4.6 - Ashmannurjam Parvate - Krishna Yajurveda Taittiriya Samhita Pathah — Grantha Script

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌞𑍍𑌚𑌤𑍁𑌰𑍍𑌥𑌕𑌾𑌣𑍍𑌡𑍇 𑌷𑌷𑍍𑌠𑌃 𑌪𑍍𑌰𑌶𑍍𑌨𑌃 - 𑌪𑌰𑌿𑌷𑍇𑌚𑌨-𑌸𑌂𑌸𑍍𑌕𑌾𑌰𑌾𑌭𑌿𑌧𑌾𑌨𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,

𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌅𑌶𑍍𑌮॒𑌨𑍍𑌨𑍂𑌰𑍍𑌜॒-𑌮𑍍𑌪𑌰𑍍𑌵॑𑌤𑍇 𑌶𑌿𑌶𑍍𑌰𑌿𑌯𑌾॒𑌣𑌾𑌂-𑌵𑌾𑌁𑌤𑍇॑ 𑌪॒𑌰𑍍𑌜𑌨𑍍𑌯𑍇॒ 𑌵𑌰𑍁॑𑌣𑌸𑍍𑌯॒ 𑌶𑍁𑌷𑍍𑌮𑍇᳚ । 𑌅॒𑌦𑍍𑌭𑍍𑌯 𑌓𑌷॑𑌧𑍀𑌭𑍍𑌯𑍋॒ 𑌵𑌨॒𑌸𑍍𑌪𑌤𑌿॒𑌭𑍍𑌯𑍋-𑌽𑌧𑌿॒ 𑌸𑌮𑍍𑌭𑍃॑𑌤𑌾॒-𑌨𑍍𑌤𑌾-𑌨𑍍𑌨॒ 𑌇𑌷॒𑌮𑍂𑌰𑍍𑌜॑-𑌨𑍍𑌧𑌤𑍍𑌤 𑌮𑌰𑍁𑌤-𑌸𑍍𑌸𑌗𑍍𑌂 𑌰𑌰𑌾॒𑌣𑌾𑌃 ॥ 𑌅𑌶𑍍𑌮𑌗𑍍𑌗𑍍॑𑌸𑍍𑌤𑍇॒ 𑌕𑍍𑌷𑍁𑌦॒𑌮𑍁-𑌨𑍍𑌤𑍇॒ 𑌶𑍁𑌗𑍃॑𑌚𑍍𑌛𑌤𑍁॒ 𑌯-𑌨𑍍𑌦𑍍𑌵𑌿॒𑌷𑍍𑌮𑌃 ॥ 𑌸॒𑌮𑍁॒𑌦𑍍𑌰𑌸𑍍𑌯॑ 𑌤𑍍𑌵𑌾॒-𑌽𑌵𑌾𑌕॒𑌯𑌾-𑌽𑌗𑍍𑌨𑍇॒ 𑌪𑌰𑌿॑ 𑌵𑍍𑌯𑌯𑌾𑌮𑌸𑌿 । 𑌪𑌾॒𑌵॒𑌕𑍋 𑌅॒𑌸𑍍𑌮𑌭𑍍𑌯𑌗𑍍𑌂॑ 𑌶𑌿॒𑌵𑍋 𑌭॑𑌵 ॥ 𑌹𑌿॒𑌮𑌸𑍍𑌯॑ 𑌤𑍍𑌵𑌾 𑌜॒𑌰𑌾𑌯𑍁॒𑌣𑌾-𑌽𑌗𑍍𑌨𑍇॒ 𑌪𑌰𑌿॑ 𑌵𑍍𑌯𑌯𑌾𑌮𑌸𑌿 । 𑌪𑌾॒𑌵॒𑌕𑍋 𑌅॒𑌸𑍍𑌮𑌭𑍍𑌯𑌗𑍍𑌂॑ 𑌶𑌿॒𑌵𑍋 𑌭॑𑌵 ॥ 𑌉𑌪॒- [𑌉𑌪॑, 𑌜𑍍𑌮𑌨𑍍𑌨𑍁𑌪॑] 1

-𑌜𑍍𑌮𑌨𑍍𑌨𑍁𑌪॑ 𑌵𑍇𑌤॒𑌸𑍇-𑌽𑌵॑𑌤𑍍𑌤𑌰-𑌨𑍍𑌨॒𑌦𑍀𑌷𑍍𑌵𑌾 । 𑌅𑌗𑍍𑌨𑍇॑ 𑌪𑌿॒𑌤𑍍𑌤𑌮॒𑌪𑌾𑌮॑𑌸𑌿 ॥ 𑌮𑌣𑍍𑌡𑍂॑𑌕𑌿॒ 𑌤𑌾𑌭𑌿॒𑌰𑌾 𑌗॑𑌹𑌿॒ 𑌸𑍇𑌮-𑌨𑍍𑌨𑍋॑ 𑌯॒𑌜𑍍𑌞𑌮𑍍 । 𑌪𑌾॒𑌵॒𑌕𑌵॑𑌰𑍍𑌣𑌗𑍍𑌂 𑌶𑌿॒𑌵-𑌙𑍍𑌕𑍃॑𑌧𑌿 ॥ 𑌪𑌾॒𑌵॒𑌕 𑌆 𑌚𑌿॒𑌤𑌯॑𑌨𑍍𑌤𑍍𑌯𑌾 𑌕𑍃॒𑌪𑌾 । 𑌕𑍍𑌷𑌾𑌮॑-𑌨𑍍𑌰𑍁𑌰𑍁॒𑌚 𑌉॒𑌷𑌸𑍋॒ 𑌨 𑌭𑌾॒𑌨𑍁𑌨𑌾᳚ ॥ 𑌤𑍂𑌰𑍍𑌵॒-𑌨𑍍𑌨 𑌯𑌾𑌮॒𑌨𑍍𑌨𑍇𑌤॑𑌶𑌸𑍍𑌯॒ 𑌨𑍂 𑌰𑌣॒ 𑌆 𑌯𑍋 𑌘𑍃॒𑌣𑍇 । 𑌨 𑌤॑𑌤𑍃𑌷𑌾॒𑌣𑍋 𑌅॒𑌜𑌰𑌃॑ ॥ 𑌅𑌗𑍍𑌨𑍇॑ 𑌪𑌾𑌵𑌕 𑌰𑍋॒𑌚𑌿𑌷𑌾॑ 𑌮॒𑌨𑍍𑌦𑍍𑌰𑌯𑌾॑ 𑌦𑍇𑌵 𑌜𑌿॒𑌹𑍍𑌵𑌯𑌾᳚ । 𑌆 𑌦𑍇॒𑌵𑌾𑌨𑍍 [𑌆 𑌦𑍇॒𑌵𑌾𑌨𑍍, 𑌵॒𑌕𑍍𑌷𑌿॒ 𑌯𑌕𑍍𑌷𑌿॑ 𑌚 ।] 2

𑌵॑𑌕𑍍𑌷𑌿॒ 𑌯𑌕𑍍𑌷𑌿॑ 𑌚 ॥ 𑌸 𑌨𑌃॑ 𑌪𑌾𑌵𑌕 𑌦𑍀𑌦𑌿॒𑌵𑍋-𑌽𑌗𑍍𑌨𑍇॑ 𑌦𑍇॒𑌵𑌾𑌗𑍍𑌂 𑌇॒𑌹𑌾-𑌽𑌽 𑌵॑𑌹 । 𑌉𑌪॑ 𑌯॒𑌜𑍍𑌞𑌗𑍍𑌂 𑌹॒𑌵𑌿𑌶𑍍𑌚॑ 𑌨𑌃 ॥ 𑌅॒𑌪𑌾𑌮𑌿॒𑌦-𑌨𑍍𑌨𑍍𑌯𑌯॑𑌨𑌗𑍍𑌂 𑌸𑌮𑍁॒𑌦𑍍𑌰𑌸𑍍𑌯॑ 𑌨𑌿॒𑌵𑍇𑌶॑𑌨𑌮𑍍 । 𑌅॒𑌨𑍍𑌯-𑌨𑍍𑌤𑍇॑ 𑌅॒𑌸𑍍𑌮-𑌤𑍍𑌤॑𑌪𑌨𑍍𑌤𑍁 𑌹𑍇॒𑌤𑌯𑌃॑ 𑌪𑌾𑌵॒𑌕𑍋 𑌅॒𑌸𑍍𑌮𑌭𑍍𑌯𑌗𑍍𑌂॑ 𑌶𑌿॒𑌵𑍋 𑌭॑𑌵 ॥ 𑌨𑌮॑𑌸𑍍𑌤𑍇॒ 𑌹𑌰॑𑌸𑍇 𑌶𑍋॒𑌚𑌿𑌷𑍇॒ 𑌨𑌮॑𑌸𑍍𑌤𑍇 𑌅𑌸𑍍𑌤𑍍𑌵॒𑌰𑍍𑌚𑌿𑌷𑍇᳚ । 𑌅॒𑌨𑍍𑌯-𑌨𑍍𑌤𑍇॑ 𑌅॒𑌸𑍍𑌮-𑌤𑍍𑌤॑𑌪𑌨𑍍𑌤𑍁 𑌹𑍇॒𑌤𑌯𑌃॑ 𑌪𑌾𑌵॒𑌕𑍋 𑌅॒𑌸𑍍𑌮𑌭𑍍𑌯𑌗𑍍𑌂॑ 𑌶𑌿॒𑌵𑍋 𑌭॑𑌵 ॥ 𑌨𑍃॒𑌷𑌦𑍇॒ 𑌵- [𑌨𑍃॒𑌷𑌦𑍇॒ 𑌵𑌟𑍍, 𑌅॒𑌫𑍍𑌸𑍁॒𑌷𑌦𑍇॒ 𑌵-𑌡𑍍𑌵॑𑌨॒𑌸𑌦𑍇॒] 3

-𑌡॑𑌫𑍍𑌸𑍁॒𑌷𑌦𑍇॒ 𑌵-𑌡𑍍𑌵॑𑌨॒𑌸𑌦𑍇॒ 𑌵-𑌡𑍍𑌬॑𑌰𑍍𑌹𑌿॒𑌷𑌦𑍇॒ 𑌵𑌟𑍍-𑌥𑍍𑌸𑍁॑𑌵॒𑌰𑍍𑌵𑌿𑌦𑍇॒ 𑌵𑌟𑍍 ॥ 𑌯𑍇 𑌦𑍇॒𑌵𑌾 𑌦𑍇॒𑌵𑌾𑌨𑌾𑌂᳚-𑌯𑌁॒𑌜𑍍𑌞𑌿𑌯𑌾॑ 𑌯॒𑌜𑍍𑌞𑌿𑌯𑌾॑𑌨𑌾𑌗𑍍𑌂 𑌸𑌂𑌵𑌁-𑌥𑍍𑌸॒𑌰𑍀𑌣॒𑌮𑍁𑌪॑ 𑌭𑌾॒𑌗𑌮𑌾𑌸॑𑌤𑍇 । 𑌅॒𑌹𑍁॒𑌤𑌾𑌦𑍋॑ 𑌹॒𑌵𑌿𑌷𑍋॑ 𑌯॒𑌜𑍍𑌞𑍇 𑌅॒𑌸𑍍𑌮𑌿𑌨𑍍-𑌥𑍍𑌸𑍍𑌵॒𑌯-𑌞𑍍𑌜𑍁॑𑌹𑍁𑌦𑍍𑌧𑍍𑌵॒-𑌮𑍍𑌮𑌧𑍁॑𑌨𑍋 𑌘𑍃॒𑌤𑌸𑍍𑌯॑ ॥ 𑌯𑍇 𑌦𑍇॒𑌵𑌾 𑌦𑍇॒𑌵𑍇𑌷𑍍𑌵𑌧𑌿॑ 𑌦𑍇𑌵॒𑌤𑍍𑌵𑌮𑌾𑌯॒𑌨𑍍॒ 𑌯𑍇 𑌬𑍍𑌰𑌹𑍍𑌮॑𑌣𑌃 𑌪𑍁𑌰 𑌏॒𑌤𑌾𑌰𑍋॑ 𑌅॒𑌸𑍍𑌯 । 𑌯𑍇𑌭𑍍𑌯𑍋॒ 𑌨𑌰𑍍𑌤𑍇 𑌪𑌵॑𑌤𑍇॒ 𑌧𑌾𑌮॒ 𑌕𑌿-𑌞𑍍𑌚॒𑌨 𑌨 𑌤𑍇 𑌦𑌿॒𑌵𑍋 𑌨 𑌪𑍃॑𑌥𑌿॒𑌵𑍍𑌯𑌾 𑌅𑌧𑌿॒ 𑌸𑍍𑌨𑍁𑌷𑍁॑ ॥ 𑌪𑍍𑌰𑌾॒𑌣॒𑌦𑌾 [𑌪𑍍𑌰𑌾॒𑌣॒𑌦𑌾𑌃, 𑌅॒𑌪𑌾॒𑌨॒𑌦𑌾 𑌵𑍍𑌯𑌾॑𑌨॒𑌦𑌾-] 4

𑌅॑𑌪𑌾𑌨॒𑌦𑌾 𑌵𑍍𑌯𑌾॑𑌨॒𑌦𑌾-𑌶𑍍𑌚॑𑌕𑍍𑌷𑍁॒𑌰𑍍𑌦𑌾 𑌵॑𑌰𑍍𑌚𑍋॒𑌦𑌾 𑌵॑𑌰𑌿𑌵𑍋॒𑌦𑌾𑌃 । 𑌅॒𑌨𑍍𑌯-𑌨𑍍𑌤𑍇॑ 𑌅॒𑌸𑍍𑌮-𑌤𑍍𑌤॑𑌪𑌨𑍍𑌤𑍁 𑌹𑍇॒𑌤𑌯𑌃॑ 𑌪𑌾𑌵॒𑌕𑍋 𑌅॒𑌸𑍍𑌮𑌭𑍍𑌯𑌗𑍍𑌂॑ 𑌶𑌿॒𑌵𑍋 𑌭॑𑌵 ॥ 𑌅॒𑌗𑍍𑌨𑌿𑌸𑍍𑌤𑌿॒𑌗𑍍𑌮𑍇𑌨॑ 𑌶𑍋॒𑌚𑌿𑌷𑌾॒ 𑌯𑌗𑍍𑌂𑌸॒𑌦𑍍𑌵𑌿𑌶𑍍𑌵॒-𑌨𑍍𑌨𑍍𑌯॑𑌤𑍍𑌰𑌿𑌣᳚𑌮𑍍 । 𑌅॒𑌗𑍍𑌨𑌿𑌰𑍍𑌨𑍋॑ 𑌵𑌗𑍍𑌂𑌸𑌤𑍇 𑌰॒𑌯𑌿𑌮𑍍 ॥ 𑌸𑍈𑌨𑌾-𑌽𑌨𑍀॑𑌕𑍇𑌨 𑌸𑍁𑌵𑌿॒𑌦𑌤𑍍𑌰𑍋॑ 𑌅॒𑌸𑍍𑌮𑍇 𑌯𑌷𑍍𑌟𑌾॑ 𑌦𑍇॒𑌵𑌾𑌗𑍍𑌂 𑌆𑌯॑𑌜𑌿𑌷𑍍𑌠-𑌸𑍍𑌸𑍍𑌵॒𑌸𑍍𑌤𑌿 । 𑌅𑌦॑𑌬𑍍𑌧𑍋 𑌗𑍋॒𑌪𑌾 𑌉॒𑌤 𑌨𑌃॑ 𑌪𑌰॒𑌸𑍍𑌪𑌾 𑌅𑌗𑍍𑌨𑍇᳚ 𑌦𑍍𑌯𑍁॒𑌮𑌦𑍁॒𑌤 𑌰𑍇॒𑌵-𑌦𑍍𑌦𑌿॑𑌦𑍀𑌹𑌿 ॥ 5 ॥

(𑌉𑌪॑-𑌦𑍇॒𑌵𑌾𑌨𑍍-𑌵𑌟𑍍-𑌪𑍍𑌰𑌾॑𑌣॒𑌦𑌾-𑌶𑍍𑌚𑌤𑍁॑𑌶𑍍𑌚𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 1)

𑌯 𑌇॒𑌮𑌾 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾𑌨𑌿॒ 𑌜𑍁𑌹𑍍𑌵॒𑌦𑍃𑌷𑌿॒𑌰𑍍॒𑌹𑍋𑌤𑌾॑ 𑌨𑌿𑌷॒𑌸𑌾𑌦𑌾॑ 𑌪𑌿॒𑌤𑌾 𑌨𑌃॑ । 𑌸 𑌆॒𑌶𑌿𑌷𑌾॒ 𑌦𑍍𑌰𑌵𑌿॑𑌣𑌮𑌿॒𑌚𑍍𑌛𑌮𑌾॑𑌨𑌃 𑌪𑌰𑌮॒𑌚𑍍𑌛𑌦𑍋॒ 𑌵𑌰॒ 𑌆 𑌵𑌿॑𑌵𑍇𑌶 ॥ 𑌵𑌿॒𑌶𑍍𑌵𑌕॑𑌰𑍍𑌮𑌾॒ 𑌮𑌨॑𑌸𑌾॒ 𑌯𑌦𑍍𑌵𑌿𑌹𑌾॑𑌯𑌾 𑌧𑌾॒𑌤𑌾 𑌵𑌿॑𑌧𑌾॒𑌤𑌾 𑌪॑𑌰॒𑌮𑍋𑌤 𑌸॒𑌨𑍍𑌦𑍃𑌕𑍍 । 𑌤𑍇𑌷𑌾॑𑌮𑌿॒𑌷𑍍𑌟𑌾𑌨𑌿॒ 𑌸𑌮𑌿॒𑌷𑌾 𑌮॑𑌦𑌨𑍍𑌤𑌿॒ 𑌯𑌤𑍍𑌰॑ 𑌸𑌪𑍍𑌤॒𑌰𑍍॒𑌷𑍀-𑌨𑍍𑌪॒𑌰 𑌏𑌕॑𑌮𑌾॒𑌹𑍁𑌃 ॥ 𑌯𑍋 𑌨𑌃॑ 𑌪𑌿॒𑌤𑌾 𑌜॑𑌨𑌿॒𑌤𑌾 𑌯𑍋 𑌵𑌿॑𑌧𑌾॒𑌤𑌾 𑌯𑍋 𑌨𑌃॑ 𑌸॒𑌤𑍋 𑌅॒𑌭𑍍𑌯𑌾 𑌸𑌜𑍍𑌜॒𑌜𑌾𑌨॑ । 6

𑌯𑍋 𑌦𑍇॒𑌵𑌾𑌨𑌾᳚-𑌨𑍍𑌨𑌾𑌮॒𑌧𑌾 𑌏𑌕॑ 𑌏॒𑌵 𑌤𑌗𑍍𑌂 𑌸॑𑌮𑍍𑌪𑍍𑌰॒𑌶𑍍𑌞-𑌮𑍍𑌭𑍁𑌵॑𑌨𑌾 𑌯𑌨𑍍𑌤𑍍𑌯॒𑌨𑍍𑌯𑌾 ॥ 𑌤 𑌆-𑌽𑌯॑𑌜𑌨𑍍𑌤॒ 𑌦𑍍𑌰𑌵𑌿॑𑌣॒𑌗𑍍𑌂॒ 𑌸𑌮॑𑌸𑍍𑌮𑌾॒ 𑌋𑌷॑𑌯𑌃॒ 𑌪𑍂𑌰𑍍𑌵𑍇॑ 𑌜𑌰𑌿॒𑌤𑌾𑌰𑍋॒ 𑌨 𑌭𑍂॒𑌨𑌾 । 𑌅॒𑌸𑍂𑌰𑍍𑌤𑌾॒ 𑌸𑍂𑌰𑍍𑌤𑌾॒ 𑌰𑌜॑𑌸𑍋 𑌵𑌿॒𑌮𑌾𑌨𑍇॒ 𑌯𑍇 𑌭𑍂॒𑌤𑌾𑌨𑌿॑ 𑌸॒𑌮𑌕𑍃॑𑌣𑍍𑌵𑌨𑍍𑌨𑌿॒𑌮𑌾𑌨𑌿॑ ॥ 𑌨 𑌤𑌂-𑌵𑌿𑌁॑𑌦𑌾𑌥॒ 𑌯 𑌇॒𑌦-𑌞𑍍𑌜॒𑌜𑌾𑌨𑌾॒𑌨𑍍𑌯-𑌦𑍍𑌯𑍁॒𑌷𑍍𑌮𑌾𑌕॒𑌮𑌨𑍍𑌤॑𑌰-𑌮𑍍𑌭𑌵𑌾𑌤𑌿 । 𑌨𑍀॒𑌹𑌾॒𑌰𑍇𑌣॒ 𑌪𑍍𑌰𑌾𑌵𑍃॑𑌤𑌾॒ 𑌜𑌲𑍍𑌪𑍍𑌯𑌾॑ 𑌚𑌾𑌸𑍁॒𑌤𑍃𑌪॑ 𑌉𑌕𑍍𑌥॒ 𑌶𑌾𑌸॑𑌶𑍍𑌚𑌰𑌨𑍍𑌤𑌿 ॥ 𑌪॒𑌰𑍋 𑌦𑌿॒𑌵𑌾 𑌪॒𑌰 𑌏॒𑌨𑌾 [𑌪॒𑌰 𑌏॒𑌨𑌾, 𑌪𑍃॒𑌥𑌿॒𑌵𑍍𑌯𑌾 𑌪॒𑌰𑍋] 7

𑌪𑍃॑𑌥𑌿॒𑌵𑍍𑌯𑌾 𑌪॒𑌰𑍋 𑌦𑍇॒𑌵𑍇𑌭𑌿॒𑌰𑌸𑍁॑𑌰𑍈॒𑌰𑍍𑌗𑍁𑌹𑌾॒ 𑌯𑌤𑍍 । 𑌕𑌗𑍍𑌗𑍍 𑌸𑍍𑌵𑌿॒𑌦𑍍𑌗𑌰𑍍𑌭॑-𑌮𑍍𑌪𑍍𑌰𑌥॒𑌮-𑌨𑍍𑌦॑𑌦𑍍𑌧𑍍𑌰॒ 𑌆𑌪𑍋॒ 𑌯𑌤𑍍𑌰॑ 𑌦𑍇॒𑌵𑌾-𑌸𑍍𑌸॒𑌮𑌗॑𑌚𑍍𑌛𑌨𑍍𑌤॒ 𑌵𑌿𑌶𑍍𑌵𑍇᳚ ॥ 𑌤𑌮𑌿𑌦𑍍𑌗𑌰𑍍𑌭॑-𑌮𑍍𑌪𑍍𑌰𑌥॒𑌮-𑌨𑍍𑌦॑𑌦𑍍𑌧𑍍𑌰॒ 𑌆𑌪𑍋॒ 𑌯𑌤𑍍𑌰॑ 𑌦𑍇॒𑌵𑌾-𑌸𑍍𑌸॒𑌮𑌗॑𑌚𑍍𑌛𑌨𑍍𑌤॒ 𑌵𑌿𑌶𑍍𑌵𑍇᳚ । 𑌅॒𑌜𑌸𑍍𑌯॒ 𑌨𑌾𑌭𑌾॒𑌵𑌦𑍍𑌧𑍍𑌯𑍇𑌕॒-𑌮𑌰𑍍𑌪𑌿॑𑌤𑌂॒-𑌯𑌁𑌸𑍍𑌮𑌿॑𑌨𑍍𑌨𑌿॒𑌦𑌂-𑌵𑌿𑌁𑌶𑍍𑌵॒-𑌮𑍍𑌭𑍁𑌵॑𑌨॒𑌮𑌧𑌿॑ 𑌶𑍍𑌰𑌿॒𑌤𑌮𑍍 ॥ 𑌵𑌿॒𑌶𑍍𑌵𑌕॑𑌰𑍍𑌮𑌾॒ 𑌹𑍍𑌯𑌜॑𑌨𑌿𑌷𑍍𑌟 𑌦𑍇॒𑌵 𑌆𑌦𑌿-𑌦𑍍𑌗॑𑌨𑍍𑌧॒𑌰𑍍𑌵𑍋 𑌅॑𑌭𑌵-𑌦𑍍𑌦𑍍𑌵𑌿॒𑌤𑍀𑌯𑌃॑ । 𑌤𑍃॒𑌤𑍀𑌯𑌃॑ 𑌪𑌿॒𑌤𑌾 𑌜॑𑌨𑌿॒𑌤𑍗𑌷॑𑌧𑍀𑌨𑌾- [𑌪𑌿॒𑌤𑌾 𑌜॑𑌨𑌿॒𑌤𑍗𑌷॑𑌧𑍀𑌨𑌾𑌮𑍍, 𑌅॒𑌪𑌾-𑌙𑍍𑌗𑌰𑍍𑌭𑌂॒-𑌵𑍍𑌯𑌁॑𑌦𑌧𑌾-𑌤𑍍𑌪𑍁𑌰𑍁॒𑌤𑍍𑌰𑌾 ।] 8

-𑌮॒𑌪𑌾-𑌙𑍍𑌗𑌰𑍍𑌭𑌂॒-𑌵𑍍𑌯𑌁॑𑌦𑌧𑌾-𑌤𑍍𑌪𑍁𑌰𑍁॒𑌤𑍍𑌰𑌾 ॥ 𑌚𑌕𑍍𑌷𑍁॑𑌷𑌃 𑌪𑌿॒𑌤𑌾 𑌮𑌨॑𑌸𑌾॒ 𑌹𑌿 𑌧𑍀𑌰𑍋॑ 𑌘𑍃॒𑌤𑌮𑍇॑𑌨𑍇 𑌅𑌜𑌨॒𑌨𑍍𑌨॑𑌮𑌾𑌨𑍇 । 𑌯॒𑌦𑍇𑌦𑌨𑍍𑌤𑌾॒ 𑌅𑌦॑𑌦𑍃𑌗𑍍𑌂𑌹𑌨𑍍𑌤॒ 𑌪𑍂𑌰𑍍𑌵॒ 𑌆𑌦𑌿-𑌦𑍍𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌅॑𑌪𑍍𑌰𑌥𑍇𑌤𑌾𑌮𑍍 ॥ 𑌵𑌿॒𑌶𑍍𑌵𑌤॑-𑌶𑍍𑌚𑌕𑍍𑌷𑍁𑌰𑍁॒𑌤 𑌵𑌿॒𑌶𑍍𑌵𑌤𑍋॑𑌮𑍁𑌖𑍋 𑌵𑌿॒𑌶𑍍𑌵𑌤𑍋॑𑌹𑌸𑍍𑌤 𑌉॒𑌤 𑌵𑌿॒𑌶𑍍𑌵𑌤॑𑌸𑍍𑌪𑌾𑌤𑍍 । 𑌸-𑌮𑍍𑌬𑌾॒𑌹𑍁𑌭𑍍𑌯𑌾॒-𑌨𑍍𑌨𑌮॑𑌤𑌿॒ 𑌸-𑌮𑍍𑌪𑌤॑𑌤𑍍𑌰𑍈॒ 𑌰𑍍𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌜॒𑌨𑌯॑-𑌨𑍍𑌦𑍇॒𑌵 𑌏𑌕𑌃॑ ॥ 𑌕𑌿𑌗𑍍𑌗𑍍 𑌸𑍍𑌵𑌿॑𑌦𑌾𑌸𑍀-𑌦𑌧𑌿॒𑌷𑍍𑌠𑌾𑌨॑-𑌮𑌾॒𑌰𑌮𑍍𑌭॑𑌣-𑌙𑍍𑌕𑌤॒𑌮-𑌥𑍍𑌸𑍍𑌵𑌿॒-𑌤𑍍𑌕𑌿𑌮𑌾॑𑌸𑍀𑌤𑍍 । 𑌯𑌦𑍀॒ 𑌭𑍂𑌮𑌿॑-𑌞𑍍𑌜॒𑌨𑌯॑- [𑌯𑌦𑍀॒ 𑌭𑍂𑌮𑌿॑-𑌞𑍍𑌜॒𑌨𑌯𑌨𑍍𑌨𑍍॑, 𑌵𑌿॒𑌶𑍍𑌵𑌕॑𑌰𑍍𑌮𑌾॒] 9

-𑌨𑍍𑌵𑌿॒𑌶𑍍𑌵𑌕॑𑌰𑍍𑌮𑌾॒ 𑌵𑌿 𑌦𑍍𑌯𑌾𑌮𑍗𑌰𑍍𑌣𑍋᳚-𑌨𑍍𑌮𑌹𑌿॒𑌨𑌾 𑌵𑌿॒𑌶𑍍𑌵𑌚॑𑌕𑍍𑌷𑌾𑌃 ॥ 𑌕𑌿𑌗𑍍𑌗𑍍 𑌸𑍍𑌵𑌿॒𑌦𑍍𑌵𑌨॒-𑌙𑍍𑌕 𑌉॒ 𑌸 𑌵𑍃॒𑌕𑍍𑌷 𑌆॑𑌸𑍀॒𑌦𑍍𑌯𑌤𑍋॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌨𑌿॑𑌷𑍍𑌟𑌤॒𑌕𑍍𑌷𑍁𑌃 । 𑌮𑌨𑍀॑𑌷𑌿𑌣𑍋॒ 𑌮𑌨॑𑌸𑌾 𑌪𑍃॒𑌚𑍍𑌛𑌤𑍇𑌦𑍁॒ 𑌤𑌦𑍍𑌯𑌦॒𑌦𑍍𑌧𑍍𑌯𑌤𑌿॑𑌷𑍍𑌠॒-𑌦𑍍𑌭𑍁𑌵॑𑌨𑌾𑌨𑌿 𑌧𑌾॒𑌰𑌯𑌨𑍍𑌨𑍍॑ ॥ 𑌯𑌾 𑌤𑍇॒ 𑌧𑌾𑌮𑌾॑𑌨𑌿 𑌪𑌰॒𑌮𑌾𑌣𑌿॒ 𑌯𑌾-𑌽𑌵॒𑌮𑌾 𑌯𑌾 𑌮॑𑌦𑍍𑌧𑍍𑌯॒𑌮𑌾 𑌵𑌿॑𑌶𑍍𑌵𑌕𑌰𑍍𑌮𑌨𑍍𑌨𑍁॒𑌤𑍇𑌮𑌾 । 𑌶𑌿𑌕𑍍𑌷𑌾॒ 𑌸𑌖𑌿॑𑌭𑍍𑌯𑍋 𑌹॒𑌵𑌿𑌷𑌿॑ 𑌸𑍍𑌵𑌧𑌾𑌵-𑌸𑍍𑌸𑍍𑌵॒𑌯𑌂-𑌯𑌁॑𑌜𑌸𑍍𑌵 𑌤॒𑌨𑍁𑌵॑-𑌞𑍍𑌜𑍁𑌷𑌾॒𑌣𑌃 ॥ 𑌵𑌾॒𑌚𑌸𑍍𑌪𑌤𑌿𑌂॑-𑌵𑌿𑌁॒𑌶𑍍𑌵𑌕॑𑌰𑍍𑌮𑌾𑌣-𑌮𑍂॒𑌤𑌯𑍇॑ [-𑌮𑍂॒𑌤𑌯𑍇᳚, 𑌮॒𑌨𑍋॒𑌯𑍁𑌜𑌂॒-𑌵𑌾𑌁𑌜𑍇॑] 10

𑌮𑌨𑍋॒𑌯𑍁𑌜𑌂॒-𑌵𑌾𑌁𑌜𑍇॑ 𑌅॒𑌦𑍍𑌯𑌾 𑌹𑍁॑𑌵𑍇𑌮 । 𑌸 𑌨𑍋॒ 𑌨𑍇𑌦𑌿॑𑌷𑍍𑌠𑌾॒ 𑌹𑌵॑𑌨𑌾𑌨𑌿 𑌜𑍋𑌷𑌤𑍇 𑌵𑌿॒𑌶𑍍𑌵𑌶॑𑌭𑍂𑌂॒𑌰𑌵॑𑌸𑍇 𑌸𑌾॒𑌧𑍁𑌕॑𑌰𑍍𑌮𑌾 ॥ 𑌵𑌿𑌶𑍍𑌵॑𑌕𑌰𑍍𑌮𑌨𑍍. 𑌹॒𑌵𑌿𑌷𑌾॑ 𑌵𑌾𑌵𑍃𑌧𑌾॒𑌨-𑌸𑍍𑌸𑍍𑌵॒𑌯𑌂-𑌯𑌁॑𑌜𑌸𑍍𑌵 𑌤॒𑌨𑍁𑌵॑-𑌞𑍍𑌜𑍁𑌷𑌾॒𑌣𑌃 । 𑌮𑍁𑌹𑍍𑌯॑𑌨𑍍𑌤𑍍𑌵॒𑌨𑍍𑌯𑍇 𑌅॒𑌭𑌿𑌤𑌃॑ 𑌸॒𑌪𑌤𑍍𑌨𑌾॑ 𑌇॒𑌹𑌾𑌸𑍍𑌮𑌾𑌕॑-𑌮𑍍𑌮॒𑌘𑌵𑌾॑ 𑌸𑍂॒𑌰𑌿𑌰॑𑌸𑍍𑌤𑍁 ॥ 𑌵𑌿𑌶𑍍𑌵॑𑌕𑌰𑍍𑌮𑌨𑍍. 𑌹॒𑌵𑌿𑌷𑌾॒ 𑌵𑌰𑍍𑌧॑𑌨𑍇𑌨 𑌤𑍍𑌰𑌾॒𑌤𑌾𑌰॒𑌮𑌿𑌨𑍍𑌦𑍍𑌰॑-𑌮𑌕𑍃𑌣𑍋𑌰𑌵॒𑌦𑍍𑌧𑍍𑌯𑌮𑍍 । 𑌤𑌸𑍍𑌮𑍈॒ 𑌵𑌿𑌶॒-𑌸𑍍𑌸𑌮॑𑌨𑌮𑌨𑍍𑌤 𑌪𑍂॒𑌰𑍍𑌵𑍀𑌰॒𑌯𑌮𑍁॒𑌗𑍍𑌰𑍋 𑌵𑌿॑𑌹॒𑌵𑍍𑌯𑍋॑ 𑌯𑌥𑌾-𑌽𑌸॑𑌤𑍍 ॥ 𑌸॒𑌮𑍁॒𑌦𑍍𑌰𑌾𑌯॑ 𑌵॒𑌯𑍁𑌨𑌾॑𑌯॒ 𑌸𑌿𑌨𑍍𑌧𑍂॑𑌨𑌾॒-𑌮𑍍𑌪𑌤॑𑌯𑍇॒ 𑌨𑌮𑌃॑ । 𑌨॒𑌦𑍀𑌨𑌾॒𑌗𑍍𑌂॒ 𑌸𑌰𑍍𑌵𑌾॑𑌸𑌾-𑌮𑍍𑌪𑌿॒𑌤𑍍𑌰𑍇 𑌜𑍁॑𑌹𑍁॒𑌤𑌾 𑌵𑌿॒𑌶𑍍𑌵𑌕॑𑌰𑍍𑌮𑌣𑍇॒ 𑌵𑌿𑌶𑍍𑌵𑌾-𑌽𑌹𑌾𑌮॑𑌰𑍍𑌤𑍍𑌯𑌗𑍍𑌂 𑌹॒𑌵𑌿𑌃 ॥ 11 ॥

(𑌜॒𑌜𑌾𑌨𑍈॒ - 𑌨𑍗 - 𑌷॑𑌧𑍀𑌨𑌾𑌂॒ - 𑌭𑍂𑌮𑌿॑-𑌞𑍍𑌜॒𑌨𑌯॑ - 𑌨𑍍𑌨𑍂॒𑌤𑌯𑍇॒ - 𑌨𑌮𑍋॒ - 𑌨𑌵॑ 𑌚) (𑌅. 2)

𑌉𑌦𑍇॑𑌨𑌮𑍁𑌤𑍍𑌤॒𑌰𑌾-𑌨𑍍𑌨॒𑌯𑌾𑌗𑍍𑌨𑍇॑ 𑌘𑍃𑌤𑍇𑌨𑌾-𑌽𑌽𑌹𑍁𑌤 । 𑌰𑌾॒𑌯𑌸𑍍𑌪𑍋𑌷𑍇॑𑌣॒ 𑌸𑌗𑍍𑌂 𑌸𑍃॑𑌜 𑌪𑍍𑌰॒𑌜𑌯𑌾॑ 𑌚॒ 𑌧𑌨𑍇॑𑌨 𑌚 ॥ 𑌇𑌨𑍍𑌦𑍍𑌰𑍇॒𑌮-𑌮𑍍𑌪𑍍𑌰॑𑌤॒𑌰𑌾-𑌙𑍍𑌕𑍃॑𑌧𑌿 𑌸𑌜𑌾॒𑌤𑌾𑌨𑌾॑-𑌮𑌸𑌦𑍍𑌵॒𑌶𑍀 । 𑌸𑌮𑍇॑𑌨𑌂॒-𑌵𑌁𑌰𑍍𑌚॑𑌸𑌾 𑌸𑍃𑌜 𑌦𑍇॒𑌵𑍇𑌭𑍍𑌯𑍋॑ 𑌭𑌾𑌗॒𑌧𑌾 𑌅॑𑌸𑌤𑍍 ॥ 𑌯𑌸𑍍𑌯॑ 𑌕𑍁॒𑌰𑍍𑌮𑍋 𑌹॒𑌵𑌿𑌰𑍍𑌗𑍃॒𑌹𑍇 𑌤𑌮॑𑌗𑍍𑌨𑍇 𑌵𑌰𑍍𑌧𑌯𑌾॒ 𑌤𑍍𑌵𑌮𑍍 । 𑌤𑌸𑍍𑌮॑ 𑌦𑍇॒𑌵𑌾 𑌅𑌧𑌿॑ 𑌬𑍍𑌰𑌵𑌨𑍍𑌨॒𑌯-𑌞𑍍𑌚॒ 𑌬𑍍𑌰𑌹𑍍𑌮॑𑌣॒𑌸𑍍𑌪𑌤𑌿𑌃॑ ॥ 𑌉𑌦𑍁॑ 𑌤𑍍𑌵𑌾॒ 𑌵𑌿𑌶𑍍𑌵𑍇॑ 𑌦𑍇॒𑌵𑌾 [𑌵𑌿𑌶𑍍𑌵𑍇॑ 𑌦𑍇॒𑌵𑌾𑌃, 𑌅𑌗𑍍𑌨𑍇॒ 𑌭𑌰॑𑌨𑍍𑌤𑍁॒ 𑌚𑌿𑌤𑍍𑌤𑌿॑𑌭𑌿𑌃 ।] 12

𑌅𑌗𑍍𑌨𑍇॒ 𑌭𑌰॑𑌨𑍍𑌤𑍁॒ 𑌚𑌿𑌤𑍍𑌤𑌿॑𑌭𑌿𑌃 । 𑌸 𑌨𑍋॑ 𑌭𑌵 𑌶𑌿॒𑌵𑌤॑𑌮-𑌸𑍍𑌸𑍁॒𑌪𑍍𑌰𑌤𑍀॑𑌕𑍋 𑌵𑌿॒𑌭𑌾𑌵॑𑌸𑍁𑌃 ॥ 𑌪𑌞𑍍𑌚॒ 𑌦𑌿𑌶𑍋॒ 𑌦𑍈𑌵𑍀᳚𑌰𑍍𑌯॒𑌜𑍍𑌞𑌮॑𑌵𑌨𑍍𑌤𑍁 𑌦𑍇॒𑌵𑍀𑌰𑌪𑌾𑌮॑𑌤𑌿-𑌨𑍍𑌦𑍁𑌰𑍍𑌮॒𑌤𑌿-𑌮𑍍𑌬𑌾𑌧॑𑌮𑌾𑌨𑌾𑌃 । 𑌰𑌾॒𑌯𑌸𑍍𑌪𑍋𑌷𑍇॑ 𑌯॒𑌜𑍍𑌞𑌪॑𑌤𑌿-𑌮𑌾॒𑌭𑌜॑𑌨𑍍𑌤𑍀𑌃 ॥ 𑌰𑌾॒𑌯𑌸𑍍𑌪𑍋𑌷𑍇॒ 𑌅𑌧𑌿॑ 𑌯॒𑌜𑍍𑌞𑍋 𑌅॑𑌸𑍍𑌥𑌾॒-𑌥𑍍𑌸𑌮𑌿॑𑌦𑍍𑌧𑍇 𑌅॒𑌗𑍍𑌨𑌾𑌵𑌧𑌿॑ 𑌮𑌾𑌮𑌹𑌾॒𑌨𑌃 । 𑌉॒𑌕𑍍𑌥𑌪॑𑌤𑍍𑌰॒ 𑌈𑌡𑍍𑌯𑍋॑ 𑌗𑍃𑌭𑍀॒𑌤𑌸𑍍𑌤॒𑌪𑍍𑌤-𑌙𑍍𑌘॒𑌰𑍍𑌮-𑌮𑍍𑌪॑𑌰𑌿॒𑌗𑍃𑌹𑍍𑌯𑌾॑𑌯𑌜𑌨𑍍𑌤 ॥ 𑌊॒𑌰𑍍𑌜𑌾 𑌯-𑌦𑍍𑌯॒𑌜𑍍𑌞𑌮𑌶॑𑌮𑌨𑍍𑌤 𑌦𑍇॒𑌵𑌾 𑌦𑍈𑌵𑍍𑌯𑌾॑𑌯 𑌧॒𑌰𑍍𑌤𑍍𑌰𑍇 𑌜𑍋𑌷𑍍𑌟𑍍𑌰𑍇᳚ । 𑌦𑍇॒𑌵॒𑌶𑍍𑌰𑍀-𑌶𑍍𑌶𑍍𑌰𑍀𑌮॑𑌣𑌾-𑌶𑍍𑌶॒𑌤𑌪॑𑌯𑌾𑌃 [𑌦𑍇॒𑌵॒𑌶𑍍𑌰𑍀-𑌶𑍍𑌶𑍍𑌰𑍀𑌮॑𑌣𑌾-𑌶𑍍𑌶॒𑌤𑌪॑𑌯𑌾𑌃, 𑌪॒𑌰𑌿॒𑌗𑍃𑌹𑍍𑌯॑] 13

𑌪𑌰𑌿॒𑌗𑍃𑌹𑍍𑌯॑ 𑌦𑍇॒𑌵𑌾 𑌯॒𑌜𑍍𑌞𑌮𑌾॑𑌯𑌨𑍍𑌨𑍍 ॥ 𑌸𑍂𑌰𑍍𑌯॑𑌰𑌶𑍍𑌮𑌿॒𑌰𑍍॒𑌹𑌰𑌿॑𑌕𑍇𑌶𑌃 𑌪𑍁॒𑌰𑌸𑍍𑌤𑌾᳚-𑌥𑍍𑌸𑌵𑌿॒𑌤𑌾 𑌜𑍍𑌯𑍋𑌤𑌿॒𑌰𑍁𑌦॑𑌯𑌾॒𑌗𑍍𑌂॒ 𑌅𑌜॑𑌸𑍍𑌰𑌮𑍍 । 𑌤𑌸𑍍𑌯॑ 𑌪𑍂॒𑌷𑌾 𑌪𑍍𑌰॑𑌸॒𑌵𑌂-𑌯𑌾𑌁॑𑌤𑌿 𑌦𑍇॒𑌵-𑌸𑍍𑌸॒𑌪𑌂𑌶𑍍𑌯॒𑌨𑍍 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾𑌨𑌿 𑌗𑍋॒𑌪𑌾𑌃 ॥ 𑌦𑍇॒𑌵𑌾 𑌦𑍇॒𑌵𑍇𑌭𑍍𑌯𑍋॑ 𑌅𑌦𑍍𑌧𑍍𑌵॒𑌰𑍍𑌯𑌨𑍍𑌤𑍋॑ 𑌅𑌸𑍍𑌥𑍁𑌰𑍍𑌵𑍀॒𑌤𑌗𑍍𑌂 𑌶॑𑌮𑌿॒𑌤𑍍𑌰𑍇 𑌶॑𑌮𑌿॒𑌤𑌾 𑌯॒𑌜𑌦𑍍𑌧𑍍𑌯𑍈᳚ । 𑌤𑍁॒𑌰𑍀𑌯𑍋॑ 𑌯॒𑌜𑍍𑌞𑍋 𑌯𑌤𑍍𑌰॑ 𑌹॒𑌵𑍍𑌯𑌮𑍇𑌤𑌿॒ 𑌤𑌤𑌃॑ 𑌪𑌾𑌵॒𑌕𑌾 𑌆॒𑌶𑌿𑌷𑍋॑ 𑌨𑍋 𑌜𑍁𑌷𑌨𑍍𑌤𑌾𑌮𑍍 ॥ 𑌵𑌿॒𑌮𑌾𑌨॑ 𑌏॒𑌷 𑌦𑌿॒𑌵𑍋 𑌮𑌦𑍍𑌧𑍍𑌯॑ 𑌆𑌸𑍍𑌤 𑌆𑌪𑌪𑍍𑌰𑌿॒𑌵𑌾-𑌨𑍍𑌰𑍋𑌦॑𑌸𑍀 𑌅॒𑌨𑍍𑌤𑌰𑌿॑𑌕𑍍𑌷𑌮𑍍 । 𑌸 𑌵𑌿॒𑌶𑍍𑌵𑌾𑌚𑍀॑𑌰॒𑌭𑌿- [𑌸 𑌵𑌿॒𑌶𑍍𑌵𑌾𑌚𑍀॑𑌰॒𑌭𑌿, 𑌚॒𑌷𑍍𑌟𑍇॒ 𑌘𑍃॒𑌤𑌾𑌚𑍀॑𑌰𑌨𑍍𑌤॒𑌰𑌾] 14

-𑌚॑𑌷𑍍𑌟𑍇 𑌘𑍃॒𑌤𑌾𑌚𑍀॑𑌰𑌨𑍍𑌤॒𑌰𑌾 𑌪𑍂𑌰𑍍𑌵॒𑌮𑌪॑𑌰-𑌞𑍍𑌚 𑌕𑍇॒𑌤𑍁𑌮𑍍 ॥ 𑌉॒𑌕𑍍𑌷𑌾 𑌸॑𑌮𑍁॒𑌦𑍍𑌰𑍋 𑌅॑𑌰𑍁॒𑌣-𑌸𑍍𑌸𑍁॑𑌪॒𑌰𑍍𑌣𑌃 𑌪𑍂𑌰𑍍𑌵॑𑌸𑍍𑌯॒ 𑌯𑍋𑌨𑌿॑-𑌮𑍍𑌪𑌿॒𑌤𑍁𑌰𑌾 𑌵𑌿॑𑌵𑍇𑌶 । 𑌮𑌦𑍍𑌧𑍍𑌯𑍇॑ 𑌦𑌿॒𑌵𑍋 𑌨𑌿𑌹𑌿॑𑌤𑌃॒ 𑌪𑍃𑌶𑍍𑌞𑌿॒𑌰𑌶𑍍𑌮𑌾॒ 𑌵𑌿 𑌚॑𑌕𑍍𑌰𑌮𑍇॒ 𑌰𑌜॑𑌸𑌃 𑌪𑌾॒𑌤𑍍𑌯𑌨𑍍𑌤𑍗᳚ ॥ 𑌇𑌨𑍍𑌦𑍍𑌰𑌂॒-𑌵𑌿𑌁𑌶𑍍𑌵𑌾॑ 𑌅𑌵𑍀𑌵𑍃𑌧𑌨𑍍-𑌥𑍍𑌸𑌮𑍁॒𑌦𑍍𑌰𑌵𑍍𑌯॑𑌚𑌸॒-𑌙𑍍𑌗𑌿𑌰𑌃॑ । 𑌰॒𑌥𑍀𑌤॑𑌮𑌗𑍍𑌂 𑌰𑌥𑍀॒𑌨𑌾𑌂-𑌵𑌾𑌁𑌜𑌾॑𑌨𑌾॒𑌗𑍍𑌂॒ 𑌸𑌤𑍍𑌪॑𑌤𑌿॒-𑌮𑍍𑌪𑌤𑌿᳚𑌮𑍍 ॥ 𑌸𑍁॒𑌮𑍍𑌨॒𑌹𑍂𑌰𑍍𑌯॒𑌜𑍍𑌞𑍋 𑌦𑍇॒𑌵𑌾𑌗𑍍𑌂 𑌆 𑌚॑ 𑌵𑌕𑍍𑌷॒𑌦𑍍𑌯𑌕𑍍𑌷॑𑌦॒𑌗𑍍𑌨𑌿𑌰𑍍𑌦𑍇॒𑌵𑍋 𑌦𑍇॒𑌵𑌾𑌗𑍍𑌂 𑌆 𑌚॑ 𑌵𑌕𑍍𑌷𑌤𑍍 ॥ 𑌵𑌾𑌜॑𑌸𑍍𑌯 𑌮𑌾 𑌪𑍍𑌰𑌸॒𑌵𑍇𑌨𑍋᳚-𑌦𑍍𑌗𑍍𑌰𑌾॒𑌭𑍇𑌣𑍋-𑌦॑𑌗𑍍𑌰𑌭𑍀𑌤𑍍 । 𑌅𑌥𑌾॑ 𑌸॒𑌪𑌤𑍍𑌨𑌾॒𑌗𑍍𑌂॒ 𑌇𑌨𑍍𑌦𑍍𑌰𑍋॑ 𑌮𑍇 𑌨𑌿𑌗𑍍𑌰𑌾॒𑌭𑍇𑌣𑌾𑌧॑𑌰𑌾𑌗𑍍𑌂 𑌅𑌕𑌃 ॥ 𑌉॒𑌦𑍍𑌗𑍍𑌰𑌾॒𑌭-𑌞𑍍𑌚॑ 𑌨𑌿𑌗𑍍𑌰𑌾॒𑌭-𑌞𑍍𑌚॒ 𑌬𑍍𑌰𑌹𑍍𑌮॑ 𑌦𑍇॒𑌵𑌾 𑌅॑𑌵𑍀𑌵𑍃𑌧𑌨𑍍𑌨𑍍 । 𑌅𑌥𑌾॑ 𑌸॒𑌪𑌤𑍍𑌨𑌾॑𑌨𑌿𑌨𑍍𑌦𑍍𑌰𑌾॒𑌗𑍍𑌨𑍀 𑌮𑍇॑ 𑌵𑌿𑌷𑍂॒𑌚𑍀𑌨𑌾॒𑌨𑍍 𑌵𑍍𑌯॑𑌸𑍍𑌯𑌤𑌾𑌮𑍍 ॥ 15 ॥

(𑌦𑍇॒𑌵𑌾𑌃 - 𑌶॒𑌤𑌪॑𑌯𑌾 - 𑌅॒𑌭𑌿 - 𑌵𑌾𑌜॑𑌸𑍍𑌯॒ - 𑌷𑌡𑍍𑌵𑌿𑌗𑍍𑌂॑𑌶𑌤𑌿𑌶𑍍𑌚 ) (𑌅. 3)

𑌆॒𑌶𑍁-𑌶𑍍𑌶𑌿𑌶𑌾॑𑌨𑍋 𑌵𑍃𑌷॒𑌭𑍋 𑌨 𑌯𑍁॒𑌦𑍍𑌧𑍍𑌮𑍋 𑌘॑𑌨𑌾𑌘॒𑌨𑌃, 𑌕𑍍𑌷𑍋𑌭॑𑌣-𑌶𑍍𑌚𑌰𑍍𑌷𑌣𑍀॒𑌨𑌾𑌮𑍍 । 𑌸॒𑌙𑍍𑌕𑍍𑌰𑌨𑍍𑌦॑𑌨𑍋-𑌽𑌨𑌿𑌮𑌿॒𑌷 𑌏॑𑌕 𑌵𑍀॒𑌰-𑌶𑍍𑌶॒𑌤𑌗𑍍𑌂 𑌸𑍇𑌨𑌾॑ 𑌅𑌜𑌯-𑌥𑍍𑌸𑌾॒𑌕𑌮𑌿𑌨𑍍𑌦𑍍𑌰𑌃॑ ॥ 𑌸॒𑌙𑍍𑌕𑍍𑌰𑌨𑍍𑌦॑𑌨𑍇𑌨𑌾 𑌨𑌿𑌮𑌿॒𑌷𑍇𑌣॑ 𑌜𑌿॒𑌷𑍍𑌣𑍁𑌨𑌾॑ 𑌯𑍁𑌤𑍍𑌕𑌾॒𑌰𑍇𑌣॑ 𑌦𑍁𑌶𑍍𑌚𑍍𑌯𑌵॒𑌨𑍇𑌨॑ 𑌧𑍃॒𑌷𑍍𑌣𑍁𑌨𑌾᳚ । 𑌤𑌦𑌿𑌨𑍍𑌦𑍍𑌰𑍇॑𑌣 𑌜𑌯𑌤॒ 𑌤-𑌥𑍍𑌸॑𑌹𑌦𑍍𑌧𑍍𑌵𑌂॒-𑌯𑍁𑌁𑌧𑍋॑ 𑌨𑌰॒ 𑌇𑌷𑍁॑𑌹𑌸𑍍𑌤𑍇𑌨॒ 𑌵𑍃𑌷𑍍𑌣𑌾᳚ ॥ 𑌸 𑌇𑌷𑍁॑𑌹𑌸𑍍𑌤𑍈॒-𑌸𑍍𑌸 𑌨𑌿॑𑌷॒𑌙𑍍𑌗𑌿𑌭𑌿॑𑌰𑍍𑌵॒𑌶𑍀 𑌸𑌗𑍍𑌗𑍍𑌸𑍍𑌰॑𑌷𑍍𑌟𑌾॒ 𑌸 𑌯𑍁𑌧॒ 𑌇𑌨𑍍𑌦𑍍𑌰𑍋॑ 𑌗॒𑌣𑍇𑌨॑ । 𑌸॒𑌗𑍍𑌂॒𑌸𑍃॒𑌷𑍍𑌟॒𑌜𑌿-𑌥𑍍𑌸𑍋॑𑌮॒𑌪𑌾 𑌬𑌾॑𑌹𑍁𑌶॒𑌰𑍍𑌧𑍍𑌯𑍂᳚𑌰𑍍𑌧𑍍𑌵𑌧॑𑌨𑍍𑌵𑌾॒ 𑌪𑍍𑌰𑌤𑌿॑𑌹𑌿𑌤𑌾𑌭𑌿॒𑌰𑌸𑍍𑌤𑌾᳚ ॥ 𑌬𑍃𑌹॑𑌸𑍍𑌪𑌤𑍇॒ 𑌪𑌰𑌿॑ 𑌦𑍀𑌯𑌾॒ [𑌪𑌰𑌿॑ 𑌦𑍀𑌯, 𑌰𑌥𑍇॑𑌨] 16

𑌰𑌥𑍇॑𑌨 𑌰𑌕𑍍𑌷𑍋॒𑌹𑌾 𑌽𑌮𑌿𑌤𑍍𑌰𑌾𑌗𑍍𑌂॑ 𑌅𑌪॒ 𑌬𑌾𑌧॑𑌮𑌾𑌨𑌃 । 𑌪𑍍𑌰॒𑌭॒𑌞𑍍𑌜𑌨𑍍-𑌥𑍍𑌸𑍇𑌨𑌾𑌃᳚ 𑌪𑍍𑌰𑌮𑍃॒𑌣𑍋 𑌯𑍁॒𑌧𑌾 𑌜𑌯॑𑌨𑍍𑌨॒𑌸𑍍𑌮𑌾𑌕॑-𑌮𑍇𑌦𑍍𑌧𑍍𑌯𑌵𑌿॒𑌤𑌾 𑌰𑌥𑌾॑𑌨𑌾𑌮𑍍 ॥ 𑌗𑍋॒𑌤𑍍𑌰॒𑌭𑌿𑌦॑-𑌙𑍍𑌗𑍋॒𑌵𑌿𑌦𑌂॒-𑌵𑌁𑌜𑍍𑌰॑𑌬𑌾𑌹𑍁॒-𑌞𑍍𑌜𑌯॑𑌨𑍍𑌤॒𑌮𑌜𑍍𑌮॑ 𑌪𑍍𑌰𑌮𑍃॒𑌣𑌨𑍍𑌤॒-𑌮𑍋𑌜॑𑌸𑌾 । 𑌇॒𑌮𑌗𑍍𑌂 𑌸॑𑌜𑌾𑌤𑌾॒ 𑌅𑌨𑍁॑𑌵𑍀𑌰-𑌯𑌦𑍍𑌧𑍍𑌵॒𑌮𑌿𑌨𑍍𑌦𑍍𑌰𑌗𑍍𑌂॑ 𑌸𑌖𑌾॒𑌯𑍋-𑌽𑌨𑍁॒ 𑌸𑌗𑍍𑌂 𑌰॑𑌭𑌦𑍍𑌧𑍍𑌵𑌮𑍍 ॥ 𑌬॒𑌲॒𑌵𑌿॒𑌜𑍍𑌞𑌾॒𑌯𑌃-𑌸𑍍𑌥𑌵𑌿॑𑌰𑌃॒ 𑌪𑍍𑌰𑌵𑍀॑𑌰॒-𑌸𑍍𑌸𑌹॑𑌸𑍍𑌵𑌾𑌨𑍍. 𑌵𑌾॒𑌜𑍀 𑌸𑌹॑𑌮𑌾𑌨 𑌉॒𑌗𑍍𑌰𑌃 । 𑌅॒𑌭𑌿𑌵𑍀॑𑌰𑍋 𑌅॒𑌭𑌿𑌸॑𑌤𑍍𑌵𑌾 𑌸𑌹𑍋॒𑌜𑌾 𑌜𑍈𑌤𑍍𑌰॑𑌮𑌿𑌨𑍍𑌦𑍍𑌰॒ 𑌰𑌥॒𑌮𑌾𑌤𑌿॑𑌷𑍍𑌠 𑌗𑍋॒𑌵𑌿𑌤𑍍 ॥ 𑌅॒𑌭𑌿 𑌗𑍋॒𑌤𑍍𑌰𑌾𑌣𑌿॒ 𑌸𑌹॑𑌸𑌾॒ 𑌗𑌾𑌹॑𑌮𑌾𑌨𑍋-𑌽𑌦𑌾॒𑌯𑍋 [𑌗𑌾𑌹॑𑌮𑌾𑌨𑍋-𑌽𑌦𑌾॒𑌯𑌃, 𑌵𑍀॒𑌰-𑌶𑍍𑌶॒𑌤𑌮॑𑌨𑍍𑌯𑍁॒𑌰𑌿𑌨𑍍𑌦𑍍𑌰𑌃॑ ।] 17

𑌵𑍀॒𑌰-𑌶𑍍𑌶॒𑌤𑌮॑𑌨𑍍𑌯𑍁॒𑌰𑌿𑌨𑍍𑌦𑍍𑌰𑌃॑ । 𑌦𑍁॒𑌶𑍍𑌚𑍍𑌯॒𑌵॒𑌨𑌃 𑌪𑍃॑𑌤𑌨𑌾॒𑌷𑌾𑌡॑ 𑌯𑍁॒𑌦𑍍𑌧𑍍𑌯𑍋᳚-𑌸𑍍𑌮𑌾𑌕॒𑌗𑍍𑌂॒ 𑌸𑍇𑌨𑌾॑ 𑌅𑌵𑌤𑍁॒ 𑌪𑍍𑌰 𑌯𑍁॒𑌥𑍍𑌸𑍁 ॥ 𑌇𑌨𑍍𑌦𑍍𑌰॑ 𑌆𑌸𑌾𑌂-𑌨𑍇॒𑌤𑌾 𑌬𑍃𑌹॒𑌸𑍍𑌪𑌤𑌿॒ 𑌰𑍍𑌦𑌕𑍍𑌷𑌿॑𑌣𑌾 𑌯॒𑌜𑍍𑌞𑌃 𑌪𑍁॒𑌰 𑌏॑𑌤𑍁॒ 𑌸𑍋𑌮𑌃॑ । 𑌦𑍇॒𑌵॒𑌸𑍇॒𑌨𑌾𑌨𑌾॑-𑌮𑌭𑌿𑌭𑌞𑍍𑌜𑌤𑍀॒𑌨𑌾-𑌞𑍍𑌜𑌯॑𑌨𑍍𑌤𑍀𑌨𑌾-𑌮𑍍𑌮॒𑌰𑍁𑌤𑍋॑ 𑌯॒𑌨𑍍𑌤𑍍𑌵𑌗𑍍𑌰𑍇᳚ ॥ 𑌇𑌨𑍍𑌦𑍍𑌰॑𑌸𑍍𑌯॒ 𑌵𑍃𑌷𑍍𑌣𑍋॒ 𑌵𑌰𑍁॑𑌣𑌸𑍍𑌯॒ 𑌰𑌾𑌜𑍍𑌞॑ 𑌆𑌦𑌿॒𑌤𑍍𑌯𑌾𑌨𑌾᳚-𑌮𑍍𑌮॒𑌰𑍁𑌤𑌾॒𑌗𑍍𑌂॒ 𑌶𑌰𑍍𑌧॑ 𑌉॒𑌗𑍍𑌰𑌮𑍍 । 𑌮॒𑌹𑌾𑌮॑𑌨𑌸𑌾-𑌮𑍍𑌭𑍁𑌵𑌨𑌚𑍍𑌯॒𑌵𑌾𑌨𑌾॒-𑌙𑍍𑌘𑍋𑌷𑍋॑ 𑌦𑍇॒𑌵𑌾𑌨𑌾॒-𑌞𑍍𑌜𑌯॑𑌤𑌾॒ 𑌮𑍁𑌦॑𑌸𑍍𑌥𑌾𑌤𑍍 ॥ 𑌅॒𑌸𑍍𑌮𑌾𑌕॒-𑌮𑌿𑌨𑍍𑌦𑍍𑌰॒-𑌸𑍍𑌸𑌮𑍃॑𑌤𑍇𑌷𑍁 𑌧𑍍𑌵॒𑌜𑍇𑌷𑍍𑌵॒𑌸𑍍𑌮𑌾𑌕𑌂॒-𑌯𑌾𑌁 𑌇𑌷॑𑌵॒𑌸𑍍𑌤𑌾 𑌜॑𑌯𑌨𑍍𑌤𑍁 । 18

𑌅॒𑌸𑍍𑌮𑌾𑌕𑌂॑-𑌵𑍀𑌁॒𑌰𑌾 𑌉𑌤𑍍𑌤॑𑌰𑍇 𑌭𑌵𑌨𑍍𑌤𑍍𑌵॒𑌸𑍍𑌮𑌾𑌨𑍁॑ 𑌦𑍇𑌵𑌾 𑌅𑌵𑌤𑌾॒ 𑌹𑌵𑍇॑𑌷𑍁 ॥ 𑌉𑌦𑍍𑌧॑𑌰𑍍𑌷𑌯 𑌮𑌘𑌵॒𑌨𑍍𑌨𑌾-𑌯𑍁॑𑌧𑌾॒-𑌨𑍍𑌯𑍁𑌥𑍍𑌸𑌤𑍍𑌵॑𑌨𑌾-𑌮𑍍𑌮𑌾𑌮॒𑌕𑌾𑌨𑌾॒-𑌮𑍍𑌮𑌹𑌾𑌗𑍍𑌂॑𑌸𑌿 । 𑌉𑌦𑍍𑌵𑍃॑𑌤𑍍𑌰𑌹𑌨𑍍 𑌵𑌾॒𑌜𑌿𑌨𑌾𑌂॒-𑌵𑌾𑌁𑌜𑌿॑𑌨𑌾॒𑌨𑍍𑌯𑍁-𑌦𑍍𑌰𑌥𑌾॑𑌨𑌾॒-𑌞𑍍𑌜𑌯॑𑌤𑌾𑌮𑍇𑌤𑍁॒ 𑌘𑍋𑌷𑌃॑ ॥ 𑌉𑌪॒ 𑌪𑍍𑌰𑍇𑌤॒ 𑌜𑌯॑𑌤𑌾 𑌨𑌰𑌸𑍍𑌸𑍍𑌥𑌿॒𑌰𑌾 𑌵𑌃॑ 𑌸𑌨𑍍𑌤𑍁 𑌬𑌾॒𑌹𑌵𑌃॑ । 𑌇𑌨𑍍𑌦𑍍𑌰𑍋॑ 𑌵॒-𑌶𑍍𑌶𑌰𑍍𑌮॑ 𑌯𑌚𑍍𑌛 𑌤𑍍𑌵𑌨𑌾-𑌧𑍃॒𑌷𑍍𑌯𑌾 𑌯𑌥𑌾𑌸॑𑌥 ॥ 𑌅𑌵॑𑌸𑍃𑌷𑍍𑌟𑌾॒ 𑌪𑌰𑌾॑ 𑌪𑌤॒ 𑌶𑌰॑𑌵𑍍𑌯𑍇॒ 𑌬𑍍𑌰𑌹𑍍𑌮॑ 𑌸𑌗𑍍𑌂𑌶𑌿𑌤𑌾 । 𑌗𑌚𑍍𑌛𑌾॒-𑌽𑌮𑌿𑌤𑍍𑌰𑌾॒-𑌨𑍍𑌪𑍍𑌰- [𑌗𑌚𑍍𑌛𑌾॒-𑌽𑌮𑌿𑌤𑍍𑌰𑌾॒-𑌨𑍍𑌪𑍍𑌰, 𑌵𑌿॒𑌶॒ 𑌮𑍈𑌷𑌾॒-] 19

-𑌵𑌿॑𑌶॒ 𑌮𑍈𑌷𑌾॒-𑌙𑍍𑌕𑌞𑍍𑌚॒𑌨𑍋𑌚𑍍𑌛𑌿॑𑌷𑌃 ॥ 𑌮𑌰𑍍𑌮𑌾॑𑌣𑌿 𑌤𑍇॒ 𑌵𑌰𑍍𑌮॑𑌭𑌿𑌶𑍍𑌛𑌾𑌦𑌯𑌾𑌮𑌿॒ 𑌸𑍋𑌮॑𑌸𑍍𑌤𑍍𑌵𑌾॒ 𑌰𑌾𑌜𑌾॒ 𑌽𑌮𑍃𑌤𑍇॑𑌨𑌾॒𑌭𑌿-𑌵॑𑌸𑍍𑌤𑌾𑌮𑍍 । 𑌉॒𑌰𑍋𑌰𑍍𑌵𑌰𑍀॑𑌯𑍋॒ 𑌵𑌰𑌿॑𑌵𑌸𑍍𑌤𑍇 𑌅𑌸𑍍𑌤𑍁॒ 𑌜𑌯॑𑌨𑍍𑌤॒-𑌨𑍍𑌤𑍍𑌵𑌾𑌮𑌨𑍁॑ 𑌮𑌦𑌨𑍍𑌤𑍁 𑌦𑍇॒𑌵𑌾𑌃 ॥ 𑌯𑌤𑍍𑌰॑ 𑌬𑌾॒𑌣𑌾-𑌸𑍍𑌸॒𑌮𑍍𑌪𑌤॑𑌨𑍍𑌤𑌿 𑌕𑍁𑌮𑌾॒𑌰𑌾 𑌵𑌿॑𑌶𑌿॒𑌖𑌾 𑌇॑𑌵 । 𑌇𑌨𑍍𑌦𑍍𑌰𑍋॑ 𑌨॒𑌸𑍍𑌤𑌤𑍍𑌰॑ 𑌵𑍃𑌤𑍍𑌰॒𑌹𑌾 𑌵𑌿॑𑌶𑍍𑌵𑌾॒𑌹𑌾 𑌶𑌰𑍍𑌮॑ 𑌯𑌚𑍍𑌛𑌤𑍁 ॥ 20 ॥

(𑌦𑍀॒𑌯𑌾॒ - 𑌽𑌦𑌾॒𑌯𑍋 - 𑌜॑𑌯𑌨𑍍𑌤𑍍𑌵॒ - 𑌮𑌿𑌤𑍍𑌰𑌾॒-𑌨𑍍𑌪𑍍𑌰 - 𑌚॑𑌤𑍍𑌵𑌾𑌰𑌿॒𑌗𑍍𑌂॒𑌶𑌚𑍍𑌚॑) (𑌅. 4)

𑌪𑍍𑌰𑌾𑌚𑍀॒𑌮𑌨𑍁॑ 𑌪𑍍𑌰॒𑌦𑌿𑌶॒-𑌮𑍍𑌪𑍍𑌰𑍇𑌹𑌿॑ 𑌵𑌿॒𑌦𑍍𑌵𑌾𑌨॒𑌗𑍍𑌨𑍇𑌰॑𑌗𑍍𑌨𑍇 𑌪𑍁॒𑌰𑍋 𑌅॑𑌗𑍍𑌨𑌿𑌰𑍍𑌭𑌵𑍇॒𑌹 । 𑌵𑌿𑌶𑍍𑌵𑌾॒ 𑌆𑌶𑌾॒ 𑌦𑍀𑌦𑍍𑌯𑌾॑𑌨𑍋॒ 𑌵𑌿 𑌭𑌾॒𑌹𑍍𑌯𑍂𑌰𑍍𑌜॑-𑌨𑍍𑌨𑍋 𑌧𑍇𑌹𑌿 𑌦𑍍𑌵𑌿॒𑌪𑌦𑍇॒ 𑌚𑌤𑍁॑𑌷𑍍𑌪𑌦𑍇 ॥ 𑌕𑍍𑌰𑌮॑𑌦𑍍𑌧𑍍𑌵𑌮॒𑌗𑍍𑌨𑌿𑌨𑌾॒ 𑌨𑌾𑌕॒𑌮𑍁𑌖𑍍𑌯॒𑌗𑍍𑌂॒ 𑌹𑌸𑍍𑌤𑍇॑𑌷𑍁॒ 𑌬𑌿𑌭𑍍𑌰॑𑌤𑌃 । 𑌦𑌿॒𑌵𑌃 𑌪𑍃॒𑌷𑍍𑌠𑌗𑍍𑌂 𑌸𑍁𑌵॑𑌰𑍍𑌗॒𑌤𑍍𑌵𑌾 𑌮𑌿॒𑌶𑍍𑌰𑌾 𑌦𑍇॒𑌵𑍇𑌭𑌿॑𑌰𑌾𑌦𑍍𑌧𑍍𑌵𑌮𑍍 ॥ 𑌪𑍃॒𑌥𑌿॒𑌵𑍍𑌯𑌾 𑌅॒𑌹𑌮𑍁𑌦॒𑌨𑍍𑌤𑌰𑌿॑𑌕𑍍𑌷॒-𑌮𑌾-𑌽𑌰𑍁॑𑌹-𑌮॒𑌨𑍍𑌤𑌰𑌿॑𑌕𑍍𑌷𑌾॒-𑌦𑍍𑌦𑌿𑌵॒𑌮𑌾-𑌽𑌰𑍁॑𑌹𑌮𑍍 । 𑌦𑌿॒𑌵𑍋 𑌨𑌾𑌕॑𑌸𑍍𑌯 𑌪𑍃॒𑌷𑍍𑌠𑌾-𑌥𑍍𑌸𑍁𑌵॒𑌰𑍍𑌜𑍍𑌯𑍋𑌤𑌿॑𑌰𑌗𑌾- [𑌪𑍃॒𑌷𑍍𑌠𑌾-𑌥𑍍𑌸𑍁𑌵॒𑌰𑍍𑌜𑍍𑌯𑍋𑌤𑌿॑𑌰𑌗𑌾𑌮𑍍, 𑌅॒𑌹𑌮𑍍 ।] 21

-𑌮॒𑌹𑌮𑍍 ॥ 𑌸𑍁𑌵॒𑌰𑍍𑌯𑌨𑍍𑌤𑍋॒ 𑌨𑌾𑌪𑍇᳚𑌕𑍍𑌷𑌨𑍍𑌤॒ 𑌆 𑌦𑍍𑌯𑌾𑌗𑍍𑌂 𑌰𑍋॑𑌹𑌨𑍍𑌤𑌿॒ 𑌰𑍋𑌦॑𑌸𑍀 । 𑌯॒𑌜𑍍𑌞𑌂-𑌯𑍇𑌁 𑌵𑌿॒𑌶𑍍𑌵𑌤𑍋॑𑌧𑌾𑌰॒𑌗𑍍𑌂॒ 𑌸𑍁𑌵𑌿॑𑌦𑍍𑌵𑌾𑌗𑍍𑌂𑌸𑍋 𑌵𑌿𑌤𑍇𑌨𑌿॒𑌰𑍇 ॥ 𑌅𑌗𑍍𑌨𑍇॒ 𑌪𑍍𑌰𑍇𑌹𑌿॑ 𑌪𑍍𑌰𑌥॒𑌮𑍋 𑌦𑍇॑𑌵𑌯॒𑌤𑌾-𑌞𑍍𑌚𑌕𑍍𑌷𑍁॑𑌰𑍍𑌦𑍇॒𑌵𑌾𑌨𑌾॑𑌮𑍁॒𑌤 𑌮𑌰𑍍𑌤𑍍𑌯𑌾॑𑌨𑌾𑌮𑍍 । 𑌇𑌯॑𑌕𑍍𑌷𑌮𑌾𑌣𑌾॒ 𑌭𑍃𑌗𑍁॑𑌭𑌿-𑌸𑍍𑌸॒𑌜𑍋𑌷𑌾॒-𑌸𑍍𑌸𑍁𑌵॑𑌰𑍍𑌯𑌨𑍍𑌤𑍁॒ 𑌯𑌜॑𑌮𑌾𑌨𑌾-𑌸𑍍𑌸𑍍𑌵॒𑌸𑍍𑌤𑌿 ॥ 𑌨𑌕𑍍𑌤𑍋॒𑌷𑌾𑌸𑌾॒ 𑌸𑌮॑𑌨𑌸𑌾॒ 𑌵𑌿𑌰𑍂॑𑌪𑍇 𑌧𑌾॒𑌪𑌯𑍇॑𑌤𑍇॒ 𑌶𑌿𑌶𑍁॒𑌮𑍇𑌕𑌗𑍍𑌂॑ 𑌸𑌮𑍀॒𑌚𑍀 । 𑌦𑍍𑌯𑌾𑌵𑌾॒ 𑌕𑍍𑌷𑌾𑌮𑌾॑ 𑌰𑍁॒𑌕𑍍𑌮𑍋 𑌅॒𑌨𑍍𑌤𑌰𑍍𑌵𑌿 𑌭𑌾॑𑌤𑌿 𑌦𑍇॒𑌵𑌾 𑌅॒𑌗𑍍𑌨𑌿-𑌨𑍍𑌧𑌾॑𑌰𑌯-𑌨𑍍𑌦𑍍𑌰𑌵𑌿𑌣𑍋॒𑌦𑌾𑌃 ॥ 𑌅𑌗𑍍𑌨𑍇॑ 𑌸𑌹𑌸𑍍𑌰𑌾𑌕𑍍𑌷 [𑌅𑌗𑍍𑌨𑍇॑ 𑌸𑌹𑌸𑍍𑌰𑌾𑌕𑍍𑌷, 𑌶॒𑌤॒𑌮𑍂॒𑌰𑍍𑌧॒𑌞𑍍𑌛॒𑌤-𑌨𑍍𑌤𑍇᳚] 22

𑌶𑌤𑌮𑍂𑌰𑍍𑌧𑌞𑍍𑌛॒𑌤-𑌨𑍍𑌤𑍇᳚ 𑌪𑍍𑌰𑌾॒𑌣𑌾-𑌸𑍍𑌸॒𑌹𑌸𑍍𑌰॑𑌮𑌪𑌾॒𑌨𑌾𑌃 । 𑌤𑍍𑌵𑌗𑍍𑌂 𑌸𑌾॑𑌹॒𑌸𑍍𑌰𑌸𑍍𑌯॑ 𑌰𑌾॒𑌯 𑌈॑𑌶𑌿𑌷𑍇॒ 𑌤𑌸𑍍𑌮𑍈॑ 𑌤𑍇 𑌵𑌿𑌧𑍇𑌮॒ 𑌵𑌾𑌜𑌾॑𑌯॒ 𑌸𑍍𑌵𑌾𑌹𑌾᳚ ॥ 𑌸𑍁॒𑌪॒𑌰𑍍𑌣𑍋॑-𑌽𑌸𑌿 𑌗॒𑌰𑍁𑌤𑍍𑌮𑌾᳚-𑌨𑍍𑌪𑍃𑌥𑌿॒𑌵𑍍𑌯𑌾𑌗𑍍𑌂 𑌸𑍀॑𑌦 𑌪𑍃॒𑌷𑍍𑌠𑍇 𑌪𑍃॑𑌥𑌿॒𑌵𑍍𑌯𑌾-𑌸𑍍𑌸𑍀॑𑌦 𑌭𑌾॒𑌸𑌾-𑌽𑌨𑍍𑌤𑌰𑌿॑𑌕𑍍𑌷॒𑌮𑌾 𑌪𑍃॑𑌣॒ 𑌜𑍍𑌯𑍋𑌤𑌿॑𑌷𑌾॒ 𑌦𑌿𑌵॒𑌮𑍁𑌤𑍍𑌤॑𑌭𑌾𑌨॒ 𑌤𑍇𑌜॑𑌸𑌾॒ 𑌦𑌿𑌶॒ 𑌉-𑌦𑍍𑌦𑍃𑌗𑍍𑌂॑𑌹 ॥ 𑌆॒𑌜𑍁𑌹𑍍𑌵𑌾॑𑌨-𑌸𑍍𑌸𑍁॒𑌪𑍍𑌰𑌤𑍀॑𑌕𑌃 𑌪𑍁॒𑌰𑌸𑍍𑌤𑌾॒𑌦𑌗𑍍𑌨𑍇॒ 𑌸𑍍𑌵𑌾𑌂-𑌯𑍋𑌁𑌨𑌿॒𑌮𑌾 𑌸𑍀॑𑌦 𑌸𑌾॒𑌦𑍍𑌧𑍍𑌯𑌾 । 𑌅॒𑌸𑍍𑌮𑌿𑌨𑍍-𑌥𑍍𑌸॒𑌧𑌸𑍍𑌥𑍇॒ 𑌅𑌦𑍍𑌧𑍍𑌯𑍁𑌤𑍍𑌤॑𑌰𑌸𑍍𑌮𑌿॒𑌨𑍍 𑌵𑌿𑌶𑍍𑌵𑍇॑ 𑌦𑍇𑌵𑌾॒ [𑌅𑌦𑍍𑌧𑍍𑌯𑍁𑌤𑍍𑌤॑𑌰𑌸𑍍𑌮𑌿॒𑌨𑍍 𑌵𑌿𑌶𑍍𑌵𑍇॑ 𑌦𑍇𑌵𑌾𑌃, 𑌯𑌜॑𑌮𑌾𑌨𑌶𑍍𑌚 𑌸𑍀𑌦𑌤 ।] 23

𑌯𑌜॑𑌮𑌾𑌨𑌶𑍍𑌚 𑌸𑍀𑌦𑌤 ॥ 𑌪𑍍𑌰𑍇𑌦𑍍𑌧𑍋॑ 𑌅𑌗𑍍𑌨𑍇 𑌦𑍀𑌦𑌿𑌹𑌿 𑌪𑍁॒𑌰𑍋 𑌨𑍋-𑌽𑌜॑𑌸𑍍𑌰𑌯𑌾 𑌸𑍂॒𑌰𑍍𑌮𑍍𑌯𑌾॑ 𑌯𑌵𑌿𑌷𑍍𑌠 । 𑌤𑍍𑌵𑌾𑌗𑍍𑌂 𑌶𑌶𑍍𑌵॑𑌨𑍍𑌤॒ 𑌉𑌪॑ 𑌯𑌨𑍍𑌤𑌿॒ 𑌵𑌾𑌜𑌾𑌃᳚ ॥ 𑌵𑌿॒𑌧𑍇𑌮॑ 𑌤𑍇 𑌪𑌰॒𑌮𑍇 𑌜𑌨𑍍𑌮॑𑌨𑍍𑌨𑌗𑍍𑌨𑍇 𑌵𑌿॒𑌧𑍇𑌮॒ 𑌸𑍍𑌤𑍋𑌮𑍈॒𑌰𑌵॑𑌰𑍇 𑌸॒𑌧𑌸𑍍𑌥𑍇᳚ । 𑌯𑌸𑍍𑌮𑌾॒-𑌦𑍍𑌯𑍋𑌨𑍇॑𑌰𑍁॒𑌦𑌾𑌰𑌿॑𑌥𑌾॒ 𑌯𑌜𑍇॒ 𑌤-𑌮𑍍𑌪𑍍𑌰𑌤𑍍𑌵𑍇 𑌹॒𑌵𑍀𑌗𑍍𑌂𑌷𑌿॑ 𑌜𑍁𑌹𑍁𑌰𑍇॒ 𑌸𑌮𑌿॑𑌦𑍍𑌧𑍇 ॥ 𑌤𑌾𑌗𑍍𑌂 𑌸॑𑌵𑌿॒𑌤𑍁𑌰𑍍𑌵𑌰𑍇᳚𑌣𑍍𑌯𑌸𑍍𑌯 𑌚𑌿॒𑌤𑍍𑌰𑌾𑌮𑌾-𑌽𑌹𑌂-𑌵𑍃𑌁॑𑌣𑍇 𑌸𑍁𑌮॒𑌤𑌿𑌂-𑌵𑌿𑌁॒𑌶𑍍𑌵𑌜॑𑌨𑍍𑌯𑌾𑌮𑍍 । 𑌯𑌾𑌮॑𑌸𑍍𑌯॒ 𑌕𑌣𑍍𑌵𑍋॒ 𑌅𑌦𑍁॑𑌹॒-𑌤𑍍𑌪𑍍𑌰𑌪𑍀॑𑌨𑌾𑌗𑍍𑌂 𑌸॒𑌹𑌸𑍍𑌰॑𑌧𑌾𑌰𑌾॒- [𑌸॒𑌹𑌸𑍍𑌰॑𑌧𑌾𑌰𑌾𑌮𑍍, 𑌪𑌯॑𑌸𑌾 𑌮॒𑌹𑍀-𑌙𑍍𑌗𑌾𑌮𑍍 ।] 24

-𑌮𑍍𑌪𑌯॑𑌸𑌾 𑌮॒𑌹𑍀-𑌙𑍍𑌗𑌾𑌮𑍍 ॥ 𑌸॒𑌪𑍍𑌤 𑌤𑍇॑ 𑌅𑌗𑍍𑌨𑍇 𑌸॒𑌮𑌿𑌧𑌃॑ 𑌸॒𑌪𑍍𑌤 𑌜𑌿॒𑌹𑍍𑌵𑌾-𑌸𑍍𑌸॒𑌪𑍍𑌤𑌰𑍍𑌷॑𑌯-𑌸𑍍𑌸॒𑌪𑍍𑌤 𑌧𑌾𑌮॑ 𑌪𑍍𑌰𑌿॒𑌯𑌾𑌣𑌿॑ । 𑌸॒𑌪𑍍𑌤 𑌹𑍋𑌤𑍍𑌰𑌾᳚-𑌸𑍍𑌸𑌪𑍍𑌤॒𑌧𑌾 𑌤𑍍𑌵𑌾॑ 𑌯𑌜𑌨𑍍𑌤𑌿 𑌸॒𑌪𑍍𑌤 𑌯𑍋𑌨𑍀॒𑌰𑌾 𑌪𑍃॑𑌣𑌸𑍍𑌵𑌾 𑌘𑍃॒𑌤𑍇𑌨॑ ॥ 𑌈॒𑌦𑍃-𑌞𑍍𑌚𑌾᳚𑌨𑍍𑌯𑌾॒𑌦𑍃-𑌞𑍍𑌚𑍈॑𑌤𑌾॒𑌦𑍃𑌞𑍍𑌚॑ 𑌪𑍍𑌰𑌤𑌿॒𑌦𑍃-𑌞𑍍𑌚॑ 𑌮𑌿॒𑌤𑌶𑍍𑌚॒ 𑌸𑌮𑍍𑌮𑌿॑𑌤𑌶𑍍𑌚॒ 𑌸𑌭॑𑌰𑌾𑌃 ॥ 𑌶𑍁॒𑌕𑍍𑌰𑌜𑍍𑌯𑍋॑𑌤𑌿𑌶𑍍𑌚 𑌚𑌿॒𑌤𑍍𑌰𑌜𑍍𑌯𑍋॑𑌤𑌿𑌶𑍍𑌚 𑌸॒𑌤𑍍𑌯𑌜𑍍𑌯𑍋॑𑌤𑌿𑌶𑍍𑌚॒ 𑌜𑍍𑌯𑍋𑌤𑌿॑𑌷𑍍𑌮𑌾𑌗𑍍𑌶𑍍𑌚 𑌸॒𑌤𑍍𑌯𑌶𑍍𑌚॑𑌰𑍍𑌤॒𑌪𑌾𑌶𑍍𑌚𑌾𑌤𑍍𑌯𑌗𑍍𑌂॑𑌹𑌾𑌃 । 25

𑌋॒𑌤॒𑌜𑌿𑌚𑍍𑌚॑ 𑌸𑌤𑍍𑌯॒𑌜𑌿𑌚𑍍𑌚॑ 𑌸𑍇𑌨॒𑌜𑌿𑌚𑍍𑌚॑ 𑌸𑍁॒𑌷𑍇𑌣॒𑌶𑍍𑌚𑌾𑌨𑍍𑌤𑍍𑌯॑𑌮𑌿𑌤𑍍𑌰𑌶𑍍𑌚 𑌦𑍂॒𑌰𑍇 𑌅॑𑌮𑌿𑌤𑍍𑌰𑌶𑍍𑌚 𑌗॒𑌣𑌃 ॥ 𑌋॒𑌤𑌶𑍍𑌚॑ 𑌸॒𑌤𑍍𑌯𑌶𑍍𑌚॑ 𑌧𑍍𑌰𑍁॒𑌵𑌶𑍍𑌚॑ 𑌧॒𑌰𑍁𑌣॑𑌶𑍍𑌚 𑌧॒𑌰𑍍𑌤𑌾 𑌚॑ 𑌵𑌿𑌧॒𑌰𑍍𑌤𑌾 𑌚॑ 𑌵𑌿𑌧𑌾𑌰॒𑌯𑌃 ॥ 𑌈॒𑌦𑍃𑌕𑍍𑌷𑌾॑𑌸 𑌏𑌤𑌾॒𑌦𑍃𑌕𑍍𑌷𑌾॑𑌸 𑌊॒ 𑌷𑍁𑌣𑌃॑ 𑌸॒𑌦𑍃𑌕𑍍𑌷𑌾॑𑌸𑌃॒ 𑌪𑍍𑌰𑌤𑌿॑𑌸𑌦𑍃𑌕𑍍𑌷𑌾𑌸॒ 𑌏𑌤॑𑌨 । 𑌮𑌿॒𑌤𑌾𑌸॑𑌶𑍍𑌚॒ 𑌸𑌮𑍍𑌮𑌿॑𑌤𑌾𑌸𑌶𑍍𑌚 𑌨 𑌊॒𑌤𑌯𑍇॒ 𑌸𑌭॑𑌰𑌸𑍋 𑌮𑌰𑍁𑌤𑍋 𑌯॒𑌜𑍍𑌞𑍇 𑌅॒𑌸𑍍𑌮𑌿𑌨𑍍𑌨𑌿𑌨𑍍𑌦𑍍𑌰॒-𑌨𑍍𑌦𑍈𑌵𑍀॒𑌰𑍍𑌵𑌿𑌶𑍋॑ 𑌮॒𑌰𑍁𑌤𑍋-𑌽𑌨𑍁॑𑌵𑌰𑍍𑌤𑍍𑌮𑌾𑌨𑍋॒ 𑌯𑌥𑍇𑌨𑍍𑌦𑍍𑌰॒-𑌨𑍍𑌦𑍈𑌵𑍀॒𑌰𑍍𑌵𑌿𑌶𑍋॑ 𑌮॒𑌰𑍁𑌤𑍋-𑌽𑌨𑍁॑𑌵𑌰𑍍𑌤𑍍𑌮𑌾𑌨 𑌏॒𑌵𑌮𑌿॒𑌮𑌂-𑌯𑌁𑌜॑𑌮𑌾𑌨॒-𑌨𑍍𑌦𑍈𑌵𑍀᳚𑌶𑍍𑌚॒ 𑌵𑌿𑌶𑍋॒ 𑌮𑌾𑌨𑍁॑𑌷𑍀॒𑌶𑍍𑌚𑌾𑌨𑍁॑𑌵𑌰𑍍𑌤𑍍𑌮𑌾𑌨𑍋 𑌭𑌵𑌨𑍍𑌤𑍁 ॥ 26 ॥

(𑌅॒𑌗𑌾॒𑌗𑍍𑌂॒ - 𑌸॒𑌹॒𑌸𑍍𑌰𑌾॒𑌕𑍍𑌷॒ - 𑌦𑍇॒𑌵𑌾𑌃॒ - 𑌸॒𑌹𑌸𑍍𑌰॑𑌧𑌾𑌰𑌾॒ - 𑌮𑌤𑍍𑌯𑌗𑍍𑌂॑𑌹𑌾॒ - 𑌅𑌨𑍁॑𑌵𑌰𑍍𑌤𑍍𑌮𑌾𑌨𑌃॒ - 𑌷𑍋𑌡॑𑌶 𑌚) (𑌅. 5)

𑌜𑍀॒𑌮𑍂𑌤॑𑌸𑍍𑌯𑍇𑌵 𑌭𑌵𑌤𑌿॒ 𑌪𑍍𑌰𑌤𑍀॑𑌕𑌂॒-𑌯𑌁𑌦𑍍𑌵॒𑌰𑍍𑌮𑍀 𑌯𑌾𑌤𑌿॑ 𑌸॒𑌮𑌦𑌾॑𑌮𑍁॒𑌪𑌸𑍍𑌥𑍇᳚ । 𑌅𑌨𑌾॑𑌵𑌿𑌦𑍍𑌧𑌯𑌾 𑌤॒𑌨𑍁𑌵𑌾॑ 𑌜𑌯॒ 𑌤𑍍𑌵𑌗𑍍𑌂 𑌸 𑌤𑍍𑌵𑌾॒ 𑌵𑌰𑍍𑌮॑𑌣𑍋 𑌮𑌹𑌿॒𑌮𑌾 𑌪𑌿॑𑌪𑌰𑍍𑌤𑍁 ॥ 𑌧𑌨𑍍𑌵॑𑌨𑌾॒ 𑌗𑌾 𑌧𑌨𑍍𑌵॑𑌨𑌾॒-𑌽𑌽𑌜𑌿-𑌞𑍍𑌜॑𑌯𑍇𑌮॒ 𑌧𑌨𑍍𑌵॑𑌨𑌾 𑌤𑍀॒𑌵𑍍𑌰𑌾-𑌸𑍍𑌸॒𑌮𑌦𑍋॑ 𑌜𑌯𑍇𑌮 । 𑌧𑌨𑍁॒-𑌶𑍍𑌶𑌤𑍍𑌰𑍋॑𑌰𑌪𑌕𑌾॒𑌮-𑌙𑍍𑌕𑍃॑𑌣𑍋𑌤𑌿॒ 𑌧𑌨𑍍𑌵॑𑌨𑌾॒ 𑌸𑌰𑍍𑌵𑌾𑌃᳚ 𑌪𑍍𑌰॒𑌦𑌿𑌶𑍋॑ 𑌜𑌯𑍇𑌮 ॥ 𑌵॒𑌕𑍍𑌷𑍍𑌯𑌨𑍍𑌤𑍀॒𑌵𑍇𑌦𑌾 𑌗॑𑌨𑍀𑌗𑌨𑍍𑌤𑌿॒ 𑌕𑌰𑍍𑌣॑-𑌮𑍍𑌪𑍍𑌰𑌿॒𑌯𑌗𑍍𑌂 𑌸𑌖𑌾॑𑌯-𑌮𑍍𑌪𑌰𑌿𑌷𑌸𑍍𑌵𑌜𑌾॒𑌨𑌾 । 𑌯𑍋𑌷𑍇॑𑌵 𑌶𑌿𑌙𑍍𑌕𑍍𑌤𑍇॒ 𑌵𑌿𑌤॒𑌤𑌾-𑌽𑌧𑌿॒ 𑌧𑌨𑍍𑌵॒- [𑌧𑌨𑍍𑌵𑌨𑍍𑌨𑍍॑, 𑌜𑍍𑌯𑌾 𑌇॒𑌯𑌗𑍍𑌂] 27

-𑌞𑍍𑌜𑍍𑌯𑌾 𑌇॒𑌯𑌗𑍍𑌂 𑌸𑌮॑𑌨𑍇 𑌪𑌾॒𑌰𑌯॑𑌨𑍍𑌤𑍀 ॥ 𑌤𑍇 𑌆॒𑌚𑌰॑𑌨𑍍𑌤𑍀॒ 𑌸𑌮॑𑌨𑍇𑌵॒ 𑌯𑍋𑌷𑌾॑ 𑌮𑌾॒𑌤𑍇𑌵॑ 𑌪𑍁॒𑌤𑍍𑌰-𑌮𑍍𑌬𑌿॑𑌭𑍃𑌤𑌾𑌮𑍁॒𑌪𑌸𑍍𑌥𑍇᳚ । 𑌅𑌪॒ 𑌶𑌤𑍍𑌰𑍂𑌨𑍍॑ 𑌵𑌿𑌦𑍍𑌧𑍍𑌯𑌤𑌾𑌗𑍍𑌂 𑌸𑌂𑌵𑌿𑌁𑌦𑌾॒𑌨𑍇 𑌆𑌰𑍍𑌤𑍍𑌨𑍀॑ 𑌇॒𑌮𑍇 𑌵𑌿॑𑌷𑍍𑌫𑍁॒𑌰𑌨𑍍𑌤𑍀॑ 𑌅॒𑌮𑌿𑌤𑍍𑌰𑌾𑌨𑍍॑ ॥ 𑌬॒𑌹𑍍𑌵𑍀॒𑌨𑌾-𑌮𑍍𑌪𑌿॒𑌤𑌾 𑌬॒𑌹𑍁𑌰॑𑌸𑍍𑌯 𑌪𑍁॒𑌤𑍍𑌰𑌶𑍍𑌚𑌿॒𑌶𑍍𑌚𑌾 𑌕𑍃॑𑌣𑍋𑌤𑌿॒ 𑌸𑌮॑𑌨𑌾-𑌽𑌵॒𑌗𑌤𑍍𑌯॑ । 𑌇॒𑌷𑍁॒𑌧𑌿-𑌸𑍍𑌸𑌙𑍍𑌕𑌾𑌃॒ 𑌪𑍃𑌤॑𑌨𑌾𑌶𑍍𑌚॒ 𑌸𑌰𑍍𑌵𑌾𑌃᳚ 𑌪𑍃॒𑌷𑍍𑌠𑍇 𑌨𑌿𑌨॑𑌦𑍍𑌧𑍋 𑌜𑌯𑌤𑌿॒ 𑌪𑍍𑌰𑌸𑍂॑𑌤𑌃 ॥ 𑌰𑌥𑍇॒ 𑌤𑌿𑌷𑍍𑌠॑-𑌨𑍍𑌨𑌯𑌤𑌿 𑌵𑌾॒𑌜𑌿𑌨𑌃॑ 𑌪𑍁॒𑌰𑍋 𑌯𑌤𑍍𑌰॑𑌯𑌤𑍍𑌰 𑌕𑌾॒𑌮𑌯॑𑌤𑍇 𑌸𑍁𑌷𑌾𑌰॒𑌥𑌿𑌃 । 𑌅॒𑌭𑍀𑌶𑍂॑𑌨𑌾-𑌮𑍍𑌮𑌹𑌿॒𑌮𑌾𑌨॑- [𑌮𑌹𑌿॒𑌮𑌾𑌨᳚𑌮𑍍, 𑌪॒𑌨𑌾॒𑌯॒𑌤॒ 𑌮𑌨𑌃॑] 28

-𑌮𑍍𑌪𑌨𑌾𑌯𑌤॒ 𑌮𑌨𑌃॑ 𑌪॒𑌶𑍍𑌚𑌾𑌦𑌨𑍁॑ 𑌯𑌚𑍍𑌛𑌨𑍍𑌤𑌿 𑌰॒𑌶𑍍𑌮𑌯𑌃॑ ॥ 𑌤𑍀॒𑌵𑍍𑌰𑌾-𑌨𑍍𑌘𑍋𑌷𑌾᳚𑌨𑍍 𑌕𑍃𑌣𑍍𑌵𑌤𑍇॒ 𑌵𑍃𑌷॑𑌪𑌾𑌣॒𑌯𑍋-𑌽𑌶𑍍𑌵𑌾॒ 𑌰𑌥𑍇॑𑌭𑌿-𑌸𑍍𑌸॒𑌹 𑌵𑌾॒𑌜𑌯॑𑌨𑍍𑌤𑌃 । 𑌅॒𑌵॒𑌕𑍍𑌰𑌾𑌮॑𑌨𑍍𑌤𑌃॒ 𑌪𑍍𑌰𑌪॑𑌦𑍈𑌰॒𑌮𑌿𑌤𑍍𑌰𑌾᳚𑌨𑍍 𑌕𑍍𑌷𑌿॒𑌣𑌨𑍍𑌤𑌿॒ 𑌶𑌤𑍍𑌰𑍂॒𑌗𑍍𑌂॒𑌰𑌨॑𑌪𑌵𑍍𑌯𑌯𑌨𑍍𑌤𑌃 ॥ 𑌰॒𑌥॒𑌵𑌾𑌹॑𑌨𑌗𑍍𑌂 𑌹॒𑌵𑌿𑌰॑𑌸𑍍𑌯॒ 𑌨𑌾𑌮॒ 𑌯𑌤𑍍𑌰𑌾-𑌽𑌽𑌯𑍁॑𑌧॒-𑌨𑍍𑌨𑌿𑌹𑌿॑𑌤𑌮𑌸𑍍𑌯॒ 𑌵𑌰𑍍𑌮॑ । 𑌤𑌤𑍍𑌰𑌾॒ 𑌰𑌥॒𑌮𑍁𑌪॑ 𑌶॒𑌗𑍍𑌮𑌗𑍍𑌂 𑌸॑𑌦𑍇𑌮 𑌵𑌿॒𑌶𑍍𑌵𑌾𑌹𑌾॑ 𑌵॒𑌯𑌗𑍍𑌂 𑌸𑍁॑𑌮𑌨॒𑌸𑍍𑌯𑌮𑌾॑𑌨𑌾𑌃 ॥ 𑌸𑍍𑌵𑌾॒𑌦𑍁॒𑌷॒𑌗𑍍𑌂॒ 𑌸𑌦𑌃॑ 𑌪𑌿॒𑌤𑌰𑍋॑ 𑌵𑌯𑍋॒𑌧𑌾𑌃 𑌕𑍃॑𑌚𑍍𑌛𑍍𑌰𑍇॒𑌶𑍍𑌰𑌿𑌤॒-𑌶𑍍𑌶𑌕𑍍𑌤𑍀॑𑌵𑌨𑍍𑌤𑍋 𑌗𑌭𑍀॒𑌰𑌾𑌃 । 𑌚𑌿॒𑌤𑍍𑌰𑌸𑍇॑𑌨𑌾॒ 𑌇𑌷𑍁॑𑌬𑌲𑌾॒ 𑌅𑌮𑍃॑𑌦𑍍𑌧𑍍𑌰𑌾-𑌸𑍍𑌸॒𑌤𑍋𑌵𑍀॑𑌰𑌾 𑌉॒𑌰𑌵𑍋᳚ 𑌵𑍍𑌰𑌾𑌤𑌸𑌾॒𑌹𑌾𑌃 ॥ 𑌬𑍍𑌰𑌾𑌹𑍍𑌮॑𑌣𑌾𑌸𑌃॒ [𑌬𑍍𑌰𑌾𑌹𑍍𑌮॑𑌣𑌾𑌸𑌃, 𑌪𑌿𑌤॑𑌰॒-] 29

𑌪𑌿𑌤॑𑌰॒-𑌸𑍍𑌸𑍋𑌮𑍍𑌯𑌾॑𑌸-𑌶𑍍𑌶𑌿॒𑌵𑍇 𑌨𑍋॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌅॑𑌨𑍇॒𑌹𑌸𑌾᳚ । 𑌪𑍂॒𑌷𑌾 𑌨𑌃॑ 𑌪𑌾𑌤𑍁 𑌦𑍁𑌰𑌿॒𑌤𑌾𑌦𑍃॑𑌤𑌾𑌵𑍃𑌧𑍋॒ 𑌰𑌕𑍍𑌷𑌾॒ 𑌮𑌾𑌕𑌿॑𑌰𑍍𑌨𑍋 𑌅॒𑌘𑌶𑌗𑍍𑌂॑𑌸 𑌈𑌶𑌤 ॥ 𑌸𑍁॒𑌪॒𑌰𑍍𑌣𑌂-𑌵𑌁॑𑌸𑍍𑌤𑍇 𑌮𑍃॒𑌗𑍋 𑌅॑𑌸𑍍𑌯𑌾॒ 𑌦𑌨𑍍𑌤𑍋॒ 𑌗𑍋𑌭𑌿॒-𑌸𑍍𑌸𑌨𑍍𑌨॑𑌦𑍍𑌧𑌾 𑌪𑌤𑌤𑌿॒ 𑌪𑍍𑌰𑌸𑍂॑𑌤𑌾 । 𑌯𑌤𑍍𑌰𑌾॒ 𑌨𑌰॒-𑌸𑍍𑌸-𑌞𑍍𑌚॒ 𑌵𑌿 𑌚॒ 𑌦𑍍𑌰𑌵॑𑌨𑍍𑌤𑌿॒ 𑌤𑌤𑍍𑌰𑌾॒𑌸𑍍𑌮𑌭𑍍𑌯॒𑌮𑌿𑌷॑𑌵॒-𑌶𑍍𑌶𑌰𑍍𑌮॑ 𑌯𑌗𑍍𑌂𑌸𑌨𑍍𑌨𑍍 ॥ 𑌋𑌜𑍀॑𑌤𑍇॒ 𑌪𑌰𑌿॑ 𑌵𑍃𑌙𑍍𑌗𑍍𑌧𑌿॒ 𑌨𑍋-𑌽𑌶𑍍𑌮𑌾॑ 𑌭𑌵𑌤𑍁 𑌨𑌸𑍍𑌤॒𑌨𑍂𑌃 । 𑌸𑍋𑌮𑍋॒ 𑌅𑌧𑌿॑ 𑌬𑍍𑌰𑌵𑍀𑌤𑍁॒ 𑌨𑍋-𑌽𑌦𑌿॑𑌤𑌿॒- [𑌨𑍋-𑌽𑌦𑌿॑𑌤𑌿𑌃, 𑌶𑌰𑍍𑌮॑ 𑌯𑌚𑍍𑌛𑌤𑍁 ।] 30

-𑌶𑍍𑌶𑌰𑍍𑌮॑ 𑌯𑌚𑍍𑌛𑌤𑍁 ॥ 𑌆 𑌜॑𑌙𑍍𑌘𑌨𑍍𑌤𑌿॒ 𑌸𑌾𑌨𑍍𑌵𑍇॑𑌷𑌾-𑌞𑍍𑌜॒𑌘𑌨𑌾॒𑌗𑍍𑌂॒ 𑌉𑌪॑ 𑌜𑌿𑌘𑍍𑌨𑌤𑍇 । 𑌅𑌶𑍍𑌵𑌾॑𑌜𑌨𑌿॒ 𑌪𑍍𑌰𑌚𑍇॑𑌤॒𑌸𑍋-𑌽𑌶𑍍𑌵𑌾᳚𑌨𑍍-𑌥𑍍𑌸॒𑌮𑌥𑍍𑌸𑍁॑ 𑌚𑍋𑌦𑌯 ॥ 𑌅𑌹𑌿॑𑌰𑌿𑌵 𑌭𑍋॒𑌗𑍈𑌃 𑌪𑌰𑍍𑌯𑍇॑𑌤𑌿 𑌬𑌾॒𑌹𑍁-𑌞𑍍𑌜𑍍𑌯𑌾𑌯𑌾॑ 𑌹𑍇॒𑌤𑌿-𑌮𑍍𑌪॑𑌰𑌿॒𑌬𑌾𑌧॑𑌮𑌾𑌨𑌃 । 𑌹॒𑌸𑍍𑌤॒𑌘𑍍𑌨𑍋 𑌵𑌿𑌶𑍍𑌵𑌾॑ 𑌵॒𑌯𑍁𑌨𑌾॑𑌨𑌿 𑌵𑌿॒𑌦𑍍𑌵𑌾-𑌨𑍍𑌪𑍁𑌮𑌾॒-𑌨𑍍𑌪𑍁𑌮𑌾𑌗𑍍𑌂॑𑌸॒-𑌮𑍍𑌪𑌰𑌿॑ 𑌪𑌾𑌤𑍁 𑌵𑌿॒𑌶𑍍𑌵𑌤𑌃॑ ॥ 𑌵𑌨॑𑌸𑍍𑌪𑌤𑍇 𑌵𑍀॒𑌡𑍍𑌵॑𑌙𑍍𑌗𑍋॒ 𑌹𑌿 𑌭𑍂॒𑌯𑌾 𑌅॒𑌸𑍍𑌮-𑌥𑍍𑌸॑𑌖𑌾 𑌪𑍍𑌰॒𑌤𑌰॑𑌣-𑌸𑍍𑌸𑍁॒𑌵𑍀𑌰𑌃॑ । 𑌗𑍋𑌭𑌿॒-𑌸𑍍𑌸𑌨𑍍𑌨॑𑌦𑍍𑌧𑍋 𑌅𑌸𑌿 𑌵𑍀॒𑌡𑌯॑𑌸𑍍𑌵𑌾-𑌽𑌽𑌸𑍍𑌥𑌾॒𑌤𑌾 𑌤𑍇॑ 𑌜𑌯𑌤𑍁॒ 𑌜𑍇𑌤𑍍𑌵𑌾॑𑌨𑌿 ॥ 𑌦𑌿॒𑌵𑌃 𑌪𑍃॑𑌥𑌿॒𑌵𑍍𑌯𑌾𑌃 𑌪- [𑌪𑌰𑌿॑, 𑌓𑌜॒ 𑌉-𑌦𑍍𑌭𑍃॑𑌤𑌂॒-] 31

-𑌰𑍍𑌯𑍋𑌜॒ 𑌉-𑌦𑍍𑌭𑍃॑𑌤𑌂॒-𑌵𑌁𑌨॒𑌸𑍍𑌪𑌤𑌿॑𑌭𑍍𑌯𑌃॒ 𑌪𑌰𑍍𑌯𑌾𑌭𑍃॑𑌤॒𑌗𑍍𑌂॒ 𑌸𑌹𑌃॑ । 𑌅॒𑌪𑌾𑌮𑍋॒𑌜𑍍𑌮𑌾𑌨॒-𑌮𑍍𑌪𑌰𑌿॒ 𑌗𑍋𑌭𑌿॒𑌰𑌾𑌵𑍃॑𑌤॒𑌮𑌿𑌨𑍍𑌦𑍍𑌰॑𑌸𑍍𑌯॒ 𑌵𑌜𑍍𑌰𑌗𑍍𑌂॑ 𑌹॒𑌵𑌿𑌷𑌾॒ 𑌰𑌥𑌂॑-𑌯𑌁𑌜 ॥ 𑌇𑌨𑍍𑌦𑍍𑌰॑𑌸𑍍𑌯॒ 𑌵𑌜𑍍𑌰𑍋॑ 𑌮॒𑌰𑍁𑌤𑌾॒𑌮𑌨𑍀॑𑌕-𑌮𑍍𑌮𑌿॒𑌤𑍍𑌰𑌸𑍍𑌯॒ 𑌗𑌰𑍍𑌭𑍋॒ 𑌵𑌰𑍁॑𑌣𑌸𑍍𑌯॒ 𑌨𑌾𑌭𑌿𑌃॑ । 𑌸𑍇𑌮𑌾-𑌨𑍍𑌨𑍋॑ 𑌹॒𑌵𑍍𑌯𑌦𑌾॑𑌤𑌿-𑌞𑍍𑌜𑍁𑌷𑌾॒𑌣𑍋 𑌦𑍇𑌵॑ 𑌰𑌥॒ 𑌪𑍍𑌰𑌤𑌿॑ 𑌹॒𑌵𑍍𑌯𑌾 𑌗𑍃॑𑌭𑌾𑌯 ॥ 𑌉𑌪॑ 𑌶𑍍𑌵𑌾𑌸𑌯 𑌪𑍃𑌥𑌿॒𑌵𑍀𑌮𑍁॒𑌤 𑌦𑍍𑌯𑌾-𑌮𑍍𑌪𑍁॑𑌰𑍁॒𑌤𑍍𑌰𑌾 𑌤𑍇॑ 𑌮𑌨𑍁𑌤𑌾𑌂॒-𑌵𑌿𑌁𑌷𑍍𑌠𑌿॑𑌤॒-𑌞𑍍𑌜𑌗॑𑌤𑍍 । 𑌸 𑌦𑍁॑𑌨𑍍𑌦𑍁𑌭𑍇 𑌸॒𑌜𑍂𑌰𑌿𑌨𑍍𑌦𑍍𑌰𑍇॑𑌣 𑌦𑍇॒𑌵𑍈𑌰𑍍𑌦𑍂॒𑌰𑌾- [𑌦𑍇॒𑌵𑍈𑌰𑍍𑌦𑍂॒𑌰𑌾𑌤𑍍, 𑌦𑌵𑍀॑𑌯𑍋॒] 32

-𑌦𑍍𑌦𑌵𑍀॑𑌯𑍋॒ 𑌅𑌪॑𑌸𑍇𑌧॒ 𑌶𑌤𑍍𑌰𑍂𑌨𑍍॑ ॥ 𑌆 𑌕𑍍𑌰॑𑌨𑍍𑌦𑌯॒ 𑌬𑌲॒𑌮𑍋𑌜𑍋॑ 𑌨॒ 𑌆 𑌧𑌾॒ 𑌨𑌿𑌷𑍍𑌟॑𑌨𑌿𑌹𑌿 𑌦𑍁𑌰𑌿॒𑌤𑌾 𑌬𑌾𑌧॑𑌮𑌾𑌨𑌃 । 𑌅𑌪॑ 𑌪𑍍𑌰𑍋𑌥 𑌦𑍁𑌨𑍍𑌦𑍁𑌭𑍇 𑌦𑍁॒𑌚𑍍𑌛𑍁𑌨𑌾𑌗𑍍𑌂॑ 𑌇॒𑌤 𑌇𑌨𑍍𑌦𑍍𑌰॑𑌸𑍍𑌯 𑌮𑍁॒𑌷𑍍𑌟𑌿𑌰॑𑌸𑌿 𑌵𑍀॒𑌡𑌯॑𑌸𑍍𑌵 ॥ 𑌆-𑌽𑌮𑍂𑌰॑𑌜 𑌪𑍍𑌰॒𑌤𑍍𑌯𑌾𑌵॑𑌰𑍍𑌤𑌯𑍇॒𑌮𑌾𑌃 𑌕𑍇॑𑌤𑍁॒𑌮-𑌦𑍍𑌦𑍁॑𑌨𑍍𑌦𑍁॒𑌭𑌿 𑌰𑍍𑌵𑌾॑𑌵𑌦𑍀𑌤𑌿 । 𑌸𑌮𑌶𑍍𑌵॑𑌪𑌰𑍍𑌣𑌾॒𑌶𑍍𑌚𑌰॑𑌨𑍍𑌤𑌿 𑌨𑍋॒ 𑌨𑌰𑍋॒-𑌽𑌸𑍍𑌮𑌾𑌕॑𑌮𑌿𑌨𑍍𑌦𑍍𑌰 𑌰॒𑌥𑌿𑌨𑍋॑ 𑌜𑌯𑌨𑍍𑌤𑍁 ॥ 33 ॥

(𑌧𑌨𑍍𑌵॑𑌨𑍍 - 𑌮𑌹𑌿॒𑌮𑌾𑌨𑌂॒ - 𑌬𑍍𑌰𑌾𑌹𑍍𑌮॑𑌣𑌾॒𑌸𑍋 - 𑌽𑌦𑌿॑𑌤𑌿𑌃 - 𑌪𑍃𑌥𑌿॒𑌵𑍍𑌯𑌾𑌃 𑌪𑌰𑌿॑ - 𑌦𑍂॒𑌰𑌾 - 𑌦𑍇𑌕॑𑌚𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 6)

𑌯𑌦𑌕𑍍𑌰॑𑌨𑍍𑌦𑌃 𑌪𑍍𑌰𑌥॒𑌮-𑌞𑍍𑌜𑌾𑌯॑𑌮𑌾𑌨 𑌉॒𑌦𑍍𑌯𑌨𑍍-𑌥𑍍𑌸॑𑌮𑍁॒𑌦𑍍𑌰𑌾𑌦𑍁॒𑌤 𑌵𑌾॒ 𑌪𑍁𑌰𑍀॑𑌷𑌾𑌤𑍍 । 𑌶𑍍𑌯𑍇॒𑌨𑌸𑍍𑌯॑ 𑌪॒𑌕𑍍𑌷𑌾 𑌹॑𑌰𑌿॒𑌣𑌸𑍍𑌯॑ 𑌬𑌾॒𑌹𑍂 𑌉॑𑌪॒𑌸𑍍𑌤𑍁𑌤𑍍𑌯॒-𑌮𑍍𑌮𑌹𑌿॑ 𑌜𑌾॒𑌤-𑌨𑍍𑌤𑍇॑ 𑌅𑌰𑍍𑌵𑌨𑍍𑌨𑍍 ॥ 𑌯॒𑌮𑍇𑌨॑ 𑌦॒𑌤𑍍𑌤-𑌨𑍍𑌤𑍍𑌰𑌿॒𑌤 𑌏॑𑌨𑌮𑌾𑌯𑍁𑌨॒𑌗𑌿𑌨𑍍𑌦𑍍𑌰॑ 𑌏𑌣-𑌮𑍍𑌪𑍍𑌰𑌥॒𑌮𑍋 𑌅𑌦𑍍𑌧𑍍𑌯॑𑌤𑌿𑌷𑍍𑌠𑌤𑍍 । 𑌗॒𑌨𑍍𑌧॒𑌰𑍍𑌵𑍋 𑌅॑𑌸𑍍𑌯 𑌰𑌶॒𑌨𑌾𑌮॑-𑌗𑍃𑌭𑍍𑌣𑌾॒-𑌥𑍍𑌸𑍂𑌰𑌾॒𑌦𑌶𑍍𑌵𑌂॑-𑌵𑌁𑌸𑌵𑍋॒ 𑌨𑌿𑌰॑𑌤𑌷𑍍𑌟 ॥ 𑌅𑌸𑌿॑ 𑌯॒𑌮𑍋 𑌅𑌸𑍍𑌯𑌾॑𑌦𑌿॒𑌤𑍍𑌯𑍋 𑌅॑𑌰𑍍𑌵॒𑌨𑍍𑌨𑌸𑌿॑ 𑌤𑍍𑌰𑌿॒𑌤𑍋 𑌗𑍁𑌹𑍍𑌯𑍇॑𑌨 𑌵𑍍𑌰॒𑌤𑍇𑌨॑ । 𑌅𑌸𑌿॒ 𑌸𑍋𑌮𑍇॑𑌨 𑌸॒𑌮𑌯𑌾॒ 𑌵𑌿𑌪𑍃॑𑌕𑍍𑌤 [𑌵𑌿𑌪𑍃॑𑌕𑍍𑌤𑌃, 𑌆॒𑌹𑍁𑌸𑍍𑌤𑍇॒ 𑌤𑍍𑌰𑍀𑌣𑌿॑ 𑌦𑌿॒𑌵𑌿 𑌬𑌨𑍍𑌧॑𑌨𑌾𑌨𑌿 ।] 34

𑌆॒𑌹𑍁𑌸𑍍𑌤𑍇॒ 𑌤𑍍𑌰𑍀𑌣𑌿॑ 𑌦𑌿॒𑌵𑌿 𑌬𑌨𑍍𑌧॑𑌨𑌾𑌨𑌿 ॥ 𑌤𑍍𑌰𑍀𑌣𑌿॑ 𑌤 𑌆𑌹𑍁𑌰𑍍𑌦𑌿॒𑌵𑌿 𑌬𑌨𑍍𑌧॑𑌨𑌾𑌨𑌿॒ 𑌤𑍍𑌰𑍀𑌣𑍍𑌯॒𑌫𑍍𑌸𑍁 𑌤𑍍𑌰𑍀𑌣𑍍𑌯॒𑌨𑍍𑌤-𑌸𑍍𑌸॑𑌮𑍁॒𑌦𑍍𑌰𑍇 । 𑌉॒𑌤𑍇𑌵॑ 𑌮𑍇॒ 𑌵𑌰𑍁॑𑌣𑌶𑍍𑌛𑌨𑍍-𑌥𑍍𑌸𑍍𑌯𑌰𑍍𑌵॒𑌨𑍍॒. 𑌯𑌤𑍍𑌰𑌾॑ 𑌤 𑌆॒𑌹𑍁𑌃 𑌪॑𑌰॒𑌮-𑌞𑍍𑌜॒𑌨𑌿𑌤𑍍𑌰᳚𑌮𑍍 ॥ 𑌇॒𑌮𑌾 𑌤𑍇॑ 𑌵𑌾𑌜𑌿𑌨𑍍𑌨𑌵॒𑌮𑌾𑌰𑍍𑌜॑𑌨𑌾𑌨𑍀॒𑌮𑌾 𑌶॒𑌫𑌾𑌨𑌾𑌗𑍍𑌂॑ 𑌸𑌨𑌿॒𑌤𑍁𑌰𑍍𑌨𑌿॒𑌧𑌾𑌨𑌾᳚ । 𑌅𑌤𑍍𑌰𑌾॑ 𑌤𑍇 𑌭॒𑌦𑍍𑌰𑌾 𑌰॑𑌶॒𑌨𑌾 𑌅॑𑌪𑌶𑍍𑌯𑌮𑍃॒𑌤𑌸𑍍𑌯॒ 𑌯𑌾 𑌅॑𑌭𑌿॒𑌰𑌕𑍍𑌷॑𑌨𑍍𑌤𑌿 𑌗𑍋॒𑌪𑌾𑌃 ॥ 𑌆॒𑌤𑍍𑌮𑌾𑌨॑-𑌨𑍍𑌤𑍇॒ 𑌮𑌨॑𑌸𑌾॒-𑌽𑌽𑌰𑌾𑌦॑𑌜𑌾𑌨𑌾𑌮॒𑌵𑍋 𑌦𑌿॒𑌵𑌾 [ ] 35

𑌪॒𑌤𑌯॑𑌨𑍍𑌤-𑌮𑍍𑌪𑌤॒𑌙𑍍𑌗𑌮𑍍 । 𑌶𑌿𑌰𑍋॑ 𑌅𑌪𑌶𑍍𑌯-𑌮𑍍𑌪॒𑌥𑌿𑌭𑌿𑌃॑ 𑌸𑍁॒𑌗𑍇𑌭𑌿॑𑌰𑌰𑍇॒𑌣𑍁𑌭𑌿॒𑌰𑍍𑌜𑍇𑌹॑𑌮𑌾𑌨-𑌮𑍍𑌪𑌤॒𑌤𑍍𑌰𑌿 ॥ 𑌅𑌤𑍍𑌰𑌾॑ 𑌤𑍇 𑌰𑍂॒𑌪𑌮𑍁॑𑌤𑍍𑌤॒𑌮𑌮॑𑌪𑌶𑍍𑌯॒-𑌞𑍍𑌜𑌿𑌗𑍀॑𑌷𑌮𑌾𑌣𑌮𑌿॒𑌷 𑌆 𑌪॒𑌦𑍇 𑌗𑍋𑌃 । 𑌯॒𑌦𑌾 𑌤𑍇॒ 𑌮𑌰𑍍𑌤𑍋॒ 𑌅𑌨𑍁॒ 𑌭𑍋𑌗॒𑌮𑌾𑌨॒𑌡𑌾𑌦𑌿-𑌦𑍍𑌗𑍍𑌰𑌸𑌿॑𑌷𑍍𑌠॒ 𑌓𑌷॑𑌧𑍀𑌰𑌜𑍀𑌗𑌃 ॥ 𑌅𑌨𑍁॑ 𑌤𑍍𑌵𑌾॒ 𑌰𑌥𑍋॒ 𑌅𑌨𑍁॒ 𑌮𑌰𑍍𑌯𑍋॑ 𑌅𑌰𑍍𑌵॒𑌨𑍍𑌨𑌨𑍁॒ 𑌗𑌾𑌵𑍋-𑌽𑌨𑍁॒ 𑌭𑌗𑌃॑ 𑌕॒𑌨𑍀𑌨𑌾᳚𑌮𑍍 । 𑌅𑌨𑍁॒ 𑌵𑍍𑌰𑌾𑌤𑌾॑𑌸॒𑌸𑍍𑌤𑌵॑ 𑌸॒𑌖𑍍𑌯𑌮𑍀॑𑌯𑍁॒𑌰𑌨𑍁॑ 𑌦𑍇॒𑌵𑌾 𑌮॑𑌮𑌿𑌰𑍇 𑌵𑍀॒𑌰𑍍𑌯॑- [𑌵𑍀॒𑌰𑍍𑌯᳚𑌮𑍍, 𑌤𑍇 ।] 36

-𑌨𑍍𑌤𑍇 ॥ 𑌹𑌿𑌰॑𑌣𑍍𑌯𑌶𑍃॒𑌙𑍍𑌗𑍋-𑌽𑌯𑍋॑ 𑌅𑌸𑍍𑌯॒ 𑌪𑌾𑌦𑌾॒ 𑌮𑌨𑍋॑𑌜𑌵𑌾॒ 𑌅𑌵॑𑌰॒ 𑌇𑌨𑍍𑌦𑍍𑌰॑ 𑌆𑌸𑍀𑌤𑍍 । 𑌦𑍇॒𑌵𑌾 𑌇𑌦॑𑌸𑍍𑌯 𑌹𑌵𑌿॒𑌰𑌦𑍍𑌯॑𑌮𑌾𑌯॒𑌨𑍍॒. 𑌯𑍋 𑌅𑌰𑍍𑌵॑𑌨𑍍𑌤-𑌮𑍍𑌪𑍍𑌰𑌥॒𑌮𑍋 𑌅॒𑌦𑍍𑌧𑍍𑌯𑌤𑌿॑𑌷𑍍𑌠𑌤𑍍 ॥ 𑌈॒𑌰𑍍𑌮𑌾𑌨𑍍𑌤𑌾॑𑌸॒-𑌸𑍍𑌸𑌿𑌲𑌿॑𑌕𑌮𑌦𑍍𑌧𑍍𑌯𑌮𑌾𑌸॒-𑌸𑍍𑌸𑌗𑍍𑌂 𑌶𑍂𑌰॑𑌣𑌾𑌸𑍋 𑌦𑌿॒𑌵𑍍𑌯𑌾𑌸𑍋॒ 𑌅𑌤𑍍𑌯𑌾𑌃᳚ । 𑌹॒𑌗𑍍𑌂॒𑌸𑌾 𑌇॑𑌵 𑌶𑍍𑌰𑍇𑌣𑌿॒𑌶𑍋 𑌯॑𑌤𑌨𑍍𑌤𑍇॒ 𑌯𑌦𑌾𑌕𑍍𑌷𑌿॑𑌷𑍁𑌰𑍍𑌦𑌿॒𑌵𑍍𑌯-𑌮𑌜𑍍𑌮॒𑌮𑌶𑍍𑌵𑌾𑌃᳚ ॥ 𑌤𑌵॒ 𑌶𑌰𑍀॑𑌰-𑌮𑍍𑌪𑌤𑌯𑌿॒𑌷𑍍𑌣𑍍𑌵॑𑌰𑍍𑌵॒-𑌨𑍍𑌤𑌵॑ 𑌚𑌿॒𑌤𑍍𑌤𑌂-𑌵𑌾𑌁𑌤॑ 𑌇𑌵॒ 𑌧𑍍𑌰𑌜𑍀॑𑌮𑌾𑌨𑍍 । 𑌤𑌵॒ 𑌶𑍃𑌙𑍍𑌗𑌾॑𑌣𑌿॒ 𑌵𑌿𑌷𑍍𑌠𑌿॑𑌤𑌾 𑌪𑍁𑌰𑍁॒𑌤𑍍𑌰𑌾-𑌽𑌰॑𑌣𑍍𑌯𑍇𑌷𑍁॒ 𑌜𑌰𑍍𑌭𑍁॑𑌰𑌾𑌣𑌾 𑌚𑌰𑌨𑍍𑌤𑌿 ॥ 𑌉𑌪॒ [𑌉𑌪॑, 𑌪𑍍𑌰𑌾𑌗𑌾॒𑌚𑍍𑌛𑌸॑𑌨𑌂-] 37

𑌪𑍍𑌰𑌾𑌗𑌾॒𑌚𑍍𑌛𑌸॑𑌨𑌂-𑌵𑌾𑌁॒𑌜𑍍𑌯𑌰𑍍𑌵𑌾॑ 𑌦𑍇𑌵॒𑌦𑍍𑌰𑍀𑌚𑌾॒ 𑌮𑌨॑𑌸𑌾॒ 𑌦𑍀𑌦𑍍𑌧𑍍𑌯𑌾॑𑌨𑌃 । 𑌅॒𑌜𑌃 𑌪𑍁॒𑌰𑍋 𑌨𑍀॑𑌯𑌤𑍇॒ 𑌨𑌾𑌭𑌿॑𑌰॒𑌸𑍍𑌯𑌾𑌨𑍁॑ 𑌪॒𑌶𑍍𑌚𑌾-𑌤𑍍𑌕॒𑌵𑌯𑍋॑ 𑌯𑌨𑍍𑌤𑌿 𑌰𑍇॒𑌭𑌾𑌃 ॥ 𑌉𑌪॒ 𑌪𑍍𑌰𑌾𑌗𑌾᳚-𑌤𑍍𑌪𑌰॒𑌮𑌂-𑌯𑌁-𑌥𑍍𑌸॒𑌧𑌸𑍍𑌥॒𑌮𑌰𑍍𑌵𑌾॒𑌗𑍍𑌂॒ 𑌅𑌚𑍍𑌛𑌾॑ 𑌪𑌿॒𑌤𑌰॑-𑌮𑍍𑌮𑌾॒𑌤𑌰॑-𑌞𑍍𑌚 । 𑌅॒𑌦𑍍𑌯𑌾 𑌦𑍇॒𑌵𑌾𑌨𑍍 𑌜𑍁𑌷𑍍𑌟॑𑌤𑌮𑍋॒ 𑌹𑌿 𑌗॒𑌮𑍍𑌯𑌾 𑌅𑌥𑌾-𑌽𑌽𑌶𑌾᳚𑌸𑍍𑌤𑍇 𑌦𑌾॒𑌶𑍁𑌷𑍇॒ 𑌵𑌾𑌰𑍍𑌯𑌾॑𑌣𑌿 ॥ 38 ॥

(𑌵𑌿𑌪𑍃॑𑌕𑍍𑌤𑍋 - 𑌦𑌿॒𑌵𑌾 - 𑌵𑍀॒𑌰𑍍𑌯॑ - 𑌮𑍁𑌪𑍈 - 𑌕𑌾॒𑌨𑍍𑌨𑌚॑𑌤𑍍𑌵𑌾𑌰𑌿॒𑌗𑍍𑌂॒𑌶𑌚𑍍𑌚॑) (𑌅. 7)

𑌮𑌾 𑌨𑍋॑ 𑌮𑌿॒𑌤𑍍𑌰𑍋 𑌵𑌰𑍁॑𑌣𑍋 𑌅𑌰𑍍𑌯॒𑌮𑌾-𑌽𑌽𑌯𑍁𑌰𑌿𑌨𑍍𑌦𑍍𑌰॑ 𑌋𑌭𑍁॒𑌕𑍍𑌷𑌾 𑌮॒𑌰𑍁𑌤𑌃॒ 𑌪𑌰𑌿॑ 𑌖𑍍𑌯𑌨𑍍𑌨𑍍 । 𑌯-𑌦𑍍𑌵𑌾॒𑌜𑌿𑌨𑍋॑ 𑌦𑍇॒𑌵𑌜𑌾॑𑌤𑌸𑍍𑌯॒ 𑌸𑌪𑍍𑌤𑍇𑌃᳚ 𑌪𑍍𑌰𑌵॒𑌕𑍍𑌷𑍍𑌯𑌾𑌮𑍋॑ 𑌵𑌿॒𑌦𑌥𑍇॑ 𑌵𑍀॒𑌰𑍍𑌯𑌾॑𑌣𑌿 ॥ 𑌯𑌨𑍍𑌨𑌿॒𑌰𑍍𑌣𑌿𑌜𑌾॒ 𑌰𑍇𑌕𑍍𑌣॑𑌸𑌾॒ 𑌪𑍍𑌰𑌾𑌵𑍃॑𑌤𑌸𑍍𑌯 𑌰𑌾॒𑌤𑌿-𑌙𑍍𑌗𑍃॑𑌭𑍀॒𑌤𑌾-𑌮𑍍𑌮𑍁॑𑌖॒𑌤𑍋 𑌨𑌯॑𑌨𑍍𑌤𑌿 । 𑌸𑍁𑌪𑍍𑌰𑌾॑𑌙॒𑌜𑍋 𑌮𑍇𑌮𑍍𑌯॑-𑌦𑍍𑌵𑌿॒𑌶𑍍𑌵𑌰𑍂॑𑌪 𑌇𑌨𑍍𑌦𑍍𑌰𑌾𑌪𑍂॒𑌷𑍍𑌣𑍋𑌃 𑌪𑍍𑌰𑌿॒𑌯𑌮𑌪𑍍𑌯𑍇॑𑌤𑌿॒ 𑌪𑌾𑌥𑌃॑ ॥ 𑌏॒𑌷 𑌚𑍍𑌛𑌾𑌗𑌃॑ 𑌪𑍁॒𑌰𑍋 𑌅𑌶𑍍𑌵𑍇॑𑌨 𑌵𑌾॒𑌜𑌿𑌨𑌾॑ 𑌪𑍂॒𑌷𑍍𑌣𑍋 𑌭𑌾॒𑌗𑍋 𑌨𑍀॑𑌯𑌤𑍇 𑌵𑌿॒𑌶𑍍𑌵𑌦𑍇᳚𑌵𑍍𑌯𑌃 । 𑌅॒𑌭𑌿॒𑌪𑍍𑌰𑌿𑌯𑌂॒-𑌯𑌁-𑌤𑍍𑌪𑍁॑𑌰𑍋॒𑌡𑌾𑌶॒𑌮𑌰𑍍𑌵॑𑌤𑌾॒ 𑌤𑍍𑌵𑌷𑍍𑌟𑍇- [𑌤𑍍𑌵𑌷𑍍𑌟𑍇𑌤𑍍, 𑌏॒𑌨॒𑌗𑍍𑌂॒ 𑌸𑍗॒𑌶𑍍𑌰॒𑌵॒𑌸𑌾𑌯॑ 𑌜𑌿𑌨𑍍𑌵𑌤𑌿 ।] 39

-𑌦𑍇॑𑌨𑌗𑍍𑌂 𑌸𑍗𑌶𑍍𑌰𑌵॒𑌸𑌾𑌯॑ 𑌜𑌿𑌨𑍍𑌵𑌤𑌿 ॥ 𑌯𑌦𑍍𑌧॒𑌵𑌿𑌷𑍍𑌯॑𑌮𑍃𑌤𑍁॒𑌶𑍋 𑌦𑍇॑𑌵॒𑌯𑌾𑌨॒-𑌨𑍍𑌤𑍍𑌰𑌿𑌰𑍍𑌮𑌾𑌨𑍁॑𑌷𑌾𑌃॒ 𑌪𑌰𑍍𑌯𑌶𑍍𑌵॒-𑌨𑍍𑌨𑌯॑𑌨𑍍𑌤𑌿 । 𑌅𑌤𑍍𑌰𑌾॑ 𑌪𑍂॒𑌷𑍍𑌣𑌃 𑌪𑍍𑌰॑𑌥॒𑌮𑍋 𑌭𑌾॒𑌗 𑌏॑𑌤𑌿 𑌯॒𑌜𑍍𑌞-𑌨𑍍𑌦𑍇॒𑌵𑍇𑌭𑍍𑌯𑌃॑ 𑌪𑍍𑌰𑌤𑌿𑌵𑍇॒𑌦𑌯॑𑌨𑍍𑌨॒𑌜𑌃 ॥ 𑌹𑍋𑌤𑌾᳚-𑌽𑌦𑍍𑌧𑍍𑌵॒𑌰𑍍𑌯𑍁𑌰𑌾𑌵॑𑌯𑌾 𑌅𑌗𑍍𑌨𑌿𑌮𑌿॒𑌨𑍍𑌧𑍋 𑌗𑍍𑌰𑌾॑𑌵𑌗𑍍𑌰𑌾॒𑌭 𑌉॒𑌤 𑌶𑌗𑍍𑌗𑍍𑌸𑍍𑌤𑌾॒ 𑌸𑍁𑌵𑌿॑𑌪𑍍𑌰𑌃 । 𑌤𑍇𑌨॑ 𑌯॒𑌜𑍍𑌞𑍇𑌨॒ 𑌸𑍍𑌵॑𑌰𑌙𑍍𑌕𑍃𑌤𑍇𑌨॒ 𑌸𑍍𑌵𑌿॑𑌷𑍍𑌟𑍇𑌨 𑌵॒𑌕𑍍𑌷𑌣𑌾॒ 𑌆 𑌪𑍃॑𑌣𑌦𑍍𑌧𑍍𑌵𑌮𑍍 ॥ 𑌯𑍂॒𑌪॒𑌵𑍍𑌰॒𑌸𑍍𑌕𑌾 𑌉॒𑌤 𑌯𑍇 𑌯𑍂॑𑌪𑌵𑌾॒𑌹𑌾𑌶𑍍𑌚॒𑌷𑌾𑌲𑌂॒-𑌯𑍇𑌁 𑌅॑𑌶𑍍𑌵𑌯𑍂॒𑌪𑌾𑌯॒ 𑌤𑌕𑍍𑌷॑𑌤𑌿 । 𑌯𑍇 𑌚𑌾𑌰𑍍𑌵॑𑌤𑍇॒ 𑌪𑌚॑𑌨𑌗𑍍𑌂 𑌸॒𑌭𑌂𑌰॑𑌨𑍍𑌤𑍍𑌯𑍁॒𑌤𑍋 [ ] 40

𑌤𑍇𑌷𑌾॑-𑌮॒𑌭𑌿𑌗𑍂᳚𑌰𑍍𑌤𑌿𑌰𑍍𑌨 𑌇𑌨𑍍𑌵𑌤𑍁 ॥ 𑌉𑌪॒ 𑌪𑍍𑌰𑌾𑌗𑌾᳚-𑌥𑍍𑌸𑍁॒𑌮𑌨𑍍𑌮𑍇॑-𑌽𑌧𑌾𑌯𑌿॒ 𑌮𑌨𑍍𑌮॑ 𑌦𑍇॒𑌵𑌾𑌨𑌾॒𑌮𑌾𑌶𑌾॒ 𑌉𑌪॑ 𑌵𑍀॒𑌤𑌪𑍃॑𑌷𑍍𑌠𑌃 । 𑌅𑌨𑍍𑌵𑍇॑𑌨𑌂॒-𑌵𑌿𑌁𑌪𑍍𑌰𑌾॒ 𑌋𑌷॑𑌯𑍋 𑌮𑌦𑌨𑍍𑌤𑌿 𑌦𑍇॒𑌵𑌾𑌨𑌾᳚-𑌮𑍍𑌪𑍁॒𑌷𑍍𑌟𑍇 𑌚॑𑌕𑍃𑌮𑌾 𑌸𑍁॒𑌬𑌨𑍍𑌧𑍁᳚𑌮𑍍 ॥ 𑌯-𑌦𑍍𑌵𑌾॒𑌜𑌿𑌨𑍋॒ 𑌦𑌾𑌮॑ 𑌸॒𑌦𑌾𑌨𑍍𑌨॒𑌮𑌰𑍍𑌵॑𑌤𑍋॒ 𑌯𑌾 𑌶𑍀॑𑌰𑍍𑌷॒𑌣𑍍𑌯𑌾॑ 𑌰𑌶॒𑌨𑌾 𑌰𑌜𑍍𑌜𑍁॑𑌰𑌸𑍍𑌯 । 𑌯𑌦𑍍𑌵𑌾॑ 𑌘𑌾𑌸𑍍𑌯॒ 𑌪𑍍𑌰𑌭𑍃॑𑌤𑌮𑌾॒𑌸𑍍𑌯𑍇॑ 𑌤𑍃𑌣॒𑌗𑍍𑌂॒ 𑌸𑌰𑍍𑌵𑌾॒ 𑌤𑌾 𑌤𑍇॒ 𑌅𑌪𑌿॑ 𑌦𑍇॒𑌵𑍇𑌷𑍍𑌵॑𑌸𑍍𑌤𑍁 ॥ 𑌯𑌦𑌶𑍍𑌵॑𑌸𑍍𑌯 𑌕𑍍𑌰॒𑌵𑌿𑌷𑍋॒ [𑌯𑌦𑌶𑍍𑌵॑𑌸𑍍𑌯 𑌕𑍍𑌰॒𑌵𑌿𑌷𑌃॑, 𑌮𑌕𑍍𑌷𑌿॒𑌕𑌾-𑌽𑌽𑌶॒] 41

𑌮𑌕𑍍𑌷𑌿॒𑌕𑌾-𑌽𑌽𑌶॒ 𑌯𑌦𑍍𑌵𑌾॒ 𑌸𑍍𑌵𑌰𑍗॒ 𑌸𑍍𑌵𑌧𑌿॑𑌤𑍗 𑌰𑌿॒𑌪𑍍𑌤𑌮𑌸𑍍𑌤𑌿॑ । 𑌯𑌦𑍍𑌧𑌸𑍍𑌤॑𑌯𑍋-𑌶𑍍𑌶𑌮𑌿॒𑌤𑍁𑌰𑍍𑌯𑌨𑍍𑌨॒𑌖𑍇𑌷𑍁॒ 𑌸𑌰𑍍𑌵𑌾॒ 𑌤𑌾 𑌤𑍇॒ 𑌅𑌪𑌿॑ 𑌦𑍇॒𑌵𑍇𑌷𑍍𑌵॑𑌸𑍍𑌤𑍁 ॥ 𑌯𑌦𑍂𑌵॑𑌦𑍍𑌧𑍍𑌯𑌮𑍁॒𑌦𑌰॑𑌸𑍍𑌯𑌾𑌪॒𑌵𑌾𑌤𑌿॒ 𑌯 𑌆॒𑌮𑌸𑍍𑌯॑ 𑌕𑍍𑌰॒𑌵𑌿𑌷𑍋॑ 𑌗॒𑌨𑍍𑌧𑍋 𑌅𑌸𑍍𑌤𑌿॑ । 𑌸𑍁॒𑌕𑍃॒𑌤𑌾 𑌤𑌚𑍍𑌛॑𑌮𑌿॒𑌤𑌾𑌰𑌃॑ 𑌕𑍃𑌣𑍍𑌵𑌨𑍍𑌤𑍂॒𑌤 𑌮𑍇𑌧𑌗𑍍𑌂॑ 𑌶𑍃𑌤॒𑌪𑌾𑌕॑-𑌮𑍍𑌪𑌚𑌨𑍍𑌤𑍁 ॥ 𑌯-𑌤𑍍𑌤𑍇॒ 𑌗𑌾𑌤𑍍𑌰𑌾॑𑌦॒𑌗𑍍𑌨𑌿𑌨𑌾॑ 𑌪॒𑌚𑍍𑌯𑌮𑌾॑𑌨𑌾𑌦॒𑌭𑌿 𑌶𑍂𑌲॒-𑌨𑍍𑌨𑌿𑌹॑𑌤𑌸𑍍𑌯𑌾𑌵॒𑌧𑌾𑌵॑𑌤𑌿 । 𑌮𑌾 𑌤-𑌦𑍍𑌭𑍂𑌮𑍍𑌯𑌾॒𑌮𑌾 𑌶𑍍𑌰𑌿॑𑌷॒ ( )-𑌨𑍍𑌮𑌾 𑌤𑍃𑌣𑍇॑𑌷𑍁 𑌦𑍇॒𑌵𑍇𑌭𑍍𑌯॒𑌸𑍍𑌤𑌦𑍁॒𑌶𑌦𑍍𑌭𑍍𑌯𑍋॑ 𑌰𑌾॒𑌤𑌮॑𑌸𑍍𑌤𑍁 ॥ 42 ॥

(𑌇 - 𑌦𑍁॒𑌤𑍋 - 𑌕𑍍𑌰॒𑌵𑌿𑌷𑌃॑ - 𑌶𑍍𑌰𑌿𑌷𑌥𑍍 - 𑌸॒𑌪𑍍𑌤 𑌚॑) (𑌅. 8)

𑌯𑍇 𑌵𑌾॒𑌜𑌿𑌨॑-𑌮𑍍𑌪𑌰𑌿॒𑌪𑌶𑍍𑌯॑𑌨𑍍𑌤𑌿 𑌪॒𑌕𑍍𑌵𑌂-𑌯𑌁 𑌈॑𑌮𑌾॒𑌹𑍁-𑌸𑍍𑌸𑍁॑𑌰॒𑌭𑌿𑌰𑍍𑌨𑌿𑌰𑍍𑌹॒𑌰𑍇𑌤𑌿॑ । 𑌯𑍇 𑌚𑌾𑌰𑍍𑌵॑𑌤𑍋 𑌮𑌾𑌗𑍍𑌂𑌸𑌭𑌿॒𑌕𑍍𑌷𑌾𑌮𑍁॒𑌪𑌾𑌸॑𑌤 𑌉॒𑌤𑍋 𑌤𑍇𑌷𑌾॑𑌮॒𑌭𑌿𑌗𑍂᳚𑌰𑍍𑌤𑌿𑌰𑍍𑌨 𑌇𑌨𑍍𑌵𑌤𑍁 ॥ 𑌯𑌨𑍍𑌨𑍀𑌕𑍍𑌷॑𑌣-𑌮𑍍𑌮𑌾॒𑌗𑍍॒𑌸𑍍𑌪𑌚॑𑌨𑍍𑌯𑌾 𑌉॒𑌖𑌾𑌯𑌾॒ 𑌯𑌾 𑌪𑌾𑌤𑍍𑌰𑌾॑𑌣𑌿 𑌯𑍂॒𑌷𑍍𑌣 𑌆॒𑌸𑍇𑌚॑𑌨𑌾𑌨𑌿 । 𑌊॒𑌷𑍍𑌮॒𑌣𑍍𑌯𑌾॑-𑌽𑌪𑌿॒𑌧𑌾𑌨𑌾॑ 𑌚𑌰𑍂॒𑌣𑌾𑌮॒𑌙𑍍𑌕𑌾-𑌸𑍍𑌸𑍂॒𑌨𑌾𑌃 𑌪𑌰𑌿॑ 𑌭𑍂𑌷॒𑌨𑍍𑌤𑍍𑌯𑌶𑍍𑌵᳚𑌮𑍍 ॥ 𑌨𑌿॒𑌕𑍍𑌰𑌮॑𑌣-𑌨𑍍𑌨𑌿॒𑌷𑌦॑𑌨𑌂-𑌵𑌿𑌁॒𑌵𑌰𑍍𑌤॑𑌨𑌂॒-𑌯𑌁𑌚𑍍𑌚॒ 𑌪𑌡𑍍𑌬𑍀॑𑌶॒𑌮𑌰𑍍𑌵॑𑌤𑌃 । 𑌯𑌚𑍍𑌚॑ 𑌪॒𑌪𑍗 𑌯𑌚𑍍𑌚॑ 𑌘𑌾॒𑌸𑌿- [𑌘𑌾॒𑌸𑌿𑌮𑍍, 𑌜॒𑌘𑌾𑌸॒ 𑌸𑌰𑍍𑌵𑌾॒ 𑌤𑌾] 43

-𑌞𑍍𑌜॒𑌘𑌾𑌸॒ 𑌸𑌰𑍍𑌵𑌾॒ 𑌤𑌾 𑌤𑍇॒ 𑌅𑌪𑌿॑ 𑌦𑍇॒𑌵𑍇𑌷𑍍𑌵॑𑌸𑍍𑌤𑍁 ॥ 𑌮𑌾 𑌤𑍍𑌵𑌾॒-𑌽𑌗𑍍𑌨𑌿-𑌰𑍍𑌧𑍍𑌵॑𑌨𑌯𑌿-𑌦𑍍𑌧𑍂॒𑌮𑌗॑𑌨𑍍𑌧𑌿॒𑌰𑍍𑌮𑍋𑌖𑌾 𑌭𑍍𑌰𑌾𑌜॑𑌨𑍍𑌤𑍍𑌯॒𑌭𑌿 𑌵𑌿॑𑌕𑍍𑌤॒ 𑌜𑌘𑍍𑌰𑌿𑌃॑ । 𑌇॒𑌷𑍍𑌟𑌂-𑌵𑍀𑌁॒𑌤𑌮॒𑌭𑌿𑌗𑍂᳚𑌰𑍍𑌤𑌂॒-𑌵𑌁𑌷॑𑌟𑍍𑌕𑍃𑌤॒-𑌨𑍍𑌤-𑌨𑍍𑌦𑍇॒𑌵𑌾𑌸𑌃॒ 𑌪𑍍𑌰𑌤𑌿॑ 𑌗𑍃𑌭𑍍𑌣॒𑌨𑍍𑌤𑍍𑌯𑌶𑍍𑌵᳚𑌮𑍍 ॥ 𑌯𑌦𑌶𑍍𑌵𑌾॑𑌯॒ 𑌵𑌾𑌸॑ 𑌉𑌪𑌸𑍍𑌤𑍃॒𑌣𑌨𑍍𑌤𑍍𑌯॑𑌧𑍀𑌵𑌾॒𑌸𑌂-𑌯𑌾𑌁 𑌹𑌿𑌰॑𑌣𑍍𑌯𑌾𑌨𑍍𑌯𑌸𑍍𑌮𑍈 । 𑌸॒𑌨𑍍𑌦𑌾𑌨॒𑌮𑌰𑍍𑌵॑𑌨𑍍𑌤॒-𑌮𑍍𑌪𑌡𑍍𑌬𑍀॑𑌶-𑌮𑍍𑌪𑍍𑌰𑌿॒𑌯𑌾 𑌦𑍇॒𑌵𑍇𑌷𑍍𑌵𑌾 𑌯𑌾॑𑌮𑌯𑌨𑍍𑌤𑌿 ॥ 𑌯-𑌤𑍍𑌤𑍇॑ 𑌸𑌾॒𑌦𑍇 𑌮𑌹॑𑌸𑌾॒ 𑌶𑍂𑌕𑍃॑𑌤𑌸𑍍𑌯॒ 𑌪𑌾𑌰𑍍𑌷𑍍𑌣𑌿॑𑌯𑌾 𑌵𑌾॒ 𑌕𑌶॑𑌯𑌾 [𑌵𑌾॒ 𑌕𑌶॑𑌯𑌾, 𑌵𑌾॒ 𑌤𑍁॒𑌤𑍋𑌦॑ ।] 44

𑌵𑌾 𑌤𑍁॒𑌤𑍋𑌦॑ । 𑌸𑍍𑌰𑍁॒𑌚𑍇𑌵॒ 𑌤𑌾 𑌹॒𑌵𑌿𑌷𑍋॑ 𑌅𑌦𑍍𑌧𑍍𑌵॒𑌰𑍇𑌷𑍁॒ 𑌸𑌰𑍍𑌵𑌾॒ 𑌤𑌾 𑌤𑍇॒ 𑌬𑍍𑌰𑌹𑍍𑌮॑𑌣𑌾 𑌸𑍂𑌦𑌯𑌾𑌮𑌿 ॥ 𑌚𑌤𑍁॑𑌸𑍍𑌤𑍍𑌰𑌿𑌗𑍍𑌂𑌶-𑌦𑍍𑌵𑌾॒𑌜𑌿𑌨𑍋॑ 𑌦𑍇॒𑌵𑌬॑𑌨𑍍𑌧𑍋॒-𑌰𑍍𑌵𑌙𑍍𑌕𑍍𑌰𑍀॒-𑌰𑌶𑍍𑌵॑𑌸𑍍𑌯॒ 𑌸𑍍𑌵𑌧𑌿॑𑌤𑌿॒-𑌸𑍍𑌸𑌮𑍇॑𑌤𑌿 । 𑌅𑌚𑍍𑌛𑌿॑𑌦𑍍𑌰𑌾॒ 𑌗𑌾𑌤𑍍𑌰𑌾॑ 𑌵॒𑌯𑍁𑌨𑌾॑ 𑌕𑍃𑌣𑍋𑌤॒ 𑌪𑌰𑍁॑𑌷𑍍𑌪𑌰𑍁𑌰𑌨𑍁॒𑌘𑍁𑌷𑍍𑌯𑌾॒ 𑌵𑌿 𑌶॑𑌸𑍍𑌤 ॥ 𑌏𑌕॒𑌸𑍍𑌤𑍍𑌵𑌷𑍍𑌟𑍁॒𑌰𑌶𑍍𑌵॑𑌸𑍍𑌯𑌾 𑌵𑌿𑌶॒𑌸𑍍𑌤𑌾 𑌦𑍍𑌵𑌾 𑌯॒𑌨𑍍𑌤𑌾𑌰𑌾॑ 𑌭𑌵𑌤॒𑌸𑍍𑌤𑌥॒𑌰𑍍𑌤𑍁𑌃 । 𑌯𑌾 𑌤𑍇॒ 𑌗𑌾𑌤𑍍𑌰𑌾॑𑌣𑌾𑌮𑍃𑌤𑍁॒𑌥𑌾 𑌕𑍃॒𑌣𑍋𑌮𑌿॒ 𑌤𑌾𑌤𑌾॒ 𑌪𑌿𑌣𑍍𑌡𑌾॑𑌨𑌾॒-𑌮𑍍𑌪𑍍𑌰 𑌜𑍁॑𑌹𑍋𑌮𑍍𑌯॒𑌗𑍍𑌨𑍗 ॥ 𑌮𑌾 𑌤𑍍𑌵𑌾॑ 𑌤𑌪- [𑌤𑌪𑌤𑍍, 𑌪𑍍𑌰𑌿॒𑌯 𑌆॒𑌤𑍍𑌮𑌾-] 45

-𑌤𑍍𑌪𑍍𑌰𑌿॒𑌯 𑌆॒𑌤𑍍𑌮𑌾-𑌽𑌪𑌿॒𑌯𑌨𑍍𑌤॒-𑌮𑍍𑌮𑌾 𑌸𑍍𑌵𑌧𑌿॑𑌤𑌿𑌸𑍍𑌤॒𑌨𑍁𑌵॒ 𑌆 𑌤𑌿॑𑌷𑍍𑌠𑌿𑌪-𑌤𑍍𑌤𑍇 । 𑌮𑌾 𑌤𑍇॑ 𑌗𑍃॒𑌦𑍍𑌧𑍍𑌨𑍁-𑌰॑𑌵𑌿𑌶॒𑌸𑍍𑌤𑌾-𑌽𑌤𑌿॒𑌹𑌾𑌯॑ 𑌛𑌿॒𑌦𑍍𑌰𑌾 𑌗𑌾𑌤𑍍𑌰𑌾᳚𑌣𑍍𑌯॒𑌸𑌿𑌨𑌾॒ 𑌮𑌿𑌥𑍂॑ 𑌕𑌃 ॥ 𑌨 𑌵𑌾 𑌉॑𑌵𑍇॒𑌤𑌨𑍍𑌮𑍍𑌰𑌿॑𑌯𑌸𑍇॒ 𑌨 𑌰𑌿॑𑌷𑍍𑌯𑌸𑌿 𑌦𑍇॒𑌵𑌾𑌗𑍍𑌂 𑌇𑌦𑍇॑𑌷𑌿 𑌪॒𑌥𑌿𑌭𑌿𑌃॑ 𑌸𑍁॒𑌗𑍇𑌭𑌿𑌃॑ । 𑌹𑌰𑍀॑ 𑌤𑍇॒ 𑌯𑍁𑌞𑍍𑌜𑌾॒ 𑌪𑍃𑌷॑𑌤𑍀 𑌅𑌭𑍂𑌤𑌾॒𑌮𑍁𑌪𑌾᳚𑌸𑍍𑌥𑌾-𑌦𑍍𑌵𑌾॒𑌜𑍀 𑌧𑍁॒𑌰𑌿 𑌰𑌾𑌸॑𑌭𑌸𑍍𑌯 ॥ 𑌸𑍁॒𑌗𑌵𑍍𑌯॑-𑌨𑍍𑌨𑍋 𑌵𑌾॒𑌜𑍀 𑌸𑍍𑌵𑌶𑍍𑌵𑌿॑𑌯-𑌮𑍍𑌪𑍁॒𑌗𑍍𑌂॒𑌸𑌃 𑌪𑍁॒𑌤𑍍𑌰𑌾𑌗𑍍𑌂 𑌉॒𑌤 𑌵𑌿॑𑌶𑍍𑌵𑌾॒𑌪𑍁𑌷𑌗𑍍𑌂॑ 𑌰॒𑌯𑌿𑌮𑍍 । 𑌅॒𑌨𑌾॒𑌗𑌾॒𑌸𑍍𑌤𑍍𑌵-𑌨𑍍𑌨𑍋॒ 𑌅𑌦𑌿॑𑌤𑌿𑌃 𑌕𑍃𑌣𑍋𑌤𑍁 𑌕𑍍𑌷॒𑌤𑍍𑌰-𑌨𑍍𑌨𑍋॒ 𑌅𑌶𑍍𑌵𑍋॑ 𑌵𑌨𑌤𑌾𑌗𑍍𑌂 𑌹॒𑌵𑌿𑌷𑍍𑌮𑌾𑌨𑍍॑ ॥ 46 ॥

(𑌘𑌾॒𑌸𑌿𑌂-𑌕𑌶॑𑌯𑌾 - 𑌤𑌪-𑌦𑍍- 𑌰॒𑌯𑌿𑌂 - 𑌨𑌵॑ 𑌚 ) (𑌅. 9)

(𑌅𑌶𑍍𑌮॒𑌨𑍍 - 𑌯 𑌇॒𑌮𑍋 - 𑌦𑍇॑𑌨 - 𑌮𑌾॒𑌶𑍁𑌃 - 𑌪𑍍𑌰𑌾𑌚𑍀𑌂᳚ - 𑌜𑍀॒𑌮𑍂𑌤॑𑌸𑍍𑌯॒ - 𑌯𑌦𑌕𑍍𑌰॑𑌨𑍍𑌦𑍋॒ - 𑌮𑌾 𑌨𑍋॑ 𑌮𑌿॒𑌤𑍍𑌰𑍋 - 𑌯𑍇 𑌵𑌾॒𑌜𑌿𑌨𑌂॒ - 𑌨𑌵॑)

(𑌅𑌶𑍍𑌮॑𑌨𑍍 - 𑌮𑌨𑍋॒𑌯𑍁𑌜𑌂॒ - 𑌪𑍍𑌰𑌾𑌚𑍀॒𑌮𑌨𑍁॒ - 𑌶𑌰𑍍𑌮॑ 𑌯𑌚𑍍𑌛𑌤𑍁॒ - 𑌤𑍇𑌷𑌾॑𑌮॒𑌭𑌿𑌗𑍂᳚𑌰𑍍𑌤𑌿𑌃॒ - 𑌷𑌟𑍍𑌚॑𑌤𑍍𑌵𑌾𑌰𑌿𑌗𑍍𑌂𑌶𑌤𑍍)

(𑌅𑌶𑍍𑌮॑𑌨𑍍, 𑌹॒𑌵𑌿𑌷𑍍𑌮𑌾𑌨𑍍॑)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌞𑍍𑌚𑌤𑍁𑌰𑍍𑌥 𑌕𑌾𑌣𑍍𑌡𑍇 𑌷𑌷𑍍𑌠𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇 , 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃 , 𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 , 𑌹॒𑌰𑌿𑌃॒ 𑍐

Roman (IAST) Transliteration

kṛṣṇa yajurvedīya taittirīya saṃhitāyā-ñcaturthakāṇḍe ṣaṣṭhaḥ praśnaḥ - pariṣecana-saṃskārābhidhānaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

aśma॒nnūrja॒-mparva̭te śiśriyā॒ṇāṃ-vā~tḙ pa॒rjanye॒ varṷṇasya॒ śuṣme᳚ | a॒dbhya oṣa̭dhībhyo॒ vana॒spati॒bhyo-'dhi॒ sambhṛ̭tā॒-ntā-nna॒ iṣa॒mūrja̭-ndhatta maruta-ssagṃ rarā॒ṇāḥ || aśmagg̭ste॒ kṣuda॒mu-nte॒ śugṛ̭cchatu॒ ya-ndvi॒ṣmaḥ || sa॒mu॒drasya̭ tvā॒-'vāka॒yā-'gne॒ pari̭ vyayāmasi | pā॒va॒ko a॒smabhyagṃ̭ śi॒vo bha̭va || hi॒masya̭ tvā ja॒rāyu॒ṇā-'gne॒ pari̭ vyayāmasi | pā॒va॒ko a॒smabhyagṃ̭ śi॒vo bha̭va || upa॒- [upa̭, jmannupa̭] 1

-jmannupa̭ veta॒se-'va̭ttara-nna॒dīṣvā | agnḙ pi॒ttama॒pāma̭si || maṇḍṷ̄ki॒ tābhi॒rā ga̭hi॒ sema-nno̭ ya॒jñam | pā॒va॒kava̭rṇagṃ śi॒va-ṅkṛ̭dhi || pā॒va॒ka ā ci॒taya̭ntyā kṛ॒pā | kṣāma̭-nruru॒ca u॒ṣaso॒ na bhā॒nunā᳚ || tūrva॒-nna yāma॒nneta̭śasya॒ nū raṇa॒ ā yo ghṛ॒ṇe | na ta̭tṛṣā॒ṇo a॒jaraḥ̭ || agnḙ pāvaka ro॒ciṣā̭ ma॒ndrayā̭ deva ji॒hvayā᳚ | ā de॒vān [ā de॒vān, va॒kṣi॒ yakṣi̭ ca |] 2

va̭kṣi॒ yakṣi̭ ca || sa naḥ̭ pāvaka dīdi॒vo-'gnḙ de॒vāgṃ i॒hā-'' va̭ha | upa̭ ya॒jñagṃ ha॒viśca̭ naḥ || a॒pāmi॒da-nnyaya̭nagṃ samu॒drasya̭ ni॒veśa̭nam | a॒nya-ntḙ a॒sma-tta̭pantu he॒tayaḥ̭ pāva॒ko a॒smabhyagṃ̭ śi॒vo bha̭va || nama̭ste॒ hara̭se śo॒ciṣe॒ nama̭ste astva॒rciṣe᳚ | a॒nya-ntḙ a॒sma-tta̭pantu he॒tayaḥ̭ pāva॒ko a॒smabhyagṃ̭ śi॒vo bha̭va || nṛ॒ṣade॒ va- [nṛ॒ṣade॒ vaṭ, a॒phsu॒ṣade॒ va-ḍva̭na॒sade॒] 3

-ḍa̭phsu॒ṣade॒ va-ḍva̭na॒sade॒ va-ḍba̭rhi॒ṣade॒ vaṭ-thsṷva॒rvide॒ vaṭ || ye de॒vā de॒vānāṃ᳚-ya~॒jñiyā̭ ya॒jñiyā̭nāgṃ saṃva~-thsa॒rīṇa॒mupa̭ bhā॒gamāsa̭te | a॒hu॒tādo̭ ha॒viṣo̭ ya॒jñe a॒smin-thsva॒ya-ñjṷhuddhva॒-mmadhṷno ghṛ॒tasya̭ || ye de॒vā de॒veṣvadhi̭ deva॒tvamāya॒n॒ ye brahma̭ṇaḥ pura e॒tāro̭ a॒sya | yebhyo॒ narte pava̭te॒ dhāma॒ ki-ñca॒na na te di॒vo na pṛ̭thi॒vyā adhi॒ snuṣṷ || prā॒ṇa॒dā [prā॒ṇa॒dāḥ, a॒pā॒na॒dā vyā̭na॒dā-] 4

a̭pāna॒dā vyā̭na॒dā-śca̭kṣu॒rdā va̭rco॒dā va̭rivo॒dāḥ | a॒nya-ntḙ a॒sma-tta̭pantu he॒tayaḥ̭ pāva॒ko a॒smabhyagṃ̭ śi॒vo bha̭va || a॒gnisti॒gmena̭ śo॒ciṣā॒ yagṃsa॒dviśva॒-nnya̭triṇa᳚m | a॒gnirno̭ vagṃsate ra॒yim || sainā-'nī̭kena suvi॒datro̭ a॒sme yaṣṭā̭ de॒vāgṃ āya̭jiṣṭha-ssva॒sti | ada̭bdho go॒pā u॒ta naḥ̭ para॒spā agne᳚ dyu॒madu॒ta re॒va-ddi̭dīhi || 5 ||

(upa̭-de॒vān-vaṭ-prā̭ṇa॒dā-ścatṷścatvārigṃśacca) (a. 1)

ya i॒mā viśvā॒ bhuva̭nāni॒ juhva॒dṛṣi॒r॒hotā̭ niṣa॒sādā̭ pi॒tā naḥ̭ | sa ā॒śiṣā॒ dravi̭ṇami॒cchamā̭naḥ parama॒cchado॒ vara॒ ā vi̭veśa || vi॒śvaka̭rmā॒ mana̭sā॒ yadvihā̭yā dhā॒tā vi̭dhā॒tā pa̭ra॒mota sa॒ndṛk | teṣā̭mi॒ṣṭāni॒ sami॒ṣā ma̭danti॒ yatra̭ sapta॒r॒ṣī-npa॒ra eka̭mā॒huḥ || yo naḥ̭ pi॒tā ja̭ni॒tā yo vi̭dhā॒tā yo naḥ̭ sa॒to a॒bhyā sajja॒jāna̭ | 6

yo de॒vānā᳚-nnāma॒dhā eka̭ e॒va tagṃ sa̭mpra॒śña-mbhuva̭nā yantya॒nyā || ta ā-'ya̭janta॒ dravi̭ṇa॒gṃ॒ sama̭smā॒ ṛṣa̭yaḥ॒ pūrvḙ jari॒tāro॒ na bhū॒nā | a॒sūrtā॒ sūrtā॒ raja̭so vi॒māne॒ ye bhū॒tāni̭ sa॒makṛ̭ṇvanni॒māni̭ || na taṃ-vi~̭dātha॒ ya i॒da-ñja॒jānā॒nya-dyu॒ṣmāka॒manta̭ra-mbhavāti | nī॒hā॒reṇa॒ prāvṛ̭tā॒ jalpyā̭ cāsu॒tṛpa̭ uktha॒ śāsa̭ścaranti || pa॒ro di॒vā pa॒ra e॒nā [pa॒ra e॒nā, pṛ॒thi॒vyā pa॒ro] 7

pṛ̭thi॒vyā pa॒ro de॒vebhi॒rasṷrai॒rguhā॒ yat | kagg svi॒dgarbha̭-mpratha॒ma-nda̭ddhra॒ āpo॒ yatra̭ de॒vā-ssa॒maga̭cchanta॒ viśve᳚ || tamidgarbha̭-mpratha॒ma-nda̭ddhra॒ āpo॒ yatra̭ de॒vā-ssa॒maga̭cchanta॒ viśve᳚ | a॒jasya॒ nābhā॒vaddhyeka॒-marpi̭taṃ॒-ya~smi̭nni॒daṃ-vi~śva॒-mbhuva̭na॒madhi̭ śri॒tam || vi॒śvaka̭rmā॒ hyaja̭niṣṭa de॒va ādi-dga̭ndha॒rvo a̭bhava-ddvi॒tīyaḥ̭ | tṛ॒tīyaḥ̭ pi॒tā ja̭ni॒tauṣa̭dhīnā- [pi॒tā ja̭ni॒tauṣa̭dhīnām, a॒pā-ṅgarbhaṃ॒-vya~̭dadhā-tpuru॒trā |] 8

-ma॒pā-ṅgarbhaṃ॒-vya~̭dadhā-tpuru॒trā || cakṣṷṣaḥ pi॒tā mana̭sā॒ hi dhīro̭ ghṛ॒tamḙne ajana॒nna̭māne | ya॒dedantā॒ ada̭dṛgṃhanta॒ pūrva॒ ādi-ddyāvā̭pṛthi॒vī a̭prathetām || vi॒śvata̭-ścakṣuru॒ta vi॒śvato̭mukho vi॒śvato̭hasta u॒ta vi॒śvata̭spāt | sa-mbā॒hubhyā॒-nnama̭ti॒ sa-mpata̭trai॒ rdyāvā̭pṛthi॒vī ja॒naya̭-nde॒va ekaḥ̭ || kigg svi̭dāsī-dadhi॒ṣṭhāna̭-mā॒rambha̭ṇa-ṅkata॒ma-thsvi॒-tkimā̭sīt | yadī॒ bhūmi̭-ñja॒naya̭- [yadī॒ bhūmi̭-ñja॒nayanṋ, vi॒śvaka̭rmā॒] 9

-nvi॒śvaka̭rmā॒ vi dyāmaurṇo᳚-nmahi॒nā vi॒śvaca̭kṣāḥ || kigg svi॒dvana॒-ṅka u॒ sa vṛ॒kṣa ā̭sī॒dyato॒ dyāvā̭pṛthi॒vī ni̭ṣṭata॒kṣuḥ | manī̭ṣiṇo॒ mana̭sā pṛ॒cchatedu॒ tadyada॒ddhyati̭ṣṭha॒-dbhuva̭nāni dhā॒rayanṋ || yā te॒ dhāmā̭ni para॒māṇi॒ yā-'va॒mā yā ma̭ddhya॒mā vi̭śvakarmannu॒temā | śikṣā॒ sakhi̭bhyo ha॒viṣi̭ svadhāva-ssva॒yaṃ-ya~̭jasva ta॒nuva̭-ñjuṣā॒ṇaḥ || vā॒caspatiṃ̭-vi~॒śvaka̭rmāṇa-mū॒tayḙ [-mū॒taye᳚, ma॒no॒yujaṃ॒-vā~jḙ] 10

mano॒yujaṃ॒-vā~jḙ a॒dyā hṷvema | sa no॒ nedi̭ṣṭhā॒ hava̭nāni joṣate vi॒śvaśa̭bhūṃ॒rava̭se sā॒dhuka̭rmā || viśva̭karman. ha॒viṣā̭ vāvṛdhā॒na-ssva॒yaṃ-ya~̭jasva ta॒nuva̭-ñjuṣā॒ṇaḥ | muhya̭ntva॒nye a॒bhitaḥ̭ sa॒patnā̭ i॒hāsmāka̭-mma॒ghavā̭ sū॒rira̭stu || viśva̭karman. ha॒viṣā॒ vardha̭nena trā॒tāra॒mindra̭-makṛṇorava॒ddhyam | tasmai॒ viśa॒-ssama̭namanta pū॒rvīra॒yamu॒gro vi̭ha॒vyo̭ yathā-'sa̭t || sa॒mu॒drāya̭ va॒yunā̭ya॒ sindhṷ̄nā॒-mpata̭ye॒ namaḥ̭ | na॒dīnā॒gṃ॒ sarvā̭sā-mpi॒tre jṷhu॒tā vi॒śvaka̭rmaṇe॒ viśvā-'hāma̭rtyagṃ ha॒viḥ || 11 ||

(ja॒jānai॒ - nau - ṣa̭dhīnāṃ॒ - bhūmi̭-ñja॒naya̭ - nnū॒taye॒ - namo॒ - nava̭ ca) (a. 2)

udḙnamutta॒rā-nna॒yāgnḙ ghṛtenā-''huta | rā॒yaspoṣḙṇa॒ sagṃ sṛ̭ja pra॒jayā̭ ca॒ dhanḙna ca || indre॒ma-mpra̭ta॒rā-ṅkṛ̭dhi sajā॒tānā̭-masadva॒śī | samḙnaṃ॒-va~rca̭sā sṛja de॒vebhyo̭ bhāga॒dhā a̭sat || yasya̭ ku॒rmo ha॒virgṛ॒he tama̭gne vardhayā॒ tvam | tasma̭ de॒vā adhi̭ bravanna॒ya-ñca॒ brahma̭ṇa॒spatiḥ̭ || udṷ tvā॒ viśvḙ de॒vā [viśvḙ de॒vāḥ, agne॒ bhara̭ntu॒ citti̭bhiḥ |] 12

agne॒ bhara̭ntu॒ citti̭bhiḥ | sa no̭ bhava śi॒vata̭ma-ssu॒pratī̭ko vi॒bhāva̭suḥ || pañca॒ diśo॒ daivī᳚rya॒jñama̭vantu de॒vīrapāma̭ti-ndurma॒ti-mbādha̭mānāḥ | rā॒yaspoṣḙ ya॒jñapa̭ti-mā॒bhaja̭ntīḥ || rā॒yaspoṣe॒ adhi̭ ya॒jño a̭sthā॒-thsami̭ddhe a॒gnāvadhi̭ māmahā॒naḥ | u॒kthapa̭tra॒ īḍyo̭ gṛbhī॒tasta॒pta-ṅgha॒rma-mpa̭ri॒gṛhyā̭yajanta || ū॒rjā ya-dya॒jñamaśa̭manta de॒vā daivyā̭ya dha॒rtre joṣṭre᳚ | de॒va॒śrī-śśrīma̭ṇā-śśa॒tapa̭yāḥ [de॒va॒śrī-śśrīma̭ṇā-śśa॒tapa̭yāḥ, pa॒ri॒gṛhya̭] 13

pari॒gṛhya̭ de॒vā ya॒jñamā̭yann || sūrya̭raśmi॒r॒hari̭keśaḥ pu॒rastā᳚-thsavi॒tā jyoti॒ruda̭yā॒gṃ॒ aja̭sram | tasya̭ pū॒ṣā pra̭sa॒vaṃ-yā~̭ti de॒va-ssa॒paṃśya॒n viśvā॒ bhuva̭nāni go॒pāḥ || de॒vā de॒vebhyo̭ addhva॒ryanto̭ asthurvī॒tagṃ śa̭mi॒tre śa̭mi॒tā ya॒jaddhyai᳚ | tu॒rīyo̭ ya॒jño yatra̭ ha॒vyameti॒ tataḥ̭ pāva॒kā ā॒śiṣo̭ no juṣantām || vi॒māna̭ e॒ṣa di॒vo maddhya̭ āsta āpapri॒vā-nroda̭sī a॒ntari̭kṣam | sa vi॒śvācī̭ra॒bhi- [sa vi॒śvācī̭ra॒bhi, ca॒ṣṭe॒ ghṛ॒tācī̭ranta॒rā] 14

-ca̭ṣṭe ghṛ॒tācī̭ranta॒rā pūrva॒mapa̭ra-ñca ke॒tum || u॒kṣā sa̭mu॒dro a̭ru॒ṇa-ssṷpa॒rṇaḥ pūrva̭sya॒ yoni̭-mpi॒turā vi̭veśa | maddhyḙ di॒vo nihi̭taḥ॒ pṛśñi॒raśmā॒ vi ca̭krame॒ raja̭saḥ pā॒tyantau᳚ || indraṃ॒-vi~śvā̭ avīvṛdhan-thsamu॒dravya̭casa॒-ṅgiraḥ̭ | ra॒thīta̭magṃ rathī॒nāṃ-vā~jā̭nā॒gṃ॒ satpa̭ti॒-mpati᳚m || su॒mna॒hūrya॒jño de॒vāgṃ ā ca̭ vakṣa॒dyakṣa̭da॒gnirde॒vo de॒vāgṃ ā ca̭ vakṣat || vāja̭sya mā prasa॒veno᳚-dgrā॒bheṇo-da̭grabhīt | athā̭ sa॒patnā॒gṃ॒ indro̭ me nigrā॒bheṇādha̭rāgṃ akaḥ || u॒dgrā॒bha-ñca̭ nigrā॒bha-ñca॒ brahma̭ de॒vā a̭vīvṛdhann | athā̭ sa॒patnā̭nindrā॒gnī mḙ viṣū॒cīnā॒n vya̭syatām || 15 ||

(de॒vāḥ - śa॒tapa̭yā - a॒bhi - vāja̭sya॒ - ṣaḍvigṃ̭śatiśca ) (a. 3)

ā॒śu-śśiśā̭no vṛṣa॒bho na yu॒ddhmo gha̭nāgha॒naḥ, kṣobha̭ṇa-ścarṣaṇī॒nām | sa॒ṅkranda̭no-'nimi॒ṣa ḙka vī॒ra-śśa॒tagṃ senā̭ ajaya-thsā॒kamindraḥ̭ || sa॒ṅkranda̭nenā nimi॒ṣeṇa̭ ji॒ṣṇunā̭ yutkā॒reṇa̭ duścyava॒nena̭ dhṛ॒ṣṇunā᳚ | tadindrḙṇa jayata॒ ta-thsa̭haddhvaṃ॒-yu~dho̭ nara॒ iṣṷhastena॒ vṛṣṇā᳚ || sa iṣṷhastai॒-ssa ni̭ṣa॒ṅgibhi̭rva॒śī saggsra̭ṣṭā॒ sa yudha॒ indro̭ ga॒ṇena̭ | sa॒gṃ॒sṛ॒ṣṭa॒ji-thso̭ma॒pā bā̭huśa॒rdhyū᳚rdhvadha̭nvā॒ prati̭hitābhi॒rastā᳚ || bṛha̭spate॒ pari̭ dīyā॒ [pari̭ dīya, rathḙna] 16

rathḙna rakṣo॒hā 'mitrāgṃ̭ apa॒ bādha̭mānaḥ | pra॒bha॒ñjan-thsenāḥ᳚ pramṛ॒ṇo yu॒dhā jaya̭nna॒smāka̭-meddhyavi॒tā rathā̭nām || go॒tra॒bhida̭-ṅgo॒vidaṃ॒-va~jra̭bāhu॒-ñjaya̭nta॒majma̭ pramṛ॒ṇanta॒-moja̭sā | i॒magṃ sa̭jātā॒ anṷvīra-yaddhva॒mindragṃ̭ sakhā॒yo-'nu॒ sagṃ ra̭bhaddhvam || ba॒la॒vi॒jñā॒yaḥ-sthavi̭raḥ॒ pravī̭ra॒-ssaha̭svān. vā॒jī saha̭māna u॒graḥ | a॒bhivī̭ro a॒bhisa̭tvā saho॒jā jaitra̭mindra॒ ratha॒māti̭ṣṭha go॒vit || a॒bhi go॒trāṇi॒ saha̭sā॒ gāha̭māno-'dā॒yo [gāha̭māno-'dā॒yaḥ, vī॒ra-śśa॒tama̭nyu॒rindraḥ̭ |] 17

vī॒ra-śśa॒tama̭nyu॒rindraḥ̭ | du॒ścya॒va॒naḥ pṛ̭tanā॒ṣāḍa̭ yu॒ddhyo᳚-smāka॒gṃ॒ senā̭ avatu॒ pra yu॒thsu || indra̭ āsāṃ-ne॒tā bṛha॒spati॒ rdakṣi̭ṇā ya॒jñaḥ pu॒ra ḙtu॒ somaḥ̭ | de॒va॒se॒nānā̭-mabhibhañjatī॒nā-ñjaya̭ntīnā-mma॒ruto̭ ya॒ntvagre᳚ || indra̭sya॒ vṛṣṇo॒ varṷṇasya॒ rājña̭ ādi॒tyānā᳚-mma॒rutā॒gṃ॒ śardha̭ u॒gram | ma॒hāma̭nasā-mbhuvanacya॒vānā॒-ṅghoṣo̭ de॒vānā॒-ñjaya̭tā॒ muda̭sthāt || a॒smāka॒-mindra॒-ssamṛ̭teṣu dhva॒jeṣva॒smākaṃ॒-yā~ iṣa̭va॒stā ja̭yantu | 18

a॒smākaṃ̭-vī~॒rā utta̭re bhavantva॒smānṷ devā avatā॒ havḙṣu || uddha̭rṣaya maghava॒nnā-yṷdhā॒-nyuthsatva̭nā-mmāma॒kānā॒-mmahāgṃ̭si | udvṛ̭trahan vā॒jināṃ॒-vā~ji̭nā॒nyu-drathā̭nā॒-ñjaya̭tāmetu॒ ghoṣaḥ̭ || upa॒ preta॒ jaya̭tā narassthi॒rā vaḥ̭ santu bā॒havaḥ̭ | indro̭ va॒-śśarma̭ yaccha tvanā-dhṛ॒ṣyā yathāsa̭tha || ava̭sṛṣṭā॒ parā̭ pata॒ śara̭vye॒ brahma̭ sagṃśitā | gacchā॒-'mitrā॒-npra- [gacchā॒-'mitrā॒-npra, vi॒śa॒ maiṣā॒-] 19

-vi̭śa॒ maiṣā॒-ṅkañca॒nocchi̭ṣaḥ || marmā̭ṇi te॒ varma̭bhiśchādayāmi॒ soma̭stvā॒ rājā॒ 'mṛtḙnā॒bhi-va̭stām | u॒rorvarī̭yo॒ vari̭vaste astu॒ jaya̭nta॒-ntvāmanṷ madantu de॒vāḥ || yatra̭ bā॒ṇā-ssa॒mpata̭nti kumā॒rā vi̭śi॒khā i̭va | indro̭ na॒statra̭ vṛtra॒hā vi̭śvā॒hā śarma̭ yacchatu || 20 ||

(dī॒yā॒ - 'dā॒yo - ja̭yantva॒ - mitrā॒-npra - ca̭tvāri॒gṃ॒śacca̭) (a. 4)

prācī॒manṷ pra॒diśa॒-mprehi̭ vi॒dvāna॒gnera̭gne pu॒ro a̭gnirbhave॒ha | viśvā॒ āśā॒ dīdyā̭no॒ vi bhā॒hyūrja̭-nno dhehi dvi॒pade॒ catṷṣpade || krama̭ddhvama॒gninā॒ nāka॒mukhya॒gṃ॒ hastḙṣu॒ bibhra̭taḥ | di॒vaḥ pṛ॒ṣṭhagṃ suva̭rga॒tvā mi॒śrā de॒vebhi̭rāddhvam || pṛ॒thi॒vyā a॒hamuda॒ntari̭kṣa॒-mā-'rṷha-ma॒ntari̭kṣā॒-ddiva॒mā-'rṷham | di॒vo nāka̭sya pṛ॒ṣṭhā-thsuva॒rjyoti̭ragā- [pṛ॒ṣṭhā-thsuva॒rjyoti̭ragām, a॒ham |] 21

-ma॒ham || suva॒ryanto॒ nāpe᳚kṣanta॒ ā dyāgṃ ro̭hanti॒ roda̭sī | ya॒jñaṃ-ye~ vi॒śvato̭dhāra॒gṃ॒ suvi̭dvāgṃso viteni॒re || agne॒ prehi̭ pratha॒mo dḙvaya॒tā-ñcakṣṷrde॒vānā̭mu॒ta martyā̭nām | iya̭kṣamāṇā॒ bhṛgṷbhi-ssa॒joṣā॒-ssuva̭ryantu॒ yaja̭mānā-ssva॒sti || nakto॒ṣāsā॒ sama̭nasā॒ virṷ̄pe dhā॒payḙte॒ śiśu॒mekagṃ̭ samī॒cī | dyāvā॒ kṣāmā̭ ru॒kmo a॒ntarvi bhā̭ti de॒vā a॒gni-ndhā̭raya-ndraviṇo॒dāḥ || agnḙ sahasrākṣa [agnḙ sahasrākṣa, śa॒ta॒mū॒rdha॒ñcha॒ta-nte᳚] 22

śatamūrdhañcha॒ta-nte᳚ prā॒ṇā-ssa॒hasra̭mapā॒nāḥ | tvagṃ sā̭ha॒srasya̭ rā॒ya ī̭śiṣe॒ tasmai̭ te vidhema॒ vājā̭ya॒ svāhā᳚ || su॒pa॒rṇo̭-'si ga॒rutmā᳚-npṛthi॒vyāgṃ sī̭da pṛ॒ṣṭhe pṛ̭thi॒vyā-ssī̭da bhā॒sā-'ntari̭kṣa॒mā pṛ̭ṇa॒ jyoti̭ṣā॒ diva॒mutta̭bhāna॒ teja̭sā॒ diśa॒ u-ddṛgṃ̭ha || ā॒juhvā̭na-ssu॒pratī̭kaḥ pu॒rastā॒dagne॒ svāṃ-yo~ni॒mā sī̭da sā॒ddhyā | a॒smin-thsa॒dhasthe॒ addhyutta̭rasmi॒n viśvḙ devā॒ [addhyutta̭rasmi॒n viśvḙ devāḥ, yaja̭mānaśca sīdata |] 23

yaja̭mānaśca sīdata || preddho̭ agne dīdihi pu॒ro no-'ja̭srayā sū॒rmyā̭ yaviṣṭha | tvāgṃ śaśva̭nta॒ upa̭ yanti॒ vājāḥ᳚ || vi॒dhema̭ te para॒me janma̭nnagne vi॒dhema॒ stomai॒rava̭re sa॒dhasthe᳚ | yasmā॒-dyonḙru॒dāri̭thā॒ yaje॒ ta-mpratve ha॒vīgṃṣi̭ juhure॒ sami̭ddhe || tāgṃ sa̭vi॒turvare᳚ṇyasya ci॒trāmā-'haṃ-vṛ~̭ṇe suma॒tiṃ-vi~॒śvaja̭nyām | yāma̭sya॒ kaṇvo॒ adṷha॒-tprapī̭nāgṃ sa॒hasra̭dhārā॒- [sa॒hasra̭dhārām, paya̭sā ma॒hī-ṅgām |] 24

-mpaya̭sā ma॒hī-ṅgām || sa॒pta tḙ agne sa॒midhaḥ̭ sa॒pta ji॒hvā-ssa॒ptarṣa̭ya-ssa॒pta dhāma̭ pri॒yāṇi̭ | sa॒pta hotrā᳚-ssapta॒dhā tvā̭ yajanti sa॒pta yonī॒rā pṛ̭ṇasvā ghṛ॒tena̭ || ī॒dṛ-ñcā᳚nyā॒dṛ-ñcai̭tā॒dṛñca̭ prati॒dṛ-ñca̭ mi॒taśca॒ sammi̭taśca॒ sabha̭rāḥ || śu॒krajyo̭tiśca ci॒trajyo̭tiśca sa॒tyajyo̭tiśca॒ jyoti̭ṣmāgśca sa॒tyaśca̭rta॒pāścātyagṃ̭hāḥ | 25

ṛ॒ta॒jicca̭ satya॒jicca̭ sena॒jicca̭ su॒ṣeṇa॒ścāntya̭mitraśca dū॒re a̭mitraśca ga॒ṇaḥ || ṛ॒taśca̭ sa॒tyaśca̭ dhru॒vaśca̭ dha॒ruṇa̭śca dha॒rtā ca̭ vidha॒rtā ca̭ vidhāra॒yaḥ || ī॒dṛkṣā̭sa etā॒dṛkṣā̭sa ū॒ ṣuṇaḥ̭ sa॒dṛkṣā̭saḥ॒ prati̭sadṛkṣāsa॒ eta̭na | mi॒tāsa̭śca॒ sammi̭tāsaśca na ū॒taye॒ sabha̭raso maruto ya॒jñe a॒sminnindra॒-ndaivī॒rviśo̭ ma॒ruto-'nṷvartmāno॒ yathendra॒-ndaivī॒rviśo̭ ma॒ruto-'nṷvartmāna e॒vami॒maṃ-ya~ja̭māna॒-ndaivī᳚śca॒ viśo॒ mānṷṣī॒ścānṷvartmāno bhavantu || 26 ||

(a॒gā॒gṃ॒ - sa॒ha॒srā॒kṣa॒ - de॒vāḥ॒ - sa॒hasra̭dhārā॒ - matyagṃ̭hā॒ - anṷvartmānaḥ॒ - ṣoḍa̭śa ca) (a. 5)

jī॒mūta̭syeva bhavati॒ pratī̭kaṃ॒-ya~dva॒rmī yāti̭ sa॒madā̭mu॒pasthe᳚ | anā̭viddhayā ta॒nuvā̭ jaya॒ tvagṃ sa tvā॒ varma̭ṇo mahi॒mā pi̭partu || dhanva̭nā॒ gā dhanva̭nā॒-''ji-ñja̭yema॒ dhanva̭nā tī॒vrā-ssa॒mado̭ jayema | dhanu॒-śśatro̭rapakā॒ma-ṅkṛ̭ṇoti॒ dhanva̭nā॒ sarvāḥ᳚ pra॒diśo̭ jayema || va॒kṣyantī॒vedā ga̭nīganti॒ karṇa̭-mpri॒yagṃ sakhā̭ya-mpariṣasvajā॒nā | yoṣḙva śiṅkte॒ vita॒tā-'dhi॒ dhanva॒- [dhanvanṋ, jyā i॒yagṃ] 27

-ñjyā i॒yagṃ sama̭ne pā॒raya̭ntī || te ā॒cara̭ntī॒ sama̭neva॒ yoṣā̭ mā॒teva̭ pu॒tra-mbi̭bhṛtāmu॒pasthe᳚ | apa॒ śatrūṋ viddhyatāgṃ saṃvi~dā॒ne ārtnī̭ i॒me vi̭ṣphu॒rantī̭ a॒mitrāṋ || ba॒hvī॒nā-mpi॒tā ba॒hura̭sya pu॒traści॒ścā kṛ̭ṇoti॒ sama̭nā-'va॒gatya̭ | i॒ṣu॒dhi-ssaṅkāḥ॒ pṛta̭nāśca॒ sarvāḥ᳚ pṛ॒ṣṭhe nina̭ddho jayati॒ prasṷ̄taḥ || rathe॒ tiṣṭha̭-nnayati vā॒jinaḥ̭ pu॒ro yatra̭yatra kā॒maya̭te suṣāra॒thiḥ | a॒bhīśṷ̄nā-mmahi॒māna̭- [mahi॒māna᳚m, pa॒nā॒ya॒ta॒ manaḥ̭] 28

-mpanāyata॒ manaḥ̭ pa॒ścādanṷ yacchanti ra॒śmayaḥ̭ || tī॒vrā-nghoṣā᳚n kṛṇvate॒ vṛṣa̭pāṇa॒yo-'śvā॒ rathḙbhi-ssa॒ha vā॒jaya̭ntaḥ | a॒va॒krāma̭ntaḥ॒ prapa̭daira॒mitrā᳚n kṣi॒ṇanti॒ śatrū॒gṃ॒rana̭pavyayantaḥ || ra॒tha॒vāha̭nagṃ ha॒vira̭sya॒ nāma॒ yatrā-''yṷdha॒-nnihi̭tamasya॒ varma̭ | tatrā॒ ratha॒mupa̭ śa॒gmagṃ sa̭dema vi॒śvāhā̭ va॒yagṃ sṷmana॒syamā̭nāḥ || svā॒du॒ṣa॒gṃ॒ sadaḥ̭ pi॒taro̭ vayo॒dhāḥ kṛ̭cchre॒śrita॒-śśaktī̭vanto gabhī॒rāḥ | ci॒trasḙnā॒ iṣṷbalā॒ amṛ̭ddhrā-ssa॒tovī̭rā u॒ravo᳚ vrātasā॒hāḥ || brāhma̭ṇāsaḥ॒ [brāhma̭ṇāsaḥ, pita̭ra॒-] 29

pita̭ra॒-ssomyā̭sa-śśi॒ve no॒ dyāvā̭pṛthi॒vī a̭ne॒hasā᳚ | pū॒ṣā naḥ̭ pātu duri॒tādṛ̭tāvṛdho॒ rakṣā॒ māki̭rno a॒ghaśagṃ̭sa īśata || su॒pa॒rṇaṃ-va~̭ste mṛ॒go a̭syā॒ danto॒ gobhi॒-ssanna̭ddhā patati॒ prasṷ̄tā | yatrā॒ nara॒-ssa-ñca॒ vi ca॒ drava̭nti॒ tatrā॒smabhya॒miṣa̭va॒-śśarma̭ yagṃsann || ṛjī̭te॒ pari̭ vṛṅgdhi॒ no-'śmā̭ bhavatu nasta॒nūḥ | somo॒ adhi̭ bravītu॒ no-'di̭ti॒- [no-'di̭tiḥ, śarma̭ yacchatu |] 30

-śśarma̭ yacchatu || ā ja̭ṅghanti॒ sānvḙṣā-ñja॒ghanā॒gṃ॒ upa̭ jighnate | aśvā̭jani॒ pracḙta॒so-'śvā᳚n-thsa॒mathsṷ codaya || ahi̭riva bho॒gaiḥ paryḙti bā॒hu-ñjyāyā̭ he॒ti-mpa̭ri॒bādha̭mānaḥ | ha॒sta॒ghno viśvā̭ va॒yunā̭ni vi॒dvā-npumā॒-npumāgṃ̭sa॒-mpari̭ pātu vi॒śvataḥ̭ || vana̭spate vī॒ḍva̭ṅgo॒ hi bhū॒yā a॒sma-thsa̭khā pra॒tara̭ṇa-ssu॒vīraḥ̭ | gobhi॒-ssanna̭ddho asi vī॒ḍaya̭svā-''sthā॒tā tḙ jayatu॒ jetvā̭ni || di॒vaḥ pṛ̭thi॒vyāḥ pa- [pari̭, oja॒ u-dbhṛ̭taṃ॒-] 31

-ryoja॒ u-dbhṛ̭taṃ॒-va~na॒spati̭bhyaḥ॒ paryābhṛ̭ta॒gṃ॒ sahaḥ̭ | a॒pāmo॒jmāna॒-mpari॒ gobhi॒rāvṛ̭ta॒mindra̭sya॒ vajragṃ̭ ha॒viṣā॒ rathaṃ̭-ya~ja || indra̭sya॒ vajro̭ ma॒rutā॒manī̭ka-mmi॒trasya॒ garbho॒ varṷṇasya॒ nābhiḥ̭ | semā-nno̭ ha॒vyadā̭ti-ñjuṣā॒ṇo deva̭ ratha॒ prati̭ ha॒vyā gṛ̭bhāya || upa̭ śvāsaya pṛthi॒vīmu॒ta dyā-mpṷru॒trā tḙ manutāṃ॒-vi~ṣṭhi̭ta॒-ñjaga̭t | sa dṷndubhe sa॒jūrindrḙṇa de॒vairdū॒rā- [de॒vairdū॒rāt, davī̭yo॒] 32

-ddavī̭yo॒ apa̭sedha॒ śatrūṋ || ā kra̭ndaya॒ bala॒mojo̭ na॒ ā dhā॒ niṣṭa̭nihi duri॒tā bādha̭mānaḥ | apa̭ protha dundubhe du॒cchunāgṃ̭ i॒ta indra̭sya mu॒ṣṭira̭si vī॒ḍaya̭sva || ā-'mūra̭ja pra॒tyāva̭rtaye॒māḥ kḙtu॒ma-ddṷndu॒bhi rvā̭vadīti | samaśva̭parṇā॒ścara̭nti no॒ naro॒-'smāka̭mindra ra॒thino̭ jayantu || 33 ||

(dhanva̭n - mahi॒mānaṃ॒ - brāhma̭ṇā॒so - 'di̭tiḥ - pṛthi॒vyāḥ pari̭ - dū॒rā - deka̭catvārigṃśacca) (a. 6)

yadakra̭ndaḥ pratha॒ma-ñjāya̭māna u॒dyan-thsa̭mu॒drādu॒ta vā॒ purī̭ṣāt | śye॒nasya̭ pa॒kṣā ha̭ri॒ṇasya̭ bā॒hū ṷpa॒stutya॒-mmahi̭ jā॒ta-ntḙ arvann || ya॒mena̭ da॒tta-ntri॒ta ḙnamāyuna॒gindra̭ eṇa-mpratha॒mo addhya̭tiṣṭhat | ga॒ndha॒rvo a̭sya raśa॒nāma̭-gṛbhṇā॒-thsūrā॒daśvaṃ̭-va~savo॒ nira̭taṣṭa || asi̭ ya॒mo asyā̭di॒tyo a̭rva॒nnasi̭ tri॒to guhyḙna vra॒tena̭ | asi॒ somḙna sa॒mayā॒ vipṛ̭kta [vipṛ̭ktaḥ, ā॒huste॒ trīṇi̭ di॒vi bandha̭nāni |] 34

ā॒huste॒ trīṇi̭ di॒vi bandha̭nāni || trīṇi̭ ta āhurdi॒vi bandha̭nāni॒ trīṇya॒phsu trīṇya॒nta-ssa̭mu॒dre | u॒teva̭ me॒ varṷṇaśchan-thsyarva॒n॒. yatrā̭ ta ā॒huḥ pa̭ra॒ma-ñja॒nitra᳚m || i॒mā tḙ vājinnava॒mārja̭nānī॒mā śa॒phānāgṃ̭ sani॒turni॒dhānā᳚ | atrā̭ te bha॒drā ra̭śa॒nā a̭paśyamṛ॒tasya॒ yā a̭bhi॒rakṣa̭nti go॒pāḥ || ā॒tmāna̭-nte॒ mana̭sā॒-''rāda̭jānāma॒vo di॒vā [ ] 35

pa॒taya̭nta-mpata॒ṅgam | śiro̭ apaśya-mpa॒thibhiḥ̭ su॒gebhi̭rare॒ṇubhi॒rjeha̭māna-mpata॒tri || atrā̭ te rū॒pamṷtta॒mama̭paśya॒-ñjigī̭ṣamāṇami॒ṣa ā pa॒de goḥ | ya॒dā te॒ marto॒ anu॒ bhoga॒māna॒ḍādi-dgrasi̭ṣṭha॒ oṣa̭dhīrajīgaḥ || anṷ tvā॒ ratho॒ anu॒ maryo̭ arva॒nnanu॒ gāvo-'nu॒ bhagaḥ̭ ka॒nīnā᳚m | anu॒ vrātā̭sa॒stava̭ sa॒khyamī̭yu॒ranṷ de॒vā ma̭mire vī॒rya̭- [vī॒rya᳚m, te |] 36

-nte || hira̭ṇyaśṛ॒ṅgo-'yo̭ asya॒ pādā॒ mano̭javā॒ ava̭ra॒ indra̭ āsīt | de॒vā ida̭sya havi॒radya̭māya॒n॒. yo arva̭nta-mpratha॒mo a॒ddhyati̭ṣṭhat || ī॒rmāntā̭sa॒-ssili̭kamaddhyamāsa॒-ssagṃ śūra̭ṇāso di॒vyāso॒ atyāḥ᳚ | ha॒gṃ॒sā i̭va śreṇi॒śo ya̭tante॒ yadākṣi̭ṣurdi॒vya-majma॒maśvāḥ᳚ || tava॒ śarī̭ra-mpatayi॒ṣṇva̭rva॒-ntava̭ ci॒ttaṃ-vā~ta̭ iva॒ dhrajī̭mān | tava॒ śṛṅgā̭ṇi॒ viṣṭhi̭tā puru॒trā-'ra̭ṇyeṣu॒ jarbhṷrāṇā caranti || upa॒ [upa̭, prāgā॒cchasa̭naṃ-] 37

prāgā॒cchasa̭naṃ-vā~॒jyarvā̭ deva॒drīcā॒ mana̭sā॒ dīddhyā̭naḥ | a॒jaḥ pu॒ro nī̭yate॒ nābhi̭ra॒syānṷ pa॒ścā-tka॒vayo̭ yanti re॒bhāḥ || upa॒ prāgā᳚-tpara॒maṃ-ya~-thsa॒dhastha॒marvā॒gṃ॒ acchā̭ pi॒tara̭-mmā॒tara̭-ñca | a॒dyā de॒vān juṣṭa̭tamo॒ hi ga॒myā athā-''śā᳚ste dā॒śuṣe॒ vāryā̭ṇi || 38 ||

(vipṛ̭kto - di॒vā - vī॒rya̭ - mupai - kā॒nnaca̭tvāri॒gṃ॒śacca̭) (a. 7)

mā no̭ mi॒tro varṷṇo arya॒mā-''yurindra̭ ṛbhu॒kṣā ma॒rutaḥ॒ pari̭ khyann | ya-dvā॒jino̭ de॒vajā̭tasya॒ sapteḥ᳚ prava॒kṣyāmo̭ vi॒dathḙ vī॒ryā̭ṇi || yanni॒rṇijā॒ rekṇa̭sā॒ prāvṛ̭tasya rā॒ti-ṅgṛ̭bhī॒tā-mmṷkha॒to naya̭nti | suprā̭ṅa॒jo memya̭-dvi॒śvarṷ̄pa indrāpū॒ṣṇoḥ pri॒yamapyḙti॒ pāthaḥ̭ || e॒ṣa cchāgaḥ̭ pu॒ro aśvḙna vā॒jinā̭ pū॒ṣṇo bhā॒go nī̭yate vi॒śvade᳚vyaḥ | a॒bhi॒priyaṃ॒-ya~-tpṷro॒ḍāśa॒marva̭tā॒ tvaṣṭe- [tvaṣṭet, e॒na॒gṃ॒ sau॒śra॒va॒sāya̭ jinvati |] 39

-dḙnagṃ sauśrava॒sāya̭ jinvati || yaddha॒viṣya̭mṛtu॒śo dḙva॒yāna॒-ntrirmānṷṣāḥ॒ paryaśva॒-nnaya̭nti | atrā̭ pū॒ṣṇaḥ pra̭tha॒mo bhā॒ga ḙti ya॒jña-nde॒vebhyaḥ̭ prative॒daya̭nna॒jaḥ || hotā᳚-'ddhva॒ryurāva̭yā agnimi॒ndho grā̭vagrā॒bha u॒ta śaggstā॒ suvi̭praḥ | tena̭ ya॒jñena॒ sva̭raṅkṛtena॒ svi̭ṣṭena va॒kṣaṇā॒ ā pṛ̭ṇaddhvam || yū॒pa॒vra॒skā u॒ta ye yṷ̄pavā॒hāśca॒ṣālaṃ॒-ye~ a̭śvayū॒pāya॒ takṣa̭ti | ye cārva̭te॒ paca̭nagṃ sa॒bhaṃra̭ntyu॒to [ ] 40

teṣā̭-ma॒bhigū᳚rtirna invatu || upa॒ prāgā᳚-thsu॒manmḙ-'dhāyi॒ manma̭ de॒vānā॒māśā॒ upa̭ vī॒tapṛ̭ṣṭhaḥ | anvḙnaṃ॒-vi~prā॒ ṛṣa̭yo madanti de॒vānā᳚-mpu॒ṣṭe ca̭kṛmā su॒bandhu᳚m || ya-dvā॒jino॒ dāma̭ sa॒dānna॒marva̭to॒ yā śī̭rṣa॒ṇyā̭ raśa॒nā rajjṷrasya | yadvā̭ ghāsya॒ prabhṛ̭tamā॒syḙ tṛṇa॒gṃ॒ sarvā॒ tā te॒ api̭ de॒veṣva̭stu || yadaśva̭sya kra॒viṣo॒ [yadaśva̭sya kra॒viṣaḥ̭, makṣi॒kā-''śa॒] 41

makṣi॒kā-''śa॒ yadvā॒ svarau॒ svadhi̭tau ri॒ptamasti̭ | yaddhasta̭yo-śśami॒turyanna॒kheṣu॒ sarvā॒ tā te॒ api̭ de॒veṣva̭stu || yadūva̭ddhyamu॒dara̭syāpa॒vāti॒ ya ā॒masya̭ kra॒viṣo̭ ga॒ndho asti̭ | su॒kṛ॒tā taccha̭mi॒tāraḥ̭ kṛṇvantū॒ta medhagṃ̭ śṛta॒pāka̭-mpacantu || ya-tte॒ gātrā̭da॒gninā̭ pa॒cyamā̭nāda॒bhi śūla॒-nniha̭tasyāva॒dhāva̭ti | mā ta-dbhūmyā॒mā śri̭ṣa॒ ( )-nmā tṛṇḙṣu de॒vebhya॒stadu॒śadbhyo̭ rā॒tama̭stu || 42 ||

(i - du॒to - kra॒viṣaḥ̭ - śriṣath - sa॒pta ca̭) (a. 8)

ye vā॒jina̭-mpari॒paśya̭nti pa॒kvaṃ-ya~ ī̭mā॒hu-ssṷra॒bhirnirha॒reti̭ | ye cārva̭to māgṃsabhi॒kṣāmu॒pāsa̭ta u॒to teṣā̭ma॒bhigū᳚rtirna invatu || yannīkṣa̭ṇa-mmā॒g॒spaca̭nyā u॒khāyā॒ yā pātrā̭ṇi yū॒ṣṇa ā॒seca̭nāni | ū॒ṣma॒ṇyā̭-'pi॒dhānā̭ carū॒ṇāma॒ṅkā-ssū॒nāḥ pari̭ bhūṣa॒ntyaśva᳚m || ni॒krama̭ṇa-nni॒ṣada̭naṃ-vi~॒varta̭naṃ॒-ya~cca॒ paḍbī̭śa॒marva̭taḥ | yacca̭ pa॒pau yacca̭ ghā॒si- [ghā॒sim, ja॒ghāsa॒ sarvā॒ tā] 43

-ñja॒ghāsa॒ sarvā॒ tā te॒ api̭ de॒veṣva̭stu || mā tvā॒-'gni-rdhva̭nayi-ddhū॒maga̭ndhi॒rmokhā bhrāja̭ntya॒bhi vi̭kta॒ jaghriḥ̭ | i॒ṣṭaṃ-vī~॒tama॒bhigū᳚rtaṃ॒-va~ṣa̭ṭkṛta॒-nta-nde॒vāsaḥ॒ prati̭ gṛbhṇa॒ntyaśva᳚m || yadaśvā̭ya॒ vāsa̭ upastṛ॒ṇantya̭dhīvā॒saṃ-yā~ hira̭ṇyānyasmai | sa॒ndāna॒marva̭nta॒-mpaḍbī̭śa-mpri॒yā de॒veṣvā yā̭mayanti || ya-ttḙ sā॒de maha̭sā॒ śūkṛ̭tasya॒ pārṣṇi̭yā vā॒ kaśa̭yā [vā॒ kaśa̭yā, vā॒ tu॒toda̭ |] 44

vā tu॒toda̭ | sru॒ceva॒ tā ha॒viṣo̭ addhva॒reṣu॒ sarvā॒ tā te॒ brahma̭ṇā sūdayāmi || catṷstrigṃśa-dvā॒jino̭ de॒vaba̭ndho॒-rvaṅkrī॒-raśva̭sya॒ svadhi̭ti॒-ssamḙti | acchi̭drā॒ gātrā̭ va॒yunā̭ kṛṇota॒ parṷṣparuranu॒ghuṣyā॒ vi śa̭sta || eka॒stvaṣṭu॒raśva̭syā viśa॒stā dvā ya॒ntārā̭ bhavata॒statha॒rtuḥ | yā te॒ gātrā̭ṇāmṛtu॒thā kṛ॒ṇomi॒ tātā॒ piṇḍā̭nā॒-mpra jṷhomya॒gnau || mā tvā̭ tapa- [tapat, pri॒ya ā॒tmā-] 45

-tpri॒ya ā॒tmā-'pi॒yanta॒-mmā svadhi̭tista॒nuva॒ ā ti̭ṣṭhipa-tte | mā tḙ gṛ॒ddhnu-ra̭viśa॒stā-'ti॒hāya̭ chi॒drā gātrā᳚ṇya॒sinā॒ mithṷ̄ kaḥ || na vā ṷve॒tanmri̭yase॒ na ri̭ṣyasi de॒vāgṃ idḙṣi pa॒thibhiḥ̭ su॒gebhiḥ̭ | harī̭ te॒ yuñjā॒ pṛṣa̭tī abhūtā॒mupā᳚sthā-dvā॒jī dhu॒ri rāsa̭bhasya || su॒gavya̭-nno vā॒jī svaśvi̭ya-mpu॒gṃ॒saḥ pu॒trāgṃ u॒ta vi̭śvā॒puṣagṃ̭ ra॒yim | a॒nā॒gā॒stva-nno॒ adi̭tiḥ kṛṇotu kṣa॒tra-nno॒ aśvo̭ vanatāgṃ ha॒viṣmāṋ || 46 ||

(ghā॒siṃ-kaśa̭yā - tapa-d- ra॒yiṃ - nava̭ ca ) (a. 9)

(aśma॒n - ya i॒mo - dḙna - mā॒śuḥ - prācīṃ᳚ - jī॒mūta̭sya॒ - yadakra̭ndo॒ - mā no̭ mi॒tro - ye vā॒jinaṃ॒ - nava̭)

(aśma̭n - mano॒yujaṃ॒ - prācī॒manu॒ - śarma̭ yacchatu॒ - teṣā̭ma॒bhigū᳚rtiḥ॒ - ṣaṭca̭tvārigṃśat)

(aśma̭n, ha॒viṣmāṋ)

|| hariḥ̭ om ||

|| kṛṣṇa yajurvedīya taittirīya saṃhitāyā-ñcaturtha kāṇḍe ṣaṣṭhaḥ praśna-ssamāptaḥ ||

o-nnamaḥ paramātmane , śrī mahāgaṇapataye namaḥ , śrī gurubhyo namaḥ , ha॒riḥ॒ oṃ

Sanskrit — Devanagari (original)

कृष्ण यजुर्वेदीय तैत्तिरीय संहिताया-ञ्चतुर्थकाण्डे षष्ठः प्रश्नः - परिषेचन-संस्काराभिधानं

ओ-न्नमः परमात्मने, श्री महागणपतये नमः,

श्री गुरुभ्यो नमः । ह॒रिः॒ ओम् ॥

अश्म॒न्नूर्ज॒-म्पर्व॑ते शिश्रिया॒णां-वाँते॑ प॒र्जन्ये॒ वरु॑णस्य॒ शुष्मे᳚ । अ॒द्भ्य ओष॑धीभ्यो॒ वन॒स्पति॒भ्यो-ऽधि॒ सम्भृ॑ता॒-न्ता-न्न॒ इष॒मूर्ज॑-न्धत्त मरुत-स्सग्ं ररा॒णाः ॥ अश्मग्ग्॑स्ते॒ क्षुद॒मु-न्ते॒ शुगृ॑च्छतु॒ य-न्द्वि॒ष्मः ॥ स॒मु॒द्रस्य॑ त्वा॒-ऽवाक॒या-ऽग्ने॒ परि॑ व्ययामसि । पा॒व॒को अ॒स्मभ्यग्ं॑ शि॒वो भ॑व ॥ हि॒मस्य॑ त्वा ज॒रायु॒णा-ऽग्ने॒ परि॑ व्ययामसि । पा॒व॒को अ॒स्मभ्यग्ं॑ शि॒वो भ॑व ॥ उप॒- [उप॑, ज्मन्नुप॑] 1

-ज्मन्नुप॑ वेत॒से-ऽव॑त्तर-न्न॒दीष्वा । अग्ने॑ पि॒त्तम॒पाम॑सि ॥ मण्डू॑कि॒ ताभि॒रा ग॑हि॒ सेम-न्नो॑ य॒ज्ञम् । पा॒व॒कव॑र्णग्ं शि॒व-ङ्कृ॑धि ॥ पा॒व॒क आ चि॒तय॑न्त्या कृ॒पा । क्षाम॑-न्रुरु॒च उ॒षसो॒ न भा॒नुना᳚ ॥ तूर्व॒-न्न याम॒न्नेत॑शस्य॒ नू रण॒ आ यो घृ॒णे । न त॑तृषा॒णो अ॒जरः॑ ॥ अग्ने॑ पावक रो॒चिषा॑ म॒न्द्रया॑ देव जि॒ह्वया᳚ । आ दे॒वान् [आ दे॒वान्, व॒क्षि॒ यक्षि॑ च ।] 2

व॑क्षि॒ यक्षि॑ च ॥ स नः॑ पावक दीदि॒वो-ऽग्ने॑ दे॒वाग्ं इ॒हा-ऽऽ व॑ह । उप॑ य॒ज्ञग्ं ह॒विश्च॑ नः ॥ अ॒पामि॒द-न्न्यय॑नग्ं समु॒द्रस्य॑ नि॒वेश॑नम् । अ॒न्य-न्ते॑ अ॒स्म-त्त॑पन्तु हे॒तयः॑ पाव॒को अ॒स्मभ्यग्ं॑ शि॒वो भ॑व ॥ नम॑स्ते॒ हर॑से शो॒चिषे॒ नम॑स्ते अस्त्व॒र्चिषे᳚ । अ॒न्य-न्ते॑ अ॒स्म-त्त॑पन्तु हे॒तयः॑ पाव॒को अ॒स्मभ्यग्ं॑ शि॒वो भ॑व ॥ नृ॒षदे॒ व- [नृ॒षदे॒ वट्, अ॒फ्सु॒षदे॒ व-ड्व॑न॒सदे॒] 3

-ड॑फ्सु॒षदे॒ व-ड्व॑न॒सदे॒ व-ड्ब॑र्हि॒षदे॒ वट्-थ्सु॑व॒र्विदे॒ वट् ॥ ये दे॒वा दे॒वानां᳚-यँ॒ज्ञिया॑ य॒ज्ञिया॑नाग्ं संवँ-थ्स॒रीण॒मुप॑ भा॒गमास॑ते । अ॒हु॒तादो॑ ह॒विषो॑ य॒ज्ञे अ॒स्मिन्-थ्स्व॒य-ञ्जु॑हुद्ध्व॒-म्मधु॑नो घृ॒तस्य॑ ॥ ये दे॒वा दे॒वेष्वधि॑ देव॒त्वमाय॒न्॒ ये ब्रह्म॑णः पुर ए॒तारो॑ अ॒स्य । येभ्यो॒ नर्ते पव॑ते॒ धाम॒ कि-ञ्च॒न न ते दि॒वो न पृ॑थि॒व्या अधि॒ स्नुषु॑ ॥ प्रा॒ण॒दा [प्रा॒ण॒दाः, अ॒पा॒न॒दा व्या॑न॒दा-] 4

अ॑पान॒दा व्या॑न॒दा-श्च॑क्षु॒र्दा व॑र्चो॒दा व॑रिवो॒दाः । अ॒न्य-न्ते॑ अ॒स्म-त्त॑पन्तु हे॒तयः॑ पाव॒को अ॒स्मभ्यग्ं॑ शि॒वो भ॑व ॥ अ॒ग्निस्ति॒ग्मेन॑ शो॒चिषा॒ यग्ंस॒द्विश्व॒-न्न्य॑त्रिण᳚म् । अ॒ग्निर्नो॑ वग्ंसते र॒यिम् ॥ सैना-ऽनी॑केन सुवि॒दत्रो॑ अ॒स्मे यष्टा॑ दे॒वाग्ं आय॑जिष्ठ-स्स्व॒स्ति । अद॑ब्धो गो॒पा उ॒त नः॑ पर॒स्पा अग्ने᳚ द्यु॒मदु॒त रे॒व-द्दि॑दीहि ॥ 5 ॥

(उप॑-दे॒वान्-वट्-प्रा॑ण॒दा-श्चतु॑श्चत्वारिग्ंशच्च) (अ. 1)

य इ॒मा विश्वा॒ भुव॑नानि॒ जुह्व॒दृषि॒र्॒होता॑ निष॒सादा॑ पि॒ता नः॑ । स आ॒शिषा॒ द्रवि॑णमि॒च्छमा॑नः परम॒च्छदो॒ वर॒ आ वि॑वेश ॥ वि॒श्वक॑र्मा॒ मन॑सा॒ यद्विहा॑या धा॒ता वि॑धा॒ता प॑र॒मोत स॒न्दृक् । तेषा॑मि॒ष्टानि॒ समि॒षा म॑दन्ति॒ यत्र॑ सप्त॒र्॒षी-न्प॒र एक॑मा॒हुः ॥ यो नः॑ पि॒ता ज॑नि॒ता यो वि॑धा॒ता यो नः॑ स॒तो अ॒भ्या सज्ज॒जान॑ । 6

यो दे॒वाना᳚-न्नाम॒धा एक॑ ए॒व तग्ं स॑म्प्र॒श्ञ-म्भुव॑ना यन्त्य॒न्या ॥ त आ-ऽय॑जन्त॒ द्रवि॑ण॒ग्ं॒ सम॑स्मा॒ ऋष॑यः॒ पूर्वे॑ जरि॒तारो॒ न भू॒ना । अ॒सूर्ता॒ सूर्ता॒ रज॑सो वि॒माने॒ ये भू॒तानि॑ स॒मकृ॑ण्वन्नि॒मानि॑ ॥ न तं-विँ॑दाथ॒ य इ॒द-ञ्ज॒जाना॒न्य-द्यु॒ष्माक॒मन्त॑र-म्भवाति । नी॒हा॒रेण॒ प्रावृ॑ता॒ जल्प्या॑ चासु॒तृप॑ उक्थ॒ शास॑श्चरन्ति ॥ प॒रो दि॒वा प॒र ए॒ना [प॒र ए॒ना, पृ॒थि॒व्या प॒रो] 7

पृ॑थि॒व्या प॒रो दे॒वेभि॒रसु॑रै॒र्गुहा॒ यत् । कग्ग् स्वि॒द्गर्भ॑-म्प्रथ॒म-न्द॑द्ध्र॒ आपो॒ यत्र॑ दे॒वा-स्स॒मग॑च्छन्त॒ विश्वे᳚ ॥ तमिद्गर्भ॑-म्प्रथ॒म-न्द॑द्ध्र॒ आपो॒ यत्र॑ दे॒वा-स्स॒मग॑च्छन्त॒ विश्वे᳚ । अ॒जस्य॒ नाभा॒वद्ध्येक॒-मर्पि॑तं॒-यँस्मि॑न्नि॒दं-विँश्व॒-म्भुव॑न॒मधि॑ श्रि॒तम् ॥ वि॒श्वक॑र्मा॒ ह्यज॑निष्ट दे॒व आदि-द्ग॑न्ध॒र्वो अ॑भव-द्द्वि॒तीयः॑ । तृ॒तीयः॑ पि॒ता ज॑नि॒तौष॑धीना- [पि॒ता ज॑नि॒तौष॑धीनाम्, अ॒पा-ङ्गर्भं॒-व्यँ॑दधा-त्पुरु॒त्रा ।] 8

-म॒पा-ङ्गर्भं॒-व्यँ॑दधा-त्पुरु॒त्रा ॥ चक्षु॑षः पि॒ता मन॑सा॒ हि धीरो॑ घृ॒तमे॑ने अजन॒न्न॑माने । य॒देदन्ता॒ अद॑दृग्ंहन्त॒ पूर्व॒ आदि-द्द्यावा॑पृथि॒वी अ॑प्रथेताम् ॥ वि॒श्वत॑-श्चक्षुरु॒त वि॒श्वतो॑मुखो वि॒श्वतो॑हस्त उ॒त वि॒श्वत॑स्पात् । स-म्बा॒हुभ्या॒-न्नम॑ति॒ स-म्पत॑त्रै॒ र्द्यावा॑पृथि॒वी ज॒नय॑-न्दे॒व एकः॑ ॥ किग्ग् स्वि॑दासी-दधि॒ष्ठान॑-मा॒रम्भ॑ण-ङ्कत॒म-थ्स्वि॒-त्किमा॑सीत् । यदी॒ भूमि॑-ञ्ज॒नय॑- [यदी॒ भूमि॑-ञ्ज॒नयन्न्॑, वि॒श्वक॑र्मा॒] 9

-न्वि॒श्वक॑र्मा॒ वि द्यामौर्णो᳚-न्महि॒ना वि॒श्वच॑क्षाः ॥ किग्ग् स्वि॒द्वन॒-ङ्क उ॒ स वृ॒क्ष आ॑सी॒द्यतो॒ द्यावा॑पृथि॒वी नि॑ष्टत॒क्षुः । मनी॑षिणो॒ मन॑सा पृ॒च्छतेदु॒ तद्यद॒द्ध्यति॑ष्ठ॒-द्भुव॑नानि धा॒रयन्न्॑ ॥ या ते॒ धामा॑नि पर॒माणि॒ या-ऽव॒मा या म॑द्ध्य॒मा वि॑श्वकर्मन्नु॒तेमा । शिक्षा॒ सखि॑भ्यो ह॒विषि॑ स्वधाव-स्स्व॒यं-यँ॑जस्व त॒नुव॑-ञ्जुषा॒णः ॥ वा॒चस्पतिं॑-विँ॒श्वक॑र्माण-मू॒तये॑ [-मू॒तये᳚, म॒नो॒युजं॒-वाँजे॑] 10

मनो॒युजं॒-वाँजे॑ अ॒द्या हु॑वेम । स नो॒ नेदि॑ष्ठा॒ हव॑नानि जोषते वि॒श्वश॑भूं॒रव॑से सा॒धुक॑र्मा ॥ विश्व॑कर्मन्. ह॒विषा॑ वावृधा॒न-स्स्व॒यं-यँ॑जस्व त॒नुव॑-ञ्जुषा॒णः । मुह्य॑न्त्व॒न्ये अ॒भितः॑ स॒पत्ना॑ इ॒हास्माक॑-म्म॒घवा॑ सू॒रिर॑स्तु ॥ विश्व॑कर्मन्. ह॒विषा॒ वर्ध॑नेन त्रा॒तार॒मिन्द्र॑-मकृणोरव॒द्ध्यम् । तस्मै॒ विश॒-स्सम॑नमन्त पू॒र्वीर॒यमु॒ग्रो वि॑ह॒व्यो॑ यथा-ऽस॑त् ॥ स॒मु॒द्राय॑ व॒युना॑य॒ सिन्धू॑ना॒-म्पत॑ये॒ नमः॑ । न॒दीना॒ग्ं॒ सर्वा॑सा-म्पि॒त्रे जु॑हु॒ता वि॒श्वक॑र्मणे॒ विश्वा-ऽहाम॑र्त्यग्ं ह॒विः ॥ 11 ॥

(ज॒जानै॒ - नौ - ष॑धीनां॒ - भूमि॑-ञ्ज॒नय॑ - न्नू॒तये॒ - नमो॒ - नव॑ च) (अ. 2)

उदे॑नमुत्त॒रा-न्न॒याग्ने॑ घृतेना-ऽऽहुत । रा॒यस्पोषे॑ण॒ सग्ं सृ॑ज प्र॒जया॑ च॒ धने॑न च ॥ इन्द्रे॒म-म्प्र॑त॒रा-ङ्कृ॑धि सजा॒ताना॑-मसद्व॒शी । समे॑नं॒-वँर्च॑सा सृज दे॒वेभ्यो॑ भाग॒धा अ॑सत् ॥ यस्य॑ कु॒र्मो ह॒विर्गृ॒हे तम॑ग्ने वर्धया॒ त्वम् । तस्म॑ दे॒वा अधि॑ ब्रवन्न॒य-ञ्च॒ ब्रह्म॑ण॒स्पतिः॑ ॥ उदु॑ त्वा॒ विश्वे॑ दे॒वा [विश्वे॑ दे॒वाः, अग्ने॒ भर॑न्तु॒ चित्ति॑भिः ।] 12

अग्ने॒ भर॑न्तु॒ चित्ति॑भिः । स नो॑ भव शि॒वत॑म-स्सु॒प्रती॑को वि॒भाव॑सुः ॥ पञ्च॒ दिशो॒ दैवी᳚र्य॒ज्ञम॑वन्तु दे॒वीरपाम॑ति-न्दुर्म॒ति-म्बाध॑मानाः । रा॒यस्पोषे॑ य॒ज्ञप॑ति-मा॒भज॑न्तीः ॥ रा॒यस्पोषे॒ अधि॑ य॒ज्ञो अ॑स्था॒-थ्समि॑द्धे अ॒ग्नावधि॑ मामहा॒नः । उ॒क्थप॑त्र॒ ईड्यो॑ गृभी॒तस्त॒प्त-ङ्घ॒र्म-म्प॑रि॒गृह्या॑यजन्त ॥ ऊ॒र्जा य-द्य॒ज्ञमश॑मन्त दे॒वा दैव्या॑य ध॒र्त्रे जोष्ट्रे᳚ । दे॒व॒श्री-श्श्रीम॑णा-श्श॒तप॑याः [दे॒व॒श्री-श्श्रीम॑णा-श्श॒तप॑याः, प॒रि॒गृह्य॑] 13

परि॒गृह्य॑ दे॒वा य॒ज्ञमा॑यन्न् ॥ सूर्य॑रश्मि॒र्॒हरि॑केशः पु॒रस्ता᳚-थ्सवि॒ता ज्योति॒रुद॑या॒ग्ं॒ अज॑स्रम् । तस्य॑ पू॒षा प्र॑स॒वं-याँ॑ति दे॒व-स्स॒पंश्य॒न् विश्वा॒ भुव॑नानि गो॒पाः ॥ दे॒वा दे॒वेभ्यो॑ अद्ध्व॒र्यन्तो॑ अस्थुर्वी॒तग्ं श॑मि॒त्रे श॑मि॒ता य॒जद्ध्यै᳚ । तु॒रीयो॑ य॒ज्ञो यत्र॑ ह॒व्यमेति॒ ततः॑ पाव॒का आ॒शिषो॑ नो जुषन्ताम् ॥ वि॒मान॑ ए॒ष दि॒वो मद्ध्य॑ आस्त आपप्रि॒वा-न्रोद॑सी अ॒न्तरि॑क्षम् । स वि॒श्वाची॑र॒भि- [स वि॒श्वाची॑र॒भि, च॒ष्टे॒ घृ॒ताची॑रन्त॒रा] 14

-च॑ष्टे घृ॒ताची॑रन्त॒रा पूर्व॒मप॑र-ञ्च के॒तुम् ॥ उ॒क्षा स॑मु॒द्रो अ॑रु॒ण-स्सु॑प॒र्णः पूर्व॑स्य॒ योनि॑-म्पि॒तुरा वि॑वेश । मद्ध्ये॑ दि॒वो निहि॑तः॒ पृश्ञि॒रश्मा॒ वि च॑क्रमे॒ रज॑सः पा॒त्यन्तौ᳚ ॥ इन्द्रं॒-विँश्वा॑ अवीवृधन्-थ्समु॒द्रव्य॑चस॒-ङ्गिरः॑ । र॒थीत॑मग्ं रथी॒नां-वाँजा॑ना॒ग्ं॒ सत्प॑ति॒-म्पति᳚म् ॥ सु॒म्न॒हूर्य॒ज्ञो दे॒वाग्ं आ च॑ वक्ष॒द्यक्ष॑द॒ग्निर्दे॒वो दे॒वाग्ं आ च॑ वक्षत् ॥ वाज॑स्य मा प्रस॒वेनो᳚-द्ग्रा॒भेणो-द॑ग्रभीत् । अथा॑ स॒पत्ना॒ग्ं॒ इन्द्रो॑ मे निग्रा॒भेणाध॑राग्ं अकः ॥ उ॒द्ग्रा॒भ-ञ्च॑ निग्रा॒भ-ञ्च॒ ब्रह्म॑ दे॒वा अ॑वीवृधन्न् । अथा॑ स॒पत्ना॑निन्द्रा॒ग्नी मे॑ विषू॒चीना॒न् व्य॑स्यताम् ॥ 15 ॥

(दे॒वाः - श॒तप॑या - अ॒भि - वाज॑स्य॒ - षड्विग्ं॑शतिश्च ) (अ. 3)

आ॒शु-श्शिशा॑नो वृष॒भो न यु॒द्ध्मो घ॑नाघ॒नः, क्षोभ॑ण-श्चर्षणी॒नाम् । स॒ङ्क्रन्द॑नो-ऽनिमि॒ष ए॑क वी॒र-श्श॒तग्ं सेना॑ अजय-थ्सा॒कमिन्द्रः॑ ॥ स॒ङ्क्रन्द॑नेना निमि॒षेण॑ जि॒ष्णुना॑ युत्का॒रेण॑ दुश्च्यव॒नेन॑ धृ॒ष्णुना᳚ । तदिन्द्रे॑ण जयत॒ त-थ्स॑हद्ध्वं॒-युँधो॑ नर॒ इषु॑हस्तेन॒ वृष्णा᳚ ॥ स इषु॑हस्तै॒-स्स नि॑ष॒ङ्गिभि॑र्व॒शी सग्ग्स्र॑ष्टा॒ स युध॒ इन्द्रो॑ ग॒णेन॑ । स॒ग्ं॒सृ॒ष्ट॒जि-थ्सो॑म॒पा बा॑हुश॒र्ध्यू᳚र्ध्वध॑न्वा॒ प्रति॑हिताभि॒रस्ता᳚ ॥ बृह॑स्पते॒ परि॑ दीया॒ [परि॑ दीय, रथे॑न] 16

रथे॑न रक्षो॒हा ऽमित्राग्ं॑ अप॒ बाध॑मानः । प्र॒भ॒ञ्जन्-थ्सेनाः᳚ प्रमृ॒णो यु॒धा जय॑न्न॒स्माक॑-मेद्ध्यवि॒ता रथा॑नाम् ॥ गो॒त्र॒भिद॑-ङ्गो॒विदं॒-वँज्र॑बाहु॒-ञ्जय॑न्त॒मज्म॑ प्रमृ॒णन्त॒-मोज॑सा । इ॒मग्ं स॑जाता॒ अनु॑वीर-यद्ध्व॒मिन्द्रग्ं॑ सखा॒यो-ऽनु॒ सग्ं र॑भद्ध्वम् ॥ ब॒ल॒वि॒ज्ञा॒यः-स्थवि॑रः॒ प्रवी॑र॒-स्सह॑स्वान्. वा॒जी सह॑मान उ॒ग्रः । अ॒भिवी॑रो अ॒भिस॑त्वा सहो॒जा जैत्र॑मिन्द्र॒ रथ॒माति॑ष्ठ गो॒वित् ॥ अ॒भि गो॒त्राणि॒ सह॑सा॒ गाह॑मानो-ऽदा॒यो [गाह॑मानो-ऽदा॒यः, वी॒र-श्श॒तम॑न्यु॒रिन्द्रः॑ ।] 17

वी॒र-श्श॒तम॑न्यु॒रिन्द्रः॑ । दु॒श्च्य॒व॒नः पृ॑तना॒षाड॑ यु॒द्ध्यो᳚-स्माक॒ग्ं॒ सेना॑ अवतु॒ प्र यु॒थ्सु ॥ इन्द्र॑ आसां-ने॒ता बृह॒स्पति॒ र्दक्षि॑णा य॒ज्ञः पु॒र ए॑तु॒ सोमः॑ । दे॒व॒से॒नाना॑-मभिभञ्जती॒ना-ञ्जय॑न्तीना-म्म॒रुतो॑ य॒न्त्वग्रे᳚ ॥ इन्द्र॑स्य॒ वृष्णो॒ वरु॑णस्य॒ राज्ञ॑ आदि॒त्याना᳚-म्म॒रुता॒ग्ं॒ शर्ध॑ उ॒ग्रम् । म॒हाम॑नसा-म्भुवनच्य॒वाना॒-ङ्घोषो॑ दे॒वाना॒-ञ्जय॑ता॒ मुद॑स्थात् ॥ अ॒स्माक॒-मिन्द्र॒-स्समृ॑तेषु ध्व॒जेष्व॒स्माकं॒-याँ इष॑व॒स्ता ज॑यन्तु । 18

अ॒स्माकं॑-वीँ॒रा उत्त॑रे भवन्त्व॒स्मानु॑ देवा अवता॒ हवे॑षु ॥ उद्ध॑र्षय मघव॒न्ना-यु॑धा॒-न्युथ्सत्व॑ना-म्माम॒काना॒-म्महाग्ं॑सि । उद्वृ॑त्रहन् वा॒जिनां॒-वाँजि॑ना॒न्यु-द्रथा॑ना॒-ञ्जय॑तामेतु॒ घोषः॑ ॥ उप॒ प्रेत॒ जय॑ता नरस्स्थि॒रा वः॑ सन्तु बा॒हवः॑ । इन्द्रो॑ व॒-श्शर्म॑ यच्छ त्वना-धृ॒ष्या यथास॑थ ॥ अव॑सृष्टा॒ परा॑ पत॒ शर॑व्ये॒ ब्रह्म॑ सग्ंशिता । गच्छा॒-ऽमित्रा॒-न्प्र- [गच्छा॒-ऽमित्रा॒-न्प्र, वि॒श॒ मैषा॒-] 19

-वि॑श॒ मैषा॒-ङ्कञ्च॒नोच्छि॑षः ॥ मर्मा॑णि ते॒ वर्म॑भिश्छादयामि॒ सोम॑स्त्वा॒ राजा॒ ऽमृते॑ना॒भि-व॑स्ताम् । उ॒रोर्वरी॑यो॒ वरि॑वस्ते अस्तु॒ जय॑न्त॒-न्त्वामनु॑ मदन्तु दे॒वाः ॥ यत्र॑ बा॒णा-स्स॒म्पत॑न्ति कुमा॒रा वि॑शि॒खा इ॑व । इन्द्रो॑ न॒स्तत्र॑ वृत्र॒हा वि॑श्वा॒हा शर्म॑ यच्छतु ॥ 20 ॥

(दी॒या॒ - ऽदा॒यो - ज॑यन्त्व॒ - मित्रा॒-न्प्र - च॑त्वारि॒ग्ं॒शच्च॑) (अ. 4)

प्राची॒मनु॑ प्र॒दिश॒-म्प्रेहि॑ वि॒द्वान॒ग्नेर॑ग्ने पु॒रो अ॑ग्निर्भवे॒ह । विश्वा॒ आशा॒ दीद्या॑नो॒ वि भा॒ह्यूर्ज॑-न्नो धेहि द्वि॒पदे॒ चतु॑ष्पदे ॥ क्रम॑द्ध्वम॒ग्निना॒ नाक॒मुख्य॒ग्ं॒ हस्ते॑षु॒ बिभ्र॑तः । दि॒वः पृ॒ष्ठग्ं सुव॑र्ग॒त्वा मि॒श्रा दे॒वेभि॑राद्ध्वम् ॥ पृ॒थि॒व्या अ॒हमुद॒न्तरि॑क्ष॒-मा-ऽरु॑ह-म॒न्तरि॑क्षा॒-द्दिव॒मा-ऽरु॑हम् । दि॒वो नाक॑स्य पृ॒ष्ठा-थ्सुव॒र्ज्योति॑रगा- [पृ॒ष्ठा-थ्सुव॒र्ज्योति॑रगाम्, अ॒हम् ।] 21

-म॒हम् ॥ सुव॒र्यन्तो॒ नापे᳚क्षन्त॒ आ द्याग्ं रो॑हन्ति॒ रोद॑सी । य॒ज्ञं-येँ वि॒श्वतो॑धार॒ग्ं॒ सुवि॑द्वाग्ंसो वितेनि॒रे ॥ अग्ने॒ प्रेहि॑ प्रथ॒मो दे॑वय॒ता-ञ्चक्षु॑र्दे॒वाना॑मु॒त मर्त्या॑नाम् । इय॑क्षमाणा॒ भृगु॑भि-स्स॒जोषा॒-स्सुव॑र्यन्तु॒ यज॑माना-स्स्व॒स्ति ॥ नक्तो॒षासा॒ सम॑नसा॒ विरू॑पे धा॒पये॑ते॒ शिशु॒मेकग्ं॑ समी॒ची । द्यावा॒ क्षामा॑ रु॒क्मो अ॒न्तर्वि भा॑ति दे॒वा अ॒ग्नि-न्धा॑रय-न्द्रविणो॒दाः ॥ अग्ने॑ सहस्राक्ष [अग्ने॑ सहस्राक्ष, श॒त॒मू॒र्ध॒ञ्छ॒त-न्ते᳚] 22

शतमूर्धञ्छ॒त-न्ते᳚ प्रा॒णा-स्स॒हस्र॑मपा॒नाः । त्वग्ं सा॑ह॒स्रस्य॑ रा॒य ई॑शिषे॒ तस्मै॑ ते विधेम॒ वाजा॑य॒ स्वाहा᳚ ॥ सु॒प॒र्णो॑-ऽसि ग॒रुत्मा᳚-न्पृथि॒व्याग्ं सी॑द पृ॒ष्ठे पृ॑थि॒व्या-स्सी॑द भा॒सा-ऽन्तरि॑क्ष॒मा पृ॑ण॒ ज्योति॑षा॒ दिव॒मुत्त॑भान॒ तेज॑सा॒ दिश॒ उ-द्दृग्ं॑ह ॥ आ॒जुह्वा॑न-स्सु॒प्रती॑कः पु॒रस्ता॒दग्ने॒ स्वां-योँनि॒मा सी॑द सा॒द्ध्या । अ॒स्मिन्-थ्स॒धस्थे॒ अद्ध्युत्त॑रस्मि॒न् विश्वे॑ देवा॒ [अद्ध्युत्त॑रस्मि॒न् विश्वे॑ देवाः, यज॑मानश्च सीदत ।] 23

यज॑मानश्च सीदत ॥ प्रेद्धो॑ अग्ने दीदिहि पु॒रो नो-ऽज॑स्रया सू॒र्म्या॑ यविष्ठ । त्वाग्ं शश्व॑न्त॒ उप॑ यन्ति॒ वाजाः᳚ ॥ वि॒धेम॑ ते पर॒मे जन्म॑न्नग्ने वि॒धेम॒ स्तोमै॒रव॑रे स॒धस्थे᳚ । यस्मा॒-द्योने॑रु॒दारि॑था॒ यजे॒ त-म्प्रत्वे ह॒वीग्ंषि॑ जुहुरे॒ समि॑द्धे ॥ ताग्ं स॑वि॒तुर्वरे᳚ण्यस्य चि॒त्रामा-ऽहं-वृँ॑णे सुम॒तिं-विँ॒श्वज॑न्याम् । याम॑स्य॒ कण्वो॒ अदु॑ह॒-त्प्रपी॑नाग्ं स॒हस्र॑धारा॒- [स॒हस्र॑धाराम्, पय॑सा म॒ही-ङ्गाम् ।] 24

-म्पय॑सा म॒ही-ङ्गाम् ॥ स॒प्त ते॑ अग्ने स॒मिधः॑ स॒प्त जि॒ह्वा-स्स॒प्तर्ष॑य-स्स॒प्त धाम॑ प्रि॒याणि॑ । स॒प्त होत्रा᳚-स्सप्त॒धा त्वा॑ यजन्ति स॒प्त योनी॒रा पृ॑णस्वा घृ॒तेन॑ ॥ ई॒दृ-ञ्चा᳚न्या॒दृ-ञ्चै॑ता॒दृञ्च॑ प्रति॒दृ-ञ्च॑ मि॒तश्च॒ सम्मि॑तश्च॒ सभ॑राः ॥ शु॒क्रज्यो॑तिश्च चि॒त्रज्यो॑तिश्च स॒त्यज्यो॑तिश्च॒ ज्योति॑ष्माग्श्च स॒त्यश्च॑र्त॒पाश्चात्यग्ं॑हाः । 25

ऋ॒त॒जिच्च॑ सत्य॒जिच्च॑ सेन॒जिच्च॑ सु॒षेण॒श्चान्त्य॑मित्रश्च दू॒रे अ॑मित्रश्च ग॒णः ॥ ऋ॒तश्च॑ स॒त्यश्च॑ ध्रु॒वश्च॑ ध॒रुण॑श्च ध॒र्ता च॑ विध॒र्ता च॑ विधार॒यः ॥ ई॒दृक्षा॑स एता॒दृक्षा॑स ऊ॒ षुणः॑ स॒दृक्षा॑सः॒ प्रति॑सदृक्षास॒ एत॑न । मि॒तास॑श्च॒ सम्मि॑तासश्च न ऊ॒तये॒ सभ॑रसो मरुतो य॒ज्ञे अ॒स्मिन्निन्द्र॒-न्दैवी॒र्विशो॑ म॒रुतो-ऽनु॑वर्त्मानो॒ यथेन्द्र॒-न्दैवी॒र्विशो॑ म॒रुतो-ऽनु॑वर्त्मान ए॒वमि॒मं-यँज॑मान॒-न्दैवी᳚श्च॒ विशो॒ मानु॑षी॒श्चानु॑वर्त्मानो भवन्तु ॥ 26 ॥

(अ॒गा॒ग्ं॒ - स॒ह॒स्रा॒क्ष॒ - दे॒वाः॒ - स॒हस्र॑धारा॒ - मत्यग्ं॑हा॒ - अनु॑वर्त्मानः॒ - षोड॑श च) (अ. 5)

जी॒मूत॑स्येव भवति॒ प्रती॑कं॒-यँद्व॒र्मी याति॑ स॒मदा॑मु॒पस्थे᳚ । अना॑विद्धया त॒नुवा॑ जय॒ त्वग्ं स त्वा॒ वर्म॑णो महि॒मा पि॑पर्तु ॥ धन्व॑ना॒ गा धन्व॑ना॒-ऽऽजि-ञ्ज॑येम॒ धन्व॑ना ती॒व्रा-स्स॒मदो॑ जयेम । धनु॒-श्शत्रो॑रपका॒म-ङ्कृ॑णोति॒ धन्व॑ना॒ सर्वाः᳚ प्र॒दिशो॑ जयेम ॥ व॒क्ष्यन्ती॒वेदा ग॑नीगन्ति॒ कर्ण॑-म्प्रि॒यग्ं सखा॑य-म्परिषस्वजा॒ना । योषे॑व शिङ्क्ते॒ वित॒ता-ऽधि॒ धन्व॒- [धन्वन्न्॑, ज्या इ॒यग्ं] 27

-ञ्ज्या इ॒यग्ं सम॑ने पा॒रय॑न्ती ॥ ते आ॒चर॑न्ती॒ सम॑नेव॒ योषा॑ मा॒तेव॑ पु॒त्र-म्बि॑भृतामु॒पस्थे᳚ । अप॒ शत्रून्॑ विद्ध्यताग्ं संविँदा॒ने आर्त्नी॑ इ॒मे वि॑ष्फु॒रन्ती॑ अ॒मित्रान्॑ ॥ ब॒ह्वी॒ना-म्पि॒ता ब॒हुर॑स्य पु॒त्रश्चि॒श्चा कृ॑णोति॒ सम॑ना-ऽव॒गत्य॑ । इ॒षु॒धि-स्सङ्काः॒ पृत॑नाश्च॒ सर्वाः᳚ पृ॒ष्ठे निन॑द्धो जयति॒ प्रसू॑तः ॥ रथे॒ तिष्ठ॑-न्नयति वा॒जिनः॑ पु॒रो यत्र॑यत्र का॒मय॑ते सुषार॒थिः । अ॒भीशू॑ना-म्महि॒मान॑- [महि॒मान᳚म्, प॒ना॒य॒त॒ मनः॑] 28

-म्पनायत॒ मनः॑ प॒श्चादनु॑ यच्छन्ति र॒श्मयः॑ ॥ ती॒व्रा-न्घोषा᳚न् कृण्वते॒ वृष॑पाण॒यो-ऽश्वा॒ रथे॑भि-स्स॒ह वा॒जय॑न्तः । अ॒व॒क्राम॑न्तः॒ प्रप॑दैर॒मित्रा᳚न् क्षि॒णन्ति॒ शत्रू॒ग्ं॒रन॑पव्ययन्तः ॥ र॒थ॒वाह॑नग्ं ह॒विर॑स्य॒ नाम॒ यत्रा-ऽऽयु॑ध॒-न्निहि॑तमस्य॒ वर्म॑ । तत्रा॒ रथ॒मुप॑ श॒ग्मग्ं स॑देम वि॒श्वाहा॑ व॒यग्ं सु॑मन॒स्यमा॑नाः ॥ स्वा॒दु॒ष॒ग्ं॒ सदः॑ पि॒तरो॑ वयो॒धाः कृ॑च्छ्रे॒श्रित॒-श्शक्ती॑वन्तो गभी॒राः । चि॒त्रसे॑ना॒ इषु॑बला॒ अमृ॑द्ध्रा-स्स॒तोवी॑रा उ॒रवो᳚ व्रातसा॒हाः ॥ ब्राह्म॑णासः॒ [ब्राह्म॑णासः, पित॑र॒-] 29

पित॑र॒-स्सोम्या॑स-श्शि॒वे नो॒ द्यावा॑पृथि॒वी अ॑ने॒हसा᳚ । पू॒षा नः॑ पातु दुरि॒तादृ॑तावृधो॒ रक्षा॒ माकि॑र्नो अ॒घशग्ं॑स ईशत ॥ सु॒प॒र्णं-वँ॑स्ते मृ॒गो अ॑स्या॒ दन्तो॒ गोभि॒-स्सन्न॑द्धा पतति॒ प्रसू॑ता । यत्रा॒ नर॒-स्स-ञ्च॒ वि च॒ द्रव॑न्ति॒ तत्रा॒स्मभ्य॒मिष॑व॒-श्शर्म॑ यग्ंसन्न् ॥ ऋजी॑ते॒ परि॑ वृङ्ग्धि॒ नो-ऽश्मा॑ भवतु नस्त॒नूः । सोमो॒ अधि॑ ब्रवीतु॒ नो-ऽदि॑ति॒- [नो-ऽदि॑तिः, शर्म॑ यच्छतु ।] 30

-श्शर्म॑ यच्छतु ॥ आ ज॑ङ्घन्ति॒ सान्वे॑षा-ञ्ज॒घना॒ग्ं॒ उप॑ जिघ्नते । अश्वा॑जनि॒ प्रचे॑त॒सो-ऽश्वा᳚न्-थ्स॒मथ्सु॑ चोदय ॥ अहि॑रिव भो॒गैः पर्ये॑ति बा॒हु-ञ्ज्याया॑ हे॒ति-म्प॑रि॒बाध॑मानः । ह॒स्त॒घ्नो विश्वा॑ व॒युना॑नि वि॒द्वा-न्पुमा॒-न्पुमाग्ं॑स॒-म्परि॑ पातु वि॒श्वतः॑ ॥ वन॑स्पते वी॒ड्व॑ङ्गो॒ हि भू॒या अ॒स्म-थ्स॑खा प्र॒तर॑ण-स्सु॒वीरः॑ । गोभि॒-स्सन्न॑द्धो असि वी॒डय॑स्वा-ऽऽस्था॒ता ते॑ जयतु॒ जेत्वा॑नि ॥ दि॒वः पृ॑थि॒व्याः प- [परि॑, ओज॒ उ-द्भृ॑तं॒-] 31

-र्योज॒ उ-द्भृ॑तं॒-वँन॒स्पति॑भ्यः॒ पर्याभृ॑त॒ग्ं॒ सहः॑ । अ॒पामो॒ज्मान॒-म्परि॒ गोभि॒रावृ॑त॒मिन्द्र॑स्य॒ वज्रग्ं॑ ह॒विषा॒ रथं॑-यँज ॥ इन्द्र॑स्य॒ वज्रो॑ म॒रुता॒मनी॑क-म्मि॒त्रस्य॒ गर्भो॒ वरु॑णस्य॒ नाभिः॑ । सेमा-न्नो॑ ह॒व्यदा॑ति-ञ्जुषा॒णो देव॑ रथ॒ प्रति॑ ह॒व्या गृ॑भाय ॥ उप॑ श्वासय पृथि॒वीमु॒त द्या-म्पु॑रु॒त्रा ते॑ मनुतां॒-विँष्ठि॑त॒-ञ्जग॑त् । स दु॑न्दुभे स॒जूरिन्द्रे॑ण दे॒वैर्दू॒रा- [दे॒वैर्दू॒रात्, दवी॑यो॒] 32

-द्दवी॑यो॒ अप॑सेध॒ शत्रून्॑ ॥ आ क्र॑न्दय॒ बल॒मोजो॑ न॒ आ धा॒ निष्ट॑निहि दुरि॒ता बाध॑मानः । अप॑ प्रोथ दुन्दुभे दु॒च्छुनाग्ं॑ इ॒त इन्द्र॑स्य मु॒ष्टिर॑सि वी॒डय॑स्व ॥ आ-ऽमूर॑ज प्र॒त्याव॑र्तये॒माः के॑तु॒म-द्दु॑न्दु॒भि र्वा॑वदीति । समश्व॑पर्णा॒श्चर॑न्ति नो॒ नरो॒-ऽस्माक॑मिन्द्र र॒थिनो॑ जयन्तु ॥ 33 ॥

(धन्व॑न् - महि॒मानं॒ - ब्राह्म॑णा॒सो - ऽदि॑तिः - पृथि॒व्याः परि॑ - दू॒रा - देक॑चत्वारिग्ंशच्च) (अ. 6)

यदक्र॑न्दः प्रथ॒म-ञ्जाय॑मान उ॒द्यन्-थ्स॑मु॒द्रादु॒त वा॒ पुरी॑षात् । श्ये॒नस्य॑ प॒क्षा ह॑रि॒णस्य॑ बा॒हू उ॑प॒स्तुत्य॒-म्महि॑ जा॒त-न्ते॑ अर्वन्न् ॥ य॒मेन॑ द॒त्त-न्त्रि॒त ए॑नमायुन॒गिन्द्र॑ एण-म्प्रथ॒मो अद्ध्य॑तिष्ठत् । ग॒न्ध॒र्वो अ॑स्य रश॒नाम॑-गृभ्णा॒-थ्सूरा॒दश्वं॑-वँसवो॒ निर॑तष्ट ॥ असि॑ य॒मो अस्या॑दि॒त्यो अ॑र्व॒न्नसि॑ त्रि॒तो गुह्ये॑न व्र॒तेन॑ । असि॒ सोमे॑न स॒मया॒ विपृ॑क्त [विपृ॑क्तः, आ॒हुस्ते॒ त्रीणि॑ दि॒वि बन्ध॑नानि ।] 34

आ॒हुस्ते॒ त्रीणि॑ दि॒वि बन्ध॑नानि ॥ त्रीणि॑ त आहुर्दि॒वि बन्ध॑नानि॒ त्रीण्य॒फ्सु त्रीण्य॒न्त-स्स॑मु॒द्रे । उ॒तेव॑ मे॒ वरु॑णश्छन्-थ्स्यर्व॒न्॒. यत्रा॑ त आ॒हुः प॑र॒म-ञ्ज॒नित्र᳚म् ॥ इ॒मा ते॑ वाजिन्नव॒मार्ज॑नानी॒मा श॒फानाग्ं॑ सनि॒तुर्नि॒धाना᳚ । अत्रा॑ ते भ॒द्रा र॑श॒ना अ॑पश्यमृ॒तस्य॒ या अ॑भि॒रक्ष॑न्ति गो॒पाः ॥ आ॒त्मान॑-न्ते॒ मन॑सा॒-ऽऽराद॑जानाम॒वो दि॒वा [ ] 35

प॒तय॑न्त-म्पत॒ङ्गम् । शिरो॑ अपश्य-म्प॒थिभिः॑ सु॒गेभि॑ररे॒णुभि॒र्जेह॑मान-म्पत॒त्रि ॥ अत्रा॑ ते रू॒पमु॑त्त॒मम॑पश्य॒-ञ्जिगी॑षमाणमि॒ष आ प॒दे गोः । य॒दा ते॒ मर्तो॒ अनु॒ भोग॒मान॒डादि-द्ग्रसि॑ष्ठ॒ ओष॑धीरजीगः ॥ अनु॑ त्वा॒ रथो॒ अनु॒ मर्यो॑ अर्व॒न्ननु॒ गावो-ऽनु॒ भगः॑ क॒नीना᳚म् । अनु॒ व्राता॑स॒स्तव॑ स॒ख्यमी॑यु॒रनु॑ दे॒वा म॑मिरे वी॒र्य॑- [वी॒र्य᳚म्, ते ।] 36

-न्ते ॥ हिर॑ण्यशृ॒ङ्गो-ऽयो॑ अस्य॒ पादा॒ मनो॑जवा॒ अव॑र॒ इन्द्र॑ आसीत् । दे॒वा इद॑स्य हवि॒रद्य॑माय॒न्॒. यो अर्व॑न्त-म्प्रथ॒मो अ॒द्ध्यति॑ष्ठत् ॥ ई॒र्मान्ता॑स॒-स्सिलि॑कमद्ध्यमास॒-स्सग्ं शूर॑णासो दि॒व्यासो॒ अत्याः᳚ । ह॒ग्ं॒सा इ॑व श्रेणि॒शो य॑तन्ते॒ यदाक्षि॑षुर्दि॒व्य-मज्म॒मश्वाः᳚ ॥ तव॒ शरी॑र-म्पतयि॒ष्ण्व॑र्व॒-न्तव॑ चि॒त्तं-वाँत॑ इव॒ ध्रजी॑मान् । तव॒ शृङ्गा॑णि॒ विष्ठि॑ता पुरु॒त्रा-ऽर॑ण्येषु॒ जर्भु॑राणा चरन्ति ॥ उप॒ [उप॑, प्रागा॒च्छस॑नं-] 37

प्रागा॒च्छस॑नं-वाँ॒ज्यर्वा॑ देव॒द्रीचा॒ मन॑सा॒ दीद्ध्या॑नः । अ॒जः पु॒रो नी॑यते॒ नाभि॑र॒स्यानु॑ प॒श्चा-त्क॒वयो॑ यन्ति रे॒भाः ॥ उप॒ प्रागा᳚-त्पर॒मं-यँ-थ्स॒धस्थ॒मर्वा॒ग्ं॒ अच्छा॑ पि॒तर॑-म्मा॒तर॑-ञ्च । अ॒द्या दे॒वान् जुष्ट॑तमो॒ हि ग॒म्या अथा-ऽऽशा᳚स्ते दा॒शुषे॒ वार्या॑णि ॥ 38 ॥

(विपृ॑क्तो - दि॒वा - वी॒र्य॑ - मुपै - का॒न्नच॑त्वारि॒ग्ं॒शच्च॑) (अ. 7)

मा नो॑ मि॒त्रो वरु॑णो अर्य॒मा-ऽऽयुरिन्द्र॑ ऋभु॒क्षा म॒रुतः॒ परि॑ ख्यन्न् । य-द्वा॒जिनो॑ दे॒वजा॑तस्य॒ सप्तेः᳚ प्रव॒क्ष्यामो॑ वि॒दथे॑ वी॒र्या॑णि ॥ यन्नि॒र्णिजा॒ रेक्ण॑सा॒ प्रावृ॑तस्य रा॒ति-ङ्गृ॑भी॒ता-म्मु॑ख॒तो नय॑न्ति । सुप्रा॑ङ॒जो मेम्य॑-द्वि॒श्वरू॑प इन्द्रापू॒ष्णोः प्रि॒यमप्ये॑ति॒ पाथः॑ ॥ ए॒ष च्छागः॑ पु॒रो अश्वे॑न वा॒जिना॑ पू॒ष्णो भा॒गो नी॑यते वि॒श्वदे᳚व्यः । अ॒भि॒प्रियं॒-यँ-त्पु॑रो॒डाश॒मर्व॑ता॒ त्वष्टे- [त्वष्टेत्, ए॒न॒ग्ं॒ सौ॒श्र॒व॒साय॑ जिन्वति ।] 39

-दे॑नग्ं सौश्रव॒साय॑ जिन्वति ॥ यद्ध॒विष्य॑मृतु॒शो दे॑व॒यान॒-न्त्रिर्मानु॑षाः॒ पर्यश्व॒-न्नय॑न्ति । अत्रा॑ पू॒ष्णः प्र॑थ॒मो भा॒ग ए॑ति य॒ज्ञ-न्दे॒वेभ्यः॑ प्रतिवे॒दय॑न्न॒जः ॥ होता᳚-ऽद्ध्व॒र्युराव॑या अग्निमि॒न्धो ग्रा॑वग्रा॒भ उ॒त शग्ग्स्ता॒ सुवि॑प्रः । तेन॑ य॒ज्ञेन॒ स्व॑रङ्कृतेन॒ स्वि॑ष्टेन व॒क्षणा॒ आ पृ॑णद्ध्वम् ॥ यू॒प॒व्र॒स्का उ॒त ये यू॑पवा॒हाश्च॒षालं॒-येँ अ॑श्वयू॒पाय॒ तक्ष॑ति । ये चार्व॑ते॒ पच॑नग्ं स॒भंर॑न्त्यु॒तो [ ] 40

तेषा॑-म॒भिगू᳚र्तिर्न इन्वतु ॥ उप॒ प्रागा᳚-थ्सु॒मन्मे॑-ऽधायि॒ मन्म॑ दे॒वाना॒माशा॒ उप॑ वी॒तपृ॑ष्ठः । अन्वे॑नं॒-विँप्रा॒ ऋष॑यो मदन्ति दे॒वाना᳚-म्पु॒ष्टे च॑कृमा सु॒बन्धु᳚म् ॥ य-द्वा॒जिनो॒ दाम॑ स॒दान्न॒मर्व॑तो॒ या शी॑र्ष॒ण्या॑ रश॒ना रज्जु॑रस्य । यद्वा॑ घास्य॒ प्रभृ॑तमा॒स्ये॑ तृण॒ग्ं॒ सर्वा॒ ता ते॒ अपि॑ दे॒वेष्व॑स्तु ॥ यदश्व॑स्य क्र॒विषो॒ [यदश्व॑स्य क्र॒विषः॑, मक्षि॒का-ऽऽश॒] 41

मक्षि॒का-ऽऽश॒ यद्वा॒ स्वरौ॒ स्वधि॑तौ रि॒प्तमस्ति॑ । यद्धस्त॑यो-श्शमि॒तुर्यन्न॒खेषु॒ सर्वा॒ ता ते॒ अपि॑ दे॒वेष्व॑स्तु ॥ यदूव॑द्ध्यमु॒दर॑स्याप॒वाति॒ य आ॒मस्य॑ क्र॒विषो॑ ग॒न्धो अस्ति॑ । सु॒कृ॒ता तच्छ॑मि॒तारः॑ कृण्वन्तू॒त मेधग्ं॑ शृत॒पाक॑-म्पचन्तु ॥ य-त्ते॒ गात्रा॑द॒ग्निना॑ प॒च्यमा॑नाद॒भि शूल॒-न्निह॑तस्याव॒धाव॑ति । मा त-द्भूम्या॒मा श्रि॑ष॒ ( )-न्मा तृणे॑षु दे॒वेभ्य॒स्तदु॒शद्भ्यो॑ रा॒तम॑स्तु ॥ 42 ॥

(इ - दु॒तो - क्र॒विषः॑ - श्रिषथ् - स॒प्त च॑) (अ. 8)

ये वा॒जिन॑-म्परि॒पश्य॑न्ति प॒क्वं-यँ ई॑मा॒हु-स्सु॑र॒भिर्निर्ह॒रेति॑ । ये चार्व॑तो माग्ंसभि॒क्षामु॒पास॑त उ॒तो तेषा॑म॒भिगू᳚र्तिर्न इन्वतु ॥ यन्नीक्ष॑ण-म्मा॒ग्॒स्पच॑न्या उ॒खाया॒ या पात्रा॑णि यू॒ष्ण आ॒सेच॑नानि । ऊ॒ष्म॒ण्या॑-ऽपि॒धाना॑ चरू॒णाम॒ङ्का-स्सू॒नाः परि॑ भूष॒न्त्यश्व᳚म् ॥ नि॒क्रम॑ण-न्नि॒षद॑नं-विँ॒वर्त॑नं॒-यँच्च॒ पड्बी॑श॒मर्व॑तः । यच्च॑ प॒पौ यच्च॑ घा॒सि- [घा॒सिम्, ज॒घास॒ सर्वा॒ ता] 43

-ञ्ज॒घास॒ सर्वा॒ ता ते॒ अपि॑ दे॒वेष्व॑स्तु ॥ मा त्वा॒-ऽग्नि-र्ध्व॑नयि-द्धू॒मग॑न्धि॒र्मोखा भ्राज॑न्त्य॒भि वि॑क्त॒ जघ्रिः॑ । इ॒ष्टं-वीँ॒तम॒भिगू᳚र्तं॒-वँष॑ट्कृत॒-न्त-न्दे॒वासः॒ प्रति॑ गृभ्ण॒न्त्यश्व᳚म् ॥ यदश्वा॑य॒ वास॑ उपस्तृ॒णन्त्य॑धीवा॒सं-याँ हिर॑ण्यान्यस्मै । स॒न्दान॒मर्व॑न्त॒-म्पड्बी॑श-म्प्रि॒या दे॒वेष्वा या॑मयन्ति ॥ य-त्ते॑ सा॒दे मह॑सा॒ शूकृ॑तस्य॒ पार्ष्णि॑या वा॒ कश॑या [वा॒ कश॑या, वा॒ तु॒तोद॑ ।] 44

वा तु॒तोद॑ । स्रु॒चेव॒ ता ह॒विषो॑ अद्ध्व॒रेषु॒ सर्वा॒ ता ते॒ ब्रह्म॑णा सूदयामि ॥ चतु॑स्त्रिग्ंश-द्वा॒जिनो॑ दे॒वब॑न्धो॒-र्वङ्क्री॒-रश्व॑स्य॒ स्वधि॑ति॒-स्समे॑ति । अच्छि॑द्रा॒ गात्रा॑ व॒युना॑ कृणोत॒ परु॑ष्परुरनु॒घुष्या॒ वि श॑स्त ॥ एक॒स्त्वष्टु॒रश्व॑स्या विश॒स्ता द्वा य॒न्तारा॑ भवत॒स्तथ॒र्तुः । या ते॒ गात्रा॑णामृतु॒था कृ॒णोमि॒ ताता॒ पिण्डा॑ना॒-म्प्र जु॑होम्य॒ग्नौ ॥ मा त्वा॑ तप- [तपत्, प्रि॒य आ॒त्मा-] 45

-त्प्रि॒य आ॒त्मा-ऽपि॒यन्त॒-म्मा स्वधि॑तिस्त॒नुव॒ आ ति॑ष्ठिप-त्ते । मा ते॑ गृ॒द्ध्नु-र॑विश॒स्ता-ऽति॒हाय॑ छि॒द्रा गात्रा᳚ण्य॒सिना॒ मिथू॑ कः ॥ न वा उ॑वे॒तन्म्रि॑यसे॒ न रि॑ष्यसि दे॒वाग्ं इदे॑षि प॒थिभिः॑ सु॒गेभिः॑ । हरी॑ ते॒ युञ्जा॒ पृष॑ती अभूता॒मुपा᳚स्था-द्वा॒जी धु॒रि रास॑भस्य ॥ सु॒गव्य॑-न्नो वा॒जी स्वश्वि॑य-म्पु॒ग्ं॒सः पु॒त्राग्ं उ॒त वि॑श्वा॒पुषग्ं॑ र॒यिम् । अ॒ना॒गा॒स्त्व-न्नो॒ अदि॑तिः कृणोतु क्ष॒त्र-न्नो॒ अश्वो॑ वनताग्ं ह॒विष्मान्॑ ॥ 46 ॥

(घा॒सिं-कश॑या - तप-द्- र॒यिं - नव॑ च ) (अ. 9)

(अश्म॒न् - य इ॒मो - दे॑न - मा॒शुः - प्राचीं᳚ - जी॒मूत॑स्य॒ - यदक्र॑न्दो॒ - मा नो॑ मि॒त्रो - ये वा॒जिनं॒ - नव॑)

(अश्म॑न् - मनो॒युजं॒ - प्राची॒मनु॒ - शर्म॑ यच्छतु॒ - तेषा॑म॒भिगू᳚र्तिः॒ - षट्च॑त्वारिग्ंशत्)

(अश्म॑न्, ह॒विष्मान्॑)

॥ हरिः॑ ओम् ॥

॥ कृष्ण यजुर्वेदीय तैत्तिरीय संहिताया-ञ्चतुर्थ काण्डे षष्ठः प्रश्न-स्समाप्तः ॥

ओ-न्नमः परमात्मने , श्री महागणपतये नमः , श्री गुरुभ्यो नमः , ह॒रिः॒ ॐ