Yamuna Ashtakam — Kannada Script

Meaning —

ಮುರಾರಿಕಾಯಕಾಲಿಮಾಲಲಾಮವಾರಿಧಾರಿಣೀ
ತೃಣೀಕೃತತ್ರಿವಿಷ್ಟಪಾ ತ್ರಿಲೋಕಶೋಕಹಾರಿಣೀ ।
ಮನೋಽನುಕೂಲಕೂಲಕುಞ್ಜಪುಞ್ಜಧೂತದುರ್ಮದಾ
ಧುನೋತು ಮೇ ಮನೋಮಲಂ ಕಲಿನ್ದನನ್ದಿನೀ ಸದಾ ॥ 1 ॥

murārikāyakālimālalāmavāridhāriṇī
tṛṇīkṛtatriviṣṭapā trilokaśokahāriṇī |
mano'nukūlakūlakuñjapuñjadhūtadurmadā
dhunotu me manomalaṃ kalindanandinī sadā || 1 ||

Verse 2

ಮಲಾಪಹಾರಿವಾರಿಪೂರಭೂರಿಮಣ್ಡಿತಾಮೃತಾ
ಭೃಶಂ ಪ್ರಪಾತಕಪ್ರವಞ್ಚನಾತಿಪಣ್ಡಿತಾನಿಶಮ್ ।
ಸುನನ್ದನನ್ದನಾಙ್ಗಸಙ್ಗರಾಗರಞ್ಜಿತಾ ಹಿತಾ
ಧುನೋತು ಮೇ ಮನೋಮಲಂ ಕಲಿನ್ದನನ್ದಿನೀ ಸದಾ ॥ 2 ॥

malāpahārivāripūrabhūrimaṇḍitāmṛtā
bhṛśaṃ prapātakapravañcanātipaṇḍitāniśam |
sunandanandanāṅgasaṅgarāgarañjitā hitā
dhunotu me manomalaṃ kalindanandinī sadā || 2 ||

Verse 3

ಲಸತ್ತರಙ್ಗಸಙ್ಗಧೂತಭೂತಜಾತಪಾತಕಾ
ನವೀನಮಾಧುರೀಧುರೀಣಭಕ್ತಿಜಾತಚಾತಕಾ ।
ತಟಾನ್ತವಾಸದಾಸಹಂಸಸಂಸೃತಾ ಹಿ ಕಾಮದಾ
ಧುನೋತು ಮೇ ಮನೋಮಲಂ ಕಲಿನ್ದನನ್ದಿನೀ ಸದಾ ॥ 3 ॥

lasattaraṅgasaṅgadhūtabhūtajātapātakā
navīnamādhurīdhurīṇabhaktijātacātakā |
taṭāntavāsadāsahaṃsasaṃsṛtā hi kāmadā
dhunotu me manomalaṃ kalindanandinī sadā || 3 ||

Verse 4

ವಿಹಾರರಾಸಖೇದಭೇದಧೀರತೀರಮಾರುತಾ
ಗತಾ ಗಿರಾಮಗೋಚರೇ ಯದೀಯನೀರಚಾರುತಾ ।
ಪ್ರವಾಹಸಾಹಚರ್ಯಪೂತಮೇದಿನೀನದೀನದಾ
ಧುನೋತು ಮೇ ಮನೋಮಲಂ ಕಲಿನ್ದನನ್ದಿನೀ ಸದಾ ॥ 4 ॥

vihārarāsakhedabhedadhīratīramārutā
gatā girāmagocare yadīyanīracārutā |
pravāhasāhacaryapūtamedinīnadīnadā
dhunotu me manomalaṃ kalindanandinī sadā || 4 ||

Verse 5

ತರಙ್ಗಸಙ್ಗಸೈಕತಾಞ್ಚಿತಾನ್ತರಾ ಸದಾಸಿತಾ
ಶರನ್ನಿಶಾಕರಾಂಶುಮಞ್ಜುಮಞ್ಜರೀಸಭಾಜಿತಾ ।
ಭವಾರ್ಚನಾಯ ಚಾರುಣಾಮ್ಬುನಾಧುನಾ ವಿಶಾರದಾ
ಧುನೋತು ಮೇ ಮನೋಮಲಂ ಕಲಿನ್ದನನ್ದಿನೀ ಸದಾ ॥ 5 ॥

taraṅgasaṅgasaikatāñcitāntarā sadāsitā
śaranniśākarāṃśumañjumañjarīsabhājitā |
bhavārcanāya cāruṇāmbunādhunā viśāradā
dhunotu me manomalaṃ kalindanandinī sadā || 5 ||

Verse 6

ಜಲಾನ್ತಕೇಲಿಕಾರಿಚಾರುರಾಧಿಕಾಙ್ಗರಾಗಿಣೀ
ಸ್ವಭರ್ತುರನ್ಯದುರ್ಲಭಾಙ್ಗಸಙ್ಗತಾಂಶಭಾಗಿನೀ ।
ಸ್ವದತ್ತಸುಪ್ತಸಪ್ತಸಿನ್ಧುಭೇದನಾತಿಕೋವಿದಾ
ಧುನೋತು ಮೇ ಮನೋಮಲಂ ಕಲಿನ್ದನನ್ದಿನೀ ಸದಾ ॥ 6 ॥

jalāntakelikāricārurādhikāṅgarāgiṇī
svabharturanyadurlabhāṅgasaṅgatāṃśabhāginī |
svadattasuptasaptasindhubhedanātikovidā
dhunotu me manomalaṃ kalindanandinī sadā || 6 ||

Verse 7

ಜಲಚ್ಯುತಾಚ್ಯುತಾಙ್ಗರಾಗಲಮ್ಪಟಾಲಿಶಾಲಿನೀ
ವಿಲೋಲರಾಧಿಕಾಕಚಾನ್ತಚಮ್ಪಕಾಲಿಮಾಲಿನೀ ।
ಸದಾವಗಾಹನಾವತೀರ್ಣಭರ್ತೃಭೃತ್ಯನಾರದಾ
ಧುನೋತು ಮೇ ಮನೋಮಲಂ ಕಲಿನ್ದನನ್ದಿನೀ ಸದಾ ॥ 7 ॥

jalacyutācyutāṅgarāgalampaṭāliśālinī
vilolarādhikākacāntacampakālimālinī |
sadāvagāhanāvatīrṇabhartṛbhṛtyanāradā
dhunotu me manomalaṃ kalindanandinī sadā || 7 ||

Verse 8

ಸದೈವ ನನ್ದನನ್ದಕೇಲಿಶಾಲಿಕುಞ್ಜಮಞ್ಜುಲಾ
ತಟೋತ್ಥಫುಲ್ಲಮಲ್ಲಿಕಾಕದಮ್ಬರೇಣುಸೂಜ್ಜ್ವಲಾ ।
ಜಲಾವಗಾಹಿನಾಂ ನೃಣಾಂ ಭವಾಬ್ಧಿಸಿನ್ಧುಪಾರದಾ
ಧುನೋತು ಮೇ ಮನೋಮಲಂ ಕಲಿನ್ದನನ್ದಿನೀ ಸದಾ ॥ 8 ॥

sadaiva nandanandakeliśālikuñjamañjulā
taṭotthaphullamallikākadambareṇusūjjvalā |
jalāvagāhināṃ nṛṇāṃ bhavābdhisindhupāradā
dhunotu me manomalaṃ kalindanandinī sadā || 8 ||

Sanskrit — Devanagari (original)

मुरारिकायकालिमाललामवारिधारिणी

तृणीकृतत्रिविष्टपा त्रिलोकशोकहारिणी ।

मनोऽनुकूलकूलकुञ्जपुञ्जधूतदुर्मदा

धुनोतु मे मनोमलं कलिन्दनन्दिनी सदा ॥ 1 ॥

मलापहारिवारिपूरभूरिमण्डितामृता

भृशं प्रपातकप्रवञ्चनातिपण्डितानिशम् ।

सुनन्दनन्दनाङ्गसङ्गरागरञ्जिता हिता

धुनोतु मे मनोमलं कलिन्दनन्दिनी सदा ॥ 2 ॥

लसत्तरङ्गसङ्गधूतभूतजातपातका

नवीनमाधुरीधुरीणभक्तिजातचातका ।

तटान्तवासदासहंससंसृता हि कामदा

धुनोतु मे मनोमलं कलिन्दनन्दिनी सदा ॥ 3 ॥

विहाररासखेदभेदधीरतीरमारुता

गता गिरामगोचरे यदीयनीरचारुता ।

प्रवाहसाहचर्यपूतमेदिनीनदीनदा

धुनोतु मे मनोमलं कलिन्दनन्दिनी सदा ॥ 4 ॥

तरङ्गसङ्गसैकताञ्चितान्तरा सदासिता

शरन्निशाकरांशुमञ्जुमञ्जरीसभाजिता ।

भवार्चनाय चारुणाम्बुनाधुना विशारदा

धुनोतु मे मनोमलं कलिन्दनन्दिनी सदा ॥ 5 ॥

जलान्तकेलिकारिचारुराधिकाङ्गरागिणी

स्वभर्तुरन्यदुर्लभाङ्गसङ्गतांशभागिनी ।

स्वदत्तसुप्तसप्तसिन्धुभेदनातिकोविदा

धुनोतु मे मनोमलं कलिन्दनन्दिनी सदा ॥ 6 ॥

जलच्युताच्युताङ्गरागलम्पटालिशालिनी

विलोलराधिकाकचान्तचम्पकालिमालिनी ।

सदावगाहनावतीर्णभर्तृभृत्यनारदा

धुनोतु मे मनोमलं कलिन्दनन्दिनी सदा ॥ 7 ॥

सदैव नन्दनन्दकेलिशालिकुञ्जमञ्जुला

तटोत्थफुल्लमल्लिकाकदम्बरेणुसूज्ज्वला ।

जलावगाहिनां नृणां भवाब्धिसिन्धुपारदा

धुनोतु मे मनोमलं कलिन्दनन्दिनी सदा ॥ 8 ॥

🕉️ This is the original Sanskrit rendered in Kannada script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

ಯಮುನಾ ಆಷ್ಟಕಮ್