම॒ස්ය॑ස්ති॒රඃ . තමාග්ං॑සි දර්ශ॒තඃ . සම॒ග්නිරි॑ද්ධ්යතේ॒ වෘෂා᳚ .. වෘෂෝ॑ අ॒ග්නි-ස්සමි॑ද්ධ්යතේ . අශ්වෝ॒ න දේ॑ව॒වාහ॑නඃ .
තග්ං හ॒විෂ්ම॑න්ත ඊඩතේ .. වෘෂ॑ණ-න්ත්වා ව॒යං-වෘँෂන්න්॑ . වෘෂා॑ණ॒-ස්සමි॑ධීමහි .. 3 ..
අග්නේ॒ දීද්ය॑ත-ම්බෘ॒හත් .. අ॒ග්නි-න්දූ॒තං-වෘँ॑ණීමහේ .
හෝතා॑රං-විँ॒ශ්වවේ॑දසම් . අ॒ස්ය ය॒ජ්ඤස්ය॑ සු॒ක්රතු᳚ම් .. ස॒මි॒ද්ධ්යමා॑නෝ අද්ධ්ව॒රේ . අ॒ග්නිඃ පා॑ව॒ක ඊඩ්යඃ॑ . ශෝ॒චිෂ්කේ॑ශ॒ස්තමී॑මහේ .. සමි॑ද්ධෝ අග්න ආහුත . දේ॒වාන්. ය॑ක්ෂි ස්වද්ධ්වර . ත්වග්ං හි හ॑ව්ය॒වාඩසි॑ ..
ආජු॑හෝත දුව॒ස්යත॑ . අ॒ග්නි-ම්ප්ර॑ය॒ත්ය॑ද්ධ්ව॒රේ .
වෘ॒ණී॒ද්ධ්වග්ං හ॑ව්ය॒වාහ॑නම් ..
ත්වං-වँරු॑ණ උ॒ත මි॒ත්රෝ අ॑ග්නේ . ත්වාං-වँ॑ර්ධන්ති ම॒තිභි॒ර්වසි॑ෂ්ඨාඃ . ත්වේ වසු॑ සුෂණ॒නානි॑ සන්තු . යූ॒ය-ම්පා॑ත ස්ව॒ස්තිභි॒-ස්සදා॑ නඃ .. 4 ..
(ශ්ර॒වාය්ය॑ - මිධීම॒ - හ්යසි॑ ස॒ප්ත ච॑) (අ. 2)
අනුවාකං 3 - ප්රරමුක්ත්වා නිවිදෝ-(අ)නූච්ය දේවතා ආවාහයති
අග්නේ॑ ම॒හාග්ං අ॑සි බ්රාහ්මණ භාරත . අසා॒වසෞ᳚ ..
දේ॒වේද්ධෝ॒ මන්වි॑ද්ධඃ . ඍෂි॑ෂ්ටුතෝ॒ විප්රා॑නුමදිතඃ . ක॒වි॒ශ॒ස්තෝ බ්රහ්ම॑සග්ංශිතෝ ඝෘ॒තාහ॑වනඃ .
ප්ර॒ණී-ර්ය॒ජ්ඤානා᳚ම් . ර॒ථීර॑ද්ධ්ව॒රාණා᳚ම් .
අ॒තූර්තෝ॒ හෝතා᳚ . තූර්ණි॑ර්හව්ය॒වාට් .
ආස්පාත්ර॑-ඤ්ජු॒හූ-ර්දේ॒වානා᳚ම් .. 5 ..
ච॒ම॒සෝ දේ॑ව॒පානඃ॑ . අ॒රාග්ං ඉ॑වාග්නේ නේ॒මිර්දේ॒වාග්ස්ත්ව-ම්ප॑රි॒භූර॑සි . ආව॑හ දේ॒වාන්. යජ॑මානාය .. අ॒ග්නිම॑ග්න॒ ආව॑හ . සෝම॒මාව॑හ .
අ॒ග්නිමාව॑හ . ප්ර॒ජාප॑ති॒මාව॑හ . අ॒ග්නීෂෝමා॒වාව॑හ . ඉ॒න්ද්රා॒ග්නී ආව॑හ . ඉන්ද්ර॒මාව॑හ . ම॒හේ॒න්ද්රමාව॑හ . දේ॒වාග්ං ආ᳚ජ්ය॒පාග්ං ආව॑හ .
අ॒ග්නිග්ං හෝ॒ත්රායාව॑හ . ස්ව-ම්ම॑හි॒මාන॒මාව॑හ . ආ චා᳚ග්නේ දේ॒වාන්. වහ॑ . සු॒යජා॑ ච යජ ජාතවේදඃ .. 6 ..
(දේ॒වානා॒-මින්ද්ර॒මාව॑හ॒ ෂට්ච॑) (අ. 3)
අනුවාකං 4 - ස්රුචාවාදාපයති
අ॒ග්නිර්-හෝතා॒ වේත්ව॒ග්නිඃ . හෝ॒ත්රං-වේँ᳚ත්තු ප්රාවි॒ත්රම් . ස්මෝ ව॒යම් . සා॒ධු තේ॑ යජමාන දේ॒වතා᳚ . ඝෘ॒තව॑තී-මද්ධ්වර්යෝ॒ ස්රුච॒මා-(අ)ස්ය॑ස්ව . දේ॒වා॒යුවං॑-විँ॒ශ්වවා॑රාම් . ඊඩා॑මහෛ දේ॒වාග්ං ඊ॒ඩේන්යාන්॑ .
න॒ම॒ස්යාම॑ නම॒ස්යාන්॑ . යජා॑ම ය॒ජ්ඤියාන්॑ .. 7 ..
(අ॒ග්නිර්-හෝතා॒ නව॑) (අ. 4)
අනුවාකං 5 - ප්රයාජාඃ
ස॒මිධෝ॑ අග්න॒ ආජ්ය॑ස්ය වියන්තු . තනූ॒නපා॑දග්න॒ ආජ්ය॑ස්ය වේතු . ඉ॒ඩෝ අ॑ග්න॒ ආජ්ය॑ස්ය වියන්තු . බ॒ර්॒හිර॑ග්න॒ ආජ්ය॑ස්ය වේතු . ස්වාහා॒-(අ)ග්නිම් . ස්වාහා॒ සෝම᳚ම් . ස්වාහා॒-(අ)ග්නිම් . ස්වාහා᳚ ප්ර॒ජාප॑තිම් .
ස්වාහා॒-(අ)ග්නීෂෝමෞ᳚ . ස්වාහේ᳚න්ද්රා॒ග්නී . ස්වාහේන්ද්ර᳚ම් .
ස්වාහා॑ මහේ॒න්ද්රම් . ස්වාහා॑ දේ॒වාග්ං ආ᳚ජ්ය॒පාන් . ස්වාහා॒-(අ)ග්නිග්ං හෝ॒ත්රාජ්ජු॑ෂා॒ණාඃ .
අග්න॒ ආජ්ය॑ස්ය වියන්තු .. 8 ..
(ඉ॒න්ද්රා॒ග්නී පඤ්ච॑ ච) (අ. 5)
අනුවාකං 6 - අජ්යභාගයෝඃ පුරෝනුවාක්යේ
අ॒ග්නි-ර්වෘ॒ත්රාණි॑ ජඞ්ඝනත් . ද්ර॒වි॒ණ॒ස්යු-ර්වි॑ප॒න්යයා᳚ .
සමි॑ද්ධ-ශ්ශු॒ක්ර ආහු॑තඃ . ජු॒ෂා॒ණෝ අ॒ග්නිරාජ්ය॑ස්ය වේතු . ත්වග්ං සෝ॑මාසි॒ සත්ප॑තිඃ . ත්වග්ං රාජෝ॒ත වෘ॑ත්ර॒හා .
ත්ව-ම්භ॒ද්රෝ අ॑සි॒ ක්රතුඃ॑ . ජු॒ෂා॒ණ-ස්සෝම॒ ආජ්ය॑ස්ය හ॒විෂෝ॑ වේතු . අ॒ග්නිඃ ප්ර॒ත්නේන॒ ජන්ම॑නා . ශුම්භා॑නස්ත॒නුව॒ග්ග්॒ ස්වාම් .
ක॒වි-ර්විප්රේ॑ණ වාවෘධේ . ජු॒ෂා॒ණෝ අ॒ග්නිරාජ්ය॑ස්ය වේතු .
සෝම॑ ගී॒ර්භිෂ්ට්වා॑ ව॒යම් . ව॒ර්ධයා॑මෝ වචෝ॒විදඃ॑ . සු॒මෘ॒ඩී॒කෝ න॒ ආවි॑ශ .
ජු॒ෂා॒ණ-ස්සෝම॒ ආජ්ය॑ස්ය හ॒විෂෝ॑ වේතු .. 9 ..
(ස්වාග්ං ෂට්ච॑) (අ. 6)
අනුවාකං 7 - හවිෂාං-යාँජ්යානුවාක්යාඃ
අ॒ග්නි-ර්මූ॒ර්ධා දි॒වඃ ක॒කුත් . පතිඃ॑ පෘථි॒ව්යා අ॒යම් .
අ॒පාග්ං රේතාග්ං॑සි ජින්වති . භුවෝ॑ ය॒ජ්ඤස්ය॒ රජ॑සශ්ච නේ॒තා . යත්රා॑ නි॒යුද්භි॒-ස්සච॑සේ ශි॒වාභිඃ॑ . දි॒වි මූ॒ර්ධාන॑-න්දධිෂේ සුව॒ර්॒ෂාම් .
ජි॒හ්වාම॑ග්නේ චකෘෂේ හව්ය॒වාහ᳚ම් . ප්රජා॑පතේ॒ න ත්වදේ॒තාන්ය॒න්යඃ . විශ්වා॑ ජා॒තානි॒ පරි॒ තා බ॑භූව .
යත්-කා॑මාස්තේ ජුහු॒මස්තන්නෝ॑ අස්තු .. 10 ..
ව॒යග්ග් ස්යා॑ම॒ පත॑යෝ රයී॒ණාම් . ස වේ॑ද පු॒ත්රඃ පි॒තර॒ග්ං॒ ස මා॒තර᳚ම් . ස සූ॒නුර්භු॑ව॒ථ්ස භු॑ව॒ත්පුන॑ර්මඝඃ . ස ද්යාමෞර්ණෝ॑ද॒න්තරි॑ක්ෂ॒ග්ං॒ ස සුවඃ॑ . ස විශ්වා॒ භුවෝ॑ අභව॒ථ්ස ආ-(අ)භ॑වත් . අග්නී॑ෂෝමා॒ සවේ॑දසා . සහූ॑තී වනත॒-ඞ්ගිරඃ॑ . ස-න්දේ॑ව॒ත්රා බ॑භූවථුඃ . යු॒වමේ॒තානි॑ දි॒වි රෝ॑ච॒නානි॑ .
අ॒ග්නිශ්ච॑ සෝම॒ සක්ර॑තූ අධත්තම් .. 11 ..
යු॒වග්ං සින්ධූග්ං॑ ර॒භිශ॑ස්තේ-රව॒ද්යාත් . අග්නී॑ෂෝමා॒-වමු॑ඤ්චත-ඞ්ගෘභී॒තාන් .
ඉන්ද්රා᳚ග්නී රෝච॒නා දි॒වඃ . පරි॒ වාජේ॑ෂු භූෂථඃ .
තද්වා᳚-ඤ්චේති॒ ප්රවී॒ර්ය᳚ම් . ශ්නථ॑ද්වෘ॒ත්රමු॒ත ස॑නෝති॒ වාජ᳚ම් . ඉන්ද්රා॒ යෝ අ॒ග්නී සහු॑රී සප॒ර්යාත් .
ඉ॒ර॒ජ්යන්තා॑ වස॒ව්ය॑ස්ය॒ භූරේඃ᳚ . සහ॑ස්තමා॒ සහ॑සා වාජ॒යන්තා᳚ . ඒන්ද්ර॑ සාන॒සිග්ං ර॒යිම් .. 12 ..
ස॒ජිත්වා॑නග්ං සදා॒සහ᳚ම් . වර්ෂි॑ෂ්ඨමූ॒තයේ॑ භර . ප්රස॑සාහිෂේ පුරුහූත॒ ශත්රූන්॑ . ජ්යේෂ්ඨ॑ස්තේ॒ ශුෂ්ම॑ ඉ॒හ රා॒තිර॑ස්තු . ඉන්ද්රාභ॑ර॒ දක්ෂි॑ණේනා॒ වසූ॑නි . පති॒-ස්සින්ධූ॑නාමසි රේ॒වතී॑නාම් . ම॒හාග්ං ඉන්ද්රෝ॒ ය ඕජ॑සා . ප॒ර්ජන්යෝ॑ වෘෂ්ටි॒මාග්ං ඉ॑ව .
ස්තෝමෛ᳚ර්ව॒ථ්සස්ය॑ වාවෘධේ .
ම॒හාං ඉන්ද්රෝ॑ නෘ॒වදාච॑ර්ෂණි॒ප්රාඃ .. 13 ..
උ॒ත ද්වි॒බර්හා॑ අමි॒න-ස්සහෝ॑භිඃ . අ॒ස්ම॒ද්රිය॑ග්වාවෘධේ වී॒ර්යා॑ය .
උ॒රුඃ පෘ॒ථු-ස්සුකෘ॑තඃ ක॒ර්තෘභි॑ර්භූත් .
පි॒ප්රී॒හි දේ॒වාග්ං උ॑ශ॒තෝ ය॑විෂ්ඨ .
වි॒ද්වාං ඍතූග්ංර්-ඍ॑තුපතේ යජේ॒හ .
යේ දෛව්යා॑ ඍ॒ත්විජ॒ස්තේභි॑රග්නේ .
ත්වග්ං හෝතෲ॑ණාම॒ස්යාය॑ජිෂ්ඨඃ ..
අ॒ග්නිග්ග් ස්වි॑ෂ්ට॒කෘත᳚ම් . අයා॑ඩ॒ග්නිර॒ග්නේඃ ප්රි॒යා ධාමා॑නි . අයා॒ට්ථ්සෝම॑ස්ය ප්රි॒යා ධාමා॑නි .. 14 ..
අයා॑ඩ॒ග්නේඃ ප්රි॒යා ධාමා॑නි . අයා᳚ට්ප්ර॒ජාප॑තේඃ ප්රි॒යා ධාමා॑නි . අයා॑ඩ॒ග්නීෂෝම॑යෝඃ ප්රි॒යා ධාමා॑නි . අයා॑ඩින්ද්රාග්නි॒යෝඃ ප්රි॒යා ධාමා॑නි .
අයා॒ඩින්ද්ර॑ස්ය ප්රි॒යා ධාමා॑නි . අයා᳚ණ්මහේ॒න්ද්රස්ය॑ ප්රි॒යා ධාමා॑නි . අයා᳚ඩ්දේ॒වානා॑-මාජ්ය॒පානා᳚-ම්ප්රි॒යා ධාමා॑නි . යක්ෂ॑ද॒ග්නේර්-හෝතුඃ॑ ප්රි॒යා ධාමා॑නි . යක්ෂ॒ථ්ස්ව-ම්ම॑හි॒මාන᳚ම් . ආය॑ජතා॒මේජ්යා॒ ඉෂඃ॑ . කෘ॒ණෝතු॒ සෝ අ॑ද්ධ්ව॒රා ජා॒තවේ॑දාඃ . ජු॒ෂතාග්ං॑ හ॒විඃ . අග්නේ॒ යද॒ද්ය වි॒ශෝ අ॑ද්ධ්වරස්ය හෝතඃ .
පාව॑ක ශෝචේ॒ වේෂ්ට්වග්ං හි යජ්වා᳚ . ඍ॒තා ය॑ජාසි මහි॒නා වි යද්භූඃ .
හ॒ව්යා ව॑හ යවිෂ්ඨ॒ යා තේ॑ අ॒ද්ය .. 15 ..
(අ॒ස්ත්ව॒ - ධ॒ත්ත॒ග්ං - ර॒යිං - ච॑ර්ෂණි॒ප්රාඃ - සෝම॑ස්ය ප්රි॒යා ධාමා॒ - නීෂ॒-ෂ්ෂට්ච॑) (අ. 7)
අනුවාකං 8 - ඉඩෝපාහ්වානාම්
උප॑හූතග්ං රථන්ත॒රග්ං ස॒හ පෘ॑ථි॒ව්යා .
උප॑ මා රථන්ත॒රග්ං ස॒හ පෘ॑ථි॒ව්යා හ්ව॑යතාම් .
උප॑හූතං-වාँමදේ॒ව්යග්ං ස॒හාන්තරි॑ක්ෂේණ .
උප॑ මා වාමදේ॒ව්යග්ං ස॒හාන්තරි॑ක්ෂේණ හ්වයතාම් .
උප॑ හූත-ම්බෘ॒හථ්ස॒හ දි॒වා . උප॑ මා බෘ॒හථ්ස॒හ දි॒වා හ්ව॑යතාම් . උප॑හූතා-ස්ස॒ප්ත හෝත්රාඃ᳚ .
උප॑ මා ස॒ප්ත හෝත්රා᳚ හ්වයන්තාම් . උප॑හූතා ධේ॒නු-ස්ස॒හර්ෂ॑භා . උප॑ මා ධේ॒නු-ස්ස॒හර්ෂ॑භා හ්වයතාම් .. 16 ..
උප॑හූතෝ භ॒ක්ෂ-ස්සඛා᳚ . උප॑ මා භ॒ක්ෂ-ස්සඛා᳚ හ්වයතාම් . උප॑හූ॒තාँ(4) හෝ . ඉඩෝප॑හූතා . උප॑හූ॒තේඩා᳚ . උපෝ॑ අ॒ස්මාග්ං ඉඩා᳚ හ්වයතාම් . ඉඩෝප॑හූතා . උප॑හූ॒තේඩා᳚ . මා॒න॒වී ඝෘ॒තප॑දී මෛත්රාවරු॒ණී .
බ්රහ්ම॑ දේ॒වකෘ॑ත॒මුප॑හූතම් .. 17 ..
දෛව්යා॑ අද්ධ්ව॒ර්යව॒ උප॑හූතාඃ . උප॑හූතා මනු॒ෂ්යාඃ᳚ . ය ඉ॒මං-යँ॒ජ්ඤමවාන්॑ . යේ ය॒ජ්ඤප॑තිං॒-වँර්ධාන්॑ . උප॑හූතේ॒ ද්යාවා॑පෘථි॒වී .
පූ॒ර්ව॒ජේ ඍ॒තාව॑රී . දේ॒වී දේ॒වපු॑ත්රේ . උප॑හූතෝ॒-(අ)යං-යँජ॑මානඃ . උත්ත॑රස්යා-න්දේවය॒ජ්යායා॒-මුප॑හූතඃ . භූය॑සි හවි॒ෂ්කර॑ණ॒ උප॑හූතඃ .
දි॒ව්යේ ධාම॒න්නුප॑හූතඃ .
ඉ॒ද-ම්මේ॑ දේ॒වා හ॒විර්ජු॑ෂන්තා॒මිති॒ තස්මි॒න්නුප॑හූතඃ .
විශ්ව॑මස්ය ප්රි॒යමුප॑හූතම් .
විශ්ව॑ස්ය ප්රි॒යස්යෝප॑හූත॒ස්යෝප॑හූතඃ .. 18 ..
(ස॒හර්ෂ॑භා හ්වයතා॒ - මුප॑හූතග්ං - හවි॒ෂ්කර॑ණ॒ උප॑හූතශ්ච॒ත්වාරි॑ ච) (අ. 8)
අනුවාකං 9 - අනූයාජාඃ
දේ॒ව-ම්බ॒ර්॒හිඃ . ව॒සු॒වනේ॑ වසු॒ධේය॑ස්ය වේතු . දේ॒වෝ නරා॒ශග්ං සඃ॑ . ව॒සු॒වනේ॑ වසු॒ධේය॑ස්ය වේතු . දේ॒වෝ අ॒ග්නි-ස්ස්වි॑ෂ්ට॒කෘත් . සු॒ද්රවි॑ණා ම॒න්ද්රඃ ක॒විඃ . ස॒ත්යම॑න්මා-(අ)(අ)ය॒ජී හෝතා᳚ . හෝතු॑ර්-හෝතු॒රාය॑ජීයාන් . අග්නේ॒ යාන්-දේ॒වානයා᳚ට් . යාග්ං අපි॑ප්රේඃ . යේ තේ॑ හෝ॒ත්රේ අම॑ථ්සත . තාග්ං ස॑ස॒නුෂී॒ග්ං॒ හෝත්රා᳚-න්දේව-ඞ්ග॒මාම් . දි॒වි දේ॒වේෂු॑ ය॒ජ්ඤමේර॑යේ॒මම් . ස්වි॒ෂ්ට॒කෘච්චාග්නේ॒ හෝතා-(අ)භූඃ᳚ .
ව॒සු॒වනේ॑ වසු॒ධේය॑ස්ය නමෝවා॒කේ වීහි॑ .. 19 ..
(අපි॑ප්රේඃ॒ පඤ්ච॑ ච) (අ. 9)
අනුවාකං 10 - සූක්තාවාකඃ
ඉ॒ද-න්ද්යා॑වාපෘථිවී භ॒ද්රම॑භූත් .
ආර්ධ්ම॑ සූක්තවා॒කම් . උ॒ත න॑මෝවා॒කම් .
ඍ॒ද්ධ්යාස්ම॑ සූ॒ක්තෝච්ය॑මග්නේ . ත්වග්ං සූ᳚ක්ත॒වාග॑සි .
උප॑ශ්රිතෝ දි॒වඃ පෘ॑ථි॒ව්යෝඃ . ඕම॑න්වතී තේ॒-(අ)ස්මින්. ය॒ජ්ඤේ ය॑ජමාන॒ ද්යාවා॑පෘථි॒වී ස්තා᳚ම් .
ශ॒ගං॒යේ ජී॒රදා॑නූ . අත්ර॑ස්නූ॒ අප්ර॑වේදේ .
උ॒රුග॑ව්යූතී අභය॒-ඞ්කෘතෞ᳚ .. 20 ..
වෘ॒ෂ්ටිද්යා॑වා රී॒ත්යා॑පා . ශ॒ම්භුවෞ॑ මයෝ॒භුවෞ᳚ .
ඌර්ජ॑ස්වතී ච॒ පය॑ස්වතී ච . සූ॒ප॒ච॒ර॒ණා ච॑ ස්වධිචර॒ණා ච॑ . තයෝ॑රා॒විදි॑ ..
අ॒ග්නිරි॒දග්ං හ॒විර॑ජුෂත . අවී॑වෘධත॒ මහෝ॒ ජ්යායෝ॑-(අ)කෘත . සෝම॑ ඉ॒දග්ං හ॒විර॑ජුෂත . අවී॑වෘධත॒ මහෝ॒ ජ්යායෝ॑-(අ)කෘත .
අ॒ග්නිරි॒දග්ං හ॒විර॑ජුෂත .. 21 ..
අවී॑වෘධත॒ මහෝ॒ ජ්යායෝ॑-(අ)කෘත . ප්ර॒ජාප॑තිරි॒දග්ං හ॒විර॑ජුෂත . අවී॑වෘධත॒ මහෝ॒ ජ්යායෝ॑-(අ)කෘත . අ॒ග්නීෂෝමා॑වි॒දග්ං හ॒විර॑ජුෂේතාම් .
අවී॑වෘධේතා॒-ම්මහෝ॒ ජ්යායෝ᳚-(අ)ක්රාතාම් .
ඉ॒න්ද්රා॒ග්නී ඉ॒දග්ං හ॒විර॑ජුෂේතාම් .
අවී॑වෘධේතා॒-ම්මහෝ॒ ජ්යායෝ᳚-(අ)ක්රාතාම් . ඉන්ද්ර॑ ඉ॒දග්ං හ॒විර॑ජුෂත . අවී॑වෘධත॒ මහෝ॒ ජ්යායෝ॑-(අ)කෘත . ම॒හේ॒න්ද්ර ඉ॒දග්ං හ॒විර॑ජුෂත .. 22 ..
අවී॑වෘධත॒ මහෝ॒ ජ්යායෝ॑-(අ)කෘත . දේ॒වා ආ᳚ජ්ය॒පා ආජ්ය॑මජුෂන්ත . අවී॑වෘධන්ත॒ මහෝ॒ ජ්යායෝ᳚-(අ)ක්රත . අ॒ග්නිර්හෝ॒ත්රේණේ॒දග්ං හ॒විර॑ජුෂත .
අවී॑වෘධත॒ මහෝ॒ ජ්යායෝ॑-(අ)කෘත .
අ॒ස්යාමෘධ॒-ද්ධෝත්රා॑යා-න්දේවඞ්ග॒මායා᳚ම් .
ආශා᳚ස්තේ॒-(අ)යං-යँජ॑මානෝ॒-(අ)සෞ ..
ආයු॒රාශා᳚ස්තේ . සු॒ප්ර॒ජා॒ස්ත්ව-මාශා᳚ස්තේ .
ස॒ජා॒ත॒ව॒න॒ස්යා-මාශා᳚ස්තේ .. 23 ..
උත්ත॑රා-න්දේවය॒ජ්යා-මාශා᳚ස්තේ . භූයෝ॑ හවි॒ෂ්කර॑ණ॒-මාශා᳚ස්තේ . දි॒ව්ය-න්ධාමාශා᳚ස්තේ . විශ්ව॑-ම්ප්රි॒යමාශා᳚ස්තේ . යද॒නේන॑ හ॒විෂා (අ)(අ)ශා᳚ස්තේ . තද॑ශ්යා॒ත්-තදෘ॑ද්ධ්යාත් . තද॑ස්මෛ දේ॒වා රා॑සන්තාම් . තද॒ග්නි-ර්දේ॒වෝ දේ॒වේභ්යෝ॒ වන॑තේ . ව॒යම॒ග්නේ-ර්මානු॑ෂාඃ . ඉ॒ෂ්ට-ඤ්ච॑ වී॒ත-ඤ්ච॑ . උ॒භේ ච॑ නෝ॒ ද්යාවා॑පෘථි॒වී අග්ංහ॑සස්පාතාම් .
ඉ॒හ ගති॑-ර්වා॒මස්යේ॒ද-ඤ්ච॑ . නමෝ॑ දේ॒වේභ්යඃ॑ .. 24 ..
(අ॒භ॒ය॒ඞ්කෘතා॑වකෘ - තා॒ග්නිරි॒දග්ං හ॒විර॑ජුෂත - මහේ॒න්ද්ර ඉ॒දග්ං හ॒විර॑ජුෂත - සජාතවන॒ස්යාමාශා᳚ස්තේ - වී॒ත-ඤ්ච॒ ත්රීණි॑ ච) (අ. 10)
අනුවාකං 11 - ශංයුँවාකඃ
තච්ඡං॒-යෝँරා වෘ॑ණීමහේ . ගා॒තුං-යँ॒ජ්ඤාය॑ . ගා॒තුං-යँ॒ජ්ඤප॑තයේ . දෛවී᳚ ස්ව॒ස්තිර॑ස්තු නඃ . ස්ව॒ස්ති-ර්මානු॑ෂේභ්යඃ . ඌ॒ර්ධ්ව-ඤ්ජි॑ගාතු භේෂ॒ජම් .
ශ-න්නෝ॑ අස්තු ද්වි॒පදේ᳚ . ශ-ඤ්චතු॑ෂ්පදේ .. 25 ..
(තච්ඡං॒-යෝँර॒ෂ්ටෞ) (අ. 11)
අනුවාකං 12 - පත්නීසංයාँජානාං-යාँජ්යානුවාක්යාඃ
ආ ප්යා॑යස්ව॒ සමේ॑තු තේ වි॒ශ්වතඃ॑ සෝම॒ වෘෂ්ණි॑යම් . භවා॒ වාජ॑ස්ය සඞ්ග॒ථේ .. ස-න්තේ॒ පයාග්ං ॑සි॒ සමු॑ යන්තු॒ වාජා॒-ස්සං-වෘँෂ්ණි॑යා-න්යභිමාති॒ෂාහඃ॑ . ආ॒ප්යාය॑මානෝ අ॒මෘතා॑ය සෝම දි॒වි ශ්රවාග්॑ස්යුත්ත॒මානි॑ ධිෂ්ව .. ..
ඉ॒හ ත්වෂ්ටා॑රමග්රි॒යං-විँ॒ශ්වරූ॑ප॒මුප॑ හ්වයේ . අ॒ස්මාක॑මස්තු॒ කේව॑ලඃ .. තන්න॑ස්තු॒රීප॒මධ॑ පෝෂයි॒ත්නු දේව॑ ත්වෂ්ට॒ර්වි ර॑රා॒ණ-ස්ස්ය॑ස්ව . යතෝ॑ වී॒රඃ ක॑ර්ම॒ණ්යඃ॑ සු॒දක්ෂෝ॑ යු॒ක්තග්රා॑වා॒ ජාය॑තේ දේ॒වකා॑මඃ .. ..
දේ॒වානා॒-ම්පත්නී॑රුශ॒තීර॑වන්තු නඃ . ප්රාව॑න්තු නස්තු॒ජයේ॒ වාජ॑සාතයේ . යාඃ පාර්ථි॑වාසෝ॒ යා අ॒පාමපි॑ ව්ර॒තේ . තා නෝ॑ දේවී-ස්සුහවා॒-ශ්ශර්ම॑ යච්ඡත .. උ॒ත ග්නා වි॑යන්තු දේ॒වප॑ත්නීඃ . ඉ॒න්ද්රා॒ණ්ය॑ග්නාය්ය॒ශ්විනී॒ රාට් . ආ රෝද॑සී වරුණා॒නී ශෘ॑ණෝතු .
වි॒යන්තු॑ දේ॒වීර්ය ඍ॒තුර්ජනී॑නාම් .. 26 ..
අ॒ග්නිර්-හෝතා॑ ගෘ॒හප॑ති॒-ස්ස රාජා᳚ . විශ්වා॑ වේද॒ ජනි॑මා ජා॒තවේ॑දාඃ . දේ॒වානා॑මු॒ත යෝ මර්ත්යා॑නාම් . යජි॑ෂ්ඨ॒-ස්ස ප්රය॑ජතාමෘ॒තාවා᳚ ..
ව॒යමු॑ ත්වා ගෘහපතේ॒ ජනා॑නාම් . අග්නේ॒ අක॑ර්ම ස॒මිධා॑ බෘ॒හන්ත᳚ම් . අ॒ස්ථූ॒රිණෝ॒ ගාර්හ॑පත්යානි සන්තු . ති॒ග්මේන॑ න॒ස්තේජ॑සා॒ සග්ංශි॑ශාධි .. 27 ..
(ජනී॑නා - +ම॒ෂ්ටෞ ච॑) (අ. 12)
අනුවාකං 13 - පත්නීසංයාँජේ සෝමාහ්වානම්
උප॑හූතග්ං රථන්ත॒රග්ං ස॒හ පෘ॑ථි॒ව්යා .
උප॑ මා රථන්ත॒රග්ං ස॒හ පෘ॑ථි॒ව්යා හ්ව॑යතාම් .
උප॑හූතං-වාँමදේ॒ව්යග්ං ස॒හාන්තරි॑ක්ෂේණ .
උප॑ මා වාමදේ॒ව්යග්ං ස॒හාන්තරි॑ක්ෂේණ හ්වයතාම් . උප॑හූත-ම්බෘ॒හථ්ස॒හ දි॒වා . උප॑ මා බෘ॒හථ්ස॒හ දි॒වා හ්ව॑යතාම් . උප॑හූතා-ස්ස॒ප්ත හෝත්රාඃ᳚ .
උප॑ මා ස॒ප්ත හෝත්රා᳚ හ්වයන්තාම් . උප॑හූතා ධේ॒නු-ස්ස॒හර්ෂ॑භා . උප॑ මා ධේ॒නු-ස්ස॒හර්ෂ॑භා හ්වයතාම් .. 28 ..
උප॑හූතෝ භ॒ක්ෂ-ස්සඛා᳚ . උප॑ මා භ॒ක්ෂ-ස්සඛා᳚ හ්වයතාම් . උප॑හූ॒තාँ(4) හෝ . ඉඩෝප॑හූතා . උප॑හූ॒තේඩා᳚ . උපෝ॑ අ॒ස්මාග්ං ඉඩා᳚ හ්වයතාම් . ඉඩෝප॑හූතා . උප॑හූ॒තේඩා᳚ . මා॒න॒වී ඝෘ॒තප॑දී මෛත්රාවරු॒ණී .
බ්රහ්ම॑ දේ॒වකෘ॑ත॒මුප॑හූතම් .. 29 ..
දෛව්යා॑ අද්ධ්ව॒ර්යව॒ උප॑හූතාඃ . උප॑හූතා මනු॒ෂ්යාඃ᳚ . ය ඉ॒මං-යँ॒ජ්ඤමවාන්॑ . යේ ය॒ජ්ඤප॑ත්නීං॒-වँර්ධාන්॑ . උප॑හූතේ॒ ද්යාවා॑පෘථි॒වී . පූ॒ර්ව॒ජේ ඍ॒තාව॑රී . දේ॒වී දේ॒වපු॑ත්රේ . උප॑හූතේ॒යං-යँජ॑මානා . ඉ॒න්ද්රා॒ණීවා॑විධ॒වා . අදි॑තිරිව සුපු॒ත්රා . උත්ත॑රස්යා-න්දේවය॒ජ්යායා॒-මුප॑හූතා .
භූය॑සි හවි॒ෂ්කර॑ණ॒ උප॑හූතා . දි॒ව්යේ ධාම॒න්නුප॑හූතා . ඉ॒ද-ම්මේ॑ දේ॒වා හ॒වි-ර්ජු॑ෂන්තා॒මිති॒ තස්මි॒-න්නුප॑හූතා . විශ්ව॑මස්යාඃ ප්රි॒යමුප॑හූතම් .
විශ්ව॑ස්ය ප්රි॒යස්යෝප॑හූත॒ස්යෝප॑හූතා .. 30 ..
(ස॒හර්ෂ॑භා හ්වයතා॒ - මුප॑හූතග්ං - සුපු॒ත්රා ෂට්ච॑) (අ. 13)
(ස॒ත්යං - ප්රවෝ - (අ)ග්නේ॑ ම॒හා - න॒ග්නිර්-හෝතා॑ - ස॒මිධෝ॒ - (අ)ග්නි-ර්වෘ॒ත්රාණ්ය॒ - ග්නි-ර්මූ॒ර්ධෝ - ප॑හූතං - දේ॒ව-ම්බ॒ර්॒හි - රි॒ද-න්ද්යා॑වාපෘථිවී॒ -තච්ඡං॒යෝँ- රා ප්යා॑ය॒ස්වෝ - ප॑හූත॒-න්ත්රයෝ॑දශ)
(ස॒ත්යං - ँව॒යග්ග් ස්යා॑ම - වෘ॒ෂ්ටිද්යා॑වා ත්රි॒ග්ං॒ශත්)
(ස॒ත්ය-මුප॑හූතා)
.. හරිඃ॑ ඕම් ..
.. කෘෂ්ණ යජුර්වේදීය තෛත්තිරීය බ්රාහ්මණේ තෘතීයාෂ්ටකේ පඤ්චම ප්රපාඨක-ස්සමාප්තඃ ..
Roman (IAST) Transliteration
kṛṣṇa yajurvedīya taittirīya brāhmaṇe tṛtīyāṣṭake pañcamaḥ prapāṭhakaḥ - iṣṭihautram
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
anuvākaṃ 1 - hoturjapaḥ purastā-thsāmidhenīnām
sa॒tya-mprapa̭dye | ṛ॒ta-mprapa̭dye |
a॒mṛta॒-mprapa̭dye |
pra॒jāpa̭teḥ pri॒yā-nta॒nuva॒manā᳚rtā॒-mprapa̭dye |
i॒dama॒ha-mpa̭ñcada॒śena॒ vajrḙṇa |
dvi॒ṣanta॒-mbhrātṛ̭vya॒mava̭krāmāmi |
yo᳚-'smā-ndveṣṭi̭ | ya-ñca̭ va॒ya-ndvi॒ṣmaḥ |
bhūrbhuva॒-ssuvaḥ̭ | him || 1 ||
(sa॒tya-ndaśa̭) (a. 1)
anuvākaṃ 2 - sāmidhenīmranvāha
pra vo॒ vājā̭ a॒bhidya̭vaḥ | ha॒viṣma̭nto ghṛ॒tācyā᳚ |
de॒vāñji̭gāti sumna॒yuḥ || agna॒ āyā̭hi vī॒taye᳚ | gṛ॒ṇā॒no ha॒vyadā̭taye | ni hotā̭ sathsi ba॒ra॒ḥiṣi̭ || ta-ntvā̭ sa॒midbhi̭raṅgiraḥ | ghṛ॒tena̭ vardhayāmasi | bṛ॒haccho̭cā yaviṣṭhya || sa naḥ̭ pṛ॒thu śra॒vāyya᳚m || 2 ||
acchā̭ deva vivāsasi | bṛ॒hada̭gne su॒vīrya᳚m ||
ī॒ḍenyo̭ nama॒sya̭sti॒raḥ | tamāgṃ̭si darśa॒taḥ | sama॒gniri̭ddhyate॒ vṛṣā᳚ || vṛṣo̭ a॒gni-ssami̭ddhyate | aśvo॒ na dḙva॒vāha̭naḥ |
tagṃ ha॒viṣma̭nta īḍate || vṛṣa̭ṇa-ntvā va॒yaṃ-vṛ~ṣanṋ | vṛṣā̭ṇa॒-ssami̭dhīmahi || 3 ||
agne॒ dīdya̭ta-mbṛ॒hat || a॒gni-ndū॒taṃ-vṛ~̭ṇīmahe |
hotā̭raṃ-vi~॒śvavḙdasam | a॒sya ya॒jñasya̭ su॒kratu᳚m || sa॒mi॒ddhyamā̭no addhva॒re | a॒gniḥ pā̭va॒ka īḍyaḥ̭ | śo॒ciṣkḙśa॒stamī̭mahe || sami̭ddho agna āhuta | de॒vān. ya̭kṣi svaddhvara | tvagṃ hi ha̭vya॒vāḍasi̭ ||
ājṷhota duva॒syata̭ | a॒gni-mpra̭ya॒tya̭ddhva॒re |
vṛ॒ṇī॒ddhvagṃ ha̭vya॒vāha̭nam ||
tvaṃ-va~rṷṇa u॒ta mi॒tro a̭gne | tvāṃ-va~̭rdhanti ma॒tibhi॒rvasi̭ṣṭhāḥ | tve vasṷ suṣaṇa॒nāni̭ santu | yū॒ya-mpā̭ta sva॒stibhi॒-ssadā̭ naḥ || 4 ||
(śra॒vāyya̭ - midhīma॒ - hyasi̭ sa॒pta ca̭) (a. 2)
anuvākaṃ 3 - praramuktvā nivido-'nūcya devatā āvāhayati
agnḙ ma॒hāgṃ a̭si brāhmaṇa bhārata | asā॒vasau᳚ ||
de॒veddho॒ manvi̭ddhaḥ | ṛṣi̭ṣṭuto॒ viprā̭numaditaḥ | ka॒vi॒śa॒sto brahma̭sagṃśito ghṛ॒tāha̭vanaḥ |
pra॒ṇī-rya॒jñānā᳚m | ra॒thīra̭ddhva॒rāṇā᳚m |
a॒tūrto॒ hotā᳚ | tūrṇi̭rhavya॒vāṭ |
āspātra̭-ñju॒hū-rde॒vānā᳚m || 5 ||
ca॒ma॒so dḙva॒pānaḥ̭ | a॒rāgṃ i̭vāgne ne॒mirde॒vāgstva-mpa̭ri॒bhūra̭si | āva̭ha de॒vān. yaja̭mānāya || a॒gnima̭gna॒ āva̭ha | soma॒māva̭ha |
a॒gnimāva̭ha | pra॒jāpa̭ti॒māva̭ha | a॒gnīṣomā॒vāva̭ha | i॒ndrā॒gnī āva̭ha | indra॒māva̭ha | ma॒he॒ndramāva̭ha | de॒vāgṃ ā᳚jya॒pāgṃ āva̭ha |
a॒gnigṃ ho॒trāyāva̭ha | sva-mma̭hi॒māna॒māva̭ha | ā cā᳚gne de॒vān. vaha̭ | su॒yajā̭ ca yaja jātavedaḥ || 6 ||
(de॒vānā॒-mindra॒māva̭ha॒ ṣaṭca̭) (a. 3)
anuvākaṃ 4 - srucāvādāpayati
a॒gnir-hotā॒ vetva॒gniḥ | ho॒traṃ-ve~᳚ttu prāvi॒tram | smo va॒yam | sā॒dhu tḙ yajamāna de॒vatā᳚ | ghṛ॒tava̭tī-maddhvaryo॒ sruca॒mā-'sya̭sva | de॒vā॒yuvaṃ̭-vi~॒śvavā̭rām | īḍā̭mahai de॒vāgṃ ī॒ḍenyāṋ |
na॒ma॒syāma̭ nama॒syāṋ | yajā̭ma ya॒jñiyāṋ || 7 ||
(a॒gnir-hotā॒ nava̭) (a. 4)
anuvākaṃ 5 - prayājāḥ
sa॒midho̭ agna॒ ājya̭sya viyantu | tanū॒napā̭dagna॒ ājya̭sya vetu | i॒ḍo a̭gna॒ ājya̭sya viyantu | ba॒r॒hira̭gna॒ ājya̭sya vetu | svāhā॒-'gnim | svāhā॒ soma᳚m | svāhā॒-'gnim | svāhā᳚ pra॒jāpa̭tim |
svāhā॒-'gnīṣomau᳚ | svāhe᳚ndrā॒gnī | svāhendra᳚m |
svāhā̭ mahe॒ndram | svāhā̭ de॒vāgṃ ā᳚jya॒pān | svāhā॒-'gnigṃ ho॒trājjṷṣā॒ṇāḥ |
agna॒ ājya̭sya viyantu || 8 ||
(i॒ndrā॒gnī pañca̭ ca) (a. 5)
anuvākaṃ 6 - ajyabhāgayoḥ puronuvākye
a॒gni-rvṛ॒trāṇi̭ jaṅghanat | dra॒vi॒ṇa॒syu-rvi̭pa॒nyayā᳚ |
sami̭ddha-śśu॒kra āhṷtaḥ | ju॒ṣā॒ṇo a॒gnirājya̭sya vetu | tvagṃ so̭māsi॒ satpa̭tiḥ | tvagṃ rājo॒ta vṛ̭tra॒hā |
tva-mbha॒dro a̭si॒ kratuḥ̭ | ju॒ṣā॒ṇa-ssoma॒ ājya̭sya ha॒viṣo̭ vetu | a॒gniḥ pra॒tnena॒ janma̭nā | śumbhā̭nasta॒nuva॒gg॒ svām |
ka॒vi-rviprḙṇa vāvṛdhe | ju॒ṣā॒ṇo a॒gnirājya̭sya vetu |
soma̭ gī॒rbhiṣṭvā̭ va॒yam | va॒rdhayā̭mo vaco॒vidaḥ̭ | su॒mṛ॒ḍī॒ko na॒ āvi̭śa |
ju॒ṣā॒ṇa-ssoma॒ ājya̭sya ha॒viṣo̭ vetu || 9 ||
(svāgṃ ṣaṭca̭) (a. 6)
anuvākaṃ 7 - haviṣāṃ-yā~jyānuvākyāḥ
a॒gni-rmū॒rdhā di॒vaḥ ka॒kut | patiḥ̭ pṛthi॒vyā a॒yam |
a॒pāgṃ retāgṃ̭si jinvati | bhuvo̭ ya॒jñasya॒ raja̭saśca ne॒tā | yatrā̭ ni॒yudbhi॒-ssaca̭se śi॒vābhiḥ̭ | di॒vi mū॒rdhāna̭-ndadhiṣe suva॒r॒ṣām |
ji॒hvāma̭gne cakṛṣe havya॒vāha᳚m | prajā̭pate॒ na tvade॒tānya॒nyaḥ | viśvā̭ jā॒tāni॒ pari॒ tā ba̭bhūva |
yat-kā̭māste juhu॒mastanno̭ astu || 10 ||
va॒yagg syā̭ma॒ pata̭yo rayī॒ṇām | sa vḙda pu॒traḥ pi॒tara॒gṃ॒ sa mā॒tara᳚m | sa sū॒nurbhṷva॒thsa bhṷva॒tpuna̭rmaghaḥ | sa dyāmaurṇo̭da॒ntari̭kṣa॒gṃ॒ sa suvaḥ̭ | sa viśvā॒ bhuvo̭ abhava॒thsa ā-'bha̭vat | agnī̭ṣomā॒ savḙdasā | sahṷ̄tī vanata॒-ṅgiraḥ̭ | sa-ndḙva॒trā ba̭bhūvathuḥ | yu॒vame॒tāni̭ di॒vi ro̭ca॒nāni̭ |
a॒gniśca̭ soma॒ sakra̭tū adhattam || 11 ||
yu॒vagṃ sindhūgṃ̭ ra॒bhiśa̭ste-rava॒dyāt | agnī̭ṣomā॒-vamṷñcata-ṅgṛbhī॒tān |
indrā᳚gnī roca॒nā di॒vaḥ | pari॒ vājḙṣu bhūṣathaḥ |
tadvā᳚-ñceti॒ pravī॒rya᳚m | śnatha̭dvṛ॒tramu॒ta sa̭noti॒ vāja᳚m | indrā॒ yo a॒gnī sahṷrī sapa॒ryāt |
i॒ra॒jyantā̭ vasa॒vya̭sya॒ bhūreḥ᳚ | saha̭stamā॒ saha̭sā vāja॒yantā᳚ | endra̭ sāna॒sigṃ ra॒yim || 12 ||
sa॒jitvā̭nagṃ sadā॒saha᳚m | varṣi̭ṣṭhamū॒tayḙ bhara | prasa̭sāhiṣe puruhūta॒ śatrūṋ | jyeṣṭha̭ste॒ śuṣma̭ i॒ha rā॒tira̭stu | indrābha̭ra॒ dakṣi̭ṇenā॒ vasṷ̄ni | pati॒-ssindhṷ̄nāmasi re॒vatī̭nām | ma॒hāgṃ indro॒ ya oja̭sā | pa॒rjanyo̭ vṛṣṭi॒māgṃ i̭va |
stomai᳚rva॒thsasya̭ vāvṛdhe |
ma॒hāṃ indro̭ nṛ॒vadāca̭rṣaṇi॒prāḥ || 13 ||
u॒ta dvi॒barhā̭ ami॒na-ssaho̭bhiḥ | a॒sma॒driya̭gvāvṛdhe vī॒ryā̭ya |
u॒ruḥ pṛ॒thu-ssukṛ̭taḥ ka॒rtṛbhi̭rbhūt |
pi॒prī॒hi de॒vāgṃ ṷśa॒to ya̭viṣṭha |
vi॒dvāṃ ṛtūgṃr-ṛ̭tupate yaje॒ha |
ye daivyā̭ ṛ॒tvija॒stebhi̭ragne |
tvagṃ hotṝ̭ṇāma॒syāya̭jiṣṭhaḥ ||
a॒gnigg svi̭ṣṭa॒kṛta᳚m | ayā̭ḍa॒gnira॒gneḥ pri॒yā dhāmā̭ni | ayā॒ṭthsoma̭sya pri॒yā dhāmā̭ni || 14 ||
ayā̭ḍa॒gneḥ pri॒yā dhāmā̭ni | ayā᳚ṭpra॒jāpa̭teḥ pri॒yā dhāmā̭ni | ayā̭ḍa॒gnīṣoma̭yoḥ pri॒yā dhāmā̭ni | ayā̭ḍindrāgni॒yoḥ pri॒yā dhāmā̭ni |
ayā॒ḍindra̭sya pri॒yā dhāmā̭ni | ayā᳚ṇmahe॒ndrasya̭ pri॒yā dhāmā̭ni | ayā᳚ḍde॒vānā̭-mājya॒pānā᳚-mpri॒yā dhāmā̭ni | yakṣa̭da॒gner-hotuḥ̭ pri॒yā dhāmā̭ni | yakṣa॒thsva-mma̭hi॒māna᳚m | āya̭jatā॒mejyā॒ iṣaḥ̭ | kṛ॒ṇotu॒ so a̭ddhva॒rā jā॒tavḙdāḥ | ju॒ṣatāgṃ̭ ha॒viḥ | agne॒ yada॒dya vi॒śo a̭ddhvarasya hotaḥ |
pāva̭ka śoce॒ veṣṭvagṃ hi yajvā᳚ | ṛ॒tā ya̭jāsi mahi॒nā vi yadbhūḥ |
ha॒vyā va̭ha yaviṣṭha॒ yā tḙ a॒dya || 15 ||
(a॒stva॒ - dha॒tta॒gṃ - ra॒yiṃ - ca̭rṣaṇi॒prāḥ - soma̭sya pri॒yā dhāmā॒ - nīṣa॒-ṣṣaṭca̭) (a. 7)
anuvākaṃ 8 - iḍopāhvānām
upa̭hūtagṃ rathanta॒ragṃ sa॒ha pṛ̭thi॒vyā |
upa̭ mā rathanta॒ragṃ sa॒ha pṛ̭thi॒vyā hva̭yatām |
upa̭hūtaṃ-vā~made॒vyagṃ sa॒hāntari̭kṣeṇa |
upa̭ mā vāmade॒vyagṃ sa॒hāntari̭kṣeṇa hvayatām |
upa̭ hūta-mbṛ॒hathsa॒ha di॒vā | upa̭ mā bṛ॒hathsa॒ha di॒vā hva̭yatām | upa̭hūtā-ssa॒pta hotrāḥ᳚ |
upa̭ mā sa॒pta hotrā᳚ hvayantām | upa̭hūtā dhe॒nu-ssa॒harṣa̭bhā | upa̭ mā dhe॒nu-ssa॒harṣa̭bhā hvayatām || 16 ||
upa̭hūto bha॒kṣa-ssakhā᳚ | upa̭ mā bha॒kṣa-ssakhā᳚ hvayatām | upa̭hū॒tā~(4) ho | iḍopa̭hūtā | upa̭hū॒teḍā᳚ | upo̭ a॒smāgṃ iḍā᳚ hvayatām | iḍopa̭hūtā | upa̭hū॒teḍā᳚ | mā॒na॒vī ghṛ॒tapa̭dī maitrāvaru॒ṇī |
brahma̭ de॒vakṛ̭ta॒mupa̭hūtam || 17 ||
daivyā̭ addhva॒ryava॒ upa̭hūtāḥ | upa̭hūtā manu॒ṣyāḥ᳚ | ya i॒maṃ-ya~॒jñamavāṋ | ye ya॒jñapa̭tiṃ॒-va~rdhāṋ | upa̭hūte॒ dyāvā̭pṛthi॒vī |
pū॒rva॒je ṛ॒tāva̭rī | de॒vī de॒vapṷtre | upa̭hūto॒-'yaṃ-ya~ja̭mānaḥ | utta̭rasyā-ndevaya॒jyāyā॒-mupa̭hūtaḥ | bhūya̭si havi॒ṣkara̭ṇa॒ upa̭hūtaḥ |
di॒vye dhāma॒nnupa̭hūtaḥ |
i॒da-mmḙ de॒vā ha॒virjṷṣantā॒miti॒ tasmi॒nnupa̭hūtaḥ |
viśva̭masya pri॒yamupa̭hūtam |
viśva̭sya pri॒yasyopa̭hūta॒syopa̭hūtaḥ || 18 ||
(sa॒harṣa̭bhā hvayatā॒ - mupa̭hūtagṃ - havi॒ṣkara̭ṇa॒ upa̭hūtaśca॒tvāri̭ ca) (a. 8)
anuvākaṃ 9 - anūyājāḥ
de॒va-mba॒r॒hiḥ | va॒su॒vanḙ vasu॒dheya̭sya vetu | de॒vo narā॒śagṃ saḥ̭ | va॒su॒vanḙ vasu॒dheya̭sya vetu | de॒vo a॒gni-ssvi̭ṣṭa॒kṛt | su॒dravi̭ṇā ma॒ndraḥ ka॒viḥ | sa॒tyama̭nmā-''ya॒jī hotā᳚ | hotṷr-hotu॒rāya̭jīyān | agne॒ yān-de॒vānayā᳚ṭ | yāgṃ api̭preḥ | ye tḙ ho॒tre ama̭thsata | tāgṃ sa̭sa॒nuṣī॒gṃ॒ hotrā᳚-ndeva-ṅga॒mām | di॒vi de॒veṣṷ ya॒jñamera̭ye॒mam | svi॒ṣṭa॒kṛccāgne॒ hotā-'bhūḥ᳚ |
va॒su॒vanḙ vasu॒dheya̭sya namovā॒ke vīhi̭ || 19 ||
(api̭preḥ॒ pañca̭ ca) (a. 9)
anuvākaṃ 10 - sūktāvākaḥ
i॒da-ndyā̭vāpṛthivī bha॒drama̭bhūt |
ārdhma̭ sūktavā॒kam | u॒ta na̭movā॒kam |
ṛ॒ddhyāsma̭ sū॒ktocya̭magne | tvagṃ sū᳚kta॒vāga̭si |
upa̭śrito di॒vaḥ pṛ̭thi॒vyoḥ | oma̭nvatī te॒-'smin. ya॒jñe ya̭jamāna॒ dyāvā̭pṛthi॒vī stā᳚m |
śa॒gaṃ॒ye jī॒radā̭nū | atra̭snū॒ apra̭vede |
u॒ruga̭vyūtī abhaya॒-ṅkṛtau᳚ || 20 ||
vṛ॒ṣṭidyā̭vā rī॒tyā̭pā | śa॒mbhuvaṷ mayo॒bhuvau᳚ |
ūrja̭svatī ca॒ paya̭svatī ca | sū॒pa॒ca॒ra॒ṇā ca̭ svadhicara॒ṇā ca̭ | tayo̭rā॒vidi̭ ||
a॒gniri॒dagṃ ha॒vira̭juṣata | avī̭vṛdhata॒ maho॒ jyāyo̭-'kṛta | soma̭ i॒dagṃ ha॒vira̭juṣata | avī̭vṛdhata॒ maho॒ jyāyo̭-'kṛta |
a॒gniri॒dagṃ ha॒vira̭juṣata || 21 ||
avī̭vṛdhata॒ maho॒ jyāyo̭-'kṛta | pra॒jāpa̭tiri॒dagṃ ha॒vira̭juṣata | avī̭vṛdhata॒ maho॒ jyāyo̭-'kṛta | a॒gnīṣomā̭vi॒dagṃ ha॒vira̭juṣetām |
avī̭vṛdhetā॒-mmaho॒ jyāyo᳚-'krātām |
i॒ndrā॒gnī i॒dagṃ ha॒vira̭juṣetām |
avī̭vṛdhetā॒-mmaho॒ jyāyo᳚-'krātām | indra̭ i॒dagṃ ha॒vira̭juṣata | avī̭vṛdhata॒ maho॒ jyāyo̭-'kṛta | ma॒he॒ndra i॒dagṃ ha॒vira̭juṣata || 22 ||
avī̭vṛdhata॒ maho॒ jyāyo̭-'kṛta | de॒vā ā᳚jya॒pā ājya̭majuṣanta | avī̭vṛdhanta॒ maho॒ jyāyo᳚-'krata | a॒gnirho॒treṇe॒dagṃ ha॒vira̭juṣata |
avī̭vṛdhata॒ maho॒ jyāyo̭-'kṛta |
a॒syāmṛdha॒-ddhotrā̭yā-ndevaṅga॒māyā᳚m |
āśā᳚ste॒-'yaṃ-ya~ja̭māno॒-'sau ||
āyu॒rāśā᳚ste | su॒pra॒jā॒stva-māśā᳚ste |
sa॒jā॒ta॒va॒na॒syā-māśā᳚ste || 23 ||
utta̭rā-ndevaya॒jyā-māśā᳚ste | bhūyo̭ havi॒ṣkara̭ṇa॒-māśā᳚ste | di॒vya-ndhāmāśā᳚ste | viśva̭-mpri॒yamāśā᳚ste | yada॒nena̭ ha॒viṣā ''śā᳚ste | tada̭śyā॒t-tadṛ̭ddhyāt | tada̭smai de॒vā rā̭santām | tada॒gni-rde॒vo de॒vebhyo॒ vana̭te | va॒yama॒gne-rmānṷṣāḥ | i॒ṣṭa-ñca̭ vī॒ta-ñca̭ | u॒bhe ca̭ no॒ dyāvā̭pṛthi॒vī agṃha̭saspātām |
i॒ha gati̭-rvā॒masye॒da-ñca̭ | namo̭ de॒vebhyaḥ̭ || 24 ||
(a॒bha॒ya॒ṅkṛtā̭vakṛ - tā॒gniri॒dagṃ ha॒vira̭juṣata - mahe॒ndra i॒dagṃ ha॒vira̭juṣata - sajātavana॒syāmāśā᳚ste - vī॒ta-ñca॒ trīṇi̭ ca) (a. 10)
anuvākaṃ 11 - śaṃyu~vākaḥ
tacchaṃ॒-yo~rā vṛ̭ṇīmahe | gā॒tuṃ-ya~॒jñāya̭ | gā॒tuṃ-ya~॒jñapa̭taye | daivī᳚ sva॒stira̭stu naḥ | sva॒sti-rmānṷṣebhyaḥ | ū॒rdhva-ñji̭gātu bheṣa॒jam |
śa-nno̭ astu dvi॒pade᳚ | śa-ñcatṷṣpade || 25 ||
(tacchaṃ॒-yo~ra॒ṣṭau) (a. 11)
anuvākaṃ 12 - patnīsaṃyā~jānāṃ-yā~jyānuvākyāḥ
ā pyā̭yasva॒ samḙtu te vi॒śvataḥ̭ soma॒ vṛṣṇi̭yam | bhavā॒ vāja̭sya saṅga॒the || sa-nte॒ payāgṃ ̭si॒ samṷ yantu॒ vājā॒-ssaṃ-vṛ~ṣṇi̭yā-nyabhimāti॒ṣāhaḥ̭ | ā॒pyāya̭māno a॒mṛtā̭ya soma di॒vi śravāg̭syutta॒māni̭ dhiṣva || ||
i॒ha tvaṣṭā̭ramagri॒yaṃ-vi~॒śvarṷ̄pa॒mupa̭ hvaye | a॒smāka̭mastu॒ keva̭laḥ || tanna̭stu॒rīpa॒madha̭ poṣayi॒tnu deva̭ tvaṣṭa॒rvi ra̭rā॒ṇa-ssya̭sva | yato̭ vī॒raḥ ka̭rma॒ṇyaḥ̭ su॒dakṣo̭ yu॒ktagrā̭vā॒ jāya̭te de॒vakā̭maḥ || ||
de॒vānā॒-mpatnī̭ruśa॒tīra̭vantu naḥ | prāva̭ntu nastu॒jaye॒ vāja̭sātaye | yāḥ pārthi̭vāso॒ yā a॒pāmapi̭ vra॒te | tā no̭ devī-ssuhavā॒-śśarma̭ yacchata || u॒ta gnā vi̭yantu de॒vapa̭tnīḥ | i॒ndrā॒ṇya̭gnāyya॒śvinī॒ rāṭ | ā roda̭sī varuṇā॒nī śṛ̭ṇotu |
vi॒yantṷ de॒vīrya ṛ॒turjanī̭nām || 26 ||
a॒gnir-hotā̭ gṛ॒hapa̭ti॒-ssa rājā᳚ | viśvā̭ veda॒ jani̭mā jā॒tavḙdāḥ | de॒vānā̭mu॒ta yo martyā̭nām | yaji̭ṣṭha॒-ssa praya̭jatāmṛ॒tāvā᳚ ||
va॒yamṷ tvā gṛhapate॒ janā̭nām | agne॒ aka̭rma sa॒midhā̭ bṛ॒hanta᳚m | a॒sthū॒riṇo॒ gārha̭patyāni santu | ti॒gmena̭ na॒steja̭sā॒ sagṃśi̭śādhi || 27 ||
(janī̭nā - +ma॒ṣṭau ca̭) (a. 12)
anuvākaṃ 13 - patnīsaṃyā~je somāhvānam
upa̭hūtagṃ rathanta॒ragṃ sa॒ha pṛ̭thi॒vyā |
upa̭ mā rathanta॒ragṃ sa॒ha pṛ̭thi॒vyā hva̭yatām |
upa̭hūtaṃ-vā~made॒vyagṃ sa॒hāntari̭kṣeṇa |
upa̭ mā vāmade॒vyagṃ sa॒hāntari̭kṣeṇa hvayatām | upa̭hūta-mbṛ॒hathsa॒ha di॒vā | upa̭ mā bṛ॒hathsa॒ha di॒vā hva̭yatām | upa̭hūtā-ssa॒pta hotrāḥ᳚ |
upa̭ mā sa॒pta hotrā᳚ hvayantām | upa̭hūtā dhe॒nu-ssa॒harṣa̭bhā | upa̭ mā dhe॒nu-ssa॒harṣa̭bhā hvayatām || 28 ||
upa̭hūto bha॒kṣa-ssakhā᳚ | upa̭ mā bha॒kṣa-ssakhā᳚ hvayatām | upa̭hū॒tā~(4) ho | iḍopa̭hūtā | upa̭hū॒teḍā᳚ | upo̭ a॒smāgṃ iḍā᳚ hvayatām | iḍopa̭hūtā | upa̭hū॒teḍā᳚ | mā॒na॒vī ghṛ॒tapa̭dī maitrāvaru॒ṇī |
brahma̭ de॒vakṛ̭ta॒mupa̭hūtam || 29 ||
daivyā̭ addhva॒ryava॒ upa̭hūtāḥ | upa̭hūtā manu॒ṣyāḥ᳚ | ya i॒maṃ-ya~॒jñamavāṋ | ye ya॒jñapa̭tnīṃ॒-va~rdhāṋ | upa̭hūte॒ dyāvā̭pṛthi॒vī | pū॒rva॒je ṛ॒tāva̭rī | de॒vī de॒vapṷtre | upa̭hūte॒yaṃ-ya~ja̭mānā | i॒ndrā॒ṇīvā̭vidha॒vā | adi̭tiriva supu॒trā | utta̭rasyā-ndevaya॒jyāyā॒-mupa̭hūtā |
bhūya̭si havi॒ṣkara̭ṇa॒ upa̭hūtā | di॒vye dhāma॒nnupa̭hūtā | i॒da-mmḙ de॒vā ha॒vi-rjṷṣantā॒miti॒ tasmi॒-nnupa̭hūtā | viśva̭masyāḥ pri॒yamupa̭hūtam |
viśva̭sya pri॒yasyopa̭hūta॒syopa̭hūtā || 30 ||
(sa॒harṣa̭bhā hvayatā॒ - mupa̭hūtagṃ - supu॒trā ṣaṭca̭) (a. 13)
(sa॒tyaṃ - pravo - 'gnḙ ma॒hā - na॒gnir-hotā̭ - sa॒midho॒ - 'gni-rvṛ॒trāṇya॒ - gni-rmū॒rdho - pa̭hūtaṃ - de॒va-mba॒r॒hi - ri॒da-ndyā̭vāpṛthivī॒ -tacchaṃ॒yo~- rā pyā̭ya॒svo - pa̭hūta॒-ntrayo̭daśa)
(sa॒tyaṃ - ~va॒yagg syā̭ma - vṛ॒ṣṭidyā̭vā tri॒gṃ॒śat)
(sa॒tya-mupa̭hūtā)
|| hariḥ̭ om ||
|| kṛṣṇa yajurvedīya taittirīya brāhmaṇe tṛtīyāṣṭake pañcama prapāṭhaka-ssamāptaḥ ||
Sanskrit — Devanagari (original)
कृष्ण यजुर्वेदीय तैत्तिरीय ब्राह्मणे तृतीयाष्टके पञ्चमः प्रपाठकः - इष्टिहौत्रम्
ओ-न्नमः परमात्मने, श्री महागणपतये नमः,
श्री गुरुभ्यो नमः । ह॒रिः॒ ओम् ॥
अनुवाकं 1 - होतुर्जपः पुरस्ता-थ्सामिधेनीनाम्
स॒त्य-म्प्रप॑द्ये । ऋ॒त-म्प्रप॑द्ये ।
अ॒मृत॒-म्प्रप॑द्ये ।
प्र॒जाप॑तेः प्रि॒या-न्त॒नुव॒मना᳚र्ता॒-म्प्रप॑द्ये ।
इ॒दम॒ह-म्प॑ञ्चद॒शेन॒ वज्रे॑ण ।
द्वि॒षन्त॒-म्भ्रातृ॑व्य॒मव॑क्रामामि ।
यो᳚-ऽस्मा-न्द्वेष्टि॑ । य-ञ्च॑ व॒य-न्द्वि॒ष्मः ।
भूर्भुव॒-स्सुवः॑ । हिम् ॥ 1 ॥
(स॒त्य-न्दश॑) (अ. 1)
अनुवाकं 2 - सामिधेनीम्रन्वाह
प्र वो॒ वाजा॑ अ॒भिद्य॑वः । ह॒विष्म॑न्तो घृ॒ताच्या᳚ ।
दे॒वाञ्जि॑गाति सुम्न॒युः ॥ अग्न॒ आया॑हि वी॒तये᳚ । गृ॒णा॒नो ह॒व्यदा॑तये । नि होता॑ सथ्सि ब॒र॒ःइषि॑ ॥ त-न्त्वा॑ स॒मिद्भि॑रङ्गिरः । घृ॒तेन॑ वर्धयामसि । बृ॒हच्छो॑चा यविष्ठ्य ॥ स नः॑ पृ॒थु श्र॒वाय्य᳚म् ॥ 2 ॥
अच्छा॑ देव विवाससि । बृ॒हद॑ग्ने सु॒वीर्य᳚म् ॥
ई॒डेन्यो॑ नम॒स्य॑स्ति॒रः । तमाग्ं॑सि दर्श॒तः । सम॒ग्निरि॑द्ध्यते॒ वृषा᳚ ॥ वृषो॑ अ॒ग्नि-स्समि॑द्ध्यते । अश्वो॒ न दे॑व॒वाह॑नः ।
तग्ं ह॒विष्म॑न्त ईडते ॥ वृष॑ण-न्त्वा व॒यं-वृँषन्न्॑ । वृषा॑ण॒-स्समि॑धीमहि ॥ 3 ॥
अग्ने॒ दीद्य॑त-म्बृ॒हत् ॥ अ॒ग्नि-न्दू॒तं-वृँ॑णीमहे ।
होता॑रं-विँ॒श्ववे॑दसम् । अ॒स्य य॒ज्ञस्य॑ सु॒क्रतु᳚म् ॥ स॒मि॒द्ध्यमा॑नो अद्ध्व॒रे । अ॒ग्निः पा॑व॒क ईड्यः॑ । शो॒चिष्के॑श॒स्तमी॑महे ॥ समि॑द्धो अग्न आहुत । दे॒वान्. य॑क्षि स्वद्ध्वर । त्वग्ं हि ह॑व्य॒वाडसि॑ ॥
आजु॑होत दुव॒स्यत॑ । अ॒ग्नि-म्प्र॑य॒त्य॑द्ध्व॒रे ।
वृ॒णी॒द्ध्वग्ं ह॑व्य॒वाह॑नम् ॥
त्वं-वँरु॑ण उ॒त मि॒त्रो अ॑ग्ने । त्वां-वँ॑र्धन्ति म॒तिभि॒र्वसि॑ष्ठाः । त्वे वसु॑ सुषण॒नानि॑ सन्तु । यू॒य-म्पा॑त स्व॒स्तिभि॒-स्सदा॑ नः ॥ 4 ॥
(श्र॒वाय्य॑ - मिधीम॒ - ह्यसि॑ स॒प्त च॑) (अ. 2)
अनुवाकं 3 - प्ररमुक्त्वा निविदो-ऽनूच्य देवता आवाहयति
अग्ने॑ म॒हाग्ं अ॑सि ब्राह्मण भारत । असा॒वसौ᳚ ॥
दे॒वेद्धो॒ मन्वि॑द्धः । ऋषि॑ष्टुतो॒ विप्रा॑नुमदितः । क॒वि॒श॒स्तो ब्रह्म॑सग्ंशितो घृ॒ताह॑वनः ।
प्र॒णी-र्य॒ज्ञाना᳚म् । र॒थीर॑द्ध्व॒राणा᳚म् ।
अ॒तूर्तो॒ होता᳚ । तूर्णि॑र्हव्य॒वाट् ।
आस्पात्र॑-ञ्जु॒हू-र्दे॒वाना᳚म् ॥ 5 ॥
च॒म॒सो दे॑व॒पानः॑ । अ॒राग्ं इ॑वाग्ने ने॒मिर्दे॒वाग्स्त्व-म्प॑रि॒भूर॑सि । आव॑ह दे॒वान्. यज॑मानाय ॥ अ॒ग्निम॑ग्न॒ आव॑ह । सोम॒माव॑ह ।
अ॒ग्निमाव॑ह । प्र॒जाप॑ति॒माव॑ह । अ॒ग्नीषोमा॒वाव॑ह । इ॒न्द्रा॒ग्नी आव॑ह । इन्द्र॒माव॑ह । म॒हे॒न्द्रमाव॑ह । दे॒वाग्ं आ᳚ज्य॒पाग्ं आव॑ह ।
अ॒ग्निग्ं हो॒त्रायाव॑ह । स्व-म्म॑हि॒मान॒माव॑ह । आ चा᳚ग्ने दे॒वान्. वह॑ । सु॒यजा॑ च यज जातवेदः ॥ 6 ॥
(दे॒वाना॒-मिन्द्र॒माव॑ह॒ षट्च॑) (अ. 3)
अनुवाकं 4 - स्रुचावादापयति
अ॒ग्निर्-होता॒ वेत्व॒ग्निः । हो॒त्रं-वेँ᳚त्तु प्रावि॒त्रम् । स्मो व॒यम् । सा॒धु ते॑ यजमान दे॒वता᳚ । घृ॒तव॑ती-मद्ध्वर्यो॒ स्रुच॒मा-ऽस्य॑स्व । दे॒वा॒युवं॑-विँ॒श्ववा॑राम् । ईडा॑महै दे॒वाग्ं ई॒डेन्यान्॑ ।
न॒म॒स्याम॑ नम॒स्यान्॑ । यजा॑म य॒ज्ञियान्॑ ॥ 7 ॥
(अ॒ग्निर्-होता॒ नव॑) (अ. 4)
अनुवाकं 5 - प्रयाजाः
स॒मिधो॑ अग्न॒ आज्य॑स्य वियन्तु । तनू॒नपा॑दग्न॒ आज्य॑स्य वेतु । इ॒डो अ॑ग्न॒ आज्य॑स्य वियन्तु । ब॒र्॒हिर॑ग्न॒ आज्य॑स्य वेतु । स्वाहा॒-ऽग्निम् । स्वाहा॒ सोम᳚म् । स्वाहा॒-ऽग्निम् । स्वाहा᳚ प्र॒जाप॑तिम् ।
स्वाहा॒-ऽग्नीषोमौ᳚ । स्वाहे᳚न्द्रा॒ग्नी । स्वाहेन्द्र᳚म् ।
स्वाहा॑ महे॒न्द्रम् । स्वाहा॑ दे॒वाग्ं आ᳚ज्य॒पान् । स्वाहा॒-ऽग्निग्ं हो॒त्राज्जु॑षा॒णाः ।
अग्न॒ आज्य॑स्य वियन्तु ॥ 8 ॥
(इ॒न्द्रा॒ग्नी पञ्च॑ च) (अ. 5)
अनुवाकं 6 - अज्यभागयोः पुरोनुवाक्ये
अ॒ग्नि-र्वृ॒त्राणि॑ जङ्घनत् । द्र॒वि॒ण॒स्यु-र्वि॑प॒न्यया᳚ ।
समि॑द्ध-श्शु॒क्र आहु॑तः । जु॒षा॒णो अ॒ग्निराज्य॑स्य वेतु । त्वग्ं सो॑मासि॒ सत्प॑तिः । त्वग्ं राजो॒त वृ॑त्र॒हा ।
त्व-म्भ॒द्रो अ॑सि॒ क्रतुः॑ । जु॒षा॒ण-स्सोम॒ आज्य॑स्य ह॒विषो॑ वेतु । अ॒ग्निः प्र॒त्नेन॒ जन्म॑ना । शुम्भा॑नस्त॒नुव॒ग्ग्॒ स्वाम् ।
क॒वि-र्विप्रे॑ण वावृधे । जु॒षा॒णो अ॒ग्निराज्य॑स्य वेतु ।
सोम॑ गी॒र्भिष्ट्वा॑ व॒यम् । व॒र्धया॑मो वचो॒विदः॑ । सु॒मृ॒डी॒को न॒ आवि॑श ।
जु॒षा॒ण-स्सोम॒ आज्य॑स्य ह॒विषो॑ वेतु ॥ 9 ॥
(स्वाग्ं षट्च॑) (अ. 6)
अनुवाकं 7 - हविषां-याँज्यानुवाक्याः
अ॒ग्नि-र्मू॒र्धा दि॒वः क॒कुत् । पतिः॑ पृथि॒व्या अ॒यम् ।
अ॒पाग्ं रेताग्ं॑सि जिन्वति । भुवो॑ य॒ज्ञस्य॒ रज॑सश्च ने॒ता । यत्रा॑ नि॒युद्भि॒-स्सच॑से शि॒वाभिः॑ । दि॒वि मू॒र्धान॑-न्दधिषे सुव॒र्॒षाम् ।
जि॒ह्वाम॑ग्ने चकृषे हव्य॒वाह᳚म् । प्रजा॑पते॒ न त्वदे॒तान्य॒न्यः । विश्वा॑ जा॒तानि॒ परि॒ ता ब॑भूव ।
यत्-का॑मास्ते जुहु॒मस्तन्नो॑ अस्तु ॥ 10 ॥
व॒यग्ग् स्या॑म॒ पत॑यो रयी॒णाम् । स वे॑द पु॒त्रः पि॒तर॒ग्ं॒ स मा॒तर᳚म् । स सू॒नुर्भु॑व॒थ्स भु॑व॒त्पुन॑र्मघः । स द्यामौर्णो॑द॒न्तरि॑क्ष॒ग्ं॒ स सुवः॑ । स विश्वा॒ भुवो॑ अभव॒थ्स आ-ऽभ॑वत् । अग्नी॑षोमा॒ सवे॑दसा । सहू॑ती वनत॒-ङ्गिरः॑ । स-न्दे॑व॒त्रा ब॑भूवथुः । यु॒वमे॒तानि॑ दि॒वि रो॑च॒नानि॑ ।
अ॒ग्निश्च॑ सोम॒ सक्र॑तू अधत्तम् ॥ 11 ॥
यु॒वग्ं सिन्धूग्ं॑ र॒भिश॑स्ते-रव॒द्यात् । अग्नी॑षोमा॒-वमु॑ञ्चत-ङ्गृभी॒तान् ।
इन्द्रा᳚ग्नी रोच॒ना दि॒वः । परि॒ वाजे॑षु भूषथः ।
तद्वा᳚-ञ्चेति॒ प्रवी॒र्य᳚म् । श्नथ॑द्वृ॒त्रमु॒त स॑नोति॒ वाज᳚म् । इन्द्रा॒ यो अ॒ग्नी सहु॑री सप॒र्यात् ।
इ॒र॒ज्यन्ता॑ वस॒व्य॑स्य॒ भूरेः᳚ । सह॑स्तमा॒ सह॑सा वाज॒यन्ता᳚ । एन्द्र॑ सान॒सिग्ं र॒यिम् ॥ 12 ॥
स॒जित्वा॑नग्ं सदा॒सह᳚म् । वर्षि॑ष्ठमू॒तये॑ भर । प्रस॑साहिषे पुरुहूत॒ शत्रून्॑ । ज्येष्ठ॑स्ते॒ शुष्म॑ इ॒ह रा॒तिर॑स्तु । इन्द्राभ॑र॒ दक्षि॑णेना॒ वसू॑नि । पति॒-स्सिन्धू॑नामसि रे॒वती॑नाम् । म॒हाग्ं इन्द्रो॒ य ओज॑सा । प॒र्जन्यो॑ वृष्टि॒माग्ं इ॑व ।
स्तोमै᳚र्व॒थ्सस्य॑ वावृधे ।
म॒हां इन्द्रो॑ नृ॒वदाच॑र्षणि॒प्राः ॥ 13 ॥
उ॒त द्वि॒बर्हा॑ अमि॒न-स्सहो॑भिः । अ॒स्म॒द्रिय॑ग्वावृधे वी॒र्या॑य ।
उ॒रुः पृ॒थु-स्सुकृ॑तः क॒र्तृभि॑र्भूत् ।
पि॒प्री॒हि दे॒वाग्ं उ॑श॒तो य॑विष्ठ ।
वि॒द्वां ऋतूग्ंर्-ऋ॑तुपते यजे॒ह ।
ये दैव्या॑ ऋ॒त्विज॒स्तेभि॑रग्ने ।
त्वग्ं होतॄ॑णाम॒स्याय॑जिष्ठः ॥
अ॒ग्निग्ग् स्वि॑ष्ट॒कृत᳚म् । अया॑ड॒ग्निर॒ग्नेः प्रि॒या धामा॑नि । अया॒ट्थ्सोम॑स्य प्रि॒या धामा॑नि ॥ 14 ॥
अया॑ड॒ग्नेः प्रि॒या धामा॑नि । अया᳚ट्प्र॒जाप॑तेः प्रि॒या धामा॑नि । अया॑ड॒ग्नीषोम॑योः प्रि॒या धामा॑नि । अया॑डिन्द्राग्नि॒योः प्रि॒या धामा॑नि ।
अया॒डिन्द्र॑स्य प्रि॒या धामा॑नि । अया᳚ण्महे॒न्द्रस्य॑ प्रि॒या धामा॑नि । अया᳚ड्दे॒वाना॑-माज्य॒पाना᳚-म्प्रि॒या धामा॑नि । यक्ष॑द॒ग्नेर्-होतुः॑ प्रि॒या धामा॑नि । यक्ष॒थ्स्व-म्म॑हि॒मान᳚म् । आय॑जता॒मेज्या॒ इषः॑ । कृ॒णोतु॒ सो अ॑द्ध्व॒रा जा॒तवे॑दाः । जु॒षताग्ं॑ ह॒विः । अग्ने॒ यद॒द्य वि॒शो अ॑द्ध्वरस्य होतः ।
पाव॑क शोचे॒ वेष्ट्वग्ं हि यज्वा᳚ । ऋ॒ता य॑जासि महि॒ना वि यद्भूः ।
ह॒व्या व॑ह यविष्ठ॒ या ते॑ अ॒द्य ॥ 15 ॥
(अ॒स्त्व॒ - ध॒त्त॒ग्ं - र॒यिं - च॑र्षणि॒प्राः - सोम॑स्य प्रि॒या धामा॒ - नीष॒-ष्षट्च॑) (अ. 7)
अनुवाकं 8 - इडोपाह्वानाम्
उप॑हूतग्ं रथन्त॒रग्ं स॒ह पृ॑थि॒व्या ।
उप॑ मा रथन्त॒रग्ं स॒ह पृ॑थि॒व्या ह्व॑यताम् ।
उप॑हूतं-वाँमदे॒व्यग्ं स॒हान्तरि॑क्षेण ।
उप॑ मा वामदे॒व्यग्ं स॒हान्तरि॑क्षेण ह्वयताम् ।
उप॑ हूत-म्बृ॒हथ्स॒ह दि॒वा । उप॑ मा बृ॒हथ्स॒ह दि॒वा ह्व॑यताम् । उप॑हूता-स्स॒प्त होत्राः᳚ ।
उप॑ मा स॒प्त होत्रा᳚ ह्वयन्ताम् । उप॑हूता धे॒नु-स्स॒हर्ष॑भा । उप॑ मा धे॒नु-स्स॒हर्ष॑भा ह्वयताम् ॥ 16 ॥
उप॑हूतो भ॒क्ष-स्सखा᳚ । उप॑ मा भ॒क्ष-स्सखा᳚ ह्वयताम् । उप॑हू॒ताँ(4) हो । इडोप॑हूता । उप॑हू॒तेडा᳚ । उपो॑ अ॒स्माग्ं इडा᳚ ह्वयताम् । इडोप॑हूता । उप॑हू॒तेडा᳚ । मा॒न॒वी घृ॒तप॑दी मैत्रावरु॒णी ।
ब्रह्म॑ दे॒वकृ॑त॒मुप॑हूतम् ॥ 17 ॥
दैव्या॑ अद्ध्व॒र्यव॒ उप॑हूताः । उप॑हूता मनु॒ष्याः᳚ । य इ॒मं-यँ॒ज्ञमवान्॑ । ये य॒ज्ञप॑तिं॒-वँर्धान्॑ । उप॑हूते॒ द्यावा॑पृथि॒वी ।
पू॒र्व॒जे ऋ॒ताव॑री । दे॒वी दे॒वपु॑त्रे । उप॑हूतो॒-ऽयं-यँज॑मानः । उत्त॑रस्या-न्देवय॒ज्याया॒-मुप॑हूतः । भूय॑सि हवि॒ष्कर॑ण॒ उप॑हूतः ।
दि॒व्ये धाम॒न्नुप॑हूतः ।
इ॒द-म्मे॑ दे॒वा ह॒विर्जु॑षन्ता॒मिति॒ तस्मि॒न्नुप॑हूतः ।
विश्व॑मस्य प्रि॒यमुप॑हूतम् ।
विश्व॑स्य प्रि॒यस्योप॑हूत॒स्योप॑हूतः ॥ 18 ॥
(स॒हर्ष॑भा ह्वयता॒ - मुप॑हूतग्ं - हवि॒ष्कर॑ण॒ उप॑हूतश्च॒त्वारि॑ च) (अ. 8)
अनुवाकं 9 - अनूयाजाः
दे॒व-म्ब॒र्॒हिः । व॒सु॒वने॑ वसु॒धेय॑स्य वेतु । दे॒वो नरा॒शग्ं सः॑ । व॒सु॒वने॑ वसु॒धेय॑स्य वेतु । दे॒वो अ॒ग्नि-स्स्वि॑ष्ट॒कृत् । सु॒द्रवि॑णा म॒न्द्रः क॒विः । स॒त्यम॑न्मा-ऽऽय॒जी होता᳚ । होतु॑र्-होतु॒राय॑जीयान् । अग्ने॒ यान्-दे॒वानया᳚ट् । याग्ं अपि॑प्रेः । ये ते॑ हो॒त्रे अम॑थ्सत । ताग्ं स॑स॒नुषी॒ग्ं॒ होत्रा᳚-न्देव-ङ्ग॒माम् । दि॒वि दे॒वेषु॑ य॒ज्ञमेर॑ये॒मम् । स्वि॒ष्ट॒कृच्चाग्ने॒ होता-ऽभूः᳚ ।
व॒सु॒वने॑ वसु॒धेय॑स्य नमोवा॒के वीहि॑ ॥ 19 ॥
(अपि॑प्रेः॒ पञ्च॑ च) (अ. 9)
अनुवाकं 10 - सूक्तावाकः
इ॒द-न्द्या॑वापृथिवी भ॒द्रम॑भूत् ।
आर्ध्म॑ सूक्तवा॒कम् । उ॒त न॑मोवा॒कम् ।
ऋ॒द्ध्यास्म॑ सू॒क्तोच्य॑मग्ने । त्वग्ं सू᳚क्त॒वाग॑सि ।
उप॑श्रितो दि॒वः पृ॑थि॒व्योः । ओम॑न्वती ते॒-ऽस्मिन्. य॒ज्ञे य॑जमान॒ द्यावा॑पृथि॒वी स्ता᳚म् ।
श॒गं॒ये जी॒रदा॑नू । अत्र॑स्नू॒ अप्र॑वेदे ।
उ॒रुग॑व्यूती अभय॒-ङ्कृतौ᳚ ॥ 20 ॥
वृ॒ष्टिद्या॑वा री॒त्या॑पा । श॒म्भुवौ॑ मयो॒भुवौ᳚ ।
ऊर्ज॑स्वती च॒ पय॑स्वती च । सू॒प॒च॒र॒णा च॑ स्वधिचर॒णा च॑ । तयो॑रा॒विदि॑ ॥
अ॒ग्निरि॒दग्ं ह॒विर॑जुषत । अवी॑वृधत॒ महो॒ ज्यायो॑-ऽकृत । सोम॑ इ॒दग्ं ह॒विर॑जुषत । अवी॑वृधत॒ महो॒ ज्यायो॑-ऽकृत ।
अ॒ग्निरि॒दग्ं ह॒विर॑जुषत ॥ 21 ॥
अवी॑वृधत॒ महो॒ ज्यायो॑-ऽकृत । प्र॒जाप॑तिरि॒दग्ं ह॒विर॑जुषत । अवी॑वृधत॒ महो॒ ज्यायो॑-ऽकृत । अ॒ग्नीषोमा॑वि॒दग्ं ह॒विर॑जुषेताम् ।
अवी॑वृधेता॒-म्महो॒ ज्यायो᳚-ऽक्राताम् ।
इ॒न्द्रा॒ग्नी इ॒दग्ं ह॒विर॑जुषेताम् ।
अवी॑वृधेता॒-म्महो॒ ज्यायो᳚-ऽक्राताम् । इन्द्र॑ इ॒दग्ं ह॒विर॑जुषत । अवी॑वृधत॒ महो॒ ज्यायो॑-ऽकृत । म॒हे॒न्द्र इ॒दग्ं ह॒विर॑जुषत ॥ 22 ॥
अवी॑वृधत॒ महो॒ ज्यायो॑-ऽकृत । दे॒वा आ᳚ज्य॒पा आज्य॑मजुषन्त । अवी॑वृधन्त॒ महो॒ ज्यायो᳚-ऽक्रत । अ॒ग्निर्हो॒त्रेणे॒दग्ं ह॒विर॑जुषत ।
अवी॑वृधत॒ महो॒ ज्यायो॑-ऽकृत ।
अ॒स्यामृध॒-द्धोत्रा॑या-न्देवङ्ग॒माया᳚म् ।
आशा᳚स्ते॒-ऽयं-यँज॑मानो॒-ऽसौ ॥
आयु॒राशा᳚स्ते । सु॒प्र॒जा॒स्त्व-माशा᳚स्ते ।
स॒जा॒त॒व॒न॒स्या-माशा᳚स्ते ॥ 23 ॥
उत्त॑रा-न्देवय॒ज्या-माशा᳚स्ते । भूयो॑ हवि॒ष्कर॑ण॒-माशा᳚स्ते । दि॒व्य-न्धामाशा᳚स्ते । विश्व॑-म्प्रि॒यमाशा᳚स्ते । यद॒नेन॑ ह॒विषा ऽऽशा᳚स्ते । तद॑श्या॒त्-तदृ॑द्ध्यात् । तद॑स्मै दे॒वा रा॑सन्ताम् । तद॒ग्नि-र्दे॒वो दे॒वेभ्यो॒ वन॑ते । व॒यम॒ग्ने-र्मानु॑षाः । इ॒ष्ट-ञ्च॑ वी॒त-ञ्च॑ । उ॒भे च॑ नो॒ द्यावा॑पृथि॒वी अग्ंह॑सस्पाताम् ।
इ॒ह गति॑-र्वा॒मस्ये॒द-ञ्च॑ । नमो॑ दे॒वेभ्यः॑ ॥ 24 ॥
(अ॒भ॒य॒ङ्कृता॑वकृ - ता॒ग्निरि॒दग्ं ह॒विर॑जुषत - महे॒न्द्र इ॒दग्ं ह॒विर॑जुषत - सजातवन॒स्यामाशा᳚स्ते - वी॒त-ञ्च॒ त्रीणि॑ च) (अ. 10)
अनुवाकं 11 - शंयुँवाकः
तच्छं॒-योँरा वृ॑णीमहे । गा॒तुं-यँ॒ज्ञाय॑ । गा॒तुं-यँ॒ज्ञप॑तये । दैवी᳚ स्व॒स्तिर॑स्तु नः । स्व॒स्ति-र्मानु॑षेभ्यः । ऊ॒र्ध्व-ञ्जि॑गातु भेष॒जम् ।
श-न्नो॑ अस्तु द्वि॒पदे᳚ । श-ञ्चतु॑ष्पदे ॥ 25 ॥
(तच्छं॒-योँर॒ष्टौ) (अ. 11)
अनुवाकं 12 - पत्नीसंयाँजानां-याँज्यानुवाक्याः
आ प्या॑यस्व॒ समे॑तु ते वि॒श्वतः॑ सोम॒ वृष्णि॑यम् । भवा॒ वाज॑स्य सङ्ग॒थे ॥ स-न्ते॒ पयाग्ं ॑सि॒ समु॑ यन्तु॒ वाजा॒-स्सं-वृँष्णि॑या-न्यभिमाति॒षाहः॑ । आ॒प्याय॑मानो अ॒मृता॑य सोम दि॒वि श्रवाग्॑स्युत्त॒मानि॑ धिष्व ॥ ॥
इ॒ह त्वष्टा॑रमग्रि॒यं-विँ॒श्वरू॑प॒मुप॑ ह्वये । अ॒स्माक॑मस्तु॒ केव॑लः ॥ तन्न॑स्तु॒रीप॒मध॑ पोषयि॒त्नु देव॑ त्वष्ट॒र्वि र॑रा॒ण-स्स्य॑स्व । यतो॑ वी॒रः क॑र्म॒ण्यः॑ सु॒दक्षो॑ यु॒क्तग्रा॑वा॒ जाय॑ते दे॒वका॑मः ॥ ॥
दे॒वाना॒-म्पत्नी॑रुश॒तीर॑वन्तु नः । प्राव॑न्तु नस्तु॒जये॒ वाज॑सातये । याः पार्थि॑वासो॒ या अ॒पामपि॑ व्र॒ते । ता नो॑ देवी-स्सुहवा॒-श्शर्म॑ यच्छत ॥ उ॒त ग्ना वि॑यन्तु दे॒वप॑त्नीः । इ॒न्द्रा॒ण्य॑ग्नाय्य॒श्विनी॒ राट् । आ रोद॑सी वरुणा॒नी शृ॑णोतु ।
वि॒यन्तु॑ दे॒वीर्य ऋ॒तुर्जनी॑नाम् ॥ 26 ॥
अ॒ग्निर्-होता॑ गृ॒हप॑ति॒-स्स राजा᳚ । विश्वा॑ वेद॒ जनि॑मा जा॒तवे॑दाः । दे॒वाना॑मु॒त यो मर्त्या॑नाम् । यजि॑ष्ठ॒-स्स प्रय॑जतामृ॒तावा᳚ ॥
व॒यमु॑ त्वा गृहपते॒ जना॑नाम् । अग्ने॒ अक॑र्म स॒मिधा॑ बृ॒हन्त᳚म् । अ॒स्थू॒रिणो॒ गार्ह॑पत्यानि सन्तु । ति॒ग्मेन॑ न॒स्तेज॑सा॒ सग्ंशि॑शाधि ॥ 27 ॥
(जनी॑ना - +म॒ष्टौ च॑) (अ. 12)
अनुवाकं 13 - पत्नीसंयाँजे सोमाह्वानम्
उप॑हूतग्ं रथन्त॒रग्ं स॒ह पृ॑थि॒व्या ।
उप॑ मा रथन्त॒रग्ं स॒ह पृ॑थि॒व्या ह्व॑यताम् ।
उप॑हूतं-वाँमदे॒व्यग्ं स॒हान्तरि॑क्षेण ।
उप॑ मा वामदे॒व्यग्ं स॒हान्तरि॑क्षेण ह्वयताम् । उप॑हूत-म्बृ॒हथ्स॒ह दि॒वा । उप॑ मा बृ॒हथ्स॒ह दि॒वा ह्व॑यताम् । उप॑हूता-स्स॒प्त होत्राः᳚ ।
उप॑ मा स॒प्त होत्रा᳚ ह्वयन्ताम् । उप॑हूता धे॒नु-स्स॒हर्ष॑भा । उप॑ मा धे॒नु-स्स॒हर्ष॑भा ह्वयताम् ॥ 28 ॥
उप॑हूतो भ॒क्ष-स्सखा᳚ । उप॑ मा भ॒क्ष-स्सखा᳚ ह्वयताम् । उप॑हू॒ताँ(4) हो । इडोप॑हूता । उप॑हू॒तेडा᳚ । उपो॑ अ॒स्माग्ं इडा᳚ ह्वयताम् । इडोप॑हूता । उप॑हू॒तेडा᳚ । मा॒न॒वी घृ॒तप॑दी मैत्रावरु॒णी ।
ब्रह्म॑ दे॒वकृ॑त॒मुप॑हूतम् ॥ 29 ॥
दैव्या॑ अद्ध्व॒र्यव॒ उप॑हूताः । उप॑हूता मनु॒ष्याः᳚ । य इ॒मं-यँ॒ज्ञमवान्॑ । ये य॒ज्ञप॑त्नीं॒-वँर्धान्॑ । उप॑हूते॒ द्यावा॑पृथि॒वी । पू॒र्व॒जे ऋ॒ताव॑री । दे॒वी दे॒वपु॑त्रे । उप॑हूते॒यं-यँज॑माना । इ॒न्द्रा॒णीवा॑विध॒वा । अदि॑तिरिव सुपु॒त्रा । उत्त॑रस्या-न्देवय॒ज्याया॒-मुप॑हूता ।
भूय॑सि हवि॒ष्कर॑ण॒ उप॑हूता । दि॒व्ये धाम॒न्नुप॑हूता । इ॒द-म्मे॑ दे॒वा ह॒वि-र्जु॑षन्ता॒मिति॒ तस्मि॒-न्नुप॑हूता । विश्व॑मस्याः प्रि॒यमुप॑हूतम् ।
विश्व॑स्य प्रि॒यस्योप॑हूत॒स्योप॑हूता ॥ 30 ॥
(स॒हर्ष॑भा ह्वयता॒ - मुप॑हूतग्ं - सुपु॒त्रा षट्च॑) (अ. 13)
(स॒त्यं - प्रवो - ऽग्ने॑ म॒हा - न॒ग्निर्-होता॑ - स॒मिधो॒ - ऽग्नि-र्वृ॒त्राण्य॒ - ग्नि-र्मू॒र्धो - प॑हूतं - दे॒व-म्ब॒र्॒हि - रि॒द-न्द्या॑वापृथिवी॒ -तच्छं॒योँ- रा प्या॑य॒स्वो - प॑हूत॒-न्त्रयो॑दश)
(स॒त्यं - ँव॒यग्ग् स्या॑म - वृ॒ष्टिद्या॑वा त्रि॒ग्ं॒शत्)
(स॒त्य-मुप॑हूता)
॥ हरिः॑ ओम् ॥
॥ कृष्ण यजुर्वेदीय तैत्तिरीय ब्राह्मणे तृतीयाष्टके पञ्चम प्रपाठक-स्समाप्तः ॥
kṛṣṇa yajurvedīya taittirīya brāhmaṇe tṛtīyāṣṭake pañcamaḥ prapāṭhakaḥ - iṣṭihautram
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
anuvākaṃ 1 - hoturjapaḥ purastā-thsāmidhenīnām
sa॒tya-mprapa̭dye | ṛ॒ta-mprapa̭dye |
a॒mṛta॒-mprapa̭dye |
pra॒jāpa̭teḥ pri॒yā-nta॒nuva॒manā᳚rtā॒-mprapa̭dye |
i॒dama॒ha-mpa̭ñcada॒śena॒ vajrḙṇa |
dvi॒ṣanta॒-mbhrātṛ̭vya॒mava̭krāmāmi |
yo᳚-'smā-ndveṣṭi̭ | ya-ñca̭ va॒ya-ndvi॒ṣmaḥ |
bhūrbhuva॒-ssuvaḥ̭ | him || 1 ||
(sa॒tya-ndaśa̭) (a. 1)
anuvākaṃ 2 - sāmidhenīmranvāha
pra vo॒ vājā̭ a॒bhidya̭vaḥ | ha॒viṣma̭nto ghṛ॒tācyā᳚ |
de॒vāñji̭gāti sumna॒yuḥ || agna॒ āyā̭hi vī॒taye᳚ | gṛ॒ṇā॒no ha॒vyadā̭taye | ni hotā̭ sathsi ba॒ra॒ḥiṣi̭ || ta-ntvā̭ sa॒midbhi̭raṅgiraḥ | ghṛ॒tena̭ vardhayāmasi | bṛ॒haccho̭cā yaviṣṭhya || sa naḥ̭ pṛ॒thu śra॒vāyya᳚m || 2 ||
acchā̭ deva vivāsasi | bṛ॒hada̭gne su॒vīrya᳚m ||
ī॒ḍenyo̭ nama॒sya̭sti॒raḥ | tamāgṃ̭si darśa॒taḥ | sama॒gniri̭ddhyate॒ vṛṣā᳚ || vṛṣo̭ a॒gni-ssami̭ddhyate | aśvo॒ na dḙva॒vāha̭naḥ |
tagṃ ha॒viṣma̭nta īḍate || vṛṣa̭ṇa-ntvā va॒yaṃ-vṛ~ṣanṋ | vṛṣā̭ṇa॒-ssami̭dhīmahi || 3 ||
agne॒ dīdya̭ta-mbṛ॒hat || a॒gni-ndū॒taṃ-vṛ~̭ṇīmahe |
hotā̭raṃ-vi~॒śvavḙdasam | a॒sya ya॒jñasya̭ su॒kratu᳚m || sa॒mi॒ddhyamā̭no addhva॒re | a॒gniḥ pā̭va॒ka īḍyaḥ̭ | śo॒ciṣkḙśa॒stamī̭mahe || sami̭ddho agna āhuta | de॒vān. ya̭kṣi svaddhvara | tvagṃ hi ha̭vya॒vāḍasi̭ ||
ājṷhota duva॒syata̭ | a॒gni-mpra̭ya॒tya̭ddhva॒re |
vṛ॒ṇī॒ddhvagṃ ha̭vya॒vāha̭nam ||
tvaṃ-va~rṷṇa u॒ta mi॒tro a̭gne | tvāṃ-va~̭rdhanti ma॒tibhi॒rvasi̭ṣṭhāḥ | tve vasṷ suṣaṇa॒nāni̭ santu | yū॒ya-mpā̭ta sva॒stibhi॒-ssadā̭ naḥ || 4 ||
(śra॒vāyya̭ - midhīma॒ - hyasi̭ sa॒pta ca̭) (a. 2)
anuvākaṃ 3 - praramuktvā nivido-'nūcya devatā āvāhayati
agnḙ ma॒hāgṃ a̭si brāhmaṇa bhārata | asā॒vasau᳚ ||
de॒veddho॒ manvi̭ddhaḥ | ṛṣi̭ṣṭuto॒ viprā̭numaditaḥ | ka॒vi॒śa॒sto brahma̭sagṃśito ghṛ॒tāha̭vanaḥ |
pra॒ṇī-rya॒jñānā᳚m | ra॒thīra̭ddhva॒rāṇā᳚m |
a॒tūrto॒ hotā᳚ | tūrṇi̭rhavya॒vāṭ |
āspātra̭-ñju॒hū-rde॒vānā᳚m || 5 ||
ca॒ma॒so dḙva॒pānaḥ̭ | a॒rāgṃ i̭vāgne ne॒mirde॒vāgstva-mpa̭ri॒bhūra̭si | āva̭ha de॒vān. yaja̭mānāya || a॒gnima̭gna॒ āva̭ha | soma॒māva̭ha |
a॒gnimāva̭ha | pra॒jāpa̭ti॒māva̭ha | a॒gnīṣomā॒vāva̭ha | i॒ndrā॒gnī āva̭ha | indra॒māva̭ha | ma॒he॒ndramāva̭ha | de॒vāgṃ ā᳚jya॒pāgṃ āva̭ha |
a॒gnigṃ ho॒trāyāva̭ha | sva-mma̭hi॒māna॒māva̭ha | ā cā᳚gne de॒vān. vaha̭ | su॒yajā̭ ca yaja jātavedaḥ || 6 ||
(de॒vānā॒-mindra॒māva̭ha॒ ṣaṭca̭) (a. 3)
anuvākaṃ 4 - srucāvādāpayati
a॒gnir-hotā॒ vetva॒gniḥ | ho॒traṃ-ve~᳚ttu prāvi॒tram | smo va॒yam | sā॒dhu tḙ yajamāna de॒vatā᳚ | ghṛ॒tava̭tī-maddhvaryo॒ sruca॒mā-'sya̭sva | de॒vā॒yuvaṃ̭-vi~॒śvavā̭rām | īḍā̭mahai de॒vāgṃ ī॒ḍenyāṋ |
na॒ma॒syāma̭ nama॒syāṋ | yajā̭ma ya॒jñiyāṋ || 7 ||
(a॒gnir-hotā॒ nava̭) (a. 4)
anuvākaṃ 5 - prayājāḥ
sa॒midho̭ agna॒ ājya̭sya viyantu | tanū॒napā̭dagna॒ ājya̭sya vetu | i॒ḍo a̭gna॒ ājya̭sya viyantu | ba॒r॒hira̭gna॒ ājya̭sya vetu | svāhā॒-'gnim | svāhā॒ soma᳚m | svāhā॒-'gnim | svāhā᳚ pra॒jāpa̭tim |
svāhā॒-'gnīṣomau᳚ | svāhe᳚ndrā॒gnī | svāhendra᳚m |
svāhā̭ mahe॒ndram | svāhā̭ de॒vāgṃ ā᳚jya॒pān | svāhā॒-'gnigṃ ho॒trājjṷṣā॒ṇāḥ |
agna॒ ājya̭sya viyantu || 8 ||
(i॒ndrā॒gnī pañca̭ ca) (a. 5)
anuvākaṃ 6 - ajyabhāgayoḥ puronuvākye
a॒gni-rvṛ॒trāṇi̭ jaṅghanat | dra॒vi॒ṇa॒syu-rvi̭pa॒nyayā᳚ |
sami̭ddha-śśu॒kra āhṷtaḥ | ju॒ṣā॒ṇo a॒gnirājya̭sya vetu | tvagṃ so̭māsi॒ satpa̭tiḥ | tvagṃ rājo॒ta vṛ̭tra॒hā |
tva-mbha॒dro a̭si॒ kratuḥ̭ | ju॒ṣā॒ṇa-ssoma॒ ājya̭sya ha॒viṣo̭ vetu | a॒gniḥ pra॒tnena॒ janma̭nā | śumbhā̭nasta॒nuva॒gg॒ svām |
ka॒vi-rviprḙṇa vāvṛdhe | ju॒ṣā॒ṇo a॒gnirājya̭sya vetu |
soma̭ gī॒rbhiṣṭvā̭ va॒yam | va॒rdhayā̭mo vaco॒vidaḥ̭ | su॒mṛ॒ḍī॒ko na॒ āvi̭śa |
ju॒ṣā॒ṇa-ssoma॒ ājya̭sya ha॒viṣo̭ vetu || 9 ||
(svāgṃ ṣaṭca̭) (a. 6)
anuvākaṃ 7 - haviṣāṃ-yā~jyānuvākyāḥ
a॒gni-rmū॒rdhā di॒vaḥ ka॒kut | patiḥ̭ pṛthi॒vyā a॒yam |
a॒pāgṃ retāgṃ̭si jinvati | bhuvo̭ ya॒jñasya॒ raja̭saśca ne॒tā | yatrā̭ ni॒yudbhi॒-ssaca̭se śi॒vābhiḥ̭ | di॒vi mū॒rdhāna̭-ndadhiṣe suva॒r॒ṣām |
ji॒hvāma̭gne cakṛṣe havya॒vāha᳚m | prajā̭pate॒ na tvade॒tānya॒nyaḥ | viśvā̭ jā॒tāni॒ pari॒ tā ba̭bhūva |
yat-kā̭māste juhu॒mastanno̭ astu || 10 ||
va॒yagg syā̭ma॒ pata̭yo rayī॒ṇām | sa vḙda pu॒traḥ pi॒tara॒gṃ॒ sa mā॒tara᳚m | sa sū॒nurbhṷva॒thsa bhṷva॒tpuna̭rmaghaḥ | sa dyāmaurṇo̭da॒ntari̭kṣa॒gṃ॒ sa suvaḥ̭ | sa viśvā॒ bhuvo̭ abhava॒thsa ā-'bha̭vat | agnī̭ṣomā॒ savḙdasā | sahṷ̄tī vanata॒-ṅgiraḥ̭ | sa-ndḙva॒trā ba̭bhūvathuḥ | yu॒vame॒tāni̭ di॒vi ro̭ca॒nāni̭ |
a॒gniśca̭ soma॒ sakra̭tū adhattam || 11 ||
yu॒vagṃ sindhūgṃ̭ ra॒bhiśa̭ste-rava॒dyāt | agnī̭ṣomā॒-vamṷñcata-ṅgṛbhī॒tān |
indrā᳚gnī roca॒nā di॒vaḥ | pari॒ vājḙṣu bhūṣathaḥ |
tadvā᳚-ñceti॒ pravī॒rya᳚m | śnatha̭dvṛ॒tramu॒ta sa̭noti॒ vāja᳚m | indrā॒ yo a॒gnī sahṷrī sapa॒ryāt |
i॒ra॒jyantā̭ vasa॒vya̭sya॒ bhūreḥ᳚ | saha̭stamā॒ saha̭sā vāja॒yantā᳚ | endra̭ sāna॒sigṃ ra॒yim || 12 ||
sa॒jitvā̭nagṃ sadā॒saha᳚m | varṣi̭ṣṭhamū॒tayḙ bhara | prasa̭sāhiṣe puruhūta॒ śatrūṋ | jyeṣṭha̭ste॒ śuṣma̭ i॒ha rā॒tira̭stu | indrābha̭ra॒ dakṣi̭ṇenā॒ vasṷ̄ni | pati॒-ssindhṷ̄nāmasi re॒vatī̭nām | ma॒hāgṃ indro॒ ya oja̭sā | pa॒rjanyo̭ vṛṣṭi॒māgṃ i̭va |
stomai᳚rva॒thsasya̭ vāvṛdhe |
ma॒hāṃ indro̭ nṛ॒vadāca̭rṣaṇi॒prāḥ || 13 ||
u॒ta dvi॒barhā̭ ami॒na-ssaho̭bhiḥ | a॒sma॒driya̭gvāvṛdhe vī॒ryā̭ya |
u॒ruḥ pṛ॒thu-ssukṛ̭taḥ ka॒rtṛbhi̭rbhūt |
pi॒prī॒hi de॒vāgṃ ṷśa॒to ya̭viṣṭha |
vi॒dvāṃ ṛtūgṃr-ṛ̭tupate yaje॒ha |
ye daivyā̭ ṛ॒tvija॒stebhi̭ragne |
tvagṃ hotṝ̭ṇāma॒syāya̭jiṣṭhaḥ ||
a॒gnigg svi̭ṣṭa॒kṛta᳚m | ayā̭ḍa॒gnira॒gneḥ pri॒yā dhāmā̭ni | ayā॒ṭthsoma̭sya pri॒yā dhāmā̭ni || 14 ||
ayā̭ḍa॒gneḥ pri॒yā dhāmā̭ni | ayā᳚ṭpra॒jāpa̭teḥ pri॒yā dhāmā̭ni | ayā̭ḍa॒gnīṣoma̭yoḥ pri॒yā dhāmā̭ni | ayā̭ḍindrāgni॒yoḥ pri॒yā dhāmā̭ni |
ayā॒ḍindra̭sya pri॒yā dhāmā̭ni | ayā᳚ṇmahe॒ndrasya̭ pri॒yā dhāmā̭ni | ayā᳚ḍde॒vānā̭-mājya॒pānā᳚-mpri॒yā dhāmā̭ni | yakṣa̭da॒gner-hotuḥ̭ pri॒yā dhāmā̭ni | yakṣa॒thsva-mma̭hi॒māna᳚m | āya̭jatā॒mejyā॒ iṣaḥ̭ | kṛ॒ṇotu॒ so a̭ddhva॒rā jā॒tavḙdāḥ | ju॒ṣatāgṃ̭ ha॒viḥ | agne॒ yada॒dya vi॒śo a̭ddhvarasya hotaḥ |
pāva̭ka śoce॒ veṣṭvagṃ hi yajvā᳚ | ṛ॒tā ya̭jāsi mahi॒nā vi yadbhūḥ |
ha॒vyā va̭ha yaviṣṭha॒ yā tḙ a॒dya || 15 ||
(a॒stva॒ - dha॒tta॒gṃ - ra॒yiṃ - ca̭rṣaṇi॒prāḥ - soma̭sya pri॒yā dhāmā॒ - nīṣa॒-ṣṣaṭca̭) (a. 7)
anuvākaṃ 8 - iḍopāhvānām
upa̭hūtagṃ rathanta॒ragṃ sa॒ha pṛ̭thi॒vyā |
upa̭ mā rathanta॒ragṃ sa॒ha pṛ̭thi॒vyā hva̭yatām |
upa̭hūtaṃ-vā~made॒vyagṃ sa॒hāntari̭kṣeṇa |
upa̭ mā vāmade॒vyagṃ sa॒hāntari̭kṣeṇa hvayatām |
upa̭ hūta-mbṛ॒hathsa॒ha di॒vā | upa̭ mā bṛ॒hathsa॒ha di॒vā hva̭yatām | upa̭hūtā-ssa॒pta hotrāḥ᳚ |
upa̭ mā sa॒pta hotrā᳚ hvayantām | upa̭hūtā dhe॒nu-ssa॒harṣa̭bhā | upa̭ mā dhe॒nu-ssa॒harṣa̭bhā hvayatām || 16 ||
upa̭hūto bha॒kṣa-ssakhā᳚ | upa̭ mā bha॒kṣa-ssakhā᳚ hvayatām | upa̭hū॒tā~(4) ho | iḍopa̭hūtā | upa̭hū॒teḍā᳚ | upo̭ a॒smāgṃ iḍā᳚ hvayatām | iḍopa̭hūtā | upa̭hū॒teḍā᳚ | mā॒na॒vī ghṛ॒tapa̭dī maitrāvaru॒ṇī |
brahma̭ de॒vakṛ̭ta॒mupa̭hūtam || 17 ||
daivyā̭ addhva॒ryava॒ upa̭hūtāḥ | upa̭hūtā manu॒ṣyāḥ᳚ | ya i॒maṃ-ya~॒jñamavāṋ | ye ya॒jñapa̭tiṃ॒-va~rdhāṋ | upa̭hūte॒ dyāvā̭pṛthi॒vī |
pū॒rva॒je ṛ॒tāva̭rī | de॒vī de॒vapṷtre | upa̭hūto॒-'yaṃ-ya~ja̭mānaḥ | utta̭rasyā-ndevaya॒jyāyā॒-mupa̭hūtaḥ | bhūya̭si havi॒ṣkara̭ṇa॒ upa̭hūtaḥ |
di॒vye dhāma॒nnupa̭hūtaḥ |
i॒da-mmḙ de॒vā ha॒virjṷṣantā॒miti॒ tasmi॒nnupa̭hūtaḥ |
viśva̭masya pri॒yamupa̭hūtam |
viśva̭sya pri॒yasyopa̭hūta॒syopa̭hūtaḥ || 18 ||
(sa॒harṣa̭bhā hvayatā॒ - mupa̭hūtagṃ - havi॒ṣkara̭ṇa॒ upa̭hūtaśca॒tvāri̭ ca) (a. 8)
anuvākaṃ 9 - anūyājāḥ
de॒va-mba॒r॒hiḥ | va॒su॒vanḙ vasu॒dheya̭sya vetu | de॒vo narā॒śagṃ saḥ̭ | va॒su॒vanḙ vasu॒dheya̭sya vetu | de॒vo a॒gni-ssvi̭ṣṭa॒kṛt | su॒dravi̭ṇā ma॒ndraḥ ka॒viḥ | sa॒tyama̭nmā-''ya॒jī hotā᳚ | hotṷr-hotu॒rāya̭jīyān | agne॒ yān-de॒vānayā᳚ṭ | yāgṃ api̭preḥ | ye tḙ ho॒tre ama̭thsata | tāgṃ sa̭sa॒nuṣī॒gṃ॒ hotrā᳚-ndeva-ṅga॒mām | di॒vi de॒veṣṷ ya॒jñamera̭ye॒mam | svi॒ṣṭa॒kṛccāgne॒ hotā-'bhūḥ᳚ |
va॒su॒vanḙ vasu॒dheya̭sya namovā॒ke vīhi̭ || 19 ||
(api̭preḥ॒ pañca̭ ca) (a. 9)
anuvākaṃ 10 - sūktāvākaḥ
i॒da-ndyā̭vāpṛthivī bha॒drama̭bhūt |
ārdhma̭ sūktavā॒kam | u॒ta na̭movā॒kam |
ṛ॒ddhyāsma̭ sū॒ktocya̭magne | tvagṃ sū᳚kta॒vāga̭si |
upa̭śrito di॒vaḥ pṛ̭thi॒vyoḥ | oma̭nvatī te॒-'smin. ya॒jñe ya̭jamāna॒ dyāvā̭pṛthi॒vī stā᳚m |
śa॒gaṃ॒ye jī॒radā̭nū | atra̭snū॒ apra̭vede |
u॒ruga̭vyūtī abhaya॒-ṅkṛtau᳚ || 20 ||
vṛ॒ṣṭidyā̭vā rī॒tyā̭pā | śa॒mbhuvaṷ mayo॒bhuvau᳚ |
ūrja̭svatī ca॒ paya̭svatī ca | sū॒pa॒ca॒ra॒ṇā ca̭ svadhicara॒ṇā ca̭ | tayo̭rā॒vidi̭ ||
a॒gniri॒dagṃ ha॒vira̭juṣata | avī̭vṛdhata॒ maho॒ jyāyo̭-'kṛta | soma̭ i॒dagṃ ha॒vira̭juṣata | avī̭vṛdhata॒ maho॒ jyāyo̭-'kṛta |
a॒gniri॒dagṃ ha॒vira̭juṣata || 21 ||
avī̭vṛdhata॒ maho॒ jyāyo̭-'kṛta | pra॒jāpa̭tiri॒dagṃ ha॒vira̭juṣata | avī̭vṛdhata॒ maho॒ jyāyo̭-'kṛta | a॒gnīṣomā̭vi॒dagṃ ha॒vira̭juṣetām |
avī̭vṛdhetā॒-mmaho॒ jyāyo᳚-'krātām |
i॒ndrā॒gnī i॒dagṃ ha॒vira̭juṣetām |
avī̭vṛdhetā॒-mmaho॒ jyāyo᳚-'krātām | indra̭ i॒dagṃ ha॒vira̭juṣata | avī̭vṛdhata॒ maho॒ jyāyo̭-'kṛta | ma॒he॒ndra i॒dagṃ ha॒vira̭juṣata || 22 ||
avī̭vṛdhata॒ maho॒ jyāyo̭-'kṛta | de॒vā ā᳚jya॒pā ājya̭majuṣanta | avī̭vṛdhanta॒ maho॒ jyāyo᳚-'krata | a॒gnirho॒treṇe॒dagṃ ha॒vira̭juṣata |
avī̭vṛdhata॒ maho॒ jyāyo̭-'kṛta |
a॒syāmṛdha॒-ddhotrā̭yā-ndevaṅga॒māyā᳚m |
āśā᳚ste॒-'yaṃ-ya~ja̭māno॒-'sau ||
āyu॒rāśā᳚ste | su॒pra॒jā॒stva-māśā᳚ste |
sa॒jā॒ta॒va॒na॒syā-māśā᳚ste || 23 ||
utta̭rā-ndevaya॒jyā-māśā᳚ste | bhūyo̭ havi॒ṣkara̭ṇa॒-māśā᳚ste | di॒vya-ndhāmāśā᳚ste | viśva̭-mpri॒yamāśā᳚ste | yada॒nena̭ ha॒viṣā ''śā᳚ste | tada̭śyā॒t-tadṛ̭ddhyāt | tada̭smai de॒vā rā̭santām | tada॒gni-rde॒vo de॒vebhyo॒ vana̭te | va॒yama॒gne-rmānṷṣāḥ | i॒ṣṭa-ñca̭ vī॒ta-ñca̭ | u॒bhe ca̭ no॒ dyāvā̭pṛthi॒vī agṃha̭saspātām |
i॒ha gati̭-rvā॒masye॒da-ñca̭ | namo̭ de॒vebhyaḥ̭ || 24 ||
(a॒bha॒ya॒ṅkṛtā̭vakṛ - tā॒gniri॒dagṃ ha॒vira̭juṣata - mahe॒ndra i॒dagṃ ha॒vira̭juṣata - sajātavana॒syāmāśā᳚ste - vī॒ta-ñca॒ trīṇi̭ ca) (a. 10)
anuvākaṃ 11 - śaṃyu~vākaḥ
tacchaṃ॒-yo~rā vṛ̭ṇīmahe | gā॒tuṃ-ya~॒jñāya̭ | gā॒tuṃ-ya~॒jñapa̭taye | daivī᳚ sva॒stira̭stu naḥ | sva॒sti-rmānṷṣebhyaḥ | ū॒rdhva-ñji̭gātu bheṣa॒jam |
śa-nno̭ astu dvi॒pade᳚ | śa-ñcatṷṣpade || 25 ||
(tacchaṃ॒-yo~ra॒ṣṭau) (a. 11)
anuvākaṃ 12 - patnīsaṃyā~jānāṃ-yā~jyānuvākyāḥ
ā pyā̭yasva॒ samḙtu te vi॒śvataḥ̭ soma॒ vṛṣṇi̭yam | bhavā॒ vāja̭sya saṅga॒the || sa-nte॒ payāgṃ ̭si॒ samṷ yantu॒ vājā॒-ssaṃ-vṛ~ṣṇi̭yā-nyabhimāti॒ṣāhaḥ̭ | ā॒pyāya̭māno a॒mṛtā̭ya soma di॒vi śravāg̭syutta॒māni̭ dhiṣva || ||
i॒ha tvaṣṭā̭ramagri॒yaṃ-vi~॒śvarṷ̄pa॒mupa̭ hvaye | a॒smāka̭mastu॒ keva̭laḥ || tanna̭stu॒rīpa॒madha̭ poṣayi॒tnu deva̭ tvaṣṭa॒rvi ra̭rā॒ṇa-ssya̭sva | yato̭ vī॒raḥ ka̭rma॒ṇyaḥ̭ su॒dakṣo̭ yu॒ktagrā̭vā॒ jāya̭te de॒vakā̭maḥ || ||
de॒vānā॒-mpatnī̭ruśa॒tīra̭vantu naḥ | prāva̭ntu nastu॒jaye॒ vāja̭sātaye | yāḥ pārthi̭vāso॒ yā a॒pāmapi̭ vra॒te | tā no̭ devī-ssuhavā॒-śśarma̭ yacchata || u॒ta gnā vi̭yantu de॒vapa̭tnīḥ | i॒ndrā॒ṇya̭gnāyya॒śvinī॒ rāṭ | ā roda̭sī varuṇā॒nī śṛ̭ṇotu |
vi॒yantṷ de॒vīrya ṛ॒turjanī̭nām || 26 ||
a॒gnir-hotā̭ gṛ॒hapa̭ti॒-ssa rājā᳚ | viśvā̭ veda॒ jani̭mā jā॒tavḙdāḥ | de॒vānā̭mu॒ta yo martyā̭nām | yaji̭ṣṭha॒-ssa praya̭jatāmṛ॒tāvā᳚ ||
va॒yamṷ tvā gṛhapate॒ janā̭nām | agne॒ aka̭rma sa॒midhā̭ bṛ॒hanta᳚m | a॒sthū॒riṇo॒ gārha̭patyāni santu | ti॒gmena̭ na॒steja̭sā॒ sagṃśi̭śādhi || 27 ||
(janī̭nā - +ma॒ṣṭau ca̭) (a. 12)
anuvākaṃ 13 - patnīsaṃyā~je somāhvānam
upa̭hūtagṃ rathanta॒ragṃ sa॒ha pṛ̭thi॒vyā |
upa̭ mā rathanta॒ragṃ sa॒ha pṛ̭thi॒vyā hva̭yatām |
upa̭hūtaṃ-vā~made॒vyagṃ sa॒hāntari̭kṣeṇa |
upa̭ mā vāmade॒vyagṃ sa॒hāntari̭kṣeṇa hvayatām | upa̭hūta-mbṛ॒hathsa॒ha di॒vā | upa̭ mā bṛ॒hathsa॒ha di॒vā hva̭yatām | upa̭hūtā-ssa॒pta hotrāḥ᳚ |
upa̭ mā sa॒pta hotrā᳚ hvayantām | upa̭hūtā dhe॒nu-ssa॒harṣa̭bhā | upa̭ mā dhe॒nu-ssa॒harṣa̭bhā hvayatām || 28 ||
upa̭hūto bha॒kṣa-ssakhā᳚ | upa̭ mā bha॒kṣa-ssakhā᳚ hvayatām | upa̭hū॒tā~(4) ho | iḍopa̭hūtā | upa̭hū॒teḍā᳚ | upo̭ a॒smāgṃ iḍā᳚ hvayatām | iḍopa̭hūtā | upa̭hū॒teḍā᳚ | mā॒na॒vī ghṛ॒tapa̭dī maitrāvaru॒ṇī |
brahma̭ de॒vakṛ̭ta॒mupa̭hūtam || 29 ||
daivyā̭ addhva॒ryava॒ upa̭hūtāḥ | upa̭hūtā manu॒ṣyāḥ᳚ | ya i॒maṃ-ya~॒jñamavāṋ | ye ya॒jñapa̭tnīṃ॒-va~rdhāṋ | upa̭hūte॒ dyāvā̭pṛthi॒vī | pū॒rva॒je ṛ॒tāva̭rī | de॒vī de॒vapṷtre | upa̭hūte॒yaṃ-ya~ja̭mānā | i॒ndrā॒ṇīvā̭vidha॒vā | adi̭tiriva supu॒trā | utta̭rasyā-ndevaya॒jyāyā॒-mupa̭hūtā |
bhūya̭si havi॒ṣkara̭ṇa॒ upa̭hūtā | di॒vye dhāma॒nnupa̭hūtā | i॒da-mmḙ de॒vā ha॒vi-rjṷṣantā॒miti॒ tasmi॒-nnupa̭hūtā | viśva̭masyāḥ pri॒yamupa̭hūtam |
viśva̭sya pri॒yasyopa̭hūta॒syopa̭hūtā || 30 ||
(sa॒harṣa̭bhā hvayatā॒ - mupa̭hūtagṃ - supu॒trā ṣaṭca̭) (a. 13)
(sa॒tyaṃ - pravo - 'gnḙ ma॒hā - na॒gnir-hotā̭ - sa॒midho॒ - 'gni-rvṛ॒trāṇya॒ - gni-rmū॒rdho - pa̭hūtaṃ - de॒va-mba॒r॒hi - ri॒da-ndyā̭vāpṛthivī॒ -tacchaṃ॒yo~- rā pyā̭ya॒svo - pa̭hūta॒-ntrayo̭daśa)
(sa॒tyaṃ - ~va॒yagg syā̭ma - vṛ॒ṣṭidyā̭vā tri॒gṃ॒śat)
(sa॒tya-mupa̭hūtā)
|| hariḥ̭ om ||
|| kṛṣṇa yajurvedīya taittirīya brāhmaṇe tṛtīyāṣṭake pañcama prapāṭhaka-ssamāptaḥ ||
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.