কৃষ্ণ যজুর্বেদীয তৈত্তিরীয ব্রাহ্মণে তৃতীযাষ্টকে পঞ্চমঃ প্রপাঠকঃ - ইষ্টিহৌত্রম্
ও-ন্নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হ॒রিঃ॒ ওম্ ॥
অনুবাকং 1 - হোতুর্জপঃ পুরস্তা-থ্সামিধেনীনাম্
স॒ত্য-ম্প্রপ॑দ্যে । ঋ॒ত-ম্প্রপ॑দ্যে ।
অ॒মৃত॒-ম্প্রপ॑দ্যে ।
প্র॒জাপ॑তেঃ প্রি॒যা-ন্ত॒নুব॒মনা᳚র্তা॒-ম্প্রপ॑দ্যে ।
ই॒দম॒হ-ম্প॑ঞ্চদ॒শেন॒ বজ্রে॑ণ ।
দ্বি॒ষন্ত॒-ম্ভ্রাতৃ॑ব্য॒মব॑ক্রামামি ।
যো᳚-ঽস্মা-ন্দ্বেষ্টি॑ । য-ঞ্চ॑ ব॒য-ন্দ্বি॒ষ্মঃ ।
ভূর্ভুব॒-স্সুবঃ॑ । হিম্ ॥ 1 ॥
(স॒ত্য-ন্দশ॑) (অ. 1)
অনুবাকং 2 - সামিধেনীম্রন্বাহ
প্র বো॒ বাজা॑ অ॒ভিদ্য॑বঃ । হ॒বিষ্ম॑ন্তো ঘৃ॒তাচ্যা᳚ ।
দে॒বাঞ্জি॑গাতি সুম্ন॒যুঃ ॥ অগ্ন॒ আযা॑হি বী॒তযে᳚ । গৃ॒ণা॒নো হ॒ব্যদা॑তযে । নি হোতা॑ সথ্সি ব॒র॒ঃইষি॑ ॥ ত-ন্ত্বা॑ স॒মিদ্ভি॑রঙ্গিরঃ । ঘৃ॒তেন॑ বর্ধযামসি । বৃ॒হচ্ছো॑চা যবিষ্ঠ্য ॥ স নঃ॑ পৃ॒থু শ্র॒বায্য᳚ম্ ॥ 2 ॥
অচ্ছা॑ দেব বিবাসসি । বৃ॒হদ॑গ্নে সু॒বীর্য᳚ম্ ॥
ঈ॒ডেন্যো॑ নম॒স্য॑স্তি॒রঃ । তমাগ্ং॑সি দর্শ॒তঃ । সম॒গ্নিরি॑দ্ধ্যতে॒ বৃষা᳚ ॥ বৃষো॑ অ॒গ্নি-স্সমি॑দ্ধ্যতে । অশ্বো॒ ন দে॑ব॒বাহ॑নঃ ।
তগ্ং হ॒বিষ্ম॑ন্ত ঈডতে ॥ বৃষ॑ণ-ন্ত্বা ব॒যং-বৃঁষন্ন্॑ । বৃষা॑ণ॒-স্সমি॑ধীমহি ॥ 3 ॥
অগ্নে॒ দীদ্য॑ত-ম্বৃ॒হত্ ॥ অ॒গ্নি-ন্দূ॒তং-বৃঁ॑ণীমহে ।
হোতা॑রং-বিঁ॒শ্ববে॑দসম্ । অ॒স্য য॒জ্ঞস্য॑ সু॒ক্রতু᳚ম্ ॥ স॒মি॒দ্ধ্যমা॑নো অদ্ধ্ব॒রে । অ॒গ্নিঃ পা॑ব॒ক ঈড্যঃ॑ । শো॒চিষ্কে॑শ॒স্তমী॑মহে ॥ সমি॑দ্ধো অগ্ন আহুত । দে॒বান্. য॑ক্ষি স্বদ্ধ্বর । ত্বগ্ং হি হ॑ব্য॒বাডসি॑ ॥
আজু॑হোত দুব॒স্যত॑ । অ॒গ্নি-ম্প্র॑য॒ত্য॑দ্ধ্ব॒রে ।
বৃ॒ণী॒দ্ধ্বগ্ং হ॑ব্য॒বাহ॑নম্ ॥
ত্বং-বঁরু॑ণ উ॒ত মি॒ত্রো অ॑গ্নে । ত্বাং-বঁ॑র্ধন্তি ম॒তিভি॒র্বসি॑ষ্ঠাঃ । ত্বে বসু॑ সুষণ॒নানি॑ সন্তু । যূ॒য-ম্পা॑ত স্ব॒স্তিভি॒-স্সদা॑ নঃ ॥ 4 ॥
(শ্র॒বায্য॑ - মিধীম॒ - হ্যসি॑ স॒প্ত চ॑) (অ. 2)
অনুবাকং 3 - প্ররমুক্ত্বা নিবিদো-ঽনূচ্য দেবতা আবাহযতি
অগ্নে॑ ম॒হাগ্ং অ॑সি ব্রাহ্মণ ভারত । অসা॒বসৌ᳚ ॥
দে॒বেদ্ধো॒ মন্বি॑দ্ধঃ । ঋষি॑ষ্টুতো॒ বিপ্রা॑নুমদিতঃ । ক॒বি॒শ॒স্তো ব্রহ্ম॑সগ্ংশিতো ঘৃ॒তাহ॑বনঃ ।
প্র॒ণী-র্য॒জ্ঞানা᳚ম্ । র॒থীর॑দ্ধ্ব॒রাণা᳚ম্ ।
অ॒তূর্তো॒ হোতা᳚ । তূর্ণি॑র্হব্য॒বাট্ ।
আস্পাত্র॑-ঞ্জু॒হূ-র্দে॒বানা᳚ম্ ॥ 5 ॥
চ॒ম॒সো দে॑ব॒পানঃ॑ । অ॒রাগ্ং ই॑বাগ্নে নে॒মির্দে॒বাগ্স্ত্ব-ম্প॑রি॒ভূর॑সি । আব॑হ দে॒বান্. যজ॑মানায ॥ অ॒গ্নিম॑গ্ন॒ আব॑হ । সোম॒মাব॑হ ।
অ॒গ্নিমাব॑হ । প্র॒জাপ॑তি॒মাব॑হ । অ॒গ্নীষোমা॒বাব॑হ । ই॒ন্দ্রা॒গ্নী আব॑হ । ইন্দ্র॒মাব॑হ । ম॒হে॒ন্দ্রমাব॑হ । দে॒বাগ্ং আ᳚জ্য॒পাগ্ং আব॑হ ।
অ॒গ্নিগ্ং হো॒ত্রাযাব॑হ । স্ব-ম্ম॑হি॒মান॒মাব॑হ । আ চা᳚গ্নে দে॒বান্. বহ॑ । সু॒যজা॑ চ যজ জাতবেদঃ ॥ 6 ॥
(দে॒বানা॒-মিন্দ্র॒মাব॑হ॒ ষট্চ॑) (অ. 3)
অনুবাকং 4 - স্রুচাবাদাপযতি
অ॒গ্নির্-হোতা॒ বেত্ব॒গ্নিঃ । হো॒ত্রং-বেঁ᳚ত্তু প্রাবি॒ত্রম্ । স্মো ব॒যম্ । সা॒ধু তে॑ যজমান দে॒বতা᳚ । ঘৃ॒তব॑তী-মদ্ধ্বর্যো॒ স্রুচ॒মা-ঽস্য॑স্ব । দে॒বা॒যুবং॑-বিঁ॒শ্ববা॑রাম্ । ঈডা॑মহৈ দে॒বাগ্ং ঈ॒ডেন্যান্॑ ।
ন॒ম॒স্যাম॑ নম॒স্যান্॑ । যজা॑ম য॒জ্ঞিযান্॑ ॥ 7 ॥
(অ॒গ্নির্-হোতা॒ নব॑) (অ. 4)
অনুবাকং 5 - প্রযাজাঃ
স॒মিধো॑ অগ্ন॒ আজ্য॑স্য বিযন্তু । তনূ॒নপা॑দগ্ন॒ আজ্য॑স্য বেতু । ই॒ডো অ॑গ্ন॒ আজ্য॑স্য বিযন্তু । ব॒র্॒হির॑গ্ন॒ আজ্য॑স্য বেতু । স্বাহা॒-ঽগ্নিম্ । স্বাহা॒ সোম᳚ম্ । স্বাহা॒-ঽগ্নিম্ । স্বাহা᳚ প্র॒জাপ॑তিম্ ।
স্বাহা॒-ঽগ্নীষোমৌ᳚ । স্বাহে᳚ন্দ্রা॒গ্নী । স্বাহেন্দ্র᳚ম্ ।
স্বাহা॑ মহে॒ন্দ্রম্ । স্বাহা॑ দে॒বাগ্ং আ᳚জ্য॒পান্ । স্বাহা॒-ঽগ্নিগ্ং হো॒ত্রাজ্জু॑ষা॒ণাঃ ।
অগ্ন॒ আজ্য॑স্য বিযন্তু ॥ 8 ॥
(ই॒ন্দ্রা॒গ্নী পঞ্চ॑ চ) (অ. 5)
অনুবাকং 6 - অজ্যভাগযোঃ পুরোনুবাক্যে
অ॒গ্নি-র্বৃ॒ত্রাণি॑ জঙ্ঘনত্ । দ্র॒বি॒ণ॒স্যু-র্বি॑প॒ন্যযা᳚ ।
সমি॑দ্ধ-শ্শু॒ক্র আহু॑তঃ । জু॒ষা॒ণো অ॒গ্নিরাজ্য॑স্য বেতু । ত্বগ্ং সো॑মাসি॒ সত্প॑তিঃ । ত্বগ্ং রাজো॒ত বৃ॑ত্র॒হা ।
ত্ব-ম্ভ॒দ্রো অ॑সি॒ ক্রতুঃ॑ । জু॒ষা॒ণ-স্সোম॒ আজ্য॑স্য হ॒বিষো॑ বেতু । অ॒গ্নিঃ প্র॒ত্নেন॒ জন্ম॑না । শুম্ভা॑নস্ত॒নুব॒গ্গ্॒ স্বাম্ ।
ক॒বি-র্বিপ্রে॑ণ বাবৃধে । জু॒ষা॒ণো অ॒গ্নিরাজ্য॑স্য বেতু ।
সোম॑ গী॒র্ভিষ্ট্বা॑ ব॒যম্ । ব॒র্ধযা॑মো বচো॒বিদঃ॑ । সু॒মৃ॒ডী॒কো ন॒ আবি॑শ ।
জু॒ষা॒ণ-স্সোম॒ আজ্য॑স্য হ॒বিষো॑ বেতু ॥ 9 ॥
(স্বাগ্ং ষট্চ॑) (অ. 6)
অনুবাকং 7 - হবিষাং-যাঁজ্যানুবাক্যাঃ
অ॒গ্নি-র্মূ॒র্ধা দি॒বঃ ক॒কুত্ । পতিঃ॑ পৃথি॒ব্যা অ॒যম্ ।
অ॒পাগ্ং রেতাগ্ং॑সি জিন্বতি । ভুবো॑ য॒জ্ঞস্য॒ রজ॑সশ্চ নে॒তা । যত্রা॑ নি॒যুদ্ভি॒-স্সচ॑সে শি॒বাভিঃ॑ । দি॒বি মূ॒র্ধান॑-ন্দধিষে সুব॒র্॒ষাম্ ।
জি॒হ্বাম॑গ্নে চকৃষে হব্য॒বাহ᳚ম্ । প্রজা॑পতে॒ ন ত্বদে॒তান্য॒ন্যঃ । বিশ্বা॑ জা॒তানি॒ পরি॒ তা ব॑ভূব ।
যত্-কা॑মাস্তে জুহু॒মস্তন্নো॑ অস্তু ॥ 10 ॥
ব॒যগ্গ্ স্যা॑ম॒ পত॑যো রযী॒ণাম্ । স বে॑দ পু॒ত্রঃ পি॒তর॒গ্ং॒ স মা॒তর᳚ম্ । স সূ॒নুর্ভু॑ব॒থ্স ভু॑ব॒ত্পুন॑র্মঘঃ । স দ্যামৌর্ণো॑দ॒ন্তরি॑ক্ষ॒গ্ং॒ স সুবঃ॑ । স বিশ্বা॒ ভুবো॑ অভব॒থ্স আ-ঽভ॑বত্ । অগ্নী॑ষোমা॒ সবে॑দসা । সহূ॑তী বনত॒-ঙ্গিরঃ॑ । স-ন্দে॑ব॒ত্রা ব॑ভূবথুঃ । যু॒বমে॒তানি॑ দি॒বি রো॑চ॒নানি॑ ।
অ॒গ্নিশ্চ॑ সোম॒ সক্র॑তূ অধত্তম্ ॥ 11 ॥
যু॒বগ্ং সিন্ধূগ্ং॑ র॒ভিশ॑স্তে-রব॒দ্যাত্ । অগ্নী॑ষোমা॒-বমু॑ঞ্চত-ঙ্গৃভী॒তান্ ।
ইন্দ্রা᳚গ্নী রোচ॒না দি॒বঃ । পরি॒ বাজে॑ষু ভূষথঃ ।
তদ্বা᳚-ঞ্চেতি॒ প্রবী॒র্য᳚ম্ । শ্নথ॑দ্বৃ॒ত্রমু॒ত স॑নোতি॒ বাজ᳚ম্ । ইন্দ্রা॒ যো অ॒গ্নী সহু॑রী সপ॒র্যাত্ ।
ই॒র॒জ্যন্তা॑ বস॒ব্য॑স্য॒ ভূরেঃ᳚ । সহ॑স্তমা॒ সহ॑সা বাজ॒যন্তা᳚ । এন্দ্র॑ সান॒সিগ্ং র॒যিম্ ॥ 12 ॥
স॒জিত্বা॑নগ্ং সদা॒সহ᳚ম্ । বর্ষি॑ষ্ঠমূ॒তযে॑ ভর । প্রস॑সাহিষে পুরুহূত॒ শত্রূন্॑ । জ্যেষ্ঠ॑স্তে॒ শুষ্ম॑ ই॒হ রা॒তির॑স্তু । ইন্দ্রাভ॑র॒ দক্ষি॑ণেনা॒ বসূ॑নি । পতি॒-স্সিন্ধূ॑নামসি রে॒বতী॑নাম্ । ম॒হাগ্ং ইন্দ্রো॒ য ওজ॑সা । প॒র্জন্যো॑ বৃষ্টি॒মাগ্ং ই॑ব ।
স্তোমৈ᳚র্ব॒থ্সস্য॑ বাবৃধে ।
ম॒হাং ইন্দ্রো॑ নৃ॒বদাচ॑র্ষণি॒প্রাঃ ॥ 13 ॥
উ॒ত দ্বি॒বর্হা॑ অমি॒ন-স্সহো॑ভিঃ । অ॒স্ম॒দ্রিয॑গ্বাবৃধে বী॒র্যা॑য ।
উ॒রুঃ পৃ॒থু-স্সুকৃ॑তঃ ক॒র্তৃভি॑র্ভূত্ ।
পি॒প্রী॒হি দে॒বাগ্ং উ॑শ॒তো য॑বিষ্ঠ ।
বি॒দ্বাং ঋতূগ্ংর্-ঋ॑তুপতে যজে॒হ ।
যে দৈব্যা॑ ঋ॒ত্বিজ॒স্তেভি॑রগ্নে ।
ত্বগ্ং হোতৄ॑ণাম॒স্যায॑জিষ্ঠঃ ॥
অ॒গ্নিগ্গ্ স্বি॑ষ্ট॒কৃত᳚ম্ । অযা॑ড॒গ্নির॒গ্নেঃ প্রি॒যা ধামা॑নি । অযা॒ট্থ্সোম॑স্য প্রি॒যা ধামা॑নি ॥ 14 ॥
অযা॑ড॒গ্নেঃ প্রি॒যা ধামা॑নি । অযা᳚ট্প্র॒জাপ॑তেঃ প্রি॒যা ধামা॑নি । অযা॑ড॒গ্নীষোম॑যোঃ প্রি॒যা ধামা॑নি । অযা॑ডিন্দ্রাগ্নি॒যোঃ প্রি॒যা ধামা॑নি ।
অযা॒ডিন্দ্র॑স্য প্রি॒যা ধামা॑নি । অযা᳚ণ্মহে॒ন্দ্রস্য॑ প্রি॒যা ধামা॑নি । অযা᳚ড্দে॒বানা॑-মাজ্য॒পানা᳚-ম্প্রি॒যা ধামা॑নি । যক্ষ॑দ॒গ্নের্-হোতুঃ॑ প্রি॒যা ধামা॑নি । যক্ষ॒থ্স্ব-ম্ম॑হি॒মান᳚ম্ । আয॑জতা॒মেজ্যা॒ ইষঃ॑ । কৃ॒ণোতু॒ সো অ॑দ্ধ্ব॒রা জা॒তবে॑দাঃ । জু॒ষতাগ্ং॑ হ॒বিঃ । অগ্নে॒ যদ॒দ্য বি॒শো অ॑দ্ধ্বরস্য হোতঃ ।
পাব॑ক শোচে॒ বেষ্ট্বগ্ং হি যজ্বা᳚ । ঋ॒তা য॑জাসি মহি॒না বি যদ্ভূঃ ।
হ॒ব্যা ব॑হ যবিষ্ঠ॒ যা তে॑ অ॒দ্য ॥ 15 ॥
(অ॒স্ত্ব॒ - ধ॒ত্ত॒গ্ং - র॒যিং - চ॑র্ষণি॒প্রাঃ - সোম॑স্য প্রি॒যা ধামা॒ - নীষ॒-ষ্ষট্চ॑) (অ. 7)
অনুবাকং 8 - ইডোপাহ্বানাম্
উপ॑হূতগ্ং রথন্ত॒রগ্ং স॒হ পৃ॑থি॒ব্যা ।
উপ॑ মা রথন্ত॒রগ্ং স॒হ পৃ॑থি॒ব্যা হ্ব॑যতাম্ ।
উপ॑হূতং-বাঁমদে॒ব্যগ্ং স॒হান্তরি॑ক্ষেণ ।
উপ॑ মা বামদে॒ব্যগ্ং স॒হান্তরি॑ক্ষেণ হ্বযতাম্ ।
উপ॑ হূত-ম্বৃ॒হথ্স॒হ দি॒বা । উপ॑ মা বৃ॒হথ্স॒হ দি॒বা হ্ব॑যতাম্ । উপ॑হূতা-স্স॒প্ত হোত্রাঃ᳚ ।
উপ॑ মা স॒প্ত হোত্রা᳚ হ্বযন্তাম্ । উপ॑হূতা ধে॒নু-স্স॒হর্ষ॑ভা । উপ॑ মা ধে॒নু-স্স॒হর্ষ॑ভা হ্বযতাম্ ॥ 16 ॥
উপ॑হূতো ভ॒ক্ষ-স্সখা᳚ । উপ॑ মা ভ॒ক্ষ-স্সখা᳚ হ্বযতাম্ । উপ॑হূ॒তাঁ(4) হো । ইডোপ॑হূতা । উপ॑হূ॒তেডা᳚ । উপো॑ অ॒স্মাগ্ং ইডা᳚ হ্বযতাম্ । ইডোপ॑হূতা । উপ॑হূ॒তেডা᳚ । মা॒ন॒বী ঘৃ॒তপ॑দী মৈত্রাবরু॒ণী ।
ব্রহ্ম॑ দে॒বকৃ॑ত॒মুপ॑হূতম্ ॥ 17 ॥
দৈব্যা॑ অদ্ধ্ব॒র্যব॒ উপ॑হূতাঃ । উপ॑হূতা মনু॒ষ্যাঃ᳚ । য ই॒মং-যঁ॒জ্ঞমবান্॑ । যে য॒জ্ঞপ॑তিং॒-বঁর্ধান্॑ । উপ॑হূতে॒ দ্যাবা॑পৃথি॒বী ।
পূ॒র্ব॒জে ঋ॒তাব॑রী । দে॒বী দে॒বপু॑ত্রে । উপ॑হূতো॒-ঽযং-যঁজ॑মানঃ । উত্ত॑রস্যা-ন্দেবয॒জ্যাযা॒-মুপ॑হূতঃ । ভূয॑সি হবি॒ষ্কর॑ণ॒ উপ॑হূতঃ ।
দি॒ব্যে ধাম॒ন্নুপ॑হূতঃ ।
ই॒দ-ম্মে॑ দে॒বা হ॒বির্জু॑ষন্তা॒মিতি॒ তস্মি॒ন্নুপ॑হূতঃ ।
বিশ্ব॑মস্য প্রি॒যমুপ॑হূতম্ ।
বিশ্ব॑স্য প্রি॒যস্যোপ॑হূত॒স্যোপ॑হূতঃ ॥ 18 ॥
(স॒হর্ষ॑ভা হ্বযতা॒ - মুপ॑হূতগ্ং - হবি॒ষ্কর॑ণ॒ উপ॑হূতশ্চ॒ত্বারি॑ চ) (অ. 8)
অনুবাকং 9 - অনূযাজাঃ
দে॒ব-ম্ব॒র্॒হিঃ । ব॒সু॒বনে॑ বসু॒ধেয॑স্য বেতু । দে॒বো নরা॒শগ্ং সঃ॑ । ব॒সু॒বনে॑ বসু॒ধেয॑স্য বেতু । দে॒বো অ॒গ্নি-স্স্বি॑ষ্ট॒কৃত্ । সু॒দ্রবি॑ণা ম॒ন্দ্রঃ ক॒বিঃ । স॒ত্যম॑ন্মা-ঽঽয॒জী হোতা᳚ । হোতু॑র্-হোতু॒রায॑জীযান্ । অগ্নে॒ যান্-দে॒বানযা᳚ট্ । যাগ্ং অপি॑প্রেঃ । যে তে॑ হো॒ত্রে অম॑থ্সত । তাগ্ং স॑স॒নুষী॒গ্ং॒ হোত্রা᳚-ন্দেব-ঙ্গ॒মাম্ । দি॒বি দে॒বেষু॑ য॒জ্ঞমের॑যে॒মম্ । স্বি॒ষ্ট॒কৃচ্চাগ্নে॒ হোতা-ঽভূঃ᳚ ।
ব॒সু॒বনে॑ বসু॒ধেয॑স্য নমোবা॒কে বীহি॑ ॥ 19 ॥
(অপি॑প্রেঃ॒ পঞ্চ॑ চ) (অ. 9)
অনুবাকং 10 - সূক্তাবাকঃ
ই॒দ-ন্দ্যা॑বাপৃথিবী ভ॒দ্রম॑ভূত্ ।
আর্ধ্ম॑ সূক্তবা॒কম্ । উ॒ত ন॑মোবা॒কম্ ।
ঋ॒দ্ধ্যাস্ম॑ সূ॒ক্তোচ্য॑মগ্নে । ত্বগ্ং সূ᳚ক্ত॒বাগ॑সি ।
উপ॑শ্রিতো দি॒বঃ পৃ॑থি॒ব্যোঃ । ওম॑ন্বতী তে॒-ঽস্মিন্. য॒জ্ঞে য॑জমান॒ দ্যাবা॑পৃথি॒বী স্তা᳚ম্ ।
শ॒গং॒যে জী॒রদা॑নূ । অত্র॑স্নূ॒ অপ্র॑বেদে ।
উ॒রুগ॑ব্যূতী অভয॒-ঙ্কৃতৌ᳚ ॥ 20 ॥
বৃ॒ষ্টিদ্যা॑বা রী॒ত্যা॑পা । শ॒ম্ভুবৌ॑ মযো॒ভুবৌ᳚ ।
ঊর্জ॑স্বতী চ॒ পয॑স্বতী চ । সূ॒প॒চ॒র॒ণা চ॑ স্বধিচর॒ণা চ॑ । তযো॑রা॒বিদি॑ ॥
অ॒গ্নিরি॒দগ্ং হ॒বির॑জুষত । অবী॑বৃধত॒ মহো॒ জ্যাযো॑-ঽকৃত । সোম॑ ই॒দগ্ং হ॒বির॑জুষত । অবী॑বৃধত॒ মহো॒ জ্যাযো॑-ঽকৃত ।
অ॒গ্নিরি॒দগ্ং হ॒বির॑জুষত ॥ 21 ॥
অবী॑বৃধত॒ মহো॒ জ্যাযো॑-ঽকৃত । প্র॒জাপ॑তিরি॒দগ্ং হ॒বির॑জুষত । অবী॑বৃধত॒ মহো॒ জ্যাযো॑-ঽকৃত । অ॒গ্নীষোমা॑বি॒দগ্ং হ॒বির॑জুষেতাম্ ।
অবী॑বৃধেতা॒-ম্মহো॒ জ্যাযো᳚-ঽক্রাতাম্ ।
ই॒ন্দ্রা॒গ্নী ই॒দগ্ং হ॒বির॑জুষেতাম্ ।
অবী॑বৃধেতা॒-ম্মহো॒ জ্যাযো᳚-ঽক্রাতাম্ । ইন্দ্র॑ ই॒দগ্ং হ॒বির॑জুষত । অবী॑বৃধত॒ মহো॒ জ্যাযো॑-ঽকৃত । ম॒হে॒ন্দ্র ই॒দগ্ং হ॒বির॑জুষত ॥ 22 ॥
অবী॑বৃধত॒ মহো॒ জ্যাযো॑-ঽকৃত । দে॒বা আ᳚জ্য॒পা আজ্য॑মজুষন্ত । অবী॑বৃধন্ত॒ মহো॒ জ্যাযো᳚-ঽক্রত । অ॒গ্নির্হো॒ত্রেণে॒দগ্ং হ॒বির॑জুষত ।
অবী॑বৃধত॒ মহো॒ জ্যাযো॑-ঽকৃত ।
অ॒স্যামৃধ॒-দ্ধোত্রা॑যা-ন্দেবঙ্গ॒মাযা᳚ম্ ।
আশা᳚স্তে॒-ঽযং-যঁজ॑মানো॒-ঽসৌ ॥
আযু॒রাশা᳚স্তে । সু॒প্র॒জা॒স্ত্ব-মাশা᳚স্তে ।
স॒জা॒ত॒ব॒ন॒স্যা-মাশা᳚স্তে ॥ 23 ॥
উত্ত॑রা-ন্দেবয॒জ্যা-মাশা᳚স্তে । ভূযো॑ হবি॒ষ্কর॑ণ॒-মাশা᳚স্তে । দি॒ব্য-ন্ধামাশা᳚স্তে । বিশ্ব॑-ম্প্রি॒যমাশা᳚স্তে । যদ॒নেন॑ হ॒বিষা ঽঽশা᳚স্তে । তদ॑শ্যা॒ত্-তদৃ॑দ্ধ্যাত্ । তদ॑স্মৈ দে॒বা রা॑সন্তাম্ । তদ॒গ্নি-র্দে॒বো দে॒বেভ্যো॒ বন॑তে । ব॒যম॒গ্নে-র্মানু॑ষাঃ । ই॒ষ্ট-ঞ্চ॑ বী॒ত-ঞ্চ॑ । উ॒ভে চ॑ নো॒ দ্যাবা॑পৃথি॒বী অগ্ংহ॑সস্পাতাম্ ।
ই॒হ গতি॑-র্বা॒মস্যে॒দ-ঞ্চ॑ । নমো॑ দে॒বেভ্যঃ॑ ॥ 24 ॥
(অ॒ভ॒য॒ঙ্কৃতা॑বকৃ - তা॒গ্নিরি॒দগ্ং হ॒বির॑জুষত - মহে॒ন্দ্র ই॒দগ্ং হ॒বির॑জুষত - সজাতবন॒স্যামাশা᳚স্তে - বী॒ত-ঞ্চ॒ ত্রীণি॑ চ) (অ. 10)
অনুবাকং 11 - শংযুঁবাকঃ
তচ্ছং॒-যোঁরা বৃ॑ণীমহে । গা॒তুং-যঁ॒জ্ঞায॑ । গা॒তুং-যঁ॒জ্ঞপ॑তযে । দৈবী᳚ স্ব॒স্তির॑স্তু নঃ । স্ব॒স্তি-র্মানু॑ষেভ্যঃ । ঊ॒র্ধ্ব-ঞ্জি॑গাতু ভেষ॒জম্ ।
শ-ন্নো॑ অস্তু দ্বি॒পদে᳚ । শ-ঞ্চতু॑ষ্পদে ॥ 25 ॥
(তচ্ছং॒-যোঁর॒ষ্টৌ) (অ. 11)
অনুবাকং 12 - পত্নীসংযাঁজানাং-যাঁজ্যানুবাক্যাঃ
আ প্যা॑যস্ব॒ সমে॑তু তে বি॒শ্বতঃ॑ সোম॒ বৃষ্ণি॑যম্ । ভবা॒ বাজ॑স্য সঙ্গ॒থে ॥ স-ন্তে॒ পযাগ্ং ॑সি॒ সমু॑ যন্তু॒ বাজা॒-স্সং-বৃঁষ্ণি॑যা-ন্যভিমাতি॒ষাহঃ॑ । আ॒প্যায॑মানো অ॒মৃতা॑য সোম দি॒বি শ্রবাগ্॑স্যুত্ত॒মানি॑ ধিষ্ব ॥ ॥
ই॒হ ত্বষ্টা॑রমগ্রি॒যং-বিঁ॒শ্বরূ॑প॒মুপ॑ হ্বযে । অ॒স্মাক॑মস্তু॒ কেব॑লঃ ॥ তন্ন॑স্তু॒রীপ॒মধ॑ পোষযি॒ত্নু দেব॑ ত্বষ্ট॒র্বি র॑রা॒ণ-স্স্য॑স্ব । যতো॑ বী॒রঃ ক॑র্ম॒ণ্যঃ॑ সু॒দক্ষো॑ যু॒ক্তগ্রা॑বা॒ জায॑তে দে॒বকা॑মঃ ॥ ॥
দে॒বানা॒-ম্পত্নী॑রুশ॒তীর॑বন্তু নঃ । প্রাব॑ন্তু নস্তু॒জযে॒ বাজ॑সাতযে । যাঃ পার্থি॑বাসো॒ যা অ॒পামপি॑ ব্র॒তে । তা নো॑ দেবী-স্সুহবা॒-শ্শর্ম॑ যচ্ছত ॥ উ॒ত গ্না বি॑যন্তু দে॒বপ॑ত্নীঃ । ই॒ন্দ্রা॒ণ্য॑গ্নায্য॒শ্বিনী॒ রাট্ । আ রোদ॑সী বরুণা॒নী শৃ॑ণোতু ।
বি॒যন্তু॑ দে॒বীর্য ঋ॒তুর্জনী॑নাম্ ॥ 26 ॥
অ॒গ্নির্-হোতা॑ গৃ॒হপ॑তি॒-স্স রাজা᳚ । বিশ্বা॑ বেদ॒ জনি॑মা জা॒তবে॑দাঃ । দে॒বানা॑মু॒ত যো মর্ত্যা॑নাম্ । যজি॑ষ্ঠ॒-স্স প্রয॑জতামৃ॒তাবা᳚ ॥
ব॒যমু॑ ত্বা গৃহপতে॒ জনা॑নাম্ । অগ্নে॒ অক॑র্ম স॒মিধা॑ বৃ॒হন্ত᳚ম্ । অ॒স্থূ॒রিণো॒ গার্হ॑পত্যানি সন্তু । তি॒গ্মেন॑ ন॒স্তেজ॑সা॒ সগ্ংশি॑শাধি ॥ 27 ॥
(জনী॑না - +ম॒ষ্টৌ চ॑) (অ. 12)
অনুবাকং 13 - পত্নীসংযাঁজে সোমাহ্বানম্
উপ॑হূতগ্ং রথন্ত॒রগ্ং স॒হ পৃ॑থি॒ব্যা ।
উপ॑ মা রথন্ত॒রগ্ং স॒হ পৃ॑থি॒ব্যা হ্ব॑যতাম্ ।
উপ॑হূতং-বাঁমদে॒ব্যগ্ং স॒হান্তরি॑ক্ষেণ ।
উপ॑ মা বামদে॒ব্যগ্ং স॒হান্তরি॑ক্ষেণ হ্বযতাম্ । উপ॑হূত-ম্বৃ॒হথ্স॒হ দি॒বা । উপ॑ মা বৃ॒হথ্স॒হ দি॒বা হ্ব॑যতাম্ । উপ॑হূতা-স্স॒প্ত হোত্রাঃ᳚ ।
উপ॑ মা স॒প্ত হোত্রা᳚ হ্বযন্তাম্ । উপ॑হূতা ধে॒নু-স্স॒হর্ষ॑ভা । উপ॑ মা ধে॒নু-স্স॒হর্ষ॑ভা হ্বযতাম্ ॥ 28 ॥
উপ॑হূতো ভ॒ক্ষ-স্সখা᳚ । উপ॑ মা ভ॒ক্ষ-স্সখা᳚ হ্বযতাম্ । উপ॑হূ॒তাঁ(4) হো । ইডোপ॑হূতা । উপ॑হূ॒তেডা᳚ । উপো॑ অ॒স্মাগ্ং ইডা᳚ হ্বযতাম্ । ইডোপ॑হূতা । উপ॑হূ॒তেডা᳚ । মা॒ন॒বী ঘৃ॒তপ॑দী মৈত্রাবরু॒ণী ।
ব্রহ্ম॑ দে॒বকৃ॑ত॒মুপ॑হূতম্ ॥ 29 ॥
দৈব্যা॑ অদ্ধ্ব॒র্যব॒ উপ॑হূতাঃ । উপ॑হূতা মনু॒ষ্যাঃ᳚ । য ই॒মং-যঁ॒জ্ঞমবান্॑ । যে য॒জ্ঞপ॑ত্নীং॒-বঁর্ধান্॑ । উপ॑হূতে॒ দ্যাবা॑পৃথি॒বী । পূ॒র্ব॒জে ঋ॒তাব॑রী । দে॒বী দে॒বপু॑ত্রে । উপ॑হূতে॒যং-যঁজ॑মানা । ই॒ন্দ্রা॒ণীবা॑বিধ॒বা । অদি॑তিরিব সুপু॒ত্রা । উত্ত॑রস্যা-ন্দেবয॒জ্যাযা॒-মুপ॑হূতা ।
ভূয॑সি হবি॒ষ্কর॑ণ॒ উপ॑হূতা । দি॒ব্যে ধাম॒ন্নুপ॑হূতা । ই॒দ-ম্মে॑ দে॒বা হ॒বি-র্জু॑ষন্তা॒মিতি॒ তস্মি॒-ন্নুপ॑হূতা । বিশ্ব॑মস্যাঃ প্রি॒যমুপ॑হূতম্ ।
বিশ্ব॑স্য প্রি॒যস্যোপ॑হূত॒স্যোপ॑হূতা ॥ 30 ॥
(স॒হর্ষ॑ভা হ্বযতা॒ - মুপ॑হূতগ্ং - সুপু॒ত্রা ষট্চ॑) (অ. 13)
(স॒ত্যং - প্রবো - ঽগ্নে॑ ম॒হা - ন॒গ্নির্-হোতা॑ - স॒মিধো॒ - ঽগ্নি-র্বৃ॒ত্রাণ্য॒ - গ্নি-র্মূ॒র্ধো - প॑হূতং - দে॒ব-ম্ব॒র্॒হি - রি॒দ-ন্দ্যা॑বাপৃথিবী॒ -তচ্ছং॒যোঁ- রা প্যা॑য॒স্বো - প॑হূত॒-ন্ত্রযো॑দশ)
(স॒ত্যং - ঁব॒যগ্গ্ স্যা॑ম - বৃ॒ষ্টিদ্যা॑বা ত্রি॒গ্ং॒শত্)
(স॒ত্য-মুপ॑হূতা)
॥ হরিঃ॑ ওম্ ॥
॥ কৃষ্ণ যজুর্বেদীয তৈত্তিরীয ব্রাহ্মণে তৃতীযাষ্টকে পঞ্চম প্রপাঠক-স্সমাপ্তঃ ॥
Roman (IAST) Transliteration
kṛṣṇa yajurvedīya taittirīya brāhmaṇe tṛtīyāṣṭake pañcamaḥ prapāṭhakaḥ - iṣṭihautram
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
anuvākaṃ 1 - hoturjapaḥ purastā-thsāmidhenīnām
sa॒tya-mprapa̭dye | ṛ॒ta-mprapa̭dye |
a॒mṛta॒-mprapa̭dye |
pra॒jāpa̭teḥ pri॒yā-nta॒nuva॒manā᳚rtā॒-mprapa̭dye |
i॒dama॒ha-mpa̭ñcada॒śena॒ vajrḙṇa |
dvi॒ṣanta॒-mbhrātṛ̭vya॒mava̭krāmāmi |
yo᳚-'smā-ndveṣṭi̭ | ya-ñca̭ va॒ya-ndvi॒ṣmaḥ |
bhūrbhuva॒-ssuvaḥ̭ | him || 1 ||
(sa॒tya-ndaśa̭) (a. 1)
anuvākaṃ 2 - sāmidhenīmranvāha
pra vo॒ vājā̭ a॒bhidya̭vaḥ | ha॒viṣma̭nto ghṛ॒tācyā᳚ |
de॒vāñji̭gāti sumna॒yuḥ || agna॒ āyā̭hi vī॒taye᳚ | gṛ॒ṇā॒no ha॒vyadā̭taye | ni hotā̭ sathsi ba॒ra॒ḥiṣi̭ || ta-ntvā̭ sa॒midbhi̭raṅgiraḥ | ghṛ॒tena̭ vardhayāmasi | bṛ॒haccho̭cā yaviṣṭhya || sa naḥ̭ pṛ॒thu śra॒vāyya᳚m || 2 ||
acchā̭ deva vivāsasi | bṛ॒hada̭gne su॒vīrya᳚m ||
ī॒ḍenyo̭ nama॒sya̭sti॒raḥ | tamāgṃ̭si darśa॒taḥ | sama॒gniri̭ddhyate॒ vṛṣā᳚ || vṛṣo̭ a॒gni-ssami̭ddhyate | aśvo॒ na dḙva॒vāha̭naḥ |
tagṃ ha॒viṣma̭nta īḍate || vṛṣa̭ṇa-ntvā va॒yaṃ-vṛ~ṣanṋ | vṛṣā̭ṇa॒-ssami̭dhīmahi || 3 ||
agne॒ dīdya̭ta-mbṛ॒hat || a॒gni-ndū॒taṃ-vṛ~̭ṇīmahe |
hotā̭raṃ-vi~॒śvavḙdasam | a॒sya ya॒jñasya̭ su॒kratu᳚m || sa॒mi॒ddhyamā̭no addhva॒re | a॒gniḥ pā̭va॒ka īḍyaḥ̭ | śo॒ciṣkḙśa॒stamī̭mahe || sami̭ddho agna āhuta | de॒vān. ya̭kṣi svaddhvara | tvagṃ hi ha̭vya॒vāḍasi̭ ||
ājṷhota duva॒syata̭ | a॒gni-mpra̭ya॒tya̭ddhva॒re |
vṛ॒ṇī॒ddhvagṃ ha̭vya॒vāha̭nam ||
tvaṃ-va~rṷṇa u॒ta mi॒tro a̭gne | tvāṃ-va~̭rdhanti ma॒tibhi॒rvasi̭ṣṭhāḥ | tve vasṷ suṣaṇa॒nāni̭ santu | yū॒ya-mpā̭ta sva॒stibhi॒-ssadā̭ naḥ || 4 ||
(śra॒vāyya̭ - midhīma॒ - hyasi̭ sa॒pta ca̭) (a. 2)
anuvākaṃ 3 - praramuktvā nivido-'nūcya devatā āvāhayati
agnḙ ma॒hāgṃ a̭si brāhmaṇa bhārata | asā॒vasau᳚ ||
de॒veddho॒ manvi̭ddhaḥ | ṛṣi̭ṣṭuto॒ viprā̭numaditaḥ | ka॒vi॒śa॒sto brahma̭sagṃśito ghṛ॒tāha̭vanaḥ |
pra॒ṇī-rya॒jñānā᳚m | ra॒thīra̭ddhva॒rāṇā᳚m |
a॒tūrto॒ hotā᳚ | tūrṇi̭rhavya॒vāṭ |
āspātra̭-ñju॒hū-rde॒vānā᳚m || 5 ||
ca॒ma॒so dḙva॒pānaḥ̭ | a॒rāgṃ i̭vāgne ne॒mirde॒vāgstva-mpa̭ri॒bhūra̭si | āva̭ha de॒vān. yaja̭mānāya || a॒gnima̭gna॒ āva̭ha | soma॒māva̭ha |
a॒gnimāva̭ha | pra॒jāpa̭ti॒māva̭ha | a॒gnīṣomā॒vāva̭ha | i॒ndrā॒gnī āva̭ha | indra॒māva̭ha | ma॒he॒ndramāva̭ha | de॒vāgṃ ā᳚jya॒pāgṃ āva̭ha |
a॒gnigṃ ho॒trāyāva̭ha | sva-mma̭hi॒māna॒māva̭ha | ā cā᳚gne de॒vān. vaha̭ | su॒yajā̭ ca yaja jātavedaḥ || 6 ||
(de॒vānā॒-mindra॒māva̭ha॒ ṣaṭca̭) (a. 3)
anuvākaṃ 4 - srucāvādāpayati
a॒gnir-hotā॒ vetva॒gniḥ | ho॒traṃ-ve~᳚ttu prāvi॒tram | smo va॒yam | sā॒dhu tḙ yajamāna de॒vatā᳚ | ghṛ॒tava̭tī-maddhvaryo॒ sruca॒mā-'sya̭sva | de॒vā॒yuvaṃ̭-vi~॒śvavā̭rām | īḍā̭mahai de॒vāgṃ ī॒ḍenyāṋ |
na॒ma॒syāma̭ nama॒syāṋ | yajā̭ma ya॒jñiyāṋ || 7 ||
(a॒gnir-hotā॒ nava̭) (a. 4)
anuvākaṃ 5 - prayājāḥ
sa॒midho̭ agna॒ ājya̭sya viyantu | tanū॒napā̭dagna॒ ājya̭sya vetu | i॒ḍo a̭gna॒ ājya̭sya viyantu | ba॒r॒hira̭gna॒ ājya̭sya vetu | svāhā॒-'gnim | svāhā॒ soma᳚m | svāhā॒-'gnim | svāhā᳚ pra॒jāpa̭tim |
svāhā॒-'gnīṣomau᳚ | svāhe᳚ndrā॒gnī | svāhendra᳚m |
svāhā̭ mahe॒ndram | svāhā̭ de॒vāgṃ ā᳚jya॒pān | svāhā॒-'gnigṃ ho॒trājjṷṣā॒ṇāḥ |
agna॒ ājya̭sya viyantu || 8 ||
(i॒ndrā॒gnī pañca̭ ca) (a. 5)
anuvākaṃ 6 - ajyabhāgayoḥ puronuvākye
a॒gni-rvṛ॒trāṇi̭ jaṅghanat | dra॒vi॒ṇa॒syu-rvi̭pa॒nyayā᳚ |
sami̭ddha-śśu॒kra āhṷtaḥ | ju॒ṣā॒ṇo a॒gnirājya̭sya vetu | tvagṃ so̭māsi॒ satpa̭tiḥ | tvagṃ rājo॒ta vṛ̭tra॒hā |
tva-mbha॒dro a̭si॒ kratuḥ̭ | ju॒ṣā॒ṇa-ssoma॒ ājya̭sya ha॒viṣo̭ vetu | a॒gniḥ pra॒tnena॒ janma̭nā | śumbhā̭nasta॒nuva॒gg॒ svām |
ka॒vi-rviprḙṇa vāvṛdhe | ju॒ṣā॒ṇo a॒gnirājya̭sya vetu |
soma̭ gī॒rbhiṣṭvā̭ va॒yam | va॒rdhayā̭mo vaco॒vidaḥ̭ | su॒mṛ॒ḍī॒ko na॒ āvi̭śa |
ju॒ṣā॒ṇa-ssoma॒ ājya̭sya ha॒viṣo̭ vetu || 9 ||
(svāgṃ ṣaṭca̭) (a. 6)
anuvākaṃ 7 - haviṣāṃ-yā~jyānuvākyāḥ
a॒gni-rmū॒rdhā di॒vaḥ ka॒kut | patiḥ̭ pṛthi॒vyā a॒yam |
a॒pāgṃ retāgṃ̭si jinvati | bhuvo̭ ya॒jñasya॒ raja̭saśca ne॒tā | yatrā̭ ni॒yudbhi॒-ssaca̭se śi॒vābhiḥ̭ | di॒vi mū॒rdhāna̭-ndadhiṣe suva॒r॒ṣām |
ji॒hvāma̭gne cakṛṣe havya॒vāha᳚m | prajā̭pate॒ na tvade॒tānya॒nyaḥ | viśvā̭ jā॒tāni॒ pari॒ tā ba̭bhūva |
yat-kā̭māste juhu॒mastanno̭ astu || 10 ||
va॒yagg syā̭ma॒ pata̭yo rayī॒ṇām | sa vḙda pu॒traḥ pi॒tara॒gṃ॒ sa mā॒tara᳚m | sa sū॒nurbhṷva॒thsa bhṷva॒tpuna̭rmaghaḥ | sa dyāmaurṇo̭da॒ntari̭kṣa॒gṃ॒ sa suvaḥ̭ | sa viśvā॒ bhuvo̭ abhava॒thsa ā-'bha̭vat | agnī̭ṣomā॒ savḙdasā | sahṷ̄tī vanata॒-ṅgiraḥ̭ | sa-ndḙva॒trā ba̭bhūvathuḥ | yu॒vame॒tāni̭ di॒vi ro̭ca॒nāni̭ |
a॒gniśca̭ soma॒ sakra̭tū adhattam || 11 ||
yu॒vagṃ sindhūgṃ̭ ra॒bhiśa̭ste-rava॒dyāt | agnī̭ṣomā॒-vamṷñcata-ṅgṛbhī॒tān |
indrā᳚gnī roca॒nā di॒vaḥ | pari॒ vājḙṣu bhūṣathaḥ |
tadvā᳚-ñceti॒ pravī॒rya᳚m | śnatha̭dvṛ॒tramu॒ta sa̭noti॒ vāja᳚m | indrā॒ yo a॒gnī sahṷrī sapa॒ryāt |
i॒ra॒jyantā̭ vasa॒vya̭sya॒ bhūreḥ᳚ | saha̭stamā॒ saha̭sā vāja॒yantā᳚ | endra̭ sāna॒sigṃ ra॒yim || 12 ||
sa॒jitvā̭nagṃ sadā॒saha᳚m | varṣi̭ṣṭhamū॒tayḙ bhara | prasa̭sāhiṣe puruhūta॒ śatrūṋ | jyeṣṭha̭ste॒ śuṣma̭ i॒ha rā॒tira̭stu | indrābha̭ra॒ dakṣi̭ṇenā॒ vasṷ̄ni | pati॒-ssindhṷ̄nāmasi re॒vatī̭nām | ma॒hāgṃ indro॒ ya oja̭sā | pa॒rjanyo̭ vṛṣṭi॒māgṃ i̭va |
stomai᳚rva॒thsasya̭ vāvṛdhe |
ma॒hāṃ indro̭ nṛ॒vadāca̭rṣaṇi॒prāḥ || 13 ||
u॒ta dvi॒barhā̭ ami॒na-ssaho̭bhiḥ | a॒sma॒driya̭gvāvṛdhe vī॒ryā̭ya |
u॒ruḥ pṛ॒thu-ssukṛ̭taḥ ka॒rtṛbhi̭rbhūt |
pi॒prī॒hi de॒vāgṃ ṷśa॒to ya̭viṣṭha |
vi॒dvāṃ ṛtūgṃr-ṛ̭tupate yaje॒ha |
ye daivyā̭ ṛ॒tvija॒stebhi̭ragne |
tvagṃ hotṝ̭ṇāma॒syāya̭jiṣṭhaḥ ||
a॒gnigg svi̭ṣṭa॒kṛta᳚m | ayā̭ḍa॒gnira॒gneḥ pri॒yā dhāmā̭ni | ayā॒ṭthsoma̭sya pri॒yā dhāmā̭ni || 14 ||
ayā̭ḍa॒gneḥ pri॒yā dhāmā̭ni | ayā᳚ṭpra॒jāpa̭teḥ pri॒yā dhāmā̭ni | ayā̭ḍa॒gnīṣoma̭yoḥ pri॒yā dhāmā̭ni | ayā̭ḍindrāgni॒yoḥ pri॒yā dhāmā̭ni |
ayā॒ḍindra̭sya pri॒yā dhāmā̭ni | ayā᳚ṇmahe॒ndrasya̭ pri॒yā dhāmā̭ni | ayā᳚ḍde॒vānā̭-mājya॒pānā᳚-mpri॒yā dhāmā̭ni | yakṣa̭da॒gner-hotuḥ̭ pri॒yā dhāmā̭ni | yakṣa॒thsva-mma̭hi॒māna᳚m | āya̭jatā॒mejyā॒ iṣaḥ̭ | kṛ॒ṇotu॒ so a̭ddhva॒rā jā॒tavḙdāḥ | ju॒ṣatāgṃ̭ ha॒viḥ | agne॒ yada॒dya vi॒śo a̭ddhvarasya hotaḥ |
pāva̭ka śoce॒ veṣṭvagṃ hi yajvā᳚ | ṛ॒tā ya̭jāsi mahi॒nā vi yadbhūḥ |
ha॒vyā va̭ha yaviṣṭha॒ yā tḙ a॒dya || 15 ||
(a॒stva॒ - dha॒tta॒gṃ - ra॒yiṃ - ca̭rṣaṇi॒prāḥ - soma̭sya pri॒yā dhāmā॒ - nīṣa॒-ṣṣaṭca̭) (a. 7)
anuvākaṃ 8 - iḍopāhvānām
upa̭hūtagṃ rathanta॒ragṃ sa॒ha pṛ̭thi॒vyā |
upa̭ mā rathanta॒ragṃ sa॒ha pṛ̭thi॒vyā hva̭yatām |
upa̭hūtaṃ-vā~made॒vyagṃ sa॒hāntari̭kṣeṇa |
upa̭ mā vāmade॒vyagṃ sa॒hāntari̭kṣeṇa hvayatām |
upa̭ hūta-mbṛ॒hathsa॒ha di॒vā | upa̭ mā bṛ॒hathsa॒ha di॒vā hva̭yatām | upa̭hūtā-ssa॒pta hotrāḥ᳚ |
upa̭ mā sa॒pta hotrā᳚ hvayantām | upa̭hūtā dhe॒nu-ssa॒harṣa̭bhā | upa̭ mā dhe॒nu-ssa॒harṣa̭bhā hvayatām || 16 ||
upa̭hūto bha॒kṣa-ssakhā᳚ | upa̭ mā bha॒kṣa-ssakhā᳚ hvayatām | upa̭hū॒tā~(4) ho | iḍopa̭hūtā | upa̭hū॒teḍā᳚ | upo̭ a॒smāgṃ iḍā᳚ hvayatām | iḍopa̭hūtā | upa̭hū॒teḍā᳚ | mā॒na॒vī ghṛ॒tapa̭dī maitrāvaru॒ṇī |
brahma̭ de॒vakṛ̭ta॒mupa̭hūtam || 17 ||
daivyā̭ addhva॒ryava॒ upa̭hūtāḥ | upa̭hūtā manu॒ṣyāḥ᳚ | ya i॒maṃ-ya~॒jñamavāṋ | ye ya॒jñapa̭tiṃ॒-va~rdhāṋ | upa̭hūte॒ dyāvā̭pṛthi॒vī |
pū॒rva॒je ṛ॒tāva̭rī | de॒vī de॒vapṷtre | upa̭hūto॒-'yaṃ-ya~ja̭mānaḥ | utta̭rasyā-ndevaya॒jyāyā॒-mupa̭hūtaḥ | bhūya̭si havi॒ṣkara̭ṇa॒ upa̭hūtaḥ |
di॒vye dhāma॒nnupa̭hūtaḥ |
i॒da-mmḙ de॒vā ha॒virjṷṣantā॒miti॒ tasmi॒nnupa̭hūtaḥ |
viśva̭masya pri॒yamupa̭hūtam |
viśva̭sya pri॒yasyopa̭hūta॒syopa̭hūtaḥ || 18 ||
(sa॒harṣa̭bhā hvayatā॒ - mupa̭hūtagṃ - havi॒ṣkara̭ṇa॒ upa̭hūtaśca॒tvāri̭ ca) (a. 8)
anuvākaṃ 9 - anūyājāḥ
de॒va-mba॒r॒hiḥ | va॒su॒vanḙ vasu॒dheya̭sya vetu | de॒vo narā॒śagṃ saḥ̭ | va॒su॒vanḙ vasu॒dheya̭sya vetu | de॒vo a॒gni-ssvi̭ṣṭa॒kṛt | su॒dravi̭ṇā ma॒ndraḥ ka॒viḥ | sa॒tyama̭nmā-''ya॒jī hotā᳚ | hotṷr-hotu॒rāya̭jīyān | agne॒ yān-de॒vānayā᳚ṭ | yāgṃ api̭preḥ | ye tḙ ho॒tre ama̭thsata | tāgṃ sa̭sa॒nuṣī॒gṃ॒ hotrā᳚-ndeva-ṅga॒mām | di॒vi de॒veṣṷ ya॒jñamera̭ye॒mam | svi॒ṣṭa॒kṛccāgne॒ hotā-'bhūḥ᳚ |
va॒su॒vanḙ vasu॒dheya̭sya namovā॒ke vīhi̭ || 19 ||
(api̭preḥ॒ pañca̭ ca) (a. 9)
anuvākaṃ 10 - sūktāvākaḥ
i॒da-ndyā̭vāpṛthivī bha॒drama̭bhūt |
ārdhma̭ sūktavā॒kam | u॒ta na̭movā॒kam |
ṛ॒ddhyāsma̭ sū॒ktocya̭magne | tvagṃ sū᳚kta॒vāga̭si |
upa̭śrito di॒vaḥ pṛ̭thi॒vyoḥ | oma̭nvatī te॒-'smin. ya॒jñe ya̭jamāna॒ dyāvā̭pṛthi॒vī stā᳚m |
śa॒gaṃ॒ye jī॒radā̭nū | atra̭snū॒ apra̭vede |
u॒ruga̭vyūtī abhaya॒-ṅkṛtau᳚ || 20 ||
vṛ॒ṣṭidyā̭vā rī॒tyā̭pā | śa॒mbhuvaṷ mayo॒bhuvau᳚ |
ūrja̭svatī ca॒ paya̭svatī ca | sū॒pa॒ca॒ra॒ṇā ca̭ svadhicara॒ṇā ca̭ | tayo̭rā॒vidi̭ ||
a॒gniri॒dagṃ ha॒vira̭juṣata | avī̭vṛdhata॒ maho॒ jyāyo̭-'kṛta | soma̭ i॒dagṃ ha॒vira̭juṣata | avī̭vṛdhata॒ maho॒ jyāyo̭-'kṛta |
a॒gniri॒dagṃ ha॒vira̭juṣata || 21 ||
avī̭vṛdhata॒ maho॒ jyāyo̭-'kṛta | pra॒jāpa̭tiri॒dagṃ ha॒vira̭juṣata | avī̭vṛdhata॒ maho॒ jyāyo̭-'kṛta | a॒gnīṣomā̭vi॒dagṃ ha॒vira̭juṣetām |
avī̭vṛdhetā॒-mmaho॒ jyāyo᳚-'krātām |
i॒ndrā॒gnī i॒dagṃ ha॒vira̭juṣetām |
avī̭vṛdhetā॒-mmaho॒ jyāyo᳚-'krātām | indra̭ i॒dagṃ ha॒vira̭juṣata | avī̭vṛdhata॒ maho॒ jyāyo̭-'kṛta | ma॒he॒ndra i॒dagṃ ha॒vira̭juṣata || 22 ||
avī̭vṛdhata॒ maho॒ jyāyo̭-'kṛta | de॒vā ā᳚jya॒pā ājya̭majuṣanta | avī̭vṛdhanta॒ maho॒ jyāyo᳚-'krata | a॒gnirho॒treṇe॒dagṃ ha॒vira̭juṣata |
avī̭vṛdhata॒ maho॒ jyāyo̭-'kṛta |
a॒syāmṛdha॒-ddhotrā̭yā-ndevaṅga॒māyā᳚m |
āśā᳚ste॒-'yaṃ-ya~ja̭māno॒-'sau ||
āyu॒rāśā᳚ste | su॒pra॒jā॒stva-māśā᳚ste |
sa॒jā॒ta॒va॒na॒syā-māśā᳚ste || 23 ||
utta̭rā-ndevaya॒jyā-māśā᳚ste | bhūyo̭ havi॒ṣkara̭ṇa॒-māśā᳚ste | di॒vya-ndhāmāśā᳚ste | viśva̭-mpri॒yamāśā᳚ste | yada॒nena̭ ha॒viṣā ''śā᳚ste | tada̭śyā॒t-tadṛ̭ddhyāt | tada̭smai de॒vā rā̭santām | tada॒gni-rde॒vo de॒vebhyo॒ vana̭te | va॒yama॒gne-rmānṷṣāḥ | i॒ṣṭa-ñca̭ vī॒ta-ñca̭ | u॒bhe ca̭ no॒ dyāvā̭pṛthi॒vī agṃha̭saspātām |
i॒ha gati̭-rvā॒masye॒da-ñca̭ | namo̭ de॒vebhyaḥ̭ || 24 ||
(a॒bha॒ya॒ṅkṛtā̭vakṛ - tā॒gniri॒dagṃ ha॒vira̭juṣata - mahe॒ndra i॒dagṃ ha॒vira̭juṣata - sajātavana॒syāmāśā᳚ste - vī॒ta-ñca॒ trīṇi̭ ca) (a. 10)
anuvākaṃ 11 - śaṃyu~vākaḥ
tacchaṃ॒-yo~rā vṛ̭ṇīmahe | gā॒tuṃ-ya~॒jñāya̭ | gā॒tuṃ-ya~॒jñapa̭taye | daivī᳚ sva॒stira̭stu naḥ | sva॒sti-rmānṷṣebhyaḥ | ū॒rdhva-ñji̭gātu bheṣa॒jam |
śa-nno̭ astu dvi॒pade᳚ | śa-ñcatṷṣpade || 25 ||
(tacchaṃ॒-yo~ra॒ṣṭau) (a. 11)
anuvākaṃ 12 - patnīsaṃyā~jānāṃ-yā~jyānuvākyāḥ
ā pyā̭yasva॒ samḙtu te vi॒śvataḥ̭ soma॒ vṛṣṇi̭yam | bhavā॒ vāja̭sya saṅga॒the || sa-nte॒ payāgṃ ̭si॒ samṷ yantu॒ vājā॒-ssaṃ-vṛ~ṣṇi̭yā-nyabhimāti॒ṣāhaḥ̭ | ā॒pyāya̭māno a॒mṛtā̭ya soma di॒vi śravāg̭syutta॒māni̭ dhiṣva || ||
i॒ha tvaṣṭā̭ramagri॒yaṃ-vi~॒śvarṷ̄pa॒mupa̭ hvaye | a॒smāka̭mastu॒ keva̭laḥ || tanna̭stu॒rīpa॒madha̭ poṣayi॒tnu deva̭ tvaṣṭa॒rvi ra̭rā॒ṇa-ssya̭sva | yato̭ vī॒raḥ ka̭rma॒ṇyaḥ̭ su॒dakṣo̭ yu॒ktagrā̭vā॒ jāya̭te de॒vakā̭maḥ || ||
de॒vānā॒-mpatnī̭ruśa॒tīra̭vantu naḥ | prāva̭ntu nastu॒jaye॒ vāja̭sātaye | yāḥ pārthi̭vāso॒ yā a॒pāmapi̭ vra॒te | tā no̭ devī-ssuhavā॒-śśarma̭ yacchata || u॒ta gnā vi̭yantu de॒vapa̭tnīḥ | i॒ndrā॒ṇya̭gnāyya॒śvinī॒ rāṭ | ā roda̭sī varuṇā॒nī śṛ̭ṇotu |
vi॒yantṷ de॒vīrya ṛ॒turjanī̭nām || 26 ||
a॒gnir-hotā̭ gṛ॒hapa̭ti॒-ssa rājā᳚ | viśvā̭ veda॒ jani̭mā jā॒tavḙdāḥ | de॒vānā̭mu॒ta yo martyā̭nām | yaji̭ṣṭha॒-ssa praya̭jatāmṛ॒tāvā᳚ ||
va॒yamṷ tvā gṛhapate॒ janā̭nām | agne॒ aka̭rma sa॒midhā̭ bṛ॒hanta᳚m | a॒sthū॒riṇo॒ gārha̭patyāni santu | ti॒gmena̭ na॒steja̭sā॒ sagṃśi̭śādhi || 27 ||
(janī̭nā - +ma॒ṣṭau ca̭) (a. 12)
anuvākaṃ 13 - patnīsaṃyā~je somāhvānam
upa̭hūtagṃ rathanta॒ragṃ sa॒ha pṛ̭thi॒vyā |
upa̭ mā rathanta॒ragṃ sa॒ha pṛ̭thi॒vyā hva̭yatām |
upa̭hūtaṃ-vā~made॒vyagṃ sa॒hāntari̭kṣeṇa |
upa̭ mā vāmade॒vyagṃ sa॒hāntari̭kṣeṇa hvayatām | upa̭hūta-mbṛ॒hathsa॒ha di॒vā | upa̭ mā bṛ॒hathsa॒ha di॒vā hva̭yatām | upa̭hūtā-ssa॒pta hotrāḥ᳚ |
upa̭ mā sa॒pta hotrā᳚ hvayantām | upa̭hūtā dhe॒nu-ssa॒harṣa̭bhā | upa̭ mā dhe॒nu-ssa॒harṣa̭bhā hvayatām || 28 ||
upa̭hūto bha॒kṣa-ssakhā᳚ | upa̭ mā bha॒kṣa-ssakhā᳚ hvayatām | upa̭hū॒tā~(4) ho | iḍopa̭hūtā | upa̭hū॒teḍā᳚ | upo̭ a॒smāgṃ iḍā᳚ hvayatām | iḍopa̭hūtā | upa̭hū॒teḍā᳚ | mā॒na॒vī ghṛ॒tapa̭dī maitrāvaru॒ṇī |
brahma̭ de॒vakṛ̭ta॒mupa̭hūtam || 29 ||
daivyā̭ addhva॒ryava॒ upa̭hūtāḥ | upa̭hūtā manu॒ṣyāḥ᳚ | ya i॒maṃ-ya~॒jñamavāṋ | ye ya॒jñapa̭tnīṃ॒-va~rdhāṋ | upa̭hūte॒ dyāvā̭pṛthi॒vī | pū॒rva॒je ṛ॒tāva̭rī | de॒vī de॒vapṷtre | upa̭hūte॒yaṃ-ya~ja̭mānā | i॒ndrā॒ṇīvā̭vidha॒vā | adi̭tiriva supu॒trā | utta̭rasyā-ndevaya॒jyāyā॒-mupa̭hūtā |
bhūya̭si havi॒ṣkara̭ṇa॒ upa̭hūtā | di॒vye dhāma॒nnupa̭hūtā | i॒da-mmḙ de॒vā ha॒vi-rjṷṣantā॒miti॒ tasmi॒-nnupa̭hūtā | viśva̭masyāḥ pri॒yamupa̭hūtam |
viśva̭sya pri॒yasyopa̭hūta॒syopa̭hūtā || 30 ||
(sa॒harṣa̭bhā hvayatā॒ - mupa̭hūtagṃ - supu॒trā ṣaṭca̭) (a. 13)
(sa॒tyaṃ - pravo - 'gnḙ ma॒hā - na॒gnir-hotā̭ - sa॒midho॒ - 'gni-rvṛ॒trāṇya॒ - gni-rmū॒rdho - pa̭hūtaṃ - de॒va-mba॒r॒hi - ri॒da-ndyā̭vāpṛthivī॒ -tacchaṃ॒yo~- rā pyā̭ya॒svo - pa̭hūta॒-ntrayo̭daśa)
(sa॒tyaṃ - ~va॒yagg syā̭ma - vṛ॒ṣṭidyā̭vā tri॒gṃ॒śat)
(sa॒tya-mupa̭hūtā)
|| hariḥ̭ om ||
|| kṛṣṇa yajurvedīya taittirīya brāhmaṇe tṛtīyāṣṭake pañcama prapāṭhaka-ssamāptaḥ ||
Sanskrit — Devanagari (original)
कृष्ण यजुर्वेदीय तैत्तिरीय ब्राह्मणे तृतीयाष्टके पञ्चमः प्रपाठकः - इष्टिहौत्रम्
ओ-न्नमः परमात्मने, श्री महागणपतये नमः,
श्री गुरुभ्यो नमः । ह॒रिः॒ ओम् ॥
अनुवाकं 1 - होतुर्जपः पुरस्ता-थ्सामिधेनीनाम्
स॒त्य-म्प्रप॑द्ये । ऋ॒त-म्प्रप॑द्ये ।
अ॒मृत॒-म्प्रप॑द्ये ।
प्र॒जाप॑तेः प्रि॒या-न्त॒नुव॒मना᳚र्ता॒-म्प्रप॑द्ये ।
इ॒दम॒ह-म्प॑ञ्चद॒शेन॒ वज्रे॑ण ।
द्वि॒षन्त॒-म्भ्रातृ॑व्य॒मव॑क्रामामि ।
यो᳚-ऽस्मा-न्द्वेष्टि॑ । य-ञ्च॑ व॒य-न्द्वि॒ष्मः ।
भूर्भुव॒-स्सुवः॑ । हिम् ॥ 1 ॥
(स॒त्य-न्दश॑) (अ. 1)
अनुवाकं 2 - सामिधेनीम्रन्वाह
प्र वो॒ वाजा॑ अ॒भिद्य॑वः । ह॒विष्म॑न्तो घृ॒ताच्या᳚ ।
दे॒वाञ्जि॑गाति सुम्न॒युः ॥ अग्न॒ आया॑हि वी॒तये᳚ । गृ॒णा॒नो ह॒व्यदा॑तये । नि होता॑ सथ्सि ब॒र॒ःइषि॑ ॥ त-न्त्वा॑ स॒मिद्भि॑रङ्गिरः । घृ॒तेन॑ वर्धयामसि । बृ॒हच्छो॑चा यविष्ठ्य ॥ स नः॑ पृ॒थु श्र॒वाय्य᳚म् ॥ 2 ॥
अच्छा॑ देव विवाससि । बृ॒हद॑ग्ने सु॒वीर्य᳚म् ॥
ई॒डेन्यो॑ नम॒स्य॑स्ति॒रः । तमाग्ं॑सि दर्श॒तः । सम॒ग्निरि॑द्ध्यते॒ वृषा᳚ ॥ वृषो॑ अ॒ग्नि-स्समि॑द्ध्यते । अश्वो॒ न दे॑व॒वाह॑नः ।
तग्ं ह॒विष्म॑न्त ईडते ॥ वृष॑ण-न्त्वा व॒यं-वृँषन्न्॑ । वृषा॑ण॒-स्समि॑धीमहि ॥ 3 ॥
अग्ने॒ दीद्य॑त-म्बृ॒हत् ॥ अ॒ग्नि-न्दू॒तं-वृँ॑णीमहे ।
होता॑रं-विँ॒श्ववे॑दसम् । अ॒स्य य॒ज्ञस्य॑ सु॒क्रतु᳚म् ॥ स॒मि॒द्ध्यमा॑नो अद्ध्व॒रे । अ॒ग्निः पा॑व॒क ईड्यः॑ । शो॒चिष्के॑श॒स्तमी॑महे ॥ समि॑द्धो अग्न आहुत । दे॒वान्. य॑क्षि स्वद्ध्वर । त्वग्ं हि ह॑व्य॒वाडसि॑ ॥
आजु॑होत दुव॒स्यत॑ । अ॒ग्नि-म्प्र॑य॒त्य॑द्ध्व॒रे ।
वृ॒णी॒द्ध्वग्ं ह॑व्य॒वाह॑नम् ॥
त्वं-वँरु॑ण उ॒त मि॒त्रो अ॑ग्ने । त्वां-वँ॑र्धन्ति म॒तिभि॒र्वसि॑ष्ठाः । त्वे वसु॑ सुषण॒नानि॑ सन्तु । यू॒य-म्पा॑त स्व॒स्तिभि॒-स्सदा॑ नः ॥ 4 ॥
(श्र॒वाय्य॑ - मिधीम॒ - ह्यसि॑ स॒प्त च॑) (अ. 2)
अनुवाकं 3 - प्ररमुक्त्वा निविदो-ऽनूच्य देवता आवाहयति
अग्ने॑ म॒हाग्ं अ॑सि ब्राह्मण भारत । असा॒वसौ᳚ ॥
दे॒वेद्धो॒ मन्वि॑द्धः । ऋषि॑ष्टुतो॒ विप्रा॑नुमदितः । क॒वि॒श॒स्तो ब्रह्म॑सग्ंशितो घृ॒ताह॑वनः ।
प्र॒णी-र्य॒ज्ञाना᳚म् । र॒थीर॑द्ध्व॒राणा᳚म् ।
अ॒तूर्तो॒ होता᳚ । तूर्णि॑र्हव्य॒वाट् ।
आस्पात्र॑-ञ्जु॒हू-र्दे॒वाना᳚म् ॥ 5 ॥
च॒म॒सो दे॑व॒पानः॑ । अ॒राग्ं इ॑वाग्ने ने॒मिर्दे॒वाग्स्त्व-म्प॑रि॒भूर॑सि । आव॑ह दे॒वान्. यज॑मानाय ॥ अ॒ग्निम॑ग्न॒ आव॑ह । सोम॒माव॑ह ।
अ॒ग्निमाव॑ह । प्र॒जाप॑ति॒माव॑ह । अ॒ग्नीषोमा॒वाव॑ह । इ॒न्द्रा॒ग्नी आव॑ह । इन्द्र॒माव॑ह । म॒हे॒न्द्रमाव॑ह । दे॒वाग्ं आ᳚ज्य॒पाग्ं आव॑ह ।
अ॒ग्निग्ं हो॒त्रायाव॑ह । स्व-म्म॑हि॒मान॒माव॑ह । आ चा᳚ग्ने दे॒वान्. वह॑ । सु॒यजा॑ च यज जातवेदः ॥ 6 ॥
(दे॒वाना॒-मिन्द्र॒माव॑ह॒ षट्च॑) (अ. 3)
अनुवाकं 4 - स्रुचावादापयति
अ॒ग्निर्-होता॒ वेत्व॒ग्निः । हो॒त्रं-वेँ᳚त्तु प्रावि॒त्रम् । स्मो व॒यम् । सा॒धु ते॑ यजमान दे॒वता᳚ । घृ॒तव॑ती-मद्ध्वर्यो॒ स्रुच॒मा-ऽस्य॑स्व । दे॒वा॒युवं॑-विँ॒श्ववा॑राम् । ईडा॑महै दे॒वाग्ं ई॒डेन्यान्॑ ।
न॒म॒स्याम॑ नम॒स्यान्॑ । यजा॑म य॒ज्ञियान्॑ ॥ 7 ॥
(अ॒ग्निर्-होता॒ नव॑) (अ. 4)
अनुवाकं 5 - प्रयाजाः
स॒मिधो॑ अग्न॒ आज्य॑स्य वियन्तु । तनू॒नपा॑दग्न॒ आज्य॑स्य वेतु । इ॒डो अ॑ग्न॒ आज्य॑स्य वियन्तु । ब॒र्॒हिर॑ग्न॒ आज्य॑स्य वेतु । स्वाहा॒-ऽग्निम् । स्वाहा॒ सोम᳚म् । स्वाहा॒-ऽग्निम् । स्वाहा᳚ प्र॒जाप॑तिम् ।
स्वाहा॒-ऽग्नीषोमौ᳚ । स्वाहे᳚न्द्रा॒ग्नी । स्वाहेन्द्र᳚म् ।
स्वाहा॑ महे॒न्द्रम् । स्वाहा॑ दे॒वाग्ं आ᳚ज्य॒पान् । स्वाहा॒-ऽग्निग्ं हो॒त्राज्जु॑षा॒णाः ।
अग्न॒ आज्य॑स्य वियन्तु ॥ 8 ॥
(इ॒न्द्रा॒ग्नी पञ्च॑ च) (अ. 5)
अनुवाकं 6 - अज्यभागयोः पुरोनुवाक्ये
अ॒ग्नि-र्वृ॒त्राणि॑ जङ्घनत् । द्र॒वि॒ण॒स्यु-र्वि॑प॒न्यया᳚ ।
समि॑द्ध-श्शु॒क्र आहु॑तः । जु॒षा॒णो अ॒ग्निराज्य॑स्य वेतु । त्वग्ं सो॑मासि॒ सत्प॑तिः । त्वग्ं राजो॒त वृ॑त्र॒हा ।
त्व-म्भ॒द्रो अ॑सि॒ क्रतुः॑ । जु॒षा॒ण-स्सोम॒ आज्य॑स्य ह॒विषो॑ वेतु । अ॒ग्निः प्र॒त्नेन॒ जन्म॑ना । शुम्भा॑नस्त॒नुव॒ग्ग्॒ स्वाम् ।
क॒वि-र्विप्रे॑ण वावृधे । जु॒षा॒णो अ॒ग्निराज्य॑स्य वेतु ।
सोम॑ गी॒र्भिष्ट्वा॑ व॒यम् । व॒र्धया॑मो वचो॒विदः॑ । सु॒मृ॒डी॒को न॒ आवि॑श ।
जु॒षा॒ण-स्सोम॒ आज्य॑स्य ह॒विषो॑ वेतु ॥ 9 ॥
(स्वाग्ं षट्च॑) (अ. 6)
अनुवाकं 7 - हविषां-याँज्यानुवाक्याः
अ॒ग्नि-र्मू॒र्धा दि॒वः क॒कुत् । पतिः॑ पृथि॒व्या अ॒यम् ।
अ॒पाग्ं रेताग्ं॑सि जिन्वति । भुवो॑ य॒ज्ञस्य॒ रज॑सश्च ने॒ता । यत्रा॑ नि॒युद्भि॒-स्सच॑से शि॒वाभिः॑ । दि॒वि मू॒र्धान॑-न्दधिषे सुव॒र्॒षाम् ।
जि॒ह्वाम॑ग्ने चकृषे हव्य॒वाह᳚म् । प्रजा॑पते॒ न त्वदे॒तान्य॒न्यः । विश्वा॑ जा॒तानि॒ परि॒ ता ब॑भूव ।
यत्-का॑मास्ते जुहु॒मस्तन्नो॑ अस्तु ॥ 10 ॥
व॒यग्ग् स्या॑म॒ पत॑यो रयी॒णाम् । स वे॑द पु॒त्रः पि॒तर॒ग्ं॒ स मा॒तर᳚म् । स सू॒नुर्भु॑व॒थ्स भु॑व॒त्पुन॑र्मघः । स द्यामौर्णो॑द॒न्तरि॑क्ष॒ग्ं॒ स सुवः॑ । स विश्वा॒ भुवो॑ अभव॒थ्स आ-ऽभ॑वत् । अग्नी॑षोमा॒ सवे॑दसा । सहू॑ती वनत॒-ङ्गिरः॑ । स-न्दे॑व॒त्रा ब॑भूवथुः । यु॒वमे॒तानि॑ दि॒वि रो॑च॒नानि॑ ।
अ॒ग्निश्च॑ सोम॒ सक्र॑तू अधत्तम् ॥ 11 ॥
यु॒वग्ं सिन्धूग्ं॑ र॒भिश॑स्ते-रव॒द्यात् । अग्नी॑षोमा॒-वमु॑ञ्चत-ङ्गृभी॒तान् ।
इन्द्रा᳚ग्नी रोच॒ना दि॒वः । परि॒ वाजे॑षु भूषथः ।
तद्वा᳚-ञ्चेति॒ प्रवी॒र्य᳚म् । श्नथ॑द्वृ॒त्रमु॒त स॑नोति॒ वाज᳚म् । इन्द्रा॒ यो अ॒ग्नी सहु॑री सप॒र्यात् ।
इ॒र॒ज्यन्ता॑ वस॒व्य॑स्य॒ भूरेः᳚ । सह॑स्तमा॒ सह॑सा वाज॒यन्ता᳚ । एन्द्र॑ सान॒सिग्ं र॒यिम् ॥ 12 ॥
स॒जित्वा॑नग्ं सदा॒सह᳚म् । वर्षि॑ष्ठमू॒तये॑ भर । प्रस॑साहिषे पुरुहूत॒ शत्रून्॑ । ज्येष्ठ॑स्ते॒ शुष्म॑ इ॒ह रा॒तिर॑स्तु । इन्द्राभ॑र॒ दक्षि॑णेना॒ वसू॑नि । पति॒-स्सिन्धू॑नामसि रे॒वती॑नाम् । म॒हाग्ं इन्द्रो॒ य ओज॑सा । प॒र्जन्यो॑ वृष्टि॒माग्ं इ॑व ।
स्तोमै᳚र्व॒थ्सस्य॑ वावृधे ।
म॒हां इन्द्रो॑ नृ॒वदाच॑र्षणि॒प्राः ॥ 13 ॥
उ॒त द्वि॒बर्हा॑ अमि॒न-स्सहो॑भिः । अ॒स्म॒द्रिय॑ग्वावृधे वी॒र्या॑य ।
उ॒रुः पृ॒थु-स्सुकृ॑तः क॒र्तृभि॑र्भूत् ।
पि॒प्री॒हि दे॒वाग्ं उ॑श॒तो य॑विष्ठ ।
वि॒द्वां ऋतूग्ंर्-ऋ॑तुपते यजे॒ह ।
ये दैव्या॑ ऋ॒त्विज॒स्तेभि॑रग्ने ।
त्वग्ं होतॄ॑णाम॒स्याय॑जिष्ठः ॥
अ॒ग्निग्ग् स्वि॑ष्ट॒कृत᳚म् । अया॑ड॒ग्निर॒ग्नेः प्रि॒या धामा॑नि । अया॒ट्थ्सोम॑स्य प्रि॒या धामा॑नि ॥ 14 ॥
अया॑ड॒ग्नेः प्रि॒या धामा॑नि । अया᳚ट्प्र॒जाप॑तेः प्रि॒या धामा॑नि । अया॑ड॒ग्नीषोम॑योः प्रि॒या धामा॑नि । अया॑डिन्द्राग्नि॒योः प्रि॒या धामा॑नि ।
अया॒डिन्द्र॑स्य प्रि॒या धामा॑नि । अया᳚ण्महे॒न्द्रस्य॑ प्रि॒या धामा॑नि । अया᳚ड्दे॒वाना॑-माज्य॒पाना᳚-म्प्रि॒या धामा॑नि । यक्ष॑द॒ग्नेर्-होतुः॑ प्रि॒या धामा॑नि । यक्ष॒थ्स्व-म्म॑हि॒मान᳚म् । आय॑जता॒मेज्या॒ इषः॑ । कृ॒णोतु॒ सो अ॑द्ध्व॒रा जा॒तवे॑दाः । जु॒षताग्ं॑ ह॒विः । अग्ने॒ यद॒द्य वि॒शो अ॑द्ध्वरस्य होतः ।
पाव॑क शोचे॒ वेष्ट्वग्ं हि यज्वा᳚ । ऋ॒ता य॑जासि महि॒ना वि यद्भूः ।
ह॒व्या व॑ह यविष्ठ॒ या ते॑ अ॒द्य ॥ 15 ॥
(अ॒स्त्व॒ - ध॒त्त॒ग्ं - र॒यिं - च॑र्षणि॒प्राः - सोम॑स्य प्रि॒या धामा॒ - नीष॒-ष्षट्च॑) (अ. 7)
अनुवाकं 8 - इडोपाह्वानाम्
उप॑हूतग्ं रथन्त॒रग्ं स॒ह पृ॑थि॒व्या ।
उप॑ मा रथन्त॒रग्ं स॒ह पृ॑थि॒व्या ह्व॑यताम् ।
उप॑हूतं-वाँमदे॒व्यग्ं स॒हान्तरि॑क्षेण ।
उप॑ मा वामदे॒व्यग्ं स॒हान्तरि॑क्षेण ह्वयताम् ।
उप॑ हूत-म्बृ॒हथ्स॒ह दि॒वा । उप॑ मा बृ॒हथ्स॒ह दि॒वा ह्व॑यताम् । उप॑हूता-स्स॒प्त होत्राः᳚ ।
उप॑ मा स॒प्त होत्रा᳚ ह्वयन्ताम् । उप॑हूता धे॒नु-स्स॒हर्ष॑भा । उप॑ मा धे॒नु-स्स॒हर्ष॑भा ह्वयताम् ॥ 16 ॥
उप॑हूतो भ॒क्ष-स्सखा᳚ । उप॑ मा भ॒क्ष-स्सखा᳚ ह्वयताम् । उप॑हू॒ताँ(4) हो । इडोप॑हूता । उप॑हू॒तेडा᳚ । उपो॑ अ॒स्माग्ं इडा᳚ ह्वयताम् । इडोप॑हूता । उप॑हू॒तेडा᳚ । मा॒न॒वी घृ॒तप॑दी मैत्रावरु॒णी ।
ब्रह्म॑ दे॒वकृ॑त॒मुप॑हूतम् ॥ 17 ॥
दैव्या॑ अद्ध्व॒र्यव॒ उप॑हूताः । उप॑हूता मनु॒ष्याः᳚ । य इ॒मं-यँ॒ज्ञमवान्॑ । ये य॒ज्ञप॑तिं॒-वँर्धान्॑ । उप॑हूते॒ द्यावा॑पृथि॒वी ।
पू॒र्व॒जे ऋ॒ताव॑री । दे॒वी दे॒वपु॑त्रे । उप॑हूतो॒-ऽयं-यँज॑मानः । उत्त॑रस्या-न्देवय॒ज्याया॒-मुप॑हूतः । भूय॑सि हवि॒ष्कर॑ण॒ उप॑हूतः ।
दि॒व्ये धाम॒न्नुप॑हूतः ।
इ॒द-म्मे॑ दे॒वा ह॒विर्जु॑षन्ता॒मिति॒ तस्मि॒न्नुप॑हूतः ।
विश्व॑मस्य प्रि॒यमुप॑हूतम् ।
विश्व॑स्य प्रि॒यस्योप॑हूत॒स्योप॑हूतः ॥ 18 ॥
(स॒हर्ष॑भा ह्वयता॒ - मुप॑हूतग्ं - हवि॒ष्कर॑ण॒ उप॑हूतश्च॒त्वारि॑ च) (अ. 8)
अनुवाकं 9 - अनूयाजाः
दे॒व-म्ब॒र्॒हिः । व॒सु॒वने॑ वसु॒धेय॑स्य वेतु । दे॒वो नरा॒शग्ं सः॑ । व॒सु॒वने॑ वसु॒धेय॑स्य वेतु । दे॒वो अ॒ग्नि-स्स्वि॑ष्ट॒कृत् । सु॒द्रवि॑णा म॒न्द्रः क॒विः । स॒त्यम॑न्मा-ऽऽय॒जी होता᳚ । होतु॑र्-होतु॒राय॑जीयान् । अग्ने॒ यान्-दे॒वानया᳚ट् । याग्ं अपि॑प्रेः । ये ते॑ हो॒त्रे अम॑थ्सत । ताग्ं स॑स॒नुषी॒ग्ं॒ होत्रा᳚-न्देव-ङ्ग॒माम् । दि॒वि दे॒वेषु॑ य॒ज्ञमेर॑ये॒मम् । स्वि॒ष्ट॒कृच्चाग्ने॒ होता-ऽभूः᳚ ।
व॒सु॒वने॑ वसु॒धेय॑स्य नमोवा॒के वीहि॑ ॥ 19 ॥
(अपि॑प्रेः॒ पञ्च॑ च) (अ. 9)
अनुवाकं 10 - सूक्तावाकः
इ॒द-न्द्या॑वापृथिवी भ॒द्रम॑भूत् ।
आर्ध्म॑ सूक्तवा॒कम् । उ॒त न॑मोवा॒कम् ।
ऋ॒द्ध्यास्म॑ सू॒क्तोच्य॑मग्ने । त्वग्ं सू᳚क्त॒वाग॑सि ।
उप॑श्रितो दि॒वः पृ॑थि॒व्योः । ओम॑न्वती ते॒-ऽस्मिन्. य॒ज्ञे य॑जमान॒ द्यावा॑पृथि॒वी स्ता᳚म् ।
श॒गं॒ये जी॒रदा॑नू । अत्र॑स्नू॒ अप्र॑वेदे ।
उ॒रुग॑व्यूती अभय॒-ङ्कृतौ᳚ ॥ 20 ॥
वृ॒ष्टिद्या॑वा री॒त्या॑पा । श॒म्भुवौ॑ मयो॒भुवौ᳚ ।
ऊर्ज॑स्वती च॒ पय॑स्वती च । सू॒प॒च॒र॒णा च॑ स्वधिचर॒णा च॑ । तयो॑रा॒विदि॑ ॥
अ॒ग्निरि॒दग्ं ह॒विर॑जुषत । अवी॑वृधत॒ महो॒ ज्यायो॑-ऽकृत । सोम॑ इ॒दग्ं ह॒विर॑जुषत । अवी॑वृधत॒ महो॒ ज्यायो॑-ऽकृत ।
अ॒ग्निरि॒दग्ं ह॒विर॑जुषत ॥ 21 ॥
अवी॑वृधत॒ महो॒ ज्यायो॑-ऽकृत । प्र॒जाप॑तिरि॒दग्ं ह॒विर॑जुषत । अवी॑वृधत॒ महो॒ ज्यायो॑-ऽकृत । अ॒ग्नीषोमा॑वि॒दग्ं ह॒विर॑जुषेताम् ।
अवी॑वृधेता॒-म्महो॒ ज्यायो᳚-ऽक्राताम् ।
इ॒न्द्रा॒ग्नी इ॒दग्ं ह॒विर॑जुषेताम् ।
अवी॑वृधेता॒-म्महो॒ ज्यायो᳚-ऽक्राताम् । इन्द्र॑ इ॒दग्ं ह॒विर॑जुषत । अवी॑वृधत॒ महो॒ ज्यायो॑-ऽकृत । म॒हे॒न्द्र इ॒दग्ं ह॒विर॑जुषत ॥ 22 ॥
अवी॑वृधत॒ महो॒ ज्यायो॑-ऽकृत । दे॒वा आ᳚ज्य॒पा आज्य॑मजुषन्त । अवी॑वृधन्त॒ महो॒ ज्यायो᳚-ऽक्रत । अ॒ग्निर्हो॒त्रेणे॒दग्ं ह॒विर॑जुषत ।
अवी॑वृधत॒ महो॒ ज्यायो॑-ऽकृत ।
अ॒स्यामृध॒-द्धोत्रा॑या-न्देवङ्ग॒माया᳚म् ।
आशा᳚स्ते॒-ऽयं-यँज॑मानो॒-ऽसौ ॥
आयु॒राशा᳚स्ते । सु॒प्र॒जा॒स्त्व-माशा᳚स्ते ।
स॒जा॒त॒व॒न॒स्या-माशा᳚स्ते ॥ 23 ॥
उत्त॑रा-न्देवय॒ज्या-माशा᳚स्ते । भूयो॑ हवि॒ष्कर॑ण॒-माशा᳚स्ते । दि॒व्य-न्धामाशा᳚स्ते । विश्व॑-म्प्रि॒यमाशा᳚स्ते । यद॒नेन॑ ह॒विषा ऽऽशा᳚स्ते । तद॑श्या॒त्-तदृ॑द्ध्यात् । तद॑स्मै दे॒वा रा॑सन्ताम् । तद॒ग्नि-र्दे॒वो दे॒वेभ्यो॒ वन॑ते । व॒यम॒ग्ने-र्मानु॑षाः । इ॒ष्ट-ञ्च॑ वी॒त-ञ्च॑ । उ॒भे च॑ नो॒ द्यावा॑पृथि॒वी अग्ंह॑सस्पाताम् ।
इ॒ह गति॑-र्वा॒मस्ये॒द-ञ्च॑ । नमो॑ दे॒वेभ्यः॑ ॥ 24 ॥
(अ॒भ॒य॒ङ्कृता॑वकृ - ता॒ग्निरि॒दग्ं ह॒विर॑जुषत - महे॒न्द्र इ॒दग्ं ह॒विर॑जुषत - सजातवन॒स्यामाशा᳚स्ते - वी॒त-ञ्च॒ त्रीणि॑ च) (अ. 10)
अनुवाकं 11 - शंयुँवाकः
तच्छं॒-योँरा वृ॑णीमहे । गा॒तुं-यँ॒ज्ञाय॑ । गा॒तुं-यँ॒ज्ञप॑तये । दैवी᳚ स्व॒स्तिर॑स्तु नः । स्व॒स्ति-र्मानु॑षेभ्यः । ऊ॒र्ध्व-ञ्जि॑गातु भेष॒जम् ।
श-न्नो॑ अस्तु द्वि॒पदे᳚ । श-ञ्चतु॑ष्पदे ॥ 25 ॥
(तच्छं॒-योँर॒ष्टौ) (अ. 11)
अनुवाकं 12 - पत्नीसंयाँजानां-याँज्यानुवाक्याः
आ प्या॑यस्व॒ समे॑तु ते वि॒श्वतः॑ सोम॒ वृष्णि॑यम् । भवा॒ वाज॑स्य सङ्ग॒थे ॥ स-न्ते॒ पयाग्ं ॑सि॒ समु॑ यन्तु॒ वाजा॒-स्सं-वृँष्णि॑या-न्यभिमाति॒षाहः॑ । आ॒प्याय॑मानो अ॒मृता॑य सोम दि॒वि श्रवाग्॑स्युत्त॒मानि॑ धिष्व ॥ ॥
इ॒ह त्वष्टा॑रमग्रि॒यं-विँ॒श्वरू॑प॒मुप॑ ह्वये । अ॒स्माक॑मस्तु॒ केव॑लः ॥ तन्न॑स्तु॒रीप॒मध॑ पोषयि॒त्नु देव॑ त्वष्ट॒र्वि र॑रा॒ण-स्स्य॑स्व । यतो॑ वी॒रः क॑र्म॒ण्यः॑ सु॒दक्षो॑ यु॒क्तग्रा॑वा॒ जाय॑ते दे॒वका॑मः ॥ ॥
दे॒वाना॒-म्पत्नी॑रुश॒तीर॑वन्तु नः । प्राव॑न्तु नस्तु॒जये॒ वाज॑सातये । याः पार्थि॑वासो॒ या अ॒पामपि॑ व्र॒ते । ता नो॑ देवी-स्सुहवा॒-श्शर्म॑ यच्छत ॥ उ॒त ग्ना वि॑यन्तु दे॒वप॑त्नीः । इ॒न्द्रा॒ण्य॑ग्नाय्य॒श्विनी॒ राट् । आ रोद॑सी वरुणा॒नी शृ॑णोतु ।
वि॒यन्तु॑ दे॒वीर्य ऋ॒तुर्जनी॑नाम् ॥ 26 ॥
अ॒ग्निर्-होता॑ गृ॒हप॑ति॒-स्स राजा᳚ । विश्वा॑ वेद॒ जनि॑मा जा॒तवे॑दाः । दे॒वाना॑मु॒त यो मर्त्या॑नाम् । यजि॑ष्ठ॒-स्स प्रय॑जतामृ॒तावा᳚ ॥
व॒यमु॑ त्वा गृहपते॒ जना॑नाम् । अग्ने॒ अक॑र्म स॒मिधा॑ बृ॒हन्त᳚म् । अ॒स्थू॒रिणो॒ गार्ह॑पत्यानि सन्तु । ति॒ग्मेन॑ न॒स्तेज॑सा॒ सग्ंशि॑शाधि ॥ 27 ॥
(जनी॑ना - +म॒ष्टौ च॑) (अ. 12)
अनुवाकं 13 - पत्नीसंयाँजे सोमाह्वानम्
उप॑हूतग्ं रथन्त॒रग्ं स॒ह पृ॑थि॒व्या ।
उप॑ मा रथन्त॒रग्ं स॒ह पृ॑थि॒व्या ह्व॑यताम् ।
उप॑हूतं-वाँमदे॒व्यग्ं स॒हान्तरि॑क्षेण ।
उप॑ मा वामदे॒व्यग्ं स॒हान्तरि॑क्षेण ह्वयताम् । उप॑हूत-म्बृ॒हथ्स॒ह दि॒वा । उप॑ मा बृ॒हथ्स॒ह दि॒वा ह्व॑यताम् । उप॑हूता-स्स॒प्त होत्राः᳚ ।
उप॑ मा स॒प्त होत्रा᳚ ह्वयन्ताम् । उप॑हूता धे॒नु-स्स॒हर्ष॑भा । उप॑ मा धे॒नु-स्स॒हर्ष॑भा ह्वयताम् ॥ 28 ॥
उप॑हूतो भ॒क्ष-स्सखा᳚ । उप॑ मा भ॒क्ष-स्सखा᳚ ह्वयताम् । उप॑हू॒ताँ(4) हो । इडोप॑हूता । उप॑हू॒तेडा᳚ । उपो॑ अ॒स्माग्ं इडा᳚ ह्वयताम् । इडोप॑हूता । उप॑हू॒तेडा᳚ । मा॒न॒वी घृ॒तप॑दी मैत्रावरु॒णी ।
ब्रह्म॑ दे॒वकृ॑त॒मुप॑हूतम् ॥ 29 ॥
दैव्या॑ अद्ध्व॒र्यव॒ उप॑हूताः । उप॑हूता मनु॒ष्याः᳚ । य इ॒मं-यँ॒ज्ञमवान्॑ । ये य॒ज्ञप॑त्नीं॒-वँर्धान्॑ । उप॑हूते॒ द्यावा॑पृथि॒वी । पू॒र्व॒जे ऋ॒ताव॑री । दे॒वी दे॒वपु॑त्रे । उप॑हूते॒यं-यँज॑माना । इ॒न्द्रा॒णीवा॑विध॒वा । अदि॑तिरिव सुपु॒त्रा । उत्त॑रस्या-न्देवय॒ज्याया॒-मुप॑हूता ।
भूय॑सि हवि॒ष्कर॑ण॒ उप॑हूता । दि॒व्ये धाम॒न्नुप॑हूता । इ॒द-म्मे॑ दे॒वा ह॒वि-र्जु॑षन्ता॒मिति॒ तस्मि॒-न्नुप॑हूता । विश्व॑मस्याः प्रि॒यमुप॑हूतम् ।
विश्व॑स्य प्रि॒यस्योप॑हूत॒स्योप॑हूता ॥ 30 ॥
(स॒हर्ष॑भा ह्वयता॒ - मुप॑हूतग्ं - सुपु॒त्रा षट्च॑) (अ. 13)
(स॒त्यं - प्रवो - ऽग्ने॑ म॒हा - न॒ग्निर्-होता॑ - स॒मिधो॒ - ऽग्नि-र्वृ॒त्राण्य॒ - ग्नि-र्मू॒र्धो - प॑हूतं - दे॒व-म्ब॒र्॒हि - रि॒द-न्द्या॑वापृथिवी॒ -तच्छं॒योँ- रा प्या॑य॒स्वो - प॑हूत॒-न्त्रयो॑दश)
(स॒त्यं - ँव॒यग्ग् स्या॑म - वृ॒ष्टिद्या॑वा त्रि॒ग्ं॒शत्)
(स॒त्य-मुप॑हूता)
॥ हरिः॑ ओम् ॥
॥ कृष्ण यजुर्वेदीय तैत्तिरीय ब्राह्मणे तृतीयाष्टके पञ्चम प्रपाठक-स्समाप्तः ॥
kṛṣṇa yajurvedīya taittirīya brāhmaṇe tṛtīyāṣṭake pañcamaḥ prapāṭhakaḥ - iṣṭihautram
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
anuvākaṃ 1 - hoturjapaḥ purastā-thsāmidhenīnām
sa॒tya-mprapa̭dye | ṛ॒ta-mprapa̭dye |
a॒mṛta॒-mprapa̭dye |
pra॒jāpa̭teḥ pri॒yā-nta॒nuva॒manā᳚rtā॒-mprapa̭dye |
i॒dama॒ha-mpa̭ñcada॒śena॒ vajrḙṇa |
dvi॒ṣanta॒-mbhrātṛ̭vya॒mava̭krāmāmi |
yo᳚-'smā-ndveṣṭi̭ | ya-ñca̭ va॒ya-ndvi॒ṣmaḥ |
bhūrbhuva॒-ssuvaḥ̭ | him || 1 ||
(sa॒tya-ndaśa̭) (a. 1)
anuvākaṃ 2 - sāmidhenīmranvāha
pra vo॒ vājā̭ a॒bhidya̭vaḥ | ha॒viṣma̭nto ghṛ॒tācyā᳚ |
de॒vāñji̭gāti sumna॒yuḥ || agna॒ āyā̭hi vī॒taye᳚ | gṛ॒ṇā॒no ha॒vyadā̭taye | ni hotā̭ sathsi ba॒ra॒ḥiṣi̭ || ta-ntvā̭ sa॒midbhi̭raṅgiraḥ | ghṛ॒tena̭ vardhayāmasi | bṛ॒haccho̭cā yaviṣṭhya || sa naḥ̭ pṛ॒thu śra॒vāyya᳚m || 2 ||
acchā̭ deva vivāsasi | bṛ॒hada̭gne su॒vīrya᳚m ||
ī॒ḍenyo̭ nama॒sya̭sti॒raḥ | tamāgṃ̭si darśa॒taḥ | sama॒gniri̭ddhyate॒ vṛṣā᳚ || vṛṣo̭ a॒gni-ssami̭ddhyate | aśvo॒ na dḙva॒vāha̭naḥ |
tagṃ ha॒viṣma̭nta īḍate || vṛṣa̭ṇa-ntvā va॒yaṃ-vṛ~ṣanṋ | vṛṣā̭ṇa॒-ssami̭dhīmahi || 3 ||
agne॒ dīdya̭ta-mbṛ॒hat || a॒gni-ndū॒taṃ-vṛ~̭ṇīmahe |
hotā̭raṃ-vi~॒śvavḙdasam | a॒sya ya॒jñasya̭ su॒kratu᳚m || sa॒mi॒ddhyamā̭no addhva॒re | a॒gniḥ pā̭va॒ka īḍyaḥ̭ | śo॒ciṣkḙśa॒stamī̭mahe || sami̭ddho agna āhuta | de॒vān. ya̭kṣi svaddhvara | tvagṃ hi ha̭vya॒vāḍasi̭ ||
ājṷhota duva॒syata̭ | a॒gni-mpra̭ya॒tya̭ddhva॒re |
vṛ॒ṇī॒ddhvagṃ ha̭vya॒vāha̭nam ||
tvaṃ-va~rṷṇa u॒ta mi॒tro a̭gne | tvāṃ-va~̭rdhanti ma॒tibhi॒rvasi̭ṣṭhāḥ | tve vasṷ suṣaṇa॒nāni̭ santu | yū॒ya-mpā̭ta sva॒stibhi॒-ssadā̭ naḥ || 4 ||
(śra॒vāyya̭ - midhīma॒ - hyasi̭ sa॒pta ca̭) (a. 2)
anuvākaṃ 3 - praramuktvā nivido-'nūcya devatā āvāhayati
agnḙ ma॒hāgṃ a̭si brāhmaṇa bhārata | asā॒vasau᳚ ||
de॒veddho॒ manvi̭ddhaḥ | ṛṣi̭ṣṭuto॒ viprā̭numaditaḥ | ka॒vi॒śa॒sto brahma̭sagṃśito ghṛ॒tāha̭vanaḥ |
pra॒ṇī-rya॒jñānā᳚m | ra॒thīra̭ddhva॒rāṇā᳚m |
a॒tūrto॒ hotā᳚ | tūrṇi̭rhavya॒vāṭ |
āspātra̭-ñju॒hū-rde॒vānā᳚m || 5 ||
ca॒ma॒so dḙva॒pānaḥ̭ | a॒rāgṃ i̭vāgne ne॒mirde॒vāgstva-mpa̭ri॒bhūra̭si | āva̭ha de॒vān. yaja̭mānāya || a॒gnima̭gna॒ āva̭ha | soma॒māva̭ha |
a॒gnimāva̭ha | pra॒jāpa̭ti॒māva̭ha | a॒gnīṣomā॒vāva̭ha | i॒ndrā॒gnī āva̭ha | indra॒māva̭ha | ma॒he॒ndramāva̭ha | de॒vāgṃ ā᳚jya॒pāgṃ āva̭ha |
a॒gnigṃ ho॒trāyāva̭ha | sva-mma̭hi॒māna॒māva̭ha | ā cā᳚gne de॒vān. vaha̭ | su॒yajā̭ ca yaja jātavedaḥ || 6 ||
(de॒vānā॒-mindra॒māva̭ha॒ ṣaṭca̭) (a. 3)
anuvākaṃ 4 - srucāvādāpayati
a॒gnir-hotā॒ vetva॒gniḥ | ho॒traṃ-ve~᳚ttu prāvi॒tram | smo va॒yam | sā॒dhu tḙ yajamāna de॒vatā᳚ | ghṛ॒tava̭tī-maddhvaryo॒ sruca॒mā-'sya̭sva | de॒vā॒yuvaṃ̭-vi~॒śvavā̭rām | īḍā̭mahai de॒vāgṃ ī॒ḍenyāṋ |
na॒ma॒syāma̭ nama॒syāṋ | yajā̭ma ya॒jñiyāṋ || 7 ||
(a॒gnir-hotā॒ nava̭) (a. 4)
anuvākaṃ 5 - prayājāḥ
sa॒midho̭ agna॒ ājya̭sya viyantu | tanū॒napā̭dagna॒ ājya̭sya vetu | i॒ḍo a̭gna॒ ājya̭sya viyantu | ba॒r॒hira̭gna॒ ājya̭sya vetu | svāhā॒-'gnim | svāhā॒ soma᳚m | svāhā॒-'gnim | svāhā᳚ pra॒jāpa̭tim |
svāhā॒-'gnīṣomau᳚ | svāhe᳚ndrā॒gnī | svāhendra᳚m |
svāhā̭ mahe॒ndram | svāhā̭ de॒vāgṃ ā᳚jya॒pān | svāhā॒-'gnigṃ ho॒trājjṷṣā॒ṇāḥ |
agna॒ ājya̭sya viyantu || 8 ||
(i॒ndrā॒gnī pañca̭ ca) (a. 5)
anuvākaṃ 6 - ajyabhāgayoḥ puronuvākye
a॒gni-rvṛ॒trāṇi̭ jaṅghanat | dra॒vi॒ṇa॒syu-rvi̭pa॒nyayā᳚ |
sami̭ddha-śśu॒kra āhṷtaḥ | ju॒ṣā॒ṇo a॒gnirājya̭sya vetu | tvagṃ so̭māsi॒ satpa̭tiḥ | tvagṃ rājo॒ta vṛ̭tra॒hā |
tva-mbha॒dro a̭si॒ kratuḥ̭ | ju॒ṣā॒ṇa-ssoma॒ ājya̭sya ha॒viṣo̭ vetu | a॒gniḥ pra॒tnena॒ janma̭nā | śumbhā̭nasta॒nuva॒gg॒ svām |
ka॒vi-rviprḙṇa vāvṛdhe | ju॒ṣā॒ṇo a॒gnirājya̭sya vetu |
soma̭ gī॒rbhiṣṭvā̭ va॒yam | va॒rdhayā̭mo vaco॒vidaḥ̭ | su॒mṛ॒ḍī॒ko na॒ āvi̭śa |
ju॒ṣā॒ṇa-ssoma॒ ājya̭sya ha॒viṣo̭ vetu || 9 ||
(svāgṃ ṣaṭca̭) (a. 6)
anuvākaṃ 7 - haviṣāṃ-yā~jyānuvākyāḥ
a॒gni-rmū॒rdhā di॒vaḥ ka॒kut | patiḥ̭ pṛthi॒vyā a॒yam |
a॒pāgṃ retāgṃ̭si jinvati | bhuvo̭ ya॒jñasya॒ raja̭saśca ne॒tā | yatrā̭ ni॒yudbhi॒-ssaca̭se śi॒vābhiḥ̭ | di॒vi mū॒rdhāna̭-ndadhiṣe suva॒r॒ṣām |
ji॒hvāma̭gne cakṛṣe havya॒vāha᳚m | prajā̭pate॒ na tvade॒tānya॒nyaḥ | viśvā̭ jā॒tāni॒ pari॒ tā ba̭bhūva |
yat-kā̭māste juhu॒mastanno̭ astu || 10 ||
va॒yagg syā̭ma॒ pata̭yo rayī॒ṇām | sa vḙda pu॒traḥ pi॒tara॒gṃ॒ sa mā॒tara᳚m | sa sū॒nurbhṷva॒thsa bhṷva॒tpuna̭rmaghaḥ | sa dyāmaurṇo̭da॒ntari̭kṣa॒gṃ॒ sa suvaḥ̭ | sa viśvā॒ bhuvo̭ abhava॒thsa ā-'bha̭vat | agnī̭ṣomā॒ savḙdasā | sahṷ̄tī vanata॒-ṅgiraḥ̭ | sa-ndḙva॒trā ba̭bhūvathuḥ | yu॒vame॒tāni̭ di॒vi ro̭ca॒nāni̭ |
a॒gniśca̭ soma॒ sakra̭tū adhattam || 11 ||
yu॒vagṃ sindhūgṃ̭ ra॒bhiśa̭ste-rava॒dyāt | agnī̭ṣomā॒-vamṷñcata-ṅgṛbhī॒tān |
indrā᳚gnī roca॒nā di॒vaḥ | pari॒ vājḙṣu bhūṣathaḥ |
tadvā᳚-ñceti॒ pravī॒rya᳚m | śnatha̭dvṛ॒tramu॒ta sa̭noti॒ vāja᳚m | indrā॒ yo a॒gnī sahṷrī sapa॒ryāt |
i॒ra॒jyantā̭ vasa॒vya̭sya॒ bhūreḥ᳚ | saha̭stamā॒ saha̭sā vāja॒yantā᳚ | endra̭ sāna॒sigṃ ra॒yim || 12 ||
sa॒jitvā̭nagṃ sadā॒saha᳚m | varṣi̭ṣṭhamū॒tayḙ bhara | prasa̭sāhiṣe puruhūta॒ śatrūṋ | jyeṣṭha̭ste॒ śuṣma̭ i॒ha rā॒tira̭stu | indrābha̭ra॒ dakṣi̭ṇenā॒ vasṷ̄ni | pati॒-ssindhṷ̄nāmasi re॒vatī̭nām | ma॒hāgṃ indro॒ ya oja̭sā | pa॒rjanyo̭ vṛṣṭi॒māgṃ i̭va |
stomai᳚rva॒thsasya̭ vāvṛdhe |
ma॒hāṃ indro̭ nṛ॒vadāca̭rṣaṇi॒prāḥ || 13 ||
u॒ta dvi॒barhā̭ ami॒na-ssaho̭bhiḥ | a॒sma॒driya̭gvāvṛdhe vī॒ryā̭ya |
u॒ruḥ pṛ॒thu-ssukṛ̭taḥ ka॒rtṛbhi̭rbhūt |
pi॒prī॒hi de॒vāgṃ ṷśa॒to ya̭viṣṭha |
vi॒dvāṃ ṛtūgṃr-ṛ̭tupate yaje॒ha |
ye daivyā̭ ṛ॒tvija॒stebhi̭ragne |
tvagṃ hotṝ̭ṇāma॒syāya̭jiṣṭhaḥ ||
a॒gnigg svi̭ṣṭa॒kṛta᳚m | ayā̭ḍa॒gnira॒gneḥ pri॒yā dhāmā̭ni | ayā॒ṭthsoma̭sya pri॒yā dhāmā̭ni || 14 ||
ayā̭ḍa॒gneḥ pri॒yā dhāmā̭ni | ayā᳚ṭpra॒jāpa̭teḥ pri॒yā dhāmā̭ni | ayā̭ḍa॒gnīṣoma̭yoḥ pri॒yā dhāmā̭ni | ayā̭ḍindrāgni॒yoḥ pri॒yā dhāmā̭ni |
ayā॒ḍindra̭sya pri॒yā dhāmā̭ni | ayā᳚ṇmahe॒ndrasya̭ pri॒yā dhāmā̭ni | ayā᳚ḍde॒vānā̭-mājya॒pānā᳚-mpri॒yā dhāmā̭ni | yakṣa̭da॒gner-hotuḥ̭ pri॒yā dhāmā̭ni | yakṣa॒thsva-mma̭hi॒māna᳚m | āya̭jatā॒mejyā॒ iṣaḥ̭ | kṛ॒ṇotu॒ so a̭ddhva॒rā jā॒tavḙdāḥ | ju॒ṣatāgṃ̭ ha॒viḥ | agne॒ yada॒dya vi॒śo a̭ddhvarasya hotaḥ |
pāva̭ka śoce॒ veṣṭvagṃ hi yajvā᳚ | ṛ॒tā ya̭jāsi mahi॒nā vi yadbhūḥ |
ha॒vyā va̭ha yaviṣṭha॒ yā tḙ a॒dya || 15 ||
(a॒stva॒ - dha॒tta॒gṃ - ra॒yiṃ - ca̭rṣaṇi॒prāḥ - soma̭sya pri॒yā dhāmā॒ - nīṣa॒-ṣṣaṭca̭) (a. 7)
anuvākaṃ 8 - iḍopāhvānām
upa̭hūtagṃ rathanta॒ragṃ sa॒ha pṛ̭thi॒vyā |
upa̭ mā rathanta॒ragṃ sa॒ha pṛ̭thi॒vyā hva̭yatām |
upa̭hūtaṃ-vā~made॒vyagṃ sa॒hāntari̭kṣeṇa |
upa̭ mā vāmade॒vyagṃ sa॒hāntari̭kṣeṇa hvayatām |
upa̭ hūta-mbṛ॒hathsa॒ha di॒vā | upa̭ mā bṛ॒hathsa॒ha di॒vā hva̭yatām | upa̭hūtā-ssa॒pta hotrāḥ᳚ |
upa̭ mā sa॒pta hotrā᳚ hvayantām | upa̭hūtā dhe॒nu-ssa॒harṣa̭bhā | upa̭ mā dhe॒nu-ssa॒harṣa̭bhā hvayatām || 16 ||
upa̭hūto bha॒kṣa-ssakhā᳚ | upa̭ mā bha॒kṣa-ssakhā᳚ hvayatām | upa̭hū॒tā~(4) ho | iḍopa̭hūtā | upa̭hū॒teḍā᳚ | upo̭ a॒smāgṃ iḍā᳚ hvayatām | iḍopa̭hūtā | upa̭hū॒teḍā᳚ | mā॒na॒vī ghṛ॒tapa̭dī maitrāvaru॒ṇī |
brahma̭ de॒vakṛ̭ta॒mupa̭hūtam || 17 ||
daivyā̭ addhva॒ryava॒ upa̭hūtāḥ | upa̭hūtā manu॒ṣyāḥ᳚ | ya i॒maṃ-ya~॒jñamavāṋ | ye ya॒jñapa̭tiṃ॒-va~rdhāṋ | upa̭hūte॒ dyāvā̭pṛthi॒vī |
pū॒rva॒je ṛ॒tāva̭rī | de॒vī de॒vapṷtre | upa̭hūto॒-'yaṃ-ya~ja̭mānaḥ | utta̭rasyā-ndevaya॒jyāyā॒-mupa̭hūtaḥ | bhūya̭si havi॒ṣkara̭ṇa॒ upa̭hūtaḥ |
di॒vye dhāma॒nnupa̭hūtaḥ |
i॒da-mmḙ de॒vā ha॒virjṷṣantā॒miti॒ tasmi॒nnupa̭hūtaḥ |
viśva̭masya pri॒yamupa̭hūtam |
viśva̭sya pri॒yasyopa̭hūta॒syopa̭hūtaḥ || 18 ||
(sa॒harṣa̭bhā hvayatā॒ - mupa̭hūtagṃ - havi॒ṣkara̭ṇa॒ upa̭hūtaśca॒tvāri̭ ca) (a. 8)
anuvākaṃ 9 - anūyājāḥ
de॒va-mba॒r॒hiḥ | va॒su॒vanḙ vasu॒dheya̭sya vetu | de॒vo narā॒śagṃ saḥ̭ | va॒su॒vanḙ vasu॒dheya̭sya vetu | de॒vo a॒gni-ssvi̭ṣṭa॒kṛt | su॒dravi̭ṇā ma॒ndraḥ ka॒viḥ | sa॒tyama̭nmā-''ya॒jī hotā᳚ | hotṷr-hotu॒rāya̭jīyān | agne॒ yān-de॒vānayā᳚ṭ | yāgṃ api̭preḥ | ye tḙ ho॒tre ama̭thsata | tāgṃ sa̭sa॒nuṣī॒gṃ॒ hotrā᳚-ndeva-ṅga॒mām | di॒vi de॒veṣṷ ya॒jñamera̭ye॒mam | svi॒ṣṭa॒kṛccāgne॒ hotā-'bhūḥ᳚ |
va॒su॒vanḙ vasu॒dheya̭sya namovā॒ke vīhi̭ || 19 ||
(api̭preḥ॒ pañca̭ ca) (a. 9)
anuvākaṃ 10 - sūktāvākaḥ
i॒da-ndyā̭vāpṛthivī bha॒drama̭bhūt |
ārdhma̭ sūktavā॒kam | u॒ta na̭movā॒kam |
ṛ॒ddhyāsma̭ sū॒ktocya̭magne | tvagṃ sū᳚kta॒vāga̭si |
upa̭śrito di॒vaḥ pṛ̭thi॒vyoḥ | oma̭nvatī te॒-'smin. ya॒jñe ya̭jamāna॒ dyāvā̭pṛthi॒vī stā᳚m |
śa॒gaṃ॒ye jī॒radā̭nū | atra̭snū॒ apra̭vede |
u॒ruga̭vyūtī abhaya॒-ṅkṛtau᳚ || 20 ||
vṛ॒ṣṭidyā̭vā rī॒tyā̭pā | śa॒mbhuvaṷ mayo॒bhuvau᳚ |
ūrja̭svatī ca॒ paya̭svatī ca | sū॒pa॒ca॒ra॒ṇā ca̭ svadhicara॒ṇā ca̭ | tayo̭rā॒vidi̭ ||
a॒gniri॒dagṃ ha॒vira̭juṣata | avī̭vṛdhata॒ maho॒ jyāyo̭-'kṛta | soma̭ i॒dagṃ ha॒vira̭juṣata | avī̭vṛdhata॒ maho॒ jyāyo̭-'kṛta |
a॒gniri॒dagṃ ha॒vira̭juṣata || 21 ||
avī̭vṛdhata॒ maho॒ jyāyo̭-'kṛta | pra॒jāpa̭tiri॒dagṃ ha॒vira̭juṣata | avī̭vṛdhata॒ maho॒ jyāyo̭-'kṛta | a॒gnīṣomā̭vi॒dagṃ ha॒vira̭juṣetām |
avī̭vṛdhetā॒-mmaho॒ jyāyo᳚-'krātām |
i॒ndrā॒gnī i॒dagṃ ha॒vira̭juṣetām |
avī̭vṛdhetā॒-mmaho॒ jyāyo᳚-'krātām | indra̭ i॒dagṃ ha॒vira̭juṣata | avī̭vṛdhata॒ maho॒ jyāyo̭-'kṛta | ma॒he॒ndra i॒dagṃ ha॒vira̭juṣata || 22 ||
avī̭vṛdhata॒ maho॒ jyāyo̭-'kṛta | de॒vā ā᳚jya॒pā ājya̭majuṣanta | avī̭vṛdhanta॒ maho॒ jyāyo᳚-'krata | a॒gnirho॒treṇe॒dagṃ ha॒vira̭juṣata |
avī̭vṛdhata॒ maho॒ jyāyo̭-'kṛta |
a॒syāmṛdha॒-ddhotrā̭yā-ndevaṅga॒māyā᳚m |
āśā᳚ste॒-'yaṃ-ya~ja̭māno॒-'sau ||
āyu॒rāśā᳚ste | su॒pra॒jā॒stva-māśā᳚ste |
sa॒jā॒ta॒va॒na॒syā-māśā᳚ste || 23 ||
utta̭rā-ndevaya॒jyā-māśā᳚ste | bhūyo̭ havi॒ṣkara̭ṇa॒-māśā᳚ste | di॒vya-ndhāmāśā᳚ste | viśva̭-mpri॒yamāśā᳚ste | yada॒nena̭ ha॒viṣā ''śā᳚ste | tada̭śyā॒t-tadṛ̭ddhyāt | tada̭smai de॒vā rā̭santām | tada॒gni-rde॒vo de॒vebhyo॒ vana̭te | va॒yama॒gne-rmānṷṣāḥ | i॒ṣṭa-ñca̭ vī॒ta-ñca̭ | u॒bhe ca̭ no॒ dyāvā̭pṛthi॒vī agṃha̭saspātām |
i॒ha gati̭-rvā॒masye॒da-ñca̭ | namo̭ de॒vebhyaḥ̭ || 24 ||
(a॒bha॒ya॒ṅkṛtā̭vakṛ - tā॒gniri॒dagṃ ha॒vira̭juṣata - mahe॒ndra i॒dagṃ ha॒vira̭juṣata - sajātavana॒syāmāśā᳚ste - vī॒ta-ñca॒ trīṇi̭ ca) (a. 10)
anuvākaṃ 11 - śaṃyu~vākaḥ
tacchaṃ॒-yo~rā vṛ̭ṇīmahe | gā॒tuṃ-ya~॒jñāya̭ | gā॒tuṃ-ya~॒jñapa̭taye | daivī᳚ sva॒stira̭stu naḥ | sva॒sti-rmānṷṣebhyaḥ | ū॒rdhva-ñji̭gātu bheṣa॒jam |
śa-nno̭ astu dvi॒pade᳚ | śa-ñcatṷṣpade || 25 ||
(tacchaṃ॒-yo~ra॒ṣṭau) (a. 11)
anuvākaṃ 12 - patnīsaṃyā~jānāṃ-yā~jyānuvākyāḥ
ā pyā̭yasva॒ samḙtu te vi॒śvataḥ̭ soma॒ vṛṣṇi̭yam | bhavā॒ vāja̭sya saṅga॒the || sa-nte॒ payāgṃ ̭si॒ samṷ yantu॒ vājā॒-ssaṃ-vṛ~ṣṇi̭yā-nyabhimāti॒ṣāhaḥ̭ | ā॒pyāya̭māno a॒mṛtā̭ya soma di॒vi śravāg̭syutta॒māni̭ dhiṣva || ||
i॒ha tvaṣṭā̭ramagri॒yaṃ-vi~॒śvarṷ̄pa॒mupa̭ hvaye | a॒smāka̭mastu॒ keva̭laḥ || tanna̭stu॒rīpa॒madha̭ poṣayi॒tnu deva̭ tvaṣṭa॒rvi ra̭rā॒ṇa-ssya̭sva | yato̭ vī॒raḥ ka̭rma॒ṇyaḥ̭ su॒dakṣo̭ yu॒ktagrā̭vā॒ jāya̭te de॒vakā̭maḥ || ||
de॒vānā॒-mpatnī̭ruśa॒tīra̭vantu naḥ | prāva̭ntu nastu॒jaye॒ vāja̭sātaye | yāḥ pārthi̭vāso॒ yā a॒pāmapi̭ vra॒te | tā no̭ devī-ssuhavā॒-śśarma̭ yacchata || u॒ta gnā vi̭yantu de॒vapa̭tnīḥ | i॒ndrā॒ṇya̭gnāyya॒śvinī॒ rāṭ | ā roda̭sī varuṇā॒nī śṛ̭ṇotu |
vi॒yantṷ de॒vīrya ṛ॒turjanī̭nām || 26 ||
a॒gnir-hotā̭ gṛ॒hapa̭ti॒-ssa rājā᳚ | viśvā̭ veda॒ jani̭mā jā॒tavḙdāḥ | de॒vānā̭mu॒ta yo martyā̭nām | yaji̭ṣṭha॒-ssa praya̭jatāmṛ॒tāvā᳚ ||
va॒yamṷ tvā gṛhapate॒ janā̭nām | agne॒ aka̭rma sa॒midhā̭ bṛ॒hanta᳚m | a॒sthū॒riṇo॒ gārha̭patyāni santu | ti॒gmena̭ na॒steja̭sā॒ sagṃśi̭śādhi || 27 ||
(janī̭nā - +ma॒ṣṭau ca̭) (a. 12)
anuvākaṃ 13 - patnīsaṃyā~je somāhvānam
upa̭hūtagṃ rathanta॒ragṃ sa॒ha pṛ̭thi॒vyā |
upa̭ mā rathanta॒ragṃ sa॒ha pṛ̭thi॒vyā hva̭yatām |
upa̭hūtaṃ-vā~made॒vyagṃ sa॒hāntari̭kṣeṇa |
upa̭ mā vāmade॒vyagṃ sa॒hāntari̭kṣeṇa hvayatām | upa̭hūta-mbṛ॒hathsa॒ha di॒vā | upa̭ mā bṛ॒hathsa॒ha di॒vā hva̭yatām | upa̭hūtā-ssa॒pta hotrāḥ᳚ |
upa̭ mā sa॒pta hotrā᳚ hvayantām | upa̭hūtā dhe॒nu-ssa॒harṣa̭bhā | upa̭ mā dhe॒nu-ssa॒harṣa̭bhā hvayatām || 28 ||
upa̭hūto bha॒kṣa-ssakhā᳚ | upa̭ mā bha॒kṣa-ssakhā᳚ hvayatām | upa̭hū॒tā~(4) ho | iḍopa̭hūtā | upa̭hū॒teḍā᳚ | upo̭ a॒smāgṃ iḍā᳚ hvayatām | iḍopa̭hūtā | upa̭hū॒teḍā᳚ | mā॒na॒vī ghṛ॒tapa̭dī maitrāvaru॒ṇī |
brahma̭ de॒vakṛ̭ta॒mupa̭hūtam || 29 ||
daivyā̭ addhva॒ryava॒ upa̭hūtāḥ | upa̭hūtā manu॒ṣyāḥ᳚ | ya i॒maṃ-ya~॒jñamavāṋ | ye ya॒jñapa̭tnīṃ॒-va~rdhāṋ | upa̭hūte॒ dyāvā̭pṛthi॒vī | pū॒rva॒je ṛ॒tāva̭rī | de॒vī de॒vapṷtre | upa̭hūte॒yaṃ-ya~ja̭mānā | i॒ndrā॒ṇīvā̭vidha॒vā | adi̭tiriva supu॒trā | utta̭rasyā-ndevaya॒jyāyā॒-mupa̭hūtā |
bhūya̭si havi॒ṣkara̭ṇa॒ upa̭hūtā | di॒vye dhāma॒nnupa̭hūtā | i॒da-mmḙ de॒vā ha॒vi-rjṷṣantā॒miti॒ tasmi॒-nnupa̭hūtā | viśva̭masyāḥ pri॒yamupa̭hūtam |
viśva̭sya pri॒yasyopa̭hūta॒syopa̭hūtā || 30 ||
(sa॒harṣa̭bhā hvayatā॒ - mupa̭hūtagṃ - supu॒trā ṣaṭca̭) (a. 13)
(sa॒tyaṃ - pravo - 'gnḙ ma॒hā - na॒gnir-hotā̭ - sa॒midho॒ - 'gni-rvṛ॒trāṇya॒ - gni-rmū॒rdho - pa̭hūtaṃ - de॒va-mba॒r॒hi - ri॒da-ndyā̭vāpṛthivī॒ -tacchaṃ॒yo~- rā pyā̭ya॒svo - pa̭hūta॒-ntrayo̭daśa)
(sa॒tyaṃ - ~va॒yagg syā̭ma - vṛ॒ṣṭidyā̭vā tri॒gṃ॒śat)
(sa॒tya-mupa̭hūtā)
|| hariḥ̭ om ||
|| kṛṣṇa yajurvedīya taittirīya brāhmaṇe tṛtīyāṣṭake pañcama prapāṭhaka-ssamāptaḥ ||
🕉️ This is the original Sanskrit rendered in Bengali script.
Pronunciation is identical to the Sanskrit Devanagari version.