ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಬ್ರಾಹ್ಮಣೇ ತೃತೀಯಾಷ್ಟಕೇ ಸಪ್ತಮಃ ಪ್ರಪಾಠಕಃ - ಅಚ್ಛಿದ್ರ-ಙ್ಕಾಣ್ಡ-ಮ್ಪ್ರಾಯಶ್ಚಿತ್ತಮ್
ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,
ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥
ಅಚ್ಛಿದ್ರ-ಙ್ಕಾಣ್ಡ-ಮ್ಪ್ರಾಯಶ್ಚಿತ್ತೇನ ಮನ್ತ್ರೈಶ್ಚ ಯಜ್ಞಚ್ಛಿದ್ರಪೂರಣಾದಚ್ಛಿದ್ರಮುಚ್ಯತೇ
ಅನುವಾಕಂ 1 - ದರ್ಶಪೂರ್ಣಮಾಸೇಷ್ಟಿವಿಷಯಾಣಿ ಕಾನಿ ಚಿತ್ಪ್ರಾಯಶ್ಚಿತ್ತಾನಿ
ಸರ್ವಾ॒ನ್॒. ವಾ ಏ॒ಷೋ᳚-ಽಗ್ನೌ ಕಾಮಾ॒-ನ್ಪ್ರವೇ॑ಶಯತಿ ।
ಯೋ᳚-ಽಗ್ನೀನ॑ನ್ವಾ॒ಧಾಯ॑ ವ್ರ॒ತಮು॒ಪೈತಿ॑ ।
ಸ ಯದನಿ॑ಷ್ಟ್ವಾ ಪ್ರಯಾ॒ಯಾತ್ । ಅಕಾ॑ಮಪ್ರೀತಾ ಏನ॒-ಙ್ಕಾಮಾ॒ ನಾನು॒ ಪ್ರಯಾ॑ಯುಃ । ಅ॒ತೇ॒ಜಾ ಅ॑ವೀ॒ರ್ಯಃ॑ ಸ್ಯಾತ್ ।
ಸ ಜು॑ಹುಯಾತ್ । ತುಭ್ಯ॒-ನ್ತಾ ಅ॑ಙ್ಗಿರಸ್ತಮ ।
ವಿಶ್ವಾ᳚-ಸ್ಸುಕ್ಷಿ॒ತಯಃ॒ ಪೃಥ॑ಕ್ ।
ಅಗ್ನೇ॒ ಕಾಮಾ॑ಯ ಯೇಮಿರ॒ ಇತಿ॑ ।
ಕಾಮಾ॑ನೇ॒ವಾಸ್ಮಿ॑-ನ್ದಧಾತಿ ॥ 1 ॥
ಕಾಮ॑ಪ್ರೀತಾ ಏನ॒-ಙ್ಕಾಮಾ॒ ಅನು॒ಪ್ರಯಾ᳚ನ್ತಿ ।
ತೇ॒ಜ॒ಸ್ವೀ ವೀ॒ರ್ಯಾ॑ವಾ-ನ್ಭವತಿ ॥
ಸನ್ತ॑ತಿ॒ರ್ವಾ ಏ॒ಷಾ ಯ॒ಜ್ಞಸ್ಯ॑ ।
ಯೋ᳚-ಽಗ್ನೀನ॑ನ್ವಾ॒ಧಾಯ॑ ವ್ರ॒ತಮು॒ಪೈತಿ॑ ।
ಸ ಯದು॒ದ್ವಾಯ॑ತಿ । ವಿಚ್ಛಿ॑ತ್ತಿ-ರೇ॒ವಾಸ್ಯ॒ ಸಾ ॥
ತ-ಮ್ಪ್ರಾಞ್ಚ॑ಮು॒ದ್ಧೃತ್ಯ॑ ।
ಮನ॒ಸೋಪ॑ತಿಷ್ಠೇತ । ಮನೋ॒ ವೈ ಪ್ರ॒ಜಾಪ॑ತಿಃ ।
ಪ್ರಾ॒ಜಾ॒ಪ॒ತ್ಯೋ ಯ॒ಜ್ಞಃ ॥ 2 ॥
ಮನ॑ಸೈ॒ವ ಯ॒ಜ್ಞಗ್ಂ ಸನ್ತ॑ನೋತಿ । ಭೂರಿತ್ಯಾ॑ಹ । ಭೂ॒ತೋ ವೈ ಪ್ರ॒ಜಾಪ॑ತಿಃ । ಭೂತಿ॑ಮೇ॒ವೋಪೈ॑ತಿ ॥
ವಿ ವಾ ಏ॒ಷ ಇ॑ನ್ದ್ರಿ॒ಯೇಣ॑ ವೀ॒ರ್ಯೇ॑ಣರ್ಧ್ಯತೇ ।
ಯಸ್ಯಾ-ಹಿ॑ತಾಗ್ನೇ-ರ॒ಗ್ನಿರ॑ಪ॒ಕ್ಷಾಯ॑ತಿ । ಯಾವ॒ಚ್ಛಮ್ಯ॑ಯಾ ಪ್ರ॒ವಿದ್ಧ್ಯೇ᳚ತ್ ।
ಯದಿ॒ ತಾವ॑ದಪ॒ಕ್ಷಾಯೇ᳚ತ್ । ತಗ್ಂ ಸಮ್ಭ॑ರೇತ್ ।
ಇ॒ದ-ನ್ತ॒ ಏಕ॑-ಮ್ಪ॒ರ ಉ॑ತ॒ ಏಕ᳚ಮ್ ॥ 3 ॥
ತೃ॒ತೀಯೇ॑ನ॒ ಜ್ಯೋತಿ॑ಷಾ॒ ಸಂವಿಁ॑ಶಸ್ವ । ಸಂ॒ವೇಁಶ॑ನಸ್ತ॒ನುವೈ॒ ಚಾರು॑ರೇಧಿ ।
ಪ್ರಿ॒ಯೇ ದೇ॒ವಾನಾ᳚-ಮ್ಪರ॒ಮೇ ಜ॒ನಿತ್ರ॒ ಇತಿ॑ । ಬ್ರಹ್ಮ॑ಣೈ॒ವೈನ॒ಗ್ಂ॒ ಸಮ್ಭ॑ರತಿ ।
ಸೈವ ತತಃ॒ ಪ್ರಾಯ॑ಶ್ಚಿತ್ತಿಃ । ಯದಿ॑ ಪರಸ್ತ॒-ರಾಮ॑ಪ॒ಕ್ಷಾಯೇ᳚ತ್ । ಅ॒ನು॒ ಪ್ರ॒ಯಾಯಾವ॑ಸ್ಯೇತ್ ।
ಸೋ ಏ॒ವ ತತಃ॒ ಪ್ರಾಯ॑ಶ್ಚಿತ್ತಿಃ ॥
ಓಷ॑ಧೀ॒ರ್ವಾ ಏ॒ತಸ್ಯ॑ ಪ॒ಶೂ-ನ್ಪಯಃ॒ ಪ್ರವಿ॑ಶತಿ ।
ಯಸ್ಯ॑ ಹ॒ವಿಷೇ॑ ವ॒ಥ್ಸಾ ಅ॒ಪಾಕೃ॑ತಾ॒ ಧಯ॑ನ್ತಿ ॥ 4 ॥
ತಾನ್. ಯದ್ದು॒ಹ್ಯಾತ್ । ಯಾ॒ತಯಾ᳚ಮ್ನಾ ಹ॒ವಿಷಾ॑ ಯಜೇತ । ಯನ್ನ ದು॒ಹ್ಯಾತ್ । ಯ॒ಜ್ಞ॒ಪ॒ರು-ರ॒ನ್ತರಿ॑ಯಾತ್ । ವಾ॒ಯ॒ವ್ಯಾಂ᳚-ಯಁವಾ॒ಗೂ-ನ್ನಿರ್ವ॑ಪೇತ್ ।
ವಾ॒ಯುರ್ವೈ ಪಯ॑ಸಃ ಪ್ರದಾಪಯಿ॒ತಾ । ಸ ಏ॒ವಾಸ್ಮೈ॒ ಪಯಃ॒ ಪ್ರದಾ॑ಪಯತಿ । ಪಯೋ॒ ವಾ ಓಷ॑ಧಯಃ ।
ಪಯಃ॒ ಪಯಃ॑ ।
ಪಯ॑ಸೈ॒ವಾಸ್ಮೈ॒ ಪಯೋ-ಽವ॑ರುನ್ಧೇ ॥ 5 ॥
ಅಥೋತ್ತ॑ರಸ್ಮೈ ಹ॒ವಿಷೇ॑ ವ॒ಥ್ಸಾನ॒ಪಾ ಕು॑ರ್ಯಾತ್ ।
ಸೈವ ತತಃ॒ ಪ್ರಾಯ॑ಶ್ಚಿತ್ತಿಃ ॥ ಅ॒ನ್ಯ॒ತ॒ರಾನ್. ವಾ ಏ॒ಷ ದೇ॒ವಾ-ನ್ಭಾ॑ಗ॒ಧೇಯೇ॑ನ॒ ವ್ಯ॑ರ್ಧಯತಿ ।
ಯೇ ಯಜ॑ಮಾನಸ್ಯ ಸಾ॒ಯ-ಙ್ಗೃ॒ಹಮಾ॒-ಗಚ್ಛ॑ನ್ತಿ ।
ಯಸ್ಯ॑ ಸಾಯ-ನ್ದು॒ಗ್ಧಗ್ಂ ಹ॒ವಿರಾರ್ತಿ॑-ಮಾ॒ರ್ಚ್ಛತಿ॑ ।
ಇನ್ದ್ರಾ॑ಯ ವ್ರೀ॒ಹೀನ್ನಿ॒-ರುಪ್ಯೋ-ಪ॑ವಸೇತ್ । ಪಯೋ॒ ವಾ ಓಷ॑ಧಯಃ । ಪಯ॑ ಏ॒ವಾರಭ್ಯ॑ ಗೃಹೀ॒ತ್ವೋ-ಪ॑ವಸತಿ । ಯತ್ಪ್ರಾ॒ತ-ಸ್ಸ್ಯಾತ್ । ತಚ್ಛೃ॒ತ-ಙ್ಕು॑ರ್ಯಾತ್ ॥ 6 ॥
ಅಥೇತ॑ರ ಐ॒ನ್ದ್ರಃ ಪು॑ರೋ॒ಡಾಶಃ॑ ಸ್ಯಾತ್ ।
ಇ॒ನ್ದ್ರಿ॒ಯೇ ಏ॒ವಾಸ್ಮೈ॑ ಸ॒ಮೀಚೀ॑ ದಧಾತಿ ।
ಪಯೋ॒ ವಾ ಓಷ॑ಧಯಃ । ಪಯಃ॒ ಪಯಃ॑ । ಪಯ॑ಸೈ॒ವಾಸ್ಮೈ॒ ಪಯೋ-ಽವ॑ರುನ್ಧೇ ।
ಅಥೋತ್ತ॑ರಸ್ಮೈ ಹ॒ವಿಷೇ॑ ವ॒ಥ್ಸಾನ॒ಪಾ ಕು॑ರ್ಯಾತ್ ।
ಸೈವ ತತಃ॒ ಪ್ರಾಯ॑ಶ್ಚಿತ್ತಿಃ ॥ ಉ॒ಭಯಾ॒ನ್॒. ವಾ ಏ॒ಷ ದೇ॒ವಾ-ನ್ಭಾ॑ಗ॒ಧೇಯೇ॑ನ॒ ವ್ಯ॑ರ್ಧಯತಿ ।
ಯೇ ಯಜ॑ಮಾನಸ್ಯ ಸಾ॒ಯ-ಞ್ಚ॑ ಪ್ರಾ॒ತಶ್ಚ॑ ಗೃ॒ಹಮಾ॒-ಗಚ್ಛ॑ನ್ತಿ । ಯಸ್ಯೋ॒ಭಯಗ್ಂ॑ ಹ॒ವಿರಾರ್ತಿ॑-ಮಾ॒ರ್ಚ್ಛತಿ॑ ॥ 7 ॥
ಐ॒ನ್ದ್ರ-ಮ್ಪಞ್ಚ॑ಶರಾವ-ಮೋದ॒ನ-ನ್ನಿರ್ವ॑ಪೇತ್ ।
ಅ॒ಗ್ನಿ-ನ್ದೇ॒ವತಾ॑ನಾ-ಮ್ಪ್ರಥ॒ಮಂ-ಯಁ॑ಜೇತ್ ।
ಅ॒ಗ್ನಿಮು॑ಖಾ ಏ॒ವ ದೇ॒ವತಾಃ᳚ ಪ್ರೀಣಾತಿ ।
ಅ॒ಗ್ನಿಂ-ವಾಁ ಅನ್ವ॒ನ್ಯಾ ದೇ॒ವತಾಃ᳚ ।
ಇನ್ದ್ರ॒ಮನ್ವ॒ನ್ಯಾಃ । ತಾ ಏ॒ವೋಭಯೀಃ᳚ ಪ್ರೀಣಾತಿ ।
ಪಯೋ॒ ವಾ ಓಷ॑ಧಯಃ ।
ಪಯಃ॒ ಪಯಃ॑ । ಪಯ॑ಸೈ॒ವಾಸ್ಮೈ॒ ಪಯೋ-ಽವ॑ರುನ್ಧೇ ।
ಅಥೋತ್ತ॑ರಸ್ಮೈ ಹ॒ವಿಷೇ॑ ವ॒ಥ್ಸಾನ॒ಪಾ ಕು॑ರ್ಯಾತ್ ॥ 8 ॥
ಸೈವ ತತಃ॒ ಪ್ರಾಯ॑ಶ್ಚಿತ್ತಿಃ ॥ ಅ॒ರ್ಧೋ ವಾ ಏ॒ತಸ್ಯ॑ ಯ॒ಜ್ಞಸ್ಯ॑ ಮೀಯತೇ ।
ಯಸ್ಯ॒ ವ್ರತ್ಯೇ-ಽಹ॒-ನ್ಪತ್ನ್ಯ॑ನಾ-ಲಮ್ಭು॒ಕಾ ಭವ॑ತಿ । ತಾಮ॑ಪ॒ರುದ್ಧ್ಯ॑ ಯಜೇತ ।
ಸರ್ವೇ॑ಣೈ॒ವ ಯ॒ಜ್ಞೇನ॑ ಯಜತೇ ।
ತಾಮಿ॒ಷ್ಟ್ವೋ-ಪ॑ಹ್ವಯೇತ । ಅಮೂ॒ಹಮ॑ಸ್ಮಿ ।
ಸಾ ತ್ವಮ್ । ದ್ಯೌರ॒ಹಮ್ । ಪೃ॒ಥಿ॒ವೀ ತ್ವಮ್ । ಸಾಮಾ॒ಹಮ್ । ಋಕ್ತ್ವಮ್ । ತಾವೇಹಿ॒ ಸಮ್ಭ॑ವಾವ । ಸ॒ಹ ರೇತೋ॑ ದಧಾವಹೈ । ಪು॒ಗ್ಂ॒ಸೇ ಪು॒ತ್ರಾಯ॒ ವೇತ್ತ॑ವೈ ।
ರಾ॒ಯಸ್ಪೋಷಾ॑ಯ ಸುಪ್ರಜಾ॒ಸ್ತ್ವಾಯ॑ ಸು॒ವೀರ್ಯಾ॒ಯೇತಿ॑ ।
ಅ॒ರ್ಧ ಏ॒ವೈನಾ॒ಮು-ಪ॑ಹ್ವಯತೇ ।
ಸೈವ ತತಃ॒ ಪ್ರಾಯ॑ಶ್ಚಿತ್ತಿಃ ॥ 9 ॥
(ದ॒ಧಾ॒ತಿ॒ - ಯ॒ಜ್ಞ - ಉ॑ತ॒ ಏಕಂ॒ - ಧಯ॑ನ್ತಿ - ರುನ್ಧೇ - ಕುರ್ಯಾ - ದಾ॒ರ್ಛ - ತ್ಯ॒ಪಾಕು॑ರ್ಯಾತ್ - ಪೃಥಿ॒ವೀ ತ್ವಮ॒ಷ್ಟೌ ಚ॑) (ಅ. 1)
(ಸರ್ವಾ॒ನ್॒. ವಿ ವೈ ಯದಿ॑ ಪರಸ್ತ॒ರಾಮೋಷ॑ಧೀರನ್ ಯತ॒ರಾನು॒ಭಯಾ॑ನ॒ರ್ಧೋ ವೈ )
ಅನುವಾಕಂ 2 - ಅಗ್ನಿಹೋತ್ರಸಾಮ್ನಾಯ್ಯಸಾಧಾರಣಾನಿ ಪ್ರಾಯಶ್ಚಿತ್ತಾನಿ
3.7.2.1
ಯದ್ವಿ-ಷ್ಷ॑ಣ್ಣೇನ ಜುಹು॒ಯಾತ್ ।
ಅಪ್ರ॑ಜಾ ಅಪ॒ಶುರ್ಯಜ॑ಮಾನ-ಸ್ಸ್ಯಾತ್ ।
ಯದನಾ॑ಯತನೇ ನಿ॒ನಯೇ᳚ತ್ । ಅ॒ನಾ॒ಯ॒ತ॒ನ-ಸ್ಸ್ಯಾ᳚ತ್ ।
ಪ್ರಾ॒ಜಾ॒ಪ॒ತ್ಯಯ॒ರ್ಚಾ ವ॑ಲ್ಮೀಕ-ವ॒ಪಾಯಾ॒ಮ-ವ॑ನಯೇತ್ । ಪ್ರಾ॒ಜಾ॒ಪ॒ತ್ಯೋ ವೈ ವ॒ಲ್ಮೀಕಃ॑ । ಯ॒ಜ್ಞಃ ಪ್ರ॒ಜಾಪ॑ತಿಃ । ಪ್ರ॒ಜಾಪ॑ತಾವೇ॒ವ ಯ॒ಜ್ಞ-ಮ್ಪ್ರತಿ॑ಷ್ಠಾಪಯತಿ ।
ಭೂರಿತ್ಯಾ॑ಹ । ಭೂ॒ತೋ ವೈ ಪ್ರ॒ಜಾಪ॑ತಿಃ ॥ 10 ॥
ಭೂತಿ॑ಮೇ॒ವೋಪೈ॑ತಿ । ತ-ತ್ಕೃ॒ತ್ವಾ । ಅ॒ನ್ಯಾ-ನ್ದು॒ಗ್ಧ್ವಾ ಪುನ॑ರ್-ಹೋತ॒ವ್ಯ᳚ಮ್ । ಸೈವ ತತಃ॒ ಪ್ರಾಯ॑ಶ್ಚಿತ್ತಿಃ ॥ ಯತ್ಕೀ॒ಟಾ-ವ॑ಪನ್ನೇನ ಜುಹು॒ಯಾತ್ ।
ಅಪ್ರ॑ಜಾ ಅಪ॒ಶು-ರ್ಯಜ॑ಮಾನ-ಸ್ಸ್ಯಾತ್ ।
ಯದನಾ॑ಯತನೇ ನಿ॒ನಯೇ᳚ತ್ । ಅ॒ನಾ॒ಯ॒ತ॒ನ-ಸ್ಸ್ಯಾ᳚ತ್ ।
ಮ॒ದ್ಧ್ಯ॒ಮೇನ॑ ಪ॒ರ್ಣೇನ॑ ದ್ಯಾವಾ-ಪೃಥಿ॒ವ್ಯ॑-ಯ॒ರ್ಚಾ-ಽನ್ತಃ॑ ಪರಿ॒ಧಿ ನಿನ॑ಯೇತ್ ।
ದ್ಯಾವಾ॑ಪೃಥಿ॒ವ್ಯೋ-ರೇ॒ವೈನ॒ತ್-ಪ್ರತಿ॑ಷ್ಠಾಪಯತಿ ॥ 11 ॥
ತತ್ಕೃ॒ತ್ವಾ । ಅ॒ನ್ಯಾ-ನ್ದು॒ಗ್ಧ್ವಾ ಪುನ॑ರ್-ಹೋತ॒ವ್ಯ᳚ಮ್ । ಸೈವ ತತಃ॒ ಪ್ರಾಯ॑ಶ್ಚಿತ್ತಿಃ ॥ ಯದವ॑ವೃಷ್ಟೇನ ಜುಹು॒ಯಾತ್ । ಅಪ॑ರೂಪ-ಮಸ್ಯಾ॒ತ್ಮ-ಞ್ಜಾ॑ಯೇತ ।
ಕಿ॒ಲಾಸೋ॑ ವಾ॒ ಸ್ಯಾದ॑ರ್ಶ॒ಸೋ ವಾ᳚ । ಯ-ತ್ಪ್ರತ್ಯೇ॒ಯಾತ್ । ಯ॒ಜ್ಞಂ-ವಿಁಚ್ಛಿ॑ನ್ದ್ಯಾತ್ । ಸ ಜು॑ಹುಯಾತ್ ।
ಮಿ॒ತ್ರೋ ಜನಾ᳚ನ್ ಕಲ್ಪಯತಿ ಪ್ರಜಾ॒ನನ್ನ್ ॥ 12 ॥
ಮಿ॒ತ್ರೋ ದಾ॑ಧಾರ ಪೃಥಿ॒ವೀಮು॒ತ ದ್ಯಾಮ್ । ಮಿ॒ತ್ರಃ ಕೃ॒ಷ್ಟೀರ-ನಿ॑ಮಿಷಾ॒ ಽಭಿಚ॑ಷ್ಟೇ ।
ಸ॒ತ್ಯಾಯ॑ ಹ॒ವ್ಯ-ಙ್ಘೃ॒ತವ॑-ಜ್ಜುಹೋ॒ತೇತಿ॑ । ಮಿ॒ತ್ರೇಣೈ॒ವೈನ॑-ತ್ಕಲ್ಪಯತಿ । ತತ್ಕೃ॒ತ್ವಾ । ಅ॒ನ್ಯಾ-ನ್ದು॒ಗ್ಧ್ವಾ ಪುನ॑ರ್ಹೋತ॒ವ್ಯ᳚ಮ್ ।
ಸೈವ ತತಃ॒ ಪ್ರಾಯ॑ಶ್ಚಿತ್ತಿಃ ॥
ಯ-ತ್ಪೂರ್ವ॑ಸ್ಯಾ॒-ಮಾಹು॑ತ್ಯಾಗ್ಂ ಹು॒ತಾಯಾ॒-ಮುತ್ತ॒ರಾ-ಽಽಹು॑ತಿ॒-ಸ್ಸ್ಕನ್ದೇ᳚ತ್ ।
ದ್ವಿ॒ಪಾದ್ಭಿಃ॑ ಪ॒ಶುಭಿ॒-ರ್ಯಜ॑ಮಾನೋ॒ ವ್ಯೃ॑॑ದ್ಧ್ಯೇತ ।
ಯದುತ್ತ॑ರಯಾ॒ ಽಭಿಜು॑ಹು॒ಯಾತ್ ॥ 13 ॥
ಚತು॑ಷ್ಪಾದ್ಭಿಃ ಪ॒ಶುಭಿ॒-ರ್ಯಜ॑ಮಾನೋ॒ ವ್ಯೃ॑ದ್ಧ್ಯೇತ ।
ಯತ್ರ॒ ವೇತ್ಥ॑ ವನಸ್ಪತೇ ದೇ॒ವಾನಾ॒-ಙ್ಗುಹ್ಯಾ॒ ನಾಮಾ॑ನಿ ।
ತತ್ರ॑ ಹ॒ವ್ಯಾನಿ॑ ಗಾಮ॒ಯೇತಿ॑ ವಾನಸ್ಪ॒ತ್ಯ-ಯ॒ರ್ಚಾ ಸ॒ಮಿಧ॑-ಮಾ॒ಧಾಯ॑ । ತೂ॒ಷ್ಣೀಮೇ॒ವ ಪುನ॑-ರ್ಜುಹುಯಾತ್ ।
ವನ॒ಸ್ಪತಿ॑ನೈ॒ವ ಯ॒ಜ್ಞಸ್ಯಾರ್ತಾ॒-ಞ್ಚಾನಾ᳚ರ್ತಾ॒-ಞ್ಚಾಹು॑ತೀ॒ ವಿದಾ॑ಧಾರ । ತತ್ಕೃ॒ತ್ವಾ । ಅ॒ನ್ಯಾ-ನ್ದು॒ಗ್ಧ್ವಾ ಪುನ॑ರ್-ಹೋತ॒ವ್ಯ᳚ಮ್ । ಸೈವ ತತಃ॒ ಪ್ರಾಯ॑ಶ್ಚಿತ್ತಿಃ ॥
ಯತ್ಪು॒ರಾ ಪ್ರ॑ಯಾ॒ಜೇಭ್ಯಃ॒ ಪ್ರಾಂಅಙ್ಗಾ॑ರ॒-ಸ್ಸ್ಕನ್ದೇ᳚ತ್ ।
ಅ॒ದ್ಧ್ವ॒ರ್ಯವೇ॑ ಚ॒ ಯಜ॑ಮಾನಾಯ॒ ಚಾಕಗ್ಗ್॑ ಸ್ಯಾತ್ ॥ 14 ॥
ಯ-ದ್ದ॑ಕ್ಷಿ॒ಣಾ । ಬ್ರ॒ಹ್ಮಣೇ॑ ಚ॒ ಯಜ॑ಮಾನಾಯ॒ ಚಾಕಗ್ಗ್॑ ಸ್ಯಾತ್ । ಯ-ತ್ಪ್ರ॒ತ್ಯಕ್ ।
ಹೋತ್ರೇ॑ ಚ॒ ಪತ್ನಿ॑ಯೈ ಚ॒ ಯಜ॑ಮಾನಾಯ॒ ಚಾಕಗ್ಗ್॑ ಸ್ಯಾತ್ ।
ಯದುದಂ॑ । ಅ॒ಗ್ನೀಧೇ॑ ಚ ಪ॒ಶುಭ್ಯ॑ಶ್ಚ॒ ಯಜ॑ಮಾನಾಯ॒ ಚಾಕಗ್ಗ್॑ ಸ್ಯಾತ್ । ಯದ॑ಭಿಜುಹು॒ಯಾತ್ । ರು॒ದ್ರೋ᳚-ಽಸ್ಯ ಪ॒ಶೂ-ನ್ಘಾತು॑ಕ-ಸ್ಸ್ಯಾತ್ ।
ಯನ್ನಾಭಿ॑ ಜುಹು॒ಯಾತ್ । ಅಶಾ᳚ನ್ತಃ॒ ಪ್ರಹ್ರಿ॑ಯೇತ ॥ 15 ॥
ಸ್ರು॒ವಸ್ಯ॒ ಬುದ್ಧ್ನೇ॑ನಾಭಿ॒ ನಿದ॑ದ್ಧ್ಯಾತ್ ।
ಮಾ ತ॑ಮೋ॒ ಮಾ ಯ॒ಜ್ಞಸ್ತ॑ಮ॒ನ್ಮಾ ಯಜ॑ಮಾನ-ಸ್ತಮತ್ ।
ನಮ॑ಸ್ತೇ ಅಸ್ತ್ವಾಯ॒ತೇ । ನಮೋ॑ ರುದ್ರ ಪರಾಯ॒ತೇ ।
ನಮೋ॒ ಯತ್ರ॑ ನಿ॒ಷೀದ॑ಸಿ ।
ಅ॒ಮು-ಮ್ಮಾ ಹಿಗ್ಂ॑ಸೀರ॒ಮು-ಮ್ಮಾ ಹಿಗ್ಂ॑ಸೀ॒ರಿತಿ॒ ಯೇನ॒ ಸ್ಕನ್ದೇ᳚ತ್ ॥ ತ-ಮ್ಪ್ರಹ॑ರೇತ್ ।
ಸ॒ಹಸ್ರ॑ಶೃಙ್ಗೋ ವೃಷ॒ಭೋ ಜಾ॒ತವೇ॑ದಾಃ । ಸ್ತೋಮ॑ಪೃಷ್ಠೋ ಘೃ॒ತವಾ᳚ನ್-ಥ್ಸು॒ಪ್ರತೀ॑ಕಃ ।
ಮಾ ನೋ॑ ಹಾಸೀನ್ಮೇತ್ಥಿ॒ತೋ (ಹಾಸೀರ್ಮೇತ್ಥಿ॒ತೋ) ನೇತ್ತ್ವಾ॒ ಜಹಾ॑ಮ ।
ಗೋ॒ಪೋ॒ಷ-ನ್ನೋ॑ ವೀರಪೋ॒ಷ-ಞ್ಚ॑ ಯ॒ಚ್ಛೇತಿ॑ ।
ಬ್ರಹ್ಮ॑ಣೈ॒ವೈನ॒-ಮ್ಪ್ರಹ॑ರತಿ । ಸೈವ ತತಃ॒ ಪ್ರಾಯ॑ಶ್ಚಿತ್ತಿಃ ॥ 16 ॥
(ವೈ ಪ್ರ॒ಜಾಪ॑ತಿಃ - ಸ್ಥಾಪಯತಿ - ಪ್ರಜಾ॒ನನ್ - ನ॒ಭಿಜು॑ಹು॒ಯಾಥ್ - ಸ್ಯಾ᳚-ದ್- ಧ್ರಿಯೇತ॒ - ಜಹಾ॑ಮ॒ ತ್ರಿಣಿ॑ ಚ) (ಅ. 2)
(ಯದ್ವಿಸ್ಷ॑ಣ್ಣೇನ ಪ್ರಾಜಾಪ॒ತ್ಯಯಾ॒ ಯ-ತ್ಕೀ॒ಟಾ ಮ॑ದ್ಧ್ಯ॒ಮೇನ॒ ಯದವ॑ವೃಷ್ಟೇನ॒ ಯ-ತ್ಪೂರ್ವ॑ಸ್ಯಾಂ॒-ಯಁ-ತ್ಪು॒ರಾ ಪ್ರ॑ಯಾ॒ಜೇಭ್ಯ॒ ಪ್ರಂಙ್ಗಾ॑ರೋ॒ ಯ-ದ್ದ॑ಕ್ಷಿ॒ಣಾ ಯ-ತ್ಪ್ರ॒ತ್ಯಗ್ಯದುದಙ್ಙ್॑)
ಅನುವಾಕಂ 3 - ಮುಖ್ಯಾಗ್ನ್ಯಸಮ್ಭವೇ-ಽನುಕಲ್ಪಾಃ ಹೋಮಾಧಾರಾಃ
ವಿ ವಾ ಏ॒ಷ ಇ॑ನ್ದ್ರಿ॒ಯೇಣ॑ ವೀ॒ರ್ಯೇ॑ಣರ್ಧ್ಯತೇ ।
ಯಸ್ಯಾ-ಹಿ॑ತಾಗ್ನೇ-ರ॒ಗ್ನಿ-ರ್ಮ॒ಥ್ಯಮಾ॑ನೋ॒ ನ ಜಾಯ॑ತೇ । ಯತ್ರಾ॒ನ್ಯ-ಮ್ಪಶ್ಯೇ᳚ತ್ । ತತ॑ ಆ॒ಹೃತ್ಯ॑ ಹೋತ॒ವ್ಯ᳚ಮ್ ।
ಅ॒ಗ್ನಾ-ವೇ॒ವಾಸ್ಯಾ᳚-ಗ್ನಿಹೋ॒ತ್ರಗ್ಂ ಹು॒ತ-ಮ್ಭ॑ವತಿ ॥
ಯದ್ಯ॒ನ್ಯ-ನ್ನ ವಿ॒ನ್ದೇತ್ । ಅ॒ಜಾಯಾಗ್ಂ॑ ಹೋತ॒ವ್ಯ᳚ಮ್ । ಆ॒ಗ್ನೇ॒ಯೀ ವಾ ಏ॒ಷಾ । ಯದ॒ಜಾ । ಅ॒ಗ್ನಾ-ವೇ॒ವಾಸ್ಯಾ᳚-ಗ್ನಿಹೋ॒ತ್ರಗ್ಂ ಹು॒ತ-ಮ್ಭ॑ವತಿ ॥ 17 ॥
ಅ॒ಜಸ್ಯ॒ ತು ನಾಶ್ಞೀ॑ಯಾತ್ । ಯದ॒ಜಸ್ಯಾ᳚-ಶ್ಞೀ॒ಯಾತ್ ।
ಯಾಮೇ॒ವಾಗ್ನಾ-ವಾಹು॑ತಿ-ಞ್ಜುಹು॒ಯಾತ್ । ತಾಮ॑ದ್ಯಾತ್ । ತಸ್ಮಾ॑ದ॒ಜಸ್ಯ॒ ನಾಶ್ಯ᳚ಮ್ ॥ ಯದ್ಯ॒ಜಾ-ನ್ನ ವಿ॒ನ್ದೇತ್ । ಬ್ರಾ॒ಹ್ಮ॒ಣಸ್ಯ॒ ದಕ್ಷಿ॑ಣೇ॒ ಹಸ್ತೇ॑ ಹೋತ॒ವ್ಯ᳚ಮ್ ।
ಏ॒ಷ ವಾ ಅ॒ಗ್ನಿ ರ್ವೈ᳚ಶ್ವಾನ॒ರಃ । ಯದ್ಬ್ರಾ᳚ಹ್ಮ॒ಣಃ ।
ಅ॒ಗ್ನಾ-ವೇ॒ವಾಸ್ಯಾ᳚-ಗ್ನಿಹೋ॒ತ್ರಗ್ಂ ಹು॒ತ-ಮ್ಭ॑ವತಿ ॥ 18 ॥
ಬ್ರಾ॒ಹ್ಮ॒ಣ-ನ್ತು ವ॑ಸ॒ತ್ಯೈ॑ ನಾಪ॑ರುನ್ಧ್ಯಾತ್ । ಯದ್ಬ್ರಾ᳚ಹ್ಮ॒ಣಂ-ವಁ॑ಸ॒ತ್ಯಾ ಅ॑ಪರು॒ನ್ಧ್ಯಾತ್ ।
ಯಸ್ಮಿ॑ನ್ನೇ॒-ವಾಗ್ನಾವಾಹು॑ತಿ-ಞ್ಜುಹು॒ಯಾತ್ । ತ-ಮ್ಭಾ॑ಗ॒ಧೇಯೇ॑ನ॒ ವ್ಯ॑ರ್ಧಯೇತ್ ।
ತಸ್ಮಾ᳚-ದ್ಬ್ರಾಹ್ಮ॒ಣೋ ವ॑ಸ॒ತ್ಯೈ॑ ನಾಪ॒ರುದ್ಧ್ಯಃ॑ ॥ ಯದಿ॑ ಬ್ರಾಹ್ಮ॒ಣ-ನ್ನ ವಿ॒ನ್ದೇತ್ ।
ದ॒ರ್ಭ॒ಸ್ತ॒ಬೇಂ ಹೋ॑ತ॒ವ್ಯ᳚ಮ್ ।
ಅ॒ಗ್ನಿ॒ವಾನ್. ವೈ ದ॑ರ್ಭಸ್ತ॒ಬಂಃ ।
ಅ॒ಗ್ನಾವೇ॒-ವಾಸ್ಯಾ᳚-ಗ್ನಿಹೋ॒ತ್ರಗ್ಂ ಹು॒ತ-ಮ್ಭ॑ವತಿ ।
ದ॒ರ್ಭಾಗ್ಸ್ತು ನಾದ್ಧ್ಯಾ॑ಸೀತ ॥ 19 ॥
ಯದ್ದ॒ರ್ಭಾನ॒ದ್ಧ್ಯಾಸೀ॑ತ । ಯಾಮೇ॒ವಾಗ್ನಾ-ವಾಹು॑ತಿ-ಞ್ಜುಹು॒ಯಾತ್ । ತಾಮದ್ಧ್ಯಾ॑ಸೀತ ।
ತಸ್ಮಾ᳚-ದ್ದ॒ರ್ಭಾ ನಾದ್ಧ್ಯಾ॑ಸಿತ॒ವ್ಯಾಃ᳚ ॥
ಯದಿ॑ ದ॒ರ್ಭಾನ್ನ ವಿ॒ನ್ದೇತ್ । ಅ॒ಫ್ಸು ಹೋ॑ತ॒ವ್ಯ᳚ಮ್ ।
ಆಪೋ॒ ವೈ ಸರ್ವಾ॑ ದೇ॒ವತಾಃ᳚ ।
ದೇ॒ವತಾ᳚ಸ್ವೇ॒ ವಾಸ್ಯಾ᳚-ಗ್ನಿಹೋ॒ತ್ರಗ್ಂ ಹು॒ತ-ಮ್ಭ॑ವತಿ ।
ಆಪ॒ಸ್ತು ನ ಪರಿ॑ಚಕ್ಷೀತ । ಯದಾಪಃ॑ ಪರಿ॒ಚಕ್ಷೀ॑ತ ॥ 20 ॥
ಯಾ ಮೇ॒ವಾಫ್ಸ್ವಾಹು॑ತಿ-ಞ್ಜುಹು॒ಯಾತ್ । ತಾ-ಮ್ಪರಿ॑ಚಕ್ಷೀತ ।
ತಸ್ಮಾ॒ದಾಪೋ॒ ನ ಪ॑ರಿ॒ಚಕ್ಷ್ಯಾಃ᳚ ॥
ಮೇದ್ಧ್ಯಾ॑ ಚ॒ ವಾ ಏ॒ತಸ್ಯಾ॑ಮೇ॒ದ್ಧ್ಯಾ ಚ॑ ತ॒ನುವೌ॒ ಸಗ್ಂಸೃ॑ಜ್ಯೇತೇ । ಯಸ್ಯಾ-ಹಿ॑ತಾಗ್ನೇ-ರ॒ನ್ಯೈರ॒ಗ್ನಿಭಿ॑-ರ॒ಗ್ನಯಃ॑ ಸಗ್ಂಸೃ॒ಜ್ಯನ್ತೇ᳚ । ಅ॒ಗ್ನಯೇ॒ ವಿವಿ॑ಚಯೇ ಪುರೋ॒ಡಾಶ॑-ಮ॒ಷ್ಟಾಕ॑ಪಾಲ॒-ನ್ನಿರ್ವ॑ಪೇತ್ ।
ಮೇದ್ಧ್ಯಾ᳚-ಞ್ಚೈ॒ವಾಸ್ಯಾ॑-ಮೇ॒ದ್ಧ್ಯಾ-ಞ್ಚ॑ ತ॒ನುವೌ॒ ವ್ಯಾವ॑ರ್ತಯತಿ ॥ ಅ॒ಗ್ನಯೇ᳚ ವ್ರ॒ತಪ॑ತಯೇ ಪುರೋ॒ಡಾಶ॑-ಮ॒ಷ್ಟಾಕ॑ಪಾಲ॒-ನ್ನಿರ್ವ॑ಪೇತ್ । ಅ॒ಗ್ನಿಮೇ॒ವ ವ್ರ॒ತಪ॑ತಿ॒ಗ್ಗ್॒ ಸ್ವೇನ॑ ಭಾಗ॒ಧೇಯೇ॒-ನೋಪ॑ಧಾವತಿ ।
ಸ ಏ॒ವೈನಂ॑-ವ್ರಁ॒ತಮಾ-ಲ॑ಭಂಯಁತಿ ॥ 21 ॥
ಗರ್ಭ॒ಗ್ಗ್॒ ಸ್ರವ॑ನ್ತಮಗ॒ದಮ॑ಕಃ । ಅ॒ಗ್ನಿ-ರಿನ್ದ್ರ॒-ಸ್ತ್ವಷ್ಟಾ॒ ಬೃಹ॒ಸ್ಪತಿಃ॑ । ಪೃ॒ಥಿ॒ವ್ಯಾ-ಮವ॑ಚುಶ್ಚೋ-ತೈ॒ತತ್ । ನಾಭಿ-ಪ್ರಾಪ್ನೋ॑ತಿ॒ ನಿರ್-ಋ॑ತಿ-ಮ್ಪರಾ॒ಚೈಃ ॥
ರೇತೋ॒ ವಾ ಏ॒ತದ್ವಾಜಿ॑ನ॒-ಮಾಹಿ॑ತಾಗ್ನೇಃ । ಯದ॑ಗ್ನಿಹೋ॒ತ್ರಮ್ । ತದ್ಯಥ್ಸ್ರವೇ᳚ತ್ ।
ರೇತೋ᳚-ಽಸ್ಯ॒ ವಾಜಿ॑ನಗ್ಗ್ ಸ್ರವೇತ್ । ಗರ್ಭ॒ಗ್ಗ್॒ ಸ್ರವ॑ನ್ತಮ-ಗ॒ದಮ॑ಕ॒-ರಿತ್ಯಾ॑ಹ ।
ರೇತ॑ ಏ॒ವಾಸ್ಮಿ॒ನ್ ವಾಜಿ॑ನ-ನ್ದಧಾತಿ ॥ 22 ॥
ಅ॒ಗ್ನಿರಿತ್ಯಾ॑ಹ । ಅ॒ಗ್ನಿರ್ವೈ ರೇ॑ತೋ॒ಧಾಃ । ರೇತ॑ ಏ॒ವ ತದ್ದ॑ಧಾತಿ । ಇನ್ದ್ರ॒ ಇತ್ಯಾ॑ಹ । ಇ॒ನ್ದ್ರಿ॒ಯ-ಮೇ॒ವಾಸ್ಮಿ॑ನ್-ದಧಾತಿ । ತ್ವಷ್ಟೇತ್ಯಾ॑ಹ । ತ್ವಷ್ಟಾ॒ ವೈ ಪ॑ಶೂ॒ನಾ-ಮ್ಮಿ॑ಥು॒ನಾನಾಗ್ಂ॑ ರೂಪ॒ಕೃತ್ । ರೂ॒ಪಮ॒ವ ಪ॒ಶುಷು॑ ದಧಾತಿ । ಬೃಹ॒ಸ್ಪತಿ॒ರಿತ್ಯಾ॑ಹ ।
ಬ್ರಹ್ಮ॒ ವೈ ದೇ॒ವಾನಾ॒-ಮ್ಬೃಹ॒ಸ್ಪತಿಃ॑ । ಬ್ರಹ್ಮ॑ಣೈ॒ವಾಸ್ಮೈ᳚ ಪ್ರ॒ಜಾಃ ಪ್ರಜ॑ನಯತಿ ॥
ಪೃ॒ಥಿ॒ವ್ಯಾ-ಮವ॑ಚುಶ್ಚೋತೈ॒ತ-ದಿತ್ಯಾ॑ಹ ।
ಅ॒ಸ್ಯಾ-ಮೇ॒ವೈನ॒-ತ್ಪ್ರತಿ॑ಷ್ಠಾಪಯತಿ ॥
ನಾಭಿ ಪ್ರಾಪ್ನೋ॑ತಿ॒ ನಿರ್-ಋ॑ತಿ-ಮ್ಪರಾ॒ಚೈರಿತ್ಯಾ॑ಹ ।
ರಕ್ಷ॑ಸಾ॒ಮಪ॑ಹತ್ಯೈ ॥ 23 ॥
(ಅ॒ಜಾ-ಽಗ್ನಾವೇ॒ವಾಸ್ಯಾ᳚ಗ್ನಿಹೋ॒ತ್ರಗ್ಂ ಹು॒ತ-ಮ್ಭ॑ವತಿ - ಭವ - ತ್ಯಾಸೀತ - ಪರಿ॒ಚಕ್ಷೀ॑ತ - ಲಮ್ಭಯತಿ - ದಧಾತಿ - ದೇ॒ವಾನಾ॒-ಮ್ಬೃಹ॒ಸ್ಪತಿಃ॒ ಪಞ್ಚ॑ ಚ) (ಅ. 3)
(ವಿ ವೈ ಯ-ದ್ಯ॒ನ್ಯಮ॒ಜಾಯಾ᳚-ಮ್ಬ್ರಾಹ್ಮ॒ಣಸ್ಯ॑ ದರ್ಭಸ್ತ॒ಮ್ಬೇ᳚-ಽಫ್ಸು ಹೋ॑ತ॒ವ್ಯ᳚ಮ್)
ಅನುವಾಕಂ 4 - ಐಷ್ಟಿಕಯಾಜಮಾನಮನ್ತ್ರಾಃ
ಯಾಃ ಪು॒ರಸ್ತಾ᳚-ತ್ಪ್ರ॒ಸ್ರವ॑ನ್ತಿ । ಉ॒ಪರಿ॑ಷ್ಟಾ-ಥ್ಸ॒ರ್ವತ॑ಶ್ಚ॒ ಯಾಃ । ತಾಭೀ॑ ರ॒ಶ್ಮಿಪ॑ವಿತ್ರಾಭಿಃ । ಶ್ರ॒ದ್ಧಾಂ-ಯಁ॒ಜ್ಞಮಾರ॑ಭೇ ॥ ದೇವಾ॑ ಗಾತುವಿದಃ ।
ಗಾ॒ತುಂ-ಯಁ॒ಜ್ಞಾಯ॑ ವಿನ್ದತ । ಮನ॑ಸ॒ಸ್ಪತಿ॑ನಾ ದೇ॒ವೇನ॑ । ವಾತಾ᳚-ದ್ಯ॒ಜ್ಞಃ ಪ್ರಯು॑ಜ್ಯತಾಮ್ ॥ ತೃ॒ತೀಯ॑ಸ್ಯೈ ದಿ॒ವಃ । ಗಾ॒ಯ॒ತ್ರಿ॒ಯಾ ಸೋಮ॒ ಆಭೃ॑ತಃ ॥ 24 ॥
ಸೋ॒ಮ॒ಪೀ॒ಥಾಯ॒ ಸನ್ನ॑ಯಿತುಮ್ । ವಕ॑ಲ॒-ಮನ್ತ॑ರ॒ಮಾದ॑ದೇ ॥ ಆಪೋ॑ ದೇವೀ-ಶ್ಶು॒ದ್ಧಾ-ಸ್ಸ್ಥ॑ । ಇ॒ಮಾ ಪಾತ್ರಾ॑ಣಿ ಶುನ್ಧತ । ಉ॒ಪಾ॒ತ॒ಙ್ಕ್ಯಾ॑ಯ ದೇ॒ವಾನಾ᳚ಮ್ । ಪ॒ರ್ಣ॒ವ॒ಲ್ಕಮು॒ತ ಶು॑ನ್ಧತ ॥
ಪಯೋ॑ ಗೃ॒ಹೇಷು॒ ಪಯೋ॑ ಅಘ್ನಿ॒ಯಾಸು॑ ।
ಪಯೋ॑ ವ॒ಥ್ಸೇಷು॒ ಪಯ॒ ಇನ್ದ್ರಾ॑ಯ ಹ॒ವಿಷೇ᳚ ಧ್ರಿಯಸ್ವ । ಗಾ॒ಯ॒ತ್ರೀ ಪ॑ರ್ಣವ॒ಲ್ಕೇನ॑ । ಪಯ-ಸ್ಸೋಮ॑-ಙ್ಕರೋತ್ವಿ॒ಮಮ್ ॥ 25 ॥
ಅ॒ಗ್ನಿ-ಙ್ಗೃ॑ಹ್ಣಾಮಿ ಸು॒ರಥಂ॒-ಯೋಁ ಮ॑ಯೋ॒ ಭೂಃ ।
ಯ ಉ॒ದ್ಯನ್ತ॑ಮಾ॒ ರೋಹ॑ತಿ॒ ಸೂರ್ಯ॒ಮಹ್ನೇ᳚ ।
ಆ॒ದಿ॒ತ್ಯ-ಞ್ಜ್ಯೋತಿ॑ಷಾ॒-ಞ್ಜ್ಯೋತಿ॑ರುತ್ತ॒ಮಮ್ ।
ಶ್ವೋ ಯ॒ಜ್ಞಾಯ॑ ರಮತಾ-ನ್ದೇ॒ವತಾ᳚ಭ್ಯಃ ॥
ವಸೂ᳚-ನ್ರು॒ದ್ರಾನಾ॑ದಿ॒ತ್ಯಾನ್ । ಇನ್ದ್ರೇ॑ಣ ಸ॒ಹ ದೇ॒ವತಾಃ᳚ । ತಾಃ ಪೂರ್ವಃ॒ ಪರಿ॑ಗೃಹ್ಣಾಮಿ । ಸ್ವ ಆ॒ಯತ॑ನೇ ಮನೀ॒ಷಯಾ᳚ ॥ ಇ॒ಮಾಮೂರ್ಜ॑-ಮ್ಪಞ್ಚದ॒ಶೀಂ-ಯೇಁ ಪ್ರವಿ॑ಷ್ಟಾಃ । ತಾನ್ದೇ॒ವಾ-ನ್ಪರಿ॑ಗೃಹ್ಣಾಮಿ॒ ಪೂರ್ವಃ॑ ॥ 26 ॥
ಅ॒ಗ್ನಿರ್-ಹ॑ವ್ಯ॒ವಾಡಿ॒ಹ ತಾನಾವ॑ಹತು । ಪೌ॒ರ್ಣ॒ಮಾ॒ಸಗ್ಂ ಹ॒ವಿರಿ॒ದಮೇ॑ಷಾ॒-ಮ್ಮಯಿ॑ ।
ಆ॒ಮಾ॒ವಾ॒ಸ್ಯಗ್ಂ॑ ಹ॒ವಿರಿ॒ದಮೇ॑ಷಾ॒-ಮ್ಮಯಿ॑ ॥ ಅ॒ನ್ತ॒ರಾ-ಽಗ್ನೀ ಪ॒ಶವಃ॑ । ದೇ॒ವ॒ಸ॒ಗ್ಂ॒ ಸದ॒ಮಾಗ॑ಮನ್ನ್ । ತಾ-ನ್ಪೂರ್ವಃ॒ ಪರಿ॑ಗೃಹ್ಣಾಮಿ ।
ಸ್ವ ಆ॒ಯತ॑ನೇ ಮನೀ॒ಷಯಾ᳚ ॥ ಇ॒ಹ ಪ್ರ॒ಜಾ ವಿ॒ಶ್ವರೂ॑ಪಾ ರಮನ್ತಾಮ್ । ಅ॒ಗ್ನಿ-ಙ್ಗೃ॒ಹಪ॑ತಿಮ॒ಭಿ ಸಂ॒ವಁಸಾ॑ನಾಃ । ತಾಃ ಪೂರ್ವಃ॒ ಪರಿ॑ಗೃಹ್ಣಾಮಿ ॥ 27 ॥
ಸ್ವ ಆ॒ಯತ॑ನೇ ಮನೀ॒ಷಯಾ᳚ ॥
ಇ॒ಹ ಪ॒ಶವೋ॑ ವಿ॒ಶ್ವರೂ॑ಪಾ ರಮನ್ತಾಮ್ ।
ಅ॒ಗ್ನಿ-ಙ್ಗೃ॒ಹಪ॑ತಿಮ॒ಭಿ ಸಂ॒ವಁಸಾ॑ನಾಃ ।
ತಾ-ನ್ಪೂರ್ವಃ॒ ಪರಿ॑ಗೃಹ್ಣಾಮಿ । ಸ್ವ ಆ॒ಯತ॑ನೇ ಮನೀ॒ಷಯಾ᳚ ॥ ಅ॒ಯ-ಮ್ಪಿ॑ತೃ॒ಣಾಮ॒ಗ್ನಿಃ ।
ಅವಾ᳚ಡ್ಢ॒ವ್ಯಾ ಪಿ॒ತೃಭ್ಯ॒ ಆ । ತ-ಮ್ಪೂರ್ವಃ॒ ಪರಿ॑ಗೃಹ್ಣಾಮಿ । ಅವಿ॑ಷ-ನ್ನಃ ಪಿ॒ತು-ಙ್ಕ॑ರತ್ ॥ ಅಜ॑ಸ್ರ॒-ನ್ತ್ವಾಗ್ಂ ಸ॑ಭಾಪಾ॒ಲಾಃ ॥ 28 ॥
ವಿ॒ಜ॒ಯಭಾ॑ಗ॒ಗ್ಂ॒ ಸಮಿ॑ನ್ಧತಾಮ್ । ಅಗ್ನೇ॑ ದೀ॒ದಾಯ॑ ಮೇ ಸಭ್ಯ । ವಿಜಿ॑ತ್ಯೈ ಶ॒ರದಃ॑ ಶ॒ತಮ್ ॥ ಅನ್ನ॑ಮಾವಸ॒ಥೀಯ᳚ಮ್ । ಅ॒ಭಿಹ॑ರಾಣಿ ಶ॒ರದಃ॑ ಶ॒ತಮ್ । ಆ॒ವ॒ಸ॒ಥೇ ಶ್ರಿಯ॒-ಮ್ಮನ್ತ್ರ᳚ಮ್ । ಅಹಿ॑ರ್ಬು॒ದ್ಧ್ನಿಯೋ॒ ನಿಯ॑ಚ್ಛತು ॥ ಇ॒ದಮ॒ಹ-ಮ॒ಗ್ನಿ ಜ್ಯೇ᳚ಷ್ಠೇಭ್ಯಃ । ವಸು॑ಭ್ಯೋ ಯ॒ಜ್ಞ-ಮ್ಪ್ರಬ್ರ॑ವೀಮಿ ।
ಇ॒ದಮ॒ಹ-ಮಿನ್ದ್ರ॑ ಜ್ಯೇಷ್ಠೇಭ್ಯಃ ॥ 29 ॥
ರು॒ದ್ರೇಭ್ಯೋ॑ ಯ॒ಜ್ಞ-ಮ್ಪ್ರಬ್ರ॑ವೀಮಿ । ಇ॒ದಮ॒ಹಂ-ವಁರು॑ಣ-ಜ್ಯೇಷ್ಠೇಭ್ಯಃ । ಆ॒ದಿ॒ತ್ಯೇಭ್ಯೋ॑ ಯ॒ಜ್ಞ-ಮ್ಪ್ರಬ್ರ॑ವೀಮಿ ॥ ಪಯ॑ಸ್ವತೀ॒-ರೋಷ॑ಧಯಃ ।
ಪಯ॑ಸ್ವದ್ವೀ॒ರುಧಾ॒-ಮ್ಪಯಃ॑ । ಅ॒ಪಾ-ಮ್ಪಯ॑ಸೋ॒ ಯತ್ಪಯಃ॑ । ತೇನ॒ ಮಾಮಿ॑ನ್ದ್ರ॒ ಸಗ್ಂಸೃ॑ಜ ॥
ಅಗ್ನೇ᳚ ವ್ರತಪತೇ ವ್ರ॒ತ-ಞ್ಚ॑ರಿಷ್ಯಾಮಿ ।
ತಚ್ಛ॑ಕೇಯ॒-ನ್ತನ್ಮೇ॑ ರಾದ್ಧ್ಯತಾಮ್ ।
ವಾಯೋ᳚ ವ್ರತಪತ॒ ಆದಿ॑ತ್ಯ ವ್ರತಪತೇ ॥ 30 ॥
ವ್ರ॒ತಾನಾಂ᳚-ವ್ರಁತಪತೇ ವ್ರ॒ತ-ಞ್ಚ॑ರಿಷ್ಯಾಮಿ । ತಚ್ಛ॑ಕೇಯ॒-ನ್ತನ್ಮೇ॑ ರಾದ್ಧ್ಯತಾಮ್ ॥
ಇ॒ಮಾ-ಮ್ಪ್ರಾಚೀ॒ಮುದೀ॑ಚೀಮ್ । ಇಷ॒ಮೂರ್ಜ॑ಮ॒ಭಿ ಸಗ್ಗ್ಸ್ಕೃ॑ತಾಮ್ । ಬ॒ಹು॒ಪ॒ರ್ಣಾಮಶು॑ಷ್ಕಾಗ್ರಾಮ್ ।
ಹರಾ॑ಮಿ ಪಶು॒ಪಾಮ॒ಹಮ್ ॥ ಯತ್ಕೃಷ್ಣೋ॑ ರೂ॒ಪ-ಙ್ಕೃ॒ತ್ವಾ । ಪ್ರಾವಿ॑ಶ॒ಸ್ತ್ವಂ-ವಁನ॒ಸ್ಪತೀನ್॑ ।
ತತ॒ಸ್ತ್ವಾಮೇ॑ಕವಿಗ್ಂಶತಿ॒ಧಾ । ಸಮ್ಭ॑ರಾಮಿ ಸುಸ॒ಮ್ಭೃತಾ᳚ ॥ 31 ॥
ತ್ರೀ-ನ್ಪ॑ರಿ॒ಧೀಗ್ಸ್ತಿ॒ಸ್ರ-ಸ್ಸ॒ಮಿಧಃ॑ । ಯ॒ಜ್ಞಾಯು॑ರನುಸಞ್ಚ॒ರಾನ್ ।
ಉ॒ಪ॒ವೇ॒ಷ-ಮ್ಮೇಕ್ಷ॑ಣ॒-ನ್ಧೃಷ್ಟಿ᳚ಮ್ । ಸಮ್ಭ॑ರಾಮಿ ಸುಸ॒ಭೃನ್ತಾ᳚ ॥ ಯಾ ಜಾ॒ತಾ ಓಷ॑ಧಯಃ । ದೇ॒ವೇಭ್ಯ॑ ಸ್ತ್ರಿಯು॒ಗ-ಮ್ಪು॒ರಾ । ತಾಸಾ॒-ಮ್ಪರ್ವ॑ ರಾದ್ಧ್ಯಾಸಮ್ । ಪ॒ರಿ॒ಸ್ತ॒ರ-ಮಾ॒ಹರನ್ನ್॑ ॥
ಅ॒ಪಾ-ಮ್ಮೇದ್ಧ್ಯಂ॑-ಯಁ॒ಜ್ಞಿಯ᳚ಮ್ ।
ಸದೇ॑ವಗ್ಂ ಶಿ॒ವಮ॑ಸ್ತು ಮೇ ॥ 32 ॥
ಆ॒ಚ್ಛೇ॒ತ್ತಾ ವೋ॒ ಮಾ ರಿ॑ಷಮ್ । ಜೀವಾ॑ನಿ ಶ॒ರದಃ॑ ಶ॒ತಮ್ ॥ ಅಪ॑ರಿಮಿತಾನಾ॒-ಮ್ಪರಿ॑ಮಿತಾಃ । ಸನ್ನ॑ಹ್ಯೇ ಸುಕೃ॒ತಾಯ॒ಕಮ್ । ಏನೋ॒ ಮಾ ನಿಗಾ᳚-ಙ್ಕತ॒ಮಚ್ಚ॒ ನಾಹಮ್ । ಪುನ॑ರು॒ತ್ಥಾಯ॑ ಬಹು॒ಲಾ ಭ॑ವನ್ತು ॥ ಸ॒ಕೃ॒ದಾ॒ಚ್ಛಿ॒ನ್ನ-ಮ್ಬ॒ರ್॒ಹಿರೂರ್ಣಾ॑ಮೃದು ।
ಸ್ಯೋ॒ನ-ಮ್ಪಿ॒ತೃಭ್ಯ॑ಸ್ತ್ವಾ ಭರಾಮ್ಯ॒ಹಮ್ । ಅ॒ಸ್ಮಿ-ನ್ಥ್ಸೀ॑ದನ್ತು ಮೇ ಪಿ॒ತರಃ॑ ಸೋ॒ಮ್ಯಾಃ ।
ಪಿ॒ತಾ॒ಮ॒ಹಾಃ ಪ್ರಪಿ॑ತಾಮಹಾಶ್ಚಾನು॒ಗೈ-ಸ್ಸ॒ಹ ॥ 33 ॥
ತ್ರಿ॒ವೃ-ತ್ಪ॑ಲಾ॒ಶೇ ದ॒ರ್ಭಃ । ಇಯಾ᳚-ನ್ಪ್ರಾದೇ॒ಶ ಸ॑ಮಿನ್ತಃ । ಯ॒ಜ್ಞೇ ಪ॒ವಿತ್ರ॒-ಮ್ಪೋತೃ॑ತಮಮ್ । ಪಯೋ॑ ಹ॒ವ್ಯ-ಙ್ಕ॑ರೋತು ಮೇ ॥ ಇ॒ಮೌ ಪ್ರಾ॑ಣಾಪಾ॒ನೌ ।
ಯ॒ಜ್ಞಸ್ಯಾಙ್ಗಾ॑ನಿ ಸರ್ವ॒ಶಃ । ಆ॒ಪ್ಯಾ॒ಯಯ॑ನ್ತೌ॒ ಸಞ್ಚ॑ರತಾಮ್ । ಪ॒ವಿತ್ರೇ॑ ಹವ್ಯ॒ಶೋಧ॑ನೇ ॥
ಪ॒ವಿತ್ರೇ᳚ ಸ್ಥೋ ವೈಷ್ಣ॒ವೀ । ವಾ॒ಯುರ್ವಾ॒-ಮ್ಮನ॑ಸಾ ಪುನಾತು ॥ 34 ॥
ಅ॒ಯ-ಮ್ಪ್ರಾ॒ಣಶ್ಚಾ॑ಪಾ॒ನಶ್ಚ॑ । ಯಜ॑ಮಾನ॒-ಮಪಿ॑ಗಚ್ಛತಾಮ್ । ಯ॒ಜ್ಞೇ ಹ್ಯಭೂ॑ತಾ॒-ಮ್ಪೋತಾ॑ರೌ ।
ಪ॒ವಿತ್ರೇ॑ ಹವ್ಯ॒ಶೋಧ॑ನೇ ॥ ತ್ವಯಾ॒ ವೇದಿಂ॑-ವಿಁವಿದುಃ ಪೃಥಿ॒ವೀಮ್ । ತ್ವಯಾ॑ ಯ॒ಜ್ಞೋ ಜಾ॑ಯತೇ ವಿಶ್ವ॒ದಾನಿಃ॑ । ಅಚ್ಛಿ॑ದ್ರಂ-ಯಁ॒ಜ್ಞಮನ್ವೇ॑ಷಿ ವಿ॒ದ್ವಾನ್ ।
ತ್ವಯಾ॒ ಹೋತಾ॒ ಸನ್ತ॑ನೋತ್ಯರ್ಧಮಾ॒ಸಾನ್ ॥ ತ್ರ॒ಯ॒ಸ್ತ್ರಿ॒ಗ್ಂ॒ಶೋ॑-ಽಸಿ॒ ತನ್ತೂ॑ನಾಮ್ ।
ಪ॒ವಿತ್ರೇ॑ಣ ಸ॒ಹಾಗ॑ಹಿ ॥ 35 ॥
ಶಿ॒ವೇಯಗ್ಂ ರಜ್ಜು॑ರಭಿ॒ಧಾನೀ᳚ । ಅ॒ಘ್ನಿ॒ಯಾ-ಮುಪ॑ಸೇವತಾಮ್ ॥ ಅಪ್ರ॑ಸ್ರಗ್ಂಸಾಯ ಯ॒ಜ್ಞಸ್ಯ॑ ।
ಉ॒ಖೇ ಉಪ॑ದಧಾಮ್ಯ॒ಹಮ್ । ಪ॒ಶುಭಿ॒-ಸ್ಸನ್ನೀ॑ತ-ಮ್ಬಿಭೃತಾಮ್ । ಇನ್ದ್ರಾ॑ಯ ಶೃ॒ತ-ನ್ದಧಿ॑ ॥
ಉ॒ಪ॒ವೇ॒ಷೋ॑-ಽಸಿ ಯ॒ಜ್ಞಾಯ॑ । ತ್ವಾ-ಮ್ಪ॑ರಿವೇ॒ಷ-ಮ॑ಧಾರಯನ್ನ್ । ಇನ್ದ್ರಾ॑ಯ ಹ॒ವಿಃ ಕೃ॒ಣ್ವನ್ತಃ॑ ।
ಶಿ॒ವ-ಶ್ಶ॒ಗ್ಮೋ ಭ॑ವಾಸಿ ನಃ ॥ 36 ॥
ಅಮೃ॑ನ್ಮಯ-ನ್ದೇವಪಾ॒ತ್ರಮ್ । ಯ॒ಜ್ಞಸ್ಯಾಯು॑ಷಿ॒ ಪ್ರಯು॑ಜ್ಯತಾಮ್ । ತಿ॒ರಃ॒ ಪ॒ವಿ॒ತ್ರಮತಿ॑ನೀತಾಃ ।
ಆಪೋ॑ ಧಾರಯ॒ ಮಾ-ಽತಿ॑ಗುಃ ॥ ದೇ॒ವೇನ॑ ಸವಿ॒ತ್ರೋತ್ಪೂ॑ತಾಃ । ವಸೋ॒-ಸ್ಸೂರ್ಯ॑ಸ್ಯ ರ॒ಶ್ಮಿಭಿಃ॑ । ಗಾ-ನ್ದೋ॑ಹಪವಿ॒ತ್ರೇ ರಜ್ಜು᳚ಮ್ । ಸರ್ವಾ॒ ಪಾತ್ರಾ॑ಣಿ ಶುನ್ಧತ ॥ ಏ॒ತಾ ಆಚ॑ರನ್ತಿ॒ ಮಧು॑ಮ॒ದ್ದುಹಾ॑ನಾಃ ।
ಪ್ರ॒ಜಾವ॑ತೀ-ರ್ಯ॒ಶಸೋ॑ ವಿ॒ಶ್ವರೂ॑ಪಾಃ ॥ 37 ॥
ಬ॒ಹ್ವೀ ರ್ಭವ॑ನ್ತೀ॒ರುಪ॒ ಜಾಯ॑ಮಾನಾಃ । ಇ॒ಹ ವ॒ ಇನ್ದ್ರೋ॑ ರಮಯತು ಗಾವಃ ॥ ಪೂ॒ಷಾ ಸ್ಥ॑ ॥ ಅ॒ಯ॒ಕ್ಷ್ಮಾ ವಃ॑ ಪ್ರ॒ಜಯಾ॒ ಸಗ್ಂಸೃ॑ಜಾಮಿ ।
ರಾ॒ಯಸ್ಪೋಷೇ॑ಣ ಬಹು॒ಲಾ ಭವ॑ನ್ತೀಃ । ಊರ್ಜ॒-ಮ್ಪಯಃ॒ ಪಿನ್ವ॑ಮಾನಾ ಘೃ॒ತ-ಞ್ಚ॑ ।
ಜೀ॒ವೋ ಜೀವ॑ನ್ತೀ॒ರುಪ॑ ವ-ಸ್ಸದೇಯಮ್ ॥ ದ್ಯೌಶ್ಚೇ॒ಮಂ-ಯಁ॒ಜ್ಞ-ಮ್ಪೃ॑ಥಿ॒ವೀ ಚ॒ ಸನ್ದು॑ಹಾತಾಮ್ ।
ಧಾ॒ತಾ ಸೋಮೇ॑ನ ಸ॒ಹ ವಾತೇ॑ನ ವಾ॒ಯುಃ । ಯಜ॑ಮಾನಾಯ॒ ದ್ರವಿ॑ಣ-ನ್ದಧಾತು ॥ 38 ॥
ಉಥ್ಸ॑-ನ್ದುಹನ್ತಿ ಕ॒ಲಶ॒-ಞ್ಚತು॑ರ್ಬಿಲಮ್ । ಇಡಾ᳚-ನ್ದೇ॒ವೀ-ಮ್ಮಧು॑ಮತೀಗ್ಂ ಸುವ॒ರ್ವಿದ᳚ಮ್ ।
ತದಿ॑ನ್ದ್ರಾ॒ಗ್ನೀ ಜಿ॑ನ್ವತಗ್ಂ ಸೂ॒ನೃತಾ॑ವತ್ । ತ-ದ್ಯಜ॑ಮಾನ-ಮಮೃತ॒ತ್ವೇ ದ॑ಧಾತು ॥
ಕಾಮ॑ಧುಕ್ಷಃ॒ ಪ್ರಣೋ᳚ ಬ್ರೂಹಿ । ಇನ್ದ್ರಾ॑ಯ ಹ॒ವಿರಿ॑ನ್ದ್ರಿ॒ಯಮ್ ॥ ಅ॒ಮೂಂ-ಯಁಸ್ಯಾ᳚-ನ್ದೇ॒ವಾನಾ᳚ಮ್ ।
ಮ॒ನು॒ಷ್ಯಾ॑ಣಾ॒-ಮ್ಪಯೋ॑ ಹಿ॒ತಮ್ ॥ ಬ॒ಹು ದು॒ಗ್ಧೀನ್ದ್ರಾ॑ಯ ದೇ॒ವೇಭ್ಯಃ॑ ।
ಹ॒ವ್ಯ-ಮಾಪ್ಯಾ॑ಯತಾ॒-ಮ್ಪುನಃ॑ ॥ 39 ॥
ವ॒ಥ್ಸೇಭ್ಯೋ॑ ಮನು॒ಷ್ಯೇ᳚ಭ್ಯಃ । ಪು॒ನ॒ರ್ದೋ॒ಹಾಯ॑ ಕಲ್ಪತಾಮ್ ॥ ಯ॒ಜ್ಞಸ್ಯ॒ ಸನ್ತ॑ತಿರಸಿ ।
ಯ॒ಜ್ಞಸ್ಯ॑ ತ್ವಾ॒ ಸನ್ತ॑ತಿ॒ಮನು॒ಸನ್ತ॑ನೋಮಿ ॥ ಅದ॑ಸ್ತಮಸಿ॒ ವಿಷ್ಣ॑ವೇ ತ್ವಾ ।
ಯ॒ಜ್ಞಾಯಾಪಿ॑ ದಧಾಮ್ಯ॒ಹಮ್ । ಅ॒ದ್ಭಿರರಿ॑ಕ್ತೇನ॒ ಪಾತ್ರೇ॑ಣ । ಯಾಃ ಪೂ॒ತಾಃ ಪ॑ರಿ॒ಶೇರ॑ತೇ ॥
ಅ॒ಯ-ಮ್ಪಯ॒-ಸ್ಸೋಮ॑-ಙ್ಕೃ॒ತ್ವಾ । ಸ್ವಾಂ-ಯೋಁನಿ॒-ಮಪಿ॑ಗಚ್ಛತು ॥ 40 ॥
ಪ॒ರ್ಣ॒ವ॒ಲ್ಕಃ ಪ॒ವಿತ್ರ᳚ಮ್ । ಸೌ॒ಮ್ಯ-ಸ್ಸೋಮಾ॒ದ್ಧಿ ನಿರ್ಮಿ॑ತಃ ॥ ಇ॒ಮೌ ಪ॒ರ್ಣ-ಞ್ಚ॑ ದ॒ರ್ಭ-ಞ್ಚ॑ ।
ದೇ॒ವಾನಾಗ್ಂ॑ ಹವ್ಯ॒ಶೋಧ॑ನೌ । ಪ್ರಾ॒ತ॒ರ್ವೇ॒ಷಾಯ॑ ಗೋಪಾಯ । ವಿಷ್ಣೋ॑ ಹ॒ವ್ಯಗ್ಂ ಹಿ ರಕ್ಷ॑ಸಿ ॥
ಉ॒ಭಾವ॒ಗ್ನೀ ಉ॑ಪಸ್ತೃಣ॒ತೇ । ದೇ॒ವತಾ॒ ಉಪ॑ವಸನ್ತು ಮೇ । ಅ॒ಹ-ಙ್ಗ್ರಾ॒ಮ್ಯಾ-ನುಪ॑ವಸಾಮಿ ।
ಮಹ್ಯ॒-ಙ್ಗೋಪ॑ತಯೇ ಪ॒ಶೂನ್ ॥ 41 ॥
[ಆಭೃ॑ತ - ಇ॒ಮಂ - ಗೃ॑ಹ್ಣಾಮಿ॒ ಪೂರ್ವ॒ - ಸ್ತಾಃ ಪುರ್ವಃ॒ ಪರಿ॑ಗೃಹ್ಣಾಮಿ - ಸಭಾಪಾ॒ಲಾ - ಇನ್ದ್ರ॑ಜ್ಯೇಷ್ಠೇಭ್ಯ॒-ಆದಿ॑ತ್ಯ ವ್ರತಪತೇ-ಸುಸ॒ಭ್ರುನ್ತಾ॑ - ಮೇ - ಸ॒ಹ - ಪು॑ನಾತು - ಗಹಿ - ನೋ - ವಿ॒ಶ್ವರೂ॑ಪಾ - ದಧಾತು॒ - ಪುನ॑--ರ್ ಗಚ್ಛತು - ಪ॒ಶುನ್ ] (ಅ. 4)
ಯಾಃ ಪು॒ರಸ್ತಾ॑ದಿ॒ಮಾಮೂರ್ಜ॑ಮಿ॒ಹ ಪ್ರ॒ಜಾ ಇ॒ಹ ಪ॒ಶವೋ॒-ಽಯ-ಮ್ಪಿ॑ತೃ॒ಣಾಮ॒ಗ್ನಿಃ
ಅನುವಾಕಂ 5 - ಐಷ್ಟಿಕಯಾಜಮಾನಮನ್ತ್ರಾಃ
ದೇವಾ॑ ದೇ॒ವೇಷು॒ ಪರಾ᳚ಕ್ರಮದ್ಧ್ವಮ್ । ಪ್ರಥ॑ಮಾ ದ್ವಿ॒ತೀಯೇ॑ಷು । ದ್ವಿತೀ॑ಯಾ-ಸ್ತೃ॒ತೀಯೇ॑ಷು ।
ತ್ರಿರೇ॑ಕಾದಶಾ ಇ॒ಹ ಮಾ॑-ಽವತ । ಇ॒ದಗ್ಂ ಶ॑ಕೇಯಂ॒-ಯಁದಿ॒ದ-ಙ್ಕ॒ರೋಮಿ॑ ।
ಆ॒ತ್ಮಾ ಕ॑ರೋತ್ವಾ॒ತ್ಮನೇ᳚ । ಇ॒ದ-ಙ್ಕ॑ರಿಷ್ಯೇ ಭೇಷ॒ಜಮ್ । ಇ॒ದ-ಮ್ಮೇ॑ ವಿಶ್ವಭೇಷಜಾ ।
ಅಶ್ವಿ॑ನಾ॒ ಪ್ರಾವ॑ತಂ-ಯುಁ॒ವಮ್ ॥ ಇ॒ದಮ॒ಹಗ್ಂ ಸೇನಾ॑ಯಾ ಅ॒ಭೀತ್ವ॑ರ್ಯೈ ॥ 42 ॥
ಮುಖ॒ಮಪೋ॑ಹಾಮಿ ॥ ಸೂರ್ಯ॑ಜ್ಯೋತಿ॒ ರ್ವಿಭಾ॑ಹಿ । ಮ॒ಹ॒ತ ಇ॑ನ್ದ್ರಿ॒ಯಾಯ॑ ॥ ಆಪ್ಯಾ॑ಯತಾ-ಙ್ಘೃ॒ತಯೋ॑ನಿಃ । ಅ॒ಗ್ನಿರ್-ಹ॒ವ್ಯಾ-ಽನು॑ಮನ್ಯತಾಮ್ ।
ಖಮ॑ಙ್ಕ್ಷ್ವ॒ ತ್ವಚ॑ಮಙ್ಕ್ಷ್ವ । ಸು॒ರೂ॒ಪ-ನ್ತ್ವಾ॑ ವಸು॒ವಿದ᳚ಮ್ । ಪ॒ಶೂ॒ನಾ-ನ್ತೇಜ॑ಸಾ ।
ಅ॒ಗ್ನಯೇ॒ ಜುಷ್ಟ॑-ಮ॒ಭಿಘಾ॑ರಯಾಮಿ ॥ ಸ್ಯೋ॒ನ-ನ್ತೇ॒ ಸದ॑ನ-ಙ್ಕರೋಮಿ ॥ 43 ॥
ಘೃ॒ತಸ್ಯ॒ ಧಾರ॑ಯಾ ಸು॒ಶೇವ॑-ಙ್ಕಲ್ಪಯಾಮಿ ॥
ತಸ್ಮಿ᳚ನ್-ಥ್ಸೀದಾ॒ಮೃತೇ॒ ಪ್ರತಿ॑ತಿಷ್ಠ ।
ವ್ರೀ॒ಹೀ॒ಣಾ-ಮ್ಮೇ॑ಧ ಸುಮನ॒ಸ್ಯಮಾ॑ನಃ ॥
ಆ॒ರ್ದ್ರಃ ಪ್ರ॑ಥಸ್ನು॒-ರ್ಭುವ॑ನಸ್ಯ ಗೋ॒ಪಾಃ ।
ಶೃ॒ತ ಉಥ್ಸ್ನಾ॑ತಿ ಜನಿ॒ತಾ ಮ॑ತೀ॒ನಾಮ್ ॥
ಯಸ್ತ॑ ಆ॒ತ್ಮಾ ಪ॒ಶುಷು॒ ಪ್ರವಿ॑ಷ್ಟಃ ।
ದೇ॒ವಾನಾಂ᳚-ವಿಁ॒ಷ್ಠಾಮನು॒ ಯೋ ವಿ॑ತ॒ಸ್ಥೇ ।
ಆ॒ತ್ಮ॒ನ್ವಾ-ನ್ಥ್ಸೋ॑ಮ ಘೃ॒ತವಾ॒ನ್॒. ಹಿ ಭೂ॒ತ್ವಾ ।
ದೇ॒ವಾ-ನ್ಗ॑ಚ್ಛ॒ ಸುವ॑ರ್ವಿನ್ದ॒ ಯಜ॑ಮಾನಾಯ॒ ಮಹ್ಯ᳚ಮ್ ॥ ಇರಾ॒ ಭೂತಿಃ॑ ಪೃಥಿ॒ವ್ಯೈ ರಸೋ॒ ಮೋತ್ಕ್ರ॑ಮೀತ್ ॥ 44 ॥
ದೇವಾಃ᳚ ಪಿತರಃ॒ ಪಿತ॑ರೋ ದೇವಾಃ । ಯೋ॑-ಽಹಮ॑ಸ್ಮಿ॒ ಸ ಸನ್. ಯ॑ಜೇ । ಯಸ್ಯಾ᳚ಸ್ಮಿ॒ ನ ತಮ॒ನ್ತರೇ॑ಮಿ । ಸ್ವ-ಮ್ಮ॑ ಇ॒ಷ್ಟಗ್ಗ್ ಸ್ವ-ನ್ದ॒ತ್ತಮ್ । ಸ್ವ-ಮ್ಪೂ॒ರ್ತಗ್ಗ್ ಸ್ವಗ್ಗ್ ಶ್ರಾ॒ನ್ತಮ್ । ಸ್ವಗ್ಂ ಹು॒ತಮ್ । ತಸ್ಯ॑ ಮೇ॒-ಽಗ್ನಿ-ರು॑ಪದ್ರ॒ಷ್ಟಾ । ವಾ॒ಯುರು॑ಪಶ್ರೋ॒ತಾ ।
ಆ॒ದಿ॒ತ್ಯೋ॑-ಽನುಖ್ಯಾ॒ತಾ । ದ್ಯೌಃ ಪಿ॒ತಾ ॥ 45 ॥
ಪೃ॒ಥಿ॒ವೀ ಮಾ॒ತಾ । ಪ್ರ॒ಜಾಪ॑ತಿ॒ ರ್ಬನ್ಧುಃ॑ ।
ಯ ಏ॒ವಾಸ್ಮಿ॒ ಸ ಸನ್. ಯ॑ಜೇ ॥ ಮಾ ಭೇರ್ಮಾ ಸಂವಿಁ॑ಕ್ಥಾ॒ ಮಾ ತ್ವಾ॑ ಹಿಗ್ಂಸಿಷಮ್ । ಮಾ ತೇ॒ ತೇಜೋ-ಽಪ॑ಕ್ರಮೀತ್ ।
ಭ॒ರ॒ತಮುದ್ಧ॑ರೇ॒ ಮನು॑ಷಿಞ್ಚ । ಅ॒ವ॒ದಾನಾ॑ನಿ ತೇ ಪ್ರ॒ತ್ಯವ॑ದಾಸ್ಯಾಮಿ ।
ನಮ॑ಸ್ತೇ ಅಸ್ತು॒ ಮಾ ಮಾ॑ ಹಿಗ್ಂಸೀಃ ॥ ಯದ॑ವ॒ದಾನಾ॑ನಿ ತೇ-ಽವ॒ದ್ಯನ್ನ್ । ವಿಲೋ॒ಮಾಕಾ॑ರ್ಷಮಾ॒ತ್ಮನಃ॑ ॥ 46 ॥
ಆಜ್ಯೇ॑ನ॒ ಪ್ರತ್ಯ॑ನಜ್ಮ್ಯೇನತ್ । ತತ್ತ॒ ಆಪ್ಯಾ॑ಯತಾ॒-ಮ್ಪುನಃ॑ ॥ ಅಜ್ಯಾ॑ಯೋ ಯವಮಾ॒ತ್ರಾತ್ ।
ಆ॒ವ್ಯಾ॒ಧಾ-ತ್ಕೃ॑ತ್ಯತಾಮಿ॒ದಮ್ । ಮಾ ರೂ॑ರುಪಾಮ ಯ॒ಜ್ಞಸ್ಯ॑ । ಶು॒ದ್ಧಗ್ಗ್ ಸ್ವಿ॑ಷ್ಟಮಿ॒ದಗ್ಂ ಹ॒ವಿಃ ॥ ಮನು॑ನಾ ದೃ॒ಷ್ಟಾ-ಙ್ಘೃ॒ತಪ॑ದೀಮ್ । ಮಿ॒ತ್ರಾವರು॑ಣಸಮೀರಿತಾಮ್ । ದ॒ಕ್ಷಿ॒ಣಾ॒ರ್ಧಾದಸ॑ಭಿನ್ನ್ದನ್ನ್ । ಅವ॑ದ್ಯಾ-ಮ್ಯೇಕ॒ತೋ ಮು॑ಖಾಮ್ ॥ 47 ॥
ಇಡೇ॑ ಭಾ॒ಗ-ಞ್ಜು॑ಷಸ್ವ ನಃ । ಜಿನ್ವ॒ ಗಾ ಜಿನ್ವಾರ್ವ॑ತಃ । ತಸ್ಯಾ᳚ಸ್ತೇ ಭಕ್ಷಿ॒ವಾಣಃ॑ ಸ್ಯಾಮ । ಸ॒ರ್ವಾತ್ಮಾ॑ನ-ಸ್ಸ॒ರ್ವಗ॑ಣಾಃ ॥ ಬ್ರದ್ಧ್ನ॒ ಪಿನ್ವ॑ಸ್ವ ।
ದದ॑ತೋ ಮೇ॒ ಮಾ ಕ್ಷಾ॑ಯಿ । ಕು॒ರ್ವ॒ತೋ ಮೇ॒ ಮೋಪ॑ದಸತ್ । ದಿ॒ಶಾ-ಙ್ಕ್ಲೃಪ್ತಿ॑ರಸಿ । ದಿಶೋ॑ ಮೇ ಕಲ್ಪನ್ತಾಮ್ । ಕಲ್ಪ॑ನ್ತಾ-ಮ್ಮೇ॒ ದಿಶಃ॑ ॥ 48 ॥
ದೈವೀ᳚ಶ್ಚ॒ ಮಾನು॑ಷೀಶ್ಚ । ಅ॒ಹೋ॒ರಾ॒ತ್ರೇ ಮೇ॑ ಕಲ್ಪೇತಾಮ್ । ಅ॒ರ್ಧ॒ಮಾ॒ಸಾ ಮೇ॑ ಕಲ್ಪನ್ತಾಮ್ । ಮಾಸಾ॑ ಮೇ ಕಲ್ಪನ್ತಾಮ್ । ಋ॒ತವೋ॑ ಮೇ ಕಲ್ಪನ್ತಾಮ್ । ಸಂ॒ವಁ॒ಥ್ಸ॒ರೋ ಮೇ॑ ಕಲ್ಪತಾಮ್ ।
ಕ್ಲೃಪ್ತಿ॑ರಸಿ॒ ಕಲ್ಪ॑ತಾ-ಮ್ಮೇ ॥
ಆಶಾ॑ನಾ-ನ್ತ್ವಾ-ಽಽಶಾಪಾ॒ಲೇಭ್ಯಃ॑ ।
ಚ॒ತುರ್ಭ್ಯೋ॑ ಅ॒ಮೃತೇ᳚ಭ್ಯಃ ।
ಇ॒ದ-ಮ್ಭೂ॒ತಸ್ಯಾ-ದ್ಧ್ಯ॑ಕ್ಷೇಭ್ಯಃ ॥ 49 ॥
ವಿ॒ಧೇಮ॑ ಹ॒ವಿಷಾ॑ ವ॒ಯಮ್ । ಭಜ॑ತಾ-ಮ್ಭಾ॒ಗೀ ಭಾ॒ಗಮ್ । ಮಾ-ಽಭಾ॒ಗೋ-ಽಭ॑ಕ್ತ ।
ನಿರ॑ಭಾ॒ಗ-ಮ್ಭ॑ಜಾಮಃ । ಅ॒ಪಸ್ಪಿ॑ನ್ವ । ಓಷ॑ಧೀರ್ಜಿನ್ವ । ದ್ವಿ॒ಪಾತ್ಪಾ॑ಹಿ । ಚತು॑ಷ್ಪಾದವ । ದಿ॒ವೋ ವೃಷ್ಟಿ॒ಮೇರ॑ಯ । ಬ್ರಾ॒ಹ್ಮ॒ಣಾನಾ॑-ಮಿ॒ದಗ್ಂ ಹ॒ವಿಃ ॥ 50 ॥
ಸೋ॒ಮ್ಯಾನಾಗ್ಂ॑ ಸೋಮಪೀ॒ಥಿನಾ᳚ಮ್ । ನಿರ್ಭ॒ಕ್ತೋ ಬ್ರಾ᳚ಹ್ಮಣಃ । ನೇಹಾ-ಬ್ರಾ᳚ಹ್ಮಣಸ್ಯಾಸ್ತಿ ॥
ಸಮ॑ಙ್ಕ್ತಾ-ಮ್ಬ॒ರ॒ಃಇರ್-ಹ॒ವಿಷಾ॑ ಘೃ॒ತೇನ॑ । ಸಮಾ॑ದಿ॒ತ್ಯೈ ರ್ವಸು॑ಭಿ॒-ಸ್ಸ-ಮ್ಮ॒ರುದ್ಭಿಃ॑ ।
ಸಮಿನ್ದ್ರೇ॑ಣ॒ ವಿಶ್ವೇ॑ಭಿ ರ್ದೇ॒ವೇಭಿ॑ರಙ್ಕ್ತಾಮ್ ।
ದಿ॒ವ್ಯ-ನ್ನಭೋ॑ ಗಚ್ಛತು॒ ಯ-ಥ್ಸ್ವಾಹಾ᳚ ॥
ಇ॒ನ್ದ್ರಾ॒ಣೀ ವಾ॑ ವಿಧ॒ವಾ ಭೂ॑ಯಾಸಮ್ । ಅದಿ॑ತಿರಿವ ಸುಪು॒ತ್ರಾ ।
ಅ॒ಸ್ಥೂ॒ರಿ ತ್ವಾ॑ ಗಾರ್ಹಪತ್ಯ ॥ 51 ॥
ಉಪ॒ನಿಷ॑ದೇ ಸುಪ್ರಜಾ॒ಸ್ತ್ವಾಯ॑ ॥
ಸ-ಮ್ಪತ್ನೀ॒ ಪತ್ಯಾ॑ ಸುಕೃ॒ತೇನ॑ ಗಚ್ಛತಾಮ್ ।
ಯ॒ಜ್ಞಸ್ಯ॑ ಯು॒ಕ್ತೌ ಧುರ್ಯಾ॑ವಭೂತಾಮ್ ।
ಸ॒ಜಾ॒ನ್ನಾ॒ನೌ ವಿಜ॑ಹತಾ॒-ಮರಾ॑ತೀಃ ।
ದಿ॒ವಿ ಜ್ಯೋತಿ॑ರ॒ಜ-ರ॒ಮಾರ॑ಭೇತಾಮ್ ॥
ದಶ॑ ತೇ ತ॒ನುವೋ॑ ಯಜ್ಞ ಯ॒ಜ್ಞಿಯಾಃ᳚ ।
ತಾಃ ಪ್ರೀ॑ಣಾತು॒ ಯಜ॑ಮಾನೋ ಘೃ॒ತೇನ॑ । ನಾ॒ರಿ॒ಷ್ಠಯೋಃ᳚ ಪ್ರ॒ಶಿಷ॒ಮೀಡ॑ಮಾನಃ ।
ದೇ॒ವಾನಾ॒-ನ್ದೈವ್ಯೇ-ಽಪಿ॒ ಯಜ॑ಮಾನೋ॒-ಽಮೃತೋ॑-ಽಭೂತ್ ॥
ಯಂ-ವಾಁ᳚-ನ್ದೇ॒ವಾ ಅ॑ಕಲ್ಪಯನ್ನ್ ॥ 52 ॥
ಊ॒ರ್ಜೋ ಭಾ॒ಗಗ್ಂ ಶ॑ತಕ್ರತೂ । ಏ॒ತದ್ವಾ॒-ನ್ತೇನ॑ ಪ್ರೀಣಾನಿ । ತೇನ॑ ತೃಪ್ಯತಮಗ್ಂಹಹೌ ॥ ಅ॒ಹ-ನ್ದೇ॒ವಾನಾಗ್ಂ॑ ಸು॒ಕೃತಾ॑ಮಸ್ಮಿ ಲೋ॒ಕೇ ।
ಮಮೇ॒ದಮಿ॒ಷ್ಟ-ನ್ನ ಮಿಥು॑ ರ್ಭವಾತಿ । ಅ॒ಹ-ನ್ನಾ॑ರಿ॒ಷ್ಠಾ-ವನು॑ಯಜಾಮಿ ವಿ॒ದ್ವಾನ್ ।
ಯದಾ᳚ಭ್ಯಾ॒-ಮಿನ್ದ್ರೋ॒ ಅದ॑ಧಾ-ದ್ಭಾಗ॒ಧೇಯ᳚ಮ್ ॥ ಅದಾ॑ರಸೃದ್ಭವತ ದೇವ ಸೋಮ ।
ಅ॒ಸ್ಮಿನ್. ಯ॒ಜ್ಞೇ ಮ॑ರುತೋ ಮೃಡತಾ ನಃ ।
ಮಾ ನೋ॑ ವಿದದ॒ಭಿ ಭಾ॒ಮೋ ಅಶ॑ಸ್ತಿಃ ॥ 53 ॥
ಮಾ ನೋ॑ ವಿದ-ದ್ವ॒ಜನಾ॒ ದ್ವೇಷ್ಯಾ॒ ಯಾ ॥
ಋ॒ಷ॒ಭಂ-ವಾಁ॒ಜಿನಂ॑-ವಁ॒ಯಮ್ ।
ಪೂ॒ರ್ಣಮಾ॑ಸಂ-ಯಁಜಾಮಹೇ । ಸ ನೋ॑ ದೋಹತಾಗ್ಂ ಸು॒ವೀರ್ಯ᳚ಮ್ । ರಾ॒ಯಸ್ಪೋಷಗ್ಂ॑ ಸಹ॒ಸ್ರಿಣ᳚ಮ್ । ಪ್ರಾ॒ಣಾಯ॑ ಸು॒ರಾಧ॑ಸೇ । ಪೂ॒ರ್ಣಮಾ॑ಸಾಯ॒ ಸ್ವಾಹಾ᳚ ॥
ಅ॒ಮಾ॒ವಾ॒ಸ್ಯಾ॑ ಸು॒ಭಗಾ॑ ಸು॒ಶೇವಾ᳚ । ಧೇ॒ನುರಿ॑ವ॒ ಭೂಯ॑ ಆ॒ಪ್ಯಾಯ॑ಮಾನಾ । ಸಾ ನೋ॑ ದೋಹತಾಗ್ಂ ಸು॒ವೀರ್ಯ᳚ಮ್ । ರಾ॒ಯಸ್ಪೋಷಗ್ಂ॑ ಸಹ॒ಸ್ರಿಣ᳚ಮ್ ।
ಅ॒ಪಾ॒ನಾಯ॑ ಸು॒ರಾಧ॑ಸೇ । ಅ॒ಮಾ॒ವಾ॒ಸ್ಯಾ॑ಯೈ॒ ಸ್ವಾಹಾ᳚ ॥ ಅ॒ಭಿಸ್ತೃ॑ಣೀಹಿ॒ ಪರಿ॑ಧೇಹಿ॒ ವೇದಿ᳚ಮ್ ।
ಜಾ॒ಮಿ-ಮ್ಮಾ ಹಿಗ್ಂ॑ಸೀರಮು॒ಯಾ ಶಯಾ॑ನಾ ।
ಹೋ॒ತೃ॒ಷದ॑ನಾ॒ ಹರಿ॑ತಾ-ಸ್ಸು॒ವರ್ಣಾಃ᳚ । ನಿ॒ಷ್ಕಾ ಇ॒ಮೇ ಯಜ॑ಮಾನಸ್ಯ ಬ್ರ॒ದ್ಧ್ನೇ ॥ 54 ॥
(ಅ॒ಭೀತ್ವ॑ರ್ಯೈ - ಕರೋಮಿ - ಕ್ರಮೀತ್ - ಪಿ॒ತಾ - ಽಽತ್ಮನ॑ - ಏಕ॒ತೋಮು॑ಖಾಂ - ಮೇ॒ ದಿಶೋ - ಽಧ್ಯ॑ಕ್ಷೇಭ್ಯೋ - ಹ॒ವಿ--ರ್ ಗಾ॑ರ್ಹಪತ್ಯಾ - ಕಲ್ಪಯ॒ - ನ್ನಶ॑ಸ್ತಿಃ॒ - ಸಾ ನೋ॑ ದೋಹತಾಗ್ಂ ಸು॒ವೀರ್ಯಗ್ಂ॑ ಸ॒ಪ್ತ ಚ॑) (ಅ. 5)
ಅನುವಾಕಂ 6 - ಐಷ್ಟಿಕಯಾಜಮಾನಮನ್ತ್ರಾಃ
ಪರಿ॑ಸ್ತೃಣೀತ॒ ಪರಿ॑ಧತ್ತಾ॒ಗ್ನಿಮ್ । ಪರಿ॑ಹಿತೋ॒-ಽಗ್ನಿ ರ್ಯಜ॑ಮಾನ-ಮ್ಭುನಕ್ತು । ಅ॒ಪಾಗ್ಂ ರಸ॒ ಓಷ॑ಧೀನಾಗ್ಂ ಸು॒ವರ್ಣಃ॑ । ನಿ॒ಷ್ಕಾ ಇ॒ಮೇ ಯಜ॑ಮಾನಸ್ಯ ಸನ್ತು ಕಾಮ॒ದುಘಾಃ᳚ । ಅ॒ಮುತ್ರಾ॒ಮುಷ್ಮಿ॑ನ್ ಁಲೋ॒ಕೇ ॥
ಭೂಪ॑ತೇ॒ ಭುವ॑ನಪತೇ । ಮ॒ಹ॒ತೋ ಭೂ॒ತಸ್ಯ॑ ಪತೇ । ಬ್ರ॒ಹ್ಮಾಣ॑-ನ್ತ್ವಾ ವೃಣೀಮಹೇ ॥
ಅ॒ಹ-ಮ್ಭೂಪ॑ತಿರ॒ಹ-ಮ್ಭುವ॑ನಪತಿಃ ।
ಅ॒ಹ-ಮ್ಮ॑ಹ॒ತೋ ಭೂ॒ತಸ್ಯ॒ ಪತಿಃ॑ ॥ 55 ॥
ದೇ॒ವೇನ॑ ಸವಿ॒ತ್ರಾ ಪ್ರಸೂ॑ತ॒ ಆರ್ತ್ವಿ॑ಜ್ಯ-ಙ್ಕರಿಷ್ಯಾಮಿ । ದೇವ॑ ಸವಿತರೇ॒ತ-ನ್ತ್ವಾ॑ ವೃಣತೇ ।
ಬೃಹ॒ಸ್ಪತಿ॒-ನ್ದೈವ್ಯ॑-ಮ್ಬ್ರ॒ಹ್ಮಾಣ᳚ಮ್ । ತದ॒ಹ-ಮ್ಮನ॑ಸೇ॒ ಪ್ರಬ್ರ॑ವೀಮಿ । ಮನೋ॑ ಗಾಯತ್ರಿ॒ಯೈ ।
ಗಾ॒ಯ॒ತ್ರೀ ತ್ರಿ॒ಷ್ಟುಭೇ᳚ । ತ್ರಿ॒ಷ್ಟು-ಬ್ಜಗ॑ತ್ಯೈ । ಜಗ॑ತ್ಯನು॒ಷ್ಟುಭೇ᳚ । ಅ॒ನು॒ಷ್ಟು-ಕ್ಪ॒ಙ್ಕ್ತ್ಯೈ । ಪ॒ಙ್ಕ್ತಿಃ ಪ್ರ॒ಜಾಪ॑ತಯೇ ॥ 56 ॥
ಪ್ರ॒ಜಾಪ॑ತಿ॒ ರ್ವಿಶ್ವೇ᳚ಭ್ಯೋ ದೇ॒ವೇಭ್ಯಃ॑ । ವಿಶ್ವೇ॑ ದೇ॒ವಾ ಬೃಹ॒ಸ್ಪತ॑ಯೇ । ಬೃಹ॒ಸ್ಪತಿ॒-ರ್ಬ್ರಹ್ಮ॑ಣೇ ।
ಬ್ರಹ್ಮ॒ ಭೂರ್ಭುವ॒-ಸ್ಸುವಃ॑ । ಬೃಹ॒ಸ್ಪತಿ॑ ರ್ದೇ॒ವಾನಾ᳚-ಮ್ಬ್ರ॒ಹ್ಮಾ । ಅ॒ಹ-ಮ್ಮ॑ನು॒ಷ್ಯಾ॑ಣಾಮ್ । ಬೃಹ॑ಸ್ಪತೇ ಯ॒ಜ್ಞ-ಙ್ಗೋ॑ಪಾಯ ॥ ಇ॒ದ-ನ್ತಸ್ಮೈ॑ ಹ॒ರ್ಮ್ಯ-ಙ್ಕ॑ರೋಮಿ । ಯೋ ವೋ॑ ದೇವಾ॒ಶ್ಚರ॑ತಿ ಬ್ರಹ್ಮ॒ಚರ್ಯ᳚ಮ್ । ಮೇ॒ಧಾ॒ವೀ ದಿ॒ಕ್ಷು ಮನ॑ಸಾ ತಪ॒ಸ್ವೀ ॥ 57 ॥
ಅ॒ನ್ತರ್ದೂ॒ತಶ್ಚ॑ರತಿ॒ ಮಾನು॑ಷೀಷು ॥
ಚತುಃ॑ ಶಿಖಣ್ಡಾ ಯುವ॒ತಿ-ಸ್ಸು॒ಪೇಶಾಃ᳚ ।
ಘೃ॒ತಪ್ರ॑ತೀಕಾ॒ ಭುವ॑ನಸ್ಯ॒ ಮದ್ಧ್ಯೇ᳚ । ಮ॒ರ್ಮೃ॒ಜ್ಯಮಾ॑ನಾ ಮಹ॒ತೇ ಸೌಭ॑ಗಾಯ ।
ಮಹ್ಯ॑-ನ್ಧುಕ್ಷ್ವ॒ ಯಜ॑ಮಾನಾಯ॒ ಕಾಮಾನ್॑ ॥
ಭೂಮಿ॑ ರ್ಭೂ॒ತ್ವಾ ಮ॑ಹಿ॒ಮಾನ॑-ಮ್ಪುಪೋಷ ।
ತತೋ॑ ದೇ॒ವೀ ವ॑ರ್ಧಯತೇ॒ ಪಯಾಗ್ಂ॑ಸಿ ।
ಯ॒ಜ್ಞಿಯಾ॑ ಯ॒ಜ್ಞಂ-ವಿಁಚ॒ಯನ್ತಿ॒ ಶಞ್ಚ॑ ।
ಓಷ॑ಧೀ॒ರಾಪ॑ ಇ॒ಹ ಶಕ್ವ॑ರೀಶ್ಚ ॥
ಯೋ ಮಾ॑ ಹೃ॒ದಾ ಮನ॑ಸಾ॒ ಯಶ್ಚ॑ ವಾ॒ಚಾ ॥ 58 ॥
ಯೋ ಬ್ರಹ್ಮ॑ಣಾ॒ ಕರ್ಮ॑ಣಾ॒ ದ್ವೇಷ್ಟಿ॑ ದೇವಾಃ ।
ಯ-ಶ್ಶ್ರು॒ತೇನ॒ ಹೃದ॑ಯೇನೇಷ್ಣ॒ತಾ ಚ॑ ।
ತಸ್ಯೇ᳚ನ್ದ್ರ॒ ವಜ್ರೇ॑ಣ॒ ಶಿರ॑ಶ್ಛಿನದ್ಮಿ ॥
ಊರ್ಣಾ॑ಮೃದು॒ ಪ್ರಥ॑ಮಾನಗ್ಗ್ ಸ್ಯೋ॒ನಮ್ ।
ದೇ॒ವೇಭ್ಯೋ॒ ಜುಷ್ಟ॒ಗ್ಂ॒ ಸದ॑ನಾಯ ಬ॒ರ್॒ಹಿಃ । ಸು॒ವ॒ರ್ಗೇ ಲೋ॒ಕೇ ಯಜ॑ಮಾನ॒ಗ್ಂ॒ ಹಿ ಧೇ॒ಹಿ ।
ಮಾ-ನ್ನಾಕ॑ಸ್ಯ ಪೃ॒ಷ್ಠೇ ಪ॑ರ॒ಮೇ ವ್ಯೋ॑ಮನ್ನ್ ॥ ಚತುಃ॑ ಶಿಖಣ್ಡಾ ಯುವ॒ತಿ-ಸ್ಸು॒ಪೇಶಾಃ᳚ ।
ಘೃ॒ತಪ್ರ॑ತೀಕಾ ವ॒ಯುನಾ॑ನಿ ವಸ್ತೇ ।
ಸಾ ಸ್ತೀ॒ರ್ಯಮಾ॑ಣಾ ಮಹ॒ತೇ ಸೌಭ॑ಗಾಯ ॥ 59 ॥
ಸಾ ಮೇ॑ ಧುಕ್ಷ್ವ॒ ಯಜ॑ಮಾನಾಯ॒ ಕಾಮಾನ್॑ ।
ಶಿ॒ವಾ ಚ॑ ಮೇ ಶ॒ಗ್ಮಾ ಚೈ॑ಧಿ ।
ಸ್ಯೋ॒ನಾ ಚ॑ ಮೇ ಸು॒ಷದಾ॑ ಚೈಧಿ ।
ಊರ್ಜ॑ಸ್ವತೀ ಚ ಮೇ॒ ಪಯ॑ಸ್ವತೀ ಚೈಧಿ ।
ಇಷ॒ಮೂರ್ಜ॑-ಮ್ಮೇ ಪಿನ್ವಸ್ವ । ಬ್ರಹ್ಮ॒ ತೇಜೋ॑ ಮೇ ಪಿನ್ವಸ್ವ । ಕ್ಷ॒ತ್ರಮೋಜೋ॑ ಮೇ ಪಿನ್ವಸ್ವ ।
ವಿಶ॒-ಮ್ಪುಷ್ಟಿ॑-ಮ್ಮೇ ಪಿನ್ವಸ್ವ ।
ಆಯು॑ರ॒ನ್ನಾದ್ಯ॑-ಮ್ಮೇ ಪಿನ್ವಸ್ವ ।
ಪ್ರ॒ಜಾ-ಮ್ಪ॒ಶೂ-ನ್ಮೇ॑ ಪಿನ್ವಸ್ವ ॥ 60 ॥
ಅ॒ಸ್ಮಿನ್. ಯ॒ಜ್ಞ ಉಪ॒ ಭೂಯ॒ ಇನ್ನು ಮೇ᳚ ।
ಅವಿ॑ಕ್ಷೋಭಾಯ ಪರಿ॒ಧೀನ್ದ॑ಧಾಮಿ ।
ಧ॒ರ್ತಾ ಧ॒ರುಣೋ॒ ಧರೀ॑ಯಾನ್ ।
ಅ॒ಗ್ನಿ ರ್ದ್ವೇಷಾಗ್ಂ॑ಸಿ॒ ನಿರಿ॒ತೋ ನು॑ದಾತೈ ॥
ವಿಚ್ಛಿ॑ನದ್ಮಿ॒ ವಿಧೃ॑ತೀಭ್ಯಾಗ್ಂ ಸ॒ಪತ್ನಾನ್॑ ।
ಜಾ॒ತಾ-ನ್ಭ್ರಾತೃ॑ವ್ಯಾ॒ನ್॒. ಯೇ ಚ॑ ಜನಿ॒ಷ್ಯಮಾ॑ಣಾಃ ।
ವಿ॒ಶೋ ಯ॒ನ್ತ್ರಾಭ್ಯಾಂ॒-ವಿಁಧ॑ಮಾಮ್ಯೇನಾನ್ । ಅ॒ಹಗ್ಗ್ಸ್ವಾನಾ॑-ಮುತ್ತ॒ಮೋ॑-ಽಸಾನಿ ದೇವಾಃ ।
ವಿ॒ಶೋ ಯ॒ನ್ತ್ರೇ ನು॒ದಮಾ॑ನೇ॒ ಅರಾ॑ತಿಮ್ । ವಿಶ್ವ॑-ಮ್ಪಾ॒ಪ್ಮಾನ॒ಮಮ॑ತಿ-ನ್ದುರ್ಮರಾ॒ಯುಮ್ ॥ 61 ॥
ಸೀದ॑ನ್ತೀ ದೇ॒ವೀ ಸು॑ಕೃ॒ತಸ್ಯ॑ ಲೋ॒ಕೇ ।
ಧೃತೀ᳚ ಸ್ಥೋ॒ ವಿಧೃ॑ತೀ॒ ಸ್ವಧೃ॑ತೀ ।
ಪ್ರಾ॒ಣಾನ್ಮಯಿ॑ ಧಾರಯತಮ್ । ಪ್ರ॒ಜಾ-ಮ್ಮಯಿ॑ ಧಾರಯತಮ್ । ಪ॒ಶೂನ್ಮಯಿ॑ ಧಾರಯತಮ್ ॥
ಅ॒ಯ-ಮ್ಪ್ರ॑ಸ್ತ॒ರ ಉ॒ಭಯ॑ಸ್ಯ ಧ॒ರ್ತಾ ।
ಧ॒ರ್ತಾ ಪ್ರ॑ಯಾ॒ಜಾನಾ॑-ಮು॒ತಾನೂ॑ಯಾ॒ಜಾನಾ᳚ಮ್ ।
ಸ ದಾ॑ಧಾರ ಸ॒ಮಿಧೋ॑ ವಿ॒ಶ್ವರೂ॑ಪಾಃ ।
ತಸ್ಮಿ॒ನ್-ಥ್ಸ್ರುಚೋ॒ ಅದ್ಧ್ಯಾಸಾ॑ದಯಾಮಿ ॥
ಆರೋ॑ಹ ಪ॒ಥೋ ಜು॑ಹು ದೇವ॒ಯಾನಾನ್॑ ॥ 62 ॥
ಯತ್ರರ್ಷ॑ಯಃ ಪ್ರಥಮ॒ಜಾ ಯೇ ಪು॑ರಾ॒ಣಾಃ । ಹಿರ॑ಣ್ಯಪಕ್ಷಾ-ಽಜಿ॒ರಾ ಸಮ್ಭೃ॑ತಾಙ್ಗಾ ।
ವಹಾ॑ಸಿ ಮಾ ಸು॒ಕೃತಾಂ॒-ಯಁತ್ರ॑ ಲೋ॒ಕಾಃ ॥
ಅವಾ॒ಹ-ಮ್ಬಾ॑ಧ ಉಪ॒ಭೃತಾ॑ ಸ॒ಪತ್ನಾನ್॑ ।
ಜಾ॒ತಾ-ನ್ಭ್ರಾತೃ॑ವ್ಯಾ॒ನ್॒. ಯೇ ಚ॑ ಜನಿ॒ಷ್ಯಮಾ॑ಣಾಃ । ದೋಹೈ॑ ಯ॒ಜ್ಞಗ್ಂ ಸು॒ದುಘಾ॑ಮಿವ ಧೇ॒ನುಮ್ ।
ಅ॒ಹಮುತ್ತ॑ರೋ ಭೂಯಾಸಮ್ । ಅಧ॑ರೇ॒ ಮಥ್ಸ॒ಪತ್ನಾಃ᳚ ॥
ಯೋ ಮಾ॑ ವಾ॒ಚಾ ಮನ॑ಸಾ ದುರ್ಮರಾ॒ಯುಃ ।
ಹೃ॒ದಾ-ಽರಾ॑ತೀ॒ಯಾ-ದ॑ಭಿ॒ದಾಸ॑-ದಗ್ನೇ ॥ 63 ॥
ಇ॒ದಮ॑ಸ್ಯ ಚಿ॒ತ್ತಮಧ॑ರ-ನ್ಧ್ರು॒ವಾಯಾಃ᳚ । ಅ॒ಹಮುತ್ತ॑ರೋ ಭೂಯಾಸಮ್ । ಅಧ॑ರೇ॒ ಮಥ್ಸ॒ಪತ್ನಾಃ᳚ ॥
ಋ॒ಷ॒ಭೋ॑-ಽಸಿ ಶಾಕ್ವ॒ರಃ । ಘೃ॒ತಾಚೀ॑ನಾಗ್ಂ ಸೂ॒ನುಃ । ಪ್ರಿ॒ಯೇಣ॒ ನಾಮ್ನಾ᳚ ಪ್ರಿ॒ಯೇ ಸದ॑ಸಿ ಸೀದ ॥
ಸ್ಯೋ॒ನೋ ಮೇ॑ ಸೀದ ಸು॒ಷದಃ॑ ಪೃಥಿ॒ವ್ಯಾಮ್ ।
ಪ್ರಥ॑ಯಿ ಪ್ರ॒ಜಯಾ॑ ಪ॒ಶುಭಿಃ॑ ಸುವ॒ರ್ಗೇ ಲೋ॒ಕೇ ।
ದಿ॒ವಿ ಸೀ॑ದ ಪೃಥಿ॒ವ್ಯಾ-ಮ॒ನ್ತರಿ॑ಕ್ಷೇ ।
ಅ॒ಹಮುತ್ತ॑ರೋ ಭೂಯಾಸಮ್ ॥ 64 ॥
ಅಧ॑ರೇ॒ ಮಥ್ಸ॒ಪತ್ನಾಃ᳚ ॥
ಇ॒ಯಗ್ಗ್ ಸ್ಥಾ॒ಲೀ ಘೃ॒ತಸ್ಯ॑ ಪೂ॒ರ್ಣಾ ।
ಅಚ್ಛಿ॑ನ್ನಪಯಾ-ಶ್ಶ॒ತಧಾ॑ರ॒ ಉಥ್ಸಃ॑ ।
ಮಾ॒ರು॒ತೇನ॒ ಶರ್ಮ॑ಣಾ॒ ದೈವ್ಯೇ॑ನ ॥
ಯ॒ಜ್ಞೋ॑-ಽಸಿ ಸ॒ರ್ವತಃ॑ ಶ್ರಿ॒ತಃ । ಸ॒ರ್ವತೋ॒ ಮಾ-ಮ್ಭೂ॒ತ-ಮ್ಭ॑ವಿ॒ಷ್ಯ-ಚ್ಛ್ರ॑ಯತಾಮ್ । ಶ॒ತ-ಮ್ಮೇ॑ ಸನ್ತ್ವಾ॒ಶಿಷಃ॑ । ಸ॒ಹಸ್ರ॑-ಮ್ಮೇ ಸನ್ತು ಸೂ॒ನೃತಾಃ᳚ । ಇರಾ॑ವತೀಃ ಪಶು॒ಮತೀಃ᳚ । ಪ್ರ॒ಜಾಪ॑ತಿರಸಿ ಸ॒ರ್ವತಃ॑ ಶ್ರಿ॒ತಃ ॥ 65 ॥
ಸ॒ರ್ವತೋ॒ ಮಾ-ಮ್ಭೂ॒ತ-ಮ್ಭ॑ವಿ॒ಷ್ಯ-ಚ್ಛ್ರ॑ಯತಾಮ್ । ಶ॒ತ-ಮ್ಮೇ॑ ಸನ್ತ್ವಾ॒ಶಿಷಃ॑ ।
ಸ॒ಹಸ್ರ॑-ಮ್ಮೇ ಸನ್ತು ಸೂ॒ನೃತಾಃ᳚ । ಇರಾ॑ವತೀಃ ಪಶು॒ಮತೀಃ᳚ ॥ ಇ॒ದಮಿ॑ನ್ದ್ರಿ॒ಯ-ಮ॒ಮೃತಂ॑-ವೀಁ॒ರ್ಯ᳚ಮ್ । ಅ॒ನೇನೇನ್ದ್ರಾ॑ಯ ಪ॒ಶವೋ॑-ಽಚಿಕಿಥ್ಸನ್ನ್ ।
ತೇನ॑ ದೇವಾ ಅವ॒ತೋಪ॒ ಮಾಮ್ । ಇ॒ಹೇಷ॒ಮೂರ್ಜಂ॒-ಯಁಶ॒-ಸ್ಸಹ॒ ಓಜಃ॑ ಸನೇಯಮ್ । ಶೃ॒ತ-ಮ್ಮಯಿ॑ ಶ್ರಯತಾಮ್ ॥ ಯ-ತ್ಪೃ॑ಥಿ॒ವೀ-ಮಚ॑ರ॒ತ್ತತ್-ಪ್ರವಿ॑ಷ್ಟಮ್ ॥ 66 ॥
ಯೇನಾಸಿ॑ಞ್ಚ॒-ದ್ಬಲ॒ಮಿನ್ದ್ರೇ᳚ ಪ್ರ॒ಜಾಪ॑ತಿಃ ।
ಇ॒ದ-ನ್ತಚ್ಛು॒ಕ್ರ-ಮ್ಮಧು॑ ವಾ॒ಜಿನೀ॑ವತ್ ।
ಯೇನೋ॒-ಪರಿ॑ಷ್ಟಾ॒ದಧಿ॑ನೋ-ನ್ಮಹೇ॒ನ್ದ್ರಮ್ ।
ದಧಿ॒ ಮಾ-ನ್ಧಿ॑ನೋತು ॥
ಅ॒ಯಂ-ವೇಁ॒ದಃ ಪೃ॑ಥಿ॒ವೀ-ಮನ್ವ॑ವಿನ್ದತ್ ।
ಗುಹಾ॑ ಸ॒ತೀ-ಙ್ಗಹ॑ನೇ॒ ಗಹ್ವ॑ರೇಷು ।
ಸ ವಿ॑ನ್ದತು॒ ಯಜ॑ಮಾನಾಯ ಲೋ॒ಕಮ್ ।
ಅಚ್ಛಿ॑ದ್ರಂ-ಯಁ॒ಜ್ಞ-ಮ್ಭೂರಿ॑ಕರ್ಮಾ ಕರೋತು ॥
ಅ॒ಯಂ-ಯಁ॒ಜ್ಞ-ಸ್ಸಮ॑ಸದದ್ಧ॒ವಿಷ್ಮಾನ್॑ ।
ಋ॒ಚಾ ಸಾಮ್ನಾ॒ ಯಜು॑ಷಾ ದೇ॒ವತಾ॑ಭಿಃ ॥ 67 ॥
ತೇನ॑ ಲೋ॒ಕಾನ್-ಥ್ಸೂರ್ಯ॑ವತೋ ಜಯೇಮ ।
ಇನ್ದ್ರ॑ಸ್ಯ ಸ॒ಖ್ಯ-ಮ॑ಮೃತ॒ತ್ವ-ಮ॑ಶ್ಯಾಮ್ ॥
ಯೋ ನಃ॒ ಕನೀ॑ಯ ಇ॒ಹ ಕಾ॒ಮಯಾ॑ತೈ ।
ಅ॒ಸ್ಮಿನ್. ಯ॒ಜ್ಞೇ ಯಜ॑ಮಾನಾಯ॒ ಮಹ್ಯ᳚ಮ್ ।
ಅಪ॒ ತಮಿ॑ನ್ದ್ರಾ॒ಗ್ನೀ ಭುವ॑ನಾನ್ನುದೇತಾಮ್ ।
ಅ॒ಹ-ಮ್ಪ್ರ॒ಜಾಂ-ವೀಁ॒ರವ॑ತೀಂ-ವಿಁದೇಯ ॥
ಅಗ್ನೇ॑ ವಾಜಜಿತ್ । ವಾಜ॑-ನ್ತ್ವಾ ಸರಿ॒ಷ್ಯನ್ತ᳚ಮ್ ।
ವಾಜ॑-ಞ್ಜೇ॒ಷ್ಯನ್ತ᳚ಮ್ । ವಾ॒ಜಿನಂ॑-ವಾಁಜ॒ಜಿತ᳚ಮ್ ॥ 68 ॥
ವಾ॒ಜ॒ಜಿ॒ತ್ಯಾಯೈ॒ ಸಮ್ಮಾ᳚ರ್ಜ್ಮಿ । ಅ॒ಗ್ನಿಮ॑ನ್ನಾ॒-ದಮ॒ನ್ನಾದ್ಯಾ॑ಯ ॥ ಉಪ॑ಹೂತೋ॒ ದ್ಯೌಃ ಪಿ॒ತಾ ।
ಉಪ॒ ಮಾ-ನ್ದ್ಯೌಃ ಪಿ॒ತಾ ಹ್ವ॑ಯತಾಮ್ । ಅ॒ಗ್ನಿ-ರಾಗ್ನೀ᳚ದ್ಧ್ರಾತ್ । ಆಯು॑ಷೇ॒ ವರ್ಚ॑ಸೇ । ಜೀ॒ವಾತ್ವೈ ಪುಣ್ಯಾ॑ಯ । ಉಪ॑ಹೂತಾ ಪೃಥಿ॒ವೀ ಮಾ॒ತಾ । ಉಪ॒ ಮಾ-ಮ್ಮಾ॒ತಾ ಪೃ॑ಥಿ॒ವೀ ಹ್ವ॑ಯತಾಮ್ । ಅ॒ಗ್ನಿ-ರಾಗ್ನೀ᳚ದ್ಧ್ರಾತ್ ॥ 69 ॥
ಆಯು॑ಷೇ॒ ವರ್ಚ॑ಸೇ । ಜೀ॒ವಾತ್ವೈ ಪುಣ್ಯಾ॑ಯ ॥
ಮನೋ॒ ಜ್ಯೋತಿ॑ ರ್ಜುಷತಾ॒ಮಾಜ್ಯ᳚ಮ್ ।
ವಿಚ್ಛಿ॑ನ್ನಂ-ಯಁ॒ಜ್ಞಗ್ಂ ಸಮಿ॒ಮ-ನ್ದ॑ಧಾತು । ಬೃಹ॒ಸ್ಪತಿ॑-ಸ್ತನುತಾಮಿ॒ಮ-ನ್ನಃ॑ ।
ವಿಶ್ವೇ॑ ದೇ॒ವಾ ಇ॒ಹ ಮಾ॑ದಯನ್ತಾಮ್ ॥
ಯ-ನ್ತೇ॑ ಅಗ್ನ ಆವೃ॒ಶ್ಚಾಮಿ॑ । ಅ॒ಹಂ-ವಾಁ᳚ ಕ್ಷಿಪಿ॒ತಶ್ಚರನ್ನ್॑ । ಪ್ರ॒ಜಾ-ಞ್ಚ॒ ತಸ್ಯ॒ ಮೂಲ॑-ಞ್ಚ ।
ನೀ॒ಚೈರ್ದೇ॑ವಾ॒ ನಿವೃ॑ಶ್ಚತ ॥ 70 ॥
ಅಗ್ನೇ॒ ಯೋ ನೋ॑-ಽಭಿ॒ದಾಸ॑ತಿ । ಸ॒ಮಾ॒ನೋ ಯಶ್ಚ॒ ನಿಷ್ಟ್ಯಃ॑ । ಇ॒ದ್ಧ್ಮಸ್ಯೇ॑ವ ಪ್ರ॒ಕ್ಷಾಯ॑ತಃ ।
ಮಾ ತಸ್ಯೋಚ್ಛೇ॑ಷಿ॒ ಕಿಞ್ಚ॒ನ । ಯೋ ಮಾ-ನ್ದ್ವೇಷ್ಟಿ॑ ಜಾತವೇದಃ । ಯ-ಞ್ಚಾ॒ಹ-ನ್ದ್ವೇಷ್ಮಿ॒ ಯಶ್ಚ॒ ಮಾಮ್ । ಸರ್ವಾ॒ಗ್॒ಸ್ತಾನ॑ಗ್ನೇ॒ ಸನ್ದ॑ಹ ।
ಯಾಗ್ಶ್ಚಾ॒ಹ-ನ್ದ್ವೇಷ್ಮಿ॒ ಯೇ ಚ॒ ಮಾಮ್ ॥ ಅಗ್ನೇ॑ ವಾಜಜಿತ್ ।
ವಾಜ॑-ನ್ತ್ವಾ ಸಸೃ॒ವಾಗ್ಂಸ᳚ಮ್ ॥ 71 ॥
ವಾಜ॑-ಞ್ಜಿಗಿ॒ವಾಗ್ಂಸ᳚ಮ್ । ವಾ॒ಜಿನಂ॑-ವಾಁಜ॒ಜಿತ᳚ಮ್ । ವಾ॒ಜ॒ಜಿ॒ತ್ಯಾಯೈ॒ ಸಮ್ಮಾ᳚ರ್ಜ್ಮಿ । ಅ॒ಗ್ನಿ-ಮ॑ನ್ನಾ॒ದ-ಮ॒ನ್ನಾದ್ಯಾ॑ಯ ॥ ವೇದಿ॑ ರ್ಬ॒ರ॒ಃಇ-ಶ್ಶೃ॒ತಗ್ಂ ಹ॒ವಿಃ ।
ಇ॒ದ್ಧ್ಮಃ ಪ॑ರಿ॒ಧಯ॒-ಸ್ಸ್ರುಚಃ॑ । ಆಜ್ಯಂ॑-ಯಁ॒ಜ್ಞ ಋಚೋ॒ ಯಜುಃ॑ । ಯಾ॒ಜ್ಯಾ᳚ಶ್ಚ ವಷಟ್ಕಾ॒ರಾಃ । ಸ-ಮ್ಮೇ॒ ಸನ್ನ॑ತಯೋ ನಮನ್ತಾಮ್ ।
ಇ॒ದ್ಧ್ಮ॒ಸಂ॒-ನಹ॑ನೇ ಹು॒ತೇ ॥ 72 ॥
ದಿ॒ವಃ ಖೀಲೋ-ಽವ॑ತತಃ । ಪೃ॒ಥಿ॒ವ್ಯಾ ಅದ್ಧ್ಯುತ್ಥಿ॑ತಃ । ತೇನಾ॑ ಸ॒ಹಸ್ರ॑ಕಾಣ್ಡೇನ । ದ್ವಿ॒ಷನ್ತಗ್ಂ॑ ಶೋಚಯಾಮಸಿ । ದ್ವಿ॒ಷನ್ಮೇ॑ ಬ॒ಹು ಶೋ॑ಚತು ।
ಓಷ॑ಧೇ॒ ಮೋ ಅ॒ಹಗ್ಂ ಶು॑ಚಮ್ ॥ ಯಜ್ಞ॒ ನಮ॑ಸ್ತೇ ಯಜ್ಞ । ನಮೋ॒ ನಮ॑ಶ್ಚ ತೇ ಯಜ್ಞ । ಶಿ॒ವೇನ॑ ಮೇ॒ ಸನ್ತಿ॑ಷ್ಠಸ್ವ । ಸ್ಯೋ॒ನೇನ॑ ಮೇ॒ ಸನ್ತಿ॑ಷ್ಠಸ್ವ ॥ 73 ॥
ಸು॒ಭೂ॒ತೇನ॑ ಮೇ॒ ಸನ್ತಿ॑ಷ್ಠಸ್ವ । ಬ್ರ॒ಹ್ಮ॒ವ॒ರ್ಚ॒ಸೇನ॑ ಮೇ॒ ಸನ್ತಿ॑ಷ್ಠಸ್ವ ।
ಯ॒ಜ್ಞಸ್ಯರ್ಧಿ॒ಮನು॒ ಸನ್ತಿ॑ಷ್ಠಸ್ವ । ಉಪ॑ ತೇ ಯಜ್ಞ॒ ನಮಃ॑ । ಉಪ॑ ತೇ॒ ನಮಃ॑ ।
ಉಪ॑ ತೇ॒ ನಮಃ॑ ॥ ತ್ರಿಷ್ಫ॒ಲೀ ಕ್ರಿ॒ಯಮಾ॑ಣಾನಾಮ್ । ಯೋ ನ್ಯ॒ಙ್ಗೋ ಅ॑ವ॒ಶಿಷ್ಯ॑ತೇ ।
ರಕ್ಷ॑ಸಾ-ಮ್ಭಾಗ॒ಧೇಯ᳚ಮ್ । ಆಪ॒ಸ್ತ-ತ್ಪ್ರವ॑ಹತಾದಿ॒ತಃ ॥ 74 ॥
ಉ॒ಲೂಖ॑ಲೇ॒ ಮುಸ॑ಲೇ॒ ಯಚ್ಚ॒ ಶೂರ್ಪೇ᳚ ।
ಆ॒ಶಿ॒ಶ್ಲೇಷ॑ ದೃ॒ಷದಿ॒ ಯತ್ಕ॒ಪಾಲೇ᳚ ।
ಅ॒ವ॒ಪ್ರುಷೋ॑ ವಿ॒ಪ್ರುಷ॒-ಸ್ಸಂಯಁ॑ಜಾಮಿ ।
ವಿಶ್ವೇ॑ ದೇ॒ವಾ ಹ॒ವಿರಿ॒ದ-ಞ್ಜು॑ಷನ್ತಾಮ್ ।
ಯ॒ಜ್ಞೇ ಯಾ ವಿ॒ಪ್ರುಷ॒-ಸ್ಸನ್ತಿ॑ ಬ॒ಹ್ವೀಃ ।
ಅ॒ಗ್ನೌ ತಾ-ಸ್ಸರ್ವಾ॒-ಸ್ಸ್ವಿ॑ಷ್ಟಾ॒-ಸ್ಸುಹು॑ತಾ ಜುಹೋಮಿ ॥ ಉ॒ದ್ಯನ್ನ॒ದ್ಯ ಮಿ॑ತ್ರಮಹಃ ।
ಸ॒ಪತ್ನಾ᳚ನ್ಮೇ ಅನೀನಶಃ । ದಿವೈ॑ನಾನ್. ವಿ॒ದ್ಯುತಾ॑ ಜಹಿ ।
ನಿ॒ಮ್ರೋಚ॒ನ್ನಧ॑ರಾನ್ ಕೃಧಿ ॥ 75 ॥
ಉ॒ದ್ಯನ್ನ॒ದ್ಯ ವಿ ನೋ॑ ಭಜ । ಪಿ॒ತಾ ಪು॒ತ್ರೇಭ್ಯೋ॒ ಯಥಾ᳚ । ದೀ॒ರ್ಘಾ॒ಯು॒ತ್ವಸ್ಯ॑ ಹೇಶಿಷೇ । ತಸ್ಯ॑ ನೋ ದೇಹಿ ಸೂರ್ಯ ॥ ಉ॒ದ್ಯನ್ನ॒ದ್ಯ ಮಿ॑ತ್ರಮಹಃ । ಆ॒ರೋಹ॒ನ್ನುತ್ತ॑ರಾ॒-ನ್ದಿವ᳚ಮ್ । ಹೃ॒ದ್ರೋ॒ಗ-ಮ್ಮಮ॑ ಸೂರ್ಯ । ಹ॒ರಿ॒ಮಾಣ॑-ಞ್ಚ ನಾಶಯ ॥ ಶುಕೇ॑ಷು ಮೇ ಹರಿ॒ಮಾಣ᳚ಮ್ ।
ರೋ॒ಪ॒ಣಾಕಾ॑ಸು ದದ್ಧ್ಮಸಿ ॥ 76 ॥
ಅಥೋ॑ ಹಾರಿದ್ರ॒ವೇಷು॑ ಮೇ । ಹ॒ರಿ॒ಮಾಣ॒-ನ್ನಿದ॑ದ್ಧ್ಮಸಿ ॥ ಉದ॑ಗಾದ॒ಯ-ಮಾ॑ದಿ॒ತ್ಯಃ ।
ವಿಶ್ವೇ॑ನ॒ ಸಹ॑ಸಾ ಸ॒ಹ । ದ್ವಿ॒ಷನ್ತ॒-ಮ್ಮಮ॑ ರ॒ನ್ಧಯನ್ನ್॑ । ಮೋ ಅ॒ಹ-ನ್ದ್ವಿ॑ಷ॒ತೋ ರ॑ಧಮ್ ॥
ಯೋ ನ॒-ಶ್ಶಪಾ॒ದಶ॑ಪತಃ । ಯಶ್ಚ॑ ನ॒-ಶ್ಶಪ॑ತ॒-ಶ್ಶಪಾ᳚ತ್ । ಉ॒ಷಾಶ್ಚ॒ ತಸ್ಮೈ॑ ನಿ॒ಮ್ರುಕ್ಚ॑ । ಸರ್ವ॑-ಮ್ಪಾ॒ಪಗ್ಂ ಸಮೂ॑ಹತಾಮ್ ॥ 77 ॥
ಯೋ ನಃ॑ ಸ॒ಪತ್ನೋ॒ ಯೋ ರಣಃ॑ । ಮರ್ತೋ॑-ಽಭಿ॒ದಾಸ॑ತಿ ದೇವಾಃ। ಇ॒ದ್ಧ್ಮಸ್ಯೇ॑ವ ಪ್ರ॒ಕ್ಷಾಯ॑ತಃ ।
ಮಾ ತಸ್ಯೋಚ್ಛೇ॑ಷಿ॒ ಕಿಞ್ಚ॒ನ ॥ ಅವ॑ಸೃಷ್ಟಃ॒ ಪರಾ॑ಪತ । ಶ॒ರೋ ಬ್ರಹ್ಮ॑ಸಗ್ಂಶಿತಃ ।
ಗಚ್ಛಾ॒-ಽಮಿತ್ರಾ॒-ನ್ಪ್ರವಿ॑ಶ । ಮೈಷಾ॒-ಙ್ಕಞ್ಚ॒ನೋಚ್ಛಿ॑ಷಃ ॥ 78 ॥
(ಪತಿಃ॑ - ಪ್ರ॒ಜಾಪ॑ತಯೇ - ತಪ॒ಸ್ವೀ - ವಾ॒ಚಾ - ಸೌಭ॑ಗಾಯ - ಪ॒ಶೂನ್ಮೇ॑ ಪಿನ್ವಸ್ವ - ದುರ್ಮರಾ॒ಯುಂ - ದೇ॑ವ॒ಯಾನಾ॑ - ನಗ್ನೇ॒ - ಽನ್ತರಿ॑ಕ್ಷೇ॒-ಽಹಮುತ್ತ॑ರೋ ಭೂಯಾಸಂ -ಪ್ರ॒ಜಾಪ॑ತಿರಸಿ ಸ॒ರ್ವತಃ॑ ಶ್ರಿ॒ತಃ - ಪ್ರವಿ॑ಷ್ಟಂ - ದೇ॒ವತಾ॑ಭಿ--ರ್ ವಾಜ॒ಜಿತಂ॑ -
ಪೃಥಿ॒ವೀ ಹ್ವ॑ಯತಾಮ॒ಗ್ನಿರಾಗ್ನೀ᳚ದ್ಧ್ರಾ-ದ್- ವೃಶ್ಚತ - ಸಸೃ॒ವಾಗ್ಂಸಗ್ಂ॑ - ಹು॒ತೇ - ಸ್ಯೋ॒ನೇನ॑ ಮೇ॒ ಸಮ್ತಿ॑ಷ್ಠಸ್ವೇ॒ - ತಃ - ಕೃ॑ಧಿ- ದಧ್ಮ - ಸ್ಯೂಹತಾ - +ಮ॒ಷ್ಟೌ ಚ॑) (ಅ. 6)
ಅನುವಾಕಂ 7 - ಸೋಮಾಙ್ಗ.ಭೂತೇಷು ಮನ್ತ್ರೇಷು-ದೀಕ್ಷಾಮಾರಭ್ಯಾಗ್ನೀಷೋಮಯಿ ಪಶುಪರ್ಯನ್ತೇ ಪ್ರಯೋಗೇ ಶೇಷಭೂತಾ ಮನ್ತ್ರಾಃ
ಸಕ್ಷೇ॒ದ-ಮ್ಪ॑ಶ್ಯ । ವಿಧ॑ರ್ತರಿ॒ದ-ಮ್ಪ॑ಶ್ಯ । ನಾಕೇ॒ದ-ಮ್ಪ॑ಶ್ಯ । ರ॒ಮತಿಃ॒ ಪನಿ॑ಷ್ಠಾ ।
ಋ॒ತಂ-ವಁರ್ಷಿ॑ಷ್ಠಮ್ । ಅ॒ಮೃತಾ॒ ಯಾನ್ಯಾ॒ಹುಃ । ಸೂರ್ಯೋ॒ ವರಿ॑ಷ್ಠೋ ಅ॒ಕ್ಷಭಿ॒ರ್ವಿಭಾ॑ತಿ ।
ಅನ॒ ದ್ಯಾವಾ॑ಪೃಥಿ॒ವೀ ದೇ॒ವಪು॑ತ್ರೇ ॥ ದೀ॒ಕ್ಷಾ-ಽಸಿ॒ ತಪ॑ಸೋ॒ ಯೋನಿಃ॑ । ತಪೋ॑-ಽಸಿ॒ ಬ್ರಹ್ಮ॑ಣೋ॒ ಯೋನಿಃ॑ ॥ 79 ॥
ಬ್ರಹ್ಮಾ॑ಸಿ ಕ್ಷ॒ತ್ರಸ್ಯ॒ ಯೋನಿಃ॑ । ಕ್ಷ॒ತ್ರಮ॑ಸ್ಯೃ॒ತಸ್ಯ॒ ಯೋನಿಃ॑ ।
ಋ॒ತಮ॑ಸಿ॒ ಭೂರಾರ॑ಭೇ । ಶ್ರ॒ದ್ಧಾ-ಮ್ಮನ॑ಸಾ । ದೀ॒ಕ್ಷಾ-ನ್ತಪ॑ಸಾ । ವಿಶ್ವ॑ಸ್ಯ॒ ಭುವ॑ನ॒ಸ್ಯಾಧಿ॑ಪತ್ನೀಮ್ । ಸರ್ವೇ॒ ಕಾಮಾ॒ ಯಜ॑ಮಾನಸ್ಯ ಸನ್ತು ॥
ವಾತ॑-ಮ್ಪ್ರಾ॒ಣ-ಮ್ಮನ॑ಸಾ॒-ಽನ್ವಾರ॑ಭಾಮಹೇ । ಪ್ರ॒ಜಾಪ॑ತಿಂ॒-ಯೋಁ ಭುವ॑ನಸ್ಯ ಗೋ॒ಪಾಃ ।
ಸ ನೋ॑ ಮೃ॒ತ್ಯೋಸ್ತ್ರಾ॑ಯತಾ॒-ಮ್ಪಾತ್ವಗ್ಂಹ॑ಸಃ ॥ 80 ॥
ಜ್ಯೋಗ್ಜೀ॒ವಾ ಜ॒ರಾಮ॑ಶೀಮಹಿ ॥ ಇನ್ದ್ರ॑ ಶಾಕ್ವರ ಗಾಯ॒ತ್ರೀ-ಮ್ಪ್ರಪ॑ದ್ಯೇ । ತಾ-ನ್ತೇ॑ ಯುನಜ್ಮಿ । ಇನ್ದ್ರ॑ ಶಾಕ್ವರ ತ್ರಿ॒ಷ್ಟುಭ॒-ಮ್ಪ್ರಪ॑ದ್ಯೇ । ತಾ-ನ್ತೇ॑ ಯುನಜ್ಮಿ ।
ಇನ್ದ್ರ॑ ಶಾಕ್ವರ॒ ಜಗ॑ತೀ॒-ಮ್ಪ್ರಪ॑ದ್ಯೇ । ತಾ-ನ್ತೇ॑ ಯುನಜ್ಮಿ ।
ಇನ್ದ್ರ॑ ಶಾಕ್ವರಾನು॒ಷ್ಟುಭ॒-ಮ್ಪ್ರಪ॑ದ್ಯೇ । ತಾ-ನ್ತೇ॑ ಯುನಜ್ಮಿ । ಇನ್ದ್ರ॑ ಶಾಕ್ವರ ಪ॒ಙ್ಕ್ತಿ-ಮ್ಪ್ರಪ॑ದ್ಯೇ ॥ 81 ॥
ತಾ-ನ್ತೇ॑ ಯುನಜ್ಮಿ ॥ ಆ-ಽಹ-ನ್ದೀ॒ಕ್ಷಾಮ॑ರುಹ-ಮೃ॒ತಸ್ಯ॒ ಪತ್ನೀ᳚ಮ್ । ಗಾ॒ಯ॒ತ್ರೇಣ॒ ಛನ್ದ॑ಸಾ॒ ಬ್ರಹ್ಮ॑ಣಾ ಚ । ಋ॒ತಗ್ಂ ಸ॒ತ್ಯೇ॑-ಽಧಾಯಿ । ಸ॒ತ್ಯಮೃ॒ತೇ॑-ಽಧಾಯಿ ।
ಋ॒ತ-ಞ್ಚ॑ ಮೇ ಸ॒ತ್ಯ-ಞ್ಚಾ॑ಭೂತಾಮ್ । ಜ್ಯೋತಿ॑ರಭೂವ॒ಗ್ಂ॒ ಸುವ॑ರಗಮಮ್ ।
ಸು॒ವ॒ರ್ಗಂ-ಲೋಁ॒ಕ-ನ್ನಾಕ॑ಸ್ಯ ಪೃ॒ಷ್ಠಮ್ । ಬ್ರ॒ದ್ಧ್ನಸ್ಯ॑ ವಿ॒ಷ್ಟಪ॑ಮಗಮಮ್ ॥
ಪೃ॒ಥಿ॒ವೀ ದೀ॒ಕ್ಷಾ ॥ 82 ॥
ತಯಾ॒-ಽಗ್ನಿ ರ್ದೀ॒ಕ್ಷಯಾ॑ ದೀಕ್ಷಿ॒ತಃ । ಯಯಾ॒-ಽಗ್ನಿ ರ್ದೀ॒ಕ್ಷಯಾ॑ ದೀಕ್ಷಿ॒ತಃ । ತಯಾ᳚ ತ್ವಾ ದೀ॒ಕ್ಷಯಾ॑ ದೀಕ್ಷಯಾಮಿ । ಅ॒ನ್ತರಿ॑ಕ್ಷ-ನ್ದೀ॒ಕ್ಷಾ ।
ತಯಾ॑ ವಾ॒ಯು ರ್ದೀ॒ಕ್ಷಯಾ॑ ದೀಕ್ಷಿ॒ತಃ ।
ಯಯಾ॑ ವಾ॒ಯು ರ್ದೀ॒ಕ್ಷಯಾ॑ ದೀಕ್ಷಿ॒ತಃ ।
ತಯಾ᳚ ತ್ವಾ ದೀ॒ಕ್ಷಯಾ॑ ದೀಕ್ಷಯಾಮಿ । ದ್ಯೌ ರ್ದೀ॒ಕ್ಷಾ ।
ತಯಾ॑-ಽಽದಿ॒ತ್ಯೋ ದೀ॒ಕ್ಷಯಾ॑ ದೀಕ್ಷಿ॒ತಃ ।
ಯಯಾ॑-ಽಽದಿ॒ತ್ಯೋ ದೀ॒ಕ್ಷಯಾ॑ ದೀಕ್ಷಿ॒ತಃ ॥ 83 ॥
ತಯಾ᳚ ತ್ವಾ ದೀ॒ಕ್ಷಯಾ॑ ದೀಕ್ಷಯಾಮಿ । ದಿಶೋ॑ ದೀ॒ಕ್ಷಾ ।
ತಯಾ॑ ಚ॒ನ್ದ್ರಮಾ॑ ದೀ॒ಕ್ಷಯಾ॑ ದೀಕ್ಷಿ॒ತಃ ।
ಯಯಾ॑ ಚ॒ನ್ದ್ರಮಾ॑ ದೀ॒ಕ್ಷಯಾ॑ ದೀಕ್ಷಿ॒ತಃ ।
ತಯಾ᳚ ತ್ವಾ ದೀ॒ಕ್ಷಯಾ॑ ದೀಕ್ಷಯಾಮಿ ।
ಆಪೋ॑ ದೀ॒ಕ್ಷಾ । ತಯಾ॒ ವರು॑ಣೋ॒ ರಾಜಾ॑ ದೀ॒ಕ್ಷಯಾ॑ ದೀಕ್ಷಿ॒ತಃ । ಯಯಾ॒ ವರು॑ಣೋ॒ ರಾಜಾ॑ ದೀ॒ಕ್ಷಯಾ॑ ದೀಕ್ಷಿ॒ತಃ । ತಯಾ᳚ ತ್ವಾ ದೀ॒ಕ್ಷಯಾ॑ ದೀಕ್ಷಯಾಮಿ ।
ಓಷ॑ಧಯೋ ದೀ॒ಕ್ಷಾ ॥ 84 ॥
ತಯಾ॒ ಸೋಮೋ॒ ರಾಜಾ॑ ದೀ॒ಕ್ಷಯಾ॑ ದೀಕ್ಷಿ॒ತಃ। ಯಯಾ॒ ಸೋಮೋ॒ ರಾಜಾ॑ ದೀ॒ಕ್ಷಯಾ॑ ದೀಕ್ಷಿ॒ತಃ ।
ತಯಾ᳚ ತ್ವಾ ದೀ॒ಕ್ಷಯಾ॑ ದೀಕ್ಷಯಾಮಿ । ವಾಗ್ ದೀ॒ಕ್ಷಾ ।
ತಯಾ᳚ ಪ್ರಾ॒ಣೋ ದೀ॒ಕ್ಷಯಾ॑ ದೀಕ್ಷಿ॒ತಃ ।
ಯಯಾ᳚ ಪ್ರಾ॒ಣೋ ದೀ॒ಕ್ಷಯಾ॑ ದೀಕ್ಷಿ॒ತಃ ।
ತಯಾ᳚ ತ್ವಾ ದೀ॒ಕ್ಷಯಾ॑ ದೀಕ್ಷಯಾಮಿ । ಪೃ॒ಥಿ॒ವೀ ತ್ವಾ॒ ದೀಕ್ಷ॑ಮಾಣ॒ಮನು॑ ದೀಕ್ಷತಾಮ್ ।
ಅ॒ನ್ತರಿ॑ಕ್ಷ-ನ್ತ್ವಾ॒ ದೀಕ್ಷ॑ಮಾಣ॒ಮನು॑ ದೀಕ್ಷತಾಮ್ ।
ದ್ಯೌಸ್ತ್ವಾ॒ ದೀಕ್ಷ॑ಮಾಣ॒ಮನು॑ ದೀಕ್ಷತಾಮ್ ॥ 85 ॥
ದಿಶ॑ಸ್ತ್ವಾ॒ ದೀಕ್ಷ॑ಮಾಣ॒ಮನು॑ ದೀಕ್ಷನ್ತಾಮ್ । ಆಪ॑ಸ್ತ್ವಾ॒ ದೀಕ್ಷ॑ಮಾಣ॒ಮನು॑ ದೀಕ್ಷನ್ತಾಮ್ ।
ಓಷ॑ಧಯಸ್ತ್ವಾ॒ ದೀಕ್ಷ॑ಮಾಣ॒ಮನು॑ ದೀಕ್ಷನ್ತಾಮ್ । ವಾಕ್ತ್ವಾ॒ ದೀಕ್ಷ॑ಮಾಣ॒ಮನು॑ ದೀಕ್ಷತಾಮ್ ।
ಋಚ॑ಸ್ತ್ವಾ॒ ದೀಕ್ಷ॑ಮಾಣ॒ಮನು॑ ದೀಕ್ಷನ್ತಾಮ್ । ಸಾಮಾ॑ನಿ ತ್ವಾ॒ ದೀಕ್ಷ॑ಮಾಣ॒ಮನು॑ ದೀಕ್ಷನ್ತಾಮ್ ।
ಯಜೂಗ್ಂ॑ಷಿ ತ್ವಾ॒ ದೀಕ್ಷ॑ಮಾಣ॒ಮನು॑ ದೀಕ್ಷನ್ತಾಮ್ । ಅಹ॑ಶ್ಚ॒ ರಾತ್ರಿ॑ಶ್ಚ । ಕೃ॒ಷಿಶ್ಚ॒ ವೃಷ್ಟಿ॑ಶ್ಚ । ತ್ವಿಷಿ॒ಶ್ಚಾ-ಪ॑ಚಿತಿಶ್ಚ ॥ 86 ॥
ಆಪ॒ಶ್ಚೌಷ॑ಧಯಶ್ಚ । ಊರ್ಕ್ಚ॑ ಸೂ॒ನೃತಾ॑ ಚ । ತಾಸ್ತ್ವಾ॒ ದೀಕ್ಷ॑ಮಾಣ॒ಮನು॑ ದೀಕ್ಷನ್ತಾಮ್ ॥
ಸ್ವೇ ದಕ್ಷೇ॒ ದಕ್ಷ॑ಪಿತೇ॒ಹ ಸೀ॑ದ । ದೇ॒ವಾನಾಗ್ಂ॑ ಸು॒ಮ್ನೋ ಮ॑ಹ॒ತೇ ರಣಾ॑ಯ । ಸ್ವಾ॒ಸ॒ಸ್ಥ-ಸ್ತ॒ನುವಾ॒ ಸಂವಿಁ॑ಶಸ್ವ । ಪಿ॒ತೇವೈ॑ಧಿ ಸೂ॒ನವ॒ ಆ ಸು॒ಶೇವಃ॑ ।
ಶಿ॒ವೋ ಮಾ॑ ಶಿ॒ವಮಾವಿ॑ಶ । ಸ॒ತ್ಯ-ಮ್ಮ॑ ಆ॒ತ್ಮಾ । ಶ್ರ॒ದ್ಧಾ ಮೇ ಽಕ್ಷಿ॑ತಿಃ ॥ 87 ॥
ತಪೋ॑ ಮೇ ಪ್ರತಿ॒ಷ್ಠಾ । ಸ॒ವಿ॒ತೃ-ಪ್ರ॑ಸೂತಾ ಮಾ॒ ದಿಶೋ॑ ದೀಕ್ಷಯನ್ತು । ಸ॒ತ್ಯಮ॑ಸ್ಮಿ ॥ ಅ॒ಹ-ನ್ತ್ವದ॑ಸ್ಮಿ॒ ಮದ॑ಸಿ॒ ತ್ವಮೇ॒ತತ್ । ಮಮಾ॑ಸಿ॒ ಯೋನಿ॒ಸ್ತವ॒ ಯೋನಿ॑ರಸ್ಮಿ । ಮಮೈ॒ವ ಸನ್ವಹ॑ ಹ॒ವ್ಯಾನ್ಯ॑ಗ್ನೇ ।
ಪು॒ತ್ರಃ ಪಿ॒ತ್ರೇ ಲೋ॑ಕ॒ಕೃ-ಜ್ಜಾ॑ತವೇದಃ ॥
ಆ॒ಜುಹ್ವಾ॑ನ-ಸ್ಸು॒ಪ್ರತೀ॑ಕಃ ಪು॒ರಸ್ತಾ᳚ತ್ ।
ಅಗ್ನೇ॒ ಸ್ವಾಂ-ಯೋಁನಿ॒ಮಾಸೀ॑ದ ಸಾ॒ದ್ಧ್ಯಾ ।
ಅ॒ಸ್ಮಿನ್-ಥ್ಸ॒ಧಸ್ಥೇ॒ ಅದ್ಧ್ಯುತ್ತ॑ರಸ್ಮಿನ್ನ್ ॥ 88 ॥
ವಿಶ್ವೇ॑ ದೇವಾ॒ ಯಜ॑ಮಾನಶ್ಚ ಸೀದತ ॥
ಏಕ॑ಮಿ॒ಷೇ ವಿಷ್ಣು॒ಸ್ತ್ವಾ-ಽನ್ವೇ॑ತು ।
ದ್ವೇ ಊ॒ರ್ಜೇ ವಿಷ್ಣು॒ಸ್ತ್ವಾ-ಽನ್ವೇ॑ತು ।
ತ್ರೀಣಿ॑ ವ್ರ॒ತಾಯ॒ ವಿಷ್ಣು॒ಸ್ತ್ವಾ-ಽನ್ವೇ॑ತು ।
ಚ॒ತ್ವಾರಿ॒ ಮಾಯೋ॑ ಭವಾಯ॒ ವಿಷ್ಣು॒ಸ್ತ್ವಾ-ಽನ್ವೇ॑ತು ।
ಪಞ್ಚ॑ ಪ॒ಶುಭ್ಯೋ॒ ವಿಷ್ಣು॒ಸ್ತ್ವಾ-ಽನ್ವೇ॑ತು । ಷಡ್ರಾ॒ಯಸ್ಪೋಷಾ॑ಯ॒ ವಿಷ್ಣು॒ಸ್ತ್ವಾ-ಽನ್ವೇ॑ತು ।
ಸ॒ಪ್ತ ಸ॒ಪ್ತಭ್ಯೋ॒ ಹೋತ್ರಾ᳚ಭ್ಯೋ॒ ವಿಷ್ಣು॒ಸ್ತ್ವಾ-ಽನ್ವೇ॑ತು ॥
ಸಖಾ॑ಯ-ಸ್ಸ॒ಪ್ತಪ॑ದಾ ಅಭೂಮ । ಸ॒ಖ್ಯ-ನ್ತೇ॑ ಗಮೇಯಮ್ ॥ 89 ॥
ಸ॒ಖ್ಯಾತ್ತೇ॒ ಮಾ ಯೋ॑ಷಮ್ । ಸ॒ಖ್ಯಾನ್ಮೇ॒ ಮಾ ಯೋ᳚ಷ್ಠಾಃ ॥ ಸಾ-ಽಸಿ॑ ಸುಬ್ರಹ್ಮಣ್ಯೇ ।
ತಸ್ಯಾ᳚ಸ್ತೇ ಪೃಥಿ॒ವೀ ಪಾದಃ॑ । ಸಾ-ಽಸಿ॑ ಸುಬ್ರಹ್ಮಣ್ಯೇ । ತಸ್ಯಾ᳚ಸ್ತೇ॒-ಽನ್ತರಿ॑ಕ್ಷ॒-ಮ್ಪಾದಃ॑ ।
ಸಾ-ಽಸಿ॑ ಸುಬ್ರಹ್ಮಣ್ಯೇ । ತಸ್ಯಾ᳚ಸ್ತೇ॒ ದ್ಯೌಃ ಪಾದಃ॑ । ಸಾ-ಽಸಿ॑ ಸುಬ್ರಹ್ಮಣ್ಯೇ । ತಸ್ಯಾ᳚ಸ್ತೇ॒ ದಿಶಃ॒ ಪಾದಃ॑ ॥ 90 ॥
ಪ॒ರೋ ರ॑ಜಾಸ್ತೇ ಪಞ್ಚ॒ಮಃ ಪಾದಃ॑ । ಸಾ ನ॒ ಇಷ॒ಮೂರ್ಜ॑-ನ್ಧುಕ್ಷ್ವ । ತೇಜ॑ ಇನ್ದ್ರಿ॒ಯಮ್ । ಬ್ರ॒ಹ್ಮ॒ವ॒ರ್ಚ॒ಸ-ಮ॒ನ್ನಾದ್ಯ᳚ಮ್ ॥ ವಿಮಿ॑ಮೇ ತ್ವಾ॒ ಪಯ॑ಸ್ವತೀಮ್ । ದೇ॒ವಾನಾ᳚-ನ್ಧೇ॒ನುಗ್ಂ ಸು॒ದುಘಾ॒-ಮನ॑ಪ-ಸ್ಫುರನ್ತೀಮ್ । ಇನ್ದ್ರ॒-ಸ್ಸೋಮ॑-ಮ್ಪಿಬತು ।
ಕ್ಷೇಮೋ॑ ಅಸ್ತು ನಃ ॥ ಇ॒ಮಾ-ನ್ನ॑ರಾಃ ಕೃಣುತ॒ ವೇದಿ॒ಮೇತ್ಯ॑ । ವಸು॑ಮತೀಗ್ಂ ರು॒ದ್ರವ॑ತೀ-ಮಾದಿ॒ತ್ಯವ॑ತೀಮ್ ॥ 91 ॥
ವರ್ಷ್ಮ॑ನ್ದಿ॒ವಃ । ನಾಭಾ॑ ಪೃಥಿ॒ವ್ಯಾಃ ।
ಯಥಾ॒-ಽಯಂ-ಯಁಜ॑ಮಾನೋ॒ ನ ರಿಷ್ಯೇ᳚ತ್ ।
ದೇ॒ವಸ್ಯ॑ ಸವಿ॒ತು-ಸ್ಸ॒ವೇ ॥
ಚತುಃ॑ ಶಿಖಣ್ಡಾ ಯುವ॒ತಿ-ಸ್ಸು॒ಪೇಶಾಃ᳚ ।
ಘೃ॒ತಪ್ರ॑ತೀಕಾ॒ ಭುವ॑ನಸ್ಯ॒ ಮದ್ಧ್ಯೇ᳚ ।
ತಸ್ಯಾಗ್ಂ॑ ಸುಪ॒ರ್ಣಾವಧಿ॒ ಯೌ ನಿವಿ॑ಷ್ಟೌ ।
ತಯೋ᳚ ರ್ದೇ॒ವಾನಾ॒ಮಧಿ॑ ಭಾಗ॒ಧೇಯ᳚ಮ್ ॥
ಅಪ॒ ಜನ್ಯ॑-ಮ್ಭ॒ಯ-ನ್ನು॑ದ । ಅಪ ಚ॒ಕ್ರಾಣಿ॑ ವರ್ತಯ । ಗೃ॒ಹಗ್ಂ ಸೋಮ॑ಸ್ಯ ಗಚ್ಛತಮ್ ॥
ನ ವಾ ಉ॑ವೇ॒ತನ್ಮ್ರಿ॑ಯಸೇ॒ ನ ರಿ॑ಷ್ಯಸಿ ।
ದೇ॒ವಾಗ್ಂ ಇದೇ॑ಷಿ ಪ॒ಥಿಭಿಃ॑ ಸು॒ಗೇಭಿಃ॑ ।
ಯತ್ರ॒ ಯನ್ತಿ॑ ಸು॒ಕೃತೋ॒ ನಾಪಿ॑ ದು॒ಷ್ಕೃತಃ॑ ।
ತತ್ರ॑ ತ್ವಾ ದೇ॒ವ-ಸ್ಸ॑ವಿ॒ತಾ ದ॑ಧಾತು ॥ 92 ॥
(ಬ್ರಹ್ಮ॑ಣೋ॒ ಯೋನಿ॒ - ರಗ್ಂಹ॑ಸಃ - ಪ॒ಙ್ಕ್ತಿ-ಮ್ಪ್ರಪ॑ದ್ಯೇ - ದೀ॒ಕ್ಷಾ - ಯಯೋ॑-ಽಽದಿ॒ತ್ಯೋ ದೀ॒ಕ್ಷಯಾ॑ ದೀಕ್ಷಿ॒ತ - ಸ್ತಯಾ᳚ ತ್ವಾ ದೀ॒ಕ್ಷಯಾ॑ ದೀಕ್ಷಯಾ॒ಮ್ಯೋಷ॑ಧಯೋ ದೀ॒ಕ್ಷಾ - ದ್ಯೌಸ್ತ್ವಾ॒ ದೀಕ್ಷ॑ಮಾಣ॒ಮನು॑ ದೀಕ್ಷತಾ॒ - ಮಪ॑ಚಿತಿ॒ಶ್ಚಾ - ಕ್ಷಿ॑ತಿ॒ - ರುತ್ತ॑ರಸ್ಮಿನ್ - ಗಮೇಯಂ॒ - ದಿಶಃ॒ ಪಾದ॑ - ಆದಿ॒ತ್ಯವ॑ತೀಂ - ಁವರ್ತಯ॒ ಪಞ್ಚ॑ ಚ) (ಅ. 7)
ಅನುವಾಕಂ 8 - ಪಶುವಿಷಯಾ ಅಚ್ಛಿದ್ರಮನ್ತ್ರಾಃ
ಯದ॒ಸ್ಯ ಪಾ॒ರೇ ರಜ॑ಸಃ । ಶು॒ಕ್ರ-ಞ್ಜ್ಯೋತಿ॒-ರಜಾ॑ಯತ । ತನ್ನಃ॑ ಪರ್ಷ॒ದತಿ॒ ದ್ವಿಷಃ॑ ।
ಅಗ್ನೇ॑ ವೈಶ್ವಾನರ॒ ಸ್ವಾಹಾ᳚ ॥ ಯಸ್ಮಾ᳚ದ್ಭೀ॒ಷಾ-ಽವಾ॑ಶಿಷ್ಠಾಃ । ತತೋ॑ ನೋ॒ ಅಭ॑ಯ-ಙ್ಕೃಧಿ ।
ಪ್ರ॒ಜಾಭ್ಯ॒-ಸ್ಸರ್ವಾ᳚ಭ್ಯೋ ಮೃಡ । ನಮೋ॑ ರು॒ದ್ರಾಯ॑ ಮೀ॒ಢುಷೇ᳚ ॥ ಯಸ್ಮಾ᳚ದ್ಭೀ॒ಷಾ ನ್ಯಷ॑ದಃ ।
ತತೋ॑ ನೋ॒ ಅಭ॑ಯ-ಙ್ಕೃಧಿ ॥ 93 ॥
ಪ್ರ॒ಜಾಭ್ಯ॒-ಸ್ಸರ್ವಾ᳚ಭ್ಯೋ ಮೃಡ । ನಮೋ॑ ರು॒ದ್ರಾಯ॑ ಮೀ॒ಢುಷೇ᳚ ॥ ಉದು॑ಸ್ರ ತಿಷ್ಠ॒ ಪ್ರತಿ॑ತಿಷ್ಠ॒ ಮಾ ರಿ॑ಷಃ । ಮೇಮಂ-ಯಁ॒ಜ್ಞಂ-ಯಁಜ॑ಮಾನ-ಞ್ಚ ರೀರಿಷಃ । ಸು॒ವ॒ರ್ಗೇ ಲೋ॒ಕೇ ಯಜ॑ಮಾನ॒ಗ್ಂ॒ ಹಿ ಧೇ॒ಹಿ । ಶ-ನ್ನ॑ ಏಧಿ ದ್ವಿ॒ಪದೇ॒ ಶ-ಞ್ಚತು॑ಷ್ಪದೇ ॥
ಯಸ್ಮಾ᳚ದ್ಭೀ॒ಷಾ-ಽವೇ॑ಪಿಷ್ಠಾಃ ಪ॒ಲಾಯಿ॑ಷ್ಠಾ-ಸ್ಸ॒ಮಜ್ಞಾ᳚ಸ್ಥಾಃ । ತತೋ॑ ನೋ॒ ಅಭ॑ಯ-ಙ್ಕೃಧಿ ।
ಪ್ರ॒ಜಾಭ್ಯ॒-ಸ್ಸರ್ವಾ᳚ಭ್ಯೋ ಮೃಡ । ನಮೋ॑ ರು॒ದ್ರಾಯ॑ ಮೀ॒ಢುಷೇ᳚ ॥ 94 ॥
ಯ ಇ॒ದಮಕಃ॑ । ತಸ್ಮೈ॒ ನಮಃ॑ । ತಸ್ಮೈ॒ ಸ್ವಾಹಾ᳚ ॥
ನ ವಾ ಉ॑ವೇ॒ತನ್ಮ್ರಿ॑ಯಸೇ॒ ನ ರಿ॑ಷ್ಯಸಿ ದೇ॒ವಾಗ್ಂ ಇದೇ॑ಷಿ ಪ॒ಥಿಭಿಃ॑ ಸು॒ಗೇಭಿಃ॑ । ಹರೀ॑ ತೇ॒ ಯುಞ್ಜಾ॒ ಪೃಷ॑ತೀ ಅಭೂತಾ॒ಮುಪಾ᳚ಸ್ಥಾ-ದ್ವಾ॒ಜೀ ಧು॒ರಿ ರಾಸ॑ಭಸ್ಯ ॥ । ಆಶಾ॑ನಾ-ನ್ತ್ವಾ ಽಽಶಾಪಾ॒ಲೇಭ್ಯಃ॑ । ಚ॒ತುರ್ಭ್ಯೋ॑ ಅ॒ಮೃತೇ᳚ಭ್ಯಃ । ಇ॒ದ-ಮ್ಭೂ॒ತಸ್ಯಾಧ್ಯ॑ಕ್ಷೇಭ್ಯಃ । ವಿ॒ಧೇಮ॑ ಹ॒ವಿಷಾ॑ ವ॒ಯಮ್ ॥
ವಿಶ್ವಾ॒ ಆಶಾ॒ ಮಧು॑ನಾ॒ ಸಗ್ಂಸೃ॑ಜಾಮಿ । ಅ॒ನ॒ಮೀ॒ವಾ ಆಪ॒ ಓಷ॑ಧಯೋ ಭವನ್ತು । ಅ॒ಯಂ-ಯಁಜ॑ಮಾನೋ॒ ಮೃಧೋ॒ ವ್ಯ॑ಸ್ಯತಾಮ್ । ಅಗೃ॑ಭೀತಾಃ ಪ॒ಶವಃ॑ ಸನ್ತು॒ ಸರ್ವೇ᳚ ॥ ॥ ಯ॒ಜ್ಞಸ್ಯ॒ ಹಿ ಸ್ಥ ಋ॒ತ್ವಿಯೌ᳚ ।
ಇನ್ದ್ರಾ᳚ಗ್ನೀ॒ ಚೇತ॑ನಸ್ಯ ಚ । ಹು॒ತಾ॒ಹು॒ತಸ್ಯ॑ ತೃಪ್ಯತಮ್ । ಅಹು॑ತಸ್ಯ ಹು॒ತಸ್ಯ॑ ಚ । ಹು॒ತಸ್ಯ॒ ಚಾಹು॑ತಸ್ಯ ಚ । ಅಹು॑ತಸ್ಯ ಹು॒ತಸ್ಯ॑ ಚ । ಇನ್ದ್ರಾ᳚ಗ್ನೀ ಅ॒ಸ್ಯ ಸೋಮ॑ಸ್ಯ । ವೀ॒ತ-ಮ್ಪಿ॑ಬತ-ಞ್ಜು॒ಷೇಥಾ᳚ಮ್ ॥
ಮಾ ಯಜ॑ಮಾನ॒-ನ್ತಮೋ॑ ವಿದತ್ । ಮರ್ತ್ವಿಜೋ॒ ಮೋ ಇ॒ಮಾಃ ಪ್ರ॒ಜಾಃ । ಮಾ ಯ-ಸ್ಸೋಮ॑ಮಿ॒ಮ-ಮ್ಪಿಬಾ᳚ತ್ । ಸಗ್ಂಸೃ॑ಷ್ಟಮು॒ಭಯ॑-ಙ್ಕೃ॒ತಮ್ ॥ 95 ॥
(ಕೃ॒ಧಿ॒ - ಮೀ॒ಢುಷೇ - ಽಹು॑ತಸ್ಯ ಚ ಸ॒ಪ್ತ ಚ॑) (ಅ. 8)
ಅನುವಾಕಂ 9 - ಉಪಾಂಶ್ವಭಿಷವಾ ಮನ್ತ್ರಾಃ
ಅ॒ನಾ॒ಗಸ॑ಸ್ತ್ವಾ ವ॒ಯಮ್ । ಇನ್ದ್ರೇ॑ಣ॒ ಪ್ರೇಷಿ॑ತಾ॒ ಉಪ॑ । ವಾ॒ಯುಷ್ಟೇ॑ ಅಸ್ತ್ವಗ್ಂಶ॒ಭೂಃ । ಮಿ॒ತ್ರಸ್ತೇ॑ ಅಸ್ತ್ವಗ್ಂಶ॒ಭೂಃ । ವರು॑ಣಸ್ತೇ ಅಸ್ತ್ವಗ್ಂಶ॒ಭೂಃ ॥
ಅಪಾ᳚-ಙ್ಕ್ಷಯಾ॒ ಋತ॑ಸ್ಯ ಗರ್ಭಾಃ । ಭುವ॑ನಸ್ಯ ಗೋಪಾ॒-ಶ್ಶ್ಯೇನಾ॑ ಅತಿಥಯಃ । ಪರ್ವ॑ತಾನಾ-ಙ್ಕಕುಭಃ ಪ್ರ॒ಯುತೋ॑ ನಪಾತಾರಃ । ವ॒ಗ್ನುನೇನ್ದ್ರಗ್ಗ್॑ ಹ್ವಯತ ।
ಘೋಷೇ॒ಣಾಮೀ॑-ವಾಗ್ಶ್ಚಾತಯತ ॥ 96 ॥
ಯು॒ಕ್ತಾ-ಸ್ಸ್ಥ॒ ವಹ॑ತ ॥ ದೇ॒ವಾ ಗ್ರಾವಾ॑ಣ॒ ಇನ್ದು॒ರಿನ್ದ್ರ॒ ಇತ್ಯ॑ವಾದಿಷುಃ । ಏನ್ದ್ರ॑ಮಚುಚ್ಯವುಃ ಪರ॒ಮಸ್ಯಾಃ᳚ ಪರಾ॒ವತಃ॑ । ಆ-ಽಸ್ಮಾ-ಥ್ಸ॒ಧಸ್ಥಾ᳚ತ್ ।
ಓರೋರ॒ನ್ತರಿ॑ಕ್ಷಾತ್ । ಆ ಸು॑ಭೂ॒ತಮ॑ಸುಷವುಃ । ಬ್ರ॒ಹ್ಮ॒ವ॒ರ್ಚ॒ಸ-ಮ್ಮ॒ ಆ-ಽಸು॑ಷವುಃ ।
ಸ॒ಮ॒ರೇ ರಕ್ಷಾಗ್॑ಸ್ಯವಧಿಷುಃ । ಅಪ॑ಹತ-ಮ್ಬ್ರಹ್ಮ॒ಜ್ಯಸ್ಯ॑ ॥ ವಾಕ್ಚ॑ ತ್ವಾ॒ ಮನ॑ಶ್ಚ ಶ್ರಿಣೀತಾಮ್ ॥ 97 ॥
ಪ್ರಾ॒ಣಶ್ಚ॑ ತ್ವಾ-ಽಪಾ॒ನಶ್ಚ॑ ಶ್ರೀಣೀತಾಮ್ ।
ಚಕ್ಷು॑ಶ್ಚ ತ್ವಾ॒ ಶ್ರೋತ್ರ॑-ಞ್ಚ ಶ್ರೀಣೀತಾಮ್ ।
ದಕ್ಷ॑ಶ್ಚ ತ್ವಾ॒ ಬಲ॑-ಞ್ಚ ಶ್ರೀಣೀತಾಮ್ । ಓಜ॑ಶ್ಚ ತ್ವಾ॒ ಸಹ॑ಶ್ಚ ಶ್ರೀಣೀತಾಮ್ । ಆಯು॑ಶ್ಚ ತ್ವಾ ಜ॒ರಾ ಚ॑ ಶ್ರೀಣೀತಾಮ್ । ಆ॒ತ್ಮಾ ಚ॑ ತ್ವಾ ತ॒ನೂಶ್ಚ॑ ಶ್ರೀಣೀತಾಮ್ । ಶೃ॒ತೋ॑-ಽಸಿ ಶೃ॒ತ-ಙ್ಕೃ॑ತಃ । ಶೃ॒ತಾಯ॑ ತ್ವಾ ಶೃ॒ತೇಭ್ಯ॑ಸ್ತ್ವಾ ॥
ಯಮಿನ್ದ್ರ॑ಮಾ॒ಹು ರ್ವರು॑ಣಂ॒-ಯಁಮಾ॒ಹುಃ । ಯ-ಮ್ಮಿ॒ತ್ರಮಾ॒ಹು-ರ್ಯಮು॑ ಸ॒ತ್ಯಮಾ॒ಹುಃ ॥ 98 ॥
ಯೋ ದೇ॒ವಾನಾ᳚-ನ್ದೇ॒ವತ॑ಮಸ್ತಪೋ॒ಜಾಃ । ತಸ್ಮೈ᳚ ತ್ವಾ॒ ತೇಭ್ಯ॑ಸ್ತ್ವಾ ॥ ಮಯಿ॒ ತ್ಯದಿ॑ನ್ದ್ರಿ॒ಯ-ಮ್ಮ॒ಹತ್ । ಮಯಿ॒ ದಕ್ಷೋ॒ ಮಯಿ॒ ಕ್ರತುಃ॑ । ಮಯಿ॑ ಧಾಯಿ ಸು॒ವೀರ್ಯ᳚ಮ್ । ತ್ರಿಶು॑ಗ್ಘ॒ರ್ಮೋ ವಿಭಾ॑ತು ಮೇ । ಆಕೂ᳚ತ್ಯಾ॒ ಮನ॑ಸಾ ಸ॒ಹ ।
ವಿ॒ರಾಜಾ॒ ಜ್ಯೋತಿ॑ಷಾ ಸ॒ಹ । ಯ॒ಜ್ಞೇನ॒ ಪಯ॑ಸಾ ಸ॒ಹ ।
ತಸ್ಯ॒ ದೋಹ॑ಮಶೀಮಹಿ ॥ 99 ॥
ತಸ್ಯ॑ ಸು॒ಮ್ನಮ॑ಶೀಮಹಿ । ತಸ್ಯ॑ ಭ॒ಕ್ಷಮ॑ಶೀಮಹಿ ।
ವಾಗ್ಜು॑ಷಾ॒ಣಾ ಸೋಮ॑ಸ್ಯ ತೃಪ್ಯತು ॥ ಮಿ॒ತ್ರೋ ಜನಾನ್॑ ಯಾತಯತಿ ಪ್ರಜಾ॒ನ-ನ್ಮಿ॒ತ್ರೋ ದಾ॑ಧಾರ ಪೃಥಿ॒ವೀಮು॒ತ ದ್ಯಾಮ್ । ಮಿ॒ತ್ರಃ ಕೃ॒ಷ್ಟೀರನಿ॑ಮಿಷಾ॒-ಽಭಿ ಚ॑ಷ್ಟೇ ಸ॒ತ್ಯಾಯ॑ ಹ॒ವ್ಯ-ಙ್ಘೃ॒ತವ॑-ದ್ವಿಧೇಮ ॥ ಪ್ರ ಸ ಮಿ॑ತ್ರ॒ ಮರ್ತೋ॑ ಅಸ್ತು॒ ಪ್ರಯ॑ಸ್ವಾ॒ನ್. ಯಸ್ತ॑ ಆದಿತ್ಯ॒ ಶಿಕ್ಷ॑ತಿ ವ್ರ॒ತೇನ॑ । ನ ಹ॑ನ್ಯತೇ॒ ನ ಜೀ॑ಯತೇ॒ ತ್ವೋತೋ॒ ನೈನ॒ಮಗ್ಂಹೋ॑ ಅಶ್ನೋ॒ತ್ಯನ್ತಿ॑ತೋ॒ ನ ದೂ॒ರಾತ್ ॥ ॥ ಯಸ್ಮಾ॒ನ್ನ ಜಾ॒ತಃ ಪರೋ॑ ಅ॒ನ್ಯೋ ಅಸ್ತಿ॑ । ಯ ಆ॑ವಿ॒ವೇಶ॒ ಭುವ॑ನಾನಿ॒ ವಿಶ್ವಾ᳚ ।
ಪ್ರ॒ಜಾಪ॑ತಿಃ ಪ್ರ॒ಜಯಾ॑ ಸಂವಿಁದಾ॒ನಃ ।
ತ್ರೀಣಿ॒ ಜ್ಯೋತೀಗ್ಂ॑ಷಿ ಸಚತೇ॒ ಸ ಷೋ॑ಡ॒ಶೀ ॥
ಏ॒ಷ ಬ್ರ॒ಹ್ಮಾ ಯ ಋ॒ತ್ವಿಯಃ॑ ।
ಇನ್ದ್ರೋ॒ ನಾಮ॑ ಶ್ರು॒ತೋ ಗ॒ಣೇ ॥ 100 ॥
ಪ್ರ ತೇ॑ ಮ॒ಹೇ ವಿ॒ದಥೇ॑ ಽಶಗ್ಂಸಿಷ॒ಗ್ಂ॒ ಹರೀ᳚ । ಯ ಋ॒ತ್ವಿಯಃ॒ ಪ್ರ ತೇ॑ ವನ್ವೇ ।
ವ॒ನುಷೋ॑ ಹರ್ಯ॒ತ-ಮ್ಮದ᳚ಮ್ ॥ ಇನ್ದ್ರೋ॒ ನಾಮ॑ ಘೃ॒ತ-ನ್ನ ಯಃ । ಹರಿ॑ಭಿ॒ಶ್ಚಾರು॒ ಸೇಚ॑ತೇ ।
ಶ್ರು॒ತೋ ಗ॒ಣ ಆ ತ್ವಾ॑ ವಿಶನ್ತು । ಹರಿ॑ವರ್ಪಸ॒ಗಿಂರಃ॑ ॥
ಇನ್ದ್ರಾಧಿ॑ಪ॒ತೇ-ಽಧಿ॑ಪತಿ॒ಸ್ತ್ವ-ನ್ದೇ॒ವಾನಾ॑ಮಸಿ । ಅಧಿ॑ಪತಿ॒-ಮ್ಮಾಮ್ । ಆಯು॑ಷ್ಮನ್ತಂ॒-ವಁರ್ಚ॑ಸ್ವನ್ತ-ಮ್ಮನು॒ಷ್ಯೇ॑ಷು ಕುರು ॥ 101 ॥
ಇನ್ದ್ರ॑ಶ್ಚ ಸ॒ಮ್ರಾ-ಡ್ವರು॑ಣಶ್ಚ॒ ರಾಜಾ᳚ ।
ತೌ ತೇ॑ ಭ॒ಕ್ಷ-ಞ್ಚ॑ಕ್ರತು॒ರಗ್ರ॑ ಏ॒ತಮ್ ।
ತಯೋ॒ರನು॑ ಭ॒ಕ್ಷ-ಮ್ಭ॑ಕ್ಷಯಾಮಿ ।
ವಾಗ್ಜು॑ಷಾ॒ಣಾ ಸೋಮ॑ಸ್ಯ ತೃಪ್ಯತು ॥
ಪ್ರ॒ಜಾಪ॑ತಿ ರ್ವಿ॒ಶ್ವಕ॑ರ್ಮಾ । ತಸ್ಯ॒ ಮನೋ॑ ದೇ॒ವಂ-ಯಁ॒ಜ್ಞೇನ॑ ರಾದ್ಧ್ಯಾಸಮ್ । ಅ॒ರ್ಥೇ॒ ಗಾ ಅ॒ಸ್ಯ ಜ॑ಹಿತಃ । ಅ॒ವ॒ಸಾನ॑ಪತೇ-ಽವ॒ಸಾನ॑-ಮ್ಮೇ ವಿನ್ದ ॥
ನಮೋ॑ ರು॒ದ್ರಾಯ॑ ವಾಸ್ತೋ॒ಷ್ಪತ॑ಯೇ ।
ಆಯ॑ನೇ ವಿ॒ದ್ರವ॑ಣೇ ॥ 102 ॥
ಉ॒ದ್ಯಾನೇ॒ ಯತ್ಪ॒ರಾಯ॑ಣೇ । ಆ॒ವರ್ತ॑ನೇ ವಿ॒ವರ್ತ॑ನೇ ।
ಯೋ ಗೋ॑ಪಾ॒ಯತಿ॒ ತಗ್ಂ ಹು॑ವೇ ॥
ಯಾನ್ಯ॑ಪಾ॒ಮಿತ್ಯಾ॒-ನ್ಯಪ್ರ॑ತೀತ್ತಾ॒-ನ್ಯಸ್ಮಿ॑ ।
ಯ॒ಮಸ್ಯ॑ ಬ॒ಲಿನಾ॒ ಚರಾ॑ಮಿ ।
ಇ॒ಹೈವ ಸನ್ತಃ॒ ಪ್ರತಿ॒ ತದ್ಯಾ॑ತಯಾಮಃ ।
ಜೀ॒ವಾ ಜೀ॒ವೇಭ್ಯೋ॒ ನಿಹ॑ರಾಮ ಏನತ್ ॥
ಅ॒ನೃ॒ಣಾ ಅ॒ಸ್ಮಿನ್ನ॑-ನೃ॒ಣಾಃ ಪರ॑ಸ್ಮಿನ್ನ್ ।
ತೃ॒ತೀಯೇ॑ ಲೋ॒ಕೇ ಅ॑ನೃ॒ಣಾ-ಸ್ಸ್ಯಾ॑ಮ ।
ಯೇ ದೇ॑ವ॒ಯಾನಾ॑ ಉ॒ತ ಪಿ॑ತೃ॒ಯಾಣಾಃ᳚ ॥ 103 ॥
ಸರ್ವಾ᳚-ನ್ಪ॒ಥೋ ಅ॑ನೃ॒ಣಾ ಆಕ್ಷೀ॑ಯೇಮ ॥
ಇ॒ದಮೂ॒ ನು ಶ್ರೇಯೋ॑-ಽವ॒ಸಾನ॒-ಮಾಗ॑ನ್ಮ ।
ಶಿ॒ವೇ ನೋ॒ ದ್ಯಾವಾ॑ಪೃಥಿ॒ವೀ ಉ॒ಭೇ ಇ॒ಮೇ । ಗೋಮ॒ದ್ಧನ॑-ವ॒ದಶ್ವ॑ವ॒-ದೂರ್ಜ॑ಸ್ವತ್ ।
ಸು॒ವೀರಾ॑ ವೀ॒ರೈರನು॒ ಸಞ್ಚ॑ರೇಮ ॥ ಅ॒ರ್ಕಃ ಪ॒ವಿತ್ರ॒ಗ್ಂ॒ ರಜ॑ಸೋ ವಿ॒ಮಾನಃ॑ ।
ಪು॒ನಾತಿ॑ ದೇ॒ವಾನಾ॒-ಮ್ಭುವ॑ನಾನಿ॒ ವಿಶ್ವಾ᳚ । ದ್ಯಾವಾ॑ಪೃಥಿ॒ವೀ ಪಯ॑ಸಾ ಸಂವಿಁದಾ॒ನೇ ।
ಘೃ॒ತ-ನ್ದು॑ಹಾತೇ ಅ॒ಮೃತ॒-ಮ್ಪ್ರಪೀ॑ನೇ ॥ ಪ॒ವಿತ್ರ॑ಮ॒ರ್ಕೋ ರಜ॑ಸೋ ವಿ॒ಮಾನಃ॑ ।
ಪು॒ನಾತಿ॑ ದೇ॒ವಾನಾ॒-ಮ್ಭುವ॑ನಾನಿ॒ ವಿಶ್ವಾ᳚ ।
ಸುವ॒ ರ್ಜ್ಯೋತಿ॒ ರ್ಯಶೋ॑ ಮ॒ಹತ್ ।
ಅ॒ಶೀ॒ಮಹಿ॑ ಗಾ॒ಧಮು॒ತ ಪ್ರ॑ತಿ॒ಷ್ಠಾಮ್ ॥ 104 ॥
(ಚಾ॒ತ॒ಯ॒ತ॒ - ಶ್ರೀ॒ಣೀ॒ತಾ॒ಗ್ಂ॒ - ಸ॒ತ್ಯಮಾ॒ಹು - ರ॑ಶೀಮಹಿ - ಗ॒ಣೇ - ಕು॑ರು - ವಿ॒ದ್ರವ॑ಣೇ - ಪಿತೃ॒ಯಾಣಾ॑ - ಅ॒ರ್ಕೋ ರಜ॑ಸೋ ವಿ॒ಮಾನ॒ಸ್ತ್ರೀಣಿ॑ ಚ) (ಅ. 9)
ಅನುವಾಕಂ 10 - ಸೌಮಿಕಪ್ರಾಯಾಶ್ಚಿತ್ತಮನ್ತ್ರಾಃ
ಉದ॑ಸ್ತಾಮ್ಫ್ಸೀ-ಥ್ಸವಿ॒ತಾ ಮಿ॒ತ್ರೋ ಅ॑ರ್ಯ॒ಮಾ ।
ಸರ್ವಾ॑-ನ॒ಮಿತ್ರಾ॑-ನವಧೀದ್ಯು॒ಗೇನ॑ ।
ಬೃ॒ಹನ್ತ॒-ಮ್ಮಾಮ॑ಕರ-ದ್ವೀ॒ರವ॑ನ್ತಮ್ । ರ॒ಥ॒ನ್ತ॒ರೇ ಶ್ರ॑ಯಸ್ವ॒ ಸ್ವಾಹಾ॑ ಪೃಥಿ॒ವ್ಯಾಮ್ ।
ವಾ॒ಮ॒ದೇ॒ವ್ಯೇ ಶ್ರ॑ಯಸ್ವ॒ ಸ್ವಾಹಾ॒-ಽನ್ತರಿ॑ಕ್ಷೇ । ಬೃ॒ಹ॒ತಿ ಶ್ರ॑ಯಸ್ವ॒ ಸ್ವಾಹಾ॑ ದಿ॒ವಿ ।
ಬೃ॒ಹ॒ತಾ ತ್ವೋಪ॑ಸ್ತಭ್ನೋಮಿ ॥
ಆ ತ್ವಾ॑ ದದೇ॒ ಯಶ॑ಸೇ ವೀ॒ರ್ಯಾ॑ಯ ಚ ।
ಅ॒ಸ್ಮಾಸ್ವ॑-ಘ್ನಿಯಾ ಯೂ॒ಯ-ನ್ದ॑ಧಾಥೇನ್ದ್ರಿ॒ಯ-ಮ್ಪಯಃ॑ ॥ ಯಸ್ತೇ᳚ ದ್ರ॒ಫ್ಸೋ ಯಸ್ತ॑ ಉದ॒ರ್॒ಷಃ ॥ 105 ॥
ದೈವ್ಯಃ॑ ಕೇ॒ತು ರ್ವಿಶ್ವ॒-ಮ್ಭುವ॑ನ-ಮಾವಿ॒ವೇಶ॑ ।
ಸ ನಃ॑ ಪಾ॒ಹ್ಯರಿ॑ಷ್ಟ್ಯೈ॒ ಸ್ವಾಹಾ᳚ ॥
ಅನು॑ ಮಾ॒ ಸರ್ವೋ॑ ಯ॒ಜ್ಞೋ॑-ಽಯಮೇ॑ತು ।
ವಿಶ್ವೇ॑ ದೇ॒ವಾ ಮ॒ರುತ॒-ಸ್ಸಾಮಾ॒ರ್ಕಃ ।
ಆ॒ಪ್ರಿಯ॒ ॑007ಆ;ಛನ್ದಾಗ್ಂ॑ಸಿ ನಿ॒ವಿದೋ॒ ಯಜೂಗ್ಂ॑ಷಿ । ಅ॒ಸ್ಯೈ ಪೃ॑ಥಿ॒ವ್ಯೈ ಯದ್ಯ॒ಜ್ಞಿಯ᳚ಮ್ ॥
ಪ್ರ॒ಜಾಪ॑ತೇ ರ್ವರ್ತ॒ನಿಮನು॑ ವರ್ತಸ್ವ ।
ಅನು॑ ವೀ॒ರೈರನು॑ ರಾದ್ಧ್ಯಾಮ॒ ಗೋಭಿಃ॑ ।
ಅನ್ವಶ್ವೈ॒ರನು॒ ಸರ್ವೈ॑ರು ಪು॒ಷ್ಟೈಃ ।
ಅನು॑ ಪ್ರ॒ಜಯಾ-ಽನ್ವಿ॑ನ್ದ್ರಿ॒ಯೇಣ॑ ॥ 106 ॥
ದೇ॒ವಾ ನೋ॑ ಯ॒ಜ್ಞ-ಮೃ॑ಜು॒ಧಾ ನ॑ಯನ್ತು ॥
ಪ್ರತಿ॑ ಕ್ಷ॒ತ್ರೇ ಪ್ರತಿ॑ ತಿಷ್ಠಾಮಿ ರಾ॒ಷ್ಟ್ರೇ ।
ಪ್ರತ್ಯಶ್ವೇ॑ಷು॒ ಪ್ರತಿ॑ತಿಷ್ಠಾಮಿ॒ ಗೋಷು॑ ।
ಪ್ರತಿ॑ ಪ್ರ॒ಜಾಯಾ॒-ಮ್ಪ್ರತಿ॑ ತಿಷ್ಠಾಮಿ॒ ಭವ್ಯೇ᳚ ।
ವಿಶ್ವ॑ಮ॒ನ್ಯಾ-ಽಭಿ॑ ವಾವೃ॒ಧೇ । ತದ॒ನ್ಯಸ್ಯಾ॒-ಮಧಿ॑ಶ್ರಿ॒ತಮ್ । ದಿ॒ವೇ ಚ॑ ವಿ॒ಶ್ವಕ॑ರ್ಮಣೇ ।
ಪೃ॒ಥಿ॒ವ್ಯೈ ಚಾ॑ಕರ॒-ನ್ನಮಃ॑ ॥ ಅಸ್ಕಾ॒ನ್ದ್ಯೌಃ ಪೃ॑ಥಿ॒ವೀಮ್ । ಅಸ್ಕಾ॑ನೃಷ॒ಭೋ ಯುವಾ॒ ಗಾಃ ॥ 107 ॥
ಸ್ಕ॒ನ್ನೇಮಾ ವಿಶ್ವಾ॒ ಭುವ॑ನಾ । ಸ್ಕ॒ನ್ನೋ ಯ॒ಜ್ಞಃ ಪ್ರಜ॑ನಯತು । ಅಸ್ಕಾ॒ನಜ॑ನಿ॒ ಪ್ರಾಜ॑ನಿ ।
ಆ ಸ್ಕ॒ನ್ನಾಜ್ಜಾ॑ಯತೇ॒ ವೃಷಾ᳚ । ಸ್ಕ॒ನ್ನಾ-ತ್ಪ್ರಜ॑ನಿಷೀಮಹಿ ॥ ಯೇ ದೇ॒ವಾ ಯೇಷಾ॑ಮಿ॒ದ-ಮ್ಭಾ॑ಗ॒ಧೇಯ॑-ಮ್ಬ॒ಭೂವ॑ । ಯೇಷಾ᳚-ಮ್ಪ್ರಯಾ॒ಜಾ ಉ॒ತಾನೂ॑ಯಾ॒ಜಾಃ । ಇನ್ದ್ರ॑ಜ್ಯೇಷ್ಠೇಭ್ಯೋ॒ ವರು॑ಣರಾಜಭ್ಯಃ । ಅ॒ಗ್ನಿಹೋ॑ತೃಭ್ಯೋ ದೇ॒ವೇಭ್ಯ॒-ಸ್ಸ್ವಾಹಾ᳚ ॥ ಉ॒ತ ತ್ಯಾ ನೋ॒ ದಿವಾ॑ ಮ॒ತಿಃ ॥ 108 ॥
ಅದಿ॑ತಿರೂ॒ತ್ಯಾ-ಽಽಗ॑ಮತ್ । ಸಾ ಶನ್ತಾ॑ಚೀ॒ ಮಯ॑ಸ್ಕರತ್ । ಅಪ॒ ಸ್ರಿಧಃ॑ ॥ ಉ॒ತ ತ್ಯಾ ದೈವ್ಯಾ॑ ಭಿ॒ಷಜಾ᳚ । ಶ-ನ್ನ॑ಸ್ಕರತೋ ಅ॒ಶ್ವಿನಾ᳚ । ಯೂ॒ಯಾತಾ॑-ಮ॒ಸ್ಮದ್ರಪಃ॑ ।
ಅಪ॒ ಸ್ರಿಧಃ॑ ॥ ಶಮ॒ಗ್ನಿ-ರ॒ಗ್ನಿಭಿ॑ಸ್ಕರತ್ । ಶ-ನ್ನ॑ಸ್ತಪತು॒ ಸೂರ್ಯಃ॑ । ಶಂ-ವಾಁತೋ॑ ವಾತ್ವರ॒ಪಾಃ ॥ 109 ॥
ಅಪ॒ ಸ್ರಿಧಃ॑ ॥ ತದಿತ್ಪ॒ದ-ನ್ನ ವಿಚಿ॑ಕೇತ ವಿ॒ದ್ವಾನ್ ।
ಯನ್ಮೃ॒ತಃ ಪುನ॑ರ॒ಪ್ಯೇತಿ॑ ಜೀ॒ವಾನ್ । ತ್ರಿ॒ವೃದ್ಯ-ದ್ಭುವ॑ನಸ್ಯ ರಥ॒ವೃತ್ । ಜೀ॒ವೋ ಗರ್ಭೋ॒ ನ ಮೃ॒ತ-ಸ್ಸ ಜೀ॑ವಾತ್ ॥ ಪ್ರತ್ಯ॑ಸ್ಮೈ॒ ಪಿಪೀ॑ಷತೇ । ವಿ॒ಶ್ವಾ॑ನಿ ವಿ॒ದುಷೇ॑ ಭರ । ಅ॒ರ॒-ಙ್ಗ॒ಮಾಯ॒ ಜಗ್ಮ॑ವೇ ।
ಅಪ॑ಶ್ಚಾದ್ದಧ್ವನೇ॒ ನರೇ᳚ (ಓ-ರಪ॑ಶ್ಚಾದ್ದಘ್ವನೇ॒ ನರೇ᳚) ॥ ಇನ್ದು॒ರಿನ್ದು॒ಮ-ವಾ॑ಗಾತ್ ।
ಇನ್ದೋ॒ರಿನ್ದ್ರೋ॑-ಽಪಾತ್ । ತಸ್ಯ॑ ತ ಇನ್ದ॒ವಿನ್ದ್ರ॑-ಪೀತಸ್ಯ॒ ಮಧು॑ಮತಃ । ಉಪ॑ಹೂತ॒ಸ್ಯೋಪ॑ಹೂತೋ ಭಕ್ಷಯಾಮಿ ॥ 110 ॥
(ಉ॒ದ॒ರ್॒ಷ - ಇ॑ನ್ದ್ರಿ॒ಯೇಣ॒ - ಗಾ - ಮ॒ತಿ - ರ॑ರ॒ಪಾ - ಅ॑ಗಾ॒ತ್ರೀಣಿ॑ ಚ) (ಅ. 10)
ಅನುವಾಕಂ 11 - ದರ್ಶಪೂರ್ಣಮಾಸಪ್ರಾಯಶ್ಚಿತ್ತಮನ್ತ್ರಾಃ
ಬ್ರಹ್ಮ॑ ಪ್ರತಿ॒ಷ್ಠಾ ಮನ॑ಸೋ॒ ಬ್ರಹ್ಮ॑ ವಾ॒ಚಃ । ಬ್ರಹ್ಮ॑ ಯ॒ಜ್ಞಾನಾಗ್ಂ॑ ಹ॒ವಿಷಾ॒-ಮಾಜ್ಯ॑ಸ್ಯ ।
ಅತಿ॑ರಿಕ್ತ॒-ಙ್ಕರ್ಮ॑ಣೋ॒ ಯಚ್ಚ॑ ಹೀ॒ನಮ್ । ಯ॒ಜ್ಞಃ ಪರ್ವಾ॑ಣಿ ಪ್ರತಿ॒ರನ್ನೇ॑ತಿ ಕ॒ಲ್ಪಯನ್ನ್॑ ।
ಸ್ವಾಹಾ॑ಕೃ॒ತಾ-ಽಽಹು॑ತಿರೇತು ದೇ॒ವಾನ್ ॥ ಆಶ್ರಾ॑ವಿತಮ॒ತ್ಯಾಶ್ರಾ॑ವಿತಮ್ ।
ವಷ॑ಟ್ಕೃತ-ಮ॒ತ್ಯನೂ᳚ಕ್ತ-ಞ್ಚ ಯ॒ಜ್ಞೇ ।
ಅತಿ॑ರಿಕ್ತ॒-ಙ್ಕರ್ಮ॑ಣೋ॒ ಯಚ್ಚ॑ ಹೀ॒ನಮ್ ।
ಯ॒ಜ್ಞಃ ಪರ್ವಾ॑ಣಿ ಪ್ರತಿ॒ರನ್ನೇ॑ತಿ ಕ॒ಲ್ಪಯನ್ನ್॑ ।
ಸ್ವಾಹಾ॑ಕೃ॒ತಾ-ಽಽಹು॑ತಿರೇತು ದೇ॒ವಾನ್ ॥ 111 ॥
ಯದ್ವೋ॑ ದೇವಾ ಅತಿಪಾ॒ದಯಾ॑ನಿ । ವಾ॒ಚಾ ಚಿ॒ತ್ಪ್ರಯ॑ತ-ನ್ದೇವ॒ ಹೇಡ॑ನಮ್ । ಅ॒ರಾ॒ಯೋ ಅ॒ಸ್ಮಾಗ್ಂ ಅ॒ಭಿ-ದು॑ಚ್ಛುನಾ॒ಯತೇ᳚। ಅ॒ನ್ಯತ್ರಾ॒ಸ್ಮ-ನ್ಮ॑ರುತ॒ಸ್ತ-ನ್ನಿಧೇ॑ತನ ॥ ತ॒ತ-ಮ್ಮ॒ ಆಪ॒ಸ್ತದು॑ ತಾಯತ॒ ಪುನಃ॑ । ಸ್ವಾದಿ॑ಷ್ಠಾ ಧೀ॒ತಿರು॒ಚಥಾ॑ಯ ಶಸ್ಯತೇ ।
ಅ॒ಯಗ್ಂ ಸ॑ಮು॒ದ್ರ ಉ॒ತ ವಿ॒ಶ್ವಭೇ॑ಷಜಃ ।
ಸ್ವಾಹಾ॑-ಕೃತಸ್ಯ॒ ಸಮು॑ತೃಪ್ಣುತ ರ್ಭುವಃ ॥
ಉದ್ವ॒ಯ-ನ್ತಮ॑ಸ॒ಸ್ಪರಿ॒ ಪಶ್ಯ॑ನ್ತೋ॒ ಜ್ಯೋತಿ॒ರುತ್ತ॑ರಮ್ । ದೇ॒ವ-ನ್ದೇ॑ವ॒ತ್ರಾ ಸೂರ್ಯ॒ಮಗ॑ನ್ಮ॒ ಜ್ಯೋತಿ॑ರುತ್ತ॒ಮಮ್ ॥ ।
ಉದು॒ ತ್ಯ-ಞ್ಜಾ॒ತವೇ॑ದಸ-ನ್ದೇ॒ವಂ-ವಁ॑ಹನ್ತಿ ಕೇ॒ತವಃ॑ । ದೃ॒ಶೇ ವಿಶ್ವಾ॑ಯ॒ ಸೂರ್ಯ᳚ಮ್ ॥ ಚಿ॒ತ್ರ-ನ್ದೇ॒ವಾನಾ॒-ಮುದ॑ಗಾ॒ದನೀ॑ಕ॒-ಞ್ಚಕ್ಷು॑-ರ್ಮಿ॒ತ್ರಸ್ಯ॒ ವರು॑ಣಸ್ಯಾ॒-ಽಗ್ನೇಃ । ಆ-ಽ ಪ್ರಾ॒ ದ್ಯಾವಾ॑ಪೃಥಿ॒ವೀ ಅ॒ನ್ತರಿ॑ಕ್ಷ॒ಗ್ಂ॒ ಸೂರ್ಯ॑ ಆ॒ತ್ಮಾ ಜಗ॑ತಸ್ತ॒ಸ್ಥುಷ॑ಶ್ಚ ॥ ॥ 112 ॥
ಇ॒ಮ-ಮ್ಮೇ॑ ವರುಣ ಶ್ರುಧೀ॒ ಹವ॑ಮ॒ದ್ಯಾ ಚ॑ ಮೃಡಯ । ತ್ವಾಮ॑ವ॒ಸ್ಯುರಾ ಚ॑ಕೇ ॥ ತತ್ತ್ವಾ॑ ಯಾಮಿ॒ ಬ್ರಹ್ಮ॑ಣಾ॒ ವನ್ದ॑ಮಾನ॒-ಸ್ತದಾ ಶಾ᳚ಸ್ತೇ॒ ಯಜ॑ಮಾನೋ ಹ॒ವಿರ್ಭಿಃ॑ । ಅಹೇ॑ಡಮಾನೋ ವರುಣೇ॒ಹ ಬೋ॒ಧ್ಯುರು॑ಶಗ್ಂಸ॒ ಮಾ ನ॒ ಆಯುಃ॒ ಪ್ರಮೋ॑ಷೀಃ ॥ ।
ತ್ವ-ನ್ನೋ॑ ಅಗ್ನೇ॒ ವರು॑ಣಸ್ಯ ವಿ॒ದ್ವಾ-ನ್ದೇ॒ವಸ್ಯ॒ ಹೇಡೋ-ಽವ॑ ಯಾಸಿ ಸೀಷ್ಠಾಃ । ಯಜಿ॑ಷ್ಠೋ॒ ವಹ್ನಿ॑ ತಮ॒-ಶ್ಶೋಶು॑ಚಾನೋ॒ ವಿಶ್ವಾ॒ ದ್ವೇಷಾಗ್ಂ॑ಸಿ॒ ಪ್ರಮು॑ಮುಗ್ಧ್ಯ॒ಸ್ಮತ್ ॥
ಸ ತ್ವನ್ನೋ॑ ಅಗ್ನೇ-ಽವ॒ಮೋ ಭ॑ವೋ॒ತೀ ನೇದಿ॑ಷ್ಠೋ ಅ॒ಸ್ಯಾ ಉ॒ಷಸೋ॒ ವ್ಯು॑ಷ್ಟೌ । ಅವ॑ ಯಕ್ಷ್ವ ನೋ॒ ವರು॑ಣ॒ಗ್ಂ॒ ರರಾ॑ಣೋ ವೀ॒ಹಿ ಮೃ॑ಡೀ॒ಕಗ್ಂ ಸು॒ಹವೋ॑ ನ ಏಧಿ ॥ । ತ್ವಮ॑ಗ್ನೇ ಅ॒ಯಾ-ಽಸಿ॑ । ಅ॒ಯಾ ಸನ್ಮನ॑ಸಾ ಹಿ॒ತಃ । ಅ॒ಯಾ ಸನಃಅ॒ವ್ಯಮೂ॑ಹಿಷೇ । ಅ॒ಯಾ ನೋ॑ ಧೇಹಿ ಭೇಷ॒ಜಮ್ । ಇ॒ಷ್ಟೋ ಅ॒ಗ್ನಿರಾಹು॑ತಃ । ಸ್ವಾಹಾ॑ಕೃತಃ ಪಿಪರ್ತು ನಃ । ಸ್ವ॒ಗಾ ದೇ॒ವೇಭ್ಯ॑ ಇ॒ದ-ನ್ನಮಃ॑ ॥ ಪ್ರಜಾ॑ಪತೇ॒ ನ ತ್ವದೇ॒ತಾನ್ಯ॒ನ್ಯೋ ವಿಶ್ವಾ॑ ಜಾ॒ತಾನಿ॒ ಪರಿ॒ ತಾ ಬ॑ಭೂವ । ಯತ್ಕಾ॑ಮಾಸ್ತೇ ಜುಹು॒ಮಸ್ತನ್ನೋ॑ ಅಸ್ತು ವ॒ಯಗ್ಗ್ ಸ್ಯಾ॑ಮ॒ ಪತ॑ಯೋ ರಯೀ॒ಣಾಮ್ ॥ ॥ ಇ॒ಮ-ಞ್ಜೀ॒ವೇಭ್ಯಃ॑ ಪರಿ॒ಧಿ-ನ್ದ॑ಧಾಮಿ । ಮೈಷಾ-ನ್ನು॑ ಗಾ॒ದಪ॑ರೋ॒ ಅರ್ಧ॑ಮೇ॒ತಮ್ । ಶ॒ತ-ಞ್ಜೀ॑ವನ್ತು ಶ॒ರದಃ॑ ಪುರೂ॒ಚೀಃ । ತಿ॒ರೋ ಮೃ॒ತ್ಯು-ನ್ದ॑ಧತಾ॒-ಮ್ಪರ್ವ॑ತೇನ ॥
ಇ॒ಷ್ಟೇಭ್ಯ॒-ಸ್ಸ್ವಾಹಾ॒ ವಷ॒ಡನಿ॑ಷ್ಟೇಭ್ಯ॒-ಸ್ಸ್ವಾಹಾ᳚ । ಭೇ॒ಷ॒ಜ-ನ್ದುರಿ॑ಷ್ಟ್ಯೈ॒ ಸ್ವಾಹಾ॒ ನಿಷ್ಕೃ॑ತ್ಯೈ॒ ಸ್ವಾಹಾ᳚ । ದೌರಾ᳚ರ್ಧ್ಯೈ॒ ಸ್ವಾಹಾ॒ ದೈವೀ᳚ಭ್ಯ-ಸ್ತ॒ನೂಭ್ಯ॒-ಸ್ಸ್ವಾಹಾ᳚ ॥ 113 ॥
ಋದ್ಧ್ಯೈ॒ ಸ್ವಾಹಾ॒ ಸಮೃ॑ದ್ಧ್ಯೈ॒ ಸ್ವಾಹಾ᳚ ॥
ಯತ॑ ಇನ್ದ್ರ॒ ಭಯಾ॑ಮಹೇ ।
ತತೋ॑ ನೋ॒ ಅಭ॑ಯ-ಙ್ಕೃಧಿ । ಮಘ॑ವಞ್ಛ॒ಗ್ಧಿ ತವ॒ ತನ್ನ॑ ಊ॒ತಯೇ᳚ । ವಿ ದ್ವಿಷೋ॒ ವಿ ಮೃಧೋ॑ ಜಹಿ ॥ ಸ್ವ॒ಸ್ತಿ॒ದಾ ವಿ॒ಶಸ್ಪತಿಃ॑ । ವೃ॒ತ್ರ॒ಹಾ ವಿಮೃಧೋ॑ ವ॒ಶೀ । ವೃಷೇನ್ದ್ರಃ॑ ಪು॒ರ ಏ॑ತು ನಃ । ಸ್ವ॒ಸ್ತಿ॒ದಾ ಅ॑ಭಯ-ಙ್ಕ॒ರಃ ॥ ಆ॒ಭಿ ರ್ಗೀ॒ರ್ಭಿ ರ್ಯದತೋ॑ ನ ಊ॒ನಮ್ ॥ 114 ॥
ಆಪ್ಯಾ॑ಯಯ ಹರಿವೋ॒ ವರ್ಧ॑ಮಾನಃ ।
ಯ॒ದಾ ಸ್ತೋ॒ತೃಭ್ಯೋ॒ ಮಹಿ॑ ಗೋ॒ತ್ರಾ ರು॒ಜಾಸಿ॑ ।
ಭೂ॒ಯಿ॒ಷ್ಠ॒ಭಾಜೋ॒ ಅಧ॑ ತೇ ಸ್ಯಾಮ ॥ ಅನಾ᳚ಜ್ಞಾತಂ॒-ಯಁದಾಜ್ಞಾ॑ತಮ್ । ಯ॒ಜ್ಞಸ್ಯ॑ ಕ್ರಿ॒ಯತೇ॒ ಮಿಥು॑ । ಅಗ್ನೇ॒ ತದ॑ಸ್ಯ ಕಲ್ಪಯ । ತ್ವಗ್ಂ ಹಿ ವೇತ್ಥ॑ ಯಥಾತ॒ಥಮ್ ॥ ಪುರು॑ಷ ಸಮ್ಮಿತೋ ಯ॒ಜ್ಞಃ । ಯ॒ಜ್ಞಃ ಪುರು॑ಷ ಸಮ್ಮಿತಃ । ಅಗ್ನೇ॒ ತದ॑ಸ್ಯ ಕಲ್ಪಯ ।
ತ್ವಗ್ಂ ಹಿ ವೇತ್ಥ॑ ಯಥಾತ॒ಥಮ್ ॥ ಯ-ತ್ಪಾ॑ಕ॒ತ್ರಾ ಮನ॑ಸಾ ದೀ॒ನದ॑ಕ್ಷಾ॒ ನ । ಯ॒ಜ್ಞಸ್ಯ॑ ಮ॒ನ್ವತೇ॒ ಮರ್ತಾ॑ಸಃ । ಅ॒ಗ್ನಿಷ್ಟದ್ಧೋತಾ᳚ ಕೃತು॒ವಿದ್ವಿ॑ಜಾ॒ನನ್ನ್ ।
ಯಜಿ॑ಷ್ಠೋ ದೇ॒ವಾಗ್ಂ ಋ॑ತು॒ಶೋ ಯ॑ಜಾತಿ ॥ 115 ॥
(ದೇ॒ವಾಗ್ - ಶ್ಚಿ॒ತ್ರಂ - ತ॒ನೂಭ್ಯ॒-ಸ್ಸ್ವಾಹೋ॒ - ನಂ - ಪುರು॑ಷಸಮ್ಮಿ॒ತೋ-ಽಗ್ನೇ॒ ತದ॑ಸ್ಯ ಕಲ್ಪಯ॒ ಪಞ್ಚ॑ ಚ) (ಅ. 11)
ಅನುವಾಕಂ 12 - ಅಗ್ನಿಷ್ಟೋಮಾದೌ ಯಜಮಾನಜಪ್ಯಾ ಮನ್ತ್ರವಿಶೇಷಾಃ
ಯದ್ದೇ॑ವಾ ದೇವ॒ಹೇಡ॑ನಮ್ । ದೇವಾ॑ಸಶ್ಚಕೃ॒ಮಾ ವ॒ಯಮ್ । ಆದಿ॑ತ್ಯಾ॒-ಸ್ತಸ್ಮಾ᳚ನ್ಮಾ ಮುಞ್ಚತ ।
ಋ॒ತಸ್ಯ॒ರ್ತೇನ॒ ಮಾಮು॒ತ ॥ ದೇವಾ॑ ಜೀವನಕಾ॒ಮ್ಯಾ ಯತ್ । ವಾ॒ಚಾ-ಽನೃ॑ತಮೂದಿ॒ಮ । ಅ॒ಗ್ನಿರ್ಮಾ॒ ತಸ್ಮಾ॒ದೇನ॑ಸಃ । ಗಾರ್ಹ॑ಪತ್ಯಃ॒ ಪ್ರಮು॑ಞ್ಚತು । ದು॒ರಿ॒ತಾ ಯಾನಿ॑ ಚಕೃ॒ಮ । ಕ॒ರೋತು॒ ಮಾಮ॑ನೇ॒ ನಸ᳚ಮ್ ॥ 116 ॥
ಋ॒ತೇನ॑ ದ್ಯಾವಾಪೃಥಿವೀ । ಋ॒ತೇನ॒ ತ್ವಗ್ಂ ಸ॑ರಸ್ವತಿ । ಋ॒ತಾನ್ಮಾ॑ ಮುಞ್ಚ॒ತಾಗ್ಂಹ॑ಸಃ । ಯದ॒ನ್ಯ ಕೃ॑ತಮಾರಿ॒ಮ ॥ ಸ॒ಜಾ॒ತ॒ಶ॒ಗ್ಂ॒ಸಾದು॒ತ ವಾ॑ ಜಾಮಿಶ॒ಗ್ಂ॒ಸಾತ್ । ಜ್ಯಾಯ॑ಸ॒-ಶ್ಶಗ್ಂಸಾ॑ದು॒ತ ವಾ॒ ಕನೀ॑ಯಸಃ । ಅನಾ᳚ಜ್ಞಾತ-ನ್ದೇ॒ವಕೃ॑ತಂ॒-ಯಁದೇನಃ॑ । ತಸ್ಮಾ॒ತ್ತ್ವಮ॒ಸ್ಮಾ-ಞ್ಜಾ॑ತವೇದೋ ಮುಮುಗ್ಧಿ ॥ ಯದ್ವಾ॒ಚಾ ಯನ್ಮನ॑ಸಾ । ಬಾ॒ಹುಭ್ಯಾ॑-ಮೂ॒ರುಭ್ಯಾ॑-ಮಷ್ಠೀ॒ವದ್ಭ್ಯಾ᳚ಮ್ ॥ 117 ॥
ಶಿ॒ಶ್ಞೈ ರ್ಯದನೃ॑ತ-ಞ್ಚಕೃ॒ಮಾ ವ॒ಯಮ್ । ಅ॒ಗ್ನಿರ್ಮಾ॒ ತಸ್ಮಾ॒ದೇನ॑ಸಃ ॥ ಯದ್ಧಸ್ತಾ᳚ಭ್ಯಾ-ಞ್ಚ॒ಕರ॒ ಕಿಲ್ಬಿ॑ಷಾಣಿ । ಅ॒ಕ್ಷಾಣಾಂ᳚-ವಁ॒ಗ್ನುಮು॑ಪ॒ ಜಿಘ್ನ॑ಮಾನಃ । ದೂ॒ರೇ॒ಪ॒ಶ್ಯಾ ಚ॑ ರಾಷ್ಟ್ರ॒ಭೃಚ್ಚ॑ । ತಾನ್ಯ॑ಫ್ಸ॒ರಸಾ॒-ವನು॑ದತ್ತಾ-ಮೃ॒ಣಾನಿ॑ ॥
ಅದೀ᳚ವ್ಯನ್ನೃ॒ಣಂ-ಯಁದ॒ಹ-ಞ್ಚ॒ಕಾರ॑ । ಯದ್ವಾ-ಽದಾ᳚ಸ್ಯನ್-ಥ್ಸಞ್ಜ॒ಗಾರಾ॒ ಜನೇ᳚ಭ್ಯಃ ।
ಅ॒ಗ್ನಿರ್ಮಾ॒ ತಸ್ಮಾ॒ದೇನ॑ಸಃ ॥ ಯನ್ಮಯಿ॑ ಮಾ॒ತಾ ಗರ್ಭೇ॑ ಸ॒ತಿ ॥ 118 ॥
ಏನ॑ಶ್ಚ॒ಕಾರ॒ ಯತ್ಪಿ॒ತಾ । ಅ॒ಗ್ನಿರ್ಮಾ॒ ತಸ್ಮಾ॒ದೇನ॑ಸಃ ॥ ಯದಾ॑ ಪಿ॒ಪೇಷ॑ ಮಾ॒ತರ॑-ಮ್ಪಿ॒ತರ᳚ಮ್ ।
ಪು॒ತ್ರಃ ಪ್ರಮು॑ದಿತೋ॒ ಧಯನ್ನ್॑ । ಅಹಿಗ್ಂ॑ಸಿತೌ ಪಿ॒ತರೌ॒ ಮಯಾ॒ ತತ್ । ತದ॑ಗ್ನೇ ಅನೃ॒ಣೋ ಭ॑ವಾಮಿ ॥ ಯದ॒ನ್ತರಿ॑ಕ್ಷ-ಮ್ಪೃಥಿ॒ವೀಮು॒ತ ದ್ಯಾಮ್ ।
ಯನ್ಮಾ॒ತರ॑-ಮ್ಪಿ॒ತರಂ॑-ವಾಁ ಜಿಹಿಗ್ಂಸಿ॒ಮ ।
ಅ॒ಗ್ನಿರ್ಮಾ॒ ತಸ್ಮಾ॒ದೇನ॑ಸಃ ॥ ಯದಾ॒ಶಸಾ॑ ನಿ॒ಶಸಾ॒ ಯತ್ಪ॑ರಾ॒ಶಸಾ᳚ ॥ 119 ॥
ಯದೇನ॑ಶ್ಚ ಕೃ॒ಮಾ ನೂತ॑ನಂ॒-ಯಁತ್ಪು॑ರಾ॒ಣಮ್ । ಅ॒ಗ್ನಿರ್ಮಾ॒ ತಸ್ಮಾ॒ದೇನ॑ಸಃ ॥ ಅತಿ॑ಕ್ರಾಮಾಮಿ ದುರಿ॒ತಂ-ಯಁದೇನಃ॑ । ಜಹಾ॑ಮಿ ರಿ॒ಪ್ರ-ಮ್ಪ॑ರ॒ಮೇ ಸ॒ಧಸ್ಥೇ᳚ ।
ಯತ್ರ॒ ಯನ್ತಿ॑ ಸು॒ಕೃತೋ॒ ನಾಪಿ॑ ದು॒ಷ್ಕೃತಃ॑ । ತಮಾರೋ॑ಹಾಮಿ ಸು॒ಕೃತಾ॒-ನ್ನು ಲೋ॒ಕಮ್ ॥
ತ್ರಿ॒ತೇ ದೇ॒ವಾ ಅ॑ಮೃಜತೈ॒-ತದೇನಃ॑ ।
ತ್ರಿ॒ತ ಏ॒ತನ್ಮ॑ನು॒ಷ್ಯೇ॑ಷು ಮಾಮೃಜೇ ।
ತತೋ॑ ಮಾ॒ ಯದಿ॒ ಕಿಞ್ಚಿ॑ದಾನ॒ಶೇ ।
ಅ॒ಗ್ನಿರ್ಮಾ॒ ತಸ್ಮಾ॒ದೇನ॑ಸಃ ॥ 120 ॥
ಗಾರ್ಹ॑ಪತ್ಯಃ॒ ಪ್ರಮು॑ಞ್ಚತು । ದು॒ರಿ॒ತಾ ಯಾನಿ॑ ಚಕೃ॒ಮ । ಕ॒ರೋತು॒ ಮಾಮ॑ನೇ॒ನಸ᳚ಮ್ ॥ ದಿ॒ವಿ ಜಾ॒ತಾ ಅ॒ಫ್ಸು ಜಾ॒ತಾಃ । ಯಾ ಜಾ॒ತಾ ಓಷ॑ಧೀಭ್ಯಃ । ಅಥೋ॒ ಯಾ ಅ॑ಗ್ನಿ॒ಜಾ ಆಪಃ॑ । ತಾ ನಃ॑ ಶುನ್ಧನ್ತು॒ ಶುನ್ಧ॑ನೀಃ ॥
ಯದಾಪೋ॒ ನಕ್ತ॑-ನ್ದುರಿ॒ತ-ಞ್ಚರಾ॑ಮ ।
ಯದ್ವಾ॒ ದಿವಾ॒ ನೂತ॑ನಂ॒-ಯಁತ್ಪು॑ರಾ॒ಣಮ್ ।
ಹಿರ॑ಣ್ಯ-ವರ್ಣಾ॒ಸ್ತತ॒ ಉತ್ಪು॑ನೀತ ನಃ ॥
ಇ॒ಮ-ಮ್ಮೇ॑ ವರುಣ ಶ್ರುಧೀ॒ ಹವ॑ಮ॒ದ್ಯಾ ಚ॑ ಮೃಡಯ । ತ್ವಾಮ॑ವ॒ಸ್ಯುರಾ ಚ॑ಕೇ ॥
ತತ್ತ್ವಾ॑ ಯಾಮಿ॒ ಬ್ರಹ್ಮ॑ಣಾ॒ ವನ್ದ॑ಮಾನ॒-ಸ್ತದಾ ಶಾ᳚ಸ್ತೇ॒ ಯಜ॑ಮಾನೋ ಹ॒ವಿರ್ಭಿಃ॑ । ಅಹೇ॑ಡಮಾನೋ ವರುಣೇ॒ಹ ಬೋ॒ಧ್ಯುರು॑ಶಗ್ಂಸ॒ ಮಾ ನ॒ ಆಯುಃ॒ ಪ್ರಮೋ॑ಷೀಃ ॥ । ತ್ವ-ನ್ನೋ॑ ಅಗ್ನೇ॒ ವರು॑ಣಸ್ಯ ವಿ॒ದ್ವಾ-ನ್ದೇ॒ವಸ್ಯ॒ ಹೇಡೋ-ಽವ॑ ಯಾಸಿ ಸೀಷ್ಠಾಃ । ಯಜಿ॑ಷ್ಠೋ॒ ವಹ್ನಿ॑ ತಮ॒-ಶ್ಶೋಶು॑ಚಾನೋ॒ ವಿಶ್ವಾ॒ ದ್ವೇಷಾಗ್ಂ॑ಸಿ॒ ಪ್ರಮು॑ಮುಗ್ಧ್ಯ॒ಸ್ಮತ್ ॥ ಸ ತ್ವನ್ನೋ॑ ಅಗ್ನೇ-ಽವ॒ಮೋ ಭ॑ವೋ॒ತೀ ನೇದಿ॑ಷ್ಠೋ ಅ॒ಸ್ಯಾ ಉ॒ಷಸೋ॒ ವ್ಯು॑ಷ್ಟೌ । ಅವ॑ ಯಕ್ಷ್ವ ನೋ॒ ವರು॑ಣ॒ಗ್ಂ॒ ರರಾ॑ಣೋ ವೀ॒ಹಿ ಮೃ॑ಡೀ॒ಕಗ್ಂ ಸು॒ಹವೋ॑ ನ ಏಧಿ ॥ । ತ್ವಮ॑ಗ್ನೇ ಅ॒ಯಾ-ಽಸಿ॑ । ಅ॒ಯಾ ಸನ್ಮನ॑ಸಾ ಹಿ॒ತಃ । ಅ॒ಯಾ ಸನಃಅ॒ವ್ಯಮೂ॑ಹಿಷೇ । ಅ॒ಯಾ ನೋ॑ ಧೇಹಿ ಭೇಷ॒ಜಮ್ । ಇ॒ಷ್ಟೋ ಅ॒ಗ್ನಿರಾಹು॑ತಃ । ಸ್ವಾಹಾ॑ಕೃತಃ ಪಿಪರ್ತು ನಃ । ಸ್ವ॒ಗಾ ದೇ॒ವೇಭ್ಯ॑ ಇ॒ದ-ನ್ನಮಃ॑ ॥ ॥ 121 ॥
(ಅ॒ನೇ॒ನಸ॑ - ಮಷ್ಠೀ॒ವದ್ಭ್ಯಾಗ್ಂ॑ - ಸ॒ತಿ - ಪ॑ರಾ॒ಶಸಾ॑-ಽಽನ॒ಶೇ᳚ - ಽಗ್ನಿರ್ಮಾ॒ ತಸ್ಮಾ॒ದೇನ॑ಸಃ - ಪುನೀತ ನ॒ಸ್ತ್ರೀಣಿ॑ ಚ) (ಅ. 12)
(ಯ-ದ್ದೇ॑ವಾ॒ ಗಾರ್ಹ॑ಪತ್ಯೋ॒ ಯದ್ಧಸ್ತಾ᳚ಭ್ಯಾಂ॒-ಯಁನ್ಮಯಿ॑ ಮಾ॒ತಾ ಯದಾ॑ಪಿ॒ಪೇಷ॒
ಁಯದ॒ನ್ತರಿ॑ಕ್ಷಂ॒-ಯಁದಾ॒ಶಸಾ-ಽತಿ॑ಕ್ರಾಮಾಮಿ ತ್ರಿ॒ತೇ ದೇ॒ವಾ ದಿ॒ವಿ ಜಾ॒ತಾ ಅ॒ಫ್ಸು ಜಾ॒ತಾ ಯದಾಪ॑ ಇ॒ಮ-ಮ್ಮೇ॑ ವರುಣಾ॒ ತತ್ತ್ವಾ॑ ಯಾಮಿ॒ ತ್ವ-ನ್ನೋ॑ ಅಗ್ನೇ॒ ಸ ತ್ವ-ನ್ನೋ॑ ಅಗ್ನೇ॒ ತ್ವಮ॑ಗ್ನೇ ಅ॒ಯಾ-ಽಸಿ॑)
ಅನುವಾಕಂ 13 - ಅವಭೃಥೇ ಕರ್ಮಣಿ ಋಜೀಷಪ್ರೋಕ್ಷಣಮನ್ತ್ರಾಃ
ಯತ್ತೇ॒ ಗ್ರಾವ್.ಣ್ಣಾ॑ ಚಿಚ್ಛಿ॒ದು-ಸ್ಸೋ॑ಮ ರಾಜನ್ನ್ ।
ಪ್ರಿ॒ಯಾಣ್ಯಙ್ಗಾ॑ನಿ॒ ಸ್ವಧಿ॑ತಾ॒ ಪರೂಗ್ಂ॑ಷಿ । ತಥ್ಸನ್ಧ॒-ಥ್ಸ್ವಾಜ್ಯೇ॑ನೋ॒ತ ವ॑ರ್ಧಯಸ್ವ ।
ಅ॒ನಾ॒ಗಸೋ॒ ಅಧ॒ಮಿಥ್ಸ॒ಕ್ಷಂಯೇಁ॑ಮ ॥ ಯತ್ತೇ॒ ಗ್ರಾವಾ॑ ಬಾ॒ಹುಚ್ಯು॑ತೋ॒ ಅಚು॑ಚ್ಯವುಃ ।
ನರೋ॒ ಯತ್ತೇ॑ ದುದು॒ಹು ರ್ದಕ್ಷಿ॑ಣೇನ ।
ತತ್ತ॒ ಆಪ್ಯಾ॑ಯತಾ॒-ನ್ತತ್ತೇ᳚ । ನಿಷ್ಟ್ಯಾ॑ಯತಾ-ನ್ದೇವ
ಸೋಮ ॥ ಯತ್ತೇ॒ ತ್ವಚ॑-ಮ್ಬಿಭಿ॒ದುರ್ಯಚ್ಚ॒ ಯೋನಿ᳚ಮ್ ।
ಯದಾ॒ಸ್ಥಾನಾ॒-ತ್ಪ್ರಚ್ಯು॑ತೋ॒ ವೇನ॑ಸಿ॒ ತ್ಮನಾ᳚ ॥ 122 ॥
ತ್ವಯಾ॒ ತಥ್ಸೋ॑ಮ ಗು॒ಪ್ತಮ॑ಸ್ತು ನಃ ।
ಸಾ ನಃ॑ ಸ॒ಧಾಂ-ಽಸ॑ತ್ಪರ॒ಮೇ ವ್ಯೋ॑ಮನ್ನ್ ॥
ಅಹಾ॒ಚ್ಛರೀ॑ರ॒-ಮ್ಪಯ॑ಸಾ ಸ॒ಮೇತ್ಯ॑ । ಅ॒ನ್ಯೋ᳚-ಽನ್ಯೋ ಭವತಿ॒ ವರ್ಣೋ॑ ಅಸ್ಯ । ತಸ್ಮಿ॑ನ್ ವ॒ಯಮುಪ॑ಹೂತಾ॒ಸ್ತವ॑ ಸ್ಮಃ । ಆ ನೋ॑ ಭಜ॒ ಸದ॑ಸಿ ವಿ॒ಶ್ವರೂ॑ಪೇ ॥
ನೃ॒ಚಕ್ಷಾ॒-ಸ್ಸೋಮ॑ ಉ॒ತ ಶು॒ಶ್ರುಗ॑ಸ್ತು ।
ಮಾ ನೋ॒ ವಿಹಾ॑ಸೀ॒ದ್ಗಿರ॑ ಆವೃಣಾ॒ನಃ ।
ಅನಾ॑ಗಾ-ಸ್ತ॒ನುವೋ॑ ವಾವೃಧಾ॒ನಃ ।
ಆ ನೋ॑ ರೂ॒ಪಂ-ವಁ॑ಹತು॒ ಜಾಯ॑ಮಾನಃ ॥ 123 ॥
ಉಪ॑ಕ್ಷರನ್ತಿ ಜು॒ಹ್ವೋ॑ ಘೃ॒ತೇನ॑ । ಪ್ರಿ॒ಯಾಣ್ಯಙ್ಗಾ॑ನಿ॒ ತವ॑ ವ॒ರ್ಧಯ॑ನ್ತೀಃ । ತಸ್ಮೈ॑ ತೇ ಸೋಮ॒ ನಮ॒ ಇದ್ವಷ॑ಟ್ಚ । ಉಪ॑ ಮಾ ರಾಜನ್-ಥ್ಸುಕೃ॒ತೇ ಹ್ವ॑ಯಸ್ವ ॥
ಸ-ಮ್ಪ್ರಾ॑ಣಾಪಾ॒ನಾಭ್ಯಾ॒ಗ್ಂ॒ ಸಮು॒ ಚಕ್ಷು॑ಷಾ॒ ತ್ವಮ್ । ಸಗ್ಗ್ ಶ್ರೋತ್ರೇ॑ಣ ಗಚ್ಛಸ್ವ ಸೋಮ ರಾಜನ್ನ್ ।
ಯತ್ತ॒ ಆಸ್ಥಿ॑ತ॒ಗ್ಂ॒ ಶಮು॒ ತತ್ತೇ॑ ಅಸ್ತು । ಜಾ॒ನೀ॒ತಾನ್ನಃ॑ ಸ॒ಗಮ್ಮ॑ನೇ ಪಥೀ॒ನಾಮ್ ॥ ಏ॒ತ-ಞ್ಜಾ॑ನೀತಾತ್ಪರ॒ಮೇ ವ್ಯೋ॑ಮನ್ನ್ । ವೃಕಾ᳚-ಸ್ಸಧಸ್ಥಾ ವಿ॒ದ ರೂ॒ಪಮ॑ಸ್ಯ ॥ 124 ॥
ಯದಾ॒ಗಚ್ಛಾ᳚-ತ್ಪ॒ಥಿಭಿ॑ ರ್ದೇವ॒ಯಾನೈಃ᳚ । ಇ॒ಷ್ಟಾ॒ಪೂ॒ರ್ತೇ ಕೃ॑ಣುತಾ-ದಾ॒ವಿರ॑ಸ್ಮೈ ॥
ಅರಿ॑ಷ್ಟೋ ರಾಜನ್ನಗ॒ದಃ ಪರೇ॑ಹಿ । ನಮ॑ಸ್ತೇ ಅಸ್ತು॒ ಚಕ್ಷ॑ಸೇ ರಘೂಯ॒ತೇ । ನಾಕ॒ಮಾರೋ॑ಹ ಸ॒ಹ ಯಜ॑ಮಾನೇನ । ಸೂರ್ಯ॑-ಙ್ಗಚ್ಛತಾತ್ಪರ॒ಮೇ ವ್ಯೋ॑ಮನ್ನ್ ॥
ಅಭೂ᳚ದ್ದೇ॒ವ-ಸ್ಸ॑ವಿ॒ತಾ ವನ್ದ್ಯೋ॒ ನು ನಃ॑ । ಇ॒ದಾನೀ॒ಮಹ್ನ॑ ಉಪ॒ವಾಚ್ಯೋ॒ ನೃಭಿಃ॑ ।
ವಿ ಯೋ ರತ್ನಾ॒ ಭಜ॑ತಿ ಮಾನ॒ವೇಭ್ಯಃ॑ । ಶ್ರೇಷ್ಠ॑-ನ್ನೋ॒ ಅತ್ರ॒ ದ್ರವಿ॑ಣಂ॒-ಯಁಥಾ॒ ದಧ॑ತ್ ॥
ಉಪ॑ ನೋ ಮಿತ್ರಾವರುಣಾ-ವಿ॒ಹಾವ॑ತಮ್ । ಅ॒ನ್ವಾದೀ᳚ದ್ಧ್ಯಾ-ಥಾಮಿ॒ಹ ನಃ॑ ಸಖಾಯಾ । ಆ॒ದಿ॒ತ್ಯಾನಾ॒-ಮ್ಪ್ರಸಿ॑ತಿರ್-ಹೇ॒ತಿಃ । ಉ॒ಗ್ರಾ ಶ॒ತಾಪಾ᳚ಷ್ಠಾ ಘ॒ವಿಷಾ॒ ಪರಿ॑ಣೋ ವೃಣಕ್ತು ॥
ಆ ಪ್ಯಾ॑ಯಸ್ವ॒ ಸಮೆ॑ತು ತೇ ವಿ॒ಶ್ವತಃ॑ ಸೋಮ॒ ವೃಷ್ಣಿ॑ಯಮ್ । ಭವಾ॒ ವಾಜ॑ಸ್ಯ ಸಙ್ಗ॒ಥೇ ॥ ಸ-ನ್ತೇ॒ ಪಯಾಗ್ಂ॑ಸಿ॒ ಸಮು॑ ಯನ್ತು॒ ವಾಜಾ॒-ಸ್ಸಂ-ವೃಁಷ್ಣಿ॑ಯಾ-ನ್ಯಭಿಮಾತಿ॒ಷಾಹಃ॑ । ಆ॒ಪ್ಯಾಯ॑ಮಾನೋ ಅ॒ಮೃತಾ॑ಯ ಸೋಮ ದಿ॒ವಿ ಶ್ರವಾಗ್॑ಸ್ಯುತ್ತ॒ಮಾನಿ॑ ಧಿಷ್ವ ॥ ॥ 125 ॥
(ತ್ಮನಾ॒ - ಜಾಯ॑ಮಾನೋ - ಽಸ್ಯ॒ - ದಧ॒-ತ್ಪಞ್ಚ॑ ಚ) (ಅ. 13)
ಅನುವಾಕಂ 14 - ಅವಭೃಥೇ ಕರ್ಮಣಿ ಸೇಚನಾದಿಮನ್ತ್ರಾಃ
ಯದ್ದಿ॑ದೀ॒ಕ್ಷೇ ಮನ॑ಸಾ॒ ಯಚ್ಚ॑ ವಾ॒ಚಾ । ಯದ್ವಾ᳚ ಪ್ರಾ॒ಣೈಶ್ಚಕ್ಷು॑ಷಾ॒ ಯಚ್ಚ॒ ಶ್ರೋತ್ರೇ॑ಣ ।
ಯದ್ರೇತ॑ಸಾ ಮಿಥು॒ನೇನಾ-ಪ್ಯಾ॒ತ್ಮನಾ᳚ ।
ಅ॒ದ್ಭ್ಯೋ ಲೋ॒ಕಾ ದ॑ಧಿ॒ರೇ ತೇಜ॑ ಇನ್ದ್ರಿ॒ಯಮ್ ।
ಶು॒ಕ್ರಾ ದೀ॒ಕ್ಷಾಯೈ॒ ತಪ॑ಸೋ ವಿ॒ಮೋಚ॑ನೀಃ ।
ಆಪೋ॑ ವಿಮೋ॒ಕ್ತ್ರೀ ರ್ಮಯಿ॒ ತೇಜ॑ ಇನ್ದ್ರಿ॒ಯಮ್ ॥
ಯದೃ॒ಚಾ ಸಾಮ್ನಾ॒ ಯಜು॑ಷಾ । ಪ॒ಶೂ॒ನಾ-ಞ್ಚರ್ಮ॑ನ್. ಹ॒ವಿಷಾ॑ ದಿದೀ॒ಕ್ಷೇ ।
ಯಚ್ಛನ್ದೋ॑ಭಿ॒-ರೋಷ॑ಧೀಭಿ॒-ರ್ವನ॒ಸ್ಪತೌ᳚ ।
ಅ॒ದ್ಭ್ಯೋ ಲೋ॒ಕಾ ದ॑ಧಿ॒ರೇ (ದ॑ಧಿರೇ॒) ತೇಜ॑ ಇನ್ದ್ರಿ॒ಯಮ್ ॥ 126 ॥
ಶು॒ಕ್ರಾ ದೀ॒ಕ್ಷಾಯೈ॒ ತಪ॑ಸೋ ವಿ॒ಮೋಚ॑ನೀಃ ।
ಆಪೋ॑ ವಿಮೋ॒ಕ್ತ್ರೀ ರ್ಮಯಿ॒ ತೇಜ॑ ಇನ್ದ್ರಿ॒ಯಮ್ ॥
ಯೇನ॒ ಬ್ರಹ್ಮ॒ ಯೇನ॑ ಕ್ಷ॒ತ್ರಮ್ । ಯೇನೇ᳚ನ್ದ್ರಾ॒ಗ್ನೀ ಪ್ರ॒ಜಾಪ॑ತಿ॒-ಸ್ಸೋಮೋ॒ ವರು॑ಣೋ॒ ಯೇನ॒ ರಾಜಾ᳚ ।
ವಿಶ್ವೇ॑ ದೇ॒ವಾ ಋಷ॑ಯೋ॒ ಯೇನ॑ ಪ್ರಾ॒ಣಾಃ ।
ಅ॒ದ್ಭ್ಯೋ ಲೋ॒ಕಾ ದ॑ಧಿರೇ॒ ತೇಜ॑ ಇನ್ದ್ರಿ॒ಯಮ್ ।
ಶು॒ಕ್ರಾ ದೀ॒ಕ್ಷಾಯೈ॒ ತಪ॑ಸೋ ವಿ॒ಮೋಚ॑ನೀಃ ।
ಆಪೋ॑ ವಿಮೋ॒ಕ್ತ್ರೀ ರ್ಮಯಿ॒ ತೇಜ॑ ಇನ್ದ್ರಿ॒ಯಮ್ ॥
ಅ॒ಪಾ-ಮ್ಪುಷ್ಪ॑ಮ॒ಸ್ಯೋ-ಷ॑ಧೀನಾ॒ಗ್ಂ॒ ರಸಃ॑ । ಸೋಮ॑ಸ್ಯ ಪ್ರಿ॒ಯ-ನ್ಧಾಮ॑ ॥ 127 ॥
ಅ॒ಗ್ನೇಃ ಪ್ರಿ॒ಯತ॑ಮಗ್ಂ ಹ॒ವಿ-ಸ್ಸ್ವಾಹಾ᳚ ॥ ಅ॒ಪಾ-ಮ್ಪುಷ್ಪ॑-ಮ॒ಸ್ಯೋಷ॑ಧೀನಾ॒ಗ್ಂ॒ ರಸಃ॑ ।
ಸೋಮ॑ಸ್ಯ ಪ್ರಿ॒ಯ-ನ್ಧಾಮ॑ । ಇನ್ದ್ರ॑ಸ್ಯ ಪ್ರಿ॒ಯತ॑ಮಗ್ಂ ಹ॒ವಿ-ಸ್ಸ್ವಾಹಾ᳚ । ಅ॒ಪಾ-ಮ್ಪುಷ್ಪ॑ಮ॒ಸ್ಯೋ-ಷ॑ಧೀನಾ॒ಗ್ಂ॒ ರಸಃ॑ । ಸೋಮ॑ಸ್ಯ ಪ್ರಿ॒ಯ-ನ್ಧಾಮ॑ ।
ವಿಶ್ವೇ॑ಷಾ-ನ್ದೇ॒ವಾನಾ᳚-ಮ್ಪ್ರಿ॒ಯತ॑ಮಗ್ಂ ಹ॒ವಿ-ಸ್ಸ್ವಾಹಾ᳚ ॥ ವ॒ಯಗ್ಂ ಸೋ॑ಮ ವ್ರ॒ತೇ ತವ॑ ।
ಮನ॑ಸ್ತ॒ನೂಷು॒ ಪಿಪ್ರ॑ತಃ । ಪ್ರ॒ಜಾವ॑ನ್ತೋ ಅಶೀಮಹಿ ॥ 128 ॥
ದೇ॒ವೇಭ್ಯಃ॑ ಪಿ॒ತೃಭ್ಯ॒-ಸ್ಸ್ವಾಹಾ᳚ । ಸೋ॒ಮ್ಯೇಭ್ಯಃ॑ ಪಿ॒ತೃಭ್ಯ॒-ಸ್ಸ್ವಾಹಾ᳚ । ಕ॒ವ್ಯೇಭ್ಯಃ॑ ಪಿ॒ತೃಭ್ಯ॒-ಸ್ಸ್ವಾಹಾ᳚ ॥ ದೇವಾ॑ಸ ಇ॒ಹ ಮಾ॑ದಯದ್ಧ್ವಮ್ ।
ಸೋಮ್ಯಾ॑ಸ ಇ॒ಹ ಮಾ॑ದಯದ್ಧ್ವಮ್ । ಕವ್ಯಾ॑ಸ ಇ॒ಹ ಮಾ॑ದಯದ್ಧ್ವಮ್ ॥ ಅನ॑ನ್ತರಿತಾಃ ಪಿ॒ತರಃ॑ ಸೋ॒ಮ್ಯಾ-ಸ್ಸೋ॑ಮಪೀ॒ಥಾತ್ ॥ ಅಪೈ॑ತು ಮೃ॒ತ್ಯುರ॒ಮೃತ॑-ನ್ನ॒ ಆಗನ್ನ್॑ । ವೈ॒ವ॒ಸ್ವ॒ತೋ ನೋ॒ ಅಭ॑ಯ-ಙ್ಕೃಣೋತು ।
ಪ॒ರ್ಣಂ-ವಁನ॒ಸ್ಪತೇ॑ರಿವ ॥ 129 ॥
ಅ॒ಭಿ ನಃ॑ ಶೀಯತಾಗ್ಂ ರ॒ಯಿಃ । ಸಚ॑ತಾ-ನ್ನ॒-ಶ್ಶಚೀ॒ಪತಿಃ॑ ॥ ಪರ॑-ಮ್ಮೃತ್ಯೋ॒ ಅನು॒ಪರೇ॑ಹಿ॒ ಪನ್ಥಾ᳚ಮ್ । ಯಸ್ತೇ॒ ಸ್ವ ಇತ॑ರೋ ದೇವ॒ಯಾನಾ᳚ತ್ । ಚಕ್ಷು॑ಷ್ಮತೇ ಶೃಣ್ವ॒ತೇ ತೇ᳚ ಬ್ರವೀಮಿ । ಮಾ ನಃ॑ ಪ್ರ॒ಜಾಗ್ಂ ರೀ॑ರಿಷೋ॒ ಮೋತ ವೀ॒ರಾನ್ ॥ ಇ॒ದಮೂ॒ ನು ಶ್ರೇಯೋ॑-ಽವ॒ಸಾನ॒-ಮಾಗ॑ನ್ಮ । ಯದ್ಗೋ॒ಜಿ-ದ್ಧ॑ನ॒ಜಿ-ದ॑ಶ್ವ॒ಜಿದ್ಯತ್ ।
ಪ॒ರ್ಣಂ-ವಁನ॒ಸ್ಪತೇ॑ರಿವ । ಅ॒ಭಿ ನಃ॑ ಶೀಯತಾಗ್ಂ ರ॒ಯಿಃ । ಸಚ॑ತಾ-ನ್ನ॒-ಶ್ಶಚೀ॒ಪತಿಃ॑ ॥ 130 ॥
(ವನ॒ಸ್ಪತಾ॑ವ॒ದ್ಭ್ಯೋ ಲೋ॒ಕಾ ದ॑ಧಿರೇ॒ ತೇಜ॑ ಇನ್ದ್ರಿ॒ಯ-ನ್ಧಾಮಾ॑ - ಶೀಮಹೀ - ವಾ॒ - ಭಿ ನಃ॑ ಶೀಯತಾಗ್ಂ ರ॒ಯಿರೇಕ॑-ಞ್ಚ) (ಅ. 14)
(ಸರ್ವಾ॒ನ್॒. - ಯ-ದ್ವಿಷ್ಷ॑ಣ್ಣೇನ॒ - ವಿ ವೈ - ಯಾಃ ಪು॒ರಸ್ತಾ॒-ದ್- ದೇವಾ॑ ದೇ॒ವೇಷು॒ - ಪರಿ॑ಸ್ತಣಿತ॒ - ಸಕ್ಷೇ॒ದಂ - ಁಯದ॒ಸ್ಯ ಪಾ॒ರೇ॑ - ಽನಾ॒ಗಸ॒ - ಉದ॑ಸ್ತಾ-ಮ್ಫ್ಸೀ॒-ದ್- ಬ್ರಹ್ಮ॑ ಪ್ರತಿ॒ಷ್ಠಾ - ಯ-ದ್ದೇ॑ವ॒ - ಯತ್ತೇ॒ ಗ್ರಾವ.ಣ್ಣಾ॒ - ಯ-ದ್ದಿ॑ದೀ॒ಕ್ಷೇ ಚತು॑ರ್ದಶ)
(ಸರ್ವಾ॒ನ್ - ಭೂತಿ॑ಮೇ॒ವ - ಯಾಮೇ॒ವಾಫ್ಸ್ವಾಹು॑ತಿಮ್ - ಁವ್ರ॒ತಾನಾಂ᳚ - ಪರ್ಣವ॒ಲ್ಕಃ - ಸೋ॒ಮ್ಯಾನಾ॑ - ಮ॒ಸ್ಮಿನ್. ಯ॒ಜ್ಞೇ - ಽಗ್ನೇ॒ ಯೋ ನೋ॒ - ಜ್ಯೋಗ್ಜೀ॒ವಾಃ - ಪ॒ರೋರ॑ಜಾಸ್ತೇ॒ - ಪ್ರ ತೇ॑ ಮ॒ಹೇ - ಬ್ರಹ್ಮ॑ ಪ್ರತಿ॒ಷ್ಠಾ - ಗಾರ್ಹ॑ಪತ್ಯಾ ಸ್ತ್ರಿ॒ಗ್ಂ॒ಶದು॑ತ್ತರಶ॒ತಂ)
(ಸರ್ವಾ॒ನ್॒. ವೈ - ಶಚೀ॒ಪತಿಃ॑)
॥ ಹರಿಃ॑ ಓಮ್ ॥
॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಬ್ರಾಹ್ಮಣೇ ತೃತೀಯಾಷ್ಟಕೇ ಸಪ್ತಮಃ ಪ್ರಪಾಠಕ-ಸ್ಸಮಾಪ್ತಃ ॥
Roman (IAST) Transliteration
kṛṣṇa yajurvedīya taittirīya brāhmaṇe tṛtīyāṣṭake saptamaḥ prapāṭhakaḥ - acchidra-ṅkāṇḍa-mprāyaścittam
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
acchidra-ṅkāṇḍa-mprāyaścittena mantraiśca yajñacchidrapūraṇādacchidramucyate
anuvākaṃ 1 - darśapūrṇamāseṣṭiviṣayāṇi kāni citprāyaścittāni
sarvā॒n॒. vā e॒ṣo᳚-'gnau kāmā॒-npravḙśayati |
yo᳚-'gnīna̭nvā॒dhāya̭ vra॒tamu॒paiti̭ |
sa yadani̭ṣṭvā prayā॒yāt | akā̭maprītā ena॒-ṅkāmā॒ nānu॒ prayā̭yuḥ | a॒te॒jā a̭vī॒ryaḥ̭ syāt |
sa jṷhuyāt | tubhya॒-ntā a̭ṅgirastama |
viśvā᳚-ssukṣi॒tayaḥ॒ pṛtha̭k |
agne॒ kāmā̭ya yemira॒ iti̭ |
kāmā̭ne॒vāsmi̭-ndadhāti || 1 ||
kāma̭prītā ena॒-ṅkāmā॒ anu॒prayā᳚nti |
te॒ja॒svī vī॒ryā̭vā-nbhavati ||
santa̭ti॒rvā e॒ṣā ya॒jñasya̭ |
yo᳚-'gnīna̭nvā॒dhāya̭ vra॒tamu॒paiti̭ |
sa yadu॒dvāya̭ti | vicchi̭tti-re॒vāsya॒ sā ||
ta-mprāñca̭mu॒ddhṛtya̭ |
mana॒sopa̭tiṣṭheta | mano॒ vai pra॒jāpa̭tiḥ |
prā॒jā॒pa॒tyo ya॒jñaḥ || 2 ||
mana̭sai॒va ya॒jñagṃ santa̭noti | bhūrityā̭ha | bhū॒to vai pra॒jāpa̭tiḥ | bhūti̭me॒vopai̭ti ||
vi vā e॒ṣa i̭ndri॒yeṇa̭ vī॒ryḙṇardhyate |
yasyā-hi̭tāgne-ra॒gnira̭pa॒kṣāya̭ti | yāva॒cchamya̭yā pra॒viddhye᳚t |
yadi॒ tāva̭dapa॒kṣāye᳚t | tagṃ sambha̭ret |
i॒da-nta॒ eka̭-mpa॒ra ṷta॒ eka᳚m || 3 ||
tṛ॒tīyḙna॒ jyoti̭ṣā॒ saṃvi~̭śasva | saṃ॒ve~śa̭nasta॒nuvai॒ cārṷredhi |
pri॒ye de॒vānā᳚-mpara॒me ja॒nitra॒ iti̭ | brahma̭ṇai॒vaina॒gṃ॒ sambha̭rati |
saiva tataḥ॒ prāya̭ścittiḥ | yadi̭ parasta॒-rāma̭pa॒kṣāye᳚t | a॒nu॒ pra॒yāyāva̭syet |
so e॒va tataḥ॒ prāya̭ścittiḥ ||
oṣa̭dhī॒rvā e॒tasya̭ pa॒śū-npayaḥ॒ pravi̭śati |
yasya̭ ha॒viṣḙ va॒thsā a॒pākṛ̭tā॒ dhaya̭nti || 4 ||
tān. yaddu॒hyāt | yā॒tayā᳚mnā ha॒viṣā̭ yajeta | yanna du॒hyāt | ya॒jña॒pa॒ru-ra॒ntari̭yāt | vā॒ya॒vyāṃ᳚-ya~vā॒gū-nnirva̭pet |
vā॒yurvai paya̭saḥ pradāpayi॒tā | sa e॒vāsmai॒ payaḥ॒ pradā̭payati | payo॒ vā oṣa̭dhayaḥ |
payaḥ॒ payaḥ̭ |
paya̭sai॒vāsmai॒ payo-'va̭rundhe || 5 ||
athotta̭rasmai ha॒viṣḙ va॒thsāna॒pā kṷryāt |
saiva tataḥ॒ prāya̭ścittiḥ || a॒nya॒ta॒rān. vā e॒ṣa de॒vā-nbhā̭ga॒dheyḙna॒ vya̭rdhayati |
ye yaja̭mānasya sā॒ya-ṅgṛ॒hamā॒-gaccha̭nti |
yasya̭ sāya-ndu॒gdhagṃ ha॒virārti̭-mā॒rcchati̭ |
indrā̭ya vrī॒hīnni॒-rupyo-pa̭vaset | payo॒ vā oṣa̭dhayaḥ | paya̭ e॒vārabhya̭ gṛhī॒tvo-pa̭vasati | yatprā॒ta-ssyāt | tacchṛ॒ta-ṅkṷryāt || 6 ||
atheta̭ra ai॒ndraḥ pṷro॒ḍāśaḥ̭ syāt |
i॒ndri॒ye e॒vāsmai̭ sa॒mīcī̭ dadhāti |
payo॒ vā oṣa̭dhayaḥ | payaḥ॒ payaḥ̭ | paya̭sai॒vāsmai॒ payo-'va̭rundhe |
athotta̭rasmai ha॒viṣḙ va॒thsāna॒pā kṷryāt |
saiva tataḥ॒ prāya̭ścittiḥ || u॒bhayā॒n॒. vā e॒ṣa de॒vā-nbhā̭ga॒dheyḙna॒ vya̭rdhayati |
ye yaja̭mānasya sā॒ya-ñca̭ prā॒taśca̭ gṛ॒hamā॒-gaccha̭nti | yasyo॒bhayagṃ̭ ha॒virārti̭-mā॒rcchati̭ || 7 ||
ai॒ndra-mpañca̭śarāva-moda॒na-nnirva̭pet |
a॒gni-nde॒vatā̭nā-mpratha॒maṃ-ya~̭jet |
a॒gnimṷkhā e॒va de॒vatāḥ᳚ prīṇāti |
a॒gniṃ-vā~ anva॒nyā de॒vatāḥ᳚ |
indra॒manva॒nyāḥ | tā e॒vobhayīḥ᳚ prīṇāti |
payo॒ vā oṣa̭dhayaḥ |
payaḥ॒ payaḥ̭ | paya̭sai॒vāsmai॒ payo-'va̭rundhe |
athotta̭rasmai ha॒viṣḙ va॒thsāna॒pā kṷryāt || 8 ||
saiva tataḥ॒ prāya̭ścittiḥ || a॒rdho vā e॒tasya̭ ya॒jñasya̭ mīyate |
yasya॒ vratye-'ha॒-npatnya̭nā-lambhu॒kā bhava̭ti | tāma̭pa॒ruddhya̭ yajeta |
sarvḙṇai॒va ya॒jñena̭ yajate |
tāmi॒ṣṭvo-pa̭hvayeta | amū॒hama̭smi |
sā tvam | dyaura॒ham | pṛ॒thi॒vī tvam | sāmā॒ham | ṛktvam | tāvehi॒ sambha̭vāva | sa॒ha reto̭ dadhāvahai | pu॒gṃ॒se pu॒trāya॒ vetta̭vai |
rā॒yaspoṣā̭ya suprajā॒stvāya̭ su॒vīryā॒yeti̭ |
a॒rdha e॒vainā॒mu-pa̭hvayate |
saiva tataḥ॒ prāya̭ścittiḥ || 9 ||
(da॒dhā॒ti॒ - ya॒jña - ṷta॒ ekaṃ॒ - dhaya̭nti - rundhe - kuryā - dā॒rcha - tya॒pākṷryāt - pṛthi॒vī tvama॒ṣṭau ca̭) (a. 1)
(sarvā॒n॒. vi vai yadi̭ parasta॒rāmoṣa̭dhīran yata॒rānu॒bhayā̭na॒rdho vai )
anuvākaṃ 2 - agnihotrasāmnāyyasādhāraṇāni prāyaścittāni
3.7.2.1
yadvi-ṣṣa̭ṇṇena juhu॒yāt |
apra̭jā apa॒śuryaja̭māna-ssyāt |
yadanā̭yatane ni॒naye᳚t | a॒nā॒ya॒ta॒na-ssyā᳚t |
prā॒jā॒pa॒tyaya॒rcā va̭lmīka-va॒pāyā॒ma-va̭nayet | prā॒jā॒pa॒tyo vai va॒lmīkaḥ̭ | ya॒jñaḥ pra॒jāpa̭tiḥ | pra॒jāpa̭tāve॒va ya॒jña-mprati̭ṣṭhāpayati |
bhūrityā̭ha | bhū॒to vai pra॒jāpa̭tiḥ || 10 ||
bhūti̭me॒vopai̭ti | ta-tkṛ॒tvā | a॒nyā-ndu॒gdhvā puna̭r-hota॒vya᳚m | saiva tataḥ॒ prāya̭ścittiḥ || yatkī॒ṭā-va̭pannena juhu॒yāt |
apra̭jā apa॒śu-ryaja̭māna-ssyāt |
yadanā̭yatane ni॒naye᳚t | a॒nā॒ya॒ta॒na-ssyā᳚t |
ma॒ddhya॒mena̭ pa॒rṇena̭ dyāvā-pṛthi॒vya̭-ya॒rcā-'ntaḥ̭ pari॒dhi nina̭yet |
dyāvā̭pṛthi॒vyo-re॒vaina॒t-prati̭ṣṭhāpayati || 11 ||
tatkṛ॒tvā | a॒nyā-ndu॒gdhvā puna̭r-hota॒vya᳚m | saiva tataḥ॒ prāya̭ścittiḥ || yadava̭vṛṣṭena juhu॒yāt | apa̭rūpa-masyā॒tma-ñjā̭yeta |
ki॒lāso̭ vā॒ syāda̭rśa॒so vā᳚ | ya-tpratye॒yāt | ya॒jñaṃ-vi~cchi̭ndyāt | sa jṷhuyāt |
mi॒tro janā᳚n kalpayati prajā॒nann || 12 ||
mi॒tro dā̭dhāra pṛthi॒vīmu॒ta dyām | mi॒traḥ kṛ॒ṣṭīra-ni̭miṣā॒ 'bhica̭ṣṭe |
sa॒tyāya̭ ha॒vya-ṅghṛ॒tava̭-jjuho॒teti̭ | mi॒treṇai॒vaina̭-tkalpayati | tatkṛ॒tvā | a॒nyā-ndu॒gdhvā puna̭rhota॒vya᳚m |
saiva tataḥ॒ prāya̭ścittiḥ ||
ya-tpūrva̭syā॒-māhṷtyāgṃ hu॒tāyā॒-mutta॒rā-''hṷti॒-sskande᳚t |
dvi॒pādbhiḥ̭ pa॒śubhi॒-ryaja̭māno॒ vyṛ̭̭ddhyeta |
yadutta̭rayā॒ 'bhijṷhu॒yāt || 13 ||
catṷṣpādbhiḥ pa॒śubhi॒-ryaja̭māno॒ vyṛ̭ddhyeta |
yatra॒ vettha̭ vanaspate de॒vānā॒-ṅguhyā॒ nāmā̭ni |
tatra̭ ha॒vyāni̭ gāma॒yeti̭ vānaspa॒tya-ya॒rcā sa॒midha̭-mā॒dhāya̭ | tū॒ṣṇīme॒va puna̭-rjuhuyāt |
vana॒spati̭nai॒va ya॒jñasyārtā॒-ñcānā᳚rtā॒-ñcāhṷtī॒ vidā̭dhāra | tatkṛ॒tvā | a॒nyā-ndu॒gdhvā puna̭r-hota॒vya᳚m | saiva tataḥ॒ prāya̭ścittiḥ ||
yatpu॒rā pra̭yā॒jebhyaḥ॒ prāṃaṅgā̭ra॒-sskande᳚t |
a॒ddhva॒ryavḙ ca॒ yaja̭mānāya॒ cākagg̭ syāt || 14 ||
ya-dda̭kṣi॒ṇā | bra॒hmaṇḙ ca॒ yaja̭mānāya॒ cākagg̭ syāt | ya-tpra॒tyak |
hotrḙ ca॒ patni̭yai ca॒ yaja̭mānāya॒ cākagg̭ syāt |
yadudaṃ̭ | a॒gnīdhḙ ca pa॒śubhya̭śca॒ yaja̭mānāya॒ cākagg̭ syāt | yada̭bhijuhu॒yāt | ru॒dro᳚-'sya pa॒śū-nghātṷka-ssyāt |
yannābhi̭ juhu॒yāt | aśā᳚ntaḥ॒ prahri̭yeta || 15 ||
sru॒vasya॒ buddhnḙnābhi॒ nida̭ddhyāt |
mā ta̭mo॒ mā ya॒jñasta̭ma॒nmā yaja̭māna-stamat |
nama̭ste astvāya॒te | namo̭ rudra parāya॒te |
namo॒ yatra̭ ni॒ṣīda̭si |
a॒mu-mmā higṃ̭sīra॒mu-mmā higṃ̭sī॒riti॒ yena॒ skande᳚t || ta-mpraha̭ret |
sa॒hasra̭śṛṅgo vṛṣa॒bho jā॒tavḙdāḥ | stoma̭pṛṣṭho ghṛ॒tavā᳚n-thsu॒pratī̭kaḥ |
mā no̭ hāsīnmetthi॒to (hāsīrmetthi॒to) nettvā॒ jahā̭ma |
go॒po॒ṣa-nno̭ vīrapo॒ṣa-ñca̭ ya॒ccheti̭ |
brahma̭ṇai॒vaina॒-mpraha̭rati | saiva tataḥ॒ prāya̭ścittiḥ || 16 ||
(vai pra॒jāpa̭tiḥ - sthāpayati - prajā॒nan - na॒bhijṷhu॒yāth - syā᳚-d- dhriyeta॒ - jahā̭ma॒ triṇi̭ ca) (a. 2)
(yadvisṣa̭ṇṇena prājāpa॒tyayā॒ ya-tkī॒ṭā ma̭ddhya॒mena॒ yadava̭vṛṣṭena॒ ya-tpūrva̭syāṃ॒-ya~-tpu॒rā pra̭yā॒jebhya॒ praṃṅgā̭ro॒ ya-dda̭kṣi॒ṇā ya-tpra॒tyagyadudaṅṋ̇)
anuvākaṃ 3 - mukhyāgnyasambhave-'nukalpāḥ homādhārāḥ
vi vā e॒ṣa i̭ndri॒yeṇa̭ vī॒ryḙṇardhyate |
yasyā-hi̭tāgne-ra॒gni-rma॒thyamā̭no॒ na jāya̭te | yatrā॒nya-mpaśye᳚t | tata̭ ā॒hṛtya̭ hota॒vya᳚m |
a॒gnā-ve॒vāsyā᳚-gniho॒tragṃ hu॒ta-mbha̭vati ||
yadya॒nya-nna vi॒ndet | a॒jāyāgṃ̭ hota॒vya᳚m | ā॒gne॒yī vā e॒ṣā | yada॒jā | a॒gnā-ve॒vāsyā᳚-gniho॒tragṃ hu॒ta-mbha̭vati || 17 ||
a॒jasya॒ tu nāśñī̭yāt | yada॒jasyā᳚-śñī॒yāt |
yāme॒vāgnā-vāhṷti-ñjuhu॒yāt | tāma̭dyāt | tasmā̭da॒jasya॒ nāśya᳚m || yadya॒jā-nna vi॒ndet | brā॒hma॒ṇasya॒ dakṣi̭ṇe॒ hastḙ hota॒vya᳚m |
e॒ṣa vā a॒gni rvai᳚śvāna॒raḥ | yadbrā᳚hma॒ṇaḥ |
a॒gnā-ve॒vāsyā᳚-gniho॒tragṃ hu॒ta-mbha̭vati || 18 ||
brā॒hma॒ṇa-ntu va̭sa॒tyai̭ nāpa̭rundhyāt | yadbrā᳚hma॒ṇaṃ-va~̭sa॒tyā a̭paru॒ndhyāt |
yasmi̭nne॒-vāgnāvāhṷti-ñjuhu॒yāt | ta-mbhā̭ga॒dheyḙna॒ vya̭rdhayet |
tasmā᳚-dbrāhma॒ṇo va̭sa॒tyai̭ nāpa॒ruddhyaḥ̭ || yadi̭ brāhma॒ṇa-nna vi॒ndet |
da॒rbha॒sta॒beṃ ho̭ta॒vya᳚m |
a॒gni॒vān. vai da̭rbhasta॒baṃḥ |
a॒gnāve॒-vāsyā᳚-gniho॒tragṃ hu॒ta-mbha̭vati |
da॒rbhāgstu nāddhyā̭sīta || 19 ||
yadda॒rbhāna॒ddhyāsī̭ta | yāme॒vāgnā-vāhṷti-ñjuhu॒yāt | tāmaddhyā̭sīta |
tasmā᳚-dda॒rbhā nāddhyā̭sita॒vyāḥ᳚ ||
yadi̭ da॒rbhānna vi॒ndet | a॒phsu ho̭ta॒vya᳚m |
āpo॒ vai sarvā̭ de॒vatāḥ᳚ |
de॒vatā᳚sve॒ vāsyā᳚-gniho॒tragṃ hu॒ta-mbha̭vati |
āpa॒stu na pari̭cakṣīta | yadāpaḥ̭ pari॒cakṣī̭ta || 20 ||
yā me॒vāphsvāhṷti-ñjuhu॒yāt | tā-mpari̭cakṣīta |
tasmā॒dāpo॒ na pa̭ri॒cakṣyāḥ᳚ ||
meddhyā̭ ca॒ vā e॒tasyā̭me॒ddhyā ca̭ ta॒nuvau॒ sagṃsṛ̭jyete | yasyā-hi̭tāgne-ra॒nyaira॒gnibhi̭-ra॒gnayaḥ̭ sagṃsṛ॒jyante᳚ | a॒gnaye॒ vivi̭caye puro॒ḍāśa̭-ma॒ṣṭāka̭pāla॒-nnirva̭pet |
meddhyā᳚-ñcai॒vāsyā̭-me॒ddhyā-ñca̭ ta॒nuvau॒ vyāva̭rtayati || a॒gnaye᳚ vra॒tapa̭taye puro॒ḍāśa̭-ma॒ṣṭāka̭pāla॒-nnirva̭pet | a॒gnime॒va vra॒tapa̭ti॒gg॒ svena̭ bhāga॒dheye॒-nopa̭dhāvati |
sa e॒vainaṃ̭-vra~॒tamā-la̭bhaṃya~ti || 21 ||
garbha॒gg॒ srava̭ntamaga॒dama̭kaḥ | a॒gni-rindra॒-stvaṣṭā॒ bṛha॒spatiḥ̭ | pṛ॒thi॒vyā-mava̭cuśco-tai॒tat | nābhi-prāpno̭ti॒ nir-ṛ̭ti-mparā॒caiḥ ||
reto॒ vā e॒tadvāji̭na॒-māhi̭tāgneḥ | yada̭gniho॒tram | tadyathsrave᳚t |
reto᳚-'sya॒ vāji̭nagg sravet | garbha॒gg॒ srava̭ntama-ga॒dama̭ka॒-rityā̭ha |
reta̭ e॒vāsmi॒n vāji̭na-ndadhāti || 22 ||
a॒gnirityā̭ha | a॒gnirvai rḙto॒dhāḥ | reta̭ e॒va tadda̭dhāti | indra॒ ityā̭ha | i॒ndri॒ya-me॒vāsmi̭n-dadhāti | tvaṣṭetyā̭ha | tvaṣṭā॒ vai pa̭śū॒nā-mmi̭thu॒nānāgṃ̭ rūpa॒kṛt | rū॒pama॒va pa॒śuṣṷ dadhāti | bṛha॒spati॒rityā̭ha |
brahma॒ vai de॒vānā॒-mbṛha॒spatiḥ̭ | brahma̭ṇai॒vāsmai᳚ pra॒jāḥ praja̭nayati ||
pṛ॒thi॒vyā-mava̭cuścotai॒ta-dityā̭ha |
a॒syā-me॒vaina॒-tprati̭ṣṭhāpayati ||
nābhi prāpno̭ti॒ nir-ṛ̭ti-mparā॒cairityā̭ha |
rakṣa̭sā॒mapa̭hatyai || 23 ||
(a॒jā-'gnāve॒vāsyā᳚gniho॒tragṃ hu॒ta-mbha̭vati - bhava - tyāsīta - pari॒cakṣī̭ta - lambhayati - dadhāti - de॒vānā॒-mbṛha॒spatiḥ॒ pañca̭ ca) (a. 3)
(vi vai ya-dya॒nyama॒jāyā᳚-mbrāhma॒ṇasya̭ darbhasta॒mbe᳚-'phsu ho̭ta॒vya᳚m)
anuvākaṃ 4 - aiṣṭikayājamānamantrāḥ
yāḥ pu॒rastā᳚-tpra॒srava̭nti | u॒pari̭ṣṭā-thsa॒rvata̭śca॒ yāḥ | tābhī̭ ra॒śmipa̭vitrābhiḥ | śra॒ddhāṃ-ya~॒jñamāra̭bhe || devā̭ gātuvidaḥ |
gā॒tuṃ-ya~॒jñāya̭ vindata | mana̭sa॒spati̭nā de॒vena̭ | vātā᳚-dya॒jñaḥ prayṷjyatām || tṛ॒tīya̭syai di॒vaḥ | gā॒ya॒tri॒yā soma॒ ābhṛ̭taḥ || 24 ||
so॒ma॒pī॒thāya॒ sanna̭yitum | vaka̭la॒-manta̭ra॒māda̭de || āpo̭ devī-śśu॒ddhā-sstha̭ | i॒mā pātrā̭ṇi śundhata | u॒pā॒ta॒ṅkyā̭ya de॒vānā᳚m | pa॒rṇa॒va॒lkamu॒ta śṷndhata ||
payo̭ gṛ॒heṣu॒ payo̭ aghni॒yāsṷ |
payo̭ va॒thseṣu॒ paya॒ indrā̭ya ha॒viṣe᳚ dhriyasva | gā॒ya॒trī pa̭rṇava॒lkena̭ | paya-ssoma̭-ṅkarotvi॒mam || 25 ||
a॒gni-ṅgṛ̭hṇāmi su॒rathaṃ॒-yo~ ma̭yo॒ bhūḥ |
ya u॒dyanta̭mā॒ roha̭ti॒ sūrya॒mahne᳚ |
ā॒di॒tya-ñjyoti̭ṣā॒-ñjyoti̭rutta॒mam |
śvo ya॒jñāya̭ ramatā-nde॒vatā᳚bhyaḥ ||
vasū᳚-nru॒drānā̭di॒tyān | indrḙṇa sa॒ha de॒vatāḥ᳚ | tāḥ pūrvaḥ॒ pari̭gṛhṇāmi | sva ā॒yata̭ne manī॒ṣayā᳚ || i॒māmūrja̭-mpañcada॒śīṃ-ye~ pravi̭ṣṭāḥ | tānde॒vā-npari̭gṛhṇāmi॒ pūrvaḥ̭ || 26 ||
a॒gnir-ha̭vya॒vāḍi॒ha tānāva̭hatu | pau॒rṇa॒mā॒sagṃ ha॒viri॒damḙṣā॒-mmayi̭ |
ā॒mā॒vā॒syagṃ̭ ha॒viri॒damḙṣā॒-mmayi̭ || a॒nta॒rā-'gnī pa॒śavaḥ̭ | de॒va॒sa॒gṃ॒ sada॒māga̭mann | tā-npūrvaḥ॒ pari̭gṛhṇāmi |
sva ā॒yata̭ne manī॒ṣayā᳚ || i॒ha pra॒jā vi॒śvarṷ̄pā ramantām | a॒gni-ṅgṛ॒hapa̭tima॒bhi saṃ॒va~sā̭nāḥ | tāḥ pūrvaḥ॒ pari̭gṛhṇāmi || 27 ||
sva ā॒yata̭ne manī॒ṣayā᳚ ||
i॒ha pa॒śavo̭ vi॒śvarṷ̄pā ramantām |
a॒gni-ṅgṛ॒hapa̭tima॒bhi saṃ॒va~sā̭nāḥ |
tā-npūrvaḥ॒ pari̭gṛhṇāmi | sva ā॒yata̭ne manī॒ṣayā᳚ || a॒ya-mpi̭tṛ॒ṇāma॒gniḥ |
avā᳚ḍḍha॒vyā pi॒tṛbhya॒ ā | ta-mpūrvaḥ॒ pari̭gṛhṇāmi | avi̭ṣa-nnaḥ pi॒tu-ṅka̭rat || aja̭sra॒-ntvāgṃ sa̭bhāpā॒lāḥ || 28 ||
vi॒ja॒yabhā̭ga॒gṃ॒ sami̭ndhatām | agnḙ dī॒dāya̭ me sabhya | viji̭tyai śa॒radaḥ̭ śa॒tam || anna̭māvasa॒thīya᳚m | a॒bhiha̭rāṇi śa॒radaḥ̭ śa॒tam | ā॒va॒sa॒the śriya॒-mmantra᳚m | ahi̭rbu॒ddhniyo॒ niya̭cchatu || i॒dama॒ha-ma॒gni jye᳚ṣṭhebhyaḥ | vasṷbhyo ya॒jña-mprabra̭vīmi |
i॒dama॒ha-mindra̭ jyeṣṭhebhyaḥ || 29 ||
ru॒drebhyo̭ ya॒jña-mprabra̭vīmi | i॒dama॒haṃ-va~rṷṇa-jyeṣṭhebhyaḥ | ā॒di॒tyebhyo̭ ya॒jña-mprabra̭vīmi || paya̭svatī॒-roṣa̭dhayaḥ |
paya̭svadvī॒rudhā॒-mpayaḥ̭ | a॒pā-mpaya̭so॒ yatpayaḥ̭ | tena॒ māmi̭ndra॒ sagṃsṛ̭ja ||
agne᳚ vratapate vra॒ta-ñca̭riṣyāmi |
taccha̭keya॒-ntanmḙ rāddhyatām |
vāyo᳚ vratapata॒ ādi̭tya vratapate || 30 ||
vra॒tānāṃ᳚-vra~tapate vra॒ta-ñca̭riṣyāmi | taccha̭keya॒-ntanmḙ rāddhyatām ||
i॒mā-mprācī॒mudī̭cīm | iṣa॒mūrja̭ma॒bhi saggskṛ̭tām | ba॒hu॒pa॒rṇāmaśṷṣkāgrām |
harā̭mi paśu॒pāma॒ham || yatkṛṣṇo̭ rū॒pa-ṅkṛ॒tvā | prāvi̭śa॒stvaṃ-va~na॒spatīṋ |
tata॒stvāmḙkavigṃśati॒dhā | sambha̭rāmi susa॒mbhṛtā᳚ || 31 ||
trī-npa̭ri॒dhīgsti॒sra-ssa॒midhaḥ̭ | ya॒jñāyṷranusañca॒rān |
u॒pa॒ve॒ṣa-mmekṣa̭ṇa॒-ndhṛṣṭi᳚m | sambha̭rāmi susa॒bhṛntā᳚ || yā jā॒tā oṣa̭dhayaḥ | de॒vebhya̭ striyu॒ga-mpu॒rā | tāsā॒-mparva̭ rāddhyāsam | pa॒ri॒sta॒ra-mā॒haranṋ ||
a॒pā-mmeddhyaṃ̭-ya~॒jñiya᳚m |
sadḙvagṃ śi॒vama̭stu me || 32 ||
ā॒cche॒ttā vo॒ mā ri̭ṣam | jīvā̭ni śa॒radaḥ̭ śa॒tam || apa̭rimitānā॒-mpari̭mitāḥ | sanna̭hye sukṛ॒tāya॒kam | eno॒ mā nigā᳚-ṅkata॒macca॒ nāham | puna̭ru॒tthāya̭ bahu॒lā bha̭vantu || sa॒kṛ॒dā॒cchi॒nna-mba॒r॒hirūrṇā̭mṛdu |
syo॒na-mpi॒tṛbhya̭stvā bharāmya॒ham | a॒smi-nthsī̭dantu me pi॒taraḥ̭ so॒myāḥ |
pi॒tā॒ma॒hāḥ prapi̭tāmahāścānu॒gai-ssa॒ha || 33 ||
tri॒vṛ-tpa̭lā॒śe da॒rbhaḥ | iyā᳚-nprāde॒śa sa̭mintaḥ | ya॒jñe pa॒vitra॒-mpotṛ̭tamam | payo̭ ha॒vya-ṅka̭rotu me || i॒mau prā̭ṇāpā॒nau |
ya॒jñasyāṅgā̭ni sarva॒śaḥ | ā॒pyā॒yaya̭ntau॒ sañca̭ratām | pa॒vitrḙ havya॒śodha̭ne ||
pa॒vitre᳚ stho vaiṣṇa॒vī | vā॒yurvā॒-mmana̭sā punātu || 34 ||
a॒ya-mprā॒ṇaścā̭pā॒naśca̭ | yaja̭māna॒-mapi̭gacchatām | ya॒jñe hyabhṷ̄tā॒-mpotā̭rau |
pa॒vitrḙ havya॒śodha̭ne || tvayā॒ vediṃ̭-vi~viduḥ pṛthi॒vīm | tvayā̭ ya॒jño jā̭yate viśva॒dāniḥ̭ | acchi̭draṃ-ya~॒jñamanvḙṣi vi॒dvān |
tvayā॒ hotā॒ santa̭notyardhamā॒sān || tra॒ya॒stri॒gṃ॒śo̭-'si॒ tantṷ̄nām |
pa॒vitrḙṇa sa॒hāga̭hi || 35 ||
śi॒veyagṃ rajjṷrabhi॒dhānī᳚ | a॒ghni॒yā-mupa̭sevatām || apra̭sragṃsāya ya॒jñasya̭ |
u॒khe upa̭dadhāmya॒ham | pa॒śubhi॒-ssannī̭ta-mbibhṛtām | indrā̭ya śṛ॒ta-ndadhi̭ ||
u॒pa॒ve॒ṣo̭-'si ya॒jñāya̭ | tvā-mpa̭rive॒ṣa-ma̭dhārayann | indrā̭ya ha॒viḥ kṛ॒ṇvantaḥ̭ |
śi॒va-śśa॒gmo bha̭vāsi naḥ || 36 ||
amṛ̭nmaya-ndevapā॒tram | ya॒jñasyāyṷṣi॒ prayṷjyatām | ti॒raḥ॒ pa॒vi॒tramati̭nītāḥ |
āpo̭ dhāraya॒ mā-'ti̭guḥ || de॒vena̭ savi॒trotpṷ̄tāḥ | vaso॒-ssūrya̭sya ra॒śmibhiḥ̭ | gā-ndo̭hapavi॒tre rajju᳚m | sarvā॒ pātrā̭ṇi śundhata || e॒tā āca̭ranti॒ madhṷma॒dduhā̭nāḥ |
pra॒jāva̭tī-rya॒śaso̭ vi॒śvarṷ̄pāḥ || 37 ||
ba॒hvī rbhava̭ntī॒rupa॒ jāya̭mānāḥ | i॒ha va॒ indro̭ ramayatu gāvaḥ || pū॒ṣā stha̭ || a॒ya॒kṣmā vaḥ̭ pra॒jayā॒ sagṃsṛ̭jāmi |
rā॒yaspoṣḙṇa bahu॒lā bhava̭ntīḥ | ūrja॒-mpayaḥ॒ pinva̭mānā ghṛ॒ta-ñca̭ |
jī॒vo jīva̭ntī॒rupa̭ va-ssadeyam || dyauśce॒maṃ-ya~॒jña-mpṛ̭thi॒vī ca॒ sandṷhātām |
dhā॒tā somḙna sa॒ha vātḙna vā॒yuḥ | yaja̭mānāya॒ dravi̭ṇa-ndadhātu || 38 ||
uthsa̭-nduhanti ka॒laśa॒-ñcatṷrbilam | iḍā᳚-nde॒vī-mmadhṷmatīgṃ suva॒rvida᳚m |
tadi̭ndrā॒gnī ji̭nvatagṃ sū॒nṛtā̭vat | ta-dyaja̭māna-mamṛta॒tve da̭dhātu ||
kāma̭dhukṣaḥ॒ praṇo᳚ brūhi | indrā̭ya ha॒viri̭ndri॒yam || a॒mūṃ-ya~syā᳚-nde॒vānā᳚m |
ma॒nu॒ṣyā̭ṇā॒-mpayo̭ hi॒tam || ba॒hu du॒gdhīndrā̭ya de॒vebhyaḥ̭ |
ha॒vya-māpyā̭yatā॒-mpunaḥ̭ || 39 ||
va॒thsebhyo̭ manu॒ṣye᳚bhyaḥ | pu॒na॒rdo॒hāya̭ kalpatām || ya॒jñasya॒ santa̭tirasi |
ya॒jñasya̭ tvā॒ santa̭ti॒manu॒santa̭nomi || ada̭stamasi॒ viṣṇa̭ve tvā |
ya॒jñāyāpi̭ dadhāmya॒ham | a॒dbhirari̭ktena॒ pātrḙṇa | yāḥ pū॒tāḥ pa̭ri॒śera̭te ||
a॒ya-mpaya॒-ssoma̭-ṅkṛ॒tvā | svāṃ-yo~ni॒-mapi̭gacchatu || 40 ||
pa॒rṇa॒va॒lkaḥ pa॒vitra᳚m | sau॒mya-ssomā॒ddhi nirmi̭taḥ || i॒mau pa॒rṇa-ñca̭ da॒rbha-ñca̭ |
de॒vānāgṃ̭ havya॒śodha̭nau | prā॒ta॒rve॒ṣāya̭ gopāya | viṣṇo̭ ha॒vyagṃ hi rakṣa̭si ||
u॒bhāva॒gnī ṷpastṛṇa॒te | de॒vatā॒ upa̭vasantu me | a॒ha-ṅgrā॒myā-nupa̭vasāmi |
mahya॒-ṅgopa̭taye pa॒śūn || 41 ||
[ābhṛ̭ta - i॒maṃ - gṛ̭hṇāmi॒ pūrva॒ - stāḥ purvaḥ॒ pari̭gṛhṇāmi - sabhāpā॒lā - indra̭jyeṣṭhebhya॒-ādi̭tya vratapate-susa॒bhruntā̭ - me - sa॒ha - pṷnātu - gahi - no - vi॒śvarṷ̄pā - dadhātu॒ - puna̭--r gacchatu - pa॒śun ] (a. 4)
yāḥ pu॒rastā̭di॒māmūrja̭mi॒ha pra॒jā i॒ha pa॒śavo॒-'ya-mpi̭tṛ॒ṇāma॒gniḥ
anuvākaṃ 5 - aiṣṭikayājamānamantrāḥ
devā̭ de॒veṣu॒ parā᳚kramaddhvam | pratha̭mā dvi॒tīyḙṣu | dvitī̭yā-stṛ॒tīyḙṣu |
trirḙkādaśā i॒ha mā̭-'vata | i॒dagṃ śa̭keyaṃ॒-ya~di॒da-ṅka॒romi̭ |
ā॒tmā ka̭rotvā॒tmane᳚ | i॒da-ṅka̭riṣye bheṣa॒jam | i॒da-mmḙ viśvabheṣajā |
aśvi̭nā॒ prāva̭taṃ-yu~॒vam || i॒dama॒hagṃ senā̭yā a॒bhītva̭ryai || 42 ||
mukha॒mapo̭hāmi || sūrya̭jyoti॒ rvibhā̭hi | ma॒ha॒ta i̭ndri॒yāya̭ || āpyā̭yatā-ṅghṛ॒tayo̭niḥ | a॒gnir-ha॒vyā-'nṷmanyatām |
khama̭ṅkṣva॒ tvaca̭maṅkṣva | su॒rū॒pa-ntvā̭ vasu॒vida᳚m | pa॒śū॒nā-nteja̭sā |
a॒gnaye॒ juṣṭa̭-ma॒bhighā̭rayāmi || syo॒na-nte॒ sada̭na-ṅkaromi || 43 ||
ghṛ॒tasya॒ dhāra̭yā su॒śeva̭-ṅkalpayāmi ||
tasmi᳚n-thsīdā॒mṛte॒ prati̭tiṣṭha |
vrī॒hī॒ṇā-mmḙdha sumana॒syamā̭naḥ ||
ā॒rdraḥ pra̭thasnu॒-rbhuva̭nasya go॒pāḥ |
śṛ॒ta uthsnā̭ti jani॒tā ma̭tī॒nām ||
yasta̭ ā॒tmā pa॒śuṣu॒ pravi̭ṣṭaḥ |
de॒vānāṃ᳚-vi~॒ṣṭhāmanu॒ yo vi̭ta॒sthe |
ā॒tma॒nvā-nthso̭ma ghṛ॒tavā॒n॒. hi bhū॒tvā |
de॒vā-nga̭ccha॒ suva̭rvinda॒ yaja̭mānāya॒ mahya᳚m || irā॒ bhūtiḥ̭ pṛthi॒vyai raso॒ motkra̭mīt || 44 ||
devāḥ᳚ pitaraḥ॒ pita̭ro devāḥ | yo̭-'hama̭smi॒ sa san. ya̭je | yasyā᳚smi॒ na tama॒ntarḙmi | sva-mma̭ i॒ṣṭagg sva-nda॒ttam | sva-mpū॒rtagg svagg śrā॒ntam | svagṃ hu॒tam | tasya̭ me॒-'gni-rṷpadra॒ṣṭā | vā॒yurṷpaśro॒tā |
ā॒di॒tyo̭-'nukhyā॒tā | dyauḥ pi॒tā || 45 ||
pṛ॒thi॒vī mā॒tā | pra॒jāpa̭ti॒ rbandhuḥ̭ |
ya e॒vāsmi॒ sa san. ya̭je || mā bhermā saṃvi~̭kthā॒ mā tvā̭ higṃsiṣam | mā te॒ tejo-'pa̭kramīt |
bha॒ra॒tamuddha̭re॒ manṷṣiñca | a॒va॒dānā̭ni te pra॒tyava̭dāsyāmi |
nama̭ste astu॒ mā mā̭ higṃsīḥ || yada̭va॒dānā̭ni te-'va॒dyann | vilo॒mākā̭rṣamā॒tmanaḥ̭ || 46 ||
ājyḙna॒ pratya̭najmyenat | tatta॒ āpyā̭yatā॒-mpunaḥ̭ || ajyā̭yo yavamā॒trāt |
ā॒vyā॒dhā-tkṛ̭tyatāmi॒dam | mā rṷ̄rupāma ya॒jñasya̭ | śu॒ddhagg svi̭ṣṭami॒dagṃ ha॒viḥ || manṷnā dṛ॒ṣṭā-ṅghṛ॒tapa̭dīm | mi॒trāvarṷṇasamīritām | da॒kṣi॒ṇā॒rdhādasa̭bhinndann | ava̭dyā-myeka॒to mṷkhām || 47 ||
iḍḙ bhā॒ga-ñjṷṣasva naḥ | jinva॒ gā jinvārva̭taḥ | tasyā᳚ste bhakṣi॒vāṇaḥ̭ syāma | sa॒rvātmā̭na-ssa॒rvaga̭ṇāḥ || braddhna॒ pinva̭sva |
dada̭to me॒ mā kṣā̭yi | ku॒rva॒to me॒ mopa̭dasat | di॒śā-ṅklṛpti̭rasi | diśo̭ me kalpantām | kalpa̭ntā-mme॒ diśaḥ̭ || 48 ||
daivī᳚śca॒ mānṷṣīśca | a॒ho॒rā॒tre mḙ kalpetām | a॒rdha॒mā॒sā mḙ kalpantām | māsā̭ me kalpantām | ṛ॒tavo̭ me kalpantām | saṃ॒va~॒thsa॒ro mḙ kalpatām |
klṛpti̭rasi॒ kalpa̭tā-mme ||
āśā̭nā-ntvā-''śāpā॒lebhyaḥ̭ |
ca॒turbhyo̭ a॒mṛte᳚bhyaḥ |
i॒da-mbhū॒tasyā-ddhya̭kṣebhyaḥ || 49 ||
vi॒dhema̭ ha॒viṣā̭ va॒yam | bhaja̭tā-mbhā॒gī bhā॒gam | mā-'bhā॒go-'bha̭kta |
nira̭bhā॒ga-mbha̭jāmaḥ | a॒paspi̭nva | oṣa̭dhīrjinva | dvi॒pātpā̭hi | catṷṣpādava | di॒vo vṛṣṭi॒mera̭ya | brā॒hma॒ṇānā̭-mi॒dagṃ ha॒viḥ || 50 ||
so॒myānāgṃ̭ somapī॒thinā᳚m | nirbha॒kto brā᳚hmaṇaḥ | nehā-brā᳚hmaṇasyāsti ||
sama̭ṅktā-mba॒ra॒ḥir-ha॒viṣā̭ ghṛ॒tena̭ | samā̭di॒tyai rvasṷbhi॒-ssa-mma॒rudbhiḥ̭ |
samindrḙṇa॒ viśvḙbhi rde॒vebhi̭raṅktām |
di॒vya-nnabho̭ gacchatu॒ ya-thsvāhā᳚ ||
i॒ndrā॒ṇī vā̭ vidha॒vā bhṷ̄yāsam | adi̭tiriva supu॒trā |
a॒sthū॒ri tvā̭ gārhapatya || 51 ||
upa॒niṣa̭de suprajā॒stvāya̭ ||
sa-mpatnī॒ patyā̭ sukṛ॒tena̭ gacchatām |
ya॒jñasya̭ yu॒ktau dhuryā̭vabhūtām |
sa॒jā॒nnā॒nau vija̭hatā॒-marā̭tīḥ |
di॒vi jyoti̭ra॒ja-ra॒māra̭bhetām ||
daśa̭ te ta॒nuvo̭ yajña ya॒jñiyāḥ᳚ |
tāḥ prī̭ṇātu॒ yaja̭māno ghṛ॒tena̭ | nā॒ri॒ṣṭhayoḥ᳚ pra॒śiṣa॒mīḍa̭mānaḥ |
de॒vānā॒-ndaivye-'pi॒ yaja̭māno॒-'mṛto̭-'bhūt ||
yaṃ-vā~᳚-nde॒vā a̭kalpayann || 52 ||
ū॒rjo bhā॒gagṃ śa̭takratū | e॒tadvā॒-ntena̭ prīṇāni | tena̭ tṛpyatamagṃhahau || a॒ha-nde॒vānāgṃ̭ su॒kṛtā̭masmi lo॒ke |
mame॒dami॒ṣṭa-nna mithṷ rbhavāti | a॒ha-nnā̭ri॒ṣṭhā-vanṷyajāmi vi॒dvān |
yadā᳚bhyā॒-mindro॒ ada̭dhā-dbhāga॒dheya᳚m || adā̭rasṛdbhavata deva soma |
a॒smin. ya॒jñe ma̭ruto mṛḍatā naḥ |
mā no̭ vidada॒bhi bhā॒mo aśa̭stiḥ || 53 ||
mā no̭ vida-dva॒janā॒ dveṣyā॒ yā ||
ṛ॒ṣa॒bhaṃ-vā~॒jinaṃ̭-va~॒yam |
pū॒rṇamā̭saṃ-ya~jāmahe | sa no̭ dohatāgṃ su॒vīrya᳚m | rā॒yaspoṣagṃ̭ saha॒sriṇa᳚m | prā॒ṇāya̭ su॒rādha̭se | pū॒rṇamā̭sāya॒ svāhā᳚ ||
a॒mā॒vā॒syā̭ su॒bhagā̭ su॒śevā᳚ | dhe॒nuri̭va॒ bhūya̭ ā॒pyāya̭mānā | sā no̭ dohatāgṃ su॒vīrya᳚m | rā॒yaspoṣagṃ̭ saha॒sriṇa᳚m |
a॒pā॒nāya̭ su॒rādha̭se | a॒mā॒vā॒syā̭yai॒ svāhā᳚ || a॒bhistṛ̭ṇīhi॒ pari̭dhehi॒ vedi᳚m |
jā॒mi-mmā higṃ̭sīramu॒yā śayā̭nā |
ho॒tṛ॒ṣada̭nā॒ hari̭tā-ssu॒varṇāḥ᳚ | ni॒ṣkā i॒me yaja̭mānasya bra॒ddhne || 54 ||
(a॒bhītva̭ryai - karomi - kramīt - pi॒tā - ''tmana̭ - eka॒tomṷkhāṃ - me॒ diśo - 'dhya̭kṣebhyo - ha॒vi--r gā̭rhapatyā - kalpaya॒ - nnaśa̭stiḥ॒ - sā no̭ dohatāgṃ su॒vīryagṃ̭ sa॒pta ca̭) (a. 5)
anuvākaṃ 6 - aiṣṭikayājamānamantrāḥ
pari̭stṛṇīta॒ pari̭dhattā॒gnim | pari̭hito॒-'gni ryaja̭māna-mbhunaktu | a॒pāgṃ rasa॒ oṣa̭dhīnāgṃ su॒varṇaḥ̭ | ni॒ṣkā i॒me yaja̭mānasya santu kāma॒dughāḥ᳚ | a॒mutrā॒muṣmi̭n ~lo॒ke ||
bhūpa̭te॒ bhuva̭napate | ma॒ha॒to bhū॒tasya̭ pate | bra॒hmāṇa̭-ntvā vṛṇīmahe ||
a॒ha-mbhūpa̭tira॒ha-mbhuva̭napatiḥ |
a॒ha-mma̭ha॒to bhū॒tasya॒ patiḥ̭ || 55 ||
de॒vena̭ savi॒trā prasṷ̄ta॒ ārtvi̭jya-ṅkariṣyāmi | deva̭ savitare॒ta-ntvā̭ vṛṇate |
bṛha॒spati॒-ndaivya̭-mbra॒hmāṇa᳚m | tada॒ha-mmana̭se॒ prabra̭vīmi | mano̭ gāyatri॒yai |
gā॒ya॒trī tri॒ṣṭubhe᳚ | tri॒ṣṭu-bjaga̭tyai | jaga̭tyanu॒ṣṭubhe᳚ | a॒nu॒ṣṭu-kpa॒ṅktyai | pa॒ṅktiḥ pra॒jāpa̭taye || 56 ||
pra॒jāpa̭ti॒ rviśve᳚bhyo de॒vebhyaḥ̭ | viśvḙ de॒vā bṛha॒spata̭ye | bṛha॒spati॒-rbrahma̭ṇe |
brahma॒ bhūrbhuva॒-ssuvaḥ̭ | bṛha॒spati̭ rde॒vānā᳚-mbra॒hmā | a॒ha-mma̭nu॒ṣyā̭ṇām | bṛha̭spate ya॒jña-ṅgo̭pāya || i॒da-ntasmai̭ ha॒rmya-ṅka̭romi | yo vo̭ devā॒ścara̭ti brahma॒carya᳚m | me॒dhā॒vī di॒kṣu mana̭sā tapa॒svī || 57 ||
a॒ntardū॒taśca̭rati॒ mānṷṣīṣu ||
catuḥ̭ śikhaṇḍā yuva॒ti-ssu॒peśāḥ᳚ |
ghṛ॒tapra̭tīkā॒ bhuva̭nasya॒ maddhye᳚ | ma॒rmṛ॒jyamā̭nā maha॒te saubha̭gāya |
mahya̭-ndhukṣva॒ yaja̭mānāya॒ kāmāṋ ||
bhūmi̭ rbhū॒tvā ma̭hi॒māna̭-mpupoṣa |
tato̭ de॒vī va̭rdhayate॒ payāgṃ̭si |
ya॒jñiyā̭ ya॒jñaṃ-vi~ca॒yanti॒ śañca̭ |
oṣa̭dhī॒rāpa̭ i॒ha śakva̭rīśca ||
yo mā̭ hṛ॒dā mana̭sā॒ yaśca̭ vā॒cā || 58 ||
yo brahma̭ṇā॒ karma̭ṇā॒ dveṣṭi̭ devāḥ |
ya-śśru॒tena॒ hṛda̭yeneṣṇa॒tā ca̭ |
tasye᳚ndra॒ vajrḙṇa॒ śira̭śchinadmi ||
ūrṇā̭mṛdu॒ pratha̭mānagg syo॒nam |
de॒vebhyo॒ juṣṭa॒gṃ॒ sada̭nāya ba॒r॒hiḥ | su॒va॒rge lo॒ke yaja̭māna॒gṃ॒ hi dhe॒hi |
mā-nnāka̭sya pṛ॒ṣṭhe pa̭ra॒me vyo̭mann || catuḥ̭ śikhaṇḍā yuva॒ti-ssu॒peśāḥ᳚ |
ghṛ॒tapra̭tīkā va॒yunā̭ni vaste |
sā stī॒ryamā̭ṇā maha॒te saubha̭gāya || 59 ||
sā mḙ dhukṣva॒ yaja̭mānāya॒ kāmāṋ |
śi॒vā ca̭ me śa॒gmā cai̭dhi |
syo॒nā ca̭ me su॒ṣadā̭ caidhi |
ūrja̭svatī ca me॒ paya̭svatī caidhi |
iṣa॒mūrja̭-mme pinvasva | brahma॒ tejo̭ me pinvasva | kṣa॒tramojo̭ me pinvasva |
viśa॒-mpuṣṭi̭-mme pinvasva |
āyṷra॒nnādya̭-mme pinvasva |
pra॒jā-mpa॒śū-nmḙ pinvasva || 60 ||
a॒smin. ya॒jña upa॒ bhūya॒ innu me᳚ |
avi̭kṣobhāya pari॒dhīnda̭dhāmi |
dha॒rtā dha॒ruṇo॒ dharī̭yān |
a॒gni rdveṣāgṃ̭si॒ niri॒to nṷdātai ||
vicchi̭nadmi॒ vidhṛ̭tībhyāgṃ sa॒patnāṋ |
jā॒tā-nbhrātṛ̭vyā॒n॒. ye ca̭ jani॒ṣyamā̭ṇāḥ |
vi॒śo ya॒ntrābhyāṃ॒-vi~dha̭māmyenān | a॒haggsvānā̭-mutta॒mo̭-'sāni devāḥ |
vi॒śo ya॒ntre nu॒damā̭ne॒ arā̭tim | viśva̭-mpā॒pmāna॒mama̭ti-ndurmarā॒yum || 61 ||
sīda̭ntī de॒vī sṷkṛ॒tasya̭ lo॒ke |
dhṛtī᳚ stho॒ vidhṛ̭tī॒ svadhṛ̭tī |
prā॒ṇānmayi̭ dhārayatam | pra॒jā-mmayi̭ dhārayatam | pa॒śūnmayi̭ dhārayatam ||
a॒ya-mpra̭sta॒ra u॒bhaya̭sya dha॒rtā |
dha॒rtā pra̭yā॒jānā̭-mu॒tānṷ̄yā॒jānā᳚m |
sa dā̭dhāra sa॒midho̭ vi॒śvarṷ̄pāḥ |
tasmi॒n-thsruco॒ addhyāsā̭dayāmi ||
āro̭ha pa॒tho jṷhu deva॒yānāṋ || 62 ||
yatrarṣa̭yaḥ prathama॒jā ye pṷrā॒ṇāḥ | hira̭ṇyapakṣā-'ji॒rā sambhṛ̭tāṅgā |
vahā̭si mā su॒kṛtāṃ॒-ya~tra̭ lo॒kāḥ ||
avā॒ha-mbā̭dha upa॒bhṛtā̭ sa॒patnāṋ |
jā॒tā-nbhrātṛ̭vyā॒n॒. ye ca̭ jani॒ṣyamā̭ṇāḥ | dohai̭ ya॒jñagṃ su॒dughā̭miva dhe॒num |
a॒hamutta̭ro bhūyāsam | adha̭re॒ mathsa॒patnāḥ᳚ ||
yo mā̭ vā॒cā mana̭sā durmarā॒yuḥ |
hṛ॒dā-'rā̭tī॒yā-da̭bhi॒dāsa̭-dagne || 63 ||
i॒dama̭sya ci॒ttamadha̭ra-ndhru॒vāyāḥ᳚ | a॒hamutta̭ro bhūyāsam | adha̭re॒ mathsa॒patnāḥ᳚ ||
ṛ॒ṣa॒bho̭-'si śākva॒raḥ | ghṛ॒tācī̭nāgṃ sū॒nuḥ | pri॒yeṇa॒ nāmnā᳚ pri॒ye sada̭si sīda ||
syo॒no mḙ sīda su॒ṣadaḥ̭ pṛthi॒vyām |
pratha̭yi pra॒jayā̭ pa॒śubhiḥ̭ suva॒rge lo॒ke |
di॒vi sī̭da pṛthi॒vyā-ma॒ntari̭kṣe |
a॒hamutta̭ro bhūyāsam || 64 ||
adha̭re॒ mathsa॒patnāḥ᳚ ||
i॒yagg sthā॒lī ghṛ॒tasya̭ pū॒rṇā |
acchi̭nnapayā-śśa॒tadhā̭ra॒ uthsaḥ̭ |
mā॒ru॒tena॒ śarma̭ṇā॒ daivyḙna ||
ya॒jño̭-'si sa॒rvataḥ̭ śri॒taḥ | sa॒rvato॒ mā-mbhū॒ta-mbha̭vi॒ṣya-cchra̭yatām | śa॒ta-mmḙ santvā॒śiṣaḥ̭ | sa॒hasra̭-mme santu sū॒nṛtāḥ᳚ | irā̭vatīḥ paśu॒matīḥ᳚ | pra॒jāpa̭tirasi sa॒rvataḥ̭ śri॒taḥ || 65 ||
sa॒rvato॒ mā-mbhū॒ta-mbha̭vi॒ṣya-cchra̭yatām | śa॒ta-mmḙ santvā॒śiṣaḥ̭ |
sa॒hasra̭-mme santu sū॒nṛtāḥ᳚ | irā̭vatīḥ paśu॒matīḥ᳚ || i॒dami̭ndri॒ya-ma॒mṛtaṃ̭-vī~॒rya᳚m | a॒nenendrā̭ya pa॒śavo̭-'cikithsann |
tena̭ devā ava॒topa॒ mām | i॒heṣa॒mūrjaṃ॒-ya~śa॒-ssaha॒ ojaḥ̭ saneyam | śṛ॒ta-mmayi̭ śrayatām || ya-tpṛ̭thi॒vī-maca̭ra॒ttat-pravi̭ṣṭam || 66 ||
yenāsi̭ñca॒-dbala॒mindre᳚ pra॒jāpa̭tiḥ |
i॒da-ntacchu॒kra-mmadhṷ vā॒jinī̭vat |
yeno॒-pari̭ṣṭā॒dadhi̭no-nmahe॒ndram |
dadhi॒ mā-ndhi̭notu ||
a॒yaṃ-ve~॒daḥ pṛ̭thi॒vī-manva̭vindat |
guhā̭ sa॒tī-ṅgaha̭ne॒ gahva̭reṣu |
sa vi̭ndatu॒ yaja̭mānāya lo॒kam |
acchi̭draṃ-ya~॒jña-mbhūri̭karmā karotu ||
a॒yaṃ-ya~॒jña-ssama̭sadaddha॒viṣmāṋ |
ṛ॒cā sāmnā॒ yajṷṣā de॒vatā̭bhiḥ || 67 ||
tena̭ lo॒kān-thsūrya̭vato jayema |
indra̭sya sa॒khya-ma̭mṛta॒tva-ma̭śyām ||
yo naḥ॒ kanī̭ya i॒ha kā॒mayā̭tai |
a॒smin. ya॒jñe yaja̭mānāya॒ mahya᳚m |
apa॒ tami̭ndrā॒gnī bhuva̭nānnudetām |
a॒ha-mpra॒jāṃ-vī~॒rava̭tīṃ-vi~deya ||
agnḙ vājajit | vāja̭-ntvā sari॒ṣyanta᳚m |
vāja̭-ñje॒ṣyanta᳚m | vā॒jinaṃ̭-vā~ja॒jita᳚m || 68 ||
vā॒ja॒ji॒tyāyai॒ sammā᳚rjmi | a॒gnima̭nnā॒-dama॒nnādyā̭ya || upa̭hūto॒ dyauḥ pi॒tā |
upa॒ mā-ndyauḥ pi॒tā hva̭yatām | a॒gni-rāgnī᳚ddhrāt | āyṷṣe॒ varca̭se | jī॒vātvai puṇyā̭ya | upa̭hūtā pṛthi॒vī mā॒tā | upa॒ mā-mmā॒tā pṛ̭thi॒vī hva̭yatām | a॒gni-rāgnī᳚ddhrāt || 69 ||
āyṷṣe॒ varca̭se | jī॒vātvai puṇyā̭ya ||
mano॒ jyoti̭ rjuṣatā॒mājya᳚m |
vicchi̭nnaṃ-ya~॒jñagṃ sami॒ma-nda̭dhātu | bṛha॒spati̭-stanutāmi॒ma-nnaḥ̭ |
viśvḙ de॒vā i॒ha mā̭dayantām ||
ya-ntḙ agna āvṛ॒ścāmi̭ | a॒haṃ-vā~᳚ kṣipi॒taścaranṋ | pra॒jā-ñca॒ tasya॒ mūla̭-ñca |
nī॒cairdḙvā॒ nivṛ̭ścata || 70 ||
agne॒ yo no̭-'bhi॒dāsa̭ti | sa॒mā॒no yaśca॒ niṣṭyaḥ̭ | i॒ddhmasyḙva pra॒kṣāya̭taḥ |
mā tasyocchḙṣi॒ kiñca॒na | yo mā-ndveṣṭi̭ jātavedaḥ | ya-ñcā॒ha-ndveṣmi॒ yaśca॒ mām | sarvā॒g॒stāna̭gne॒ sanda̭ha |
yāgścā॒ha-ndveṣmi॒ ye ca॒ mām || agnḙ vājajit |
vāja̭-ntvā sasṛ॒vāgṃsa᳚m || 71 ||
vāja̭-ñjigi॒vāgṃsa᳚m | vā॒jinaṃ̭-vā~ja॒jita᳚m | vā॒ja॒ji॒tyāyai॒ sammā᳚rjmi | a॒gni-ma̭nnā॒da-ma॒nnādyā̭ya || vedi̭ rba॒ra॒ḥi-śśṛ॒tagṃ ha॒viḥ |
i॒ddhmaḥ pa̭ri॒dhaya॒-ssrucaḥ̭ | ājyaṃ̭-ya~॒jña ṛco॒ yajuḥ̭ | yā॒jyā᳚śca vaṣaṭkā॒rāḥ | sa-mme॒ sanna̭tayo namantām |
i॒ddhma॒saṃ॒-naha̭ne hu॒te || 72 ||
di॒vaḥ khīlo-'va̭tataḥ | pṛ॒thi॒vyā addhyutthi̭taḥ | tenā̭ sa॒hasra̭kāṇḍena | dvi॒ṣantagṃ̭ śocayāmasi | dvi॒ṣanmḙ ba॒hu śo̭catu |
oṣa̭dhe॒ mo a॒hagṃ śṷcam || yajña॒ nama̭ste yajña | namo॒ nama̭śca te yajña | śi॒vena̭ me॒ santi̭ṣṭhasva | syo॒nena̭ me॒ santi̭ṣṭhasva || 73 ||
su॒bhū॒tena̭ me॒ santi̭ṣṭhasva | bra॒hma॒va॒rca॒sena̭ me॒ santi̭ṣṭhasva |
ya॒jñasyardhi॒manu॒ santi̭ṣṭhasva | upa̭ te yajña॒ namaḥ̭ | upa̭ te॒ namaḥ̭ |
upa̭ te॒ namaḥ̭ || triṣpha॒lī kri॒yamā̭ṇānām | yo nya॒ṅgo a̭va॒śiṣya̭te |
rakṣa̭sā-mbhāga॒dheya᳚m | āpa॒sta-tprava̭hatādi॒taḥ || 74 ||
u॒lūkha̭le॒ musa̭le॒ yacca॒ śūrpe᳚ |
ā॒śi॒śleṣa̭ dṛ॒ṣadi॒ yatka॒pāle᳚ |
a॒va॒pruṣo̭ vi॒pruṣa॒-ssaṃya~̭jāmi |
viśvḙ de॒vā ha॒viri॒da-ñjṷṣantām |
ya॒jñe yā vi॒pruṣa॒-ssanti̭ ba॒hvīḥ |
a॒gnau tā-ssarvā॒-ssvi̭ṣṭā॒-ssuhṷtā juhomi || u॒dyanna॒dya mi̭tramahaḥ |
sa॒patnā᳚nme anīnaśaḥ | divai̭nān. vi॒dyutā̭ jahi |
ni॒mroca॒nnadha̭rān kṛdhi || 75 ||
u॒dyanna॒dya vi no̭ bhaja | pi॒tā pu॒trebhyo॒ yathā᳚ | dī॒rghā॒yu॒tvasya̭ heśiṣe | tasya̭ no dehi sūrya || u॒dyanna॒dya mi̭tramahaḥ | ā॒roha॒nnutta̭rā॒-ndiva᳚m | hṛ॒dro॒ga-mmama̭ sūrya | ha॒ri॒māṇa̭-ñca nāśaya || śukḙṣu me hari॒māṇa᳚m |
ro॒pa॒ṇākā̭su daddhmasi || 76 ||
atho̭ hāridra॒veṣṷ me | ha॒ri॒māṇa॒-nnida̭ddhmasi || uda̭gāda॒ya-mā̭di॒tyaḥ |
viśvḙna॒ saha̭sā sa॒ha | dvi॒ṣanta॒-mmama̭ ra॒ndhayanṋ | mo a॒ha-ndvi̭ṣa॒to ra̭dham ||
yo na॒-śśapā॒daśa̭pataḥ | yaśca̭ na॒-śśapa̭ta॒-śśapā᳚t | u॒ṣāśca॒ tasmai̭ ni॒mrukca̭ | sarva̭-mpā॒pagṃ samṷ̄hatām || 77 ||
yo naḥ̭ sa॒patno॒ yo raṇaḥ̭ | marto̭-'bhi॒dāsa̭ti devāḥ| i॒ddhmasyḙva pra॒kṣāya̭taḥ |
mā tasyocchḙṣi॒ kiñca॒na || ava̭sṛṣṭaḥ॒ parā̭pata | śa॒ro brahma̭sagṃśitaḥ |
gacchā॒-'mitrā॒-npravi̭śa | maiṣā॒-ṅkañca॒nocchi̭ṣaḥ || 78 ||
(patiḥ̭ - pra॒jāpa̭taye - tapa॒svī - vā॒cā - saubha̭gāya - pa॒śūnmḙ pinvasva - durmarā॒yuṃ - dḙva॒yānā̭ - nagne॒ - 'ntari̭kṣe॒-'hamutta̭ro bhūyāsaṃ -pra॒jāpa̭tirasi sa॒rvataḥ̭ śri॒taḥ - pravi̭ṣṭaṃ - de॒vatā̭bhi--r vāja॒jitaṃ̭ -
pṛthi॒vī hva̭yatāma॒gnirāgnī᳚ddhrā-d- vṛścata - sasṛ॒vāgṃsagṃ̭ - hu॒te - syo॒nena̭ me॒ samti̭ṣṭhasve॒ - taḥ - kṛ̭dhi- dadhma - syūhatā - +ma॒ṣṭau ca̭) (a. 6)
anuvākaṃ 7 - somāṅga.bhūteṣu mantreṣu-dīkṣāmārabhyāgnīṣomayi paśuparyante prayoge śeṣabhūtā mantrāḥ
sakṣe॒da-mpa̭śya | vidha̭rtari॒da-mpa̭śya | nāke॒da-mpa̭śya | ra॒matiḥ॒ pani̭ṣṭhā |
ṛ॒taṃ-va~rṣi̭ṣṭham | a॒mṛtā॒ yānyā॒huḥ | sūryo॒ vari̭ṣṭho a॒kṣabhi॒rvibhā̭ti |
ana॒ dyāvā̭pṛthi॒vī de॒vapṷtre || dī॒kṣā-'si॒ tapa̭so॒ yoniḥ̭ | tapo̭-'si॒ brahma̭ṇo॒ yoniḥ̭ || 79 ||
brahmā̭si kṣa॒trasya॒ yoniḥ̭ | kṣa॒trama̭syṛ॒tasya॒ yoniḥ̭ |
ṛ॒tama̭si॒ bhūrāra̭bhe | śra॒ddhā-mmana̭sā | dī॒kṣā-ntapa̭sā | viśva̭sya॒ bhuva̭na॒syādhi̭patnīm | sarve॒ kāmā॒ yaja̭mānasya santu ||
vāta̭-mprā॒ṇa-mmana̭sā॒-'nvāra̭bhāmahe | pra॒jāpa̭tiṃ॒-yo~ bhuva̭nasya go॒pāḥ |
sa no̭ mṛ॒tyostrā̭yatā॒-mpātvagṃha̭saḥ || 80 ||
jyogjī॒vā ja॒rāma̭śīmahi || indra̭ śākvara gāya॒trī-mprapa̭dye | tā-ntḙ yunajmi | indra̭ śākvara tri॒ṣṭubha॒-mprapa̭dye | tā-ntḙ yunajmi |
indra̭ śākvara॒ jaga̭tī॒-mprapa̭dye | tā-ntḙ yunajmi |
indra̭ śākvarānu॒ṣṭubha॒-mprapa̭dye | tā-ntḙ yunajmi | indra̭ śākvara pa॒ṅkti-mprapa̭dye || 81 ||
tā-ntḙ yunajmi || ā-'ha-ndī॒kṣāma̭ruha-mṛ॒tasya॒ patnī᳚m | gā॒ya॒treṇa॒ chanda̭sā॒ brahma̭ṇā ca | ṛ॒tagṃ sa॒tyḙ-'dhāyi | sa॒tyamṛ॒tḙ-'dhāyi |
ṛ॒ta-ñca̭ me sa॒tya-ñcā̭bhūtām | jyoti̭rabhūva॒gṃ॒ suva̭ragamam |
su॒va॒rgaṃ-lo~॒ka-nnāka̭sya pṛ॒ṣṭham | bra॒ddhnasya̭ vi॒ṣṭapa̭magamam ||
pṛ॒thi॒vī dī॒kṣā || 82 ||
tayā॒-'gni rdī॒kṣayā̭ dīkṣi॒taḥ | yayā॒-'gni rdī॒kṣayā̭ dīkṣi॒taḥ | tayā᳚ tvā dī॒kṣayā̭ dīkṣayāmi | a॒ntari̭kṣa-ndī॒kṣā |
tayā̭ vā॒yu rdī॒kṣayā̭ dīkṣi॒taḥ |
yayā̭ vā॒yu rdī॒kṣayā̭ dīkṣi॒taḥ |
tayā᳚ tvā dī॒kṣayā̭ dīkṣayāmi | dyau rdī॒kṣā |
tayā̭-''di॒tyo dī॒kṣayā̭ dīkṣi॒taḥ |
yayā̭-''di॒tyo dī॒kṣayā̭ dīkṣi॒taḥ || 83 ||
tayā᳚ tvā dī॒kṣayā̭ dīkṣayāmi | diśo̭ dī॒kṣā |
tayā̭ ca॒ndramā̭ dī॒kṣayā̭ dīkṣi॒taḥ |
yayā̭ ca॒ndramā̭ dī॒kṣayā̭ dīkṣi॒taḥ |
tayā᳚ tvā dī॒kṣayā̭ dīkṣayāmi |
āpo̭ dī॒kṣā | tayā॒ varṷṇo॒ rājā̭ dī॒kṣayā̭ dīkṣi॒taḥ | yayā॒ varṷṇo॒ rājā̭ dī॒kṣayā̭ dīkṣi॒taḥ | tayā᳚ tvā dī॒kṣayā̭ dīkṣayāmi |
oṣa̭dhayo dī॒kṣā || 84 ||
tayā॒ somo॒ rājā̭ dī॒kṣayā̭ dīkṣi॒taḥ| yayā॒ somo॒ rājā̭ dī॒kṣayā̭ dīkṣi॒taḥ |
tayā᳚ tvā dī॒kṣayā̭ dīkṣayāmi | vāg dī॒kṣā |
tayā᳚ prā॒ṇo dī॒kṣayā̭ dīkṣi॒taḥ |
yayā᳚ prā॒ṇo dī॒kṣayā̭ dīkṣi॒taḥ |
tayā᳚ tvā dī॒kṣayā̭ dīkṣayāmi | pṛ॒thi॒vī tvā॒ dīkṣa̭māṇa॒manṷ dīkṣatām |
a॒ntari̭kṣa-ntvā॒ dīkṣa̭māṇa॒manṷ dīkṣatām |
dyaustvā॒ dīkṣa̭māṇa॒manṷ dīkṣatām || 85 ||
diśa̭stvā॒ dīkṣa̭māṇa॒manṷ dīkṣantām | āpa̭stvā॒ dīkṣa̭māṇa॒manṷ dīkṣantām |
oṣa̭dhayastvā॒ dīkṣa̭māṇa॒manṷ dīkṣantām | vāktvā॒ dīkṣa̭māṇa॒manṷ dīkṣatām |
ṛca̭stvā॒ dīkṣa̭māṇa॒manṷ dīkṣantām | sāmā̭ni tvā॒ dīkṣa̭māṇa॒manṷ dīkṣantām |
yajūgṃ̭ṣi tvā॒ dīkṣa̭māṇa॒manṷ dīkṣantām | aha̭śca॒ rātri̭śca | kṛ॒ṣiśca॒ vṛṣṭi̭śca | tviṣi॒ścā-pa̭citiśca || 86 ||
āpa॒ścauṣa̭dhayaśca | ūrkca̭ sū॒nṛtā̭ ca | tāstvā॒ dīkṣa̭māṇa॒manṷ dīkṣantām ||
sve dakṣe॒ dakṣa̭pite॒ha sī̭da | de॒vānāgṃ̭ su॒mno ma̭ha॒te raṇā̭ya | svā॒sa॒stha-sta॒nuvā॒ saṃvi~̭śasva | pi॒tevai̭dhi sū॒nava॒ ā su॒śevaḥ̭ |
śi॒vo mā̭ śi॒vamāvi̭śa | sa॒tya-mma̭ ā॒tmā | śra॒ddhā me 'kṣi̭tiḥ || 87 ||
tapo̭ me prati॒ṣṭhā | sa॒vi॒tṛ-pra̭sūtā mā॒ diśo̭ dīkṣayantu | sa॒tyama̭smi || a॒ha-ntvada̭smi॒ mada̭si॒ tvame॒tat | mamā̭si॒ yoni॒stava॒ yoni̭rasmi | mamai॒va sanvaha̭ ha॒vyānya̭gne |
pu॒traḥ pi॒tre lo̭ka॒kṛ-jjā̭tavedaḥ ||
ā॒juhvā̭na-ssu॒pratī̭kaḥ pu॒rastā᳚t |
agne॒ svāṃ-yo~ni॒māsī̭da sā॒ddhyā |
a॒smin-thsa॒dhasthe॒ addhyutta̭rasminn || 88 ||
viśvḙ devā॒ yaja̭mānaśca sīdata ||
eka̭mi॒ṣe viṣṇu॒stvā-'nvḙtu |
dve ū॒rje viṣṇu॒stvā-'nvḙtu |
trīṇi̭ vra॒tāya॒ viṣṇu॒stvā-'nvḙtu |
ca॒tvāri॒ māyo̭ bhavāya॒ viṣṇu॒stvā-'nvḙtu |
pañca̭ pa॒śubhyo॒ viṣṇu॒stvā-'nvḙtu | ṣaḍrā॒yaspoṣā̭ya॒ viṣṇu॒stvā-'nvḙtu |
sa॒pta sa॒ptabhyo॒ hotrā᳚bhyo॒ viṣṇu॒stvā-'nvḙtu ||
sakhā̭ya-ssa॒ptapa̭dā abhūma | sa॒khya-ntḙ gameyam || 89 ||
sa॒khyātte॒ mā yo̭ṣam | sa॒khyānme॒ mā yo᳚ṣṭhāḥ || sā-'si̭ subrahmaṇye |
tasyā᳚ste pṛthi॒vī pādaḥ̭ | sā-'si̭ subrahmaṇye | tasyā᳚ste॒-'ntari̭kṣa॒-mpādaḥ̭ |
sā-'si̭ subrahmaṇye | tasyā᳚ste॒ dyauḥ pādaḥ̭ | sā-'si̭ subrahmaṇye | tasyā᳚ste॒ diśaḥ॒ pādaḥ̭ || 90 ||
pa॒ro ra̭jāste pañca॒maḥ pādaḥ̭ | sā na॒ iṣa॒mūrja̭-ndhukṣva | teja̭ indri॒yam | bra॒hma॒va॒rca॒sa-ma॒nnādya᳚m || vimi̭me tvā॒ paya̭svatīm | de॒vānā᳚-ndhe॒nugṃ su॒dughā॒-mana̭pa-sphurantīm | indra॒-ssoma̭-mpibatu |
kṣemo̭ astu naḥ || i॒mā-nna̭rāḥ kṛṇuta॒ vedi॒metya̭ | vasṷmatīgṃ ru॒drava̭tī-mādi॒tyava̭tīm || 91 ||
varṣma̭ndi॒vaḥ | nābhā̭ pṛthi॒vyāḥ |
yathā॒-'yaṃ-ya~ja̭māno॒ na riṣye᳚t |
de॒vasya̭ savi॒tu-ssa॒ve ||
catuḥ̭ śikhaṇḍā yuva॒ti-ssu॒peśāḥ᳚ |
ghṛ॒tapra̭tīkā॒ bhuva̭nasya॒ maddhye᳚ |
tasyāgṃ̭ supa॒rṇāvadhi॒ yau nivi̭ṣṭau |
tayo᳚ rde॒vānā॒madhi̭ bhāga॒dheya᳚m ||
apa॒ janya̭-mbha॒ya-nnṷda | apa ca॒krāṇi̭ vartaya | gṛ॒hagṃ soma̭sya gacchatam ||
na vā ṷve॒tanmri̭yase॒ na ri̭ṣyasi |
de॒vāgṃ idḙṣi pa॒thibhiḥ̭ su॒gebhiḥ̭ |
yatra॒ yanti̭ su॒kṛto॒ nāpi̭ du॒ṣkṛtaḥ̭ |
tatra̭ tvā de॒va-ssa̭vi॒tā da̭dhātu || 92 ||
(brahma̭ṇo॒ yoni॒ - ragṃha̭saḥ - pa॒ṅkti-mprapa̭dye - dī॒kṣā - yayo̭-''di॒tyo dī॒kṣayā̭ dīkṣi॒ta - stayā᳚ tvā dī॒kṣayā̭ dīkṣayā॒myoṣa̭dhayo dī॒kṣā - dyaustvā॒ dīkṣa̭māṇa॒manṷ dīkṣatā॒ - mapa̭citi॒ścā - kṣi̭ti॒ - rutta̭rasmin - gameyaṃ॒ - diśaḥ॒ pāda̭ - ādi॒tyava̭tīṃ - ~vartaya॒ pañca̭ ca) (a. 7)
anuvākaṃ 8 - paśuviṣayā acchidramantrāḥ
yada॒sya pā॒re raja̭saḥ | śu॒kra-ñjyoti॒-rajā̭yata | tannaḥ̭ parṣa॒dati॒ dviṣaḥ̭ |
agnḙ vaiśvānara॒ svāhā᳚ || yasmā᳚dbhī॒ṣā-'vā̭śiṣṭhāḥ | tato̭ no॒ abha̭ya-ṅkṛdhi |
pra॒jābhya॒-ssarvā᳚bhyo mṛḍa | namo̭ ru॒drāya̭ mī॒ḍhuṣe᳚ || yasmā᳚dbhī॒ṣā nyaṣa̭daḥ |
tato̭ no॒ abha̭ya-ṅkṛdhi || 93 ||
pra॒jābhya॒-ssarvā᳚bhyo mṛḍa | namo̭ ru॒drāya̭ mī॒ḍhuṣe᳚ || udṷsra tiṣṭha॒ prati̭tiṣṭha॒ mā ri̭ṣaḥ | memaṃ-ya~॒jñaṃ-ya~ja̭māna-ñca rīriṣaḥ | su॒va॒rge lo॒ke yaja̭māna॒gṃ॒ hi dhe॒hi | śa-nna̭ edhi dvi॒pade॒ śa-ñcatṷṣpade ||
yasmā᳚dbhī॒ṣā-'vḙpiṣṭhāḥ pa॒lāyi̭ṣṭhā-ssa॒majñā᳚sthāḥ | tato̭ no॒ abha̭ya-ṅkṛdhi |
pra॒jābhya॒-ssarvā᳚bhyo mṛḍa | namo̭ ru॒drāya̭ mī॒ḍhuṣe᳚ || 94 ||
ya i॒damakaḥ̭ | tasmai॒ namaḥ̭ | tasmai॒ svāhā᳚ ||
na vā ṷve॒tanmri̭yase॒ na ri̭ṣyasi de॒vāgṃ idḙṣi pa॒thibhiḥ̭ su॒gebhiḥ̭ | harī̭ te॒ yuñjā॒ pṛṣa̭tī abhūtā॒mupā᳚sthā-dvā॒jī dhu॒ri rāsa̭bhasya || | āśā̭nā-ntvā ''śāpā॒lebhyaḥ̭ | ca॒turbhyo̭ a॒mṛte᳚bhyaḥ | i॒da-mbhū॒tasyādhya̭kṣebhyaḥ | vi॒dhema̭ ha॒viṣā̭ va॒yam ||
viśvā॒ āśā॒ madhṷnā॒ sagṃsṛ̭jāmi | a॒na॒mī॒vā āpa॒ oṣa̭dhayo bhavantu | a॒yaṃ-ya~ja̭māno॒ mṛdho॒ vya̭syatām | agṛ̭bhītāḥ pa॒śavaḥ̭ santu॒ sarve᳚ || || ya॒jñasya॒ hi stha ṛ॒tviyau᳚ |
indrā᳚gnī॒ ceta̭nasya ca | hu॒tā॒hu॒tasya̭ tṛpyatam | ahṷtasya hu॒tasya̭ ca | hu॒tasya॒ cāhṷtasya ca | ahṷtasya hu॒tasya̭ ca | indrā᳚gnī a॒sya soma̭sya | vī॒ta-mpi̭bata-ñju॒ṣethā᳚m ||
mā yaja̭māna॒-ntamo̭ vidat | martvijo॒ mo i॒māḥ pra॒jāḥ | mā ya-ssoma̭mi॒ma-mpibā᳚t | sagṃsṛ̭ṣṭamu॒bhaya̭-ṅkṛ॒tam || 95 ||
(kṛ॒dhi॒ - mī॒ḍhuṣe - 'hṷtasya ca sa॒pta ca̭) (a. 8)
anuvākaṃ 9 - upāṃśvabhiṣavā mantrāḥ
a॒nā॒gasa̭stvā va॒yam | indrḙṇa॒ preṣi̭tā॒ upa̭ | vā॒yuṣṭḙ astvagṃśa॒bhūḥ | mi॒trastḙ astvagṃśa॒bhūḥ | varṷṇaste astvagṃśa॒bhūḥ ||
apā᳚-ṅkṣayā॒ ṛta̭sya garbhāḥ | bhuva̭nasya gopā॒-śśyenā̭ atithayaḥ | parva̭tānā-ṅkakubhaḥ pra॒yuto̭ napātāraḥ | va॒gnunendragg̭ hvayata |
ghoṣe॒ṇāmī̭-vāgścātayata || 96 ||
yu॒ktā-sstha॒ vaha̭ta || de॒vā grāvā̭ṇa॒ indu॒rindra॒ itya̭vādiṣuḥ | endra̭macucyavuḥ para॒masyāḥ᳚ parā॒vataḥ̭ | ā-'smā-thsa॒dhasthā᳚t |
orora॒ntari̭kṣāt | ā sṷbhū॒tama̭suṣavuḥ | bra॒hma॒va॒rca॒sa-mma॒ ā-'sṷṣavuḥ |
sa॒ma॒re rakṣāg̭syavadhiṣuḥ | apa̭hata-mbrahma॒jyasya̭ || vākca̭ tvā॒ mana̭śca śriṇītām || 97 ||
prā॒ṇaśca̭ tvā-'pā॒naśca̭ śrīṇītām |
cakṣṷśca tvā॒ śrotra̭-ñca śrīṇītām |
dakṣa̭śca tvā॒ bala̭-ñca śrīṇītām | oja̭śca tvā॒ saha̭śca śrīṇītām | āyṷśca tvā ja॒rā ca̭ śrīṇītām | ā॒tmā ca̭ tvā ta॒nūśca̭ śrīṇītām | śṛ॒to̭-'si śṛ॒ta-ṅkṛ̭taḥ | śṛ॒tāya̭ tvā śṛ॒tebhya̭stvā ||
yamindra̭mā॒hu rvarṷṇaṃ॒-ya~mā॒huḥ | ya-mmi॒tramā॒hu-ryamṷ sa॒tyamā॒huḥ || 98 ||
yo de॒vānā᳚-nde॒vata̭mastapo॒jāḥ | tasmai᳚ tvā॒ tebhya̭stvā || mayi॒ tyadi̭ndri॒ya-mma॒hat | mayi॒ dakṣo॒ mayi॒ kratuḥ̭ | mayi̭ dhāyi su॒vīrya᳚m | triśṷggha॒rmo vibhā̭tu me | ākū᳚tyā॒ mana̭sā sa॒ha |
vi॒rājā॒ jyoti̭ṣā sa॒ha | ya॒jñena॒ paya̭sā sa॒ha |
tasya॒ doha̭maśīmahi || 99 ||
tasya̭ su॒mnama̭śīmahi | tasya̭ bha॒kṣama̭śīmahi |
vāgjṷṣā॒ṇā soma̭sya tṛpyatu || mi॒tro janāṋ yātayati prajā॒na-nmi॒tro dā̭dhāra pṛthi॒vīmu॒ta dyām | mi॒traḥ kṛ॒ṣṭīrani̭miṣā॒-'bhi ca̭ṣṭe sa॒tyāya̭ ha॒vya-ṅghṛ॒tava̭-dvidhema || pra sa mi̭tra॒ marto̭ astu॒ praya̭svā॒n. yasta̭ āditya॒ śikṣa̭ti vra॒tena̭ | na ha̭nyate॒ na jī̭yate॒ tvoto॒ naina॒magṃho̭ aśno॒tyanti̭to॒ na dū॒rāt || || yasmā॒nna jā॒taḥ paro̭ a॒nyo asti̭ | ya ā̭vi॒veśa॒ bhuva̭nāni॒ viśvā᳚ |
pra॒jāpa̭tiḥ pra॒jayā̭ saṃvi~dā॒naḥ |
trīṇi॒ jyotīgṃ̭ṣi sacate॒ sa ṣo̭ḍa॒śī ||
e॒ṣa bra॒hmā ya ṛ॒tviyaḥ̭ |
indro॒ nāma̭ śru॒to ga॒ṇe || 100 ||
pra tḙ ma॒he vi॒dathḙ 'śagṃsiṣa॒gṃ॒ harī᳚ | ya ṛ॒tviyaḥ॒ pra tḙ vanve |
va॒nuṣo̭ harya॒ta-mmada᳚m || indro॒ nāma̭ ghṛ॒ta-nna yaḥ | hari̭bhi॒ścāru॒ seca̭te |
śru॒to ga॒ṇa ā tvā̭ viśantu | hari̭varpasa॒giṃraḥ̭ ||
indrādhi̭pa॒te-'dhi̭pati॒stva-nde॒vānā̭masi | adhi̭pati॒-mmām | āyṷṣmantaṃ॒-va~rca̭svanta-mmanu॒ṣyḙṣu kuru || 101 ||
indra̭śca sa॒mrā-ḍvarṷṇaśca॒ rājā᳚ |
tau tḙ bha॒kṣa-ñca̭kratu॒ragra̭ e॒tam |
tayo॒ranṷ bha॒kṣa-mbha̭kṣayāmi |
vāgjṷṣā॒ṇā soma̭sya tṛpyatu ||
pra॒jāpa̭ti rvi॒śvaka̭rmā | tasya॒ mano̭ de॒vaṃ-ya~॒jñena̭ rāddhyāsam | a॒rthe॒ gā a॒sya ja̭hitaḥ | a॒va॒sāna̭pate-'va॒sāna̭-mme vinda ||
namo̭ ru॒drāya̭ vāsto॒ṣpata̭ye |
āya̭ne vi॒drava̭ṇe || 102 ||
u॒dyāne॒ yatpa॒rāya̭ṇe | ā॒varta̭ne vi॒varta̭ne |
yo go̭pā॒yati॒ tagṃ hṷve ||
yānya̭pā॒mityā॒-nyapra̭tīttā॒-nyasmi̭ |
ya॒masya̭ ba॒linā॒ carā̭mi |
i॒haiva santaḥ॒ prati॒ tadyā̭tayāmaḥ |
jī॒vā jī॒vebhyo॒ niha̭rāma enat ||
a॒nṛ॒ṇā a॒sminna̭-nṛ॒ṇāḥ para̭sminn |
tṛ॒tīyḙ lo॒ke a̭nṛ॒ṇā-ssyā̭ma |
ye dḙva॒yānā̭ u॒ta pi̭tṛ॒yāṇāḥ᳚ || 103 ||
sarvā᳚-npa॒tho a̭nṛ॒ṇā ākṣī̭yema ||
i॒damū॒ nu śreyo̭-'va॒sāna॒-māga̭nma |
śi॒ve no॒ dyāvā̭pṛthi॒vī u॒bhe i॒me | goma॒ddhana̭-va॒daśva̭va॒-dūrja̭svat |
su॒vīrā̭ vī॒rairanu॒ sañca̭rema || a॒rkaḥ pa॒vitra॒gṃ॒ raja̭so vi॒mānaḥ̭ |
pu॒nāti̭ de॒vānā॒-mbhuva̭nāni॒ viśvā᳚ | dyāvā̭pṛthi॒vī paya̭sā saṃvi~dā॒ne |
ghṛ॒ta-ndṷhāte a॒mṛta॒-mprapī̭ne || pa॒vitra̭ma॒rko raja̭so vi॒mānaḥ̭ |
pu॒nāti̭ de॒vānā॒-mbhuva̭nāni॒ viśvā᳚ |
suva॒ rjyoti॒ ryaśo̭ ma॒hat |
a॒śī॒mahi̭ gā॒dhamu॒ta pra̭ti॒ṣṭhām || 104 ||
(cā॒ta॒ya॒ta॒ - śrī॒ṇī॒tā॒gṃ॒ - sa॒tyamā॒hu - ra̭śīmahi - ga॒ṇe - kṷru - vi॒drava̭ṇe - pitṛ॒yāṇā̭ - a॒rko raja̭so vi॒māna॒strīṇi̭ ca) (a. 9)
anuvākaṃ 10 - saumikaprāyāścittamantrāḥ
uda̭stāmphsī-thsavi॒tā mi॒tro a̭rya॒mā |
sarvā̭-na॒mitrā̭-navadhīdyu॒gena̭ |
bṛ॒hanta॒-mmāma̭kara-dvī॒rava̭ntam | ra॒tha॒nta॒re śra̭yasva॒ svāhā̭ pṛthi॒vyām |
vā॒ma॒de॒vye śra̭yasva॒ svāhā॒-'ntari̭kṣe | bṛ॒ha॒ti śra̭yasva॒ svāhā̭ di॒vi |
bṛ॒ha॒tā tvopa̭stabhnomi ||
ā tvā̭ dade॒ yaśa̭se vī॒ryā̭ya ca |
a॒smāsva̭-ghniyā yū॒ya-nda̭dhāthendri॒ya-mpayaḥ̭ || yaste᳚ dra॒phso yasta̭ uda॒r॒ṣaḥ || 105 ||
daivyaḥ̭ ke॒tu rviśva॒-mbhuva̭na-māvi॒veśa̭ |
sa naḥ̭ pā॒hyari̭ṣṭyai॒ svāhā᳚ ||
anṷ mā॒ sarvo̭ ya॒jño̭-'yamḙtu |
viśvḙ de॒vā ma॒ruta॒-ssāmā॒rkaḥ |
ā॒priya॒ ̭007ā;chandāgṃ̭si ni॒vido॒ yajūgṃ̭ṣi | a॒syai pṛ̭thi॒vyai yadya॒jñiya᳚m ||
pra॒jāpa̭te rvarta॒nimanṷ vartasva |
anṷ vī॒rairanṷ rāddhyāma॒ gobhiḥ̭ |
anvaśvai॒ranu॒ sarvai̭ru pu॒ṣṭaiḥ |
anṷ pra॒jayā-'nvi̭ndri॒yeṇa̭ || 106 ||
de॒vā no̭ ya॒jña-mṛ̭ju॒dhā na̭yantu ||
prati̭ kṣa॒tre prati̭ tiṣṭhāmi rā॒ṣṭre |
pratyaśvḙṣu॒ prati̭tiṣṭhāmi॒ goṣṷ |
prati̭ pra॒jāyā॒-mprati̭ tiṣṭhāmi॒ bhavye᳚ |
viśva̭ma॒nyā-'bhi̭ vāvṛ॒dhe | tada॒nyasyā॒-madhi̭śri॒tam | di॒ve ca̭ vi॒śvaka̭rmaṇe |
pṛ॒thi॒vyai cā̭kara॒-nnamaḥ̭ || askā॒ndyauḥ pṛ̭thi॒vīm | askā̭nṛṣa॒bho yuvā॒ gāḥ || 107 ||
ska॒nnemā viśvā॒ bhuva̭nā | ska॒nno ya॒jñaḥ praja̭nayatu | askā॒naja̭ni॒ prāja̭ni |
ā ska॒nnājjā̭yate॒ vṛṣā᳚ | ska॒nnā-tpraja̭niṣīmahi || ye de॒vā yeṣā̭mi॒da-mbhā̭ga॒dheya̭-mba॒bhūva̭ | yeṣā᳚-mprayā॒jā u॒tānṷ̄yā॒jāḥ | indra̭jyeṣṭhebhyo॒ varṷṇarājabhyaḥ | a॒gniho̭tṛbhyo de॒vebhya॒-ssvāhā᳚ || u॒ta tyā no॒ divā̭ ma॒tiḥ || 108 ||
adi̭tirū॒tyā-''ga̭mat | sā śantā̭cī॒ maya̭skarat | apa॒ sridhaḥ̭ || u॒ta tyā daivyā̭ bhi॒ṣajā᳚ | śa-nna̭skarato a॒śvinā᳚ | yū॒yātā̭-ma॒smadrapaḥ̭ |
apa॒ sridhaḥ̭ || śama॒gni-ra॒gnibhi̭skarat | śa-nna̭stapatu॒ sūryaḥ̭ | śaṃ-vā~to̭ vātvara॒pāḥ || 109 ||
apa॒ sridhaḥ̭ || taditpa॒da-nna vici̭keta vi॒dvān |
yanmṛ॒taḥ puna̭ra॒pyeti̭ jī॒vān | tri॒vṛdya-dbhuva̭nasya ratha॒vṛt | jī॒vo garbho॒ na mṛ॒ta-ssa jī̭vāt || pratya̭smai॒ pipī̭ṣate | vi॒śvā̭ni vi॒duṣḙ bhara | a॒ra॒-ṅga॒māya॒ jagma̭ve |
apa̭ścāddadhvane॒ nare᳚ (o-rapa̭ścāddaghvane॒ nare᳚) || indu॒rindu॒ma-vā̭gāt |
indo॒rindro̭-'pāt | tasya̭ ta inda॒vindra̭-pītasya॒ madhṷmataḥ | upa̭hūta॒syopa̭hūto bhakṣayāmi || 110 ||
(u॒da॒r॒ṣa - i̭ndri॒yeṇa॒ - gā - ma॒ti - ra̭ra॒pā - a̭gā॒trīṇi̭ ca) (a. 10)
anuvākaṃ 11 - darśapūrṇamāsaprāyaścittamantrāḥ
brahma̭ prati॒ṣṭhā mana̭so॒ brahma̭ vā॒caḥ | brahma̭ ya॒jñānāgṃ̭ ha॒viṣā॒-mājya̭sya |
ati̭rikta॒-ṅkarma̭ṇo॒ yacca̭ hī॒nam | ya॒jñaḥ parvā̭ṇi prati॒rannḙti ka॒lpayanṋ |
svāhā̭kṛ॒tā-''hṷtiretu de॒vān || āśrā̭vitama॒tyāśrā̭vitam |
vaṣa̭ṭkṛta-ma॒tyanū᳚kta-ñca ya॒jñe |
ati̭rikta॒-ṅkarma̭ṇo॒ yacca̭ hī॒nam |
ya॒jñaḥ parvā̭ṇi prati॒rannḙti ka॒lpayanṋ |
svāhā̭kṛ॒tā-''hṷtiretu de॒vān || 111 ||
yadvo̭ devā atipā॒dayā̭ni | vā॒cā ci॒tpraya̭ta-ndeva॒ heḍa̭nam | a॒rā॒yo a॒smāgṃ a॒bhi-dṷcchunā॒yate᳚| a॒nyatrā॒sma-nma̭ruta॒sta-nnidhḙtana || ta॒ta-mma॒ āpa॒stadṷ tāyata॒ punaḥ̭ | svādi̭ṣṭhā dhī॒tiru॒cathā̭ya śasyate |
a॒yagṃ sa̭mu॒dra u॒ta vi॒śvabhḙṣajaḥ |
svāhā̭-kṛtasya॒ samṷtṛpṇuta rbhuvaḥ ||
udva॒ya-ntama̭sa॒spari॒ paśya̭nto॒ jyoti॒rutta̭ram | de॒va-ndḙva॒trā sūrya॒maga̭nma॒ jyoti̭rutta॒mam || |
udu॒ tya-ñjā॒tavḙdasa-nde॒vaṃ-va~̭hanti ke॒tavaḥ̭ | dṛ॒śe viśvā̭ya॒ sūrya᳚m || ci॒tra-nde॒vānā॒-muda̭gā॒danī̭ka॒-ñcakṣṷ-rmi॒trasya॒ varṷṇasyā॒-'gneḥ | ā-' prā॒ dyāvā̭pṛthi॒vī a॒ntari̭kṣa॒gṃ॒ sūrya̭ ā॒tmā jaga̭tasta॒sthuṣa̭śca || || 112 ||
i॒ma-mmḙ varuṇa śrudhī॒ hava̭ma॒dyā ca̭ mṛḍaya | tvāma̭va॒syurā ca̭ke || tattvā̭ yāmi॒ brahma̭ṇā॒ vanda̭māna॒-stadā śā᳚ste॒ yaja̭māno ha॒virbhiḥ̭ | ahḙḍamāno varuṇe॒ha bo॒dhyurṷśagṃsa॒ mā na॒ āyuḥ॒ pramo̭ṣīḥ || |
tva-nno̭ agne॒ varṷṇasya vi॒dvā-nde॒vasya॒ heḍo-'va̭ yāsi sīṣṭhāḥ | yaji̭ṣṭho॒ vahni̭ tama॒-śśośṷcāno॒ viśvā॒ dveṣāgṃ̭si॒ pramṷmugdhya॒smat ||
sa tvanno̭ agne-'va॒mo bha̭vo॒tī nedi̭ṣṭho a॒syā u॒ṣaso॒ vyṷṣṭau | ava̭ yakṣva no॒ varṷṇa॒gṃ॒ rarā̭ṇo vī॒hi mṛ̭ḍī॒kagṃ su॒havo̭ na edhi || | tvama̭gne a॒yā-'si̭ | a॒yā sanmana̭sā hi॒taḥ | a॒yā sanaḥa॒vyamṷ̄hiṣe | a॒yā no̭ dhehi bheṣa॒jam | i॒ṣṭo a॒gnirāhṷtaḥ | svāhā̭kṛtaḥ pipartu naḥ | sva॒gā de॒vebhya̭ i॒da-nnamaḥ̭ || prajā̭pate॒ na tvade॒tānya॒nyo viśvā̭ jā॒tāni॒ pari॒ tā ba̭bhūva | yatkā̭māste juhu॒mastanno̭ astu va॒yagg syā̭ma॒ pata̭yo rayī॒ṇām || || i॒ma-ñjī॒vebhyaḥ̭ pari॒dhi-nda̭dhāmi | maiṣā-nnṷ gā॒dapa̭ro॒ ardha̭me॒tam | śa॒ta-ñjī̭vantu śa॒radaḥ̭ purū॒cīḥ | ti॒ro mṛ॒tyu-nda̭dhatā॒-mparva̭tena ||
i॒ṣṭebhya॒-ssvāhā॒ vaṣa॒ḍani̭ṣṭebhya॒-ssvāhā᳚ | bhe॒ṣa॒ja-nduri̭ṣṭyai॒ svāhā॒ niṣkṛ̭tyai॒ svāhā᳚ | daurā᳚rdhyai॒ svāhā॒ daivī᳚bhya-sta॒nūbhya॒-ssvāhā᳚ || 113 ||
ṛddhyai॒ svāhā॒ samṛ̭ddhyai॒ svāhā᳚ ||
yata̭ indra॒ bhayā̭mahe |
tato̭ no॒ abha̭ya-ṅkṛdhi | magha̭vañcha॒gdhi tava॒ tanna̭ ū॒taye᳚ | vi dviṣo॒ vi mṛdho̭ jahi || sva॒sti॒dā vi॒śaspatiḥ̭ | vṛ॒tra॒hā vimṛdho̭ va॒śī | vṛṣendraḥ̭ pu॒ra ḙtu naḥ | sva॒sti॒dā a̭bhaya-ṅka॒raḥ || ā॒bhi rgī॒rbhi ryadato̭ na ū॒nam || 114 ||
āpyā̭yaya harivo॒ vardha̭mānaḥ |
ya॒dā sto॒tṛbhyo॒ mahi̭ go॒trā ru॒jāsi̭ |
bhū॒yi॒ṣṭha॒bhājo॒ adha̭ te syāma || anā᳚jñātaṃ॒-ya~dājñā̭tam | ya॒jñasya̭ kri॒yate॒ mithṷ | agne॒ tada̭sya kalpaya | tvagṃ hi vettha̭ yathāta॒tham || purṷṣa sammito ya॒jñaḥ | ya॒jñaḥ purṷṣa sammitaḥ | agne॒ tada̭sya kalpaya |
tvagṃ hi vettha̭ yathāta॒tham || ya-tpā̭ka॒trā mana̭sā dī॒nada̭kṣā॒ na | ya॒jñasya̭ ma॒nvate॒ martā̭saḥ | a॒gniṣṭaddhotā᳚ kṛtu॒vidvi̭jā॒nann |
yaji̭ṣṭho de॒vāgṃ ṛ̭tu॒śo ya̭jāti || 115 ||
(de॒vāg - ści॒traṃ - ta॒nūbhya॒-ssvāho॒ - naṃ - purṷṣasammi॒to-'gne॒ tada̭sya kalpaya॒ pañca̭ ca) (a. 11)
anuvākaṃ 12 - agniṣṭomādau yajamānajapyā mantraviśeṣāḥ
yaddḙvā deva॒heḍa̭nam | devā̭saścakṛ॒mā va॒yam | ādi̭tyā॒-stasmā᳚nmā muñcata |
ṛ॒tasya॒rtena॒ māmu॒ta || devā̭ jīvanakā॒myā yat | vā॒cā-'nṛ̭tamūdi॒ma | a॒gnirmā॒ tasmā॒dena̭saḥ | gārha̭patyaḥ॒ pramṷñcatu | du॒ri॒tā yāni̭ cakṛ॒ma | ka॒rotu॒ māma̭ne॒ nasa᳚m || 116 ||
ṛ॒tena̭ dyāvāpṛthivī | ṛ॒tena॒ tvagṃ sa̭rasvati | ṛ॒tānmā̭ muñca॒tāgṃha̭saḥ | yada॒nya kṛ̭tamāri॒ma || sa॒jā॒ta॒śa॒gṃ॒sādu॒ta vā̭ jāmiśa॒gṃ॒sāt | jyāya̭sa॒-śśagṃsā̭du॒ta vā॒ kanī̭yasaḥ | anā᳚jñāta-nde॒vakṛ̭taṃ॒-ya~denaḥ̭ | tasmā॒ttvama॒smā-ñjā̭tavedo mumugdhi || yadvā॒cā yanmana̭sā | bā॒hubhyā̭-mū॒rubhyā̭-maṣṭhī॒vadbhyā᳚m || 117 ||
śi॒śñai ryadanṛ̭ta-ñcakṛ॒mā va॒yam | a॒gnirmā॒ tasmā॒dena̭saḥ || yaddhastā᳚bhyā-ñca॒kara॒ kilbi̭ṣāṇi | a॒kṣāṇāṃ᳚-va~॒gnumṷpa॒ jighna̭mānaḥ | dū॒re॒pa॒śyā ca̭ rāṣṭra॒bhṛcca̭ | tānya̭phsa॒rasā॒-vanṷdattā-mṛ॒ṇāni̭ ||
adī᳚vyannṛ॒ṇaṃ-ya~da॒ha-ñca॒kāra̭ | yadvā-'dā᳚syan-thsañja॒gārā॒ jane᳚bhyaḥ |
a॒gnirmā॒ tasmā॒dena̭saḥ || yanmayi̭ mā॒tā garbhḙ sa॒ti || 118 ||
ena̭śca॒kāra॒ yatpi॒tā | a॒gnirmā॒ tasmā॒dena̭saḥ || yadā̭ pi॒peṣa̭ mā॒tara̭-mpi॒tara᳚m |
pu॒traḥ pramṷdito॒ dhayanṋ | ahigṃ̭sitau pi॒tarau॒ mayā॒ tat | tada̭gne anṛ॒ṇo bha̭vāmi || yada॒ntari̭kṣa-mpṛthi॒vīmu॒ta dyām |
yanmā॒tara̭-mpi॒taraṃ̭-vā~ jihigṃsi॒ma |
a॒gnirmā॒ tasmā॒dena̭saḥ || yadā॒śasā̭ ni॒śasā॒ yatpa̭rā॒śasā᳚ || 119 ||
yadena̭śca kṛ॒mā nūta̭naṃ॒-ya~tpṷrā॒ṇam | a॒gnirmā॒ tasmā॒dena̭saḥ || ati̭krāmāmi duri॒taṃ-ya~denaḥ̭ | jahā̭mi ri॒pra-mpa̭ra॒me sa॒dhasthe᳚ |
yatra॒ yanti̭ su॒kṛto॒ nāpi̭ du॒ṣkṛtaḥ̭ | tamāro̭hāmi su॒kṛtā॒-nnu lo॒kam ||
tri॒te de॒vā a̭mṛjatai॒-tadenaḥ̭ |
tri॒ta e॒tanma̭nu॒ṣyḙṣu māmṛje |
tato̭ mā॒ yadi॒ kiñci̭dāna॒śe |
a॒gnirmā॒ tasmā॒dena̭saḥ || 120 ||
gārha̭patyaḥ॒ pramṷñcatu | du॒ri॒tā yāni̭ cakṛ॒ma | ka॒rotu॒ māma̭ne॒nasa᳚m || di॒vi jā॒tā a॒phsu jā॒tāḥ | yā jā॒tā oṣa̭dhībhyaḥ | atho॒ yā a̭gni॒jā āpaḥ̭ | tā naḥ̭ śundhantu॒ śundha̭nīḥ ||
yadāpo॒ nakta̭-nduri॒ta-ñcarā̭ma |
yadvā॒ divā॒ nūta̭naṃ॒-ya~tpṷrā॒ṇam |
hira̭ṇya-varṇā॒stata॒ utpṷnīta naḥ ||
i॒ma-mmḙ varuṇa śrudhī॒ hava̭ma॒dyā ca̭ mṛḍaya | tvāma̭va॒syurā ca̭ke ||
tattvā̭ yāmi॒ brahma̭ṇā॒ vanda̭māna॒-stadā śā᳚ste॒ yaja̭māno ha॒virbhiḥ̭ | ahḙḍamāno varuṇe॒ha bo॒dhyurṷśagṃsa॒ mā na॒ āyuḥ॒ pramo̭ṣīḥ || | tva-nno̭ agne॒ varṷṇasya vi॒dvā-nde॒vasya॒ heḍo-'va̭ yāsi sīṣṭhāḥ | yaji̭ṣṭho॒ vahni̭ tama॒-śśośṷcāno॒ viśvā॒ dveṣāgṃ̭si॒ pramṷmugdhya॒smat || sa tvanno̭ agne-'va॒mo bha̭vo॒tī nedi̭ṣṭho a॒syā u॒ṣaso॒ vyṷṣṭau | ava̭ yakṣva no॒ varṷṇa॒gṃ॒ rarā̭ṇo vī॒hi mṛ̭ḍī॒kagṃ su॒havo̭ na edhi || | tvama̭gne a॒yā-'si̭ | a॒yā sanmana̭sā hi॒taḥ | a॒yā sanaḥa॒vyamṷ̄hiṣe | a॒yā no̭ dhehi bheṣa॒jam | i॒ṣṭo a॒gnirāhṷtaḥ | svāhā̭kṛtaḥ pipartu naḥ | sva॒gā de॒vebhya̭ i॒da-nnamaḥ̭ || || 121 ||
(a॒ne॒nasa̭ - maṣṭhī॒vadbhyāgṃ̭ - sa॒ti - pa̭rā॒śasā̭-''na॒śe᳚ - 'gnirmā॒ tasmā॒dena̭saḥ - punīta na॒strīṇi̭ ca) (a. 12)
(ya-ddḙvā॒ gārha̭patyo॒ yaddhastā᳚bhyāṃ॒-ya~nmayi̭ mā॒tā yadā̭pi॒peṣa॒
~yada॒ntari̭kṣaṃ॒-ya~dā॒śasā-'ti̭krāmāmi tri॒te de॒vā di॒vi jā॒tā a॒phsu jā॒tā yadāpa̭ i॒ma-mmḙ varuṇā॒ tattvā̭ yāmi॒ tva-nno̭ agne॒ sa tva-nno̭ agne॒ tvama̭gne a॒yā-'si̭)
anuvākaṃ 13 - avabhṛthe karmaṇi ṛjīṣaprokṣaṇamantrāḥ
yatte॒ grāv.ṇṇā̭ cicchi॒du-sso̭ma rājann |
pri॒yāṇyaṅgā̭ni॒ svadhi̭tā॒ parūgṃ̭ṣi | tathsandha॒-thsvājyḙno॒ta va̭rdhayasva |
a॒nā॒gaso॒ adha॒mithsa॒kṣaṃye~̭ma || yatte॒ grāvā̭ bā॒hucyṷto॒ acṷcyavuḥ |
naro॒ yattḙ dudu॒hu rdakṣi̭ṇena |
tatta॒ āpyā̭yatā॒-ntatte᳚ | niṣṭyā̭yatā-ndeva
soma || yatte॒ tvaca̭-mbibhi॒duryacca॒ yoni᳚m |
yadā॒sthānā॒-tpracyṷto॒ vena̭si॒ tmanā᳚ || 122 ||
tvayā॒ tathso̭ma gu॒ptama̭stu naḥ |
sā naḥ̭ sa॒dhāṃ-'sa̭tpara॒me vyo̭mann ||
ahā॒ccharī̭ra॒-mpaya̭sā sa॒metya̭ | a॒nyo᳚-'nyo bhavati॒ varṇo̭ asya | tasmi̭n va॒yamupa̭hūtā॒stava̭ smaḥ | ā no̭ bhaja॒ sada̭si vi॒śvarṷ̄pe ||
nṛ॒cakṣā॒-ssoma̭ u॒ta śu॒śruga̭stu |
mā no॒ vihā̭sī॒dgira̭ āvṛṇā॒naḥ |
anā̭gā-sta॒nuvo̭ vāvṛdhā॒naḥ |
ā no̭ rū॒paṃ-va~̭hatu॒ jāya̭mānaḥ || 123 ||
upa̭kṣaranti ju॒hvo̭ ghṛ॒tena̭ | pri॒yāṇyaṅgā̭ni॒ tava̭ va॒rdhaya̭ntīḥ | tasmai̭ te soma॒ nama॒ idvaṣa̭ṭca | upa̭ mā rājan-thsukṛ॒te hva̭yasva ||
sa-mprā̭ṇāpā॒nābhyā॒gṃ॒ samu॒ cakṣṷṣā॒ tvam | sagg śrotrḙṇa gacchasva soma rājann |
yatta॒ āsthi̭ta॒gṃ॒ śamu॒ tattḙ astu | jā॒nī॒tānnaḥ̭ sa॒gamma̭ne pathī॒nām || e॒ta-ñjā̭nītātpara॒me vyo̭mann | vṛkā᳚-ssadhasthā vi॒da rū॒pama̭sya || 124 ||
yadā॒gacchā᳚-tpa॒thibhi̭ rdeva॒yānaiḥ᳚ | i॒ṣṭā॒pū॒rte kṛ̭ṇutā-dā॒vira̭smai ||
ari̭ṣṭo rājannaga॒daḥ parḙhi | nama̭ste astu॒ cakṣa̭se raghūya॒te | nāka॒māro̭ha sa॒ha yaja̭mānena | sūrya̭-ṅgacchatātpara॒me vyo̭mann ||
abhū᳚dde॒va-ssa̭vi॒tā vandyo॒ nu naḥ̭ | i॒dānī॒mahna̭ upa॒vācyo॒ nṛbhiḥ̭ |
vi yo ratnā॒ bhaja̭ti māna॒vebhyaḥ̭ | śreṣṭha̭-nno॒ atra॒ dravi̭ṇaṃ॒-ya~thā॒ dadha̭t ||
upa̭ no mitrāvaruṇā-vi॒hāva̭tam | a॒nvādī᳚ddhyā-thāmi॒ha naḥ̭ sakhāyā | ā॒di॒tyānā॒-mprasi̭tir-he॒tiḥ | u॒grā śa॒tāpā᳚ṣṭhā gha॒viṣā॒ pari̭ṇo vṛṇaktu ||
ā pyā̭yasva॒ samḙ̀tu te vi॒śvataḥ̭ soma॒ vṛṣṇi̭yam | bhavā॒ vāja̭sya saṅga॒the || sa-nte॒ payāgṃ̭si॒ samṷ yantu॒ vājā॒-ssaṃ-vṛ~ṣṇi̭yā-nyabhimāti॒ṣāhaḥ̭ | ā॒pyāya̭māno a॒mṛtā̭ya soma di॒vi śravāg̭syutta॒māni̭ dhiṣva || || 125 ||
(tmanā॒ - jāya̭māno - 'sya॒ - dadha॒-tpañca̭ ca) (a. 13)
anuvākaṃ 14 - avabhṛthe karmaṇi secanādimantrāḥ
yaddi̭dī॒kṣe mana̭sā॒ yacca̭ vā॒cā | yadvā᳚ prā॒ṇaiścakṣṷṣā॒ yacca॒ śrotrḙṇa |
yadreta̭sā mithu॒nenā-pyā॒tmanā᳚ |
a॒dbhyo lo॒kā da̭dhi॒re teja̭ indri॒yam |
śu॒krā dī॒kṣāyai॒ tapa̭so vi॒moca̭nīḥ |
āpo̭ vimo॒ktrī rmayi॒ teja̭ indri॒yam ||
yadṛ॒cā sāmnā॒ yajṷṣā | pa॒śū॒nā-ñcarma̭n. ha॒viṣā̭ didī॒kṣe |
yacchando̭bhi॒-roṣa̭dhībhi॒-rvana॒spatau᳚ |
a॒dbhyo lo॒kā da̭dhi॒re (da̭dhire॒) teja̭ indri॒yam || 126 ||
śu॒krā dī॒kṣāyai॒ tapa̭so vi॒moca̭nīḥ |
āpo̭ vimo॒ktrī rmayi॒ teja̭ indri॒yam ||
yena॒ brahma॒ yena̭ kṣa॒tram | yene᳚ndrā॒gnī pra॒jāpa̭ti॒-ssomo॒ varṷṇo॒ yena॒ rājā᳚ |
viśvḙ de॒vā ṛṣa̭yo॒ yena̭ prā॒ṇāḥ |
a॒dbhyo lo॒kā da̭dhire॒ teja̭ indri॒yam |
śu॒krā dī॒kṣāyai॒ tapa̭so vi॒moca̭nīḥ |
āpo̭ vimo॒ktrī rmayi॒ teja̭ indri॒yam ||
a॒pā-mpuṣpa̭ma॒syo-ṣa̭dhīnā॒gṃ॒ rasaḥ̭ | soma̭sya pri॒ya-ndhāma̭ || 127 ||
a॒gneḥ pri॒yata̭magṃ ha॒vi-ssvāhā᳚ || a॒pā-mpuṣpa̭-ma॒syoṣa̭dhīnā॒gṃ॒ rasaḥ̭ |
soma̭sya pri॒ya-ndhāma̭ | indra̭sya pri॒yata̭magṃ ha॒vi-ssvāhā᳚ | a॒pā-mpuṣpa̭ma॒syo-ṣa̭dhīnā॒gṃ॒ rasaḥ̭ | soma̭sya pri॒ya-ndhāma̭ |
viśvḙṣā-nde॒vānā᳚-mpri॒yata̭magṃ ha॒vi-ssvāhā᳚ || va॒yagṃ so̭ma vra॒te tava̭ |
mana̭sta॒nūṣu॒ pipra̭taḥ | pra॒jāva̭nto aśīmahi || 128 ||
de॒vebhyaḥ̭ pi॒tṛbhya॒-ssvāhā᳚ | so॒myebhyaḥ̭ pi॒tṛbhya॒-ssvāhā᳚ | ka॒vyebhyaḥ̭ pi॒tṛbhya॒-ssvāhā᳚ || devā̭sa i॒ha mā̭dayaddhvam |
somyā̭sa i॒ha mā̭dayaddhvam | kavyā̭sa i॒ha mā̭dayaddhvam || ana̭ntaritāḥ pi॒taraḥ̭ so॒myā-sso̭mapī॒thāt || apai̭tu mṛ॒tyura॒mṛta̭-nna॒ āganṋ | vai॒va॒sva॒to no॒ abha̭ya-ṅkṛṇotu |
pa॒rṇaṃ-va~na॒spatḙriva || 129 ||
a॒bhi naḥ̭ śīyatāgṃ ra॒yiḥ | saca̭tā-nna॒-śśacī॒patiḥ̭ || para̭-mmṛtyo॒ anu॒parḙhi॒ panthā᳚m | yaste॒ sva ita̭ro deva॒yānā᳚t | cakṣṷṣmate śṛṇva॒te te᳚ bravīmi | mā naḥ̭ pra॒jāgṃ rī̭riṣo॒ mota vī॒rān || i॒damū॒ nu śreyo̭-'va॒sāna॒-māga̭nma | yadgo॒ji-ddha̭na॒ji-da̭śva॒jidyat |
pa॒rṇaṃ-va~na॒spatḙriva | a॒bhi naḥ̭ śīyatāgṃ ra॒yiḥ | saca̭tā-nna॒-śśacī॒patiḥ̭ || 130 ||
(vana॒spatā̭va॒dbhyo lo॒kā da̭dhire॒ teja̭ indri॒ya-ndhāmā̭ - śīmahī - vā॒ - bhi naḥ̭ śīyatāgṃ ra॒yireka̭-ñca) (a. 14)
(sarvā॒n॒. - ya-dviṣṣa̭ṇṇena॒ - vi vai - yāḥ pu॒rastā॒-d- devā̭ de॒veṣu॒ - pari̭staṇita॒ - sakṣe॒daṃ - ~yada॒sya pā॒rḙ - 'nā॒gasa॒ - uda̭stā-mphsī॒-d- brahma̭ prati॒ṣṭhā - ya-ddḙva॒ - yatte॒ grāva.ṇṇā॒ - ya-ddi̭dī॒kṣe catṷrdaśa)
(sarvā॒n - bhūti̭me॒va - yāme॒vāphsvāhṷtim - ~vra॒tānāṃ᳚ - parṇava॒lkaḥ - so॒myānā̭ - ma॒smin. ya॒jñe - 'gne॒ yo no॒ - jyogjī॒vāḥ - pa॒rora̭jāste॒ - pra tḙ ma॒he - brahma̭ prati॒ṣṭhā - gārha̭patyā stri॒gṃ॒śadṷttaraśa॒taṃ)
(sarvā॒n॒. vai - śacī॒patiḥ̭)
|| hariḥ̭ om ||
|| kṛṣṇa yajurvedīya taittirīya brāhmaṇe tṛtīyāṣṭake saptamaḥ prapāṭhaka-ssamāptaḥ ||
Sanskrit — Devanagari (original)
कृष्ण यजुर्वेदीय तैत्तिरीय ब्राह्मणे तृतीयाष्टके सप्तमः प्रपाठकः - अच्छिद्र-ङ्काण्ड-म्प्रायश्चित्तम्
ओ-न्नमः परमात्मने, श्री महागणपतये नमः,
श्री गुरुभ्यो नमः । ह॒रिः॒ ओम् ॥
अच्छिद्र-ङ्काण्ड-म्प्रायश्चित्तेन मन्त्रैश्च यज्ञच्छिद्रपूरणादच्छिद्रमुच्यते
अनुवाकं 1 - दर्शपूर्णमासेष्टिविषयाणि कानि चित्प्रायश्चित्तानि
सर्वा॒न्॒. वा ए॒षो᳚-ऽग्नौ कामा॒-न्प्रवे॑शयति ।
यो᳚-ऽग्नीन॑न्वा॒धाय॑ व्र॒तमु॒पैति॑ ।
स यदनि॑ष्ट्वा प्रया॒यात् । अका॑मप्रीता एन॒-ङ्कामा॒ नानु॒ प्रया॑युः । अ॒ते॒जा अ॑वी॒र्यः॑ स्यात् ।
स जु॑हुयात् । तुभ्य॒-न्ता अ॑ङ्गिरस्तम ।
विश्वा᳚-स्सुक्षि॒तयः॒ पृथ॑क् ।
अग्ने॒ कामा॑य येमिर॒ इति॑ ।
कामा॑ने॒वास्मि॑-न्दधाति ॥ 1 ॥
काम॑प्रीता एन॒-ङ्कामा॒ अनु॒प्रया᳚न्ति ।
ते॒ज॒स्वी वी॒र्या॑वा-न्भवति ॥
सन्त॑ति॒र्वा ए॒षा य॒ज्ञस्य॑ ।
यो᳚-ऽग्नीन॑न्वा॒धाय॑ व्र॒तमु॒पैति॑ ।
स यदु॒द्वाय॑ति । विच्छि॑त्ति-रे॒वास्य॒ सा ॥
त-म्प्राञ्च॑मु॒द्धृत्य॑ ।
मन॒सोप॑तिष्ठेत । मनो॒ वै प्र॒जाप॑तिः ।
प्रा॒जा॒प॒त्यो य॒ज्ञः ॥ 2 ॥
मन॑सै॒व य॒ज्ञग्ं सन्त॑नोति । भूरित्या॑ह । भू॒तो वै प्र॒जाप॑तिः । भूति॑मे॒वोपै॑ति ॥
वि वा ए॒ष इ॑न्द्रि॒येण॑ वी॒र्ये॑णर्ध्यते ।
यस्या-हि॑ताग्ने-र॒ग्निर॑प॒क्षाय॑ति । याव॒च्छम्य॑या प्र॒विद्ध्ये᳚त् ।
यदि॒ ताव॑दप॒क्षाये᳚त् । तग्ं सम्भ॑रेत् ।
इ॒द-न्त॒ एक॑-म्प॒र उ॑त॒ एक᳚म् ॥ 3 ॥
तृ॒तीये॑न॒ ज्योति॑षा॒ संविँ॑शस्व । सं॒वेँश॑नस्त॒नुवै॒ चारु॑रेधि ।
प्रि॒ये दे॒वाना᳚-म्पर॒मे ज॒नित्र॒ इति॑ । ब्रह्म॑णै॒वैन॒ग्ं॒ सम्भ॑रति ।
सैव ततः॒ प्राय॑श्चित्तिः । यदि॑ परस्त॒-राम॑प॒क्षाये᳚त् । अ॒नु॒ प्र॒यायाव॑स्येत् ।
सो ए॒व ततः॒ प्राय॑श्चित्तिः ॥
ओष॑धी॒र्वा ए॒तस्य॑ प॒शू-न्पयः॒ प्रवि॑शति ।
यस्य॑ ह॒विषे॑ व॒थ्सा अ॒पाकृ॑ता॒ धय॑न्ति ॥ 4 ॥
तान्. यद्दु॒ह्यात् । या॒तया᳚म्ना ह॒विषा॑ यजेत । यन्न दु॒ह्यात् । य॒ज्ञ॒प॒रु-र॒न्तरि॑यात् । वा॒य॒व्यां᳚-यँवा॒गू-न्निर्व॑पेत् ।
वा॒युर्वै पय॑सः प्रदापयि॒ता । स ए॒वास्मै॒ पयः॒ प्रदा॑पयति । पयो॒ वा ओष॑धयः ।
पयः॒ पयः॑ ।
पय॑सै॒वास्मै॒ पयो-ऽव॑रुन्धे ॥ 5 ॥
अथोत्त॑रस्मै ह॒विषे॑ व॒थ्सान॒पा कु॑र्यात् ।
सैव ततः॒ प्राय॑श्चित्तिः ॥ अ॒न्य॒त॒रान्. वा ए॒ष दे॒वा-न्भा॑ग॒धेये॑न॒ व्य॑र्धयति ।
ये यज॑मानस्य सा॒य-ङ्गृ॒हमा॒-गच्छ॑न्ति ।
यस्य॑ साय-न्दु॒ग्धग्ं ह॒विरार्ति॑-मा॒र्च्छति॑ ।
इन्द्रा॑य व्री॒हीन्नि॒-रुप्यो-प॑वसेत् । पयो॒ वा ओष॑धयः । पय॑ ए॒वारभ्य॑ गृही॒त्वो-प॑वसति । यत्प्रा॒त-स्स्यात् । तच्छृ॒त-ङ्कु॑र्यात् ॥ 6 ॥
अथेत॑र ऐ॒न्द्रः पु॑रो॒डाशः॑ स्यात् ।
इ॒न्द्रि॒ये ए॒वास्मै॑ स॒मीची॑ दधाति ।
पयो॒ वा ओष॑धयः । पयः॒ पयः॑ । पय॑सै॒वास्मै॒ पयो-ऽव॑रुन्धे ।
अथोत्त॑रस्मै ह॒विषे॑ व॒थ्सान॒पा कु॑र्यात् ।
सैव ततः॒ प्राय॑श्चित्तिः ॥ उ॒भया॒न्॒. वा ए॒ष दे॒वा-न्भा॑ग॒धेये॑न॒ व्य॑र्धयति ।
ये यज॑मानस्य सा॒य-ञ्च॑ प्रा॒तश्च॑ गृ॒हमा॒-गच्छ॑न्ति । यस्यो॒भयग्ं॑ ह॒विरार्ति॑-मा॒र्च्छति॑ ॥ 7 ॥
ऐ॒न्द्र-म्पञ्च॑शराव-मोद॒न-न्निर्व॑पेत् ।
अ॒ग्नि-न्दे॒वता॑ना-म्प्रथ॒मं-यँ॑जेत् ।
अ॒ग्निमु॑खा ए॒व दे॒वताः᳚ प्रीणाति ।
अ॒ग्निं-वाँ अन्व॒न्या दे॒वताः᳚ ।
इन्द्र॒मन्व॒न्याः । ता ए॒वोभयीः᳚ प्रीणाति ।
पयो॒ वा ओष॑धयः ।
पयः॒ पयः॑ । पय॑सै॒वास्मै॒ पयो-ऽव॑रुन्धे ।
अथोत्त॑रस्मै ह॒विषे॑ व॒थ्सान॒पा कु॑र्यात् ॥ 8 ॥
सैव ततः॒ प्राय॑श्चित्तिः ॥ अ॒र्धो वा ए॒तस्य॑ य॒ज्ञस्य॑ मीयते ।
यस्य॒ व्रत्ये-ऽह॒-न्पत्न्य॑ना-लम्भु॒का भव॑ति । ताम॑प॒रुद्ध्य॑ यजेत ।
सर्वे॑णै॒व य॒ज्ञेन॑ यजते ।
तामि॒ष्ट्वो-प॑ह्वयेत । अमू॒हम॑स्मि ।
सा त्वम् । द्यौर॒हम् । पृ॒थि॒वी त्वम् । सामा॒हम् । ऋक्त्वम् । तावेहि॒ सम्भ॑वाव । स॒ह रेतो॑ दधावहै । पु॒ग्ं॒से पु॒त्राय॒ वेत्त॑वै ।
रा॒यस्पोषा॑य सुप्रजा॒स्त्वाय॑ सु॒वीर्या॒येति॑ ।
अ॒र्ध ए॒वैना॒मु-प॑ह्वयते ।
सैव ततः॒ प्राय॑श्चित्तिः ॥ 9 ॥
(द॒धा॒ति॒ - य॒ज्ञ - उ॑त॒ एकं॒ - धय॑न्ति - रुन्धे - कुर्या - दा॒र्छ - त्य॒पाकु॑र्यात् - पृथि॒वी त्वम॒ष्टौ च॑) (अ. 1)
(सर्वा॒न्॒. वि वै यदि॑ परस्त॒रामोष॑धीरन् यत॒रानु॒भया॑न॒र्धो वै )
अनुवाकं 2 - अग्निहोत्रसाम्नाय्यसाधारणानि प्रायश्चित्तानि
3.7.2.1
यद्वि-ष्ष॑ण्णेन जुहु॒यात् ।
अप्र॑जा अप॒शुर्यज॑मान-स्स्यात् ।
यदना॑यतने नि॒नये᳚त् । अ॒ना॒य॒त॒न-स्स्या᳚त् ।
प्रा॒जा॒प॒त्यय॒र्चा व॑ल्मीक-व॒पाया॒म-व॑नयेत् । प्रा॒जा॒प॒त्यो वै व॒ल्मीकः॑ । य॒ज्ञः प्र॒जाप॑तिः । प्र॒जाप॑तावे॒व य॒ज्ञ-म्प्रति॑ष्ठापयति ।
भूरित्या॑ह । भू॒तो वै प्र॒जाप॑तिः ॥ 10 ॥
भूति॑मे॒वोपै॑ति । त-त्कृ॒त्वा । अ॒न्या-न्दु॒ग्ध्वा पुन॑र्-होत॒व्य᳚म् । सैव ततः॒ प्राय॑श्चित्तिः ॥ यत्की॒टा-व॑पन्नेन जुहु॒यात् ।
अप्र॑जा अप॒शु-र्यज॑मान-स्स्यात् ।
यदना॑यतने नि॒नये᳚त् । अ॒ना॒य॒त॒न-स्स्या᳚त् ।
म॒द्ध्य॒मेन॑ प॒र्णेन॑ द्यावा-पृथि॒व्य॑-य॒र्चा-ऽन्तः॑ परि॒धि निन॑येत् ।
द्यावा॑पृथि॒व्यो-रे॒वैन॒त्-प्रति॑ष्ठापयति ॥ 11 ॥
तत्कृ॒त्वा । अ॒न्या-न्दु॒ग्ध्वा पुन॑र्-होत॒व्य᳚म् । सैव ततः॒ प्राय॑श्चित्तिः ॥ यदव॑वृष्टेन जुहु॒यात् । अप॑रूप-मस्या॒त्म-ञ्जा॑येत ।
कि॒लासो॑ वा॒ स्याद॑र्श॒सो वा᳚ । य-त्प्रत्ये॒यात् । य॒ज्ञं-विँच्छि॑न्द्यात् । स जु॑हुयात् ।
मि॒त्रो जना᳚न् कल्पयति प्रजा॒नन्न् ॥ 12 ॥
मि॒त्रो दा॑धार पृथि॒वीमु॒त द्याम् । मि॒त्रः कृ॒ष्टीर-नि॑मिषा॒ ऽभिच॑ष्टे ।
स॒त्याय॑ ह॒व्य-ङ्घृ॒तव॑-ज्जुहो॒तेति॑ । मि॒त्रेणै॒वैन॑-त्कल्पयति । तत्कृ॒त्वा । अ॒न्या-न्दु॒ग्ध्वा पुन॑र्होत॒व्य᳚म् ।
सैव ततः॒ प्राय॑श्चित्तिः ॥
य-त्पूर्व॑स्या॒-माहु॑त्याग्ं हु॒ताया॒-मुत्त॒रा-ऽऽहु॑ति॒-स्स्कन्दे᳚त् ।
द्वि॒पाद्भिः॑ प॒शुभि॒-र्यज॑मानो॒ व्यृ॑॑द्ध्येत ।
यदुत्त॑रया॒ ऽभिजु॑हु॒यात् ॥ 13 ॥
चतु॑ष्पाद्भिः प॒शुभि॒-र्यज॑मानो॒ व्यृ॑द्ध्येत ।
यत्र॒ वेत्थ॑ वनस्पते दे॒वाना॒-ङ्गुह्या॒ नामा॑नि ।
तत्र॑ ह॒व्यानि॑ गाम॒येति॑ वानस्प॒त्य-य॒र्चा स॒मिध॑-मा॒धाय॑ । तू॒ष्णीमे॒व पुन॑-र्जुहुयात् ।
वन॒स्पति॑नै॒व य॒ज्ञस्यार्ता॒-ञ्चाना᳚र्ता॒-ञ्चाहु॑ती॒ विदा॑धार । तत्कृ॒त्वा । अ॒न्या-न्दु॒ग्ध्वा पुन॑र्-होत॒व्य᳚म् । सैव ततः॒ प्राय॑श्चित्तिः ॥
यत्पु॒रा प्र॑या॒जेभ्यः॒ प्रांअङ्गा॑र॒-स्स्कन्दे᳚त् ।
अ॒द्ध्व॒र्यवे॑ च॒ यज॑मानाय॒ चाकग्ग्॑ स्यात् ॥ 14 ॥
य-द्द॑क्षि॒णा । ब्र॒ह्मणे॑ च॒ यज॑मानाय॒ चाकग्ग्॑ स्यात् । य-त्प्र॒त्यक् ।
होत्रे॑ च॒ पत्नि॑यै च॒ यज॑मानाय॒ चाकग्ग्॑ स्यात् ।
यदुदं॑ । अ॒ग्नीधे॑ च प॒शुभ्य॑श्च॒ यज॑मानाय॒ चाकग्ग्॑ स्यात् । यद॑भिजुहु॒यात् । रु॒द्रो᳚-ऽस्य प॒शू-न्घातु॑क-स्स्यात् ।
यन्नाभि॑ जुहु॒यात् । अशा᳚न्तः॒ प्रह्रि॑येत ॥ 15 ॥
स्रु॒वस्य॒ बुद्ध्ने॑नाभि॒ निद॑द्ध्यात् ।
मा त॑मो॒ मा य॒ज्ञस्त॑म॒न्मा यज॑मान-स्तमत् ।
नम॑स्ते अस्त्वाय॒ते । नमो॑ रुद्र पराय॒ते ।
नमो॒ यत्र॑ नि॒षीद॑सि ।
अ॒मु-म्मा हिग्ं॑सीर॒मु-म्मा हिग्ं॑सी॒रिति॒ येन॒ स्कन्दे᳚त् ॥ त-म्प्रह॑रेत् ।
स॒हस्र॑शृङ्गो वृष॒भो जा॒तवे॑दाः । स्तोम॑पृष्ठो घृ॒तवा᳚न्-थ्सु॒प्रती॑कः ।
मा नो॑ हासीन्मेत्थि॒तो (हासीर्मेत्थि॒तो) नेत्त्वा॒ जहा॑म ।
गो॒पो॒ष-न्नो॑ वीरपो॒ष-ञ्च॑ य॒च्छेति॑ ।
ब्रह्म॑णै॒वैन॒-म्प्रह॑रति । सैव ततः॒ प्राय॑श्चित्तिः ॥ 16 ॥
(वै प्र॒जाप॑तिः - स्थापयति - प्रजा॒नन् - न॒भिजु॑हु॒याथ् - स्या᳚-द्- ध्रियेत॒ - जहा॑म॒ त्रिणि॑ च) (अ. 2)
(यद्विस्ष॑ण्णेन प्राजाप॒त्यया॒ य-त्की॒टा म॑द्ध्य॒मेन॒ यदव॑वृष्टेन॒ य-त्पूर्व॑स्यां॒-यँ-त्पु॒रा प्र॑या॒जेभ्य॒ प्रंङ्गा॑रो॒ य-द्द॑क्षि॒णा य-त्प्र॒त्यग्यदुदङ्ङ्॑)
अनुवाकं 3 - मुख्याग्न्यसम्भवे-ऽनुकल्पाः होमाधाराः
वि वा ए॒ष इ॑न्द्रि॒येण॑ वी॒र्ये॑णर्ध्यते ।
यस्या-हि॑ताग्ने-र॒ग्नि-र्म॒थ्यमा॑नो॒ न जाय॑ते । यत्रा॒न्य-म्पश्ये᳚त् । तत॑ आ॒हृत्य॑ होत॒व्य᳚म् ।
अ॒ग्ना-वे॒वास्या᳚-ग्निहो॒त्रग्ं हु॒त-म्भ॑वति ॥
यद्य॒न्य-न्न वि॒न्देत् । अ॒जायाग्ं॑ होत॒व्य᳚म् । आ॒ग्ने॒यी वा ए॒षा । यद॒जा । अ॒ग्ना-वे॒वास्या᳚-ग्निहो॒त्रग्ं हु॒त-म्भ॑वति ॥ 17 ॥
अ॒जस्य॒ तु नाश्ञी॑यात् । यद॒जस्या᳚-श्ञी॒यात् ।
यामे॒वाग्ना-वाहु॑ति-ञ्जुहु॒यात् । ताम॑द्यात् । तस्मा॑द॒जस्य॒ नाश्य᳚म् ॥ यद्य॒जा-न्न वि॒न्देत् । ब्रा॒ह्म॒णस्य॒ दक्षि॑णे॒ हस्ते॑ होत॒व्य᳚म् ।
ए॒ष वा अ॒ग्नि र्वै᳚श्वान॒रः । यद्ब्रा᳚ह्म॒णः ।
अ॒ग्ना-वे॒वास्या᳚-ग्निहो॒त्रग्ं हु॒त-म्भ॑वति ॥ 18 ॥
ब्रा॒ह्म॒ण-न्तु व॑स॒त्यै॑ नाप॑रुन्ध्यात् । यद्ब्रा᳚ह्म॒णं-वँ॑स॒त्या अ॑परु॒न्ध्यात् ।
यस्मि॑न्ने॒-वाग्नावाहु॑ति-ञ्जुहु॒यात् । त-म्भा॑ग॒धेये॑न॒ व्य॑र्धयेत् ।
तस्मा᳚-द्ब्राह्म॒णो व॑स॒त्यै॑ नाप॒रुद्ध्यः॑ ॥ यदि॑ ब्राह्म॒ण-न्न वि॒न्देत् ।
द॒र्भ॒स्त॒बें हो॑त॒व्य᳚म् ।
अ॒ग्नि॒वान्. वै द॑र्भस्त॒बंः ।
अ॒ग्नावे॒-वास्या᳚-ग्निहो॒त्रग्ं हु॒त-म्भ॑वति ।
द॒र्भाग्स्तु नाद्ध्या॑सीत ॥ 19 ॥
यद्द॒र्भान॒द्ध्यासी॑त । यामे॒वाग्ना-वाहु॑ति-ञ्जुहु॒यात् । तामद्ध्या॑सीत ।
तस्मा᳚-द्द॒र्भा नाद्ध्या॑सित॒व्याः᳚ ॥
यदि॑ द॒र्भान्न वि॒न्देत् । अ॒फ्सु हो॑त॒व्य᳚म् ।
आपो॒ वै सर्वा॑ दे॒वताः᳚ ।
दे॒वता᳚स्वे॒ वास्या᳚-ग्निहो॒त्रग्ं हु॒त-म्भ॑वति ।
आप॒स्तु न परि॑चक्षीत । यदापः॑ परि॒चक्षी॑त ॥ 20 ॥
या मे॒वाफ्स्वाहु॑ति-ञ्जुहु॒यात् । ता-म्परि॑चक्षीत ।
तस्मा॒दापो॒ न प॑रि॒चक्ष्याः᳚ ॥
मेद्ध्या॑ च॒ वा ए॒तस्या॑मे॒द्ध्या च॑ त॒नुवौ॒ सग्ंसृ॑ज्येते । यस्या-हि॑ताग्ने-र॒न्यैर॒ग्निभि॑-र॒ग्नयः॑ सग्ंसृ॒ज्यन्ते᳚ । अ॒ग्नये॒ विवि॑चये पुरो॒डाश॑-म॒ष्टाक॑पाल॒-न्निर्व॑पेत् ।
मेद्ध्या᳚-ञ्चै॒वास्या॑-मे॒द्ध्या-ञ्च॑ त॒नुवौ॒ व्याव॑र्तयति ॥ अ॒ग्नये᳚ व्र॒तप॑तये पुरो॒डाश॑-म॒ष्टाक॑पाल॒-न्निर्व॑पेत् । अ॒ग्निमे॒व व्र॒तप॑ति॒ग्ग्॒ स्वेन॑ भाग॒धेये॒-नोप॑धावति ।
स ए॒वैनं॑-व्रँ॒तमा-ल॑भंयँति ॥ 21 ॥
गर्भ॒ग्ग्॒ स्रव॑न्तमग॒दम॑कः । अ॒ग्नि-रिन्द्र॒-स्त्वष्टा॒ बृह॒स्पतिः॑ । पृ॒थि॒व्या-मव॑चुश्चो-तै॒तत् । नाभि-प्राप्नो॑ति॒ निर्-ऋ॑ति-म्परा॒चैः ॥
रेतो॒ वा ए॒तद्वाजि॑न॒-माहि॑ताग्नेः । यद॑ग्निहो॒त्रम् । तद्यथ्स्रवे᳚त् ।
रेतो᳚-ऽस्य॒ वाजि॑नग्ग् स्रवेत् । गर्भ॒ग्ग्॒ स्रव॑न्तम-ग॒दम॑क॒-रित्या॑ह ।
रेत॑ ए॒वास्मि॒न् वाजि॑न-न्दधाति ॥ 22 ॥
अ॒ग्निरित्या॑ह । अ॒ग्निर्वै रे॑तो॒धाः । रेत॑ ए॒व तद्द॑धाति । इन्द्र॒ इत्या॑ह । इ॒न्द्रि॒य-मे॒वास्मि॑न्-दधाति । त्वष्टेत्या॑ह । त्वष्टा॒ वै प॑शू॒ना-म्मि॑थु॒नानाग्ं॑ रूप॒कृत् । रू॒पम॒व प॒शुषु॑ दधाति । बृह॒स्पति॒रित्या॑ह ।
ब्रह्म॒ वै दे॒वाना॒-म्बृह॒स्पतिः॑ । ब्रह्म॑णै॒वास्मै᳚ प्र॒जाः प्रज॑नयति ॥
पृ॒थि॒व्या-मव॑चुश्चोतै॒त-दित्या॑ह ।
अ॒स्या-मे॒वैन॒-त्प्रति॑ष्ठापयति ॥
नाभि प्राप्नो॑ति॒ निर्-ऋ॑ति-म्परा॒चैरित्या॑ह ।
रक्ष॑सा॒मप॑हत्यै ॥ 23 ॥
(अ॒जा-ऽग्नावे॒वास्या᳚ग्निहो॒त्रग्ं हु॒त-म्भ॑वति - भव - त्यासीत - परि॒चक्षी॑त - लम्भयति - दधाति - दे॒वाना॒-म्बृह॒स्पतिः॒ पञ्च॑ च) (अ. 3)
(वि वै य-द्य॒न्यम॒जाया᳚-म्ब्राह्म॒णस्य॑ दर्भस्त॒म्बे᳚-ऽफ्सु हो॑त॒व्य᳚म्)
अनुवाकं 4 - ऐष्टिकयाजमानमन्त्राः
याः पु॒रस्ता᳚-त्प्र॒स्रव॑न्ति । उ॒परि॑ष्टा-थ्स॒र्वत॑श्च॒ याः । ताभी॑ र॒श्मिप॑वित्राभिः । श्र॒द्धां-यँ॒ज्ञमार॑भे ॥ देवा॑ गातुविदः ।
गा॒तुं-यँ॒ज्ञाय॑ विन्दत । मन॑स॒स्पति॑ना दे॒वेन॑ । वाता᳚-द्य॒ज्ञः प्रयु॑ज्यताम् ॥ तृ॒तीय॑स्यै दि॒वः । गा॒य॒त्रि॒या सोम॒ आभृ॑तः ॥ 24 ॥
सो॒म॒पी॒थाय॒ सन्न॑यितुम् । वक॑ल॒-मन्त॑र॒माद॑दे ॥ आपो॑ देवी-श्शु॒द्धा-स्स्थ॑ । इ॒मा पात्रा॑णि शुन्धत । उ॒पा॒त॒ङ्क्या॑य दे॒वाना᳚म् । प॒र्ण॒व॒ल्कमु॒त शु॑न्धत ॥
पयो॑ गृ॒हेषु॒ पयो॑ अघ्नि॒यासु॑ ।
पयो॑ व॒थ्सेषु॒ पय॒ इन्द्रा॑य ह॒विषे᳚ ध्रियस्व । गा॒य॒त्री प॑र्णव॒ल्केन॑ । पय-स्सोम॑-ङ्करोत्वि॒मम् ॥ 25 ॥
अ॒ग्नि-ङ्गृ॑ह्णामि सु॒रथं॒-योँ म॑यो॒ भूः ।
य उ॒द्यन्त॑मा॒ रोह॑ति॒ सूर्य॒मह्ने᳚ ।
आ॒दि॒त्य-ञ्ज्योति॑षा॒-ञ्ज्योति॑रुत्त॒मम् ।
श्वो य॒ज्ञाय॑ रमता-न्दे॒वता᳚भ्यः ॥
वसू᳚-न्रु॒द्राना॑दि॒त्यान् । इन्द्रे॑ण स॒ह दे॒वताः᳚ । ताः पूर्वः॒ परि॑गृह्णामि । स्व आ॒यत॑ने मनी॒षया᳚ ॥ इ॒मामूर्ज॑-म्पञ्चद॒शीं-येँ प्रवि॑ष्टाः । तान्दे॒वा-न्परि॑गृह्णामि॒ पूर्वः॑ ॥ 26 ॥
अ॒ग्निर्-ह॑व्य॒वाडि॒ह तानाव॑हतु । पौ॒र्ण॒मा॒सग्ं ह॒विरि॒दमे॑षा॒-म्मयि॑ ।
आ॒मा॒वा॒स्यग्ं॑ ह॒विरि॒दमे॑षा॒-म्मयि॑ ॥ अ॒न्त॒रा-ऽग्नी प॒शवः॑ । दे॒व॒स॒ग्ं॒ सद॒माग॑मन्न् । ता-न्पूर्वः॒ परि॑गृह्णामि ।
स्व आ॒यत॑ने मनी॒षया᳚ ॥ इ॒ह प्र॒जा वि॒श्वरू॑पा रमन्ताम् । अ॒ग्नि-ङ्गृ॒हप॑तिम॒भि सं॒वँसा॑नाः । ताः पूर्वः॒ परि॑गृह्णामि ॥ 27 ॥
स्व आ॒यत॑ने मनी॒षया᳚ ॥
इ॒ह प॒शवो॑ वि॒श्वरू॑पा रमन्ताम् ।
अ॒ग्नि-ङ्गृ॒हप॑तिम॒भि सं॒वँसा॑नाः ।
ता-न्पूर्वः॒ परि॑गृह्णामि । स्व आ॒यत॑ने मनी॒षया᳚ ॥ अ॒य-म्पि॑तृ॒णाम॒ग्निः ।
अवा᳚ड्ढ॒व्या पि॒तृभ्य॒ आ । त-म्पूर्वः॒ परि॑गृह्णामि । अवि॑ष-न्नः पि॒तु-ङ्क॑रत् ॥ अज॑स्र॒-न्त्वाग्ं स॑भापा॒लाः ॥ 28 ॥
वि॒ज॒यभा॑ग॒ग्ं॒ समि॑न्धताम् । अग्ने॑ दी॒दाय॑ मे सभ्य । विजि॑त्यै श॒रदः॑ श॒तम् ॥ अन्न॑मावस॒थीय᳚म् । अ॒भिह॑राणि श॒रदः॑ श॒तम् । आ॒व॒स॒थे श्रिय॒-म्मन्त्र᳚म् । अहि॑र्बु॒द्ध्नियो॒ निय॑च्छतु ॥ इ॒दम॒ह-म॒ग्नि ज्ये᳚ष्ठेभ्यः । वसु॑भ्यो य॒ज्ञ-म्प्रब्र॑वीमि ।
इ॒दम॒ह-मिन्द्र॑ ज्येष्ठेभ्यः ॥ 29 ॥
रु॒द्रेभ्यो॑ य॒ज्ञ-म्प्रब्र॑वीमि । इ॒दम॒हं-वँरु॑ण-ज्येष्ठेभ्यः । आ॒दि॒त्येभ्यो॑ य॒ज्ञ-म्प्रब्र॑वीमि ॥ पय॑स्वती॒-रोष॑धयः ।
पय॑स्वद्वी॒रुधा॒-म्पयः॑ । अ॒पा-म्पय॑सो॒ यत्पयः॑ । तेन॒ मामि॑न्द्र॒ सग्ंसृ॑ज ॥
अग्ने᳚ व्रतपते व्र॒त-ञ्च॑रिष्यामि ।
तच्छ॑केय॒-न्तन्मे॑ राद्ध्यताम् ।
वायो᳚ व्रतपत॒ आदि॑त्य व्रतपते ॥ 30 ॥
व्र॒तानां᳚-व्रँतपते व्र॒त-ञ्च॑रिष्यामि । तच्छ॑केय॒-न्तन्मे॑ राद्ध्यताम् ॥
इ॒मा-म्प्राची॒मुदी॑चीम् । इष॒मूर्ज॑म॒भि सग्ग्स्कृ॑ताम् । ब॒हु॒प॒र्णामशु॑ष्काग्राम् ।
हरा॑मि पशु॒पाम॒हम् ॥ यत्कृष्णो॑ रू॒प-ङ्कृ॒त्वा । प्रावि॑श॒स्त्वं-वँन॒स्पतीन्॑ ।
तत॒स्त्वामे॑कविग्ंशति॒धा । सम्भ॑रामि सुस॒म्भृता᳚ ॥ 31 ॥
त्री-न्प॑रि॒धीग्स्ति॒स्र-स्स॒मिधः॑ । य॒ज्ञायु॑रनुसञ्च॒रान् ।
उ॒प॒वे॒ष-म्मेक्ष॑ण॒-न्धृष्टि᳚म् । सम्भ॑रामि सुस॒भृन्ता᳚ ॥ या जा॒ता ओष॑धयः । दे॒वेभ्य॑ स्त्रियु॒ग-म्पु॒रा । तासा॒-म्पर्व॑ राद्ध्यासम् । प॒रि॒स्त॒र-मा॒हरन्न्॑ ॥
अ॒पा-म्मेद्ध्यं॑-यँ॒ज्ञिय᳚म् ।
सदे॑वग्ं शि॒वम॑स्तु मे ॥ 32 ॥
आ॒च्छे॒त्ता वो॒ मा रि॑षम् । जीवा॑नि श॒रदः॑ श॒तम् ॥ अप॑रिमिताना॒-म्परि॑मिताः । सन्न॑ह्ये सुकृ॒ताय॒कम् । एनो॒ मा निगा᳚-ङ्कत॒मच्च॒ नाहम् । पुन॑रु॒त्थाय॑ बहु॒ला भ॑वन्तु ॥ स॒कृ॒दा॒च्छि॒न्न-म्ब॒र्॒हिरूर्णा॑मृदु ।
स्यो॒न-म्पि॒तृभ्य॑स्त्वा भराम्य॒हम् । अ॒स्मि-न्थ्सी॑दन्तु मे पि॒तरः॑ सो॒म्याः ।
पि॒ता॒म॒हाः प्रपि॑तामहाश्चानु॒गै-स्स॒ह ॥ 33 ॥
त्रि॒वृ-त्प॑ला॒शे द॒र्भः । इया᳚-न्प्रादे॒श स॑मिन्तः । य॒ज्ञे प॒वित्र॒-म्पोतृ॑तमम् । पयो॑ ह॒व्य-ङ्क॑रोतु मे ॥ इ॒मौ प्रा॑णापा॒नौ ।
य॒ज्ञस्याङ्गा॑नि सर्व॒शः । आ॒प्या॒यय॑न्तौ॒ सञ्च॑रताम् । प॒वित्रे॑ हव्य॒शोध॑ने ॥
प॒वित्रे᳚ स्थो वैष्ण॒वी । वा॒युर्वा॒-म्मन॑सा पुनातु ॥ 34 ॥
अ॒य-म्प्रा॒णश्चा॑पा॒नश्च॑ । यज॑मान॒-मपि॑गच्छताम् । य॒ज्ञे ह्यभू॑ता॒-म्पोता॑रौ ।
प॒वित्रे॑ हव्य॒शोध॑ने ॥ त्वया॒ वेदिं॑-विँविदुः पृथि॒वीम् । त्वया॑ य॒ज्ञो जा॑यते विश्व॒दानिः॑ । अच्छि॑द्रं-यँ॒ज्ञमन्वे॑षि वि॒द्वान् ।
त्वया॒ होता॒ सन्त॑नोत्यर्धमा॒सान् ॥ त्र॒य॒स्त्रि॒ग्ं॒शो॑-ऽसि॒ तन्तू॑नाम् ।
प॒वित्रे॑ण स॒हाग॑हि ॥ 35 ॥
शि॒वेयग्ं रज्जु॑रभि॒धानी᳚ । अ॒घ्नि॒या-मुप॑सेवताम् ॥ अप्र॑स्रग्ंसाय य॒ज्ञस्य॑ ।
उ॒खे उप॑दधाम्य॒हम् । प॒शुभि॒-स्सन्नी॑त-म्बिभृताम् । इन्द्रा॑य शृ॒त-न्दधि॑ ॥
उ॒प॒वे॒षो॑-ऽसि य॒ज्ञाय॑ । त्वा-म्प॑रिवे॒ष-म॑धारयन्न् । इन्द्रा॑य ह॒विः कृ॒ण्वन्तः॑ ।
शि॒व-श्श॒ग्मो भ॑वासि नः ॥ 36 ॥
अमृ॑न्मय-न्देवपा॒त्रम् । य॒ज्ञस्यायु॑षि॒ प्रयु॑ज्यताम् । ति॒रः॒ प॒वि॒त्रमति॑नीताः ।
आपो॑ धारय॒ मा-ऽति॑गुः ॥ दे॒वेन॑ सवि॒त्रोत्पू॑ताः । वसो॒-स्सूर्य॑स्य र॒श्मिभिः॑ । गा-न्दो॑हपवि॒त्रे रज्जु᳚म् । सर्वा॒ पात्रा॑णि शुन्धत ॥ ए॒ता आच॑रन्ति॒ मधु॑म॒द्दुहा॑नाः ।
प्र॒जाव॑ती-र्य॒शसो॑ वि॒श्वरू॑पाः ॥ 37 ॥
ब॒ह्वी र्भव॑न्ती॒रुप॒ जाय॑मानाः । इ॒ह व॒ इन्द्रो॑ रमयतु गावः ॥ पू॒षा स्थ॑ ॥ अ॒य॒क्ष्मा वः॑ प्र॒जया॒ सग्ंसृ॑जामि ।
रा॒यस्पोषे॑ण बहु॒ला भव॑न्तीः । ऊर्ज॒-म्पयः॒ पिन्व॑माना घृ॒त-ञ्च॑ ।
जी॒वो जीव॑न्ती॒रुप॑ व-स्सदेयम् ॥ द्यौश्चे॒मं-यँ॒ज्ञ-म्पृ॑थि॒वी च॒ सन्दु॑हाताम् ।
धा॒ता सोमे॑न स॒ह वाते॑न वा॒युः । यज॑मानाय॒ द्रवि॑ण-न्दधातु ॥ 38 ॥
उथ्स॑-न्दुहन्ति क॒लश॒-ञ्चतु॑र्बिलम् । इडा᳚-न्दे॒वी-म्मधु॑मतीग्ं सुव॒र्विद᳚म् ।
तदि॑न्द्रा॒ग्नी जि॑न्वतग्ं सू॒नृता॑वत् । त-द्यज॑मान-ममृत॒त्वे द॑धातु ॥
काम॑धुक्षः॒ प्रणो᳚ ब्रूहि । इन्द्रा॑य ह॒विरि॑न्द्रि॒यम् ॥ अ॒मूं-यँस्या᳚-न्दे॒वाना᳚म् ।
म॒नु॒ष्या॑णा॒-म्पयो॑ हि॒तम् ॥ ब॒हु दु॒ग्धीन्द्रा॑य दे॒वेभ्यः॑ ।
ह॒व्य-माप्या॑यता॒-म्पुनः॑ ॥ 39 ॥
व॒थ्सेभ्यो॑ मनु॒ष्ये᳚भ्यः । पु॒न॒र्दो॒हाय॑ कल्पताम् ॥ य॒ज्ञस्य॒ सन्त॑तिरसि ।
य॒ज्ञस्य॑ त्वा॒ सन्त॑ति॒मनु॒सन्त॑नोमि ॥ अद॑स्तमसि॒ विष्ण॑वे त्वा ।
य॒ज्ञायापि॑ दधाम्य॒हम् । अ॒द्भिररि॑क्तेन॒ पात्रे॑ण । याः पू॒ताः प॑रि॒शेर॑ते ॥
अ॒य-म्पय॒-स्सोम॑-ङ्कृ॒त्वा । स्वां-योँनि॒-मपि॑गच्छतु ॥ 40 ॥
प॒र्ण॒व॒ल्कः प॒वित्र᳚म् । सौ॒म्य-स्सोमा॒द्धि निर्मि॑तः ॥ इ॒मौ प॒र्ण-ञ्च॑ द॒र्भ-ञ्च॑ ।
दे॒वानाग्ं॑ हव्य॒शोध॑नौ । प्रा॒त॒र्वे॒षाय॑ गोपाय । विष्णो॑ ह॒व्यग्ं हि रक्ष॑सि ॥
उ॒भाव॒ग्नी उ॑पस्तृण॒ते । दे॒वता॒ उप॑वसन्तु मे । अ॒ह-ङ्ग्रा॒म्या-नुप॑वसामि ।
मह्य॒-ङ्गोप॑तये प॒शून् ॥ 41 ॥
[आभृ॑त - इ॒मं - गृ॑ह्णामि॒ पूर्व॒ - स्ताः पुर्वः॒ परि॑गृह्णामि - सभापा॒ला - इन्द्र॑ज्येष्ठेभ्य॒-आदि॑त्य व्रतपते-सुस॒भ्रुन्ता॑ - मे - स॒ह - पु॑नातु - गहि - नो - वि॒श्वरू॑पा - दधातु॒ - पुन॑--र् गच्छतु - प॒शुन् ] (अ. 4)
याः पु॒रस्ता॑दि॒मामूर्ज॑मि॒ह प्र॒जा इ॒ह प॒शवो॒-ऽय-म्पि॑तृ॒णाम॒ग्निः
अनुवाकं 5 - ऐष्टिकयाजमानमन्त्राः
देवा॑ दे॒वेषु॒ परा᳚क्रमद्ध्वम् । प्रथ॑मा द्वि॒तीये॑षु । द्विती॑या-स्तृ॒तीये॑षु ।
त्रिरे॑कादशा इ॒ह मा॑-ऽवत । इ॒दग्ं श॑केयं॒-यँदि॒द-ङ्क॒रोमि॑ ।
आ॒त्मा क॑रोत्वा॒त्मने᳚ । इ॒द-ङ्क॑रिष्ये भेष॒जम् । इ॒द-म्मे॑ विश्वभेषजा ।
अश्वि॑ना॒ प्राव॑तं-युँ॒वम् ॥ इ॒दम॒हग्ं सेना॑या अ॒भीत्व॑र्यै ॥ 42 ॥
मुख॒मपो॑हामि ॥ सूर्य॑ज्योति॒ र्विभा॑हि । म॒ह॒त इ॑न्द्रि॒याय॑ ॥ आप्या॑यता-ङ्घृ॒तयो॑निः । अ॒ग्निर्-ह॒व्या-ऽनु॑मन्यताम् ।
खम॑ङ्क्ष्व॒ त्वच॑मङ्क्ष्व । सु॒रू॒प-न्त्वा॑ वसु॒विद᳚म् । प॒शू॒ना-न्तेज॑सा ।
अ॒ग्नये॒ जुष्ट॑-म॒भिघा॑रयामि ॥ स्यो॒न-न्ते॒ सद॑न-ङ्करोमि ॥ 43 ॥
घृ॒तस्य॒ धार॑या सु॒शेव॑-ङ्कल्पयामि ॥
तस्मि᳚न्-थ्सीदा॒मृते॒ प्रति॑तिष्ठ ।
व्री॒ही॒णा-म्मे॑ध सुमन॒स्यमा॑नः ॥
आ॒र्द्रः प्र॑थस्नु॒-र्भुव॑नस्य गो॒पाः ।
शृ॒त उथ्स्ना॑ति जनि॒ता म॑ती॒नाम् ॥
यस्त॑ आ॒त्मा प॒शुषु॒ प्रवि॑ष्टः ।
दे॒वानां᳚-विँ॒ष्ठामनु॒ यो वि॑त॒स्थे ।
आ॒त्म॒न्वा-न्थ्सो॑म घृ॒तवा॒न्॒. हि भू॒त्वा ।
दे॒वा-न्ग॑च्छ॒ सुव॑र्विन्द॒ यज॑मानाय॒ मह्य᳚म् ॥ इरा॒ भूतिः॑ पृथि॒व्यै रसो॒ मोत्क्र॑मीत् ॥ 44 ॥
देवाः᳚ पितरः॒ पित॑रो देवाः । यो॑-ऽहम॑स्मि॒ स सन्. य॑जे । यस्या᳚स्मि॒ न तम॒न्तरे॑मि । स्व-म्म॑ इ॒ष्टग्ग् स्व-न्द॒त्तम् । स्व-म्पू॒र्तग्ग् स्वग्ग् श्रा॒न्तम् । स्वग्ं हु॒तम् । तस्य॑ मे॒-ऽग्नि-रु॑पद्र॒ष्टा । वा॒युरु॑पश्रो॒ता ।
आ॒दि॒त्यो॑-ऽनुख्या॒ता । द्यौः पि॒ता ॥ 45 ॥
पृ॒थि॒वी मा॒ता । प्र॒जाप॑ति॒ र्बन्धुः॑ ।
य ए॒वास्मि॒ स सन्. य॑जे ॥ मा भेर्मा संविँ॑क्था॒ मा त्वा॑ हिग्ंसिषम् । मा ते॒ तेजो-ऽप॑क्रमीत् ।
भ॒र॒तमुद्ध॑रे॒ मनु॑षिञ्च । अ॒व॒दाना॑नि ते प्र॒त्यव॑दास्यामि ।
नम॑स्ते अस्तु॒ मा मा॑ हिग्ंसीः ॥ यद॑व॒दाना॑नि ते-ऽव॒द्यन्न् । विलो॒माका॑र्षमा॒त्मनः॑ ॥ 46 ॥
आज्ये॑न॒ प्रत्य॑नज्म्येनत् । तत्त॒ आप्या॑यता॒-म्पुनः॑ ॥ अज्या॑यो यवमा॒त्रात् ।
आ॒व्या॒धा-त्कृ॑त्यतामि॒दम् । मा रू॑रुपाम य॒ज्ञस्य॑ । शु॒द्धग्ग् स्वि॑ष्टमि॒दग्ं ह॒विः ॥ मनु॑ना दृ॒ष्टा-ङ्घृ॒तप॑दीम् । मि॒त्रावरु॑णसमीरिताम् । द॒क्षि॒णा॒र्धादस॑भिन्न्दन्न् । अव॑द्या-म्येक॒तो मु॑खाम् ॥ 47 ॥
इडे॑ भा॒ग-ञ्जु॑षस्व नः । जिन्व॒ गा जिन्वार्व॑तः । तस्या᳚स्ते भक्षि॒वाणः॑ स्याम । स॒र्वात्मा॑न-स्स॒र्वग॑णाः ॥ ब्रद्ध्न॒ पिन्व॑स्व ।
दद॑तो मे॒ मा क्षा॑यि । कु॒र्व॒तो मे॒ मोप॑दसत् । दि॒शा-ङ्क्लृप्ति॑रसि । दिशो॑ मे कल्पन्ताम् । कल्प॑न्ता-म्मे॒ दिशः॑ ॥ 48 ॥
दैवी᳚श्च॒ मानु॑षीश्च । अ॒हो॒रा॒त्रे मे॑ कल्पेताम् । अ॒र्ध॒मा॒सा मे॑ कल्पन्ताम् । मासा॑ मे कल्पन्ताम् । ऋ॒तवो॑ मे कल्पन्ताम् । सं॒वँ॒थ्स॒रो मे॑ कल्पताम् ।
क्लृप्ति॑रसि॒ कल्प॑ता-म्मे ॥
आशा॑ना-न्त्वा-ऽऽशापा॒लेभ्यः॑ ।
च॒तुर्भ्यो॑ अ॒मृते᳚भ्यः ।
इ॒द-म्भू॒तस्या-द्ध्य॑क्षेभ्यः ॥ 49 ॥
वि॒धेम॑ ह॒विषा॑ व॒यम् । भज॑ता-म्भा॒गी भा॒गम् । मा-ऽभा॒गो-ऽभ॑क्त ।
निर॑भा॒ग-म्भ॑जामः । अ॒पस्पि॑न्व । ओष॑धीर्जिन्व । द्वि॒पात्पा॑हि । चतु॑ष्पादव । दि॒वो वृष्टि॒मेर॑य । ब्रा॒ह्म॒णाना॑-मि॒दग्ं ह॒विः ॥ 50 ॥
सो॒म्यानाग्ं॑ सोमपी॒थिना᳚म् । निर्भ॒क्तो ब्रा᳚ह्मणः । नेहा-ब्रा᳚ह्मणस्यास्ति ॥
सम॑ङ्क्ता-म्ब॒र॒ःइर्-ह॒विषा॑ घृ॒तेन॑ । समा॑दि॒त्यै र्वसु॑भि॒-स्स-म्म॒रुद्भिः॑ ।
समिन्द्रे॑ण॒ विश्वे॑भि र्दे॒वेभि॑रङ्क्ताम् ।
दि॒व्य-न्नभो॑ गच्छतु॒ य-थ्स्वाहा᳚ ॥
इ॒न्द्रा॒णी वा॑ विध॒वा भू॑यासम् । अदि॑तिरिव सुपु॒त्रा ।
अ॒स्थू॒रि त्वा॑ गार्हपत्य ॥ 51 ॥
उप॒निष॑दे सुप्रजा॒स्त्वाय॑ ॥
स-म्पत्नी॒ पत्या॑ सुकृ॒तेन॑ गच्छताम् ।
य॒ज्ञस्य॑ यु॒क्तौ धुर्या॑वभूताम् ।
स॒जा॒न्ना॒नौ विज॑हता॒-मरा॑तीः ।
दि॒वि ज्योति॑र॒ज-र॒मार॑भेताम् ॥
दश॑ ते त॒नुवो॑ यज्ञ य॒ज्ञियाः᳚ ।
ताः प्री॑णातु॒ यज॑मानो घृ॒तेन॑ । ना॒रि॒ष्ठयोः᳚ प्र॒शिष॒मीड॑मानः ।
दे॒वाना॒-न्दैव्ये-ऽपि॒ यज॑मानो॒-ऽमृतो॑-ऽभूत् ॥
यं-वाँ᳚-न्दे॒वा अ॑कल्पयन्न् ॥ 52 ॥
ऊ॒र्जो भा॒गग्ं श॑तक्रतू । ए॒तद्वा॒-न्तेन॑ प्रीणानि । तेन॑ तृप्यतमग्ंहहौ ॥ अ॒ह-न्दे॒वानाग्ं॑ सु॒कृता॑मस्मि लो॒के ।
ममे॒दमि॒ष्ट-न्न मिथु॑ र्भवाति । अ॒ह-न्ना॑रि॒ष्ठा-वनु॑यजामि वि॒द्वान् ।
यदा᳚भ्या॒-मिन्द्रो॒ अद॑धा-द्भाग॒धेय᳚म् ॥ अदा॑रसृद्भवत देव सोम ।
अ॒स्मिन्. य॒ज्ञे म॑रुतो मृडता नः ।
मा नो॑ विदद॒भि भा॒मो अश॑स्तिः ॥ 53 ॥
मा नो॑ विद-द्व॒जना॒ द्वेष्या॒ या ॥
ऋ॒ष॒भं-वाँ॒जिनं॑-वँ॒यम् ।
पू॒र्णमा॑सं-यँजामहे । स नो॑ दोहताग्ं सु॒वीर्य᳚म् । रा॒यस्पोषग्ं॑ सह॒स्रिण᳚म् । प्रा॒णाय॑ सु॒राध॑से । पू॒र्णमा॑साय॒ स्वाहा᳚ ॥
अ॒मा॒वा॒स्या॑ सु॒भगा॑ सु॒शेवा᳚ । धे॒नुरि॑व॒ भूय॑ आ॒प्याय॑माना । सा नो॑ दोहताग्ं सु॒वीर्य᳚म् । रा॒यस्पोषग्ं॑ सह॒स्रिण᳚म् ।
अ॒पा॒नाय॑ सु॒राध॑से । अ॒मा॒वा॒स्या॑यै॒ स्वाहा᳚ ॥ अ॒भिस्तृ॑णीहि॒ परि॑धेहि॒ वेदि᳚म् ।
जा॒मि-म्मा हिग्ं॑सीरमु॒या शया॑ना ।
हो॒तृ॒षद॑ना॒ हरि॑ता-स्सु॒वर्णाः᳚ । नि॒ष्का इ॒मे यज॑मानस्य ब्र॒द्ध्ने ॥ 54 ॥
(अ॒भीत्व॑र्यै - करोमि - क्रमीत् - पि॒ता - ऽऽत्मन॑ - एक॒तोमु॑खां - मे॒ दिशो - ऽध्य॑क्षेभ्यो - ह॒वि--र् गा॑र्हपत्या - कल्पय॒ - न्नश॑स्तिः॒ - सा नो॑ दोहताग्ं सु॒वीर्यग्ं॑ स॒प्त च॑) (अ. 5)
अनुवाकं 6 - ऐष्टिकयाजमानमन्त्राः
परि॑स्तृणीत॒ परि॑धत्ता॒ग्निम् । परि॑हितो॒-ऽग्नि र्यज॑मान-म्भुनक्तु । अ॒पाग्ं रस॒ ओष॑धीनाग्ं सु॒वर्णः॑ । नि॒ष्का इ॒मे यज॑मानस्य सन्तु काम॒दुघाः᳚ । अ॒मुत्रा॒मुष्मि॑न् ँलो॒के ॥
भूप॑ते॒ भुव॑नपते । म॒ह॒तो भू॒तस्य॑ पते । ब्र॒ह्माण॑-न्त्वा वृणीमहे ॥
अ॒ह-म्भूप॑तिर॒ह-म्भुव॑नपतिः ।
अ॒ह-म्म॑ह॒तो भू॒तस्य॒ पतिः॑ ॥ 55 ॥
दे॒वेन॑ सवि॒त्रा प्रसू॑त॒ आर्त्वि॑ज्य-ङ्करिष्यामि । देव॑ सवितरे॒त-न्त्वा॑ वृणते ।
बृह॒स्पति॒-न्दैव्य॑-म्ब्र॒ह्माण᳚म् । तद॒ह-म्मन॑से॒ प्रब्र॑वीमि । मनो॑ गायत्रि॒यै ।
गा॒य॒त्री त्रि॒ष्टुभे᳚ । त्रि॒ष्टु-ब्जग॑त्यै । जग॑त्यनु॒ष्टुभे᳚ । अ॒नु॒ष्टु-क्प॒ङ्क्त्यै । प॒ङ्क्तिः प्र॒जाप॑तये ॥ 56 ॥
प्र॒जाप॑ति॒ र्विश्वे᳚भ्यो दे॒वेभ्यः॑ । विश्वे॑ दे॒वा बृह॒स्पत॑ये । बृह॒स्पति॒-र्ब्रह्म॑णे ।
ब्रह्म॒ भूर्भुव॒-स्सुवः॑ । बृह॒स्पति॑ र्दे॒वाना᳚-म्ब्र॒ह्मा । अ॒ह-म्म॑नु॒ष्या॑णाम् । बृह॑स्पते य॒ज्ञ-ङ्गो॑पाय ॥ इ॒द-न्तस्मै॑ ह॒र्म्य-ङ्क॑रोमि । यो वो॑ देवा॒श्चर॑ति ब्रह्म॒चर्य᳚म् । मे॒धा॒वी दि॒क्षु मन॑सा तप॒स्वी ॥ 57 ॥
अ॒न्तर्दू॒तश्च॑रति॒ मानु॑षीषु ॥
चतुः॑ शिखण्डा युव॒ति-स्सु॒पेशाः᳚ ।
घृ॒तप्र॑तीका॒ भुव॑नस्य॒ मद्ध्ये᳚ । म॒र्मृ॒ज्यमा॑ना मह॒ते सौभ॑गाय ।
मह्य॑-न्धुक्ष्व॒ यज॑मानाय॒ कामान्॑ ॥
भूमि॑ र्भू॒त्वा म॑हि॒मान॑-म्पुपोष ।
ततो॑ दे॒वी व॑र्धयते॒ पयाग्ं॑सि ।
य॒ज्ञिया॑ य॒ज्ञं-विँच॒यन्ति॒ शञ्च॑ ।
ओष॑धी॒राप॑ इ॒ह शक्व॑रीश्च ॥
यो मा॑ हृ॒दा मन॑सा॒ यश्च॑ वा॒चा ॥ 58 ॥
यो ब्रह्म॑णा॒ कर्म॑णा॒ द्वेष्टि॑ देवाः ।
य-श्श्रु॒तेन॒ हृद॑येनेष्ण॒ता च॑ ।
तस्ये᳚न्द्र॒ वज्रे॑ण॒ शिर॑श्छिनद्मि ॥
ऊर्णा॑मृदु॒ प्रथ॑मानग्ग् स्यो॒नम् ।
दे॒वेभ्यो॒ जुष्ट॒ग्ं॒ सद॑नाय ब॒र्॒हिः । सु॒व॒र्गे लो॒के यज॑मान॒ग्ं॒ हि धे॒हि ।
मा-न्नाक॑स्य पृ॒ष्ठे प॑र॒मे व्यो॑मन्न् ॥ चतुः॑ शिखण्डा युव॒ति-स्सु॒पेशाः᳚ ।
घृ॒तप्र॑तीका व॒युना॑नि वस्ते ।
सा स्ती॒र्यमा॑णा मह॒ते सौभ॑गाय ॥ 59 ॥
सा मे॑ धुक्ष्व॒ यज॑मानाय॒ कामान्॑ ।
शि॒वा च॑ मे श॒ग्मा चै॑धि ।
स्यो॒ना च॑ मे सु॒षदा॑ चैधि ।
ऊर्ज॑स्वती च मे॒ पय॑स्वती चैधि ।
इष॒मूर्ज॑-म्मे पिन्वस्व । ब्रह्म॒ तेजो॑ मे पिन्वस्व । क्ष॒त्रमोजो॑ मे पिन्वस्व ।
विश॒-म्पुष्टि॑-म्मे पिन्वस्व ।
आयु॑र॒न्नाद्य॑-म्मे पिन्वस्व ।
प्र॒जा-म्प॒शू-न्मे॑ पिन्वस्व ॥ 60 ॥
अ॒स्मिन्. य॒ज्ञ उप॒ भूय॒ इन्नु मे᳚ ।
अवि॑क्षोभाय परि॒धीन्द॑धामि ।
ध॒र्ता ध॒रुणो॒ धरी॑यान् ।
अ॒ग्नि र्द्वेषाग्ं॑सि॒ निरि॒तो नु॑दातै ॥
विच्छि॑नद्मि॒ विधृ॑तीभ्याग्ं स॒पत्नान्॑ ।
जा॒ता-न्भ्रातृ॑व्या॒न्॒. ये च॑ जनि॒ष्यमा॑णाः ।
वि॒शो य॒न्त्राभ्यां॒-विँध॑माम्येनान् । अ॒हग्ग्स्वाना॑-मुत्त॒मो॑-ऽसानि देवाः ।
वि॒शो य॒न्त्रे नु॒दमा॑ने॒ अरा॑तिम् । विश्व॑-म्पा॒प्मान॒मम॑ति-न्दुर्मरा॒युम् ॥ 61 ॥
सीद॑न्ती दे॒वी सु॑कृ॒तस्य॑ लो॒के ।
धृती᳚ स्थो॒ विधृ॑ती॒ स्वधृ॑ती ।
प्रा॒णान्मयि॑ धारयतम् । प्र॒जा-म्मयि॑ धारयतम् । प॒शून्मयि॑ धारयतम् ॥
अ॒य-म्प्र॑स्त॒र उ॒भय॑स्य ध॒र्ता ।
ध॒र्ता प्र॑या॒जाना॑-मु॒तानू॑या॒जाना᳚म् ।
स दा॑धार स॒मिधो॑ वि॒श्वरू॑पाः ।
तस्मि॒न्-थ्स्रुचो॒ अद्ध्यासा॑दयामि ॥
आरो॑ह प॒थो जु॑हु देव॒यानान्॑ ॥ 62 ॥
यत्रर्ष॑यः प्रथम॒जा ये पु॑रा॒णाः । हिर॑ण्यपक्षा-ऽजि॒रा सम्भृ॑ताङ्गा ।
वहा॑सि मा सु॒कृतां॒-यँत्र॑ लो॒काः ॥
अवा॒ह-म्बा॑ध उप॒भृता॑ स॒पत्नान्॑ ।
जा॒ता-न्भ्रातृ॑व्या॒न्॒. ये च॑ जनि॒ष्यमा॑णाः । दोहै॑ य॒ज्ञग्ं सु॒दुघा॑मिव धे॒नुम् ।
अ॒हमुत्त॑रो भूयासम् । अध॑रे॒ मथ्स॒पत्नाः᳚ ॥
यो मा॑ वा॒चा मन॑सा दुर्मरा॒युः ।
हृ॒दा-ऽरा॑ती॒या-द॑भि॒दास॑-दग्ने ॥ 63 ॥
इ॒दम॑स्य चि॒त्तमध॑र-न्ध्रु॒वायाः᳚ । अ॒हमुत्त॑रो भूयासम् । अध॑रे॒ मथ्स॒पत्नाः᳚ ॥
ऋ॒ष॒भो॑-ऽसि शाक्व॒रः । घृ॒ताची॑नाग्ं सू॒नुः । प्रि॒येण॒ नाम्ना᳚ प्रि॒ये सद॑सि सीद ॥
स्यो॒नो मे॑ सीद सु॒षदः॑ पृथि॒व्याम् ।
प्रथ॑यि प्र॒जया॑ प॒शुभिः॑ सुव॒र्गे लो॒के ।
दि॒वि सी॑द पृथि॒व्या-म॒न्तरि॑क्षे ।
अ॒हमुत्त॑रो भूयासम् ॥ 64 ॥
अध॑रे॒ मथ्स॒पत्नाः᳚ ॥
इ॒यग्ग् स्था॒ली घृ॒तस्य॑ पू॒र्णा ।
अच्छि॑न्नपया-श्श॒तधा॑र॒ उथ्सः॑ ।
मा॒रु॒तेन॒ शर्म॑णा॒ दैव्ये॑न ॥
य॒ज्ञो॑-ऽसि स॒र्वतः॑ श्रि॒तः । स॒र्वतो॒ मा-म्भू॒त-म्भ॑वि॒ष्य-च्छ्र॑यताम् । श॒त-म्मे॑ सन्त्वा॒शिषः॑ । स॒हस्र॑-म्मे सन्तु सू॒नृताः᳚ । इरा॑वतीः पशु॒मतीः᳚ । प्र॒जाप॑तिरसि स॒र्वतः॑ श्रि॒तः ॥ 65 ॥
स॒र्वतो॒ मा-म्भू॒त-म्भ॑वि॒ष्य-च्छ्र॑यताम् । श॒त-म्मे॑ सन्त्वा॒शिषः॑ ।
स॒हस्र॑-म्मे सन्तु सू॒नृताः᳚ । इरा॑वतीः पशु॒मतीः᳚ ॥ इ॒दमि॑न्द्रि॒य-म॒मृतं॑-वीँ॒र्य᳚म् । अ॒नेनेन्द्रा॑य प॒शवो॑-ऽचिकिथ्सन्न् ।
तेन॑ देवा अव॒तोप॒ माम् । इ॒हेष॒मूर्जं॒-यँश॒-स्सह॒ ओजः॑ सनेयम् । शृ॒त-म्मयि॑ श्रयताम् ॥ य-त्पृ॑थि॒वी-मच॑र॒त्तत्-प्रवि॑ष्टम् ॥ 66 ॥
येनासि॑ञ्च॒-द्बल॒मिन्द्रे᳚ प्र॒जाप॑तिः ।
इ॒द-न्तच्छु॒क्र-म्मधु॑ वा॒जिनी॑वत् ।
येनो॒-परि॑ष्टा॒दधि॑नो-न्महे॒न्द्रम् ।
दधि॒ मा-न्धि॑नोतु ॥
अ॒यं-वेँ॒दः पृ॑थि॒वी-मन्व॑विन्दत् ।
गुहा॑ स॒ती-ङ्गह॑ने॒ गह्व॑रेषु ।
स वि॑न्दतु॒ यज॑मानाय लो॒कम् ।
अच्छि॑द्रं-यँ॒ज्ञ-म्भूरि॑कर्मा करोतु ॥
अ॒यं-यँ॒ज्ञ-स्सम॑सदद्ध॒विष्मान्॑ ।
ऋ॒चा साम्ना॒ यजु॑षा दे॒वता॑भिः ॥ 67 ॥
तेन॑ लो॒कान्-थ्सूर्य॑वतो जयेम ।
इन्द्र॑स्य स॒ख्य-म॑मृत॒त्व-म॑श्याम् ॥
यो नः॒ कनी॑य इ॒ह का॒मया॑तै ।
अ॒स्मिन्. य॒ज्ञे यज॑मानाय॒ मह्य᳚म् ।
अप॒ तमि॑न्द्रा॒ग्नी भुव॑नान्नुदेताम् ।
अ॒ह-म्प्र॒जां-वीँ॒रव॑तीं-विँदेय ॥
अग्ने॑ वाजजित् । वाज॑-न्त्वा सरि॒ष्यन्त᳚म् ।
वाज॑-ञ्जे॒ष्यन्त᳚म् । वा॒जिनं॑-वाँज॒जित᳚म् ॥ 68 ॥
वा॒ज॒जि॒त्यायै॒ सम्मा᳚र्ज्मि । अ॒ग्निम॑न्ना॒-दम॒न्नाद्या॑य ॥ उप॑हूतो॒ द्यौः पि॒ता ।
उप॒ मा-न्द्यौः पि॒ता ह्व॑यताम् । अ॒ग्नि-राग्नी᳚द्ध्रात् । आयु॑षे॒ वर्च॑से । जी॒वात्वै पुण्या॑य । उप॑हूता पृथि॒वी मा॒ता । उप॒ मा-म्मा॒ता पृ॑थि॒वी ह्व॑यताम् । अ॒ग्नि-राग्नी᳚द्ध्रात् ॥ 69 ॥
आयु॑षे॒ वर्च॑से । जी॒वात्वै पुण्या॑य ॥
मनो॒ ज्योति॑ र्जुषता॒माज्य᳚म् ।
विच्छि॑न्नं-यँ॒ज्ञग्ं समि॒म-न्द॑धातु । बृह॒स्पति॑-स्तनुतामि॒म-न्नः॑ ।
विश्वे॑ दे॒वा इ॒ह मा॑दयन्ताम् ॥
य-न्ते॑ अग्न आवृ॒श्चामि॑ । अ॒हं-वाँ᳚ क्षिपि॒तश्चरन्न्॑ । प्र॒जा-ञ्च॒ तस्य॒ मूल॑-ञ्च ।
नी॒चैर्दे॑वा॒ निवृ॑श्चत ॥ 70 ॥
अग्ने॒ यो नो॑-ऽभि॒दास॑ति । स॒मा॒नो यश्च॒ निष्ट्यः॑ । इ॒द्ध्मस्ये॑व प्र॒क्षाय॑तः ।
मा तस्योच्छे॑षि॒ किञ्च॒न । यो मा-न्द्वेष्टि॑ जातवेदः । य-ञ्चा॒ह-न्द्वेष्मि॒ यश्च॒ माम् । सर्वा॒ग्॒स्तान॑ग्ने॒ सन्द॑ह ।
याग्श्चा॒ह-न्द्वेष्मि॒ ये च॒ माम् ॥ अग्ने॑ वाजजित् ।
वाज॑-न्त्वा ससृ॒वाग्ंस᳚म् ॥ 71 ॥
वाज॑-ञ्जिगि॒वाग्ंस᳚म् । वा॒जिनं॑-वाँज॒जित᳚म् । वा॒ज॒जि॒त्यायै॒ सम्मा᳚र्ज्मि । अ॒ग्नि-म॑न्ना॒द-म॒न्नाद्या॑य ॥ वेदि॑ र्ब॒र॒ःइ-श्शृ॒तग्ं ह॒विः ।
इ॒द्ध्मः प॑रि॒धय॒-स्स्रुचः॑ । आज्यं॑-यँ॒ज्ञ ऋचो॒ यजुः॑ । या॒ज्या᳚श्च वषट्का॒राः । स-म्मे॒ सन्न॑तयो नमन्ताम् ।
इ॒द्ध्म॒सं॒-नह॑ने हु॒ते ॥ 72 ॥
दि॒वः खीलो-ऽव॑ततः । पृ॒थि॒व्या अद्ध्युत्थि॑तः । तेना॑ स॒हस्र॑काण्डेन । द्वि॒षन्तग्ं॑ शोचयामसि । द्वि॒षन्मे॑ ब॒हु शो॑चतु ।
ओष॑धे॒ मो अ॒हग्ं शु॑चम् ॥ यज्ञ॒ नम॑स्ते यज्ञ । नमो॒ नम॑श्च ते यज्ञ । शि॒वेन॑ मे॒ सन्ति॑ष्ठस्व । स्यो॒नेन॑ मे॒ सन्ति॑ष्ठस्व ॥ 73 ॥
सु॒भू॒तेन॑ मे॒ सन्ति॑ष्ठस्व । ब्र॒ह्म॒व॒र्च॒सेन॑ मे॒ सन्ति॑ष्ठस्व ।
य॒ज्ञस्यर्धि॒मनु॒ सन्ति॑ष्ठस्व । उप॑ ते यज्ञ॒ नमः॑ । उप॑ ते॒ नमः॑ ।
उप॑ ते॒ नमः॑ ॥ त्रिष्फ॒ली क्रि॒यमा॑णानाम् । यो न्य॒ङ्गो अ॑व॒शिष्य॑ते ।
रक्ष॑सा-म्भाग॒धेय᳚म् । आप॒स्त-त्प्रव॑हतादि॒तः ॥ 74 ॥
उ॒लूख॑ले॒ मुस॑ले॒ यच्च॒ शूर्पे᳚ ।
आ॒शि॒श्लेष॑ दृ॒षदि॒ यत्क॒पाले᳚ ।
अ॒व॒प्रुषो॑ वि॒प्रुष॒-स्संयँ॑जामि ।
विश्वे॑ दे॒वा ह॒विरि॒द-ञ्जु॑षन्ताम् ।
य॒ज्ञे या वि॒प्रुष॒-स्सन्ति॑ ब॒ह्वीः ।
अ॒ग्नौ ता-स्सर्वा॒-स्स्वि॑ष्टा॒-स्सुहु॑ता जुहोमि ॥ उ॒द्यन्न॒द्य मि॑त्रमहः ।
स॒पत्ना᳚न्मे अनीनशः । दिवै॑नान्. वि॒द्युता॑ जहि ।
नि॒म्रोच॒न्नध॑रान् कृधि ॥ 75 ॥
उ॒द्यन्न॒द्य वि नो॑ भज । पि॒ता पु॒त्रेभ्यो॒ यथा᳚ । दी॒र्घा॒यु॒त्वस्य॑ हेशिषे । तस्य॑ नो देहि सूर्य ॥ उ॒द्यन्न॒द्य मि॑त्रमहः । आ॒रोह॒न्नुत्त॑रा॒-न्दिव᳚म् । हृ॒द्रो॒ग-म्मम॑ सूर्य । ह॒रि॒माण॑-ञ्च नाशय ॥ शुके॑षु मे हरि॒माण᳚म् ।
रो॒प॒णाका॑सु दद्ध्मसि ॥ 76 ॥
अथो॑ हारिद्र॒वेषु॑ मे । ह॒रि॒माण॒-न्निद॑द्ध्मसि ॥ उद॑गाद॒य-मा॑दि॒त्यः ।
विश्वे॑न॒ सह॑सा स॒ह । द्वि॒षन्त॒-म्मम॑ र॒न्धयन्न्॑ । मो अ॒ह-न्द्वि॑ष॒तो र॑धम् ॥
यो न॒-श्शपा॒दश॑पतः । यश्च॑ न॒-श्शप॑त॒-श्शपा᳚त् । उ॒षाश्च॒ तस्मै॑ नि॒म्रुक्च॑ । सर्व॑-म्पा॒पग्ं समू॑हताम् ॥ 77 ॥
यो नः॑ स॒पत्नो॒ यो रणः॑ । मर्तो॑-ऽभि॒दास॑ति देवाः। इ॒द्ध्मस्ये॑व प्र॒क्षाय॑तः ।
मा तस्योच्छे॑षि॒ किञ्च॒न ॥ अव॑सृष्टः॒ परा॑पत । श॒रो ब्रह्म॑सग्ंशितः ।
गच्छा॒-ऽमित्रा॒-न्प्रवि॑श । मैषा॒-ङ्कञ्च॒नोच्छि॑षः ॥ 78 ॥
(पतिः॑ - प्र॒जाप॑तये - तप॒स्वी - वा॒चा - सौभ॑गाय - प॒शून्मे॑ पिन्वस्व - दुर्मरा॒युं - दे॑व॒याना॑ - नग्ने॒ - ऽन्तरि॑क्षे॒-ऽहमुत्त॑रो भूयासं -प्र॒जाप॑तिरसि स॒र्वतः॑ श्रि॒तः - प्रवि॑ष्टं - दे॒वता॑भि--र् वाज॒जितं॑ -
पृथि॒वी ह्व॑यताम॒ग्निराग्नी᳚द्ध्रा-द्- वृश्चत - ससृ॒वाग्ंसग्ं॑ - हु॒ते - स्यो॒नेन॑ मे॒ सम्ति॑ष्ठस्वे॒ - तः - कृ॑धि- दध्म - स्यूहता - +म॒ष्टौ च॑) (अ. 6)
अनुवाकं 7 - सोमाङ्ग.भूतेषु मन्त्रेषु-दीक्षामारभ्याग्नीषोमयि पशुपर्यन्ते प्रयोगे शेषभूता मन्त्राः
सक्षे॒द-म्प॑श्य । विध॑र्तरि॒द-म्प॑श्य । नाके॒द-म्प॑श्य । र॒मतिः॒ पनि॑ष्ठा ।
ऋ॒तं-वँर्षि॑ष्ठम् । अ॒मृता॒ यान्या॒हुः । सूर्यो॒ वरि॑ष्ठो अ॒क्षभि॒र्विभा॑ति ।
अन॒ द्यावा॑पृथि॒वी दे॒वपु॑त्रे ॥ दी॒क्षा-ऽसि॒ तप॑सो॒ योनिः॑ । तपो॑-ऽसि॒ ब्रह्म॑णो॒ योनिः॑ ॥ 79 ॥
ब्रह्मा॑सि क्ष॒त्रस्य॒ योनिः॑ । क्ष॒त्रम॑स्यृ॒तस्य॒ योनिः॑ ।
ऋ॒तम॑सि॒ भूरार॑भे । श्र॒द्धा-म्मन॑सा । दी॒क्षा-न्तप॑सा । विश्व॑स्य॒ भुव॑न॒स्याधि॑पत्नीम् । सर्वे॒ कामा॒ यज॑मानस्य सन्तु ॥
वात॑-म्प्रा॒ण-म्मन॑सा॒-ऽन्वार॑भामहे । प्र॒जाप॑तिं॒-योँ भुव॑नस्य गो॒पाः ।
स नो॑ मृ॒त्योस्त्रा॑यता॒-म्पात्वग्ंह॑सः ॥ 80 ॥
ज्योग्जी॒वा ज॒राम॑शीमहि ॥ इन्द्र॑ शाक्वर गाय॒त्री-म्प्रप॑द्ये । ता-न्ते॑ युनज्मि । इन्द्र॑ शाक्वर त्रि॒ष्टुभ॒-म्प्रप॑द्ये । ता-न्ते॑ युनज्मि ।
इन्द्र॑ शाक्वर॒ जग॑ती॒-म्प्रप॑द्ये । ता-न्ते॑ युनज्मि ।
इन्द्र॑ शाक्वरानु॒ष्टुभ॒-म्प्रप॑द्ये । ता-न्ते॑ युनज्मि । इन्द्र॑ शाक्वर प॒ङ्क्ति-म्प्रप॑द्ये ॥ 81 ॥
ता-न्ते॑ युनज्मि ॥ आ-ऽह-न्दी॒क्षाम॑रुह-मृ॒तस्य॒ पत्नी᳚म् । गा॒य॒त्रेण॒ छन्द॑सा॒ ब्रह्म॑णा च । ऋ॒तग्ं स॒त्ये॑-ऽधायि । स॒त्यमृ॒ते॑-ऽधायि ।
ऋ॒त-ञ्च॑ मे स॒त्य-ञ्चा॑भूताम् । ज्योति॑रभूव॒ग्ं॒ सुव॑रगमम् ।
सु॒व॒र्गं-लोँ॒क-न्नाक॑स्य पृ॒ष्ठम् । ब्र॒द्ध्नस्य॑ वि॒ष्टप॑मगमम् ॥
पृ॒थि॒वी दी॒क्षा ॥ 82 ॥
तया॒-ऽग्नि र्दी॒क्षया॑ दीक्षि॒तः । यया॒-ऽग्नि र्दी॒क्षया॑ दीक्षि॒तः । तया᳚ त्वा दी॒क्षया॑ दीक्षयामि । अ॒न्तरि॑क्ष-न्दी॒क्षा ।
तया॑ वा॒यु र्दी॒क्षया॑ दीक्षि॒तः ।
यया॑ वा॒यु र्दी॒क्षया॑ दीक्षि॒तः ।
तया᳚ त्वा दी॒क्षया॑ दीक्षयामि । द्यौ र्दी॒क्षा ।
तया॑-ऽऽदि॒त्यो दी॒क्षया॑ दीक्षि॒तः ।
यया॑-ऽऽदि॒त्यो दी॒क्षया॑ दीक्षि॒तः ॥ 83 ॥
तया᳚ त्वा दी॒क्षया॑ दीक्षयामि । दिशो॑ दी॒क्षा ।
तया॑ च॒न्द्रमा॑ दी॒क्षया॑ दीक्षि॒तः ।
यया॑ च॒न्द्रमा॑ दी॒क्षया॑ दीक्षि॒तः ।
तया᳚ त्वा दी॒क्षया॑ दीक्षयामि ।
आपो॑ दी॒क्षा । तया॒ वरु॑णो॒ राजा॑ दी॒क्षया॑ दीक्षि॒तः । यया॒ वरु॑णो॒ राजा॑ दी॒क्षया॑ दीक्षि॒तः । तया᳚ त्वा दी॒क्षया॑ दीक्षयामि ।
ओष॑धयो दी॒क्षा ॥ 84 ॥
तया॒ सोमो॒ राजा॑ दी॒क्षया॑ दीक्षि॒तः। यया॒ सोमो॒ राजा॑ दी॒क्षया॑ दीक्षि॒तः ।
तया᳚ त्वा दी॒क्षया॑ दीक्षयामि । वाग् दी॒क्षा ।
तया᳚ प्रा॒णो दी॒क्षया॑ दीक्षि॒तः ।
यया᳚ प्रा॒णो दी॒क्षया॑ दीक्षि॒तः ।
तया᳚ त्वा दी॒क्षया॑ दीक्षयामि । पृ॒थि॒वी त्वा॒ दीक्ष॑माण॒मनु॑ दीक्षताम् ।
अ॒न्तरि॑क्ष-न्त्वा॒ दीक्ष॑माण॒मनु॑ दीक्षताम् ।
द्यौस्त्वा॒ दीक्ष॑माण॒मनु॑ दीक्षताम् ॥ 85 ॥
दिश॑स्त्वा॒ दीक्ष॑माण॒मनु॑ दीक्षन्ताम् । आप॑स्त्वा॒ दीक्ष॑माण॒मनु॑ दीक्षन्ताम् ।
ओष॑धयस्त्वा॒ दीक्ष॑माण॒मनु॑ दीक्षन्ताम् । वाक्त्वा॒ दीक्ष॑माण॒मनु॑ दीक्षताम् ।
ऋच॑स्त्वा॒ दीक्ष॑माण॒मनु॑ दीक्षन्ताम् । सामा॑नि त्वा॒ दीक्ष॑माण॒मनु॑ दीक्षन्ताम् ।
यजूग्ं॑षि त्वा॒ दीक्ष॑माण॒मनु॑ दीक्षन्ताम् । अह॑श्च॒ रात्रि॑श्च । कृ॒षिश्च॒ वृष्टि॑श्च । त्विषि॒श्चा-प॑चितिश्च ॥ 86 ॥
आप॒श्चौष॑धयश्च । ऊर्क्च॑ सू॒नृता॑ च । तास्त्वा॒ दीक्ष॑माण॒मनु॑ दीक्षन्ताम् ॥
स्वे दक्षे॒ दक्ष॑पिते॒ह सी॑द । दे॒वानाग्ं॑ सु॒म्नो म॑ह॒ते रणा॑य । स्वा॒स॒स्थ-स्त॒नुवा॒ संविँ॑शस्व । पि॒तेवै॑धि सू॒नव॒ आ सु॒शेवः॑ ।
शि॒वो मा॑ शि॒वमावि॑श । स॒त्य-म्म॑ आ॒त्मा । श्र॒द्धा मे ऽक्षि॑तिः ॥ 87 ॥
तपो॑ मे प्रति॒ष्ठा । स॒वि॒तृ-प्र॑सूता मा॒ दिशो॑ दीक्षयन्तु । स॒त्यम॑स्मि ॥ अ॒ह-न्त्वद॑स्मि॒ मद॑सि॒ त्वमे॒तत् । ममा॑सि॒ योनि॒स्तव॒ योनि॑रस्मि । ममै॒व सन्वह॑ ह॒व्यान्य॑ग्ने ।
पु॒त्रः पि॒त्रे लो॑क॒कृ-ज्जा॑तवेदः ॥
आ॒जुह्वा॑न-स्सु॒प्रती॑कः पु॒रस्ता᳚त् ।
अग्ने॒ स्वां-योँनि॒मासी॑द सा॒द्ध्या ।
अ॒स्मिन्-थ्स॒धस्थे॒ अद्ध्युत्त॑रस्मिन्न् ॥ 88 ॥
विश्वे॑ देवा॒ यज॑मानश्च सीदत ॥
एक॑मि॒षे विष्णु॒स्त्वा-ऽन्वे॑तु ।
द्वे ऊ॒र्जे विष्णु॒स्त्वा-ऽन्वे॑तु ।
त्रीणि॑ व्र॒ताय॒ विष्णु॒स्त्वा-ऽन्वे॑तु ।
च॒त्वारि॒ मायो॑ भवाय॒ विष्णु॒स्त्वा-ऽन्वे॑तु ।
पञ्च॑ प॒शुभ्यो॒ विष्णु॒स्त्वा-ऽन्वे॑तु । षड्रा॒यस्पोषा॑य॒ विष्णु॒स्त्वा-ऽन्वे॑तु ।
स॒प्त स॒प्तभ्यो॒ होत्रा᳚भ्यो॒ विष्णु॒स्त्वा-ऽन्वे॑तु ॥
सखा॑य-स्स॒प्तप॑दा अभूम । स॒ख्य-न्ते॑ गमेयम् ॥ 89 ॥
स॒ख्यात्ते॒ मा यो॑षम् । स॒ख्यान्मे॒ मा यो᳚ष्ठाः ॥ सा-ऽसि॑ सुब्रह्मण्ये ।
तस्या᳚स्ते पृथि॒वी पादः॑ । सा-ऽसि॑ सुब्रह्मण्ये । तस्या᳚स्ते॒-ऽन्तरि॑क्ष॒-म्पादः॑ ।
सा-ऽसि॑ सुब्रह्मण्ये । तस्या᳚स्ते॒ द्यौः पादः॑ । सा-ऽसि॑ सुब्रह्मण्ये । तस्या᳚स्ते॒ दिशः॒ पादः॑ ॥ 90 ॥
प॒रो र॑जास्ते पञ्च॒मः पादः॑ । सा न॒ इष॒मूर्ज॑-न्धुक्ष्व । तेज॑ इन्द्रि॒यम् । ब्र॒ह्म॒व॒र्च॒स-म॒न्नाद्य᳚म् ॥ विमि॑मे त्वा॒ पय॑स्वतीम् । दे॒वाना᳚-न्धे॒नुग्ं सु॒दुघा॒-मन॑प-स्फुरन्तीम् । इन्द्र॒-स्सोम॑-म्पिबतु ।
क्षेमो॑ अस्तु नः ॥ इ॒मा-न्न॑राः कृणुत॒ वेदि॒मेत्य॑ । वसु॑मतीग्ं रु॒द्रव॑ती-मादि॒त्यव॑तीम् ॥ 91 ॥
वर्ष्म॑न्दि॒वः । नाभा॑ पृथि॒व्याः ।
यथा॒-ऽयं-यँज॑मानो॒ न रिष्ये᳚त् ।
दे॒वस्य॑ सवि॒तु-स्स॒वे ॥
चतुः॑ शिखण्डा युव॒ति-स्सु॒पेशाः᳚ ।
घृ॒तप्र॑तीका॒ भुव॑नस्य॒ मद्ध्ये᳚ ।
तस्याग्ं॑ सुप॒र्णावधि॒ यौ निवि॑ष्टौ ।
तयो᳚ र्दे॒वाना॒मधि॑ भाग॒धेय᳚म् ॥
अप॒ जन्य॑-म्भ॒य-न्नु॑द । अप च॒क्राणि॑ वर्तय । गृ॒हग्ं सोम॑स्य गच्छतम् ॥
न वा उ॑वे॒तन्म्रि॑यसे॒ न रि॑ष्यसि ।
दे॒वाग्ं इदे॑षि प॒थिभिः॑ सु॒गेभिः॑ ।
यत्र॒ यन्ति॑ सु॒कृतो॒ नापि॑ दु॒ष्कृतः॑ ।
तत्र॑ त्वा दे॒व-स्स॑वि॒ता द॑धातु ॥ 92 ॥
(ब्रह्म॑णो॒ योनि॒ - रग्ंह॑सः - प॒ङ्क्ति-म्प्रप॑द्ये - दी॒क्षा - ययो॑-ऽऽदि॒त्यो दी॒क्षया॑ दीक्षि॒त - स्तया᳚ त्वा दी॒क्षया॑ दीक्षया॒म्योष॑धयो दी॒क्षा - द्यौस्त्वा॒ दीक्ष॑माण॒मनु॑ दीक्षता॒ - मप॑चिति॒श्चा - क्षि॑ति॒ - रुत्त॑रस्मिन् - गमेयं॒ - दिशः॒ पाद॑ - आदि॒त्यव॑तीं - ँवर्तय॒ पञ्च॑ च) (अ. 7)
अनुवाकं 8 - पशुविषया अच्छिद्रमन्त्राः
यद॒स्य पा॒रे रज॑सः । शु॒क्र-ञ्ज्योति॒-रजा॑यत । तन्नः॑ पर्ष॒दति॒ द्विषः॑ ।
अग्ने॑ वैश्वानर॒ स्वाहा᳚ ॥ यस्मा᳚द्भी॒षा-ऽवा॑शिष्ठाः । ततो॑ नो॒ अभ॑य-ङ्कृधि ।
प्र॒जाभ्य॒-स्सर्वा᳚भ्यो मृड । नमो॑ रु॒द्राय॑ मी॒ढुषे᳚ ॥ यस्मा᳚द्भी॒षा न्यष॑दः ।
ततो॑ नो॒ अभ॑य-ङ्कृधि ॥ 93 ॥
प्र॒जाभ्य॒-स्सर्वा᳚भ्यो मृड । नमो॑ रु॒द्राय॑ मी॒ढुषे᳚ ॥ उदु॑स्र तिष्ठ॒ प्रति॑तिष्ठ॒ मा रि॑षः । मेमं-यँ॒ज्ञं-यँज॑मान-ञ्च रीरिषः । सु॒व॒र्गे लो॒के यज॑मान॒ग्ं॒ हि धे॒हि । श-न्न॑ एधि द्वि॒पदे॒ श-ञ्चतु॑ष्पदे ॥
यस्मा᳚द्भी॒षा-ऽवे॑पिष्ठाः प॒लायि॑ष्ठा-स्स॒मज्ञा᳚स्थाः । ततो॑ नो॒ अभ॑य-ङ्कृधि ।
प्र॒जाभ्य॒-स्सर्वा᳚भ्यो मृड । नमो॑ रु॒द्राय॑ मी॒ढुषे᳚ ॥ 94 ॥
य इ॒दमकः॑ । तस्मै॒ नमः॑ । तस्मै॒ स्वाहा᳚ ॥
न वा उ॑वे॒तन्म्रि॑यसे॒ न रि॑ष्यसि दे॒वाग्ं इदे॑षि प॒थिभिः॑ सु॒गेभिः॑ । हरी॑ ते॒ युञ्जा॒ पृष॑ती अभूता॒मुपा᳚स्था-द्वा॒जी धु॒रि रास॑भस्य ॥ । आशा॑ना-न्त्वा ऽऽशापा॒लेभ्यः॑ । च॒तुर्भ्यो॑ अ॒मृते᳚भ्यः । इ॒द-म्भू॒तस्याध्य॑क्षेभ्यः । वि॒धेम॑ ह॒विषा॑ व॒यम् ॥
विश्वा॒ आशा॒ मधु॑ना॒ सग्ंसृ॑जामि । अ॒न॒मी॒वा आप॒ ओष॑धयो भवन्तु । अ॒यं-यँज॑मानो॒ मृधो॒ व्य॑स्यताम् । अगृ॑भीताः प॒शवः॑ सन्तु॒ सर्वे᳚ ॥ ॥ य॒ज्ञस्य॒ हि स्थ ऋ॒त्वियौ᳚ ।
इन्द्रा᳚ग्नी॒ चेत॑नस्य च । हु॒ता॒हु॒तस्य॑ तृप्यतम् । अहु॑तस्य हु॒तस्य॑ च । हु॒तस्य॒ चाहु॑तस्य च । अहु॑तस्य हु॒तस्य॑ च । इन्द्रा᳚ग्नी अ॒स्य सोम॑स्य । वी॒त-म्पि॑बत-ञ्जु॒षेथा᳚म् ॥
मा यज॑मान॒-न्तमो॑ विदत् । मर्त्विजो॒ मो इ॒माः प्र॒जाः । मा य-स्सोम॑मि॒म-म्पिबा᳚त् । सग्ंसृ॑ष्टमु॒भय॑-ङ्कृ॒तम् ॥ 95 ॥
(कृ॒धि॒ - मी॒ढुषे - ऽहु॑तस्य च स॒प्त च॑) (अ. 8)
अनुवाकं 9 - उपांश्वभिषवा मन्त्राः
अ॒ना॒गस॑स्त्वा व॒यम् । इन्द्रे॑ण॒ प्रेषि॑ता॒ उप॑ । वा॒युष्टे॑ अस्त्वग्ंश॒भूः । मि॒त्रस्ते॑ अस्त्वग्ंश॒भूः । वरु॑णस्ते अस्त्वग्ंश॒भूः ॥
अपा᳚-ङ्क्षया॒ ऋत॑स्य गर्भाः । भुव॑नस्य गोपा॒-श्श्येना॑ अतिथयः । पर्व॑ताना-ङ्ककुभः प्र॒युतो॑ नपातारः । व॒ग्नुनेन्द्रग्ग्॑ ह्वयत ।
घोषे॒णामी॑-वाग्श्चातयत ॥ 96 ॥
यु॒क्ता-स्स्थ॒ वह॑त ॥ दे॒वा ग्रावा॑ण॒ इन्दु॒रिन्द्र॒ इत्य॑वादिषुः । एन्द्र॑मचुच्यवुः पर॒मस्याः᳚ परा॒वतः॑ । आ-ऽस्मा-थ्स॒धस्था᳚त् ।
ओरोर॒न्तरि॑क्षात् । आ सु॑भू॒तम॑सुषवुः । ब्र॒ह्म॒व॒र्च॒स-म्म॒ आ-ऽसु॑षवुः ।
स॒म॒रे रक्षाग्॑स्यवधिषुः । अप॑हत-म्ब्रह्म॒ज्यस्य॑ ॥ वाक्च॑ त्वा॒ मन॑श्च श्रिणीताम् ॥ 97 ॥
प्रा॒णश्च॑ त्वा-ऽपा॒नश्च॑ श्रीणीताम् ।
चक्षु॑श्च त्वा॒ श्रोत्र॑-ञ्च श्रीणीताम् ।
दक्ष॑श्च त्वा॒ बल॑-ञ्च श्रीणीताम् । ओज॑श्च त्वा॒ सह॑श्च श्रीणीताम् । आयु॑श्च त्वा ज॒रा च॑ श्रीणीताम् । आ॒त्मा च॑ त्वा त॒नूश्च॑ श्रीणीताम् । शृ॒तो॑-ऽसि शृ॒त-ङ्कृ॑तः । शृ॒ताय॑ त्वा शृ॒तेभ्य॑स्त्वा ॥
यमिन्द्र॑मा॒हु र्वरु॑णं॒-यँमा॒हुः । य-म्मि॒त्रमा॒हु-र्यमु॑ स॒त्यमा॒हुः ॥ 98 ॥
यो दे॒वाना᳚-न्दे॒वत॑मस्तपो॒जाः । तस्मै᳚ त्वा॒ तेभ्य॑स्त्वा ॥ मयि॒ त्यदि॑न्द्रि॒य-म्म॒हत् । मयि॒ दक्षो॒ मयि॒ क्रतुः॑ । मयि॑ धायि सु॒वीर्य᳚म् । त्रिशु॑ग्घ॒र्मो विभा॑तु मे । आकू᳚त्या॒ मन॑सा स॒ह ।
वि॒राजा॒ ज्योति॑षा स॒ह । य॒ज्ञेन॒ पय॑सा स॒ह ।
तस्य॒ दोह॑मशीमहि ॥ 99 ॥
तस्य॑ सु॒म्नम॑शीमहि । तस्य॑ भ॒क्षम॑शीमहि ।
वाग्जु॑षा॒णा सोम॑स्य तृप्यतु ॥ मि॒त्रो जनान्॑ यातयति प्रजा॒न-न्मि॒त्रो दा॑धार पृथि॒वीमु॒त द्याम् । मि॒त्रः कृ॒ष्टीरनि॑मिषा॒-ऽभि च॑ष्टे स॒त्याय॑ ह॒व्य-ङ्घृ॒तव॑-द्विधेम ॥ प्र स मि॑त्र॒ मर्तो॑ अस्तु॒ प्रय॑स्वा॒न्. यस्त॑ आदित्य॒ शिक्ष॑ति व्र॒तेन॑ । न ह॑न्यते॒ न जी॑यते॒ त्वोतो॒ नैन॒मग्ंहो॑ अश्नो॒त्यन्ति॑तो॒ न दू॒रात् ॥ ॥ यस्मा॒न्न जा॒तः परो॑ अ॒न्यो अस्ति॑ । य आ॑वि॒वेश॒ भुव॑नानि॒ विश्वा᳚ ।
प्र॒जाप॑तिः प्र॒जया॑ संविँदा॒नः ।
त्रीणि॒ ज्योतीग्ं॑षि सचते॒ स षो॑ड॒शी ॥
ए॒ष ब्र॒ह्मा य ऋ॒त्वियः॑ ।
इन्द्रो॒ नाम॑ श्रु॒तो ग॒णे ॥ 100 ॥
प्र ते॑ म॒हे वि॒दथे॑ ऽशग्ंसिष॒ग्ं॒ हरी᳚ । य ऋ॒त्वियः॒ प्र ते॑ वन्वे ।
व॒नुषो॑ हर्य॒त-म्मद᳚म् ॥ इन्द्रो॒ नाम॑ घृ॒त-न्न यः । हरि॑भि॒श्चारु॒ सेच॑ते ।
श्रु॒तो ग॒ण आ त्वा॑ विशन्तु । हरि॑वर्पस॒गिंरः॑ ॥
इन्द्राधि॑प॒ते-ऽधि॑पति॒स्त्व-न्दे॒वाना॑मसि । अधि॑पति॒-म्माम् । आयु॑ष्मन्तं॒-वँर्च॑स्वन्त-म्मनु॒ष्ये॑षु कुरु ॥ 101 ॥
इन्द्र॑श्च स॒म्रा-ड्वरु॑णश्च॒ राजा᳚ ।
तौ ते॑ भ॒क्ष-ञ्च॑क्रतु॒रग्र॑ ए॒तम् ।
तयो॒रनु॑ भ॒क्ष-म्भ॑क्षयामि ।
वाग्जु॑षा॒णा सोम॑स्य तृप्यतु ॥
प्र॒जाप॑ति र्वि॒श्वक॑र्मा । तस्य॒ मनो॑ दे॒वं-यँ॒ज्ञेन॑ राद्ध्यासम् । अ॒र्थे॒ गा अ॒स्य ज॑हितः । अ॒व॒सान॑पते-ऽव॒सान॑-म्मे विन्द ॥
नमो॑ रु॒द्राय॑ वास्तो॒ष्पत॑ये ।
आय॑ने वि॒द्रव॑णे ॥ 102 ॥
उ॒द्याने॒ यत्प॒राय॑णे । आ॒वर्त॑ने वि॒वर्त॑ने ।
यो गो॑पा॒यति॒ तग्ं हु॑वे ॥
यान्य॑पा॒मित्या॒-न्यप्र॑तीत्ता॒-न्यस्मि॑ ।
य॒मस्य॑ ब॒लिना॒ चरा॑मि ।
इ॒हैव सन्तः॒ प्रति॒ तद्या॑तयामः ।
जी॒वा जी॒वेभ्यो॒ निह॑राम एनत् ॥
अ॒नृ॒णा अ॒स्मिन्न॑-नृ॒णाः पर॑स्मिन्न् ।
तृ॒तीये॑ लो॒के अ॑नृ॒णा-स्स्या॑म ।
ये दे॑व॒याना॑ उ॒त पि॑तृ॒याणाः᳚ ॥ 103 ॥
सर्वा᳚-न्प॒थो अ॑नृ॒णा आक्षी॑येम ॥
इ॒दमू॒ नु श्रेयो॑-ऽव॒सान॒-माग॑न्म ।
शि॒वे नो॒ द्यावा॑पृथि॒वी उ॒भे इ॒मे । गोम॒द्धन॑-व॒दश्व॑व॒-दूर्ज॑स्वत् ।
सु॒वीरा॑ वी॒रैरनु॒ सञ्च॑रेम ॥ अ॒र्कः प॒वित्र॒ग्ं॒ रज॑सो वि॒मानः॑ ।
पु॒नाति॑ दे॒वाना॒-म्भुव॑नानि॒ विश्वा᳚ । द्यावा॑पृथि॒वी पय॑सा संविँदा॒ने ।
घृ॒त-न्दु॑हाते अ॒मृत॒-म्प्रपी॑ने ॥ प॒वित्र॑म॒र्को रज॑सो वि॒मानः॑ ।
पु॒नाति॑ दे॒वाना॒-म्भुव॑नानि॒ विश्वा᳚ ।
सुव॒ र्ज्योति॒ र्यशो॑ म॒हत् ।
अ॒शी॒महि॑ गा॒धमु॒त प्र॑ति॒ष्ठाम् ॥ 104 ॥
(चा॒त॒य॒त॒ - श्री॒णी॒ता॒ग्ं॒ - स॒त्यमा॒हु - र॑शीमहि - ग॒णे - कु॑रु - वि॒द्रव॑णे - पितृ॒याणा॑ - अ॒र्को रज॑सो वि॒मान॒स्त्रीणि॑ च) (अ. 9)
अनुवाकं 10 - सौमिकप्रायाश्चित्तमन्त्राः
उद॑स्ताम्फ्सी-थ्सवि॒ता मि॒त्रो अ॑र्य॒मा ।
सर्वा॑-न॒मित्रा॑-नवधीद्यु॒गेन॑ ।
बृ॒हन्त॒-म्माम॑कर-द्वी॒रव॑न्तम् । र॒थ॒न्त॒रे श्र॑यस्व॒ स्वाहा॑ पृथि॒व्याम् ।
वा॒म॒दे॒व्ये श्र॑यस्व॒ स्वाहा॒-ऽन्तरि॑क्षे । बृ॒ह॒ति श्र॑यस्व॒ स्वाहा॑ दि॒वि ।
बृ॒ह॒ता त्वोप॑स्तभ्नोमि ॥
आ त्वा॑ ददे॒ यश॑से वी॒र्या॑य च ।
अ॒स्मास्व॑-घ्निया यू॒य-न्द॑धाथेन्द्रि॒य-म्पयः॑ ॥ यस्ते᳚ द्र॒फ्सो यस्त॑ उद॒र्॒षः ॥ 105 ॥
दैव्यः॑ के॒तु र्विश्व॒-म्भुव॑न-मावि॒वेश॑ ।
स नः॑ पा॒ह्यरि॑ष्ट्यै॒ स्वाहा᳚ ॥
अनु॑ मा॒ सर्वो॑ य॒ज्ञो॑-ऽयमे॑तु ।
विश्वे॑ दे॒वा म॒रुत॒-स्सामा॒र्कः ।
आ॒प्रिय॒ ॑007आ;छन्दाग्ं॑सि नि॒विदो॒ यजूग्ं॑षि । अ॒स्यै पृ॑थि॒व्यै यद्य॒ज्ञिय᳚म् ॥
प्र॒जाप॑ते र्वर्त॒निमनु॑ वर्तस्व ।
अनु॑ वी॒रैरनु॑ राद्ध्याम॒ गोभिः॑ ।
अन्वश्वै॒रनु॒ सर्वै॑रु पु॒ष्टैः ।
अनु॑ प्र॒जया-ऽन्वि॑न्द्रि॒येण॑ ॥ 106 ॥
दे॒वा नो॑ य॒ज्ञ-मृ॑जु॒धा न॑यन्तु ॥
प्रति॑ क्ष॒त्रे प्रति॑ तिष्ठामि रा॒ष्ट्रे ।
प्रत्यश्वे॑षु॒ प्रति॑तिष्ठामि॒ गोषु॑ ।
प्रति॑ प्र॒जाया॒-म्प्रति॑ तिष्ठामि॒ भव्ये᳚ ।
विश्व॑म॒न्या-ऽभि॑ वावृ॒धे । तद॒न्यस्या॒-मधि॑श्रि॒तम् । दि॒वे च॑ वि॒श्वक॑र्मणे ।
पृ॒थि॒व्यै चा॑कर॒-न्नमः॑ ॥ अस्का॒न्द्यौः पृ॑थि॒वीम् । अस्का॑नृष॒भो युवा॒ गाः ॥ 107 ॥
स्क॒न्नेमा विश्वा॒ भुव॑ना । स्क॒न्नो य॒ज्ञः प्रज॑नयतु । अस्का॒नज॑नि॒ प्राज॑नि ।
आ स्क॒न्नाज्जा॑यते॒ वृषा᳚ । स्क॒न्ना-त्प्रज॑निषीमहि ॥ ये दे॒वा येषा॑मि॒द-म्भा॑ग॒धेय॑-म्ब॒भूव॑ । येषा᳚-म्प्रया॒जा उ॒तानू॑या॒जाः । इन्द्र॑ज्येष्ठेभ्यो॒ वरु॑णराजभ्यः । अ॒ग्निहो॑तृभ्यो दे॒वेभ्य॒-स्स्वाहा᳚ ॥ उ॒त त्या नो॒ दिवा॑ म॒तिः ॥ 108 ॥
अदि॑तिरू॒त्या-ऽऽग॑मत् । सा शन्ता॑ची॒ मय॑स्करत् । अप॒ स्रिधः॑ ॥ उ॒त त्या दैव्या॑ भि॒षजा᳚ । श-न्न॑स्करतो अ॒श्विना᳚ । यू॒याता॑-म॒स्मद्रपः॑ ।
अप॒ स्रिधः॑ ॥ शम॒ग्नि-र॒ग्निभि॑स्करत् । श-न्न॑स्तपतु॒ सूर्यः॑ । शं-वाँतो॑ वात्वर॒पाः ॥ 109 ॥
अप॒ स्रिधः॑ ॥ तदित्प॒द-न्न विचि॑केत वि॒द्वान् ।
यन्मृ॒तः पुन॑र॒प्येति॑ जी॒वान् । त्रि॒वृद्य-द्भुव॑नस्य रथ॒वृत् । जी॒वो गर्भो॒ न मृ॒त-स्स जी॑वात् ॥ प्रत्य॑स्मै॒ पिपी॑षते । वि॒श्वा॑नि वि॒दुषे॑ भर । अ॒र॒-ङ्ग॒माय॒ जग्म॑वे ।
अप॑श्चाद्दध्वने॒ नरे᳚ (ओ-रप॑श्चाद्दघ्वने॒ नरे᳚) ॥ इन्दु॒रिन्दु॒म-वा॑गात् ।
इन्दो॒रिन्द्रो॑-ऽपात् । तस्य॑ त इन्द॒विन्द्र॑-पीतस्य॒ मधु॑मतः । उप॑हूत॒स्योप॑हूतो भक्षयामि ॥ 110 ॥
(उ॒द॒र्॒ष - इ॑न्द्रि॒येण॒ - गा - म॒ति - र॑र॒पा - अ॑गा॒त्रीणि॑ च) (अ. 10)
अनुवाकं 11 - दर्शपूर्णमासप्रायश्चित्तमन्त्राः
ब्रह्म॑ प्रति॒ष्ठा मन॑सो॒ ब्रह्म॑ वा॒चः । ब्रह्म॑ य॒ज्ञानाग्ं॑ ह॒विषा॒-माज्य॑स्य ।
अति॑रिक्त॒-ङ्कर्म॑णो॒ यच्च॑ ही॒नम् । य॒ज्ञः पर्वा॑णि प्रति॒रन्ने॑ति क॒ल्पयन्न्॑ ।
स्वाहा॑कृ॒ता-ऽऽहु॑तिरेतु दे॒वान् ॥ आश्रा॑वितम॒त्याश्रा॑वितम् ।
वष॑ट्कृत-म॒त्यनू᳚क्त-ञ्च य॒ज्ञे ।
अति॑रिक्त॒-ङ्कर्म॑णो॒ यच्च॑ ही॒नम् ।
य॒ज्ञः पर्वा॑णि प्रति॒रन्ने॑ति क॒ल्पयन्न्॑ ।
स्वाहा॑कृ॒ता-ऽऽहु॑तिरेतु दे॒वान् ॥ 111 ॥
यद्वो॑ देवा अतिपा॒दया॑नि । वा॒चा चि॒त्प्रय॑त-न्देव॒ हेड॑नम् । अ॒रा॒यो अ॒स्माग्ं अ॒भि-दु॑च्छुना॒यते᳚। अ॒न्यत्रा॒स्म-न्म॑रुत॒स्त-न्निधे॑तन ॥ त॒त-म्म॒ आप॒स्तदु॑ तायत॒ पुनः॑ । स्वादि॑ष्ठा धी॒तिरु॒चथा॑य शस्यते ।
अ॒यग्ं स॑मु॒द्र उ॒त वि॒श्वभे॑षजः ।
स्वाहा॑-कृतस्य॒ समु॑तृप्णुत र्भुवः ॥
उद्व॒य-न्तम॑स॒स्परि॒ पश्य॑न्तो॒ ज्योति॒रुत्त॑रम् । दे॒व-न्दे॑व॒त्रा सूर्य॒मग॑न्म॒ ज्योति॑रुत्त॒मम् ॥ ।
उदु॒ त्य-ञ्जा॒तवे॑दस-न्दे॒वं-वँ॑हन्ति के॒तवः॑ । दृ॒शे विश्वा॑य॒ सूर्य᳚म् ॥ चि॒त्र-न्दे॒वाना॒-मुद॑गा॒दनी॑क॒-ञ्चक्षु॑-र्मि॒त्रस्य॒ वरु॑णस्या॒-ऽग्नेः । आ-ऽ प्रा॒ द्यावा॑पृथि॒वी अ॒न्तरि॑क्ष॒ग्ं॒ सूर्य॑ आ॒त्मा जग॑तस्त॒स्थुष॑श्च ॥ ॥ 112 ॥
इ॒म-म्मे॑ वरुण श्रुधी॒ हव॑म॒द्या च॑ मृडय । त्वाम॑व॒स्युरा च॑के ॥ तत्त्वा॑ यामि॒ ब्रह्म॑णा॒ वन्द॑मान॒-स्तदा शा᳚स्ते॒ यज॑मानो ह॒विर्भिः॑ । अहे॑डमानो वरुणे॒ह बो॒ध्युरु॑शग्ंस॒ मा न॒ आयुः॒ प्रमो॑षीः ॥ ।
त्व-न्नो॑ अग्ने॒ वरु॑णस्य वि॒द्वा-न्दे॒वस्य॒ हेडो-ऽव॑ यासि सीष्ठाः । यजि॑ष्ठो॒ वह्नि॑ तम॒-श्शोशु॑चानो॒ विश्वा॒ द्वेषाग्ं॑सि॒ प्रमु॑मुग्ध्य॒स्मत् ॥
स त्वन्नो॑ अग्ने-ऽव॒मो भ॑वो॒ती नेदि॑ष्ठो अ॒स्या उ॒षसो॒ व्यु॑ष्टौ । अव॑ यक्ष्व नो॒ वरु॑ण॒ग्ं॒ ररा॑णो वी॒हि मृ॑डी॒कग्ं सु॒हवो॑ न एधि ॥ । त्वम॑ग्ने अ॒या-ऽसि॑ । अ॒या सन्मन॑सा हि॒तः । अ॒या सनःअ॒व्यमू॑हिषे । अ॒या नो॑ धेहि भेष॒जम् । इ॒ष्टो अ॒ग्निराहु॑तः । स्वाहा॑कृतः पिपर्तु नः । स्व॒गा दे॒वेभ्य॑ इ॒द-न्नमः॑ ॥ प्रजा॑पते॒ न त्वदे॒तान्य॒न्यो विश्वा॑ जा॒तानि॒ परि॒ ता ब॑भूव । यत्का॑मास्ते जुहु॒मस्तन्नो॑ अस्तु व॒यग्ग् स्या॑म॒ पत॑यो रयी॒णाम् ॥ ॥ इ॒म-ञ्जी॒वेभ्यः॑ परि॒धि-न्द॑धामि । मैषा-न्नु॑ गा॒दप॑रो॒ अर्ध॑मे॒तम् । श॒त-ञ्जी॑वन्तु श॒रदः॑ पुरू॒चीः । ति॒रो मृ॒त्यु-न्द॑धता॒-म्पर्व॑तेन ॥
इ॒ष्टेभ्य॒-स्स्वाहा॒ वष॒डनि॑ष्टेभ्य॒-स्स्वाहा᳚ । भे॒ष॒ज-न्दुरि॑ष्ट्यै॒ स्वाहा॒ निष्कृ॑त्यै॒ स्वाहा᳚ । दौरा᳚र्ध्यै॒ स्वाहा॒ दैवी᳚भ्य-स्त॒नूभ्य॒-स्स्वाहा᳚ ॥ 113 ॥
ऋद्ध्यै॒ स्वाहा॒ समृ॑द्ध्यै॒ स्वाहा᳚ ॥
यत॑ इन्द्र॒ भया॑महे ।
ततो॑ नो॒ अभ॑य-ङ्कृधि । मघ॑वञ्छ॒ग्धि तव॒ तन्न॑ ऊ॒तये᳚ । वि द्विषो॒ वि मृधो॑ जहि ॥ स्व॒स्ति॒दा वि॒शस्पतिः॑ । वृ॒त्र॒हा विमृधो॑ व॒शी । वृषेन्द्रः॑ पु॒र ए॑तु नः । स्व॒स्ति॒दा अ॑भय-ङ्क॒रः ॥ आ॒भि र्गी॒र्भि र्यदतो॑ न ऊ॒नम् ॥ 114 ॥
आप्या॑यय हरिवो॒ वर्ध॑मानः ।
य॒दा स्तो॒तृभ्यो॒ महि॑ गो॒त्रा रु॒जासि॑ ।
भू॒यि॒ष्ठ॒भाजो॒ अध॑ ते स्याम ॥ अना᳚ज्ञातं॒-यँदाज्ञा॑तम् । य॒ज्ञस्य॑ क्रि॒यते॒ मिथु॑ । अग्ने॒ तद॑स्य कल्पय । त्वग्ं हि वेत्थ॑ यथात॒थम् ॥ पुरु॑ष सम्मितो य॒ज्ञः । य॒ज्ञः पुरु॑ष सम्मितः । अग्ने॒ तद॑स्य कल्पय ।
त्वग्ं हि वेत्थ॑ यथात॒थम् ॥ य-त्पा॑क॒त्रा मन॑सा दी॒नद॑क्षा॒ न । य॒ज्ञस्य॑ म॒न्वते॒ मर्ता॑सः । अ॒ग्निष्टद्धोता᳚ कृतु॒विद्वि॑जा॒नन्न् ।
यजि॑ष्ठो दे॒वाग्ं ऋ॑तु॒शो य॑जाति ॥ 115 ॥
(दे॒वाग् - श्चि॒त्रं - त॒नूभ्य॒-स्स्वाहो॒ - नं - पुरु॑षसम्मि॒तो-ऽग्ने॒ तद॑स्य कल्पय॒ पञ्च॑ च) (अ. 11)
अनुवाकं 12 - अग्निष्टोमादौ यजमानजप्या मन्त्रविशेषाः
यद्दे॑वा देव॒हेड॑नम् । देवा॑सश्चकृ॒मा व॒यम् । आदि॑त्या॒-स्तस्मा᳚न्मा मुञ्चत ।
ऋ॒तस्य॒र्तेन॒ मामु॒त ॥ देवा॑ जीवनका॒म्या यत् । वा॒चा-ऽनृ॑तमूदि॒म । अ॒ग्निर्मा॒ तस्मा॒देन॑सः । गार्ह॑पत्यः॒ प्रमु॑ञ्चतु । दु॒रि॒ता यानि॑ चकृ॒म । क॒रोतु॒ माम॑ने॒ नस᳚म् ॥ 116 ॥
ऋ॒तेन॑ द्यावापृथिवी । ऋ॒तेन॒ त्वग्ं स॑रस्वति । ऋ॒तान्मा॑ मुञ्च॒ताग्ंह॑सः । यद॒न्य कृ॑तमारि॒म ॥ स॒जा॒त॒श॒ग्ं॒सादु॒त वा॑ जामिश॒ग्ं॒सात् । ज्याय॑स॒-श्शग्ंसा॑दु॒त वा॒ कनी॑यसः । अना᳚ज्ञात-न्दे॒वकृ॑तं॒-यँदेनः॑ । तस्मा॒त्त्वम॒स्मा-ञ्जा॑तवेदो मुमुग्धि ॥ यद्वा॒चा यन्मन॑सा । बा॒हुभ्या॑-मू॒रुभ्या॑-मष्ठी॒वद्भ्या᳚म् ॥ 117 ॥
शि॒श्ञै र्यदनृ॑त-ञ्चकृ॒मा व॒यम् । अ॒ग्निर्मा॒ तस्मा॒देन॑सः ॥ यद्धस्ता᳚भ्या-ञ्च॒कर॒ किल्बि॑षाणि । अ॒क्षाणां᳚-वँ॒ग्नुमु॑प॒ जिघ्न॑मानः । दू॒रे॒प॒श्या च॑ राष्ट्र॒भृच्च॑ । तान्य॑फ्स॒रसा॒-वनु॑दत्ता-मृ॒णानि॑ ॥
अदी᳚व्यन्नृ॒णं-यँद॒ह-ञ्च॒कार॑ । यद्वा-ऽदा᳚स्यन्-थ्सञ्ज॒गारा॒ जने᳚भ्यः ।
अ॒ग्निर्मा॒ तस्मा॒देन॑सः ॥ यन्मयि॑ मा॒ता गर्भे॑ स॒ति ॥ 118 ॥
एन॑श्च॒कार॒ यत्पि॒ता । अ॒ग्निर्मा॒ तस्मा॒देन॑सः ॥ यदा॑ पि॒पेष॑ मा॒तर॑-म्पि॒तर᳚म् ।
पु॒त्रः प्रमु॑दितो॒ धयन्न्॑ । अहिग्ं॑सितौ पि॒तरौ॒ मया॒ तत् । तद॑ग्ने अनृ॒णो भ॑वामि ॥ यद॒न्तरि॑क्ष-म्पृथि॒वीमु॒त द्याम् ।
यन्मा॒तर॑-म्पि॒तरं॑-वाँ जिहिग्ंसि॒म ।
अ॒ग्निर्मा॒ तस्मा॒देन॑सः ॥ यदा॒शसा॑ नि॒शसा॒ यत्प॑रा॒शसा᳚ ॥ 119 ॥
यदेन॑श्च कृ॒मा नूत॑नं॒-यँत्पु॑रा॒णम् । अ॒ग्निर्मा॒ तस्मा॒देन॑सः ॥ अति॑क्रामामि दुरि॒तं-यँदेनः॑ । जहा॑मि रि॒प्र-म्प॑र॒मे स॒धस्थे᳚ ।
यत्र॒ यन्ति॑ सु॒कृतो॒ नापि॑ दु॒ष्कृतः॑ । तमारो॑हामि सु॒कृता॒-न्नु लो॒कम् ॥
त्रि॒ते दे॒वा अ॑मृजतै॒-तदेनः॑ ।
त्रि॒त ए॒तन्म॑नु॒ष्ये॑षु मामृजे ।
ततो॑ मा॒ यदि॒ किञ्चि॑दान॒शे ।
अ॒ग्निर्मा॒ तस्मा॒देन॑सः ॥ 120 ॥
गार्ह॑पत्यः॒ प्रमु॑ञ्चतु । दु॒रि॒ता यानि॑ चकृ॒म । क॒रोतु॒ माम॑ने॒नस᳚म् ॥ दि॒वि जा॒ता अ॒फ्सु जा॒ताः । या जा॒ता ओष॑धीभ्यः । अथो॒ या अ॑ग्नि॒जा आपः॑ । ता नः॑ शुन्धन्तु॒ शुन्ध॑नीः ॥
यदापो॒ नक्त॑-न्दुरि॒त-ञ्चरा॑म ।
यद्वा॒ दिवा॒ नूत॑नं॒-यँत्पु॑रा॒णम् ।
हिर॑ण्य-वर्णा॒स्तत॒ उत्पु॑नीत नः ॥
इ॒म-म्मे॑ वरुण श्रुधी॒ हव॑म॒द्या च॑ मृडय । त्वाम॑व॒स्युरा च॑के ॥
तत्त्वा॑ यामि॒ ब्रह्म॑णा॒ वन्द॑मान॒-स्तदा शा᳚स्ते॒ यज॑मानो ह॒विर्भिः॑ । अहे॑डमानो वरुणे॒ह बो॒ध्युरु॑शग्ंस॒ मा न॒ आयुः॒ प्रमो॑षीः ॥ । त्व-न्नो॑ अग्ने॒ वरु॑णस्य वि॒द्वा-न्दे॒वस्य॒ हेडो-ऽव॑ यासि सीष्ठाः । यजि॑ष्ठो॒ वह्नि॑ तम॒-श्शोशु॑चानो॒ विश्वा॒ द्वेषाग्ं॑सि॒ प्रमु॑मुग्ध्य॒स्मत् ॥ स त्वन्नो॑ अग्ने-ऽव॒मो भ॑वो॒ती नेदि॑ष्ठो अ॒स्या उ॒षसो॒ व्यु॑ष्टौ । अव॑ यक्ष्व नो॒ वरु॑ण॒ग्ं॒ ररा॑णो वी॒हि मृ॑डी॒कग्ं सु॒हवो॑ न एधि ॥ । त्वम॑ग्ने अ॒या-ऽसि॑ । अ॒या सन्मन॑सा हि॒तः । अ॒या सनःअ॒व्यमू॑हिषे । अ॒या नो॑ धेहि भेष॒जम् । इ॒ष्टो अ॒ग्निराहु॑तः । स्वाहा॑कृतः पिपर्तु नः । स्व॒गा दे॒वेभ्य॑ इ॒द-न्नमः॑ ॥ ॥ 121 ॥
(अ॒ने॒नस॑ - मष्ठी॒वद्भ्याग्ं॑ - स॒ति - प॑रा॒शसा॑-ऽऽन॒शे᳚ - ऽग्निर्मा॒ तस्मा॒देन॑सः - पुनीत न॒स्त्रीणि॑ च) (अ. 12)
(य-द्दे॑वा॒ गार्ह॑पत्यो॒ यद्धस्ता᳚भ्यां॒-यँन्मयि॑ मा॒ता यदा॑पि॒पेष॒
ँयद॒न्तरि॑क्षं॒-यँदा॒शसा-ऽति॑क्रामामि त्रि॒ते दे॒वा दि॒वि जा॒ता अ॒फ्सु जा॒ता यदाप॑ इ॒म-म्मे॑ वरुणा॒ तत्त्वा॑ यामि॒ त्व-न्नो॑ अग्ने॒ स त्व-न्नो॑ अग्ने॒ त्वम॑ग्ने अ॒या-ऽसि॑)
अनुवाकं 13 - अवभृथे कर्मणि ऋजीषप्रोक्षणमन्त्राः
यत्ते॒ ग्राव्.ण्णा॑ चिच्छि॒दु-स्सो॑म राजन्न् ।
प्रि॒याण्यङ्गा॑नि॒ स्वधि॑ता॒ परूग्ं॑षि । तथ्सन्ध॒-थ्स्वाज्ये॑नो॒त व॑र्धयस्व ।
अ॒ना॒गसो॒ अध॒मिथ्स॒क्षंयेँ॑म ॥ यत्ते॒ ग्रावा॑ बा॒हुच्यु॑तो॒ अचु॑च्यवुः ।
नरो॒ यत्ते॑ दुदु॒हु र्दक्षि॑णेन ।
तत्त॒ आप्या॑यता॒-न्तत्ते᳚ । निष्ट्या॑यता-न्देव
सोम ॥ यत्ते॒ त्वच॑-म्बिभि॒दुर्यच्च॒ योनि᳚म् ।
यदा॒स्थाना॒-त्प्रच्यु॑तो॒ वेन॑सि॒ त्मना᳚ ॥ 122 ॥
त्वया॒ तथ्सो॑म गु॒प्तम॑स्तु नः ।
सा नः॑ स॒धां-ऽस॑त्पर॒मे व्यो॑मन्न् ॥
अहा॒च्छरी॑र॒-म्पय॑सा स॒मेत्य॑ । अ॒न्यो᳚-ऽन्यो भवति॒ वर्णो॑ अस्य । तस्मि॑न् व॒यमुप॑हूता॒स्तव॑ स्मः । आ नो॑ भज॒ सद॑सि वि॒श्वरू॑पे ॥
नृ॒चक्षा॒-स्सोम॑ उ॒त शु॒श्रुग॑स्तु ।
मा नो॒ विहा॑सी॒द्गिर॑ आवृणा॒नः ।
अना॑गा-स्त॒नुवो॑ वावृधा॒नः ।
आ नो॑ रू॒पं-वँ॑हतु॒ जाय॑मानः ॥ 123 ॥
उप॑क्षरन्ति जु॒ह्वो॑ घृ॒तेन॑ । प्रि॒याण्यङ्गा॑नि॒ तव॑ व॒र्धय॑न्तीः । तस्मै॑ ते सोम॒ नम॒ इद्वष॑ट्च । उप॑ मा राजन्-थ्सुकृ॒ते ह्व॑यस्व ॥
स-म्प्रा॑णापा॒नाभ्या॒ग्ं॒ समु॒ चक्षु॑षा॒ त्वम् । सग्ग् श्रोत्रे॑ण गच्छस्व सोम राजन्न् ।
यत्त॒ आस्थि॑त॒ग्ं॒ शमु॒ तत्ते॑ अस्तु । जा॒नी॒तान्नः॑ स॒गम्म॑ने पथी॒नाम् ॥ ए॒त-ञ्जा॑नीतात्पर॒मे व्यो॑मन्न् । वृका᳚-स्सधस्था वि॒द रू॒पम॑स्य ॥ 124 ॥
यदा॒गच्छा᳚-त्प॒थिभि॑ र्देव॒यानैः᳚ । इ॒ष्टा॒पू॒र्ते कृ॑णुता-दा॒विर॑स्मै ॥
अरि॑ष्टो राजन्नग॒दः परे॑हि । नम॑स्ते अस्तु॒ चक्ष॑से रघूय॒ते । नाक॒मारो॑ह स॒ह यज॑मानेन । सूर्य॑-ङ्गच्छतात्पर॒मे व्यो॑मन्न् ॥
अभू᳚द्दे॒व-स्स॑वि॒ता वन्द्यो॒ नु नः॑ । इ॒दानी॒मह्न॑ उप॒वाच्यो॒ नृभिः॑ ।
वि यो रत्ना॒ भज॑ति मान॒वेभ्यः॑ । श्रेष्ठ॑-न्नो॒ अत्र॒ द्रवि॑णं॒-यँथा॒ दध॑त् ॥
उप॑ नो मित्रावरुणा-वि॒हाव॑तम् । अ॒न्वादी᳚द्ध्या-थामि॒ह नः॑ सखाया । आ॒दि॒त्याना॒-म्प्रसि॑तिर्-हे॒तिः । उ॒ग्रा श॒तापा᳚ष्ठा घ॒विषा॒ परि॑णो वृणक्तु ॥
आ प्या॑यस्व॒ समॆ॑तु ते वि॒श्वतः॑ सोम॒ वृष्णि॑यम् । भवा॒ वाज॑स्य सङ्ग॒थे ॥ स-न्ते॒ पयाग्ं॑सि॒ समु॑ यन्तु॒ वाजा॒-स्सं-वृँष्णि॑या-न्यभिमाति॒षाहः॑ । आ॒प्याय॑मानो अ॒मृता॑य सोम दि॒वि श्रवाग्॑स्युत्त॒मानि॑ धिष्व ॥ ॥ 125 ॥
(त्मना॒ - जाय॑मानो - ऽस्य॒ - दध॒-त्पञ्च॑ च) (अ. 13)
अनुवाकं 14 - अवभृथे कर्मणि सेचनादिमन्त्राः
यद्दि॑दी॒क्षे मन॑सा॒ यच्च॑ वा॒चा । यद्वा᳚ प्रा॒णैश्चक्षु॑षा॒ यच्च॒ श्रोत्रे॑ण ।
यद्रेत॑सा मिथु॒नेना-प्या॒त्मना᳚ ।
अ॒द्भ्यो लो॒का द॑धि॒रे तेज॑ इन्द्रि॒यम् ।
शु॒क्रा दी॒क्षायै॒ तप॑सो वि॒मोच॑नीः ।
आपो॑ विमो॒क्त्री र्मयि॒ तेज॑ इन्द्रि॒यम् ॥
यदृ॒चा साम्ना॒ यजु॑षा । प॒शू॒ना-ञ्चर्म॑न्. ह॒विषा॑ दिदी॒क्षे ।
यच्छन्दो॑भि॒-रोष॑धीभि॒-र्वन॒स्पतौ᳚ ।
अ॒द्भ्यो लो॒का द॑धि॒रे (द॑धिरे॒) तेज॑ इन्द्रि॒यम् ॥ 126 ॥
शु॒क्रा दी॒क्षायै॒ तप॑सो वि॒मोच॑नीः ।
आपो॑ विमो॒क्त्री र्मयि॒ तेज॑ इन्द्रि॒यम् ॥
येन॒ ब्रह्म॒ येन॑ क्ष॒त्रम् । येने᳚न्द्रा॒ग्नी प्र॒जाप॑ति॒-स्सोमो॒ वरु॑णो॒ येन॒ राजा᳚ ।
विश्वे॑ दे॒वा ऋष॑यो॒ येन॑ प्रा॒णाः ।
अ॒द्भ्यो लो॒का द॑धिरे॒ तेज॑ इन्द्रि॒यम् ।
शु॒क्रा दी॒क्षायै॒ तप॑सो वि॒मोच॑नीः ।
आपो॑ विमो॒क्त्री र्मयि॒ तेज॑ इन्द्रि॒यम् ॥
अ॒पा-म्पुष्प॑म॒स्यो-ष॑धीना॒ग्ं॒ रसः॑ । सोम॑स्य प्रि॒य-न्धाम॑ ॥ 127 ॥
अ॒ग्नेः प्रि॒यत॑मग्ं ह॒वि-स्स्वाहा᳚ ॥ अ॒पा-म्पुष्प॑-म॒स्योष॑धीना॒ग्ं॒ रसः॑ ।
सोम॑स्य प्रि॒य-न्धाम॑ । इन्द्र॑स्य प्रि॒यत॑मग्ं ह॒वि-स्स्वाहा᳚ । अ॒पा-म्पुष्प॑म॒स्यो-ष॑धीना॒ग्ं॒ रसः॑ । सोम॑स्य प्रि॒य-न्धाम॑ ।
विश्वे॑षा-न्दे॒वाना᳚-म्प्रि॒यत॑मग्ं ह॒वि-स्स्वाहा᳚ ॥ व॒यग्ं सो॑म व्र॒ते तव॑ ।
मन॑स्त॒नूषु॒ पिप्र॑तः । प्र॒जाव॑न्तो अशीमहि ॥ 128 ॥
दे॒वेभ्यः॑ पि॒तृभ्य॒-स्स्वाहा᳚ । सो॒म्येभ्यः॑ पि॒तृभ्य॒-स्स्वाहा᳚ । क॒व्येभ्यः॑ पि॒तृभ्य॒-स्स्वाहा᳚ ॥ देवा॑स इ॒ह मा॑दयद्ध्वम् ।
सोम्या॑स इ॒ह मा॑दयद्ध्वम् । कव्या॑स इ॒ह मा॑दयद्ध्वम् ॥ अन॑न्तरिताः पि॒तरः॑ सो॒म्या-स्सो॑मपी॒थात् ॥ अपै॑तु मृ॒त्युर॒मृत॑-न्न॒ आगन्न्॑ । वै॒व॒स्व॒तो नो॒ अभ॑य-ङ्कृणोतु ।
प॒र्णं-वँन॒स्पते॑रिव ॥ 129 ॥
अ॒भि नः॑ शीयताग्ं र॒यिः । सच॑ता-न्न॒-श्शची॒पतिः॑ ॥ पर॑-म्मृत्यो॒ अनु॒परे॑हि॒ पन्था᳚म् । यस्ते॒ स्व इत॑रो देव॒याना᳚त् । चक्षु॑ष्मते शृण्व॒ते ते᳚ ब्रवीमि । मा नः॑ प्र॒जाग्ं री॑रिषो॒ मोत वी॒रान् ॥ इ॒दमू॒ नु श्रेयो॑-ऽव॒सान॒-माग॑न्म । यद्गो॒जि-द्ध॑न॒जि-द॑श्व॒जिद्यत् ।
प॒र्णं-वँन॒स्पते॑रिव । अ॒भि नः॑ शीयताग्ं र॒यिः । सच॑ता-न्न॒-श्शची॒पतिः॑ ॥ 130 ॥
(वन॒स्पता॑व॒द्भ्यो लो॒का द॑धिरे॒ तेज॑ इन्द्रि॒य-न्धामा॑ - शीमही - वा॒ - भि नः॑ शीयताग्ं र॒यिरेक॑-ञ्च) (अ. 14)
(सर्वा॒न्॒. - य-द्विष्ष॑ण्णेन॒ - वि वै - याः पु॒रस्ता॒-द्- देवा॑ दे॒वेषु॒ - परि॑स्तणित॒ - सक्षे॒दं - ँयद॒स्य पा॒रे॑ - ऽना॒गस॒ - उद॑स्ता-म्फ्सी॒-द्- ब्रह्म॑ प्रति॒ष्ठा - य-द्दे॑व॒ - यत्ते॒ ग्राव.ण्णा॒ - य-द्दि॑दी॒क्षे चतु॑र्दश)
(सर्वा॒न् - भूति॑मे॒व - यामे॒वाफ्स्वाहु॑तिम् - ँव्र॒तानां᳚ - पर्णव॒ल्कः - सो॒म्याना॑ - म॒स्मिन्. य॒ज्ञे - ऽग्ने॒ यो नो॒ - ज्योग्जी॒वाः - प॒रोर॑जास्ते॒ - प्र ते॑ म॒हे - ब्रह्म॑ प्रति॒ष्ठा - गार्ह॑पत्या स्त्रि॒ग्ं॒शदु॑त्तरश॒तं)
(सर्वा॒न्॒. वै - शची॒पतिः॑)
॥ हरिः॑ ओम् ॥
॥ कृष्ण यजुर्वेदीय तैत्तिरीय ब्राह्मणे तृतीयाष्टके सप्तमः प्रपाठक-स्समाप्तः ॥
kṛṣṇa yajurvedīya taittirīya brāhmaṇe tṛtīyāṣṭake saptamaḥ prapāṭhakaḥ - acchidra-ṅkāṇḍa-mprāyaścittam
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
acchidra-ṅkāṇḍa-mprāyaścittena mantraiśca yajñacchidrapūraṇādacchidramucyate
anuvākaṃ 1 - darśapūrṇamāseṣṭiviṣayāṇi kāni citprāyaścittāni
sarvā॒n॒. vā e॒ṣo᳚-'gnau kāmā॒-npravḙśayati |
yo᳚-'gnīna̭nvā॒dhāya̭ vra॒tamu॒paiti̭ |
sa yadani̭ṣṭvā prayā॒yāt | akā̭maprītā ena॒-ṅkāmā॒ nānu॒ prayā̭yuḥ | a॒te॒jā a̭vī॒ryaḥ̭ syāt |
sa jṷhuyāt | tubhya॒-ntā a̭ṅgirastama |
viśvā᳚-ssukṣi॒tayaḥ॒ pṛtha̭k |
agne॒ kāmā̭ya yemira॒ iti̭ |
kāmā̭ne॒vāsmi̭-ndadhāti || 1 ||
kāma̭prītā ena॒-ṅkāmā॒ anu॒prayā᳚nti |
te॒ja॒svī vī॒ryā̭vā-nbhavati ||
santa̭ti॒rvā e॒ṣā ya॒jñasya̭ |
yo᳚-'gnīna̭nvā॒dhāya̭ vra॒tamu॒paiti̭ |
sa yadu॒dvāya̭ti | vicchi̭tti-re॒vāsya॒ sā ||
ta-mprāñca̭mu॒ddhṛtya̭ |
mana॒sopa̭tiṣṭheta | mano॒ vai pra॒jāpa̭tiḥ |
prā॒jā॒pa॒tyo ya॒jñaḥ || 2 ||
mana̭sai॒va ya॒jñagṃ santa̭noti | bhūrityā̭ha | bhū॒to vai pra॒jāpa̭tiḥ | bhūti̭me॒vopai̭ti ||
vi vā e॒ṣa i̭ndri॒yeṇa̭ vī॒ryḙṇardhyate |
yasyā-hi̭tāgne-ra॒gnira̭pa॒kṣāya̭ti | yāva॒cchamya̭yā pra॒viddhye᳚t |
yadi॒ tāva̭dapa॒kṣāye᳚t | tagṃ sambha̭ret |
i॒da-nta॒ eka̭-mpa॒ra ṷta॒ eka᳚m || 3 ||
tṛ॒tīyḙna॒ jyoti̭ṣā॒ saṃvi~̭śasva | saṃ॒ve~śa̭nasta॒nuvai॒ cārṷredhi |
pri॒ye de॒vānā᳚-mpara॒me ja॒nitra॒ iti̭ | brahma̭ṇai॒vaina॒gṃ॒ sambha̭rati |
saiva tataḥ॒ prāya̭ścittiḥ | yadi̭ parasta॒-rāma̭pa॒kṣāye᳚t | a॒nu॒ pra॒yāyāva̭syet |
so e॒va tataḥ॒ prāya̭ścittiḥ ||
oṣa̭dhī॒rvā e॒tasya̭ pa॒śū-npayaḥ॒ pravi̭śati |
yasya̭ ha॒viṣḙ va॒thsā a॒pākṛ̭tā॒ dhaya̭nti || 4 ||
tān. yaddu॒hyāt | yā॒tayā᳚mnā ha॒viṣā̭ yajeta | yanna du॒hyāt | ya॒jña॒pa॒ru-ra॒ntari̭yāt | vā॒ya॒vyāṃ᳚-ya~vā॒gū-nnirva̭pet |
vā॒yurvai paya̭saḥ pradāpayi॒tā | sa e॒vāsmai॒ payaḥ॒ pradā̭payati | payo॒ vā oṣa̭dhayaḥ |
payaḥ॒ payaḥ̭ |
paya̭sai॒vāsmai॒ payo-'va̭rundhe || 5 ||
athotta̭rasmai ha॒viṣḙ va॒thsāna॒pā kṷryāt |
saiva tataḥ॒ prāya̭ścittiḥ || a॒nya॒ta॒rān. vā e॒ṣa de॒vā-nbhā̭ga॒dheyḙna॒ vya̭rdhayati |
ye yaja̭mānasya sā॒ya-ṅgṛ॒hamā॒-gaccha̭nti |
yasya̭ sāya-ndu॒gdhagṃ ha॒virārti̭-mā॒rcchati̭ |
indrā̭ya vrī॒hīnni॒-rupyo-pa̭vaset | payo॒ vā oṣa̭dhayaḥ | paya̭ e॒vārabhya̭ gṛhī॒tvo-pa̭vasati | yatprā॒ta-ssyāt | tacchṛ॒ta-ṅkṷryāt || 6 ||
atheta̭ra ai॒ndraḥ pṷro॒ḍāśaḥ̭ syāt |
i॒ndri॒ye e॒vāsmai̭ sa॒mīcī̭ dadhāti |
payo॒ vā oṣa̭dhayaḥ | payaḥ॒ payaḥ̭ | paya̭sai॒vāsmai॒ payo-'va̭rundhe |
athotta̭rasmai ha॒viṣḙ va॒thsāna॒pā kṷryāt |
saiva tataḥ॒ prāya̭ścittiḥ || u॒bhayā॒n॒. vā e॒ṣa de॒vā-nbhā̭ga॒dheyḙna॒ vya̭rdhayati |
ye yaja̭mānasya sā॒ya-ñca̭ prā॒taśca̭ gṛ॒hamā॒-gaccha̭nti | yasyo॒bhayagṃ̭ ha॒virārti̭-mā॒rcchati̭ || 7 ||
ai॒ndra-mpañca̭śarāva-moda॒na-nnirva̭pet |
a॒gni-nde॒vatā̭nā-mpratha॒maṃ-ya~̭jet |
a॒gnimṷkhā e॒va de॒vatāḥ᳚ prīṇāti |
a॒gniṃ-vā~ anva॒nyā de॒vatāḥ᳚ |
indra॒manva॒nyāḥ | tā e॒vobhayīḥ᳚ prīṇāti |
payo॒ vā oṣa̭dhayaḥ |
payaḥ॒ payaḥ̭ | paya̭sai॒vāsmai॒ payo-'va̭rundhe |
athotta̭rasmai ha॒viṣḙ va॒thsāna॒pā kṷryāt || 8 ||
saiva tataḥ॒ prāya̭ścittiḥ || a॒rdho vā e॒tasya̭ ya॒jñasya̭ mīyate |
yasya॒ vratye-'ha॒-npatnya̭nā-lambhu॒kā bhava̭ti | tāma̭pa॒ruddhya̭ yajeta |
sarvḙṇai॒va ya॒jñena̭ yajate |
tāmi॒ṣṭvo-pa̭hvayeta | amū॒hama̭smi |
sā tvam | dyaura॒ham | pṛ॒thi॒vī tvam | sāmā॒ham | ṛktvam | tāvehi॒ sambha̭vāva | sa॒ha reto̭ dadhāvahai | pu॒gṃ॒se pu॒trāya॒ vetta̭vai |
rā॒yaspoṣā̭ya suprajā॒stvāya̭ su॒vīryā॒yeti̭ |
a॒rdha e॒vainā॒mu-pa̭hvayate |
saiva tataḥ॒ prāya̭ścittiḥ || 9 ||
(da॒dhā॒ti॒ - ya॒jña - ṷta॒ ekaṃ॒ - dhaya̭nti - rundhe - kuryā - dā॒rcha - tya॒pākṷryāt - pṛthi॒vī tvama॒ṣṭau ca̭) (a. 1)
(sarvā॒n॒. vi vai yadi̭ parasta॒rāmoṣa̭dhīran yata॒rānu॒bhayā̭na॒rdho vai )
anuvākaṃ 2 - agnihotrasāmnāyyasādhāraṇāni prāyaścittāni
3.7.2.1
yadvi-ṣṣa̭ṇṇena juhu॒yāt |
apra̭jā apa॒śuryaja̭māna-ssyāt |
yadanā̭yatane ni॒naye᳚t | a॒nā॒ya॒ta॒na-ssyā᳚t |
prā॒jā॒pa॒tyaya॒rcā va̭lmīka-va॒pāyā॒ma-va̭nayet | prā॒jā॒pa॒tyo vai va॒lmīkaḥ̭ | ya॒jñaḥ pra॒jāpa̭tiḥ | pra॒jāpa̭tāve॒va ya॒jña-mprati̭ṣṭhāpayati |
bhūrityā̭ha | bhū॒to vai pra॒jāpa̭tiḥ || 10 ||
bhūti̭me॒vopai̭ti | ta-tkṛ॒tvā | a॒nyā-ndu॒gdhvā puna̭r-hota॒vya᳚m | saiva tataḥ॒ prāya̭ścittiḥ || yatkī॒ṭā-va̭pannena juhu॒yāt |
apra̭jā apa॒śu-ryaja̭māna-ssyāt |
yadanā̭yatane ni॒naye᳚t | a॒nā॒ya॒ta॒na-ssyā᳚t |
ma॒ddhya॒mena̭ pa॒rṇena̭ dyāvā-pṛthi॒vya̭-ya॒rcā-'ntaḥ̭ pari॒dhi nina̭yet |
dyāvā̭pṛthi॒vyo-re॒vaina॒t-prati̭ṣṭhāpayati || 11 ||
tatkṛ॒tvā | a॒nyā-ndu॒gdhvā puna̭r-hota॒vya᳚m | saiva tataḥ॒ prāya̭ścittiḥ || yadava̭vṛṣṭena juhu॒yāt | apa̭rūpa-masyā॒tma-ñjā̭yeta |
ki॒lāso̭ vā॒ syāda̭rśa॒so vā᳚ | ya-tpratye॒yāt | ya॒jñaṃ-vi~cchi̭ndyāt | sa jṷhuyāt |
mi॒tro janā᳚n kalpayati prajā॒nann || 12 ||
mi॒tro dā̭dhāra pṛthi॒vīmu॒ta dyām | mi॒traḥ kṛ॒ṣṭīra-ni̭miṣā॒ 'bhica̭ṣṭe |
sa॒tyāya̭ ha॒vya-ṅghṛ॒tava̭-jjuho॒teti̭ | mi॒treṇai॒vaina̭-tkalpayati | tatkṛ॒tvā | a॒nyā-ndu॒gdhvā puna̭rhota॒vya᳚m |
saiva tataḥ॒ prāya̭ścittiḥ ||
ya-tpūrva̭syā॒-māhṷtyāgṃ hu॒tāyā॒-mutta॒rā-''hṷti॒-sskande᳚t |
dvi॒pādbhiḥ̭ pa॒śubhi॒-ryaja̭māno॒ vyṛ̭̭ddhyeta |
yadutta̭rayā॒ 'bhijṷhu॒yāt || 13 ||
catṷṣpādbhiḥ pa॒śubhi॒-ryaja̭māno॒ vyṛ̭ddhyeta |
yatra॒ vettha̭ vanaspate de॒vānā॒-ṅguhyā॒ nāmā̭ni |
tatra̭ ha॒vyāni̭ gāma॒yeti̭ vānaspa॒tya-ya॒rcā sa॒midha̭-mā॒dhāya̭ | tū॒ṣṇīme॒va puna̭-rjuhuyāt |
vana॒spati̭nai॒va ya॒jñasyārtā॒-ñcānā᳚rtā॒-ñcāhṷtī॒ vidā̭dhāra | tatkṛ॒tvā | a॒nyā-ndu॒gdhvā puna̭r-hota॒vya᳚m | saiva tataḥ॒ prāya̭ścittiḥ ||
yatpu॒rā pra̭yā॒jebhyaḥ॒ prāṃaṅgā̭ra॒-sskande᳚t |
a॒ddhva॒ryavḙ ca॒ yaja̭mānāya॒ cākagg̭ syāt || 14 ||
ya-dda̭kṣi॒ṇā | bra॒hmaṇḙ ca॒ yaja̭mānāya॒ cākagg̭ syāt | ya-tpra॒tyak |
hotrḙ ca॒ patni̭yai ca॒ yaja̭mānāya॒ cākagg̭ syāt |
yadudaṃ̭ | a॒gnīdhḙ ca pa॒śubhya̭śca॒ yaja̭mānāya॒ cākagg̭ syāt | yada̭bhijuhu॒yāt | ru॒dro᳚-'sya pa॒śū-nghātṷka-ssyāt |
yannābhi̭ juhu॒yāt | aśā᳚ntaḥ॒ prahri̭yeta || 15 ||
sru॒vasya॒ buddhnḙnābhi॒ nida̭ddhyāt |
mā ta̭mo॒ mā ya॒jñasta̭ma॒nmā yaja̭māna-stamat |
nama̭ste astvāya॒te | namo̭ rudra parāya॒te |
namo॒ yatra̭ ni॒ṣīda̭si |
a॒mu-mmā higṃ̭sīra॒mu-mmā higṃ̭sī॒riti॒ yena॒ skande᳚t || ta-mpraha̭ret |
sa॒hasra̭śṛṅgo vṛṣa॒bho jā॒tavḙdāḥ | stoma̭pṛṣṭho ghṛ॒tavā᳚n-thsu॒pratī̭kaḥ |
mā no̭ hāsīnmetthi॒to (hāsīrmetthi॒to) nettvā॒ jahā̭ma |
go॒po॒ṣa-nno̭ vīrapo॒ṣa-ñca̭ ya॒ccheti̭ |
brahma̭ṇai॒vaina॒-mpraha̭rati | saiva tataḥ॒ prāya̭ścittiḥ || 16 ||
(vai pra॒jāpa̭tiḥ - sthāpayati - prajā॒nan - na॒bhijṷhu॒yāth - syā᳚-d- dhriyeta॒ - jahā̭ma॒ triṇi̭ ca) (a. 2)
(yadvisṣa̭ṇṇena prājāpa॒tyayā॒ ya-tkī॒ṭā ma̭ddhya॒mena॒ yadava̭vṛṣṭena॒ ya-tpūrva̭syāṃ॒-ya~-tpu॒rā pra̭yā॒jebhya॒ praṃṅgā̭ro॒ ya-dda̭kṣi॒ṇā ya-tpra॒tyagyadudaṅṋ̇)
anuvākaṃ 3 - mukhyāgnyasambhave-'nukalpāḥ homādhārāḥ
vi vā e॒ṣa i̭ndri॒yeṇa̭ vī॒ryḙṇardhyate |
yasyā-hi̭tāgne-ra॒gni-rma॒thyamā̭no॒ na jāya̭te | yatrā॒nya-mpaśye᳚t | tata̭ ā॒hṛtya̭ hota॒vya᳚m |
a॒gnā-ve॒vāsyā᳚-gniho॒tragṃ hu॒ta-mbha̭vati ||
yadya॒nya-nna vi॒ndet | a॒jāyāgṃ̭ hota॒vya᳚m | ā॒gne॒yī vā e॒ṣā | yada॒jā | a॒gnā-ve॒vāsyā᳚-gniho॒tragṃ hu॒ta-mbha̭vati || 17 ||
a॒jasya॒ tu nāśñī̭yāt | yada॒jasyā᳚-śñī॒yāt |
yāme॒vāgnā-vāhṷti-ñjuhu॒yāt | tāma̭dyāt | tasmā̭da॒jasya॒ nāśya᳚m || yadya॒jā-nna vi॒ndet | brā॒hma॒ṇasya॒ dakṣi̭ṇe॒ hastḙ hota॒vya᳚m |
e॒ṣa vā a॒gni rvai᳚śvāna॒raḥ | yadbrā᳚hma॒ṇaḥ |
a॒gnā-ve॒vāsyā᳚-gniho॒tragṃ hu॒ta-mbha̭vati || 18 ||
brā॒hma॒ṇa-ntu va̭sa॒tyai̭ nāpa̭rundhyāt | yadbrā᳚hma॒ṇaṃ-va~̭sa॒tyā a̭paru॒ndhyāt |
yasmi̭nne॒-vāgnāvāhṷti-ñjuhu॒yāt | ta-mbhā̭ga॒dheyḙna॒ vya̭rdhayet |
tasmā᳚-dbrāhma॒ṇo va̭sa॒tyai̭ nāpa॒ruddhyaḥ̭ || yadi̭ brāhma॒ṇa-nna vi॒ndet |
da॒rbha॒sta॒beṃ ho̭ta॒vya᳚m |
a॒gni॒vān. vai da̭rbhasta॒baṃḥ |
a॒gnāve॒-vāsyā᳚-gniho॒tragṃ hu॒ta-mbha̭vati |
da॒rbhāgstu nāddhyā̭sīta || 19 ||
yadda॒rbhāna॒ddhyāsī̭ta | yāme॒vāgnā-vāhṷti-ñjuhu॒yāt | tāmaddhyā̭sīta |
tasmā᳚-dda॒rbhā nāddhyā̭sita॒vyāḥ᳚ ||
yadi̭ da॒rbhānna vi॒ndet | a॒phsu ho̭ta॒vya᳚m |
āpo॒ vai sarvā̭ de॒vatāḥ᳚ |
de॒vatā᳚sve॒ vāsyā᳚-gniho॒tragṃ hu॒ta-mbha̭vati |
āpa॒stu na pari̭cakṣīta | yadāpaḥ̭ pari॒cakṣī̭ta || 20 ||
yā me॒vāphsvāhṷti-ñjuhu॒yāt | tā-mpari̭cakṣīta |
tasmā॒dāpo॒ na pa̭ri॒cakṣyāḥ᳚ ||
meddhyā̭ ca॒ vā e॒tasyā̭me॒ddhyā ca̭ ta॒nuvau॒ sagṃsṛ̭jyete | yasyā-hi̭tāgne-ra॒nyaira॒gnibhi̭-ra॒gnayaḥ̭ sagṃsṛ॒jyante᳚ | a॒gnaye॒ vivi̭caye puro॒ḍāśa̭-ma॒ṣṭāka̭pāla॒-nnirva̭pet |
meddhyā᳚-ñcai॒vāsyā̭-me॒ddhyā-ñca̭ ta॒nuvau॒ vyāva̭rtayati || a॒gnaye᳚ vra॒tapa̭taye puro॒ḍāśa̭-ma॒ṣṭāka̭pāla॒-nnirva̭pet | a॒gnime॒va vra॒tapa̭ti॒gg॒ svena̭ bhāga॒dheye॒-nopa̭dhāvati |
sa e॒vainaṃ̭-vra~॒tamā-la̭bhaṃya~ti || 21 ||
garbha॒gg॒ srava̭ntamaga॒dama̭kaḥ | a॒gni-rindra॒-stvaṣṭā॒ bṛha॒spatiḥ̭ | pṛ॒thi॒vyā-mava̭cuśco-tai॒tat | nābhi-prāpno̭ti॒ nir-ṛ̭ti-mparā॒caiḥ ||
reto॒ vā e॒tadvāji̭na॒-māhi̭tāgneḥ | yada̭gniho॒tram | tadyathsrave᳚t |
reto᳚-'sya॒ vāji̭nagg sravet | garbha॒gg॒ srava̭ntama-ga॒dama̭ka॒-rityā̭ha |
reta̭ e॒vāsmi॒n vāji̭na-ndadhāti || 22 ||
a॒gnirityā̭ha | a॒gnirvai rḙto॒dhāḥ | reta̭ e॒va tadda̭dhāti | indra॒ ityā̭ha | i॒ndri॒ya-me॒vāsmi̭n-dadhāti | tvaṣṭetyā̭ha | tvaṣṭā॒ vai pa̭śū॒nā-mmi̭thu॒nānāgṃ̭ rūpa॒kṛt | rū॒pama॒va pa॒śuṣṷ dadhāti | bṛha॒spati॒rityā̭ha |
brahma॒ vai de॒vānā॒-mbṛha॒spatiḥ̭ | brahma̭ṇai॒vāsmai᳚ pra॒jāḥ praja̭nayati ||
pṛ॒thi॒vyā-mava̭cuścotai॒ta-dityā̭ha |
a॒syā-me॒vaina॒-tprati̭ṣṭhāpayati ||
nābhi prāpno̭ti॒ nir-ṛ̭ti-mparā॒cairityā̭ha |
rakṣa̭sā॒mapa̭hatyai || 23 ||
(a॒jā-'gnāve॒vāsyā᳚gniho॒tragṃ hu॒ta-mbha̭vati - bhava - tyāsīta - pari॒cakṣī̭ta - lambhayati - dadhāti - de॒vānā॒-mbṛha॒spatiḥ॒ pañca̭ ca) (a. 3)
(vi vai ya-dya॒nyama॒jāyā᳚-mbrāhma॒ṇasya̭ darbhasta॒mbe᳚-'phsu ho̭ta॒vya᳚m)
anuvākaṃ 4 - aiṣṭikayājamānamantrāḥ
yāḥ pu॒rastā᳚-tpra॒srava̭nti | u॒pari̭ṣṭā-thsa॒rvata̭śca॒ yāḥ | tābhī̭ ra॒śmipa̭vitrābhiḥ | śra॒ddhāṃ-ya~॒jñamāra̭bhe || devā̭ gātuvidaḥ |
gā॒tuṃ-ya~॒jñāya̭ vindata | mana̭sa॒spati̭nā de॒vena̭ | vātā᳚-dya॒jñaḥ prayṷjyatām || tṛ॒tīya̭syai di॒vaḥ | gā॒ya॒tri॒yā soma॒ ābhṛ̭taḥ || 24 ||
so॒ma॒pī॒thāya॒ sanna̭yitum | vaka̭la॒-manta̭ra॒māda̭de || āpo̭ devī-śśu॒ddhā-sstha̭ | i॒mā pātrā̭ṇi śundhata | u॒pā॒ta॒ṅkyā̭ya de॒vānā᳚m | pa॒rṇa॒va॒lkamu॒ta śṷndhata ||
payo̭ gṛ॒heṣu॒ payo̭ aghni॒yāsṷ |
payo̭ va॒thseṣu॒ paya॒ indrā̭ya ha॒viṣe᳚ dhriyasva | gā॒ya॒trī pa̭rṇava॒lkena̭ | paya-ssoma̭-ṅkarotvi॒mam || 25 ||
a॒gni-ṅgṛ̭hṇāmi su॒rathaṃ॒-yo~ ma̭yo॒ bhūḥ |
ya u॒dyanta̭mā॒ roha̭ti॒ sūrya॒mahne᳚ |
ā॒di॒tya-ñjyoti̭ṣā॒-ñjyoti̭rutta॒mam |
śvo ya॒jñāya̭ ramatā-nde॒vatā᳚bhyaḥ ||
vasū᳚-nru॒drānā̭di॒tyān | indrḙṇa sa॒ha de॒vatāḥ᳚ | tāḥ pūrvaḥ॒ pari̭gṛhṇāmi | sva ā॒yata̭ne manī॒ṣayā᳚ || i॒māmūrja̭-mpañcada॒śīṃ-ye~ pravi̭ṣṭāḥ | tānde॒vā-npari̭gṛhṇāmi॒ pūrvaḥ̭ || 26 ||
a॒gnir-ha̭vya॒vāḍi॒ha tānāva̭hatu | pau॒rṇa॒mā॒sagṃ ha॒viri॒damḙṣā॒-mmayi̭ |
ā॒mā॒vā॒syagṃ̭ ha॒viri॒damḙṣā॒-mmayi̭ || a॒nta॒rā-'gnī pa॒śavaḥ̭ | de॒va॒sa॒gṃ॒ sada॒māga̭mann | tā-npūrvaḥ॒ pari̭gṛhṇāmi |
sva ā॒yata̭ne manī॒ṣayā᳚ || i॒ha pra॒jā vi॒śvarṷ̄pā ramantām | a॒gni-ṅgṛ॒hapa̭tima॒bhi saṃ॒va~sā̭nāḥ | tāḥ pūrvaḥ॒ pari̭gṛhṇāmi || 27 ||
sva ā॒yata̭ne manī॒ṣayā᳚ ||
i॒ha pa॒śavo̭ vi॒śvarṷ̄pā ramantām |
a॒gni-ṅgṛ॒hapa̭tima॒bhi saṃ॒va~sā̭nāḥ |
tā-npūrvaḥ॒ pari̭gṛhṇāmi | sva ā॒yata̭ne manī॒ṣayā᳚ || a॒ya-mpi̭tṛ॒ṇāma॒gniḥ |
avā᳚ḍḍha॒vyā pi॒tṛbhya॒ ā | ta-mpūrvaḥ॒ pari̭gṛhṇāmi | avi̭ṣa-nnaḥ pi॒tu-ṅka̭rat || aja̭sra॒-ntvāgṃ sa̭bhāpā॒lāḥ || 28 ||
vi॒ja॒yabhā̭ga॒gṃ॒ sami̭ndhatām | agnḙ dī॒dāya̭ me sabhya | viji̭tyai śa॒radaḥ̭ śa॒tam || anna̭māvasa॒thīya᳚m | a॒bhiha̭rāṇi śa॒radaḥ̭ śa॒tam | ā॒va॒sa॒the śriya॒-mmantra᳚m | ahi̭rbu॒ddhniyo॒ niya̭cchatu || i॒dama॒ha-ma॒gni jye᳚ṣṭhebhyaḥ | vasṷbhyo ya॒jña-mprabra̭vīmi |
i॒dama॒ha-mindra̭ jyeṣṭhebhyaḥ || 29 ||
ru॒drebhyo̭ ya॒jña-mprabra̭vīmi | i॒dama॒haṃ-va~rṷṇa-jyeṣṭhebhyaḥ | ā॒di॒tyebhyo̭ ya॒jña-mprabra̭vīmi || paya̭svatī॒-roṣa̭dhayaḥ |
paya̭svadvī॒rudhā॒-mpayaḥ̭ | a॒pā-mpaya̭so॒ yatpayaḥ̭ | tena॒ māmi̭ndra॒ sagṃsṛ̭ja ||
agne᳚ vratapate vra॒ta-ñca̭riṣyāmi |
taccha̭keya॒-ntanmḙ rāddhyatām |
vāyo᳚ vratapata॒ ādi̭tya vratapate || 30 ||
vra॒tānāṃ᳚-vra~tapate vra॒ta-ñca̭riṣyāmi | taccha̭keya॒-ntanmḙ rāddhyatām ||
i॒mā-mprācī॒mudī̭cīm | iṣa॒mūrja̭ma॒bhi saggskṛ̭tām | ba॒hu॒pa॒rṇāmaśṷṣkāgrām |
harā̭mi paśu॒pāma॒ham || yatkṛṣṇo̭ rū॒pa-ṅkṛ॒tvā | prāvi̭śa॒stvaṃ-va~na॒spatīṋ |
tata॒stvāmḙkavigṃśati॒dhā | sambha̭rāmi susa॒mbhṛtā᳚ || 31 ||
trī-npa̭ri॒dhīgsti॒sra-ssa॒midhaḥ̭ | ya॒jñāyṷranusañca॒rān |
u॒pa॒ve॒ṣa-mmekṣa̭ṇa॒-ndhṛṣṭi᳚m | sambha̭rāmi susa॒bhṛntā᳚ || yā jā॒tā oṣa̭dhayaḥ | de॒vebhya̭ striyu॒ga-mpu॒rā | tāsā॒-mparva̭ rāddhyāsam | pa॒ri॒sta॒ra-mā॒haranṋ ||
a॒pā-mmeddhyaṃ̭-ya~॒jñiya᳚m |
sadḙvagṃ śi॒vama̭stu me || 32 ||
ā॒cche॒ttā vo॒ mā ri̭ṣam | jīvā̭ni śa॒radaḥ̭ śa॒tam || apa̭rimitānā॒-mpari̭mitāḥ | sanna̭hye sukṛ॒tāya॒kam | eno॒ mā nigā᳚-ṅkata॒macca॒ nāham | puna̭ru॒tthāya̭ bahu॒lā bha̭vantu || sa॒kṛ॒dā॒cchi॒nna-mba॒r॒hirūrṇā̭mṛdu |
syo॒na-mpi॒tṛbhya̭stvā bharāmya॒ham | a॒smi-nthsī̭dantu me pi॒taraḥ̭ so॒myāḥ |
pi॒tā॒ma॒hāḥ prapi̭tāmahāścānu॒gai-ssa॒ha || 33 ||
tri॒vṛ-tpa̭lā॒śe da॒rbhaḥ | iyā᳚-nprāde॒śa sa̭mintaḥ | ya॒jñe pa॒vitra॒-mpotṛ̭tamam | payo̭ ha॒vya-ṅka̭rotu me || i॒mau prā̭ṇāpā॒nau |
ya॒jñasyāṅgā̭ni sarva॒śaḥ | ā॒pyā॒yaya̭ntau॒ sañca̭ratām | pa॒vitrḙ havya॒śodha̭ne ||
pa॒vitre᳚ stho vaiṣṇa॒vī | vā॒yurvā॒-mmana̭sā punātu || 34 ||
a॒ya-mprā॒ṇaścā̭pā॒naśca̭ | yaja̭māna॒-mapi̭gacchatām | ya॒jñe hyabhṷ̄tā॒-mpotā̭rau |
pa॒vitrḙ havya॒śodha̭ne || tvayā॒ vediṃ̭-vi~viduḥ pṛthi॒vīm | tvayā̭ ya॒jño jā̭yate viśva॒dāniḥ̭ | acchi̭draṃ-ya~॒jñamanvḙṣi vi॒dvān |
tvayā॒ hotā॒ santa̭notyardhamā॒sān || tra॒ya॒stri॒gṃ॒śo̭-'si॒ tantṷ̄nām |
pa॒vitrḙṇa sa॒hāga̭hi || 35 ||
śi॒veyagṃ rajjṷrabhi॒dhānī᳚ | a॒ghni॒yā-mupa̭sevatām || apra̭sragṃsāya ya॒jñasya̭ |
u॒khe upa̭dadhāmya॒ham | pa॒śubhi॒-ssannī̭ta-mbibhṛtām | indrā̭ya śṛ॒ta-ndadhi̭ ||
u॒pa॒ve॒ṣo̭-'si ya॒jñāya̭ | tvā-mpa̭rive॒ṣa-ma̭dhārayann | indrā̭ya ha॒viḥ kṛ॒ṇvantaḥ̭ |
śi॒va-śśa॒gmo bha̭vāsi naḥ || 36 ||
amṛ̭nmaya-ndevapā॒tram | ya॒jñasyāyṷṣi॒ prayṷjyatām | ti॒raḥ॒ pa॒vi॒tramati̭nītāḥ |
āpo̭ dhāraya॒ mā-'ti̭guḥ || de॒vena̭ savi॒trotpṷ̄tāḥ | vaso॒-ssūrya̭sya ra॒śmibhiḥ̭ | gā-ndo̭hapavi॒tre rajju᳚m | sarvā॒ pātrā̭ṇi śundhata || e॒tā āca̭ranti॒ madhṷma॒dduhā̭nāḥ |
pra॒jāva̭tī-rya॒śaso̭ vi॒śvarṷ̄pāḥ || 37 ||
ba॒hvī rbhava̭ntī॒rupa॒ jāya̭mānāḥ | i॒ha va॒ indro̭ ramayatu gāvaḥ || pū॒ṣā stha̭ || a॒ya॒kṣmā vaḥ̭ pra॒jayā॒ sagṃsṛ̭jāmi |
rā॒yaspoṣḙṇa bahu॒lā bhava̭ntīḥ | ūrja॒-mpayaḥ॒ pinva̭mānā ghṛ॒ta-ñca̭ |
jī॒vo jīva̭ntī॒rupa̭ va-ssadeyam || dyauśce॒maṃ-ya~॒jña-mpṛ̭thi॒vī ca॒ sandṷhātām |
dhā॒tā somḙna sa॒ha vātḙna vā॒yuḥ | yaja̭mānāya॒ dravi̭ṇa-ndadhātu || 38 ||
uthsa̭-nduhanti ka॒laśa॒-ñcatṷrbilam | iḍā᳚-nde॒vī-mmadhṷmatīgṃ suva॒rvida᳚m |
tadi̭ndrā॒gnī ji̭nvatagṃ sū॒nṛtā̭vat | ta-dyaja̭māna-mamṛta॒tve da̭dhātu ||
kāma̭dhukṣaḥ॒ praṇo᳚ brūhi | indrā̭ya ha॒viri̭ndri॒yam || a॒mūṃ-ya~syā᳚-nde॒vānā᳚m |
ma॒nu॒ṣyā̭ṇā॒-mpayo̭ hi॒tam || ba॒hu du॒gdhīndrā̭ya de॒vebhyaḥ̭ |
ha॒vya-māpyā̭yatā॒-mpunaḥ̭ || 39 ||
va॒thsebhyo̭ manu॒ṣye᳚bhyaḥ | pu॒na॒rdo॒hāya̭ kalpatām || ya॒jñasya॒ santa̭tirasi |
ya॒jñasya̭ tvā॒ santa̭ti॒manu॒santa̭nomi || ada̭stamasi॒ viṣṇa̭ve tvā |
ya॒jñāyāpi̭ dadhāmya॒ham | a॒dbhirari̭ktena॒ pātrḙṇa | yāḥ pū॒tāḥ pa̭ri॒śera̭te ||
a॒ya-mpaya॒-ssoma̭-ṅkṛ॒tvā | svāṃ-yo~ni॒-mapi̭gacchatu || 40 ||
pa॒rṇa॒va॒lkaḥ pa॒vitra᳚m | sau॒mya-ssomā॒ddhi nirmi̭taḥ || i॒mau pa॒rṇa-ñca̭ da॒rbha-ñca̭ |
de॒vānāgṃ̭ havya॒śodha̭nau | prā॒ta॒rve॒ṣāya̭ gopāya | viṣṇo̭ ha॒vyagṃ hi rakṣa̭si ||
u॒bhāva॒gnī ṷpastṛṇa॒te | de॒vatā॒ upa̭vasantu me | a॒ha-ṅgrā॒myā-nupa̭vasāmi |
mahya॒-ṅgopa̭taye pa॒śūn || 41 ||
[ābhṛ̭ta - i॒maṃ - gṛ̭hṇāmi॒ pūrva॒ - stāḥ purvaḥ॒ pari̭gṛhṇāmi - sabhāpā॒lā - indra̭jyeṣṭhebhya॒-ādi̭tya vratapate-susa॒bhruntā̭ - me - sa॒ha - pṷnātu - gahi - no - vi॒śvarṷ̄pā - dadhātu॒ - puna̭--r gacchatu - pa॒śun ] (a. 4)
yāḥ pu॒rastā̭di॒māmūrja̭mi॒ha pra॒jā i॒ha pa॒śavo॒-'ya-mpi̭tṛ॒ṇāma॒gniḥ
anuvākaṃ 5 - aiṣṭikayājamānamantrāḥ
devā̭ de॒veṣu॒ parā᳚kramaddhvam | pratha̭mā dvi॒tīyḙṣu | dvitī̭yā-stṛ॒tīyḙṣu |
trirḙkādaśā i॒ha mā̭-'vata | i॒dagṃ śa̭keyaṃ॒-ya~di॒da-ṅka॒romi̭ |
ā॒tmā ka̭rotvā॒tmane᳚ | i॒da-ṅka̭riṣye bheṣa॒jam | i॒da-mmḙ viśvabheṣajā |
aśvi̭nā॒ prāva̭taṃ-yu~॒vam || i॒dama॒hagṃ senā̭yā a॒bhītva̭ryai || 42 ||
mukha॒mapo̭hāmi || sūrya̭jyoti॒ rvibhā̭hi | ma॒ha॒ta i̭ndri॒yāya̭ || āpyā̭yatā-ṅghṛ॒tayo̭niḥ | a॒gnir-ha॒vyā-'nṷmanyatām |
khama̭ṅkṣva॒ tvaca̭maṅkṣva | su॒rū॒pa-ntvā̭ vasu॒vida᳚m | pa॒śū॒nā-nteja̭sā |
a॒gnaye॒ juṣṭa̭-ma॒bhighā̭rayāmi || syo॒na-nte॒ sada̭na-ṅkaromi || 43 ||
ghṛ॒tasya॒ dhāra̭yā su॒śeva̭-ṅkalpayāmi ||
tasmi᳚n-thsīdā॒mṛte॒ prati̭tiṣṭha |
vrī॒hī॒ṇā-mmḙdha sumana॒syamā̭naḥ ||
ā॒rdraḥ pra̭thasnu॒-rbhuva̭nasya go॒pāḥ |
śṛ॒ta uthsnā̭ti jani॒tā ma̭tī॒nām ||
yasta̭ ā॒tmā pa॒śuṣu॒ pravi̭ṣṭaḥ |
de॒vānāṃ᳚-vi~॒ṣṭhāmanu॒ yo vi̭ta॒sthe |
ā॒tma॒nvā-nthso̭ma ghṛ॒tavā॒n॒. hi bhū॒tvā |
de॒vā-nga̭ccha॒ suva̭rvinda॒ yaja̭mānāya॒ mahya᳚m || irā॒ bhūtiḥ̭ pṛthi॒vyai raso॒ motkra̭mīt || 44 ||
devāḥ᳚ pitaraḥ॒ pita̭ro devāḥ | yo̭-'hama̭smi॒ sa san. ya̭je | yasyā᳚smi॒ na tama॒ntarḙmi | sva-mma̭ i॒ṣṭagg sva-nda॒ttam | sva-mpū॒rtagg svagg śrā॒ntam | svagṃ hu॒tam | tasya̭ me॒-'gni-rṷpadra॒ṣṭā | vā॒yurṷpaśro॒tā |
ā॒di॒tyo̭-'nukhyā॒tā | dyauḥ pi॒tā || 45 ||
pṛ॒thi॒vī mā॒tā | pra॒jāpa̭ti॒ rbandhuḥ̭ |
ya e॒vāsmi॒ sa san. ya̭je || mā bhermā saṃvi~̭kthā॒ mā tvā̭ higṃsiṣam | mā te॒ tejo-'pa̭kramīt |
bha॒ra॒tamuddha̭re॒ manṷṣiñca | a॒va॒dānā̭ni te pra॒tyava̭dāsyāmi |
nama̭ste astu॒ mā mā̭ higṃsīḥ || yada̭va॒dānā̭ni te-'va॒dyann | vilo॒mākā̭rṣamā॒tmanaḥ̭ || 46 ||
ājyḙna॒ pratya̭najmyenat | tatta॒ āpyā̭yatā॒-mpunaḥ̭ || ajyā̭yo yavamā॒trāt |
ā॒vyā॒dhā-tkṛ̭tyatāmi॒dam | mā rṷ̄rupāma ya॒jñasya̭ | śu॒ddhagg svi̭ṣṭami॒dagṃ ha॒viḥ || manṷnā dṛ॒ṣṭā-ṅghṛ॒tapa̭dīm | mi॒trāvarṷṇasamīritām | da॒kṣi॒ṇā॒rdhādasa̭bhinndann | ava̭dyā-myeka॒to mṷkhām || 47 ||
iḍḙ bhā॒ga-ñjṷṣasva naḥ | jinva॒ gā jinvārva̭taḥ | tasyā᳚ste bhakṣi॒vāṇaḥ̭ syāma | sa॒rvātmā̭na-ssa॒rvaga̭ṇāḥ || braddhna॒ pinva̭sva |
dada̭to me॒ mā kṣā̭yi | ku॒rva॒to me॒ mopa̭dasat | di॒śā-ṅklṛpti̭rasi | diśo̭ me kalpantām | kalpa̭ntā-mme॒ diśaḥ̭ || 48 ||
daivī᳚śca॒ mānṷṣīśca | a॒ho॒rā॒tre mḙ kalpetām | a॒rdha॒mā॒sā mḙ kalpantām | māsā̭ me kalpantām | ṛ॒tavo̭ me kalpantām | saṃ॒va~॒thsa॒ro mḙ kalpatām |
klṛpti̭rasi॒ kalpa̭tā-mme ||
āśā̭nā-ntvā-''śāpā॒lebhyaḥ̭ |
ca॒turbhyo̭ a॒mṛte᳚bhyaḥ |
i॒da-mbhū॒tasyā-ddhya̭kṣebhyaḥ || 49 ||
vi॒dhema̭ ha॒viṣā̭ va॒yam | bhaja̭tā-mbhā॒gī bhā॒gam | mā-'bhā॒go-'bha̭kta |
nira̭bhā॒ga-mbha̭jāmaḥ | a॒paspi̭nva | oṣa̭dhīrjinva | dvi॒pātpā̭hi | catṷṣpādava | di॒vo vṛṣṭi॒mera̭ya | brā॒hma॒ṇānā̭-mi॒dagṃ ha॒viḥ || 50 ||
so॒myānāgṃ̭ somapī॒thinā᳚m | nirbha॒kto brā᳚hmaṇaḥ | nehā-brā᳚hmaṇasyāsti ||
sama̭ṅktā-mba॒ra॒ḥir-ha॒viṣā̭ ghṛ॒tena̭ | samā̭di॒tyai rvasṷbhi॒-ssa-mma॒rudbhiḥ̭ |
samindrḙṇa॒ viśvḙbhi rde॒vebhi̭raṅktām |
di॒vya-nnabho̭ gacchatu॒ ya-thsvāhā᳚ ||
i॒ndrā॒ṇī vā̭ vidha॒vā bhṷ̄yāsam | adi̭tiriva supu॒trā |
a॒sthū॒ri tvā̭ gārhapatya || 51 ||
upa॒niṣa̭de suprajā॒stvāya̭ ||
sa-mpatnī॒ patyā̭ sukṛ॒tena̭ gacchatām |
ya॒jñasya̭ yu॒ktau dhuryā̭vabhūtām |
sa॒jā॒nnā॒nau vija̭hatā॒-marā̭tīḥ |
di॒vi jyoti̭ra॒ja-ra॒māra̭bhetām ||
daśa̭ te ta॒nuvo̭ yajña ya॒jñiyāḥ᳚ |
tāḥ prī̭ṇātu॒ yaja̭māno ghṛ॒tena̭ | nā॒ri॒ṣṭhayoḥ᳚ pra॒śiṣa॒mīḍa̭mānaḥ |
de॒vānā॒-ndaivye-'pi॒ yaja̭māno॒-'mṛto̭-'bhūt ||
yaṃ-vā~᳚-nde॒vā a̭kalpayann || 52 ||
ū॒rjo bhā॒gagṃ śa̭takratū | e॒tadvā॒-ntena̭ prīṇāni | tena̭ tṛpyatamagṃhahau || a॒ha-nde॒vānāgṃ̭ su॒kṛtā̭masmi lo॒ke |
mame॒dami॒ṣṭa-nna mithṷ rbhavāti | a॒ha-nnā̭ri॒ṣṭhā-vanṷyajāmi vi॒dvān |
yadā᳚bhyā॒-mindro॒ ada̭dhā-dbhāga॒dheya᳚m || adā̭rasṛdbhavata deva soma |
a॒smin. ya॒jñe ma̭ruto mṛḍatā naḥ |
mā no̭ vidada॒bhi bhā॒mo aśa̭stiḥ || 53 ||
mā no̭ vida-dva॒janā॒ dveṣyā॒ yā ||
ṛ॒ṣa॒bhaṃ-vā~॒jinaṃ̭-va~॒yam |
pū॒rṇamā̭saṃ-ya~jāmahe | sa no̭ dohatāgṃ su॒vīrya᳚m | rā॒yaspoṣagṃ̭ saha॒sriṇa᳚m | prā॒ṇāya̭ su॒rādha̭se | pū॒rṇamā̭sāya॒ svāhā᳚ ||
a॒mā॒vā॒syā̭ su॒bhagā̭ su॒śevā᳚ | dhe॒nuri̭va॒ bhūya̭ ā॒pyāya̭mānā | sā no̭ dohatāgṃ su॒vīrya᳚m | rā॒yaspoṣagṃ̭ saha॒sriṇa᳚m |
a॒pā॒nāya̭ su॒rādha̭se | a॒mā॒vā॒syā̭yai॒ svāhā᳚ || a॒bhistṛ̭ṇīhi॒ pari̭dhehi॒ vedi᳚m |
jā॒mi-mmā higṃ̭sīramu॒yā śayā̭nā |
ho॒tṛ॒ṣada̭nā॒ hari̭tā-ssu॒varṇāḥ᳚ | ni॒ṣkā i॒me yaja̭mānasya bra॒ddhne || 54 ||
(a॒bhītva̭ryai - karomi - kramīt - pi॒tā - ''tmana̭ - eka॒tomṷkhāṃ - me॒ diśo - 'dhya̭kṣebhyo - ha॒vi--r gā̭rhapatyā - kalpaya॒ - nnaśa̭stiḥ॒ - sā no̭ dohatāgṃ su॒vīryagṃ̭ sa॒pta ca̭) (a. 5)
anuvākaṃ 6 - aiṣṭikayājamānamantrāḥ
pari̭stṛṇīta॒ pari̭dhattā॒gnim | pari̭hito॒-'gni ryaja̭māna-mbhunaktu | a॒pāgṃ rasa॒ oṣa̭dhīnāgṃ su॒varṇaḥ̭ | ni॒ṣkā i॒me yaja̭mānasya santu kāma॒dughāḥ᳚ | a॒mutrā॒muṣmi̭n ~lo॒ke ||
bhūpa̭te॒ bhuva̭napate | ma॒ha॒to bhū॒tasya̭ pate | bra॒hmāṇa̭-ntvā vṛṇīmahe ||
a॒ha-mbhūpa̭tira॒ha-mbhuva̭napatiḥ |
a॒ha-mma̭ha॒to bhū॒tasya॒ patiḥ̭ || 55 ||
de॒vena̭ savi॒trā prasṷ̄ta॒ ārtvi̭jya-ṅkariṣyāmi | deva̭ savitare॒ta-ntvā̭ vṛṇate |
bṛha॒spati॒-ndaivya̭-mbra॒hmāṇa᳚m | tada॒ha-mmana̭se॒ prabra̭vīmi | mano̭ gāyatri॒yai |
gā॒ya॒trī tri॒ṣṭubhe᳚ | tri॒ṣṭu-bjaga̭tyai | jaga̭tyanu॒ṣṭubhe᳚ | a॒nu॒ṣṭu-kpa॒ṅktyai | pa॒ṅktiḥ pra॒jāpa̭taye || 56 ||
pra॒jāpa̭ti॒ rviśve᳚bhyo de॒vebhyaḥ̭ | viśvḙ de॒vā bṛha॒spata̭ye | bṛha॒spati॒-rbrahma̭ṇe |
brahma॒ bhūrbhuva॒-ssuvaḥ̭ | bṛha॒spati̭ rde॒vānā᳚-mbra॒hmā | a॒ha-mma̭nu॒ṣyā̭ṇām | bṛha̭spate ya॒jña-ṅgo̭pāya || i॒da-ntasmai̭ ha॒rmya-ṅka̭romi | yo vo̭ devā॒ścara̭ti brahma॒carya᳚m | me॒dhā॒vī di॒kṣu mana̭sā tapa॒svī || 57 ||
a॒ntardū॒taśca̭rati॒ mānṷṣīṣu ||
catuḥ̭ śikhaṇḍā yuva॒ti-ssu॒peśāḥ᳚ |
ghṛ॒tapra̭tīkā॒ bhuva̭nasya॒ maddhye᳚ | ma॒rmṛ॒jyamā̭nā maha॒te saubha̭gāya |
mahya̭-ndhukṣva॒ yaja̭mānāya॒ kāmāṋ ||
bhūmi̭ rbhū॒tvā ma̭hi॒māna̭-mpupoṣa |
tato̭ de॒vī va̭rdhayate॒ payāgṃ̭si |
ya॒jñiyā̭ ya॒jñaṃ-vi~ca॒yanti॒ śañca̭ |
oṣa̭dhī॒rāpa̭ i॒ha śakva̭rīśca ||
yo mā̭ hṛ॒dā mana̭sā॒ yaśca̭ vā॒cā || 58 ||
yo brahma̭ṇā॒ karma̭ṇā॒ dveṣṭi̭ devāḥ |
ya-śśru॒tena॒ hṛda̭yeneṣṇa॒tā ca̭ |
tasye᳚ndra॒ vajrḙṇa॒ śira̭śchinadmi ||
ūrṇā̭mṛdu॒ pratha̭mānagg syo॒nam |
de॒vebhyo॒ juṣṭa॒gṃ॒ sada̭nāya ba॒r॒hiḥ | su॒va॒rge lo॒ke yaja̭māna॒gṃ॒ hi dhe॒hi |
mā-nnāka̭sya pṛ॒ṣṭhe pa̭ra॒me vyo̭mann || catuḥ̭ śikhaṇḍā yuva॒ti-ssu॒peśāḥ᳚ |
ghṛ॒tapra̭tīkā va॒yunā̭ni vaste |
sā stī॒ryamā̭ṇā maha॒te saubha̭gāya || 59 ||
sā mḙ dhukṣva॒ yaja̭mānāya॒ kāmāṋ |
śi॒vā ca̭ me śa॒gmā cai̭dhi |
syo॒nā ca̭ me su॒ṣadā̭ caidhi |
ūrja̭svatī ca me॒ paya̭svatī caidhi |
iṣa॒mūrja̭-mme pinvasva | brahma॒ tejo̭ me pinvasva | kṣa॒tramojo̭ me pinvasva |
viśa॒-mpuṣṭi̭-mme pinvasva |
āyṷra॒nnādya̭-mme pinvasva |
pra॒jā-mpa॒śū-nmḙ pinvasva || 60 ||
a॒smin. ya॒jña upa॒ bhūya॒ innu me᳚ |
avi̭kṣobhāya pari॒dhīnda̭dhāmi |
dha॒rtā dha॒ruṇo॒ dharī̭yān |
a॒gni rdveṣāgṃ̭si॒ niri॒to nṷdātai ||
vicchi̭nadmi॒ vidhṛ̭tībhyāgṃ sa॒patnāṋ |
jā॒tā-nbhrātṛ̭vyā॒n॒. ye ca̭ jani॒ṣyamā̭ṇāḥ |
vi॒śo ya॒ntrābhyāṃ॒-vi~dha̭māmyenān | a॒haggsvānā̭-mutta॒mo̭-'sāni devāḥ |
vi॒śo ya॒ntre nu॒damā̭ne॒ arā̭tim | viśva̭-mpā॒pmāna॒mama̭ti-ndurmarā॒yum || 61 ||
sīda̭ntī de॒vī sṷkṛ॒tasya̭ lo॒ke |
dhṛtī᳚ stho॒ vidhṛ̭tī॒ svadhṛ̭tī |
prā॒ṇānmayi̭ dhārayatam | pra॒jā-mmayi̭ dhārayatam | pa॒śūnmayi̭ dhārayatam ||
a॒ya-mpra̭sta॒ra u॒bhaya̭sya dha॒rtā |
dha॒rtā pra̭yā॒jānā̭-mu॒tānṷ̄yā॒jānā᳚m |
sa dā̭dhāra sa॒midho̭ vi॒śvarṷ̄pāḥ |
tasmi॒n-thsruco॒ addhyāsā̭dayāmi ||
āro̭ha pa॒tho jṷhu deva॒yānāṋ || 62 ||
yatrarṣa̭yaḥ prathama॒jā ye pṷrā॒ṇāḥ | hira̭ṇyapakṣā-'ji॒rā sambhṛ̭tāṅgā |
vahā̭si mā su॒kṛtāṃ॒-ya~tra̭ lo॒kāḥ ||
avā॒ha-mbā̭dha upa॒bhṛtā̭ sa॒patnāṋ |
jā॒tā-nbhrātṛ̭vyā॒n॒. ye ca̭ jani॒ṣyamā̭ṇāḥ | dohai̭ ya॒jñagṃ su॒dughā̭miva dhe॒num |
a॒hamutta̭ro bhūyāsam | adha̭re॒ mathsa॒patnāḥ᳚ ||
yo mā̭ vā॒cā mana̭sā durmarā॒yuḥ |
hṛ॒dā-'rā̭tī॒yā-da̭bhi॒dāsa̭-dagne || 63 ||
i॒dama̭sya ci॒ttamadha̭ra-ndhru॒vāyāḥ᳚ | a॒hamutta̭ro bhūyāsam | adha̭re॒ mathsa॒patnāḥ᳚ ||
ṛ॒ṣa॒bho̭-'si śākva॒raḥ | ghṛ॒tācī̭nāgṃ sū॒nuḥ | pri॒yeṇa॒ nāmnā᳚ pri॒ye sada̭si sīda ||
syo॒no mḙ sīda su॒ṣadaḥ̭ pṛthi॒vyām |
pratha̭yi pra॒jayā̭ pa॒śubhiḥ̭ suva॒rge lo॒ke |
di॒vi sī̭da pṛthi॒vyā-ma॒ntari̭kṣe |
a॒hamutta̭ro bhūyāsam || 64 ||
adha̭re॒ mathsa॒patnāḥ᳚ ||
i॒yagg sthā॒lī ghṛ॒tasya̭ pū॒rṇā |
acchi̭nnapayā-śśa॒tadhā̭ra॒ uthsaḥ̭ |
mā॒ru॒tena॒ śarma̭ṇā॒ daivyḙna ||
ya॒jño̭-'si sa॒rvataḥ̭ śri॒taḥ | sa॒rvato॒ mā-mbhū॒ta-mbha̭vi॒ṣya-cchra̭yatām | śa॒ta-mmḙ santvā॒śiṣaḥ̭ | sa॒hasra̭-mme santu sū॒nṛtāḥ᳚ | irā̭vatīḥ paśu॒matīḥ᳚ | pra॒jāpa̭tirasi sa॒rvataḥ̭ śri॒taḥ || 65 ||
sa॒rvato॒ mā-mbhū॒ta-mbha̭vi॒ṣya-cchra̭yatām | śa॒ta-mmḙ santvā॒śiṣaḥ̭ |
sa॒hasra̭-mme santu sū॒nṛtāḥ᳚ | irā̭vatīḥ paśu॒matīḥ᳚ || i॒dami̭ndri॒ya-ma॒mṛtaṃ̭-vī~॒rya᳚m | a॒nenendrā̭ya pa॒śavo̭-'cikithsann |
tena̭ devā ava॒topa॒ mām | i॒heṣa॒mūrjaṃ॒-ya~śa॒-ssaha॒ ojaḥ̭ saneyam | śṛ॒ta-mmayi̭ śrayatām || ya-tpṛ̭thi॒vī-maca̭ra॒ttat-pravi̭ṣṭam || 66 ||
yenāsi̭ñca॒-dbala॒mindre᳚ pra॒jāpa̭tiḥ |
i॒da-ntacchu॒kra-mmadhṷ vā॒jinī̭vat |
yeno॒-pari̭ṣṭā॒dadhi̭no-nmahe॒ndram |
dadhi॒ mā-ndhi̭notu ||
a॒yaṃ-ve~॒daḥ pṛ̭thi॒vī-manva̭vindat |
guhā̭ sa॒tī-ṅgaha̭ne॒ gahva̭reṣu |
sa vi̭ndatu॒ yaja̭mānāya lo॒kam |
acchi̭draṃ-ya~॒jña-mbhūri̭karmā karotu ||
a॒yaṃ-ya~॒jña-ssama̭sadaddha॒viṣmāṋ |
ṛ॒cā sāmnā॒ yajṷṣā de॒vatā̭bhiḥ || 67 ||
tena̭ lo॒kān-thsūrya̭vato jayema |
indra̭sya sa॒khya-ma̭mṛta॒tva-ma̭śyām ||
yo naḥ॒ kanī̭ya i॒ha kā॒mayā̭tai |
a॒smin. ya॒jñe yaja̭mānāya॒ mahya᳚m |
apa॒ tami̭ndrā॒gnī bhuva̭nānnudetām |
a॒ha-mpra॒jāṃ-vī~॒rava̭tīṃ-vi~deya ||
agnḙ vājajit | vāja̭-ntvā sari॒ṣyanta᳚m |
vāja̭-ñje॒ṣyanta᳚m | vā॒jinaṃ̭-vā~ja॒jita᳚m || 68 ||
vā॒ja॒ji॒tyāyai॒ sammā᳚rjmi | a॒gnima̭nnā॒-dama॒nnādyā̭ya || upa̭hūto॒ dyauḥ pi॒tā |
upa॒ mā-ndyauḥ pi॒tā hva̭yatām | a॒gni-rāgnī᳚ddhrāt | āyṷṣe॒ varca̭se | jī॒vātvai puṇyā̭ya | upa̭hūtā pṛthi॒vī mā॒tā | upa॒ mā-mmā॒tā pṛ̭thi॒vī hva̭yatām | a॒gni-rāgnī᳚ddhrāt || 69 ||
āyṷṣe॒ varca̭se | jī॒vātvai puṇyā̭ya ||
mano॒ jyoti̭ rjuṣatā॒mājya᳚m |
vicchi̭nnaṃ-ya~॒jñagṃ sami॒ma-nda̭dhātu | bṛha॒spati̭-stanutāmi॒ma-nnaḥ̭ |
viśvḙ de॒vā i॒ha mā̭dayantām ||
ya-ntḙ agna āvṛ॒ścāmi̭ | a॒haṃ-vā~᳚ kṣipi॒taścaranṋ | pra॒jā-ñca॒ tasya॒ mūla̭-ñca |
nī॒cairdḙvā॒ nivṛ̭ścata || 70 ||
agne॒ yo no̭-'bhi॒dāsa̭ti | sa॒mā॒no yaśca॒ niṣṭyaḥ̭ | i॒ddhmasyḙva pra॒kṣāya̭taḥ |
mā tasyocchḙṣi॒ kiñca॒na | yo mā-ndveṣṭi̭ jātavedaḥ | ya-ñcā॒ha-ndveṣmi॒ yaśca॒ mām | sarvā॒g॒stāna̭gne॒ sanda̭ha |
yāgścā॒ha-ndveṣmi॒ ye ca॒ mām || agnḙ vājajit |
vāja̭-ntvā sasṛ॒vāgṃsa᳚m || 71 ||
vāja̭-ñjigi॒vāgṃsa᳚m | vā॒jinaṃ̭-vā~ja॒jita᳚m | vā॒ja॒ji॒tyāyai॒ sammā᳚rjmi | a॒gni-ma̭nnā॒da-ma॒nnādyā̭ya || vedi̭ rba॒ra॒ḥi-śśṛ॒tagṃ ha॒viḥ |
i॒ddhmaḥ pa̭ri॒dhaya॒-ssrucaḥ̭ | ājyaṃ̭-ya~॒jña ṛco॒ yajuḥ̭ | yā॒jyā᳚śca vaṣaṭkā॒rāḥ | sa-mme॒ sanna̭tayo namantām |
i॒ddhma॒saṃ॒-naha̭ne hu॒te || 72 ||
di॒vaḥ khīlo-'va̭tataḥ | pṛ॒thi॒vyā addhyutthi̭taḥ | tenā̭ sa॒hasra̭kāṇḍena | dvi॒ṣantagṃ̭ śocayāmasi | dvi॒ṣanmḙ ba॒hu śo̭catu |
oṣa̭dhe॒ mo a॒hagṃ śṷcam || yajña॒ nama̭ste yajña | namo॒ nama̭śca te yajña | śi॒vena̭ me॒ santi̭ṣṭhasva | syo॒nena̭ me॒ santi̭ṣṭhasva || 73 ||
su॒bhū॒tena̭ me॒ santi̭ṣṭhasva | bra॒hma॒va॒rca॒sena̭ me॒ santi̭ṣṭhasva |
ya॒jñasyardhi॒manu॒ santi̭ṣṭhasva | upa̭ te yajña॒ namaḥ̭ | upa̭ te॒ namaḥ̭ |
upa̭ te॒ namaḥ̭ || triṣpha॒lī kri॒yamā̭ṇānām | yo nya॒ṅgo a̭va॒śiṣya̭te |
rakṣa̭sā-mbhāga॒dheya᳚m | āpa॒sta-tprava̭hatādi॒taḥ || 74 ||
u॒lūkha̭le॒ musa̭le॒ yacca॒ śūrpe᳚ |
ā॒śi॒śleṣa̭ dṛ॒ṣadi॒ yatka॒pāle᳚ |
a॒va॒pruṣo̭ vi॒pruṣa॒-ssaṃya~̭jāmi |
viśvḙ de॒vā ha॒viri॒da-ñjṷṣantām |
ya॒jñe yā vi॒pruṣa॒-ssanti̭ ba॒hvīḥ |
a॒gnau tā-ssarvā॒-ssvi̭ṣṭā॒-ssuhṷtā juhomi || u॒dyanna॒dya mi̭tramahaḥ |
sa॒patnā᳚nme anīnaśaḥ | divai̭nān. vi॒dyutā̭ jahi |
ni॒mroca॒nnadha̭rān kṛdhi || 75 ||
u॒dyanna॒dya vi no̭ bhaja | pi॒tā pu॒trebhyo॒ yathā᳚ | dī॒rghā॒yu॒tvasya̭ heśiṣe | tasya̭ no dehi sūrya || u॒dyanna॒dya mi̭tramahaḥ | ā॒roha॒nnutta̭rā॒-ndiva᳚m | hṛ॒dro॒ga-mmama̭ sūrya | ha॒ri॒māṇa̭-ñca nāśaya || śukḙṣu me hari॒māṇa᳚m |
ro॒pa॒ṇākā̭su daddhmasi || 76 ||
atho̭ hāridra॒veṣṷ me | ha॒ri॒māṇa॒-nnida̭ddhmasi || uda̭gāda॒ya-mā̭di॒tyaḥ |
viśvḙna॒ saha̭sā sa॒ha | dvi॒ṣanta॒-mmama̭ ra॒ndhayanṋ | mo a॒ha-ndvi̭ṣa॒to ra̭dham ||
yo na॒-śśapā॒daśa̭pataḥ | yaśca̭ na॒-śśapa̭ta॒-śśapā᳚t | u॒ṣāśca॒ tasmai̭ ni॒mrukca̭ | sarva̭-mpā॒pagṃ samṷ̄hatām || 77 ||
yo naḥ̭ sa॒patno॒ yo raṇaḥ̭ | marto̭-'bhi॒dāsa̭ti devāḥ| i॒ddhmasyḙva pra॒kṣāya̭taḥ |
mā tasyocchḙṣi॒ kiñca॒na || ava̭sṛṣṭaḥ॒ parā̭pata | śa॒ro brahma̭sagṃśitaḥ |
gacchā॒-'mitrā॒-npravi̭śa | maiṣā॒-ṅkañca॒nocchi̭ṣaḥ || 78 ||
(patiḥ̭ - pra॒jāpa̭taye - tapa॒svī - vā॒cā - saubha̭gāya - pa॒śūnmḙ pinvasva - durmarā॒yuṃ - dḙva॒yānā̭ - nagne॒ - 'ntari̭kṣe॒-'hamutta̭ro bhūyāsaṃ -pra॒jāpa̭tirasi sa॒rvataḥ̭ śri॒taḥ - pravi̭ṣṭaṃ - de॒vatā̭bhi--r vāja॒jitaṃ̭ -
pṛthi॒vī hva̭yatāma॒gnirāgnī᳚ddhrā-d- vṛścata - sasṛ॒vāgṃsagṃ̭ - hu॒te - syo॒nena̭ me॒ samti̭ṣṭhasve॒ - taḥ - kṛ̭dhi- dadhma - syūhatā - +ma॒ṣṭau ca̭) (a. 6)
anuvākaṃ 7 - somāṅga.bhūteṣu mantreṣu-dīkṣāmārabhyāgnīṣomayi paśuparyante prayoge śeṣabhūtā mantrāḥ
sakṣe॒da-mpa̭śya | vidha̭rtari॒da-mpa̭śya | nāke॒da-mpa̭śya | ra॒matiḥ॒ pani̭ṣṭhā |
ṛ॒taṃ-va~rṣi̭ṣṭham | a॒mṛtā॒ yānyā॒huḥ | sūryo॒ vari̭ṣṭho a॒kṣabhi॒rvibhā̭ti |
ana॒ dyāvā̭pṛthi॒vī de॒vapṷtre || dī॒kṣā-'si॒ tapa̭so॒ yoniḥ̭ | tapo̭-'si॒ brahma̭ṇo॒ yoniḥ̭ || 79 ||
brahmā̭si kṣa॒trasya॒ yoniḥ̭ | kṣa॒trama̭syṛ॒tasya॒ yoniḥ̭ |
ṛ॒tama̭si॒ bhūrāra̭bhe | śra॒ddhā-mmana̭sā | dī॒kṣā-ntapa̭sā | viśva̭sya॒ bhuva̭na॒syādhi̭patnīm | sarve॒ kāmā॒ yaja̭mānasya santu ||
vāta̭-mprā॒ṇa-mmana̭sā॒-'nvāra̭bhāmahe | pra॒jāpa̭tiṃ॒-yo~ bhuva̭nasya go॒pāḥ |
sa no̭ mṛ॒tyostrā̭yatā॒-mpātvagṃha̭saḥ || 80 ||
jyogjī॒vā ja॒rāma̭śīmahi || indra̭ śākvara gāya॒trī-mprapa̭dye | tā-ntḙ yunajmi | indra̭ śākvara tri॒ṣṭubha॒-mprapa̭dye | tā-ntḙ yunajmi |
indra̭ śākvara॒ jaga̭tī॒-mprapa̭dye | tā-ntḙ yunajmi |
indra̭ śākvarānu॒ṣṭubha॒-mprapa̭dye | tā-ntḙ yunajmi | indra̭ śākvara pa॒ṅkti-mprapa̭dye || 81 ||
tā-ntḙ yunajmi || ā-'ha-ndī॒kṣāma̭ruha-mṛ॒tasya॒ patnī᳚m | gā॒ya॒treṇa॒ chanda̭sā॒ brahma̭ṇā ca | ṛ॒tagṃ sa॒tyḙ-'dhāyi | sa॒tyamṛ॒tḙ-'dhāyi |
ṛ॒ta-ñca̭ me sa॒tya-ñcā̭bhūtām | jyoti̭rabhūva॒gṃ॒ suva̭ragamam |
su॒va॒rgaṃ-lo~॒ka-nnāka̭sya pṛ॒ṣṭham | bra॒ddhnasya̭ vi॒ṣṭapa̭magamam ||
pṛ॒thi॒vī dī॒kṣā || 82 ||
tayā॒-'gni rdī॒kṣayā̭ dīkṣi॒taḥ | yayā॒-'gni rdī॒kṣayā̭ dīkṣi॒taḥ | tayā᳚ tvā dī॒kṣayā̭ dīkṣayāmi | a॒ntari̭kṣa-ndī॒kṣā |
tayā̭ vā॒yu rdī॒kṣayā̭ dīkṣi॒taḥ |
yayā̭ vā॒yu rdī॒kṣayā̭ dīkṣi॒taḥ |
tayā᳚ tvā dī॒kṣayā̭ dīkṣayāmi | dyau rdī॒kṣā |
tayā̭-''di॒tyo dī॒kṣayā̭ dīkṣi॒taḥ |
yayā̭-''di॒tyo dī॒kṣayā̭ dīkṣi॒taḥ || 83 ||
tayā᳚ tvā dī॒kṣayā̭ dīkṣayāmi | diśo̭ dī॒kṣā |
tayā̭ ca॒ndramā̭ dī॒kṣayā̭ dīkṣi॒taḥ |
yayā̭ ca॒ndramā̭ dī॒kṣayā̭ dīkṣi॒taḥ |
tayā᳚ tvā dī॒kṣayā̭ dīkṣayāmi |
āpo̭ dī॒kṣā | tayā॒ varṷṇo॒ rājā̭ dī॒kṣayā̭ dīkṣi॒taḥ | yayā॒ varṷṇo॒ rājā̭ dī॒kṣayā̭ dīkṣi॒taḥ | tayā᳚ tvā dī॒kṣayā̭ dīkṣayāmi |
oṣa̭dhayo dī॒kṣā || 84 ||
tayā॒ somo॒ rājā̭ dī॒kṣayā̭ dīkṣi॒taḥ| yayā॒ somo॒ rājā̭ dī॒kṣayā̭ dīkṣi॒taḥ |
tayā᳚ tvā dī॒kṣayā̭ dīkṣayāmi | vāg dī॒kṣā |
tayā᳚ prā॒ṇo dī॒kṣayā̭ dīkṣi॒taḥ |
yayā᳚ prā॒ṇo dī॒kṣayā̭ dīkṣi॒taḥ |
tayā᳚ tvā dī॒kṣayā̭ dīkṣayāmi | pṛ॒thi॒vī tvā॒ dīkṣa̭māṇa॒manṷ dīkṣatām |
a॒ntari̭kṣa-ntvā॒ dīkṣa̭māṇa॒manṷ dīkṣatām |
dyaustvā॒ dīkṣa̭māṇa॒manṷ dīkṣatām || 85 ||
diśa̭stvā॒ dīkṣa̭māṇa॒manṷ dīkṣantām | āpa̭stvā॒ dīkṣa̭māṇa॒manṷ dīkṣantām |
oṣa̭dhayastvā॒ dīkṣa̭māṇa॒manṷ dīkṣantām | vāktvā॒ dīkṣa̭māṇa॒manṷ dīkṣatām |
ṛca̭stvā॒ dīkṣa̭māṇa॒manṷ dīkṣantām | sāmā̭ni tvā॒ dīkṣa̭māṇa॒manṷ dīkṣantām |
yajūgṃ̭ṣi tvā॒ dīkṣa̭māṇa॒manṷ dīkṣantām | aha̭śca॒ rātri̭śca | kṛ॒ṣiśca॒ vṛṣṭi̭śca | tviṣi॒ścā-pa̭citiśca || 86 ||
āpa॒ścauṣa̭dhayaśca | ūrkca̭ sū॒nṛtā̭ ca | tāstvā॒ dīkṣa̭māṇa॒manṷ dīkṣantām ||
sve dakṣe॒ dakṣa̭pite॒ha sī̭da | de॒vānāgṃ̭ su॒mno ma̭ha॒te raṇā̭ya | svā॒sa॒stha-sta॒nuvā॒ saṃvi~̭śasva | pi॒tevai̭dhi sū॒nava॒ ā su॒śevaḥ̭ |
śi॒vo mā̭ śi॒vamāvi̭śa | sa॒tya-mma̭ ā॒tmā | śra॒ddhā me 'kṣi̭tiḥ || 87 ||
tapo̭ me prati॒ṣṭhā | sa॒vi॒tṛ-pra̭sūtā mā॒ diśo̭ dīkṣayantu | sa॒tyama̭smi || a॒ha-ntvada̭smi॒ mada̭si॒ tvame॒tat | mamā̭si॒ yoni॒stava॒ yoni̭rasmi | mamai॒va sanvaha̭ ha॒vyānya̭gne |
pu॒traḥ pi॒tre lo̭ka॒kṛ-jjā̭tavedaḥ ||
ā॒juhvā̭na-ssu॒pratī̭kaḥ pu॒rastā᳚t |
agne॒ svāṃ-yo~ni॒māsī̭da sā॒ddhyā |
a॒smin-thsa॒dhasthe॒ addhyutta̭rasminn || 88 ||
viśvḙ devā॒ yaja̭mānaśca sīdata ||
eka̭mi॒ṣe viṣṇu॒stvā-'nvḙtu |
dve ū॒rje viṣṇu॒stvā-'nvḙtu |
trīṇi̭ vra॒tāya॒ viṣṇu॒stvā-'nvḙtu |
ca॒tvāri॒ māyo̭ bhavāya॒ viṣṇu॒stvā-'nvḙtu |
pañca̭ pa॒śubhyo॒ viṣṇu॒stvā-'nvḙtu | ṣaḍrā॒yaspoṣā̭ya॒ viṣṇu॒stvā-'nvḙtu |
sa॒pta sa॒ptabhyo॒ hotrā᳚bhyo॒ viṣṇu॒stvā-'nvḙtu ||
sakhā̭ya-ssa॒ptapa̭dā abhūma | sa॒khya-ntḙ gameyam || 89 ||
sa॒khyātte॒ mā yo̭ṣam | sa॒khyānme॒ mā yo᳚ṣṭhāḥ || sā-'si̭ subrahmaṇye |
tasyā᳚ste pṛthi॒vī pādaḥ̭ | sā-'si̭ subrahmaṇye | tasyā᳚ste॒-'ntari̭kṣa॒-mpādaḥ̭ |
sā-'si̭ subrahmaṇye | tasyā᳚ste॒ dyauḥ pādaḥ̭ | sā-'si̭ subrahmaṇye | tasyā᳚ste॒ diśaḥ॒ pādaḥ̭ || 90 ||
pa॒ro ra̭jāste pañca॒maḥ pādaḥ̭ | sā na॒ iṣa॒mūrja̭-ndhukṣva | teja̭ indri॒yam | bra॒hma॒va॒rca॒sa-ma॒nnādya᳚m || vimi̭me tvā॒ paya̭svatīm | de॒vānā᳚-ndhe॒nugṃ su॒dughā॒-mana̭pa-sphurantīm | indra॒-ssoma̭-mpibatu |
kṣemo̭ astu naḥ || i॒mā-nna̭rāḥ kṛṇuta॒ vedi॒metya̭ | vasṷmatīgṃ ru॒drava̭tī-mādi॒tyava̭tīm || 91 ||
varṣma̭ndi॒vaḥ | nābhā̭ pṛthi॒vyāḥ |
yathā॒-'yaṃ-ya~ja̭māno॒ na riṣye᳚t |
de॒vasya̭ savi॒tu-ssa॒ve ||
catuḥ̭ śikhaṇḍā yuva॒ti-ssu॒peśāḥ᳚ |
ghṛ॒tapra̭tīkā॒ bhuva̭nasya॒ maddhye᳚ |
tasyāgṃ̭ supa॒rṇāvadhi॒ yau nivi̭ṣṭau |
tayo᳚ rde॒vānā॒madhi̭ bhāga॒dheya᳚m ||
apa॒ janya̭-mbha॒ya-nnṷda | apa ca॒krāṇi̭ vartaya | gṛ॒hagṃ soma̭sya gacchatam ||
na vā ṷve॒tanmri̭yase॒ na ri̭ṣyasi |
de॒vāgṃ idḙṣi pa॒thibhiḥ̭ su॒gebhiḥ̭ |
yatra॒ yanti̭ su॒kṛto॒ nāpi̭ du॒ṣkṛtaḥ̭ |
tatra̭ tvā de॒va-ssa̭vi॒tā da̭dhātu || 92 ||
(brahma̭ṇo॒ yoni॒ - ragṃha̭saḥ - pa॒ṅkti-mprapa̭dye - dī॒kṣā - yayo̭-''di॒tyo dī॒kṣayā̭ dīkṣi॒ta - stayā᳚ tvā dī॒kṣayā̭ dīkṣayā॒myoṣa̭dhayo dī॒kṣā - dyaustvā॒ dīkṣa̭māṇa॒manṷ dīkṣatā॒ - mapa̭citi॒ścā - kṣi̭ti॒ - rutta̭rasmin - gameyaṃ॒ - diśaḥ॒ pāda̭ - ādi॒tyava̭tīṃ - ~vartaya॒ pañca̭ ca) (a. 7)
anuvākaṃ 8 - paśuviṣayā acchidramantrāḥ
yada॒sya pā॒re raja̭saḥ | śu॒kra-ñjyoti॒-rajā̭yata | tannaḥ̭ parṣa॒dati॒ dviṣaḥ̭ |
agnḙ vaiśvānara॒ svāhā᳚ || yasmā᳚dbhī॒ṣā-'vā̭śiṣṭhāḥ | tato̭ no॒ abha̭ya-ṅkṛdhi |
pra॒jābhya॒-ssarvā᳚bhyo mṛḍa | namo̭ ru॒drāya̭ mī॒ḍhuṣe᳚ || yasmā᳚dbhī॒ṣā nyaṣa̭daḥ |
tato̭ no॒ abha̭ya-ṅkṛdhi || 93 ||
pra॒jābhya॒-ssarvā᳚bhyo mṛḍa | namo̭ ru॒drāya̭ mī॒ḍhuṣe᳚ || udṷsra tiṣṭha॒ prati̭tiṣṭha॒ mā ri̭ṣaḥ | memaṃ-ya~॒jñaṃ-ya~ja̭māna-ñca rīriṣaḥ | su॒va॒rge lo॒ke yaja̭māna॒gṃ॒ hi dhe॒hi | śa-nna̭ edhi dvi॒pade॒ śa-ñcatṷṣpade ||
yasmā᳚dbhī॒ṣā-'vḙpiṣṭhāḥ pa॒lāyi̭ṣṭhā-ssa॒majñā᳚sthāḥ | tato̭ no॒ abha̭ya-ṅkṛdhi |
pra॒jābhya॒-ssarvā᳚bhyo mṛḍa | namo̭ ru॒drāya̭ mī॒ḍhuṣe᳚ || 94 ||
ya i॒damakaḥ̭ | tasmai॒ namaḥ̭ | tasmai॒ svāhā᳚ ||
na vā ṷve॒tanmri̭yase॒ na ri̭ṣyasi de॒vāgṃ idḙṣi pa॒thibhiḥ̭ su॒gebhiḥ̭ | harī̭ te॒ yuñjā॒ pṛṣa̭tī abhūtā॒mupā᳚sthā-dvā॒jī dhu॒ri rāsa̭bhasya || | āśā̭nā-ntvā ''śāpā॒lebhyaḥ̭ | ca॒turbhyo̭ a॒mṛte᳚bhyaḥ | i॒da-mbhū॒tasyādhya̭kṣebhyaḥ | vi॒dhema̭ ha॒viṣā̭ va॒yam ||
viśvā॒ āśā॒ madhṷnā॒ sagṃsṛ̭jāmi | a॒na॒mī॒vā āpa॒ oṣa̭dhayo bhavantu | a॒yaṃ-ya~ja̭māno॒ mṛdho॒ vya̭syatām | agṛ̭bhītāḥ pa॒śavaḥ̭ santu॒ sarve᳚ || || ya॒jñasya॒ hi stha ṛ॒tviyau᳚ |
indrā᳚gnī॒ ceta̭nasya ca | hu॒tā॒hu॒tasya̭ tṛpyatam | ahṷtasya hu॒tasya̭ ca | hu॒tasya॒ cāhṷtasya ca | ahṷtasya hu॒tasya̭ ca | indrā᳚gnī a॒sya soma̭sya | vī॒ta-mpi̭bata-ñju॒ṣethā᳚m ||
mā yaja̭māna॒-ntamo̭ vidat | martvijo॒ mo i॒māḥ pra॒jāḥ | mā ya-ssoma̭mi॒ma-mpibā᳚t | sagṃsṛ̭ṣṭamu॒bhaya̭-ṅkṛ॒tam || 95 ||
(kṛ॒dhi॒ - mī॒ḍhuṣe - 'hṷtasya ca sa॒pta ca̭) (a. 8)
anuvākaṃ 9 - upāṃśvabhiṣavā mantrāḥ
a॒nā॒gasa̭stvā va॒yam | indrḙṇa॒ preṣi̭tā॒ upa̭ | vā॒yuṣṭḙ astvagṃśa॒bhūḥ | mi॒trastḙ astvagṃśa॒bhūḥ | varṷṇaste astvagṃśa॒bhūḥ ||
apā᳚-ṅkṣayā॒ ṛta̭sya garbhāḥ | bhuva̭nasya gopā॒-śśyenā̭ atithayaḥ | parva̭tānā-ṅkakubhaḥ pra॒yuto̭ napātāraḥ | va॒gnunendragg̭ hvayata |
ghoṣe॒ṇāmī̭-vāgścātayata || 96 ||
yu॒ktā-sstha॒ vaha̭ta || de॒vā grāvā̭ṇa॒ indu॒rindra॒ itya̭vādiṣuḥ | endra̭macucyavuḥ para॒masyāḥ᳚ parā॒vataḥ̭ | ā-'smā-thsa॒dhasthā᳚t |
orora॒ntari̭kṣāt | ā sṷbhū॒tama̭suṣavuḥ | bra॒hma॒va॒rca॒sa-mma॒ ā-'sṷṣavuḥ |
sa॒ma॒re rakṣāg̭syavadhiṣuḥ | apa̭hata-mbrahma॒jyasya̭ || vākca̭ tvā॒ mana̭śca śriṇītām || 97 ||
prā॒ṇaśca̭ tvā-'pā॒naśca̭ śrīṇītām |
cakṣṷśca tvā॒ śrotra̭-ñca śrīṇītām |
dakṣa̭śca tvā॒ bala̭-ñca śrīṇītām | oja̭śca tvā॒ saha̭śca śrīṇītām | āyṷśca tvā ja॒rā ca̭ śrīṇītām | ā॒tmā ca̭ tvā ta॒nūśca̭ śrīṇītām | śṛ॒to̭-'si śṛ॒ta-ṅkṛ̭taḥ | śṛ॒tāya̭ tvā śṛ॒tebhya̭stvā ||
yamindra̭mā॒hu rvarṷṇaṃ॒-ya~mā॒huḥ | ya-mmi॒tramā॒hu-ryamṷ sa॒tyamā॒huḥ || 98 ||
yo de॒vānā᳚-nde॒vata̭mastapo॒jāḥ | tasmai᳚ tvā॒ tebhya̭stvā || mayi॒ tyadi̭ndri॒ya-mma॒hat | mayi॒ dakṣo॒ mayi॒ kratuḥ̭ | mayi̭ dhāyi su॒vīrya᳚m | triśṷggha॒rmo vibhā̭tu me | ākū᳚tyā॒ mana̭sā sa॒ha |
vi॒rājā॒ jyoti̭ṣā sa॒ha | ya॒jñena॒ paya̭sā sa॒ha |
tasya॒ doha̭maśīmahi || 99 ||
tasya̭ su॒mnama̭śīmahi | tasya̭ bha॒kṣama̭śīmahi |
vāgjṷṣā॒ṇā soma̭sya tṛpyatu || mi॒tro janāṋ yātayati prajā॒na-nmi॒tro dā̭dhāra pṛthi॒vīmu॒ta dyām | mi॒traḥ kṛ॒ṣṭīrani̭miṣā॒-'bhi ca̭ṣṭe sa॒tyāya̭ ha॒vya-ṅghṛ॒tava̭-dvidhema || pra sa mi̭tra॒ marto̭ astu॒ praya̭svā॒n. yasta̭ āditya॒ śikṣa̭ti vra॒tena̭ | na ha̭nyate॒ na jī̭yate॒ tvoto॒ naina॒magṃho̭ aśno॒tyanti̭to॒ na dū॒rāt || || yasmā॒nna jā॒taḥ paro̭ a॒nyo asti̭ | ya ā̭vi॒veśa॒ bhuva̭nāni॒ viśvā᳚ |
pra॒jāpa̭tiḥ pra॒jayā̭ saṃvi~dā॒naḥ |
trīṇi॒ jyotīgṃ̭ṣi sacate॒ sa ṣo̭ḍa॒śī ||
e॒ṣa bra॒hmā ya ṛ॒tviyaḥ̭ |
indro॒ nāma̭ śru॒to ga॒ṇe || 100 ||
pra tḙ ma॒he vi॒dathḙ 'śagṃsiṣa॒gṃ॒ harī᳚ | ya ṛ॒tviyaḥ॒ pra tḙ vanve |
va॒nuṣo̭ harya॒ta-mmada᳚m || indro॒ nāma̭ ghṛ॒ta-nna yaḥ | hari̭bhi॒ścāru॒ seca̭te |
śru॒to ga॒ṇa ā tvā̭ viśantu | hari̭varpasa॒giṃraḥ̭ ||
indrādhi̭pa॒te-'dhi̭pati॒stva-nde॒vānā̭masi | adhi̭pati॒-mmām | āyṷṣmantaṃ॒-va~rca̭svanta-mmanu॒ṣyḙṣu kuru || 101 ||
indra̭śca sa॒mrā-ḍvarṷṇaśca॒ rājā᳚ |
tau tḙ bha॒kṣa-ñca̭kratu॒ragra̭ e॒tam |
tayo॒ranṷ bha॒kṣa-mbha̭kṣayāmi |
vāgjṷṣā॒ṇā soma̭sya tṛpyatu ||
pra॒jāpa̭ti rvi॒śvaka̭rmā | tasya॒ mano̭ de॒vaṃ-ya~॒jñena̭ rāddhyāsam | a॒rthe॒ gā a॒sya ja̭hitaḥ | a॒va॒sāna̭pate-'va॒sāna̭-mme vinda ||
namo̭ ru॒drāya̭ vāsto॒ṣpata̭ye |
āya̭ne vi॒drava̭ṇe || 102 ||
u॒dyāne॒ yatpa॒rāya̭ṇe | ā॒varta̭ne vi॒varta̭ne |
yo go̭pā॒yati॒ tagṃ hṷve ||
yānya̭pā॒mityā॒-nyapra̭tīttā॒-nyasmi̭ |
ya॒masya̭ ba॒linā॒ carā̭mi |
i॒haiva santaḥ॒ prati॒ tadyā̭tayāmaḥ |
jī॒vā jī॒vebhyo॒ niha̭rāma enat ||
a॒nṛ॒ṇā a॒sminna̭-nṛ॒ṇāḥ para̭sminn |
tṛ॒tīyḙ lo॒ke a̭nṛ॒ṇā-ssyā̭ma |
ye dḙva॒yānā̭ u॒ta pi̭tṛ॒yāṇāḥ᳚ || 103 ||
sarvā᳚-npa॒tho a̭nṛ॒ṇā ākṣī̭yema ||
i॒damū॒ nu śreyo̭-'va॒sāna॒-māga̭nma |
śi॒ve no॒ dyāvā̭pṛthi॒vī u॒bhe i॒me | goma॒ddhana̭-va॒daśva̭va॒-dūrja̭svat |
su॒vīrā̭ vī॒rairanu॒ sañca̭rema || a॒rkaḥ pa॒vitra॒gṃ॒ raja̭so vi॒mānaḥ̭ |
pu॒nāti̭ de॒vānā॒-mbhuva̭nāni॒ viśvā᳚ | dyāvā̭pṛthi॒vī paya̭sā saṃvi~dā॒ne |
ghṛ॒ta-ndṷhāte a॒mṛta॒-mprapī̭ne || pa॒vitra̭ma॒rko raja̭so vi॒mānaḥ̭ |
pu॒nāti̭ de॒vānā॒-mbhuva̭nāni॒ viśvā᳚ |
suva॒ rjyoti॒ ryaśo̭ ma॒hat |
a॒śī॒mahi̭ gā॒dhamu॒ta pra̭ti॒ṣṭhām || 104 ||
(cā॒ta॒ya॒ta॒ - śrī॒ṇī॒tā॒gṃ॒ - sa॒tyamā॒hu - ra̭śīmahi - ga॒ṇe - kṷru - vi॒drava̭ṇe - pitṛ॒yāṇā̭ - a॒rko raja̭so vi॒māna॒strīṇi̭ ca) (a. 9)
anuvākaṃ 10 - saumikaprāyāścittamantrāḥ
uda̭stāmphsī-thsavi॒tā mi॒tro a̭rya॒mā |
sarvā̭-na॒mitrā̭-navadhīdyu॒gena̭ |
bṛ॒hanta॒-mmāma̭kara-dvī॒rava̭ntam | ra॒tha॒nta॒re śra̭yasva॒ svāhā̭ pṛthi॒vyām |
vā॒ma॒de॒vye śra̭yasva॒ svāhā॒-'ntari̭kṣe | bṛ॒ha॒ti śra̭yasva॒ svāhā̭ di॒vi |
bṛ॒ha॒tā tvopa̭stabhnomi ||
ā tvā̭ dade॒ yaśa̭se vī॒ryā̭ya ca |
a॒smāsva̭-ghniyā yū॒ya-nda̭dhāthendri॒ya-mpayaḥ̭ || yaste᳚ dra॒phso yasta̭ uda॒r॒ṣaḥ || 105 ||
daivyaḥ̭ ke॒tu rviśva॒-mbhuva̭na-māvi॒veśa̭ |
sa naḥ̭ pā॒hyari̭ṣṭyai॒ svāhā᳚ ||
anṷ mā॒ sarvo̭ ya॒jño̭-'yamḙtu |
viśvḙ de॒vā ma॒ruta॒-ssāmā॒rkaḥ |
ā॒priya॒ ̭007ā;chandāgṃ̭si ni॒vido॒ yajūgṃ̭ṣi | a॒syai pṛ̭thi॒vyai yadya॒jñiya᳚m ||
pra॒jāpa̭te rvarta॒nimanṷ vartasva |
anṷ vī॒rairanṷ rāddhyāma॒ gobhiḥ̭ |
anvaśvai॒ranu॒ sarvai̭ru pu॒ṣṭaiḥ |
anṷ pra॒jayā-'nvi̭ndri॒yeṇa̭ || 106 ||
de॒vā no̭ ya॒jña-mṛ̭ju॒dhā na̭yantu ||
prati̭ kṣa॒tre prati̭ tiṣṭhāmi rā॒ṣṭre |
pratyaśvḙṣu॒ prati̭tiṣṭhāmi॒ goṣṷ |
prati̭ pra॒jāyā॒-mprati̭ tiṣṭhāmi॒ bhavye᳚ |
viśva̭ma॒nyā-'bhi̭ vāvṛ॒dhe | tada॒nyasyā॒-madhi̭śri॒tam | di॒ve ca̭ vi॒śvaka̭rmaṇe |
pṛ॒thi॒vyai cā̭kara॒-nnamaḥ̭ || askā॒ndyauḥ pṛ̭thi॒vīm | askā̭nṛṣa॒bho yuvā॒ gāḥ || 107 ||
ska॒nnemā viśvā॒ bhuva̭nā | ska॒nno ya॒jñaḥ praja̭nayatu | askā॒naja̭ni॒ prāja̭ni |
ā ska॒nnājjā̭yate॒ vṛṣā᳚ | ska॒nnā-tpraja̭niṣīmahi || ye de॒vā yeṣā̭mi॒da-mbhā̭ga॒dheya̭-mba॒bhūva̭ | yeṣā᳚-mprayā॒jā u॒tānṷ̄yā॒jāḥ | indra̭jyeṣṭhebhyo॒ varṷṇarājabhyaḥ | a॒gniho̭tṛbhyo de॒vebhya॒-ssvāhā᳚ || u॒ta tyā no॒ divā̭ ma॒tiḥ || 108 ||
adi̭tirū॒tyā-''ga̭mat | sā śantā̭cī॒ maya̭skarat | apa॒ sridhaḥ̭ || u॒ta tyā daivyā̭ bhi॒ṣajā᳚ | śa-nna̭skarato a॒śvinā᳚ | yū॒yātā̭-ma॒smadrapaḥ̭ |
apa॒ sridhaḥ̭ || śama॒gni-ra॒gnibhi̭skarat | śa-nna̭stapatu॒ sūryaḥ̭ | śaṃ-vā~to̭ vātvara॒pāḥ || 109 ||
apa॒ sridhaḥ̭ || taditpa॒da-nna vici̭keta vi॒dvān |
yanmṛ॒taḥ puna̭ra॒pyeti̭ jī॒vān | tri॒vṛdya-dbhuva̭nasya ratha॒vṛt | jī॒vo garbho॒ na mṛ॒ta-ssa jī̭vāt || pratya̭smai॒ pipī̭ṣate | vi॒śvā̭ni vi॒duṣḙ bhara | a॒ra॒-ṅga॒māya॒ jagma̭ve |
apa̭ścāddadhvane॒ nare᳚ (o-rapa̭ścāddaghvane॒ nare᳚) || indu॒rindu॒ma-vā̭gāt |
indo॒rindro̭-'pāt | tasya̭ ta inda॒vindra̭-pītasya॒ madhṷmataḥ | upa̭hūta॒syopa̭hūto bhakṣayāmi || 110 ||
(u॒da॒r॒ṣa - i̭ndri॒yeṇa॒ - gā - ma॒ti - ra̭ra॒pā - a̭gā॒trīṇi̭ ca) (a. 10)
anuvākaṃ 11 - darśapūrṇamāsaprāyaścittamantrāḥ
brahma̭ prati॒ṣṭhā mana̭so॒ brahma̭ vā॒caḥ | brahma̭ ya॒jñānāgṃ̭ ha॒viṣā॒-mājya̭sya |
ati̭rikta॒-ṅkarma̭ṇo॒ yacca̭ hī॒nam | ya॒jñaḥ parvā̭ṇi prati॒rannḙti ka॒lpayanṋ |
svāhā̭kṛ॒tā-''hṷtiretu de॒vān || āśrā̭vitama॒tyāśrā̭vitam |
vaṣa̭ṭkṛta-ma॒tyanū᳚kta-ñca ya॒jñe |
ati̭rikta॒-ṅkarma̭ṇo॒ yacca̭ hī॒nam |
ya॒jñaḥ parvā̭ṇi prati॒rannḙti ka॒lpayanṋ |
svāhā̭kṛ॒tā-''hṷtiretu de॒vān || 111 ||
yadvo̭ devā atipā॒dayā̭ni | vā॒cā ci॒tpraya̭ta-ndeva॒ heḍa̭nam | a॒rā॒yo a॒smāgṃ a॒bhi-dṷcchunā॒yate᳚| a॒nyatrā॒sma-nma̭ruta॒sta-nnidhḙtana || ta॒ta-mma॒ āpa॒stadṷ tāyata॒ punaḥ̭ | svādi̭ṣṭhā dhī॒tiru॒cathā̭ya śasyate |
a॒yagṃ sa̭mu॒dra u॒ta vi॒śvabhḙṣajaḥ |
svāhā̭-kṛtasya॒ samṷtṛpṇuta rbhuvaḥ ||
udva॒ya-ntama̭sa॒spari॒ paśya̭nto॒ jyoti॒rutta̭ram | de॒va-ndḙva॒trā sūrya॒maga̭nma॒ jyoti̭rutta॒mam || |
udu॒ tya-ñjā॒tavḙdasa-nde॒vaṃ-va~̭hanti ke॒tavaḥ̭ | dṛ॒śe viśvā̭ya॒ sūrya᳚m || ci॒tra-nde॒vānā॒-muda̭gā॒danī̭ka॒-ñcakṣṷ-rmi॒trasya॒ varṷṇasyā॒-'gneḥ | ā-' prā॒ dyāvā̭pṛthi॒vī a॒ntari̭kṣa॒gṃ॒ sūrya̭ ā॒tmā jaga̭tasta॒sthuṣa̭śca || || 112 ||
i॒ma-mmḙ varuṇa śrudhī॒ hava̭ma॒dyā ca̭ mṛḍaya | tvāma̭va॒syurā ca̭ke || tattvā̭ yāmi॒ brahma̭ṇā॒ vanda̭māna॒-stadā śā᳚ste॒ yaja̭māno ha॒virbhiḥ̭ | ahḙḍamāno varuṇe॒ha bo॒dhyurṷśagṃsa॒ mā na॒ āyuḥ॒ pramo̭ṣīḥ || |
tva-nno̭ agne॒ varṷṇasya vi॒dvā-nde॒vasya॒ heḍo-'va̭ yāsi sīṣṭhāḥ | yaji̭ṣṭho॒ vahni̭ tama॒-śśośṷcāno॒ viśvā॒ dveṣāgṃ̭si॒ pramṷmugdhya॒smat ||
sa tvanno̭ agne-'va॒mo bha̭vo॒tī nedi̭ṣṭho a॒syā u॒ṣaso॒ vyṷṣṭau | ava̭ yakṣva no॒ varṷṇa॒gṃ॒ rarā̭ṇo vī॒hi mṛ̭ḍī॒kagṃ su॒havo̭ na edhi || | tvama̭gne a॒yā-'si̭ | a॒yā sanmana̭sā hi॒taḥ | a॒yā sanaḥa॒vyamṷ̄hiṣe | a॒yā no̭ dhehi bheṣa॒jam | i॒ṣṭo a॒gnirāhṷtaḥ | svāhā̭kṛtaḥ pipartu naḥ | sva॒gā de॒vebhya̭ i॒da-nnamaḥ̭ || prajā̭pate॒ na tvade॒tānya॒nyo viśvā̭ jā॒tāni॒ pari॒ tā ba̭bhūva | yatkā̭māste juhu॒mastanno̭ astu va॒yagg syā̭ma॒ pata̭yo rayī॒ṇām || || i॒ma-ñjī॒vebhyaḥ̭ pari॒dhi-nda̭dhāmi | maiṣā-nnṷ gā॒dapa̭ro॒ ardha̭me॒tam | śa॒ta-ñjī̭vantu śa॒radaḥ̭ purū॒cīḥ | ti॒ro mṛ॒tyu-nda̭dhatā॒-mparva̭tena ||
i॒ṣṭebhya॒-ssvāhā॒ vaṣa॒ḍani̭ṣṭebhya॒-ssvāhā᳚ | bhe॒ṣa॒ja-nduri̭ṣṭyai॒ svāhā॒ niṣkṛ̭tyai॒ svāhā᳚ | daurā᳚rdhyai॒ svāhā॒ daivī᳚bhya-sta॒nūbhya॒-ssvāhā᳚ || 113 ||
ṛddhyai॒ svāhā॒ samṛ̭ddhyai॒ svāhā᳚ ||
yata̭ indra॒ bhayā̭mahe |
tato̭ no॒ abha̭ya-ṅkṛdhi | magha̭vañcha॒gdhi tava॒ tanna̭ ū॒taye᳚ | vi dviṣo॒ vi mṛdho̭ jahi || sva॒sti॒dā vi॒śaspatiḥ̭ | vṛ॒tra॒hā vimṛdho̭ va॒śī | vṛṣendraḥ̭ pu॒ra ḙtu naḥ | sva॒sti॒dā a̭bhaya-ṅka॒raḥ || ā॒bhi rgī॒rbhi ryadato̭ na ū॒nam || 114 ||
āpyā̭yaya harivo॒ vardha̭mānaḥ |
ya॒dā sto॒tṛbhyo॒ mahi̭ go॒trā ru॒jāsi̭ |
bhū॒yi॒ṣṭha॒bhājo॒ adha̭ te syāma || anā᳚jñātaṃ॒-ya~dājñā̭tam | ya॒jñasya̭ kri॒yate॒ mithṷ | agne॒ tada̭sya kalpaya | tvagṃ hi vettha̭ yathāta॒tham || purṷṣa sammito ya॒jñaḥ | ya॒jñaḥ purṷṣa sammitaḥ | agne॒ tada̭sya kalpaya |
tvagṃ hi vettha̭ yathāta॒tham || ya-tpā̭ka॒trā mana̭sā dī॒nada̭kṣā॒ na | ya॒jñasya̭ ma॒nvate॒ martā̭saḥ | a॒gniṣṭaddhotā᳚ kṛtu॒vidvi̭jā॒nann |
yaji̭ṣṭho de॒vāgṃ ṛ̭tu॒śo ya̭jāti || 115 ||
(de॒vāg - ści॒traṃ - ta॒nūbhya॒-ssvāho॒ - naṃ - purṷṣasammi॒to-'gne॒ tada̭sya kalpaya॒ pañca̭ ca) (a. 11)
anuvākaṃ 12 - agniṣṭomādau yajamānajapyā mantraviśeṣāḥ
yaddḙvā deva॒heḍa̭nam | devā̭saścakṛ॒mā va॒yam | ādi̭tyā॒-stasmā᳚nmā muñcata |
ṛ॒tasya॒rtena॒ māmu॒ta || devā̭ jīvanakā॒myā yat | vā॒cā-'nṛ̭tamūdi॒ma | a॒gnirmā॒ tasmā॒dena̭saḥ | gārha̭patyaḥ॒ pramṷñcatu | du॒ri॒tā yāni̭ cakṛ॒ma | ka॒rotu॒ māma̭ne॒ nasa᳚m || 116 ||
ṛ॒tena̭ dyāvāpṛthivī | ṛ॒tena॒ tvagṃ sa̭rasvati | ṛ॒tānmā̭ muñca॒tāgṃha̭saḥ | yada॒nya kṛ̭tamāri॒ma || sa॒jā॒ta॒śa॒gṃ॒sādu॒ta vā̭ jāmiśa॒gṃ॒sāt | jyāya̭sa॒-śśagṃsā̭du॒ta vā॒ kanī̭yasaḥ | anā᳚jñāta-nde॒vakṛ̭taṃ॒-ya~denaḥ̭ | tasmā॒ttvama॒smā-ñjā̭tavedo mumugdhi || yadvā॒cā yanmana̭sā | bā॒hubhyā̭-mū॒rubhyā̭-maṣṭhī॒vadbhyā᳚m || 117 ||
śi॒śñai ryadanṛ̭ta-ñcakṛ॒mā va॒yam | a॒gnirmā॒ tasmā॒dena̭saḥ || yaddhastā᳚bhyā-ñca॒kara॒ kilbi̭ṣāṇi | a॒kṣāṇāṃ᳚-va~॒gnumṷpa॒ jighna̭mānaḥ | dū॒re॒pa॒śyā ca̭ rāṣṭra॒bhṛcca̭ | tānya̭phsa॒rasā॒-vanṷdattā-mṛ॒ṇāni̭ ||
adī᳚vyannṛ॒ṇaṃ-ya~da॒ha-ñca॒kāra̭ | yadvā-'dā᳚syan-thsañja॒gārā॒ jane᳚bhyaḥ |
a॒gnirmā॒ tasmā॒dena̭saḥ || yanmayi̭ mā॒tā garbhḙ sa॒ti || 118 ||
ena̭śca॒kāra॒ yatpi॒tā | a॒gnirmā॒ tasmā॒dena̭saḥ || yadā̭ pi॒peṣa̭ mā॒tara̭-mpi॒tara᳚m |
pu॒traḥ pramṷdito॒ dhayanṋ | ahigṃ̭sitau pi॒tarau॒ mayā॒ tat | tada̭gne anṛ॒ṇo bha̭vāmi || yada॒ntari̭kṣa-mpṛthi॒vīmu॒ta dyām |
yanmā॒tara̭-mpi॒taraṃ̭-vā~ jihigṃsi॒ma |
a॒gnirmā॒ tasmā॒dena̭saḥ || yadā॒śasā̭ ni॒śasā॒ yatpa̭rā॒śasā᳚ || 119 ||
yadena̭śca kṛ॒mā nūta̭naṃ॒-ya~tpṷrā॒ṇam | a॒gnirmā॒ tasmā॒dena̭saḥ || ati̭krāmāmi duri॒taṃ-ya~denaḥ̭ | jahā̭mi ri॒pra-mpa̭ra॒me sa॒dhasthe᳚ |
yatra॒ yanti̭ su॒kṛto॒ nāpi̭ du॒ṣkṛtaḥ̭ | tamāro̭hāmi su॒kṛtā॒-nnu lo॒kam ||
tri॒te de॒vā a̭mṛjatai॒-tadenaḥ̭ |
tri॒ta e॒tanma̭nu॒ṣyḙṣu māmṛje |
tato̭ mā॒ yadi॒ kiñci̭dāna॒śe |
a॒gnirmā॒ tasmā॒dena̭saḥ || 120 ||
gārha̭patyaḥ॒ pramṷñcatu | du॒ri॒tā yāni̭ cakṛ॒ma | ka॒rotu॒ māma̭ne॒nasa᳚m || di॒vi jā॒tā a॒phsu jā॒tāḥ | yā jā॒tā oṣa̭dhībhyaḥ | atho॒ yā a̭gni॒jā āpaḥ̭ | tā naḥ̭ śundhantu॒ śundha̭nīḥ ||
yadāpo॒ nakta̭-nduri॒ta-ñcarā̭ma |
yadvā॒ divā॒ nūta̭naṃ॒-ya~tpṷrā॒ṇam |
hira̭ṇya-varṇā॒stata॒ utpṷnīta naḥ ||
i॒ma-mmḙ varuṇa śrudhī॒ hava̭ma॒dyā ca̭ mṛḍaya | tvāma̭va॒syurā ca̭ke ||
tattvā̭ yāmi॒ brahma̭ṇā॒ vanda̭māna॒-stadā śā᳚ste॒ yaja̭māno ha॒virbhiḥ̭ | ahḙḍamāno varuṇe॒ha bo॒dhyurṷśagṃsa॒ mā na॒ āyuḥ॒ pramo̭ṣīḥ || | tva-nno̭ agne॒ varṷṇasya vi॒dvā-nde॒vasya॒ heḍo-'va̭ yāsi sīṣṭhāḥ | yaji̭ṣṭho॒ vahni̭ tama॒-śśośṷcāno॒ viśvā॒ dveṣāgṃ̭si॒ pramṷmugdhya॒smat || sa tvanno̭ agne-'va॒mo bha̭vo॒tī nedi̭ṣṭho a॒syā u॒ṣaso॒ vyṷṣṭau | ava̭ yakṣva no॒ varṷṇa॒gṃ॒ rarā̭ṇo vī॒hi mṛ̭ḍī॒kagṃ su॒havo̭ na edhi || | tvama̭gne a॒yā-'si̭ | a॒yā sanmana̭sā hi॒taḥ | a॒yā sanaḥa॒vyamṷ̄hiṣe | a॒yā no̭ dhehi bheṣa॒jam | i॒ṣṭo a॒gnirāhṷtaḥ | svāhā̭kṛtaḥ pipartu naḥ | sva॒gā de॒vebhya̭ i॒da-nnamaḥ̭ || || 121 ||
(a॒ne॒nasa̭ - maṣṭhī॒vadbhyāgṃ̭ - sa॒ti - pa̭rā॒śasā̭-''na॒śe᳚ - 'gnirmā॒ tasmā॒dena̭saḥ - punīta na॒strīṇi̭ ca) (a. 12)
(ya-ddḙvā॒ gārha̭patyo॒ yaddhastā᳚bhyāṃ॒-ya~nmayi̭ mā॒tā yadā̭pi॒peṣa॒
~yada॒ntari̭kṣaṃ॒-ya~dā॒śasā-'ti̭krāmāmi tri॒te de॒vā di॒vi jā॒tā a॒phsu jā॒tā yadāpa̭ i॒ma-mmḙ varuṇā॒ tattvā̭ yāmi॒ tva-nno̭ agne॒ sa tva-nno̭ agne॒ tvama̭gne a॒yā-'si̭)
anuvākaṃ 13 - avabhṛthe karmaṇi ṛjīṣaprokṣaṇamantrāḥ
yatte॒ grāv.ṇṇā̭ cicchi॒du-sso̭ma rājann |
pri॒yāṇyaṅgā̭ni॒ svadhi̭tā॒ parūgṃ̭ṣi | tathsandha॒-thsvājyḙno॒ta va̭rdhayasva |
a॒nā॒gaso॒ adha॒mithsa॒kṣaṃye~̭ma || yatte॒ grāvā̭ bā॒hucyṷto॒ acṷcyavuḥ |
naro॒ yattḙ dudu॒hu rdakṣi̭ṇena |
tatta॒ āpyā̭yatā॒-ntatte᳚ | niṣṭyā̭yatā-ndeva
soma || yatte॒ tvaca̭-mbibhi॒duryacca॒ yoni᳚m |
yadā॒sthānā॒-tpracyṷto॒ vena̭si॒ tmanā᳚ || 122 ||
tvayā॒ tathso̭ma gu॒ptama̭stu naḥ |
sā naḥ̭ sa॒dhāṃ-'sa̭tpara॒me vyo̭mann ||
ahā॒ccharī̭ra॒-mpaya̭sā sa॒metya̭ | a॒nyo᳚-'nyo bhavati॒ varṇo̭ asya | tasmi̭n va॒yamupa̭hūtā॒stava̭ smaḥ | ā no̭ bhaja॒ sada̭si vi॒śvarṷ̄pe ||
nṛ॒cakṣā॒-ssoma̭ u॒ta śu॒śruga̭stu |
mā no॒ vihā̭sī॒dgira̭ āvṛṇā॒naḥ |
anā̭gā-sta॒nuvo̭ vāvṛdhā॒naḥ |
ā no̭ rū॒paṃ-va~̭hatu॒ jāya̭mānaḥ || 123 ||
upa̭kṣaranti ju॒hvo̭ ghṛ॒tena̭ | pri॒yāṇyaṅgā̭ni॒ tava̭ va॒rdhaya̭ntīḥ | tasmai̭ te soma॒ nama॒ idvaṣa̭ṭca | upa̭ mā rājan-thsukṛ॒te hva̭yasva ||
sa-mprā̭ṇāpā॒nābhyā॒gṃ॒ samu॒ cakṣṷṣā॒ tvam | sagg śrotrḙṇa gacchasva soma rājann |
yatta॒ āsthi̭ta॒gṃ॒ śamu॒ tattḙ astu | jā॒nī॒tānnaḥ̭ sa॒gamma̭ne pathī॒nām || e॒ta-ñjā̭nītātpara॒me vyo̭mann | vṛkā᳚-ssadhasthā vi॒da rū॒pama̭sya || 124 ||
yadā॒gacchā᳚-tpa॒thibhi̭ rdeva॒yānaiḥ᳚ | i॒ṣṭā॒pū॒rte kṛ̭ṇutā-dā॒vira̭smai ||
ari̭ṣṭo rājannaga॒daḥ parḙhi | nama̭ste astu॒ cakṣa̭se raghūya॒te | nāka॒māro̭ha sa॒ha yaja̭mānena | sūrya̭-ṅgacchatātpara॒me vyo̭mann ||
abhū᳚dde॒va-ssa̭vi॒tā vandyo॒ nu naḥ̭ | i॒dānī॒mahna̭ upa॒vācyo॒ nṛbhiḥ̭ |
vi yo ratnā॒ bhaja̭ti māna॒vebhyaḥ̭ | śreṣṭha̭-nno॒ atra॒ dravi̭ṇaṃ॒-ya~thā॒ dadha̭t ||
upa̭ no mitrāvaruṇā-vi॒hāva̭tam | a॒nvādī᳚ddhyā-thāmi॒ha naḥ̭ sakhāyā | ā॒di॒tyānā॒-mprasi̭tir-he॒tiḥ | u॒grā śa॒tāpā᳚ṣṭhā gha॒viṣā॒ pari̭ṇo vṛṇaktu ||
ā pyā̭yasva॒ samḙ̀tu te vi॒śvataḥ̭ soma॒ vṛṣṇi̭yam | bhavā॒ vāja̭sya saṅga॒the || sa-nte॒ payāgṃ̭si॒ samṷ yantu॒ vājā॒-ssaṃ-vṛ~ṣṇi̭yā-nyabhimāti॒ṣāhaḥ̭ | ā॒pyāya̭māno a॒mṛtā̭ya soma di॒vi śravāg̭syutta॒māni̭ dhiṣva || || 125 ||
(tmanā॒ - jāya̭māno - 'sya॒ - dadha॒-tpañca̭ ca) (a. 13)
anuvākaṃ 14 - avabhṛthe karmaṇi secanādimantrāḥ
yaddi̭dī॒kṣe mana̭sā॒ yacca̭ vā॒cā | yadvā᳚ prā॒ṇaiścakṣṷṣā॒ yacca॒ śrotrḙṇa |
yadreta̭sā mithu॒nenā-pyā॒tmanā᳚ |
a॒dbhyo lo॒kā da̭dhi॒re teja̭ indri॒yam |
śu॒krā dī॒kṣāyai॒ tapa̭so vi॒moca̭nīḥ |
āpo̭ vimo॒ktrī rmayi॒ teja̭ indri॒yam ||
yadṛ॒cā sāmnā॒ yajṷṣā | pa॒śū॒nā-ñcarma̭n. ha॒viṣā̭ didī॒kṣe |
yacchando̭bhi॒-roṣa̭dhībhi॒-rvana॒spatau᳚ |
a॒dbhyo lo॒kā da̭dhi॒re (da̭dhire॒) teja̭ indri॒yam || 126 ||
śu॒krā dī॒kṣāyai॒ tapa̭so vi॒moca̭nīḥ |
āpo̭ vimo॒ktrī rmayi॒ teja̭ indri॒yam ||
yena॒ brahma॒ yena̭ kṣa॒tram | yene᳚ndrā॒gnī pra॒jāpa̭ti॒-ssomo॒ varṷṇo॒ yena॒ rājā᳚ |
viśvḙ de॒vā ṛṣa̭yo॒ yena̭ prā॒ṇāḥ |
a॒dbhyo lo॒kā da̭dhire॒ teja̭ indri॒yam |
śu॒krā dī॒kṣāyai॒ tapa̭so vi॒moca̭nīḥ |
āpo̭ vimo॒ktrī rmayi॒ teja̭ indri॒yam ||
a॒pā-mpuṣpa̭ma॒syo-ṣa̭dhīnā॒gṃ॒ rasaḥ̭ | soma̭sya pri॒ya-ndhāma̭ || 127 ||
a॒gneḥ pri॒yata̭magṃ ha॒vi-ssvāhā᳚ || a॒pā-mpuṣpa̭-ma॒syoṣa̭dhīnā॒gṃ॒ rasaḥ̭ |
soma̭sya pri॒ya-ndhāma̭ | indra̭sya pri॒yata̭magṃ ha॒vi-ssvāhā᳚ | a॒pā-mpuṣpa̭ma॒syo-ṣa̭dhīnā॒gṃ॒ rasaḥ̭ | soma̭sya pri॒ya-ndhāma̭ |
viśvḙṣā-nde॒vānā᳚-mpri॒yata̭magṃ ha॒vi-ssvāhā᳚ || va॒yagṃ so̭ma vra॒te tava̭ |
mana̭sta॒nūṣu॒ pipra̭taḥ | pra॒jāva̭nto aśīmahi || 128 ||
de॒vebhyaḥ̭ pi॒tṛbhya॒-ssvāhā᳚ | so॒myebhyaḥ̭ pi॒tṛbhya॒-ssvāhā᳚ | ka॒vyebhyaḥ̭ pi॒tṛbhya॒-ssvāhā᳚ || devā̭sa i॒ha mā̭dayaddhvam |
somyā̭sa i॒ha mā̭dayaddhvam | kavyā̭sa i॒ha mā̭dayaddhvam || ana̭ntaritāḥ pi॒taraḥ̭ so॒myā-sso̭mapī॒thāt || apai̭tu mṛ॒tyura॒mṛta̭-nna॒ āganṋ | vai॒va॒sva॒to no॒ abha̭ya-ṅkṛṇotu |
pa॒rṇaṃ-va~na॒spatḙriva || 129 ||
a॒bhi naḥ̭ śīyatāgṃ ra॒yiḥ | saca̭tā-nna॒-śśacī॒patiḥ̭ || para̭-mmṛtyo॒ anu॒parḙhi॒ panthā᳚m | yaste॒ sva ita̭ro deva॒yānā᳚t | cakṣṷṣmate śṛṇva॒te te᳚ bravīmi | mā naḥ̭ pra॒jāgṃ rī̭riṣo॒ mota vī॒rān || i॒damū॒ nu śreyo̭-'va॒sāna॒-māga̭nma | yadgo॒ji-ddha̭na॒ji-da̭śva॒jidyat |
pa॒rṇaṃ-va~na॒spatḙriva | a॒bhi naḥ̭ śīyatāgṃ ra॒yiḥ | saca̭tā-nna॒-śśacī॒patiḥ̭ || 130 ||
(vana॒spatā̭va॒dbhyo lo॒kā da̭dhire॒ teja̭ indri॒ya-ndhāmā̭ - śīmahī - vā॒ - bhi naḥ̭ śīyatāgṃ ra॒yireka̭-ñca) (a. 14)
(sarvā॒n॒. - ya-dviṣṣa̭ṇṇena॒ - vi vai - yāḥ pu॒rastā॒-d- devā̭ de॒veṣu॒ - pari̭staṇita॒ - sakṣe॒daṃ - ~yada॒sya pā॒rḙ - 'nā॒gasa॒ - uda̭stā-mphsī॒-d- brahma̭ prati॒ṣṭhā - ya-ddḙva॒ - yatte॒ grāva.ṇṇā॒ - ya-ddi̭dī॒kṣe catṷrdaśa)
(sarvā॒n - bhūti̭me॒va - yāme॒vāphsvāhṷtim - ~vra॒tānāṃ᳚ - parṇava॒lkaḥ - so॒myānā̭ - ma॒smin. ya॒jñe - 'gne॒ yo no॒ - jyogjī॒vāḥ - pa॒rora̭jāste॒ - pra tḙ ma॒he - brahma̭ prati॒ṣṭhā - gārha̭patyā stri॒gṃ॒śadṷttaraśa॒taṃ)
(sarvā॒n॒. vai - śacī॒patiḥ̭)
|| hariḥ̭ om ||
|| kṛṣṇa yajurvedīya taittirīya brāhmaṇe tṛtīyāṣṭake saptamaḥ prapāṭhaka-ssamāptaḥ ||
🕉️ This is the original Sanskrit rendered in Kannada script.
Pronunciation is identical to the Sanskrit Devanagari version.