ମୁରାରିକାଯକାଲିମାଲଲାମଵାରିଧାରିଣୀ
ତୃଣୀକୃତତ୍ରିଵିଷ୍ଟପା ତ୍ରିଲୋକଶୋକହାରିଣୀ ।
ମନୋଽନୁକୂଲକୂଲକୁଞ୍ଜପୁଞ୍ଜଧୂତଦୁର୍ମଦା
ଧୁନୋତୁ ମେ ମନୋମଲଂ କଲିନ୍ଦନନ୍ଦିନୀ ସଦା ॥ 1 ॥
ମଲାପହାରିଵାରିପୂରଭୂରିମଣ୍ଡିତାମୃତା
ଭୃଶଂ ପ୍ରପାତକପ୍ରଵଞ୍ଚନାତିପଣ୍ଡିତାନିଶମ୍ ।
ସୁନନ୍ଦନନ୍ଦନାଙ୍ଗସଙ୍ଗରାଗରଞ୍ଜିତା ହିତା
ଧୁନୋତୁ ମେ ମନୋମଲଂ କଲିନ୍ଦନନ୍ଦିନୀ ସଦା ॥ 2 ॥
ଲସତ୍ତରଙ୍ଗସଙ୍ଗଧୂତଭୂତଜାତପାତକା
ନଵୀନମାଧୁରୀଧୁରୀଣଭକ୍ତିଜାତଚାତକା ।
ତଟାନ୍ତଵାସଦାସହଂସସଂସୃତା ହି କାମଦା
ଧୁନୋତୁ ମେ ମନୋମଲଂ କଲିନ୍ଦନନ୍ଦିନୀ ସଦା ॥ 3 ॥
ଵିହାରରାସଖେଦଭେଦଧୀରତୀରମାରୁତା
ଗତା ଗିରାମଗୋଚରେ ଯଦୀଯନୀରଚାରୁତା ।
ପ୍ରଵାହସାହଚର୍ଯପୂତମେଦିନୀନଦୀନଦା
ଧୁନୋତୁ ମେ ମନୋମଲଂ କଲିନ୍ଦନନ୍ଦିନୀ ସଦା ॥ 4 ॥
ତରଙ୍ଗସଙ୍ଗସୈକତାଞ୍ଚିତାନ୍ତରା ସଦାସିତା
ଶରନ୍ନିଶାକରାଂଶୁମଞ୍ଜୁମଞ୍ଜରୀସଭାଜିତା ।
ଭଵାର୍ଚନାଯ ଚାରୁଣାମ୍ବୁନାଧୁନା ଵିଶାରଦା
ଧୁନୋତୁ ମେ ମନୋମଲଂ କଲିନ୍ଦନନ୍ଦିନୀ ସଦା ॥ 5 ॥
ଜଲାନ୍ତକେଲିକାରିଚାରୁରାଧିକାଙ୍ଗରାଗିଣୀ
ସ୍ଵଭର୍ତୁରନ୍ଯଦୁର୍ଲଭାଙ୍ଗସଙ୍ଗତାଂଶଭାଗିନୀ ।
ସ୍ଵଦତ୍ତସୁପ୍ତସପ୍ତସିନ୍ଧୁଭେଦନାତିକୋଵିଦା
ଧୁନୋତୁ ମେ ମନୋମଲଂ କଲିନ୍ଦନନ୍ଦିନୀ ସଦା ॥ 6 ॥
ଜଲଚ୍ଯୁତାଚ୍ଯୁତାଙ୍ଗରାଗଲମ୍ପଟାଲିଶାଲିନୀ
ଵିଲୋଲରାଧିକାକଚାନ୍ତଚମ୍ପକାଲିମାଲିନୀ ।
ସଦାଵଗାହନାଵତୀର୍ଣଭର୍ତୃଭୃତ୍ଯନାରଦା
ଧୁନୋତୁ ମେ ମନୋମଲଂ କଲିନ୍ଦନନ୍ଦିନୀ ସଦା ॥ 7 ॥
ସଦୈଵ ନନ୍ଦନନ୍ଦକେଲିଶାଲିକୁଞ୍ଜମଞ୍ଜୁଲା
ତଟୋତ୍ଥଫୁଲ୍ଲମଲ୍ଲିକାକଦମ୍ବରେଣୁସୂଜ୍ଜ୍ଵଲା ।
ଜଲାଵଗାହିନାଂ ନୃଣାଂ ଭଵାବ୍ଧିସିନ୍ଧୁପାରଦା
ଧୁନୋତୁ ମେ ମନୋମଲଂ କଲିନ୍ଦନନ୍ଦିନୀ ସଦା ॥ 8 ॥
Roman (IAST) Transliteration
murārikāyakālimālalāmavāridhāriṇī
tṛṇīkṛtatriviṣṭapā trilokaśokahāriṇī |
mano'nukūlakūlakuñjapuñjadhūtadurmadā
dhunotu me manomalaṃ kalindanandinī sadā || 1 ||
malāpahārivāripūrabhūrimaṇḍitāmṛtā
bhṛśaṃ prapātakapravañcanātipaṇḍitāniśam |
sunandanandanāṅgasaṅgarāgarañjitā hitā
dhunotu me manomalaṃ kalindanandinī sadā || 2 ||
lasattaraṅgasaṅgadhūtabhūtajātapātakā
navīnamādhurīdhurīṇabhaktijātacātakā |
taṭāntavāsadāsahaṃsasaṃsṛtā hi kāmadā
dhunotu me manomalaṃ kalindanandinī sadā || 3 ||
vihārarāsakhedabhedadhīratīramārutā
gatā girāmagocare yadīyanīracārutā |
pravāhasāhacaryapūtamedinīnadīnadā
dhunotu me manomalaṃ kalindanandinī sadā || 4 ||
taraṅgasaṅgasaikatāñcitāntarā sadāsitā
śaranniśākarāṃśumañjumañjarīsabhājitā |
bhavārcanāya cāruṇāmbunādhunā viśāradā
dhunotu me manomalaṃ kalindanandinī sadā || 5 ||
jalāntakelikāricārurādhikāṅgarāgiṇī
svabharturanyadurlabhāṅgasaṅgatāṃśabhāginī |
svadattasuptasaptasindhubhedanātikovidā
dhunotu me manomalaṃ kalindanandinī sadā || 6 ||
jalacyutācyutāṅgarāgalampaṭāliśālinī
vilolarādhikākacāntacampakālimālinī |
sadāvagāhanāvatīrṇabhartṛbhṛtyanāradā
dhunotu me manomalaṃ kalindanandinī sadā || 7 ||
sadaiva nandanandakeliśālikuñjamañjulā
taṭotthaphullamallikākadambareṇusūjjvalā |
jalāvagāhināṃ nṛṇāṃ bhavābdhisindhupāradā
dhunotu me manomalaṃ kalindanandinī sadā || 8 ||
Sanskrit — Devanagari (original)
मुरारिकायकालिमाललामवारिधारिणी
तृणीकृतत्रिविष्टपा त्रिलोकशोकहारिणी ।
मनोऽनुकूलकूलकुञ्जपुञ्जधूतदुर्मदा
धुनोतु मे मनोमलं कलिन्दनन्दिनी सदा ॥ 1 ॥
मलापहारिवारिपूरभूरिमण्डितामृता
भृशं प्रपातकप्रवञ्चनातिपण्डितानिशम् ।
सुनन्दनन्दनाङ्गसङ्गरागरञ्जिता हिता
धुनोतु मे मनोमलं कलिन्दनन्दिनी सदा ॥ 2 ॥
लसत्तरङ्गसङ्गधूतभूतजातपातका
नवीनमाधुरीधुरीणभक्तिजातचातका ।
तटान्तवासदासहंससंसृता हि कामदा
धुनोतु मे मनोमलं कलिन्दनन्दिनी सदा ॥ 3 ॥
विहाररासखेदभेदधीरतीरमारुता
गता गिरामगोचरे यदीयनीरचारुता ।
प्रवाहसाहचर्यपूतमेदिनीनदीनदा
धुनोतु मे मनोमलं कलिन्दनन्दिनी सदा ॥ 4 ॥
तरङ्गसङ्गसैकताञ्चितान्तरा सदासिता
शरन्निशाकरांशुमञ्जुमञ्जरीसभाजिता ।
भवार्चनाय चारुणाम्बुनाधुना विशारदा
धुनोतु मे मनोमलं कलिन्दनन्दिनी सदा ॥ 5 ॥
जलान्तकेलिकारिचारुराधिकाङ्गरागिणी
स्वभर्तुरन्यदुर्लभाङ्गसङ्गतांशभागिनी ।
स्वदत्तसुप्तसप्तसिन्धुभेदनातिकोविदा
धुनोतु मे मनोमलं कलिन्दनन्दिनी सदा ॥ 6 ॥
जलच्युताच्युताङ्गरागलम्पटालिशालिनी
विलोलराधिकाकचान्तचम्पकालिमालिनी ।
सदावगाहनावतीर्णभर्तृभृत्यनारदा
धुनोतु मे मनोमलं कलिन्दनन्दिनी सदा ॥ 7 ॥
सदैव नन्दनन्दकेलिशालिकुञ्जमञ्जुला
तटोत्थफुल्लमल्लिकाकदम्बरेणुसूज्ज्वला ।
जलावगाहिनां नृणां भवाब्धिसिन्धुपारदा
धुनोतु मे मनोमलं कलिन्दनन्दिनी सदा ॥ 8 ॥
murārikāyakālimālalāmavāridhāriṇī
tṛṇīkṛtatriviṣṭapā trilokaśokahāriṇī |
mano'nukūlakūlakuñjapuñjadhūtadurmadā
dhunotu me manomalaṃ kalindanandinī sadā || 1 ||
malāpahārivāripūrabhūrimaṇḍitāmṛtā
bhṛśaṃ prapātakapravañcanātipaṇḍitāniśam |
sunandanandanāṅgasaṅgarāgarañjitā hitā
dhunotu me manomalaṃ kalindanandinī sadā || 2 ||
lasattaraṅgasaṅgadhūtabhūtajātapātakā
navīnamādhurīdhurīṇabhaktijātacātakā |
taṭāntavāsadāsahaṃsasaṃsṛtā hi kāmadā
dhunotu me manomalaṃ kalindanandinī sadā || 3 ||
vihārarāsakhedabhedadhīratīramārutā
gatā girāmagocare yadīyanīracārutā |
pravāhasāhacaryapūtamedinīnadīnadā
dhunotu me manomalaṃ kalindanandinī sadā || 4 ||
taraṅgasaṅgasaikatāñcitāntarā sadāsitā
śaranniśākarāṃśumañjumañjarīsabhājitā |
bhavārcanāya cāruṇāmbunādhunā viśāradā
dhunotu me manomalaṃ kalindanandinī sadā || 5 ||
jalāntakelikāricārurādhikāṅgarāgiṇī
svabharturanyadurlabhāṅgasaṅgatāṃśabhāginī |
svadattasuptasaptasindhubhedanātikovidā
dhunotu me manomalaṃ kalindanandinī sadā || 6 ||
jalacyutācyutāṅgarāgalampaṭāliśālinī
vilolarādhikākacāntacampakālimālinī |
sadāvagāhanāvatīrṇabhartṛbhṛtyanāradā
dhunotu me manomalaṃ kalindanandinī sadā || 7 ||
sadaiva nandanandakeliśālikuñjamañjulā
taṭotthaphullamallikākadambareṇusūjjvalā |
jalāvagāhināṃ nṛṇāṃ bhavābdhisindhupāradā
dhunotu me manomalaṃ kalindanandinī sadā || 8 ||
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.