කෘෂ්ණ යජුර්වේදීය තෛත්තිරීය බ්රාහ්මණේ කාඨකේ තෘතීයඃ ප්රශ්නඃ - වෛශ්වසෘජචයනම්
ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ . හ॒රිඃ॒ ඕම් ..
චාතුර්හෝත්රචයනං-වෛँශ්වසෘජචයන-ඤ්ච
අනුවාකං 1 - වෛශ්වසෘජචයනාඞ්ගභූතාඃ දිවශ්ශ්යේනය ඉෂ්ටයඃ
තුභ්ය॒-න්තා අ॑ඞ්ගිරස්තම॒ විශ්වා᳚-ස්සුක්ෂි॒තයඃ॒ පෘථ॑ක් . අග්නේ॒ කාමා॑ය යේමිරේ .. අ॒ශ්යාම॒ ත-ඞ්කාම॑මග්නේ॒ තවෝ॒ ත්ය॑ශ්යාම॑ ර॒යිග්ං ර॑යිව-ස්සු॒වීර᳚ම් . අ॒ශ්යාම॒ වාජ॑ම॒භි වා॒ජය॑න්තෝ॒ (අ)ශ්යාම॑ ද්යු॒ම්නම॑ජරා॒ජර॑-න්තේ .. .
ආශා॑නා-න්ත්වා (අ)(අ)ශාපා॒ලේභ්යඃ॑ . ච॒තුර්භ්යෝ॑ අ॒මෘතේ᳚භ්යඃ . ඉ॒ද-ම්භූ॒තස්යාධ්ය॑ක්ෂේභ්යඃ . වි॒ධේම॑ හ॒විෂා॑ ව॒යම් .. විශ්වා॒ ආශා॒ මධු॑නා॒ සග්ංසෘ॑ජාමි . අ॒න॒මී॒වා ආප॒ ඕෂ॑ධයෝ භවන්තු . අ॒යං-යँජ॑මානෝ॒ මෘධෝ॒ ව්ය॑ස්යතාං අගෘ॑භීතාඃ ප॒ශවඃ॑ සන්තු॒ සර්වේ᳚ .. .
අනු॑ නෝ॒-(අ)ද්යා-(අ)නු॑මතිර්ය॒ජ්ඤ-න්දේ॒වේෂු॑ මන්යතාම් . අ॒ග්නිශ්ච॑ හව්ය॒වාහ॑නෝ॒ භව॑තා-න්දා॒ශුෂේ॒ මයඃ॑ .. අන්විද॑නුමතේ॒ ත්ව-ම්මන්යා॑සෛ॒ ශඤ්ච॑නඃ කෘධි . ක්රත්වේ॒ දක්ෂා॑ය නෝ හිනු॒ ප්රණ॒ ආයූග්ං॑ෂි තාරිෂඃ .. .
කාමෝ॑ භූ॒තස්ය॒ භව්ය॑ස්ය . ස॒ම්රාඩේකෝ॒ විරා॑ජති . ස ඉ॒ද-ම්ප්රති॑ පප්රථේ . ඍ॒තූනු-ථ්සෘ॑ජතේ ව॒ශී .. කාම॒ස්තදග්රේ॒ සම॑වර්ත॒තාධි॑ . මන॑සෝ॒ රේතඃ॑ ප්රථ॒මං-යँදාසී᳚ත් . ස॒තෝ බන්ධු॒මස॑ති॒ නිර॑වින්දන්න් . හෘ॒දි ප්ර॒තීෂ්යා॑ ක॒වයෝ॑ මනී॒ෂා .. .
බ්රහ්ම॑ ජජ්ඤා॒න-ම්ප්ර॑ථ॒ම-ම්පු॒රස්තා॒ද්වි සී॑ම॒ත-ස්සු॒රුචෝ॑ වේ॒න ආ॑වඃ . ස බු॒ධ්නියා॑ උප॒මා අ॑ස්ය වි॒ෂ්ඨා-ස්ස॒තශ්ච॒ යෝනි॒මස॑තශ්ච॒ විවඃ॑ .. පි॒තා වි॒රාජා॑මෘෂ॒භෝ ර॑යී॒ණාම් . අ॒න්තරි॑ක්ෂං-විँ॒ශ්වරූ॑ප॒ ආවි॑වේශ . තම॒ර්කෛ-ර॒භ්ය॑ර්චන්ති ව॒ථ්සම් . බ්රහ්ම॒ සන්ත॒-ම්බ්රහ්ම॑ණා ව॒ර්ධය॑න්තඃ .. .
ය॒ජ්ඤෝ රා॒යෝ ය॒ජ්ඤ ඊ॑ශේ॒ වසූ॑නාම් . ය॒ජ්ඤ-ස්ස॒ස්යානා॑මු॒ත සු॑ක්ෂිතී॒නාම් . ය॒ජ්ඤ ඉ॒ෂ්ටඃ පූ॒ර්වචි॑ත්ති-න්දධාතු . ය॒ජ්ඤෝ බ්ර॑හ්ම॒ණ්වාග්ං අප්යේ॑තු දේ॒වාන් .. අ॒යං-යँ॒ජ්ඤෝ ව॑ර්ධතා॒-ඞ්ගෝභි॒රශ්වෛඃ᳚ . ඉ॒යං-වේँදිඃ॑ ස්වප॒ත්යා සු॒වීරා᳚ . ඉ॒ද-ම්බ॒ර්॒හිරති॑ බ॒ර්॒හීග්ෂ්ය॒න්යා . ඉ॒මං-යँ॒ජ්ඤං-විँශ්වේ॑ අවන්තු දේ॒වාඃ .. . ආපෝ॑ භ॒ද්රා ඝෘ॒තමිදාප॑ ආසුර॒ග්නී-ෂෝමෞ॑ බිභ්ර॒ත්යාප॒ ඉ-ත්තාඃ . තී॒ව්රෝ රසෝ॑ මධු॒පෘචා॑ මරඞ්ග॒ම ආ මා᳚ ප්රා॒ණේන॑ ස॒හ වර්ච॑සා ගන්න් .. ආදි-ත්ප॑ශ්යාම්යු॒ත වා॑ ශෘණෝ॒ම්යා මා॒ ඝෝෂෝ॑ ගච්ඡති॒ වාන්න॑ ආසාම් . මන්යේ॑ භේජා॒නෝ අ॒මෘත॑ස්ය॒ තර්හි॒ හිර॑ණ්යවර්ණා॒ අතෘ॑පං-යँ॒දා වඃ॑ .. .
තුභ්ය॑-ම්භරන්ති ක්ෂි॒තයෝ॑ යවිෂ්ඨ . බ॒ලිම॑ග්නේ॒ අන්ති॑ ත॒ ඕත දූ॒රාත් . ආ භන්දි॑ෂ්ඨස්ය සුම॒ති-ඤ්චි॑කිද්ධි . බෘ॒හත්තේ॑ අග්නේ॒ මහි॒ ශර්ම॑ භ॒ද්රම් .. යෝ දේ॒හ්යෝ අන॑මයද්වධ॒ස්නෛඃ . යෝ අර්ය॑පත්නී-රු॒ෂස॑ශ්ච॒කාර॑ . ස නි॒රුධ්යා॒ නහු॑ෂෝ ය॒හ්වෝ අ॒ග්නිඃ . විශ॑ශ්චක්රේ බලි॒හෘත॒-ස්සහෝ॑භිඃ .. .
පූර්ව॑-න්දේවා॒ අප॑රේණා-නු॒පශ්ය॒ඤ්ජන්ම॑භිඃ . ජන්මා॒න්යව॑රෛඃ॒ පරා॑ණි . වේදා॑නි දේවා අ॒යම॒ස්මීති॒ මාම් . අ॒හග්ං හි॒ත්වා ශරී॑ර-ඤ්ජ॒රසඃ॑ ප॒රස්තා᳚ත් .. ප්රා॒ණා॒පා॒නෞ චක්ෂු॒-ශ්ශ්රෝත්ර᳚ම් . වාච॒-ම්මන॑සි॒ සම්භෘ॑තාම් . හි॒ත්වා ශරී॑ර-ඤ්ජ॒රසඃ॑ ප॒රස්තා᳚ත් . ආ භූති॒-ම්භූතිං॑-වँ॒යම॑ශ්නවාමහෛ .. .
හ॒ව්ය॒වාහ॑-මභිමාති॒ෂා-(අ)හ᳚ම් . ර॒ක්ෂෝ॒හණ॒-ම්පෘත॑නාසු ජි॒ෂ්ණුම් . ජ්යෝති॑ෂ්මන්ත॒-න්දීද්ය॑ත॒-ම්පුර॑න්ධිම් . අ॒ග්නිග්ග් ස්වි॑ෂ්ට॒කෘත॒මා හු॑වේම .. ස්වි॑ෂ්ටමග්නේ අ॒භි ත-ත්පෘ॑ණාහි . විශ්වා॑ දේව॒ පෘත॑නා අ॒භිෂ්ය . උ॒රු-න්නඃ॒ පන්ථා᳚-ම්ප්රදි॒ශන්වි භා॑හි . ජ්යෝති॑ෂ්මද්ධේහ්ය॒ජර॑-න්න॒ ආයුඃ॑ .. .. 1 ..
තුභ්ය॒-න්දශ॑ (අ. 1)
අනුවාකං 2 - තාසා-ම්බ්රාහ්මණම්
දේ॒වේභ්යෝ॒ වෛ ස්ව॒ර්ගෝ ලෝ॒කස්ති॒රෝ॑-(අ)භවත් .
තේ ප්ර॒ජාප॑ති-මබ්රුවන්න් .
ප්රජා॑පතේ ස්ව॒ර්ගෝ වෛ නෝ॑ ලෝ॒කස්ති॒රෝ॑-(අ)භූත් . තමන්වි॒ච්ඡේති॑ . තං-යँ॑ජ්ඤක්ර॒තුභි॒-රන්වෛ᳚ච්ඡත් . තං-යँ॑ජ්ඤක්ර॒තුභි॒-ර්නාන්ව॑වින්දත් .
තමිෂ්ටි॑භි॒-රන්වෛ᳚ච්ඡත් . තමිෂ්ටි॑භි॒-රන්ව॑වින්දත් .
තදිෂ්ටී॑නා-මිෂ්ටි॒ත්වම් . ඒෂ්ට॑යෝ හ॒වෛ නාම॑ .
තා ඉෂ්ට॑ය॒ ඉත්යාච॑ක්ෂතේ ප॒රෝක්ෂේ॑ණ . ප॒රෝක්ෂ॑ ප්රියා ඉව॒ හි දේ॒වාඃ .. 2 ..
තමාශා᳚-(අ)බ්රවීත් . ප්රජා॑පත ආ॒ශයා॒ වෛ ශ්රා᳚ම්යසි .
අ॒හමු॒ වා ආශා᳚-(අ)ස්මි . මා-න්නු ය॑ජස්ව .
අථ॑ තේ ස॒ත්යා-(අ)(අ)ශා॑ භවිෂ්යති . අනු॑ ස්ව॒ර්ගං-ලෝँ॒කං-වේँ॒ථ්ස්යසීති॑ . ස ඒ॒තම॒ග්නයේ॒ කාමා॑ය පුරෝ॒ඩාශ॑-ම॒ෂ්ටාක॑පාල॒-න්නිර॑වපත් .
ආ॒ශායෛ॑ ච॒රුම් . අනු॑මත්යෛ ච॒රුම් . තතෝ॒ වෛ තස්ය॑ ස॒ත්යා-(අ)(අ)ශා॑ (අ)භවත් . අනු॑ ස්ව॒ර්ගං-ලෝँ॒ක-ම॑වින්දත් . ස॒ත්යා හ॒ වා අ॒ස්යාශා॑ භවති .
අනු॑ ස්ව॒ර්ගං-ලෝँ॒කං-විँ॑න්දති . ය ඒ॒තේන॑ හ॒විෂා॒ යජ॑තේ . ය උ॑ චෛනදේ॒වං-වේँද॑ .. සෝ-(අ)ත්ර॑ ජුහෝති . අ॒ග්නයේ॒ කාමා॑ය॒ ස්වාහා॒-(අ)(අ)ශායෛ॒ ස්වාහා᳚ . අනු॑මත්යෛ॒ ස්වාහා᳚ ප්ර॒ජාප॑තයේ॒ ස්වාහා᳚ .
ස්ව॒ර්ගාය॑ ලෝ॒කාය॒ ස්වාහා॒-(අ)ග්නයේ᳚ ස්විෂ්ට॒කෘතේ॒ ස්වාහේති॑ .. 3 ..
ත-ඞ්කාමෝ᳚-(අ)බ්රවීත් . ප්රජා॑පතේ॒ කාමේ॑න॒ වෛ ශ්රා᳚ම්යසි . අ॒හමු॒වෛ කාමෝ᳚-(අ)ස්මි . මා-න්නු ය॑ජස්ව . අථ॑ තේ ස॒ත්යඃ කාමෝ॑ භවිෂ්යති . අනු॑ ස්ව॒ර්ගං-ලෝँ॒කං-වේँ॒ථ්ස්යසීති॑ . ස ඒ॒තම॒ග්නයේ॒ කාමා॑ය පුරෝ॒ඩාශ॑-ම॒ෂ්ටාක॑පාල॒-න්නිර॑වපත් . කාමා॑ය ච॒රුම් . අනු॑මත්යෛ ච॒රුම් .
තතෝ॒ වෛ තස්ය॑ ස॒ත්යඃ කාමෝ॑-(අ)භවත් .
අනු॑ ස්ව॒ර්ගං-ලෝँ॒කම॑වින්දත් .
ස॒ත්යෝ හ॒ වා අ॑ස්ය॒ කාමෝ॑ භවති .
අනු॑ ස්ව॒ර්ගං-ලෝँ॒කං-විँ॑න්දති .
ය ඒ॒තේන॑ හ॒විෂා॒ යජ॑තේ .
ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති .
අ॒ග්නයේ॒ කාමා॑ය॒ ස්වාහා॒ කාමා॑ය॒ ස්වාහා᳚ .
අනු॑මත්යෛ॒ ස්වාහා᳚ ප්ර॒ජාප॑තයේ॒ ස්වාහා᳚ .
ස්ව॒ර්ගාය॑ ලෝ॒කාය॒ ස්වාහා॒-(අ)ග්නයේ᳚ ස්විෂ්ට॒කෘතේ॒ ස්වාහේති॑ .. 4 ..
ත-ම්බ්රහ්මා᳚-(අ)බ්රවීත් . ප්රජා॑පතේ॒ බ්රහ්ම॑ණා॒ වෛශ්රා᳚ම්යසි . අ॒හමු॒ වෛ බ්රහ්මා᳚-(අ)ස්මි .
මා-න්නු ය॑ජස්ව . අථ॑ තේ බ්රහ්ම॒ණ්වාන්. ය॒ජ්ඤෝ භ॑විෂ්යති . අනු॑ ස්ව॒ර්ගං-ලෝँ॒කං-වේँ॒ථ්ස්යසීති॑ . ස ඒ॒තම॒ග්නයේ॒ කාමා॑ය පුරෝ॒ඩාශ॑-ම॒ෂ්ටාක॑පාල॒-න්නිර॑වපත් . බ්රහ්ම॑ණේ ච॒රුම් . අනු॑මත්යෛ ච॒රුම් . තතෝ॒ වෛ තස්ය॑ බ්රහ්ම॒ණ්වාන්. ය॒ජ්ඤෝ॑-(අ)භවත් . අනු॑ ස්ව॒ර්ගං-ලෝँ॒කම॑වින්දත් . බ්ර॒හ්ම॒ණ්වාන්. හ॒ වා අ॑ස්ය ය॒ජ්ඤෝ භ॑වති .
අනු॑ ස්ව॒ර්ගං-ලෝँ॒කං-විँ॑න්දති . ය ඒ॒තේන॑ හ॒විෂා॒ යජ॑තේ . ය උ॑චෛනදේ॒වං-වේँද॑ . සෝ-(අ)ත්ර॑ ජුහෝති . අ॒ග්නයේ॒ කාමා॑ය॒ ස්වාහා॒ බ්රහ්ම॑ණේ॒ ස්වාහා᳚ . අනු॑මත්යෛ॒ ස්වාහා᳚ ප්ර॒ජාප॑තයේ॒ ස්වාහා᳚ . ස්ව॒ර්ගාය॑ ලෝ॒කාය॒ ස්වාහා॒ (අ)ග්නයේ᳚ ස්විෂ්ට॒කෘතේ॒ ස්වාහේති॑ .. 5 ..
තං-යँ॒ජ්ඤෝ᳚-(අ)බ්රවීත් . ප්රජා॑පතේ ය॒ජ්ඤේන॒ වෛ ශ්රා᳚ම්යසි . අ॒හමු॒ වෛ ය॒ජ්ඤෝ᳚-(අ)ස්මි .
මා-න්නු ය॑ජස්ව . අථ॑ තේ ස॒ත්යෝ ය॒ජ්ඤෝ භ॑වෂ්යති . අනු॑ ස්ව॒ර්ගං-ලෝँ॒කං-වේँ॒ථ්ස්යසීති॑ .
ස ඒ॒තම॒ග්නයේ॒ කාමා॑ය පුරෝ॒ඩාශ॑-ම॒ෂ්ටාක॑පාල॒-න්නිර॑වපත් . ය॒ජ්ඤාය॑ ච॒රුම් . අනු॑මත්යෛ ච॒රුම් . තතෝ॒ වෛ තස්ය॑ ස॒ත්යෝ ය॒ජ්ඤෝ॑-(අ)භවත් . අනු॑ ස්ව॒ර්ගං-ලෝँ॒කම॑වින්දත් . ස॒ත්යෝ හ॒ වා අ॑ස්ය ය॒ජ්ඤෝ භ॑වති .
අනු॑ ස්ව॒ර්ගං-ලෝँ॒කං-විँ॑න්දති .
ය ඒ॒තේන॑ හ॒විෂා॒ යජ॑තේ .
ය උ॑චෛනදේ॒වං-වේँද॑ . සෝ-(අ)ත්ර॑ ජුහෝති .
අ॒ග්නයේ॒ කාමා॑ය॒ ස්වාහා॑ ය॒ජ්ඤාය॒ ස්වාහා᳚ .
අනු॑මත්යෛ॒ ස්වාහා᳚ ප්ර॒ජාප॑තයේ॒ ස්වාහා᳚ .
ස්ව॒ර්ගාය॑ ලෝ॒කාය॒ ස්වාහා॒-(අ)ග්නයේ᳚ ස්විෂ්ට॒කෘතේ॒ ස්වාහේති॑ .. 6 ..
තමාපෝ᳚-(අ)බ්රුවන්න් . ප්රජා॑පතේ॒-(අ)ඵ්සු වෛ සර්වේ॒ කාමා᳚-ශ්ශ්රි॒තාඃ . ව॒යමු॒ වා ආප॑ස්ස්මඃ . අ॒ස්මාන්නු ය॑ජස්ව . අථ॒ ත්වයි॒ සර්වේ॒ කාමා᳚-ශ්ශ්රයිෂ්යන්තේ . අනු॑ ස්ව॒ර්ගං-ලෝँ॒කං-වේँ॒ථ්ස්යසීති॑ .
ස ඒ॒තම॒ග්නයේ॒ කාමා॑ය පුරෝ॒ඩාශ॑-ම॒ෂ්ටාක॑පාල॒-න්නිර॑වපත් . අ॒ද්භ්යශ්ච॒රුම් .
අනු॑මත්යෛ ච॒රුම් . තතෝ॒ වෛ තස්මි॒න්-ථ්සර්වේ॒ කාමා॑ අශ්රයන්ත . අනු॑ ස්ව॒ර්ගං-ලෝँ॒කම॑වින්දත් . සර්වේ॑ හ॒ වා අ॑ස්මි॒න් කාමා᳚-ශ්ශ්රයන්තේ . අනු॑ ස්ව॒ර්ගං-ලෝँ॒කං-විँ॑න්දති . ය ඒ॒තේන॑ හ॒විෂා॒ යජ॑තේ .
ය උ॑චෛනදේ॒වං-වේँද॑ . සෝ-(අ)ත්ර॑ ජුහෝති .
අ॒ග්නයේ॒ කාමා॑ය॒ ස්වාහා॒ (අ)ද්භ්ය-ස්ස්වාහා᳚ .
අනු॑මත්යෛ॒ ස්වාහා᳚ ප්ර॒ජාප॑තයේ॒ ස්වාහා᳚ .
ස්ව॒ර්ගාය॑ ලෝ॒කාය॒ ස්වාහා॒-(අ)ග්නයේ᳚ ස්විෂ්ට॒කෘතේ॒ ස්වාහේති॑ .. 7 ..
තම॒ග්නි ර්බ॑ලි॒මාන॑බ්රවීත් .
ප්රජා॑පතේ॒ (අ)ග්නයේ॒ වෛ බ॑ලි॒මතේ॒ සර්වා॑ණි භූ॒තානි॑ බ॒ලිග්ං හ॑රන්ති . අ॒හමු॒ වා අ॒ග්නි ර්බ॑ලි॒මාන॑ස්මි . මා-න්නු ය॑ජස්ව .
අථ॑ තේ॒ සර්වා॑ණි භූ॒තානි॑ බ॒ලිග්ං හ॑රිෂ්යන්ති .
අනු॑ ස්ව॒ර්ගං-ලෝँ॒කං-වේँ॒ථ්ස්යසීති॑ .
ස ඒ॒තම॒ග්නයේ॒ කාමා॑ය පුරෝ॒ඩාශ॑-ම॒ෂ්ටාක॑පාල॒-න්නිර॑වපත් . අ॒ග්නයේ॑ බලි॒මතේ॑ ච॒රුම් . අනු॑මත්යෛ ච॒රුම් . තතෝ॒ වෛ තස්මෛ॒ සර්වා॑ණි භූ॒තානි॑ බ॒ලි-ම॑හරන්න් . අනු॑ ස්ව॒ර්ගං-ලෝँ॒කම॑වින්දත් . සර්වා॑ණි හ॒ වා අ॑ස්මෛ භූ॒තානි॑ බ॒ලිග්ං හ॑රන්ති . අනු॑ ස්ව॒ර්ගං-ලෝँ॒කං-විँ॑න්දති . ය ඒ॒තේන॑ හ॒විෂා॒ යජ॑තේ .
ය උ॑චෛනදේ॒වං-වේँද॑ . සෝ-(අ)ත්ර॑ ජුහෝති .
අ॒ග්නයේ॒ කාමා॑ය॒ ස්වාහා॒ (අ)ග්නයේ॑ බලි॒මතේ॒ ස්වාහා᳚ . අනු॑මත්යෛ॒ ස්වාහා᳚ ප්ර॒ජාප॑තයේ॒ ස්වාහා᳚ .
ස්ව॒ර්ගාය॑ ලෝ॒කාය॒ ස්වාහා॒-(අ)ග්නයේ᳚ ස්විෂ්ට॒කෘතේ॒ ස්වාහේති॑ .. 8 ..
තමනු॑විත්තිර-බ්රවීත් . ප්රජා॑පතේ ස්ව॒ර්ගං-වෛँ ලෝ॒කමනු॑-විවිථ්සසි . අ॒හමු॒ වා අනු॑විත්තිරස්මි . මා-න්නු ය॑ජස්ව . අථ॑ තේ ස॒ත්යා (අ)නු॑විත්ති-ර්භවිෂ්යති . අනු॑ ස්ව॒ර්ගං-ලෝँ॒කං-වේँ॒ථ්ස්යසීති॑ .
ස ඒ॒තම॒ග්නයේ॒ කාමා॑ය පුරෝ॒ඩාශ॑-ම॒ෂ්ටාක॑පාල॒-න්නිර॑වපත් .
අනු॑විත්ත්යෛ ච॒රුම් . අනු॑මත්යෛ ච॒රුම් .
තතෝ॒ වෛ තස්ය॑ ස॒ත්යා (අ)නු॑විත්තිරභවත් .
අනු॑ ස්ව॒ර්ගං-ලෝँ॒ක-ම॑වින්දත් .
ස॒ත්යා හ॒ වා අ॒ස්යානු॑විත්ති-ර්භවති .
අනු॑ ස්ව॒ර්ගං-ලෝँ॒කං-විँ॑න්දති .
ය ඒ॒තේන॑ හ॒විෂා॒ යජ॑තේ .
ය උ॑චෛනදේ॒වං-වේँද॑ . සෝ-(අ)ත්ර॑ ජුහෝති .
අ॒ග්නයේ॒ කාමා॑ය॒ ස්වාහා-(අ)නු॑විත්ත්යෛ॒ ස්වාහා᳚ .
අනු॑මත්යෛ॒ ස්වාහා᳚ ප්ර॒ජාප॑තයේ॒ ස්වාහා᳚ .
ස්ව॒ර්ගාය॑ ලෝ॒කාය॒ ස්වාහා॒-(අ)ග්නයේ᳚ ස්විෂ්ට॒කෘතේ॒ ස්වාහේති॑ .. 9 ..
තා වා ඒ॒තා-ස්ස॒ප්ත ස්ව॒ර්ගස්ය॑ ලෝ॒කස්ය॒ ද්වාරඃ॑ .
දි॒ව-ශ්ශ්යේ॑න॒යෝ (අ)නු॑විත්තයෝ॒ නාම॑ .
ආශා᳚ ප්රථ॒මාග්ං ර॑ක්ෂති .
කාමෝ᳚ ද්වි॒තීයා᳚ම් . බ්රහ්ම॑ තෘ॒තීයා᳚ම් . ය॒ජ්ඤශ්ච॑තු॒ර්ථීම් . ආපඃ॑ පඤ්ච॒මීම් .
අ॒ග්නි ර්බ॑ලි॒මාන්-ථ්ෂ॒ෂ්ඨීම් . අනු॑විත්ති-ස්සප්ත॒මීම් .
අනු॑ හ॒ වෛ ස්ව॒ර්ගං-ලෝँ॒කං-විँ॑න්දති .
කා॒ම॒චාරෝ᳚-(අ)ස්ය ස්ව॒ර්ගේ ලෝ॒කේ භ॑වති .
ය ඒ॒තාභි॒-රිෂ්ටි॑භි॒-ර්යජ॑තේ .
ය උ॑චෛනා ඒ॒වං-වේँද॑ . තාස්ව॑න්වි॒ෂ්ටි . ප॒ෂ්ඨෞ॒හී॒ ව॒රා-න්ද॑ද්යා-ත්ක॒ග්ං॒ සඤ්ච॑ .
ස්ත්රියෛ॑ චාභා॒රග්ං සමෘ॑ද්ධ්යෛ .. 10 ..
අනුවාකං 3 - උපාඝා නාමේෂ්ටයඃ
තප॑සා දේ॒වා දේ॒වතා॒-මග්ර॑ ආයන්න් . තප॒සර්ෂ॑ය॒-ස්ස්ව॑රන්ව॑වින්දන්න් .
තප॑සා ස॒පත්නා॒-න්ප්රණු॑දා॒මාරා॑තීඃ .
යේනේ॒දං-විँශ්ව॒-ම්පරි॑භූතං॒-යँදස්ති॑ ..
ප්ර॒ථ॒ම॒ජ-න්දේ॒වග්ං හ॒විෂා॑ විධේම . ස්ව॒ය॒භු-ම්බ්රහ්ම॑ පර॒ම-න්තපෝ॒ යත් .
ස ඒ॒ව පු॒ත්ර-ස්ස පි॒තා ස මා॒තා .
තපෝ॑ හ ය॒ක්ෂ-ම්ප්ර॑ථ॒මග්ං සම්බ॑භූව ..
ශ්ර॒ද්ධයා දේ॑වෝ දේව॒ත්ව-ම॑ශ්නුතේ .
ශ්ර॒ද්ධා ප්ර॑ති॒ෂ්ඨා ලෝ॒කස්ය॑ දේ॒වී .. 11 ..
සා නෝ॑ ජුෂා॒ණෝප॑ ය॒ජ්ඤ-මාගා᳚ත් .
කාම॑වථ්සා॒ (අ)මෘත॒-න්දුහා॑නා ..
ශ්ර॒ද්ධා දේ॒වී ප්ර॑ථම॒ජා ඍ॒තස්ය॑ .
විශ්ව॑ස්ය භ॒ර්ත්රී ජග॑තඃ ප්රති॒ෂ්ඨා .
තාග් ශ්ර॒ද්ධාග්ං හ॒විෂා॑ යජාමහේ .
සා නෝ॑ ලෝ॒ක-ම॒මෘත॑-න්දධාතු .
ඊශා॑නා දේ॒වී භුව॑න॒ස්යාධි॑පත්නී .. ආගා᳚ථ්ස॒ත්යග්ං හ॒විරි॒ද-ඤ්ජු॑ෂා॒ණම් .
යස්මා᳚ද්දේ॒වා ජ॑ජ්ඤිරේ॒ භුව॑නඤ්ච॒ විශ්වේ᳚ .
තස්මෛ॑ විධේම හ॒විෂා॑ ඝෘ॒තේන॑ .. 12 ..
යථා॑ දේ॒වෛ-ස්ස॑ධ॒මාද॑-ම්මදේම ..
යස්ය॑ ප්රති॒ෂ්ඨෝ-ර්ව॑න්තරි॑ක්ෂම් .
යස්මා᳚ද්දේ॒වා ජ॑ජ්ඤිරේ॒ භුව॑නඤ්ච॒ සර්වේ᳚ .
තථ්ස॒ත්ය-මර්ච॒දුප॑ය॒ජ්ඤ-න්න॒ ආගා᳚ත් . බ්රහ්මාහු॑තී॒-රුප॒මෝද॑මානම් ..
මන॑සෝ॒ වශේ॒ සර්ව॑මි॒ද-ම්බ॑භූව .
නාන්යස්ය॒ මනෝ॒ වශ॒මන්වි॑යාය .
භී॒ෂ්මෝ හි දේ॒ව-ස්සහ॑ස॒-ස්සහී॑යාන් .
ස නෝ॑ ජුෂා॒ණ උප॑ ය॒ජ්ඤමාගා᳚ත් ..
ආකූ॑තීනා॒-මධි॑පති॒-ඤ්චේත॑සා-ඤ්ච .. 13 ..
ස॒ඞ්ක॒ල්පජූ॑ති-න්දේ॒වං-විँ॑ප॒ශ්චිම් .
මනෝ॒ රාජා॑නමි॒හ ව॒ර්ධය॑න්තඃ .
උ॒ප॒හ॒වේ᳚ (අ)ස්ය සුම॒තෞ ස්යා॑ම ..
චර॑ණ-ම්ප॒විත්රං॒-විँත॑ත-ම්පුරා॒ණම් .
යේන॑ පූ॒තස්තර॑ති දුෂ්කෘ॒තානි॑ .
තේන॑ ප॒විත්රේ॑ණ ශු॒ද්ධේන॑ පූ॒තාඃ .
අති॑ පා॒ප්මාන॒-මරා॑ති-න්තරේම ..
ලෝ॒කස්ය॒ ද්වාර॑-මර්චි॒ම-ත්ප॒විත්ර᳚ම් .
ජ්යෝති॑ෂ්ම॒-ද්භ්රාජ॑මාන॒-ම්මහ॑ස්වත් . අ॒මෘත॑ස්ය॒ ධාරා॑ බහු॒ධා දෝහ॑මානම් .
චර॑ණ-න්නෝ ලෝ॒කේ සුධි॑තා-න්දධාතු ..
අ॒ග්නිර්මූ॒ර්ධා දි॒වඃ ක॒කු-ත්පතිඃ॑ පෘථි॒ව්යා අ॒යම් . අ॒පාග්ං රේතාග්ං॑සි ජින්වති .. භුවෝ॑ ය॒ජ්ඤස්ය॒ රජ॑සශ්ච නේ॒තා යත්රා॑ නි॒යුද්භි॒-ස්සච॑සේ ශි॒වාභිඃ॑ . දි॒වි මූ॒ර්ධාන॑-න්දධිෂේ සුව॒ර්॒ෂා-ඤ්ජි॒හ්වාම॑ග්නේ චකෘෂේ හව්ය॒වාහ᳚ම් .. ..
අනු॑ නෝ॒-(අ)ද්යා-(අ)නු॑මතිර්ය॒ජ්ඤ-න්දේ॒වේෂු॑ මන්යතාම් . අ॒ග්නිශ්ච॑ හව්ය॒වාහ॑නෝ॒ භව॑තා-න්දා॒ශුෂේ॒ මයඃ॑ .. අන්විද॑නුමතේ॒ ත්ව-ම්මන්යා॑සෛ॒ ශඤ්ච॑නඃ කෘධි . ක්රත්වේ॒ දක්ෂා॑ය නෝ හිනු॒ ප්රණ॒ ආයූග්ං॑ෂි තාරිෂඃ .. ..
හ॒ව්ය॒වාහ॑-මභිමාති॒ෂා-(අ)හ᳚ම් . ර॒ක්ෂෝ॒හණ॒-ම්පෘත॑නාසු ජි॒ෂ්ණුම් . ජ්යෝති॑ෂ්මන්ත॒-න්දීද්ය॑ත॒-ම්පුර॑න්ධිම් . අ॒ග්නිග්ග් ස්වි॑ෂ්ට॒කෘත॒මා හු॑වේම .. ස්වි॑ෂ්ටමග්නේ අ॒භි ත-ත්පෘ॑ණාහි . විශ්වා॑ දේව॒ පෘත॑නා අ॒භිෂ්ය . උ॒රු-න්නඃ॒ පන්ථා᳚-ම්ප්රදි॒ශන්වි භා॑හි . ජ්යෝති॑ෂ්මද්ධේහ්ය॒ජර॑-න්න॒ ආයුඃ॑ .. .. 14 ..
(දේ॒වී - ඝෘ॒තේන॒ - චේත॑සා-ඤ්ච॒ - දෝහ॑මාන-ඤ්ච॒ත්වාරි॑ ච) (අ. 3)
අනුවාකං 4 - තාසා-ම්බ්රාහ්මණම්
දේ॒වේභ්යෝ॒ වෛ ස්ව॒ර්ගෝ ලෝ॒කස්ති॒රෝ॑ (අ)භවත් .
තේ ප්ර॒ජාප॑ති-මබ්රුවන්න් . ප්රජා॑පතේ ස්ව॒ර්ගෝ
වෛ නෝ॑ ලෝ॒කස්ති॒රෝ॑-(අ)භූත් . තමන්වි॒ච්ඡේති॑ .
තං-යँ॑ජ්ඤක්ර॒තුභි॒-රන්වෛ᳚ච්ඡත් .
තං-යँ॑ජ්ඤක්ර॒තුභි॒ ර්නාන්ව॑වින්දත් .
තමිෂ්ටි॑භි॒-රන්වෛ᳚ච්ඡත් . තමිෂ්ටි॑භි॒-රන්ව॑වින්දත් . තදිෂ්ටී॑නා-මිෂ්ටි॒ත්වම් . ඒෂ්ට॑යෝ හ॒ වෛ නාම॑ . තා ඉෂ්ට॑ය॒ ඉත්යා ච॑ක්ෂතේ ප॒රෝක්ෂේ॑ණ .
ප॒රෝක්ෂ॑ප්රියා ඉව॒ හි දේ॒වාඃ .. 15 ..
ත-න්තපෝ᳚-(අ) බ්රවීත් . ප්රජා॑පතේ॒ තප॑සා॒ වෛ
ශ්රා᳚ම්යසි . අ॒හමු॒ වෛ තපෝ᳚-(අ) ස්මි .
මා-න්නු ය॑ජස්ව .
අථ॑ තේ ස॒ත්ය-න්තපෝ॑ භවිෂ්යති .
අනු॑ ස්ව॒ර්ගං-ලෝँ॒කං-වේँ॒ථ්ස්යසීති॑ .
ස ඒ॒තමා᳚ග්නේ॒ය-ම॒ෂ්ටාක॑පාල॒-න්නිර॑වපත් . තප॑සේ ච॒රුම් . අනු॑මත්යෛ ච॒රුම් .
තතෝ॒ වෛ තස්ය॑ ස॒ත්ය-න්තපෝ॑ (අ)භවත් .
අනු॑ ස්ව॒ර්ගං-ලෝँ॒කම॑වින්දත් .
ස॒ත්ය ග්ං හ॒ වා අ॑ස්ය॒ තපෝ॑ භවති .
අනු॑ ස්ව॒ර්ගං-ලෝँ॒කං-විँ॑න්දති .
ය ඒ॒තේන॑ හ॒විෂා॒ යජ॑තේ .
ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති . අ॒ග්නයේ॒ ස්වාහා॒ තප॑සේ॒ ස්වාහා᳚ .
අනු॑මත්යෛ॒ ස්වාහා᳚ ප්ර॒ජාප॑තයේ॒ ස්වාහා᳚ .
ස්ව॒ර්ගාය॑ ලෝ॒කාය॒ ස්වාහා॒-(අ)ග්නයේ᳚ ස්විෂ්ට॒කෘතේ॒ ස්වාහේති॑ .. 16 ..
තග්ග් ශ්ර॒ද්ධා-(අ)බ්ර॑වීත් . ප්රජා॑පතේ ශ්ර॒ද්ධයා॒ වෛ ශ්රා᳚ම්යසි . අ॒හමු॒ වෛ ශ්ර॒ද්ධා-(අ)ස්මි॑ . මා-න්නු ය॑ජස්ව . අථ॑ තේ ස॒ත්යා ශ්ර॒ද්ධා භ॑විෂ්යති . අනු॑ ස්ව॒ර්ගං-ලෝँ॒කං-වේँ॒ථ්ස්යසීති॑ .
ස ඒ॒තමා᳚-(අ)ග්නේ॒ය-ම॒ෂ්ටාක॑පාල॒-න්නිර॑වපත් . ශ්ර॒ද්ධායෛ॑ ච॒රුම් . අනු॑මත්යෛ ච॒රුම් . තතෝ॒ වෛ තස්ය॑ ස॒ත්යා ශ්ර॒ද්ධා-(අ)භ॑වත් .
අනු॑ ස්ව॒ර්ගං-ලෝँ॒කම॑වින්දත් .
ස॒ත්යා හ॒ වා අ॑ස්ය ශ්ර॒ද්ධා භ॑වති .
අනු॑ ස්ව॒ර්ගං-ලෝँ॒කං-විँ॑න්දති .
ය ඒ॒තේන॑ හ॒විෂා॒ යජ॑තේ .
ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති . අ॒ග්නයේ॒ ස්වාහා᳚ ශ්ර॒ද්ධායෛ॒ ස්වාහා᳚ .
අනු॑මත්යෛ॒ ස්වාහා᳚ ප්ර॒ජාප॑තයේ॒ ස්වාහා᳚ .
ස්ව॒ර්ගාය॑ ලෝ॒කාය॒ ස්වාහා॒-(අ)ග්නයේ᳚ ස්විෂ්ට॒කෘතේ॒ ස්වාහේති॑ .. 17 ..
තග්ං ස॒ත්ය-ම॑බ්රවීත් . ප්රජා॑පතේ ස॒ත්යේන॒ වෛ ශ්රා᳚ම්යසි . අ॒හමු॒ වෛ ස॒ත්යම॑ස්මි . මා-න්නු ය॑ජස්ව . අථ॑ තේ ස॒ත්යග්ං ස॒ත්ය-ම්භ॑විෂ්යති . අනු॑ ස්ව॒ර්ගං-ලෝँ॒කං-වේँ॒ථ්ස්යසීති॑ .
ස ඒ॒තමා᳚-(අ)ග්නේ॒ය-ම॒ෂ්ටාක॑පාල॒-න්නිර॑වපත් . ස॒ත්යාය॑ ච॒රුම් . අනු॑මත්යෛ ච॒රුම් .
තතෝ॒ වෛ තස්ය॑ ස॒ත්යග්ං ස॒ත්යම॑භවත් .
අනු॑ ස්ව॒ර්ගං-ලෝँ॒කම॑වින්දත් .
ස॒ත්යග්ං හ॒ වා අ॑ස්ය ස॒ත්ය-ම්භ॑වති .
අනු॑ ස්ව॒ර්ගං-ලෝँ॒කං-විँ॑න්දති .
ය ඒ॒තේන॑ හ॒විෂා॒ යජ॑තේ .
ය උ॑චෛනදේ॒වං-වේँද॑ . සෝ-(අ)ත්ර॑ ජුහෝති .
අ॒ග්නයේ॒ ස්වාහා॑ ස॒ත්යාය॒ ස්වාහා᳚ .
අනු॑මත්යෛ॒ ස්වාහා᳚ ප්ර॒ජාප॑තයේ॒ ස්වාහා᳚ .
ස්ව॒ර්ගාය॑ ලෝ॒කාය॒ ස්වාහා॒-(අ)ග්නයේ᳚ ස්විෂ්ට॒කෘතේ॒ ස්වාහේති॑ .. 18 ..
ත-ම්මනෝ᳚-(අ)බ්රවීත් . ප්රජා॑පතේ॒ මන॑සා॒ වෛ ශ්රා᳚ම්යසි . අ॒හමු॒ වෛ මනෝ᳚-(අ)ස්මි .
මා-න්නු ය॑ජස්ව .
අථ॑ තේ ස॒ත්ය-ම්මනෝ॑ භවිෂ්යති .
අනු॑ ස්ව॒ර්ගං-ලෝँ॒කං-වේँ॒ථ්ස්යසීති॑ .
ස ඒ॒තමා᳚-(අ)ග්නේ॒ය-ම॒ෂ්ටාක॑පාල॒-න්නිර॑වපත් . මන॑සේ ච॒රුම් . අනු॑මත්යෛ ච॒රුම් . තතෝ॒ වෛ තස්ය॑ ස॒ත්ය-ම්මනෝ॑-(අ)භවත් .
අනු॑ ස්ව॒ර්ගං-ලෝँ॒කම॑වින්දත් . ස॒ත්යග්ං හ॒ වා අ॑ස්ය॒ මනෝ॑ භවති . අනු॑ ස්ව॒ර්ගං-ලෝँ॒කං-විँ॑න්දති . ය ඒ॒තේන॑ හ॒විෂා॒ යජ॑තේ .
ය උ॑චෛන දේ॒වං-වේँද॑ . සෝ-(අ)ත්ර॑ ජුහෝති .
අ॒ග්නයේ॒ ස්වාහා॒ මන॑සේ॒ ස්වාහා᳚ .
අනු॑මත්යෛ॒ ස්වාහා᳚ ප්ර॒ජාප॑තයේ॒ ස්වාහා᳚ .
ස්ව॒ර්ගාය॑ ලෝ॒කාය॒ ස්වාහා॒-(අ)ග්නයේ᳚ ස්විෂ්ට॒කෘතේ॒ ස්වාහේති॑ .. 19 ..
ත-ඤ්චර॑ණ-මබ්රවීත් . ප්රජා॑පතේ॒ චර॑ණේන॒ වෛ ශ්රා᳚ම්යසි . අ॒හමු॒ වෛ චර॑ණමස්මි . මා-න්නු ය॑ජස්ව . අථ॑ තේ ස॒ත්ය-ඤ්චර॑ණ-ම්භවිෂ්යති . අනු॑ ස්ව॒ර්ගං-ලෝँ॒කං-වේँ॒ථ්ස්යසීති॑ .
ස ඒ॒තමා᳚-(අ)ග්නේ॒ය-ම॒ෂ්ටාක॑පාල॒-න්නිර॑වපත් . චර॑ණාය ච॒රුම් . අනු॑මත්යෛ ච॒රුම් . තතෝ॒ වෛ තස්ය॑ ස॒ත්ය-ඤ්චර॑ණමභවත් .
අනු॑ ස්ව॒ර්ගං-ලෝँ॒කම॑වින්දත් .
ස॒ත්යග්ං හ॒ වා අ॑ස්ය॒ චර॑ණ-ම්භවති .
අනු॑ස්ව॒ර්ගං-ලෝँ॒කං-විँ॑න්දති .
ය ඒ॒තේන॑ හ॒විෂා॒ යජ॑තේ .
ය උ॑චෛනදේ॒වං-වේँද॑ . සෝ-(අ)ත්ර॑ ජුහෝති .
අ॒ග්නයේ॒ ස්වාහා॒ චර॑ණාය॒ ස්වාහා᳚ .
අනු॑මත්යෛ॒ ස්වාහා᳚ ප්ර॒ජාප॑තයේ॒ ස්වාහා᳚ .
ස්ව॒ර්ගාය॑ ලෝ॒කාය॒ ස්වාහා॒-(අ)ග්නයේ᳚ ස්විෂ්ට॒කෘතේ॒ ස්වාහේති॑ .. 20 ..
තා වා ඒ॒තාඃ පඤ්ච॑ ස්ව॒ර්ගස්ය॑ ලෝ॒කස්ය॒ ද්වාරඃ॑ .
අපා॑ඝා॒ අනු॑විත්තයෝ॒ නාම॑ . තපඃ॑ ප්රථ॒මාග්ං ර॑ක්ෂති . ශ්ර॒ද්ධා ද්වි॒තීයා᳚ම් . ස॒ත්ය-න්තෘ॒තීයා᳚ම් .
මන॑ශ්චතු॒ර්ථීම් . චර॑ණ-ම්පඤ්ච॒මීම් .
අනු॑ හ॒ වෛ ස්ව॒ර්ගං-ලෝँ॒කං-විँ॑න්දති .
කා॒ම॒චාරෝ᳚-(අ)ස්ය ස්ව॒ර්ගේ ලෝ॒කේ භ॑වති .
ය ඒ॒තාභි॒-රිෂ්ටි॑භි॒-ර්යජ॑තේ .
ය උ॑චෛනා ඒ॒වං-වේँද॑ .
අනුවාකං 5 - චාතුර්හෝත්රචයනම්
බ්රහ්ම॒ වෛ චතු॑ර්හෝතාරඃ . චතු॑ර්හෝතෘ॒භ්යෝ-(අ)ධි॑ ය॒ජ්ඤෝ නිර්මි॑තඃ . නෛනග්ං॑ ශ॒ප්තම් . නාභිච॑රිත॒-මාග॑ච්ඡති . ය ඒ॒වං-වේँද॑ ..
යෝ හ॒ වෛ චතු॑ර්හෝතෘණා-ඤ්චතුර්හෝතෘ॒ත්වං-වේँද॑ . අථෝ॒ පඤ්ච॑ හෝතෘත්වම් .
සර්වා॑ හාස්මෛ॒ දිශඃ॑ කල්පන්තේ .
වා॒චස්පති॒ර්॒ හෝතා॒ දශ॑හෝතෲණාම් .
පෘ॒ථි॒වී හෝතා॒ චතු॑ර්හෝතෲණාම් .. 22 ..
අ॒ග්නිර්-හෝතා॒ පඤ්ච॑හෝතෲණාම් . වාඝෝතා॒ ෂඩ්ඪෝ॑තෲණාම් .
ම॒හාහ॑වි॒ර්॒ හෝතා॑ ස॒ප්තහෝ॑තෲණාම් .
ඒ॒තද්වෛ චතු॑ර්හෝතෘණා-ඤ්චතුර්හෝතෘ॒ත්වම් .
අථෝ॒ පඤ්ච॑හෝතෘත්වම් . සර්වා॑ හාස්මෛ॒ දිශඃ॑ කල්පන්තේ . ය ඒ॒වං-වේँද॑ ..
ඒ॒ෂා වෛ ස॑ර්ව වි॒ද්යා . ඒ॒ත-ද්භේ॑ෂ॒ජම් .
ඒ॒ෂා ප॒ඞ්ක්ති-ස්ස්ව॒ර්ගස්ය॑ ලෝ॒කස්යා᳚-ඤ්ජ॒සාය॑නි-ස්ස්රු॒තිඃ .. 23 ..
ඒ॒තාන්. යෝ-(අ)ද්ධ්යෛ-ත්යඡ॑දිර්ද॒ර්॒ශේ යාව॑ත්ත॒රස᳚ම් . ස්ව॑රේති . අ॒න॒ප॒බ්ර॒ව-ස්සර්ව॒මායු॑රේති . වි॒න්දතේ᳚ ප්ර॒ජාම් . රා॒යස්පෝෂ॑-ඞ්ගෞප॒ත්යම් .
බ්ර॒හ්ම॒ව॒ර්ච॒සී භ॑වති .. ඒ॒තාන්. යෝ-(අ)ද්ධ්යෛති॑ . ස්පෘ॒ණෝත්යා॒ත්මාන᳚ම් . ප්ර॒ජා-ම්පි॒තෲන් ..
ඒ॒තාන්. වා අ॑රු॒ණ ඖ॑පවේ॒ශි ර්වි॒දාඤ්ච॑කාර .. 24 ..
ඒ॒තෛර॑ධිවා॒දමපා॑ජයත් . අථෝ॒ විශ්ව॑-ම්පා॒ප්මාන᳚ම් . ස්ව॑ර්යයෞ . ඒ॒තාන්. යෝ-(අ)ද්ධ්යෛති॑ . අ॒ධි॒වා॒ද-ඤ්ජ॑යති . අථෝ॒ විශ්ව॑-ම්පා॒ප්මාන᳚ම් . ස්ව॑රේති .. ඒ॒තෛර॒ග්නි-ඤ්චි॑න්වීත ස්ව॒ර්ගකා॑මඃ .
ඒ॒තෛරායු॑ෂ්කාමඃ . ප්ර॒ජා ප॒ශුකා॑මෝ වා .. 25 ..
පු॒රස්තා॒-ද්දශ॑හෝතාර॒-මුද॑ඤ්ච॒-මුප॑දධාති යාවත්ප॒දම් . හෘද॑යං॒-යँජු॑ෂී॒ පත්න්යෞ॑ ච . ද॒ක්ෂි॒ණ॒තඃ ප්රාඤ්ච॒-ඤ්චතු॑ර්හෝතාරම් .
ප॒ශ්චාදුද॑ඤ්ච॒-ම්පඤ්ච॑ හෝතාරම් . උ॒ත්ත॒ර॒තඃ ප්රාඤ්ච॒ග්ං॒ ෂඩ්ඪෝ॑තාරම් .
උ॒පරි॑ෂ්ටා॒-ත්ප්රාඤ්චග්ං॑ ස॒ප්තහෝ॑තාරම් . හෘද॑යං॒-යँජූග්ං॑ෂි॒ පත්න්ය॑ශ්ච .
ය॒ථා॒ව॒කා॒ශ-ඞ්ග්රහාන්॑ . ය॒ථා॒ව॒කා॒ශ-ම්ප්ර॑තිග්ර॒හාන් ँලෝ॑ක-ම්පෘ॒ණාශ්ච॑ .
සර්වා॑ හාස්යෛ॒තා දේ॒වතාඃ᳚ ප්රී॒තා අ॒භීෂ්ටා॑ භවන්ති .. 26 ..
සදේ॑වම॒ග්නි-ඤ්චි॑නුතේ ..
ර॒ථස॑මින්ත-ශ්චේත॒ව්යඃ॑ . වජ්රෝ॒ වෛ රථඃ॑ .
වජ්රේ॑ණෛ॒ව පා॒ප්මාන॒-ම්භ්රාතෘ॑ව්යග්ග් ස්තෘණුතේ . ප॒ක්ෂ-ස්ස॑මින්ත-ශ්චේත॒ව්යඃ॑ .
ඒ॒තාවා॒න්॒. වෛ රථඃ॑ . යාව॑ත්ප॒ක්ෂඃ . ර॒ථස॑මින්තමේ॒ව චි॑නුතේ ..
ඉ॒මමේ॒ව ලෝ॒ක-ම්ප॑ශුබ॒න්ධේනා॒භිජ॑යති .
අථෝ॑ අග්නිෂ්ටෝ॒මේන॑ .. 27 ..
අ॒න්තරි॑ක්ෂ-මු॒ක්ථ්යේ॑න . ස්ව॑රතිරා॒ත්රේණ॑ . සර්වා᳚න් ँලෝ॒කාන॑හී॒නේන॑ . අථෝ॑ ස॒ත්රේණ॑ .. වරෝ॒ දක්ෂි॑ණා . වරේ॑ණෛ॒ව වරග්ග්॑ ස්පෘණෝති .
ආ॒ත්මා හි වරඃ॑ .. ඒක॑විග්ංශති॒ ර්දක්ෂි॑ණා දදාති .
ඒ॒ක॒වි॒ග්ං॒ශෝ වා ඉ॒ත-ස්ස්ව॒ර්ගෝ ලෝ॒කඃ . ප්රස්ව॒ර්ගං-ලෝँ॒කමා᳚ප්නෝති .. 28 ..
අ॒සාවා॑දි॒ත්ය ඒ॑කවි॒ග්ං॒ශඃ . අ॒මුමේ॒වා-දි॒ත්යමා᳚ප්නෝති .. ශ॒ත-න්ද॑දාති . ශ॒තායුඃ॒ පුරු॑ෂ-ශ්ශ॒තේන්ද්රි॑යඃ . ආයු॑ෂ්යේ॒වේන්ද්රි॒යේ ප්රති॑තිෂ්ඨති .. ස॒හස්ර॑-න්දදාති .
ස॒හස්ර॑ සම්මිත-ස්ස්ව॒ර්ගෝ ලෝ॒කඃ .
ස්ව॒ර්ගස්ය॑ ලෝ॒කස්යා॒-භිජි॑ත්යෛ .. අ॒න්වි॒ෂ්ට॒ක-න්දක්ෂි॑ණා දදාති . සර්වා॑ණි॒ වයාග්ං॑සි .. 29 ..
සර්ව॒ස්යාප්ත්යෛ᳚ . සර්ව॒ස්යා-ව॑රුද්ධ්යෛ .. යදි॒ න වි॒න්දේත॑ . ම॒න්ථානේ॑තාව॒තෝ ද॑ද්යාදෝද॒නාන්. වා᳚ . අ॒ශ්නු॒තේ ත-ඞ්කාම᳚ම් . යස්මෛ॒ කාමා॑යා॒-ග්නිශ්චී॒යතේ᳚ .. ප॒ෂ්ඨෞ॒හී-න්ත්ව॒න්තර්ව॑තී-න්දද්යාත් .
සා හි සර්වා॑ණි॒ වයාග්ං॑සි . සර්ව॒ස්යාප්ත්යෛ᳚ . සර්ව॒ස්යා-ව॑රුද්ධ්යෛ .. 30 ..
හිර॑ණ්ය-න්දදාති . හිර॑ණ්ය-ජ්යෝතිරේ॒ව ස්ව॒ර්ගං-ලෝँ॒කමේ॑ති .. වාසෝ॑ දදාති . තේනායුඃ॒ ප්රති॑රතේ .. වේ॒දි॒තෘ॒තී॒යේ ය॑ජේත . ත්රිෂ॑ත්යා॒ හි දේ॒වාඃ .
ස ස॑ත්යම॒ග්නි-ඤ්චි॑නුතේ .. තදේ॒ත-ත්ප॑ශුබ॒න්ධේ බ්රාහ්ම॑ණ-ම්බ්රූයාත් . නේත॑රේෂු ය॒ජ්ඤේෂු॑ ..
යෝ හ॒ වෛ චතු॑ර්හෝතෲ-නනුසව॒න-න්ත॑ර්පයිත॒ව්යාන්॑. වේද॑ .. 31 ..
තෘප්ය॑ති ප්ර॒ජයා॑ ප॒ශුභිඃ॑ .
උපෛ॑නග්ං සෝමපී॒ථෝ න॑මති .
ඒ॒තේ වෛ චතු॑ර්හෝතාරෝ (අ)නුසව॒න-න්ත॑ර්පයිත॒ව්යාඃ᳚ . යේ බ්රා᳚හ්ම॒ණා බ॑හු॒විදඃ॑ .
තේභ්යෝ॒ යද්දක්ෂි॑ණා॒ න නයේ᳚ත් . දුරි॑ෂ්ටග්ග් ස්යාත් . අ॒ග්නිම॑ස්ය වෘඤ්ජීරන්න් .
තේභ්යෝ॑ යථා ශ්ර॒ද්ධ-න්ද॑ද්යාත් . ස්වි॑ෂ්ටමේ॒වෛතත්ක්රි॑යතේ .
නාස්යා॒ග්නිං-වෘँ॑ඤ්ජතේ .. 32 ..
හි॒ර॒ණ්යේ॒ෂ්ට॒කෝ භ॑වති . යාව॑දුත්ත॒ම-ම॑ඞ්ගුලි-කා॒ණ්ඩං-යँ॑ජ්ඤ ප॒රුෂා॒ සම්මි॑තම් .
තේජෝ॒ හිර॑ණ්යම් .. යදි॒ හිර॑ණ්ය॒-න්න වි॒න්දේත් . ශර්ක॑රා අ॒ක්තා උප॑දද්ධ්යාත් . තේජෝ॑ ඝෘ॒තම් . සතේ॑ජසමේ॒-වාග්නි-ඤ්චි॑නුතේ .. අ॒ග්නිඤ්චි॒ත්වා සෞ᳚ත්රාම॒ණ්යා ය॑ජේත මෛත්රාවරු॒ණ්යා වා᳚ .
වී॒ර්යේ॑ණ॒ වා ඒ॒ෂ ව්යෘ॑ද්ධ්යතේ .
යෝ᳚-(අ)ග්නිඤ්චි॑නු॒තේ .. 33 ..
යාව॑දේ॒ව වී॒ර්ය᳚ම් . තද॑ස්මි-න්දධාති ..
බ්රහ්ම॑ණ॒-ස්සායු॑ජ්යග්ං සලෝ॒කතා॑-මාප්නෝති .
ඒ॒තාසා॑මේ॒ව දේ॒වතා॑නා॒ග්ං॒ සායු॑ජ්යම් .
සා॒ර්ෂ්ටිතාග්ං॑ සමාන ලෝ॒කතා॑-මාප්නෝති . ය ඒ॒තම॒ග්නි-ඤ්චි॑නු॒තේ . ය උ॑චෛනමේ॒වං-වේँද॑ .. ඒ॒තදේ॒ව සා॑වි॒ත්රේ බ්රාහ්ම॑ණම් .
අථෝ॑ නාචිකේ॒තේ .. 34 ..
(හෝතා॒ චතු॑ර්හෝතෲණාග් - ස්රු॒ති - ශ්ච॑කාර - වා - භවන්ත්ය - ග්නිෂ්ටෝ॒මේනා᳚ - ප්නෝති॒ - වයාග්ං॑සි॒ - වයාග්ං॑සි॒ - සර්ව॒ස්යාප්ත්යෛ॒ සර්ව॒ස්යාව॑රුද්ධ්යෛ॒ - වේද॑ - වෘඤ්ජතේ - චිනු॒තේ - +නව॑ ච) (අ. 5)
අනුවාකං 6 - වෛශ්වසෘජචයනම්
යච්චා॒මෘතං॒-යँච්ච මර්ත්ය᳚ම් . යච්ච॒ ප්රාණි॑ති॒ යච්ච॒ න . සර්වා॒ස්තා ඉෂ්ට॑කාඃ කෘ॒ත්වා .
උප॑ කාම॒දුඝා॑ දධේ . තේනර්ෂි॑ණා॒ තේන॒ බ්රහ්ම॑ණා . තයා॑ දේ॒වත॑යා-(අ)ඞ්ගිර॒ස්ව-ද්ධ්රු॒වා සී॑ද .. සර්වා॒-ස්ස්ත්රිය॒-ස්සර්වා᳚-න්පු॒ග්ං॒සඃ . සර්ව॒-න්න ස්ත්රී॑-පුමඤ්ච॒ යත් .
සර්වා॒ස්තාඃ .. යාව॑න්තඃ පා॒ග්ං॒සවෝ॒ භූමේඃ᳚ .. 35 ..
සඞ්ඛ්යා॑තා දේවමා॒යයා᳚ . සර්වා॒ස්තාඃ .. යාව॑න්ත॒ ඌෂාඃ᳚ පශූ॒නාම් . පෘ॒ථි॒ව්යා-ම්පුෂ්ටි॑ ර්හි॒තාඃ . සර්වා॒ස්තාඃ .. යාව॑තී॒-ස්සික॑තා॒-ස්සර්වාඃ᳚ .
අ॒ඵ්ස්ව॑න්තශ්ච॒ යා-ශ්ශ්රි॒තාඃ . සර්වා॒ස්තාඃ .. යාව॑තී॒-ශ්ශර්ක॑රා॒ ධෘත්යෛ᳚ . අ॒ස්යා-ම්පෘ॑ථි॒ව්යාමධි॑ .. 36 ..
සර්වා॒ස්තාඃ .. යාව॒න්තෝ-(අ)ශ්මා॑නෝ॒-(අ)ස්යා-ම්පෘ॑ථි॒ව්යාම් . ප්ර॒ති॒ෂ්ඨාසු॒ ප්රති॑ෂ්ඨිතාඃ . සර්වා॒ස්තාඃ .. යාව॑තී ර්වී॒රුධ॒-ස්සර්වාඃ᳚ .
විෂ්ඨි॑තාඃ පෘථි॒වීමනු॑ . සර්වා॒ස්තාඃ .. යාව॑තී॒රෝෂ॑ධී॒-ස්සර්වාඃ᳚ .
විෂ්ඨි॑තාඃ පෘථි॒වීමනු॑ . සර්වා॒ස්තාඃ .. 37 ..
යාව॑න්තෝ॒ වන॒ස්පත॑යඃ . අ॒ස්යා-ම්පෘ॑ථි॒ව්යාමධි॑ . සර්වා॒ස්තාඃ ..
යාව॑න්තෝ ග්රා॒ම්යාඃ ප॒ශව॒-ස්සර්වේ᳚ . ආ॒ර॒ණ්යාශ්ච॒ යේ . සර්වා॒ස්තාඃ .. යේ ද්වි॒පාද॒-ශ්චතු॑ෂ්පාදඃ . අ॒පාද॑ උදරස॒ර්පිණඃ॑ .
සර්වා॒ස්තාඃ .. යාව॒දාඤ්ජ॑-නමු॒ච්යතේ᳚ .. 38 ..
දේ॒ව॒ත්රා යච්ච॑ මානු॒ෂම් . සර්වා॒ස්තාඃ .. යාව॑ත්කෘ॒ෂ්ණාය॑ස॒ග්ං॒ සර්ව᳚ම් .
දේ॒ව॒ත්රා යච්ච॑ මානු॒ෂම් . සර්වා॒ස්තාඃ ..
යාව॑ ල්ලෝ॒හාය॑ස॒ග්ං॒ සර්ව᳚ම් .
දේ॒ව॒ත්රා යච්ච॑ මානු॒ෂම් . සර්වා॒ස්තාඃ .. සර්ව॒ග්ං॒ සීස॒ග්ං॒ සර්ව॒-න්ත්රපු॑ .
දේ॒ව॒ත්රා යච්ච॑ මානු॒ෂම් .. 39 ..
සර්වා॒ස්තාඃ .. සර්ව॒ග්ං॒ හිර॑ණ්යග්ං රජ॒තම් . දේ॒ව॒ත්රා යච්ච॑ මානු॒ෂම් .
සර්වා॒ස්තාඃ .. සර්ව॒ග්ං॒ සුව॑ර්ණ॒ග්ං॒ හරි॑තම් . දේ॒ව॒ත්රා යච්ච॑ මානු॒ෂම් .
සර්වා॒ස්තා ඉෂ්ට॑කාඃ කෘ॒ත්වා . උප॑කාම॒දුඝා॑ දධේ . තේනර්ෂි॑ණා॒ තේන॒ බ්රහ්ම॑ණා .
තයා॑ දේ॒වත॑යා-(අ)ඞ්ගිර॒ස්ව-ද්ධ්රු॒වා සී॑ද .. 40 ..
[භූමේ॒ - රධි॒ - විෂ්ඨි॑තාඃ පෘථි॒වීමනු॒ සර්වා॒ස්තා - උ॒ච්යත॑ - මානු॒ෂග්ං - සී॑ද ] (අ. 6)
(යච්ච॒ ස්ත්රියඃ॑ පා॒ග්ං॒සව॒ ඌෂා॒-ස්සික॑තා॒-ශ්ශර්ක॑රා॒ අශ්මා॑නෝ වී॒රුධ॒ ඕෂ॑ධී॒-ර්වන॒ස්පත॑යෝ ග්රා॒ම්යා යේ ද්වි॒පාදෝ॒ යාව॒දාඤ්ජ॑නං॒-යාँව॑-ත්කෘ॒ෂ්ණාය॑සං
ँලෝ॒හාය॑ස॒ග්ං॒ සීස॒ග්ං॒ හිර॑ණ්ය॒ග්ං॒ සුව॑ර්ණ॒ග්ං॒ හරි॑තම॒ෂ්ටාද॑ශ)
අනුවාකං 7 - වෛශ්වසෘජචයනම්
සර්වා॒ දිශෝ॑ දි॒ක්ෂු . යච්චා॒න්ත ර්භූ॒ත-ම්ප්රති॑ෂ්ඨිතම් . සර්වා॒ස්තා ඉෂ්ට॑කාඃ කෘ॒ත්වා .
උප॑ කාම॒දුඝා॑ දධේ .
තේනර්ෂි॑ණා॒ තේන॒ බ්රහ්ම॑ණා .
තයා॑ දේ॒වත॑යා-(අ)ඞ්ගිර॒ස්ව-ද්ධ්රු॒වා සී॑ද ..
අ॒න්තරි॑ක්ෂඤ්ච॒ කේව॑ලම් .
යච්චා॒ස්මි-න්න॑න්ත॒රාහි॑තම් .
සර්වා॒ස්තාඃ .. ආ॒න්ත॒රි॒ක්ෂ්ය॑ශ්ච॒ යාඃ ප්ර॒ජාඃ .. 41 ..
ග॒න්ධ॒ර්වා॒-ඵ්ස॒රස॑ශ්ච॒ යේ . සර්වා॒ස්තාඃ .. සර්වා॑-නුදා॒රාන්-ථ්ස॒ලිලාන්॑ .
අ॒න්තරි॑ක්ෂේ॒ ප්රති॑ෂ්ඨිතාන් . සර්වා॒ස්තාඃ ..
සර්වා॑-නුදා॒රාන්-ථ්ස॑ලි॒ලාන් .
ස්ථා॒ව॒රාඃ ප්රෝ॒ෂ්යා᳚ශ්ච॒ යේ . සර්වා॒ස්තාඃ .. සර්වා॒-න්ධුනි॒ග්ං॒ සර්වා᳚න්-ධ්ව॒ග්ං॒සාන් .
හි॒මෝ යච්ච॑ ශී॒යතේ᳚ .. 42 ..
සර්වා॒ස්තාඃ .. සර්වා॒-න්මරී॑චී॒න්॒. විත॑තාන් . නී॒හා॒රෝ යච්ච॑ ශී॒යතේ᳚ . සර්වා॒ස්තාඃ .. සර්වා॑ වි॒ද්යුත॒-ස්සර්වා᳚න්-ථ්ස්තනයි॒ත්නූන් . හ්රා॒දුනී॒ ර්යච්ච॑ ශී॒යතේ᳚ . සර්වා॒ස්තාඃ .. සර්වා॒-ස්ස්රව॑න්තී-ස්ස॒රිතඃ॑ .
සර්ව॑මඵ්සු ච॒රඤ්ච॒ යත් . සර්වා॒ස්තාඃ .. 43 ..
යාශ්ච॒ කූප්යා॒ යාශ්ච॑ නා॒ද්යා᳚-ස්සමු॒ද්රියාඃ᳚ . යාශ්ච॑ වෛශ॒න්තීරු॒ත ප්රා॑ස॒චීර්යාඃ .
සර්වා॒ස්තාඃ .. යේ චෝ॒ත්තිෂ්ඨ॑න්ති ජී॒මූතාඃ᳚ .
යාශ්ච॒ වර්ෂ॑න්ති වෘ॒ෂ්ටයඃ॑ . සර්වා॒ස්තාඃ .. තප॒ස්තේජ॑ ආකා॒ශම් . යච්චා॑කා॒ශේ ප්රති॑ෂ්ඨිතම් .
සර්වා॒ස්තාඃ .. වා॒යුං-වँයාග්ං॑සි॒ සර්වා॑ණි .. 44 ..
අ॒න්ත॒රි॒ක්ෂ॒ච॒රඤ්ච॒ යත් . සර්වා॒ස්තාඃ .. අ॒ග්නිග්ං සූර්ය॑-ඤ්ච॒න්ද්රම් . මි॒ත්රං-වँරු॑ණ॒-ම්භග᳚ම් . සර්වා॒ස්තාඃ .. ස॒ත්යග්ග් ශ්ර॒ද්ධා-න්තපෝ॒ දම᳚ම් .
නාම॑ රූ॒පඤ්ච॑ භූ॒තානා᳚ම් . සර්වා॒ස්තා ඉෂ්ට॑කාඃ කෘ॒ත්වා . උප॑ කාම॒දුඝා॑ දධේ . තේනර්ෂි॑ණා॒ තේන॒ බ්රහ්ම॑ණා .
තයා॑ දේ॒වත॑යා-(අ)ඞ්ගිර॒ස්ව-ද්ධ්රු॒වා සී॑ද .. 45 ..
(ප්ර॒ජා-හි॒මෝ යච්ච॑ ශී॒යතේ॒-සර්වා॒ස්තාඃ-සර්වා॑ණි॒-බ්රහ්ම॒ණෛක॑-ඤ්ච) (අ. 7)
(දිශෝ॒-(අ)න්තරි॑ක්ෂමාන්තරි॒ක්ෂ්ය॑ උදා॒රානු॑දා॒රා-න්ධුනි॒-ම්මරී॑චීන්. වි॒ද්යුතඃ॒
ස්රව॑න්තී॒ර්යාශ්ච॒ යේ ච॒ තපෝ॑ වා॒යුම॒ග්නිග්ං ස॒ත්ය-ම්පඤ්ච॑දශ)
අනුවාකං 8 - වෛශ්වසෘජචයනම්
සර්වා॒-න්දිව॒ග්ං॒ සර්වා᳚-න්දේ॒වා-න්දි॒වි .
යච්චා॒න්ත ර්භූ॒ත-ම්ප්රති॑ෂ්ඨිතම් .
සර්වා॒ස්තා ඉෂ්ට॑කාඃ කෘ॒ත්වා . උප॑ කාම॒දුඝා॑ දධේ . තේනර්ෂි॑ණා॒ තේන॒ බ්රහ්ම॑ණා .
තයා॑ දේ॒වත॑යා-(අ)ඞ්ගිර॒ස්වද-ධ්රු॒වා සී॑ද .. යාව॑තී॒ ස්තාර॑කා॒-ස්සර්වාඃ᳚ .
විත॑තා රෝච॒නේ දි॒වි . සර්වා॒ස්තාඃ .. ඍචෝ॒ යජූග්ං॑ෂි॒ සාමා॑නි .. 46 ..
අ॒ථ॒ර්වා॒ඞ්ගි॒රස॑ශ්ච॒ යේ . සර්වා॒ස්තාඃ .. ඉ॒ති॒හා॒ස॒පු॒රා॒ණඤ්ච॑ .
ස॒ර්ප॒දේ॒ව॒ජ॒නාශ්ච॒ යේ . සර්වා॒ස්තාඃ ..
යේ ච॑ ලෝ॒කා යේ චා॑ලෝ॒කාඃ .
අ॒න්ත ර්භූ॒ත-ම්ප්රති॑ෂ්ඨිතම් . සර්වා॒ස්තාඃ ..
යච්ච॒ බ්රහ්ම॒ යච්චා᳚බ්ර॒හ්ම .
අ॒න්ත ර්බ්ර॒හ්ම-න්ප්රති॑ෂ්ඨිතම් .. 47 ..
සර්වා॒ස්තාඃ .. අ॒හෝ॒රා॒ත්රාණි॒ සර්වා॑ණි . අ॒ද්ර්ධ॒මා॒සාග්ශ්ච॒ කේව॑ලාන් .
සර්වා॒ස්තාඃ .. සර්වා॑නෘ॒තූන්-ථ්සර්වා᳚-න්මා॒සාන් . සං॒වँ॒ථ්ස॒රඤ්ච॒ කේව॑ලම් .
සර්වා॒ස්තාඃ .. සර්ව॒-ම්භූත॒ග්ං॒ සර්ව॒-ම්භව්ය᳚ම් . යච්චා॒තෝ-(අ)ධි॑ භවි॒ෂ්යති॑ .
සර්වා॒ස්තා ඉෂ්ට॑කාඃ කෘ॒ත්වා .
උප॑ කාම॒දුඝා॑ දධේ .
තේනර්ෂි॑ණා॒ තේන॒ බ්රහ්ම॑ණා .
තයා॑ දේ॒වත॑යා-(අ)ඞ්ගිර॒ස්ව-ද්ධ්රු॒වා සී॑ද .. 48 ..
(සාමා॑නි - බ්ර॒හ්ම-න්ප්රති॑ෂ්ඨිතං - කෘ॒ත්වා ත්රීණි॑ ච) (අ. 8)
(දිව॒-න්තාර॑කා॒ ඍච॑ ඉතිහාසපුරා॒ණ-ඤ්ච॒ යේ ච॒ යච්චා॑හෝරා॒ත්රාණ්යෘ॒තූ-න්භූත॒-න්නව॑)
අනුවාකං 9 - බ්රහ්මා සදස්යාසීනෝ වෞශ්වසෘජාන් ව්යාචෂ්ටේ
ඍ॒චා-ම්ප්රාචී॑ මහ॒තී දිගු॑ච්යතේ .
දක්ෂි॑ණා-මාහු॒ ර්යජු॑ෂාමපා॒රාම් .
අථ॑ර්වණා॒-මග්ංඉ॑රසා-ම්ප්ර॒තීචී᳚ .
සාම්නා॒-මුදී॑චී මහ॒තී දිගු॑ච්යතේ ..
ඍ॒ග්භිඃ පූ᳚ර්වා॒හ්ණේ දි॒වි දේ॒ව ඊ॑යතේ .
ය॒ජු॒ර්වේ॒දේ ති॑ෂ්ඨති॒ මද්ධ්යේ॒ අහ්නඃ॑ .
සා॒ම॒වේ॒දේ-නා᳚ස්තම॒යේ මහී॑යතේ .
වේදෛ॒-රශූ᳚න්ය-ස්ත්රි॒භිරේ॑ති॒ සූර්යඃ॑ ..
ඍ॒ග්භ්යෝ ජා॒තාග්ං ස॑ර්ව॒ශෝ මූර්ති॑-මාහුඃ .
සර්වා॒ ගති॑ ර්යාජු॒ෂී හෛ॒ව ශශ්ව॑ත් .. 49 ..
සර්ව॒-න්තේජ॑ ස්සාමරූ॒ප්යග්ං හ॑ ශශ්වත් . සර්වග්ං॑ හේ॒ද-ම්බ්රහ්ම॑ණා හෛ॒ව සෘ॒ෂ්ටම් ..
ඍ॒ග්භ්යෝ ජා॒තං-වෛँශ්යං॒-වँර්ණ॑-මාහුඃ . ය॒ජු॒ර්වේ॒ද-ඞ්ක්ෂ॑ත්රි॒යස්යා॑-හු॒ර්යෝනි᳚ම් .
සා॒ම॒වේ॒දෝ බ්රා᳚හ්ම॒ණානා॒-ම්ප්රසූ॑තිඃ .
පූර්වේ॒ පූර්වේ᳚භ්යෝ॒ වච॑ ඒ॒ත-දූ॑චුඃ ..
ආ॒ද॒ර්॒ශ-ම॒ග්නි-ඤ්චි॑න්වා॒නාඃ .
පූර්වේ॑ විශ්ව॒ සෘජෝ॒-(අ)මෘතාඃ᳚ .
ශ॒තං-වँ॑ර්ෂ සහ॒ස්රාණි॑ . දී॒ක්ෂි॒තා-ස්ස॒ත්ර-මා॑සත .. 50 ..
තප॑ ආසී-ද්ගෘ॒හප॑තිඃ . බ්රහ්ම॑ බ්ර॒හ්මාභ॑ව-ථ්ස්ව॒යම් . ස॒ත්යග්ං හ॒ හෝ තෛ॑ෂා॒මාසී᳚ත් .
ය-ද්වි॑ශ්ව॒සෘජ॒ ආස॑ත ..
අ॒මෘත॑-මේභ්ය॒ උද॑ගායත් .
ස॒හස්ර॑-ම්පරිවථ්ස॒රාන් .
භූ॒තග්ං හ॑ ප්රස්තෝ॒ තෛෂා॒මාසී᳚ත් .
භ॒වි॒ෂ්ය-ත්ප්රති॑ චාහරත් ..
ප්රා॒ණෝ අ॑ද්ධ්ව॒ර්යු-ර॑භවත් .
ඉ॒දග්ං සර්ව॒ග්ං॒ සිෂා॑සතාම් .. 51 ..
අ॒පා॒නෝ වි॒ද්වා-නා॒වෘතඃ॑ . ප්රති॒ ප්රාති॑ෂ්ඨ-දද්ධ්ව॒රේ .. ආ॒ර්ත॒වා උ॑පගා॒තාරඃ॑ . ස॒ද॒ස්යා॑ ඍ॒තවෝ॑-(අ)භවන්න් . අ॒ර්ධ॒මා॒සාශ්ච॒ මාසා᳚ශ්ච . ච॒ම॒සා॒-ද්ධ්ව॒ර්ය॒වෝ-(අ)භ॑වන්න් ..
අශග්ං॑ ස॒-ද්බ්රහ්ම॑ණ॒-ස්තේජඃ॑ .
අ॒ච්ඡා॒වා॒කෝ (අ)භ॑ව॒-ද්යශඃ॑ .
ඍ॒ත-මේ॑ෂා-ම්ප්රශා॒ස්තා-(අ)(අ)සී᳚ත් .
ය-ද්වි॑ශ්ව॒ සෘජ॒ ආස॑ත .. 52 ..
ඌර්ග්-රාජා॑න॒-මුද॑වහත් . ධ්රු॒ව॒ ගෝ॒ප-ස්සහෝ॑-(අ)භවත් . ඕජෝ॒-(අ)භ්ය॑ෂ්ටෞ॒-ද්ග්රාව්.ණ්ණඃ॑ .
ය-ද්වි॑ශ්ව॒ සෘජ॒ ආස॑ත ..
අප॑චිතිඃ පෝ॒ත්රීයා॑-මයජත් . නේ॒ෂ්ට්රීයා॑-මයජ॒-ත්ත්විෂිඃ॑ . ආග්නී᳚ද්ධ්රා-ද්වි॒දුෂී॑ ස॒ත්යම් . ශ්ර॒ද්ධා හෛ॒වා ය॑ජ-ථ්ස්ව॒යම් .. ඉරා॒ පත්නී॑ විශ්ව॒ සෘජා᳚ම් . ආකූ॑ති-රපිනඩ්ඪ॒විඃ .. 53 ..
ඉ॒ද්ධ්මග්ං හ॒ ක්ෂුච් චෛ᳚භ්ය උ॒ග්රේ . තෘ॒ෂ්ණා චා ව॑හතාමු॒භේ .. වාගේ॑ෂාග්ං සුබ්රහ්ම॒ණ්යා-(අ)(අ)සී᳚ත් . ඡ॒න්දෝ॒ යෝ॒ගාන්. වි॑ජාන॒තී .
ක॒ල්ප॒ත॒න්ත්රාණි॑ තන්වා॒නා-(අ)හඃ॑ . ස॒ග්ග්॒ස්ථාශ්ච॑ සර්ව॒ශඃ .. අ॒හෝ॒රා॒ත්රේ ප॑ශුපා॒ල්යෞ . මු॒හූ॒ර්තාඃ ප්රේ॒ෂ්යා॑ අභවන්න් . මෘ॒ත්යුස් තද॑-භව-ද්ධා॒තා . ශ॒මි॒තෝ ග්රෝ වි॒ශා-ම්පතිඃ॑ .. 54 ..
වි॒ශ්ව॒සෘජඃ॑ ප්රථ॒මා-ස්ස॒ත්ර-මා॑සත . ස॒හස්ර॑ සම॒-ම්ප්රසු॑තේන॒ යන්තඃ॑ .
තතෝ॑ හ ජජ්ඤේ॒ භුව॑නස්ය ගෝ॒පාඃ . හි॒ර॒ණ්මයඃ॑ ශ॒කුනි॒ ර්බ්රහ්ම॒ නාම॑ .. යේන॒ සූර්ය॒-ස්තප॑ති॒ තේජ॑සේ॒-ද්ධඃ . පි॒තා පු॒ත්රේණ॑ පිතෘ॒මාන්. යෝනි॑යෝනෞ . නාවේ॑දවි-න්මනුතේ॒ ත-ම්බෘ॒හන්ත᳚ම් . ස॒ර්වා॒නු॒භු-මා॒ත්මානග්ං॑ සම්පරා॒යේ ..
ඒ॒ෂ නි॒ත්යෝ ම॑හි॒මා බ්රා᳚හ්ම॒ණස්ය॑ .
න කර්ම॑ණා වර්ධතේ॒ නෝ කනී॑යාන් .. 55 ..
තස්යෛ॒වාත්මා ප॑ද॒විත්තං-විँ॑දිත්වා .
න කර්ම॑ණා ලිප්යතේ॒ පාප॑කේන ..
පඤ්ච॑පඤ්චා॒ශත॑-ස්ත්රි॒වෘතඃ॑ සංවँථ්ස॒රාඃ .
පඤ්ච॑පඤ්චා॒ශතඃ॑ පඤ්චද॒ශාඃ . පඤ්ච॑පඤ්චා॒ශතඃ॑ සප්තද॒ශාඃ .
පඤ්ච॑පඤ්චා॒ශත॑ ඒකවි॒ග්ං॒ශාඃ .
වි॒ශ්ව॒සෘජාග්ං॑ ස॒හස්ර॑ සංවँථ්සරම් ..
ඒ॒තේන॒ වෛ වි॑ශ්ව॒සෘජ॑ ඉ॒දං-විँශ්ව॑-මසෘජන්ත . ය-ද්විශ්ව॒-මසෘ॑ජන්ත . තස්මා᳚-ද්විශ්ව॒සෘජඃ॑ ..
විශ්ව॑-මේනා॒-නනු॒ ප්රජා॑යතේ . බ්රහ්ම॑ණ॒-ස්සායු॑ජ්යග්ං සලෝ॒කතාං᳚-යँන්ති .
ඒ॒තාසා॑මේ॒ව දේ॒වතා॑නා॒ග්ං॒ සායු॑ජ්යම් . සා॒ර්ෂ්ටිතාග්ං॑ සමාන ලෝ॒කතාං᳚-යँන්ති .
ය ඒ॒ත-දු॑ප॒යන්ති॑ . යේ චෛ॑න॒-ත්ප්රාහුඃ॑ .
යේභ්ය॑-ශ්චෛන॒-ත්ප්රාහුඃ॑ ..
ඕම් .. 56 ..
(ශශ්ව॑ - දාසත॒ - සිෂා॑සතා॒ - මාස॑ත - හ॒විෂ් - පතිඃ॒ - කනී॑යා॒න් - තස්මා᳚-ද්විශ්ව॒සෘජෝ॒-(අ)ෂ්ටෞ ච॑) (අ. 9)
(තුභ්යං॑ - දේ॒වේභ්ය॒ - ස්තප॑සා - දේ॒වේභ්යෝ॒ - බ්රහ්ම॒ වෛ චතු॑ර්හෝතාරෝ॒ - යච්චා॒මෘත॒ග්ං॒ - සර්වා॒ දිශෝ॑ දි॒ක්ෂු - සර්වා॒-න්දිව॑ - මෘ॒චා-ම්ප්රාචී॒ නව॑)
(තුභ්යං॒ - තප॑සා॒ - තා වා ඒ॒තාඃ පඤ්ච॒ - හිර॑ණ්ය-න්දදාති॒ - සර්වා॒ දිශ॒ - ස්තප॑ ආසීද්ගෘ॒හප॑ති॒-ෂ්ෂට්ප॑ඤ්චා॒ශත්)
(තුභ්ය॒-මෝං)
.. හරිඃ॑ ඕම් ..
.. තෛත්තිරීය යජුර්බ්රාහ්මණේ කාඨකේ තෘතීය ප්රශ්න-ස්සමාප්තඃ ..
.. ඉති තෛත්තිරීය යජුර්බ්රාහ්මණේ කාඨකං සමාප්තම් ..
Roman (IAST) Transliteration
kṛṣṇa yajurvedīya taittirīya brāhmaṇe kāṭhake tṛtīyaḥ praśnaḥ - vaiśvasṛjacayanam
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
cāturhotracayanaṃ-vai~śvasṛjacayana-ñca
anuvākaṃ 1 - vaiśvasṛjacayanāṅgabhūtāḥ divaśśyenaya iṣṭayaḥ
tubhya॒-ntā a̭ṅgirastama॒ viśvā᳚-ssukṣi॒tayaḥ॒ pṛtha̭k | agne॒ kāmā̭ya yemire || a॒śyāma॒ ta-ṅkāma̭magne॒ tavo॒ tya̭śyāma̭ ra॒yigṃ ra̭yiva-ssu॒vīra᳚m | a॒śyāma॒ vāja̭ma॒bhi vā॒jaya̭nto॒ 'śyāma̭ dyu॒mnama̭jarā॒jara̭-nte || |
āśā̭nā-ntvā ''śāpā॒lebhyaḥ̭ | ca॒turbhyo̭ a॒mṛte᳚bhyaḥ | i॒da-mbhū॒tasyādhya̭kṣebhyaḥ | vi॒dhema̭ ha॒viṣā̭ va॒yam || viśvā॒ āśā॒ madhṷnā॒ sagṃsṛ̭jāmi | a॒na॒mī॒vā āpa॒ oṣa̭dhayo bhavantu | a॒yaṃ-ya~ja̭māno॒ mṛdho॒ vya̭syatāṃ agṛ̭bhītāḥ pa॒śavaḥ̭ santu॒ sarve᳚ || |
anṷ no॒-'dyā-'nṷmatirya॒jña-nde॒veṣṷ manyatām | a॒gniśca̭ havya॒vāha̭no॒ bhava̭tā-ndā॒śuṣe॒ mayaḥ̭ || anvida̭numate॒ tva-mmanyā̭sai॒ śañca̭naḥ kṛdhi | kratve॒ dakṣā̭ya no hinu॒ praṇa॒ āyūgṃ̭ṣi tāriṣaḥ || |
kāmo̭ bhū॒tasya॒ bhavya̭sya | sa॒mrāḍeko॒ virā̭jati | sa i॒da-mprati̭ paprathe | ṛ॒tūnu-thsṛ̭jate va॒śī || kāma॒stadagre॒ sama̭varta॒tādhi̭ | mana̭so॒ retaḥ̭ pratha॒maṃ-ya~dāsī᳚t | sa॒to bandhu॒masa̭ti॒ nira̭vindann | hṛ॒di pra॒tīṣyā̭ ka॒vayo̭ manī॒ṣā || |
brahma̭ jajñā॒na-mpra̭tha॒ma-mpu॒rastā॒dvi sī̭ma॒ta-ssu॒ruco̭ ve॒na ā̭vaḥ | sa bu॒dhniyā̭ upa॒mā a̭sya vi॒ṣṭhā-ssa॒taśca॒ yoni॒masa̭taśca॒ vivaḥ̭ || pi॒tā vi॒rājā̭mṛṣa॒bho ra̭yī॒ṇām | a॒ntari̭kṣaṃ-vi~॒śvarṷ̄pa॒ āvi̭veśa | tama॒rkai-ra॒bhya̭rcanti va॒thsam | brahma॒ santa॒-mbrahma̭ṇā va॒rdhaya̭ntaḥ || |
ya॒jño rā॒yo ya॒jña ī̭śe॒ vasṷ̄nām | ya॒jña-ssa॒syānā̭mu॒ta sṷkṣitī॒nām | ya॒jña i॒ṣṭaḥ pū॒rvaci̭tti-ndadhātu | ya॒jño bra̭hma॒ṇvāgṃ apyḙtu de॒vān || a॒yaṃ-ya~॒jño va̭rdhatā॒-ṅgobhi॒raśvaiḥ᳚ | i॒yaṃ-ve~diḥ̭ svapa॒tyā su॒vīrā᳚ | i॒da-mba॒r॒hirati̭ ba॒r॒hīgṣya॒nyā | i॒maṃ-ya~॒jñaṃ-vi~śvḙ avantu de॒vāḥ || | āpo̭ bha॒drā ghṛ॒tamidāpa̭ āsura॒gnī-ṣomaṷ bibhra॒tyāpa॒ i-ttāḥ | tī॒vro raso̭ madhu॒pṛcā̭ maraṅga॒ma ā mā᳚ prā॒ṇena̭ sa॒ha varca̭sā gann || ādi-tpa̭śyāmyu॒ta vā̭ śṛṇo॒myā mā॒ ghoṣo̭ gacchati॒ vānna̭ āsām | manyḙ bhejā॒no a॒mṛta̭sya॒ tarhi॒ hira̭ṇyavarṇā॒ atṛ̭paṃ-ya~॒dā vaḥ̭ || |
tubhya̭-mbharanti kṣi॒tayo̭ yaviṣṭha | ba॒lima̭gne॒ anti̭ ta॒ ota dū॒rāt | ā bhandi̭ṣṭhasya suma॒ti-ñci̭kiddhi | bṛ॒hattḙ agne॒ mahi॒ śarma̭ bha॒dram || yo de॒hyo ana̭mayadvadha॒snaiḥ | yo arya̭patnī-ru॒ṣasa̭śca॒kāra̭ | sa ni॒rudhyā॒ nahṷṣo ya॒hvo a॒gniḥ | viśa̭ścakre bali॒hṛta॒-ssaho̭bhiḥ || |
pūrva̭-ndevā॒ apa̭reṇā-nu॒paśya॒ñjanma̭bhiḥ | janmā॒nyava̭raiḥ॒ parā̭ṇi | vedā̭ni devā a॒yama॒smīti॒ mām | a॒hagṃ hi॒tvā śarī̭ra-ñja॒rasaḥ̭ pa॒rastā᳚t || prā॒ṇā॒pā॒nau cakṣu॒-śśrotra᳚m | vāca॒-mmana̭si॒ sambhṛ̭tām | hi॒tvā śarī̭ra-ñja॒rasaḥ̭ pa॒rastā᳚t | ā bhūti॒-mbhūtiṃ̭-va~॒yama̭śnavāmahai || |
ha॒vya॒vāha̭-mabhimāti॒ṣā-'ha᳚m | ra॒kṣo॒haṇa॒-mpṛta̭nāsu ji॒ṣṇum | jyoti̭ṣmanta॒-ndīdya̭ta॒-mpura̭ndhim | a॒gnigg svi̭ṣṭa॒kṛta॒mā hṷvema || svi̭ṣṭamagne a॒bhi ta-tpṛ̭ṇāhi | viśvā̭ deva॒ pṛta̭nā a॒bhiṣya | u॒ru-nnaḥ॒ panthā᳚-mpradi॒śanvi bhā̭hi | jyoti̭ṣmaddhehya॒jara̭-nna॒ āyuḥ̭ || || 1 ||
tubhya॒-ndaśa̭ (a. 1)
anuvākaṃ 2 - tāsā-mbrāhmaṇam
de॒vebhyo॒ vai sva॒rgo lo॒kasti॒ro̭-'bhavat |
te pra॒jāpa̭ti-mabruvann |
prajā̭pate sva॒rgo vai no̭ lo॒kasti॒ro̭-'bhūt | tamanvi॒ccheti̭ | taṃ-ya~̭jñakra॒tubhi॒-ranvai᳚cchat | taṃ-ya~̭jñakra॒tubhi॒-rnānva̭vindat |
tamiṣṭi̭bhi॒-ranvai᳚cchat | tamiṣṭi̭bhi॒-ranva̭vindat |
tadiṣṭī̭nā-miṣṭi॒tvam | eṣṭa̭yo ha॒vai nāma̭ |
tā iṣṭa̭ya॒ ityāca̭kṣate pa॒rokṣḙṇa | pa॒rokṣa̭ priyā iva॒ hi de॒vāḥ || 2 ||
tamāśā᳚-'bravīt | prajā̭pata ā॒śayā॒ vai śrā᳚myasi |
a॒hamu॒ vā āśā᳚-'smi | mā-nnu ya̭jasva |
atha̭ te sa॒tyā-''śā̭ bhaviṣyati | anṷ sva॒rgaṃ-lo~॒kaṃ-ve~॒thsyasīti̭ | sa e॒tama॒gnaye॒ kāmā̭ya puro॒ḍāśa̭-ma॒ṣṭāka̭pāla॒-nnira̭vapat |
ā॒śāyai̭ ca॒rum | anṷmatyai ca॒rum | tato॒ vai tasya̭ sa॒tyā-''śā̭ 'bhavat | anṷ sva॒rgaṃ-lo~॒ka-ma̭vindat | sa॒tyā ha॒ vā a॒syāśā̭ bhavati |
anṷ sva॒rgaṃ-lo~॒kaṃ-vi~̭ndati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ || so-'tra̭ juhoti | a॒gnaye॒ kāmā̭ya॒ svāhā॒-''śāyai॒ svāhā᳚ | anṷmatyai॒ svāhā᳚ pra॒jāpa̭taye॒ svāhā᳚ |
sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 3 ||
ta-ṅkāmo᳚-'bravīt | prajā̭pate॒ kāmḙna॒ vai śrā᳚myasi | a॒hamu॒vai kāmo᳚-'smi | mā-nnu ya̭jasva | atha̭ te sa॒tyaḥ kāmo̭ bhaviṣyati | anṷ sva॒rgaṃ-lo~॒kaṃ-ve~॒thsyasīti̭ | sa e॒tama॒gnaye॒ kāmā̭ya puro॒ḍāśa̭-ma॒ṣṭāka̭pāla॒-nnira̭vapat | kāmā̭ya ca॒rum | anṷmatyai ca॒rum |
tato॒ vai tasya̭ sa॒tyaḥ kāmo̭-'bhavat |
anṷ sva॒rgaṃ-lo~॒kama̭vindat |
sa॒tyo ha॒ vā a̭sya॒ kāmo̭ bhavati |
anṷ sva॒rgaṃ-lo~॒kaṃ-vi~̭ndati |
ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
a॒gnaye॒ kāmā̭ya॒ svāhā॒ kāmā̭ya॒ svāhā᳚ |
anṷmatyai॒ svāhā᳚ pra॒jāpa̭taye॒ svāhā᳚ |
sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 4 ||
ta-mbrahmā᳚-'bravīt | prajā̭pate॒ brahma̭ṇā॒ vaiśrā᳚myasi | a॒hamu॒ vai brahmā᳚-'smi |
mā-nnu ya̭jasva | atha̭ te brahma॒ṇvān. ya॒jño bha̭viṣyati | anṷ sva॒rgaṃ-lo~॒kaṃ-ve~॒thsyasīti̭ | sa e॒tama॒gnaye॒ kāmā̭ya puro॒ḍāśa̭-ma॒ṣṭāka̭pāla॒-nnira̭vapat | brahma̭ṇe ca॒rum | anṷmatyai ca॒rum | tato॒ vai tasya̭ brahma॒ṇvān. ya॒jño̭-'bhavat | anṷ sva॒rgaṃ-lo~॒kama̭vindat | bra॒hma॒ṇvān. ha॒ vā a̭sya ya॒jño bha̭vati |
anṷ sva॒rgaṃ-lo~॒kaṃ-vi~̭ndati | ya e॒tena̭ ha॒viṣā॒ yaja̭te | ya ṷcainade॒vaṃ-ve~da̭ | so-'tra̭ juhoti | a॒gnaye॒ kāmā̭ya॒ svāhā॒ brahma̭ṇe॒ svāhā᳚ | anṷmatyai॒ svāhā᳚ pra॒jāpa̭taye॒ svāhā᳚ | sva॒rgāya̭ lo॒kāya॒ svāhā॒ 'gnaye᳚ sviṣṭa॒kṛte॒ svāheti̭ || 5 ||
taṃ-ya~॒jño᳚-'bravīt | prajā̭pate ya॒jñena॒ vai śrā᳚myasi | a॒hamu॒ vai ya॒jño᳚-'smi |
mā-nnu ya̭jasva | atha̭ te sa॒tyo ya॒jño bha̭vaṣyati | anṷ sva॒rgaṃ-lo~॒kaṃ-ve~॒thsyasīti̭ |
sa e॒tama॒gnaye॒ kāmā̭ya puro॒ḍāśa̭-ma॒ṣṭāka̭pāla॒-nnira̭vapat | ya॒jñāya̭ ca॒rum | anṷmatyai ca॒rum | tato॒ vai tasya̭ sa॒tyo ya॒jño̭-'bhavat | anṷ sva॒rgaṃ-lo~॒kama̭vindat | sa॒tyo ha॒ vā a̭sya ya॒jño bha̭vati |
anṷ sva॒rgaṃ-lo~॒kaṃ-vi~̭ndati |
ya e॒tena̭ ha॒viṣā॒ yaja̭te |
ya ṷcainade॒vaṃ-ve~da̭ | so-'tra̭ juhoti |
a॒gnaye॒ kāmā̭ya॒ svāhā̭ ya॒jñāya॒ svāhā᳚ |
anṷmatyai॒ svāhā᳚ pra॒jāpa̭taye॒ svāhā᳚ |
sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 6 ||
tamāpo᳚-'bruvann | prajā̭pate॒-'phsu vai sarve॒ kāmā᳚-śśri॒tāḥ | va॒yamu॒ vā āpa̭ssmaḥ | a॒smānnu ya̭jasva | atha॒ tvayi॒ sarve॒ kāmā᳚-śśrayiṣyante | anṷ sva॒rgaṃ-lo~॒kaṃ-ve~॒thsyasīti̭ |
sa e॒tama॒gnaye॒ kāmā̭ya puro॒ḍāśa̭-ma॒ṣṭāka̭pāla॒-nnira̭vapat | a॒dbhyaśca॒rum |
anṷmatyai ca॒rum | tato॒ vai tasmi॒n-thsarve॒ kāmā̭ aśrayanta | anṷ sva॒rgaṃ-lo~॒kama̭vindat | sarvḙ ha॒ vā a̭smi॒n kāmā᳚-śśrayante | anṷ sva॒rgaṃ-lo~॒kaṃ-vi~̭ndati | ya e॒tena̭ ha॒viṣā॒ yaja̭te |
ya ṷcainade॒vaṃ-ve~da̭ | so-'tra̭ juhoti |
a॒gnaye॒ kāmā̭ya॒ svāhā॒ 'dbhya-ssvāhā᳚ |
anṷmatyai॒ svāhā᳚ pra॒jāpa̭taye॒ svāhā᳚ |
sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 7 ||
tama॒gni rba̭li॒māna̭bravīt |
prajā̭pate॒ 'gnaye॒ vai ba̭li॒mate॒ sarvā̭ṇi bhū॒tāni̭ ba॒ligṃ ha̭ranti | a॒hamu॒ vā a॒gni rba̭li॒māna̭smi | mā-nnu ya̭jasva |
atha̭ te॒ sarvā̭ṇi bhū॒tāni̭ ba॒ligṃ ha̭riṣyanti |
anṷ sva॒rgaṃ-lo~॒kaṃ-ve~॒thsyasīti̭ |
sa e॒tama॒gnaye॒ kāmā̭ya puro॒ḍāśa̭-ma॒ṣṭāka̭pāla॒-nnira̭vapat | a॒gnayḙ bali॒matḙ ca॒rum | anṷmatyai ca॒rum | tato॒ vai tasmai॒ sarvā̭ṇi bhū॒tāni̭ ba॒li-ma̭harann | anṷ sva॒rgaṃ-lo~॒kama̭vindat | sarvā̭ṇi ha॒ vā a̭smai bhū॒tāni̭ ba॒ligṃ ha̭ranti | anṷ sva॒rgaṃ-lo~॒kaṃ-vi~̭ndati | ya e॒tena̭ ha॒viṣā॒ yaja̭te |
ya ṷcainade॒vaṃ-ve~da̭ | so-'tra̭ juhoti |
a॒gnaye॒ kāmā̭ya॒ svāhā॒ 'gnayḙ bali॒mate॒ svāhā᳚ | anṷmatyai॒ svāhā᳚ pra॒jāpa̭taye॒ svāhā᳚ |
sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 8 ||
tamanṷvittira-bravīt | prajā̭pate sva॒rgaṃ-vai~ lo॒kamanṷ-vivithsasi | a॒hamu॒ vā anṷvittirasmi | mā-nnu ya̭jasva | atha̭ te sa॒tyā 'nṷvitti-rbhaviṣyati | anṷ sva॒rgaṃ-lo~॒kaṃ-ve~॒thsyasīti̭ |
sa e॒tama॒gnaye॒ kāmā̭ya puro॒ḍāśa̭-ma॒ṣṭāka̭pāla॒-nnira̭vapat |
anṷvittyai ca॒rum | anṷmatyai ca॒rum |
tato॒ vai tasya̭ sa॒tyā 'nṷvittirabhavat |
anṷ sva॒rgaṃ-lo~॒ka-ma̭vindat |
sa॒tyā ha॒ vā a॒syānṷvitti-rbhavati |
anṷ sva॒rgaṃ-lo~॒kaṃ-vi~̭ndati |
ya e॒tena̭ ha॒viṣā॒ yaja̭te |
ya ṷcainade॒vaṃ-ve~da̭ | so-'tra̭ juhoti |
a॒gnaye॒ kāmā̭ya॒ svāhā-'nṷvittyai॒ svāhā᳚ |
anṷmatyai॒ svāhā᳚ pra॒jāpa̭taye॒ svāhā᳚ |
sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 9 ||
tā vā e॒tā-ssa॒pta sva॒rgasya̭ lo॒kasya॒ dvāraḥ̭ |
di॒va-śśyḙna॒yo 'nṷvittayo॒ nāma̭ |
āśā᳚ pratha॒māgṃ ra̭kṣati |
kāmo᳚ dvi॒tīyā᳚m | brahma̭ tṛ॒tīyā᳚m | ya॒jñaśca̭tu॒rthīm | āpaḥ̭ pañca॒mīm |
a॒gni rba̭li॒mān-thṣa॒ṣṭhīm | anṷvitti-ssapta॒mīm |
anṷ ha॒ vai sva॒rgaṃ-lo~॒kaṃ-vi~̭ndati |
kā॒ma॒cāro᳚-'sya sva॒rge lo॒ke bha̭vati |
ya e॒tābhi॒-riṣṭi̭bhi॒-ryaja̭te |
ya ṷcainā e॒vaṃ-ve~da̭ | tāsva̭nvi॒ṣṭi | pa॒ṣṭhau॒hī॒ va॒rā-nda̭dyā-tka॒gṃ॒ sañca̭ |
striyai̭ cābhā॒ragṃ samṛ̭ddhyai || 10 ||
anuvākaṃ 3 - upāghā nāmeṣṭayaḥ
tapa̭sā de॒vā de॒vatā॒-magra̭ āyann | tapa॒sarṣa̭ya॒-ssva̭ranva̭vindann |
tapa̭sā sa॒patnā॒-npraṇṷdā॒mārā̭tīḥ |
yene॒daṃ-vi~śva॒-mpari̭bhūtaṃ॒-ya~dasti̭ ||
pra॒tha॒ma॒ja-nde॒vagṃ ha॒viṣā̭ vidhema | sva॒ya॒bhu-mbrahma̭ para॒ma-ntapo॒ yat |
sa e॒va pu॒tra-ssa pi॒tā sa mā॒tā |
tapo̭ ha ya॒kṣa-mpra̭tha॒magṃ samba̭bhūva ||
śra॒ddhayā dḙvo deva॒tva-ma̭śnute |
śra॒ddhā pra̭ti॒ṣṭhā lo॒kasya̭ de॒vī || 11 ||
sā no̭ juṣā॒ṇopa̭ ya॒jña-māgā᳚t |
kāma̭vathsā॒ 'mṛta॒-nduhā̭nā ||
śra॒ddhā de॒vī pra̭thama॒jā ṛ॒tasya̭ |
viśva̭sya bha॒rtrī jaga̭taḥ prati॒ṣṭhā |
tāg śra॒ddhāgṃ ha॒viṣā̭ yajāmahe |
sā no̭ lo॒ka-ma॒mṛta̭-ndadhātu |
īśā̭nā de॒vī bhuva̭na॒syādhi̭patnī || āgā᳚thsa॒tyagṃ ha॒viri॒da-ñjṷṣā॒ṇam |
yasmā᳚dde॒vā ja̭jñire॒ bhuva̭nañca॒ viśve᳚ |
tasmai̭ vidhema ha॒viṣā̭ ghṛ॒tena̭ || 12 ||
yathā̭ de॒vai-ssa̭dha॒māda̭-mmadema ||
yasya̭ prati॒ṣṭho-rva̭ntari̭kṣam |
yasmā᳚dde॒vā ja̭jñire॒ bhuva̭nañca॒ sarve᳚ |
tathsa॒tya-marca॒dupa̭ya॒jña-nna॒ āgā᳚t | brahmāhṷtī॒-rupa॒moda̭mānam ||
mana̭so॒ vaśe॒ sarva̭mi॒da-mba̭bhūva |
nānyasya॒ mano॒ vaśa॒manvi̭yāya |
bhī॒ṣmo hi de॒va-ssaha̭sa॒-ssahī̭yān |
sa no̭ juṣā॒ṇa upa̭ ya॒jñamāgā᳚t ||
ākṷ̄tīnā॒-madhi̭pati॒-ñceta̭sā-ñca || 13 ||
sa॒ṅka॒lpajṷ̄ti-nde॒vaṃ-vi~̭pa॒ścim |
mano॒ rājā̭nami॒ha va॒rdhaya̭ntaḥ |
u॒pa॒ha॒ve᳚ 'sya suma॒tau syā̭ma ||
cara̭ṇa-mpa॒vitraṃ॒-vi~ta̭ta-mpurā॒ṇam |
yena̭ pū॒tastara̭ti duṣkṛ॒tāni̭ |
tena̭ pa॒vitrḙṇa śu॒ddhena̭ pū॒tāḥ |
ati̭ pā॒pmāna॒-marā̭ti-ntarema ||
lo॒kasya॒ dvāra̭-marci॒ma-tpa॒vitra᳚m |
jyoti̭ṣma॒-dbhrāja̭māna॒-mmaha̭svat | a॒mṛta̭sya॒ dhārā̭ bahu॒dhā doha̭mānam |
cara̭ṇa-nno lo॒ke sudhi̭tā-ndadhātu ||
a॒gnirmū॒rdhā di॒vaḥ ka॒ku-tpatiḥ̭ pṛthi॒vyā a॒yam | a॒pāgṃ retāgṃ̭si jinvati || bhuvo̭ ya॒jñasya॒ raja̭saśca ne॒tā yatrā̭ ni॒yudbhi॒-ssaca̭se śi॒vābhiḥ̭ | di॒vi mū॒rdhāna̭-ndadhiṣe suva॒r॒ṣā-ñji॒hvāma̭gne cakṛṣe havya॒vāha᳚m || ||
anṷ no॒-'dyā-'nṷmatirya॒jña-nde॒veṣṷ manyatām | a॒gniśca̭ havya॒vāha̭no॒ bhava̭tā-ndā॒śuṣe॒ mayaḥ̭ || anvida̭numate॒ tva-mmanyā̭sai॒ śañca̭naḥ kṛdhi | kratve॒ dakṣā̭ya no hinu॒ praṇa॒ āyūgṃ̭ṣi tāriṣaḥ || ||
ha॒vya॒vāha̭-mabhimāti॒ṣā-'ha᳚m | ra॒kṣo॒haṇa॒-mpṛta̭nāsu ji॒ṣṇum | jyoti̭ṣmanta॒-ndīdya̭ta॒-mpura̭ndhim | a॒gnigg svi̭ṣṭa॒kṛta॒mā hṷvema || svi̭ṣṭamagne a॒bhi ta-tpṛ̭ṇāhi | viśvā̭ deva॒ pṛta̭nā a॒bhiṣya | u॒ru-nnaḥ॒ panthā᳚-mpradi॒śanvi bhā̭hi | jyoti̭ṣmaddhehya॒jara̭-nna॒ āyuḥ̭ || || 14 ||
(de॒vī - ghṛ॒tena॒ - ceta̭sā-ñca॒ - doha̭māna-ñca॒tvāri̭ ca) (a. 3)
anuvākaṃ 4 - tāsā-mbrāhmaṇam
de॒vebhyo॒ vai sva॒rgo lo॒kasti॒ro̭ 'bhavat |
te pra॒jāpa̭ti-mabruvann | prajā̭pate sva॒rgo
vai no̭ lo॒kasti॒ro̭-'bhūt | tamanvi॒ccheti̭ |
taṃ-ya~̭jñakra॒tubhi॒-ranvai᳚cchat |
taṃ-ya~̭jñakra॒tubhi॒ rnānva̭vindat |
tamiṣṭi̭bhi॒-ranvai᳚cchat | tamiṣṭi̭bhi॒-ranva̭vindat | tadiṣṭī̭nā-miṣṭi॒tvam | eṣṭa̭yo ha॒ vai nāma̭ | tā iṣṭa̭ya॒ ityā ca̭kṣate pa॒rokṣḙṇa |
pa॒rokṣa̭priyā iva॒ hi de॒vāḥ || 15 ||
ta-ntapo᳚-' bravīt | prajā̭pate॒ tapa̭sā॒ vai
śrā᳚myasi | a॒hamu॒ vai tapo᳚-' smi |
mā-nnu ya̭jasva |
atha̭ te sa॒tya-ntapo̭ bhaviṣyati |
anṷ sva॒rgaṃ-lo~॒kaṃ-ve~॒thsyasīti̭ |
sa e॒tamā᳚gne॒ya-ma॒ṣṭāka̭pāla॒-nnira̭vapat | tapa̭se ca॒rum | anṷmatyai ca॒rum |
tato॒ vai tasya̭ sa॒tya-ntapo̭ 'bhavat |
anṷ sva॒rgaṃ-lo~॒kama̭vindat |
sa॒tya gṃ ha॒ vā a̭sya॒ tapo̭ bhavati |
anṷ sva॒rgaṃ-lo~॒kaṃ-vi~̭ndati |
ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti | a॒gnaye॒ svāhā॒ tapa̭se॒ svāhā᳚ |
anṷmatyai॒ svāhā᳚ pra॒jāpa̭taye॒ svāhā᳚ |
sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 16 ||
tagg śra॒ddhā-'bra̭vīt | prajā̭pate śra॒ddhayā॒ vai śrā᳚myasi | a॒hamu॒ vai śra॒ddhā-'smi̭ | mā-nnu ya̭jasva | atha̭ te sa॒tyā śra॒ddhā bha̭viṣyati | anṷ sva॒rgaṃ-lo~॒kaṃ-ve~॒thsyasīti̭ |
sa e॒tamā᳚-'gne॒ya-ma॒ṣṭāka̭pāla॒-nnira̭vapat | śra॒ddhāyai̭ ca॒rum | anṷmatyai ca॒rum | tato॒ vai tasya̭ sa॒tyā śra॒ddhā-'bha̭vat |
anṷ sva॒rgaṃ-lo~॒kama̭vindat |
sa॒tyā ha॒ vā a̭sya śra॒ddhā bha̭vati |
anṷ sva॒rgaṃ-lo~॒kaṃ-vi~̭ndati |
ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti | a॒gnaye॒ svāhā᳚ śra॒ddhāyai॒ svāhā᳚ |
anṷmatyai॒ svāhā᳚ pra॒jāpa̭taye॒ svāhā᳚ |
sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 17 ||
tagṃ sa॒tya-ma̭bravīt | prajā̭pate sa॒tyena॒ vai śrā᳚myasi | a॒hamu॒ vai sa॒tyama̭smi | mā-nnu ya̭jasva | atha̭ te sa॒tyagṃ sa॒tya-mbha̭viṣyati | anṷ sva॒rgaṃ-lo~॒kaṃ-ve~॒thsyasīti̭ |
sa e॒tamā᳚-'gne॒ya-ma॒ṣṭāka̭pāla॒-nnira̭vapat | sa॒tyāya̭ ca॒rum | anṷmatyai ca॒rum |
tato॒ vai tasya̭ sa॒tyagṃ sa॒tyama̭bhavat |
anṷ sva॒rgaṃ-lo~॒kama̭vindat |
sa॒tyagṃ ha॒ vā a̭sya sa॒tya-mbha̭vati |
anṷ sva॒rgaṃ-lo~॒kaṃ-vi~̭ndati |
ya e॒tena̭ ha॒viṣā॒ yaja̭te |
ya ṷcainade॒vaṃ-ve~da̭ | so-'tra̭ juhoti |
a॒gnaye॒ svāhā̭ sa॒tyāya॒ svāhā᳚ |
anṷmatyai॒ svāhā᳚ pra॒jāpa̭taye॒ svāhā᳚ |
sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 18 ||
ta-mmano᳚-'bravīt | prajā̭pate॒ mana̭sā॒ vai śrā᳚myasi | a॒hamu॒ vai mano᳚-'smi |
mā-nnu ya̭jasva |
atha̭ te sa॒tya-mmano̭ bhaviṣyati |
anṷ sva॒rgaṃ-lo~॒kaṃ-ve~॒thsyasīti̭ |
sa e॒tamā᳚-'gne॒ya-ma॒ṣṭāka̭pāla॒-nnira̭vapat | mana̭se ca॒rum | anṷmatyai ca॒rum | tato॒ vai tasya̭ sa॒tya-mmano̭-'bhavat |
anṷ sva॒rgaṃ-lo~॒kama̭vindat | sa॒tyagṃ ha॒ vā a̭sya॒ mano̭ bhavati | anṷ sva॒rgaṃ-lo~॒kaṃ-vi~̭ndati | ya e॒tena̭ ha॒viṣā॒ yaja̭te |
ya ṷcaina de॒vaṃ-ve~da̭ | so-'tra̭ juhoti |
a॒gnaye॒ svāhā॒ mana̭se॒ svāhā᳚ |
anṷmatyai॒ svāhā᳚ pra॒jāpa̭taye॒ svāhā᳚ |
sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 19 ||
ta-ñcara̭ṇa-mabravīt | prajā̭pate॒ cara̭ṇena॒ vai śrā᳚myasi | a॒hamu॒ vai cara̭ṇamasmi | mā-nnu ya̭jasva | atha̭ te sa॒tya-ñcara̭ṇa-mbhaviṣyati | anṷ sva॒rgaṃ-lo~॒kaṃ-ve~॒thsyasīti̭ |
sa e॒tamā᳚-'gne॒ya-ma॒ṣṭāka̭pāla॒-nnira̭vapat | cara̭ṇāya ca॒rum | anṷmatyai ca॒rum | tato॒ vai tasya̭ sa॒tya-ñcara̭ṇamabhavat |
anṷ sva॒rgaṃ-lo~॒kama̭vindat |
sa॒tyagṃ ha॒ vā a̭sya॒ cara̭ṇa-mbhavati |
anṷsva॒rgaṃ-lo~॒kaṃ-vi~̭ndati |
ya e॒tena̭ ha॒viṣā॒ yaja̭te |
ya ṷcainade॒vaṃ-ve~da̭ | so-'tra̭ juhoti |
a॒gnaye॒ svāhā॒ cara̭ṇāya॒ svāhā᳚ |
anṷmatyai॒ svāhā᳚ pra॒jāpa̭taye॒ svāhā᳚ |
sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 20 ||
tā vā e॒tāḥ pañca̭ sva॒rgasya̭ lo॒kasya॒ dvāraḥ̭ |
apā̭ghā॒ anṷvittayo॒ nāma̭ | tapaḥ̭ pratha॒māgṃ ra̭kṣati | śra॒ddhā dvi॒tīyā᳚m | sa॒tya-ntṛ॒tīyā᳚m |
mana̭ścatu॒rthīm | cara̭ṇa-mpañca॒mīm |
anṷ ha॒ vai sva॒rgaṃ-lo~॒kaṃ-vi~̭ndati |
kā॒ma॒cāro᳚-'sya sva॒rge lo॒ke bha̭vati |
ya e॒tābhi॒-riṣṭi̭bhi॒-ryaja̭te |
ya ṷcainā e॒vaṃ-ve~da̭ |
anuvākaṃ 5 - cāturhotracayanam
brahma॒ vai catṷrhotāraḥ | catṷrhotṛ॒bhyo-'dhi̭ ya॒jño nirmi̭taḥ | nainagṃ̭ śa॒ptam | nābhica̭rita॒-māga̭cchati | ya e॒vaṃ-ve~da̭ ||
yo ha॒ vai catṷrhotṛṇā-ñcaturhotṛ॒tvaṃ-ve~da̭ | atho॒ pañca̭ hotṛtvam |
sarvā̭ hāsmai॒ diśaḥ̭ kalpante |
vā॒caspati॒r॒ hotā॒ daśa̭hotṝṇām |
pṛ॒thi॒vī hotā॒ catṷrhotṝṇām || 22 ||
a॒gnir-hotā॒ pañca̭hotṝṇām | vāghotā॒ ṣaḍḍho̭tṝṇām |
ma॒hāha̭vi॒r॒ hotā̭ sa॒ptaho̭tṝṇām |
e॒tadvai catṷrhotṛṇā-ñcaturhotṛ॒tvam |
atho॒ pañca̭hotṛtvam | sarvā̭ hāsmai॒ diśaḥ̭ kalpante | ya e॒vaṃ-ve~da̭ ||
e॒ṣā vai sa̭rva vi॒dyā | e॒ta-dbhḙṣa॒jam |
e॒ṣā pa॒ṅkti-ssva॒rgasya̭ lo॒kasyā᳚-ñja॒sāya̭ni-ssru॒tiḥ || 23 ||
e॒tān. yo-'ddhyai-tyacha̭dirda॒r॒śe yāva̭tta॒rasa᳚m | sva̭reti | a॒na॒pa॒bra॒va-ssarva॒māyṷreti | vi॒ndate᳚ pra॒jām | rā॒yaspoṣa̭-ṅgaupa॒tyam |
bra॒hma॒va॒rca॒sī bha̭vati || e॒tān. yo-'ddhyaiti̭ | spṛ॒ṇotyā॒tmāna᳚m | pra॒jā-mpi॒tṝn ||
e॒tān. vā a̭ru॒ṇa aṷpave॒śi rvi॒dāñca̭kāra || 24 ||
e॒taira̭dhivā॒damapā̭jayat | atho॒ viśva̭-mpā॒pmāna᳚m | sva̭ryayau | e॒tān. yo-'ddhyaiti̭ | a॒dhi॒vā॒da-ñja̭yati | atho॒ viśva̭-mpā॒pmāna᳚m | sva̭reti || e॒taira॒gni-ñci̭nvīta sva॒rgakā̭maḥ |
e॒tairāyṷṣkāmaḥ | pra॒jā pa॒śukā̭mo vā || 25 ||
pu॒rastā॒-ddaśa̭hotāra॒-muda̭ñca॒-mupa̭dadhāti yāvatpa॒dam | hṛda̭yaṃ॒-ya~jṷṣī॒ patnyaṷ ca | da॒kṣi॒ṇa॒taḥ prāñca॒-ñcatṷrhotāram |
pa॒ścāduda̭ñca॒-mpañca̭ hotāram | u॒tta॒ra॒taḥ prāñca॒gṃ॒ ṣaḍḍho̭tāram |
u॒pari̭ṣṭā॒-tprāñcagṃ̭ sa॒ptaho̭tāram | hṛda̭yaṃ॒-ya~jūgṃ̭ṣi॒ patnya̭śca |
ya॒thā॒va॒kā॒śa-ṅgrahāṋ | ya॒thā॒va॒kā॒śa-mpra̭tigra॒hān ~lo̭ka-mpṛ॒ṇāśca̭ |
sarvā̭ hāsyai॒tā de॒vatāḥ᳚ prī॒tā a॒bhīṣṭā̭ bhavanti || 26 ||
sadḙvama॒gni-ñci̭nute ||
ra॒thasa̭minta-śceta॒vyaḥ̭ | vajro॒ vai rathaḥ̭ |
vajrḙṇai॒va pā॒pmāna॒-mbhrātṛ̭vyagg stṛṇute | pa॒kṣa-ssa̭minta-śceta॒vyaḥ̭ |
e॒tāvā॒n॒. vai rathaḥ̭ | yāva̭tpa॒kṣaḥ | ra॒thasa̭mintame॒va ci̭nute ||
i॒mame॒va lo॒ka-mpa̭śuba॒ndhenā॒bhija̭yati |
atho̭ agniṣṭo॒mena̭ || 27 ||
a॒ntari̭kṣa-mu॒kthyḙna | sva̭ratirā॒treṇa̭ | sarvā᳚n ~lo॒kāna̭hī॒nena̭ | atho̭ sa॒treṇa̭ || varo॒ dakṣi̭ṇā | varḙṇai॒va varagg̭ spṛṇoti |
ā॒tmā hi varaḥ̭ || eka̭vigṃśati॒ rdakṣi̭ṇā dadāti |
e॒ka॒vi॒gṃ॒śo vā i॒ta-ssva॒rgo lo॒kaḥ | prasva॒rgaṃ-lo~॒kamā᳚pnoti || 28 ||
a॒sāvā̭di॒tya ḙkavi॒gṃ॒śaḥ | a॒mume॒vā-di॒tyamā᳚pnoti || śa॒ta-nda̭dāti | śa॒tāyuḥ॒ purṷṣa-śśa॒tendri̭yaḥ | āyṷṣye॒vendri॒ye prati̭tiṣṭhati || sa॒hasra̭-ndadāti |
sa॒hasra̭ sammita-ssva॒rgo lo॒kaḥ |
sva॒rgasya̭ lo॒kasyā॒-bhiji̭tyai || a॒nvi॒ṣṭa॒ka-ndakṣi̭ṇā dadāti | sarvā̭ṇi॒ vayāgṃ̭si || 29 ||
sarva॒syāptyai᳚ | sarva॒syā-va̭ruddhyai || yadi॒ na vi॒ndeta̭ | ma॒nthānḙtāva॒to da̭dyādoda॒nān. vā᳚ | a॒śnu॒te ta-ṅkāma᳚m | yasmai॒ kāmā̭yā॒-gniścī॒yate᳚ || pa॒ṣṭhau॒hī-ntva॒ntarva̭tī-ndadyāt |
sā hi sarvā̭ṇi॒ vayāgṃ̭si | sarva॒syāptyai᳚ | sarva॒syā-va̭ruddhyai || 30 ||
hira̭ṇya-ndadāti | hira̭ṇya-jyotire॒va sva॒rgaṃ-lo~॒kamḙti || vāso̭ dadāti | tenāyuḥ॒ prati̭rate || ve॒di॒tṛ॒tī॒ye ya̭jeta | triṣa̭tyā॒ hi de॒vāḥ |
sa sa̭tyama॒gni-ñci̭nute || tade॒ta-tpa̭śuba॒ndhe brāhma̭ṇa-mbrūyāt | neta̭reṣu ya॒jñeṣṷ ||
yo ha॒ vai catṷrhotṝ-nanusava॒na-nta̭rpayita॒vyāṋ. veda̭ || 31 ||
tṛpya̭ti pra॒jayā̭ pa॒śubhiḥ̭ |
upai̭nagṃ somapī॒tho na̭mati |
e॒te vai catṷrhotāro 'nusava॒na-nta̭rpayita॒vyāḥ᳚ | ye brā᳚hma॒ṇā ba̭hu॒vidaḥ̭ |
tebhyo॒ yaddakṣi̭ṇā॒ na naye᳚t | duri̭ṣṭagg syāt | a॒gnima̭sya vṛñjīrann |
tebhyo̭ yathā śra॒ddha-nda̭dyāt | svi̭ṣṭame॒vaitatkri̭yate |
nāsyā॒gniṃ-vṛ~̭ñjate || 32 ||
hi॒ra॒ṇye॒ṣṭa॒ko bha̭vati | yāva̭dutta॒ma-ma̭ṅguli-kā॒ṇḍaṃ-ya~̭jña pa॒ruṣā॒ sammi̭tam |
tejo॒ hira̭ṇyam || yadi॒ hira̭ṇya॒-nna vi॒ndet | śarka̭rā a॒ktā upa̭daddhyāt | tejo̭ ghṛ॒tam | satḙjasame॒-vāgni-ñci̭nute || a॒gniñci॒tvā sau᳚trāma॒ṇyā ya̭jeta maitrāvaru॒ṇyā vā᳚ |
vī॒ryḙṇa॒ vā e॒ṣa vyṛ̭ddhyate |
yo᳚-'gniñci̭nu॒te || 33 ||
yāva̭de॒va vī॒rya᳚m | tada̭smi-ndadhāti ||
brahma̭ṇa॒-ssāyṷjyagṃ salo॒katā̭-māpnoti |
e॒tāsā̭me॒va de॒vatā̭nā॒gṃ॒ sāyṷjyam |
sā॒rṣṭitāgṃ̭ samāna lo॒katā̭-māpnoti | ya e॒tama॒gni-ñci̭nu॒te | ya ṷcainame॒vaṃ-ve~da̭ || e॒tade॒va sā̭vi॒tre brāhma̭ṇam |
atho̭ nācike॒te || 34 ||
(hotā॒ catṷrhotṝṇāg - sru॒ti - śca̭kāra - vā - bhavantya - gniṣṭo॒menā᳚ - pnoti॒ - vayāgṃ̭si॒ - vayāgṃ̭si॒ - sarva॒syāptyai॒ sarva॒syāva̭ruddhyai॒ - veda̭ - vṛñjate - cinu॒te - +nava̭ ca) (a. 5)
anuvākaṃ 6 - vaiśvasṛjacayanam
yaccā॒mṛtaṃ॒-ya~cca martya᳚m | yacca॒ prāṇi̭ti॒ yacca॒ na | sarvā॒stā iṣṭa̭kāḥ kṛ॒tvā |
upa̭ kāma॒dughā̭ dadhe | tenarṣi̭ṇā॒ tena॒ brahma̭ṇā | tayā̭ de॒vata̭yā-'ṅgira॒sva-ddhru॒vā sī̭da || sarvā॒-sstriya॒-ssarvā᳚-npu॒gṃ॒saḥ | sarva॒-nna strī̭-pumañca॒ yat |
sarvā॒stāḥ || yāva̭ntaḥ pā॒gṃ॒savo॒ bhūmeḥ᳚ || 35 ||
saṅkhyā̭tā devamā॒yayā᳚ | sarvā॒stāḥ || yāva̭nta॒ ūṣāḥ᳚ paśū॒nām | pṛ॒thi॒vyā-mpuṣṭi̭ rhi॒tāḥ | sarvā॒stāḥ || yāva̭tī॒-ssika̭tā॒-ssarvāḥ᳚ |
a॒phsva̭ntaśca॒ yā-śśri॒tāḥ | sarvā॒stāḥ || yāva̭tī॒-śśarka̭rā॒ dhṛtyai᳚ | a॒syā-mpṛ̭thi॒vyāmadhi̭ || 36 ||
sarvā॒stāḥ || yāva॒nto-'śmā̭no॒-'syā-mpṛ̭thi॒vyām | pra॒ti॒ṣṭhāsu॒ prati̭ṣṭhitāḥ | sarvā॒stāḥ || yāva̭tī rvī॒rudha॒-ssarvāḥ᳚ |
viṣṭhi̭tāḥ pṛthi॒vīmanṷ | sarvā॒stāḥ || yāva̭tī॒roṣa̭dhī॒-ssarvāḥ᳚ |
viṣṭhi̭tāḥ pṛthi॒vīmanṷ | sarvā॒stāḥ || 37 ||
yāva̭nto॒ vana॒spata̭yaḥ | a॒syā-mpṛ̭thi॒vyāmadhi̭ | sarvā॒stāḥ ||
yāva̭nto grā॒myāḥ pa॒śava॒-ssarve᳚ | ā॒ra॒ṇyāśca॒ ye | sarvā॒stāḥ || ye dvi॒pāda॒-ścatṷṣpādaḥ | a॒pāda̭ udarasa॒rpiṇaḥ̭ |
sarvā॒stāḥ || yāva॒dāñja̭-namu॒cyate᳚ || 38 ||
de॒va॒trā yacca̭ mānu॒ṣam | sarvā॒stāḥ || yāva̭tkṛ॒ṣṇāya̭sa॒gṃ॒ sarva᳚m |
de॒va॒trā yacca̭ mānu॒ṣam | sarvā॒stāḥ ||
yāva̭ llo॒hāya̭sa॒gṃ॒ sarva᳚m |
de॒va॒trā yacca̭ mānu॒ṣam | sarvā॒stāḥ || sarva॒gṃ॒ sīsa॒gṃ॒ sarva॒-ntrapṷ |
de॒va॒trā yacca̭ mānu॒ṣam || 39 ||
sarvā॒stāḥ || sarva॒gṃ॒ hira̭ṇyagṃ raja॒tam | de॒va॒trā yacca̭ mānu॒ṣam |
sarvā॒stāḥ || sarva॒gṃ॒ suva̭rṇa॒gṃ॒ hari̭tam | de॒va॒trā yacca̭ mānu॒ṣam |
sarvā॒stā iṣṭa̭kāḥ kṛ॒tvā | upa̭kāma॒dughā̭ dadhe | tenarṣi̭ṇā॒ tena॒ brahma̭ṇā |
tayā̭ de॒vata̭yā-'ṅgira॒sva-ddhru॒vā sī̭da || 40 ||
[bhūme॒ - radhi॒ - viṣṭhi̭tāḥ pṛthi॒vīmanu॒ sarvā॒stā - u॒cyata̭ - mānu॒ṣagṃ - sī̭da ] (a. 6)
(yacca॒ striyaḥ̭ pā॒gṃ॒sava॒ ūṣā॒-ssika̭tā॒-śśarka̭rā॒ aśmā̭no vī॒rudha॒ oṣa̭dhī॒-rvana॒spata̭yo grā॒myā ye dvi॒pādo॒ yāva॒dāñja̭naṃ॒-yā~va̭-tkṛ॒ṣṇāya̭saṃ
~lo॒hāya̭sa॒gṃ॒ sīsa॒gṃ॒ hira̭ṇya॒gṃ॒ suva̭rṇa॒gṃ॒ hari̭tama॒ṣṭāda̭śa)
anuvākaṃ 7 - vaiśvasṛjacayanam
sarvā॒ diśo̭ di॒kṣu | yaccā॒nta rbhū॒ta-mprati̭ṣṭhitam | sarvā॒stā iṣṭa̭kāḥ kṛ॒tvā |
upa̭ kāma॒dughā̭ dadhe |
tenarṣi̭ṇā॒ tena॒ brahma̭ṇā |
tayā̭ de॒vata̭yā-'ṅgira॒sva-ddhru॒vā sī̭da ||
a॒ntari̭kṣañca॒ keva̭lam |
yaccā॒smi-nna̭nta॒rāhi̭tam |
sarvā॒stāḥ || ā॒nta॒ri॒kṣya̭śca॒ yāḥ pra॒jāḥ || 41 ||
ga॒ndha॒rvā॒-phsa॒rasa̭śca॒ ye | sarvā॒stāḥ || sarvā̭-nudā॒rān-thsa॒lilāṋ |
a॒ntari̭kṣe॒ prati̭ṣṭhitān | sarvā॒stāḥ ||
sarvā̭-nudā॒rān-thsa̭li॒lān |
sthā॒va॒rāḥ pro॒ṣyā᳚śca॒ ye | sarvā॒stāḥ || sarvā॒-ndhuni॒gṃ॒ sarvā᳚n-dhva॒gṃ॒sān |
hi॒mo yacca̭ śī॒yate᳚ || 42 ||
sarvā॒stāḥ || sarvā॒-nmarī̭cī॒n॒. vita̭tān | nī॒hā॒ro yacca̭ śī॒yate᳚ | sarvā॒stāḥ || sarvā̭ vi॒dyuta॒-ssarvā᳚n-thstanayi॒tnūn | hrā॒dunī॒ ryacca̭ śī॒yate᳚ | sarvā॒stāḥ || sarvā॒-ssrava̭ntī-ssa॒ritaḥ̭ |
sarva̭maphsu ca॒rañca॒ yat | sarvā॒stāḥ || 43 ||
yāśca॒ kūpyā॒ yāśca̭ nā॒dyā᳚-ssamu॒driyāḥ᳚ | yāśca̭ vaiśa॒ntīru॒ta prā̭sa॒cīryāḥ |
sarvā॒stāḥ || ye co॒ttiṣṭha̭nti jī॒mūtāḥ᳚ |
yāśca॒ varṣa̭nti vṛ॒ṣṭayaḥ̭ | sarvā॒stāḥ || tapa॒steja̭ ākā॒śam | yaccā̭kā॒śe prati̭ṣṭhitam |
sarvā॒stāḥ || vā॒yuṃ-va~yāgṃ̭si॒ sarvā̭ṇi || 44 ||
a॒nta॒ri॒kṣa॒ca॒rañca॒ yat | sarvā॒stāḥ || a॒gnigṃ sūrya̭-ñca॒ndram | mi॒traṃ-va~rṷṇa॒-mbhaga᳚m | sarvā॒stāḥ || sa॒tyagg śra॒ddhā-ntapo॒ dama᳚m |
nāma̭ rū॒pañca̭ bhū॒tānā᳚m | sarvā॒stā iṣṭa̭kāḥ kṛ॒tvā | upa̭ kāma॒dughā̭ dadhe | tenarṣi̭ṇā॒ tena॒ brahma̭ṇā |
tayā̭ de॒vata̭yā-'ṅgira॒sva-ddhru॒vā sī̭da || 45 ||
(pra॒jā-hi॒mo yacca̭ śī॒yate॒-sarvā॒stāḥ-sarvā̭ṇi॒-brahma॒ṇaika̭-ñca) (a. 7)
(diśo॒-'ntari̭kṣamāntari॒kṣya̭ udā॒rānṷdā॒rā-ndhuni॒-mmarī̭cīn. vi॒dyutaḥ॒
srava̭ntī॒ryāśca॒ ye ca॒ tapo̭ vā॒yuma॒gnigṃ sa॒tya-mpañca̭daśa)
anuvākaṃ 8 - vaiśvasṛjacayanam
sarvā॒-ndiva॒gṃ॒ sarvā᳚-nde॒vā-ndi॒vi |
yaccā॒nta rbhū॒ta-mprati̭ṣṭhitam |
sarvā॒stā iṣṭa̭kāḥ kṛ॒tvā | upa̭ kāma॒dughā̭ dadhe | tenarṣi̭ṇā॒ tena॒ brahma̭ṇā |
tayā̭ de॒vata̭yā-'ṅgira॒svada-dhru॒vā sī̭da || yāva̭tī॒ stāra̭kā॒-ssarvāḥ᳚ |
vita̭tā roca॒ne di॒vi | sarvā॒stāḥ || ṛco॒ yajūgṃ̭ṣi॒ sāmā̭ni || 46 ||
a॒tha॒rvā॒ṅgi॒rasa̭śca॒ ye | sarvā॒stāḥ || i॒ti॒hā॒sa॒pu॒rā॒ṇañca̭ |
sa॒rpa॒de॒va॒ja॒nāśca॒ ye | sarvā॒stāḥ ||
ye ca̭ lo॒kā ye cā̭lo॒kāḥ |
a॒nta rbhū॒ta-mprati̭ṣṭhitam | sarvā॒stāḥ ||
yacca॒ brahma॒ yaccā᳚bra॒hma |
a॒nta rbra॒hma-nprati̭ṣṭhitam || 47 ||
sarvā॒stāḥ || a॒ho॒rā॒trāṇi॒ sarvā̭ṇi | a॒drdha॒mā॒sāgśca॒ keva̭lān |
sarvā॒stāḥ || sarvā̭nṛ॒tūn-thsarvā᳚-nmā॒sān | saṃ॒va~॒thsa॒rañca॒ keva̭lam |
sarvā॒stāḥ || sarva॒-mbhūta॒gṃ॒ sarva॒-mbhavya᳚m | yaccā॒to-'dhi̭ bhavi॒ṣyati̭ |
sarvā॒stā iṣṭa̭kāḥ kṛ॒tvā |
upa̭ kāma॒dughā̭ dadhe |
tenarṣi̭ṇā॒ tena॒ brahma̭ṇā |
tayā̭ de॒vata̭yā-'ṅgira॒sva-ddhru॒vā sī̭da || 48 ||
(sāmā̭ni - bra॒hma-nprati̭ṣṭhitaṃ - kṛ॒tvā trīṇi̭ ca) (a. 8)
(diva॒-ntāra̭kā॒ ṛca̭ itihāsapurā॒ṇa-ñca॒ ye ca॒ yaccā̭horā॒trāṇyṛ॒tū-nbhūta॒-nnava̭)
anuvākaṃ 9 - brahmā sadasyāsīno vauśvasṛjān vyācaṣṭe
ṛ॒cā-mprācī̭ maha॒tī digṷcyate |
dakṣi̭ṇā-māhu॒ ryajṷṣāmapā॒rām |
atha̭rvaṇā॒-magṃi̭rasā-mpra॒tīcī᳚ |
sāmnā॒-mudī̭cī maha॒tī digṷcyate ||
ṛ॒gbhiḥ pū᳚rvā॒hṇe di॒vi de॒va ī̭yate |
ya॒ju॒rve॒de ti̭ṣṭhati॒ maddhye॒ ahnaḥ̭ |
sā॒ma॒ve॒de-nā᳚stama॒ye mahī̭yate |
vedai॒-raśū᳚nya-stri॒bhirḙti॒ sūryaḥ̭ ||
ṛ॒gbhyo jā॒tāgṃ sa̭rva॒śo mūrti̭-māhuḥ |
sarvā॒ gati̭ ryāju॒ṣī hai॒va śaśva̭t || 49 ||
sarva॒-nteja̭ ssāmarū॒pyagṃ ha̭ śaśvat | sarvagṃ̭ he॒da-mbrahma̭ṇā hai॒va sṛ॒ṣṭam ||
ṛ॒gbhyo jā॒taṃ-vai~śyaṃ॒-va~rṇa̭-māhuḥ | ya॒ju॒rve॒da-ṅkṣa̭tri॒yasyā̭-hu॒ryoni᳚m |
sā॒ma॒ve॒do brā᳚hma॒ṇānā॒-mprasṷ̄tiḥ |
pūrve॒ pūrve᳚bhyo॒ vaca̭ e॒ta-dṷ̄cuḥ ||
ā॒da॒r॒śa-ma॒gni-ñci̭nvā॒nāḥ |
pūrvḙ viśva॒ sṛjo॒-'mṛtāḥ᳚ |
śa॒taṃ-va~̭rṣa saha॒srāṇi̭ | dī॒kṣi॒tā-ssa॒tra-mā̭sata || 50 ||
tapa̭ āsī-dgṛ॒hapa̭tiḥ | brahma̭ bra॒hmābha̭va-thsva॒yam | sa॒tyagṃ ha॒ ho tai̭ṣā॒māsī᳚t |
ya-dvi̭śva॒sṛja॒ āsa̭ta ||
a॒mṛta̭-mebhya॒ uda̭gāyat |
sa॒hasra̭-mparivathsa॒rān |
bhū॒tagṃ ha̭ prasto॒ taiṣā॒māsī᳚t |
bha॒vi॒ṣya-tprati̭ cāharat ||
prā॒ṇo a̭ddhva॒ryu-ra̭bhavat |
i॒dagṃ sarva॒gṃ॒ siṣā̭satām || 51 ||
a॒pā॒no vi॒dvā-nā॒vṛtaḥ̭ | prati॒ prāti̭ṣṭha-daddhva॒re || ā॒rta॒vā ṷpagā॒tāraḥ̭ | sa॒da॒syā̭ ṛ॒tavo̭-'bhavann | a॒rdha॒mā॒sāśca॒ māsā᳚śca | ca॒ma॒sā॒-ddhva॒rya॒vo-'bha̭vann ||
aśagṃ̭ sa॒-dbrahma̭ṇa॒-stejaḥ̭ |
a॒cchā॒vā॒ko 'bha̭va॒-dyaśaḥ̭ |
ṛ॒ta-mḙṣā-mpraśā॒stā-''sī᳚t |
ya-dvi̭śva॒ sṛja॒ āsa̭ta || 52 ||
ūrg-rājā̭na॒-muda̭vahat | dhru॒va॒ go॒pa-ssaho̭-'bhavat | ojo॒-'bhya̭ṣṭau॒-dgrāv.ṇṇaḥ̭ |
ya-dvi̭śva॒ sṛja॒ āsa̭ta ||
apa̭citiḥ po॒trīyā̭-mayajat | ne॒ṣṭrīyā̭-mayaja॒-ttviṣiḥ̭ | āgnī᳚ddhrā-dvi॒duṣī̭ sa॒tyam | śra॒ddhā hai॒vā ya̭ja-thsva॒yam || irā॒ patnī̭ viśva॒ sṛjā᳚m | ākṷ̄ti-rapinaḍḍha॒viḥ || 53 ||
i॒ddhmagṃ ha॒ kṣuc cai᳚bhya u॒gre | tṛ॒ṣṇā cā va̭hatāmu॒bhe || vāgḙṣāgṃ subrahma॒ṇyā-''sī᳚t | cha॒ndo॒ yo॒gān. vi̭jāna॒tī |
ka॒lpa॒ta॒ntrāṇi̭ tanvā॒nā-'haḥ̭ | sa॒gg॒sthāśca̭ sarva॒śaḥ || a॒ho॒rā॒tre pa̭śupā॒lyau | mu॒hū॒rtāḥ pre॒ṣyā̭ abhavann | mṛ॒tyus tada̭-bhava-ddhā॒tā | śa॒mi॒to gro vi॒śā-mpatiḥ̭ || 54 ||
vi॒śva॒sṛjaḥ̭ pratha॒mā-ssa॒tra-mā̭sata | sa॒hasra̭ sama॒-mprasṷtena॒ yantaḥ̭ |
tato̭ ha jajñe॒ bhuva̭nasya go॒pāḥ | hi॒ra॒ṇmayaḥ̭ śa॒kuni॒ rbrahma॒ nāma̭ || yena॒ sūrya॒-stapa̭ti॒ teja̭se॒-ddhaḥ | pi॒tā pu॒treṇa̭ pitṛ॒mān. yoni̭yonau | nāvḙdavi-nmanute॒ ta-mbṛ॒hanta᳚m | sa॒rvā॒nu॒bhu-mā॒tmānagṃ̭ samparā॒ye ||
e॒ṣa ni॒tyo ma̭hi॒mā brā᳚hma॒ṇasya̭ |
na karma̭ṇā vardhate॒ no kanī̭yān || 55 ||
tasyai॒vātmā pa̭da॒vittaṃ-vi~̭ditvā |
na karma̭ṇā lipyate॒ pāpa̭kena ||
pañca̭pañcā॒śata̭-stri॒vṛtaḥ̭ saṃva~thsa॒rāḥ |
pañca̭pañcā॒śataḥ̭ pañcada॒śāḥ | pañca̭pañcā॒śataḥ̭ saptada॒śāḥ |
pañca̭pañcā॒śata̭ ekavi॒gṃ॒śāḥ |
vi॒śva॒sṛjāgṃ̭ sa॒hasra̭ saṃva~thsaram ||
e॒tena॒ vai vi̭śva॒sṛja̭ i॒daṃ-vi~śva̭-masṛjanta | ya-dviśva॒-masṛ̭janta | tasmā᳚-dviśva॒sṛjaḥ̭ ||
viśva̭-menā॒-nanu॒ prajā̭yate | brahma̭ṇa॒-ssāyṷjyagṃ salo॒katāṃ᳚-ya~nti |
e॒tāsā̭me॒va de॒vatā̭nā॒gṃ॒ sāyṷjyam | sā॒rṣṭitāgṃ̭ samāna lo॒katāṃ᳚-ya~nti |
ya e॒ta-dṷpa॒yanti̭ | ye cai̭na॒-tprāhuḥ̭ |
yebhya̭-ścaina॒-tprāhuḥ̭ ||
om || 56 ||
(śaśva̭ - dāsata॒ - siṣā̭satā॒ - māsa̭ta - ha॒viṣ - patiḥ॒ - kanī̭yā॒n - tasmā᳚-dviśva॒sṛjo॒-'ṣṭau ca̭) (a. 9)
(tubhyaṃ̭ - de॒vebhya॒ - stapa̭sā - de॒vebhyo॒ - brahma॒ vai catṷrhotāro॒ - yaccā॒mṛta॒gṃ॒ - sarvā॒ diśo̭ di॒kṣu - sarvā॒-ndiva̭ - mṛ॒cā-mprācī॒ nava̭)
(tubhyaṃ॒ - tapa̭sā॒ - tā vā e॒tāḥ pañca॒ - hira̭ṇya-ndadāti॒ - sarvā॒ diśa॒ - stapa̭ āsīdgṛ॒hapa̭ti॒-ṣṣaṭpa̭ñcā॒śat)
(tubhya॒-moṃ)
|| hariḥ̭ om ||
|| taittirīya yajurbrāhmaṇe kāṭhake tṛtīya praśna-ssamāptaḥ ||
|| iti taittirīya yajurbrāhmaṇe kāṭhakaṃ samāptam ||
Sanskrit — Devanagari (original)
कृष्ण यजुर्वेदीय तैत्तिरीय ब्राह्मणे काठके तृतीयः प्रश्नः - वैश्वसृजचयनम्
ओ-न्नमः परमात्मने, श्री महागणपतये नमः,
श्री गुरुभ्यो नमः । ह॒रिः॒ ओम् ॥
चातुर्होत्रचयनं-वैँश्वसृजचयन-ञ्च
अनुवाकं 1 - वैश्वसृजचयनाङ्गभूताः दिवश्श्येनय इष्टयः
तुभ्य॒-न्ता अ॑ङ्गिरस्तम॒ विश्वा᳚-स्सुक्षि॒तयः॒ पृथ॑क् । अग्ने॒ कामा॑य येमिरे ॥ अ॒श्याम॒ त-ङ्काम॑मग्ने॒ तवो॒ त्य॑श्याम॑ र॒यिग्ं र॑यिव-स्सु॒वीर᳚म् । अ॒श्याम॒ वाज॑म॒भि वा॒जय॑न्तो॒ ऽश्याम॑ द्यु॒म्नम॑जरा॒जर॑-न्ते ॥ ।
आशा॑ना-न्त्वा ऽऽशापा॒लेभ्यः॑ । च॒तुर्भ्यो॑ अ॒मृते᳚भ्यः । इ॒द-म्भू॒तस्याध्य॑क्षेभ्यः । वि॒धेम॑ ह॒विषा॑ व॒यम् ॥ विश्वा॒ आशा॒ मधु॑ना॒ सग्ंसृ॑जामि । अ॒न॒मी॒वा आप॒ ओष॑धयो भवन्तु । अ॒यं-यँज॑मानो॒ मृधो॒ व्य॑स्यतां अगृ॑भीताः प॒शवः॑ सन्तु॒ सर्वे᳚ ॥ ।
अनु॑ नो॒-ऽद्या-ऽनु॑मतिर्य॒ज्ञ-न्दे॒वेषु॑ मन्यताम् । अ॒ग्निश्च॑ हव्य॒वाह॑नो॒ भव॑ता-न्दा॒शुषे॒ मयः॑ ॥ अन्विद॑नुमते॒ त्व-म्मन्या॑सै॒ शञ्च॑नः कृधि । क्रत्वे॒ दक्षा॑य नो हिनु॒ प्रण॒ आयूग्ं॑षि तारिषः ॥ ।
कामो॑ भू॒तस्य॒ भव्य॑स्य । स॒म्राडेको॒ विरा॑जति । स इ॒द-म्प्रति॑ पप्रथे । ऋ॒तूनु-थ्सृ॑जते व॒शी ॥ काम॒स्तदग्रे॒ सम॑वर्त॒ताधि॑ । मन॑सो॒ रेतः॑ प्रथ॒मं-यँदासी᳚त् । स॒तो बन्धु॒मस॑ति॒ निर॑विन्दन्न् । हृ॒दि प्र॒तीष्या॑ क॒वयो॑ मनी॒षा ॥ ।
ब्रह्म॑ जज्ञा॒न-म्प्र॑थ॒म-म्पु॒रस्ता॒द्वि सी॑म॒त-स्सु॒रुचो॑ वे॒न आ॑वः । स बु॒ध्निया॑ उप॒मा अ॑स्य वि॒ष्ठा-स्स॒तश्च॒ योनि॒मस॑तश्च॒ विवः॑ ॥ पि॒ता वि॒राजा॑मृष॒भो र॑यी॒णाम् । अ॒न्तरि॑क्षं-विँ॒श्वरू॑प॒ आवि॑वेश । तम॒र्कै-र॒भ्य॑र्चन्ति व॒थ्सम् । ब्रह्म॒ सन्त॒-म्ब्रह्म॑णा व॒र्धय॑न्तः ॥ ।
य॒ज्ञो रा॒यो य॒ज्ञ ई॑शे॒ वसू॑नाम् । य॒ज्ञ-स्स॒स्याना॑मु॒त सु॑क्षिती॒नाम् । य॒ज्ञ इ॒ष्टः पू॒र्वचि॑त्ति-न्दधातु । य॒ज्ञो ब्र॑ह्म॒ण्वाग्ं अप्ये॑तु दे॒वान् ॥ अ॒यं-यँ॒ज्ञो व॑र्धता॒-ङ्गोभि॒रश्वैः᳚ । इ॒यं-वेँदिः॑ स्वप॒त्या सु॒वीरा᳚ । इ॒द-म्ब॒र्॒हिरति॑ ब॒र्॒हीग्ष्य॒न्या । इ॒मं-यँ॒ज्ञं-विँश्वे॑ अवन्तु दे॒वाः ॥ । आपो॑ भ॒द्रा घृ॒तमिदाप॑ आसुर॒ग्नी-षोमौ॑ बिभ्र॒त्याप॒ इ-त्ताः । ती॒व्रो रसो॑ मधु॒पृचा॑ मरङ्ग॒म आ मा᳚ प्रा॒णेन॑ स॒ह वर्च॑सा गन्न् ॥ आदि-त्प॑श्याम्यु॒त वा॑ शृणो॒म्या मा॒ घोषो॑ गच्छति॒ वान्न॑ आसाम् । मन्ये॑ भेजा॒नो अ॒मृत॑स्य॒ तर्हि॒ हिर॑ण्यवर्णा॒ अतृ॑पं-यँ॒दा वः॑ ॥ ।
तुभ्य॑-म्भरन्ति क्षि॒तयो॑ यविष्ठ । ब॒लिम॑ग्ने॒ अन्ति॑ त॒ ओत दू॒रात् । आ भन्दि॑ष्ठस्य सुम॒ति-ञ्चि॑किद्धि । बृ॒हत्ते॑ अग्ने॒ महि॒ शर्म॑ भ॒द्रम् ॥ यो दे॒ह्यो अन॑मयद्वध॒स्नैः । यो अर्य॑पत्नी-रु॒षस॑श्च॒कार॑ । स नि॒रुध्या॒ नहु॑षो य॒ह्वो अ॒ग्निः । विश॑श्चक्रे बलि॒हृत॒-स्सहो॑भिः ॥ ।
पूर्व॑-न्देवा॒ अप॑रेणा-नु॒पश्य॒ञ्जन्म॑भिः । जन्मा॒न्यव॑रैः॒ परा॑णि । वेदा॑नि देवा अ॒यम॒स्मीति॒ माम् । अ॒हग्ं हि॒त्वा शरी॑र-ञ्ज॒रसः॑ प॒रस्ता᳚त् ॥ प्रा॒णा॒पा॒नौ चक्षु॒-श्श्रोत्र᳚म् । वाच॒-म्मन॑सि॒ सम्भृ॑ताम् । हि॒त्वा शरी॑र-ञ्ज॒रसः॑ प॒रस्ता᳚त् । आ भूति॒-म्भूतिं॑-वँ॒यम॑श्नवामहै ॥ ।
ह॒व्य॒वाह॑-मभिमाति॒षा-ऽह᳚म् । र॒क्षो॒हण॒-म्पृत॑नासु जि॒ष्णुम् । ज्योति॑ष्मन्त॒-न्दीद्य॑त॒-म्पुर॑न्धिम् । अ॒ग्निग्ग् स्वि॑ष्ट॒कृत॒मा हु॑वेम ॥ स्वि॑ष्टमग्ने अ॒भि त-त्पृ॑णाहि । विश्वा॑ देव॒ पृत॑ना अ॒भिष्य । उ॒रु-न्नः॒ पन्था᳚-म्प्रदि॒शन्वि भा॑हि । ज्योति॑ष्मद्धेह्य॒जर॑-न्न॒ आयुः॑ ॥ ॥ 1 ॥
तुभ्य॒-न्दश॑ (अ. 1)
अनुवाकं 2 - तासा-म्ब्राह्मणम्
दे॒वेभ्यो॒ वै स्व॒र्गो लो॒कस्ति॒रो॑-ऽभवत् ।
ते प्र॒जाप॑ति-मब्रुवन्न् ।
प्रजा॑पते स्व॒र्गो वै नो॑ लो॒कस्ति॒रो॑-ऽभूत् । तमन्वि॒च्छेति॑ । तं-यँ॑ज्ञक्र॒तुभि॒-रन्वै᳚च्छत् । तं-यँ॑ज्ञक्र॒तुभि॒-र्नान्व॑विन्दत् ।
तमिष्टि॑भि॒-रन्वै᳚च्छत् । तमिष्टि॑भि॒-रन्व॑विन्दत् ।
तदिष्टी॑ना-मिष्टि॒त्वम् । एष्ट॑यो ह॒वै नाम॑ ।
ता इष्ट॑य॒ इत्याच॑क्षते प॒रोक्षे॑ण । प॒रोक्ष॑ प्रिया इव॒ हि दे॒वाः ॥ 2 ॥
तमाशा᳚-ऽब्रवीत् । प्रजा॑पत आ॒शया॒ वै श्रा᳚म्यसि ।
अ॒हमु॒ वा आशा᳚-ऽस्मि । मा-न्नु य॑जस्व ।
अथ॑ ते स॒त्या-ऽऽशा॑ भविष्यति । अनु॑ स्व॒र्गं-लोँ॒कं-वेँ॒थ्स्यसीति॑ । स ए॒तम॒ग्नये॒ कामा॑य पुरो॒डाश॑-म॒ष्टाक॑पाल॒-न्निर॑वपत् ।
आ॒शायै॑ च॒रुम् । अनु॑मत्यै च॒रुम् । ततो॒ वै तस्य॑ स॒त्या-ऽऽशा॑ ऽभवत् । अनु॑ स्व॒र्गं-लोँ॒क-म॑विन्दत् । स॒त्या ह॒ वा अ॒स्याशा॑ भवति ।
अनु॑ स्व॒र्गं-लोँ॒कं-विँ॑न्दति । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ ॥ सो-ऽत्र॑ जुहोति । अ॒ग्नये॒ कामा॑य॒ स्वाहा॒-ऽऽशायै॒ स्वाहा᳚ । अनु॑मत्यै॒ स्वाहा᳚ प्र॒जाप॑तये॒ स्वाहा᳚ ।
स्व॒र्गाय॑ लो॒काय॒ स्वाहा॒-ऽग्नये᳚ स्विष्ट॒कृते॒ स्वाहेति॑ ॥ 3 ॥
त-ङ्कामो᳚-ऽब्रवीत् । प्रजा॑पते॒ कामे॑न॒ वै श्रा᳚म्यसि । अ॒हमु॒वै कामो᳚-ऽस्मि । मा-न्नु य॑जस्व । अथ॑ ते स॒त्यः कामो॑ भविष्यति । अनु॑ स्व॒र्गं-लोँ॒कं-वेँ॒थ्स्यसीति॑ । स ए॒तम॒ग्नये॒ कामा॑य पुरो॒डाश॑-म॒ष्टाक॑पाल॒-न्निर॑वपत् । कामा॑य च॒रुम् । अनु॑मत्यै च॒रुम् ।
ततो॒ वै तस्य॑ स॒त्यः कामो॑-ऽभवत् ।
अनु॑ स्व॒र्गं-लोँ॒कम॑विन्दत् ।
स॒त्यो ह॒ वा अ॑स्य॒ कामो॑ भवति ।
अनु॑ स्व॒र्गं-लोँ॒कं-विँ॑न्दति ।
य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति ।
अ॒ग्नये॒ कामा॑य॒ स्वाहा॒ कामा॑य॒ स्वाहा᳚ ।
अनु॑मत्यै॒ स्वाहा᳚ प्र॒जाप॑तये॒ स्वाहा᳚ ।
स्व॒र्गाय॑ लो॒काय॒ स्वाहा॒-ऽग्नये᳚ स्विष्ट॒कृते॒ स्वाहेति॑ ॥ 4 ॥
त-म्ब्रह्मा᳚-ऽब्रवीत् । प्रजा॑पते॒ ब्रह्म॑णा॒ वैश्रा᳚म्यसि । अ॒हमु॒ वै ब्रह्मा᳚-ऽस्मि ।
मा-न्नु य॑जस्व । अथ॑ ते ब्रह्म॒ण्वान्. य॒ज्ञो भ॑विष्यति । अनु॑ स्व॒र्गं-लोँ॒कं-वेँ॒थ्स्यसीति॑ । स ए॒तम॒ग्नये॒ कामा॑य पुरो॒डाश॑-म॒ष्टाक॑पाल॒-न्निर॑वपत् । ब्रह्म॑णे च॒रुम् । अनु॑मत्यै च॒रुम् । ततो॒ वै तस्य॑ ब्रह्म॒ण्वान्. य॒ज्ञो॑-ऽभवत् । अनु॑ स्व॒र्गं-लोँ॒कम॑विन्दत् । ब्र॒ह्म॒ण्वान्. ह॒ वा अ॑स्य य॒ज्ञो भ॑वति ।
अनु॑ स्व॒र्गं-लोँ॒कं-विँ॑न्दति । य ए॒तेन॑ ह॒विषा॒ यज॑ते । य उ॑चैनदे॒वं-वेँद॑ । सो-ऽत्र॑ जुहोति । अ॒ग्नये॒ कामा॑य॒ स्वाहा॒ ब्रह्म॑णे॒ स्वाहा᳚ । अनु॑मत्यै॒ स्वाहा᳚ प्र॒जाप॑तये॒ स्वाहा᳚ । स्व॒र्गाय॑ लो॒काय॒ स्वाहा॒ ऽग्नये᳚ स्विष्ट॒कृते॒ स्वाहेति॑ ॥ 5 ॥
तं-यँ॒ज्ञो᳚-ऽब्रवीत् । प्रजा॑पते य॒ज्ञेन॒ वै श्रा᳚म्यसि । अ॒हमु॒ वै य॒ज्ञो᳚-ऽस्मि ।
मा-न्नु य॑जस्व । अथ॑ ते स॒त्यो य॒ज्ञो भ॑वष्यति । अनु॑ स्व॒र्गं-लोँ॒कं-वेँ॒थ्स्यसीति॑ ।
स ए॒तम॒ग्नये॒ कामा॑य पुरो॒डाश॑-म॒ष्टाक॑पाल॒-न्निर॑वपत् । य॒ज्ञाय॑ च॒रुम् । अनु॑मत्यै च॒रुम् । ततो॒ वै तस्य॑ स॒त्यो य॒ज्ञो॑-ऽभवत् । अनु॑ स्व॒र्गं-लोँ॒कम॑विन्दत् । स॒त्यो ह॒ वा अ॑स्य य॒ज्ञो भ॑वति ।
अनु॑ स्व॒र्गं-लोँ॒कं-विँ॑न्दति ।
य ए॒तेन॑ ह॒विषा॒ यज॑ते ।
य उ॑चैनदे॒वं-वेँद॑ । सो-ऽत्र॑ जुहोति ।
अ॒ग्नये॒ कामा॑य॒ स्वाहा॑ य॒ज्ञाय॒ स्वाहा᳚ ।
अनु॑मत्यै॒ स्वाहा᳚ प्र॒जाप॑तये॒ स्वाहा᳚ ।
स्व॒र्गाय॑ लो॒काय॒ स्वाहा॒-ऽग्नये᳚ स्विष्ट॒कृते॒ स्वाहेति॑ ॥ 6 ॥
तमापो᳚-ऽब्रुवन्न् । प्रजा॑पते॒-ऽफ्सु वै सर्वे॒ कामा᳚-श्श्रि॒ताः । व॒यमु॒ वा आप॑स्स्मः । अ॒स्मान्नु य॑जस्व । अथ॒ त्वयि॒ सर्वे॒ कामा᳚-श्श्रयिष्यन्ते । अनु॑ स्व॒र्गं-लोँ॒कं-वेँ॒थ्स्यसीति॑ ।
स ए॒तम॒ग्नये॒ कामा॑य पुरो॒डाश॑-म॒ष्टाक॑पाल॒-न्निर॑वपत् । अ॒द्भ्यश्च॒रुम् ।
अनु॑मत्यै च॒रुम् । ततो॒ वै तस्मि॒न्-थ्सर्वे॒ कामा॑ अश्रयन्त । अनु॑ स्व॒र्गं-लोँ॒कम॑विन्दत् । सर्वे॑ ह॒ वा अ॑स्मि॒न् कामा᳚-श्श्रयन्ते । अनु॑ स्व॒र्गं-लोँ॒कं-विँ॑न्दति । य ए॒तेन॑ ह॒विषा॒ यज॑ते ।
य उ॑चैनदे॒वं-वेँद॑ । सो-ऽत्र॑ जुहोति ।
अ॒ग्नये॒ कामा॑य॒ स्वाहा॒ ऽद्भ्य-स्स्वाहा᳚ ।
अनु॑मत्यै॒ स्वाहा᳚ प्र॒जाप॑तये॒ स्वाहा᳚ ।
स्व॒र्गाय॑ लो॒काय॒ स्वाहा॒-ऽग्नये᳚ स्विष्ट॒कृते॒ स्वाहेति॑ ॥ 7 ॥
तम॒ग्नि र्ब॑लि॒मान॑ब्रवीत् ।
प्रजा॑पते॒ ऽग्नये॒ वै ब॑लि॒मते॒ सर्वा॑णि भू॒तानि॑ ब॒लिग्ं ह॑रन्ति । अ॒हमु॒ वा अ॒ग्नि र्ब॑लि॒मान॑स्मि । मा-न्नु य॑जस्व ।
अथ॑ ते॒ सर्वा॑णि भू॒तानि॑ ब॒लिग्ं ह॑रिष्यन्ति ।
अनु॑ स्व॒र्गं-लोँ॒कं-वेँ॒थ्स्यसीति॑ ।
स ए॒तम॒ग्नये॒ कामा॑य पुरो॒डाश॑-म॒ष्टाक॑पाल॒-न्निर॑वपत् । अ॒ग्नये॑ बलि॒मते॑ च॒रुम् । अनु॑मत्यै च॒रुम् । ततो॒ वै तस्मै॒ सर्वा॑णि भू॒तानि॑ ब॒लि-म॑हरन्न् । अनु॑ स्व॒र्गं-लोँ॒कम॑विन्दत् । सर्वा॑णि ह॒ वा अ॑स्मै भू॒तानि॑ ब॒लिग्ं ह॑रन्ति । अनु॑ स्व॒र्गं-लोँ॒कं-विँ॑न्दति । य ए॒तेन॑ ह॒विषा॒ यज॑ते ।
य उ॑चैनदे॒वं-वेँद॑ । सो-ऽत्र॑ जुहोति ।
अ॒ग्नये॒ कामा॑य॒ स्वाहा॒ ऽग्नये॑ बलि॒मते॒ स्वाहा᳚ । अनु॑मत्यै॒ स्वाहा᳚ प्र॒जाप॑तये॒ स्वाहा᳚ ।
स्व॒र्गाय॑ लो॒काय॒ स्वाहा॒-ऽग्नये᳚ स्विष्ट॒कृते॒ स्वाहेति॑ ॥ 8 ॥
तमनु॑वित्तिर-ब्रवीत् । प्रजा॑पते स्व॒र्गं-वैँ लो॒कमनु॑-विविथ्ससि । अ॒हमु॒ वा अनु॑वित्तिरस्मि । मा-न्नु य॑जस्व । अथ॑ ते स॒त्या ऽनु॑वित्ति-र्भविष्यति । अनु॑ स्व॒र्गं-लोँ॒कं-वेँ॒थ्स्यसीति॑ ।
स ए॒तम॒ग्नये॒ कामा॑य पुरो॒डाश॑-म॒ष्टाक॑पाल॒-न्निर॑वपत् ।
अनु॑वित्त्यै च॒रुम् । अनु॑मत्यै च॒रुम् ।
ततो॒ वै तस्य॑ स॒त्या ऽनु॑वित्तिरभवत् ।
अनु॑ स्व॒र्गं-लोँ॒क-म॑विन्दत् ।
स॒त्या ह॒ वा अ॒स्यानु॑वित्ति-र्भवति ।
अनु॑ स्व॒र्गं-लोँ॒कं-विँ॑न्दति ।
य ए॒तेन॑ ह॒विषा॒ यज॑ते ।
य उ॑चैनदे॒वं-वेँद॑ । सो-ऽत्र॑ जुहोति ।
अ॒ग्नये॒ कामा॑य॒ स्वाहा-ऽनु॑वित्त्यै॒ स्वाहा᳚ ।
अनु॑मत्यै॒ स्वाहा᳚ प्र॒जाप॑तये॒ स्वाहा᳚ ।
स्व॒र्गाय॑ लो॒काय॒ स्वाहा॒-ऽग्नये᳚ स्विष्ट॒कृते॒ स्वाहेति॑ ॥ 9 ॥
ता वा ए॒ता-स्स॒प्त स्व॒र्गस्य॑ लो॒कस्य॒ द्वारः॑ ।
दि॒व-श्श्ये॑न॒यो ऽनु॑वित्तयो॒ नाम॑ ।
आशा᳚ प्रथ॒माग्ं र॑क्षति ।
कामो᳚ द्वि॒तीया᳚म् । ब्रह्म॑ तृ॒तीया᳚म् । य॒ज्ञश्च॑तु॒र्थीम् । आपः॑ पञ्च॒मीम् ।
अ॒ग्नि र्ब॑लि॒मान्-थ्ष॒ष्ठीम् । अनु॑वित्ति-स्सप्त॒मीम् ।
अनु॑ ह॒ वै स्व॒र्गं-लोँ॒कं-विँ॑न्दति ।
का॒म॒चारो᳚-ऽस्य स्व॒र्गे लो॒के भ॑वति ।
य ए॒ताभि॒-रिष्टि॑भि॒-र्यज॑ते ।
य उ॑चैना ए॒वं-वेँद॑ । तास्व॑न्वि॒ष्टि । प॒ष्ठौ॒ही॒ व॒रा-न्द॑द्या-त्क॒ग्ं॒ सञ्च॑ ।
स्त्रियै॑ चाभा॒रग्ं समृ॑द्ध्यै ॥ 10 ॥
अनुवाकं 3 - उपाघा नामेष्टयः
तप॑सा दे॒वा दे॒वता॒-मग्र॑ आयन्न् । तप॒सर्ष॑य॒-स्स्व॑रन्व॑विन्दन्न् ।
तप॑सा स॒पत्ना॒-न्प्रणु॑दा॒मारा॑तीः ।
येने॒दं-विँश्व॒-म्परि॑भूतं॒-यँदस्ति॑ ॥
प्र॒थ॒म॒ज-न्दे॒वग्ं ह॒विषा॑ विधेम । स्व॒य॒भु-म्ब्रह्म॑ पर॒म-न्तपो॒ यत् ।
स ए॒व पु॒त्र-स्स पि॒ता स मा॒ता ।
तपो॑ ह य॒क्ष-म्प्र॑थ॒मग्ं सम्ब॑भूव ॥
श्र॒द्धया दे॑वो देव॒त्व-म॑श्नुते ।
श्र॒द्धा प्र॑ति॒ष्ठा लो॒कस्य॑ दे॒वी ॥ 11 ॥
सा नो॑ जुषा॒णोप॑ य॒ज्ञ-मागा᳚त् ।
काम॑वथ्सा॒ ऽमृत॒-न्दुहा॑ना ॥
श्र॒द्धा दे॒वी प्र॑थम॒जा ऋ॒तस्य॑ ।
विश्व॑स्य भ॒र्त्री जग॑तः प्रति॒ष्ठा ।
ताग् श्र॒द्धाग्ं ह॒विषा॑ यजामहे ।
सा नो॑ लो॒क-म॒मृत॑-न्दधातु ।
ईशा॑ना दे॒वी भुव॑न॒स्याधि॑पत्नी ॥ आगा᳚थ्स॒त्यग्ं ह॒विरि॒द-ञ्जु॑षा॒णम् ।
यस्मा᳚द्दे॒वा ज॑ज्ञिरे॒ भुव॑नञ्च॒ विश्वे᳚ ।
तस्मै॑ विधेम ह॒विषा॑ घृ॒तेन॑ ॥ 12 ॥
यथा॑ दे॒वै-स्स॑ध॒माद॑-म्मदेम ॥
यस्य॑ प्रति॒ष्ठो-र्व॑न्तरि॑क्षम् ।
यस्मा᳚द्दे॒वा ज॑ज्ञिरे॒ भुव॑नञ्च॒ सर्वे᳚ ।
तथ्स॒त्य-मर्च॒दुप॑य॒ज्ञ-न्न॒ आगा᳚त् । ब्रह्माहु॑ती॒-रुप॒मोद॑मानम् ॥
मन॑सो॒ वशे॒ सर्व॑मि॒द-म्ब॑भूव ।
नान्यस्य॒ मनो॒ वश॒मन्वि॑याय ।
भी॒ष्मो हि दे॒व-स्सह॑स॒-स्सही॑यान् ।
स नो॑ जुषा॒ण उप॑ य॒ज्ञमागा᳚त् ॥
आकू॑तीना॒-मधि॑पति॒-ञ्चेत॑सा-ञ्च ॥ 13 ॥
स॒ङ्क॒ल्पजू॑ति-न्दे॒वं-विँ॑प॒श्चिम् ।
मनो॒ राजा॑नमि॒ह व॒र्धय॑न्तः ।
उ॒प॒ह॒वे᳚ ऽस्य सुम॒तौ स्या॑म ॥
चर॑ण-म्प॒वित्रं॒-विँत॑त-म्पुरा॒णम् ।
येन॑ पू॒तस्तर॑ति दुष्कृ॒तानि॑ ।
तेन॑ प॒वित्रे॑ण शु॒द्धेन॑ पू॒ताः ।
अति॑ पा॒प्मान॒-मरा॑ति-न्तरेम ॥
लो॒कस्य॒ द्वार॑-मर्चि॒म-त्प॒वित्र᳚म् ।
ज्योति॑ष्म॒-द्भ्राज॑मान॒-म्मह॑स्वत् । अ॒मृत॑स्य॒ धारा॑ बहु॒धा दोह॑मानम् ।
चर॑ण-न्नो लो॒के सुधि॑ता-न्दधातु ॥
अ॒ग्निर्मू॒र्धा दि॒वः क॒कु-त्पतिः॑ पृथि॒व्या अ॒यम् । अ॒पाग्ं रेताग्ं॑सि जिन्वति ॥ भुवो॑ य॒ज्ञस्य॒ रज॑सश्च ने॒ता यत्रा॑ नि॒युद्भि॒-स्सच॑से शि॒वाभिः॑ । दि॒वि मू॒र्धान॑-न्दधिषे सुव॒र्॒षा-ञ्जि॒ह्वाम॑ग्ने चकृषे हव्य॒वाह᳚म् ॥ ॥
अनु॑ नो॒-ऽद्या-ऽनु॑मतिर्य॒ज्ञ-न्दे॒वेषु॑ मन्यताम् । अ॒ग्निश्च॑ हव्य॒वाह॑नो॒ भव॑ता-न्दा॒शुषे॒ मयः॑ ॥ अन्विद॑नुमते॒ त्व-म्मन्या॑सै॒ शञ्च॑नः कृधि । क्रत्वे॒ दक्षा॑य नो हिनु॒ प्रण॒ आयूग्ं॑षि तारिषः ॥ ॥
ह॒व्य॒वाह॑-मभिमाति॒षा-ऽह᳚म् । र॒क्षो॒हण॒-म्पृत॑नासु जि॒ष्णुम् । ज्योति॑ष्मन्त॒-न्दीद्य॑त॒-म्पुर॑न्धिम् । अ॒ग्निग्ग् स्वि॑ष्ट॒कृत॒मा हु॑वेम ॥ स्वि॑ष्टमग्ने अ॒भि त-त्पृ॑णाहि । विश्वा॑ देव॒ पृत॑ना अ॒भिष्य । उ॒रु-न्नः॒ पन्था᳚-म्प्रदि॒शन्वि भा॑हि । ज्योति॑ष्मद्धेह्य॒जर॑-न्न॒ आयुः॑ ॥ ॥ 14 ॥
(दे॒वी - घृ॒तेन॒ - चेत॑सा-ञ्च॒ - दोह॑मान-ञ्च॒त्वारि॑ च) (अ. 3)
अनुवाकं 4 - तासा-म्ब्राह्मणम्
दे॒वेभ्यो॒ वै स्व॒र्गो लो॒कस्ति॒रो॑ ऽभवत् ।
ते प्र॒जाप॑ति-मब्रुवन्न् । प्रजा॑पते स्व॒र्गो
वै नो॑ लो॒कस्ति॒रो॑-ऽभूत् । तमन्वि॒च्छेति॑ ।
तं-यँ॑ज्ञक्र॒तुभि॒-रन्वै᳚च्छत् ।
तं-यँ॑ज्ञक्र॒तुभि॒ र्नान्व॑विन्दत् ।
तमिष्टि॑भि॒-रन्वै᳚च्छत् । तमिष्टि॑भि॒-रन्व॑विन्दत् । तदिष्टी॑ना-मिष्टि॒त्वम् । एष्ट॑यो ह॒ वै नाम॑ । ता इष्ट॑य॒ इत्या च॑क्षते प॒रोक्षे॑ण ।
प॒रोक्ष॑प्रिया इव॒ हि दे॒वाः ॥ 15 ॥
त-न्तपो᳚-ऽ ब्रवीत् । प्रजा॑पते॒ तप॑सा॒ वै
श्रा᳚म्यसि । अ॒हमु॒ वै तपो᳚-ऽ स्मि ।
मा-न्नु य॑जस्व ।
अथ॑ ते स॒त्य-न्तपो॑ भविष्यति ।
अनु॑ स्व॒र्गं-लोँ॒कं-वेँ॒थ्स्यसीति॑ ।
स ए॒तमा᳚ग्ने॒य-म॒ष्टाक॑पाल॒-न्निर॑वपत् । तप॑से च॒रुम् । अनु॑मत्यै च॒रुम् ।
ततो॒ वै तस्य॑ स॒त्य-न्तपो॑ ऽभवत् ।
अनु॑ स्व॒र्गं-लोँ॒कम॑विन्दत् ।
स॒त्य ग्ं ह॒ वा अ॑स्य॒ तपो॑ भवति ।
अनु॑ स्व॒र्गं-लोँ॒कं-विँ॑न्दति ।
य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति । अ॒ग्नये॒ स्वाहा॒ तप॑से॒ स्वाहा᳚ ।
अनु॑मत्यै॒ स्वाहा᳚ प्र॒जाप॑तये॒ स्वाहा᳚ ।
स्व॒र्गाय॑ लो॒काय॒ स्वाहा॒-ऽग्नये᳚ स्विष्ट॒कृते॒ स्वाहेति॑ ॥ 16 ॥
तग्ग् श्र॒द्धा-ऽब्र॑वीत् । प्रजा॑पते श्र॒द्धया॒ वै श्रा᳚म्यसि । अ॒हमु॒ वै श्र॒द्धा-ऽस्मि॑ । मा-न्नु य॑जस्व । अथ॑ ते स॒त्या श्र॒द्धा भ॑विष्यति । अनु॑ स्व॒र्गं-लोँ॒कं-वेँ॒थ्स्यसीति॑ ।
स ए॒तमा᳚-ऽग्ने॒य-म॒ष्टाक॑पाल॒-न्निर॑वपत् । श्र॒द्धायै॑ च॒रुम् । अनु॑मत्यै च॒रुम् । ततो॒ वै तस्य॑ स॒त्या श्र॒द्धा-ऽभ॑वत् ।
अनु॑ स्व॒र्गं-लोँ॒कम॑विन्दत् ।
स॒त्या ह॒ वा अ॑स्य श्र॒द्धा भ॑वति ।
अनु॑ स्व॒र्गं-लोँ॒कं-विँ॑न्दति ।
य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति । अ॒ग्नये॒ स्वाहा᳚ श्र॒द्धायै॒ स्वाहा᳚ ।
अनु॑मत्यै॒ स्वाहा᳚ प्र॒जाप॑तये॒ स्वाहा᳚ ।
स्व॒र्गाय॑ लो॒काय॒ स्वाहा॒-ऽग्नये᳚ स्विष्ट॒कृते॒ स्वाहेति॑ ॥ 17 ॥
तग्ं स॒त्य-म॑ब्रवीत् । प्रजा॑पते स॒त्येन॒ वै श्रा᳚म्यसि । अ॒हमु॒ वै स॒त्यम॑स्मि । मा-न्नु य॑जस्व । अथ॑ ते स॒त्यग्ं स॒त्य-म्भ॑विष्यति । अनु॑ स्व॒र्गं-लोँ॒कं-वेँ॒थ्स्यसीति॑ ।
स ए॒तमा᳚-ऽग्ने॒य-म॒ष्टाक॑पाल॒-न्निर॑वपत् । स॒त्याय॑ च॒रुम् । अनु॑मत्यै च॒रुम् ।
ततो॒ वै तस्य॑ स॒त्यग्ं स॒त्यम॑भवत् ।
अनु॑ स्व॒र्गं-लोँ॒कम॑विन्दत् ।
स॒त्यग्ं ह॒ वा अ॑स्य स॒त्य-म्भ॑वति ।
अनु॑ स्व॒र्गं-लोँ॒कं-विँ॑न्दति ।
य ए॒तेन॑ ह॒विषा॒ यज॑ते ।
य उ॑चैनदे॒वं-वेँद॑ । सो-ऽत्र॑ जुहोति ।
अ॒ग्नये॒ स्वाहा॑ स॒त्याय॒ स्वाहा᳚ ।
अनु॑मत्यै॒ स्वाहा᳚ प्र॒जाप॑तये॒ स्वाहा᳚ ।
स्व॒र्गाय॑ लो॒काय॒ स्वाहा॒-ऽग्नये᳚ स्विष्ट॒कृते॒ स्वाहेति॑ ॥ 18 ॥
त-म्मनो᳚-ऽब्रवीत् । प्रजा॑पते॒ मन॑सा॒ वै श्रा᳚म्यसि । अ॒हमु॒ वै मनो᳚-ऽस्मि ।
मा-न्नु य॑जस्व ।
अथ॑ ते स॒त्य-म्मनो॑ भविष्यति ।
अनु॑ स्व॒र्गं-लोँ॒कं-वेँ॒थ्स्यसीति॑ ।
स ए॒तमा᳚-ऽग्ने॒य-म॒ष्टाक॑पाल॒-न्निर॑वपत् । मन॑से च॒रुम् । अनु॑मत्यै च॒रुम् । ततो॒ वै तस्य॑ स॒त्य-म्मनो॑-ऽभवत् ।
अनु॑ स्व॒र्गं-लोँ॒कम॑विन्दत् । स॒त्यग्ं ह॒ वा अ॑स्य॒ मनो॑ भवति । अनु॑ स्व॒र्गं-लोँ॒कं-विँ॑न्दति । य ए॒तेन॑ ह॒विषा॒ यज॑ते ।
य उ॑चैन दे॒वं-वेँद॑ । सो-ऽत्र॑ जुहोति ।
अ॒ग्नये॒ स्वाहा॒ मन॑से॒ स्वाहा᳚ ।
अनु॑मत्यै॒ स्वाहा᳚ प्र॒जाप॑तये॒ स्वाहा᳚ ।
स्व॒र्गाय॑ लो॒काय॒ स्वाहा॒-ऽग्नये᳚ स्विष्ट॒कृते॒ स्वाहेति॑ ॥ 19 ॥
त-ञ्चर॑ण-मब्रवीत् । प्रजा॑पते॒ चर॑णेन॒ वै श्रा᳚म्यसि । अ॒हमु॒ वै चर॑णमस्मि । मा-न्नु य॑जस्व । अथ॑ ते स॒त्य-ञ्चर॑ण-म्भविष्यति । अनु॑ स्व॒र्गं-लोँ॒कं-वेँ॒थ्स्यसीति॑ ।
स ए॒तमा᳚-ऽग्ने॒य-म॒ष्टाक॑पाल॒-न्निर॑वपत् । चर॑णाय च॒रुम् । अनु॑मत्यै च॒रुम् । ततो॒ वै तस्य॑ स॒त्य-ञ्चर॑णमभवत् ।
अनु॑ स्व॒र्गं-लोँ॒कम॑विन्दत् ।
स॒त्यग्ं ह॒ वा अ॑स्य॒ चर॑ण-म्भवति ।
अनु॑स्व॒र्गं-लोँ॒कं-विँ॑न्दति ।
य ए॒तेन॑ ह॒विषा॒ यज॑ते ।
य उ॑चैनदे॒वं-वेँद॑ । सो-ऽत्र॑ जुहोति ।
अ॒ग्नये॒ स्वाहा॒ चर॑णाय॒ स्वाहा᳚ ।
अनु॑मत्यै॒ स्वाहा᳚ प्र॒जाप॑तये॒ स्वाहा᳚ ।
स्व॒र्गाय॑ लो॒काय॒ स्वाहा॒-ऽग्नये᳚ स्विष्ट॒कृते॒ स्वाहेति॑ ॥ 20 ॥
ता वा ए॒ताः पञ्च॑ स्व॒र्गस्य॑ लो॒कस्य॒ द्वारः॑ ।
अपा॑घा॒ अनु॑वित्तयो॒ नाम॑ । तपः॑ प्रथ॒माग्ं र॑क्षति । श्र॒द्धा द्वि॒तीया᳚म् । स॒त्य-न्तृ॒तीया᳚म् ।
मन॑श्चतु॒र्थीम् । चर॑ण-म्पञ्च॒मीम् ।
अनु॑ ह॒ वै स्व॒र्गं-लोँ॒कं-विँ॑न्दति ।
का॒म॒चारो᳚-ऽस्य स्व॒र्गे लो॒के भ॑वति ।
य ए॒ताभि॒-रिष्टि॑भि॒-र्यज॑ते ।
य उ॑चैना ए॒वं-वेँद॑ ।
अनुवाकं 5 - चातुर्होत्रचयनम्
ब्रह्म॒ वै चतु॑र्होतारः । चतु॑र्होतृ॒भ्यो-ऽधि॑ य॒ज्ञो निर्मि॑तः । नैनग्ं॑ श॒प्तम् । नाभिच॑रित॒-माग॑च्छति । य ए॒वं-वेँद॑ ॥
यो ह॒ वै चतु॑र्होतृणा-ञ्चतुर्होतृ॒त्वं-वेँद॑ । अथो॒ पञ्च॑ होतृत्वम् ।
सर्वा॑ हास्मै॒ दिशः॑ कल्पन्ते ।
वा॒चस्पति॒र्॒ होता॒ दश॑होतॄणाम् ।
पृ॒थि॒वी होता॒ चतु॑र्होतॄणाम् ॥ 22 ॥
अ॒ग्निर्-होता॒ पञ्च॑होतॄणाम् । वाघोता॒ षड्ढो॑तॄणाम् ।
म॒हाह॑वि॒र्॒ होता॑ स॒प्तहो॑तॄणाम् ।
ए॒तद्वै चतु॑र्होतृणा-ञ्चतुर्होतृ॒त्वम् ।
अथो॒ पञ्च॑होतृत्वम् । सर्वा॑ हास्मै॒ दिशः॑ कल्पन्ते । य ए॒वं-वेँद॑ ॥
ए॒षा वै स॑र्व वि॒द्या । ए॒त-द्भे॑ष॒जम् ।
ए॒षा प॒ङ्क्ति-स्स्व॒र्गस्य॑ लो॒कस्या᳚-ञ्ज॒साय॑नि-स्स्रु॒तिः ॥ 23 ॥
ए॒तान्. यो-ऽद्ध्यै-त्यछ॑दिर्द॒र्॒शे याव॑त्त॒रस᳚म् । स्व॑रेति । अ॒न॒प॒ब्र॒व-स्सर्व॒मायु॑रेति । वि॒न्दते᳚ प्र॒जाम् । रा॒यस्पोष॑-ङ्गौप॒त्यम् ।
ब्र॒ह्म॒व॒र्च॒सी भ॑वति ॥ ए॒तान्. यो-ऽद्ध्यैति॑ । स्पृ॒णोत्या॒त्मान᳚म् । प्र॒जा-म्पि॒तॄन् ॥
ए॒तान्. वा अ॑रु॒ण औ॑पवे॒शि र्वि॒दाञ्च॑कार ॥ 24 ॥
ए॒तैर॑धिवा॒दमपा॑जयत् । अथो॒ विश्व॑-म्पा॒प्मान᳚म् । स्व॑र्ययौ । ए॒तान्. यो-ऽद्ध्यैति॑ । अ॒धि॒वा॒द-ञ्ज॑यति । अथो॒ विश्व॑-म्पा॒प्मान᳚म् । स्व॑रेति ॥ ए॒तैर॒ग्नि-ञ्चि॑न्वीत स्व॒र्गका॑मः ।
ए॒तैरायु॑ष्कामः । प्र॒जा प॒शुका॑मो वा ॥ 25 ॥
पु॒रस्ता॒-द्दश॑होतार॒-मुद॑ञ्च॒-मुप॑दधाति यावत्प॒दम् । हृद॑यं॒-यँजु॑षी॒ पत्न्यौ॑ च । द॒क्षि॒ण॒तः प्राञ्च॒-ञ्चतु॑र्होतारम् ।
प॒श्चादुद॑ञ्च॒-म्पञ्च॑ होतारम् । उ॒त्त॒र॒तः प्राञ्च॒ग्ं॒ षड्ढो॑तारम् ।
उ॒परि॑ष्टा॒-त्प्राञ्चग्ं॑ स॒प्तहो॑तारम् । हृद॑यं॒-यँजूग्ं॑षि॒ पत्न्य॑श्च ।
य॒था॒व॒का॒श-ङ्ग्रहान्॑ । य॒था॒व॒का॒श-म्प्र॑तिग्र॒हान् ँलो॑क-म्पृ॒णाश्च॑ ।
सर्वा॑ हास्यै॒ता दे॒वताः᳚ प्री॒ता अ॒भीष्टा॑ भवन्ति ॥ 26 ॥
सदे॑वम॒ग्नि-ञ्चि॑नुते ॥
र॒थस॑मिन्त-श्चेत॒व्यः॑ । वज्रो॒ वै रथः॑ ।
वज्रे॑णै॒व पा॒प्मान॒-म्भ्रातृ॑व्यग्ग् स्तृणुते । प॒क्ष-स्स॑मिन्त-श्चेत॒व्यः॑ ।
ए॒तावा॒न्॒. वै रथः॑ । याव॑त्प॒क्षः । र॒थस॑मिन्तमे॒व चि॑नुते ॥
इ॒ममे॒व लो॒क-म्प॑शुब॒न्धेना॒भिज॑यति ।
अथो॑ अग्निष्टो॒मेन॑ ॥ 27 ॥
अ॒न्तरि॑क्ष-मु॒क्थ्ये॑न । स्व॑रतिरा॒त्रेण॑ । सर्वा᳚न् ँलो॒कान॑ही॒नेन॑ । अथो॑ स॒त्रेण॑ ॥ वरो॒ दक्षि॑णा । वरे॑णै॒व वरग्ग्॑ स्पृणोति ।
आ॒त्मा हि वरः॑ ॥ एक॑विग्ंशति॒ र्दक्षि॑णा ददाति ।
ए॒क॒वि॒ग्ं॒शो वा इ॒त-स्स्व॒र्गो लो॒कः । प्रस्व॒र्गं-लोँ॒कमा᳚प्नोति ॥ 28 ॥
अ॒सावा॑दि॒त्य ए॑कवि॒ग्ं॒शः । अ॒मुमे॒वा-दि॒त्यमा᳚प्नोति ॥ श॒त-न्द॑दाति । श॒तायुः॒ पुरु॑ष-श्श॒तेन्द्रि॑यः । आयु॑ष्ये॒वेन्द्रि॒ये प्रति॑तिष्ठति ॥ स॒हस्र॑-न्ददाति ।
स॒हस्र॑ सम्मित-स्स्व॒र्गो लो॒कः ।
स्व॒र्गस्य॑ लो॒कस्या॒-भिजि॑त्यै ॥ अ॒न्वि॒ष्ट॒क-न्दक्षि॑णा ददाति । सर्वा॑णि॒ वयाग्ं॑सि ॥ 29 ॥
सर्व॒स्याप्त्यै᳚ । सर्व॒स्या-व॑रुद्ध्यै ॥ यदि॒ न वि॒न्देत॑ । म॒न्थाने॑ताव॒तो द॑द्यादोद॒नान्. वा᳚ । अ॒श्नु॒ते त-ङ्काम᳚म् । यस्मै॒ कामा॑या॒-ग्निश्ची॒यते᳚ ॥ प॒ष्ठौ॒ही-न्त्व॒न्तर्व॑ती-न्दद्यात् ।
सा हि सर्वा॑णि॒ वयाग्ं॑सि । सर्व॒स्याप्त्यै᳚ । सर्व॒स्या-व॑रुद्ध्यै ॥ 30 ॥
हिर॑ण्य-न्ददाति । हिर॑ण्य-ज्योतिरे॒व स्व॒र्गं-लोँ॒कमे॑ति ॥ वासो॑ ददाति । तेनायुः॒ प्रति॑रते ॥ वे॒दि॒तृ॒ती॒ये य॑जेत । त्रिष॑त्या॒ हि दे॒वाः ।
स स॑त्यम॒ग्नि-ञ्चि॑नुते ॥ तदे॒त-त्प॑शुब॒न्धे ब्राह्म॑ण-म्ब्रूयात् । नेत॑रेषु य॒ज्ञेषु॑ ॥
यो ह॒ वै चतु॑र्होतॄ-ननुसव॒न-न्त॑र्पयित॒व्यान्॑. वेद॑ ॥ 31 ॥
तृप्य॑ति प्र॒जया॑ प॒शुभिः॑ ।
उपै॑नग्ं सोमपी॒थो न॑मति ।
ए॒ते वै चतु॑र्होतारो ऽनुसव॒न-न्त॑र्पयित॒व्याः᳚ । ये ब्रा᳚ह्म॒णा ब॑हु॒विदः॑ ।
तेभ्यो॒ यद्दक्षि॑णा॒ न नये᳚त् । दुरि॑ष्टग्ग् स्यात् । अ॒ग्निम॑स्य वृञ्जीरन्न् ।
तेभ्यो॑ यथा श्र॒द्ध-न्द॑द्यात् । स्वि॑ष्टमे॒वैतत्क्रि॑यते ।
नास्या॒ग्निं-वृँ॑ञ्जते ॥ 32 ॥
हि॒र॒ण्ये॒ष्ट॒को भ॑वति । याव॑दुत्त॒म-म॑ङ्गुलि-का॒ण्डं-यँ॑ज्ञ प॒रुषा॒ सम्मि॑तम् ।
तेजो॒ हिर॑ण्यम् ॥ यदि॒ हिर॑ण्य॒-न्न वि॒न्देत् । शर्क॑रा अ॒क्ता उप॑दद्ध्यात् । तेजो॑ घृ॒तम् । सते॑जसमे॒-वाग्नि-ञ्चि॑नुते ॥ अ॒ग्निञ्चि॒त्वा सौ᳚त्राम॒ण्या य॑जेत मैत्रावरु॒ण्या वा᳚ ।
वी॒र्ये॑ण॒ वा ए॒ष व्यृ॑द्ध्यते ।
यो᳚-ऽग्निञ्चि॑नु॒ते ॥ 33 ॥
याव॑दे॒व वी॒र्य᳚म् । तद॑स्मि-न्दधाति ॥
ब्रह्म॑ण॒-स्सायु॑ज्यग्ं सलो॒कता॑-माप्नोति ।
ए॒तासा॑मे॒व दे॒वता॑ना॒ग्ं॒ सायु॑ज्यम् ।
सा॒र्ष्टिताग्ं॑ समान लो॒कता॑-माप्नोति । य ए॒तम॒ग्नि-ञ्चि॑नु॒ते । य उ॑चैनमे॒वं-वेँद॑ ॥ ए॒तदे॒व सा॑वि॒त्रे ब्राह्म॑णम् ।
अथो॑ नाचिके॒ते ॥ 34 ॥
(होता॒ चतु॑र्होतॄणाग् - स्रु॒ति - श्च॑कार - वा - भवन्त्य - ग्निष्टो॒मेना᳚ - प्नोति॒ - वयाग्ं॑सि॒ - वयाग्ं॑सि॒ - सर्व॒स्याप्त्यै॒ सर्व॒स्याव॑रुद्ध्यै॒ - वेद॑ - वृञ्जते - चिनु॒ते - +नव॑ च) (अ. 5)
अनुवाकं 6 - वैश्वसृजचयनम्
यच्चा॒मृतं॒-यँच्च मर्त्य᳚म् । यच्च॒ प्राणि॑ति॒ यच्च॒ न । सर्वा॒स्ता इष्ट॑काः कृ॒त्वा ।
उप॑ काम॒दुघा॑ दधे । तेनर्षि॑णा॒ तेन॒ ब्रह्म॑णा । तया॑ दे॒वत॑या-ऽङ्गिर॒स्व-द्ध्रु॒वा सी॑द ॥ सर्वा॒-स्स्त्रिय॒-स्सर्वा᳚-न्पु॒ग्ं॒सः । सर्व॒-न्न स्त्री॑-पुमञ्च॒ यत् ।
सर्वा॒स्ताः ॥ याव॑न्तः पा॒ग्ं॒सवो॒ भूमेः᳚ ॥ 35 ॥
सङ्ख्या॑ता देवमा॒यया᳚ । सर्वा॒स्ताः ॥ याव॑न्त॒ ऊषाः᳚ पशू॒नाम् । पृ॒थि॒व्या-म्पुष्टि॑ र्हि॒ताः । सर्वा॒स्ताः ॥ याव॑ती॒-स्सिक॑ता॒-स्सर्वाः᳚ ।
अ॒फ्स्व॑न्तश्च॒ या-श्श्रि॒ताः । सर्वा॒स्ताः ॥ याव॑ती॒-श्शर्क॑रा॒ धृत्यै᳚ । अ॒स्या-म्पृ॑थि॒व्यामधि॑ ॥ 36 ॥
सर्वा॒स्ताः ॥ याव॒न्तो-ऽश्मा॑नो॒-ऽस्या-म्पृ॑थि॒व्याम् । प्र॒ति॒ष्ठासु॒ प्रति॑ष्ठिताः । सर्वा॒स्ताः ॥ याव॑ती र्वी॒रुध॒-स्सर्वाः᳚ ।
विष्ठि॑ताः पृथि॒वीमनु॑ । सर्वा॒स्ताः ॥ याव॑ती॒रोष॑धी॒-स्सर्वाः᳚ ।
विष्ठि॑ताः पृथि॒वीमनु॑ । सर्वा॒स्ताः ॥ 37 ॥
याव॑न्तो॒ वन॒स्पत॑यः । अ॒स्या-म्पृ॑थि॒व्यामधि॑ । सर्वा॒स्ताः ॥
याव॑न्तो ग्रा॒म्याः प॒शव॒-स्सर्वे᳚ । आ॒र॒ण्याश्च॒ ये । सर्वा॒स्ताः ॥ ये द्वि॒पाद॒-श्चतु॑ष्पादः । अ॒पाद॑ उदरस॒र्पिणः॑ ।
सर्वा॒स्ताः ॥ याव॒दाञ्ज॑-नमु॒च्यते᳚ ॥ 38 ॥
दे॒व॒त्रा यच्च॑ मानु॒षम् । सर्वा॒स्ताः ॥ याव॑त्कृ॒ष्णाय॑स॒ग्ं॒ सर्व᳚म् ।
दे॒व॒त्रा यच्च॑ मानु॒षम् । सर्वा॒स्ताः ॥
याव॑ ल्लो॒हाय॑स॒ग्ं॒ सर्व᳚म् ।
दे॒व॒त्रा यच्च॑ मानु॒षम् । सर्वा॒स्ताः ॥ सर्व॒ग्ं॒ सीस॒ग्ं॒ सर्व॒-न्त्रपु॑ ।
दे॒व॒त्रा यच्च॑ मानु॒षम् ॥ 39 ॥
सर्वा॒स्ताः ॥ सर्व॒ग्ं॒ हिर॑ण्यग्ं रज॒तम् । दे॒व॒त्रा यच्च॑ मानु॒षम् ।
सर्वा॒स्ताः ॥ सर्व॒ग्ं॒ सुव॑र्ण॒ग्ं॒ हरि॑तम् । दे॒व॒त्रा यच्च॑ मानु॒षम् ।
सर्वा॒स्ता इष्ट॑काः कृ॒त्वा । उप॑काम॒दुघा॑ दधे । तेनर्षि॑णा॒ तेन॒ ब्रह्म॑णा ।
तया॑ दे॒वत॑या-ऽङ्गिर॒स्व-द्ध्रु॒वा सी॑द ॥ 40 ॥
[भूमे॒ - रधि॒ - विष्ठि॑ताः पृथि॒वीमनु॒ सर्वा॒स्ता - उ॒च्यत॑ - मानु॒षग्ं - सी॑द ] (अ. 6)
(यच्च॒ स्त्रियः॑ पा॒ग्ं॒सव॒ ऊषा॒-स्सिक॑ता॒-श्शर्क॑रा॒ अश्मा॑नो वी॒रुध॒ ओष॑धी॒-र्वन॒स्पत॑यो ग्रा॒म्या ये द्वि॒पादो॒ याव॒दाञ्ज॑नं॒-याँव॑-त्कृ॒ष्णाय॑सं
ँलो॒हाय॑स॒ग्ं॒ सीस॒ग्ं॒ हिर॑ण्य॒ग्ं॒ सुव॑र्ण॒ग्ं॒ हरि॑तम॒ष्टाद॑श)
अनुवाकं 7 - वैश्वसृजचयनम्
सर्वा॒ दिशो॑ दि॒क्षु । यच्चा॒न्त र्भू॒त-म्प्रति॑ष्ठितम् । सर्वा॒स्ता इष्ट॑काः कृ॒त्वा ।
उप॑ काम॒दुघा॑ दधे ।
तेनर्षि॑णा॒ तेन॒ ब्रह्म॑णा ।
तया॑ दे॒वत॑या-ऽङ्गिर॒स्व-द्ध्रु॒वा सी॑द ॥
अ॒न्तरि॑क्षञ्च॒ केव॑लम् ।
यच्चा॒स्मि-न्न॑न्त॒राहि॑तम् ।
सर्वा॒स्ताः ॥ आ॒न्त॒रि॒क्ष्य॑श्च॒ याः प्र॒जाः ॥ 41 ॥
ग॒न्ध॒र्वा॒-फ्स॒रस॑श्च॒ ये । सर्वा॒स्ताः ॥ सर्वा॑-नुदा॒रान्-थ्स॒लिलान्॑ ।
अ॒न्तरि॑क्षे॒ प्रति॑ष्ठितान् । सर्वा॒स्ताः ॥
सर्वा॑-नुदा॒रान्-थ्स॑लि॒लान् ।
स्था॒व॒राः प्रो॒ष्या᳚श्च॒ ये । सर्वा॒स्ताः ॥ सर्वा॒-न्धुनि॒ग्ं॒ सर्वा᳚न्-ध्व॒ग्ं॒सान् ।
हि॒मो यच्च॑ शी॒यते᳚ ॥ 42 ॥
सर्वा॒स्ताः ॥ सर्वा॒-न्मरी॑ची॒न्॒. वित॑तान् । नी॒हा॒रो यच्च॑ शी॒यते᳚ । सर्वा॒स्ताः ॥ सर्वा॑ वि॒द्युत॒-स्सर्वा᳚न्-थ्स्तनयि॒त्नून् । ह्रा॒दुनी॒ र्यच्च॑ शी॒यते᳚ । सर्वा॒स्ताः ॥ सर्वा॒-स्स्रव॑न्ती-स्स॒रितः॑ ।
सर्व॑मफ्सु च॒रञ्च॒ यत् । सर्वा॒स्ताः ॥ 43 ॥
याश्च॒ कूप्या॒ याश्च॑ ना॒द्या᳚-स्समु॒द्रियाः᳚ । याश्च॑ वैश॒न्तीरु॒त प्रा॑स॒चीर्याः ।
सर्वा॒स्ताः ॥ ये चो॒त्तिष्ठ॑न्ति जी॒मूताः᳚ ।
याश्च॒ वर्ष॑न्ति वृ॒ष्टयः॑ । सर्वा॒स्ताः ॥ तप॒स्तेज॑ आका॒शम् । यच्चा॑का॒शे प्रति॑ष्ठितम् ।
सर्वा॒स्ताः ॥ वा॒युं-वँयाग्ं॑सि॒ सर्वा॑णि ॥ 44 ॥
अ॒न्त॒रि॒क्ष॒च॒रञ्च॒ यत् । सर्वा॒स्ताः ॥ अ॒ग्निग्ं सूर्य॑-ञ्च॒न्द्रम् । मि॒त्रं-वँरु॑ण॒-म्भग᳚म् । सर्वा॒स्ताः ॥ स॒त्यग्ग् श्र॒द्धा-न्तपो॒ दम᳚म् ।
नाम॑ रू॒पञ्च॑ भू॒ताना᳚म् । सर्वा॒स्ता इष्ट॑काः कृ॒त्वा । उप॑ काम॒दुघा॑ दधे । तेनर्षि॑णा॒ तेन॒ ब्रह्म॑णा ।
तया॑ दे॒वत॑या-ऽङ्गिर॒स्व-द्ध्रु॒वा सी॑द ॥ 45 ॥
(प्र॒जा-हि॒मो यच्च॑ शी॒यते॒-सर्वा॒स्ताः-सर्वा॑णि॒-ब्रह्म॒णैक॑-ञ्च) (अ. 7)
(दिशो॒-ऽन्तरि॑क्षमान्तरि॒क्ष्य॑ उदा॒रानु॑दा॒रा-न्धुनि॒-म्मरी॑चीन्. वि॒द्युतः॒
स्रव॑न्ती॒र्याश्च॒ ये च॒ तपो॑ वा॒युम॒ग्निग्ं स॒त्य-म्पञ्च॑दश)
अनुवाकं 8 - वैश्वसृजचयनम्
सर्वा॒-न्दिव॒ग्ं॒ सर्वा᳚-न्दे॒वा-न्दि॒वि ।
यच्चा॒न्त र्भू॒त-म्प्रति॑ष्ठितम् ।
सर्वा॒स्ता इष्ट॑काः कृ॒त्वा । उप॑ काम॒दुघा॑ दधे । तेनर्षि॑णा॒ तेन॒ ब्रह्म॑णा ।
तया॑ दे॒वत॑या-ऽङ्गिर॒स्वद-ध्रु॒वा सी॑द ॥ याव॑ती॒ स्तार॑का॒-स्सर्वाः᳚ ।
वित॑ता रोच॒ने दि॒वि । सर्वा॒स्ताः ॥ ऋचो॒ यजूग्ं॑षि॒ सामा॑नि ॥ 46 ॥
अ॒थ॒र्वा॒ङ्गि॒रस॑श्च॒ ये । सर्वा॒स्ताः ॥ इ॒ति॒हा॒स॒पु॒रा॒णञ्च॑ ।
स॒र्प॒दे॒व॒ज॒नाश्च॒ ये । सर्वा॒स्ताः ॥
ये च॑ लो॒का ये चा॑लो॒काः ।
अ॒न्त र्भू॒त-म्प्रति॑ष्ठितम् । सर्वा॒स्ताः ॥
यच्च॒ ब्रह्म॒ यच्चा᳚ब्र॒ह्म ।
अ॒न्त र्ब्र॒ह्म-न्प्रति॑ष्ठितम् ॥ 47 ॥
सर्वा॒स्ताः ॥ अ॒हो॒रा॒त्राणि॒ सर्वा॑णि । अ॒द्र्ध॒मा॒साग्श्च॒ केव॑लान् ।
सर्वा॒स्ताः ॥ सर्वा॑नृ॒तून्-थ्सर्वा᳚-न्मा॒सान् । सं॒वँ॒थ्स॒रञ्च॒ केव॑लम् ।
सर्वा॒स्ताः ॥ सर्व॒-म्भूत॒ग्ं॒ सर्व॒-म्भव्य᳚म् । यच्चा॒तो-ऽधि॑ भवि॒ष्यति॑ ।
सर्वा॒स्ता इष्ट॑काः कृ॒त्वा ।
उप॑ काम॒दुघा॑ दधे ।
तेनर्षि॑णा॒ तेन॒ ब्रह्म॑णा ।
तया॑ दे॒वत॑या-ऽङ्गिर॒स्व-द्ध्रु॒वा सी॑द ॥ 48 ॥
(सामा॑नि - ब्र॒ह्म-न्प्रति॑ष्ठितं - कृ॒त्वा त्रीणि॑ च) (अ. 8)
(दिव॒-न्तार॑का॒ ऋच॑ इतिहासपुरा॒ण-ञ्च॒ ये च॒ यच्चा॑होरा॒त्राण्यृ॒तू-न्भूत॒-न्नव॑)
अनुवाकं 9 - ब्रह्मा सदस्यासीनो वौश्वसृजान् व्याचष्टे
ऋ॒चा-म्प्राची॑ मह॒ती दिगु॑च्यते ।
दक्षि॑णा-माहु॒ र्यजु॑षामपा॒राम् ।
अथ॑र्वणा॒-मग्ंइ॑रसा-म्प्र॒तीची᳚ ।
साम्ना॒-मुदी॑ची मह॒ती दिगु॑च्यते ॥
ऋ॒ग्भिः पू᳚र्वा॒ह्णे दि॒वि दे॒व ई॑यते ।
य॒जु॒र्वे॒दे ति॑ष्ठति॒ मद्ध्ये॒ अह्नः॑ ।
सा॒म॒वे॒दे-ना᳚स्तम॒ये मही॑यते ।
वेदै॒-रशू᳚न्य-स्त्रि॒भिरे॑ति॒ सूर्यः॑ ॥
ऋ॒ग्भ्यो जा॒ताग्ं स॑र्व॒शो मूर्ति॑-माहुः ।
सर्वा॒ गति॑ र्याजु॒षी है॒व शश्व॑त् ॥ 49 ॥
सर्व॒-न्तेज॑ स्सामरू॒प्यग्ं ह॑ शश्वत् । सर्वग्ं॑ हे॒द-म्ब्रह्म॑णा है॒व सृ॒ष्टम् ॥
ऋ॒ग्भ्यो जा॒तं-वैँश्यं॒-वँर्ण॑-माहुः । य॒जु॒र्वे॒द-ङ्क्ष॑त्रि॒यस्या॑-हु॒र्योनि᳚म् ।
सा॒म॒वे॒दो ब्रा᳚ह्म॒णाना॒-म्प्रसू॑तिः ।
पूर्वे॒ पूर्वे᳚भ्यो॒ वच॑ ए॒त-दू॑चुः ॥
आ॒द॒र्॒श-म॒ग्नि-ञ्चि॑न्वा॒नाः ।
पूर्वे॑ विश्व॒ सृजो॒-ऽमृताः᳚ ।
श॒तं-वँ॑र्ष सह॒स्राणि॑ । दी॒क्षि॒ता-स्स॒त्र-मा॑सत ॥ 50 ॥
तप॑ आसी-द्गृ॒हप॑तिः । ब्रह्म॑ ब्र॒ह्माभ॑व-थ्स्व॒यम् । स॒त्यग्ं ह॒ हो तै॑षा॒मासी᳚त् ।
य-द्वि॑श्व॒सृज॒ आस॑त ॥
अ॒मृत॑-मेभ्य॒ उद॑गायत् ।
स॒हस्र॑-म्परिवथ्स॒रान् ।
भू॒तग्ं ह॑ प्रस्तो॒ तैषा॒मासी᳚त् ।
भ॒वि॒ष्य-त्प्रति॑ चाहरत् ॥
प्रा॒णो अ॑द्ध्व॒र्यु-र॑भवत् ।
इ॒दग्ं सर्व॒ग्ं॒ सिषा॑सताम् ॥ 51 ॥
अ॒पा॒नो वि॒द्वा-ना॒वृतः॑ । प्रति॒ प्राति॑ष्ठ-दद्ध्व॒रे ॥ आ॒र्त॒वा उ॑पगा॒तारः॑ । स॒द॒स्या॑ ऋ॒तवो॑-ऽभवन्न् । अ॒र्ध॒मा॒साश्च॒ मासा᳚श्च । च॒म॒सा॒-द्ध्व॒र्य॒वो-ऽभ॑वन्न् ॥
अशग्ं॑ स॒-द्ब्रह्म॑ण॒-स्तेजः॑ ।
अ॒च्छा॒वा॒को ऽभ॑व॒-द्यशः॑ ।
ऋ॒त-मे॑षा-म्प्रशा॒स्ता-ऽऽसी᳚त् ।
य-द्वि॑श्व॒ सृज॒ आस॑त ॥ 52 ॥
ऊर्ग्-राजा॑न॒-मुद॑वहत् । ध्रु॒व॒ गो॒प-स्सहो॑-ऽभवत् । ओजो॒-ऽभ्य॑ष्टौ॒-द्ग्राव्.ण्णः॑ ।
य-द्वि॑श्व॒ सृज॒ आस॑त ॥
अप॑चितिः पो॒त्रीया॑-मयजत् । ने॒ष्ट्रीया॑-मयज॒-त्त्विषिः॑ । आग्नी᳚द्ध्रा-द्वि॒दुषी॑ स॒त्यम् । श्र॒द्धा है॒वा य॑ज-थ्स्व॒यम् ॥ इरा॒ पत्नी॑ विश्व॒ सृजा᳚म् । आकू॑ति-रपिनड्ढ॒विः ॥ 53 ॥
इ॒द्ध्मग्ं ह॒ क्षुच् चै᳚भ्य उ॒ग्रे । तृ॒ष्णा चा व॑हतामु॒भे ॥ वागे॑षाग्ं सुब्रह्म॒ण्या-ऽऽसी᳚त् । छ॒न्दो॒ यो॒गान्. वि॑जान॒ती ।
क॒ल्प॒त॒न्त्राणि॑ तन्वा॒ना-ऽहः॑ । स॒ग्ग्॒स्थाश्च॑ सर्व॒शः ॥ अ॒हो॒रा॒त्रे प॑शुपा॒ल्यौ । मु॒हू॒र्ताः प्रे॒ष्या॑ अभवन्न् । मृ॒त्युस् तद॑-भव-द्धा॒ता । श॒मि॒तो ग्रो वि॒शा-म्पतिः॑ ॥ 54 ॥
वि॒श्व॒सृजः॑ प्रथ॒मा-स्स॒त्र-मा॑सत । स॒हस्र॑ सम॒-म्प्रसु॑तेन॒ यन्तः॑ ।
ततो॑ ह जज्ञे॒ भुव॑नस्य गो॒पाः । हि॒र॒ण्मयः॑ श॒कुनि॒ र्ब्रह्म॒ नाम॑ ॥ येन॒ सूर्य॒-स्तप॑ति॒ तेज॑से॒-द्धः । पि॒ता पु॒त्रेण॑ पितृ॒मान्. योनि॑योनौ । नावे॑दवि-न्मनुते॒ त-म्बृ॒हन्त᳚म् । स॒र्वा॒नु॒भु-मा॒त्मानग्ं॑ सम्परा॒ये ॥
ए॒ष नि॒त्यो म॑हि॒मा ब्रा᳚ह्म॒णस्य॑ ।
न कर्म॑णा वर्धते॒ नो कनी॑यान् ॥ 55 ॥
तस्यै॒वात्मा प॑द॒वित्तं-विँ॑दित्वा ।
न कर्म॑णा लिप्यते॒ पाप॑केन ॥
पञ्च॑पञ्चा॒शत॑-स्त्रि॒वृतः॑ संवँथ्स॒राः ।
पञ्च॑पञ्चा॒शतः॑ पञ्चद॒शाः । पञ्च॑पञ्चा॒शतः॑ सप्तद॒शाः ।
पञ्च॑पञ्चा॒शत॑ एकवि॒ग्ं॒शाः ।
वि॒श्व॒सृजाग्ं॑ स॒हस्र॑ संवँथ्सरम् ॥
ए॒तेन॒ वै वि॑श्व॒सृज॑ इ॒दं-विँश्व॑-मसृजन्त । य-द्विश्व॒-मसृ॑जन्त । तस्मा᳚-द्विश्व॒सृजः॑ ॥
विश्व॑-मेना॒-ननु॒ प्रजा॑यते । ब्रह्म॑ण॒-स्सायु॑ज्यग्ं सलो॒कतां᳚-यँन्ति ।
ए॒तासा॑मे॒व दे॒वता॑ना॒ग्ं॒ सायु॑ज्यम् । सा॒र्ष्टिताग्ं॑ समान लो॒कतां᳚-यँन्ति ।
य ए॒त-दु॑प॒यन्ति॑ । ये चै॑न॒-त्प्राहुः॑ ।
येभ्य॑-श्चैन॒-त्प्राहुः॑ ॥
ओम् ॥ 56 ॥
(शश्व॑ - दासत॒ - सिषा॑सता॒ - मास॑त - ह॒विष् - पतिः॒ - कनी॑या॒न् - तस्मा᳚-द्विश्व॒सृजो॒-ऽष्टौ च॑) (अ. 9)
(तुभ्यं॑ - दे॒वेभ्य॒ - स्तप॑सा - दे॒वेभ्यो॒ - ब्रह्म॒ वै चतु॑र्होतारो॒ - यच्चा॒मृत॒ग्ं॒ - सर्वा॒ दिशो॑ दि॒क्षु - सर्वा॒-न्दिव॑ - मृ॒चा-म्प्राची॒ नव॑)
(तुभ्यं॒ - तप॑सा॒ - ता वा ए॒ताः पञ्च॒ - हिर॑ण्य-न्ददाति॒ - सर्वा॒ दिश॒ - स्तप॑ आसीद्गृ॒हप॑ति॒-ष्षट्प॑ञ्चा॒शत्)
(तुभ्य॒-मों)
॥ हरिः॑ ओम् ॥
॥ तैत्तिरीय यजुर्ब्राह्मणे काठके तृतीय प्रश्न-स्समाप्तः ॥
॥ इति तैत्तिरीय यजुर्ब्राह्मणे काठकं समाप्तम् ॥
kṛṣṇa yajurvedīya taittirīya brāhmaṇe kāṭhake tṛtīyaḥ praśnaḥ - vaiśvasṛjacayanam
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
cāturhotracayanaṃ-vai~śvasṛjacayana-ñca
anuvākaṃ 1 - vaiśvasṛjacayanāṅgabhūtāḥ divaśśyenaya iṣṭayaḥ
tubhya॒-ntā a̭ṅgirastama॒ viśvā᳚-ssukṣi॒tayaḥ॒ pṛtha̭k | agne॒ kāmā̭ya yemire || a॒śyāma॒ ta-ṅkāma̭magne॒ tavo॒ tya̭śyāma̭ ra॒yigṃ ra̭yiva-ssu॒vīra᳚m | a॒śyāma॒ vāja̭ma॒bhi vā॒jaya̭nto॒ 'śyāma̭ dyu॒mnama̭jarā॒jara̭-nte || |
āśā̭nā-ntvā ''śāpā॒lebhyaḥ̭ | ca॒turbhyo̭ a॒mṛte᳚bhyaḥ | i॒da-mbhū॒tasyādhya̭kṣebhyaḥ | vi॒dhema̭ ha॒viṣā̭ va॒yam || viśvā॒ āśā॒ madhṷnā॒ sagṃsṛ̭jāmi | a॒na॒mī॒vā āpa॒ oṣa̭dhayo bhavantu | a॒yaṃ-ya~ja̭māno॒ mṛdho॒ vya̭syatāṃ agṛ̭bhītāḥ pa॒śavaḥ̭ santu॒ sarve᳚ || |
anṷ no॒-'dyā-'nṷmatirya॒jña-nde॒veṣṷ manyatām | a॒gniśca̭ havya॒vāha̭no॒ bhava̭tā-ndā॒śuṣe॒ mayaḥ̭ || anvida̭numate॒ tva-mmanyā̭sai॒ śañca̭naḥ kṛdhi | kratve॒ dakṣā̭ya no hinu॒ praṇa॒ āyūgṃ̭ṣi tāriṣaḥ || |
kāmo̭ bhū॒tasya॒ bhavya̭sya | sa॒mrāḍeko॒ virā̭jati | sa i॒da-mprati̭ paprathe | ṛ॒tūnu-thsṛ̭jate va॒śī || kāma॒stadagre॒ sama̭varta॒tādhi̭ | mana̭so॒ retaḥ̭ pratha॒maṃ-ya~dāsī᳚t | sa॒to bandhu॒masa̭ti॒ nira̭vindann | hṛ॒di pra॒tīṣyā̭ ka॒vayo̭ manī॒ṣā || |
brahma̭ jajñā॒na-mpra̭tha॒ma-mpu॒rastā॒dvi sī̭ma॒ta-ssu॒ruco̭ ve॒na ā̭vaḥ | sa bu॒dhniyā̭ upa॒mā a̭sya vi॒ṣṭhā-ssa॒taśca॒ yoni॒masa̭taśca॒ vivaḥ̭ || pi॒tā vi॒rājā̭mṛṣa॒bho ra̭yī॒ṇām | a॒ntari̭kṣaṃ-vi~॒śvarṷ̄pa॒ āvi̭veśa | tama॒rkai-ra॒bhya̭rcanti va॒thsam | brahma॒ santa॒-mbrahma̭ṇā va॒rdhaya̭ntaḥ || |
ya॒jño rā॒yo ya॒jña ī̭śe॒ vasṷ̄nām | ya॒jña-ssa॒syānā̭mu॒ta sṷkṣitī॒nām | ya॒jña i॒ṣṭaḥ pū॒rvaci̭tti-ndadhātu | ya॒jño bra̭hma॒ṇvāgṃ apyḙtu de॒vān || a॒yaṃ-ya~॒jño va̭rdhatā॒-ṅgobhi॒raśvaiḥ᳚ | i॒yaṃ-ve~diḥ̭ svapa॒tyā su॒vīrā᳚ | i॒da-mba॒r॒hirati̭ ba॒r॒hīgṣya॒nyā | i॒maṃ-ya~॒jñaṃ-vi~śvḙ avantu de॒vāḥ || | āpo̭ bha॒drā ghṛ॒tamidāpa̭ āsura॒gnī-ṣomaṷ bibhra॒tyāpa॒ i-ttāḥ | tī॒vro raso̭ madhu॒pṛcā̭ maraṅga॒ma ā mā᳚ prā॒ṇena̭ sa॒ha varca̭sā gann || ādi-tpa̭śyāmyu॒ta vā̭ śṛṇo॒myā mā॒ ghoṣo̭ gacchati॒ vānna̭ āsām | manyḙ bhejā॒no a॒mṛta̭sya॒ tarhi॒ hira̭ṇyavarṇā॒ atṛ̭paṃ-ya~॒dā vaḥ̭ || |
tubhya̭-mbharanti kṣi॒tayo̭ yaviṣṭha | ba॒lima̭gne॒ anti̭ ta॒ ota dū॒rāt | ā bhandi̭ṣṭhasya suma॒ti-ñci̭kiddhi | bṛ॒hattḙ agne॒ mahi॒ śarma̭ bha॒dram || yo de॒hyo ana̭mayadvadha॒snaiḥ | yo arya̭patnī-ru॒ṣasa̭śca॒kāra̭ | sa ni॒rudhyā॒ nahṷṣo ya॒hvo a॒gniḥ | viśa̭ścakre bali॒hṛta॒-ssaho̭bhiḥ || |
pūrva̭-ndevā॒ apa̭reṇā-nu॒paśya॒ñjanma̭bhiḥ | janmā॒nyava̭raiḥ॒ parā̭ṇi | vedā̭ni devā a॒yama॒smīti॒ mām | a॒hagṃ hi॒tvā śarī̭ra-ñja॒rasaḥ̭ pa॒rastā᳚t || prā॒ṇā॒pā॒nau cakṣu॒-śśrotra᳚m | vāca॒-mmana̭si॒ sambhṛ̭tām | hi॒tvā śarī̭ra-ñja॒rasaḥ̭ pa॒rastā᳚t | ā bhūti॒-mbhūtiṃ̭-va~॒yama̭śnavāmahai || |
ha॒vya॒vāha̭-mabhimāti॒ṣā-'ha᳚m | ra॒kṣo॒haṇa॒-mpṛta̭nāsu ji॒ṣṇum | jyoti̭ṣmanta॒-ndīdya̭ta॒-mpura̭ndhim | a॒gnigg svi̭ṣṭa॒kṛta॒mā hṷvema || svi̭ṣṭamagne a॒bhi ta-tpṛ̭ṇāhi | viśvā̭ deva॒ pṛta̭nā a॒bhiṣya | u॒ru-nnaḥ॒ panthā᳚-mpradi॒śanvi bhā̭hi | jyoti̭ṣmaddhehya॒jara̭-nna॒ āyuḥ̭ || || 1 ||
tubhya॒-ndaśa̭ (a. 1)
anuvākaṃ 2 - tāsā-mbrāhmaṇam
de॒vebhyo॒ vai sva॒rgo lo॒kasti॒ro̭-'bhavat |
te pra॒jāpa̭ti-mabruvann |
prajā̭pate sva॒rgo vai no̭ lo॒kasti॒ro̭-'bhūt | tamanvi॒ccheti̭ | taṃ-ya~̭jñakra॒tubhi॒-ranvai᳚cchat | taṃ-ya~̭jñakra॒tubhi॒-rnānva̭vindat |
tamiṣṭi̭bhi॒-ranvai᳚cchat | tamiṣṭi̭bhi॒-ranva̭vindat |
tadiṣṭī̭nā-miṣṭi॒tvam | eṣṭa̭yo ha॒vai nāma̭ |
tā iṣṭa̭ya॒ ityāca̭kṣate pa॒rokṣḙṇa | pa॒rokṣa̭ priyā iva॒ hi de॒vāḥ || 2 ||
tamāśā᳚-'bravīt | prajā̭pata ā॒śayā॒ vai śrā᳚myasi |
a॒hamu॒ vā āśā᳚-'smi | mā-nnu ya̭jasva |
atha̭ te sa॒tyā-''śā̭ bhaviṣyati | anṷ sva॒rgaṃ-lo~॒kaṃ-ve~॒thsyasīti̭ | sa e॒tama॒gnaye॒ kāmā̭ya puro॒ḍāśa̭-ma॒ṣṭāka̭pāla॒-nnira̭vapat |
ā॒śāyai̭ ca॒rum | anṷmatyai ca॒rum | tato॒ vai tasya̭ sa॒tyā-''śā̭ 'bhavat | anṷ sva॒rgaṃ-lo~॒ka-ma̭vindat | sa॒tyā ha॒ vā a॒syāśā̭ bhavati |
anṷ sva॒rgaṃ-lo~॒kaṃ-vi~̭ndati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ || so-'tra̭ juhoti | a॒gnaye॒ kāmā̭ya॒ svāhā॒-''śāyai॒ svāhā᳚ | anṷmatyai॒ svāhā᳚ pra॒jāpa̭taye॒ svāhā᳚ |
sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 3 ||
ta-ṅkāmo᳚-'bravīt | prajā̭pate॒ kāmḙna॒ vai śrā᳚myasi | a॒hamu॒vai kāmo᳚-'smi | mā-nnu ya̭jasva | atha̭ te sa॒tyaḥ kāmo̭ bhaviṣyati | anṷ sva॒rgaṃ-lo~॒kaṃ-ve~॒thsyasīti̭ | sa e॒tama॒gnaye॒ kāmā̭ya puro॒ḍāśa̭-ma॒ṣṭāka̭pāla॒-nnira̭vapat | kāmā̭ya ca॒rum | anṷmatyai ca॒rum |
tato॒ vai tasya̭ sa॒tyaḥ kāmo̭-'bhavat |
anṷ sva॒rgaṃ-lo~॒kama̭vindat |
sa॒tyo ha॒ vā a̭sya॒ kāmo̭ bhavati |
anṷ sva॒rgaṃ-lo~॒kaṃ-vi~̭ndati |
ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
a॒gnaye॒ kāmā̭ya॒ svāhā॒ kāmā̭ya॒ svāhā᳚ |
anṷmatyai॒ svāhā᳚ pra॒jāpa̭taye॒ svāhā᳚ |
sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 4 ||
ta-mbrahmā᳚-'bravīt | prajā̭pate॒ brahma̭ṇā॒ vaiśrā᳚myasi | a॒hamu॒ vai brahmā᳚-'smi |
mā-nnu ya̭jasva | atha̭ te brahma॒ṇvān. ya॒jño bha̭viṣyati | anṷ sva॒rgaṃ-lo~॒kaṃ-ve~॒thsyasīti̭ | sa e॒tama॒gnaye॒ kāmā̭ya puro॒ḍāśa̭-ma॒ṣṭāka̭pāla॒-nnira̭vapat | brahma̭ṇe ca॒rum | anṷmatyai ca॒rum | tato॒ vai tasya̭ brahma॒ṇvān. ya॒jño̭-'bhavat | anṷ sva॒rgaṃ-lo~॒kama̭vindat | bra॒hma॒ṇvān. ha॒ vā a̭sya ya॒jño bha̭vati |
anṷ sva॒rgaṃ-lo~॒kaṃ-vi~̭ndati | ya e॒tena̭ ha॒viṣā॒ yaja̭te | ya ṷcainade॒vaṃ-ve~da̭ | so-'tra̭ juhoti | a॒gnaye॒ kāmā̭ya॒ svāhā॒ brahma̭ṇe॒ svāhā᳚ | anṷmatyai॒ svāhā᳚ pra॒jāpa̭taye॒ svāhā᳚ | sva॒rgāya̭ lo॒kāya॒ svāhā॒ 'gnaye᳚ sviṣṭa॒kṛte॒ svāheti̭ || 5 ||
taṃ-ya~॒jño᳚-'bravīt | prajā̭pate ya॒jñena॒ vai śrā᳚myasi | a॒hamu॒ vai ya॒jño᳚-'smi |
mā-nnu ya̭jasva | atha̭ te sa॒tyo ya॒jño bha̭vaṣyati | anṷ sva॒rgaṃ-lo~॒kaṃ-ve~॒thsyasīti̭ |
sa e॒tama॒gnaye॒ kāmā̭ya puro॒ḍāśa̭-ma॒ṣṭāka̭pāla॒-nnira̭vapat | ya॒jñāya̭ ca॒rum | anṷmatyai ca॒rum | tato॒ vai tasya̭ sa॒tyo ya॒jño̭-'bhavat | anṷ sva॒rgaṃ-lo~॒kama̭vindat | sa॒tyo ha॒ vā a̭sya ya॒jño bha̭vati |
anṷ sva॒rgaṃ-lo~॒kaṃ-vi~̭ndati |
ya e॒tena̭ ha॒viṣā॒ yaja̭te |
ya ṷcainade॒vaṃ-ve~da̭ | so-'tra̭ juhoti |
a॒gnaye॒ kāmā̭ya॒ svāhā̭ ya॒jñāya॒ svāhā᳚ |
anṷmatyai॒ svāhā᳚ pra॒jāpa̭taye॒ svāhā᳚ |
sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 6 ||
tamāpo᳚-'bruvann | prajā̭pate॒-'phsu vai sarve॒ kāmā᳚-śśri॒tāḥ | va॒yamu॒ vā āpa̭ssmaḥ | a॒smānnu ya̭jasva | atha॒ tvayi॒ sarve॒ kāmā᳚-śśrayiṣyante | anṷ sva॒rgaṃ-lo~॒kaṃ-ve~॒thsyasīti̭ |
sa e॒tama॒gnaye॒ kāmā̭ya puro॒ḍāśa̭-ma॒ṣṭāka̭pāla॒-nnira̭vapat | a॒dbhyaśca॒rum |
anṷmatyai ca॒rum | tato॒ vai tasmi॒n-thsarve॒ kāmā̭ aśrayanta | anṷ sva॒rgaṃ-lo~॒kama̭vindat | sarvḙ ha॒ vā a̭smi॒n kāmā᳚-śśrayante | anṷ sva॒rgaṃ-lo~॒kaṃ-vi~̭ndati | ya e॒tena̭ ha॒viṣā॒ yaja̭te |
ya ṷcainade॒vaṃ-ve~da̭ | so-'tra̭ juhoti |
a॒gnaye॒ kāmā̭ya॒ svāhā॒ 'dbhya-ssvāhā᳚ |
anṷmatyai॒ svāhā᳚ pra॒jāpa̭taye॒ svāhā᳚ |
sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 7 ||
tama॒gni rba̭li॒māna̭bravīt |
prajā̭pate॒ 'gnaye॒ vai ba̭li॒mate॒ sarvā̭ṇi bhū॒tāni̭ ba॒ligṃ ha̭ranti | a॒hamu॒ vā a॒gni rba̭li॒māna̭smi | mā-nnu ya̭jasva |
atha̭ te॒ sarvā̭ṇi bhū॒tāni̭ ba॒ligṃ ha̭riṣyanti |
anṷ sva॒rgaṃ-lo~॒kaṃ-ve~॒thsyasīti̭ |
sa e॒tama॒gnaye॒ kāmā̭ya puro॒ḍāśa̭-ma॒ṣṭāka̭pāla॒-nnira̭vapat | a॒gnayḙ bali॒matḙ ca॒rum | anṷmatyai ca॒rum | tato॒ vai tasmai॒ sarvā̭ṇi bhū॒tāni̭ ba॒li-ma̭harann | anṷ sva॒rgaṃ-lo~॒kama̭vindat | sarvā̭ṇi ha॒ vā a̭smai bhū॒tāni̭ ba॒ligṃ ha̭ranti | anṷ sva॒rgaṃ-lo~॒kaṃ-vi~̭ndati | ya e॒tena̭ ha॒viṣā॒ yaja̭te |
ya ṷcainade॒vaṃ-ve~da̭ | so-'tra̭ juhoti |
a॒gnaye॒ kāmā̭ya॒ svāhā॒ 'gnayḙ bali॒mate॒ svāhā᳚ | anṷmatyai॒ svāhā᳚ pra॒jāpa̭taye॒ svāhā᳚ |
sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 8 ||
tamanṷvittira-bravīt | prajā̭pate sva॒rgaṃ-vai~ lo॒kamanṷ-vivithsasi | a॒hamu॒ vā anṷvittirasmi | mā-nnu ya̭jasva | atha̭ te sa॒tyā 'nṷvitti-rbhaviṣyati | anṷ sva॒rgaṃ-lo~॒kaṃ-ve~॒thsyasīti̭ |
sa e॒tama॒gnaye॒ kāmā̭ya puro॒ḍāśa̭-ma॒ṣṭāka̭pāla॒-nnira̭vapat |
anṷvittyai ca॒rum | anṷmatyai ca॒rum |
tato॒ vai tasya̭ sa॒tyā 'nṷvittirabhavat |
anṷ sva॒rgaṃ-lo~॒ka-ma̭vindat |
sa॒tyā ha॒ vā a॒syānṷvitti-rbhavati |
anṷ sva॒rgaṃ-lo~॒kaṃ-vi~̭ndati |
ya e॒tena̭ ha॒viṣā॒ yaja̭te |
ya ṷcainade॒vaṃ-ve~da̭ | so-'tra̭ juhoti |
a॒gnaye॒ kāmā̭ya॒ svāhā-'nṷvittyai॒ svāhā᳚ |
anṷmatyai॒ svāhā᳚ pra॒jāpa̭taye॒ svāhā᳚ |
sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 9 ||
tā vā e॒tā-ssa॒pta sva॒rgasya̭ lo॒kasya॒ dvāraḥ̭ |
di॒va-śśyḙna॒yo 'nṷvittayo॒ nāma̭ |
āśā᳚ pratha॒māgṃ ra̭kṣati |
kāmo᳚ dvi॒tīyā᳚m | brahma̭ tṛ॒tīyā᳚m | ya॒jñaśca̭tu॒rthīm | āpaḥ̭ pañca॒mīm |
a॒gni rba̭li॒mān-thṣa॒ṣṭhīm | anṷvitti-ssapta॒mīm |
anṷ ha॒ vai sva॒rgaṃ-lo~॒kaṃ-vi~̭ndati |
kā॒ma॒cāro᳚-'sya sva॒rge lo॒ke bha̭vati |
ya e॒tābhi॒-riṣṭi̭bhi॒-ryaja̭te |
ya ṷcainā e॒vaṃ-ve~da̭ | tāsva̭nvi॒ṣṭi | pa॒ṣṭhau॒hī॒ va॒rā-nda̭dyā-tka॒gṃ॒ sañca̭ |
striyai̭ cābhā॒ragṃ samṛ̭ddhyai || 10 ||
anuvākaṃ 3 - upāghā nāmeṣṭayaḥ
tapa̭sā de॒vā de॒vatā॒-magra̭ āyann | tapa॒sarṣa̭ya॒-ssva̭ranva̭vindann |
tapa̭sā sa॒patnā॒-npraṇṷdā॒mārā̭tīḥ |
yene॒daṃ-vi~śva॒-mpari̭bhūtaṃ॒-ya~dasti̭ ||
pra॒tha॒ma॒ja-nde॒vagṃ ha॒viṣā̭ vidhema | sva॒ya॒bhu-mbrahma̭ para॒ma-ntapo॒ yat |
sa e॒va pu॒tra-ssa pi॒tā sa mā॒tā |
tapo̭ ha ya॒kṣa-mpra̭tha॒magṃ samba̭bhūva ||
śra॒ddhayā dḙvo deva॒tva-ma̭śnute |
śra॒ddhā pra̭ti॒ṣṭhā lo॒kasya̭ de॒vī || 11 ||
sā no̭ juṣā॒ṇopa̭ ya॒jña-māgā᳚t |
kāma̭vathsā॒ 'mṛta॒-nduhā̭nā ||
śra॒ddhā de॒vī pra̭thama॒jā ṛ॒tasya̭ |
viśva̭sya bha॒rtrī jaga̭taḥ prati॒ṣṭhā |
tāg śra॒ddhāgṃ ha॒viṣā̭ yajāmahe |
sā no̭ lo॒ka-ma॒mṛta̭-ndadhātu |
īśā̭nā de॒vī bhuva̭na॒syādhi̭patnī || āgā᳚thsa॒tyagṃ ha॒viri॒da-ñjṷṣā॒ṇam |
yasmā᳚dde॒vā ja̭jñire॒ bhuva̭nañca॒ viśve᳚ |
tasmai̭ vidhema ha॒viṣā̭ ghṛ॒tena̭ || 12 ||
yathā̭ de॒vai-ssa̭dha॒māda̭-mmadema ||
yasya̭ prati॒ṣṭho-rva̭ntari̭kṣam |
yasmā᳚dde॒vā ja̭jñire॒ bhuva̭nañca॒ sarve᳚ |
tathsa॒tya-marca॒dupa̭ya॒jña-nna॒ āgā᳚t | brahmāhṷtī॒-rupa॒moda̭mānam ||
mana̭so॒ vaśe॒ sarva̭mi॒da-mba̭bhūva |
nānyasya॒ mano॒ vaśa॒manvi̭yāya |
bhī॒ṣmo hi de॒va-ssaha̭sa॒-ssahī̭yān |
sa no̭ juṣā॒ṇa upa̭ ya॒jñamāgā᳚t ||
ākṷ̄tīnā॒-madhi̭pati॒-ñceta̭sā-ñca || 13 ||
sa॒ṅka॒lpajṷ̄ti-nde॒vaṃ-vi~̭pa॒ścim |
mano॒ rājā̭nami॒ha va॒rdhaya̭ntaḥ |
u॒pa॒ha॒ve᳚ 'sya suma॒tau syā̭ma ||
cara̭ṇa-mpa॒vitraṃ॒-vi~ta̭ta-mpurā॒ṇam |
yena̭ pū॒tastara̭ti duṣkṛ॒tāni̭ |
tena̭ pa॒vitrḙṇa śu॒ddhena̭ pū॒tāḥ |
ati̭ pā॒pmāna॒-marā̭ti-ntarema ||
lo॒kasya॒ dvāra̭-marci॒ma-tpa॒vitra᳚m |
jyoti̭ṣma॒-dbhrāja̭māna॒-mmaha̭svat | a॒mṛta̭sya॒ dhārā̭ bahu॒dhā doha̭mānam |
cara̭ṇa-nno lo॒ke sudhi̭tā-ndadhātu ||
a॒gnirmū॒rdhā di॒vaḥ ka॒ku-tpatiḥ̭ pṛthi॒vyā a॒yam | a॒pāgṃ retāgṃ̭si jinvati || bhuvo̭ ya॒jñasya॒ raja̭saśca ne॒tā yatrā̭ ni॒yudbhi॒-ssaca̭se śi॒vābhiḥ̭ | di॒vi mū॒rdhāna̭-ndadhiṣe suva॒r॒ṣā-ñji॒hvāma̭gne cakṛṣe havya॒vāha᳚m || ||
anṷ no॒-'dyā-'nṷmatirya॒jña-nde॒veṣṷ manyatām | a॒gniśca̭ havya॒vāha̭no॒ bhava̭tā-ndā॒śuṣe॒ mayaḥ̭ || anvida̭numate॒ tva-mmanyā̭sai॒ śañca̭naḥ kṛdhi | kratve॒ dakṣā̭ya no hinu॒ praṇa॒ āyūgṃ̭ṣi tāriṣaḥ || ||
ha॒vya॒vāha̭-mabhimāti॒ṣā-'ha᳚m | ra॒kṣo॒haṇa॒-mpṛta̭nāsu ji॒ṣṇum | jyoti̭ṣmanta॒-ndīdya̭ta॒-mpura̭ndhim | a॒gnigg svi̭ṣṭa॒kṛta॒mā hṷvema || svi̭ṣṭamagne a॒bhi ta-tpṛ̭ṇāhi | viśvā̭ deva॒ pṛta̭nā a॒bhiṣya | u॒ru-nnaḥ॒ panthā᳚-mpradi॒śanvi bhā̭hi | jyoti̭ṣmaddhehya॒jara̭-nna॒ āyuḥ̭ || || 14 ||
(de॒vī - ghṛ॒tena॒ - ceta̭sā-ñca॒ - doha̭māna-ñca॒tvāri̭ ca) (a. 3)
anuvākaṃ 4 - tāsā-mbrāhmaṇam
de॒vebhyo॒ vai sva॒rgo lo॒kasti॒ro̭ 'bhavat |
te pra॒jāpa̭ti-mabruvann | prajā̭pate sva॒rgo
vai no̭ lo॒kasti॒ro̭-'bhūt | tamanvi॒ccheti̭ |
taṃ-ya~̭jñakra॒tubhi॒-ranvai᳚cchat |
taṃ-ya~̭jñakra॒tubhi॒ rnānva̭vindat |
tamiṣṭi̭bhi॒-ranvai᳚cchat | tamiṣṭi̭bhi॒-ranva̭vindat | tadiṣṭī̭nā-miṣṭi॒tvam | eṣṭa̭yo ha॒ vai nāma̭ | tā iṣṭa̭ya॒ ityā ca̭kṣate pa॒rokṣḙṇa |
pa॒rokṣa̭priyā iva॒ hi de॒vāḥ || 15 ||
ta-ntapo᳚-' bravīt | prajā̭pate॒ tapa̭sā॒ vai
śrā᳚myasi | a॒hamu॒ vai tapo᳚-' smi |
mā-nnu ya̭jasva |
atha̭ te sa॒tya-ntapo̭ bhaviṣyati |
anṷ sva॒rgaṃ-lo~॒kaṃ-ve~॒thsyasīti̭ |
sa e॒tamā᳚gne॒ya-ma॒ṣṭāka̭pāla॒-nnira̭vapat | tapa̭se ca॒rum | anṷmatyai ca॒rum |
tato॒ vai tasya̭ sa॒tya-ntapo̭ 'bhavat |
anṷ sva॒rgaṃ-lo~॒kama̭vindat |
sa॒tya gṃ ha॒ vā a̭sya॒ tapo̭ bhavati |
anṷ sva॒rgaṃ-lo~॒kaṃ-vi~̭ndati |
ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti | a॒gnaye॒ svāhā॒ tapa̭se॒ svāhā᳚ |
anṷmatyai॒ svāhā᳚ pra॒jāpa̭taye॒ svāhā᳚ |
sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 16 ||
tagg śra॒ddhā-'bra̭vīt | prajā̭pate śra॒ddhayā॒ vai śrā᳚myasi | a॒hamu॒ vai śra॒ddhā-'smi̭ | mā-nnu ya̭jasva | atha̭ te sa॒tyā śra॒ddhā bha̭viṣyati | anṷ sva॒rgaṃ-lo~॒kaṃ-ve~॒thsyasīti̭ |
sa e॒tamā᳚-'gne॒ya-ma॒ṣṭāka̭pāla॒-nnira̭vapat | śra॒ddhāyai̭ ca॒rum | anṷmatyai ca॒rum | tato॒ vai tasya̭ sa॒tyā śra॒ddhā-'bha̭vat |
anṷ sva॒rgaṃ-lo~॒kama̭vindat |
sa॒tyā ha॒ vā a̭sya śra॒ddhā bha̭vati |
anṷ sva॒rgaṃ-lo~॒kaṃ-vi~̭ndati |
ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti | a॒gnaye॒ svāhā᳚ śra॒ddhāyai॒ svāhā᳚ |
anṷmatyai॒ svāhā᳚ pra॒jāpa̭taye॒ svāhā᳚ |
sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 17 ||
tagṃ sa॒tya-ma̭bravīt | prajā̭pate sa॒tyena॒ vai śrā᳚myasi | a॒hamu॒ vai sa॒tyama̭smi | mā-nnu ya̭jasva | atha̭ te sa॒tyagṃ sa॒tya-mbha̭viṣyati | anṷ sva॒rgaṃ-lo~॒kaṃ-ve~॒thsyasīti̭ |
sa e॒tamā᳚-'gne॒ya-ma॒ṣṭāka̭pāla॒-nnira̭vapat | sa॒tyāya̭ ca॒rum | anṷmatyai ca॒rum |
tato॒ vai tasya̭ sa॒tyagṃ sa॒tyama̭bhavat |
anṷ sva॒rgaṃ-lo~॒kama̭vindat |
sa॒tyagṃ ha॒ vā a̭sya sa॒tya-mbha̭vati |
anṷ sva॒rgaṃ-lo~॒kaṃ-vi~̭ndati |
ya e॒tena̭ ha॒viṣā॒ yaja̭te |
ya ṷcainade॒vaṃ-ve~da̭ | so-'tra̭ juhoti |
a॒gnaye॒ svāhā̭ sa॒tyāya॒ svāhā᳚ |
anṷmatyai॒ svāhā᳚ pra॒jāpa̭taye॒ svāhā᳚ |
sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 18 ||
ta-mmano᳚-'bravīt | prajā̭pate॒ mana̭sā॒ vai śrā᳚myasi | a॒hamu॒ vai mano᳚-'smi |
mā-nnu ya̭jasva |
atha̭ te sa॒tya-mmano̭ bhaviṣyati |
anṷ sva॒rgaṃ-lo~॒kaṃ-ve~॒thsyasīti̭ |
sa e॒tamā᳚-'gne॒ya-ma॒ṣṭāka̭pāla॒-nnira̭vapat | mana̭se ca॒rum | anṷmatyai ca॒rum | tato॒ vai tasya̭ sa॒tya-mmano̭-'bhavat |
anṷ sva॒rgaṃ-lo~॒kama̭vindat | sa॒tyagṃ ha॒ vā a̭sya॒ mano̭ bhavati | anṷ sva॒rgaṃ-lo~॒kaṃ-vi~̭ndati | ya e॒tena̭ ha॒viṣā॒ yaja̭te |
ya ṷcaina de॒vaṃ-ve~da̭ | so-'tra̭ juhoti |
a॒gnaye॒ svāhā॒ mana̭se॒ svāhā᳚ |
anṷmatyai॒ svāhā᳚ pra॒jāpa̭taye॒ svāhā᳚ |
sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 19 ||
ta-ñcara̭ṇa-mabravīt | prajā̭pate॒ cara̭ṇena॒ vai śrā᳚myasi | a॒hamu॒ vai cara̭ṇamasmi | mā-nnu ya̭jasva | atha̭ te sa॒tya-ñcara̭ṇa-mbhaviṣyati | anṷ sva॒rgaṃ-lo~॒kaṃ-ve~॒thsyasīti̭ |
sa e॒tamā᳚-'gne॒ya-ma॒ṣṭāka̭pāla॒-nnira̭vapat | cara̭ṇāya ca॒rum | anṷmatyai ca॒rum | tato॒ vai tasya̭ sa॒tya-ñcara̭ṇamabhavat |
anṷ sva॒rgaṃ-lo~॒kama̭vindat |
sa॒tyagṃ ha॒ vā a̭sya॒ cara̭ṇa-mbhavati |
anṷsva॒rgaṃ-lo~॒kaṃ-vi~̭ndati |
ya e॒tena̭ ha॒viṣā॒ yaja̭te |
ya ṷcainade॒vaṃ-ve~da̭ | so-'tra̭ juhoti |
a॒gnaye॒ svāhā॒ cara̭ṇāya॒ svāhā᳚ |
anṷmatyai॒ svāhā᳚ pra॒jāpa̭taye॒ svāhā᳚ |
sva॒rgāya̭ lo॒kāya॒ svāhā॒-'gnaye᳚ sviṣṭa॒kṛte॒ svāheti̭ || 20 ||
tā vā e॒tāḥ pañca̭ sva॒rgasya̭ lo॒kasya॒ dvāraḥ̭ |
apā̭ghā॒ anṷvittayo॒ nāma̭ | tapaḥ̭ pratha॒māgṃ ra̭kṣati | śra॒ddhā dvi॒tīyā᳚m | sa॒tya-ntṛ॒tīyā᳚m |
mana̭ścatu॒rthīm | cara̭ṇa-mpañca॒mīm |
anṷ ha॒ vai sva॒rgaṃ-lo~॒kaṃ-vi~̭ndati |
kā॒ma॒cāro᳚-'sya sva॒rge lo॒ke bha̭vati |
ya e॒tābhi॒-riṣṭi̭bhi॒-ryaja̭te |
ya ṷcainā e॒vaṃ-ve~da̭ |
anuvākaṃ 5 - cāturhotracayanam
brahma॒ vai catṷrhotāraḥ | catṷrhotṛ॒bhyo-'dhi̭ ya॒jño nirmi̭taḥ | nainagṃ̭ śa॒ptam | nābhica̭rita॒-māga̭cchati | ya e॒vaṃ-ve~da̭ ||
yo ha॒ vai catṷrhotṛṇā-ñcaturhotṛ॒tvaṃ-ve~da̭ | atho॒ pañca̭ hotṛtvam |
sarvā̭ hāsmai॒ diśaḥ̭ kalpante |
vā॒caspati॒r॒ hotā॒ daśa̭hotṝṇām |
pṛ॒thi॒vī hotā॒ catṷrhotṝṇām || 22 ||
a॒gnir-hotā॒ pañca̭hotṝṇām | vāghotā॒ ṣaḍḍho̭tṝṇām |
ma॒hāha̭vi॒r॒ hotā̭ sa॒ptaho̭tṝṇām |
e॒tadvai catṷrhotṛṇā-ñcaturhotṛ॒tvam |
atho॒ pañca̭hotṛtvam | sarvā̭ hāsmai॒ diśaḥ̭ kalpante | ya e॒vaṃ-ve~da̭ ||
e॒ṣā vai sa̭rva vi॒dyā | e॒ta-dbhḙṣa॒jam |
e॒ṣā pa॒ṅkti-ssva॒rgasya̭ lo॒kasyā᳚-ñja॒sāya̭ni-ssru॒tiḥ || 23 ||
e॒tān. yo-'ddhyai-tyacha̭dirda॒r॒śe yāva̭tta॒rasa᳚m | sva̭reti | a॒na॒pa॒bra॒va-ssarva॒māyṷreti | vi॒ndate᳚ pra॒jām | rā॒yaspoṣa̭-ṅgaupa॒tyam |
bra॒hma॒va॒rca॒sī bha̭vati || e॒tān. yo-'ddhyaiti̭ | spṛ॒ṇotyā॒tmāna᳚m | pra॒jā-mpi॒tṝn ||
e॒tān. vā a̭ru॒ṇa aṷpave॒śi rvi॒dāñca̭kāra || 24 ||
e॒taira̭dhivā॒damapā̭jayat | atho॒ viśva̭-mpā॒pmāna᳚m | sva̭ryayau | e॒tān. yo-'ddhyaiti̭ | a॒dhi॒vā॒da-ñja̭yati | atho॒ viśva̭-mpā॒pmāna᳚m | sva̭reti || e॒taira॒gni-ñci̭nvīta sva॒rgakā̭maḥ |
e॒tairāyṷṣkāmaḥ | pra॒jā pa॒śukā̭mo vā || 25 ||
pu॒rastā॒-ddaśa̭hotāra॒-muda̭ñca॒-mupa̭dadhāti yāvatpa॒dam | hṛda̭yaṃ॒-ya~jṷṣī॒ patnyaṷ ca | da॒kṣi॒ṇa॒taḥ prāñca॒-ñcatṷrhotāram |
pa॒ścāduda̭ñca॒-mpañca̭ hotāram | u॒tta॒ra॒taḥ prāñca॒gṃ॒ ṣaḍḍho̭tāram |
u॒pari̭ṣṭā॒-tprāñcagṃ̭ sa॒ptaho̭tāram | hṛda̭yaṃ॒-ya~jūgṃ̭ṣi॒ patnya̭śca |
ya॒thā॒va॒kā॒śa-ṅgrahāṋ | ya॒thā॒va॒kā॒śa-mpra̭tigra॒hān ~lo̭ka-mpṛ॒ṇāśca̭ |
sarvā̭ hāsyai॒tā de॒vatāḥ᳚ prī॒tā a॒bhīṣṭā̭ bhavanti || 26 ||
sadḙvama॒gni-ñci̭nute ||
ra॒thasa̭minta-śceta॒vyaḥ̭ | vajro॒ vai rathaḥ̭ |
vajrḙṇai॒va pā॒pmāna॒-mbhrātṛ̭vyagg stṛṇute | pa॒kṣa-ssa̭minta-śceta॒vyaḥ̭ |
e॒tāvā॒n॒. vai rathaḥ̭ | yāva̭tpa॒kṣaḥ | ra॒thasa̭mintame॒va ci̭nute ||
i॒mame॒va lo॒ka-mpa̭śuba॒ndhenā॒bhija̭yati |
atho̭ agniṣṭo॒mena̭ || 27 ||
a॒ntari̭kṣa-mu॒kthyḙna | sva̭ratirā॒treṇa̭ | sarvā᳚n ~lo॒kāna̭hī॒nena̭ | atho̭ sa॒treṇa̭ || varo॒ dakṣi̭ṇā | varḙṇai॒va varagg̭ spṛṇoti |
ā॒tmā hi varaḥ̭ || eka̭vigṃśati॒ rdakṣi̭ṇā dadāti |
e॒ka॒vi॒gṃ॒śo vā i॒ta-ssva॒rgo lo॒kaḥ | prasva॒rgaṃ-lo~॒kamā᳚pnoti || 28 ||
a॒sāvā̭di॒tya ḙkavi॒gṃ॒śaḥ | a॒mume॒vā-di॒tyamā᳚pnoti || śa॒ta-nda̭dāti | śa॒tāyuḥ॒ purṷṣa-śśa॒tendri̭yaḥ | āyṷṣye॒vendri॒ye prati̭tiṣṭhati || sa॒hasra̭-ndadāti |
sa॒hasra̭ sammita-ssva॒rgo lo॒kaḥ |
sva॒rgasya̭ lo॒kasyā॒-bhiji̭tyai || a॒nvi॒ṣṭa॒ka-ndakṣi̭ṇā dadāti | sarvā̭ṇi॒ vayāgṃ̭si || 29 ||
sarva॒syāptyai᳚ | sarva॒syā-va̭ruddhyai || yadi॒ na vi॒ndeta̭ | ma॒nthānḙtāva॒to da̭dyādoda॒nān. vā᳚ | a॒śnu॒te ta-ṅkāma᳚m | yasmai॒ kāmā̭yā॒-gniścī॒yate᳚ || pa॒ṣṭhau॒hī-ntva॒ntarva̭tī-ndadyāt |
sā hi sarvā̭ṇi॒ vayāgṃ̭si | sarva॒syāptyai᳚ | sarva॒syā-va̭ruddhyai || 30 ||
hira̭ṇya-ndadāti | hira̭ṇya-jyotire॒va sva॒rgaṃ-lo~॒kamḙti || vāso̭ dadāti | tenāyuḥ॒ prati̭rate || ve॒di॒tṛ॒tī॒ye ya̭jeta | triṣa̭tyā॒ hi de॒vāḥ |
sa sa̭tyama॒gni-ñci̭nute || tade॒ta-tpa̭śuba॒ndhe brāhma̭ṇa-mbrūyāt | neta̭reṣu ya॒jñeṣṷ ||
yo ha॒ vai catṷrhotṝ-nanusava॒na-nta̭rpayita॒vyāṋ. veda̭ || 31 ||
tṛpya̭ti pra॒jayā̭ pa॒śubhiḥ̭ |
upai̭nagṃ somapī॒tho na̭mati |
e॒te vai catṷrhotāro 'nusava॒na-nta̭rpayita॒vyāḥ᳚ | ye brā᳚hma॒ṇā ba̭hu॒vidaḥ̭ |
tebhyo॒ yaddakṣi̭ṇā॒ na naye᳚t | duri̭ṣṭagg syāt | a॒gnima̭sya vṛñjīrann |
tebhyo̭ yathā śra॒ddha-nda̭dyāt | svi̭ṣṭame॒vaitatkri̭yate |
nāsyā॒gniṃ-vṛ~̭ñjate || 32 ||
hi॒ra॒ṇye॒ṣṭa॒ko bha̭vati | yāva̭dutta॒ma-ma̭ṅguli-kā॒ṇḍaṃ-ya~̭jña pa॒ruṣā॒ sammi̭tam |
tejo॒ hira̭ṇyam || yadi॒ hira̭ṇya॒-nna vi॒ndet | śarka̭rā a॒ktā upa̭daddhyāt | tejo̭ ghṛ॒tam | satḙjasame॒-vāgni-ñci̭nute || a॒gniñci॒tvā sau᳚trāma॒ṇyā ya̭jeta maitrāvaru॒ṇyā vā᳚ |
vī॒ryḙṇa॒ vā e॒ṣa vyṛ̭ddhyate |
yo᳚-'gniñci̭nu॒te || 33 ||
yāva̭de॒va vī॒rya᳚m | tada̭smi-ndadhāti ||
brahma̭ṇa॒-ssāyṷjyagṃ salo॒katā̭-māpnoti |
e॒tāsā̭me॒va de॒vatā̭nā॒gṃ॒ sāyṷjyam |
sā॒rṣṭitāgṃ̭ samāna lo॒katā̭-māpnoti | ya e॒tama॒gni-ñci̭nu॒te | ya ṷcainame॒vaṃ-ve~da̭ || e॒tade॒va sā̭vi॒tre brāhma̭ṇam |
atho̭ nācike॒te || 34 ||
(hotā॒ catṷrhotṝṇāg - sru॒ti - śca̭kāra - vā - bhavantya - gniṣṭo॒menā᳚ - pnoti॒ - vayāgṃ̭si॒ - vayāgṃ̭si॒ - sarva॒syāptyai॒ sarva॒syāva̭ruddhyai॒ - veda̭ - vṛñjate - cinu॒te - +nava̭ ca) (a. 5)
anuvākaṃ 6 - vaiśvasṛjacayanam
yaccā॒mṛtaṃ॒-ya~cca martya᳚m | yacca॒ prāṇi̭ti॒ yacca॒ na | sarvā॒stā iṣṭa̭kāḥ kṛ॒tvā |
upa̭ kāma॒dughā̭ dadhe | tenarṣi̭ṇā॒ tena॒ brahma̭ṇā | tayā̭ de॒vata̭yā-'ṅgira॒sva-ddhru॒vā sī̭da || sarvā॒-sstriya॒-ssarvā᳚-npu॒gṃ॒saḥ | sarva॒-nna strī̭-pumañca॒ yat |
sarvā॒stāḥ || yāva̭ntaḥ pā॒gṃ॒savo॒ bhūmeḥ᳚ || 35 ||
saṅkhyā̭tā devamā॒yayā᳚ | sarvā॒stāḥ || yāva̭nta॒ ūṣāḥ᳚ paśū॒nām | pṛ॒thi॒vyā-mpuṣṭi̭ rhi॒tāḥ | sarvā॒stāḥ || yāva̭tī॒-ssika̭tā॒-ssarvāḥ᳚ |
a॒phsva̭ntaśca॒ yā-śśri॒tāḥ | sarvā॒stāḥ || yāva̭tī॒-śśarka̭rā॒ dhṛtyai᳚ | a॒syā-mpṛ̭thi॒vyāmadhi̭ || 36 ||
sarvā॒stāḥ || yāva॒nto-'śmā̭no॒-'syā-mpṛ̭thi॒vyām | pra॒ti॒ṣṭhāsu॒ prati̭ṣṭhitāḥ | sarvā॒stāḥ || yāva̭tī rvī॒rudha॒-ssarvāḥ᳚ |
viṣṭhi̭tāḥ pṛthi॒vīmanṷ | sarvā॒stāḥ || yāva̭tī॒roṣa̭dhī॒-ssarvāḥ᳚ |
viṣṭhi̭tāḥ pṛthi॒vīmanṷ | sarvā॒stāḥ || 37 ||
yāva̭nto॒ vana॒spata̭yaḥ | a॒syā-mpṛ̭thi॒vyāmadhi̭ | sarvā॒stāḥ ||
yāva̭nto grā॒myāḥ pa॒śava॒-ssarve᳚ | ā॒ra॒ṇyāśca॒ ye | sarvā॒stāḥ || ye dvi॒pāda॒-ścatṷṣpādaḥ | a॒pāda̭ udarasa॒rpiṇaḥ̭ |
sarvā॒stāḥ || yāva॒dāñja̭-namu॒cyate᳚ || 38 ||
de॒va॒trā yacca̭ mānu॒ṣam | sarvā॒stāḥ || yāva̭tkṛ॒ṣṇāya̭sa॒gṃ॒ sarva᳚m |
de॒va॒trā yacca̭ mānu॒ṣam | sarvā॒stāḥ ||
yāva̭ llo॒hāya̭sa॒gṃ॒ sarva᳚m |
de॒va॒trā yacca̭ mānu॒ṣam | sarvā॒stāḥ || sarva॒gṃ॒ sīsa॒gṃ॒ sarva॒-ntrapṷ |
de॒va॒trā yacca̭ mānu॒ṣam || 39 ||
sarvā॒stāḥ || sarva॒gṃ॒ hira̭ṇyagṃ raja॒tam | de॒va॒trā yacca̭ mānu॒ṣam |
sarvā॒stāḥ || sarva॒gṃ॒ suva̭rṇa॒gṃ॒ hari̭tam | de॒va॒trā yacca̭ mānu॒ṣam |
sarvā॒stā iṣṭa̭kāḥ kṛ॒tvā | upa̭kāma॒dughā̭ dadhe | tenarṣi̭ṇā॒ tena॒ brahma̭ṇā |
tayā̭ de॒vata̭yā-'ṅgira॒sva-ddhru॒vā sī̭da || 40 ||
[bhūme॒ - radhi॒ - viṣṭhi̭tāḥ pṛthi॒vīmanu॒ sarvā॒stā - u॒cyata̭ - mānu॒ṣagṃ - sī̭da ] (a. 6)
(yacca॒ striyaḥ̭ pā॒gṃ॒sava॒ ūṣā॒-ssika̭tā॒-śśarka̭rā॒ aśmā̭no vī॒rudha॒ oṣa̭dhī॒-rvana॒spata̭yo grā॒myā ye dvi॒pādo॒ yāva॒dāñja̭naṃ॒-yā~va̭-tkṛ॒ṣṇāya̭saṃ
~lo॒hāya̭sa॒gṃ॒ sīsa॒gṃ॒ hira̭ṇya॒gṃ॒ suva̭rṇa॒gṃ॒ hari̭tama॒ṣṭāda̭śa)
anuvākaṃ 7 - vaiśvasṛjacayanam
sarvā॒ diśo̭ di॒kṣu | yaccā॒nta rbhū॒ta-mprati̭ṣṭhitam | sarvā॒stā iṣṭa̭kāḥ kṛ॒tvā |
upa̭ kāma॒dughā̭ dadhe |
tenarṣi̭ṇā॒ tena॒ brahma̭ṇā |
tayā̭ de॒vata̭yā-'ṅgira॒sva-ddhru॒vā sī̭da ||
a॒ntari̭kṣañca॒ keva̭lam |
yaccā॒smi-nna̭nta॒rāhi̭tam |
sarvā॒stāḥ || ā॒nta॒ri॒kṣya̭śca॒ yāḥ pra॒jāḥ || 41 ||
ga॒ndha॒rvā॒-phsa॒rasa̭śca॒ ye | sarvā॒stāḥ || sarvā̭-nudā॒rān-thsa॒lilāṋ |
a॒ntari̭kṣe॒ prati̭ṣṭhitān | sarvā॒stāḥ ||
sarvā̭-nudā॒rān-thsa̭li॒lān |
sthā॒va॒rāḥ pro॒ṣyā᳚śca॒ ye | sarvā॒stāḥ || sarvā॒-ndhuni॒gṃ॒ sarvā᳚n-dhva॒gṃ॒sān |
hi॒mo yacca̭ śī॒yate᳚ || 42 ||
sarvā॒stāḥ || sarvā॒-nmarī̭cī॒n॒. vita̭tān | nī॒hā॒ro yacca̭ śī॒yate᳚ | sarvā॒stāḥ || sarvā̭ vi॒dyuta॒-ssarvā᳚n-thstanayi॒tnūn | hrā॒dunī॒ ryacca̭ śī॒yate᳚ | sarvā॒stāḥ || sarvā॒-ssrava̭ntī-ssa॒ritaḥ̭ |
sarva̭maphsu ca॒rañca॒ yat | sarvā॒stāḥ || 43 ||
yāśca॒ kūpyā॒ yāśca̭ nā॒dyā᳚-ssamu॒driyāḥ᳚ | yāśca̭ vaiśa॒ntīru॒ta prā̭sa॒cīryāḥ |
sarvā॒stāḥ || ye co॒ttiṣṭha̭nti jī॒mūtāḥ᳚ |
yāśca॒ varṣa̭nti vṛ॒ṣṭayaḥ̭ | sarvā॒stāḥ || tapa॒steja̭ ākā॒śam | yaccā̭kā॒śe prati̭ṣṭhitam |
sarvā॒stāḥ || vā॒yuṃ-va~yāgṃ̭si॒ sarvā̭ṇi || 44 ||
a॒nta॒ri॒kṣa॒ca॒rañca॒ yat | sarvā॒stāḥ || a॒gnigṃ sūrya̭-ñca॒ndram | mi॒traṃ-va~rṷṇa॒-mbhaga᳚m | sarvā॒stāḥ || sa॒tyagg śra॒ddhā-ntapo॒ dama᳚m |
nāma̭ rū॒pañca̭ bhū॒tānā᳚m | sarvā॒stā iṣṭa̭kāḥ kṛ॒tvā | upa̭ kāma॒dughā̭ dadhe | tenarṣi̭ṇā॒ tena॒ brahma̭ṇā |
tayā̭ de॒vata̭yā-'ṅgira॒sva-ddhru॒vā sī̭da || 45 ||
(pra॒jā-hi॒mo yacca̭ śī॒yate॒-sarvā॒stāḥ-sarvā̭ṇi॒-brahma॒ṇaika̭-ñca) (a. 7)
(diśo॒-'ntari̭kṣamāntari॒kṣya̭ udā॒rānṷdā॒rā-ndhuni॒-mmarī̭cīn. vi॒dyutaḥ॒
srava̭ntī॒ryāśca॒ ye ca॒ tapo̭ vā॒yuma॒gnigṃ sa॒tya-mpañca̭daśa)
anuvākaṃ 8 - vaiśvasṛjacayanam
sarvā॒-ndiva॒gṃ॒ sarvā᳚-nde॒vā-ndi॒vi |
yaccā॒nta rbhū॒ta-mprati̭ṣṭhitam |
sarvā॒stā iṣṭa̭kāḥ kṛ॒tvā | upa̭ kāma॒dughā̭ dadhe | tenarṣi̭ṇā॒ tena॒ brahma̭ṇā |
tayā̭ de॒vata̭yā-'ṅgira॒svada-dhru॒vā sī̭da || yāva̭tī॒ stāra̭kā॒-ssarvāḥ᳚ |
vita̭tā roca॒ne di॒vi | sarvā॒stāḥ || ṛco॒ yajūgṃ̭ṣi॒ sāmā̭ni || 46 ||
a॒tha॒rvā॒ṅgi॒rasa̭śca॒ ye | sarvā॒stāḥ || i॒ti॒hā॒sa॒pu॒rā॒ṇañca̭ |
sa॒rpa॒de॒va॒ja॒nāśca॒ ye | sarvā॒stāḥ ||
ye ca̭ lo॒kā ye cā̭lo॒kāḥ |
a॒nta rbhū॒ta-mprati̭ṣṭhitam | sarvā॒stāḥ ||
yacca॒ brahma॒ yaccā᳚bra॒hma |
a॒nta rbra॒hma-nprati̭ṣṭhitam || 47 ||
sarvā॒stāḥ || a॒ho॒rā॒trāṇi॒ sarvā̭ṇi | a॒drdha॒mā॒sāgśca॒ keva̭lān |
sarvā॒stāḥ || sarvā̭nṛ॒tūn-thsarvā᳚-nmā॒sān | saṃ॒va~॒thsa॒rañca॒ keva̭lam |
sarvā॒stāḥ || sarva॒-mbhūta॒gṃ॒ sarva॒-mbhavya᳚m | yaccā॒to-'dhi̭ bhavi॒ṣyati̭ |
sarvā॒stā iṣṭa̭kāḥ kṛ॒tvā |
upa̭ kāma॒dughā̭ dadhe |
tenarṣi̭ṇā॒ tena॒ brahma̭ṇā |
tayā̭ de॒vata̭yā-'ṅgira॒sva-ddhru॒vā sī̭da || 48 ||
(sāmā̭ni - bra॒hma-nprati̭ṣṭhitaṃ - kṛ॒tvā trīṇi̭ ca) (a. 8)
(diva॒-ntāra̭kā॒ ṛca̭ itihāsapurā॒ṇa-ñca॒ ye ca॒ yaccā̭horā॒trāṇyṛ॒tū-nbhūta॒-nnava̭)
anuvākaṃ 9 - brahmā sadasyāsīno vauśvasṛjān vyācaṣṭe
ṛ॒cā-mprācī̭ maha॒tī digṷcyate |
dakṣi̭ṇā-māhu॒ ryajṷṣāmapā॒rām |
atha̭rvaṇā॒-magṃi̭rasā-mpra॒tīcī᳚ |
sāmnā॒-mudī̭cī maha॒tī digṷcyate ||
ṛ॒gbhiḥ pū᳚rvā॒hṇe di॒vi de॒va ī̭yate |
ya॒ju॒rve॒de ti̭ṣṭhati॒ maddhye॒ ahnaḥ̭ |
sā॒ma॒ve॒de-nā᳚stama॒ye mahī̭yate |
vedai॒-raśū᳚nya-stri॒bhirḙti॒ sūryaḥ̭ ||
ṛ॒gbhyo jā॒tāgṃ sa̭rva॒śo mūrti̭-māhuḥ |
sarvā॒ gati̭ ryāju॒ṣī hai॒va śaśva̭t || 49 ||
sarva॒-nteja̭ ssāmarū॒pyagṃ ha̭ śaśvat | sarvagṃ̭ he॒da-mbrahma̭ṇā hai॒va sṛ॒ṣṭam ||
ṛ॒gbhyo jā॒taṃ-vai~śyaṃ॒-va~rṇa̭-māhuḥ | ya॒ju॒rve॒da-ṅkṣa̭tri॒yasyā̭-hu॒ryoni᳚m |
sā॒ma॒ve॒do brā᳚hma॒ṇānā॒-mprasṷ̄tiḥ |
pūrve॒ pūrve᳚bhyo॒ vaca̭ e॒ta-dṷ̄cuḥ ||
ā॒da॒r॒śa-ma॒gni-ñci̭nvā॒nāḥ |
pūrvḙ viśva॒ sṛjo॒-'mṛtāḥ᳚ |
śa॒taṃ-va~̭rṣa saha॒srāṇi̭ | dī॒kṣi॒tā-ssa॒tra-mā̭sata || 50 ||
tapa̭ āsī-dgṛ॒hapa̭tiḥ | brahma̭ bra॒hmābha̭va-thsva॒yam | sa॒tyagṃ ha॒ ho tai̭ṣā॒māsī᳚t |
ya-dvi̭śva॒sṛja॒ āsa̭ta ||
a॒mṛta̭-mebhya॒ uda̭gāyat |
sa॒hasra̭-mparivathsa॒rān |
bhū॒tagṃ ha̭ prasto॒ taiṣā॒māsī᳚t |
bha॒vi॒ṣya-tprati̭ cāharat ||
prā॒ṇo a̭ddhva॒ryu-ra̭bhavat |
i॒dagṃ sarva॒gṃ॒ siṣā̭satām || 51 ||
a॒pā॒no vi॒dvā-nā॒vṛtaḥ̭ | prati॒ prāti̭ṣṭha-daddhva॒re || ā॒rta॒vā ṷpagā॒tāraḥ̭ | sa॒da॒syā̭ ṛ॒tavo̭-'bhavann | a॒rdha॒mā॒sāśca॒ māsā᳚śca | ca॒ma॒sā॒-ddhva॒rya॒vo-'bha̭vann ||
aśagṃ̭ sa॒-dbrahma̭ṇa॒-stejaḥ̭ |
a॒cchā॒vā॒ko 'bha̭va॒-dyaśaḥ̭ |
ṛ॒ta-mḙṣā-mpraśā॒stā-''sī᳚t |
ya-dvi̭śva॒ sṛja॒ āsa̭ta || 52 ||
ūrg-rājā̭na॒-muda̭vahat | dhru॒va॒ go॒pa-ssaho̭-'bhavat | ojo॒-'bhya̭ṣṭau॒-dgrāv.ṇṇaḥ̭ |
ya-dvi̭śva॒ sṛja॒ āsa̭ta ||
apa̭citiḥ po॒trīyā̭-mayajat | ne॒ṣṭrīyā̭-mayaja॒-ttviṣiḥ̭ | āgnī᳚ddhrā-dvi॒duṣī̭ sa॒tyam | śra॒ddhā hai॒vā ya̭ja-thsva॒yam || irā॒ patnī̭ viśva॒ sṛjā᳚m | ākṷ̄ti-rapinaḍḍha॒viḥ || 53 ||
i॒ddhmagṃ ha॒ kṣuc cai᳚bhya u॒gre | tṛ॒ṣṇā cā va̭hatāmu॒bhe || vāgḙṣāgṃ subrahma॒ṇyā-''sī᳚t | cha॒ndo॒ yo॒gān. vi̭jāna॒tī |
ka॒lpa॒ta॒ntrāṇi̭ tanvā॒nā-'haḥ̭ | sa॒gg॒sthāśca̭ sarva॒śaḥ || a॒ho॒rā॒tre pa̭śupā॒lyau | mu॒hū॒rtāḥ pre॒ṣyā̭ abhavann | mṛ॒tyus tada̭-bhava-ddhā॒tā | śa॒mi॒to gro vi॒śā-mpatiḥ̭ || 54 ||
vi॒śva॒sṛjaḥ̭ pratha॒mā-ssa॒tra-mā̭sata | sa॒hasra̭ sama॒-mprasṷtena॒ yantaḥ̭ |
tato̭ ha jajñe॒ bhuva̭nasya go॒pāḥ | hi॒ra॒ṇmayaḥ̭ śa॒kuni॒ rbrahma॒ nāma̭ || yena॒ sūrya॒-stapa̭ti॒ teja̭se॒-ddhaḥ | pi॒tā pu॒treṇa̭ pitṛ॒mān. yoni̭yonau | nāvḙdavi-nmanute॒ ta-mbṛ॒hanta᳚m | sa॒rvā॒nu॒bhu-mā॒tmānagṃ̭ samparā॒ye ||
e॒ṣa ni॒tyo ma̭hi॒mā brā᳚hma॒ṇasya̭ |
na karma̭ṇā vardhate॒ no kanī̭yān || 55 ||
tasyai॒vātmā pa̭da॒vittaṃ-vi~̭ditvā |
na karma̭ṇā lipyate॒ pāpa̭kena ||
pañca̭pañcā॒śata̭-stri॒vṛtaḥ̭ saṃva~thsa॒rāḥ |
pañca̭pañcā॒śataḥ̭ pañcada॒śāḥ | pañca̭pañcā॒śataḥ̭ saptada॒śāḥ |
pañca̭pañcā॒śata̭ ekavi॒gṃ॒śāḥ |
vi॒śva॒sṛjāgṃ̭ sa॒hasra̭ saṃva~thsaram ||
e॒tena॒ vai vi̭śva॒sṛja̭ i॒daṃ-vi~śva̭-masṛjanta | ya-dviśva॒-masṛ̭janta | tasmā᳚-dviśva॒sṛjaḥ̭ ||
viśva̭-menā॒-nanu॒ prajā̭yate | brahma̭ṇa॒-ssāyṷjyagṃ salo॒katāṃ᳚-ya~nti |
e॒tāsā̭me॒va de॒vatā̭nā॒gṃ॒ sāyṷjyam | sā॒rṣṭitāgṃ̭ samāna lo॒katāṃ᳚-ya~nti |
ya e॒ta-dṷpa॒yanti̭ | ye cai̭na॒-tprāhuḥ̭ |
yebhya̭-ścaina॒-tprāhuḥ̭ ||
om || 56 ||
(śaśva̭ - dāsata॒ - siṣā̭satā॒ - māsa̭ta - ha॒viṣ - patiḥ॒ - kanī̭yā॒n - tasmā᳚-dviśva॒sṛjo॒-'ṣṭau ca̭) (a. 9)
(tubhyaṃ̭ - de॒vebhya॒ - stapa̭sā - de॒vebhyo॒ - brahma॒ vai catṷrhotāro॒ - yaccā॒mṛta॒gṃ॒ - sarvā॒ diśo̭ di॒kṣu - sarvā॒-ndiva̭ - mṛ॒cā-mprācī॒ nava̭)
(tubhyaṃ॒ - tapa̭sā॒ - tā vā e॒tāḥ pañca॒ - hira̭ṇya-ndadāti॒ - sarvā॒ diśa॒ - stapa̭ āsīdgṛ॒hapa̭ti॒-ṣṣaṭpa̭ñcā॒śat)
(tubhya॒-moṃ)
|| hariḥ̭ om ||
|| taittirīya yajurbrāhmaṇe kāṭhake tṛtīya praśna-ssamāptaḥ ||
|| iti taittirīya yajurbrāhmaṇe kāṭhakaṃ samāptam ||
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.